shes rab skyed pa zhes bya ba'i gzungs
Prajñābardhanināmadhāraṇī
Text
ff. 185b–186a · 2 folio sides
- 185b
མགྲིན་པ་སྙན་པར་འགྱུར་ཏེ། ཐེ་ཚོམ་ཟ་བར་མི་བྱའོ། །མགྲིན་པ་སྙན་པའི་གཟུངས་རྫོགས་སྷོ།། ༄༅། །འཕགས་པ་སྤྱན་རས་གཟིགས་དབང་ཕྱུག་ལ་ཕྱག་འཚལ་ལོ། །ཏཱ་རེ་ཏཱ་རེ་ཏཱ་རཱ་ཡ། བྷ་ག་བ་ཏེ། བནྡྷ་མོ་ཙ་ནི་སྭཱ་ཧཱ། འཕགས་པའི་སྔགས་དེ་བཟླས་བརྗོད་བྱས་ན་བཅིངས་པ་ལས་གྲོལ་བར་བྱེད་དོ། །བཅིངས་པ་ལས་གྲོལ་བའི་གཟུངས་རྫོགས་སྷོ།། ༄༅། །རྒྱ་གར་སྐད་དུ། ཨ་གྲ་བིདྱཱ་མནྟྲ། བོད་སྐད་ དུ། མཆོག་ཐོབ་པའི་རིག་སྔགས། བཅོམ་ལྡན་འདས་མ་ལྷ་མོ་དུང་ཅན་མ་ལ་ཕྱག་འཚལ་ལོ། །བསྙེན་པོ་རྫོགས་པར་བྱེད་པ་གཟི་བརྗིད་རྒྱས་པར་བྱེད་པ་ལོངས་སྤྱོད་འཕེལ་བར་བྱེད་པ་དབང་ཕྱུག་འཕེལ་བར་བྱེད་པ། འཁོར་འཕེལ་བར་བྱེད་པ། ཚེ་འཕེལ་བར་བྱེད་པ། དགྲ་ཞི་བར་བྱེད་པ། བགེགས་ཞི་བར་བྱེད་པའོ། །དཀོན་མཆོག་གསུམ་ལ་མཆོད་པ་ཕུལ་ལ། སེམས་བྱམས་པ་ལ་གནས་པས་དུས་གཅིག་ལ་ལན་བརྒྱ་རྩ་བརྒྱད་བརྗོད་པར་བྱའོ། །འདི་ལྟ་སྟེ། ན་མཿསརྦ་ཏ་ཐཱ་ག་ ཏཱ་ནཱཾ། ཏདྱ་ཐཱ། ཨོཾ་ཤདྑི་ནི་དེ་བི། ཨཱ་གཙྪ་ཨཱ་གཙྪ། ཏིཥྵ་དྷ་ནེ། དྷ་ན་ཛ་ཡེ། བྲཱི་བྲཱི། བྲྀདྡྷྲི་ཀ་རི། དྷྲི་དྷྲི། དྷྲྀ་ཏི་ཀ་རཱི་ནཱ་ན། བི་བིདྱཱ། བེ་ཤ་བསྟ། ཨཱ་ཡུརྡྷ་ར་ཎི་ཡུ་ཡུ། ཨཱ་ཡུཥྤཱ་ལ་ནི། ཏ་ཐཱ་ག་ཏཱ་སྨྲར་བོ་དྷི་ཙིཏྟ། མ་ཏཱི་ ལཾ་བོ་ད་ར། དེ་ཧི་མེ་བ་ར་ན་ཤདྑི་ནི་སྭཱ་ཧཱ། བདག་དགེ་བ་འདི་ཉིད་ཀྱིས་སྤྲུལ་པའི་སྐུ་འདི་ཉིད་དུ་མཐོང་བར་གྱུར་ཅིག །སྟོང་པ་ཉིད་ལ་བཟོད་པ་ཐོབ་པར་གྱུར་ཅིག །སྟོང་བ་ཉིད་ཀྱི་དོན་མཐོང་བར་གྱུར་ཅིག །སྟོང་བ་ཉིད་ཀྱི་དོན་བྱེད་པར་གྱུར་ ཅིག །འདི་བརྗོད་པས་བར་དུ་གཅོད་པ་ཐམས་ཅད་ཀྱང་རྣམ་པར་སེལ་བར་འགྱུར་རོ། །འཕགས་པ་མཆོག་ཐོབ་པ་ཞེས་བྱ་བ་རྫོགས་སྷོ།། ༄༅། །རྒྱ་གར་སྐད་དུ། པྲཛྙཱ་བརྡྷ་ནི་ནཱ་མ་དྷཱ་ར་ཎཱི།
- 186a
བོད་སྐད་དུ། ཤེས་རབ་སྐྱེད་པ་ཞེས་བྱ་བའི་གཟུངས། ཐམས་ཅད་མཁྱེན་པ་ལ་ཕྱག་འཚལ་ལོ། །འདི་སྐད་བདག་གིས་ཐོས་པ་དུས་གཅིག་ན། བཅོམ་ལྡན་འདས་བྱང་ཆུབ་སེམས་དཔའ་བློ་ལྡན་ཞེས་བྱ་བ་རི་རབ་ཀྱི་ངོས་ལ་ བཞུགས་ཏེ། རི་རབ་ལ་གནས་པའི་ལྷའི་བུ་ཐམས་ཅད་ཀྱིས་བསྐོར་ནས་མདུན་དུ་བྱས་ཏེ་ཆོས་སྟོན་ཏོ། །དེ་ནས་བྱང་ཆུབ་སེམས་དཔའ་སེམས་དཔའ་ཆེན་པོ་གཞོན་ནུའི་གཟུགས་ཅན་གྱིས་ཐལ་མོ་སྦྱར་ཏེ་བྱང་ཆུབ་སེམས་དཔའ་བློ་ལྡན་ལ་གསོལ་བ། བཅོམ་ལྡན་འདས་སེམས་ཅན་ཤེས་རབ་རྟུལ་པོ། བློ་ཞན་པ། ཡིད་མི་གཞུངས་པ་རྣམས་ཀྱི་སླད་དུ་ཤེས་རབ་སྐྱེད་པ་ཞེས་བགྱི་བའི་གཟུངས་བཤད་དུ་གསོལ། བཤད་པ། ཧཱུྃ་པི་ཙུ་པི་ཙུ་པྲཛྙཱ་བརྡྷ་ནི། ཛྭ་ལ་ཛྭ་ལ་མེ་དྷཱ་བརྡྷ་ནི། དྷི་རི་དྷི་རི། བུདྡྷི་ བརྡྷ་ནི་སྭཱ་ཧཱ། གང་ཞིག་གཟུངས་འདི་འཛིན་པ་དང་། ཀློག་པ་དང་། འདྲི་བ་དང་། འདྲིར་འཇུག་པ་དང་། ཆུང་ངུ་ན་ཡི་གེ་འབྲུ་གཅིག་ཙམ་ཐོས་ན་ཡང་དེའི་ཚེ་འདི་ཉིད་ལ་ཤེས་རབ་ཆེན་པོར་འགྱུར་རོ། །གང་གིས་ཟླ་བ་དྲུག་གི་བར་དུ་ཉིན་རེ་ཞིང་རྩ་བ་ ཁྱོར་གང་ལ་རིག་པ་འདི་ལན་བདུན་བཏབ་སྟེ། ཉི་མ་ཤར་བའི་ཚེ་འཐུངས་ན་ཚིགས་སུ་བཅད་པ་སྟོང་སྟོང་འཛིན་ཏོ། །ལན་ཅིག་འཐུངས་ན་ལྔ་བརྒྱ་འཛིན་ཏེ། ཉིན་གཅིག་བཞིན་ཤེས་རབ་འཕེལ་བར་འགྱུར་རོ། །ཉིན་གཅིག་བཞིན་དུ་བརྗོད་པ་ཙམ་ གྱིས་དྲན་པ་དང་ཡིད་གཞུངས་པར་འགྱུར་རོ། །ཤེས་རབ་སྐྱེད་པ་ཞེས་བྱ་བའི་གཟུངས་རྫོགས་སྷོ།། །།རྒྱ་གར་གྱི་མཁན་པོ་ཛྙཱ་ན་གརྦྷ་དང་ལོཙྪ་བ་བནྡེ་ཀླུའི་དབང་པོས་བསྒྱུར། རྒྱ་གར་གྱི་མཁན་པོ་བིདྱཱ་ཀ་ར་སིཾ་ཧ་དང་། ཞུ་ཆེན་གྱི་ ལོ་ཙྪ་བ་བནྡེ་དེ་བ་ཙནྡྲས་ཞུས་ཏེ་གཏན་ལ་ཕབ་པ།། ༄༅། །རྒྱ་གར་སྐད་དུ། པྲཛྙཱ་བརྡྷ་ནཱི་ནཱ་མ་དྷཱ་ར་ཎཱི། བོད་སྐད་དུ། ཤེས་རབ་སྐྱེད་པ་ཞེས་བྱ་བའི་གཟུངས། ན་མོ་རཏྣ་ཏྲ་ཡཱ་ཡ། ན་མ་ཨཱརྱཱ་
Colophon
shes rab skyed pa zhes bya ba'i gzungs rdzogs s+ho// rgya gar gyi mkhan po dz+nyA na gar+b+ha dang lots+tsha ba ban+de klu'i dbang pos bsgyur/ rgya gar gyi mkhan po bid+yA ka ra siM ha dang / zhu chen gyi lo ts+tsha ba ban+de de ba tsan+d+ras zhus te gtan la phab pa/