de bzhin gshegs pa thams cad dgongs pa khro bo 'dus pa'i rgyud
Text
ff. 375a–388a · 27 folio sides
- 375a
'grub par 'gyur// bdag nyid sangs rgyas yin shes na// rgyud lung 'di la su gnas pa// 'grub 'gyur 'di la the tshom med// chos nyid don bstan sems mi 'gyur// yin par yid ches skyo du ba med// nges par shes pas btsal mi dgos// nan tan btar bas gdod nas dag/ byang chub sems la lhan ne ba/ bsgom du med de 'gyur ba med// btsal du med de spang du med// de la bgrod du ka nas med// sangs rgyas bstan pa'i bka' rnams kun// don du ma gyur gcig kyang med// de bas ma nor nges pa'i bka'// sangs rgyas 'dus pa'i rgyud 'di ni// 'di ni gzhan la bstan pa bas// snod med rnams la ba shad pa na// ltung ba'i nyes pa brjod mi lang // de bas bde gshegs dgongs pa'i don// sems kyi gting du rang rgyas gdab// ces bcom ldan 'das chos thams cad kyi rang bzhin brjod pa med pa nyid du brjod de/ skye 'grag gnyis su med par gyur to// de bzhin gshegs pa thams cad kyi dgongs pa 'dus pa'i rgyud las/ skabs bcu bdun pa'o// / / bde gshegs rgyal ba'i dgongs don khro bo 'dus pa'i yang snying rdzogs so// / rgya gar
- 375b
skad du sarba ta thA ga ta swa b+ha ba kro d+ha ta tha tan+ta nA ma/ bod skad du/ de bzhin gshegs pa thams cad dgongs pa khro bo 'dus pa'i rgyud ces bya ba/ bcom ldan 'das dpal kun tu bzang po he ru ka la phyag 'tshal lo// de nas bcom ldan 'das chos thams cad kyi rang bzhin de kho na nyid/ ye shes chen po'i ngo bo/ sku gsung thugs lhun gyis grub pa/ rdo rje'i bdag nyid/ ye shes thugs rje'i rol pa/ gnyis su med pa'i thig le/ yongs su bkod pa'i snying po/ thams cad du khyab brdal te/ mi skye mi 'gag nam mkha'i ngo bor ye nas sangs rgyas pa/ cis kyang btsal du med pa/ mi 'gyur ba 'gyur ba med pa/ mi bcos pa bcos pa med pa// mi snang ba snang ba med pa/ ma grub pa sgrub tu med pa/ gnyis su med cing tha mi dad pa/ thams cad du so so ma yin pa'i sangs rgyas de nyid/ nyid la nyid gsung du med pa'i dgongs par chos thams cad 'dus par gsungs te/ chos thams cad brjod du med cing brjod pa las 'das pas/ 'das pa'i sangs rgyas thams cad ni chos nyid ma skyes pa'i rang bzhin du 'dus so// chos thams cad bsam du med cing bsam pa las 'das pas/ da ltar gyi sangs rgyas thams cad ni byang chub kyi sems
- 376a
bde ba chen por 'dus so// chos thams cad 'gyur ba med cing 'pho 'gyur las 'das pas/ ma byon pa'i sangs rgyas thams cad ni yid rang byung gi ye shes btsal ba med par 'dus so// dus gsum gyi sangs rgyas thams cad mnyam pa nyid spros pa med pa'i thig le chen por 'dus so// de nas phyogs bcu dus gsum gyi sangs rgyas thams cad kyi rang bzhin de/ mtshan ma dngos po thams cad la ye nas 'di 'dra bar grub cing rtag pa med la/ thams cad chos nyid du sangs rgyas pas stobs shing chad pa ma yin te/ thams cad chos nyid bde ba chen po'i ngang du sangs rgyas pas/ skye 'gro ming dang gzugs tha ma sU cad ye nas phyogs dang ris/ dbyibs dang kha dog/ gang du yang grub pa med de/ thams cad ye shes chen po'i rang bzhin du sangs rgyas te/ chos kyi sku'i rang bzhin gnyis su med pa'i byang chub sems/ ye nas sus kyang ma byas ma btsal ba'i don/ nam mkha' bzhin du ye nas gnas te/ ji ltar 'dul ba'i don la ji bzhin par gnas so// de yang sems kyi mtshan nyid so sor 'dzin pa'i don gnas skabs kyis mdzad de/ yang dag par na sangs rgyas kyi sku gsung thugs kyi mdzad pa ni/ chos kyi
- 376b
sku dus gsum du 'pho 'gyur med pa/ ma bcos pa'i chos nyid/ ma bslabs pa'i ye shes/ thams cad byang chub sems kyi rang bzhin du sangs rgyas par mdzad byang chub kyi sems cir yang ma yin pa nyid/ rang bzhin du lhun gyis grub ste btsal ba med pa'i dgongs par 'dus so// mi zad pa rgyan gyi 'khor lo// sku gsung thugs chos sku 'gyur ba med pa/ brjod du med pa gsung mi mnga' ba/ rnam par mi rtog pa'i ye shes kyi dgongs par 'dus so// chos nyid dus gsum du 'gyur pa med de/ dbus dang mtha' mi dmigs pa/ spros bral ye shes kyi snying po/ sems kyi rang bzhin cir yang mi snang zhing / cirare yang mi 'gyur ba'i dgongs pa dang lhun gyis grub par gnas pa la/ byis pa'i spyod pa lta bu byar med de/ ma spangs rtogs pa med par longs spyod pas/ skyon med bde ba chen po zhes bya ba'i dgongs pa dang / chos thams cad sku dang ye shes kyi rang bzhin gyis/ sems nyid dkyil 'khor chen por lhun gyis grub pa'i dgongs pa dang / skye ba med pa'i chos kyi dbyings las sems kyi dbang sgyur bas/ rang rig pa'i btsal dbang thob pa'i dgongs pa dang / chos thams cad nam mkha' lta bu la bsrung ba dang mau bsrung ba'i
- 377a
phyogs dang bral ba ste/ don chos nyid nam mkha' lta bu las mi 'da' ba'i dgongs pa dang / dngos grub chen pos rang gi sems nyid de/ ji ltar dmigs shing bsgyur bas 'grub pa/ bsgyur ba'i don thams cad rdzogs pa'i dgongs pa dang 'phrin las rnam pa bzhi la sogs pas gang la 'dul bar ston pa ni/ sangs rgyas kyi 'phrin las thams cad rdzogs pa'i dgongs pa'o// de lta bas na dus gsum gyi de bzhin gshegs pa thams cad kyi thugs kyi dngos gzhi ma bcos pa'i de kho na nyid du 'dus/ khams gsum du dus gsum gyi sems can thams cad kyi sems kyang de kho na nyid du 'dus/ 'jig rten gyi dregs pa can thams cad kyi srog kyang dngos gzhi ma bcos pa de kho na nyid du 'dus pa thams cad kyi dgongs pa 'dir 'dus so// de la ched du brjod pa ni/ e ma ho/ sems nyid kun tu bzang po yis// byas pa med par sna tshogs 'gru ba// ma brjod sgra skad cir yang sgrogs// ma spyod rol pa rgyan du sha ra// srid gsum rnam ngag lhun gyis grub// kun la khyab pa'i nam mkha' ste// sna tshogs 'byung ba rig pa'i gter// gting dpag dka' ba rgya mtsho'i klong // bde gshegs dgongs pa 'dus pa bshad// ces gsungs so// de bzhin
- 377b
gshegs pa thams cad kyi dgongs pa khro bo 'dus pa'i rgyud las/ le'u dang po'o// // de nas bcom ldan 'das chos kyi rang bzhin de/ shes chen po'i rol par shar bar mkhyen nas/ sku gsung thugs mnyam pa nyid mi dmigs par mdzad de ched du brjod pa/ ma nor ma bcos de bzhin nyid// mi gnas mi rtog bsam dang bral// ma chags chags bral yul las 'das// cir yang ma yin cir ma yin// rang byung rang zhi brjod dang bral// rnam par mi rtog ye shes kyis/ rtog pa'i dngos po zil gyis gnon// stong pa'i go cha bla na med// skye med sems nyid yi dam lha// zhes gsungs so// de nas yang ched du brjod pa chos sku skye 'gag med pa las// ye shes chen po rol pa'i sku// dngos med rtog pa zil gyis gnon// mthing nag zhal gsum phyag drug ste// rnam par thar pa'i dbu gsum gyis// srid pa gsum po sgrol bar mdzad// pha rol phyin drug phyag mtshan ni// 'khor lo ral gri rdo rje dang // be con ga tu na shing sdigs mdzub 'bar// rgyud drug gnas pa'i log lta sgrol// tshad med bzhi dang rdzu 'phrul rkang // skyo ba rnam bzhi stong bdag med// glang chen ko rlon gos su gyon// zhing lpags g.yang zhi ya
- 378a
bas bskor// stag gi pags pas sham thabs byas// skam sngon thod pas rgyan du byas// rigs bzhi'i klu dang sa bdag gnyan// dregs pa brgyad po phyogs mtshams bsnol// ma he glang po brdzis pa la// nyi zla pad+ma'i gdan la bzhugs// sems nyid yi ge'i rang bzhin te// rgyal ba'i sku nyid yin par bshad/ khyab bdag ye shes lnga yi bdag/ dbu la rdzogs pa'i rigs lnga'o// yum ni dmigs med chos kyi dbyings// gnyis su med par skul gnas// oM ya man ta ka hUM/ 'di ni gsang sngags rgyal po ste// khro bo de nyid 'bar ba yin// a kro te ka ya man ta ka/ skye me ye shes khro bo'i sku// ga shin rje gshed po ba geg/ kyi rgyal/ 'gyur med rdo rje'i sku ru 'gyur// kra sha ka la ru pa/ nag po chen po 'jigs byed gzugs// 'gag pa med pa rdo rje'i gsung // hriSh+Na ya ma ya/ mi rtog yi shes chen po'i ngang // rdo rje'i thugs nyid bstan par mdzad// rtog med rang bzhin 'od gsal lo// chos kyi dbyings las ngo bo'i sku// ga shin rje gshed nag lhun gyis grub// hri badz+ra kro d+ha ha ya gri ba pad+ma ta krid ra ga tsan d+ha/ chos rnams ma 'dres so sor rtogs// 'du shes phung po pad+ma'i gsung // ha ya gri brta mchog dpal//
- 378b
chags med sku mdog dmar po la// spyi gtsug rta mgo ljang khu 'tsher// bde gshegs gsung gi ngo bo nyid// badz+ra pa ni tsaN+Da ma hA ro Sha Na/ chos rnams me long lta bu yi/ rnam shes phung po rdo rje'i thugs// lag na rdo rje khro bo'i rgyal// bai DUr sngon po'i mdog 'dra la// khros pas mthing nag 'jigs pa'i sku// bde gshegs thugs kyi ngo bo nyid// badz+ra kI li kI la ya pa ra pi da ta na/ bya ba thams cad grub pa yi// 'du byed don grub rnam pa ni// las kyi rgyal po he ru ka/ badz+ra ku ma ri yi sku// ljang nag chen po 'jigs pa'i sku// bde gshegs 'phrin las ngo bo nyid// ye shes lhun gyis grub pa ni// phyag rgya rdzogs pa'i rgyal po'o// ma bcos mi 'gyur chags pa med/ kun 'byung bya ba byed pa yi// rigs kyi bdag po kun 'dus pa// sku lnga lhun gyis grub pa'o// dpral bar gyad gnon khyung gnyis kyi// spu dang gshog pa mtshon cha me// khyung gi kha nas lha 'bab pas// gdug pa gzir dang rlag par byed// seng ge ral pa sprugs pa gnyis// kha nas rdo rje mang po 'phro// bar mtshams med par gdug pa 'joms// stag chen rnga ma zhing mtshong ba gnyis// kha nas rol gri 'bar ba 'phro// ma lus gshogs dang 'thub par mdzad// sgra la gdug
- 379a
'bar ba nag po la// kha nas me 'bar 'tshub cing bsreg/ lce spyang mthing skya 'bar ba la// zhal nas lcags kyus 'gugs shing sgrol// thams cad zil gyis gnon pa ste// rang snang dbyer med rdo rje'i sku// rnam dag bsod nams rgyun gyis brgyan// dpe byad 'bru bkod pa ltar mi ngoms// sku lnga mchog ste khyod/ la 'a // rnam par dag pa nam mkha'a'i debyings// ci gsung sna tshogs sgra rig mkhyen// bsam 'das brjod med rdo rje'i gsung // gsung lnga mchog de khyod la 'dud/ rdo rje gsang ba nam mkha'i thugs// mnyam nyid mi g.yo so sor gsal// kun rig snying po ye shes mchog/ thugs lnga'i mchog la phyag 'tshal 'dud// yid bzhin nor bu chen po ste// mkhyen pa'i ye shes rang rig 'bar// mgon po yon tan bsam las 'das// lhun gyis grub mdzad khyod la 'dud// mi mdzad pa nyid mdzad pa che// ma chags chags bral 'dod chags mdzad// thams cad ma lus sgrol ba yi// 'phrin las mchog la phyag 'tshal 'dud// ces sku gsung thugs yon tan 'phrin las lnga rang la rdzogs shing ched du rang la bstod pa mdzad do// de bzhin gshegs pa thams cad kyi dgongs pa khro bo 'dus pa'i rgyud
- 379b
lasale'u gnyis pa'o// / de nas bcom ldan 'das chos thams cad se nas lhun gyis grub par mdzad do// e ma ra baM laM/ zhes ched du brjod do// e stong nyid ye shes rdo rje'i sku// nyon mongs zhe sdang 'joms mdzad pa// nam mkha'i rang bzhin rdo rje nyid// cis kyang mi chod mi shigs pa// gdong nas ma skyes sems nyid do// yaM gyis ye shes las byung ba// gtume khro phrag dog 'joms mdzad pa// sra mkhregs deng tshe rnam rtog 'thor// raM gyis ye shes las byung bas// sred 'dzin 'dod chags 'joms mdzad pa// kun tu me 'od 'bar dang 'phros// 'du klong 'khyil bas 'khrigs pa'o// ba gyis ye shes las byung ba// dregs pa'i nga rgyal 'joms mdzad pa// chu rgod sbyin thang 'khrugs pa yi// mtshan ma'i rtog pa 'joms par byed// khaM gyis ye shes las byung ba/ rmongs pa'i gti mug 'joms mdzad pa// sra mkhregs brtan pa rdo rje che// rdo rje 'od dpung 'khrugs pa yis// rmongs pa'i mun nag chen po 'joms// 'byung ba chen po bcom ldan 'das// kun la rang bzhin gnas bde// lhun gyis grub pa'i ye shes kyis// gur ram rab spyil bu'i tshul// cis kyang mi tshugs cis mi
- 380a
shigs// 'byung ba lus kyi dkyil 'khor ni// ye shes chen po'i rang bzhin gyis// rdo rje go cha rab tu sra// skye med nam mkha'i cho 'phrul las/ 'gag med 'byung ba lhun gyis grub// thams cad skyed pa yum nyid klong // rten du gyur pa sku dang gnas// sna tshogs 'byung ba rig pa'i gter// nyon mongs 'joms pa ye shes te// rnam rtog gcod pas 'khor lo'o// gcod dang 'dra bas mtshon cha yin// snang tsam nyid na rang bzhin med// bden pa dbyer med nam mkha'i ngang // snang srid sku gsung thugs nyid de// de yi rang bzhin de nyid do// zhes gsungs so// de bzhin gshegs pa thams cad kyi dgongs pa khro bo 'dus pa'i rgyud las/ le'u gsum pa'o// // de nas bcom ldan 'das ye shes chen po'i rol pa/ yi ge rnam par 'phrul pa sku gsung thugs rdo rje brjod pa/ gsang sngags don ni lam yin te// skyob par byed pa las su 'gyur// de phyir skyes bu chen po'o// thugs las mgur gyi bum pa dri la// zla kham dkyil nas ljags rtse bkram// zhal dang sku yi rnam pa las// kun la khyab par shar ba po// sku dang gsung thugs lhun grub pa'i// 'phrin las rol pa chen po ste/
- 380b
bde gshegs spyi dril snying po'o// thog mar 'byung ba'i yi ge lnga// mkha' ltar dag pa sems nyid dbyings// chos kyi 'byung gnas chen po ste// drag po dbang sdud yi ge dag/ gsang sngags rgyal po dbu la bzhag/ g.yo ba rlung la sreg pa me// sdud pa chu yin sla brtan so// 'byung lnga'i dbyangs nas blangs nas kyang // gsang sngags 'phreng ba'i gral la bzhag/ kun gyi mchog tu gyur pa ste// khong nas 'byung ba'i yi ge dang // skyes bu can gyi rang bzhini dang // de bzhin snyan dang shangs dang tshems// 'byung ba'i yi ge klod pa'i 'bru// sna ldan yig 'bru gral gnas pa'o// de 'og 'gyur gyi yi ge lnga// bya ba'i ye shes khyab byed dang // don du 'gyur dang gnas pa yi/ 'dzin pa med pa'i sgo dag go/ de 'og char po med pa dang // rgyu rkyen med dang rkyen dang bral// bslang ba med pa'i yi ge'o// dbyangs dang sgra yi dbyings nas blang / de 'og sku yi yi ge yang // gshin rje gshed nag thugs las bslang // de bzhin gsung gi yi ge yang // gsod byed rngam tshon thugs nas blango // thugs kyi yi ge 'phreng ba de// rdo rje 'jigs byed thugs nas blang // rim pa bzhin du gral la gnas// de 'og gsum tshan gsum yin te// gnad dgu 'joms pa
- 381a
gral la gzhag/ gsang sngags rgyal po brgyad gnyis so// pad+ma 'khyil ba'i ga'u nas// blangs te gral la gnas pa'o// thugs kyi yi ge 'bru bcu ste/ rdo rje gtum po'i thugs las blang // de 'og zil gyis mnan pa ste// 'bar ba bya khyung thugs nas sprul// de 'og gsang sngags 'bru brgyad de// gshin rje'i rgyal po las kyi bdag/ 'phrin las thams cad byed pa'o// de rjes 'phrin las rdzogs pa'i sngags// las mchog rgyal po'i thugs las blang // mthar ni mtshon cha me dpung sngags// 'dren pa stobs kyi drag sngags te// gsang sngags rgyal po brgya dang bcu// sngags kyi yan lag bzhi ldan pas// gsung gi cho 'phrul sgra bsgrags pa// sku bskyed srog gi ngo bo dang // bsgrub dang thugs dam bskul ba dang // bsrung dang bsad pa gnang la dab pa// yid bzhin nor bu lta/ bu yi/ me lus 'dus pa'i thig le'o// de bzhin gshegs pa thams cad kyi dgongs pa khro bo 'dus pa'i rgyud las/ le'u bzhi pa'o// / de nas bcom ldan 'das ye shes chen po'i rol pa 'phrin las rnam par 'phrul pa brjod pa/ stobs bcu pha rol gnon pa yis// 'khor lo rim pa re mig bcu// bcu
- 381b
phrag bcu gcig khang mig can// bde gshegs khro bo 'dus pa yi// drag po sngags kyi grong khyer yin// thog mar nam mkha' rdo rje 'phreng // gnyis ni 'thor byed rdo rje la/ gsum pa 'bar byed rdo rje yin// bzhi pa sdud byed rdo rje la// lnga pa sra byed rdo rje'o// drug pa skye med rdo rje yin// bdun pa rdo rje spyan du bshad// brgyad pa snyan la dgu bshangs// bcu pa rdo rje 'bar ba tshems// yi ge 'phreng bas brgyan pa'o// mtha' nas dbus su sdud pa'i tshul// 'khrul 'khor rgyal po rnams ma ste// srog dang snying po ldan par bya// thams dang gzir dang ldan pas ni// sred med bu yang 'joms par byed// dregs pa gzhan lta smos ci dgos// dbus nas mtha' ru skyel ba dag/ las kyi 'khrul 'khor bzlog pa'o// lha rnams gnad la dbab pa'o// phyi dang nang du 'gro ldog lho// dkrug pa ar la gtad pa yin// mu mtha' 'khor 'das dral bar byed// shis bstan pa zhes su brjod// rdo rje nas ni tshems kyi bar// 'bar ba'i 'khor los thub par byed// gsang ba bka' yi 'khor lo 'di// bde gshegs rgyal bas mi theg na// bdud dang mu stegs la sogs pa// 'jig rten gzhan lta smos ci dgos// 'khor lo'i rgyal po 'di dag gis// bsrung dang bzlog dang gshig/
- 382a
pa dang / gsad dang stobs gnas gshed du dbab// dbye dang dral ba la sogs pa// las rnams ma lus 'grub par byed// de bzhin gshegs pa thams cad kyi dgongs pa khro bo 'dus pa'i rgyud las/ le'u lnga pa'o// // de nas yang bcom ldan 'das rol pa chen po'i 'phrin las/ gdug pa 'dul ba'i rnam par 'phrul pa ched du brjod pa/ bdi gshegs spyi dril dgongs pa ste// sde brgyad kun gyi snying po yin// srin po gdug pa la sogs pa// mu stegs dregs pa rdzu 'phrul can/ lha srin drags pa ma lus 'joms// bram ze don sngags la sogs pa// thams cad zlog cing gshig pa ste// rdo rje nang 'gras stobs 'joms pa// drag po sngags/ rgod las mchog 'di// yid 'ong bkra shis nyams dga' bar// dpa' brtul ldan pa'i sngags pa yis// mi shis pa yi sa gsum la// drag po las kyi maN+Dal bya// e nas bang rim gsum du bya// rdzas kyi rim pa 'di dag go// rten ni ling kha ra rog dang // srin rdo cha la rten bcas te// las rnams so sor bya ba yin// gang yin brnag pa'i rdzas blangs te// dbang po dod cing tshad ldan pa// ming rus snying po gdab par bya// tsa ra rog po dmigs pa'i rten// g.yas su pho brgyad bris la gdab// de bzhin
- 382b
g.yon du mo brgyud do// spyi bor sngags pa bris la gdags// tshon gyi thag pa sa bcings pa dang // mgo dang g.yas g.yon rim par bra ba// ka ra bi ra bal po se'u// bya ma su rgya dza las bdug/ srin tsha da ka ra nag drag po'i mtshon// khrag dang dug chus ngar blad la// gang dgos phye la dus su brdeg/ gang gnod sa nas rdzas blangs la// gzugs bca' ming dang ling kha bri// zhing lpagasu rgyal drag sngags kyis// 'khor lo bris po'i khung du gri la// mon nam phag pa'i thod par mnan// gri lcags shir shing phur pa la// sme ba'i khrag gis ngar bla da brdeg/ gang yin pa de der dmigs la// zhag grangs gsum du smod pa dbab// gsal ba gsum dang ldan pa yis// sras mchog phur pa snying la gdab// dka' bar gyur na bdun bdun brdeg/ thon nas ling kha mchod rten nam// mgon po byin can 'og tu mnan// zhe sdang drag sngags 'di dag brjod pa'o// che ge mo tri a kar sha ya dza/ snying la dun dun dza/ a mu ka myags rbad/ trig nan myog rba da/ u nan shag rba da/ sUr nan thum ri la rbi da/ e hu ra thums dza/ breng she ga ra ya rbad e/ na ga srog breng breng dun dun dza dza e ya ma du ra tsa nas/ ming dang rus su brdeb par bya// gsad pa las kyi spu gri 'di/
- 383a
bde gshegs nus pa dril ba'o// che ge mo trig nan/ rmi hur thums dza/ dri mar sarbad / dri ma ra ya thums ril/ mA ra yarbAd/ ar+tha ka sta ba ya ru badz+ra rag sha ma ra ya phaT/ ya mu ka tri ga nan/ e hur thums dza ma ra la rbad/ ma ra la thums ril mar ya rbang / drag sngags nus pa dril ba'i mchog/ 'phrin las kun gyi rtsa bar gsungs// de bzhin gshegs pa thams cad kyi dgongs pa khro bo 'dus pa'i rgyud las/ le'u drug pa'o// // de nas bcom ldan 'das rol pa chen po'i 'phrin las/ dregs pa can gdul ba'i rnam par 'phrul pa brjod pa/ mi rtog dbyings las sku bzhengs pa// bcom ldan dpal chen gshin rje gshed// mthing nag chen po 'jigs pa'i sku// dbu yi gtsug na 'bar ba khyung // phyag g.yas dregs pa lha ma srin// sde brgyad spyi yi rang bzhin te// / las kyi gshin rje mgo dgu pa// phyag g.yon dregs pa de yi yum// lha mo nag mo dbu bdun ma// spyan ni sdang mig kun tu blta// zhal nas ha ha zhes sgrogs pa// rdo rje'i sku dang yan lag rnams// klu rigs du mas brgyan par mdzad// chags med pad+ma ra ga'i mdog/ dbang gi rgyal po spangs bstod de// rdo rje drag pos brjid pa
- 383b
po/ 'phrin las rdzogs mdzad he ru ka/ gru gsum mthing nag 'bar ba'i dbus// bskal pa'i me dpung 'bar ba yi// gnyis med rol pa'i byang chub sems// sngags kyi 'phro 'dus gdug pa 'dul// dregs pa gzigs dang byas pa bshig/ zhen pazlog gnas spor zug par byung // bcings dgrol sde brgyad dkrug pa dang / rang ga shweng rang la dbab pa'o// zhes gsang sngags 'di dag 'thon te/ o a kro te ka ya man ta ka shri man dzu ka la ru pa/ hI tri mu kha ye/ a che ge mo a/ i che ge mo I/ u che ge mo u/ u ne u ne u na/ u u u/ sing nga ya/ bya tsa ye/ du ru ye/ tsi ta ya/ byi ta ya/ ha la ye/ che ge mo tig nan/ e hur thums dzAche ge mo myags thu ma ri la rba da/ e ka he tri ma he ka/ tri yaM he ka/ tsa dur thar ka/ b+hi sa ma dza ni dza sang ka ra ya hUM phaT/ ba shig pa'o// ya ma he sarba bu ya tsi ta sarba duSh+Ta nau u u/ rbad pu ma ma khas srog tsa hu ra thum sa dun te b+h+yo/ du na ma ma b+h+yo b+h+yo/ yu ne u ne u ne/ staM ba ka ya mA ra ya phaT/ bzlog pa'o// ha ya ma ma dza ra ma ma dza dza tig/ tsa ga mi su nan dun/ dza dza tri tra tsa yag sha rbang tshi la/ bu dun hai ya ma snying ta ma/ hu ra hu ra dza dze/ s+pho b+ho sho mo rbad pu tsa du bya ni/ ma na ya/ ma snying khrag du
- 384a
s+t+rI b+h+yo/ myags myags rbad/ sarba du stan li tri phyung / bi ti phyung phu phaT/ phyung phyung / dbyung ba'o// sarba big nan thum gzir rbad/ tsi ta yam rba da/ mi shig thi shig/ ku du na da du na b+h+yo/ du nad+h+r-i sha b+hi ma rbad stig sna b+ho/ dgol ba'o// yag sha snying kha rag dun du na/ rba da ru tra ra tra ma trang srog tri/ ma tra ru tra srog ma marba da/ nag po tsi ta snying kha ra ga b+hi sa ta dun du na rbad/ d+hId ni b+hi sa ma srog dun dun d+h+ri ga nan/ ma ha ra dza du na du na rbad/ ra tsa ha ti dun rba da/ tri dza ba la a shug me sro/ tri ga nan/ ra tsi thu ma ri la rba da/ tri tsa ran du na du na rba da/ he le hu le baM ril du narba da/ srog tri ga na narba da/ badz+ra sa du ru tra du na du na rbad/ badz+ra sa du a tri du na dunA rba da/ a ka sha a tra snying kha rag du na du na rbad/ a tra tsi tra srog ma ra yang rbad/ tri na nan/ ru hu la ma ra tsa sha thum ril rtsa ba ti ra hu la bya sha mi ka mar sha prog dun dun trig na na/ du brag ni ro na ro ma du sro ga sa tri ga rba da/ ru lu ru lu/ thum ri la rba da/ e du na sa nan/ dza ram sad ka ra ya/ ma ma ra ya rba da/ thun gzir thun b+h+yo/ rag mo ru lu tri mug/ du na dun rag mo ru lu tri mug che ge mo ma ra yarba da/ khung tra dun dun k+She ma na g+hi ga nan/ shong khra ma ro ni ma ra ya rbad/ tra ga ma ma yag sha kha rag ru ru
- 384b
tri dun du na rbad/ ma ma lhag zhug/ ma bdun srog trig nan/ rbang thum ril/ dkrug dang ma btang gA shig la sogs// rang gshed dbab pa las kyis so// rgyal ba dgongs pa 'dus nas yang // spu gri mngon par brjod pa'o// bsde bas kyi rgyal po las kun byed// yang na rang gnas sto bas gshig pa// 'khor lo nyid kyis byed pa yin// ga deng chen gsum ldan dpa' bo yis// thams cad 'khor lo'i dbang du bskur// ces gsungs so// de bzhin gshegs pa thams cad kyi dgongs pa khro bo 'dus pa'i rgyud las/ le'u bdun pa'o// // de nas bcom ldan 'das rol pa chen po'i 'phrin las/ drag po rnam par 'phrul pa brjod pa/ drag pos bsad pa'i las kyis ni// gnyen gnyis gdug pa brag nag mtsho// srin po 'du dang gcan gzan gnas// phung shul dag tu bsgrub pa brtsam// drag po 'ab ra ba'i maN+Dal la// dam khrag dag gis byug par bya// a mu ka yi rdzas drug la// dug dang bsnol khrag khA ga shog pa// mi rkang she zan sgro rtsa yis// 'khor lo ling kha bri bar bya// dur khrod ro yi gos la shis// e gnas gdug pa'i mtshon gyis bskor// nang du mon na ma rabs chad mgo
- 385a
ling kha byad thag gdar ba ni// 'khor lo dong rtsa nga mkha' la lding // ma ra ya yi ling kha la// yig 'bru sum cu rtsa gnyis te// 'chi bdag gshin rje'i drag sngags rnams// lus gnad rtsa yi nang na gnas// des bskul gnas bzhi 'khor ba yis// rtsa bzhi bcad pas las su 'gyur// stong nyid ngang la gshin rje gshed// sangs rgyas thams cad 'dus pa'i sku// rigs kyi bdag po lnga ldan pa// rdzogs par rang bzhin lhun gyis grub// ya shes dkyil 'khor spyan drangs bstim// rang snang dbyer med rdo rje'i sku// rdo rje sku lnga'i thugs kha nas// rang rang thugs mtshan yig 'bru la// rang rang sngags kyis bskor ba ni// byang chub lam gyi sgron ma yin// nag po dug gi mtshon cha yin// gr-i lcags shri shing phur pa la// sme ba'i khrag gis ngar blud de// gu gu le nyungs kar la sogs pas// gzi brjid 'bar bar bya ba ni// sras mchog ya ma ra dza ste// ska stong khro bo chen po la// ral gri'i skra la phur ba'i so// spyan gnyis ma yi tshe tsha 'phro/ lag na ral gri sdigs mdzub 'bar// smad ni lcags phur zur gsum pa// mthing nag 'bar ba 'jigs par bsgom// de yi gsang sngags rgyal po
- 385b
'di'o// ya ma ra dza d+hi kri ra ya/ las kyi gshin rje thams cad kyi// srog gi ngo bo bsrung ba po// rtsa ba drug po'i gsang sngags la// spu gri nyi ma bzhi pa yi// tshangs pa la sogs gnas rnams bod// 'khor lo rang gi rgyud las ldang // ya ma ra dza sa to ma ya/ bra ma ya che ge mo klad khrag a mu ka myagasarba da/ ya mo to mu ru na yo da ya/ rag ta tsa ra ya che ge mo mgrini khrag trig nan myig sarba da/ ya ta yo ni ra ya k+She ya/ mu ra tsa ya che ge mo lte khrag u nan sha ga rba da/ ya k+She ya tsa ni ra ma ya ma ra ya che ge mo'i snying khrag s+phur nan/ thum ril rba da/ nyi ma bzhi ru grang ba ste// thun du sngags kyis ba ra bar bral// nri ma sa ra ya/ ma ru du/ ya ma snying ya ma khrag che ge mo'i srog rtsa nr-i hur thum dza/ breng shA ga raM yaM rbad e/ lnga ru las kyis sbyar bar bya// mtha' btul la bcu gcig go// thun gyis 'bru gsum thun rdzas khrag/ mtha' ru phur ga dab gzigs byas te// ral pa tshar dgu'i lag tu gau ta // lho phyogs 'on khung snying pa 'am// yang na ba ka ba sten byin can no// byang du kha bltas chu brag 'thab// rgya gram lam lam 'jigs par gnas// don yod grub pa'i pho brang gdab// 'khor los mtha' las btul ba
- 386a
yin// srog la ming rus bstan la gdags// zhag grangs gsum gyi bar dag tu// ling ga gsum la rim pas brab// ltar na las 'di grub pa yin// skad chen 'byin na drag tu brnag/ tha mar dgra bzlog chen po bya// ra bsgral khrag la zor byas 'phang // snying ga shags nang du ling+ga gzhug khar rtswang 'on khung dag tu mnan// yang na klu gnas sa ru mnan// brnag pa las kyi thus kha ste// bya ba sngas na dus min pas// bde gshegs bka' yi chad pa yis// rang gi rgyud kyang phung byas nas// rdo rje dmyal bar 'khyam par 'gyur// bde gshegs sras mchog phur pa de// dngas ma 'dus pa'i srog rten la// dkar gnag mtshams su mar ya// dngas ma 'dus pa rtsa bzhi mdo// tsit+ta sgrog gi gzhi la gdab// 'od zer zer la kha 'dus bzhin// phur ba nyid la 'dus pa las// khong sang byang chub sems brgyud nas// spyi bor phyung ste rang la bstim// tshe bkrag rang la bsdu ba'o// de ltar bstan pa'i ling+ga ste// mnan nam yang na bsreg par bya/ de yi gsang sngags bstan pa 'di'o// ki li ka la ya tri ga nan/ snying gzer skur nan/ nri hur thums dza/ myags thum ril rbad ya/ gnod gdug rnam
- 386b
gnyis gang yang rung // btab na lha yang rlag par byed// ces gsungs so// de bzhin gshegs pa thams cad kyi dgongs pa khro bo 'dus pa'i rgyud las le'u brgyad pa'o// // de nas yang bcom ldan 'das rol pa'i 'phrin las rdzogs par brjod pa/ chos dbyings skye ba med pa la// ye shes rol pa'i thugs rje yi// ye nas chos rnams skye med las// rtog pa'i dbang gis sdug bsngal ba// de dag bsgral bar bya ba'i phyir// 'phrul pa'i tshul du 'phrin las so/ bde gshegs nus pa dril ba yin// gsang sngags rgyal po 'di nyid kyis// 'dod pa'i don kun bsgrub pa'o// ba zlog dang drakrug cing dral byed pa// 'di dag las kyi mtha' dgag ste// gcod pa'i spu gri ldan pa yis// 'byung ba lnga yi lus ngag yid// bla gnas dgu 'joms tshul du bya// ma yengs srog gi ting 'dzin pas/ bdag nyid sku lnga'i rang bzhin du// ye shes lha yi tshogs kyis gang ba yin// ting 'dzin dkyil 'khor mtha' yas mchog/ las su rung ba'i rnal 'byor pa// de yis mi 'grub gang yang med// ting 'dzin klung du su 'dris pa// bde gshegs rgyal ba de yin pas// sangs rgyas zhes pa gud na med// bstan pa stobs su gyur
- 387a
pa yin/ bka' don la sa dang mtshan ma dang // 'dod dang log pa dam nyams pa// gnod sbyin gyur pa bsgral par bya// bden par don nyid ma mthong bas// lus ngag yid kyi 'du byed kyis// lus dang sems su snang ba'o// 'byung ba lnga la rten bcas nas// nyon mongs 'khrug pa snang ba dag/ rang las 'byung ba gshed du dab ba// e ya ra bau laM/ 'byung ba gshad du dbab pa'o// ra ka de ba mo ha/ dug gsum gnad la dbab pa'o// ra ka de ba sha mo he na ma hi ri sho b+h+yo/ dug lnga ga na da la da ba ba pa'o// ka ya ba ga tsat+te/ rbad rbad thum ril thu ma ri la/ chung chung sad sad rba da nan/ srog la thum ril b+h+yo nri dza rba da nan/ staM pa ya nan/ gsum drug dgu yi thum ril gyis// lus ngag yid gsum gcod par byed// spyi dang bye brag so so yis// sde brgyad la sogaso dregs pa la// rang rang gshed du dbab pa'o// rig sngags la sogs gzhan gyis byas// gshig dang gshed du dbab pa dang // ngag mAn na nus stobs dgra la la sogs// rgyan dang ldan pa las rim sbyar// dus gsum bde gshegs thams cad kyi// dgongs don khro bo 'dus pa yi// 'byung ba ye nas lhun grub pa'i// lus kyi rnam
- 387b
par snang ba 'di// rtog pa'i dbang gis 'dzin pa la// 'khrul pa'i dbang gis dngos por snang // dngos med ye nas mngon sangs rgyas// ye nas rgyal ba'i dkyil 'khor yin// rtog mang ye shes gzhal yas khang // rdo rje phung po yan lag rnams// ye nas lhun grub rdzogs sangs rgyas// sku lnga'i rang bzhin ye shes sku// skyed pa mi dgos rang bzhin gnas// bde gshegs sku gsung thugs su rtogs// rgya mtsho dngas pa'i gza' skar ltar// snang la rang bzhin med pa'o// thugs ni ye nas stong pa nyid// rnam par rtog med ye shes so// stong pa nyid kyi cho 'phrul ni// 'gro ba'i don la de bzhin gshegs// spyan drangs mchod bstod byar med de// rang snang dbyer med spyan drang mchog/ gnyis ma rol pas mchod pa yin// de nyid gus brtson bstod phyag go// 'phrin las sna tshogs rol pa'i rgyun// mtshan mar snang ba'i chos rnams la// rol pa thabs kyi bye brag rnams// gnyis med 'bras bu rgyas btab nas// mi 'gyur klong nas rdzogs pa che// zhes 'phrin las thams cad rdzogs par brjod pa'o// de bzhin gshegs pa thams cad kyi dgongs pa khro bo 'dus pa'i rgyud las/ le'u dgu
- 388a
bad+mobade ga shegs rgyal ba'i dgongs don tho bo 'dus pa'i rgyud ces bya ba rdzogs so// / bde gshegs rgyal ba'i dgongs don zhes bya ba/ dgongs pa spyi dril gyi rgyud/ b.lA yul gyi rgyal po b+ha su d+ha ra dang / rdo rje yang dbang gter gyis b+ha ra sa'i brag phug tu bsgyur zhus gtan la phab pa'o// sngags dang mtshon cha bka'i bdag po gsum gyis rgyas btab nas bzhag pa'o// rgya rgya rgya/ sa ma ya// bcom ldan 'das dpal kun tu bzang po ha ru ka la phyag 'tshal lo// de nas bcom ldan 'das dpal kun tu bzang po/ thams cad 'dus pa kun tu bzang po'i sangs rgyas su ma gyur pa med pa yi/ thams cad du khyab brdal ba'i 'khor tshogs thams cad la 'di lta ste/ chos thams cad ye nas sangs rgyas pa med pa'i sangs rgyas dang / chos thams cad gnyis su med cing tha mi dad pas/ thams cad du so so ma yin pa tha mi dad pa'i sangs rgyas la sogs pa/ thams cad kun tu bzang po'i sangs rgyas su gyur pas/ nyid la nyid gsung du med pa'i bka' 'dus par gsungs pa ni 'di lta ste/ chos thams cad brjod du med cing