tshul khrims lnga'i phan yon bstan pa'i mdo
Text
ff. 576a–584b · 18 folio sides
- 576a
byams pa ma spangs na'o//phyugs rnams mang po thob pa dang //zhing la 'bru mang skye ba dang //bu dang bu mo mang bar 'gyur//gang gis byams pa ma spangs/// na'o//ta ri las thur du lhung ba dang //shing las 'og tu lhung ba dang //ltung bar mi 'gyur gnas sa thob//gang gis byams pa ma spangs na'o//pa Ta'i shing snying 'dzegs gyur na//rlung gis bskyod par mi nus bzhin//dgra bos cung zad bya mi nus//gang gis byams pa ma spangs na'o//bcom ldan 'das kyis de skad ces bka' stsal pa dang /dge slong de dag la bcom ldan 'das kyis de skad ces bka' stsal pa dang /dge slong de dag bcom ldan 'das kyis gsungs pa la mngon par bstod do//byams pa bsgom pa'i mdo rdzogs// so////paN+Di ta chen po/A nan+d+ra shrI'i zhal snga nas/mang du thos pa'i lo ts+tsha ba shAkya'i dge slong nyi ma rgyal mtshan dpal bzang posau/skad gnyis smra ba rnams kyi gdan sa/gtsug lag khang chen po dpal thar pa gling du bsgyur cing zhus te gtan la phab pa'o//sa'i steng du nyi ma dang zla ba ltar gyur cig//rgya gar skad du prany+tsa shikyA nu sa sa sU tra/bod skad du/bslab pa lnga 'i phan yon gyi mdo//'phags pa dkon mchog gsum la gus pas phyag 'tshalo//'di skad bdag gis
- 576b
bos pa'i dus gcig na/bcom ldan 'das garga ra dang /chu srin byis pa bsod kyi ri dang /sman gyi nags ri dgas rgyu ba'i gnas na bzhug so//de nas bcom ldan 'das snga dru/ dus su chos gos gyon lhung bzed thogs te/phan ku la'i khyim bdag gang na yod pa'i gnas der gshegs shing nye bar gshegs te/gdan bshams pa la bzhug so// de nas yang pha na ku li'i khyim bdag dang /ma na ku la'i khyim bdag mos/bcom ldan 'das ga la ba der song zhing nye bar song nas/bcom ldan 'das la phyag byas te/ phyogs gcig tu 'khod do//phyogs gcig tu 'khod nas//phan ku la'i khyim bdag des bcom ldan 'das la 'di skad ces gsol to//gang gi tshe btsun pa bcom ldan 'odas/ma na ku la'i khyim bdag ma bdag khye'u yi dusu bu mo gzho nu ma blangs te/ma na ku la'i khyim bdag mo las log par g.yem pa'i sems ma skyeso//lus kyi skyon gang yang ma byung ba las btsun pa bcom ldan 'das mthong ba'i chos 'di la phan tshun du mthong ngo //skye ba gzhan du phan tshun du mthong bar bdag 'dod do//maM na ku la'i khyim bdag mos//bcom ldan 'das la 'di skad ces gsol to//gang gi tshe btsun pa bcom ldan 'das pha na ku lo'i khyim bdag gzho nu dus su bdag gzho nu ma blangaso//pha na ku pa'i
- 577a
khyim bdag las 'dod pa log par g.yem pa'i sems ma skyeso//lus kyi skyon ma byung ba gang las btsun pa bcom ldan 'das mthong ba'i chos 'di la phan tshun du mthong //skye ba gzhan du phan tshun du mthang bar bdag 'dod do//de nas bcom ldan 'das kyis bka' stsal pa/khyim bdag dang khyim bdag mo gnyis po la 'dod pa yod par gyur paso//mthong ba'i chos 'di la phan tshun du mthong bar gyur to//skye ba gzhan du mthong bar 'gyuraro//gnyis po dag dad pa mnyam pa dang tshul khrims mnyam pa dang gtong ba mnyam pa dang /shes rab mnyam pa rnams kyis mthong ba'i chos 'di la phan tshun du mthong bar gyur to//skye ba gzhan du mthong bar 'gyuraro//yang tshig su bcad pa 'di bka' stsal te/gnyis ka dang dang chos tshig dang //mnyam dang chos kyi 'tshe ba dang //phan tshun don dga' ba'i tshig/de ltar skyes pa bud med gcig/nor mang dang ni ldan pa dang //gnas ni bzang por skye bar 'gyur//dgra ni de la dga' ba dang //gnyis ka mnyam pa'i tshul khrims kyis//'di ltar chos ni spyad pa dang //gnyis ka tshul khrims ldan pa dang //'dod cing 'dod pa yi rang bas//lha yi gan su dga' bar 'gyur//de'i phyir bslab pa rnam pa lnga po bsrung bar bya'o//'di lta ste/srog gcod
- 577b
pa spong ba dang /ma byin par len pa spong ba dang /'dod pa log par g.yem pa spong ba dang /brdzun du smra ba spong ba dang /myos par 'gyur ba'i chang gi btung ba spong ba'o//bslab pa lnga 'di ni bsrung bar bya'o//de nas yang dge slong rnams kyis tshul khrims lnga'i phan yon zhus pa/gzhan yang btsun pa bcom ldan 'das srog gcod pa spangs pa'i rnam par smin pa ji ltar shes par bgyi/ma byin par len pa spangs pa'i rnam par smin pa ji ltar shes par bgyi/'dod pa log par g.yem pa spangs pa'i rnam par smin pa ji ltar shes par bgyi/brdzun du smra ba spangs po'i rnam par smin pa ji ltar shes par bgyi/myos par 'gyur ba'i chang gi btung ba spangs pa'i rnam par smin pa ji ltar shes par bgyi/de nas bcom ldan 'das kyis de rnams kyis dris pa de bstan cing rtogs par bya ba'i phyir bka' stsal pa/dge slong dag srog gcod pa ni sbrul dug can dang 'dra bar blta bar bya'o//sdig pa du ma dang ldan pa dang /yi dgas kyi skye gan su skye ba dang /dud 'gro'i skyo gan su skye bo dang /dmyal ba'i skye gan su skye bar 'gyur te/de'i lus zhig nas shrI ba'i pha rol tu dmyal ba yang sos su skye'o//de ni dmyal ba yang sos su dmyal ba'i bsrungs mos yang dog par bsreg pa dang mtshon sna tshogs pa gzung nas dum bur gcod cing
- 578a
lus la bug pa 'bugs par byed do//rnam pa lnga yis bcang zhes pas las byed cing byed la/dmyal ba'i sems can de yang dang yang du 'tsho bas na yang so su skye'o//de rnams de la yang sos kyi sdug bsngal drug pa//rtsub pa/tsha ba 'joms shing 'joms la gang zhig lo thams cad lci zhing srog bcad pa'i rnam par smin pa de'o//de mir skyes kyang tshe thung bar 'gyur ro//dbang po yongasu ma tshang bar 'gyur/gzugs ngan pa dang /shes rab 'chal pa dang /rtag tu skrag pa dang //rtag tu khro ba dang /nad dang bcas pa dang /mya ngan dang bcas pa dang /dga' ba dang 'brel ba dang /thams cad dang 'bral ba dang /rtag tu yun rings du 'bral bar 'gyuraro//de'i phyir bcom ldan 'das kyis bka' stsal pa/skye ba lnga brgyar yi dgas dang //nye sbrul ri dwags 'ug pa dang //ma he khyi dang wa rnams nag//srog bcad pa yi nyes pa'o// 'di ni srog bcad pa'i rnam par smin pa'o//srog gcod pa ni spangs pa yis//skye ba lnga ni bud med lus//thob par 'gyur te phan yon ni//yon tan nyi shu mi dman par// yan lag nyid lag phun sum tshogs//lus ni shed dang ldan pa dang //rigs bzang por ni myur du skya//yan lag gtsang zhing 'jam pa dang //tshe ring po dang bde ba dang //
- 578b
dpa' zhing stobs dang ldan pa dang //tshig ni mchog tu bzang ba dang //lha dang bcas pa dga' ba dang //'jig rten pa yis ngan mi byed//'phags pas tshig ngan mi brjod dang // byad stems ngan pas mi 'chi zhing //mtha' yas pa'i 'khor dang ldan//kha dog gzugs dang yang dag ldan//nad dang mya ngan nyung ba dang //khyim gyi gnas ni mi spong dang //gzhan gyis mau dgar mi 'gyur//srog gcod pa ni spangs pa yis//skyes pa 'am ni bud med kyis//phan yon 'di ni myong bar 'gyur//lha rnams dang ni mi rnam su'o//de lus zhig cing shi nas bde 'gro mtho ris lha'i 'jig rten du nye bar skye'o//mi byin par len pa ni ma byin pa'i pha rol gyi rdzas rnam par shes pa dang bcas pa dang /rnam par shes pa med pa gang rung /khang pa phug nas rku ba la sogs pa'o//pha rol bslus nas len pa dang /rang 'tsho ba'i phyir de rnams de lta bu'i rim pas ma byin par len pa de'i lus zhig nas shi ba'i pha rol tu ngu 'bod du skye bar 'gyuraro//ngu 'bod ces pa'i ming ni ngu 'byo gnyis te/'bar ba'i du 'bod dang /du ba'i ngu 'bod do//'bar ba'i ngu 'bod ni tshe bskal pa gcig tu gnaso//bar bar du mo 'bar bas yongasu gang ba'o//du ba'i ngu 'bod ni du ba 'chub cing de gnyis la me 'bar bas ngu 'bod du sems can dmyal ba rnams 'tshed do//
- 579a
bu ga dgu nas mi 'byung zhing lus bsreg go/'di ni ngu ba'i ngu 'bod do//du ba'i du 'byod ni sems can dmyal ba rnamasu 'tshed do//bu ga dgu nus du ba 'tshub cing 'byung //ji ltar zan 'tshed pa ltar lus 'chad do//sems can gnyis ka mya ngan gyi sgra chen po sgrogaso//de dag ni der sdug bsngal drag cing rtsub pa dang tsha bi myong bar 'gyuro/// ma byin par len pa ni dge slong dag sbrul dug can 'dra bar blta bar bya'o//dmyal bar 'jug pa dang /yi dgas kyi yul du 'jug pa dang /dud 'gro'i skye gan su skye bar 'gyur// gang zhig ma byin par len pa'i rnam par smin pa ni shin tu chen po'o//mir skyes kyang longs spyod rnams nyams par 'gyur ba dang /ma byin par blangs pa'i sems can gyi lag tu dngos po cung zad kyang 'chags par mi 'gyuraro//bza' ba dang /btung ba dang /gos dang /stan la sogs pa rnyed dka' bar 'gyur ba dang /rgyun mi 'chad par zug rngu can dang /gzhan sdang ba dang /'tshe bar 'gyuraro//gang dang gang rnyed pa de dang de ni nyams par 'gyuraro//bzhan gyis longs spyod par 'gyuraro//gang 'dod pa'i longs/ spyod ni rnyed dka' bar 'gyur/dngos po yod pa rnams 'phel bar mi 'gyur//bde ba dang 'bral bar 'gyur//de'i phyir bcom ldan 'das kyis gsungs pa/'dir ni dbul dang
- 579b
na pa dang //gzugs dran nye byung 'tsho ba dang //rags dran du na skya ba ni//ma byin len pa'i nyes pa'o//ma byin par len pa'i rnam par smin pa'o//ma byon lan pa spangs pa yis// skyes pa'am ni bud med ni//thob par 'gyur te phan yon//yon tan nyi shu mi dman par//rtag tu 'bru ni meng ba dang //mtha' yas longs spyod phun sum tshogs//sngar med pa no rab tu 'phel//'dod pa rnams ni brtan pa dang //gzugs sgra ro dang dri dang ni//reg bya rnams ni yid du 'ong //don du gnye ba thams cad la//bsam pa thams cad myur du 'grub/ de la rgyal po chen po chom rkun dang //mi mdza' ba yis mi 'phrogs dang //me'am yang ni chu dang ni//de rnams kyis ni 'tsho mi 'gyur//'di 'dra ba yis longs spyod ldan//gang zhig star dang za ba la//med ces pa ni 'byung mi 'gyur//rtag tu bde bar gnas pa dang //ma byin len pa spangs pa yis//skyes pa 'am ni bud med la//thob par 'gyur te phan yon no//lha rnams dang ni mi rnams//de lus zhig cing shi nas/bde 'gro mtho ras dang lha'i 'jig rten du nye bar skye'o//'dod pa rnams la log par g.yem pas ni 'tsho ba'i 'jig rten 'dir 'dod par byed pa ni/de'i lus zhig nas shi ba'i pha rol tu ngu 'bod chen por skye zhing lhung por 'gyur ro//de nas phyi ru chu bo rab med kyi ngogs gnyis su//shAl ma
- 580a
la'i nags dpag tshad brgyad cu gyen du mnyam zhing mtho ba/tsher ma sor bcu drug pa yul grwa rnams thur la 'phyang ba/lus po rgyang grags bcu gnyis dang ldan zhing lus la me gyen du 'bar ba/dpag tshad drug cur gyen du 'gro zhing de la rtag tu sna tshogs pa'i mtshon gyis phan tshun du bsod cing /de ni shA la ma la'i shing gi nags la shon no//lo stong phrag mang por shing gi tsher ma la 'dzago/gzhan yang dmyal ba'i bsrung ma rnams kyis/mtshon blangs nas rgyab pas ngu zhing mgo thur la bstan nas lhung /lhung ba'i dusu lcags bsregs kyi sa gzhir gsal shing btsugs po rnams la lhungango //de rnams bshang lam nas 'thon pas/de rnams kyis sdug bsngal myong par 'gyur ro//rgyun tu ngu zhing dpag tshad drug cu pa'i lcags kyi bum pa na bskal pa gcig tu sdod do//me mngag gis yongasu gang bar dmyal ba'i bsrungs ma rnams kyis khar ldug so//de'i phyir bcom ldan 'das kyis bka' stsal pa/ri nag rtsegs pa mnyam zhing mtho//shing ni tsher mar bcas pa dang //lcags kyi tsher ma rnon po yis/// 'jig rten mi la bdo ba med//shing gi rtse mor gnas pa yis//dus kyi chung mas ci zhig bya//de'i phyir bcom ldan 'das kyis bka' stsal pa/dge slong dag 'dod pa rnams
- 580b
la log par g.yom pa ni/sbrul dug can dang 'dra bar blta bar bya'o//dmyal bar 'jug pa dang /yi dgas kyi yul du 'jug pa dang /dud 'gro'i skye gan su skye bar 'gyuraro//gang zhig 'dod pa rnams la log par g.yem pa'i rnam par smin po ni shin tu chen po'o//de mir skyes kyang /sdug bsngal chen po myong bar 'gyuraro//de'i phyir bcom ldan 'das kyis bka' stsal pa/skye ba lnga brgyar bud med 'gyur//de bzhin du ni ma ning 'gyur//skyug bro'i mdze can yid yang 'gyur//log par g.yem pa'i nyos pa'o//skye ba du mar bar 'tshe ba dang //dgra mong bar 'gyur ba dang /mi 'dza' ba dang rtag tu lhan cig tu gnas par 'gyur ba dang /nyal ba dang ldang ba'i tshe sdug bsngal dang bcas pa dang dus rtag tu khro ba dang /mis gnod par byed pa dang /rtag tu lus rgur bar 'gyur ba dang //'on pa dang /skye ba nas skye bar dmu long dgos par 'gyuraro//rnam par 'gyur bar nges pa dang /rtag tu sems mi dga' bor 'gyur ba dang /phan tshun du 'thab pa la dga' ba dang /dga' bo'i sems dang 'bral bar 'gyuraro//de lus zhig nus shi ba'i pha rol tu ngu 'bod chen po'i dmyal bar ltung zhing skye bar 'gyur/der ya pa de la sdug bsngal drag pa dang /rtsub pa dang /tsha ba nyam su myong bar 'gyur//'dod pa log par g.yem
- 581a
'arnam par na pag/log par gsom pa snangs pa so//spros pa sa na grad myed kyis//thob par 'gyur na yin na//don tan shu ma dngan/ pa/de la dgun med pa dang //'jig rten thams cad dga' ba dang //bza' dang btung ba rnyed par bla//gos dang stan dang gnas rnams dang //bde bar nyal dang bde ba 'dug/de ni bde bar ldang ba dang //ngan song 'jigs las rnam par grol//mya ngan med dang 'jigs pa'ang med//nad rnams thams cad de la med//myi nang bud med du ni sgying cung zad gang ni don gnyer 'dod//de'i 'dod pa grub par 'gyur//phan tshun du ni mdza' ba dang //gzhan ni mi dga' de la med//dbang po kun ni tshang ba dang //dag bo'i mtshan nyid yang dag ldan//mi bzod chung dang dogs pa med//skyes pa bud mid dogs med do//log par g.yem pa spangs pa yi//skyes pa 'am ni bud myed kyis/ phan yon 'di ni myong bar 'gyur//lha 'am yang na mi rnams kyis//de'i lus zhig nas shi ba'i pha rol tu mtho ris dang lha'i 'jig rten du bad 'gror skye bar 'gyu ro//gang zhig skyes pa 'dod pa yis//skye ba yang dang yang du ni//bud med gzhan la 'gro ma bya//sems kyi dri ma bkru ba'o//bud med gang zhig gis gyos rgyug lo nye ba de mi bsnyen pa
- 581b
dang /rang gi khyo la nye bar mi bstan pa dang /rang gi khyol mi brtsi ba dang /rang gi khyo'i phung po la mi 'dud pa dang /rang gi khyo'i sring mo rnams la gnod par byed pa dang /gzhan yang lag pa dang /rkang pa dang /rgyab la las su bya ba mi byed pa dang /bza' ba dang /btung ba gang 'dod pa mi ster po dang /de rnams la ngo tsha dang khrol du mi byed pa dang /rang bi khyo bo la klog par byed pa dang /bskur pa btab na dmyal bar skye bar 'gyuraro//lcags bsregs kyi sa gzhi'i steng du nyal ba dang /'bar ba'i lcags kyi kha ru bcug nas mchil pas nyal bya ba bzhin du/lce'i rtse mo phyi rol tu phyung ste/thag pas bcings nas phyi rol tu 'dun to//de ltar phyi rol tu gton pa la/lce'i rtse mo la mtshon chas brgyab pa'i gnasu mtsho rang la skyes pa'i srin 'bu tshon pos za'o//de ltar zos pas cung zad kyang smra bar mi nus//de ltar de ni de la lo stong phrag du mar 'tshed par 'gyuraro//btses nas yang dmyal ba chen por lhung bar 'gyur//de'i phyir bcom ldan 'das kyis bka' stsal pa/gang zhig bud med skyes pa 'dod//skye ba skye bar yang dang yang //lha dang lha mo ji bzhin du//rang gi khyo ni spang mi bya//brdzun du smras pas slar yang thig nag tu skye bar 'gyuraro//der yang dmyal ba'i bsrungs mo rnams kyis sgra chen po'i tshig sgrogs shing /
- 582a
mtshon chu 'bar ba sna tshogs pa blangs nas lcags bsregs kyis gzho la dmyal ba'i sems can cig gis cig 'byud pa dang /'bar ba'i thig nag / 'debs pa dang /'bar ba'i mtshon chu bzung nas yang dag par bskur ba dang /zhib mas 'tshag pa bzhin du/ste'u dang dgra stas 'jogs pa dang /de rnams kyis sgra chen po sgrogs te/ngu zhing gnaso//rang gi khrag 'thung zhing nang du der gnas pa de thig nag ste brdzun du smras pas skye'o//der sdug bsngal drag pa dang /rtsub pa dang /tsha ba'i tshor bamyong bar 'gyuraro//dge slong dag brdzun du smra ba ni sbrul dug can dang 'dra bar yid la byed/des stsog bsngalo mang po byed//dmyal bar 'jug pa dang /yi dgas kyi yul du 'jug pa dang /dung 'gro'i skye gnasu skye bar 'gyuraro//gang zhig brdzun du smra ba ni/rnam par smin pa chen po'i/de mir skyes kyang snying rje med pa dang /skad bya rog gi dang 'dre ba dang /lce mi bde ba dang /so la srin 'byung ba dang /kha dri ma zhim pa dang /so mi snyoms pa dang /tshig rtsub pa dang /glo ba 'dzer ba dang /mchu mi bde ba dang / phrag dog dang bcas pa dang /rtag tu sred pa dang ldan pa dang /de lus zhig nas shi ba'i pha rol tu thig nag tu skye bar 'gyuraro//de'i phyir bcom ldan 'das kyis bka' stsal
- 582b
pa/kha nas rnag gi dri ldang zhing //dpag tshad gracig tu dri ngan 'gro/chos ni shes par yang mi 'gyur//brdzun du smras pa'i nyes pa'o//brdzun du smras pa'i rnam par smin pa'o// brdzun du smra ba spangs pa yis//skyes pa 'am ni bud meng ni//thob par 'gyur te phan mon ni//sun cu rtsa gsum mi nyung ba//mig dang zla ba m+b+ha dang ni//lce dang lus dang de bzhin yid// de la rnam par dag par 'gyur//pad+ma'i za 'bru ltar mtshung so//mig dang so ni mnyam pa dang //lusa? ni mi rung mi thung la//ha cang sbom dang dra ma min//'di ltar legs par bshad pa'i tshig/ji ltar ut+pa la yi dri//rtag tu kun nang kha yi dI//g.yog rnams thams cad bsnyen bkur 'gyur//mchod par 'os pa ri tshig giso//chos rnams kun la mkhas pa dang //don dang tshig 'bru rnam par mkhas//sems kyi rtog pa la zhum med//rtag tu khyad par 'phags pa'i tshig/brdzun du smra ba spangs pa yi//skyes pa 'am bud med kyis//phan yon 'di ni myong bar 'gyur//lnga dang mI ru skyes pa na//de'i lus zhig nus shi bu'i pha rol tu bde 'gro lha'i 'jig rten dang /mtho rimu skye'o//brdzun du smra ba zhes bya ba ni/kha na ma tho ba dang bcas pa'o//'dod pa'i ngan rnams la rigs kyi bus mi bya ba nyid do//bden pa dang legs pa'i btsud rnams de lta bu ni blong bar bya'o//brdzun du smra sa/
- 583a
zhes bya ba don med par byed pa'o//'jig rten slu bar byed do//skye ba gzhan du mar mnar med pa'i dmyal bar skye bar 'gyuraro//de'i phyir 'tsho ba'i slad du brdzun du smra bar mi bya'o//thams cad mkhyen pa sangs rgyas/byang chub sems dpa' sgrib pa dang bcas pa'i dus na'ang phra ma ni/yung ba'i kha dog ltar yun ring por mi gnaso//phub ma'i phung po'i steng du phur pa gcugs ni yun ring du mi gnas pa bzhin//rta'i rgyab tu shing thog ril bu bzhag na yun ring du mi gnas pa bzhin du/smras pa'i tshig la ral gris ske 'breg pa'i tshe tshig gnyis mi smra ba bzhi no//bden pa yun ring por smras pas dge sbyong dang bram zlos pha rol tu sgrol bar byed//chang 'thungs pa ni tsha ba'i dmyal bar ltung zhing skye bar 'gyur ro//der lhung ba'i sems can ni lo stong phrag mang por 'tshed par 'gyuraro//de nas phyir phyung nas chu bo rab med kyi ngogs sbyar bar byed//gang du 'gro sa med par ying dang yang du skyel bar byed do//der dmyal ba bsrungs ma rnams kyis mchi lnga pas nya 'don pa ltar/lcags bsregs kyi sa gzhi la rdebs par byed//'di ltar sgyogs te/kye skyes bu tsi 'dod/jo bo skom//dmyal ba'i srungs ma des lcags 'bar ba'i lcags kyus kha phye ste lcags bzhu ba'i khu ba ldugs par byed//da la de'i mchu sreg/mgrin pa
- 583b
yang srog/brang srog/rgyu mu sreg//snying yang sreg//bA shang lam nA mar 'thun byed//de rnams kyis sdug bsngal myong bar byed cing /dul 'dre bar byed do//de'i dus yang 'chi bor ni mi 'gyur te/ji srid kyi bar du sdig pa'i las kyi 'bras bu myong bar byed//de srid du de rnams kyis rnam par smin pa'i tshor ba myong bar byed do//de'i phyir bcom ldan 'das kyis bka' stsal pa/che zhing rtsub pa'i chu bo ni//rab med shin tu dgrod por dka'o//lcags kyi pad+ma'i 'dab ma rnams//'dab ma rno ba'i stong du 'gro/chu bo rab med gzhi med par// chos mi ni ji ltar spyod par 'gyur//gang zhig chang 'thung ba de ni sdig pa chung ba ma yino//de mir gyur kyang rtag tu brjed ngas pa dang /lug ltar lkugs pa dang /shes rab 'tshal pa dang /rig pa mi shes pa dang /rtag tu gnyid du 'gro ba dang /blo gros dman pa dang /gti mug che ba dang /'jigs pa dang /skrag par 'gyur ba dang /dogs par 'gyur ba dang // phywa ma can dang /tshig mi brtan pa dang /ser sna tsAn dang /phrag dog cen dang /nges par mi 'byung ba dang /ngo tsha med pa dang /khrel med pa dang /shes rab chung ba dang /dge ba'i chos rnams mi reg pa te/skye ba lnga brgyar gni de sbyin skye/skye ba lnga brgyar khyi dang ni//mtha' yas smyon par skye bar 'gyur//tshang 'thungs pa'i nyes pa'o//myos par 'gyur ba'i chang
- 584a
gi btung ba'i rnam par smin pa'o//chang 'thung ba ni spangs pa yis//skyes pa 'am ni bud med ni//thob skye de'i phan yon ni//sum cu rtsa drug mi dmun par//'das dang / ma 'ongs pa'i dus//da ltar byung ba cung zad du//myur du shes par 'gyur ba dang //rtag tu smon pa gnas pa dang //de ni smyo bar mi 'gyur zhing //khyad par 'phags pa'i shes rab dang // mi rmongs pa dang bag yod dang //tshig ni shin tu gisal ba dang //ngo tsha shes shing tshig ni gsal//de ni log par smra mi 'gyur//phra ma dang ni tshig rtsub med//don med pa la mi bstod cing //nyin dang mtshan du de bzhin du//byas pa shes shing byas pa tshor//'dod med gtong dang tshul khrims ldan//khro ba med cing tshig ni drang //'jigs pa med cing rnam par mkhas//ngo tsha khrel yod phun sum tshogs//'jigs pa dang ni dogs pa med//yid gzhung thos pa 'dzin pa dang //don yod skye bo mang nang mkhas//chang gi btung ba spungs pa yis//skyes pa 'am ni bud med kyis//phan yon 'di rnams myong bar 'gyur//lha rnams dang ni mi rnamasu//de'i lus zhig nas shi bo'i pha rol tu bde 'gro mtho ris lha'i 'jig rten dang mtho rosu skye'o//tshul khrims 'di rnams bsrung bar bya'o//'di gang zag gong su dag skyes pa 'am bud med kyis tshul khrims bsrung bar mi byed pa dang /bsgom par mi byed na
- 584b
de'i lus zhig nas shi ba'i pha rol tu ngan song ngan 'gro ldog par lhung bar skye bar 'gyuraro//gang su ngag tshul khrims srung bar byed pa dang /bsgom par byed pa rnams ni/de'i lus zhig nas shi ba'i pha rol tu bde 'gro mtho ris dang /lha'i 'jig rten du skye bar 'gyu ro//bcom ldan 'das kyis de skad ces bka' stsal pa dang /dge slong de rnams bcom ldan 'das kyis gsungs pa la mngon par bstod do//tshul khrims lnga'i phan yon bstan pa'i mdo rdzog so////paN+Di ta chen po/Anan+da shrI'i zhal snga nas/mang du thos pa'i lo ts+tsha ba shAkya'i dge slong / nyi ma rgyal mtshan dpal bzang pos/skad gnyis sme ba rnams kyi gang nas/gtsug lag khang chen po dpal thar pa gling du bsgyur cing zhus te gtan la phab pa'o//si'i steng du nyi ma zla ba ltar gyur cig///rgya gar skad du/ge ri A nan+da sU tra/bod skad du/ri'i kun dga' ba'i mdo//'phags pa dko ni mchog gsum la gus pas phyag 'tshalo//'di skad byadag gis byos pa'i dus gcig na/bcom ldan 'das mnyan yod rgyal byed tshal mgon med zas sbyin gyi kun dga' ra ba na bzhugaso//de'i tshe de'i dus na tshe dang ljon pa ri'i kun dga' bo nad dam po sdug bsngal bas gzir to//de nas tshe dang ldan pa kun dga' bo bcom ldan 'das ga lo ba der song zhing nye bar song nas bcom ldan 'das la phyag byas nas phyogs
Colophon
tshul khrims lnga'i phan yon bstan pa'i mdo rdzogs so/ /paN+Di ta chen po A nan+da shrI'i zhal snga nas/ mang du thos pa'i lo ts+tsha ba shAkya'i dge slong nyi ma rgyal mtshan dpal bzang pos/ skad gnyis smra ba rnams kyi gdan sa/ gtsug lag khang chen po dpal thar pa gling du bsgyur cing zhus te gtan la phab pa'o/ /sa'i steng du nyi ma zla ba ltar gyur cig