dam tshig bkod pa sa gzhi'i rgyud rin po che spungs pa'i rgyan
Text
ff. 381b–383a · 4 folio sides
- 381b
pa'i sku la phyi nang med// mkha' khyab yul la snang ba med// ye shes lus la phyin nga med// sprul ba'i sku la sku gsum med// phyi ru snang ba longs skur sgoms// nang nas shar ba sbrul skur sgoms// thig le nyag gcig chos sku la// longs sku'i skems pa rdzogs pa'o// phyi ru sgoms pas longs skur gol// nang du sgoms pas sprul skur gol// gnyis med skems pas dbu mar gol// chos kyi ske mo brgyad khri bzhi stong yang // dang po thig le'i ngang las 'byung // bar du thig le'i ngang la gnas// tha mar thig le'i ngang du rdzogs// bsgoms nyams ji snyed byung ba yang // dang po bka'i rgyud las byung // nga ni nyams la mi rten te// yang ti nag po'i sgom pa'o// bsgom pa srog gi sprul pa'i 'o// srog gi 'khor/ lo'i rgyud pa rdzogs so// rgya gar skad du/ sa ma ya sa sa kra dz+nyA tsa tur dzA rat+na d+ha tan+t+ra nA ma/ bod skad du/ dam tshig bkod pa sa gzhi'i rgyud rin po che spungs pa'i rgyan ces bya ba/ dpal kun tu bzang po la phyag 'tshal lo// 'di skad bdag gis thos pa'i dus gcig na/ bcom ldan 'das dpal kun tu bzang pos/ 'og min gyi gnas mchog chen po na bzhugs pa'i tshe/ dpal rdo rje sems dpa' yang ti'i chos zhus pas/ kun tu bzang pos bka' stsal pa/ snyan rgyud kyi gdam
- 382a
ngag rnam pa gsum ste/ sangs rgyas nyag gcig dang / dam tshig thun gcig dang / dpe 'da' gcig go/ sangs rgyas kyi brda'i le'u ste dang po'o// / / rdo rje sems dpas yang zhus pa/ sangs rgyas nyag gcig ni/ rig pa dngos med kyi ye shes la/ sku gsum ka nas ma grub bo// ci ste long snang med pa'i phyir/ brda ni mig gi rnam par shes pa'o// don ni ye shes lnga lhun gyis grub pa'o// sgra nga ni dz+nyA na ka ya'i a'o// sangs rgyas nyag gcig ni/ dgongs pa la thun med pa dang / chos nyis la bar do med pa dang / ye shes skyel ba su med pa dang / chos sku la zhag gcig ma med pa dang / dus gsum la 'du 'bral med pa dang / snying po la 'pho 'gyur med pa dang / shes rab la 'gal 'grub med pa dang / thig le nyag gcig la gnyis snang med pa'o// lung las gnyis med ces pa dang / sangs rgyas sems can gnyis med ces pas gsal lo// brda don gyi le'u ste gnyis pa'o// // kun tu bzang pos bka' stsal pa/ dam tshig thun gcig ni/ yang ti nag po gser gyi 'bru gcig pa// dper na rin chen gser gyi rdo ba la// bya dang khyi dang sku gzugs rnams// byas kyang gser las 'gyur ba med// bzang du ma song ngan du mi 'gro ste// gzugs kyi sdang ba tha dad kyang //
- 382b
ngo bo gser las 'gyur ba med// de bzhin dam tshig thun gcig ni// thig le nyag gcig don rtogs na// bsrung du gnyis snang med pa'i phyir// bsrung bya byung na yang ti men// bsrung rgyu byung na nyag gcig min// gnyis snang byung na gzung 'dzin min// so so skye bo'i khyu ru gol// gos phyir yang ti'i dam tshig min// de yang lung las dam tshig chen po de nyid mkhyen// / dbang po bsam pa mkhyen mchog gis// zhes gsungs so// brda ni dug lnga rang grol du rang shar ba'o// sgra ni sa ma ya tri ka yA A ka'o// zhes 'byung ngo / brda rang don gyi le'u ste gsum pa'o// // kun tu bzang pos bka' stsal pa/ dpe brda gcig ni rgya mtsho chen po sku gsum brda// nam mkha' chen po thugs rje'i brda// sman gyi ga pur ni// sman dang dug dang khu bas brda// de ni phyi yi brda gsum yin// ngo bo rang bzhin thugs rje ni// de ni 'khrul pa bzhi yi brda// ma ning rnam gsum sems can bar// snang ba rnam/ gsum 'khrul pa'i brda// de ni nang gi brda bzhi yin// 'dod chags zhe sdang gti mug ni// de ni thig le rtag gcig brda// dug lnga ye shes lnga yi brda// 'gro drug rang byung ye shes brda// gzung dang 'dzin pa rig pa'i ye shes brda// de ni gsang ba'i brda ba zhi yin/ swa yi don ni 'di lta ste// ye shes sba las
- 383a
yi ge ha// dbyings kyi sgra las yi ge a// rtsal gyi sgra las yi ge ma// rol pa'i sgra las yi ger// de ni sgra yi chos nyid do// don nyid rtogs pa'i rnal 'byor la// rab dang 'bring dang tha mar bstan// dbang po rab yang rang grol bas// sangs rgyas chos dang mya ngan 'das// dngos po chos dang gnas lugs te// bar de med par rang grol ba'o// 'bring dang tha ma'i chos nyid ni// da lta ngo sprod par dor sangs rgyas te// rdzogs chen lam pa'i tshe so nyid do// sems can 'khor ba blo dang snang lugs te// 'bring dang tha ma par dor grol ces 'byung ngo // yang ti drang don du bshad pa'o// dam tshig bkod pa sa gzhi'i rgyud las/ batra 'gyur sgra 'gyur don 'gyur du bstan pa'o// tshig gsum rgyud pas sangs rgyas kyi chos brgyud pa bar ma chad pa/ nga mi chog bkod pa sa gzhi'i rgyud rdzogs so// rgya gar skad du/ tsakra badz+ra/ bod skad du 'khor le rdo rje/ bcom ldan 'das dpal kun tu bzang po la phyag 'tshal lo// yang gsang ba chen po yum gyi mkha' na/ snying po'i rdo rje 'od rab ta 'bar ro// kun tu bzang po dang rdo rje sems dpa' rnams kyang 'od zer 'bar ro// bcom ldan 'das gsang ba chen po'i dkyil 'khor na/ rdo rje'i dkyil 'khor shin tu dag par rol te/ yang