dmyal ba nas 'don pa zhes bya ba
Naragoddhiranāma
Text
ff. 97a–97b · 2 folio sides
- 97a
rgya gar skad du/ na ra go d+d+hi ra nA ma/ bod skad du/ dmyal ba nas 'don pa zhes bya ba/ 'jig rten mgon po la phyag 'tshal lo// 'khor ba'i rgya mtsho chen por ni// dbul ba'i 'dam du bying ba la// yongs su mkhyen pa bskyed nas ni// de bzhin gshegs kyi bdag la skyobs// bdag ni rab rib khang par zhugs// mgon med sdug bsngal nyams su myong // bdag ni gnyen gyi tshogs kyis spangs// de bzhin gshegs kyi bo dag la skyobs// pha dang ma dang sring mo dang // bu dang chung ma mdza' bshes mo// mig 'phrul lta bur bdag gis 'khums// de bzhin gshegs kyi bdag la skyobs// bdag 'dir 'khor 'dab rnams kyi phyir// las gang legs dang nyes byas pa// de yis bdag ni gcig pur gyur// de bzhin gshegs kyi bdag la skyobs// 'khon rnying mi bzad chen po dang // gting med rgya mtsho dag rnams su// mgon po bdag cag long gyur na// de bzhin gshegs kyi bdag la skyobs// rgya mtsho chen po rgal ba yi// gru ni gog por zhugs pa ltar// bdag gis kyang ni rgal dkar 'khums// de bzhin gshegs kyi bdag la skyobs// chos dang chos min ma 'tshal shing // bgrod dka' bgrod min mi rigs pas// 'di ni sems med shing dang 'dra// de bzhin gshegs kyi bdag la skyobs// pha bsad pa dang ma bsad pa// kho bos mtshams med lnga bgyis pa// mi bzad rab rib mun par 'khums// de bzhin gshegs kye bdag la skyobs// bdag gis mchod rten 'jig par bgyis// dge 'dun dkor ni rnam par blangs// bdag gis sems can 'tshe bar bgyis// de bzhin gshegs kyi bdag la skyobs/
- 97b
'jig rten 'di na bde ba mchis// 'jig rten pha rol 'tshal ma gyur// las kyi srad bus dkris pas na// de bzhin gshegs kyi bdag la skyobs// de yi gson pa 'di 'dra bas// mkha' la ka shi'i me tog ni// rlung gis btab nas 'phyan pa bzhin// de bzhin gshegs kyi bdag la skyobs// 'brog dgon dang ni tsher ma yi// ljon shing mang po rten med pa// de na bdag gi lam ma mthong / de bzhin gshegs kyi bdag la skyobs// nyes pa med par phyugs rnams dang // ri dwags mang po mdas bsad pas// de tshe bdag ni rgyal por rlom// de bzhin gshegs kyi bdag la skyobs// sems can rgyal ba med // pa 'phru yang yid mam sa// ga sa d+hAbs ba ga/ da gas dru pa ts+tsha sa d+d+ha// sman pa rnam sas na / thams cad gso mdzad pa// khams gsum rgyu dang mi rgyu ba// skyob byed 'jig rten mgon po la// dmyal ba nas 'don pa zhes bya ba slob dpon chen po klu sgrub kyis mdzad pa'o// // 'dis kyang 'gro ba du ma la phan pa rgya chen po 'byung bar gyur cig// dpal ra sar mo che'i gtsug lag khang du grong khyer dpe med kyi pa Na Di ta til ka dang / bod kyi lo tsA ba chen po shAkya'i dge slong pa tshab nyi ma grags kyis bsgyur cing zhus te gtan la phab pa'o// / @#// bcom ldan 'das la bstod pa bsngags 'od bsngags bad zhes bya ba brin sde dbyangs kyis mdzad pa bzhugs so// rgya gar skad du/ baN+Da ra ha ba Ne b+ha ga ba to/ bud d+ha sto tra ya shAkya sta ba nA ma/ bod skad du/ sangs rgyas bcom ldan 'das la bstod pa bsngags par 'os pa bsngags pa las bstod par mi nus par bstod pa zhes bya ba/ dkon mchog gsum la phyag 'tshal lo//
Colophon
dmyal ba nas 'don pa zhes bya ba slob dpon chen po klu sgrub kyis mdzad pa'o/_/'dis kyang 'gro ba du ma la phan pa rgya chen po 'byung bar gyur cig_/dpal ra sa ra mo che'i gtsug lag khang du grong khyer dpe med kyi paN+Di ta ti la ka dang /_bod kyi lo tsA ba chen po shAkya'i dge slong pa tshab nyi ma grags kyis bsgyur cing zhus te gtan la phab pa'o