dpa' bo gcig pa'i sgrub thabs zhes bya ba
Ekabīrasādhanaṃnāma
Text
ff. 209b–210b · 3 folio sides
- 209b
bzang pos bsgyur cing zhus te gtan la phab pa'o// !/ @// dpa thog gi pa'i rnye pas thugs/ @#// rgya gar skad du/ e ka bI ra sA d+ha naM nA ma/ bod skad du/ dpa' bo gcig pa'i sgrub thabs zhes bya ba/ dpal lhan cig skyes pa rang gi lha la phyag 'tshal lo// dang por sngags pas phyi nang gi dri ma dag par byas la stan bde ba la 'dug ste/ rang skad cig gis he ru kar bskyed pa'i snying gar bskyed pa'i snying ga'i hUM gi 'od kyis gdug pa thams cad zhi bar byas te/ 'od tshur 'dus pa las bsrung ba'i 'khor lo bsgom par bya'o// de nas tshangs pa'i gnas bzhi bsgom par bya ste/ sems can thams cad bde ba dang ldan par bya snyams pa'i byams pa dang / sdug bsngal dang bral bar bya snyam pa'i snying rje dang / he ru ka'i go 'phang la dgod par 'dod pa'i dga' ba dang / 'jig rten dang 'jig rten las 'das pa'i dge ba'i rtsa ba ma lus pa la dgod par 'dod pa'i btang snyoms tshad med pa bsgom par bya'o// de nas dad pa dang gus pas mdun gyi nam mkha' la bla ma rgyud pa dang bcas pa dang / sangs rgyas dang byang chub sems dpa' rnams bsams te/ de dag thams cad 'od kyi gong bu las/ dpal he ru kar gyur pa la mchod pa dang / bstod pa dang / sdig pa bshags pa dang / sdom pa bzung ba dang / gsol ba gdab pa la sogs pa bya'o// de nas oM shU n+ya tA dz+nyA na badz+ra swA b+hA wa At+ma ko haM/ zhes brjod pas stong pa nyid du bsam par bya'o// 'byung ba rim brtsegs kyi ri rab kyi steng du pad+ma la nyi ma dang zla ba'i steng du hUM 'od zer lnga 'phro ba dang 'dra ba rdo rje sems dpa'i rang bzhin can/ de yongs su gyur pa las bcom ldan 'das dpa' bo gcig pa sku mdog mthing gzhal gcig pa phyag gnyis pa rdo rje dril bu 'dzin pas yum la 'khrud pa/ zhabs g.yas brkyang
- 210a
bas 'jigs byed mnan pa/ g.yon bsum pas dus mtshan mnan pa/ ral pa nag po gyen dru g.yengs pa'i cod pan can/ spyi gtsug gi nor bu dang sna tshogs rdo rje dang zla ba byed pa das rgyan can/ mi bskyod pas dbu brgyan pa dang dbyangs kyi cod pan dang / sreg pa la sogs pa'i nyams dang ldan zhing shin tu sing bag dang ldan pa stag gi pags pas smad dkris shing / mi mgo lnga bcus do shal byas pa/ phyag rgya drug dang ldan par bsgom par bya'o// de'i spyan sngar yum bcom ldan 'das ma rdo rje phag mo sku mdog dmar mo zhal gcig phyag gnyis ma spyan gsum pa phyag g.yon na thod pa bsnams nas yab la 'khyud pa/ g.yas rdo rje dang sdigs mdzub byas nas gdug pa can sreg par byed pa/ skra grol ba gcer bu dum bu'i ska rags can/ mi mgo skam po'i phreng ba se ral khar 'phyang ba/ zhabs gas byin pa la 'khril zhing g.yon brkyang ba/ phyag rgya lnga dang ldan pa bde ba chen po'i bdag nyid can/ yab yum snang stong zung du 'jug pa bsgom par bya'o// de las lus skyo zhing sems dub na bskyed rim gyi ngang las/ bla ma'i man nga/ ga/ gis bzlas par bya'o// de yang he ru ka'i thugs ka nas ye shes sems dpa'/ de'i thugs ka nas ting nge 'dzin sems dpa'i yi ge hUM sngon po la snying po'i sngags kyis bskor ba la sems gtad de bzlas par bya'o// oM hriHha ha huM hUM phaT/ de las skyo bar gyur na khams gsum thams cad 'od kyi rang bzhin du byas te/ 'od zer yang rim gyis bsdus nas/ he ru ka yab yum la/ de snying ga'i hUM la hUM zhabs kyu nas nA da'i bar du bsdus la/ 'od gsal bsam gyis mi khyab pa'i ngang la ji srid gnas kyi bar du bsgom mo// de las kyang lus skyo sems dub na/ 'od gsal las zung 'jug gi skur langs te/ snang la
- 210b
rang bzhin med pa/ me long gi gzugs brnyan lta bu/ kha dog dang bcas pa 'ja' tshon lta bu/ sgo skur dang bral ba chu zla lta bur langs te/ zung 'jug tu bsgom par bya'o// spyod lam dang thun mtshams kyi rnal 'byor dang ldan pas thun bzhir nyams su blang ngo // dpal bde mchog 'khor lo dpa' bo gcig pa'i sgrub thabs yul b+haM g+ha la slob dpon bsod snyoms pa/ dpal mar me mdzad ye shes kyis mdzad pa rdzogs so// // bod kyi lo tsa ba nag tshe tshul khrims rgyal bas bskur ba'o// // / da dang pral/ @/ rgya gar skad du/ badz+ra A sa na badz+rA g+hA ti/ bod skad du/ rdo rje gdan gyi rdo rje'i grwa/ 'jam dpal gzhon nur gyur pa la phyag 'tshal lo// dpal ldan rdo rje gdun gror sangs rgyas dang // bla ma do rje 'dzin dngos bdag nyid can// zab pa'i don ldan zla 'di ston nur pa// yin tan kun rdzogs de la phyag 'tshal lo// lus 'di rnams sems sems ni nyon mongs pa'i// de 'dra'i byed pa ma lus yongs spangs nas// des ni 'gro kun rang bzhin nam dag par// dpal ldan rdo rje'i gdun la sangs rgyas 'gyur// mdzes ma mchog ldan byer nas rab tu myur bsgrubs pas// nair wAna'i 'gram du bde bar 'jug pas 'dus// byang chub shing rtsing rdo rje gdan bzhugs nas// rdo rje dper byas ting nge// 'dzin la gnas// ting 'dzin bla na med pas lam 'dis kye// bdud bzhi'i 'jigs pa chen po gang de bcom// gzugs ni ma spangs lhan cig rnam rol pas// rang bzhin bdag med ma dang 'dus gyur nas// dngos med yid 'ong bdag gi btsun mo de// chags med zhibs nyon mongs med gang gis// skye dang 'chi ba srid pa'i 'khrul pa spong // 'khrul med bde ba chen por len cing ster// de la kha dog dbyibs dang
Colophon
dpal bde mchog 'khor lo dpa' bo gcig pa'i sgrub thabs yul b+ham g+ha la slob dpon bsod snyoms pa/_dpal mar me mdzad ye shes kyis mdzad pa rdzogs so/_/bod kyi lo tsA ba nag tsho tshul khrims kyi rgyal bas bsgyur ba'o