'jig rten gsum las rnam par rgyal ba rtog pa'i rgyal po
Trelogkyabijayamakalaparāja
Text
ff. 17a–92a · 151 folio sides
- 17a
gyi dngos ye shes// thar pa'i lam 'jug thob mdzad gang // chos kyi rgyal mtshan tog chen po// rdo rje dpal du de bshad do// rdo rje bzhad pa rnal 'byor che// sangs rgyas kun 'dzum rmad byung ba// 'di ni byang chub sems dpa' che// rdo rje bzhad par de bshad do// sangs rgyas kun gyi rnal 'byor che// sangs rgyas chos ni rtogs mdzad pas// de bzhin gshegs pa chos dag pa// rdo rje chos su de bshad do// shes rab rnon po theg pa che// nyon mongs thams cad nges gcod mdzad// shes bya'i sgrib pa bcod pa po// rdo rje rnon por de bshad do// sangs rgyas rol mo 'khor lo ni// chos kyi 'khor lo rab bskor ba// sems dpa' chen po theg pa che// rdo rje rgyu zhes de bshad do// rdo rje chos mar rnam par bsam// mdzes pa'i zhal dang spyan yangs pa// pad ma rag lta bu'i mdog/ sku mdog dmar po yang dag byung // chags pa'i pad ma 'dzin stug pa// mtshan rnams thams cad yang dag rdzogs// rgyan rnams kun gyis rnam par brgyan// rtag tu ud dpal dmar po ni// sangs rgyas thams cad rab bsgoms pa'o// chos kyi ye shes byed pa mchog/ gsang ba dam tshig rdo rje
- 17b
can// mkha' dbyings rdo rje dbus chud par// zla ba'i dkyil 'khor dam pa bsam// sangs rgyas gzugs ni rnam bsgoms la// sgrol ma mchog ni bsam par bya// zhal mdzes spyan ni yangs pa dang // sna tshogs rgyan gyis rnam par brgyan// kha dog ser po nyid bsam zhing // bud med sgyu ma'i dregs bde ba// rtag tu ud dpal dam pa ni// ser po snang ba bsam par bya// rdo rje nyid 'dzin las byung ba// sems can kun gyis phyag byas pa'o// oM ru ru s+phu ru dza la ti shA sid+d+hi lo tsa ni sarba aR+tha sad ni swA hA// au shang ka re shan ti ka re/ g+ha Ta Ta g+ha Ti ni g+ha g+ha ta ya g+ha Ta ti ni sA hA// oM ka tre bi ka tre ni ka tre ka ti ka te swA hA// oM ta re tud ta re tu re swA hA/ rig pa'i lha mo bzhi'i// skra ni lus kyi ngo bo yis// thugs ni sems kyi rnam pa nyid// gsung ni rnam dag rnam pa yis// mchod ni mchod pa'i bdag nyid 'gyur// sku gsung thugs ni gsang ba ni// mkhas pa yis ni bsrung bya ste// bsrungs nas mchog tu gsang ba ni// rtag par kun tu 'byung bar 'gyur// dngos po yongs su dag pa ni// med par kun tu rtag mi 'gyur// rnal 'byor pa ni rnal 'byor thob// tshogs med yang dag mi mthong ngo //
- 18a
de bas gsang ba'i ye shes 'byung // rnal 'byor kun tu 'byung bar 'gyur// shes rab pha rol phyin pa'i thabs// ting 'dzin ye shes brtags pa yin// chos rnams thams cad rnam dag pa// dag pa nyid du gyur pa ni// ji ltar lha yi nor bu ni// rang gi 'od kyi rtag tu snang // srid pa yongs su dag pa yang // rnal 'byor rnal 'byor thob byed yin// rdo rje dbyings ni gsang chen du// gang zhig dbang bskur mkhas pa la// thugs kyi gsang ba'i rnal 'byor mchog/ mkhas pas de la bshad par bya// thams cad gsang ba'i rgyud rdzogs s+ho// // rgya gar gyi mkhan po pad ma ka ra bar ma dang / zhu chen gyi lots+tsha ba dge slong rin chen bzang pos sgyur cing zhes te gtan la phab pa'o// dge legs 'phel// / rgya gar skad du// tre log kya bi dza ya ma ka la pa rA dza// bod skad du 'jig rten gsum las rnam par rgyal ba rtog pa'i rgyal po// dpal rdo rje sems dpa' la phyag 'tshal lo// 'di skad bdag gis thos pa'i dus gcig na/ bcom ldan 'das ri rab kyi rtse mon rdo rje dang /
- 18b
nor bu rin po che'i khang pa brtsegs pa na/ byang chub sems dpa' bye ba phrag du ma dang / lha dang / klu dang / gnod sbyin dang / dri za dang / mi 'am ci dang / 'byung po dang / sha za dang / brjed byed dang / mi rnams dang / bltar gyur pa dang / bltar mi rung ba du ma sangs rgyas kyi bstan pa la mngon par dad pa rnams dang thabs cig tu bzhags te/ de nas bcom ldan 'das phyag na rdo rje byang chub sems dpa' chen po nam mkha'i dkyil nas babs te/ bcom ldan 'das kyi zhabs gnyis la spyi bos phyag 'tshal lo// bcom ldan 'das la lan gsum bskor ba byas te 'di skad ces gsol to// yang bcom ldan 'das bdag gis lha chen po la sogs pa sems can ma rungs pa de dag dam tshig 'dzin du stsal ba na/ bcom ldan 'das de'i slad du bka' stsal du gsol// de nas phyag na rdo rje byang chub sems dpa' sems dpa' chen po'i tshig bcom ldan 'das chos kyi rgyal po de bzhin gshegs pas gnang nas phyag na rdo rje la 'di skad ces gsungs so// gnod sbyin khyod shin tu khengs pa/ shin tu khro ba/ shin tu 'thur ba ste/ ji ltar khyod kyis sems can rnams kyi don gyi phyir 'di lta bu'i sngags kyi tshig
- 19a
spras/ de nas bcom ldan 'das la phyag na rdo rje byang chub sems dpa' sems dpa' chen pos 'di skad ces gsol to// ci'i phyir na bcom ldan 'das sems can ma rungs pa 'dul bar byed do// gang gi phyir zhe na/ bdag gis 'dod pa'i bde ba can rnams dbang du bgyi ba la sogs pas btul nas bla na med pa'i bde ba la bkod par 'tshal lo// sems can ma rungs pa rnams bsal ba la sogs pas sbyangs te zhi ba la bkod par bya'o// de nas bcom ldan 'das kyi phyag na rdo rje byang chub sems dpa' la legs so zhes bya ba byin te/ phyag na rdo rje legs so legs so// 'jig rten thams cad kyi don gyi phyir dang / phan pa'i phyir dang / bde ba'i phyir snying po 'di smros shig/ de nas phyag na rdo rje byang chub sems dpa' lha thams cad nas/ mi rnams thams cad kyi bad du sangs rgyas kyi bstan pa la mngon par dad pa de rnams la bka' stsal pa/ grogs po dag sangs rgyas la skyabs su dengs shig/ nga'i bka' rjes su skyongs shig/ de nas bcom ldan 'das kyi zhabs gnyis la phyag na rdo rjes phyag 'tshal nas/ 'jig rten gsum las rnam par rgyal ba'i snying po 'di gsungs so// oM suM b+ha ni suM b+ha ni
- 19b
hUM/ grih+Na gri hA hUM/ b+hI pa ya grI pa ya hUM/ a na ya ho b+ha ga ba na bid+ya ra dza hU~M phaT/ de nas 'di gsungs pa tsam gyis 'jig rten gsum po thams cad g.yos/ g.yos rab tu g.yos cig tu g.yos so// 'gul rab tu 'gul/ kun tu 'gul to// 'phar rab du 'phar/ kun tu rab du 'bar ro// de nas lha thams cad la sogs pa sems can thams cad 'dar yid yid nas bcom ldan 'das ga la ba der lhag nas/ kho ra khor yug dang / kho ra khor yug chen po'i ri la sogs pa tshun chad kyi gling bzhi'i 'jig rten gyi khams thams cad sems can gyis gang ngo // de nas bcom ldan 'das phyag na rdo rje gling bzhi pa'i 'jig rten gyi khams tshegs pa'i dkyil 'khor thams cad la gzigs nas 'di skad ces gsungs so// grogs po rnams sangs rgyas la brtson pa la skyabs su 'gro bar khas long shig nga'i bka' rjes su skyongs shig/ de nas 'dus pa'i 'khor chen po thams cad bcom ldan 'das phyag na rdo rjes skrags te 'dor yid yod nas bcom ldan 'das de bzhin gshegs pa la skyabs su dong ngo // de nas bcom ldan 'das la lha chen po'i lha dang / mthu bo che dang / tshangs pa rnams kyis 'di skad ces gsol to//
- 20a
bcom ldan 'das 'di lta bu'i sems can 'di ltar rdzu 'phrul che ba/ 'di ltar byin che ba zhing bdag cag la chos 'di su lags// de nas bcom ldan 'das kyis bstan pa'i phyir tshigs su bcad pa 'di grangs te gsungs so// sems can kun la phan pa'i phyir// sangs rgyas kun gyis byin gyis brlabs// kun tu bzang po kun gyi bdag sangs rgyas thams cad nyid skyes 'di// phyag na rdo rje gnod sbyin che// ma rungs chos la dbang ba ste// gang gi/ ming brjod pa yis ni// sangs rgyas pa yang thob par 'gyur// de nas phyag na rdo rje byang chub sems dpa' chen po la yang gsungs pa// kye kye lha dag sangs rgyas la skyabs su deng la nga'i bka' bzhin du yang gyis shig/ rdo rje 'bar ba gcig tu 'bar bar 'gyur ba 'dis// khyed thams cad rten bsregs par gyur ta re/ de nas lha chen po la sogs pa thams cad kyis 'di skad ces smras so// khyed ni gnod sbyin dang ni lta bas na ngad ni gnod sbyin gyi bka' rjes su sbyong bar mi nus so// de nas phyag na rdo rje de thos nas khros te bcom ldan 'das la 'di skad ces gsol to// bcom ldan 'das/ bcom ldan 'das kyis bka' bstsal pa/ bdag ma rungs
- 20b
pa thams cad 'dul bar dbang bskur bar bskos te/ de bas na lags te bcom ldan 'das kyis bka' bstsal to// lha chen po 'di 'dul bar 'tshal lo// de nas bcom ldan 'das kyis lha chen po la 'di skad ces gsungs so// sems can chen po khas long shig/ 'dis khyod gsad ta re/ de nas bcom ldan 'das la lha chen po la sogs pa 'jig rten gsum thams cad kyi dbang po rnams kyis 'di skad ces gsol to// bcom ldan 'das gnod sbyin ma rungs pa 'di'i bka' bzhin du byed pa bdag cag mi nus lags so// de nas lha chen pos bcom ldan 'das kyi zhabs gnyis la phyag 'tshal nas bcom ldan 'das phyag na rdo rje la 'di skad ces smras so// kye gnod sbyin de ni thams cad kyi dbang po byed pa po 'jom pa po// skye dgu'i bdag po tshangs pa'o// rtogs 'dod do// dbang phyug chen po'o// de nas phyag na rdo rje byang chub sems dpa' sems dpa' chen po khros nas 'di skad gsungs so// khyod ni lus sbrul po mi za ba ma rungs pa drag shul gyi las byed pas na gtum po ste/ sha za ba'i lus srel ba na ji ltar tshangs pa dang / rtogs 'dod dang / dbang phyug chen po dang / tshangs pa zhes bya ba ni mi 'gyur ba'o// rtogs 'dod
- 21a
ces bya ba ni thar pa'o// dbang phyug chen po zhes bya ba ni 'dod pa'i khams kyi dbang po ste/ sems can thams cad kyi dbang po ste de ni yin pas btul nus so// de nas dbang phyug chen po lha chen po khros nas/ bcom ldan 'das kyi zhabs gnyis la phyag 'tshal nas 'jigs su rung ba chen po'i gzugs khros pa chen po'i gad mos bkod nas 'jigs pa chen por byed pa/ 'bar ba chen po gtong ba/ 'jig rten gyi khams thams cad mtha' med pa/ gzugs sna tshog su byas pa/ 'bar ba chen po grub pa/ mi mtshungs pa/ rdo rje dang / mdung rtse gsum pa dang / 'khor lo dang / shag tig dang / be con dang / mi mtshungs pa'i mtshon cha 'debs shing gtong ba/ mi rnams kyi tshogs dang / 'byung po'i tshogs dang bcas pas kun tu bstan to// bdud dang bgegs byed pa dang mu med pa'i gzugs sna cho gas su sprul pa/ khros pa rab tu mi bzod pa/ ma rungs pa'i tshogs chen po dang lhan cig tu rab du 'thab cing shin tu 'gyed pa/ gling bzhi pa'i 'jig rten gyi khams mtshon pa'i mun nag byas/ 'bar ba chen po'i phung bas glongs te rab du snang bar byas/ de nas bcom ldan 'das rdo rje 'chang chen po cung zad mche ba'i thog ma cigs pa/
- 21b
srin 'tshams kyi khro gnyer gyi brlags bskyod pa mig g.yon pa cher bskrad de/ rdo rje'i lta bas khro ba dang bcas pas zab mo'i tshig gis snying po mchog 'jig rten gsum las rgyal ba'i dpal zhes bya ba 'di gsungs so// hUM de nas hUM zhes bya ba des stong gsum gyi stong chen po'i 'jig rten gyi khams kun sgra des gang nas/ g.yos rab tu g.yos/ kun tu rab du g.yos so// khro la rab tu khrol/ kun tu rab tu khrol lo// de nas dbang phyug chen po la sogs pa lha'i tshogs thams cad bcom ldan 'das skyabs du gsol/ bde bar gshegs pa smra ba da gsol zhes brjod nas/ de nas bcom ldan 'das kyis phyag na rdo rje la 'di skad ces gsungs so// gang 'di lta bu'i sngags kyi tshig smra ba ni khyod rab tu mi bsgrub po// de nas phyag na rdo rjes bcom ldan 'das kyi zhabs gnyis la phyag 'tshal nas yang 'jig rten gsum las rnam par rgyal ba 'di gsungs so// oM suM b+ha ni su~M b+ha ni hUM/ gr-ih+Na gr-ih+Na hUM/ grih+NA pa ya grih+NA pa ya hUM/ a na ya ho b+ha ga ban bid+ya ra dza hUM phaT/ de nas 'di gsungs pa tsam gyis lha chen po la sogs pa lha'i bdag po thams cad 'khor dang bcas par bcom ldan 'das phyag na rdo rje gan ba der mgo rkang bzlog te// ri rab ri'i rtse mor dkyil
- 22a
'khor chen por btsud nas brlabs par bya ste/ bcom ldan 'das phyag na rdo rje'i zhabs g.yon pas mnan to// de nas bcom ldan 'das phyag na rdo rje byang chub sems dpa' sems dpa' chen po la legs so zhes bya ba byin te/ phyag na rdo rje legs so legs so khyod kyis 'di 'dra ba'i sems can 'dul bar byed pa legs so legs so// de bas na thul la dbugs phyung shig/ de nas bcom ldan 'das phyag na rdo rje byang chub sems dpa' sems dpa' chen pos de dag gi don gyi phyir rdo rje bcings pa 'di gsungs so// hUM badz+re tI to me pa rak+Sha sarba na swA hA/ de nas phyag na rdo rje 'di gsungs pa tsam gyis lha chen po la sogs pa de dag thams cad dran pa rnyed do// de nas bcom ldan 'das kyis de dag la 'di skad gsungs so// de bas grogs po dag sems can chen po 'di'i bka' bzhin/ byed par kha sa long shig/ de nas bcom ldan 'das la de dag thams cad mgrin cig tu bdag cag mchod kyis 'tshal lo zhes gsol to// de nas phyag na rdo rje byang chub sems dpa' sems dpa' chen pos rang gi snying po 'di gsungs so// oM ta ki hU~M/ de nas 'di brjod pa tsam gyis lha la sogs pa thams cad dbang du byas te/
- 22b
bcom ldan 'das phyag na rdo rje la phyag byas mchi ma blags te/ nga ro ston nas skyabs su dong ste bcom ldan 'das skyab du gsol/ bdag cag khyed kyi bka' nyan dza ltar bgyi ba bka' stsal du gsol zhes so// de nas phyag na rdo rje byang chub sems dpa' sems dpa' chen pos de rnams la gsungs pa/ grogs po dag byang chub kyi sems dang / ston pa bzung bar khas long shig/ bcom ldan 'das bdag cag gis sangs rgyas bcom ldan 'das rnams kyi bsnyen bkur bgyid cing byang chub tu yang sems bskyed par 'tshal lo// de nas phyin na rdo rje byang chub sems dpa' de rnams ji lta ba bzhin du dkyil 'khor du btsud nas sdom pa 'dzin du bcug ste/ byang chub sems ni bstan byas la// sems can thams cad bde ba rtsa la// phyag na rdo rje bdag chen dang // 'dod pa smad par mi bya'o// 'di ni gsad ba yin no// de nas bcom ldan 'das kyis de dag sdom pa 'dzin du bcug de/ dam tshig sbyin pa ni/ oM badz+ra sa ma ya a bi Shin tsam ba ra ga ya sarba ka man ts+tsha paT de nas de dag gis smras pa/ 'di ni bdud kyis smras pa na bdag cag nyan to// de nas bcom ldan 'das de bzhin gshegs pas de dag la khyod cag gis 'di la/
- 23a
ma rnyas shig ces gsungs pa dang / de dag gis gsungs pa dang / ji ltar 'dod chags dang bral ba ni sangs rgyas kyi byang chub bo zhes bcom ldan 'das nyid kyis bka' stsal to// bcom ldan 'das kyis gsungs pa/ kye grogs po dag pa ni ji ltar 'dul byed bzhin du byed pa ste/ 'di nyid kyis 'jig rten gyi khams 'di sun 'byin te/ ji ltar bde ba la mi chags pa dang / sdug bsngal la 'dod chags pa can lta bu 'jig rten 'dadul bar 'gyur ba'i chos sangs rgyas bcom ldan 'das rnams brtsal bar mdzad de/ de dag spyad pa'i phyir 'di ni de bzhin gshegs pa thams cad kun tu bzong po byang chub sems dpa' ci nas 'dod chags dang bral ma byed cig ces bka' stsal to// de nas phyag na rdo rjes yang gsungs pa/ oM badz+ra sa ma ya a bi Shin tsam bai ra ga ya sa ma b+ha ga ma hUM phaT/ de nas de dag gis ji ltar bcom ldan 'das kyis bka' de de bzhin no zhes gsol to// de nas yang phyag na rdo rje lag tu rdo rje byin te rdo rje dbang bskur ba 'di byin no// oM badz+ra a b+hi Shin tsa sarba ta thA ga ta badz+ra d+ha rad de badz+ra ba ni hi hA ha ha ha/ de nas rdo rje ming gis dbang bskur ba/
- 23b
byin pa ni 'di lta ste/ dbang phyug chen po ni rdo rje rig sngags mchog/ dbu ma chen po rdo rje sgyu ma'o// tshangs pa ni rdo rje mi smra ba'o// sgra gzhon na ni rdo rje dril bu'o// dbang po ni rdo rje 'thab cha ste/ de la sogs te 'jig rten gyi dbang po thams cad rig pa'i blon por dbang bskur ro// de nas bar snang la rgyu ba rnams rdo rje ming gis dbang bskur byin pa ni 'di lta ste/ bdud ci 'khyil pa ni rdo rje 'khyil pa'o// zla ba ni rdo rje 'od do// be tsen rtse mo ni rdo rje be con no// skye blang ni rdo rje skye blang ngo // de rnams ni rdo rje khro bor dbang bskur ro// de nas nam mkha' la rgyu ba'i lha rnams ming gis dbang bskar ba byin pa ni 'di lta ste/ chang gis myos pa ni rdo rjes zin pa'o// 'chang byed ni rdo rje phreng ba'o// rgyal ba ni rdo rje dbang ngo // rgyal ba skyes pa ni rdo rje ming gis dbang rnam par rgyal ba ste/ de dag la sogs pa ni tshogs kyi bdag por dbang bskur ro// de nas sa steng pa rnams rdo rje ming gis dbang bskur ba byin pa ni 'di lta ste/ mdzad skyong ni rdo rje dang shing ngo // rlung ni rdo rje rlung ngo // me ni rdo rje me'o// ku be re ni rdo rje 'jigs pa ste/ de la sogs pa'i pho nyar dbang bskur ro// de nas sa'i 'og na gnas pa'i lha'i dbang po rnams yan chad rdo rje ming
- 24a
gis dbang bskur ba byin pa ni 'di lta ste/ phag ni rdo rje kyo ba'o// gshin rje nag pa'o// sa'i rba ni rdo rje rnam 'dren no// ba ru na ni rdo rje rlung ste/ de la sogs pa ni rdo rje bran du dbang bskur ro// de nas 'jig rten gsum gyi bdag po rnams kyis lha mo thams cad kyi lag tu rdo rje sbyin te rdo rje ming gis dbang bskur nas rdo rje ming gis dbang bskur ba byin pa ni 'di lta ste/ nyon mongs pa ni rdo rje khro bo'i me'o// nor can ni rdo rje gsung ma'o// tshangs mi ni rdo rje zhi ba'o// dug me ni rdo rje gzhon nu ma'o// dbang me ni rdo rje khu tshur ro// de la sogs pa ni rig sngags kyi blon me chen mor dbang bskur ro// de nas bar snang la rgyu ba'i ma rnams dbang bskur ba byin pa ni 'di lta ste/ bdud rtsi ma ni rdo rje ma'o// 'khrungs ma ni rdo rje sdug ma'o// be con 'chang ba ni rdo rje bo con ma'o// skye 'phrog ni rdo rje bskyed bcings te de la sogs pa ni rdo rje khro mor dbang bskur ro// de nas nam mkha' la rgyu ba'i me me rnams dbang bskur bar byin ni 'di lta ste/ bsod mo ni rdo rje bsod mo'o// zab mo ni rdo rje zab mo'o// gos ni rdo rje bge ba bya'o// dga' ba mo ni rdo rje dga' ba mo'o// de la sogs pa ni rdo rje tshogs ma mor dbang bskur ro// de nas sa la
- 24b
rgyu ba'i ma rnams dbang bskur ba byin pa ni 'di lta ste/ zhib mo ni rdo rje pho nya mo'o// rlung ma ni rdo rje 'gog mthong ngo // me ni rdo rje 'bar ma'o// ku be ra ni rdo rje thag zug ma ste/ de las sogs pa ni rdo rje pho nya mor dbang bskur ro// de nas sa 'og na gnas pa'i ma mo thams cad dbang bskur ba byin pa ni 'di lta ste/ phag mo ni rdo rje gdong // mgo lcags ma ni rdo rje nag po'o// sna tshad ma ni rdo rje myags ma'o// klu mo ni rdo rje chu srin ma ste/ de la sogs pa ni rdo rje bran mor dbang bskur ro// de nas phyag na rdo rje byang chub sems dpa' chen po sa bcud de dag thams cad sangs rgyas kyi ye shes bskyed nas rdo rje dam tshig byin pa/ oM ba li bstod/ ba li ta badz+ra a kar sha ya/ hUM dza/ lha rnams 'gugs pa'o// oM badz+ra a bri pi ta ya sa ma ya hUM/ bar snang la rgyu ba rnams kyi'o// oM badz+ra ma la gra ba/ phreng ba 'chang ba rnams kyi'o// oM badz+ra ban ta tsi/ sa la rgyu ba rnams kyi'o// oM badz+ra swa sta la badz+ra hUM phaT/ 'og na gnas pa rnams kyi'o// oM badz+ra he ru ka badz+ra sa ma ya sarba dusta sa ma ya mud tra ka pra badz+ra ka hU~M phaT/ ma rnams thams cad kyi'o// de nas bcom ldan 'das kyi zhabs gnyis la phyag na rdo rje phyag 'tshal nas 'di skad ces gsol to//
- 25a
bcom ldan 'das bdag ni sems can 'dul ba lags na/ bcom ldan 'das ma rungs pa'i sems can gyi dkyil 'khor de dag ji ltar bgyi ba bka' stsol cig/ bcom ldan 'das kyis gsungs pa/ gang gis sems can de rnams sems can thams cad la phan par byas nas bla na med pa yang / dag par rdzogs pa'i byang chub tu mngon par rdzogs par 'tshang rgya bar 'gyur ba'i dam tshig 'di nyid la tsud cig/ de nas yang phyag na rdo rjes gsol pa/ bcom ldan 'das mkha' 'gro ma la sogs pa'i gnod pa 'di dag la ji ltar nan tan bgyi/ rims la sogs pa la ji ltar bgyi/ dmyal ba la sogs ngan song gi gnas/ rnams ji ltar bgyi bcom ldan 'das kyi sa gsu ngas pa dam tshig de nyid la nan tan byed du chug shig/ de nas phyag na rdo rjes gsol pa/ bcom ldan 'das mi rnams ji ltar nan tan bgyi/ bcom ldan 'das kyis gsungs pa/ de bzhin gshegs pa thams cad kyi dkyil 'khor chen por btsud nas/ rdo rje'i dkyil 'khor du btsud cig/ rdo rje'i dkyil 'khor du btsud nas dam tshig gi dkyil 'khor du bcud shig/ dam tshig gi dkyil 'khor du btsud nas las kyi dkyil 'khor du btsud tsog
- 25b
de nas phyag na rdo rje byang chub sems dpa' chen po bcom ldan 'das kyis gsungs pa la yid rangs te tshigs su bcad pa 'di smras pa// sems can kun la phan pa'i phyir/ sangs rgyas kun gyis byin brlabs te// grub pa thams cad byed pa'i mchog/ dkyil 'khor chen po bshad par bya'o// de nas yang dag bshad pa ni// dkyil 'khor chen po dam pa ste// chos kyi 'khor lo tshul 'dra bar// dkyil 'khor thams zlog btab po// de nas srad bu bri ba'i mchog ni 'di lta ste/ ga sar shing legs par byas pa dang / tshad ma bzang po sred bu yis// shes rab can gyis srad bre ba// 'jig rten gsum rgyal dran zhing ngo // de yi dbus su gang yin no// seng ldeng phur bu brtan par ro// de la srad bu bri gsungs pa yi// srad bu nyis ltab kyis byas te// bcu drug cha rubabo bar bya'o// thams cad du ni rim gsum mchog/ khor khor yug ri dgas dang // phur bu yis ni de bzhin no// de yi nang du bya ba ni// sred bu rim bdun ldan par ste// tshon gser dri zhim ldan pa yis/ thig rnams kyang ni dgang bar bya// de yi dbus su bzhag pa ni// shin tu bslabs pa'i nas phul bzhi'o// de'i steng du mgon po ste// sangs rgyas gzugs brnyan pan/
- 26a
par bya// sangs rgyas mtha' bskor thams cad du// byang chub brgyad ni rim bzhin par// bri ba'am yang na bzhag par bya// tshon sna lnga mchog rnams kyis so// sangs rgyas spyan snga de ru ni// phyag na rdo rje de bzhin no// bri 'am bzhag par bya ba ni// rdo rje hUM zhes par 'das so// de yi zhabs ni g.yon pa yis// dbang phyug chen po gnan par bya// g.yas pa'i zhabs kyis btsir ba ni// nyon mongs pa'i lha mo'o// 'dod drug spyod pa'i lha rnams dag/ srad bu rim bdun par dag tu// bri 'am yang na bzhag par bya// rdo rje shugs dgongs de nas su// phyi rol 'byung gnas de ru yang // gling rnams bzhi yang bri bar bya// dbyibs dang cho ga ji bzhin du// sgra'i ri mo legs pa btod// gleng rnams dbus ni thams cad de// 'jig rten ji bzhin sogs bya'o// tshangs pa la sogs bzhi yi rnams/ de ru 'jig rten dbang po bri// kho ra khor yug pa'i ri dang // gling rnams kyi ni bar dag tu// phyi yi rdo rje rigs rnams kyi// dkyil 'khor yang dag bri bar bya// sgo bsrangs bri bar bya ba yang // rdo rje sgo bzhi de dag tu// rdo rje lcags kyu zhags pa dang // sgrog dang dril bu de bzhin no// kho ra khor yug ri yi ni// phyi rol dmyal ba
- 26b
brgya rnams so// gnan dal dang ni nad dag dang // mkha' sgom dang gdon drag rnams// bzhag gam yang na bri bar bya// chos min can ni gzhig phyir ro// de'i phyi rol du bkod pa// gtor ma sna tshogs mchog rnams so// de nas dkyil 'khor chen po'i cho ga 'byung ste// de la thog ma nyid du slob dpon gyis de bzhin gshegs pa thams cad la phyag btsal te 'jug pa ni/ gtsang ma gos gtsang ma bgos la se rel the ga dmar po thogs nas/ rdo rje 'dzin pa'i phyag rgya bcings la/ de'i steng da dri zhim po'i me tog bzhag nas snying po 'di brjod la zhugs shig/ oM badz+ra pra ti tsha ma ma ha ha ha ha hi/ de nas pus mo g.yas pa'i lha nga sa la btsugs nas du ru ki'i bdag pa 'am/ ci bdog pas gsol lo// rdo rje 'dzin ma 'dzub mo gnyis kyi kyo btang du byas la/ snying po 'di brjod do// oM su ru pra gra bi re ni badz+ra sa mo ya hi bi te ye swAhA/ nyi shu rtsa gcig bzlas nas/ de nas tshan ma 'byung ba ni ba spu g.yo ba la sogs po dang / sa g.yo ba 'am/ dri zhim po 'am/ 'od zer mthong ba de nas phyag na rdo rje'i sku bor me tog gtor cig/ de nas slob ma bzhug ste/ de la thogs ma nyid du khrus byas nas slob ma nyid gos gtsang ma ston te/ gsum la skyabs su gtong ba dang /
- 27a
slab pa'i sdom pa 'dzin pa so sor gnas par byas nas byang chub kyi sems bskyed cig/ de nas gdong ras kyi g.yogs/ mgo gtsug gtor du byas te/ rdo rje 'dzin pa'i phyag rgya bcings la chu cig bcug nas me tog gtor te/ de nas gang la babs pa ni de'i lha'o// de nas gdong pa bcings pa bkrol nas rang gi rig pa'i lha ston la de la mchod cing slob dpon la yang ci 'dod pa'i yon phul nas/ de rang gi rim pa 'am/ sngags bzlas te/ phyag rgya 'am bcing ngo // 'jig rten gsum las rnam par rgyal ba'i rtog pa chen po'i rgyal po las/ 'jig rten gsum gyi 'khor lo zhes bya ba'i dkyil 'khor chen po'o// de nas rdo rje'i dkyil 'khor 'byung ste/ rdo rje'i phreng ba mnyam ldan pas/ rdo rje'i dkyil 'khor brtag par bya'o// 'jug par bya ba de bzhin te// las kyang de dang 'dra bar bya'o// dkyil 'khor de re zhugs nas su// de bzhin rdo rje gsor bar bya// 'jig rten gsum rgyal bar bslabs nas// rdo rje mchog ni grub par bya'o// 'jug pa rdo rje bsdus pa'i mchog ni lag pa gnyis kyis rdo rje'i phyag rgya 'dzin pas rdo rje bzung la ci'i slad du mgul ba de srid du bzlas so// de phyin chad rdo rje des las thams cad byed de//
- 27b
rdo rje'i dkyil 'khor ro// de nas dam tshig gi dkyil 'khor 'byung ste/ dkyil 'khor chen po kun bris nas/ mtshan ma thams cad bstan par bya// 'jug pa rdo rje dril bu dang // rdo rje 'dzin mchog phyag rgyas so// de la rdo rje dril bu'i phyag rgya ni 'di yin no// rdo rje 'dzin pa kun byas nas// rdo rjes kun btags par bya'o// g.yas par bzhag nas g.yon pa'o// dril bu bsil zhing 'jug par bya// bcug nas su ni dril bu de// ba shram par bzhag pas bsil bar bya// slob dpon gyur cig dam tshig kyang // rtag tu bsrungs zhes brjod par bya// ji ltar dril bu'i sgra 'di ni// de'i mi rtag pa ru gsungs// de ltar khyod la rdo rje chen po bde ba zhes bya ba 'di/ nges pa'i bsreg par gyur pa ni// de ste rdo rje 'dzin pa dang // skyabs gsum brtul zhugs de bzhin te// de ltar byang chub sems 'dod rnams/ khyod kyis 'di che spangs 'gyur na'o// de la dam tshig gi sngags so// oM ha na sa ma ya hUM phaT/ de nas de bzhin gdug la// rdo rje chu 'di blud do// de nas gdong bcing ba dkrol nas cho ga bzhin bya'o// dam tshig gi dkyil 'khor ro// de nas las kyi dkyil 'khor 'byung ste// de bzhin dkyil 'khor bris nas su// cha lug mang po bzhag
- 28a
par tsud// gnas las rnam pa thams cad kyang // slob dpon gyis ni de bzhin bslab// de la las kyi sbyor ba 'di'o// bcom ldan 'das kyi spyan snga ru zab gru bzhi byas la/ dmar po'i yam shing gis bud la/ dmar po'i me tog 'bras bu rnams sbrang rtsi dang mar la sbag ste/ bla gos g.yas su bzung la ku shi'i bam po la 'dag ste/ rdo rje'i tshig 'di bzlas shing zhi ba dang / rgyas pa dang dbang du bya ba la sogs pa'i zhi ba'i las rnams la lag pa g.yon pas bdag gi phyag rgyas bcings te/ g.yas pas bsregs na de dag 'grub par 'gyur ro// bcom ldan 'das kyi rgyab du tha ba gsum du kha ba'i tsher ma rnon po'i yam shing dang 'dab ma dang / me tog dang yal ga'i rtse mo dang sdong bu dang 'bras bu dang / yang de 'dra ba'i gang gi khrag gis skas nas stan khra bo la 'dag ste/ bla gos g.yon du bzung ba la khros pa'i tshig bzlas shing g.yon pas bsregs na dgug pa dang / bzhug pa dang / bcings pa dang / rgyas gdab pa dang // gzhom pa dang / bcing ba dang / bskal ba dang / snyom par byas pa dang / gtan po ba la sogs pa'i las dran pa rnams rab tu 'grub par 'gyur ro//
- 28b
de nas bcom ldan 'das de bzhin gshegs pa thams cad dgug pa dang / bzhug pa dang / dam tshig gis bcing ba dang / dbang du bya ba la sogs pa grub pa thams cad kyi las ni bcom ldan 'das kyi g.yas su rtsa 'jam po gting ba la 'dag ste/ stod g.yogs sbyangs ma ltar gsol to// ting nge 'dzin gyi brlab cing / 'khor lo lta bu'i thab da du ba med pa'i 'dab ma til dang 'bras la sogs pa nas 'bras g.yas g.yon gyis bsreg go/ de nas bcom ldan 'das kyi g.yon du rdo rje lta bu'i zab byas la stod g.yogs kyi yan lag kun bcing ste/ rlan stan 'jam po la 'dug nas yam shing thabs kyis 'bar ba'i phreng ba la 'dzin pa'i me/ lag pa g.yas rdo rje dang bcas pa khu tshur gyi phyag rgya bcings nas/ lag pa g.yon pa rdo rje'i khu tshur 'dzin pas bzung nas 'dzum shing dga' bar byas te/ rdo rje'i tshig/ bzlas shing ro thams cad sregs nas/ rdo rje 'dzin pa thams cad dgugs pa dang / bcing ba dang / dbang du bya ba la sogs pa'i dam pa grub pa'i sbyin bsreg gi tshe ka bya'o// 'jig rten gsum las rnam par rgyal ba'i rtog pa chen po'i rgyal po las dkyil 'khor thams cad kyi cho ga'o// de nas ye byad bshad par bya'o zhes nas
- 29a
bcom ldan 'das rdo rje 'dzin gyis gsungs pa/ dkyil 'khor cho ga thams cad mthong bar 'gyur nas bsgrub po// de ci'i phyir zhe na/ dkyil 'khor ma zhugs sam/ dam tshig spong bar gyur pa ni phyag na rdo rje mi 'grub pa/ gsang ba yang dag ma shes pas/ bcom ldan 'das sems dpa' 'dod pa/ chags chad rdo rje de nyid do// de la chags par ma gyur na// phyag na rdo rje mi 'grub po// bde bas yang dag ma mthong bas// dkyil 'khor du ni 'grub mi 'gyur// yang dag ma mthong grub pa ni// the tshom can gyis mi thob po// rab du 'jigs pa rnyed nas su// nad kyis kyang ni 'jigs par byed// gdon kyang de la brtson par 'gyur// shi nas du 'bod du ni ltung // de ltar dkyil 'khor thams cad du bcug la nad dang gdon la sogs pa ston cig/ bcom ldan 'das de bzhin gshegs pa gser gyi kha dog ras la bri bar bya ste/ de'i thad kar ni kun tu byang chub sems dpa' brgyad bri ba ni 'di lta ste/ g.yas phyogs su ni 'phag pa spyan ras gzigs kyi dbang po dang / 'jam dpal dang / sems bskyed ma thag tu chos kyi 'khor lo bskor ba'o// g.yon phyogs su ni rdo rje khu tshur dang /
- 29b
byams pa dang nam mkha'i mdzod do// steng du na mkha'i snying po'o// bcom ldan 'das kyi 'og tu ni phyag na rdo rje ste/ rdo rje hUM zhes pa'i phyag na rdo rje dang bcas pa'i lag pa gnyis kyis bcings pa'o// lag pa gnyis po bzhad pa/ g.yas pa ni rdo rje gsor/ g.yon pas me tog gi gzhu dang mda' lnga bsnams la/ sku mdog ni ud pa la sngon po lta bu/ yid tsam du 'dzum pa mche ba cung zad rtsigs pa/ khro ba dang bcas pas bzhad pa'i zhal phyir bskyang du gnas pa/ rgyan thams cad kyis brgyan pa/ zhabs g.yon pas lho chen po'i ldan pa g.yon pa gnan pa/ zhabs g.yas pa bskum pas u ma'i na ma bcings te/ stod g.yogs khra bos yan lag g.yogs pa/ ko rlon gyi srad g.yogs can/ de bzhin gshegs pa thams cad dbu rgyan du thob pa'o// de nas tshes gcig nas brtsams te tshes bcwo lnga'i bar ram/ zla ba'i bar ram/ lo'i bar du nyin re bzhin brgya stong bzlas te/ gos dkar po gtsang ma gos te bdag gi khyim du gnas shing / zas gtsang yid bzhin du zos te bzlas na/ de nas zla ba gcig lon pa dang / zla ba dang pos ni hU~M zhes byas pas phyi rol gyi las rnams 'grub par 'gyur ro// gnyis kyis
- 30a
ni las thams cad grub par 'gyur ro// gsum gyis ni bcom ldan 'das rmi lam du ston cing 'das pa dang ma 'ongs thams cad ston to// bzhis ni sems can dgugs pa dang dbang du bya bar nus so// zla ba lngas ni yid bzhin du snang ba dang mi snang bar 'gyur ro// zla ba drug pa ni ci 'dod pa thams cad kyis gzugs su 'gyur ro// zla ba bdan gyis bdag gis lus sangs rgyas dang byang chub sems dpa' dang phyag na rdo rje ston cing cho 'phrul thams cad kyang ston to// zla ba brgyad kyis stong gsum gyi stong chen po'i 'jig rten gyi khams kyi lha la sogs pa'i dgugs pa dang bzhag pa dang bcas pa dang dbang du byed cing las su bsgoms so// / zla ba dgus ni byang chub sems dpa' thams cad dgug pa dang / bzhug pa dang bcings pa dang dbang du byed do// zla ba bcu pa ni sa bcu pa thob par 'gyur ro// zla ba bcu gcig gis ni sa bcu gcig pa sangs rgyas kyi sa thob bo// zla ba bcu gnyis kyis ni rdo rje 'dzin par 'gyur ro// de nas bsgrub pa bzhin te ras la bcom ldan 'das rdo rje zhes bya ba de bzhin du bris la/ de'i thad kar thams cad mthu chen po la sogs pa nas/ klu ba ru na'i mthu'i bar du bcom ldan 'das la sgo bzhis pus
- 30b
mo btsugs pa bris la/ de nas de bzhin du bzlas pa ni hUM zhes pa'i phyag rgya grangs med pa bzlas te/ zla ba'i mtha'i bar du chos nyi shu dgu'i mtshan thal bzlas na nang / par thams cad 'ong ngo // 'ongs nas kyang dbang du 'gyur// thams cad bsgo ba bzhin du byed do// de nas bslab pa gzhan byung ste bcom ldan 'das de bzhin bris nas gser mdangs kyi lha mo la sogs pa thams cad rang gi phyag rgyas bsgrengs nas par byed cing mi sdug pa'i gzugs su bri'o// de nas de bzhin du zla ba gcig gi mtha'i mtshan tha la byung zlos shig/ de nas nang par kun lhag te/ de bzhin du gang dag gi bsgrub pa po mchod do// 'di ni rtog pa 'dir bris pa de bzhin no snyam du bsams nas des mi 'jigs par bya'o// de nas dpeng du 'gyur te rtag tu las thams cad byed pa'i g.yog mer 'gyur ro// de nas cho ga bzhin te ras la bcom ldan 'das de bzhin du bris la/ de nas de bzhin du brgya stong du bzlas nas/ nub tha ma la rdo rje 'dzin pa thob ste ci 'dod pa'i mchog kyang thob po// gzhan yang sgrub pa phyag na rdo rje'i spyan sngar 'bum bzlas shing de nas dgos kun bcom ldan 'das kyis mdzad do// phyag na rdo rje'i spyan sngararu ci 'dod pa'i lam shing thams cad
- 31a
kyis sbyin bsreg gis lo gcig gi bar du bsregs na thams cad 'grub par 'gyur ro// de nas rdo rje hUM zhes pa bri ba'i spyan sngar lo gcig gi mtha'i bar da grangs med par bzlos shing / de nas tha mar bcom ldan 'das rang gi ci 'dod pa'i mchog brtsol bar 'gyur ro// bcom ldan 'das de bzhin gshegs pa'i spyan sngar rdo rje hUM zhes pa'i phyag rgya bcings la de bzhin gshegs pa 'gul gyi bar du zlos shig/ de nas phyag rgya drug par 'gyur ro// grub pa des na dgug pa dang dbang du bya ba dang / bzhug pa dang drang ba dang / ltung ba dang / dbab pa dang / gtan 'pho ba dang la sogs pa la sa phran sna tshogs kyi rnams bcing bas hUM zhes bya las mdzad do// de nas cho ga bzhin te reg pas dbang bskur bya bar 'dod na 'dri'am 'dzin pa las phyag rgya rdo rje'i cha lugs byas la phyag rgya gnyis rkyang ste rdo/ rje 'dzin to// de zla ba yar gyi tshes gcig nas brtsams te/ tshes bco lnga'i bar du yang mar bre brgya stong gis khrus shig/ de nas mtha' mar mtshan thal byung bzlas so// de nas nang par gzugs de bzhin te/ de nas rig pa thams cad kyi bdag po 'gyur ro// de nas bsgrub pa gzhan 'byung ste/ sangs rgyas bcom ldan 'das
- 31b
kyi cha lug bri ba 'am/ 'dzin pa la de bzhin du phyag rgya skad bod rdo rje 'dzin par byas la// de bzhin gyi bar du spos chus bkru ba na de bzhin yid de bzhin du snang bar 'gyur ro// de nas sgrub pa gzhan 'byung ste ros la bcom ldan 'das phyag na rdo rje phyag bzhi par byas nas de'i phyag g.yas par pad mo// g.yas par rdo rje hUM zhes pa/ g.yon par mda' dang gzhu'o// de nas de'i spyan sngar stong phrag brgya bzlas pa'i 'jug tu zhag gsum sbyangs te mtshan thal byung ba bzlas nas/ de'i nang par de dang 'dra bar gzugs su 'gyur te bskal par gnas shing mi dga' ba dang / sems can thams cad dab de bya ba dang / thams cad du 'gro bar 'gyur ro// de nas dkyil 'khor bsgrub pa 'byung ste dkyil 'khor mthong ba'i lci bas dus gsum gyis khrus byas dus gsum gyi gos rjes/ rdo rje 'dzin pa'i phyag rgya bcings nas brgya stong dus gsum du nyin bdun bzlas na/ de nas phyag na rdo rje slob dpon gyi gzugs su byas nas rmi lam du thams cad smra'o// de nas dkyil 'khor bsgrub pa'i cho gas gzhan 'byung ste dkyil 'khor chen po mthong bas zla ba gcig gi bar du de bzhin du dus gsum du brjod/ dus gsum du ba lang gi lcibs dkyil 'khor
- 32a
byas te/ rno lcags kyi mtshon las der rdo rje ras la sogs pa 'am/ shing leb la bris nas de la mchod pa byas te/ rdo rje khu tshur gyis bzung la lo gcig tshun chad rdo rje de nam 'bar ba'i bar du bzlog shig/ 'bar ba des nam mkha' la 'gro ba dang lo bcu drug lon pa'i lus phyag na rdo rje dang mtshungs pa'i dus gzugs dang stobs dang mdog du 'gyur te/ 'dod pa'i longs spyod thams cad dang ldan pa bde ba dang yid bde ba thams cad thob par 'gyur ro// tshe yang lo stong phrag brgyar 'gyur ro// de nas ral gri bsgrub pa 'byung ste/ rdo rje khu tshur gi ral gri bzung la lo gcig gi bar da bzlas na rig 'dzin thams cad kyi bdag po rig 'dzin du 'gyur ro// de nas 'khor lo bsgrub pa 'byung ste/ 'khor lo dkyil 'khor bris la lcags kyi 'khor lo thogs nas nam rdo rjer 'gyur cing slar yang 'khor lo sgyur ba'i bar du bzlas so// de nas de thags pa ni rig 'dzin thams cad 'khor lo bskor bar 'gyur ro// de nas kyo ba btang bsgrub par 'dod pas phyag na rdo rje'i spyan sngar gser gyi kyo ba btang byas te lag pa g.yon pa'i rdo rje khu tshur gyis bzung la grub pa rnam gsum du 'gyur bar bzlas te/ dros pa tsam gyis thams cad
- 32b
'gug nus par 'gyur ro// du ba byung ba tsam gyis thams cad byed nus par 'gyur ro// 'bar bas ni thams cad dgug pa dang dbang du byas pa nus shing rig 'dzin gyi rgyal por 'gyur ro// de nas lha la sogs pa thams cad dgag pa 'byung te/ lha chen po la sogs pa lha rnams gang yang rung ba'i cha lugs rkang pa g.yon pas mnan te/ rdo rje hUM zhes pa'i phyag rgya bcings te/ bsdigs shing zla ba gcig gi mtha'i bar du 'gyur ro// bzlas na thams cad lhags te las thams cad byed pa'i g.yog tu 'gyur ro// k+Sha dbang du bya bar 'dod na klu'i tshor lte ba man chad chu nang du bcug la ro gcig tshun chad klu thams cad rang gi gzugasu ston cing las thams cad byed pa'i g.yog tu gyur pa'i bar du bzlas so// gnod sbyin dbang du bya bar 'dod na gnod sbyin gang la gnas pa rdo rje hUM zhes pa'i phyag rgya bcings la gnod sbyin de dag lhags te ci bka' bstsal ces smras pa'i bar da bzlas so// de phyin chad thams cad byed pa'i g.yog tu 'gyur ro// de nas mi rnams bams cad dbang du bya bar 'dod pas/ mi'i gnas su song nas khro mo'i snying khar rdog pas mnan la zla ba gcig lon gyi bar du bzlas na ches nyi shu dgu la 'jigs su/
- 33a
rung ba chen po'i sgra 'byin par byed de/ de nas dbang du gyur nas bka' bzhin byed pa'i g.yog mor 'gyur ro// phrag la khyer nas mtho ris su khrid de slar yang khrid cing 'ongs nas tshogs kyi bdag por bcug cing de dag gis mchod de sngon ma byung ba'i don thams cad dang / 'dod pa thams cad dang / na chung thams cad dgug go/ 'di lta bu'i rnal 'byor ste te/ rnal 'byor gyis khro bo'i 'jig rten du yang 'gro zhing phyir 'ongs // de la su cung zad kyang byed mi nus so// de nas dpal chen mo 'grub par phyag na rdo rje'i spyan sngar bzlas pa ni phyag na rdo rje sku las lha mo'i lus mthong gi ba ra da ste/ de las ma 'gul cig ces bsgo/ de byin chad don thams cad ster bar 'gyur te/ sangs rgyas pa yang ster ba'i bar du'o// de nas mtsho dbyangs ma dbaded bya bar 'dod nas/ de nas phyag na rdo rje'i spyan sngar yi ge'i phreng bar byas la phreng ba'i yi ge bkod cing mthar byin gyi bar blags te/ nyin re bzhin dus gsum du las de byas la de nas brgya stong bzlas na zla ba gcig lon pa dang mtsho dbyangs ma mthong ngo // de phyin chad thogs pa med pa'i spobs pa dang ldan par 'gyur ro// 'jig rten pa dang 'jig rten las 'das pa/
- 33b
dang thams cad kyi btsug lag thams cad shes gnyen du bya bar thams cad dang / bzo thams cad dang ma bslabs par de ltar rab tu shes so// de nas lig bu mig dang gur bum dang / ldong ros dang ba blang rnams la sgrub pa 'byung ste/ ling bug blangs la 'dzom pa'i steng du bzhag nas lag pas mnan te grub pa rnam pa gsum 'byung gi bar du bzlas so// gcig gis ni mi snang bar 'gyur ro// gnyis pas ni gzugs mang por 'gyur ro// gsum pas ni nam gnas gong mar 'dzegs pas na mkha' la 'gro bar 'gyur ro// gur gum la sogs pa bzung ste/ 'jom pa'i bu gang bcug la rdo rje 'dzin pa'i phyag rgyas mnan nas nam mkha' 'bar gyi bar da bzlas so// de nas thig le byas nas 'dod pa thams cad kyi bdag po dang rig 'dzin dang thams cad du 'gro ba dang / tsho lo stong thub par 'gyur ro// de nas sa la b+han dzi ka bsgrub pa 'byung ste gnas gang las bAn dza ka'i ri mo bris pa 'am/ gzugs su byas pa de'i 'jom pa la sor mo bzhag ste zla ba gcig tu bzlas so// de nas zla ba gcig gi mthar mtshan thog thag du bzlos shig/ de nas nang par gzugs su ston nas 'dod pa thams cad sbyin pa'i chung mar 'gyur ro// gnod sbyin mo bsgrub par 'dod
- 34a
pas gnod sbyin mo gang na 'dug pa'i gnas der 'dug pa rang gi gzugs su 'ongs kyi bar du bzlas na de la 'dod pa thams cad ster ba'i bran mor 'gyur ro// de nas sha za mo bslab par 'dod pas brag phug logs su me btang ste/ lag pa g.yon pas rang gi mtshan de bzung la g.yas pas gzegs ma bsregs pa ni phyag dang gi phung po de las ci tsam na sha za mo gdongs mangs gzugs mi sdug pa'o// de ste rang gi gzugs su gnas so// de yang de bzhin du bran mor 'gyur ro// de nas ci bgyi ba bslab par 'dod pas nyin zhag gcig sbyang bar byas la tshes nyi shu dgu la brgya stong bzlas te/ de nas zla ba gcig slong mo la za zhing grangs med par bzlas te zla ba gcig lon pa dang / na pa gsum sbyang ba byas mtshan thog thag bzlas so// de nas nang par ci bgyi 'dod na des mi 'jigs par byas te de nas derang gnas 'grub po// de byin chad 'dod pa thams cad 'bul ba'i g.yob tu 'gyur ro// mabo ris kyi lha mo yang dgug cing 'bul lo// de yang skyel cing slar yang 'gug go// 'das pa dang ma 'ongs pa dang da ltar gyi thams cad smra'o// gzhan gyi nor thams cad kyang phrogs nas 'bul le// de nas rig pa'i rtul zhugs/
- 34b
bya bar 'dod pa dngos grub med pa gang yin pa des zla ba drug gi bar du nyin zhags bcu bzhi spyod pa snga ma rjes la srong me'i kha zas la sogs pa nas rlung bzung ba'i bar da'o// de nas 'jug tu mtshan thal byung bzlas na nang par sangs rgyas la sbyin par 'gyur ro// de nas nyin re bzhin bcwo brgyad kyi bar du sngon du spyad pa rnams de'i 'jug tu mtshan thal byung bzlas na nang par las thams cad grub par 'gyur ba ni hUM zhes thang cig pas kyang ngo // de nas ro langs bsgrub par 'gyur te/ ma smad ma nyams pa'i mo ro blangs la legs par bkrus nas byugs te me tog phreng ba btags nas rkang pa g.yon pas mnan te dbugs kyi bar du bzlas na de ldang ste langs pa dang de zhon nas thams cad du 'gro zhing tshe yang stong phrag brgyar 'gyur ro// de nas ro langs kyi grub pa mchog bsgrub pa 'byung ste/ ma smas ma nyams pa'i mi ro langs nas de bzhin du rab tu brgyan pa zhon te langs zhing yang 'gyel gyi bar du bzlas na de bzhin gshegs pa'i skar 'gyur ro// phrag pa la khyer na de bzhin gshegs pa thams cad 'phel ba'i rig 'dzin 'jig rten gyi khams rab 'byams thams cad du 'phrul gyi 'gro ba dang / tshe yang bskal par 'gyur ro zhes bcom ldan 'das phyag/
- 35a
na rdo rje la gsungs pa'o// de nas bsgrubs kyang dkyil 'khor mthong ba nyid kyis las su 'gyur ba ni 'di lta ste/ zang cig brjod pas ni bdag dang grong khyer dang / rgyal po la sogs pa bsrung bar 'gyur ro// 'tshams bcad pa la sogs pa ni brtan par ltas pas 'tshams bcad na de bzhin gshegs pa thams cad kyang mi 'da' na gzhan lta ci smos/ sa'i dkyil 'khor dang nam mkha' dang phyogs bcing ba blta ba des so// dbab pa ni rig pa dang ma rig pas ral gri dang me long dang / snod dang the bo dang / shing ljon pa dang bris pa dang cha lugs dang / gzha dang mda' dang rdo rje la sogs pa rdo rje dbab pa'i phyag rgya gos kyis g.yogs pa bcing ste gu gul gyi gdag pas btab po// gdon zhi bar bya ba ni hUM zhes pas so// rdo rje hUM zhes pa'i phyag rgyas ni sems can thams cad 'phyang bar byed do// rdo rje sgrog gi phyag rgyas ni byed ma'i gdon las thar bar byed do// he ru ka rdo rje'i phyag rgya bstan pa ni byad mas bsad pa las slar gse'i bar bya'o// rdo rje'i phyag rgya bzung la/ skra la bzung ste bslangs pas ni dug gi zhi ba dang gnan pa dang dug bslang ba dang / dug zhi bar bya ba dang / dug sos pa dang / dug bshig par bya ba dang / dug gis shi ba
- 35b
las bso bar byas ste rdo rje ts+tsha zhes pa cig gis so// gter byung ba ni zangs kyi ril pa chus bkang ba la rdo rje hU~M zhes pa'i 'dzub mo bu gul gyi bdug par bya ste bzlas te gter/ yod na ni chu lud do// de ste med na ni 'khyil lo// de nas 'jig rten gsum las rnam par rgyal ba'i hA zhes bzlas te blang ngo // snang la dbug pa'i gdong ka ljon pa'i yam shing gi sa mes bus te zho dang sbrang rtsi mar gyis ra dza ko shing ta ka'i me tog la sngags bskas te stong phrag brgyad bsregs pa na snang ba thob pa'i 'og gis gnas su rdo rje 'og gi phyag rgyas 'khrul 'khor thams cad bcom ldan 'das rdo rje hUM zhes pa'i bzlas te zhogs na de las sus kyang rtse bar mi nus so// gtog 'dod kyi 'khor los kyang ci yang byed par mi 'gyur ro// phyag na rdo rje'i spyan sngar rdo rje 'am/ nor bu 'am/ ma na ti'i pad ma ra ga 'am mu tig gam/ gser ram dbyig gam gzhan ci yang rung ba 'am/ skyes pa 'am bud med dam/ sangs rgyas kyi sku gzugs la lo gcig gi bar da dus gsum du brgyar bzlas na lo gcig lon nas brgyar 'gyur ro// de snyed pa brgyar bzlas na de snyed brgyar 'gyur ro// de nas stong du bzlas na yang stong gsum du 'gyur ro// longs spyod dgug pa ni stong phrag brgyad bzlas so// dgug pa ni rdo rje kye ba
- 36a
takyi phyag rgyas bzla ba bzhis zhugs so// dbang du bya ba ni rdo rje khu tshur gyi dam tshig gi phyag rgyas so// sems can thams cad rten 'pho ba ni hA zhes pa'i phyag rgya bcings te stong phrag brgyar bzlas na sems can yid kyis dmigs bzhin btan pa'o// chu mnan pa ni phyag rgyas bcings la chu'i steng du 'gror rung ba'i bar du bzlas so// me gnan pa ni thangad cing bzlas pa'o// me tog gsungs pa rdo rje blta bas te/ de la srogs chags rnams gang gis kyang gnod par mi 'gyur// bya ba la sogs pa yang 'dri bar mi bya'o// rtog pa spangs pa ni khro bo'i blta ba de gang du bltas der 'pho'o// bza' ba dang btung ba thams cad spong ba ni 'bar ba'i blta bas na rang gi snod da 'pho'o// sdig pa dang sbrul thams cad med par bya ba ni zar cig brjod pas so// gcan gzan thams cad thang cig bzlas pas med par 'gyur ro// rkun mo thams cad 'bul ba ni rdo rje khu tshur bcas pas so// dmag las grol ba ni rdo rje 'dzin pa'i phyag rgyas so// gzhu dang mda' dang mdung dang rgyal mtshan dang mnan nas 'gal gyi bar da bzlas te thogs nas dmag thams cad las rgyal bar 'gyur ro// zhal che la ni thang cig brjod pas thebs par 'gyur ro// zhi ba thams cad ni til
- 36b
gyi sbyin pasreg gis so// rgyas pa thams cad ni nyungs dkar gyi sbyin bsreg gis so// gtan 'pho ba thams cad ni tsher ma'i sbyin bsreg gis so// gso ba thams cad la ni dUr ba'i lo ma'i sbyin bsreg gis so// 'tshe ba dang gnam dal rmi lam ngan pa thams cad gzhil ba ni til dang 'bras kyi sbyin bsreg gis so// gzhom pa thams cad ni hAM zhes pas so// nod pa dang gzhag pa dang myos par bya ba thams cad phaT ces brjod do// thams cad gnyid log tu bzhag pa ni bskam la mig btsums te/ brgya bzlas pas thams cad gnyid log par bya ba ni sems can thams cad rgyas btab pa ni rdo rje khro bo blta bas rgyas btab par 'gyur ro// nyin bdun las lhag par mi gson no// gang 'phrogs pa ni rang gi lce sos bzung nas hUM zhes pa'i bar sbyor bar bya'o// snying drang ba ni rdo rje sor mo'i phyag rgyas dpung pa snol te rang gi mtshan gzhang da slong zhing snying po bzlas na ba bdan tshun chad 'pho bar 'gyur ro// snying bcad pa ni rdo rje blang ba ste bcad par bya'o// snying de'i bar rdo rje lcags phur gyis btab te/ ming nas smos shing gzugs so// snying po sde ni lag pa gnyis rdo rje blangs te mtshan bdun du rab du sbyor ba byas pas 'pho bar 'gyur ro// de nas phyag rgya 'di rnams las thar/
- 37a
bar bshad do// de nas rgyas 'debs pa la ni khu chur dab pa'o// ngag 'phrog pa la ni rdo rje dag gi bzlas pas so// snying 'dren pa ni rdo rje khu tshur gyi phyag rgya snying khar dgrol lo// bcad pa la ni rdo rje hUM zhes bya ba bzlas nas 'o mas khrus shig/ phye ma la ni pur byung nas rdo rje dris bskas shing snying po la ni rdo rje snying pos thar bar bya'o// de bzhin du byed pa'i phyag rgyas sos par bya'o// snying bsgrub par 'dod na bud med kyi snying khar blta zhing lan cig bzlas na ni de'i snying kha nas sgra thos par 'gyur ro// skyes pa'i snying khar yang de bzhin byas te/ snying kha thams cad la yang de ltar ro// de nas pha rol gyi sems shes pa bsgrub par 'dod pas ni rdo rje hrI zhes pas brgyar bzlas na pha rol gyi sems shes so// rmi lam mthong bar 'dod pas ni hUM zhes pa la nyi shu rtsa gcig bzlas shing bdug pas ka'i tsam bdugs te gnyid log na de nas bcom ldan 'das ni 'das pa dang / ma 'ongs pa dang / da ltar gyi shes pa ni ston to// chog bsgrub par 'dod pas rdo rje tshig gis stong phrag brgya bzlas na rdo rje tshig gis rang gis ces smras so// thams cad bden par gyur to// ci blangs tsal to// cho 'phrul ston na ni bzlas pa'i rdo rje'i tshig gis brgya rtsa brgyad bzlas na rang gi lus la
- 37b
cho 'phrul du 'gyur ba ni/ sangs rgyas thams cad dang byang chub sems dpa' dang rdo rje 'dzin dang / lha dang klu dang gnod sbyin la sogs pa'i sems can thams cad kyi gzugs brnyan gyi tshul du ston to// rang gi gzugs ci dga' bar 'gyur bar byed 'dod pas rdo rje tshig rdo rje'i bzlas pa stong phrag bzlas na/ gzugs gang dang gang 'dod pa dang bdag dang sangs rgyas kyi gzugs su yang byed par 'gyur ro// mi snang bar 'dod pas rdo rje khu tshur gyis rdo rje bzung bas mi snang bar 'gyur ba de srid kyi bar du bzlas so// btang bas ni grol lo// khye'u la 'dug nas rdo rje blangs te nam mkha' gang bar bzlas so// gnod sbyin gyis 'jig rten du bzhug na hUM zhes pas so// gdon gang du bzhug pa ni hi zhes pas so// gdon bskyed pa ni rtag ces byas so// gdon gzhom pa ni phaT ces byas so// gcer bar bya ba ni mi'i skra'i skud pas rang gi dpung pa bcings na 'gyur ro// gos rjes par 'gyur ro// sdang bar bya ba ni rdo rje khu tshur gyi dam tshig gi phyag rgya dral bas so// smad pas ni rdo rje khu tshur gyis 'phang ngo // dgos pa bskyed pa ni mtshan thog/ zag ga chen po rang gi khrag gis bsgres te bsgrag go// gzhan gyi bud med 'gug pa ni rdo rje bzungs nas bzlas shing dgag gam/ yang na thams cad du khyab par thams cad/
- 38a
bya'o// bud med thams cad dga' bar spyod pa ni rang gi rtags rdo rjes bcings pas bzungs la/ nyin bdun dus gsum du las kyi bar du bzlos/ de nas gzhag du rnam phyed kyi bar du bzlas na rtag tu ldang ba mi stsol zhing bcud mod la stobs shugs drag pos 'gyur ro// pho mi spyod pa ni rdo rje bzung nas thams cad khyad par hUM zhes bya ba byas nas byas so// bud med thams cad kyi dbang bya ba ni rdo rje hUM zhes bya ba'i phyag rgya bcings la stong phrag brgya bzlas na bud med thams cad 'bugs par 'gyur ro// phyag na rdo rje'i spyan sngar spyan ras gzigs dbang po'i dam tshig gi phyag rgyas bcings te stong phrag bzlas na bud med thams cad 'gugs par 'gyur ro// sems can thams cad dbang du bya bar 'dod na rdo rje khu tshur gyis bcings pas rdo rje bzung la nam 'gul gyi bar du bzlas so// snang ba dbang du bya bar 'dod na rdo rje blangs te rang gi spyi bor bzhag la rdo rje spyi bor brtan par 'gyur gyi bar du bzlas so// de nas snang ba'i mdun du 'dug gi bar du dbang bskur ba yang rtsal to// nor bu dgug pa ni rin po che ni gtso'i phyi las sbyin bsregs byas so// char dbab pa rdo rje zhes pa stong bzlas so// char bcad pa ni hU~M zhes paso//
- 38b
ser ba gcod pa ni rdo rje 'dor ba'i phyag rgya'o// don dag pa'i phyag rgya'o// de nyid kyiso// srin dag pa ni rdo rje tsA zhes bya ba brgya bzlas so// bsam pa la dbang bskur ba ni rdo rje hUM zhes pa lan brgya bzlas so// rdo rje dkyil 'khor steng du bzhag nas me tog dang bdug pas mchod rten rdo rje 'dzin pa'i phyag rgyas gnan to// rdo rje las kyi bar du bzlas so// de thogs nas skor nas ci 'dod pa bzhin du sgyu ma'i las rnams ston te/ rdo rje gser bas des ma yin par shing la 'bras bu dang me tog mthong / na mkha' la/ me tog gi 'bras bu dang phreng ba chags par bya ba ni dbugs bsngos la rdo rje khu tshur bcings te gtor ni chags so// cha lugs bzhad par bya ba ni rdo rje'i phyag rgya'o// gar byed par bya ba ni rdo rje 'dzin pas so// spras par bya ba ni hUM zhes pa so// rgyug par bya na rdo rje 'gag pa'i phyag rgya so// smin ma 'gul bar bya na rdo rje phyag rgya 'dzin pas rdo rjes thob la rang bi smin 'tshams su bskus pas so// sa g.yo bar byan rkang pa g.yon pa btab bo// khyim bskul ni rdo rje dbab pa'i phyag rgyas so// khang pa dgug na rdo rje khros pa'i kyo ba ta gis phyag rgyas bcings so// sprin med pa'i char dbab pa ni rdo rje hUM zhes bzlaso// gcig tu smon 'du zhing ston pa ni rdo rje bskor bas so// zla ba dang nyi ma dbab pa bstan pa na/
- 39a
rdo rje bsdebs pas so// nyi ma dang zla ba mang po bstan na rdo rje bzhin nam mkha' la gtor bas so// dmag rnams bzhi bstan na rdo rje bskor bas so// mtshan mo nyin par du bya na rdo rje 'bar ba bskor bas so// nyin mo mtshan mor bya na mig btsums la rdo rje bskor bas so// thams cad rdo rje bstan nas brgya bzlas te rdo rje bskor bas// thams cad nas byang chub sems dpa' ston na stong bzlas te rdo rje bskor bas so// phyag na rdo rje thams cad la bstan na stong phrag brgya bzlas te bskor bas so// thams cad nas sangs rgyas bstan na rdo rje la bye ba bzlas so// 'jig rten gsum las rnam par rgyal ba rtog pa chen po'i rgyal po las rdo rje hUM zhes bya ba'i rtog pa rdzogs s+ho// de nas bcom ldan 'das de bzhin gshegs pa dgra bcom pa yang dag par rdzogs pa'i sangs rgyas kyis phyag na rdo rje la 'di skad ces gsungs so// ngas kyang sems can thams cad kyi phyir 'jig rten gsum las rnam par rgyal ba rtog pa chen po'i rgyal po 'dir rtsol bar 'gyur ba la de bzhin gshegs pa thams cad kyi snying po 'di sbyin no// de nas phyag na rdo rjes bcom ldan 'das kyi zhabs la phyag 'tshal nas rtsog bur 'dug ste gnas so// hUM badz+ra bid swA hA/ de nas 'di gsungs pa tsam gyis stong chen po'i 'jig rten
- 39b
gyi khams 'di rab tu g.yos so// sems can thams cad rab tu g.yos nas phyag 'tshal zhing dbang du 'gyuraro// de nas phyag na rdo rjes byang chub sems dpa' chen po bcom ldan 'das kyi zhabs la mgo bos phyag 'tshal nas rdo rje rig pa'i dkyil 'khor 'di bshad do// dkyil 'khor chen po'i tshul du dkyil 'khor thams cad brtag pa ste/ de'i dbus su nas phul bzhi la bcom ldan 'das bzhugs te de'i spyan dang phyag na rdo rje yid kyi dkyil 'khor yang gtso bor gzhog/ de nas de bzhin du bzhag go// bzhags nas khyod skad du khyod de nas de bzhin gshegs pa nyid do// de ste dang na de bzhin bshad do// zhes sgos shig/ des smras pas gsungs shig ces pa dang / de nas khyod de phan chad de bzhin gshegs par gyur to zhes smros shig/ des smras pa ci'i phyir/ dkyil 'khor mthong ba'i phyir zhes des smras shig/ gang dkyil 'khor 'dir zhugs pa de de bzhin gshegs pa nyid du lta ste/ de sangs rgyas kyi byang chub kyang che ba nyid dam/ pha rol la thob par 'gyur zhes smras nas phyag rgya baspobs shig/ de bzhin gshegs pa thams cad kyi dkyil 'khor ro// de nas bcom ldan 'das kyi zhabs la phyag 'tshal lo// dkyil 'khor de bzhin du bris nas bcug la rdo rje bsgrub pa po lag
- 40a
@pa gnyis kyis rdo rje bzung nas rang gi phyag rgya bsgom mo// rdo rje zhes bya ba 'di ci yin/ snying po 'di bsgom pa ste/ rdo rje tshig gis bzlas nas ngas de bzhin gshegs pa che ba 'di'am gzhan ma thob par 'gyur ro// rdo rje'i dkyil 'khor 'khor lo thams cad dam tshig chen po'i tshul byas la 'di smos shig/ dad btan phyag na rdo rje la// de bzhin gshegs pa rigs de bzhin// sems can thams cad 'gu ba ru// khyod kyis de ltar btags pa'o// de nas de ltar khyod kyis ma byas na sems can dmyal bar ltung bar 'gyur ro// dam tshig gi dkyil 'khor ro// yang dkyil 'khor de bzhin du bris la slob ma bcu gnas las rnam pa bzhin bslab par bya'o// lus thams cad kyis btud de de bzhin gshegs pa thams cad la phyag 'tshal lo// de nas langs te yan lag lngas phyag byas nas/ sdig pa thams cad ni gshegs so// de las langs la thal mo sbyar te pus mo'i lha nga gnyis sa la bstsags nas bsod nams thams cad la rjes su yi rang ngo // de nas langs te pus mo g.yas pa'i lha nga sa la btsugs la rdo rje 'dzin pa'i phyag rgyas bcings la phyag 'tshal lo// de bzhin gshegs pa thams cad kyi rdo rje'i tshig gis badz+ra b+hid brjod cig/
- 40b
des ni de bzhin gshegs pa thams cad dang phyag na rdo rje la phyag 'tshal lo// bskur sti dang mchod par 'gyur ro// de bzhin gshegs pa thams cad kyi dgongs pa yongs su rdzogs par 'gyur ro// mchod pa'i cho ga dang / de nas rdo rje rigs sprul par 'gyur te/ dkyil 'khor mthong bas rang bcom ldan 'das de bzhin gshegs pa bris la de'i g.yas su spyan ras gzigs dbang po// g.yon du rdo rje khu tshur rgyan thams cad kyis brgyan pa'o// de nas gso sbyin can dus gsum du khrus byed pa/ dus gsum du bkras pa'i gos gon pa stong phrag brgyad bzlas so// de'i 'jug tu de bzhin gshegs pa thams cad kyi khu tshur bcing nas mtshan thal byung bzlas na nang par da de bzhin gshegs pa thams cad gshegs te zhal ston to// mchog ci 'dod pa rtsol te sangs rgyas pa'i bar da tsal to// de nas yang cho ga bzhin te ras la bcom ldan 'das de bzhin gshegs pa pad mo'i steng du bzhug par byas la de'i spyan sngar phyag na rdo rje thal mo sbyar te cig tsog por 'dug la bcom ldan 'das la blta bar bya/ bcom ldan 'das kyi g.yon phyogs su phyag ni rdo rje la big gis rdo rje gsor/ g.yon par bang po yi bcom ldan 'das kyi g.yon phyogs su rdo rje khu tshur te/
- 41a
khu tshur gnyis kyis rdo rje bsdams par byas la/ de tshes gcig nas btsams te zla ba gcig de bzhin bzlas la/ zla ba tshang nas mtshan thal byung bzlas na de bzhin gshegs pa byon nas mchog ci 'dod pa rtsol to// yang cho ga bzhin ni rab la bcom ldan 'das de bzhin gshegs pa bris pa ni de'i spyan sngar zla ba drag de bzhin du bzlas pa'i 'jug la/ nyin mtshan gsum du snang ba bya ste phyag na rdo rje byon nas/ phyag na rdo rje 'dzin pa nyid byon gyi bar bzlas so// de bzhin gshegs pa'i mchod rten gyi drung du stong phrag brgyad bzlas na 'jug tu de bzhin gshegs pa mthong ngo // nam mkha' la bltas te stong phrag brgya bzlas na na mkha' la de bzhin gshegs pa thams cad mthong ngo // des de la phun sum tshogs pa thams cad nyin cig bzhin du rtsal to// sangs rgyas kyi spyan sngar stong phrag brgya bzlas na mchog thob po// phyag na rdo rje'i spyan sngar stong phrag brgya bzlas na rdo rjes 'dod pa thams cad rtsal bar 'gyur ro// 'phags pa spyan ras gzigs kyi dbang po'i spyan sngar stong phrag brgya bzlas na spyan ras gzigs dbang pos lag nas ste bde ba can gyi 'jig rten gyi khams su khrid cing slar yang khrid de 'ong / 'jig rten gsum las rnam par rgyal ba rtog pa chen
- 41b
po las de bzhin gshegs pa'i rtog pa rdzogs s+ho// // de nas bcom ldan 'das phyag na rdo rjes byang chub sems dpa' chen pos yang 'di skad ces gsol to// bcom ldan 'das bdag gis kyang 'jig rten gsum las rnam par rgyal ba'i rtog pa chen po snying po gang brjod pa tsam gyi de bzhin gshegs pa thams cad rdo rje'i ri ltar mi g.yo ba'ang bskyed cing 'dren la/ sems can gzhan lta smos ci dgos gang dran pa tsam gyis kyang 'jigs pa thams cad rnams las grol bar 'gyur ro// gang brjod pa tsam gyis kyang mtshams med pa thams cad lhag ma ma lus par byang bar 'gyur ba dang / thams cad las bsrang bar 'gyur ba dang / phyag na rdo rjes kyang 'dod pa thams cad brtsol bar 'gyur ro// mchog brtsol ba don thams cad grub pa dang dgongs pa thams cad kyang byed pa rtag par phyi bzhin 'brang ba dang / gang bzlas pa tsam gyis kyang grub pa thams cad mngon du 'gyur ba tsam par bgyi'o// de nas bcom ldan 'das kyis phyag na rdo rje byang chub sems dpa' chen po la 'di skad bka' stsal to// phyag na rdo rje khyod kyis legs par spros shig/ ngas kyang bzung ngo // de nas phyag na rdo rjes rdo rje snyems dang bcas rdo rje gsor te rang gi snying khar ste/
- 42a
pa'i tshul gyis rang gi snying po 'di gsungs so// ta ki hUM dza/ de nas 'di gsungs pa tsam gyis 'jig rten gyi khams thams cad rab tu g.yos so// de bzhin gshegs pa thams cad g.yos/ rab tu g.yos/ 'phar rab tu 'phar/ byang chub sems dpa' rnams rab tu bskyed par 'gyur ro// nyan thos dang rang sangs rgyas thams cad kyis ma rung bar 'gyur ro// byang chub sems dpa'i sa ni snying por 'gyur ro// de bzhin gshegs pa thams cad kyis brten par 'gyur ro// de bzhin gshegs pa thams cad kyis rdo rje sems dpa'i bsgrub pa yang sra bar gyur to// bdud dang mi 'grub pa'i phyogs thams cad brlag par byas so// gdon thams cad bcom pa dang / bcom ste 'dar pad pad nas bcom ldan 'das la skabs su song ste/ bcom ldan 'das la skabs so// bde bar gshegs pa bdag cag la skyobs shig pa dang / bcom ldan 'das kyis de dag la bka' bstsal pa/ phyag na rdo rje 'di nyid la skyabs su dengs cig/ 'di nyid khyod la skyob par byed do// phyag na rdo rje'i snying kha nas kun tu 'bar bar bskor ba de bzhin gshegs pa thams cad la sogs brgyan thams cad kyis brgyan pa/ 'dzum zhing khro ba phyag gnyis kyis me
- 42b
tog gi gzhu 'gengs pa/ phyag gnyis kyis rdo rje hUM zhes pa bcom ldan 'das rdo rje 'dod pa'i khro bo byung nas 'jig rten gyi khams thams cad kyi sems can kun 'dod pa'i khro bos sbyangs nas phyag na rdo rje'i spyan sngar 'dug ste bka' gnod do// bcom ldan 'das kyis bka' stsal to// nga ci lta ba de bzhin du khyod kyis sems can thams cad kyi don gyis shig ces so// de nas yang bcom ldan 'das kyis phyag na rdo rje la 'di skad ces gsungs so// phyag na rdo rje de bas khyod kyi snying pos sems can 'di dag thams cad rgyal ba dang / bcos pa dang bcom pa kun bcom par 'gyur ba dang / gzhan dag kyang rdo rje'i lus thob par 'gyur ba de smros shig oM rdo rje go ba phyag rgya 'dis bdag nyid gos gon rdo rje'i tshe thob cing bsrang bar yang 'gyur te/ nam 'tsho'i bar du thams cad kyis mi tshugs par 'gyur ro// de nas/ phyag na rdo rje byang chub sems dpa' rdo rje'i dkyil 'khor chen po 'di gsungs so// de nas gzhan yang rab bshad pa// rdo rje yi ni dkyil 'khor che// gru bzhi pa la sgo bzhi pa// rta babs bzhi dang bcas pa ste// bcu drug cha dang ldan par ro// rdo rje rabs mdzes pa ste// grwa dang sgo yi zur dag dang // de bzhin rta babs
- 43a
'tshams rnams su// rdo rje rin chen ldan par bya// phreng ba dril bu lnga ldi brgyan// dang po phyi yi dkyil 'khor te// snying po bzlas shing bri bar bya/ de yi nang gi dkyil 'khor yang // rdo rje srad bu mnyam ldan pa'o// rdo rje ka ba brgyad ldan zhing // rdo rje rab bdun du ni// dkyil 'khor brgyad kyi tshul du ste// 'od kyi dkyil 'khor bzhag pa'o// de'i 'bras bu sems dpa' che// phyag na rdo rje bzhugs par bya// sangs rgyas rin chen thams cad kyi// dbu brgyan gyi ni rgyan thogs pa// cung zad du ni bzhad pa'i zhal// rdo rje bsnyems par mdzad pa dang // me tog mda' bzhu 'chang ba yi// de las gzhan pa phyag bzhi pa// rdo rje sems dpa'i snying po ste/ khro gnyer bzhad pa'i zhal can ni// gnyis kyis me tog bzhu 'gengs shing // gnyis kyis rdo rje hUM mdzad pa'o// rdo rje can gyi g.yas phyogs su// rdo rje dga' ba bri bar bya/ snying khar rdo rje gtan 'dzin cing // mkhyud po lta ba'i sbyor bas so// phyag na rdo rje'i skyabs ni// chu srin rgyal mtshan 'chang ba ste// sems can rdo rje dpal can ni/ rin chen char pa rab tu 'bebs// rdo rje can gyi g.yon pa bri// rdo rje snyoms pa dmar po ste// gnyis kyi rdo rje bsnyems pa brjod// bgeg pas bskor cing 'dud pa'o//
- 43b
grwa'i dkyil 'khor gnas su ni// mchod pa'i lha mo bri bar bya// dpyid ka yi ni rdo rje sprin// ston ka'i rdo rje khab mo// phyi yi dkyil 'khor dag tu ni// 'dod pa'i gzugs la sogs pa bri// sgo yi dbus rnams thams cad du// rdo rje 'dod pa lcags kyu sogs// de nas dkyil 'khor chen po der// rdo rje slob dpon gyis rdo rje snying po'i phyag rgya bcings la bzhugs la 'di skad ces smros shig/ sems can kun gyi yid khyab cing // sems can kun la bde ba rtsol// sems can kun la par 'gyur zhing / rdo rje sems dpa' bdag dang 'grub// Ta gi hUM dza/ de nas de skad smras pa dang // 'bab par 'gyur te babs pa tsam gyis phyag na rdo rje'i gzugs nyid mthong ngo // bcom ldan 'das mthong bar byas nas/ grub pa thams cad kyang brtsol te/ la la ni rdo rje 'dzin/ la la ni 'tshang rgya bar 'gyur ro// de nas slob ma bzhug ste snying po'i phyag rgya bcings la des phreng ba bzung na/ gos dmar pos yan lag bcings la/ ras dmar pos mig gnyis bkabs te bcug nas 'di skad ces smros shig khyod kyis dkyil 'khor ma mthong ba mi mkhas pa su yang gsang ba 'di dag gi mi snyad par byos shig/ 'byung po'i gdon dang phra men ma la sogs pa'i gdon gyis
- 44a
gsad par 'gyur te/ shi nas kyang dmyal bar ltung bar 'gyur ro// zhes bsgos gdong khrol cig/ de nas 'di skad ces smros shig/ gang dbus na yod pa 'di ni bcom ldan 'das phyag na rdo rje ste/ 'di ni dang po'i sems dpa' 'dod pa'i bdag po dbang po kun nas bzang po rdo rje sems dpa'o// gang 'du/ pa 'di ni bcom ldan 'das de nyid thugs yin te 'dod pa'i khro bo gang g.yas pa na sems can thams cad reg pas bde ba ste rdo rje dga' ba zhes bya ba'i byang chub sems dpa'o// gang rgyab na 'di ni bcom ldan 'das nyid chen po'i rgyal mtshan te/ sems can thams cad kyi byams pa slong ba dang / nor sbyin pa'o// g.yon phyogs na 'di ni bdag nyid chen po'i/ bdud des sems can thams cad 'gu bar byed pa'o// gA gA bzhi po 'di rnams ni dus kyi mchod pa me tog dang bdag pa dang mar me dang dri'i lha mo'o// gang phyi'i grwa'i nang na gnas pa de dag ni gzugs la sogs pa 'dod pa'i yon tan no// gang sgo bsrung de dag ni dmigs dang 'dod chags dang byams pa ste/ kyo ba btang ba dang zhags pa dang / sgrog dang 'bab pa dag ni 'da' bar mi bya ba yin no// khyod kyis kyang bcom ldan 'das 'dod pa thams cad kyi bdag po la smad mar ma byed cig/ gang sangs rgyas kyi bstan
- 44b
pa la sems can thams cad rnam par dag par bya ba'i phyir 'dod chags dang bral bar chad de/ de ci'i phyir zhe na/ mu stegs can gyi 'dod chags dang bral bar chos de thar pa'o// de bzhin gshegs pa rnams ni sems can thams cad chags pas ni thar par gyur te/ 'di lta ste/ byang chub sems dpa' rnams bdag gis chung mas kyang sems can bdud par byed de/ 'dod chags ni byang chub du bstan pa zhes so// de nas snying po byin cig/ Ta ki hUM dza/ 'di bsgrubs na bcom ldan 'das sems dpa'i mchog bsgrub par 'gyur ro// bcom ldan 'das bsgrubs pas na/ 'dod pa'i khro bo 'grub par 'gyur ro// de ci'i phyir zhe na/ snying po 'di dag che ba'o// Ta ki zhes bya ba ni 'dod pa'o// hUM zhes bya ba ni khro bo'o// de gnyis 'bug par bya ba'i phyir dza zhes bya ba ste/ 'di khyod kyis bsgrub par bya'o// de nas phyag rgya chen po shes par bslobs shig/ de nas dam tshig phyag rgya bcom ldan 'das kyi rdo rje'i snying po bzlas na sa lag pa gnyis su rdo rje sbyin pa'o// snying po 'di'o// oM badz+ra d+ha ba badz+ra pra tad d+ha ra ya birgya Ti gi hUM dza/ de nas phreng ba phyag na rdo rje la phul nas de'i mgo la bskon no// de nas rdo rje ming gi dbang sbyin pa snying po 'dis so// hUM badz+ra a b+hi Shiny+tsa sarba kle sha ra re/ i dam badz+ra na na ma/ a ti te te tri ta p+te
- 45a
b+ha ba/ hU~M Ta ki hUM dza/ de nas de 'dug ste phyag rgya chen po bcings na rdo rje'i tshig gis brgya stong bzlas nas de nas sa g.yos te/ grub pa thams cad thang cig bzlas pas 'grub cing / de nas dam tshig gi phyag rgya bcings la brgya bzlas na rdo rje'i thugs dbang du 'gyur ro// de phyin chad sems can thams cad kyi snying shes ba dang / sems can thams cad kyi snying la dbang byed dam thams cad snying dga' bar 'gyur ro// thams cad kyi snying bstan par chags so// snying thams cad la tshig thob par 'gyur ro// b+hu ba dang / 'gyur ba dang / da ltar mchog bden par 'gyur ro// bdag gi snying las kyang cho 'phrul rnam pa bzhi mthong ba bzhag la ston to// de'i snying las rdo rje 'byung bar 'gyur ro// de nas sems can thams cad kyis mi gsod pa dang / mi tshugs pa dang / mi chod pa dang / mi mchod pa'i rdo rje'i lus su 'gyur ro zhes bcom ldan 'das phyag na rdo rjes bsungs so// de nas gsang ba'i mchod pa byas te rdo rje thugs kyi bstod pa glus bstod do// de phyin chad grub pa thams cad dang 'dod pa thams cad dang / gsang ba'i mchod pa thams cad myur du 'grub par 'gyur/ de nas kun gyis mchod pa thams cad kyis yang dag par mchod do// btung ba dang / zas/
- 45b
dang longs spyod ci 'byor ba dag gis rim par byas nas phyir 'byung bar bya'o// rdo rje 'khor lo chen po'i cho ga rgyas pa'o// // de nas rdo rje dkyil 'khor du 'dod pa khro bo la sogs pa'i phyag rgya ji lta ba bzhin bris te zhags nas mchod pa'i lha mo rnams kyi gar gyi mchod pas snyim pa ma stongs par byas nas rdo rje sems dpa'i phyag rgya chen po bcings la/ bcom ldan 'das kyi spyan sngar rdo rje'i bla'i rdo rje 'bum bzlas na de nas rdo rje lci bar 'gyur ro// de nas slar yang 'bar bar 'gyur ro// de nas de ltar mtshan thal byung bar du bzlas na/ nang par rdo rje 'dzin tam rdo rje khro bo stong gsum gyi stong chen po'i 'jig rten gyi khams thams cad kyi bdag po lha'i gzugs dang mdog dang / spyan gsum la phyag bzhi pa'i rdo rje 'dod pa'i mdangs dang 'dra bar 'gyur te/ rdo rje 'dzin gyi tsher 'gyur ro// rdo rje dkyil 'khor gyi cho ga rgyas pa'o// // de ltar dam tshig gi dkyil 'khor la dkyil 'khor chen po'i srad bus thig btab ste/ de nas lha mo rnams bris la de'i dbus su bcom ldan 'das ji lta ba bzhin du bzhags nas 'di skad smras shig / ho badz+ra sa ta sur te/ de'i spyan sngar rdo rje gzhu 'gengs pa'i gzhu bris te de'i phyag rgya 'di'o// badz+ra shi ts+yai/ g.yas su rdo rje dga' ba mkhyung
- 46a
par bya'o// de'i byab rgya 'di'o// badz+ra ki li ts+tsha/ rgyab du chu srin gyi rgyal mtshan 'chang ba byams ma'i rdo rje bri/ de'i phyag rgya 'di'o// oM badz+ra kro ta/ g.yon du rdo rje snyen pa bri ste/ rdo rje g.yon du sbyar bar bya/ de'i phyag rgya 'di'o// badz+ra ga ra be d+hi ni/ de nas pra dang sgor yang rang gi lha me br-i/ de nas rdo rje slob dben nyid shin tu rgyan rdo rje lag tu thogs/ bud med kyang brgyan te lag pa gnyis rdo rje khu tshur bcings la dbang po gnyis kyis mkhyud de zhugs la 'di brjod do// sa ma ya ha ma haM su ra ta ho ki hUM dza/ de nas brjod pa tsam gyis bcom ldan 'das ston par mdzad do// phyag rgya thams cad grub par mdzad pa dang / dam tshig thams cad grub pa bstsal to// de nas slob ma yang snying po'i rdo rje'i snyid kyis bcud nas 'di zhes smros shig/ khyod kyis dam tshig 'di las ma 'da' shig/ gnod pa ma spangs pa myur du shi shing ngu 'bod chen pos skyes par gyur ta re// de nas dam tshig brjod de bdag chen kun gyis phyag rgya 'di/ 'dod pa bsam las yang dag 'byung // des ni khyod kyi sdig med de// 'dod 'dar bsam pa ma btang shig/ 'di ni dam tshig bsrung ba rdo rje'i sngags so// oM Ta ki hUM dza/ 'dis rdo rje'i chu blud do// dngos po thams cad
- 46b
phyir yang mad sa sgrogs te/ de dag la yang rdo rje'i phyag rgya 'dzin pas blud do// de ste de las 'gal na zla ba phyed kyis snying 'gas so// bcom ldan 'das phyag na rdo rje dam tshig chen pos bsrangs so// de nas phyag rgya bcings pa bslab pa/ de nas de bzhin du 'byung ngo // shin tu gang ba'i rdo rje zhes bya ba'i dkyil 'khor ro// de nas las kyi dkyil 'khor de bzhin du bris nas rang gi lus sam mtshan ma bzhag go// der btsud nas las rnam bzhi slob ma bya'o// de nas dang po nyid du 'dod pa thams cad brtsol bar 'gyur ro// phyag na rdo rje'i phyag rgya bcings nas rdo rje 'dzin phyag rgya bzhi pa de bzhin gshegs pa thams cad kyi phreng ba la sogs pa'i rgyan gyis brgyan pa'i skar bdag nyid mthong ba srid bzlas so// de phyin chad 'dod pa thams cad nus par 'gyur ro// de nas khro bo'i las bslabs te rdo rje hUM zhes pa'i phyag rgya bcings pa bzlas pa byas nas/ de bzhin gshegs pa man chad snying po thang cig bzlas te/ hU~M zhes pas bsdigs nas de bzhin gshegs pa yang 'gel bar 'gyur/ de phyin chad 'gro ba dang gnas pa thams cad kyang 'grel bar nus pa'o// de nas phyag na rdo rje'i las 'byung ste/ sems can thams cad 'dod pa dang / khro bo gnyis kyis 'dul bar 'dod pa rdo rje 'dzin pa'i phyag
- 47a
rgyas me tog la sogs pas mchod pa byas te/ de nas rdo rje thugs kyi phyag rgya bdag snying khar bcings la/ phyag na rdo rje'i spyan sngar rdo rje 'dzin pa de srid kyi bar du bzlas so// de bzhin gshegs pa thams cad la bya bar 'dod na phyag na rdo rje'i spyan sngar byang chub kyi sems bskyed do// sbyin pa byin/ tshul khrims bsrungs/ bzod pa bsgoms/ brtson 'grus brtsams/ bsam gtan la snyom par zhugs/ shes rab yongasu rdzogs par bya ste/ ci 'dod ci nas ci byas shing rtag tu bzlas na rdo rje'i sku 'am/ de bzhin gshegs pa'i sku mthong gi bar du'o// de nas sa bcu thob ste/ de bzhin gshegs pa'i las byed pa'i byang chub sems dpar 'gyur ro// las kyi dkyil 'khor cho ga'o// de bsgrub par 'byung ste/ dkyil 'khor du ni ma zhugs pa/ dam tshig shes pa ma yin dang / slob ma ma yin gzhan rnams la/ mi zad snying po 'di dag sbyin/ dkyil 'khor mthong bas bsgrub par bya ste/ phyag na rdo rje'i spyan sngar stong phrag brgya bzlas nas bsnyen pa byas par 'gyur ro// de nas ras la bris te ras kyi dbus su ni bcom ldan 'das de bzhin gshegs pa bris de bzhin du g.yos su phyag na rdo rje phyag bzhi pa'i snying kha nas snying po 'byung ba de bzhin du bri/ g.yon du
- 47b
spyan ras gzigs dbang po phyag bzhi pa'o// gnyis pa ni pad ma'i ting nge 'dzin 'chang / gnyis kyis ni me tog gi gzhu 'gengs pa kha dog dmar po bri/ spyan sngar de bzhin du rdo rje 'dod pa'i khro bo bri steng du na mkha'i snying po bri/ gar mchod pa'i lha mo rang gi mchod pas bkram ma dang / mgo bor ro// de nas ras la bris pa'i spyan sngar zla ba bzhi dus bzhir stong bzlas zhing bsgrubs na/ de nas bzlas na che ring ba dang de bzhin gshegs pa rtsol bar 'gyur ro// ras la bcom ldan 'das dkyil 'khor gyi tshul du bris la sems dpa' bris chen po dang lha mo bzhin du bya'o// de'i spyan sngar zla ba gcig tu grangs med par bzlos shing 'dod pa thams cad bzlas par bsgrub ste/ de nas zla ba cig lon pa dang phyag na rdo rje'i phyag rgya chen po bcings la mtshan thal byang bzlas na nang par rdo rje 'dzin pa thob po// ras la bcom ldan 'das phyag na rdo rje de bzhin du bris la de'i spyan sngar zla ba phyed kyi bar tu btags par bya/ bzlas pa ni mi nyal bar bzlas te/ de nas zla ba phyed lon pa dang mtshan thal byung bzlas nas nang par phyag na rdo rje dang mtshungs bar/ 'dod pa'i longs spyod thams cad dang ldan par dang / bde ba dang yid bde ba thams cad 'gro bar 'gyur ro// bcom ldan 'das rdo rje 'dod pa'i khro bo de bzhin
- 48a
du bris la/ de'i spyan sngar rdo rje thugs kyi phyag rgya bcings te/ stong phrag brgyad bzlas na de bzhin 'grub par 'gyur te de bzhin du byed do// sangs rgyas kyi zhing thams cad du khyer te zhing slar yang khyer te 'ongs/ sangs rgyas kyi zhing thams cad kyis dad par bde ba thams cad khyer 'ongs nas de la sbyin no// des kyang longs spyod par nus na lha'i bu mo thams cad ci smos/ brgya byin yang rtsol to// phyag na rdo rje 'dzin pa nas sangs rgyas kyi bar du'ang bsgo bas rtsol bar 'gyur ro// sangs rgyas kyi spyan sngar 'bum bzlas na de bzhin gshegs pa thams cad bkug ste dbang du byed do// phyag na rdo rje'i spyan sngar rdo rje thugs kyi phyag rgya bcings nas stong phrag brgya bzlas na/ de nas phyag na rdo rje nyid kyis dpal gyi lha mo khrid de byon nas bsgrub pa'i mdun du 'dor ro// de nas bcom ldan 'das khyod ni mtshams kyis 'dis ci 'tshal zhes smos shig/ de nas bcom ldan 'das dges te khyod ci 'dod pa'i mchog rtsol bar 'gyur ro// nam mkha'i spyan sngar 'bum bzlas na dbang brtsol bar gyur to// bsams pa thams cad yongs su rdzogs par mdzad do// rdo rje gzhal te de'i mdun du bzlas na de las thams cad grub par byed do// phyag rgya chen
- 48b
po bcings nas 'bum bzlas na phyag na rdo rje 'dzin gyis mchog brtsol to// dam tshig gi phyag rgya bcings nas 'bum bzlas nas rdo rje 'dzin mngon gsum du mthong zhing phyag rgya'i las kun grub pa yang brtsel bar 'gyur ro// rdo rje lag tu thogs nas 'bum bzlas na rdo rje khu tshur gyi rdo rje bzung ba tsam gyis mi snang bar 'gyur ro// 'khor lo thogs te 'bum bzlas na 'khor lo'i rig 'dzin du 'gyur ro// kyo ba thogs te 'bum bzlas nas kyo ba des thams cad dgug par nus par 'gyur ro// zhags pa thog pa ste 'bum bzlas na zhags pa thams cad bgrang nus par 'gyur ro// lag pa gnyis rdo rje bcing bsdams la 'bum bzlas na sems can thams cad bcing nas par 'gyur ro// rdo rje'i dbang po phyag rgya bcings nas 'bum bzlas na gnas pa 'gro ba thams cad la dbang nus par 'gyur ro// rdo rje hUM zhes bya ba'i phyag rgya bcing nas 'bum bzlas na hUM zhes pa gcig gis gnas pa dang / 'gro ba thams cad ska gcig gis ltung bar 'gyur ro// lha chen po rkang pa g.yas pas mnan la 'jig rten gsum las rnam par rgyal ba'i phyag rgya bcings pa ste 'bum bzlas na zla ba gcig tshun chad kyis nges der 'ongs te dbang du 'gyur ro// mthu che rkang pa g.yon pas
- 49a
gnan te 'bum bzlas na 'khor lo thob ste/ 'khor lo thogs na grub par 'gyur ro// tshangs pa mnan te 'bum bzlas na tshangs par spyod par 'gyur ro// brgya byin rkang pa g.yon pas gnan te 'bum bzlas na rdo rje 'dzin par 'gyur ro// rdo rje bskor bas ni tshar bcad pa dang dbab pa dang thang cig gis gnam lhag dang ser ba 'bebs so// sa gnan gzhon bu gnan te 'bum bzlas na gzhon nu ma thams cad kyi bdag por 'gyur ro// las thams cad kyang byed par 'gyur ro// nyi ma la bzlas te 'bum bzlas na bdud rtsi'i rna cha sbyin par 'gyur te/ de nas lha'i longs spyod 'tsho bar 'gyur ro// zla ba la 'phar ba'i ltas pas mgu bar bltas te stong phrag brgya bzlas na zla ba gnyis su mthong ste/ de phyin chad zla ba dang mtshungs pa'i 'od dang mdangs su 'gyur te/ sems can thams cad kyi mig tu mdzes shing sems can thams cad kyi snying du sdug par 'gyur ro// gza' chen po'i gzugs la bltas te 'bum bzlas na des be con thob ste/ be con des ni thams na sgra la rgyal zhing nor thams cad thob po// spyi gleng gi gnas su song ste 'bum bzlas na skye breng las kun byed do// rgun 'brum gyis myos pa mnan te 'bum bzlas na chang gi
- 49b
snod thams cad nam mtsho'i bar du mi zad par 'gyur ro// ma da ka ra la bzlas te stong phrag brgya bzlas te dbang bskur ba thob par 'gyur ro// rgyal ba lta ste 'bum phrag ba zla sa na 'thab mo dang brtsod pa'i g.yul thams cad las rgyal bar 'gyur ro// rgyal ba thob par gnan te 'bum bzlas na thams cad las rgyal bar 'gyur ro// mdzod skyong rkang pa g.yon pas gnan te stong phrag brgya bzlas na bza' dang btung ba mi zad par 'gyur ro// 'gro ba thams cad kyi tshe 'di la chad par mi nus so// rlung mngon par 'du byas te stong phrag brgya bzlas na rlung gis de dang 'thun pa'i 'dod pa thams cad byed par 'gyur ro// me la bltas la de 'bum bzlas na me'i dbus su 'dug pa dang nyal ba dang 'gro na yang mi tshig ste me'i gzir 'gyur zhing / nyin cig kyang gser bsrang re re sbyin no// ngal gso'i bo mnan te 'bum bzlas na gnod sbyin tham cad kyi bdag por gyur nas nor thams cad kyang sbyin par 'gyur ro// phag po mngon du byas te stong phrag brgya bzlas nas la yod pa'i gter 'byin no// gshin rje mnan te 'bum bzlas na mi 'chi bar 'gyur ro// rnam par 'dren pa'i cha lugs la bltas te 'bum bzlas na de las thams cad pa'i g.yog tu 'gyur ro//
- 50a
klu ba ru na gnan te 'bum bzlas nak+Sha thams cad las kun byed pa'i g.yog tu 'gyur ro// ma'i gnas su song ste stong phrag brgya bzlas na mi thams cad g.yog byed cing don thams cad byed par 'gyur ro// sa la 'dug ste 'bum bzlas na sa'i dbang por 'gyur ro// nam mkha' la bltas te 'bum bzlas na nam mkha'i sems can thams cad skyel ba dang dab dad 'gyur zhing na mkha' la yang 'gro bar 'gyur ro// sa'i 'og mngon du byas te stong phrag brgya bzlas na sa'i 'og na 'khod pa kun dbang du 'gyur ro// rig pa chen po thogs te 'bum bzlas na stong phrag brgyar 'phel bar 'gyur ro// gser gyi dong rtse la sogs pa yang de bzhin no// skyes pa bzung 'bum bzlas na stong phrag brgyar 'phel bar 'gyur ro// bud med bzung ste stong phrag brgyar bzlas na stong phrag brgyar 'phel bar 'gyur ro// rta la zhon te 'bum bzlas na 'bum du 'phel bar 'gyur ro// glang po la zhon te 'bum bzlas na 'bum du 'phel bar 'gyur ro// ba glang la sogs pa phyogs gis rlung gnyis bzung ste 'bum bzlas na stong phrag brgyar 'phel bar 'gyur ro// gos dang rgyan gyi chos la bltas shing stong phrag brgya bzlas na stong phrag brgyar 'phel bar 'gyur ro//
- 50b
lha mo la bltas te 'bum bzlas na dbang du 'gyur ro// mtshon dbyangs ma la bltas te 'bum bzlas na tshig rnam par dag par 'gyur ro// des bslangs na ci baspangs pa kun ster bar 'gyur ro// gtsug lag thams cad dang rnam par shes pa thams cad shes par 'gyur ro// grub byed ma bzung nas 'bum bzlas na 'das pa dang ma 'ong pa ka na ston cing ched du ma bslangs par nor sbyin par 'gyur ro// sa la ban dza ka mnan nas 'bum bzlas na nyin re bzhin yang gser gyi dong rtse brgyad brgyad ster bar 'gyuraro// gos kyi 'phrog ma la mnan te 'bum bzlas na mi zad par 'gyur ro// gang dang gang gi snod gnan te bzlas na de dang de mi zad par 'gyur ro// gnod sbyin gyi cha lugs mnan te 'bu ma bzlas na gnod sbyin gyi 'dod pa kun sbyin par 'gyur ro// srin mo gnan te 'bum bzlas na de de'i g.yog tu 'gyur ro// 'byung po mnan te 'bum bzlas na 'byung po bam cad kyi bdag por 'gyur ro// sha za'i cha lugs bris la mnan te 'bum bzlas na de'i g.yog tu 'gyur ro// de bzhin du gnod sbyin ma la sogs pa yang 'grab po// ri la 'dzegs te 'bum bzlas na ni thams cad dbang du 'gyur ro// phyugs kyi lhas su 'dug ste 'bum bzlas na phyugs thams cad dbang du 'gyur ro// shing ldan gyi drung du/
- 51a
'bum bzlas na shing ljon rnams mchog sbyin par 'gyur ro// zhing la 'dug ste 'bum bzlas na 'bru 'phel bar 'gyur ro// tshong pa dang bcas pa'i grong du 'bum bzlas na nor thams cad ma blangs par thob par 'gyur ro// gnas byin can du 'bum bzlas na thams cad la dbang du 'gyur ro// grong du 'bum bzlas na bzla ba gcig tshun chad kyi grong de mthong ngo // gtsug lag khang du 'bum bzlas na gtsug lag khang na gnas pa'i nor thams cad byin par 'gyur ro// lha'i rten du 'bum bzlas na lhas nor thams cad byin par 'gyur ro// khang pa stong par 'bum bzlas na sha za thams cad de'i g.yog tu 'gyur ro// dgod pa thams cad sbyor bar 'gyur ro// snang ba'i gnas su 'bum bzlas na snang ba thams cad dbang du 'gyur ro// skyed mos tshal du 'bum bzlas na skyed mos tshal gyi me tog 'bras bu thams cad du 'byung bar 'gyur ro// mtshor 'bum bzlas na mtsho de'i lha dbang du 'gyur ro// gter gyi gnas su bzlas na gter rang 'byung bar 'gyur ro// rgod cing 'bum bzlas na rtag tu dga' bar 'gyur ro// bshad pa tsam gyi las thams cad byed par 'gyur ro// khros pas 'bum bzlas na thams cad stan 'pho bar 'gyur ro// cang mi zer bar 'bum bzlas na sem
- 51b
can thams cad dbang du 'gyur ro// lkugs pa'i rtul zhugs kyis 'bum bzlas na tshogs thams cad kyi dbang du 'gyur ro// bud med kyi yin na 'dzom par rtogs gtsugs te 'bum bzlas na 'dod pa thams cad kyi bdag po dang na mkha' la 'gro bar 'grub par 'gyur ro// 'dzom pa la sor mo gtsugs te 'bum bzlas na de byas pas gnas dang 'gro ba thams cad 'dren cing dgug pa dang / gtor ba dang 'gyel pa dang slong ba byed do// 'jim pa la blta zhing 'bum bzlas na bud med thams cad dga' bar 'gyur ro// 'jim par mi phug mig btsugs te 'bum bzlas na mi snang bar 'gyur ro// 'jim par gar gu ma bcug te 'bum bzlas na de skas pas 'dod pa'i gzug su 'gyur ro// 'jim par ba bla bcug ste 'bum bzlas na nam mkha' la 'gro bar 'gyur ro// 'jim par ldong ros bcug ste 'bum bzlas ni reg 'dzin du 'gyur ro// ral gri thogs te 'bum bzlas na ral gri can gyi rig 'dzin du 'gyur ro// 'khor lo thogs te 'bum bzlas na 'khor lo can gyi rig 'dzin du 'gyur ro// kyo ba tang thogs 'bum bzlas na kyo btang des thams cad 'gug nus par 'gyur ro// rdo rje gsor nas stong phrag brgya bzlas na rdo rje'i rig 'dzin du 'gyur ro// phyag na rdo rje lag gis bzung na/
- 52a
'bum bzlas na de bzhin gshegs pa thams cad kyi rdo rje 'dzin pa'i rig 'dzin du 'gyur ro// de bzhin gshegs pa lag gis bzung nas 'bum bzlas na de bzhin gshegs pa thams cad la mchod pa byed pa'i dam pa'i chos kyi rigs 'dzin du 'gyur ro// sangs rgyas rjes su dran zhing 'bum bzlas na/ sangs rgyas thams cad mthong ba 'grub par 'gyur ro// phyag na rdo rje la phyag 'tshal zhing 'bum bzlas na phyag ni rdo rjes kyang de mchod de/ de nas bzhan gyi lta ci smos/ spyan ras gzigs dbang po'i zhabs la bzung ste 'bum bzlas na ting nge 'dzin thob po// rdo rje snying po thogs te 'bum bzlas na nor thams cad byin par 'gyur ro// rdo rje khwa tshur bcings la rdo rje khu tshur gyi spyan sngar 'bum bzlas na khu tshur sngams pa tsam la las kun byed nus par 'gyur ro// 'jam dpal gzhon nu la blta zhing 'bum bzlas na nam mkha' la yi ge snang ba thams cad smras pa dang spobs pa thogs pa med par 'gyur ro// sems bskyed ma thag tu chos kyi 'khor lo bskor ba'i byang chub sems dpa' bskor zhing 'bum bzlas na/ dkyil 'khor thams cad du zhugs par 'gyur ro// nam mkha' mdzod la bltas te 'bum bzlas na/ nam mkha' las sgyu ma
- 52b
thams cad dang don thams cad dang / sangs rgyas dang byang chub sems dpa' la sogs pa thams cad kyi bar du ston to// byams pa'i zhabs la bzung ste 'bum bzlas na mtho ris kyi 'dod pa'i bde ba thams cad nyams su myong bar 'gyur ro// dkyil 'khor bris nas 'bum bzlas na dkyil 'khor thams cad kyi bdag po slob dpon dang yid kyis thams cad 'grub par 'gyur ro// dkyil 'khor chen po brtags stas zhags nas 'bum bzlas na de bzhin gshegs pa thams cad rdo rje 'dzin dang bcas par 'gyur ro// phyag na rdo rje'i spyan sngar phyag rgya chen po bcings pa dkyil 'khor chen por 'dug ste rdo rje'i bzlas pas stong phrag brgya rdo rje'i tshig gis bzlas na dngos grub thams cad dang / phun sum tshogs pa thams cad dang / shes gnyen thams cad dang / las thams cad kyang nus par 'gyur ro// 'dod pa'i bdag po dbang phyug dang bye ba po dang 'byin pa dang mi bzad mi nyams pa dang / 'dod pa thams cad nyams su myong zhing bde ba dang yid bde ba thams cad rnyed cing thob ste/ sems can thams cad la phan pa dang bde ba'i grub par 'gyur ba dang / de rang gi gnyen dang / bshes gnyen dang grogs thams cad kyang mthong ngo // de dag la yang grub par
- 53a
byed do// bsam pa tsam gyi sgrub pa thams cad ston to// de bzhin gshegs pa thams cad kyi gzugs kyang ston to// de bzhin gshegs pa thams cad kyi cho 'phrul ston to// de bzhin gshegs pa thams cad kyi rnam par 'phrul pa yang ston to// ska cig gi gzugs sna tshogs par 'gyur ro// rdo rje 'dzin gyi che dang stobs dang na ched dang / shes pa ci tsam pa dang mtshungs par 'gyur ro// bcom ldan 'das phyag na rdo rjes gsungs so// dkyil 'khor chen po 'dug ste dam tshig gi phyag rgya bcings nas khro bo'i tshig gis bcom ldan 'das la blta zhing don gyis 'bum bzlas na des rdo rje khro bo lta bur bdag gi lus 'gyur ro// hUM zhes pas de/ bzhin gshegs pa thams cad kyang 'dzin pa dang / khams gsum gyi dbang po dang / spyan gsum gyi khro bo chen pos ma lus pa'i de bzhin gshegs pa thams cad mthong zhing mchod pa dang / sems can thams cad la dngos grub brtsol to// de ltar mi zad mi nyams par 'gyur ro zhes bcom ldan 'das phyag na rdo rjes gsung so// 'jig rten gsum las rnam par rgyal ba'i rtog pa chen po'i rgyal po las/ phyag na rdo rje'i rtog pa'o// // de nas bcom ldan 'das la 'phags pa spyan ras gzig
- 53b
dbang po byang chub sems dpa' sems dpa' chen pos 'di skad ces gsol to// bcom ldan 'das bdag gis kyang 'jig rten gsum las rnam par rgyal ba'i rtog pa chen po 'dir rang gi snying po 'di stsal to// gang brjod pa tsam gyis de bzhin gshegs pa thams cad kyi ting nge 'dzin mngon du 'gyur ro// 'jigs pa dang / gnam dal dang / 'tsho ba dang / nad mgo ba dang / nad thams cad 'jigs par 'gyur ro// bcom ldan 'das kyis 'phags pa spyan ras gzigs dbang po byang chub sems dpa' legs so zhes bya ba byin te legs so legs so 'phags pa spyan ras gzigs kyi dbang po khyod kyis smros shig/ de nas 'phags pa spyan ras gzigs dbang po byang chub sems dpa' sems dpa' chen po nyid snying po 'di gsungs so// a ro lig/ de nas 'di brjod pa tsam gyis de bzhin gshegs pa thams cad lhan cig tu 'dus te ri rab ri'i rtse mor bcom ldan 'das rnam par snang mdzad de bzhin gshegs pa ga la ba der dong nas bcom ldan 'das 'phags pa spyan ras gzigs dbang po dkyil 'khor du 'gyur te bzhugs so// de nas 'phags pa spyan ras gzigs dbang po byang chub sems dpa' sems dpa' chen po rang gi dkyil 'khor 'di gsung so//
- 54a
de nas gzhan yang rab bshad pa// dkyil 'khor chen po dam pa ste// 'jig rten gsum rgyal tshul bzhin du// phyi'i dkyil 'khor bri bar bya// de dbus srad bu mnyam pa ru// phra bzhi par ni gdab par bya// gnyis pa'i gra ni sgo bstan te// dkyil 'khor mchog ni bri bar bya// dkyil 'khor brgyad po tshul du ste/ dbus su thig ni bzhi pa gdab// mtshon rtsi dmar po dag gis ni// pad ma 'dabargyad bri bar bya// de yi snying po'i dbus su ni// 'jig rten mgon po bzhags par bya// 'dab ma kun gyi steng rnams su// sangs rgyas cha lugs bri bar bya// pad ma che mchog phyag rgya yis// der ni slob dpon bzhags nas kyang // dkyil 'khor gnas su 'dag nas ni// rnal 'byor snyoms par 'jug par bya// de ltar pad ma'i chu rnams dang // nyes pa'i bag chags mang po yis// chags par mi 'gyur de bzhin der// 'gro ba chags pas dag 'gyur yin// 'di lan cig brjod pas bsgoms te/ de nas 'dzub mo gnyis kyi kyo btang gis kun drangs la/ pad ma chen po de spyan ras gzigs dbang po'i spyan sngar grol lo// de la pad mo chen po'i bkod pa ta ni'o// hUM ma hUM dza tri/ de nas bcom ldan 'das 'phags pa spyan ras gzigs dbang po de byed do// slob dpon la zhal ston
- 54b
par mdzad dam/ yang na 'od zer yang 'byed do// de nas phyag rgya de nyid kyis slob ma bzhug go// dar dkar pos g.yogs la gos dkar po bgos la/ zod dkar pos mgo la gtsug ste tshigs su bcad pa 'di brjod nas don kyang bstan par bya'o// de nas lag pa g.yon par pad mo byin/ g.yas pas sngags kyi nor bu bskal ba 'di skad smos shig/ sangs rgyas thams cad pad mo che// dkyil 'khor chen po pad mo ste// rtag pa ru ni brtag par bya// khyod ni de nas spyan ras gzigs// de nas phyag rgya chen po bcings// ting nge 'dzin la sogs pa bslab po// de bzhin gshegs pa thams cad kyi dkyil 'khor chen po pad ma zhes bya'o// de nas pad me'i dkyil 'khor byung ste// pad mo'i dkyil 'khor de bzhin du bris la/ dbus kyi snying po la 'dag nas de bzhin gshegs pa thams cad kyi ting nge 'dzin la pad ma 'dab byed pa'i tshul gyis blta zhing stong phrag brgya bzlas na 'phags pa kun du spyan ras gzigs kyis dbang po thob po// pad mo'i dkyil 'khor ro// de nas dam tshig gi dkyil 'khor 'byung ste/ dkyil 'khor de bzhin du byas pa las de'i dbus su pad ma stong bzhag ste/ de nas pad ma re re bzhag bzlas bzang res bcom ldan 'das la pad ma stong bral lo// de nas slob ma bcug dam tshig
- 55a
brjod nas/ slob min bu min ma yin te// dam tshig can la dam tshig bstan// 'dod pa'i 'dod chags thams cad ni// dag pa nyid de pad ma'i bzhin// dam tshig dag gi dkyil 'khor ro// de nas las kyi dkyil 'khor de bzhin du bris la/ mchod pa rnam bzhis mchod pa nyid do// sangs rgyas thams cad yid kyis ste// phyag na rdo rje tshig gis so// lus kyi 'jig rten mgon po ste// nam mkha'i snying po las kyis so// las kyi dkyil 'khor ro// de nas bcom ldan 'das spyan ras gzigs dbang pos bsgrub pa'i cho ga bshad pa 'di gsungs so// ras la bcom ldan 'das spyan ras gzigs dbang po ri rab ri'i rtse mo nas rang gi rang 'dzin te 'dzin du zhugs cing / de bzhin gshegs pa brgyad mtha' kun tu zhags pa bri/ de na zla ba yar gyi tshes zhag gcig la brtsams nas rtag tu thams cad dag pa'i ting nge 'dzin las rgyun de bzlas te/ nam mkhar spyan ras gzigs kyi dbang po'i zhal nas/ de bzhin gshegs pa'i sku byung nas bsgrub pa po'i pad ma'i dbus su bzhugs te/ yang de nas gzhan pa'i sangs rgyas kyi sku byung nas bsgrub pa po'i gnas su btan par byung gi bar du bzlas so// de nas spyan res gzigs kyi sku kun 'gyur te ske cig gis bde ba can gyi 'jig
- 55b
rten gyi 'gro zhing ldog go/ sems can thams cad kyang mthong ste tshe dpag tu med par 'gyur ro// de nas bsgrub pa gzhan 'byung ste 'bum bzlas nas sgrub pa thams cad rnam par dag par 'gyur ro// nyis 'bum bzlas na mtshams med pa la sogs pa'i sdig pa thams cad lhag ma ma lus par byang bar 'gyur ro// sum 'bum bzlas na bsod nams thams cad mngon du 'gyur ro// de nas dngos grub thams cad dang de bzhin gshegs pa la sogs pa dang / phun sum tshogs pa thams cad dang / bshes gnyen thams cad mngon du 'gyur ro// de nas phyag rgya chen po bcings te stong phrag brgya bzlas pa'i 'jug tu mtshan tal byung bzlas na nang par de bzhin gshegs pa thams cad byon nas de'i snying khar zhugs te/ de nas de bzhin gshegs pa thob po// yang na khar zhugs nas spyan ras gzigs kyi dbang po thob de/ de nas ma grub pas kyang las su 'gyur ba ni dang / po brjod pas ni bdag bsrung ngo // gnyis brjod pas ni grong dang grong khyer bsrungs so// gsum brjod pas ni las thams cad byed do// dbab pa ni gtan gyi bdag paso// gnod byed thams cad zhi bar bya ba ni hU~M zhes pas so// sems can thams cad dbang du bya ba ni rdo rje me tog bzlas te sbyin no// sems can thams cad mnan pa ni sa ser
- 56a
pos so// bud med dbang du bya ba ni sum sna'i me tog la sngags so// chom kun mnan pa ni yungs dkar gyi sbyin bsregs so// ri dgas dang bya mnan pa ni yungs dkar gtor bas so// sgyu ma bstan pa ni rma bya'i tshangs dbus su'o// rmi lam mthong bar bya ba ni dus gsum du bzlas pas so// rmi lam ngan pa zhi ba la ni til gyi sbyin bsregs so// sems can thams cad dbang du bya ba ni khyim bya'i sbyin bsregs kyis so// bu mo thor bya ba ni bu mo'i sku'i sbyin bsregs kyis so// yugs mo dbang du bya ba ni bud med kyi me tog sbyin bsregs so// bud med thams cad dbang du bya ba ni bud med kyi dbang po'i sbyin bsregs so// 'dod pa thams cad du bya ba ni/ bcom ldan 'das spyan ras gzigs dbang po la mchod pa byas nas na ba gsum rangs par byas na/ de nas 'dod pa thams cad rtag par 'thob par 'gyur ro// spyan ras gzigs kyi dbang po spyan sngar nyin re bzhin dus gsum du lan gsum bzlan/ de nas bcom ldan 'das kyis zla ba gsum gyi re ba ci 'dod pa'i mchog brtsol bar 'gyur ro// sangs rgyas kyi spyan sngar zla ba gsum gyi bar de nyin mtshan dus gsum du bzlas na de bzhin gshegs pa mchog brtsol bar 'gyur ro// 'jig rten gsum
- 56b
las rnam par rgyal ba'i rtog pa chen po las spyan ras gzigs kyi dbang po'i rtog pa'o// // de nas bcom ldan 'das la 'phags pa nam mkha'i snying po byang chub sems dpa' sems dpa' chen pos 'di skad ces gsol to// bcom ldan 'das bdag gis kyang 'jig rten gsum las rnam par rgyal ba'i rtog pa chen po'i spyan sngar rgyal po rang gi snying po dbul gyis bcom ldan 'das kyis bzhes su gsol/ 'dis sems can thams cad la dbang bskur ba la sogs pa bsam pa thams cad yongs su rdzogs par 'gyur ro// de nas bcom ldan 'das kyis 'phags pa nam mkha'i snying po byang chub sems dpa' chen po la skyes bu chen po smros shig ces bka' bstsal to// de nas 'phags pa nam mkha'i snying po byang chub sems dpa' chen pos rang gi snying po 'di gsungs so// traM ba ba Te Ta ha ha/ de nas 'di brjod pa napa mkha'i dbang bskar bas thams cad la sogs pa rin po che'i rgyan la sogs thams cad gos dang gser dang / nor bu rin po che'i dbyug pa la sogs pa thams cad kyi char bab bo// bcom ldan 'das kyi sku kun rgyan thams cad kyis brgyan te bzhugs so// de nas nam mkha'i snying po byang chub sems dpa' sa'i dkyil 'khor chen po 'di
- 57a
gsungs so// rdo rje dkyil 'khor tshul bzhin te/ rdo rje rin chen mnyam ldan zhing // gra brgyad shin tu mnyam par bya// rin chen kun dang ldan par byed// der slob dpon bzhugs te// rdo rje rin po che'i phyag rgya dbang bskur ba'i gnas su bzhag la bzhugs nas 'di brjod do// re ba thams cad 'grub pa yin// nam mkha'i grub pa mchog yin te// grub shig grub shig sems chen po// bcom ldan 'das grub par 'gyur ro// de nas bcom ldan 'das nam mkho'i snying po byang chub sems dpa' byin gyis brlob par mdzad do// de nas dkyil 'khor gyi dbus su nam mkha'i snying po'i cha lugs bzhag go/ de'i zad kar kun tu phyag na rdo rje la sogs pa skyes bu dam pa brgyad bya'o// de nas slob ma rdo rje nor bu khu tshur gyis bzhag go/ bcug nas 'di skad brjod do// sems can kun la phan phyir dang / bsam pa rdzogs par bya phyir ro// don zhes bstan pa gang yin te// byang chub sems ni bstan pa yin// de nas sbyin pa rnam pa bzhi bslab po// de la dbang bskur sbyin pa dang / nor sbyin pa dang / zas sbyin pa dang / chos sbyin pa'o// de la dbang bskur ba sbyin pa ni de bzhin gshegs pa rnams so// nor sbyin pa ni sems can thams cad pa'o//
- 57b
zas sbyin pa ni byol song thams cad pa'o// chos sbyin pa ni snang thams cad pa'o// de nas snying po sbyin pa la rin po che thams cad kyis byin gyis brlabs pa'i bum chus dbang bskar ba'o// 'di brjod do// oM badz+ra rad na b+hi ke a b+hi Shiny+tsa sarba d+hi pa t+ye hUM Ta Ta ha ha// de nas rdo rje 'dzin pa'i khu tshur gyis phyag rgya brlab ste sngags ni 'di'o// de nas rdo rje rin po che'i phyag rgya bcings te sngags ni 'di'o// hUM pa pa ta ha/ de nas mchod pa rnam pa bzhi bya ste 'byung ngo // dbang bskur ba'i dkyil 'khor ro// de nas rdo rje sems dpa' rin po che'i dkyil 'khor byung ste rdo rje rin po che'i dbus su bris la/ lag tu nor bu rin po che thogs nas rdo rje rin po che las kyi bar du bzlas so// de nas de bzhin gshegs pa byon te dbang bskur bar mdzad do// dbang bskur ba de nas thams cad kyi bdag por 'gyur ro// rin po che'i dkyil 'khor ro// de nas dam tshig gi dkyil 'khor de nam mkha'i cha lugs kyi spyan sngar nor dang / gser dang / mu tig dang / nor bu rin po che la sogs pa gang yang rung ba bzhag la/ de nas btsud de thams cad bstan nas dam tshig 'di sbyin no// sangs rgyas la sogs pa byang chub sems dpa' dag/ gal te nyin re mchod bstod nas/ khyed kyi nor bu don sogs pa/
- 58a
tshe rab kun tu 'jig par 'gyur/ de la 'di yi snying po// oM ba sta Ta sarba ya swA hA/ de nas byang chub dbang bskur ro// dam tshig gi dkyil 'kho ro// las kyi dkyil 'khor bris la/ bcom ldan 'das de bzhin gshegs pa rgyan thams cad kyis brgyan par bya ste de'i dbus su bzhag nas der btsud de/ de nas las rnam pa lnga bslabs te/ 'di lta ste dbang sbyin pas de bzhin gshegs pa thams cad mchod par bya'o// de nas nor sbyin pa ni dge slong dang bram ze la sogs pa la ci nas kyi sbyin no// de nas zas sbyin pa ni byol song gi rnam pa sbyin no// de nas mi 'jigs pa'i sbyin pa ni khrims can thams cad la sbyin pa'o// de nas chos sbyin pa ni mi snang ba'i sems can la sbyin no// las kyi dkyil 'khor ro// de nas bsgrub pa 'byung ste/ ras l-i bcom ldan 'das de bzhin gshegs pa thams cad kyis brgyan pa rdo rje rin po che'i dbang bskur ba bris te/ de'i g.yas phyogs su 'phags pa nam mkha'i snying po bcom ldan 'das la dbang bskur ba'i phreng bas dbang bskur ba'o// g.yon phyogs su bcom ldan 'das la phyag na rdo rje rgyan thams cad kyis brgyan pa'o// de nas ras la bris la de'i spyan sngar 'bum bzlas pa'i 'og tu nyi ma shar nas
- 58b
brtsams nas/ phyi de nyin gyi nyi ma shar gyi bar bzlas na/ de nas bcom ldan 'das nam mkha'i snying po ras la bris la de las byung nas bsgrub pa po de la rdo rje rin po che'i dbang bskur bas dbang bskur ro// dbang bskur ba des na de bzhin gshegs par 'gyur ro// de nas ma bsgrub par yang las su 'gyur ba ni/ 'bum bzlas nas don phun sum tshogs par 'gyur ro// phyag na rdo rje'i spyan sngar 'bum bzlas na rgyal srid thob po// gter chen po rnyed do// spyan ras gzigs dbang phyug gi spyan sngar 'bum bzlas na spyan ras gzigs dbang pos phun sum tshogs pa thams cad rtsol bar 'gyur ro// nam mkha'i snying po'i spyan sngar 'bum bzlas na rgyal srid thob po// rdo rje khu tshur gyi spyan sngar 'bu bzlas na nam mkha' la khu tshur bcings na gser gyi dong rtse 'byung ngo // 'jam dpal gzhon na la bltas te 'bum bzlas na chos kyi nor dang gzungs thob po// de nas nor dang skye bar thob byed do// rdo rje 'khor lo srin lag gi sor mos gtan te 'bum bzlas na 'khor lo bskor bar 'gyur ro// nam mkha'i mdzod kun nas mkhyud de 'bum bzlas na/ nam mkha' las nor thams cad dang ye byed zas mi shes par 'gyur ro// byams pa bltas te 'bum bzlas na bcom ldan 'das byams pa byang chub sems
- 59a
dpa' dga' ldan gyi dbang mchog byin byin nas slar yang 'ong ngo // de phyin chad 'dod pa thams cad kyi bdag por 'gyur ro// 'jig rten gsum las rnam par rgyal ba rtog pa chen po'i rgyal po las nam mkha'i snying po'i rtog pa'o// // de nas rdo rje khu tshur gyis byang chub sems dpa' thams cad 'dus pa'i 'khor thams cad bskyed nas bcom ldan 'das la 'di skad ces gsol to// bdag gis kyang 'jig rten gsum las rnam par rgyal ba rtog pa chen po'i rgyal po la 'dir rang gi snying po 'di dbul bar bgyi ste/ bdag gi bskal pa stong phrag dgu bcu rtsa gcig pa las rdo rje'i ri rab de bzhin gshegs pa la blang ste 'jig rten gyi khams kyi rdal phra mo rnyed kyi sems can rnams grub pa thams cad grub par byed do// de'i bskyed pa nas bde bar gshegs pa rdzogs kyi bar du'o// de nas bcom ldan 'das rdo rje khu chur bya ba'i byang chub sems dpa' chen po la legs so zhes bya ba byin te legs so legs so// rdo rje khu tshur khyod kyis smros shig/ de nas rdo rje khu tshur gyi stong gsum/ gyi stong chen po'i 'jig rten gyi khams thams cad rab tu g.yos par byas nas rang gi snying po 'di gsungs so// oM ru tu ru tu hUM phaT/ de nas gsungs pa tsam gyis
- 59b
de bzhin gshegs pa thams cad dang rdo rje 'dzin 'khor thams cad dang bcas nas ri rab ri'i rtse mor bcom ldan 'das ga la ba der lhags te lag pa gnyis kyis rang gi khu tshur gyi phyag rgya bcings nas de bzhin gshegs pa thams cad kyi byang chub la dmigs shing bcom ldan 'das rdo rje khu tshur gyi dkyil 'khor chen por 'gyur nas 'khod do// de nas rdo rje khu tshur gyis de bzhin gshegs pa thams cad kyis rgyas btab nas dkyil 'khor chen pos bzlas so// de nas gzhan yang rab bshad pa// dkyil 'khor chen po dam pa ste/ rdo rje dkyil 'khor dra ba ni// rdo rje khu tshur zhes gsungs so// de'i dbus su sems chen po// rdo rje khu tshur bzhag par bya// rdo rje khu tshur rdo rjer bcas// lag pa gnyis ni bcings par bya// de yi ngos ni thams cad du// sangs rgyas gzugs rnams bzhag par bya// de dag gi ni gro dag tu// byang chub sems dpa' kun bri'o// de nas rdo rje khu tshur gyi dkyil 'khor 'dir rdo rje slob dpon gyis rdo rje dang bcas pa'i khu tshur gyi dam tshig ni phyag rgya bcings te bzhugs pa 'di zhes brjod cing / hU~M tra ki ni ma ra phaT/ / de nas bcom ldan 'das rdo rje khu tshur slob dpon 'grub par byas te de la phyag rgyas yang brtan par 'gyur zhing sus kyang bye bar mi nus so// de nas po 'dis bdag gi snying
- 60a
khar grol lo// oM badz+ra mu shi mu/ de nas slob ma bzhag te rdo rje khu tshur gyi phyag rgya rdo rje dang bcas phra ba dang bcas pa byas te/ de bzhin du ras dmar pos mig gnyis bkab te/ de nas 'di brjod do// deng khyod de bzhin gshegs pa thams cad kyi phyag rgyas btab pa ni chos kyi phyag rgya dang rdo rje 'jig rten gyi rdo rje'i phyag rgyas kyang btab po// khyod chos dang rdo rje las 'dod// des smras pa gnyis ka zhe na/ des na slob dpon gyis rdo rje dang de bzhin gshegs pa'i cha lugs blangs nas phreng ba de'i mgo la bzhag ste dgrol ba'i snying po de nyid kyis phyag rgya snying khar dkrol lo// de nas lag tu sbyin pa ni lag pa g.yon par rdo rje g.yas par de bzhin gshegs pa'o// de ltar de bzhin gshegs pa'o zhes zer na// de nas de bzhin gshegs pa nyid sprin no// de ste rdo rje'o zhes zer na lag pa g.yas par rdo rje byin la 'di skad spros shig/ de gnyis ni khyod kyis grub par dmigs la rtag tu mchod par byos shig/ de nas gdong g.yogs dkrol nas dkyil 'khor ston te 'di zhes spros shig de bzhin gshegs pa thams cad kyis lus dang ngag sems rdo rje rnams bsdus pa khu tshur zhes bya ba ste/ bcings nas rdo rje khu tshur bshad// de nas snying po sbyin phyag rgya
- 60b
gcing ba spobs shig dam tshig khu tshur zhes bya ba'i ting nge 'dzin dkyil 'khor ro// de nas phyag rgya'i dkyil 'khor byung ste/ dkyil 'khor thams cad yang dag bris/ de'i dbus su ci rigs pa/ sangs rgyas sku gzugs gzhag par bya// thams cad rgyan gyis brgyan pa'o// rdo rje khu tshur 'dzin pa'o// de'i ngos ni thams cad du phyag rgya bzhi rnams bri bar bya// zla ba'i dkyil 'khor dbus rnams su// rdo rje rin chen kyang de bzhin// de bzhin rdo rje pad ma dbus// rdo rje rgya bram bri bar bya'o// gre yi phyogs rnams thams cad de// mchod pa rnam bzhi bri bar bya// de nas bcud na phyag rgya kan// bcing pa yang ni slob par bya// bsgrub pa gsang ba'i bdag po ni/ bskal ba gsang ba bslab par bya// 'di rnams thams cad kan bris nas// bsgrubs shig ces ni brjod par bya// phyag rgya yi ni dkyil 'khor ro// de nas dam tshig gi dkyil 'khor 'byung ste// de bzhin du mtshan ma bzhag nas 'di zhes brjod de// ci ste dkyil 'khor ma mthong la// phyag rgya shes pa bstan pa ni// rdo rje rin chen rgyal ba dang // sna tshogs pas khyod gsod par 'gyur ro// dam tshig gi dkyil 'khor ro// de nas las kyi dkyil 'khor 'byung ste// dkyil 'khor de bzhin du bris la/
- 61a
bcom ldan 'das rdo rje khu tshur gyi spyan sngar phyag rgya'i las bslab pa'o// de la phyag rgya bcing ba 'di'o// rdo rje bcings pa kun byas la// sor mo thams cad dbug bya ste// rdo rje 'bebs pa'i phyag rgya dang // rdo rje khu tshur phyag rgyas bcings// de las lag pa'i phyag rgya bcing ngo // de lta bu mi ldan na 'dod pa thams/ cad kyi mchog bsgrub pas/ dam tshig chen po yang dag pa'i ye shes kyi snying po thang cig bzlas pas phyag rgya thams cad bcings par bya ste/ thams cad ma yin no// las kyi dkyil 'khor ro// de nas bcom ldan 'das rdo rje khu tshur gyi bsgrub pa 'byung ste/ 'o ma 'thung zhing rdo rje khu tshur gyi dam tshig gi phyag rgya bcings nas 'bum bzlas nas sngar sen pa byas par 'gyur ro// de nas ras la bri bar bya ste ras la bcom ldan 'das 'phags pa khu tshur thams cad kyi rgyan smras pa/ phyag gnyis kyis rdo rje dang bcas pa'i khu chur bcings pa rdo rje'i dbang bskur ba der bcings pa de'i thad kar thams cad du de bzhin gshegs pa'i 'khor gyi dkyil 'khor rnams so// de bzhin gshes pa de dag kyang phyag gnyis ka de bzhin gshegs pa thams cad kyi rdo rje khu tshur bcings par bya'o// de nas byang chub sems dpa' de dag thams cad kyang ting nge 'dzin la
- 61b
snyoms par bzhags par bya'o// de nas de'i spyan sngar de bzhin gshegs pa thams cad khu tshur bcings la stong phrag brgya bzlas pa'i 'jug tu zhag bdun sgyu ma nas langs bdag de bzhin gshegs pa thams cad kyi bskor ba bsgoms la mtshan thal byung bzlas so// de nas nam phyed na bdud kyi las sna tshogs snang bar 'gyur ro// de nas 'di brjod cig ga hUM pad ma badz+ra mu sha ha na ha na sarba ma ra na phaT/ de nas nang par gyi das su bcom ldan 'das thams cad byon te las kun tu 'jug go/ de nas de bzhin gshegs pa dgra bcom pa yang dag par rdzogs pa'i sangs rgyas kyi ras kyi cho ga bzhin du 'byung ste/ ras la bcom ldan 'das de bzhin gshegs pa rgyan thams cad kyis brgyan pa bris te/ de'i g.yas su bcom ldan 'das rdo rje khu tshur rgyan thams cad kyi brgyan pa sku mdog sngo bas brgyan pa/ ud pa la sngon po lta bu rdo rje khu tshur gyi/ phyag rgya g.yon pa'i rdo rje khu tshur gyis rdo rje mnyam pas/ g.yas phyogs sbyin pa ste/ de'i g.yas su bcom ldan 'das ma rdo rje dam tshig gi khu tshur rgyan thams cad kyis brgyan pa gzhon nu ma dam tshig gi khu tshur 'dis rdo rje dam du bcing ba mdog dmar por bya'o// de'i thad du rdo rje gsal du pur ma rgyan thams cad kyis brgyan pa/ spyan
- 62a
gsum pa/ lag pa gnyis kyis rdo rje gsal bur thogs pa'o// bcom ldan 'das kyi g.yon phyogs su spyan ras gzigs dbang po ther gtsug gis dbu brgyan can/ brgyan thams cad kyi brgyan pa/ pad ma dang mchod sbyin gyi phyag du byas la/ de'i g.yas su pad mo chen po'i rdo rje byang chub sems dpa' rdo rje'i sde zhes bya'o// de'i g.yon du rdo rje dpal me rdo rje pho nya mo// rdo rje dpal mo gser gyi sku mdog gsal ba'i gzugs 'chang phyag na rdo rje 'dzin pa'o// rdo rje pho nya mo ni mdog sngon mo la rdo rje 'khor lo 'chang ba'o// de nas zla ba yar gyi ngo tshes gcig nas brtsams te// rdo rje khu tshur gyi dam tshig dang phyag rgya bcings nas stong phrag brgya bzlas na// gzugs kyi ras de las pad ces bya ba thos na de nas bcom ldan 'das phyag ra rdo rje grub par 'gyur te// de phyin chad na mkha'i dkyil na spyod cing 'dod na mi snang bar yang 'gyur ro// dpag tshad stong du par yang 'gro zhing gyen du yang 'gro'o// ci 'dod pa'i gzugs su 'gyur ro// kun tu 'khyil rma can lo drag lon pa'i lus su gyur nas 'dod pa'i long spyod thams cad ni ci 'dod pa'i bzhin longs spyod par 'gyur ro// rdo rje khu tshur bcings pas sems can thams cad la phan po gdags pa dang chad
- 62b
bas bcad pa la sogs pa thams cad byed nas par 'gyur ro// gzugs bzang po bskal par gnas shing bskal pa dang shi bar yang mi 'gyur ro// yang cho ga gzhan te ras la bcom ldan 'das de bzhin gshegs pa bris la// de'i g.yas phyogs su phyag na rdo rje rgyan thams cad kyis brgyan pa sku mdog ud pa la sngon po'i mdog/ phyag na rdo rje dang bcas pa'i rdo rje khu tshur bcings te sbyar la// bcom ldan 'das la 'dud par bya// de'i g.yon phyogs su bcom ldan 'das ma dam tshig khu tshur rgyan thams cad kyis brgyan pa// yid tsam du 'dod pas bcom ldan 'das la phyag 'tshal ba// lag pa g.yas pa a mra'i 'bras bu 'bul ba// g.yon ma rdo rje khu tshur 'dzin te// de nas ras la bris pa'i spyan sngar zhag gsum sbyang la gu gul gyi ri lu sran 'bru tsam// du ru ka 'bru mar la sbyang bas brgya stong byed pa'i mdog la bsreg go// de nas gzugs de 'gul te// bcom ldan 'das kyi zhabs li 'od zer 'byung ngo // de nas bcom ldan 'das khu tshur gyis mchog brtsol bar ni rgyal po 'am// 'khor lo bskor ba 'am// gter 'am// lha ma yin la dbang ba 'am// sa 'og brjod pa 'am// khams gsum brjod pa 'am// 'dod pa'i gzugs sam// mi snang ba 'am// na mkha' la 'gro bar 'gyuraro//
- 63a
/ yang sgrub pa gzhan gyi mchog ste// ras la bcom ldan 'das rdo rje khu chur rgyan thams cad kyis brgyan la bris la// de bzhin du rdo rje dang bcings la phyag gnyis kyis rdo rje khu dur bcings la ud pa la sngon po'i mdog tu byas la// de'i spyan sngar dam tshig gi rdo rje khu tshur bcings te stong phrag brgyad bzlas pa'i 'jug tu nyin mtshan gsum thal byung bzlas na nam byed na bcom ldan 'das nyid byon te mchog rtsol bar 'gyur ro// ras sam shing dam rtsig ngos la bcom ldan 'das ma rdo rje khu dUr bcings te// de bzhin du rdo rje dang // a mra'i 'bras bu thogs la byas te de'i spyan sngar stong phrag brgyad bzlas nas phyag na rdo rje phyag brgya thams cad bcings pa tsam las thams cad gdon mi za bar byed par 'gyur ro// de nas ma grub pa'i las rnams 'byung ste// rdo rje dam tshig gi khu tshur bcings pa 'bum bzlas nas khu tshur bcings pas na mkha' la 'gro bar 'gyur ro// lag pa g.yon pas rdo rje dang bcings pa'i khu tshur bcings la phyag rgya rdo rje la sogs pa thams cad kyi gzugs 'byung bar 'gyur ba ni 'bum bzlas so// lag pa g.yas pas rdo rje khu tshur bcings te stong phrag brgyad bzlas na khu tshur bcings pa de mi snang bar 'gyur ro// dkrol na rdo rje bcings pa'i khu
- 63b
tshur byas la 'bum bzlas na// khu tshur bcings pa dang // rengs par bya ba dang // chug par bya ba dang rmongs par bya ba dang // gnyid logs par bya ba thams cad dbul bar 'gyuraro// na mkha' rdo rje khu tshur bcings te 'bum bzlas na// rdo rje khu tshur byas pa tsam gyi na mkha' la nor dang gser dang mu tig dang rgyan dang rin po che dang // gos dang / bza' ba dang / btung ba dang // me dang // chu dang // me tog dang // 'bras bu dang // myu gu dang // yi ge dang // 'thab cha dang ston pa gyon pa dang // mtshon tsha dang // glegs bam dang // rtogs pa dang // mdo sde dang // sangs rgyas kyi sku la sogs pa dngos por gnas pa dang // 'gro ba'i 'dod pa 'gugs par byed do// g.yas pas rdo rje khu tshur bcings la 'bum bzlas na rdo rje khu tshu ston pas gnas pa dang // 'gro ba thams cad 'gugs par 'dren pa dang // 'gel bar nus par 'gyur ro// khu tshur bsgyur ba thams cad gtan 'pho bar nus par 'gyuraro// gas/ pas rdo rje khu tshur bcings la stong phrag brgya bzlas na rdo rje khu tshur bya bas na thams cad las nor dang gser dang // rgyan dang gos dang // mtshon dang me tog dang // 'bras bu la sogs pa dngos po thams cad 'gugs go// gzugs dang // sgra dang dri dang // ro dang // reg bya la sogs pa thams cad 'gug go// bud med kyi ma dang // mang la phyogs dang /
- 64a
mig dang / sna dang mchu dang / rna ba dang mgo dang // brla dang // ske rags dang // gsung thu la sogs pa dngos po thams cad dgug go// dkrol na thar bar 'gyur ro// nyin zhag gcig la bskyang byas// lag pa gnyis rdo rje khu tshur bcings la stong phrag brgya bzlas na de phyin chad khu tshur bcings pa thams cad byed do// de la las rnam par dgug par bzhag pa dang // bcings pa dang // dbang du byas pa rengs par bya ba dang // rmugs par bya bya dang // rgyas btab pa dang // gnyid log pa dang // srang dang drang ba dang // skyel ba dang // gdab pa dang // bskyed pa dang // dbye ba dang // go bzlog pa dang // gtang 'pho ba dang // gso ba dang / sgyu ma thams cad bstan pa dang // dus tshigs sgyur ba dang // sa la sogs pa g.yo ba dang // thams cad la dbab pa dang // dkyil 'khor du zhugs pa dang // gar byed pa dang // glu len pa sngon ma byung ba 'byung ba dang // so sor lung bstan pa dang // 'khrul 'khor thams cad gzhom pa dang // sgo dbye ba dang // gnod thams cad 'jug pa dang // dug thams cad spang ba dang // ma rung ba tham cad spong ba dang // thams cad kyi phyag rgya gzhom pa dang // thams cad 'gyel pa dang // gsal basbyar ba dang // sbrul bskrad pa dang // bzung ba dang // gtang ba dang / ser ba dang // tshar dbab pa dang // glog byung ba dang /
- 64b
thams cad bcad pa dang // sngan chad med pa'i gos rgyan pa dang // rin po che dang // me tog dang // 'bras bu dang // skyes pa dang // bud med dang // bya dang ri dag dgug pa dang // gtong ba dang // gzugs mang po bston pa dang // mi snang ba ni na mkha' la 'gro bar ston pa la sogs pa 'dod pa bzhin las thams cad byed par 'gyur ro// 'jig rten gsum las rnams par rgyal ba rtog pa chen po rdo rje khu tshur gyi rtog pa'o// // de nas bcom ldan 'das la 'jam dpal gzhon nu byang chub sems dpas 'di skad ces gsol to// bcom ldan 'das bdag gis kyang rang gi snying po 'dzi rten gsum las rnam par rgyal ba'i rtog pa 'dir brtsal bar bgyi ste// gang brjod pa tsam gyis de bzhin gshegs pa thams cad kyis brjod par 'gyur ro// de nas bcom ldan 'das kyis 'jam dpal gzhon nur gyur pa la rigs kyis bu khyod kyis smros shig ces gsungs so// de nas 'jam dpal gzhon nur gyur pas gsungs pa// a ra pa tsa na// de nas 'di brjod ma thag tu// de bzhin gshegs pa thams cad kyis chos thams cad kyi mnyam pa nyid las yi ge mnyam pa nyid sems can thaMd kyis shes rab kyi pha rol tu phyin pa'i grub pa thob par 'gyur bar bshad do// de nas dkyil 'khor byung ste/ 'khor lo dkyil 'khor yar gyi 'o/
- 65a
ches bcu bzhi 'am// bco lnga la bris te// de'i dbus kyi lte ba la// 'jam dpal bzhugs par bya'o// rdo rje ral gri dang glegs bam thogs par byas la// de'i thad kar thams cad du yi ge a ra pa tsan la sogs pa'i phreng ba bri bar bya/ de nas slob dpon gyi rdo rje ral gri dam tshig gi phyag rgya bcings te bzhugs te/ ni dz+nyA ban dza ga zhes bya ba'i yi ge 'di lnga brjod do// de nas bcom ldan 'das kyis slob dpon la thogs pa med pa'i spobs pa yang rtsol te/ de phyin chad bcom ldan 'das kyis nam mkha' la yi ge bris te thams cad gsungs so// de bzhin du slob ma bcug ste 'di zhes smros shig/ de khyod kyis de bzhin gshegs pa'i chos thob par 'gyur gyis snying po 'di khyod kyis su la yang ma smra shig/ dam tshig 'dis khyod la 'dod pa thob par 'gyur te/ de las gsang ba'i yi ge ni 'di'o// a ra pa tsa zhes bya ba dang / 'dod pa thas cad thob po// de ci'i phyir zhe na/ a ra pa tsa zhes bya ba ni 'dod pa'o// ra zhes bya ba ni chags pa'o// pa zhes bya ba ni don dam pa'o// tsa zhes pa ni spyod pa'o// na zhes pa ni rang bzhin med pa'o// de ltar 'dod chags don dam par spyod pa// rang bzhin med pa nyid kyi snying po 'di bsgom ste sgrub na 'dod pa thams cad thob par 'gyur ro// de bzhin gshegs pa ni 'dod pa thams cad kyi snod yin// de bas na snying po 'di de bzhin gshegs
- 65b
ba dang // ting nge 'dzin kyang byur du thob par 'gyur ro// de nas phyag rgya bcings slob bo// spros pa med pa'i mchog slob po zhes bya'o// de nas lnga gri'i dkyil 'khor 'byung ste// de bzhin rdo rje'i dkyil 'khor bris la/ de'i dbus su ral gri bzhag ste mdun du snying po 'di bri ba sgrub na des 'jam dpal gzhon nur gyur pa sgrub par 'gyur ro// rdo rje ral bri'i dkyil 'khor ro// dam tshig gi dkyil 'khor 'di dkyil 'khor chen po'i tshul bzhin du bris la bzhugs nas 'di zhes brjod do// a kar rol mu khang sarba d+harma naM a d+ya nud pan na na tad// a zhes bya ba ni chos thams cad kyi sgo ste// thog ma nas ma skyes pa'i phyir ro// zhes nang par langs te nyin re la na re brjod de// 'tsham med pa thams cad kyi kyang mi gos pas so// dam tshig gi dkyil 'khor ro// de nas las kyi dkyil 'khor ste// shes rab kyi pha rol tu phyin pa dkyil 'khor gyi dbus su bzhag ste// mchod pa rnam/ pa bzhis mchod pa ni bri ba dang // klog pa dang // kha ton byed pa dang sgom pas so// las kyi dkyil 'khor ro// de nas bsgrub par 'dod pas// dkyil 'khor chen po 'di tshul bzhin du ras la bris nas yi ge phreng ba thams cad brjod pa 'di bskad du chos thaMng ni rang bzhin du gyis grub pa'o zhes kyang brjod nas yi ge 'bum bzlas na spobs pa mi zad pa/
- 66a
'jam dpal dang mtshungs pa dang na mkha' la 'gro bar 'gyur ro// de nas ma grub par kyang yi ge phreng bar 'gyur ba ni// lan gcig bzlas par sdug bsngal thid las grol bar 'gyur ro// gnyis pa bzlas pas 'tshams med pa tha~Md lhag ma ma lus par zad par 'gyur ro// bzhi bzlas pas dran pa dang ldan par 'gyur ro// lnga bzlas pas myur du bla na med pa yang dag par rdzogs pa'i byang chub tu mngon par 'tshang rgya'o// sku gdung dang bcas pa'i mchod brten yi ge phreng ba g.yas phyogs nas a zhes bya ba'i ting nge 'dzin drung na zhes bya ba byin gyi bar du bri'o// de nas bskor zhing yi ge 'bum bzlas ni yi ge re re 'bum re brjod na// bcom ldan 'das de bzhin gshegs pa dang / 'jam dpal rdo rje cig char 'grub ste// nyin re bzhin mngon par bstan pa nas chos bshad pa slar shes so// tshe 'di nyid la 'chang rgya ba man chad kyang rtsol lo// 'jig rten gsum las rnam par rgyal ba'i 'jig rten chen po las 'jam dpal gzhon nu'i rtog pa'o// de nas bcom ldan 'das la rdo rje'i 'khor lo byang chub sems dpa' 'di skad ces gsol to// bcom ldan 'das bdag gis kyang 'jig rten gsum las rnam par rgyal ba'i rtog pa'i rgyal po 'di rtsal bar bgyi'o// gang brjod pa tsam gyis dkyil 'khor
- 66b
thams cad du zhugs par 'gyur ro// de nas bcom ldan 'das kyi rdo rje 'khor lo byang chub sems dpa' chen po la skal lo// de nas rdo rje 'khor lo byang chub sems dpas bcom ldan 'das la rang gi snying po phul nas/ oM badz+ra tsag bra hUM/ de nas 'di brjod pa tsam gyis de bzhin gshegs pa thams cad la sogs pa dang / sems can thams cad dkyil 'khor de nyid du zhugs so// de nas rdo rje 'khor lo byang chub sems dpa' dkyil 'khor 'di bshad do// rdo rje'i dkyil 'khor bzhin bris la/ rdo rje 'khor lo bdag che ba rang gi phyag rgya lag na thogs// de yi dbus su bzhag par bya// de yi thad kar thams cad de// rigs kyi dkyil 'khor tshogs rnams bri// de yang sems can chen po rnams// de dag nyid ni legs par bri// de nas blo ldan thogs ma ru// rdo rje 'khor los 'jug par bya// zhags nas snying po 'di bzlas so// dza hUM baM ho// zhes brjod nas des bcom ldan 'das dges te bsgrub pa thams cad rab tu brtsol to// de bzhin du slob ma bcug nas de nyid du bsgrub par bya'o// rdo rje 'khor lo phyag rgya bcings nas 'bum bzlas nas/ de bzhin gshegs pa'am rdo rje 'dzin pa thob par 'gyur ro// rdo rje 'khor lo zhes bya'o// rdo rje'i dbus rdo rje bris bzhin bzlas na rdo rje 'dzin du 'gyur ro//
- 67a
rdo rje 'khor lo'i dkyil 'khor de bzhin bris nas/ mtshan ma bzhag ste 'di zhes brjod do// rdo rje 'khor los 'jug pa yis// mthong ba de bzhin bsgrub nas ni// rtog pa thams cad 'grub par 'gyur// de bas brtags te bslab par bya// dam tshig gi ni dkyil 'khor ro// dkyil 'khor bris pa ni de nyid du/ phyag rgya zhes bya 'grub pa'i phyir// brtson 'bras brtan pa thams cad kyis// bla med las ni bslab par bya// las kyi dkyil 'khor du bzhugs pa tsam gyis ma bsgrub par las thams cad byed de// ji ltar dga' ba'i cho ga 'am rtog pa las bshad pa bsgrubs shig/ 'jig rten gsum las rnam par rgyal ba'i rtog pa chen po'i rgyal po rdo rje 'khor lo'i rtog pa'o// // de nas bcom ldan 'das nam mkha'i mdzod byang chub sems dpas 'di skad ces gsol to// bcom ldan 'das bdag gis kyang 'jig rten gsum las rnam par rgyal ba'i rtog pa chen po 'di rang gi snying po brtsam par bgyi ste/ snying po gang brjod pa tsam gyis mchod pa thams cad kyi gnas su 'gyuraro// bcom ldan 'das kyis smos shig ces gsungs so// de nas nam mkha' mdzod kyis gsungs pa/ oM ga ga na saM b+ha ba badz+ra ho// de nas de'i dus su bcom ldan 'das kyis
- 67b
dkyil 'khor thams cad la nam mkha' las mchod pa kun tu byung bar byas so// de nas dkyil 'khor byung ste/ rdo rje'i dkyil 'khor bzhin du bri/ de'i dbus su nor chen te// nam mkha' dang por bzhugs par bya'o// rgyal ba kun gyis bskor bar ro// dang po slob dpon bzhugs pa ni// mchod pa kun mchod phyag rgyas btab// dkyil 'khor de ru zhugs nas ni// rdo rje thams cad brjod par bya// de nas bcom ldan 'das grub pa ste/ de bzhin du slob ma yang bcug nas rdo rje thams cad kyi dam tshig gi snying po 'di brjod la phyag rgya yang slob shig/ mchod pa thams cad ces bya ba'i dkyil 'khor ro// de nas nam mkha'i dkyil 'khor te yid kyis dkyil 'khor bris la der zhags shig/ zhags nas 'di skad brjod do// 'di dag thams cad ni nam mkha' nyid do// bden pa gang gis nam mkha' gzugs med pa la gzugs 'byung ba bden pa des nas/ de bzhin gshegs pa thams cad la mchod pa dang yid kyi 'dod pa'i grub pa thams cad nam mkha' las byung bar gyur cig ces bya ba nas 'dag ste/ rdo rje kun gyis phyag rgya bcings nas 'bum bzlas na/ des nam mkha' la mchod pa'i rnam pa thams cad dang / don thams cad phun sum tshogs pa thams cad kyang 'byung bar 'gyur ro// rdo rje'i dkyil 'kho
- 68a
dkyil 'khor bris nas btsud de/ 'di ni khyod kyi dam tshig gis zhes brjod cig/ 'byung ba kun las nam mkha' ni// 'byung ba chen po lnga pa'o// nam mkha' las ni 'dod pa 'byung // 'dod pa'i mchod pa grub gyur cig/ ces smras nas/ 'dis khyod kyis de bzhin gshegs pa thams cad la mchod cig/ ces sgos cig dam tshig gi dkyil 'khor ro// slob ma nam mkha' la yid kyis dkyil 'khor 'brir bcug la/ der slob ma yid kyis dkyil 'khor mchod pa la slobs shig/ yid kyis 'di skad brjod cig/ nam mkha'i mchod pa de bzhin gshegs pa thams cad la mchod do// zhes nyin re zhing byas na 'grub po// 'jig rten gsum las rnam par rgyal ba'i rtog pa chen po'i rgyal po las nam mkha' mdzod kyi rtog pa'o// / de nas bcom ldan 'das la 'phags pa byams pas 'di skad ces gsol to// bcom ldan 'das bdag gis kyang 'jig rten gsum las rnam par rgyal ba'i rgyal po 'dir rang gi snying po brtsal bar bgyi ste/ gang brjod pa tsam gyis sems can thams cad byams pa'i sems bskyed par 'gyur ro// bcom ldan 'das kyis rigs kyi bu smos shig/ ces gsungs so// de nas bcom ldan 'das byams pa byang chub sems dpas rang gi/
- 68b
/ snying po 'di gsungs so// oM me tri tri ta tsid tidza bA to// de nas 'di brjod pa tsam gyis de bzhin gshegs pa thams cad byams pa'i ting nge 'dzin la snyoms par bzhugs zhugs so// de nas dkyil 'khor 'byung ste/ 'khor lo dkyil 'khor bris la/ de byams pa bzhag las/ de bzhin gshegs pa bzhi la byang chub sems dpa' ban bya ste cho ga brtag pa'i phyag rgyas zhugs la 'di zhes brjod do// badz+ra hri d+ha ti shwa/ de nas byams pa'i ting nge 'dzin la snyoms par zhugs nas// slob ma de bzhin du dkyil 'khor chen po thams cad 'jug pa'i tshul gyis bzung ngo // bzung nas byams pa chen po'i phyag rgya bslab ste/ de nas go chas go bskon no// brtan pa chen po zhes bya ba'i dkyil 'khor ro// de nas byams pa'i dkyil 'khor ro// de nas byams pa'i dkyil 'khor 'byung ste/ byams pas zhugs pa'i ting nge 'dzin la bsgrubs shig/ byams pa'i dkyil 'khor ro// dkyil 'khor du bcug la 'di zhes brjod do// ras sam yang na khros kyang rung // mdza' dang sdang dang de bzhin te/ 'gro ba gal te rgyal 'dod na/ byams pa chen po sgom par bgyis// dam tshig gi dkyil 'khor ro// de nas las kyi dkyil 'khor bcud de 'di slob bo// sangs rgyas thams cad la phyag 'tshal lo//
- 69a
sems can thams cad dge bar gyur cig/ 'byung po thams cad la byams pa dang / byol song thams cad la mi 'jigs pa byin no// las kyi dkyil 'khor ro// byams pa sgoms pas sbubs pa thams cad ci 'dod pa'i sgrubs pas 'grub po// las rnams kyang yid kyis ci 'dod pa'i cho ga byams pas sgrubs shig/ 'jig rten gsum las rnam par rgyal ba'i rtog pa chen po'i rgyal po las byams pa'i rtog pa'o// // de nas bcom ldan 'das kyi zhabs la rdo rje rig pa'i dam pa la sogs pas mgo bos phyag 'tshal te/ 'jig rten gsum las rnam par rgyal ba'i rtog pa chen po 'di rang gi snying po 'di phul lo// oM hAM oM b+hid badz+ra sha la/ oM chen d+ha hUM tsab kra phaT/ oM b+hai ra b+hai ra sA ha/ oM la la la a bi sha g+han ta ha na/ de nas de dag gi dkyil 'khor 'byung ste/ dkyil 'khor bzlum po dkyil 'khor gyi grwa'i srad bu'i dbus su dbang phyug chen po bri/ der gzhan dag kyang rim gyis thams cad du bri 'am/ bzhag pa 'am mthar na mtshon gyi thig le yang bzhag bo// de nas thog mar slob dpon gyi gsal phur gsum pa'i rtags kyi phyag rgya bcings la 'jug go// g.yon phyogs nas rdo rje slob ma yang bcug ste/ de nas phyag rgya yang slob po// de phyin chad bas
- 69b
cad kyi rig 'dzin du 'gyur ro// 'jig rten gsum las rnam par rgyal ba'i rtog pa chen po'i rgyal po las rig pa'i sngon po chen po'i rtog pa'o// // de nas rdo rje 'khyim pa la sogs pa rdo rje khro bos 'jig rten gsum las rnam par rgyal ba'i rtog pa'i rgyal po las 'di rang gi snying po rnams phul nas/ oM armi ta kun d+ha li kha kha kha kha gro ta dza la mu la hUM phaT/ oM a ha pra ba s+pho ta ya hUM phaT/ oM kA la da nad ta na ha na ha na hUM pa Ta/ oM ka la pa sha gra a kra ta rdo rje hUM phaT/ de nas de dag gi dkyil 'khor 'byung ste/ dkyil 'khor gru bzhi par bri la/ de'i dbus su rdo rje gzhag go// phyogs bzhir ni khro bo rnam par chud du byas la 'god do// de nas slob dpon bdud rtsi 'khyil pa'o// phyag rgyas zhugs nas phyag rgya bcings pa la bslab po// de nas thams cad dgug pa dang dbang du bya ba dang / rten 'pho ba bsrung ba 'grub po// rdo rje khro bo'i rtog pa'o// de nas rdo rje srin po las tshogs kyi gtso bos snying po 'di rnams phul lo// oM ma ta pa ka la ma ha ga na ba de pi pa ru rda ri ni sarba du sha nan phaT/ oM ma hA d+ha ra tsa la ya hUM/ oM d+ha ra bur ba shi ku sarba sad ta na swAhA/ oM dza ya bi ya hU~M phaT/ de nas 'dir dkyil 'khor 'byung ste/ gzhu lta bur bris la der rdo rje gzhag go/ g.yas su gnyis g.yon du
- 70a
yang gnyis so// de nas rdo rje srin po'i phyag rgyas btsud do// de nas phyag rgya brlabs nas tshes bslab pa ni/ gang dge ba'i drin bzo ba dang / lha'i 'khor mtho' rtogs pa gzhan rnams de dag thams cad kun/ mi dge ba'i gtan 'pho bya ba 'jig rten gsum las rnam par rgyal ba'i rtog pa chen po'i rgyal po las tshogs kyi gtso bo'i rtog pa'o// // de nas rdo rje gtun shing la sogs pa'i pho nyas rang gi snying po smras pa/ oM lang ga li hUM/ oM ma hA hUM phaT hUM pad dz+wa dz+wa la ya swA hA/ oM bi ga ta b+ha ra de hi me sar ba/ hUM phaT/ de nas de dag gi dkyil 'khor 'byung ba ni/ shing rta dang 'dra ba'i dkyil 'khor bris te/ dbus su rdo rje bzhag nas/ rdo rje gtun shing gi phyag rgyas bcug pa las 'di slob po// mi dge ba'i sems can thams cad 'thung zhing phyogs sregs shig/ zo shig/ de nas phyag rgya bzhi bcings pa slob po// 'jig rten gsum las rnam par rgyal ba'i rtog pa chen po'i rgyal po las po nya'i tshogs kyi rtog pa'o// // de nas bcom ldan 'das la rdo rje ko ba ta la sogs pa bran rnams kyis 'di skad ces gsol to// bcom ldan 'das bdag cag kyang 'jig rten gsum las rnam par rgyal ba'i rtog pa chen po'i rgyal po 'di rang gi snying po 'di dbul lo// oM pa ra ha da shodad+ha/
- 70b
dang shod ka ta pi ka ta d+ho ra sarba kha na kha na hUM phaT/ oM sarba ma ra da na d+ha hUM phaT/ oM pi ga ti pi ka dang shwA b+hin d+ha ya hUM phaT/ oM za ma ha ma ni ha ra ha ra hUM phaT/ de nas de dag gi dkyil 'khor 'di'o// gru gsum par bris la mngon gsum du byed pa'i phyag rgya bzhugs nas gar gyi phyag rgya bcings pa bslabs te/ gar gyi mchod pa'i dbus kyi rdo rje la mchod do// 'jig rten gsum las rnam par rgyal ba'i rtog pa chen po'i rgyal po las bran gyi rtog pa'o// // de nas thams cad kyis ku tse'i sgra thon te/ gang gis bcom ldan 'das la mchod pa chen pos mchod pa// rang gi snying po phul lo// de nas rdo rje'i blon mo chen mo dag gis smras pa// oM badz+ra kro d+ha ha ra li hUM phaT// oM badz+ra tsag kra tshin hUM phaT// oM shan ti hi// oM badz+ra mush+ma ha na tshin d+ha hUM phaT// oM ku ma ra a bi sha g+ha na ti ge// ra na ra Na tsa la ye swarba duSh+TAn hUM phaT// de nas de dag gi dkyil 'khor gru bzhi pa// de'i sgo bzhi'i sgor 'khor lo la bcings pa bzhi pa bri'o// de'i dbus su rdo rje khro mo'i me lag na rdo rje gsal pur bzhag go// dam tshig gi mchog ni de bzhin no// 'jig rten gsum las rnam par rgyal ba'i rtog pa chen po'i rgyal po las// rig pa'i rgyal mo chen po rnams kyi rtog pa'o// de nas khro mo rnams kyi rang gi snying po smras pa// oM a mri te hUM/
- 71a
oM se'u nya kro d+he hUM phaT/ oM nyan Ta d+ha ra ha na hUM phaT/ oM bing ka li hUM phaT/ dkyil 'khor zur brgyad pa bris te/ de'i dbus rdo rje bzha'o/ cha bzhir dgos pa rnams la bzhi po'i rim gyis bzhag go// 'jug pa la sogs pa'i cho ga ni de nyid do// 'di ni khro mo'i dkyil 'khor ro// de nas 'jig rten gsum las rnam par rgyal ba'i rtog pa chen po'i rgyal po las rdo rje khro mo rnams kyi rtog pa'o// // de nas mtshogs ma me rnams kyis smras pa/ oM kha rba mu ri nihUM oM a sha pi pa d+he ra mo ho// oM ba sha sa ma ye hUM/ oM sarba ra ma shi ra ti sri ye ho// de nas de dag gi dkyil 'khor zlum po bri ste/ sgo bzhi pa dbus su se ral srad bu byas te/ thig bzhi btab la rim bzhir bri'o// gzhan yang phyi'i dkyil 'khor de zlum por thig bzhi rim du btab pa de'i dbus su gnod sbyin gyi gdong bri'o// ngos bzhi rim gyis te shar phyogs nas brtsam nas bri 'am bzhag par bya'o// sgo bzhir rdo rje mngag bzhug ma bri 'am bzhag go// de'i snying po ni 'di'o// b+hi tsau ri ti b+he b+h+yo/ de ltar rig pa'i blon mo la sogs pa thams cad du gyis shig/ 'dis thong cig bzlas pas thams cad 'gog so// de nas gdongs g.yogs pa nas lag pa gnyis kyis rkang pa'i mthe bo bzung ste/ phyag 'tshal nas
- 71b
dkyil mo dkrung gis gar byed cing zhugs la dbab bo// babs nas dam tshig byin cig/ sarba ma ra ya kha bing de hi pa ra sa ma ya ho// de bzhin du dam tshig sbyin no// g+hu/ gar dang sil snyan dang / zas dang skom gyis tshim par byas la/ dril bus phab ste/ de nas dngos grub thams cad dang / bde ba thams cad dang / phun sum tshogs pa thams cad rnyed nas rnal 'byor dang nam mkha' la 'gro ba la sogs pa yang thob po// zhes smros shig/ 'jig rten gsum las rnam par rgyal ba'i rtog pa chen po'i rgyal po las rdo rje tshogs ma me'i rtog pa'o// // de nas rdo rje pho nya mo rnams kyi smras pa/ oM b+h+yo oM kra li ma ra ni badz+ra rak+Sha sing ha na sarba na d+hi ma/ oM su bu ta ni tha/ oM ma ka ra b+ha ga te hUM phaT/ dkyil 'khor bra lnga pa bris te/ rdo rje ni gra dbus su bzhag/ bzhir ni rdo rje pho nya mo bzhag ste/ cho ga de bzhin du bya'o// 'jig rten gsum las rnam par rgyal ba'i rtog pa chen po'i rgyal po las rdo rje po nya mo'i rtog pa'o// / rdo rje bran mo rnams kyis smras pa/ oM ba ra hi badz+ra mu khi nod tod d+ha ra ba lan sa cha ya ma nu mar a bi hU~M phaT/ oM ka li ka pa li mA lA d+ha ra ni ka Ta ka Ta ma Ta maT khang bi ba mA rA ya sarba ma ra ni hU~M/ oM su ti ni u tshur shwa rud de kha da sarba na sho la ya swA hA/ hu ma ka ra mu khi ha ra ha ra hU~M phaT/ dkyil
- 72a
@'khor bu bzhi la sgo bzhir bris nas/ de'i dbus su rdo rje bris te de bzhin gar gyis mchod do// 'jig rten gsum las rnam par rgyal ba'i rtog pa chen po'i rgyal po las bran mo'i rtog pa'o// // de nas bcom ldan 'das de bzhin gshegs pas phyag na rdo rje la 'di skad ces gsungs so// de bzhin gshegs pa thams cad kyi gsang ba 'dzin pa khyod yin no// de bas na rtog pa'i rgyal po 'di don yod cing myur du 'grub par bya ba'i phyir/ gang gis sems can thams cad dngos grub dam pa bde blag du 'thob par 'gyur ba'i phyi ma'i rgyud shod cig/ de ci'i phyir zhe na/ sems can 'di rnams ni brtson 'bras kyis 'dul te dad pa dang mi ldan pa/ sdig pa byed pa brdzun smra ba le lo can dka' bar spyod pa ma bzod pa snyoms las can/ 'dod chags dang bral bas 'dal ba/ rtag tu chags pa de dag gi don gyi phyir/ gang gis sems can de dag bya ba thams cad byed bzhin pa dang brtson 'grus med pa dang / dka' ba spyod pa med pa bde blag tu tshe 'di nyid la myur du 'grub par 'gyur ba de/ de bzhin gshegs pa'i byin gyis brlabs kyis shod cig/ 'dzam bu'i gling gi mi dag ni yul la mngon par dga' zhing bdag gi grogs po dang pa dang / ma dang chung ma dang bu rnams
- 72b
mthong bar 'dod cing / de yang sred pas 'khol ba ste phyogs nas phyogs su 'gro yang mi nus na sangs rgyas kyi zhing dang rig 'dzin gyi zhing da lta ci smos/ de nas bcom ldan 'das kyi zhabs gnyis la phyag na rdo rjes phyag 'tshal te/ phyi ma'i rgyud bshad do// de nas bcom ldan 'das de bzhin gshegs pa las byung / phyag na rdo rje lngas skyes// rdo rje yang ni ga las byung / phyag rgya'i snying po rig pa dang // sngags rnams khyad par ci zhig yod// gsang ba bsgrub pa ji lta bu// phyag rgya bcing pa ji lta bu// de rnams kyi ni de nyid gang // byin gyis brlabs sogs ji lta bu// bsgrubs pa rnams kyang ji ltar mthong // dngos grub 'dod pa ji lta bu// ras la ri mo ji ltar bri/ sku gzugs tshad ni ji tsa zhing // ji tsam bzlas pa byas pa gsungs// ji 'dra ba ni mchod par bgyi// bsod nams med pa ji ltar 'grub// slob dpon du yang ji ltar 'gyur/ las rnams 'brub pa ji ltar bya/ de dag gi ni de nyid gsungs// thams cad bdag la bshad par rigs// de nas de bzhin gshegs pa byung ba bstan// sems dpa' thog ma tha ma med// nam mkha' skye ba'i mtshan nyid do// kun tu bdag po thams cad bdag/ 'dod pa 'gro ba bdag po yin/ sems can sems can gang yin pa// brten pas sems dang /
- 73a
ces bya'o// mnyam par bzhag pas ting nge 'dzin/ nges pas rdo rje nyid du 'gyur/ de la smras pa sems gzugs med pa la ji ltar sra ba'i rdo rjer 'gyur/ smras pa ji ltar rnam par shes pa las sems can skye ba na sha dang rus pa 'byung bar 'gyur ba zhig ste/ sdug pa dang chags pa dang bde ba dang / rnam par shes pa gzugs med pa rnams 'das pa las sems can skye ba dang / ji ltar klu rnams khros po'i sems kyis ting nge 'dzin nges par nam mkha' las gnam lcags 'byung ba'am/ glog dang bcas pa 'byung ba de bzhin du/ nges rag las pas rdo rje nyid du 'gyur te/ sems dbang byin gyis brlabs pa yis/ rdo rje sems dpar yang 'gyur ro// bcom ldan 'das rdo/ rje de nyid ni bsgoms pas sems dpa' nyid du 'gyur ro// de la sems dpa' byin gyis brlabs pa sbyor ba gang zhe na/ sems dpa' kun gyi bdag ce na bdag nyid la yang gnas so zhes byin gyis brlab nas sems can bdag yin zhes nga rgyal bsgom par bya/ de nyid bcom ldan 'ad sems dpa' ste/ rdo rje sems dpa' rgyal ba yin// sang rgyas byang chub de nyid yin// de nyid phyag na rdo rje ste// rdo rje 'dzin pa'i tshul gyis so// 'jig rten dbang po nam mkha' snying // de ltar gzhan pa de nyid do// sangs rgyas
- 73b
rigs kyang de nyid de// de ni rdo rje 'chang ba'i rigs// de nyid spyan ras gzigs kyi rigs// de nyid nor bu'i rigs yin te// khams gsum de nyid yin zhes gsungs/ 'jig rten mgon po'ang de nyid do// de nyid byed dang byin pa'o// sems can kun gyi mos pa'o// de nyid sems can gnas yin te/ 'byung ba che rnams de nyid do// de nyid 'bre ba'i mgon po ste// gnas pa dang rim gro pa yin zhes bcom ldan 'das thog ma dang tha ma med pa'i sems dpa' phyag na rdo rjes gsungs so// de kho na nyid chen po'i bar da bya'o// de nas snying po dang phyag rgya dang / sngags dang rigs pa'i khyad par gyis rab tu byas te/ snying po khyod ni gsang ba pa dang / ting nge 'dzin ces bya'o// de la sems can gyi don gyi phyir gsang ba brjod pa dang / sla ba'i snying po brjod pa ste/ snying po phyag rgya brjod pas ni snying gi bsam pa'i brab pa thob pa zhes bya ba ni snying po'i khyad par ro// / de nas phyag rgya'i khyad par ni rdo rje'i sku gsungs thugs rnams kyis/ gzugs brnyan sbyor ba 'di dag ni phyag rgya'i kun gyis khyab par ste/ 'byung ba yang ni de yi bstan/ ji ltar jo bo'i byab rgya mthong na/ bran rnams 'gal ba mi byed pa// de bzhin rgyal ba nyid rnams kyang // phyag rgya 'da' bar yongs mi mdzad// do rje sku dang gsung dang bugs
- 74a
ji ltar gnas dang 'thun byas la// mtshan ma'i phyag rgyar ldan pa ma// sems dpa' chen por bdag nyid sbyar// de ni phyag rgya chen po'o// lus dang ngag sems rdo rje yis// sor rnol brtan pa dam tshig ste// sems kyi shes rab ldan pa las// gnyis pa las kyi phyag rgya yin// de la dam tshig rtsa ba ste// rtsa ba 'byung ba bcing pa'i rgyu yi mchog/ gang gis thams cad lus bstan 'gyur// de phyir phyag rgya brjod pa yin// gang gis thams cad rgyas btab pa// chud mi za zhing rab spang ste// mnga' bdag gzugs brnyan 'cha' bas ni// bsgrub pa po rnams myur da 'gyur// gang dag mthong na sangs rgyas dang // sems dpa' la sogs mthong bar 'gyur// dam tshig nyams pas gzir bas na// 'da' bar mi 'gyur 'grub par 'gyur// phyag rgya'i khyad par yin pas te// don dam pa de kho na nyid// phyag rgya chen po zhes bya'o// de la sngags kyi khyad par ni 'di ste// bag tsam spros pa med pa ste// sangs rgyas bka' yis grub pa nyid// chos kyi tshig gis skal ba ste// de dag sngags zhes bya ba yin// de la rig pa'i khyad par ni 'di lta ste// ma rig pa ni med par byed// rig pa de bzhin chud par byed// don rnams rtogs par 'gyur bas na// rig pa zhes ni de phyir bya// snying po dang phyag rgya dang
- 74b
sngags dang rig pa'i bar tu bya ba gnyis so// de nas phyag rgya bcings pa'i rab tu bya ba bshad do zhes bcom ldan 'das bla na med pa'i phyag rgya thams cad kyi ye shes rdo rje 'dzin pas gsungs so// de la phyag rgya chen po ni de nyid bskul ba'i snying pos bcings so// dam tshig dang las kyi phyag rgya ni rdo rje bcings pa dang / brdab pa la sogs pa byas nas bcing // dam tshig chen po'i de kho na nyid bskal ba'i snying pos phyag rgya chen po la sogs pa phyag rgya thams cad bcings so// de yang ma chags pa dang / slob ma ma yin pa dang / dad pa med pa la mi sbyin no// yun du skyabs gnas de dag kyang 'grub par 'gyur ro// de la kho na bskal pa'i snying po 'di'o// sa ma ya snyom/ de la dam tshig chen po'i kho na bskal ba'i snying po ni 'di yin no// sa ma ya ho su ra te snyom rdo rje 'gro bas phyag rgya thams cad rang gis bcing ngam/ gzhan 'ching du bzhag na ni hUM zhes pa thang cig tsam gyis so// de nas rdo rje bcings la sogs pa'i bcings pa byung ste/ badz+ra b+ha na d+ha/ zhes brjod la rdo rje bcing ba snying khar 'ching shig/ de nas snying po 'dis sor mo thams cad brdab par bya'o// oM badz+ra b+han d+ha tra Ta ha/ 'di ni phyag rgya thams cad dgug cing dbang du byed do// de nas rdo rje dbab pa'i dam tshig gi phyag rgya bcing / badz+ra a be sha/ zhes brjod la snying po 'dis rdo rje dbang pa bskyed par bya'o// a thams cad dba' ba'i snying po 'di gdon mi za'o// de nas rdo rje khu tshur gyi dam tshig gi phyag rgya bcing ba ni/
- 75a
badz+ra muSh+Ta/ zhes brjod pas bcing ngo // de nas phyag rgya thams cad bcing ngo // de ste de ltar ma byas na yang / sa ma ya snyom zhes brjod la phyag rgya chen po la sogs pa'i rigs thams cad kyi phyag rgya thams cad bcing bar bya'o// de bzhin gshegs pa thams cad kyi lus dang ngag dang sems kyi phyag rgya thams cad kyi snying po don yod pa 'da' bar bya ba ma yin pa ste/ stong bzlas pas phyag rgya bcing ba thams cad 'grub par 'gyur ro// dam tshig chen po'i phyag rgya lan gcig bzlas na grub pa thams cad las gces par 'gyur ro// de nas phyag rgya bcings pa 'byung ste/ thal mo sbyar ba phan tshun rdol ba ni rdo rje thal me'o// de nyid ser me'i bar rnams shin tu bsdams pa ni rdo rje bcing ba'o// de nyid mthe chung dang srin lag gi bar du bcug la btsum pa 'dis ni rjes su dbab pa'i dam tshig gi phyag rgya'o// de nyid las mthe bo gnyis gshib pa'i nang du bcug la de bzhin du mthe chung dang srin lag gi bar du bcug ste/ 'dzub mo shin tu bkrugs pa ni rdo rje khu tshur gyi dam tshig gi phyag rgya'o// de nyid las gnyis byas pa ni byaH rgya gzhan du 'gyur te/ dam tshig chen po de kho na nyid lan gcig brjod la snying po kha 'am nam mkha' so sor bcing ngo // ngag gi phyag rgya yang / badz+ra dz+wa hUM/ zhes brjod pas
- 75b
phyag rgya bcing ngo // lha'i phyag rgya ni snying po'i don gyis bcing ngo // se'i phyag rgya dang mchu'i mig bsgral ba'i phyag rgya dang / snying po dang / lus g.yo ba'i phyag rgya ni/ sa ma ya/ te/ zhes brjed pas bcing ba 'grub par 'gyur ro// de nas rdo rje zhes pa'i phyag rgya bcing ba 'byung ste/ rdo rje khro bo'i 'dzub mo ni rdo rje khu tshur du byas la/ 'dzub mo kyang na rdo rje khro bo'i 'dzub mo zhes bya ba yin no// rdo rje khro bo'i 'drub mo gnyis lag ngar bsngal de bcings nas kyang mthe chung lcags kyus sbrel byas nas/ hU~M zhes pas sdigs par bya/ de nyid la sogs pa kyo bzang du byas pa rdo rje khro bo'i kyo ba sgrub po// de la 'di ni dam tshig gi phyag rgya'o// lag mthil dag tu rdo rje bcing // 'the bo bshibs pas bkang ba ni// khu tshur byas pa dam tshig gi phyag rgya rdo rje khro bo ste/ ti ri ti ri zhes bya'o// hUM ni bdag gi phyag rgya'o// ye shes kyi phyag rgya ni thams cad gsod pa'i khro bo'o// rdo rje'i sa bzhi bcings pa ni rdo rje bcings pa sa la rkyang ste bzhag pa 'dis ni rdo rje sa gzhir 'gyur te/ de sus kyang glags mi rnyed do// de la 'di ni rdo rje 'dod pa khro bo'i phyag rgya'o// rdo rje bcings pa bcings la 'dzub me rdo rje byams pa ni thams cad la dbang byed pa'i phyag rgya'o// rdo rje dam tshig bcings la 'dzub mo gnyis rtse me mnyam par bshi pas
- 76a
snying khar btugs shig/ gal te de las 'da' bar byas na snying 'bas te 'chi'o// rdo rje'i phyag rgya bcings la 'dzub mo kyo ba btang du bcings/ sgrol zhing phyag bkri byas ni lha rnams dgug pa'i mchog yin no// rdo rje bcings la brtan byas la// 'dzub mo bkug pa shin tu btsir// the bo gnyis ni bshibs pa yis// dbus su btsar bar de snang gi/ rdo rje khu tshur gnyis bcings la// mthe chung gnyis ka sbrel nas su// 'dzub mo yi ni rgyab sbyar te// bzlog pa nam mkhar rgyu rnams kyi// rdo rje bcing pa btan byas nas// khu tshur gyis ni sa mnan pa// 'di ni dbab pa'i phyag rgya ste// thams cad byed pa'i mda' bar rkang // rdo rje khu tshur rab bcings te// g.yon pa yi ni 'dzub mo bcing // mthe chung sor mo mnyam gdab pa// 'di ni 'og ma dgug pa'o// 'dzub mo gnyis ka brtan bod du// rdo rje bcings pas sbrel bar bya// gung mo mthe'i rdo rjer bya// rgyan rnams thams cad 'jom pa'o// rdo rje kri ba dang / rdo rje btsir ba dang / rdo rje phreng ba dang / rdo rje sa dang / rdo rjes 'og dang / rje 'i ru ka'o// de la rdo rje shugs kyi phyag rgyani 'di'o// dkyil 'khor dag ni byed pa ni/ srang bu'am yang na ri ma la// 'jug pa dang ni 'byung ba ni// bsgrub par yid kyi
- 76b
brten nas so// de la ye shes kyi phyag rgya 'di'o// oM badz+ra be ge hUM/ 'dis ni dam tshig nyes par mi 'gyur ro// gzhan du na dam tshig nyams pas grub par byed par 'gyur ro// de la de bzhin gshegs pa thams cad la phyag 'tshal ba'i phyag rgya ni 'di'o// dpung pa gnyis rdo rje bcings te rdo rje khu tshur gnyis su byas la/ dbus mo btsugs la mgo bos la btugs nas phyag bya'o// phyag na rdo rje la de nyid kyis dang pa'i stabs su gnas par bya// mdzes shing skyed pa dang / smin ma 'ged pa dang bcas dmigs kyis phyag 'tshalo// gzhan rnams la dbus mo btsugs so// de la rdo rje 'dzin pa'i dam tshig gi phyag rgya bcing pa ni 'di yin te/ lag pa gnyis po rgyab sbyar te mthe chung mthe bo sbrel bar bya/ rdo rje 'dzin pa'i phyag rgya yi/ sangs rgyas thams cad dbang du byed// pra tits+tsha badz+ra/ snying po 'dis me tog gtor ro// rdo rje kyo ba bdag gi phyag rgya ni rdo rje 'dzin ma'o// 'dzub mo gnyis kyo ba ba btang gi tshul du bya'o// de bzhin gshegs pa thams cad la sogs pa dang / sems can thams cad bdag dgug pa'i dam tshig 'da' bar mi bya ste// dam/ tshig lcags kyu yin no// de nas de bzhin gshegs pa thams cad kyi rtog pa'i phyag rgya bcing ba 'byung ste/ rdo rje khu tshur gnyis bcing nas g.yas pas bsdams par bya ba ni/
- 77a
rdo rje khro bo'i 'dzub mo g.yon// sangs rgyas byang chub mchog bsam mo// de la de bzhin gshegs pa thams cad kyi dam tshig gi phyag rgya ni 'di'o// mthe bo gnyis ka kyil mo krung // 'dzub mo gnyis ka dgug par bya// rdo rje thal mo'i dkyil 'khor/ gung mo gnyis kha bye ba/ 'di ni de bzhin gshegs pa thams cad kyi sku'i phyag rgya ste/ de bzhin gshegs pa thams cad dbug pa/ gzhag pa dang / dbang du bya ba las ldang bar mi 'gyur zhing / 'di ni mthong ba las de bzhin gshegs pa thams cad kyi sku mthong bar 'gyur ro// de nas badz+ra bid kyi ye shes kyi phyag rgya ste/ sems ni rnams dag shes bya ba/ brten pas sems dpa' zhes bya'o// mnyam par bzhag pas ting nge 'dzin// de las rdo rje nyid du 'gyur// sangs rgyas ngo bo'i bdag nyid de// sems can sangs rgyas yin no zhes// sangs rgyas kun gyi byin brlabs pas// nges par sangs rgyas nyid du 'gyur// phyag rgya chen po de bsgom mo// de nas de bzhin gshegs pa thams cad kyis rang sems so sor rtog pa la sogs pa sangs rgyas su sbyang ba byas nas/ ji ltar tshe 'di nyid la sangs rgyas pa thob par 'gyur/ de ltar byin gyis brlabs pa mdzad do// de bzhin gshegs pa thams cad kyi khu tshur ni las kyi phyag rgya'o// de nas phyag na rdo rje'i phyag rgya chen po ni 'di/
- 77b
yin no// lus dang ngag sems rdo rje yis// phyag na rdo rje rang nyid sbyar// rdo rje bcing bar byed pa ste// 'gying dang bcas pa rdo rje gsor// 'di yis kun 'gro ska cig gis/ mgo dang gyen du 'gro bar 'gyur// 'dod pa kun dbang thams cad pa// phyag na rdo rje 'dra bar 'gyur// de nas dam tshig gi phyag rgya'o// rdo rje bcing pa bcings nas kyang // gung mo nang bcug snying khar bzhag/ mthe bo mthe chung dbye snyam nas// rdo rje chen por de ltar bcing // sems can kun gyis ting 'dzin gyis// 'dir ni snying khar bcing ba yis/ phyag rgya kun gyis dngos grub pa// dam pa dag kyang 'thob par 'gyur// de la ye shes kyi phyag rgya ni 'di'o// zla ba'i dkyil 'khor dbus su ni// lus dang ngag sems rdo rje yis// phyag na rdo rje bdag gis lus// bsgom pa myur du 'grub par 'gyur// rdo rje khu tshur gnyis bcings te// 'gying zhing gyen du stong tshul gyis// snying khar bzung na 'grub par 'gyur/ de la bcom ldan 'das kyi sku'i phyag rgya bcing ba ni 'di yin te/ rdo rje khu tshur gnyis bcings la// g.yas pas gzhu 'dron sbyor ba dang // mda' 'phen pa'i tshul gyis su// kun la bsnun nas chags par bya// de nas bcom ldan 'das dbang bskur ba'i phreng ba'i phyag rgya bcings na ni de bzhin gshegs pa'i sku'i phyag rgya gtsug gtor du bzhag go//
- 78a
de las phab nas bung mo rdo rje byas te/ dbang bskur ba'i gnas su bzhag go/ de las bskor te gung mo nor bu byas la g.yas phyogs su bzhag go lhag ma gung me'i rdo rje'i pad mo bzhag go/ de la bskor te gang mo dang / mthe chung gyes par byas nas g.yon du bzhag go// de nas 'dzub mo gnyis 'dad pa byas te/ phreng ba bcing / pa'i tshul du/ lhag mar 'dad pa byas la sor mo thams cad mthe chung mthar gyis brjod pa'i tshul gyis dgrol ni cod pan gyi tshul du dgrol lo// phyag na rdo rje'i phyag rgya'o// de nas btsa ldan 'das thog ma tha ma med pa'i sems dpa' sgrub par 'dod pas/ lha me'i dkyil 'khor byas te/ de nas nyin cig cing bdag nyid byin gyis brlabs nas ji lta bu'i dus su ci nus par 'dod pas bde bar byas la/ phyag rgya chen po'i tshul gyis glu'i dbyangs kyis rdo rje tshig tu sems dpa' bzlas te/ snying po 'di ci naM sa 'dod pa bzlas so// oM ma hA su ka badz+ra sa hA dza/ dza hUM baM ho su ra s+t+waM/ de ltar zla ba gcig bzlas te bsgrub pa po zla ba lon pa'i 'jug tu/ tshes bco lnga la ngal na phyag rgya dkrol la rdo rje thal mo rkyang nas lus thams cad kyi phyag rgya'o// cung zad mnan nas ji ltar ngal bar mi 'gyur te/ de ltar mtshan par bzlas na de'i nang par bcom ldan 'das zla ba'i mdog zla ba'i dkyil bskor
- 78b
dang mtshungs pa'i 'od can byon te/ sgrub pa po la khyud nas de lus kun tu zhugs so// de nas bsgrub pa po yang zla ba'i dkyil 'khor dang 'dra ba'i 'od dang zla ba'i 'od can/ de bzhin gshegs pa thams cad kyi phreng ba la sogs pa dang / lha'i rgyan thams cad kyis brgyan pa/ rdo rje 'dzin pa'i lus dang ngag dang sems rdo rje 'dra bar 'gyur ro// bdag gi rigs dang grogs po dang gnyen shes la sogs pa dang / sems can gyi gzugs mthong na yang 'chi bar mi 'gyur ro// blta bar byed do// mchod par byed do// bstan par byed do// don thams cad byed do// de yang rang gi khyim de nyid na gnas bzhin du lha'i cho 'phrul byed do// de bzhin gshegs par gyur nas rdzu 'phrul dang tshe 'bral thams cad byed do// hUM zhes pas la sogs pa'i gzugs kyis kyang 'dul bar byed do// sems can de dag gis kyang mthong ngo // 'dul ba rnams kyang btul lo// ji ltar 'dod pa'i gzugs su 'gyur ba dang / thams cad du 'gro ba dang phyir 'ong ba dang / gyen du 'gro bar 'gyur ba dang / 'jig rten gyi khams thams cad de de bzhin gshegs pa thams cad la mchod pa byas nas phyir 'ong ba'i bar du'o// don thams cad la le lo spyod pa dang / 'dod pa thams cad spyod pa'i tshe/ nam mkha' dang mtshungs par 'gyur/
- 79a
ro zhes bcom ldan 'das rdo rje sems dpa' gsung ngo // de nas rdo rje 'dod pa'i khro bo'i phyag rgya bcings pa ni// rdo rje khu tshur gnyis su bcings pas mdab ma chen po'i tshul gyis me tog gi gzhu 'dren pa ni thams cad dga' bar byed pa yin no// rdo rje khu tshur gnyis kyis snying khar rdo rje hUM zhes pa ste/ g.yas pa'i rdo rje khu tshur gyi 'phen pas rdo rje 'phangs pas ni thams cad gtan phab po// de nas 'di ni dam tshig gi phyag rgya'o// rdo rje khu tshur gnyis bcings ste/ de ltar skyo ba the'u chung 'dzub 'dud nas 'thebs mo bshibs pa yis bsdams te snying khar bzhag par bya/ 'dis ni de bzhin gshegs pa la sogs pa nges par dgug pa dang / gzhag pa dang bcings pa dang / dbang du bya ba dang 'dren par byed pa'o// rdo rje khu tshur gyis khyad pa ni rdo rje dga' ba'i dam tshig gi phyag rgya 'byung ste/ rdo rje bcings pas bsdams byas nas/ g.yon pa'i 'dzub mo mtshan de mthe bo'i rtags ni bcug nas su/ de skyod rab du bsdams par bya/ 'dis bud med thams cad dga' bar byed do// rdo rje khu tshur gnyis kyis rgyal mtshan 'dzin pa'i tshul du'o// de rje rgyal mtshan no// dem tshig gi phyag rgya 'byung ste/ rdo rje bcings bsdams byas nas// 'dzub mo gnyis ni dgug par bya// srin lag pa shig/
- 79b
la mthe chung bgyid de ltar mthe bo gnyis kyang dged// 'di sngams pa tsam gyis de bzhin gshegs pa thams cad kyang byams pa la brtan par mdzad na// gzhan lta ci smos/ rdo rje khwa tshur gnyis kyis snyen par byed pa ni rdo rje bsnyem pa'o// dam tshig gi phyag rgya 'byung ste/ rdo rje bcings pa kun byas nas// rtsibs logs gnyis su bskyod nas su// 'jim pas bskyod pas 'dud pa ste// khro bo thams cad mgu bar byed// rdo rje snyoms pas mchog bcings pas// rdo rje gar gyi rab sbyor bas// 'dor na me tog la sogs pa'i// gsang ba'i mchod pa myur du 'grub// rtog pa gzhan gyi mchod dang sbyor// de nas rdo rje gar 'byung ste// rdo rje khu tshur gnyis bcings nas// 'jim pas mtha' brtsams te dgrol grogs bzhin bsgyur te bskor bzhin dgrol/ 'gram pa dang ni btsug gtor bzhag/ rdo rje gar zhes bya ba ste// bdag che'i mchod pa thams cad do// mchod pas 'dis ni gsol bas na/ dngos med kyis kyang myur du 'grub/ de nas rdo rje la sogs pa'i phyag rgya bcings na/ rdo rje bcings pa brkyang lag 'thil du blta'o// rdo rje bcings pas g.yon pa'i 'dzub me'i pi wang gi shing ngo // giyas pas bkug pa ni len te/ brkyang ba'i lag mthil gyi rang gi snying khar byug go// me tog bal po tshul gyis rdo rje'i ro btung bar bya'o// rdo rje'i khu du
- 80a
gnyis bcings la g.yon pa'i mthe chung gi ni g.yas pa'i kyo ba tang gis bzung ngo // kyo ba btang des g.yas pas sems dpa'i dam tshig thams cad dang / sems can thams cad dgug go// rdo rje bcings pa la mthe bo 'dud pa ni zhags pa'i phyag rgya'o// rdo rje khu tshur gnyis kyi 'dzub mo sbrel ba ni thams cad bcing ngo // rdo rje 'bebs pa'i phyag rgya thams cad 'bebs par byed do// de nas go cha'i phyag rgya 'byung ste/ khu tshur gnyis kyis snying khar ram mdud pa'i tshul gyis bya'o// spros nas yang lhag par yang de bzhin no// spros nas snying khar yang de bzhin no// yang bar bar du 'dod do// yang spros nas snying khar ma mdud par yang de bzhin no// mgo la yang de bzhin dbang bskur ba'i gnas so// phreng ba bcings pa'i mdud pa'i tshul gyis/ mthe chung la sogs pa'i sor mo thams cad grol ba'i cod pan gyi tshul du bya'o// de nas 'phags pa spyan ras gzigs dbang po'i phyag rgya bcing ba ni pad mo zums pa'i thal me sbyar/ pad mo chen por grags pa ste/ mthe chung mthe gnyis 'gyod pa/ sdig pa rnams ni sel ba'o// de nas pad mo'i khu tshur 'byung ste// rdo rje bcings pa'i 'dzub mo gnyis bkug la mthe bo bsnams pa'i steng du/
- 80b
gung mo gnyis bzhag go// de gnyis su byas la g.yon pa la g.yas pas pad mo byed par bya'o// de nas pad mo dag gi phyag rgya ni/ hri ni ye shes kyi phyag rgya ni pad mo byed pas 'dod chags la sogs pa'i dri ma sbyong bar gsungs pa nyid do// de nas nam mkha' snying po'i phyag rgya bcings pa ni nor bu'i khu tshur gnyis kas dbang bskur ba'i phreng ba bcing ngo // de nas rdo rje rin po che ni phyag rgya ni rdo rje bcings pa kun byas nas/ 'dzub mo bsnyams nas mtheb dang sbyar/ de dag ngos su sprad pa de dbang bskur gnas su dbang sbyin no// de nyid kha yang brtan la snying khar bzhag pa'o// nor bu'i khu tshur zhes bya ba don thams cad 'phrog pa'o// de nyid las mthe bo'i rdo rjes 'dzub mo bsnyams pa mnan te/ rgyab du bskam pa ni rdo rje nor bu'i tang phyag rgya'o// ye shes kyi phyag rgya ni thams cad mkhar sgom pa'o// de nas rdo rje khu tshur gyi phyag rgya bcings pa ni de ltar bshad pa nyid de blang dag gi phyag rgya'o// byams pa'i 'ching ba ni nang mchog ste ye shes kyi phyag rgya'o// 'dun du ni rdo rje chen po'i phyag rgya'o// g.yas su ni rdo rje rin po che'i phyag rgya bstan pa nyid do// rgyab du ni rdo rje bcings pa snying khar bkan nas mthe bo sbyar te/ 'dzub mo gnyis ka bkug par bya'o// rdo rje pad mo mchog gi phyag rgya'o// rdo rje'i bcings pa'i mthe bo dang / mthe'u chung dang gnyis ka s+t+wa~M
- 81a
khar brgyad pa ni rdo rje thams cad do// rigs thams cad kyi dam tshig gi phyag rgya ste/ grub pa thams cad rtsol ba phyag rgya'i dkyil 'khor du bri'o// de nas 'jam dpal gyi phyag rgya bcings pa ni rdo rje khu tshur 'dzub mo dgug pa ni ral bri'o// gnyis pa ni glegs bam mo// dam tshig gi phyag rgya'o// g.yon pa'i glegs bam 'chang ba'i mthe'a'u chung ni g.yas pa'i ral gri 'dzin pas bzung ngo // a ni chos kyi phyag rgya'o// chos thams cad la yi ge med ces bya ba ni ye shes kyi phyag rgya'o// de nas rdo rje 'khor lo'i phyag rgya bcings pa ni rdo rje khu tshur gnyis bcings te/ mthe'u chung 'dzub mo rdo rje bcings// rdo rje 'khor lo zhes bshad de/ dkyil 'khor thams cad la yi ge sgrub pa'o// 'di mthong bas dkyil 'khor thams cad mthong bar 'gyur ro// de bzhin dbus su kha bzhag ste/ bzlas na dkyil 'khor thams cad du zhugs par 'gyur zhing de bzhin du sgrub par 'gyur ro// hUM chos kyi/ phyag rgya'o// de nas nam mkha' mdzad kyi phyag rgya bcings pa ni/ rdo rje nor bu'i phyag rgya las mthe chung srin lag bsnyams pa rgyal mtshan pa dan bsgreng ba'i tshul du bya'o// chos kyi phyag rgya ni/ tri 'phags pa byang chub sems dpa' byams pa'i phyag rgya bcings pa ni rdo rje go cha'i phyag rgya'o// ngag gi phyag rgya'o// oM de nas rtog pa thams cad spyi'i phyag rgya shes pa 'byung ste/
- 81b
de lus kyi phyag rgyar 'gyur ba 'di lta ste/ 'breng yang rung 'dug kyang rung / rkang pa bsdams te brkyang ba dang / lag pa sgreng ba ni rdo rje'i phyag rgya yin no// mchog sgrub pa la rdo rje dang mtshungs par 'gyur ro// lag pa g.yon pas rdo rje khu tshur bcings nas/ g.yas pa bkug pas drangs pa ni rdo rje lcags kyu'i phyag rgya ste/ thams cad 'dren pa yin no// langs la pus me bkyil bkug nas lag pa gnyis bsdams te/ gyen du brkyang ba ni thams cad brtan pa 'pho ba'i ral gri'o// dpung pa gnyis kyis rang gi snying khar 'khyud pa ni go chas te mi 'byed pa'o// de nas ngag gi phyag rgya bcings pa ni/ a ho ho hUM/ dbab pa dang dbang du bya ba dang / srung ba dang gtan 'pho ba'i phyag rgya'o// de nas blta ba'i phyag rgya 'byung ba ni myur du rdo rje blta ba ste/ dgrad de btsum pa 'dren pa yin/ khro bo lta ba'i khro gnyer yin// brtan par blta ba mi g.yo ba'o// de nas 'di dag gi las 'byung ba ni rdo rje lta bus skye 'gro thams cad mgu bar byed do// bgrang pa lta bus ni thams cad dgug pa dang / rims dang gdon dang dug dang byad ma la sogs pa dang / nad thams cad sel te/ khro bo'i lta bas ni thams cad gtan 'pho'o// gtan par blta ba ni khams cad srung ngo // de la snying po ni 'di rnams yin no// badz+rad Sh+Ta phaT dri ba ha dre ag+na sha
- 82a
dza lam kro d+ha dri shrI phaT/ dri TuSh+NI ha/ so'i phyag rgya 'byung ste/ so 'cha' bas ni brtan 'pho'o// mur bas ni dbang du byed do// snying po bzlas shing khro bo'i ting nge 'dzin byas te phyag rgya byas te/ g.yas nas bcu pa ni dgug pa'o// g.yon nas bcu pa ni dbang du byed pa'o// ma mchu sos mnan pa ni gtan 'pho'o// mchu gnyis ka bsdams pa'o// sangs rgyas rjes su dran pa dang / rdo rje 'dzin pa rjes su dran pa dang / rdo rje khro bo rjes su dran pa dang / rdo rje rjes su dran pa ni thams cad sgrub pa ste/ mchu'i phyag rgya'o// mig g.yas la skyod pas dbang du byed do// mig g.yon pas rjes su chags so// gnyis ka btsums pas ni gtan 'pho ba gnyis ka bgrad pas ni srung ngo // thams cad snying po bzlas te/ gyen du bltan nam mkha' la 'gro bar 'gyur ro// shar du bltas nas sa'i dbang por 'gyur ro// g.yas nas bskor bas ni de bzhin gshegs pa thams cad mchod do// g.yon nas bskor bas ni phyag na rdo rje la mchod do// thams cad kyi snying po bzlas nas bsgrub pa po de nas phyi rol gyi rdo rje rigs kyi phyag rgya bcings pa 'byung ste/ de la 'dzin rten gyi phyag rgya rnams ni 'jig rten pa'i khu tshur las byung ste/ rdo rje'i khu tshur ni rdo rje bcing ba las g.yon pa'i mthe bo chung nang du bcug la mtheb chung dang srin lag gi bar du btsir la
- 82b
bsdams par byas te/ de nyid las phyag rgya'i snying po 'di 'bum bzlas te bsgrub po// oM badz+ra mu tra ts+tsha/ rdo rje khu tshur gnyis byas te g.yas pas mtshan ma ji ltar 'dzin pa bzhin du bzlas so// mi thams cad kyi phyag rgya bcings pa ni de bzhin du rdo rje khu tshur las g.yon pas rdo rje khro ba'i 'dzub mo bsgreng ba ste/ dur khrod dam tshig gi gnas su rdo rje khro bo'i 'dzub mes mi khrag gi thigs pa gsum khar blangs nas/ myangs nas mi ro ma smas shing ma nyams pa rkang pa g.yon pas mnan te brgya bzlas na nam mkha' la 'gro bar 'gyur ro// mi snang bar 'gyur ba dang / byad ma thams cad dbang du 'gyur ro// tshogs de thams cad kyi dbang por 'gyur te/ thag 'jug pa dang / phan thobs nas par 'gyur/ mkha' 'gro ma'i/ mchog thams cad dang las thams cad dang / phyag rgya thams cad 'grub par 'gyur ro// de nas khro bo'i tshogs khu tshur bsgrub pa'i snying po ni 'di yin no// oM badz+ra ri li/ phyag rgya bcings par rab tu bya'o// de nas de'i rjes la phyag rgya thams cad kyi gsang ba'i bslab pa'i skabs bshad par bya ste/ de bzhin gshegs pa'i phyag rgya gsang ba'i sgrub pa ni dkyil 'khor bris te 'di der 'di skad ces brjod do// bcom ldan phyag rgya btsun mo 'di/ rtag tu bdag la rtsal bar bya/ sems can kun gyi don bsgrub phyir// grub pa mtshan ni
- 83a
sgrub par bgyi// phyag na rdo rje'i dkyil 'khor du zhugs te 'di zhes brjod do// su ra te sa ma ya a stam to// badz+ra sad ta ar+ya si man/ de nas byang/ chub sems dpa' gzhan rnams kyi gsang ba'i phyag rgya 'di sgrub pa ni/ byang chub sems dpa' bdag nyid che// rtag tu bdag la sgrub par rtsol// de nas phyi rol gyi rdo rje rigs gsang ba'i sgrub pa ni phyag na rdo rje khro bo thams cad byed pa yin no// zhes brjod la bsgrub par bya'o// ma mo rnams kyi gsang ba'i phyag rgya bsgrub pa ni dkyil 'khor du zhugs nas b+h+ye b+h+yo zhes brjod cig/ gsang ba'i sgrub pa'i bar du bya ba ni// de nas phyag rgya de kho na nyid 'byung ste// de bzhin gshegs pa'i phyag rgya'i de khe ni sems las sangs rgyas kyi chos 'byung po/ yang dag par 'di dag ni de bzhin gshegs pa'i btsun mo thugs la gnas pa yin no// bdag nyid de bzhin gshegs pa'o// bdag gi rlung ma yang yin no// zhe sdang sgom pa la phyag rgya bsgrubs pa'o// phyag na rdo rje'i phyag rgya'i de kho narab dga' 'chi ba kun gyi mchog/ de las phyag rgya rnams su byas// 'dod pa rdo rje sems dpa' yis// grub brtan myur du rtsol bar mdzad// de nas gzhan dag gi ni// bcom ldan 'das rtag pa 'dod pa ste// de nyid de bzhin gshegs pa'o// de las thams
- 83b
cad bdag nyid gzugs// bdag kyang phyag rgya grub par shog/ de nas phyi rol gyi rdo rje'i rigs kyi phyag rgya'i de kho na ni phyag na rdo rje lha thams cad dbang du byas rdo rjer byas te// de dag phyag rgya yang rdo rje phyag rgya nyid do// de rnams kyi phyag rgya'i de kho na ni ma rungs pa thams cad za'i phyir lha kun gyis ni byas pa ste// phyag rgya 'debs pas de'i phyag/ bsgom nas kyang ni bsgrub par bya// de bzhin gshegs pa'i de kho na rab tu sbyang // thog mar bsgom na sgrub po// phyag rgya'i de kho na rab tu bya'o// de nas rtog pa thams cad byin gyis brlabs pa la sogs pa'i las bshad do// zhes nas bcom ldan 'das phyag na rdo rjes gsungs nyin re dang po'i dus bzhin// rdo rje che mchog phyag rgya yis// snying kha smin 'tshams lkog ma bcug/ bdag nyid byin gyis brlabs par bya// de nas byin gyis brlab pa snying po 'di bzhi yin no// badz+ra satwa badz+ra dang ni// badz+ra karma// de la 'di ni rdo rje rin po che'i dbang bskur ba'i snying po// oM sarba ta thA ga ta a b+hi Shany+tsa na// snying po 'dis rdo rje rin po che'i phyag rgya smin 'tshams su bzhag te// 'dzub mo gnyis kyis phreng ba'i tshul bcings la lhag par mdud pa'i tshul tu byas nas bskor ste// mthe'u chung nas brtsams te// dgrol bas sor mo thams cad bkrol btang sbyang ba ltar bya'o//
- 84a
de nas ting nge 'dzin gyis ye shes bskyed pa ni// rdo rje bcings pa bkan nas sor bzhag nas bsgoms pa'i snying po rang gi snying khar bas mo// oM badz+ra ad ma ka// rdo rje'i bzlas pas ci 'dod par bzlas so// de nas rdo rje mchod pa'i rab tu bya ba ni// rdo rje khu tshur gnyis bcings nas// rdo rje 'gying ba de bzhin gru/ rdo rje gar kyang spyi bo nas// deng bstod pa'i klu ye shes mnyam pa 'di pa 'di glu blang zhing mchod par bya'o// rdo rje sems dpa' sa'o// rdo rje rin po che bla me de rdo rje'i chos ni glu blangs pas/ rdo rje las ni mdzad par gsol// dga' ba dang dbang bsgyur ba dang // glu dang mchod pa'i 'dis ni de bzhin gshegs pa nyid kyang rnyed par mi bka' na grub par gzhan lta ci smos// de ci'i phyir zhes na// / de ltar sems dpa'i bde ba 'di dang mtshungs med do// de nas phyag na rdo rje'i byin gyis brlab pa la sogs pa 'byung ste// nyin re dang por dus bzhin du rdo rje byin gyis brlabs tshul gyi bdag gis bdag nyid byin gyis brlabs nas// sems par byin brlab rnal 'byor ldan// rdo rje dang bcas rdo rje bcings// rdo rje 'beb pa la sogs tshul gyis// rdo rje khu tshur rdo rje bcings/ gnyis byas bya rgya'i mchog gis su// bdag nyid byin gyis brlab par bya// 'dod pa bdag ni zhes kyang bsgom// rdo rje sems dpa'i gsang ba'i snying po 'azlas par bya'o// de nas pa'i
- 84b
snying po 'di rdo rje glus ci 'dod pa bzlas so// Tag ki badz+ra ho// de nas 'di'i bsgrub pa gzhan yang // rdo rje bcings pas rtags 'byung ste 'bum bzlas na 'dod pa thams cad kyi dbang phyug dang / 'dod pa'i gzugs dang // 'dod pa'i tshe dang // 'dod pa'i bdag po dang // kun tu 'gro ba thams cad 'grub par 'gyur ro// de nas phyag na rdo rje'i dbang bskur ba'i rab tu bya ba byung ba ni// de bzhin gshegs pa thams cad kyi dbang bskur ba ci lta ba bzhin du snying po 'dis sbyin no// oM sarba ta tha ga ta rad na a b+hi shi a// de nas de bzhin gshegs pa thams cad kyi ye shes bskyed pa'i ting nge 'dzin la dmigs pa ni// ji ltar bcom ldan 'das sems dpa' thams cad nyid yin pa de bzhin du bdag kyang thams cad nyid do// zhes nas snying po 'dis thams cad dgugs pa dang // bcings pa dang dbang du byed de bsgom mo// de la snying po ni 'di'o// oM badz+ra sa ta dza hUM ba ma ho// de nas bcom ldan 'das kyi spyan sngar gsang ba'i mchod pa bya ba ni byin gyis brlabs pa sa la sogs pa thams cad byas te// rdo rje khu tshur gnyis bcings la// rdo rje gar dang sbyar nas su// me tog dbul la sogs pa ni// gsang ba'i mchod pa'i phyag rgya dbul// gzhu 'dren pa'i tshul gyis su// rdo rje'i mnga' ni 'phen par bya/ kun nas 'khyud dang rgyan mtshan basbed // gnyis bsnyem 'dzum pas 'dud pa'o// rdo rje bstong pa'o rdo rjegru blang zhing mchod ngo //
- 85a
gzugs la sogs pa'i 'dod pa bdag gi bde ba dang // shin tu yid bde bcom ldan 'das// rab dag khyod 'dus kyi bdag deng du dag bde kun mdzod bdag nyid grub par yang myur du tshul bzhin rtsol// bstod pa'i snying po 'dis 'grub par 'gyur ro// bcom ldan 'das phyag na rdo rje nyin re len re bstod na// bcom ldan 'das las thams cad thob par 'gyur ro// slob dpon de sang de gi lce las kyang 'das pa dang ma 'ongs pa dang // da ltar gyis thams cad dang bcom ldan 'das kyi bka' dang rtogs pa zas cad dang // tshig gi rgyud thams cad kyang smra bar 'gyur ro// lha'i glu sngon ma byung ba yang len to// rdo rje'i glu'i 'bum bzlas na rdo rje 'dzin par 'gyur ro// de ltar lan gcig byin gyis brlabs la// de nas phyis 'grub shig/ de nas nyin gcig byin gyis brlab la sogs pa nyin re len re byas na grub pa thams cad phun sum tshogs pa thams cad dang // dbang bskur ba la sogs pa dang // shes pa thams cad dang las thaMd grub po// de bzhin gshegs pa thams cad la sogs pa dang // sems dpa' rnams der lhags nas phra mo la sogs pa ston te// tshig tha'o// byam par byed do// mchod do// de yang de bzhin gshegs pa thams cad la mchod pa dang // rim 'gro thams cad mchong ngo // sems dpa' thams cad mtshar
- 85b
bcad do// pan thogs nus par 'gyur ro// 'jig pa med pa pa dang zas pa med pa dang // 'god pa med pa dang 'jigs pa med par 'gyur ro// sems can thams cad kyi 'jigs pa thams cad dang // nad thams cad dang sdug bsngal thams cad sel te// cho 'phrul thams cad kyang ston to// bdag nyid kyis de bzhin gshegs pa thams cad la sogs pa'i sems dpa' man chad bdag gis lus thams cad dang // na mkha' dang sa dang // shing dang ri dang // chu rnams las kyang de bzhin gshegs pa thams cad la sogs pa'i gzugs thams cad ston par byed do// 'od zer ston pa la sogs pa'i cho 'phrul thams cad ston to// rang sangs rgyas kyi sku gzugs la sogs pa thams cad kyi gzugs su 'gyur ro// mig gis 'das pa dang ma 'ongs pa dang // da ltar gyi she rab kyi gzugs thams cad dang // yi ge rnams las mthong ngo // thams cad las shing rang gi lce smra'o// sngon ma byung ba'i rtog pa dang // mdo sde thams cad mchod do// ston skyobs thams cad dang // sil snyan dang // 'phongs dang mtshon 'debs pa dang // shes nyen dang // gzo dang rgyu rtsal thams cad lhun gyis grub par shes par 'gyur ro// nyon cig gzugs chen po dang mdog dang // spobs dang dpa' ba dang che dang nang med pa dang / dngos grub thams cad dang ldan par 'gyu'o//
- 86a
/ sems can thams cad kyi sems dang spyod pa dang // sgra skad dam tshig shes shing mthong ngo // nyin cig thams cad mngon par 'gyur ro// 'dor na de bzhin gshegs pa nyid dang rdo rje 'dzin pa la sogs pa dang dngos grub thams cad ma bsgrubs par tshe 'di nyid la thob par 'gyur ro// byin gyis brlab pa la sogs pa'i bar du bya'o// de la bsgrub pa'i bar du bya ba 'byung ste// de bzhin gshegs pa sgrub pa ni mdun du bdag nyid sangs rgyas kyi rjes su dran pa bsgom zhing snying po dang phyag rgya dang sngag rigs thams cad bsgrub po// phyag na rdo rje ni bsgrub pa ni// sems dpar byin gyis brlabs pa'i rnal 'byor tam// 'dod pa bsgom pa 'am// rdo rje sems dpa'i rjes su dran pa 'am// bdag gi snying kha re rdo rje bsgom pa 'am// bdag gi mdun na sangs rgyas rjes su dran par byed pa bzhin snying po dang // phyag rgya dang // sngags dang / rigs pa rnams bsgrub po// sems dpa' chen po/ thams cad ni bdag nyid kyis rang gi rig pa rjes su dran pa 'am// snying khar rdo rje chen po la sogs bsgom zhing snying po dang phyag rgya dang // sngags dang // rigs pa rnam bsgrub po// rdo rje'i/ rigs bsgrub pa ni khro ba'i tshul gyis sring po dang phyag rgya dang sngags dang // rigs pa rnams bsgrub bo// rdo rje ma rnams bsgrub pa ni sems can thams cad rjesu dran pa 'am// bdag nyid
- 86b
rdo rje srin mo por 'gyur te// de ci'i phyir bdag gis kyang sems can thams cad bza'o zhes khros te// snying po dang phyag rgya dang sngags rig pa rnams bsgrub par bya// bsgrub pa'i bar du bya'o// de nas bsgrub pa'i thabs kyi dbang du bya ba 'byung ste// ji ltar 'jig rten 'dul 'gyur ba// de ltar bsgrub pa'i gsungs pa dang // de la thabs kyi phyag rgya nyid// bsgrub pa thabs cad byed pa'i mchog/ bsgrub pa'i thab kyis rab tu bya'o// de nas ras kyis rab tu bya ba 'byung ste// de la de bzhin gshegs pa'i ras ni sgra med par byas la dkyil 'khor zlum por thig gdab ste// phyag na rdo rje'i ras ni ngos thams cad mnyam par gru bzhi por ras la bya'o// sems dpa' chen po rnams kyi ni ji lta bur rnams 'dus pa'i 'khor bzhin du'o// phyi'i rdo rje'i rigs ni// ma bdud pa la lus kyi dkyil 'khor ji lta bu bzhin du dgod do// rdo rje sems ma rnams kyis ni mnyam pa kha tshar ma bcad pa ste// ri mo mkhan pa so sbyong can gyis sprin med pa'i tshen rtsi snod gsar par bzhag pas bris// ras kyis rab tu bya'o// de la rab cha lugs kyi tshad kyi rab tu bya ba ni/ de// de bzhin gshegs pa ni de bzhin gshegs pa'i mtho gang gi tshad do// phyag na rdo rje mtha' med pa'i phyir// ji ltar 'dod pa'i chang du'o// de la rdo rje'i chang ni cin ma du 'gyur zhe na rang gi mthe'os cig kyi sor po bcu drug du bu'o//
- 87a
de la rdo rje'i dbyibs ji 'dra ba bya zhes na zur bzhi la rtse lnga pa'i 'od zer gyis phreng ba can gsum car byas so// sems dpa' chen po thams cad kyi ni mthe bo'i tshogs kyi sor bcu drug tshad du bya'o// thams cad pad mo la bzhugs par bya'o// de la bzhin du sku gzugs kyi tshad las// dkyil 'khor gyi tshad kyang de dang sbyor ro// de la 'di ni bzlas pa'i rab tu bya'o// de la de bzhin gshegs pa rnams kyi dgongs pa'i gsung // ting nge 'dzin gyi tshul du ste// de la rtag pa thams cad kyi spyir ni// rdo rje'i tshig gis bzlas tebasgrib bo// phyag na rdo rje'i tshig bzlas na bsgrub po// phyag na rdo rje'i tshig glu dang sbyar te bzlas pa'o// rdo rje hUM zhes pa la sogs pa la rdo rje khro bo rnams ni rdo rje khro bo'i tshogs kyis bzlas so// phyi'i rdo rje'i rnams ni chos kyi tshig gis khro bo'i sgra chen po'i gsal bar byas te// khro bo dang bcas pas bzlas so// rdo rje ma'i tshig phra mos bzlas so// de la ting nge 'dzin gyi ngag ni yid kyis bzlas so// de la rdo rje'i ngag ni yid kyis bzlas so// de la rdo rje'i ngag ni lce thog rab tu mi g.yo bar// sems chung gnyis ka sbyar ba ste// rtog pa kun la rigs pa ni// rdo rje'i ngag ni sgra spangs pa'o// de la rdo rje'i glu'i tshig ni// sha Ta sa la sogs pa'i glu// grong dga' rnam par blangs pa yi// rdo rje'i tshig bzlas rtag pa ru// rdo rje'i glu zhes grags pa'o// de la khro bo'i
- 87b
tshig ni 'di'o// hUM zhes pa 'brug sgra 'dra// de bzhin za zhing sgra dang sgra 'dra bar// khro bo gsal ba rdo rje che// rdo rje khro bo'i tshig ces grags pa'o// rdo rje rnams kyi'ang de bzhin no// tshig gi bA ra ta bya ba'o// de la 'di ni bzlas pa cho ga'i rab tu bya ba yin te// rtog pa dag ni kun la yang // sems dpa' gang dang gang dag gis// snying po phyag rgya sngags rigs pas// de'i bdag nyid spyan sngar bsgrubs// gnas na srogs chags thams cad ni// rang gis tshul du gyis cho ga thams cad bsgrub po// rdo rje bzlas pa ni thams cad bsgrub pa'o// rdo rje sems dpa'i gsang ba'i bzlas pa byung ste// phyag na rdo rje'i snying po dang // phyag rgya sngags rigs de bzhin te// bzlas pa'i don gyis mgon po bzlas// rtogs pa kun las bsgrub par bya// phyi'i rdo rje'i rigs rnams ni// khro bo'i mnyam par 'jog pas so// rdo rje ma rnams thams cad kyi// yid kyis su ni snying yang bzung // bzlas pa'i don shes par bya ba la phyag na rdo rje ni 'dod pa bsgom zhing bzlas pa ste// 'di ltar oM zhes pas ni 'dod pa ste bde ba chen po'o// 'dod pa'i rdo rje sems zhes bya'o// 'dod pa ni thams cad dgug pa dang // bzhugs pa dang // bcings pa dang // dbang du byed pa'i phyir ro// dza rtsu ba ho// 'dod pa ni rab tu dga'o'o// 'dod pa 'dod pa ni bzlas pa'i don ste// gsang ba'i bzlas pa 'di bzlas na/
- 88a
bsod nams chung du yang 'grub par 'gyur ste// de bzhin gshegs pa thams cad kyis kyang bslu bar mi nus so// thal mo khong du slar la mchod par byas te/ de la me tog gi mchod pa ni me tog gi thal mo gyen du bye bas so// bdug pa'i mchod pa ni mthur du rgyang bas so// mar mo'i mchod pa mthe bong bsnyams pa g.yos so// dri'i mchod pa ni rab tu brkyang ste stong pa 'am/ gang bas so// phyag rgya 'di rnams kyis yang dag pa nyid du mchod par gyur pa ni sangs rgyas kyi zhing thams cad dang / dkyil 'khor thams cad dang / snying po dang / phyag rgya dang / sngags dang / rig pa dang lha thams cad yong ngo // de la bsod nams med pa'i sems can bsgrub pa'i rab tu bya ba 'byung ste/ dkyil 'khor gang yang rung brgya cig nyin re ji tsam du 'dod pa tshad du nyin re zhing bris nas/ ji lta ba bzhin du der zhags la/ phyag rgya chen po bcings nas rang gi lhag pa'i sngags lan brgya bzlas so// bsod nams med pa'i sems can gyi bsgrub pa'i rab tu byed paso// de la myur du smin par 'gyur ba'i bar du bya ba ste/ de la de bzhin gshegs pa'i myur du 'grub par 'gyur ro// ting nge 'dzin chos sbyin la sogs pa dang // rgya chen tshul rnams blags pa dang // ded la gnas te de bzhin mchod// dngas grug
- 88b
ka myur srin chen po yin// de la 'di ni phyag na rdo rje myur du dngos grub par 'gyur ba ni// 'dod la chags dang bral ba ni// 'dod chags pa'i dam pas mchod// 'dod la ci nas phyag bya ba// myur du dngos grub smin pa yin// de la 'di ni sems dpa' chen po rnams kyi myur du 'grub par 'gyur ba ni// sprin dang tshul khrims de bzhin bzod// brtson 'bras bsam gtan de bzhin glo/ ci nus cis kyang bya ba ni// nyin gcig bzhin du ci 'dod par// rdo rje'i rigs kyi bsgrub myur ba ni// sangs rgyas mchod cing de bzhin dang // phyag na rdo rje brtul zhugs brtan// rdo rje rtag tu lag tu bzung // mi bgrangs thams cad tshar gcod mchog/ de nas rdo rje ma rnams kyis grub pa myur du 'brab par 'gyur rab tu bya ste/ sems can dge la dang ba dang / mchod cing dam tshig bsrung ba dang / phyag rgya gar gyi mchod pa dang / sems cad ma rung drag shul bya/ brab pa myur ba'i rab tu 'byed pa'o// de la slob dpon gyi rab tu bya ba 'byung ste/ 'di la de bzhin gshegs pa'i dkyil 'khor gyi slob dpon du bzhags pa ste/ de dkyil 'khor du de bzhin gshegs pa'i sman sngar badz+ra bid ces bya ba'i snying po stong rtsa brgyad bzlas nas slob dpon rang gi byag rgya stong bzlas te// slob ma dbang bkur ba'i snying po 'di'o// badz+ra sa twa/ badz+ra rad na/ badz+ra d+horma badz+ra ke a/ oM ma su ka ma d+hi hi sha sarba ta thA ba ta ya/ a tsar b+he swas
- 89a
'di brgya bzlas pas ni snyid kha la sogs par phyag bzhag nas/ spyi bor thams cad bzlas so// de nas de bzhin gshegs/ ba'i rigs kyi slob dpon sprin no// phyag na rdo rje'i cha lugs spyi bor bzung nas snying po 'di brgya rtsa brgyad bzlas shig/ rkyang bzlas pas ni de bzhin gshegs pa'i slob dpon du 'gyur// brgya rtsa brgyad bzlas pa ni rdo rje 'dzin gyi slob dpon du 'gyur ro// de la snying po ni 'di'o// oM su kha badz+ra sa twa dza hUM ba ho// su ra te/ de nas de'i 'og tu rdo rje sprin no// de nas rdo rje rigs kyi ste/ lag pa gnyis su rdo rje bin ni/ rdo rje rigs kyi rdo rje'i chu srid bsres pa stong bzlas pa'i bum pas dbang bskur ste/ snying po 'dis so// oM badz+ra a b+hi ba hrid ha a bi shi tsa mi tri to// b+ha dza hUM baM ho phaT/ de nas pad mo rigs slob dpon du 'grub pa ni pad mo lag tu byin nas/ stong rtsa brgyad bzlas nas/ pad mo'i phreng ba mgo la bcings ngo // snying po 'di brjed do// oM pad ma la a b+hi Shiny+tsa tsa lo gi sho rad de sa hri/ rdo rje rin po che'i slob dpon du bsgrub pa ni/ rdo rje rin po che'i slob ma'i dbang bskur ba'i gnas su bzhag nas/ snying po 'di stong bzlas so// oM badz+ra rad/ a bi'i nyurang na/ 'di ba ti tAbab tang/ slob dpon gyi dkyil
- 89b
thams cad du btsud do// dbang bskur ro// phyag na rdo rje slong dpon du byas te/ yang dag nyid kyi dkyil 'khor bris la/ bdag gi slob dpon du dbang bskuro// de la slob dadan gyi rtul zhugs 'di lta ste/ de bzhin gshegs pa'i slob no// zla ba gcig gi bar du 'byung ba bslab pa thams cad bzung ste/ rang gi lhag pa'i lha dus gsum du bzhugs so// de bzhin gshegs pa'i rigs kyi slob dpon gyi rtul zhugs ni/ zla ba byed kyi bar du nyin re zhing bcom ldan 'das kyi sman sngar byin gyis brlabs pa la sogs pa byas nas/ phyag na rdo rje'i sku 'am rang lha nyid la mchod pa kyo btang gis bkugs te/ gri phyi ba skye bar bzlas te/ lam dngo lam ma yin pa'i skabs mi dbye'o// de nas phyag na rdo rje'i brtul zhugs 'byung ste nyin re zhing nang par langs la/ bdag byin gyis brlab pa la sogs pa byas te/ bkrus la dri zhim po dang / gos mtshor ba dang rgyan gyis chas te/ glu dang sil bstan dang / rgod pa dang skegs pa rnams dang ldan pas/ bcom ldan 'das me tog la sogs pa gsang ba'i mchod pa rnams kyis yang dag par mchod nas/ bcom ldan 'das dang bdag nyid la 'dod pa'i dngos pos mchod pa byas te/ dam tshig rin po'i de kho na ci 'dod par bzlas te/ byed yong gi bar du 'dod pa'i yon tan lnga brgyan nas/ ji bzhin du mchod pa byas te/ ci 'dod par bzlas so// de nas yang mtshan rangs par 'dod pa lnga rnams la rten tsong bzlas par bya ste/ de ltar nag
- 90a
bzhi'i bar du bya'o// de nas rdo rje'i rigs kyi brtul zhugs ni srin par gyur nas de bzhin gshegs pa thams cad la/ phyag 'tshal zhing / phyag na rdo rje mchod de mgo bos gtugs nas/ sgeg mor byung ngam gos gon kyang rung ste/ mgo rdog cing cho ga lags shes shing rgyal phyag rgya rnams kyis gar byed de/ yid kyi de bzhin gshegs pa bsams la/ mtshams cang ba la sogs pa byas nas/ bcom ldan 'das la ji lta ba bzhin du mchod pa byas te/ brgya rtsa brgyad du bzlas so// de nas pad mo brtul zhugs ni/ bcom ldan 'das la mchod pa byas pa'i gcin tu ba gang 'thungs la ba'i chi ba cung zad zos na dag pa'i brtul zhugs thams cad sgrub bo// de nas zhag bdun du ting nge 'dzin la mnyam par bzhag par stong rtsa brgyad bzlas so// de nor bu'i rigs kyi rtul zhugs ni nyin re zhing rang la dbang bskur nas de bzhin gshegs pa dang / sems dpa' chen po rnams mchod de/ rgyal po lta bu bsgom bya zhing rgyal po'i pho brang du song nas rgyal po'i mdun du zhag brgyad kyi bar du bzlas so// de ltar na slob dpon rnams kyi grub pa thams cad dang / phun sum tshogs pa thams cad dang shes pa thams cad dang kun gyi mchod pa la sogs
- 90b
pa las ma thams cad 'thob par 'gyur ro// slob dpon gyi rab tu bya'o// de nas las sgrub pa ni snying po brgya rtsa brgyad bzlas te las thams cad byas na las thams cad 'grub par 'gyur ro// rdo rje'i phyag rgya chen po bcings nas rdo rje'i bzlas pa brgya stong bzlas ni 'jig rten las 'das pa'i las thams cad phyag rgya bcings pa tsam gyi bdag pa rol gnyis grub par 'gyur ro// sngags ni rdo rje'i tshig gis stong phrag brgyad bzlas na sngags thams cad bzlas pa kun byed do// rig pa stong phrag brgya bzlas na de nas rig pa thams cad bzlas pa sa las thams cad byed do// de nas snying po dang phyag rgya dang sngags thams cad 'byung / badz+ra sad tA ni snying po'o// sarba pad dzi ni phyag rgya'o// oM ni sngags so// khi Ti ni rig pa'o// de nas snying po dang phyag rgya dang sngags rig pa thams cad bsgrub pa'i snying po 'byung ste/ oM ma hA su kha badz+ra sad tA dza hI ba ho// sa ma ya s+t+waM/ 'di bcom ldan 'das kyi spyan sngar rdo rje sems dpa'i bzlas pas/ klu'i rdo rje'i tshig gi stong rtsa brgyad bzlas na/ snying po dang phyag rgya dang sngags dang rig pa'i dngos grub thams cad 'grub par 'gyur ro// zhes bcom ldan 'das rdo rje sems dpas gsungs so// 'jig rten gsum las/
- 91a
rnam par rgyal ba'i tog bla'i rgyal po las phyi ma'i rgyud bshad pa'o// de nas bcom ldan 'das phyag na rdo rje byang chub sems dpa' sems dpa' chen pos 'di skad ces gsungs so// bcom ldan 'das gis 'jig rten gsum las rnam par rgyal ba'i chos kyi rnam grangs 'di bshad bshad lags na/ de bas na bcom ldan 'das ji ltar de bzhin gshegs pa rnams kyis bsgrubs pa de sems can 'dul ba'i slad du yul gzhan du 'chi 'am/ dbul por 'gyur ram/ 'khrug pa 'am/ phra dog pa dang / sma 'bab pa 'am/ sdug bsngal ba 'am/ 'dod pa la chags pa 'am/ rab tu sems dpa' 'am/ gnod pa mang ba 'am/ nyam nga ba mang ba 'am/ mya ngan nam/ nad dam/ 'jigs pa mang po la sogs pa gzhan yang dad pa med par 'gyur te/ de ltar bur mi 'gyur bas lhag pa'i bsam pa'i chos skye ba dang / sgrib pa byang bar gyur pa de ltar byin gyis brlab par gsol/ de nas bcom ldan 'das kyis phyag na rdo rje la 'di skad ces gsungs so// dam tshig chen po kho na nyid sku dang gsung dang / thugs rdo rje thams cad pa ma gdul ba 'dul ba/ 'di khyod kyi de bzhin du bshad pa de/ de bzhi
- 91b
gshegs pa thams cad kyi byin gyis brlabaso te// de nas sgrub pa po de dag gi ri shig brgya stong ji bzhin par bzlas nas de nyid dbang gzhan dag gi yang bsgrub par bya'o// gang 'dod chag dang bral ba'i chos kyi 'dul ba lta bu dag 'byung bar 'gyur ro// de dag la yang snying po 'di sbyin no// oM b+ha sarba ta thA ga ta badz+ra sad to// sa ma ya ste/ 'di yang brgya stong du bzlas nas de nyid dam gzhan dag gi yang bsgrub par bya'o// grub pa thams cad rtsol ba mchog/ gang gis brjod pa tsam gyis ni// sdig pa kun las rnam par grol// 'jig rten kun na mchod pa ste// grub pa thams cad thob par 'gyur// gang dag 'bri zhing klog pa dang // 'dzin cing dad pa de bzhin no// de yang 'di nyid la ni// grub pa thams cad thob 'gyur na// dad pa brtul zhugs brtan pa yis// grub par byed pa ci smos te// sangs rgyas phyag na rdo rje ni// tshe 'di la ni de yis thob// rtag pa kun dang sbar kyang rung // rang gi byas pa'ang de bzhin te// rtog pa'i rgyal po 'di bsgrubs nas// dad pa med kyang myur du grub/ bdag ni rtog pa'i rgyal po 'di// gang gi khyim du gnas pa yang // de la bdag kyang kun grub phyir// de la bdag ni bsrung bar gnas// dngos grub dang ni 'did kun dang // 'phel ba dang / ches
- 92a
med dang / shes pa rnams dang tshe dang stobs// gzugs mchog nges par brtsal bar bgyi// de nas bcom ldan 'das gdan las bzhengs te/ khams gsum mtha' dag lus dang ngag dang sems/ rdo rje'i rdul phra mo rnams kyis khyab nas/ de bzhin gshegs pa thams cad dang lhan cig tu legs so zhes bya ba byin te/ legs so legs so sems dpa' chen po zhes byas nas/ bcom ldan 'das phyag na rdo rjes gsungs pa la mngon par dges par gyur te/ 'jig rten gsum las rnam par rgyal ba zhes bya ba'i rtog pa'i rgyal po kun rdzogs s+ho// // dge'o// sarba mang ga lam//
Colophon
'jig rten gsum las rnam par rgyal ba zhes bya ba'i rtog pa'i rgyal po kun rdzogs s+ho/