MW21521_562413མན་ངག་ཨ་ཏི་ཡོ་གའི་ཆོས་སྐོར།All versions of this work

ye shes sa gcig chos kyi dbyings

Text

ff. 183b–185b · 5 folio sides

  1. 183b

    'bar ba chen po'i spyod pa ni// cir snang byang chub sems su spyad// sems nyid chos kyi sku ru spyad// sku nyid spyad bya spyod byed bral// bya bral dang la rnam par gnas// skye med don gyi rnal 'byor ro// thugs rje rol pa gdams pa'i skabs// / ye shes 'bar ba rnal ma'i chos// yang dag don la mi spyod por ta ta tshig la zhen gyi na grags phyir slob// nga mkhas smra zhing don ma rtogs// shes tshul 'tshes pa'i khong thog can// rang gis rang bslus snying re rje// de bas snying po'i don la spyod// ye shes 'bar ba chos kyi dbyings// rdo rje sems dpas gsungs pa'o// rdzogs so// // / rgya gar skad du/ dz+nyA na d+harba e d+har+m+ma/ bod skad du/ ye shes sa gcig chos kyi dbyings// dpal rdo rje sems dpa' la phyag 'tshal lo// skye med blo las 'das pa'i skabs// ga de de nas skye med don gyi a// thob bsgrub kun gyi yul las 'das// re dogos blo las rnam par grol// skye med brjod med de kho na nyid// mtha' bral gnyis med don dam klong // dgag bya ba sgrub bya rnam par dag/ ma skyes rdo rje gnyis med ngang // yid la mi byed bya ba tsal bral// bya med rtsol ba bral ba'i

  2. 184a

    skabs/ tam bcos spos med chos nyid klong // cir yang mi dmigs rang bzhin dag/ 'di ni khyab brdal chen po'i sa// bgrod du med par lhun gyis grub// skye med gnyis med spros dang bral// sku lnga ye shes lnga yi ngang // mtha' bral mi 'gyur bde ba che// dmigs med ye shes rang snang dang // khyab brda la yangs pas nam mkha'i klong // spos med byang chub snying po'i dbyings// su bzhi cho ga chod chen po'i skabs// / / rtog med ma nyam nyid chos kyi sku// cir yang ma 'gag sprul pa'i sku// gnyis su med pas rdzogs pa'i sku// sku gsum rdzogs pas thig le ra gcig/ bsam 'das brjod med rang sar grol// kun bzangs dbyer med skye med sogs// bgrod med ye shes rdzogs pa'i skabs// thob sgrub med par thams cad rdzogs// snang srid byang chub sems su rdzogs// 'khor 'das chos kyi dbyings su rdzogs// sku gsung thig le gcig tu rdzogs// lhag mo med par yongs su rdzogs// mi 'gyur mnyam nyid dpe dang bral// dpe bral ye shes mtshon du med// ci phyir bsam brjod dmigs pa med//

  3. 184b

    dmigs med ye shes rang gsal klong // mi skye mi 'gag cir mi dgongs// go ba'i yul na bgrod du med// bgrod du med pas sa lam rdzogs// rtogs ldan chen po mchog gi skabs// / gnyis med rdzogs pas mtha' bral rdzong // dmigs med ma skyes de nyid dang // 'gag med A li kA lir rol// dbyer med ma btsal lhun gyis grub// smra ba sam brjod med tshig las 'das// mngon sum mi snang kun la khyab// khyob brdul ma bcos ye sangs rgyas// rang bzhin 'od gsal rnam par dag/ de nyid shes kyin rtogs na grol// rgyal sras bzhin du re dogs med// dgag sgrub med pa'i ye shes ni// rgyu yis ma bskyed rkyen dang / bral/ stong gsal dbyer med ye shes can// skye 'gag med par rnam par dag/ khyab brdal dri med rang bzhini dbyings// gnyis med mi 'gyur tshes sku'i rdzong // ye brdal byang chub sems kyi klong // kun rdzogs mtha' bral gnyis med chos// gnyis med yang dag bla na med// theg pa kun gyi gtso bo ste// sa rnams kun gyi ngo bo'o// de nyid dpe don tshig gsum skabs// khyab brdal chen po'i sa chen 'di// nam mkha' chen po'i klong chen bzhin// khyab

  4. 185a

    brdal mi 'gyur yangs pa'i klong // ma ki ta yi rgya mtsho bzhin// bde chen gnyis med kun rdzogs grol// nyi ma sprin med snying po bzhin// dus gsum 'grib med de bzhin nyid// brgya byin gtsug gi nor bu bzhin// 'dod dgu 'byung la 'gran zla med// skye med rtog med lhun gyis grub// 'gyur med rang gsal rnam par dag/ mtha' bral rang grol mtshon du med// gdul bya drang ba don gyi skabs// // tshig gsum don gyi 'bras bu la// lta ba'i rgyal pos rgyab sha bcad// bsgoms pas nang gi dras thag bcad// ro snyoms spyod pas gtan la dbab// rang snang mi dgag thabs su shar// gnyug ma'i dbang bopo lam las grol// khyab brdal sa chen non pa'o// rgyal po btson du bzung ba dang // bdud rtsi thigs pa lce la gzhag/ gangs ri rtse nus bsnyil ba ste// shing rta'i gzer mgo gA cad par bya// thugs rje ye shes gdams pa'i skabs// // ye shes sa gcig chos kyi dbyings// 'di yi don la mi 'dud par// mi chos g.yong ba'i las byed cing // snang ba rang ka tha mal lus// bka' la ras chod yig sna 'tshong // gsang ba'i chos rnams phyi ru sma//

  5. 185b

    'khrul pa'i chos la yang dag 'dzin// don dang mthun par ngas ma bshad// e ma nges pa'i don la 'thud// ye shes sa gcig chos kyi dbyings// rdo rje sems dpas gsungs pa'o// rdzogs so// / rgya gar gyi mkhan po shrI sing ha dang / bod kyi lo tsa ba bai ro tsa nas bsgyur ba'o// a haM/ rgya rgya rgya rgyu rgyu rgya/ shu b+h+raM// rgya gar skad du/ bo d+hi tsit+te a lang ka ra a mun ta b+ha ba nA ma/ bod skad du/ byang chub kyi sems kyi rgya mtsho klong dgu'i rgyud ces bya ba/ bcom ldan 'das rtsol bral dang la phyag 'tshal lo// 'di skad bshad pa'i dus gcig na/ de bzhin gshegs pa rang byung gsal ba'i sangs rgyas/ thams cad rang rig gsal ba'i ngo bo/ ye shes 'od gsal bde ba chen por rdzogs pa nyid/ rig pa mtha' dbus med pa'i gzhal yas khang / rang rig gsal ba'i dkyi la 'khor ye shes chen po'i klong gi gnas na/ rang bzhin gyi 'khor dang / rang bzhin lta ba dang / rang bzhin rtogs pa dang / dus gsum gyi sangs rgyas ril rig pa'i klong du thabs cig pa'i tshul du bzhugs so// de nas bcom ldan 'das de