Untitled work
Text
ff. 2b–16b · 29 folio sides
- 2b
ste thal mo sbyar// rdo rje 'chang la 'di skad gsol// kye kye ston pa rdo rje 'chang // snying po theg pa nyag gcig kyang // rigs drug gzung 'dzin du mar 'khrul// thugs rje chen po'i gzigs su gsol// 'og min rdo rje 'khor 'dus la// thams cad cig la rdo rje'i rgyud// gcig las du ma med par gsungs// ces zhus pas/ rdo rje 'chang gis bka' stsal pa/ 'og min dbyings su 'dus pa yi// rdo rje rigs kyi mkha' 'gro khyed// rjes 'jug don du zhu ba legs// snying po nyag gcig rin po che// thams cad tsog pa nga yis bstan// chos thams cad chos nyid
- 3a
cig/ dbang dang dam tshig dkyil 'khor cig/ 'phrin las mchod pa rnal 'byor cig/ sngags dang phyag rgya bsnyen bsgrub cig/ lta ba bsgom pa spyod pa cig/ 'bras bu sku gsung thugs kyang cig/ dge bcurnam grangs du mar cig/ ces gsung so// snying por na chan rje 'chang la 'di skad gsol// kye kye ston pa rdo rje 'chang // de ltar snying po chos cig kyang // bdag cag 'og min dkyil 'khor dang // mang 'gror
- 3b
tshogs la gsal bar zhu// ces gsol pas/ rdo rje 'chang gis bka' stsal pa// nyon cig dkyil 'khor rang byung dang // mkha' 'gro 'dus pa'i 'khor tshogs khyed// chos can chos nyid ro gcig phyir// don gyi snying po chos nyid cig/ cig po kun gyi rang bzhin yin// nor bu rin chen yon tan 'dra// du ma gang snang cig yin no// rnam grangs brgya stong phrag yas kyang // chos nyid snying po'i dbang po yin// cig po rang snang rang byung bas// cig po nyid kyang gang na 'dug/ yul med pas ni mi bral yin// 'byung ba mo chus rlung yang // nam mkha'i ngang du ye gnas cig/ sangs rgyas sems can chos nyid gcig/ bde gshegs snying pos 'gro kun khyab// sangs rgyas sems can gnyis su med// gnyis med gnyis su med par ston// ces gsungs so// snying po rin po che thams cad gcig pa'i rgyud las
- 4a
@chos can nyid cig par bstan pa'i le'u ste gnyis pa'o// / de nas yang dag bshad bya ba// ye nas snying po rang byung dbang // rang chas yin pas gzhi ma cig/ rtogs pa sa steng 'chang ba'i dbang // sku gsum rig pas khyad par med// dbang gi chu bo lhun grub na// 'gro drug khams gsum thams cad la// til la mar gyis khyab pa bzhin// bde gshegs snying po 'bri dkol med// rang byung rang las bstan pas thob// ye nas ye shes rang dbang cig/ dngul mo ye nas gser rten can/ rig pa can gyis bstan pas gser// yi nas rang dbang rang gis thob// skad cig ma la longs spyod bdag/ 'gro drug ye nas snying po'i gzhi//
- 4b
bla ma'i gdams pas rang chas bstan// rang byung rang dbang ye nas thob// dbang gi rgyal po ye shes cig/ snying po rang byung chos bzhi ldan// 'gyus dran 'dzin chags dbang gi chu/ snying po rang byung chos kyi skul// phyi nang dang bcad 'gyu ba bcang // dran pa'i ting 'dzin 'dzin pa 'chang // 'dzin pa 'dzin pa'i rgyal thag grol// chags pa rang snang ye shes shar/ rig pa rang stsal dbang cig po// dbang gi ngo bo lhun gyis grub// nges tshig 'khor 'das gnyis ka dbang // 'byed pa rang rang 'dod gzhu la// dpe ni rgyal bu 'khyams pa 'dra// snang ba sna tshogs cig gi dbang // brjod bral sna tshogs chos cig dbang // tan brtag thams cad chos nyid cig/ bum pa thams cad shes rab dbang // gsang dbang tshig dab rnam grangs rnams// rig pa rtsal gyi dbang du gcig/ ces gsung so// snying po rin chen thams cad pa'i rgyud las/ dbang gi le'u ste gsum pa'o//
- 5a
de nas yang dag bshang b+hu ba// dam tshig snying po bstan pa ni// ye nas rang byung snying po'i bzhi// gang snang ming du brtags pas kyang // snying po dbyings las 'da' mi srid// snying po hUM gi rang bzhin cig/ rdo rje'i don la g.yang sa med// dgongs pa 'khu 'khrigs dogs pa med// spyod pa chags sdang gzigs snang med// ri dogs bral ba'i snying po la// dam tshig 'da' bsrung ye nas med// nyams pa med pas dam tshig cig/ snying po chos sku yul med la// 'gyu ba gzigs snang 'da' sa med/ snying po 'gag med rang sgra la// 'gyu ba'i mi rtags smra sa med// snying po 'gyu med chos nyid la// gnyen pos bsgyur zhing bcos su med// sku gsung thugs dam bcas pa la 'das na sdug bsngal gyis bsreg cing // ma 'das nyon mongs dug gsum 'tshig/ ye shes me lnga rang 'bar la// nyon mongs dug lngas tshig par nges// dam
- 5b
tshig nyi shu rtsa brgyad cig/ dug gsum dam nas sku gsum tshig/ dug lnga dam nas ye shes tshig/ de ltar cig gis cig tshig kyang // snying po gyur dang tshig pa med// ces gsungs so/ snying po rin po che thams cad cig pa'i rgyud las/ dam tshig gi le'u ste bzhi pa'o// // de nas yang dag bshad bya ba// nyon cig rdo rje rnal 'byor ma// snying po rang byung dkyil 'khor ni// phyi nas dkyil 'khor gang bris kyang // sems dpa'i dkyil 'khor bum pa cig yin no// snying po brda'i dkyil 'khor dang // sems dpa'i ting 'dzin dkyil 'khor dang // rang bzhin snying po'i dkyil 'khor gsum// rang byung hUM gi dkyil 'khor cig/ phyi ltar chod pa'i dkyil 'khor ni// phyi nang dkyil 'khor gang bris kyang // sems dpa' dkyil 'khor gsal 'debs yin// sems dang ting 'dzin gang bsgom kyang // snying po 'od kyi gsal 'debs yin// snying po rang byung chos nyid hUM// dkar dang dmar dang 'thing dang ljang
- 6a
ser dang 'od gsal kun gyi bzhi// sku gsum sku lnga ye shes hUM// 'khor ba rnam gsum snying po cig/ bum pa dkyil 'khor rtsa ba ste// brda'i bum pa mtshon pa'i chos// rtags kyi bum pa snying po'i sten// don gyi bum pa snying po hUM// dkyil 'khor bum pa snying po hU~M// chos min skye dang rdzogs pa min// ye nas dkyil 'khor rang byung yin// snying po'i dkyil lnga 'gyur 'dod hUM// chos las ma byung rang byung hUM// dkyil 'khor chen po rang byung hUM// ces gsungaso so// snying po rin po che thams cad cig pa'i rgyud las/ dkyil 'khor gyis le'u ste lnga pa'o// // de nas yang dag bshad bya ba// nyon cig rdo rje rnal 'byor ma// snyen pa'i dkyil 'khor spel ba ni// snying po rig pa'i dkyil 'khor min// brda' brtags sgra don bshad pa ni// snying po rang byung nye bar bskyer// dang ldan lus srog gtong phod can// snying po nyid la bsnyen pa yin// lha sgom spyod pa dge ba bcu// snying po'i don la bsnyen pa yin// rtsa rlung thig le gsal stong bde// snying po nyid la bsten pa yin// 'gyu ba dran par rang byung shes// dran pa 'dzin pa yengs pa med// chags
- 6b
pa nyams la 'phel 'grib med// nye bar bsnyen pa'i snying po cig/ rang byung snying po chos nyid hUM// brda' bstan snang ba'i zhen pa log/ yul snang med pas srog dang bral// rtag bstan tshogs drug rang gzugs// grol las rlung ngo sbrang ye shes shes// sgyu ru bstun pas ming med sgra// gang snang ming rtags snying po'i dge// chos nyid don dang rtag tu sgrogs// bsnyen pa'i bsnyen pa nye bsnyen pa// rang byung rang shar basbyin pa cig/ rang snang rang 'bar bsnyen pa cig/ ngo bo nges tshig dbye ba'i dpe// bsnyen pa gsang gis bsnyen cig po// ces gsungs so// snying po rdo rje rin po thams cad cig pa'i rgyud las// bsnyen pa'i le'u ste drug pa'o// de nas yang dag bshad bya ba// nyon cig rdo rje rnal 'byor ma// sgrub pa sgrub chen snying po cig/ snying po don gyi gzhi ma la// gtan la 'bebs pa sgrub pa yin// brda' bstan snang ba phebs pa yin// rtags bstan gnas lugs gtan la phebs// sgras bstan thos pa gtan la phebs// de ltar snying po don du cig/ rang byung ye shes sgrub pa cig/ chos nyid snying po rang byung hUM// brda' rnams bstan pas snang ba rtogs// rang byung rang snang yul med rtogs// rtags su bstan pas gang zag rtogs// rnam shes chos kyi bdag las grol// sgra ru bstan pas tshig tshogs grol// thob pa'i sgrub rtags ming med rtogs// sgrub pa chen po zhes bya yin// rtsob med re rigs hUM sa chos/ snying po chos med rang byung hU~M// sgrub pa'i sgrub pa chen po cig/ ces gsungs so// snying po rdo rje rin po che'i rgyud las// bsnyen pa'i sgrub pa'i le'u ste bdun pa'o// / de nas yang
- 7a
gyu/ gyu ma/ sa smras byed/ sgyu nga smra spang bas sa sa med/ rgyug dbang dang drag po rnams// snying po ma 'gags 'byung bas byed// 'gyu ba rtsal gsum rang chas yin// 'gyu ba yid rtsa snying por chod// nyon mongs chags sdang zhi bar byed// nyon mongs dug lnga rang zhi bas// rig pa ye shes rgyas par byed// rang byung 'gyu ba dran pas 'thul// rang byung rig pa rang rtsal dbang // dbang rang thob pas thegs chags med// drag po mngon spyod bya ba 'grub// 'phrin las bzhi'i snying por cig/ las kun snying po hU~M gis byed// sangs rgyas kun gyi snying po che// chos sku dngos med rtsol bral hUM// rtogs pas 'khor ba thams cad zhi// zhi ba'i 'phrin las snying por cig/ snying po 'od gsal longs spyod sku// yon tan/ ye shes skra lnga rgyas// rgyas pa'i 'phrin las snying po cig/ snying po 'gag med thogs med hUM// 'gyur ba rlung chen thogs chags med// yul snang tshogs kun sgrol byed sbyor// drag pos 'phrin las dpa' bo cig/ 'gyus dran 'dzin chags zhi dbang rgyas// drag po zang tal dpa' bo cig/ bya ba'i las grub ye shes cig/ 'phrin las chen po'i snying po cig/ ces gsungs so// snying po rin po che thams cad cig pa'i rgyud las// 'phrin las kyis le'u ste brgyad pa'o// // de nas yang dag bshad bya ba// nyon cig rdo rje rnal 'byor ma// mchod pa'i snying po cig pa ni// 'dres shing
- 7b
dbyer med gnyis su med// snying po 'gro kun sangs rgyas la// til dang mar bzhin dbye ru med// gzhi cig snying po'i mchod pa cig/ bzhi dang ras tas gnyis su med// 'khrul pa las kyi chos pa cig/ snying po 'gyur dran 'dzin chags dang // 'khrul pa rang ldog chod pa cig/ rtsa rlung thigs le rang byung hUM// gsal stong 'gag med mchod pa cig/ sku gsung thugs dang yon tan las// snying po ye shes mchod pa cig/ bla ma yi dam mkha' 'gro hU~M// snying po ches med bla na med// bla ma slob dpon mchod pa cig/ snying po yi dam sku lnga gsal// yi dam rang byung mchod pa cig/ snying po rang byung 'gyur ba 'gro/ gnyis su med pa mchod pa cig/ chos ma ni snying po'i klong du cig/ 'khor 'das kun rdzob don dam cig/ 'di ni mchod pa chen po cig/ ces gsungs so// snying po rdo rje rin po che thams cad cig pa'i rgyud las mchod pa'i le'u ste dgu pa'o// de nas yang dag bshad bya ba// nyon cig rdo rje rnal 'byor ma// rnal 'byor snying po dnga'o cig/ bla med snying po chos min la// blo dngos rnal ma snying po 'byor// bla med rnal 'byor chos sku gcig/ snying po ye shes rnal ma 'byor rang 'byung longs sku rnal 'byor gcig/ 'gyu ba ye maud rnal ma 'byor// 'gag med sbrul sku rnal 'byor cig/ snang ba sna tshogs rnal ma 'byor// srog dang snying po rnal 'byor cig/ rgyu la gnyis med 'bras bu cig/ snying po'i don la 'byor mo 'byung // chos med chos sku rnalam 'byor// snying po hUM gi rnal 'byor yin// cig ni kun gyi rang bzhin ste// du ma rang 'byung gangam ngag yin// du ma ra cig ma rtog san// rnal ma'i don la 'byor mi srid /
- 8a
@ming gi rnal 'byor grangs med de// don gyi rnal 'byor shin tu dka'// chos min klong du chos can 'byor// don dam klong du kun rdzob sbyor// cig med klong du ma sbyor dang // ming med klong du tshig ni sbyor// sku med klong du snang gzugs sbyor// rgyu med rkyen me snying po gsal// 'khor 'das gnyis med ye shes sbyor// snying po rang byung rnal 'byor cig/ ces gsungs so// snying po rdo rje rin po che thams cad cig pa'i rgyud las rnal 'byor gyis le'u ste bcu pa'o// // de nas yang dag bshad bya ba// nyon cig rdo rje rnal 'byor ma// snying po chos min sngags cig ni// sngon du gyur pas gsang sngags don// snying po rang byung rang chos gsang // sngags 'di don de gsang bas na// gsang sngags zhes par nga 'chang // snying po kun khyab chad pa med// 'das dang ma byon da lta med// 'gro drug 'khrul pa rigs cig ste// rigs sngags zhes pa nga 'chang ngo/ snying po 'khor 'das ya ma chad// dper na gser dang gzugs brnyan 'dra// bde gshegs snying po 'gro kun khyab// gzugs sngags zhes pa nga yis bshad// snying po 'khor 'das ya ma chad// dper na gser dang sngags cig yin// gsang sngags don gyi ngo bo ni// shes rab snying rje gnyis su med// rigs sngags dag gi ngo bo ni// shes rab ye shes gnyis su med// gzung sngags dag gi ngo bo ni// shes rab ting 'dzin gnyis su med// snying po don du sngags gsum cig/ shes skyob phyir na sngags bcas bya// snying po rang byung sngags la ni// gzhi nas bag chags sel ba dang // ma rigs rtogs pa sel ba dang // 'phrul 'byung
- 8b
nyon mongs sel bar cig/ rang byung snying po sngags cig yin// ces gsungs so// snying po rdo rje rin po che thams cad gcig pa'i rgyud las/ snying po don gyi sngags bstan pa'i le'u ste bcu gcig pa'o// / de nas yang dag bshad bya ba// nyon cig rdo rje drag mo khyod// snying po chen tshe phyag rgya ni// snying po dus gsum 'gyur ba med// phyag rgya chen po ngo bo cig/ snying po chos las 'das pa med// phyag rgya chen po'i nges tshig gcig/ phyag rgya bzhi dang rtsa lnga hU~M// chos dang bral ba'i snying po hU~M// chos sku phyag rgya chen po cig/ snying po chos las ye shes lnga// dam tshig longs sku'i phyag rgya cig/ rang byung rang sbrul 'ga' pa med// sprul sku chos kyi phyag rgya cig/ snying po cig 'byung rang 'gyu snang // sna tshogs las kun de yi byed// ma rig ye shes 'khor 'das las// snying po las kyi phyag rgya cig/ snying po phyag rgya kun gyi gzhi// nam mkha'i bdag po sna tshogs ston// snying po'i dpe ni nam mkha' bzhin// phyag rgya'i dpe ni rgyal ba'i bka'// rgyal btab de las mnga' mi srid// gsang sngags snying po ye shes yin// 'gag med shes pa shes rab yin/ snying po chos med 'gyur med kyang // thugs rje phyag rgya 'gag med cig/ 'gyu ba rlung gi ye shes na// ma rigs nyon mongs chags sdang chags// chos med rgyal las ma 'das so// 'gyu ba rlung gi gti mug ni// rang rig ye shes rang grol phyag/ snying po chos can rgyal mthums// de bas chos can chos nyid cig/ cig la las su rung bar bgyi// ces gsungs so// snying po rdo rje rin po che thams cad cig
- 9a
pa'i rgyud las phyag rgya'i le'u ste bcu gnyis pa'o// / de nas yang dag bshad bya ba// nyon cig rdo rje drag mo khyod// snying po don gyis gsang rgyud ni// don gyi rgyud dang tshig gi rgyud// snying po rang byung klong na cig/ sangs rgyas kun gyi snying po che// bde bar gshegs pa'i thugs rgyud de// khams gsum snying po 'gro drug khyab// don rgyud chen po khyad par med// snying po rang byung gsungs tshig bzhi// rdo rje hUM ste hUM zhes sgrogs// sangs rgyas kun gyi skad du hU~M// tshug rgyud snying po khyad par med// sangs rgyas sems can 'brel pa hU~M// hU~M gi klong du chos kun rdzogs// rdzogs pa'i klong na kun ka tshang // snying po klong du chos kun 'khrul// rang byung hU~M la phun sum tshogs// lha sgom spyod pas dbang la sogs// snying po rgyud kyi lnga tshang cig/ chos sku longs sku sprul skur rgyud// rdo rje 'chad gsum rgyun ma chad// sangs rgyas sems can gnyis su med// gnyis med gnyis su med par ston// 'khor 'das gnyis po rgyun ma chad// rgyud chen snying po kun gzhi cig/ ces gsungs so// snying po rdo rje rin po che thams cad cig pa'i rgyud las/ rgyud kyi le'u ste bcu gsum pa'o// / de nas yang dag bshad bya// nyon cig rdo rje drag mo khyod// spyi lung snying po rang byung bstan// bla med snying po'i spyi gzhi 'di// lung chen kun gyi lung dang cig/ lung ni zin sla khyer bar bde// rang byung snying po spyi chos hUM// gang gi sgo nas 'jug spyod kyang // spyi chos 'di la bsten te
- 9b
spyod// lung ni yid ches tshig yin te// tshig sgo thams cad hUM las byung // nges par smra ba brdzun gyi tshig/ cig las thams cad smra ba hUM// smra bar mi byed rgyu med phyir// gang snang 'khrul pa yin byas cho ga/ ming med yul dang bral bas chog/ ming med yul dang bral bas na// nyes pa lung du de zad dang // don gyi lung dang tshig gi lung // don gyi lung ni snying po'i gzhi// mi 'gyur chos min snying po hU~M/ tshig gi lung la bsam mi khyab// dran don nges don mdo rgyud sogs// theg pa phyi nang ston pa'i dka'// zhal nas gsung ba dam pa'i ches// rang byung snying po bkyer bar bde// rang byung dpa' bo kun nas 'brel// zin pa bskal bkyer ba bde lung // rgyal po'i bka' dang snod bshad lung // mtshon pa dpe ru shes par gyis// don mtshon yid ches lung zhes bya// bde gshegs dgongs pa'i thugs rje nas 'gro drug sdug bsngal nyon mongs kun// las med rnam smin cir yang snang // snying po don cig 'gyur ba med// brgyal dang ra ro bag med kyang // snying po rang bzhin 'gyur ba med// dper na gser dang gzugs rnyan 'dra// snying po lung cig gang yang med// ces gsungs so// snying po rin po che thams cad cig pa'i rgyud las/ lung gi le'u ste bcu bzhi pa'o// // de nas yang dag bshad bya ba// nyon cig rdo rje drag mo khyod// snying po den gyi man ngag ni// lo rgyus rtsa ba tshig don dang // oM ga dgos chas lnga po tsog/ rdo rje 'chang dbang dang po'i bar// rigs 'dzin bla ma 'dzub tshugs bstan//
- 10a
lo rgyus yid ches snying po cig/ rtsa ba snying po rang byung bas// chos can chos nyid 'khor 'das dang // phyi ba nang pa theg pa'i sgro// snying po'i gzhi las gyes mdo cig/ tshig don snying po byin rlab dang // rdo rje 'chang gsum bshad lugs dang // mtshon byed tshig gi snying po bstan// rang byung snying po'i gdam ngag cig/ yi ge don gyi snying po bstan// rang zag pa la gshan dbye ba/ snying po 'di ru chos nyid cig/ rtsa ba'i snying po rang byung cig/ rgos chen kun gyi spyi gzhi 'di// 'gro drug theg pa kha 'thor nas// bsdu ba'i don du rang byung hU~M// 'khrul pa bzlog pas snying po cig/ don gyis snying po spyi gzhi 'di// khong nas gab pas don 'byin pa// nyag gcig snying po bstan pa yin// rdo rje 'tshang ba gsum mdzod 'di// tshig gis don la sbyor// zhal nas gsung ba'i rgyud lung kun// ma nor don la khrigasu btab// gsal 'debs yi ge rigs su bkod// tshig don gsal bar byed pa yin// tshigs chung don che snying po 'di// gang dang ci yang las rung bas// nges tshig gtan tshig snying po hU~M// bla ma slob bu ma bu 'dra// spyir na rgyud lung gdam ngag gsum// rje dang blon po 'bangs gsum 'dra// bla ma'i rgyud pa bar ma chad// de'i lung thob bka' bzhin bsgrub// bum pa'i chu bzhin gdams ngag thob// de la bstan pa yang thob bo// de'i snying po de bas na// snying po don gyi man ngag cig ces gsungs so// snying po rdo rje rin po che thams cad cig pa'i rgyud las// man
- 10b
ngag gi le'u ste bco lnga pa'o// / de nas yang dag bshad bya ba// nyon cig rdo rje drag mo khyod// snying po don gyi lta ba ni// ci yang yin no gang yang rung // phyogs dang bral bas nam mkha' 'dra// snying po rang byung blo yangs pas// dgag sgrub med pa'i chos ming yin// yul med ming med cig kyang med// rang byung rang snang rtsol sgrub med// gsal med stong med chos las 'das// snying po hUM gi lta ba cig/ thig le nyag gcig snying po rang // gang snang grogs su snang bar bya// rin chen 'phrul gyi snying po bsgom// ma yengs gnang du hUM dang 'grogs// phyi rlung sdom pa nang rlung bzung // lus srong yan lag snying kha mkhal// dkar dmar rlung sdoms tshangs bug sdom// mkha' l-i 'bru tshug btsan thabs snang // rdo rje pad+ma rtsa kha nas// dkar dmar ra tsa 'du ti tsau// mdud pa ldan sgo theb lnga// phyed par byed na 'dris par bgyis// gyen dang thur dang thad ka dang // lha ltangs zhi khro sems dpa'i gnas// ma tshad gzhu dang theg pa ste// ya nga g.yangs dang bcas par tshud// 'gyus dran 'dzin chags yengs pa med// gang snang gang 'gyur lam slong zhing // gnyid dang ra ro g.yeng ba kun// khyad par med na bsgom pa cig/ rang rang nyams myong nga rgyal gnod// dge sdig 'khrul chos lam du long // bar med 'phro med 'bral sa med// tshogs drug 'ding pa'i ri mo ltar// chags sdang dgra gnyen nges mi 'dzin// skyes bu nad kyis gzing ba 'dra// bu bzhin ma'i sems les bzhin// yengs pa
- 11a
med na spyod pa cig/ ces gsungs so// snying po rdo rje rin po thams cad cig pa'i rgyud las/ lha bsgom spyod pa'i le'u ste bcu drug pa'o// / de nas yang dag bshad bya/ nyon cig rdo rje drag mo khyod// snying po chos min grub mtha' cig/ sku gsum tshes sku'i ngang du cig/ 'byung ldan na mkha'i ngang du cig/ sangs rgyas thams cad dgongs pa cig/ dper na rgya mtsho chu bran 'dra// gdul bya'i don du skur bstan pa// rgya mtshor gza' skar shar ba 'dra// rdo rje 'chang gsum chos min sku// thams cad 'dus pa'i 'bras bu cig/ yul snang yangs pas ye shes rgyas// rang rigs ye shes chos kyi sku/ dang po'i rdo rje 'chang du grags// rigs pa'i chos med chos kyi sku// mdzad pa med pa'i byin brlabs ni// rtsol ba med par sku nyid byung // thig le chos min longs spyod sku// so so rigs kyi 'bras bur ldan// sku lnga ye shis sgyu mar snang // 'od gsal rigs lnga mtshon rdzogs sku// rdo rje 'tshong bar ba ma yin// don gnyis gzigs kyang shes bya'i 'phreng // 'od zer dpag med yum dang sros// ma skyes yongs rdzogs dkyil 'khor cig/ sna tshogs chos min sprul pa'i sku// sku gsung thugs kyi 'bras bur snang // rang byung rang snang ye shes sku// sna tshogs sprul pas sna tshogs 'dul// rdo rje 'chang ba tha ma ste// mdzad pa'i las rnams 'gro don byed// gang la cis 'dul sprul pa'i sku// sku gsung thugs kyi 'bras bur snang // rang byung snying po dpal la hUM// snying po ti li dang mar bzhin du// yongs la khyab pa'i sgra sgrogs te// rtsa rlung ye shes rang byung ston// snying po grub pa'i mtha'
- 11b
cig yin// ces gsungs so// snying po rdo rje rin po che thams cad cig pa'i rgyud las grub mtha'i le'u ste bcu bdun pa'o// / de nas yang dag bshad bya ba// nyon cig rdo rje drag mo khyod/ snying po chos min sku gsum las// thugs rje yas 'byung bstan pa ni// dper na ston kha'i nyi ma sprin dang chas// byin gyis rlabs kyis 'byung ba yin// lus dang yan lag nyid log bzhin// lus dang dbang po rnam shes 'dra// snying po chos min rdo rje 'chang // g.yos pa med pa'i mya ngan 'das// mdzad pa med pa'i byin brlabs 'byung // longs sku 'od dang sprin dang yang // sprin 'das 'od gsal yan lag lnga// thig le chos min rdo rje 'chang // g.yos pa med pa'i mya ngan 'das// mdzad pa med pa'i byin rlabs 'byung // longs sku 'od dang sprin dang yang // sprin 'das 'od gsal yan lag lnga// thig le chos min rdo rje 'chang // sbrul sku char zer nying lag 'dra// gang la gang mos tsos 'dul bzhin// 'phrin las 'gro don sna tshogs mdzad// thig rnams chos sgo rdo rje 'chang // lus ngag yid gsum dge bcu mdzad// yi ge 'bri klog la sogs te// rgyu dang ye shes tshogs la bskul// dbang po rab 'bring tha ma la// rang rang blo dang sbyar te 'khrid// bla med snying po yang gsang 'di// de la bdud bzhi bsnyen bsgrub bzhi// dam tshig rnam gsum sku gsung thugs// yan lag bcu gnyis gsang sngags don// 'phrin las rnam bzhi 'gro ba'i don// mchod pa'i bye brag phyi nang gsum// bsgrub pa'i khyad par theg pa'i khyed// snying po rnam gsum bsdus rgyas dang // sku gsum bsgrub pa'i 'bras bu
- 12a
dang / lnga ldan gsum ldan cig ngo sprod// srog dang snying po mthar thug yin// sprul pa'i 'khor lo sna tshogs 'chang // sku gsum 'gro don mtha' la skyel// ces gsungs so// snying po rdo rje rin po che thams cad gcig pa'i rgyud las/ thugs rje dge bcu rang bzhung gi le'u ste bco brgyad pa'o// / de nas yang dag rdo rje drag mo dang // mkha' 'gro'i tshogs dang sems dpa' bzhis// rdo rje 'chang la 'di skad gsol// kye kye ston pa rdo rje 'chang // 'og min 'dus pa'i 'khor rnams la// snying po dpa' be tshig bsgrub dang // mkha'agro'i ma mo brgyud mtshan dang // bstan 'char dus dang gtad pa gsungs// rdo rje 'chang gis bka' stsal pa// nyon cig 'dus pa'i khor tshogs khyed// dpa' bo tshig bsgrub nga yis bstan// maN+Dal cig dang bum pa cig/ gtor ma cig dang rag ta cig/ bdud rtsi cig dang mar me cig/ shes rab can gyis/ sgrub pa gyis// bkra shis dben pa'i sa phyogasu// dang po bla ma mnyes byas la// maN+Dal khrag gi chag cha gang ba// zlum po sgo bzhi pho brang cig/ rang byung hUM bris mtshon lngas bskor// rdo rje 'chang gi dkyor chag/ bum pa mthing ka 'od kau dang // sman dang dr-i dang rin po che// snying po 'bru dang phan pa cig/ kha rgyan rtsa cig lo ma yin// lnga sgril gzungs thag cig brtags te// gtsang ma ras kyis 'gul cing la// maN+Dal pho brang dbus bzhag/ mtshan ldan ya rab thod pa rung 'bru ba shos shi chen gtor ma cig/ khrag tshon me tog 'thing kas brgyan// dkyir de yi g.ya su bzhag/ bud med mtshan ldan thod pa ru/ na chung rdol pa'i mngal khrag dang // skyes pa dar ma'i khrag dang ni// lce spyang khrag ni rab
- 12b
yin te// khrag sna snyed tshad tha ma'o// maN+Dal de'i g.yon du bzhag/ thod pa rin chen bum pa ru// sum bris 'bru'i khu ba le// bdud rtsi sman mchod rtsal la ni// sgrub pa dag gi mdun du bzhag/ drag po lcag kyi skong bu ru// pho mo dar ma'i zhun lugs la// ro ras dri med sdong bu bzhugs// stegs mtho bum pa'i rgyab du bzhag/ tshogs dang mchod rdzas ldan pas bsgrub// thams cad 'dus pa kun gyi las// chos min snying po rang byung 'di// chos sku'i zhal gzigs longs spyod gsal// sbrul skur lung ston 'byung bar nges// dpa' bo tshig sgrub de ltar sgrub// ces gsung so// snying po rdo rje rin po che thams cad cig pa'i rgyud las// rang byung tshig sgrub kyi le'u ste bcu/ dgu pa'o// / de nas yang dag bshad bya ba// nyan cig rdo rje drag mo khyod// pho sgrub mo sgrub khrag gi dbye// sngags ni rdo rje pho mo rang rang 'dzag/ dpa' bo tshig 'dzab lnga po ltar// mkha'agro'i gling rnam pa lnga mo ltar sgrub// byi ltar dkyor brda' ru bstan// nang ltar rtsa rlung thig le'i chos// gsang bar 'gyu ba tshig dang bya// rang byung lus kyi dkyil 'khor la// pho mo yab yum mtha' dag rdzogs// snying po 'gyur ba rang byung la/ 'khor 'dis ye shes nyon mo 'byung // nyon cig mkha' 'gro ma mo khyod// nam mkha' stong pa'i klong yangs lo// 'byung ba bzhi po 'gro bar byed// kun gyi gzhi ma na mkha' yin// don gyi snying po 'di la sbyor// spyi gzhi lus kyi khog pa la// yan lag dbang po rnam shes 'gro kun gzhi ma mo rtsa dang rlung // snying po 'gag med rang la sbyor// spyi gzhi snying po mkho' chen la// gzhi rlung 'gyu ba 'gag med 'gro/ gang la thol med ma thog rang /
- 13a
yang dag la zla mkha' 'gro yis// 'byung ba ma mo mkha' 'gro yi// 'byung ba ma mo mkha' 'gro yin// sa chu me rlung ma bran 'da'// spyi gzhi mkha' la kun bzhi mo// 'byung ba lnga ni ma mo yin// srid pa'i rgyal mo ma mo che// me mo 'bum sde grangs med kyang // sman mo lnga bcu brgyad du 'dus/ de yang mkha' 'gro sum cu gnyis// de las dbang phyug nyi shu brgyad// rje mo bcu bzhi yum chen drug/ mkha' 'gro sde bzhi srid pa'i rgyal// srid pa'i rgyal mo'i zhal mthong na// snang srid ma mo thams cad gzigs// phyi ltar ri rab gling bzhi'i mtshon// nang du rtsa rlung thig le'i 'od// sman mo lnga bcu rtsa brgyad kyang // 'khor lo rtsa bdud rnam lnga la// rtsa 'dab brgyad brgyad steng 'og gnyis// mtha' gnyis med pas lnga bcu brgyad// lus kyi 'khor lo spyi bo mkha'// gyes pa rtsa 'dabs sum cu gnyis// mkha' 'gro sum bcu rtsa gnyis rlung // mkha' 'gro ma yi cha 'dzin no// rgal tshigs nyi shu rtsa brgyad
- 13b
ni dgyes pa rtsa rlung thig le zhugs// dbang phyug nyi shu rtsa brgyad do// ma dang dza dang b+h+yo ru gnas// mgrin pa longs spyod thabs zhes bzhag/ bcu bzhi rtsa dang ma dran hUM/ ye nas snying po kun skyed byed// jo mo bcu bzhi'i tshul du gnas// rnam shes tshogs drug brtsi tshul du// mtshan nyid 'dzin pa hUM las ma// yab la yum ni bgyes byed 'dra dbyings kyi yum drug tshul du gnas// snying nas rtsa bzhi yig 'bru bzhi// dngas ma 'od kyi gdangs su gnas// thig le hUM las snying po ma/ rlung gzhi 'ong dang chas nas 'gro/ snying po rang byung hUM las srid// srid pa'i rgyal mo kun 'dus ma// spyi gzhi snying po hUM gi bzhi// sna tshogs chos rnams srid pa yin// ces gsungs so// rdo rje snying po rin po che thams cad cig pa'i rgyud las/ mkha' 'gro ma'i le'u ste nyi shu pa'o// /
- 14a
@#/ de nas yang dag bshad bya ba// nyon cig rdo rje drag mo khyod// sde brgyad lha srin snying po'i rtsal// 'byung ba 'byung phran na mkha'i klong // chos sku snying po kun bzhi la// longs sku rang 'byung 'gag med gdangs// sbrul sku rang snang sna tshogs ston// thub drug srid pa'i bon chos sman// mo bzo lha srin drug tu sprul// gdul bya re re mngon rtags bstan// skul 'drebs lha srin sde brgyad ni// gling gzhi ri rab rgya mtsho kun// phyi sten rang rang 'thun tshes sten// brda' ru phyi rabs rjes 'jug la// yang dag snying po yin phyir bsten// gdul bya phyi ltar dgyes pa yin// lus dang rnam shes don snying dang // yan lag rtswa rlung nying lag dang // nang rten rang rang chos 'thun yin// ris drug thub drug lung la gnas// spyi bo rtsa gye nye dbang lha// sum bcu rtsa gnyis rgya spyi gtsugaso// lha dang thub pa bsam pa ste// lus kyi ri rab rtswa dang mthun// mgrin pa rtsod pa'i sgra ldan na// lha min thag bzangs bcas ba yin// snying gi ri rab rtsa bzhi gling // nga rgyal dge sdig shAkya mi// lte ba sred pa rgya mtshon// sna tshogs byol song seng ge rta// gsang ba 'dod chags sgrib pa'i yul// 'di dag kha 'bar chos 'thun yod// yan lag dbang bo smon shes la// zhe sdang rab 'byor rang sgeg yul// 'dod yon chags cig cha grangs dang / rang la rang song glang mgo srid// lha dang klu dang gshin rje rlung // bza' dang rgyal po bdud dang bcan// srin po gnod sbyin ma mo rnams// ming dang tha snying don du hU~M// spyi bani snying po rang byung ngo // mig dang na bsna dang lce// lus dang yid dang rnam shis dang // kun gi zhi rnam shes tshogs brgyad dang // mtshan 'dzin pang gnas de brgyang // sten
- 14b
la lus kyi spyi gzhi la// don gnyis lnga dang rtsa rlung khrag/ sde brgyad dngos por yod pa ste// mkhal ma klu'i mkhar yin ste// chu rtsa brgyad mtsho chen po'i gnas// 'tsher ba bdud kyi gnas yin te// lhag pa bdud rtsa nag bo gnas// mo chen pa brgyan dang gshen rje'i mkhar// khrag tshe srog pa rtswa dang 'grel// spo ba gnod sbyin ma mo'i 'khor// las rlung thugs dang 'brel ba'i rgya// snying ni bza' dang rgyal po'i mkhar// kun khyab rgyal po 'gyu ba'i rtsa// rgyal po kar nag gnyis yin te// snying snying kar mthing gnyis la gnas// snying rtse gza' yi rlung rtsar 'brel// lha dang khyab 'jug klu dang ma mo// dbang du bsdu ba shin tu gces// lha ni dbang phyug chen ba s+thA/ 'gru ba dbang phyug dbang du bgyis// dran pas dbang du 'dus pa yin// bad ni tshangs pa khyab 'jug ste// yid dang 'gyu ga khyab cing 'jug/ rang byung slong po shas tshangs// tshangs pa'i zug 'grongs nA 'chang // gru rgyal nor du rin chen ni// 'dod pa'i yon tan thams cad 'byung // snying po nor bu rin chen 'dra// rang 'byung 'od kyis ngo shes na// 'dod pa'i don 'grub rin po che// rdo rje pad+ma 'byongs na phan// gzhi la snying po hUM yin pa// srid pa'i rgyal mo ma mo'i gtso// mkha' 'gro bzhi ni rtag tu 'khor// 'khor ba'i dbang du bsdu ba ces// chos nyid gzhi ma snying po mkha'// na mkha'i klong bzhin 'gyu ba 'gro/ nam mkha' shugs 'gro dran pa sogs// 'dzin pa bzungs 'dzin teng 'dzin gnang // chags pa rang 'dod nyams myongs gnang // dran pa yengs ming spyod pa gnang // 'gyu b.rang byung ste stangs gnang // gnang ba ni shes pas lha sgom spyod// gzang bzhi thob pas ma khar 'gro dang // dang
- 15a
@bzhi thob pas 'phrang bzhi gsol// 'phrang bzhi sol bas 'khor bzhi grol// 'khor bzhi grol bas bdud bzhi 'thul// bdud bzhi 'thul bas ye shes bzhi// ye shes rang byung chos kyi dbyings// srid pa'i rgyal mo'i zhal ngo gzigs// dbang phyug chen po dbang du bsdus// tshangs pa chen po'i lung ston gnang // dga' bo 'jog po'i nor bu thob// rig drug g.yang sa de ru chod// 'da' gcan 'phrang de ru bsgral// 'jigs pa'i bdud bzhing du choms// sde brgyang tsho 'phrul de ru zad // sring de'i bon la gyengs med// dam pa'i chos la bsha sa med// 'tsho byed sman la bcos sa med// mthong byed mo la lnga sa med// so nam bzo la byas med// sde brgyad 'dre yis gnod sa med// shes pa brgyad pos rtogs pa 'chang // bdag rigs gzhan rigs thams cad rigs// 'byung ba snying po chos las grol// ces gsungs so// snying po rdo rje rin po che thams cad cig pa'i rgyud las// sde brgyad rang grol gyi le'u ste nyer cig pa'o// / de nas yang dag bshad bya ba// nyon gcig rdo rje drag po khyod// de'i gdams pa'i chos rgyud 'di// 'byung ba'i rgyal po na mkha' 'dra// rgya 'chang phyogs su lhung ba med// rgya mtsho chen po dpe dang 'dra// zab pa ting thag chod pa med// za 'og par khyim phug pa 'dra// cig la ma 'dres kun ka gsal// med par sna tshogs ston par byed// nor bu rin chen 'chang ba 'dra// thams cad mi 'byung gang yang med// rin chen gser gyi gzugs dang 'dra// gzhi la 'gyur med sna tshogs gzugs// rin chen gling du phyin pa 'dra// bor du rung ba gang yang med// 'phrul gyis me longs g.ya' dag 'dra// yod dang med pa snga phyigs la//
- 15b
gzung can dan dug dang 'dra// mkhas na sman tes rig dag/ brda rtags sla ngon rnam bzhi yis// chos nyid shig thogs 'dzub bzhag 'dra// gcig par bstan pa'i gdams ngag 'di // zangs kyi sbubs su chung cung 'dra// gshor gyi nang du rlung rtsud 'dra// thig pa bzhin du cig stongs cig/ bya brgya thal mo cig gis phur// ro la brgya shal cig gis su bas// brgyad khri bzhi stong chos nyid cig/ cig du bstan gyis legs par rtogs// cig bar bstan pa'i gsang rgyud 'di// chos can thams cad chos nyid cig/ gcig por 'khor 'das snying po cig/ snying po khyab ces rgyun du bzung // dpa' bo cig po rdo rje hUM// cig po 'gyur med thams cad 'joms// rdo rje cig pa'i brgyud du bzung // cig ni sna tshogs kun gyi bzhi// snying po kun 'byung rin po che// rin chen rang byung rgyun du bzung // 'jug sgo thag pa bsam 'das kyang // snying po chos med chos nyid cig/ thams cad hrul bsdus pas na/ 'thor ba bsdus pa'i rgyud du gzung // sangs rgyas thams cad 'dus pa cig/ dgongs pa cig pa'i rgyud du gzung // de'i dgongs pa rgyud de la bstan// dgongs pa rgyud pa'i brgyud du bzung // de yis lung blangs de dang ldan// lung blangs zab mo'i rgyud du bzung // tshangs chung bas ni don cig bstan// man ngag zab mo'i rgyud du bzung // de la de bstan de yang thob// thob pa cig pa'i rgyud du bzung // gnas kyi dang po 'og min du// mkha' 'gro drag mo khyod kyis zhus// ma rgyang mi'i rgyung du ba zung // thams cad snying po rgyud du zung // thams cad pa yi rgyud du zung // cis gsungs so// snying ba rdarje rin pa ma thams cad cig po'i rgyud las/ dpeng chung kyi don mtshan du 'grol ba'i la'u ste nyer gnyis
- 16a
pas yang sa pagang byug/ gas pa tshal tshogs kyang/ kyi mas pa chub mi / ma sa// ma rgya ring // phan ma phyi drus gling pong bstan// snying ba ngam shes rab shes mchog/ shes rab par ma byin par smras// da dzin pa yangs pa myed// bsam gartan par 'byin par smras// nam 'byung bye pa chus dbarjod// dum khrims pha rol phyin par smras// de rtogs pade sdug gang yang bzod// bzod pa'i pha rol phyin par smras// snying po zab mo de sbyin pa// sbyin pa'i pha rol tu phyin pa smos// don la gnan ngan da la brtson// brtson 'grus par ma khyen par smos/ pha rol phyin pa'i don bsdus pas// yi gcig pa'i ming gsum bstan// de ltar 'di ltar cig pa'i bskar// thams cad cig pa'i don rgyud 'di// rdo rje drag mo khyod la gtad // khyod kyang mkhar 'gro rigs la gtong // rgyal po'i sras mo las rung gyis// der gtad pa'i tshad dang 'phrad// rdo rje 'chang ba tha ma des// las 'phro cig pa'i mkha' 'gro cig/ bod yul sun pa'i rgyal khams su// gtong du 'gro bar the tshom med// de nas rims par rgyud byas nas// lnga brgya ngus pa nyeb na// thos chungab shes rab can dang ni// thos pa rdzogs pas spyong bar nges// gzhan dag smos skur smis pas so// 'di shes dus su gsang la spyad// ces gsungs nas stong pa nyid du mya ngan las 'das so// rdo rje drag mo dang / rin chen drag mo dang pad+ma drag mo dang las kyi drag mo dang / dung d+ha drag mo lo sogs pa mkha' 'gro ma rnams rjes su yi rang nas/ mngon par bsdus te mngon par bstod pa/ stong pa'i ston pa rdo rje 'chang // snying po ches min chos kyis su// byin
- 16b
rlabs 'gag med sku gnyis 'byung // rdo rje 'chang la phyag 'tshal bstod// ces bstod de/ mkha' 'gro ma'i rang skad la phyag 'tshal lnga yis brgyan te// don dril nas sgra'i mchod pa phul lo// kun tu mi spel bar 'gro ma rang grus nas bskyal lo// rdo rje drag mo khu bsdud kyi bdag mos sna med do// snying po rdo rje rin po che thams cad gcig pa'i rgyud las yongs su gtang ba'i le'u ste nyer gsum pa rdzogs so// / rdo rje drag mos sras mo go ma de bi la gnang / des pad+ma la'o// de'i rje 'bangs grogs gsum la gnang ngo // dam tshig bkong bas bzhi'i rgyud bzhugs// @#/ rgya gar skad du/ sa ma ya sa sa kradz+nyA tsa tur dzAM rat+na d+ha tan+t+ra nA ma/ bod skad du/ dam tshig bkod pa sa gzhi'i rgyud rin po che spung ba'i rgyan zhes bya ba// dpal kun tu bzang po la phyag 'tshal lo// 'di skad bdag gis thos pa'i dus gcig na/ bcom ldan 'das dpal kun tu bzang pos/ 'og min gyis gnas mchog chen po na bzhugs pa'i tshe/ dpal rdo rje sems dpa' yang ti'i chos zhus pas/ kun tu bzang pos bka' stsal pa/ snyan rgyud kyi gdam ngag rnam pa gsum ste/ sangs rgyas nyag gcig dang / dam tshig thun cig dang / dpe 'da' gcig go/ sangs rgyas kyi brda'i le'u ste dang po'o// / rdo rje sems dpas zhus pa/ sangs rgyas nyag gcig ni/ rig pa dngos med kyi ye shes la// sku gsum ka gnas ma grub po// cis long snang med pa'i phyir// brda' ni mig gi rnam par shes pa'o// don ni ye shes lnga lhun gyis grub pa'o// sma nga ni dz+nyA na ka ya'i a'o// sangs rgyas nyag gcig ni/ dgod pa la thun med pa dang / chos nyid la bar do meng pa dang / yo