mun gyi nags tshal gyi sgo zhes bya ba'i mdo
Dhumrapanaṃmukhanāmasūtra
Text
ff. 342a–350a · 17 folio sides
- 342a
la bka' stsal pa/ dge slong dag nam 'chi bar nges pa'i dus kyi me/ dge slong dag gis 'du shes bcu gcig mngon du bya'o// bcu gcig gang zhe na/ tshe 'di la ma chags pa'i 'du shes dang / sems can thams cad la byams pa'i 'du shes dang / 'khon du 'dzin pa thams cad yongs su 'dor ba'i 'du shes dang / 'chal pa'i tshul khrims thams cad yang dag pa bshags pa'i 'du shes dang / tshul khrims thams cad la yang dag par blang ba'i 'du shes dang / nyes byas chen po dag la yang ba spang ba'i 'du shes dang / dge ba'i rtsa ba chu du la yang chen po'i 'du shes dang / 'jig rten pha rol dag la 'jigs pa med pa'i 'du shes dang / 'du byed thams cad la mi rtag pa'i 'du shes dang / chos thams cad la bdag med pa'i 'du shes dang / mya ngan las 'das pa la zhi ba'i 'du shes mang du bya'o// bcom ldan 'das kyis de skad ces bka' stsal nas/ dge slong de dag yi rangs te/ bcom ldan 'das kyis gsungs pa la mngon par bstod do// 'phags pa 'du shes bcu gcig bstan pa'i mdo// bcom ldan 'das kyis zhal chems/ rdzogs so// rgya gar skad du/ d+hu mra pa naMs mu kha na ma sU tra/ bod skad du/ mun gyi nags
- 342b
tshal gyi sgo zhes bya ba'i mdo// sangs rgyas dang byang chub sems dpa' thams cad la phyag 'tshal lo// 'di skad bdag gis thos pa dus cig na/ bcom ldan/ 'das mnyan du yod pa na/ rgyal bu rgyal byed kyi tshal mgon med zas sbyin gyi kun dga' ra ba na bzhugs te/ de nas de'i tshe ngam grog gsum po zhes bya ba'i ljongs kyi skye bo dag gi nang nas/ ri khrod kyi grong gcig na bram ze la ba can zhes bya ba spun bu 'dod pa'i phyir bram ze'i rdo leb la dka' thub byed de lha stong phrag brgya la bu slong zhing gsol ba 'debs pa dang / la ba can la bu btsas pa ni ming rab mthong zhes btags so// nu bo la btsas pa ni dga'o zhes btags so// gang gi nyin mo rab mthong bcas pa de'i nyin mo bram ze lnga brgya la bu lnga brgya btsas te/ de dag rims bzhin du cher skyes pa dang / rab mthong la sogs pa lnga brgya lhan cig du rig pa dag slob pa na/ rab mthong la sogs pa rig pa'i gnas thams cad kyi pha rol tu son cing thams cad rdzogs par yang dag par byung bar gyur la/ bsod nams kyi tshogs yang dag pa las byung ba'i spyod pa mtshungs pa med pa stong phrag brgya snyed thob ste dbang byed pa gang gi dus su/ ma bram ze ma med pa gcig yul dbus nas 'ongs te phyin nas phrad pa dang / de la gsong por smra ste gtam dag kyang byas nas nges par gang nas 'ongs pa yin zhes dris pa dang /
- 343a
des smras pa yul dbus nas 'ongs pa yin te/ de yang grong khyer chen po drag go/ de'i nang dag na tshad ma drug la mkhas shing ltas kyi bya ba drug la thogs pa med pa brjod nus pa'i ston pa bcwo brgyad yod de na chu klung yang 'bab po de ma yin pa bsod nams chen po dang ldan pa dge zhing shis pa 'jig rten thams cad mkhyen pa/ sangs rgyas bcom ldan 'das kyang de na'o zhes byas pa dang / rab mthong gis sgra de thos pa dang / ba spu langs yid g.yos rab tu dga' ste der 'gro'o snyam nas pha'i gan du ste phyin nas yab bdag ni yul dbus su mchi'o// de nas mu stegs pa dag las rgyal bar bgyi'o// mkhas par bgrangs pa dag dang nges par lhan cig smra bar bgyi'o zhes gsol ba dang bas de de ltar gnang ngo // de nas bsod nams chen po sbyin pa dbang phyug chen po dang ldan pa sems can thams cad la gtong pa chen po can de lha dag gis bsrangs pa zhig pas lha dag nye bar 'ongs shing sngon du 'gro ste/ rab mthong chen po la mchod par byos shig dang phan yon mang po dag gi 'bras bu chen po 'byung bar 'gyur ro// zhes sgra sgrogs shing song ba dang / rims kyis lha dang mis mchod pa byas shing mnyan yod du phyin to// de nas lam gyi dub pa rta bstis te/ bcom ldan 'das ga la ba der song ste
- 343b
phyin nas bcom ldan 'das kyi zhabs la mgo bos phyag 'tshal te/ phyogs gcig tu 'khod de de nas bcom ldan 'das kyis de dag la chos bstan pa mdzad de/ de'i 'khor lnga po dag lta ba la mchog tu 'dzin pa zhig gi bcom ste/ bden pa mthong nas de nyid du rab tu byung dge slong gi dngos po bzung ste/ nyon mongs pa thams cad bcom/ nas dgra bcom pa mngon byas te dga'o ni ma gtogs so// skye bo mang po kun gyis kyang chos khong du chud do// gtong ba chen po rab mthong lta bu'i phyir lha la sogs pa dag kyang 'ongs te der byin pa dang / bcom ldan 'das kyis dge slong rnams la bka' stsal pa/ dge slong dag dge slong rab mthong 'di la ni mchod pa byed pa ltar nga'i dge slong dang dge slong ma dag gi/ nyan thos dag la ji ltar lha dang mis mchod par byed de/ de dag gi nang na lha dang mis mchod par byas pa'i mchog ni dge slong rab mthong yin no zhes bcom ldan 'das kyis bka' stsal to// de nas dus de nyid du mi mjed kyi bdag po tshangs pa dang / lha rnams kyi dbang po brgya byin dang / 'jig rten skyong ba bzhi dang / gnod sbyin gyi sde dpon chen po nyi shu rtsa brgyad dang / dri za'i rgyal po dang / grul bum gyi sde dpon la sogs pa rang rang gi gnas pa nas sngo ste tshe dang ldan pa rab mthong chen po ga la ba der song ste/ phyin nas phyogs cig tu 'dug ste mngon du phyogs nas thal mo sbyar te/ 'di skad ces smras so//
- 344a
kye btsun pa rab mthong chen po sngon gyi bcom ldan 'das yang dag par rdzogs pa'i sangs rgyas kyis gshegs shing bzhugs pa'i gnas/ rang sangs rgyas kyi bzhugs gnas 'dod chags dang bral ba dag gis gnas par bya ba/ drang srong gnas su gyur/ de kho na nyid nges par mkhyen tam/ 'das pa'i bskal pa dgu bcu rtsa gcig na yang dag par rdzogs pa'i sangs rgyas rnam par gzigs zhes bya bya 'jig rten du byung ste/ de'i dge slong gsal ba zhes bya ba lha dang mis mchod pa'i mchog du gyur pa'i gnas kyang 'di lags te/ yul dbus las byang phyogs kyis mtshams kyi ri dung gi ste ba zhes bya ba ni/ ri de la rtsa'i rigs dung gi lte ba 'dra ba skyes pas dung gi lte ba'i ri zhes bya bar btags par gyur/ ri de dang nye ba na nags shig na klu mo ai ni zhes bya ba gnas pas ai ni nogs zhes bya bar gtags par gyur/ de na phrag cig yod pa dang nye ba shing pa ta l+li bya ba skyes pas/ ta li'i phug ces bya ba gtags par gyur pa de nyid du bcom ldan 'das yang dag par rdzogs pa'i sangs rgyas rnam par gzigs shes bya ba 'khor gyi dgra bcom pa brgyad khri dang gshegs shing thabs cig tu zhugs par gyur dge slong gsal ba yang de nyid na'o// de nas bcom ldan 'das 'khor dang bcas pa dag dang rims bzhin du mya ngan las 'das pas bstan pa nub nas/ rang sangs rgyas bdun khri dag mngon par shes pa
- 344b
drug dang ldan pa dag mnyam du byung ste/ gshegs shing bzhugs par gyur/ rang sangs rgyas de dag kyang mya ngan las 'das nas drang srong drug khri mngon par shes pa pa lnga dang ldan pa dag kyang de nyid du gnas par gyur to// btsun pa rab mthong chen po de nas yang bskal pa drug cu gcig na bcom ldan 'das yang dag par rdzogs pa'i sangs rgyas gtsug tor can zhes bya ba 'jig rten du byung ste/ de'i dge slong rab gsal zhes bya ba lha dang mis mchod pa'i mchog tu gyur pa yang de nyid na'o// 'tshams kyi ri de nyid la rtswa'i rigs ro hi ta zhes bya bar btags par gyur/ klu mo gos med ces bya ba gnas pas gos med kyi nags zhes bya bar gtags par gyur/ shing shir sha skye bas shing shir sha'i phug ces btags par gyur/ yang dag par rdzogs pa'i sangs rgyas gtsur tor can 'khor gyi dgra bcom pa bdun khri dang yang der gshegs shing thabs cig tu bzhugs par gyur de dag kyang mya ngan las 'das pas bstan pa nub nas/ rang sangs rgyas drug khri yang der gshegs shing bzhugs par gyur/ rang sangs rgyas de dag kyang mya ngan las 'das nas drang srong lnga khri yang mngon par shes pa lnga dang ldan pa de nyid na gnas par gyur to// btsun pa rab mthong chen po de nas yang bskal pa sum cu rtsa gcig pa na yang dag par rdzogs pa'i sangs rgyas thams cad skyob ces bya ba 'jig rten du byung ste/ de'i dge slong chos gsal zhes bya ba
- 345a
#/ lha dang mi'i mchod pa'i mchog tu gyur pa yang de nyid na'o// 'tshams kyi ri der de la na'i rigs pa sa b+ha zhes bya ba skyes pas sa b+ha'i ri zhes btags par gyur/ klu mo brag ces bya ba gnas pas brag gi nags zhes btags par gyur/ shing a shad tha skyes pas a shwad tha'i phug ces btags par gyur/ yang dag par rdzogs pa'i sangs rgyas thams cad skyob 'khor dgra bcom pa drag khri dang yang de nyid gshegs shing thabs cig tu bzhugs par gyur/ de dag kyang mya ngan las 'das pas bstan pa nub nas rang sangs rgyas lnga khri yang gshegs shing bzhugs par gyur/ rang sangs rgyas de dag kyang mya ngan las 'das nas drang srong mngon par shes pa lnga dang ldan pa bzhi khri yang gnas par gyur to// 'di ni btsun pa rab mthong chen po sngon byung ba bskal pa bzang po 'di nyid la skye dgu'i tshe lo bzhi khri thub pa na/ yang dag par rdzogs pa'i sangs rgyas log par dad sel zhes bya ba 'jig rten du byung ste/ de'i dge slong chos ldan zhes bya ba lha dang mis mchod pa'i mchog du gyur pa de yang de nyid na'o// mtshams kyi ri tsa'i rigs ko'u shi ka zhes bya ba skyes pas ko'u shi ka'i ri zhes btag par gyur/ sprin zhes bya ba klu mo gnas pas sprin gyi nags zhes btags par gyur/ shing u dum wa ra skye bas u dum wa ra'i phug ces btags par gyur/ yang dag par rdzogs pa'i sangs rgyas log par dad sel 'khor gyi dgra
- 345b
bcom pa lnga khri dang thabs cig tu gshegs shing bzhugs par gyur/ de dag kyang mya ngan las 'das nas mngon par shes pa lnga dang ldan par drang srong sum khri yang de na gnas par gyur to// 'di ni btsun pa rab mthong chen po sngon byung ba bskal pa bzang po 'di nyid la skye dga' tshe lo sum khri thub pa na/ yang dag par rdzogs pa'i sangs rgyas gser thub zhes bya ba 'jig rten du byung ste/ de'i dge slong chos 'phags zhes bya ba lha dang mis mchod pa'i mchog tu gyur pa de nyid na'o// 'tshams kyi ri de la rtsi'i rigs kha dog lhung lo can zhes bya ba skye bas kha dog lcang lo'i ri zhes btags par gyur/ thig le zhes bya ba'i kla mo gnas pas thig le'i nags zhes btags par gyur/ shing ka pi ti'i phug ces btags par gyur/ yang dag par rdzogs pa'i sangs rgyas gser thub 'khor gyi dgra bcom pa bzhi khri dang gshegs shing thabs gcig tu bzhugs par gyur/ de dag kyang mya ngan las 'das pas bstan pa nub nas rang sangs rgyas sum khri yang gshegasas shing bzhugs par gyur/ rang sangs rgyas de dag kyang mya ngan las 'das nas mngon par shes pa lnga dang ldan pa drang srong nyis khri yang de nyid na gnas par gyur to// 'di ni btsun pa rab mthong chen po sngon byung ba bzang po 'di nyid la skye dgu'i tshe lo nyis khri thub pa na yang dag par rdzogs pa'i sangs rgyas 'od bsrung zhes bya ba 'jig rten du byung ste/ de'i dge slong sha Do ke zhes bya ba lha dang mis mtsha
- 346a
pa'i mchog tu gyur pa de nyid na'o// 'tshams kyi ri la rtsa'i rigs zla ba ces bya ba skye ba'i zla ba'i ri zhes btags par gyur/ klu mo rgyal ces bya ba gnas par rgyu bas rgyal ba'i nags zhes btags par gyur/ shing 'dzam bu zhes bya ba skyes pas 'dzam bu'i phug ces btags par gyur/ yang dag par rdzogs pa'i sangs rgyas 'od bsrungs 'khor gyi dgra bcom pa nyis khri dang gshegs shing bzhugs par gyur/ de dag kyang mya ngan las 'das pas bstan pa nub nas rang sangs rgyas khri lnga stong gshegs shing bzhugs par gyur/ rang sangs rgyas de dag kyang mya ngan las 'das nas/ mngon par shes pa lnga dang ldan pa'i drang srong khri gnas par gyur to// 'di ni btsun pa rab mthong chen po bskal pa bzang po 'di nyid la skye dgu'i tshe lo brgya thub pa na yang dag par rdzogs pa'i sangs rgyas shAkya thub pa 'jig rten du byung ste/ 'phags pa rab mthong chen po khyod lha dang mis mchod pa'i mchog tu gyur pa yang de nyid na'o// 'tshams kyi ri rtswa'i rigs u shri sha skye bas u shri sha'i ri zhes btags par gyur/ klu mo ta ma zhes bya ba gnas pas ta ma'i nags shes btags par gyur/ shing a 'bra skyes pas a 'bra'i phug ces btags pa yin te btsun pa rab mthong chen po u shri sha'i ri phrag 'di nyid du thugs brtse bar dgongs te bzhugs pa ni legs so// de nas yang tshangs pa dang / lha'i dbang
- 346b
po brgya byin dang / 'jig rten skyong ba dag gis gnas brtan chen po'i rkang la mgo bos phyag 'tshal te/ thal mo sbyar ba byas nas rab tu gus pas 'di skad ces smras so// thugs brtse ba can nags 'di ni gshegs shing bzhugs pa'i gnas pa yin te/ bdag cag kyang nye gnas bgyid la gzhan dag kyang bzung du gsol/ de ni snyan par grags shing legs te chu ni gzigs par dbyung bar 'tshal lo zhes gsol ba btab po// gzhan yang gnod sbyin gyi sde dpon brgyad po 'di ste/ sing ga la zhes bya ba dang / chos skyong zhes bya ba dang / don grub ces bya ba dang / gzhan las rgyal zhes bya ba dang / glang rna zhes bya ba dang / dbyig gi sna ba ces bya ba dang / chos ldan zhes bya ba dang / chos 'phags zhes bya bas kyang gnas brtan chen po'i rkang pa la mgo bos phyag 'tshal te/ thal mo sbyar ba byas nas rab tu gus pas 'di skad ces smras so// thugs brtse ba can nags de ni gshegs shing bzhugs pa'i gnas yin te bdag cag kyang nye gnas bgyid la/ gzhan dag kyang bzung du gsol/ de ni snyan par grag shing legs te/ chu ni gzigs par dbyung bar 'tshal lo zhes gsol ba btab po// gzhan yang gnod sbyin ma chen po brgyad po 'di dag ste/ a shi Ta~M zhes bya ba dang / bu mangs zhes bya ba dang / 'phyang ma zhes bya ba dang / rab tu 'phyang ma dang / drag mo zhes bya ba dang / gtum mo zhes bya ba dang / mdung zung 'dzin zhes bya ba dang /
- 347a
bar snang ma zhes bya bas kyang gnas brtan chen po'i rkang pa la mgo bos phyag 'tshal te/ thal mo sbyar ba byas nas rab tu gus pas 'di skad ces smras so// thugs brtse ba can de ni gshegs shing bzhugs pa'i gnas te/ bdag cag kyang nye gnas bgyid la gzhan dag kyang bzung du gsol/ de ni snyan par grags shing legs te chu ni gzigs par dbyung bar 'tshal lo zhes gsol ba btab po// de bzhin du gzhan yang klu chen po 'di dag ste/ ser skya zhes bya ba dang / dri ma zhes bya ba dang / dang chu ldan zhes bya ba dang / drag shul zhes bya ba dang / lha'i bang rim zhes bya ba dang / bum pa'i bang rim zhes bya ba dang / nye ba'i klu zhes bya ba dang / od su ta zhes bya bas kyang gnas brtan chen po'i rka pa la phyag 'tshal te/ thal mo sbyar ba byas nas rab tu gus pas 'di skad ces smras so// thugs rtse ba can nags de ni gshegs shing bzhugs pa'i gnas yin te/ bdag cag kyang nye gnas bgyid la gzhan dag kyang bzung du gsol/ de ni snyan par grags shing legs te/ chu ni gzigs bar dbyung bar 'tshal lo zhes gsol ba btab bo// gzhan yang klu mo chen mo brgyad po 'di dag ste/ mun zhes bya ba dang / 'gro 'dod ces bya ba dang / mthon mo zhes bya ba dang / glang mo zhes bya dang / khur grong mo zhes bya ba dang / lba 'thor ma zhes bya ba dang / sna tshogs sde zhes bya ba dang / dri za mo zhes bya ba dag gis kyang gnas brtan
- 347b
chen po'i rkang pa la phyag 'tshal te/ thal mo sbyar ba byas nas rab tu gus pas 'di skad ces smras so// thugs brtse ba can nags de ni gshegs shing bzhugs pa'i gnas yin te/ bdag cag kyang nye gnas bgyid la gzhan dag kyang bzung du gsol de ni snyan par grags shing legs te chu ni gzigs par dbyung bar 'tshal lo zhes gsol ba bta pa dang / tshe dang ldan pa rab mthong chen po cang mi smra bas dang du blangs so// lha dang / lha ma yin dang / na mkha' lding dang / mi 'am ci dang dri za dang / lto 'phye chen po la sog pa de dag gis tshe dang ldan pa rab mthong chen pos cang mi smra bas dang du blangs par rig nas dga' mgu yi rangs par gyur to// de nas tshe dang ldan pa rab mthong chen pos ston pa'i zhal du lha mthong nas ta mi la'i nags su song ste/ phyin nas bla gab med par bgreng ste/ gar+b+he brdungs so// gan+d+he'i sgra des 'jame bu gling khyab par sgra bsgrags par gyur pa na/ dge slong dag gis sgra de thos de sems pa la zhugs pa dang sgra 'di mun gyi nags nas byung ngo snyam mo// de yang sngon gyi yang dag par rdzogs pa'i sangs rgyas dag gi bzhag gnas/ rang sangs rgyas rnams kyis gnas pa 'dod chags dang bral ba dang / drang srong dag gi gnas su gyur pa yin la/ da lta yang btsun pa rab mthong chen po yin par go zhing shes nas mthong ste/ dgra bcom pa khri brgya stong snyed kyis mun gyi nags su phyin te dbyar gyi gnas pa yang bcas/ tshangs pa dang lha'i dbang po dang / 'jig rten skyong ba de
- 348a
dag gis de bzhin gshegs pa'i dbu dang sen mo khyer te 'ongs nas dbu dang sen mo'i mchod rten gcig bzhengs su gsol/ gtsug lag khang gcig kyang brtsigs rdo rje'i gtsug lag khang du ming gsol/ mi mjed kyi bdag po tshangs pa dang / 'jig rten skyong ba bzhis kyang so so nas gtsug lag khang re re bzhengs su gsol/ lo dang po la lha rnams kyis gnas bcas/ lha'i dbang po brgya byin gyis rang gi lag nas lo gcig gis chos gos la sogs pa yo byad kyi rin sbyar/ lha'i bu mo bde sogs kyis dge slong re re zhing ras yug re re chos gos kyi rgyu yang phul/ de nas tshe dang ldan pa rab mthong chen po gnas khang du lha'i 'khor gyis bskor te gnas bcas pa na 'di skad ces smras so// gnas bcas pa 'di yun ring du gnas bcas par 'gyur ba'i phyir/ lha dang mi'i grong khyer gnas pa'i phyir rgyal rigs rtsub bo zhes bya ba la sogs pa mi rnams la chos bstan pas yid rab tu dga' zhing dad par gyur te/ rgyal po chen po rtsub pos mchog gsum la skyab su 'gro ba byas gzhan dag kyang dad par gyur te/ phrag lnga brgya'i las kyang byas drang srong mngon par shes pa lnga dang ldan pa lnga brgya yang rab tu byung ste dgra bcom pa mngon du byas/ gnas de na bram ze smra ba la mkhas pa cig yod pa de las rgyal bar gyur btul nas rab tu byung ste/ des kyang dgra bcom pa mngon du byas/ ta ma sa'i nag
- 348b
na tshe dang ldan pa rab mthong chen po la sogs pa dgra bcom pa khri brgya stong snyed gnas bcas so zhes rgyal po'i pho brang 'khor dang grong dang grong khyer kun du grags par gyur/ rgyal po rtsub po la sogs pa mi rnams ni 'phags pa'i dge 'dun gyi slad du nyin re bzhin du dar ba 'bul/ mi ma yin pa dag ni de bzhin du zhun mar 'bul bar byed/ gzhan yang dga' ba dang dang bas mgu zhing rangs pas legs par las dang bya ba yang byed de/ de bzhin du klu dag gis dga' ba dang mgu pas tha dad pa'i bye brag bca' ba brgyad kyis bza' ba dang bca' ba sbyar te phul lo// gzhan yang 'di ltar skye dgu'i lus can sems bskyed pa 'di lta ste/ blon po dang / rgyal rigs spyir 'dus te kun dga' ba zhig kyang byas te/ de dag tu me tog gi shing dang 'bras bu'i shing mdzes pa 'di drag ste/ a mri'i shing dang / ba ta la'i shIng dang / seng ldeng shing dang / nya gro ta'i shing dang / a shA tha'i shing dang / 'bras bu gsum gyi shing dang / me tog tsam pa ka'i shing dang / ma du ka'i shing dang / 'bil ba'i shing dang / 'bra'o'i shing dang / dzam+bu'i shing dang / du ni'i shing dang / chu shing la sogs pa'i shing dang / me tog ma la li ka dang / ku dan dang / dza'i ka la sogs pa mdzes pa sna tshogs dge slong bde bar gnas pa dge ba'i phyogs byed pa dang / mthun pa zhig kyang byas te dge 'dun la phul lo// de nas dge slong dag the tsom skyes nas the tsom thams cad gcod pa
- 349a
sangs rgyas bcom ldan 'das la zhus pa/ btsun pa tshe dang ldan pa rab mthong gis las ci bgyis na las gang gi rnam par smin pas byug cing nor mang la longs spyod dang ldan pa'i rigs su skyes/ gzugs mdzes shing lha dang mis mchod pa'i mchog tu gyur/ bsod nams chen po dang ldan pa shes par 'tshal lag so zhes zhus pa dang / bcom ldan 'das kyis bka' stsal pa/ dge slong dag 'das pa'i bskal pa dgu bcu rtsa gcig na yang dag par rdzogs pa'i sangs rgyas rnam par gzigs zhes bya ba rig pa dang zhabs su ldan pa bde bar gshegs pa 'jig rten mkhyen pa skyes bu 'dul ba'i kha lo bsgyur ba/ bla na med pa lha dang mi rnams kyi ston pa sangs rgyas bcom ldan 'das 'jig rten du byung ste/ rgyal po gnyen ldan gyi khab na bzhugs te/ dus de'i tshe zhal zhal mkhan gyi rigs las phyug pa ga ge mo zhes bya ba zhig gis rnam par gzigs kyi slad du bcug lag khang brtsigs te me tog dang 'bras bu'i shing legs par btsugs te/ kun du dri gsung gi ngad ldang ba byung bar gyur te phul/ ston de nyid kyi bstan pa la yang rab tu byung / yang dag par rdzogs pa'i sangs rgyas rnam par gzigs/ mya/ ngan las 'das nas sku gdungs gi mchod rten gyi rmang 'og tu rin po che'i rdo ring gcig bsgreng ngo // zhal zhal mkhan gyi rigs las rab tu byung ba de'i 'khor mang yang rjes su yi rang zhing mos par gyur te/
- 349b
khyed ston pa la mos par gyur pa de bzhin du bdag kyang dad cing mos par bgyid de ston pa'i bka' bzhin du bgyid cing mnyes par bgyid la/ mi mnyes par bgyid par ma gur cig ces smon lam btab po// dge slong dag de ji snyam du sems/ de'i tshe de'i dus na zhal zhal mkhan gang yin de ni tshe dang ldan pa rab mthong chen po nyid yin la/ skye dgu lus can de dag ni da ltar gyi lha dang mi 'di dag yin te/ da ltar yang 'dul bar byed pa yin no// gzhan yang bcom ldan 'das 'od srung gi bstan pa la rab tu byung ste/ de mkhan po ni lha dang mis mchod pa'i mchog tu gyur pa yin te/ ji ltar bdag gi mkhan po lha dang mis mchod pa'i mchog tu gyur pa de bzhin du bdag kyang yang dag par rdzogs pa'i sangs rgyas shAkya thub pa'i bstan pa la lha dang mis mchod pa'i mchog tu gyur cig ces smon lam btab po// des na da ltar lha dang mis mchod pa'i mchog tu gyur pa yin no// de de lta bas na dge slong dag gcig tu rnam par gnag pa'i las ni rnam par smin pa yang gcig tu gnag go/ rab tu dkar ba'i las ni dkar ba'o// 'dres pa'i las ni 'dres pa'o// de bas na dge slong dag rab tu gnag pa dang 'dres ma dag ni spongs shig/ rab tu dkar ba dag la spyad par bya ste/ dge slong dag de bzhin du bsdu bar gyis shig/ bcom ldan 'das kyis de skad ces bka' stsal pa dang / dge slong de dag bcom ldan 'das kyis bshad pa yid la bgyis te mngon par dga'o//
- 350a
@sun gyi nags tshal gyi sgo zhes bya ba'i mde rdzogs so// rgya gar skad du/ e ka ga thA/ bod skad du/ tshigs su gcad pa gcig pa/ dkon mchog gsum la phyag 'tshal lo// skyes bu khyu mchog khyod 'dra'i dge sbyong chen po gzhan dag lnga yul sa la med/ 'jig rten 'din yong gis med la rnam thos bu yi gnas na'ang yong ma yin/ lha yi pho brang gnas mchog dag na'ang mod la phyogs dang phyogs mtshams dag na'ang med/ ri dang nags su bcas pa'i sa steng rgyas pa kun du bskor kyang ga la yod/ tshigs su gcad pa gcig pa rdzogs so// sarba mang+ga lam/ rgya gar skad du// ga thA da ba d+har ni/ bod skad du/ tshigs su gcad pa gnyis pa'i gzungs// 'jam dpal gzhon nur gyur pa la phyag 'tshal lo// sangs rgyas dang ni chos la bsdus pa dang // le lo dang ni cung zad chog par 'dzin// 'dod chags dang ni nga rgyal spyod ba dang // 'gyod pa dang ni ma nges byed pa rnams// sems can rnams kyi slob par 'gyur ba ste// de yi gnyen por theg pa mchog bstan pa// de yi bar du gcod pa de dag gi/ nyes pa thams cad rab tu spong bar gyur// tad+ya thA/ oM badz+ra pra ka ra/ badz+ra pra ka ra/ badz+ra tsa tra dang ste/ ba yang gi/ a ma le/ bi ma la
Colophon
mun gyi nags tshal gyi sgo zhes bya ba'i mdo rdzogs so/