Q118MW1PD96684_0118rgyudAll versions of this work

rab tu gnas pa mdor bsdus pa'i rgyud

Text

ff. 148a–153a · 11 folio sides

  1. 148a

    'dod pa'i dngos grub kyang // tha ma 'bring dang mchog rnams ni// sa lus nges par 'thob par 'gyur// mchog gis rnams pa shegs med 'khrug/ dngos grub phran tshegs slar ci zhig/ sangs rgyas nyid kyang sems can nyid// rdo rje sems nyid rnyed mi dka'// gang la dngos grub nges 'byung dang // gang la sdig pa gdon chen dang / bgegs dang log 'dren rnams dang yang // 'chi bdag dang ni bdud sde rnams// 'jigs pa sna tshogs bstan chos no// dngos grub las 'joms de dag ni// bdag nyid chen por de la ni// mi 'byung skye bar mi 'gyur ro// sbyin bsreg las kyi cho ga yis// nges par dngos grub myur rab 'byung // lha rnams kyang ni cher mnyes shing // skad cig gis kyang rab snyed 'grub/ yams dang nyer 'tshe skyon la sogs/// ches lci nges par ring du 'gyur// de yi yul du nang dang gdon// rims la sogs pa mi 'byung zhing // mu ge ca tse che rnams dang // pha rol dmag tshogs nyams par 'gyur// lha dang klarnams spro chen gyis// bde bar yang ni skyeng bar 'gyur// rgyal po chen po bzhi rnams dang / 'jig rten skyong brgya skar bcas// gnod sbyin rnams dang gza' la sogs// rdzu 'phrul chen po rnams kyis skyong // de nas brgya byin la sogs lhas// yang dang yang du phyag 'chal nas// rin chen gdugs sogs mchog rnams ni// rnam pa sna tshogs mchod byas ste// phyag na rdo rje rgyal dbang la// dag pa'i bsam pas yang dag bstod// sangs rgyas kun bas sngar sangs rgyas// mi shes dri ma kun bcom pa// rdo rje rdo rje 'dzin rgyal po// rdo rje rdo rje rdo rje 'dzin// rdo rje'i sku ste sku che ba// phyag na rdo rje phyag 'tshal 'dud// rdo rje yan lag rdo rje mchog/ rdo rje 'bar ba cher 'bar ba// rdo rje shugs te shugs che ba// rdo rje mtshon cha mtshon cha che// phyag na rdo rje phyag chen po// rdo rje mda' ste rab 'bigs pa// rdo rje rnon po rnon po che// che ba'i che brgya mtsho che// rdo rje pad ma byang chub che// byang chub sangs rgyas rang byung ba// rdo rje rgya

  2. 148b

    chen rgya chen che// de rdo sgyu ma rnam skyong ba// rdo rje rgyu ste gnod sbyin che// rdo rje pad ma rnam sbyong ba// rdo rje khro bo btub po che// rdo rje dgra sdang 'joms pa'i gtso// rdo rje 'jigs byed bsrung ba che// rdo rje lcags kyu don yod ched// rdo rje ro ladas ro langs che// rdo rje srin po zab po// rdo rje gnod sbyin gnod sbyin che// rdo rje gdon te gdon gyi mchog/ 'jigs rung skrag byed ma rungs pa// drag po 'jigs byed rngam byed pa// bsgrub dka' ba sgrub pa legs pa ste// rdo rje legs pa bgyis mdzad pa// rdo rje dga' ba dga' ba che// dga' ba'i rdo rje dbang byed pa// rdo rje gzi brjid gzi brjid che// 'bar 'od gshin rje mthar byed pa// rdo rje drag po drag po che// 'od mthug pa ni mthug pa che// nam mkha' dang ni mnyam pa yi// rab thams cad rdzogs mdzad pa// rdo rje dbang bskur rin chen mchog/ rdo rje rgyal mtshan yon tan mtsho'// rdo rje ye shes ye shes che// rig pa bye ba'i tshogs kyis mchod// ha la ha la nag po che// sgra che rnam par sgeg pa po// rdo rje 'dod pa 'dod pa che// snyigs ma'i rnyog ma 'joms pa po// dus kyi g.yo ba gcod pa'i mchog/ zhal ni ljags kyi glog 'phro ba// rdo rje me ste rab tu gtum// gtum pa'i rab snang 'joms pa po// nyi ma stong gi 'od zer shal// spyan dmar 'dzags par mdzad pa po// khro bo du ma'i 'od 'phro ba// phyag na du ma'i mtshon cha brgya// du ma'i zhal te sku yang stong // 'khyil cing sku yang 'khyil ba lags// thugs chos bdag nyid klu mi mda'// rnam par rtog pas las spangs// ma rig 'joms pa tshangs pa ste// 'dod chags zhe sdang dri mthar mdzad// sgyu ma khyab 'jug rdo rje can// mdung can rtse gsum 'chang 'phrog byed// 'dod chags zhe sdang gti mug che// srid dang sra de min rnams skyong ba// zhi zhing dul la dag pa che// sangs rgyas sangs rgyas rab rtogs mdzad// sangs rgyas bdag nyid sangs rgyas sku// rdo rje legs skyes rdo rje sems// kun tu bzang po

  3. 149a

    cher bzang ba// mtshan rnams kun gyis mtshan pa po// khams kun bdag nyid khyab pa po// thams cad rdo rje bdag nyid gtso'o// gang gis 'di bris klog pa dang // rtag tu don ni 'chang byed dam// dran namanyan par byed/ kyang rung // phyag na rdo rje mnyam par 'gyur// bcom ldan 'das kyis de skad ces bka' stsal pa dang / brgya byin dang / tshangs pa la sogs pa lha'i 'khor dang bcas pa'i lha dang / mi dang lha ma yin dang / dri za dang / gnod sbyin dang srin po la sogs pa phan pa dang / bde ba thob pa'i phyir bcom ldan 'das kyis gsungs pa la mngon par dga' 'o// de bzhin gshegs pa dgra bcom pa yang dag par rdzogs pa'i sangs rgyas/ ngan song thams cad yongs su sbyong ba gzi brjid kyi rgyal po'i brtag pa phyogs gcig pa rdzogs s+ho// // rgya gar gyi mkhan po bla ma rje btsun chen po re be na dra de pa'i zhabs dang // bla ma pa Na chen skyes bu chen po pA Ni ka shri dz+nyA na'i zhal snga nas gus par mnyan te chag lots+tsha ba shAkya'i dge slong chos rje dpal gyis bsgyur zhing zhus te gtan la phab pa// // sbre lo dbyug gu zla ba'i mar ngo'i tshes bcu gsum la/ gtsug lag khang chen po dpal zang po cher dbu btsugs nas smin drug zla ba'i yang ngo'i tshes bcu gnyis kyi snga dro'i par zhag bco lngar 'gro ba'i tshe dpal 'dren gyi lha'i gdings su tshar bar bgyis so// dpal ldan rgyud rgyal ngan song sbyong ba yi// brtag pa phyogs gcig sngar grags kha phye nas// chos rgyal sku drin paN chen sgra sgyur mchog/ skyes chen rnams kyis lags par dang bar mdzad/ 'di ni dpal ldan kun dga' snying po dang / rje btsun 'jigs med 'byung nas sbas pa yi// man ngag la brten rgya gar bal po ni// yongs grags bla ma'i drin las kha bos bsgyur// sgra gzhung bla ma'i gsung bzhin du// gus bsgyur nongs pa mkhas chen

  4. 149b

    rnams// bzod mdzad de dges 'gro ba kun// 'gro mgon thub chen nyid gyur cig/ bkra shis// @#// rgya gar skad du/ su pra tiSh+Tha tan tra sa gra ha/ bod skad du/ rab tu gnas pa mdor bsdus pa'i rgyud// dpal rdo rje sems dpa' la phyag 'tshal lo// 'di skad bdag gis thos pa dus gcig na/ bcom ldan 'das de bzhin gshegs pa thams cad kyi dam tshig rdo rje byin gyis rlob pa zhes bya ba'i ting nge 'dzin la snyoms par zhugs nas brdungs pa dang / bris pa dang / 'bur du byas pa la stsogs pa rab tu gnas pa'i cho ga gsungs pa/ slob dpon de nyid bcu shes shing / mtshan nyid kun dang yang dag ldan// phyag rgya sngags dang chog shes// las rnams kun la mkhas pas so// sku gzugs mtshan nyid ldan pa ste// zhi ba la/ sogs ro yi ldan// tshad kyis tshad la phub cing bzang // de 'dra rab tu gnas par 'gyur// yang thog mchod rten sogs gnas dang // khyim dngal yis gnas rnams su// sangs rgyas la sogs rab gnas ni// cho ga dag dang ldan byas la// cho ga dman pas mi bya ste// rab gnas rtag par bkra mi shis// 'jig rten 'dir yang sdug bsngal la// 'jig rten pha rol 'jigs pa che/ de bas 'bad pa thams cad kyis// dngos grub 'dod pas nan tan bya// cho ga bdag nyid nus pa yis// brtag pa las gsungs tshul legs pa/ des byas bsod nams che ba yin// mthong dang mi mthong rnams su skye// sku gzugs sngags kyi mtshan nyid kyis// de la byin brlabs 'jug par 'gyur// gang du sku gzugs rdzogs pa la// byin ma brlabs par ring gnas na// de la bkra mi shis 'byung zhing // ji srid mchod pa der mi 'os// dper na skyes bu la la zhig/ rig pa'i mtshan nyid spangs pa ni// 'jig rten kun gyis mchod mi byed// de de bzhin du gzugs brnyan de///

  5. 150a

    rab gnas ma byas gzugs brnyan la// gang zhig mchod cing phyag byed pa// dam tshig bral zhing sngags dman pas// sbyin bsreg thal ba 'bras med mtshungs// de bzhin du yang sngags gnas pas// chos ldan mchod pa byed pa gang / de yis las kyi rnam srin gyis// skye bdu mchod par 'gyur// byang chub sems dpa' rnams kyis gsol pa// bcom ldan 'das chos thams cad rab tu mi gnas pa la ji ltar na/ rgyas pa rnams kyis gnas pa lags// bcom ldan 'das kyis bka' stsal pa// sangs rgyas kun ni rab tu bzhugs// rab tu gnas pa gang na'ang med// kun tu mkha' ltar gnas pa la// gcig shos kyis ni rab tu brtags// 'jig rten kun rdzob la brten nas// rab tu gnas pa rab tu brtag/ dam pa'i don du dpyad pa na/ gang zhig gang gis gang du brlab// gzod ma nas ni skye med la// ci 'dra ji ltar rab tu gnas// dang po'i las can sems can rnams// rtogs pa'i rgyu ru mdzad par zad// dang por re shigs yongs su sbyangs par gdugs dang / rgyal mtshan dang / bla re dang / ba dan bslang po rnams su mchog tu gsol ba 'debs pas gsol babatab pa'i bla ma// spos dang / me tog las sogs pa ldan pas tshes dang rgyu skar shis pa la slob dpon legs par mnyam par bzhag pas rab tu gnas pa'i sar 'khod do// sangs rgyas dang byang chub sems dpa' la sogs pa rigs lnga dang rab tu 'brel ba yin la// de dang rab tu 'brel ba'i dkyil 'khor gyi tshogs sa yongs su gzung zhing thig gdab pa dang / rdul mtshon gyi las dang / gsol ba gdab pa la sogs pa byas la rtsa ba'i sngags sam/ rgyud kyi dgongs pas sa'i gter du nor bu 'am/ sor gdub bcug la/ de nas lha'i khang par rang gi slob ma dang por bcug la// rnam pa kun gyi mchog dang ldan pa'i de bzhin

  6. 150b

    gshegs pa la sogs pa'i skur bltas la/ lha la mngon par phyogs te phyag 'tshal zhing / ji ltar 'byor pa'i me tog gis thal mo dang dri chu gtsang mas cho ga bzhin du brtags la/ ting nge 'dzin la legs gnas pas/ zhabs bsil me tog spos sogs ldan// rnam par mi rtog sems kyis ni// mchod yon rnams ni phul byas la// mnyam par gzhag pas sngags 'di yis// lan gsum bar du brjod par bya'o// oM sa ma ya s+t+waM sa ma sas+t+waM a haM/ ji ltar sangs rgyas thams cad ni// dga' ldan du ni gnas pa nas// lha mo sgyu 'phrul lhums zhugs ltar// de bzhin gzugs pan 'dir bzhugs shig/ 'di ru mgon po brtag pa zhugs nas// byang chub sems ni bskyed pa dang // che ge mo'i don slad du// bdag gi 'byor pa nyid kyis ni// tsa 'byor pa'i mchod pa rnams// me tog la sogs 'di bzhes shig/ bdag dang slob mar bcas bal// rjes su brtse bar dgongs su gsol// kun gyis 'di la byin brlab cing // de nyid tu ni bzhugs par rigs// sku gzugs sta gon legs byas la// de nas rtag par mnyam par brtsam// slob ma bsrung par gnas pa yis// de ltar thams cad spyad byas la// sngags pa'i mchod pa'i cho ga sogs// bla ma yis ni gang sgo ba// mang tshags pa kun bsgrub par bya// mchod sbyin 'bras bu chen por 'gyur// de nas sngag pas snyan gsan dbab// gdan la sdom byas mchod yon dang // mchod pa gtor ma spros me tog/ de bzhin du ni mar me dag/ sngag dang ldan par dbul bar bya// sku gzugs mdun du phyag byas la// na bza' ser pos g.yog bya zhing // de nas sngags pas gdug byas pa// de dag bsgrub phyir de la ni// de la lan gcig gtor bya ba// de dang de la sngags 'dis ni// me dang de nas chu las gtor// oM sarba ba baM da ha na badz+ra ya sAH

  7. 151a

    zhes bya bas so// de nas rnam pa kun gyi mchog ldan pa'i// don bzhin du ni bsgom bya ste// de nas gnas gsum rnams su bstim// oM hUM AH'i yi ge gsum oM ni spyi bor stim bya zhing // snying khar hUM gi yi ger 'gyur// ngag gi phyogs su a yig go/ sku gsung thugs ni bsgrub par bya// yang na gang gi sa bon gang yin pa// de ni thugs khar de dgod do// phyag rgya sngags kyis rab skul zhing // ci rigs par ni snyan gsan dbab// gser ram dngul la ma zangs ma 'am// rdo dang de bzhin shing dang ni/ sa 'am dung chos de bzhin te// yang na shing lo'i mdab ma rnams// mchod yon snod du sbyar bar bya// de bzhin bum pa gser las so// zangs ma'i snod kyi mchod yon ni// mchod yon las la rab tu shis// gal te nus pas ma rnyed na/ ji ltar rnyed pa kun tu bya// de nas dri yi tili mar sogs// ngur ba'i phon gyi pir gyis sbyang // bkra shwa rngalas sogs pa'i sgra// na chung rnams kyis de bzhin brjod// til mar la sogs sngags kyis ni/ oM sarba ta thA ga ta bi sho d+ha na swA hA// bum pa lnga'am yang nu brgyad// tsan na la sogs rnams kyis b+hag/ sna tshogs dri chus dgang ba dang // 'khor lor byas la mngon par bsngags// bu mos bkal ba'i srad bu 'am// yang na ras bal skud pa'ang rung // tshon chen por ni bsgyur byas la// de la sngags kyis dkri bar bya/ sman lnga rin chen lnga pa ni// me tog 'bras bu ldan pa ste// me tog yungs dkar dang ldan ding // bum pa mngon par sdug par bya// gtsug tor rnam rgyal zhes bya dang / gzi brjid gzhan gyis mi rdzi dang // bkra shis zhi rnams sngags kyis ni// khrus kyi tshad du mngon par bsngags// 'jam pa'i til mar dag dang ni// u du ma 'bar ra'i lcug ma bzang // khar ba'i snod kyi nang dag tu// bkod la rab tu dbul

  8. 151b

    bar bya// dri lnga yis ni de dag byug/ sa bon gyis ni de dag byug/ slob ma tshogs dang bcas pa yis// sngags kyi gtsang sbra bkru bar bya// bkra shis zhes bya yid 'ong ba'i// blo dang ldan pas tshigs pa brjod// cho ga bzhin du/ mngon dbang bskur// sngags ni ji ltar bltam pa tsam gyis ni// de bzhin gshegs kun khrus gsol ltar// lha yi chu ni dag pa yis// de bzhin bdag gis khrus gsol lo// zhes bya ba la sogs pas so// oM sarba ta thA ga ta a b+hi ShiShe ka sa ma ya shI ya hUM/ lugs ma rnams ni yongs su dkru// ri mo rnams ni me long la'o// dag byed lngas ni sngon du bya// ras sam lag pa dag gis ni// blo dang ldan pas sku lus la// gur kum mar dang bcas pas sku// gos zung dag kyang skul gsol// blo dang ldan pas sngags 'di yis// dkyil 'khor dbus su bzhugs su gsol// oM badz+ra d+hi ba sa so swA hA// oM badz+ra gan d+he swA hA// oM badz+ra a ba ra Na bid shud d+he/ swA hA// blo ldan gyis rang ngam tshig bskul// phyag rgya sngags kyis rab bskul la// ji ltar 'dod par mngon par bskul// oM hAM aM dzaM khaM// de ltar cod pan bcing byas la// gdan la legs par bzhugs gsol te// brtag pa las gsungs tshul gyis so// mdun phyogs su nim bub cing / yo ba min zhing drang ba yis// de ltar sku gzugs mdzes par dgod// de lta min na skyon 'byung 'gyur// me tog spos dang de bzhin dri// mar men bza' sogs 'byor dri// de kun sngags dang ldan pa yis// lha rnams la ni dbul bar bya// oM badz+ra puSh+pe AHhU~M zhes bya ba 'di la sogs pas so// mchog ni me tog 'di de ni// chu dang thang las de bzhin skyes// mchog tu dad pas khyed la 'bul// ci bde bar ni so sor ba zhes// lhan cig skyes dang sbyar las byung // mchog tu bdug pa 'di de ni// bdag gi dad pas dbul lags kyis// ci bde bar ni bzhes su gsol// lhan cig skyes dang

  9. 152a

    sbyar las byung // mchog tu gyur pa'i dri 'di ni// bdag gi dad pas 'bral lags kyis// ci bde bar ni bzhes su gsol// sun pa 'joms byed sdang ba'i mchog/ mang dang til gyi mar me 'di// yang dag ye shes spel bya'i phyir// dad pas bdag gis dbul bar bgyi// bza' dang bca' ba phun sum tshogs// kha dog dri ro rnams dang ldan// thams cad ldan pa'i lha yis bshos// bdag gis dbul gyis so sor ba zhes// de la sogs pa gang yang rung // cung zad ci 'byor sku gzugs la// de dag thams cad 'di nyid kyis// rim pa yis ni dbul bar bya// sngags kyi gtsang sbra tsa ru bya// der ni gser gyi rang bzhin gyi// thur mas spyan ni dbye bar bya// zhal zas der dbul po ldan pas// oM tsak+Shu tsak+Shu sa man ta tsak+Shu bi sho d+ha ni swA hA/ oM d+hi ha na sa mA d+hi pra b+hA Na ne swA hA// de ltar bzlas nas de nas yang // slob ma rab tu bcug byas la// khyod kyis nga la gang gsol ba'i// sku gzugs dag ni khyad par du// ji ltar gsungs pa'i rab gnas par// de dag don ni des byas te// de rnams don ni grub zin gyis// ci bde bar ni mchod par byos// de nas dam tshig dbang bskur bar// khyod la byas kyis bsreg lugs ni/ stong ngam yang ni de yi phyed// sngar gsungs bar mas 'bru rnams kyis// 'o ma can gyi bud shing la// bsregs khung gru bzhir bsags blugs bya// de nyid mar dang 'o ma yis// lhag ma tsa rung phul byas la// bdag dang slob ma thams cad ni// zhi dang rgyas pa 'phel bar bya// oM badz+ra a yu she swA hA/ a gad ts+tsha ha ri bing ga la ti dza ta dza ha lo hi ti k+Sha de hi dI ba ya ing na tsa l+ye ka r+yan ku ru swA hA/ oM badz+ra puSh+Ta yai swA hA// de ltar/ byas pa 'bang pa yis// khri yi steng du bzhugs par bya// sku gzugs kyi na sum 'gyur cha'i// tshad tsam du ni rab tu brtag/ oM su pra tiSh+Tha badz+ra swA hA/ me tog spos sogs sngon 'gro ba'i// phyogs skyong rnams

  10. 152b

    kyang mchod par bya// oM in dra ye swA hA/ zhes bya bas dbang ldan la thug gi bar du rol mo'i sgra byas la/ yang dag par mchod de/ gshegs su gsol bar bya ba ni// rdzogs sangs rgyas dang de yi skus// tshangs sogs lha yi tshogs rnams pa// gang dag chog mtshang ba// de dag bzod pa mdzad par rigs// kun tu zhi dang rgyas pa ru// yon bdag che la rab mdzad nas// sangs rgyas yul du gshegs nas ni// slang yang pyod par mdzad dugasol// sa dang chu dang me rlung gi/ lha rnams kun gyis sku gzugs la// bskal pa brgya ru bsrung gnas mdzod// bgyis shing yid bzang 'gyur ba yis// slob dpon slob mar bcas pa yis// bu dang tsha bo bsrung mdzad nas// rang gnas bde bar gshegs su gsol// dpyid zla ra ba 'am dpyid zla 'bring // dgran dang dpyid kyi tha chungs la// dbyar ra de bzhin dbyar 'bring po// nyi ma byang du bltas pa yi// dkar po'i phyogs ni gnyis pa'o// rim bzhin du bzhin gsum pa'am// gang tshe gza' dang rjes 'thun na/ nag po'i phyogs la'ang brtsam par bya// mi rnams sngon du 'phel bar byed// bco lnga de bzhin brgyad dang ldan// bcu gsum pa'ang de bzhin no// gnam stong dang ni/ de bzhin du// bcu bzhi pa la bya ba min// thams cad du ni chu smad dang / snar ma gro zhin de bzhin te// lag pasnams dang sngon dang ni// rgyal dang chu smad de bzhin no// khrums spad kyang ni bzhin te/ rgyu skar 'di rnams thams ca ru/ skye dgu 'phel zhing de yis ni/ rab tu gnas pa'i mchog tu byed// skar ma dpol rab gnas bya// des ni shes rab chen por 'gyur// yid la 'dod pa gang ci'ang rung // dngos grub ma bzhis bster bar 'gyur/ lus// las shes pa yang dag pa// snrums sam yang na gro zhin gyis// lag gis skal bzang snar mas ni// gzhan dag las ni rgyal bar byed// mgo yis zhi ba nye bar ston// chu stod kyis ni bu dag gson// rtag par/

  11. 153a

    dngos grub khrums smad kyis// rgyal gyis rtag par tshe ring 'gyur// snron gyis mchog tu bde bar byed// lha mtshams kyis ni mchog star 'gyur// phur bu lag dang ba ba sangs// zla ba gza' sogs shes bya ste// 'di rnam gza' ldan las byas na// rab tu gnas pa mchog tu dge/ gsum pa drug pa bdun pa dang // bcu dang bcu gcig la zla ba// gnyis pa bzhi pa de bzhin brgyad// bcu dang bcu gcig rnams la lag/ gnyis dang de bzhin bdun pa dgu// de bzhin phur bu bcu gcig la// dus sbyor zhi ba la brten nas// de la lhag par gnas par bya// drug bdun bcu pa dor ba yis// pa ba sangs nyid dge ba yin// de ltar gza' rnams thams cad kyi// stobs ldan mi ldan der shes bya// gang che zhi ba'i bza' rnams dang / zhing rnams dge ba gang yin pa// dang po lta ba gsum de yin// nor 'joms rnams ni spang bar bya// rjes su mthun par byed pa pos// skad cig de la yongs grub cing // rab tu gnas pa mchog tu 'gyur// 'khor los bsgyur rgyal dbang phyug ni// thob 'gyur de la the tshom med// gza' dang rgyu skar der med de// bgegs dang log par 'dren pa'ang med// gza' rnams thams cad rjes mthun zhing // bgegs dang rgyu skar lha rnams nyid// de ru grub pa kun gnas shing // gzugs brnyan mchod rten la sogs kyis// dngos grub dag ni ster bar byed// yid kyis cung zad gang bsams pa// skye dang skye bar 'grub par 'gyur// rgyan rnams ma lus pa yis ni// phyi nas bzo bo rnams la mchod// gang dag de la grogs byed pa// gzhan dag kyang ni mchod par bya// de nas de dag thams cad la// dga' bas 'di dag brjod par bya// ji ltar gsungs pa'i mchod pa rnams// bdag 'thun pa yi nus pa med// de phyir bdag la khyed bzod mdzod// sngags kyi gtsang sbra bza' bca' dag/ gzugs brnyan dag la sbyin par

Colophon

rab tu gnas pa mdor bsdus pa'i cho ga'i mdo rdzogs s+ho // kha che'i baNDi ta chen po dzny'a na badzra dang // // lo ts+tsha ba 'bro dge slong shes rab grags pas bsgyur ba'o // (ta, 153b5-6)