dpal 'bar khro mo'i rgyud
Text
ff. 209b–245b · 73 folio sides
- 209b
yas khang / zur ni sku gsung thugs/ shing ni rigs lnga'i thugs dam dang / ma bdun gyi 'khor dang / khro bo dang / khro mo'o// me ni ye shes kyi rang bzhin// chu ni chos kyi dbyings kyi rang bzhin te/ dgra bgegs ho ma khung du song ba tsam gyis/ bag chags byang zhing mtho ris su thar pa 'am/ yang na 'phags bla rnams dang me lha'i zhal dngos su bstabs shing / rnam par shes pa mtho ris spar ro// mnan pa zhig bya na yang hom khung dgra bgegs bkug la/ lo grangs 'di tsam zhig gi bar du 'di nas gzhan du 'gror mi gnang bar mtshams bcad cing gzir la dam chu ngam gtor byin la/ hom khung nang nas me'i sa bon tsam man chad phyir dbyung / 'phags pa dang me lha hom khung du bzhugs pa la mchod de/ slar gshegs su gsol ba'i sngags la/ la gor hom khung kha bcad de/ mnan pa'i phur pas steng nas gdab bo// rdo rje dur mo'i tan+t+ra las/ rdo rje sems dpa' zhal gdams kyi hom rgyud kyi le'u ste gnyis pa'o// // rdo rje sems dpa'i zhal gdams kyi me rgyud rdzogs so// / rgya gar skad du/ shrI dz+wa la kro d+hI tan+ta/ bod skad du/ dpal 'bar khro mo'i rgyud/ bcom ldan 'das zhi khro'i lha la phyag 'tshal lo// 'di skad bdag gis
- 210a
thos nas bshad pa'i dus gcig na/ ji ltar snang zhing srid pa dang / mthong zhing thos pa dang / bstan cing rtogs pa 'di dag thams cad ye nas ma g.yos shing / ma bcos pa'i med pa'i chos nyid la/ snang na ni lha dang lha mo'i sku gsung thugs/ phyag rgya chen po'i dkyil 'khor du snang la// mi snang na dngos po dang / mtshan ma dang / gzung 'dzin dang / rtag chad du mi snang ba yin la/ yod na ni sems kyi ye shes gsal la ma bsgribs par sangs rgyas par yod la/ med na gnyis su snang ba dang / phyogs dang ris su phye ba med pa yin la/ rol na thabs dang / shes rab/ dbyings dang ye shes dga' ba dang / bde ba'i longs spyod chen por rol pa yin la/ mi rol na chos nyid mnyam pa nyid kyi ngang la/ gang la yang ma chags/ gang la yang mi 'dzin// gang la yang mi gnas pa yin pas/ ma rig pa'i dbang gis rtog pa'i ris bsam gyis mi khyab par snang bas/ dper na nam mkha' la 'di zhes gzung rgyu med pa la/ mig nad can la sogs pa 'khrul pa'i dbang gis ji ltar yang snang la/ snang ba'i dbang gis tha dad par snang ba bzhin duyang dag pa'i chos nyid la gang yang 'grub pa med pa la/ log pa dang 'khrul pa'i dbang gis so sor snang ste/ chos nyid snang ba ma rtogs pas ma rig pa'i dbang du gyur sa
- 210b
ma rig pa'i dbang gis mun pa'i smag bzhin 'thibs pas/ ye shes kyi snang ba nub par gyur to// rtog pa'i dbang gis las sna tshogs par snang bar gyur to// nyon mongs pa'i dbang gis 'du byed sna tshogs par snang bar gyur to// phyin ci log gi dbang gis gol ba sna tshogs su gyur to// 'khrul pa'i dbang gis rgyu 'bras sna tshogs su gyur to// sdig pa'i dbang gis sdug bsngal sna tshogs su gyur to// las kyi dbang gis nyon mongs shing myong ba sna tshogs su gyur to// de dag kyang gang zhe na/ 'di lta ste/ 'khrul pa la las rtsa ba dang yan lag gi dam tshig mi 'da' ba'i chos nyid la 'da' bar byar med pa la/ rdo rje slob dpon la sogs pa la mi rigs shing 'da' ba'i las byas pas/ 'jig rten gyi khams 'dir yid du mi 'ong ba la sogs pa/ rnam pa sna tshogs nyams su myong nas/ mnar med pa'i dmyal ba la sogs par sdug bsngal sna tshogs las nam yang thar pa'i dus med par skyes pa dang / 'khrul pa la las 'dod pa dang longs spyod la chags pa'i dbang gis mchod pa dang rgyu rkyen la sogs pa rnams/ brkam chags sna tshos par spyad dbang gis/ yi dgas la sogs pa'i gnas su yun ring bar 'khod pa dang / 'khrul pa'i las la gti mug gi dbang gis// de bzhin gshegs pa'i sku la thug
- 211a
thub tu spyad pa dang / thams cad ma rtogs pa'i dbang gis bab bcol du gyur pas/ byol song la sogs pa'i gnas su skyes nas/ de la skye 'chin yang slar lus de nyid len cing bskal pa yun ring bar gnas pa dang // de bzhin du mi dang / lha dang / lha ma yin la sogs pa'i 'chi 'pho ba dang / 'thab rtsod pa dang / 'gyur ba'i sdug bsngal la sogs pa nyams su myong zhing 'khor ro// 'khrul pa la las brten cing bsgregs pa dang / sgom zhing bsgrub par bya ba rnams ni/ bdag gis ma rtogs shing gzhan la ma khrol bar byas// gsang zhing sba ba dang thabs kyis spyad pa rnams ni/ bdag gi ngo thon dang gsang mtshams med par spyad la/ gzhan la yang de ltar bstan cing de bzhin du bsgom ste/ lta bas chod pa thams cad la bsgom pa dang / bsgom pas mchod par ci la yang 'jug pa dang / bsgrub pa mthar ma phyin par las rnam pa sna tshogs pa brtsams te/ bdag nyid phung po lha'i dkyil 'khor du sgrol ma shes par/ sems can gzhan la mngon spyod kyis sgrol ba'i las la bab bcol bar byas pa dang / bdag nyid sems kyi chos nyid ma skyes pa la/ rtogs pa'i ye shes sbyor ma shes par/ gzhan du yid 'ong ba la glags la bab pa dang / thabs 'og tu chud pa dang // rdo rje g.yos pa'i dbang gis/ mo'i
- 211b
rigs snang snang la sbyor ba'i las bab bcol bar byas pa dang / bdag nyid bsgom pa'i ting nge 'dzin ma gsal bar/ gzhan drang bar 'dod pa'i phyir dkyil 'khor la sogs pa'i dpon byas te/ gzhan tshom bu la sogs pa bsdus nas/ bka' bzhin du ni gang yang ma byas/ 'phrin las kyis lung tshol bar sna tshogs par byas pa dang / bdag nyid bsgrub pa'i rtsal ma rdzogs par/ 'jig rten gyi khe grags dang gzhan thub par 'dod pa'i mthu rtsal 'dod pa'i phyir/ mu stegs la sogs pa'i log pa'i chos dang / de la brten pa'i gang zag gis 'dod pa tshol ba'i bcos bu dang / 'phral bsdebs byas nas dam med pas/ gzhan la bslus pa'i 'gal ba chen po la khrims phyung nas// dang du len par byed pa dang / bdag nyid dngos grub gsal bar ma thob par/ gzhan gyis bkur bar 'dod pa dang / btsun zhing mkhas par 'dod pa'i phyir/ lung las btus pa dang / yid las phyung ba'i skan dngags su sdebs sbyor byas nas/ gzhan la 'chad cing ston par byed pa dang / bdag nyid rgyal ba'i bka' rgyud gsal bar ma gyur pas/ gzhan las bdag nyid chungs par mthong bas/ bdag nyid kyi phyogs bsdus nas gzhan dang ris su bcad nas/ bka' 'di las lhag pa gzhan na med do zhes smra bar byed cing / de'i sde dang 'khor
- 212a
gyis kyang de bzhin du rang rang gi ris bzung zhing che bar phyung nas/ gsang ba'i don blo la mason pa'i smra ba'i rgyu chung bas/ gsang ba skad smra zhing nyon mongs pa'i mthu gting brtas par byed pa dang // bdag nyid nyon mongs pa la shas cher spyad pas// gzhan yang de la lan ldon pa'i dbang gis// bdag dang gzhan dngos su 'thab pa dang / skyon dang zol la sogs pa bshams nas/ 'khrugs pa dang gsod pa la sogs pa byed pa dang / bdag nyid kyis mi rtag pa dang / sgyu ma lta bu'i don mi shes pas/ mi chos kyi blon po lta bu dang / 'du 'jig yeng spyod pa'i las byed pa dang // de lta bu'i log par 'dren pa'i slob ma mang pa'i dbang gis/ gzhan thams cad kyang de lta bu'i las byed pa dang / gcig la gcig 'dzugs pa dang / 'thab cing rtsod pa dang / 'phrog cing rlom pa dang / che ba dang bkur ba'i rim pa med par gnad du btsugs nas// log pa'i las rnam pa sna tshogs pa shom pa dang / log pa dang sdig pa'i las rnam pa sna tshogs par spyod pa'i dbang gis/ yongs kyis dpyad sla bar gyur nas// kun kyang 'jig rten gyi khams 'dir mi bde ba rnam pa sna tshogs pa nyams su myong nas/ bsgrub pa la don med cing
- 212b
dus ma yin par tshe zad nas/ dam tshig nyams pa rnams ni sems can dmyal ba'i yang gting du skye bar 'gyur ro// nam yang thon pa'i dus med pa yin no// phal pa rnams dang slob ma rnams kyis sna drangs nas/ mnar med pa ma gtogs pa yan chad nas/ nyi tshe ba man chad du bskal pa du ma zhig gi bar du sdug bsngal nyams su myong nas/ de las thar nas byol song yi dgas kyi gnas su skyes na yang / sngon gsang sngags spyod tsam na/ zhe sdang gi dbang gis mgo lus mang bar bsgoms pa'i kha mig mgo lus mang bar skyes nas// der yang sdug bsngal shas cig nyams su myong nas/ de nas thar nas skye na yang thar pa'i sgo lho nub pas// gnas kyang lho nub mtshams dur khrod ka ra sa ga zhes bya bar skyes// de dngos po 'dzin pa'i dbang gis// lho nub mtshams de la yang phyogs bzhi dbus dang lngar gnas/ tha ma grong khyer gyis bskor ba// phyi mtha' dur khrod kyi tshogs mang bar gnas pa'i yul du skyes// de la gnas pa de la yang rang rgyud kyi gnas ma yin khro ba'i las kyi dbang gis snang ba'o// de lta bu'i dbus na/ sngon gsang sngags kyi don spyod tsan// dngos po la rtog par 'dzin pa'i mthu brtas pas/ ru dra rnam pa gsum gyi bdag po dbus na gnas pa de/ sngon dngos po yod pa la che bar bsgoms pa'i dbang gis//
- 213a
lus ri rab tsam la/ sdig pa'i las sngon du thal/ bsod nams kyi las phyir lus pas/ mdog kyang thal mdog sngo skyar 'dug pa/ nyon mongs pa dug gsum gyi rtsa ba las/ nyon mongs pa bsam gyis mi khyab par sngon spyod pa'i mthus/ lag na yang mdung rtse gsum pa la sogs te/ mtshon chabasam gyis mi khyab pa thogs pa sngon nyon mongs pa grags pa che ba'i 'khor dang smon lam mthun pas/ de'i 'khor yang shar gti mug che ba dri za'i sprin po/ lho nga rgyal che ba gshin rje'i srin po/ nub 'dod chags che ba klu'i srin po/ byang phrag dog che ba gnod sbyin gyi srin po/ de rnams kyang chos nyid la chog shes med pa'i ting 'dzin med pas// kun kyang sems can mang po zos 'chos kyang skem pa la hrid pa rtsa rgyus sra ba/ pags pa sker ma rus gong che ba'o// de rnams kyang sngon 'dod chags dang 'bral ma shes pas// chung ma re re dang 'khril te/ de rnams sngon 'dod chags la chog pa'i dus med pas gzhan yid du 'ong ba'i byi mo dang / slas dang // dud 'gro la sogs pa'i mo rnams la chags pa spyad pa'i dbang gis// de rnams kyi 'khor na srin po brgyad dang / mgo brnyan ma brgyad dang / sha za nyi shu rtsa brgyad dang / mkha' 'gro sum cu rtsa gnyis/ gtso mo bzhi ste rtsa drug dang / las dang mngag gzhug sum brgya
- 213b
drug cu dang / gsod pa bco brgyad/ yang bran brgyad khri bzhi stong / sum brgya drug cu// bco brgyad/ bcu bzhi/ bzhi la sogs pa la bzhi brgya rtsa bzhi lag char bskur nas/ skye 'gro mtha' dag ni bsgral nas/ thams cad phung bar byas te/ gtsang sme med par za ste/ sta na'i las la dus dang rgyun med par byed// chung ma dang 'khor thams cad la bzang ngan med par sbyor zhing / 'dod chags kyi las la dus dang rgyun mi 'chad par byed/ gsod gcod dang mi snyan pa'i sgra drag po dus med par grags/ sha dang rus pa ri ltar spungs khrag dang chu ser mtsho ltar bskyil/ gzugs dang kha dog rdza ltar bklags/ gsur dang dud pa dri bsung sprin ltar gtibs/ ha ha dang kha kha 'brug ltar grags// mtshon cha dang snag khrag char ltar 'bab/ gzhan yang stong gsum gyi stong gi 'jig rten gyi khams thams cad du/ srin mo nad gtong ma brgya dang / lcags kyi ti shwa sprul pa bzhi la sogs pa btang ste/ dang po dud 'gros gnas bzhi la nad sna tshogs dang mtshon cha sna tshogs btang ste zos/ de nas gling bzhi'i mi zos/ de bzhin du 'dod khams dang / gzugs khams dang / gzugs med pa'i khams ril dbang du bsdus shing zos te/ thams cad du gsod pa dang / sbyor ba'i las mtha' dag gtsor spyod cing / 'bras bu ngan song gsum dang mnar
- 214a
med pa'i las sna tshogs pa bsgrub pa la// 'og min chos kyi dbyings kyi pho brang nas/ bde bar gshegs pa rnams kyis gzigs pas/ shin tu nyam thag cing gol bar gzigs te/ sangs rgyas thams cad kyis kyang de dang cha mthun par mdzad de/ bcom ldan 'das yid byed pa kun tu bzang pos khro bo thams cad kyi mchog he ru kAr sprul te/ 'khor ba dang mya ngan las 'das pa'i chos thams cad skul tshang zhing rdzogs nas/ khyab cing bdal ba'i phyir na/ dbu nyi shu rtsa gcig phyag bzhi bcu rtsa gnyis su sprul/ yum kun tu bzang mo kro d+hi shwa ri ga nam zhal mar sprul nas/ yab yum gnyis su med pa'i mkha' las rigs lnga'i sangs rgyas yab yum rnam shes he ru ka ya ba yum bcur gyur te/ rnam par snang mdzad yab yum/ bud+d+ha he ru ka yab yum du gyur nas/ da cibs kyang sku che ba phyag mang ba mtshon cha rno ba me dpung 'bar ba/ nga ro che ba mthu che ba drag cing rngam pa/ gsod pa la brtson par sprul te/ dregs pa chen po gtso bor ru dra dngos su bsgral lo// yum gyis de'i chung ma bsgral lo// de bzhin du badz+ra he ru ka yab yum gyis/ shar gyi dri za srin po pho mo bsgral lo// rat+na he ru ka yab yum gyis/ lhor gshin rje'i
- 214b
srin po pho mo bsgral lo// pad+ma he ru ka yab yum gyis/ nub klu'i srin po pho mo bsgral lo// karma he ru ka ya ba yum gyis/ byang gnod sbyin gyi srin po pho mo bsgral lo// bdud dang srin po'i lag cha mdung rtse gsum ni// rgyal byed rtags kyi kha T+Ta khar bsnams so// pags pa g.yang gzhir sku la gsol lo// thod pa mnabs zhal mdzad do// rnam par shes pa'i sems rigs nges pa'i sras su gyur pas/ rag shaM he ru ka'i skur gyur to// ngan song gsum du skye nges pa'i sras sems rig nges pa'i sras su bsgral bas/ sa nu he ru kar gyur to// 'khor byang chub sems dpa' sems ma rnams kyis kyang / de rnams kyi 'khor rnams btul te/ srin po de'i dur khrod grong khyer gyi shar phyogs nasrin po chen mo keng thod ma zhes bya ba keng rus thod du bcings nas/ zhing gi dbyug pa dang thod khrag thogs nas/ dur khrod chen po'i khrag 'thung yul na 'khod pa la byams pa dang / zhi ba'i ting nge 'dzin gang gis kyang mthul ba las/ byang chub sems dpa' sa'i snying pos/ khro mo ko'u ri mar sprul te/ lag pa g.yas na zhing gi dbyig pa thogs pas/ mo'i dbyig pa dbang du bsdus/ g.yon pa band rak+tas mo'i thod khrag dbang du bsdus/ sku dang 'od me dpung gis mo'i 'od zil gyis mnan nas/ srin mo nges bsams pa/
- 215a
bdag pas kyang mthu byin che bas skyabs kyang btsal/ bdag dang spyod pa cha mthun pas lung stsal ba yang mnyan la/ bdag dang rigs gcig pa gcig kyang gzod 'byung bsams pa las/ khro mo des smras pa/ khyod thod khrag dang zhing dbyug thogs nas khrag 'thung ba la don ci lta bu zhes smras pa las/ srin mo des gsol pa/ bdag bkres shing skom pa la chog pa'i dus med pas 'tshal lo zhes gsol to// khro mos smras pa/ de ltar ma yin te nga thod khrag thogs pa ni nyon mongs pa khrag dang 'dra ba de/ chos nyid du zad par byed pa'i rtags yin la/ zhing gi dbyig pa ni ma rig cing gzhom pa'i 'khor ba rdul du rlog pa'i rtags yin no// zhes smras pas// srin mo des kyang de bzhin du bsgoms pas/ srin mo des phyir mi ldog pa'i sa thob pas/ ma 'ongs pa'i 'gro ba'i don du ke'u'i bran dang yang bran dang / khol dang yang khol du dbang byin nas gzhag go// de bzhin srin mo'i yul gyi lho phyogs/ dur khrod chen po 'jigs pa'i yul na/ srin mo 'da' 'phen mas sems can thams cad gsod cing za ste/ byams dang snying rje ni med/ nyon mongs parang ka ma la zhi ba'i ting nge 'dzin gang gis kyang mthul ba las/ byang chub sems dpa' nam mkha'i snying pos/ lha mo tso'u rim thabs kyis mda' 'gengs mar sprul
- 215b
nas/ srin mo de dang spyod pa cha 'thun par byas nas btul te/ phyir mi ldog pa'i sa la bkod nas/ bran dang yang bran dang / khol dang yang khol du dbang byin te gzhag go/ de bzhin du srin po'i yul gyi nub phyogs dur khrod chen po 'dzin byed na/ srin mo 'dzin byed ma zhes bya ba lag na chu srin gson ma pir thogs pa/ sems can thams cad 'dzin cing mi gtong bar za ba la/ byams pa'i ting nge 'dzin gang gis kyang mthul ba la/ byang chub sems dpa' spyan ras gzigs kyi dbang phyug gis/ khro mo pra mo ha mdog dmar ba lag na chu srin gyi rgyal mtshan thogs par sprul te/ de dang spyod pa cha bstun zhing rigs gcig par byas nas btul te/ yang gong ma bzhin du gzhag go// srin po'i yul gyi byang phyogs dur khrod sgrol ba na/ srin mo pe ta nag mo zhes bya ba/ lag g.yas pa spar khyim gdengs nas bus pa rdung ba/ g.yon pa bus pa khogs rangs su za ba cig gnas pa la/ yang cis kyang ma thul ba la/ byang chub sems dpa' phyag na rdo// rjes khro mo pi ta li g.yas rdo rje g.yon bus pa za bar sprul nas/ gong ma bzhin du gzhag go// srin po yul gyi shar lho mtshams na/ dur khrod 'dren byed ces bya ba na/ srin mo nang khrol 'dren ma zhes bya ba sems can thams cad bsad nas/ nang khrol dang rgyu ma sha khrag rlon par za ba las/ byang chub sems dpa' byams pas/ khro mo pu ka sir sprul nas/
- 216a
yang gong ma bzhin du gzhag go// srin mo yul gyi lho nub mtshams na/ dur khrod chen po'i tshal sngon na/ srin mo chen mo rab 'jigs ma zhes bya ba/ sems can thams cad kyi mgo bo phor par bcad nas/ sha khrag tshil bus bkang ste sor mo gsum gyis dkrug cing 'thung ba la/ byang chub sems dpa' sgrib pa rnam par sel bas/ khro mo g+ha sa ma rir sprul nas btul te/ yang gong ma bzhin du gzhag go// srin mo yul gyi nub byang gi mtshams na/ dur khrod sa la zhes bya ba na/ srin mo chen mo srog gcod ma zhes bya ba/ sems can thams cad kyi sgying khrag rtsa ba nas phyung nas za ba las/ byang chub sems dpa' kun tu bzang pos/ khro mo s+pha sha nir sprul nas btul te/ yang de bzhin du gzhag go/ srin po yul gyi byang shar mtshams na// dur khrod chen po ka ba la na/ srin mo chen mo skyon ma zhes bya ba/ sems can thams cad kyi mgo lus bcad nas/ smyon pa'i brtul zhugs kyis gar sha stag byed pa las/ byang chub sems dpa' 'jam dpal gyis/ khro mo tsan+da lir sprul nas/ yang de bzhin du btul nas gzhag go// de nas srin po'i yul dang gnas kyi phyi rol na/ shar phyogs 'jigs pa chen mo'i yul na/ srin mo mgo brnyan ma 'joms byed chen mo seng ge'i mgo can
- 216b
sems can thams cad kha long du blangs nas/ sprug cing ril mid par byed pa las// thabs cis kyang mthul ba las/ lha mo lA s+ya mas phra men ma si d+ha mar sprul te/ de dang spyod pa cha 'thun par byas nas btul te/ phyir mi ldog pa'i sa la bkod nas// ma 'ongs pa'i 'gro ba'i don du bran dang yang bran dang / g.yog dang yang g.yog tu dbang byin te gzhag go// lho'i phyogs gshin rje'i yul na/ srin mo 'phra men za byed stag mgo ma/ lag pa bsnol nas bam chen po la 'bru tshugs su lta ba la/ lha mo mA lems 'phra men ma stag mgo can du sprul nas btul te/ de bzhin du gzhag go/ nub phyogs klu'i yul na/ srin mo 'phra men ma len byed ma zhes bya ba/ wa'i mgo can ma dpag tshad brgya khri bzhi stong nas/ bam chen mo'i dri tshor nas len par byed pa la/ lha mo 'gir ti mas sri la mu kar sprul te btul nas/ de bzhin du gzhag go/ srin mo 'phra men ma nga ro ma zhes bya ba/ byang phyogs gnod sbyin gyi yul na/ khyi'i mgo can bam chen po la 'drad cing za ba la/ lha mo nor ti mas 'phra men ma shA na mu kar sprul nas/ de bzhin du btul te gzhag go// yang shar lho'i phyogs mtshams drang srong gi yul na/ srin mo 'phra men ma khrag 'thung ma/ bya rgod kyi mgo can mthong khrag 'thung ba la/ lha mo
- 217a
d+hU pe mas kri d+ha mu khar sprul nas btul te gzhag go// lho nub ni rI ti'i yul na/ srin mo 'phra men ma rkang za ma zhes bya ba/ bya kang ka'i mgo can ma bam chen po phrag la khur nas/ sha dang khrag dang rkang dang tshil bu za ba la/ badz+ra puspes 'phra men dur lha mo bya mar sprul nas btul te gzhag go/ nub byang rigs sngags 'chang gi yul na/ srin mo 'phra men ma 'joms byed ma bya rog gi mgo can/ lag na spu gri ka ma la thogs nas/ bam chen po'i mgo bcad pa thogs shing za ba la/ lha mo mar me mar mas ka ka mu khar sprul nas/ brtul te gong ma bzhin du gzhug go// byang shar 'byung po mang po'i yul na/ srin mo 'gra men ma chu byed ma jug pa'i mgo nan+tu/ lcags kyu dang thod khrag thogs nas/ bam chen po'i tsita rku ba las/ g+ham+bo d+hi nab mas U lu mu khar ny+dza lA nas btulA~M te/ de bzhin du gzhag go/ srin mo'i/ lus dang gnas kyi phyi rol na// grong khyer chen po bzhi la shar phyogs kyi grong khyer tsa ka l-i byin/ mi'am ci'i srin mo rta mgo can lag na lcags kyu thogs te/ thams cad 'dzin cing za ba las/ byams pa chen pos lcags kyu mar sprul nas btul te gzhag go// lho phyogs kyi grong khyer chen po ya ma yo ti na/ grul bum gyi srin mo pha mgo
- 217b
can lag na zhags pa thogs te/ thams cad 'ching zhing za ba la/ snying rje chen mos zhags pa mar sprul te btul nas gzhag go// nub phyogs grong khyer ma ra ya na/ lto 'phye'i srin mo dreng mgo can/ lag na lcags kyi dra ba thogs nas/ thams cad za ba las// dga' ba chen po'i nyi zla lcags sgrogs can gyi skur sprul nas btul te gzhag go/ byang phyogs grong khyer chen po tsam ri na/ sha za'i srin mo spyang ki'i mgo can/ lag gnyis sder 'dzings su sbyar te/ thams cad sbyor cing za ba las/ btang snyoms chen mo dril bu mar sprul nas btul te/ de bzhin du gzhag go// de'i phyi rim phyogs bzhi mtshams brgyad na/ phyogs skyong srin po brgyad kyi bu mo 'bar ma brgyad la/ shar phyogs dri za mang po bsam gyis mi khyab pa'i grong khyer na// dri za'i rgyal po'i bu mo 'bar ma nyi ma'i zhags pa can lag na nyi zer gyi zhags pa thogs nas/ stong gsum mam khams gsum du 'dzin cing za ba las/ ston pa kun tu bzang po'i thugs las yi ge kra phyung / de las sbyor byed nyi zer zhags pa can du sprul nas/ de dang spyod pa cha mthun par byas nas btul te/ phyir mi ldog pa'i sa la bkod de/ ma 'ongs pa'i sems can thams cad kyi don du bran dang yang bran dang / g.yog dang yang
- 218a
g.yog dang yang khol du dbang byin te gzhag go// de bzhin du shar lho'i drang srong mang po'i grong khyer na/ me lha ag ne'i bu mo 'bar ma me khyer glog 'phreng 'dzin la/ yi dgas kyi thub pa kha 'bar mas/ spor byed me khyer glog 'dzin du sprul nas btul te/ gong ma bzhin du gzhag go// lho phyogs gshin rje mang po'i grong khyer na/ gshin rje'i rgyal po'i bu mo 'bar ma gtum mo mdung thung 'phen la/ mi'i thub pa shAkya thub pas/ spor byed ma der sprul te btul lo// lho nub srin po mang po'i grong khyer na/ srin po ni ri ti'i bu mo 'bar ma gshin rje ral gri'i sku la/ dmyal ba'i thub pas der sprul nas btul lo// nub phyogs chu lha mang po'i grong khyer na/ ba ru na'i bu mo 'bar ma rdo rje dril 'khrol ma la/ chos bya ba mo kun tu bzang mo'i thugs las yi ge a byung / a las spor byed rdo rje dril 'khrol mar sprul nas btul lo// nub byang gi phyogs mtshams rlung lha mang po'i grong khyer na/ rlung lha ba dan gyi bu mo 'bar ma gnod sbyin khyung thogs ma la/ lha'i thub pas spor byed ma der sprul nas btul lo// byang phyogs gnod sbyin ku be ra'i grong khyer na/ gnod sbyin dbyug to can gyi bu mo 'bar ma thogs med skar mda'i gdong la/ lha ma yin gyi thub pas spor byed ma der sprul nas btul lo//
- 218b
byang shar bgegs mang po gnas pa'i grong khyer na/ dbang ldan gyi bu mo 'bar ma ba glang sna la/ byol song gi thub pas spor ma 'bar ma 'jig rten glag sha rdebs su sprul nas btul te de bzhin du gzhag go// srin po'i yul dang gnas kyi gru bzhi na/ bdud kyi bu mo za byed ma dang / rmongs byed ma dang // za ba rgyas 'debs ma dang / rmongs ma'i skem byed ma la sogs pa bzhi la/ dpal chen po'i thugs gsang ba'i gzung ma bzhi las/ gsang ba'i yum chen mo bzhi la/ bde ba za byed ma dang / bde ba rmongs byed ma dang / bde ba rgyas 'debs ma dang / bde ba tshe 'phel ma dang bzhir sprul nas/ de rnams kyi 'dod pa'i spyod pa dang / cha mthun par byas nas btul te/ phyir mi ldog pa'i sa la bkod nas// ma 'ong pa'i don du gsang ba'i gzung ma'i g.yog dang yang g.yog la sogs pa'i dbang byin te gzhag go/ de nas srin po'i yul dang / gnas kyi phyi rol na/ srin po'i 'khor dang mkha' 'gro ma sha khrag rus pa'i lhag sdung chen mo la/ phyogs bzhin bzhi bzhi/ mtshams bzhin gsum gsum/ sgo bzhin re re ste sum cu rtsa gnyis la/ sems dpa' chen po sum cu rtsa gnyis kyis btul te/ shar thal ba yod pa'i gling na// rdo rje mkha' 'gro ma bzhi btul ba la dga' bar byed pa'i mkha' 'gro ma// mdog thal skya/ lag na
- 219a
pad+mo lo ma dang chas par byas nas/ sems can thams cad dbang du sdud cing za ba las/ sems dpa' chen po rdo rje sems dpas/ mkha' 'gro ma dga' bar byed ma lag na rdo rje rtse gsum thogs par sprul te/ de dang spyod pa cha 'thun par byas nas/ thabs kyis btul te phyir mi ldog pa'i sa la bkod nas/ ma 'ongs pa'i 'gro ba'i don dubran dang yang bran la sogs par dbang byin te gzhag go// de bzhin du mkha' 'gro ma 'dren byed lag na lcags kyu thogs pa la/ sems dpa' chen po rdo rje rgyal pos/ mkha' 'gro ma 'dren byed mar sprul nas btul lo// de bzhin du sems dpa' chen po rdo rje legs pas/ mkha' 'gro ma gsod byed mar sprul nas/ srin po'i 'khor gsod byed skye na ma btul to// sems dpa' chen po rdo rje chags pas/ mkha' 'gro ma spor byed mar sprul nas/ srin po'i 'khor gror bar byed pa btul lo// lho phyogs me tog bkram pa'i gling na rin chen rigs kyi sems dpa' bzhis btul ba'i mkha' 'gro ma la/ 'bar byed ma mdog sngo lag na me 'bar ba la/ sems dpa' chen po rdo rje rin chen gyis mkha' 'gro ma 'bar byed mar sprul nas btul te gong ma bzhin gzhag go/ de bzhin du rdo rje nyi mas srin po'i 'khor gzi brjid ma btul lo// rdo rje rgyal mtshan gyis khro gnyer ma btul lo//
- 219b
rdo rje gnad mas 'joms byengs btum lo// nub grogs khrag gi rgya mchu' gling na/ srin po'i 'khor mkha' 'gro ma bzhil/ bad+ma rigs kyi sems dpa' bzhis bcu mkha' 'gro chags chen ma lagan pa d+mo gdings pa mdog dmar mol/ sems dpa' sems dpa' chen po rdo rna chos kyis/ mkha' 'gro mtshugs chen ma ma // de shin du rnon pa rgyags rnal sa ba stsal// ngarna la la ma la khan mom 'dul so// rdorje sgrubs rgyas 'di bas mag// nga sha'i phung po blangs pa'i myung ni/ srin po'i 'khor mkha' 'arlom pazhi lnga/ las kyi rigs kyi sems dpa' bzhis btul blta/ mkha' 'gro tshigs lus mdog ser/ mgran mtshan gyi tham thogs pas/ sems dpa' chen po rdo rje lus kyis// mkha' 'gro sa tshogs lus mdog nga n+tu/ rdo rje rgya ma na thogs par sprul nas/ bzhin du bdus nas gzhag go// de bzhin du dur+b+hu go chas bzung ba mo brtul lo// rdo rje mche bas gnod sbyin mo brtul mo// rdo rje wa~M rgyud gyis yang dga'i thog sa brtul // shar gyi mtshams na nang na tshogs grangs pa'i sloban/ phrin pa'i 'kho mkha' 'grom gsums/ mkha' 'gra bya rags gal gan rdzo thigs pa la/ sems dpa' chen pa
- 220a
bar 'gro bas bya rog gi mgor sprul te/ lag na gri dang 'khar gzhong thogs pas spyod pa cha 'thun par byas nas btul te/ gong ma bzhin du gzhag go/ de bzhin du kun tu bzang po sa 'jigs byad ma btul lo// zla 'od gzhon nus 'ug mgo ma btul lo// lho nub tshil sna tshogs spungs pa'i gling na// srin po'i 'khor ma khawa3 'gro ma gsum la/ sems dpa' chen po bzang skyong kun la skyong gis// mkha' 'gro bzhang mgo mar sprul nas/ srin po'i 'khor bzhad mgo ma btul lo// de bzhin du dra ba can gyi 'od kyis khyi mgo ma btul lo// rdo rje snying pos phag mgo ma btul lo// nub byang zhag sna tshogs spungs pa'i gling na/ srin po'i 'khor mkha' 'gro ma gsum la/ sems dpa' chen po nam mkha'i mdzod kyis// mkha' 'gro rnga mo mgor sprul nas/ srin mo rnga mo'i mgo can btul lo// de bzhin du 'od dpag med kyis bong bu'i mgo can btul lo// mya ngan kun 'joms kyis ra mgo ma btul lo// byung shar nang khrol dang ba su ta sna tshogs spungs pa'i gling na/ srin po'i 'khor mkha' 'gro ma gsum la/ sems dpa' chen po rgyal ba'i ye shes tog gis/ mkha' 'gro ma byi la'i mgo can mar sprul nas/ srin mo byi la'i mgo can ma btul lo// de bzhin du blo gros mi zad pas keng rus dkar
- 220b
po 'dzin pa btul lo// spobs pa brtsegs pas mkha' 'gro ma rus pa'i 'phreng ba can gong ma bzhin du btul lo// de rnams kyi sgo bzhi na/ shar na srin po bum sna lhon gshin rje mda' sha dri ba la sogs pa bzhi ni/ gshin rje gshed po la sogs pa khro bo bzhis bsgral/ de rnams kyi chung ma bzhi gnas pa la/ byang phyogs kyi sems dpa' chen po bzhis btul te/ shar phyogs kyi sgor byang chub sems dpa' ngan song kun tu 'dren gyis/ mkha' 'gro ma lcags kyur mar sprul nas/ shar phyogs srin bopo bum rna'i chung ma/ lag na lcags kyi ku ku ra thogs pa dang spyod pa cha 'thun par byas te/ gong ma bzhin du btul nas gzhag go// sems dpa' chen po byams pa mi tri sa mkha' 'gro ma zhags pa mar sprul nas/ lho sgor gshin rje rnam par 'joms pa'i chung ma lcags kyi thag pa 'phen ma btul lo// sems dpa' chen po spos kyi glang pos// mkha' 'gro ma lcags sgrog mar sprul nas/ nub sgor srin po'i rgyal po lang ka mgrin bcu'i chung ma lag na lcags kyi lu gu rgyud sdom pa btul lo// sems dpa' chen po don yod grub pas/ mkha' 'gro rdo rje dril 'khrol mar sprul nas/ byang sgor gnod sbyin 'bod 'drog kyi chung ma/ lag na mi rkang gi gling bu thogs pa dang spyod pa cha 'thun par byas te
- 221a
btul nas/ phyir mi ldog pa'i sa la bkod de/ ma 'ongs pa'i dus na bran dang yang bran dang / g.yog dang yang g.yog tu dbang byin te/ las kyi mkha' 'gro mar gzhag go// / de nas yang srin po'i yul dang gnas kyi phyogs bzhi bla 'og na/ sngon gsang sngags kyi don spyod tsam na// gzung 'dzin dang rtag chad kyi lta ba sum brgya drug cu mthu rtas pa las// srin po'i pho nya dang phyag brnyan sum brgya drug cu las/ snyegs pa'i pho nya dang phyag brnyan gshog pa can brgya nyi shu/ 'dzin paba'i pho nya dang phyag brnyan sder mo can brgya nyi shu/ gsod pa'i pho nya dang phyag brnyan mche ba can brgya nyi shu las/ phyogs bzhi bla 'og tu drug cu drug cu ba skye ste/ sems can thams cad kyi gnyen por gyur pa las/ de bzhin gshegs pa thams cad kyi sku las 'od zer bskye ste/ dkar po ser po dmar po ljang khu mthing ka rin po che'i kha dog la sogs pa/ 'od zer re re la yang grangs bye ba khrag khrig drug drug cu drug cur spros te/ phyogs bzhi mtshams brgyad bla 'og phyogs bcu thams cad/ 'od zer gyi snang ba chen pos khyab par byas nas/ don bya ba dang / bskul bya ba dang / byi dor bya ba dang / snod du rung bar byin gyis brlabs nas/ 'od zer de dag slar 'dus pa las/ mi mo sum brgya drug
- 221b
cur gyur te/ shar phyogs nas dung gi mi mo drug cu/ lho nas lcags kyi mi mo drug cu/ nub phyogs nas zangs kyi mi mo drug cu// byang nas g.yu'i mi mo drug cu/ 'og nas gser gyi mi mo drug cu/ steng nas bse'i mi mo drug cu de rnams kyang mthun par zhal gcig phyag bzhi bzhi ste/ g.yas kyi dang po skyegs byed kyi pho nya ga shog pa can bsam gyis mi khyab pa bsnams pa/ 'og ma na 'dzin byed kyi pho nya sder mo can bsam gyis mi khyab pa bsnams pa/ g.yon dang po na sdom byed kyi pho nya mtshon cha can bsam gyis mi khyab pa bsnams pa/ tha ma sgrol byed kyi pho nya mche ba can bsam gyis mi khyab pa bsnams pa/ de lta bu dngos sum brgya drug cu la// don gyi bye ba khrag khrig dang ldan pa'o// de dag gi myur ba ni glog gis kyang bskyod du med pa/ mgyogs pa rlung gis kyang bskyod du med pa/ gnyen pos mi tshugs pa rdo rje pha lam gyis bskyod du med pa/ ci la yang thogs pa med pa sha stag go// de la shar phyogs nas me long lta bu'i ye shes kyi rtags// 'od dkar po las rdo rje rigs kyi pho nya dung gi mi mo drug cu// sku dang / gsung dang / thugs dang / rdo rje las phyung ngo // oM badz+ra rba na rba na a gu sha dza/ zhes drug cu tham pa brjod pas/ pho nya rdo rje 'bar ma dang / rdo rje sder mo dang / rdo rje ki la ya dang /
- 222a
rdo rje 'bigs ma dang / rdo rje ro langs dang / rdo rje drag mo dang / rdo rje mgyog ma dang / rdo rje gtum mo dang / rdo rje 'bebs ma dang / rdo rje gsal ma dang / rdo rje sdom ma dang // rdo rje 'gugs ma dang / rdo rje thogs med dang / rdo rje bskyod ma dang / rdo rje 'chang bdag dang / rdo rje 'phra men dang / rdo rje myur byed ma dang / rdo rje skul byed ma dang / rdo rje gsal bkra ma dang // rdo rje yang dag dang / rdo rje rtse dang / rdo rje gnon pa dang / rdo rje dbang phyug dang / rdo rje rin mo dang / rdo rje kha 'a bar ma dang / rdo rje gsal bkram dang / rdo rje khro mo dang / rdo rje 'chang ma dang / rdo rje gtum mo dang / rdo rje khros ma dang / rdo rje las byed ma dang / rdo rje dus mtshams dang / rdo rje thar ma dang / rdo rje skul dang / rdo rje dpal 'bar ma dang / rdo rje skyong chen ma dang / rdo rje lus khro ma dang / rdo rje ngag khro ma dang / rdo rje yid gtum ma dang / rdo rje rjer chen ma dang / rdo rje gsod byed ma dang / rdo rje brlang ba dang / rdo rje gsod mo dang / rdo rje zab mo dang / rdo rje khrag 'thung ma dang / rdo rje 'chang ba mo dang / rdo rje tshe ling ma dang / rdo rje mdangs len ma dang / rdo rje srog 'phrog ma dang / rdo rje snying 'byin ma dang / rdo rje gcod byed ma dang / rdo rje skul byed ma dang / rdo rje sna tshogs gzugs dang / rdo rje skyon
- 222b
pa dang / rdo rje 'jug byed ma dang / rdo rje yid 'phrog ma dang / rdo rje kun ma dang / rdo rje rdzu byed ma dang // rdo rje 'jigs byed ma dang / rdo rje bcud len ma dang / drug cu yang sprul pa mche ba can drug cu 'brengs pas// srin po shar phyogs kyi pho nya drug cu dang spyod pa mthun par byas te/ pho nya rnams la smras pa/ khyed la sogs pa rnams srin po'i pho nya byed pa de/ rtogs pa ci dang ldan// don cis byed/ pho nya rnams kyis smras pa/ bdag cag gi rje bos bdag cag rnams la pho nyar dbang byin te/ las dang mthur ldan pas sems can thams cad dgugs pa'i pho nya bgyid pa la sogs pa/ rdo rje rigs kyi pho nya mos smras pa/ sems can la yang nga rung ma 'ongs pa'i sangs rgyas kyang yong la/ tshogs bsogs pa la gnas pa dang / dge ba bcu la gnas pa rnams ni ma gtogs so// dkon mchog gsum gyi sku dgrar gyur cig/ ngan pa'i ngang tshul can bsgral ba'i zhing bcur gyur pa rnams ni// ma bkug cing ma bsgral na nyams pa chen po'i rgyur 'gyur pas snying rje chen pos zin par byas la// rgyal ba'i dkyil 'khor du bcug cing drangs la/ lha'i dkyil 'khor du byin gyis brlabs la/ gnyis su med pa'i ngang du bya'o// zhes smras pa/ pho nya de dag thams cad dga' ches te/ de bzhin
- 223a
du bgyi'o zhes khas blangs te mna' bor te/ bran dang yan bran du dbang byin te 'khor du gzhag go// de nas nub phyogs na so sor rtogs pa'i ye shes kyi rtags 'od zer dmar po las/ pad+mo rigs kyi pho nya mo zangs kyi mi mo drug cu sku dang / gsung dang / thugs rdo rje las phyung ngo // gar dza ga dza po ta baM/ zhes drug cu brjod pa las/ pad+mo thog 'bebs ma dang / pad+ma 'brug sgrog ma dang / pad+ma char 'bebs ma dang / pad+ma mo 'od 'gyed ma dang // pad+ma bkrag gsal ma dang / pad+ma gzha' mtshon ma dang / pad+ma 'od 'phro ma dang / pad+ma 'od gsal ma dang / pad+ma khrag 'thung ma dang / pad+ma gar gyi dbang phyug ma dang / pad+ma sa bdag ma dang / pad+ma 'gugs byed ma dang / pad+ma kar sham ma dang / pad+ma sgra sgrog ma dang / pad+ma yid gzhung ma dang / pad+ma lhan mdzes pa dang / pad+ma sems 'phrog ma dang / pad+ma bdud rtsi 'bebs ma dang / pad+ma mgyog byed ma dang / pad+ma gsod byed ma dang / pad+ma snying 'byin ma dang / pad+ma dmar thung ma dang / pad+ma rkang 'jib ma dang / pad+ma las byed ma dang / pad+ma zhags thogs ma dang / pad+ma bla 'phrog ma dang / pad+ma thogs byed ma dang /
- 223b
pad+ma za byed ma dang / pad+ma smyos byed ma dang / pad+ma rmugs byed ma dang / pad+ma rdzu byed ma dang / pad+ma 'khrug byed ma dang / pad+ma drag mo dang / pad+ma brkam ma dang // pad+ma 'joms byed ma dang / pad+ma dga' ma dang / pad+ma 'dzin ma dang / pad+ma glog 'gyu ma dang / pad+ma g.yul 'joms ma dang / pad+ma lha 'brel ma dang / pad+ma srog 'brel ma dang / pad+ma myur byed ma dang / pad+ma rings byed ma dang / pad+ma srog byed ma dang // pad+ma glog byed ma dang / pad+ma tho ba ma dang / pad+ma gtun khung ma dang / pad+ma zhag sa 'phen ma dang / pad+ma me khyer ma dang / pad+ma sdud byed ma dang / pad+ma g.yeng byed ma dang / pad+ma bdud 'joms ma dang // pad+ma dpa la mo dang / pad+ma dbang phyug ma dang / pad+ma grag mo dang / pad+ma gtum bag can dang / pad+ma ka la ma dang / pad+ma sde tshogs dang / pad+ma ma hA la mdong dang / pad+ma rab brjid ma dang / drug cu rnams kyang sbrul gshog pa can drug cu 'gab na 'brengs pas/ srin po'i nub phyogs kyi pho nya drug cu dang spyod pa mthun par byas te/ gong ma de bzhin dam mnos dbang byin te gzhag go// de nas lho phyogs mnyam pa nyid kyi ye shes kyi rtags 'od zer mthing ka las/ rin po che rigs kyi pho nya ma lcags
- 224a
kyi mi mo drug cu sku dang / gsung dang / thugs rdo rje las phyung ngo // ha la ha la pa sha hUM/ drug cu las/ rin chen dbang phyug ma dang / rin chen mkha' 'gro ma dang // rin chen mthu'i bebs ma dang / rin chen srab mo dang / rin chen mchongs ma dang // rin chen khro gtum ma dang // rin chen brtson byed ma dang / rin chen 'jig ma dang // rin chen sha za ma dang // rin chen khrag 'thung ma dang // rin chen so gcig ma dang / rin chen ral gsig ma dang / rin chen 'khrug byed ma dang / rin chen 'dzul byed ma dang // rin chen myug byed ma dang / rin chen mthu mo che dang // rin chen nag mo che dang // rin chen rtog med ma dang // rin chen rtogs 'joms ma dang / rin chen yongs ma dang // rin chen sna tshogs lus dang / rin chen sra ba mo dang / rin chen sdod cig ma dang // rin chen dur khrod ma dang / rin chen dbyings phyug ma dang / rin chen bde 'gro ma dang // rin chen rgyas byed ma dang / rin chen 'dzom byed ma dang / rin chen khrag gis myos ma dang / rin chen rnga ma 'dzin ma dang / rin chen mgyogs byed ma dang / rin chen snum ma dang / rin chen mdung thung sder dang / rin chen 'gyur ma dang / rin chen thog 'bebs ma dang / rin chen spos med ma dang
- 224b
rin chen 'khrug byed ma dang / rin chen dbang phyug ma dang / rin chen ka ya ma dang / rin chen gsal bkra ma dang // rin chen mkha' bsgyur ma dang / rin chen sgrol ma dang / rin chenar ro ma dang // rin chen khrag 'thung ma dang / rin chen 'bar ma dang // rin chen mi bzad ma dang // rin chen 'phrog byed ma dang / rin chen sgrol byed ma dang / rin chen sna tshogs stobs dang // rin chen yid 'phrog ma dang // rin chen srog len ma dang // rin chen bcud len ma dang // rin chen tshe rkun ma dang // rin chen dbang mo che dang / rin chen drag 'joms ma dang / rin chen sdud byed ma dang // rin chen glang 'dzin ma dang / rin chen srog 'dzin ma dang / rin chen tsa 'gro ma dang / rin chen snas 'byin ma dang / rin chen snas stod ma la sogs pa drug cu rnams/ yang sprul dmigs pa'i mgo can drug cus 'gram nas 'breng ba/ srin po'i lho phyogs kyi pho nya drug cu dang spyod pa cha 'thun par byas te/ thabs sna tshogs kyis btul nas/ gong ma bzhin du dam mnos te bran du dbang byin nas gzhag go// de nas byang phyogs nas bya ba nan tan gyi ye shes kyi rtags 'od zer ljang khu las/ las kyi rigs kyi pho nya ma g.yu'i mi mo drug cu sku dang / gsung dang / thugs rdo rje las phyung ngo // pa tsa pa tsa gan d+ha ho// drug cu las/
- 225a
las rdo rje ma dang / las 'joms ma chen mo dang / las kha lo 'dul ma dang / las dbang phyug ma dang / las grub byed ma dang / las la skul ma dang / las grub pa mo dang / las mthar phyin pa mo dang / las chud mi za ba dang / las dbang sgyur ma dang / las thogs byed ma dang / las grub pa mo dang / las gsal byed ma dang / las byed dbang byed ma dang / las kyi dam tshig ma dang / las kyi byar ma dang / las kyi ltang 'dzin ma dang / las kyi ltang gcod ma dang / las kyi ga la 'dzin ma dang / las kyi skul byed ma dang / las kyi byar mo dbang mo dang / las kyi bya ra mo phag mo dang / las kyi bya ra mo spyan brgya mo dang / las kyi byar mo mig stong ldan dang / las kyi byar mo 'od 'gyogs ma dang / las kyi byar mo rlung zhon ma dang / las rdzu 'phrul can dang / las sgrub mo dang / las dbang phyug rgyal mo dang / las grags rgyal ma dang / las dpal sham ma dang / las yakra mo dang / las khro bag can dang / las che ba mo dang / las dbang bskur ma dang / las dngos grub bdag mo dang / las sgrol byed chen mo dang / las thams cad kyi bdag mo dang / las 'od 'phro ma dang / las drag mo dang / las khro skyen mo dang / las
- 225b
myur grub ma dang / las chud ma zos pa dang / las 'dul byed ma dang / las rgya mtsho dang / las ltang 'dzin ma dang / las kyi sgrol byed ma dang / las 'dul mkhas ma dang las la goms ma dang / las la mkhas ma dang / las kyi dbang bsgyur ma dang / las kyi mchog sgrol ma dang / las kyi rgyu sgrol ma dang / las kyi rngam pa mo dang / las spro skyen mo dang / las gtum chen mo dang / las mig dmar me dang / las sen mo can dang / drug cu rnams kyang yang sprul sder mo can gyi tshogs drug cu bgab nas 'breng bas/ srin po'i byang phyogs kyi pho nya drug cu dang cha 'thun par byas te/ de rnams btul nas dam phog nas dbang byin te gzhag go// de nas dbus stong pa nyid kyi ye shes kyi rtags 'od zer ser po las/ gser gyi mi mo drug cu khro bo dang khro mor sprul te/ sku dang / gsung dang / thugs rdo rje las phyung ngo // kro d+ha kro tihUM phaT/ drug cu las/ khro bo chen po bi dza yA dang / khro mo chen mo rdo rje rnam bsnyems ma dang / khro bo chen po dbyug pa chen mo dang / khro mo chen mo rdo rje sder mo can dang / khro bo chen po ya man ta ka dang / khro mo chen mo rdo rje dur khrod ma dang / khro bo chen po mi g.yo mgon po dang / khro mo chen mo rdo rje gtun khung mo dang / khro bo chen po rta mgrin dang / khro mo
- 226a
chen mo rdo rje gtum mo dang / khro bo chen po gzhan gyis mi thub pa thams cad dang / khro mo chen mo mda' snyems ma dang / khro bo chen po bdud rtsi 'khyil pa dang / khro mo chen mo rlung 'byin ma dang / khro bo chen po khams gsum rnam par rgyal ba dang / khro mo chen mo gsod byed ma dang / khro bo chen po ma hA pa la dang / khro mo chen mo bskyed chen mo dang / khro bo chen po hUM ka ra dang / khro mo chen mo sgra 'byin ma dang / khro bo chen po badz+ra ki la ya dang / khro mo chen mo rgyal chen mo dang / khro bo chen po sme brtsegs dang / khro mo chen mo 'dam 'byin ma dang / khro bo chen po badz+rA yak+ka dang / khro mo chen mo sa ma ya shwa ri dang / khro bo chen po dmar nag dang / khro mo chen mo dbang sgyur ma dang / khro bo chen po badz+ra 'ba' ta la dang / khro mo chen mo rdo rje zag mo dang / khro bo chen po su su ti ka ra ta dang / khro mo 'bar 'jigs ma dang / khro bo chen po shrI mahA kA la dang / khro mo chen mo ral pa 'grengs ma dang / khro bo mi 'chi thabs sbyor dang / khro mo 'joms byed chen mo dang / khro bo chen po las thams cad pa dang / khro mo las kun 'grub ma dang / khro bo chen po rab rngams dang / khro mo chen mo gtum mo dang / khro bo chen po 'jig rten gsum snang dang / khro mo chen mo mi 'pham ma dang / khro bo chen po 'jig rten
- 226b
gsum 'dul dang / khro mo chen mo lcags kyu ma dang / khro bo chen po 'jig rten gsum 'jigs dang / khro mo chen mo khro gnyer ma dang / khro bo chen po 'jig rten gsum 'ching dang / khro mo chen mo zhags pa ma dang / khro bo chen po pad+ma rgyal dang / khro mo chen mo ro langs ma dang / khro bo chen po be con sngon po dang / khro mo chen mo lcags sgrog ma dang / khro bo chen po ka ni badz+ra dang / khro mo chen mo ral gcig ma dang / khro bo chen po rdo rje go cha dang / khro mo chen mo dril bu dang / khro bo chen po rnga ma chen dang / khro mo chen mo dbang sdud ma dang / khro bo chen po rdo rje tho ba dang / khro mo chen mo za byed ma dang / drug cu rnams kyang yang sprul mgo brnyan ma dang / 'phra men ma dang / khra thabs nyi shu gcig tshogs drug cu bgab nas 'brengs pas/ srin po dbus kyi pho nya dang / steng gi pho nya srin po pho mo drug cu dang spyod pa mthun par byas te/ de rnams btul nas bran dang yang bran du dbang byin te/ phyir mi ldog pa'i sa la bkod de/ dam byin dbang pog ste gzhag go// de nas mtha' dang 'og med pa chos kyi dbyings rnam par dag pa'i ye shes kyi rtag sa 'od mthing nag las/ bse'i mi mo drug cu sku dang / gsung dang / thugs rdo rje las phyung ngo // mA ma mA ma
- 227a
b+h+yo b+h+yo/ drug cu las mA mo chen mo ral pa gcig ma dang / smras pa'i ma mo chen mo dang / dur khrod tshogs kyi ma mo chen mo dang / za byed rngam pa'i ma mo chen mo dang / khams gsum sdud pa'i ma mo chen mo dang / rgyu drug sgrol ba'i ma mo chen mo dang / srid gsum za ba'i ma mo chen mo dang / yongs la dbang sgyur sgyu'i ma mo chen mo dang / mthu dpung bskyed du med pa'i ma mo chen mo dang / sha khrag gsu ra la dga' ba'i ma mo chen mo dang / nang khrol glo snying 'byin pa'i ma mo chen mo dang / za byed tshe srog 'phrog pa'i ma mo chen mo dang / rngam chen mchod la dga' ba'i ma mo dang / 'dzin byed zhal du stobs pa'i ma mo chen mo dang / bgegs chen snying la 'debs pa'i ma mo chen mo dang / zhing bcu gtan nas len pa'i ma mo dang / dam nyams snying la 'debs pa'i ma mo dang / 'byung po sgrol ba'i ma mo dang / gshin rje sgrol ba'i ma mo chen mo dang / sa klu sgrol ba'i ma mo dang / gnod sbyin sgrol ba'i me mo dang // srin po sgrol ba'i ma mo dang // srin mo sgrol ba'i ma mo dang / gzugs chen len pa'i ma mo dang / khrag 'thung ba'i ma mo dang / drod 'phrog pa'i ma mo dang / dbugs len pa'i ma mo dang / srog 'phrog pa'i ma mo
- 227b
dang mdangs 'jibs pa'i ma mo dang / bya rgod mgo'i ma mo dang / stag sgyug ma'i ma mo dang / chu srin kha'i ma mo dang / dur khrod rgyan gyi ma mo dang / rdo rje gar gyi ma mo dang / pad+ma gar gyi ma mo dang / sa bdag dbang phyug ma mo dang / ri rab rtse nas snyil ba'i ma mo dang / rgya mtsho gting nas skems pa'i ma mo dang / rdo rje tho ba'i ma mo dang / rdo rje gtun khung gi ma mo dang / rdo rje dur khrod bdag gi ma mo dang / rdo rje 'deg pa mo'i ma mo dang / rdo rje gsal bkra ma'i ma mo dang / rdo rje khrag 'thung ma'i ma mo dang / ri lung dre'u zhon pa'i ma mo dang / dus bzhi'i rgyal mo 'joms pa'i ma mo dang / khyi spyang gcan du sprul pa'i ma mo dang / stag dom dred ltar rdzu ba'i ma mo dang / 'dzum byed khra ltar lding ba'i ma mo dang / ri rlung med par khebs pa'i ma mo dang / ngal dub med par rgyug pa'i ma mo dang / gtsang sme med par sgrol ba'i ma mo dang / ya byin ra la dkar 'tshong ba'i ma mo dang / ba se'i 'byin tsal mo che'i ma mo dang / phag byin thogs pa med pa'i ma mo dang / de phyin grub ma mo'i ma mo dang / tshe srog kun la dbang sgyur ma mo dang / g.ya' ri gangs la rten pa'i ma mo dang / 'brog sprin skyes pa 'dul ba'i ma mo dang //
- 228a
'khro tshog myur bar brtson pa'i ma mo dang / drug cu rnams ni yang sprul bud med brda'i mi phrad pa/ pa Na tshe ba bzlog dka' ba/ 'khor drug cu drug cur 'brengs pas// srin po'i mgo dang mtha'i pho nya byed pa'i srin mo drug cu dang cha lugs 'thun par byas te/ srin mo rnams la smras pa/ khyed la sogs pa rnams ni srin po'i pho nya byed cing // sems can thams cad bkug bcing bsgral nas/ sha khrag rus pa za zhing 'dug pa de don ched ci yod/ rtog pa ci dang ldan zhes pa dang / srin mo rnams kyis smras pa/ bdag cag gi jo bo bdud ru dra chen po khams gsum la dbang sgyur bas pho nyar dbang stsal te/ sems can thams cad 'gugs shing bsgral ba'i pho nya bgyi 'tshal ba las/ don ched dang rtogs pa gzhan ma mchis so// grogs mo dag rtogs pa dang don ci mchis/ ma mo rnams kyis smras pa/ bdag cag rnams ni thugs rje chen po dang ldan pas/ bdag dang gzhan bsgral nas bla na med pa'i byang chub chen por 'don pa'o// srin mo rnams kyis smras pa/ rtogs pa dang don ched de lta bu dang ldan pas e ma a la la la/ bdag cag rnams la de ma 'tshal ba yang 'gyod na/ de da rung rtogs pa ma 'byongs shing // 'jig rten gyi chal ma rten pas 'tshal ba ma mchis
- 228b
so// ma mo rnams kyis smras pa/ de 'tshal ba yang ma mchis la/ rtogs pa dang don ched du ldan par byos shig/ gang zag dge bcu dang ldan pa dang / rtsa ba dang yan lag gi dam tshig bsrung ba ma gtogs so// dam tshig bdag dang mi ldan zhing de dag nyams pa rnams ni yid kyis mi bsgral du mi rung ste/ de ci'i phyir zhe na/ de nas ngan song 'khor ba'i rgyu sog cing mnar med par 'gro bas// de dag rtogs pa dang / snying rjer lhan cing bsgral la/ bdag nyid chen por longs spyod par bya'o// zhes smras pa dang / srin mo thams cad dga' ches te/ de bzhin bgyi'o zhes khas blangs dam mnos bro bor te/ bran dang yang bran dang / khol dang yang kho la dang / g.yog dang yang g.yog tu dbang byin te/ phyi'i dam tshig dkar po'i 'khor bsrung ba dang / nang gi rnal 'byor dam tshig gi don bsgrub pa dang / bcom ldan 'das dpal chen po'i bka' bsrung zhing // rang gi dam tshig las mi 'da' bar zhal gyis ches g.yar gyis blangs te/ phyir mi ldog pa'i sa la bkod nas/ ma 'ongs pa'i rnal 'byor pa'i don du pho nya sum brgya drug cur mtshan btags te gzhag go/ de nas yang 'jig rten gyi khams na/ srin po'i pho nya mo srin mo chen mo nad gtong zhing sha za ba bdun la/ srin mo chen mo brkam
- 229a
ma dang / srin mo chen mo rab tu brkam ma dang / srin mo chen mo drim 'don pa dang / srin mo chen mo phor thogs ma dang / srin mo chen mo gsang gzhi ma dang / srin mo chen mo skul byed ma dang / srin mo chen mo myos byed ma dang / ma bdun gyis nang dang rims rnam pa sna tshogs pa btang ste/ sems can ril kha 'dogs pa dang / dpal chen po'i thugs ye shes kyi sprul pa las yi ge hUM bdun phyung / yi ge hUM bdun las gsang ba'i ma bdun byung ste/ rdo rje hUM grags ma dang / rdo rje kun gas mA dang / rdo rje kun tu bzang mo dang / rdo rje chen mo ye shes mchog dang / rdo rje 'dod tshugs ma dang / rdo rje 'od gsal m+b+ha dang / rdo rje gsuM sgron ral gcigs dang bdun de rnams dang rgyu ba thun par sprul// na nam+b+ha pA m+b+ha tshogs pa bAd+d+ha// gang cas na nga ba'i rngam ci yang med par mams can mang po bas pa bsad pa tsam na bsad pa'i ngo bo ci yang med par byas te/ srin mo rnams kyi mthu zil gyis mnan nas/ srin mo rnams la smras pa/ khyed la sogs pa rnams nad rnam ba sna tshogs pa gtong zhing / sems can rnams kyi sha khrag brkam pa de/ las ci'i dbang gi rtsa ba yin/ sems can dmyal ba chen po'i gnas su bskal pa dpag tu
- 229b
med par mi ltung ngam/ srin mo bdun gyis smras pa/ bdag cag rnams ni dang po pha dang mas zas su sems can thams cad kyi sha khrag bskos la/ lag char nad kyi rkyal pa gtad pa las/ sems can dmyal ba zhes bya ba'i don ni ma rig go/ grogs mo dag 'di ltar spyod pa'i don dang gtan tshigs ci mchis// ma bdun gyis smras pa/ kho bo cag ni don chos kyi dbyings kyi ngang la gnas pas/ dug dang bdud rtsir dbyer med pa la/ 'khrul pas phyin ci log gi lam du khrid pas// sems can dmyal bar skye nges pas/ de dag thabs dang snying rjer ldan pas/ 'khor ba dang ngan song du mi gtang zhing bla na med pa'i lam la bkod pa las/ log pa'i lam du'ang bstan pa ma yin no zhes pa dang / srin mo rnams 'jigs skrag nas 'di skad ces smras so// e ma'o gti mug rang dbang gis// ngan song gsum du skye nges pas/ skyob pa'i thugs rje ci zhig mnga'// 'di la bskyab pa'i mthu mnga' na// bka' nyan dam nod 'bangs su mchi// 'tshal ba'i zas skal gang la bgyi// 'dren pa khyed kyis bshang du gsol// ma bdun gyis smras pa/ sngar nyes pa dran pa rnams kyang rjes su 'gyod pa legs so// slan chad kyang de lta bu ba ba chol ma byed par dam du chos la/ slan chad kyang sdom par zung
- 230a
zhig/ khyed kyi zas skal ni de bzhin gshegs pa'i dkar po'i phyogs dang / dam la gnas pa rnams ni ma gtogs so// nag po'i phyogs dang dam la mi gnas shing / zhing bcur gyur pa'i brnag pa de kho na rnams so zhes pa dang / srin mo rnams rab tu dga' mgu yi rangs te/ de bzhin bgyi'o zhes khas blangs dam mnos te/ bran dang yang bran du mna' bor te/ bcom ldan 'das kyi bstan pa bsrung ba dang 'khor skyong bar gzhag go// a ti/ 'gu rgyas ma ya/ rdzogs so// / / de nas yang bdud kyi gling bzhi la/ shar phyogs kyi gling na dri za'i mgyogs ma dang / lho gshin rje'i mgyogs ma dang / nub klu'i mgyogs ma dang / byang gnod sbyin gyi mgyogs ma dang bzhis/ srin po'i gsang ba'i gzungs ma bzhi byas te/ shin tu chags pa rang ka mas/ sems can thams cad yid slu zhing chags pa'i dbang gis srog dang 'bral bar byed pa las// dpal chen po'i thugs gsang ba'i yum dkar mo mig gcig rgyas 'debs ma dang / bde ba rmongs byed ma dang / bde ba za byed ma dang / bde ba che/ 'phel ma dang bzhis// de rnams dang spyod pa cha mthun par byas nas/ mthu dpung zil gyis mnan nas btul te// de rnams la smras pa/ khyed rnams chags pa'i
- 230b
dbang gis sems can thams cad bslu zhing srog dang 'bral bar byed pa de/ ngan song gsum gyi gnas su skye bar mi 'gyur ram zhes pa dang / mgyogs ma bzhis smras pa/ grogs mo dag de ltar byed pa ci lags/ yum bzhis smras pa/ kho mo cag ni dbyings dang ye shes gnyis su med pa'i don la chags tsam na/ chags pa med pa'i mthar phyin pas nyon mongs pa dang gzung 'dzin la 'chol ba la sogs pa/ sdug bsngal gyi srog dang 'bral ba yin no zhes pa de bzhin du ngo mtshar du gyur nas// de bzhin bgyid lags pas/ bdag cag rnams la de'i dbye ba dang rim pa gang lags pa bka' stsal du gsol// yum pazhis smras pa/ chags par bya ba'i yul ni ye shes kyi dbyings rtogs pa des/ ma dang / sring mo dang / bu mo la sogs pa gang la yang mi rtog cing // rtog pa med pa'i chos nyid du mkhyen pa las ma gtogs pa/ phal pa rnams ni chags par bya ba'i yul ma yin la/ 'khor ba las bslu ba'i chags pa'i yul ni// ma rig pa phal pa yid dang mthun par bya zhing // chags pa med pa dang / srog dang 'bral ba yang / gang sangs rgyas kyi bstan pa la dad pa'i dge ba'i phyogs dang / dam tshig la gnas shing bsrung ba'i rnal 'byor pa rnams ni// rdo rje rigs kyi spun dang ming sring yin pas brtse
- 231a
gdung dang mi 'bral ba'i srog gi lu gu rgyud byas pa las/ de rnams la srog gi bar chad lta ci smos kyis/ de'i bka' las zur tsam yang 'gal 1na/ srog gi bar chad du gyur nas mnar med pa'i dmyal bar skye bar 'gyur ro// de la srog dang mi 'bral du mi rung ba gang zhe na/ sdig pa'i phyogs la brten pa dang / dam la mi gnas shing mi bsrung ba dang / de dag mnos nas nyams par 'gyur ba la ni/ srog dang ma phral na ngan song dang mi khom pa'i gnas su skye bar 'gyur pas// dam 'di bzhin du gnas shing dmod long zhig/ de rnams kyis dmod btsugs pa// rnal 'byor pa bka' dang dam la gnas pa rnams ni bdag cag gi bsgo ba brtse zhing gdung ba srid bzhi'i tshogs bgyid de/ bka' dang dam las 'gal ba rnams la srog dang dbral bar bgyi'o// de bzhin du ma bgyis na bdag cag rnams kyi lus srog tshig par gyur cig ces dam bcas te/ bcom ldan 'das kyi rdo rje theg pa'i bka' dang bstan pa bsrung ba dang / 'khor bsrung bar dbang byin te/ sring mo bzhir ming btags te gzhag go// de nas yang srin mo'i 'khor las kyi ging bco brgyad la/ bdud lha yor thom dang / bdud pad+ma gar gyi dbang phyug dang / bdud mo brgya byin kun
- 231b
dga' mo dang / tshangs ba dung gi thor tshugs can dang / gnam sa gnyis kyi bdag po dbang phyug chen po'i lus dang / ma bdud rgyal mo dang / rta zhon rgya gzhi dang / dmu bdud ba rlam pa dang / tshangs pa'i the'u brang dang / 'brog srin mgo dgu dang / shar phyogs nas khams gsum gyi bdag po dang / srin gyi sgron ma dang / rdo rje mchu dang / byin ya ka dang / lha mo nag mo dang / nam gru dang / gshin rje'i rgyal mo dmigs pa mgo dang / shel gyi srog bdag la sogs pa bco brgyad kyis/ khams gsum gyi sems can thams cad sgrol ba 'ba' zhig byed pa las/ bcom ldan 'das dpal chen po zhal bzhad pa'i sprul pa las/ rdo rje ging bco brgyad du sprul te/ de rnams kyang gang zhe na/ dpa' bo chen po las rnams kun byed pa dang / khro mo chen mo khams gsum dbang sdud ma dang // rdo rje ging kar dang / rdo rje gnod sbyin dang / rdo rje sbyang ki dang / rdo rje gshin rje dang // rdo rje rol pa dang / rdo rje 'chi bdag dang // rdo rje dus mtshams dang / rdo rje ro langs dang / rdo rje 'joms ma dang / dbang sdud lcags kyus 'dren pa chen mo dang / khams gsum g.yab mos 'debs pa chen mo dang / gzugs med rlung ltar gyur pa chen mo dang / gar gyi glog ltar
- 232a
sgyur ba chen mo dang / sbod gtong len par byed pa chen mo dang / rna ba nyan bram zer ba chen mo dang / srid gsum sgrol bar byed pa chen mo dang / za byed chen mo ma ste bco brgyad du sprul nas/ de rnams dang spyod pa cha mthun par byas te/ bgegs bco brgyad po la smras pa/ khyed la sogs pa rnams sems can thams cad kyi sgrol ba'i ging 'ba' zhig byed pa don ched ci yod/ thabs ci yod// snying rje ci dang ldan/ ngan song gsum du mi skye 'am zhes pa dang / bgegs rnams kyis smras pa/ bdag cag rnams ni sngon nas pha mas sems can thams cad sgrol ba'i ging gyis shig par dbang bskur ba las/ thabs dang snying rje ma mchis so// grogs po dag thabs dang snying rje ci dang ldan// ngan song gsum zhes pa ci lta bu zhes pa dang / ging rnams kyis smras pa/ de lta bu'i nyon mongs pa dang / gdos pa can ni shin tu 'khrul pa ste// don ched ni sems can ma rig pa rnams rig par bya ba dang / rtog pa can rnams sun dbyung ba'i don ched yin la/ snying rje ni ma rtogs pa'i dbang gis log pa'i phyogs mtha' dag byas pas/ shin tu sdug bsngal yanga'i gnas su skyes pa de bu gcig pa la ma byams pa dang 'dra bar bskyed la/ thabs kyis snying rje'i sar mi gzhag par/ de nyid
- 232b
mthu dang thabs kyis bsgral te/ bla na med pa'i sa la bkod pa'i ched du bstan la/ de dang mi ldan pa rnams ni dmyal ba yi dgas byol song la sogs pa/ shin tu mi bzad pa'i yang ba las thon par mi 'gyur ro zhes pa dang / bgegs rnams kyis smras pa/ e ma a la la la de bzhin du bdag cag rnams kyang bgyid pas/ mthu dang thabs kyis mngon sum du bsgral ba'i dmigs dang / mi bsgral ba gang lags pa de dbang dang dam tshig stsal du stsol/ ging rnams kyis smras pa/ bsgral ba'i dmigs ni thugs rje'i dpyang thag chad de/ zhe sdang log pa'i lam dgu la zhugs pa dang / nyon mongs pa rang ka mas dbang byas te/ zhing bcur gyur nas/ log pa'i las mtha' dag byed pa dang / gsang ba'i theg pa'i skra dgrar gyur pa dang // sems can tshe zad cing dus la bab pa rnams sgrol bar gyur cig/ gang zhig rnal 'byor pa gzhung dang 'thun pa lta ci smos kyi/ 'gal ba med pa'i sems can tshe ma zad pa rnams ni ma sgrol cig ces pa dang / bgegs kyi rigs rnams dga' mgu yi rangs nas/ de bzhin bgyi'o zhes khas blangs// dam bcas/ dmod por// mna' bskyal te/ bstan pa 'jig pa'i phyi'i dgra bo thams cad sgrol cig par/ phyi'i
- 233a
ging bco brgyad du dbang byin te gzhag go// / de nas ru dra dregs pa chen po dang bcas pa rnams bsgral te/ khog pa dur khrod kyi gzhal yas khang du brtsigs/ rnam par shes pa 'og min gyi yum gyi mkha' la gnas sbar te thugs kyi sras su byas/ phyir mi ldog pa'i sa la bkod/ 'khor ci gyi bka' nyan thams cad dbang du bsdus te/ bran dang yang g.yog tu bgyis te/ ru dra dang dregs pa'i phyogs thams cad ming yang mi grag cing / sangs rgyas kyi bstan pa yun ring du mnyan par gnas te/ chos nyid yum gyi mkha' bde ba chen po na// dgyes pa chen po'i lhun la rtag par bzhugs pa la// blo'i khyad par gyis so sor mthong zhing rtogs te/ la las byang chub kyi shing drung rtsar bcom ldan 'das shAkya thub pas/ bdud rnam bzhi rim kyis btul nas/ dregs pa thams cad zhi ba'i ting 'dzin gyis btul nas/ le lo can dang / rtag pa sun dbyung ba'i phyir/ thabs kyis mya ngan las 'das par tshul bstan nas// sangs rgyas kyi bstan pa yun ring du gnas shing // sems can thams cad bde ba la dgod par mthong zhing rtogs pa dang / la las ri rab kyi zom la phyag na rdo rjes
- 233b
ye shes kyi rdo rje gsol te/ lha ma yin thams cad sngangs skrag nas/ srid pa gsum yang 'dar zhing g.yos te/ mdong gsol du rang rang gi srog gi snying po phul te/ dregs pa can thams cad btul nas/ lha'i tshig bden pas zhal gyis ches shing dam mnos// lha srin sde brgyad bran dang chang khyur bsgoms nas/ phyi'i dam tshig dkar po'i mu ran gyi 'khor srung zhing // ngan song gsum po rim kyis lha dang mi'i bde ba la 'khod cing / sems can thams cad rigs 'dzin gyi sa la gnas par mthong zhing rtogs pa dang / la las rnam par snang mdzad rdzogs longs spyod pa'i skus/ lha'i khang pa rin po che 'od 'bar ba'i gnas nas/ khro bo chen po khams gsum rnam par rgyal bar sku sprul te/ dbang phyug chen po'i srin po dang / dregs pa can thams cad bsgral zhing / thal ba yod pa'i zhing khams nas/ slar dran pa rnyed par byas te/ bdud dang srin po thams cad btul zhing tshar bcad nas/ 'khor dang bran du byas te bka' dang dam tshig mnos nas lha dang / lha ma yin pa dang / mi dang // mi ma yin pa la sogs pa thams cad kyis/ bka' dang bstan pa bsrung ba dang / 'khor dang gang zag skyong bar g.yar
- 234a
gyis ches te/ 'dod khams dang / gzugs khams dang / gzugs med pa'i khams la sogs pa thams cad// rim kyis sangs rgyas kyi sa la bkod par mthong zhing rtogs pa dang / la las 'di ltar yum gyi mkha' la/ rgyal ba rigs lnga rdo rje dbyings kyi dkyil 'khor du bzhugs pa las/ khro bo dang / dpal 'bar khro mo'i rgyud 'di ltar/ bdud dang ru dra rim kyis btul nas/ sangs rgyas dang byang chub sems dpa' dang sems can thams cad rim kyis chos kyi dbyings bde ba chen po/ yi ge 'khor lo tshogs chen gyi sa la rim kyis 'khod par mthong zhing rtogs pa thams cad ni/ dpal kun tu bzang po ngo bo nyid kyi sku/ chos nyid ma bcos pa'i byin gyis brlabs las snang ba las ma gtogs pa/ so sor snang zhing gnyis su med par bstan pa ma yin no// de ci'i phyir zhe na/ de ni rtag pa dang mtshan ma can ma yin pa'i tha tshig go// de lta bu'i chos 'dri thams cad las bsam gyis mi khyab pa bsam du yang med do// de ci'i phyir zhe na/ de ni dmigs pa med cing / me dmigs pa'i tha tshig go// de lta bu'i chos 'di dag thams cad la bskal pa dpag gi mi lang bar yang brjod pa'i mtha' med la/ skad cig
- 234b
yud tsam cig ma brjod par yang thams cad 'dus so// de ci'i phyir zhe na/ de ni yun ring ba dang thung ba med pa'i tha tshig go// de lta bu'i chos 'di thams cad ni/ thugs zhi ba'i ngang las ma g.yos par/ sku 'bar ba'i cha lugs khro bo dang / khro mo'i sku gsung thugs kyi rol pa bsam gyis mi khyab par snang la/ de ltar snang tsam na thugs zhi ba'i ngang las kyang g.yos pa rdul tsam yang med do// de ci'i phyir zhe na/ chos nyid ma g.yos pa'i tha tshig go/ de lta bu'i chos 'di thams cad la// mtha' yang med la/ dbus kyang med do// de ci'i phyir zhe na/ thams cad du nye ring dang // thams cad du phyogs ris dang / thams cad du snga phyi dang / thams cad du che chung med pa'i don no// de lta bu'i chos 'di dag thams cad sangs rgyas thams cad kyi thugs ye shes pa la gnas so// sangs rgyas thams cad kyang kun tu bzang po'i thugs la gnas so// kun tu bzang po yang rang gi sems la gnas so// rang gi sems ni nam mkha' la gnas so// nam mkha' ni ci la yang min// ci la yang mi gnas bas chos 'di dag thams cad rang bzhin gyis 'dus ma byas shing smra bsam gyi yul las 'das/ 'das pas brjod du med pa'i chos nyid do// brjod du med pa skye
- 235a
'gag med pa'i chos nyid do// skye 'gag med pa las ma g.yos pas// ma g.yos pa btsal du med pas/ rnam par rtog pa thams cad 'joms shing mi gnas par byed pas khro mo zhes bya la// de las skye zhing 'byung bar byed pas yum zhes bya la/ de lta bu'i las thams cad la rol pas yab ces kyang bya la/ de'i ngang la 'du 'bral med pa'i rnal 'byor pa thabs dang shes rab kyi don la mkhas pa zhes bya ste/ 'di ni dus thams cad du rdo rje slob dpon gyi thugs la gnas pas 'di ltar rtogs pa'i skyes bu ni phyag gis mdzad pa phyag rgya'o// thugs la gzhag pa dgongs pa'o// zhal du brjod pa gsung rab bo// de ci'i phyir zhe na/ de ni don thams cad 'dus pas// dper na rgya mtsho chen po las klu'i rgyal po'i stobs kyis// chu bo dang chu bran char la sogs par spros nas/ slar rgya mtsho chen por 'dus pa dang 'dra bar/ dpal 'bar khro mo'i rgyud chen po 'di las/ rnal 'byor gyi skyes bu chen po'i dgongs pas/ lta ba dang / bsgrub pa dang / dkyil 'khor dang / sgom pa la sogs par byung nas/ slar 'di nyid du 'dus so// dpal 'bar khro mo'i rgyud 'di ni/ 'das pa'i sangs rgyas thams cad kyang rgyud 'di la brten
- 235b
nas mngon par rdzogs par sangs rgyas so// da ltar byung ba'i sangs rgyas thams cad kyang rgyud 'di'i don rtogs pas mngon par rdzogs par sangs rgyas la// de bzhin du phyis 'byung ba'i sangs rgyas thams cad kyang rgyud 'di'i don rtogs nas mngon par rdzogs par sangs rgyas par 'gyur ba'o// de ci'i phyir zhe na/ de ni dper na u dum 'bar ba'i tshal ni/ sangs rgyas thams cad 'byung ba'i dpe yin la/ u du ma 'bar ra'i tshal dang / a ru ra'i tshal dang / tsan dan gyi nags la sogs pa rnams ni sems can thams cad kyi nad 'jil ba'i mthu yod pa dang 'dra bar na/ rgyud 'di ni de bzhin gshegs pa thams cad kyi sku'i dpe yang yin la/ sems can thams cad kyi lus ngag yid gsum phyag rgya chen po'i ngang bzhin du gyur pa yang yin no// rgyud 'di'i don ma rig cing ma rtogs na/ nyon mongs pa ma rig pa'i bdud dang / phung po sdug bsngal gyi drad dang / lha'i bu mya ngan gyi bdud dang / 'chi bdag mi rtag pa'i bdud de/ dper na nad dang rims la sogs pa dang po dbugs la zhugs// zhugs nas rtsa la rgyu'o// de nas sha dang khrag la rgyu'o// de nas rkang dang sril 'khol lo// de nas srog pa rtsa la 'dus nas mi rtag pa'i las su 'gyur ro// de la sogs pa'i
- 236a
phal pa rnams ni/ srog pa rtsa las chung zad 'khod nas/ sha dang rus pa la phyir byung nas/ khrag dang ba spu la byung ste/ phyi'i 'byung ba la ltos so// de bzhin du bdud dang nyon mongs pa la sogs pa thams cad dang po rgyu ma rig pa las byung ngo // de nas nyon mongs pa thams cad kyi ying dang yid kyis rnam par shes pa bcad nas ku na ga zhi la las sna tshogs kyi bag chags sna tshogs sur sogs so// de nas sems can sdug bsngal gyi gtan zhing du 'khyams so// de las sman bzang po dang sman pa mkhas pa 'dra'o// rgyud 'di ston pa'i dge ba'i bshes gnyen nam/ 'di ston pa dang 'chang ba'i rdo rje slob dpon dang phrad na/ sdug bsngal nyid byang chub yin pa dang / nyon mongs pa nyid la ma yin pa dang / ma rig pa nyid chos nyid yin pa dang / 'khor ba nyid yang dag pa'i lam gnas su bstan pas/ gzung 'dzin gyis 'chel ba thams cad chos nyid bde ba chen por ye nas gnas pa las/ thams cad lha dang lha mo'i dkyil 'khor du sangs rgyas par mdzad do// don de lta bu dang ldan pa'i rgyud 'di ni dam tshig la mi gnas pa dang / snod ma yin pa rnams kyi spyod yul ma yin te/ dper na nor bu rin po che tir ma ka ni/ lha'i dbang po dang klu'i dbang po'i bsod nams yin pa dang 'dra
- 236b
bar/ 'di ni dam tshig la gnas shing snod du gyur pa rnams kyi spyod yul yin pa'o// de lta bu'i rgyud 'di ni 'og min gyi gnas dang / skye mched mu bzhi dang / 'dod khams dang // gzugs khams kyi lha'i ris su khyab na yang / ril lus ma bor bar phyag rgya chen po'i gnas su grangs dang tshom bu bsam gyis mi khyab pa// mngon par rdzogs par sangs rgyas par 'gyur ro// de nas lha dang / mi dang / klu'i gnas su khyab na yang // ril lus ma bor bar tshe 'di nyid la phyag rgya chen po'i gnas su grangs dang tshom bu bsam gyis mi khyab pa/ mngon par rdzogs par sangs rgyas par 'gyur ro// de dag thugs rje chen po dang ldan pas/ sems can thams cad kyang bla na med pa'i byang chub la dgod par byed do// de nas kyang thabs dang shes rab tu ldan pas rigs nges pa'i sras su bya ba dang / ma 'ongs pa'i sangs rgyas pa'i rgyur gzhag pa'i phyir/ thugs gsang ba'i mdzod thugs kyi sa bon// yi ge 'bru gzhag nas slar 'khor bar mi ltung ba'i phyir/ phyag rgya chen pos kha bcad de gzhag go// de lta bu'i rgyud 'di'i rang bzhin du/ 'khor ba dang mya ngan las 'das pa thams cad dang / phung po dang / khams dang / skye mched thams cad sangs rgyas par bstan pa las// rdo rje sems dpas gsol pa/ bcom ldan 'das bde ba chen po'i lha'i
- 237a
dkyil 'khor du thams cad ril 'dus pa las/ phyis log pa'i phyogs dag byung ba la nan tan ji ltar bskyed par bgyi/ yab bde ba chen po bla na med pas bka' stsal pa/ thams cad 'dir 'dus pa la phyis log pa 'byung ba la nan tan bskyed pa legs so legs so// legs pa'i lam las log par 'byung ba ni/ dper na rgyal po 'am/ bram ze 'am/ khyim bdag gi rigs shing sa la las// rigs 'chol te gdol pa 'am// bshan pa lta bu'i las byed pa ni// skye bo yongs kyis kyang smad pa/ nye 'khor rnams kyis kyang spangs par 'gyur la/ de nyid kyang ris smras shing mi bde ba'i gnas su gyur nas/ rgyal po chen po'i bka' chad kyi gnas su gyur pa dang 'dra bar/ gang zag gang zhig gsang sngags rdo rje theg pa'i sgor zhugs pa 'am/ de la spyod pa 'am/ de la gnas pa gang yin pas log par gol te/ ting nge 'dzin rnam pa brgyad kyis log par khrid pa ni 'di lta ste/ glang po phyal pa'i ting nge 'dzin dang / rgyu las gol ba'i ting nge 'dzin dang / g.yeng ba chen po'i ting nge 'dzin dang / bslad pas 'chal ba'i ting nge 'dzin dang / mtshan mar 'dzin pa'i ting nge 'dzin dang / 'khrul par snang ba'i ting nge 'dzin dang / chags par gzung ba'i ting nge 'dzin
- 237b
dang / de'i mthu rtas pa'i ting nge 'dzin no// de la glang po phyal ba'i ting nge 'dzin gang zhe na/ phyi nang gi dbang gang yang med par las thams cad las 'jug pa'i las byed pa'o// rgyu las gol ba'i ting nge 'dzin gang zhe na/ gsang sngags thabs kyi spyod pa thams cad kyi gti mug dang / rang 'byan dang / thug thub tu spyad pas lung med par nges pa'i lan brjod pa'o// g.yeng ba chen po'i ting nge 'dzin gang zhe na/ glu gar dang / rol mo dang / bzhed de de la sogs pa 'jig rten g.yeng ba'i chos la bsten pa ste/ don dang mi 'tshams par rtsa ba bdud rtsi las gol ba'o// bslad pas 'chal ba'i ting nge 'dzin ni// chos nyid tshig dang / ming gi gdags su med pa las/ yod med rtag chad du bslang ba dang / sems las gzung 'dzin du gdags su med pa la/ skye 'chi 'pho 'gyur du bslad ba dang / de bzhin gshegs pa thams cad kyis dgongs pa/ bka' rgya mtshor ba 'byam dpag gis mi lang ba 'di/ sa bcu'i byang chub sems dpa' rnams kyis kyang thob par zad kyis// don ni ma rtogs pa la/ gang zag ming tsam mtshan mar 'dzin pa rnams kyis// tshig gi sgros gdags pa dang /
- 238a
skur pa gdab pa dang / tshig gi ke'u shang gis bslad pa rnams ni gang zag 'tshal bar 'gyur te/ don med pa'i las su rtsal ba'o// mtshan mar 'dzin pa'i ting nge 'dzin gang zhe na/ gab pa dang gsang ba'i sbas pa la mi gnas par/ rdzas dang / lag cha dang / yo byad la mngon par 'chel te/ mtshan mar 'dzin te mu stegs dang 'dra bar spyod pa'o// 'khrul par snang ba'i ting nge 'dzin ni/ yang dag pa'i don bstan pa las swAn+tha sngags dang / rang bzo dang / khye'u shang dang / sdeb sbyor dang / phyogs char 'dzin pa'i ting nge 'dzin la brten pa ste/ 'khrul pa'i dbang gis rigs 'dzin cing gzhan smod par byed do// chags par gzung ba'i ting nge 'dzin ni/ stan dang ga na la sogs pa chos nyid la khungs 'byin cing / de nyid ma mthong non dang / btsan thabs dang / 'dod pa'i dbang ba can du spyod pa ni// kA shan pa'am smad 'tshong ma lta bu la brten pa'o// dri'i mthu rtas pa'i ting nge 'dzin ni/ de dag log pa'i lam la mthu rtas pas/ yi dgas srin po'i gzugs su snang ba dang / dmyal ba'i 'jig rten dang /
- 238b
yi dgas kyi 'jig rten dang / gshin rje'i 'jig rten du smin pa dang / de dag lus ngag yid gsum rab tu khro ga tu mche zhing / shin tu gdul dka' ba rnams so// de dag la ci'i phyir ting nge 'dzin zhes bya zhe na/ de dag la gtsor blangs te rtse gcig pa dang bcas pas nan tan du gzung ste spyod pa'o// de lta bu'i ting nge 'dzin brgyad po la gnas pa ni// skye bo yongs kyis dpyas shing smad pa dang // de nyid ya ka dang sgro skur du gyur pas// rnal 'byor pa yongs kyis smad cing ba steng ba ste dam tshig las nyams pas// byar ma rnams kyis kyang rab tu khrel te/ srog gi bar chad du byed cing / 'jig rten 'dir yang mi bde ba rnam pa sna tshogs nyams su myong nas/ 'bras bu ngan song gsum du skye zhing // sdug bsngal rnam pa sna tshogs nyams su myong nas/ shin tu gdungs pa'i smre sngags 'don cing // mgon dang skya bas med/ pa'i sdug bsngal bskal pa dpag tu med par sbyangs nas// de las thar nas kyang srin po chen po'i lus blangs te// srid pa gsum yang phung bar byas te/ sangs rgyas thams cad kyi thugs khral du gyur nas/ bla na med pa'i the'u ka'i bka'achad kyis gong ma bzhin bsgral bar 'gyur ro// // rdo rje sems dpa'
- 239a
gzhan yang ma brtags pa'i don brgyad kyis gol ba'i rgyur 'gyur te// de yang gang zhe na/ yin pa la ni ma yin par spros 'dogs pa dang ma yin pa la yin par sgros 'dogs pa dang / mkhas pa la mi mkhas par skur pa 'debs pa dang / mi mkhas pa la mkhas par bstod pa dang / theg pa 'og ma rnams la gong ma yin zhes che ba 'byin par byed pa dang / gong ma la 'og ma yin zhes smod pa dang / de bzhin gshegs pa'i bka' la bdud kyi tshig yin zhes smod pa dang / bdud kyi tshig la de bzhin gshegs pa'i bka' yin zhes smra ba'o// de la yin pa la ma yin par sgro 'dogs pa ni/ chos nyid dam pa'i don dam pa'i bden pa sangs rgyas thams cad kyi thugs mngon du phyung ba 'di dag/ snod ma yin pa la gsang ba dang / phal gyis thos na skrag cing skur pa 'debs pa dang / smod par gyur pas kun gyi thun mong ma yin te/ rang bzhin gyi gsang ba 'di la// gang zag dad pa chung ba dang / shes rab zhan pa dang / thos pa chung ba rnams kyis 'di dag gi don la 'phya zhing 'phral sdebs dang mos btsan du byas pa yin// yang dag pa ma yin no/ zhes sgro 'dogs
- 239b
par byed do// ma yin pa la yin par sgro 'dogs pa ni phal che khye'u shang dang / rang bzo la sogs pa thos pa chung zhing shes rab dman pa dang / 'gal ba'i don ma rig pa'i tshig sde bas dang / phar bslad pa tshur bsres pa bcol ba rnams la smon pa 'bul te/ bzang ste don yod do zhes sgro 'dogs par byed pa'i gang zag rnams so// mkhas pa la mi mkhas par skur pa 'debs pa ni// lta bas chos nyid gnyis su med pa'i don rtogs nas// shes bya la ye shes ma rmongs pa sa// rig pa'i gnas lnga la mkhas shing // dang po rab tu gyur pa rnams kyis shes rab rnam gsum gyi rgyud sbyangs nas/ rgyud dkrugs pa dang // lung bcus pa dang // man ngag gab pa rnams la// phrag dog gi dbang gis gzhan gyi yon tan smad par 'dod pa'i phyir/ de ni mkhas pa ma yin no// zhes smod cing rgyu med pa'i skyon rjod par byed pa'o// mi mkhas pa la mkhas par bstod pa gang zag bdag phyogs kyi che bar 'dod pa dang / gzhan la thabs kyis skabs btsal ba dang // pha rol po thos par dogs pa'i phyir/ dbang rnam pa lnga lta ci smos kyis/ rnal
- 240a
'byor kha dbang yang ma bskur ba la/ dbang rdzogs zhes smra ba dang / phyi nang gi bka' mtha' dag lta ci smos kyis// theg pa chen po'i 'di ming tsam yang ma thos pa la// rdo rje rgyal po zhes brjod pa dang // rtsa ba'i dam tshig dang yan lag gi dam lta ba ma thos kyi/ bka' dang dam la yang zur tsam yang mi gnas te/ ras cho dang / gzu lums dang // rang byan dang / che dngag tu spyod pa la mkhas par bstod pa rnams so// theg pa 'og ma pa la gong mar che bar 'byin pa ni/ bsam gtan rnam par mi rtog pa'i lta ba bden pa la zhugs nas/ stong pa la khungs 'byin pa la// sngags de bzhin nyid kyi ting nge 'dzin ci la yang mi rtog pa la/ ma nyams zhes che ba 'byin par smra ba'o// gong ma la 'og ma yin zhes smod pa ni// rdo rje'i theg pa chen po'i bla na med pa'i snod du ma gyur pa rnams kyi spyod yul ma yin pa la// 'di ni theg pa gang bas kyang dma' ba ste/ mu stegs log pa'i chos yin no zhes smod pa dang 'phya ba rnams so// de bzhin gshegs pa'i bka' la bdud kyi tshig yin zhes smra ba ni// de bzhin gshegs pa rnams ni ci yang mi gsung / mi gsung ba rgya che ba'o//
- 240b
de bzhin gshegs pa ni ci yang mi mdzad// mi mdzad pa ni gting zab pa'o// de bzhin gshegs pa rnams ni gang na yang mi bzhugs// mi bzhugs pa grangs mang ba'o zhes brjod pa dang / de'i don blos mi dpogs pa rnams// de ni bdud kyi tshig yin zhes smra ba dang // gang zag bcud la mi rtog cing yul la lta ba rnams// bka' yang dag pas grags pa 'dod pa dang / gzhan la sogs pa las khyad par 'dod pa'i don// bden pa med pa bdud kyi tshig go zhes smra ba rnams so// bdud kyi tshig la de bzhin gshegs pa 'i bka' yin no zhes smra ba ni// rtog pa'i lta ba dang ting nge 'dzin du ma ldan par// stan gan gyi las la ba pa tshol du spyod cing bdud kyi las spyod pa la// de bzhin gshegs pa'i bka' yin zhes smra ba dang // gsang ba'i dam tshig dang / dur khrod kyi chas la sogs pa rnams mu stegs 'phyal pa dang 'dra bar thogs te bdud kyi spyod pa byed pa la/ de bzhin gshegs pa'i bka' las byung ba yin zhes smra ba dang // gsang sngags dang gsang ba'i rgyud 'di dag thams cad snod ma yin pa lta ci smos kyi// dbang ma thob par rdo rje'i lce yod kyang mi bshad la// dbang ma bskur bar snod dang ldan pa
- 241a
la yang mi bstan no zhes 'byung ba la/ snod med pa dang / dam med pa dang / rtogs pa med pa dang / 'khrul pa dang / gti mug dang / thugs thub tu thams cad la grangs mang bar bstan nas bdud kyi dbang du btang ba la/ de bzhin gshegs pa'i bka' yin no zhes smra ba ni/ de bzhin gshegs pa'i bka' smad de bdud kyi tshig tu smra ba yin no// sems dpa' chen po de ni dper na bdud sdig to can sangs rgyas bcom ldan 'das kyi cha byad du sprul nas/ dge slong rjes su yi rang ba rnams la smras pa/ nga yi sangs rgyas zhing 'di stongs la khang// 'ge'u ta ma'i bstan pa mnyan par// rno ba'i mtshon thogs drag shu la las byas te/ pha rol g.yul las kun du rgyal bar bya'o// zhes smras pa dang / dge slong rnams kyis bdud kyi las tshig yin par shes shing // gong ma ltar smra ba rnams ni bdud kyi tshig yin par blo dang ldan pa rnams la snang ngo // rdo rje 'dzin pas gsol pa// de bzhin gshegs pa'i bka' zhes bgyi ba ji lta bu/ bcom ldan 'das kyis bka' stsal pa/ de bzhin gshegs pa'i bka' ni don dam pa'i bden pa zhes bya ste/ de la de bzhin gshegs pa'i bka' ning dang gzhan gnyis
- 241b
su ma phye ba gang yin pa ni/ de bzhin gshegs pa'i bka' yin no// phyogs dang ris su ma gzung ba gang yin pa de bzhin gshegs pa'i bka' yin no// rgyu 'bras gnyis so sor ma phye ba gang yin pa de bzhin gshegs pa'i bka' yin no// chos nyid bdal ba chen po ma skyes pa la/ skye 'gag med cing spros pa dang bral ba de bzhin gshegs pa'i bka' yin no// thams cad skye 'chi dang 'pho 'gyur med cing / nga dang bdag med pa de bzhin gshegs pa'i bka' yin no// dus la snga phyi med cing gnas la mtho dman med la// yun la ring thung med pa de bzhin gshegs pa'i bka' yin no// de ci yang med pa las ni cir yang snang ba la/ cir yang snang tsam na cir yang med pa las ma g.yos pa ni// de bzhin gshegs pa'i bka' yin no// gcig las ma g.yos par mang po bsam gyis mi khyab par snang la/ mang po bsam gyis mi khyab par snang tsam na/ gcig las ma g.yos pa ni de bzhin gshegs pa'i bka' yin no// gcig tu 'dus la gnyis su med cing / gsum du snang ba de bzhin gshegs pa'i bka' yin no// bsam gyis mi khyab pa la yang bsam du med cing brjod kyang mi lang la/ brjod du yang med la/ bgrang gis kyang mi lang la//
- 242a
bgrangs su yang med pa ni de bzhin gshegs pa'i bka' yin no// spangs kyang ma spangs la/ chags kyang ma chags pa ni de bzhin gshegs pa'i bka' yin no// cir yang snang la/ ci lta bur yang ma grub cing // bsam gyis kyang mi khyab la/ dpag gis kyang mi lang la/ dpag tu yang med pa ni de bzhin gshegs pa'i bka' yin no// chos ma byung ma skyes pa skye ba med pa'i de rtogs pa chen po'i thugs mnyam pa chen po'i sangs rgyas ni// de bzhin gshegs pa'i bka' bzhin du mi 'gyur ba yin te/ sa gzhi nam mkha' la 'phags snyid la/ rlung rgyun nas 'dogs srid kyang // de bzhin gshegs pa'i bka' gzhan du 'gyur mi srid do// de ni btsal dang bcas pa ma yin// btsal du med pa'i bdag nyid yin la/ mtshan ma dang bcas pa ma yin// mtshan ma med pa'i ngang du bdal bas/ don dam pa yang yin no// de ni sgro skur dang dron thebs med de/ grub cing mthar phyin par gyur nges pas bden pa yin no// de ni dper na rgya gar gyi yul na bsod nam las grub pa'i rgyal po 'bar li ti/ rgyal srid rin po che sna bdun la dbang byed cing chags pa las// thugs rje chen po'i chags pa las/ sprang po'i gzugs las
- 242b
bkres pa nyam thag pa cig byung nas// rgyal pos smras pa/ e mnyam thab pa'i sems can bkres skom gyis nyen la/ 'dod pa'i longs spyod la cung zad rten nam// bram ze sprang pos smras pa/ gser gyi ri la g.yu yi lde glags te/ gram pa la sogs rin chen gcal bkram zhing // chu klang 'di kun bdud rtsir 'ab ba 'gyur yang // nor gyis chog dang zas kyis chog shes bzang // dgongs pa'i don ni bla med sangs rgyas so// zhes smras pas// rgyal po rgyal srid la skyo sems skyes nas/ phyir mi ldog pa'i sa la bkod do// de bzhin gshegs pa'i bka' bden pa 'di ni/ sangs rgyas byang chub sems dpa' lta bu ma yin gyi/ tha na bya dang / ri dgra dang me sgra rlung sgra las grags kyang // kun tu bzang po'i ngang nyid kyis byin gyis brlabs kyis bstan pa yin par shes par bya'o// de ci'i phyir zhe na/ de ni thams cad du bzang ngan dang spong len med pa'i phyir ro// gsol pa/ tshad ma zhes bgyi ba gang lags/ bka' stsal pa/ tshad ma zhes bya ba ni dran zhing don dang 'thun pa de yin zhing // steng du phebs pa la chad ma zhes bya ste/ ston pa'i bka' tshad ma ni 'gyur ba med pa'o// rdo rje slob dpon gyi bka' tshad ma ni
- 243a
gol ba med pa'o// rang gi rtogs pa tshad ma ni bcos pa med pa'o// de ci'i phyir zhe na/ ston pa'i bka' tshad mar 'gyur ba med de/ de bzhin gshegs pa'i mthus chos nyid la bzhugs pa la// mu stegs byed kyi ston pa ltar/ byed pa po dang // byed pa'i skyes bu dang / rtag tshad kyi mtshan ma can ma yin pa'o// de lta bu'i don 'di thams cad rdo rje slob dpon gyis rtogs nas/ sgro skur med par snod dang ldan pa rnams la bstan na// des tshad ma thog tu phebs na 'khor ba dang ngan song gi rgyur grol ba med pa'o// rang gi rtogs pa tshad mas bcos pa med de/ chos nyid tshig dang yi ges gdags su med pa la/ sangs rgyas kyis ma mdzad// sems can gyis ma bcos/ mdzad cing bcos pa'i mtha' las 'das pas/ 'di ltar tshad mas rtogs na/ las dang sdug bsngal gyis bcos su med de// bcos pa med pa'o// tshad ma zhes bya ba ni nges pa'o// tshad ma zhes bya ba ni skyon med pa'o// chad ma zhes bya ba ni mthar phyin pa'o// de ci'i phyir zhe na/ snga bar 'das pa'i sangs rgyas dang / da ltar dang // ma byon pa'i sangs rgyas kyang / tshad ma nges pa'i don rtogs nas sangs rgyas so// de bzhin snga bar 'das pa dang / da ltar dang /
- 243b
ma 'ongs pa'i rdo rje slob dpon kyang // tshad ma skyon med pa 'di dag gi don rtogs nas grub pa brnyes pa yin// de bzhin du snod dang ldan pa'i rnal 'byor phyis 'byung ba yang tshad ma'i don rtogs nas tshe gcig gis// rigs 'dzin gyi gnas su sangs rgyas par 'gyur ro// gsol pa/ sangs rgyas zhes bya ba ci lta bu la bgyi/ bka' sprul pa/ sangs rgyas bya ba ni/ sems can la yang bya na// rtogs pa klong du gyur te nyams su len pa la yang bya// de ci'i phyir zhe na/ sems can thams cad byang chub kyi snying po can yin pa dang / sangs rgyas thams cad nyid sems can las byung ba'o// de ltar rtogs pa klong du gyur pa ni/ gzung 'dzin rtag chad dang / yod med sdug bsngal las sangs la// de nyid mi rtog pa'i rig pa'i rgyal po rang dbang du rgyas pas// 'khor ba dang mya ngan las 'das pa'i chos thams cad nyams su lon pa'o// gzhan yang sangs rgyas zhes bya ba ni// dngos po dang mtshan ma med par sangs pa'i chos nyid la// de rtogs pa mthar phyin par rgyas pas sangs rgyas pa'o// gsol pa/ chos nyid skye ba med pa la/ gnyis su ma mchis pa lags na/ sems can bgyi ba ji lta bu/ bka' stsal pa/ sems can zhes bya ba ni/ chos thams
- 244a
cad la ma rig pa'i dbang gis mtshan mar bzung bas/ 'dzin rtog la blo 'chol ba dang / gzhan yang ru tra rnam gsum ste/ phyi gzung bar bya ba'i yul med pa la gzung ba'i yul du 'dzin pa ma tang ka ru tra'o// nang 'dzin par byed pa med pa'i sems med pa la/ 'dzin pa'i sems gzung ba ni a ka ra sha ru tra'o// gzung 'dzin rnam pa gnyis yul/ sems bltas pa las grub pa ni kha tong kha ru tra'o// ru tra rnam pa gsum yang sems can no// gzhan yang rnal 'byor pa chos log par spyod pa yang sems can yin no// de la chos log par spyod ces bya ba ni/ theg pa chen po rdo rje theg pa 'di spyod pa las/ dper na rgyal po dmangs kyi las spyod pa dang 'dra bar theg pa 'og ma pa'i gzhung spyad nas/ 'di la sgo dang skur pa la sogs pas smod par byed pa dang / gsang ba'i theg pa 'di ltar spyod na yang / lta bas ma rtogs shing spyod pas 'di dag phyag las su spyod cing // tshig gi gzhung med pas gzhan dang ris su chad nas/ nang ris mi mthun pas rtsod pa dang / 'gal 'chug pa'i gzhir gyur pa rnams ni mtshan ma la spyod pas sems can no// de'i phyir na gsang ba'i rgyud chen po 'di ni thig le spyod pa nyams pa dang / dmyal ba rdo rje byed pa dang / snying rje'i la
- 244b
las log pa dang / snod ngan pa rnam pa gsum la ni/ tshig 'bru gcig tsam yang bstan par mi bya ste/ de dag la bstan na mnar med pa'i dmyal ba dang / sems can dmyal ba zhes bya ba'i nang du skye bar 'gyur ro// de la thig le spyod pa nyams pa zhes bya ba ni// bla ma'i bka' las thig ni drang po// le ni bdal ba thams cad du drang zhing chos nyid du bdal ba yin la/ spyod pa thams cad log par spyod las// thig le spyod pa nyams zhes bya ste/ rtsa ba'i dam tshig gsum nyams pa dang / khyad par du bla ma'i gzungs ma dang / bzhugs nas gsang ba la spyod pa dang / rdo rje mched dang gsang ba gnyen po'i gsang ba'i mkha' la ma rig pa'i las spyad pa dang / gsang ba'i bka' nges pa la ba ka' rkun dang / lung med pa dang / dbang ma mnos par mtha' dag la ston cing / 'dod pa tshol ba'i phyir sgrogs pa rnams ni/ khyad par du thig le spyod pa nyams pa ste/ 'di dag la bstan na gnyis ka dmyal bar ltung ngo // dmyal ba rdo rje zhes bya ba ni shin tu dka' ba'i mi lus thob pa la/ mi la sogs pa g.yo sgyu med pa'i drang po rang bzhin gyis dge ba la gnas pa las/ ngan song gsum gyi spyod pa la zhugs te/
- 245a
dge sdig gi don gang la yang 'dzem pa med cing // de dag la cher mi lta zhing ma rtogs pas blun po byol song dang 'dra bar spyod pa dang / gzhan yang mir skyes na yang shin tu chags shing zhen pa'i dbang gis// thams cad du 'dod pa la chags te/ gzhan las mi dbang bar spyad pa dang / gzhan las dam du 'gogs pa dang / ser sna la sogs 'dzums pas yi dgas 'dra ba'i las byed pa dang / mi'i lus thob pa la gsad pa dang / gcad pa la sogs pa dang / sdig pa mi dge ba'i las sna tshogs dmyal ba dang 'dra ba'i las byed pa ni/ dmyal ba'i rdo rje byed pa zhes bya'o// snying rje'i lam las gol ba zhes bya ba ni/ sta nA la sogs pa'i las la snying rje chen pos ma zin par 'dod chags rang ka mas// yul tha khob kyi lings dang 'dra bar spyod pa dang / zhing bcur gyur pa la snying rje chen pos ma zin par skad dang chags 'brel 'phran tshags la stana'i las spyod pa dang / gzhan yang sems can thams cad la gnod cing mi bde ba'i rigs las byed pa rnams ni// zhing bcur gyur pa'o// snod ma yin pa ni/ snod dug can dang / zhabs rdol ba dang / kha sbu ba la sogs pa ni/ rang bzhin gyis gsang ste/ go bar mi 'gyur bas// bdud
- 245b
rtsi thigs brgyud kyi rgyal po 'di/ su la bstan kyang go bar mi 'gyur bas/ rnal 'byor gsang ba'i snod ldan 'ga' tsam las/ kun la bstan pa ma yin gter du bcang / zhes gsungs pa'o// rdzogs so// / lhag min dpal 'bar khro mo'i rgyud rdzogs so// rgya gar skad du/ bruM a nu mahA pra ban ta/ bod skad du/ gnas lung chen po bstan pa/ sangs rgyas bcom ldan 'das zhi khro 'bar ba'i tshogs la phyag 'tshal lo// dpal kun tu bzang po la phyag 'tshal lo// 'di skad bstan pa'i dus gcig na/ bcom ldan 'das yid kun tu bzang pos// thams cad du 'og min pa'i steng phyogs na/ sems can thams cad 'khor ba dang / ngan song las sgrol ba'i ting nge 'dzin la snyoms par zhugs te/ sku dang / gsung dang / thugs las 'od zer gyi dra ba phyogs bcur bkye ste/ sems can thams cad kyi lus ngag yid gsum la khyab pas/ de dag thams cad kyi ma rig pa dang / ma rtogs pa dang / ma ldan pa'i rtog pa thams cad mun sros pa'i nam mkha' la ye shes kyi nyi ma shar ba bzhin/ thog ma med pa'i dus nas/ rtog pa'i bag chags brtas pa'i sems can// nga bdag dang //