rnam par grol ba'i lam las sbyangs pa'i yon tan bstan pa zhes bya ba
Text
ff. 137a–149a · 25 folio sides
- 137a
mchog la mngon par dga' ba de dag ni rnam par smin pa yang lha rnams kyi nang du lhar gyur pa rnams sam// mi rnams kyi nang du mir gyur pa rnams kyi mchog 'ba' shig tu 'gyur bar shes bya bya ste/ 'di ni dge 'dun mchog tu gdags pa zhes bya'o// bcom ldan 'das kyis de skad ces bka' stsal pa nas/ dge slong de dag yid rangs te/ bcom ldan 'das kyis gsungs pa la mngon par bstod do// mchog tu gdags pa'i mdo rdzogs s+ho// // rgya gar skad du/ bi mug ti mA ra ga d+hA ta gu na nir de sha nA ma/ bod skad du/ rnam par grol ba'i lam las sbyangs pa'i yon tan bstan pa zhes bya ba/ 'jam dpa gzhon nur gyur pa la phyag 'tshal lo/ / de nas de ltar tshul khrims rnam par dag pa'i rnal 'byor pa spyod pa sgrub par 'dod pa/ yon tan don du gnyerabs sbyangs pa'i yon tan yang dag par blangs te 'jug par bya'o/ / rnal 'byor spyod pa sbyangs pa'i yon tan yang dag par blangs pa ni rnam grangs du mas yongs su rtog pa'i rang bzhin can de 'di snyam du gang dag byis pa blun po mi gsal ba/ mi mkhas pa de yang dngos pa 'di dag shes na 'dod chags kyi sems mi skyed na/ shes rab dang ldan pa'i rang bzhin can lta smos kyang ci dgos snyam du sems so zhes ji skad gang das bshad pa lta bu'o// don rnam par nges pa'i mdo las kyang 'byung ste/ dge slong dag 'di la dge slong dag dgon pa na 'dug kyang rung / shing drung na 'dug kyang rung / khang stong na 'dug kyang rung ste/ lus 'di nyid la 'og gi rkang mthil yan chad s+tha dang / klang ba la thug gi du mi gtsang ba rnam pa sna tshogs kyis gang bar yang dag pa ji lta ba bzhin du so sor rtog ste/ lus 'di la yod pa skra dang / spu dang / sen mo dang / so dang / rdul dang / dri ma dang / lpags pa dang / sha dang / rus pa
- 137b
dang rgyas pa dang / rtsa dang / mkhal ma dang / snying dang / glo ba dang / mchin pa dang / pho ba dang / long ka dang / sgyu ma dang / gnye ma dang / skang ba dang / sul mangs dang / mtshor pa dang / phyi sa dang / mchil ma dang / rdul dang / ngar snabs dang / mchi ma dang / zhag dang / chu ser dang / rkang dang / tshil dang / rna ga dang / bad kan dang / mkhris pa dang / khrag dang / glang ba dang / glang rgyas dang / gcin dang / mig rdu da/ rna spabs dang / sen mo'i drim dang / lce'i dri ma dag yodade/ mi gtsang ba rnam pa sna tshogs kyis gang bar yang dag pa ji lta ba bzhin du so sor rtog go// dge slong dag 'di lta ste dper na/ 'bras sA lu dang / 'bru dang / nas dang / gro dang / mon sran gre'u dang / mon sran sde'u dang / rgya sran dang / 'bras ni spo ba dang / sran chung dang / mon sran ne gu dang / nyungs dkar dang / 'bru rnam pa sna tshogs kyis gang ba'i sbyang ba zhig kha phye ba de la mig dang ldan pa'i mi zhig gis blugs nas so sor rtog ste/ so sor brtags na 'di dag ni 'bras sA lu'o// 'di dag ni 'bru'o// 'di dag ni nas so// 'di dag ni gre'o// 'di dag ni mon sran gre'u'o// 'di dag ni mon sran sde'u'o// 'di dag ni rgya sran no/ / 'di dag ni 'bras ni sa pa'o// 'di dag ni srin chung // 'di dag ni mo na sran ne gu'o// 'di dag ni til lo// 'di dag ni 'bras drus pa'o// 'di dag ni nyungs dkar ro zhes bya bar shes so// dge slong dngag / de bzhin du dgun pa na 'dug kyang rung / shi kun du nga / khang stong na 'dug kyang rung ste/ lus 'di nyid la 'og gi rkang mthal yan chad s+tha dang / glang pa la thug gi bar du mi gtsang ba rnam pa sna tshogs kyis gang bar yang dag pa ji lta ba bzhin du so sor rtog ces gsungs so/ / dbas byin gyi zhus pa'o mdo las kyang / 'di la byang chub sems dpa' lus 'di thog ma'i dang tha ma'i rgyu la so sor brtag par bya'o// pha ma'i khu chu
- 138a
dang / / khrag 'dus pa las 'byung ste/ lus 'dal khu chu dang / khrag ni lus kyi thog ma'i rgyu yin no// tha ma'i rgyu yin zas 'du ba la sogs pa ste/ khams kyi bza' ba zas zos ma thag tu ba kan gyi gnas 'gro'o/ / bad kan gyi gnas su phyin nas/ baM da kan gyis rkyang rkyang por byas te/ shin tu mi gtsang bar 'gyur ro// de'i 'og tu mkhris pa'i gnas su 'gro ste/ mkhris pa'i gnas su phyin nas zhu zhing skyur por gyur te/ rlung gi gnas su 'gro'o/ / zhu ste rung gi gnas su phyin nas rlung gis tshigs ma logs shig dngas ma logs shig / du rnam par 'byed de tshigs ma las ni gcin dang / ngan skyugs la sogs te/ dri ma rnams 'byung / dngos ma las ni khrag tu 'gyur te/ khrag las sha'o// sha las tshil la/ tshil las rus pa'o// rus pa las rkang ngo // rkang las khu chu'o// khu chu las 'di lta ste/ de ltar thog ma dang tha ma'i rgyu mi gtsang ba'i phyir lus mi gtsang bar byar chub sems dpa' bsam par bya'o zhes gsungs so/ / yang de nyid las 'byung ba 'di ltar/ me gtsang ba 'i phung por lus la ni// gzugs mngon nga rgyal can gang gus byed pa/ byis pa'i blo can de ni sngon bzhin du/ mi shes dan skyugs bum pa thogs shing 'gro/ / de'i sna nas rnag gi rnam par 'jog/ kha nas dri mi zhim pa rtag tu 'byung // mig rngu chags shing skye bo sun bu can// da la su zhig chags shing gus par byed// dper na byis bsal ba thogs nas su/ / 'di ni dkar por bya zhes bdar kyang ni/ dkar po'i dngos por mi 'gyur zad par 'gyur// byis blo phyin ci lo ga gi nga rgyal can// de ltar mi gtsang gtsang sbra'i blo gros can// nga yang lus 'di gtsang bar bya zhes te/ / bskus phyis 'bab stegs brgyar ni khrus byas kyang // 'chi ba dag dbang gis zad 'gyur gcad mi 'gyur// zhes gsungs so// 'phags pa dri ma med par grags pas
- 138b
bstan pa las kyang / de nas li tsa byi dri ma med par grags pa tshad med pa'i thabs la mkhas pa'i ye shes dang ldan pa de// yangs pa'i grong khyer chen po na gnas shing 'dug go// de thabs la mkhas pas/ bdag nyid na ba lta bur gyur nas/ de la nad dri ba'i phyir yangs pa'i grong khyer chen po nas rgyal po dang / blon po chen po dang / gzhon nu dang / 'khor dang / bram ze dang / khyim bdag dang / tshong dpon dang grong ba dang / yul gyi mi dang / de ma yin pa'i srog chags stong phrag mang po nad 'drir 'ongs ste/ der lhags pa de dag la li tsa byi dri ma med par grags pas 'byung ba chen po bzhi'i lus 'di nyid las brtsams nas chos ston te/ grogs po rnams lus 'di ni 'di ltar mi rtag pa/ 'di ltar mi brtan pa/ 'di ltar yid brtan du mi rung ba/ 'di ltar nyam chung ba/ 'di ltar snying po med pa/ 'di ltar zhig pa/ 'di ltar yun thung ba/ 'di ltar sdug bsngal ba 'di ltar nad ma ba/ 'di ltar 'gyur ba'i chos can no// grogs po dag 'di ltar lus 'di ni na mang po'i snod te/ mkhas pas de la gnas par mi bya'o/ / grogs po dag lus 'di ni cad mi bzod pa ste/ dbu ba rdos pa lta bu'o// lus 'di ni ring du mi gnas pa ste/ chu'i chu bur lta bu'o// lus 'di ni nyon mongs pa'i sred pas byung ba ste smig rgyu lta bu'o/ / lus 'di ni snying po med pa ste chu shing gi phung po lta bu'o// kye ma lus 'di ni rus pa la rgyus pas 'brel ba ste 'khrul 'khor lta bu'o// lus 'di ni phyin ci log las byung ba ste/ sgyu ma la bu'o/ / lus 'di ni yang dag pa ma yin pa mthong ba ste/ rmi lam lta bu'o// lus 'di ni sngon gyi las kyi gzugs brnyan snang ba ste/ gzugs brnyan lta bu'o// lus 'di ni rkyen la rag las pa'i phyir
- 139a
brag cha lta bu'o/ / lus 'di ni sems 'khrug cing 'gyes pa'i mtshan ma ste sprin lnga bu'o// lus 'di ni skad cig tu 'jig pa dang ldan zhing mi gnas pa ste/ glog dang mtshungs pa'o// lung 'di ni rkyen sna tshogs las byung ba ste/ bdag po mod pa'o// lus 'di ni sa dang 'dra ste byed pa med pa'o// lus 'di ni chu dang 'dra ste/ bdag med pa'o// lus 'di ni dang se wa ste srog med pa'o// lus 'di ni rlung dang 'dra ste gang zag med pa'o/ / lus 'di ni nam mkha' dang 'dra ste/ rang bzhin med pa'o// lus 'di ni 'byung ba chen po rnams kyi gnas te/ yang dag pa ma yin pa'o// lus 'dini bdag dang bdag gi med ba ste stong pa'o/ / lus 'di ni rtswa dang / shing dang / rtsig pa dang / bong ba dang / mig yor lta bu ste bems po'o// lus 'di ni rlung gi 'khrul 'khor dang ldan pas 'byung ste tshor ba med pa'o// lus 'di ni rnag dang mi gtsad pa bsags pa ste/ gseg ge lus 'di ni rtag tu byug pa dang / mnye ba dang / 'jig pa dang / 'gyes pa'i chos can te gsob po/ lus 'di ni nad bzhi brgya rtsa bzhis gces pa'o// lus 'di ni rtag tu rga bas zil gyis non pa ste/ khron pa rnying pa dang 'dra'o// lus 'di ni 'chim pas zar thug pa ste/ mthar mi gnas pa'o// lus 'di ni phung po dang khams dang skye mched kyis yongs su zin pa ste/ gshed ma dang drug drug po dang / grong stong lta bu'o// khyed kyis de lta bu'i lus da la sun pa dang / skyo ba bskyed cing de bzhin gshegs pa'i sku la mos pa bskyed par bya'o// grogs pa rnams de bzhin gshegs pa'i sa ni chos kyi sku ste/ bsod nams las skyes pa'o// de bzhin gshegs pa'i ska ni sbyin pa las skyes pa tshul khrims las skyes pa/ ting nge 'dzin las skyes pa/ shes rab las skyes pa/ rnam par grol ba las skyes pa/
- 139b
rnam par grol ba'i ye shes mthong ba las skyes pa/ byams pa dang / snying rje dang / dga' ba dang / btang snyoms las skyes pa/ sbyin pa dang / dul ba dang / yang dag par sdom pa las skyes pa/ dge ba bcu'i las kyi lam la skyes pa/ bzod pa dang nges pa las skyes pa/ brtson 'grus brtan pa'i dge ba'i rtsa ba las skyes pa/ bsam gtan dang / rnam par thar pa dang / ting nge 'dzin dang snyoms par 'jug pa las skyes pa/ thos pa dang / shes rab dang / thabs las skyes pa/ byang chub kyi phyogs kyi chos sum bcu rtsa bdun las skyes pa/ zhi gnas dang / lhag mthong las skyes pa/ stobs bcu las skyes pa/ mi 'jigs pa bzhi las skyes pa/ sangs rgyas kyi chos ma 'dres pa bcwa brgyad las skyes pa/ pha rol tu phyin pa thams cad las skyes pa/ mngon par shes pa dang / rig pa las skyes pa/ mi dge ba'i chos thams cad spong ba las skyes pa/ dge ba'i chos thams cad yang dag par/ sdud pa las skyes pa/ bden pa las skyes pa/ yang dag pa nyid las skyes pa/ bag yod pa las skyes pa'o// grogs po dag de bzhin gshegs pa'i sku ni dge ba'i las tshad med pa las skyes pa ste/ khyod kyis de lta bur skal mos pa bskyed par bya'o zhes gsungs so/ / dbang phyug gi gnas rnyed na yang sus kyang log par bsgrub par mi bya ste/ yang dag par ba sgrub pa la nan tan du bya'o// de la yang nan tan du bya'o// de la yang dag par bsgrub pa ni bden pa'i le'u las 'byung ba skye dgu bskyed pa la brtson pa'i chos kyi rgyal pos 'du shes la gnas pa brgyad kyis mang du gnas par bya'o/ / brgyad gang zhe na/ skye dgu'i ris su gtogs pa'i sems can rnams la bu'i 'du shes dang / mi srun pa rnams la nad pa'i 'du shes dang / sdug bsngal ba rnams la snying rje'i 'du shes dang / bde ba rnams la dga' ba'i 'du shes dang / mi mdza' ba rnams la de'i gzhi la nyes par lta ba'i 'du shes dang / mdza'
- 140a
ba rnams la rjes su srung ba'i 'du shes dang / longs spyod rnams la sman gyi 'du shes dang bdag la bdag med pa'i 'du shes so// rgyal po chen po de la skye dgu'i ris su gtogs pa'i sems can rnams la bu'i 'du shes kyis gnas pa ni rgyal po de bas bu bcos pa ltar mi srun par tshar gcod pa la 'dug kyang snying rje'i bsam pa mi gtong ba'o/ / mi srun pa rnams la nad pa'i 'du shes gnas pa ni sman pa ltar gnod pa byed/ pa la mi khro zhing / skyon rab tu gsal ba'i phyir sbyor ba'o// sdug bsngal ba rnams la snying rje'i 'du shes kyis gnas pa ni gnod pa thams cad yongs su spong zhing phan pa bsgrub pa'i phyir 'jug pa'o// bde ba rnams la dga' ba'i/ 'du shes kyis gnas pa ni gzhan gyi nor dang yo byad la brnab sems dang / phrag dog sems dang / phrag dog gi sems mi bskyed pa'o// mi mdza' ba rnams la de'i gzhi la nyes par lta ba'i 'du shes kyis gnas pa ni gzhi yongs su spong ba ste des skye bo gzhan lta ci smos kyi dgra rnams dang yang mdza' bar byed pa'o/ / mdza' ba rnams la rjes su srung ba'i 'du shes kyis gnas pa ni mdza' ba brtan pa dang thams cad dang mdza' ba'o// longs spyod rnams la sman gyi 'du shes kyis gnas pa ni 'dod pa la log par g.yem pa la yongs su mi spyod cing longs spyod rnams la ma chags par yongs su spyod pa'o/ / bdag la bdag med pa'i 'du shes kyis gnas pa ni chos don// du gnyer zhing dge sbyong dang bram ze rnams kyi drung du song ste/ rjes su 'thun pa'i chos sgrub pa la 'jug pa ste/ rgyal po chen po 'du shes la gnas pa brgyad po de dag gis gnas pa'i chos dang ldan pa'i rgyal po ni skyes phul/ btsam gyis kyang longs spyod rnams shin du mang du 'phel bar 'gyur gyi/ chos dang mi ldan pa ni g.yo'i sbyor ba dang / 'dun pa rnam pa thams cad kyis bsgrubs kyang de ltar 'phel bar mi 'gyur ro zhes gsung sa// yid gnyis meg/
- 140b
par 'joms pa'i mdo las kyang / chos bzhi dang ldan na rgyal po rgyal rigs spyi bo nas dbang bskur ba log par mi ltung ba'i chos can du 'gyur te/ de bzhin gshegs pa dgra bcom pa yang dag par rdzogs pa'i sangs rgyas myur du mnyes par byed cing / longs spyod chen po phun sum tshogs pa yang yongs su 'dzin to// bzhi gang zhe na/ 'di lta ste de bzhin gshegs pa'i bstan pa bsrung ba'i phyir gnas pa yin/ sdig pa mi dge ba'i chos la spyod pa dang / stong pa nyid dang / mtshan ma med pa dang smon pa med pa'i chos yongs su 'dzin pa dang / bla na med pa yang dag par rdzogs pa'i byang chub tu sems bskyed pa'o zhes gsung so// mi dge ba yongs su spang bar bya ba gang zhe na/ nyi ma'i snying po'i le'u las 'byung ba ma 'ongs pa'i dus na rgyal rigs dang / bram ze'i rigs dang / rje'u rigs dag dmangs rigs dag chos kyis gnas pa'i dge slong rnams la byin pa'i khyim gyi gzhi dang / zhing gi gzhi dang / kun dga'i rabil gzhi dang bskyed mas tshal dang bran po dang / bran mo dang / las byed pa dang / mal cha dang / snyan dang na ba' gsas sman dang / ya byad nas rkang 'bras kyi ba du byin pa la rgya ba dang ril gyis 'brog pa dag 'byung bar 'gyur / mU lA g+hA/ nas dmangs rigs kyi bdu de dag tshe 'di la/ mi 'dod pa'i chos nyi shu dang myur du ldan par 'gyur ro// nyi shu gang zhe na/ lha 'phang bar 'gyur ba dang / phyogs dang phyogs mtshams su de'i me sbyin pa grags par 'gyur ba dang de'i maN+Dal padang / nye du dang / snag gi gnyen mtshams kyis bor bar 'gyur ba dang / de la dgra mang bar 'gyur ba dang / nor dang 'bru dang yo byad 'grib par 'gyur ba dang / g.yeng ba mang bar 'gyur ba dang / yan lag ma tshang bar 'gyur ba dang / de gnyid mang bar 'gyur ba dang / de rtag tu skom pas nyen par 'gyur ba dang / de la btung ba yang dug tu 'gyur ba dang / mdza' ba yid du 'thad pa dang yang myur du 'bral ba dang / rtag du gzhan dang 'thab par 'gyur ba dang /
- 141a
pa ma dang / chung ma dang / bu po dang / bu mo dang / bran pa dang / bran mo dang / bran dag bsko ba'i rjes su 'thun par ma byed par 'gyur ba dang / de'i tshig gsang ba dang / ner gsang ba dang / btsun mo'i 'khor gsang ba dang / de gas ba'i dngos po thams cad snang zhing mngon par 'gyur ba dang / bgo skal la spyod pa mi sdug pa dag gi longs spyod rnams chud gson par 'gyur ba dang / myur du nad drag pos btab par 'gyur ba dang / sman dang nad g.yog med cing sha dang khrag skams pa sdug bsngal myong bar 'gyur ba dang / bdag gi gcin gyis kyang reg ste 'chi ba'i dus byed par 'gyur te/ rgyal po chen po mi 'dod pa'i chos nyi shu po 'di dag dang myur du phrad par 'gyur ro// gang chos gyis gnas pa'i dge slong rnams la sbyin pa longs spyod dang / yongs su spyod pa dang / nor dang yo byad phrogs sam pa pa/ spyod ma gzhan spyod du bajug na/ de 'chi ba'i dus byas nas mnar med pa'i sems can dmyal ba chen por skye ste/ de na tshe bskal pa'i bar tu zangs bzhu ba'i khu ba 'thung zhing / lcags kyi thu lum za la/ me'i gos gyon cing shin du mi bzang ba'i sdug bsngal sna tshogs myong bar 'gyur ro// bskal par 'dug pa'i cha zad nas mya ngam dgon pa chu med pa na lam gol ba'i yi dgas dang bskal pa mnyam par skyes na yang rkang pa dang / lag pa dang / med par skye'o// de ni phyogs bzhi'i rlung tshe bas sreg cing spu kri 'dra ba'i so les 'gra ste/ lo brgya stong du ma'i bar du de na 'di 'dra bar sdug bsngal myong bar 'gyur ro// de brgya la ci ste de nas shi 'phos na yang rgya mtsho chen por sha sA khu'i lus dpag tshad brgya bar ste ste/ de'i sngon gyi las kyi rgyus dpag tshad brgya kho ra khor yug tu chu zangs bzhu ba'i khu ba 'dra ba byung nas/ de'i chu'i nang du lo brgya stong du ma'i bar du sems can dmyal ba'i gnod pa myong bar 'gyur ro// de nas shi 'phos nas kyang mya ma dgon par brdzus te skyes nas/ sha sna khu chen po ri tsam du 'gyur te de phyogs gzhan nas rlung shin du tshe bas sreg cing der phyogs bzhi nas gcan zan dang bya kun lhags te za'o// de brgya la ci ste yun ring mo zhig na/ de nas shi 'phos nas kyang sems can dmyal ba/
- 141b
chen por skye'o// de nas shi 'phos nas kyang rnam pa 'di lta bu'i sdug bsngal chen po myong bar 'gyur ro// yongs su brtag pa bzung ste/ de brgya la ci ste mi rnams dang skal ba mnyam par skyes na yang / sangs rgyas med pa'i sangs rgyas kyi zhing snyigs ma lnga can du skyes shing / mig med la mi sdug par 'gyur te/ rgyal po chen po chos kyis gnas pa'i dge slong rnams kyi longs spyod dang yongs su spyad pa dang / nor dang yo byad phrogs na de lta bur sdug bsngal bar 'gyur ro zhes gsungs so// nam mkha'i snying po'i le'u las kyang / rigs kyi bu rgyal po rgyal rigs spyi bo nas dbang bskur ba'i ltung ba'i rtsa ba lnga ste/ ltung ba'i rtsa ba de dag gis rgyal rigs spyi bo nas dbang skur pa dge ba'i rtsa ba sngon bskyed pa thams cad chung gzan te/ pham zhing lha dang mi'i bde ba'i gnas thams cad nas lhung nas ngan song du 'gro bar 'gyur ro/ / lnga gang zhes na/ rigs kyi bu rgyal rigs spyi bo nas dbang bskur ba mchod rten gyi rdzas phrogs sam dge 'dun gyi deng phyogs bzhi'i dge 'dun la phul ba 'phrog du 'jug pa 'di ni ltung ba'i rtsa ba dang po'o/ / gang yang chos spong zhing 'gog du 'jug ste/ nyan thos nges par 'byung ba'i bshad pa 'am/ rang sangs rgyas nges par 'byung ba bshad pa 'am/ theg pa chen pos nges par 'byung ba bshad pa spong zhing 'gog tu 'jug pa 'di ni ltung ba'i rtsa ba gnyis pa'o/ / gang yang nga'i phyir rab tu byung ste/ skra dang kha spu bregs nas gos ngur smrig gyon pa bslab pa bzung yang rung / bslab pa ma bzung yang rung / tshul khrims 'chal ba yang rung / tshul khrims ldan pa yang rung / de'i gos rung smrig phrogs sam/ khyim na gnas par byed du 'jug gam/ lus kyi chad pa gzhu rdeg byed dam/ chad pas gcod du 'jug gam/ btson rar 'jug gam/ srog dang bral bar byed du 'jug pa 'di ni ltung pa'i rtsa ba gsum pa'o/ / rgyal rigs gang yang ched du bsams te ma'i srog gcod pa dang / pha dang bcom ldan 'das kyi nyan thos dgra bcom pa'i srog gcod pa dang / dge 'dun 'dum pa 'byed pa
- 142a
dang / du sams te yang dag par rdzogs pa'i sangs rgyas la ngan sems kyi khrag 'byin pa dang / mtshams med pa'i las lnga po 'di dag las gang yang rung ba'i las byed pa ni rtsa ba'i ltung ba bzhi po'o/ rgyal rigs gang yang rdzu med par smra bar gyur la/ 'jig rten pha rol la g.yel te/ me dge ba bcu'i las kyi lam yang dag par bzung nas gnas/ sems can gzhan mang po dag kyang / mi dge ba bcu'i las kyi lam yang dag par 'dzin du 'jug ste/ 'dul zhing 'dzud la 'god pa de ni ltung ba'i rtsa ba lnga pa'o/ / yang blon po'i ltung ba'i rtsa ba lnga ste/ lnga gang zhe na/ blon po gang mchod rten gyi rdzas sam/ dge 'dun gyi dang phyogs bzhi'i dge 'dun gyi rdzas 'phrog pa 'di ni rtsa ba'i ltung ba dang po'o// gang yang grong 'jom pa dang / ljongs 'jom pa dang / grong khyer 'jom pa dang yul 'khor 'jam par byed pa 'di ni ltung ba'i rtsa ba gnyis pa'o// yang blon po gang chos spong ste/ nyan thos nges par 'byung ba kha cig 'dod pa chung ba nyid dang / cho ga shes pa nyid dang / yo byad bsnyungs brgyas pa dang / brtson 'grus rtsom pa dang / dgang sla ba nyid dang / reg par gnas pa nyid dang / yongs su zhen pa rab tu gcod par 'gyur zhing / 'di ni tshul khrims legs par bsrungs pa dang / ting nge 'dzin gyi tshogs dang / 'phags pa'i rigs snang bar 'gyur la/ / yon tan gyi mchog dag la yang snang bar 'gyur ro// de la sbyangs pa'i yon tan bcu gsum la gos dang ldan pa gnyis te/ phyag dar khrod pa nyid dang / chos gos gsum pa nyid do// zas dang ldan pa lnga ste/ bsod snyoms pa nyid dang / mthar chags su rgyu ba nyid dang / stan gcig pa nyid dang / zas chog pa pa nyid dang / zas phyis mi len pa nyid do// gnas mal dang ldan pa la lnga ste/ dgon pa pa nyid dang / shing drung pa nyid dang / bla gab med pa nyid dang / dur khrod pa nyid dang / gzhi ji bzhin pa nyid do// brtson 'grus dang ldan pa gcig ste/ cog bu pa nyid do// de la phyag dar khrod pa'i yan lag gi ngo bo nyid ni phyag dar khrod pa nyid do// lhag ma rnams kyi tshig gi don yang de bzhin du brjod par
- 142b
bya'o/ / de la phyag darang khrod pa nyid ni khyim bdag gis gos spong ba yin no// chos gos gsum pa nyid ni gos pa ni ba spong ba yin no// sod snyoms pa nyid ni 'gron du 'gro ba spong ba yin no// mthar chags su rgyu ba nyid ni brtogs par cung spong ba yin no/ / stan gcig pa nyid ni lan gnyi su 'dug pa spong ba yin no// zas chog pa pa nyid ni zas mang po spong ba yin no// zas phyas mi len pa nyid ni zas lhag par len pa spong ba yin// dgon pa nyid ni grong mthar gnas pa spong ba yin no/ / shing drung ba nyid ni g.yogs par gnas pa spong ba yin no// bla gab pa med pa nyid ni g.yogs pa dang / shing drung du gnas pa spong ba yin no// dur khrod pa nyid ni gzhan du gnas pa spong ba yin no// ga ni ji bzhin pa nyid ni brkam chags kyi gnas mal spong ba yin no/ / cog pu pa nyid ni nyal ba spong ba yin no// de la phyag dar khrod pa nyid ji ltar yang dag par len zhe na/ khyim bdag gi gos tshol ba dang / yongs su 'dzin pa dang / gzhan la gsol ba byed pa'i nyes dmigs kyang mthong phyag dar khrod pa nyid kyi yon tan yang mthong nas gos nang ma la gnas pa 'di skad du/ deng slan chad khyim bdag gi gos spong ste/ phyag dar khrod pa nyid ni yang dag par len to// zhes yang dag par len to// de la phyag dar khrod pa nyid kyi yon tan ni 'di dag yin te/ gnas dam bcas pa nyid dang 'thun pa nyid dang gzhan la rag ma las pa nyid dang / mi rung ba mi byed pa nyid dang / yongs su spyod pa na lhag par ma chags pa nyid dang / bskam chags med pa nyid dang / chom rkun gyis mi 'phrogs pa nyid dang / dus ma lags pa nyid dang / 'bags pa chung ba nyid dang / yo byad bsnyungs pa'i tshul can dang / skyes bu dam pa'i spyod pa nyid dang / dad par byed pa'i yon tan dang ldan pa nyid dang / skyes bu phyi mas mthong nas rjes su 'jug pa nyid dang / yang dag pa'i sgrub pa snang ba nyid dang / rgyal bas bsngags pa ste/ de lta bu la sogs pa ni phyag dar khrod pa nyid kyi yon tan ngag yin no// phyag dar khrod pa nyid ni rnam pa du ma zhig phyag dar khrod pa ni gang zhig yin/ gang gis ni phyag dar khrod pa nyid 'jig ce na/ phyag dar khrod pa ni rnam pa gnyis te/ bdag po med pa dang / rang bzhin gyis mi rnams kyis smad par grags pa'o// de la dur khrod ngam/ phyag dar gyi phung po'am tshang ngas sa
- 143a
a tha/ nas dmadus dag sa nas sgras b+har byas tal dpa don padag pa sad pa'abrug dang za nga can no// 'tshangs dpa nga / buNar bad pa dang pa'ang gas zas pa dang / byam rnas pa dang / mam cig pa dang / ya stags dang / ro bag gi gos dang / mu stegs can gyi mtshan ma 'di dag ni rang bzhin gyis mi rnams kyis smad par grags pa'i phyag dar khrod pa yin no// phyag dar khrod pa ni khyim bdag gi gos spong ba yin no// khyim bdag gi gos blangs/ pas ni phyag dar khrod pa nyid 'jig go/ chos gos gsum pa nyid ji ltar yang dag par len zhe na/ chos gos lhag pa tshol ba dang / sbeng ba dang / rung bar bya ba dang / 'bags pa'i nyes dmigs kyang mthong // chos gos gsum pa nyid kyi yon tan yang mthong nas/ 'di skad du deng slan chad gos bzhi pa spong ste/ chos gos gsum pa nyid yang dag par len to zhes yang dag par len to// de la chos gos gsum pa nyid kyi yon tan ni 'di dag yin te/ 'gor yang ba'i tshul can nyid dang / gsog 'jog yongs su spangs pa nyid dang / khur chung ba nyid dang / lus 'tsho ba tsam gyis chog shes pa nyid dang / bya bzhin du gang dga' bar 'gro ba nyid dang / skyes bu dam pa'i spyod pa nyid dang / yo byad bsnyungs pa'i tshul can te/ de lta bu la sogs pa na chos gos gsum pa nyid kyi yon tan dag yin no// chos gos gsum pa nyid ni ci zhig yin// / chos gos gsum pa nyid ni gang zhig/ gang gis ni chos gos gsum pa nyid 'jig cen/ snam sbyar dang / bla gos dang mthang gos te/ 'di dag ni chos gos gsum bdag yin no// chos gos gsum pa ni gos bzhi pa spong ba yin no// chos gos bzhi pa 'chang bas ni chos gos gsum pa nyid 'jig go/ bsod snyoms pa nyid ji ltar yang dag par len ce na/ 'gron du song nas dang gi las nyams pa dang / gzhan gyi dbang du gyur pa dang / mi mthun pa dang phrad pa dang / 'dug na nyam nga ba'i nyes dmigs kyang mthong / bsod snyoms pa nyid kyi yon tan
- 143b
dag kyang mthong nas 'di skad du deng slan chad 'gron du 'gro ba spong ste/ bsod snyoms pa nyid yang dag par len to// zhes yang dag par len do/ de la sod song panyid kyi yod dan ni 'di dag yin te/ gnas dam bcas pa dang 'thun pa nyid dang / rang dbang yod pa nyid dang / gzhan gyi gso ba nyid dang / le lo med pa nyid dang / nga rgyal bcom pa nyid dang / sems can la phan 'dogs pas zhugs pa nyid dang / ro'i sred pa las ldog pa nyid dang / phyogs rnams su thogs pa med pa nyid dang / skyes budam pa'i spyod pa nyid dang / yo byad bsrungs pa'i tshul can te/ de lta bu la sogs pa ni bsod snyoms pa nyid kyi yon tan dag yin no// 'gron ni yan lag du ba yin/ bsod snyoms pa gang yin// gang gis ni bsod snyoms pa nyid 'jig ce na/ 'gro na ni yan lag gsum pa ste/ zas rnams lta yang rung ba zhig la de ring ngam sang ngam nam dga' ba na 'gron du bos pa ni 'gro na yin no// bsod snyoms pa ni 'gron du 'gro ba spong ba yin no// 'gro na khas len pas ni gsod snyoms pa nyid 'jig go/ mthar chags su rgyu ba nyid ji ltar yang dag par len ce na/ nar mar ster ba la gang dang gang du mang po dang gya nom pa nar ma rnyed pa de dang de kho nar 'gro na pa na nar ma dang 'dra bas yo byad bsnyungs pa ma yin pa'i nyes dmigs kyang mthong / mthar chags su rgyu ba nyid kyi yon tan dag kyang mthong nas 'di skad du deng slan chad nar mar ster ba spong ste/ mthar chags su rgyu ba nyid yang dag par len to zhes yang dag par len to// de la mthar chags su rgyu ba'i yon tan ni 'di dag yin te/ sems snyoms pa nyid dang / sems can la snying brtse ba nyid dang / khyim la ser sna spong ba nyid dang / khyim du 'gro ba'i nyes dmigs med pa dga'abod pa la mngon par mi dga' ba nyid dang / zas bzang po mi 'dam la nyid dang / mi'i 'dzin pa las yongs su grol ba dang / lhan cig spyod pa rnam par spong nyid// tshe byad bsnyungs pa'i tshul can te/ de lta bu la sogs pa ni mthar chags su rgyu ba nyid kyi yon tan dag yin no// mthar chags su rgyu ba ni gang dag
- 144a
yin/ rnyengs par rgyu ba gang gis spong / gang gis ni mthar chags su rgyu ba nyid 'jig ce na/ mthar gyis rgyu ba ni bsod snyoms spyod pa na khyim dang po nas bzung ste khyim mthar chags su rgyu ba yin no// mthang chags su rgyu ba ni rnyogs par rgyu ba spong ba yin no/ / rnyogs par chu bas ni mthar chags su rgyu ba nyid 'jig go// stan gcig pa nyid ji ltar yang dag par len can/ lan gnyis su 'dug ste zan yang dang yang du 'dug nas byin len bya pa dang / yongs su langs spyod pa'i bza' bas yo byad bsnyungs pa ma yin pa'i nyes dmigs kyang mthong nas 'di skad du deng slan chad lan gnyis su 'dug ste za ba spong ste/ stan gcig pa nyid yang dag par len to zhes yang dag par len to// de la stan gcig pa nyid kyi yon tan 'di dag yin te/ zos pa 'ju ba nyid dang brkam chags med pa nyid dang / zas lhag par mi za ba nyid dang / 'dod pa chung ba nyid dang / zo mdog bde ba nyid dang / rang gi las mi nyams pa nyid dang / reg par gnas pa nyid dang / skyes bu dam pa'i spyod pa nyid dang / yo byad bsnyungs pa'i tshul can te/ de lta bu la sogs pa ni stan gcig pa nyid kyi yon tan dag yin no// stan gcig pa ni du zhig/ stan gcig pa ni gang zhig yin/ zas kyi mtha' ni gang yin/ gang gis ni stan gcig pa 'jig ce na/ stan cig pa gsum ste stan gyi mtha' ba dang / chu'i mtha' pa dang / zas kyi mtha' ba'o// de la stan gyi mtha' ba zhes bya ba ni zos nas stan las langs te yang mi za ba yin no// chu'i mtha' ba zhes bya ba ni zos nas stan la 'dug kyang lhung baphred du chu drangs nas yang mi za ba yin no/ / zas kyi mtha' ba zhes bya ba ni zab na kham gyi tha ma ming nas yang mi za ba yin no// stan gcig pa lani na gnyis su 'dug ste/ za ba spang ba yin no/ sa kyi mtha' ni chu dang sman ma gtogs pa med par bya ba gang shung zad ci yang rung ba yin no/ / lan gnyis su 'dug ste zabs stan gcig pa nyid 'jig go// zas chog pa pa ji ltar yang dag par len ce na/ zas mang du zes na lus lci bar byed pa dang / yul skye ba dang / 'dod chen che ba nyid dang / yo byad bsnyungs pa ma yin pa'i
- 144b
kyis dmigs kyang mthong / zas tshogs pa nyid kyi yon tan dag kyang mthong nas 'di sad du deng sran chad zas mang po spong ste/ zas chag pa pa nyid yang dag par len to zhes yang dag par len to// de la zas tshagapa pa nyid kyi yon tan ni 'di dag yin te/ phul mi skye ba nyid dang / zas kyi tshod zin pa nyid dang / zas mang du za ba'i gnad shes pa nyid dang / lus kyi gnas ngan len bsrabs pa dang / de la chags pa spong ba dang / gnod pa chung ba shes pa dang / kun nas ldang ba yang dag par spong ba dang / skyes bu dam pa'i spyod pa nyid dang / yo byad bsnyungs pa'i tshul can te/ de lta bu la sogs pa ni zas chog pa pa'i yon tan dag yin no// zas kyi tshad ni ji ltar 'dzin/ zas kyi chog pa ba gang yin/ gang gis ni zas chog pa ba 'jig ce na 'bras bre'u chung gang gis 'bras chan lhung bzed du blangs nas chog pa'i mtshan ma la nyes par rtog cing / de'i 'og tu mi blang ba'i mtshan ma la mkhas pa yin te/ goms pa na lto'i tshad kyang shes par 'gyur ro/ / zas chog pa ba ni zas mang po spong ba yin no// zas tshad las lhag pas ni zas chog pa pa nyid 'jig go// zas phyis mi len pa nyid ji ltar yang dag par len ce na/ zas lhag par zos na phul skye ba dang / gzhan la rag las pa nyid dang / yo byad bsnyungs pa ma yin pa'i nyes dmigs kyang mthong / zas phyis mi len pa nyid kyi yon tan dag kyang mthong nas 'di skad du deng slan chad zas lhag pa spong ste/ zas phyis mi len pa nyid yang dag par len to zhes yang dag par len to/ / de la zas phyis mi len pa nyid kyi yon tan ni 'di dag yin te/ re ba rab tu chad pa dang / dgang sla ba dang / gzhan la rag ma las pa nyid dang / gsog 'jog yongs su spong ba dang / yang mi tshol ba nyid dang / brkam chags med pa/ nyid dang / phul mi skye ba nyid dang / skyes bu dam pa'i spyod pa nyid dang / yo byad bsnyungs pa'i tshul te/ de lta bu la sogs pa ni zas phyis mi len pa'i yon tan dag yin no// zas phyis mi len pa ni du zhig/ zas phyis mi len pa ni gang zhig
- 145a
yin/ gang gis ni zas phyis mi len pa nyid 'jig ce na/ zas phyis mi blang ba ni gnyis te/ lhag pa'i mtha' ba nyid dang / gzung ba'i mtha' ba'o// de la lhag pa'i mtha' ba zhes bya ba ni zos te spangs nas mi za ba'o// bzung ba'i mtha' ba zhes bya ba ni bdag nyid kyi rang bzhin gyi skal pa gcig/ zas phyis mi len pa ni zas lhag par spong ba yin no// zas lhag pa zabs ni zas phyis mi len pa nyid 'jig go/ dgon pa pa nyid ji ltar yang dag par len ce na/ grong mthar gnas na mi 'dod pa'i yul gyis 'khrug pa dang / chags pa skye ba dang / 'dzings par gnas pa nyid kyi nyes dmigs kyang mthong / dgon pa pa nyid kyi yon tan dag kyang mthong nas 'di skad du deng slan chad grong mthar gnas pa spong ste/ dgon par gnas pa nyid yang dag par len to zhes yang dag par len to/ / de la dgon pa pa nyid kyi yon tan ni 'di dag yin te/ mi 'dod pa'i yul yongs su spong ba nyid dang / gtam gyi gzhi bcu yang dag par ston pa dang / shin tu mdzes pa nyid dang / lhas bskul ba nyid dang 'dra 'jil dga' ba don du mi gnyer banyid dang / dben pa'i bde ba ci 'dod pa thob pa nyid dang / sba chung bas rnal 'byol dang 'thun pa nyid dang / skyes bu dam pa'i spyod pa nyid dang / yo byad bsrungs pa'i tshul can te/ de lta bu la sogs pa ni dgon pa banyid kyi yon tan dag yin no/ / dgon pa pa'i gnas mal gyi mtha' nigang yin/ dgon pa pa ni gang yin// gang gis ni dgon pa pa nyid 'jig cen/ grong dang / grong gi nye 'khor dang / kun dga'i rab dang / kun dga'i ra ba'i nye 'khor sa gtogs pa ma 'bring gi khru bzhi la gzhu ste/ gzhu de lta bu'i gzhu lnga brgya 'din dgon pa'i gnas mal gyi mtha' yin no// dgon pa pa ni grong mthar gnas pa spong ba yin no// grong mthar gnas pas ni dgon pa pa nyid 'jig ga/ shing drung ba nyid ji ltar yang dag par len ce na/ g.yogs par gnas pa yongs su bzung ba dang / bcos legs bya ba dang / gzhan la gsol ba dang / longs spyod kyi nyes dmigs dag kyang mthong // shing drung ba nyid kyi yon
- 145b
tan dag kyang mthong nas 'di skad du/ deng slan chad g.yogs par gnas pa spong ste/ shing drung ba nyid yang dag par len to zhes yang dag par len to// de la shing drung ba nyid kyi yon tan ni 'di dag yin te/ gnas dam bcas pa dang 'thun pa nyid dang / yo byad bsnyungs pa nyid dang / las la dga' ba yongs su spong ba nyid dang / lhas bskul ba nyid dang / gnas la ser sna spong ba nyid dang / chags pa rab tu bcod pa nyid dang / skyes bu dam pa'i spyod pa nyid dang / yo byad spangs pa ste de lta bu la sogs pa ni shing drung ba nyid kyi yon tan dag yin no/ / shing drung gi tshad ji tsam zhig yin/ shing drung ba ji lta bu ni spang bar bya/ shing drung ba ni gang yin/ gang gis ni shing drung ba nyid 'jig ce na/ nyi mgung gidus su grib mas ji srid khyab pa dang / rlung med par lo ma dag ji srid du lhags pa de srid ni shing drung gi tshad yin no// shing drung bas sdong rgan dang / shing khong stong dang / shing nyen can spang bar bya'o// shing drung ba ni g.yogs par gnas pa spong ba yin no/ / g.yogs par gnas pas ni shing drung ba nyid 'jig go/ bla gab med pa nyid ji ltar yang dag par len ce na/ g.yogs pa dang / shing drung gi gnas tshol ba dang / yongs su bzung bas yo byad bsnyungs pa ma yin pa'i nyes dmigs kyang mthong nas 'di skad du deng slan chad g.yogs pa dang / shing drung du gnas pa spong ste/ bla gab med pa nyid yang dag par len to zhes yang dag par len to// de la bla gab med pa'i yon tan ni 'di dag yin te/ brtson/ pa mi gtong ba nyid dang / rmugs pa dang gnyid spang ba dang / ri dgas lta bu nyid dang / phyogs gzhi phyung ba dang / rten pa med pa nyid dang / skyes bu dam pa'i spyod pa nyid dang / yo byad bsnyungs pa'i tshul can te/ de lta bu la sogs pa ni bla gab med pa nyid kyi yon tan dag yin no/ / bla gab med pa ni gang zhig yin// gang gis bla gab med pa nyid 'di 'jig ce na/ bla gab med pa ni g.yogs pa dang / shing drung du gnas pa spong ba yin no// g.yogs pa dang shing drung na gnas pas ni/ bla gab med pa nyid
- 146a
'di 'jig go/ / dur khrod pa nyid ji ltar yang dag par len ce na/ gzhan du gnas na sems yid mi 'byung ba nyid dang / bag med pa med pa nyid kyi nyes dmigs kyang mthong / dur khrod pa nyid kyi yon tan dag kyang mthong na 'di skad du/ deng slan chad gzhan du gnas pa spong ste/ dur khrod nyid yang dag par len to zhes yang dag par len to// de la dur khrod pa'i yon tan ni 'di dag yin no// 'chi ba rjes su dran pa 'thob pa dang / mi sdug pa'i mtshan ma 'thob pa dang / mis bla mar bkur ba dang / mi ma yin pas bla mar bkur ba dang / bag yod pa'i rgyu skye ba dang / 'dod pa'i 'dod chags rnam par spong ba nyid dang / yid 'byung ba mang ba nyid dang / 'jigs pa dang skrag pa bzod pa nyid dang / gson pas rgyags pa spong ba nyid dang / lus kyi rang bzhin la yang dang yang du so sor rtog pa nyid dang / skyes bu dam pa'i skyong ba nyid dang / yo byad bsnyungs pa'i tshul can te/ de lta bu la sogs pa ni dur khrod pa nyid kyi yon tan dag yin no// dur khrod ji lta bur ni gnas par bya/ dur khrod pa ni gang yin// gang gis ni dur khrod pa nyid 'jig ce na// dang por ni rtog tu bsreg pa dang du ba dang 'bar ba dang / du ba yod pa de lta bu'i dur khrod du gnas par bya la/ de nas ni dur khrod gzhan gang yang rung bar gnas par bya'o// dur khrod pas dur khrod du spyil bu dang / khang pa mi bya/ rlung yas ldang ba dang mas ldang bar gnas par mi bya khum 'phrig can du gnas par mi bya/ shadang 'od ma dang tir gyi chung de dang mon sran gre'u yi bza' ba bsten par mi bya/ lhung bzed sbyin par mi bya khyim du 'dug par mi bya/ skye bo mang po'i tshogs lhags nas khri'u dang / chos gos dang / ril ba blangs te song na sreg pa nas ha cang yang mi ring ba/ rdo rgyang gis sleb tsam gyi nang du dur khrod du gnas par bya zhing skya reng shar nas khre'u dang / chos gos dang / ril bablangs nas slar 'gro bar bya ba 'di ni 'di'i spyod pa ma yin no// dur khrod pa ni gzhan du gnas pa spangs pa yin no/ / gzhan du gnas pa la khas len pa'i dur khrod pa nyid 'jig go/ gzhi ji bzhin pa nyid ji ltar yang dag par len ce na/ brkam chags kyi gnas mal la phan tshun ldang ba pha rol la gnod pa byed pa'i nyes dmigs kyang mthong
- 146b
gzhi ji bzhin pa nyid kyi yon tan dag kyang mthong nas/ 'di skad ces deng slan chad brkam chags kyi gnas mal spong ste/ gzhi ji bzhin pa nyid yang dag par len to// zhes yang dag par len to// de la gzhi ji bzhin pa nyid kyi yon tan ni 'di dag yin/ nang du yang dag 'jog la bla mar bkur ba dang / de ltar rnyed pas chog shes pa dang / de la chags pa spong ba dang / byams pa'i sems dang / gcig pu nyid la dga' ba dang / dad par bya ba nyid dang / skyes bu dam pa'i spyod pa nyid dang / yo byad bsnyungs pa'i tshul can te/ de lta bu la sogs pa ni bzhi ji bzhin pa nyid kyi yon tan dag yin no// gzhipa ni ji bzhin gang yin// gang gis ni gzhi ji bzhin pa nyid 'jig ce na/ gzhi ji bzhin pa ni brkam chags kyi gnas mal spong ba yin te/ brkam chags kyi gnas mal spong ba zhes bya ba ni sngon 'dug pa bslang nas gnas mal len par mi byed do/ / brkam chags kyi gnas mal len pas ni gzhi ji bzhin pa nyid 'jig go// ji ltar cog pu pa nyid yang dag par len ce na/ nyal na rmugs pa dang / gnyid dang le lo'i dbang du 'gro ba'i nyes dmigs kyang mthong / cog pu pa nyid kyi yon tan dag kyang mthong nas 'di skad ces/ deng slan chad nyal ba spong ste/ tsog pu pa nyid yang dag par len to// zhes yang dag par len to// de la cog pu pa nyid kyi yon tan ni 'di dag yin te/ le lo'i gzhi yongs su spong ba dang / lus la chags pa dang / ser sna yongs su spong ba dang / 'phres pa'i bde ba lam chags pa dang / btsal ba nyung ba dang / gnyid chung ba dang / rnal 'byor dang 'thun pa dang / lus kyi gnas rgya skye ba dang / skyes bu dam pa'i spyod pa nyid dang / yo byad bsnyungs pa'i tshul can te/ de lta bu la sogs pa ni cog bu pa nyid kyi yon tan dag yin cog pu pa ni gang yin/ / gang gis ni tsog pu pa nyid 'di 'jig ce na/ tsog pu pa ni nyal ba spong ba yin no// nyal ba khas len pas ni tsog bu pa nyid 'jig go// de la phyag dar khrod pa nyid kyi skabs phye ba ni phyag dar khrod pa nar mar spyod pa la gal te khyim bdag dag gis chos gos songs sam/ ras bal gyi ras sam/ mon dar ram/ la bdag byin par gyur skabs phye bas blang bar bya ste/ phyag dar khrod pa
- 147a
nyid nyams par mi 'gyur ro/ / chos gos gsum pa nyid kyi skabs phye ba ni kha bskad pa'i ra ba yod na gos lha gzhag bcur 'chang ba dang gnas mal srung ba'i phyir gding ba dang / steng du gding ba dang / nad kyi rkyen g.yan pa dgab pa dang / gdod phyis kyi gos dang dbya gye ras chen dang gzhan gyi rung ba bcol ba skabs bye bas blang bar bya ste/ chos gos gsum pa nyid nyams par mi 'gyur ro// bsod snyoms pa nyid kyi skabs bye ba ni bskos pa'i zas dang / tshul shing gi zas dang / zla ba byed pa'i zas dang / gas spyod pa dang dge 'dun gyi zas dang / gtsug lag khang gi zas skabs phye bas yongs su longs spyod par bya ste/ bsod snyoms pa nyid 'jig par mi 'gyur ro// 'on kyang nyes dmigs su lta bas ni yongs su longs spyod par bya'o// mthar chags su rgyu ba nyid kyi skabs bye ba ni khyim gyi sgo na glang po che dang / rta 'am/ khyu mchog gam/ khyi 'am/ 'thab pa 'am/ ngo tsha bar 'gyur ba de lta bu gzhan mthong nas/ thod rgal du rgyu ba dang / zas bzar mi rung ba'i khyim 'am lhur bzed kha sbub pa 'am/ slong bar grags pa'i khyim rgal nas rgyu ba dang / slob dpon nam/ mkhan po 'am/ glo bur ba 'am/ lhan cig rgyun skabs phye bas thod rgal du yang rgyu bar bya ste/ mthar chags su rgyu ba nyid nyams par mi 'gyur ro// stan gcig pa nyid kyi skabs phye ba ni zas za ba na glang po che'am/ rta'am/ khyu mchog gam/ sbrul lam thog 'bab pa'am mkhan pa'am slob dpon nam/ glo bur pa 'ongs pa mthong nas/ gal te langs par gyur ni skabs phye bas yang bza' bar bya ste/ na gcig pa nyid 'jig par mi 'gyur ro thos chog pa nyid gnas kyis ma len pa nyid la ni gapas bye ba med// / don pa nyid kyi skabs bya ba ni bsnyen par rdzogs par las kyi ched dam/ ltung ba las bslad pa'i ched dam/ chos nyan pa'i ched dam/ gas spyod 'am/ ngag/ dbye 'am/ na ba 'am/ nad pa' bya ba'am/ mngon par mi shes pa'i mdo kun chub par bya ba 'am/ gzhan yang de lta bu'i rkyen yod na skabs phye bas grong mthar gnas par bya ste/ dgon pa pa nyid 'jig par mi 'gyur ro// shing
- 147b
drung ba nyid skabs phye ba ni rkyen de lta bu 'am/ khyim du zhugs pa las char gyis non na/ de nyid du skya reng shar yang shing drung ba nyid nyams par mi 'gyur ro// dgon pa pa'i skabs phye ba ji snyed pa ni shing drang ba nyid dang / bla gab med pa nyid dang / dur khrod pa nyid la yang blta bar bya'o/ / gzhi ni bzhin pa nyid kyi skabs phye bas ni rkyen de lta bu yod la gzhan gyis gnas lam rnyed na rje su gan dngo cog bu ba la ni skabs bye ba med do// kha cig na re sna'i dbyang byed na skabs phye bar bya ste/ cog bu pa nyid nyams par mi 'gyur gnas zer ro// sbyangs pa'i yon bcu gsum po de dag ni mdor bsdus na brgyad kho nar 'gyur te/ chos mngon pa las ji skad du sbyangs pa'i yon tan ni brgyad do zhes 'byung ba lta bu'o// gal te de ji lta bu yin zhe na/ zas chog pa nyid dang / stan gcig pa nyid ni zas phyis mi len pa nyid kyi na du 'du bar 'gyur ro/ / de ci'i phyir zhe na/ gzung ba'i mtha'a'i bdag nyid kyi rang skal cig len pa yin te/ de lta bas na zas chog pa pa nyid kyi nang du 'du bar 'gyur ro// yang lan gnyis su mi za ste/ de lta bas na skad gcig pa nyid du 'du bar 'gyur ro// shing drung pa nyid dang / bla gab med pa nyid dang / dur khrod pa nyid ni dgon pa pa nyid kyi nang du 'du bar 'gyur ro// de ci'i phyir zhe na/ dgon pa pa ni dgon par spyil bu dang / yang thog la sogs pa byed na las la dga' ba nyid dang / yongs su 'dzin pa dang / chags pa ni bdag gi cha ma yin no snyam nas shing drung ngam/ bla gab med pa 'am/ dur khrod du gnas so// de lta bas na brgyad kho nar 'gyur la/ brgyad po de dag kyang dgon pa pa nyid dang / phyag dar khrod pa nyid dang / bsod snyoms pa nyid dang gsum gyis rdzogs par 'gyur ro// de ltar na sbyangs pa'i sgo gsum rdzogs par byed na/ sbyangs pa'i yon tan thams cad rdzogs par 'gyur ro// de nyid kyi phyir bcom ldan 'das kyis tshe dang ldan pa mdzes dga' bo la brten nas dga' bo nam zhig dgon pa dang / phyag dar khrod pa dang / ngan don gyis 'tsha zhing 'dod pa rnams la ni lta ba med pa mthong zhig gu zhes gsungs so/ / de la sbyangs pa'i yan lag ni ci zhig yin/ sbyangs pa'i chos ni ru zhig yod/ ci spyod pa'i gang zag ni sbyangs pa'i yon tan bstan par dga'/ sbyangs pa'i yan lag ni du zhig/ mthar thug pa
- 148a
ni du zhig/ ci sbyangs pa'i de nyid sbyangs pa smras pa yang de yin nam zhe na/ de la sbyangs pa'i yan lag ces bya ba ni gzhi bcu gsum po de dag gi spong ba gang yin pa de ni sbyangs pa'i yan lag yin no// sbyangs pa'i yon tan cir brjod par byan na dge bar brjod par bya'o/ / sbyangs pa'i chos du zhe na/ sbyangs pa'i chos ni gnyis te/ ma chags pa dang gti mug med pa ste/ bcom ldan 'das kyis ji skad du phyag dar khrod pa gang yin pa de ni 'dod pa chung ba nyid la brten/ tshag shes pa nyid la brten/ yo byad bsnyungs pa nyid la brten rab tu dben pa nyid la brten/ 'dis chog pa nyid la brten nas phyag dar khrod par 'gyur ro zhes gsungs pa lta bu'o// rnam pa gcig tu na ma chags pas rjes su gnang ba 'tsham par bsten pas 'dod pa'i bsod snyoms kyi rjes su brtson pa'i slub sel la/ sbyangs pa'i yon tan gti mug med pa ni yo byad bsnyungs par 'cham par bsten pas bdag nyid rub pa'i rjes su brtson pa'i slu ba sel te/ de lta bas na sbyangs pa'i chos ni gnyis te/ ma chags pa dang / gti mug med pa yin no// de la 'dod pa chung ba nyid dang / cho ga shes pa nyid dang / rab tu dben pa nyid ni ma chags pa yin no// yo byad bsnyungs pa nyid dang / 'dis chog pa nyid ni gti mug med pa nyid yin no// de la ma chags pas ni spang ba'i gzhi bcu gsum la chags pa sel la/ gti mug med pas ni gzhi de dag nyid la nyes dmigs mi shes pa sel to/ / yang ci spyod ba'i gang zag rnams sbyangs pa'i yon tan sten par dga' zhe na/ 'dod chags spyod pa dang / gti mug spyod pa sbyangs pa'i yon tan sten par dga'i zhe sdang spyod pa ni ma yin no/ / ci'i phyir 'dod chags spyod pa dang / gti mug spyod pa sbyangs pa'i yon tan sten gyi zhe sdang spyod pa'i ma yin zhe na/ sbyangs pa'i yon tan sten pa ni/ bsgrub dka' ba yin pas 'dod chags spyod pa bsgrub dka' ba la brten nas 'dod chags rnam par gnon par 'gyur la/ gti mug spyod pa yang sbyangs pa'i yon tan ston pa yang dag par blangs pa yo byad bsnyungs pa la rten nas rtag tu bag yod par 'gyur zhing bag yod na gti mug rnam par gnon par 'gyur ro// de ltar bas na
- 148b
'dod chags spyong pa dang / gti mag spyod pa sbyangs pa'i yon tan ston par dga'i/ zhe sdang spyod pa ni sgrub dka' na mkhris pa'i nad la drong bag byin pa bzhin du phyir zhe sdang skye bar 'gyur te/ de lta bas na zhe sdang spyad pa na sbyangs pa'i yon tan bsten par dga' ba yin no/ / gzhan dag na re zhe sdang spyod pa ni dgon pa pa nyid dang / shing drung pa nyid dga'o// de ci'i phyir zhen/ dgon pa dang shing drung na gnas na de dag tu mi 'dod pas gtse ba'i nyes pa med pa'i phyir ro zhes zer ro// sbyangs pa'i yan lag na dus kyi mthar thug pa'i bar du zhig ces bya ba ni/ sbyangs pa'i yan lag gsum po shing drung ba nyid dang / bla gab med pa nyid dang dur khrod pa nyid ni zla ba brgyad kyi mthar thug par bya ste/ dbyar ni g.yogs par gnas par bcom ldan 'das kyis gnang ngo / / ci sbyangs pa de nyid sbyangs pa smra ba yang de yin nam zhes bya ba ni sbyangs pa yin la sbyangs pa smra ba yin pa yang yod/ sbyangs pa ma yin la sbyangs pa smra ba yin pa yang yod/ sbyangs pa yin la sbyangs pa smra ba ma yin pa yang yod// sbyangs pa yang ma yin sbyangs pa smra ba yang ma yin pa yang yod do// de la sbyangs pa yang yin sbyangs pa smra ba yang yin pa yang yod ces bya ba ni dgra bcom pa sbyangs pa'i yon tan yang dag par blangs pa dang ldan pa'o// sbyangs pa ma yin/ la sbyangs pa smra ba yin pa yang yod ces bya ba ni dgra bcom pa sbyangs pa'i yon tan yang dag par blangs pa dang ma ldan pa'o// sbyangs pa yin la sbyangs pa smra ba ma yin pa yang yod ces bya ba ni slob pa 'am/ so so'i skye bo sbyangs pa'i yon tan yang dag par blangs pa dang ldan pa'o/ / sbyangs pa yang ma yin sbyangs pa'i yon tan smra ba yang ma yin pa yang yod ces bya ba ni slob pa 'am/ so so'i skye bo sbyangs pa'i yon tan yang dag par blangs pa dang mi ldan pa'o// sbyangs pa'i yon tan gyi mtshan nyid ci yin/ ma nog ni ci yin/ nye bar gnas pa ni ci yin zhe na/ sbyangs pa'i yon tan gyi mtshan nyid ni 'dod pa chung ba nyid do// mnog ni chog shes pa'o// nye bar gnas pa ni yo byad bsnyungs pa'o// rnam pa gcig tu mtshan nyid ni ma 'phags pa'o// /
- 149a
mnog ni nyes dmigs med pa'o/ nye bar gnas pa ni brtson pa mi 'dor ba'o// sbyangs pa'i yon tan gyi thog ma ni gang yin/ bar ma ni gang yin/ tha ma ni gang yin zhe na/ sbyangs pa'i yon tan gyi thog ma ni yang dag par len pa'o// bar ma ni sten pa'o/ tha ma ni rab tu dga' ba'o// rnam par grol ba'i lam las sbyangs pa'i yon tan bstan pa zhes bya ba ste kun nas btus pa gsum pa rdzogs s+ho// rgya gar gyi mkhan po be drA ka ra pra b+ha dang / zhu chen gyi lo ts+tsha ba ba na de dpal brtsegs kyis sgyur cing zhus te gtan la bab pa'o/ / / rgyu gar skad du/ A yu bar+yan ta sU tra/ bod skad du/ tshe'i mtha'i mdo/ dkon mchog gsum la phyag 'tshal lo// 'di skad bdag gis thos pa dus gcig na/ bcom ldan 'das mnyan yod na rgyal/ bu rgyal byed kyi tshal mgon med zas sbyin gyi kun dga' ra ba na bzhugs so// de nas bcom ldan 'das kyis dge slong rnams la bka' stsal pa/ dge slong dag khyed sems can rnams kyi tshe'i mtha' thos par 'dod dam/ bcom ldan 'das de'i dus la bab lags so/ / bde bar gshegs pa de'i dus la bab lags so// bcom ldan 'das sems can rnams kyi tshe'i mtha' bstan pa bcom ldan 'das las thos nas dge slong dag 'dzin par bgyid lags so// dge slong dag de'i phyir legs par rab tu nyon la yid la zung shig dang ngas bshad do/ / dge slong dag dmyal ba rnams kyi tshe'i tshad ni ring na bskal pa gcig ste/ bar ma dor 'chi ba ni yod do// dge slong dag dud 'gro rnams kyi tshe'i tshad ni ring na bskal pa gcig ste/ bar mdor 'chi ba ni yod do/ dge slong dag mi rnams kyi nyin zhag sum cu gang yin pa de yi dgas rnams kyi nyin zhag gcig go nyin zhag de sum bcu la zla ba gcig/ zla ba bcu gnyis la lo gcig ste/ yi dgas rnams kyi tshe'i tshad ni lo de lta bur brtsis pa'i lo lnga brgya thub ste/ de mi'i ltar brtsis na po khri lnga stong yod do// bar ma dor 'chi ba ni yod do// de nas bcom ldan 'das kyis de'i tshe tshigs su bcad de bka' stsal pa/ ji ltar rab tu che ba'i lus 'greng zhing // mchu dang ming skams shin du sdug bsngal ba/
Colophon
rnam par grol ba'i lam las sbyangs pa'i yon tan bstan pa zhes bya ba ste kun nas btus pa gsum pa rdzogs s.ho||rgya gar gyi mkhan po bi dyā ka ra bra bha dang|zhu chen gyi lo ts+tsha ba ban de dpal brtsegs+ kyis sgyur cing zhus te gtan la phab pa'o||