'phags pa sangs rgyas thams cad kyi yul la 'jug pa'i ye shes snang ba'i rgyan ces bya ba theg pa chen po'i mdo
Āryasarbabudhabiṣayaabatāragñanālokālaṅkāranamamahāyanasutra
Text
ff. 381b–421a · 80 folio sides
- 381b
sum bcu rtsa gsum pa'i gnas dang / khang bzangs rnam par rgyal byed dang / lha'i dbang po brgya byin gyi gzugs brnyan kun tu snang ste/ de dag kyang yod pa ma yin zhing / skyed med pa dang / 'gag pa med pa bzhin du/ be dUr+ya chen po yongs su dag pa'i phyir/ gzungs brnyan yang kun tu snang ste/ de dag kyang yod pa ma yin zhing / skye ba med pa dang / 'gag pa med pa bzhin du/ be dUr chen po yongs su dag pa'i phyir/ gzungs brnyan yang kun tu snang ba de bzhin du/ 'jam dpal sems yongs su dag pa dang / bsgom pa shin tu goms par byas pa'i sems can la/ de bzhin gshegs pa'i sku snang bar 'gyur te/ 'jam dpal de bzhin gshegs pa'i mthus/ sems can rnams kyis de bzhin gshes pa'i sku mthong ba yang ma byung ba/ ma skyes pa/ dngos po ma yin pa/ dngos po med pa ma yin/ ltar snang ba ma yin/ 'di ltar mi snang ba ma yin/ 'jig rten pa ma yin// 'jig rten med pa ma yin/ sems pa yod pa ma yin/ bsam du med pa ma yin/ yod pa ma yin/ med pa ma yin mod kyi/ 'apal 'on kyang sems can rnams ni/ de bzhin gsheg ba'i gzugs brnyan la dmigs nas/ me tog kyang 'thor bar byed/ spos dang na bza' dang / rin po che dag kyang 'bul bar byed cing / tshig 'di skad ces bdag cag de bzhin gshes pa dgra bcom pa yang dag par rdzogs pa'i sangs rgyas ci 'dra ba de 'dra bar gyur cig ces brjod par byed de/ sangs rgyas kyi ye shes 'dod pa de dag sbyin pa dag kyang byed/ mum
- 382a
khrims kyang yang dag blangs te gnas shing / de dag kyang de bzhin gshegs pa'i ye shes thob pa'i phyir yongs su bsngo bar byed do// 'jam dpal 'di lta ste dper na/ bai dUr+ya chen po'i rang bzhin gyis bzhi chen po de la lha'i dbang po brgya byin gyi gzugs snang ba de g.yo bar mi byed/ sems par mi byed/ spro bar mi byed/ rtog par mi byed/ rnam par rtog par mi byed cing / rtog pa med pa/ rnam par rtog pa med pa/ sems pa med pa/ yid byed pa med pa/ zhi bsil bar gyur pa/ skye ba med pa/ 'gag pa med pa/ mthong ba med pa/ thos pa med pa/ bsnams pa med pa/ myangs pa med pa/ reg pa med pa/ mtshan med pa dang / rnam par rig pa med pa/ rnam par rig par bya ba ma yin pa de bzhin du 'jam dpal de bzhin gshegs pa dgra bcom pa yang dag par rdzogs pa'i sangs rgyas kyang / g.yo bar mi byed/ sems par mi byed/ rtog par mi byed/ rnam par rtog par mi byed cing / rtog pa med pa/ rnam par rtog pa med pa/ sems pa med pa/ zhi ba bsal bar gyur pa/ skye ba med pa 'gag pa med pa/ mthong ba med pa/ thos pa med pa/ bsnams pa med pa/ myangs pa med pa/ reg pa med pa/ mtshan ma med pa/ rnam par rig pa med pa/ rnam par rig par bya ba ma yin pa ste/ 'jam dpal de bzhin gshegs pa'i ni skye ba med pa'i gnas yin mod kyi/ 'on kyang 'jig rten na gzugs brnyan bzhin du snang zhing / sems can rnams kyi mos pa ji lta ba
- 382b
bzhin du mthong ba'i bye brag gis/ tshe'i ston par yang byed la/ yongs su smin pa dang mos pa'i stobs bskyed pas/ byang chub kyi snod du gyur pa'i sems can rnams la/ gzugs brnyan snang bar yang 'gyur te/ sems can rnams kyi bsam pa dang mos pa ji lta ba bzhin du chos thos pa yang 'gyur/ bsam pa ji bzhin du theg pa gsum du shes par yang 'gyur bsam pa ji lta ba bzhin du rnam par grol bar yang 'gyur ro// 'jam dpal 'di lta ste dper na/ sum bcu rtsa gsum pa'i lha rnams kyi bsod nams kyi stobs kyis grub pa chos kyi rnga bo che chos kyi sgra zhes bya ba zhig khang bzangs rnam par rgyal bye steng gi bar snang la 'dug cing / lha'i bu thams cad kyi mig gi lam las yang dag par 'das te/ ltar mi snang zhing / mi mthong mod kyi/ 'jam dpal 'on kyang chos kyi rnga bo che de gang gi tshe/ sum bcu rtsa gsum pa'i ris kyi lha rnams lha'i 'dod pa'i rtsed mo dang / dga' ba dang / longs spyod dag gis rtag par rgyun tu/ shas cher bag med par gyur cing / yang dang yang du lha'i mdun sa/ chos bzang gi nang na zhugs te/ chos yang dag par 'gro/ bar mi byed pa dang / 'jam dpal gang gi tshe/ lha'i dbang po brgya byin dang / lha'i 'dod pa'i rtsed mo dang / dga' ba dang / longs spyod dag gis rtag pa rgyun tu shas cher bag med par gyur cing / yang dang yang du/ lha'i mdun sa/ chos bzang gi nang du zhugs te/ chos kyi stan la 'dug nas/ chos smra bar mi byed pa de'i tshe// chos kyi rnga bo che bar snang la
- 383a
'dug cing mig gi lam las yang dag par 'das te/ ltar mi snang zhing mi mthong ba de las chos kyi sgra 'di lta bu 'byung bar 'gyur te/ chos kyi sgra des sum bcu rtsa gsum pa'i ris kyi lha'i thams cad 'di skad du grogs po dag gzugs dang sgra dang ro dang reg bya dag ni mi rtag pa yin gyis/ bag med par ma spyod cing / gnas 'di nas myur du shi 'phos par gyur ta re/ grogs po dag du byed thams cad ni/ sdug bsngal ba yin no// grogs po dag 'du byed thams cad ni stong yin no// grog po dag 'du byed thams cad ni bdag med pa yin no// grogs po dag 'di nas shi 'phos pa rnams ni yang 'dir skye bar 'gyur bar dka' ba yin gyis bag med par ma byed par/ grogs po dag chos yang dag par 'gro ba gyis shig/ chos kyi kun dga' la dga' bas dga' bar gyis shig/ chos ces par bya ba dang / chos la gzhol ba dang / chos rjes su dran pa yid la byed pa la gnas par gyis shig/ lha'i 'dod pa'i rtsed mo dang / dga' ba dang / longs spyod 'di dag dang / yang mi 'bral bar gyis shig ces smras pa go bar byed do// 'jam dpal de'i tshe na/ chos kyi rnga bo che ltar mi snang ba/ gzugs med pa/ rtog pa med pa/ rnam par rtog pa med pa/ mig gi lngas yang dag par 'das pa/ ma skyes pa/ ma 'gag pa/ tshig gi lam las yang dag par 'das pa/ sems dang yid dang / rnam par shes pa dang / bral ba de lta bu de'i sgra des/ sum
- 383b
bcu rtsa gsum pa'i ris kyi lha thams cad la yang dag par bskul bas/ de dag 'jigs pa dang / skrag pa dang / skye ba dang / yid byung bar gyur nas/ lha'i mdun sa chos bzang kyi nang zhugs te/ chos kyi kun dga' la dga' bas dga' bar gnas shing / chos gces par bya ba dang / chos la gzhol ba dang / chos rjes su dran pa yid la byed pa gnas par yang byed de/ de dag de nas shi 'phos nas khyad par du 'gro bar yang 'gyur ro// de'i tshe lha'i dbang po brgya byin yang lha'i mdun sa chos bzang gi nang du bzhugs te/ chos kyi khri stan la 'dug nas chos ston par byed do// 'jam dpal gang gi tshe lha ma yin rnams dang lha rnams dang / lhan cig g.yul spyod par byed cing / der yang gang gi tshe sum bcu rtsa gsum pa'i lha rnams pham par gyur pa de'i tshe na/ chos kyi rnga bo che de sgra 'di lta bu 'byin par byed de/ sgra des lha ma yin rnams 'jig pa dang skrag pa dang / skyo ba dang / yid byung bar gyur nas/ 'bros par byed do// da 'jam dpal chos kyi rnga bo che de la ni sgrub par byed pa dang / lus gzugs chung zad kyang med de/ 'jam dpal chos kyi rnga bo che de ni ltar mi mthong ba/ mi snang ba/ yod pa ma yin pa/ ma byung ba/ bsam du med pa/ sems pa med pa/ mtshan ma med pa/ gzugs can ma yin/ sgra med pa/ dngos po med pa/ gnyis su med pa ste/ mig gi lam las yang dag par 'das pa yin mod kyi/ 'jam dpal 'on kyang / sum bcu rtsa gsum pa'i
- 384a
ris kyis lha'i bu sngon yongs su sbyangs byas pa rnams la/ chos kyi rnga bo che de sgra de lta bu 'byin cing / sum bcu rtsa gsum pa'i ris kyi lha'i bu/ rnams kyi gnod pa dang / 'khrug pa dang / nye ba'i nyon mongs pa thams cad nye bar zhi bar byed do// 'jam dpal ji ltar chos kyi snga bo che de ltar mi snang ba/ mi mthong ba/ yod pa ma yin pa/ ma byung ba/ bsam du med pa/ sems can med pa/ mtshan ma med pa/ gzugs can ma yin pa/ sgra med pa/ dngos po med pa/ gnyis su med pa/ mig gi lam las yang dag par 'das pa yin mod kyi/ 'jam dpal 'on kyang sum bcu rtsa gsum pa'i ris kyi lha'i bu sngon yongs su sbyangs pa byas pa rnams la chos kyi rje bo che sgra de lta bu 'byin cing / sum bcu rtsa gsum pa'i ris kyi lha'i bu rnams kyi gnod pa dang / 'khrug pa dang / nye ba'i nyon mongs pa thams cad nye bar zhi bar bya ba'i phyir dgra rnas lnga yang dag par skul bar byed la/ chos kyi sgra de yang sum bcu rtsa gsum pa'i ris kyi lha'i bu rnams kyi gnod pa dang / 'khrug pa dang / nye ba'i nyon mongs pa thams cad nye bar zhi bar byed 'jam dpal de bzhin du de bzhin gshegs pa dgra bcom pa yang dag par rdzogs pa'i sangs rgyas kyang ltar mi snang ba/ mi mthong yod pa ma yin ga sa byung ba/ bsam du med pa sems pa med pa/ mtshan ma med pa/ gzugs can ma yin pa/ sgra med pa/ dngos po med pa ste/ mig gi lam las yang dag par
- 384b
'das pa/ yin mod kyi/ 'jam dpal 'on kyang sems can rnams kyi sngon gyi las rnam par smin pas/ bsam pa dang / mos pa ji lta ba bzhin du chos kyi sgra 'byung bar kun tu shes shing / chos kyi sgra de yang sems can thams cad kyi gnod pa dang / 'khrug pa dang / nye ba'i nyon mongs pa thams cad nye bar zhi bar bya ba'i phyir 'jug par 'gyur te/ chos kyi sgra skad kyis 'jig rten na/ de bzhin gshegs pa'i gsung zhes bya ba'i grangs su 'gro'o// 'jam dpal de bzhin gshegs pa ni yod pa ma yin mod kyi/ 'on kyang 'jig rten na chos kyi sgra skad gyis/ de bzhin gshegs pa zhes bya bar 'dogs par 'byung ste/ sems can rnams kho na'i sngon dge ba'i rtsa ba'i las kyi rnam par smin pas/ sems can thams cad kyis de bzhin gshegs pa las sgra 'byung bar kun tu shes so// sgra de yang sems can thams cad kyi bde ba thams cad yang dag par bskyed par bya ba dang / bag med pa rnams la yang dag par bskul bar bya ba'i phyir 'byung ste/ 'jam dpal sems can de dag gis sgra de thos nas/ 'di ni de bzhin gshegs pa'i sku yin no// snyam du/ de bzhin gshegs pa la rtog par byed do// byang chub sems dpa' las dang po pa rnams dang / byis pa so so'i skye bo thams cad de bzhin gshegs pa la/ dmigs pa'i dge ba'i rtsa ba'i yang dag par skyed par bya ba'i phyir/ de bzhin gshegs pa'i gsung yang thos mod kyi/ 'jam dpal 'on kyang de bzhin gshegs pa dgra bcom pa yang dag par rdzog
- 385a
pa'i sangs rgyas ni/ skye ba med pa dang / 'gag pa med pa dang / yin par rig par bya'o// 'jam dpal 'di lta ste dper na/ sos ka'i dus kyi/ mthar thug na/ dbyar zla ba byung bar gyur pa na/ sems can rnams kyi sngon gyi las kyi rnam par smin pas/ sa la gnas pa'i sa bon gyi tshogs dang / lo thogs gi tshogs dang / rtsi dang / shing leb dang / rtsi dang / nags tshal thams cad kun tu skyed par bya ba'i phyir/ steng gi bArla snang gi gnas la 'di 'dra ba'i rlung dag ldang ste/ des char pa bdud par byed cing bsdus nas kyi ngas bzhi chen po thams cad kun tu tshim par byed cing / de'i tshe na/ 'dzam bu gling pa'i mi thams cad kyang rab tu dga' ba dang / yid bde ba skye bar byed de// de la 'jig rten na sbyin ces bya ba'i ming du 'gyur ro// 'jam dpal gang gi tshe steng gi bar snang las char pa'i tshogs chen po mi 'bab pa de'i tshe na/ 'dzam bu gling pa'i mi thams cad 'di skad ces/ 'dir sprin mi 'khor ro zhes rjed par byed do// 'jam dpal gang gi che na/ steng gi bar snang las char pa'i tshogs chen pos bzhi chen po la 'bab pa de'i tshe na ni/ 'dzam bu gling pa'i mi thams cad 'di skad ces/ a la la'i sprin chen po ni char pa'i rgyun 'bebs par byed cing / sa bzhi chen po yang kun tu tshim par byed do// zhes kyang brjod par byed do// 'jam dpal de ni sprin yang med la/ sprin du gdags pa yang med de/ 'jam dpal sems can rnams kyi sngon gyi/ las kyi rnam par smin pas/ char pa'i tshogs chen po
- 385b
rlung gis kyang kun nas bskyed na ni/ steng gi bar snang las 'bab par yang 'gyur la/ 'jam dpal char pa'i tshogs chen po rlung gis kun nas dkrugs na ni/ steng gi bar snang de nyid du bag la zhi bar yang 'gyur ro// 'jam dpal de ltar sems can rnams kyi sngon gyi las kyi rnam par smin pas/ steng gi bar snang la char pa chen po de rlung kun nas 'khrugs pa dag gi/ char pa'i rgyun kun tu 'dzin pa 'am/ 'bebs par byed pa/ de la sbyin ces 'dogs pa 'byung mod kyi/ 'jam dpal de la ni sprin yang med/ sprin du gdags pa yang med de/ 'jam dpal sprin de ni ma skyes go ma 'gags pa/ sems kyi yul du mi 'jug pa/ 'ong ba dag 'gro ba dang / bral ba yin no// 'jam dpal de bzhin du byang chub sems dpa' sems dpa' chen po// sngon dge ba'i rtsa ba'i tshogs pa dag dang / sems can nyan thos dang / rang sangs rgyas kyi shes pa 'dod pa gzhan dag dang / sems can dge ba'i rtsa ba bskyed pa/ mya ngan las 'das pa yang dag par bstan pa'i rgyu can rnams la de bzhin gshegs pa dgra bcom pa yang dag par rdzogs pa'i sangs rgyas/ spobs pa thogs pa mi mnga' ba dang ldan pa 'jig rten du byung ngo zhes bya ba'i grangs su 'gro te/ de gang ci gsung ba de dag thams cad kyang de bzhin pa/ gzhan ma yin pa de bzhin pa yin pas/ de lha dang mi rnams kyi nang na de bzhin gshe pa'i mtshan btags pa yin te/ 'jam dpal de las lha dang mi rnams kyi nang du/ de bzhin gshegs pa'i zhes bya ba'i sgra 'byung bar yang 'gyur ro// da 'jam dpal de bzhin ma nor ba de bzhin pa/
- 386a
gshegs pa ni yod pa ma yin pa ste/ 'jam dpal de bzhin gshegs pa ni mtshan ma med pa/ mtshan ma dang bral ba/ yul na mi gnas pa/ ma byung ba/ ma skyes pata ma 'gags pa/ yin no// 'jam dpal de bzhin gshegs pa'i spobs des/ lha dang bcas pa'i 'jig rten chos kyi yang dag par tshim par mdzad cing / yang dag par 'dzin du gtsud nas byang chub sems dpa' las dang po pa rnams dang / byis pa so so'i skye bo yongs su mya ngan las 'da' bas/ 'dul ba gzhan dag gi sngon gyi las kyi rnam par smin pas/ mi snang bar gyur pa na/ de dag 'di snyam du de bzhin gshegs pa yongs su mya ngan las 'das so snyam du yang sems te/ 'jam dpal de bzhin gshegs pa skye ba yang med/ 'gag pa yang med do// 'jam dpal de bzhin gshegs pa ni ma skyes pa/ ma 'gags pa ste/ 'jam dpal de bzhin gshegs pa ni bzod ma nas yongs su mya ngan la 'das pa yin no// 'jam dpa' de bzhin gshegs pa dgra bcom pa yang dag par rdzogs pa'i sangs rgyas ni/ yod pa ma yin pa ste/ 'jam dpal ji ltar char pa dmigs pa las sprin ma byung ba ma skyes pa/ ma 'gags pa/ yod pa ma yin pa de la 'jig rten na sprin ces bya bar 'dogs pa 'byung ba de bzhin du/ 'jam dpal chos ston pa dmigs pa las de bzhin gshegs pa ma byung ba/ ma skyes pa ma 'gags pa/ yod pa ma yin pa/ bzod ma nyid nas ma skyes pa de la/ 'jig rten na de bzhin gshegs pa dgra bcom yang dag
- 386b
par rdzogs pa'i sangs rgyas shes bya bar 'dogs par 'byung ngo // 'jam dpal 'di lta ste dper na/ stong gsum 'bum phrag bcu la dbang sgyur ba'i/ tshangs pa chen po zil gyis/ mi gnon cing / zil gyis gnon par byed pa de ni/ nyin cig bzhin du/ rgyal chen bzhin lha'i ris thams cad la rnam par lta bar byed de/ 'jam dpal stong gsum 'bum phrag bcu la dbang sgyur ba'i tshangs pa chen po zil gyis mi non cing zil gyis gnon par byed pa de/ lha'i ris thams cad la rnam par lta bar byed pa de'i tshe na/ lha'i ris thams cad kyi nang na/ lha'i bu thams cad rang rang gi 'dod pa'i rtsed mo dang dga' ba dang longs spyod dag spangs te/ sil snyan dang / pheg rdog pa dang / klu dbyangs kyi sgra thams cad zhi bar byas nas/ 'dod pa'i rtsed mo dang / dga' ba dang / longs spyod yid la byed pa btang ste/ gus pa dang bcas pas thal mo sbyar nas/ tshangs pa chen po de la mig 'dzums par lta bar byed do// tshangs pa chen po de yang gnas nas mi g.yo bar lha'i bu thams cad yud tsam zhig bdag la ltar 'dzum par byed do// de'i tshe na lha'i de dag tshangs pa'i 'jig rten du skye bar 'dod cing / dge ba'i rtsa ba rnams kyang tshangs pa'i 'jig rten du skye bar bya ba'i phyir/ yongs su sngo bar byed do// 'jam dpal tshangs pa chen po de yang tshangs pa'i gzhal med khang de nas 'chi 'pho bar mi byed bzhin du/ sngon gyi smon lam gyi byin gyi rlabs dang / lha'i bu de dag
- 387a
sngon gyi dge ba'i rtsa ba bsags pa'i mthus/ stong gsum 'bum phrag bcu la dbang sgyur ba'i tshangs pa chen po zil gyis mi non cing zil gyis gnon par byed/ pa gzhan zhig gyis byin gyis rlobs par byed do// 'jam dpal sprul pa'i tshangs pa chen po de yang / nyin gcig bzhin du rgyal chen bzhi'i lha'i ris kyis mthar thugs pa'i bar gyi lha'i ris thams cad la rnam par lta bar byed de/ 'jam dpal de'i tshe na/ lha'i ris thams cad kyi nang na/ lha'i bu thams cad rang rang gi 'dod pa'i rtsed mo dang / dga' ba dang / longs spyod dag spangs te/ sil snyan dang / pheg rdog pa dang / glu dbyangs kyi sgra thams cad zhi bar byas nas 'dod pa'i rtsed mo dang / dga' ba dang / longs spyod yid la byed pa btang ste/ gus pa dang bcas pas thal sbyar nas/ tshangs pa chen po de la mig mi 'dzums par lta bar byed do// sprul pa'i tshangs pa chen po de yang gnas nas mi g.yo bar lta bu thams cad yud tsam zhig bdag la ltar 'dug par yang byed do// de'i tshe na/ lha'i bu de dag kyang tshangs pa'i 'jig rten du skye bar 'dod cing / dge ba'i rtsa ba rnams kyang tshangs pa'i 'jig rten du skye bar bya ba'i phyir yongs su sngo bar yang byed do// 'jam dpal de la ni tshangs pa yod pa ma yin te/ 'jam dpal tshangs pa de ni/ stong pa ya ma rla/ ma byung ba yi ge med pa/ smra med pa/ dngos po med pa/ mtshan ma med pa/ sems dang / yid dang / rnam par shes pa dang / bral ba ma skyes pa ma 'gag pa yin mod kyi/ 'jam dpal
- 387b
'on kyang tshangs pa'i chen po de nyid kyi sngon gyi dge ba'i rtsa ba dang / smon lam gyi byin gyi rlabs dang / lha'i bu de dag gis sngon gyi dge ba'i rtsa ba bsags pa'i mthus/ lha'i ris thams cad la ltar snang bar yang 'gyur ro// 'jam dpal 'on kyang lha'i de dag 'di snyams du tshangs pa'i chen po 'di ni sprul pa/ stong pa ya maR+Ya/ ma byung ba/ yi ge med pa/ sgra med pa/ yul med pa/ dngos po med pa/ bsam du med pa/ mtshan ma med pa/ sems dang yid dang / rnam par shes pa dang bral ba skye ba med pa/ 'gag pa med pa yin no// snyam du mi sems so 'jam dpal de bzhin du de bzhin gshegs pa dgra bcom pa yang dag par rdzogs pa'i sangs rgyas kyang / stong pa ya marA/ yi ge med pa sgra med pa/ yul med pa dngos po med pa/ bsam du med pa mtshan ma med pa/ sems dang yid dang / rnam par shes pa dang bral ba/ ma skyes pa ma 'gags pa/ yin mod kyi/ 'jam dpal 'on kyang de bzhin gshegs pa dgra bcom pa yang dag par rdzogs pa'i sangs rgyas kyi sngon byang chub sems dpa'i spyod pa'i smon lam gyi byin gyi rlabs dang / byang chub sems dpa' las dang po pa rnams dang / nyon mongs pa dang / rang sangs rgyas kyi theg pa can yang dag par zhugs pa rnams dang / byis pa so so'i skye bo thams cad kyi dge ba'i rtsa ba bsags pa'i mthus/ de bzhin gshegs pa gnas nas mi g.yo ba bzhin du mtshan brgya stong gis legs par brgyan pa 'jig rten na gzugs brnyan bzhin du kun tu snang ngo // 'jam dpal byang chub sems dpa' las dang po pa/ rnams dang /
- 388a
nyan thos dang / rang sangs rgyas kyi theg pa pa thams cad dang / byis pa so so'i skye bo thams cad ni 'di snyam du/ de bzhin gshegs pa ni stong pa/ ya marba/ ma byung ba/ yi ge med pa sgra med pa/ yul med pa dngos po med pa/ bsam du med pa mtshan ma med pa/ sems dang yid dang / rnam par shes pa dang bral ba/ skyes pa/ ma 'gag pa yin par/ mi sems mod kyi/ 'jam dpal 'on kyang de bzhin gshegs pa ni spyod lam thams cad du/ de bzhin gshegs pa'i sku mtshan brgya stong gis legs par brgyan pa las/ sems can mos pa rnam pa sna tshogs tha dad pa rnams chos ston pa chen po 'byung bar yang byed do// chos bstan pa de yang sems can thams cad kyi gnod pa dang / 'khrug pa dang / nye ba'i nyon mongs pa thams cad nye bar zhi bar 'gyur te/ de bzhin gshegs pa ni de la yang thams cad du snyam zhing / btang snyoms la rnam par mi rtog cing brag ma 'byed de/ 'jam dpal rnam grangs nges kyang 'di ltar skye ba med pa dang / 'gag pa med pa zhes bya ba de ni de bzhin gshegs pa'i tshig bla dgas yin par rig pa'o// de nas bcom ldan 'das kyis de'i tshe tshig su bcad pa 'di dag bka' stsal to// de bzhin gshegs pa rtag tu skye med chos/ chos rnams kun kyang bde bar gshegs dang 'dra/ byis pa'i blo can mtshan mar 'dzin pa rnams// 'jig rten dag na med pa'i chos la spyod// de bzhin gshegs pa zag med dge ba yi// chos kyi gzugs brnyan yin te 'di la ni// de bzhin nyid
- 388b
med de de bzhin gshegs pa'ang med// 'jig rten kun na gzugs brnyan kun tu snang // 'jam dpal 'di lta ste dper na// nyi ma'i dkyil 'khor gyi 'od zer dag ni// 'dzam bu'i gling du dang po kho nar ri'i dbang po'i rgyal po rnams snang bar byed do// de'i 'og tu ri'i 'khor yug dang // kho yug chen po rnams snang bar byed do// de'i 'og tu ri chen po gzhan dag snang bar byed do// de'i 'og tu sa phyogs mthon po dag snang bar byed do// de'i 'og tu 'dzam bu'i gling 'di'i sa phyogs dma' ba dag kyang snang bar byed do// 'jam dpal 'og kyang nyi ma'i 'od zer de dag na rtog par mi byed/ sems par mi byed/ rnam par sems par mi byed/ 'jam dpal nyi ma'i 'od zer rnams ni/ sems dang yid dang rnam par shes pa dang bral ba/ ma skyes pa ma 'gags pa/ mtshan nyid med pa/ mtshan nyid dang bral ba/ yid la byed pa med pa/ yid la byed pa dang bral ba/ spros pa med pa/ spros pa dang bral ba/ yongs su gdung ba med pa/ yongs su gdung ba dang bral ba/ tshu rol na gnas pa ma yin/ mtho ba ma yin/ dma' ba ma yin/ bcings pa ma yin/ grol ba ma yin/ shes pa dang ldan pa ma yin/ shes pa dang mi ldan pa ma yin/ nyon mongs pa dang bcas pa ma yin/ nyon mongs pa med pa ma yin/ bden pa smra ba ma yin/ brdzun pa smra ba ma yin pha rol na ma yin/ chu rol ni ma yin/ 'gram na ma yin/ gshong na ma yin/ zang ba ma yin/ chu bo na ma yin/ rtog ge'i spyod yul ma yin/ rtog ge ma yin/ pa'i spyod yul ma yin/ gzugs can ma yin// gzugs
- 389a
med pa ma yin mod kyi/ 'jam dpal 'on kyang sa bzhi mtho ba dang / dma' ba dang / bar ma'i byed brag gis snang ba chen po dang / chung ngu dang / bar ma'i 'od zer sna tshogs snang bar 'gyur ro// 'jam dpal de bzhin du de bzhin gshegs pa dgra bcom pa yang dag par rdzogs pa'i sangs rgyas kyang rtog par mi byed/ rnam par myi byed/ sems par mi byed/ rnam par sems par mi byed de/ 'jam dpal de bzhin gshegs ni sems dpa' dang / yid dang rnam par shes pa dang bral ba ma skyes pa/ ma 'gag pa/ mtshan nyid med pa/ mtshan nyid dang bral ba/ yid la byed pa/ yid la byed pa dang bral ba/ spros pa med/ spros pa dang bral ba/ yongs su gdung ba med pa/ yongs su gdung ba dang bral ba/ tshu rol na gnas pa ma yin/ pha rol gnas pa ma yin/ mtho ba ma yin/ dma' ba ma yin/ bcings pa ma yin/ grol ba ma yin/ shes pa dang ldan pa ma yin/ shes pa dang mi ldan pa ma yin/ nyon mongs pa dang bcas pa ma yin/ nyon mongs pa dang bral ba ma yin/ bden pa gsung ba ma yin/ brdzun pa gsung ba ma yin/ tshu rol na ma yin/ pha rol na ma yin/ 'gram na ma yin/ gshong na ma yin/ zang na ma yin/ chu bo na ma yin/ thams cad mkhyen pa ma yin/ rtog ge ma yin/ rtog ge med pa ma yin/ spyod pa ma yin/ spyod pa med pa ma yin/ kun tu 'byung ba ma yin/ kun du mi 'byung ba ma yin/ dran pa dang ldan pa ma yin/ dran pa dang mi ldan pa ma yin/ sems pa ma yin/ sems
- 389b
gzugs ma yin/ pa med pa ma yin/ yid ma yin/ yid med pa ma yin/ sgra skad ma yin/ sgra skad med pa ma yin/ ming ma yin/ ming med pa ma yin/ gzugs med pa ma yin/ brjod pa ma yin/ brjod du med pa ma yin/ gdags ma yin/ gdags med pa ma yin/ ltar snang ba ma yin/ bltar mi snang ba ma yin/ tshul ma yin/ tshul med pa yin/ lam ston pa ma yin/ lam mi ston pa ma yin/ 'bras bu thob pa ma yin/ 'bras bu mi thob pa ma yin/ rtog pa ma yin/ rtog pa dang bral ba ma yin/ rtog pa dang ma bral ba ma yin mod kyi/ 'jam dpa' 'on te de bzhin gshegs pa nyi ma'i dkyil 'khor gyi ye shes kyi 'od zer dag ni khams gsum po dag tu chos kyi dbyangs mtha' dang dpung med pa dag la thogs pa med pa'i 'od zer gyi snang ba dag gtong bar mdzad cing / ye shes kyi 'od zer btang ba dag gis kyang dang po kho nar byang chub sems dpa' lhag pa'i bsam pa ri'i dbang po'i rgyal po chen po lta bu dang ldan pa rnams kyi lus la 'bab par 'gyur ro// de'i 'og tu rang sangs rgyas kyi theg pa las yang dag par zhugs pa rnams kyi lus 'bab par 'gyur ro// de'i 'og tu nyan thos kyi theg pa la yang dag par zhugs pa rnams kyi lus la 'bab par 'gyur ro// de'i 'og tu sems can lhag pa'i bsam pa dge ba dang mos pa ji lta ba dang / ldan pa rnams kyi lus la 'bab par 'gyur ro// de'i 'og tu de bzhin gshegs pa nyi ma'i dkyil 'khor gyi ye shes kyi 'od zer dag/ tha na sems can log pa nyid du
- 390a
nges pa'i sems kyi rgyud dang / ldan pa rnams kyi lus la 'bab par 'gyur zhing / de dag la ma 'ongs pa'i rgyu yang dag par skyed pas phan 'dogs pa dang / dge ba'i chos rnams kyis yang dag par 'phel bar yang byed do// 'jam dpal de bzhin gshegs pa ni/ de dag la yang thams cad du mnyam btang snyoms la/ rnam par mi rtog cing bye brag mi 'byed de/ 'jam dpal de bzhin gshegs pa nyi ma'i dkyil 'khor gyi ye shes kyi 'od zer ni 'di snyam du/ bdag gis sems can 'di la ni/ chos rgyal chen po bstan par bya'o// 'di la bsam pa ni bstan par mi bya'o snyam du yang mi sems la/ 'di snyam du sems can 'di 'di ni/ rgya chen po la mos pa yin no// 'di ni bar ma la mos pa yin no// 'di ni nyan thos kyi theg pa la mos pa yin no// 'di ni dge ba la mos pa yin no// 'di ni dman pa dang log pa la mos pa yin no// snyam du rnam par yang rtog pa mi byed do// 'jam dpal de bzhin gshegs pa ni 'di snyam du sems 'di ni/ rgya chen pa la yin/ gyis 'di ni theg pa chen po bstan par bya'o// 'di ni lhag pa'i bsam pa bar ma la mos pa yin gyis 'di la ni/ rang sangs rgyas kyi theg pa bstan par bya'o// 'di ni nyan thos kyi theg pa la mos yin gyis/ 'di la ni nyan thos kyi theg pa bstan par bya'o// sems can bsam pa dge ba rnams kyi bsam pa rtogs par byas nas/ bsam
- 390b
pa rnam pa rnam par byang bar bya'o// sems can log pa nyid du mos pa'i bar bdag ni lta ba drang por bya zhing / ji ltar rjes su 'thun pa'i chos bstan par bya'o snyam du yang mi sems te/ de bzhin gshegs pa nyi ma'i dkyil 'khor gyi ye shes 'od zer snang ba sna tshogs snang ba ni de ltar rnam par rtog par mi byed do// de ci'i phyir zhe na/ de bzhin gshegs pa nyi ma'i dkyil 'khor gyi ye shes 'od zer snang ba ni/ rtog pa dang / rnam par rtog pa dang / yongs su rtog pa dang / spros pa thams cad yang dag par rgyun chad pa yin pa'i phyir ro// 'jam dpal 'on kyang sems can rnams kyi dge ba'i bsam pa'i rgyu sna tshogs dag la/ de bzhin gshegs pa nyi ma'i dkyil 'khor gyi ye shes 'od zer gyi snang ba sna tshogs dag 'byung yang 'gyur ro// / 'jam dpal 'di lta ste dper na/ rgya che chen po'i nang na/ nor bu rin po che chen po bsam pa thams cad yongs su rdzogs par byed pa zhes bya ba zhig yod do// de rgyal mtshan gyi rtse mo la btags na/ de las sems can gang gi bsam pa ci 'dra ba de lta bu'i sgra 'byung bar sems can rnams kyis kun tu shes kyang / nor bu rin po che chen po de ni rtog par mi byed do// rnam par rtog par mi byed/ sems par mi byed/ rnam par sems par mi byed cing / sems pa med pa/ sems dang yid dang rnam par shes pa dang bral ba yin no// 'jam dpal de bzhin du de bzhin gshegs dgra bcom pa yang
- 391a
dang chags byas la ka/ dag par rdzogs pa'i sangs rgyas kyang rtogs par mi byed/ rnam par rtogs par mi byed/ sems par mi byed/ rnam par sems par mi byed cing / sem pa med pa/ sems med pa/ sems dang yid dang / rnam par shes pa dang bral bral/ ma gzung ba/ yongs su gzung bar bya ba ma yin pa/ ma thob par bya ba ma yin pa/ so so'i bden pa gsal ba/ gti mug gsal ba/ bden pa ma yin/ brdzun pa ma yin/ rtag pa ma yin/ mi rtag pa ma yin/ 'od yod pa ma yin/ 'od med pa ma yin/ 'jig rten ma yin// rtog pa med pa/ dpyod pa med pa/ ma skyes pa/ ma 'gags pa/ bsam du med pa/ rang bzhin med pa/ rang bzhin gyi bzhi med pa/ rang bzhin stong pa/ blang ba med pa/ dor ba med pa/ mngon par zhen par bya ba med pa/ brjod du med pa/ brjod pa yang dag par rgyun chad pa kun dga' ba med pa/ kun tu dga' ba bral ba/ kun tu dga' nges par bcom pa/ grangs su bgrang ba dang bral ba/ 'gro ba med pa/ 'gro bar 'gro ba med pa/ 'gro ba thams thams cad yang dag par rgyun chad pa/ brjod pa thams cad yang dag pa rgyun chad pa/ bltar mi/ snang ba/ ma mthong ba/ gzung du med pa/ tha snyad med pa/ na mkha' ma yin/ bla gab med pa ma yin/ gzung bar bya ba ma yin/ gzung bar mi bya ba ma yin/ ltar snang bar bya ba ma yin/ bstan par bya ba ma yin/ tshogs pa ma yin/ tshogs pa med pa ma yin/ brtags pa ma yin/ rnam par rtag pa ma yin/ kun tu bstan pa ma yin/ kun nas nyon
- 391b
mongs pa can ma yin/ yongs su sbyang bar 'os pa ma yin/ ming med pa/ gzugs med pa/ mtshan ma med pa/ las med pa las kyi rnam par smin pa med pa/ ma 'ongs pa/ ma yin/ da ltar byung ba ma yin/ ci yang ma yin/ nyon mongs pa med pa/ yi ge med pa/ sgra skad med pa/ sgra skad thams cad las yang dag par 'das pa/ sgra med pa/ mtshan nyid med pa/ mtshan nyid thams cad dang bral ga nang na mi dmigs/ pha rol na mi dmigs/ gnyi ga med par yang mi dmigs pa yin gyi/ 'jam dpal 'on kyang de bzhin gshegs pa'i bsam pa yongs su dag pa'i ye shes rin po che snying po'i rgyal mtshan gyi rtse mo la rtags na/ de las sems can gang yin pa/ de'i bsam pa dang / mos pa ji lta ba de lta bu'i chos bstan pa 'byung bar sems can rnams kyis kun tu shes kyang de bzhin gshegs pa ni de dag la yang thams cad du mnyam zhing btang snyoms la/ rnam par mi rtog cing bye brag mi 'byed do// 'jam dpal 'di lta ste dper na/ bye brag ci na gzhan gyi rnam par rig pa las byung bar sems can rnams kyi kun tu shes kyang de ni 'das pa ma yin/ ma 'ongs pa ma yin/ da ltar byung ba ma yin/ nang na ma yin/ pha rol na ma yin/ gnyi ga med par yang mi dmigs te/ ma skyes pa/ ma 'gags pa/ chad pa ma yin/ rtag pa ma yin/ shes pa dang ldan pa ma yin/ shes pa dang mi ldan pa ma yin/ shes rab ma yin/ shes rab med pa ma yin/ rig pa ma yin/ rig pa med pa ma yin/ rnam par
- 392a
grol ba ma yin/ kha na ma tho ba dang bcas pa yin/ kha na ma tho ba med pa yin/ dran pa ldan pa ma yin/ dran pa dang mi ldan pa ma yin/ gnas dang ldan pa ma yin/ gnas dang mi ldan pa ma yin/ 'dug pa ma yin/ mi 'dug pa ma yin/ sa'i khams ma yin/ chu'i khams ma yin/ me'i khams ma yin/ rlung gi khams ma yin// 'dus byas ma yin/ 'dus ma byas ma yin/ spros pa yod pa ma yin/ spros pa med pa ma yin/ sgra ma yin/ sgra med pa ma yin/ ltar snang ba ma yin/ ltar mi snang ba ma yin/ yi ge med pa sgra med pa/ sgra las yang dag par 'das pa/ gzhal du med pa/ gzhal ba las yang dag par 'das pa/ mtshan nyid med pa/ mtshan nyid dang bral ba/ zhi ba ma yin/ ring po ma yin/ zung du ma yin/ sems pa yod pa ma yin/ sems pa med pa ma yin/ sems yod pa ma yin/ sems med pa ma yin/ snang ba ma yin/ mi snang ba ma yin// bstan du yod pa ma yin/ bstan du med pa yin/ rang bzhin stong pa/ dran pa med pa/ yid la byed pa med pa/ rtog pa med pa/ dpyod pa med pa/ sems dang / yid dang rnam par shes pa dang bral ba/ thams cad du mnyam zhing / btang snyoms la/ rnam par mi rnying / bye brag mi byed pa/ dus gsum las yang dag par 'das mos kyi/ 'jam dpal 'on kyang sems can lhag pa'i bsam pa tha dad pa rnams kyi sgra skad dang / rnam par rig pa sna tshogs dag las brag cha'i sgra skad sna tshogs dag 'byung bar 'gyur zhing / de dag kyang
- 392b
sems can rnams kyis de kho na bzhin du kun tu shes par 'gyur ro// 'jam dpal de bzhin du de bzhin gshegs pa dgra bcom pa yang dag par rdzogs pa'i sangs rgyas kyang / 'das pa ma yin/ ma 'ongs pa ma yin/ da ltar byung ba ma yin/ nang na ma yin/ phyi rol na ma yin zhing / gnyi ga med par yang mi dmigs te/ ma skyes pa ma 'gags pa/ chad pa ma yin// rtag pa ma yin/ shes pa dang ldan pa ma yin/ shes pa dang mi ldan pa yin/ shes rab ma yin/ shes rab med pa ma yin/ rig pa med pa ma yin/ rnam par grol ba med pa ma yin/ kha na ma tho ba ma yin/ bcas pa ma yin/ kha na ma tho ba med pa ma yin/ dran pa dang ldan pa ma yin/ dran pa dang mi ldan pa ma yin/ gnas dang ldan pa ma yin/ gnas dang mi ldan pa ma yin/ 'dug pa ma yin// 'dug pa ma yin/ sa'i khams ma yin/ chu'i khams ma yin/ me'i khams ma yin/ rlung gi khams ma yin/ 'dus byas ma yin/ 'dus ma byas ma yin/ spros pa med ma yin/ sgra ma yin/ sgra med pa ma yin/ ltar snang ba ma yin/ ltar mi snang ba ma yin/ yi ge ma yin/ sgra las yang dag par 'das pa/ gzhal du med pa/ gzhal ba las yang dag par 'das pa/ mtshan nyid med pa/ mtshan nyid dang bral ba/ zhi ba ma yin/ ma zhi ba ma yin/ ring po ma yin/ thung du ma yin/ sems pa'ang bab byed du pa mig me sa pa 'dapapa yin sems med pa la yi/ / rkang ba yin mi nang bas yig pastan du bzhi tu me pa la yi
- 393a
rang bzhin stong pa/ dran pa med pa/ yid la byed pa med pa/ rtog pa med pa/ dpyod pa med pa/ sems dang yid dang / rnam par shes pa dang bral ba/ thams cad du mnyam nyid/ gtang snyoms la/ rnam par mi rtog cing / bye brag mi 'byed la/ dus gsum las yang dag par 'das pa yin mod kyi/ 'jam dpal 'on kyang sems can nyon mongs pa tha dad pa rnams kyis lhag pa'i bsam pa dang / rnam par rig pa sna tshogs dag las/ de bzhin gshegs pa'i gsung 'byung bar kun tu shes par 'gyur ro// 'jam dpal 'di lta ste dper na/ sa la brten cing sa la gnas nas/ rtsa dang / shing gel pa dang / rtsi dang nags tshal thams cad 'phel zhing rgyas pa yangs par 'gyur yang / 'jam dpal sa ni rtog par mi byed/ rnam par rtog par mi byed/ de thams cad du mnyam zhing rnam par mi rtog la bye brag mi 'byed cing / sems par mi byed de/ sems dang yid dang / rnam par shes pa dang bral ba yin no// 'jam dpal de bzhin du de bzhin gshegs pa la rten cing de bzhin gshegs pa gnas nas/ sems can nyan thos kyi theg pa 'am/ rang sangs rgyas kyi theg pa pa 'am/ theg pa chen po pa thams cad kyi dge ba'i rtsa ba thams cad kyang 'phel zhing rgyas pa dang / yangs par 'gyur la/ de bzhin gshegs pa la brten cing / de bzhin gsheg pa la gnas nas/ spyod pa pa dang kun tu rgyu dang / gcer bu pa la sogs pa mu stegs can gi gnas gzhan thams cad kyi dge ba'i rtsa ba thams cad dang / za na log pa nyid du nges pa rnams kyi dge/
- 393b
ba'i rtsa ba gzhan gang dag yin de dag thams cad kyang / 'phel zhing rgyas pa dang / langs par 'gyur mod kyi/ 'jam dpal 'on kyang de bzhin gshegs pa ni rtog par mi byed/ rnam par mi rtogs par mi byed de/ 'jam dpal de bzhin gshegs pa dgra bcom pa yang dag par rdzogs pa'i sangs rgyas ni/ rtog pa dang / rnam par rtog pa dang / dmigs pa dang / yid la byed pa thams rgyun chad pa/ sems dang yid dang / rnam par shes pa dang bral ba dang / rtog ge ma yin/ rtog ge'i spyod yul ma yin/ mi snang ba/ mi mthong ba/ bsam par bya ba ma yin pa/ yid la byed pa ma yin/ sems pa med pa/ sems dang / yid dang / rnam par shes pa dang bral ba/ thams cad du mnyam zhing / btang snyoms la/ rnam par rmi rtog cing / bye brag mi byed do// 'jam dpal 'di lta ste dper na na mkha' ni thams cad du mnyam zhing / rnam par mi rtog la/ bye brag mi 'byed de/ ma skyes pa/ ma 'gags pa/ ma 'ongs pa ma yin/ da ltar byung ba ma yin// mtshan gzhi med pa/ spros pa med/ gzugs med pa/ rnam par rig par med pa/ bstan du med pa/ rnam par rig par med pa/ reg pa med pa/ gnas med pa/ gzhal du med pa/ gzhal/ las yang dag par 'das pa/ dpe med pa/ dpe las yang dag par 'das pa/ mi gnas pa/ gzung ba med pa/ mig gi lam las yang dag par 'das pa/ sems dang / yid dang / rnam par shes pa bral ba/ mtshan nyid med pa/ yi ge med pa/ sgra med pa/ yid la byed pa med pa/ blang ba med pa/ dor ba med pa/ bdeg pa med pa/ bzhag pa med pa/ tshig gi lam
- 394a
las yang dag par 'das pa/ thams cad kyi rjes su song zhing rje su zhugs pa yin mod kyi/ 'jam dpal 'on kyang sems can dman pa dang 'bring dang // mchog gang dag yin pa de dag gis/ de bzhin gshegs pa yang dman pa dang / 'bring dang mchog tu mthong ngo // 'jam dpal de bzhin gshegs pa ni 'di snyam du/ sems can 'di ni bsam pa dang mos pa dman pa yin gyis/ sems can 'di la ni gzugs kyi sku'i kha dog yongs su 'grub pa dman pa bstan par bya'o// sems can 'di ni bsam pa dang mos pa 'bring yin gis sems can 'di la ni gzugs kyi sku'i kha dog yongs su 'grub pa 'bring bstan par bya'o// sems can 'di ni bsam pa dang mos pa rgya che ba yin gyis sems can 'di la ni gzugs kyi sku'i kha dog yongs su 'grub pa rgya chen po bstan par bya'o snyam du mi sems so// 'jam dpal chos ston pa yang de bzhin du rtog par bya ste/ 'jam dpal de bzhin gshegs pa ni 'di snyam du sems can 'di la ni nyan thos kyi theg pa'i gtam dman pa brjod par bya'o// sems can 'di ni bar ma la mos pa yin gyis sems 'di la ni rang sangs rgyas kyi theg pa'i gtam par ma brjod par bya'o// sems can 'di ni rgya chen po la mos pa yin gyis sems can 'di la ni theg pa chen po'i gtam rgya chen po brjod par bya'o// snyam du mi sems so// 'jam dpal de bzhin gshegs pa ni 'di snyam du sems can 'di ni sbyin pa la mos pa yin gyis/ sems can 'di la sbyin pa'i gtam brjod par bya'o//
- 394b
sems can 'di ni tshul khrims dang / bzod pa dang brtson 'grus dang / bsam gtan la mos pa yin gyis/ sems can 'di la ni bsam gtan gyi gtam brjod par bya'o// snyam du yang mi sems so// 'jam dpal de bzhin gshegs pa ni 'di snyam du sems can 'di ni shes rab kyi pha rol tu phyin pa la mos pa yin gyis sems can 'di ni shes rab kyi phar tu phyin pa'i gtam brjod par bya'o snyam du yang mi sems te/ 'jam dpal de bzhin gshegs pa la ni/ rnam par rtog pa de lta bu dag med do// de ci'i phyir zhe na/ 'jam dpal de bzhin gshegs pa ni chos kyi sku yin pa'i phyir te/ 'jam dpal de bzhin gshegs pa ni rtog par mi byed/ rnam par rtog par mi byed pa ma yin no// 'jam dpal de bzhin gshegs pa'i rnam par shes pa ni ming dang gzugs dang / des tshig gi rjes su 'brang zhing 'byung ba mi yin te/ 'jam dpal de bzhin gshegs pa ni rtog par mi byed/ rnam par rtog par mi byed pa ma yin no// 'jam dpal de bzhin gshegs pa ni skad cig pa ste/ mi zad pa'i mtshan nyid dang / mi zad pa'i mtha' dang / yang dag pa'i mthar nges pa yin no// 'jam dpal de bzhin gshegs pa dgra bcom pa yang dag par rdzogs pa'i sangs rgyas ni chos thams cad kyi mnyam pa nyid kyis mtha' dang / gnyis su med pa'i mtha' dang / shin tu 'byung ba med pa'i mtha' yin te/ thams cad du mnyam zhing rnam par mi rtog la/ bye brag mi 'byed de/ dman pa ma yin par ma yin/ mchog ma yin no// 'jam dpal de bzhin
- 395a
du chos thams cad kyang mnyam zhing rnam par mi rtog la bye brag mi 'byed pa de dman pa ma yin/ bar ma ma yin/ mchog ma yin no// de ci'i phyir zhe na/ 'jam dpal chos thams cad ni dmigs su med pa'i phyir te/ 'jam dpal chos thams cad kyi dmigs su med pa gang yin pa de ni mnyam pa nyid yin no// mnyam pa nyid gang yin pa de ni gnas pa nyid yin no// gnas pa nyid gang yin pa de ni mi g.yo ba nyid yin no// mi g.yo ba nyid gang yin pa de ni rten pa nyid yin no// chos thams cad la mi rten pa'i sems kyi gnas medado// / sems mi gnas pa ni skyes pa med par 'gyur to// de ltar mthong ba'i sems dang sems las byung ba rnams ni phyin ci ma log par 'gyur ro// gang sems phyin log pa des ni ji lta ba bzhin thob par 'gyur ro// ji lta ba bzhin thob pa ni 'phro bar mi byed do// spros pa med pa la ni spyod pa yang med do// gang gi tshe spyod par mi byed pa de'i tshe mi 'khor ro// gang gi tshe mi 'khor ba de'i tshe rnam par 'phro ste/ rnam par mi 'phro ba med pa ni chos nyid dang 'gal bar mi byed do// chos nyid dang / mi 'gal ba ni thams cad dang rjes su 'thun par 'gyur ro// thams cad rjes su 'thun pa ni chos kyi rang bzhin las mi g.yo bas ni chos kyi rang bzhin thob par 'gyur ro// chos kyi rang bzhin thob pa ni cung zad kyang 'phro bar mi byed do// de ci'i phyir zhe na/ 'jam dpal rgyu dang rkyen gyis bskyed pa'i phyir to// rgyu dang rkyen gyis bskyed pa gang yin pa de ni shin tu ma skyes pa yin no// shin tu ma skyes pa gang yin pa de ni nges pa 'thob bo// nges pa thob pa gang yin pa de
- 395b
ni chos thams cad yid la byed pa dang lhan cig mi gnas te/ gang gi tshe chos thams cad yid la byed pa dang lhan cig mi gnas pa de'i tshe gnas par bya ba med pa yin no// gang gi tshe gnas pa bya ba med pa de'i tshe mi 'byung mi 'jig go/ gang gi tshe mi 'byung mi 'jig pa de'i tshe/ gnas shing chos thob par 'gyur ro// gang gi tshe gnas shing chos thob pa de'i tshe/ tshul bzhin gyi chos la zhugs par 'gyur ro// tshul bzhin gyi chos la zhugs pa la ni gang sangs rgyas kyi chos ma yin pa'i chos de 'ga' yang med do// de ci'i phyir zhe na/ 'jam dpal stong pa nyid rjes su rtogs pa'i phyir te/ stong pa nyid rjes su rtogs pa gang yin pa de ni byang chub bo// des de ltar stong pa nyid dang / mtshan ma med pa dang / smon pa med pa dang / mngon par 'du bya ba med pa dang / gnas med pa/ dang / 'byung ba med pa dang / gzung ba med pa dang / gzhi med pa rjes su rtogs pa'i phyir byang chub ni tshul bzhin la sbyor bar bya'o// tshul bzhin la sbyor ba zhes bya ba ni/ gdeg pa med pa dang / gzhag pa med pa dang / bya ba med pa dang / rnam par bya ba med pa la sbyor ba dang / chags pa med pa dang / grol ba med pa la sbyor ba dang / gcig pa nyid ma yin pa dang / tha dad pa nyid ma yin pa la sbyor ba dang / 'ongs pa ma yin pa la sbyor ba dang / tshul bzhin la sbyor ba yin no// tshul bzhin gang yin pa de la ni sbyor ba yang med/ spang ba yang 'bras bu mngon sum du/ bya ba yang med do// de ci'i phyir zhe na/ 'jam dpal sems ni rang bzhin gyis 'od gsal ba'i phyir te/ de ni blo bur gyi nye ba'i nyon mongs pa rnams kyis nye bar nyon mongs par zad kyi/ rang
- 396a
bzhin gyis kun nas nyon mongs pa ni me yin no// rang bzhin gyis 'od gsal ba nyid gang yin de ni kun nas nyon mongs pa med pa nyid yin no// kun nas nyon mongs pa med pa nyid gang yin pa de ni gnyen po gang gis nyon mongs pa spong bar 'gyur ba'i gnyen po med do// de ci'i phyir zhe na/ 'jam dpal de ni dag pa nyid yin pas/ dag pa ni dag par mi 'gyur ba'i phyir te/ dag pa gang yin pa de ni skye ba med pa'o// skye ba med pa gang yin pa de ni ma smad pa'o// ma smad pa gang yin pa de ni 'dod pa spangs pa'o// 'dod pa spangs pa gang yin pa de ni srid pa thams cad 'gago/ gal te srid pa thams cad bgag pa de ni mi skye ba'o// mi skye ba gang yin pa ni byang chub bo// byang chub gang yin pa de ni mnyam pa nyid do// mnyam pa nyid gang yin pa de ni de bzhin de/ de bzhin la ni 'dus byas dang / 'dus ma byas kyi chos thams cad gdag so// de bzhin nyid gang yin pa de la ni 'dus byas kyang med/ 'dus ma byas kyang med/ gnyis su gdags pa med do// gang la 'dus byas kyang med/ 'du ma byas kyang med/ gnyis su gdags pa med pa de ni de bzhin nyid do// de bzhin nyid gang yin pa de ni gzhan ma yin pa de bzhin nyid do// gzhan ma yin pa de bzhin gang yin de ni 'gyur ba med pa de bzhin nyid do// 'gyur ba med pa'i de bzhin gang yin pa de ni 'ong ba med pa'i de bzhin nyid do// 'ong ba med pa de bzhin nyid gang yin pa de ni/ 'gro ba med pa de bzhin nyid do// 'gro ba med pa de bzhin nyid gang yin pa de ni ji ltar de bzhin de bzhin nyid do// ji lta ba bzhin de bzhin
- 396b
nyid gang yin pa de ni nam yang de bzhin nyid ma yin pa ma yin no// nam yang de bzhin nyid ma yin pa ma yin pa de ni kun nas nyon mongs par mi 'gyur rnam par byang bar mi 'gyur ro// gang kun nas nyon mongs par mi 'gyur/ rnam par byang bar mi 'gyur ba de ni skye bar mi 'gyur 'gag par mi 'gyur ro// gang skye bar mi 'gyur 'gag par mi 'gyur ba de ni mya ngan las 'das pa dang mnyam mo// gang mya ngan las 'das pa dang mnyam pa de ni 'khor bar mi 'gyur yongs su mya ngan las 'da' bar mi 'gyur ro// gang 'khor bar mi 'gyur yongs su mya ngan las 'da' bar mi 'gyur ba de ni 'das pa ma yin/ ma 'ongs pa ma yin/ da ltar byung ba ma yin no// gang 'das pa ma yin ma 'ongs pa ma yin/ da ltar byung ba ma yin pa de ni/ dman pa ma yin// bapar ma ma yin/ mchog ma yin no// gang dman pa ma yin par ma ma yin/ mchog ma yin pa de na de bzhin nyid de/ de bzhin nyid ces bya ba de ni kho na'i don gyi tshig bla gsal yin no// de kho na zhes bya ba ni de bzhin nyid kho na'o// de bzhin nyid kho na ni de bzhin nyid do// de bzhin nyid dang bdag de ni gnyis su med gnyis su dbyer med do// gnyis su med pa'i don gang yin pa de ni byang chub ste/ byang chub ni don rtogs pa'o// chos thams cad kyi dbyer med pa'i/ chos bstan pa thams cad la rnam par thar pa'i sgo gsum du 'jug pa shes pa'o// shes pa zhes bya ba ni chos thams cad la dus gsum mnyam pa nyid du 'jug pa'o// chos thams cad dbyer med pa'i/ don de ni ces bya ste/ don ni sgra med pa/ brjod du med pa/ tha snyed med pa/ tha snyad yang dag
- 397a
par zad pa yin no// shes pa zhes bya ba ni rjes su rtogs pa'i shes pa dang / rnam par shes pa rjes su rtogs pa'i shes pa gang yin pa ste/ de ni shes/ zhes bya'o// don ces bya ba ni de kho ni'i don shes pa dang / rnam par shes pa rjes su rtogs pa'i shes pas nges par rtogs pa gang yin pa te/ de nyid chos nyid yin no// chos nyid gang yin pa de ni don yin no// don rjes su rtogs pa'i shes pa dang / rnam par shes pa rjes su rtogs pa'i shes pa dang / nges pa'i don rjes su rtogs pa'i don shes pa gang yin pa de ni chos nyid do// chos nyid gang yin pa de ni don yin no// don gang yin pa de ni chos nyid dang chos gnas pa nyid dang / chos nges pa nyid dang / don chos la 'gag par mi 'gyur ro// chos la ma zhugs pa gang yin pa dang / don dang tshig 'bru mnyam pa nyid gang yin pa de ni gnyis su med pa'i don gyis mnyam pa nyid yin te/ mnyam pa nyid gang yin pa de ni don yin no// / don shes pa dang rnam par shes pa la mnyam pa nyid gang yin de ni gnyis su med pa'i sgor 'jug pas na/ shes pa yin no// nges pa'i don dang / drang ba'i don dang / mnyam pa nyid kyi don mnyam pa de ni stong pa nyid do// stong pa nyid du don mnyam pas gang zag mnyam pa nyid mnyam mo// gang zag mnyam pa nyid kyis chos mnyam pa nyid mnyam mo// chos mnyam pa nyid kyis rnam par grol ba mnyam nyid mnyam ste/ rnam par grol ba mnyam nyid rjes su rtogs pa ni byang chub bo// 'jam dpal gzugs la chags pas chags par
- 397b
gyur pa rnams kyi mig ni chags pa yin no// gzugs dang / mig gi rang bzhin shes pa mi chags pa med pa yin no// lta ba la chags pas chags par gyur pa rnams kyi rang gi lus ni chags pa yin no// lta bar gyur pa thams cad kyi rang gi lus kyi rang bzhin stong pa nyid du shes pa ni chags pa med yin no// tshul bzhin ma yin pa yid la byed pa la chags pas chags par gyur pa rnams kyi chos kyi snang ba ni chags pa yin no// tshul bzhin yid la byed pa'i chos la so sor rtog cing ngo bo nyid kyis/ rang bzhin stong pa nyid du shes pa ni/ chags pa med pa yin no// the tshom gyi dri ma la chags pas chags par gyur pa rnams kyi thar pa ni chags pa yin no// mos pa dang rnam par grol ba yang dag pa ji lta ba bzhin du shes pa ni chags pa med pa yin no// le lo'i dri ma la chags pas chags par gyur pa rnams kyi rtogs par bya ba ni brtson 'grus brtan pa nyid la chags pa yin no// chos ji lta ba bzhin du rtogs pa ni chags pa med pa yin no// sgrib pa la chags pas chags par gyur pa rnams kyi byang chub kyi yan lag rnams ni chags pa yin no// sgrib pa med pa'i rnam par thar pa shes pa ni/ chags pa med pa yin no// rang bzhin gyis yongs su dag pa'i chos thams cad rgyu dang rkyen tshogs pa las byung ste/ de la byang chub sems dpa' kun nas nyon mongs pa'i rgyu dang / rnam par byang ba'i rgyu yang yongs su shes par bya zhing / kun nas nyon mongs pa'i rgyu rnam par dag pa dang / rnam par byang ba'i rgyu rnam par dag
- 398a
pas kyang gnas par mi bya'o// bdag kun nas slong ba dang lta ba ni kun nas nyon mongs pa'i rgyu yin no// chos bdag med pa la 'jug pa'i bzod/ pa ni rnam par byang ba'i rgyu yin no// ngar 'dzin pa dang nga rgyal gyi lta ba ni kun nas nyon mongs pa'i rgyu yin no// nang nye bar zhi ba dang / phyi rol du rgyu ba med pa ni rnam par byang ba'i rgyu yin no// 'dod pa dang / gnod sems dang / rnam par 'tshe ba dang / rtog pa dag ni kun nas nyon mongs pa'i rgyu yin no// mi sdug pa dang / byams pa dang / snying rje dang / dga' ba dang / btang snyoms dang / rten pa'i chos la 'jug pa'i bzod pa rnam par byang ba'i rgyu yin no// phyin ci log bzhi ni kun nas nyon mongs pa'i rgyu yin no// yang dag pa'i dran pa nye bar gzhag pa bzhi ni rnam par byang ba'i rgyu yin no// sgrib pa lnga ni kun nas nyon mongs pa'i rgyu yin no// dbang po lnga ni rnam par byang ba'i rgyu yin no// skye mched drug ni kun nas nyon mo pa'i rgyu yin no// rjes su dran pa drug ni rnam par byang ba'i rgyun yin no// dam pa ma yin pa'i chos bdun kun nas nyon mongs pa'i rgyu yin no// byang chub kyi yan lag bdun ni rnam par byang ba'i rgyu yin no// log pa nyid brgyad ni kun nas nyon mongs pa'i rgyu yin no// yang dag pa nyid brgyad ni rnam par byang ba'i rgyu yin no// kun nas mnar sems kyi dngos po dgu ni kun nas nyon mongs pa'i rgyu yin no// mthar gyis gnas pa'i snyoms par 'jug pa dgu ni rnam par byang ba'i rgyu yin no// mi dge ba'i bcu'i las ni kun nas mongs pa'i rgyu
- 398b
dge ba ming la byed pa thams cad ni rnam par byang ba'i rgyu yin no// yin no// dge ba bcu'i las ni rnam par byang ba'i rgyu yin te/ mdor na mi dge ba yid la byed pa thams cad ni kun nas nyon mongs pa'i rgyu yin no// de la kun nas nyon mongs pa'i rgyu gang / yin pa dang / rnam par byang ba'i rgyu gang yin pa'i chos de dag thams cad ni rang bzhin gyis stong pa'i phyir/ sems can med pa dang / srog med pa dang / gang zag med pa dang / bdag po med pa dang / yongs su 'dzin pa med pa dang / byed pa med pa dang / sgyu ma lta bu dang / mtshan nyid med pa dang / nang nye bar zhi ba yin no// nang nye bar zhi ba gang yin pa de ni rab tu zhi ba'o// / rab tu zhi ba gang yin pa de ni dmigs su med pa'o// dmigs su med pa gang yin pa de gnas med pa'o// gnas med pa gang yin pa de ni de kho na'o// de kho na ni nam mtha' lta bur rab tu shes na/ kun nas nyon mongs dang rnam par byang bas spyod kyang na mkha'i chos nyid dag mi sbyong ngo // de ci'i phyir zhe na/ 'jam dpal gang la skye ba 'am/ 'gag par 'gyur ba'i chos gang yang med pa'i phyir ro// 'jam dpal gyis gsol pa/ bcom ldan 'das 'o na de bzhin gshegs pas/ byang chub ji ltar brnyes lags/ bcom ldan 'das kyis bka' stsal pa/ 'jam dpal de bzhin gshegs pas ni/ rtsa ba med pa dang / gnas med par byang chub thob po// 'jam dpal gyis gsol pa/ bcom ldan 'das de la rtsa ba ni gang lags/ gnas ni gang lags bcom ldan 'das kyis bka' stsal pa/ 'jam dpal 'jig tshogs ni rtsa ba yin no// yang dag pa ma yin pa'i kun tu rtog pa ni gnas yin no// 'jam dpal de la de
- 399a
bzhin gshegs pas byang chub mnyam pa nyid kyis/ chos thams cad mnyam pa nyid du shes te/ 'jam dpal de'i phyir de bzhin gshegs pas rtsa ba med pa dang gnas med pa byang chub mngon par rdzogs pa sangs rgyas shes bya'o// 'jam dpal byang chub ni zhi ba dang / nye bar zhi ba yin te/ de la zhi ba ni gang / nye bar zhi ba ni gang zhe na/ nang ni zhi ba yin no// phyi rol ni nye bar zhi ba yin no// de ci'i phyir zhe na/ 'jam dpal mig ni bdag dang bdag gis stong ste/ de'i rang bzhin de yin pa'i phyir de ni zhi ba zhes bya'o// de mig stong pa zhes bya bar yongs su shes nas/ gzugs rnams la mi rgyug ste de'i phyir nye bar zhi ba zhes bya'o// de bzhin du rna ba ni bdag dang bdag gis stong ste/ de'i rang bzhin de yin pa'i phyir de ni zhi ba zhes bya ba/ des rna ba zhes bya bar yongs su shes nas/ sgra rnams la mi rgyug ste/ de'i phyir nye bar zhi zhes bya'o// sna ni bdag dang bdag gis stong ste/ de'i rang bzhin de yin pa'i phyir de ni zhi ba zhes bya'o// des sna stong pa zhes bya bar yongs su shes nas/ dri rnams la mi rgyug ste/ de'i phyir nye bar zhi zhes bya'o// lce bdag dang bdag gis stong ste/ de'i rang bzhin de yin pa'i phyir de ni zhi ba zhes bya'o// des lce stong pa zhi zhes bya bar yongs su shes nas/ ro rnams la mi rgyug ste/ de'i phyir nye bar zhi ba zhes bya'o// lus ni bdag dang bdag gis stong ste/ de'i rang bzhin de yin pa'i phyir de ni zhi ba zhes bya'o// des lus stong pa zhes bya bar yongs su shes nas/ reg bya rnams la mi rgyug ste/ de'i phyir nye bar zhi
- 399b
ba zhes bya'o// 'jam dpal yid ni bdag dang bdag gis stong ste/ de'i rang bzhin de yin pa'i phyir de ni zhi ba zhes bya'o// des yid stong pa zhes par yongs su shes nas/ chos rnams la mi rgyug ste/ de'i phyir nye bar zhi ba zhes bya'o// bajam dpal byang chub ni sems kyi rang bzhin 'od gsal ba nyid kyis rang bzhin 'od gsal ba'o// ci'i phyir 'od gsal ba zhes bya zhe na/ rang bzhin gang yin pa de ni kun nas nyon mongs pa med pa/ nam mkha' dang mnyam pa/ na mkha'i rang bzhin can/ nam mkhar yang dag par 'du ba na mkha'i lta bu ste/ rang bzhin gyis shin tu 'od gsal ba yin pa'i phyir ro// 'jam dpal byang chub ni bla ba med pa nyid dang dor ba med pa nyid yin te/ de la bla ba med pa nyid gang / dor ba med pa nyid ni gang zhe na/ blang ba med pa ces bya ba ni/ chos thams cad gzung du med pa nyid yin no// dor ba med pa nyid ces bya ba ni/ chos thams cad spang du med pa yin no// 'jam dpal de la de bzhin gshegs pa ni blang ba med pa nyid dang dor ba med pa nyid kyis chu bo las rgal bar gyur te/ ji ltar de bzhin gshegs pas tshul rol yang dag par rjes su mi mthong / pha rol yang dag par rjes su mi mthong ba de ltar chu bo las rgal to// de ltar de bzhin gshegs pas tshul rol dang pha rol dang bral ba'i chos thams cad mngon par rdzogs par byang chub ste/ de'i phyir de bzhin gshegs pa zhes bya'o// 'jam dpal byang chub ni mtshan ma med pa nyid dang / dmigs pa med pa nyid yin te/ de la mtshan ma med pa nyid ni gang / dmigs pa
- 400a
med pa nyid ni gang zhe na/ 'jam dpal mig gi rnam par shes pa mi dmigs pa migs pa ni mtshan ma med pa nyid yin no// gzugs yang dag par rjes su mthong ba ni/ dmigs pa med pa nyid yin no// rna ba'i rnam par shes pa mi dmigs pa ni mtshan ma med pa nyid yin no// sgra mnyan du med pa ni dmigs pa med pa nyid yin no// sna'i rnam par shes pa mi dmigs pa ni mtshan ma med pa yin no// dri snyam du med pa ni dmigs pa nyid yin no// lce'i rnam par shes pa mi dmigs pa mi mtshan ma med pa nyid yin no// ro myong du med pa ni dmig pa med pa nyid yin no// lus kyi rnam par shes pa mi dmigs pa ni mtshan ma med pa nyid yin no// reg bya reg par byar med pa ni dmigs pa med pa nyid yin no// yid kyi rnam par shes pa mi dmigs pa ni mtshan ma med pa nyid yin no// chos rnams rnam par shes par byar med pa ni dmigs pa med pa nyid yin no// 'jam dpal de ni 'phags pa rnams kyi spyod yul yin te/ 'jam dpal gang khams gsum pa'i spyod yul ma yin pa de ni 'phags pa rnams spyod yul yin no// 'jam dpal byang chub ni 'das pa ma yin/ ma 'ongs pa la rnam par shes pa mi rgyug pa dang / da ltar byung ba ma yin te/ dus gsum mnyam pa 'khor gsum yongs su chad pa yin no// 'jam dpal de la 'khor gsum yongs su chad pa gang zhe na/ 'das pa la sems mi 'jug pa dang / ma 'ongs pa la rnam par shes pa mi rgyug pa dang / da ltar byung ba las/ yid la byed pa mi 'byung ba gang yin pa ste/ de ni sems dang yid dang / rnam
- 400b
par shes pa la mi gnas shing / rtog par mi byed/ rnam par rtog par mi byed do// rtog par mi byed/ rnam par rtog par mi byed pa ni 'das pa yid la mi byed/ ma 'ongs pa la rlom sems su mi byed/ da ltar byung ba las 'phro bar mi byed do// 'jam dpal byang chub ni lus med pa nyid dang / 'dus ma byas yin te/ 'jam dpal de la lus med pa nyid mig gi rnam par shes pas rnam par shes pas bya ba ma yin pa dang / rna ba dang / sna dang / lce dang / lus dang / yid kyi rnam par shes par bya ba ma yin pa gang yin pa'o// 'jam dpal sems dang yid rnam par shes pas rnam par shes pa zhes bya ba ma yin pa de nyid 'dus ma byas pa nyid yin te/ 'dus ma byas pa nyid ces bya ba ni gang la skye ba med pa dang / gnas pa med pa dang / 'jig pa med pa'o// de ni 'khor gsum yongs su dag pa 'dus ma byas pa yin te/ 'dus ma byas ji lta ba kho na bzhin du 'dus byas kyang de lta bu kho na yin par rtogs par bya'o// de ci'i phyir zhe na/ 'jam dpal chos thams cad kyi ngo bo nyid gang yin pa de ni ngo bo nyid med pa ste/ ngo bo nyid med pa gang yin pa de la ni gnyis su med pa'i phyir ro// 'jam dpal byang chub de ni dbyer med pa'i gzhi yin te/ de la dbyer med pa ni gang / bzhi ni gang zhe na/ ming med pa ni dbyer med pa'o// de bzhin nyid ni gzhi'o// gnas pa ni dbyer med pa'o// chos kyi dbyings ni gzhi'o// tha dad pa nyid med pa ni dbyer med 'o// yang dag pa'i mtha' ni gzhi'o// dmigs pa med pa ni dbyer med pa'o// g.yo ba med pa ni gzhi'o// stong pa nyid ni dbyer med pa'o// mtshan ma med pa ni gzhi'o// rnam par rtog par
- 401a
ming pa nyid ni dbyer med pa'o// smon pa med pa ni gzhi'o// bsgrub pa med pa ni dbyer med pa'o// sems can med pa ni gzhi'o// sems can gyi ngo bo nyid ni dbyer/ med pa'o// nam mkha' ni gzhi'o// dmigs su med pa ni dbyer med pa'o// skye ba med pa ni gzhi'o// 'gag pa med pa ni dbyer med pa'o// 'dus ma byas pa ni gzhi'o// spyod pa med pa ni dbyer med pa'o// mya ngan las 'das pa ni bzhi'o// mngon par 'grub pa med pa ni dbyer pa'o// skye ba med pa ni gzhi'o// 'jam dpal byang chub ni lus kyis mngon par rdzogs par byang chub par mi 'gyur te/ sems kyis kyang ma yin no// de ci'i phyir zhe na/ 'jam dpal lus ni bems po ste/ g.yo ba med pa/ sems dpa' med pa ste/ rtsa dang / rtsig pa dang / shing dang / bong ba dang / gzugs brnyan lta bu yin la/ sems kyang sgyu ma lta bu ste/ gsog dang gsob dang / yang dag pa ma yin pa dang / 'dus ma byas pa yin pa'i phyir ro// 'jam dpal gang gis lus dang / sems de ltar rtogs pa de ni byang chub sems dpa' zhes bya ste/ 'jam dpal de yang tha snyad la brten pa yin gyi/ don dam par ni ma yin no// de ci'i phyir zhe na/ 'jam dpal byad chub ni lus dang / sems dang / chos dang / chos ma yin pa dang / yang dag pa dang / yang dag pa ma yin pa dang / bden pa dang / brdzun pas brjod par bya ba ma yin pa'i phyir ro// 'jam dpal byang chub ni/ chos thams cad kyis brjod par bya ba ma yin pa ste/ de ci'i phyir zhe na/ 'jam dpal byang chub la ni gang gis tshig dang tha snyad 'jug par 'gyur ba'i gnas cung zad
- 401b
kyang med pa'i phyir ro// 'jam dpal 'di lta ste dper na/ namakha'i gnas med pa/ 'dum byas pa/ ma skyes pa/ ma 'gags pa/ brjod par bya ba med pa'o// 'jam dpal de bzhin du/ byang chub kyang gnas pa med pa/ 'dus ma byas pa/ ma skyes pa/ ma 'gags pa/ brjod par bya ba ma yin no// 'jam dpal 'di lta ste dper na/ yang dag pa yongs su tshol ba na/ chos thams cad kyis brjod par bya ba ma yin de bzhin du/ 'jam dpal yang dag par byang chub yongs su tshol ba na/ yang chos thams cad kyis brjod par bya ba yin no// de ci'i phyir zhe na/ 'jam dpal yang dag par na tshig ni ma skyes pa dang / ma 'gags pa yin pas/ yid pa ma yin pa'i phyir ro// 'jam dpal byang chub ni gzung ba med pa nyid dang / gnas med pa nyid yin te/ 'jam dpal de la gzung ba med pa nyid ni gang / gnas med pa nyid ni gang zhe na/ 'jam dpal mig yongs su shes pa ni gzung ba med pa nyid yin no// gzugs su med pa ni gnas med pa nyid yin no// rna ba yongs su shes ni gzung ba med pa nyid yin no// sna yongs su shes pa ni gzung ba med pa nyid yin no// dri dmigs su med pa ni gnas med pa nyid yin no// lce yongs su shes pa gzung ba med pa nyid yin no// ro dmigs su med pa ni gnas med pa nyid yin no// lus yongs su shes pa ni gzung ba med pa nyid yin no// reg bya dmigs su med pa ni gnas med pa nyid yin no// yid yongs su shes pa ni gzung ba med pa nyid yin no// chos dmigs su med pa ni gnas med pa nyid yin no// de bzhin gshegs pas ni de ltar gzung
- 402a
ba med pa nyid dang / gnas med pa nyid du byang chub mngon par rdzogs par sangs rgyas te/ mngon par rdzogs par sangs rgyas nas kyang / mig gzung du med pa dang / gzugs dmigs su med pa'i phyir mig gi rnam par shes pa la mi gnas so// rna ba gzung du med pa dang / sgra dmigs su med pa'i phyir/ rna ba'i rnam par shes pa la mi gnas so// / sna gzung du med pa dang / dmigs su med pa'i phyir/ sna'i rnam par shes pa la mi gnas so// lce gzung du med pa dang / ro dmigs su med pa'i phyir/ lce'i rnam par shes pa la mi gnas so// lus gzung du med pa dang / reg bya dmigs su med pa'i phyir/ lus kyi rnam par shes pa la mi gnas so// yid gzung du med pa dang / chos dmigs su med pa'i phyir/ yid kyi rnam par shes pa la mi gnas te/ de'i phyir de bzhin gshegs pa dgra bcom pa yang dag par rdzogs pa'i sangs rgyas ni rnam par shes pa mi gnas pa dang ldan pa zhes bya ba'i grangs su 'gro ba'o// 'jam dpal bzhi po 'di dag ni sems can rnams kyi gnas yin te/ bzhi gang zhe na 'di lta ste/ gzugs ni sems can rnams kyi gnas yin no// 'jam dpal de bzhin du tshor ba dang / 'du shes dang / 'du byed rnams ni sems can rnams kyi gnas yin te/ 'jam dpal de bzhin gshegs pas ni sems kyi gnas bzhi po de dag ma skyes pa dang / ma 'gags par mkhyen to// 'das dpal byang chub ces bya ba do stong parjid gyi tshig tha dag sa yin te/ 'das dpal stong pa nyid gang gis byang chub gong pa'i stong pa nyid dag can
- 402b
thams cad kyang stong ste/ 'jam dpal de bzhin gshegs pa ni de dag ji ltar stong pa de lta bu kho nar mngon par rdzogs par sangs rgyas so// 'jam dpal stong pa nyid kyis stong pa nyid mngon par rdzogs par sangs rgyas pa yang ma yin te/ 'jam dpal 'di lta ste stong pa nyid dam byang chub de ni shes pa tshul gcig pa yin te/ 'jam dpal gang la stong pa nyid kyang med/ byang chub kyang med pa de la ni 'jam dpal gang gis stong pa nyid dang / byang chub ces gnyis su dbye ba'i gnyis ni cung zad kyang med do// de ci'i phyir zhe na/ 'jam dpal chos thams cad ni gnyis su med pa/ mtshan nyid med pa/ gnyis su dbyer med pa/ ming med pa/ mtshan ma med pa/ sems dang / yid dang / rnam par shes pa dang bral ba/ ma skyes pa dang / ma 'gags pa/ rgyu ba med pa/ spyod pa med pa/ kun 'byung ba med pa/ yi ge med pa/ sgra med pa yin pa'i phyir ro// 'jam dpal stong pa nyid ces gang yin pa de ni mngon par zhen pa med pa/ 'dzin pa med pa'i tshig bla dgas/ 'jam dpal de la ni don dam par na gang stong pa zhes bya ba'i chos gang yang dmigs su med do// 'jam dpal 'di lta ste dper na/ na mkha' nam mkha' zhes brjod par bya ba ma yin no// 'jam dpal de bzhin du/ stong pa stong pa zhes brjod kyang stong pa ni brjod par bya ba ma yin te/ chos thams cad kyi 'jug pa ni de lta bu yin no// 'jam dpal chos thams cad ming med pa yin na/ de gla ming gis brjod par byed de/ 'jam dpal ming ni yul na gnas pa ma yin/ phyogs na gnas pa ma yin no// 'jam kyang na mkha' ni rjod
- 403a
dpal ji ltar ming yul na gnas pa ma yin/ phyogs na gnas pa ma yin pa de bzhin du/ ming gang gis chos gang brjod par byed pa chos de yang yul na/ gnas pa ma yin/ phyogs na gnas pa ma yin no// 'jam dpal de bzhin gshegs pas ni chos de dag thams cad de ltar bzod pa nyid nas ma skyes pa/ ma byung ba/ ma 'gegs pa/ mtshan nyid med pa sems yid kyi rnam par shes pa bral ba/ yi ge med pa/ sgra med par shes so// 'jam dpral ji ltar shes pa de kho na bzhin du rnam par grol te/ bcings pa las grol bar gyur pa ni ma yin no// 'jam dpal byang chub ni na mkha' dang mnyam pa ste/ na mkha' ni mnyam pa ma yin/ mi mnyam pa ma yin la byang chub kyang mnyam pa ma yin/ mi mnyam pa ma yin no// 'jam dpal chos gang la yang dag par yongs su 'grub pa med pa de ni mnyam pa'am/ mi mnyam par brjod bar bya bas ma yin pa'i phyir ro// 'jam dpal de bzhin gshegs pas ni de ltar chos thams cad mnyam pa med pa dang / mi mnyam pa med par rdzogs par sangs rgyas te/ ji ltar chos phra rab tsam yang mnyam par ma byas/ mi mnyam par ma byas pa de ltar mngon par sangs rgyas shing / yang dag par shes pas chos de dag ji lta ba de lta bu kho nar shes so// 'jam dpal yang dag pa'i shes pa yang dag zhe na/ 'jam dpal chos thams cad rtsa ba med pa dang / ma skyes pa ma 'gags pa/ ma 'byung ba las
- 403b
byung ba dang / byung nas kyang 'jig par 'gyur te/ 'jam dpal de dag kyang bdag po med pa dang / yongs su 'dzin pa med par 'byung zhing / bdag po med pa dang / yongs su 'dzin pa med par 'jig par shes pa'o// 'jam dpal de ltar 'byung ba dang / 'jig pa la rten nas chos rnams 'jug par 'gyur d+mo// 'di la 'jug par 'gyur ba gang yin pa med de/ de ni lam gyi rgyun bcad pa'i phyir/ de bzhin gshegs pa chos ston pa zhes bya'o// 'jam dpal byang chub ces bya ba de ni ji lta ba bzhin gyis gnas yin te/ 'jam dpal de la ji lta ba bzhin gyi gnas gang zhe na/ 'jam dpal ji lta ba bzhin gyi gnas shes bya ba ni byang chub ste/ byang chub ji lta ba de bzhin du gzugs kyang de bzhin nyid las mi 'da'o// byang chub ji lta ba bzhin du/ tshor ba dang / 'du shes dang / 'du byed rnams dang / rnam par shes pa yang de bzhin nyid las mi 'da'o// byang chub ji lta ba de bzhin du sa'i khams dang de bzhin nyid las mi 'da'o// byang chub ji lta ba bzhin du/ chu'i khams dang / me'i khams dang / rlung gi khams dang / de bzhin nyid las mi 'da'o// 'jam dpal byang chub ji lta ba bzhin du/ mig gi khams dang / gzugs kyi khams dang / mig gi rnam par shes pa'i khams kyang de bzhin nyid las mi 'da'o// debyang chub ji lta ba bzhin du/ rna ba'i khams dang / sgra'i khams dang / rna ba'i rnam par shes pa'i khams dang / sna'i khams dang / dri'i khams dang / sna'i rnam par shes
- 404a
pa'i khams dang / ro'i khams dang / lce'i khams dang / lce'i rnam par shes pa'i khams dang / lus kyi bsam dang / reg bya'i khams dang / lus kyi rnam par shes pa'i khams dang / yid kyi khams dang / chos kyi khams dang / yid kyi rnam par shes pa'i khams kyang de bzhin nyid las mi 'da'o// chos gdags pa de ni 'di tsam du zad de 'di lta ste phung po dang / khams dang skye mched du gdags pa'o// de bzhin gshegs pas ni de dag yang dag pa ji lta ba bzhin du mngon par sangs rgyas shing / phyin ci ma log par mngon par rdzogs par sangs rgyas so// de dag sngon ji lta ba bzhin bar du yang de bzhin te/ sngon gyi mngon ma skyes pa dang / phyi ma'i mthar mi 'pho ba dang / dbus su dben pa yin no// de ltar de dag ni ji lta ba bzhin gyis gnas yin te/ gcig ji lta ba bzhin du/ thams cad kyang de bzhin du/ thams cad ji lta ba bzhin du gcig kyang de bzhin te/ 'jam dpal 'di la ni gcig pa nyid dam/ mang po nyid dmigs med do// 'jam dpal byang chub ni rnam pa'i 'jug pas/ rnam pa med par zhugs pa yin te/ 'jam dpal de la rnam pa ni gang / rnam pa med pa ni gang zhe na/ 'jam dpal de la rnam pa zhes bya ba ni dge ba'i chos thams cad dmigs su med pa'o// rnam par med pa zhes bya ba ni sems mi gnas pa'i gnas bslab so// rnam pa med pa zhes bya ba ni rnam par thar pa'i skyo mtshan ma med pa'i ting nge 'dzin to// rnam pa zhes bya ba ni chos thams cad la sems pa dang / 'jal ba dang / 'grang ba dang / so sor rtog
- 404b
pa'o/ rnam par med pa zhes bya ba ni gzhal ba las yang dag par 'das pa ste/ gzhal las yang dag par 'das pa yang gang zhe na/ gang la rnam par shes pa'i las med pa'o rnam pa zhes bya ba ni/ 'dus byas la so sor rtog pa'o// rnam pa zhes bya ba ni 'dus ma byas la so sor rtog pa'o// 'jam dpal byang chub ni zag pa med pa nyid dang / len pa med nyid yin te/ 'jam dpal de la zag pa med pa nyid ni gang / len pa med pa nyid ni gang zhe na/ 'jam dpal zag pa med pa nyid ces bya ba ni/ zag pa bzhi dang bral ba ste/ bzhi po de dag kyang gang zhe na/ 'di lta ste/ 'dod pa'i zag pa dang / ma rig pa'i zag pa dang / lta ba'i zag pa ste/ zag pa bzhi pa'o// de dag dang bral ba'o// len pa med pa nyid ces bya ba ni// len pa bzhi dang bral ba ste/ bzhi po dag kyang gang zhe na/ 'dod pa'i len pa dang / lta ba'i len pa dang / tshul khrims dang / brtul zhugs mchog tu 'dzin pa'i len pa dang / bdag tu smra ba'i len pa ste/ len pa bzhi po de dag dang bral ba'o// 'jam dpal de la sems can ma rig pas ldongs par byas pa/ sred pas dkrugs par gyur pa dag ni phan tshun mngon par zhen par gyur nas/ len par byed kyi/ de bzhin gshegs pas ni bdag tu smra ba'i rtsa ba yin par yongs su shes nas/ bdag rnam par dag pas/ sems can thams cad rnam par dag pa rjes su rtogs par 'gyur te/ bdag rnam par dag pa gang yin pa dang / sems can thams cad rnam par dag pa gang yin pa de ni gnyis su med de/ gnyis su dbyer
- 405a
med la/ gnyis su med pa'i don gang yin pa de ni skye ba med pa dang / 'gag pa med pa yin no// 'jam dpal skye ba med pa dang / 'gag pa med pa la ni sems dang / rnam par shes pa 'jug par mi 'gyur te/ de 'jam dpal gang la sems dang / yid dang / rnam par shes pa mi 'jug pa de la ni yongs su rtog par gang gang gis tshul bzhin ma yin pa yid la byed par 'gyur ba'i yongs su rtog pa gang yang med do// tshul bzhin yid la byed pa la rab tu brtson pa de ni ma rig pa kun nas slong bar mi byed do// ma rig pa'i kun nas ldang ba med pa de ni srid pa'i yan lag bcu gnyis po dag gis kun nas slong ba med pa yin no// srid pa'i yan lag srid pa'i yan lag bcu gnyis po dag gi kun nas ldang ba med pa gang yin pa de ni skye ba med pa yin no// skye ba med pa gang yin pa de ni skyen med pa yin no// skyen med pa gang yin pa de ni nges pa'i don yin no// nges pa'i don gang yin pa de ni don dam pa yin no// don dam pa gang yin pa de ni gang zag med pa'i don yin no// gang zag med pa'i don gang yin pa de ni brjod du med pa'i don gang yin pa de ni rten cing 'brel bar 'byung ba'i don yin no// rten cing 'brel par 'byung ba'i don gang yin pa de ni chos kyi don yin no// chos kyi don gang yin pa de ni/ de bzhin gshegs pa'i don yin no// / de'i phyir gang gis rten cing 'brel bar 'byung bar mthong ba des chos mthong ngo // gang gis chos mthong ba des des de bzhin gshegs pa mthong ngo zhes gsungs te/ ji ltar
- 405b
yongs su tshol ba ni ci yang mi mthong ba de ltar mthong ngo // 'jam dpal de la ci yang mi mthong zhes bya ba gang zhe na/ 'di lta ste/ sems dang / dmigs pa ste/ des gang gis tshe sems dang / dmigs pa yang dag par rjes su mi mthong ba de'i tshe yang dag par mthong ba yin pa de bzhin gshegs pas ni chos de dag de ltar mnyam pa nyid kyis mnyam par mthong bar sangs rgyas so// 'jam dpal byang chub ni dag pa dang / dri ma med pa dang / nyon mongs pa med pa yin te/ 'jam dpal de la dag pa ni gang / dri ma med pa ni gang / nyon mongs pa med pa ni gang zhe na/ 'jam dpal stong pa nyid ni dag pa'o// mtshan ma med pa ni dri ma med pa'o// smon pa med pa ni nyon mongs pa med pa'o// skye ba med pa na dag pa'o// mngon par 'du byed pa med pa ni dri ma med pa'o// 'byung ba med pa ni nyon mongs pa med pa'o// rang zhin ni dag pa'o// yongs su dag pa ni dri ma med pa'o// 'od gsal ba ni nyon mongs pa med pa'o// spros pa med pa ni dag pa'o// spros pa dang bral ba ni dri ma med pa'o// spros pa nye bar zhi ba ni nyon mongs pa med pa'o// de bzhin nyid ni dgra dag pa'o// chos kyi dbyings ni dri ma med pa'o// yang dag pa'i mtha' ni nyon mongs pa med pa'o// nam mkha' ni dag pa'o// bar snang ni dri ma med pa'o// na mkha' ni kun nas nyon mongs ba med pa'o// nang yongs su shes pa ni dag pa'o// phyi rol du rgyu ba med pa ni dri ma med pa'o// phyi nang dmigs su med pa la ni nyon mongs pa med pa'o// phung po yongs su shes pa ni
- 406a
dag pa'o// khams rang bzhin med pa ni dri ma med pa'o// skye mched rnams spong ni nyon mongs pa med pa'o// 'das pa la zad par shes pa ni dag pa'o// ma/ 'ongs pa la mi skye bar shes pa ni dri ma ni med pa'o// da ltar byung ba la chos gnas pa med par shes pa nyon mongs pa med pa'o// 'jam dpal de ltar dag pa dang / dri ma med pa dang / nyon mongs pa ni gnas gcig tu yang dag par 'du ste/ 'di lta ste zhi ba'i gnas su'o// zhi ba gang yin pa de ni rab tu zhi ba yin no// rab tu zhi ba gang yin pa de ni nye bar zhi ba yin no// nye bar zhi ba gang yin pa de ni nye bar zhi bar 'gyur ba yin no// nye bar zhi bar gyur pa gang yin pa de ni thub pa zhes bya'o// 'jam dpal de ltar na na mkha' ji lta bar byang chub kyang de bzhin no// byang chub ji lta bar chos rnams kyang de bzhin no// chos rnams ji lta bar sems can rnams kyang de bzhin no// sems can rnams ji lta bar zhing rnams kyang de bzhin no// zhing rnams ji lta bar mya ngan 'das pa yang de bzhin no// 'jam dpal de'i phyir chos thams cad na mya ngan las 'das pa dang mnyam pa zhes bya ste/ mthar thug par gyur pa'i phyir/ mnyen po med pa'i phyir/ bzod ma nas dri ma med pa dang / bzod ma nas dag pa dang / bzod ma nas dri ma med pa dang / bzod ma nas nyon mongs pa med pa yin no// 'jam dpal de la de bzhin gshegs pa chos thams cad de ltar mngon par rdzogs par sangs rgyas pa/ sems can rnams kyi khams la rnam par gzigs pa ni sems can rnams la dag pa'i dri ma med pa/ nyon mongs pa med pas rnam par rol
- 406b
pa zhes bya ba'i thugs rje chen po skye bar 'gyur ro// 'jam dpal ji ltar na byang chub sems dpa' byang chub sems dpa'i spyod pa yin zhe na/ 'jam dpal gang gi tshe/ byang chub sem dpa' zad pa'i phyir rlom sems su mi byed cing / ma zad pa'i phyir yang ma yin/ skye ba'i phyir yang ma yin/ ma skye ba'i phyir yang ma yin zhe na/ gtan zag pa zad par bya ba'i phyir yang ma yin/ gtan mi skye ba rnam par 'khrug par yang mi byed pa de ltar spyod na/ 'jam dpal byang chub sems dpa' byang chub sems dpa'i spyad pa spyod pa yin no// 'jam dpal byang chub sems dpa' 'das pa'i sems la zad pa zhes bya bar mi spyod/ ma 'ongs pa'i sems la mi thob pa zhes bya bar mi spyod/ de ltar 'byung ba'i sems la yid ces byar mi spyod cing // 'das pa dang / ma 'ongs pa dang / da ltar byung ba'i sems la chags par mi 'gyur ba de ltar spyod na/ 'jam dpal byang chub sems dpa' byang chub sems dpa'i spyad pa spyod pa yino// 'jam dpal gzhan yang byang chub sems dpa' sbyin pa dang / byang chub dang / sems can rnams dang / de bzhin gshegs pa de la gnyis su med pa de gnyis su med dbyer med de ltar spyod na/ byang chub sems dpa'i spyad pa spyod pa yin no// 'jam dpal de bzhin du byang chub sems dpa' tshul khrims dpa'/ byang chub dang sems can rnams dang / de bzhin gshegs/ pa de la gnyis su med de gnyis su dbyer med pa de ltar spyod na/ byang chub sems dpa'i spyad pa spyod pa yin no// 'jam dpal de bzhin du byang chub sems dpa' bzod pa dang /
- 407a
byang chub dang / sems can rnams dang / de bzhin gshegs pa dang / brtson 'grus dang / byang chub dang / sems can rnams dang / de bzhin gshegs pa dang / bsam gtan dang / byang chub dang / sems can rnams dang / de bzhin gshegs pa dang / de bzhin du shes rab dang / byang chub dang / sems can rnams dang / de bzhin gshegs pa de la gnyis su med de/ gnyis su dbyer med pa de ltar spyod na/ byang chub sems dpa'i spyad pa spyod pa yin no// 'jam dpal gal te byang chub sems dpa' gzugs stong pa zhes bya bar ma spyod/ mi stong zhes bya bar mi spyod na/ 'jam dpal byang chub sems dpa' byang chub sems dpa'i spyad pa spyod pa yin no// de ci'i phyir zhe na/ 'jam dpal gzugs ni gzugs kyi ngo bo nyid kyis stong pa'i phyir/ 'jam dpal de bzhin du gal te/ byang chub sems dpa' tshor ba dang / 'du shes dang / 'du byed rnams dang / rnam par shes pa stong pa zhes bya bar mi spyod/ mi stong zhes bya bar mi spyod pa de ltar spyod na/ byang chub sems dpa' sems dpa'i spyad pa spyod pa yin no// de ci'i phyir zhe na/ 'jam dpal sems dang / yid dang / rnams shes pa dmigs su med pa'i phyir/ gang yongs su shes pa 'am/ spang ba 'am/ bsgom pa 'am/ mngon sum du bya ba'i chos de gang yod pa ma yin pa'i phyir ro// 'jam dpal zad pa zhes bya ba gang yin pa de ni gtan zad pa kho na yin no// gtan zad pa gang yin pa de ni zang par bya ba ma yin no// zad par bya ba ma yin pa'i phyir mi zad pa yin no// de ci'i phyir zhe na/ 'jam dpal de ni ji lta ba bzhin du zad pa yin la/ ji lta ba bzhin du bang ba
- 407b
gang yin pa de la ni zad pa med la/ gang la zad pa cung zad kyang med pa de ni 'dus ma byas pa ste/ 'dus ma byas pa gang yin pa de la ni skye ba yang med/ 'gag pa yang med pa'i phyir/ ro// de'i phyir de bzhin gshegs pa rnams byung yang rung / ma byung yang rung / chos nyid dang / chos gnas pa nyid dang / chos kyi dbyings 'di ni gnas pa kho na zhes bya ste/ ji ltar chos dbyings gnas pa de bzhin du/ shes pa de yang 'jug par mi byed/ ldog par mi byed do// ji ltar shes pa de 'jug par mi byed/ ldog par byed pa de lta bu'i chos kyi ngang tshul la 'jug pa/ zag pa skye bar mi byed/ 'gag par mi byed do// 'jam dpal zag pa zad pa zhes bya ba de ni/ tha snyad dang / sgra dang / yi ge dang / brdar gdags pa yin te/ 'di la ni skye ba 'am/ 'gag par 'gyur ba'i chos gang yang med do// de nas 'jam dpal gzhon nur gyur pas/ stan las langs te/ bla gos phrag pa gcig tu gzar nas/ pus mo g.yas pa'i lha nga sa btsugs te/ bcom ldan 'das ga la bde logs su thal mo sbyar ba btud nas/ bcom ldan 'das la tshig su bcad pa 'di dag gis mngon par bstod do// kha dog rtags dang dbyibs mi mngag rdzab mi mnga' gnas mi mngag mi 'gag 'byung ba mi mnga' ba/ mi rten khyod la phyag 'tshal lo// mi gnas gnas pa mi mnga' ba/ blang ba mi mnga'/ dor ba mi mngag skye mched drug las rnam par grol/ mi rten khyod la phyag 'tshal lo// chos rnams kun la mi gnas shing / dngos dang dngos med rnam par spangs/ 'du byed
- 408a
mnyam pa nyid brnyes ste/ mi rten khyod la phyag 'tshal lo// khams gsum dag las byar grol/ mkha' ltar mnyam nyid thugs su chud/ 'dod pa'i khams kyis mi gos pa/ mi rten khyod la phyag 'tshal lo// gshegs dang bzhugs dang gzims pa yi/ spyod lam rnam pa thams cad du rtag tu mnyam par bzhag mdzad pa/ mi rten khyod la phyag 'tshal lo// mnyam par byon cing mnyam par gshegs/ mnyam par nyid la gnas pa'i/ mnyam nyid 'khrugs par mi mdzad pa/ mi rten khyod la phyag 'tshal lo// mnyam pa nyid la zhugs gyur cing / chos rnams kun la mnyam pa bzhag/ mtshan ma med la zhugs gyur pa/ mi rten khyod la phyag 'tshal lo// mi gnas dmigs pa mi mnga' ba/ shes rab brtsegs shing mnyam par bzhag/ chos la mnga' dbang brnyes gyur pa/ mi rten khyod la phyag 'tshal lo// sems can kun gyi sgra skad dang / de bzhin gzugs la spyod lam dge/ skad cig gcig gis gzigs mdzad pa/ mi rten khyod la phyag 'tshal lo// ming dang gzugs las rnam par grol/ rgyu dang phung po thams cad bcad/ rnam pa med la 'jug mdzad pa/ mi rten khyod la phyag 'tshal lo// mtshan ma dag dang rnam bral zhing / mtshan ma'i rnam pa rnam par spangs/ mtshan ma med la 'jug mdzad pa/ mi rten khyod la phyag 'tshal lo// yang dag rtags pa rnam ma rtags/ thugs yid rab tu mi gnas shing / yid mdzad mi mdzad mi dgongs pa/ mi rtan khyod la phyag 'tshal lo// rnam pa'i 'dra
- 408b
bar gnas mi mnga'/ thogs pa mi mnga' spros mi mnga'/ na mkha' dang mnyam pa'i thugs mnga' ba/ mi rten khyod la phyag 'tshal lo// nam mkha' dpung mtha' ma mchis pa// sangs rgyas chos nyid de dang 'dra/ dus gsum yang dag 'das gyur pa/ mi rten khyod la phyag 'tshal lo// nakha'i mtshan nyid sangs rgyas te/ mkha' la'ang mtshan nyid mchis ma lags/ rgyu dang 'bras bu rnam grol la/ mi rten khyod la phyag 'tshal lo// rang 'dzin mi mnga' sgra mnga'/ gzung ba ma mchis chu zla 'dra/ chos rnams kun la mi gnas pa/ mi rten khyod la phyag 'tshal lo// phung po rnams dang skye mched dang / khams rnams dag la mi gnas pa/ phyin ci log la rnam grol ba/ mi rten khyod la phyag 'tshal lo// mtha' gnyis dag la rnam grol zhing / bdag tu lta ba yang bcad/ chos dbyings mnyam pa nyid brnyes pa/ mi rten khyod la phyag 'tshal lo// gzugs kyi grangs las rnam grol zhing / dam chos ma lags rnam par spangs/ len dang gtor pa mi mnga' ga/ mi rten khyod la phyag 'tshal lo// bdud kyi ming la rab 'das shing / chos kun rtogs pa khong du chud/ sgrib pa med pa'i chos gyur pa/ mi rten khyod la phyag 'tshal lo// don 'tshal rnams kyis mchis mi brjod/ ma mchis shes kyang brjod mi bgyid/ len med tshig lam ma mchis pa/ mi rten khyod la phyag 'tshal lo// gnyis kyi chos la mi rten par/ theg pa'i rgyal mtshan kun tu btsugs/ gnyis dang gnyis med rnam grol ba/ mi mchog khyod la phyag 'tshal lo// khyod kyis yid kyi nyes pa
- 409a
pa dang / lus kyis nad bzhi pham par mdzad/ bsam las dpe dang rnam bral ba/ mi rten khyod la phyag 'tshal lo// lhun gyis grub par 'jug mdzad cing / nyes pa thams cad rnam par spangs/ spyod pa mkhyen pas thog drangs pa/ mi rten khyod la phyag 'tshal lo// khyod dgongs zhib cing zad mi mnga'/ 'byung min 'byung la de bdags nyid/ gnas dang rtog pa mi mnga' ba/ mi rten khyod la phyag 'tshal lo// dmigs pa mi mnga' thugs kyis su/ kun gyi sems ni rab tu mkhyen/ bdag gzhan 'du shes mi mnga' ba/ mi rten khyod la phyag 'tshal lo// dmigs dang dmigs pa rnams kyis ni/ kun gyi sems ni rmongs par mi bgyid/ sgrib pa med pa'i chos gyur pa'i/ mi rten khyod la phyag 'tshal lo// dmigs pa dag dang sems rnams ni/ ngo bo nyid kyis mchis ma lags/ bsam yas mnyam pa nyid brnyes pa/ mi rten khyod la phyag 'tshal lo// gnas pa mi mnga' mkhyen pa yis/ zhing rnams kun tu ngade bzhin du/ sems can kun gyi spyod gzigs pa/ mi rten khyod la phyag 'tshal lo// sangs rgyas rnams kyis len dga' yang sems dang chos kun gtan ma dmigs chos rnams thams cad kun mkhyen pa/ mi rten khyod la phyag 'tshal lo// chos kun sgyu ma lta bu ste// sgyu ma nyid kyang mchis ma lags/ sgyu ma'i chos las rnam grol ba mi rten khyod la phyag 'tshal lo// rdzogs sangs 'jig rten spyod mdzad cing / 'jig rten chos la rten mi mdzad/ 'jig rten rnam rtog mi mnga' ba/ mi rtan khyod la phyag 'tshal lo// stong phyir stong la spyod mdzad ci//
- 409b
khyod nyid stong zhing yul stong / stong pa stong par ston mdzad pa/ mi rten khyod la phyag 'tshal lo// sgyu ma lta bu'i ting nge 'dzin dang / rdzu 'phrul chen pos rnam 'phrul zhing / tha dad / ma mchis snyoms zhugs pa/ mi rten khyod la phyag 'tshal lo// du ma ma lags gcig ma lags/ ring dang nye la ma 'jug cing / gdag dang gzhag pa mi mnga' ba/ mi rten khyod la phyag 'tshal lo// rdo rje lta bu'i ting nge 'dzin gyis/ skad cig gcig la mngon sangs rgyas/ dngos ma mchis par mnyam gzhag pa/ mi rten khyod la phyag 'tshal lo// 'dren pa du rnams thams cad du/ mi g.yo mya ngan 'das pa rtogs/ sna tshogs thabs dang ldan pa po// mi rten khyod la phyag 'tshal lo// sems can rnams kyi brgyad pa'i thabs/ mkhyen pas mkhas par gyur pa lags/ de phyir mi g.yo mya ngan 'das/ mi rten khyod la phyag 'tshal lo// mtshan mi mnga' la lhun gyis grub/ spros pa mi mnga' skyon mi mnga'/ snang med bdag gi mi mnga' ba/ mi rten khyod la phyag 'tshal lo// rnam rtog mi mnga' skyon mi mnga'/ bdag gis bdag nyid ji bzhin par/ kun tu mkhyen pa thams cad mkhyen/ mi rten khyod la phyag 'tshal lo// stobs bcu chu bo rgal pa khyod la phyag 'tshal lo// 'jigs bral mi 'jigs mchog brnyes khyod la phyag 'tshal lo// ma 'dres chos rnams thugs su chud gyur pa/ 'gro kun gyi 'dren pa khyod la phyag 'tshal lo// kun sbyor 'ching ba bcad pa khyod la phyag 'tshal lo// pha rol phyin la thang la
- 410a
bzhugs la phyag 'tshal lo// skye bo ngal ba'i 'dren pa khyod la phyag 'tshal lo// 'khor bar gshegs shing mi gnas pa la phyag 'tshal lo// 'gro ba thams cad dag na sems can rnams dang ni/ thabs gcig bzhugs kyang thugs yid shin tu rab dben pa/ ji ltar pad ma chab kyis gos par mi 'gyur bzhin/ sangs rgyas thub pa khyod kyis stong pa nyid shin tu bston/ mtshan ma thams cad rnam pa kun tu rnam par bshig/ khyod la rag yang smon par mdzad pa mchis ma lags/ stong pa'i go 'phang bla med dben pa nyid lags te/ dmigs med chu bo rgal ba khyod la phyag 'tshal lo// sangs rgyas mthu chen bsam gyis khyab pa ma lags te/ mi gnas namakha' mnyam pa khyod la phyag 'tshal lo// yon tan kun gyi mchog mnga' khyod la phyag 'tshal lo// dpal bags lhun po khyod la phyag 'tshal lo// de nas bcom ldan 'das kyis/ 'jam dpal gzhon nur ba la legs so zhes bya byin 'angam dpal legs so legs so// 'jas dpal khyod kyimi legs par smras so// bajam dpal de de bzhin te/ 'dam dpa la sangs rgyas rnams ni gdugs las bzla bar pa sa pa ces nga ma pas rgya zhin la mapas kyi la mangs rgyas rna nasus kya mang pas yis dong bar yin cad pas yin te/ brjod par byed pa yang sa yin no// sangs rgyas rnam gyi tshim 'ga' yang gcig pa sa pang
- 410b
po nyid du mi mdzad pa yin no// sangs rgyas rnams kyis ni byang chub brnyes pa med do// sangs rgyas rnams ni gang gis kyang rab tu 'byed par mi byed do// sangs rgyas rnams kyis ni chos 'ga' yang ma gzigs/ ma gas na/ ma dgongs/ rnam par mi mkhyen/ kun tu mi mkhyen to// sangs rgyas rnams kyis ni ma gsungs ma brjod do// sangs rgyas rnams ni gsu mi brjod do// sangs rgyas rnams ni gsung bar mi 'gyur brjod par mi 'gyur ro// sangs rgyas rnams ni mngon par rdzogs par 'tshang rgya bar mi mdzad do// sangs rgyas rnams kyis chos gang yang mngon par rdzogs par sangs rgyas so// sangs rgyas rnams kyis ni nyon mongs pa ma spangs so// sangs rgyas rnams ni rnam par byang ba mngon sum du mdzad do// sangs rgyas rnams kyis ni chos yang ma gzigs ma gsan/ ma myangs ma snams ma reg mi mkhyen to// de ci'i phyir zhe na/ 'jam dpal chos thams cad ni bzod ma nas yongs su dag pa yin pa'i phyir ro// / 'jam dpal byang chub sems dpa' chos kyi rnam grangs 'di la ma mos pa gang la la zhig gis stong gsum gyi stong chen po'i 'jig rten gyi khams rdul snyed kyi sems can/ rang rgyal ba nyid la bkod pa pas ni/ 'jam dpal byang chub sems dpa' gzhan gang zhig chos kyi rnam grangs 'di la mos par gyur na/ de ni de bas ches bsod nams mang du skye bar 'gyur na/ gang chos kyi rnam grangs 'di yi ger 'bri 'jug pa lta smos kyang ci dgos te/ de ni de bas ches bsod nams mang du skyed par 'gyur ro// 'jam dpal yongs su brtag pa nye bar
- 411a
gzungs na/ stong gsum gyi stong chen po'i 'jig rten gyi khams na sems can/ sgo nga las skyes pa dang / mngal nas skyes pa dang / gros sher las skyes pa/ dang / rdzas te skyes pa dang / gzugs can gzugs med pa can dang / 'du shes can dang / 'du shes med pa dang / rkang med dang / rkang gnyis pa dang / rkang bzhi pa dang / rkang mangs gang ji snyed yod pa de dag thams cad lnga phyi med par mi'i lus thob par 'gyur la/ mi lus thob nas/ byang chub sems bskyed par 'gyur la/ byang chub du sems bskyed kyang / byang chub sems dpa' re res kyang / sangs rgyas byang chub sems dpa' dang bcas/ nyan thos dang / bcas pa'i/ sangs rgyas kyi zhing gang ga'i bye ma ltar grangs med pa'i rdul phra rab kyi rdul snyed dag bskal ba gang gi'i bye ma ltar grangs med pa snyed du/ na bza' dang / gzi mas cha dang / gan dang / snyun gyi gsol sman dang / yo byad rnams kyis bsnyen bkur byed cing / bde ba'i yo byad thams cad kyang nye bar bsgrub par byed la/ de dag yongs su mya ngan las 'das pa'i mchod rten rin po che las byas pa/ rin po che'i lan kan gyis yongs su bkor ba/ nor bu mu tig dang / rin po che'i chun pos mdzes pas byas pa/ gdugs dang / rgyal mtshan dang / ba dan sbeng ba/ nor bu rin po che dbang gi rgyal po'i dra bas/ kun nas g.yogs pa sha stag kyang byed du bcug pa pas ni/ 'jam dpal byang chub sems dpa' bsam pa phun sum tshogs pa gzhan gis/ sangs rgyas thams cad kyi yul la 'jug pa ye shes snang ba'i rgyan ces bya ba'i chos kyi
- 411b
rnam grangs 'di thos nas/ mos par byed/ yid ches par byed cing / yongs su rtog par byas nas kyang tha na tshig bzhi pa'i tshigs su bcad pa/ gcig tsam zhig lung 'bog par byed na/ de ni de bas ches sangs rgyas kyi ye shes rjes su rtogs par 'gyur ba'i bsod nams grangs med pa skyed par 'gyur te/ bsod nams mngon par 'du bya ba de la/ byang chub sems dpa' de dag gi sbyin pa las byung ba'i bsod nams mngon par 'du bya snga ma des ni/ brgya'i char yang nye bar mi 'gro'o// 'bum gyi cha dang / bye ba phrag 'bum gyi cha dang / grangs dang / cha dang / bgrang ba dang / dpe' dang / rgyur yang nye bar mi 'gro'o// 'jam dpal byang chub sems dpa' khyim pa gang la la zhig gis sangs rgyas byang chub sems dpa' dang bcas/ nyan thos kyi rege 'dun dang bcas pa/ gang ga'i bye ma ltar grangs med pa snyed cig la/ bskal pa gang ga'i bye ma ltar grangs med pa snyed du/ na bza' dang / zhal zas dang / gzims cha dang / gdan dang / snyag gyi gsos sman dang / yo byad rnams kyis bsnyen bkur byed pa bas ni/ byang chub sems dpa' rab tu byung ba/ tshul khrims dang ldan pa dang / bsam pa phun sum tshogs pa/ gzhan gang gis/ tha na dud 'gro'i/ skye gnas su skyes pa'i sems can la/ sbyin pa kham cig tsam zhig gyur na/ bsod nams mngon par 'du bya ba de la/ bsod nams mngon par 'du ba snga ma des ni/ rgya'i char yang nye bar mi 'gro'o// stong gi cha dang / 'bum gyi cha dang / grangs dang / cha dang / bgrang ba dang / dpe' dang / rgyur
- 412a
yang nye bar mi 'gro'o// 'jam dpal gal te byang chub sems dpa' rab tu byung ba tshul khrims dang ldan pa/ stong gsum gyi stong chen po'i rdul phra rab kyi rdul snyed dag las byang chub sems dpa' re res kyang phyogs bcu'i sangs rgyas byang chub sems dpa' dang bcas nyan thos dang bcas pa/ gang gis bye ma ltar grangs med pa snyed dag la/ bskal ba gang ga'i bye ma ltar grangs med pa snyed du na bza' dang / zhal zas dang / gzims cha dang / gan+d+ha dang sdu gi gsos sman dang / yo byad rnams kyis bsnyen bkur byed par gyur na/ byang chub sems dpa' dag gi sbyin pa las byung ba'i bsod nams bya ba'i mngon par 'du bya ba gang yin pa de ni/ byang chub sems dpa' khyim 'am/ rab tu byung ba bsam pa dag pa tshul khrims dang ldan pa gzhan gang zhig gis chos rnam grangs 'di thos nas/ mos par byed/ yid ches par byed/ yi ger 'bri bar byed/ yi ger 'brir 'jug par byed/ bsod nams mngon par 'du bya ba de la byang chub sems dpa' de dag gi sbyin pa las byung ba'i bsod nams mngon par 'du bya snga ma des ni/ brgya'i cher yang nye bar mi 'gro'o// stong gi stong gi cha dang / 'bum gyi cha dang / bye ba phrag 'bum gyi cha dang / grangs dang / cha dang bgrang ba dang / dpe dang / rgyur yang nye bar mi 'gro'o// 'jam dpal/ gal te byang chub sems dpa' chen po zhig gi stong gsum gyi stong chen po'i 'jig rten gyi khams rin po che bdun gyis yongs su bkang ste/ sangs rgyas rnams la 'bul bar dbul
- 412b
zhing / de ltar dbul bas bskal pa stong gsum gyi stong chen po'i 'jig rten gyi khams kyi rdul phra rab kyi rdul snyed dbul bar phul bas/ byang chub sems dpa' gzhan zhig gi chos kyi rnam grangs 'di las tha na tshig bzhi pa'i tshigs su bcad pa cig tsam zhig/ byang chub sems dpa' gzhan la snyan par gyur na/ bsod nams mngon par 'du bya ba de la/ bsod nams 'du bya ba snga ma des ni/ brgya'i char yang nye bar mi 'gro'o// stong gi cha dang / 'bum gyi cha dang / bye ba phrag 'bum gyi cha dang / grangs dang / cha dang / bgrang ba dang / dpe dang / rgyur yang nye bar mi 'gro'o// 'jam dpal bskal pa stong gsum gyi stong gi 'jig rten gyi khams kyi rdul phra rab kyi rdul snyed du/ sbyin pa byin pa'i/ bsod nams mngon par 'du bya ba lta zhog gi 'jam dpal byang chub sems dpa' gang ga'i bye ma ltar grangs med pa snyed cig byung bar gyur la/ de dag las byang chub sems dpa' re res kyang / sangs rgyas kyi zhing / 'dzam bu'i chu ba'o gser las byas pa/ shing ljon pa thams cad kyang lha'i gos rnams kyis yongs su bkris pa/ nor bu rin po che 'od thams cad yang dag par 'dus pa'i dra ba'i kun nas g.yogs pa/ nor bu rin po che dbang gi rgyal po las byas kheng pa rtsegs pa/ nor bu rin po chen klog gi sgron mo'i lan kan gyis yongs su gang bar byas pa/ gdugs dang / rgyal mtshan dang / ba dan bsgreng ba/ gang ga'i bye ma ltar grangs med pa snyed cig
- 413a
sangs rgyas gang ga'i byem ltar grangs med pa sbed dag la nyin cig bzhin du dbul bar dngul zhing / de ltar dngul bas na/ bskal pa gang gi byes ltar grangs med pa snyed du dbul bar phul ba bas ni/ byang chub sems dpa' gzhan zhig gis chos kyi rnam grangs 'di la mos par byas nas/ chos kyi rnam grangs 'di las tha na tshig bzhi pa'i tshigs su bcad pa cig tsam zhig/ byang chub sems dpa' gzhan la stan tam/ 'jug par byas na/ bsod nams mngon par 'du bya ba de la/ byang chub sems dpa' de dag gi sbyin pa las byung ba'i bsod nams mngon par 'du bya ba snga ma des ni/ brgya'i char yang nye bar mi 'gro'o// stong gi cha dang / 'bum gyi cha dang / bye ba phrag 'bum gyi cha dang / grangs dang / cha dang / bgrang ba dang / dpe dang / rgyur yang nye bar mi 'gro'o// 'jam dpal 'di lta ste dper na/ khams gsum du gtogs pa'i sems can thams cad/ sems can dmyal ba dang / dud 'gro dang / gshin rje'i 'jig rten du skye bar 'gyur la/ de nas byang chub sems dpa' khyim pa zhig gis sems can de dag thams cad sems can dmyal ba dang / dud 'gro dang / mau dgas dang / gshin rje'i 'jig rten gyi nas bston to// rang sangs rgyas cing la dkod pa pas ni/ byang chub sems dpa' bu byung ba'i gzhan gang zhig gis/ phan dung 'gro'o gyi gnas su skyes pa'i sems can pa/ sbyin gakhams cig camazhig byur bur na/ de ni debs ches bsod nams mang ba dang / ches bsod nams grangs med pa bskyed par 'gyur ro/
- 413b
'jam dpal gal te/ byang chub sems dpa' rab tu byung ba sangs rgyas kyi zhing bcu'i rdul phra rab kyi rdul snyed cig byung bar gyur la/ de la byang chub sems dpa' re res/ kyang phyogs bcu'i phyogs re res sangs rgyas bcom ldan 'das sangs rgyas kyi zhing brjod du med pa bye ba khrag khrig 'bum phrag bcu'i rdul snyed dag mthong bar gyur cing / de bzhin gshegs pa byang chub sems dpa' dang bcas/ nyan thos dang bcas pa re re la yang bskal pa sangs rgyas kyi zhing brjod du med pa bye ba khrag khrig 'bum phrag bcu'i rdul phra rab kyi rdul snyed du/ na bza' dang / zhal zas dang / gzims cha dang / gdan dang / snyung gi gsos sman dang / yo byad rnams kyi kyang / bsnyen bkur byed la/ de bzhin gshegs pa re re yang / nyin cig gzhin du 'jig rten gyi khams sangs rgyas kyi zhing brjod du med pa bye ba khrag khrig 'bum phrag bcu'i rdul phra rab kyi rtul snyed dag/ nor bu rin po che dbang gi rgyal pos yongs su bkang ste/ dbul bas phul ba bas ni/ byang chub sems dpa' chos kyi rnam grangs 'di la mos par gyur la/ gzhan gang zhig gis tha na dud 'gro'i skye gnas su skyes pa'i sems can la sbyin pa kham cig tsam zhig byin par gyur na/ bsod nams mngon par 'du bya ba de la/ byang chub sems dpa' de dag gi sbyin pa las byung ba'i bsod nams mngon par 'du bya des ni/ brgya'i char yang nye bar mi 'gro'o// stong gi cha dang /
- 414a
'bum gyi cha dang / bye ba phrag 'bum gyi cha dang / grangs dang / cha dang / bsrung ba dang / dpe dang / rgyur yang nye bar mi 'gro'o// de ci'i phyir zhe na/ 'jam dpal 'di lta ste/ chos kyi rnam grangs 'di ni thos pa ni byang chub sems dpa' phyir mi ldog pa'i rnams kyi phyag rgya yin pa'i phyir ro// 'jam dpal gal te byang chub sems dpa' la la zhig gis phyogs bcu'i 'jig rten gyi khams kyi sems can dad pas rjes su 'brang ba nyid la dkod pa bas ni/ byang chub sems dpa' gzhan gang zhig gis sems can gcig cig don gyi rjes su 'grang ba nyid la dkod par gyur na/ de ni de bas ches bsod nams grangs med pa skyed par 'gyur ro// 'jam dpal gal te byang chub sems dpa' la la zhig gis/ phyogs bcu'i 'jig rten gyi khams kyi sems can gcig cig don gyi rjes su 'brang ba nyid la dgod pa bas ni/ byang chub sems dpa' gzhan zhig gis/ sems can ci gis chos kyi rjes su 'grang ba nyid la bkod par gyur na/ de ni de bas ches bsod nams grangs med pa skyed par 'gyur ro// 'jam dpal gal te byang chub sems dpa' la la zhig gis/ phyogs bcu'i 'jig rten gyi khams kyi sems can thams cad chos rjes su 'brang ba nyid la dkod pa bas ni// byang chub sems dpa' gzhan gang zhig gis/ sems can cig cig gis rgyun du zhugs pa'i 'bras bu bkod na/ de ni de bas
- 414b
ches bsod nams grangs med pa skyed par 'gyur ro// 'jam dpal gal te/ byang chub sems dpa' la la zhig gis/ phyogs bcu'i 'jig rten gyi khams kyi seMs can thams cad rgyun du zhugs pa'i 'bras bu la dkod pa bas byang chub sems dpa' gzhan gang zhig gis/ sems can cig cig lan cig 'ong ba'i 'bras bu la bkod par gyur na/ de ni de bas ches bsod nams grangs med pa bskyed par 'gyur ro// 'jam dpal byang chub sems dpa' la la zhig gis phyogs bcu'i 'jig rten gyi khams kyi sems can thams cad lan cig 'ong ba'i 'bras bu la bkod pa bas ni/ byang chub sems dpa' gzhan gang zhig gis/ sems can cig cig gi phyir mi 'ong ba'i 'bras bu la bkod par gyur na/ de ni de bas ces bsod nams grangs med par bskyed par 'gyur ro// 'jam dpal gal te byang chub sems dpa' la la zhig gis phyogs bcu'i 'jig rten gyi khams kyi sems can thams cad phyir mi 'ong ba'i 'bras bu la bkod pa bas ni/ byang chub sems dpa' gzhan gang zhig gi sems can cig dgra bcom pa nyid la bkod par gyur na/ de ni de bas bsod nams grangs med par 'gyur ro// 'jam dpal byang chub sems dpa' gang la la zhig gis phyogs bcu'i 'jig rten gyi khams kyi sems can thams cad dgra bcom pa nyid bkod pa pas ni/ byang chub sems dpa'i gang zhig gis sems can cig rang sangs rgyas nyid la bkod par gyur na/ de ni de bas ches bsod
- 415a
nams grangs med par 'gyur ro// 'jam dpal gal te byang chub sems dpa' la la zhig gis phyogs bcu'i 'jig rten gyi khams kyi sems can thams cad rang sangs rgyas nyid la bkod pa bas ni/ byang chub sems dpa' gzhan zhig gis/ sems can cig byang chub kyi sems la bkod par gyur na/ de ni de bas chos bsod nams grangs med par skye bar 'gyuraro// 'jam dpal gal te byang chub sems dpa' la zhig gis/ phyogs bcu'i 'jig rten gyi khams kyi sems can thams cad byang chub kyi sems la bkod pa bas ni byang chub sems dpa' gzhan gang zhig gis sems can cig cig gi phyir mi ldog pa nyid la bkod par gyur na/ de ni de bas ches bsod nams grangs med pa skyed par 'gyur ro// 'jam dpal gal te byang chub sems dpa' la la zhig gis phyogs cu'i 'jig rten gyi khams kyi sems can thams cad phyir mi ldog pa nyid la bkod pa bas ni/ byang chub sems dpa' gzhan zhig gis/ chos kyi rnam grangs 'di la mos shing / yi ger 'brir bcug nas/ gzhan dag la cher yang dag yang dag par ston pa dang / tha na sems can cig gcig gis chos kyi rnam grangs 'di la 'jug par byas na/ de ni de bas ches bsod nams grangs med pa skyed par 'gyur ro// de nas de'i tshe bcom ldan 'das kyis tshigs su bcad pa 'di dka' stsal to// byang chub sems dpa' gzhig zad pa'i dus mtha'i tshe// sangs rgyas bye ba phrag bcu'i dam chos 'dzin pa pas/ gang zhig mdo sde 'di ni nyan par
- 415b
byed gyur na/ de ni de bas bsod nams chen po khyad par 'phags/ gang zhig rdzu 'phrul stobs kyis phyogs bcur song nas ni/ sangs rgyas bye ba phrag cu dag la mchod byed cing / snying rje skyes bde bkun la chags med par skyes bu dam pa thams cad phyag 'tshal bcud pa bas/ gang zhig bde gshegs stan la sems rab dang 'gyur cing / rgyal ba'i chos rnams smos par byed pa mdo sde 'di/ gzhan la yud tsam cig cig ston par byed gyur na/ de ni de bas bsod nams 'bras bu khyad par 'phags/ bde gshegs ston pa'i mdo sde sgron mar gyur pa 'di/ gang gis lha dang mi la yang stan byas na/ de ni ni shes rab rno zhing mthu chen ldan 'gyur la/ sangs rgyas rnams kyis sa yang myur du 'thob par 'gyur/ gang zhig de bzhin gshegs pa sangs rgyas mi mchog de dag ni/ phung po lhag myed par yongs su mya ngan las/ 'das par gyur pa dag gi de 'dra'i sku thob nas/ sems can gzhan la'ang dag bsgrog par byed gyur pa/ mchod rten rnams pangs mtho ba srid rtse'i mthar thug la/ khyon dang ldan par gyur pa srid rtse ji bzhin pa/ rin chen mdzes par bslus shi bdugs dang ba dan dang / de bzhin dril sbas mdzes par byed du gtsug pa pas/ 'di na byang chub sems dpa' gang zhig 'di 'dra ba'i/ mdo sde 'di thos lus la gnas gyur ba'ang / glegs pas brim byas te gzhag par byed 'dod na/ de ni de sa bsod nams 'bras bu khyad par 'bags/ ser gA'i dri ma stsal bar gyur cing 'jigs pa med pa yi/ byang chub sems dpa' gang zhig chos 'i
- 416a
'dzin byed na/ de'i bsod nams dpag tu yod par mi 'gyur te/ ji ltar 'dod pa bzhin du byang chub thob par 'gyur/ mdo sde bde bar gshegs pa rnams kyi rab sngags shing / byang chub sems dpa' mang po yongs su gzung ba yin/ de bzhin gshegs pa rnams kyi sku lus na mkha' yi/ khams dang 'dra ba thams cad 'di ni stan pa yin// bcom ldan 'das kyis de skad ces bka' stsal nas/ byang chub sems dpa' sems dpa' chen po 'jam dpal gzhon nor gyur pa dang / byang chub sems dpa' de dag dang / nyan thos chen po grangs med pa bsam gyis mi khyab pa/ de dag dang / lha dang / mi dang / lha ma yin dang / nam mkha' lding dang / dri zar bcas pa 'jig rten yid rangs te/ bcom ldan 'das kyis gsungs ba la mngon par stod do// 'phags pa sangs rgyas thams cad kyi yul la 'jug pa ye shes snang ba'i brgyan ces bya ba theg pa chen po'i mdo rdzogs s+ho// // rgya gar gyi mkhan po su ren dra bo de dang / zhu chen gyi lo tsa ba ban de ye shes sdes sgyur cing zhus te gtan la phab pa// rgya gar skad du// ar+ya tsa tuk+ka ni ra hA ra na ma mahA yan su tra/ bod skad du/ 'phags pa bzhi pa bsgrubs pa zhes bya ba theg pa chen po'i mdo// sangs rgyas dang / byang chub sems dpa' thams cad la phyag 'tshal lo// 'di skad bdag gis thos pa'i dus gcig na/ bcom ldan 'das gnyen yod na/ rgyal bu rgyal byed kyis tshal mgon med sbyin gyis kun dga' rab na/ dge slong lnga brgya tsam gyis dge slong gis dge
- 416b
'dun chen po dang / byang chub sems dpa' brgyad stong thams cad kyang go cha chen po bgos pa sha stag dang / 'dod pa na spyod pa dang / gzugs na spyod pa'i lha'i bu rnams dang thabs gcig tu bzhugs te/ de nas bcom ldan 'das 'khor brgya stong du mas yongs su bkur cing mdun gyis ltos nas chos ston to// de nas 'jam dpal gzhon nur gyur pas/ bcom ldan 'das la mchod pa'i las kyi phyir rin po che'i gdugs dpag tshad bcu'i tshad tsam thogs te/ bcom ldan 'das kyis dbu'i gtsug tu 'dzin te/ de nas 'khor de nyid du dga' ldan gyis lha'i bu dpal bzangs ldan zhes bya ba bla na med pa yang dag par rdzogs pa'i byang chub las phyir mi ldog pa g.yog dang bcas te/ 'khor de nyid du 'dus par gyur nas 'dug pa de stan las langs te bla gos phrag ba gcig tu gzar nas/ pus mo g.yas pa'i lha nga sa la gtsug te/ 'jam dpal gzhon nur gyur pa ga la ba de/ logs su thal mo sbyar ba btud nas/ 'jam dpal gzhon nur gyur pa la 'di skad ces smras so// 'jam dpal khyod da dung / de bzhin gshegs pa la mchod pa'i las mdzad pas ma tshim 'am/ 'jam dpal gyis smras pa/ lha'i bu 'di ji snyam du sems/ brgya mtsho chen po chu thams cad len pas gzhar yang chog shes sam/ lha'i bus smras pa/ 'jam dpal de ni ma lags so// 'jam dpal gyis smras pa/ lha'i bu de bzhin du brgya mtsho chen po'i mcho gting dpag dka' ba de lta bu thams cad khyen pa'i ye shes tshad med/ dpag tu med pa bcal bya ste/ byang chub sems dpa' de bzhin gshegs pa la mchod pa'i las kyis gzhar yang tshim par bya'o//
- 417a
/ lha'i bus smras pa/ 'jam dpal byang chub sems dpa' sa ci la dmigs te/ de bzhin gshegs pa mchod par bgyi/ 'jam dpal gyis smras pa/ lha'i bu byang chub sems dpa' sa dmigs pas bzhis de bzhin gshegs pa mchod par bya'o// bzhi gang zhe/ 'di lta ste/ thams cad mkhyen pa la dmigs pa dang / sems can thams cad rab tu dgrol ba la dmigs pa dang / dkon mchog gsum gyis gdung mi 'chad par bya ba dmigs pa dang / sangs rgyas kyi zhing gis yon tan dkod pa yongs su bzung ba la dmigs pa ste/ sangs rgyas/ lha'i bu byang chub sems dpa' sa dmigs pa bzhi po de dag gis de bzhin gshegs pa la mchod par bya'o// lha'i bus smras pa/ 'jam dpal khyod kyis tshangs pa'i ris kyis lha'i bu'i nang na tshangs pa gtsug phung can la byang chub sems dpa'i las bzhi pa bsgrub pa zhes bgyis pa'i chos rnam grangs bshad pa de/ 'jam dpal legs par bshad du gsol/ de la ni bdag dang / thams cad ldan pa'i 'khor 'di yang nyan par tshal lo// 'jam dpal byang chub sems dpa' rnams la/ chos kyis ser sna ma mchis/ slob dpon gyi chos kyis dpe mkhyud kyang ma mchis so// 'jam dpal gyis smras pa/ lha'i bu de'i phyir legs par rab tu nyon la yid la zung shig dang / bzhi pa bsgrub pa zhes bya ba'i chos kyis rnam grangs de ngas khyod la bshad do// lha'i bu bzhi po 'di dag ni byang chub sems dpa' rnams kyis lhag pa'i bsam pa'i sems bskyed par rig par bya'o// bzhi gang zhe na/ lha'i bu 'di la
- 417b
byang chub sems dpa' sems can dpag tu med pa bsdus pa'i phyir sems bskyed pa dang / sems can dpag med pa yongs su smin par bya ba'i phyir sems bskyed pa dang / dge ba'i rtsa ba dpag tu med pa brtsegs pa'i phyir sems bskyed pa dang / sangs rgyas kyi chos dpag tu med pa mngon par rdzogs par rtogs par bya ba'i phyir/ sems bskyed pa ste/ lha'i bu bzhi po dag ni byang chub sems dpa'i lhag pa'i bsam pa'i sems bskyed par rig par bya'o// lha'i bu bzhi po 'di ni dag/ byang chub sems dpa' rnams kyis sems bskyed pa brag lta bu yin no// bzhi gang zhe na/ slong ba rnams la khong khro ba med pa'i sems dang / log par zhugs pa rnams la snying rje ba'i sems dang / shes rab las ma nyams pa'i sems dang / brtsom pa nyams 'og tu chud par byed pa'i sems te/ lha'i bu bzhi po de dag ni byang chub sems dpa' rnams kyi sems bskyed pa brag lta bu yin no// lha'i bu bzhi po 'di dag ni byang chub sems dpa' sems bskyed pa mngon par 'phags pa yin no// bzhi gang zhe na/ tshul khrims mngon par 'phags pa dang / thos pa mngon par 'phags pa dang / byams pa chen po mngon par 'phags pa dang / snying rje chen po mngon par 'phags pa ste/ bzhi po de dag go// lha'i bu bzhi po 'di dag ni byang chub sems dpa' rnams kyi sems bskyed pa rtan pa snying po can mi byed pa/ rdo rje lta bu'o// bzhi gang zhe na/ bsam pa las mi byed pa dang / mdza' ba las mi byed pa dang / nan tan las mi phyed pa dang / theg pa chen po las mi phyed pa ste/ bzhi po de dag go// lha'i bu bzhi po 'di dag
- 418a
ni byang chub sems dpa' rnams kyis sems bskyed pa brnyed dka' ba yin no// bzhi gang zhe na/ nyon mongs pa dang ma 'dres pa dang / rnyed pa dang / bkur sti/ dang / tshigs su bcad pa thams cad dang ma 'dres pa dang / theg pa dman dang ma 'dres pa dang / skye bo mi bsgrangs pa thams cad dang ma 'dres pa ste/ bzhi po de dag go/ lha'i bu bzhi pa 'di dag ni byang chub sems dpa' rnams kyi sems bskyed pa bla na med pa'o// bzhi gang zhes na/ phangs pa'i dngos po thams cad yongs su gtong ba'i sems dang / byin nas 'gyod pa med pa'i sems dang / rnam par smin pa la re ba med pa'i sems dang / byang chub tu yongs su sngo ba'i sems te/ bzhi po de dag go// lha'i bu'i bzhi po 'di ni byang chub sems dpa' rnams kyis spyi bor phyin pa'i chos so// bzhi gang zhe na/ shes rab kyi pha rol tu phyin pa dang / thabs mkhas pa dang / dam pa'i chos yongs su 'dzin pa dang / sems can yongs su smin par byed pa ste/ bzhi po de dag go// lha'i bu bzhi po 'di dag ni byang chub sems dpa' rnams kyi byang chub kyi lam rten par byed pa'o// bzhi gang zhe na/ pha rol tu phyin pa rnams la brtson pa dang // bsdu ba'i dngos po rnams kyi rjes su 'thun pa dang / tshangs pa'i gnas bsgrub pa dang // mngon par shes pas rnam par rtse ba ste// bzhi po de dag go// lha'i bu bzhi po 'di dag ni byang chub sems dpa' rnams kyi sa chos ma nos pa dam par chog pa yin no// bzhi gang zhe na sems can bams cad la 'ong khro ba med pa dang / gang dag de dang 'gal byed pa de dag nyid la rab tu bar bar bya bar/
- 418b
sems bskyed pa dang / ji tsam gyi yul ba rgya chen po zhig gis 'byor kyang de la bag yod pa dang / ji tsam du dbus pas phongs par gyur kyang chos spyod pa ste/ bani po de dag go/ lha'i bu bzhi po 'di dag ni byang chub sems dpa' rnams kyi mos pa'o// bzhi gang zhe na/ khyim par gyur na bdag gi logs spyod kyis chog shes pa/ gzhan gyis nor la mngon par 'dod pa med pa dang / rab tu byung na 'phags pa'i rigs chog shes pa dang / sbyangs pa'i yon tan dang / yo byad bsnyungs pa ste/ bzhi po de dag go// lha'i bu bzhi po 'di dag ni byang chub sems dpa' rnams kyi sbyin pa'o// bzhi gang zhe na/ chos sbyin pa dang / zang zing sbyin pa dang / shog shog dang / snag tsa dang / smyu gu dang / glegs bam sbyin pa dang / chos smra ba la bsams pa thag pa nas legs so zhes bya ba sbyin pa ste/ bzhi po de dag go// lha'i bu bzhi po 'di dag ni byang chub sems dpa' rnams kyi snying po nyid do// bzhi grang zhe na/ thos pa las nan tan snying po nyid dang / longs spyod rnams las gtong ba'i snying po nyid dang / lus las bla ma bsnyen bkur bya ba snying po nyid dang / srog las dge ba'i rtsa ba bskyed pa snying po de nyid de/ bzhi po de dag go// lha'i bu bzhi po 'di dag ni byang chub sems dpa' rnams kyi yongs su gtang bar yongs su gtang bar mi bya'o// bzhi gang zhe/ na byang chub kyi sems yongs su gtang bar mi bya ba dang / dam pa'i chos yongs su gtang bar mi bya ba dang / sems can yongs su gtang bar mi bya ba dang / dge ba'i rtsa ba'i
- 419a
chos thams cad yongs su btsal ba yongs su gtang bar mi bya ste/ bzhi po dag go// lha'i bu bzhi po 'di dag ni byang chub sems dpa' rnams kyi bskyed mos// 'tshal lo// bzhi gang zhe na/ dgon pa na gnas pa dang / dben pa la mngon par dga' ba dang / dge ba'i chos bdun pa dang / thabs mkhas sems can yongs su smin par byed pa ste/ bzhi po de dag go// lha'i bu bzhi po 'di dag ni byang chub sems dpa' rnams kyi gzhal med khang ngo // bzhi gang zhe na/ tshangs pa'i gnas pa dang / 'brel ba'i gtang gyi chos nyan pa la dga' myong bar byed pa dang / stong pa nyid nges par sems pa dang / skye bo ris mthun pa dang 'dul ba ste/ bzhi po de dag go// lha'i bu bzhi po 'di dag ni/ byang chub sems dpa' rnams kyi nor mi zad pa'o// bzhi gang zhe na/ thos pa'i nor dang / chos ston pa'i nor dang / sems can dbul po sdang ba'i nor dang / byang chub tu yongs su bsngo ba'i drung / bzhi po de dag go/ lha'i bu bzhi po 'di dag ni byang chub sems dpa' rnams kyi gter ro// bzhi gang zhe na/ gzungs gter dang / spobs pa'i gter dang / chos kyis gter dang / longs spyod zad mi shes par yongs su sngo ba'i gter te/ bzhi po de dag go// lha'i bu bzhi po 'di dag ni byang chub sems dpa' kyi mngon par 'byung ba'o// bzhi gang zhe na/ 'du 'dzin las 'byung ba dang / yul thams cad las 'byung ba dang / 'phags pa ma yin pa'i bsam pa las 'byung ba dang / khams gsum thams cad las 'byung ba ste/ bzhi po de dag ni
- 419b
mngon par 'byung ba'o// lha'i bu bzhi po 'di dag ni byang chub sems dpa' rnams kyi bde ba'o// bzhi gang zhe na/ dngos po thams cad la mi lta ba'i phyir bdag gis med cing yongs su 'dzin pa med pa'i bde ba dang / yul spangs pas bden pa'i bde ba dang / nyon mongs pa med pa'i phyir zhi ba'i bde ba dang / sems can thams cad yongs su mi gtong ba'i phyir/ mya ngan 'da' ba'i bde ba ste/ bzhi po de dag go/ lha'i bu bzhi po 'di dag ni byang chub sems dpa' rnams kyi mchog tu dga' bo// bzhi gang zhe na/ de bzhin gshegs pa mthong bas mchog tu dga' ba dang / chos thos pas mchog tu dga' ba dang / sbyin pa la 'gyod pa med pas mchog tu dga' ba dang / sems can thams cad la bde ba bskyed pas mchog tu dga' ste/ bzhi po de dag go// lha'i bu bzhi po 'di dag ni byang chub sems dpa' rnams kyi bden pa'o// bzhi gang zhe na/ byang chub sems mi gtong ba dang / yid dam las mi nyams pa dang / skyabs su song ba dag yongs su mi gtong ba dang / ngag bsdams pas tshig thams cad bden pa ste/ bzhi po de dag go// lha'i bu bzhi po 'di dag ni byang chub sems dpa' rnams kyi dge ba'i nos so// bzhi gang zhe na/ dge ba'i chos thams cad la lhag pa'i bsam pas sbyor ba dang / ma bslabs pa thams cad la mi brnyas pa dang / gsol pa ma btab par sems can thams cad la bshes gnyen du gyur pa dang / yon tan thams cad sbubs la phyir bya ba'i re ba med pas lan la mi re ba ste/ bzhi po de dag go// lha'i bu bzhi po 'di dag ni byang chub sems
- 420a
dpa' rnams kyi spyod pa rnam par dag pa'o// bzhi gang zhe na/ bdag med pa'i phyir tshul khrims rnam par dag pa'o// sems can med pa'i phyir ting nge 'dzin rnam par dag pa dang / srog med pa'i phyir shes rab rnam par dag pa dang / gang zag med pa'i phyir rnam par grol ba rnam par dag pa ste/ bzhi po de dag go ga/ lha'i bu bzhi po 'di dag ni byang chub sems dpa' rnams kyi rkang pa'o// bzhi gang zhe na/ chos kyi rkang pa dang / don gyi rkang pa dang / sbyangs pa'i yon tan rkang pa dang / yo byad bsnyungs pa ma 'jug pa'i rkang pa dang / byang chub kyi lam gyi tshogs stsogs pa'i rkang pa ste/ bzhi po de dag go// lha'i bu bzhi po 'di dag ni byang chub sems dpa' rnams kyi lag pa'o// bzhi gang zhe na/ dad pa'i lag pa dang / tshul khrims kyi lag pa dang / thos pa'i lag pa dang / shes rab kyi lag pa ste/ bzhi po de dag go// lha'i bu bzhi po 'di dag ni byang chub sems dpa' rnams kyi mig go/ bzhi gang zhe na/ las legs par byas pa'i phyir sha'i mig dang / mngon par shes pa las mi nyams pa'i phyir lha'i mig dang / shin tu thos pa'i stobs dang ldan pa'i phyir/ shes rab kyi mig dang / chos thams cad la nges par sems pa'i phyir/ chos kyi mig ste/ bzhi po de dag go// lha'i bu bzhi po 'di dag ni byang chub sems dpa'/ rnams kyi mi ngoms pa'o// bzhi gang zhe na/ sbyin pas mi ngoms pa dang / dgon pa la gnas pas mi ngoms pa dang / chos nyan pas mi ngoms pa dang / dge ba'i chos kyi tshogs
- 420b
thams cad kyis mi ngoms pa ste/ bzhi po de dag go// lha'i bu bzhi po 'di dag ni byang chub sems dpa' rnams kyi dka' ba byed pa'o// bzhi gang zhe na/ sems can mthu/ chung ba rnams la bzod cing dang du blang ba dka' ba byed pa dang / dbul po la bdog pa thams cad yongs su gtang bar byas bya byed pa dang / yan lag gi mchog mgo slong ba la khong khro ba med pa'i sems dka' ba byed kyi steng du// dge ba'i shes gnyen du sems bskyed pa dang / skye ba la mi rtogs pas bsam bzhin du skye bar byed pa'i dka' ba byed pa ste/ bzhi po de dag go// lha'i bu bzhi po 'di dag ni byang chub sems dpa' rnams kyi nad pa med pa'o// bzhi gang zhe na/ khams nyams pas nad pa med pa dang / nyon mongs pa'i gdung ba med pas nad pa med pa dang / sems can mas cad bde bar gzhog pas nad pa med pa dang / chos thams cad la the tsom med pas nad med pa ste/ bzhi po de dag go// lha'i bu bzhi po 'di dag ni byang chub sems dpa' rnams kyi bdag gi phyogs so// bzhi gang zhe na/ pha rol tu phyin pa'i phyogs dang / byang chub kyi phyogs kyi chos kyi phyogs dang / dge ba'i bshes gnyen yang dag pa'i phyogs dang / sdig pa thams cad mi bya ba'i phyogs te/ bzhi po de dag go// lha'i bu bzhi po 'di dag ni byang chub sems dpa' rnams kyi mi bskyod pa'o// bzhi gang zhe na/ byang chub kyi sems mi bskyod pa dang / yid dam mi bskyod pa dang / ji skad smras pa de bzhin du byed pa las mi bskyod pa dang / yang dag pa'i nan tan las mi bskyod pa ste/
- 421a
bzhi po de dag go// lha'i bu bzhi po 'di dag ni byang chub sems dpa' rnams kyi tshogs so// bzhi gang zhe na/ zhi nas kyi tshogs dang / lhag mthong gi tshogs dang / thos pa'i tshogs dang / dge ba'i rtsa ba thams cad kyi tshogs te/ bzhi po de dag go// lha'i bu bzhi po 'di dag ni byang chub sems dpa' rnams kyi chos bzung du 'brel pa 'gyur ba'o// bzhi gang zhe na/ bsam pa dang / sbyor ba zung du 'brel pa dang / gtong ba dang / sngo bzung du 'brel pa dang / byams pa dang / snying rje zung du 'brel pa/ thabs dang shes rab zung du 'brel pa dang / bzhi po de dag go/ lha'i bu bzhi po 'di dag ni byang chub sems dpa' rnams kyi chos kyi sgrib pa'i rgyu 'thun pa'i rmi lam mo// bzhi gang zhe na/ khron pa rdul can mthong zhing de'i gting na yang zla ba'i dkyil 'khor mthong ba dang / 'tshe'u 'am/ rdzing bu 'am/ khron pa rnyog pa can mthong zhing / de'i gting ni yang zla ba'i dkyil 'khor mthong ba dang / bar snang la sprin chen pos yog cing yang zla ba'i dkyil 'khor mthong ba dang / bar snang la rlung dang rdul dang du bas 'khrigs par mthong zhing / de la zla ba'i dkyil 'khor mthong zhing / de la zla ba'i dkyil 'khor mthong ba ste/ bzhi po de dag go// lha'i bu byang bzhi po 'di dag ni byang chub sems dpa' rnams kyi las kyis sgrib pa'i rmi lam mo// bzhi gang zhe na/ g.yangs chen po nas bdag ga yang du ltung mthong ba dang / lam mthon dman can du mthong / dang / bdag las srang dog par zhugs par mthong ba dang / rmi las na phyogs
Colophon
'phags pa sangs rgyas thams cad kyi yul la 'jug pa ye shes snang ba'i brgyan ces bya ba theg pa chen po'i mdo rdzogs s+h+yo// //rgya gar gyi mkhan po su ren dra bo de dang/ zhu chen gyi lo tsa ba ban de ye shes sdes sgyur cing zhus te gtan la phab pa/