Untitled work
Text
ff. 24a–24b · 2 folio sides
- 24a
@#/ mkhyen pa'i ye shes la// bde 'byung yang rang las 'byung // thaMd 'gags kyang rang 'gags la// thaMd grol kyang rang las grol// bad ye nas rang grol la// 'bras bu thob pa'i sa med de// dper na rgya mtsho'i nya mo bzhin// gar phyin rgya mtsho'i ngang du gnas// lhun gyis grub pas thob pa med// pad+ma nyi ma nor bu rin po che// thams cad cig las rang byung bas// de ni lhun grub chos sku'o// dbang po rab kyi chos yin te// 'bring dang tha ma 'khyams par mchi'o// rdzogs chen gnang du ma thob par// chos skrod gar dgar gtor ba ni// de ni rdzogs chen rgyun chad yin// rdzogs chen rtags gcig ma shar bar// dge sdig 'chol bar spyod pa ni// de ni rdzogs chen drang thad yin// rdzogs chen rgyud la ma thebs par// thos bsam bsgom bsgrub mi byed pa// de ni rdzogs chen 'chal pa yin// ye shes snang du mi 'dzin par// sems 'dzin phra mo rtsom pa ni// de ni sgrin po'i yid smon yin// sems 'dzin cig la stegs 'cha' ba// de ni long ba'i lam sna yin// gdam ngag phyogs med ma rtogs par// rgan mo 'dzub tshugs bsgom pa ni// dam par zhen pa'i go sas yin// zhe 'dod cig la stegs 'cha' ba// rgad po 'khar thogs bsgom pa ni// de ni long ba'i lam rgyus yin// bde ba'i nyams myong la brten nas// gzhon pa bde ba bsgom pa ni// de ni gzhon pa'i rmi lam yin// ces gsung so// kun tu bzang po'i srog gi thig pa// 'bras bu ye grol chen po'i rgyud rdzogs so// / pa na ni pa zag samam mcho kyi chung ris pa dang brog gi chan pa 'bugs// / @// bcom ldan kun tu bzang po yis// lhun grub sku la phyag 'tshal nas// thig le mthong ba rtol rgyud gsungs pa// ston pa kun tu bzang po yis// gnas ni thig le mkha' khyab tu// 'khor ni rang byung ye shes
- 24b
laT dus ni thaMdaM rang byung dus// bstan ni gnyis med thig le'o// ces gsung so// kun tu bzang pos bka' stsal pa// 'khor gyi rdo sems dpa' khyod// thig le mthong brtol rig pa'i 'khor lo bskor// phung sgo chen pos thob la sgrol// srid gsum dbang du bsdus la sbyor sgrol gyis// ces gsung so// yang bka' stsal pa/ rig pa 'gag pa med pa la// shes rab 'gag pa med pa yis// snang srid dbyangs thob srog gi rtsa ba chod// thugs kyi reg chos sbrul sku'i tshol// 'dzin med zhags pas chod la thong // ces gsungaso// yang bka' stsal pa// thig le 'thongs nas brtol ba ni// tsit+ta'i nang du rab brtags pas// rig stong par gsal ba ni// de ni thig le'i phyi brtol yin// nyams myong 'dres pa'i bde gsal ni// de ni thig le nad brtol yin// ces gsungaso// yang bka' stsal pa/ thig le mthong nas ma brtol nas// rig pa'i gnad du sdig par bya// tshogs drug rol pa har pa la// rig pa'i bde ba rang shar ltos// da ni thig le nang brtol yin// dkar bo'i dus su rab tu sbyar// khong nas yid kyi 'gyu ba la// 'gyu bas 'gyu ba'i dus tshod du// bde gsal nyid du lhang de lta// de ni thig le nang brtol yin// gnyi su med pa'i ye shes la// rgyu dang rkyen gyis ma bskyed par// rang bzhin nyid du shes pa gsal// da ni phyi brtol nang brtol yin// ces gsungaso// yang bka' stsal pa// rig pa snang skyil ngos bzung dang // bde stong nyid du bcur gyis 'byung // bde ba nyid la lta stang bya// 'od gsal nyid du ltangs kyi 'byung ces gsung so// big le mthong brtol gyi rgyud// rig pa bcur 'byung gi brda'// srog gi 'chan pa/ yang ti nag po'i rgyud rdzogaso// / yang gyi nag po grog gi 'tshong ba'i chung le med bzhugs// bya// dpal kun tu bzang