rDzogs chen - Man ngag sde/gSang ba'i skorAll versions of this work

thig le gsang ba'i brda' rgyud zhes bya ba

Tilakaguhyeitanatantranama

Text

ff. 222a–227a · 11 folio sides

  1. 222a

    pa'o// / 'og min gyi gnas chos kyi dbyings kyi pho brang du/ sangs rgyas 'od bsrungs chen pos gsungs pa/ zhu ba po lag na rdo rjes zhus/ bsdud pa po dga' rab rdo rjes bsdus nas/ sa non pa'i byang chub sems dpa' mi bzhi la rgyud ste/ 'jig rten du 'phelo// rgyud kyi snying po ye shes bla ma'i rgyud// bskal pa thog ma med pa'i sngon rol nas// bskal pa bzang po byang chub sems dpa'i thugs nas thugs rgyud/ snyan nas snyan du bsgrags/ phyag nas phyag tu gtad de rgya yis gdab// rgya gar ngan sngags 'bru gsum 'phyong du btags// ra chod gzu lum byed pa'i slob ma la// sdig la mi 'dzem brnag pa'i lnga la sbyar// gu lang rin chen gser gyi rtag btsugs kyang // brnag pa'i ngan sngags 'bru gsum shor re skan// bi ma mi tra mkhas pa'i skye mchog khyed// sangs rgyas thugs kyi dgongs pa rgyud bdun po// rdo rje dbyings kyi pho brang dbyingasu spos// ces shrI sing has gsungs nas rgya yis btab po// rdzogs s+ho// / de nas bi mA la mi tra bod du byon nas/ dbang bskur chos bshad nas/ rje 'bangs gnyis la bka' gdams #po/ sangs rgyas thugs kyi dgongs pa nyung brgyud po// rdo rje gdan gyi 'og nas seng ge ma smad dgu// stobs chung rnams kyis seng ge mi thub kyis// rgyal blon phyag tu gtad kyi shor ra re// rgyal po snyan khung chung ba dang // rnon po gdug pa che ba dang // chos pa dmal mi gnas pas// thugs la chongs la gter du spos// ces gsungs nas/ slar gter du smra so// / thig la gam pa'i yang rgyung chus so//

  2. 222b

    @rgya gar skad du/ ti la ka gu h+ye i ta na tan+t+ra na ma/ bod skad du/ thig le gsang ba'i brda' rgyud zhes bya ba// dpal rdo rje 'chang chen po la phyag 'tshalo// 'di skad bdag gis thos pa'i dus gcig na/ bcom ldan 'das rdo rje 'chang chen po// me ri 'bar ba'i rtse mo sri la mu dra'i dur khrod kyi gnas chen po na/ thun mong gi 'khor dga' rab rdo rje la sogs te/ byang chub sems dpa' bdun dang / thun mong ma yin pa'i 'khor/ rdo rje rnal 'byor pa rnams dang lhan gcig tu bzhugs so// de'i tshe bcom ldan 'das brjod bral brda' yi ting nge 'dzin la bzhugaso// de nas gsang ba'i bdag pos zhus pa/ kyai bcom ldan rdo rje 'chang // 'das pa'i 'khor tshogs don byed du// ting nge 'dzin la ma bskul bar// brda yi rim pa gsung du gsol// ces zhus so// de nas bcom ldan mtshon pa'i brda'i ting nge 'dzin las bzhengs nas/ bka' stsal pa/ blo ldan rnams kyi don byed du// zab mo'i brda' ni ngas bshad nyon// ces gsungaso// thig le gsang ba'i brda'u rgyud las/ gleng gzhi'i le'u ste dang po'o// // de nas gsang ba'i bdag pos zhus pa/ kyai bcom ldan rdo 'chang // gzhi'i brda' ru gsungs ces gsol/ ston pas bka' stsal pa/ sngon yul rang gsal bde ba can zhes bya ba na/ rgyal po kun snang zhes bya ba/ gdings pa'i gdan meng / rgya mtsho gdan du gting / gon pa'i gos med na mkha' gos su gyon/ bza' ba'i zas med nad 'byung ba bzhi zas su zos/ nyin mtshan med par lce spyang gi mig can yin pas/ mun pa rgyab tu bor/ snang ba khog par bcangs/ rkyen dang bral te yon tan thams cad

  3. 223a

    @dang mi 'bral bas/ rin po che spyan la bstim/ lus ngag yid gsum gyi rtsal che bas/ seng ge brtson du bzung / snang bas gzhan la skyabs du med pas/ nyi ma mchan khung du smras/ phrang rtsang bas cing zos/ tham phyir cir kyang ma chags nas/ gcig tu lus pas/ gleng blang ba'i zla med/ dgra zin med pas shin tu sgyid kyang skyo nas sdong mi tshugs skad du/ thi go le gsang ba'i brdar rgyud las/ gzhi mtshon pa'i brdang bstan pa'i le'u ste gnyis pa'o// / de nas gsang ba'i bdag pos zhus pa/ kye bcom ldan 'das rdo rje 'chang // gnyis mang gzhi sdang chen po las// snang ba sna tshogs ji ltar shar// 'khor 'das gnyis su ji ltar snang // ma nor brda' yis 'khor la gsung // ces gsol to// ston pas bka' stsal pa/ sngon yangs pa can gyi khye'u nyi ma'i spyan las/ rang gi ma tshor bar/ spyan gyi nang nas 'dza'i lha mo lnga/ yul me long can du shar nas/ de gnyis sbyor ba skye bas/ rin po che brtsegs pa'i pho brang na/ 'khor lo bsgyur bsgyur ba'i rgyal po bzhi dang bcas pa skyes te/ chu shing gi snying po can bya ba'i rgyal po dang / de'i btsun mo dang / srasu bcas pa'i phyis bskyed nas/ chu'i sru btsos bya ba'i mdzes ma'i rgyan dang / rol mo snang ste/ kun snang gi nyi ma dang chas nas bzhugs skang ngo // de nas rgyal po 'khor dang bcas pas/ 'bangs kyis don dang tshis byes/ sgyid kyi pho brang ba shigau// rgyal thebs 'bangs la bzhags/ rgyal po bzhi 'khor dang bcas pa la gshegs so skang ngo // thig le gsang ba'i brda' rgyud las/ longs sku'i snang ba brdang bstan pa'i le'u ste/ gsum

  4. 223b

    pa'o// / de nas ston pas gsungs pa/ sngon khye'u kun tu rgyu bya ba la/ zhing thams cad skye ba bya ba gsum yod/ nor bu can bya ba dang / 'ja' tshon bya ba dang / me longs can bya ba dang / gsum yod skad/ khye'u'i zhing la bdud ha li ka nag po'i sa bon sla sha kun bskyed kyi 'bras bu btab/ rdza mkhan gyi bu bzhis/ zhing bcus lung gsal bas/ 'bras bu bden bral sme shan du smin nas/ mun pa'i mi drug longs spyod skad ngo // thig le gsang ba'i brda' rgyud las/ 'khrul pa'i brda' bstan pa'i le'u ste bzhi pa'o// / de nas yang gsang ba'i bdag pos zhus pa/ kye ston pa rdo rje 'chang // 'khrul snang ye shes ldo'o phyir du// ldog pa thabs kyi brda' rnams gsungs// ces gsol to// ston pas bka' stsal pa/ sngon yul mun pa'i gling bya ba na/ rdza mkhan kun bskyed bya bas ston mo chen mo gcig skye bas/ sha dug byung nas na ba la/ yul me long nyim can byu ba na/ sman pa kun tu gso mkhyen bya ba yod pa bkug pas/ sman pas nad pa'i rtswa gzigs pas/ nad 'dub rnams la sangs mkhyen nas/ nang pa bzhi la sman rgyu gcig du bsres nas btang bas/ nad paso thub po skad do// thig le gsang ba'i brda' rgyud las/ ston pas gang zag blo dang sbyar nas theg pa'i rim pa dgur gsung ba don gnyi su med par bstan ti le'u lnga pa'o// / de nas yang ston pas bka' stsal pa/ sngon rgya nag gi yul rtag shing nag po'i nag tshal bya ba na/ mu stegs mun pa'i go cha can gyis ston mo gcig byas pas/ mun pa'i mi drug gi thag chod byas nas yod pa la/ rgya dkar po'i yul nas/ gyang

  5. 224a

    kyi mi brgyud kyis bcas rgyal po chen po dgu byon pas/ mun pa'i mi drug khrom skor ma nus par/ rgyal po 'khor bcas la bltas nas/ yid shor te rgya dkar po'i mi dgu'i phyir 'phangs bas/ yon tan so sor log ste/ rgya nag po'i spyod pa bor/ rgya dkar po'i ngang chos bstun pas/ mu stegs mun pa'i go cha can yi mug nas lceb so// mun pa'i mi drug la me long gcig bstan pas/ mar me re re shar ska// thig le gsang ba'i brda' rgyud las/ 'gro drug blo dang sbyar nas/ theg pa rim dgu bstan pas/ rtogs pa so sor skye bar bstan pa'i le'u ste drug pa'o// // de nas yang ston pas bka' sprul pa/ sngon byung pad ma bde gsal du// shel gyi khye'u nyi ma can gyis// ngo mtshar gyi 'u rgyur cig byas pas// ya mtshan gyi shing cig skyes pas// lo 'dab me tog 'bras bu dus gsum gcig tu smin pas/ sems can gyis gsos su gyur kyang / shing de'i rtse na bya khu byug gsung snyan zhing spu sdug te/ sU ka bcu dang ldan pas/ skad phyogs bcur sgrogs pas/ gcan zan pho mo kun gsod gcod pa yod skad/ shing de'i sked pa nas mu tig gi phreng ba 'brum bu bcu drug du bab pas kun gyi rgyan du mdzes skad / shing de'i khog pa nas/ bar snang gi na mkha' la rin po che gser gyi nyi ma shar bas/ 'gro ba kun gyi snang ba byed skad/ shing de'i yal ga bzhi phyogs bzhir gyes pa'i rtsa na/ seng ge gcig gi kha na me long gcig thogs/ de'i nang na shel gyi sku mdom gang ba gcig gsal cig 'dug skad// yal ga gcig gi rtsan/ ga yu ri lu ma'i nang na/ gser gyi nya mo mig med pa gcig/ 'gul mi shes par

  6. 224b

    'dug skad/ yal ga gcig gi nang na/ bya rgyal khyung la srin po mgo bdun pa mig gcig pa zhon nas/ lag pa bdun gyi 'gro ba kun gyis srog gcod pa/ spyi bo nas thogs 'bebs pa gcig 'dug skad/ yal ga gcing gri nang ni/ me long gcig gi nang ni/ shel gyi khye'u chung zhal drug pa gcig la/ lha mo lngas bskor nas 'byor cig 'dug skad/ yal ga phra mo thams cad nas/ gser gyi bye chung skad snyan pa sna tshogs sgrogs pa cig 'dug skad do// de kun gyis mi mthong ste/ ri pA ri'i bu mar me spyan gyis mthong // mthong na ya mtshan gyi 'dur de kun la sgrogs so skad/ bsgrags pa thos pas ya mtshan skyes te/ kun de la lta bo skad do// thig le gsang ba'i brdar rgyud las/ rtsa ba'i rgyud dang yal ga'i rgyud kyi don brdar bstan te le'u bdun pa'o// khye'u chung gzhonu ral gri can gyis/ lha khang gcig gi nang na/ gtso bo shel gyi sku kun tu zhal tu bzhugs skad/ de'i thugs ka nas mar me gcig la 'od lnga shar nas/ 'od kun tu gsal ma nus par lha khang gi sgo na 'od bya ba pho tsam gcig kun la gsal cing 'dug skad/ de ltas pas lha khang nang gi gtso bo mthong skad/ de la mam skyes nas gtso bo la ltas pas/ byin rlabs zhugs te pha ma dang bral nas/ 'khor gsum yongs su dag par byas te/ gangs dkar shel gyi brag phug du song ngo skad do// thig le gsang ba'i brda' rgyud las/ don gyi bden pa mthong nas rang bzhin gyi dgongs pa la gnas par bstan pa'i brda' ste le'u brgyad pa'o// / de nas ston pas bka' stsal pa/ khye'u mar me can bya ba la/ khye'u snang ba dam pa'i dpal bya bas/ mngam

  7. 225a

    bzhi gtad pas/ mar me gcig la bltas pas/ yul rnam bzhag pad mo'i tshal bya ba na/ lha mo ban tsa shan tam bya ba dang / lha'i bu gzhon nu sreng bya ba 'dug par mthong ngo // mar me gcig la bltas pas/ yul me long dag gsal ba na/ rgyal po gzugs can gyi snying po pad+mo'i spyan la/ rgyal po sde bzhi 'khor dang bcas pas bskor te/ gros dang blo mi byed par 'khor gyi tshig rgyun mi chad par byed pa/ mi mthong ska // mar me gcig la bltas pas/ snga phyi dus gcig tu dran te/ de rnams dus gcig tu mthong skad/ gcig la bltas pas/ shel gyi khye'u mar me can la/ kho rang gi mi tshor mi mthong bar / rin po che'i khang pa na/ rin bo che'i khye'u lnga rtags tu zhabs tog dang mi 'bral bas mthong skad// thig le gsang ba'i brda'i rgyud las/ ngo spyod bzhi'i dgongs pa dang bcas pa'i brda' bstan pa'i le'u ste dgu pa'o// // de nas yang ston pas bka' stsal pa/ sngon ri rab kyi rtse mo rgya mtsho nyi ma can bya ba na/ klu'i rgyal po nor bu 'od ldan bya ba yod skad/ kho skyo nas ri rab kyi rtse nas yas mar bltas pas/ rnam bzhag pad+mo'i tshal bya ba na/ rin po che'i khang ba nyi zlas brgyan pa bya ba 'dug pa mthong skad/ der byon pas sngar gyis gnas pas nyams dga' nas bsdad pas/ rlung can gyi grong khyer na/ blon po kun byed bya ba 'dug pa mthong ngo // der byon te blon por bskos pas/ khas blangs te/ rgyal po'i blon por khas blangs skad ngo // de nas blon po kun byed kyi rgyal pos spyan snga nas blo dang gros byas nas/ myur byed kyi rta pho la zhon nas/ 'gyur byed kyi 'phrang la phyin te/ rtsod pa'i sgo gsum du byon nas/ rin po

  8. 225b

    che rnam lnga btsal nas/ rgyal po la phul bas/ rgyal po la mnyes dang tshim pa ma byung nas/ blon po ye mug rgyal po mchod la le lo shor bas/ rgyal po thugs nur blon po chab gsal/ rgyal blon bral nas mchod pa chags kyang 'thad zla med pas shin tu bde ste/ rgyal po yul rim pas byung nas/ rnam bzhag pad mo'i tshal na bzhugs skad // thig le gsang ba'i brda' rgyud las/ sems dang ye shes brda' bstan pa ste le'u bcu pa'o// de nas yang ston pas bka' stsal pa/ sngon yul sle sha'i grong khyer du rtsub 'gyur gyi tshal du/ ri rab kyi khong seng rin po che'i gzhal med khang na/ rgyal po kun snang bya ba yod pas/ pho brang gi sgo gcad de gdan la bzhugs pas/ sgo bcad pa'i stobs kyis blon po brtson du bzung bskang/ rmangs pa byed can chab la phebs skad/ phyis blon po mthar spyugs skad/ dmangs tshe la gsal nas gcig pu bzhugs kyang skyobs med skad do// thig le gsang ba'i brda'u rgyud las/ nyam su blangs pa'i brda' ste le'u brtsig pa'o// / de nas yang ston pas gsungs pa/ sngon ri rab kyi khong seng na/ nyi zla mdzes pa'i sgrom khang gcig yod skad de 'phan par byed pa'i rlung gis/ kun tu 'gro skad do// de'i nang na b+h+rUM chen kun tu mi g.yo ba bya ba gcig bzhugs skad/ ji tsam gyi 'du 'dzi dang g.yeng ba byud kyang khong dgongs pa las dkrugs kyang mi 'gro bar gnas skad do// thig le gsang ba'i brda' rgyud las/ b+he mi dgos par ye b+haM du bstan pa'i brda' ste le'u bcu gnyis pa'o// / de yang bka' stsal pa/ sngon rin po che las byas pa'i khang pa gcig na/

  9. 226a

    @#khye'u na mkha'i snying po bya ba 'dug pas/ khang pa'i sgo mthong na bar/ kho'i byed kyi gdangs shar bas/ khang pas kho ma bsgribs te/ kho la khang pa yod med par 'dug la/ khang pa zhig bas kyang gar yang ma bros pa de rang na 'dug skad do// thig le gsang ba'i brda' rgyud las/ chos sku zang thal gyi brda' bstan pa'i ste le'u bcu gsum pa'o// / ston pas bka' stsal pa/ sngon ko sa la'i rgyal po gsal rgyal gyis/ gyi ling 'khrul gyi rta la/ gser gyi sgrog bcug nas/ 'tshar la 'gro mi shes par 'dug skad do// thig le gsang ba'i brda' rgyud las/ a nu man tshad bzang rtog gis bcings pa'i brda' ste le'u bcu bzhi pa'o// // de nas yang ston pas bka' stsal pa/ sngon shel gyi khye'u kun tu gsal gyis/ rang gi byed kyi snang ba ma shes par/ gyi ling 'khrul gyi rta pho de la/ sbrul dang rta mang gi bsdams pas/ rang gi byed kyi snang bar shes pas/ dgrol mi dgos par rang grol skad // thig le gsang ba'i brda' rgyud las/ rdzogs chen rang grol tu bstan pa'i brda' ste le'u bco lnga pa'o// / sngon ston pas bka' stsal pa/ sngon yang ba chen po pad+ma bde gsal gyi grong khyer na/ rgyal po nor bu 'od ldan bya ba la/ nor bu rin po che za ma tog cig yod skad/ de'i nang na rin po che phra mo bsam gyis mi khyab pa yis bkang ba yod/ de nas rgyal po zhabs 'chag tu byon pas/ rgan mo ling tog can bya ba dang phrad nas smras pa/ de'i bar du brkun ma mi lngas za ma tog khyer te/ sme sha'i grong khyer drug tu mun pa'i mi drug la sogs pa/ mun pa'i

  10. 226b

    mi drug gi nor bu la skur te chags pas/ nor bu la dgos 'dod ma byung // mun pa'i mi drug kyang yid byung skad/ phyes khye'u snang ba de nyid bsam gyis mi khyab pa'i dam po mi gcig byung / rgan mo bsgo ma rigs/ sngon ji ltar brkus pa dang / lo rgyus brjod pas/ rgyal po thugs nung nas/ rgan mo'i chabs du gsal/ kun ma bran du bcad/ mun pa'i mi drug kyang bsad/ sme sha'i grong khyer drug bcom/ rgyal po dang nor bu za ma tog phrad/ dang po'i rang yul zin skad do// thig le gsang ba'i rgyud las/ 'khrul lugs dang grol lugs brda' bstan pa ste le'u bcu drug pa'o// / de nas yang ston pas bka' stsal pa/ sngon shel gyi khang bu dri med zang bral gyi nang na/ rgyal bu kun tu gzigs bya ba las/ rin po che'i bum pa na/ mar me'i snying po lnga gsal yang / khos gcig ma mthong bar rang gcig pu gnas skad do// thig le gsang ba'i rgyud las/ mya ngan las 'das pa'i dgongs pa brdar bstan pa ste le'u bcu bdun pa'o// // de nas yang ston pas bka' stsal pa/ sngon na mkha'i stong nang du/ mar me stong shar bas/ 'od 'dres nas/ snying po ma 'dres par so sor gsal te/ mar me la rang 'od las snang ba gzhan med skad do// thig le gsang ba'i brda' rgyud las/ rang snang las gzhan snang med par bstan pa ste/ le'u bco brgyad pa'o// de nas bcom ldan 'das kyis rgyud yongasu bstan pa 'di gsung so// e ma'o gsang ba'i brda' rgyud 'aring // kun gyi thun mong ma yin pas// kun tu mi sgrib rang gsal bas// rin chen gte

  11. 227a

    @'di rtag tu 'chongs// ces gsungs so// thig le gsang ba'i brda' rgyud las/ rgyud yongasu gtad pa ste le'u bcu dgu pa'o// / rdzog s+ho// skad du/ bo d+hi satwa d+hA tsha a gra tan+t+ra nA ma/ bod skad du/ byang chub kyi sems rgyal mtshan rtse mo'i rgyud ces bya ba/ sangs rgyas mar me mdzad stong gi gtsug phud rin po che la phyag 'tshalo// 'di skad bdag gi thos pa'i dus gcig na/ sangs rgyas mi g.yo ba'i bskal pa dang po la/ yangs pa chen po grong khyer ma bkod par snang ba zhes bya ba na/ de bzhin gshegs pa 'od kyi phung po zhes bya ba mngon par 'dus mi byed chos nyid rang snang gi nam mkha' dang mnyam par bzhugs pa/ snying po byang chub la mngon par byang chub la/ chos thams cad spros pa med pa rang gi rgyun du bkod pa zhes bya ba la ma rmongs par mngon par 'dus mi byed pa/ kun tu bzang po thams cad rgya mtsho dang / chu bran gyi tshul du 'byung zhing 'dug/ las thams cad lam brtsal bar grub pa/ byed pa po med par klong gcig tu 'khyil ba/ sku'i ring sel chen po snang ba 'od kyi phung por bzhugs pa/ gsung gi ring srel chen po rgyal mtshan gyi rtse mo ltar nub pa med par sgrogs pa/ thugs kyi ring bsrel chen po rdo rje lta bur 'gyur ba med pa'o// ces byang sems rgyal mtshan rtse mo'i rgyud las/ dang po byung tshul bstan pa dang / rang gi 'dug tshul bstan pa'i le'u