F283MW1KG13607_0283mdo sdeAll versions of this work

thub pa chen po drang srong gar gas ltas kyi rnam pa bstan pa zhes bya ba'i gtsag lag

Text

ff. 94b–115b · 43 folio sides

  1. 94b

    sa g.yo ba dang / ser ba 'bab pa dang / sna can 'dzin mthong bar 'gyur ba dang / skar mda' dang / ser ba mi zad pa 'bab par gyur na/ de'i tshe ni rdul gyis char pa mi zad par 'byung ba dang / de'i rlung mar ma rung bar ldang / khang bzang dang / rta babs dang / ba gam dang / skyed shing dang / khang pa rnams 'gyel bar byed/ mtsho chen po dang 'bab chu dang / rdzing dang / 'khron pa rnams kyis chu yang skyems par byed pa ste// de ltar mngon gyis rig pas rlung las gyur pa'i bye brag du brjod pa yin no// gal te dag nye bar zhi ba'i rgyu zhag bdun tshun chad char ma 'bab par gyur na/ rlung 'khrug pa las gyur pa'i gnod pa gzhan dag kyang 'byung bar 'gyur te/ yul ma run da dang / gul ba lci ka dang / yul ka tsa dang / yul kam po dza dang / yul bar bar dang / yul spos 'dzin dang / bcas pa dag tu yang / 'khrug cing phan tshun mi mthun pa dang de bzhin du nad dag gis zin pa'i sgra mi snyan pa dang / lus phags dag kyang nyen par 'gyur/ mtshon gyis thebs pa dag kyang 'byung / rgyal po rnams la dmag 'dren par 'gyur zhing / de bzhin du ba'i mngal yang 'gags pa dang / sa yang 'bral du mi skye ba dang / shing thog dang me tog dang / 'bras bu'i shing dag kyang ngan cing zung ba dang / dbang pos kyang char chen pa ma 'bebs pa dang / phyogs thams cad kyis sa'i sadangs kyang sngonag du 'gyur mi gsal ba dang / nub par snang ba dang /

  2. 95a

    baglang dang / ra lug dang / bya dang / ri dgas dag kyang / 'jigs pa med par yang skrag cing 'grog pa dang / phyogs bslad cing / phan tshun thob par 'gyur ro// yang rgyu skar sa ka dang / smin drug dang / rgyal dang / khrum stod dang / b+ha ga'i lha gang yin pa 'di dang / mchu dang / gshin rje'i lha gang yin pa'i 'di dag dbang ba'i dus su/ sa g.yos pa 'am/ gnam grum pa byung bar gyur na/ me'i phyogs kyis dkyil 'khor la bab pa'i shugs kyi gnod pa 'byung bar rig par bya ste/ khris pa'i rigs las gyur pa'i gnod pas/ skye dgu shin du gzir ba dang / bud med rnams la khrag nad 'byung ba dang / ba dang ma he zho skams pa dang / bsod nams bya bar brtsams shing / bsams pa thams cad 'grub par mi 'gyur la/ sems can rnams la yams kyi nad 'byung ba dang / de bzhin du nad dang / rgyal po las kyang gyur pa 'gyur ba dang / skye rgu rnams kyang phan tshun dga' ba dag byed nas/ mi mthun par yang 'gyur zhing / nyi mtshan du phyogs rnams su gnas me zhi bar yang mi 'gyur/ sprin yang char pa 'bebs par mi 'gyur/ de bzhin du 'dod zho dag kyang 'o ma med par 'gyur ba dang / shing ljon pa'i rigs dang lcug ma dag kyang tog dang 'bras bu nyung ba dang / chu'i gnas khron pa dang / rdzing lteng ka la sogs pa yang skams par 'gyur zhing / mu ge dang nad kyis nyen pa 'byung ba dang / yul 'khrug

  3. 95b

    par yang 'gyur/ chos rkun rnams kyis 'jig rten gyis mthu dang / ri dgas kyang 'dren par 'gyur/ sha sbrang bum chu rings rnams dang / de bzhin du ri dgas kyang 'phel bar 'gyur te/ de ltar me'i phyogs kyis dkyil 'khor du/ chos lugs de rnams 'byung bar shes par bya'o// khrums smad dang chu lha dang / de bzhin du nam gru dang / bden bral gyi lha dag dang / skags dang / de bzhin lag ni chu'i dkyil 'khor yin te/ de ni bstan chos rig pa rnams kyis brjod pa yin no// gal te 'dir sa g.yo ba dang / gnam grum pa byung ba dang / nyi ma dang zla ba yang nye ba'i chags pa dang ldan pa dang / 'jug rings dang / de bzhin du ltas su 'byung ba gzhan mthong bar 'gyur na/ chu lha'i par rnam par shes par bya ste/ der lo legs pa dang / ba'o ma mang ba nyid du yang shes par bya'o// bud med dag kyang tshang nas tshor ba med par bde bar btsas par 'gyur ro// sa bon ji ltar btabs pa bzhin du grub nas/ sa yang lo tog gis phreng ba can du grub nas/ rgyal po lam gyis rig pa rjes su 'brang ba dag kyang mi dge ba med par 'gyur ro// bram ze la sogs pa'i rig pa bzhi po yang rang gis las rnams las gnas par 'gyur/ skyed kyis mtsho ba thams cad kyis kyang brnyed pa'i mchog thams cad brnyed par 'gyur zhing / sa la skye ba rnams kyang 'bras bu dang / me tog dang / 'dab sa dang / ldan zhing 'phel bar 'gyur ba dang / bde ba dang lo legs pa dang / nad med pa dang / skye chu rnams

  4. 96a

    la dge ba yang 'gyur ro// mon gru dang / snar ma dang / snron dang / de de bzhin lha mtshams dang / byi bzhin dang / gro bzhin dang / de bzhin du gzhan yang du smad ni// dbang po chen po'i phyogs kyis dkyil 'khor du rig par bya ste/ thams cad la shin tu phan pa'i rgyu yin zhing / skye rgu rnams la bde ba dang / nad med pa dang / rgyal po rnams dge ba rab tu sbyin par byed pa yin no// gal te 'dir sa g.yo ba dang / de bzhin du gnam grum pa la sogs byung ba dang / nyi ma dang zla ba nye bar chags pa can du gyur pa dang / 'jug rings mthong bar gyur pa dang / gzhan yang blo bur du byung ba'i las su byung ba/ gzhan ji ltar 'byung ba yang der ni bstan chos rig pa'i thub pa rnams kyis mi dge ba med par bstan de/ lo tog dag shin tu phun sum tshogs par 'gyur/ lo legs pa dang / chom rkun med pa dang / bram ze rnams kyi sbyin bsregs dang / mchod sbyin gyis bya ba thams cad 'grub par 'gyur zhing / rigs par byed pa'i rgyal po thams cad kyang sa srung bar byed par 'gyur ba dang / rigs kyang rang gis chos la gzhol cing sems chos la mngon par dga' dus ji lta ba bzhin du/ char chu 'bab pa dang / shing rnams kyang me tog dang 'bras bu smin par byed pa dang / skye bo mtha' dag rab tu dka' ba dang / lhag pa rnams phan tshun dga' bar 'gyur zhing / sprin bum don med pa ma yin te/ sa bzhi char la char ba legs par 'bab par 'gyur ba dang / mi rnams

  5. 96b

    kyis bya ba ji ltar btsams pa rnams kyang 'phel bar 'grub par 'gyur zhing / lus can rnams kyang gnod pa byed pa'i byi ba rnams dang / grog sbur rnams dang / sbrul dang byi ba la sogs pa dang / de bzhin du yams kyis nad rnams dang / ba la sogs pa rnams dang / yang dag par 'jigs par 'gyur ro// rnam pa gzhan du na/ dbang po chen po'i dkyil 'khor dbang bar gyur na/ chu dang me dang rlung las gyur pa/ bad kan dang / mkhris pa las gyur pa'i nad rnams dang / de bzhin du rlung las gyur pa rnams dang 'byung ste de dag ni gzhan du ma yin no zhes bstan to// gza' rnams kyis le'u ste gnyis pa'o// // skar mda'i ltas la skar ma 'di dag ni/ de dag ni mtshan ma bstan te/ 'jig rten dag la rtag ston par byed pa'o// de la gang gi tshe dbang po rnams dang / chu lha dang / rlung dang / me'i phyogs su gzhan dag ni/ gzugs 'jigs pa dang / me stag dang bcas shing / 'dod pa dang bcas pa dang / sol ba 'bar ltar snang ste/ nam mkha'i ngos las char byung bar 'gyur ro// gshin rje'i phyogs kyis skar mda' mnag pa dang / dmar po ring ring po dang / brtsub pa ni 'jig sar byed pas ste/ mi'i rgyal po rnams dang / yul rnams 'jigs pa chen po 'byung bar brjod pa yin no// de bzhin du bar snang la 'jug pa dang / ri dang rgya mtsho la 'dug pa yang yin no// gang du lha yul dang sa steng du ltung zhing / bzlog phyogs su 'gro bar gyur na/ yul

  6. 97a

    der zhi ba ma yin par 'gyur ro// rgyu phyogs su ni rtag tu zhi bar 'gyur ro// de bzhin du de dag ni 'jig rten thams cad rgyu ba dang / gzugs 'dod pa 'dzin pa dag yin no// gnod par gyur pa'i yul dag tu/ dmag 'gyed du 'jug par gyur to// de'i 'og tu rang bzhin gyis dmag kho nas/ 'jig rten rnams 'chi bar byed par 'gyur ro// de dag ltung ba dag rjes su mtshan nyid yang dag par brjod par bya ste/ dkar po 'gro zhing me stag dang bcas pa ni/ bram ze rnams la 'jigs pa 'dren pa yin no// de bzhin du dmar po rnams ni rgyal rigs rnams la'o// ser ba ni rje'u'i rigs rnams la'o// nag po dang sngo sangs ni rmang rigs rnams la ste/ shin tu 'jig pa 'byung bar brjod do// de bzhin du skar mda' sngo sangs dang / rtsub pa dang / khrums pa dang / dkar po dang / kha dog rnam pa sna tshogs dang / me stag dang bcas pa dang / du ba thul ba gang du lhung ba der ni/ rgyal po la gnod par 'gyur ro// gang du la lar/ phag dang spre'u dang / wa dang spre'u ltar bcos pa dang / ri dgas dang / bod bu'i gzugs su lta bu'i 'od can gyis/ skar ma lhung ba der ni/ rgyal po dang yul 'khor du bcas te/ 'chi bar gyur pa la the tshom med do// gang rgyu skar dang phrad nas gang mi bdun du grum zhing skar rdugs pa de ni/ de nyid du ni 'bras bur 'gyur ba rnams bshad par bya'o// gza' dang rgyu skar dang phrad nas gang mi bdun du grum zhing skar mda' brdugs

  7. 97b

    ba der ni/ de nyid du 'bras bur 'gyur ba rnams bshad par bya'o// gza' dang rgyu skar gang gis ba glang gis lam dang / rta babs dang / rgyal mtshan khyim du lhung ba de la/ 'jigs pa chen po 'byung bar brjod pa yin no// gang du skar mda' nyi ma mngon du phyogs te/ ltung ba ni shin du 'jigs pa byed par 'gyur ro// ba ba sems la reg par byed pa de ni/ der rgyal po la 'jigs pa 'byung bar 'gyur ro// gang du zla ba'i dkyil 'khor la reg par me lce'i 'od dang / mnyam pa'i skar mda' lhung ba der ni/ rgyal tshab bsod par 'gyur ro// gal te skar mda' lha'i bla ma phur bu gdung bar byed pa der ni/ mdun na 'don gsod par 'gyur zhing / bram ze'i bdag nyid la yang gnod par 'gyur ro// gang du skar mda' ltung zhing gza' ni lag pa la gdung bar byed pa dang / lha lta bur 'byung bar byed pa der ni/ gzhon nu 'chi bar 'gyur zhing / de'i tshe rgyal po la yang gnod par 'gyur ro// gang du skar mda' ltung zhing gza' dmig dmar gnod par byed pa der ni/ dmag dpon gsod par 'gyur zhing / mtshon dang me'i 'jigs pa yang 'byung bar 'gyur ro// gal te skar mda' 'bar ba nyi ma'i bu spen pa la gnod par byed pa der ni/ sna bo'i gtso bo dang / tshogs kyis spyan dag 'chi bar 'gyur ro// gang gis skye ba'i rgyu skar la skar mda' bajugs pa/ gas nyen par 'gyur bar mabyed na/ bde 'chi bar 'gyur ro// rje gang ku dang / blam ri shi dang / sag dang / raM dang / skaras kyi zhing dang / snam po dang /

  8. 98a

    / ri bya dang / de bzhin du bram b+han d+hi d+ha yang dang / a ru na dang / shi shu ma ra dang / spre'u bdun dang / de bzhin gung gtsug gis khebs shing skar mda' ltung ba de ni/ shin tu 'jigs pa chen po 'byung bar 'gyur zhing / dmag mang pos 'khrug pa dang / mtshon gyis 'tsho ba yang rab tu zad par 'gyur// de'i tshe yul 'jig bar byed pa'i chom po kun la sogs pa yang / 'byung bar 'gyur ro// gar du skar mda' rab tu 'bar ba/ sa la thu thang kar 'jug pa de'i tshe ni/ dgra dag gis rgyal po gsod par 'gyur zhing / yul 'jig par yang 'gyur ro// skar mda' dbyibs lta bu ni/ rgyal po'i dmag la gnod par 'gyur ro// ral gri dang kha gdeng rtse gsum gyis dbyibs lta bu ni/ yul dang rgyal por bcas pa la gnod par 'gyur ro// skar mda' chen po gdugs dang / rgyal mtshan dang / shing rtag tu sa la ltung ba ni/ zhag bdun gyis dmag dang rgyal por bcas pa la gnod par 'gyur ro// gang gis tshes la skar mda' 'char ba dang / rdo'i char pa chen po 'bab pa de'i tshe ni/ dmig stong gis khrag sas mthung bar 'gyur ro// gang gis tshe skar mda' me'i kha dog lta bu gnam grum pa pa dang / bcas te sa steng du lhung ba de'i tshe ni/ dmag mi stong gis khrag sas mthung bar 'gyur ro// gang du glang po che dang / rta dang shing rta'i gzugs lta bu'i 'od dang / ri ri lta bu'i rnam pa dag mthur du lhung bar 'gyur ba ni/ yul dang rgyal por bcas pa la gnod par 'gyur ro// gang gis

  9. 98b

    tshe skar mda' dus tshig snga ma dang / kun tu phrad pa du ba lta bus sa la mthur du ltung ba de'i tshe ni/ rgyal po gsod par 'gyur ro// dus tshigs kyis byo ma la rten pa'i skar mda' me lta bu ltung ba de'i tshe ni/ mchod sbyin byed pa rnams mchi zhing / de bzhin du mchod sbyin gyis las rnams 'jig par 'gyur ro// gang gis tshe skar mda' sgra chen pos rab tu rgyu cing / yul yul dang grong grong du ltung ba de'i tshe ni/ rgyal po gsod 'chi bar 'gyur ro// shar phyogs kyis char kun tu 'byung zhing zhi ma'i lam brten te/ nub tu kha ltas shing song nas yul ma ga tar phyin te/ grum pa ni lo tog rnams smin na yang lo nyes dang / de bzhin du mi ngas par yang 'gyur zhing / 'jig rten rnams la rang gi mi mthun pa las gyur pa'i dmag kyang 'byung bar bshad do// rgyal po rnams dang khyim khol 'byor mi rnams kyang 'gyur te/ 'jig rten la gnod par byed pa zhes pa rnam pa mang po de lta bu dag 'byung bar 'gyur ro// gang du me tog kun ta zla ba dang / dngul gyis 'od lta bu'i skar mda' ltung ba ni/ rgyal po rnams rgyal ba dang / lo legs pa dang / bde bar byed pa smra bar byed do// skar mda' chen po kha dog rab tu 'bar ba shin tu snum pa dngul shel gyis 'od dang 'dra ba ni char 'bab par smra bar 'gyur te 'di la the tshom med do// gang du skar mda' chen po du ba dang bcas pa gzugs 'jigs par byed pa/ me stag dang bcas pa sol ba'i mdog lta bu byung na/ de'i tshe ni rgyal po la 'jigs pa chen po chen po 'byung bar 'gyur ro//

  10. 99a

    du ba'i mdog lta bu che ba dang / skar mda' ltar dag pa dang / g.yas g.yon du so sor 'gro bar 'gyur ba dang / bai DUr+ya'i mdog lta bu dang / shel gyis 'od lta bu dang / gser gyis mdog lta bu dang / dngul lta bu dang zla ba'i 'od zer ltar dkar ba dang / zho'i 'od dang 'dra ba'i skar mda'i de ni/ lo legs par 'gyur ba dang / rgyal po rgyal bar 'gyur ba dang / thub pa snga ma rnams kyis rab tu bstan to// baiDUr+ya'i mdog lta bur bstan pa'i ni char pa 'bab par brjod do// shel lta bur gyur na ni lo legs par 'gyur ro// gser gyis mdog lta bur gyur na ni// mes 'khrug par 'gyur ro// dmar por gyur na ni dmag 'byung bar brjod de/ 'di skad du gang bstan pa ni/ zla ba gnyis ma lus pas de'i rnam par smin pa 'gyur bar brjod do// skar mda'i ltas kyi le'u ste gsum pa'o// / sprin dang glog dang 'ja' 'od kyis ltas la/ gang gis tshe sprin gyi gzugs g.yung drung 'khyil pa lta bu dang / gdugs dang / lding khang dang / shing rta brtsegs pa bkra shis pa dang ldan pa'i dbyibs dang / ri lta bu dag ni skye rgu bde bar byed pa'o// de bzhin du dbang po'i tshe na cha lta bu'i rnam pa dag dang / dbyig pa lta bu'i rnam pa dag ni/ bde bar yang mi byed la/ mu ge yang ston par byed do// gang gis tshe dbyar gyis dus su sprin mdung thung dang / gsal shing dang / dpa' brlabs lta bu dang / rgyal mtshan dang / ba dan lta bu dag dang / mtshon

  11. 99b

    cha sna tshogs lta bur snang ba de'i tshe ni/ dmar khrag gi 'dam rdzab can mi zad pa 'byung la/ me tog dag byas chud zos par 'gyur zhing / chom rkun dag kyang 'phel bar 'gyur ro// sprin tha dad du chad pa dang / shing skams lta bu dang / gtun shing dang mgo thod lta bu'i dbyibs gang yin pa de dag ni mod la/ 'jigs pa'i dmag 'ong bar 'gyur ro// yang sprin bya sna tshogs lta bu dang / rnga mo dang / bong bu lta bu'i sprin gyis tshogs dag/ nyi ma 'char ba dang / nub pa kho na'i tshe/ nyi ma'i zur nas/ 'gro bar gyur na/ de ni skye bo zad par 'gyur ba'i nad dang / tshon cha la sogs pa'i nad 'byung bar rig par bya'o// yang sprin gyis gzugs 'gog pa can lta bur cing rdul gyis tshogs 'dren par byed pa'i rlung drag po dang bcas byung ba ni/ rgyal po dang / skye bo phal po che dag mchi ba dang / yul 'khor dang / dgon pa na gnas pa dag la gnod par bstan to// nam mkha' sprin med par 'brug zer ba dang / 'brug zer la char pa med pa'i sprin ni/ gnod pa 'byung ba'i sprin no// 'od glog dang 'ja' rlung gis ltas la// gang gi tshe nyi ma'i drung lho phyogs nas glog byung bar gyur la/ de'i dbus su rgyal po'i pho brang dang / rta babs dang / rta'i bres kyis khang steng dang / rgyal po'i lam dang / khre lam gyis bzhi mdo dang / grong khyer gyis sgo dang / shing chen po rnams la thog dang ser ba 'bab pa 'am/ skar mda' dag kyang lhung bar gyur la/ der lo gcig tshun chad du 'jig rten

  12. 100a

    kun tu zad par 'gyur bar rigs/ bar bya zhing yul der rgyal po gzhan 'ong bar yang the tshom med do// nyi ma la byung ba'i klog de nyid rgyal po'i rta babs dang / phro brang gis bskor ba bas na/ rgyal po dang de la rten pa'i dag kyang 'chi bar 'gyur/ rta bres dang / glang po che'i 'bres su bab na/ de'i srung ma nges par 'jig par 'gyur/ ra bar bab na dmag mi'i gtso bo dag 'chi bar 'gyur ro// gang gis tshe me'i phyogs nas klog 'od me lta bu byung ba ni/ nang rnams kyis 'khrug pa dang / rlung drag po gnod pa 'byung ba'i ltas yin no// bden bral gyis phyogs nas klog 'byung bar byed pa de'i tshe ni/ rlung ngal ba 'byung bar byed pa de'i tshe na/ nang gi 'jig rten zad par yang 'gyur ro// gang gi tshe nam mkha' sprin med par phyogs dag tu rtag par glog byung bar gyur pa der ni/ rgyal 'chi ba dang / yul 'khor du bcas pa 'jigs par byed pa'o// gang gis tshe glog mu tig gis 'bras bu lta bur mdzes shing snum pa'i 'od can/ sprin gyis dbus su 'dug pa ni/ bde ba dang legs par 'gyur bstan to// 'ja' ltas la/ gang gi tshe gzhan dag gis grong khyer bskor ba nang / 'ja' byung bar gyur na/ grong de nyid 'jigs cing 'jigs pa chen po nye bar gnas par rig par bya'o// yang gang dag du dmag gis grong khyer bskor ba na// nyi ma'i dkyil 'khor 'jas khyabs par gyur na/ de las ser ba 'jigs pa 'byung ba dang / dmag tshegs de dag las kyang

  13. 100b

    gtso bo 'chi bar gyur par ston to// gang gis tshe dmag gis yul shoms shing go cha gyon pa dang / 'ja' nyi ma'i dkyil 'khor dang / mnyam par gyur pa de ni/ phyog gnyis ga 'chi ba yin no// gang dag du dmag 'gyed pa'i g.yul du zhugs pa ni mdun nam g.yas nas 'ja' byung ba de ni de dag gsod par sbron pa yin no// dbyar ka 'ja' 'khyil ba dang mang ba dang / sa g.yo ba dang / zla brnyan dag tu byung ba de'i tshe/ pha rol gzhan gyis 'jigs pa dag 'byung bar byed pa'o// gang dag du mtshan mo 'ja' nam mkha' la mngon par byung na/ de ni dge ba ma yin te// pha rol gyis dmag tshogs 'ong ba dang / yul 'khrug cing rgyal po 'chi ba dang / yang na rgyal po rma 'bab pa la sogs par ston pas na/ dbang po mchod pa de legs su gyur pa'i cho ga byas nas/ yul de nas gzhan du 'gro bar bya'o// gang gis che mtshan mo nam mkha' la 'ja' kha dog ngan cing shin du che la/ ri mo gsum byung de'i tshe ni/ rgyal po'i dkyil 'khor de myur du 'jig par 'byung zhing / gzhan gyis dmag tshogs dag gis kyang 'chi bar 'gyur bar ston pa'o// gang gis tshe 'phral du nye bar sprul pa'i 'ja' rtags mthong na/ de'i grong khyer 'jig pa dang / yul 'khor 'jig par 'gyur bar rig par bya'o// 'od ltas la/ gang gis tshe nam mkha' la 'ad kyis rnam pa gdugs dang / rgyal mtshan dang / shed rta'i rnam pa dag dang / 'khor lo dang dung la migs pa bkra shis kyis mtshan ma la sogs pa dag dang /

  14. 101a

    ral gri dang pad ma'i dbyibs kyis 'od rnam pa dag byung bar ni/ rgyal po rnam par rgyal bar 'gyur bar bstan to// yang gang du 'od kyis rnam pa mgo thad du/ lta bu dang / dbyig tho dang / gtun shing dang / sgog rus lta bur snang ba dag gis ni/ rgyal po dang bcas pa'i yul 'jig par stan to// yang gang du 'od kyi rnam pa mgo thod lta bu dang / dbyig tho dang / nya dang rus sbal 'dra ba dang / de bzhin du sbal pa dang / nyaphyis dang / chu srin dag gis kyang / 'jigs pa chen po 'byung bar ston to// sprin dang glog dang 'ja' 'od la sogs pa'i lhas kyis le'u ste/ bzhi pa'o// // phyogs cha brgyad po dag nas 'brug glog la sogs pa 'byung ba'i ltas la shar phyogs la sogs pa phyogs cha brgyad po dag nas/ 'brug la sogs pa zer ba/ las dge nang gi ltas su lta ba dang / sos dang po dbyar 'bring po nya la dbang po phyogs kyi nas/ 'brug zer ba thos shing de nyid du rlung byung na/ de'i tshe ni chu chen po dang char pa 'bab par 'gyur zhing / lo legs pa dang / bde ba dang / skye rgu dag dang rgyal po la nad med par 'gyur bar sngon gyis bstan chos rig pa rnams kyis brjod pa yin no// de bzhin du dbyar 'bring po zhes kun la sbyar te/ me'i phyogs kyis cha las gal te glog 'byung zhing / rlung yang 'byung bar gyur na/ de'i tshe me'i 'jigs pa 'byung zhing / lo nyis dang / mi ngas dang / de bzhin du chom rkun gyis gnod pa

  15. 101b

    dang rgyal po la mi dge ba dang / nad kyis glongs pa nyid du 'gyur ro// gshin rje'i phyogs nas gal te glog dang / rlung dang por byung bar gyur na/ de'i tshe rgyal po dang chom rkun dang me dag dang / nad dag gis 'jigs pa dang / mu ke dang / nad dang / pings dang / mi rnams phan du gsod pa dang / 'jig rten la gnod par byed pa sbyang gu dang stag la sogs pa dag kyang 'byung bar 'gyur ro// bden bral gyi sa phyogs su gang gi tshe glog dang / rlung 'byung zhing / sprin dag kyang snang la/ 'brug sgra dang grag na/ dbang pos char nyung ngu 'bebs par byed cing / lo tog dag kyang 'byung bar mi 'gyur/ byi ba bya la sogs pa yang dag kyang kun nas 'bab par 'gyur ro// chu lha'i phyogs su gang gis tshe glog dang / rlung 'byung zhing / 'brug sgra yang sgrags pa de'i tshe na/ char pa chen po 'bab par 'gyur zhing / lo tog thams cad smin pa dang / lo legs pa dang / bde ba dang / skye rgu rnams la nad med pa nyid dang / de bzhin du chos kyis blo yang 'byung bar 'gyur ro// rlung gis phyogs su gang gi tshe glog dang rlung byung na rlung chen pos nyams pa'i char mi 'bab pa dang / lo tog skye bar yang mi 'gyur rlung nad rnams kyang 'byung zhing / rlung nad rnams kyang 'byung zhing / de bzhin du mig nad dag kyang 'byung ba dang / 'jig rten la gnod pa byed pa thams cad 'byung bar 'gyur zhing / rnam par bshad par 'gyur ro// ka be ra'i phyogs nas/ ga gis tshe glog

  16. 102a

    dang / rlung byung ba de'i tshe/ dbang po zla ba bzhin du/ rtag tu char 'bebs shing / 'brug la sogs pa/ lo tog phun sum tshogs pa dang / tog la sogs pa 'bras bu phun sum tshogs pa dang / rgyal po rang gis chos kho na la gnas shing / chos dang ldan pa dang / skye rgu thams cad l+la dga' zhing / phan tshun pan par 'dod pa la dga' rangs pa dang / ba dang gzhon gyis 'o ma yang mang bar 'gyur ro// dbang ldan gyi phyogs su dbyar zla 'bring po nye ba'i tshe/ klog dang de bzhin rlung byung bar 'gyur zhing sprin dang sgra byung bar yang 'gyur ba de'i tshe ni/ chu'i char chen po 'bab par 'gyur ba dang / bde ba dang nad med pa dang / le legs pa dang / lo tog phun sum tshogs pa dang skye rgu'i rnams nad med cing / phan tshun byams pas/ rnam par 'brel ba can du 'gyur ba dang / rgyal po rnam par rgyal ba dang / de bzhin yams kyis nad thams cad rab tu zhi bar 'gyur zhing / sa las skye ba thams cad kyis me tog dang / 'bras bu la sogs pa yang 'byung bar 'gyur ro// dbyar ka 'brug gis sgra grag du yang 'byung ba na/ sgra gzhan gyis nyams pa'i sgra/ gnam du ma lta bu dang bcas pa grag pa der ni/ lus can rnams kyis shin tu dmun par 'gyur bar bstan pa'o// seMs ka'i dus su byos brgyad nas/ 'brug klog dang rlung la sogs pa ldang ba'i ltas kyi le'u ste lnga pa'o// / bar snang las byung ba'i ltas las/ gang gis tshe skar mda'i char pa

  17. 102b

    bab pa dang / khrag gis char pa dang / mar dang / 'bru mar dang / zhag gis char pa 'bab par gyur pa de'i myur du 'jigs par mngon par shes pa dag gis brjod do// gang du 'bru bar dang / zhag gis char ba bab na/ rgyal po dang bcas pa'i grong khyer 'jig par 'gyur ro// yang grong khyer ras khyis gang du sol ba'i char cing / bub ma dang / sgra dang 'dres pa'i rdul lhung ba dang / bye ma'i char pa 'bab par gyur pa de'i myur du 'jig par mngon par shes pa dag gis brjod do// gang du 'bru mar gyi chag chag dang / mar gyis thigs pa ltung zhing / bong ba la sogs pa'i yid kyis byung ba'i nyes pa rnams byung bar gyur pa ni/ yul 'khor dang grong khyer dang / khang pa dang / de bzhin du ba glang brdzi'i gnas de rab tu 'jig par 'gyur ro// yang mchod rten dang / bskyed shing dang / phyogs dag tu khrag gis chag chag dang / sha dang rus pa'i dum bu dang / mgo thod dang / ska bshad la sogs pa mngon du gang ba de dag tu ni/ nges par nyen 'khor gyi skye bo skal ba zad pa'i ltas su bstan pa yin no// rdo'i char pa la gang du rdo ba mi ba dang u dum 'bar ba lta bu dang / ka bad ta'i 'bras bu dag der 'bab pa ni/ 'jigs pa chen po 'byung bar ston to// rdo ba 'bras ma lu'i tshig ma 'dra ba dang / 'bra go'i rus pa lta bu dag ni/ lo legs pa dang / bde ba 'byung bar ston to// rdo dkar po rgya shug gis 'bras bu lta bu dang / ba ru ra'i tshi gu lta bu dag 'bab na/

  18. 103a

    skye na rnams la bde ba'i rgyur 'gyur ro// rdo shel dang / rdo shel lta bu dang / me tog kun da dang / 'o ma ltar snum pa dang / zla ba'i mdog ltar gsal ba dag ni/ mi rnams bde bar byed pa'o// gang gi tshe ser ba tshub ma dang / kha chol dang bcas pa dang / rdul dang bcas pa dag dang / sa gam par gyur pa der ni/ rgyal po yul 'khor dang bcas te/ 'jig par stan to// yang bar snang la ser ba bab pa'i nang nas/ rdo dang mtshon cha lta bu me'i rnam pa dag byung bar gyur na/ de ni skye bo ral ring por mi thogs par 'jig pa 'byung bar ston to// gal te ser ba drag tu chu'i nang du 'bab par sa ni bde ba dang / lo legs pa dang / rgyal po rnams rgyal bar 'gyur te/ 'bras bu zla ba drug pa na ston par brjod do// yang gang gis tshe dbyar ka phyogs rab tu tsha bar gyur na/ de ni rgyal po dang bcas pa'i skye bo myur du gsod par byed do// nyin par rtag tu sa phyogs dag tu gnam grub pa'i sgra byung ba der yul 'jigs pa'i rtags yin te/ rgyal po yang 'chi bar ston pa'o// gang lha phyogs su gnam grum/ sprin sgra dang / sgra nyams par 'byung zhing / rlung rtsub pa dag langs par gyur pa der ni/ skye rgu rnams bde bar mi 'gyur bar ston pa'o// yang sa g.yo ba gnam grum pa dang bcas par 'byung ba de'i tshe ni/ nges par rgyal po 'chi bar 'gyur ro// yang sa g.yo ba dang / gnam grum pa dang lhan cig tu 'byung ba 'am/

  19. 103b

    yang na skar mda' chen po phyogs gang du 'gro ba'i phyogs der nad dang / mu ge las gyur pa'i nyams pa dang / bcas pa'i 'chi ba rgyug pa'i ston pa'o// gang du me dang / khug rna dang / sprin gyis gnod pa med par nam mkha' kun tu khebs shing / nyi ma'i 'od zer yang / zil gyis gnon par byed pa de'i tshe ni/ rgyal po rnams des par mchi bar gyur pa yin no// gang du nyid gcig bzhin du chub mas kun tu bslang ba'i rdul reng bus/ nam mkha' dang phyogs thams cad khyabs par gyur pas ni/ rgyal po 'chi bar 'gyur zhing / skye bo rnams 'chi bar 'gyur ro// bar snang las sgra chen po byung ngam/ sa'i phyogs nas byung yang rung ste/ gang dag mi brnyan pa dang / mi mthun pa dag gi sgra byung ba de ni/ phan tshun ga/ sod pa dang / 'thab pa dang / mi mthun par gyur pa dag gis rgyur bstan to// gang gi tshe gzugs mi snang bar srog chags rnam pa tha mi dad pa'i sgra byung na/ sdug bsngal bar grags pa de'i tshe ni/ rang gis yul dang / yul 'khor du bcas pa'i rgyal po 'chi bar 'gyur/ nad dang / mu ge dang / gnod pa yang 'byung zhing / 'jig rten du yang zad par 'gyur/ rgyal srid ngan pas kyang brlag pa dang / bu srad dang sang bral bar 'gyur ro// bar snang las 'byung ba'i ltas kyis le'u ste// / drag pa'o// /

  20. 104a

    phyi rol gyis 'byung ba chen po'i ltas la/ gang gi tshe shing ljon pa dang / gel ba dag las dus dang mi ldan par 'bras bu byung na/ rgyal po'i yul phyogs su gtogs pa gsod par 'gyur ro// yang gang gis tshe mchod sbyin gyis shing rta dang / lha rten byas pa dang / ka ba dang gzugs la sogs pa/ shing skam po la sogs pa dag las lo ma skye bar stsol ba ni/ rgyal po 'chi ba'i ltas dang / de bzhin du skye bo dag 'khrugs pa'i ltas su bstan to// yang yul dang grong dang grong khyer dag du/ shing shing ljon pa dag las me tog dang / 'bras bu phyin ci log tu skye bar gyur na/ de ni bdag po 'chi ba'i rtags yin no// gang gis tshe snga gro'i dus su shing dang mi'i grib ma shar phyogs su gnas par gyur pa dang / phyi dro yang mi dang shing gis grib ma nub phyogs su gnas par gyur na/ rgyal po 'chi bar 'gyur ro// chu zab mo dang / khron pa dang / rdzing dang / mtsho la sogs par srog chags chu na rgyu ba rnams gang du skams pa der ni/ ring por mi thogs par skye bo 'jig par 'gyur ro/ zhes bstan to// rlung med par grog sbur gyis grong khyer gyis gnyen 'khor du 'jug pa'i shing ljon pa a shad da dang / ba ta la sogs pa rtsa ba zug rtsab nas 'gel par gyur na/ grong de 'jig par 'gyur ro// yang rlung ma rung ba ma langs par thog lhung ba dang / lus mi snang bar tshig mi snyan par

  21. 104b

    zer ba dang / sha za mo'i glu sgra mi 'byung ba ni/ 'phral du rgyal po la 'jigs pa 'ong bar stan to// gal te blo bur du gdugs kyis shing dang / khri dang khri'u dang / khang pa'i srog rten gyis shing dang / de lta bu'i rnam pa dag gis shing rdo chag grums su gyur pa dag ni/ de dag gis bdag po 'chi bar ston to// yang nges par rgyal po gyur pa'i tshe ni/ rlung dring ba dang / zas sung ba lta bu'i dri dang / khyi dang / bya dang / byi ba dang / bong bu la sogs pa'i dri dang / de bzhin du phye ma leb lta bu'i dri 'byung bar 'gyur ro// yang rgyal po 'chi ba'i ni/ rgyal mtshan gyis rtse mo dang / rta babs dang sgo khang dag tu ser ba 'bab cing / me med par yang med dmag ltung bar 'gyur ro// rtse mo dang rol mo'i sgra mi snyan pa dang / mtshon cha rnam pa sna tshogs mi mdzes par gyur pa ni/ yul 'khor dag tu 'jigs pa 'byung ba'i lhas yin no// gang du tshen rnams 'gul ba dang / ral gri'i shubs dang bral bar gyur pa dang / gzhum brdungs par gyur na/ de ni nges par dmag mi zad pa 'byung bar ston to// gang gis tshe phyogs cad du nyin me 'am/ mtshan mo yang rung ste/ nags kyis me snang bar gyur pa ni/ lo nyes pa dang / skye bo ngas par 'gyur ro// nyin mo'am mtshan ma/

  22. 105a

    yang rung ste/ rnam ma kha'i sprin gyis kun tu khyabs pa na/ phyogs tsha bar gyur pa de'i tshe na/ rgyal po gsod par 'gyur ro// gal te dkun ni dro bar gyur la/ dpyid ni drang bar gyur na/ lus can rnams kyis nyes pa dang 'chi bar 'gyur ro// dbang pos kyang char nyung bu babs pa dang / dus tshol bar yang 'gyur/ 'jigs par byed pa'i chom rkun rnams kyis kyang / lo tog dag chud bos par 'gyur ro// phyi rol gyis 'byung ba chen po dag gis ltas kyis le'u ste// / bdun pa'o// // srog chags kyis tshig tu smra ba rnams kyi ltas la// gang du khyi rnams 'dus ste/ kha gyen du ltas te/ yang yang du yul du du bar byed pa de ni/ yul 'pho bar byed par 'gyur ro// yang nyi ma 'char ba 'am/ nub pa kha na'i tshe/ khyi dag de rol tu kha gyen du ltas te/ du bar byed na yul rnams 'jigs pa'i rgyu yin no// yang lha gang dang lam po che dang / rgyal po'i lam dang / lam gyis bzhi mdor khyi kha gyen pa ltas te ngu bar byed na/ de ni chom rkun dang / me'i 'jigs pa 'ong bar ston pa yin no// yang khyi dang bya rog rgyal po'i lam dang / lam gyis bzhi mdor thang la gcig du 'dus nas/ gal te sgra chen po 'byin par byed pa dang / ci dag 'gro bar byed pa ni/ de ni pha rol gyis

  23. 105b

    dmag tshogs 'ong ba yin no// gang gis tshe bya rog dang / bung ba dang / sbrang bu rnams rab dang / grong khyer gyis sgo dang / thang dang lam gyi bzhi mdor sbrang rtsi sbrang bu byed mar gyur na/ blo bur gyis 'jigs pa dang / rgyal po'i 'jigs pa 'byung bar rig par bya'o// de bzhin du dgar dang khyim mdun du yang de lta bur snang na/ de bzhin du 'jigs pa 'byung bar rig par bya'o// de la blo bur gyis 'jigs pa 'ong ba zhes bya ba ni/ pha rol gyis dmag tshogs kyi 'ong ba dang / me dang chom rkun gyis 'jigs pa dag 'byung ba ston pa yin no// yang du srog chags phra mo dag la lar ba dang / grong khyer gyis sgo dang / yang tog dang sgo gang la phra mo nyug cing 'dzeg par bstan pa der ni/ pha rol gyis dmag tshogs kyis ring por mi thogs par grong khyer myur du 'jig par 'gyur ro// gang gis tshe khyi dang / wa dang / byi la la sogs pa dang / bya rog sna tshogs dag dus mtshams med par khrig pa dang / ldan pa'i tshe ni/ rgyal po dang / yul rtag tu 'jigs par bstan pa yin no// de bzhin du mi dang / rta dang rnga mo dang / bong bu'i rigs dang ba glang mo dang / bya dang / ri dgas rnams dang / khyi dang byi ba dang / sbrul dag dang / srog chags phra mo gzhan dag mi yang / mngal phyin ci log tu gyur pa der ni yul rnams 'khrug pa dang / rgyal po yang 'chi bar 'gyur ro// yang gang du bya dang / ri dgas kyis rigs rnams dang / khang na

  24. 106a

    nyal ba rnams log par 'khrig pa dang / ldan par smra ba de ni/ rgyal po 'chi bar 'gyur ro// bya rog gi bshog pa dkar por mthong na/ mi dge' ba yin te/ yul de nas 'gro bar bya'o// de bzhin du bya rgod la sogs pa'i bshog pa lgang bar mthong ba dang / wa nga la mi sos par rgyal bar gyur pa der ni/ yul gyis bdag po dang / rgyal po dag 'chi ba'i ltas su bstan to// yang gang gis tshe grong khyer du kha de'i tshegs 'dus nas/ grong gis phyi rol du 'dod pa de ni nges par/ grong gi sgre bo med par 'gyur ro// kha shing gis steng du 'dug gam/ ra ba dang / sgo gang dang / khyim du 'dug ste/ sgra 'byin cing shing nga du sdig par sbron pa dang / wa nyi ma la kha ltas te rings thabs su 'dug nas/ skad drag du 'byin pa der ni/ dmag 'byung bar bshad do// shing mthon po 'am khang steng thon po 'am/ 'dzed mang por 'dzag ste/ kha nyi ma la ltas nas/ wa skad drag du 'byin pa ni/ mi lam gyur pa dang / rgyal po las gyur pa'i nyes pa 'byung bar byed de/ khad 'dus pas sa la chu gcugs te/ cang ni smra bar skad cig 'dug nas 'das te/ gang gi nam mkha' la phur ba de'i tshe/ dmag gis 'tsho ba rnams la shin tu khrag 'byung bar 'gyur ro// kha kha thams shing / skad 'byin pa'i tshogs/ rtag tu 'brel pa gang yin pa de ni/ gal te khyim 'am grong khyer ram/ yul 'khor dang / yul dang / ba glang rdzi'i gnas 'jig par 'gyur bar

  25. 106b

    brjod par bya'o// kha sa la chu gtsugs te rtse mo gtad de/ skad mi bzad pa mi gsal ba 'ang der 'byin pa der ni/ de'i shin du 'jigs pa chen po 'ong bar bstan to// sha za ba'i/ bya'i mchu'i rtse mo las gang du sha lhung ba der ni/ blo bur dang / rgyal po las gyur pa'i 'jigs pa chen po 'ong bar bston to// gang du ri dag kha nyi ma la gyen du bltas te/ mi dga' zhing mthong bar byed na/ yul gyis skye bo dag bsgrangs su zin kyang / sems can gzhan dag gis 'jigs par gyur pa der ni/ rgyal po la brnyas pa mthong bar 'gyur ro// gang du wa nyid par nyi ma la lta zhing / yang dag par yang dang yang du skad drag po 'byin pa dang / mtshan mo gza' rnams la lta bar byed cing rgyal ba de'i tshe/ ni/ nges par rgyal po 'chi bar 'gyur ro// bya rgod dang / bya b+ha sa dang / chu nas skyes pa'i bya dang / khra dang thi ba dang / zas su sha za ba gzhan dag rgyal mtshan gi rtse mo dag dang / khang steng du 'dug pa ni/ de che zas par 'gyur bar mngon par shes pa dag gis rab tu brjod do// gal te nyi ma phye'i tshe/ glang po che dang / ba glang gis gnas dang / rta'i bres su 'ug pa snang la/ phyugs dag la yang gzhon par gyur pa ni/ nges par rgyal po la 'jigs pa 'byung bar ston to// yang gang gis tshe glang po che'i lag pa'i rtse mos khrag skyugs par byed pa dang / glang po che mchog dag gis che bar chags pa dang / rta rnams kha ngal bar gyur pa ni/ rgyal po 'jigs pa 'byung ba'i rgyur

  26. 107a

    bstan to// gang su pad ma'i 'dab ma gting ba dag tu/ bya rog rnams rtse bar byed cing / thang la yang bya kar na da ba dang / ngang ba'i mchog dag rtse bar byed na/ khyim 'am/ grong khyer de 'jigs par 'gyur ro// srog chags tshig tu smra ba med rnams kyis ltas kyis le'u ste brgyad pa'o// / char ltas la/ sprin gyis gzugs ri'i rnam pa lta bu dag dang / phag pa dang / chu srin lta bu dag dang / sbal pa dang / glang po che'i gzugs lta bu dag dang / ril pa dang / bum pa lta bu dag dang / seng ge dang / stag dang / glang po che che'i bzhin du lha'i sprin dag gis khyebs pa'i nyi ma ni/ mod la char pa 'bab par brjod par bya'o// ldong ros kyis mdog lta bu dang / de bzhi mtshal lta bu dag dang / ne tso ltar snang ba'i mdog dang / nye ba'i sprin dag gis/ char pa 'babs par yang dag par bstan par bya'o// pad ma'i 'dab ma lta bu dang / de bzhin du rdo sbas pa lta bu'i sprin gyis/ nyi ma dang zla ba'i gzugs khebs par gyur pa de ni/ de'i tshe phyogs su 'od chen po byung bar 'gyur ba'i char 'bab par bya'o// gang gis tshe nam mkha' yan lag thams sprin gyis thibs por khebs nas/ gdugs lta bu'i glog 'byung bar byed/ 'brags sgra ring du 'dong dkar 'byung ba de'i tshe ni/ sa chus shin du gang bar 'gyur ro// gang gis tshe sprin i ba sha ra ni'i phyogs dang / shar dang byang gis phyogs dang / shar dang byang gi phyogs nas 'byung ste/ ring zhing brtan pa'i

  27. 107b

    sgras 'brug zer ba de'i tshe/ yang sa tshu'i dang ldan par 'gyur ro// yang zla ba'i yar kyi ngo dang / mar gyi ngo yang rung ste/ gza' thams cad 'byung zhing 'bu ba'i sprin de dag char pa/ 'bab par byed de/ 'di ni sngon gyis lung shes pa dag gi bstan pa'o// gang gis tshe dgun zla 'bring por gyur pa na/ sprin 'das par snar zhing rlung snum pa'i sprin rum nas 'byung ba dag ldang ba de'i tshe/ zla ba drug par gyur nas/ dbang pos char 'bebs par 'gyur ro// dgun zla tha chung la sprin brtsegs pa'i sprin rum nas/ sprin 'dus pa glog dang bcas pa ni/ dbyar zla chung la char pa 'bab par bya'o// gang gis tshe dgun zla chung dang / dpying zla 'bring po rnams la sprin 'jig par byed pa ni/ de'i b+ha drug drug cing de'i tshe char pa mi 'bab par brjod par bya'o// gang gis tshe dgun zla tha chung dang / dpyid zla 'bring po rnams la ni/ sprin rnams rlung rum can dag chu gtong bar mi byed pa ni/ dbyar ka char ba de 'bab par 'gyuraro// gang gis tshe byang phyogs dang / byang shar dang / de bzhin du shar dang / nub dag nas glog byang ba ni/ char pa 'bab par ston pa'o// yang phyogs thams cad nas glog kun tu 'byung bar gyur pa de'i tshe ni/ nam mkha' khams pa'i char pa 'bab par ston pa yin no// gang gis tshe ga gis 'od dpar zhing mtha' sngo bar snang ba de'i tshe ni/ mi'i phyog nas char pa bcung zad 'bab par 'gyur ro// gang gis tshe nub kyis phyogs char gyis sprin gyis dbus na/ 'ja' snum pa nor bu be dur r+ya'i 'od lta bu byung bar gyur cing /

  28. 108a

    glog 'gyur ba'i yan lag dang / rang gis phyogs nas rlung gis bskyod par gyur pa de'i tshe ni/ zhag bdun du char pa 'bab par rig par bya'o// gang gis shar ram byang nas kha ba 'bab cing rlung byung la/ phyogs dud kha dang sngon sangs su byed pa de'i tshe ni/ chu cher 'bab par 'gyur ro// gang gis tshe nyi ma shar pa 'am/ dus tshing kyis chags pa 'byung bar char pa'i thigs pa 'bab pa de'i tshe ni/ nges par char mo che 'bab par 'gyur ro// dus tshigs zhig lag na bdugs thogs nas/ char pa'i mtshan mas dris sam/ khyim 'gems bzhin du/ dris na de'i tshe rtag tu char pa 'bab par 'gyur ro// gos bsher pas kyang dris na/ char pa'i rgyu yin te/ de la mod la kho nar char pa 'bab par 'gyur ro the tshom med do// chu'i phyogs su 'dug nas dris kyang rung ste/ char pa 'bab par lta bar bya'o// bye la dang / sre mo dang / sbrul rnams kyang / gang yang gzhan dag tu gnas pa dag gal te/ drod mi mthun par rgyug par byed na/ mod la char pa 'bab par ston pa yin/ byis pa lus 'jim pas byugs pa dang / mgo me to/ phreng bas bkris pa/ gang na 'dug pa der ni/ 'bras bu 'char ba mngon par 'bab par byed do// lus rdul gyis byugs pa'i byis pa dag dang rdul gyis rtse bar byed pa dang / yur ba 'greng bar byed na/ 'phral du char pa 'bab pa'i rgyu yin te/ char pa 'bab pa'i mtshan nyid la/ mkhas pa rnams kyi de ni bral du char pa 'bab par bshed pa

  29. 108b

    yin no// gang gis sprin kyang med kha ba yang med par/ rlung shin tu bsil ba dag 'byung zhing / lus can grang bar byed pa ni/ der 'phral du nges par char pa 'bab par byed pa'o// chu nas skyes pa'i bya shing gis yal gag la zhon par byed pa ni/ shin tu char pa 'bab du nges par char ba 'bab par byed pa'o// chu nas skyes pa'i bya shing gis yal gag la zhon par byed nyi mas skyems par byed pa ni/ shin tu char pa 'bab pa ston pa yin no// gang gis tshe shin la gnas pa'i chu bya 'dab ma skams par byed pa de ni/ char pa 'bab par byed pa rgyu yin par bstan chos mkhas pa rnams kyis/ bstan chos las brjod pa yin no// grong bye'u khrus byed cing 'dab ma sprul bar byed pa gang yin pa de ni/ char pa 'bab pa'i yang dag pa'i shes rnams kyis/ char ba'i rgyu yin par brjod pa yin no// char ltas kyi le'u ste dgu pa'o// // das tshigs kyi 'od kyi chags pa'i ltas la/ bram ze rig pa can gyis dus tshigs kyis 'od chags pa bsgribs te/ rtag nas dus bstan par byed zhing / gang gi tshe nang nub du dus mdog snum zhing ldong ros lta bu'i 'od dam/ ba bla'i 'od lta bur mthong na zhag gsum gyis bar du char 'bab par ltas shes pa dag gis brjod pa yin no// dus tshigs kyis kha dog dung dang / gur gum dang / ba glang gi gcin lta bu'i 'od byung ba de dag ni/ 'phral du char pa 'bab pa'i rgyu yin no// dbyar ka dus tshigs gnyi gar yang / kha ngag

  30. 109a

    snum pa dang / gur gum lta bu dang / gnag pa dang / rang bzhin gyis 'tshal gyis 'od lta bu 'byung ba dang / kha dog khrag gis rgyun dang / mtshungs pa'i 'od dang / de bzhin du zangs ltar dmar ba dag gis ni/ dus tshigs kha dog brtsub du dmag dang mtshon gyis 'debs pa dang / khrag gis chag chag btab pa'i sa rnam 'byung ba ni/ shin tu 'jigs par byed par 'gyur ro// dus tshigs chag pa shin tu dmar ba ni/ nyin gsum du char pa 'bab par rnam par bstan to// yang na mtshon gyis 'tsha ba'i skye bo zad par 'gyur ro// gang du dus tshigs gnyi gar phyogs su rdo'i char pa 'bab pa der ni/ khris pa'i nad la sogs pas lus can rnams 'chi bar rnam par bstan to// gal te dus tshigs kyis chags pa yang dang yang du byis pa dag dmag 'gyed pa na/ rnam par skrag par 'gyur zhing rab tu rgyug par byed pa de ni/ yul 'kho 'jig par byed do// dus tshigs kyi rang bzhin dang ldan pa'i nyi zla gnyis dang lhan cig du 'byung zhing / kha dog gis 'od dmar ba dang rtsub pa yin pa ni lo legs pa dang / bde ba'i rgyu yin no// dus tshig gnyis gar 'od shin tu gnag cing / mun pa dang 'dra bas/ gang na de'i tshe/ dmag dpon rnam 'khrugs pa dang / gsod par yang bstan par bya'o// gang du dus tshigs kyis rang bzhin drang ba dang 'jam pa dang / rtsub rnam byin ci log tu gyur der ni/ nad dang 'chi ba dang / rgyal po la 'jigs pa

  31. 109b

    'byung ba'am/ yang na nges par bdag po 'chi bar bstan pa yin no// de'i tshe na chen du chom rkun dang / sbrul dang / srin po rnam kyi dbang du 'gyur ro// dus tshigs kyis 'o/ chags pa'i le'u ste bcu pa'o// // dri za'i grong khyer gyis ltas la/ gal te shar phyogs su dri za'i grong khyer byang bar gyur/ nub phyogs na 'dug pa'i rgyal po la/ mchog tu 'jigs pa 'byung bar bstan pa yin no// gang gis tshe nub phyogs su dri za'i grong khyer snang bar gyur na/ de'i tshe ni shar phyogs na gnas pa rnams 'jigs pa chen po 'byung bar brjod par bya'o// gang gis tshe byang phyogs kyis dri za'i grong khyer snang bar gyur na/ de'i tshe ni lho phyogs gnas pa'i rgyal po rnams la 'jigs pa 'byung ngo // gang gis tshe lho phyogs kyi dri za'i grong khyer snang bar gyur na/ de'i tshe ni byang phyogs na gnas pa rnams 'jigs pa 'byung bar 'god pa yin no// dri za'i grong khyer chags pa'i le'u ste bcu gcig pa'o// // gal te gang du 'jig rten pa'i lha gzugs gar byed pa dang / rab tu g.yo bar gyur pa dang / smra bar gyur pa dang / mig 'chims mas gang ba dang rtul bar gyur pa dang / gas par gyur pa dang / thams cad zhig par gyur la sogs pas ni/ 'jigs pa rnams pa du ma 'byung bar rig par bya'o// de la yang gang gis ni/ dam mang po 'byung ngo // rab tu g.yo bas zla ba bzhin dmag 'byung bas dang / zla ba drug gis rgyal po kun tu zad par 'gyur bar dang / ring por mi thogs par yul 'ag par 'gyur

  32. 110a

    gom pa 'dir bas ni yul bor te 'gro bar 'gyur/ gru legs pas ni yul 'khor 'jig par 'gyur/ dum bu las lhung nas/ lus can rnams 'chi bar 'gyur ro// rlung la sogs pas phul ba dang / 'dong ba med par lha'i gzugs sku mgo bo dag las/ me tog gis 'phreng ba legs par gzhan pa lhung bar gyur pa ni// rgyal po dang / yul 'khor du bcas te 'chi bar 'gyur ro// yang gang du rgyal po rtag tu phan tshun khyams par byed pa dang / 'jigs pa med par yang / 'jig pas skrag pa dang / rdeg 'chos pa dang / rab tu gyur pa dang / yid mi dga' zhing rab tu ngu bar gyur pa dang / gzugs mi snang bar srog chags rnams pa tha dad pa dag gis sgra shin tu sdug bsngal bar gyur pa dag thos par gyur pa de'i tshe ni/ rang gi yul 'khor dang / yul du bcas te/ rgyal po 'chi bar 'gyur la/ yul 'khor de'i skye bo yang nang dang / mu ge dang gnod pa dag gis gzer bar dang / bu smad dang yang bral bar 'gyur ba ston pa yin no// gang du bstan pa med par byis pa glu dang spel te/ tshig gis glu len par byed cing / mi mthun don brjod pa der ni/ rgyal po de 'chi bar brjod par byed do// lha rten dang gzugs 'gyur ba'i ltas kyis le'u ste bcus pa'o// // lam du 'jug pa'i ltas la/ gang gis che rgyal po dang / blon po dang / bram ze dag lam du 'jug cing 'phags pa na/ gnam grum pa dang bcas pa'i skar mang byung ba dang / ser ba 'bab pa ni/ de dag mi mthudun

  33. 110b

    par brjod pa yin te/ de dag gi dgos pa yang dag par mi 'grub pa tsam du ma zad kyis/ lus 'jig par 'gyur ro// gang gis dus su/ nyi ma 'char ba'i tshe/ sa phyogs dag tu 'gro ba na/ bya rog dang / ngang pa dang / bya ka ran da b+ha ba dang / klung dag krung snang ba der ni/ dge bar lta'o// sprin dang / 'ja' dang / de bzhin du glog 'gyur ba dang / chu sbyin par byed pa'i 'brug mi gsal ba dag 'byin pa ni 'jig pa 'dren par rig par byed pa yin no// lam du 'jug pa'i ltas kyis le'u ste bcu gsum pa'o// / gong du ltas sna tshogs bstan pa de dag gis 'bras bu 'byung ba'i dus kyis chad bstan pa/ gza' skar dag la mig dmar gyi ltas byung ba ni/ zhag bdun nas 'bras bu 'byung ngo // de bzhin du zla lag ni zhag bcu bdun tshun chad kyis so// phur bu ni lo gcig gis rnam par 'gyur ro// swa wa seng ni zla ba drug tshun chad kyis smin par 'gyur bar bstan par bya'o// gnam grum pa dang / sa g.yo' bo ni zla ba brgyad du brjod do// grong khyer dang mchod rten dang / shing dang / 'brel pa na/ zla ba gcig go nas smin par 'gyur ro// rjesag ma'i char pa 'bab par de bzhin du sprin sgra byung ba dang / gza' snams khyim pa ni zhag gsum tshun chad kyis smin par brjod par bya'o// nyi ma'i 'bras bur 'gyur bar bstan par bya'o// 'ja' zug pa ni zla ba bcus gyis rtag go// ser ba babs pa las ni zla ba phyed dang gnyis kyis 'bras bur 'gyur ro// me med par 'bar ba lta bur snang ba ni 'bras bu 'phral du 'byung /

  34. 111a

    bar mkhas pa dag gis bshed do// de bzhin du dbyig par 'gyur ba dang / mngal dag phyin ci log pa dang / dus ma yin par lo tog 'bras bu chag par thams cad kyis yang zla ba drug par brjod do// sprin med pa'i sgra dag zer ba ni/ zla ba gcig gis so// 'dzi'i ltas bu ni zhag gsum tshun chad kyis 'byung ngo // zla ba'i dkyil 'khor sngon por gyur pa ni// zhag bdun mtshun chad kyis 'bras bu 'byung ngo // grong dang / grong khyer dag dang / de bzhin du glang po che dang / rta dang ba glang dang / glang po che la sogs pa'i ltas byung ba ni/ 'bras bu 'phral du 'byung zhes bya'o// de bzhin du mngon ma byung ba las blo bur du byung ba rnams dang / 'jigs su rung ba'i ltas dang sgra byung ba rnams kyis yang / 'bras bu 'phral du 'byung bar brjod do// gdugs dang rgyal mtshan 'gyel ba dang / bzhi dang rta babs dang / khang pa brdzib pa dang / 'jug rings 'char ba dang ni/ zla ba gcig gis 'bras bu 'byung ngo // mi rgod dang / sbyin dkor dang / sbrang rtsi'i sbrang bu rnams ni/ zhag bcu tshun chad kyis so// stag dang byi la dang / wa dang sre mo dang bya rnams dang / bar snang las sgra byung ba rnams kyi ni/ 'bras bu 'phral du 'byung ngo // yang bya dang / grog sbar dang / phye ma leb rnams kyis ni/ zhag bcu tshun chad kyis so// yang byi ba dang / sbrul dang / de bzhin du sbrang bu mang po'i ltas bstan pa las ni/ zla ba gcig tu shes par bya'o// ri dgas kyi bya rnams dang / bya dag gi skad byung

  35. 111b

    ba'i ni/ zla ba gsum gyis 'bras bu 'byung bar bshad do// dus tshigs kyi mtshan ma rnams ni/ zhag bdun tshun chad kyis so// dri za'i grong khyer gyis chags pa ni/ za ba gsum kyis 'bras bu 'byung bar bshad do// lhas sna tshogs bstan pa'i 'bras bu 'byung ba'i dus bstan pa'i le'u ste bcu bzhi pa'o// / gnod pa'i ltas ngan rnams kyis rgyu bstan pa dang / de dag gis de lon gyis cho ga bstan pa'i dus bstan pa'i yogs gis srid pa ma yin pa'i phyin ci log tu snang ba gang yin pa de dag ni bal cher mi dga' ba'i dbus 'byin par rig par bya'o// de ci'i phyir zhe na/ de dag gis rgyu ni 'di ltar nyes par spyod pa las mang po las tshogs shing brtsams pa las 'byung ba'i phyir/ de dag yang kha gcig las ngan pa'i dbang gis yul log par 'grub par snang ba yang yod do// kha gcig ni mi ma yin pa dag gis sbran pa'i phyir mched de bstan pa dag yod pas ni/ gang gis mi snyad pa ltar snang ba de dag kyang 'dir thub pa lha'i mig can dag gis bstan pa bzhin/ nges pa can du bzung bar bya'o// gang dag kha gcig du dngos po mi srid pa lta bu zhig du rgyal snang na/ der yon tan can zhig na dge ba bzang ba dang / phyin ci log gcig na'ang / mi dge' ba'i don du rig par bya'o// de dag mi dge bar gyur mtshan ma de dag ni/ gnyen po so sor rten pa dag gis zlogs par glur srid de/ de dag kyang gang zhe na/ bsod nams las rab tu gnas pa'i sems dang

  36. 112a

    ldan pa rnams dang / rnam par dag pa la brten pa dag dang / sbyin sreg dang zlas brjod la brtson par bya ba dang / ser sna bcom pa dang / lha dang bram ze dag la mchod pa dang / zhi ba dang rgyas pa'i zlas brjod dang / sprin bsregs kyis cho ga bya ba dang / bsams pa dri ma med pas nor rab tu sbyin pa dag gis/ mtshan ma ngan pa dag gis mi tshugs shing / rnam par 'jig par byed do// gal te gnyen po byed pa'i stobs dag gis/ kun du zlog par gyur na yang / rgyal po 'chi ba las rab tu bcad// tshe nur grong dang / grong khyer dang / yul 'khor de dag rgud cing / rnam par 'jig pa yang yun ring du gnas pa tsam du 'gyur bar bstan to// zhum pa'i cho ga gar ga la// b+ha ra dA tsa go'u ta mas/ lha yul bar snang sa pra dang / gzar/ skar srog chags rnams kyis ltas/ bdag mi'i rgyal po dang // ko'u ta mas ni nyan par bgyis/ dang po sbyin pa gtang bya ste// lha dang bram ze mngon mchod nas/ sbyin sregs bzlas brjod mchod sbyin bgyis// de la thog mar ba la dang / dbyig dang // gos la sog pa dang // brem ze rnams la sbyin sbyin nas// so so'i khyim du rgyal po la/ gtso bo dag la ci rigs par// dbang bsgyur bar ni legs par bya/ bdun na 'don shing mnyam par gzhags pas zhag bdun du bsnyang ba byas par gyur pas/ lha la gtor ma phul te/ u dum 'bar ba'i yam sregs shing / mar la btags pa brgya rtsa brgyad

  37. 112b

    nad par nang zhing sngags rig pas sprin bsreg bya zhing yang na bram ze gtsang mas zas su mar za zhing bza' ba dang / bca ba spang ste/ zhag gsum bsnyung ba byas pa'i/ sngags mkhan gyis/ rigs bsngags twa ta ri zhis zhes bya ba 'dis/ a pa marga'i yams shing mar la btags pa brgyad sprin bsreg bya'o// yang rgyal po'i pho brang ngam/ grong khyer ram/ yul gyis phyir rgyal po'i pho brang gis bdun na 'don gyis lha la zhag bdun du gtor ma phul la/ mar bri do 'am/ mar bre skon gang dang / mar la brtags pa'i nas bre bcu gnyis kho nas sprin bsregs bya'o// de ltar sbyin sregs gis cho ga zin nas/ bram ze rnams brgya 'am/ de las lhag pa dag la 'o thug phu la ba 'am/ yang na zhag bdun du chos ton bya'o// de'i 'og bram ze dag la yon byin pa ni/ gser dang dngul dang / rta dang glang dang rnam pa sna tshogs sbyin par bya'o// yang na bram ze rnams la glang gcig dang / bcu sbyin par bya'o// cho ga 'di dag ltas byas na/ lhas las 'byung ba'i gnod pa thams cad zhi zhing zlog par 'gyur ro// ltas las gnod pa'i 'gyur ba'i ngo len gyis cho ga bstan pa'i le'u ste bco lnga pa'o// // thub pa chen po drangs srong gar ba'i ltas kyis gtsug lag / ma bya ltar sna tshogs bstan pa zhes bya ba'i las ji snyed pa rdzogs s+ho/ ar+ya bya ga kar ni'i nang nas byung ba gza' skar gyis rang bzhin bshad pa/ rgyu

  38. 113a

    skar nyi shu rtsa brgyad ni 'di lta ste/ smin drug dang / snar ma dang / 'gro dang lag dang / nam so dang / rgyal dang / skags dang / mchu dang / gre dang / dbo' dang / me bzhi dang / nag pa dang / sa ga dang / lha mtshams dang / snron dang / snrubs dang / chu ston dang / chu smad dang / gro bzhin dang / byi bzhin dang / mon gre dang / mon gru dang / khrums bstod dang / khrums smad dang / nam gru dang / tha skar dang / bra nye dang / 'di rnams ni rgyu skar nyi shu rtsa brgyad do// de la rgyu skar ni du/ dbyibs ni ji snyed yod/ yud tsam dang ldan pa ji snyed pa/ zas ni ci/ rus ci/ lha rnams kyang ci/ skye bram ze pad ma'i snying po can/ smin drug ni skar ma drug ste/ dbyibs ni spu gri lta bu'o// yud tsam sum bcu dang ldan/ cha drug dang bcas pa'o// zas ni zho// lha ni me lha'o// rigs ni rje'u rigs kyi rgyud do// rgyu skar snar ma ni/ skar ma lnga ste/ dbyibs ni shing rta lta bu'o// yud tsam ni bzhi bcu rtsa lnga dang ldan pa'i cha bdun dang bcas pa'o// kha zas ni zho dang sbrang ci sbyar bza'o// rus ni 'go'u ta mA g+ha ni// rgyu skar mgo ni skar ma gsum ste/ dbyings ni ri dgas kyis mgo bo lta bu'o// yud tsam ni sum bcu dang ldan pa'i cha bdun dang bcas pa'o// zas ni ri dgas kyis sha'o// lha ni zla ba'o// rus ni bar da tsho'o// rgyu skar lag ni skar ma gcig ste/ dbyibs ni sogs le lta bu'o// yud tsam bco lnga dang ldan pa'i cha bdun dang bcas

  39. 113b

    pa'o// kha zas ni mar dang khur ba'o// lha ni nyi ma'o// rus ni dbang byed do// rgyu skar rgyal ni skar ma gsum ste/ dbyibs ni ril ba lta bu'o// yud tsam ni sum cu dang ldan/ kha zas ni sbrang ci dang yoso// lha ni pur bu'o// rus ni rtsa shun gyon pa'o// rgyud do// rgyu skar skags ni skar ma drug ste/ dbyibs sbrul mgo gdengs pa lta bu'o// yud tsam bco lnga dang ldan pa'i cha bdun dang bcas pa'o// kha zas ni sbrul gyis sha za'o// lha yang sprul lo// rus ni dma' ba'i rgyud do// pad mi'i snying po can rgyu skar 'di bdun shar sgor gtog s+ho// dbyibs ni chu bo lta bu'o// yud tsam sum bcu dang ldan pa de'i mtshan yon no// zas ni til dang sbyar ba'i thug pa'o// rus ni skye'i rgyud do// lha ni rgyu skar ma gnyis te// dbyibs ni rtsig pa lta bu'o// yud tsam sum bcu dang ldan pa/ cha bdun dang btsas pa'o// kha zas ni zhag drug bcus smin pa'i 'bras sam til gyis tshigs ma za'o// lha ni khyab 'jug go/ rus ni gzhon rtse mo'i khyim zab gyis rgyud do// rgyu skar dpe ni skar ma gnyis te/ dbyibs ni khri lta bu'o// yud tsam bzhi bcu rtsa lnga dang / ldan pa'i cha bdun dang bcas pa'o// kha zas ni khre'o// lha ni nyi ma dang gshin rje'o// rus ni e ta'i rgyu skar me bzhin/ skar ma lnga ste/ dbyibs ni lag pa lta bu'o// lha nir skye la zhon pa lta bu'o// yud tsam sum bcu dang ldan pa'i cha bdun dang bcas pa'o// zas ni bya sna tshogs dang sre ta'o// rus ni 'od bsrung gis rgyud do//

  40. 114a

    rgyu skar nag pa ni skar ma gcig pa ste// dbyibs ni lag pa lta bu/ lha ni nyi ma'o// yud rtsam ni sum bcu dang ldan pa'i cha bdun dang bcas pa kha zas ni shing tog sna tshogs za'o// rus ni sa la'i shing drung pa'i rgyud do// rgyu skar sa ri ni skam gcig pa ste// dbyibs ni nor bu rin po che lta bu'o// yud tsam bco lnga dang ldan pa'i cha bdun dang bcas pa'o// kha zas ni phye dang ti la thug sbar ba dang / bal sran rde'u btags pa'i za'o// lha ni rlung lha'o// rgyu skar sa ga ni skar ma bzhi ste/ dbyibs ni rI'i rten mgo lta bu'o// yud tsam bzhi bcu rtsa lnga dang ldan pa'i cha bdun dang bcas pa'o// kha zas ni phyi dang me tog dang / rgyal sran smug po za'o// lha ni dbang po dang me lha'o// rus ni mtshan ma zhes bya ba'i rgyud do// gyi pad+ma'i snying po can/ rgyu skar bdun po 'di dag ni/ lho phyog kyi sgor btogs so// rgyu skar lha mtshams ni/ skar ma bzhi pas ste/ dbyibs glang po che'i mgo bo dang sna lta bu'o// yud tsam zas ni chang dang sran chung dang sbrang rtsi za'o// lha ni nyi ma'o// rus ni spen pa rgyud 'dra'o// rgyu skar sngon ni skar ma gsum mo// dbyibs them skas lta bu/ yud tsam bco lnga dang ldan pa'i cha bdun dang bcas pa'o// kha zas ni 'bras bu sa lu dang mar dang 'bras thug go/ lha ni dbang po'o// legs byed kyis rgyud do// rgyu skar snabs ni skar ma dgu ste/ dbyibs ni skar ma gsum dang ldan pa ri dag kyis dmang po slad du byang ba'i ral pa lta bu'o// yud tsam

  41. 114b

    ni cha sum bcu dang ldan pa'i cha bdun dang bcas pa'o// kha zas ni 'o ma dang nags gis rtsa ba dang / sdong bu dang 'bras bu za'o// lha ni sdom pa can no// rus ni ka ta ya ni'i rgyu skar chu stod ni/ skar ma bzhi ste/ dbyibs ni mchod pa lta bu'o// yud tsam sum bcu dang ldan pa'i cha bdun dang bcas pa can gyis rgyud do// rgyu skar chu smad ni/ skar ma bzhi ste/ dbyibs ni gom pa g.yon pa lta bu'o// yud tsam cig ni bzhi bcu rtsa lnga dang ldan pi cha bdun dang bcas pa'o// kha zas ni sgras rtsi dang yos so// lha ni thams cad ces bya'o// rus ni stag pu zhes bya ba'i rgyud do// rgyu skar ji bzhin ni skar ma gsum te/ dbyibs ni glang 'gro lta bu'o// yud tsam drug dang ldan pa'i de las/ yud tsam cig thog mar las byed do// kha zas ni rlung za'o// lha ni tshangs pa'o// rus ni gsum can gyis rgyud do// rgyu skar gro bzhin la skar ma gsum ste/ dbyibs ni rnga lta bu'o// yud tsam ni sum bcu dang ldan pa dang cha bdun dang bcas pa'o// kha zas ni mar sar bsrungs pa dag dang / bya sha za'o// lha ni khyab 'jug go/ rus ni me'u 'gal gyi bu'i rgyud do// kye pad ma'i snying po can rgyu skar bdun po 'di dag ni nub sgor gtogs so// rgyu skar mon gru ni/ skar ma bzhi ste/ dbyibs ni bya lta bu'o// yud tsam ni sum bcu dang ldan pa'i cha bdun dang bcas pa'o// kha zas ni byi la'i sha la reg par byed pa dang / rgya sran smug po za'o// lha ni nor lha'o// rus ni gnas pa zhes bya ba'i rgyud do// rgyu skar mon gru ni skar ma brgyad de// dbyibs

  42. 115a

    ni skar ma gcig dang 'brel pas me tog gi phung bu 'dra'o// yud tsam rtsa lnga dang ldan pa'i cha bdun dang bcas pa'o// kha zas ni ra sha za'o// lha ni chu lha'o// rus ni skar ma bu'i rgyud do// rgyu skar khrums stod la ni skar ma gnyis te/ dbyibs ni shing rta 'dra'o// yud tsam ni sum bcu dang bcas pa'o// kha zas ni lug gis sha dang / khrag go/ lha ni ra 'ba' shig go// rus ni skye bo las kyis rgyud do// rgyu rkar khrum smad ni/ skar ma gnyis te dbyibs ni 'dra'o// yud tsam bzhi bcu rtsa lnga dang ldan pa'i cha bdun dang / bcas pa'o// kha zas ni bal sran no// lha ni sbrul dang gza' dag go/ rus ni nor rgyal gyis rgyud do// rgyu skar nam gru ni skar ma sum bcu rtsa gnyis te/ dbyibs ni skar ma gcig dang ldan pas gru lta bu'o// yud tsam ni sum bcu dang ldan pa'i cha bdun dang bcas pa'o// de'i zas ni sha dang phye'o// lha ni nyi ma'o// rus ni skyod pa'i bu zhes bya ba'i rgyud do// rgyu skar tha skar ni skar ma gsum te/ dbyibs ni rta mgo'i 'gul pa lta bu'o// yud tsam ni sum bcu dang ldan pa'i cha bdun dang bcas pa'o// kha zas ni sbrang rtsi dang sha'o// lha ni dri za'o// rus ni rta 'jig gis rgyud do// rgyu skar bra nye skar ma gsum te// dbyibs ni mi mtshan lta bu'o// yud tsam ni sum bcu dang ldan no// kha zas ni til dang 'bras so// lha ni gshin rje'o// rus ni brga'i rgyud do// pad+ma'i snying po can rgyu skar bdun po 'di dag ni// byang gis sgor gtogs so//

  43. 115b

    nam mkha' las 'byung rtags pa'i le'u las gshin rje dang / chu lha dang / dbang po/ lus ngan las dbyug pa lta bu shar shar bu mtshan mo 'am nam phyed kyis dus na yu tsam 'am/ yud tsam gsum gyis bar du nam mkha' las phal cher rab tu snang ba/ yal ga mang po rgyal chen shin tu grangs mang po shin tu ring ba/ rab tu 'phros pa 'byung zla ba gcig gis de'i yul 'khor tu 'thab pa dang / lo dang mi'i dbang po dang / char la gnod par byed do// ljang sngon dang / rtsub pa dang / bar chad dang / ljang ser dang / 'od/ cher ba dang / dad pa lta bu dang / sbrul 'dra ba dang / dbyug pa 'dra ba brgyad snang na/ char mi 'bab pa dang / le nyes pa dang / rnaH srog chags par stsogs pa 'jigs par 'gyur ro// shing ta la byed tsam snang ba 'am/ shing ta la gnyis sems gsum 'am/ bzhi 'am/ lnga tsam gyis dbyibs ltar snang na/ yang na bral du sbyin no// yang na zla ba bcu gnyis sam/ zla ba brgyad brgyad na lo nyes dang / mi'i dbang po// chu skams pa dang / 'chi ba dang / thab mo'i g.yul dang / nor stongs pa'i rnam par smin pa 'byung bar 'gyur ro// de la yang mod la 'bab gnod par mi 'gyur ro// de la yang mod la 'bab gnod par mi 'gyur ro// 'bras bu rnam par sbyin pa bstan pa ji ltar bshed pa bzhin du/ shar phyogs sam/ nub phyogs sam/ dbyug pa lta bur snang na/ rgyal po bzhi dang / bram ze mche bar byed do// de yang mod la char pa 'bab pa/

Colophon

thub pa chen po drangs srong gar ba'i ltas kyis gtsug lag/ rma bya ltar sna tshogs bstan pa zhes bya ba'i las ji snyid pa rdzogs s+ho/