rdo rje yang tog gi snying po'i rgyud
Text
ff. 382b–395b · 27 folio sides
- 382b
zhes gsungs so// ston pa nyid mya ngan las 'das pa'o// de nas rdo rje sems dpas/ kye ma kyi hud kyi hud ces gsungs shing // mi snang mi 'khor rdo rje 'chang // phyir mi ldog pa kun tu bzang // snying po chos dbyings rdo rje'i sku// byin gyis brlabs kyis gzung bar zhus// zhes gsungs nas/ rgyud 'di bsdus nas sprul pa'i sku pad+ma 'byung gnas la gsungs so// rdo rje yang rtse'i rgyud las/ rjes su yi rang ba'i le'u ste nyer gcig pa'o// // rdo rje yang rtse'i rgyud rdzogs so// / rgya gar skad du/ badz+ra pa ye ke tu hr-i da ya ta na tra nA ma/ bod skad du/ rdo rje yang tog gi snying po'i rgyud ces bya ba/ dpal rdo rje 'chang chen po rang rig pa la phyag 'tshal lo// 'di skad bdag gis thos pa dus gcig na/ ston pa rdo rje 'chang chen sku// chos dbyings snying po rang byung gnas// snga phyi med pa snying po'i don// rang byung sprul pa'i nyid kyi 'khor// rang byung snying po rtogs pa'i chos// gcig las thams cad 'byung bar rtags// yang dang bral ba'i thig le ni// ci yang yin par thams cad grol/ de nas rdo rje sems dpa' dang // rdo rje dbyings kyi mkha' 'gro ma// rdo rje drag mo nyi zla'i gdong //
- 383a
sems dpa' rnal 'byor ma sogs kyis// ston pa nyid la 'di skad gsol// kye kye ston pa rdo rje 'chang // snying po nyi zla gas la bde// 'khrul pa log lhas pablo drug bsgribs// thugs rjes snying po me sel ba// sngon gyi thugs dam chen po ci// zhes nus pas/ de nas kun bzang rdo rje 'chang // byin gyis brlabs kyis 'khor rnams la// chos sku snying por sku bzhengs nas// rang byung snying po kun gyi gni// 'khor tshogs khyed la legs par bstan// de bzhin gsung nyid ming med de// 'khor ba'i sems can drang po'i phyir// tshig lam rkyen gyis mtshon te bstan// ces gsungs so// rdo yang tog gi rgyud las/ phun sum tshogs pa zhus lan gyi le'u ste dang po'o// // de nas rdo rje sems dpa' yis// rdo rje 'chang la 'di skad gsol/ kye kye ston pa kun tu bzang // snying po'i don 'di ji lta bu// zhes zhus pas/ kun tu bzang pos bka' stsal pa// nyon cig rdo rje rnal 'byor ma// snying po lhun grub kun gyi gzhi// rang byung du ma snying pa'i rtsal// nga ni rang byung snying po yin// thams cad nga las byung ba yin// nor bu rin chen yon tan 'dra//
- 383b
nga ni snying po kun gyi gzhi// da rtogs pas ni grol ba de// chos sku yul med phyogs dang bral// yul snang sangs pas rtogs pa rgyas// ming tshogs grol bas/ ye shes rgyas// skyes 'gyur ming med nga yi sku// nyi ma'i snying po 'od zer 'byung // chos sku'i snying po thugs rje 'byung // byin gyis brlabs su snang ba yin// nga nyid sprul pa rdo rje sems// sa bcu'i byang chub sems dpa' nga // de nyid sprul pa thub pa drug/ 'gro drug sems can rnams la snang // ma rig 'khrul pa rigs drug nga // bde gshegs snying po 'khor ba'i rgyu// 'gro drug sems can snying po khyab// nga las 'byung ba ma shes 'khrul// sa chu me rlung snod rten nga // nam mkha' khyab pa'i rang byung nga // gling bzhi gling phran ri rab nga // snod bcud snang ba gzung 'dzin nga // nga ni snying po hUM gi rtsal// 'khor 'das gnyis kang yi rtsa la// 'gag pa med pa gnyis kang // rigs lnga sangs rgyas nga yi sku// de yi yul lda nga yi gdangs// ye shes rnam lnga nga yi rtogs// spyan lnga rang rang mthong bas spyan// rigs lnga sku lnga ye shes lnga// hUM las 'og min sems dpar snang // rigs drug thub drug gdul byang // dug lnga phung po 'byung lnga nga // phyogs lnga 'dre lnga sde brgyad dang /
- 384a
phyogs skyong rgyu gar gza' brgyad dang // lha gru nor bu rin chen nga// nad lnga lo zla nag zangasang // phyogs lnga kha dog dbang pong // don snying yan lag sha rus nga // nga ni don gyi snying po hUM// gzhi rtags kun gyi dbugs dang skad // gzhi ni snying po chos kyi dbyings// zhes gsungs so// rdo rje yang tog snying po'i rgyud las chos nyid kyi 'byung sa bstan pa'i le'u ste gnyis pa'o// // de nas rdo rje sems dpas yang // kye kye ston pa kun tu bzang // de ltar chos nyid snying po 'di// 'khor 'das gyes pa ji lta bu// de yi dus 'di gang las byung // zhes gsol pas/ rdo rje 'chang bas bka' stsal pa// nyon cig sems dpa' mkha' 'gro khyod snying po gnyis med gzhi ma las// rang byung rang rlung 'gag pa med// snying po 'gag med ha rlung rtsal// de nyid rang gdangs 'od du 'byung // snying po hUM gi rang byung yin// kha dog sna tshogs gzha' ltar gsal// 'gyus dran 'dzin chags rnam shes dengs// 'od mthong de rang rang byung rtogs// phar ltas pas ni tshur la gsal// ye shes snying po 'khrul rtsa chod// srog la mi 'khor chog mi dgos// rang byung ye shes snying po grol// 'gyus dran 'dzin chags bag chags med// dge ba ma bsags sangs
- 384b
rgyas ngas// chos min snying po chos kyi sku// srog snying la shan de dus byed// dang po'i sangs rgyas rgyu med pa// rang byung snying po kha dog las// 'gyus dran 'dzin chags sgyu mar snang // rang byung ma rtogs bag ma chags// sgyu ma mchod chags sdang med// dug ldam rgyas ye ma shes// rgyu ma stong pa rgya yis thebs// khyod nyid sa bcu'i byang chub sems dpar snang // rigs lnga sku ldar bar ma // yar gzigs mar mthong so 'tshams pa// rgyu ma rang grol snying por rtogs// rdo rje sems dpa' chos sku yin// sgyu ma sgyu mar spyod pa longs sku yin// sgyu ma 'gag med cir yang ston// sprul sku thub drug ci yang ston// rdo rje 'chang ba tha ma des// thugs rje dbang po theg pa rims/ blo dang sbyar te snying po ston// ces gsungs so// rdo rje yang tog snying po'i rgyud las/ 'khor 'das 'khrul pas gyes pa las sku gsum sangs rgyas lugs kyi le'u ste gsum pa'o// // de nas rdo rje sems dpas yang // kye kye ston pa rdo rje 'chang // sku gsum de ltar sangs rgyas nas// 'gro drug khams gsum sems can 'di// ce las 'khor ba'i ji ltar lags// zhes gsol pas/ kun tu bzang pos bka' stsal pa// nyon cig sems dpa' mkha' 'gro ma//
- 385a
snying po rang byung 'od du shar// snying po rang rtsa la rang byung yin// 'gyus dran 'dzin chags bag tu chags// gzung 'dzin dug lnga chags sdang gis// srog dang snying pos gnyis su 'khor// sangs rgyas ye shes 'khor ba'i skyon// nyon mongs rang gis rang bcings 'byung // dper na srin gyi bal blangs des// srin gyi yan lag dbang po bcings// bde bar 'dod pas sdug bsngal byung // sdig pa ma bsags 'khor bar 'khor// las dang las kyi 'bras bur 'byung // 'gyus dran 'dzin chags gzhi yis sgrog phung po khams dang skye mched rtas// mtho ris ngan song dge sdig las// bde gshegs snying po 'khor ba'i rgyu// lus dang sems gnyis rtag tu sbyong // dgra gnyen gnyis kyi las la spyod// snying po rang byung ma rtogs pas// snod bcud gnyis su 'dzin pa rtas// hUM nyid snying po rang byung nyid// goms rtags ngo shes 'dris gnad gtsun// ces gsungs so// rdo rje yang tog snying po'i rgyud las/ sems can 'khrul tshul gyi le'u ste bzhi pa'o// // de nas rdo rje sems dpas yang // kye kye ston pa rdo rje 'chang // srog snying gnyis la 'khor ba yi// ma rig 'gro ba nyon mongs de// snying po don la ji ltar sbyar// 'gro ba'i gnas su gang du bsgral// ces gsol pas/ rdo rje 'chang gis bka' stsal
- 385b
pa/ nyon cig rdo rje mkha' 'gro ma// ma rig mig 'byed gdams pa yis// rdza bcag nang gi mar me bzhin// snying po rang byung rang gis rig/ yul med yul du 'dod pa rdza lta bu// snying po rang chas mar me 'dra// rang la yod de rang gis bsgribs// gzugs phung gshigs dang rang byung mthong // yul snang gzir dang rang byung 'char// 'gyus dran pa stims dang rang byung mthong // 'dzin chags spongs dang rang byung shes// 'gyus dran ma bu'i gdams ngag 'di// 'gyu ba ha rtsa la rang byung rlung // kyus kyis 'grus pas dran pas zin// 'gyu ba'i rta la dran pa'i srab// glang tshan lcags kyus bsgyur ba 'dra// rta rgod srab kyis btul ba yin// dran pa sangs pa'i ye shes yin// 'gyu ba'i rtsal gyis dran pa grol// yul snang sangs pas rang byung nyams// dran pas zin pa ting 'dzin nyams// chu yis chu ded rgya mtsho'i glong // nyams las 'das pa'i ye shes yin// 'gyus dran sangs na/ nyams las 'da'// 'dzin pa gang na gang la gtad// cig la las su rung bar gyis// chags pa sangs pa'i rang nyams yin// yul rten bral ba'i rang byung nyams// dran pas 'gyub grol te rtse chod nyams// 'dzin pas chags partas te rtse chod nyams// bu gdan dran pas che ste ma yi nyams// ma gnad 'dzin pa'i gnad de rang byung nyams// rlub
- 386a
gnad 'gyu ba dran pas so// dran gnad 'dzin pa chags sa gang yang med// ri dgas khyis ded thar pa med// ta la mgo bcad skye ba med// ces gsungs so// rdo rje yang tog snying po'i rgyud las/ 'khrul pa rtsad gcod kyi le'u ste lnga pa'o// // de nas rdo rje sems dpas yang // ston pa nyid la 'di skad zhus// kye kye ston pa rdo rje 'chang // snying po bsgrub pa'i rnal 'byor pas// bsnyen bsgrub 'phrin las dam tshig dang // mchod pa byin dbab gsang sngags gang // lta spyod dbang dang ting nge 'dzin// bsgrubs pas khyad par grub mtha' rnams// 'khor tshogs nyid la gsal bar zhu// zhes gsol pas/ rdo rje 'chang gis bka' stsal pa// nyon cig rdo rje sems dpa' dang // rdorje drag mo mkha' 'gro'i tshogs// de la gdung bzhi 'phrin las bzhi// sngags kyi yan lag dam tshig gsum// mchod pa'i bye brag bsgrubs pa yis// khyad par grub mtha' snying po bstan// ces gsungs so// yang bka' stsal pa// rjes 'jug 'phrin las gzhung srang ste// dpa' bo gcig pa'i gzhung 'dzugs na// dur khrod zag gam ci khrod dam// grog po lung stong nags kyi gas pa// dben gnas yid dang mthun pa ru// lha 'dre gdug pa mi med der// bla ma yi ma maN+Dal dang // chos skyong maN+Dal lags bshams
- 386b
la/ chu gtor gser skyems dkar gtor dang // bden pa bdar zhing dam tshig dbab// spang kong klag cing ci rigs brjod// mtho gzugs mtshams bcad phyi nang par// bla ma yi ma skyabs gsol la// ci 'byor yo byad byin gyis brlabs// gtor tshogs dza gad ra ka ta dgod// tshe bum mchod rdzas ci 'byor dgram// de nas rnal 'byor can de yis// sku gsung thugs kyi mtshams gcad bya// lha dang bla ma mjal phyag 'tshal// byin dbab rtags dbab dam bca' bya// phyi bshags nang bshags gsang bshags bya// dpa' bo mchod rdzas byin gyis brlabs// de nas ting 'dzin rnam gsum sgom// spyan drangs phyag 'tshal bzhugs su gsol// mchod 'bul sman gtor rak+ta dang // longs spyod tshogs kyi 'khor lo bskor// tshul dang mthun phyir dngos grub dbang // mchod par shags sbyor grol 'phrin las bya// 'jig rten mchod cing gtor ma gtang // dkyil 'khor bsdu zhing rnal 'byor bya// zhes gsungs/ so// rdo rje yang tog snying po'i rgyud las/ 'phrin las kyi gzhung gi le'u ste drug pa'o// // de nas yang rdo rje sems dpas yang / rdo rje 'chang la 'di skad gsol// kye kye ston pa rdo rje 'chang // rmongs pa gsal ba grol phyir du// gzhung ltar bsgrubs pa rgyas par gsungs// zhes gsol pas/ kun tu bzang pos bka' stsal pa//
- 387a
nyon cig rdo rje sems dpa' khyod// dpa' bo gcig pa'i rnal 'byor des// snying po rang byung gsal byas la// sems dpa' rnam gsum sku yi mtshams// rang byung snying po thugs kyi mtshams// hUM zhes brjod pa gsung gi mtshams// bzhi po'i hUM las spro zhing du// 'di skad tshig gi gsal de gdab// hUM/ steng yang hUM gi rang bzhin la/ 'og kyang hUM gi rang bzhin 'og/ phyogs mtshams hUM gis rab tu gang // rdo rje khro bo 'jigs pas bltams// mtshon cha sna tshogs ga shog pa can// sku yi mtshams las ma 'da' zhig/ hUM steng yang hUM gi rang bzhin la// 'og kyang hU~M gi rang bzhin 'og/ phyogs mtshams hUM gis bltams pa la// thams cad yig 'bru sngags kyi sgra/ gsung gi mtshams las ma 'da' zhig/ hU sku gsung snying po rang byung hUM// rnam par rtog pa nga rang hUM// nga rang hU~M du thams cad gcig/ mi rtog snying po'i mtshams las ma 'da' zhig/ hUM snying po rang byung bla ma lha// rang byung snying po sgo phye zhig/ hUM mos shing dad pa'i dam tshig gis// gnyis su med par phyag 'tshal lo// hUM lta bar hUM nyid ma rtogs shing // g.yeng ba snying po sgom yun thung // brtson 'grus sgrub pa gzhung ma tshugs// ma rig rang ma rtogs pa bshags// de nas gtor ma dza gang khrag/ 'byor
- 387b
pa'i tshogs dang chos rdzas rnams// hUM brjod 'od zhu spros bsdu yis// phyi nang gsum du byin gyis brlabs// rigs 'dzin la sogs byin dbab dang // ye dam mkha' 'gro byin dbab bya// rnal 'byor rtags tshe khrag tshil byug/ dam bca' bla ma lha dang bdag/ 'gro don bya bar sems dpa' bskyed// dam bsre sems bskyed sdom pa gzung // zhes gsungs so// rdo rje yang tog snying po'i rgyud las/ sngon 'gro mtshams kyi le'u ste bdun pa'o// // de nas bka' stsal pa/ nyon cig rdo rje mkha' 'gro ma// gzhung spyod dam gtsang rgyas bu des// de bzhin nyid dang kun tu snang // rgyu yi ting 'dzin bsgom par bya// ngo bo des tshig dbye ba dpe// de bzhin nyid dang kun tu snang // rgyu mi ting 'dzin rna gsum sbyar// sems dpa' rnam gsum gsal phyir ro// zad sar skyal ba gdams ngag yin// de don gsal btab 'di skad brjod// hUM ma nor ma bcos snying po nyid// rgyu rkyen skyo med stong pa hUM// hUM yongs la khyab pas bri bkol med// 'dod pa'i longs spyod nam mkha' hUM// hUM rang byung snying po klong yangs nas// thams cad bskyed pa rang byung hUM// hU~M las brum 'gros 'og min gnas// phyi med nang med gzhal yas khang // hUM thabs dang shes rab skyon med de// mi 'jigs 'dul ba dregs pa'i
- 388a
gdan/ hUM rang byung snying po 'phrul gyi sku// sku gsung thugs dang yon tan lha// gang snang 'phrin las yi dam lha// hUM 'og min chos dbyings snying po'i mkha'// rdo rje 'chang chen rdo rje'i rigs// rdo rje mkha' 'gro sprul pa'i 'khor// 'gro ba'i don la gshegs su gsol// hUM snying po chos sku rang byung lha/ rdo rje 'chang dang rin chen pad// rdo rje mkha' 'gro karma mkha' 'gro dang // phyag 'tshal lha la skyabs su mchi// hUM sems can nyi zla pad+ma'i steng // rdo rje de bzhin rin chen pad// karma rigs kyi yum dang bcas// gnyis su med par bzhugs su gsol// hUM rang byung gdod nas dag pa ste// rtsa brgyad snying po nyid kyi sman// bla ma rdo rje 'chang ba dang // mkha' 'gro sprul pa'i tshogs la 'bul// thugs rje che dgongs dbang dang dngos grub gsol// hUM gu ru badz+ra a mr-i ta khA hi/ hUM hUM hUM oM/ hUM hU~M hUM AHhUM hUM hUM hUM/ phyi nang gsang gsum tshogs kyi las// phyi yi mchod pa rin po che// 'dod yon dbang po lnga po 'bul// gzugs sgra ro sogs mchod par bzhes// hUM nang gi mchod pa rin po che// dbang po rnam shes rnam shes yul// thugs dam bskongs gyur rin po che// mthong snang dag par bzhes su gsol// hUM gsang
- 388b
ba'i mchod pa rin po che// 'grus dang dran dang 'dzin dang chags// srog dang snying po sbyor sgrol 'di// snying po skye 'gag med par bzhes// hUM snod kyi 'jig rten gtor ma'i snod// bcud kyi 'jig rten bcud dang khrag/ 'dod yon gtor ma tshogs su 'bul// bdud rtsi 'dod yon mchod par bzhes// hUM lus kyi 'jig rten gtor ma'i snod// sha khrag rus pa tshil bu rkang // dbugs chen gtor ma sman rag tshogs// phung po yan lag mchod par bzhes// hUM gsang ba dbang po yul drug snod// rnam shes dbang po 'gyus dran 'dzin// chags pa gtor ma ra ga ta khrag/ bdud rtsi tshogs chen mchod par bzhes// hUM gu ru ba ling ta khA hi/ hUM badz+ra ba ling ta khA hi/ hUM rak+ta/ hUM a mr-i ta/ hUM tsit+ta/ hUM go ro tsa na/ hUM ma hA maM sa/ hUM ma hA ba su ta khA hi/ hUM hUM hUM/ ha ha ha/ ho hi hau/ hUM/ hUM ye nas snying po chos kyi sku/ gdod nas skye 'gag rang byung hUM// thams cad rdo rje 'chang ba'i sku// 'gyur med rdo rje'i sku la phyag 'tshal bstod// hUM rang byung skye med drang po'i gsung // thams cad hUM du sgrogs mdzad hUM// snying po'i rtsa sngags mdo rgyud mchog/ kun kyang gdams par sgrogs la bstod// hUM nyag gcig zang thal chos las 'das// gcig tu mi
- 389a
rtog du ma med// 'grus dran med par 'dzin chags med// gnyis med rdo rje thugs la bstod// rdo rje yang tog snying po'i rgyud las/ gzhung mchod pa'i le'u ste brgyad pa'o// // de nas yang dag bshad bya ba// nyon cig rdo rje mkha' 'gro ma// de nas rjes 'jug slob ma la// gsang sngags hUM gi dbang bskur bya/ sku gsung thugs kyi dbang dang ni// gtor ma zhal zas tshogs dang phud// rak+Sha mar me tshe yi dbang // rdzas dang dar ma chags shing dbang // lha sgom spyod pa'i dbang bskur bya// rdo rje rgyal po rjes 'jug gis// zhus gnang dbang yon gdams pa bstan// dang po dbang la 'jug tsam na// dkyil 'khor dbang rdzas lta ba zhu// yon dbul dbang bskur gdams pa zhus// de don zhu ba 'di skad gsol// hUM bde chen snying po'i pho brang du// thugs rjes gnang 'tshal bstan par zhu// bdag lta nyon mongs snying rje la// ma rig mig 'byed gsal bar zhu// sngon gyi mig mkhan rgyal po yis// ma rig ling tog gsal bar zhu// 'jug khrid gdams pas chos bstan zhu// smras pa'i man ngag bstan par zhu// hUM skal ldan rigs kyi bu khyod kyis// bla ma rdo rje'i bka' drin gyis// gsang ba'i snying po'i dkyil 'khor ltos// hUM rang byung snying
- 389b
po'i dkyil 'khor 'di// gcig bltas pas ni thams cad mthong // rig pa'i me tog 'dir gtor la// mig 'di dbye yis legs par ltos// hUM badz+ra pra be sha phaT/ thugs kyi maN+Da kha pho brang ngo // de nas rigs kyi bu de la// rdo rje rgyal pos dbang bskur bya// hUM gtor ma ye shes phyag rgya che// gang mos lha ru byin brlabs nas// skal ldan khyod la dbang bskar bas// snying po hUM don rtogs par shog/ hUM hUM hUM/ ba ling dz+nyA na a b+hi Shiny+tsa man hUM/ hUMskal ldan rigs kyi bu khyod la// dza gad a mr-i ta yi dbang bskur bas// 'gro ba'i nad sel ye shes lnga// 'gro ba 'bangs su 'du bar shog/ hUM a mr-i te a g+hi/ hUM dmar che na rak+ta'i dbang bskur te// thugs rje chags pa rang grol nas// shes rab rang byung me 'bar te// mkha' 'gro dbang du 'du bar shog/ hUM rak+ta/ hUM/ skal ldan rigs kyi bu khyod la// zhal zas tshogs kyi dbang bskar 'di// thams cad yongs su rdzogs pa yi// bza' btung longs spyod tshogs rdzogs shog/ hUM bun dza a b+hi Shiny+tsa man/ hUM skal ldan rigs kyi bu khyod la// zhugs mar snang ba'i dbang bskur bas// rang gsal snying po rang rig sgron// ye shes rang byung rang snang shog/ hUM A lo ke a b+hi Shiny+tsa man/ hUM skal ldan rigs kyi bu
- 390a
khyod la// snying po mi 'gyur tshe yi dbang bskur bas// bar chod rkyen med tshe dang dbang thang rgyas// rdo rje hUM gi tshe dbang thob par shog/ hUM badz+ra A yu a b+h+ya/ Shiny+tsa man/ hUM badz+ra hUM bud+d+ha aM/ hUM rad na traM/ hUM pad+ma hI/ hUM karma ha/ de sku gsung thugs kyi dbang // rig pa 'dzin la dbang bskur gyis// hUM/ phyag rgya rang byung 'phrul/ gyi sku/ bde ba rang byung hU~M gi sngags// ting 'dzin snying po rang byung hUM// skye med sku gsung thugs su shog/ oM AHhUM/ dz+nyA na a b+hi Shiny+tsa man/ hUM mtha' bral mi yengs rgyun du spyod// mi 'phrog mi rtsol re dogs med// rdo rje 'chang ba'i chos nyid no// skal ldan khyod kyis rtogs par nog/ hUM d+hurma d+hAt+ta a b+hiSha mya man+ta/ d+hu rig pa rtogs pa rang gi dbang // rang chas snying po sdig sgrib grol// srog snying yul min gnyis las grol// chos min snying po rtogs par shog/ hUM dz+nyA na d+hI da a b+hi Shany+tsa man/ hUM chos rnams thams cad bzhi po'i hUM// brda dag bstan pas de nyid rig/ rang byung 'grus dran lam du slongs// 'dzin chags rang grol 'bras bu hU~M// de nas 'chad pa'i dbang bskur byas// hUM rdo rje 'chang ba rigs kyi bu// snying po 'gro ba yongs la khyab// de nyid rang byung hUM du gnas// de nyid khyod kyi tshig rgyud ston// ces gsungs so// rdorje
- 390b
yang tog snying po'i rgyud las/ dbang bskur gyi le'u ste dgu pa'o// // de nas yang dag bshad bya ba// nyon cig sems dpa' mkha' 'gro ma// 'phrin las bcol ba'i rim pa ni// dpa' bo gcig pa'i cha lag ste// hUM rdo rje 'chang ba nga yi sku// rdo rje zhi khro las byung // lha mo mdzes ma sna tshogs nga // gtum chen mtshon thogs nga nyid hUM// hUM las gyur pas bde chen hUM// rba phaT ya dang b+h+yo yi dza// ru lu kI la ya ma// snying po thams cad nga yi sngags// hUM zhi 'gyur tshe dang dbang thang rgyas/ dbang bsdus thams cad rlag par byed// srog snying gzer ba dgra dang bgegs// ming med srog dang bral bar mdzod// hUM raM las me byung me chen lnga// dug lnga 'dre lnga phung po sreg/ sna tshogs dmigs te 'od kyis bsregs// rang byung me ni nga rang hUM// hUM khaM las chu 'gyur rgya mtsho gling // klu chen klu bran sa bdag gnyan// nyon mongs snang ming sgrib pa 'khru// rang byung chu sdud dang rang hUM// hUM yaM las rlung byung dang po'i rlung // 'gyu ba rlung chen spro bsdu rlung // snang med rang byung dngos med hUM// hUMri rab chen po dpa' bo hU~M// ri bsten rdo rje rgya gram gser// lcags ri pho brang lha yi 'og/ khro bo chen po 'khor bcas hU~M// hUM rdo rje phur pa mtshon cha hUM/ nyungs
- 391a
/ sa na yo// klu ga na na ts+tshor dpal// mar la du nga pod+d+ha// denas gtor ma sgyus spyod// drang dang ga spyo / hUM mkha' 'gro rigs bzhi rnal 'byor ma// skyes bu ging dang ging phran tshogs// dbang phyug nyi shu bran mo brgyad// ma bdun sring bzhi po nya rnams// 'bar ba bstan ma mtha' skyong hUM// hUM ka yi gtor ma 'di bzhes la// gal te gtor ma ma blangs na// sngon gyi dam bca' 'gal la re// nyams pa'i chad pa byung nga re// de bas gtor ma 'di long la// dam tshig skyongs shig 'gal byed sgrol// de nas dngos grub blang dang gtor ma'o// rbad dang gtor ma sta ru gzung ba'o// zhes gsungs so// rdo rje yang tog snying po'i rgyud las/ 'phrin las yongs su mdzad pa'i le'u ste bcu pa'o// // de nas yang dag bshad bya ba// nyon cig rdo rje mkha' 'gro ma/ 'dzab 'di ma yangs snying po bzlas// hUM hUM/ b+h+rUM badz+ra hUM/ oM bud+d+ha hUM hUM hUM/ oM pad+ma hUM hUM hUM/ swa rad na hUM hUM hUM/ ha ka ra ma hUM hUM hUM/ hUM hUM hUM badz+ra DA ki ni hUM te te te na hUM hUM hUM hUM ra da na DA ki ni hUM/ te te te na hUM/ hU~M hU~M hU~M pad+ma DA ki na taM te te na hU~M/ hU~M hUM hUM kar ma DA kau ni hU~M te te te na hUM/ hUM hUM hU~M bud+d+hA nA ki ni hU~M ti te te na hUM/ skabs su pho mo'i snying po
- 391b
bzlas// oM AHhUM swA hA/ oM AHhUM hUM/ gcig dang gsum dang lnga pa'i sngags// dus min rgyun du bzlas pa yin// ces pa'i gsang sngags snying po'o// sngags kyi grong khyer sbrel ba ni// dpa' bo rang byung 'di ltar gdags// hUM dang ri rab can du sprul// phaT dang rlung chud can du sbrel// rbad dang gri khug can du sbrel// yang dang mtshon cha can du sbrel b+h+yo dang g.yab dar can du sbrel// dza dang lcags kyu can du sbrel// ri bo chen po'i mgul lam rtser// gnan dang sbrel te rgya gram mo// gdug pa tsher ma 'o ma can// rno pa la / ro dang sbrel ba'o// nyungs kar rdo lcags khrag dug dang // mA ra ya thun b+h+yo sbrel ba ni// las ka rdzogs pa'i hUM bskor ro// kA ya bAka dang tsit+ta hUM/ dngos grub dbang dang a li sbrel/ ces gsungs so// rdo rje yang tog snying po'i rgyud las/ sngags dang sbrel so'i le'u ste bcu gcig pa'o// // de nas yang dag bshad bya ba// nyon cig sems dpa' mkha' 'gro ma// dbab gcad sbyor ba rdzogs par gyis// rang byung snying po hU~M la bya// 'di ni 'phrin las yongs kyi rgyud// rtsa ba nor bu ran chen no// 'grus dran 'dzin chags las kyi mtha'// rdo rje yang tog las kyi khrigs// lag len dmar byang yang tog rgyud// kun dang 'brel ba'i snying po'i rgyud// rtsa ba thabs
- 392a
kyi rgyud du gsungs// 'di ni 'jug tu lag gis gtad// des kyang snying dang mig tu rtsis// sbas pa'i snying po gsang dbang 'di// dam tshig / gzhung srong yul khams dgra/ bdag gis mnyes 'pham gsum blang // bstan pa 'jig na las 'di bya// snying po 'khrul gyi skur bsgoms la// ngag kyang mi bsdang hUM sgra bgrang // yid kyang mi bsdad pho nya sgom// yul khams gsal bar byas la dbang // mdze thod sha khrag sngo sna tshogs// bong nga nyungs kar mu zi gnan// gu gul rabs tshad gri'o yi khrag/ hUM nA ga tsa pe ni ra hUM la sa ha/ hUM nA ga tsa pa ni ra hUM laM phrom/ hUM nA ga tsa pa ra hUM la chu dril phrom phrom phog/ yul khams phung bar the tshom med// zhag brgyad bsnyen la bzhi ru bsgrub// zhag gsum la sbyor dbab pa'i las// gtor ma 'ong ba'i dkyil du bskyal// khrag dang nyungs kar 'ong mtha' bskor// bong nga mu zi gu gul gyis// yul lha srer srun srungs ma bsnol// thod pa brdabs la khrag kyang gtor// ri rtser phyin la gos brdab thod pa bsgril// rgyu 'jug ldog par shes par gyis// lha srin kun la gtor mthong // 'dis ni thams cad chen la phebs// zhes gsungs so// de nas bsrung ba'i las byas na// dpa' bo gcig pa'i skur gsal te// rdo rje 'chang ba khro chen
- 392b
des/ seng ldeng zhing rtsi ba hUM bris la// gang dmigs yul phyogs bskor bar bya// rdo rje khro bos gtams bsams la// yul sde lha tshogs phyogs bcu la// me 'bar 'od zhu gzhan 'byol bsam// hUM hUM hUM ba shang ling ling zlog zlogs ma ya/ 'di ni gang 'dod me tog 'od// 'bras bu smin par the tsom med// byol te 'gro bar rgyal bas gsungs// rdo rje yang tog snying po'i rgyud las/ dbab gcad kyi le'u ste bcu gnyis pa'o// // de nas yang dag bshad bya ba// nyon cig sems dpa' mkha' 'gro ma// rjes su 'jug pa dang bsren// bdud rtsi byin gyis brlabs byas la// de nas phyag 'tshal 'di skad zhu// bla ma rdo rje 'chang ba nyid// rdo rje'i sku yi dkyil 'khor du// bdag kyang rab tu 'jug lags na// thugs rje chen pos dgongs nas ni// bdag la gnang bar mdzad du gsol// rdo rje gsung gis bdag kyang thugs rjes bdag la gnang // rdo rje thugs kyi dkyil bdag kyang // thugs rjes bdag la gnang bar mdzad du gsol// de nas rdo rje rgyal po yis// gnang ba sbyin zhing sman thogs la// yi dam rdo rje bla ma/ dang / rdo rje mched dang lcam dral la// lus dang srog la bab gyur kyang // zhe sdang mnar sems mi bskyed do// 'di ni sku yi dam tshig ste// dam tshig 'di las ma 'da' zhig
- 393a
oM i dan na ra kan/ zhes lce stangs su bzhag go// hUM lung dang ldan pa'i bla ma yis// snod dang ldan pa'i rjes 'jug la// yi dam snying po gsal phog la/ sngags dang phyag rgya rgyun mi gcad// 'di ni gsung gi dam tshig ste// dam tshig mchog las ma 'da' zhig/ oM i dan na ra kan hUM thun mong ma yin gsang chen ni/ gzhan la nams kyang bstan mi bya// 'di ni thugs kyi dam tshig ste// dam tshig mchog las ma 'da' zhig/ oM i dan na ra kan/ bdud rtsi lce la bzhag ste/ g+he'i dam tshig dpog go// sku gsung thugs kyi dam tshig 'di// ma nyams srungs na dam tshig ni// bdud rtsi lce la bzhag pa yis// snying gi dkyil du babs nas kyang / sems dpa'i dngos grub thob// dus la mi ltos da lta thob// rtsa ba'i dam tshig gsum nyams na// sman mchog bdud rtsi a mr-i ta// lce la bzhag kyang snying la bab// lcags kyi sdig pa mgo dgu yis// rwa rtse bco brgyad cig gyur nas// srog rtsa bcad de na rag gnas// de bas dam tshig ma nyams bsrungs// de nas yon tan bla ma mnyes// sdom pa gzung ste smon lam gdab// lus srog gces pas mchod byas la// dam bca' smon lam 'di skad do// snga rabs 'das pa'i sangs rgyas kyang // snying po rtogs pas sangs
- 393b
rgyas pas// 'bras bu grol ba de bzhin du// bdag kyang snying po dbyar dam len// rjes 'jug brlabs nas rjes su sgrub// 'das pa'i rgyal bas byin gyis rlobs// ma byon pa yi sangs rgyas kyang // snying po rgyud nas grol thar nas// ting 'dzin snying po dbyar dam lan// rjes su brlabs nas rjes su sgrub// ma byon rgyal bas byin gyis rlobs// da ltar bzhugs pa'i sangs rgyas kyang // snying po ngo shes rtogs nas grol// ting 'dzin snying po dbyar dam len// rjes su brlabs nas rjes su sgrub// da ltar rgyal bas byin gyis rlobs// de nas gzhung srang dbang bskur bya// gtor ma btang zhing dkyil 'khor bsdu// zhes gsungs so// rdo rje yang tog snying po'i rgyud las/ sems bskyed sdom pa'i le'u ste bcu gsum pa'o// // de nas ston pas bka' stsal pa// nyon cig rdo rje sems dpa' dang // rdo rje drag mo khro gnyer ma// bzhi cha ngos 'dzin thabs re che// 'gyus dran 'dzin chags pa dus kyis// skad cig ma 'di thabs myur bas// dran pa'i ting nge 'dzin gyi gnas// gtsun thabs lus ngag yid gsum gces// srog rtsol sdom pa thabs chen// rang byung 'khrul pa bshin pa'i chos// yul min gnyis dang bral ba gces// skad cig ma la blta ba yin// mthong bas kun gyi rtsa ba chod//
- 394a
tshegs chung man ngag ston pa gces// 'phrang bu chug la cig la bsdus// gzhi nyid snying po rtogs 'gris kyis// gdeng dang ldan par ma gyur na// gol ba'i sa dang ldang ba'i ro// ldog pa'i dus dang slebs pa'i tshad// srog snying man ngag med par ni// dmag dpon med pa'i dmag mi 'dra// grogs kyi yi ge med pa ni// dmag mi med pa'i dmag dpon 'dra// rgyan gyi yi ge med pa ni// go mtshon med pa'i dmag mi 'dra// snying po'i gnad dang srog gi gnad// gcig ni srog la gnyis ni ming // gsum ni grogs la bzhi ni rgyan// mgo ni chod la gzhug ma thogs// gzhug mchod la mgo bo thogs// skyed pa chod las stod smad khyer// khog tu tshang la khog tu dkrug ces gsungs so// rdo rje yang tog snying po'i rgyud las/ nyams blang srog snying gi le'u ste bcu bzhi pa'o// // de nas rdo rje sems dpa' dang // rdo rje mkha' 'gro drag mo yis// rdo rje 'chang la 'di skad gsol// kye kye ston pa rdo rje 'tshang // 'bras bu sangs rgyas grub mtha' gang // rgyud kyi dpe tshan ji ltar lags// tha ma su yi lag tu gtad// ces gsol pas/ rdo rje 'chang gis bka' stsal pa// nyon cig sems dpa' mkha' 'gro ma// 'bras bu gser dang de nyid ska// snying
- 394b
po rang grol chos kyi sku// yul snang sangs pa'i ming bral yin// sangs rgyas sa 'di 'di ltar 'thun// chu dang chu nyid 'dres pa'am// ma 'dres mtsho yi gza' skar 'dra// nam mkha'i mtha' bzhin tshad las 'das// thugs rje 'byung ba nyi ma 'dra// rang rang yul mthun thabs kyis 'dren// snying po rang chas kun la yod// ye shes gdams pa zur gyis bstod// ngo bo'i rgyud dang bka'i rgyud dngape // don gyi rgyud dang gsum du yod// ngo bo nges tshig dbye ba dpe// 'di ni gdams pa lag len rgyud// dper na nor bu rin chen 'dra// snying po thams cad 'byung ba yin// dper na za 'og ber khyim 'dra// snying po ma 'dres yongs su gsal// mu tig sta ra la brgyus pa 'dra// go rims 'grel pa rgyud na gsal// dper na nyi ma mun pa 'dra// thams cad 'gal byed ma rig sel// snying po gsal ba mngon du ston// sbas pa mig 'byed rgyud du zung // chos nyid snying po bla med rdzong // 'gyus dran 'dzin chags hUM gi 'phrang // bla med rdzong 'phrang rgyud du zung // kun gyi lag len gsal bar ston// snying po gsal byed rgyud du zung // gces pa'i man ngag mdzub khrid ston// gces pa dmar khrid rgyud du zung // rtse mo rtse mo 'og min gsungs// rdo rje yang tog rgyud du zung // 'bras bu rdo//
- 395a
rje sems dpa' dang // rdo rje mkha' 'gro 'khor bcas kyis// sprul sku rim par brgyud tshul dang // rgyal blon rig pa can dang sprod// de nas brag dang chu gzhung gis// dus kyi tha ma sngags 'chal tshe// bstan pa 'dzin pa the tshom med// ces gsungs so// ston pa nyid mya ngan las 'das so// de nas rdo rje sems dpa' dang mkha' 'gro ma kun gyis mngon par bsdus nas/ sprul pa'i sku pad+ma 'byung gnas la gtad do// sprul pa'i lha ma srin sde brgyad dang / rjes su yi rang nas mngon par bstod do// rdo rje yang tog snying po'i rgyud las/ rjes su yi rang ba'i le'u ste bco lnga pa rdzogs so// // gser la mthong sems mi bdog ste// zong med lag tu gser mi 'khor// chos la mthong sems mi bdog ste// snod med lag tu chos mi 'khor// don gyi snying po gsung rgyud 'di// snying gi phugs gtad tsha gis rgyud re// khong gi snying ba ton snying po rdo rje'i rgyud// yang rtse yang tog gdams pa'i mgu rnams// snying gi snying bton snying po hUM gis skor// skal ldan skyongs med pa'i bu la gtod/ kun gyi gzhi ma byed de nam mkha' khab mig 'dra// sa ni gser gyi gzhi ma byed de rdo dang bshag mas bsgribs// mig gis thams cad blta ste rang ma mthong bas lan//
- 395b
snying po nyid dang rtag tu 'grogs te grub mthas pasgribs// e ma rang gis rang bslus rang ka snying re rje// shin tu dkon pa'i rin chen gser kyang byin pa'i sa rdo'o// nor bu rin chen snying po ma bu gdams pa rnams// bzhin pa'i snod med sgro skur sgrib pa'i sa stengs gsang // zhes pas pad+ma 'byung gnas kyis// nam mkha'i snying po la gdams nas// lho nub kyi gling phran du gshegs so// rgya gar skad du/ hr-i da ya badz+ra rat+na sarba e ka tan tra nA ma/ bod skad du/ snying po rdo rje rin po che thams cad gcig pa'i rgyud ces bya ba/ dpal rdo rje 'chang chen po chos sku ye shes nyag gcig la phyag 'tshal lo// chos sku rdo rje 'chang ba de// snying po rang 'byung nyag gcig gnas// snga phyi med pa snying po'i dus// rang 'byung rang shar bar snang 'khor// gcig pu kun snang gnyis med chos// yang med nyag gcig rdo rje'i sku// nam mkha' dbyings dkyil nyi ma bzhin// 'og min rigs brgya nyag gcig snang // de nas rdo rje sems dpa' sogs// mkha' 'gro rdo rje drag mo yis// rdo rje/ 'chang la bskor phyag 'tshal// spyan sngar 'dug ste thal mo sbyar// rdo rje 'chang la 'di skad gsol// kya kye ston pa rdo rje 'chang // snying po theg pa nyag gcig kyang // ris