MW21521_BF0328མན་ངག་ཨ་ཏི་ཡོ་གའི་ཆོས་སྐོར།All versions of this work

byang chub kyi sems rdzogs pa chen po ye shes gsang ba bshad pa'i rgyud gsal ba mtha' dang mnyams pa

Text

ff. 19a–41a · 45 folio sides

  1. 19a

    rdo rje mkha' 'gros srungs shig/ sa ma ya/ rgya gar gyi mkhan po sha ri sing ha pra ba ta dang / bod kyi lo tsa ba A tsar+ya bai ro tsa nas bsgyur cing gtan la phab pa'o// rgya gar skad du/ bo d+hi tsi d+ha ma hA san d+hi dz+nyA na gu h+ya shI ta na tra pra ka sa ko d+hi sa ma d+ha nA ma/ bod skad du/ byang chub kyi sems rdzogs pa chen po ye shes gsang ba bshad pa'i rgyud gsal ba mtha' dang mnyam pa zhes bya ba/ dpal rdo rje sems dpa' la phyag 'tshal lo/ 'di skad bshad pa'i dus na/ ston pa bstan pa gnas 'khor dus// ngo mtshar chen po a la la// ston pa kun rig rgyal po yis// 'og min rig pa'i gzhal yas su// bstan pa a ti yo ga 'di// gnas lugs stong pa kun 'byung 'khor// 'dzin pa sdug bsngal 'khor ba'i 'khor// ye shes rnam dag grol ba'i 'khor// gnas lugs 'khor lugs grol lugs gsum// dus gsum rtogs pa'i dus gcig na// yid dang chos ni kun tu bzang // 'byung ba lnga ni lha mor shar// phung po lnga ni rdzogs sangs rgyas// rnam shes tshogs brgyad sems dpar grol// yul brgyad sems mar rtogs pas su// kun rdzob ye shes sgyu ma la//

  2. 19b

    'jig rten brtan g.yo la sogs pa// snang ba nyid na ngo bos stong // stong dang mi stong mtha' ma reg/ de kun chos sku chen po yin// rnal 'byor rnam pa bzhi dag dang // dus gsum sangs rgyas thams cad yang // nga yi rang bzhin rtogs pa la// nga 'byed pa mi mnga' ba'i thugs rje thabs cig tu bzhugs so// de'i tshe de'i dus na lha'i dbang po brgya byin gyis shin tu gdung ba'i thugs rje chen pos phyogs bcu'i sangs rgyas thams cad la 'di skad ces bskul to// e ma ho/ gsung gi mnga' bdag thams cad kyis// rtsol ba'i theg pa mthar ston nas// rtsol bral theg pa mi gsung ba// thugs rje chen po yal lam ci// skal ldan gdul bya mchis pa la// bya bral bdud rtsi lta bu yi// skye med ye shes gsang ba'i rgyud// nam mkha' lta bu bshad du gsol// zhes zhus pa dang // de nas phyogs bcu'i sangs rgyas thams cad dgongs pa 'dus nas mgrin gcig tu/ rdo rje sems dpa' la 'di skad ces bka' stsal to// dus gsum sangs rgyas thams cad kyi tethugs rje'i rang bzhin khyod yin pas// sangs rgyas kun gyi mdzad par shar// mdzad pa'i 'phrin las khyod kyis mdzad// gsung gi mnga' bdag thams

  3. 20a

    cad kyi// ye shes rang bzhin khyod yin pas// thams cad byang chub sems su gsal// ye shes gsang ba khyod kyis shod// bde gshegs/ ma lus thams cad kyi// sku yi ngo bo dang ldan pas// rmad byung rol pa'i sku ru shar// sku yi sprul pa khyod kyis khye// dus gsum mnga' bdag thams cad kyi// yon tan 'dus pa khyod yin pas// rmad byung rol pa'i byin brlabs shar// yon tan thams cad khyod las byung // skye med nam mkha' lta bu'i thugs// tshig gcig don kun rdzogs pa'i bdag/ rin chen 'phrul gyi snying po'i sgo// skal ldan rnams la bstan du gsol// zhes gsungs pa dang // skye med rdo rje sems dpa' de rang bzhin 'dus ma byas pa'i rdo rje lta bu'i ting nge 'dzin las bzhengs te/ e ma ngo mtshar rmad byung gtsug/ rin chen 'phrul gyi thabs ldan pas// gang 'dod 'thun pa'i sgo de nas// rtsol med dbyig dang phrad par bgyi// byang chub sems kyi dngos po la// brjod pa'i tha snyad kun bral yang // ma rtogs blo la tshig go nas// gsung gi sgron ma gsal bar bgyi// zhes gsungs so// de nas sangs rgyas rdo rje sems dpa' des/ rin chen thugs kyi dpal be'u nas/ phyag na rdo rje

  4. 20b

    thugs kha nas phyung ste/ ye shes rang 'bar ba'i rdo rje 'khor ba gcod pa de lag tu gtad nas 'di skad ces gsungs so// gnyis med ye shes gsang ba'i don// byar med mi rtsol ye shes che// dbu ma chen po'i drang po'i lam// 'dus pa'i tshogs la bstan par bgyi// zhes gsungs so// de nas phyag na rdo rje sems dpa' la 'di skad ces zhus so// chos rnams kun gyi mthar thug pa// rdo rje sems dpa' nam mkha' che// nam mkha' rtog pa skye med cing // rtog pa de nyid nam mkha' 'dra/ ta mi gang nam mkha' ba sngo ba la// rang don chen po nam mkhas 'byung // thugs rje nam mkha' kun la khyab// nges don chos kyi rgyal po 'di// tshig gi spyod yul ma yin pas// bdag gis sgrol bar shin tu dka'// ma rtogs pa la tshig sgo nas// mtshon nas rtogs par bya ba'i phyir// gdul bya skal ldan yod pa la// ci rigs par ni rnam par sgrol// zhes gsungs pa dang // de'i tshe lha de ba bzang skyong gi bu lha'i bu kun dga' snying po zhes bya ba/ khye'u snang ba bsam gyis mi khyab pa zhes kyang bya/ lha bu sems lhag can zhes bya ba des/ gsang ba'i rdo rje la zhus pa/ e ma ho/ stobs po che la drag shul che// rig sngags gsang

  5. 21a

    sngags dge ba po// gdul dka' ma lus 'dul mdzad pa// sems dpa' rdo rje phyag 'tshal bstod// ye shes zhes ni gang la bgyi// gsang ba zhes ni ji ltar gsang // rgyud ces bgyi bar bshad du gsol// zhes zhus pa dang // bcom ldan 'das kyis bka' stsal pa// gdod nas ma skyes snying po a// rang byung ye shes rang gi sems// ye shes chen po gang 'dod pa// rang gi sems la btsal bar gyis// 'di ni kun la bdal khyab kyang // rang gsang thabs kyi mchod pas na// ye shes gsang ba sbas pa ni// gsang ba zhes ni de la bya// rgyud ces bya ba bzhi ru bshad// gzhi yi rgyud dang lam gyi rgyud// 'bras bu'i rgyud dang 'dus pa'i rgyud// 'di ru ma 'dus gang yang med// gzhi ni nyi ma'i snying po la// lam ni nam mkha' lta bur bde// 'bras bu yid bzhin nor bu la// 'dus pa rgya mtsho lta bu'o// zhes bka' stsal to// de nas gsang ba'i bdag po des// sum cu rtsa gsum lha gnas su// ma mo li ka khri stengs der/ gser gyi mchod rten bang rim bzhi// srog shing rdo rje rtse dgu'i steng // nang par 'od kyi zhags pa yis// sems dag can de spyan drangs te// 'khor lo 'bar ba'i steng

  6. 21b

    du gzhag/ gser gyi 'khor lo rtsa bi sa stong pa// rin chen 'bar ba'i gdugs phub ste// gsang sngags bdag por byin gyis brlabs// rgyal thabs spyi blugs dbang bskur te// 'da' ba med pa'i gdams ngag phog/ rna brgyud rdo rje zam pa bstan// dus mtha'i skad cig de nyid la// klong dgu bam po nyi khri des// rin chen 'bar ba'i ched du gsungs// lha yi dbang po'i drin gyis su// lha gnas gsum du 'di ltar grags// kun bzangs thugs kyi byin brlabs kyis// rgyal ba dgongs pa brgyud pa ni// byin gyis brlabs kyis bshad pa de// 'og min lha yi gnas su gsungs// zhal gyi pad+ma 'dzum pa las// rigs 'dzin rigs pas brgyud pa ni// rang gi ngo bo bshad pa de/ dga' ldan lha yi gnas su gsungs// ljags kyi 'od zer phyogs bcur 'phros// gang zag snyan khung brgyud pa ni// sde ba sbyor tshig gi bshad pa de// sum cu rtsa gsum gnas su gsungs// de nas 'dzam gling ji ltar babs// yang spul rgyal sras thugs kyi bu// u rgyan thor cog can gyi bu// rtse drug rin chen rgang de ru// rgyal po d+ha ra ma a sho yi// bu mo bde gshegs byang chub mas// da na ko sha li phug tu// brag phug gser gyi yu ba can// da he na

  7. 22a

    'du khang du// jo mo dang g.yog mor bcas nas phyin// tshe gcig sangs rgyas bsgrubs pa dang // pha med sras gcig sku bsnyams te// skyes ma thag tu chos shes te// sprul pa'i sku ru e ma ho// dpon g.yog thams cad dga' ba yis// dga' rab rdo rjer mtshan gsol lo// 'dzam gling 'jing dang rgyal 'theb bya// rgyal sras gsang ba'i snod ldan la// rna brgyud lung gis gter chen bkrol// brda don spyod pa'i gdams ngag btab// rgyal thabs spyi blugs dbang bskur te/ snod ldan sangs rgyas sa la bkod// ces gsungs so// gsal ba mtha' dang mnyam pa las/ gleng gzhi'i le'u ste dang po'o// // de nas sems dag rtse yi brus// bcom ldan 'das la 'di skad gsol// semagasang bdag rdo rje 'dzin// kun kuzhi ni mi'i stong ba sa// 'khrul pa'i dri ma yod dam med/ nam mkha' lta bu'i lam de la// zag bcas bde ba 'char mi 'char// 'bras bu rin chen lta bu la// thugs rje 'byung ngam mi 'byung lags// 'dus pa rgya mtsho lta bu la/ rnyog ma bdog gam mi bdog lags// zhes zhus pa dang / bcom ldan 'das kyis bka' stsal pa// dus gsum gsal 'grib mi mnga' yang // chu bur dang ni

  8. 22b

    zhig gi mig/ rkyen gnyis gsal 'grib gnyis su 'byung // bsam du med pa'i chos nyid du// bsam du med pa'i blo gzhag pas// sgyu ma'i bde ba 'byung bar 'dod/ mkha' bsal nam mkha' lta bu'o// dper na ra ni chen man shel la// kha dog phyogs ris med mod kyang // 'og gdan dkar dmar rkyen gyis su// thugs rje sprul par 'char ba'o// rgya mtsho chu bo 'phro 'du bzhin// rba rlabs med pa'i mnyam nyid mtsho// rnyog ma med pa'i bdud rtsi chu// khams gsum 'khor ba'i dri ma khrus// zhes bka' stsal te// gsal ba mtha' dang mnyam pa las/ rgyud bzhi mdor bstan pa'i le'u ste gnyis pa'o// // de nas sems dag lha'i bus// bcom ldan 'das la 'di skad ces zhus so// 'dus pa rtsa ba'i rgyud de ru// kun gzhi rtsad nas bcad pa dang // shes bya'i 'bras thag chod pa yis// rig pa reng sar grol ba de// ston pas bdag la bshad du gsol// sems dag can gyis zhus pa dang // bcom ldan 'das kyis bka' stsal pa// nam mkha' lta bu'i rgyud de ru// gdod nas ma skyes snying po a// gzhi la skye ba med par bshad// 'gro ba kun la rang bzhin gnas// de nyid kun la khyab par bshad//

  9. 23a

    ma rig las dang rlung gis 'khor// de ma rtogs pas 'khor bar bshad// rtogs na rdzogs sangs rgyas su nges// de rtogs sangs rgyas yin par bshad// 'di des kun gzhi rtsa bcad de// 'di ni shes bya dras thag gcad// khyung chen nam 'phangs gcod pa bzhin// lta bas phyi rgya rlabs kyi sa bcad// rig pa las su rung ba yis// ting nge 'dzin la 'byung 'jug med// thams cad de bzhin nyid shes pas// gnyis med rdzong nas sangs pa'i rgya// brdal khyab chen po sa non pas// kun tu bzang po bde chen sa// tha mar rig pa grol ba ni// lha yi bu khyod 'di lta ste// snang ba sems su grol ba ni// thams cad rang rig byang chub sems/ sems de stong par grol ba ni// nam mkha' bzhin du spros dang bral// stong pa gnyis med grol ba ni// sna tshogs rang bzhin mi gnyis che// de la mtshon du med pa ni ti thig ler rdzogs pas mtshon du med// rgyud kun gcig gis gcig bshad pa// gong 'og sdebs te 'di ltar bshad// skye med lta ba stong pa gsum// dus gsum gcig ste khyad par med// rang bzhin rnam par dag pa'i phyir// kun khyab sgom pa gnyis med gsum// dus gsum gcig ste khyad par med//

  10. 23b

    mtshan nyid gnyis su med pa'i phyir// 'khrul spyod byang chub sems dang gsum// dus gsum gcig ste khyad par med// rol pa 'gag pa med pa'i phyir// blo rtog 'bras bu thig le gsum// dus gsum gcig ste khyad par med// blo rtog chos nyid grol ba'i phyir// de ltar gtan tshigs bzhi po la// gtan tshigs re la gtan tshigs gsum// ngang dang rang bzhin bdag nyid des// gtan tshigs gsum gyis gtan la dbab// ma byas ma bcos lhun gyis grub// ces bka' stsal to// gsal ba mtha' dang mnyam pa las// bdud rtsi tshig gsum gyi le'u ste gsum pa'o// // de nas sems dag lha yi bus// bcom ldan 'das la 'di skad gsol// mnyam nyid rgya ma lta bu ru// le tse bcu gsum rdo rje rtse// zab mo bcu gsum rmad du byung // lnga tshems lnga la bsdus rgyas lnga// 'gro drug 'khor ba'i g.yang sa bcad// bzhi skor bzhal gtan tshogs bzhi// bdud rtsi lta bu bzhi dang sbyar// zhes pa dang bdud rtsi dri med brgyad ldan mtsho// mkha' la nyi shar 'od zer lnga// dbus na nam mkha' gzhi yi mthongs// gting na rin chen bcu gsum gter//

  11. 24a

    de tshig bdag la bshad du gsol// zhes zhus pa dang / bcom ldan 'das kyis bka' stsal pa// dper na sum cu rtsa gsum mam// rdo rje gdan gyi sa ris bzhin// mnyam pa'i sa la gru bzhir bri// thig bzhi btab pas le tse dgu// blo bur bzhi yis 'byed pa yi// le tse bcu gsum bri bar bya// phyogs bzhir rdo rje rtse gsum pa// 'gyur ba med pa'i brda yin no// zab mo bcu gsum rmad byung ba// rde'u bcu gsum dgod par bya// dbus su rde'u mthing kha dang // phyogs bzhir dmar po dgod par bya// mtshams bzhir ljang khyu dgod pa'o// blo 'bur bzhi la sngon po las// dbus la phyogs bzhis bskor ba ni// kun gzhi ris med lnga tshems so// shar la phyogs bzhis bskor ba ni// lha ba rdzong gi sna tshoms so// lho la phyogs bzhis bskor ba ni// sgom pa 'phrang gi snga tshoms so/ nub la phyogs bzhis bskor ba ni// spyod pa klong gi lnga tshoms so// byang la phyogs bzhis bskor ba ni// 'bras bu gdeng gi lnga tshems so// bsdus pa khru byug tshig drug la// rgyas pa sgom pa'i don drug ste// rnam rgyal brtsal chen brtsal thabs drug/ yongs rgyas khung chen che ba drug/ shin tu rdzogs par rgyas par ni//

  12. 24b

    nam mkha'i tshe yis thig le drug/ drug tshan lnga yis bshad pa yis// 'gro drug 'khor ba'i g.yang sa ga cad// dbus la phyogs bzhis bskor ba ni// kun gzhi rtsa nas gcad pa'i phyir// gzhi yi chos bzhir bshad par bya// dbus la mtshams bzhis bskor ba ni// shes bya'i dras thag gcad pa'i phyir// lam gyi chos bzhir bshad par bya// dbus la 'bur bzhi sa bskor ba ni// rig pa rang sar grol ba'i phyir// 'bras bu'i chos bzhir bshad par bya// rang bzhin rol pa mtshan nyid dang // blo grol de ltar gtan tshigs bzhis// go rims sbyar te bshad par bya// dper na rgya mtsho lta bu yi// 'dus pa le'u brgyad ldan pas// mkha' la nyi shar 'od zer lnga// bsdus rgyas lnga ru bshad par bya// dbus na nam mkha'i bzhi yi mthongs// bdud rtsi lta bu bzhi dang sbyor/ gting na zab mo bcu gsum gter// rmed byung ba de 'jam nam mkha' nyid// rje brtsan rtse mo kun 'dus la// srog dang myu gu rin po che// skyobacings 'phra bkod sems kyi tig/ khams gsum sgron ma sems kyi gter// shin tu rgyas par bshad pa ni// rgyud kun rang rang nang du bshad//

  13. 25a

    'dir ni bsdus te bshad pa la// ye shes gsang ba bshad pa'i rgyud// de phyir don 'brel gsal byed pas// rgyud kyi phyi ma yin par bshad// ces gsungs so// gsal ba mtha' dang mnyam pa las/ bsdus te bshad pa'i le'u ste bzhi pa'o// // de nas sems lhag lha yi bu sa// gsang ba'i bdag po bcom ldan 'das// gsang sngags gtso la 'di skad zhus// de gang gsang ba bshad du gsol// zhes zhus pa dang / bcom ldan 'das kyis bka' stsal pa// ston pa gsum dang rim pa brgyud// phyin ci log gsum 'gro drug la// ye shes gsang ba nyid du bstan// zhes gsungs pa dang // yang ni lha yi bu yis zhus// bstan pa gsum po gang la bgyi// rim pa brgyad la ji ltar gsang // phyin ci log gsum ci ru 'gyur// 'gro drug 'khor ba ji ltar lags// zhes zhus pa dang // smras pa/ mdo sde yan lag bcu gnyis dang // 'dul ba'i lung ni sde bzhi la// mngon pa gong 'og ston pa yis// ji tsam pa yi tshig brjod kyang // bya med rtsol bral ma bstan pas// ye shes gsang ba sbas te gag/ chos sku gdod nas dag pa la//

  14. 25b

    btags pa'i gzung 'dzin ngang gis med// des na chos nyid gsang ba yin// longs spyod rig pa dag pa la// phyi nang med par sems nyid gsang // des na ye shes gsang ba'o// sprul pa sna tshogs cir yang ston// dper na dug sbrul rtses pa 'dra// mo bcos spyan grub chen po la// nges pa med pas gsang bar bshad// yang smras pa/ nyan thos mdo sde bye brag gnyis// gzugs ye shes gsang ba la// gzugs su phra rab rdul du mthong // sems la rdul med phyin ci log/ rdul la rtsod pa e ma 'khrul// de phyir ye shes gsang ba yin// de bzhin cha 'thun rang rgyal ni// chos ni rnam pa bco lnga la// gzhan la bdag med cig ma rtogs// rten 'brel chos la nges brtags pas// rgyu med chos kyi don ma mthong // bse r+ya'i sa la ye shes gsang // theg chen bde ba gnyis su 'dod// kun rdzob sgyu ma'i dpe bzhin te/ don dam gtan tshogs rigs pas tshol// lam lnga sa bcu rim gyis bgrod// de yang bsti gnas drang ba'i don// bgrod med bgrod pas ye shes gsang yang smras pa/ bya ba rgyud kyi kri ya ni// mtho 'jam dma' rtsub rigs gsum 'dod// dag pa gsum gyi sgor zhugs nas// dam tshig

  15. 26a

    ye shes rje 'bangs lta// rtogs pas rdo rje 'dzin pa'i sa// nges pa thob kyang bcos pas gsang // gnyis ka rgyud kyi u pa la// lta spyod gong 'og rjes su 'breng // nges pa med pas khye bar 'dra// ye shes dam tshig dpon g.yog tshul// mtshan ma'i dngos po chu zla ltar// rigs bzhi zhen pas ye shes gsang // rnal 'byor rgyud kyi yo ga ni// mngon byung lnga yi sgor zhugs nas// don dam skye 'gag med pa la// byin gyis brlabs nas lha ru lha// bdag dang lha ni grogs po'i tshul// stug po bkod pa'i sa 'dod pas// ma bcos rnal ma'i sa ma rtogs// des na ye shes gsang ba yin// yang smras pa/ bskyed pa ma hA yig no// ting 'dzin gsum po gtsor byas nas// thabs dang shes rab skor zhugs te// shes rab gzungs ma mdzes ldan la/ thabs chen ye shes mngon sum du// bde ba zag med gzung ba yin// pad+ma spyan gyis skye bo// de yang rnam pa'i skyon yin pas// de la brten par mi bya gsang // rdzogs pa a nu yo ga yang // grangs mdog ma nges sku gsung thugs// dper na chu la nyi ldang tshul// ma bskyed rdzogs pa'i tshul du sgom// dbyings dang ye shes dbyer

  16. 26b

    med blta// yi ge 'khor lo tshogs chen blta// rang 'dod 'bras bu thob mod kyang // mthar thug 'bras bu des mi nus// des na e ma ye shes gsang // brtul/ ba'i bsam pas dbyings mi bskyod// des na de sgrib skyon can yin// de bas de lung de nyid la// de nas de nyid grub pa med// bya bral rdzogs pa chen po la// rim brgyad bgrod pas rtsol bral slad// des na ye shes gsang ba'o// zhes gsungs so// gsang ba mtha' dang mnyam pa las/ gang la gsang ba'i le'u ste lnga pa'o// / / de nas sems dag lha yi bus// bcom ldan 'das phyag na rdo rje la// zhen drug 'khor bar 'khyams pa yi// ma rig 'khrul pa ji ltar lags// zhes zhus pa dang / bcom ldan 'das kyis bka' stsal pa// byang chub sems kyi rang bzhin ni// gdod nas ma skyes 'od gsal de// 'khor 'das ma lus kun la khyab/ chos rnams kun gyi ngo bor shar// sangs rgyas sku dang ye shes thugs// sems can lus ngag yid la khyab// thams cad dbyer med byang chub sems// de ltar dag pa'i don rig na// dper na kun bzangs seng phrug bzhin// shes rab can gyis rtogs 'gyur te// ma rtogs mun pa'i mtsho la spyod// rtogs na sku gsung thugs yin te//

  17. 27a

    rang byung snga ru snang ba las// rang byung nyid du ma rig pas// zhen bsdu ru phyin ci log/ 'bras bu khams gsum sems can byung // 'khor ba thog mtha' med pa nas// rgyu rkyen rtog pa'i rkyen bzhis 'khrul// spyan cig skyes pa'i ma rig pas// kun nas slong ba'i sa bon byas// las dang nyon mongs rkyen byas nas// kun rtags ma rig pa yis 'khrul// grib ma gzugs kyi dpe bzhin du// skyod byed las kyi lung gi rlubs// zho sdang dmyal ba'i tshe grang 'khor// nyon mongs zhe sdang rnam smin gyis// dmyal ba'i gnas su skyes srid na// zhe sdang ye shes nyid du shes// zhe sdang ma spangs gnas su dag/ de ltar ma shes ye shes gsang // ser sna bkres skom yi dgas 'khor// ser sna las kyi rnam smin gyis// yi dgas gnas su skyes srid na// ser sna ye shes nyid du shes// ser sna ma spangs gnas su dag/ de don ma rig ye shes gsang // gti mug glen skrag byol song 'khor// gti mug las kyi rnam smin gyis// dud 'gro'i gnas su skyes srid na// gti mug ye shes nyid du shes// gti mug ma spangs gnas su dag/ de nyid ma rig ye shes

  18. 27b

    gsang // phrag dog 'gyur ba mi ru 'khor// phrag dog las kyi rnam smin gyis// mi yi gnas su skyes srid na// phrag dog ye shes nyid du shes// phrag dog ma spangs gnas su dag/ de don ma spangs ye shes gsang // nga rgyal 'thab rtsod lha min 'khor// nga rgyal las kyi rnam smin gyis// lha min gnas su skyes srid na// nga rgyal ye shes chen por shes// nga rgyal ma spangs gnas su dag/ de nyid ma rig ye shes gsang // 'dod/ chags ltung ba lha ru 'khor// 'dod chags las kyi rnam smin gyis// ltung ba'i sdug bsngal myong tsa na// ltung ba ye shes chen por shar// 'dod chags ma spangs gnas su dag/ de nyid ma rtogs ye shes gsang // 'khor ba shing rta'i 'phang lo 'dra// lha mi gtsang ma'i lus thob kyang // ma rtogs par du 'khor bar 'khyam/ tathog mtha' med kyang rtogs na yod// ces gsungs so// gsang ba mtha' dang mnyam pa las/ zhen drug la gsang ba'i le'u ste drug pa'o// / / de nas sems dag lha'i bus// gsang ba'i bdag po la'idi ltar zhus// log pa gsum la gsang ba'i don// ston pas

  19. 28a

    'tshams par bshad du gsol// bcom ldan 'das gsang bas bka' stsal pa// rtag pa chad pa rgyang 'phen gsum// lam log phyal ba log pa'i lam// 'jig rten 'dri yo btsan phyug las// phyi ma phyal bar 'dzeg pa'i phyir// mu stegs lha log bsam mi khyab// dbye na sum brgya drug cu ste// de yang bsdu na drug cu gnyis// shin tu bsdus pas rtag chad gnyis// shar byung log pa dag dang gsum// nga med nga dang bdag tu bzung // de phyir mu stegs 'khrul pa'i lam// des na ye shes gsang ba yin// tshangs pa dbang phyug khyab 'jug gsum// mu stegs lta ngan lha yin te// de la srog gi mchod pa dbul// me la rten dang dbyug gu gsum// phya 'am dbang phyug mchod legs na// mtho ris su yang de yis gtong // bya'am dbang phyug mchod nyes na/ ngan song du yang de yis sgyur// des na rig byed bzhi yis su// lam leg thar pa thob par 'dod// des na ye shes gsang ba yin// bdag ces bya ba'i rtag pa des/ mthe bong nyung 'bru tshul du 'dod// rang bzhin rtag par 'dod pa ni// sran zlum tsher ma rno sogs pa// 'di la byed pa su zhig yod// rang bzhin rgyu de rtag

  20. 28b

    par 'dod// rtag par lta ba thams cad la// rim dang cig car gnod pa'i phyir// des na ye shes gsang ba yin// mur thug chad par blta ba ni// 'byung ba 'dus / pa'i snang ba las// rang sar zad nas cang med 'dod// ma shi tshe la skyid par spyod// shi na'u yi spyod yul min// lus kyang thal ba bzhin song na// slar 'tsho ba dag ga la srid// dper na sbyang ku'i rjes dang mtshungs// des na log pa'i lam yin pas// de la rten par mi bya'o// chad pa gnyis 'dzin shes par 'dod// rten cing 'brel par 'byung ba'i phyir// dngos med rtag pa rig pa'i rgyun// rlung la rten gyin rgyun mi 'chad// des na ye shes gsang ba yin// e ma sems can// snying re rje// bdag tu 'dzin pas gzhi la lta// ye shes phyi nang med pa la// phyogs ris bye bas phyogs char ltung // bdag med bdag tu ltas pas 'khrul// bdag 'dzin med pa'i ye shes ni// phyi nang zang thal chen po la// phyogs su ltas pas grub pa med// des na ye shes gsang ba yin// rtag na ye shes chen por rtag/ chad na 'khor brtsad nas chad// bying na chos kyi dbyings su bying // rgod na ye shes rol par rgod// ces bka' stsal to// gsal ba mtha' dang mnyam pa las// log

  21. 29a

    pa gsum la gsang ba'i le'u ste bdun pa'o// // de nas sems lhag lha yi bus// gsang ba'i bdag la 'di skad gsol/ ye shes gsang ba thugs kyi mdzod// kun la gsang ba ji ltar rtogs// zhes zhus pa dang / gsang ba'i bdag pos bka' stsal pa// ye shes gsang ba'i rang bzhin la// sgra dang tha snyad kun 'das kyang // snod ldan rtogs par 'dod pa yis// gtan tshigs tshad ma gsum gyis ni// de rgyud rtogs pa'i rol par bshad// bya/ bral lung dang rig pa'i nyams// bla ma dam pa'i gdams ngag gsum// ye shes gsang ba rtogs pa'i mchog/ mkha' gsal byang chub sems kyi lung // snang srid sems su gtan la 'bebs// ye shes gsang ba'i ngo bo ston// bdag nyid gsang ba'i dkyil 'khor 'char// lung gsum snang bas ston pa'i bka'// yin pas nga yi bka' dang 'thun// thams cad sems su 'dus pas na// sems ma yin pa'i chos mi snang // ji ltar snang ba'i chos rnams ni// sems la snang phyir sems yin te/ thams can rang rig byang chub sems// de ni lung gi tshad ma'o// de phyir sems lung chen po yin// thams cad sems su gtan la dbab// des na thams

  22. 29b

    cad sems yin te// 'dzin pa'i shes pa yod pa'i phyir// tshor ba nyams su myong ba'o// rig pas nyams su myong tsam na// yid ches rig pa'i gtan tshogs so// rnam gsum lung gi ngo bo ni// sems nyid rig pa'i chos yin no// ngo gcig snang tshul tha dad yang // tha dad mthong ba brtags pa ste// bag chags logs pas skyugs tsas na// / sems kyang log par snang ba ste// dung la ser por mthong bzhin du// dung la ser por ma grub par// mig ser rkyen gyis log par snang // du nga la ser po yod na ta/ ma 'khrul shes pas mthong bar thal// de bzhin zhe na rtog 'khrul pa yis// brtags pa sna tshogs dag tu mthong // dper na phug ron ske lta bu// dang po mtshan ma'i rang rig ste// gnyis pa med pa'i rang rig yin// gsum pa gnyis ka med pa de// mtshan gzhi med pa'i mtshan nyid ni// mi srid me med tsha ba bzhin// shes pa skye lugs gsum yin te// rtog pa dang po chod pa yis// gnyis pa rang bzhin dbyings su thim// mthong ba sna tshogs rig pa'i nyams// bla ma'i zhal las shes par bya/ de phyir ye shes gsang ba yin// gsang sngags skyon yod ma yin te// blo ngan shes rab chung ba la// thugs rje chen po thabs kyis gsang // zhes gsungs

  23. 30a

    so/ tagasal ba mtha' dang mnyam pa las/ tshad ma gsum gyi le'u ste brgyad pa'o// / de nas sems lhag g+ha yi bus/ rdo rje zam par dbang bskur zhus// gsang ba'i bdag pos bka' stsal pa// gnas dang dkyil 'khor dpon dang g.yog/ 'jug tshul dus dang yon bdun bshad gzhi yi gnas dang rten pa'i gnas// thams cad rang rig sems nyid de// rgyu rkyen bral ba'i dngos bzhi ni// sangs rgyas sems can thams cad kyi/ bzhugs gnas rmad byung khyad par can// rten gnas ri bo de shan nam// za ma tog gi rgyal mtshan nam// rgya phug rdo rje gdan stengs sam// wA rA NA si'i bsil khang ngam// gru 'dzin ko sha li phug go// dkyil 'khor rang byung ye shes te// ma bcos dngos gzhi'i dkyil 'khor nyid// thams cad rang rig ye shes gsal// mkha' ltar khyab pa'i bde chen no// tsit+ta rin chen dkyil 'khor ni// 'og min rig pa'i gzhal yas khang // zag pa zad pa'i mtshan nyid de// dngas ma gsum gyi rtse mor sgom// brda don sprod pa'i slob dpon ni// rang rgyud ma bcos dag pa la// don dang 'dres pa'i sgra tshig gis// ye shes rig pa'i

  24. 30b

    ngo ba stan// ma nor nges pa'i slob dpon ni// rang sems bla ma kun gyi bdag/ thams cad rang rig rgyal po la// gdod nas kye med bya ba tsal bral// slob ma rang rig sems la slob/ rtogs ldan blo yi khyad par gyis// ting 'dzin shes rab rtsal du rdzogs// gsang sngags mdzod kyi gter 'dzin no// snod ldan slob bu dang pa brtan// rigs brgyud dag pas bla ma khur// man ngag gter 'chad gdams ngag byin// mang yang gsum las 'da' mi bya// ye shes gsang ba thugs kyi bcud/ bka' yi bcud bsdus a ti ni// snod ldan rgyal 'theb cig la gzhag/ dbang dang snod brtag cho ga dang // gsol ba btab nas gnang ba smyosbyin/ sngon du 'gro ba'i rim pa'o// dang po dngos gzhi'i dkyil 'khor bstan// kun rdzob dkyil 'khor lus la 'bog/ sprul tshig gdams dgarna bar gzhug/ sems lung 'bogs pa'i ga dmas ngag bstan// rgyas rtag sa gdab pa'i cho ga bya// lus la bde mchog bde ba'i dbang // yon tan ldan pa'i bu mo de// thabs kyi bsnyen pa gsum rdzogs nas// bde chen rdzogs pa phyag rgya'i rgyu// rin chen gter gyi gdams ngag sbyin// thabs kyi gar stabs bskyod pa yis// gnyis med sbyor ba phul

  25. 31a

    ba yin/ dga' bar gyur pas dam tshig de// mthong bar gyur pas dngos grub bo// rol pa'i cho 'phrul la brten nas// rnal ma'i don no rtogs par bshad// ngag la rang grol rlung gi dbang // bem po'i rlung dang rig pa'i dbang // dang po gyen rgyu thur rgyu dang // srog 'dzin khyab byed ma dang mnyam// 'byung ba rlung lnga rim gyi sa gzung // rig pa'i rlung ni gnyis yin te// las kyi rlung gis thur du lhung // ye shes rlung gis gyen la 'dren// rlung gi 'phen pas thams cad byedad/ ta bems po'i rlung la brten nas su// rig pa'i rlung ni zin gyur na// rtogs pa'i rlung chen don rtogs de// ye shes rlung ni zin pa yis// ye shes gsang ba'i don dang phrad// rol par rig pa rtsal gyi rlung // rnal ma'i don dang phrad par bshad// sems la ye shes spyi blugs dbang // rtogs med mthong ba'i lam dang phrad/ tasgom med don gyi gzer chen gdab// bgrod med rtog pa'i 'jing dang bral// rna brgyud lung gi gter chen sgrol// re dogs med pa'i btsan sa thob// 'di de rdo rje lam mchog ste// skal ldan 'bad pa med par grol// rgyal thabs kyi sems rin chen dbang // spyi thugs tshangs pa'i dbang zhes bya// rgyud dang lung dang man ngag

  26. 31b

    gsum/ ta gcig la gcig rten gcig gi ngang // rtsa la dang cho 'phrul rang snang gsum// rol pas ye shes gsang bar mtshon// dang po bcu bzhi zhag gi dus// nus pa'i tshogs bsog par chod bsrung // mthar phyi na thun mtshams bcu phrag bdun// bar do 'byongs shing mthar phyin 'gyur// de nas srog 'dzin bla ma la// lus dang bcas pa'i longs spyod dbul// brda tsam dbang gis mtshon nas su// gnas lugs rtogs par the tshom med// ces gsungs so// gsal ba mtha' dang mnyam pa las/ dbang gi le'u ste dgu pa'o// // de nas sems dag lha yi bus// bcom ldan 'das phyag na rdo rje la// shes skyo ba don dang ldan pa yis// sngags gsum bdag gis 'di skad zhus// 'dus pa'i 'khor tshogs mang po la// dam tshig gsang sngags srog yin pas// gsang ba'i dam tshig bshad du gsol// bcom ldan 'das kyis bka' stsal pa// lhun grub ye shes gsang ba la// rtsol bas bcos pa'i dam tshig med// dam tshig dam tshig ces bya ba// gud na yod pa ma yin te// rang sems dag na dam chog yin// dag pa'i klong na bsrung mtshams med//

  27. 32a

    rtogs pas lta ba'i yul las 'das// gsal ba bsam gtan spos dang bral// yul las 'das pas spyad du med// lhun gyis gnas pas sgrub tu med// ma yangs dran pas rang sar grol// sngags dang phyag rgya rnam par dag/ stong nyid ngang la mchod pashags med// 'khor 'das khyab gdal chen po la// 'phrin las rnam bzhi gdod nas rdzogs// rdzogs pa chen po dam tshig ni// rtsol ba'i nad kyis bsrung du med// ye bsrung gdeng gi mchod pa la// bsrung bya srung byed gan nga bkag med// re zhig brda tsam rol pa la// rig pa gsal ba'i dam tshig ni// rtogs ldan 'khor ba sgrol ba'i gru/ rdo rje nyi ma lta bur gsal// des na gsal ba mtha' dang mnyam// med pa phyal ba gcig pu dang // lhun gyis grub pa'i dam tshig go// rang rig ye shes gsang ba la/ ta gzung 'dzin mtshan ma'i chos med pas// brjod du med pa'i sems nyid kyis// bsrung du med pa'i ngang du bsdam// bsdam bya sdom byed bral bas bde// gnyis med rig pa'i dam tshig la// 'da' med srog gi gnas gyur na// ma bcos rgyal ba'i dam tshig yin// nam mkha' lta bur khyab pa la// mtha'

  28. 32b

    dang dbus med ma bcos pas// 'di yin 'di man phyogs dang bral// phyogs bral skyes bu chen po des// phyogs gcig spang zhing sgrub tu med// gtad med 'dzin bral chen po la// phyogs mtshams nges pa'i chos ma yin// sangs rgyas sems can thams cad la// ma bcos sems kyi rig pa gcig/ rgyu yis ma bskyed ye nas grub// rkyen gyis ma sbyangs gdod nas dag/ rang bzhin rig pa 'od gsal la// ma lus dgongs pa thams cad 'dus// dus gsum bde gshegs thams cad la ta tarang bzhin dgongs pa gcig las med// rang snang mi 'gyur chos nyid la// rang gzhag rig pa mi 'da' na// sems nyid gcig pu'i dam tshig go/ dus gsum sangs rgyas thams cad la// dam tshig 'di las yong mi 'da'// de la dam tshig phyi dang nang // rang bzhin phung po khams bzhin gnas// dus gsum 'di dang mi 'bral na/ dam tshig ming du btags pa med// rang byung 'od gsal rnam par dag/ lus dag rtsol ba'i nad med pas// ting 'dzin rig pa rtsal gyi dbang // mtshon pa'i tha snyad bral ba'o// re zhig kun bzangs rol pa ru// gyi nar gyun grub dam tshig la// ye shes gsang ba bya btsal bral// 'bad rtsol dam tshig zhi na sa dag/ sel med rin chen

  29. 33a

    gling bzhin du// rnam dag ye shes rang byung la// skyon gyi dri ma gdod nas dag/ gzhi rtsa med pa'i sems nyid du// brtags pa'i 'dzin rtog rnam par dag/ lhun grub 'od gsal brdal ba la// rnam rtog btags pa'i sems grub na// mu stegs sangs rgyas ci la rtsod// sangs rgyas sems can ci la btags// rtog pa mngon sum grub pa yi// gcig pur 'dzin pa'i log rtog la// 'khrul pa'i tha ram shin tu dam// rin chen 'phrul gyi lde mig gis// tha mal zhen pa ji ltar bzlog/ med de med pa'i snying po can// chad pa mtha' med ma yin no// yod de rdzas su grub pa med// phyal ba btang snyoms rnyog pa med// ril por 'dzin pa'i gcig tu med// thig le chen po spos dang bral// mu stegs lhun grub ma yin te// lhun grub 'dod pa kun dang bral// rgya chad phyogs lhung med pas bde// zhes gsungs so// gsal ba mtha' dang mnyam pa las/ dam tshig gi le'u ste bcu pa'o// // de nas sems dag lha yi bus// gsang ba'i bdag po bcom ldan 'das// bcom ldan thugs kyi bang mdzod nas// ye shes gsang ba rtogs pa'i phyir// ye shes mdzod chen bshad du gsol// zhes zhus pa dang /

  30. 33b

    gsang ba'i bdag po bcom ldan 'das// rdo rje 'chang gis bka' stsal pa// gdod nas ma skyes snying po a// sgro skur lta ba kun dang bral// thams cad gcig gi rang bzhin la// spangs 'gegs byis pas smad pa med// dbyer med ye shes lnga ldan la// skyong bgrod gnyis lha rang sar grol// skye 'gag gnyis su med pa la// bsgyur dang spyod lnga rnam par dag/ rnam dag lam chen kun grol phyir// mi skye mi 'gag cir mi dgongs// go ba'i yul na bde ba che// 'di ni rnam dag 'jig rten yin// des na lung ldan bla ma yis// rgyal sras slob ma skal ldan la// spyi blugs dbang la gnas byas te// rna ba rgyud gdams ngag nod par bya// bgrod med la ma la gnas byas na// sbyangs med sa yi yon tan 'phel// pra khrid sems kyi don bstan pas// sems nyid rin chen snying po la// skur ba'i cha gnyis mi rtog ste// brda don sprod pa'i godams ngag sbyin// spad pa gsum gyi gdams ngag gis// dmar khrid ngo sprad bstan pa dang // sgom khrid thun gyis thun du drang // byung sa gnas sa thims gsum// bar de'i gdams ngag shes par bya// gnad kyi gdams ngag ma shes na// kha lta mang pos don mi rtogs// sgra dang tshad ma

  31. 34a

    gang gis kyang // rig pa'i ye shes rnyed mi 'gyur// rtogs pa'i lta ba rig pa'i gter// mtshan ma ma spangs rang sar grol// 'khor ba ma bkag gnas su dag/ 'khrul pa ma bsal rtsa nas chod// dug lnga ma bsgyur chos nyid klong // rtsol sgrub med par ye sangs rgyas// yin pa'i don la yin par shes// lta ba 'di la gang gnas pa// sangs ma rgyas pa gcig kyang med// shar tshad rang shar chen po la// phyogs su ma lhung 'od gsal che// 'ching grol med pas lta ba yin// ta zhes gsungs so// gsal ba mtha' dang mnyam pa las/ ye shes mdzod kyi le'u ste bcu gcig pa'o// // de nas sems lhag lha yi bus// gsang ba'i bdag po rdo rje can// bcom ldan 'das la 'di skad gsol// ye shes gsang ba thugs kyi bcud// ting 'dzin sgom pa'i bsam gtan zhu// zhes gsol pa dang / gsang ba'i mnga' bdag bcom ldan 'das// gsang ba'i bdag pos bka' stsal pa// dang po rang sems rgyun la lta// gnyis pa bla ma'i gdams ngag sbyin// gsum pa brda don ngo bo sbeng // de nas lung ldan rgyal po la// rgyal 'theb blo dang ldan pa yis//

  32. 34b

    khrid gsum sems kyi don bstan pa// sems nyid ye shes gsang ba la// bskur dang ma bskur gnyis med kyang // brda don spyosprod pa'i gdams ngag zhus/ tami rtog ye shes bzhi cha gcig/ sems can kun gyi rgyud la gnas// gsum tsam 'khor ba'i rang bzhin yin// dus tshod bla ma'i zhal las shes/ lha yi bu khyod 'di ltar ste// de phyir brda don sprad par bya// dang po zhi gnas dus su ni// gnas pa yi ni ting nge 'dzin// gnyis pa lhag mthong dus su ni// mi g.yo ba ye ting nge 'dzin// gsum pa mnyam gzhag dus su ni// mnyam pa nyid kyi ting nge 'dzin// bzhi pa rjes thob dus su ni// ye shes chen po lhun gyis grub// de yang zhi gnas sgom pa la// dran pa shes bzhin rtsi yis gzung // dper na glung chen lcags kyu bzhin// ma yengs dran pas rang sar gri la// de ltar lhag mthong sgom pa la// shes bya chos nyid bum par gzhug/ gser bu ma til gyi sgron me bzhin// 'gyur med rig pa nang na gsal// de bzhin mnyam par 'jog pa la// dbang po mi dgag rang sar gzhag/ gser gling brda ba'i klong chen bzhin// gang ltas mnyam nyid

  33. 35a

    brdal ba'i klong // tha ma rjes thob dus su ni// thams cad rang grol chen por shar// dug sbrul 'bar ba'i mdud pa bzhin// rtsol sgrub med par rang sar grol// de ltar dus bzhin bsgoms pa yis// rnal 'byor nam mkha'i bya lam la// ma goms ngal du ba thun ches pas// byang rmugs rab tu 'thibs pa dang // lci zhing 'thams la don mi gsal// sgo lnga yul la 'phro ba dang // yid 'khrul dran rtogs bag chags ldang // rnam rtog kun bur 'dzag pa rnams// bying rgod skyon du gtang mi bya// bying na gsang la 'thor na bsdu// bying ba'i skyon rnams bcos pa ni// sa mtho ser bu bsil ba'i sar khrus byas lus bcag rgyang mig ste// glu blang gar bya rgyang mig lha// 'thams na bshig gin rig pa dbyer// rgod pa rnams kyi bsdu ba yang // gtad dang gzung dang rang sar grol// rang byung rang zhi nam mkha'i dpe// lta ba dran pas bcos pa'o// de ltar zla drug sgom pa dang // g.yo dang goms dang thobs dang brtan// gsal ba nam mkha' lta bu 'byung // nam mkha' dngas pa'i zla ba bzhin// kun tu snyoms la rtog sgrib med// kha skom zas dang bral byas kyang //

  34. 35b

    mdangs dang dbang po gting na gsal// bzod thob chos brgyad spong len med// 'dod yon lnga las rnam par grol// nyon mongs zher 'dzin rtog pa zad// lus yang shing bal dbugs mi tshor// grub pa'i drod dang rtags rnams 'char// mngon shes la sogs mtshan ma thob// mkha' 'gro'i lung bstan la sogs 'byung te/ ta de dag dga' brod mi bya zhing // med kyang ji mi snyam pa'i nyams// rtog pa'i mtshan ma ci skyes kyang // de nyid chos nyid yin shes na// dug la sman du shes pa bzhin// chos nyid gzhan nas btsal ci dgos// rnam rtog gnyen por mi rtog sgom// de ka rtog pa chen po yin// bzang rtog ngan rtog la sa grol bas// rdzogs chen rtogs pa'i rnal 'byor ba de// zhes gsungs so// gsal ba mtha' dang mnyam pa las/ ye shes gsal ba'i le'u skye bcu gnyis pa'o// // de nas kun dga' snying pos zhus// ye shes 'bar ba spyod pa'i glong // ston pa thugs kyi da pa la be'u nas/ ta gsang ba'i bdag pos bshad du gsol// bcom ldan 'das kyis bka' stsal pa// nyon cig sems lhag lha yi bu// ye shes gsang ba thugs

  35. 36a

    kyi mdzod// 'byed par byed pa'i lde mig ni// ye shes 'bar ba'i spyod pa yin// sems nyid don gyi ye shes la// spyad par bya ba'i gnas dang bral// bya bral dang las rnam par rol// mi brtsal ma spyod zhes de la bya// lus ngag yid gsum spyod pa ni// lus kyi phyag rgya rtsol ba med// tha mal chen po de bzhin nyid/ bag yangs spyod pa lkug par bde// 'gro 'chag nyal dang 'dug pa rnams// ci spyod don las ma g.yos shing // don dam bde ba'i rtsis zin na// spyod pa zhes ni de la bya// ngag gi snying po bzlas brjod med// ma bcos gsung gi spyod pa la// dper na bing ka'i skad bzhin du// 'gag med grag stong skye med gsung // gang ltar byas kyang bde bar spyod// 'ching grol med pa'i spyod pa'o// sems ni 'phro 'dra'i las mi byed// rang gsal klong la ye gnas pas// dran bsam rgyu ba gang yang med// spros med nam mkha' lta bur ba de// rang gsal ye shes chen por shar// skye med blo las 'das par spyod// blo 'das dgongs pa khong chud na// nam mkha' rdo/ rje'i spyod pa'o// phyi nang gsang ba kho na nyid// phyi rtog nang du bsdu ba dang // nang rtog gsang bar bstim pa dang // gsang rtog kho na nyid du grol// grol nas grol ba

  36. 36b

    lam yang ston// snying po klong nas grol ba la// mngon sum rjes dpag log par spyod// rtog ge'i spyod yul ma yin no// seng ge glang chen 'thab pa de// tha spre dag gis skyo ma bcug/ sgam gnyis e la 'thun tsam na// phra ma mkhan de sbyar la 'byung // zhes gsungs so// gsal ba mtha' dang mnyam pa las// ye shes 'bar ba'i le'u ste bcu gsum pa'o// // de nas lha'i bu des/ gsang ba'i bdag la 'di skad gsol// sangs rgyas kun gyi mthar thug pa/ ye shes sa cig bshad du gsol// bcom ldan 'das kyis bka' stsal pa// gdod nas ma skyes don gyis// thob sgrub kun gyi yul las 'das// re dogs blo las rnam par grol// go ba'i yul na bgrod du med// ma bcos ye shes bla ma'i sa// sbyangs pa ma yin ye nas grub// rang byung rnam dag kun tu bzang // dbyer med bde ba chen po'i sku// sku dang mdo sde bla med sa// nyan thos dgra bcom pa yi sa// rang rgyal yid bzhin bde ba'i sa// kun tu 'od dang rdo rje 'dzin// thug po bkod pa pad+ma can// tshogs tshin yi ge 'khor lo dang // kun bzangs dbye ba med pa'i sa// sa rnams sems la bgrang ba yang // ye shes gsang ba cig la

  37. 37a

    smras/ rdzogs pa chen po sa gcig pa// gang gis de rtogs de yi sa// rtogs pas yon tan drug tu shar// bkru gsal gzugs kyi dkyis 'khor la// 'od gsal rang byung ngo mtshar che// brjod bral sgra yi dkyil 'khor la// grag stong rig pa'i 'od gsal shar// rang bzhin sna tshogs dri dag la// ye shes gsal ba'i rang byung sems// mu kha ro yi dkyil 'khor la// bdud rtsi thigs pa lce la zhog/ gsal ba'i reg bya'i bde ba la// gangs ri rtse nas bsnyil bar bya// kun 'dus chos kyi dkyil 'khor la// rgyal po btson du gzung bar bya// de ltar tshogs drug grol ba yis// shing rta'i gzer mgo gcad par bya// zhes bka' stsal to// gsal ba mtha' dang mnyam pa las// ye shes sa gcig gi le'u ste bcu bzhi pa'o// // de nas sprul pa lha yi bus/ ta gsang bdag rdo rje 'dzin pa la// mthar phyin sku gsum bshad du gsol// zhes zhus pa dang / gsang ba'i bdag pos bka' stsal pa// snang ba ma bcos chos kyi sku// rig pa ma sbyangs longs spyod rdzogs// thugs rje sprul pa'i sku ru shar// chos skus nam mkha'i khams kun khyab// zhing

  38. 37b

    khams snang srid thams cad dang // dus gsum sangs rgyas thams cad dang // khams gsum sems can thams cad kun// chos sku ma bcos 'khor du 'dus// chos sku dngos med ye shes nyid// blo las grol te bsam du med// brjod pa'i tha snyad kun dang bral// mi 'gyur rdo rje nam mkha' 'dra// longs spyod rang rig ye shes te// gzugs kyi sku ru shar ba ni// mtshan dang dpe byad sbas pa la// snang la rang bzhin med pa'i lus// me long nang gi gzugs brnyan bzhin// ye shes sgyu mar snang ba'o// longs spyad rdzogs pa'i zhing khams ni// 'dod pa'i longs spyod thams cad la// spyod kyang ma chags longs spyod yin// de bzhin mi tog rgyan pa'o// 'khor ni byang chub sems dpa'i 'khor// tshigs dang yi ger mi brjod kyang // brda yis chos rnams 'jal bar ston// ting 'dzin rig pa'i gdeng gis go// thugs rjes ye shes sprul pa'i sku// gdul bya gang dang gang 'dul la// de dang de yi sku sprul pa// thub drug ngo bo shAkya thub// zhing khams stong gsum mi mjed la// gdul bya 'gro ba drug 'dul te// 'khor ni

  39. 38a

    rang snang rnam bzhi la// bstan pa sde snod gsum du 'chad// ces gsungs so// gsal ba mtha' dang mnyam pa las/ sku gsum bstan pa'i le'u ste bco lnga pa'o// // de nas sems lhag lha yi bus// gsang bdag che la 'di skad gsol// bcom ldan thugs kyi dkyil 'khor nas// ye shes rol pa bshad du gsol// gsang ba'i bdag pos bka' stsal pa// ye shes gsang ba snying po'i don// kun 'das ye shes dag pa'i 'od// thugs rje ye shes phyogs med shar// ye shes me long g.ya' dag la// ma bcos gzugs brnyan rang shar bas// gsal 'grib med par zang thal ni// me long lta bu'i ye shes so// snang srid byang chub sems su gsal// rang sar mnyam pas phyogs bcur brdal// 'gro 'od med pas dbyings su tham// mnyam pa nyid kyi ye shes so// rang gsal rig pa'i ye shes thugs// ma 'dres yongs rdzogs kun tu bzang // so sor mi rtog ye shes nyid// ma 'dres gsal ba'i ye shes so// mi 'da' phyag rgya chen po la// rang byung mdzad pa cir yang 'char// gdul bya'i bya ba kun sgrub pas//

  40. 38b

    bya ba sgrub pa'i ye shes so// ma bcos dbyings kyi chos nyid ni// 'dzin rtog rig pa'i chos med pas// sems kyi dkyil 'khor 'od gsal te// thong ba nyid kyi ye shes so// rang gsal shes pa ma bcos pas// don de shes pas ye shes yin// chos nyid kar dag 'od gsal sems// don de rtogs na ye shes yin// ma 'gags rang rig 'gyur med sems// rang byung ye shes lhun gyis grub// de don rtogs pa'i rnal 'byor pa// ye shes chen po'i klong na 'phyo// thig le drug 'dus nyag gcig la// che ba lnga dang gdod nas ldan// 'di don shes na ye shes yin// rtogs pa'i klong chen rab 'byam ni// klong chen dgu yi klong na 'phyo// 'di ru ma 'dus gang yang med// kun byed kun bzang brtson pa'i sku// skabs sbyor yi ge tshul cig klong // 'od gsal mi long rgya mtsho klong // klong dgu 'das pa'i rgya mtsho yis// ma rtogs pa la tshig sgo nas// ye shes gsang bar bshad pa yin// zhes bka' stsal to// gsal ba mtha' dang mnyam pa las/ ye shes kyi le'u ste bcu drug pa'o// // de nas sems dag lha yi bus// gsang ba'i bdag

  41. 39a

    be bcom ldan la// lung bstan rdo rjer bshad du gsol// gsang ba'i bdag pos bka' stsal pa// nyon cig kun dga' slong po byed// legs par nyon la yid la zung // ye shes gsang ba dam pa 'di// 'das pa'i dus na sngon byung ba// sangs rgyas mngon rdzogs rgyal po yis// thugs kyi rgyal sras bdun la gtad// de dag rig par mthar byin nas// de bzhin rtsol bral tshes la bkod// rdo rje 'dzin pa'i sde dpon gyis// sems nyid rig pa'i theg pa rtogs/ lha gnas gsum du grags 'gyur nas// yang sprul rgyal sras khyod kyis su// 'dzam gling dbus su rgyas par gyis// rgyal 'theb gsang ba'i snod ldan la// rna brgyud rig pa gsang ba'i rgyud// thugs rjes sprul pa'i sgo nas ston// gsang 'dzin rig pa'i snod ldan rnams// ma bcos gsang ba'i don go nas// rnam grol 'bras bu thob par 'gyur// mnyam pa'i don la mnyam gzhag na// de ma thag tu rig pa 'char// gsang ba'i snod ldan rigs 'dzin bzhin// dus tshigs phyir mar 'byung bar 'gyur// bstan pa bcud kyi mdzod 'dzin cing // rigs 'dzin sa la gnas pa'o// rdzogs chen a ti'i bsten pa 'di//

  42. 39b

    bsgrubs kyang nub par mi 'gyur te// don la 'gyur ba med pa'i phyir// nam mkha' bzhin du 'jigs 'dral med// gdod nas chos nyid spros dang bral// gzhan gyis nub par mi 'gyur te// rna ba rgyud 'phrul tshig mi ldan par// sgra bzhin spyad nas smra ba dang // lta spyod log pa'i nga rgyal can// ma bcos rang snang rol pa dang // rnam rtog zhen pa'i btags pa dag/ bye brag ma byed rmongs pa'i blos// bab col ba sres nas log par smra// rgya mtshor srung gi pha bong bzhin// rdo rje'i khab tu rtsa ra ha na/ des na thos bsam sgom gsum gyis// gtan la bo ba la nyams su long // zhes bka' stsal to// gsal ba mtha' dang mnyam pa las/ lung bstan rdo rje'i le'u ste bcu bdun pa'o// // de nas sems lhag lha yi bus// brda dang mtshan gyi bshad pa de// bcom ldan 'das la yang zhus pa/ tagasang ba'i bdag pos yang dag bshad// a ni skye ba med pa la// ti na 'gag pa med pa'i brda// yo ga rdzogs chen chos kyi rtsa// shin tu rnal 'byor lha yi lha/ lha yi bu khyod 'di lta ste// dgra gnyen med par goms gyur na// 'di dang bar ma do la grol// grol nas grol ba'i lam yang ston// sprad pa gsum

  43. 40a

    gyi gdams ngag gis// rdo rje sems dpa'i khang pa bstan// thig le khong du gdams pa ni// zag med ye shes bde bar bstan// sku gsung thugs phrad nyams myong gis// nam mkha' rgya mtsho nor bu bstan// dmigs pa spo ba'i bsam gtan gyis// shes pa drims pa'i brda ru bstan// tshor ba rjes med sgom pa ni// phyogs med log pa'i brda yis bstan// dus tshed bzhi che'i rig pa ni// shes pa zlog pa'i brda yis bstan// btang snyoms chen po'i gdams ngag ni// mkha' 'gro rgyud kyi brda yis bstan// g.yo med bum chu'i gdams ngag ni// thig le dbus gnas lag brdas bstan// dran pa rgyun chags gdams ngag ni// dgu bsdams pa yis gdams pas bstan// gti mug lam khyer gdams ngag ni// dran pa me long brda yis bstan// tshogs drug rang sar grol ba ni// sna tshogs ci rung brda yis bstan// dug lnga rang sar grol ba ni// dngul dkar me long brda yis bstan// steng sgo dag la brten ba ni/ ta rlung dang 'khor lo brda yis bstan// 'og sgo dag la brten pa ni// bo la ka ko la yis bstan// dkyil 'khor drug gi gdams ngag ni// spyod yul

  44. 40b

    drug gi brda yis bstan// skyes pa skye med gdams ngag no// phyag rgya bsgreng ba'i brda yis bstan// gag med rol pa'i gdams ngag ni// rdo rje gdan gyi brda yis bstan// gnyis su med pa'i ga dmas ngag ni// yi ge a yi brda yis bstan// brda d+bad brda ni bud pa dang // brda bral klong du gzhag par bya// kun dga' snying po 'di ltar te// mtshan don ming de brgyad du gzungs// ma bcos lhun grub zab mo'i phyir// ma bcos ye shes gsang ba'i rgyud// nyon mongs zhen pa'i 'phreng thag gcod// de phyir ye shes rdzogs pa'i rgyud// kun tu bzang po rig pa'i thugs// ye shes 'od kyi rgyud ces bya// kun 'dus ma nyam pa chen po yis// rgya mtsho ltar mnyam rlog med rgyud// chos rnams gsal ba'i ye shes sgron// nyi zla lha bur dri mod rgyud// 'di la mtha' dbus med pas na// nam mkha' mtha' dang mnyam pa'i rgyud// bde chen mdzes pa'i rgyan byed pas// skye med rin chen lta bu'i rgyud// gsang ba kun 'dus rig pa'i gter// gsal ba'i rgyud 'di phyi mar bshad// e ma ye shes gsang ba 'di// theg pa kun gyi yang rtse

  45. 41a

    dang / dgongs pa kun gyi zhe phugs yin// lung rnams kun gyi rgyal po la// gsung rab kun gyi nges don no// rgyud kun ma lus don 'brel te// bstan pa yongs kyi snying po yin// chos rnams kun gyi mthar thug go// gu lang lung gi gser gzo ru// seng ge 'o ma blugs pa bzhin// bka' yi bcud bsdus gsang ba 'di// snod ldan ngang tshul bzang la gtad// lha yi bu yi sems la zhog/ thugs rjes 'od zer phyogs bcur spros/ snod min dam tshog mo ldan pa// grib bzhin 'khor yang gsang bar bya// chu srin pir gyi gre ba bzhin// ye shes gsang ba bstan mi bya// ye shes gsang ba zab mo'i rgyud// gsang bar bkrol ba'i don 'brel 'di// de ba bzang skyong bu la gtad// gnas ni brag dang tshul gzhag/ ces gsungs so// gsal ba mtha' dang mnyam pa las/ brda dang mtshan gyi sgo nas bstan pa ste bco brgyad pa'o// // gsang ba gsal ba mtha' dang mnyam pa'i rgyud ces bya ba bcom ldan 'das phyag na rdo rjes gsungs pa rdzogs so// rgya gar skad du/ badz+ra kha sa mU la a