'phags pa dkon mchog gi za ma tog ces bya ba theg pa chen po'i mdo
Aryaradnakarandakanamamahāyanasutra
Text
ff. 248b–311a · 124 folio sides
- 248b
la ni tha dang cung zad kyang med do// btsun pa rab 'byor de bzhin du chos kyi dbyings kyang cig/ yang dag pa'i mtha' yang cig/ ji ltar las mngon par 'du byas la de/ bzhin du snod kyis khyad par du 'gyur ro// de la sbrang rtsi dang la kha ra'i snod ji lta bzhin du/ byis pa so so'i skye bo thams cad la lta'o// 'bru mar dang mar gyi snod ji lta ba bzhin du nyan thos dang / rang sangs rgyas thams cad la lta'o// ngan mi gtsang ba'i gnod ji lta ba de bzhin du byis pa so so'i skye bo thams cad la lta'o// rab 'byor gyis smras pa/ 'jam dpal rnam grangs gang gis gang dag snod du gyur pa de dag snod ma yin par 'gyur ba dang / gang dag snod ma yin pa snod du 'gyur ba'i rnam grangs yod dam/ 'jam dpal gyis smras pa/ btsun pa rab 'byor gyis smras pa/ rnam grangs gang gis na gang dag snod du gyur pa de dag gnod ma yin par 'gyur ba dang / gang dag snod pa de dag snod du gyur pa yin/ 'jam dpal gyis smras pa/ btsun pa rab 'byor gang la la nyon mongs pa thams cad kyis snod du gyur pa/ bag chags kyis tshams sbyor ba bcom pa de dag ni/ sangs rgyas kyis chos rnams kyis snod du gyur pa'o// btsun pa rab 'byor gang dag nyon mongs pa thams cad kyi snod du ma gyur pa/ bag chags kyi 'tshams sbyor bcom pa de dag ni sangs rgyas kyi chos rnams kyi snod du gyur pa'o// 'jam dpal gyis smras pa/ btsun pa rab 'byor ci yang ma yin no// de ci'i phyir zhe na/ gang gis
- 249a
/ tshe byang chub sems dpa' bzhugs pa de dag med pa dang / 'byung ba med pa la spyod pa de'i tshe/ snod kyis snying por rig par/ bya'o// gang gis bzhugs pa dang dbyung ba la spyod pa de'i tshe/ snod chags par rig par bya'o// btsun pa rab 'byor 'di lta ste dper na/ namakha' ni rtsa dang / shing gel ba dang / sman dang nag 'tshal thams cad kyi snod ces kyang bya ba la/ gang gis snod kyang ma yin no// btsun pa rab 'byor de bzhin du byang chub sems dpa' yang sangs rgyas kyis chos thams cad kyis snod ces kyang bya la/ gang gis snod kyang ma yin no// btsun pa rab 'byor 'di lta ste dper na sa las skyes pa'i shing rnams ni snod na mkha' yin pas rnam par skye'o// btsun pa rab 'byor de bzhin du lhag pa'i bsam pa las skyes pa'i byang chub sems dpa' rnams kyang // snod shes rab kyi pha rol tu phyin pa yin pas rnam par skye'o// rab 'byor gyis smras pa/ 'jam dpal ci byang chub sems dpa' rnam par skye ba 'am/ 'jam dpal kyis smras pa/ btsun pa rab 'byor gal te na mkha' skye na/ de'i phyir byang chub sems dpa' rnams kying rnam par skye ba zhig na/ na mkha' ni rnam par skye ba 'am/ yongasu rnam par skye ba 'am/ yongs su rnam par mi 'gyur te/ btsun pa rab 'byor de bzhin du/ byang chub sems dpa' rnams kyang rnam par skye bar mi 'gyur/
- 249b
yongasu nyams par mi 'gyur ro// rab 'byor gyis smras pa/ 'jam dpal byang chub sems dpa' rnam par skye bar mi 'gyur/ yongs su nyams par yang mi 'gyur zhes bya ba ci las btsams te de skad ces smras pa/ 'jam dpal gyis smras pa/ nyon mongs pa rnam par skye bar yang mi 'gyur/ sangs rgyas rnams las kyang yongs su nyams par mi 'gyur ro// rab 'byor gyis smras pa/ 'jam dpal nyon mongs pa rnams dang / sangs rgyas kyi chos rnams la tha dad du bya ba ci yod/ 'jam dpal gyis smras pa/ btsun pa rab 'byor nyon mongs pa rnams dang / sangs rgyas kyis chos rnams tha dad du bya ba ni cung zad kyang med do// / btsun pa rab 'byor 'di lta ste dper na/ ri'i rgyal po ri rab la 'od kyi reg na gzugs thams cad 'di lta ste/ gser gyi kha dogs cig par 'gyur ro// btsun pa rab 'byor de bzhin du shes rab dang / ye shes kyi snang bar bya ba'i nyon mongs pa rnams kyang / 'di lta ste/ nga sangs rgyas kyi chos rnams kyi kha dogs cig por 'gyur ro// btsun pa rab 'byor de bas na shes rab dang / ye shes kyi snang byas pa'i nyon mongs pa rnams dang / sangs rgyas kyis chos rnams la tha dad cung zad kyang med de/ de bas na chos thams cad sangs rgyas kyis chos zhes bya'o// rab 'byor gyis smras pa/ 'jam dpal ci'i phyir na
- 250a
chos thams cad sangs rgyas kyi chos zhes bya/ 'jam dpal gyis smras pa/ btsun pa rab 'byor ji lta ba bzhin du rtog pa'i phyir ro// rab 'byor gyis smras pa/ 'jam dpal ji lta ba bzhin zhes bya bas/ ci zhig bstan par 'gyur/ 'jam dpal gyis smras pa/ thog ma ji lta bar tha mar yang de bzhin nyid las phyir mi ldog pas/ de'i phyir ji lta ba bzhin zhes bya'o// rab 'byor gyis smras pa/ 'jam dpal thogs ma dang tha ma zhes bya bas/ ci zhig la bstan par 'gyur// 'jam dpal gyis smras pa/ thog ma ni stong pa nyid/ tha ma ni dbyen pa nyid de/ de bas na thogs ma dang tha ma zhes bya'o// rab 'byor gyis smras pa/ 'jam dpal stong pa nyid dang dben pa nyid dang dben pa la tha dad du dbye ba ci yod// 'jam dpal gyis smras pa/ btsun pa rab 'byor 'di ji snyam du sems/ gser dang sa le sbram la tha dad du bya ba yod dam/ rab 'byor gyis smras pa/ 'jam dpal ming du brtags pa ni tha dad pa yod do// 'jam dpal gyis smras pa/ btsun pa rab 'byor de bzhin du 'di lta ste/ stong pa nyid dang / dben pa nyid 'di ni ming dang brda' tsam du zad de/ ming dang brda' la mkhas pa rnams mngan pa med kyis byis pa rnams mngon par zhan to// rab 'byor gyis smras pa/ 'jam dpal byis pa rnams ni mtshan nyid ji lta bu mkhas pa zhes bya ba'i mtshan nyid ni ji lta
- 250b
bu yin/ 'jam dpal gyis smras pa/ btsun pa rab 'byor bcom ldan 'das kyis byis pa ni las kyi mtshan nyid do// mkhas pa ni chos kyi mtshan nyid do// zhes gsung so// rab 'byor gyis smras pa/ 'jam dpal las kyis mtshan nyid ji lta bu yin/ 'jam dpal gyis smras pa/ btsun pa rab 'byor bstan cing 'brel par 'byung ba'i mtshan nyid ni las te/ de la gang dag mngon par 'du byed pa de dag ni yod par mngon no// de la byis pa rnams ni mngon par 'du byed pas de dag gis yod par mngon no// mkhas pa rnams ni mngon par byed pas/ de dag gis ni mang bar mngon te/ de la gang yod pa dag/ gang med pa'i dbus de ni 'phags pa rnams kyi spyod yul lo// 'phags ba'i spyod yul gang yin pa de ni 'phags pa ma yin pa rnams kyi spyod yul ma yin no// rab 'byor gyis smras pa/ 'jam dpal 'phags pa zhes bya bas ci zhig bstan par 'gyur/ 'jam dpal gyis smras pa/ btsun pa rab 'byor 'phags pa zhes bya ba de ni rdul ci nyon mongs pa med pa la yang dag par 'du ba'i bzhi'o// rab 'byor gyis spras ba 'jam dpal rnam grangs gang gis chos thams cad rdul med cing / nyon mongs pa med pa la 'du bar 'gyur ba'i rnam grangs yod dam/ 'jam dpal gyis smras pa/ btsun pa rab 'byor yod do// rab 'byor gyis smras pa/ rnam grangs gang yin/ 'jam dpal gyis smras pa/ btsun pa rab 'byor 'di lta ste/ dper na/ brgya mtsho chen por chu
- 251a
thams cad yang dag par 'du zhing de yang 'di lta ste/ lan tshe'i ror ro cig go// btsun pa rab 'byor de bzhin du chos thams cad rdul med cing / nyon mongs pa med pa yang dag par 'dra zhing de yang 'di lta ste/ rnam par grol ba'i ror ro cog go/ rab 'byor gyis smras pa/ 'jam dpal las rnam par thar par bya ba'i phyir rnam par grol ba ston/ 'jam dpal gyis smras pa/ rab 'byor 'di ji snyam du sems/ gang yod na 'ching bar 'gyur/ rab 'byor gyis smras pa/ 'jam dpal mi shes pa yod na 'ching bar 'gyur ro// btsun pa rab 'byor de bas na mi shes pa la rnam par thar par bya ba'i phyir rnam par grol ba ston to// rab 'byor gyis smras pa/ 'jam dpal chos thams cad la dad par bya ba med na shes pa 'am/ mi shes par ji ltar bstan/ 'jam dpal gyis smras pa/ btsun pa rab 'byor 'di lta ste/ dper na/ dpyid kyis gasros pa'i chu la ni dro ba zhes bstan do// chu de nyid grangs pa'i dus su ni grangs pa zhes stan te/ chu de la ni tha dad du bya ba cung zad kyang med do// btsun pa rab 'byor de bzhin du tshul bzhin ma yin pa yid la byed pas sros pa'i sems la ni mi shes pa zhes bstan te/ de la nang gis byed pa skyes bu de'i shes pa 'am/ mi shes par bstan pa ni gang yang med do// rab 'byor gyis smras pa/ 'jam dpal don de ni rtogs par dka'o// 'jam dpal gyis spras
- 251b
pa/ btsun pa rab 'byor gnyis la spyod pa rnams kyis so// rab 'byor gyis smras pa/ 'jam dpal gyis don de ni mngon par dka' ba'o// 'jam dpal gyis smras pa/ btsun pa rab 'byor shes rab kyi mig dang bral ba rnams kyis so// rab 'byor gyis smras pa/ 'jam dpal don de ni shes par bting dpag dka' ba'o// / 'jam dpal gyis smras pa/ btsun pa rab 'byor gting ma rnyed pa rnams kyis so// rab 'byor gyis smras pa/ 'jam dpal don ni shes par dka' ba'o// 'jam dpal gyis smras pa/ btsun pa rab 'byor lhag pa'i nga rgyal can rnams kyis so// rab 'byor gyis smras pa/ 'jam dpal don de ni go bar dka' ba'o// 'jam dpal gyis smras pa/ btsun pa rab 'byor byang chub kyi yan lag dang bral ba rnams kyis so// rab 'byor gyis smras pa/ 'jam dpal don de ni mos par dka' ba'o// 'jam dpal gyis smras pa/ btsun pa rab 'byor kun bzhi la dga' ba rnams kyis so// rab 'byor gyis smras pa/ 'jam dpal don de ni rtag mi nus so// 'jam dpal gyis smras pa/ 'di ltar der ni mtshan ma kun tu mi 'byung ngo // rab 'byor gyis smras pa/ 'jam dpal gyis don de ni rtog ge'i spyod pa ma yin no// 'jam dpal gyis smras pa/ 'di ltar de la so sor rnam par rig pa med do// rab 'byor gyis smras pa/ 'jam dpal don de ni mchog tu 'phags pa'o// 'jam dpal gyis smras pa/
- 252a
'di ltar de ni bsngo ba'i 'du shes dang bral ba'o// rab 'byor gyis smras pa/ 'jam dpal don de ni mkhas pa dang 'jang pas rig pa'o// 'jam dpal gyis smras pa/ 'di ltar de ni bdag nyid kyis rig pa'o// rab 'byor gyis smras pa/ 'jam dpal de bzhin gshegs pas gang don du na/ don de ni don ma yin pa'o// zhes de skad bshad pa tshig de'i dgongs pa'i tshigs bshad ji lta bu yin/ 'jam dpal gyis smras pa/ btsun pa rab 'byor don ces bya ba ni brjod du med pa'i don to// de la gang dag brjod du yod pa'i don la spyod pa de dag gis don ma yin te/ de bas ni bcom ldan 'das kyi don du na/ don ni don ma yin pa'o// zhes de skad ces bka' stsal to// gzhan yang btsun pa rab 'byor don ces bya ba ni dben pa'i don to// de la gang dag lus dang ngag dang / sems mtshungs pa ldan pa'i don la spyod pa de dag gis don ma yin te/ de bas na bcom ldan 'das kyis don du don ni don ma yin pa'o zhes de skad bka' stsal to// rab 'byor gyis smras pa/ 'jam dpal chos thams cad la chos ma yin pa'o// zhes bcom ldan 'das kyis don ci las dgongs te skad bka' stsal pa/ 'jam dpal gyis smras pa/ btsun pa rab 'byor bcom ldan 'das kyis rnams grangs gzigs dang 'dra bar shes pa rnams kyis chos nyid kyang spangs par bya na/ chos ma yin pa lta ci smos
- 252b
shes de skad bka' stsal te/ gang spangs par bya ba de na chos dang chos ma yin pa zhes mi bya'o// rab 'byor gyis smras pa/ 'jam dpal ci sangs rgyas kyi chos rnam kyang bcom ldan 'das kyi thams cad ni chos ma yin pa'o zhes de skad bka' stsal to// rab 'byor gyis smras pa/ 'jam dpal las dang po pa'i byang chub sems dpa bshad pa 'di thos nas/ mi skrag mi dngang dngang par mi 'gyur ba ni ngo 'tshar to// 'jam dpal gyis smras pa/ btsun pa rab 'byor 'di ji snyam du sems/ brgya la seng ge'i phru gus seng ge'i sgra thos nas skrag dngang ngam/ dngang bar 'gyur ram/ ngang pa'i rgyal po'i phru gu na mkha'i dkyil na 'phur pa na ngang pa'i sgra thos nas/ skrag gam dngang ngam/ dngang par 'gyur ram/ rab 'byor gyis smras pa/ 'jam dpal de ni ma yin te/ seng ge phrag rang gi sgra dang / ngang pa'i rgyal po phru gu rang gi spod yul gyis mi nag go/ 'jam dpal gyis smras pa/ btsun pa rab 'byor de bzhin gshegs pa'i rigs dang gdung las skyes pa'i byang chub sems dpa' de bzhin nyid dang / stong pa nyid las nges par 'byung ba de rnams ni/ chos thams cad dang / sgra thams cad dang / bshad pa thams cad kyis mi skrag dang mi dngang par mi 'gyur mod kyi/ btsun pa rab 'byor 'on kyang gang yod na skrag par 'gyur shes sam/ rab 'byor gyis smras pa/ 'jam dpal 'jig tshogs la lta ba yod na skrag par 'gyur ro// 'jam dpal gyis smras
- 253a
pa/ btsun pa rab 'byor 'jig tshogs la lta ba de byang chub sems dpas yongs su shes te/ de bas na chos thams cad mi skrag go/ de sgra thams cad kyis mi skrag mi dngang par mi 'gyur ro// rab 'byor gyis smras pa/ 'jam dpal gal te byang chub sems dpa' 'jig tshogs la lta ba yongs su shes na de ji ltar 'bras bu thob/ 'jam dpal gyis smras pa/ btsun pa rab 'byor byang chub sems dpa' ni 'bras bu thob pa/ 'dod pa'i phyir 'jig tshogs la lta ba yongs su shes na/ de ji lta ji ltar 'bras bu thob pa la btang snyoms su bya ba dang / sangs rgyas kyis chos thob par 'dod pa'i phyir/ sems can thams cad la snying rje chen pos sbyor ba'i sems 'jig tshogs lta ba yongs su shes te/ de bas na 'bras bu mi thob po/ rab 'byor gyis smras pa/ 'jam dpal byang chub sems dpa'i thabs gang gis byang chub sems dpas 'jigs tshogs la lta ba yang yongs su shes la/ 'bras bu yangs mi thob pa de ni thabs chen po yin no// 'jam dpal gyis smras pa/ btsun pa rab 'byor 'di ltar byang chub sems dpa'i ye shes kyis dbyings ni thabs dang shes rab kyis yang dag par zin pa ste/ de bas na byang chub sems dpa' de'i 'jigs tshogs lta bas yongasu shes la/ 'bras bu yang mi thob bo// btsun pa rab 'byor 'di lta ste/ skyes bu chen po zhig gis mtshon cha rnon po
- 253b
shing sa la chen po bcad nas ril gyis chad bzhin nyin na 'dug go/ mi 'gyel lo// btsun pa rab 'byor de bzhin du byang chub sems dpa' ye shes kyis dbyings kyang thabs dang shes rab kyis yang dag par zin te/ de nas byang chub sems dpa' de 'jigs tshogs la lta ba yang yongs su shes la 'bras bu yang mi thob po// btsun pa rab 'byor gang sa la chen po de cher chen po bab ste/ gsher cing brlan par gyur na slar yang skye zhing yal ga dang me tog dang / 'bras bu dag kyang 'byung la/ gang sems can thams cad kyi nye bar 'gyur ba de lta bu'i dus dang de lta bu'i skabs kyang yod do// btsun pa rab 'byor de bzhin du byams pa chen po dang / snying rje chen pos gsher cing brlan pa'i byang chub sems dpa' yang 'jig tshogs la lta ba yongs su shes la/ khams gsum du yang skye zhing / gang sems can thams cad kyi nye bar 'tsho bar 'gyur ba/ che dang rig dang / skye ba yang ton par byed do// btsun pa rab 'byor gang shing sa la chen po de la rlung chen po'i shugs kyi phul nas la ltung bar 'gyur ba de lta bu'i dus dang / de lta bu'i skabs kyang yod do// btsun pa rab 'byor de bzhin du ye shes chen po'i rlung gis shugs kyis phul na byang chub sems dpa' byang chub kyi snying po 'gog par ltung ngo // de nas bcom ldan 'das kyis/ 'jam dpal gzhon nur gyur pa legs so zhes bya byin te/ 'jam dpal khyod kyis byang
- 254a
/ chub sems dpa' rnams kyis thabs dang shes rab kyis yang dag par zin pa'i ye shes dbyings dang / byams pa chen po dang / snying rje chen po dang ldan pa'i chos bstan pa de ni legs par bshad de/ leg so leg so// 'jam dpal 'on kyang dpe gang dag bstan pas byang chub sems dpa' thabs dang / shes rab shes par 'gyur ba'i dpe ngas kyang bstan gyis nyon cig/ 'jam dpal 'di lta ste dper na/ klu'i rgyal po mthu dang ldan pa byang chub sems dpa'i dbang gis sprin gyis phung po gcig las char ba'i bdag nyid klog gis 'phreng ba yang gtod do// skye bar byed pa'i bdag nyid chu rgyun yang stong ngo // 'jam dpal de bzhin du byang chub sems dpa' thabs dang / shes rab dang / ye shes kyis sprin cig las sems can so so'i skye bo rnams yongs su smin par bya ba'i phyir// / byis pa so so'i skye bo thams cad kyis spyod pa yang ston to// gdul bar bya ba'i sems can rnams gdul ba'i phyir/ 'phags pa thams cad kyi spyod pa yang ston to// / 'jam dpal 'di lta ste dper na/ ri'i rgyal po gangs ri la dri'i shing zhig yod de/ de'i rtsa ba'i dri yang gzhan/ sdong po'i dri yang gzhan/ yal ga'i dri yang gzhan/ lo ma'i dri yang gzhan/ me tog gi dri yang gzhan/ 'bras bu'i dri yang gzhan no// 'jam dpal de bzhin du dri'i shing lta bu'i byang chub sems dpa'i lus de'ang sems/
- 254b
can rnams ji ltar mos pa bzhin du so so ci rigs chos kyi dri stong ste/ snying rje chen po'i rtsa ba'i de las kyang mi g.yo'o// 'jam dpal 'di lta ste dper na/ brgya byin thogs pa'i nor bu rin po che lha rnams kyis dbang po brgya byin gyis mgul du thogs na/ des sum bcu rtsa gsum gyis gnas thams cad dang / lha rnams kyi dbang po brgya byin dga' ba dang / rtse ba'i tshogs thams cad snang yang nor bu rin po che de ni rnam par mi rtog go/ 'jam dpal de bzhin du nor bu rin po che dag pa lta ba'i byang chub sems dpa'i ye shes kyi dbyings de yang / bya ba thams cad ston la/ thams cad du'ang rnam par mi rtog go/ 'jam dpal 'di lta ste dper na/ nor bu rin po che yid bzhin du 'gro ba zhig yod de/ de ni sems can thams cad kyis bsam pa ji lta ba bzhin du yongs su rdzogs par byed kyang nor bu rin po che de ni rnam par mi rtog go/ 'jam dpal de bzhin du rin po che lta bur lhag pa'i bsam pa pa'i byang chub sems dpa' yang sems can thams cad kyi bsam pa ji lta ba bzhin du yongasu rdzogs par byed kyang / byang chub sems dpa' de ni rnam par mi rtog go/ 'jam dpal 'di lta ste dper na/ na mkha' la me yang 'bar zhing char yang 'bab med/ namamakha' la tsha ba yang med grang bar 'gyur ba yong med do// 'jam dpal de bzhin du thabs mkhas pa'i byang chub sems dpa' yang kun tu 'bar ba'i khams gsum na
- 255a
yang gnas/ mya ngan las 'das pa'i bzhi pa la mi spyod mod kyi/ tsha ba med grang bar 'gyur ba yang med do// 'jam dpal 'di lta ste dper na/ na mkha' la dug gis shing yang skye/ sman gyi shing yang skye mod kyi/ na mkha' la dug gi shing gis nyon mongs par yang mi 'gyur/ sman gyi shing gis rnam bar byang bar yang mi 'gyur ro// 'jam dpal de bzhin du thabs mkhas pa'i byang chub sems dpa' dug gi shing lta bu'i phung po yang 'chang / sman gyis shing lta bu'i dbang po yang 'chang mod kyi/ phung po'i nyon mongs par mi 'gyur/ rnam par dag pa'i dbang pos rnam par byang bar mi 'gyur la/ gnyis ka'i bya ba yang med do// 'jam dpal 'di lta ste/ dper na/ chu'i snod bu gu brgya yod pa la/ bu gu cig bkag na thams cad nas mi 'jog go/ bu gu gcig phye na thams cad nas kyang 'jog 'jog go/ 'jam dpal de bzhin du byang chub sems dpa' mnyam par bzhag pa'i tshe/ mngon par shes pa chen po la yongs su rdzogs par byed kyis/ yul la mi 'jog go// yang langs na 'di lta ste/ sems can thams cad so so ji ltar 'os pa chos bstan pa'i phyir/ yul thams cad du zag go/ 'jam dpal 'di lta ste dper na/ mchog tu mthu dang ldan pa'i rta cang shes na/ rta zhon pa la bsrung bar byed de/ bdag ni de lta ma yin no// 'jam dpal de bzhin du snying rje chen po thob byang chub sems dpa' mchog tu mthu dang ldan pa dag ni/
- 255b
sems can rnams la bsrang bar byed de/ bdag ni de lta ma yin no// 'jam dpal 'di lta ste/ dper na/ rigs kyi rgyal po seng ge ni me 'bar ba ma rtogs par cis kyang mi 'jigs so// 'jam dpal de bzhin du byang chub sems dpa' nyan thos dang rang sangs rgyas kyis sar ltung ba ma rtogs par kyang mi 'jog go/ 'jam dpal 'di lta ste/ dben/ ba lang gi rgyal po sa srungs gis bu ni dud 'gro'i skye gnas su rtogs mod kyi/ sum bcu rtsa gsum pa'i lha rnams kyi dbang po brgya byin gyis bsod nams brtsegs pa'i phyir dga' ba dang rtse ba'i tshogs thams cad so sor ci rigs par ston to// 'jam dpal de bzhin nyid du byang chub sems dpa' dud 'gro'i skye gnas su song yang 'di lta ste/ sems can rnams so so rig par yongs su smin par bya ba'i phyir/ chos kyi tshogs thams cad ston ton to// 'jam dpal 'di lta ste/ dper na// gang btsu ba bstan las byung ba dang / gang nor bu rin po che las byung ba'i ma gnyis gang yang tsha ba'i bdag nyid do// 'jam dpal de bzhin du byang chub sems dpa' gang sem dang po bskyed pa dang / gang byang chub kyi snying po la 'dug pa'i sems tha ma bskyed pa de gnyis gang yang sems can rnams kyi nyon mongs pa sreg pa'i bdag nyid do// 'jam dpal 'di lta ste dper na/ dri'i shing sna tshogs rnams ni/ de dag thams cad khams bzhis yongs su bzung ste skye'o// 'jam dpal de bzhin du byang chub sems dpa' nas
- 256a
du bya bya/ kyi dge ba'i rtsa ba sna tshogs bsags pa de dag thams cad kyang byang chub kyi sems yongs su bzung shing thams cad mkhyen pa nyid du bsngos na skye'o// 'jam dpal 'di lta ste dper na/ 'khor lo bsgyur ba'i rgyal po'i de 'khor rin po che gang du 'gro ba der/ 'khor los bsgyur ba'i rgyal po'i dpung gis tshogs thams cad 'dod do// 'jam dpal de bzhin du byang chub sems dpa' thams cad dang ldan pa'i shes rab kyi pha rol tu phyin pa gang du 'gro ba der/ byang chub sems dpa'i byang chub kyi phyogs kyi chos thams cad 'dod/ 'jam dpal 'di lta ste dper na/ bya'i rgyal po ka la ping ka phru gu sgo nga'i sbubs nas 'dug pa nga ma chags cing sgrub nas ma byung ba yang 'di lta ste/ sgra yid du 'ong ba ka la ping ka'i sgra nyid sgrogs so// 'jam dpal de bzhin du byang chub sems dpa' ma rigs pa'i sgo nga'i sbugs pa/ 'jig tshogs la lta 'am bcom pa khams gsum nas mngon par ma byung yang / 'di lta ste/ sgra stong pa nyid dang / mtshan ma med pa dang / smon pa med pa dang / mngon par 'du bya ba med pa sangs rgyas kyi chos kyis sgra nyid sgrogs so// 'jam dpal 'di lta ste dper na/ ka la ping ka'i rma bya'i nang du song na du ka la ping ka'i sgra mi sgrog so// ka la bing ka'i nang du song na ni/ ka la ping ka'i sgra sgrogs so// 'jam dpal de bzhin du byang chub sems dpa' nyan thos dang / rang sangs rgyas kyis nang du song na
- 256b
sangs rgyas kyis chos bsam gyis mi khyab pa'i sgra mi sgrogaso// byang chub sems dpa'i nang du song na ni sangs rgyas kyis chos bsam gyis mi khyab pa'i sgra sgrog so// / 'jam dpal 'di lta ste dper na/ rnam par 'thor ba'i rlung ni 'dzam bu gling gis zhing ngam/ khang pa'am/ gzhal med khang ngam/ sa phyogs rnams kyis bzod par mi nus so// 'jam dpal de bzhin du sangs rgyas kyis chos bsam gyis mi khyab pa/ byang chub sems dpa'i rnams yongs su sgrogs pa na/ sangs rgyas byin gyis brlabs kyis byin gyis ma rlabs pa'i nyan thos dang / rang sangs rgyas rnams kyis mos pa'am/ dad par mi nus te/ gang dag sangs rgyas kyis byin gyis brlabs pa de dag ni shing yid ches so// 'jam dpal 'di lta ste dper na/ nyi ma'i 'od ni gtsang ba dang / mi gtsang ba gnyis ka la char mod kyi/ gtsang ba la rjes chags par mi byed/ mi gtsang ba la yang khong khro bar mi byed do/ nyi ma'i dkyil 'khor ni gang du'ang brjod par bya ba ma yin no// 'jam dpal de bzhin du byang chub sems dpa'i ye shes kyis 'od zer yang nyan thos dang so so'i skye bo la 'char mod kyis/ nyan thos rnams la rjes su chags par yang mi byed/ so so'i skye bo rnams la/ khong khro bar yang mi byed de/ byang chub sems dpa' ni gang du yang brjod par bya ba ma yin no// 'jam dpal 'di lta ste/ dper na/ nam shing yongs su 'dul
- 257a
brtol gyi lo ma lhag par gyur pa'i tshe/ sum bcu rtsa gsum pa'i lha rnams ring por mi thogs par shing yongs su 'dus brtol 'di ni me tog dang / 'bras bu dang ldan par 'gyur ro// snyam nas yid dga' bar 'gyur ro// 'jam dpal de bzhin du nam byang chub sems dpa' bdag thams cad yongs su btong bar gyur pa de'i tshe ring por mi thogs par byang chub sems dpa' 'di ni sems dpa' 'di ni sems can thams cad la sangs rgyas kyis chos kyi me tog dang 'bras bu dang sbyin par 'gyur ro// zhes sangs rgyas bcom ldan 'das rnams bstod par 'gyur ro// 'jam dpal 'di lta ste dper na/ shing gang ga'i rlung gis btud / kun tu btud/ rab tu btud pa de dag 'gyel bar 'jigs pa med do// 'jam dpal de bzhin du byang chub sems dpal gang dag sems can thams cad la 'dud/ kun tu 'dud/ rab tu 'dud pa de dag nyan thos dang / rang sangs rgyas kyis sar ltung bar 'jigs pa med do// 'jam dpal 'di lta ste dper na/ chu ni gang du dma' ba der 'bab po// 'jam dpal de bzhin du nga rgyal med pa'i byang chub sems dpa' thams cad mkhyen pa nyid la der 'gro'o// 'jam dpal 'di lta ste dper na/ nam brgya mtsho chen po dang po gnas pa de'i tshe/ sa chen po thams cad kyi nang du dma' ba'i phyogs der dang por gnas te/ de nas 'bab chu'i rgyun thams cad tshegs chung ngus der mngon du 'bab par 'gyuraro//
- 257b
'jam dpal de bzhin du nga rgyal med pa'i byang chub sems dpa' de la tshig chung ngus sangs rgyas kyi chos thams cad mngon sum du 'gyur ro// 'jam dpal 'di lta ste dper na/ nor bu rin po che rdo rjes nor bu rin po che thams cad 'bigs mod/ nor bu rin po che rdo rje su de ni ngag gis mi 'bigaso// 'jam dpal de bzhin du byang chub sems dpa' nyan thos dang / rang sangs rgyas rnams 'dul mod kyi/ de dag gis gdul ba der yang mi ltung ngo // 'jam dpal 'di lta ste dper na/ me tog man 'da' ra ba rlung gis bskyod na/ dpag tshad brgya kho ra khor yug tu dris khyab bo// 'jam dpal de bzhin na byang chub sems dpa' 'phags pa'i ye shes kyi bskyod pa yang sems can thams cad la byams pa chen po dang / snying rje chen po'i dris khyab par byed do// 'jam dpal 'di lta ste dper na/ gang dag me tog man da ra ba'i dri snom pa de dag ni nad thams cad kyi mi 'debs so// 'jam dpal de bzhin du byang chub sems dpa'i byams pa chen po dang / snying rje chen po'i dri snom pa de dag nyon mongs pa'i nad thams cad kyis mi tshungs par 'gyur ro// 'jam dpal 'di lta ste dper na/ sangs rgyas 'byung ba med na u dum pa ri'i me tog mi 'byung ngo // 'jam dpal de bzhin du byang chub tu sems bskyed pa med na/ sangs rgyas kyi chos rnams kyi me tog kyang mi 'byung ngo // 'jam dpal 'di lta ste dper na/ nam klu'i rgyal po ma dros pa char 'bebs de'i tshe 'dzam bu'i
- 258a
gling thams cad khyab par char 'beb so// 'jam dpal de bzhin du byang chub sems dpa' dam pa'i chos kyi 'char 'beb so// sems can thams cad kyi sems kyi rgyun la mnyam par 'beb so// 'jam dpal 'di lta ste dper na/ mtsho chen ma dros pa las rlung gis rgyun bzhi 'bab ste/ rgya mtsho chen po bzhi yongs su 'gengs so// 'jam dpal de bzhin du byang chub sems dpa' yang bsdus pa'i dngos po bzhi 'babs pas/ ye shes kyi nga rgya mtsho chen po yongs su rdzogs par byed do// 'jam dpal 'di lta ste dper na/ rgya mtsho chen po med na 'dzam bu'i gling gis mi rnams nor bu rin po che la spyod par mi 'gyur ro// 'jam dpal de bzhin du sangs rgyas 'byung ba med na nyan thos dang / rang sangs rgyas thams cad rnam par grol ba'i chos rin po che la spyod par mi 'gyur ro// 'jam dpal 'di lta ste dper na/ gzugs gang ci yang rung ste/ de dag thams cad 'byung ba chen po bzhi yongs su bzung ngo // 'jam dpal de bzhin du gang byang chub sems dpa' gang ci yang rung ste/ de dag thams cad byin gyis brlabs bzhis yongs su bzung ngo // 'jam dpal 'di lta ste dper na/ g.yang sa nyam nga ba na 'dug pa'i sman gyi shing ni skye bo mang po'i nye bar mtsho bar 'gyur ro// 'jam dpal de bzhin du nyan thos 'khor bas 'jigs pa'i g.yang sa nyam nga bar gnas pa rnams ni skye bo mang po'i nye bar mtsho bar 'gyur//
- 258b
'jam dpal 'di lta ste dper na/ grong khyer gyi nang na 'dug pa'i sman gyi shing ni skye bo mang po'i nye bar mtsho bar 'gyur ro// 'jam dpal de bzhin du byams pa chen po dang / snying rje chen po'i nang du song ba'i byang chub sems dpa' ni thams cad mkhyen pa nyid kyis sems bskyed pas/ sems can thams cad nye bar 'tsho bar 'gyur ro// 'jam dpal 'di lta ste dper na/ gang dbyar chung ba'i mig de dag gis yun ring du gnas par 'gyur ro// 'jam dpal de bzhin du gang nyan thos rnams kyis chos bstan pa de ni yun ring du gnas par mi 'gyur ro// 'jam dpal 'di lta ste dper na/ gang dpyid byung ba'i chu mig de ni yun ring du gnas par 'gyur ro// 'jam dpal de bzhin du byang chub sems dpa' rnams kyi chos bstan pa de ni yun ring gnas par 'gyur ro// 'jam dpal 'di lta ste dper na/ ri rgyal po gangs ri'i shing gang dag bcad pa de dag ni slar yang myur du skye'o// 'jam dpal de bzhin du nam de bzhin gshegs pas bya ba byas te/ yongs su mya ngan las 'das kyang dkon mchog gsum gyis rgyun mi 'chad par 'gyur ro// de nas bcom ldan 'das la/ tshe dang ldan pa rab 'byor gyis 'di skad ces gsol to// btso/ ldan 'das de ltar byang chub sems dpa' yon tan sngags pa tshad ma mchis pa dang ldan pa de dag gis yang dag pa'i yon tan sngags pa 'di lta bu 'di dag
- 259a
byabya/ de bzhin gshegs pas gsungs pa ngo mtshar to// bcom ldan 'das byang chub sems dpa' de dag yang dag yon tan bsngags pa de dag mthong nas dga' bar mi 'gyur/ rgyags par mi 'gyur ba de'ang mchog tu ngo mtshar to// bcom ldan 'das kyis bka' stsal pa/ rab 'byor byang chub sems dpa' de dag thams cad ni rtsa ba dag pa'i yon tan dang / bsngags pa brjod pas dga' bar mi 'gyur ro// rgyags par mi 'gyur ro// rab 'byor gyis gsol pa/ bcom ldan 'das byang chub sems dpa' rnams kyi rtsa ba gang lags/ dag pa gang lags/ bka' bstsal pa/ rab 'byor byang chub sems dpa' rnams bdag med pa'i rtsa ba las dag go// gsol pa bcom ldan 'das gso ba med pa dang / gang zag med pa'i rtsa ba dang / 'jigs tshogs la lta ba'i rtsa ba dang / ma rigs dang / srid pa'i sred pa'i rtsa ba dang / nga dang nga'i zhes bya ba'i rtsa ba las dag go// gsol pa bcom ldan 'das dag pa zhes bgyi bas ci zhig bstan pa/ lags/ bka' stsal pa ma bzung ma btang ba ste/ de bas na dag pa zhes bya'o// ma skyes ma 'gags ma rtags/ ma phyung ma bcug ma byas rnam par ma byas/ mun pa ma yin/ snang ba ma yin/ kun nas nyon mongs pa ma yin/ rnam par byang ba ma yin/ bcings pa ma yin/ thar pa ma yin/ 'khor ba ma yin/ mya ngan
- 259b
'das pa ma yin te/ de bas na dag pa zhes bya'o// gsol ba bcom ldan 'das gal te 'khor ba yang ma lags so// mya ngan las 'das pa yang ma lags/ na de dag la dag pa de gang lags// bka' stsal pa/ rab 'byor gang mya ngan las 'das pa yang rlom sems su la 'khor ba la mngon par zhen pa'ang med de nyid 'dir dag pa'o// rab 'byor 'di lta ste dper na/ na mkha' dag pa zhes bya yang ma yin na mkha' ni dag pa ma yin/ kun nas nyon mongs pa ma yin te/ 'on kyang nam mkha' ni dag pa zhes bya'o// rab 'byor 'di bzhin du mya ngan las 'das zhes bya yang / mya ngan las 'das pa ni dag pa yang ma yin/ kun nas nyon mongs pa'ang ma yin te/ 'on kyang mya ngan las 'das pa dag zhes bya'o// rab 'byor 'di lta ste/ dper na/ 'di ji snyam du sems/ khyod ci dag pa yin nam/ gsol pa bcom ldan 'das kun nas nyon mongs ma mchis pa/ de'i tshe dag pa'o// bka' stsal pa/ rab 'byor khyod kyis kun nas nyon mongs pa med pa'i rnam par dag pa gang yin/ rab 'byor gyis gsol pa/ bcom ldan 'das chos kyi dbyings rang bzhin gyis yongs su dag pa ste/ bdag gis de yongs su rtogs pas/ de'i slad du yongs su dag pa'o// bcom ldan 'das kyis bka' stsal pa/ rab 'byor chos kyis dbyings yongs su shes par nus sam/ rab 'byor gyis gsol pa/ bcom ldan 'das
- 260a
gal te chos kyis dbyings yongs su ma rtogs par chos gzhan 'ga' zhig mchis na ni/ des chos kyis dbyings yongs su 'tshal bar 'gyur gyis/ chos kyis dbyings yongs su mi 'tshal to// bcom ldan 'das kyis bka' stsal pa/ rab 'byor gal te chos kyis dbyings yongs su shes pa'i chos de dag gang yang med na chos kyis dbyings de khyod kyis ji ltar yongs su shes/ de skad ces bka' stsal pa dang / tshe dang ldan pa rab 'byor cang mi smra ba/ gyur to// // bam po gnyis pa'o// de nas 'jam dpal gzhon nur gyur pas/ tshe dang ldan pa cang mi smra bar gyur pa la 'di skad ces smras so// btsun pa rab 'byor ci'i phyir/ bcom ldan 'das kyis gsungs pa'i lan glan pa las 'dug par gyur/ rab 'byor gyis smras pa/ 'jam dpal gang gis tshe sngon bla na med pa yang dag par rdzogs pa'i byang chub tu ma zhugs pa'i tshe kho bo 'dug go/ de ci'i phyir zhe na/ nyan thos rnams kyis spobs pa dang bcas pa/ bar chad dang bcas pa'o// / byang chub sems dpa' rnams spobs pa thogs pa med/ bar chad med pa'o// 'jam dpal gyis smras pa/ ci btsun pa rab 'byor chos dbyings la thogs pa 'am/ bar/ chad gang yang dmigs sam/ smras la 'jam dpal de ni ma yin te/ chos kyi dbyings la ni thogs pa 'am/ bar chad migs so// smras pa 'o na ci'i phyir/ tshe dang ldan
- 260b
pa rab 'byor chos kyi dbyings la yongs su tshad yod pa gang yang gyis yongs su shes pa yin gyis/ gang yang chos kyis dbyings la tshad med pa'i tshul gyis yongasu shes pa/ de dag ni ma chad pa rab mi 'chad pa'o// smras pa btsun pa rab 'byor ci chos kyis dbyings la yongs su chad pa gang yang yod dam/ smras pa 'jam dpal de ni ma yin te/ chos kyis dbyings ni kun gyi sgo te/ chos kyi dbyings la yongs su chad pa gang yang med do// smras pa 'o na ci'i phyir btsun pa rab 'byor chos kyi dbyings la yongs su chad par ston/ smras pa 'jam dpal nyan thos kyis yul tshad mar byas te/ chos kyi dbyings yongs su chad par ston to// sangs rgyas kyis yul tshad med par byas te/ de ni chos kyis tshad med par ston to// 'jam dpal gyis smos pa/ ci btsun pa rab 'byor chos kyis dbyings yul las byung ngam// rab 'byor gyis smras pa/ 'jam dpal chos kyis dbyings yul las chung ba ma yin te/ 'jam dpal de ci'i phyir zhe na/ chos kyis dbyings ni yul med pa/ yul dang bral ba'o// 'jam dpal gyis smras pa/ 'o na ci'i phyir tshe dang ldan pa rab 'byor yul tha dad pa ston/ rab 'byor gyis smras pa/ 'jam dpal nyan thos rnams kyi spobs pa ni thogs pa dang bcas pa/ bar chad dang bcom pa'o// byang chub sems dpa' rnams kyis spobs pa ni thogs pa med pa/ bar chad pa med pa/ zhes
- 261a
dang po nyid du kho bos ma smras sam/ 'jam dpal gyis smras pa/ btsun pa rab 'byor khyod kyis so so yang dag par rig pa ma thob bam/ rab 'byor gyis smras pa/ 'jam dpal kho bos so so yang dag par rig pa thob po// 'jam dpal gyis smras pa/ 'o na ci'i phyir tshe dang ldan pa rab 'byor 'chad pa bar chad/ rab 'byor gyis smras pa/ 'jam dpal nyan thos rnams kyis so so yang dag par rig pa ni sems can gyi dbang po mchog dang / mchog ma yin pa shes pa dang bral ba ste/ de bas na chad pa bar chad do// byang chub sems dpa' rnams kyis so so yang dag par rig pa ni sems can thams cad kyis dbang po mchog dang mchog ma yin par shes pas bskyed pa ste/ de bas na 'chad pa bar mi 'chad do// 'jam dpal gyis smras pa/ ci ye shes kyis dbyings gang gis tshe dang ldan pa rab 'byor gyis so so yang dag par rig pa'i ye shes bskyed pa'i ye shes dbyings de bar 'chad pa'i mtshan nyid yin nam/ rab 'byor gyis smras pa/ 'jam dpal de ni ma yin te/ ye shes kyi dbyings ni thogs pa med pa'i mtshan nyid bar chad pa med pa'i rang bzhin can no// 'jam dpal gyis smras pa/ tshe dang ldan pa rab 'byor gal te ye shes kyis dbyings thogs pa med pa'i mtshan nyid bar chad med pa'i rang bzhin can yin na/ 'o na ci'i phyir 'chad par chad/ rab 'byor gyis smras pa/ 'jam
- 261b
dpal tshe dang ldan pa sha ra'i bu 'di nyan thos rnams kyi nang na shes rab che ba'i mchog tu bcom ldan 'das kyis gsungs kyis 'di la dris shig/ 'di nyid khyod la 'chad par 'gyur ro// sha ri'i bus smras pa/ tshe dang ldan pa rab 'byor gyis shod kho bo ni 'jam dpal gzhon nur gyur pas chos bstan pa la nyan par 'dod kyis/ 'chad par ni mi 'dod do// de ci'i phyir zhe na/ 'jam dpal gzhon nur gyur pa 'di ni sngon sangs rgyas brgya stong phrag mang po'i spyan sngar chos 'chad cing nyan thos chen po dag kyang tsang mi smras par gzhog pa kho bos mthong ngo // tshe dang ldan pa rab 'byor shar phyogs logs su sangs rgyas kyis zhing brgya stong phrag mang po 'das ba na 'jig rten gyis khams dang ba can zhes bya ba zhig yod de/ de ni de bzhin gshegs pa dgra bcom pa yang dag par rdzogs pa'i sangs rgyas me tog gis 'od ces bya ba da ltar bzhugs te/ 'tsho zhing bzhes la chos kyang ston to// de nas nyan thos chen po shes rab sgron ma zhes bya ba nyan thos rnams kyi na shes rab chen po'i mchog tu bcom ldan 'das des gsungs so// bcom ldan 'das de bzhin gshegs pa dgra bcom pa yang dag par rdzogs pa'i sangs rgyas 'od kyis me tog de/ nam nang du yang dag par 'jog par gyur pa de'i tshe/ nyan thos chen po shes rab sgron ma de tshangs pa'i 'jig rten na chad du mngon par song ste/ thams cad dang ldan
- 263a
pa'i stong gsum gyi stong chen po'i 'jig rten gyis khams 'dun pa byas pa nas chos ston to// kho bo 'jam dpal gzhon nur gyur pa yang 'jig rten gyis khams der phyin te/ gzhan yang byang chub sems dpa' brgya stong phrag mang po dang / lha'i bu brgya phrag stong yang chos nyan par 'dod pa'i phyir/ 'jam dpal gzhon nur gyur pa'i phyir 'brang bar gyur to// de nas 'jam dpal gzhon nur gyur pa'i 'od gsal gyis lha'i rigs su 'dug ste/ mgul bstsal pa'i sgra gang gis stong gsum gyis stong chen po'i 'jig rten gyi khams sgras go bar gyur pa dang / bdud gyi gnas thams cad spa gong bar 'gyur de lta bu'i mgul bstsal pa'i sgra byung ngo // de nas nyan thos chen po des mgul bstsal pa'i sgra de thos pa dang / mgul bstsal pa'i sgra de shugs ma bzod pas// rnam pa mthor ba'i rlung gis bus pa'i bya bzhin du sa la ltung ste/ de sngangs te spu zing byed par gyur nas/ ngo mtshar du bzung ste/ bcom ldan 'das de bzhin gshegs pa dgra bcom pa yang dag par rdzogs pa'i sangs rgyas 'od kyi me tog de ga la ba der song nas phyin pa dang / bcom ldan 'das kyis zhabs la mgo bos phyag 'tshal nas/ bcom ldan 'das la 'di skad ces gsol to// bcom ldan 'das mgul bskul pa'i sgra dag thos pas/ bdag mgul bstsal pa'i sgra'i shugs
- 263b
de ma bzod pas/ rnam par mthor rlung gis bus pa'i bya bzhin du dogs sa la ltung bar gyur pa'i mgul bstsal ba'i sgra zab mo 'di sus bgyis/ bcom ldan 'das kyis bka' stsal pa/ dge slong 'jam dpal gzhon nur gyur pa zhes bya ba/ phyir mi ldog pa skye ba cig gis thogs pa'i byang chub sems dpa' de nga la lta ba dang / phyag bya ba dang / bsnyen bskur ba dang / yongs su zhu ba dang / yongs su legs par zhu bar bya ba'i phyir/ chags pa med pa'i rdzu 'phrul gyi stobs kyis rnam par rtse zhing 'jig rten gyi khams 'dir 'ongs te/ 'jam dpal gzhon nur gyur pa de 'od bsal gyis lha'i rigs su 'dug nas/ mgul brtsal ba'i sgra gang gis/ stong gsum gyi stong chen po'i 'jig rten gyis khams thams cad sgras go bar 'gyur dang / bdud kyi gnas thams cad spa dkong bar 'gyur ba de lta'i mgul bstsal pa'i sgra byung ngo // des gsol pa bcom ldan 'das skyes bu dam pa de lta bu dag mthong na legs par gyis/ 'jam dpal gzhon nur gyur pa de bdag cag gis kyang blta bar bgyi'o// de nas bcom ldan 'das de bzhin gshegs pa dgra bcom pa yang dag par rdzogs pa'i sangs rgyas kyis me tog gis/ 'jam dpal gzhon nur gyur pa 'ong bar bya'i phyir mtshan ma mdzad do// de nas 'jam dpal gzhon nur gyur pa byang chub sems dpa' de dag dang / lhan cig tu
- 264a
bar snang las babs nas/ bcom ldan 'das de bzhin gshegs pa dgra bcom pa yang dag par rdzogs pa'i sangs rgyas 'od kyis me tog de ga la ba der song ste lhags pa dang / bcom ldan 'das kyi zhabs la mgo bos phyag 'tshal te/ bcom ldan 'das la lan gsum bskor nas/ 'khor dang bcas te/ ji ltar rang gi smon lam dang / rdzu 'phrul gyis mthus sprul pa'i bstan cig 'khod do// de nas bcom ldan 'das de bzhin gshegs pa dgra bcom pa yang dag par rdzogs pa'i sangs rgyas 'od kyis tog gis/ 'jam dpal gzhon nur gyur pa la 'di skad ces bka' stsal te/ 'jam dpal khyod don gyis dbang ci zhig mthong na/ 'jig rten gyi khams dang can 'dir 'ongs/ 'jam dpal gyis gsol pa bcom ldan 'das la blta ba dang / phyag bgyi ba dang / bsnyen bskur ba dang / yongasu zhu ba dang / yongs su legs par zhu ba'i slad du'o// / bcom ldan 'das kyis de skad ces bka' stsal pa/ 'jam dpal ji ltar na de bzhin gshegs pa la blta ba shin tu rnam par dag par 'gyur/ ji ltar na de bzhin gshegs pa la phyag byas par 'gyur/ ji ltar na bsnyen bkur byas par 'gyur/ ji ltar na yongs su zhus par 'gyur/ 'jam dpal gyis gsol
- 264b
pa/ bcom ldan 'das nam chos mthong ba shin tu rnam par dag pa de lta bu de bzhin gshegs pa mthong ba shin tu rnam par dag pa lags so// bcom ldan 'das nam lus dang sems kyis 'dud par mi bgyid/ rab tu 'dud par mi bgyid cing / bgyid ma mchis par gnas pa/ mi g.yo ba thob pa/ sems dben pa'i ngang tshul spyod pa dran dang ldan zhing / shes bzhin du bgyid pa de lta bu ni de bzhin gshegs pa la phyag bgyis par 'gyur ro// bcom ldan 'das nam bdag tu sgro 'dogs par mi bgyid/ gzhan du sgro 'dog sa par mi bgyid/ mnyam pa nyid la mnyam par mi bgyid/ mi mnyam pa nyid la mi mnyam par mi bgyid cing / bgyid pa ma mchis/ rnam par bgyid pa ma mchis/ log par mi mthong ba/ gang la yang ring por mi 'gyur ba/ nye bar mi 'gyur de lta bu ni/ de bzhin gshegs pa la bsnyen bkur bgyis par 'gyur ro// bcom ldan 'das nam tshul bzhin ma lags kyis/ nam tshul bzhin du zhu ba/ tshul bzhin ma lags pa ci'ang mi mthong ba/ bdag gis tshul bzhin gyis chos thams cad kyi tshul bzhin gyis rjes su 'chi ba/ g.yeng ba'i sems kyi ma lags/ mnyam par bzhag pas zhu bas/ gang zhu ba dang / gang gis slad du zhu ba dang / gang la zhu ba de dus gsum du yongs su tshol zhing / 'khor gsum yongasu
- 265a
dag pas zhu ba de lta bu ni/ de bzhin gshegs pas yongs su zhus par 'gyur ro// bcom ldan 'das nam zhu ba ma mchis pa la rnags par mi bgyid pa/ ji skad gsungs pa'i rjes 'thun par bgyid pa de bzhin gshegs pa mnyes par bgyid pa/ 'khor thams cad la ma mgu bgyid pa/ yongs su zhu ba la mi chags so// yongs su zhu ba des kyang sems can tshad ma mchis pa rnams byang chub tu go cha skyon zhing / go cha de yang nam byang chub kyi snying po la thugs gis bar du mi 'dor ba de lta bu ni de bzhin gshegs pa la yongs su legs par bgyis par 'gyur ro// de nas bcom ldan 'das de bzhin gshegs pa dgra bcom pa yang dag par rdzogs pa'i sangs rgyas 'od kyis tog gis/ 'jam dpal gzhon nur gyur pa la legs so zhes bya ba byin te/ 'jam dpal de bzhin gshegs pa la de ltar blta bar bya'o// de ltar phyag bya'o// de ltar bstan bkur bya'o// de ltar yongs su zhu bar bya'o// de ltar yongs su legs par zhu bar bya'o// zhes smras pa de ni/ khyod kyis legs par bshad pa leg so legs so// de nas 'jam dpal gzhon nur gyur pas/ nyan thos chen po shes rab sgron ma la 'di skad ces smras so// tshe dang ldan pas de bzhin gshegs pa la ji ltar mthong / ji ltar phyag 'tshal/ ji ltar bstan bkur byed/ ji ltar yongs su zhu/
- 265b
ltar yongs su legs par zhu/ des smras pa/ 'jam dpal bstan pa 'di lta bu ni/ kho bo cag lta bu nyan thos gzhan gyi sgra'i rjes su mos pa rnams kyis yul ma yin no// smras pa 'o na gang mngon par rtogs pas/ tshe dang ldan pa shes rab sgron ma'i sems rnam par grol lo// 'jam dpal dben pa mngon par rtogs pas sems rnam par grol lo// smras pa/ tshe dang ldan pa bden pa zhes bya ba ci la bstan par 'gyur/ des smras pa/ 'jam dpal gnyen med pas rab tu phye ba ni bden pa'o// 'o na ji ltar bden par mngon par rtogs pas/ tshe dang ldan pa'i sems rnams par grol smras pa/ 'jam dpal kun rdzob nye bar bzung ste de skad ces ston/ don dam pa ni yin no// smras pa/ ci kun rdzob don dam pa 'am/ smras pa gal te mi 'du 'am/ gal te mi 'du na don dam pa med par 'gyur ro// smras pa 'o na ji ltar kun rdzob nye bar bzungs ste/ ston gyi/ don dam par ma yin/ gal te kun rdzob don dam du 'dun 'di lta ste/ don dam pa'i bden pa bden gcig pur mi 'gyur ram/ smras pa/ 'jam dpal bshad pa 'di thos nas las dang po pa'i byang chub sems dpa' rnams sgrags par 'gyur ro// spras pa btsun pa nyid kyang skrag na las dang po pa'i byang chub sems dpa' rnams lta ci smos/ smras pa/ 'jam dpal skrag pa ma/ smras pa/
- 266a
bya/ tshe dang ldan pa ci skrag pa med pa dang / skye ba med pas nye bar len pa med par zag pa rnams las sems rnam par grol lam/ smras pa/ 'jam dpal nyan thos rnams ni skrag pa med pa dang / skyo ba med par rnam par mi grol lo// smras pa tshe dang ldan pa de bas na sngon skrag pa de nyid las bsams nas/ btsun pa nyid kyang skrag na las dang po pa'i byang chub sems dpa' rnams lta ci smos zhes de skad smras so// smras pa byang chub sems dpa' ji ltar rnam par grol lo// smras pa btsun pa byang chub sems dpa' ni skrag pa med pa dang / skyo ba med pas rnam par grol lo// smras pa/ 'jam dpal ci las bsams te de skad ces smras pa/ smras pa bdud kyis sde bye ba phrag brgyas mi skrag cing / sems can rnams la chos bshad pas/ mi skyo la/ bsod nams kyi tshogs tshad med pa bsags pas/ mi skrag cing ye shes kyi tshogs tshad med pa bsags pas mi skyo'o// de nas 'khor der lha'i bu gang dag 'dus par gyur pa de dag gis me tog sna tshogs kyis/ 'jam dpal gzhon nur gyur pa la gtor to// gang na 'jam dpal gzhon nur gyur pa snang ba der ni/ de bzhin gshegs pa mngon sum du mthong ba yin no// 'jam dpal gzhon nur gyur pa gang du gnas pa'i sa phyogs de'ang mchod rten du 'gyur ro// gang gis 'jam
- 266b
dpal gzhon nur gyur pa'i chos bstan pa kun tu shes sam/ kun tu shes par 'gyur ba'i sems can de dag gis kyang / bsod nams thams cad yongs su bzung ba yin no// zhes de skad kyi tshigs smras so// de nas yang 'jam dpal gzhon nur gyur pas nyan thos chen po shes rab sgron ma la 'di skad ces smras so// tshe dang ldan pa nyan thos rnams kyi nang na shes rab che ba'i mchog tu bcom ldan 'das kyis gsungs na ci shes rab de 'dus byas kyi mtshan nyid dam/ 'on te 'dus ma byas kyis mtshan nyid/ gal te 'dus byas kyi mtshan nyid yin na ni/ skye shing 'jig dang ldan par 'gyur ro// ci ste 'dus ma byas kyi mtshan nyid yin na ni// mtshan nyid gsum las ldog par 'gyur ro// smras pa 'jam dpal 'phags pa rnams ni 'dus byas kyi rab tu phye bar ston to// smras pa che dang ldan pa 'dus byas pa gdags par nus sam/ smras pa 'jam dpal de ni ma yin te/ 'dus ma byas la gdags pa gang yang med do// smras pa 'on ji 'phags pa rnams 'dus byas kyi rab tu phye bar ston/ de skad ces smras pa dang / nyan thos chen po shes rab sgron ma de cang mi smra bar gyur to// de nas de bzhin gshegs pa dgra bcom pa yang dag par rdzogs pa'i sangs rgyas 'od kyi tog des/ 'jam dpal gzhon nur gyur pa la 'di skad ces bka' stsal to//
- 267a
'jam dpal chos gang yang thos pas byang chub sems dpa' sems dpa' chen po bla na med pa yang dag par rdzogs pa'i byang chub la phyir mi ldog par 'gyur ba'i chos kyi sgo 'ga' zhig las bsgoms te/ 'khor 'dir khyod kyi ston cig/ 'jam dpal gyis gsol pa/ bcom ldan 'das chos thams cad kyi sgo rnams bstan thams cad kyang dbyen pa'i sgo ste/ dben pa'i sgo dag dben pa nyid du ston to// yang de'i tshe byang chub sems dpa' chos kyis blo gros zhes bya ba 'khor der 'dus par gyur te/ 'dus pa des 'jam dpal gzhon nur gyur pa la 'di skad ces smras so ta 'jam dpal de bzhin gshegs pas 'dod chags dang / zhe sdang dang gti mug bstan pa de dag ci dben pa'i sgo ste/ dben pa'i sgo nyid du bstan pa yin nam/ smras pa/ rigs kyi bu 'di ji snyam du sems/ 'dod chags dang / zhe sdang dang / gti mug gang nas byung / smras pa 'jam dpal 'dod chags dang / zhe sdang dang / gti mug ni rtog pa dang / rnam par rtog pa las byung ngo // smras pa/ rigs kyi bu rtog pa dang / rnam par rtog pa de yang gang nas byung / smras pa/ 'jam dpal rtog pa dang / rnam par rtog pa ni phyin ci logs las byung ngo // smras pa rigs kyi bu phyin ci log kyang gang nas byung / smras pa/ 'jam dpal phyin ci
- 267b
log ni rang 'dzin pa dang / ngar yir 'dzin pa las byung ngo // smras pa/ rigs kyi bu 'dzin pa dang / nga yir 'dzin pa gang byung / smras pa/ 'jam dpal ngar 'dzin pa dang / nga yir 'dzin pa ni 'jigs tshogs la lta ba las byung ngo // smras pa/ rigs kyi bu 'jig tshogs la lta bA nas byung / smras pa/ 'jig tshogs la lta ba ni bdag las byung ngo // smras pa/ rigs kyi bu bdag kyang gang nas byung / smras pa/ 'jam dpal bdag ni gang nas kyang ma byung te/ byung ba med pa ni bdag byung ba'o// de ci'i phyir zhe na/ 'di ltar bdag ni phyogs bcur yongs su btsal kyang mi dmigs so// smras pa/ rigs kyi bu chos gang dag phyogs bcur yongs su btsal kyang mi dmigs pa de'i sgo ci zhig yod// smras pa/ 'jam dpal dben pa nyid de'i sgra'o// rigs kyi bu dben pa'i sgo ci yin/ smras pa 'jam dpal sgo med pa nyid dben pa'i sgo ste/ rigs kyi bu kho bos de las bsams te chos thams cad kyi sgo rnams kyi bstan pa thams cad kyang dben pa'i sgo ste/ de dag dben pa'i sgo nyid du ston to zhes des smras so// bstan pa 'di bshad pa'i tshe/ byang chub sems dpa' brgyad brgyas mi skye ba'i chos la bzod pa thob par gyur to// de nas 'jam dpal gzhon nur gyur pas/ der brgya chen chos ston pa byas nas rten las ladra
- 268a
/ te/ song ngo // tshe dang ldan pa rab 'byor rnam grangs des kyang / nyan thos sam/ rang sangs rgyas gang gis kyang 'jam dpal gzhon nur gyur pa de'i spobs pa'i rgyun gcod nus pa med na skabs ma phye bar bdag cig pus 'jam dpal gzhon nur gyur pa dang lhan cig tu smras par ga la nus/ de nas tshe dang ldan pa rab 'byor gyis/ tshe dang ldan pa sha ri'i bu la 'di skad ces smras so// tshe dang ldan pa sha ri bu/ 'jam dpal gzhon nur gyur pa/ sangs rgyas kyi zhing du spyod pa spyod pa na rdzu 'phrul gyi stobs dang / cho 'phrul rnam par 'phrul pa ji snyed cig mthong / sha ri'i bus smras pa/ tshe dang ldan pa rab 'byor kho bos mngon par shes te/ 'jam dpal gzhon nur gyur pa dang lhan cig/ sangs rgyas kyi zhing du spyad pa spyod na/ sangs rgyas kyi zhing gang tshig pa de dag ni 'jam dpal gzhon nur gyur pa song ba dang / chus yongs su gang zhing pad+ma mang pos g.yog par gnas par gyur to// gang chus yongs su gang zhing pad+ma mang pos yog par gnas par gyur to// gang dag chus yongs su gang ba de dag ni/ mes yongs su gang bar gnas par gyur te/ mi de yang reg na 'di lta ste/ dper na/ tsan dan sbrul gyis snying po 'am/ ka tsa len 'di'i gos lta bur gyur to// gang dag stong pa na mkha'i gyur pa de dag ni/ tshangs pa'i gzhal med khang gis brgyan cing / bsam gtan
- 268b
la snyoms par zhugs pa'i byang chub sems dpas yongs su gang bar gnas par gyur to// gang dag 'chags pa de dag ni 'jig par snang ngo // gang dag ngan song gis yongs su gang ba de dag ni ngan song thams cad dang bral bar snang ste/ sems can de dag kyang byang chub kyis yan lag gis rnam pas bskyed pa'i byams pa thob par gyur to// byang chub kyis yan lag gis rnam pas bskyed pa'i byams pa gang zhe na/ gang snyoms par zhugs na bdag bla na med pa yang dag par rdzogs pa'i byang chub mngon par rdzogs par sangs rgyas te/ sems can gang dag nyon mongs pa 'dod chags dang / zhe sdang dang / gti mug gis bzir ba de dag gis 'dod chags dang / zhe sdang dang / gti mug shin tu spong bar bya ba'i phyir chos bstan to snyam sems pa ste/ gang de ltar byams pa'i ting nge 'dzin la snyom par 'jug pa de ni/ byang chub kyis yan lag gis rnam pas bskyed pa'i byams pa zhes bya'o// tshe dang ldan pa rab 'byor de'i tshe de'i dus na/ kho bo'i sems la sems kyi rnam par rtog pa 'jam dpal gzhon nur gyur pa'i rdzu 'phrul gang yin pa dang / bdag gis gang yin pa de gnyis ni mnyam mo snyam du gyur pa dang / 'jam dpal gzhon nur gyur pa'i sems kyis kho bo'i sems kyi rnam par rtogs pa de shes nas/ stong gsum gyi stong chen
- 269a
/ po'i 'jig rten gyis khas me 'bar ba na/ 'jig rten gyi bar du 'dug ste/ kho bo 'di skad ces zer ro// ci che dang ldan pa sha ri'i bu rdzu 'phrul gyis thus 'jig rten gyi khams 'di las rgal bar bya 'am/ 'on te kho bo'i rdzu 'phrul gyis mthus rgal bar bya kho bos de la 'di skad ces smras so// kho bos rdzu 'phrul gyi mthu'i 'gyogs pas/ 'jig rten gyi khams 'di las rgal bar bya'o// zhes tshe dang ldan pa rab 'byor kho bo rdzu 'phrul gyi mthu'i 'gyogs pa'i cho 'phrul thams cad bstan te/ mdom gang tsam 'khor yug du ma de zhi bar byas nas/ 'jam dpal gzhon nur gyur pa dang lhan cig tu nyin zhag bdun gyis khams de rgal to// de nas dus gzhan zhig na de bas kyang shin du rgya che zhing / yangs pa'i 'dzin rten gyi khams me 'bar na/ 'jig rten gyi khams kyi bar du 'jam dpal gzhon nur gyur pa 'dug ste/ kho bos la 'di skad ces zer ro// btsun pa sha ri'i bu su'i rdzu 'phrul gyi mthus 'jig rten gyi khams 'di khos rgal bar bya/ kho bos de la 'di skad ces smras so// 'jam dpal khyod kyi rdzu 'phrul gyis mthus 'jig rten gyis khams 'di rgal ba bya'o// de nas 'jam dpal gzhon nur gyur pas/ mngon par 'du byed pa'i mngon sum gyis rdzu 'phrul sems bskyed pa gcig gis 'jig rten gyi khams de pad+ma'i
- 269b
dra bas g.yogs pa te/ rgal bar gyur/ rgal nas kho bo la 'di skad ces zer ro// btsun pa sha ra'i bu bdag cag gnyis ga la su'i mthu dang ldan pa'i rdzu 'phrul gyis shugs mgyogs/ kho bos de la 'di skad ces smras so// 'jam dpal 'di ji snyam du sems/ bya lang gu'i li dang / bya'i rgyal po na mkha' lding gnyis gang gis mthu gang gis mthu shin tu 'gyogs/ smras pa btsun pa sha ri'i bu/ bya'i rgyal po na mkha'i lding gis mthu'i mgyogs pa ni tshad med pa ste/ dpe slad du sla ba ma yin no// de la kho bos 'di skad ces smras so// 'jam dpal bya lang gu la'i mgyogs pa lta bu ni kho bo'i rdzu 'phrul gyi mgyogs pa la lta bar bya'o// ji ltar bya'i rgyal po na mkha' lding gis mthu'i mgyogs pa de bas/ brgya stong gis shin du lhag par khyod kyis rdzu 'phrul mgyogs par blta'o// des smras pa/ btsun pa sha ri'i bu khyod kyis sems kyis rnam par rtog pa 'jam dpal gzhon nur gyur pa'i rdzu 'phrul gang yin pa dang / bdag gis gang yin pa de gnyis ni mnyam du ma gyur tam/ kho bos de la 'di skad ces smras so// 'jam dpal ji skad sbas pa bzhin te/ kho bo de sman du gyur to// de smras pa de'i ci'i phyir de snyam du gyur/ kho bo de la 'di skad ces smras so// nyan thos rnams ni bag chags kyis 'tshams sbyor ba ma bcad pa'i phyir mi mnyam du zin kyang / mnyam pa mnyam du bdag nyid kyis
- 270a
shes so// des smras pa/ btsun pa sha ri'i bu leg so leg so// de skad smras pa de bzhin no// btsun pa sha ri'i bu sngon 'byung ba 'das pa'i dus na brgya mtsho chen po'i 'gram na drang srong chos 'dod ces bya ba dang / kun byin zhes bya ba gnyis shig 'khod de/ de la chos 'dod ni lnga mngon par shes shing / mngon par shes pas rnam par rtse bar gyur to// kun byin ni rig pa sngags kyis mthus steng gi bar snang la 'gro bar gyur to// de nas de gnyis dus su spyod pa'i phyir/ brgya mtsho'i tshu rol du dong ste/ dong nas slar log cing rang rang gis gnas su 'khod do// de nas drang srong kun byin de kho bo'i rdzu 'phrul gang yin pa dang / chos 'dod kyis gang yin pa de gnyis ni mnyam mo snyam du gyur to// de nas dus gzhan zhig na brgya mtsho'i tshu rol nas pha rol tu song ste/ srin mo'i gling du phyin pa dang / der srin mo de dag gis yid du 'ong ba'i rol mo'i sgra byas par gyur pa yang drang srong kun byin gyis thos srin mo de dag kyang mthong nas/ na mkha'i dkyil nas sa'i steng du ltung ngo // de'i rig pa dang sngags kyang ma rung bar gyur to// de nas drang srong chos 'dod snying rje'i sems skyes nas lag pa g.yas pas gzungs ste/ slar rang gi gnas su khrid nas gzhag go/ btsun pa sha ri'i bu de'i tshe de'i dus na/ sa drang srong chos 'dod ces bya ba de gzhan zhig yin snyam du khyod the tshom 'am/
- 270b
yid gnyis su gyur na de ltar mi lta'o// de ci'i phyir zhe na/ kho bo nyid de'i tshe de'i dus na drang srong chos 'dod ces bya bar gyur to// btsun pa sha ri'i bu de'i tshe de'i dus na/ drang srong kun byin zhes bya ba de gzhan zhig yin snyam du the tshol 'am/ yid gnyis su gyur ni de ltar mi blta'o// de ci'i phyir zhe na/ khyod nyid de'i tshe de'i dus na kun byin zhes bya bar gyur to// tshe dang ldan pa sha ri'i bu de'i tshe yang mi mnyam par bdag mnyam pa nyid du bzhag go/ de ltar de phyogs gcig pa'i ye shes dang ldan pa'i phyir da ltar yang mi mnyam pa gzhan du bdag dang mnyam par bzhag go/ tshe dang ldan pa sha ri'i bus/ tshe dang ldan pa rab 'byor la 'di skad ces smras so// / tshe dang ldan pa rab 'byor kho bos mngon par shes te/ 'jam dpal gzhon nur gyur pa dang / lhan cig tu lho phyogs su sangs rgyas kyi zhing du sprad pa spyod pa'i tshe/ sangs rgyas kyi zhing bye ba khrag khrig brgya stong mang po 'das pa na 'jig rten gyi khams brgyan thams cad kyi klub pa zhes bya ba na/ bcom ldan 'das de bzhin gshegs ba rin po che srog shing zhes bya ba'i sangs rgyas kyi zhing du bcom ldan 'das de la blta ba dang / phyag bya ba dang / bsnyen bkur ba'i phyir te/ de nas yang 'jam dpal gzhon nur gyur pa kho bo la 'di skad ces zer ro// btsun pa sha ri'i bu khyod kyis bdag cag gis rgal ba'i sangs rgyas kyi zhing de dag mthong ngam/ kho bos/
- 271a
de la 'di skad ces smras so// 'jam dpal mthong ngo // des smras pa/ tshe dang ldan pa sha ri'i bu sangs rgyas kyis zhing de dag ci 'dra bar mthong / de la kho bos 'di skad ces smras so// kha cig ni mes yongs su gang ba'o// kha cig ni chus yongs su gang ba'o// kha cig ni namakhar gyur ba'o// kha cig ni 'byor ci rgyas pa'o// kha cig ni 'jig pa'o// kha cig ni chags pa'o// kha cig ni ngan song gis gang ba'o// kha cig ni ngan song dang bral ba'o// / smras pa che dang ldan pa sha ri'i bus sangs rgyas kyi zhing de dag ji ltar blta bar bya/ de la kho bos 'di skad ces smras so// gang dag mes yongs su gang ba de dag ni mes yongs su gang ba blta bar bya'o// gang dag chus yongs su gang ba de dag ni/ chus yongs su gang ba nyid du blta bar bya'o// gang dag na mkhar gyur pa de dag ni na mkhar gyur pa nyid du blta bar bya'o// gang dag 'byor cing rgyas pa de dag ni 'byor cing rgyas pa nyid du blta bar bya'o// gang dag 'jig pa de dag ni 'jig pa nyid du blta bar bya'o// gang dag chags pa de dag ni chags pa nyid du blta'o// gang dag ngan song gis yongs su gang ba de dag ni/ ngan song gis yongs su gang ba nyid du blta bar bya'o// gang dag ngan song dang bral ba de dag ni ngan song dang bral ba nyid du blta bar bya'o// des smras pa/ tshe dang ldan pa sha ra dwa ti bu ye shes kyi stong pa nyid na mkhar gyur pa de dag ni tshangs
- 271b
pa'i gzhal med khang gis brgyan cing / bsam gtan la snyoms pa'i byang chub sems dpas yongs su gang bar gnas par gyur to// gang dag chags pa de dag ni 'jig par snang ngo // gang dag ngan song gis yongs su gang ba de dag ni ngan song thams cad dang bral bar snang ste/ sems can de dag kyang byang chub kyi yan lag gis rnam par bskyed pa'i byams pa thobs par gyur to// byang chub kyi yan lag gi rnam pas bskyed pa'i byams pa gang zhe na/ gang snyoms par zhugs na bdag bla na med pa yang dag par rdzogs pa'i byang chub mngon par rdzogs par sangs rgyas te/ sems can gang dag nyon mongs pa 'dod chags dang / zhe sdang dang / gti mug gis gzir ba de dag gis 'dod chags dang / zhe sdang dang / gti mug shin tu spangs bya'i phyir bstan to// snyam sems pa ste/ gang de ltar byams pa'i ting nge 'dzin la snyoms par 'jug pa de ni/ byang chub kyi yan lag gis rnam par bskyed pa'i byams pa zhes bya'o// tshe dang ldan pa rab 'byor de'i tshe de'i dus na/ kho bo'i sems la sems kyi rnam par rtog pa/ 'jam dpal gzhon nur gyur pa rdzu 'phrul gang yin pa dang / bdag gis gang yin pa de gnyis ni/ mnyam mo mnyam du gyur pa dang / 'jam dpal gzhon nur gyur pa'i sems kyis kho bo'i sems kyi rnam par rtog pa de shes nas/ stong gsum gyi stong chen po'i 'jig rten gyi khams 'dir me 'bar
- 272a
ba na 'jig rten gyi khams du 'jug ste/ kho bo la 'di skad ces zer ro// ci che dang ldan pa sha ri'i bu'i rdzu 'phrul gyis mthus/ 'jig rten gyis khams 'di las rgal bar bya 'am/ 'on te kho bo'i rdzu 'phrul gyis mthus brgal bar bya/ kho bos de la 'di smras so// kho bo'i rdzu 'phrul gyis mthu'i 'gyogs pas/ 'jig rten gyi khams 'di las brgal bar bya'o// zhes tshe dang ldan pa rab 'byor kho bos rdzu 'phrul gyis mthu'i 'gyog po'i cho 'phrul thams cad bstan ste/ mdom gang tsam 'khor yug tu me de zhi bar byas nas/ 'jam dpal gzhon nur gyur pa dang / lhan cig tu nyin zhag bdun gyis 'jig rten gyis khams de rgal to// de nas dus gzhan zhig na de bas kyang shin du brgya che zhing yang pa'i 'jig rten gyi khams su me 'bar ba/ 'jig rten gyi khams kyi bar du 'jam dpal gzhon nur gyur pa 'dus ste/ kho bo la 'di skad ces zer ro// btsun pa sha ri'i bu su'i mthu rdzu 'phrul gyis mthus 'jig rten gyi khams 'di las brgal bar bya/ kho bos 'di skad ces smras so// 'jam dpal khyod kyis rdzu 'phrul gyi mthus 'jig rten gyi khams 'di brgal bar bya'o// de nas 'jam dpal gzhon nur gyur pas/ mngon par 'du byed pa'i sngon sum gyi rdzu 'phrul gyis sems bskyed pa gcig gis 'jig
- 272b
rten gyis khams pad+ma'i dra bas g.yogs te rgal bar gyur to// rgal nas kho bo la 'di skad ces zer ro// btsun pa sha ri'i bu bdag cag gnyis ga las su'i mthu dang / ldan pa'i rdzu 'phrul gyis shugs 'gyogs/ kho bos de la 'di skad ces smraso// 'jam dpal 'di ji snyam du sems/ bya lang gu'i li dang bya'i rgyal po na mkha' lding gnyis gang gis mthu shin tu 'gyogs smras pa/ btsun pa sha ri'i bu bya'i rgyal po na mkha' lding gis mthu'i mgyogs pa ni tshad med pa ste/ dpe blangs du bla ba ma yin no// de la kho bos 'di skad ces smras so// 'jam dpal bya lang 'gu la'i mgyogs pa lta bu ni kho bo'i rdzu 'phrul gyis 'gyogs pa la lta bar bya'o// ji ltar bya'i rgyal po na mkha' lding gis mthu'i 'gyogs pa/ de bas brgya stong gi sa shin tu lhag par khyod kyis rdzu 'phrul mgyogs par blta'o// des smras pa/ btsun pa sha ri'i bu khyod kyis sems kyis rnam par rtog pa/ 'jam dpal gzhon nur gyur pa'i rdzu 'phrul gang yin pa dang bdag gis gang yin pa de gnyis ni mnyam mo mnyam du gyur tam/ kho bos de la 'di skad ces smras so// 'jam dpal la ji skad smras pa bzhin te/ kho bos de snyam du gyur to// des smras pa bzhin de ci'i phyir de snyam du gyur na/ kho bos de la 'di skad ces smras so// nyan thos rnams ni bdag 'chags mtshams sbyor ba ma bcad
- 273a
pa'i phyir/ mi mnyam du zin kyang mnyam pa mnyam du bdag nyid kyis shes so// yul ji lta ba bshad pa'ang de bzhin to// / de la kho bos 'di skad ces smras so// 'jam dpal khyod kyis sangs rgyas kyi zhing de dag ji ltar mthong / des smras pa tshe dang ldan pa sha ri'i bu sangs rgyas kyi zhing thams cad ni na mkha'i zhing du mthong ngo // de ci'i phyir zhe na/ 'di lta ste mes yongs su gang ba 'am chus yongs su gang ba 'am/ rab 'byor cing rgyas pa 'am/ 'jig pa 'am/ 'chags pa 'am/ ngan song gi yongs su gang ba 'am ngan song dang yongs su bral ba de dag ni yang dag pa ma yin pa'o// rkyen de dag ni glo bur du byung ba ste/ skye zhing 'jig pa dang ldan pa'o// na mkha'i rkyen gyis 'byung ba ma yin te/ rang bzhin du gnas pa nyid do// de bzhin du blo bur nye bar nyon mongs pas/ sems nyon mongs par gyur pa zhes bya ste/ sems kyis rang bzhin ni nam yang nyon mongs par 'gyur ba med do// tshe dang ldan pa sha ra dwa ti'i bu 'di lta ste dper na/ 'das pa'i dus na gang gi'i rlung gis bye ma snyed kyi bskal pas sreg pa byung yang / na mkha' la sngon nam yang tshig pa med dota/ tshe dang ldan pa sha ra dwa ti'i bu de bzhin du sems can re ras kyang / gang gi'i rlung gis bye ma snyed kyi mi dge ba'i las mngon du byas kyang / sems kyis rang
- 273b
bzhin du nam mongs par 'gyur ba med do// tshe dang ldan pa sha ri dwa ti'i bu rigs kyi bu dang / rigs kyi bu mo gang la la rang bzhin gyi yongs su dag pa'i chos kyi dbying de lta bu la 'jug pa dag ni kun nas ldang ba 'am/ sgrib pa 'am/ sngon du byed pas/ kun nas ldang bar 'gyur ba cung zad kyang med de/ 'di ni kun nas ldang ba med pa'i sgo'o// chos kyi sgo de la brtan na byang chub sems dpa' sems dpa' chen po rnams chos thams cad rang bzhin yongs su dag par zhugs nas nyes pa las 'byung ba la mkhas par shes shing / de'i sems rnams kyang sgrub pa'i chos rnams kyi sgrib par mi 'gyur ro// tshe dang ldan pa rab 'byor 'jam dpal gzhon nur gyur pa'i rdzu 'phrul rnam par 'phral pa dang / chos bstan pa rnam par 'phrul pa las gang kho bos phyogs zhig mngon sum du gyur de lta ba de dag yin no// de nas tshe dang ldan pa kun dga' bo tshe dang ldan pa sha ra dwa ti'i bu la 'di skad ces smras so// tshe dang ldan pa sha ra dwa ti'i bu kho bos kyang 'jam dpal gzhon nur gyur pa'i rdzu 'phrul gyis cho 'phrul kha cig mngon sum du gyur to// tshe dang ldan pa sha ri'i bu kho bos mngon par shes te/ dus cig na bcom ldan 'das mnyan yod na rgyal bu rgyal byed kyi tshal mgon med zas sbyin gyi kun dga' ra ba na dge slong brgyad brgya'i dge slong gis dge 'dun chen po dang / byang chub sems dpa
- 274a
/ khri nyis stong dang thabs cig tu bzhugs so// de'i tshe na mnyan yod du dus ma yin pa'i sprin chen po zhig byung ste/ de la nyin zhag bdun du rgyun ma chad par dus ma yin par char chen po 'bab bo// de nas dge slong gang dag rdzu 'phrul che ba/ mthu che ba/ bsam gtan dang / ting nge 'dzin dang / snyoms par 'jug pa thob pa de dag ni bsam gtan dang / rnam par thar pa dang / ting nge 'dzin dang / snyoms par 'jug pas dus 'das par byas kyi rta gang dag ma tho ba de dag ni nyin zhag bdun du zas chad par gyur to// de nas dge slong de dag nyam chung ba dang ldan te/ bcom ldan 'das la blta ba'i phyir 'dong yang ma nus/ de la kho bos 'di snyam du gyur to// e ma ho dge slong 'di dag ni brdud par gyur na/ bdag bcom ldan 'das kyis drung du song ste/ chu la de dag bcom ldan 'das la gsol lo snyam gyur nas// kho bos bcom ldan 'das ga la ba de song ste phyin pa dang / bcom ldan 'das kyis zhabs gnyis la mgo bos phyag 'chal nas/ bcom ldan 'das la 'di skad ces gsol to// bcom ldan 'das e ma ho// dge slong 'di dag nyin zhag bdun du 'tshal ma chad de/ bkres pas nyams chung ba dang ldan pas brdud de/ khri dang khri'i las ldang ba dang / bcom ldan 'das lta ba'i slad du mchi ba yi rdo yang mi thog go/ de nas bcom ldan
- 274b
'das kyi kho bo la 'dis 'di skad ces bka' stsal to// kun dga' bo khyod song ste/ 'jam dpal gzhon nur gyur pa'i tshul de dag smros shig dang / de dag dge slong gis dge 'dun rtas par byed par 'gyur ro// kho bos bcom ldan 'das kyis ltar mnyan nas/ 'jam dpal gzhon nur gyur pa'i gnas khang ga la ba der song ste phyin pa Ta de'i tshe 'jam dpal gzhon nur gyur par rang gis gnas khang brgya byin dang / tshangs pa dang / 'jig rten skyong ba rnams la chos ston pa mthong ngo // 'jam dpal gzhon nur gyur pa des kho bo gnas khang gis nang du 'ongs pa mthong ste/ mthong nas 'di skad ces zer ro// btsun pa kun dga' bo khyod ci'i phyir rlung dang char gyi nang na 'dir 'ongs/ kho bos 'jam dpal gzhon nur gyur pa tshul de dag smras so// de kho bo la kun dga' bo song ste/ stan thing la gdugs tshong bab na mgon 'di rdung shig/ ces de skad zer na// kho bos 'jam dpal gzhon nur gyur pa'i gnas khang nas byung ste/ dge 'dun gyis kun dga' ra bar song nas bstan gting ba 'jam dpal gzhon nur gyur pa tsI nas khang nas byung ngam zhes/ 'jam dpal gzhon nur gyur pa'i gnas khang du lta zhing phyogs gcig tu 'dug go/ de nas 'jam dpal gzhon nur gyur pas lus thams cad rnam par 'jig pa zhes bya ba'i ting nge 'dzin la snyoms par zhugs nas/ sprul pa gzhan zhig sprul te/ brgya byin dang / tshangs pa
- 275a
dang / 'jig rten skyong ba de dag la chos ston to// de gnas khang nas byung ste/ mnyan yod na grong khyer chen por bsod snyoms kyi phyir zhugs na bdag gi mthong ngo // de nas bdud sdig can 'di snyam du gyur te/ 'jam dpal gzhon nur gyur pa 'dis/ seng ge'i sgra sgrags nas/ mnyan yod kyi grong khyer chen por bsod snyoms kyi phyir zhugs nas/ bdag gis 'di mig gis mi rtsol bar bya'o// snyam du bsams nas/ des de nyid kyi mnyan yod kyis grong khyer chen po'i bram ze dang / khyim bdag dang / grong 'dab dang / yul mi gang gis kyang 'jam dpal gzhon nur gyur pa mi mthong ba dang / gang yang sngar mi 'ong ba dang / sa yang bsod snyoms mi dbul ba de lta de ltar byin gyis rlabs so// de nas 'jam dpal gzhon nur gyur pa gang dang gang du song ba de dag thams cad na sgo dag kyang bcad par snang ste/ gang yang mi slu bar gyur to// de nas 'jam dpal gzhon nur gyur pas bsams nas e ma'o// bram ze dang / khyim bdag 'di dag ni ci nas bdag mi mthong ba dang / gtam mi bya bar bdud kyis byin gyis brlabs so bsams nas/ des de'i tshe/ nga bden pa dang / bden pa'i tshig dang / bsod nams dang / ye shes kyi tshogs gang dag gis/ bdag gis spu'i
- 275b
khung gcig lus la skyes pa'i bsod nams kyi phung po de yang gang gi'i rlung gi bye ma snyed kyis 'jig rten gyi khams kyi bdud sdig can rnams la/ med pa'i bden pa dang / bden pa'i tshig des bdud kyis byin gyis rlabs pa 'di dag med par gyur cig/ bdud sdig can nyid kyang khyim bdag gis tshul du srang dang // sum mdo dang / bzhi mdo dag na 'jam dpal gzhon nur gyur pa la bsod snyoms phul cig/ phul cig/ 'di la phul nas 'bras bu che bar 'gyur ro// gang gis stong gsum gyi stong chen po'i 'jig rten gyi khams su gartogs pa'i sems can thams cad la lo 'bum du bde ba'i yo byad thams cad kyis rim gro byas/ gus par byas/ pu dud du byas pa bsags kyis 'jam dpal gzhon nur gyur la bsod snyoms sen mo'i rtse mo gang tsam phul na/ de'i bsod nams kyi phung po ches mang du bskyed par 'gyur ro// sgrogs par gyur cig ces bden pa'i byin gyis brlab so// 'jam dpal gzhon nur gyur pas byin brlabs de byas ma thag tu/ de/ nas de nyid kyi tshe sgo thams cad kyang byed par gyur to// skye bo mang po thams cad smra zhing / 'jam dpal gzhon nur gyur pa bde bar 'ongs so zhes kyang brjod do// bdud sdig can nyid kyang khyim bdag gis tshul du srang dang / sum mdo dang / bzhi mdo dang / 'jam dpal gzhon nur gyur pa bsod snyoms phul cig/ phul cig
- 276a
'di la phul cig/ 'bras bu che bar 'gyur ro// gang gis stong gsum gyi stong chen po'i 'jig rten gyi khams su gtogs pa'i sems can la lo 'bum du bde ba'i yo byad thams cad kyi rim gror byas/ gus par byas/ phu dud du byas pa bas/ gang gis 'jam dpal gzhon nur gyur pa la bsod snyoms sen mo gang tsam phul na de'i bsod nams kyi phung po// ches mang du skyed par 'gyur ro// de nas 'jam dpal gzhon nur gyur pa ci nas kyang lhung bzed gsol ba'i bza' ba dang / bca' ba dang / myang ba phal cher bcug pa de dag thams cad ji ltar snod so sor bcug pa bzhin du me 'dres par 'dag pa dang / gang dge slong brgyad brgya po de dag dang / byang chub sems dpa' khri nyis stong po de dag la kha zas ji tsam gyi mchog pa lhung bzed des blangs par gyur pa de lta de ltar rang gi lhung bzed de byin gyis brlabs so// de nas 'jam dpal gzhon nur gyur pas mnyan yod kyi grong khyer chen bor bsod snyoms kyi phyir spyad nas/ mnyan yod kyi grong khyer chen po'i phyi rol du phyung ste/ lam las byon nas/ lhung bzed de sa'i steng du bzhag ste/ bdad sdig can la 'di skad ces sbas so// sdig can lhung bzed 'di khyer la mdun du song shig/ de nas bdud sdig can gyis lhung bzed de 'degs par byas na 'degs ma nus
- 276b
nas/ des 'jam dpal gzhon nur gyur pa la 'di skad ces smras so// 'jam dpal lhung bzed 'di sa'i steng nas 'degs par ma nus so// smras pa sdig can khyod kyang rdzu 'phral che zhing mthu chen po dang ldan pa yin na/ rdzu 'phrul gyi stobs kyi lhung bzed 'di sa'i steng nas 'degs par gyi shig/ de nas bdud sdig can gyis rdzu 'phrul gyis stobs kyis cho 'phrul thams cad bstan kyang / lhung bzed des de las tha na skra'i rtse mo'i cha tsam yang 'degs par ma nus nas/ de ngo mtshar du gyur te/ 'jam dpal gzhon nur gyur pa la 'di skad ces smras so// 'jam dpal kho bo ni 'dod na ri ga shol mda' 'dzin kyang lag 'thil du blangs te na mkha' la 'dor na/ kho bos lhung bzed chung ngu 'di lta bu 'di sa'i steng nas 'degs par ma nus na/ de ci'i phyir de ltar gyur/ 'jam dpal gyis smras pa/ sems can chen po rnams dang / gang zag chen po rnams kyis stobs drangs pas lhung bzed 'dir bcug ste/ de'i phyir khyod kyis 'degs par ma nus so// de nas 'jam dpal gzhon nur gyur pa nyid kyi lhung bzed de sa las blangs nas sdig can la byin te/ 'di skad ces smras so// sdig can lhung bzed 'di khyer la mdun du song shig/ de nas bdud sdig can de nga slob ma bzhin tu lhung bzed ter te/ 'jam dpal gzhon nur gyur pa'i mdun du song ngo // de nas lha'i bu dbang sgyur lha'i bu khri nyis stong gis yod
- 277a
su bskor cing mdun du bdar te/ 'jam dpal gzhon nur gyur pa ga la ba der dong nas lhags pa dang / 'jam dpal gzhon nur gyur pa'i rkang pa gnyis la mgo bos phyag 'tshal nas/ bdud sdig can la 'di skad ces smras so// sdig can bran bzhin du 'jam dpal gzhon nur gyur pa'i lhung bzed khyer te 'dun du 'gro ba ci zhig/ bdud kyis smras pa/ lha'i bu mthu dang ldan pa rnams dang 'dren pa ci yang med do// lha'i bus smras pa/ sdig can khyod kyang rdzu 'phrul che ba mthu chen po dang ldan pa'i/ de nas 'jam dpal gzhon nur gyur pa'i byin brlabs kyis bdud sdig can gyis lha'i bu dbang sbyar la 'di skad ces smras so// lha'i bu 'di lta ste/ bdud kyi stobs ni gti mug gis stobs so// byang chub sems dpa'i stobs ni shes rab kyi stobaso// bdud kyis stobs ni nga rgyal gyis stobs so// byang chub sems dpa'i stobs ni ye shes kyis stobs so// bdud kyis stobs ni lta bar 'byung ba'i stob so// byang chub sems dpa'i stobs ni stong pa nyid kyi stobs so// bdud kyis stobs ni phyin ci log gis stobs so// byang chub sems dpa'i stobs ni bden pa'i stobs so// bdud kyis stobs ni nga dang ngo zhes bya ba'i stobs so// byang chub sems dpa'i stobs ni byams pa chen po snying rje chen po'i stobs so// /
- 277b
bdud kyis stobs ni 'dod chags dang gti mug gis stobs so// byang chub sems dpa'i stobs ni thar pa'i sgo gsum gyis stobs so// bdad kyis stobs ni skye ba dang 'chi ba dang 'byung ba'i stobs so// byang chub sems dpa'i stobs ni skye ba med pa dang / 'byung ba med pa'i chos la bzod pa rab tu stobs ba'i stobs so// bdud sdig can gyis bstan pa 'di bshad pa'i tshe/ lha'i bu'i 'khor de las lha'i bu lnga brgya bla na med pa yang dag par rdzogs pa'i byang chub tu sems bskyes so// byang chub sems dpa' nyis ngargyas mi skye ba'i chos la bzod pa thob par gyur to// / bam po gsum pa'o// // de nas 'jam dpal gzhon nur gyur pa bdud sdig can dang lhan cig tu lhung bzed 'khor gyis khyams bzhag ste song yang / kho bos ma mthos nas// gdugs tshod la bab par gyur kyang / 'jam dpal gzhon nur gyur pa gnas khang de nas byung ba 'am/ zhugs par yang ma mthong nas/ de la kho bos 'di snyam du gyur te/ 'jam dpal gzhon nur gyur pas dge slong gi dge 'dun ma slus sam/ bdag bcom ldan 'das kyis drung du song ste/ tshul de dag gsol lo snyam du gyur nas/ kho bo bcom ldan 'das ga la ba der song ste phyin pa dang / bcom ldan 'das kyis zhabs gnyis
- 278a
la mgo bos phyag 'tshal nas/ bcom ldan 'das la 'di skad ces gsol to// bcom ldan 'das gdug chod la bab na 'jam dpal gzhon nur gyur pa ni gnas khang de nas ma byung ngo // bcom ldan 'das kyi kho bo la 'di skad ces bka' stsal to// kun dga' bo khyod kyis 'khor gyis khyams der ci yang ma mthong ngam/ bcom ldan 'das la kho bos 'di skad ces gsol to// bcom ldan 'das de nas lhung bzed zas kyis gang gcig gda'o// bcom ldan 'das kyi kho bo la 'di skad ces bka' stsal to// kun dga' bo song la 'gen bde rdungs ste/ dge slong gis dge 'dun sdug shig bcom ldan 'das la kho bos 'di skad ces gsol to// bcom ldan 'das dge slong gis dge 'dun 'di dag mang po zhig mchis na lhung bzed cig gang ba'i zas kyis ji ltar bgyi/ bcom ldan 'das kyis bka' stsal pa/ kun dga' bo khyod snying las chung bar byos shig/ kun dga' bo gal te stong gsum gyis stong chen po'i 'jig rten gyis khamasu gtogs pa'i sems can thams cad kyis lo 'bum du lhung bzed gcig po de las zos kyang / lhung bzed de ni yongs su zad par mi 'gyur ro// de ci'i phyir zhe na/ lhung bzed de ni 'jam dpal
- 278b
gzhon nur gyur pas byin gyis rlabs te/ 'jam dngal gzhon nur gyur pa'i sbyin pa'i pha rol du phyin pa ni zad mi shes pa'i bsod nams las byung ba'o// bcom ldan 'das kyi ji ltar kho bos mnyan nas/ sems dga' bas 'gran sde rdungs nas/ dge slongs gi dge 'dun yang gsogs so// / de nas 'jam dpal gzhon nur gyur pas 'gen 'de'i sgra thos nas/ lha'i bu de dag dang / byang chub sems dpa' rnams dang 'grogs te/ rang gi gnas khang nas byung ste/ khyams zlums por song nas/ lhung bzed de la bsod pa'i bza' ba dang bca' ba dang / myang ba rnams ji ltar snod so so na bzhag pa lta bur phan tshun ma 'dres pa phal cher byung ste/ dge slong mang po thams cad kyang rtas par byas so// byang chub sems dpal mang po thams cad kyang tshim par byas kyang / zas de ni yongs su zad pa'am/ gdugs par ma gyur to// de nas bdud sdig can gyis/ 'jam dpal gzhon nur gyur pa la bar chad bya ba'i phyir sham thabs legs par ma bgos pa/ kha cig ni bla gos legs par mgyon pa/ sha tshugs ma legs pa/ lhung bzed rdol cing chags pa gos ngan pa/ sna leb leb po dang / zhar ba dang / theng po dang / zha bo dang / de la kha cig
- 279a
ni ha cang yang ring ba/ kha cig ni ha cang thung ba/ kha cig ni ha cang gi nag pa/ kha cig ni ha cang dkar ba/ kha cig ni ha cang skyem pa/ kha cig ni ha cung sbom pa/ kha cig ni skar po// kha cig ni mi'u thung ste/ de dag gzhon pa'i 'tha' nas phyag 'tshal zhing / rgan pa'i thar 'dug ste/ skye bo mang po'i tsho gas gang gis mthong ba'i sems skyo bar gyur pa'i dge slong bzhi khri sprul par gyur to// de dag la yang lhung bzed de nas bsod pa'i bza' ba dang / bca' ba dang / myang ba phal cher phyung ste/ byin kyang lhung bzed de zad par ma gyur to// de nas bdud sdig can gyis sprul pa'i dge slong re re kyang rta 'bras chen yul ma ga ta'i bre'o bcu bcu zos kyang tshim par ma gyur par de ltar byin gyis brlabaso// de na rung byed rnams thams cad yongs su skyo bar gyur kyang de dag tshim par byed par ma nus so// de nas 'jam dpal gzhon nur gyur pas/ gang dge slong de dag lhung bzed rnams yongs su gang la/ lag pa na yang khams thogs shing khar bcug pa'i khams yang mi nus la/ de dag 'grin par bzhin du mig log ste la lhung ba de ltar byin gyis brlab so// de nas 'jam dpal gzhon nur gyur pas/ bdud sdig can la 'di skad ces smra so// sdig can khyod kyis dge slong 'di dag ci'i phyir zas mi za/ bdud kyis smras
- 279b
pa 'jam dpal gzhon nu bdag gis dge slong 'di dag ni shi la thugs par gyur na/ khyod kyis dug dang sres pa'i zas ma byin grang / 'jam dpal gyis/ smras pa/ sdig can med pa rnams dag sbyin par ga la 'gyur/ gang dag dug srel ba de dag ni sbyin par byed kyis/ gang dag dug mi srel ba de dag ni dug sbyin par mi byed do// sdig can dug med pa rnams dug ces bya ba ni 'di lta ste/ 'dod chags dang / zhe sdang dang / gti mug ste/ de dag kyang legs par gsungs pa'i chos 'dul ba med do// dug ces bya ba ni ma rig pa dang / srid pa'i sred pa dang / nga dang nga'i zhes bya ba dang / rgyu dang / lta ba dang / ming gzug dang / rjes su chags pa dang / khong khro ba dang / bdag tu lta ba dang / gzhan du lta ba dang / sgrib pa dang / kun nas ldang ba dang / phung po la mngon par zhen pa dang / khams la rlom sems byed pa dang / skye mched la yongs su 'dzin pa dang / yul la chags pa dang / khams gsum la zhen pa dang / bsdus ba dang / g.yengs pa dang / gzhan pa dang / 'degs pa dang / shi 'pho ba dang / skye ba dang / 'ong ba dang / 'gro ba dang / lus la mngon par zhen chag ba dang / srog la zhen pa dang / sdug pa yid la byed pa dang / phyin ci log tu gnas pa dang / rten cing 'brel par 'byung ba dang / mi mthun pa dang / chad par
- 280a
bya/ lta ba dang / ther zug tu lta ba dang / 'byung bar lta ba dang / 'jig par lta ba dang / g.yo ba dang / rloms sems dang / rtogs pa dang / rnam par rtog pa dang / bstsogs pa dang / mdud pa dang / kun bzhi dang / nges pa'i bzhi dang / zhen pa dang / khyim gyis gnas la dga' ba dang / len pa dang / 'dor ba dang / stong pa nyid kyis sbags pa dang / mtshams med pas g.yang sar 'du shes dang / smon pa med pa la bshed mar 'du shes pa dang / dmig su med pa la mngon par 'du shes pa dang / nges par 'byung ba'i khams la kha na ma tho bar lta ba dang / chu bo las rgal bar 'du shes pa dang / byang chub kyi phyogs kyis chos la chos ma yin par 'du shes pa dang / yang dag par lta ba la log par lta bar 'du shes pa dang / log par lta ba la yang dag par 'du shes pa dang / dge ba'i bshes mnyen la sdig pa'i grogs por 'du shes pa dang / sdig pa'i grogs po la dge ba'i bshes mnyen du 'du shes pa dang / sangs rgyas dang mi mthun pa dang / chos spongs pa dang / dge 'dun la ma gus pa dang / dgon pa'i gnas la mngon par mi dga' ba dang / nga rgyal dang lhag pa'i nga rgyal dang nga'i snyam pa'i nga rgyal ma spangs pa dang / 'dus byas la bden par 'dzin pa dang / brtson par 'bar bar byed pa dang / bden pa la
- 280b
rdzun par 'du shes pa dang / brdzun pa la bden par 'du shes pa dang / 'dod pa la yon tan tu 'du shes pa dang / 'dus byas la bde bar 'du shes pa dang / 'khor ba la phan yon rnam pa bcur 'du shes pa dang / mya ngan las 'das pa la 'jig pa rnam pa bcur 'du shes pa'i chos de lta bu de dag ni dug yin te// sdig can de dag ni legs par gsungs pa'i chos 'dul ba la med do// de ci'i phyir zhe na/ sangs rgyas kyi bstan pa ni bdud rtsi bstan pa'o// sang+yas kyi bstan pa ni med pa'i bstan pa'o// sangs rgyas kyi bstan pa ni spros pa bstan pa'o// sangs rgyas kyi snyan pa ni ma spang ba'i ston pa'o// sangs rgyas kyi bstan pa ni kun nas ldang ba med pa bstan pa'o// sangs rgyas kyi bstan pa ni 'byung ba med pa bstan pa'o// sangs rgyas kyi bstan pa ni 'thab pa med pas bstan pa'o// / sangs rgyas kyi bstan pa ni brtsod pa med pa bstan pa'o// sangs rgyas kyi bstan pa ni bdag dang gzhan la mi gdung ba bstan pa'o// sangs rgyas kyi bstan pa ni byams pa dang ldan par bstan pa'o// sangs rgyas kyi bstan pa ni gnas dang skya bas dang gling dang / dpung gnyen bstan pa'o// sangs rgyas kyis bstan pa ni dul ba dang zhi ba dang / rab tu zhi ba dang / nye bar zhi bar bstan pa'o// sangs rgyas kyis bstan pa ni dag pa dang / rnam par dag pa dang / 'od gsal bstan pa'o// sangs
- 281a
@/ rgyas kyis bstan pa yang dag pa'i nan tan bstan pa'o// sangs rgyas kyis bstan pa ni shin tu dul ba bstan pa'o// sangs rgyas kyis bstan pa ni shin tu rnam par dag pa bstan pa'o// sangs rgyas kyis bstan pa ni bstod cing bsngags pa bstan pa'o// sangs rgyas kyis bstan pa ni zhi ba dang / rab tu zhi ba dang / shin du nges par bstan pa bstan pa'o// sangs rgyas kyi bstan pa ni grol ba dang / rnam par grol ba dang yongs su grol bar bstan pa'o// / sangs rgyas kyis bstan pa ni phas kyi rgol ba thams cad chos dang mthun pas tshar bcod pa bstan pa'o// sangs rgyas kyis bstan pa ni bdud thams cad 'joms bstan pa'o// sangs rgyas kyis bstan pa ni skye ba dang / shi 'pho ba dang / 'byung ba las nges par 'byung ba bstan pa'o// dran pa nye bar bzhag pas dran pa bstan pa'o// / sdig pa thams cad mi byed pas yang dag par spong ba bstan pa'o// lus dang sems yang pas rdzu 'phrul gyi rkang pa bstan pa'o// dad pa sngon du 'gro bas dbang po bstan pa'o// nyon mongs pa thams cad kyi mi rdzi bas stobs bstan pa'o// 'thun par khong du chud pas byang chub kyi yan lag bstan pa'o// 'byung bas lam bstan pa'o// sems zhi bas zhi nas bstan pa'o// rnam par grol ba bskyed pas/ lhag mthong bstan pa'o/ slu bar mi byed pas bden pa'o// don dang chos dang
- 281b
nges pa'i tshig dang slob pa dang / mi 'gal bas so yang dag par rig pa bstan pa'o// 'dus byas la smod pas mi rtag pa dang / sdug bsngal ba yongs su brjod pa/ bstan pa'o// ya mtshan can thams cad spang bas bdag med pa bstan pa'o// mya ngan 'da' bar 'gro bar zhi ba bstan pa'o// pha rol tu 'gro bas pha rol tu phyin pa bstan pa'o// sems can yang dag par sdud pas thabs bstan pa'o// zhe 'gras pa'i sems med pas byams pa bstan pa'o// 'tshe ba med pas snying rje bstan pa'o// / mi dga' ba sel bas dga' ba bstan pa'o// bya ba byas pas btang snyoms bstan pa'o// nga rgyal med pas ye shes bstan pa'o// byang chub kyis sems bskyed pas dkon mchog gsum gyi gdung mi mchad pa bstan pa'o// yang 'byung ba med pas bde ba thams cad 'thun pa bstan pa'o// bstan pa'i bshad pa 'di bstan pa'i tshe/ gang bdud sdig can dang lhan cig tu lha'i bu gang dag lags pa de las/ lha'i bu lnga brgya bla na med pa yang dag par rdzogs pa'i byang chub tu sems skyes so// de dag gis bcom ldan 'das la bdag cag kyang sangs rgyas kyis bstan pa de lta bu dang mthun par gyur cig ces de skad kyi tshig smras so// bcom ldan 'das kyis kyang 'dzum pa mdzad kho bos 'dzum pa'i phyir zhus so// zhus nas kyang bcom ldan 'das kyis 'di skad ces bka' stsal to// kun dga' bo bdud kyis sprul pa'i dge slong 'di dag khyod
- 282a
kyis mthong ngam/ bcom ldan 'das la kho bos 'di skad ces gsol to// bcom ldan 'das mthong ngo // bde bar gshegs pa mthong ngo // bcom ldan 'das kyis kho bos la 'di skad ces bka' stsal to// kun dga' bos phyi ma'i dus phyi ma'i tshe lnga brgya tha ma lo dam pa'i chos 'jig pa'i tshe/ nga'i bstan pa la dge slong dag phal cher 'di bzhin du sham thabs legs par gyon pa/ bla gos legs par ma gyon pa/ gos btul te gyon pa/ lhung bzed chags pa/ shes bzhin med pa/ spyod lam mi sdug pa/ lag na mkhar ba thogs pa/ sna leb leb po dang / zhar ba dang / 'theng po dang / zha bo dang / lus sha tshugs ma lags pa dang / nad sna tshogs kyis btab pa dag byung bar gyur to// de ci'i phyir zhe na/ kun dga' bo 'di ltar de'i tshe dge slong dag pa la bsnyen bkur la ched cher bar byed pa dang / rnyed pa dang / bkur bsti la sten pa dang / bya ba sna tshogs kyi mi khom pas srel ba dang / 'dul bar bor ba dang / so sor thar pa dral ba dang / 'tshams las 'da' ba dang / tshe 'di ched che bar byed pa dang / tshe rabs gzhan ched mi che bar byed par 'gyur te/ de dag ni 'di lta ste/ chos kyi phyir ni ma yin gyi/ bsnyen bkur gyi phyir nar ba dang / 'theng po dang / zha bo dang / lus kyi sha tshugs ma lags dang / nad
- 282b
sna tshogs kyi btab pa 'ongs shing / lhags ma rnams rab tu 'byung bar byed do// snyen pa rdzogs par byed do// kun dga' bo de'i tshe de'i des na nga'i bstan pa 'di ltar mi rung ba dang / mnyan du mi rung bar 'gyur ro// lha rnams kyang mi dga' bar 'gyur ro// bdud rnams yid rangs shing dga' dang / btang snyomasu 'gyur ro// / bcom ldan 'das la kho bos 'di skad ces gsol to// bcom ldan 'das ci'i slad du bdud sdig can rnams yid rangs shing / dga' ba dang / btang snyoms su 'gyur/ bcom ldan 'das kyis bka' stsal pa/ kun dga' bo 'di ltar skyes bu blun po de dag bdag nyid bdud kyis las byed par 'gyur te/ de la bar chad bya ba'i phyir/ phyir zhing bdud sdig can brtson par mi 'gyur ro// kun dga' bo de ci'i phyir zhe na/ bdud sdig can mi brtson pa rnams la glags mi 'tshol gyi/ bdud sdig can ni dge slong gang yang 'byung ba med par bya ba'i phyir mgo dang / gos dang me 'bar ba bzhin du brtson par gnas pa de dag la bdud glags tshol to// kun dga' bo lta ba ma thob par bya ba dang / ma rtogs pa rtogs par bya ba dang / mngon du ma byas pa mngon du bya ba'i phyir sbyor bar shos shig/ brtsal bar byos shig/ 'bed par byos shig/ bdud kyi phyogs tshar chod cig/ de bzhin gshegs pa'i bstan pa 'bar bar byos shig dam pa'i chos yongs su bzung shig/ nga la chos kyis mchod pas mchod cig/
- 283a
'di ni khyed la rjes su bstan pa yin no// bstan pa 'di bshad pa'i tshe/ dge slong lnga stong gis tshe'i 'du byed spangs par gyur te/ bdag cag gis bcom ldan 'das kyis dam pa'i chos rnam par 'jig pa mthong bar ma gyur cig/ ces de skad kyis tshig smras nas/ de dag steng gis bar snang la mngon par 'phags te/ rang gis me'i khams kyis bdag nyid bsregs so// lha'i bu 'bum gyis kyang de dag la mchod pa byas par 'gyur ro// dge slong nyis brgya ni chos la chos kyis mig rdul med cing dri ma dang bral ba rnam par dag go/ dge slong nyis brgya ni len pa med par zag pa rnams la sems rnam par grol lo// byang chub sems dpa' sum khri nyis stong ni mi skye ba'i chos la bzod pa thob par 'gyur ro// brgya byin dang / tshangs pa dang / 'jig rten skyong ba dag kyang 'khor dang bcas te/ bcom ldan 'das kyi spyan sngar thal mo sbyar te/ bcom ldan 'das la 'di skad ces gsol to// bcom ldan 'das bdag gis bcom ldan 'das kyis dam pa'i chos rnam par 'jig par ma mthong bar bgyi ba dang / bcom ldan 'das kyis chos kyi rnam grangs 'di gang dag gis rna lam du grangs ba de dag nams kyang sems le lo dri mas kun nas mi gnas par bgyi ba dang / de dag bdud kyi las byung ba rnams kyi dbang du mi 'gyur bar/ bcom ldan 'das sku'i
- 283b
tshe ring du bzhugs shing bskyang bar gsol zhes smras so// tshe dang ldan pa sha ri'i bu/ 'jam dpal gzhon nur gyur pa'i rdzu 'phrul rnam par 'phrul pa dang / chos bstan pa rnam par 'phrul pa bas/ gang kho bos phyogs tsam zhig sngon sum du gyur pa de ni de lta bu dag yin no// de nas tshe dang ldan pa 'od srungs chen pos/ tshe dang ldan pa sha ri'i bu la 'di skad ces smras so// tshe dang ldan pa sha ri'i bu kho bos kyang / 'jam dpal gzhon nur gyur pa'i rdzu 'phrul gyis cho 'phrul kha cig mngon sum du gyur to// tshe dang ldan pa sha ri'i bu kho bos mngon par shes te/ bcom ldan 'das mngon par rdzogs par sangs rgyas nas/ ring po ma lon/ kho bos yang rab tu byung nas ring po ma lon pa zhig na 'jam dpal gzhon nur gyur pa/ bcom ldan 'das de bzhin gshegs pa rin chen srog shing gis sangs rgyas kyi zhing na bcom ldan 'das la lta ba dang / bsnyen bkur bya ba'i phyir 'jig rten gyi khams 'dir dang po 'ongs par gyur to// bcom ldan 'das kyang mnyan yod kyi rgyal bu rgyal byed kyi 'tshal mgon med zas sbyin gyis kun dga' bo 'dir gnas par dam mdzad do// 'jam dpal gzhon nur gyur pa'ang der dbyar zla ba gsum par dam bcas nas/ bcom ldan 'das kyis spyan mnga' dang / dge 'dun gyis nang dang / bkad sa dang / gso sbyong dang / phyag 'tshal ba'i las la kho bo cag gis phyis
- 284a
nam yang mthong bar gyur to// de nas zla gsum zeng de 'das pa dang / gso sbyong dang / dgag dbye'i tshe/ 'jam dpal gzhon nur gyur pas bzhin bstan to// de la kho bos 'di skad ces smras so// 'jam dpal khyod dbyar gyi zla ba gsum gyi tshe gang na 'dug 'dug/ des smras pa/ btsun pa 'od bsrungs chen po mnyan yod kyi grong khyer chen po 'di nyid na/ rgyal po gsal rgyal gyis btsun mo'i nang na'o// de la kheb 'di snyam du gyur te/ sems can 'di lta bu lhung ba dang / bcas pa dang / yongs su dag pa'i dge slong gi dge 'dun dang lhan cig dgag dbye bar mi rung ngo/ snyam du gyur nas/ kho bo 'khor gyis khyams de nas byung ste/ 'jam dpal gzhon nur gyur pa skud pa'i 'gan 'de rdungaso// der bcom ldan 'das kyi 'jam dpal gzhon nur gyur pa la 'di skad ces bka' stsal to// 'jam dpal gnas rten 'od bsrungs chen po ci'i phyir 'gen 'di rdungs pa bsoms shig/ des gsol pa/ bcom ldan 'das de bas na bdag bskrad pa'i slad du'o// bcom ldan 'das kyis bka' stsal to// 'jam dpal khyod ma dad pa chen po byed par mi 'gyur bar bdag nyid tshangs par byos shig/ rang gi spyod yul ston cig/ nyan thos chen po rnams 'gu bar byos shig/ de nas
- 284b
'jam dpal gzhon nur gyur pas/ de'i tshe byang chub sems dpa'i ting nge 'dzin sangs rgyas thams cad yang dag par ston pa zhes bya ba la snyoms par zhugs so// 'jam dpal gzhon nur gyur pas/ ting nge 'dzin la snyoms par zhugs ma thag tu/ de nas de'i tshe phyogs ban+da na sangs rgyas kyi zhing gang ga'i rlung gi bye ma snyed na sbyangs pa'i yon tan/ smra ba'i dge slong 'od srung chen po 'dra ba sha stag/ 'jam dpal gzhon nur gyur pa gyur smad pa'i phyir 'gen 'de rdungs par snang bar gyur to// bcom ldan 'das kyi kho bo la 'di skad ces bka' stsal to// 'od srung ci'i phyir 'gen 'di brdung / bcom ldan 'das la kho bos 'di skad ces gsol to// bcom ldan 'das 'jam dpal gzhon nur gyur pa de dbyar zla gsum du btsun mo'i 'khor du gnas nas/ yongs su dga' ba dge 'dun dang lhan cig dgag dbye bgyid par 'tshal te/ de skud pa'i slad du bdag 'gen 'di rdung ngo // de nas bcom ldan 'das kyis sku thad nas 'od phyung ste/ kho bo la 'di skad ces bka' stsal nas/ 'od srung phyogs bcu na ci snang ba ji ltos shig/ kho bos de'i tshe/ bstas nas phyogs bcu 'jig rten gyis khams tshad med grangs med pa gang ga'i klung gi bye ma snyed na gnas rten bdag 'dra ba sha stag/ 'jam dpal gzhon nur gyur pa bskrad pa'i phyir 'gen 'di brdung bar mthong ngo // 'jig
- 285a
rten gyi khams thams cad na yang / 'jam dpal gzhon nur gyur pa sangs rgyas bcom ldan 'das de dag gis zhabs kyi drung na 'dug pa mthong ngo // bcom ldan 'das kyi kho bo la 'di skad ces bka' stsal to// 'od srung chen po khyod ci 'jam dpal gzhon nur gyur pa gang nga'i mdun na 'dug pa 'di 'am/ 'on te gang dag phyogs bcu'i 'jig rten gyis khams tshad med pa na sangs rgyas bcom ldan 'das kyi zhabs drung na 'dug pa 'am/ gang skad par 'dod/ de'i tshe kho bo ngo tsha ba'i tshul gyi 'gen 'des la dor snyam na dor yang ma nus nas/ rgyun ma chad par sgra byung ste/ rgyal bu rgyal byed kyi tshal na ji lta ba bzhin du sangs rgyas kyi zhing thams cad na'ang chad pa med pa/ lhag pa med pa/ skyes pa med pa de bzhin du byed par snang ngo // kho bos de'i tshe bcom ldan 'das kyis zhabs gnyis la phyag 'tshal nas/ bcom ldan 'das la 'di skad ces gsol to// bcom ldan 'das bdag ni shes pa phyogs cig pa ldan pa ste/ byang chub sems dpa' yul chud ma mchis pa rnams kyis spyod yul ma 'chal nas/ 'gen 'de brdungs pa 'jam dpal gzhon nur gyur pa la bzod par gsol lo// bcom ldan 'das kyis kho bo la 'di skad ces bka' stsal to// 'od srung chen po khyod kyis sangs rgyas kyi zhing na 'jam dpal gzhon nur gyur pa 'di snyed mthong ba thams cad du/
- 285b
khyim pa'i khyim thams cad du/ sems can yongs su smin par bya ba'i phyir dbyar zla ba gsum du gnas so// 'od srung chen po 'jam dpal gzhon nur gyur pa 'di/ mnyan yod kyi grong khyer chen po 'dir/ btsun mo'i 'khor du dbyangs gnas pa dam bcas pa kyang / rgyal po gsal rgyal gyi btsun mo'i 'khor las/ bud med lnga brgya bla na med pa yang dag par rdzogs pa'i byang chub las phyir mi ldog par yongs su smin par byas so// skyes pa lnga brgya dang / khye'u lnga brgya dang / smad 'tshong ma lnga brgya yang bla na med pa yang dag par rdzogs pa'i byang chub las phyir mi ldog par bzhag go/ sems can mang po de dag kyang nyan thos kyi theg par btul te/ mtho ris su 'gro bar byas so// bcom ldan 'das la kho bos 'di skad ces gsol to// bcom ldan 'das chos ji lta bu zhig bshad pas 'jam dpal gzhon nur gyur pas sems can de snyed cig yongs su smin par bgyis/ bcom ldan 'das kyis bka' stsal pa/ 'od srung chen po 'jam dpal gzhon nur gyur pa de nyid la chos ji lta bu zhig bshad pa sems can ji snyed yongs su smin par byas shing khyod kyis dris shig dang / de nyid khyod la len lon par 'gyur ro// kho bos 'jam dpal gzhon nur gyur pa la 'di skad ces smras so// 'jam dpal khyod kyis chos ji lta bu zhig bshad pas sems can de snyed yongs su smin par byas/ 'jam dpal gyis smras pa// btsun pa
- 286a
'od srung chen po sems can de dag ni chos bshad pas yongs su smin par mi 'gyur te/ de ci'i phyir zhe na/ btsun pa 'od srung sems can gang dag dga' ba'i rtsed mos yongs su smin par 'gyur ba yang yod do// rab tu bzung ba dang / tshar bcad pa dang / sbyin pa rab tu sbyin pa dang / phong shing dbul ba dang / bkod pa chen po// kun brjod pa'i cho 'phrul dang / rjes su bstan pa'i cho 'phrul dang / rdzu 'phrul gyi cho 'phrul dang / brgya byin gyis gzugs dang / 'jig pas sdig pa dang / tshig btsu pa po dang / tshig 'jam po dang / phan gdags pas yongs su smin par 'gyur ba yod do// de ci'i phyir zhe na/ btsun pa 'od srung chen po sems can gyi spyod pa ni sna tshogs pa ste/ de dag bya ba yang sna tshogs pa nyid kyis yongs su smin par 'gyur te/ btsun pa 'od srung chen po de ltar yongs su smon pa'i sems rnams// phyis chos bshad pas shin tu dul bar 'gyur ro// de la kho bos 'di skad ces smras so// 'jam dpal khyod kyi sems can gyis khams ji snyed cig spyod pa 'dis yongs su smin par byas/ des smras pa/ btsun pa 'od srung chen po chos kyis dbyings dang ji snyed pa'o// smras pa/ 'jam dpal chos kyi dbyin kyang ji snyed/ smras pa/ na mkha' ji tsam pa'o// smras pa/ na mkha'i khams kyang ji tsam/ smras pa/ sems can gyi khams ji snyed pa ste/ btsun pa 'od srung chen po
- 286b
de ltar na chos kyi dbyings dang na mkha'i khams dang / sems can gyi khams kyi ni gnyis su med gnyis su dbyer med do// de la kho bos 'di skad ces smras so// 'jam dpal ji ltar sems can gang yang yongs su mya ngan las 'das pa med na/ 'o na sangs rgyas 'byung ba don med par mi 'gyur ram/ des smras pa/ btsun pa 'od srung chen po dper na/ skyes bu la la zhig 'khris pa'i rigs kyis btab te/ rnam pa sna tshogs su bla bar gyur pa dang / de la kha cig skyes bu 'di ni gdon gyis btab po snyam du gyur to// de nas smram pa mkhas shig 'ongs te/ skyes bu de la mar blud pa la stsogs pa byas pas/ khris pa'i rigs de zhi bar byas nas/ de phyis rnam pa sna tshogs su mi bla bar gyur na/ btsun pa 'od srung chen po ji snyam du sems/ de las lha 'am/ klu 'am/ gnod sbyin byung bar gyur pa yod dam/ de la kho bos 'di skad ces smras so// 'jam dpal de ni ma yin te/ 'on kyang mar mar blud pa la stsogs pa'i mkhris pa de zhi bar gyur to// 'jam dpal gyis smras pa/ btsun pa 'od srung chen po skyes bu de la sman pa chen po byas pa ma yin nam/ kho bos de la 'di skad ces smras so// 'jam dpal ji skad smras pa de bzhin no// btsun pa 'od srung chen po de bzhin du 'jig rten gnas pa phyin ci log gis rigs kyis btab pa dag/ bdag med pa la bdag tu 'du shes shing / bdag med la bdag
- 287a
bya/ tu mngon par zhen nas 'khor ba na 'khor ro// de la sangs rgyas bcom ldan 'das thugs rje chen po dang ldan pa dag 'jig rten du byung ste/ dpe bstan pa dang / de dag gis bdag tu 'du shes pa yongs su shes pa dang / phyin ci log spangs par bya ba'i phyir sems can de dag la chos 'chad do// de dag chos thos nas 'du shes thams cad dang bral zhing / phyi phyir zhing mngon par mi chags te/ de dag bdag tu 'du shes pa spangs nas/ chu bo las rgal te/ de dag rgal ba dang / pha rol tu phyin pa dang / yongs su mya ngan las 'das pa zhes bya ba'i grangs su 'gro'o// btsun pa 'od srung chen po 'di snyam du sems/ de la bdag gam/ sems can nam srog gam/ skye bo 'am/ gang zag gang yongs su mya ngan las 'das par gyur pa yod dam/ kho bos de la smras pa/ 'jam dpal de ni ma yin te/ 'on kyang mnyam pa nyid yang dag par bstan pas phyin ci log spong ngo // 'jam dpal gyis smras pa/ btsun pa 'od srung chen po 'di lta bu'i phyir sangs rgyas 'byung ste/ mnyam pa nyid yang dag par bstan pa'i phyir te/ skye ba'i phyir ma yin/ 'gag pa'i phyir ma yin gyi/ kun nas nyon mongs pa med pa 'ba' shig rtogs par bya ba'i phyir kho bos 'di skad ces smras so// 'jam dpal byang chub sems dpa' gang dag rang bzhin de lta bu'i
- 287b
gang chos kyis dbyings la'ang rtog cing sems can thams cad yongs su smin par bya ba'i go cha yang mi 'dor la/ zhum par mi 'gyur zhing / rang bzhin gyis yod su mya ngan las 'das pa'i sems can rnams kyis phyir go cha bgos pa ni dka' byed pa ma yin no// des smras pa/ btsun pa 'od srung chen po de ltar byang chub sems dpa' sems dpa' chen po ni go cha chen po dgos pa yin no// de la kho bos 'di skad ces smras so// 'jam dpal khyod byang chub sems dpa'i go cha brtsams par spobs par gyis shig/ 'jam dpal gyis smras pa/ btsun pa 'od srung chen po byang chub sems dpa'i go cha chen po ni sum bcu rtsa gnyis te/ go cha de dag dgos pa'i byang chub sems dpa' rnams byang chub sems dpa'i sprad pa spyod do// sum bcu rtsa gnyis gang zhe na/ btsun pa 'od srung chen po rmi lam gyi rang bzhin gyis mtshan nyid kyis 'khor ba tshad med pas yongs su 'dzin pa ni byang chub sems dpa'i go cha'o// bdag med pa'i mtshan nyid kyis sems can tshad med pa yongs su smin par byed pa ni byang chub sems dpa'i go cha'o// chos kyi sku'i mtshan nyid kyi sangs rgyas tshad med pa la mchod pa dang / rim gro byed pa ni byang chub sems dpa'i go cha'o// brag cha dang mnyam pa nyid kyis mtshan nyid kyis/ sangs rgyas kyis gsungs thams cad nyan cing 'dzin pa ni byang chub sems dpa'i go cha'o// /
- 288a
chos kyi dbyings su yang dag par 'dul ba'i mtshan nyid kyis/ sangs rgyas kyis chos thams cad bsrungs pa ni/ byang chub sems dpa'i go cha'o// nyon mongs pa thams cad rang bzhin gyis yongs su dag pa'i mtshan nyid kyis bdud thams cad 'dul ba'i byang chub sems dpa'i go cha'o// yod pa dang / med pa'i sel ba'i rten cing 'brel par 'byung ba la 'jug pa'i mtshan nyid kyis/ phas kyis rgol ba thams cad chos dang 'thun bas tshar bcod pa ni byang chub sems dpa'i go cha'o// phung po thams cad spong ba'i mtshan nyid kyis/ bdog pa thams cad gtong ba ni byang chub sems dpa'i go cha'o// mngon par 'du bya ba'i med pa'i mtshan nyid kyis/ tshul khrims dang / bslab pa dang / sbyang ba'i yon tan gyis yo byad bsnyung ba thams cad yang dag par len pa ni/ byang chub sems dpa'i go tshe'o// khong khro med pa'i mtshan nyid kyis/ bzod pa dang dul ba dang / nges pa ni byang chub sems dpa'i go cha'o// lus dang sems dben pa'i mtshan nyid kyis blang ba med pa dang / dor ba med pa'i brtson 'grus ni byang chub sems dpa'i go cha'o// rten thams cad dben pa'i mtshan nyid kyis bsam gtan dang / rnam par thar pa dang / ting nge 'dzin dang / snyoms par 'jug pa thams cad ni/ byang chub sems dpa'i go cha'o// ma rig pa'i
- 288b
gti mug gis blta ba yongs su dag pa'i mtshan nyid kyis/ thogs pa med pa'i shes rab kyis pha rol tu phyin pa ni byang chub sems dpa'i go cha'o// bya ba thams cad ston pa'i mtshan nyid kyis thabs chen po ni byang chub sems dpa'i go cha'o// zhe 'gras pa med pa'i mtshan nyid kyis byams pa chen po ni byang chub sems dpa'i go cha'o// sor mo lnga na mkha' dang mnyam pa'i mtshan nyid kyis snying rje chen po ni byang chub sems dpa'i go cha'o// yongs su mi skyo ba'i mtshan nyid kyis dga' ba chen po ni byang chub sems dpa'i go cha'o// bde ba dang sdug bsngal bar mi byed pa'i mtshan nyid kyis gtang snyoms chen po ni byang chub sems dpa'i go cha'o/ rnam par grol ba lag thil du 'ongs kyang thob par mi byed pa'i mtshan nyid kyis bsams pa thams cad yongs su rdzogs par byed pa'i mtshan nyid ni byang chub sems dpa'i go cha'o// skyon med par mi ltung ba'i mtshan nyid kyis/ thams cad yid la mi byed pa ni byang chub sems dpo'i go cha'o// sgyu ma lta bu'i chos legs par shes pa'i mtshan nyid kyis/ phung po lnga bshad ma lta bur gyur pa yongs su srung ba ni byang chub sems dpa'i go cha'o// chos kyi dbyings mnyam nyid/ kyi mtshan nyid kyis/ khams bzhi la sbrul bdug pa lta bur 'dzin pa ni byang chub sems dpa'i go cha'o// yul thams cad la mi chags pa'i mtshan nyid kyis
- 289a
skye 'chad drug la grong stong pa lta bur rtogs pa ni byang chub sems dpa'i go cha'o// kun bzhi med pa'i mtshan nyid kyis khams gsum dang mi 'dre ba ni byang chub sems dpa'i go cha'o// srid pa sel ba'i mtshan nyid kyi skye chad du srid pa len pa ni byang chub sems dpa'i go cha'o// phyir mi ldog pa'i mtshan nyid kyis dpal ba chen po ni byang chub sems dpa'i go cha'o// sems can thams cad la so so ji ltar 'os par chos kyis sman sbyin pa'i mtshan nyid kyis sman pa chen po byang chub sems dpa'i go cha'o// theg pa gsum gyis lam ston pa'i mtshan nyid kyis ded dpon chen po ni byang chub sems dpa'i go cha'o// / sangs rgyas thams cad la byas pa shes shing / byas pa gza'o mtshan nyid kyis/ dkon mchog gsum gyis gdung mi gcod pa ni byang chub sems dpa'i go cha'o// mi skye ba'i chos la bzod pa thob pa'i mtshan nyid kyis chos thams cad rang bzhin gyis skye ba med pa'i mtshan nyid ni byang chub sems dpa'i go cha'o// nyan thos dang rang sangs rgyas thams cad kyis las 'da' ba'i mtshan nyid kyi phyir mi ldog pa'i sa thob pa ni byang chub sems dpa'i go cha'o// sems kyis skad cig gcig dang / ldan pa'i shes rab kyis sangs rgyas kyis chos thams cad ji lta ba bzhin du rtogs pa'i mtshan nyid kyis/ byang chub kyis snying po brgyan pa ni byang
- 289b
chub sems dpa'i go cha'o// btsun pa 'od srung chen po byang chub sems dpa'i go cha chen po sum bcu rtsa gnyis ni de dag yin te/ go cha bgos na 'byung ba chen po bzhi ni gzhan du 'gyur ba yang srid kyis/ byang chub sems dpa'i bla na med pa yang dag par rdzogs pa'i byang chub las phyir mi ldog pa'i 'jigs pa ni med do// de la kho bos 'di skad ces smras so// 'jam dpal go cha de dag las 'ga' yang nyan thos dang rang sangs rgyas rnams la med do// des smras pa/ btsun pa 'od srung chen po des na nyan thos dang / rang sangs rgyas rnams ni go cha chen po ma bgos pa zhes bya'o// btsun pa 'od srungs chen po 'di ji snyam du sems/ go cha gang mthu dang ldan pa/ 'phong gis slob dpon gyi bgo bar bya ba'i go cha de mi phal gyi bgo bar bya ba 'am/ kho bos de la 'di skad ces smras so// 'jam dpal de ni ma yin te/ mi phal gyis go cha de bgo bar mi nus so// smras pa/ btsun pa 'od srung chen po de bzhin du go cha gang byang chub sems dpa' bgo bar bya ba de dag/ nyan thos dang / rang sangs rgyas thams cad mi yin no// byang chub sems dpa'i go cha 'di bshad pa'i tshe/ lha'i bu nyis stong bla na med pa yang dag par rdzogs pa'i byang chub tu sems skyes so// tshe dang ldan pa sha ri'i bu 'jam dpal gzhon nur
- 290a
bya bya// gyur pa'i rdza 'phral rnam par 'phrul pa dang / chos ston pa rnam par 'phrul pa gang kho bos phyogs tsam zhig mngon sum du gyur pa ni de lta bu de dag yin no// de nas tshe dang ldan pa byams pa'i bu gang pos/ tshe dang ldan pa sha ri'i bu la 'di skad ces so// tshe dang ldan pa sha ri'i bu kho bos 'jam dpal gzhon nur gyur pa'i rdzu 'phrul gyi cho 'phrul kha cig mngon sum du gyur to// tshe dang ldan pa sha ri'i bu kho bos mngon par shes pa'i dus cig na/ bcom ldan 'das yangs pa can gyi grong khyer gyis tshal chen po'i khang pa na/ dge slong lnga brgya tsam gyi dge slong gi dge 'dun chen po dang thabs gcig tu bzhugs so// tshe dang ldan pa sha ri'i bu/ de'i tshe gcer bu pa'i bu bden pa po zhes bya ba/ gcer bu pa drug khris yongs su bskor cing / mdun gyis ltas te/ sti stang byas/ bla mar byas/ ri mor byas/ mchod par byas shing / yangs pa can gyi grong khyer na 'dug go/ kho bos ting nge 'dzin la snyoms par zhugs te/ gzhan mu stegs can de dag dge ba'i rtsa ba la ltas na der kho bos sems can mu stegs can gdul bar bya ba brgya phrag mang po mthong nas/ kho bos der stong ste/ de dag la chos bshad do// de dag kho bos chos bshad pa la sri zhu mi byed/ rna ba blags te mi nyan kun tu shes par bya/
- 290b
ba'i sems kyis ma gnas pa'i stong du kho bo la 'phya spong/ gad mos 'debs shing / tshig rtsub mo dag kyang brjod do// der kho bos bzla ba gsum du sems can de las 'ga' yang yongasu smin par bya ba ni mi nus te/ kho bo skyo bar gyur nas slar song ngo // de la 'jam dpal gzhon nur gyur pas mu stegs can lnga brgya sprul te/ bdag nyid slob dpon du bzhag nas/ 'khor lnga brgya dang gcer pu pa'i bu bden pa po gang na ba der dong ste lhags pa dang / gcer pu pa'i bu bden pa po'i rkang pa gnyis la mgo bos phyag 'tshal nas mdun du 'dug ste/ gcer pu pa'i bu bden pa po la 'di skad ces smras so// bdag cag gis 'phags par sgra dang / tshigs su bcad pa rgya chen po thos nas/ ljon gzhan nas yangs pa can gyis grong khyer 'dir 'chis te/ khyod ni kho bo cag gis ston pa'o// kho bo cag ni khyod kyi slob ma'o// kho bo cag khyod las rjes su bstan pa nod do// ci nas kyang dge slong go'u ta ma de dang / nyan thos rnams mi mthong ba dang / ci nas kyang de las mthun pa'i chos mi thos pa de ltar kho bos cag la mdzod cig ces gcer bu pa'i bu bden pa pos smras pa/ skyes bu dam pa leg so legs so// dad pa dang ldan pa/ dang ba dang ldan pa/ khyod ring po mi thogs par/ nga'i chos bstan pa 'di shes par 'gyur ro// de nas gcer bu pa'i bu bde ba pos
- 291a
/ rang gis 'khor rnams la smras pa/ tshur shog khyed cag bram ze'i bu lnga brgya po 'di dag dang lhan cig tu dga' ba dang // 'thun pa dang / phan tshun chos la spyod cing / lhan cig tu gnas par gyis shig/ 'di dag gis gang cung zad ci smras pa/ de yang khyod kyis shin du legs par zung shig/ de nas 'jam dpal gzhon nur gyur pas/ 'khor gcer pu pa lnga brgya sprul pa dang / gzhan mu stegs can gyis nyan thos rnams dang lhan cig tu 'dug ste/ 'dug nas/ de dag gis dka' thub dang / brtul shugs dang / spyod lam dang / bslab pa'i tshig ji tsam du rgyun mi chad pa de bas kyang bdag dang 'khor la lhag par ston to// skabs skabasu dkon mchog gsum gyis sngags pa brjod do// skabs skabasu ni gcer bu pa'i bden pa po'i yang dag bar yon tan sngags pa brjod de/ des de dag yid ches par byas nas/ dus gzhan dang / tshod gzhan zhig na mu stegs can tshogs pa la/ 'jam dpal gzhon nur gyur pas/ 'di skad ces smras so// tshe dang ldan pa dag bdag gis bstan chos dang / sngags dang / rigs byed dang / gzhung las byung bzhin dge sbyong go'u ta ma'i yang dag pa'i yon tan sngags pa yang yod de// de ci'i phyir zhe na/ 'di lta ste dge sbyong go'u ta ma'i rigs phun sum tshogs pa/ pha dang ma dang /
- 291b
'khor los bsgyur ba'i rigs su skyes/ bsod nams brgya'i mtshan dang ldan pa ste/ btsas pa tsam na brgya byin dang / tshangs pas yongs su blangs shing / stong gsum gyi sa stong chen po'i 'jig rten gyis khams rnam pa drug du g.yos/ ma bzung bar gom pa bdun bor ste/ tshig kyang da ni 'jig rten gyi thu bo che gtso bo ste/ skye ba dang / 'chi ba'i mthar bya'o// zhes de skad ces spras zhing chu'i rgyun gnyis byung ste/ brgya byin dang / tshangs pa dang / 'jig rten skyong bas 'khrus byas/ lha dang mi'i rol mo dag kyang ma brdungs par sgra byung / des 'od gang gis ngan song thams cad so sor thar pa dang / bdud kyis gnas thams cad zil gyis gnon pa lta bu 'od kyang btang ste/ dbang po nyams pa thams cad kyang ma nyams par gyur/ yud tsam de la sems can thams cad kyi nyon mongs pa pa thams cad zhi ba ste/ mchog tu bde ba thob par 'gyur/ bram ze'i rigs byed kyi mchog shes pa rnams kyis kyang de khyim na/ 'dug na 'khor los sgyur ba'i rgyal por 'gyur ro// de ste nags su song na chos kyi rgyal po sangs rgyas su 'gyur ro// zhes sgo ste/ de 'khor los bsgyur ba'i rgyal po bor nas rab tu byung ste/ des byang chub kyi snying por bdud kyi sde bye ba phrag brgya pa btul te byang chub thob po// des 'jig rten na dge sbyong ngam/ bram ze 'am/ lha 'am/ bdud dam/
- 292a
/ tshangs pa 'am/ sus kyang chos dang mthun par bskor bar mi nus pa'i chos kyis 'khor lo bskor/ des chos kyang ston to// tshangs par spyod pa/ thog mar dge ba/ bar du dge ba/ tha mar dge ba/ don bzang po// tshig 'bru bzang po// ma 'dres pa yod su rdzogs pa/ yongs su dag pa/ yongs su byang ba yang dag par rab tu ston to// de la de'i nyan thos dag gis thogs mar dge ba ni 'di lta ste/ lus kyi legs par spyod pa dang / ngag gis legs par spyod pa dang / yid kyis legs par spyod pa'o// bar du dge ba ni lhag pa'i tshul khrims dang / sems dang / shes rab la slab po// bar du dge ba ni rnam par thar pa'i sgo stong pa nyid dang / ting nge 'dzin dang / sems rtse gcig pa'o// tha mar dge ba ni shes rab dang lhag mthong dang / ye shes so// gzhan yang thog mar dge ba ni sangs rgyas la mi phyed par dad pa'o// bar du dge ba ni chos la mi phyed par dad pa'o// tha mar dge ba ni dge 'dun la mi phyed pa'i dad pas 'bras bu thob pa'o// gzhan yang thog mar dge ba ni gzhan las nyan pa'o// bar du dge ba ni tshul bzhin yid la byed pa'o// tha mar dge ba ni 'phags pa yang dag par lta'o// gzhan yang thog mar dge ba ni sdug bsngal yongs su shes pa dang / kun 'byung
- 292b
ba spangs pa'o// bar du dge ba ni lam bsgom pa'o// tha mar dge ba ni 'gog pa mngon sum du byed pa ste/ 'di dag ni nyan thos rnams kyi thog mar dge ba dang / bar du dge ba dang / tha mar dge ba'o// de la byang chub sems dpa' rnams kyi thog mar dge ba dang / bar du dge ba dang / tha mar dge ba gang zhe na/ de la thog mar dge ba ni byang chub kyis sems mi gtong ba'o// rabar du dge ba ni theg pa sman par mi 'dod pa'o// tha mar dge ba ni thams cad mkhyen pa nyid du yongs su bsngo ba'o// gzhan yang thog mar dge ba ni sems can thams cad sems snyoms pas byams pa che ba'o// bar du dge ba ni sems can thams cad la bya ba ci yod snyam pas snying rje'o// tha mar dge ba ni dga' ba dang btang snyoms pa'i sems kyis nges par sems dpa'o// gzhan yang thog mar dge ba ni ser sna'i sems tshar gcod pa dang / 'chal pa'i tshul khrims spong ba dang / gnod sems sel ba dang / le lo spong ba dang / rnam par g.yengs pa/ kun du mi spyod pa dang / 'chal ba'i shes rab spong ba'o// bar du dge ba ni sbyin pa dang / tshul khrims dang / bzod pa dang / brtson 'grus dang / bsam gtan dang / shes rab kyis tshogs yod su rdzogs par byed do// tha mar dge ba ni pha rol tu phyin pa drug yongasu rdzogs pa dang / thams cad mkhyen pa nyid la yongs su bsngo ba'o// gzhan yang thog mar
- 293a
dge ba ni brngu ba'i dngos po zhes sems can yongs su smin par byed pa'o// bar du dge ba ni lus srog la mi lta bar dam pa'i chos yongs su 'dzin pa'o// tha mar dge ba ni skyon med par ltung ba'i 'jigs pa las bsrungs pa'o// gzhan yang thog mar dge ba ni sems dang mchung ba mi gtong bas/ byang chub sems dpa'i spyod pa'o// bar du dge ba ni 'jug pa dang ldog pa'i shes pas phyir mi ldog pa'o// tha mar dge ba ni dbang thob pas skye ba cig gis thogs pa'i 'di dag ni byang chub sems dpa' rnams kyi thogs mar dge ba dang / bar du dge ba dang / tha mar dge ba'o// de ltar 'jam dpa gzhon nur gyur pa gzhan mu stegs can gyis 'khor de na de lta de ltar chos ston ste/ gzhan mu stegs can lnga brgya ni chos kyi mig rdul med cing dri ma dang bral ba rnam pa dag go// gzhan mu stegs can brgya stong ni bla na med pa yang dag par rdzogs pa'i byang chub tu sems skyes so// de nas sprul pa lnga brgya po de dag gis yan lag lnga sa la btugs te phyag 'tshal nas/ tshig tu sangs rgyas la phyag 'tshal lo// sangs rgyas la phyag 'tshal lo// zhes brjod do// lha rnams kyis de dog gis rjes su slob pa'i 'tshal gyis gzhan mu stegs can gyis 'khor na/ de dag thams cad kyis kyang yan lag lnga sa la btugs phyag 'tshal nas/ tshig
- 293b
tu sangs rgyas la phyag 'tshal lo// zhes brjod do// lha rnams kyi dbang po brgya byin gyis kyang / de dag la khyed 'dis bcom ldan 'das la mchod pa byas shig ces me tog man da ra ba dag byin no// / bam po bzhi pa ste tha ma'o// // de nas 'jam dpal gzhon nur gyur pa/ 'khor mang pos yongs su bskor cing mdun du bdar te/ smig mi'i ldum bu'i 'khor gyis khyams ga la ba dang / bcom ldan 'das ga la ba der dong nas lhags pa dang / bcom ldan 'das kyi zhabs gnyis la mgo bos phyag 'tshal nas/ phyogs gcig tu 'dug go/ gzhan mu stegs can gyis 'khor de dag gis kyang / me tog man da ra ba de dag gis/ bcom ldan 'das la mchod pa byas nas/ bcom ldan 'das la lan gsum bskor ba byas te/ phyogs gcig tu 'khod do// de nas 'jam dpal gzhon nur gyur pa'i byin brlabs kyis/ sprul pa lnga brgya po de dag gis/ bcom ldan 'das la 'di skad ces gsol to// bcom ldan 'das de bzhin gshegs pa ni chos kyi sku ste/ bdag cag sangs rgyas la lta ba don du mi gnyer ro// bcom ldan 'das chos ni brjod du ma mchis pa ste/ bdag cag bcom ldan 'das kyi chos nyan pa den du mi gnyer ro// bcom ldan 'das kyis nyan thos kyi dge 'dun ni 'dus ma
- 294a
bya/ byas kyi rab tu phye ba ste/ bdag cag dge 'dun la bsnyen bkur bgyid pa don du mi gnyer ro// bcom ldan 'das chos kyis dbyings ni yon tan dang / phan yon ma mchis pa ste/ bdag cag yon tan don du mi gnyer ro// bcom ldan 'das chos thams cad ni byung ba ste/ bdag cag 'byung ba don du gnyer ro// bcom ldan 'das rnam par grol ba ni lo ma dang / me tog dang / 'bras bu dang / bral ba ste/ bdag cag thob pa don du mi gnyer ro// bcom ldan 'das yongs su shes pa ni gnyis dang bral te/ bdag cag sdug bsngal yongs su 'tshal ba don du mi gnyer ro// bcom ldan 'das chos thams cad ni shin tu ma byung ba ste/ bdag cag kun 'byung ba song ba don du mi gnyer ro// bcom ldan 'das chos thams cad ni shin du 'gags pa ste/ bdag cag 'gogs pa mngon du bgyi ba don du mi gnyer ro// bcom ldan 'das lam ni mchis pa dang ma mchis pa dang bral ba ste/ bdag cag lam sgom pa don du mi gnyer ro// bcom ldan 'das chos thams cad ni gnas nas mi gnas pa ste/ bdag cag dran pa nye bar bzhag pa don du mi gnyer ro// bcom ldan 'das rnam par grol ba ni bsod nams dang / bsod nams ma lags pa dang / mi g.yo ba'i 'du byed dang bral ba ste/ bdag cag yang dag par spong ba don du mi gnyer ro// bcom ldan 'das gang nas kyang mtho ba
- 294b
mchis gang du yang mchi ba ma mchis/ tshad mar bgyis te/ bdag cag rdzu 'phrul gyis rkang pa don du mi gnyer ro// bcom ldan 'das don ni dbang po dang / bral ba yin ste/ bdag cag dbang po don du mi gnyer ro// bcom ldan 'das chos thams cad ni stobs ma mchis shing nyams chung ba ste/ bdag cag stabs don du mi gnyer ro// bcom ldan 'das 'di la don dam par na byang chub ni gang yang ma mchis te/ bdag cag byang chub kyi yan lag don du mi gnyer ro// bcom ldan 'das chos 'gro bas 'jig rten gyi mthar 'gro ba ma mchis te/ bdag cag la mngon du mi gnyer ro// bcom ldan 'das zhi ba'i dbyings la g.yeng ba ma mchis te/ bdag cag zhi gnas don du mi gnyer ro// bcom ldan 'das 'jig rten las 'das pa'i shes rab kyi sa cung zad kyang mi mthong ste/ bdag cag lhag mthong don du mi gnyer ro// bcom ldan 'das de ltar blang ba dang dor ba shin tu ma mchis te/ bdag cag stsol ba don du mi gnyer ro// bcom ldan 'das chos kyi dbyings ni yang dag par sangs rgyas pa ste/ bdag cag rnam par grol ba don du mi gnyer ro// bcom ldan 'das dge sbyong ni chags pa thams cad dang bral ba te/ bdag cag dge sbyong don du mi gnyer ro// bcom ldan 'das bram ze ni sdig pa thams cad dang bral ba ste/ bdag cag ni bram ze don du mi gnyer// /
- 295a
/ bcom ldan 'das chos rang bzhin ni dad pa ste/ bdag cag dge slong gi dngos po don du mi gnyer ro// bcom ldan 'das 'di skye 'ched drug nyid 'gags pa ste/ bdag cag pha rol tu phyin pa don du mi gnyer ro// bcom ldan 'das ji ltar 'jig pa ji tsam chung du la yang mi stod pa ste/ bdag cag 'dod pa chung ba ma lags pa'o// bcom ldan 'das 'di ltar chos gang ya mi 'tshal te/ bdag cag ni chog shes pa ma lags so// bcom ldan 'das 'di ltar lus dang sems kyis brjod par mi bya ste/ bdag cag dben pa ma lags so// bcom ldan 'das 'di ltar khams gsum du mi gnas pa ste/ bdag cag zag pa med pa ma lags so// bcom ldan 'das 'di ltar gnyis po yang dag par rjes su mi mthong ste/ bdag cag ma 'dres pa ma lags so// bcom ldan 'das 'di ltar khams gsum thams cad rnal 'byor dgon pa ste/ bdag cag dgon pa don du mi gnyer ro// bcom ldan 'das 'di ltar gnyen po ma mchis pas brtsod pa ma mchis pa ste/ bdag cag nyon mongs pa med par gnas pa ma lags so// bcom ldan 'das 'di ltar bsod snyoms kyi 'du shes spangs pa ste/ bdag cag bsod snyoms pa ma lags so// bcom ldan 'das 'di ltar
- 295b
'khor ba nyid yang dag par na mi mthong ste/ bdag cag 'khor bas mi skrag go// bcom ldan 'das 'di ltar rtog par mi bgyid/ rnam par rtog par mi bgyid/ de/ bdag 'dod chags dang / zhe sdang dang / gti mug spong bar mi bgyid do// bcom ldan 'das 'di ltar chos rnams kyi rang bzhin nyon mongs pa ma mchis pa ste/ bdag cag nyon mongs pa spongs pa la mi brtson pa'o// bcom ldan 'das 'di ltar rang gis lus ma legs pa ste/ bdag cag rang gis lus las mi g.yo bar bgyi'o// bcom ldan 'das 'di ltar de bzhin nyid mi skyod pa'i mtshan nyid de/ bdag cag lta bas bgyis pa mi skyod par bgyi'o// bcom ldan 'das 'di ltar rnam par grol ba ni rtog pa dang / bde ba dang / bdag dang / gtsang ma'i ngo bo nyid de/ bdag cag phyin ci log spong bar mi bgyid do// bcom ldan 'das 'di ltar tshu rol nas pha rol rjes su mi mthong bas/ bdag cag chu bo las rgal bar mi bgyid do// bcom ldan 'das 'di ltar rnam par grol ba ni ma mchis shing rnam par ma btags pa ste/ bdag cag sgrib pa rnams spong bar mi bgyi'o// bcom ldan 'das 'di ltar yang dag pa'i mtha' ni kun nas ldang ba ma mchis pa ste/ bdag cag kun nas sgrib pa ldang ba rnam par gnon par mi bgyid do// bcom ldan 'das 'di ltar dge sbyong ni nongs pa
- 296a
bgyid pa ma mchis ste/ bdag cag 'dod pa bskul bar mi bgyid do// bcom ldan 'das 'di ltar thogs ma nas mos shing dad pa ste/ bdag cag the tshom sel bar mi bgyid do// bcom ldan 'das 'di ltar mos pas rnam par grol ba rtogs pa ste/ bdag cag nem nur sel bar mi bgyid do// bcom ldan 'das 'di ltar chos thams cad shin du yongs su mya ngan las 'das pa ste/ bdag cag yongasu mya ngan las 'das pa don du mi gnyer ro// bstan pa 'di ni bshad pa'i tshe/ dge slong nyis brgya nye bar len pa med pa zag pa rnams las sems rnams par grolalo// dge slong bsam gtan bzhi thob pa srid pa tha ma thob pa'i nga rgyal can nyis brgya ni stan las langs te/ kye ma 'o 'di dag ni 'jig rten thams cad dang 'gal bar chos 'chad de/ sngon bdag cag gis rjes su mthun par chos 'chad par thos na/ da ltar ni chos ma yin pa/ ston pa'i bstan pa ma yin pa 'chad do// zhes tshig de skad smras te dong ste/ tshe dang ldan pa sha ri'i bu kho bos 'jam dpal gzhon nur gyur pa la 'di skad ces smras so// 'jam dpal dge slong nyis brgya po 'di dag stan las langs te/ chos bshad pa 'di na 'jig rten thams cad dang 'gal ba yin no// zhes tshig de skad smras te 'dong ste/ 'jam dpal gyis smras pa/
- 296b
btsun pa gang po rnam grangs gang gis chos bshad pa 'di/ 'jig rten thams cad dang 'gal bar 'gyur ba yod dam/ de ci'i phyir zhe na/ btsun pa gang po 'jig rten ni// phung po dang / khams dang skye mched la mngon par zhen pa ste/ 'khor ba spangs pas mya ngan las 'das pa 'o 'tshal zhing 'khor ba rang bzhin gyi mi dmigs pa nyid mya ngan las 'das pa yin pa de ltar mi shes so// 'di la gang 'khor ba 'am/ mya ngan las 'das pa ni gang yang med de/ gang de lta bu bzod pa de ni mi 'gal ba'o// bden pa bzhi rnam par bzhag pa bstan pa la mngon par zhen pa de ni 'gal ba'o// gnas nyid do// don dam pa'i bden pa la ni bden pa bzhi rnam par bzhag pa'ang med de// de na mi 'gal ba'o// lam gyi rgyu 'thun pa dang / 'bras bu thob ces bya ba de ni gnyis te/ gnyis gang yin pa de ni 'gal lo// lam mnyam pa nyid kyis chos thams cad mnyam pa nyid 'di ni gnyis su med pa ste/ gnyis su med pa gang yin pa de ni mi 'gal ba'o// ji srid du ngar 'dzin pa dang / nga yir 'dzin pa la mngon par brtson pa de srid du mngon nga rgyal lo// ji srid du 'gal ba'o// gang yang ma chad par mi byed/ lhag par mi byed/ mnyam pa nyid dang mnyam par mi byed/ mi mnyam pa nyid dang mi mnyam par mi byed cing byed pa ma yin/ rnam par byed pa ma yin pa de ni mngon pa'i nga rgyal med pa ste/ gang lhag pa'i nga
- 297a
rgyal med pa de ni ma 'gal lo// gang mi 'gal ba de ni gnyis su med pa de/ de la dgongs nas bcom ldan 'das kyis kyang / nga ni 'jig rten dang lhan cig mi brtsod do// 'jig rten na de dang lhan cig tu brtsod pa byed do// zhes de skad gsungaso// de ci'i phyir zhe na/ de bzhin gshegs pas ni rtsod pa'i rtsa ba bcad do// rtsod pa'i rtsa ba de bzhin gshegs pas bcad pa gang zhe na/ 'di lta ste/ 'di ni bden pa'o// 'di ni brdzun pa'o// / zhes bya'o// de la bcom ldan 'das kyis kyang 'di skad ces bka' stsal to// bram ze bden pa zhes bya ba'i tshig kyang zhes bya ba'i tshig kyang ci/ ci'i phyir ni/ brdzun ba zhes kyang brjod/ gang la mnyam pa dang mi mnyam pade na su zhig brtsod pa sbyor bar bye/ ces gsungs so// de nas 'jam dpal gzhon nur gyur pas/ dge sbyong de dag lam nas dong ba thams cad mes yongs su gang bar byin gyis brlabs nas/ de dag phyogs dang gang du dong ba de dag thams cad mes yongasu gang bar mthong ste/ me'i phung po de las/ rgal bar ma nus so// de dag rdzu 'phrul gyi stobs kyi steng gi bar snang la dong ba dang / lcags kyi dra bas na mkha'i dkyil thams cad g.yogs par mthong ngo // 'og tu ltas na yang chu'i phung po chen por mthong te/ de dag phyogs bslad cing spu'i khung bu zin zhes byed par gyur nas/ rgyal bu rgyal byed kyis tshal gyis lam
- 297b
du ltas nas me tog/ ud pa la dang / pad ma dang // ku mu ta dang / pad ma dkar pos g.yogs cing / lam de nas skye bo'i tshogs mang po dag bcom ldan/ 'das las chos nyan pa'i phyir dong ba mthong ngo // mthong nas de dag kyang phyir ldog te/ rgyal bu rgyal byed kyi tshal mgon med zas sprin gyi kun dga' ra ba ga la ba dang / smig ma'i ldum bu'i 'khor gyi khyam sa ga la ba dang / bcom ldan 'das ga la der dong ste lhags pa dang / bcom ldan 'das kyi zhabs gnyis la mgo bos phyag 'tshal nas bcom ldan 'das la lan gsum bskor ba byas te/ phyogs cig tu 'khod do// phyogs cig tu 'khod pa dang / de dag la kho bos 'di skad ces smras so// tshe dang ldan pa dag gar dong / gang nas 'ongs de dag gis smras pa/ tshe dang ldan pa gang po kho bo cag ni dgra bcom pa zag pa zad pa/ bsam gtan thob pa/ rdzu 'phrul gyi rkang pa'i pha rol tu song ba ste/ kho bo cag 'jam dpal gzhon nur gyur pa 'di las mi 'thun pa'i chos bshad pa thos nas bstan las langs te dong na kho bo cag gis sangs rgyas kyi zhing 'di thams cad mes yongs su gang bar mthong ste/ me'i phung po de las rgal ma nus so// kho bos bcom ldan 'das la zhus pa/ dgra bcom pa zag pa zad pa'i sa de gang lags/ de la bcom ldan 'das kyi kho bo la 'di skad ces bka' stsal to// gang po gang 'dod chags dang /
- 298a
zhe sdang dang / gti mug gis me la spyod pas me'i phung po las 'da' ba'i gnas ma yin no// lta ba'i dra bas sgrib pas/ lcags kyi dra ba bcad pa dang / sred pa'i chur zhugs pas chu'i phung po las rgal ba ni gnas ma yin no// de ci'i phyir zhe na/ gang po 'di ltar dge slong 'di dag 'dod chags dang / zhe sdang dang / gti mug gis me la spyod de/ de dag me'i phung po las 'da' bar mi nus so// de dag lta ba'i dra bas bsgribs te/ lcags kyi dra ba bcad par mi nus so// de dag sred pa'i chu bor zhugs te/ chu'i phung po las rgal phas par mi nus so// gang po 'di lta ste dper na/ me'i phung gang yin pa dang / lcags kyi dra ba gang yin pa dang / chu'i phung po gang yin pa'i chos de dag thams cad gang nas kyang ma 'ongs gang du yang ma song ste/ gzhan du na 'jam dpal gzhon nur gyur pa'i byin brlabs kyis snang ngo // gang po de bzhin du 'dod chags dang / zhe sdang dang / gti mug gang yin pa dang / lta bar bya ba gang yin pa dang / srid pa'i sred pa gang yin pa'i chos de dag gang nas kyang ma 'ongs/ gang du yang ma song ste/ gzhan du na phyin ci log sngon du 'gro ba'i stog pa dang / rnam par rtog pa dang / yongasu rtog pa las bdag po med pa/ bdag gi med pa yongs su bzung ba med pa'i bdag dang gzhan du sgro 'dog par byung ngo // de la rnal 'byor pa rnal 'byor la spyod pas
- 298b
rnam par g.yengs pa'i sems rtse cig tu byed do// sems rtse cig pas zhi gnas sgrub par byed do// zhi gnas kyi tshogs kyis bsam gtan bskyed par byed do// bsam gtan thob pas kyang rlom sem su mi byed do// bsam gtan las su rung bar byas pa'i sems kyis kyang chos rnam par lta ste/ chos gang gis rgyu dang rkyen du gyur zhes de so sor rtog pa na yang dag par ji lta ba bzhin du so sor rtog par byed de/ 'di lta ste ma rig pa'i rkyen gyis 'du byed rnams/ 'du byed rkyen gyis rnam par shes pa/ rnam par shes pa'i rkyen gyis ming dang gzugs/ ming dang gzugs kyi rkyen gyis skye mched drug skye 'chad drug kyi rkyen gyis reg la/ reg pa'i rkyen kyis mtshor ba/ tshor ba'i rkyen gyis sred pa/ sred pa'i rkyen gyis len pa/ len pa'i rkyen gyis srid pa/ srid pa'i rkyen gyis skye ba dang / skye ba'i rkyen gyis rga shi dang / mya ngan dang smre sngags 'don pa don/ sdug bsngal ba dang / yid mi bde ba dang / 'khrugs pa rnams 'byung ste/ de ltar na sdug bsngal gyis phung po 'di 'ba' zhig 'byung bar 'gyur te/ 'di ni log par bsgrubs pa'i 'du byed kyis lam zhes bya'o// ma rig pa 'gags pas 'du byed rnams 'gags pa/ 'du byed 'gags pas rnam par she pa 'gags pas ming dang gzugs 'gag/ ming dang gzungs 'gags pas skye mched drug 'gags/ skye mched drug 'gas pas reg pa 'gag/ reg pa 'gags pas/ ma par shes pa 'ganas
- 299a
/ tshor ba 'gag/ tshor ba 'gags pas sred pa 'gag/ sred pa 'gags pas len pa 'gag/ len pa 'gags pas srid pa 'gag/ srid pa 'gags pas skye ba 'gag/ skye ba 'gags pas pas rga shi dang / mya ngan dang smre sngags 'don pa dang / sdug bsngal ba dang / yid mi bde ba dang / 'khrugs pa rnams 'gags/ de ltar sdug bsngal gyi phung po chen po 'di 'ba' zhig 'gags par 'gyur te/ 'di ni yang dag par sgrub pa 'dus byas su nges par 'jug pa'o// de la ma rig pa 'gags pa ni 'das pa ma yin no// ma 'ongs pa yin/ da ltar byung ba yin mod kyis/ 'on kyang tshul bzhin du yin pa/ yid la byed pa 'byung bas ma rig pa byung ste/ de tshul bzhin du yid la byed pa so sor rtog pa yid la byed na/ 'byung bar mi 'gyur ro// mi 'byung ba de shin du 'gags pa ste/ de bas na ma rig pa 'gag pa ces bya'o// de la tshul bzhin yid la byed pa ni 'byung ba chen po bzhi las byung ba'i lus la 'di lta ste/ lus 'di ni bem po ste/ rtsa dang shing dang / rtsig pa dang / de ltar snang ba so sor rtog go/ gang sems sam/ yid dam rnam par shes pa zhes bya ba de yang gzugs med pa/ bstan du med pa/ thogs pa med pa/ rnam par mi rigs pa/ sgyu ma lta bu ste/ rmi lam lta bu ste/ nang dang phyi dang / gnyis ga ma yin par yang mi dmigs so// zhes de ltar tshul bzhin
- 299b
yid la byed pa la brtson pa'i dge slong chos thams cad rang bzhin gyis ma skyes pa rtog par 'gyur te/ gang ma skyes pa de ni don dam pa'o// bstan pa 'di bshad pa che/ dge slong nyis brgya po de dag gis nye bar lags/ med par zag pa rnams las rnam par grol lo// de nas gcer bu bden pa po// 'khor dam par gyur te/ g.yogs lnga brgya zhig dang / spa gong bar gyur cing / rgyal bu rgyal byed kyi 'tshal mgon med zas sbyin gyi kun dga' ra ba ga la ba der/ smig ma'i ldum bu'i 'tshal gyi khyams ga la ba dang / bcom ldan 'das ga la ba der lhag pa dang / bcom ldan 'das dang lhan cig kun dga' ba dang / 'gu ba 'gyur ba dang / dga' bar 'gyur ba'i gtam sna tshogs byas nas/ bcom ldan 'das la 'di skad ces gsol to// kye gu'u ta ma dge sbyong go'u ta ma ni gzhan gyis 'khor kha 'dren pa'i sgyus 'dren to// zhes yang dang yang du thos nas/ de dag ni mngon sum du gyur te/ ji ltar 'jam dpal gzhon nur gyur pas kho bo'i 'khor phyes te/ dge sbyong go'u ta mas kyang log pa'i bzung bas bzung ste/ de dag slar kho'i drung du mi 'ongs/ bsnyen bskur mi byed rna ba spags te mi nyan kuno shes par bya ba'i sems nye bar mi 'jog go/ de'i tshe kun tu rgyu zla ba can zhes bya ba'i snag gis gnyen mtshams kun tu rgyu rgyal
- 300a
s+ya/ pa'i blo gros shes bya ba 'khor der 'dus te/ 'dug par gyur pa des gcer bu pa'i bu bden pa po la 'di skad ces smras so// gcer bu pa'i bu bden pa po// bcom ldan 'das dang / bcom ldan 'das kyis nyan thos rnams dang / 'jam dpal gzhon nur gyur pa la ma dad par ma byed cig/ khyod la sun ring por don med pa dang / mi phan pa dang / sdug bsngal ba dang / rnam par ltung bar gyur ta re/ cer bu pa de lta ste/ ngas dpe bya bar slob so// cer bu pa 'di lta ste dper na/ skyes bu byis pa'i rang bzhin shes rab 'tshal ba'i rang bzhin can la la zhig mar gyi snying khu 'dod cing mar tshol lo// des byang chub pa'i nang du blugs te srub nas/ de ci tsam na don med pa dang / chad pa'i bskal pa can du gyur kyang de'i rgyus mar mar mar gyi snying po kun mi rnyed do// gcer bu la de bzhin du 'di las phyi rol gyi ya mtshan thams cad kyi rnal 'byor dang sgom pa dang / bka' thub dang rtul shugs de dag thams cad ni log par bzung ba ste/ de dag ni chu'i bum pa bsrubs pa lta bu'o zhes nga smra ba'i steng du/ de bzhin gshegs pas gsungs pa'i chos 'dul ba la sems gdugs pa byas pas sems can dmyal ba'i g.yang sar ltung bar 'gyur ro// gcer bu pa 'di lta ste dper na/ skyes bu mkhas pa'i rang bzhin ca/
- 300b
shes rab 'chal pa'i rang bzhin can la la zhig mar gyi snying khu 'dod cing mar 'chol la/ des 'o ma bum pa'i nang du blugs te/ bsrubs na des tshegs chung ngus mar sar phyin par 'gyur te/ mar sar las mar ro// mar sar mar gyi snying khu 'thob po// gcer bu pa de bzhin du khyim na gnas par 'gyur ba 'am/ rab tu byung ba rung / de bzhin gshegs pas gsungs pa'i chos 'dul ba la 'di la dad pa dang ldan zhing mos pa mang bas sbyor bar byed/ brtsol bar byed/ 'bed par byed/ mar gyi snying khu thob pa bzhin/ de dag myur du 'phags pa'i rnam par grol ba thob po// gcer bu pa 'di lta ste/ skyes bu zhig gis skyes bu gnyis pa'i 'jam pa las byas pa'i snod brgya stong bcag ste/ de nyid rin po che'i snod byin na/ gcer bu pa 'di ji snyam du sems/ ci skyes bu de bslus pa yin nam/ smras pa rgyal ba'i gros de ni ma yin no// smras pa gcer bu pa de bzhin du 'jim pa las byas pa'i snod lta bu mu stegs can gyi nyan thos rnams bsams te// de bzhin gshegs pa'i bstan pa la chos rin po che'i snod du byed na mu stegs can rnams gang yang bslus par mi 'gyur ro// gcer bu pa 'di lta ste/ dper na/ skyes bu ded dpon thabs la mi mkhas pas/ mngon pa'i nga rgyal can zhig gis 'dren mang lam ngan par btsud pa las/ ded dpon
- 301a
bya// thabs la mkhas pa lam shes lam mthong ba zhig gis lam ngan pa de las bzlog ste/ yang dag pa'i lam du btsud pa/ de bzhin du/ gcer bu pa khyod kyis ston pa drug po thams cad kyang lam mi shes pa/ lam la mi mkhas pa ste/ des khyed cag sems can mang po rnams lam ngan pa btsud do// / de bzhin gshegs pa ni lam mkhyen pa/ lam la mkhas pa ste/ des sems can de dag lam ngan pa de las bzlog nas/ yang dag pa'i lam la 'dzud do// gcer bu pa de lta mod kyis khyod kyis 'khor 'di dag khrid de song shig/ de nas yang gcer bu pa'i bu khri nyis stong gcer bu pa'i bu bden pa po dang lhan cig dong ngo // lhag pa rnams ni mngon par shes pa thob nas/ de dag bcom ldan 'das kyis dge slong tshur shog ces byas tu byung bar gyur to// de la bcom ldan 'das kyis kun tu rgyu rgyal ba'i blo gros la 'di skad ces bka' stsal rgyal ba'i blo gros khyed kyi gang dag gcer bu pa'i bu bden pa po dang lhan cig dong ba'i gcer bu pa nyis stong po de dag mthong ngam/ gsol pa bcom ldan 'das mthong ngo // bcom ldan 'das kyis bka' stsal pa/ rgyal ba'i blo gros de dag thams cad de bzhin gshegs pa byams pa'i
- 301b
'dus pa dang po'i grangs su gtogs par 'gyur ro// de ci'i phyir zhe na/ de ltar de dag gis chos zab mo 'di bshad pa thos so// gcer bu pa'i bu bden pa pa ni 'di lta ste/ dper na/ da ltar nga'i dge slong sha ra'i bu bzhin du/ de bzhin gshegs pa byams pa'i bstan pa nyan thos rnams kyis nang na shes rab che ba'i mchog tu 'gyur ro// de ci'i phyir zhe na/ 'di ltar de ni nga la mos pa yod de/ lhag pa'i nga rgyal gyis ni lta ba yongs su mi gtong ngo // de nas 'jam dpal gzhon nur gyur pa la kun du rgyu rgyal ba'i blo gros kyis 'di skad ces smras so// 'jam dpal phyi ma'i tshe lnga brgya tha ma la dge slong mngon pa'i nga rgyal can ji snyed 'byung bar 'gyur// 'jam dpal gyis smras pa/ rigs kyi bu phyi ma'i tshe lnga brgya tha ma la dge slong mngon pa'i nga rgyal can 'byung ba ni dkon no// de ci'i phyir zhe na/ rigs kyi bu bsam gtan bzhi ma skyes par mngon pa'i nga rgyal du ltung bar mi nus so// / ci'i phyir zhe na/ de ltar de'i tshe dge slong de dag sems gnas pa yang dkon// gang bsam gtan bzhi la snyoms par 'jug pa de dag ci smras/ rigs kyi bu de lta bas ni phyi ma'i tshe lnga brgya tha ma la dge slong mngon pa'i nga rgyal can 'byung ba ni dkon no// rigs kyi bu 'on kyang 'di gnyis ni mngon pa'i nga
- 302a
rgyal can de/ gnyis gang zhe na/ lta ba la chags pas/ bsam gtan mngon pa'i nga rgyal can dang / rnyed pa dang / bkur sti'i phyir 'phags pa'i rigs dang / tshul khrims dang / zos pa dang / sbyangs pa'i yon tan dang / bsrungs pa tsam gyis mngon par nga rgyal du ltung ste/ de gnyis ni mngon pa'i nga rgyal can no// nga yang mngon pa'i nga rgyal can du gyur te/ de bzhin gshegs pas gsungs pa'i chos 'dul ba spong ba de dag ni sems can dmyal ba dang / dud 'gro'i skye gnas dang / gshin rje'i 'jig rten du 'gro bar 'gyur ro// smras pa 'jam dpal pha rol gyis sems mi shes par/ 'di ni mngon pa'i nga rgyal can no// / zhes ji ltar shes par bya/ smras pa/ gal te so so'i skye bo rnams mya ngan las 'das par 'gyur gyi/ dgra bcom pa rnams ni ma yin no// / zhes de skad thos nas skrag par 'gyur na mngon pa'i nga rgyal du rigs par bya'o// / gal te so so'i skye bo rnams kyi de bzhin gshegs pa mthong gis// dgra bcom pa rnams kyis ni ma yin no// / zhes de skad thos nas skrag par/ 'gyur na mngon pa'i nga rgyal can du rig par bya'o// gal te so so'i skye bo rnams kyis sbyin pa yongs skyong bar byed kyis/ dgra bcom pa rnams kyis ni ma
- 302b
yin no// zhes de skad thos nas skrag par 'gyur na mngon pa'i nga rgyal can du rig par bya'o// gal te so so'i skye bo rnams kyis de bzhin gshegs pa mnyes par byed kyi/ dgra bcom pa rnams kyis ni ma yin no zhes de skad thos nas skrag par 'gyur na mngon pa'i nga rgyal du rig par bya'o// gang dag nyon mongs pa thams cad las mi g.yo ba de dag thams cad ni mi rten pa'o// gang dag mi rten pa de dag ni 'jig rten na sbyin pa'i gnas so// gang yang nyon mongs pa las g.yo ba de dag ni rten pa'o// / gang dag rten pa de dag ni 'jig rten na sbyin pa'i gnas ma yin no// de la gang dag brtsod bar byed de dag ni mngon pa'i nga rgyal can du rig par bya'o// chos thams cad ni 'byung ba'o zhes bya ba'i chos zab mo'i tshul 'di gang gis mi rtog pa de dag ni mngon pa'i nga rgyal can rig par bya'o// chos thams cad yongasu shes par mi bya'o// spang bar mi bya'o// sgom par mi bya'o// mngon du mi bya'o zhes mi bya ba'i tshul 'di la gang mi 'jug pa de dag ni mngon pa'i nga rgyal can du rig par bya'o sbas pa 'jam dpal sngon pa'i nga rgyal med pa'i phyag rgya ji lta bu yin/ smras pa/ 'gal ba med pa dang / brtsod pa'i med pa ni mngon pa'i nga rgyal med pa'o// rigs kyi bu 'di lta ste pa
- 303a
na/ ri dgas kyi rgyal po seng ge ni sgra thams cad kyi mi skrag go// de bzhin du rigs kyi bu dge slong mngon pa'i nga rgyal med pa'i sgra thams cad kyis mi skrag go/ de ci'i phyir zhe na/ 'di ltar chos thams cad sgra rnyan lta bur rig ste/ sgra brnyan la ni sems med/ yid med/ rnam par shes pa med kyang de la rten cing sgra 'byung bar 'gyur ro// de bzhin du sems dang yid kyang yang dag par ji lta ba bzhin du shes te/ de sgra thams cad rkyen la rag las par rtogs nas/ de sgra thams cad la dga' bar mi bskyed do// de sangs rgyas kyis sgra la yang rjes su chags par mi byed/ mu stegs can gyi sgra la yang khong khro bar mi byed/ rnam par byang ba'i sgra la yang rjes su chags par mi byed// nyon mongs pa'i sgra la yang khong khro bar yang mi byed cing / de sgra thams cad kyi sngon gyi mtha' dang / phyi ma'i mtha' rtogs par gyur pa 'di ni rigs kyi bu mo mngon pa'i nga rgyal med pa'i phyag rgya zhes bya ste/ gzhan med pa dang / bdag med pa'i phyag rgya'o// ji lta ba bzhin gyis phyag rgya'o// yang dag bar sgrubs pa'i phyag rgya'o// rang bzhin gyi mtshon nyid kyis phyag rgya'o// tshul cig tu 'jug pa'i phyag rgya'o// chos kyi dbyings su yang dag par
- 303b
'dra ba'i phyag rgya'o// de bzhin nyid tha mi dad pa'i phyag rgya'o// yang dag pa'i mtha'i gnas kyis phyag rgya'o// don dam pa'i stong pa nyid kyi phyag brgya'o// dus gsum mnyam pa nyid kyis phyag rgya'o// bzod ma nas ma skyes pa'i phyag rgya'o// rang bzhin la so sor rtog pa'i phyag rgya ste/ rigs kyi bu phyag rgya de dag gis btab pa'i chos thams cad mngon pa'i nga rgyal med dge slong gis thos na nem nur du mi 'gyur// the tshom du mi 'gyur te/ bdag mi dmigs par rtogs par 'gyur ro// de nas bcom ldan 'das la kun du rgyu rgyal ba'i blo gros kyis 'di skad ces gsol to// bcom ldan 'das bdag gis sngon yang kun tu rgyu lhag spyod dang / snag gis nyin mtshams su kun du rgyu zla ba can las theg pa chen po 'di'i yon tan bsngags pa brjod pa kha cig thos par gyur to// bcom ldan 'das bdag gis da ltar yang 'jam dpal gzhon nur gyur pa las/ dam pa'i chos bshad pa thos nas bla na med pa yang dag par rdzogs pa'i byang chub tu sems bskyed do// bcom ldan 'das kyis kyang bdag ci nas kyang bdag gis byang chub kyis chos rnams bstsags te myur du bla na med pa yang dag par rdzogs pa'i byang chub mngon par rdzogs par sangs rgyas nas// sems can tshad ma mchis grangs ma mchis pa rnams kyi don bgyid par 'gyur ba de ltar chos
- 304a
ba shad du gsol/ bcom ldan 'das kyis bka' stsal pa/ rgyal blo gros byang chub sems dpa' rnams kyis chos 'di gnyis ni myur du bla na med pa yang dag par rdzogs pa'i byang chub mngon par shes par byed pa'o// gnyis gang zhe na/ 'di lta ste/ brtson 'grus dang bag yod pa'o// de la brtson 'grus gang zhe na/ gang chos kyis btsal ba'i longs spyod bdogs pa thams cad yongs su gtang ba'o// bag yad pa gang zhe na/ gang rnam par smin pa la mi re bas byang chub tu yongs su bsngo ba'o// de la brtson 'grus ni gang mi dge ba'i chos thams cad spangs pa dang / dge ba'i chos thams cad yongs su rdzogs par bya'i phyir yang dag par bsnol lo// bag yod pa ni tshul khrims yongs su dag cing skye ba thams cad mi 'dod pas byang chub tu yongs su bsngo ba'o// de la brtson 'grus ni gang lus dang sems la mi lta bas bzod cing nges pa'o// / bag yod pa ni khong khro ba med pa'i sems kyis sems can thams cad kun du srung ba'o// de la brtson 'grus ni gang dge ba'i chos yang dag par bsgrubs pas yongs su mi skyo ba'o// bag yod pa ni gang dge ba'i chos yang dag par bsgrubs pa rnam pa thams cad mkhyen pa nyid du yongs su bsngo ba'o// de la brtson 'grus ni gang bsam gtan
- 304b
gyi yan lag yang dag par bsgrubs pas yongs su mi bsngo ba'o// bag yod pa ni bsam gtan gyis ro myong bar byed las ldog pa'i shes pa'o// de la brtson 'grus ni gang mang du thos pa tshol bas chog mi shes pa'o// bag yod pa ni gang tshul bzhin yid la byed pa la gnas pa'i 'phags pa'i shes rab dang ye shes so// de la brtson 'grus ni gang sdu ba'i dngos po rnams mi 'dor ba'o// bag yod pa ni gang sems can yongs su smin par bya ba'i thabs so// de la brtson 'grus ni gang lus dang sems rab tu 'dzin pa'o// bag yod pa ni gang lus dang sems dben pa'o// de la brtson 'grus ni gang sems can la dmigs pa'i byams pas sems can thams cad la sems nyam pa'o// / bag yod pa ni gang / chos la dmigs/ pa'i byams pas chos thams cad mi dmigs pa'o// / de la brtson 'grus ni gang sems can gzhan dang / gang zag gzhan dag byang chub kyi sems la sbyor ro// bag yod pa ni sgyu ma lta bu'i chos la so sor rtogs pas byang chub kyis sems mi brjod pa'o// de la brtson 'grus ni gang mngon par shes pa ye shes bskyed pa'o// bag yod pa ni gang zag pa zad par byed pas/ kun du bsrungs pa'o// de la brtson 'grus ni gang mgo dang gos la me 'bar
- 305a
/ ba lta bus bden pa 'tshol ba'o// bag yod pa ni gang 'gog pa mngon sum du bya bar mi ltung ba'o// de la brtson 'grus ni gang mtshan dang dpe byed bzang pos/ yongs su rdzogs par bya ba'i phyir dge ba'i rtsa bas mchog mi shes pa'o// bag yod pa ni chos kyi sku la so sor rtog pa'o// de la brtson 'grus ni gang sangs rgyas kyi zhing yongs su dag pa'o// bag yod pa ni gang sems can gyi zhing yongs su dag pa'o// de la brtson 'grus ni gang byang chub kyis phyogs kyis chos sum bcu rtsa bdun yongs su rdzogs pa'o// bag yod pa ni gang nye bar zhi ba'i rnam par grol ba'o// rigs kyi bu mdor na byang chub sems dpa'i thabs la mkhas pa'i ji snyed pa de dag thams cad ni brtson 'grus dang ldan par blta bar bya'o// shes rab kyi pha rol tu phyin pa'i las ji snyed pa de dag thams cad ni bag yod pa dang ldan par lta ste/ de bas na thabs dang shes rab kyis yongs su zin pa'i byang chub sems dpa' bla na med pa yang dag par rdzogs pa'i byang chub las phyir mi ldog pa'i 'jigs pa cung zad kyang med do// zhes bya'o// bstan pa 'di bshed pa'i tshe/ kun du rgyu rgyal ba'i blo gros gyis mi skye ba'i chos la bzod pa thob par gyur to// de sems dga' ba dang mgu ba dang 'jig rten gyi khams 'di'am rangs pa de nyid kyis/ shing tal
- 305b
bdun tsam du steng gis bar snang la mngon par 'phags par gyur to// stong gsum gyi stong chen po 'jig rten gyi khams 'di'am rnam pa drag tu g.yos so// snang ba chen bos kyang 'jig rten khyab par gyur to// steng gi bar snang las me tog gis char chen po mngon par bab bo// sil snyan dang glu dbyangs kyi sgra yang 'byung bar gyur to// de nas de'i tshe bcom ldan 'das kyis 'dzum pa mdzad de/ sangs rgyas bcom ldan 'das rnams chos nyid kyis nam 'dzum pa mdzad pa la de'i tshe// bcom ldan 'das kyis zhal gyi sgo nas 'od zer kha dog sna tshogs 'di lta ste/ sngon po dang / ser po dang / dmar po dang / dkar po dang / leb rgan dang / shel gyis kha dog dang / dngul gyi kha dog lta bu byung ste/ des 'jig rten gyis khams mtha' dang mu med pa dag snang bas khyab par byas nas tshangs pa'i 'jig rten man chad du mngon par 'byung zhing / nyi ma dang zla ba'i 'od kyang zil gyis non nas yang slar log ste/ bcom ldan 'das la lan gsum bskor ba byas nas/ bcom ldan 'das kyis dbu'i gtsug tu nub bo// de nas tshe dang ldan pa kun dga' bo stan las langs te/ bla gos phrag pa cig tu gzar nas/ spras mo g.yas pa'i lha nga sa la btsugs te/ bcom ldan 'das ga la ba de log su thal mo sbyar ba btud de/ bcom ldan 'das la tshig su bcad pa'i dbyangs kyis
- 306a
'dzum pa'i don yongs su zhus pa/ bsod nams ye shes stobs dpal dpe med mdom gang 'od kyis brgyan/ mtshan mchog sum bcu rtsa gnyis brgyan cing dpe byad dag gis spras/ seng ge'i ngang mchog 'gro ltar ni brtson 'grus stobs kyis byung / ci slad 'dzum mdzad de ni/ bcom ldan 'das kyis bstan du gsol/ thub pa dbyar gyis sprin dang rnga sgra seng ge'i sgra bas lhag/ ka la ping ka'i sgra dang dril sgra tshangs pa'i sgra bas lhag lha 'am de bzhin mi sgra gang stong gsum dag na snyan/ de kun char yang mi 'gro bcom ldan thub pa'i gsung mchog go// dgra bcom mchog rab rang rgyal yang dag byang chub sems dpas kyang // dpe med thub dbang ye shes rmad byung yul ni mi rtogs pa// lha dang lha min klu gang thos nas byang chub mchog 'tshal bar/ ye she de'i stobs kyi ci phyir 'dzum bstan du gsol/ mthar 'dzin kun las thugs grol blo bzangs dbus na khyod mi chags/ chags med nyes med spyod pa gnas med na mkha' tshad med bzhin/ dpe mchog gang yang med cing 'jig rten mchog 'drar bgrang ba me/ mkha' 'dra'i blo mnga' sdig med khyod la ci slad 'dzum pa stan zhu'o// khyod kyis zhal nas 'od zer sna tshogs sngo dang dmar dkar dri med gser ltar 'tsher zhing dmar ba gang ga'i bye snyed byung / grangs med na mkha'i
- 306b
khams snyams phyogs kyi 'jig rten de snang byed/ thub pa'i 'od kyis reg pa'i ngan song ma lus zhi zhing bde dang ldan/ gal te 'od zer pus mor lhung na dgra/ bcom khyod lung bstan/ 'od zer khyod kyi dpung ba nub na rang sangs rgyas su bstan/ deng ni phan mdzad thub khyed kyi gtsug tu dri med 'od nub kyis/ kun mkhyen mnyam med theg par nges par khyed ni lung ston to// de bas legs pa lha lhag mchod pa 'jig rten gsum mchod 'os// srog chags mang po gang thos dga' zhing sems kyang mgu 'gyur bar// yang dag bden tshig nges par gsung ngam de ni rgyal bas bshod/ ci'i phyir 'dzum mdzad the tshom mchod de slong ma 'gu bar mdzad/ de skad ces gsol pa dang / bcom ldan 'das kyis tshe dang ldan pa kun dga' bo la 'di skad ces bka' stsal pa/ kun dga' bo rigs kyi bu rgyal ba'i blo gros zhes bya ba bzod pa thob pa steng gis bar snang la ta la bdun tsam du 'dug ste/ thal mo sbyar nas nga la phyag 'tshal ba lha brgya stong dag gis mchod pa 'di khyod kyis mthong ngam/ gsol pa/ bcom ldan 'das mthong ngo // bcom ldan 'das kyis bka' stsal pa/ kun dga' bo
- 307a
rigs kyi bu rgyal ba'i blo gros 'dis/ 'khor los bsgyur ba'i rgyal po gyur pa na// sangs rgyas bye ba phrag bdun bcu rtsa gnyis la dge ba'i rtsa ba bskyed de/ sangs rgyas bcom ldan 'das de dag thams cad bzhugs pa dang / yongs su mya ngan las 'das pa la yang mchod do// sangs rgyas bye ba phrag bdun bcu rtsa gnyis las tshangs par spyod pa spyad de/ thams cad du yang dam pa'i chos yongs su bzung ngo // / kun dga' bo rigs kyi bu rgyal ba'i blo gros 'dod phyin chad kyang de bzhin gshegs pa bgrang ba las 'das pa rnams mnyes par byed par 'gyur// gus pas byed par 'gyur// btsun par byed par 'gyur/ phu dud du byed par 'gyur/ mchod pa byed par 'gyur/ tshangs par sbyang ba spyod par 'gyur/ bas par sems can tshad med grangs med pa dag kyang yongasu smin par byed par 'gyur ro// de phyi ma'i dus na byang chub kyis phyogs kyis chos rnams yang dag par bsgrubs nas bskal pa grangs med pa na/ skal pa rin po che cig bkod pa zhes bya ba la/ 'jig rten gyis khams
- 307b
blta na sdug pa zhes bya bar de bzhin gshegs pa dgra bcom pa yang dag par rdzogs pa'i sangs rgyas ye shes phung po zhes bya bar rigs pa dang zhabs su/ ldan pa/ bde bar gshegs pa/ 'jig rten mkhyen pa/ skyes bu 'dul ba'i kha lo sgyur ba/ bla na med pa lha dang mi rnams kyis ston pa/ sangs rgyas bcom ldan 'das su 'jig rten du 'byung bar 'gyur ro// kun dga' bo 'jig rten gyi khams blta na sdug pa'i de'i longs spyod ni/ gzhan 'phrul dbang byed kyis lha dang 'dra bar 'gyur ro// sems can de dag gi mdun du yul drug las yid du mi 'ongs pa'i chos gang yang 'byung bar mi 'gyur ro// / sems can de dag gcig gi gcig mthong na dga' ba dang / yid bde ba skye bar 'gyur ro// sems can de dag thams cad rmi lam du'ang de bzhin gshegs pa ye shes phung po de mthong zhing de dag sangs rgyas rjes su dran pa dang mi 'bral bar 'gyur te/ de bas na 'jig rten gyis khams blta na sdug pa zhes bya'o// bskal pa de la de bzhin gshegs pa de gcig pu 'byung de bzhin gshegs pa de'i tshe'i tshad kyang bskal pa thub par 'gyur te/ de bas na bskal pa de yang rin po
- 308a
tshe gcig bkod pa zhes bya bar 'gyur ro// bcom ldan 'das de'i dge 'dun ni byang chub sems dpa' 'ga' zhig ste/ byang chub sems dpa' bye ba phrag dgu bcu rtsa gnyis su 'gyur ro// byang chub sems dpa' che po thams cad kyang phyir mi ldog pa/ spobs pa thogs pa med pa/ tshig dbye ba la mkhas pa sha stag go/ de bzhin gshegs pa ye shes phung po yongasu mya ngan las 'das pa de'i tshe/ byang chub sems dpa' seng ge'i rtsal gyis 'gro ba de la/ rigs kyi bu byang chub sems dpa' seng ge rtsal gyi 'gro ba 'di nga'i 'og tu de bzhin gshegs pa seng ge'i sgra sgrogs pa zhes bya bar 'gyur ro// zhes lung bstan nas yongasu mya ngan las 'da'o// de bzhin gshegs pa ye shes kyis phung po de yongasu mya ngan las 'das nas/ bar gyis bskal pa bcur dam pa'i chos gnas par 'gyur ro// bcom ldan 'das de'i skra yang mi 'jig par 'gyur te/ gang la sems can de dag mchod pa byed pa'i mchod rten rin po che las byas pa/ rgyar dpag tshad drug bcu rtsa bzhi pa/ 'phang du dpag tshad brgya bcu pa/ rin po che thams cad kyis spras pa cig yod par 'gyur ro// de nas rigs kyis bu rgyal ba'i blo gros bar snang de las babs nas/ bcom ldan 'das kyis zhabs gnyis la mgo bos
- 308b
phyag 'tshal te/ bcom ldan 'das la lan gsum bskor ba byas nas bcom ldan 'das la chos kyi dbyings dang tha mi dad pa'i tshig su bcad pa 'di dag gis mngon par bstod do// bdag gi dbyings dang sems can dbyings// chos kyis dbyings dang de dag mnyam// de yi dbyings ldan ye shes dbyings// de bas kyis bdag lung bstan cing // chos kyi dbyings dang nyon mongs khams// stong pa'i dbyings dang de dag mnyam// chos kun de'i dbyings dang ldan pa// de bas khyod kyis bdag lung bstan// 'dod chags zhes sdang gti mug dang // gang gzhan gyi khams gang gsum po dag/ na mkha'i khams dang mnyam pa ste// de bas khyod kyis bdag lung bstan// 'khor ba dang ni mya ngan 'das// chos dbyings dang de dag mnyam// rlung gi khams dang chu dang me// sa rnams de ni khams ldan no// / phung po khams dang chos dbyings dang // mig la sog pa'i khams rnams dang // yid kyi khams dang // chos khams dang // de dag dbyings kun mnyam pa po// 'dus byas dbyings ni gang yin dang // 'dus ma byas dbyings gang yin pa// de dag chos dbyings gnyis med de// de bas khyed kyis bdag lung bstan// phung po rnams ni shes dang bral/ khams dang skye mched rnams kyang ste// ming la med cing gzugs la'ang med// nang na med cing phyi na'ang med// sgra gang dag gis rigs
- 309a
'gyur ba'i// thub pas bdag la lung bstan pa// ji lta bur ni sgra gsungs pa// de ltar bdag ni lung bstan to// gang gis bdag ni lung bstan pa'i// sems ni sangs rgyas mi mnga' ste// bdag la'ang yang dag byang chub tu// lung bstan rnams shes ma mchis so// ji ltar sangs rgyas bdag de bzhin// bdeg ltar bde gshegs de bzhin te// sems can kun kyang de dang 'dra// de bas khyod kyis bdag lung bstan// lung bstan 'di ni yang dag pa// de bzhin nyid dang ldan pa ste// yang dag mtha' la gnas pas ni// chos kyi dbyings las tha dad med// chos kyi dbyings las yang dag byung / nam mkha' lta bur ye shes rab// thabs la mkhas shing legs sbyangs pa// bcom ldan khyod la bdag phyag 'tshal// de nas bcom ldan 'das la rigs kyi bu rgyal ba'i blo gros kyis chos kyi dbyings dang tha mi dad pa'i tshig su bcad pa de dag gis mngon par bstod nas// bcom ldan 'das kyis zhabs gnyis la mgo bos phyag 'tshal nas// bcom ldan 'das la lan gsum bskor ba byas te/ phyogs cig tu 'dug go// tshe dang ldan pa sha ri'i bu 'jam dpal gzhon nur gyur pa'i rdzu 'phrul rnam par 'phrul dang / chos bstan pa rnam par 'phrul pa'i cho 'phrul las gang kho bos phyogs tsam zhig mngon sum du gyur pa ni de dag gis yin no//
- 309b
de bzhin du bcom ldan 'das kyis spyan sngar 'jam dpal gzhon nur gyur pa'i rdzu 'phrul rnam par rtse ba'i cho 'phrul dang / chos bstan pa rnam par 'phrul pa'i cho 'phrul ji ltar mngon sum du gyur pa dag phan tshun brjod do// de nas bcom ldan 'das kyis tshe dang ldan pa kun dga' bo la bka' stsal pa/ kun dga' bo la chos kyi rnam grangs 'di zung shig/ long shig/ lhog shig/ kun chub par gyis shig/ gzhan dag la yang ba rgya cher yang dag par shod cig/ gsol pa/ bcom ldan 'das bdag gis chos kyis rnam grangs 'di bzungs na/ bcom ldan 'das chos kyis rnam grangs 'di'i ming ci lags/ 'di ltar bzungs par bgyi/ bcom ldan 'das kyis bka' stsal pa/ de bas na kun dga' bo chos kyis rnam grangs 'di 'jam dpal gzhon nur gyur pa'i byin gyis brlabs rnam bar 'phrul pa dang / bdud dang phas kyis rgol ba thams cad chos dang mthun pas 'joms shing tshar gcod pa dang / dkon mchog 'byung gnas bstan pa dang / dkon mchog gis za ma tog ces bya bar zung shig/ bcom ldan 'das kyis de skad ces bka' stsal pa dang / 'jam dpal gzhon nur gyur pa dang / byang chub sems dpa' rgyal ba'i blo gros dang / tshe dang ldan pa kun dga' bo dang / byang chub sems dpa' de dag dang / nyan thos chen po dag dang / lha dang mi dang /
- 310a
lha ma yin dang dri zar bcas pa'i 'jig rten yid rangs te/ bcom ldan 'das kyis gsungs pa la mngon par bstod do// dkon mchog gis za ma tog ces bya ba theg pa chen po'i mdo rdzogs s+ho// @#/ rgya gar skad du/ Ar+ya bu d+ha b+hU mi nA ma hA han sU tra/ bod skad du/ 'phags pa sangs rgyas kyi sa zhes bya ba theg pa chen po'i mdo// sangs rgyas dang byang chub sems dpa' thams cad la phyag 'tshal lo/ 'di skad bdag gis thos pa dus cig na/ bcom ldan 'das gzhal med khang chen po/ rin po che sna bdun mchog tu 'bar bar bkod pa'i 'jig rten gyi khams dpag tu med pa rgyas par 'gangs pa'i 'od zer chen po rab tu byung ba/ gnas tha dad pa/ shin tu rnam par phye ba tshad med pa rnam par gnas pa/ rgyas yongasu ma chad pa/ kham sum las yang dag par 'das pa'i spyod yul/ 'jig rten las 'das pa'i bla ma'i rtsa ba las byung ba/ shin tu rnam par dag cing dang bsgyur ba'i rnam par rig pa'i mtshan nyid de bzhin gshegs pa'i gnas/ byang chub sems dpa' dpag tu med pa'i dge 'dun rje su song ba/ lha dang klu dang / gnod sbyin dang / dri za dang / lha ma yin dang / nam mkha' ljing dang / mi 'am ci dang / lto phye chen po dang / brgya byin dang / tshangs pa dang / 'jig rten
- 310b
skyong ba dang / mi dang mi ma yin pa tshad med pa rnam par rgyu ba chos kyi ro'i dga' ba dang / bde ba chen pos ston pa/ sems thams cad yang dag pa thob par byed pa nye bar gnas pa/ nyon mongs pa'i dri gnod pa thams cad dang bral ba dang / bdud tha mad dang yongasu spangs pa/ thams cad kyi bkod pa las lha pa/ de bzhin/ gshegs pa'i byin gyis brlabs kyis/ bkod pa/ dran pa dang / blo gros dang / rtogs pa chen pos nges par 'byung ba yin pa/ zhi gnas dang lhag mthong chen po yin pa/ rnam par thar pa'i sgo chen po stong pa nyid dang / mtshan ma med pa dang / smon pa med pa la 'jug pa/ rin po che pad ma'i rgyal po chen po yon tan tshogs tshad med pas brgyan pa'i bkod pa la brten pa ni bzhugs te/ legs par thugs su chud pa'i blo dang ldan pa/ kun tu spyod pa gnyis mi mnga' ba/ mtshan nyid med pa'i chos la mchog tu gzhol bar mdzad pa/ sangs rgyas kyis gnas pas gnas pa/ sangs rgyas thams cad dang mnyam nyid mnyes pa/ sgrib pa med pa'i rtogs pa thugs chud pa/ phyir mi ldog pa'i chos dang ldan pa/ spyod yul r-i gyis mi phrogs pa/ bsam gyis mi khyab pa/ rnam par 'jog pa/ dus gsum las mnyam pa nyid tshar phyin pa/ 'jig rten gyi khams thams
- 311a
cad du bzhugs pa'i sku dang ldan pa/ chos thams cad la the tshom med pa'i mkhyen pa mnga' ba/ spyod pa thams cad dang ldan pa'i blo mnga' ga chos mkhyen pa la nem nur mi mnga' ba/ rnam par ma rtags pa'i sku mnga' ba/ byang chub sems dpa' thams cad kyis ye shes yang dag par blangs pa/ sangs rgyas kyis gnas pa gnyis su med pa dam pa'i pha rol du phyin pa/ de bzhin gshegs pa ma dres pa rnam par thar par mdzad pa'i ye shes kyi thar phyin pa/ mtha'i dbus med pa'i sangs rgyas mnyam pa nyid thugs su chud pa/ chos kyi dbyings thams cad na mkha'i khams mtha' gtugs pa/ phyi ma'i mur thug pa de nyan thos kyi dge 'dun tshad med pa thams cad kyang cang shes pa/ sangs rgyas kyi sras/ sems shin tu rnam par grol ba/ shes rab shin tu rnam par grol ba/ tshul shin tu rnam par dag pa/ chos 'dod pa rnams bde bar 'phrad pa/ thos pa mang ba/ thos pa kun tu 'dzin pa/ thos pa sngags pa/ legs bar bsam pa sems dpa'/ legs par smras pa brjod pa/ legs par bya ba'i las byas pa/ shes rab myur ba/ shes rab 'gyogs pa/ shes rab rna/ bar nges par 'byung ba'i shes rab can/ shes rab che ba/ shes rab yangs pa/ shes rab zab pa chen po dang ldan pa/ shes rab rin po che dang ldan pa/
Colophon
dkon mchog gis za ma tog ces bya ba theg pa chen po'i mdo rdzogs s+ho/