MW21521_F330E0མན་ངག་ཨ་ཏི་ཡོ་གའི་ཆོས་སྐོར།All versions of this work

byang chub kyi sems thugs kyi rgyud rin po che spungs pa'i rgyan

Text

ff. 281b–290b · 19 folio sides

  1. 281b

    las 'da' 'o// zhes byang chub sems dpa' rgyal mtshan rtse mo'i rgyud las/ ngo spong gzhi la spyi 'dud lngang dgrol ba'i le'u ste bzhi pa'o// kye byang chub sems dpa' sems dpa' chen po/ nga mya ngan las 'da' ba'i 'og tu/ 'khor gyi mi pho bzhi la/ gang 'dul ba'i chos bzhis ston pa mngon par mthong ba bzhin ston cig/ gsang ba bla na med pa'i 'dul ba'i 'khor la/ bya ba tsal med pa nam mkha' lta bu'i chos bstan/ mtshan yongs su rdzogs pa'i byed pa'i 'khor la/ chu zla'i dkyil 'khor lta bu'i chos bstan/ mos pa spyod pa'i 'khor la/ gdung sha ri ram rin po che'i chos bstan/ tshad med pa bzhi dang ldan pa'i 'khor la/ sman gyi lha bai DUR+Ya 'od kyi rgyal po bstan no// rigs kyi bu ngas 'jig rten gyi khams su rang lo nyi shu rtsa bzhi lon no// sems can gyi lo stong brgyad brgya nyi shu rtsa bzhi sprul pa'i skur bzhugs so// zhes byang chub sems dpa' rgyal mtshan gyi rtse mo'i rgyud las/ sangs rgyas kyi ring bsrel gang zag gdams pa bstan pa'i le'u ste lnga pa'o// // byang chub kyi sems rgyal mtshan rtse mo'i rgyud rdzogs so// / tha rims rgya yis btab bo// // rgya gar skad du

  2. 282a

    bo d+hi tsit+ta tan+t+ra rat+na kUT a lang+kA ra nA ma/ bod skad du/ byang chub kyi sems thugs kyi rgyud rin po che spungs pa'i rgyan ces bya ba/ ye shes kyi sku bde ba chen po na bzhugs pa/ bya rtsol mi mnga' ba/ gsang ba mchog gi dkyil 'khor dang 'du 'bral med par bzhugs pa/ sangs rgyas kyi zhing yongs su dag pa na/ ye shes kyi snang ba mi 'gag par 'od gsal ba/ thugs rin po che'i klong na 'du 'bral med pa/ stong pa chen po ye shes kyi snying por gnas pa la phyag 'tshal lo// 'di skad bdag gis thos pa'i dus gcig na/ bcom ldan 'das 'og min gyi gnas snying po byang chub na bzhugs pa'i rgyu// sku rdo rje sems dpa' la gzigs nas/ chos kyi sku bde ba chen po la bzhugs te/ de'i tshe dus gsum gyi bde bar gshegs pa rnams dang gnyis su med par bzhugs nas/ kye kya rdo rje 'dus pas ye shes sku// tshig gcig mtshon pas don chen spungs// rnam par dag pa'i lam chen po// sangs rgyas nyid kyis yongs ma gsungs// bgrod med lam la rab gnas pa// ye shes sku gcig dri ma med// ma bskyed gsang ba'i dkyil 'khor rdzogs// rnam dag lam la rab tu gnas// mgon po shes rab pha rol phyin// shes rab mtshon cha rnon po yis// snying rje med par thams cad sgrol// gzung

  3. 282b

    'dzin gnyis med ye shes sku// mya ngan 'das med 'khor ba med// mgon po dri med ye shes sku// sangs rgyas kun gyi spyan chen po// thugs kyi sgron mas ngon bstan pas// 'jig rten khams ni rdzogs sangs rgyas// rdo rje sems dpa' bdag nyid kyang // rdo rje gdan la yang dag bstan// kye rdo rje 'dzin pa nyon cig/ chos kyi sku bde ba chen po'i don 'di ni/ kun gyis rig pa ma yin te// lha la sogs te 'gro ba rnams// byang chub sems dpas mi rig ste// chos pa rnams kyis don mi rnyed// sangs rgyas lam la mi gnas te// lam la bgrod pa rtsol ba'i nad// sangs rgyas nyid la 'bras bu med// 'bras bu grub par 'dod pa yi// byang chub sems dpas don mi rnyed// de phyir mgon po dri med ngas// thugs kyi dkyil 'khor rang byung ba// ye shes lhun rdzogs me long bzhin// nga ni dus gsum rtag par bzhugs// sangs rgyas kun gyi ye shes ska// dri med rang byung 'od gsal ba// dus gsum gcig ste rtag par bzhugs// rang las byung ba'i ye shes lnga// gsang ba'i dkyil 'khor thugs kyi mchog mtshan nyid mchus rlung lnga// rang las byung ba'i chos nyid de// las la ma rmongs thabs kyi zhing // byed pa po nyid rdo rje ste// rgyu 'gag med pa'i ye shes yin// rang nyid

  4. 283a

    nam mkha' 'od gsal ba// gzhi las byung ba'i yang shes te// dang po rgyu med dbyings las shar// tha ma rkyen med bde ba'i ngang // 'byung bas sa chu me rlung kyang // bdag nyid chen po'i de bzhin nyid// 'gro ba rgyud drug snang ba yang // dag pas ye shes rgyu yi ngang // phyi nang snod bcud ma lus kun// dang po rgyu med dbyings las byung // tha ma rgyu med dbyings su thim// kye rdo rje 'dzin pa nyon cig/ nyon mongs lnga dang mtshams med lnga// lam gyi dgra ste lam gyi mchog/ nga na sangs rgyas kun gyi sku// nga ni sems can kun gyi dur// nga ni nad rnams kun gyi sman// shel ltar dri med ye shes sku// gzhi la dngos med nam ka 'a dra// 'gag med ye shes 'od kyi sku// chu zla lta bur rang bzhin med// rang byung ye shes 'gag med gsung // brag cha lta bur rang bzhin med// mi 'gyur rdo rje lta bu'i thugs// nyi ma lta bur sgrib pa med// ces pa rin po che spungs pa'i rgyan ces bya ba thugs kyi bcu da dam pa las/ gzhi'i 'dug tshul bstan pa'i le'u ste dang po'o// / / de nas bcom ldan 'das rdo rje 'chang chen po chos nyid mnyam pa'i ting nge 'dzin las bzhengs nas/ thugs mi gnas pa'i klong nas/ gsang ba'i dkyil 'khor chen po zhal

  5. 283b

    phye nas/ nyid las mi gzhan pa'i 'khor rnams la bka' stsal pa// kye 'dus pa'i 'khor rnams nga la nyon// nga ma dag zhan med ngo bo nyid kyi sku// ye shes dkyil 'khor rang byung ba// gdod nas ma byas rang byung ba// bya med lhun rdzogs sku lnga'i bdag/ smra bsam brjod med mya ngan 'das// mi gnas shes rab pha rol phyin// rang byung ye shes lngar snang ba// 'du 'a bral med pa'i sku lngar grub// rigs kyi gtso bo lngar snang ba// mtshan bzang dpe byang tshulang shes ldan// mar me gcig las gnyis snang bzhin// bdag med shes rab pha rol phyin// rgyan dang cha lugs tshul shis pa// skye med rnam dag ga dan stengs su// 'khril ba'i tshul du bstan par gnas// / rang byung grub pa'i sku lngarang sha ra// skye ba med las skye snang tshul// skyes pa nyid na 'du 'bral med// gcig pur snang ba'i sku lnga po// rdo rje 'chang gi sa bka' stsa la pa// nga ni rnam dag sku yi mchog/ ye shes lus can dri ma med// nga ni rnam dag gsung gi mchog/ smra ba sa ma yul las 'das pa yin// nga ni rnam dag thugs kyi mchog/ rtog pa'i mtha' las 'das pa yin// stong pa'i ye shes rtsa la snang ba// sangs rgyas sku lnga'i bdag nyid can// sku lnga'i yon tan mthar phyin pa//

  6. 284a

    shes rab pha rol phyin pa'i gsung // gsung med gsung gi dkyil 'khor nas// chos med chos kyi don brjod pa// mgon pos bdag la bshad du gsol// ces bka' stsal to// de nas sku lnga ngo bo nyid kyi sku dang drug/ ye shes lnga mi gnas pa'i ye shes chen po dang drug/ yul lnga bdag tu med pa'i klong dang drug gis smras pa/ kye kye bcom ldan 'das rdo rje 'chang / dbyed pa po nyid rang bzhin gyi rnam par dag nas/ sangs rgyas pas thad byas kyi chos ye gdod ma nas med do// nga ye shes pa rnam par dag pa yin pas/ nga'i chos thams cad rnam par mi rtog pa yin no// de nas rang re'i rigs kyi 'khor rnams dang lhan cig tu 'khod nas/ thal mo mnyam par sbyar te gsol pa/ ngo bo nyid kyi smras pa/ e ma ho bde gshegs bcom ldan 'das// sangs rgyas kun gyi yang shes sku// rtogs par dka' ba snying po'i don// rab tu mi rtogs gnas med pa'o// zhes gsungs so// de nas bcom ldan 'das rdo rje mi bskyod pas/ e ma ho gzung 'dzin rnams spangs pa// tshig dang yi ge'i spyod yul min// chos bdag med pa'i mnyam pa nyid// rang rig gzod nas ma skyes pa'o// de nas bcom ldan 'das rin chen sems dpas/ e

  7. 284b

    ma ho mnyam nyid rig pa'i klong // ming du btags pa'i chos rnams kun// mnyam pa nyid las gzhan med do// de nas bcom ldan 'das pad+ma sems dpas/ e ma ho chos su snang ba thams cad kun/ rang gi ngo bo brjod du med// de nyid rang rig ye shes ni// mkhas par rtogs pas bsgoms par 'gyur// de nas bcom ldan 'das las kyi sems dpas/ e ma ho chos kun rang rig ye shes te// nges pa med de dngos rtog bral// de nyid dag pa'i rang bzhin pas// mkhas pa ci dgar sgoms kyang 'grub/ ces gsungs so// de nas bcom ldan 'das rnam par snang mdzad sems dpas/ e ma ho chos rnams stong pa'i bdag/ rang gi ngo bo brjod du med// brjod med de nyid sna tshogs pa'i// chos rnams kun la khyab par gnas/ zhes gsungs so// de nas yum kun tu bzang mos// e ma he chos nyid bde ba'i klong // rang bzhini rnam par dag pas nam mkha'i ngo bo nyid// de nas yum sangs rgyas spyan gyis/ e ma ho mi bskyod byang chub sems// dus gsum 'pho 'gyur med pas ye shes dag pa'i zhing // de nas yum mA ma kI sa/ e ma ho yon tan dpag meng sku// 'du 'bral med par gnas pas snod bcud snum par byed// de nas yum gos dkar mos

  8. 285a

    a ma ho thugs rje 'od dpag med// thams cad smin par byed pa'i rang bzhin 'od kyi me// de nas yum dam tshig sgrol mas/ e ma ho thugs rje shugs kyis sgrol// ma bstod brlabs kyis spyod pas gar kyang thogs med sgrol// de nas yum bdag tu med pa'i klong gis/ a ma ho maM genas ye shas dngos rtog mtha' dang bral// sku dang ye shes rol po mdzad spyod kun// gdod nas rang bzhin med de dngos rtog mtha' dang bral// ces gsungs so// de nas ye shes lngas smras pa/ rig papo 'gag pa med pas me long ye shes yin// de la 'pho 'gyur med pas mnyam pa nyid// de nyid rgya ma chad pas so so'i ye shes yin// ma btsal lhun gyis grub pas bya ba grub pa yin// skye med dbyings nas ye shes rang byung ba// chos kyi dbyings kyi ye shes gdod nas dag/ ye shes rgyal po tshig las 'das pa de// mi ga nas tshig las 'das pa'i ye shes yin// gsungs so// de nas bcom ldan 'das rdo rje 'chang / dga' zhing mgu nas yi rangs te// legs so legs so rigs kyi bu// sems can kun gyi don gyi phyir// khyed kyis smras pa de legs so// tshig don rab tu gsal ba yis// sgyu ma lta bu'i ye shes la// sgyu ma lta bu'i tshig rjod pas// dngos po mi g.yo brtan

  9. 285b

    par bzhugs// de bzhin gshegs pa'i sku lnga yang // ye shes lnga ru mngon sangs rgyas// ye shes lnga yi ngo bo yang // mi gnas ye shes chen por rdzogs// ma bskyed rang byung dbyings su rdzogs// rdzogs pa'i yang rdzogs a ti la// mthon dman bzang ngan yangs dog med de rdzogs// rang bzhin rnam par dag pa'i sku mnga' bas// rang byung rtsol med sku lnga lhun gyis rdzogs// nam mkha'i rang bzhin mtha' dang dbus med pas// phyi nang snod bcud nam mkha'i ngang du rdzogs// rang byung ba de cha na ya brdal khyab par gnas// mnyam dang mi mnyam skye med klong du rdzogs// rdzogs pa'i don la btsal du ye nas med// ces gsungs so// thugs kyi rgyud dam pa las/ thugs// rje 'byung ba'i tshul bstan pa'i le'u rta gnyis pa'o// // de nas bcom ldan rdo rje 'chang // rang gi ngo bo brjod du med// mig nas mya ngan 'das pa'o// rtogs pa'i klong du su 'dres pa// ye shes dri ma med pa yin// lung du bstan pa'i bde gnas pa// gol sgrib bdar sha chod pa yin// chos la blo ni mi gnas na/ rtag chad tshig las 'das pa yin// ye shes rgyu mar snang ba'i sangs rgyas dang // log rtog sgyu mar gnas pa'i sems can gnyis// rgyu ma yin phyir rang bzhin rnam par dag/

  10. 286a

    ma byung ma skyes 'od kyi dkyil 'khor la// bkod pa lha yi dkyil 'khor btsal mi dgos// rang bzhin rnam par dag pa'i chos sku la// khrus dang gtsang sbra ma tog byug mi dgos// mkha' la nyi ma'i gdong po brdal ba la// 'od dang snang ba kun tu ba tsa la mi dgos// shes rab rig pa ye nas shar ba la// rna ba mnyan cing tshig phyir 'brang mi dgos// nor bu rin chen rang la yod bzhin du// gzhan la brten nas btsal bas chos nyid don mi rnyed// rnyog pa med pa'i chos sku la// bkrus pas mi 'dag nam mkha' 'dra// sgyu dang bral ba'i snying po la// byang chub 'bras bu yongs kyis med// rdo rje sems dpa'i byang chub ni// rang gi rig pa chen pos mkhyen// rang rig du mar mi snang bas// so sor bstan yang gcig gi ngang // bde gshegs sku rnams du mar snang // ye shes lnga yi bdag nyid snang // nyi ma'i snying po ji bzhin no// kye rdo rje 'dzin pa chen po/ snang la mi gnas pa rnams ni ye shes kyi sku dri ma med pa'o// bkod pa med par mngon par snang ba ni/ de bzhin gang shegs pa'i sku/ dri ma med pa chu zla lta bur snang ba'o// ma bkod par mtha' dang dbus med/ phyogs dang ris med/ mthon dman dang yangs dog med par snang ba ni/ sangs rgyas kyi zhing yongs su dag

  11. 286b

    pa'o// 'dod pa'i mtha' thams cad dang bral ba ni/ ting nge 'dzin gcig pa'i zas so// ye shes kyi sku dri ma med pa dang / sangs rgyas kyi zhing yongs su dag pa gnyis dus gsum du 'bral med par bzhugs pa ni grogs khyad par can no// tshig dang yi ge'i don la mi gnas par/ gzhi'i 'dug tshul shes bya ga tan la phebs na/ dgongs pa'i la dor// don klong du 'dril/ re dogs kyi 'phangs gcad/ bdag nyid chen po de kho na nyid do// zhes thugs kyi rgyud dam pa las/ rtogs pa rgyud la bzhag pa'i le'u ste gsum pa'o// / de nas bcom ldan 'das rdo rje 'chang chen po/ chos nyid gsal ba'i ting nge 'dzin las bzhengs nas/ sku mi gnas pa'i klong chen por bstim te/ kye 'dus pa'i tshogs rnams nga la nyon// nga ni ye nas nam mkha' 'dra// nam mkha'i rang bzhin dngos po med// sgrib g.yogs rab tu mi gnas pa'o// nga ni ya nas rgya mtsho 'dra// srid pa'i g.yo 'gu la ya nas med// nga ni ya nas ri bo 'dra// dus gsum 'pho 'gyur med par gnas// nga ni nyi ma'i snying po 'dra// sku gsum 'bras bu lhun gyis grub// nga ni ye nas seng ge 'dra// rtsa la gsum lus la rdzogs pa yin// nga ni bya rgyal khyung chen 'dra// lta ba spyi rgya rlabs kyis gcod// kye rdo rje 'dzin

  12. 287a

    pa nyon cig/ khyod ni da rung 'khor ba'i rgyu'o// sa la gnas pa'i byang chub sems dpa' rnams dang / lha rnams la sogs pa lta ci smos// ci ste rtogs pa'i don lam du khyer ba'i phyir ro// nga rig pa chos kyi sku rang byung gi ye shes chen po rtogs pa mngon du gyur pa/ bya ba tsal thams cad dang bral ba/ lung las 'das pa zab cing cha 'a phra bas gzhan gyis brtag par dka' ba/ phra zhing zag pa med pa/ sa bon dang bral ba/ rdul dang bral ba/ dri ma med pa dang ma 'dres par gnas pa// rang reg pa'i ye shes la bdag med pas bya ba thams cad dang bral ba'o// smra bsam tshig las 'das pas rdo rje sems dpa'i thugs// gsal la rang bzhin med pas gzung 'dzin gnyis dang bral// skye 'gag mtha' dang bral bas chos nyid bde chen po// ji bzhin lhun gyis rdzogs pas kun la khyab par gnas// snying po rang la rdzogs pas sgom pa'i blo dang bral// snang ba byur med chos nyid bde chen klong // yon tan lhun rdzogs ye nas rnam par dag/ kha dog dbyibs med smra bas ma 'das pa'i dbyings// skyon rnams kun bral sgom du med pa'i mchog/ ma bcos chos sku kun gzhi byang chub sems// thugs kyi rang bzhin mtshon pa las 'das pas// shes par bya phyir rna bas/

  13. 287b

    mnyan du med// dbyings nas shar bas lces kyang brjod du med// rang byung chen po tshig gi mtha' dang bral// rtog med mnyam nyid chos kyi sku// mdzes pa kun tu bzang / po'i sku// gzung bas mi zin chu zla'i sku// zab mo a yi klong nas 'byung // brjod las 'das pas zab mo'i klong // a yi rang bzhin spros pa'i mtha' las 'das// spros med mnyam nyid chos sku dag pa las// ngo mtshar rmad byung rig pa'i skur snang ste// ma g.yos dbyings nyid yin pas klong na 'phyo// ji ltar snang yang ma bcos snying po'i sku// zab mo a yi klong chen 'di// btsal bas rnyed pa'i gnas med de// drug gi chos bzhin yul 'dod na// long ba nam mkha' 'dzin pa bzhin// gong nas gong du sa 'phar lam// bya bral chos dang 'thun pa mi ni// bgrod du med do chos sku byang chub sems// bgrod par 'dod na ye shes mtha' las ring // bsod nams las grub gling bzhi'i rgyal po dang // rnam spyong dus la ltos pa'i mu sngags rnams// ma bcos chos nyid byang chub lam 'gags pas// chos nyid byang chub don dang bral bas gol// kye rdo rje 'dzin pa nyon cig/ nga byang chub kyi snying po la gnas pa'i tshe/ byang chub kyi chos la byang chub tu bsgrub tu med de mi gnas so// de bzhin gshe/

  14. 288a

    / pa rnams kyi yang bsal/ sems can gyi chos mad dmi gnas so// a ti log rdzogs pa rnyan po bya ba tsal las 'das pa la/ bzang ngan tshe chung / memang de mi gnas so// lung las 'das pa'i chos/ sems las 'das pa'i sangs rgyas/ kun gzhi las 'das pa'i chos sku/ ma bsgoms par sangs rgyas pa'i lta ba chos spyod bcu dang mtshams med pa lnga'i spyod pa la khyad par med pa/ ma mnyan par shes pa'i rgyud/ 'di ni sangs rgyas kyi rgyud/ gsang ba'i man ngag yang dag shes par bya'o/ zhes thugs kyi rgyud las/ bya bcal thamos cad las 'das par bstan pa'i le'u ste bzhi pa'o/ de nas bcom ldan rdo rje 'chang // sangs rgyas chos la mi gnas te// sems can rnams kyi lta ba yin// mtshon pa'i byang chub chos yin kyang // rdzogs pa'i lta ba chos ma yin// theg ma'i mgon po dri med kyang // chos la rten pa ma yin te// ma bskyod dbyings nas rang byung ba'o// de phyir chos kyis sangs mi rgya// chos ni tshig phyir 'brengs shing tshig la dga'// rang byung ye shes nyid ni tshig gi mtha' dang bral// rig pa'i ye shes chos la rten ma yin// de phyir yang dag don la tshig med yi ge med// dper na byis pa zla ba mtshon pa bzhin// sems can rnams

  15. 288b

    la yang dag tshig dang yi ges mtshon// sems can rnams ni thog ma chos la rab rten la// chos de khong du chud nas chos la mi gnas la// lung bstan de ni thog ma'i sangs rgyas nyid dang mtshungs// chos de khong du chud nas chos la yang dag gnas gyur na// byis pa'i rtsed mo 'dra ste slar yang 'jig/ de phyir bsam gtan mnyam gzhag byed cing ye shes lha la mchod byed pa// byis pa so so'i skye bo rnams kyi bsgom chen yin zer na// de ni long bas long ba khrid de g.yang sa drung na 'chi// gang zhig rgyud chen nga yi blo gnas na// srog gcad tshe dang shing bcag don la khyad par med de stong pa'i mu la gnas// ci ste chu la ral gris btab dang mtshungs// stong pa'i chos la stong pa'i ye shes rang grol ba/ nam mkha'i mdung bskor 'dra ste yangs dogs med// gzugs kyi phung po 'byung sa rdo rje snang // rang rig rgyal po nam mkha'i mtha' dang mnyam// rnam rtog gzung 'dzin bag chags ci bsags kyang // byang chub sems la rang bzhin yongs kyis med// dper na nam mkha'i cho 'phrul sna tshogs cir snang yang // nam mkha'i rang bzhin gdod nas rnam par dag/ kye rdo rje 'dzin pa nyon cig/ bka' lung gi phyi mo las kyang / ye shes rgyal po'i tshig las 'das pa de// smra ba'i khyu mchog gzhan gyi dring mi 'jog/ rang

  16. 289a

    rig rgyal po'i tshig las 'das rtogs na// phyi nang snod bcud bdag nyid chen por ldog/ sangs rgyas kun gyi thugs kyi mchog/ sangs rgyas nyid kyi thugs la gnas// sems can kun gyi byang chub sems// mgon po dri med shes rab kyis// rnam par dag pa'i zhing khams su// dus gsum gcig ste mnyam par gnas// rdo rje 'chang gi ye shes no// bde gshegs rnams kyi thugs la gnas// sems can rnams la de bzhin no// yi ge'i ngo la mi snang yang // mtshon pa'i yi ge don la snang // don gyi yi ge dam pa de// shes rab can gyi ar snang ba// a yi rang bzhin khong nas 'byung // khong nas 'byung bas skye ba med// skye med mi ger mtshon pa de// mgon po dri ma med pa'i sku// nga me dang ni stong pa yin// 'phags pa rnams kyisang mi gzigs// bdud dang mu stegasang mi snang // nga larang bzhin med pas na// bdud bzhi rnam par grol ba yin// nga ni mi 'gyur rdo rje'i sku// zag pa med pa'i ye shes yin// kye rdo rje 'dzin pa nyon cig/ nga dri ma med pa'i ye shes kyi sku la/ dge dang sdig pa gnyis med do// dper na nam mkha' la nam mkha' gnas pa'i tshul lo// nga gdod ma nas snying po byang chub tu gnas pa la/ 'bras bu

  17. 289b

    thob pa dang ma thob pa gnyis med do// nga stong pa chen po ye shes kyi snying po can du gnas pa la/ bde ba dang sdug bsngal gnyis med do// rang rig pa'i ye shes chos nyid skye ba med pa'i ngang na/ dus gsum 'du 'bral med par bzhugs pa la/ gnas dben pa dang mi dben pa gnyis med do// kye rdo rje 'dzin pa chen po/ 'khor ba'i rgya mtsho mtha' rings la// nyon mongs sems can grol mi nus// thugs rje chen po'i shugs phyung nas// bsad pa' ba' zhig las su rung // khams gsum sems can bsad pa na// sangs rgyas 'byung ba'i lam chen po// sku gsung thugs kyi rdo rje bdag/ sems can rnams kyi thar pa'i kham// de bzhin gshegs pa'i thugs rje yis// ngan song zhing du yang dag bsgral// sangs rgyas 'byung ba'i byang chub sems// ma skyes pa yi rtsa la gnas// kye rdo rje 'dzin pa// 'jig rten khams ni rdzogs sangs rgyas// gang zhig thob pa bla na med// snying po byang chub sems la bzhugs/ zhes gsungs te/ rang rig pa'i ye shes kyis ma rig pa bsad na// ma rig pa gar 'bros/ rig pa rang la 'phros/ ye shes lngas dug lnga bsad na/ dug lnga gar 'bros/ ye shes rang la 'bros/ skye ba'i rgyun bcad 'khor ba'i lam dang bral// rgyun bcad lam

  18. 290a

    bral sku ni mya ngan 'das// rang byung ye shes nyid kyang tshig gi mtha' dang bral// kun gzhi rnam shes sku la mi 'khor zhing // mya ngan 'das pa'i byang sems de kho na// kyi rdo rje 'dzin pa nga la nyon// nga ni sangs rgyas kun gyi sku// ye shes sku gcig dri ma med// nga ni sangs rgyas kun gyi gsung // 'gag/ pa med pas ye shes gsung // nga ni sangs rgyas kun gyi thugs// mi 'gyur rdo rje'i lta bu'i thugs// 'gro ba rigs drug nga yi lus// mgon po dri med ye shes ngas// ma byung ba yi chos nyid las// snod kyi 'jig rten nga las byung // bcud kyi 'jig rten nga las byung // nga med pa yi sngon rol na// snod bcud mi gnas nga yi dang // nga ni rang byung ye shes te// yul ni rnam par dag pa'o// dri ma med pa'i ye shes la// 'dod chags bya ba ming yang med// 'dod chags med pa'i sngon rol na// yi dgas 'khor ba'i rgyun yang gcad// nga rgyal mnyam nyid chen po yin// mi yi 'khor ba'i rgyun yang gcad// khong khro rang byung ye shes yin// lha min 'khor ba'i rgyun yang gcad// phrag dog bya ba grub pa'i ye shes yin// lha yi 'khor ba'i rgyun yang bcad// klu dang ma mog shin rje dang // bdud dang gnod sbyin srin po dang // mi ma

  19. 290b

    yin pa'i tshogs rnams kyis// nga la glags ni mi tshol te// dang po rang gi ngang las byung // tha mar rang gi ngang du thim// dkon mchog gsum la skyabs mi tshol// ngan song gsum la nyam ming // ye shes mnyam pa nyid kyi sku// mi gnas pa'i ye shes chen po'i klong du khod bsgoms/ rang byung gi ye shes chen po tshig gi mtha' dang bral bar la bzlas/ rgyu 'bras kyi chos thams cad rdzogs pa chen po'i klong du bstims so// zhes ston pa po rdo rje sems dpas bstan/ zhu ba po dga' rab rdo rjes zhus/ sdud pa po 'jam dpal nyid kyis bsdus nas/ byang chub shing drung du sbas/ rdo rje sems dpas rgyas btab bo// thugs kyi rgyud rin po che spungs pa'i rgyan ces bya ba/ rnyog pa med pa'i rgyud du gsungs nas/ chos spyod bcu dang mtshams med lnga/ rtogs pa'i blo la rang bzhin mnyam zhes chos la gnas na/ sangs rgyas kyi lam gyi sgrib par 'gyur bar bstan pa'i le'u ste lnga pa'o// rdzogs so// rgya gar skad du/ u pa tsit+ta dza ya tan tra/ sa ma tin ma/ bod skad du/ man ngag snying gi dgongs pa rgyal ba'i bka' zhes bya ba'i rgyud/ sangs rgyas 'od mi 'gyur ba la phyag 'tshal lo// 'di skad bdag gis bstan