N962MW22704_0962rgyud 'grelAll versions of this work

dpal 'khor lo bde mchog gi rgyun bshags bsdus pa

Text

ff. 5a–6a · 3 folio sides

  1. 5a

    par 'gyur/ /'di byas bsod nams gang thob pa/ /des na sems can ma lus pa/ /don rtogs stobs dang ye shes ni/ /bsam gyis mi khyab thob par shog /bde mchog gi sgrub thabs/ /slob dpon chen po lU yis pas mdzad pa rdzogs so// //bcom ldan phyogs kyi zhal bzhi phyag bcu gnyis/ /bcu gnyis phyag gis glang chen lpags sogs bsnams/ /bde gshegs drug 'gyur phyag rgya drug gis brgyan/ /rdo rje phag mo sku brgyan bde ba mchog la rol/ /mkha' 'gro la sogs tshogs kyi 'khor lo bskor/ /mkha' 'gro sogs dang de bzhin sa 'og bcas/ /'jig rten gsum mchog 'khor bcas bzhugs so 'tshal/ /ye shes rdo rje dam can dgongs su gsol// thog ma med nas skye ba 'di bar du/ /shin tu mi bzad 'khor bar bdag 'khyams pas/ /bskal pa'i dus mdza' bstan pa'i snyigs ma la/ /khyed kyi zhal gyi 'od zer glog tsam mthong/ /sngon gyi 'phro dang khyed kyi thugs rje yis/ /theg pa mchog gyur bla na med pa dang/ /gsang sngags rdo rje theg pa'i don chen 'di/ /blo ngan bdag gis spyad cing bsgrub pa'i phyir/ /bdag gis khas blangs dam bcas tshun chad du/ /bsgrub pa'i 'bras bu mngon du ma gyur kyang/ /dam tshig mi 'da' bde gshegs bka' mi bslu/ /mngon sum zhal bzhin rtag tu khyed la dgongs/ /nyon mongs rang bzhin rnam shes ma sbyangs pa/ /khyed kyi sku gsung thugs ni ma mthong yang/ /khyed kyi bka' las bdag ni mi 'da' na/ /bka' yi byin brlab bdag la grub par mdzod/ /bdag gi rang bzhin khyed dang yongs su mnyam/ /ma lus 'gro tshogs rnams kyang de bzhin lags/ /bdag gis lus kyis nyes pa ci spyad par/ /sku'i dkyil 'khor tshogs la bzod par gsol/ /bag med

  2. 5b

    tshul gyis ngag gis nyes smras pa/ /rig sngags lha yi snying po phyag rgya dag /rgyun mi 'chad par yongs su spyad pa las/ /nyams gyur gsung gi tshogs la bzod pa gsol/ /bdag gi yid kyis gzhan gyis nyes bsams shing/ /ting 'dzin lta spyod lha dang slob dpon dang/ /rigs sngags lha yi snying po'i phyag rgya dag /rgyun mi 'chad par tshogs la bzod par gsol/ /slob dpon brnyas shing bka' las 'das pa dang/ /spun la nyes smras byams pa chen po spangs/ /byang chub sems spangs theg pa gsum spangs dmod/ /skal min gsang bsgrags bdag nyid phung po dmod/ /chos la yid gnyis sdug la chags bral byams/ /chos la gnyis 'byed dad pa'i sems la dmod/ /dam tshig ji bzhin bsnyad pa mi bsten dang/ /rtags pa'i rig ma smad par byed pa dang/ /rtsa ba 'di nyams khyed la bzod par gsol/ /dam tshig mi ldan rigs ma bsten par dga' / /dkyil 'khor tshogs rtsod gsang pa'i chos ston dang/ /sems can dang la dam tshig gzhan du ston/ /nyan thos dag dang lhan cig gnas byed cing/ /sbyor ba ma byas snod min gsang ba ston/ /phyag rgya mi shes phyag rgya bsten pa dang/ /bsnyen pa dag par ma byas dkyil 'khor zhugs/ /sdom pa gnyis kyi bcas pa dgos med bzlas/ / yan lag dam tshig 'di las 'gal bgyis pa'i/ /bka' chad gnas su gyur pa ci mchis pa/ /bzod par gsol tshangs par stsal du gsol/ /da lta'i dus su bstan pa 'jig dus su/ /nyon mongs shas chen khyed kyis rab tu mkhyen/ so sor thugs dam bzhin du nyer dgongs la/ /ji ltar 'tshal ba bzhin du phrin las mdzod/ /ji ltar bu yis rab tu mi shes kyang/ /ba yis brtse bas legs par skyong ba ltar/ /bdag gis gzhung 'di rab tu ma shes kyang/ /thugs

  3. 6a

    rje chen pos yongs su gzung du gsol/ /dpal 'khor lo bde mchog gi rgyun bshags bsdus pa/ /dpal ur rgyan lha mo'i gnas pa/ rgyal po in+d+ra bo d+hi sa mdzad pa rdzogs so// //rgya gar skad du// sh+rI tsakra saM ba ra garb+ha tat+twa sid d+hi/ bod skad du/ dpal 'khor lo sdom pa'i snying po'i de kho na nyid grub pa/ dpal 'khor lo sdom pa la phyag 'tshal lo/ /gang du thabs dang shes rab mnyam sbyong bas/ /kun rdzob don dam dbyer med rang bzhin can/ /bde dang stong pa 'dus pa'i ras gang ba'i/ /gnyug ma'i ye shes de la bdag phyag 'tshal/ /gang zhig goms par gyur pas srid pa yis/ /brtson rang brkis pa'i 'ching ba kun gcod pa/ /sems kyi dam pa rang rig rin chen mchog /gang la brten nas rtogs pa'i thabs bshad bya/ /drug dang brgyad gnyis bcu phrag gnyis dang lnga/ /bzhin rgyas mig yangs gzugs mdzes lang tsho ldan/ /dad dang thos dang snying rjes yid brgyan ma/ /skyabs song sems bskyed yang dag dbang bskur ba/ /nyes bral dben par g.yeng ba kun spangs te /khams dang rjes mthun bza' dang btung ba dang/ /dri zhim yid 'ong rgyan mdzes spyod dgu ldan/ /gang dang tha mal 'dzin pa rnams spangs te/ /dbang po'i gzhu ltar snang ba lha yi lus/ /de la yi ge dya ni sna rtse dang/ /bya ni mtshan gyi lte bar rnam dgod cing/ /lte ba snying ga kha dang dpral ba ru/ /sngags kyi tshogs dang bcas pas byin gyis brlab/ /'khyud dang 'o byed sen mo 'debs pa dang/ /mchu mthib pa dang nu ma 'tshir ba dang/ /nyed dang rdebs dang sor mo bskyod pa yis/ /dbang gnyis snyoms par 'jug pa'i sbyor ba bya/ /gang tshe mnyam med rin chen mchog lta bu/ /sems kyi dam pa rang rig bde chen po/ /gang du rtogs pa de tshe

Colophon

dpal 'khor lo bde mchog gi rgyun bshags bsdus pa/_/dpal ar+ya lha mo'i gnas pa/_/rgyal po in+d+ra bo d+his mdzad pa rdzogs so/