dpal lhan cig skyes pa'i man ngag bdag byin gyis brlab pa zhes bya ba
Text
ff. 5b–6b · 3 folio sides
- 5b
rgya gar skad du/ shrI tsakra saM ba ra gar+b+ha tat+tA sid+d+hi/ bod skad du/ dpal 'khor lo sdom pa'i snying po'i de kho na nyid grub pa/ dpal 'khor lo sdom pa la phyag 'tshal lo// gang du thabs dang shes rab mnyam sbyor bas// kun rdzob don dam dbyer med rang bzhin can// bde dang stong pa 'dus pa'i ros gang ba'i// gnyug ma'i ye shes de la bdag phyag 'tshal// gang zhig gom par gyur pas srid pa yis// brtson rar bkris pa'i 'ching ba kun gcod pa// sems kyi dam pa rang rig rin chen mchog/ gang la brten nas rtogs pa'i thabs bshad bya// drug dang brgyad gnyis bcu phrag gnyis dang lnga// bzhin rgyas mig yangs gzugs mdzes lang tsho ldan// dad dang thos dang snying rjes yid brgyan ma// skyabs song sems bskyed yang dag dbang bskur ba// nyes bral dben par g.yed ba kun spangs te// khams dang rjes mthun bza' dang btung ba dang // dri zhim yid 'ong rgyan mdzes spyod dgu ldan// gang dang tha mal 'dzin pa rnams spangs te// dbang po'i gzhu ltar snang ba lha yi lus// de la yi ge d+ya ni sna rtse dang // bya ni mtshan gyi lte bar rnam dgod cing // lte ba snying ga kha dang dpral ba ru// sngags kyi tshogs dang bcas pas byin gyis brlab// 'khyud dang 'o byed sen mo 'debs pa dang // mchu 'jib pa dang nu ma 'tshir ba dang // nyed dang rdebs dang sor mo bskyod pa yis// dbang gnyis snyoms par 'jug pa'i sbyor ba bya// gang tshe mnyam med rin chen mchog lta bu// sems kyi dam pa rang rig bde chen po/ gang du rtogs pa de tshe srog rtsol ba// bkag pa'i sbyor bas bde chen ro myang bya// dngos dang dngos med mtha' gnyis rnam spangs shing // stong dang snying rje dbyer med rang bzhin can// /
- 6a
dus gsum rgyal ba'i ye shes bskyed pa'i rgyu// rang rig bde chen ye shes gcig pu pa// gnyug ma'i rang bzhin gang der mtshon par bya// gang du mtshon cha mtshon byed kyis mtshon pa/ rnam shes ye shes nyid du mtshon pa dang // ye shes gang des shes byar snang ba yi// 'gro ba ma lus de kun der mtshon bya// de tshe dbang po'i yul du snang ba yang // gzugs sgra dri ro reg byar gyur pa yi// dngos po 'di kun ma lus bde chen po// gang du bde las gzhan pa'i dngos med cing // bde chen ye shes zhes bya gcig pu pa// gcig pu'i nyams kyis du mar gar mdzad do// gang gis rang gi ye shes mchog bsgoms pas// srid pa 'ching ba ma lus kun bcad de// bdag gzhan nye ba'i 'tsho ba'i 'byung gnas kyis// mnyam med mya ngan 'das pa'i dbyings la brten// dpal 'khor lo sdom pa'i snying po'i de kho na nyid grub pa// slob dpon chen po dzA lan d+ha ras mdzad pa rdzogs so// / dpal he ru ka la phyag 'tshal lo// rang bzhin rnam dag gnyis kyi rgyu byas pas// brgyad po 'jig rten pa dang thun mong ste// lnga nyid spang bya lnga nyid lam yang yin// dag byed ngo bo sems kyi rang bzhin sku// bsam mi khyab pa'i rtog pa rang la byung // bzhi dang bral te gsum du rtag tu med// dag byed rang bzhin dag pa'i ngang du snang // gnyis po spangs te lnga nyid la mdu bya// lnga la mi chags glang chen smyon pa 'dra// ku sha rlung ba spyod spyod 'di bdag lag ces// sha'u sar pa 'dra bar gso ba 'di// kun la gces pa yin zhes ri khrod gsungs// ma rtogs rtogs pa'i spyod pa smyon pa 'dra// rtogs nas mi spyod blun po'i spyod pa yin// gang yang mi rtog de yi rang la bzhag/ grol bar 'gyur te de nyid the tshom med// gsum po spang
- 6b
bar gyis shing rang la ltos/ zhes gdams so// dpal lhan cig skyes pa'i man ngag/ bdag byin gyis brlab pa zhes bya ba ri khrod pa chen po'i gsung / rje mi nyag lo tsa bas bsgyur ba rdzogs so// [ऽ]# ga [।।ऽ।ऽ।]@#// rgya gar skad du/ shrI sa ha dza saM ba ra swa tiSh+Tha naM nA ma/ bod skad du/ dpal lhan cig skyes pa bde ba'i mchog/ bdag byin gyis brlab pa zhes bya ba// he ru ka la phyag 'tshal lo// kye ho sgrub pa'i snying po bde chen rang gi sems// 'khrul pa'i dbang gis rkyen dang bcas gyur kyang // rgya mtsho'i chu ni dngas ma'i rang bzhin yin// rnyog ma'i rang bzhin glo bur rkyen las byung / ma bcos rang sar bzhag na rgyal ba'i thugs// 'di na bla ma'i dus thabs bsten las byung ba ste// thabs kyi rgyal po bya ba thams cad gtang bar bya ba'o// zhes ri khrod pa chen pos gsungs so// phyag rgya chen po'i man ngag rdzogs so// / rgya gar skad du/ shrI sa ha dza saM ba ra swa tiSh+Tha naM nA ma/ bod skad du/ dpal lhan cig skyes pa bde ba'i mchog/ bdag byin gyis brlabs pa zhes bya ba// he ru ka la phyag 'tshal lo// rnal 'byor rnam gsum zhes bya ste// byin gyis brlab dang rang rtags dang // rdzogs pa'i gzugs brnyan bsam med do// sna tshogs gzugs can yid du 'ong // yid bzhin nor bu'i gzugs 'chang ma// zin na dngos grub chen po 'byung // chos bshad nas ni dbang du bya// yang na ri ba'i rin gyis blu// shin tu gsang ba'i sgrub pa po// dbang gis yongs su smin pa dang // lha ltar bltas la dngos grub blang // me long nang gi gzugs brnyan ltar// gsal la 'dzin med bde ba'i sku// nyi shu rtsa lnga yul rnams rdzogs// bltas dang rgod dang 'khrig pa yis/
Colophon
dpal lhan cig skyes pa'i man ngag bdag byin gyis brlab pa zhes bya ba ri khrod pa chen pi'i gsung /_rje mi nyag no tsA bas bsgyur ba rdzogs so/