F578MW1KG13607_0578rgyudAll versions of this work

yon yongs su sbyong ba zhes bya ba

Text

ff. 168a–168b · 2 folio sides

  1. 168a

    'gyur ro// lan gnyis 'bum bzlas brjod byas na/ 'phags pa spyan ras gzigs dbang phyug mthong bar 'gyur ro// len gsum 'bum brjod byas na/ de bzhin gshegs pa 'od dpag med mthong bar 'gyur ro// gzhan yang phan yon dpag tu med mod kyi/ mdor sdus nas bstan pa yin no// 'phags pa yon tan sngags pa dpag tu med pa zhes bya ba'i gzungs/ rdzogs so// / dge'o// snang ba mtha' yas kyi gzungs zhes zer ba gcig dang / snang ba mtha' yas rjes su dran pa'i gzungs dang / 'di gsum don gcig par 'dug pas/ bzlos par mngon no// bkris// rgya gar skad du/ Ar+ya bi na ya ka su tra/ bod skad du/ 'phags pa bgegs sel ba'i mdo/ sangs rgyas dang / byang chub sems dpa' thams cad la phyag 'tshal lo// 'di skad bdag gis thos pa'i dus gcig na/ bcom ldan 'das mnyan du yod par 'dze ta'i tshal mgon med zas sbyin gyi kun dga' ra ba na bzhugs te/ de'i tshe bcom ldan 'das kyis tshe dang ldan pa kun dga' bo la bka' stsal pa/ dga' bo tshogs kyi bdag po tshogs kyi dbang phyug gis snying po 'dzin pa de'i cho ga thams cad dang / dgos pa thams cad 'grub par 'gyur ro// gsang sngags thams cad 'grub par 'gyur ro//

  2. 168b

    tad+ya thA/ oM na mo sU te/ ka Ta ka Ta ma Ta maT/ da ra da ra/ da ha da ha/ gri h+na gri ha na/ b+ha naM bAn dza/ na mo sta te/ ru tra baR+sha ya/ ha ha/ a b+ha tri bin du k+Shi b+ha/ tsit+ta ra na b+ha/ sa ma gang+ga ti/ ha ha yA/ ma ha hasti/ da k+Shi naM/ pra ko pa sa saM/ ku ru ku ru/ tsu ru tsu ru/ tu ru tu ru/ mu ru mu ru/ na mo na ma swA hA/ cho ga ni/ nad par langs te chu khyer gang la sngags lan bdun bzlas te steng dang 'og tu gtor na/ bgegs thams cad bcings par 'gyur ro// gsang sngags sgrub par 'dod pas/ skud pa dkar po la 'dud pa nyi shu rtsa gcig bor te lag pa cig bcings na/ rigs sngags 'grub par 'gyur ro// bgegs thams cad bcings par 'gyur ro// gang na tshogs kyi bdag po'i sku gzugs snang ba der/ sngags 'di lan cig bklags na/ nam yang bgegs rnams par chad mi byed do// bcom ldan 'das kyis de skad ces bka' stsal nas/ lha dang mi dang lha ma yin dang dri zar bcas pa'i 'khor de dag dga' zhing yid rangs te/ bcom ldan 'das kyis gsung pa la mngon par bstod do// 'phags pa bgegs sel ba'i mdo rdzogs so// // dkon mchog gsum la phyag 'tshal lo// de bzhin gshegs pa dgra bcom pa yang dag par rdzogs pa'i sangs rgyas rnam par snang mdzad 'od kyis rgyal po la phyag 'tshal lo//

Colophon

'phags pa yon yongs su sbyong ba zhes bya ba'i gzungs rdzogs so/