rdo rje sems dpa' nam mkha' che rtsa ba'i rgyud skye ba med pa
Text
ff. 41a–60a · 39 folio sides
- 41a
dang / dgongs pa kun gyi zhe phugs yin// lung rnams kun gyi rgyal po la// gsung rab kun gyi nges don no// rgyud kun ma lus don 'brel te// bstan pa yongs kyi snying po yin// chos rnams kun gyi mthar thug go// gu lang lung gi gser gzo ru// seng ge 'o ma blugs pa bzhin// bka' yi bcud bsdus gsang ba 'di// snod ldan ngang tshul bzang la gtad// lha yi bu yi sems la zhog/ thugs rjes 'od zer phyogs bcur spros/ snod min dam tshog mo ldan pa// grib bzhin 'khor yang gsang bar bya// chu srin pir gyi gre ba bzhin// ye shes gsang ba bstan mi bya// ye shes gsang ba zab mo'i rgyud// gsang bar bkrol ba'i don 'brel 'di// de ba bzang skyong bu la gtad// gnas ni brag dang tshul gzhag/ ces gsungs so// gsal ba mtha' dang mnyam pa las/ brda dang mtshan gyi sgo nas bstan pa ste bco brgyad pa'o// // gsang ba gsal ba mtha' dang mnyam pa'i rgyud ces bya ba bcom ldan 'das phyag na rdo rjes gsungs pa rdzogs so// rgya gar skad du/ badz+ra kha sa mU la a
- 41b
bod skad du/ rdo rje sems dpa' nam mkha' che rtsa ba'i rgyud skye ba med pa/ bcom ldan 'das rdo rje sems dpa' nam mkha' che la phyag 'tshal lo// 'di skad bdag gis bshad pa'i dus gcig na/ mtshan ma med pa'i gnas shin tu yid du 'ong ba'i 'dzings/ bcom ldan 'das dpal bde ba chen po che ba'i che ba bla na med pa'i klong na bzhugs pa las/ bla na med pas 'dul bar gzigs nas/ mtshan ma'i gnas shin tu yid du 'ong bar sku bsrang ba la/ byang chub sems dpa' dga' rab rdo rje dang / rdo rje mdzes pa'i tshul dang / shin tu brtan pa dang / gnod sbyin mo byang chub la sogs pas/ me tog man da ra ba khal brgya gtor te bcom ldan 'das snang ba med pa'i don bka' stsal du gsol zhes zhus pas// bcom ldan 'das kyis zab mo snang ba med pa'i klong nas ting nge 'dzin las bzhengs te bka' stsal pa/ bla med theg pa bla na med// theg pa chen po gang zhon pa// 'khor ba dag las nges par 'byung // theg gzhan brten pa'i gnas yin pas// theg pa 'di la bsgom par rigs// theg chen 'di la su bsgom pa// rgyal ba sangs rgyas rnams dang mtshungs// theg
- 42a
tshon byang chub sems yin pas// sangs rgyas byang chub su 'dod pa// byang chub sems kyi mtshan nyid do// sems ni sna tshogs zhes bya ste// rngo/ rje rgya mtsho rin po che// sna tshogs phyir na sems zhes bya// de phyir sems nyid sus mthong bas// mdo sde 'dul ba kun shes phyir// sems nyid shes pas nyon mongs dag/ 'on kyang sems nyid blta ba gces// sna tshogs rgyu ba 'khor ba'i chos// mi sems mi rgyu byang chub bo// gdod nas dag pas sbyang du med// gnyen por gnas pas nus mthu can// ye nas gnas pas rang bzhin med// lhun gyis rdzogs pas chub par gnas// dam tshig theg kun srog gi mkhar// mkhar 'gram rtsa ba rnyed pa na// ma bsdus thams cad lhun gyis rdzogs// bla ma bkur ba'i gnas yin pas// srid zhu chungs na nyams pa'i gzhi// de phyir bla ma bkur bar rigs// / srid zhu bkur byas sangs rgyas rnyed// 'on tang bla ma bkur bar bya'o// mched grogs mi 'bral 'grogs pa'i rgyu// snga phyi gsum du 'grogs pas na// dus gsum rgyal ba rnyed pa'i phyir// gtan bral gyes pa byung nga re// de med sangs rgyas mngon sum mo// sems zhes bya ba sangs rgyas yin// de phyir sangs rgyas su 'dod dang //
- 42b
dngos grub thob par 'dod pa dang // byang chub shes par 'dod pa rnams// sems nyid lta ba don la mkhas// zhes bcom ldan 'das kyis bka' stsal to// de nas dga' rab rdo rje dang / rdo rje shin tu mdzes pa la sogs pa rnams kyis me tog la sogs pa yang gtor nas zhus pa/ bcom ldan 'das shAkya thub pa bde ba'i dbang pos bka' stsal pa/ mang po thams cad gcig tu shes par gyis shig ces bka' stsal bas/ 'khor rnams kyis zhus pa/ thub pa'i dbang po rnam grol thugs// bde mdzad rmad na don mdzad lags// thugs dbang chen po ji ltar dgongs// zla gsal rnam grol thugs mnga' bas// bla med theg pa chen po'o// lta ba'i don rnams dbye bar gsol// zhes zhus pas/ bcom ldan 'das kyis rnam par grol ba zag pa med pa'i ting nge 'dzin la snyoms pa zhugs nas/ rgyu 'bras mi 'byed bla med theg/ rgyu la mi bgrod 'bras bu'i sku// theg kun 'byin pa'i khungs pa ni// rdo rje bla med theg chen du// theg gnyis theg gsum theg dang bzhi// bla med theg par 'dus pa'i phyir// de phyir theg chen zhes bya'o// bskal pas bkrus kyang nam mkha' med mi 'gyur// srid par 'khyams
- 43a
kyang sems la skye shi med// byang chub sems la gsung zhing gdags su med// gzung 'dzin ma lus dbyings der rdzogs pas na// theg pa chen po zhes ni bya ba yin// zhes smras so// de nas yang bcom ldan 'das kyis mi 'byed pa 'byed pa med pa'i rgyal ba zhes bya ba'i ting nge 'dzin la / snyoms par zhugs nas/ theg pa chen po'i lta ba nyi shu rtsa lnga phye ba/ rdzogs pa chen po'i lta ba lnga phye ba/ a ti yo ga'i lnga la/ a ti yo ga zhes pa ni chos rnams kyi chos nyid byang chub kyi sems bde ba chen po rang gi rang bzhin du gnas pa/ a ti yo ga'o// thams cad kun 'dus bde chen krung // rgyu 'bras mi 'byed mnyam pa'i ngang // snod bcud thams cad bcos pa med// rang bzhin gnas pa A ti yin// a ti yo ga'i a ti yo gi ni/ rang bzhin gnas pa gong ma de spa bsam med pa'o// mchog tu gsang ba'i chos nyid 'di// rna dbang gzhan la thos mi 'gyur// de bzhin lce yi dbang pos kyang // de la brjod du rdul tsam med// a ti yo ga'i ma nu yo ga ni/ byang chub kyi sems ma bcos pa rang bzhin gyis gnas pa de'i ngang la mi gnas par/ dbyings las rig pa de bzhin du byung nas rang
- 43b
gnas pa de rtogs pa'o// spyod pa gnyis sa med par spyod pa'o// rang bzhin pa la gnas mi nus// rig pas bzhin de mthong nas// mi 'jug spyod pa mnyam gnas shing / gnyis la 'dzin pas a nu'o// a ti yo ga'i ma hA yo ga ni/ snod bcud kyis bsdus pa'i chos nyid byang chub kyi sems skye 'gag gi mtha' las 'das pa// mtha' dbus med pa/ mnyam pa'i ngang la gnas pa'o// 'dod chags zhe sdang rnam gsumi yang // byang chub chen po'i lam las byung // kun spyod yon tan rnam lnga ni// chos nyid rig pa'i rgyan zhes gsungs so// a ti yo ga'i yo ga ni/ chos thams cad kyi chos nyid rig pas brtags pas gnyis su med par don dam par sbyor la/ kun rdzob tu rig pa nyid tshogs lha dang lha mor sbyor ba'o// dbyings las de bzhin rig par shar// shar yang de gnyis gnyis su med// bskyed spyan drangs pa'ang gnyis med sbyor// de las byung ba'ang de bzhin gnas// zhes lnga gsungs so// // a nu yo ga'i lta ba lnga phye ba a nu yo ga'i A ti yo ga ni/ 'khor ba dang mya ngan las 'das pa'i chos mtha' dang dbus med pa thams cad/ kun gzhi byang chub kyi sems btsal du med pa'i klung
- 44a
brjod du med pa'i 'dzings/ bcos su med pas lam dang gnyen por sbyang du med pa/ rgyu la mi ltos pas rgyu 'bras gnyis su dbyer med pa snang srid ye nas sangs ma rgyas pa med pas/ 'khor ba dang mya ngan las 'das pa gnyis su med pa/ tshig dang yi ge'i tha snyad las 'das pas/ brjod par bya ba rdul tsam yang med do// btsal du med pas bde ba'i klung // bcos su med pas lam dang bral// 'bras bu yin pas rgyu 'bras med// mi skye mi 'gag cir mi dgongs// zhes pa'o// a nu yo ga'i a nu yo ga ni/ kun nas snang ba'i thig le byang chub kyi sems rnam par dag pa'i mkha' b+ha ga rgya mtsho rnam par dag pa'i dbyings so// dbyings de las rig pa de nyid langs te/ dbyings de nyid mtshan ma med par rig pas rig cing / rig pa nyid kyang stong pa mtshan ma med par rtogs te/ rig pa dang dbyings gnyis mtshan ma med pa gnyis su med par rtogs pa dang / sha dang dam rdzas la sogs pa rnams kyang / lha dang lha mo'i dkyil 'khor du dbyer med par rtogs pa ni a nu yo ga'o// kun bzangs yangs pa chos kyi dbyings// dbyings las rig pa de bzhin langs// rig
- 44b
pa nyid kyang dbyings yin te// dbyings nyid kyang ni rig pa ste// rig pa dbyings gnyis dbyer med par// gnyis su med pa a nu yin// zhes pa'o// a nu yog nyid ni/ kong mo de nyid las langs ma langs med par ma bcos dbyer med par lta bas rtogs nas/ spyod pas sha rnam pa lnga dang dam rdzas rnam pa lnga la sogs pa la yang spyad kyang skyon gyis mi gos par blta la/ dbang po dang dbang po'i spyod yul du gyur pa thams cad lha dang lha mo'i dkyil 'khor du gyur kyang skyon med la ma gyur par dbyings kyi ngo bor 'dug kyang skyon med pa lta bu zhig tu/ 'dam gyi phur bu ltar 'dril ba ni a nu yo ga dngos so// gdod nas byang chub snying po nyid// rnam dag lam chen 'dzings yin te// kun spyod snying po'i snying po lta// kun spyod snying po'i rang bzhin du// rtogs pa de nyid a nu'o// zhes dngos bstan pa'o// e nu'i ma hA bstan pa/ gzod ma dang bral ba'i chos nyid spros pa dang bral bar rig pas rtogs te/ shes pa ni shes rab yin/ gzhi ma dngos po med par rtogs pa de nyid thabs dam pa yin/ skad cig ma gcig la rig pas de bzhin du rtogs nas/ 'khor ba dang mya ngan las
- 45a
'das pa'i rang bzhin/ rig pa'i skad cig ma gcig la mnyam pa nyid gnyis su med par rtogs te/ thabs dang shes rab kyi ngang la gnas pa ni ma hA'o// ji bzhin rtogs pa phra ba min// rig pa'i tshe 'phrul skad cig gis// 'khor dang mya ngan 'das pa'i chos// sku gsum gnyis su med par rtogs// a nu'i ma hA zhes bya'o// yo ga ni snang ba thams cad 'byung ba lnga'i byin gyis brlabs nas byung bar blta/ 'byung ba lnga rigs kyi yum lnga'i byin gyis brlabs las byung bar blta/ rigs kyi yum lnga chos kyi dbyings rnam par dag pa'i byin gyis brlabs las byung bar blta/ chos kyi dbyings rnam par dag pa yi ge a'i byin gyis brlabs las byung bar blta/ lha dang lha mo sems dpa' pho mo yang chos kyi dbyings kyi byin gyis brlabs las byung bar lta ste rims kyis lta la/ spyod pas lha dang lha mo'i sku gsung thugs bdag gi lus ngag yid gsum gnyis su med par sbyor bas yo ga'o// yo tan kun dang stobs kyi rnams// rims kyis de bzhin lta byed cing // bskyed dang gnyis su spyan drangs rnams// dbyer med sbyar ba yo ga yin// ma hA yo ga'i a ti yo ga ni/ chos rnams kyi
- 45b
chos nyid kun gni byang chub kyi sems gzod ma nas ma byung ma skyes skye 'gag med par rig pas rtogs te/ rig pa nyid kyang skye 'gag gdod ma nas med par rtogs tsam na/ snod bcud skye 'gag med par ma gyur pa gang yang med par mnyam pa'i klung du gyur pa de nyid la gnas pa las gzhan la mi spyod pas spyod pa bla na med pa yin/ rtogs pa de nyid kyi ngang las mi 'da' bas dam tshig bla na med pa yin/ gong ma'i rtogs pa de nyid kyi ngang la lta ba las gzhan du mi lta bas lta ba bla na med pa yin/ gong ma de nyid kyi ngang la ma yengs par gnas pas sgom pa bla na med pa yin/ chos nyid ji bzhin ma bcos pa'i ngo bo rig pas brtags shing dpyad nas 'jug pas rtogs pa la mi 'gyur bar krung du gyur pa'o// ji bzhin bcos su med pa nyid// rig pas skye 'gag med par brtags// brtags pa krung gyur pade mchog las// blang dor med par kun mnyam pa// ma hA'i a ti yo gar gsal// ma hA yo ga'i a nu yo ga ni/ gong mo chos nyid skye 'gag med pa ma bcos pa rang bzhin med pa ste/ rig pa nyid de nyid las byung ste/ skye 'gag med par rtogs pa de nyid la blo gnas te 'gyur
- 46a
ba med par gnas mi nus par/ chos nyid cir yang snang tsam na rang bzhin med par yang byed/ spyod pas cir yang spyod pa ste/ rtogs pa la klung du ma gyur pa ma hA'i a nu'o// rig pas de bzhin chos nyid de// rang bzhin med par rtogs gyur kyang // de la klung du gnas ma nus// rig pa'i ngo bo cir snang zhing // spyod pa brlabs chen cir yang spyod// rig par 'gyur phyir a nu'o// ma hA yo ga nyid ni/ chos rnams kyi chos nyid brjod pa med pa'i dbyings don dam par rang bzhin med par rig pas rtogs pa ni shes rab yin/ rang bzhin med pa de nyid rig par gyur te/ rang bzhin med par rtogs par byed pa thabs yin/ thabs dang shes rab gnyis su med par rig pa dbyings la 'byor tsam na/ kun rdzob tu lha dang lha mor snang ba thams cad kyang rig pa rang snang la/ snang tsam na yang ngo bos stong ste/ snang la rang bzhin med pa nyid du gsal ba ni kun rdzob yin// kun rdzob dang don dam pa gnyis gnyis su med par lta bas lta zhing // spyod pas kyang spyod pa gnyis su med par spyod pa'o// don dam kun rdzob gnyis med cing // don dam du ni dbyer med
- 46b
de/ kun rdzob tu ni thams cad la// dag dang ma dag gnyis su ni// yo ga kri ya la sogs lta// ma hA yo ga'i theg pa ni// don dam du yang dbyer med cing // kun rdzob tu yang dbyer med de// ngag dang ma dag gnyis med lta// rnal 'byor nang pa'i rang gzhung ngo // ma hA yo ga'i yo ga ni/ gong ma ltar gnas pa la don dam pa dang kun rdzob gnyis gnyis su med par lta bas kyang lta ba la// spyod pas kyang gnyis su med par spyod pa la/ kun rdzob lha dang lha mor snang ba yang cho ga'i yan lag gis skur mi bskyed de/ rig pa skad cig ma la gsal la/ gsal tsam na yang rig pa'i ngo bo nyid snang ba'o// gnyis su med par gang snang btarig pa'i yul la snang ba ste// snang ba klung du 'gyur byed pa// ma hA'i ma hA yo ga yin// ma hA yo ga'i yo ga ni/ sngon tu btang ba de// rig pas rtogs kyang zhen cing spyod ma nus pa'o// yon yang spyod ma nus pa ni/ chu'i nang na spu gri gnas pa la mi chod kyang rkang pa 'jog mi nus pa'o// don dam kun rdzob gnyis med pa// rig pas mthong yang 'jug ma nus// chos rnams ma lus thams cad la// dag dang ma dag gnyis su 'dod//
- 47a
yo ga'i A ti yo ga ni/ sngon du btang ba'i byin gyis brlabs kyi tha ma chos kyi dbyings mi dmigs par rtogs pa la klung du gyur pa ni/ yo ga'i a ti yo ga'o// chos dbyings yangs pa kun tu bzang // byin gyis brlabs kyi byin parlabs las// zab mo dbyings rtogs de nyid la// 'gyur med gnas ba a ti yin// yo ga mtshan ma lha'i rnal 'byor// yo ga'i yan lag dgus gsal ba ni/ mtshan ma lhar snang ba'i rnal 'byor yin la/ de ltar gsal kyang mtshan ma med pa'i chos nyid kyi rnal 'byor du gyur pa ni yo ga dngos so// mtshan ma gnyis la gang 'jug pa// shes 'jug yo ga'i lha spyod de// kun rdzob don dam gnyis la ni/ lta zhing spyod pa yo ga yin// yo ga'i a nu yo ga ni/ thams cad rdo rje sems dpa' byang chub sems kyi rang bzhin du snod bcud gnyis ma gyur pa med par rtogs pa'o// rig pa rdo rje sems dpa' yi// rang bzhin du ni gang gyur pa// rig pa byang chub sems gyur te// rdo rje sems dpa' rtogs pa ni// yo ga'i a nu yo ga yin// yo ga'i ma hA yo ga ni/ don dam pa dang kun rdzob ma rtogs par/ kun rdzob tu lha dang lha mor khams skye mched snang ba thams
- 47b
cad dang / 'byung ba dang 'byung bas bsdus pa thams cad lha dang lha mor snang la/ snang ba de nyid la zhen cing don dam pa la mi spyod pa ste/ don dam kun rdzob gnyis ma rtogs// kun rdzob nyid la zhen nas ni// don dam nyid la blo mi gnas// rig pa lhar blta de zhen la// yo ga'i ma hA yo ga yin// yo ga'i yo ga cho ga'i yan lag dgus lha'i skur gsal te/ mtshan ma med pa ma rtogs te// mtshan ma nyid la zhen pa'o// mtshan ma nyid la blo gnas te// mtshan ma med pa spangs gyur nas// mtshan ma lha la zhen gyur te// yo ga'i yo ga zhes bya'o// a ti yo ga dngos ni zhal nas gsungs pa'i rdo rje sems dpa' nam mkha' che zhes pa nas dkyus mgo mjug yin te/ mgo mjug gi don ji ltar ston na/ kun gzhi byang chub kyi sems brdal ba chen po mi zad pa'i glong / ye nas brjod pa'i tha snyad dang bral ba/ rang byung gi bcom ldan 'das snying po'i snying po zab mo dmigs su med pa lta zhing dgongs su med pa/ brjod pa'i tha snyad dang bral ba rang byung gi dbyings de rdzogs pa chen po a ti yo ga'o// brjod du med pa'i snying po ni// dmigs pa med pas dgongs pa yin// spos dang bral ba'i rang bzhin te// dngos po
- 48a
med pas spros dang bral/ a ti yo ga'i a nu yo ga ni/ mkha' dag pa'i zhing snyun gyis rdzogs pa'i ngo bo'o// zag pa med pa'i chos kyi dbyings so// kun gzhi kun tu bzang mo bya ba tsal bral ba'i 'dzangs/ lhun gyis rdzogs pa'i chos nyid snang ba med pa'i klong / mtha' dang dbus med pa'i rgya mtsho thams cad kyi dbyings de ni/ snod bcud ma lus pa kun mtha' zab pa'o// gdod nas snying po byang chub pas// btsal ba'i bsam pas dbyings mi skyod// lhun gyis grub pas gdod nas che zhes pa'o// a ti yo ga'i a ti yo ga ni/ gong du bsten pa'i don de nyid kyang smar med pa'o// brjod du med pa'i rgyu mtsho'i 'dzings// bsam du med pa rta ga'i slong // dmigs su med pa de bzhin nyid// bsam med brjed pa'i yul las 'das/ a ti yo gA'i ma hA yo ga ni/ gzod ma dang bral ba chos kyi dbyings/ skye 'gag gi mtha' las 'das pa thams cad mnyam pa nyid gnyis su med par skad cig ma gcig la rig pas rtogs pa ni/ a ti yo ga'i ma hA yo ga'o// shes rab thabs kyi bdag nyid ni// yon tan kun ldan thabs kyi bdag/ thams cad kun
- 48b
mnyam dmigs su med// rang bzhin nyid de mnyam pa'i gzhi// skad cig gcig gis shes pa'o// a ti yo ga'i yo ga ni/ khams gsum ma lus pa 'byung bas bsdus pa de bzhin gshegs pa'i skur gyur te bzhugs pa la/ mngon par byang chub rnam pa lnga dus gcig tu rdzogs te/ byang chub pa rnam pa lnga gsal bas/ rigs bzhi'i de bzhin gshegs pa dang 'grogs te/ ri rab rtse mor mngon par rdzogs par sangs rgyas te/ rnam par snang mdzad ba'i rgyur gyur pa ni/ a ti yo ga'i yo ga'o// sems can kun gyi sems gang ni// brtan pa'i phyir na dpa' zhes bya// thams cad de bzhin gshegs pa'i sku/ mngon par byang chub lnga bsgoms nas// rims kyis ma yin dus gcig tu// skad cig gcig gis rigs kyi bu// de bzhin gshegs dang 'grogs nas ni/ ri rab rtse mor mngon sangs rgyas// rnam par snang mdzad nye ba'i rgyu// a ti yo ga'i yo ga yin// lta ba nyi shu rtsa lnga phye ba'i le'u bstan pa'o// / / de nas yang bcom ldan 'das kyis yid mi g.yo ba'i byang chub kyi snying po la bzhugs te/ thams cad ma lus pa byang chub par bya ba'i tshig
- 49a
gsungs pa/ rdzogs pa bde rlung mnyam pa'i dbyings// ye nas btsal du med pa la// rtsol zhing sgrub pa 'khor ba yin// mi btsal rang bzhin gyi na ba// mi g.yo gsal ba'i ngang gzhag ste// mi g.yo mi 'gyur rdo rje'i sku// rdo rje che mchog bla na med// thams cad byang chub sems kyi ngang // sgrar med tshig las 'das pa'o// tshig 'di shes par gyur pa la// byang chub sems ni dkon ma yin// byang chub sems de shes pa la// mgon po sangs rgyas nye 'gyur/ te/ rgyal ba rnams dang dbyer med mtshungs// ma bcos lta ba kun bzang dang // spyod pa de gnas 'du 'bral med// dam tshig mi 'da' rnam par dag/ sgom pa ma bcos sems gzhir bzhag/ bzhi po de la gang gnas pa// bcom ldan 'das de snying po nyid// ma bcos kun bzang dang de ru// snod bcud gnyis kyis 'gro ba kun// sangs ma rgyas pa gang yang med// kun bzang dang de mkha' ltar yangs// dmigs su med de sems nyid 'di// sna tshogs pa ste cir yang 'khrul// lha dang bral lo blang dor med// sgom dang bral te stong pa nyid// rang bzhin med do de bzhin nyid// btsal du med do sangs rgyas sku// gdod nas dag go mkha' ltar yangs// byang chub
- 49b
sems kyi rang bzhin 'di// sku gsung thugs te mnyam pa'i gzhi// dgongs su med pas dgongs pa'i mchog/ sems nyid dus gsum 'du 'bral med// bcom ldan 'das nyid zab mo dmigs su med pa'i ting nge 'dzin la snyoms par zhugs te/ lta ba zab mo gsung ba thams cad ma lus pa lta ba rgya mtsho dmigs su med pa'i klong yin pas/ snang ba ma lus pa thams cad snang ba/ med pa kun gzhi byang chub kyi sems ma bcos rang bzhin gyi 'od gsal ba yin te/ snod bcud ma lus par byang chub pas da gdod sbyang du gang yang med pa'o// thams cad ma lus pa sangs rgyas pas bde bar gshegs pa'i lam chen po/ 'khor ba dang mya ngan las 'das pa'i chos thams cad de lam gyis sgrub tu med cing / gnyen pos sbyang du med de khams gsum 'od gsal ba'o// lam la bgrod du med de nye lam bde bar rdzogs pa'o// rgyu la bgrod mi dgos par 'bras bur gnas pas/ snying po byang chub 'bras bu'i rang bzhin/ thams cad ma lus par lhun gyis rdzogs pas gang dang yang 'byed pa med pas mnyam pa'i rgyal po chos thams cad ye nas chos nyid zhi ba byang chub kyi sems ma bcos pa'i klong / thig le byang chub mkha' ltar dag pa rang byung gi dbyings
- 50a
te gnyen po dang 'bras bu'i klong du ye sangs rgyas pas/ 'khor ba'i ming yang med de khams gsum sangs rgyas/ rtog pa'i ri bi bcom ste log pa'i stobs bshig/ ma rig pa'i thabs bsal te nyon mongs pa'i skar khung phye/ zhi gnas dang lhag mthong ye dbyer med de'i ting nge 'dzin gyi snying po/ snang srid 'od gsal te bdud bzhi dbyings su dag/ ma lus byang chub sems te snang srid ye rgyas btab/ thams cad thig l-i spros pa dang bral ba'i 'jings su 'khor bzhi ka dag pas/ khams gsum ma lus par klong yangs te chos kyi dbyinges rnam par dag ste/ mi skye mi 'gag pas/ thams cad rnam par dag pa'i dbyings su bsgral zin te ma lus par byab chub pas/ dngos po dang mtshan ma'i mtha' cir yang dmigs shing dgongs su med pa'o// snod bcud ma lus ba ma bcos pa'i dbyings su ka dag pas/ dbyings dang ye shes zhes bya ba'i tshig gi tha snyad dang bral te thams cad dmigs su med pa'o// byang chub ni brtan zhing mi 'gyur la rnam par dag pa blang dor dang bral ba chos kyi sku// dbyings rnam par dag pa'i klong du bdud rnam pa bzhi ka dag ste dmigs su med par der sdug bsngal rang
- 50b
bzhin gnas pas nub ste ming yang med pas bde ba chen po'i klung zhes bya'o// byang chub kyi sems gdod ma nas rnam par dag pas byang chub kyi sems rang bzhin med pa'i ngang du thams cad lhun gyis rdzogs pas rang bzhin gyi gnas pa yin/ byang chub kyi sems ma bcos pa de 'gyur ba med par gnas pa de sra zhing mkhregs te dmigs su med pas rdo rje'o// rang bzhin med pa ma bcos pa de'i ngang las dus gsum gyi sangs rgyas kun byung zhing / ma bcos pa'i sems nyid rtogs pa las// dus gsum gyi sangs rgyas kun byung ba sa yum kun tu bzang mo yin/ rang bzhin gyi gnas pa'i byang chub kyi sems ma bcos pa de'i ngang las mi 'da' bas dam tshig yin/ de lta bu'i ngang la gnas pas sgom pa yang yin/ de lta bu'i ngang la gnas shing de'i don la dmigs shing lta bar byed pas lta ba yang yin/ rang bzhin gyis gnas pa'i byang chub kyi sems ma bcos pa de'i ngang du 'khor ba dang mya ngan las 'das pa dbyer med par lhun gyis rdzogs pas bsdud pa yang yin/ de lta bu'i don de rtogs pa las thams cad ma lus pa kun 'byung bas sbyin pa'i pha rol tu phyin pa yang yin/ byang chub kyi sems ma bcos pa'i dbyings de las rig pa langs te ma bcos pa de shes pas shes pa thams cad kyi
- 51a
pha rol tu phyin pa yang yin/ de lta bu'i shes pa de la 'gyur ba med par gnas pas bsam par bya ba thams cad kyi pha rol tu phyin pa yang yin// ma bcos pa'i dbyings byang chub kyi sems der shes shing bsam par bya ba las gzhan du mi g.yengs par gnas pas brtson 'grus kyi pha rol tu phyin pa yang yin// de lta bu las gzhan du mi 'da' bas tshul khrims kyi pha rol tu phyin pa yang yin// byang chub kyi sems ma bcos pa'i dbyings de lhun gyis rdzogs te de nyid kyi ngang la mi 'gyur ba gnas pa la ci yang bzod pas bzod pa'i pha rol tu phyin pa yang yin/ byang chub kyi sems gdod nas dag pa ma bcos pa'i dbyings der kun nub pas klong yang yin tam bcos pa'i dbyings de rang bzhin gyis rnam par dag cing 'od gsal bas chos kyi sku yang yin/ byang chub kyi sems rang byung gi dbyings ma bcos pa'i chos nyid de'ang ngang las gzhan du mi 'gyur bar rang bzhin gyis gnas pas/ nyon mongs pa lnga ming yang med de/ sdug bsngal chos nyid du gyur te gnas pas bde ba chen po'i klung yang yin/ byang chub kyi sems ma bcos pa'i thig le chen po rang byung gi dbyings de bzhin tu byung zhing shar cing ma bcos pa'i chos nyid du rig pas rtogs te/
- 51b
gnyis su med pa'i bde ba chen po yang yin/ de lta bu rtogs pa las che ba'i yon tan kun 'byung bas yid bzhin gyi nor bu rin po che yang yin/ ma bcos pa'i byang chub kyi sems de'i ngang la dus gsum du mi 'gyur bar sems dpa' rdo rje sems dpa' yang yin/ gdod nas dag cing dmigs su med pa blang dor dang bral te/ gnyis su med pas khams gsum sangs rgyas ma lus byang chub/ rtog pa'i ri bo bcom/ bdud rnam pa bzhi kar bsad de rnam par dag pas chos kyi dbyings kyis rang bzhin chos sku btsal ba dang bral ba'i byang chub kyi sems de mtshon pa mya ngan 'das pa/ rang byung gi bcom ldan 'das don dam pa'i ngo bo ye nas yin pas/ snying po byang chub dgongs su med pa zhes kyang bya/ chos rnams kyis chos nyid byang chub kyi sems des gang la yang ma khyab pa med de khyab pas brdal ba chen po mi zad pa'i gter yin// 'byung ba'ang mi 'byed par thams cad gcig gi ngo bor gnas pas mnyam pa'i gzhi po'ang yin/ cho ga dang yi ge'i tha snyad las 'das pas dgongs su med de spyod pa'i mtha' dang bral ba yin/ ma bcos pa'i 'dzings kun gzhi bya btsal dang bral ba don dam pa'i snying po chos kyi sku dpal bde ba chen po mi gnas pa'i mya ngan las
- 52a
'das pa chen po de sgro skur gyi mtha' las 'das pas mi gnas pa'i ye shes chen po zhes pa'o// khams gsum srid gsum dus gsum mnyam pa chen po'i ngo bo spros pa med pa'i thig le yin pas mi shong ba med pa'i klung zhes pa'o// spros pa med pa'i thig le yin// kun la snyoms na mnyam pa ste// dmigs su med na mtshan ma dag/ brjod du med pas gleng dang bral// bsam me yi ge med pas na// bsgom par bya ba med pa'o// de nas yang bcom ldan 'das 'du shes shin tu med pa'i bcom ldan 'das dpal bde ba chen pos thams cad kun la nges par snyoms pa zhes bya ba'i ting nge 'dzin la snyoms par zhugs nas/ bla ma'i nges tshig bstan pa/ rmongs la mi 'phya don la mkhas// tshig gis mtshon pa'i don la 'byor// skye med dbyings la shin tu bstan/ nges par blo na zhe na klung gyur na// gzhan du nams kyang 'gyur ba min// bskyed dang rdzogs dang rdzogs chen po// rnam gsum don la nges gnas shing // theg pa gzhan gyis nges don shes// zab mo dmigs med don la mkhas// rdzogs pa chen po'i gting du 'byor// bla ma slob dpon chen po yin//
- 52b
slob ma nor bu rin po che// man ngag zab mo gting du 'chang // nges pa rnyed nas phyir mi ldog/ mkhas par gyur kyang slob la brtson// shes pa che yang the tsom gcod// bla ma yan lag mgo ltar khur// man ngag mig gi 'bras ltar 'tsho// dam tshig zhing tshogs bzhin du bsrungs// lta ba zab mo mkha' ltar yangs// spyod pa glang chen rdzab chud bzhin// zhugs shing spyod pa skye du ba med// rgyud mnyen 'grogs na bde ba dang // rdzas rnams len la dga' zhing brtson// sgrub la mi 'jigs sbyor la 'grus// shes rab zab cing gtong la dga'// zang bang 'khor yul bu smad kyang // man ngag zab mo'i tshig gcig la// 'phangs pa med par 'bul ba nus// de slob nor bu rin po che// sbyin pa'i gnas dang bstan pa'i skabs// yon tan phun sum tshogs pa 'chang // shes rab zab cing theg chen 'byor// zang zing 'khor yul gtong la brtson// nges pa'i man ngag klung du zhen// rgya mtsho lta bu'i sems ldan zhing // bla ma tsitA'i dkyil du 'chang // bla mas spyod pa ci byas kyang // ngag nas mi snyan mi gleng shing // 'gyur med nam mkha'i sems ldan te// bla ma dkon mchog gsum du
- 53a
mchod/ bla ma rdo rje slob dpon gyis// 'dod ces sbas na mig kyang ster// sbrul la reg pa mi nus bzhin// man ngag zab mo 'chang bas kyang // sbrul la 'dzem pa bzhin du ba tsa'// theg chen 'chang la theg mchog bsgom// blo ldan shes rab che zhing gsal// gsang sngags rgyud 'dzin the tsom gcod// blun pa min la don la 'byor// gzhan la kha ni gang 'dren pa// theg pa che las gzhan mi 'gyur// byang chub sems dpa' zhes bya ba// man ngag zab mo gtad pa'i rigs// bla ma la spyo ba byas sam/ gsad par bsams sam/ gsang ba'i gsang ba chog gcig ston pa la mi rung ba 'ba' zhig bsams na/ dmyal bar 'gro ba ston pa'i skabs/ nges pa ston pa'i slob dpon la// gsad par bsam zhing blo ldog ste// ngag nas mi snyan tshig smra zhing // bcol ba snur mi 'jog ste gzug/ rma bzhin mi byed yid ches dka'// 'thing slad bye da tsaM nga khyad du gsod// sa ma ya ni phyogs par ga tong // gnod pa smra zhing ngag mi nyan// mkhas pa min zhes sma byed cing // shes pa bdag dang sbyin par nus// gzhan dang bsdongs
- 53b
nas gsad par sems// ngu 'bor gnas su de skye ste// na rag las ni thar mi srid// 'jig rten 'di srog 'joms par nus/ slob dpon bla mar gyur pas kyang // pha ma gnyis kyi ngag mi bcag/ yi dam sems kyi 'dzangs su gcad// man ngag sems la blta zhing spyod// spyod pa rgya mtsho'i klong ltar gnas// sbu ba dus gsum kun bzang dang // nom pa bsgom du med par bsgom// ches nyid gling las mnyams na// dam tshiganyis brgya srog rdzogs/ theg pa ma lus lhun gyis grub// khams gsum ma lu sa ye sangs rgyas// snod bcud ma lus gdod byang chub// mnyam pa'i snying por gyur pa la// rjeslob dpon zhes bya'o// slob dpon gyis slob ma gsod par bsams na/ ngan 'gror skye ba'i dmigs bstan pa'i skabs/ nges pa ces smra ng+ge mi 'dzegs// slob bu gsad par sems shing dga'// yon tan yod pa'i mi la smod// tshig la lta zhing don mi lta// pha rol po la dug patang nas// brgyal bar byas pa thig nag skye// srog 'joms pa yi gnyen por ni// gyur nas thig nag 'dra bar gyur// de yi ro thung bstan pa ni// sum cu rtsa gsum lo grangs
- 54a
brgya/ man ngag zab mo'i slob dpon la// tshig gcig srog lus gang 'bul dang // yon tan bstod pa'i sgo smra zhing // skyon gyi rnam grangs gang 'gegs pa// rgyal ba'i rgyal bar de 'gro zhing // zang zing 'khor yul mang po ni// bla ma dag la khas blangs nas// gal te byin par ma gyur na/ yang dag don las nyams pa de// dkon mchog gsum gyi dkor phrogs shing // brgya byin tshangs la sogs pa sa bslus// bsdus 'joms gnas su mi de skye/ der skyes pa yi ring thung tshad// tshe yi lo nA brgya yin no// man ngag zab mo'i slob dpon gyis// slob bu nor bu rin chen la// gang zhig 'dod pa'i dgongs pa ste/ 'dod ces pa ni 'bul bar bya// 'bul ba'i snying stobs gang med pa// 'chi ba'i mi des sangs rgyas slu// tshe srog zad par byed pa'i rgyu// dmyal ba'i nges ston ngas ma bstan// 'chi ba'i rgyu ni bstan pa'i skabs// bka' bzhin mi byed 'chi ba'i rgyu// pha ma gnyis kyi ngag gcog 'chi// spyod log sna tshogs byed na zad// byams pa'i blo 'khrug myur du 'chi// mna' smod kyis ni srog bad rgyu// man ngag zab mo ston pa yi// slob dpon bslus na tsho
- 54b
srog zad// zab mo gting du ma 'byor bar// tshig gi yon tan spel byed pa// srog zad tshe thung dmyal ba'i rgyu// nges don snying po bla na med// dmigs med krung du ma gyur na// khams gsum ma lus sangs rgyas kun// mi des byang chub yongs mi 'thob// chos kyi rang bzhin yongs shes na// tshig gi byang chub mkhas par 'gyur// mi bya ba'i skabs/ theg pa chung ngu bsgom mi bya// man ngag zab mo btsong mi bya// rdo rje slob dpon bka' mi bcag/ yang dag nyid las yang dag lta// rnam par grol ba'i lam la bslab// rang dbang med par gzhan mi 'gyur// the tsom yod bzhin rlomu mi bya// yid ches med par don mi grub/ ta malas par ma gyur gzhan mi slob// bla ma bas ni mkhas mi bya// dam tshig 'das pa'i dug mi btung // gzung 'dzin yod pas bsgom mi bya// blo rmongs bas ni shes mi gsal// mkhas par ma gyur gzhan mi bslab// the tsom yod bzhin nga mi rgyal// nges pa med par smra mi bya// rtog pa yod bzhin las mi bsgrub// snying rje yod na gsad mi bya// zab mo bstan pa'i mi dag btag/ blo rgya chungs pa'i mi rnams la// theg chen nam yang bstan mi bya// de yan chad du sing ga la'i
- 55a
bam po brgyad thal zin to// rgya gar gyi yul dbus 'gyur tshal gyi bam po gsum thal lo// o tra yul gyi bam po bcu gsum thal lo// rgya'i bam po gsum thal lo// des bam po rkang grangs rim pa bstan pa'o// de nas yang bcom ldan 'das dpal bde ba chen po sa snying po'i ting nge 'dzin la snyoms par zhugs nas bka' stsal pa/ khams gsum ye na sa sangs rgyas pas// snying rjes sems can bsgral mi dgos// ga de// nas ma skyes mi 'gag pas// thar pa'i lam la bgrod du med// bzang ngan blang dor dbyer med pas// mnyam par bya ba'i gzhi po bral// thams ca/ lhun gyis rdzogs pas na// yon tan ci yang bsngags su med// bdud bzhi dbyings su der bsad cing // nyon mongs ma lus ka dag na// sangs rgyas btsal zhing bsgrub tu med// kun bzangs chos kyi dbyings chen la// yon tan ma lus kun ldan pas// rgyal ba sa zhing rnams ba tsal du med// khams gsu ma snod bcud byang chub pas// sa bgrod rgyu la ltos dang 'dra// rang byung ye shes btsal med pas// bde bar gshegs pa'i snying po yin// chos
- 55b
rnams ma lus lhun rdzogs pas// khams gsum ma lus rgyal ba'i zhing // ye na sa snying po byang chub pas// bsgom par bya ba rdul yang med// sems kyi kun bzangs ma mthong na// chog gis kun bzangs rnyed mi 'gyur// snying po byang chub ma shes na// mkhas pas sangs rgyas yongs mi rnyed/ dug gsum 'bar ba'i me yod na// me mar mur du mchong mi dgos// seng ge dkar mo'i 'o ma 'di// gser gyi sgyogs su bzho ba las// khams skyogs nang du bzhos gyur na// khams skyogs 'gas shing 'o ma 'bo// de bzhin gsang sngags 'di 'chang bas/ kho tsa 'thabs bcang thabs nyes gyur na// seng ge dkar mo'i 'o ma 'dra// med do sems las sangs rgyas med// 'og min gzhal yas nyid kyang sems// sems las kun tu bzang mo med// bsgrub par bya ba nyid kyang sems// su yi sems nyid mthong ba des// chos rnams ma lus thams cad shes// snying po dgongs su med pas na/ chos rnams ma lus brjod dang bral// rang byung dbyings su ye dag pas// btsal ba'i bsam pas dbyings mi skyod// bgrod du med pa'i lam rdzogs
- 56a
pas/ tas sbyongs bgrod pa ngal ba'i rgyu// yangs pa'i gzhi ste dmigs su med// rgyal ba'i zhing ni btsal mi dgos// khams gsum rgyal bar ma rtogs na// sangs rgyas btsal bas yongs mi rnyed// sems nyid rtogs pa sangs rgyas yin// dpyad mtha' med na 'du shes zad// 'du shes zad pa bde bapa'i mchog/ rdzogs so sems la chos nyid rdzogs// nges pa bltar med lta ba'i phul// btsal med las dang bral na bde// snang srid ma lus dbyer med pas// mnyam pa nyid de sgrub mi dgos// ye nas khams gsum sangs rgyas pas// rgyal ba sangs rgyas btsal du med// snod bcud ye nas byang chub pas// byang chub sems la lha ru med// dngos gzhi med pa'i sems nyid de// brjod du med pas brjod dang bral// skye 'gag med pas dbyings na bde// rang bzhin gnas pas bgrang du med// thams cad ma lus bder rdzogs pas// sdug bsngal ma bcos dbyings su zhi// sangs rgyas chos rnams rang bzhin med// chos de dngos po med pa yin// chos ni ye nas zhi ba ste// khams gsum dmigs su med pa yin// thams cad stong pa nyid stong ste// ma lus dmigs su med pa yin//
- 56b
'di rnams rtogs par gyur pa la// sangs rgyas chos rnams ma lus yod// de nas yang bcom ldan 'das kyis nges pa'i ting nge 'dzin la snyoms par zhugs nas/ rab tu nges pa'i ting nge 'dzin bstan pa'i skabs/ byang chub sems ni b+ha ga ste// ji bzhin pa zhes bya ba yin// ji bzhin pa de gdod nas dag/ ma lus pa ste thams cad sdud// kun 'dus mkha' dbyings rnam par dag/ snying po'i snying po byang chub pas// dgongs pa'i dgongs pa bstan pa'o// ma hA yo ga'i bdud bzhi ni// gzod nas dag par chos rnams ni// shes rab kyi ni shes 'gyur ba// thabs kyi mchog ste gnyis su med/ shes rab thabs gnyis gnyis med pas// phung po'i bdud bzhi dbyings su dag/ lha dang gnyis su med par ni// thams cad ma lus kun sbyor bas// skyon gyi zug rngu mkha' bzhin gsal// nyon mongs bdud ni dbyingos su dag/ khams gsum snod bcud ltar gsal te// lha yi dkyil 'khor kun yin phyir/ lha yi bu bdud lhar gyur pas// lha yi ba dud ni dbyings la zhi// thams cad gnyis su kun sbyor bas// skye med don la 'gag pa med// 'chi//
- 57a
bdag bdud ni dbyings su dag/ phung po lnga ni rigs lnga ste// rgyal ba rigs lnga'i rang bzhin du// phung po gyur pas chos nyid gsal/ phung po'i bdud ni dbyings su gsal// dug gsum sku gsung thugs su gsal// nyon mongs lnga ni b+ha gar gsal// sems las byung ba'i chos rnams nas// byang chub chen por bde rtogs pa// lha yi bu bdud dbyings su gsal// chos rnams ma lus mnyam pa'i ngang // gdod nas skye 'chi 'pho 'gyur med// rang byung zhi nas ye nas gsal// 'chi bdag bdud ni dbyings su dag/ a nu yo ga'i bdud bzhi bcom// rdo rje sems dpa' nam mkha' che// kun bzang yangs pa chos kyi dbyings// rnam dag lam chen kun sgrol phyir// mi skye mi 'gag cir mi dgongs// srid gsum skye 'gag med pas na// phung po'i bdud ni rnam par dag/ byams pas don nyid rnam sbyangs phyir// snying rje chen po cir mi mdzad// che ba'i che ba zab mo yis// yon tan cir yang bsngags pa med// ma lus mnyam pa'i bde mchog la// sdug bsngal thams cad kun gzhi ste// don rnams ji bzhin mi bskyod pas// bya ba med pas grol bas grol// rang byung ye shes
- 57b
btsal med pas// grol nas grol ba'i lam ston pas// lha yi bu yi bdud ni dag/ 'byung ba chen po bcom ldan 'das// chub par gnas pas bcom ldan 'das/ 'gro ba kun la rang bzhin gnas// phyin ci log tu rnam brtags kyang // grol ba rang byung gzhan las med// khams gsum snod bcud dbyings nas byung // de nas byung nas der gnas pas// nyon mongs bdud de bde ba'i mchog/ che ba'i ye shes rnyed dka' ba// shes rab thabs la brten pas 'grub/ ming tsam gzhan la brten 'dra yang // mngon sum bde ba rang las 'byung // bde ba'i bde chen kun rdzogs pas// 'chi ba dag bdud ni ye rgyas btab/ da lta'i bde dang phyi ma'i bde// mngon sum pa dang rgyab nas 'byung // de yang rnam pa'i skyon yin pas// de la brten par mi bya'o// yon tan chen po'i bsam gtan ni// bsam gtan nyid pas bsam du med// ma bsams ma sbyangs chos nyid du// rnam rtog nyid las ye shes skye// phra ba'i sgo mor ming btags shing // sems kyi bden pas lam 'tshal zhing // dgon pa'i rgyud du dben 'dzin te// brtags na rnam par rtog 'gyur
- 58a
bsgom/ dge sdig gnyis ka rnam par sel// rgyu 'bras gnyis su ming 'dogs te// 'jig rten 'di las 'byung ngo zhes// blang dor brod pa mchog tu bskyed// mi gnas theg chen chos bsgoms shing // so sor rtogs pa'i shes rab kyis// chos rnams kun gyi don spyad pas// chos rnams ngo bo nyid kyis zhi// de la ming dang tshig kyang med// de la dbri dang bsnan pa med// yi ge'i sems rgyu ba dang bral// smra bsam yul los rab 'das pas// mtha' gnyis rab tu rmongs 'gyur te// ci la'ang mi dmigs mi rtog ste// mi rtog pa la'ang mi gnas shing // sna tshogs 'di dag 'khrul par shes// 'khrul par shes pa yang dag lam// dbu ma'i lam chen der rdzogs pas// khams gsum mya ngan 'das par 'dod// don dam dmigs su med pa la// 'du shes rgyu ba'i sems med de// yi ge'i tshogs dang bral ba ni// dbu ma'i don dam lta ba yin// dbu ma'i don dam gang yin pa// rdzogs pa chen po'i kun rdzo ba yin// thams cad ma lus kun rdzogs pas// yon tan bsam gtan bsam du med// ma bsams ma sbyangs chos su gnas// mi rtog rtog
- 58b
las 'das pa na// rnam rtog nyid kyang ye shes sku// rgyu 'bras mi 'byed snyun grub pas// phra mo theg pra gdags dang bral// chos dbyings dben pa'i dgon rgyud du// 'du mched bcu gnyis gtod mnan pas// rnam rtog ma lus dbyings su zhi// gdod nas ma bcos mnyam klung pas// dge sdig rgyu 'bras gdags su med// 'jig rten snga phyi gnyis med cing // thams cad ma lus sangs rgyas pas// blang dor brod pa'i tshig las 'das// gdod nas rang bzhin med pa la// rig pa de bzhin dur btab pas// so sor rtag tu ci yang med// chos rnams rang bzhin shi ba la// rjod par byed pa gol bas na// khams gsum ma lus ye sangs rgyas// 'khor dang mya ngan 'das gnyis med// gdod nas bcos med mya ngan 'das// mi rtog ma bcos chos nyid la// dmigs shing sgom du rdul yang med// snang ba med pa'i chos nyid la// mi btsal gzhag na bsgom pa yin// ci la'ang mi rtog mi gnas te// mi rtog mi gnas 'khor ba yin/ 'khor ba'i gcong rong dbu ma'i lam// brjod du med pa'i chos nyid kyi// theg chen bla na med pa 'di// rang bzhin med pas 'du 'bral med// lhun
- 59a
gyis grub pas lus pa med// ye sangs rgyas pas rtog las 'das// smrar med tshig las 'das pa'i phyir// yi ge'i sems rgyu ba dang bral// dpyad na mangs na rtog pa'i rgyu// dpyad mtha' med pa'i chos dbyings la// rig pa de bzhin klung gnas pa// khams gsum ma lus thig le'i ngang // thig le chen po mnyam gnas te// bsam zhing bsgom du med pa yin// thig le spros pa med pa la// dpyad mtha' mangs pa rtog pa'i rgyu// dpyad mtha'i 'du shes gang spangs pas// de yis chos rnams kun rtogs te// rgyal ba sangs rgyas rnyed pa yin// bla med yang dag nges pa'i don// theg chen don la ma 'byor par// shAkyar mgo zlum tshul bcos kyang // gyo mo sa la rgyu byas pas// 'phangs pa'i 'du shes rab bskyed kyang // tha mar sar ni 'gro ba ltar// gdong 'khrud spu gris skra bregs kyang // rtog pa'i klung la 'du mched de// rtog pa'i khrims de bsrung bas 'jig/ blo med rdzogs chen nye lam ring // bskal ba gsum du sa bgrod kyang // rdzogs pa chen po'i gting mi mthong // rgyal ba btsal bas rnyed mi srid// da pyad mtha' mangs pa'i rgyu las byung // rgyu la mi bgrod dpyad mtha'
- 59b
spang / mgo zlum shAkyar tshul gyis bcos// theg chen mthong ba theg pa de// 'bras bu mngon sangs rgyas pa yin// byang chub thob par 'dod pa rnams// de phyir bla med theg chen ltos// bla med theg chen sus mthong bas// dus gsum sangs rgyas ma lus rnyed// lung gi lung mchog rtsa ba'i rgyud// shAkya thub pa 'gro ba'i mgon// yon tan ma lus kun ldan pa'i// thub pa'i dbang pos gsungs pa yi// lung gi rtsa ba'i rgyud chen 'di// zhal nas gsungs pa'i theg pa ste// sangs rgyas byang chub gang 'dod pa// theg mchog bla med 'di la ltos// byis kyi slob 'dod slob ma dang // ston par 'dod pa'i slob dpon gyis// sa pa'i byang chub sems dpa' yis// spu rgyur ldan pa rnyed pa dang // ma bshad par ni don mi bstan// rtsa ba'i rgyud 'di sngon la sbyin// bshad de don 'di dgrol ba bstan// bstan bzhin mi byed pa yi mi// blo bur drag pos mod la 'chi// srog zad nas ni dmyal bar lhung // ngas bstan pa yi gdams ngag 'di// lung 'di 'tsho bas sems la bcang // bstan pa 'di 'gal mo da la 'chi// lung rtsa ba'i rgyud rje'u'i don du bstan pa yin// rdzogs so// // u u
- 60a
u rakli ka i tu u Tu// rgya gar skad du/ badz+ra sa tA/ kha se ma hA rA dza pun+di tan+ta tabod skad du/ rdo rje sems dpa' nam mkha' che rgyal po rgyas pa'i rgyud/ bcom ldan 'das dpal kun tu bzang po bde ba chen po la phyag 'tshal lo// 'di skad bdag gis thos pa'i dus gcig na/ bcom ldan 'das de bzhin gshegs pa yang dag par rdzogs pa'i sangs rgyas kun tu bzang pos pa sam gyis mi khyab pa'i ting nge 'dzin la snyoms par zhugs so// 'og min gnas mchog khyad par can// chos kyi dbyings kyi pho brang gi/ ye shes sgrib med gzhal yas na// nyid kyi rang bzhin chos sku dang // nyid kyi ngo bo longs sku dang // nyid kyi thugs rje sprul sku dang // rdo rje sems dpa' la sogs pa// 'byed pa med pa'i 'khor rnams dang // thig le chen po gcig tu bzhugs// de nas rdo rje sems dpas zhus pa/ ston pa'i ston pa kun tu bzang po lags// ston pa nyid kyang thig le spros pa med// bstan pa kun kyang thig le spros pa med// dus dang gnas kyang thig le spros pa med// thams cad kun kyang thig le spros