'phags pa sgo mtha' yas pa sgrub pa zhes bya ba'i gzungs
Āryaanantamukhanihāranāmadhāraṇi
Text
ff. 47a–60a · 27 folio sides
- 47a
dza yan+ti/ bi dza yan+ti dza ye bi dza ye/ dzi ti dzI ti/ a ba rA dzA te/ pa ra saMn+ya pra marda rI ye swA hA/ gzhan gyis mi thub pa'i rig pa chen mo rdzogs so// / @rgya gar skad du Ar+ya a nan+ta mu kha ni hA ra nA ma d+hA ra Ni/ bod skad du/ 'phags pa sgo mtha' yas pa sgrub pa zhes bya ba'i gzungs sangs rgyas dang byang chub sems dpa' thams cad la phyag 'tshal lo/ / 'di skad bdag gis thos pa dus gcig na/ bcom ldan 'das yul yangs pa can/ tshal chen po'i khang pa brtsegs pa'i khang bzang na/ dge slong brgyad stong gi dge slong gi dge 'dun chen po dang / byang chub sems dpa' sems dpa' chen po rab tu mang po dang thabs cig tu bzhugs te/ de'i tshe zla ba gsum po 'di dag 'das nas/ de bzhin gshegs pa yongs su mya ngan las bzla'o zhes bcom ldan 'das kyis dran pa dang ldan zhing / mkhyen bzhin du tshe'i 'du byed rnams gtang bar gyur to// de nas bcom ldan 'das kyis/ tshe dang ldan pa mo'u 'gal gyi bu chen po la bka' stsal te/ mo'u 'gal gyi bu chen po khyod song la/ stong gi 'jig rten gyi khams na dge slong ji snyed gnas pa de dag thams cad tshal chen po'i khang pa brtsegs pa'i khang bzangs 'dir sdus shig/ tshe dang ldan pa mo'u 'gal gyi bu chen pos/ bcom ldan 'das de bzhin no zhes gsol te/ bcom ldan 'das kyi ltar mnyan nas/ skad cig de
- 47b
nyid la rang gi rdzu 'phrul gyi stobs kyis ri rab kyi rtse mo la 'dug ste/ stong gi 'jig rten gyi khams skad kyis go bar byas pa/ bde gshegs slob ma sems can gang su dag/ 'jig rten khams 'dir gnas pa kun nyon cig/ deng 'dir ston pa chos kyi char 'bebs kyis// gang dag nyan par 'dod pa 'dir gshegs shig/ de'i tshe tshal chen po'i khang pa brtsegs pa'i khang bzangs su dge slong bzhi khri 'dus par gyur te/ de dag lhags nas bcom ldan 'das mthong ba dang / bcom ldan 'das kyi zhabs la mgo bos phyag 'tshal te/ bcom ldan 'das la lan gsum bskor ba byas nas phyogs gcig tu 'khod do/ / de nas tshe dang ldan pa shA ra dwa ti'i bu/ sangs rgyas kyi mthus skad cig de nyid la 'di snyam du sems te/ bdag gi rdzu 'phrul mngon par 'du bya ba gang mngon par 'du byas pas/ stong gsum gyi stong chen po'i 'jig rten gyi khams na/ nyan thos kyi theg pa can nam/ rang sangs rgyas kyi theg pa can nam/ theg pa chen po'ang rung ste/ dge slong ji snyed gnas pa de dag thams cad tshal chen po'i khang pa brtsegs pa'i khang bzangs su 'du bar 'gyur ba de 'dra ba'i rdzu 'phrul mngon par 'du bya ba mngon par 'du ba gor ma chag snyam so// de nas dang ldan pa shA ri'i bus rdzu 'phrul mngon par 'du bya ba de lta bu mngon par 'du byas te/ rdzu 'phrul mngon par 'du bya ba de mngon par 'dus byas pas/ stong gsum gyi stong chen po'i 'jig rten
- 48a
gyi khams na nyan thos kyi theg pa can nam/ rang sangs rgyas kyi theg pa can nam/ theg pa chen po can yang rung ste/ dge slong ji snyed gnas pa de dag thams cad tshal chen po'i khang pa brtsegs pa'i khang bzangs su 'dus par gyur te/ de dag lhags nas bcom ldan 'das mthong ba dang / bcom ldan 'das kyi zhabs la mgo bos phyag 'tshal te bcom ldan 'das la lan gsum bskor ba byas nas phyogs gcig tu 'khod do/ / de nas bcom ldan 'das kyis skad cig de nyid la/ byang chub sems dpa' sems dpa' chen po rnams la bka' stsal pa/ 'di lta ste/ byang chub sems dpa' sems dpa' chen po mthong ba don yod ces bya ba dang / 'jam dpal gzhon nur gyur pa dang / byang chub sems dpa' sems dpa' chen po ngan song thams cad spong ba dang / byang chub sems dpa' sems dpa' chen po mya ngan thams cad kyi mun pa nges par 'joms pa dang / byang chub sems dpa' sems dpa' chen po sgrib pa thams cad rnam par sel ba dang / byang chub sems dpa' sems dpa' chen po dra can gyi 'od dang / byang chub sems dpa' sems dpa' chen po yul thams cad kyi mun pa nges par 'joms pa'i blo gros dang / byang chub sems dpa' sems dpa' chen po spyan ras gzigs dbang phyug dang / byang chub sems dpa' sems dpa' chen po mthu chen tho ba dang / byang chub
- 48b
sems dpa' sems dpa' chen po yid yongs su mi skyo ba dang / byang chub sems dpa' sems dpa' chen po spos kyi glang po che dang / byang chub sems dpa' sems dpa' chen po dpa' bo dang / byang chub sems dpa' sems dpa' chen po nam mkha' mdzod dang / byang chub sems dpa' sems dpa' chen po 'od dpag med dang / byang chub sems dpa' sems dpa' chen po zla 'od dang / byang chub sems dpa' sems dpa' chen po ye shes tog dang / byang chub sems dpa' sems dpa' chen po bzang skyong dang / byang chub sems dpa' sems dpa' chen po blo gros rgya mtsho dang / byang chub sems dpa' sems dpa' chen po blo gros mi zad pa dang / byang chub sems dpa' sems dpa' po rdo rje snying po dang / byang chub sems dpa' sems dpa' chen po nam mkha'i snying po dang / byang chub sems dpa' sems dpa' chen po kun tu bzang po dang / byang chub sems dpa' sems dpa' chen po lag na rdo rje dang / byang chub sems dpa' sems dpa' chen po spobs pa brtsegs pa dang / byang chub sems dpa' sems dpa' chen po byams pa la bka' stsal pa/ rigs kyi bu dag khyed deng la/ phyogs bcu thams cad kyi sangs rgyas kyi zhing gang+gA'i klung gi bye ma snyed dab na/ byang chub sems dpa' srid pa tha ma pa dang / skye ba gcig gis thogs pa dang / phyir mi ldog pa 'am/ mi skye ba'i chos la bzod pa thob pa 'am/ dad pas
- 49a
mos pa ji snyed gnas pa de dag thams cad tshal chen po'i khang pa brtsegs pa'i khang bzangs 'dir sdus shig/ de nas byang chub sems dpa' sems dpa' chen po de dag gis bcom ldan 'das kyis ltar mnyan te/ bcom ldan 'das legs so legs so zhes gsol nas/ skad cig de nyid la ltas de lta bu byas te/ ltas de byas pas tshal chen po'i khang pa brtsegs pa'i khang bzangs su byang chub sems dpa' srid pa tha ma pa bye ba khrag khrig brgya stong brjod du med pa'i brjod du med pa bye ba khrag khrig 'bum dag lpags par gyur to/ / byang chub sems dpa' ste ba gcig gis thogs pa bye ba khrag khrig 'bum phrag brgya stong phrag dgu bcu dang / byang chub sems dpa' phyir mi ldog pa bye ba khrag khrig 'bum phrag brgyad cu dang / byang chub sems dpa' sems dpa' chen po mi skye ba'i chos la bzod pa thob pa bye ba khrag khrig 'bum phrag brgya stong phrag sum cu dang / byang chub sems dpa' sems dpa' chen po dang pas mos pa bye ba khrag khrig 'bum phrag brgya stong phrag brgyad lhags par gyur to/ / de dag thams cad lhags te bcom ldan 'das mthong nas/ bcom ldan 'das kyi zhabs la mgo bos phyag 'tshal te/ bcom ldan 'das la lan gsum bskor ba byas nas phyogs gcig tu 'khong ngo // de nas tshe dang ldan pa shA ri'i bus byang chub sems dpa' 'dus pa chen po de mthong
- 49b
nas/ skad cig de nyid la 'di snyam du sems te/ zhus pa lung bstan pa ji lta bus/ byang chub sems dpa' sems dpa' chen po 'di dag gis som ni thams cad spong bar 'gyur ba dang / sgrib pa med pa'i ye shes dang spob pa myur du thob par 'gyur ba dang / sangs rgyas kyi zhing gang+gA'i klung gi bye ma snyed kyi de bzhin gshegs pa dgra bcom pa yang dag par rdzogs pa'i sangs rgyas thams cad la chos bstan pa thos par 'gyur ba dang / thos nas kyang 'dzin par 'gyur zhing / bla na med pa yang dag par rdzogs pa'i byang chub mngon par rdzogs par sangs rgyas kyi bar du brjed par mi 'gyur ba dang / byang chub sems dpa' sems dpa' chen po rnams kyis spyod pa yongs su dag pa gang yin pa bzhi po de dag rjes su thob par 'gyur ba ste/ bzhi gang zhe na/ 'di lta ste/ sems can yongs su dag pa dang / chos yongs su dag pa dang / smon lam yongs su dag pa dang / sangs rgyas kyi zhing yongs su dag pa ste/ de dag rjes su thob par 'gyur ba dang / gya nom pa yid du 'ong bar byed pa'i chos bzhi rje su 'thob par 'gyur te/ bzhi gang zhe na/ 'di lta ste/ lus yid du 'ong ba dang / ngag yid du 'ong ba dang sems yid du 'ong ba dang / skye ba yid du 'ong ba rjes su 'thob par 'gyur ba dang / gzungs kyi sgor 'jug pa bzhi 'thob par 'gyur ste/ bzhi gang zhe na/ 'di lta ste/ sgo mi bzang pas bskabs
- 50a
pa'i gzungs kyi sbyor 'jug pa dang / sems can rnams kyi dbang po la mkhas pa'i gzungs kyi sgor 'jug pa dang / las dang rnam par smin pa la mkhas pa 'dus ma byas kyi gzungs kyi sgor 'jug pa dang / chos zab mo la bzod pa'i gzungs kyi sgor 'jug pa rjes su thob par 'gyur de lta bu zhu ba/ de bzhin gshegs pa dgra bcom pa yang dag par rdzogs pa'i sangs rgyas la bdag gis zhu gor ma chag snyam mo/ / de nas tshe dang ldan pa shA ra dwa ti'i bus zhu ba ji skad smos pa/ ji ltar bzung ba/ ji ltar yid la byas pa/ ji ltar kun chub par byas pa de dag/ sangs rgyas bcom ldan 'das la rgya cher gsol to/ / 'di skad ces kyang gsol te/ bcom ldan 'das zhu ba ji skad smos pa/ ji ltar bzung ba/ ji ltar yid la bgyis pa/ ji ltar kun chub par bgyis 'di dag gis/ byang chub sems dpa' sems dpa' chen po 'di dag gi spyod pa ji ltar yongs su dag par 'gyur ba de ltar/ bcom ldan 'das kyis bshad du gsol/ de skad ces gsol pa dang / bcom ldan 'das kyis/ tshe dang ldan pa shA ri'i bu la 'di skad ces bka' stsal to// shA rI'i bu legs so legs so// shA ri'i bu khyod de bzhin gshegs pa la don 'di zhu bar sems pa khyod yang legs so/ / shA ri'i bu de'i phyir khyod legs par rab tu nyon la yid la zung zhig dang ngas khyod la bshad do// tshe dang ldan pa shA ra dwa ti'i bus/
- 50b
bcom ldan 'das de ltar 'tshal lo// de bzhin no zhes gsol te/ bcom ldan 'das kyi ltar mnyan pa dang / bcom ldan 'das kyis de la 'di skad ces bka' stsal to// shA ri'i bu 'di la byang chub sems dpa' sems dpa' chen po gang chos thams cad khas mi len cing 'dzin par mi byed pa des/ gzungs kyi gsang sngags kyi tshig 'di dag gzung bar bya'o// / tad+ya thA/ oM a Ne ma Ne/ a khe ma khe mu khe/ sa man+ta mu khe/ dz+yo ti sau me sa twe sa t+yA rA me/ sau ti yuk+ti/ ni ruk+ti/ ni ruk+ti pra b+he/ hi li hi li kalpi/ kalpa si sA re/ swa ra wa ti/ hi le hi le hi li/ hi le hi le hi le/ hi le hi le/ hi li le/ ma hA hi li l-i/ ti le tur+N+Na/ tsaN+De/ tsa wa naM/ tsa rA tsa ra Ne/ a tsa le ma tsa le/ a nan+te/ a nan+ta ga te/ a nan+ta mu khe/ a ra Ne/ nirma Ne/ nirba pa Ne/ nirbar+t+ta ne/ ni d+hAn+te/ d+har+m+ma d+hA ne/ ni hA re/ ni hA re/ bi ma la/ bi sho d+ha ne/ shI li bi sho d+ha ne pra kr-i ti/ dI ba ne/ b+ha wa/ ni b+ha ba/ bi b+ha wa ne/ a sang+ge/ a sang+ga/ bits+tsha re/ da me/ sha me/ bi ma laM/ bi ma la prA b+he/ si mA kaR+Sha Ni/ d+hi re/ d+hi d+hi re/ ma hA d+hi d+hi raM/ ya shro ya sho wa ti/ tsa le/ a tsa le/ ma tsa le/ sa ma tsa le/ dr-i n+ye dr-iD+h+we san+d+hi su s+thA wa ra/ a sang+ga/ a sang+ga bi hA re/ a sang+ga ni hA re/ ni hA re bi ma le/ ni ha ra sho d+ha ne/ dr-i d+ha so me/ sI re s+thA ma/ s+thA ma wa ti/ ma hA pra b+he/ sa man+ta pra b+he/ bi pu la pra b+he/ bi pu laM rasmai sam+b+ha wa
- 51a
mu khe/ sarba tA nu ga te/ a nats+tshe d+ye/ a nats+tshe d+ye pra ti b+hU ne/ d+hu ra Ni d+hA ra ne/ d+harma ni d+hA ne/ d+harma ni d+hA na go tre/ sa man+ta b+ha dre/ sarba ta thA ga ta hr-i ra ya/ a d+hiSh+ThA na a d+hiSh+NI swAhA/ shA ri'i bu byang chub sems dpa' sems dpa' chen po gzungs 'di dag 'dzin pa ni 'dus byas dang 'dus ma byis kyi chos rnams la rlom sems su mi byed/ dmigs par mi byed slong par mi byed/ btang snyoms su mi byed/ 'dzin par mi byed/ rtsom par mi byed/ de dag thob par bya ba dang / spang bar bya ba dang / bsgom par bya ba dang / rnam par 'phel bar bya/ ba'i phyir mi byed/ rnam par mi byed/ mngon par mi byed/ mtshungs par ldan pa'i chos rnams kyang mi mthong / ldan pa ma yin pa rnams kyang mi mthong / chos rnams kyi skye ba'ang mi mthong / 'gog pa'ang mi mthong / 'das pa'i chos rnams kyang mi mthob ma 'ongs pa'i chos rnams kyang mi mthong / nga ltar byung ba'i chos rnams kyang mi mthong chos rnams kyi 'phel ba dang 'grib pa'ang mi mthong / chos gang yang sogs par yang mi byed/ 'grib par yang mi byed/ rnam par rig par yang mi byed par sangs rgyas rjes su dran pa 'ba' zhig sgom ste/ de sgom pa na gzugs su ma yin/ gzugs med par ma yin/ mtshan du ma yin/ mtshan med par ma yin/ dpe byar bzang por ma yin/ dpe byad bzang po med
- 51b
par ma yin/ rnam par shes par ma yin/ rnam par shes pa med par ma yin/ nyon mongs par ma yin/ nyon mongs pa med par ma yin/ tshul khrims su ma yin/ tshul khrims med par ma yin/ ting nge 'dzin du ma yin/ ting nge 'dzin med par ma yin/ shes rab tu ma yin/ shes rab med par ma yin/ rnam par grol bar ma yin/ rnam par grol ba med par ma yin/ rnam par grol ba'i ye shes mthong bar ma yin/ rnam par grol ba'i ye shes mthong ba med par ma yin/ skye bar ma yin/ skye ba med par ma yin/ rigs su ma yin/ rigs med par ma yin/ rus su ma yin/ rus med par ma yin/ 'khor du ma yin/ 'khor med par ma yin/ gnas par ma yin/ gnas med par ma yin/ thob par ma yin/ thob pa med par ma yin/ mngon par rtogs par ma yin/ mngon par rtogs pa med par ma yin/ nyon mongs pa zad par ma yin/ nyon mongs pa ma zad par ma yin/ phung po dang / khams dang / skye mched du ma yin/ phung po dang / khams dang / skye mched med par ma yin/ shes par ma yin/ shes pa med par ma yin/ chos ston par ma yin/ chos mi ston par ma yin/ bdag rnam par dag par bya ba ma yin/ gzhan rnam par dag par bya ba ma yin/ sems can rnam par dag par bya ba ma yin/ sems can med par rnam par dag par bya ba ma yin/ bdag gi don du
- 52a
ma yin/ gzhan gyi don du ma yin/ chos su ma yin/ 'dul bar ma yin/ lus rnam par dag par ma yin/ ngag rnam par dag par ma yin/ yid rnam par dag par ma yin/ spyod pa rnam par dag par ma yin/ sngon gyi mtha'i spyod pa rnam par dag par ma yin/ phyi ma'i mtha'i spyod pa rnam par dag par ma yin/ da ltar byung ba'i spyod pa rnam par dag par ma yin/ bdag gi rnam par ma yin/ gzhan gyi rnam par ma yin pa 'di ni/ shA ri'i bu byang chub sems dpa' sems dpa' chen po'i chos thams cad mi 'dzin pa la 'jug pa zhes bya ba'i sangs rgyas rjes su dran pa zhes bya'o/ / don dam pa bsgrub pas chos thams cad yang dag par 'du ba la mi 'jigs pa thob par byed pa zhes bya ba'i gzungs so// gcig tu nges pa thob pas bsam pa thams cad yongs su rdzogs par byed pa zhes bya ba'i ting nge 'dzin to/ / dge ba'i rtsa ba thams cad gzhan la rag ma las pa'i ye shes sgrub pas chos kyi gter mtshan dang dpe byang bzang po'i rigs zil gyis mi non pa zhes bya ba'i gzungs so/ / dam pa yongs su 'chol ba la mkhas pas bdud kyi las thams cad las yang dag par 'da' ba zhes bya ba'i gzungs so// shA ri'i bu byang chub sems dpa' gang dag no mtha' yas pas sgrub pa'i gzungs 'di'i don thob pa de dag ni phyir mi ldog cing / myur du bla na med pa yang dag par rdzogs pa'i byang chub mngon par
- 52b
rdzogs par 'tshang rgya bar 'gyur ro/ / de ci'i phyir zhe na/ shA ri'i bu 'dir sangs rgyas thams cad kyi chos dang yon tan thams cad kyi gter nges pa'i phyir ro// dmigs pa med pa'i spyod pa dang ldan pa'i gzungs 'di nyid las/ byang chub sems dpa'i spyod pa thams cad kyi bye brag mchog yin pa'i phyir ro// rab tu dbye bar 'gyur ba'i phyir ro// de nas bcom ldan 'das kyis de'i tshe tshigs su bcad pa 'di dag bka' stsal to// chos rnams stong par ngogs med cing // byang chub ched du spros mi byed// chos rnams 'khrugs par mi byed na/ / de phyir gzungs ni thob par 'gyur// mdo sde 'di ni mnyan par bya// 'di la gzungs 'di zad pa med// ye shes sbyor 'di 'di la ste// des na byangs thob par 'gyur/ / byang chub sems dpa' 'jigs med pa// gzungs 'di rab tu bzung byas na// phyog bcu dag gi sangs rgyas kyi// chos bstan pa ni thos par 'gyur// don dang tshig 'brus bskyed kun gyi// mchog gi chos ni rnam par shes// nyi ma'i 'od zer ji snyed pa// de snyed tshig rnams shes par 'gyur// gang dag chos kyi mchog 'gyur ba/ rlabs chen gzungs kyi sgo rnams te// gang zhig mdo sde 'dzin de la// thams cad rtag tu mngon du 'gyur// gal te sems can thams cad kyis// de la bskal par ngogs dris te/
- 53a
the tshom thams cad chad gyur kyang // de yi ye shes mi zad do// mdo sde 'di la su dga' ba// de ni chos kyi rgyal po'i sras// byang chub mchog la nye ba ste// yid brtan gyur dang chos 'dzin pa'o// gzungs 'di 'dzin par su byed pa// de la sems can thams cad dga'// sangs rgyas rnams kyang de la dgyes// grags pa 'jig rten 'byung bar 'gyur/ / su zhig mdo sde 'di 'dzin pa// de ni 'chi ba'i dus byed tshe// sangs rgyas bye ba brgyad cu mthong // lag pa de la nye bar 'jog/ gzungs 'di 'dzin par byed pa ni// bskal pa bye ba stong rnams su/ / sngon chad sdig pa gang byas pa// zla ba gcig gis byang bar 'gyur// byang chub sems dpa'i bsod nams gang // bskal pa bye bar sgrub pa kun// gzungs 'di 'dzin par byed pa yis/ / zla ba gcig gis zil gnon 'gyur// khams gsum sems can ji snyed pa// gal te thams cad bdud gyur kyang // mdo sde 'di ni gang 'dzin pa// de la bar chad byed mi nus/ / byang chub 'tshang rgya bar du de// dran dang blo gros rtogs ldan 'gyur// gzungs kyi dam pa gang yin pa// de yi lce yi rtse mor gnas// ji ltar mdo sde bstan 'di la// gzungs ni so sor nges pa bzhin// 'di las thams cad mkhyen pa stan// 'di las byang chub thob par 'gyur// gzungs 'di bshad ma thag tu yang // mar me zhes bya nga lung bstan//
- 53b
skad cig de la sangs rgyas ni// gang+gA'i klung gi snyed mthong // gang zhig sangs rgyas thams cad kyis/ bstan pa 'dir ni rtogs 'dod cing // mdo sde 'di la bstan pa des// thams cad myur du thob par 'gyur// sangs rgyas zhing ni rnam dag dang // nyan thos phun sum tshogs pa dang // 'od dang mtshan kyang rnam dag pa// mdo sde 'dis ni byed par 'gyur// de bas bag ni yod gyur la/ / zhag bdun bar du 'di sems pa// sangs rgyas bye ba brgyad cu yis// de yi 'og tu gzungs sbyin 'gyur// bsam bya sems par mi bsam ste/ bsam bya min pa'ang mi bsam mo// soms shig 'gal bar ma sems shig/ de yi 'og tu gzungs thob 'gyur// dper na rgya mtshor phyin pa'i mi// nor la som nyi med pa ltar// de bzhin gzungs 'di thob gyur nas// bde ba la yang som nyi med// 'di las rdzogs pa'i byang chub nye// de bas 'di la sbyor bar gyis// zhi ba'i gnas ni thob gyur nas// rdzogs pa'i byang chub thob par 'gyur/ / de nas bcom ldan 'das kyis yang / tshe dang ldan pa shA ri'i bu la bka' stsal pa/ shA ri'i bu byang chub sems dpa' sems dpa' chen po chos bzhi dang ldan na gzungs 'di thob par 'gyur ro/ / bzhi gang zhe na/ 'di lta ste/ 'dod pa rnams la lhag par chags pa med pa yin/ sems can thams cad la phrag dog med pa yin/ bdog
- 54a
pa thams cad yongs su gtong zhing 'gyod pa med par sbyin pa'i tshul can yin/ nyin mtshan du 'dod cing chos kyi kun dga' la dga' ba yin te/ nyin mtshan du chos la dga' zhing chos 'dod pa yin te/ / shA ri'i bu byang chub sems dpa' sems dpa' chen po chos bzhi po de dag dang ldan na gzungs 'di 'thob par 'gyur ro// de nas bcom ldan 'das kyis tshigs su bcad pa 'di dag bka' stsal to/ / ngan cing bdud kyi spyod yul ba// 'dod pa dri nga spang bar byos// de dag sems can dmyal ba'i rkyen// ngan song rnams kyi rgyu yang yin/ / shes kyi khe dang rnyed dang grags pa'i phyir// pha rol dag la phrag dog mi bya ste// dga' ba'i mig gis seMn can bltas byas na// mthu che ba dang gzugs kyang mdzes par 'gyur/ / sems can gang dag kha cig rtsod 'gyur ba// de yi gzhi rtsa yongs su 'dzin pa ste// de ltas gang la sreg par 'gyur ba spongs// sred pa spang ba byas na gzungs su 'gyur// gal te byang chub 'dod na gzhan ma sems// nyin dang mtshan du chos ni btsal bar byos// chos tshig 'di 'dra 'di dag sten byed na// de la gzungs ni mngon du 'gyur bar 'ong // shA ri'i bu/ gzhan yang byang chub sems dpa' sems dpa' chen po chos bzhi dang ldan na gzungs 'di thob par 'gyur ro// bzhi gang zhe na/ 'di lta ste/ dgon pa dang dben pa la gnas pa dang / chos
- 54b
zab mo la bzod pa'i stobs bskyed pa nyid dang / rnyed pa dang / bkur sti dang / tshigs su bcad pa la lhag par chags pa med pa dang / sdig pa'i dngos po thams cad la mi lta zhing tha na lus dang srog kyang yongs su gtong ba ste/ shA ri'i bu byang chub sems dpa' sems dpa' chen po chos bzhi po de dag dang ldan na gzungs 'di thob par 'gyur ro// de nas bcom ldan 'das kyis de'i tshe tshigs su bcad pa 'di dag bka' stsal to/ / rgyal bas bsngags pa'i dgon par gnas par gyis// de la gnas pas gzhan la brnyas mi bya// zab mo'i bzod la 'dun pa bskyed nas su/ / bag yong mgo la 'bar bzhin gnas par gyis// de ltar tshul 'chos byed kyi gzhir gyur pa'i// shes khe rnyed pa rnams la gnas ma byed// bya dang 'dra bar ngan ngon dag gis cho ga byas te/ / mir gyur pa yi 'bras bu yod par byos// kye ma sangs rgyas bstan pa legs par rnyed// sdug bsngal mang po'i rtsa ba khyim yang spongs// lus dang ngag dang yid kyang yongs dag pas/ / sangs rgyas dang ni chos la gus par gyis// rnyed 'dod dran pa ma yin shes rab min// dang ngang tshul khrims ma yin chos sems min// de ni byang chub ring ste gnams bzhin/ / de ltas rnyed pa yongs su spang bar bya// shA ri'i bu gzhan yang byang chub sems dpa' sems dpa' chos bzhi dang ldan na gzungs 'di thob par 'gyur ro//
- 55a
bzhi gang zhe na/ 'di lta ste/ yi ge 'bru brgyad kyi don khong du chud par bya'o// brgyang po de dag gang zhe na/ 'di lta ste/ pa zhes bya ba don dam pa chos thams cad la bdag med pa la 'jug pa khong du chud pa dang / la zhes bya ba mtshan dang dpe byang bzang po dang / mtshan dang dpe byad bzang po med par de bzhin gshegs pa'i chos kyi sku la 'jug pa khong du chud pa dang / ba zhes bya ba byis pa'i chos rnams dang mkhas pa'i chos rnams ji lta ba bzhin du gnyis su med pa la 'jug pa khong du chud pa dang / dza zhes bya ba skye ba dang / rga ba dang / 'chi ba dang / skye ba dang / rga ba dang / 'chi ba med pa'i 'gro ba mi skye mi 'gag pa la 'jug pa khong du chud pa dang / ka zhes bya ba las dang rnam par smin pa dang / las dang rnam par smin pa med pa la 'jug pa khong du chud pa dang / d+ha zhes bya ba gzungs kyi chos kyi rnam grangs kyi stong pa nyid dang / mtshan ma med pa dang / smon pa med pa dang / chos kyi dbyings la 'jug pa khong du chud pa dang / sha zhes bya ba ni gnas dang / lhag mthong dang / lhag mthong med par chos thams cad kyi de bzhin nyid khong du chud pa dang / k+Sha zhes bya ba chos thams cad skad cig pa ste gzod ma nas zhi ba'i phyir zad pa med pa dang / 'jig pa med pa dang / rgyu med pa dang / chos thams cad mya ngan las 'das par 'jug par khong du chud ba ste/ de ltar yi ge 'bru brgyad po de dag
- 55b
gi don khong du chud par rtogs par bya ba 'di ni don khong du chud pa dang po'o/ / gzungs kyi chos kyi rnam grangs 'di legs par bris te gzung bar bya ba 'di ni don khong du chud pa gnyis pa'o// zla ba phyed phyed cing gzungs kyi chos kyi rnam grangs 'di rtag tu klog pa dang / rjes su dran par bya ba'i phyir brtson par bya ba 'di ni don khong du chud pa gsum pa'o// gzungs kyi chos kyi rnam grangs 'di la mchod pa mngon par brtson pa'i byang chub sems dpa' sems dpa' chen pos sems can thams cad yang dag par dga' bar bya ba dang / yang dag par 'dzin du gzhug pa dang yang dag par gzengs ba stod pa la gzung ba'i phyir brtson par bya ba 'di ni don khong du chud pa bzhi pa ste/ shA ri'i bu byang chub sems dpa' sems dpa' chen po chos bzhi po de dag dang ldan na gzungs 'di thob par 'gyur ro/ / de nas bcom ldan 'das kyis de'i tshe tshigs su bcad pa 'di dag bka' stsal to// yi ge 'bru brgyad 'di dag bsam par bya// mdo sde 'di ni bris nas bcang bar bya/ / zla ba phyed cing rtag tu bklag par bya// sems can rnams kyang 'di 'dzin gzhug par bya// shes rab rgya chen byang chub nye ba ste// shes rab rgya yang che ba ste/ / phyogs bcu rnam na sangs rgyas gang su dag/ bzhugs pa thams cad des ni mdun du mthong // de phyir 'dun pa bskyed de 'ji la bslab// shA ri'i bu
- 56a
bzhi po 'di dag ni gzungs 'di la mngon par brtson pa'i byang chub sems dpa' sems dpa' chen po'i phan yon yin te/ bzhi gang zhe na/ 'di lta ste/ phyogs bcu'i sangs rgyas bcom ldan 'das thams cad de la dgongs pa dang / de la bdud kyi las mi 'byung ba dang / de'i las kyi sgrib pa myur du 'byung ba dang / spobs pa rgyun mi 'chad pa myur du 'thob pa ste/ / shA ri'i bu bzhi po de dag ni gzungs 'di la mngon par brtson pa'i byang chub sems dpa' sems dpa' chen po'i phan yon yin no// de nas bcom ldan 'das kyis de'i tshe tshigs su bcad pa 'di dag bka' stsal to/ / sangs rgyas kun gyis de ni yid la mdzad// de la bdud kyis glags ni rnyed mi 'gyur// de yi las kyi sgrib pa myur du 'byung / / spobs pa mtha' yas rnams kyang thob par 'gyur// shA ri'i bu sngon byung ba 'das pa'i dus na/ bskal pa grangs med pa'i yang ches grangs med pa yongs pa rgya cher gyur pa/ tshad dpag tu med pa de'i tshe de'i dus na/ de bzhin gshegs pa dgra bcom pa yang dag par rdzogs pa'i sangs rgyas rin chen dpal gyi gzi brjid rgyal po lta bu zhes bya ba rig pa dang zhabs su ldan pa/ bde bar gshegs pa/ 'jig rten mkhyen pa/ skyes bu 'dul ba'i kha lo sgyur ba/ bla na med pa/ lha dang mi rnams kyi ston pa sangs
- 56b
bcom ldan 'das 'jig rten du byung ste/ shA ri'i bu bcom ldan 'das de bzhin gshegs pa dgra bcom pa yang dag par rdzogs pa'i sangs rgyas rin chen dpal gyi gzi brji nga rgyal po lta bu de yongs su mya ngan las 'das pa'i dus kyi tshe/ 'khor los sgyur ba'i rgyal po snang ba 'dzin ces bya ba/ mi'i dbang po rin po che sna bdun dang ldan pa zhig byung ngo // de'i bu yon tan rin po che bsam gyis mi khyab pa'i dpal zhes bya ba zhig yod de/ de skyes nas lo bcu drag lon pa dang / des sgo mtha' yas pa sgrub pa'i gzungs kyi chos kyi rnam grangs 'di/ bcom ldan 'das de bzhin gshegs pa dgra bcom pa yang dag par rdzogs pa'i sangs rgyas rin chen dpal gyi gzi brjid rgyal po lta bu de las thos te/ des gzungs 'di thos ma thag tu thob par bya ba'i phyir brtson par gyur to/ / de lo bdun khrir rmugs pa dang gnyid kyis ma brten to// non par ma gyur to// de lan 'ga' yang rgyal srid la dga' ba 'am/ nor la dga' ba'am// bdag la dga' bar ma gyur to/ / de lo bdun khrir lan 'ga' yang sa la glos ma phab ste/ gcig tu nges par nang du yang dag 'jog la gnas so// sangs rgyas bye ba phrag dgu las chos bstan pa thos te/ thos nas kyang nyams su blangs so// thams cad bzung ngo // gzungs nyams su blangs nas kyang bcom ldan 'das de bzhin gshegs pa dgra bcom pa yang dag par rdzogs pa'i sangs rgyas rin chen
- 57a
dpal gyi gzi brjid rgyal po lta bu de nyid la rab tu byung ngo / / de rab tu byung nas lo dgu khri 'das pa dang / des sgo mtha' yas bsgyung pa'i gzungs 'di bsgrubs te/ bsgrungs nas kyang sems can rnams la rgya cher yang dag par bshad do/ / des tshe ga cig pu de nyid la sems can bye ba khrag khrig brgya stong phrag brgyad cu bla na med pa yang dag par rdzogs pa'i byang chub yang dag par 'dzin tu btsud cing / phyir mi ldog pa'i sa la bkod par gyur to// shA ri'i bu 'khor de na tshong dpon gyi bu zla ba'i tog ces bya ba zhig yod de/ nges sgro mtha' yas pa sgrub pa'i gzungs kyi chos kyi rnam grangs 'di chos smra ba'i dge slong de las thos so/ / thos nas kyang rjes su yi rang bar gyur te/ de rjes su yi rang ba'i mod las skyes pa'i dge ba'i rtsa ba des sangs rgyas bye ba phrag dgu bcu las chos bstan pa thos so/ / thos nas kyang nyams su blangs so// thams cad bzung ngo // thams cad du'ang gzungs thob pa thams cad kyi mchog dang / tshig btsun pa dang / gzungs su bzung ba'i tshig dang ldan pa rnams kyi mchog dang / byang chub sems dpa' sems dpa' chen po spobs pa rgyun mi chod pa rnams kyi mchog tu gyur to// nges bskal pa gsum du de bzhin gshegs pa dgra bcom pa yang dag par rdzogs pa'i sangs rgyas de dag mnyes par byas so// mnyes par byas nas bskal pa gsum 'das mas
- 57b
blan med pa yang dag par rdzogs pa'i byang chub tu badzin par rdzogs par sangs rgyas so/ / shAdri'i bun rna ma de'i dris mong dpon kyi d+ha rdza ngas ga rgyas bya bar gyur pa ldanan nis yin nam yid gnyis sam ra gyu / shA'i bu byung kyis de sa mil // @raro/ bcom ldan 'das ba ma shegs pa pa yang dag par rdzogs pa'i sangs rgyas mar me mdzad de'i tshe de'i dus na tshong dpon gyi bu zla ba'i tog ces bya bar gyur to/ / shA ri'i bu de'i tshe de'i dus na yon tan rin po che bsam gyis mi khyab pa'i dpal zhes bya ba chos smra bar gyur pa de gzhan zhig yin pa snyam du khyod som nyi dang / yid gnyis sam/ the tsom za bar gyur na/ shA ri'i bu khyod kyis de ltar mi blta'o// de ci'i phyir zhe na/ bcom ldan 'das de bzhin gshegs pa dgra bcom pa yang dag par rdzogs pa'i sangs rgyas tshe dpag med de de'i tshe de'i dus na dge slong chos smra ba yon tan rin po che bsam gyis mi khyab pa'i dpal zhes bya bar gyur to/ / shA bung dang bskal pa bzang po'i byang chub sems dpa' sems dpa' chen po rnams kyis kyang de'i tshe gzungs kyi chos kyi rnam grangs 'di thos so/ / thos nas kyang rjes su yi rang ba'i mo las skyes pa'i dge ba'i rtsa ba des/ ngas bskal pa bye ba 'bum phrag bzhi khrir 'khor ba phyir bsnyil to// sangs rgyas bye ba phrag dgu bcu rtsa dgu las chos bstan pa'ang thos te/ thams cad du'ang
- 58a
gzungs thob pa rnams kyi mchog dang / tshig btsun pa bzung ba'i tshig dang ldan pa rnams kyi mchog dang / byang chub sems dpa' sems dpa' chen po spobs pa rgyun mi gcod pa rnams kyi mchog tu gyur to/ / shA ri'i bu de lta bas na byang chub sems dpa' sems dpa' chen po myur du bla na med pa yang dag par rdzogs pa'i byang chub mngon par rdzogs par 'chang rgya bar 'dod pas/ tha na gzungs kyi chos kyi rnam grangs 'di la rjes su yi ring bar yang brtson par bya'o// de ci'i phyir zhe na/ de nyid byang chub sems dpa' sems dpa' chen po de'i bla na med pa yang dag par rdzogs pa'i byang chub kyi ched du phyir mi ldog pa'i sa dang / chos smra ba rnams mgu bar byed pa'i rgyur 'gyur na/ gang yi ger 'dri ba dang / lung 'bog pa dang / 'dzin pa dang / klog pa dang / kun chub par byed pa dang / tshul bzhin du yid la byed pa dang / gzhan dag la rgya cher yang dag par ston pa lta ci smos te/ bsod nams kyi phung po de'i tshad ni de bzhin gshegs pa ma gtogs par/ sems can thams cad kyis kyang shes pa 'am bsam par mi nus so// de nas bcom ldan 'das kyis de'i tshe tshigs su bcad pa 'di dag bka' stsal to/ / mdo sde thos nas rjes su yi rang dang // yi ger bris dang bzung dang bklags pa yis// bsod nams chu bo ji tsam bskyed pa ni// sems
- 58b
mthun gyis shes par yongs minas/ / des ni ma bas kun tu rgyal ba rjong // de dgal yang dang ba bsamasas rnyed// mang snga rnamam mams ma shes par 'gyur// ngan nga byang chub mchog 'tshang rgya/ / bla med byang chub ma reg bar du yang // de ni ting nge 'dzin dang mngon shes dang // gzungs rnams dang ni gzugs dang longs spyod dang // sangs rgyas mtho las nyams par yongs mi 'gyur/ / rjes su dran pas sngon gyi cha rabs na// tshong dpon bus ni gzungs 'di thos gyur nas// sangs rgyas gang+gA'i byi snyed mthong gyur te// des ni 'dor bzhin byang chub rnam sangs rgyas/ / mar me mdzad pa de tshe tshong dpon du// sngon gyi tshe rabs 'od zer mtha' yas gyur// de tshe chos smra sangs rgyas tshe dpag med// nga ni bskal pa bzang dang bcas yi rang / / byang chub myur du reg par su 'dod dang // bdud rnams myur du gzhom par su 'dod dang // bsod nams brgya yi mtshan bzang su 'dod pa// 'di la brtson na rnyed par dka' mi 'gyur/ / gang+gA'i klung gi bye snyed 'jig rten khams// gang gis rin chen bkang ste sbyin byin yang // bris dang bzung ba'i bsod nams gang yin pa// de la sbyin pas dper yang mi 'gyur ro/ / de ltas thos nas rtse gcig bag yod par// byang chub sems dpa' mkhas pas 'di bzung ngam// gzungs 'di bris shing sems pa de dag ni// byang chub
- 59a
rnyed pa dka' ba med par bshad/ / de nas bcom ldan 'das kyis tshe dang ldan pa shA ri'i bu la bka' stsal pa/ shA ri'i bu sgo mtha' yas pa sgrub pa'i gzungs 'di la mngon par brtson pa'i byang chub sems dpa' sems dpa' chen po'i lus la/ gangs la gnas pa'i gnod sbyin brgyad gzi byin mdangs 'jug cing nyin mtshan du srung ba dang skyob pa dang sbeng bar byed do/ / brgyad gang zhe na/ 'di lta ste/ gnod sbyin dpa' bo zhes bya ba dang / brtan po dang / bdag po dang / sred med kyi bu'i stobs dang / spyod pa'i blo gros dang thub ka dang / 'jigs su rung ba dang / gnod sbyin lag bzang zhes bya ba ste/ gnod sbyin brgyad po de dag 'ong bar bya ba'i phyir shin tu khrus bya ba dang / gos shin tu gtsang ma bgo ba dang 'chag sar 'gro ba dang / sems can thams cad la ni 'gras pa med pa'i sems su bya/ gzungs kyi chos kyi rnam grangs 'di'ang yid la bya ste/ de ltar byas na de la gnod sbyin brgyang po de dag myur du bzhin ston par 'gyur ro/ / byang chub sems dpa' sems dpa' chen po 'dod pa na spyod pa'i lha rnams kyi nang du skyes pa brgyad po 'di dag kyang de la sems par 'gyur te/ brgyad gang zhe na/ 'di lta ste/ byang chub sems dpa' sems dpa' chen po rnam par snang byed ces bya ba dang / sdang byed dang shes rab 'ong dang / nyi ma'i 'od dang / yang dag par skul byed dang bsam pa
- 59b
thams cad yongs su rdzogs byed dang / skar ma'i rgyal po dang / byang chub sems dpa' sems dpa' chen po spyod pa'i blo gros zhes bya ba ste/ byang chub sems dpa' sems dpa' chen po brgyad pa de dag des gzungs thob par bya ba'i phyir mngon par brtson par 'gyur ro/ / gzungs 'di la brtson pa'i byang chub sems dpa' sems dpa' chen pos kyang bden pa'i dam bca' bar bya'o// byas pa gzo ba dang / byas pa tshor ba can dang / chos 'dod pa dang / chos la dga' ba dang / zab mo'i chos la bzod pa mngon par brtson par bya'o// byang chub sems dpa' sems dpa' chen po gzungs la brtson pas kun 'gyed/ bgo bsha' byed pa'i ngang tshul du bya ste/ des ji ltar chung ba dang / ji ltar nyung ba las kyang sbyin pa sbyin par bya na/ mang po las lta smos kyang ci dgos/ bcom ldan 'das kyis gzungs kyi chos kyi rnam grangs 'di bshad pa na/ byang chub sems dpa' bye ba khrag khrig brgya stong phrag gang+gA'i klung gi bye ma sum cus ni sgo mtha' yas pa sgrub pa'i gzungs 'di thob ste/ bla na med pa yang dag par rdzogs pa'i byang chub las phyir mi ldog par gyur to// lha dang / mi dang / lha ma yin gyi skye dgu sngon sems bskyed pa dkrigs pa bye ba khrag khrig brgya stong 'bum phrag drug cus ni bla na med pa yang dag par rdzogs pa'i byang chub tu sems bskyed do/ / de nas bcom ldan 'das la/ tshe dang ldan
- 60a
gnas gtsang ma'i steng gi nam mkha'i dkyil na gnas pa/ rin po che sna bdun rab tu phye bas rnam par spras pa na/ byang chub sems dpa'i tshogs grangs med pa dang thabs cig tu bzhugs te/ de nas bcom ldan 'das kyis/ byang chub sems dpa' rnams la bka' stsal pa/ rigs kyi bu dag khyed kyis 'gro ba thams cad la phan pa dang bde ba'i phyir sgo drug pa zhes bya ba'i gzungs 'di zung zhig/ de 'di lta ste/ bdag 'khor ba na 'khor ba'i tshe sdug bsngal gang la la myong ba de sems can thams cad mnyam pa nyid du mi shes pa'i mtshan nyid du ma gyur cig/ bdag gis 'jig rten pa'i phun sum tshogs pa'i bde ba gang la la myong ba de sems can thams cad dang thun mong du yongs su spyad par gyur cig/ bdag la sdig pa mi dge ba'i las kyi sgrib pa gang la la yod pa de so sor bshags pa bla na med pas so sor ma bshags par ma gyur cig/ bdag la bdud kyi las gang dag yod pa de dag yongs su shes pas bla na med pas dngos su mi shes par ma gyur cig bdag gi dge ba'i rtsa ba pha rol tu phyin pa dang ldan pa/ 'jig rten nam 'jig rten las 'das pa gang yang rung gang ci yod pa de bla na med pa'i ye shes kyi 'bras bur gyur cig/ bdag gi rnam par grol ba gang yin pa des sems can thams cad rnam par thar par gyur cig/ 'khor ba dang mya ngan las 'das pa la bdag gnas par ma gyur cig/ tad+ya thA/ oM kA ma
Colophon
'phags pa sgo mtha' yas pa sgrub pa'i gzungs zhes bya ba'i mdo rdzogs so/