Q4792MW1KG13126_4792rgyud 'grelAll versions of this work

rnal 'byor yan lag drug pa zhes bya ba

Ṣaṭaṅgayoganāma

Text

ff. 50a–53a · 7 folio sides

  1. 50a

    ba ni/ bshang lam gyi pad+ma btsum pa sngon du btang bas 'og dang / steng gi rlung bkag pas so// de'i de ma thag tu bshang lam pad+ma nas te/ bshang lam gyi sgo nas byung ste zhes bya ba'i phyir/ ston nas thal ba'i mthar ni zas zhu ba'i de ma thag tu mthar ni zhes bya ba/ mthar thug par gyur pa bshad pa'i gnas skabs su gyur pa rnam par ltas te/ shes par bya'o// des cir 'gyur snyam pa la brjod pa ni/ dga' ba med cing zhes bya ba la sogs pa ste go bar sla'o// dga' ba la sogs pa nye bar tshe ba dang bral ba'i sgrub pa pos tshe 'di nyid la/ bcom ldan 'das yun ring por bsgoms pa na/ mngon du byed par 'gyur ro snyam du dgongs pa'o// bdag gi spyong yul dgyur pa'i din 'di skye'o// thams cad dang thun med dbung cig snyam du smin par byed pa ni/ rdordo 'byung ba dpa la rnamachogagis ni zhes bya ba la sogs te/ 'di ma na par sa'i rdo rje 'dzin pa'i sgrub thabs bsdus ri ma ni/ bshad pas bsod nams thob pa gang yin te/ bdag lus la gnas bsdus pa'i rim pa ni/ 'gro ba ji srid lus kun la 'jug shog/ bsdus pa'i rim pa'i dka' 'grel slob dpon sreg pa'i rdo rjes mdzad pa rdzogs so// // bal po dge bsnyen so de ta dang / dge slong lo tsa ba blo ldan shes rab kyis bskur ba'o// // bkra shis// 6/ 'byor # bkrasgrub kyis mngad pa bzhugs so// rgya gar skad du/ ShaTang+ga yog nAm/ bod skad du/ rnal 'byor yan lag drug pa zhes bya ba/ dpal rdo rje sems dpa' la phyag 'tshal lo// sor bsdud de bzhin bsam gtan dang / srog rtsol dang ni 'dzin pa dang // rjes su dran dang ting nge 'dzin// rnal 'byor yan lag drug tu 'dod// ces pa mdor bstan tshig dang ni// rgyas par bshad pa'i tshig bka' stsal// dbang po bcu yi don rnams ni/

  2. 50b

    rang gi 'jug gnas thams cad las// so so so sor 'dod pa bsdud// so sor bsdad ces sla ba'o/ 1/ 'dod pa lnga po mdor bsdu na// sangs rgyas lnga ni rab sbyor phyir// rtog pa bsam gtan brjod bya ste// bsam gtan de ni rnam lngar 'gyur// rtog pa dang ni dpyod pa dang // dga' dang bde ba de bzhin du// sems kyi rtse gcig nyid dang ni// 'di lngas bsam gtan bsdus pa'o// gsang ba gsum la rtogs pa dang // rnam par dpyod pa de 'dra thob// dga' ba 'dra ba gsum pa ste// bde bas bsdus pa bzhi pa'o// shes dang shes byar byung ba spang // rang sems lnga par shes par bya// sangs rgyas thams cad 'byung zhi ba// nam mkha' kun la rab tu gnas/ 2/ ye shes lnga las byung ba'i dbyugs// 'byung ba lnga yi rang bzhin can// gong bu'i gzugs kyis phyung nas ni// pad+ma sA rtser rtog par bya// rin chen chen po kha dog lnga// srog rtsol zhes ni bya bar dran// rang sngags snying khar bsam nas ni// srog ni thig ler son par bzhag2/ rang nyid dbang po rin chen la// 'gag pa bzung bya 'dzin par dran// 'gog pa rdo rjer song sems la// mtshan ma'i snang ba skye bar 'gyur/ mtshan ma rnam pa lnga de ni// byang chub rdo rjes gsungs pa yin// dang po mig rgyu'i rnam pa ste// gnyis pa du ba'i rnam pa'o// gsum pa mkha' snang rnam pa dang // bzhi pa sgron ma ltar 'bar ba// lnga pa nam mkha' sprin med pa// lta bur snang ba dam pa'o// brtan gyur rdo rje'i lam nas ni// nam mkha'i khams su spro bar bya// gang zhig sgom pa rjes dran pas// de yi rnam pa spro bar bya// rjes dran zhes byar shes bya'o// de las so sor snang ba ste// thabs dang shes rab sdoms 'jug pas// dngos po thams cad mdor bsdus pa// gong bu'i sbyor bas bsdus nas ni// dbus su gzugs brnyan sgom par bya//

  3. 51a

    yud kyi ye shes rdzogs 'gyur ba// ting 'dzin zhes byar 'du shes so// rgyas par bshad pa la so sor bstan par bya ba'i phyir du/ dbang po bcu'i zhes bya ba la sogs pa gsungs te/ dbang po rnams dang / dbang po'i don rnams la/ dbang po bcu po de rnams kyi rang gi yul dang yul can gyi 'jug pa ji lta bar rang nyid kyis bzung ba dang 'dzin pa'i rang bzhin gyis rab tu 'jug pa'o// de la gnas pa ni rang gi 'jug pa la gnas pa'o// thams cad la dman pa dang 'bring dang mchog gi dbye bas so so so sor 'dod pa bsdud pa ni/ 'dod par byed pa dang mngon par chags par byed pa zhes pa'o// 'dod pa ni gzugs la sogs pa la de rnams kyi dbang po rnams kyis so// gang so so so sor slar nas slar du bsdad par byed pa de ni so sor bsdud pa zhes bya ba'o// yan lag dang po'i so sor bstan pa'o// gang so sor bsdud pa rnam par spyad pa'i ched du yan lag gnyis pa gsungs te/ 'dod pa lnga zhes bya ba la sogs pa'o// 'dod pa lnga ni gzugs la sogs pa rnams dbang po rnams kyi yul du gyur pas bsdus pa las te/ dbang po rnams dang / ngo bo gcig pa nyid las so// sangs rgyas lnga ni mig la sogs pa'o// de rnams kyis yang dag par sbyor ba ni bskul ba la ste/ sangs rgyas lngar rab tu sbyor ba las so// de bas na gzugs la sogs pa rnams kyang sangs rgyas lnga'o zhes pa de ltar rnam pa gang gis yongs su dag pas rtog pa de ni bsam gtan no// de yang rtog pa la sogs pa'i dbye ba rnam pa lngar 'gyur te/ rtog pa dang ni zhes bya ba la sogs pa ni de'i dbye ba brjod pa'o// gsang ba gsum la zhes bya ba la sogs pa ste// dbang po dang yul dang rnam par shes pa rnams ni gsang ba gsum mo// dbang po lnga dang / dbang po'i shes pa rnams dang / de'i yul pa rnams ni/

  4. 51b

    de bzhin gshegs pa lnga'i bdag nyid yin no zhes gang yongs su shes pa de ni rtog pa'o// de nyid la gang rnam par spyod pa ni gnas pa la rnam par spyod pa'o// de ltar rnam par spyad nas/ de kho na nyid la rab tu 'jug pa la mngon par phyogs pas yid bde ba nyid kyi mtshan nyid can gang yin pa de ni dka' ba 'dra ba'o// de kho na nyid la mngon par zhugs pas lus shin tu sbyangs pa la sogs pa'i bde ba thob pa gang yin pa de ni bde ba bsdus pa'o// 'di ltar goms pa rab kyi mthar thug par son pas shes pa ste/ mig la sogs pa drug gi 'jug pa'i rnam par shes pa dang / shes bya ni gzugs la sogs pa nas chos kyi khams kyi mthar thug par ro// byung ba ni shes dang shes byar ro byung ba'o// de spang ba ni rang gi sems so// sems kyi gzung ba dang 'dzin pa'i stong pa nyid yongs su shes pa'i mtshan nyid can ni/ sems rtse gcig pas na rang gi sems shes gsungs so// de lta bu'i sems kyis rnam pa ni/ sangs rgyas thams cad 'byung zhi ba ste/ snang ba tsam dang thams cad stong pa gcig tu nges pa skye bar 'gyur ro zhes pa ni dbye ba lnga ste yan lag gnyis pa'o// / ye shes lnga las shes bya ba la sogs pa la/ me long la sogs pa'i ye shes lnga'i rang bzhin gyi 'og gi dbugs te/ de nyid 'jug pa la sogs pa'i bdag nyid can rang gi rdo rje'i bu kha nas byung nas pad+ma'i sna'i rtse mor gong bu'i gzugs kyis te/ byang chub kyi sems kyi thig le'i gzugs kyis bsam par bya'o// de nyid steng du 'jug pa'i dbugs kha dog lnga pa ni de bzhin gshegs pa lnga'i bdag nyid can te/ de nyid ni rin chen chen po'o// srog ni 'tsho ba'o// rtsol bar bya ba ni ring du spro bar bya ba gang yin pa'o// de ni srog rtsol zhes bya bar dran pa ste shes par byas pa las/ de nyid 'jug pa la sogs pa'i ngo bo nyid kyi thig les nyin dang /

  5. 52a

    mtshan du goms pa las byung ba nyid kyi phyir ro// rang sngags snying khar ni/ rang gi mIng kha'i pad+ma dkar po la bsams nas/ srog ni thig ler son par bzhag ces bya ba mi shigs pa gtogs par dgod par bya ba ste/ yan lag gsum pa'o// rang nyid dbang po zhes bya ba la sogs pa la/ rang nyid ni gzugs la sogs pa la/ rang nyid ni gzugs la sogs pa'i yul rnams so// dbang po ni mig la sogs pa'o// de la rang nyid dbang por 'gag pa ste thim pa'o// de'i rjes su yul dang dbang po'i gzhir gyur pa'i rin po che ste/ sems kyi rin po che la srogs rtsol dang lhan cig pas 'gag pa ste nub par gyur pa'i gzung bya gang yin pa de ni 'dzin pa'o// de gang zhe na/ yang dag pa'i mtha' zhes bya ba ste/ de dag ni 'dzin par bshad pa'o zhes pa yan lag bzhi pa'o// 'gog pa rdo rjer son sems la/ mtshan ma yongs 'dzin skye bar 'gyur zhes bya ba la 'gog pa'i rdo rje ni 'od gsal ba'o// de las skye bar 'gyur na ni sems mtshan ma yongs 'dzin pa'o// mtshan ma yongs su 'dzin pa ni/ mtshan mar snang ba'o// skye bar 'gyur ba ni/ bskyed par 'gyur zhes pa'o// mtshan ma rnam pa lnga de ni// byang chub rdo rjes gsungs pa yin// zhes bya ba ni sa tshul thim par 'gyur ba las mtshan ma dang po smig rgyu'i rnam par snang bar 'gyur ba'o// de bzhin du chu me la thim par 'gyur ba las// gnyis pa du ba'i rnam pa lta bu'o// me rlung la thim par 'gyur ba las gsum pa mkha' snang gi rnam pa snang ba'o// khams phra mo kun du snang ba gsum du son pa las bzhi pa sgron me lta bur snang ba'i tshogs kyi ngo bo nyid do// rang bzhin kun tu snang ba la thim par gyur pa las ni/ lnga pa nam mkha' sprin med pa lta bu'i snang ba dkar po nyid kyi 'od gsal ba tsam du 'gyur ro// mtshan ma lnga po de dag gis ni mya ngan las 'das pa

  6. 52b

    rab tu thob par 'gyur ro// ji skad du las kyi mtha' rnam par 'byed pa las gsungs pa/ dang por sa ni chu la thim// chu yang me la thim par 'gyur// me ni rlung la thim 'gyur zhing // rlung yang rnam par shes la 'jug/ rnam shes bzung bar song ba nyid// de nas 'od gsal 'jug par 'gyur zhes so// brtan gyur zhes bya ba la sogs pa la/ brtan gyur ni rnam par dag par gyur pa'o// rdo rje'i lam nas 'da' bar mi bya ba'i mtshan ma lnga'i rim pas 'od gsal du rab tu 'jug pas/ sems ni nam mkha'i khams su spro bar bya zhing / chos kyi sku'i rang bzhin gyis khyad par bya'o// 'di ltar bdag nyid 'od gsal du song bar bsgom par bya ba ste mngon sum du byas la/ gang sngon rjes su dran par byas nas smig rgyu la sogs pa'i rnam pas yang dag pa'i mtha' thob pa de'i rnam pa yis so// de nyid kyi rim pas spro bar bya ste bskyed par bya'o// bar ma chad du smras pa de dag ni yan lag lnga las rjes su dran pa zhes bya bar rtogs shing shes par bya'o zhes yan lag lnga pa'o// de las so sor snang ba skye zhes te/ 'dir rjes su dran pa'i yan lag las so sor snang ba skye bar 'gyur gyi gzhan du ni ma yin no// dngos po thams cad ni brtan pa dang g.yo ba'o// thabs dang shes rab snyoms par 'jug pa ni kun rdzob dang don dam pa'i sbyor bas gnas pa'o// gong bu'i sbyor ba ste/ phyag rgya chen po'i rang bzhin gyis gcig tu byas nas brtan pa dang g.yo ba de'i dbus su zung du 'jug pa'i bdag nyid can rdo rje 'chang chen po'i gzugs brnyan rnam par bsgom par shes par bya'o// rim pa 'di'i yud kyis te skad cig mas ye shes rdzogs par byed pa ni/ ye shes kyi sku rdzogs par byed pa'o// de ni ting nge 'dzin zhes bya ba yan lag drug par brjod par bya'o// rnal 'byor yan lag drug pa zhes bya ba/ slob

  7. 53a

    dpon chen po 'phags pa klu sgrub kyis mdzad pa rdzogs so// // 'di ni thams cad mkhyen pa rong ston chos rje'i bkas bskul ba las/ rgya gar shar phyogs kyi paN+Di ta chen po shrI ba na ra t+na'i zhabs dang // stag tshang lo tsA ba 'jam dpal ye shes kyis bsgyur ba'o// // shu b+h+ram+bastu sarba dza ga taM/ 'di'i rgyud pa ni sangs rgyas rdo rje 'chang / 'phags pa k+Sha sgrub/ nA ga bo d+hIH/ tsan+d+ra kir+t+ti/ Ar+ya di ba/ shAkya k+ShiH/ rad+hI matraH/ d+harma b+hadraH/ gu Na ma tiH/ many+dzu shIdz+nyA naH/ a mo g+ha shIH/ bI ra ma tiH/ be dza ya kIr+t+tiH/ ba ra pradz+nyA d+harma b+hadraH/ shIb+h+ra draH/ d+harma pA laH/ shAkyaMd+tha dzaH/ ba gi shri ra kiD+b+hiH/ rat+na kir+t+tiH/ ma hA smai bar shrI ba na rat+naH/ des bdag la'o// yang na/ shrI ba na rat+na/ gnam gang rin po che/ des bdag d+harma bud+d+hi la'o// // rdo rje 'chang dbang slob dpon klu sgrub dang // klu yi byang chub dang ni 'phags pa lnga// zla ba grags pa shAkyas 'tsho ba dang // rin chen bshes gnyen chos kyi bzang po dang // yon tan rgya mtsho 'jam dpal ye shes zhabs// don yod dpal dang dpa' bo'i blo gros can// rnam rgyal grags pa chog shes chos bzang dang // dpal bzang po dang chos kyi skyong ba'i zhabs// shAkya rgyal mtshan dag gi dbang phyug grags// rin chen grags dang pan chen rin po che// dpal ldan bla ma chos kyi rgyal po ste// gsang 'dus sbyor drug rgyud la phyag 'tshal lo// // @#// de khon nyid rin po che snang ba'i rnam pa shad bzugs so// rgya gar skad du/ tad twa rad na A lo ka bya Sh+yan/ bod skad du/ de kho na nyid rin po che snang ba'i rnam par bshad pa/ bcom ldan 'das gsungs gi dbang phyug la phyag 'tshal lo// dpe med ces bya ba la sogs pa la/ gang gis phyag na pad+ma bsnams pa de ni/ phyag na pad+ma ste bcom ldan 'das spyan ras gzigs dbang phyug ste/

Colophon

rnal 'byor yan lag drug pa zhes bya ba/_slob dpon chen po 'phags pa klu sgrub kyis mdzad pa rdzogs so/_/'di ni thams cad mkhyen pa rong ston chos rje'i bkas bskul ba las/_rgya gar shar phyogs kyi paN+Di ta chen po shrI ba na rat+na'i zhabs dang /_stag tshang lo tsA ba 'jam dpal ye shes kyis bsgyur ba'o