dpal 'khor lo sdom pa'i lag mchod kyi cho ga zhes bya ba
Śrīcakrasaṃmbarahastapūjibidhināma
Text
ff. 59b–61a · 4 folio sides
- 59b
dra ba dag/ rnam bsal 'khor lo gsum gyi ngo bor shog/ dpal 'khor lo sdom pa'i gtor ma'i cho ga/ slob dpon chen po pradz+nyA rak+Shi tas mdzad pa rdzogs so// // rgya gar gyi mkhan po dpal su ma ti kirti'i zhal snga nas dang / lo tsa ba dge slong blo ldan shes rab kyis bsgyur ba'o// @6// dpal 'khor lo sdom pa'i lag mchod kyi cho ga zhes bya ba bzhugs so// @#// rgya gar skad du/ shrI tsakra sam+ba ra hasta pU dzi bi d+hi nA ma/ bod skad du/ dpal 'khor la rnam pa'i lag mchod kyi tshig zhes b+hab/ de pal rdo rje mkha' 'gro ma la phyag 'tshal lo// rnal 'byor ma yi gtso ma ni// rdo rje pag ma la brjod de// bdag gi lag pa'i mchod pa yi/ man ngag bzhin du bsdu// de la tshogs kyi 'khor lo la sogs par dpal 'khor lo bde mchog gi rnal 'byor dang ldan pa'i sngags pas lag pa g.yon pa'i mthe bo dang mdzub mo dang gung mo dang srin lag dang mthe'u chung dang de dag gi sen mo rnams su rdo rje sems dpa' dang rnam par snang mdzad dang / 'od dpag med dang mi bskyod pa dang rin chen 'byung ldan dang don yod grub pa'i rang bzhin can gyi go rims ji lta babar dkar po dang ser po dang dmar po dang nag po dang / dmar po dang ljang gu'i mdog can gyi/ oM ha na ma hi/ swA hA hu/ bau Sha Ta he/ hUM hUM hoHphaT haM zhes bya ba'i yi ge rnams dgod do// lag pa'i mthil du yang skad cig gis grub pa'i pad+ma dmar po 'dab ma lnga pa bsgoms la de'i shar la sogs pa'i phyogs rnams su g.yon bskor du rim pa ji lta ba bzhin ya mi ni dang rmongs byed ma dang skyod byed ma dang 'jig byed ma dang tsaN+Di ka'i rang bzhin can nag po dang dkar po dang ser po dang ljang gu dang du ba'i mdog dang ldan pa/ haM yau/ hri mo/ hriM hrIM/ hU~M hUM phaT phaT/ ces pa'i yi ge rnams dang / lte ba la ni rdo rje phag mo'i rang bzhin kha
- 60a
dog dmar mo oM baM zhes bya ba'i sa bon dag blta bar bya'o// lag pa'i bol la yang 'di dag nyid kyi gzugs brnyan nam 'khor lo gsum yongs su rdzogs par blta bar bya'o// de nas lag pa la gnas pa'i 'byung ba sa dang chu dang med dang rlung dang nam mkha' rnams ltung byed ma dang gsod byed ma dang 'gugs byed ma dang gar gyi dbang phyug ma dang / pad+ma'i dra ba can gyi rang bzhin du lhag/ par mos par bya'o// de nas lag pa la gnas pa'i sa bon gyi yi ge dag la khu ba'i rdzas kyis byugs te lags mthil de dpa' bo dang rnal 'byor ma thams cad kyis byin gyis brlabs pa'i 'khor lo gsum gyi rang bzhin du lhag par mos par byas nas khu ba la sogs pa'i rdzas de yi ge gsum gyi sngags sam rkang pa brgyad pa'i sngags kyi dbul bar bya'o// de nas yang dag par mchod nas cho ga lhag pa dang mtshang ba dag par bya ba'i don du yi ge brgya pa'i sngags bton te/ tshogs kyi 'khor lo byin gyis brlabs pa'i don du gsol ba btab nas rdzas gzhan nam yang na de ma yin pa gzhan du gzhag ste lag pa'i mthil du sbyar ba'i rdzas srin lag gis blangs pa las snying ga dang lte ba dang mgo rnams su yi ge hUM dang AHdang oM brjod pa sngon du 'gro bas byugs pa na lha'i tshogs de dag bdag nyid la zhugs par mos par bya'o// cho ga 'di yang kun spyod pa'i rgyud dang 'brel pa yin no// lag pa'i mchod pa'i cho ga'o// yang na sngar brjod pa'i cho gas sbyabs pa'i lag pa g.yon pa'i srin lag gis gnas dang nye ba'i gnas la sogs pa'i rang bzhin du dza zhes bya ba la sogs pa'i yi ge nyi shu rtsa gcig brjod cing ji ltar sbyangs pa'i chang gi gru gsum gnyis byugs nas de'i dbus su yang dkyil 'khor zlum po'o// de rang gi snying/
- 60b
ga'i sa bon las byung ba'i 'od zer gyis rten pa'i dkyil 'khor bcas pa'i bcom ldan 'das bkug par bsams te/ de la bdud rtsi lnga la sogs pa'i rang bzhin du grub pa'i bza' ba dang bca' ba la sogs pa'i yi ge gsum mam rkang pa brgyad pa'i sngags kyis phul nas pad+ma'i snod la gnas pa'i chang bdud rtsir bsgrubs pa srin lag dang mthe bos blangs te bcom ldan 'das dang bcom ldan 'das mal rang rang gi snying po dang nye ba'i snying po dag gis dang / mkha' 'gro ma nas brtsams tegashin rje 'joms ma'i mthar zhugs pa rnams la yang 'di rnams la yang 'di rnams nyid kyi rang rang gi sngags bdag gis tshim par bya'o// de nas yang dag par mchod nas ma tshang ba dang lhag pa dag par bya ba'i don du yi ge brgya pa bton nas tshogs kyi 'khor lo byin gyis brlab pa'i don du gsol ba gdab pa'o// oM yo ga shud+d+ha sarba d+harmA yo ga shad+d+ho&haM zhes brjod bzhin par pad+ma'i skor ba'i phyag rgya mnyes par bya ste/ phyag rgya de btul ba 'khrud pa'i stangs ka sngon du 'gro bas srin lag gos sa la reg cing oM badz+ra mu zhes brjod pas gshegs su gsol te/ 'khor lo de bdag nyid la gzhug par bya'o// de nas sa de la banas pa'i chang lag pa g.yon pa'i srin lag gis blangs nas des snying ga dang lce dang mgo rnams su yi ge hUM dang AHdang oM brjod pa sngon du 'gro bas byug cing lag pa de la gnas pa'o lha'i 'khor lo yang bdag nyid la gzhug par blta bar bya'o// grugasum dkyil 'khor la gnas pa// mgon po 'khor lo bde mchog la// lag pas mchod pa bshad pa 'di// rnal 'byor pa la phan byed yin// lag pa'i mchod pa'i cho ga dpal pradz+nyA rak+Shi tas mdzad pa rdzogs so// rgya gar gyi mkhan po dpal sum ti ki rti dang / sgra bskur lo tsa ba dge slong zo ldan
- 61a
shes rab kyis bsgyur ba'o// 6// dpal 'khor po sgom pa'i dkyil 'khod mdor bsdus pa bzhugs/ @#// rgya gar skad du/ shrI tsakra saM ba ra saM gra ma n+ta la bi d+hI nA ma/ bod skad du/ dpal 'khor lo sdom pa'i dkyil 'khor cho ga mdor bsdus pa zhes bya ba/ dpal rdo rje 'chang la phyag 'tshal lo// gang gi drin gyis bde chen gnas// skad cig gis ni thob 'gyur ba'i// bla ma rin chen lta bu yi// rdo rje can zhabs pad la 'dud// dpal ldan rdo rje mkha' 'gro ma// mkha' 'gro ma yi 'khor lo sgyur// ye shes lnga dang sku gsum nyid// 'gro ba skyob la phyag 'tshal lo// skyes bu dam pa gzhung 'chad pa'i// mchog 'dzin thabs mkhas bdag la med// rang nyid dran pa gsal ba'i phyir// dkyil 'khor cho ga bshad par bya// rtsa bshad gsal ba'i rgyud rnams dang // mkhas pa rnams kyi cho ga dang // bla ma'i gdams ngag la brten nas// dkyil 'ar cho ga bri bar bya// slob dpon mtshan nyid thams cad ldan// mtshan nyid min pa kun tu spangs// yang dag shes shing rgyud shes pa// dpal ldan khrag 'thung gsang sngags shes// khro med gtsang zhing mkhas pa dang // sbyor shes ye shes pha rol 'gro// thod pas spyi bor rgyan cha sogs// gzugs bzang yon tan ldan pa bkur// snying rje med cing khrol 'dug/ khengs dang brkam chags bdag nyid bstod// mnyam par ma gzhag khyim la spyod// gshol 'jug pa dang tshong pa dang // rmongs pas dam chos 'tsheng ba ni// tshogs sam dkyil 'khor slob dpon min// slob ma rigs bzang chos la spro// 'jam zhing snyan par smra ba dang / snying rje la sogs phan sems ldan// thod dang klog pa mngon par brtson// gsang ba'i mchod dang bla ma gus// slob ma de nyid yongs su bzung // snying rje med cing khrol 'dug/ khengs dang brkam chags rnam
Colophon
lag pa'i mchod pa'i cho ga dpal pradz+nyA rak+Shi tas mdzad pa rdzogs so/_/rgya gar gyi mkhan po dpal su ma ti kIrti dang //sgra bsgyur lo tsA ba dge slong blo ldan shes rab kyis bsgyur pa'o