de bzhin gshegs pa thams cad kyi gtsug tor rnam par rgyal ba zhes bya ba'i gzungs rtog pa dang bcas pa
Text
ff. 231b–239b · 17 folio sides
- 231b
gnas tshe ring ba yang gyur nas/ a la la sangs rgyas/ al la chos/ a la la gzungs 'di lta bu 'jig rten du byung ste/ des bdag 'jigs pa chen po las yongs su thar bar gyur to zhes ched du brjod do// 'phags pa ngan 'gro thams cad yongs su sbyong ba gtsug tor rnam par rgyal ba zhes bya ba'i gzungs rdzogs s+ho// / rgya gar gyi mkhan po 'dzin mi tra dang / su ren dra bo d+hi dang / zhu chen gyi lo tsA ba ban d+he ye shes sbas bsgyur cing zhus te gtan la phab pa/ dge'o// rgya gar skad du/ sarba ta thA ga ta muSh+NI Sha bi dza ya nA ma d+ha ra ni kalpa sa hi ta/ bod skad du/ de bzhin gshegs pa thams cad kyi gtsug tor rnam par rgyal ba zhes bya ba'i gzungs rtog pa dang bcas pa/ sangs rgyas dang byang chub sems dpa' thams cad la phyag 'tshal lo// 'di skad bdag gis thos pa dus gcig na/ bcom ldan 'das tshe dpag tu med pa de bzhin gshegs pa dgra bcom pa yang dag par rdzogs pa'i sangs rgyas bde ba can gyi chos yang dag par sdud pa'i phug khang bzangs mchog na nye bar bzhugs so/ / byang chub sems dpa' sems dpa' chen po 'phags pa spyan ras gzig dbang phyug la bka' stsal pa/ rigs kyi bu sdug bsngal ba nad kyis gzir ba tshe thung ba yod de/ de rnams kyi phyir 'khor gyi dkyil 'khor la nye bar gzigs te/ kun tu gzigs pa'i dpal gyi mtshan de bzhin gshegs pa thams cad kyi gtsug tor rnam par rgyal po zhes bya ba'i gzungs 'di bcang ba dang / klag pa dang gzhan la rgya cher yang dag par ston pa ni tshe ring bar sgrub par byed pa'i ched du'o// de nas byang chub sems dpa' sems dpa' chen po 'phags pa spyan ras gzigs dbang phyug stan las langs te thal mo sbyar bar gyur pas/ bcom ldan 'das la 'di skad ces gsol to// bcom ldan 'das bstan du gsol/ de bzhin gshegs
- 232a
pa thams cad kyi gtsug tor rnam par rgyal ba zhes bya ba'i gzungs bde bar gshegs pas bstan du gsol/ / de nas bcom ldan 'das kyis thams cad dang ldan pa'i 'khor gyi dkyil 'khor la gzigs te kun du gzigs pa'i dpal zhes bya ba'i ting nge 'dzin la snyoms par zhugs nas/ de bzhin gshegs pa thams cad kyi gtsug tor rnam par rgyal ba zhes bya ba'i gzungs 'di bka' stsal pa/ oM na mo b+ha ga wa te sarba trai lo kya pra ti bi shi ShA ya bud d+hA ya tetan maHtad ya thA/ oM b+h+yAM b+h+r-i b+h+raM sho d+ha ya sho d+ha ya/ bi sho d+ha ya bi sho d+ha ya/ a sa ma sa man ta a ba b+hab+hA sa sA ra Na ga ti/ ga ga na swa b+hA ba bi shud d+he/ uSh+NI Sha bi dza ya pa ri shud d+he/ a b+hi shin+na n+yA maM/ sarba ta thA ga tA s+yA ga ta bar ba tsa na/ a mri ta a b+hi she ka ra/ ma hA mu dra man tra pa de/ A ha ra A ha ra/ ma ma a yur san d+ha ra ni/ sho d+ha ya sho d+ha ya/ bi sho d+ha ya bi sho d+ha ya/ ga ga na swa b+hA ba bi shud d+he/ uSh+NI Sha bi dza ya ba ri shud d+he/ sa ha sra ra smi sau tsau di te sarba ta thA ga tA a wa lo ki ni/ Sha ta bA ra mi tA ba ri pU ra Ni sarba ta thA ga tA mA te/ da sha b+hU mi pra tiSh+Thi te/ sarba ta thA ga tA hrid ya a d+hiSh+ThA na a d+hiSh+Thi te/ mu dre mu dre ma hA mu dre/ badz+ra ka ya a saM ha ra Na pa ri shud d+ha/ sarba karma a wa ra NA bi shud d+he/ pra ti ni bar ta ya/ ma ma a yur bi shud d+he/ sarba ta thA ga tA sa ma ya a d+hiSh+Than a d+hiSh+Thi te/ oM mu ni mu ni ma hA mu ni/ bi mu ni bi mu ni ma hA bi mu ni/ ma ti ma ti ma hA ma ti/ ma ma ti su ma ti/ ta thA tA/ b+hU ta ko Ti ba ri shud d+hed+hi bi sUT/ bud d+he shud d+he/ he te/ dza ya dza ya/ bi dza ya bI dza ya/ s+pha ra s+pha ra/ s+phar s+pha ra/ s+pha ra ya s+phA rA ya/ sarba bud d+ha ya ad+hiSh+ThA na a d+hiSh+Thi te/ shud d+he shud d+he/ bud d+he bud d+he/ badz+re badz+re/ ma hA badz+re/ su badz+re badz+re gar+b+he/ dza ya ga d+ha bidza ya gar b+he/ badz+ra dz+wa la gar b+he/ badz+ra ud b+ha be/ badz+ra sa b+hA be/ badz+ra badz+ri ni/ badz+ram+b+ha ba tu/ ma ma sha rI ra~M sarba satwAnAny+tsa ka ya ba ri shud d+hi ra b+ha ba tu/ sa dA me sarba ga ti ba ri shud d+hi shu/ sarba ta thA ga ta sa ya a d+hiSh+ThA na a d+hiSh+Thi te/
- 232b
sarbarba thA ga tA b+ha ma thamathas lanarba/ bud d+ha bud d+ha/ sid d+ha sed d+ha/ bo d+ha ya bo d+ha ya/ bi bo d+ha ya bi bo d+ha ya/ mo tsa ya mo tsa ya/ bi mo tsa ya bi mo tsa ya/ sho d+ha ya sho d+ha ya/ bi sho d+ha ya bi sho d+ha ya/ sa man tan mo tsa ya mo tsa ya sa man tar smi ba ri shud d+he/ sarba ta thA ga ti hrid ya a d+hiSh+ThA na a d+hiSh+Thite/ mu dre mu dwe/ ma hA mu dre/ ma hA mu dra man tra ba dai swA hA// 'phags pa gtsug tor rnam par rgyal ma zhes bya ba'i gzungs rdzogs s+ho// lha'i dbang po gtsug ko rnam par rgyal ba zhes bya ba'i gzungs 'di ni ngan 'gro thams cad yongs su sbyong ba/ sdig pa'i las kyi sgrib pa thams cad rnam par spyod pa/ bde 'gro'i lam du 'gro ba/ ngan 'gro thams cad rnam par 'jig par byed pa 'di ni sangs rgyas gang gA'i klung 'bum phrag bye ba brgyad bcu rtsa brgyad kyi bye ma snyed kyis gsungs pa/ byin gyis brlabs pa rjes su yi rang bar mdzad pa/ de bzhin gshegs pa thams cad kyi ye shes kyi phyag rgyas btab pa ste/ sems can thams cad bde 'gror 'gro bar bya ba dang / ngan 'gror lhung ba rnams bzlog pa dang / sems can dmyal ba dang / dud 'gro'i skye gnas dang / gshin rje'i 'jig rten la sogs pa'i sdug bsngal gyi gnas thams cad du sdug bsngal zhing nyam nga bar gyur pa rnams dang / sdug bsngal gyi rgya mtshor lhung ba'i sems can rnams rnam par grol bar bya ba phyir gsungs pa'o// de bzhin du sems can tshe thung zhing skal pa chung ba smad pa dang / rnam pa sna chags pa'i skye bar lhung ba rnams dang / bsam pa nyams pa dang sems can lam las nyams pa rnams kyi don du gzungs 'di 'dzam bu'i gling du sems can rnams la gzungs 'di dang / phyag brgya dang sngags yongs su gtang pa yin no/ / de'i phyir lha'i dbang po khyod kyis yang dag par gzung bar bya'o// lha'i dbang po gzungs 'di lan gcig thos ma thag tu bskal pa brgya stong du bsags pa'i las kyi sgrib pa yongs su byung bar 'gyur ro// skye bar
- 233a
skye ba sna tshogs pa sems can dmyal ba dang / dud 'gro'i skye gnas dang gshin rje'i 'jig rten dang / yi dgas kyi yul dang / lha ma yin gyi ris dang / 'di lta ste gnod sbyin dang / srin po dang 'byung po dang shA za dang / srul po dang / lus srul po dang brjed byed dang khyi dang ru sbal dang / sbrul dang gcan zan khro bo dang / bya dang sbrang bu dang sbrang ma dang sdig sbrul dang / grog sbur la sogs pa srog chags kyi rigs rnams su phyis mi skye bar rig par bya'o// gzhan du de bzhin gshegs pa dang phrad pa dang / byang chub sems dpa'i rigs su skye ba dang / rigs chen por skye ba ste/ de la rigs chen po ni 'di lta ste/ bram ze'i rigs shing sa la chen po lta bu'am/ rgyal rigs shing sal chen po lta bu 'am/ khyim bdag gi rigs shing sa la chen po lta bu 'am/ tshong dpon gyi rigs shing sa la chen po lta bur skye'o zhes nga smra'o// lha'i dbang po de ltar na gzungs 'di'i mthus byang chub kyi snying po'i mthar thug gi bar du skye ba yongs su dag pa chen po 'thob ste/ lha'i dbang po gzungs 'di ni de ltar mthu che ba phan yon che ba/ mthu stobs che ba dge ba shis pa yin te lha'i dbang po sems can rnams kyi don gyi phyir gtsug tor rnam par rgyal ba zhes bya ba'i gzungs ngan 'gro thams cad yongs su sbyong ba 'di bzhag go/ / 'di lta ste dper na nor bu rin po che nyi ma'i snying po shin du dri ma med pa nam mkha' ltar yongs su dag pa 'od gsal ba ni 'od zer gyi snang bas 'bar zhing 'dug go/ / lha'i dbang po de bzhin du sems can de yang gos pa med par shes par bya'o// 'di lta ste dper na 'dzam bu chu bo'i gser shin tu dri ma med pa yongs su dag pa/ shin du gnyen pa shin du sdug pa'o// lha'i dbang po de bzhin du sems can chen po de yang shin du yongs su dag par rig par bya ste/ tshe rabs gzhan du yang de bzhin du skye bar 'gyur ro// lha'i dbang po gang na gzung
- 233b
'di rab tu ston pa dang / bye brag tu na yi ge 'brir 'jug pa dang 'dzin pa dang / klog pa dang 'don pa dang kha ton dbyed pa dang / mchod pa dang kun chub par byed pa dang / nyan pa dang 'dzin par 'gyur ba de 'gro ba thams cad yongs / su dag par 'gyur ro// sems can dmyal ba thams cad rgyan chad par 'gyur ro// lha'i dbang po gzungs 'di yi ger bris te rgyal mtshan gyi rtse mor bzhag par bya/ ri mthon pa 'am/ khang pa mthun pa 'am mchod rten gyi nang du gzhag par bya'o/ / lha'i dbang po dge slong ngam/ dge slong ma 'am/ dge bsnyen nam/ dge bsnyen ma 'am/ de las gzhan pa rigs kyi bu'am rigs kyi bu mo gang gis rgyal mtshan gyi rtse mar bzhag pa mthar ngam de dang nye bar gnas par 'gyur na/ tha na de'i grib mas pog gam/ de'i rdul rlung gi btab pa phog na yang lha'i dbang po sems can de la sdig pa thams cad dang / ngan 'gror 'gro ba'i 'jigs pa thams cad mi 'byung ngo / / sems can dmyal ba dang dud 'gro'i skye gnas dang / gshin rje'i 'jig rten dang / yi dgas dang lha ma yin gyi ris thams cad du mi skye bar rig par bya'o// lha'i dbang po sems can de ni de bzhin gshegam/ pa thams cad kyis lung bstan cing bla na med pa yang dag par rdzogs pa'i byang chub las phyir mi ldog par rig par bya na/ lha'i dbang po shing bzo byed pa la yang phan yon chen por 'gyur na/ mchod pa dang rim 'gyur byed cing me tog dang bdug pa dang spos dang / me tog 'phreng ba dang byug pa dang gdugs dang / rgyal mtshan dang ba dan dang / spos dang rgyan rnams kyis brgyan par byed pa dang / lam gyi bzhi mdor mtshor rten byas la gzungs/ 'di bzhag la thal mo sbyor ba 'am phyag 'tshal ba 'am/ skor ba byed pa lta ci smos te lha'i dbang po sems can 'di ni sems can chen po yin par rig par bya'o// de bzhin gshegs pa'i sras su rig par bya'o// chos kyi gnas su r-ika
- 234a
par bya'o/ / de bzhin gshegs pa'i mchod rten du rig par bya'o// de nas chos kyi rgyal po gshin rje 'i nub mo nam rangs nas bcom ldan 'das gal bder song ste// bcom ldan 'das la lha'i sa tog dadagos dang brgyan la sogs pas mchod pa dang / spyi stang du byas nas des bcom ldan 'das la lan bdun bskor ba byas te/ bcom ldan 'das kyi zhabs la gtugs nas 'di skad ces gsol to// bcom ldan 'das gzungs 'di ni mthu che zhing sman yon che ba lags te/ bcom ldan 'das bdag kyang rtag tu rgyun mi 'chad par sems can de'i slad bzhin 'brang zhing / dus kun du srung ba dang yongs su sbyang ba'i slad du gnas par bgyi'o/ / sems can dmyal ba thams cad las de bzlog par bgyi'o// bcom ldan 'das bdag ni byas pa gzo ba bgyid kyi byas pa mi gzo bar mi bgyid do// de nas rgyal po chen po bzhis bcom ldan 'das la lan gsum bskor ba byas te/ bcom ldan 'das la 'di skad ces gsol to// bcom ldan 'das gzungs 'di'i tshig zhib mo dang / bgyi ba'i cho ga'i tshul rgyas par bshad du gsol// de nas bcom ldan 'das kyis rgyal po chen po bzhi po dag la 'di skad ces bka' stsal to/ / nyon cig dang gzungs 'di'i bya ba'i cho ga'i tshul bshad par bya'o// sems can tshe thung ba'i don gyi phyir rigs kyi bu 'am/ rigs kyi bu mos tshes bcwa lnga'i zla ba la khrus byas te gos gtsang mgon nas bsnyung ba byas te/ lan stong bzlas brjod byas na de sems can tshe zad pa de yang phyir nur ro// nad dang bral bar 'gyur ro// sgrib pa thams cad rnas par dag par thob par 'gyur ro/ / sems can dmyal ba la sogs pa ngan 'gro thams cad las yongs su thar bar 'gyur ro// tha na dud 'gro'i skye gnas su song ba'i srog chags bya'i rna lam du yang gzungs 'di'i
- 234b
sgra gasgrags par bya ste/ / des na de'i ngan 'gro 'di nyid tha ma yin par rig par bya'o// gang shig na chen pos btab ste sman pa rnams kyis bye brag phye skye bor ba yang de ltar na nad de las yongs su thang bar 'gyuraro// deni ngan 'gror skye ba thams cad rgyun chad par 'gyur ro// shi 'phos nas kyang bde ba can gyi 'jig rten gyi khams su skye bar 'gyur ro// de nyid de'i mngal gyi gnas tha ma yin par shes par bya'o// de gang dang gang du skye ba de dang der pad ma'i snying po kho na las rdzus te skye bar 'gyur ro/ / tshe rabs thams cad du yang tshe rabs dran par 'gyur ro// sems can sdig pa byed pa gang dag 'chi ba'i dus byas pa de dag gi don du gzungs 'di nyungs dkang la lan nyi shu rtsa gcig yongs su brjed de/ de dag gi rus gong rnams kyi steng du gtor na/ de dag sems can dmyal ba 'am/ dud 'gro'i spyi gnas sam/ gshin rje'i 'jig rten nam/ yi dgas sam de las gzhan pa'i ngan 'gro rnams su skyes par 'gyur kyang rung ste/ de dag gzungs 'di'i mthus ngan 'gro de dag las thar bar 'gyur ro// de dag las thar nas kyang ltar skye bar 'gyur ro// su zhig 'di nyid gcig bzhin du lan nyi shu rtsa gcig rtsa gcig yongs su brjod pa de 'jig rten pa chen po rnams kyis mchod pa'i 'os su 'gyur ro/ / tshe reng bar 'gyur ro// nad med par 'gyur ro// bde ba myong por 'gyur ro// rtag tu spro ba dang ldan pa dang / mya ngan las 'das pa chen po thob par 'gyur ro/ / shi phos nas kyang 'jig rten gyi khams bde ba can du skye bar 'gyur ro// de nas sangs rgyas kyi zhing sna tshogs pa tha dad du 'gro bar 'gyur ro// der yang de bzhin gshegs pa rnams dang phrad par 'gyur ro// de bzhin gshegs pa thams cad kyis kyang dbugs 'byin par 'gyur ro/ / de bzhin gshegs pa thams cad kyis kyang lung ston par 'gyur ro// sangs rgyas kyi zhing thams cad du yang 'jig rten la snang bar byed par 'gyur ro// phyag rgya
- 235a
bcing ba ni sor mo bcu thal mo la bsdigs 'dzub gnyis bkug ste mthe bong gnyis dang sbyar la/ de nas gzungs 'di dran par bya'o// dkyil 'khor gru bzhi pa byas te me tog sna tshogs bkram la sna tshogs pa'i bdug bas bdug cing / pus mo g.yas pa'i lha nga sa la btsugs te/ de bzhin gshegs pa thams cad ting nge 'dzin gyis dmyigs la phyag bya zhing / de nas gzungs brgyad brgya klag par bya'o// de ltar lan gcig klags pa tsam gyis bye ba khrag khrig brgya stong phrag brgyad cu rtsa brgyad kyi gang gA'i klung gi byam dang mnyam pa'i de bzhin gshegs pa thams cad la mchod cing bstan bkur ba dang / ri mo byas pas/ de bzhin gshegs pa thams cad la mchod pa char po sprin gyis mchod par 'gyur ro/ / dekun gyis kyang legs so zhes bya ba'i sgra brjod par 'gyur ro// sems can de ni de bzhin gshegs pa thams cad kyi bdag nyid las skyes pa'i sras su rig par bya'o// sgrib pa med pa'i ye shes ldan zhing byang chub chen po'i sems kyi rgyan dang mnyam pa thob par 'gyur ro/ / de la gzungs sgrub pa'i cho ga'i thabs 'dis ni lha'i dbang po 'gro ba thams cad kyang sems can dmyal ba la sogs pa'i ngan 'gro las yongs su thar bar 'gyur ro/ / de dag gi 'gro ba thams cad yongs su dag par 'gyur ro// tshe ring bar 'gyur ro// lha'i dbang po song la lha'i bu blo gros shin du brtan pa la gzungs 'di rjes su ston la sgrogs shig/ lha'i dbang po des na zhag bdun na lha'i bu shin du brtan pa'i 'gro ba thams cad yongs su dag cing tshe ring bar 'gyur ro/ / stobs che bar 'gyur ro// de nas lha'i dbang po brgya byin gyis de bzhin gshegs pa las rjes su bstan pa 'di blangs te/ de'i gnas su phyin nas lha'i bu shin tu brtan pa la gzungs 'di byin no/ / de nas lha'i bu des nyi ma bdun pa'i bar du nyin drug mtshan drug tu gzungs 'di la brtson par byas nas de'i bsam pa thams cad phun sum tshogs te/ 'di lta ste ngan 'gro
- 235b
las ni yongs su thar/ bde ba'i lam la yang gnas// tshe ring bar yang gyur nas/ a la la sangs rgyas/ a la la chos/ a la la gzungs 'di lta bu 'jig rten du byung ste/ des bdag 'jigs pa chen po las yongs su thar to zhes ched du brjod pa brjod do/ / de nas lha rnams kyi dbang po brgya byin dang / lha'i bu shin du brtan pa 'khor che ba rnams kyi sa me tog dang / dri dang bdug pa dang phreng ba dang / gdugs dang rgyal mtshan dang ba dan dang gos kyis rgyan bzang po'i bla re dang / lha'i tshogs kyi mthus bcom ldan 'das kyi drung du phyin ste thad du phyin pa dang / bcom ldan 'das la mchod pa chen po lha rdzas kyi gos kyi rgyan la sogs pa nye bar 'khor ba'i mchod pa brgya stong phul te/ bskor ba byas nas bcom ldan 'das kyi mdun du 'dug ste/ de bzhin du cheng du brjod pa byas nas bcom ldan 'das kyi mdun du 'dug ste chos nyan to// de nas bcom ldan 'das kyis phyag gser gyi mdog can brkyang skye/ lha'i bu shin du brtan pa dbugs phyung nas chos ston par byed cing sangs rgyas kyi bar du lung ston to// rigs kyi bu de bzhin gshegs pa thams cad kyi gtsug tor rnam par rgyal ba'i gzungs 'di ni 'chi ba chen po'i dbyug pa 'dzin pa ste/ / dag byed sdig pa 'joms par byed pa 'di gro ga 'am gzhan zhig la bris te/ mchod rten gyi nang du bzhag la rab tu rgya che ba'i mchod pa ji ltar 'byor pas mchod de bskor ba stong phrag brgya byas na mchog gi tshe dang thon pa sbyin par byed par 'gyur ro/ / de ltar byas pas zhag bdun pa'i tshe ni lo bdun thub po// lo bdun pa'i tshan lo bdun bcu thub po// de ltar mchog gi tshe thob cing dran pa dang ldan pa dang / nad med pa dang skye ba dran par 'gyur ro/ / mchod rten la bzhugs su gsol te/ mgo la bcangs na nad chen po las grol bar 'gyur ro// gos sam shing shun la 'gi hang gis rang gi ming dang bcas par gzungs bris te/ tsan dan gyi rang bzhin gyi mchod
- 236a
rten la bzhugs su gsol nas/ / rang gi khyim du bzhag la rgya che ba'i stong gis mchod pas mchod de/ zla ba re re zhing brgya phrag brgyad kyi bzlas pa'i mchod pa'i cho ga byas na nad las grol zhing lo brgya thub par 'gyur ro/ / med na'adam pa'i rang bzhin la yang bya'o// yang gos gtsang ma la sna tshogs rdo rje la gnas pa'i mchod rten bris la/ rdo rje phreng bas bskor bas brgyan pa de'i nang du rang gi ming dang gzungs kyi tshig 'di 'gi hang gis bris la/ kham por kha sbyar gyi nang du bzhugs su gsol te rang gi khyim du bzhag la mchod pa rgya chen pos mchod pa byas na rtag tu bsrung bar 'gyur ro// gzhan yang cho ga ni sa la ma lhung ba'i lci bu maN Dal gru bzhir byas la me tog dkar pos bkram ste/ mtshams bzhir zhun mar gyi mar me bzhi bzhag la/ a ka ru dang du ru ska'i bdug pa byas la/ de bzhin du dri'i chus gang ba'i snod me tog dkar pos rgyan te gzungs kyi snying po can gyi mchod rten nam sku gzugs dbus su bzhugs su gsol lo/ / de la g.yon pa'i lag pas reg ste g.yas pa'i lag pa phreng ba 'dzin pas nyi ma re re zhing nyi shu rtsa gcig rtsa gcig dus gsum du bzlas pa byas la/ de'i chu khyor ba gsum 'thungs na nad med pa dang / tshe ring ba dang dgra yongs su nyams pa dang / 'dzin blo rno ba dang ngag btsun par 'gyur ro// skye ba nas skye bar skye ba dran par 'gyur ro// de'i chus khang pa dang phyogs kyi ra ba'am/ rta'i ra ba 'am/ rgyal po'i khab tu gtor na/ rkun ma dang sbrul dang gnod sbyin dang / srin po la sogs pa'i 'jigs pa mi 'byung zhing nad kyi yongs su gdungs par mi 'gyur ro// mgo la gter na de nad de las grol bar 'gyur ro/ / de ltar tshe dpag tu med pa'i phan yon che ba'i gzungs 'di gang dang gang du rab tu sbyar na/ de dang de ru zhi ba chen por 'gyur ro// so shing la lan nyi shu rtsa gcig yongs su
- 236b
bzlas te/ 'chos na nad med pa dang blo rno ba dang tshe ring bar 'gyur ro// chu khyor ba gsum la dus gsum du lan nyi shu rtsa gcig yongs su bzlas te 'thungs na nad thams cad las yongs su grol zhing yan ring du 'tsho bar 'gyur ro/ / gzhan yang byang chub sems dpa' sems dpa' chen po 'phags pa spyan ras gzigs dbang phyug gis/ bcom ldan 'das tshe dpag tu med pa la bskor ba byas nas 'di skad ces gsol to// bcom ldan 'das rigs kyi bu 'am rigs kyi bu mos mchod rten gyi las ji ltar bya/ sku gzugs la sogs pa sgrub ji ltar bya/ 'dir sbyin sreg kyang ji ltar bgyi// bcom ldan 'das kyis bka' stsal pa// dri ba legs par smras pa ni dpa' bo chen po legs so legs/ / sems can kun la phan rtse'i phyir// 'di ni rtse gcig yid kyis nyon// de nas bcom ldan 'das kun tu 'od dpag tu med pa'i dpal zhes bya ba'i ting nge 'dzin la snyoms par zhugs nas de bzhin gshegs pa thams cad kyi tshe dpag tu med pa zhes bya ba'i gzungs 'di gsungs pa 'di lta ste/ oM a mri te/ a mri te/ b+ha be/ a mri ta be krAn te/ a mi ta gA dre/ a mi ta gA mi ni/ a mi ta a yur+yA te/ ga ga na kIn+ta te/ sarba k+She/ shak+Sha yaM ka ri ya swA hA// zhes bya ba'i gzungs 'dis mchod rten byed pas 'jim pa blang ba dang / byug pa la sogs pa dang gdugs gdags pa'i bar ji srid rdzogs par bya'o/ / 'di'i cho ga ni mchod rten cho ga mchog gyur pa/ de nas yang dag bshad bya ba/ gser dang in dra ni la dang // dngul dang pad ma rag la sogs pa rang bzhin mang po'i rin po ches spras pa'i sor bcu gnyis kyi tshad pad ma'i steng ngan bzhugs pa/ de'i logs bzhir 'jig rten skyong ba bzhi lag na rgyal mtshan bsnams pa'o// me tog dang bdug pa dang / dri lag na bzung ba'i gnas gtsang ma'i lha'i bu rnams dang
- 237a
lha rnams kyi dbang po brgya byin lag na gdugs brnams pa dang / g.yas dang g.yon gyi logs gnyis na spyan ras gzigs dang / rdo rje 'chang gnyis rnga yab dkar po phyag na bsnams pa gnyis bya'o// de lta bu'i tshogs mtsho rten 'gayas skor gyi sbyor bas pad ma'i 'dab ma la bri bar bya'o/ / de bzhin gshegs pa thams cad kyi gtsug tor rnam par rgyal ba zhes bya bI gzungs bris la de'i ring srel gyi snying po can du byas te/ dri zhim po dang bsres pa'i chus gtong zhing dri zhim po'i me tog gis mchod la/ stong phrag gcig gis mchod pa byas te/ dkar po phyogs kyi tshes brgyad kyi nyin zhag la bsrung bar gnas shing / sems can thams cad la phan pa'i blos tshe dang blo ster ba'i yon byin te stong phrag gcig bzlas par bya'o/ / zla ba re re zhing byas na zla ba drug gis che lo stong thub par 'gyur ro// rtag tu lo gcig tu byas na tshe lo 'bum thub par 'gyur ro// rtag tu byas na tshe lo mi zad pa thub cing stobs dang ldan pa dang / gang gis kyang mi thub cing lha dang lha ma yin dang mi mnyam pa'i mkha' spyod kyi gtsug tor mchog tu 'gyur ro// de nas gzhan yang cho ga ni rab tu dge ba'i gnas su sa blangs la dri zhim pos bsres la mchod rten bya'o/ / stong phrag gcig nas brtsams te ji srid lnga 'am gcig gi bar du'o// nyi ma re re zhing mchod rten du gtogs pa gtsug tor rnam par rgyal ba yang dag par bzhugs su gsol la/ ji skad gsungs pa'i mchod pa rgya chen po byas la stong phrag gcig nas brtsams te lan bdun gyi bar du klag par bya'o// nyi ma re re zhing tshe dang blo ster bar byed pa'i gzungs kyi ched du byas te/ sems can tham cad la thun mong du dge ba'i rtsa ba sbyin par bya'o/ / sems rnams la bcing ba dang brdung ba la sogs pa spang bar bya'o// zla ba gzhan re re la mchod pa nyis 'gyur du byas la brgyad brgya'i bzlas pa bya ba ni rang ngam rang dang 'dra bas
- 237b
bya'o/ / cho ga 'di yis ni dus ma yin par 'chi ba brgyad med par 'gyur ro// blo rno ba dang nad de med pa dang / tshe lo brgya thub cing 'gro ba thams cad kyi yid du 'ong ba dang / skye ba dran par 'gyur ro// gang gi tshe 'chi ba'i dus byed pa de'i tshe sbrul shun pa rjes pa dang 'dra bar rang gi lus bor te mdzes pa'i lus bde ba nan gyi 'jig rten gyi khams su skye bar 'gyur ro/ / yang de nyid dmyal ba dang byol song gi skye gnas dang / gshin rje'i 'jig rten gyi ngan 'gror skye bar mi 'gyur ro/ / rna ba'i bu gar dmyal ba'i sgra yang thos par mi 'gyur na 'bras bu smin par lta ga la 'gyur 'di rnams kyi gnas su 'gro ba med do// de nas bcom ldan 'das tshe dpag tu med pas gzhan yang sgrub pa'i thabs bka' stsal pa dang / gang gis sems can tshe dpag tu med par 'gyur ba dang / nyam nga ba'i 'khor ba las grol bar byed pa ni gzhon nu mas bkal ba'i skud pa chad dang ldan pa mdzes pa'i ras mkhas pas bya'o// de nas gtsug tor rnam par rgyal ba zhes bya ba'i gzungs tshon sna ma lus pas gzungs kyi yi ge las sprul pa'i mchod rten gyi nang du bri bar bya'o// tshe dpag tu med pa 'od zer stong gi phreng ba can pad ma dang zla ba'i gdan la bzhugs pa ston ka'i zla ba lta bu'i 'od can/ brgyan thams cad kyis brgyan pa/ zhal gsum pa spyan gsum pa phyag brgyad pa/ g.yas pa zhal zhi ba gser gyi 'od zer dang ldan pa'o// g.yon pa ni mche bas ma mchu mnanas mi bzad pa ud pa la sngon po'i 'od zer gyi 'od dang ldan pa'o/ / dbus mi ni sgeg pa dang bcas shing dkar ba'o// g.yas pa'i phyag gis snying khar sna tshogs rdo rje'o// de bzhin du pad ma la gnas pa'i 'od dpag tu med pa dang / mda' dang mchog sbyin pa'o// g.yon du sdigs 'dzub dang bcas pa'i zhags pa dang / de bzhin du gzhu dang mi 'jigs pa dang bum pa'o// yang 'go bor mchod rten la gnas pa'i oM dang / mgrin par AHdang / snying khar hUM de/ dpral bar
- 238a
traM ngo/ lte ba'i phyogs su tri'o// rkang pa gnyis la oM aHyi ge 'di rnams bkod la rak+Sha swA hA/ dang bcas pa'i 'di'i nang du rang gi ming dang spel ba'o// de'i logs gnyis su pad ma dang / rdo rje 'chang gnyis rnga yab dkar bo phyag na bsnams pa'o/ / steng du bdud rtsi'i char gyi rgyun 'bebs bzhin pa'i gnas gtsang ma'i lha'i bu gnyis so// logs bzhir khro bo mi g.yo ba dang 'dod pa'i rgyal po dang / dbyug pa sngon po can dang stobs po che zhes bya ste/ ral gri dang lcags kyu dang / dbyug pa dang rdo rje bsdams pa'o// g.yon pa gdug pa can 'jigs pa'i sdigs 'dzub ched du byed pa'o// de ltar 'bad pas rdzogs par byas la ring srel dang bcas pa'i mchod rten la bskyad par gnas pas mchod pa chen po stong phrag gcig gis mchod pa byas la 'bum phrag gcig bzlas pa bya'o/ / de nas dkar po phyogs kyi tshes gcig nas bzung ste ji srid bcwa lnga'i bar du stong stong bzlas pa bya'o// de nas snga bar nam nangs pa dang bcom ldan 'das ma zhal mthong bar 'gyur ro/ / de nas ji ltar dngos grub 'dod pa ster ro// yang na ni thang ka de dri zhim po dang bsres pa'i chus byugs pa'i phyogs gcig tu yang dag par bzhugs su gsol lo mchod pa rgya chen po bya zhing nyi ma re re zhing brgyad brgya bzlas pa bya'o/ / yang zla ba re re la stong stong gi mchod pa bya zhing stong stong gi bzlas pa byas na tshe dpag tu med pa dang / stobs dpag tu med pa gnon pa dang nam mkha' la 'gro ba dang / nad chen po med par 'gyur ro// sems can thams cad kyis nyi ma re re tshigs bcad stong 'dzin pa'i phyin cim log pa'i ngag tu 'gyur ro// yang na kha cig gis de lta bu byed par mi nus na de yis rang gi khyim du dri zhim po dang bsres pa'i sa'i char bzhugs su gsol lo/ / ji ltar 'byor pa'i mchod pa byas la zla ba 'ong ngo cog gi tshes brgyad la brgyad brgya'i bzlas pa bya zhing nyi ma re re dus gsum du nyi shu rtsa cig/
- 238b
rtsa gcig brjod na blo rno pa dang tshe ring ba dang / shes rab dang ldan pa dang nad med pa dang / skyid pa dang lo brgya tsho ba dang / skye ba dran par 'gyur ro// yang na rang gis ma nus na de'i tshe rang dang 'dra bas byas na tshe ring ba dang / blo rno bar/ 'gyur ro// de nas gzhan yang byin sreg gi cho ga sems can thams cad la phan pa'i phyir nye bar bshad par bya ste/ khru gang gi tshad kyi thab khung zlum po rdo rje'i phreng bas brgyan pa tsan dan dkar po 'am sa dkar gyis byugs la matog dkar po bkram ste/ logs bzhir zhun mar gyi mar me bzhi bzhag la bdag spros la sogs pas yang dag par mchod la/ phyogs bzhir mtshan nyid dang ldan pa'i bum pa rab tu mdzes pa gos dkar pos g.yog pa yalags kha brgyan pa dgod par bya'o/ / 'o ma can gyi yam shing la me sbar la der maM lha bkug ste dgang brags gsum byin la gsang gtor byas te gshegs su gsol lo// de nas tshe dpag tu med pa gsal por thub glang gi dbus sra bsams la gtsug tor rnam par rgyal ba bzlas shing dgang thugs gsum dbul lo/ / yang na oM a mr-i ta a yu r+yA da te swA hA/ zhes bya bas tshe dang / blo rno pa dang bcas pas brgyad brgya dus gsum du sbyin bsreg bya'o/ / gtsug tor rnam par rgyal ba lan bdun du bzlas pa byas na tshe ring ba dang / blo rno ba dang skyid pa dang nang med par 'gyur ro// yang na zla ba re re'i dkar po phyogs kyi tshes brgyad la mchod pa rgya chen po byas la dus gsum dutshe lo stong thub par 'dod pas sbyin bsreg byas na mchog gis tshe ring ba dang / blo rno ba smin par byed do// sems can rnams la smad par mi bya'o// chog 'dis rang gi lus nad kyis gos par mi 'gyur ro/ / lo brgya lnga bcur 'tsho ba dang / dgra las rgyal ba dang / blo rno bar 'gyur ro// dbyangs snyan par 'gyur ro// gal te rang gis mnus na da'i tshe rang dang 'dra bas byas na zhi ba chen por 'gyur ro// de nas gzhan yang sgrub par
- 239a
'dod na gtsug tor gyi rgyal po chen po che dang blo rno ba dang bcas par 'bum phrag cig sbyir sreg byas te/ dang po dang mthar stong stong gi mchod pa byas la yang 'bum phrag gcig bzlas pa byas na tshe lo 'bum phrag gcig thub par 'gyur ro/ / bye ba byas na bye ba thub bo// de ltar 'di'i cho ga'i rim pas che lo dpag tu med par 'gyur te/ nam mkha' la 'gro ba dang dpa' ba dang dgra las rgyal bar 'gyur ro// dpal 'dod na dpal 'bras 'bum brag gcig sbyin bsreg byas na dpal chen po thob par 'gyur ro/ / rgyal po 'dod na pad ma 'bum phrag gcig sbyin sreg byas na rgyal po chen po thob par 'gyur ro// bye ba gcig byas na 'khor los sgyur ba thob par 'gyur ro// yang na ral gri la sogs pa grub par 'dod na ring srel dang bcas pa'i mchod rten gyi drung du thang sku bkram la stong gi mchod pa chen pos mchod la bzlas pa 'bum byas te/ yang lcags lnga'i rang bzhin gyi ral gril bzlas pa 'bum byas te lag pa g.yas par bcangs na yid kyis 'gro ba dang / 'dod pa'i gzugs 'dzin pa dang stobs che zhing gzhan gnon pa dang / sems can thams cad kyi gcig tu 'dren pa por gyur nas sman pa chen po'i mchog che dpag tu med par 'gyur ro/ / de ltar rdo rje dang 'khor lo dang rtsa gsum la sogs pa la yang sgrub par bya'o// de ltar phan yon dpag tu med pa'i gzungs chen mo de bzhin gshegs pa thams cad kyi snying por gyur pa mchog/ tu rnyed par dka' ba 'di ji lta ji ltar sbar ba de lta de ltar las 'grub par byed do// gang yang de bzhin gshegs pa thams cad kyi gtsug tor rnam par rgyal ba zhes bya ba'i gzungs 'di nyi ma re re la dus gsum du lan nyi shu rtsa gcig bzlas pa bya zhing mchod rten chen por byas te yang dag par bcangs la gzhan la yang rgya cher gsal bar byas na/ de skyid par thob cing stobs dang ldan pa dang nad med pa dang / lo brgya thub pa dang blo rno ba dang skye ba dran par
- 239b
'gyur ro/ / gang gi tshe 'chi ba'i dus byas pa de'i tshe/ sbrul shun pa rjes pa dang 'dra bar rang gi lus bor te bde ba can gyi 'jig rten gyi khams su skye bar 'gyur ro// dmyal ba'i sgra rna bug tu yang thos par mi 'gyur na/ 'bras bu smin par lta yang ga la 'gyur/ gang dang gang du skyes pa de dang de ru skye ba dran par 'gyur ro// bcom ldan 'das kyis de skad ces bka' stsal pa dang / thams cad dang ldan pa'i 'khor de dag dang / lha dang / mi dang lha ma yin dang dri zar bcas pa'i 'jig rten yid rangs te/ bcom ldan 'das kyis gsungs pa la mngon par bstod do// de bzhin gshegs pa thams cad kyi gtsug tor rnam par rgyal ba zhes bya ba'i gzungs rtog pa dang bcas pa rdzogs s+ho/ baN Di ta chos kyi sde dang / khams pa lo ts+tsha ba dge slong ba ris bsgyur cing zhus te gtan la phab pa'o// rgya gar skad du/ sarba ta thA ga toSh+NI Sha bi dzA ya nA mad+hA ra NI ka la pa// bod skad du de bzhin gshegs pa thams cad kyi gtsug tor rnam par rgyal ma'i gzungs zhes bya ba'i rtog pa/ gtsug ter rnam par rgyal ma la phyag 'tshal lo// 'di skad gis thos pa dus gcig ni/ becom ldan 'das bde ba can na bzhugs so// bcom ldan 'das de bzhin gshegs pa dgra bcom pa yang dag par rdzogs pa'i sangs rgyas tshe dpag med chos yang dag par sdud pa'i phug chen po'i khang bzang gi tshal bde ba la nye bar bzhugs nas/ byang chub sems dpa' sems dpa' chen// po 'phags pa spyan ras gzigs dbang phyug la 'di skad ces bka' stsal to// rigs kyi bu sems can sdug bsngal dang nad sna tshogs kyis yongs su gzir cing tshe thung ba yod de/ de rnams kyi don du tshe ring bar nye bar bsgrub par bya ba'i phyir/ de bzhin gshegs pa thams cad kyi gtsug tor rnam par rgyal ma zhes bya ba'i gzungs 'di gzung bar bya/ gzhan rnams la rgya cher yang dag par bstan par bya'o// de nas byang chub sems dpa'
Colophon
de bzhin gshegs pa thams cad kyi gtsug tor rnam par rgyal ba zhes bya 'i gzungs rtog pa dang bcas pa rdzogs s+ho // paN Di ta chos kyi sde dang /khams pa lo ts+tsha ba dge slong ba ris bsgyur cing zhus te gtan la phab pa'o // (pha, 239b3-4)