Q3085MW1KG13126_3085rgyud 'grelAll versions of this work

de kho na nyid rin po che'i phreng ba zhes bya ba

Tattvaratnaabalināma

Text

ff. 126b–130b · 9 folio sides

  1. 126b

    thabs yin te// shes rab stong pa nyid du brjod// de ni bdag nyid bslab byar 'dod// phyi nang dag pa de nyid ni// shes rab thabs kyi bdag nyid de// bde ba gnas med rnal 'byor pas// mdor bsdus 'di ltar shes par bya// rten cing 'brel 'brud tsam nyid phyir// yod pa ma yin stong nyid min// rang bzhin med pa'i rang bzhin can// snang ba lha yi rnal 'byor yin// ji lta ji ltar// snang gyur pa// de lta de ni stong nyid bdag/ gnyis dang gnyis med shes pa gang // de ni de yi bag chags 'bras// he ru kA yi rnam byed pas// dngos 'di bla mar byas nas su// seng ge lta bur sa// stengs rgyu// gang zhig rgyal ba rnams kyi dag pa rnam pas tshogs 'di dag kun nas rtag tu snang // gzod nas ma skyes mi 'jigs bskal pa bye bar rang dang gzhan du rtog pa spangs pa yi// bde ba brdzun par snang ba srid dang zhi ba mnyam pa nyid du gnyis med rang bzhin phyir// 'di ni 'khor lo'i bdag po rgyal ba'i yon tan du gyur thub dbang rdo rje mkha' 'gro nges par 'gyur// bde ba chen po gsol ba slob dpon a bad+hU ti pa dpal gnyis su med pa'i rdo rjes mdzad pa rdzogs so// / bla ma badz+ra pA Ni dang / slo ban gyis bsgyur ba'o// // @#/ nga # rgya gar skad du/ tat+ta rat+na a ba li nA me/ bod skad du/ de kho na nyid rin po che'i phreng ba zhes bya ba/ 'jam dpal gzhon nur gyur pa la phyag 'tshal lo// ston kA'i zla ba dri med 'od/ rdo rje sems dpa'i zhabs gnyis kyis// chu skyes la ni phyag 'tshal nas// de nyid rin chen brjod par bya// brgyud pa'i gzhung lugs las nyams shing // rab rib kyis ni mig bkab pa'i//

  2. 127a

    phyes bu rnams la yang dag pa'i// de nyid rin rer rnam bshad bya// de la theg pa ni gsum ste// nyar thos kyi thag pa dang / rang sangs rgyas kyi theg pa dang / theg pa chen po zhes bya'o// gnas pa ni/ bzhi dag ste/ bye brag tu smra ba dang / mdo sde pa dang / rnal 'byor spyod pa dang / dbu ma pa'i dbye bas so// de la bye brag tu smra ba'i gnas pa ni/ nyan thos kyi theg pa dang / rang sangs rgyas kyi theg pa zhes bya'o// theg pa chen po yang rnam pa gnyis te/ pha rol tu phyin pa'i theg pa dang / mchog ni bsal pa grangs med pa bzhis sangs rgyas nyid du 'gyur ro zhes zer ro// rang sangs rgyas rnams kyi dpyad pa ni/ nyan/ thos mchog rnams kyi bzhin no// 'di la zhugs pa'i gang zag ni stong pa nyid dang / bsam du med pa'i mtshan nyid dang / slob dpon med pa dang / rang byung gi ye shes dang / lhag mthong dang zhi gnas so// de la lhag mthong ni dbang po rnams 'gog pa dang / gang zag mi dmigs pa'o// zhig nas ni lus dang ngag dang yid yang dag par sdom pa ste/ 'di ni 'di'i bsam gtan no// 'di la gnyid kyi sems bsdus pa'i bde ba'i gnas skabs kyi sems kyi bsam gtan dang / sem las byung ba shin tu 'gags pa'i gnas skabs ni bsam gtan gyi dri ma'o// de la snga ma ni nyi ma'i gzhung la zhugs pa rnams kyi ste/ de 'ang / 'ong bar gyur pa'i gnyid dag ni// phyi yi spyod yul nyams pa na// yid kyi spyod yul gang gyur pa// de ni 'bad pas bsgom par bya zhes bya ba dang / gzhan yang bye brag pa'i gzhung gis rjes su 'brang ba rnams kyi yang / klu slab kyi// zhal snga nas/ shes pa med pa'i ye shes gang // gnyid kyi dpe yi bsgrubs pa ni// dbang po 'gags pa'i shes pa ste// bye brag pa yi 'dod pa yin// bcom ldan 'das kyi gsung rab las kyang / rgyal byed

  3. 127b

    tshal ni nyams dga' bar// bdag nyid wa ru gyur kyang bla'i// bye brag pa yi thar pa ni// nam yang gau tam ma 'tshal lo// zhes bstan pa yin no// 'di yang bskal pa grangs med pa bzhi 'das nas sangs rgyas su 'gyur ba'o// nyan thos dang rkyen rtogs 'di dag gi snying rje yang sems la dmigs pa ste/ sdug bsngal gyi sdug bsngal nyid dang / 'gyur ba'i sdug bsngal dag la nyin re zhing / sems can la dmigs nas snying rje gang/ skye ba de ni/ sems can la dmigs pa'i snying rje'o// nyan thos ni ngag gi ston pa'o// rkyen rtogs ni lus kyi ston pa'o// de yang rdzogs sangs rgyas rnams mi 'byung zhing / nyan thos rnams kyang zad pa na// rang sangs rgyas kyi ye shes ni// rtog pa med par rab tu 'byung zhes bstan pa'o// da ni pha rol tu phyin pa'i rnal 'byor pa rnams kyi brjod par bya'o// de la chu du ni mdo sde pa'o// yang 'di'i don ni rdul phra rab bsags pa'i ngo bo rnam pa dang bcas pa'i shes pa bskyed par byed pa'i ngo bo'o// de yang 'di'i ngo bo nyid ni/ gang gi phyir rnam pa dang bcas pa'i shes pa skyed pa nyid ces bya'o// de yang tha dad dus su ji ltar gzung zhe na/ mkhas pas bzung bar grub nyid// rig pa'i shes par gtan tshigs nyid// shes pa rnam pa len bzod pa'o zhes bya ba ni brtag pa'o// dbang po yul gyi grong las yongs su ldog pa'i bsam gyis mi khyab pa'i bsam gtan no// de'ang 'di ni/ goms par bya ba'i dus yin gyi/ mngon sum du bya ba'i dus ni ma yin no zhes gsungs pas de'i phyir goms par bya ba kho na'o// goms par bya ba'ang sems kyi sems med rtogs pa yi// gang tshe goms par byed pa na// gang nas gang du song gyur pa// de tshe sems mthong mi 'gyur ro// skad cig skad cig la brten nas// rdo rje skyil krung bcas nas ni// sna rtser g.yo ba'i yid gtad la// khyim par gyur kyang bsgom par bya ting nge 'dzin/

  4. 128a

    'di'i dri ma ri snga ma bzhin no// 'khor gsum mi dmigs pas shes rab kyi pha rol du phyin pa lnga la kun tu spyod cing 'bras bu la re ba med par sems can yongs su smin par byed pa ni lta ba'o// 'bring po rnal 'byor spyod pa la// ngal rnam pa dang bcas pa'i shes pa smra ba ni/ drug gi TIg car sbyar ba na// phra rab cha shas drug tu 'gyur// zhes bya ba la sogs pa'i rig pas rdul phra rab kyang dmigs par mi 'gyur gyi/ 'di dag thams cad ni sems tsam ste/ sems nyid bzung ba dang / 'dzin pa'i rnam pa'i ngo bong dpral ba// gsal ba'id gsal ba rab tu ston pa'o// zhes rab tu rtogs pa'o// 'di'ang kye rgyal ba'i sras das khams gsal po 'di dag ni sems tsam mo nas gsungs pa dang / de bzhin du chos kyi grags pa'i zhal tha nas kyang // rdzas gas ngo ba zla' na// b+h+rUM yi don gyi chu ci cig nyid snyosogs ma yin na / bya yin gyi rgyuci zhig/ ces bstan pa me do// gzhan gnas kyapa dbang po'i don gying bo nyid// sems las gzhar yong ma yin te// gzugs la sogs pa snang ba 'i// sems nyid rab tu snang ba'o zhes bstar pas// de'i phyir sems kho na sna tshogs kyi rnam par gzhag pa gan la mi ltos pas rab tu gsal ba zhes bya ba ni// rnam pa dang bcas pa'i shes pa smra ba'i rnal 'byor spyod pa'i rnam par brtags pa yin no// rnam pa med par snga ba'i rnal 'byor spyod pa ni yang / 'di dag thams cad sems nyid de// rnam pa med pa'i rang rig pa'i ra ba sams zhes bya'o// de yang ji ltar byis pa rnam brtags pa'i// rol dor ni yod ma yin// bag chags kyis ni dkrugs pa'i sems// don du snang ba rab tu 'byung // gang zhig ji srid snang gyur pa'i// de srid snga ma bzhin du skang // snang ba med pa'i de nyid ni// nam mkha' mtha' med dag pa bzhin/

  5. 128b

    grub pa chen po chos sku ni// spros pa med cing snang ba med// de las byung ba'i gzugs kyis// rjes la sgyu ma bzhin du gnas// zhes bstan pa ni rnam par brtags pa'o// rnam pa dang bcas pa'i bsam// gtan ni rnam par rtog pa ma lus pa spangs shing // sna tshogs dang bcas pa gnyis su med par mngon sum du byed pa'o// de yang shes bya gang dang gang dag la// yid kyi 'gro ba der sbyar na/ gang du 'gro zhing g.yo bar 'gyur// thams cad de yi rang bzhin ro zhes bstan pa yin no// rnam pa med par sla ba'i bsam gtan ni// bden pa gnyis su med ring bsam gyis mi khyab pa/ spros pa med pa/ snang ba med pa'i ye shes ni mngon sum du byed pa'o// de'ang 'di'i ngo bo gsal bar 'dod// rnam pa med cing ma gos pa/ 'di ni mkhas pa ma yin pas/ rnam yang shes par mi nus so// 'di dag thams cad sems tsam zhes 'di tsam du yang dmigs nas su// ci yang rung ste mdun 'jog na/ de nyid tsam la mi gnas so// gang tshe shes pas dmigs pa rnams// nye bar mi dmigs pa yi tshe// sems tsam la ni gnas pa ste// gzus ba med pas der 'dzin med// ces bstan pas so// rnam pa dang bcas par smra ba'i ting nge 'dzin gyi dri mi ni/ don dam par rtag par 'dod pa ste/ bcom ldan 'das kyi gzhung la gnas nas rig byed pa'i rjes su/ 'jug pa ste/ de yang don dam par btags pa rang gi sems kyi ngo bo la tshab ba las gzhan ma yin pa yongs su gyur pa'i ngo bor 'gro ba rnams 'dod do// de yang cung zhig gang dang gang mthong ba// de dang de ni tshangs par rtag/ sems ni de las gzhan pa med// tshangs pa nyid la nges par gnas// zhes bya ba ni/ rnam pa dang bcas pa ting nge 'dzin gyi dri ma'o// de bzhin du rnam pa med par sla ba'i bsgom pa'ang /

  6. 129a

    rtag pa snang ba med pa'i spros pa rang rig pa'i shes pa ste/ nyi ma'i gzhung gi rjes su zhugs par thal bar 'gyur te/ de yang ming dang gzugs ma lus pa dang bral ba/ spros pa'i 'khrul pa ma lus pa rnam par dag pa rab tu gsal ba mtha' med pa/ bar mtshams med pa/ rtag pa'i tshangs par khas len par byed do// de yang bdag gi rtog pa rgya mtsho dngas pa la// sna tshogs chu bur gsog 'di 'byung bar 'gyur// 'char ba dang ni nub par 'gyur ba yang // rnam par rtog pas kun tu ma rtogs pa'o zhes bya ba ni rnam pa med par sla ba'i ting nge 'dzin gyi dri ma'o// 'di'i lta ba yang snga ma bzhin no// rab ni dbu// ma pa'o// de la sgyu ma lta bu gnyis su med par smra ba'i spyad pa ni// yod min med min yod med min// gnyis kyi min pa'ang ma yin pa// mtha' bzhi las ni rnam grol ba// de nyid dbu ma pa yis rig/ 'di yi don ni'i de yin te// yod pa ma yin pa ni sbyor bas gnod pas so// med pa ma yin pa yang bag chags kyi dbang gis mi bden par snang ba'o// gnyis ka la yang skyon gnyis yod pas ma yin no// / gzhan yang sngon dang da ltar dpyad pa med par sna tshogs ji ltar snang ba de ltar rdzas su bden pa ci zhig gang du thal bar 'gyur/ de ni sgyu ma lta bu gnyis su med pa'o zhes brtag pa'o// 'di nyid ni sgyu ma lta bu gnyis su med pa'i bsam gtan no// 'di la'ang chad pa la mngon par zhen pa ni bsam gtan gyi dri ma'o// sgyu ma lta bu gnyis su med par lhag par mos pa dang / pha rol tu phyin pa drug yongs su rdzogs par byed pa ni lta ba'o// chos thams cad rab tu mi gnas par smra ba'i rtag pa ni 'di yin te/ sna tshogs rtag pa ma yin te// chad par yang ni khas mi len// rtag dang chad pa gnyis ka yang // gnyis ka

  7. 129b

    min pa'ang ma yin no// 'di ni thams cad mi gnas pas// dngos po'i de nyid mkhas pas rig/ des na/ 'di lta bu'i rnam rtog gis// sems ni sems kyis rig ma yin// ji srid sgo btags thams/ cad ni// de kun thams cad du med pas// dbu ma'i don la sgro btags med// des na dgag dang sgrub pa med// shes pa gang zhes lhun grub pa// de la bsam mi khyab ces brjod// bsams bzhin du ni mi sems pa// de la bsam mi khyab mi brjod// bdag gis 'gro ba ma skyes zhes// blo na dag pa rtogs pa nyid// 'gro ba'i gzhug ma bden pa nyid// blo dang ldan pas 'bad pa med// de yang / sgro btag/ kun las nges grol ba// bdag gis de nyid du brjod do// stong pa la sogs mngon brjod dang // de la sgro 'dogs bcod pa'o// zhes bstan pa yin no// btags pa 'di'i don ni/ sgro ma btags pa'i don// gyi rang bzhin la// mngon par zhen pa med par mngon du byed pa med pa ni bsam gtan no// don thams cad chad par lta ba dang / bems po'i rang bzhin du gyur pa ni ting nge 'dzin gyi dri ma'o// sgro 'dogs pa med/ par pha rol tu phyin pa drug yongs su rdzogs par byed pa ni lta ba'o// 'dir dman pa dang 'bring po'i snying rje ni chos la dmigs pa ste/ chos rnams kyi mi rtag pa nyid kyi rlung gis bskyod pa'i chos thams cad la dmigs nas skye bar 'gyur ba rtogs par bya'o// rab ni dmigs pa med pa ste/ rang bzhin med pa'i chos yid la byed pas/ mngon par rtogs pa ni dmigs pa med pa'i snying rje'o// 'dir sku gsum rnam par bzhag pa ni mgon po byams pas gsungs so// de yang / gang gis srid pa ji srid par// 'gro la phan pa sna tshogs dag/ mnyam nyid mdzad pa'i sku de ni// thub pa'i sprul sku rgyun mi 'chad//

  8. 130a

    mtshan ni sum cu rtsa gnyis dang // dpe byad brgyad cu'i mtshan nyid 'di// theg chen nye bar longs spyod phyir// thub pa'i longs spyod rdzogs skur 'dod// zag med chos rnams rnam kun tu// rnam par dag 'gyur gang dag yin// 'di dag rang bzhin mtshan nyid can// thub pa'i ngo bo nyid sku yin// zhes bstan pa yin no// 'dir kho bos gsang sngags kyi gzhung ma bshad do// shin tu zab pa'i phyir dang / zab mo'i theg pa lhag par mos pa'i skyes bu'i spyod yul yin pa'i phyir dang / phyag rgya bzhi la sogs pa'i sgrub pa rab tu bstan pa rgyas pa'i phyir ro// de yang / don gcig nyid na'ang ma rmongs dang // thabs mang dka' ba med pa dang // dbang po rnon pos dbang byas pa// sngags kyi bstan bcos khyad par 'phags// zhes bstan pas so// de'ang khos dbang nges par bstan pa zhes bya ba na bstan to// gal te theg pa chen po nas don 'di nges par bstan na/ don dam pa la goms par bya ba'i phyir/ nyan thos dang / rang sangs rgyas kyi theg pa bcom ldan 'das kyis ci'i phyir bstan zhe na/ de blo dman pa yin te/ thob par bya ba'i theg pa chen po thob par bya ba'i phyir 'di dag skas kyi rim pa lta bur bstan pa yin no// de yang / sems can dang po'i las can rnams// dam pa'i don la 'jug pa la// thabs 'di/ rdzogs pa'i sangs rgyas kyis// skas kyi rim pa lta bus gsungs zhes bstan pa dang / dam pa'i chos pad+ma dkar po las kyang / theg pa gcig cing lugs kyang gcig/ gtso bos bstan pa 'di'ang gcig gang yang theg pa gsum bstan pa// nga yis thabs la mkhas pa'i dngos// zhes gsungs pa dang / klu sgrubs kyi zhal snga nas kyang / chos kyi dbyings la dbyer med phyir// gtso bos theg dbye ma mchis kyang //

  9. 130b

    khyod kyis theg pa gsum gsungs pa// sems can gzhug pa'i ched du lags// zhes bstan pa dang / gzhan dag nas kyang / stong pa nyid kyis grol bar 'gyur// de ma shes pas 'ching bar 'gyur// bsgom/ pa lhag mdo don yin// zhes bstan pa yin no// de lta bu'i theg pa gsum rab tu bstan pa yang / rtog pa dang bcas pa dang / rtog pa med pas stong pa snyam sems dpa'i don rtogs par bya ba'i phyir ro// de yas gtso bos khyod kyi bka' zhig tu// yi ge gcig kyang ma gsungs so// gdul bya'i 'gro ba ma lus la// chos kyi char gyis tshim pa'ang mdzod// ces pa dang / kun tu rtog pa ma lus pas// yid bzhin nor ltar mgayos kyang // de ltar sems can thams cad kyis// bsam pa ma lus yongs rdzogs byed// 'khor lo bskor ba'i sbyor ba yis// mi rtog bzhin du skyob pa ni// tshogs kyi dbye ba nus pa yis// bstan pa rab tu 'jug par 'gyur// ji srid sems ni 'jug par du// theg pa'i mtha' la thug pa med// sems nyid yongs su gyur pa na// theg pa med cing 'gro ba med// dam chos las grub rin po che// dri med// ngag gi skud pas brgyus// dga' ba skyed byed rin chen phreng // brtan pas snying gar gdags par bgyi// bdag ni snying po la mos pas// rgyas par bstan pa ma lags pa// rgyas la dgyes pa'i mkhas pa rnams// bdag la thams cad bzod par mdzod// skal ldan gyis ni gsol btab bdag gis ni// 'bad pas bla med don ldan 'di brtsams pas// bdag gis bsod nams thob par gyur pa des// ma 'odra sems can de bzhin gshegs par shog/ de kho na nyid rin po che'i phreng ba zhes bya ba/ slob dpon a pra d+hU ti pa gnyis su med pa'i rdo rjes mdzad pa rdzogs so// // nags tsho tshul khrims rgyal bas bsgyur ba'o//

Colophon

de kho na nyid rin po che'i phreng ba zhes bya ba/_slob dpon a ba d+hU ti pa gnyis su med pa'i rdo rjes mdzad pa rdzogs so/_/nags tsho tshul khrims rgyal bas bsgyur ba'o