rnal 'byor gsum gyi snying po gsal ba zhes bya ba
Trijogihridabyakaranāma
Text
ff. 248a–249a · 3 folio sides
- 248a
sa gsum// thig le mi brtan bzhin du snang bar 'gyur// snyigs ma nyams pas 'khrul snang sbra ru ljang // 'od lnga nyams pas rig drug gnas su skye// snang ba la sogs chos kyi sku ru shes// 'khrul pa'i snang ba rang gi mdangs su shes// 'jigs skrag med shes skyes bu las zin 'dra// spros bral mkha' mtshungs chos sku pha la skyes// dngas ma'i 'od las longs sku zhal yang mthong // nyon mongs lnga dag ye shes lnga ru shar// zag med bde ba nam mkhar mi shong ngo // skye ba sprul pa'i sku ru mngon sangs rgyas// thabs dang shes rab gnyis dang sku gsungs thugs// sa bcu pa spyod nas gsangs pa'i sgo las ni// byon nas 'gro ba'i don ni byed par 'gyur// dus 'khor shes kyang gdams pa 'di mi ldan// ngal ba don med sangs rgyas 'bras mi 'byung // phyi rtsis gsal yang snying po'i don mi gsal// de bas skal ldan 'gro kun phan phyir bris// dus kyi 'khor lo'i gdams pa dam pa dang po las// spyan lnga bsgrub pa'i thabs slob dpon dus zhabs kyis mdzad pa rdzogs so// // dus zhabs kyis thugs rje chen po la sogs pa rig gsum mgon po lagasan no// des ye shes kyi mkha' 'gro sur+ya d+harmA la/ de sa rat+na shrI b+hi dra laM/ des shAkya shrI b+ha dra la/ des rgya gang shar phyogs dzA ga d+ha la'i paN+Di ta ma hA bi b+hU tI tsan+d+ras sgra rang 'gyur du mdzad nas bsgyur ba'o// dge'o// khyogasuM kyi'i ting rigs pa bshes kyi phru// rgya gar skad du/ tri dzo gi hrid bya ka ra nA ma/ bod skad du/ rnal 'byor gsum gyi snying po gsal ba zhes bya ba/ 'jam pa'i dbyangs la phyag 'tshal lo// oM rdo rje sems kyis snang ba lam du nges// hUM rdo rje sems dpa' phyag 'tshal nas// sbyang pa rab tu gyur pa'i lam// phyag rgya chen po bsgom par bshad// dbang gis smin byas dam tshig ldan// de la rnal 'byor gsum bstan
- 248b
te// gzhan la nam yang ma yin no// byin gyis brlab dang rtog pa bsgom// rang bzhin rnal 'byor gsum du nges// 'chi ba'i rtags nyid shes byas nas// srog gi thig le nges pa gzhug/ so sor sdud dang bsam gtan dang // srog rtsol de bzhin 'dzin pa dang // rjes su dran dang ting nge 'dzin// rnal 'byor yan lag drug ces bya// mtshan mo gser med khyim du ni// shin tu mnyam gzhag bsgrub pa pos// byed pa lnga la bcing ba gnyis// bla ma'i zhal las shes par bya// yod dang med pa las 'das pa'i// du ba smig rgyu srin me khyer// mar me sems kyi nam mkha' mthong // gzhon nu ma yi pra las ni// lkog tu gyur pa'i rkun ma mthong // nyi tshe ba'i mig gis ni// sgrub pa po yi son nas mthong // chu 'dzin dang ni bral ba yi// nam mkha' dngas par gyur pa la// snga dro nyi ma rgyab phyogs te// phyi dro yang ni de bzhin no// nyi phyed mig la gnod phyir spang // nam mkha' las byung rang byung ba// shes rab ye shes me bo che// 'od chen rnam par snang bar byed// ye shes slar ma lam me ba// 'gro ba'i mar me ye shes sgron// gzi brjid chen po 'od gsal ba// sngags mchog sngags bdag rig sngags rgyal// gsang sngags rgyal po don chen byed// ji srid thig le'i nang du ni// ri mo nag po sku yi tshad// de mthong 'od gsal go 'phang ni// rnal 'byor pa yis mthong ba yin// so sor bsdud pa snyoms 'jug pas// sngags rnams thams cad byin gyis brlab// shes rab rtog dang dpyod pa dang // dga' dang bde ba mi g.yo ba// bsam gtan yan lag lnga brtan pas// mngon shes lnga thob mi bdag kye// bar ma dbugs 'byung mchog yin te// bshang gci dang ni zla nyi yi// rtsa bzhi dang ni yang dag ldan// ye shes lnga yi rang bzhin dbugs// 'byung ba lnga yi ngo bo nyid// sangs rgyas lnga yis byin gyis brlabs// srog rtsol ba zhes byar bshad// rtag tu 'dzin pa'i stobs kyis ni// rdo rje sems dpa'
- 249a
yang dag 'jug/ lte bar gtum mo spang ba yis// de bzhin gshegs pa lnga bsregs te// spyan la sogs pa yang bsregs nas// haM bsregs pa las zla rgyun 'bab// dam tshig sems dpa' spyod yul can// sku mthong nas ni nyin ro yis// dus su srog gi rlung dag ni// rnal 'byor thar pa 'dod pa yis// bum pa sbyor bas dgag par bya// ji srid du ni 'khor bzhin ma// rang gi lus la yongs bskor ba// 'od zer 'khor lo mthong 'gyur te// sngon gsungs sku la rang gi yin// des ni rma drug reg spangs bde// chu nyi lta bur rab snang bar// dri ma med par sna tshogs mdog/ rnam pa kun tu rang gi sems// rang gi sems nyid bde ba nyid// ting 'dzin bde chen rnal 'byor la// spyan lnga mngon shes drug 'byung ste// chu srin la sogs khyim rnams su// ma rig la sogs lugs bzlog pas// sa ni bcu gnyis thob 'gyur te// rtog pa med pa'i chos can la// skad cig gcig la mngon sangs rgyas// rdo rje nyi ma snang ba che// rdo rje zla ba dri ma med 'od// sa rnams yongs su rdzogs pa yi// dngos po gnyis su rab bstan te// ye shes yod pa des na de// skyob pa ye shes can du brjod// dmigs pa med pa'i snying rje yis// sgyu 'phral dra bas byang chub pas// yid bzhin nor bu lta bu ni// mtha' yas sems can re ba skong // sems can sgrol ba'i bde ba che// 'dzag pa'i 'dod chags sel bar byed// 'gro drug sdug bsngal sil byed pa'i// lam mchog tshel dang phrad par shog/ rnal 'byor gsum gyi snying po gsal ba zhes bya ba// byang chub sems dpa' 'jam dpal rgyal po grags par gdul bya/ la dgongs nas skye ba bzhes nas mdzad pa rdzogs so// / paN+Di ta so ma nA tha dang / lo tsA ba 'bro shes rab grags kyis bskur ba'o// // dpal ldan bla ma dam pa rnams dang dpal dus kyi 'khor lo la phyag 'tshal lo//
Colophon
rnal 'byor gsum gyi snying po gsal ba zhes bya ba/_byang chub sems dpa' 'jam dpal rgyal po grags par gdul bya la dgongs nas skye ba bzhes nas mdzad pa rdzogs so/_paN+Di ta so ma nA tha dang /_lo tsA ba 'bro shes rab grags kyis bsgyur ba'o