mdo kun las btus pa
Sūtrasamucchayad
Text
ff. 172b–253a · 162 folio sides
- 172b
phyag 'tshal lo// 'khor ba'i 'gro ba mi gnas khyod la phyag 'tshal lo// bsod nams 'di yis thams cad gzigs pa nyid// thob nas nyes pa'i dgra rnams pha ma byas nas// rgan 'chi ba'i dpa' klong 'khrugs pa yi/ srid pa'i mtsho las 'gro ba 'don par shog/ bsgom pa'i rim pa mdo kun las btus pa rdzogs s+ho// @#// mdo kun las btus pa mu thub kyis mdzad pa bzhugs so// rgya gar skad du// sU tra sa muts+tsha yang / bod skad du/ mdo kun la btus pa/ bam po dang po// sangs rgyas dang byang chub sems dpa' thams cad la phyag 'tshal lo// sangs rgyas 'byung ba shin tu rnyed par dka' ste/ sangs rgyas 'byung ba de shin tu rnyed par dka' bar ci mngon zhe na/ mdo ste du ma chad mar gyur pa las shes te/ dam pa'i chos pad+ma dkar po las 'byung ba/ dge slong dag de bzhin gshegs pa dgra bcom pa yang dag par rdzogs pa'i sangs rgyas rnams ni 'byung ba rnyed par dka' ste/ bskal ba bye ba khrag khrig brgya stong phrag mang por yang / 'jig rten du de bzhin gshegs pa mthong yang srid mi mthong yang srid de/ dper na u dum+ba ra'i me tog bzhin no zhes gsungs so// rnam par gtan la dbab pa'i rgyal po'i mdo las 'byung ba/ kun dga' bo 'di lta ste/ u dum+ba ra'i me tog ni sangs rgyas skye ba dang dus gcig tu 'byung ste/ kha dog dang ldan zhing gsal te/ 'od gsal la dri ni dpag tshad gcig khong yug tu khyab par byed do// me tog de ni rab rib med par byed/ dran pa yongs su spyong par byed/ nad kyang rab tu zhi bar byed/ dri nga ba yang sel cing snang bar yang byed/ dri zhim po yang 'byin pas khams bzhi dang bar 'gyur te/ 'khor los sgyur ba'i rgyal po thams cad la yang me tog de mi 'byung na/ sems can
- 173a
tshul khrims 'chal pa rnams la/ sangs rgyas 'byung ba dang mtshungs pa'i me tog ltar 'byung bar ga la 'gyur zhes gsungs so// me tog de ci 'dra/ gang du nam skye zhe na/ rtogs pa brjod pa las 'byung ba/ mtsho chen po ma dros pa gnas pa'i byang phyogs na/ ri rtse lnga pa zhes bya ba de'i pha rol na u dum+ba ra'i tshal yod de/ nam sangs rgyas bcom ldan 'das dga' ldan gyi lha'i ris nas babs te/ yum gyi lhums su zhugs pa de'i tshe/ tshal de kha 'bu bar 'gyur ro// nam yum gyi lhums nas bltam pa de'i tshe/ tshal de kha 'bye bar 'gyur ro// nam bla na med pa yang dag par rdzogs pa'i byang chub mngon par rdzogs par sangs rgyas pa de'i tshe/ tshal de'i me tog kyang rab tu rgyas par 'gyur ro// nam tshe'i 'du byed bor ba de'i tshe tshal de baspangs par 'gyur ro// nam yongs su mya ngan las 'das pa de'i tshe tshal de'i lo ma dang / me tog dang / 'dab ma dang / 'bras bu yang lhags par 'gyur ro// u dum+ba ra'i me tog de'i tshad ni shing rta'i 'phang lo tsam mo nam sangs rgyas bcom ldan 'das rgyal rigs kyi nang du 'byung ba de'i tshe/ me tog de kha dog dkar rab tu 'gyur ro// nam bram ze'i rigs kyis nang du 'byung ba de'i tshe me tog dkar por 'gyur ro// zhes gsungs so// byang chub sems dpa'i sde gnod las kyang / kye rgyal ba'i sras de bzhin gshegs pa ni rnyed par dka' ste/ mchog tu rnyed par dka'o zhes gsungs so// bcom ldan 'das kyi ye shes shin tu rgyas pa'i mdo las/ byang chub sems dpa' rgyal po'i drang srong snyan pa chen pos bstan pa/ grogs po gang de bzhin gshegs pa gag byed pa dang ldan pa'i chos ston pa dag ni brgya la brgya lam na 'jog rten du 'byung ngo zhe'o//
- 173b
zla ba'i snying po'i le'u las kyang bstan te/ sangs rgyas rnams 'jig rten du 'byung ba ni rnyed par dka' ste/ u du m+ba ra'i me tog dper brjod pa dang mtshungs so zhes 'byung ngo // 'phags pa spong po bkod pa'i mdo las kyang / gang dag mthong zhing thos pa dang // bsnyen bkur byas pa don yod pa// 'jig rten 'dren pa 'jig rten na// bskal pa bye bar rnyed par dka'// zhes gsungs so// bskal pa bzang po'i mdo las/ bskal pa bzang po 'di'i 'og tu sangs rgyas med pa'i bskal pa drug cu 'byung ngo // de'i 'og tu bskal pa sman pa chen po zhes bya ba 'byung ste/ bskal pa gcig po de las sangs rgyas khri 'byung ngo // bskal pa sman pa chen po de'i 'og tu sangs rgyas med pa'i bskal pa brgyad khri 'byung ngo // de'i 'og tu bskal pa skar ma lta bu zhes bya ba 'byung ste/ bskal pa de gcig la sang rgyas brgyad khri 'byung ngo // bskal pa skar ma lta bu de'i 'og tu bskal pa sum brgyar sangs rgyas mi 'byung ngo // de'i 'og tu yon tan bkod pa zhes bya ba'i bskal pa 'byung ste/ bskal pa de gcig la sangs rgyas brgyad khri bzhi stong 'byung ngo zhes gsungs so// mi 'gyur ba shin tu rnyed par dka' ste/ 'di lta zhe na/ yang dag par ldan pa'i lung las byung ba/ dge slong dag 'di lta ste dper na sa chen po 'di chu 'ba' zhig tu gyur la/ de'i nang du mi zhig gis shing bu gcig bor te/ de shar gyi rlung gis ni nub phyogs su phul/ nub kyi rlung gis ni shar phyogs su phul/ bung gi rlung gis ni lho phyogs su phul/ lho'i rlung gis ni byang phyogs su phul la/ de na ru sbal zhar ba tshe lo brgya phrag du ma thub pa/ lo brgya phrag du mar 'tsho ba/ lo brgyar 'das shing lan cig steng du byung ba de bu ga gcig pa'i shing der mgrin pa 'jug
- 174a
na dge slong dag 'di ji snyam du sems/ rus sbal zhar ba tshe lo brgya phrag du mthub pa/ lo brgya 'das shing lan cig steng du 'byung ba des/ shing bu ga gcig pa'i shing dor mgrin pa chung dam/ bcom ldan 'das la dge slong dag gis gsol pa/ bcom ldan 'das steso na 'gyur lags so// bde bar gshegs pa stes na 'gyur lags so// rus sbal zhar ba tsha lo brgya phrag du ma thub pa/ tshe lo brgya phrag du mar 'tsho ba/ lo brgya 'das shing lan cig steng du 'byung ba steng du 'byung ba des/ shing bug gcig pa der mgrin pa chud kyang gda'/ mi chud kyang gda'o// bcom ldan 'das kyis bka' stsal pa/ dge/ slong dag de bzhin gshegs pa rnams brtul brgyalam na stes rten du 'byung zhing zhi bar 'gyur ba/ yongs su mya ngan las 'das par 'gyur ba/ rdzogs pa'i byang chub du 'gro bar byed pa/ bde bar gshegs pas rab tu bstan pa'i chos ston to// mir gyur pa yang brgya la brgyal ma na stes na 'thob ste/ shin tu rnyed par dka'o zhes gsungs so// dal ba 'byor pa rnyed par dka' ste/ dal ba 'byor pa rnyed par dka' bar ci mngon zhe na/ mdo sde'i bye brag mang po brjod pa las mthong bas mngon te/ cig la 'phros pa'i lung las 'byung ba/ dge slong dag mi khom pa brgyad po 'di dag ni/ gang zag tshangs par spyod pa las gnas pa'i dus ma yin no// brgyad gang zhe na/ dge slong dag 'di la de bzhin gshegs pa 'jig rten du 'byung ste zhi bar 'gyur ba/ yongs su mya ngan las 'das par 'gyur ba/ rdzogs pa'i byang chub tu 'gro bar byed pa/ bde bar gshegs pas rab tu bstan pa'i chos kyang ston na/ gang zag de sems can dmyal bar skyes pa yin te/ de ni gang zag tshangs par spyod pa'i dus//
- 174b
ma yin pa mi khom pa dang po'o// de bzhin du dud 'gro'i skye gnas dang / gshin rje'i 'jig rten dang / lha tshe ring po dang mtha' 'khob kyi mi dang / rku 'phrog byed pa dang / kla klo dang / brnab sems can dang / gnod sems can gang du/ dge slong dang / dge slong mo dang / dge bsnyen ma 'ong ba'i nang du skyes pa yin no// 'jig rten 'dir de bzhin gshegs pa 'byung ste chos kyang ston la/ gang zag de dbus kyi mi'i nang du yang skyes na/ de glen zhing lug ltar lkug pa la lag brda byed cing / legs par sbas pa dang / zhes par sbas pa'i don go ba'i mthu med pa yin no// de bzhin gshegs pa 'jig rten 'dir 'byung ste/ chos kyang ston la/ gang zag de dbus kyi mi'i nang du yang skyes shing de glen pa ma yin la/ lug ltar lkug pa ma yin pa nas/ don go ba'i mthu yod pa'i bar du yang 'gyur na/ de log par lta zhing phyin ci log tu mthong ste/ de 'di ltar byin pa yang med/ sbyin sreg byas pa yang med/ legs par byas pa dang / zhes par byas pa'i las kyi 'bras bu rnam par smin pa yang med/ 'jig rten 'di yang med/ 'jig rten pha rol yang med pa yang med/ ma yang med/ 'jig rten na dge sbyong dang / bram ze yang dag par song ba dang / yang dag par zhugs pa dang / dgra bcom pa 'jig rten rig pa gang rang gi mngon par shes pas 'jig rten 'di dang 'jig rten pha rol mngon sum du bya ste/ khong du chud par byed pa yang med par lta ba yin no// gang zag de dbus kyi mi rnams kyi nang du skye ste/ glen pa ma yin pa nas legs par smras pa dang / zhenyes par smras pa rnams kyi don go ba'i mthu yod pa'i bar du 'gyur la/ de yang dag par lta zhing phyin ci log tu mthong bar ma gyur te/ de 'di ltar sbyin pa nas
- 175a
yod pa nas mngon sum du byas te khong du chud par byed pa yang yod pa'i bar du lta na/ de bzhin gshegs pa 'jig rten du ma byung ste zhi bar 'gyur ba/ yongs su mya ngan las 'das par 'gyur ba/ rdzogs pa'i byang chub tu 'gro bar byed pa/ bde bar gshegs pas rab tu bstan pa'i chos mi ston pa yin no// gang zag tshangs par spyod pa la gnas pa'i dus ni gcig ste/ de bzhin gshegs pa 'jig rten 'dir byung la/ chos kyang ston te/ tshangs par spyod pa/ thog mar dge ba bar du dge ba/ ba mang dge ba/ don bzang po// tshig 'bru bzang po/ ma 'dres pa/ yongs su rdzogs pa/ yongs su dag pa/ yongs su byang ba/ yang dag par rab tu ston pa/ gang zag de yang dbus kyi mi'i nang du skyes te/ de glen pa ma yin zhing lug ltar lkug pa ma yin pa nas/ legs par smras pa dang / zhes par smras pa'i don go'i mthu yod pa'i bar du gyur la/ de yang dag par lta zhing ma log par mthong ste/ de 'di ltar sbyin pa yang yod/ mchod sbyin yang yod/ sbyin sreg byas pa yang yod/ legs par byas pa dang / nyes par byas pa'i las kyi 'bras bu rnam par smin pa yang yod/ 'jig rten 'di yang yod/ 'jig rten pha rol yang yod/ pha yang yod/ ma yang yod/ 'jig rten na dge sbyong dang / bram ze yang dag par sbyong ba dang / yang dag par zhugs pa dang / dgra bcom pa 'jig rten rig pa rang gi mngon par shes pas 'jig rten 'di dang / 'jig rten pha rol mngon sum du byas te/ khong du chud pa byed pa yang yod par lta'o// zhes gsungs so// zla ba'i snying po'i le'u las kyang / grogs po dag dal ba 'byor pa rnyed par dka' ste spos kyi shing dus kyi rjes su 'brang ba dper brjod pa bzhin no//
- 175b
zhes gsungs so// yang de nyid las 'byung ba/ de la rnam par dag pa mnyam pa nyid gang zhe na/ rnam par dag pa zhes bya ba ni mir skyes pa thob pa ste/ gang yon tan bcu yongs su rdzogs pa'i mir 'gyur ba 'thob pa'o// bcu gang zhe na/ rigs dma' ba spangs pa dang / mi blun pa dang / mi glen pa dang / dbang po ma nyams pa dang / phor skyes pa dang gzugs bzang ba dang / mi dbul ba dang / mi brnyas pa dang / tshig snyan pa dang / skye bo mang pos lta ba'o zhes gsusang so// de bzhin gshegs pa'i bstan pa la/ dad pa rnyed par dka' ste/ dad pa ji lta bu zhe na/ de bzhin gshegs pa'i gsang ba'i mdo las 'byung ba/ grogs po dag 'di la rigs kyi bu'am/ rigs kyi bu mos/ lhag pa'i bsam pas bla na med pa yang dag par rdzogs pa'i byang chub tu sems bskyed de dad pa yin/ dang ba mang zhing 'phags pa rnams la lta 'dod pa dang dam pa'i chos mnyan par 'dod pa dang / ser sna med cing lkug par gtong ba dang / lag brkyang ste gtong ba la dga' ba dang / mchod sbyin byed pa'i ngang can dang / gtong ba phun sum chags pa dang / sbyin pa 'gyed pa la dga' ba dang / khong khro ba med pa'i sems dang ldan pa dang / rnyog pa med pa'i sems dang ldan pa dang / las dang las kyi rnam par smin pa la yid ches pa dang / mos pa dang / rtogs pa dang / somani med pa la the tshom mi za zhing yid gnyis mi za ba yin te/ de dkar po dang / nag po'i las rnams kyi rnam par smin pa chud mi za bar rig nas/ srog gi phyir yang mi byed do zhes gsungs so// yang de nyid las 'byung ba/ dad pa gang zhe na dad pa gang gis 'phags pa'i drung du nye bar 'gro ba dang / bya ba ma yin pa mi byed pa'o// zhes gsung so// /
- 176a
yid gnyis yang dag par 'joms pa'i mdo las kyang / dad pa ni dge ba'i chos thams cad kyi sngon du 'gro ba ste/ de la dad pa gang gis dad par 'gyur ba gang zhe na/ 'di ltar de bzhin gshegs pa sgrib pa med pa'i ye shes mthong ba dang ldan te/ des chos bshad pa ni mthong bar dka' ba/ shes par bya dga' ba/ zab pa rku ba chad pa ste/ de la mig kyang med mig 'gag pa yang med/ rna ba yang med/ sna yang med/ lce yang med/ lus kyang med/ yid kyang med/ yid 'gag pa yang med/ gnas pa yang med/ mi gnas pa yang med/ grags pa yang med/ ma grags pa yang med/ yan lag drug bcu dang ldan pa'i dbyangs kyis zin pa'i tshig dang / yi ge dang / dge gi las yongs su dag pa dang / sems rnam par dang ba dang / lus yongs su byang ba dang / kha dog sa tshogs ston pas de bzhin gshegs pa la mi mkhyen pa 'am mi gzigs pa 'am/ ma gsan pa 'am/ mngon sum du ma mdzad pa'am/ mngon par rdzogs par sangs ma rgyas pa med do// de bzhin gshegs pa de ldan grangs su dag na/ can nas spyan dang ldan pa/ 'dod chags dang thal ba/ zhesang blangs pa/ sred pa med par gyur pa gdamug legs par bcom pa/ sha'i smad dpag du zad pa/ gtsug skar mi snang bar mngon par 'phags pa sgra dbyangs zab pa/ don dam pa son pa/ sangs rgyas kyi chos thams cad kyis bla na med par gyur pa ste/ gang 'di lta bu'i sangs rgyas kyi chos de dag la rtag pa dang / med ches pa dang / me spong ba de ni dad pa'o// zhes gsungs so// dad pa'i stobs bskyed pa'i mad las 'byung ba/ 'jam dpal de la dad po'i stobs gang zhe na/ dngapa
- 176b
gang gis sangs rgyas kyi chos thams cad la mngon par dad pa dang / mos pa dang / yid ches pa dang / the tshom mi za zhing / nem nur med pa ni dad pa'o// las dang las kyi rnam par smin pa la dad pa'o// rnyog pa med pa ni sems la dad pa'o// chos thams cad stong pa nyid dang / mtshan ma med pa dang / smon pa med pa dang / mngon par 'du mi byed pa la dad pa'o// sbyin pa dang / sbyin pa'i 'bras bu dang / tshul khrims dang / tshul khrims kyi 'bras bu dang / bzod pa dang / bzod pa'i 'bras bu dang / brtson 'grus dang / brtson 'grus kyi 'bras bu dang / bsam gtan dang / bsam gtan gyi 'bras bu dang / shes rab dang / shes rab kyi 'bras bu la dad pa'o zhes gsungs so// yang de nyid las 'byung ba/ dad pa'i mtshan nyid ni dad pa'o// gang theg pa chen po la mos pa 'di ni dad pa'i stobs shes bya'o// gang chags pa med pa khong du chud pa/ dad pa'i dbang po dang / dad pa'i stobs 'di ni dad pa zhes bya'o// gzhan yang dad pa'i stobs ni dad pa gang gis gzhan gyis sprul dad pa ste/ byang chub sems dpa'i gzhan gyis sgra de gang zhe na/ gang gzhan las byang chub kyi sems yang dag par 'dzin tu 'jug pa thos pa'o// gzhan las byang chub sems dpa'i spyod pa dang / byang chub kyi sems dang / bsam pa sbyor ba dang / pha rol tu phyin pa dang / thabs la mkhas pa dang / bsdu ba'i dngos po dang / sangs rgyas kyi chos dang / byang chub sems dpa'i chos thos pa ste/ gzhan gyi sgra thos nas mngon par dad pa 'di ni dad pa zhes bya'o// zhes gsungs so// byang chub sems dpa'i sde snod las kyang / shA ri'i bu 'di la byang chub sems dpas lhag pa'i bsam/
- 177a
pas byang chub tu sems bskyed nas dad pa yin te/ dang ba mang ba dang / 'phags pa rnams la lta 'dod pa dang / dam pa'i chos nyan par 'dod pa yin no// de las dang las kyi rnam par smin pa la mngon par yid ches so// de mi dge ba bcu'i las kyi lam spong zhing dge ba bcu'i las kyi lam yang dag par gzung nas gnas so// dad pa can de dag dge sbyong dang bram ze yang dag par song ba dang mang du thos pa dang thos pa la brtson pa dang tshul bzhin yid la byed pa rab tu brtson pa dang the tshom las brgal ba dang yang 'byung ba zad pa dang rdzogs pa'i sangs rgyas dang byang chub sems dpa' dang sangs rgyas kyi nyan thos de dag dge ba'i bshes gzhan yin par shes nas/ yid ches shing bsten de gnyis par byed do// dge ba'i bshes gnyen de dag kyang de la las dang las kyi rnam par smin pa ston to// snod du rig nas zab mo'i gtam 'di lta ste/ stong pa nyid dang mtshan ma med pa dang / smon pa med pa dang / mngon par 'du mi byed pa dang / ma skyes pa dang / ma byung ba'i gtam dang / bdag med pa dang / sems can med pa dang / srog med pa dang / gang zag med pa'i gtam dang / rten cing 'brel par 'byung ba'i gtam brjod de/ thos nas kyang the tshom mi za zhing chos thams cad la chags pa med par 'jug/ phung po dang / khams dang / skye mched la yang mi chags/ chos thams cad rang bzhin gyis stong par yang yid ches te/ sangs rgyas kyi ye shes tshol zhing bag yod pa la gzhol ba yin no// bag yod pa gang zhe na/ gang dbang po sdom pa dang / rang gi sems 'dul ba dang / gzhan gyi sems bsrung ba'o// zhes gsungs so// zla ba'i snying po'i le'u las dkon mchog gsum la sems rnams dad cing
- 177b
dang ba ni dkon te/ dper na yid bzhin gyi nor bu rin po che dper brjod pa bzhin no// zhes gsungs so// klu'i rgyal po rgya mtshom zhus pa las kyang / klu'i bdag po byang chub sems dpa' chos lnga dang ldan pa dag ni dad pa can yin te/ lnga gang zhe na/ mos pa'i stobs dang / las kyi rnam par smin pa la 'jug pa'i stobs dang / byang chub kyi sems mi 'dor ba'i stobs dang / yi dam la brtan// pa'i stobs dang / mi dge ba'i chos thams cad spangs te/ nyes par byas pa thams cad bzod pa'i stobs dang ldan pa'o zhes gsungs so// de bzhin gshegs pa'i yon tan dang ye shes bsam gyis/ mi khyab pa'i yul la 'jug pa bstan pa'i mdo las kyang / 'phags pa byang chub sems dpa' sems dpa' chen po sgrib pa thams cad rnam par sel bas smras pa/ 'jam dpal chos lnga po 'di dag la mos na byang chub sems dpa' sems dpa' chen po yon tan gyi bye brag 'di dag dang gzhan grangs med pa yang thob par 'gyur ro// lnga gang zhe na/ chos thams cad gnyen po med pa dang / ma skyes pa dang / ma 'gags pa dang / brjod du med par mos pa dang / lhun gyis grub cing rnam par mi rtog pa de bzhin gshegs pa'i spyod pa dang / spyod lam dang bya ba dang / 'jug pa dang / gnas dzam+bu'i gling gi rdul phra rab kyi rdul bas kyang ches lhag pa rnams sems can gyi bsam pa'i dbang gis skad cig la rtag tu 'jug par mos pa dang / seng+ge mdangs bzangs kyi rtog pa brjod pa las/ gang sems can yongs su smin par byas pa/ de bskal pa gang+gA'i klung gi bye ma snyed nas bcom ldan 'das shAkya thub pa mngon par sangs rgyas nas bstan par mos pa dang / mar me mdzad nas bzung ste/ mngon par
- 178a
rdzogs par byang chub pa de'i bar du bcom ldan 'das shAkya thub pa'i byang chub sems dpa'i spyod pa gang yin pa de sangs rgyas kyi yul gyi bskal pa mu med pa nas/ mngon par rdzogs par sangs rgyas nas/ bstan pa mos pa dang / gang shAkya bsad pa bstan pas sems can yongs su smin par byas pa de yang / bcom ldan 'das shAkya thub pas sangs rgyas kyi yul gyi bskal pa mu med pa nas mngon par rdzogs par sangs rgyas nas bstan par mos pa'o zhes gsungs so// 'di dag pas kyang gang dag byang chub tu sems bskyed pa'i sems can de dag rnyed par dka' ste/ byang chub tu sems bskyed pa rnyed par dka' bar ci mngon zhe na/ mdo mang po las thos te/ sdong po bkod pa'i mdo las 'byung ba/ gang dag 'jig rten na bla na med pa yang dag par rdzogs pa'i byang chub tu sems bskyed pa'i sems can de dag ni shin du rnyed par dka'o// byang chub kyi sems ni sangs rgyas kyi chos thams cad kyi sa bon lta bu yin no// 'gro ba thams cad kyi ches dkar po rnam par 'phel bar byed pa/ zhing lta bu'o// nyes pa byas pa thams cad bsreg pas bskal pa'i me lta bu'o// mi dge ba'i chos thams cad zad par byed pa'i phyir sa 'og lta bu'o// don thams cad yongs su bsgrubs pas yid bzhin gyi nor bu'i rgyal po lta bu'o// bsam pa thams cad yongs su rdzogs par byed pas bum pa bzang po lta bu'o// 'khor ba'i tshul rgyu ba 'dod pas lcags kyu lta bu'o// lha dang mi dang lha ma yin dang bcas pa'i 'jig rten la mchod rten lta bu ste/ mdor na sangs rgyas kyi chos thams cad dang / sangs rgyas kyi yon tan thams cad ji snyed yod pa/ byang chub kyi sems kyi yon tan/ phan yon yang de snyed
- 178b
yod do// de ci'i phyir zhe na/ byang chub sems dpa'i spyod pa'i dkyil 'khor thams cad kyang 'di las byung ba ste/ 'das pa dang / ma 'ongs pa dang / da ltar byung ba'i de bzhin gshegs pa thams cad kyang 'di las skyes so// rigs kyi bu dper na/ dngul chu'i rigs gser du snang ba zhes bya ba yod de/ de ni srang gcig gis kyang lcags srang stong gser du 'gyur ro// dngul chu srang gcig pa de ni lcags srang stong po des zad par bya ba 'am/ lcags su bsgyur bar mi nus so// de bzhin du thams cad mkhyen pa nyid du sems bskyed pa'i dngul chu'i khams dge ba'i rtsa ba yongs su bsngos pa'i ye shes kyis bzung ba ni/ las dang nyon mongs pa'i sgrib pa'i lcags thams cad zad par byas te/ chos thams cad thams cad mkhyen pa nyid kyi kha dog tu byed kyang / thams cad mkhyen pa nyid du sems bskyed pa'i ro'i khams gcig po de ni las dang nyon mongs pa'i lcags thams cad kyis kyang kun nas nyon mongs par bya ba 'am/ zad par mi nus so// rigs kyi bu 'di lta ste/ dper na sgron ma gcig khyim khang bu ji lta bu yang rung ste/ der phyung na de phyung ma thag tu lo brgya stong du bsags bsags pa'i mun pa mun nag kyang sel cing snang bar byed do// de bzhin du thams cad mkhyen pa nyid du sems bskyed pa'i sgron ma gcig sems kyi bsam pa'i khyim thibs po ma rigs pa'i mun pa mun nag dang ldan pa ji lta bu yang rung ba der phyung na/ de phyung ma thag tu bskal pa brjod du med pa brgya stong nas bsags pa'i las dang nyon mongs pa'i sgrib pa'i mun pa mun nag kyang sel cing ye shes kyi snang ba yang bskyed do// rigs kyi bu 'di lta ste/ dper na nor bu rin po che yid bzhin gyi rgyal po'i cod pa na thogs pa'i klu'i rgyal po chen po rnams
- 179a
la gzhan gyis gnod pa bya ba'i 'jigs pa med do// de bzhin du byang chub kyi sems snying rje chen po'i nor bu rin po che yid bzhin gyi rgyal po'i cod pan thogs pa'i byang chub sems dpa' rnams la ngan song dang ngan 'gros gnod par bya ba'i 'jigs pa med do// rigs kyi bu 'di lta ste/ dper na zla ba dang nyi ma'i dkyil 'khor gyi 'od kyis ji tsam snang bar byas pa de'i bar gyi gang nor dang / 'bru dang / rin bo che dang / gser dang / dngul dang / me tog dang / dri dang / phreng ba dang / byug pa dang / gos dang / longs spyod gang ji snyed pa de dag thams cad kyis nor bu rin po che chen po dbang gi rgyal po'i rin du mi tshig go/ de bzhin du ji srid du dus gsum la thams cad mkhyen pa'i ye shes chos kyi dbyings kyi yul snang bar mdzad pa de srid du/ lha dang mi thams cad dang / nyan thos dang / rang sangs rgyas thams cad kyi dge ba'i rtsa ba zag dang bcas pa dang / zag pa med pa'i gang ji snyed pa de dag thams cad kyis kyang / byang chub tu sems bskyed pa'i nor bu rin po che chen po'i dbang gis rgyal po'i rin du mi tshig go/ rigs kyi bu 'di lta ste/ dper na rgya mtsho chen po ba dang / ma he dang ra'i 'o mas yongs su gang ba'i nang du seng ge'i 'o ma thigs pa gcig blugs pas 'o ma de dag thams cad 'gyes par 'gyur te/ 'dur mi btub po// de bzhin du bskal pa brjod du med pa brgya stong du bsags pa'i las la nyon mongs pa kun gyi 'o ma'i rgya mtshor yang de bzhin gshegs pa skyes bu'i seng ge chen po'i thams cad mkhyen pa nyid du sems bskyed pa'i 'o ma'i thigs pa gcig blugs pas de thams cad ma lus pa zad par 'gyur te/ rang sangs rgyas thams cad kyi rnam par thar pa rnams kyang mi
- 179b
gnas mi 'du'o// rigs kyi bu 'di lta ste/ dper na dpa' bo la brten pa'i mi ni dgra thams cad kyis mi 'jigs so// de bzhin du byang chub sems dpa' thams cad mkhyen pa nyid du sems bskyed pa dpa'o la brten pa yang spyod pa ngan pa'i dgra thams cad kyis mi 'jigs so// rigs kyi bu 'di lta ste/ dper na rdo rje rin po che chen po ni chags kyang / thams cad las khyad par du 'phags pa'i gser gyi rgyan zil gyis gnon to// de bzhin du thams cad mkhyen pa nyid du sems bskyed pa rdo rje rin po che bsam pa log par zhugs pas chag par gyur kyang nyan thos dang rang sangs rgyas kyi yon tan gyi gser gyi rgyan zil gyis gnon cing byang chub sems dpa'i ming yang ma 'dor te/ 'khor ba'i dbul ba thams cad kyang rnam par bzlog go/ zhes de skad gsungs pa lta bu'o// gsal rgyal gyis zhus pa las kyang rgyal po chen po khyod dam pa'i chos kho na 'tshal ba dang / rgyal po chen po khyod ji lta bur yul ko sa la'i mi rnams kyi don dang / phan pa dang bde ba'i phyir zhugs pa de bzhin du 'jig rten thams cad kyi don dang // phan pa dang / bde ba dang / bskal pa dang / dgrol ba/ dbugs dbyung ba dang / yongs su mya ngan las 'da' ba'i phyir zhugs shing / khyod thams cad mkhyen pa thob par bya ba dang / sangs rgyas kyi chos thams cad yongs su rdzogs par bya ba'i phyir/ bla na med pa yang dag par rdzogs pa'i byang chub tu zhugs pa rgyal po chen po khyod legs so legs so// yang rgyal po chen po rgyal bu rgyal byed kyi tshal 'di na lha brgya stong du ma lus mi snang bar byas te gnas nas nga la bsnyen bkur byed pa yod do// de dag kyang rgyal po chen po khyod gang yang dag par rdzogs pa'i byang chub tu mos pa dang /
- 180a
dad pa dang / tshol ba dang / smon pa la bsngags pa'o// bstod do rjes su yi rang ngo // rgyal po chen po de dag shin tu dga' ba bskyed te/ mos pa skyes te/ yid dang mthun par gyur to// de ci'i phyir zhe na/ 'di ltar rgyal po chen po su byang chub la 'dun pa bskyed pa dang / dad pa dang / 'dod pa dang / smon pa bskyed pa de sangs rgyas brgya phrag du ma dang / chos kyi 'khor lo bskor ba brgya phrag du ma dang / 'phags pa'i dge 'dun gyi rgyun brgya phrag du ma dang / sangs rgyas bye ba khrag khrig brgya stong phrag du ma nas gang gA'i klung gi bye ma bas kyang mang ba'i bar gyi sangs rgyas 'byung ba dang / chos kyi 'khor lo bskor ba dang // 'phags pa'i dge 'dun rgyun medapar 'byung ba dang / slu bar bya ba'i phyir zhugs pa yin no zhes gsungs so// rab tu zhi ba rnam par nges pa'i tshe 'phrul gyi mdo las kyang / nam byang chub sems dpa' thams cad mkhyen pa nyid kyi sems dang mi 'bral zhing / nyan thos dang / rang sangs rgyas kyi sems kyi skabs mi byed pa dang / sems gzhan yid la mi byed pa thams cad mkhyen pa nyid la dmigs pa'i sems kyi nyon mongs pa thams cad kyi skabs ma 'byed cing / pha rol tu phyin pa drug mi 'dor la/ sems can thams cad la byams pa chen po dang / snying rje chen po dang ldan zhing thams cad mkhyen pa nyid kyi sems yid la byed pas gnas pa 'di ni byang chub sems dpa'i sems kyi rgyun no zhes gsungs so// 'phags pa ma skyes dgra'i le'u las kyang / 'pha/ 'od srungs chen pos smras pa 'jam dpal dper nas ske'i khrug gu 'brangs nas ring po me lon pa stobs dang rtsal ma rdzogs kyang / gang nas gang du seng ge'i phrug gu'i dri rjes khyer ba de dang de
- 180b
logs su ri dgas kyi tshigase dag gis mi bzod nas 'grus so// brang po che gang dag 'brang ba srabs dam por bcings pa de dag kyang sang+ge'i prA gu de'i dri tsho na spangs cing 'jogs nas bcings pa'i 'breng pa de dag kyang bcad de/ gang dga' bar 'bras so// r-i sul na gnas pa ni ra~M sul du/ lung na gnas pa ni lung du/ chur gnas pa ni nur 'jug go/ byan nam mkha' la phur ro// 'jam dpal de bzhin du byang chub sems dpa' shes rab kyi stobs bskyed pa ma rdzogs kyang / sems bskyed ma thag tu nyan thos dang rang sangs rgyas thams cad zil gyis mnon te bdud thams cad kyang rang gi gnas nas sngangs sgra ga cing rang gi gnas na mi dga'o zhes gsungs so// rin po che phung po'i mdo la saM kyang / kun dga' bo 'di ji snyam du sems mi rkang lag bcad na 'tsho 'am/ gsol pa bcom ldan 'das 'chi'o// bcom ldan 'das kyis bka' stsal pa/ ji skar snying byud na 'tsha'am/ gsol pa bcom ldan 'das de ni me 'cha'o/ bcom ldan 'das kyis bka' stsal pa/ kun dga' bo lag pa dang rkang pa lta bur ni nga'i shA ri'i bu dang / maud+gal gyi bur lta'o// snying lta bu ni byang chub sems dpa' rnams lta'o// kun dga' bo gal te byang chub sems dpa' shing rta'i nang du zhugs te/ 'dod pa'i yon tan lngas rtse dga' zhing dga' dgur spyod la/ de'i shing rta 'dren pa gzhan med na/ kun dga' bo byang chub sems dpa' de'i shing rta ni de bzhin gshegs pa'i dbul yang bskur ro// gal te gnas brtan shA ri'i bu dang morgal gyi bu rnam par thar pa'i sgo gsum la bskal pa'am bskal pa las lhag par gnas kyang de la de bzhin gshegs pa rim gro dang g.yog bya bar brtson par mi mdzad do zhes gsungs so//
- 181a
'od srungs kyi le'u las kyang / 'od srungs 'di lta ste/ dper na zla ba'i dkyil 'khor btang ste/ su yang skar ma'i gzugs la nam yang phyag mi 'tshal lo// 'od srungs de bzhin du mkhas pa rnams kyang de'i bslab pa la zhugs pa'i byang chub sems dpa' btang ste/ nyan thos la nam yang phyag mi 'tshal lo// 'od srungs dper na zla ba chos pa la phyag bya ba de ltar zla ba nye ba la ma yin no// 'od srungs de bzhin du gang dag gang ngal rab tu dang pa de dag gis byang chub sems dpa' rnams la phyag bya'i/ de bzhin gshegs pa rnams la ni ma yin no// de ci'i phyir zhe na/ byang chub sems dpa' las ni de bzhin gshegs pa rnams skye'o// de bzhin gshegs pa dag las ni nyan thos dang / rang sangs rgyas thams cad skye'o// zhes gsungs so// yab sras mjal ba'i mdo las kyang / dge slong dag thams cad mkhyen pa nyid dang ldan pa'i sems bskyed pa'i yon tan gyi tshogs ni/ de bzhin gshegs pa gang+gA'i klung gi bye ma snyed kyis bskal pa gang+gA'i klung gi bye ma sed du brjod kyang brjod par mi nus so// de ci'i phyir zhe na/ de bzhin gshegs pa sngon byang chub sems dpa'i spyad pa spyod pa na sems can ji snyed tsam sems can du bsdu bar bsdus pa'i sems can de dag thams cad la phan pa dang mi ldan pa'i sems cig kyang ma skyes so// sems can gyi khams tshad med de/ sems can gyi khams ji snyed pa de bzhin gshegs pa byang chub sems dpa'i spyad pa spyod pa na sems bskyed pa re re las bsod nams kyi phung po do snyed skye'o// de ci'i phyir zhe na/ dge slong dag sems can gyi khams ni mi zad pa ste/ ji ltar sems can gyi khams mi zad pa
- 181b
de bzhin du de bzhin gshegs pa byang chub sems dpa'i spyad pa spyod pa na/ sems bskyed pa re re las kyang bsod nams kyi phung po mi zad par skye'o// zhes gsungs so// de bzhin gshegs pa'i gsang ba'i mdo las kyang byang chub sems dpa' rnams kyi byang chub kyi sems kyi tshogs ni/ dkon mchog gsum gyi rigs mi chad par 'gyur ro// zhes gsungs so// yang de nyid las 'byung ba byang chub sems kyi bsod nams gang // de la gal te gzugs mchis na// nam mkha'i khams ni kun gang ste// de ni de bas lhag par 'gyur// sems can kun gyi bsod nams kyi// phung po ji snyed yongs bzung ba// de snyed byang chub sems dpa' yi// byang chub sems las rab tu 'byung // zhes gsungs so// chos yang dag par sdud pa'i mdo las kyang / byang chub sems dpa' byang chub kyi sems las chos thams cad khong du chud par rig par bya'o// chos thams cad ni chos kyi dbyings dang mnyam ste/ shes bya tsam du zad pa'i dang ye shes stong pa'i phyir/ chos thams cad glo bur du 'byung ba/ gnas pa ma yin pa/ yongs su shes par bya ba ma yin pa ste/ sems can dag kyang 'di lta bu'i chos nyid 'di rtogs par bya'o snyam du byang chub sems dpa'i sems bskyed pa gang yin pa 'di ni/ byang chub sems dpa'i byang chub kyi sems zhes bya ste/ sems can thams cad la phan pa dang bde ba'i sems so// bla na med pa'i sems so// byams pas brlan pa'i sems so// snying rjes yongs su mi skyo ba'i sems so// dga' ba chen pos 'gyod pa med pa'i sems so// btang snyoms kyis dri ma med pa'i sems so// stong pa nyid
- 182a
kyis mi 'gyur ba'i sems so// mtshan ma med pas dmigs pa med pa'i sems so// smon pa med pas gnas pa med pa'i sems so// zhes gsungs so// thams cad mkhyen pa nyid du yongs su bsngos pa'i dge ba'i rtsa ba chung ngu yang byang chub kyi snying po la ma 'dug gi bar du/ bar ma dor zad par mi 'gyur te/ 'phags pa blo gros mi zad pas bstan pa'i mdo las 'byung ba btsun pa shA ra dwa ti'i bu dper na rgya mtsho chen por chu thigs pa gcig lhung ba ni/ bskal pa chen po ma byung gi bar du zad cing bskams par mi 'gyur ro// de bzhin du byang chub tu yongs su bsngos pa'i dge ba'i rtsa ba yang byang chub kyi snying po la ma 'dug gi bar du/ bar ma dor zad cing med par mi 'gyur ro// zhes gsungs so// thabs la mkhas pa'i mdo las kyang / byang chub sems dpa' thabs la mkhas pa gal te brgya la dbul por gyur na/ de tha na kha zas gzar bu gang zhig sbyin na yang 'di ltar slob ste/ bcom ldan 'das kyis kyang sems ni rgya che'i sbyin pa ni mi che'o zhes gsungs pas na bdag ni sbyin par bya ba'i chos yongs su btang ba chung mod kyi/ thams cad mkhyen pa'i sems kyis tshad med par 'gyur ro snyam du sems so// zhes gsungs so// bskal pa bzang po'i mdo las kyang / de bzhin gshesag pa skar ma'i rgyal po ba lang rdzir gyur pa na/ de bzhin gshegs pa sgra byin zhes bya ba de las so rtsi'i 'dab ma phul te/ dang po byang chub tu sems bskyed do// de bzhin gshegs pa grags pa tha ga par gyur pa na/ de bzhin gshegs pa glog gi sgron ma zhes bya ba de la ras kyi kha tshar gcig phul te/ dang po byang chub tu sems bskyed do// de bzhin gshegs pa 'od 'phro can grong gi sprang por
- 182b
gyur pa na/ de bzhin gshegs pa 'od mtha' yas de la rtswa'i me sgron bul te/ dang po byang chub tu sems bskyed do// de bzhin gshegs pa gdul dka' shing thun du gyur pa na de bzhin gshegs pa rnam par gnon pa bstan pa zhes bya ba de la so shing phul te/ dang po byang chub tu sems bskyed do// de bzhin gshegs pa yon tan gyi rgyal mtshan chu sbyin pa'i bdag por gyur pa na de bzhin gshegs pa 'jam dpal grags zhes bya ba de la chu phor pa gang phul te/ dang po byang chub tu sems bskyed do// de bzhin gshegs pa stobs kyi sde sman pa'i rgyal por gyur pa na/ de bzhin gshegs pa phyag chen zhes bya ba de la s+phu ru ra gcig phul te/ dang po byang chub tu sems bskyed do// zhes gsungs so// yang rin po che'i phung po'i mdo las/ dgra bcom pa'i 'bras bu 'dod pa'i mi gang la la zhig gis/ nor bu rin po che dag gis 'jig rten gyi khams mtha' yas pa bkang ste/ sbyin pa byin pa bas/ byang chub sems dpa' gang nye bar mi 'gro bas/ rgyu'i bar du yang mi bzod do zhes gsungs so// byang chub sems dpa' thams cad mkhyen par yongs su bsngos pas sbyin pa de ji ltar zil gyis gnon ce na/ shes rab kyi pha rol tu phyin pa las 'byung ba/ shA ri'i bu 'di la byang chub sems dpa' sems dpa' chen po rjes su yi rang ba dang ldan pa'i sems bskyed pa gcig gis/ nyan thos dang rang sangs rgyas kyi sbyin pa dang tshul khrims dang / bzod pa dang / brtson 'grus dang / bsam gtan dang / shes rab rnams zil gyi gnon par 'dod pas/ shes rab kyi pha rol tu phyin pa la bslab par bya'o// zhes gsungs so// sems can rnams la snying
- 183a
rje che ba ni rnyed par dka' ste/ sems can rnams la snying rje che ba rnyed par dka' bar ci mngon zhe na/ mdo sde mang po las thos pa'i phyir te/ zla ba'i snying po'i le'u las 'byung ba grogs po dag sems can rnams la snying rje ba dang / snying brtse ba ni rnyed par dka' ste/ dgra dpa' bo lag na rdo rje thogs// shing drag tu 'bebs pa'i nang nas sgrol ba bzhin no zhes gsungs so// byang chub sems dpa'i sde snod kyi mdo las 'byung ba/ 'di la byang chub sems dpa'i byang chub tu mngon par mos pa'i sngon du 'gro ba ni snying rje chen po yin no// dper na mi'i srog gi dbang po'i sngon du 'gro ba ni dbugs 'byin pa dang rngub pa'o// de bzhin du byang chub sems dpa'i theg pa chen po yang dag par bslab pa'i sngon du 'gro ba ni snying rje chen po'o// dper na 'khor las sbyar ba'i rgyal po'i rin po che thams cad kyi sngon du 'gro ba ni 'khor lo rin po che'o// de bzhin du byang chub sems dpa'i snying rje chen po yang sangs rgyas kyi chos thams cad kyi sngon du 'gro ba'o zhes gsungs so// yang de nyid las bdag gi 'khrul pa la so sor rtog cing / gzhan gyi 'khrul pa snying rje ba'o zhes kyang gsungs so// khyim bdag dpas byin gyis zhus pa las kyang / khyim bdag rnams 'di la byang chub sems dpa' byang chub mngon par rdzogs par 'tshang rgya bar 'dod pas/ sems can thams cad la snying rje chen po'i sems bskyed de lus dang srog la ma chags par bya'o// nor dang / 'bru dang / khyim dang // chung ma dang / bu pho dang / bu mo dang / zas dang / skom dang / gos dang / bzhon pa dang / mal cha dang / bdug pa dang / spos dang / phreng ba dang / byug pa dang / yo byad thams cad la ma
- 183b
chags par bya'o// de ci'i phyir zhe na/ khyim bdag rnams sems can dag ni phal cher ni lus dang srog la sogs pa la chags te/ sdig pa'i las byas pas ngan 'gro rnams su skyes la/ sems can rnams la snying rje chen po'i sems bskyed nas/ lus dang srog la ma chags par bde 'gror skye ste/ des sems can thams cad yid la byas la/ sbyin pa la sogs pa dge ba'i chos thams cad la brtson par bya'o zhes gsung/ so// byang chub sems dpa' rnams ni snying rje'i bdag nyid can yin te/ ji lta zhe na/ 'phags pa dkon mchog sprin gyi mdo las 'byung ba/ rigs kyi bu chos bcu dang ldan na/ byang chub sems dpa' snying rje'i bdag nyid can rnams yin no// bcu gang zhe na/ 'di lta ste/ sems can sdug bsngal ba dang / skyabs med pa dang / mgon med pa dang / rten med pa dang / dpung gnyen med pa dag mthong na/ byang chub tu sems bskyed do// byang chub tu sems bskyed nas/ chos nyid thob par bya ba'i phyir 'bad ba rtsol brtson 'grus rtsom ste/ dka' ba spyod pa brgya dag kyang byed de// de dag chos nyid thob nas sems can rnams la phan par byed do// 'di lta ste/ sems can ser sna can rnams sbyin pa la gzhol bar byed/ tshul khrims 'chal pa rnams tshul khrims la/ gnod sems can rnams bzod pa la/ le lo can rnams brtson 'grus la/ sems 'khrugs pa rnams bsam gtan la/ sems can shes rab 'chal pa rnams mthong na/ shes rab la gzhol bar byed kyang / sems can gyi sdug bsngal mi bzad pa/ rtsub pa tsha ba dag gis nyen cing byang chub las phyir ldog par mi 'gyur ro// rigs kyi bu chos bcu po de dag dang ldan na/ byang chub sems dpa' snying rje'i bdag nyid can yino// /
- 184a
zhes gsungs so// gzungs kyi dbang phyug gi rgyal pos zhus pa las kyang / kye ma sems can 'di dag ni srid pa'i khol po'o// chung ma dang / bu po dang / bu mo la yongs su zhen pas spags pa dang dbang med pa bdag la mi 'bongs pa dag ste/ rang dbang yod pa'i bdag la 'bongs par bya ba dang / gar dga' bar 'gro bar bya ba'i phyir/ de dag la chos bstan par bya'o snyam du sems can rnams la byang chub sems dpa'i snying rje chen po skye ba dang / kye ma sems can 'di dag ni phan tshun mi 'phrod pa khro ba dang / zhe sdang dang / gnod sems mang ba dag ste/ khro ba dang / zhe sdang dang / gnod sems spang bar bya ba'i phyir/ de dag la chos bstan par bya'o snyam du sems can rnams la byang chub sems dpa'i snying rje chen po skye ba dang / kye ma sems can 'di dag ni sdig pa'i grogs pos yongs su zin pa/ dge ba'i bshes gnyen dang bral ba sdig pa'i las byed pa dag ste/ dge ba'i bshes gnyen gyis yongs su zin pa dang / sdig pa'i grogs po yongs su spang bar bya ba'i phyir/ de dag la chos bstan par bya'o snyam du sems can rnams la byang chub sems dpa'i snying rje chen po skye ba dang / kye ma sems can 'di dag ni brkam pa/ chags pas zil gyis gnon pa chog mi shes shing / 'phags pa'i shes rab kyi gnas pa dang / bral ba dag ste/ chags pa spang ba dang / 'phags pa'i shes rab bskyed pa'i phyir/ de dag la chos bstan par bya'o snyam du sems can rnams la byang chub sems dpa'i snying rje chen po skye ba dang / kye ma sems can 'di dag ni las kyi rnam par smin pa la mi lta zhing rtag pa dang chad pa la gnas pa dag ste/ rten cing 'brel par 'byung ba zab mo dang / las dang bya ba la gzung ba'i phyir/ de dag
- 184b
la chos bstan par bya'o snyam du sems can rnams la byang chub sems dpa'i snying rje chen po skye ba dang / kye ma sems can 'di dag ni ma rig pa dang / gti mug gis ldongs pa dang / bdag dang sems can dang srog dang / gso ba dang / skyes bu dang / gang zag la mngon par zhen pa dag ste/ 'phags pa'i shes rab kyi mig rnam par dag par bya ba dang / lta bar gyur pa thams cad spang ba bya ba'i phyir/ de dag la chos bstan par bya'o snyam du sems can rnams la byang chub sems dpa'i snying rje chen po skye ba dang / kye ma sems can 'di dag ni 'khor ba la mngon par dga' ba/ phung po lnga'i gshed mas yongs su zin pa dag ste/ khams gsum thams cad las dbyung ba'i phyir ro// de dag la chos bstan par bya'o snyam du sems can rnams la byang chub sems dpa'i snying rje chen po skye ba dang / kye ma sems can 'di dag ni bdud kyi zhags pas bcings pas bcings pa g.yo ba dang / rlom sems la gnas pa dag ste/ bdud kyi zhags pas bcings pa thams cad las rnam par dgrol ba dang / g.yo ba dang / rlom sems spang ba'i phyir de dag la chos bstan par bya'o snyam du sems can rnams la byang chub sems dpa'i snying rje chen po skye ba dang / kye ma sems can 'di dag ni mya ngan las 'das pa'i sgo bcad cing ngan 'gro'i sgo bye ba dag ste/ mya ngan las 'das pa'i sgo dbye ba dang / ngan 'gro'i sgo bcad par bya ba'i phyir/ de dag la chos bstan par bya'o snyam du sems can rnams la byang chub sems dpa'i snying rje chen po su'o// zhes gsungs so// 'di dag pas kyang gang dag byang chub sems dpa' la rma 'byin pa'i las kyi sgrib pa dang / bdud kyi las dang / banas pa'i sem
- 185a
dang / dam pa'i chos spong ba la sogs pa bar du gcod pa'i chos rnams yongs su spong ba'i sems can dag ni ches rnyed par dka'o// de la byang chub sems dpa' la rma 'byin pa ni dad pa'i stobs bskyed pa la 'jug pa'i phyag rgya'i mdo las 'byung ba 'jam dpal gang la la zhig gis 'jig rten gyi khams thams cad kyi rdul phra rab kyi rdul gyi rdul snyed kyi sems can rnams kyi dge ba'i rtsa ba'i bar chad byas pas/ gang gzhan zhig gis dge bsnyen ston pa gzhan la mi brten par dge ba bcu'i las kyi lam dang ldan pa gcig gi dge ba'i rtsa ba gcig gi bar chad byas pa de ni de bas sdig pa/ ches grangs med par bskyed do// gang la la zhig gis 'jig rten gyi khams thams cad kyi rdul snyed kyi dge bsnyen rnams kyi dge ba'i rtsa ba bar chad byas pa bas gang gzhan zhig gis dge slong gcig gi dge/ ba'i rtsa ba gcig gi bar chad byas na de ni de bas sdig pa ches grangs med pa bskyed do// de ltar rim bzhin du dad pas rjes su 'breng ba dang / chos kyi rjes su 'breng ba dang / brgyad pa dang / rgyun tu zhugs pa dang / lan cig phyir mi 'ong ba dang / dgra bcom pa dang / rang sangs rgyas dang / byang chub sems dpa' phyugs kyi shing rta lta bus 'gro ba dang / glang po che'i shing rta lta bus 'gro ba dang / zla ba dang nyi ma lta bus 'gro ba dang / nyan thos kyi rdzu 'phrul lta bus 'gro ba dang / gang la las 'jig rten gyi khams thams cad kyi rdul phra rab kyi rdul snyed kyi rdzu 'phrul lta bus 'gro ba'i byang chub sems dpa' rnams kyi dge ba'i rtsa ba'i bar chad byas pa bas/ gang gzhan zhig gis de bzhin gshegs pa'i rdzu 'phrul lta bus 'gro ba'i byang chub sems dpa' gcig gi dge ba'i rtsa ba'i bar chad byas
- 185b
sam/ khros sam/ brnyas pa'i sems bskyed na/ de ni de bas sdig pa ches grangs med par skyed do// gang la la zhig gis phyogs bcu'i 'jig rten gyi khams thams cad kyi rdul phra rab kyi rdul snyed kyi sems can rnams kyi mig phyung ste bdog pa thams cad phrogs pa bas/ gang gzhan zhig gis byang chub sems dpa' la brnyas pa'i sems skyes nas de la spyos shing brgyad do// nyam nga bar byas na de ni de bas sdig pa ches mang du bskyed do// gang la la zhig gis byang chub sems dpa' la rkyen gang yang rung bas khyad du bsad de spyos na/ de'i sdig pa'i las kyis sems can dmyal ba du 'bod chen por skye ste/ lus dpag tshad lnga brgya pa la mgo bo lnga brgya yod de/ mgo re re la lce brgya brgya lce re re la yang lcags kyi thong shol 'bar ba lnga brgya lnga brgyas rmo'o// gang la la zhig gis stong gsum gyi stong chen po'i 'jig rten gyi khams su skyes pa'i sems can thams cad la dbyug pas brdog pa dang / mtshon gyis gdab pa cher byas te/ bdog pa thams cad phrogs pa bas/ gang gzhan zhig gis byang chub sems dpa' la brnyas pa'i sems bskyed de/ khros shing gnod sems dang tha ba dang / khros pa'i sems bskyed na/ de ni de bas sdig pa ches grangs med par bskyed do// gtum sems can sems can la gnod par dgal ba gang lo las gang+gA'i klung gis bye ma snyed kyi 'jig rten gyi khams rnams su/ 'jig rten gyi khams re re zhing yang gang gA'i klung gi bye ma snyed kyi dgra bcom pa'i srog gcod pa dang gang ga'i klung gi bye ma snyed kyi rin po che'i mchod rten rin po che'i stegs bus bskor te/ gdugs dang / rgyal mtshan dang / ba dan bsgreng ba bshigs pa bas/ gang gzhan zhig gis theg pa chen po
- 186a
la dad pa'i byang chub sems dpa' la theg pa chen po nyid las gzhi blangs te/ brnyas pa'i sems bskyed pa dang / rkyen gang yang rung bas khro zhing gshe ba dang / spros zhing nyams bar byas na/ de ni de bas kyang sdig pa ches grangs med pa bskyed do// de ci'i phyir zhe na/ de bzhin gshegs pa rnams ni byang chub sems dpa' las skyes pa'i phyir ro// gang byang chub sems dpa' la skur pa 'debs pa ni/ sangs rgyas kyi rigs gcod par zhugs pa yin no// gang byang chub sems dpa' la skur pa 'debs pa des dam pa'i chos spangs pa yin no// chos gzhan ma yin/ chos yongs su 'dzin pa gzhan ma yin te/ chos yongs su 'dzin pa de ni chos so// gang la la zhig khros te phyogs bcu'i 'jig rten gyi khams kyi sems can thams cad mun pa mun nag du bcug pa bas/ gang zhig khros te/ byang chub sems dpa' la rgyab kyis phyogs shing / ma rungs pa de ma mthongs pa de snyam pa de ni de bas sdig pa ches grangs med pa bskyed do// gang la la zhig gi 'dzam bu'i gling gi sems can rnams kyi srog bcad de/ bdog pa thams cad phrogs pa bas/ gang gzhan zhig gis byang chub sems dpa' ci 'dra yang rung ba la/ smad pa 'di ni de bas sdig pa ches// grangs med pa bskyed ji skad gsungs pa lta bu'o// 'phags pa byams pa'i seng ge'i sgra'i mdo las kyang / byang chub sems dpa' gang la la zhig gis stong gsum gyi stong chen po'i 'jig rten gyi khams su gtogs pa'i sems can thams cad la spyos pa dang / rgya ba dang / dbyug pa dang / khu tshur gyis brdeg pa de tsam gyis byang chub sems dpa' la rma phyung zhing rmas par mi 'gyur gyis byang chub sems
- 186b
dpa' gang gis byang chub sems dpa' gcig la/ tha na gnod sems dang / tha ba dang / zhe sdang gi sems bskyed pa de tsam gyis/ byang chub sems dpa' la rma phyung zhing rmas par 'gyur ro// de ci'i phyir zhe na/ gal te des thams cad pakhyen pa yongs su ma btang na/ byang chub sems dpas byang chub sems dpa' cig shos la gnod sems dang / tha ba dang / zhe sdang gis sems ji snyed du bskyed pa de bded kyi bskal par go cha bzod yang bgo dgos so zhes gsungs so// 'phags pa 'jam dpal rnam par rol pa'i mdo las kyang / khong khro ba khong khro ba zhes bya ba de ni/ 'jam dpal gang dge ba'i rtsa ba bskal pa brgyar bsags pa 'joms par byed pa ste/ de bas na khong khro ba'o zhes gsungs so// 'phags pa zla ba sbron pa'i mdo las kyang / phan tshun gnod pa'i sems su gang byed pa// de la tshul khrims thos pa skyob mi byed// bsam gtan dang ni dgon gnas mi srub ste// sbyin dang sangs rgyas mchod pa'ang skyob mi byed/ ces gsungs so// de ltar byang chub sems dpa' rnams dang / bcom ldan 'das la gnod par byas pa'i sdig pa che ba ni bshad zin te/ de dag la legs par byas pa'i bsod nams shin du che ba bstan to// nges pa dang cha nges par 'jug pa'i phyag rgya'i mdo las 'byung ba/ 'jam dpal yongs su brtag pa bzung nas gal te phyogs bcu'i 'jig rten gyi khams thams cad kyi sems can thams cad mig phung bar gyur la/ yong su brtag pa bzung ste/ rigs kyi bu'am rigs kyi bu ma gang la las sems can de dag thams cad la byams pa'i sems kyis mig bskyed pa bas 'jam dpal rigs kyi bu 'am/ rigs kyi bu mo
- 187a
gang gzhan zhig theg pa chen po la mos pa'i byang chub sems dpa' la/ dad pa'i sems kyis lta na/ 'di ni de bas bsod nams ches grangs med par bskyed do// 'jam dpal rigs kyi bu 'am rigs kyi bu mo gang la las phyogs bcu'i 'jig rten gyi khams kyi sems can thams cad btson rar bcug pa btson ra nas bton te/ 'khor los sgyur ba'i bde ba la bkod pa bas/ 'jam dpal rigs kyi bu 'am/ rigs kyi bu mo gang gzhan zhig theg pa chen po la mos pa'i byang chub sems dpa' la dad pa'i sems kyis lta 'dod cing bsngags par brjod na 'di ni de bas bsod nams ches grangs med par bskyed do zhes gsungs so// // bam po gnyis pa// dad pa'i stobs skyed pa la 'jug pa'i phyag rgya'i mdo las kyang / 'jam dpal rigs kyi bu 'am rigs kyi bu mo gang la la zhig gi 'jig rten gyi khams thams cad kyi rdul phra rab kyi rdul snyed kyi sems can rnams la/ bskal pa gang gA'i klung gi bye ma snyed du nyin re zhing lha'i zas ro sna brgya dang ldan pa byin pa dang / lha'i gos sbyin pa byin pa bas/ ston pa gzhan zhig gis ston pa gzhan zhig la mi brten pa'i dge bsnyen dge ba bcu'i las kyi lam dang ldan pa gcig la/ 'di ni sangs rgyas bcom ldan 'das kyi bslab pa la slob pa yin no snyam du bsams nas nyin gcig zan gcig byin la/ 'di ni de bas bsod nams ches grangs med pa bskyed do// de bzhin du dge slong dang / dad pa rjes su 'brang ba dang / chos kyi rjes su 'brang ba dang / brgyad pa dang / rgyun tu zhugs pa dang / lan cig phyir 'ong ba dang / phyir mi 'ong ba dang / dgra bcom pa dang / rang sangs rgyas dag ste/ rigs kyi bu 'am rigs kyi bu mo gang la la zhig gis/ 'jig rten
- 187b
gyi khams thams cad kyi rdul phra rab kyi rdul snyed kyi sangs rgyas rnams la/ bskal pa gang+gA'i klung gi bye ma snyed du nyin gcig bzhin du zas ro brgya pa byin pa dang / de bzhin du lha'i gos sbyin pa byin pa bas/ rigs kyi bu 'am rigs kyi bu mo gang gzhan zhig gis de bzhin gshegs pa'i sku gzugs ri mor bris pa dang / 'jim pa la byas pa mthong ba 'di yang de bas bsod nams chos grangs med par bskyed na/ thal mo sbyar ba dang / me tog dang / bdug pa dang / spos dang / mar me 'bul na/ bsod nams de bas grangs med par bskyed pa lta ci smos/ gang la la zhig gis gang gA'i klung gi bye ma snyed kyi sangs rgyas bcom ldan 'das nyan thos kyi dge 'dun dang bcas pa la bskal pa gang gA'i klung gi bye ma snyed du nyin gcig bzhin du lha'i zas ro sna brgya pa phul ba dang / de bzhin du lha'i na bza' phul ba bas/ gang gzhare zhig gis blugs kyi shing rta lta bus 'gro ba'i byang chub sems dpa' bsam pa phun sum tshogs pa gcig la sangs rgyas la dge ba'i rtsa ba bskyed pa gang yang rung bas bsdu bar bya ste/ tha na nyin gcig zan gcig byin na de ni de bas bsod nams ches grangs med pa bskyed do// gang la la zhig gis 'jig rten gyi khams thams cad kyi rdul phra rab kyi rdul snyed kyi phyugs shing rta lta bus 'gro ba'i byang chub sems dpa' rnams la de tsam du bsti stang byas pa bas/ gang gzhan zhig gis glang po che'i shing rta lta bus 'gro ba gcig la nyin gcig zan gcig byin na de ni de bas bsod nams ches grangs med par skyed do// gang la la zhig ches grangs med par bskyed do// gang la la zhig gis glang po che'i shing rta lta bus 'gro ba'i byang chub sems dpa' rnams la de
- 188a
tsam du bsti stang byas pa bas/ gang gzhan zhig gis zla ba dang nyi ma lta bus 'gro ba'i byang chub sems dpa' gcig la nyin gcig zan gcig byin na de ni de bas bsod nams ches grangs// med par skyed do// gang la la zhig gis zla ba dang nyi ma lta bus 'gro ba de rnams la de tsam du bsti stang byas pa bas/ gang gzhan zhig nyan thos kyi rdzu 'phrul lta bus 'gro ba'i byang chub sems dpa' gcig la nyin gcig zan gcig byin na/ de ni de bas bsod nams ches grangs med pa bskyed do// gang gis de tsam du nyan thos kyi rdzu 'phrul lta bus 'gro ba'i byang chub sems dpa' rnams la bsti stang byas pa bas/ de bzhin gshegs pa'i rdzu 'phrul lta bus 'gro ba'i byang chub sems dpa' gcig la nyin gcig zan gcig byin na/ de ni de bas bsod nams ches grangs med pa skyed do// zhes gsungs so// de la phyugs kyi shing rta lta bus 'gro ba'i byang chub sems dpa' nas/ de bzhin gshegs pa'i rdzu 'phrul lta bus 'gro ba'i bar du gang zhe na/ nges pa dang ma nges pa la 'jug pa'i phyag rgya'i mdo las 'byung ba/ 'jam dpal byang chub sems dpa' 'di lnga ste/ lnga gang zhe na/ 'di lta ste/ phyugs kyi shing rta lta bas 'gro ba dang / glang po che'i shing rta lta bus 'gro ba dang / zla ba dang ni malta bus 'gro ba dang / nyan thos kyi rdzu 'phrul lta bus 'gro ba dang / de bzhin gshegs pa'i rdzu 'phrul lta bus 'gro ba'o// thugs kyi shing rnga lta bus 'gro ba dang / glang po che'i shing rta lta bus 'gro ba'i byang chub sems dpa' rnams ni byang chub las phyir ldog go// zla ba dang nyi ma lta bus 'gro ba dang / nyan thos kyi rdzu 'phrul lta bus 'gro ba dang / de bzhin gshegs pa'i rdzu 'phrul lta
- 188b
bus 'gro ba'i byang chub sems dpa' rnams ni byang chub las phyir mi ldog go// de la phyugs kyi shing rta lta bus 'gro ba'i byang chub sems dpa' gang zhe na/ dper na skyes bu la la zhig sangs rgyas kyi zhing lngal rdul rdza rab kyi rdul snyed kyi 'jig rten gyi khams 'da' bar 'dod nas de phyugs kyi shing rta la zhon te lam du zhugs nas de yun ring zhing lon nas dpag tshad lnga brgyar phyin pa las/ de rlung gi dkyil 'khor chen pos bzlog nas dpag tshad brgyad nur ded de phyir phul na/ skyes bu de phyugs kyi shing rtas 'jig rten gyi khams de dag 'da' ba 'am/ bskal pa nas brjod du med pa'i bskal par yang 'jig rten gyi khams gcig kyang 'da' bar nus sam/ gsol pa bcom ldan 'das de ni gnas ma lags te/ go skabs ma mchis so// bcom ldan 'das kyis bka' stsal pa/ de bzhin du gang la la zhig gis byang chub tu sems bskyed la theg pa chen po mi 'dzin mi klog/ kha ton du mi byed/ tshul bzhin du yid la mi byed par nyan thos kyi theg pa pa rnams la rten cing / de dag lhan cig tu brten par byed/ nyan thos kyi theg pa klog cing kha ton du byed/ dpyod cing kun chub par byed la/ gzhan yang klog tu 'jug pa nas/ khong du chud pa'i bar du byed na/ de ni des shes rab rtul por 'gyur te de ni bla na med/ pa ye shes kyi lam slar drangs nas phyir bzlog go// byang chub sems dpa' de'i byang chub kyi sems bsgom pa las byung ba'i shes rab kyi dbang po dang / shes rab kyi mig gang yin pa de yang rdul por 'gyur cing nyams par byed de/ 'di ni phyugs kyi shing rta lta bus 'gro ba'i byang chub sems dpa'o// de la glang po che'i shing rta lta bus 'gro ba'i byang chub sems dpa' gang zhe na/ dper na gang la la
- 189a
zhig 'jig rten gyi khams de snyed 'da' bar 'dod de/ yan lag brgyad dang ldan pa'i glang po che'i shing rta la zhon nas lam du zhugs te/ des lo brgyas dpag tshad nyis stong du son pa las rlung gi dkyil 'khor chen pos lam de nas phyir bdas te bzlog pa nas go skabs ma mchis pa'i bar du ste/ de bzhin du byang chub tu sems bskyed nas/ theg pa chen po yang 'chang zhing grog la kha ton byed cing tshul bzhin yid la byed pa nyan thos kyi theg pa pa rnams la yang brten pa nas nyan thos kyi theg pa klog cing shes par byed pa'i bar 'di ni glang po che'i shing rta lta bus 'gro ba'i byang chub sems dpa'o// zla ba dang zhi ma lta bus 'gro ba'i byang chub sems dpa' gang zhe na/ dper na la la zhig de snyed kyi 'jig rten gyi khams 'da' bar 'dod de/ de zla ba dang zhim lta bur 'gro bas lam du zhus na des 'jig rten gyi khams de thams cad las 'das par rus sam/ gsol ba/ bcom ldan 'das dus yun ring mo zhig na 'da' bar rngo thog/ bcom ldan 'das kyis bka' stsal pa/ de bzhin du gang la la zhig byang chub tu sems bskyed de/ nyan thos kyi theg pa pa rnams la mi brten pa nas/ khong du chud par byed pa ma yin pa'i bar du ste/ zan nyan thos kyi theg pa pa'i tshogs bcad gcig tsam yang mi klog par theg pa chen po nyid klog pa nas theg pa chen po nyid khong du chud par byed pa'i bar 'di ni zla ba dang nyi ma lta bus 'gro ba'i byang chub sems dpa'o// nyan thos kyi rdza 'phrul lta bus 'gro ba'i byang chub sems dpa' gang zhe na/ dper na la la zhig 'jig rten gyi khams de snyed 'da' bar 'dod na/ nyan thos kyi rdzu 'phrul lta bus de 'jig rten gyi khams de dag las
- 189b
'das par nus sam/ gsol pa/ bcom ldan 'das rngo thog ste myur du ni 'das so// bcom ldan 'das kyis bka' stsal pa/ de bzhin du gang la la zhig byang chub tu sems bskyed de/ theg pa chen bo pa/ theg pa chen po la mos pa/ theg pa chen po klog pa/ theg pa chen po yongs su 'dzin pa'i byang chub sems dpa' rnams la gus pa dang bcas/ zhes dang bcas par de la gzhol zhing de la 'bad de/ de dag dang rten cing theg pa chen po yongs su tshol ba dang / kun 'dzin cing 'chang ba yin te/ srog gi phyir yang theg pa chen po mi stong zhing rab tu gus pas me tog dang ba dan gyi bar gyis mchod par byed pa dang / byang chub sems dpa' ma lobs pa rnams la mi brnyas pa 'di ni nyan thos kyi rdzu 'phrul lta bus 'gro ba'i byang chub sems dpa'o// de la de bzhin gshegs pa'i rdzu 'phrul lta bus 'gro ba'i byang chub sems dpa' gang zhe na/ dper na la la zhig 'jig rten gyi khams de snyed 'da' bar 'dod des/ des de bzhin gshegs pa'i rdzu 'phrul gyis 'jig rten gyis khams rnams su 'gro na/ de bzhin gshegs pa'i rdzu 'phrul gyis khams de dag 'da' bar nus sam/ gsol pa bcom ldan 'das rngo thogs te/ sems kyi skad cig tsam gyis 'da'o// bcom ldan 'das kyis bka' stsal pa/ de bzhin du gang la la byang chub tu sems bskyed de/ rab tu zab cing rgya che la mos pa theg pa chen po'i don la mkhas pa rtag tu sems can thams cad kyi skyabs bya ba'i phyir byang chub kyi sems dang / byams pa dang snying rje dang / pha rol tu phyin pa drug dang / rton pa bzhi dang / bsdu ba'i dngos po la brtson pa yin te/ gzhan yang de la rab tu 'god pa de ni/ de
- 190a
bzhin gshegs pa'i rdzu 'phrul lta bus 'gro ba byang chub sems dpa'o zhes gsungs so// dam pa'i chos spong ba ni kha na ma tho dang bcas pa shin tu chen po ste/ bar du gcod pa'i chos so// shes rab kyi pha rol tu phyin pa las 'byung ba/ byang chub sems dpa'i theg pa pa gang dag sangs rgyas bye ba khrag khrig brgya stong mang po mthong bar gyur te/ dmigs pa'i tshul gyi de dag la sbyin pa byin par gyur pa nas/ shes rab kyi pha rol tu phyin pa'i bar du bsgom par yang gyur la de dag shes rab kyi pha rol tu phyin pa zab mo 'di la ri mo mi byed pas/ shes rab kyi pha rol tu phyin pa 'chad pa'i sangs rgyas bcom ldan 'das de dag gi 'khor du 'ongs na yang lus dang sems kyis mthun par mi byed na/ de dag ni 'chal pa'i shes rab tu 'gyur ba'i las rnams so// de dag ni las des shes rab kyi pha rol tu phyin pa zab mo 'di la ri mo 'di 'dor bar 'gyur ro// de dag gis shes rab kyi pha rol tu phyin pa 'di bor bas 'das pa dang / ma 'ongs pa dang / da ltar byung ba'i sangs rgyas bcom ldan 'das rnams kyi thams cad mkhyen pa nyid bor ba yin no// de dag dam pa'i chos kyis 'phongs par 'gyur ba'i las des lo bye ba khrag khrig brgya stong du ma'i bar du sems can dmyal bar bcos te/ 'jig pa dang chags pa'i bskal pa mang por sems can dmyal ba chen po nas sems can dmyal ba chen por kha 'khor bar 'gyur ro// des dud 'gro'i skye gnas dang gshin rje'i 'jig rten du yang de bzhin no// shA ra dwa ti'i bus gsol pa bcom ldan 'das mtshams med pa lnga dang / dam pa'i chos kyis phongs par gyur pa las 'di 'dra bar mi 'gyur lags sam
- 190b
bcom ldan 'das kyis bka' stsal ba/ shA ra dwa ti'i bu mtshams med pa lnga dang 'dra zhes mi bya'o// zhes de skad gsungs pa lta bu'o// byang chub sems dpa' rnams kyi bdud kyi las ni shes rab kyi pha rol tu phyin pa las byung ba/ rab 'byor gzhan yang ming la gnas pas bdud kyi las su rig par bya'o// de nas byang chub sems dpa' la bdud 'di skad smra ste/ khyod byang chub mngon par rdzogs par sangs rgyas pa ni yid 'di'o// zhes bya bar 'gyur ro zhes bya ba dang / byang chub sems dpa' de de'i rjes su rtog par 'gyur te/ de la phyir mi ldog pa'i lhas gang yin pa de dag med par yang des bdag lung bstan pa snyan du rlob sems su byed do/ de des rlom sems bskyed cing byang chub sems dpa' gzhan la yang brnyas par 'gyur ro// de thabs la mkhas zhing shes rab dang bral te/ dge ba'i bshes gnyen gyis pa zin cing sdig pa'i grogs po'i lag tu song bas/ nyan thos kyi sa'am/ rang sangs rgyas kyi sar lhung bar 'gyur te/ rlom sems dang ldan pa'i sems bskyed pa 'di ni srung ba'i rtsa ba bzhi pas kyang ches lci ste/ 'di yang byang chub sems dpas bdud kyi las su rig par bya'o// zhes de skad gsungs pa lta bu'o// 'jam dpal rnam par 'phrul ba'i le'u las kyang / 'jam dpal gyis smras pa/ lha'i bu ji tsam du las 'jug pa de tsam du bdud kyi las so// ji tsam du smon pa dang / dza tsam du 'dzin pa dang ji tsam du mchog tu 'dzin pa de tsam du bdud kyi las so// ji tsam du 'dod pa dang / ji tsam du 'du shes pa dang / ji tsam du rlom sems pa dang / ji tsam du yongs su rtog pa de tsam du bdud kyi las so// lha'i bu gzhan yang byang chub
- 191a
kyi sems la mngon par zhen pa yang bdud kyi las so// sbyin pa'i sems la mngon par zhen pa yang bdud kyi las so// de bzhin du tshul khrims dang / bzod pa dang / brtson 'grus dang / bsam gtan dang / shes rab kyi sems la mngon par zhen pa yang bdud kyi las so// sbyin pa rlom sems su byed pa dang / tshul khrims mchog tu 'dzin pa dang / bzod pa 'dzin pa dang / brtson 'grus len pa dang / bsam gtan la mtshan ma dang / shes rab rgya ba yang bdud kyi las so// dgon pa la dga' zhing mos pa'i sems dang btang snyoms su lhung ba yang bdud kyi las so// / 'dod pa nyung ba dang / chog shes pa dang / sbyangs pa'i yon tan dang / yo byad bsrungs pa rlom sems su byed pa yang bdud kyi las so// bdag ni stong pa nyid la gnas pa/ bdag ni mtshan ma med pa la gnas pa/ bdag ni smon pa med pa la gnas pa/ bdag ni spros pa med pa la gnas pa/ bdag ni rab tu dben pa la gnas pa/ bdag ni de bzhin gshegs pa'i bka' bsgrub cing gnas pa'o snyam du rlom sems su byed cing rnam par rtog pa yang bdud kyi las so// lha'i bu ji tsam du rtog pa dang / rnam par rtog pa dang / yongs su rtog pa dang / mthong ba dang / thos pa dang / bye brag phyed pa dang / rnam par shes pa'i gnas ji tsam pa de tsam du bdud kyi las so// lha'i bus smras pa/ 'jam dpal bdud kyi las ga las byung / 'jam dpal gyis smras pa/ lha'i bu bdud kyi las ni brtson pa las byung ba yin no// de ci'i phyir zhe na/ lha'i bu brtson pa las bdud glags tshol gyi/ mi brtson pa la bdud kyi ci zhig bya bar 'gyur te/ de nyid bdud kyi las yin no//
- 191b
smras pa byang chub sems dpa' ji ltar na brtson pa yin/ ji ltar na mi brtson pa yin/ smras pa/ lha'i bu ji tsam du gnyis la sbyor ba de tsam du mi brtson pa'o// de ci'i phyir zhe na/ 'jig rten gnas pa ni gnyis la sbyor ba dang ldan pa'o// brtson pa zhes bya ba 'di ni sbyor ba yang dag pa'i tshig bla dgas so// sbyor ba yang dag pa zhes bya ba 'di ni sbyor ba med pa'i tshig bla dgas so// sbyor ba med pa zhes bya ba 'di ni spros pa med pa'i tshig bla dgas so// spros pa med pa zhes bya ba 'di ni sbyor ba yang dag pa'i tshig bla dgas so// lha'i bu gang la mig la mi sbyor ba dang / gzugs la mi sbyor ba nas chos kyi bar la me sbyor ba 'di ni byang chub sems dpa'i sbyor ba yang dag ces bya'o// zhes gsungs so// yang de nyid las 'byung ba lha'i bu nyi shu po 'di dag ni/ byang chub sems dpa' rnams kyi bdud kyi las yang dag pu la yin no// nyi shu gang zhe na/ 'di lta ste/ rnal 'byor spyod pa rnam par grol ba 'dod cing 'khor bas skrag pa rnams la brtan pa dang / bsnyen pa dang / bsnyen bkur byed pa ni bdud kyi las so// stong pa nyid la so sor rtog cing sems can yal bar 'dod pa yang bdud kyi las so// 'dus ma byas la so sor rtog cing 'dus byas kyi dge ba'i rtsa ba la yongs su skyo ba yang bdud kyi las so// bsam gtan bskyed cing bsam gtan las rnam par ldog par tshol ba yang bdud kyi las so// chos ston kyang chos zhan pa rnams la snying rje chen po mi bskyed pa yang bdud kyi las so// yon tan dang ldan pa dang / yon tan gyi gnas tshol zhing tshul khrims ngan pa can rnams la khro ba yang bdud kyi las so// nyan thos dang
- 192a
rang sangs rgyas kyi gtam brjod cing theg pa chen po'i gtam 'chab pa'ang bdud kyi las so// zab mo'i gtam 'chab cing gtam sna tshogs ston pa yang bdud kyi las so// byang chub sems dpa'i lam shes kyang / pha ram tu phyin pa'i lam yongs su mtshol ba yang bdud kyi las so// rab tu brtson pa'i bsngags pa brjod kyang sems can ma rtson pa rnams mngon par mi sbyong ba yang bdud kyi las so// dge ba'i rtsa ba sogs kyang byang chub kyi sems mngon du mi byed pa yang bdud kyi las so// lhag mthong gi rnal 'byor dang ldan par gnas kyang sems can rnams lhag mthong yang dag par 'dzin du mi 'jug pa yang bdud kyi las so// nyon mongs pa ma lus pa zad par tshol zhing 'khor ba'i rgyun gyi nyon mongs pa la smod pa yang bdud kyi las so// shes rab kyis rnam par spyod cing 'ding rje chen po la dmigs pa mi 'dzin pa yang bdud kyi las so// thabs dang mi ldan par dge ba spyod pa thams cad kyang bdud kyi las so// byang chub sems dpa'i sde snod mi 'tshol gyi 'jig rten rgyang pan pa'i gsang tshig 'dzin pa yang bdud kyi las so// mang du thos kyang gzhan gyis shes kyis dogs te/ slob dpon chos 'chab pa'ang bdud kyi las so// 'jig rten gyi dgos pa'i zhal ta byed cing mang du thos pa mtshol ba yang bdud kyi las so// byang chub sems dpa' chos smra ba theg pa chen po la yang dag par zhugs pa skal ba mnyam pa rnams la mi brten mi bsnyen bsnyen bkur mi byed kyi nyan thos dang rang sangs rgyas kyi theg pa la yang dag par zhugs pa skal pa mi mnyam pa la dga' ba yang bdud kyi las so// gang gi tshe brgya byin nam/ tshangs pa 'am/
- 192b
'jig rten skyong ba'am/ rgyal po'am/ tshong dpon nam/ khyim bdag gi longs spyod dang / nor dang rin po che dang / dbang phyug gi che banyid du gyur pa de'i tshe chos kyi che ba nyid dang ldan pa rnams la mi brten mi bsten bsnyen bkur mi byed pa 'di dag ni lha'i bu byang chub sems dpa' rnams kyi bdud kyi las yang dag phul nyi shu'o zhes gsungs so// blo gros rgya mtshos zhus pa'i mdo las kyang / byang chub sems dpa' gzugs bzang zhing mdzes la phyug cing nor che zhing nor mngal mdzad dang bang ba mang po phun sum tshogs par gyur te/ gzugs dang longs spyod dang / rus dang / rigs dang / g.yog 'khor dang / bsod nams kyi tshogs kyi ston par gyur pa/ ye shes kyi tshogs yongs su brtsal ba la mngon par mi brtson zhing de la gzugs dang / longs spyod dang / g.yog 'khor dang / dbang phyug gi stobs kyis rgyags shing bag ma mchis par gyur te byang chub sems dpa' gang dag rab tu byung bar gtogs pa/ khyim gyi gnas nas mngon par byung ba/ ye shes kyi tshogs kyis yongs su tshal ba la brtson pa gdugs dang bser mas sha skrag skabs pa/ rke ba nyams chung ba/ lus rtswas g.yogs pa/ mgo dang gos la zhugs 'bar ba bzhin du gdugs mtshan du brtson 'grus brtsams pa/ dge ba'i chos yongs su brtsal ba la rtag tu brtson pa dang ldan pa de dag la rke zhing nyams chung ba/ mdog ngan cing mi sdug par rig nas/ brnyas par bya'o snyam du sems shing de dag las legs par bshad pa nyan mi 'tshal gyi de de bas shas cher dman zhing chos rdugs par 'gyur ba 'di ni/ bcom ldan 'das byang chub sems dpa'i rgyags
- 193a
pa dang bag ma mchis pa dang rab tu ldan pa'i bdud kyi lugs kyu zhes gsungs so// yang de nyid las 'byung ba theg pa chen po'i bar du gcod par 'gyur ba'i chos bzhi ste/ bzhi gang zhe na/ bdag gi yon tan brjod pa dang / gzhan gyi yon tan lag par brjod pa dang / nga'o snyam pa'i rgyal 'bar ba dang / khro ba bstan pa'o zhes gsungs so// 'di dag pas kyang gang dag rnam par gyur kyang chos rnams la nan tan gyis sgrub pa'i sems can rnams ni ches rnyed par dka'o// de la byang chub sems dpa' khyim pa rnams kyi sgrub pa ci 'dra zhe na/ drag shul can gyi zhus pa'i mdo las 'byung ba/ khyim bdag gzhan yang byang chub sems dpa' khyim na gnas pa ni skyes bu dam pa'i las rnams byed kyi skyes bu ngan pa'i las rnams mi byed do// chos kyi longs spyod tshol gyi chos ma yin pa mi tshol lo// mthun pas ma yin no// yang dag pas tshol ba yin gyis log pas tshol ba ma yin no// de chos kyi longs spyod thob pa dang de dag gis gzhan la 'tsho bar mi byed de/ mi rtag pa'i 'du shes bsgom pa meng zhing zhing po len to// 'di lta ste/ pha ma la bsnyen bkur byed pa dang / bu dang chung ma dang / zan po dang / bran mo dang / las byed pa'i mi dang / zho shas 'tsho ba rnams yang dag pa'i longs spyod dang / mdza' bo dang / blon po dang / nye du dang / snag gi gnyen mtshams rnams la bkur sti dang / gong du yang chos la 'jud pas gtong ba 'phel bar byed do/ zhes gsungs so// khyim pa rnams kyi log par bsgrub pa gang zhe na/ rab tu 'byung ba'i bar du gcod pa'i mdo las 'byung ba ming chen chos bzhi dang ldan na khyim pa mi khom par gyur pa
- 193b
yin te/ skye ba de dang der dmus long dang / blun pa dang / lkugs pa dang / gdol pa nam du yang bde ba mi myong bar 'gyur/ skur pa 'debs pa mang ba dang / ma ning dang / za ma dang / rtag tu bran dang / bud med du 'gyur/ khyi dang / phag dang / bong bu dang / rnga mo dang / sbrul gdug par 'gyur te/ sangs rgyas kyi bstan pa la nan tan mi byed do// bzhi gang zhe na/ ming chen 'di la khyim pas sngon gyi rgyal ba la lhag par bya ba byas pa'i sems can rnams kyi mngon par byung ba'i sems dang rab tu byung ba'i sems dang / 'phags pa'i lam gyi sems kyi bar chad byed pa 'di ni dang po'o// gzhan yang khyim pa dbang phyug gi gan na 'dug cing nor la chags pa dang / bu la chags pas las kyi rnam par smin pa la yid mi ches shing / bu pho dang / bu mo dang / chung ma 'am/ gnyen gyi tshogs rab tu byung ba'i bar chad byed pa 'di ni gnyis pa'o// gzhan yang khyim pa dam pa'i chos spong ba yin te/ des ma thos pa'i chos rnams thos na/ ma dad cing spong bar byed pa 'di ni gsum pa'o// gzhan yang khyim pa tshul khrims dang ldan pa'i dge sbyong dang bram ze la kun nas mnar sems dang / tha ma'i sems mang ba yin te/ 'di ni bzhi pa'o// bzhi po 'di dag las chos gang yang rung ba zhig dang ldan na/ khyim pa mi khom par gyur pa yin te/ skye ba de dang der zhes bya ba nas sangs rgyas kyi bstan pa la nan tan mi byed do// zhes bya ba'i bar du mi 'gyur ro// dper na mi la la zhig mi gtsang ba'i dong du lhung nas mi gzhan la yang 'di skad du a la la/ 'di ltar chu 'di shin du dang ba ngo mtshar to zhes zer ba 'di ni chu ma yin pa la chur 'du shes bskyed de/ dang ba'i chung 'du shes pa de bzhin du/
- 194a
sems can gang la la bdag nyid 'dod pa'i dam du bying ba dag gzhan yang 'dod pa'i 'dam du 'jug par byed do// bdag nyid 'dod chags kyi g.yang sar lhung bar byas/ zhe sdang gi g.yangs dang / gti mug gi g.yang sar lhung bar byas la gzhan yang de dag tu lhung bar byed do// dper na mi la la zhig gis dgra bo bzung ste/ me mdag me lce med pa du ba med pa 'dom bdun pa'i nang du bcug pa de bzhin du/ gang la la me dang mtshungs pa'i 'dod pa dang / me dang mtshungs pa'i bud med dang / bsten cing 'dod pa bsngags te/ gzhan yang 'dod pa dag la 'jug par byed pa na de dag ni gzhan yang me'i klubs su lhung bar byed do// de dag nad dang mya ngan de dag la nye bar sbyor ro// dper na mi la la zhig gis mi gzhan la yang bde ba yongs su longs spyod pa'i phyir/ spu gri'i so lta bu'i ri la 'dzeg tu bcug pa 'di lta ste/ spu gri'i so lta bu'i ri mnyam zhing mi mnyam pa med pa 'di ni bde ba'i longs spyod do zhes zer ba de bzhin du phal cher pha ma bu la byams pa dang ldan pas de'i chung ma len te/ de dag gis 'dod pa bsngags nas/ 'dod pa la bcug pa de lta bu ni mdza' bo'i gzugs kyis sbrul gdug pa drag cing che ba ston to// g.yang sa bsgod dka' ba 'jigs 'jigs ltar 'dug pa yang ston to// sems can dmyal ba dang / dud 'gro/ dang / yi dgas kyi 'jig rten du 'gro ba'i lam yang mtshon te/ zhes gsungs so// bad sa la'i rgyal po shar pas zhus pa'i mdo las kyang gsungs te/ rgyal po chen po 'di la skyes bu 'dod pa la chags shar bud med la lta 'dod pa ni tshul khrims dang ldan pa'i dge sbyong dang / bram ze la brten pa mi srid pas de tshul khrims dang ldan pas de dag gis yongs su spangs pas dad pa dang tshul khrims dang
- 194b
gtong ba dang / thos pa dang / shes rab las yongs su nyams te rmal chags pa/ brtsog pa'i spyod yul can/ bshul bar rnam pa la dga' ba bud med la dad che ba chags pa'i spyod yul can 'gro bar bya ba ma yin par song ba/ me gtsang ba'i srin po dang 'dra ba/ snyigs ma len pa/ khrel dang ngo tsha bor ba/ lha dang me'i chos stor ba/ ngan par smad pa'i 'tsho bas 'tsho ba/ mkhas pas smad pa/ bud med kyis tshugs pa/ bud med kyis mkhol ba/ ngar snabs dang / kha chu dang / snabs dang / chu ser dang / snag dang / sha ru la zag pa myong bar byed pa/ mi gtsang ba'i spyod yul can/ ba lang dang / lug dang / bya gag dang / khyi dang phag dang / wa dang / bong bu'i chos spyod pa/ gnod pas 'tsho ba/ pha la phangs par mi 'dzin pa/ dge sbyong dang / bram ze dang / sbyin gnas la phangs par 'dzin pa med pa/ sangs rgyas dang chos dang dge 'dun la dad pa nyams pa/ sems can dmyal ba dang / dud 'gro'i skye gnas dang / gshin rje'i 'jig rten la zhugs cing gzhol ba/ sen+te dang nam mkha' lding gi lus la yang dag par zhugs pa/ lcags kyi shing shal ma ri mthon po dang / me ma mu ra la gzhol ba/ sems can dmyal ba yang sos dang thig nag dang / bsdus 'dzam dang / ngu 'bod dang / ngu 'bod chen po dang / tsha ba dang / rab tu tsha ba dang / mnar med pa'i sems can dmyal ba chen por zhugs pa ni/ bud med dang mdza' zhing bud med dang 'grogs te rgod pa dang / dga' ba dang / rtse ba dang / glu gar rol mo la sogs pa rjes su dran zhing skyo ba mi skyed pa de/ pha mas dka' ba byas shing bskyed de/ gcin dang phyis yang bzod par byas shing
- 195a
blangs nas/ zla ba dgu 'am bcur rum du stsal te/ shin tu sdug bsngal ba myong bas gsos shing par du blangs nas nu zho blud cing rab tu nyon mongs par gsos bskyed de/ dzam+bu gling rnam par bkra ba ston pa/ don dang / phan pa dang / bde ba dang / grub pa dang / legs su dga' ba'i sbyin pa'i gnas de dag gis bu la phan pa dang / bde bar 'dod pas bdag gi nor gyi tshig kyis gzhan gyi bu mo de blangs nas de de la chags shing 'khril te/ pha rol gyi khyim nas blangs pa'i bud med de la zhen cing brgyal nas/ pha ma rgas gtugs te/ zham chung mig mthong ba de nor dang longs spyod med par byas nas da rang gi khyim nas phyung ste skrod do// rgyal po chen po pha ma dka' ba byed byed pa sbyin pa'i gnas la rtag tu rgyun mi 'chad par yang dag pa'i bde bas bsti stang du byas zhing yang dag pa'i bde bas bla mar bya ba'i rigs na/ des de'i tshe rang gi khyim nas phyi rol tu phyung ste bskrad nas/ gzhan gyi khyim nas blangs pa'i bud med la bza' ba dang / btung ba dang / gos kyis btabs nas dgos su byas te/ des gang bde 'gror 'gro ba'i chos ni spangs gang ngan 'gror 'gro ba'i chos ni blangs nas snying rje'i bag med cing brtsam pa med pa'i ngan pa'i sems dang ldan pa ltos zhes gsungs so// zla ba sgron ma'i mdo las kyang / 'dod pa'i phyir ni byis pa rnams// bud med rul ba sten par byed// 'gro ba rul bar 'gro 'gyur zhing // ngan 'gro rnams su ltung bar 'gyur// 'jigs pa chen po'i zhags pa ni// bud med zhags pa mi bzad pas// sangs rgyas rnams kyis 'dod pa dang / bud med bsten pa'ang mi bsngags so// lam 'di byang chub
- 195b
mi 'gyur bas// bud med rnams la ma rtog par// sbrul gdug shin tu khro ba ltar// mkhas pas de ni rnam par spongs// sangs rgyas kun gyis bsten pa yi// byang chub lam la sgom par byed// lam de goms par bsgoms byas na// bla med sangs rgyas 'grub par 'gyur zhes gsungs so// mi sdug pa la yang sbyar bar bya'o// 'di lta ste/ srog gcod pa dang / ma byin par len pa dang / 'dod pa la log par g.yem pa la sogs pa'i mi 'dod pa'i 'bras bu rnam par smin par 'gyur ba ni/ byang chub sems dpa' nyi tshe la log par bsgrub par bstan pa ma yin gyi/ sems can thams cad dang thun mong du yin te/ 'di lta ste/ dam pa'i chos dran pa nye bar gzhag pa'i mdo las gsungs pa/ sems can dmyal ba de dag sems can dmyal ba'i srung ma de dag gis tho tsham zhig/ bdag gi las byas pa rgya'i 'bur ltar bstan nas khas len du bcug ste/ rnam pa du mar zhes pa sna tshogs byas pa de bzhin du sdug bsngal du mar tshor bar byed do// rgyu dang 'dra ba'i 'bras bu dang / sa bon dang 'dra ba'i 'bras bur 'gyur te/ ji ltar mi dge ba'i las rdzogs par byas pa bzhin du/ rab tu che ba'i sems can dmyal ba chen por mi dge ba'i las rdzogs par 'bras bu rdzogs par myong ngo // de bzhin du lo brgya stong du ma'i bar du sdig pa'i las dgrar gyur pa phan pa mi 'dod cing mi phan par 'dod pa des sems can dmyal ba pa de sems can dmyal bar bsreg go/ de brgya la ci ste de las thar na yang skyabs tshol dpung gnyen tshol zhing brgyugs pa dang / des mthong brgyang ring po nas khyi blugs nas kha gdangs te stobs che zhing shin tu mgyogs pa rdo rje'i kha shin tu 'jigs//
- 196a
par zug pa/ khyi khro bos bdag bskor bar mthong nas/ sems can dmyal ba pa de bros par brtsal ba dang / khyi thams cad kyis bstsags te de dag gis bzung ngo // bzung nas kyang khams bu re re dang chu rgyus nas chu rgyus dang / gshes kyi dmigs nas gshes kyi dmigs dang / rus pa'i tshigs tshigs dang / yan lag dang nyin lag thams cad kyang de bzhin du 'chos te/ yungs 'bru tsam gyi sha yang mi lus par byas nas/ de nas yang phyir skyes te/ de bzhin du yun ring por khyi dag 'cha'o// de las gang gi 'bras bu zhe na/ de ni srog gcod pa'i 'bras bu ste/ de sha za ba'i phyir sems can gyi srog gcod pas de ni de'i 'bras bu yin no// ma byin par len pa'i 'bras bur 'gyur ba ni/ ji ltar sems can dmyal ba pa de sa las kyis bsgyur ba'i nor mang po dag mthong nas las kyi rgyus rmongs te/ bdag gi nor de dag gzhan gyis khyer ba skam zhig nas des de dag baspags pa dang / de gshin rje'i mi dag gis bzung nas brgyangs te mtshon gyis bcad cing / tshigs tshigs su btubs kyang phyir yang 'byor to// sems can dmyal ba pa de sems can dmyal ba gzhan dag gis kyang mthong nas rmugs pa dang / de dag kyang gshin rje'i mi de dag gis gzung ste/ ral gri dang / mdung thung dang / mtshon rtse gnyis pa dang / gtun 'bar ba rnams kyis dmyal nas/ de dag ma byin par blangs pa'i 'bras bu sa lo brgya stong // du mar ma byin par blangs pa'i 'bras bu ma zad ma byang med par ma gyur gyi bar du myong nas phyis de las thar par 'gyur ro// 'dod pa la log par g.yem pa ni thal tshan gyi rlung gis bud med khyer nas
- 196b
khyo ga la 'bod cing chu'i dbas g.yengs te/ phyed ni bying nas sems can dmyal ba pa la/ 'bod de nga ni thal chan gyi rlung gis khyer te/ mgon med cing nyam nyes pa la skyabs kyis zhes zer zhing bud med de du ba'i sgra de las kyi chus rmongs pas thos nas/ thal tshan gyi chu klung der zhugs pa dang / zhugs ma thag tu de'i lus kyang thal chan gyi rno bas rus pa la sha yungs 'bru tsam gyi lhag ma yang ma lus par de ltar zhigs pa dang / yang phyir skyes so// de nas yang bud med de rgyang ring po nas thal tshan gyi rlung gis khyer te/ bdag la skyabs med kyis skyobs shig ces byi bo la smras pa mthong nas/ sems can dmyal ba pa 'dod chags kyis zil gyis non te yang bud me de la gzung ba dang / des lcags kyi mtshon cha rnon pos khyo ga de la bzung ste brang nas de'i lus la sha yungs 'bru tsam yang ma lus par gyur nas lus kun ni khrag gis yogs te/ lus la ni nus pa'i dra ba 'ba' zhig lus so// de bud med la chags pas zil gyis non nas yang rmugs te/ sdig pa'i las de ma zad ma byang med par ma gyur gyi bar du lo brgya stong du mar thal tshan gyi rlung gis g.yengs nas des phyis sems can dmyal ba de las thar nas kyang yang slar skyes so zhes rgya cher gsungs so// longs spyod dang srog la chags pa yang khyim pa rnams kyi log par bsgrub pa yin te/ gsal rgyal gyis zhus pa'i mdo las 'byung ba/ rgyal po chen po dper na/ skyes pa 'am bud med gcig gnyid kyis log pa'i rmi lam na/ kun dga' ra ba nyams dga' ba 'am/ ri dang rdzing bu dang / 'bab chu dang nags tshal dang ljongs dang / mtshe'u dang / chu mig nyams dga' ba mthong ba las/ de sad ma thag tu ci yang ma mthong ngo // rgyal
- 197a
po chen po dper na shing las me tog byung nas 'bras bu 'byung ngo // 'bras bu byung nas 'bras bu yang med par 'gyur ro// 'dab ma sngon po byung nas skya bor 'gyur ro// skya bo las ni yang med par 'gyur ro// rgyal po chen po de bzhin du gang rgyal srid kyi bde ba dang / rgyal srid kyi dbang phyug gi bde ba dang / 'dod pa'i bde ba dang / 'dod pa'i longs spyod la dbang ba'i bde ba 'di lta ste/ glang po che dang / rta dang / shing rta dang / dpung bu chung dang / sras dang / btsun mo dang / gzhon nu dang / blon po dang / rtsis pa dang / sna chen po la gtogs pa dang / sgo ba dang / 'khor dang / pha ma dang / spun dang / sring mo dang / chung ma dang / bu bo dang / bu mo dang / rten grogs dang / bran po dang / bran mo dang / las byed pa dang / go re long dang / zhos shas 'tsho ba dang / yul gyi maM dang dngul dang / gser dang / nor bu dang / rin po che dang / gos dang / nor dang / 'bru dang / mdzod dang / bang ba la sogs pa de dag thams cad bor te 'gro dgos so// de dag thams cad ni mi rtag pa/ mi brtan pa/ yid brtan du mi rung ba/ rnam par 'gyur ba'i chos can/ yun thung ba/ mi gnas pa/ g.yo ba dang / 'gul ba/ mthar 'jig pa/ skad cig pa/ bathar sdig pa zad cing 'jig pa'i sgo/ mthar 'gyes pa'i chos can/ 'jigs pa dang bcas pa/ 'tsho ba dang bcas pa/ mya ngan dang / 'khrul pa mang ba/ 'drul pa/ 'jig pa/ 'chad pa/ 'gyes pa/ 'thor ba/ rnam par 'jig pa'i chos can te/ de lta bas na/ rgyal po chen po khyod mi rtag par lta ba dang / zad pa dang 'jig par lta zhing chos kyi rgyal po gyis la/ chos ma yin
- 197b
pas ma byed cig/ chos kyi rjes su 'jug pa gyis la chos ma yin pa'i rjes su 'jug par ma byed cig/ rgyal po chen po 'di lta ste/ dper na phyogs bzhi nas ri chen po sra ba/ snying po dang ldan pa/ ma zhig pa/ mags pa/ khong stong ma yin pa/ shin tu 'khregs pa/ gcig tu 'dus pa bzhi gnam la reg cings zlog ste/ rtswa dang / shing dang / shing gel pa dang / yal ga dang / lo ma thams cad dang / sems can srog chags 'byung po thams cad phye mar 'thag cing 'ong na de dag las ni mgyogs pas 'bros pa dang / stobs kyis bzlog pa'am/ nor gyis bzlog pa 'am/ rdzas dang / sngags dang / sman rnam kyis bzlog par zla ba ma yin no// rgyal po chen po de bzhin du 'jigs pa chen po bzhi po 'di dag 'ongs te/ de dag las mgyogs par 'bros pa'am/ stobs kyis bzlog pa'am/ nor gyis bzlog pa'am/ rdzas dang / sngags dang / sman rnams kyis bzlog par zla ba ma yin no// rgyal po chen po bzhi gang zhe na/ 'di lta ste/ rga ba dang / nad dang / 'chi ba dang / rgud pa'o// rgyal po chen po rga ba ni dar la bab pa 'joms zheng 'ong / nad ni nad med pa 'joms zhing 'ong / 'chi ba ni srog 'joms zhing 'ong / rgud pa ni phun sum tshogs pa thams cad 'joms zhing 'ong / rgyal po chen po/ 'di lta ste/ dper na ri dgas kyi rgyal po serne ri dgas kyi tshogs kyi nang du zhugs nas ri dgas bzung ste/ ji ltar 'dod pa bzhin du bya ba byed do// ri dgas de ni stobs po che'i kha mi bzad pas gzung bas dbang med par 'gyur ro// rgyal po chen po de bzhin du 'chi bdag gi gsal shing gis zug ste/ rgyags pa dang ni bral/ mgon ni med/ skyabs ni med/ dpung gzhan ni med/ gshes ni 'jig/ tshogs/
- 198a
ni 'bye 'bral/ sha dang khrag ni skams/ lus ni nad kyis gdungs so// som ni skom bzhin ni 'gyur/ rkang pag ni g.yo ba/ las ni mi nus/ mthu ni med/ kha chu dang / snabs dpag cin dang / ngan skyugs kyis ni lus la gos/ mig dang / rna ba dang / sna dang / lce dang / lus dang / yid kyi dbang po dag ni 'gag/ skyigs bu ni 'byung / sgra dar dang po ni 'don/ sman pas ni bor/ sman dang / kha zas dang / bza' ba dang / bca' ba dang / thug pa thams cad kyis ni gles la bor ste/ 'gro ba gzhan dag tu 'gro bas mal gyi tha ma la ni nyal/ thog ma med pa'i skye ba dang / rga ba dang / na ba dang / 'chi ba'i 'khor ba'i rgyud du ni nub/ srog ni cung zad cig las/ gshin rje'i mis ni 'jigs skrag/ byur gyi dbang du ni song / dbugs rgyu ba ni chad/ kha dang sna ni gdangs/ so ni brtsegs/ sbyin pa sbyin no zhes de skad gsol ba ni 'debs/ las kyi srid pa nas yang srid pa nas ni 'jug/ gcig pu gnyis su med cing grogs ni med de/ 'jig rten 'di ni 'dor/ 'jig rten pha rol tu ni 'gro/ skyes chen po de ni 'degs/ mun pa chen por ni zhugs/ g.yang sa chen por ni lhung / khrod gadrag por ni 'jug/ dgon pa chen por ni 'gro/ rgya mtsho chen pos ni khyer/ kye rlung gis ni bdas/ sa tshugs med pa'i phyogs su ni 'gro/ g.yul ngo chen por ni 'jug/ gdon chen pos ni zin/ nam mkha' la ni 'chel pa ma dang / phu nu dang / sring mo dang / bus ni bskor/ dbugs ni chad/ nor bgo bsha' bya zhes ni zer/ kyi hud pha/ kyi hud ma/ kyi hud bu zhes ni De ra/ skra ni zhigs de/ sbyin pa dang / dka' thub dang / chos 'ba' zhig grogasu gyur pa ni/ chos
- 198b
ma gtogs pa skyabs gzhan med/ mgon gzhan med gnas gzhan med/ dpung gnyen gzhan med do// rgyal po chen po de'i tshe de'i dus na/ chos ni gling dang gnas dang / mgon dang ston par 'gyur ro// rgyal po chen po de lta bas na/ khyod kyi mi rtag par lta zhing zad pa dang / dengs par lta bar bya ste/ 'chi bas 'jigs spags par bya'o// chos kyis rgyal srid gyis shig/ chos ma yin pas ni mi bya'o// khyod chos dang mthun par gyis shig/ chos ma yin pa dang 'thun par ni mi bya'o// de ci'i phyir zhe na/ rgyal po chen po khyod kyis lus 'di ltar legs par yongs su bsrungs pa/ legs par yongs su btsas pa'ang 'chi ba'i dus byed par 'gyur ro// yon tan thams cad dang ldan zhing shin tu yun ring por bza' ba dang / bca' ba dang / myang ba dang / ngoms par 'gyur ba bsod pa/ gtsang ma mang pos tshim par bya ste/ bskyed bskyed pa yang tha ma'i mal na 'dug pa'i tshe/ sman pas bor zhing sman dang / kha zas dang / bza' ba dang / thug pas gles la bor nas bkres pa/ snyoms pas nyen cing yid mi bde bar 'chi ba'i dus byed par 'gyur ro// rgyal po chen po 'di ltar khyod kyis lus bskus shing bskus te/ bdug pas bsgos/ me tog dri zhim pos bsgos kyang gdon mi za bar dus su rang bzhin gyis lhan cig skyes pa'i dring ba 'byung bar 'gyur ro// rgyal po chen po 'di ltar yul ka shi'i ras dang / mon dar dang / du gu la'i ras dang / dar dang / kha che dang dang / bal dang / zar ma'i ras la sogs pa'i gos kyi bye brag gis g.yogs kyang tha ma'i mal na 'dug pa'i tshe/ snyun rnam pa mang po dang / chus reg cing gos dri ma can gyon
- 199a
cing 'chi ba'i dus byed par 'gyur ro// rgyal po chen po de ltar khyod khyim na bud med kyi nang na 'dug pa btsun mo'i 'khor gyi nang na 'dug ste/ bud med kyi tshogs kyis bskor cing / gar dang klu dang rol mo sil san byed/ pheg rdo ba dang / pi wang byed/ gling bu len/ rnga brdung zhing yid bde bar rtse dga' zhing dga' mgur spyod pa yang 'chi bas 'jigs skrag nas shin tu yid mi bde zhing 'chi ba'i dus byed par 'gyur ro// rgyal po chen po de ltar khyod khyim gyi nang na spos dri zhim pos bsgrubs bskus/ gtan pa ni bcug/ skar khung ni legs par bcad byug pa mang bas ni byugs/ 'bru mar rje zhim pos ni mar mon 'bar/ dar gyi lnga ldi mang pos ni bris/ me tog dri zhim po'i sil ma mang pos ni chal par bkang / pog par gyis ni bdugs/ khri'i rtsa ba gser dang / dngul dang / bai DUR+Ya las ni byas/ pra ti ka dang dre'u rngog gi stan dang / stan nang tshangs can dang / za 'og gi stan dang / yul ka lin pa'i stan dang / steng du bting ba dang / de'i steng du bting bas ni bkab/ goms g.yon du dar dmar po'i sras na bzhag pa'i thal nyal ba yang bya ga dang / brargod dang / wa dang / ra dang / sha dang / rus pa dang / grwa dang / khrag dang zhag dang / nus dang / nag gi gnas mchog tu 'jigs su rung ba'i drangs chen por bar na/ lus g.yo ba med cings ma skal du gdan mtha'o// rgyal po chen pa 'di ltar yang byed grang pa tsha'i bya ba la kha'am/ 18/ rgyab bam/ shing ta la zhon te/ dung dang / rnga dang / rdza rnga dang / 'khar rnga dang / rol mo sil san gyi bye brag len pa dang / gdugs dang / rgyal mtshan dang / ba dan dang / rnam par rgyal
- 199b
ba'i ba dan ni bsgrengs/ bsil yab nor bu'i yu ba can dang / rnga yab dang / shing tA la las byas pa ni g.yab cing / glang po che ba dang / rta pa dang / dpung bu chung du ma ni phyi bzhin 'brang / rgyal bu dang / bram ze bslab pa 'phog pa'i blon po dang / mdun na 'don dang / skye bo thal mo sbyar ba brgya stong du mas ni phyag bya zhing rgyal bar spyon cig/ rgyal bar spyon cig ces sman par brjod do phyir 'byung ba myong ba yang ring po mi thogs par g.yo ba med cing mal du shi nas mi bzhis bteg ste/ pha dang ma dang phu ru dang / sring mo dang / chung ma dang / bu pho dang / bu mo dang / rten grogs dang / bran pho dang / bran mo dang / las byed pa dang / zho shas 'tsho ba dang / blon po dang / grong khyer pa'i skye bo dag mya ngan gyi dbang du song ste/ lag pa bteg nas brang brdung zhing mchog tu snying rje bar gyi hud bu/ kyai dud mgon po/ kyi hud bu po/ kyi hud jo bo zhes ngu zhing zham ring ba dang / grong khyer pa'i skye bo dag gi 'jigs pa dang bcas par mthong ste/ grong khyer gyi phyogs kyi sgor byung nas sa'i 'og ru bcug gam/ 'brog dgon par sa'i 'og tu bcug kyang bya rog dang / bya rgod dang / la la sogs pas zos shing rus pa de dag mes bsregs sam/ chung bskur ram sa'i 'og tu bcug kyang rlung dang nyi ma dang / char pas phye mar bya ste/ phyogs phyogs su mthor zhing de nyid du rul bar 'gyur ro// rgyal po chen po de ltar thams cad kyi lus kyi rang bzhin ni 'di yin te/ 'di ltar mi rtag pa/ 'di ltar mi brtan pa/ 'di ltar yid brtan du mi rung ba/ 'di ltar rnam par 'jig pa'i chos can/ yun thung ba mi gnas pa/ g.yo ba/ 'gul ba/ mthar
- 200a
'jig pa/ skad cig pa/ mthar sdig pa/ zad cing 'jig pa'i tho/ mthar 'gyes pa'i chos cad/ 'jig pa dang bcas pa/ 'tshe ba dang bcas pa/ mya ngan dang / 'khrug pa mang ba// 'phrul ba 'jig pa/ 'chad pa 'thor ba/ rnam par 'jog pa'i chos can te/ de lta bas na rgyal po khyod mi rtag par blta ba dang / zad pa dang / 'jig par blta ba dang / 'dod chags kyis chags bzod pa dang / zhe sdang gis snang ba med pa/ gti mug gis rmongs pa med pa/ rgyal srid kyi dbang phyug dang / 'dod pa'i longs spyod kyi bde ba rnams la yang mi chags par bya'o// srog dang nad med pa'i rmugs pas rgyags par mi bya'o// de ci'i phyir zhe na/ rgyal po chen po 'dod pa rnams rnyed pa'am/ so sor rnyed pa'am/ bsags pa 'am/ rab tu bsags pa'am/ bsten pa ni 'dod ba rnams kyis ngoms par 'gyur ro// zhes nga mi smra'o// gang dag ngoms pa de dag ni 'phags pa'i shes rab kyis ngoms so// zhes gsungs so// rtag tu lus la mi sdug par sgom pa dang ldan par bya ste/ dkon mchog sprin gyi mdo las 'byung ba/ lus 'di la skra dang / spu dang / sen mo dang / so dang / rdul dang / dri ma dang / pags pa dang / sha dang / rus pa dang / rgyus pa dang // rtsa dang / mkhal ma dang / snying dang / mchin pa dang / glo ba dang / rgyu ma dang / gnye ma dang / lgang ba dang / pho ba dang / sul mangs dang / long ga dang / mcher pa dang / phyi sa dang / mchi ma dang / rdul dang / snabs dang / ngar skabs dang / zhag dang / chu ser dang / rkang dang / tshil dang / mdzes pa dang / bad kan dang / rnag dang / khrag dang / klad pa dang / klang
- 200b
rgyu dang / gcin dag yod de/ dngos po de dag la byang chub sems dpa' yongs su rtog pa'i rang bzhin can yin te yongs su rtog pa'i rang bzhin can de 'di snyam du gang yang byis pa blun po mi gsal ba mi mkhas pa/ de yang dngos po 'di dag shes nas 'dod chags kyis sems bskyed na/ shes rab dang ldan pa'i rang bzhin can la lta spos kyang ci dgos snyam du sems so zhes ni ji skad gsungs pa lta bu'o// don rnam par nges pa'i mdo las kyang 'byung ba/ dge slong dag 'di la dge slong dgon pa na 'dug kyang rung / shing drung na 'dug kyang rung / khang stong na 'dug kyang rung ste/ lus 'di nyid la 'og gi rkang mthil yang chad/ skra dang klad pa la zug gi bar du mi gtsang ba rnam pa sna tshogs kyis gang bar yang dag pa ji lta ba bzhin du so sor rtog ste/ lus 'di la yod pa ni sgra dang / spu dang / sen po dang / so dang / rdul dang / dri ma dang / pags pa dang / sha dang / rus pa dang / nus pa dang / rtsa dang / mkhal ma dang / sing dang / glo ba dang / mchin pa ma dang / pho ba dang / long ga dang / zlu ma dang / gnyen ma dang / lgang ba dang / su la mangs dang / mcher ma dang / byis sa dang / mchi ma dang / rdul dang / ngar snabs dang / mchil ma dang / zhag dang / chu ser dang / rkang dang / tshil dang / rnag dang / bad kan dang / mkhris pa dang / khrag dang / klad pa dang / klad rgya dang / gcin dang / mig rdul dang / rna lpags dang / so'i dri ma dang / lce'i dri ma dag yod de/ mi gtsang ba rnam pa sna tshogs kyis gang bar yang dag par ji lta ba bzhin du so sor rtog go/ dge slong dag 'di lta ste/ dper na 'bras sa lu dang / 'bru dang / nas dang
- 201a
gro dang / mon sran gre'u dang / mon sran sde'u dang / rgya sran dang / 'bras so ba dang / sran chung dang / mon sran na gu dang / yungs kar dang / 'bru rnam pa sna tshogs kyis gad ba'i sbyang zhig kha gnyis ka phye ba de la mig dang ldan pa'i mi zhig gis blugs nas so sor rtogs te/ so sor brtags nas 'di dag ni 'bras sa lu'o// 'di dag ni 'bru'o// 'di dag ni nas so// 'di dag ni gro'o// 'di dag ni mon sran gre'u'o// 'di dag ni mon sran sde'u'o// 'di dag ni n+ya sran no// 'di dag ni 'bras so ba'o// 'di dag ni sran chung ngo // 'di dag ni mon sran na gu'o// 'di dag ni til lo// 'di dag ni 'bras drus pa'o// 'di dag ni yungs kar ro// zhes bya bar shes so// dge slong dag de bzhin du dgon pa na 'dug kyang rung / shing drung na 'dug kyang rung / khang stong na 'dug kyang rung ste/ lus 'di nyid la 'og gi rkang mthil yan chad skra dang / klad pa la thug gi bar du mi gtsang ba rnam pa sna tshogs kyis gang bar yang dag pa ji lta ba bzhin du so sor rtog ces gsungaso// dpas byin gyis zhus pa'i mdo las kyang / 'di la byang chub sems dpa' 'di'i thog ma dang tha ma'i rgyal so sor brtag par bya'o// pha ma'i khu chu dang khrag 'dres pa las byung ste/ lus 'di la khu chu dang khrag ni lus kyi thog ma'i rgyu yin no// tha ma'i rgyu ni zas 'ju ba la sogs pa ste/ kham gyi bza' ba'i zas zos ma zag tu bad kan gyi gnas su 'gro'o// bad kan gyi gnas su phyin nas/ bad kan gyis rkyang rkyang par byas te/ shin tu mi gtsang bar 'gyur ro// de'i 'og tu mkhris pa'i gnas su 'gro ste/ mkhris pa'i gnas/
- 201b
su phyin nas zhu zhing skyur por gyur te/ rlung gi khams su 'gro'o// zhu ste rlung gi khams su phyin nas rlung gis tshigs ma logs shig dang sa ma logs shin tu rnam par 'byed do// tshigs ma las ni gcin dang ngan skyugs la sogs te dri ma rnams 'byung / dang sa ma las ni khrag tu 'gyur te/ khrag las sha'o// sha las tshil lo// tshil las rus pa'o// rus pa las rkang ngo // rkang las khu chu'o// khu chu las lus 'di ste/ de ltar thog ma dang / tha ma'i rgyu mi gtsang ba'i phyir/ lus mi gtsang bar byang chub sems dpas bsam par bya'o// zhes gsungs so// yang de nyid las 'byung ba/ 'di ltar mi gtsang phung po'i lus la ni/ gzugs mngon nga rgyal can gang gus byed pa/ byis pa'i blo can de ni sngon bzhin du// mi shes ngan sngags bum pa thogs shing 'gro// de'i sna nas rnag gi rnam par 'dzag/ kha nas dri mi zhim pa rtag tu 'byung // mig tu chags zhing skye bo srin bu can// de la su zhig chags zhing gus par byed// dper na byis pa sol ba thogs nas su// 'di ni dkar po bya zhes bdar kyang ni// dkar po'i dngos por mi 'gyur zad par 'gyur// phyis blo phyin ci log gi nga rgyal can// de ltar mi gang gtsang sbra'i blo gros can// nga yi lus 'di gtsang mar bya zhes te/ bskus phyis 'bab stegs brgyar ni khrus byas kyang // 'chi bdag dbang gis zad 'gyur gtsang mi 'gyur/ zhes gsungs so// 'phags pa dri ma med par grags pas bstan pa las kyang / de nas li tsa byi dri ma med par grags pas tshad med pa'i thabs la mkhas pa'i ye shes dang ldan te/ yangs pa'i grong khyer chen po na gnas zhing 'dug go/ de thabs la mkhas pas bdag nyid na ba lta bur bstan nas/ de la nad dri ba'i phyir yangs pa'i grong khyer chen po nas rgyal po dang / blon po chen
- 202a
po dang / blon po dang / gzhon nu dang / 'khor dang / bram ze dang / khyim bdag dang / tshong dpon dang / khyim pa dang / yul gyi mi dang / de ma yin pa srog chags stong phrag mang po nad 'dir 'ongs te der lhags pa de dag la/ le tsa byi dri ma med par grags pas 'byung ba chen po bzhi'i lus 'di nyid la brtsams nas chos ston te/ grogs po rnams lus 'di ni 'di ltar mi brtan pa/ 'di ltar yid brtan du mi rung ba/ 'di ltar nyam chung ba/ 'di ltar zhigs pa/ 'di ltar sdug bsngal ba/ 'di ltar na dmang ba/ 'di ltar 'gyur ba'i chos can no grogs po dag 'di ltar lus 'di ni nad mang po'i snod de/ mkhas pas de la gnas par mi bya'o// thogs po dag lus 'di ni cang mi bzod pa ste/ dbu ba rdos pa lta bu'o// lus 'di ni ring du mi gnas pas te/ chu'i chu bur lta bu'o// lus 'di ni nyon mongs pa'i srid pa las 'thung ba ste/ smig rgyu lta bu'o// lus 'di ni snying po med pa ste/ chu shing gi phung po lta bu'o// kye ma lus 'di ni rus pa la nus pas sbrel ba ste/ 'khrul 'khor lta bu'o// lus 'di ni sems byin ci lo ga las byung ba ste/ b+hU ma lta bu'o// lus 'di na yang dag pa ma yin pa/ mthong ba de ste rmi lams bu'o// lus 'di ni sngon gyi las kyi gzugs brnyan snang ba ste/ chu zlalta bu'o// lus 'di ni rkyen rag las pa'i phyir brag tsaste bu'o// lus 'di ni sems 'khrug cing 'gyes pa'i mtshan ma ste/ sprin lta bu'o// lus 'di ni skad cig tu 'jig pa dang ldan zhing mi gnas pa ste/ sh+log dang mtshungs so// lus 'di ni rkyen sna tshogs las byung ba ste/ bdag po med pa'o// lus 'di ni sa dang 'dra ste byed pa med pa'o// lus 'di ni chu dang 'dra ste bdag med pa'o// lus 'di ni me dang 'dra ste srog med
- 202b
pa'o// lus 'di ni rlung dang 'dra ste gang zag med pa'o// lus 'di ni nam mkha' dang 'dra ste rang bzhin med pa'o// lus 'di ni 'byung ba chen po rnams kyi gnas te/ yang dag pa ma yin no// lus 'di ni bdag dang bdag gi ba med pa ste stong pa'o// lus 'di ni rtswa dang / shing dang / rtsig pa dang / bong ba dang / mig yor lta bu ste bam po'o// lus 'di ni rlung gi 'khrul 'khor dang ldan pas 'byung ste/ tshor ba med pa'o// lus 'di ni rnag dang / mi gtsang ba bsags pa ste/ gsog go/ lus 'di ni rtag tu byug pa dang ma nye ba dang / 'jig pa dang 'gyes pa'i chos can te gsob po// lus 'di ni nad bzhi bcu rtsa bzhis gtses pa'o// lus 'di ni rtag tu rga bas zil gyis non pa ste khron pa rnying pa dang 'dra'o// lus 'di ni 'chi ba'i mthar thug pa ste/ mthar mi gnas pa'o// lus 'di ni phung po dang khams dang / skye mched kyis yongs su zin pa ste/ gshed ma dang dug drag po dang grong stong pa lta bu'o// khyed kyis de lta bu'i lus la sun pa dang / skyo ba skyed cing de bzhin gshegs pa'i sku la mos pa bskyed par bya'o// grogs po rnams de bzhin gshegs pa'i sku ni chos kyi sku ste/ bsod nams las skyes pa'o// de bzhin gshegs pa'i sku ni sbyin pa las skyes pa/ tshul khrims las skyes pa/ ting nge 'dzin las skyes pa/ shes rab las skyes pa/ rnam par grol ba las skyes pa/ rnam par grol ba'i ye shes mthong ba las skyes pa/ byams pa dang snying rje dang dga' ba dang btang snyoms las skyes pa/ sbyin pa dang / dul ba dang / yang dag par sdom pa las skyes pa/ dge ba bcu'i las kyi lam las skyes pa/ bzod pa dang nges pa las skyes pa/ brtson 'grus dang brtan pa'i
- 203a
dge ba'i rtsa ba las skyes pa/ bsam gtan dang / rnam par thar pa dang / ting nge 'dzin dang snyoms par 'jug pa las skyes pa/ thos pa dang / shes rab dang / thabs las skyes pa/ byang chub kyi phyogs kyi chos sum cu rtsa bdun las skyes pa/ zhi gnas dang lhag mthong las skyes pa/ stobs bcu las skyes pa/ mi 'jigs pa bzhi las skyes pa/ sangs rgyas kyi chos ma 'dres pa bco brgyad las skyes pa/ pha rol tu phyin pa thams cad las skyes pa/ mngon par shes pa dang rig pa las skyes pa/ mi dge ba'i chos thams cad spong ba las skyes pa/ dge ba'i chos thams cad yang dag par bsdud pa las skyes pa/ bden pa las skyes pa/ yang dag pa nyid las skyes pa/ bag yod pa las skyes pa'o// grogs po dag de bzhin gshegs pa'i sku ni dge ba'i las tshad med pa las skyes pa ste/ khyed kyis de lta bu'i sku de la mos pa skyed par bya'o// zhes gsungs so// // bam po gsum pa// dbang phyug gi gnas rnyed na yang sus kyang log par bsgrub par mi bya ste/ yang dag par sgrub pa la nan tan du bya'o// de la yang dag pa'i sgrub pa ni/ bden pa po'i le'u las 'byung ba/ skye dgu bskyang ba la brtson pa'i chos kyi rgyal pos 'du shes la gnas pa brgyad kyis mang du gnas par bya'o// brgyad gang zhe na/ skye dgu'i ris su gtogs pa'i sems can rnams la bu'i 'du shes dang / mi srun pa rnams la nad pa'i 'du shes dang / sdug bsngal ba rnams la snying rje ba'i 'du shes dang / bde ba rnams la dga' ba'i 'du shes dang / mi mdzar ba rnams la de'i gzhi las nyes par lta ba'i 'du shes dang / mdza' ba rnams la rjes su bsrung ba'i 'du
- 203b
shes dang / longs spyod rnams la sman gyi 'du shes dang / bdag la bdag med pa'i 'du shes so// rgyal po chen po de la skye dgu'i ris su gtogs pa'i sems can rnams la bu'i 'du shes kyi gnas pa ni rgyal po chen po de phas bu bcos pa ltar mi srun pa tshar bcad pa la 'jug kyang / snying rje ba'i bsam pa mi gtong ba'o// mi srun pa rnams la nad pa'i 'du shes kyis gnas pa ni sman pa ltar gnod pa byed pa la ni mi khro zhing khro skyon rab tu gsal ba'i phyir sbyor ba'o// sdug bsngal ba rnams la snying rje ba'i 'du shes kyis gnas pa ni/ gnod pa thams cad yongs su spong zhing phan pa bsgrub pa'i phyir 'jug pa'o// bde ba rnams la dga' ba'i 'du shes kyis gnas pa ni gzhan gyi nor dang yo byad la brnab sems dang phrag dog gi sems mi bskyed pa'o// mi mdza' ba rnams la de'i gzhi la nyes par lta ba'i 'du shes kyis gnas pa ni de'i gzhi yongs su spong ba ste/ des skye bo gzhan la lta ci smos kyi dgra rnams dang yang mdza' bar byed pa'o// mdza' ba rnams las rjes su bsrung ba'i 'du shes kyis gnas pa ni mdza' ba brtan pa dang / thams cad dang mdza' ba'o// longs spyod rnams la sman gyi 'du shes kyis gnas pa ni 'dod pa la log par g.yem pa la yongs su mi spyod cing longs spyod pa rnams la ma chags par yongs su spyod pa'o// bdag la bdag med pa'i 'du shes kyis gnas pa ni chos don du gnyer zhing dge sbyong dang / bram ze rnams kyi drung du song ste rjes su mthun pa'i chos sgrub pa la 'jug pa ste/ rgyal po chen po 'du shes la gnas pa brgyad de dag gis gnas pa'i chos dang ldan pa'i rgyal po ni skyes phul ba tsam gyis kyang longs spyod rnams shin tu mang bar 'phel bar 'gyur gyi/ chos dang mi 'thun pas ni g.yo'i sbyor ba dang / 'dun pa rnam pa thams
- 204a
cad kyis bsgrubs kyang de ltar 'phel bar mi 'gyur ro// zhes gsungs so// yid gnyis legs par 'joms pa'i mdo las kyang / chos bzhi dang ldan na rgyal po rgyal rigs spyi bo nas dbang bskur ba log par mi ltung ba'i chos can du 'gyur te/ de bzhin gshegs pa dgra bcom pa yang dag par rdzogs pa'i sangs rgyas myur du ma nyes par byed cing longs spyod chen po phun sum tshogs pa yang yongs su 'dzin to// bzhi gang zhe na/ 'di lta ste/ de bzhin gshegs pa'i bstan pa bsrung ba'i phyir gnas pa yin sdig pa mi dge ba'i chos la smod pa dang / stong pa nyid dang / mtshan ma med pa dang / smon pa med pa'i chos yongs su 'dzin pa dang / bla na med pa yang dag par rdzogs pa'i byang chub tu sems bskyed pa'o// zhes gsungs so// mi dge ba yongs su spang bar bya ba gang zhe na/ nyi ma'i snying po'i le'u las 'byung ba/ ma 'ongs pa'i dus na rgyal rigs dang / bram ze'i rigs dang / rje'u rigs dang / dmang rigs dag chos kyi gnas pa'i dge slong rnams la byin pa'i khyim gyi gzhi dang / zhing gzhi dang / kun dga' ra ba'i gzhi dang / skyed mos tshal dang / bran po dang / bran mo dang las byed pa dang / mal cha dang / stan dang / na ba'i gsos sman dang / yo byad nas rkang 'gros kyi bar du yang de bzhin du byin pa la brku ba dang / ril gyis phrog pa dag 'byung bar 'gyur te/ rgyal rigs nas dmangs rigs kyi bar du de dag tshe 'di la mi 'dod pa'i chos nyi shu dang myur du ldan par 'gyur ro// nyi shu gang zhe na/ lha 'phangs par 'gyur ba dang / phyogs dang / phyogs mtshams su de'i mi snyan pa zag par 'gyur ba dang / de mdza' bo dang / nyi du dang / snag gi gnyen mtshams kyis bor bar 'gyur//
- 204b
ba dang / de la dgra mang bar 'gyur ba dang / nor dang / 'bru dang / yo byad 'grib par 'gyur ba dang / g.yeng ba mang bar 'gyur ba dang / yan lag ma tshang bar 'gyur ba dang / de nyid med par 'gyur ba dang / de dag gtan tu skom pas nyen par 'gyur ba dang / de la btung ba yang dug du 'gyur ba dang / mdza' ba yid du 'thad pa dag dang yang myur du 'bral bar 'gyur ba dang / rtag tu gzhan dang 'thab par 'gyur ba dang / pha ma dang / chung ba dang / bu po dang / bu bo dang / bran po dang / bran mo dag/ bsgo ba'i rjes su mthun par mi byed par 'gyur ba dang / de'i tshig gsang ba dang / nor gsang ba dang / btsun ma'i 'khor gsang ba dang / de'i gsang ba'i dngos pa thams cad sdang nang mngon par 'gyur ba dang / bgo zhal la spyod pa mi sdug pa dag gi langs spyod rnams chung gsan par 'gyur ba dang / myur du nad drag pos btab par 'gyur ba dang / sman dang nad g.yog med cing sha dang khrag skam la/ sdug bsngal myong bar 'gyur ba dang / bdag gi gcin skyug gis reg ste/ 'chi ba'i dus byed par 'gyur ba te/ rgyal po chen po mi 'dod pa'i chos nyi shu po 'di dag dang phrad par 'gyur ro// gang chos kyis gnas pa'i dge slong rnams la byin pa'i longs spyod dang / yongs su spyod pa dang / nor dang ye bya daphyogs sam bdag spyod dam/ gzhan spyod du 'jug na de 'chi ba'i dus byas nas/ mnar med pa'i sems can dmyal ba chen por skye ste/ de na tshe bskal pa'i bar zangs pa zhu ba'i khu ba 'thung zhing lcags kyi zo lum thal mo'i gos gyon cing shin tu mi zad pa'i sdug bsngal sna tshogs myong bar 'gyur ro// bskal par 'dug pa'i tshe zad nas mya ngan dgon pa chu med pa na lam gol ba'i yi dgas dang skal pa
- 205a
mnyam par skyes nas yang rkang pa dang / lag pa dang / mig med par skye'o// de nas phyogs bzhi'i rlung tsha bas bsreg cing spu gri 'dra ba'i sa la 'dre ste/ de lo brgya stong du ma'i bar du de na 'di 'dra ba'i sdug bsngal myong bar 'gyur ro// de brgya la ji ste de nas shi 'phos na yang / rgya mtsho chen por sha sna dgu'i lus dpag tshad brgya par skyes te/ de ni sngon gyi las kyi rgyus dpag tshad brgya kho ra khor yug tu chu zangs bzhu ba'i khu ba 'dra ba 'byung nas/ de chu de'i nang na lo brgya stong du ma'i bar du sems can dmyal bar gnod pa myong bar 'gyur ro// de nas shi 'phos nas kyang mya ngan gyi dgon par brdzus te skyes nas/ sha sA gu chen po re tsam du gyur te phyogs bzhi kun nas rlung shin du cha bas bsreg cing de phyogs bzhi nas gcan zan dang / bya kun lpags de za'o// de brgyal ji ste yun ring po zhig na de nas shi 'phos nas kyang / yang sems can dmyal ba chen por skye'o// de nas shi 'phos kyang yang rnam pa 'di lta bu'i sdug bsngal chen po myong bar 'gyur ro// yongs su brtag pa bzung ste/ de ji ste brgya la mi rnams dang / skal ba mnyam par skyes na yang / sangs rgyas med pa'i sangs rgyas kyi zhing snyigs ma lnga can du skye zhing mig med pa dang / mig sdug par 'gyur te/ rgyal po chen po chos kyis gnas pa'i dge slong rnams kyi longs spyod dang / yongs su spyod pa dang / nor dang yo byad phrogs na/ de 'di lta bur sdug bsngal bar 'gyur ro// zhes gsungs so// nam mkha'i snying po'i le'u las kyang // rigs kyi bu rgyal po rgyal rigs spyi bo nas dbang bskur ba'i rtsa ba lnga ste/ ltung ba'i rtsa ba de dag gis/ rgyal rigs spyi bo nas dbang bskur ba/ dge ba'i rtsa ba sngon bskyed pa thams cad chud gzan
- 205b
pas pham zhing lha dang mi'i bde ba'i gnas thams cad nas lhung nas ngan song du 'gro bar 'gyur ro// lnga gang zhe na/ rigs kyi bu rgyal rigs spyi bo nas dbang bskur ba mchod rten gyi rdzas 'phrog gam/ dge 'dun gyi dang / phyogs bzhi'i dge 'dun la phul ba 'phrog gam/ 'phrog tu 'jug pa 'di ni rtsa ba'i ltung ba dang po'o// // gang yang chos spang zhing 'gog tu 'jug ste/ nyan thos nges par 'byung ba bshad pa'am/ rang sangs rgyas nges par 'byung ba bshad pa'am/ theg pa chen po nges par 'byung ba bshad pa spong zhing 'og tu 'jug pa 'di ni rtsa ba'i ltung ba gnyis pa'o// // gang yang nga'i phyir rab tu byung ste/ sgra dang kha spu bregs nas/ gos ngur smrig gyon pa bslab pa bzung yang rung / bslab pa ma bzung yang rung ste/ tshul khrims 'chal pa yang rung / tshul khrims dang ldan pa yang rung / de'i gis ngur skrag 'phrog gam/ khyim na gnas par byed du bcug gam/ lus kyi chad pa gzhu brdeg byed dam/ chad par nor 'bul du 'jug gam/ btson rar 'jug gam/ srog dang bral bar byed du 'jug pa 'di ni ltung ba'i rtsa ba gsum pa'o// rgyal rigs gang yang ched du bsams ste/ ma'i srog gcod pa dang / pha dang bcom ldan 'das kyi nyan thos dgra bcom pa'i srog gcod pa dang / dge 'dun 'dum pa byed pa dang / ched du bsams te yang dag par rdzogs pa'i sangs rgyas la ngan sems kyis khrag 'byin pa ste/ mtshams med pa'i las lnga po 'di dag las gang yang rung ba'i las byed pa 'di ni ltung ba'i rtsa ba bzhi pa'o// // rgyal rig gang yang rgyu med pa smra bar gyur la/ 'jig rten pha rol la g.yel te/ mi dge ba bcu'i las kyi lam yang dag par bzung nas gnas zhing / sems can gzhan mang po dag kyang / mi dge ba bcu'i las kyi
- 206a
lam yang dag par 'dzin du 'jug ste/ 'dul zhing 'dzud la 'god pa 'di ni ltung ba'i rtsa ba lnga pa'o// // yang blon po'i rtsa ba lnga ste/ lnga gang zhe na/ blon po gang mchod rten gyi rdzas sam/ dge 'dun gyi dang / phyogs bzhi'i dge 'dun gyi rdzas 'phrog pa 'di ni ltung ba'i rtsa ba dang po'o// // gang dag zong 'joms pa dang / ljongs 'joms pa dang / grong khyer 'joms pa dang yul 'khor 'joms par byed pa 'di ni ltung ba'i rtsa ba gnyis pa'o// // yang blon po gang chos spong ba ste/ nyan thos nges par 'byung ba bshad pa'am/ rang sangs rgyas nges par 'byung ba bshad pa'am/ thams cad mkhyen pa'i ye shes nges par 'byung ba bshad pa spong zhing 'gog la/ srubs par byed pa 'di ni ltung ba'i rtsa ba gsum pa'o// // yang blon po gang bcom ldan 'das kyi phyir rab tu byung ba/ tshul khrims dang ldan yang rung / tshul khrims dang mi ldan yang rung ba la 'tshe ste/ gos ngur smrig 'phrog gam/ khyim na gnas par byed du 'jug gam/ btson rar bcug gam/ chad par nor 'phrog gam/ srog dang bral bar byed du 'jug pa 'di ni ltung ba'i rtsa ba bzhi pa'o// // yang blon po gang mtshams med pa lnga las gang yang rung bas sdig pa'i las sogs pa 'di ni ltung ba'i rtsa ba lnga pa'o// // yang blon po gang gis ltung ba'i rtsa ba lnga po 'di dag las gang yang rung ba zhig byas na/ blon po de dge ba'i rtsa ba sngon bskyed pa thams cad chud gzon pa yin no// zhes gsungs so// zla ba'i snying po'i le'u las kyang / grog bai dag su nga'i phyir rab tu byung ste/ kha na ma tho ba dang bcas pa chen po srog gcod par byed dam/ ma byin par len pa dang / mtshangs par spyod pa dang / brdzun du smra ba dang / mi rigs pa'i mi
- 206b
dge ba gzhan byed pa de/ rgyal po rgyal rigs nas grong khyer dang grong gi gtse bas sam/ grong khyer dang / yul dang gtsug lag khang nas skad de longs spyod dang bral la/ rjes su mthun pa'i ngag gis chad pas bcad par bya'i/ lus la ni chad pas mi gcod do// su ni ga lus kyi chad pa gzhu brdeg byed na don dge ba thams cad las nyams par 'gyur ro// lha dang mi'i nang du skye ba dang bral te/ mnar med par skye bar 'gyur ro// de nas lha thams cad nas lus srul po'i bar du ji snyed 'dus pa thams cad dang ldan pa'i 'khor de dkon mchog gsum la sems shin du dad cing rab tu cher gus te ngo mtshar du'adzin cing / 'di skad ces gsol to// de slan chad bdag cag thams cad kyis bcom ldan 'das kyi bstan pa bsrung bar bgyi'o// dge slong dang / dge slong ma dang / dge bsnyen dang / dge bsnyen ma dang / tha na gang bcom ldan 'das kyi bslab pa 'dral ba dang / tha na su zhig bcom ldan 'das kyi skad du sra dang / kha spu bregs te/ dur smrig gi tshal bu 'tshal zhing bslab pa gzhan mi bgyid la/ de yongs su 'dzin pa ma mchis na yang bdag cag gis de la ston pa'i 'du shes kyis bsrung zhing yongs su bskyab par bgyi'o// yo byad thams cad sbyar bar bgyi'o// gal te rgyal pos ngur smrig tshal bu 'tshal ba de lta bu la/ rkyen gang yang rung bas lus kyi chad pa gzhu brdeg bgyis na/ bdag cag gis rgyal po de la mi bsrung ngo // mi bsrung ngo // de'i yul 'khor du bgyi ba thams cad kyang yal bar 'dor ro// de'i yul 'khor du g.yo thams cad dang / thab mo dang / rtsod pa dang / mi ngas dang / nad dang / mu ge dang / 'khrug pa dang / dus ma lags
- 207a
par rlung ltung ba dang / dus ma lags par char 'bab pa dang / char mi 'bab cing lo ma rungs par 'gyur ba'i rkyen gnod pa zhig byung na yang / bdag cag gis bzlog par mi bgyi'o// de'i yul nas de bzhin gshegs pa'i nyan thos kyang yul gzhan du mchi bar 'gyur ro// yul de na sbyin gnas kyang ma mchis par bgyi'o// bdag cag kyang de nas 'chi bar bgyi'o// zhes 'byung ngo // 'phags pa sa'i snying po'i mdo las kyang / sa'i snying po sngon byung ba/ yul lnga len gyis rgyal po sde rnam par rgyal ba zhes bya ba'i 'bangs bsad pa la thug pa zhig yod pa de srog gi phyir skra dang kha spu bregs te ngur smrig gi tshal bu mgul du btags so// de nas bsad pa la thug pa'i me de gshad mas bcing ba las dam por bcings nas dur khrod chen po bi ti kha lam+b+ha ka zhes bya bar bor ro// de nas de'i mtshan mo dur khrod chen po der srin mo chen mo mig me bzang ma zhes bya ba g.yog lnga stong dang 'ongs nas/ des bcing ba lngas bcings pa'i mi zhig mgo bregs te/ gos drang / smig gyon pa mthong nas des de la bkor te/ phyag 'tshal nas slar song ngo // de bzhin du gnyis pa sa ni ldengs can zhes bya ba 'khor lnga stong dang / de bzhin du gsum pa khro gnyer sla can zhes bya ba dang / bab pa ral gri kha zhes bya ba de dag gis mgo bregs te/ ngur smrig gi tshal bu gyon pa de mthong nas/ bkres bzhin du ma zos par phyir dang ngo // sa'i snying po sngon byung ba rgyal po rab du bsod nams can zhes bya ba de'i blon pos mi bsad pa la zug pa zhig/ glang po che rgyags pa gsod du bcug pa dang / glang po che des mi de'i rkang pa gnyis nas bzung ste/ mthu thams cad kyis sa la brdabs par
- 207b
byas pa dang / mi de gos dmar po gyon pa zhi gnas/ glang po che gtum pas kyang gos dmar po gyon pa mthong ba dang / sems dad nas me de dal gyi sa la bzhag ste du ba bzhin du mdun na 'dug cing gnas de'i rkang pa gnyis la nyug go// dud 'gro'i skye gnas su song ba'i mi khom par gyur pa log par ltung ba de lta bu yang gas dmar po gyon pa mthong nas/ bzod cing sdig pa ma byas par gyur pa la ltos/ yang ma 'ongs pa'i dus na/ rgyal po gdol pa dang / blon po dang / bkrabs pa dang / dge sbyong dang bram ze dang / khyim bdag gdol pa blun yang mkhas so// zhes rgyal byed cing tshul 'chos pa dang / g.yo dang sgra'i tshig gis 'jig rten bslu ste/ de ni bla na med pa'i theg pa chen po 'tshal lo zhes zer la blun zhing gtum ste/ 'jig rten pha rol gyi 'jigs pa la mi blta ba dag 'byung ste/ de dag ni nga'i phyir rab tu byung ba snod du gyur pa dang skong du ma gyur pa rung ba la rkyen sna tshogs las skad btags te/ 'tsho zhing lus kyi chad pa 'am/ btson rar zhugs pa'i chad pa 'am/ longs spyod dang yongs su spyod pa dang / dpral ba'i chad pa 'am/ khyim pa'i las sna tshogs byed du gzhug pa'i chad pa'am/ sma dbab pa'i chad pa 'am/ bsnyen bkur byed du gzhug pa'i chad pa 'am/ chad pas bsdigs pa 'am/ srog dang bral ba'i bar du byed par 'gyur te/ de dag thams cad ni dus gsum du gshegs pa'i sangs rgyas bcom ldan 'das thams cad la rab tu brnam par byas par gyur pa/ mnar med par gzhol cing dge ba'i rtsa ba chad pa/ sems kyi rgyud bsreg pa/ mkhas pa kun gyis yongs su spangs pa'o// gzhan yang rgyal rigs gdol pa nas khyim bdag gdol pa'i bar du gang dag phyogs bzhi'i dge 'dun la phul ba gtsug
- 208a
lag khang gi gzhi 'am/ kun dga' ra ba'i gzhi 'am/ khyim gyi gzhi 'am/ zhing gi gzhi 'am/ mi 'am dud 'gro'i skye gnas su song ba 'am gos sam/ bza' ba 'am/ btung ba 'am mal cha 'am/ na ba'i bsos sman dang / yo byad dam/ longs spyod dam/ kun spyod pa sna tshogs sam/ me tog dang 'bras bu'i shing ngam/ shing bcud can nam/ spos kyi shing ngam/ mtshan/ gri shing ngam/ grib shing yang rung ste/ dge slong rnams la longs spyod dang / yongs su spyod pa'i phyir byin yar phrog pa dang / 'phrog tu 'jug pa dang / nga'i phyir rab tu byung ba la gshe ba dang / spro ba dang smod pa dang / bdas pa dang / chos skye bar byed pa dang / chos smra ba'i dge slong rnams la gdod par byed pa dag 'byung bar 'gyur te/ de dag thams cad ni dus gsum du gshegs pa'i de bzhin gshegs pa thams cad nas mkhas pa thams cad kyis spangs pa'i bar du'o// zhes gsungs so// de nyid las bcom ldan 'das kyis gsungs pa/ bzod pa thob pa'i sems can rgyal po rgyal rigs spyi bo nas dbang bskur ba rnams la ni gnas dang longs spyod dang / yongs su spyod pa dang / dbang phyug gi gnas ngas gnang ngo // byang chub sems dpa' sa'i snying pos gsol pa/ bcom ldan 'das rgyal po rgyal rigs spyi bo nas dbang bskur ba/ gang bzod pa ma thob pa de ji ltar ngan song du mi mchi bar 'gyur/ bcom ldan 'das kyis bka' stsal ba/ gang bzod pa ma thob kyang de dge ba bcu'i las kyi lam yang dag par bzung ste/ gnas na de la yul 'khor gyi longs spyod dang / yongs su spyod pa dang / dbang phyug gi gnas gnang ngo // byang chub sems dpa' sa'i snying pos gsol pa/ bcom
- 208b
ldan 'das rgyal po rgyal rigs spyi bo nas dbang bskur ba/ gang bzod pa ma thob pa de ji ltar ngan song du mi mchi bar 'gyur/ bcom ldan 'das kyis bka' stsal pa/ gang bzod pa ma thob kyang de dge ba bcu'i las kyi lam yang dag par bzung ste/ gnas na de la yul 'khor gyi longs spyod dang / yongs su spyod pa dang / dbang phyug gi gnas gnang ngo // byang chub sems dpa'i sa'i snying pos gsol pa/ bcom ldan 'das gang dag bzod pa ma thob la/ dge ba bcu'i las kyi lam dang yang mi ldan pa de dag ni rgyal rigs gdol pa dag ste/ bcom ldan 'das kyi bstan pa zab mo 'di 'jig par bgyid par 'gyur zhing de dag ni mnar ma mchis par mchi bar 'gyur ba lags na/ de dag ji ltar thar par 'gyur/ bcom ldan 'das kyis bka' stsal pa/ rigs kyi bu rgyal po rgyal rigs spyi bo nas dbang bskur bgang / dad pa'i stobs kyis go cha bgos te/ dkon mchog gsum la dad pa mang zhing / theg pa gsum gyi nges par 'bung ba'i chos mi spong la/ tha na tshigs su bcad pa gcig kyang ma rung bar mi bgyid de/ tshul khrims dang ldan pa dang / tshul khrims 'chal yang rnam par mi 'tshe/ za na mgo bregs te gos ngur smrig gyon pa la yang gnod pa mi byed pa dang / dge 'dun dang / mchod rten gyi rdzas mi 'phrog pa dang / dge slong la 'tshe zhing longs spyod pa las bzlog pa dang / theg pa gsum gyi nges par byung ba'i chos kyi gtam nyan cing / ji ltar thos pa nyams kyis ci nus su bsgrub pa dang / theg pa gsum la nan tan byed pa'i dge slong rnams dang bsten pa dang bsnyen bkur byed pa dang / yid dam la brtan pa dang / mi bslu ba'i sems dang ldan pa dang / sems can rnams theg pa chen po la yang dag par 'dzin du 'jug pa dang //
- 209a
'jud pa dang / rab tu 'god par byed pa de lta bu'i rgyal rigs dge ba de la/ sngon gyi de bzhin gshegs pa thams cad kyis kyang yul 'khor gyi zas kyi longs spyod dang / yongs su spyod pa dang / dbang phyug gi gnas rgya chen po ni log par ltung ba mi 'gyur bar snang ste/ ngas kyang de dag la de gnang ngo zhes gsungs so// yang de nyid las 'byung ba/ rgyal rigs nas khyim bdag gi bar du dge ba gang la la zhig da ltar dang ma 'ongs pa'i dus lnga brgya tha ma'i bar du bdag dang gzhan dang / 'jig rten pha rol pa srung ba dang / bcom ldan 'das kyi bstan pa bsrung ba dang / nyan thos kyi theg pa dang / rang sadra/ rgyas kyi theg pa dang / theg pa chen po la yang dag par zhugs pa'i gang zag tshul khrims dang ldan pa yon tan gyis phyug pa/ snod du gyur pa/ snod du ma gyur pa nas mgo bregs te/ ngur smrig gi tshal bu gyon pa'i bar la srung bar byed/ skyong bar byed/ mchod par byed pa dang / mchog rten dang dge 'dun la phul ba la bdag kyang mi spyod/ gzhan yang spyod du mi 'jug pa dang / 'phrog na yang 'ong bar byed pa dem phung po tshad med pa grangs med dpag tu med par skyed do// de nas lha'i dbang po thams cad nas/ sha za'i rgyal po'i bar gyis 'di skad ces gsol to// bcom ldan 'das rgyal rigs dge ba nas/ khyim bdag dge ba'i bar du gang zhig yon tan 'di lta bu ldan pa de bdag cag gis rnam pa banus bsrung bar bgyi'o// bcu gang zhe na/ 'di lta ste de'i tshe bsrid par bgyi ba dang / tshe'i bar chad du 'gyur ba/ chos kyis bzlog par bgyi ba dang / bro nad ma mchis par bgyi ba dang / g.yog dang longs spyod dang / kun spyod pa dang / dbang phyug dang / snyan pa dang / grags pa dang / dge ba'i bshes ge nyen dang / shes
- 209b
rab phun sum chags pa yang bsrung bar bgyi'o// rgyal rigs dge bde 'khor dang bcas pa dang / yul 'khor mtha' dag bdag cag gis rnam pa bcus bsrung bar bya'o// bcu gang zhe na/ 'di sa ste/ gzhan gyi dmag chags dang / nang gi dmigs chags dang / zag pa dang / 'chi ba dang / char mi 'bab pa dang / char ches pa dang / dus ma lags par drung ldang ba dang / chab dang / gza' dang / na glar gnang pa dang / mu ge 'byung ba dang / glo bur gyi tho nad kyis 'gum pa dang / log par lta ba rnams las bzlog par bgyi'o// zhes 'byung ngo // 'phags pazla 'od kyi le'u las kyang / gtong ba po dang / sngon po dag dang lha dang / klu dang / gnod sbyin gang dag nga'i bstan pa 'dzin pa dang / gang dag nga'i chos kyi tshul yun ring du gnas par bya ba dang / dkon mchog gsum gyi rigs rgyun mi 'chad par bya ba'i phyir brtson pa dang gang dag ba'i bu dag las skyes pa dang / chas las skyes pa dang / chos kyi sprul pa'i dge slong dang / dge slong ma dang / dge bsnyen dang / dge bsnyen ma dang / gzhan dad pa'i rigs kyi bu dang / rigs kyi bu mo dang / gang ngagadon dam pa'i bden pa yang dag par rdzogs pa'i byang chub kyi bar du yongs su tshol ba/ yongs su gtong ba'i gtong ba dang / sbyin bdag dang / lha dang klu dang / gnod sbyin de dgangs byams pa la sogs pa bskal pa bzang po'i byang chub sems dpa' sems dpa' chen po rnams kyi lag tu gtad do// zhes gsungs so// chos sgrub pa la gnas par 'dod pas sems la mkhas par bya'o// ji ltar na gnas sem la mkhas pa yin zhe na/ 'phags pa dkon mchog sprin gyi mdo las 'byung ba/ byang chub sems dpa' sems la mkhas par bya'o// ji ltar na byang chub sems dpa' sems la mkhas pa yin zhe na/ de
- 210a
lus dang sems rab tu dben pas sems la mkhas pa yin te/ de sems la 'di skam du bdag gi sems 'di ci dge ba la spyod dam/ de ste mi dge ba'am 'on te lung du ma bstan pa 'am/ chos gang la spyod ces rnam par spyod de/ gal te dge ba la spyod na/ de la sems dga' ba dang / rangs pa dang / smos pa bskyed do// dge ba'i chos de dag gang zhe na/ 'di lta ste/ byang chub kyi phyogs kyi chos sum cu rtsa bdun no// 'on ta mi dag pa la spyod na de la skyob mang ba dang / rtog pa mang ba yin te/ mi dge ba'i chos de dag spong ba la brtson pa yin no// zhes gsungs so// ma skyes dgra'i mdo las kyang / byang chub sems dpa' sems pa sdud pa gang la/ bdud sdig can gyis glags rnyed pa dang / de bzhin gshegs pa mi mdzes par 'gyur ba dang / lha rnams ma dga' bar 'gyur ba dang / bdag gi dge ba'i rna phyogs 'bri bar 'gyur ba'i sems bskyed par mi bya'o/ sems bged pa gang la/ bdud sdig can gyi grags mi rnyed pa dang / de bzhin gshegs pa mnyes par 'gyur ba dang / lharnams dga' ba dang bdag gi dge pa'i rtsa ba'i phyogs 'bri bar mi 'gyur ba'i sems bskyed par bya ste/ de ltar zhugs pa de'i sems bskyed pa thams cad chos kyi 'khor lo bsor ba yin no// zhes gsungs so// klu la dga' bar mi bya ste/ lhag pa'i bsam pa stsal ba'i mdo las 'byung ba/ byams pa 'di la dge slong sba ba la dga' ba ni btsun te/ mang du thos pas rgyags shing dregs nas brjed ngas pa yin/ nang du tshul bzhin yid la byed pa dang bral zhing sems kyi rgyud chu rgod dang 'gyur ba yin/ zhi gnas dang lhag mthong yongs su spangs la/ lha dang klu dang gnod sbyin gyis kyang dam par me bkur zhing bgrod pa dang
- 210b
ldan pa yin/ sgrub pa la mi gnas pa yin no// zhes gsungs so// dmigs par spyod pa la sgrub pa med de/ sgrub pa shes par 'dod pas mang du thos pa dang / nang du yang dag 'jog la brtson par bya ste/ de nyid las 'byung ba/ gal te zhal ta byed pa la brtson pa'i byang chub sems dpa' rin po che sna bdun gyi mchod rten gyis stong gsum gyi stong chen po'i 'jig rten gyi khams bkang nas/ des nga mi mnyes kyis gal te pha rol tu phyin pa dang ldan pa'i tshig bzhi pa'i tshigs su bcad pa gcig bzung na/ des ngal bsti stang du byas par 'gyur ro// de ci'i phyir zhe na/ byams pa de bzhin gshegs pa dgra bcom pa yang dag par rdzogs pa'i sangs rgyas rnams kyi byang chub ni mang du thos pa las skyes kyi/ dngos po yongs su 'dzin pa las ma skyes so// gal te zhal ta byed pa la brtson pa'i byang chub sems dpas lung 'bog pa dang / kha ton la brtson pa'i byang chub sems dpa' la/ de bsod nams 'dod pa'i phyir zhal ta'i kun spags pas spags na/ bsod nams ma yin pa'i phung po cher 'phel te/ las kyi sgrib pa yang bzung bar 'gyur ro// gal te zhal ta byed pa la brtson pas byang chub sems dpas 'dzam bu'i gling yongs su gang bar gyur kyang / de dag thams cad kyis lung 'bog pa dang / kha ton la brtson pa'i byang chub sems dpa' gcig la bzhin bkur dang g.yog bya'o// 'dzam bu'i gling gi tshad tsam gyi lung 'bog pa dang / kha ton la brtson pa'i byang chub sems dpa' de dag thams cad kyis nang du yang dag 'jog la brtson pa'i byang chub sems dpa' gcig la bsnyen bkur dang g.yog bya'o// de ltar na de bzhin gshegs pas rjes su yi rang zhing gnang ba yin no// de ci'i phyir zhe na/ 'di lta ste/ shes
- 211a
rab kyi las 'di ni dka' ba'i las te/ bla na med pa khams gsum thams cad las khyad par can du gyur pa mngon par 'phags pa'o// zhes gsungs so// yang chos sgrub pa ni/ rin po che'i phung po'i mdo las 'byung ba/ 'od srungs 'di lta ste dper na/ rgya mtsho chen po 'jug par 'dod pa'i tshong pa na rin po che'i gling nas/ bdag gi yul du bde bar byin gyi bar du de gru la shin tu rtog par byed do// 'od srungs de bzhin du byang chub sems dpa' thams cad mkhyen pa'i rgya mtsho la 'jug par 'dod pas/ ji tsam byas pa so so'i skye bo dang / nyan thos dang rang sangs rgyas thams cad kyi sa las 'das te bdag gi ba'i spyod yul 'jug pa'i bar du'o// pha rol tu phyin pa drug gi gu shin tu rtog par bya'o// zhes gsungs so// ma skyes dgra'i mdo las kyang / thams cad mkhyen pa nyid kyi sems kyi rtsa ba mi gcod pa de ni rtsa ba de yang dag par 'dzin du 'jug pa ste brtson 'grus so// thams cad mkhyen pa'i ye shes su bsngo ba'i phyir sbyin pas chog mi shes pa dang / sems can thams cad la skyabs bya ba'i phyir tshul khrims kyis chog mi shes pa dang / sangs rgyas kyi sku tshol ba'i phyir bzod pas chog mi shes pa dang / dge ba'i rtsa ba thams cad bsgrub pa'i phyir brtson 'grus kyis chog mi shes pa dang / mi dmigs pa'i rnal 'byor gyi phyir bsam gtan gyis chog mi shes pa dang / thams cad la rnam par spyod pa'i phyir shes rab kyis chog mi shes pa'o// chos kyi phyir longs spyod dang / 'tshe ba de dag thams cad ni kha na ma ba med pa'o// zhes gsungs so// bslab pa don du gnyer bas sems can thams cad la sems snyoms par bya ste/ 'phags pa zla ba sgron mar med las 'byung ba/ kye gzhon nu byang chub sems
- 211b
dpa' chos gcig dang ldan na/ yon tan 'di dag rnyed de/ myur du bla na med pa yang dag par rdzogs pa'i byang chub mngon par rdzogs par 'tshang rgya'o// chos gcig po gang zhe na/ gzhon nu 'di la byang chub sems dpa' sems can thams cad la sems snyoms pa dang / phan pa'i sems dang / khong khro ba med pa'i sems dang / mi mnyam pa med pa'i sems yin te/ chos gcig po 'di'o// zhes gsungs so// bsam gtan dang kha ton gyi bar du gcod pa'i chos rnams kyang yongs su spang bar bya ste/ dam pa'i chos dran pa nye bar gnag pa'i mdo las 'byung ba/ rigs kyi bu bcu po 'di dag ni byang chub sems dpa' rnams kyi bsam gtan dang // bton gyi bar du gcod par byed pa'o// bcu gang zhe na/ 'di ltaste/ 'du 'dzi'i gtam bzhan pa dang / rim 'dre ba dang / sman dngags sbyor ba dang / gza'i tshogs dang / rgya skar sems pa dang / zas rnyed pa bdag gir byed pa dang / sha za mo ltar nor bskur ba sems pa dang / rgyal po la brten pa dang / mkhas pa rnams mi 'dri ba dang / bde ba la 'gron du 'bod pa dang / 'dre zhing gnas pa ste bcu po 'di dag go zhes gsungs so// 'phags pa tshangs pas zhus pa'i mdo las kyang / lha'i bu chos sgrub pa chos sgrub pa zhes bya ba ni/ gang chos thams cad la mi sgrub pa 'di chos sgrub pa'o// de ci'i phyir zhe na/ gang tshes mi sgrub pa de ni chos mi byed cing rnam par mi byed pa de ni chos sgrub po zhes gsungs so// chos rnams sgrub par 'dod pas rnyed pa dang bkur sti yongs su spang bar bya ste/ lhag pa'i bsam pa bskul ba'i mdo las 'byung ba/ rnyed pa dang bkur sti ni gti mug bskyed pas dran pa 'joms par byed pa dang / bdag gi don bsrub
- 212a
pa'i phyir g.yo skyed pa dang / rgyags pa dang / nga rgyal dang / dregs pa snyed pa dang / sangs rgyas thams cad kyi snang ba ma yin par brtag par bya'o// rnyed pa dang / bkur sti ni gdon mi za bar ldang ba'i rtsa ba ste/ dge ba'i rtsa ba stong par byed par brtag par bya'o// rnyed pa dang bkur sti ni sngar bkur sti byed la/ phyis bkur sti mi byed pa bsam gtan dang / tshad med pa yongs su spangs pas sems can dmyal ba dang / dud 'gro'i skye gnas dang / gshin rje'i 'jig rten du rab tu ldang bar byed pa/ lhag spyod kyi spyod pa dang mtshungs par gnas pa yin par so sor brtags par bya'o// rnyed pa dang bkur chu ni myur du thug par byed pa' gyung tshor ma dang 'dra bar brtag par bya'o// dad pa dang bkur stin zad par dka' ba'i byar 'dam dang 'dra bar brtag par bya'o// zhes gsungs so// sa sor brtags/ nas 'dod pa chung ba la sems gzhol bar bya ste/ yang dag par ldan pa'i lung las 'byung ba/ shing n+ya gro d+ha zhig gi drung na/ lug kyu chen po zhig 'khod de/ lug khru de'i nang nas byis za ba'i lug cig byis khung du phyes zar song ste/ phyi sa la ci 'dod pa zos nas mdun du phyi sa'i phung po bzhag ste 'dug nas mgo bskur zhing de des de tsam gyis lug gzhan dag la brnyas pa byed do// de bzhin du dge slong la la zhig rnyed pa dang / bkur sti dang / grags pas non nas sems zin pa de/ grong dang grong khyer dang grong rdal zhig tu bsod snyoms kyi phyir zhugs te/ de der zas gtsang ma zhim po ci 'dod pa zos nas phyi de nyin kyang zas la bos zer ba'i zas khyer te 'ongs nas/ dge slong dag la smras pa tshe dang ldan pa dag kho bos zas gtsang ma zhim po 'di ci 'dod pa zos nas/ zas
- 212b
'di mi dgos te lhag par gtor ba'i rigs na/ khyed 'dod na 'di zo shig ces de des de tsam gyis dge slong rung ba des pa gzhan dag la brnyas par byed do// dge slong dag de bzhin du rnyed pa dang / bkur sti dang grags pa ni mi bzad pa'o// zhes rgya ched gsungs so// g.yo dang sgra yang yongs su spang bar bya ste/ ma dros pa'i mdo las byung ba/ thams cad mkhyen pa nyid kyi sems skyed pa de'i bar du gcod pa gnyis te/ gnyis gang zhe na/ 'di lta ste/ g.yo dang skra'o// gzhi'i ji gnyis te drang po dang / g.yo med pa'o// zhes gsungs so// nan tan bsgrub par 'dod pas dge ba'i bshes gzhan dag la brten par bya ste/ sgrub pa ni dge ba'i bshes gzhan gyis khan dag las so// ji ltar shes she na/ mdo las 'byung ba'i phyir te/ dpal 'byung ba dang / dpal gyi blo gros kyi rnam par thar pa las 'byung ba/ byang chub sems dpa' rnams kyi/ byang chub sems dpa'i spyod pa thams cad thos pa ni dge pa'i bshes gnyen la rag las pa'o// byang chub sems dpa'i yon tan yongs su rdzogs par bya ba thams cad ni dge ba'i bshes gzhan las 'byung ba'o// byang chub sems dpa'i dge ba'i rtsa ba thams cad ni dge ba'i bshes gzhan gyis bskyed pa'o// byang chub sems dpa'i bslab pa la nan tan du bya ba thams cad ni dge ba'i bshes gnyen la rag las pa'o// byang chub sems dpa'i lhag pa'i bsam pa yongs su dag pa thams cad la ni dge ba'i gshes gnyen rtsa bar 'gyur ro// byang chub sems dpa'i bsod nams bsags pa thams cad ni dge ba'i bshes gnyen gyis bsrungs pa'o// dge ba'i bshes gnyen mgu bar byas nas sangs rgyas thams cad kyi byang chub thob pa'o// dge ba'i bshes gzhan gyi
- 213a
yang dag par zin pa'i byang chub sems dpa' rnams ni ngan song du mi ltung ngo // dge ba'i bshes gnyen gyis yongs su bzung ba'i byang chub sems dpa' rnams ni theg pa chen po las mi ldog go/ dge ba'i bshes gnyen gyis yongs su bsam pa'i byang chub sems dpa' rnams ni byang chub sems dpa'i bslab pa dang 'gal bar mi byed do// dge ba'i bshes gzhan gyis yang dag par zin pa'i byang chub sems dpa' rnams ni so so'i skye bo'i sa las yongs su 'da'o// dge ba'i bshes gnyen gyis yongs su bsrungs pa'i byang chub sems dpa' rnams ni nyan thos dang / rang sangs rgyas kyi nges par gyur pa la mi 'jug go/ dge ba'i bshos gnyen ni lam gol ba las yongs su bsrung ba'o// chos zos par 'gyur ba'i sprin gyis char rab tu 'bebs pa'o// sangs rgyas kyi chos thams cad la gnas par byed pa'o// 'di ltar yang rigs kyi bu dag pa'i bshes gnyen ni sangs rgyas kyi rigs su skyed pas ma lta bu'o// dge ba'i bshes gzhan ni phan pa rgya chen po sgrub pas pha lta bu'o// dge ba'i bshes gzhan ni sdig pa thams cad las bsrung bas ma lta bu'o// dge ba'i bshes gzhan ni 'khor ba'i chu bo chen po las sgrol ba'i mnyan pa lta bu'o// dge ba'i bshes gzhan na thams cad mkhyen pa'i ye shes rin po che'i greng du phyin par byed pas gdos pa 'dzin pa lta bu'o// rigs kyi bu de lta bas na de ltar yid la bya ba rgyun ma chad pas khyod kyis dge ba'i bshes gzhan bsnyen par gyis shig/ khrur thams cad bskur bas yongs su mi skye ba'i phyir sa lta bu'i sems dang mi phyed pa'i phyir rdo rje lta bu'i sems dang / sdug bsngal thams cad kyi mi skul ba'i phyir/ khor yug lta bu'i sems dang /
- 213b
dga' bar bka' nyan pas bran lta bu'i sems dang / mi khro bas khyi lta bu'i sems kyis dge ba'i bshes gnyen la bsnyen par bya'o// rigs kyi bu khyed kyis bdag la ni nad pa'i 'du shes spyad par bya'o// dge ba'i bshes gzhan la ni sman pa'i 'du shes dang / gdams ngag pa ni sman gyi 'du shes dang / nan tan nyams su brang ba la ni nad 'tsho ba'i 'du shes skyed par byed/ de ci'i phyir zhe na/ rigs kyi bu de ltar dge ba'i bshes gnyen la lhag pa'i bsam la yongs su dag pa'i byang chub sems dpa' rnams ni/ dge ba'i bshes gzhan gyi ngag thams cad nyams su len pa'i tshe/ gangs kyi ro la brten pa'i tshe gangs kyi raM la brten pa'i rtswa dang / shing gel pa dang / sman dang / nags tshal lta bur dge ba'i rtsa ba thams cad kyis rnam par 'phel lo// rgya mtsho chen po chu'i srod du gyur pa ltar sangs rgyas kyi chos thams cad kyi snod du 'gyur ro// zhes 'byung ngo // mdor na sangs rgyas dang / byang chub sems dpa'i spyod pa thams cad dang / sangs rgyas kyi chos thams cad rab tu 'thob cing / yongs su 'grub pa ni dge ba'i bshes gnyen gyi kha na las so// dge ba'i bshes gnyen las byung ngo // rin po che'i phung po'i mdo las kyang / 'od srungs 'di lta ste/ dper na rgya mtsho'i nang du kru zhig na/ gang dag shing leb bam/ gzhan ci yang rung ba zhig la brten pa de dag ni bde bar 'gram du phyin par 'gyur ro// 'od srungs de bzhin du byang chub sems dpa'i theg pa pa thams cad mkhyen pa'i sems kyi gru zhig ste/ byang chub las rab tu nyams kyang / gang dge ba'i bshes gnyen gyi shang leb la brten pa de dag na
- 214a
yang thams cad mkhyen pa'i sems rab tu thob ste/ chos thams dud kyi pha rol tu song nas chos kyi dbyings kyi gling du phyin to// de bas na 'od srungs bla na med pa yang dag par rdzogs pa'i byang chub ni dge ba'i bshes gnyen la brten to// zhes gsungs so// bla na med pa'i dge ba'i bshes gzhan de bzhin gshegs pa bzhugs pa'am/ yongs su mya ngan las 'das pa rnams la mchod pa dang / rim gro bya ste de las bsod nams kyi tshogs dpag tu med pa yongs su rdzogs shing / rnam par smin pa'ang mi zad par 'grub po// ji ltar me tog brtsegs pa'i mdo las/ seng+ge rnam par rtsen pa gang zhig gi de bzhin gshegs pa mthong ste/ sems dang bas mchod pa dang / gang zhig gis de bzhin gshegs pa yongs su mya ngan las 'das pa'i ring bsrel yungs 'bru tsam rnam la mchod pa byed pa ni/ rnam par smin pa mnyam par shes par bya ste/ bye brag gam tha dad du bya ba med do// zhes ji skad gsungs pa lta bu'o// snying rje chen po'i mdo las kyang / kun dga' bo gang la mngon du bsti spang byed pa lta yang nog/ nga'i sku gdung la/ sku gdung gi mchod pa dang / ring srel yungs 'bru tsa ba la mchod pa lta yang zhog/ nga'i phyir mchod rten byas pa rnams la bsti stang byed pa lta yang zhog ste/ kun dga' bo gang la la sangs rgyas la dmigs nas/ tha na me tog gcig nam mkha' la 'dor na/ bsod nams kyi phung po de'i rnam par smin pa gang yin pa de ni/ kun dga' bo ci tsam du thog ma med pa'i 'khor ba na/ de'i sngon gyi mtha' mi mngon pa de tsam gyi bskal par 'khor ba'i tshe/ brgya byin nyid dang / tshangs pa nyid dang / 'khor los sgyur ba'i rgyal srid rnams kyi mtha' rnyed par mi nuso//
- 214b
sangs rgyas la dmigs nas/ than nam mkha' la me tog gcig 'dor ba lnga yang zhog ste/ gal te sems can tha na rmi lam na sangs rgyas la dmigs nas nam mkha' la me tog gcig 'dor na/ dge ba'i rtsa ba de yang tha mar mya ngan las 'da' bar 'gyur ba rang smra'o// gal te tha na dud 'gro'i skye gnas su song ba'i sems can rnams kyis sangs rgyas la dmigs pa'i dran pa rnyed na/ de dag gi dge ba'i rtsa ba yang tha ma mya ngan las 'da' ba'i bar du 'gyur bar ngasgra'o// kun dga' bo sangs rgyas bcom ldan 'das rnams la yon phul ba ci tsam du mthu che ba dang / sems dang / sems dang ba ji tsam du mthu che ba la ltos/ kun dga' bo 'di ltar sangs rgyas la phyag 'tshal lo zhes zer na/ kun dga' bo tshig de'i don ni 'di'o// 'di lta ste/ sangs rgyas bcom ldan 'das rnams kyi sgra ni don med pa ma yin te/ gang 'di sangs rgyas la phyag 'tshal lo/ zhes zer na don med par mi 'gyur ro// de bzhin gshegs pa rnams la dge ba'i rtsa ba ji tsam du skyed pa yang chud za bar mi 'gyur te/ tha na sems dang ba gcig skyed pa de thams cad kyang tha ma mya ngan las 'da' ba'i bar du 'gyur ro// 'di lta ste dper na/ nya ba mchil pa thogs pas nyab shor ba'i phyir mchil pa gzan ma dang bcas pa/ mtsho chu chen por bcug la/ bcug ma thag tu nyes mis par 'gyur na/ 1de mtsho chu'i nang na 'phyo yang / de srad bu sra ba yu ba skams sa la btags pas brtod pa zhes bya ste/ nya ba mchil bas bshor ba 'ongs nas/ srad bu zangs zhes byed pa las nya zin par shes te/ des srang bu drangs nas skams la phyung ste/ dga' dgur spyod pa de bzhin du byang chub sems dpa' gang dag sangs rgyas bcom ldan 'das la dad pa'i sems kyis dge ba'i rtsa ba skyed na/ tha na dad pa'i sems gcig
- 215a
skyed na/ yang sems can de dag nyes pa byas pa'i las kyi sgrib pas/ mi dal ba rnams su skyes su zin yang / sangs rgyas bcom ldan 'das rnams kyis sangs rgyas kyi ye shes dang / bsdu ba'i dngos po'i srad bus sems can de dag bzung nas 'khor ba'i mtsho chu nas bton te/ mya ngan las 'das pa'i thang la 'jog go/ zhes gsungs so// klu'i rgyal po rgya mtshos zhus pa las/ klu'i bdag po byang chub sems dpa' chos brgyad dang ldan na rtag tu rgyun mi zad par sangs rgyas dang 'phrad pa thob po// brgyad gang zhe na/ sangs rgyas kyi sku gzugs la lta ba yang dag par 'dzin du 'jug pa dang / de bzhin gshegs pa la rim gro byed pa dang / rgyun mi 'chad par de bzhin gshegs pa'i bsngags pa brjod pa dang / de bzhin gshegs pa'i sku gzugs byed pa dang / sems can thams cad de bzhin gshegs pa la lta ba yang dag par 'dzin du 'jug pa dang / sangs rgyas kyi zhing gangadan de bzhin gshegs pa'i sgra grags pa'i sangs rgyas kyi zhing der smon lam 'debs pa dang / rgyud zhum pa med pa dang / rgyud rgya chen por gyur nas sangs rgyas kyi ye shes tshol ba'o// zhes gsungs so// byang chub sems dpa'i ste snod las kyang / gang de bzhin gshegs pa'i mchod rten byi dor byed pa de smon lam rnam par dag pa mchog bzhi rab tu 'thob po/ bzhi gang zhe na/ mtshan phun sum tshogs pa'i gzugs smon lam rnam par dag pa mchog dang / yid dam la brtan pa smon lam rnam par dag pa mchog dang / de bzhin gshegs pa mthong ba smon lam rnam par dag pa mchog dang / 'khor chen po phun sum tshogs palam rnam par dag pa mchog go/ zhes gsungs so// yang de nyid las de bzhin gshegs pa'i mchod rten rnams la me tog 'bul lam/ spos ris 'dren ma tshang ba med pa brgyad thob ste/ brgyad gang
- 215b
zhe na/ gzugs ma tshang ba med pa dang / longs spyod ma tshang ba med pa dang / g.yog 'khor ma tshang ba med pa dang / tshul khrims ma tshang ba med pa dang / ting nge 'dzin ma tshang ba med pa dang / thos pa ma tshang ba med pa dang / shes rab ma tshang ba med pa dang / smon lam ma tshang ba med pa'o// zhes gsungs so// de bzhin gshegs pa'i gzugs kyi le'u las kyang / sa 'am/ rdo thal lam/ shing ngam/ rdo 'am drugar ram/ lcags sam/ gser ram/ dngul lam/ bai DUr+ya 'am/ shel lam/ mu tig dmar po 'am/ rdo'i snying po 'am/ bug gam/ dung ngam/ man shel lam/ spos sam/ ras sa pa/ shing leb bam/ rtsig ngos la de bzhin gshegs pa'i sku gzugs bri bar bya/ ral ba gso bar bya/ 'dzum pa bcos par bya ste/ de bzhin gshegs pa'i sku gzugs byas na/ rigs dma' ba rnams dang sdig pa byed pa'i rigs rnams dang / log par lta ba'i rigs rnams su mi skye ste/ yan lag gang yang rung ba ma tshang ba med par 'gyur ro// gal te mtshams med pa lnga byas su zin kyang / de bzhin gshegs pa la dad pa rnyed de/ de bzhin gshegs pa'i sku'i gzugs byas nas/ las des sems can dmyal ba myong na/ yang chung ngu myong ste/ theg pa gsum las theg pa gang yang rung bas nges par 'byung bar 'gyur ro// dper na mi zhig mi gtsang bas reg pa las rab tu dag par bkrus te/ spos kyis byugs na de'i dri mi zhim pa med par 'gyur ro// de bzhin du mtshams med pa byas pa de'i sdig kyang med par 'gyur ro// gang mi dge ba bcu'i las kyi lam dang ldan yang / de bzhin gshegs pa la dad pa rnyed de de bzhin gshegs pa'i sku gzugs byas na/ de'i sdig pa ji ltar me'i phung pos mer
- 216a
tshig ste/ ngu ba yang mi mngon pa bzhin du/ de'i sdig pa de yang mi snang bar 'gyur ro// zhes gsungs na/ byang chub kyi sems dang ldan pa khyim gyi nang nas byung na/ tshul khrims dang ldan pa khyad par du 'phags pa lta ci smos te/ rin po che'i phung po'i mdo las/ sems can gang dag srid pa gsum du gtogs pa de dag thams cad kyis/ so so nas de bzhin gshegs pa'i mchod rten/ 'phang du ri'i rgyal po ri rab tsam bya ste/ de dag la bskal pa ga ng+gA'i klung gi bye ma snyed du so so nas bsti stang du bya ba thams cad kyis bsti stang byas pa bas/ byang chub sems dpa' thams cad mkhyen pa nyid kyi sems dang ma bral ba gang gis me tog gcig pu la ni/ de ni bsod nams kyi phung po snga ma bas ches mang du bskyed do zhes ji skad gsungs pa lta bu'o// yang rin po che'i phung po'i mdo nyid las/ gang stong gsum gyi stong chen po'i 'jig rten gyi khams kyi sems can de dag thams cad theg pa chen po la yang dag par zhugs te/ thams cad 'khor los sgyur ba'i rgyal srid dang ldan par gyur la/ 'khor los sgyur ba'i rgyal po re res kyang / rgya mtsho chen po tsam gyis mar me'i snod bya ste/ ri rab kyi snying po bsregs la so so nas 'di 'dra ba'i mar mes de bzhin gshegs pa'i mchod rten la mchod pa byas pa bas/ gang khyim gyi gnas nas mngon par byung ba'i byang chub sems dpa' mar me'i snying po yungs mar gyi bskus te/ de bzhin gshegs pa'i mchod rten gyi drung du bzung na/ mar me phul pa snga mas snying po yungs mar gyis bsdus pa de'i brgya'i char yang mi chog pa nas/ rgyu'i bar du yang mi chog go// gang yang 'khor los sgyur ba'i rgyal po de dag gis/ sangs rgyas la sogs pa dge slong gi dge 'dun
- 216b
la/ bde ba'i yo byad thams cad kyis bsti stang du byas pa bas/ gang yang khyim gyi gnas nas mngon par byung ba'i byang chub sems dpa' bsod snyoms blangs te/ lhung bzed du 'ongs pa/ gzhan dang bgos te zos na/ de ni de bas ches ches 'phags so// gang yang 'khor los sgyur ba'i rgyal po de dag gis/ ri rab tsam gyi chos gos kyi phung po sangs rgyas la sogs pa/ dge slong gi dge 'dun la phul ba bas/ gang yang khyim gyi gnas nas mngon par byung ba'i byang chub sems dpa' chos gos gsum po ma gtogs par gzhan theg pa chen po la yang dag par zhugs pa dang / sangs rgyas la sogs pa dge slong gi dge 'dun dang / de bzhin gshegs pa'i mchod rten la phul na snga ma'i chos gos kyi phung po de/ dge slong la chos gos byin pa 'di'i zil du brlag go/ gang yang 'khor los sbyar ba'i rgyal po de dag re res 'dzam bu'i gling thams cad me tog gis bkang ste/ de bzhin gshegs pa'i mchod rten la phul ba bas/ gang yang khyim gyi gnas nas mngon par byung ba'i byang chub sems dpas de bzhin gshegs pa'i mchod rten la/ tha na me tog gcig phul na/ sbyin pa snga mas sbyin pa 'di'i brgya'i char yang mi chog pa nas rgyu'i bar du yang mi chog go/ zhes gsungs so// mthar gyis yang dag par 'phags pa'i mdo las kyang / bzang po phan yon bzhi po 'di yang dag par rjes su mthong na/ byang chub sems dpa' de bzhin gshegs pa mchod pa la spro ba yin no// bzhi gang zhe na/ sbyin gnas mchog la bdag mchod par 'gyur ba dang / bdag las zla ba ltas te/ sems can gzhan yang de bzhin du mchod pa byed par 'gyur ba dang / de bzhin gshegs pa
- 217a
mchod nas byang chub kyi sems btan par 'gyur ba dang / skyes bu chen po'i mtshan sum cu rtsa gnyis mngon du mthong nas/ dge ba'i rtsa ba bsags par 'gyur ba ste/ bzhi po 'di dag go// zhes gsung so// 'di yang de bzhin gshegs pa la mchod pa dang rim gro bya ba bla na med pa ste/ blo gros rgya mtshos zhus pa'i mdo las 'byung ba/ blo gros rgya mtsho gsum po 'di dag ni/ bzhin gshegs pa la mchod pa dang / rim gro bya ba bla na med pa'o// gang byang chub tu sems bskyed pa dang / gang de bzhin gshegs pa rnams kyi dam pa'i chos yongs su 'dzin pa dang / gang sems can rnams la snying rje chen po bskyed pa'o// zhes ji skad gsungs pa lta bu'o// don dam pa'i mchod pa la yang rtag tu brtson par bya ste/ byams pa seng+ge'i sgra'i mdo las 'byung ba/ sangs rgyas su 'du shes pa las sangs rgyas mthong ba yang med na/ sangs rgyas la mchod par 'gyur ba lta ci smos te/ de ni gnas ma yin no// de la sangs rgyas la mchod pa gang zhe na/ gang 'du shes kyi mtshan ma mi bskyed pa'o// gang la sems med pa dang / sems las byung ba yid la mi byed pa dang / sangs rgyas su 'du shes pa med pa dang / chos su 'du shes pa med pa dang / dge 'dun dang / gang zag dang / bdag dang pha rol tu 'du shes pa med pa 'di ni/ de bzhin gshegs pa la mchod pa'o// zhes gsungs so// shes rab kyi pha rol tu phyin pa las kyang / gal te 'jig rten gyi khams gang+gA'i klung gi bye ma snyed de bzhin gshegs pa'i ring srel gyi/ ba bcing du rung ba tsam du gang gyur pa dang / gang shes rab kyi pha rol tu phyin pa glegs bam du bris pa cha de gnyis las gcig rtsal na/ bcom
- 217b
ldan 'das bdag gi shes rab kyi pha rol tu phyin pa 'di nyid blang ngo // de ci'i slad du zhe na/ de bzhin gshegs pa'i ring srel dag ni de las byung bas na mchod pa ste/ de bzhin gshegs pa'i ring bsrel rnams ni/ shes rab kyi pha rol tu phyin pas yongs su bsgom par bya'o// zhes gsungs so// gang dag de bzhin gshegs pa rnams kyi yongs su mya ngan las 'das pa yang dag pa ji lta ba bzhin du mos pa'i sems can de dag ni shin tu rnyed par dka'o// de bzhin gshegs pa rnams kyi yongs su mya ngan las 'das pa yang dag pa ji lta ba bzhin ci 'dra zhe na/ mdo sde du ma las thos te/ de bzhin gshegs pa skye ba srid pa'i mdo las 'byung ba/ kye rgyal ba'i sras 'di la byang chub sems dpa' sems dpa' chen po de bzhin gshegs pa dgra bcom pa yang dag par rdzogs pa'i sangs rgyas rnams kyi yongs su mya ngan las 'das pa chen po khong du chud par 'dod pas rang bzhin gyi ngo bo nyid la blo yongs su btang ste/ des de bzhin nyid kyi yongs su mya ngan las 'das pa ji lta ba bzhin du/ de bzhin gshegs pa'i yongs su mya ngan las 'das pa khong du chud par bya'o// yang dag pa'i mtha'i yongs su mya ngan las 'das pa ji lta ba dang / chos kyi dbyings kyi yongs su mya ngan las 'das pa jil pa dang / nam mkha'i dbyings kyi yongs su mya ngan las 'das pa ji lta ba dang / rang bzhin gyi yongs su mya ngan las 'das pa ji lta ba dang / 'dod chags dang bral ba'i mtha'i yongs su mya ngan las 'das pa ji lta ba dang rmi lam gyi mtha' yongs su mya ngan las 'das pa ji lta ba dang / mtshan nyid med pa'i mtha'i yongs su mya ngan las 'das pa ji lta ba dang / chags pa med pa'i mtha'i yongs su mya ngan las 'das pa
- 218a
ji lta ba dang / bdag gi rang bzhin gyi mtha'i yongs su mya ngan las 'das pa ji lta ba dang / chos thams cad kyi rang bzhin gyi mtha'i yongs su mya ngan las 'das pa ji lta ba de bzhin du de bzhin gshegs pa yongs su mya ngan las 'das pa khong du chud par bya'o// de ci'i phyir zhe na/ de ni de dag thog ma nas ma skyes ma byung ba'i phyir te/ chos gang ma skyes ma byung ba de la 'bral bar 'gyur ba yang med do// kye rgyal ba'i sras gzhan yang de bzhin gshegs pa rnams ni/ byang chub sems dpa' rnams la yongs su mya ngan las 'das pa'i mthar thug pa/ mi brjod mi ston te/ de ci'i phyir zhe na de dag gis ni de bzhin gshegs pa thams cad da ltar byung ba ji lta ba bzhin du 'das pa dang / ma byon pa rnams kyang skad cig gcig la mngon du bya zhing / skad cig kyang ye shes kyi skad cig gi rjes su 'brang bar bya/ skad cig de la yang de bzhin gshegs pa thams cad mngon du blta bar bya/ de bzhin gshegs pa'i mngon par sgrub pa thams cad kyang des mngon par bsgrub par bya ste/ des ni gnyis kyi 'du shes kyang bskyed par mi bya/ mi gnyis pa'i 'du shes kyang ma yin/ sems can gyi 'du shes kyang ma yin/ bdag gi 'du shes kyang ma yin par bya ba'i phyir ro// kye rgyal ba'i sras de ci'i phyir zhe na/ byang chub sems dpa' ni mngon par zhen pa'i lam thams cad dang bral zhing 'du shes thams cad yongs su spang bar bya ba'i phyir ro// kye rgyal ba'i sras gzhan yang de bzhin gshegs pa 'byung ba zhes bya ba 'di ni sems can pha rol yongs su tshim par 'gyur ba'i tshig go/ de bzhin gshegs pa'i yongs su mya ngan las 'da' zhes bya ba 'di ni sems can pha rol gyi skyo ba bskyed pa'i tshig ste/ kye rgyal ba'i
- 218b
sras/ de bzhin gshegs pa rnams ni skye ba med de/ yongs su mya ngan las mi 'da'o// de ci'i phyir zhe na/ de bzhin gshegs pa rnams ni chos kyi dbyings la gzhug pa'i phyir te/ sems can pha rol gyi sems dang / bsam pa yongs su bsang bar bya ba'i phyir/ de bzhin gshegs pa yongs su mya ngan las 'da' bar snang ngo // kye rgyal ba'i sras 'di lta ste/ dper na nyi ma'i dkyil 'khor chos kyi dbying kyi tshang dang mnyam pa zhig shar la/ de shar nas kyang 'jig rten gyi khams thams cad kyi cha/ yongs su dang ba'i snod thams cad du gzugs brnyan byin par snang zhing mngon la nyi ma'i dkyil 'khor 'phos pa/ med cing / nyi ma'i dkyil 'khor kun tu phyin pa snang kyang de'i nang na chu'i snod gcig cig chag gam/ de nas logs shig tu byung ngam/ stong par bzhag par gyur kyang / nyi ma'i gzugs brnyan yang skang bar mi 'gyur na/ kye rgyal ba'i sras de la ji snyam du sems/ nyi ma'i dkyil 'khor ram gcig gis zhes te/ snod der nyi ma'i gzugs brnyan mi snang bar ma gyur grang ngo // byang chub sems dpa' de bzhin gshegs pa'i rigs su thung ba'i dpal gyis smras pa/ kye rgyal ba'i sras de lta ma yin te/ snod dang mi ldan pa'i phyir nyi ma'i gzugs brnyan mi snang gi/ nyi ma'i dkyil 'khor gyis nyes pa ni ma yin no// byang chub sems dpa' kun tu bzang pos sbas pa/ kye rgyal ba'i sras de bzhin du/ de bzhin gshegs pa nyi ma'i dkyil 'khor 'char bar 'gyur ba'i tshe yang / 'jig rten gyi khams rab 'byams thams cad kyi chos dbyangs kun tu lnga phyi med par 'char sa/ da ni 'jig rten gyi khams rab 'byams kun gyi sems can sems dog pa med pa dang ldan pa'i chu'i snod thams cad la gzugs pa rtan
- 219a
snang bar gyur to// sems kyi rgyud rnyog pa med pa'i phyir/ rtag tu rgyun mi 'chad par de bzhin gshegs pa'i sku nyi ma'i dkyil 'khor snang yang sems can sems rnyog pa dang ldan zhi snod chag par gyur pa rnams kyis ni/ de bzhin gshegs pa nyi ma'i dkyil 'khor mthong bar mi 'gyur te/ de bzhin gshegs pa la 'pho ba mi mnga' yang thams cad du skye bar snang snang ste/ 'jig rten gyi khams rab 'byams la la zhig gi sems can snod chag pa lta bur gyur pa 'am/ sems rnyog pa dang ldan zhing las dang nyon mongs pas bsgribs pa zhig yod par gyur na yang / der ni de bzhin gshegs pa rnams mya ngan las 'das par snang na/ kye rgyal ba'i sras de la ji snyam du sems/ de bzhin gshegs pas zhes te/ de bzhin gshegs pa rnams mya ngan las 'da' ba 'am/ gcig tu mgyur grang ngo // sbas pa/ kye rgyal ba'i sras de lta ma yin te/ de bzhin gshegs pa rnams na sems kyi rgud dge ba'i rtsa ba dang mi ldan pas yongs su mya ngan las 'da'i/ de bzhin gshegs pa rnams kyis nyes pa'i phyir zhes ni mi brjod do// sbas pa/ kye rgyal ba'i sras 'o na/ byang chub sems dpa' sems dpa' chen pos/ de bzhin gshegs pa rnams mya ngan las 'da' ba yang de lta bur shes par bya'o// kye rgyal ba'i sras gzhan yang yongs su mya ngan las 'da' ba'i sems can rnams la/ de bzhin gshegs pa rnams yongs su mya ngan las 'da' ba ston te/ de bzhin gshegs pa rnams ni 'byung ba yang med/ yongs su mya ngan las 'da' ba yang med do// kye rgyal ba'i sras de yang 'di lta ste dper na me ni 'jig rten thams cad na yang ma'i dgos pa bsgrub bo// de las grong ngam/ grong khyer ram
- 219b
grong rdal lam/ yul lam/ pho brang 'khor tam/ rgyal po'i gnas shin du mi shi bar gyur na/ kye rgyal ba'i sras de la ji snyam du sems te/ des 'jig rten thams cad du me thams cad lhag ma med pa'am/ gcig tu zhi ste zhi bar ma gyur grang ngo // byang chub sems dpa' de bzhin gshegs pa'i dpal gyis smras pa/ kye rgyal ba'i sras de lta ma yin no// smras pa/ kye rgyal ba'i sras de bzhin du/ de bzhin gshegs pa dgra bcom pa yang dag par rdzogs pa'i sangs rgyas kyang 'jig rten gyi khams rab 'byams ma lus pa thams cad na de bzhin gshegs pa'i phrin las mdzad pa las/ dus gzhan zhig na de bzhin gshegs pa'i phrin las yongs su rdzogs par grub nas/ zhing gi grangs su bya ba la zhiganas yongs su mya ngan las 'da' ba bstan par gyur pa na/ kye rgyal ba'i sras de la ji gam du sems 'jig rten thams cad nas kyang / de bzhin gshegs pa'am gcig yongs su mya ngan las 'das par ma gyur grang ngo // smras pa/ kye rgyal ba'i sras de lta ma yin no// smras pa/ kye rgyal ba'i sras de lta na/ byang chub sems dpa' sems dpa' chen pos/ de bzhin gshegs pa dgra bcom pa yang dag par rdzogs pa'i sangs rgyas rnams kyis yongs su mya ngan las 'das pa chen po yang de lta bur khong du chud par bya'o// kye rgyal ba'i sras gzhan yang 'di lta ste dper na/ sgyu ma'i mkhan po mkhas pa la lobs pa shin du byang ba zhig gis sngags dang rig sngags stobs dang / shugs la bsten te/ stong gsum gyi stong chen po'i 'jig rten gyi khams thams cad du sgyu ma'i rnam pa mang po bstan te/ grong dang / grong khyer dang / ljongs dang / phra brang 'khor dang / rgyal po'i gnas
- 220a
thams cad du rang gi lus bstan ste sgyu ma de dag kyang bskal par gnas par byin gyi brlab pa las grong ngam/ grong khyer ram/ ljongs sam/ yul lam/ pho brang 'khor tam/ rgyal po'i gnas gcig tu dgos pa rdzogs par zin nas/ sgyu ma'i mkhan po des rang gi lus mi snang bar byas na/ kye rgyal ba'i sras de la ji snyam du sems/ 'jig rten thams cad nas kyang / sgyu ma'i rnam pa mang po yongs su nub pa'am/ gcig tu ma gyur grang ngo // byang chub sems dpa' de bzhin gshegs pa'i rigs su byung ba'i dpal gyis smras pa/ kye rgyal ba'i sras de lta ma yin no// smras pa kye rgyal ba'i sras de bzhin du de bzhin gshegs pa dgra bcom pa yang dag par rdzogs pa'i sangs rgyas ye shes kyi sgyu ma tshad med pa la shin tu byang ba/ thabs dang shes rab dang ye shes kyi rig sngags kyis shin tu byung ba yang / chos kyi dbyings thams cad du de bzhin gshegs pa'i sku sgyu ma'i rnam pa lta bu chos kyi dbyings kyis klas par gnas pa/ nam mkha'i khams kyi mthar thug pa mi 'jigs par bstan pa/ sems can gyi mos pa bzhin du 'phrin las rdzogs par zin nas/ zhing rab 'byams la la zhag nas yongs su mya ngan las 'das pa sngon kyang zhing gci gnas yongs su mya ngan las 'das pas 'jig rten gyi khams thams cad nas yongs su mya ngan las 'da' ba ma yin te/ kye rgyal ba'i sras byang chub sems dpa' sems dpa' chen pos/ de bzhin gshegs pa rnams yongs su mya ngan las 'da' ba ni de lta bu khong du chud par bya'o// / kye rgyal ba'i sras de ltar byang chub sems dpa' sems dpa' chen pos/ de bzhin gshegs pa dgra bcom pa yang dag par rdzogs pa'i sangs rgyas rnams kyi yongs su mya ngan las 'da' ba tshad med pa'i rjes su
- 220b
song ba/ chags pa med pa'i mthar thugs pa/ chos kyi dbyings ltar mtha' dang dbus med pa/ nam mkha'i dbyings kyi rang bzhin can de bzhin nyid kyis mi skye mi 'gag pa yang dag pa'i mtha' la gnas pa dus bzhin du rab tu ston pa/ 'gro ba thams cad du rgyun mi 'chad par sngon gyi byin gyis brlabs kyis shin tu byin gyis brlabs pa/ 'gro ba'i zhing thams cad dang / chos kyi dbyings rab 'byams thams cad la mi 'da' ba khong du chud par bya'o zhes gsungs so// shes rab kyi pha rol tu phyin pa las kyang / rab 'byor mya ngan las 'das pa 'di ni 'di lta ste/ rang bzhin gyis stong pa nyid do zhes gsungs so// bam po ban pa/ dam pa'i chos pad+ma dkar ba'i mdo las kyang / 'od srungs chos thams cad mnyam pa zheng du khong du chud pa ni mya ngan las 'das pa'o zhes gsungs so// yang de nyid las rigs kyi bu gang yang de bzhid gshegs pas mdzad pa de/ de bzhin gshegs pas mdzad cing yun ring po da srid nas mngon par rdzogs par sangs rgyas nas/ tshe'i tshad dpag tu med pa de bzhin gshegs pa rtag tu zhugs nang sangs su mya ga las me 'da' sa/ 'dul ba'i dbang gas yongs su mya ngan las 'da' bston to// de ci'i phying zhen/ ngas rnam grangs das sems can rnams yongs su smin par byed pa'i phying // zhes gsungs sa// rang rdza chen pa'i mad las kyang tshangs pa 'di ltar 'jig rten 'di las zad pa dang / nams pazad pa dang / thug snga la za / sdug bsngal zhi bar zhi bas ni zhing byeng pa/ rnam par ban yangs su su ngan las 'das pa'o// zhes bya'o// tshangs pa de las gang yin pa de zad pa dang / rgan mongs pa gang yin pa de dang bral nang nub pa ma gtogs par mya ngan las 'da' ba gang yang med do zhes gsung
- 221a
so// 'jig rten las 'das pa'i le'u las kyang / sangs rgyas rnams kyi mya ngan las 'das pa kun tu bstan pa la 'jug pa ni mtha' yas so zhes gsungs so// 'phags pa tshangs pas zhus papa las kyang / bcom ldan 'das yongs su mya ngan las 'das pa zhes bya ba ni/ gang mtshan ma thams cad rab tu zhi ba dang / g.yo ba thams cad dang 'bral ba'o zhes gsungs so// yang gsungs pa/ tshangs pa yongs su mya ngan las 'das pa zhes bya ba ni/ phan tshun du rkyen gyis sgro btags pa med pa'o zhes 'byung ngo // yang dag par ldan pa'i lung las kyang / dge slong dag khyed la mya ngan las 'das pa dang / mya ngan las 'da' bar 'gro ba'i lam bshad par bya'o// de la mya ngan las 'das pa gang zhe na/ 'di lta ste/ 'dod chags zad pa dang / zhe sdang zad pa dang / gti mug zad pa'o// la mya ngan las 'das par 'gro ba'i lam gang zhe na/ 'phags pa'i lam yan lag brgyad pa 'di nyid do zhes gsungs so// bcom ldan 'das kyi ye shes shin tu rgyas pa'i mdo las kyang / mau d+gal gyi bu sngon byung ba/ de bzhin gshegs pa snyan pa brjod pa zhes bya ba byung ste// de'i nyan thos 'dus pa yang byung ngo // de'i tshe na sangs rgyas kyi zhing de na dge slong dmigs pa kun la mtshungs par lta ba zhes bya ba theg pa chen po la yang dag par zhugs pa gcig cig yod de/ sangs rgyas bye ba khrag khrig brgya stong dpag tu med pa rnams la/ dge ba'i rtsa ba bskyed kyang / de de srid kyi bar du bla na med pa yang dag par rdzogs pa'i byang chub kyi sems la ma zhugs kyi/ theg pa chen po bla na med pa yang dag par zhugs te/ sangs rgyas kyi zhing brjod du med pa'i yang brjod du med pa yongs su sbyong bar
- 221b
'dod do// yang de'i tshe na sangs rgyas kyi zhing da na dge slong gcig po de ma gtogs par sems can gzhan gang gis kyang / byang chub kyi phyir byang chub tu sems ma bskyed de/ de chos zab mo thams cad la dbang zos pas/ lha tshe ring po rnams kyis nang du skyes so// de nas de bzhin gshegs pa snyan pa brjod pas/ sangs rgyas kyi mdzad pa mdzad nas/ sems can chen po gang la sangs rgyas kyi mdzad pa ma mdzad ces sangs rgyas kyi zhing thams cad du gzigs pa dang / des theg pa chen po la yang dag par zhugs pa'i sems gcig po de la byang chub kyi snod du gyur na/ de yang mi dal ba rnyed nas de lus bzhid kyis byang chub tu dge ba'i rtsa bskal ba med de/ de nas shi 'phos nas mnar med pa'i sems can dmyal ba chen por lung ste/ de de nas yang byang chub tu dge ba'i rtsa ba bskyed pa'i skal ba med la/ de mnar med pa nas shi 'phos te mi rnams kyi nang du skyes kyang blun po lug ltar lkugs pa lag brda byed pa chos go ba'i mthu med par gzigs nas/ der de bzhin gshegs pa de sprul te/ sems can de yongs su smin par mdzad do// sprul pas de yongs su smin par mdzad pa na/ skye ba bye ba khrag khrig phrag drug cur de bzhin gshegs pa de mi bde ba myong ngo // mo d+gal gyi bu de bzhin gshegs pa'i thug rje chen po la ltos/ sems can gcig gi phyir yang bskal pa grangs med par mi bde ba myong zhing gang zag de yongs su smin par mdzad nas phyir mi ldog pa'i bar la bzhag go/ mod+gal gyi bu de ji snyam du sems de'i tshe de'i dus na de bzhin gshegs pa snyan par brjod par bya bar gyur pa de gzhin zhig yin snyam na de ltar mi lta'o// de ci'i phyir zhe na/ de bzhin gshegs pa don thams cad gzigs pa de/ de'i tshe na
- 222a
par brjod par gyur to// bod+gal gyi bu de ji snyam du sems/ de'i tshe dge slong dmigs pa kun la mtshungs par lta ba zhes bya bar gyur pa de gzhan zhig yin pa snyam na yang de ltar mi lta'o// ci'i phyir zhe na/ de bzhin gshegs pa 'od dpag med de'i tshe/ dge slong dmigs pa kun la mtshungs par lta ba zhes bya bar gyur to// zhe pa gsungs so// yab sras mjal ba'i mdo las kyang / dge slong dag sngon byung ba 'das pa'i dus bskal pa dpag tu med pa/ bgrang du med pa/ bsam gyis mi khyab pa/ mtshungs pa med pa/ gzhal du med pa brjod du med pa/ 'das pa de'i tshe de'i dus na/ de bzhin gshegs pa dgra bcom pa yang dag par rdzogs pa'i sangs rgyas dbang ba'i tog ces bya ba 'dzag tan du byung ste/ de bzhin gshegs pa dbang po'i tog gi sangs rgyas kyi zhing yang 'jig rten gyi khams gang+gA'i klung gi bye ma sad las/ sangs rgyas kyi zhing gcig tu gyur to// sangs rgyas kyi zhing de na 'khod pa'i sems can rnams kyang bde ba lnga thob par gyur te/ 'di ltar la la ni 'dod pa'i bde ba dang ldan par gyur to// la la ni khyim nas 'byung ba'i bde ba dang ldan par gyur te// la la ni bsam gtan gyi bde ba dang ldan par gyur to// la la ni goms par 'jug pa'i bde ba dang ldan par gyur to// la la ni bla na med pa yang dag par rdzogs pa'i byang chub kyi bde ba dang ldan par gyur to// de dag bde ba de la yang spyod la/ de dag la yang mngon par zhen pa med par gyur to// 'di lta ste dper na/ bung ba me tog gi khu bas nye bar 'tsho yang de la mngon par zhen pa med do// de bzhin du sems can de dag kyang bde ba la yongs su spyod kyang de la mngon par zhen pa med do// 'di lta ste dper na/ bar snang la rgyu ba'i bya ni bar snang la rgyu yang de la mngon
- 222b
par chags pa yang med do// de bzhin du sems can de dag kyang bde ba de la yongs su spyod kyang de mngon par zhen pa med do// 'jam dpal gyis gsol pa/ de'i tshe de'i dus na de bzhin gshegs pa dbang po'i tog ces bgyi bar gyur pa da ni/ bcom ldan 'das zhing de'i tshe de'i dus na/ de bzhin gshegs pa dbang po'i tog ces bgyi bar gyur pa dang 'tshal to zhes gsungs so// lang+kar gshegs pa'i mdo las kyang bya ba dang ni mtshan nyid dang / dngos por mya ngan nga mi 'da'// rnam rtog rnam par shes pa las/ bzlog pas mya ngan nga 'das so// zhes gsungs so// zag pa gcig la mos pa'i sems can de dag ni shin tu rnyed pa dka' ste/ theg pa gcig tu zad par ni mdo sde du ma las gsungs pa'i phyir ro// 'phags pa dam pa'i chos pad+ma dkar po'i mdo las 'byung ba/ nga yang theg pa gcig las brtsams te sems can rnams la chos 'chad pa 'di lta ste/ sangs rgyas kyi theg pa thams cad mkhyen pa nyid kyi mthar thug pa ste/ theg pa gnyis sam gsum zhes bya ba dag kyang med do// phyogs bcu'i 'jig rten thams cad na yang chos nyid ni 'di'o// de ci'i phyir zhe na/ phyogs bcu'i 'jig rten gyi khams thams cad du gang 'das pa'i dus na byung ba'i de bzhin gshegs pa de dag thams cad kyang theg pa gcig las brtsams nas/ sems can rnams la chos bstan te/ gang 'di sangs rgyas kyi theg pa'o// gang ma 'ongs pa'i dus na 'byung ba'i de bzhin gshegs pa de dag kyang / sangs rgyas kyi theg pa gcig pul brtsams nas/ sems can rnams la chos ston par 'gyur ro// gang da ltar byung ba'i dus na phyogs bcu'i 'jig rten gyi khams thams cad kyi de bzhin gshegs pa de dag thams cad kyang sangs rgyas kyi theg pa gcig pul brtsams nas/ sems can rnams la chos ston to// de rnam gangs 'dis de ltar rig par bya ste/ phyogs bcu'i
- 223a
'jig rten gyi khams gang na yang theg pa gnyis su btags pa yang med na/ gsum lta ci smos shes gsungs so// 'phags pa bden pa po'i le'u las kyang / 'jam dpal theg pa gcig gis nges par 'byung ba'i phyir sangs rgyas kyi zhing de ni theg pa chen po'i snying po dang ldan pa yin no// nga la nyan thos dang / rang sangs rgyas kyi theg pa rnam par dgod pa med do// de ci'i phyir zhe na/ de bzhin gshegs pa la 'du shes sna tshogs/ med pa'i phyir te/ 'jam dpal gal te de bzhin gshegs pas la la dag ni theg pa chen po'o// la la dag ni rang sangs rgyas kyi theg pa/ la la dag ni nyan thos kyi theg pa bshad par gyur na de ni de bzhin gshegs pa'i sems yongs su ma dag par 'gyur te/ mngon par zhen pa'i skyon du yang 'gyur/ snying rje chen po nye tshe bar yang 'gyur/ ra chos la slob dpon dpe mkhyud byas par yang 'gyur ro// 'jam dpal ngas sems can rnams la chos gang dang gang bstan pa de dag thams cad ni 'di lta ste/ thams cad mkhyen pa'i ye shes thob par bya ba'i phyir byang chub la gzhol ba/ theg pa chen po la 'bab pa'i thams cad mkhyen pa nyid bsgrub pa/ yul gcig tu yang dag par phyin par byed pa ste/ de bas na nga la theg pa rnam par dgod pa med do// 'jam dpal theg pa rnam par dgod pa zhes bya ba 'di ni/ de bzhin gshegs pa rnam par dgod par mdzad pa'o// de ni gang zag rnam par dgod par mdzad pa'o// tshogs chung ngu dang / tshogs tshad med pa rnam par dgod par mdzad pa ste/ chos kyi dbyings tha dad pa med pa'i phyir 'di la theg pa tha dad pa med de/ 'di ni kun rdzob du 'jug pa bstan pa 'jug pa'i sgo tsam du brjod pa'o// gang don dam par theg pa gcig pa ni gnyis pa ma yin zhes gsungs so// shes rab kyi pha rol tu phyin pa las kyang / lha'i bu gang dag bla na med pa yang dag par rdzogs pa'i
- 223b
byang chub tu sems bskyed pa de dag gis/ bla na med pa yang dag par rdzogs pa'i byang chub tu sems bskyed par bya'o// gang dag yang dag pa nyid du nges par zhugs pa de dag ni byang chub tu sems bskyed pa'i mthu med do// / de ci'i phyir zhe na/ de dag 'khor ba'i rgyun gyi mtshams bcad pa'i phyir ro// de dag gal te bla na med pa yang dag par byang chub tu sems bskyed na ni/ nga yang rjes su yi rang zhing / nga de dag gi dge ba'i rtsa ba la bar chad mi byed de/ khyad par du 'phags pa bas kyang shin tu khyad par du 'phags pa'i chos rnams la lhag par dmigs par bya'o// zhes gsungs so// 'dus pa chen po'i le'u las kyang / theg pa gcig tu yang dag par 'du ba ni/ theg pa thams cad theg pa gcig tu mnyam pa nyid du yang dag par 'du ste/ chos kyi dbyings dbyer med pa la 'jug par tshul gcig go// zhes gsungs so// 'phags pa gzungs kyi dbang phyug rgyal pos zhus pa'i mdo las kyang / sangs rgyas bcom ldan 'das rnams ni gtam sna tshogs kyi ched du 'byung ba ma yin te chos kyi dbyings ro gcig pa sgrib pa med pa/ sems can thams cad la go skabs 'byed pa/ mngon par rdzogs par sangs rgyas nas/ sems can rnams khong du chud par bya ba'i phyir/ 'di lta ste/ phyir mi ldog pa'i 'khor lo rab tu bskor ro// rigs kyi bu 'di lta ste dper na/ nor bu mkhan gyis nor bu'i rigs las sbyang ba ma byas pa'i nor bu rin po che blangs nas/ bul tog gi chu rnon pos bkrus te/ skra nag po'i lba bas byi dor bya bas byi dor byas kyang de tsam gyis brtson 'grus rgyun mi gcod kyi/ de'i 'og du rdu la chu rnon po dang bcas pas bkrus te/ shing dang skam bus byi dor bya bas byi dor byed do// de tsam gyis kyang brtson 'grus rgyun mi gcod do// de'i 'og tu yang sman chen po'i khu bas bkrus te/ ras phra mos byi/
- 224a
dor byas pas byi dor byed do// byi dor byas te nor bu 'ching bu'i rigs dang bral nas bai DUr+ya zhes bya'o// de bzhin du de bzhin gshegs pas yongs su ma dag pa'i sems can gyi khams rig nas mi rtag pa dang / sdug bsngal ba dang / bdag med pa dang / mi sdug pa yid 'byung bar 'gyur ba'i gtam gyis 'khor ba la mngon par dga' ba'i sems can rnams yid 'byung bar byed/ 'phags pa chos 'dul ba la 'jug par byed do// de tsam gyis de bzhin gshegs pa brtson 'grus rgyun mi gcod kyi/ de'i 'og tu stong pa nyid dang / mtshan ma med pa dang / smon pa med pa'i gtam gyis de bzhin gshegs pa'i gtam gyi tshul khong du chud par byed do// de tsan gyis kyang de bzhin gshegs pa brtson 'grus rgyun mi gcod kyi/ de'i 'og tu phyir mi ldog pa'i 'khor lo'i gtam dang / 'khor gsum yongs su dag pa'i gtam gyis/ sem can de dag de bzhin gshegs pa'i yul la 'dzud do// sems can kyang dang rang bzhin sna tshogs pa de dag mnyan du zhugs nas/ de bzhin gshegs pa'i chos nyid khong du chud pas/ sbyin gnas bla na med pa rnams shes bya'o// zhes gsungs so// phyir mi ldog pa'i 'khor lo'i mdo las kyang / 'jam dpal gzhon nur gyur pas gsol pa/ sangs rgyas bcom ldan 'das rnams kyis chos bstan pa ji tsam zhig mthun bka' stsal pa/ sangs rgyas bcom ldan 'das rnams kyi chos bstan pa ni phyir mi ldog pa'i chos kyi 'khor lor mthun no// gsol pa/ bcom ldan 'das ji ltar bcom ldan 'das theg pa gsum la brtsams te/ de ltar chos ston/ bka' sub pa/ rigs kyi bu sems can de dag ni dman pa la mos pa dag ste/ de dag theg pa gcig la mi 'jug pas na/ thabs mkhas pas de dag de ltar nye bar khrid
- 224b
te rigs kyi bu/ sangs rgyas bcom ldan 'das rnams ni thabs mkhas pa chen po dang ldan pa'o// bcom ldan 'das de ni zhigs ma lnga'i dus na byung ste/ de dag ni theg pa gcig la ma mos pa dag go/ zhes gsungs so// 'phags pa dpal gyi phreng ba seng ge'i sgra'i mdo las kyang / yongs su mya ngan las 'das pa zhes bya ba ni/ de bzhin gshegs pa rnams kyi thabs so// theg pa gsum po thams cad kyang theg pa gcig po'i grangs su 'gro ste/ theg pa gcig khong du chud pas bla na med pa yang dag par rdzogs pa'i byang chub khong du chud do/ zhes gsungs so// 'phags pa ladar gshegs pa'i mdo las kyang / nyan thos dang / rang sang rgyas rnams bag chags kyis nyes pa dang / ting nge 'dzin gyis myos pa med par gyur nas/ zag pa med pa'i dbyings nas blar sad de/ yang 'jig rten gyi dang / 'jig rten las 'das pa zag pa med pa'i dbyings su gtogs pa'i tshogs rnams yongs su bkang nas/ chos kyi su bsam gyis mi khyab pa la dbang med par rab tu thob par 'gyur ro// zhes gsungs so// de lta mod kyi sems can gyi dge ba'i tshogs stospyod pa tha dad pa dang / 'dul ba'i dbang dang / theg pa sna tshogs kyi sgo ston pas kyang 'jig rten gyi khams tha dad pa rnams su de bzhin gshegs pa rnams kyi chos bstan pa 'jug go// theg pa gsum du yang ma zad de/ sdong po bkod pa'i rnam par thar pa las rnam par snang byed dpal gyi 'jig rten gyi khams na de bzhin gshegs pa kun nas ye shes rin chen 'od 'phrod pal yon tan gyi tog gi rgyal po mngon par rdzog par sangs rgyas ma thag tu sems can dpag tu med pa dag ni nyan thos kyi sa la bkod/ sems can dpag tu med pa dag ni rang byang chub la bkod/ sems can dpag tu med pa dag ni shugs dang ldan pa'i spobs
- 225a
pas nges par 'byung ba'i byang chub la bkod/ sems can dpag tu med pa dag ni pha rol gnon pa dri ma med pa'i rgyal mtshan gyi byang chub la bkod/ sems can dpag tu med pa dag ni chos la spobs/ pas nges par 'byung ba'i byang chub la bkod/ sems can dpag tu med pa dag ni dbang po yongs su dag pa'i spobs pas nges par 'byung ba'i byang chub sa bkod/ sems can dpag tu med pa dag ni stobs mnyam pa nyid yang dag par spyod pa'i rjes su 'gro bas nges par 'byung ba'i byang chub la yongs su smin par byas/ sems can dpag tu med pa dag ni chos kyi grong khyer la mngon par phyogs pa'i yul gyi theg pa srid pa nges par 'byung ba'i byang chub la bkod/ sems can dpag tu med pa dag ni thams cad du song ba'i rdzu 'phrul mi phyed pa'i tshul gyis theg pa nges par 'byung ba'i byang chub la bkod/ sems can dpag tu med pa dag ni spyod pa'i sbyor ba tshad med pa yang dag par 'du bas/ nges par 'byung ba'i byang chub la bkod/ sems can dpag tu med pa dag ni ting nge 'dzin la gnas pa'i tshul gyis nges par 'byung ba'i byang chub la bkod/ sems can dpag tu med pa dag ni dmigs pa thams cad kyi yul yongs su dag pa'i dkyil 'khor gyi tshul gyis nges par 'byung ba'i byang chub la bkod/ sems can dpag tu med pa dag ni byang chub sems dpa'i byang chub la sems skyed/ sems can dpag tu med pa dag ni byang chub sems dpa'i lam la bkod/ sems can dpag tu med pa dag ni pha rol tu phyin pa'i lam rnam par dag pa la bkod/ sems can dpag tu med pa dag ni byang chub sems dpa'i sa dang po la bkod pa nas/ byang chub sems dpa'i sa bcu pa'i bar la bkod/ sems can dpag tu med pa dag ni byang chub sems dpa'i spyod pa
- 225b
smon lam gyis khyad par du gyur pa la btsud/ sems can dpag tu med pa dag ni byang chub sems dpa'i kun tu bzang po'i spyod pa'i smon lam rnam par dag pa la bkod do// zhes gsungs so// byang chub sems dpa' dam pa'i chos rtag tu yongs su bzung bar bya'o// dam pa'i chos yongs su bzung ba gang zhe na/ dad pa'i stobs skyes pa'i mdo las 'byung ba/ 'jam dpal de la dam pa'i chos yongs su bzung na/ byang chub sems dpa' yongs su bzung ba yin no// byang chub sems dpa' yongs su bzung na dam pa'i chos yongs su bzung ba yin no// dam pa'i chos yongs su bzung na/ sems cad thams cad yongs su bzung ba yin no// sems can thams cad yongs su bzung na sangs rgyas kyi rigs mi 'chad par byas pa yin no// sangs rgyas kyi rigs mi 'chad par 'dod pa dang / sems can thams cad kyi nyon mongs pa 'joms par byed 'dod pa dang / ngan 'gro kun gyi sgo gcod par 'dod pa dang / 'khor los sgyur ba'i rgyal po'i bde ba dang / brgya byin dang / tshangs pa dang / 'jig rten skyong ba'i bde ba grangs med dpag tu med pa myong bar 'dod pa dang / bdud kyi zhags pa thams cad gcod par 'dod pa nas bla na med pa yang dag par rdzogs pa'i byang chub mngon par rdzogs par sangs rgyas par 'dod pa'i bar gyis/ tha na sems dang po bskyed pa'i byang chub sems dpa' la yang yongs su bzung ba ji tsam chung ngu yang bya'o// zhes gsungs so// 'phags pa blo gros rgya mtshos zhus pa'i mdo las kyang / blo gros rgya mtsho byang chub sems dpa' rnams kyi theg pa chen po bskud par 'gyur ba'i chos ni gcig ste/ 'di ltar byang chub kyi sems mi brjod cing bag yod pa'o// gzhan yang chos gcig ste/ 'di ltar bdag bde ba la mi
- 226a
chags pa'i snying rje chen po'o// gzhan yang chos gcig ste/ 'di ltar chos smra ba rnams la ston pa dang / bla ma ltar phangs par rim gro byed pa'o// gzhan yang chos gcig ste/ 'di ltar de bzhin gshegs pa bzhugs pa rnams sam/ yongs su mya ngan las 'das pa rnams la mchod pa dang / rim gro byed pas chog mi shes pa'o// gzhan yang tshes gcig ste/ 'di ltar chos thams cad rang bzhin gyis ma skyes pa dang // ma byung bar rig nas mi skye ba'i chos la bzod pa rab tu thob pa zhes gsungs so// byang chub sems dpa'i sde snod las kyang / byang chub sems dpa' chos bzhi dang ldan na/ byang chub las mi nyams te/ tshe rjes nas kyang 'khor los sgyur ba'i rgyal po byed de/ ji ltar smon pa bzhin du dge ba'i rtsa ba thams cad kyang rjes su mthun par 'gyur la/ stobs che zhing mthu'o che ltar lus mi shigs par 'gyur te/ 'khor los sgyur ba'i rgyal po'i sras kyang rab tu thob// tshangs pa'i gnas pa bzhi yang 'thob ste/ tshangs pa'i 'jig rten du skyes nas/ tshangs pa'i dbang yang rab tu 'thob bo// bzhi gang zhe na/ 'di la byang chub sems dpa' de bzhin gshegs pa'i mchod rten zhig par mthong na/ slar gso bar mos te/ de la 'jim pa'i ril bu 'gas klon pa yin/ lam gyi bzhi mad chen por skye bo mang po 'du ba'i gnas su de bzhin gshegs pa'i mchod rten brtsigs sam/ mchod rten nam/ khang pa brtsegs pa 'am/ rdo rings sam/ de bzhin gshegs pa'i sku gzugs sam/ de bzhin gshegs pa'i yon tan gzhan dang / gzhan rjes su dran par bya ba 'di lta ste/ chos kyi 'khor lo rab tu bskor ba 'am mngon par 'byung ba 'am/ byang chub kyi zhing ngam/ bdud 'dul ba 'am/ cho 'phrul chen po 'am/ yongs su mya ngan las 'das pa chen po ston pa 'am/ lha yul nas bab pa'am/ de bzhin gshegs pa'i nyan
- 226b
thos kyi dge 'dun mi 'dun pa mthong na/ bsdums byed pa la brtson pa yin/ de bzhin gshegs pa'i bstan pa dam pa'i chos rab tu rnam par 'jig pa na/ tshigs su bcad pa gcig bsrung ba la mi brjed par brtson pa yin/ chos sam chos smra ba yongs su 'dzin cing lus dang srog 'dor bar chos mi gtong ba ste/ bzhi po de dag gi zhes gsungs so// 'phags pa dkon mchog sprin gyi mdo las kyang / rigs kyi bu chos bcu dang ldan na// byang chub sems dpa' dam pa'i chos yongs su 'dzin pa rnams yin no// bcu gang zhe na/ 'di lta ste/ phyi ma'i dus phyi ma'i tshe/ lnga brgya tha ma la dam pa'i chos rnam par 'jig cing bstan pa 'khrug par gyur pa dang / sems can rnams lam ngan par zhugs pa dang / ye shes kyi sgron ma mya ngan las 'das te ston pa med pa'i tshe/ mdo sde rgya chen po dan che zhing mthu che ba dam pa'i chos thams cad kyi ma mo dang 'dra ba dag 'dzin cing / thog la kha ton byed cing / kun chub par byed pa dang / gzhan la yang brjod cing ston la/ yang dag par ston cing gsal bar byed pa dang / de la zhugs pa'i gang zag rnams la/ dga' ba dang dad pa dang / rangs par byed cing de dag la phan 'dogs pa dang / zang zing med pa'i sems kyis dam pa'i chos rgan pa dang / chos sba ba'i gang zag rnams la ston par 'du shes bskyed pa dang / dam pa'i chos la bdud rtsir 'du shes bskyed pa dang / bcud gsos su 'du shes skyed pa dang / rtsi'i 'du shes skyed pa dang / lus dang srog la mi blta bar dam pa'i chos yongs su tshol ba dang / brtsol nas kyang nan tan gyis bsgrub po zhes gsungs so// rab tu zhi ba rnam par nges pa'i cho 'phrul gyi mdo las kyang / bzang skyong byang chub sems dpa' chos bzhi dang ldan na/ dam pa'i chos yongs su 'dzin te/ bzhi gang zhe na/ bdag bde ba la mi chags pa dang / gzhan
- 227a
la bde ba stobs pa dang / snying rje chen po rab tu thob pa dang / chos yongs su tshol bas mi ngoms pa ste/ bzhi po de dag go zhes gsungs so// yang mdo de nyid kyi sngon gyi tshul gyi le'u las kyang / rgyal bu dri ma med pa'i gzi brjid kyis/ bcom ldan 'das de bzhin gshegs pa ri rab chen po dge slong brgyad khri bzhi stong dang bcas pa la/ lo stong gi bar du rnam pa thams cad kyi mchog dang ldan pa'i yo byad thams cad kyi bsnyen bkur byas par 'gyur ro// de las lo stong lon pa dang / bcom ldan 'das ri rab chen po de bzhin gshegs pa des rgyal po dri ma med pa'i gzi brjid la bka' stsal pa/ rgyal po chen po khyod kyis gang lo stong du sbyin pa'i chos yongs su btang ste/ de bzhin gshegs pa la phul ba'i sbyin pa'i chos yongs su btang ba de thams cad yongs su bsdus kyang / chos yongs su tshol ba la brtson pa'i byang chub sems dpa'i dbugs lan cig rgyu ba'i dge ba'i rtsa ba'i brgya'i char yang nye bar mi chog pa nas/ rgyu'i bar du yang mi chog na/ gang lung 'bogs pa dang / kha ton la brtson pa dang / tshig bzhi pa'i tshigs su bcad pa pha rol tu phyin pa dang / rab tu ldan pa gcig tsam rab tu ston pa lta ci smos te/ de'i bsod nams kyi phung po'i mtha' nga mi 'chad do// sbyin pa'i chos yongs su gtong ba lta zhog ste/ rgyal po chen po khyod kyis gang lo stong gi bar du rgu god pa thams cad bsdus nas/ dge slong gcig la byin par gyur la/ de bzhin du dge slong thams cad la byin pa bas/ byang chub sems dpa' gang lung 'bogs pa dang / kha don la brtson pa dang / gus pa dang bcas pa dang / chos ston 'dod pas dad pas byin pa'i zas blangs nas/ sa 'di snyam du bdag gis kha zas 'di chos yongs su btsal bar bya'o snyam du sems bskyed na sbyin pa'i chos yong
- 227b
su gtong ba des/ dge ba'i rtsa ba de'i brgya'i char yang nye bar me tshogs pa nas/ rgyu'i bar du yang mi chog go/ zhes gsungs so// 'phags pa de bzhin gshegs pa'i gsang ba'i mdo las kyang / byang chub sems dpa'i bsod nams kyi phung po ji snyed brjod pa bas dam pa'i chos ni yongs 'dzin na/ de bas bsod nams ches mang ngo // dam chos 'dzin pa'i bsod nams ni// sangs rgyas kyis ni nan tan du// bskal pa bye bar brjod mdzad kyang // mtha' mar phyin par 'gyur ma lags/ zhes 'byung ngo // dam pa'i chos gang zhe na/ dpal gyi phreng ba seng+ge'i sgra'i mdo las gsungs pa/ dam pa'i chos zhes bya ba de ni theg pa chen po'i tshig bla dgas so// da ci'i phyir zhe na/ kan thos dang / rang sangs rgyas kyi zag pa dang / 'jig rten dang 'jig rten las 'das pa'i dge ba'i chos thams cad kyang theg pa chen pos rab tu phye ba'i phyir ro// nal chos yang dag par sdud pa'i mdo las kyang / dam pa'i chos yongs su 'dzin pa ni/ 'di lta ste/ de bzhin gshegs pas gsungs pa'i mdo sde zab mo rnams lung nod pa dang / 'dzin pa dang / kha ton byed pa dang / sems pa'o// zhes gsungs so// byang chub sems dpa' gang dmigs pa'i spyod pa la gnas te/ dus dpag tu med par de bzhin gshegs pa la mchod pa byas kyang / de dag lung bstan pa yang thob par mi 'gyur na/ byang chub thob par ga la 'gyur te/ tshangs pas zhus pa'i mdo las 'byung ba/ tshangs pa ngas bskal ba 'am/ bskal pa las lhag par de bzhin gshegs pa de dag gi mtshan nas brjod cing / gang dag ngas chos deg langs tshangs par spyod pa spyad cing / pha rol tu phyin pa drug spyad pa'i de bzhin gshegs pa de dag gis ra la lung ma bstan na// da ci'i phyir zhe/ 'di ltar tshangs par spyod pa la gnas par gyur pa'i phyir ro// nam ngas
- 228a
de bzhin gshegs pa mang me mdzad pa mthong ma thag tu mi skye ba'i chos la bzod pa rab tu thob nas/ de nas gdo dang lung bstan te/ de nas bskyed pa thams cad las yang dag par 'das so// de nas nga pha rol tu phyin pa drug yongs su rdzogs so// zhes ji skad gsungs pa lta bu'o// byang chub sems dpa' chos zab mo la mos pa dang mi ldan pa rnams/ bdag dang gzhan gyi don bya bar yongs su rdzogs par mi 'gyur/ te/ zla ba snying po'i le'u las 'byung ba/ don dam pa'i bden pa ni bla na med pa yang dag par rdzogs pa'i byang chub ste/ nyan thos dang / rang sangs rgyas thams cad dang thun mong ma yin no// de bas na kun rdzob kyi bden pa gang gis kyang bla na med pa yang dag par rdzogs pa'i byang chub tu dge ba'i rtsa ba'i tshogs kyi mchog srub mi nus so// zla ba'i snying po 'di lta ste dper na/ me stag gang gis kyang rgya mtsho chen po zab mo skems mi nus so// zla ba'i snying po de bzhin du kun rdzob kyi bden pa gang gis kyang rang gi nyon mongs pa'i rgya mtsho skems par yang mi nus na/ sems can gzhan rnams kyi lha mos kyang ci dgos/ zhes gsung so// chos zab mo ni gang / chos zab mo la mos pa ni ji lta bu yin zhes/ byang chub sems dpa'i sde snod las 'byung ba/ 'phags pa'i yang dag par lta ba 'byung ba ni/ rgyu gnyis dang / rkyen gnyis te/ gnyis gang zhe na/ gzhan gyi sra dang / bdag nyid kyi tshul bzhin yid la byed pa'o// de 'di snyam du sems te/ gzhan gyi sgra de gang / bdag nyid tshul bzhin yid la byed pa gang zhe na/ de de ltar tshul bzhin yid la byed pa na/ 'di snyam sem par 'gyur te/ rnal 'byor spyod pa gang dag byang chub sems dpa'i sde snod kyi rnam grangs 'di ma thos/ 'phags pa'i chos 'dul ba ma thos par/ ting nge 'dzin tsam gyis dga' ba snyed nas/ nga rgyal gyi dbang gis
- 228b
che ba'i nga rgyal du ltung ba de dag ni/ skye ba dang / rga ba dang / na ba dang / 'chi ba dang / mya ngan dang / smre sngags 'don pa dang / sdug bsngal dang / yid mi bde ba dang / 'khrugs pa las yongs su mi thar sdug bsngal gyi phung po las yongs su mi thar te/ de bzhin gshegs pas de la dgongs nas 'di skad gsungs so// pha rol las rjes su mthun pa thos pa ni/ rga ba dang 'chi ba las rnam par grol ba'o// de ltar slob ste/ byang chub sems dpa'i tshul bzhin sbyor ba ni gang / dkar na byang chub sems dpa' tshul bzhin sbyang ba yinas mnas/ de 'di sa sleb ste/ byang chub sems dpa' sems dpa' chen zani chos gang la yang sbyong ba mi byed/ rab tu myong bam byed do// tshul bzhin du sbyong ba zhes bya ba din mi sbyor ba'i tshig bla dgas so// gzhan yang byang chub sems dpa' tshul bzhin du myong ba ni wa 'byin par mi byed/ zlos pa 'byin par mi byed/ gang nas sgra 'byung ba de yang mi dmigs te/ srad nyid ga nas byung / gang du 'gag ces sngon gyi mtha' dang / phyi ma'i mtha' la rtog par byed do// gang smras pa gang sba ba dang / gang smra bar 'gyur ba dang / gang gis smras pa dang / gang gis smra ba dang / gang gis smras pa dang 'gyur ba dang / gang spong ba'i phyir smras pa dang / gang spong ba'i phyir smra ba dang / gang spong ba'i phyir sla bar 'gyur ba dang / gang khong du chud par bya ba'i phyir smras pa dang / gang khong du chud par bya ba'i phyir smra ba dang / gang khong du chud par bya ba'i phyir smras par 'gyur ba de thams cad yongs su btsal na/ 'das pa'i rnam pa dang / ma 'ongs pa'i rnam pa dang / da ltar byung ba'i rnam par mi dmigs pa de ni/ de'i tshul bzhin sbyar ba'o zhes de de ltar slob bo// byang chub sems dpa' de ltar tshul bzhin du sbyor bas/ ji ltar tshul bzhin mthong zhe na/ de 'di ltar slab ste/ gang gi tshen byang
- 229a
chub sems dpa' chos thams cad rang bzhin gyis 'gags pas mthong ba de'i tshe tshul bzhin mthong ngo // gang gi tshe chos thams cad rang bzhin gyis nye bar zhi ba mthong ba de'i tshe tshul bzhin mthong ngo // gang gi tshe chos thams cad rnam pa zhi bar mthong ba de'i tshe/ tshul bzhin mthong ngo // gang gi tshe chos thams cad rang bzhin gyis snyoms par zhugs par mthong ba de'i tshe/ tshul bzhin mthong ngo // gang gi/ tshechos thams cad ma skyes par mthong ba de'i tshe/ tshul bzhin mthong ngo // gang gi tshe chos thams cad ma byung bar mthong ba de'i tshe tshul bzhin mthong ngo // gang gi tshe chos thams cad shin tu yang dag par ma byung bar mthong ba de'i tshe/ tshul bzhin mthong ngo // gang gi tshe chos thams cad mya ngan las 'das par mthong ba de'i tshe/ tshul bzhin mthong ngo // de gang gis mthong ba de la yang rtog ste/ ci nas kyang mi mthong ba dang / mi rtog pa de ltar mthong ste/ de ltar mthong na tshul bzhin mthong ba zhes bya'o// yang 'di ltar slab ste/ byang chub sems dpa' tshul bzhin du sbyor ba ni/ chos gang la yang the tshom dang rmongs pa med pa'o// tshul bzhin du sbyor ba ni chos gang la yang sgrib pa med do// tshul bzhin du sbyor ba ni chos gang la yang thar pa'i sgor mi 'gyur ba med do// tshul bzhin du sbyor chos pa ni gang la yang spang bar bya ba'i phyir 'chad pa med do// tshul bzhin du sbyor ba ni/ chos gang yang rtogs par bya ba'i phyir 'bad pa med de/ chos thams cad yang dag par mthong ba dang / ji lta ba bzhin du mthong ba de ni/ yang dag par lta ba'o// chos thams cad ji lta ba bzhin du mthong ba gang zhe na/ 'di lta ste ma mthong ba'o// ma mthong ba zhes bya ba 'di ni ma mthong ba'i tshig bla dgas so// ma skyes pa zhes bya ba 'di ni yang dag par
- 229b
byung ba'i tshig bla dgas so// yang dag par ma byung ba zhes bya ba gang zhe na/ de ni mi snang ba'i tshig bla dgas so// de bzhin gshegs pas de la dgongs nas/ 'dus byas thams cad mi skye bar mthong na/ yang dag pa nyid du nges pa la 'jug ste/ 'di lta ste yang dag pa nyid du nges pa la 'jug pa de ni/ yang dag par lta'o zhes de skad gsungs so// de 'di snyam du sems te/ ci'i phyir na yang dag pa nyid du nges pa la 'jug pa la nges pa zhes bya zhes de 'di ltar slab ste/ chos thams cad gang dang mnyam pa sangs rgyas kyi chos de dang mnyam ste de bas na yang dag pa nyid du nges pa la 'jug pa'o// zhes gsungs so// yab dang sras mjal ba'i mdo las kyang / rgyal po chen po 'jig rten gnas pa 'di nam mkhar gyur pa la/ tshangs pa'i gzhal med khang rin po che sna bdun gyi rgyu las grub pa gnas pa'i dus de yod de/ rgyal po chen po de'i sra ba de 'byung ba'i tshe/ gang nas kyang mi 'ong ngo // gzhan 'phrul dbang byed kyi lha rnams kyi gzhal med khang rin po che sna bdun gyi rgyu las grub pa byung yang / rgyal po chen po de'i sra ba de 'byung ba'i tshe/ gang nas kyang mi 'ong / lor yug dang / khor yug chen po'i ri rdo rje'i rgyu las grub pa/ sra zhing brtan pa lhun sdug pa rnams gnas par gyur kyang de dag gi sra ba de 'byung ba'i tshe/ gang nas kyang mi 'ong ngo // ri'i rgyal po ri rab dag dang / gzha' shing 'dzin dag dang / mu khrud 'dzin dag dang / gshol mda' 'dzin dag dang / rdo rje 'dzin dag dang / seng ldeng can dag dang / rnam par 'dud dag dang ri rtan dag dang / blta na sdug pa dag dang / bstan sdug chen po dag dang / zer sde dag dang / spos kyi ngad ldan dag dang / gangs ri dag dang / de ma yin pa'i ri nag po dag na gnas pa dang / thams cad dang ldan pa'i stong gsum gyi stong chen po'i 'jig
- 230a
zhen gyi khams gnas pa dang / rnams su dpag tshad brgyad khri bzhi gong yod pa/ rgyar dpag tshad drug khri yod pa'i sa chen po gnas par gyur kyang / rgyal po chen po sra ba de 'byung ba'i tshe gang nas kyang mi 'ong ngo // rgyal po chen po 'jig rten 'di 'jig par 'gyur ba'i tshe/ sa chen po 'di pas tshig pa'am/ chus bsheg pa 'am/ rlung gis gtor ba'i dus yod do// de mes tshig na ni du ba yang mi mngon thal ba'i lhag mi mngon par mi 'gyur ro// de 'di lta ste dper na/ nam mkha' la bar ram/ 'bru mar gyi mes bsregs na/ du ba yang mi mngon zhing / thal ba'i sdug ma yang mi mngon par 'gyur ro// de bzhin du stong gsum gyi stong chen po'i 'jig rten gyi khams 'di mas tshig pa'i tshe/ ngu ba yang mi mngon zhing thal ba'i lhag pa yang mi mngon par 'gyur ro// chus bshig pa'i tshe yang lhag ma ci yang mi mngon par 'gyur te/ 'di lnga ste dper na/ lan tshwa ru'i nang du zhu ba ni/ lhag ma chung zad kyang mi mngon par 'gyur ro// de bzhin du stong gsum gyi stong chen po'i 'jig rten gyi khams 'di yang chus bshig pa'i tshe/ lhags cung zad kyang mi mngon par 'gyur ro// rlung gis gtor ba'i tshe yang lhag ma cung zad kyang mi mngon par 'gyur te/ 'di lta ste dper na/ rnam par 'thor rlung gis bdas pa'i bye'u ni lhag ma cung zad kyang mi mngon par 'gyur ro// de bzhin du stong gsum gyi stong chen po'i 'jig rten gyi khams 'di yang rlung gis gtor ba'i tshe/ lhag ma cung zad kyang mi mngon par 'gyur te/ rgyal po chen po de ltar sa'i khams de 'byung ba yang stong sa'i kham 'jig pa dang 'byung ba yang ngo bo nyid kyis stong ngo // de bzhin du nang gi sa'i khams dang / phyi nang gi khams lhag ma rnams dang / chos thams cad skye ba na yang gang nas kyang mi 'ong la/ 'gag pa na yang gang
- 230b
du'ang mi 'gro ste/ de dag gi skye ba yang steng la/ skyes pa yang rang bzhin gyis stong ngo // zhes gsungs so// ma skyes dgra'i le'u las kyang / de nas rgyal po ma skyes dgra rang gi khyim na byang chub sems dpa' de dag dang / nyan thos chen po de dag lhung bzed dang / lag pa bkrus par rig nas/ chos nyan pa'i phyir 'jam dpal gzhon nur gyur pa'i mdun du 'dug ste/ 'jam dpal bdag gi 'gyod pa de gsal du gsol/ 'jam dpal kyis smras pa/ rgyal po chen po khyod kyi 'gyod pa ni/ sangs rgyas bcom ldan 'das gang+gA'i klung gi bye ma snyed kyis kyang bsal bar mi spyod do// de nas rgyal po ma skyes dgra skyabs ma rnyed pas/ shing bcad pa ltar sa chen po la 'gyel to// de nas gnas brtan 'od srungs chen pos rgyal po ma skyes dgra la 'di skad ces smras so// rgyal po chen po 'jam dpal gnon nur gyur pa ldem po ngag tu ston pa la mkhas kyis/ ma 'jigs pa ma skrag par don 'di ci las dgongs te gsungs zhes dris shig/ de nas rgyal po ma skyes dgras slar langs te/ 'jam dpal gzhon nur gyur pa la 'di skad ces smras so// 'jam dpal ci la dgongs te de skad gsungs/ 'jam dpal gyi smras pa/ rgyal po chen po 'di ji snyam du sems sangs rgyas bcom ldan 'das rnams sems kyi dmigs pas rab tu phye ba yin nam/ smras pa/ 'jam dpal de ma lags so// 'jam dpal gyi smras pa/ 'o na de sems bskyed pas rab tu phye ba yin nam/ smras pa de ma lags so// 'on te sems 'gags pas rab tu phye ba yin nam/ smras pa de ma lags so// smras pa 'o na de 'dus byas gyis rab tu phye ba yin nam/ smras pa de ma lags so// smras pa sangs rgyas bcom ldan 'das rnams 'dus byas rnam par rig pas rab tu phye ba yin nam/ smras pa de ma
- 231a
lags so// 'jam dpal gyis smras pa/ rgyal po chen po 'di ji snyam du sems/ chos gang gis kyang rab tu phye bar mi 'gyur ba des chos gang yang bsal bas rus sam/ smras pa de ma lags so// 'jam dpal gyis smras pa/ rgyal po chen po 'di la bsams nas khyod kyi 'gyod pa de/ sangs rgyas bcom ldan 'das gar+b+ha'i klung gi bye ma snyed kyis kyang bsal bar mi spyod do zhes de skad smras so// gzhan yang rgyal po chen po gang la la zhig nam mkha' bar snang 'di rdul lam du ba'am/ mun pas kun nas nyon mongs par byed 'dod na/ rgyal po chen po 'di ji snyam du sems/ nam mkha' bar snang kun nas nyon mongs par byed nus sam/ 'jam dpal de mi nus so// 'jam dpal gyis smras pa/ rgyal po chen po gang 'di skad ces ngas napa mkha' bar snang 'di rnam par spyong ngo zhes zer na/ nam mkha' bar snang sbyang bar rus sam/ smras pa 'jam dpal mi nus so// 'jam dpal gyis smras pa/ rgyal po chen po de bzhin du de bzhin gshegs pa rnams kyis chos thams cad kun nas nyon mongs pa med cing / nam mkha' dang 'dra bar thugs su chud de/ de dag gis gang bsal bar bya ba'i chos kun nas nyon mongs pa'am/ rnam par byang ba gang yang mi dmigs so// rgyal po chen po ngas don gyi dbang 'di mthong nas/ khyod kyi 'gyod pa sangs rgyas bcom ldan 'dagag tA'i klung gi bye ma snyed kyis kyang bsal bar mi spyod do zhes de skad ces smras so// gzhan yang rgyal po chen po sangs rgyas bcom ldan 'das de dag gis gang kun nas ldang ba'i sems nang nas kyang mi dmigs/ gang kun nas ldang ba'i chos rnams phyi rol nas kyang me dmigs so// de ci'i phyir zhe na/ rgyal po chen po chos thams cad ngo bo nyid kyis rang bzhin gyis kun nas ldang ba med pa'i phyir ro// rang bzhin gang yin pa de ni kun nas
- 231b
ldang ba med pa ste/ gang kun nas ldang ba ni gnas med cing go skabs med pa'o// de ci'i phyir zhe na/ rgyal po chen po chos thams cad ni ngo bo nyid kyis dben pa'o// rgyal po chen po chos thams cad yongs su grub pa med pas ngo bo nyid med pa'o// rgyal po chen po chos thams cad 'dre ba med pas yongs su grub pa med pa'o// rgyal po chen po chos thams cad 'byung ba med pas 'dre ba med pa'o// rgyal po chen po chos thams cad dngos pa dang bral bas 'byung ba med pa'o// rgyal ba can bams thams cad bya ba marje med pas dngas pa med paka/ rgyal ba ran pa chos thams cad tham pa yin pas bya ba la mthu med par// rtul pa man pa chos thams cad rnam par rig pa'i mtshan nyid ma yin pas bem po'o// rgyal po chen po chos thams cad rang bzhin gyis me 'pho bas rnam rigs ma yin pa'o// rgyal po chen po chos thams cad 'gro ba las log pas 'phong med pa'o// rgyal po chen po chos thams cad mi 'gyur ba'i chos can yin pas 'gro ba med pa'o// rgyal po chen po chos thams cad skye ba med pas mi 'gyur ba'i chos can no// rgyal po chen po chos thams cad 'phel ba med pas skye ba med pa'o// rgyal po chen po chos thams cad rang bzhin gyis 'od gsal bas 'brel pa med pa'o// rgyal po chen po chos thams cad dag pas rang bzhin gyis 'od gsal ba'o// rgyal po chen po chos thams cad bla gab med pa 'dra bas dag pa'o// rgyal po chen po chos thams cad gnyen po med pa dang 'dra ba'o// rgyal po chen po chos thams cad gnyis dang bral bas gnyen po med pa'o// rgyal po chen / po chos thams cad mtha' rnam par spangs pa sa gnyis dang bral ba'o// rgyal po chen po chos thams cad mtha' med pas mtha' rnam par spangs pa'o// rgyal po chen po chos thams cad mu med pas mtha' yas
- 232a
pa'o// rgyal po chen po chos thams cad mthar thug pa med pas mu med pa'o// rgyal po chen po chos thams cad dmigs pa med pas mthar thug pa med pa'o// rgyal po chen po chos thams cad phyin ci log med par so sor nye bar gnas pas phyir dmigs pa med pa'o// rgyal po chen po chos thams cad rtag pa dang / sdug pa dang / bde ba dang / bdag mi dmigs pas phyin ci log med pa'o// rgyal po chen po chos thams cad 'bral ba med pa'i tshul gyis rtag pa'o// rgyal po chen po chos thams cad rang bzhin gyis 'od gsal ba'i phyir sdug pa'o// rgyal po chen po chos thams cad ni rnam rtog med pa'i phyir bde ba'o// rgyal po chen po chos thams cad bdag med par yongs su ston pa'i tshul gyis bdag gi ngo bo nyid do// rgyal po chen po chos thams cad nang nye bar zhi bas 'gyor ba med pa'o// rgyal po chen po chos thams cad don dam pa'i bden par rnam par bzhag pa med pas brdzun pa'o// rgyal po chen po chos thams cad rab tu dang ba'i mtshan nyid pas zhi ba'o// rgyal po chen po chos thams cad bdag gis 'dzin pa dang bral bas nga yi ba med pa'o// rgyal po chen po chos thams cad rnam par 'grol ba'i mtshan nyid pas ro myang ba med pa'o// rgyal po chen po chos thams cad ming du btags pa med pas ming med pa'o// rgyal po chen po chos thams cad tha dad pa ma yin pas dbyer med pa'o// rgyal po chen po chos thams cad rnam par grol bar yang dag par 'du bas ro gcig pa'o// rgyal po chen po chos thams cad mtshan ma med pa'i mtha' ste/ dbyen pa'i mtshan nyid do// rgyal po chen po chos thams cad 'jug pa med pas/ dmigs pa rnam par dag pa'i phyir mtshan ma med pa'o// rgyal po chen po chos thams cad lta bar gyur pa thams cad dang bral bas dag pa'o// rgyal po chen po chos thams cad
- 232b
dus gsum las shin tu 'das pas smon pa med pa'o// rgyal po chen po chos thams cad 'das pa dang / ma 'ongs pa dang / da ltar byung ba med pas dus gsum du yongs su chad pa'o// rgyal po chen po chos thams cad shin tu ma skyes pas mya ngan las 'das par yang dag par 'du'o// rgyal po chen po 'di ji snyam du sems chos gang ma skyes ma byung ba de kun nas nyon mongs par bya nus sam/ sbas pa 'jam dpal de ni mi nus so// 'jam dpal gyis smras pa/ de bsal bar nus sam/ spras pa 'jam dpal de mi nus so// 'jam dpal gyis smras pa/ rgyal po chen po de ltar de bzhin gshegs pa rnams kyis chos thams cad mya ngan las 'das pa dang mtshungs par mkhyen to// de bas na de dag gis the tsham bsal bar mi spyad do// de lta bas na rgyal po chen po khyod tshul bzhin la brtson par bya'o// khyed phyin ci lag med pa'i sems kyis yang dag mar mo sor brtag par bya'o// ji ltar so so ba rtag na chos gang yang mi len mi 'dod la/ chos gang dang yang lhan cig mi gnas pa/ de ltar khyod kyis so sor brtag par bya'o// gang chos thams cad dang mi gnas pa de ni shin du sbyangs pa zhes bya'o// gang shin tu sbyangs pa de rab tu zhi ba'o// rang bzhin gang yin pa de rang bzhin med pa'o// rgyal po chen po chos thams cad ni bdag med pas ma byas pa yin gyis de la khyod kyis bzod par gyis shig/ khyod kyis chos gang yang mi bya'o// de ci'i phyir zhe na/ rgyal po chen po mya ngan las 'das pa ni bya ba med pas te/ de la bya ba dang 'gyur bar bya ba'i chos gang yang med do// gang yang bya ba med cing 'gyur ba med de mya ngan las 'da' ba zhes bya'o// de nas rgyal po chen po ma skyes dgras brgya stong ri ba'i ras bcos bu zung gcig blangs te/ stan las langs nas/ 'jam dpal gzhon nur gyur pa la phul ba dang / des ma tha
- 233a
so// de nas ma skyes dgra ral bcos bu zung de 'jam dpal gzhon nur gyur pa'i lus la por ro/ ras bcos bu zung de 'jam dpal gzhon nur gyur pa'i lus la bor ma thag tu de nas de'i mod kho na la 'jam dpal gyis rang gi lus mi snang bar byas so// de nas rgyal po chen pos 'jam dpal ni ma mthong gi/ steng gi bar snang las rgyal po chen po 'jam dpal gzhon nur gyur pa'i lus la ji ltar ma mthong ba de bzhin du 'gyod pa de la ltos shig/ 'gyod pa ji lta ba bzhin du chos thams cad la ltos shig chos thams cad ji ltar mthong ba de bzhin du gos la ltos shig/ gang gis mthong ba de la yang de bzhin du ltos zhig/ rgyal po chen po su'i lus mthong ba de la ras bcos bu zung de phul zhig ces sba zhig thos pa dang / byang chub sems dpa' dang / nyan thos dang / slas dang / bud med kyi 'khor ji snyed pa de dag thams cad kyi lus la ras bcos bu zung de dbul bar byas pa dang / de dag kyang ma mthong nas ting nge 'dzin 'di lta bu mngon sum du gyur te/ rang gi lus la 'du shes 'byung ba ma gtogs par gzugs ci yang mig gi mthong ba la snang bar ma gyur to// yang su'i lus mthong ba de la ras bcos bu zung de byin cig ces sgra zhig kyang thos nas/ de ras bcos bu zung de bgo bo mnyam pa dang / rang gi lus kyang ma mthong nas/ gzugs kyi 'du shes thams cad dang bral lo// yang rgyal po chen po ji ltar gzugs rags pa 'am/ phra ba ci yang ma mthong ba de bzhin du 'gyod pa de la ltos shig/ 'gyod pa ji ltar mthong ba de la ltos shig/ 'gyod pa ji ltar mthong ba de bzhin du chos thams cad la lta bar bya ste/ gang gis mthong ba de yang de bzhin du lta'o// ji ltar gang mthong ba dang / gang gis mthong ba de yang mi mthong ba rnam par mi mthong ba de ltar ltos shig/ rgyal po chen po gang chos thams cad mi mthong de ni yang dag
- 233b
pa'i mthong ba ste/ rgyal po chen po chos thams cad yang dag pa'i mthong ba ni mthong ba med pa'o// zhes de skad kyi sgra zhig zos so// de nas rgyal po chen po ma skyes dgra rlom sems dang / rnam par rtog pa thams cad dang bral nas/ ting nge 'dzin de nyid las langs pa dang / 'khor de thams cad kyang mthong ngo // zhes gsungs so// sgyu ma mkhan bzang po'i mdo las kyang / bzang po bzhi po 'di dag ni byang chub sems dpa' rnams/ kyi don sems pa'o// bzhi gang zhe na/ chos rnams brten nas 'byung ste/ rgyu med pa ma yin pa dang / gang zag med pa'i phyir chos gang yang skye ba med pa dang / chos gang rten cing 'brel par 'byung ba de ma skyes pa dang / gang ma skyes pa de dngos po med pa dang / gang dngos po med pa de byang chub yin pas rnam par mi 'jig pa'o// zhes gsungs so// rnam grangs gzhan gyi sgo nas kyang ches nyid zab mo 'di bstan te/ sangs rgyas phal po che'i mdo las/ de bzhin gshegs pas bka' stsal pa/ 'jam dpal/ dbugs 'byin pa lnga po 'di dag dedan/ byang chub sems dpa' rnams kyis sa dang po yongs su skyong bar 'gyur ro// gang zhe na 'di lta ste/ bdag ni dmigs pa med pa'i rnam par thar pa'i ye shes la gnas pa ste/ gzhan dag kyang dmigs pa med pa'i rnam par thar pa la dgod do snyam nas/ dbugs 'byin pa rab tu rnyed de/ de la dmigs pa med pa'i rnam par thar pa'i ye shes ni gang gnyis pa dang / mi gnyis pa rnam par dag pa'o// bdag ni chos rnams brten te mi 'byung bar mos la gnas pa ste/ gzhan dag kyang chos rnams brten te/ 'byung bar mos pa la dgod par bya'o// snyam nas dbugs 'byin pa rab tu rked de/ de la rkyen rnams skye ba med pa'i rang bzhin pas/ chos rnams brten te mi 'byung zhes bya'o// bdag ni chos thams cad kyi gnas
- 234a
med par mos pa la gnas pa ste/ gzhan dag kyang chos thams cad kyi gnas med par mos pa la dgod do// snyam nas dbugs 'byin pa rab tu rnyed de/ de la phyogs cha tha dad pa'i rang bzhin med pas chos thams cad kyi gnas med pa zhes bya'o// bdag ni sangs rgyas nam mkha' dang 'dra bar mos pa la gnas pa ste/ gzhan yang sangs rgyas nam mkha' dang 'dra bar mos pa la dgod do snyam nas dbugs 'byin pa rab tu rnyed de/ de la 'thad pa la mi gnas pas sangs rgyas nam mkha' 'dra zhes bya'o// bdag ni sangs rgyas sems dang yid dang rnam par shes pa dang bral bar mos pa la gnas pa ste/ gzhan dag kyang sangs rgyas sems/ dang yid dang / rnam par shes pa dang bral bar mos pa la dgod do snyam nas dbugs 'byin pa rab tu rnyed de/ de la ye shes lhun gyis grub pa rab tu rnyed pas/ sangs rgyas sems dang yid dang / rnam par shes pa dang bral ba'o// zhes bya ste/ lnga po de dag go zhes gsungs so// tshangs pa khyad par sems kyis zhus pa'i mdo las/ dra ba can gyi 'od kyis smras pa/ tshangs pa chos thams cad ni tshul bzhin no// chos thams cad ni tshul bzhin ma yin pa'o// smras pa/ tshangs pa chos thams cad ni tshul bzhin/ chos thams cad tshul bzhin ma yin zhes bya ba de ji lta bu smras pa/ bsam du med pas ni chos tshul bzhin no// gang bsam du med pa'i chos rnams la sems pa dang ldan pa de dag ni tshul bzhin ma yin pa'o chos thams cad dben pa'i mtshan nyid 'di ni tshul bzhin no// gang bden pa la mngon par mi brtson pa de dag ni/ lhag par byed pa la brtson pa'o// gang lhag par byed pa la brtson pa de dag ji srid du lhag par byed pa de srid du tshul bzhin ma yin no// smras pa/ tshangs pa chos rnams kyi rgyu gang yin/ smras pa rigs kyi bu rang gi yul dben pa 'dod chags dang bral ba'i mtha'/
- 234b
ni chos rnams kyi rgyu yin no zhes 'byung ngo // bdun brgya pa las kyang / 'jam dpal khyod gang gi tshe shes rab kyi pha rol tu phyin pa la bsgoms pa na/ gang la gnas nas shes rab kyi pha rol tu phyin pa la bsgoms/ 'jam dpal gyis gsol pa/ btsun pa bcom ldan 'das bdag gang gi tshe/ shes rab kyi pha rol tu phyin pa bsgom pa na/ gnas pa ma mchis par shes rab kyi pha rol tu phyin pa la bsgom mo// bcom ldan 'das kyis bka' stsal pa/ 'jam dpal mi gnas pa shes rab kyi pha rol tu phyin pa la bsgom pa gang / 'jam dpal gyis gsol pa/ btsun pa bcom ldan 'das gang ci la yang mi gnas pa/ de shes rab kyi pha rol tu phyin pa la bsgom pa lags so// bcom ldan 'das kyis bka' stsal pa/ 'jam dpal khyod gang gi tshe/ shes rab kyi pha rol tu phyin pa bsgom pa de'i tshe/ khyod dge ba'i rtsa ba gang 'phel bar 'gyur/ gang 'bri bar 'gyur/ 'jam dpal gyis gsol pa/ btsun pa bcom ldan 'das de'i tshe bdag gi dge ba'i rtsa ba 'phel bar 'gyur ba 'am/ 'bri bar 'gyur ba gang yang ma mchis so// btsun pa bcom ldan 'das gang gi chos gang 'phel ba 'am 'bri bar 'gyur ba de ni/ shes rab kyi pha rol tu phyin pa la bsgom pa lags so// zhes gsungs so// 'jam dpal rnam par 'phrul pa'i le'u las lha'i bus smras pa/ 'jam dpal khyod ji ltar 'dir shes par rung bar 'gyur ba lta bur ston tam 'jam dpal gyis smras pa/ lha'i bu sangs rgyas kyi ye shes ni sus kyang kun shes pa'am/ rnam par shes par mi nus so// de ci'i phyir zhe na/ lha'i bu sangs rgyas kyi ye shes ni chags pa med pa/ rnam par rtog pa med pa/ brjod du med pa/ bskad du med pa/ sbyor ba med pa/ tshig pa med pa/ sems dang yid dang rnam par shes pa dang bral ba ste/ de sus kyang kun shes par ma/
- 235a
rnam par shes par mi nus so// lha'i bus smras pa/ 'jam dpal gal te sangs rgyas kyi ye shes kun shes par bya ba ma yin na/ nyan thos 'di dag gis kun shes par ga la 'gyur byang chub sems dpa' rnams kyang phyir mi ldog pa la gnas par gal 'gyur/ 'jam dpal gyis sbas pa/ lha'i bu gang yi ge rnams kyis ye shes de bstan pa 'di ni/ de bzhin gshegs pa rnams kyis thabs te ye shes de ni yi ge med pa'o// lha'i bu 'di lta ste dper na/ me gdubs pa las me me 'byung gi/ gdubs shing gtsubs pa las me 'byung ba de bzhin du/ lha'i bu de bzhin gshegs pas gal te thog ma kho nar sangs rgyas kyi ye shes rgya cher yang dag par rab tu bstan na/ sems can gang gis kyang de bzhin gshegs pa'i ye shes de kun shes par mi 'gyur bar/ de bzhin gshegs pas gtsubs shing gi gtam gyis ye shes de bstan te/ ye shes de ni yi ge med pa'o// lha'i bus sbas pa/ 'jam dpal gtsubs shing gi gtam gang / 'jam dpal gyis smras pa/ lha'i bu gang ci yang rung / sdom pa dang / yo byad bsrungs pa'i gtam dang / pha rol tu phyin pa la sbyor ba'i gtam dang / byang chub kyi phyogs kyi chos la 'jug pa'i gtam 'di ni gtsubs shing gi gtam zhes bya'o// lha'i bus smras pa/ 'jam dpal gnubs shing gi gtam/ ma yin pa'i gtam gang / 'jam dpal gyis smras pa/ lha'i bu gtam gang skye ba dang / 'jig pa dang / gnas pa'i gtam ma yin pa dang / 'dren pa dang / sel ba'i gtam ma yin pa dang / gtam gang kun nas nyon mongs pa yongs su brjod pa'i gtam ma yin pa dang / rnam par byang ba'i phan yon gyi gtam ma yin pa dang / gtam gang 'khor ba ma yid 'byung bar bya ba'i gtam ma yin pa dang / mya ngan las 'das pa la
- 235b
mngon par dga' ba ma yin pa'i gtam dang / gtam gang yongs su shes par bya ba'i phyir ma yin/ spang bar bya ba'i phyir ma yin/ bsgom par bya ba'i phyir ma yin/ mngon sum du bya ba'i phyir ma yin pa dang / gtam gang thob par bya ba'i phyir ma yin/ mngon par rtogs par bya ba'i phyir ma yin pa 'di ni lha'i bu dag snying po yod pa'i gtam mo/ zhes gsungs so// chos thams cad dmigs su med cing sems pa med pa/ rin po che/ bsags pa bstan pa'i mdo las kyang / de bzhin gshegs pas 'jam dpal la smras pa/ 'jam dpal bsam gyi mi khyab pa'i dbyings/ bsam gyis mi khyab pa'i dbyings zhes bya ba la bsam gyi mi khyab pa'i dbyings zhes bya ba gang yin/ 'jam dpal gyis gsol pa/ bcom ldan 'das bsam gyis mi khyab pa'i dbyings zhes bgyi ba ni/ dbyings gang sems ma mchis pa sems grol bar bgyi ba ma lags pa/ bsam pas rab tu dbye bar bgyi ba ma lags pa/ lags mod kyi/ 'on kyang bcom ldan 'das sems nyid bsam gyis mi khyab pa'i dbyings lags so// de ci'i slad du zhe na/ sems la sems mchis pa ma lags kyi/ sem nyid sems ma lags pas/ sems ni ngo bo nyid kyis ma mchis pa'o// sems ji lta ba bzhin pas/ sems ma mchis pa nyid sems ma lags te/ bcom ldan 'das 'di ni bsam gyis mi khyab pa'i dbyings lags/ so zhes 'byung ngo // yang mdo de nyid las/ de bzhin gshegs pas bka' stsal pa/ 'jam dpal khyod kyis 'di ltar bdag gis sems can gdul lo snyam pa'i go cha ma bgos sam/ 'jam dpal gyis gsol pa/ bcom ldan 'das sems can gyi khams ni bri ba'am/ gang bar mi gda' na/ ji ltar sems can rnams 'dul bar 'gyur/ yongs su mya ngan las 'da' bar 'gyur/ bcom ldan 'das ga
- 236a
dag sems can gyi khams 'dul ba'i slad du/ yang dag par zhugs pa de dag ni/ nam mkha' 'dul bar/ yang dag par zhugs pa lags so// gang dag sems can 'dul bar sbyor ba de dag ni byang chub 'dul bar 'tshal ba'o// bcom ldan 'das chos thams cad ni byang chub lags te/ bcom ldan 'das byang chub ni kun nas nyon mongs pa'am/ rnam par byang ba ma lags so// de'i slad du/ bcom ldan 'das kyis/ bka' stsal pa/ 'jam dpal khyod sems can 'dul ba'i phyir yang dag par ma zhugs sam/ zhes de skad bka' stsal te/ bcom ldan 'das bdag ni sems can 'dul ba'i slad du'am/ sems can kun nas nyon mongs par bgyi ba'i slad du yang dag par ma zhugs so// de ci'i slad du zhe na/ bcom ldan 'das sems can zhig mchis na ni/ sems can kun nas nyon mongs pa dang / sems can rnam par byang bas rab tu phye bar yang 'gyur na/ bcom ldan 'das sems can ma mchis pas sems can kun nas nyon mongs pa dang / rnam par byang bas rab tu phye ba ma lags so// bcom ldan 'das de ltar na rten cing 'brel par 'byung ba dang mi 'gal ba lags so// bcom ldan 'das ma mchis na ni kun nas nyon mongs pa ma lags/ rnam par byang ba ma lags te/ bcom ldan 'das chos thams cad rten cing 'brel par 'byung bas ngo/ ba nyid ma mchis pa'o// bcom ldan 'das gang kun nas kon mongs pa'am/ rnam par byang ba de ni brten nas 'byung ba'i don to// bcom ldan 'das ma mchis pa'i don ni rten te 'byung ba'i don du mkhas pa rnams kyis rtogs te/ mkhas pa rnams ni mchis pa brten te 'byung ba'i don to/ skam du de ltar rnam par mi rtog go/ gang la rnam par mi rtog pa'i don de la kun nas kon mongs pa'am/ rnam par byang ba ma mchis so// bcom
- 236b
ldan 'das 'di lta ste/ dper na sgyu ma bgyid pa 'am/ sbrum bgyid pa'i slob mas khang pa brtsegs pa 'am/ khang pa brtsegs pa rgyud mo 'bar rab du 'bar kun tu rab tu 'bar te/ me lce mched par gyur pa mngon pabar sprul pa de la mi la la zhag 'di ltar bdag gi khang pa brtsegs pa 'am khang pa brtsegs pa rgyud mo 'bar rab tu 'bar/ kun tu rab tu 'bar te/ me lce mched par gyur pa dgum par bgyi'o snyam nas/ go cha 'tshal na/ bcom ldan 'das mi de 'di ltar bgegs dang / nyon mongs pa'i skal pa can du mi 'gyur lags sam/ bcom ldan 'das kyis bka' stsal pa/ 'jam dpal de de bzhin no// 'jam dpal gyis gsol pa bcom ldan 'das de de lta lags te/ gang sems can gdul ba'i slad du/ go cha 'tshal ba de ni bgegs dang / nyon mongs pa'i skal pa can du 'gyur ba lags so// zhes 'byung ngo // yang mdo de nyid las bcom ldan 'das kyis bka' stsal pa/ 'jam dpal yang dag par so sor rtog pa zhes bya ba ste/ chos gang gang gi tshig bla dgas yin/ 'jam dpal gyis gsol pa/ bcom ldan 'das yang dag par so sor rtog pa zhes bgyi ba ni/ so sor rtog pa dang / chos la gang yang tha dad par yang mi bgyid/ gcig tu yang mi bgyid de/ bcom ldan 'das 'gyur ba ma mchis pas rnam par mi rtog pa'o// bcom ldan 'das yang dag par so so rtog pa/ yang dag par so sor rtog pa zhes bgyi ba 'di ni/ yang dag par so sor rtog pa ma mchis pa'i tshig bla dgas so// bcom ldan 'das yang dag par so sor rtog pa la brten te bdag ni so so'i skye bo 'am/ 'phags pa nyan thos skam du de ltar mi sems sa// da ci'i slad du zhen/ 'di skar chos gangs sa'i sba ba'am/ 'phags par 'gyur ba'i chos da yang dag par rdzas sum mthang ba
- 237a
slad du'o// bcom ldan 'das yang dag par so sor rtog pa la brten nas/ rigs kyi bu'am/ rigs kyi bu mo chos kyi dbyings kyi tshul gyis de ltar gnas pa lags te/ chos gang la yang mnyam pa nyid du yang mi bgyid/ mi mnyam par yang mi bgyid/ so so'i skye bo'i chos ni mi mnyam pa'o// zhes rnam par rtog par mi bgyid/ 'phags pa'i chos ni mnyam pa'o// zhes rnam par rtog par mi bgyid do// de ci'i slad du zhe na/ 'di ltar dmigs pa gang mnyam pa 'am/ mi mnyam par bgyid pa de la mi dmigs pa'i slad du'o// gang gis mnyam pa 'am/ mi mnyam par bgyid pa de yang dge slong de la ma mchis so// de ltar rnam par mi rtog pa'i dge slong ni/ bdag rnam par mi rtog go snyam du de ltar 'dzin pa yang ma mchis so// zhes 'byung ngo // 'phags pa dri ma med par grags pas bstan pa las kyang / nad kyi gzhi de gang zhe na/ 'di lta ste/ lhag par dmigs pa ni gzhi'o// lhag par dmigs pa'i gzhi la ji tsam du dmigs pa de tsam du nad kyi gzhi'o// ci la lhag par dmigs she na/ khams gsum la lhag par dmigs so// lhag par dmigs pa'i gzhi yongs su shes pa gang zhe na/ dmigs pa med cing mi dmigs pa'o// gang mi dmigs pa de ni lhag par mi dmigs pa'o// ci mi dmigs she na/ 'di lta ste/ bdag tu lta ba dang / pha rol tu lta ba dang // lta ba gnyis su mi dmigs te/ de bas na mi dmigs pa zhes bya'o// zhes gsungs so// yang de nyid las byang chub sems dpa' mthong dgas sbas pa/ gzugs nyid stong pa ste/ gzugs bshig pas stong pa ma yin gyi/ gzugs kyi rang bzhin stong pa ste/ de bzhin du tshor ba dang / 'du shes dang / 'du byed dang / rnam par shes pa stong pa nyid ces bya ba de ni gnyis te/ rnam par shes pa nyid ni stong pa nyid de/
- 237b
rnam par shes pa bshigs pas stong pa ma yin gyi rnam par shes pa'i rang bzhin stong pa nyid do// 'di la ngag gis len pa'i phung po lnga la de bzhin du shes shing / de lta bur ye shes kyis rig pa de ni gnyis su med pa 'jug pa'o// zhes gsungs so// shes rab kyi pha rol tu phyin pa las/ 'phags pa shA ri'i bus dris pa/ btsun pa rab 'byor byang chub sems dpa' shes rab kyi pha rol tu phyin pa la spyod pa ji ltar thabs la mkhas par rig par bya/ rab 'byor gyis smras pa/ tshe dang ldan pa shA ra dwa ti'i bu/ byang chub sems dpa' sems dpa' chen po/ shes rab kyi pha rol tu phyin pa la spyod pa ni/ gzugs la mi spyod tshor ba la ma yin/ 'du shes la ma yin/ 'du byed rnams la ma yin/ rnam par shes pa la ma yin gzugs kyi mtshan ma ma yin pa nas/ rnam par shes pa'i bar gyi mtshan ma la ma yin/ gzugs rtag par ma yin mi rtag par ma yin/ bde ba ma yin/ sdug bsngal bar ma yin/ bdag tu ma yin bdag med par ma yin/ zhi bar ma yin ma zhi bar ma yin/ stong par ma yin/ mtshan mar ma yin/ mtshan ma med par ma yin/ smon par ma yin smon pa med par ma yin/ dben par ma yin/ mi dben par yang mi spyod do// rnam par shes pa'i bar la rtag par ma yin/ mi rtag par ma yin pa nas/ dben par ma yin zhing / mi dben par yang mi spyod pa'i bar du'o// de bzhin du khams dang / skye mched dang / rten cing 'brel par 'byung ba dang / byang chub kyi phyogs dang mngon par shes pa dang / pha rol tu phyin pa dang / stobs dang / mi 'jigs pa dang / so so yang dag par rig pa dang / sangs rgyas kyi chos ma 'dres pa rnams la yang mi spyod pa nas/ dben pa 'am/ mi dben pa zhes bya ba'i bar du yang mi spyod do// de ci'i phyir zhe na/ 'di ltar tshe dang ldan pa shA ri'i bu gang gzugs kyi
- 238a
stong pa nyid de/ gzugs ma yin la/ stong pa nyid las gzugs gzhan yang ma yin te/ gzugs nyid stong pa nyid la stong pa nyid gzugs yin pa nas/ rnam par shes pa nyid stong pa nyid la stong pa nyid rnam par shes pa'i bar du'o// de bzhin du sangs rgyas kyi chos ma 'dres pa rnams kyi bar gyi stong pa nyid gang yin pa de dag sangs rgyas rnams ma yin/ stong pa nyid las sangs rgyas kyi chos rnams gzhan pa yang ma yin te/ sangs rgyas kyi chos rnams nyid stong pa nyid la/ stong pa nyid sangs rgyas kyi chos rnams so// de ltar byang chub sems dpa' shes rab kyi pha rol tu phyin pa la spyod pa ni/ thabs la mkhas par rig par bya ste/ shes rab kyi pha rol tu phyin pa la spyod do// zhes kyang khas mi len/ mi spyod do zhes kyang khas mi len spyod kyang spyod la mi spyod kyang mi spyod do zhes kyang khas mi len/ spyod pa yang ma yin mi spyod pa yang ma yin no zhes kyang khas mi len to// de ci'i phyir zhe na/ 'di ltar shes rab kyi pha rol tu phyin pa'i dngos po med pa'i ngo bo nyid kyi phyir ro// zhes 'byung ngo // yang shes rab kyi pha rol tu phyin pa de nyid las/ bcom ldan 'das kyis bka' stsal pa/ kau shi ka 'di la rigs kyi bu 'am/ rigs kyi bu mo/ shes rab kyi pha rol tu phyin pa ltar bcos pa stong pa yod de/ de la shes rab kyi pha rol tu phyin pa ltar bcos pa ni 'di yin te/ de dag gzugs mi rtag par ston to// de bzhin du sdug bsngal ba dang / bdag med pa dang / mi sdug pa ston to// de bzhin du tshor ba dang / 'du shes dang / 'du byed rnams dang / rnam par shes pa dang / de bzhin du khams dang / mched dang / bsam gtan dang / tshad med pa dang / gzugs med pa dang / dran pa nye bar gzhag pa dang / yang dag par spong ba dang / rdzu 'phrul gyi rkang pa dang / dbang po dang / stobs dang / byang chub kyi yan
- 238b
lag dang / lam dang stobs dang / mi 'jigs pa dang / so so yang dag par rig pa dang / sangs rgyas kyi chos ma 'dres pa dang / rnam pa thams cad mkhyen pa nyid mi rtag pa dang / sdug bsngal ba dang / bdag med par ston te/ gang de ltar spyod pa de shes rab kyi pha rol tu phyin pa la spyod pa'o zhes de skad ston pa de ni/ kau shi ka shes rab kyi pha rol tu phyin pa ltar bcos pa'o// de la shes rab kyi pha rol tu phyin pa ltar bcos pa ma yin pa gang zhe na/ de dag 'di ltar ston te/ rigs kyi bu khyod tshur shog/ shes rab kyi pha rol tu phyin pa bsgoms pa/ gzugs nas rnam pa thams cad mkhyen pa nyid kyi bar la mi rtag pa nyid dang / sdug bsngal ba dang / bdag med pa dang // mi sdug par yang dag par rjes su mi lta'o// de ci'i phyir zhe na/ gzugs ni gzugs kyi ngo bo nyid kyis stong ste/ gzugs kyi ngo bo nyid gang yin par dngos po med pa'o// gang dngos po med pa de shes rab kyi pha rol tu phyin pa'o// gang shes rab kyi pha rol tu phyin pa de la ni/ gzugs rtag pa zhe'am/ mi rtag pa zhes bya ba mi dmigs te/ de la gzugs nyid kyang mi dmigs na rtag pa 'am mi rtag pa lta ga la yod de/ rnam pa thams cad mkhyen pa nyid kyi bar du de bzhin no// gang de ltar ston pa ni shes rab kyi pha rol tu phyin pa ltar bcos pa ma yin pa ston pa'o// yang 'di skad ston te/ rigs kyi bu tshur shog/ shes rab kyi pha rol tu phyin pa bsgoms la/ chos gang las kyang shin tu ma 'da'/ chos gang la yang ma gnas shig/ de ci'i phyir zhe na/ 'di ltar shes rab kyi pha rol tu phyin pa'i chos gang las shin tu 'da' bar bya ba 'am/ gang la gnas par bya ba'i chos de med pa'i phyir ro// 'di ltar chos thams cad ngo bo nyid kyis stong pa ste/ gabang po nyid kyis stong pa de dngos po med pa'o// gang dngos po med pa de shes rab kyi pha rol tu phyin pa'o// gang shes rab kyi pha rol tu phyin pa la ni blang bar bya ba 'am/ dor bar bya ba'am/ bskyed
- 239a
par bya ba 'am/ dgag par bya ba'i chos gang yang med do// zhes de ltar nye bar ston pa ni/ she rab kyi pha rol tu phyin pa ltar bcos pa ma yin par ston pa'o// rab 'byor gyis gsol pa/ bcom ldan 'das ji tsam gyis na/ shes rab kyi pha rol tu phyin pa la dmigs pa lags/ ji tsam gyis na mi dmigs pa lags/ bcom ldan 'das kyis bka' stsal pa/ ji tsam du gnyis pa de ji tsam du dmigs pa'o// mi gnyis pa ni mi dmigs pa'o// rab 'byor gyis gsol pa/ bcom ldan 'das gnyis zhes bgyi ba gang lags/ bcom ldan 'das kyis bka' srub pa/ mig dang gzugs nas yid dang chos kyi bar dang / byang chub dang / sangs rgyas kyi bar ji tsam pa de tsam du gnyis so// rab 'byor gyis gsal pa/ bcom ldan 'das ci dmigs par bgyi ba mi dmigs sam/ 'on te mi dmigs par bgyi ba mi dmigs pa lags/ bcom ldan 'das kyis bka' stsal pa/ rab 'byor dmigs par bya ba mi dmigs pa yang ma yin la/ mi dmigs par bya ba mi dmigs pa yang ma yin te/ rab 'byor dmigs pa dang mi dmigs pa mnyam pa nyid ni dmigs pa'o// zhes 'byung ngo // yang der 'phags pa rab 'byor gyis gsol pa/ bcom ldan 'das kyis don dam pa la brten nas/ bla na med pa yang dag par rdzogs pa'i byang chub mngon par rdzogs par sangs rgyas pa ma lags sam/ bcom ldan 'das kyis bka' stsal pa ma yin no// rab 'byor gyis gsol pa/ de las bzlog pa gnas pas sam/ bcom ldan 'das kyis bka' stsal pa de ni ma yin no// rab 'byor gyis gsol pa/ gal te don dam pa la gnas pas kyang ma lags bzlog pa la gnas pas kyang mngon par rdzogs par sangs rgyas pa ma lags na/ 'o na de bzhin gshegs pas byang chub mngon par rdzogs par sangs ma rgyas pa'am/ gcig tu ma gyur lags sam/ bcom ldan
- 239b
'das kyis bka' stsal pa/ rab 'byor mngon par rdzogs par sangs rgyas te/ de yang 'dus byas kyi khams sam/ 'dus ma byas kyi khams gang la yang mi gnas pa'o// zhes gsungs so// yang de nyid las bcom ldan 'das kyis bka' stsal pa/ rab 'byor dngos po med pa dngos po mngon par rdzogs par sangs rgyas par mi nus so// rab 'byor gyis gsol pa/ bcom ldan 'das ci dngos pos dngos po ma mchis pa mngon par rdzogs par sangs rgyas par nus lags sam/ bcom ldan 'das kyis bka' stsal pa/ rab 'byor de ni mi nus so// rab 'byor gyis gsol pa/ dngos po ma mchis pas dngos po ma mchis pa/ mngon par rdzogs par sangs rgyas par nus lags sam/ bcom ldan 'das kyis bka' stsal pa/ rab 'byor de ni mi nus so// rab 'byor gyis gsol pa/ 'o na dngos pos dngos po mngon par rdzogs par sangs rgyas par nus lags sam/ bka' stsal pa rab 'byor de ni mi nus so// gsol pa bcom ldan 'das 'o na thob pa ma mchis pa dang / mngon par rdzogs pa ma mchis par mi 'gyur ram/ bka' stsal pa/ mngon par rtogs pa yod de/ mngon par grub pa bzhi po 'dis ni ma yin no// gsol pa bcom ldan 'das 'on mngon par rtogs pa ci 'dra ba zhig las/ bka' stsal pa gang la spro ba 'di dag med pa ste/ mngon par rtogs pa ni ma spros shing / spros pa med pa'o// gsol pa/ bcom ldan 'das spros pa gang lags bka' stsal pa gzugs rtag ces bya ba 'am mi rtag ces bya ba ni spros pa'o// gzugs bde zhes bya ba 'am/ gzugs sdug bsngal zhes bya ba dang / bdag ces bya ba dang bdag med ces bya ba dang / zhi zhes bya ba dang / ma zhi zhes bya ba ni spros pa ste/ de bzhin du chos thams cad kyi bar du gsungs so// yang de nyid las 'byung ba/ rab 'byor 'di lta ste/ dper na bya 'dab chags par
- 240a
snang la rgyu ba sa la mi ltung ste/ nam mkha' bar snang la gnas kyang der mi 'dug cing gnas 'cha' bar mi byed do// rab 'byor de bzhin du byang chub sems dpa' sems dpa' chen po stong pa nyid dang mtshan ma med pa dang / smon pa med pa la gnas kyang mngon sum du byed pa gang gis nyan thos dang rang sangs rgyas kyi sar lhultung bar 'gyur bas/ stong pa nyid dang mtshan ma med pa dang / smon pa med pa mngon sum du mi byed do// zhes gsungs so// mdo kun las btus pa bam po lnga pa'o// // sum brgya pa las kyang de bzhin gshegs pas gsungs te/ rab 'byor 'di ji snyam du sems/ de bzhin gshegs pas/ bla na med pa yang dag par rdzogs pa'i byang chub gang yang mngon par rdzogs par sangs rgyas nas/ de bzhin gshegs pas chos gang yang bstan tam/ rab 'byor gyis gsol pa/ ji ltar bcom ldan 'das kyis gsungs pa'i don bdag gis 'tshal ba ltar na/ de bzhin gshegs pas gang bla na med pa yang dag par rdzogs pa'i byang chub tu mngon par rdzogs par sangs rgyas pa'i chos de gang yang ma mchis so// de bzhin gshegs pas gang bstan pa'i chos de gang yang ma mchis/ so// de ci'i slad du zhe na/ gang de bzhin gshegs pas chos bstan pa de ni gzung du ma mchis brjod du ma mchis te de ni chos ma lags chos ma mchis pa yang ma lags so// de ci'i slad du zhe na/ 'phags pa'i gang zag rnams ni/ 'dus ma byas kyi rab tu phye ba'o// zhes gsungs so// de bzhin gshegs pas 'dul ba'i dbang gis theg pa chen po'i sgo sna tshogs nye bar ston pas chos nyid zab mo 'di ston te/ ji ltar la ng+kar gshegs pa las/ zla gros chen pos zhus pa/ bcom ldan 'das kyis mdo gzhan brjod pa las/ de bzhin gshegs pa'i snying po gsungs pa de/ bcom ldan 'das kyi rang bzhin gyis 'od gsal ba/ rnam par dag pas thogam
- 240b
nas rnam par dag pa nyid mtshan sum cu rtsa gnyis dang ldan pa sems can thams cad kyi lus kyi nang na mchis par brjod do// bcom ldan 'das kyis rin po che rin thang chen po gos dri ma can gyis yongs su dkris pa ltar phung po dang / khams dang / skye mched kyi gos yongs su dkris pa 'dod chags dang zhe sdang gti mug gi zil gyis non pa yongs su rtog pa'i brims dri ma can du gyur pa/ rtag pa brtan pa ther zug par ni brjod de/ bcom ldan 'das de bzhin gshegs pa'i snying po slab 'di mu stegs byed kyi bdag tu smra ba dang / ji ltar mi 'dra ba lags/ bcom ldan 'das kyis mu stegs byed rnams kyang rtag pa byed pa yon tan byed pa khyab pa mi 'jig pa'o// zhes bdag tu smra ba stod par bgyid do// bcom ldan 'das kyis bka' stsal pa/ blo gros chen po nga'i de bzhin gshegs pa'i snying po bstan pa ni mu stegs byed kyi bdag tu smra ba dang mtshungs pa ma yin te/ blo gros chen po de bzhin gshegs pa dgra bcom pa yang dag par rdzogs pa'i sangs rgyas rnams ni stong pa nyid dang yang dag pa'i mtha' dang mya ngan las 'das pa dang / ma skyes pa dang / mtshan ma med pa dang / smon pa med pa la sogs pa'i tshig gis don rnams la de bzhin gshegs pa'i snying por bstan par byas nas/ byis pa rnams bdag med pas 'jigs par 'gyur ba'i gnas rnam par spang ba'i don du de bzhin gshegs pa'i snying po'i sgo bstan pas rnam par mi rtog pa'i gnas snang ba med pa'i spyod yul ston te/ 'di la blo gros chen po ma 'ongs pa dang da ltar byung ba'i byang chub sems dpa' sems dpa' chen po rnams kyis bdag tu mngon par zhen par mi bya'o// blo gros chen po dper na/ mkhan ni 'jim pa'i rdul gyi phung po gcig las lag pa dang bzo dang lagazungs dang / chu dang srad bu dang nan tan dang ldan pa las/ snod rnam pa sna tshogs byed do// blo gros chen po de bzhin du de bzhin gshegs pa
- 241a
rnams kyang chos la bdag med pa rnam par rtog pa'i mtshan nyid thams cad rnam par log pa'i de bzhin nyid shes rab dang / thabs la mkhas pa dang ldan pa sna tshogs kyis de bzhin gshegs pa'i snying por bstan pa'am/ bdag med par brtan pas kyang rung ste rdza mkhan bzhin du tshig dang yi ge'i rnam grangs rnam pa sna tshogs kyis ston to// des na de'i phyir blo gros chen po de bzhin gshegs pa'i snying po bstan pa mu stegs byed kyi bdag tu smra ba'i bstan pa dang mi 'dra'o// blo gros chen po de ltar de bzhin gshegs pa rnams mu stegs byed bdag tu smra ba la mngon par zhen pa rnams drang ba'i phyir de bzhin gshegs pas snying po bstan pas de bzhin gshegs pa'i snying po ston te/ yang dag pa ma yin bdag tu rnam par rtog pa'i lta bar ltung ba'i bsam pa can bdag rnam par thar pa gsum gyi spyod yul la gnas pa'i bsam pa dang ldan pas myur du bla na med pa yang dag par rdzogs pa'i byang chub mngon par rdzogs par 'tshang rgya bar ji ltar 'gyur zhes te/ blo gros chen po de'i don du de bzhin gshegs pa dgra bcom pa yang dag par rdzogs pa'i sangs rgyas rnams de bzhin gshegs pa'i snying po ston pa mdzad do// de lta bas na 'di ni mu stegs byed bdag tu smra ba dang mtshungs pa ma yin no// blo gros chen po de bas na mu stegs byed kyi lta ba rnam par bzlog pa'i phyir/ de bzhin gshegs pa'i snying po bdag med pa'i rjes su 'jug par bya'o// 'di lta ste/ chos stong pa nyid dang skye ba med pa dang / gnyis ma yin pa dang rang bzhin med par bstan pa 'di ni byang chub sems dpa' rnams kyis grub pa'i mtha' bla na med pa'o// chos zab mo bstan pa 'di yongs su bzung bas theg pa chen po'i mdo sde thams cad yongs su bzung ba yin te/ 'di ltar chos zab mo bstan pa 'di ni mdo sde thams cad kyi nang du 'dus so// zhes gsungs so// yang bcom
- 241b
ldan 'das kyis lanar gshegs pa de nyid las bka' stsal pa/ blo gros chen po stong pa nyid dang skye ba med pa dang gnyis ma yin pa dang rang bzhin med pa'i mtshan nyid ni sangs rgyas thams cad kyi mdo sde'i nang du 'dus so// zhes gsungs so// zla ba sgron ma'i mdo'i tshigs su bcad pa las kyang / 'jig rten khams ni stong dag tu// ngas ni mdo sde gang bshad pa/ tshig 'bru tha dad don gcig ste// thams cad brjod par nus ma yin// tshig gcig rnam par bsgoms na ni// de dag thams cad bsgoms par 'gyur// sangs rgyas ji snyed thams cad kyis// chos rnams mang po rab bshad pa// chos rnams thams cad stong pa nyid// mi gang don la mkhas pa bdag/ tshig 'di bslabs par gyur pa la// sangs rgyas chos rnams dkon ma yin/ zhes gsungs so// chos zab mo la mos pas// bsod nams thams cad bsdus pa yin te/ sangs rgyas su ma grub kyi bar du 'jig rten pa dang / 'jig rten las 'das pa'i phun sum tshogs pa thams cad 'grub par 'gyur te/ khye'u rin po ches byin pa'i mdo las 'byung ba/ 'jam dpal byang chub sems dpa' thabs la mkhas pa dang bral ba bskal pa brgya stong du pha rol tu phyin pa drug la spyad pa pas gang gis chos kyi rnam grangs 'di ba tshom dang bcas pa rgan pa'i bsod nams de bas ches bsod nams mang du bskyed na/ gang dag ba tsam med par nyan pa ltan spos yang yi ger bris nas lung 'bogs pa dang / 'chang ba dang gzhan dgal yang rgya cher rab tu ston pa ka ci gros/ zhes gsungs so// rdo rje gcod pa las kyang bcom ldan 'das kyis bka' stsas pa/ rab 'byor 'di'i snyam du sems gan+d+ha'i klung gi bye ma snyed gan+da'i klung yang de snyed du gyur na/ gang dag ni bye mar gyur pa de mang ba yin nam/ rab 'byor gyis gsol pa/ bcom ldan 'das gad+hA'i klung du gyur pa de dag nyid kyang mang lags na de dag gi bye ma la lha smos
- 242a
kyang ci dgos/ bcom ldan 'das kyis bka' stsal pa/ rab 'byor khyed la bsgo'o// khyed kyis khong du chud par bya'o// gang+gA'i klung gi bye ma ji snyed kyi 'jig rten gyi khams skyes pa'am/ bud med la las rin po che sna bdun gyis rab tu bkang ste/ de bzhin gshegs pa la sbyin pa byin na skye ba'am bud med de gzhi de las bsod nams mang du bskyed dam/ rab 'byor gyis gsol pa/ bcom ldan 'das mang lags so// bde bar gshegs pa mang lags so// bcom ldan 'das kyis bka' stsal pa/ gang zhig chos kyi rnam grangs 'di las tha na/ tshig bzhi pa'i tshogs su bcad pa tsam bzung ste/ gzhan dag la yang bstan na/ de bas bsod nams mang du bskyed do// zhes gsungs so// tshangs pas zhus pa las kyang / de bzhin gshegs pas gsungs te/ grogs po dag rigs kyi bu 'am rigs kyi bu mo bsod nas sa 'dod pas de bzhin du rnyed pa dang gzugs dang longs spyod dang g.yog 'khor dang chos kyi dbang phyug dang lha dang mi'i phun sum tshogs pa'i bar thams cad 'dod pas chos kyi rnam grangs 'di mnyam par bya mos par bya gzung bar bya'o// zhes gsungs so// shes rab kyi pha rol tu phyin pa las shA ri'i bus gsol pa/ bcom ldan 'das gang shes rab kyi pha rol tu phyin pa bstan pa 'di thos nas mos pa'i sems can de dag byang chub tu nges par 'gyur ba lags so// byabyas pas gsol pa/ bcom ldan 'das gang shes rab kyi pha rol tu phyin pa bstan pa 'di thos nas mos pa'i byang chub sems dpa' de dag ni nye bar 'gyur ba lags so// 'jam dpal gyis gsol ba/ bcom ldan 'das ga shes rab kyi pha rol tu phyin pa bstan pa 'di bos nas mos pa'i byang chub sems dpa' de dag ni byang chub la nye bar gyur pa yin no// 'jam dpal gyis gsol pa/ bcom ldan 'das gang shes rab kyi pha rol tu phyin pa bstan pa
- 242b
'di thos nas mos pa'i byang chub sems dpa' de dag ni/ sangs rgyas nyid du lta bar bgyid do// zhes byung ngo // chos zab mo la mos pa 'di ltung ba dang 'gyod pa thams cad sel ba dang / las kyi sgrib pa thams cad rnam par sbyong bar 'gyur te/ de bzhin gshegs pa'i mdzod kyi mdo las 'byung ba/ 'od srungs 'di lta ste/ pha yang yin la rang sangs rgyas kyang yin pa de'i srog gcad pa de'i nang na che ba'o// 'di lta ste/ dkon mchog gsum gyi dkor rku ba 'di ni ma byin par len pa'i nang na che ba'o// 'di lta ste/ ma yang yin la dgra bcom ma yang yin pa de la log par spyad pa de ni 'dod pa la log par g.yem pa rnams kyi nang na che ba'o// 'di lta ste/ de bzhin gshegs pa la srung pa 'debs pa 'di ni brdzun du smra ba'i nang na che ba'o// 'di lta ste/ 'phags pa'i dge 'dun la mi snyam pa brjod pa 'di ni phra ma'i nang na chen po'o// 'di lta ste/ 'phags pa rnams la spyo 'dri ba 'di tshig rtsub po'i nang na che ba'o// 'di lta ste/ chos 'dod pa rnams la rnam par g.yeng bar byed pa 'di ni tshig kyal pa rnams kyi nang na chen po'o// 'di lta ste/ mtshams med pa byed par shom pa 'di ni gnod sems kyi nang na chen po'o// 'di lta ste/ yang dag par song ba dang yang dag par zhugs pa rnams kyi rnyed pa 'phrog pa'i sems 'di ni brnab sems kyi nang na chen po'o// 'di lta ste/ lta bas gzings pa 'di ni log pa'i blta ba'i nang na chen po'o// 'od srungs mi dge ba'i las kyi lam 'di dag thams cad ni kha na ma tho ba chen po dang bcas pa'o// 'od srungs gal te sems can gcig cig mi dge ba bcu'i las kyi la mkhan mtho ba chen po dang bcas pa 'di dag dang ldan par gyur pa de yang de bzhin gshegs pas rgyu dang rkyen du ldan pa'i chos bstan pa la 'jug ste 'di la gang byed pa 'am/ gang tshor bar byed pa'i bdag gam/ sems can nam srog gam gang zag gang yang med do// zhes de ltar ma byas par mngon par
- 243a
'dus ma byas pa med pa sgyu ma'i chos nyid kun nas nyon mongs pa med par rang bzhin gyis 'od gsal ba'i chos thams cad la 'jug cing chos thams cad thog ma nas dag par mngon par dad pa dang mas pa' sems can dang na song du 'gro zhes nga me smra'o// de ci'i phyir zhen/ non mongs pa rnams kyi phung po dngos po med de non mongs pa thams cad skyes nas 'jig cing 'jug pa'o// klu dang byen tshogs pa'i 'dra 'phrod las gle ste skyes ma thag du 'gagag/ gang sems pa phye ba 'jig pa de nyid nan mangs pa thams cad kyi 'jig pas/ gang de ltar mos pa de la srung ba gang yang med cing srung ba'i gnas med de gnas ma yin zhing skabs med degang gi sgrib pa med pa la ltung ba gnas pa de na gnas ma yin no// zhes gsungs so// bdud btul ba'i le'u las kyang / 'dul ba 'dzin pa zhi bar 'khor gyis dris pa/ sdig can ji ltar na dge slong 'dul ba 'dzin pa yin/ bdud kyis sbas pa/ btsun pa nye bar 'khor dge slong gis nam chos thams cad shin du dul bar shes te/ zhes pa rnams kyi thog ma'i mtha' yang dben pa'i mthar shes zhes pa byung ba rnams kyis 'gyod pa yang sel cing bstan por mi byed de dag la gang gis mtshams med pa rnams kyang rnam par gnon na/ cho ga dang tshul khrims la log par zhugs pa/ phran tshegs lta spos kyang ci dgos pa de lta bu'i chos kyi tshul rnam pa zhi bar bsgrub zhon mongs pa 'dul ba la yang mkhas glo bur du non mongs pa rnams la yang kun nas nyon mongs par gyur pa ma yin pa dang / 'byung bar 'du shes nyon mongs pa nang du yang ma bton phyi rol tu yang ma yin gnyis ka med par yang ma yin te/ nyan mongs pa khong du chud pa nyid nyon mongs pa med par shes shing don mongs pa yang mi sel zhon mongs pa med pa yang mi sbu bzhan mongs pa thams cad srin 'dra bar shes te/ ye shes dang lhag mthong gi
- 243b
rlung gis gtor nas phyogs dang yul du 'gro ba yang med gnas pa yang med pa dang gnas pa rnams ni chu zla dang 'dra ste/ yongs su rtog pa'i gzugs brnyan gyis/ gzhi nye bar ston pa dang / nyon mongs pa rnams ni nye ba'i spyod yul te/ shes rab kyi sgron mas ni sman pa snang bar byed pa dang / nyon mongs pa rnams ni rkun po dang mkha' 'gro ma dang gnod sbyin dang / srin po dang 'dra ste/ tshul bzhin yid la byed pas brtags na/ gnas pa ma yin pa dang nyon mongs pa rnams ni glags tshol ba ste/ tshul bzhin ma yin pa yid la byed pas 'phel ba dang / stong pa nyid dang mtshan ma med pa dang / smon pa med pa'i shes pas yid la 'jug par mi byed par sus nyon mongs pa rnams 'di 'dra bar shes te/ sems can nyon mongs pas kun nas nyon mongs par gyur pa rnams la snying rje zhing bdag med pa dang / sems can med pa mngon sum du gyur pa na 'dul ba 'dzin pa yang dag pa zhes bya'o// zhes 'byung ngo // 'phags pa ma skyes dgra'i mdo las kyang / bcom ldan 'das kyis bka' stsal pa/ kun dga' bo khyod la bsko'i// khyod kyis khong du chud par bya'o// gal te mtshams med pa byed pas dam pa'i chos kyi rnams grangs 'di thos nas 'jug cing mos na de'i las kyi sgrib pa yin no/ zhes nga mi smra'o// zhes gsungs so// 'di ni chos zab mo la mos pa'i phan yon mdor brjod pa yin te/ rgyas par ni theg pa chen po'i mdo sde de dag las mnyan par bya'o// byang chub sems dpa' thabs la mkhas pa dang bral bar chos nyid zab me la sbyor bar mi bya ste/ 'di ltar thabs dang shes rab zung du 'brel pa ni byang chub sems dpa' rnams kyi sbyor ba yang dag pa'o// 'di skad dri ma med par grags pas bstan pa las kyang 'byung ste/ thabs med pas zin pa'i shes rab bcings pa gang zhe na/ 'di lta ste/ stong pa nyid dang mtshan ma med pa dang
- 244a
smon pa med pa la yang nges par rtog cing / mtshan dang dpe byad bzang po dang sangs rgyas kyi zhing gi rgyan dang / sems can yongs su smin par byas la nges par mi rtog pa 'di ni thabs med pas zin pa'i shes rab ste bcings pa'o// thabs kyis zid pa'i shes rab grol ba gang zhe na/ 'di lta ste/ mtshan dang dpe byad bzang po dang sangs rgyas kyi zhing gi rgyan dang / sems can yongs su smin par bya ba la/ sems par rtog cing stong pa nyid dang mtshan ma med pa dang smon pa med pa yang 'dris par byed la/ yongs su mi skyo ba 'di ni thabs kyis zin pa'i shes rab ste grol ba'o// shes rab kyis ma zin pa'i thabs bcings pa gang zhe na/ 'di lta ste/ lta ba thams cad nyon mongs pa kun nas ldang ba dang / bag la nyal dang rjes su chags pa dang khong khro ba la gnas te/ dge ba'i rtsa ba rtsom pa thams cad byang chub tu mi bsngo ba 'di ni shes rab kyis ma zin pa'i thabs te/ bcings pa'o// shes rab kyis zin pa'i thabs grol ba gang zhe na/ 'di lta ste/ lta ba thams cad dang nyon mongs pa kun nas ldang ba dang bag la nyal dang rjes su chags pa dang khong khro ba spangs pas/ dge ba'i rtsa ba rtsom pa thams cad byang chub tu yongs su bsngos las des kyang mi snyems pa de ni shes rab kyis zin pa'i thabs te grol ba'o// zhes gsungs so// thabs dang shes rab tu ldan pa 'di dag thams/ cad ni byang chub sems dpa'i spyod yul lo// byang chub sems dpa'i spyod yul gang zhe na/ de nyid las 'byung ba/ gang so so'i skye bo'i spyod yul yang ma yin/ 'phags pa'i spyod yul yang ma yin pa 'di ni byang chub sem dpa'i spyod yul lo// gang 'khor ba yang spyod yul nyon mongs pa yang spyod yul ma yin pa dang / gang mya ngan las 'das pa rtog pa yang spyod yul la shin tu mya ngan las 'das pa yang spyod yul ma yin pa dang / gang bden
- 244b
ba bzhi'i ye shes kyang spyod yul la dus ma yin par rtogs par byed pa yang spyod yul ma yin pa dang / gang nang du so sor rtog pa yang spyod yul la bsams bzhin du srid par skye ba yongs su 'dzin pa yang spyod yul// / ba dang / gang mi skye bar rab tu rtog pa yang spyod yul la nges par gyur pa la 'jug pa yang spyod yul ma yin pa dang / gang sems can thams cad kyi 'du 'ang yang spyod yul la nyon mongs pa'i bgal zhal yang spyod yul ma yin pa dang / gang stong pa nyid kyang spyod yul la rnam pa thams cad du yon tan yongs su tshol ba la yang spyod yul ma yin pa dang / gang mngon par 'du mi byed pa yang spyod yul la dge ba'i rtsa ba thams cad mngon par 'du byed pa rgyun mi gcod pa yang spyod yul ba dang / gang zhi gnas dang lhag mthong gi chos thams cad yongs su tshol ba yang spyod yul la shin tu zhi bar mi ltung ba yang spyod yul ba dang / gang chos kyi 'khor lo rab tu bskor ba dang / gang yongs su mya ngan las 'das pa chen po ston pa yang spyod yul la byang chub sems dpa'i spyad pa mi stong pa yang spyod yul ba 'di ni byang chub sems dpa'i spyod yul lo// zhes gsungs so// bdud 'dul ba'i mdo las kyang / lha'i bu gzhan yang byang chub sems dpa' rnams kyi sbyor ba yang dag phul ni gang shes rab kyi shes pas brtson pa yang med la thabs kyi shes pas dge ba'i chos thams cad bsdus pa la yang sbyor ba dang / shes rab kyi shes pas bdag med pa dang / sems can med pa dang / srog med pa dang / gso ba med pa dang / gang zag med par yang sbyor ba la thabs kyis shes pas sems can thams cad yongs su smin par byed par yang sbyor ba dang / shes rab kyis shes pas chos thams cad blang ba med pa dang dor ba med pa yang sbyor ba thabs kyis shes pas chos thams cad blang ba med pa dor ba med pa yang
- 245a
sbyor ba thams cad kyi shes pas chos thams cad yongs su 'dzin par yang sbyor ba dang / shes rab kyis shes pas sangs rgyas thams cad dang chos kyi dbyings dbyer med par yang sbyor la thabs kyi shes pas sangs rgyas thams cad la bla mar bya ba dang / gus par bya ba dang / mchod pa dang / rim gro byed par yang sbyor ba dang / shes rab kyi shes pas sangs rgyas kyi zhing thams cad nam mkha'i zhing du yang sbyor ba thabs kyi shes pas sangs rgyas kyi zhing gi yon tan bkod pa yongs su sbyang ba'i rgyan la yang sbyor ba dang / shes rab kyi shes pas 'phags pa thams cad 'dus ma byas kyis rab tu phye bar yang sbyor la/ thabs kyi shes pas 'phags pa thams cad la bla ma dang gus pa dang rim gro byed par yang sbyong ba dang / shes rab kyi shes pas sangs rgyas kyi sku zag pa med par so sor rtog par yang sbyor la/ thabs kyi shes pas mtshan dang dpe byad bzang po dang rgyan la yang sbyor ba dang shes rab kyi shes pas 'du byed ma skyes pa dang ma byung bar yang so sor rtog par yang sbyor la/ thabs kyi shes pas bsam bzhin du srid par skye ba yongs su 'dzin pa la yang sbyor ba'o// zhes gsungs so// 'phags pa blo gros mi zad pas bstan pa las kyang / de la byang chub sems dpa'i thabs ni gang / shes rab mngon par sgrub pa ni gang zhe na/ gang snyoms par 'jug pa na sems can la lta bas snying rje chen po'i dmigs pa la sems 'dogs pa 'di ni de'i thabs so// gang zhi zhing rab tu zhi ba la snyoms par 'jug pa 'di ni de'i shes rab po// gang snyoms par 'jug pa na snying rje chen po dang sangs rgyas kyi ye shes la ston pa 'di ni de'i thabs so// gang ci la yang mi gnas par bsam gtan byed pa 'di ni de'i shes rab bo// gang snyoms par 'jug pa na chos thams cad
- 245b
yongs su 'dzin pa la lta ba 'di ni de'i thabs so// gang chos kyi dbyings med par bsam gtan byed pa 'di ni de'i shes rab po// gang chos kyi dbyings med/ gang snyoms par 'jug pa ni sangs rgyas kyi sku'i rgyan mngon du byed pa 'di ni de'i thabs so// gang chos kyi sku gnas pas bsam gtan byed pa 'di ni de'i shes rab bo/ zhes gsungs so// 'phags pa dri ma med par grags pas bstan pa las kyang / byams pa byang chub sems dpa' rnams kyi phyag tuni 'di gnyis te/ 'di gnyis gang zhe/ tshig dang 'bru ma chags la dad pa'i phyag d+ha dang / chos kyi tshul zab mos mi skrag cing dag pazhid ji// ba bzhin du 'bab pa dang / 'jug pa'i phyag rgya ste/ phyag rgya de gnyis ni byang chub sems dpa' rnams kyi phyag rgya'o// de la byang chub sems dpa' gang sems tshig dang 'bru sna tshogs la dad cing lhur byed pa de dag ni las dang po'o// gang dag mdo sde zab mo mgos pa/ phrugs dang spel zhi'i rgyud kyi tshig dang rim pa rab tu dbye ba'i 'don pa dang / nyan pa dang mos pa dang ston par 'gyur ba'i byang chub sems dpa' de dag ni yun ring po nas tshangs par spyod pa spyad par rig par bya'o// las dang po pa'i byang chub sems dpa' ni rgyu gnyis kyis bdag la sna 'byin te/ chos zab mo la nges par sems par mi 'gyur ro// gnyis gang zhe na sngon ma thos pa'i mdo sde zab mo thos nas sreg cing the tshom du gyur nas rjes su yi rang bar mi byed kyi steng du/ 'di lta bu bdag cag gis sngon ma zos na de dag gang nas 'od zhes spang bar byed pa dang / rigs kyi bu gang mdo sde zab mo 'di 'dzin pa dang chos zab mo 'di 'dzin pa dang chos zab mo'o snod du gyur pa dang chos zab mo ston pa de dag la mi brten mi grogs bsnyen bkur mi byed cing de dag la bsti stang mi byed par 'gyur te/ bar bar du de dag la mi snyan pa yang brjod pa'o// rgyu gnyis kyis zab mo la mos
- 246a
pa'i byang chub sems dpa' bdag nyid la rma 'byin te/ mi skye ba'i chos la yang bzod pa myur du thob par mi 'gyur ro// gnyis gang zhe na/ las dang po pa spyad nas ring por ma lon pa'i byang chub sems dpa' rnams la brnyes shing khyad du gsod de/ 'dzin du mi 'jug mi byed mi ston pa dang gang zab mo la mos pa'i bslab pa la ri mo mi byed cing / 'jig rten gyi zang zing gi sbyin pas ni sems can la phan 'dogs shing chos kyi srin pas ma yin te rgya gnyis po dag go/ zhes gsungs so// gang sangs rgyas dang byang chub sems dpa'i che ba nyid rgya chen po la 'jug pa'i sems can de dag ni shin tu rnyed par dka'o// sangs rgyas dang byang chub sems dpa'i che ba nyid rgya chen po gang zhe na/ 'phags pa dri ma med par grags pas bstan pa las byung ba/ btsun pa 'od srungs chen po phyogs bcu'i 'jig rten gyi khams dpag tu med pa na byang chub sems dpa' la slong ba gang yin gyis lag pa'am/ rkang pa 'am/ rna ba 'am/ swa 'am/ khrag gam/ rgyus pa'am/ rus pa 'am/ rkang ngam/ mig gam/ ro stod dam/ mgo'am yan lag dang / nying lag gam/ rgyal po'i srid dam/ yul 'khor dang / ljongs sam/ chung ma dang / bu pho dang / bu mo dang / bran pho dang / bran mo dang / rta dang ba lang dang / shing rta'am/ banon pa'am/ gser dang / dngul dang / nor bu dang / mu tig dang / man shel dang / b+hu rudu dang / bai DUr+ya dang / nor bu rin po che rnams kyang rung / bza' ba dang / btung ba dang / zo ba rnams sam/ gos rnams nyamang bar bya ste/ klong ba de dag thams cad kyang phal cher bsam gyis mi khyab pa'i rnam par thar pa la gnas pa'i byang chub sems dpa' rnams te/ thabs la mkhas pas lhag pa'i bsam pa bstan pa 'di dag ston to// de ci'i phyir zhe na/ btsun pa 'od srung chen po/ byang chub sems dpa' rnams ni dka' thub drag pas na de lta bur
- 246b
ston te/ go skabs ma bye bar byang chub sems dpa' la nyam nga bar byed pa'i mthu skye bo phal po che la med do// go skabs ma phye bar sad pa'am/ slang bar yang mi nus so// btsun pa 'od srungs 'di lta ste dper na/ ba glang glang po che la rdeg pa ni bong bus bzod par mi nus te/ de bzhin du btsun pa 'od srungs chen po byang chub sems dpa' ma yin pas byang chub sems dpa' lanyam nga bar byed mi nus kyis byang chub sems dpa' nyid byang chub sem dpa' la nyam nga bar byed de/ byang chub sems dpa' nyam nga bar byas pa byang chub sems dpa' bzod do// zhes gsungs so// de skad du 'phags pa sdong po bkod pa'i mdo las kyang byang chub sems dpa' chos kyi dbying kyi smod lam gyi gzhi rab tu rtogs pa zhes bya ba de bzhin gshegs pa ye shes kyi dkyil 'khor kun tu snang ba'i dbyings kyi sangs rgyas kyi zhing / sangs rgyas kyi rigs zad pa ston pa nas 'ongs te/ bcom ldan 'das shAkya thub pa'i/ spyan sngar byang chub sems dpa'i mthur rab tu bstan pa 'di lta ste/ mtshan dang dpe byad bzang po thams cad dang / spu'i rtse mo thams cad dang / lus thams cad dang / yan lag dang / nying lag thams cad dang / tshig gal ma thams cad dang / gos dang smad g.yogs thams cad nas/ byang chub sems dpa'i 'khor thams cad dang / bdag dang bcom ldan 'das rnam par snang mdzad dang sngon gyi mtha'i mur thug pa'i de bzhin gshegs pa 'das pa thams cad dang / phyi ma'i mtha'i mur thug pa'i de bzhin gshegs pa lung bstan pa dang / lung ma bstan pa dang / lung ma bstan pa ma byon pa thams cad dang / da ltar byon pa'i sangs rgyas kyi zhing rab 'byams tha ma cad na bzhugs pa rnams sngon gyi sbyin pa'i pha rol tu phyin pa dang ldan pa'i sngon gyi sbyor ba rgya mtsho dang / len pa dang / sbyin pa'i dngos po thams cad kyi gzugs rgan mtshan dang dpe byad bzang po dang spu'i rtse mo dang / lus
- 247a
thams cad dang / yan lag dang nying lag dang / tshig gi lam dang / gos dang srad g.yogs thams cad rab tu snang bar gyur pa rnam par bstan pa dang / tshul khrims kyi pha rob tu phyin pa thams cad dang ldan pa'i sngon gyi skyong ba rgya mtsha dag kyang rab tu snang bar yongs su bstan pa dang bzod pa'i pha rol tu phyin pa dang ldan pa'i yan lag thams cad mthun pa rab tu bstan pa dang ldan pa'i sngon gyi sbyor ba rgya mtsho rab tu snang bar gyur pa yongs su bstan pa dang / byang chub sems dpa' thams cad kyi brtson 'grus dang / drag shul dang / rnam par gnon pa dang ldan pa'i sngon gyi sbyor ba rgya mtsho rab tu snang bar gyur pa yongs su bstan pa dang / bzhin gshegs pa thams cad kyi bsam gtan gyi rgya mtsho yongs su tshal zhing rab sgrub pa dang ldan pa'i sngon gyi sbyor ba'i rgya mtsho rab tu snang bar gyur pa yongs su bstan pa dang / de bzhin gshegs pa thams cad kyi chos kyi 'khor lo bskor ba'i tshul yongs su bsgrub cing chos yongs su tshol ba dang ldan pa dang / bdog pa thams cad yongs su gtong zhing rtsol ba chen po'i lus dang ngo bo gzugs brnyan rnam par bya bas sngon gyi sbyor brgya mtsho rab tu snang bar gyur pa yongs su bstan pa dang / de bzhin gshegs pa thams cad mthong zhing dga' ba dang / byang chub sems dpa' thams cad kyi lam la 'gro ba thams cad mngon par mos par byed pa dang ldan pa'i mngon gyi sbyor ba rgya mtsho rab tu snang bar gyur pa yongs su bstan pa dang / byang chub sems dpa' thams cad sngon gyi smon lam rgya mtsho mngon par bsgrub pa'i sgo yongs su dag pa'i rgyan dang ldan pa'i sngon gyi sbyor ba rgya mtsho rab tu snang bar gyur pa yongs su bstan pa dang / byang chub sems dpa' thams cad kyi stobs kyi pha rol tu phyin pa rab tu grub pa dang / rnam par mnan pa dang rnam par dag par byas pa dang ldan pa'i sngon gyi sbyor ba
- 247b
rgya mtshor ba tu snang bar gyur pa yongs su bstan pa dang / chos kyi dbyings rgya chen po rnam par 'phrul pa thams cad kyi sprin gyis rgyas par bkang ste/ byang chub sems dpa' thams cad ye shes kyi dkyil 'khor dang ldan pa'i sngon gyi sbyor ba rgya mtsho rab tu snang bar gyur pa yongs su bstan par byed cing / me mjed kyi 'jig rten gyi khams gang na ba der lhags nas/ bcom ldan 'das ga la ba der dong ste 'khor dang bcas pas/ bcom ldan 'das la phyag 'tshal nas steng gi phyogs su bstan te/ rdo rje'i dbang po sna tshogs thams cad kyi rgyan gyi snying po can gyi khang pa brtsegs pa dang / seng+ge'i khri rdo rje dang / ar+tha dril gyi pad+ma'i snying po can dag mngon par sprul nas nar bu'i rgyal po rin po che thams cad rab tu 'bar ba'i dra bas kun nas brgyan pa dang / rin po che ni rgyal po dus gsum gyi de bzhin gshegs pa'i mtshan dang dbyangs su sgrogs pa'i phreng ba rab tu 'phyang ba dang / mgo la rin po che'i cod pan thogs pa'i byang chub sems dpa'i lus su byin gyis brlabs nas dkyil mo krung bcas te 'khod do// byang chub sems dpa' de dag thams cad kyang 'khor dang bcas par byang chub sems dpa' kun tu bzang po'i spyod pa dang / smon lam gyis 'byung ba/ de bzhin gshegs pa thams cad kyis zhabs drung nas zhal du lta ba/ ye shes yongs su dag pa'i mig dang ldan pa/ de bzhin gshegs pa thams cad kyis chos kyi 'khor lo dang mdo sde'i tshul gyi gsung rgya mtshal rnam pa yongs su gzhol ba/ byang chub sems dpa' thams cad kyi dbang rab tu thob par bya ba la pha rol tu phyin pa'i mchog thob pa/ de bzhin gshegs pa thams cad kyi drung du 'dong ba skad cig gcig tu yongs su bstan pa dang / rnam par 'phrul pas byung ba/ 'jig rten gyi khams thams cad lus gcig gis rgyas par gang ba'i yul dang ldan pa/ de bzhin gshegs pa thams cad kyi 'khor//
- 248a
kyi dkyil 'khor du lus mngon par 'byung zhing rnam par snang ba rdul shin tu phra ba zhig la 'jig rten gyi khams gcig tu snang zhing khong su chud par yang dag par ston pa'i yul dang ldan pa/ 'gro ba thams cad yongs su smin par bya ba dang / gdul ba'i dus la sdod par gzhol ba/ de bzhin gshegs pa thams cad kyi 'khor lo'i sprin gyi 'brug sgra spu'i rtse mo thams cad nas rab tu sgrogs pa'i yul dang ldan pa/ 'jig rten gyi khams rab 'byams thams cad sprul pa lta bur khong du chud pa/ sems can thams cad lus mnyam pa kun tu ston pa sems kyi skad cig la phyogs bcu rgya mtsho thams cad rnam par sprul pas rgyas par 'gengs pa'o// zhes gsungs so// yang sdong po bkod pa'i mang de nyid las/ byang chub sems dpa'i chen po nyid bstan te/ de nas tshong dpon gyi bu nor bzangs kyis byang chub sems dpa' kun tu bzang po'i lus mthong ba dang / byang chub sems dpa' kun tu bzang po'i yan lag ra re dang / yan lag rnam par phye ba re re dang / lus kyi cha ror dang / lus kyi rnam par phye ba re re dang / yan lag gi cha re re dang / yan lag gi phyogs rnam par phye ba re re dang / sus rer dang / lus rnam par phye ba re re dang / klu'i khung bur re dang / spu'i khung bu rnam par phye ba re re dang / stong gsum gyi stong chen po'i 'jig rten gyi khams 'di rlung gi phung ba dang bcas/ chu'i phung po dang bcas/ sa phung po dang bcas/ ma'i phung po dang bcas/ rgya mtsho dang bcas gleng dang bcas/ chu klung dang bcas/ rin po che'i ri dang bcas/ ri rab dang bcas/ khor yul dang bcas/ grong dang / grong khyer dang / grong rdal dang / yul 'khor dang pho brang 'khor dang bcas/ nags tshal dang bcas/ khang khyim dang bcas/ skye bo'i tshogs dang bcas/ sems can dmyal ba'i 'jig rten dang bcas/ dud 'gro'i skye gnas dang / gshin rje'i
- 248b
'jig rten dang bcas/ lha ma yin gyi 'jig rten dang bcas/ klur 'jig rten dang bcas/ nam mkha' lding gi 'jig rten dang bcas/ mi'i 'jig rten dang bcas/ lha'i 'jig rten dang bcas/ tshangs pa'i 'jig rten dang bcas/ 'dod pa'i khams kyi yul dang bcas/ gzugs kyi khams kyi yul dang bcas/ gzugs med pa'i khams kyi yul dang bcas/ ga ni dang bcas/ rten dang bcas/ dbyibs dang bcas/ sprin dang bcas/ grog dang bcas/ skar ma dang bcas/ nyin zhag dang bcas/ zla ba phye dang bcas/ zla ba gcig dang bcas/ dus dang bcas/ lo dang bcas/ bskal ba bar ma dang bcas/ bskal pa dang bcas par gzugs brnyan gyi tshul du mthong ngo // 'jig rten gyi khams 'di la ji lta ba de bzhin du shar phyogs dang 'jig rten gyi khams thams cad kyang mthong bar gyur to// shar phyogs la ji lta ba de bzhin du/ lho phyogs dang / nub phyogs dang / byang phyogs dang / byang shar gyi phyogs mtshams dang / shar lho'i phyogs mtshams dang / lho nub kyi phyogs mtshams dang / nub byang gi phyogs mtshams dang / 'og dang / steng gi phyogs dang / phyogs mtshams thams cad kyi 'jig rten gyi khams thams cad kyang sangs rgyas 'byung ba dang bcas/ byang chub sems dpa'i 'khor gyi dkyil 'khor dang bcas pas gzugs brnyan gyi tshul du mthong bar gyur to// gang mi mjed kyi 'jig rten gyi khams 'dir sngon gyi mtha'i mur thug pa'i 'jig rten gyi khams gcig nas gcig du brgyud pa ji snyed pa de thams cad kyang / byang chub sems dpa' kun tu bzang po'i skyes bu chen po'i mtshan re re las sangs rgyas 'byung ba dang bcas/ byang chub sems dpa'i 'khor gyi dkyil 'khor dang bcas/ sems can dang bcas/ khang khyim dang bcas/ nyin zhag dang bcas/ bskal pa dang bcas
- 249a
par mthong bar gyur to// de bzhin du phyi ma'i mtha'i mur thug pa'i sangs rgyas kyi zhing rab 'byams thams cad kyang mthong bar 'gyur to// ji ltar 'jig rten gyi khams 'dir sngon gyi mtha' dang phyi ma'i mthar thug pa'i 'jig rten gyi khams gcig nas gcig tu brgyurgud pa thams cad mthong bar gyur pa de bzhin du phyogs bcu'i 'jig rten gyi khams thams cad du yang sngon gyi mtha' dang phyi ma'i mur thug pa'i 'jig rten gyi khams gcig nas gcig tu brgyud pa thams cad kyang byang chub sems dpa' kun du bzang po'i lus kyi skyes bu chen po'i mtshan re re dang / spu'i khung bu re re nas shin tu rnam par phye ba dang / phan tshun 'dres par mthong bar gyur to// byang chub sems dpa' kun tu bzang po yang / ji ltar bcom ldan 'das de bzhin gshegs pa rnam par snang mdzad kyi spyan snga na seng+ge'i khri rin po che chen po'i snying po can la 'dug cing / rnam pa rtse ba 'di lta bur yongs su bstan pa mthong ba de bzhin du/ shar phyogs na yang bcom ldan 'das de bzhin gshegs pa bzang po'i dpal 'jig rten gyi khams pad+ma'i dpal rnam par rtse ba 'di nyid yongs su ston cing 'dug par mthong ngo // shar phyogs na ji lta ba de bzhin du phyogs dang phyogs mtshams kun gyi 'jig rten gyi khams thams cad na de bzhin gshegs pa thams cad kyi zhabs drung na/ byang chub sems dpa' sems dpa' chen po kun tu bzang po seng+ge'i khri rin po che'i pad+ma'i snying po can la 'dug cing rnam par rtse ba 'di nyid yongs su ston par mthong ngo // de ltar phyogs bcu'i 'jig rten gyi khams thams cad na de bzhin gshegs pa thams cad kyi zhab drung na/ byang chub sems dpa' sems dpa' chen po kun tu bzang po seng+ge'i khri rin po che'i pad+ma'i snying po can la 'dug cing rnam par rtse ba 'di nyid yongs su ston pa mthong ba de bzhin du phyogs bcu kun gyi sangs rgyas
- 249b
kyi zhing rdul phra rab kyi rdul dag dang / rdul phra rab kyi rdul re re'i sangs rgyas kyi 'khor gyi dkyil 'khor chos kyi dbyings lhar rgya che ba dag na/ byang chub sems dpa' kun tu bzang po de bzhin gshegs pa thams cad kyi zhabs drung na se ng+ge'i khri rin po che chen po'i pad+ma'i snying po can la 'dug cing rnam par rtse ba 'di nyid yongs su ston par mthong ngo // de'i lus re re las kyang dus gsum pa byung ba'i dmigs pa thams cad gzugs brgan gyi tshul du rnam par dmigs par mngon par bstan par mthong ngo // zhing thams cad dang / sems can thams cad dang / byang chub sems dpa'i 'khor gyi dkyil 'khor thams cad kyang gzugs brnyan gyi tshul du rnam par dmigs pa mngon du bstan pa mthong ngo // sems can thams cad kyi sgra dang / sangs rgyas thams cad kyi dbyangs dang / de bzhin gshegs pa thams cad kyi chos kyi 'khor lo bskor ba dang / rjes su bstan pa dang / kun brjod pa'i cho 'phrul thams cad dang / byang chub sems dpa'i yang dag par bsdu ba thams cad pa dang / sangs rgyas kyi rnam par rol pa thams cad kyang zos par gyur to// zhes gsungs so// 'di ni byang chub sems dpa'i che ba nyid rgya chen po mdo tsam smos pa yin te/ rgyas par ni phyi ma'i mtha'i bskal par yang bstan par mi nus so// de la de bzhin gshegs pa'i che ba nyid kyi mthu gang zhe na/ sa bcu'i mdo sde las/ byang chub sems dpa' rnam par grol ba'i zla bas/ byang chub sems dpa' rdo rje'i snying po la dris pa/ kye rgyal ba'i sras byang chub sems dpa' rnams kyi spyod pa dang yul dang byin gyis brlabs kyang tshad med na/ de bzhin gshegs pa rnams kyi spyod yul dang yul la 'jug pa ci 'dra/ byang chub sems dpa' rdo rje snying pos smras pa/ kye rgyal ba'i sras 'di lta ste dper na/
- 250a
mil la zhig gis gling bzhi pa'i 'jig rten gyi khams nas rde'u rgya shugs gi tshig gu tsam gnyis sam gsum zhig blangs te/ 'di skad 'jig rten gyi khams mtha' yas pa dag na/ sa'i khams ji snyed cig yod de/ rde'u 'di las ji tsam zhig gis lhag par 'phags shing / lhag par tshad med ces zer ba gcig yod do// kye rgyal ba'i sras de ltar khyod de bzhin gshegs pa dgra bcom pa yang dag par rdzogs pa'i sangs rgyas ye shes tshad med pa mnga' ba rnams kyi chos nyid la/ byang chub sems dpa'i chos kyis 'jal ba ni khyod kyi tshig 'di yang de dang 'dra bar bdag gis dpags so// kye rgyal ba'i sras 'di ltar gling bzhi pa'i 'jig rten gyi khams nas gang blangs pa'i sa'i khams ni chung la lhag ma las pa ni tshad med do// kye rgyal ba'i sras de bzhin du byang chub sems dpa'i sa chos kyi sprin 'di kho na yang bskal pa grangs med par shin tu bstan kyang / phyogs tsam zhig bstan du zad na/ de bzhin gshegs pa'i sa lha smos kyang ci dgos/ kye rgyal ba'i sras khyod la bsgo'o// khyod kyis khong du chud par bya'o// de bzhin gshegs pa 'di dag gi mdun na dbang du bzhugs te/ kye rgyal ba'i sras gal te phyogs bcu'i phyogs re re'i sangs rgyas kyi zhing 'jig rten gyi khams mu med pa'i rdul phra rab kyi rdul snyed gtsigs 'di lta bu thob pa'i byang chub sems dpa' rnams kyi bu ram shing gi tshal lam/ 'od ma'i tshal ltar yongs su gang bar gyur kyang de dag gi byang chub sems dpa'i spyod pa mngon par bsgrub pa bskal pa mu med par bsgrubs pa dag ni/ de bzhin gshegs pa'i ye shes skad cig yud tsam thang cig tu byung ba'i de bzhin gshegs pa'i yul gyi brgya'i char yang mi chog pa nas/ de bzhin du bye ba khrag khrig brgya stong gi cha'i bar dang rgyur yang mi chog go/ zhes gsungs so// de bzhin
- 250b
gshegs pa'i yon tan dang ye shes bsam gyis mi khyab pa'i yul la 'jug pa bstan pa'i mdo las kyang / 'jam dpal de bzhin gshegs pa 'di sems can la la dag gis ni 'khor ba 'di nyid du rab tu 'byung ba la phyogs pa dang / khyen nas mngon par 'byung bar shes so// la la dag gis ni rab tu byung ba dang / lal dag gis ni dka' ba spyod pa la gnas pa dang / lal dag gis ni byang chub kyi snying por 'gro ba dang / la la dag gis ni byang chub kyi snying po la 'dug pa dang / lal dag gis ni bdud btsam pa dang / lal dag gis ni mngon par rdzogs par sangs rgyas pa dang / lal dag gis ni brgya byin dang / tshangs pa dang / 'jig rten skyong ba rnam kyis gsol ba btab pa dang / lal dag gis ni chos kyi 'khor lo bskor bar shes so// la la dag gis ni nyan thos kyi theg pa'i gtam dang / la la dag gis ni rang sangs rgyas kyi theg pa'i gtam dang / lal dag/ gis ni theg pa chen po'i gtam thos so// la la dag gis ni de bzhin gshegs pa'i bu'i srid 'dom gang bar mthong ngo // lal dag gis ni rgyang zag pa gcig tsam pa nas/ la la dag gis ni de bzhin gshegs pa'i klu'i srid/ dpag tshad bye ba khrag khrig brgya stong bgrang ba las shin tu 'das pa'i bar du mthong ngo // la la dag gis ni de bzhin gshegs pa'i phug ser gyi kha dog lta bu nas/ la la dgags ni yid bzhin gyi nor bu rin po che'i kha dag lta bu'i bar du mthong ngo // la la dag gis na yongs su mya ngan las 'da' bar mdzad pa dang / lal dag gis ni yongs su mya ngan las 'das pa dang / lal dag gis ni zhugasal bzhin pa dang / lal dag gis ni su gcig tu sra ba dang / lal dag gis ni de bzhin gshegs pa'i ring bsel 'god par shes so// lal dag gis ni mngon par rdzogs par sangs rgyas nas lo bcu lon pa dang / la
- 251a
dag gis ni yongs su mya ngan las 'das nas lo bcu lon pa dang / la la dag gis ni byang chub kyi snying por byon pa dang / la la dag gis ni bcom ldan 'das shAkya thub pa'i bstan pa nub par shes so// la la dag gis ni yongs su mya ngan las 'das nas/ bskal pa bcu dang / nyi shu dang / sum cu dang / bzhi bcu dang / bye ba khrag khrig brgya stong lon pa dang / la la dag gis bcom ldan 'das shAkya thub pa mngon par rdzogs par sangs rgyas nas bskal pa brjod du med pa'i yang brjod du med pa zhig lon par shes kyang / 'jam dpal de bzhin gshegs pa ni mi rtog rnam par mi rtog ste/ 'on kyang lhun gyis grub pas mi rtog bzhin du sems can gyi bsam pa'i dbang gis bya ba 'di lta bu rtag tu 'byung ngo // zhes gsungs so// 'phags pa sangs rgyas pal po che'i mdo las kyang / 'jam dpal 'di ltas dper na/ mtsho khyon du dpag tshad stong yod pa/ bya rog gis bdud du rung ba tsam du mu dang khad chad du 'dug pa pad+ma'i lo mas khebs pa zhig yod par gyur la/ de la mi lal zhig lcags kyi shing rta 'phang lo rtsibs stong yod pa/ nam mkha' lding gi shugs pas drag pa'i rta mgyogs pas shing rta de drangs te/ srog shing chu la yang mi reg rta'i rmig pas pad+ma'i 'dab ma yang mi snad pa de ltar re zhig rta des drangs pa na mtsho de las sbrul gdug pa zhig byung ste/ skad cig/ gang gis shing rta phyir 'khor ba'i skad cig de la/ des shing rta de lan bdun du bskor bar gyur/ skad cig gis sbrul gdug pas shing rta de lan cig 'khor skad cig de la/ dge slong kun dga' bos chos rnam pa bcu bshad de don kyang go bar byed/ skad cig gang gis kun dga' bos chos rnam pa gcig bshad pa'i skad cig de la/ dge slong shA ra dwa ti'i bus chos rnam pa stong bshad de// don kyang go bar byed/ skad cig gang gis shA ra dwa ti'i bus
- 251b
chos rnam pa gcig bshad pa'i skad cig de la/ dge slong mo d+gal gyi bus 'jig rten gyi khams stong phrag brgyad khri shin tu 'das/ skad cig gang gis maud+gal gyi bu 'jig rten gyi khams gcig shin tu 'da' ba'i skad cig de la/ de bzhin gshegs pas phyogs ban+d+ha'i 'jig rten gyi khams chos kyi dbyings kyis klas pa/ nam mkha'i khams kyi mthas gtugs pa/ rab 'byams rgya mtsho thams cad du 'jig rten gyi khams re re dang / gling re re dang / skra'i khyon tsam re re yang dga' ldan gyi gnas nas 'chi 'pho ba dang / lhums su 'jug pa dang / bzhugs pa dang / bltams pa dang / brgya byin dang / tshangs pas blangs pa dang / gnas bkod pa dang / gom pa bdun 'dor ba dang / thugs bcur rnam par gzugs pa dang / san chen po sgrogs pa dang / las dang / bzo dang / d+hurgyal ba dang / rig pa'i gnas thabs cad slob pa dang / gzhan nuris kun tu ston pa dang / btsun cho 'khor gyi nang na rnam par rol pa dang / skyed mos tshal gyisar 'byung ba dang / thams cad mkhyen pa nyid la phyogs pa dang / mngon par 'byung ba dang / rab tu 'byung ba dang / dka' ba spyad pa spyod pa dang / zhal zas gsol ba dang / byang chub kyi snying por bzhud pa dang / bzhugs pa dang / bdud brtul ba dang / byang chub mngon par sangs rgyas pa dang / byang chub kyi shing la spyan mi 'dzum par gzigs pa dang / tshangs pa chen pos gsol ba btab pa dang / chos kyi 'khor lo rab tu bkoskor ba dang / lha'i gnas su gshegs pa dang / mngon par rdzogs par byang chub pa dang / chos kyi 'khor lo'i tshul rab tu bskor ba'i yul rnam pa tha dad pa dang / bskal pa'i mang brjod pa dang / tshe'i tshad dang / 'khar gyi dkyil 'khor bkad pa dang / sangs rgyas kyi zhing rnam par bkod pa'i tshul dang / byang chub kyi sems dang / spyad pa dang / sngon lam dang / pha rol tu phyin pa dang /
- 252a
sa dang mngon par shes pa dang / bzod pa dang / gzungs dang / ting nge 'dzin dang / rnam par thar pa dang / de la mchod pa dang / byang chub sems dpa' dang de bzhin gshegs pa'i chos kyi tshul tshad med pa dang / chos kyi sprin tshad med pa la 'jug pa rnam pa tha dad pa dang / sems can yongs su smin par bya ba dang / thabs rnam par bzhag pa rnam pa tha dad pa dang / cho 'phrul chen po dang / rnam par rol pa dang / yongs su mya ngan las 'das pa chen po ston pa dang / sku gcig tu sra ba'i ring srel rnam par 'byed pa dang / bstan pa gnas pa dang / kun tu dbye ba dang / 'byi ba dang / dam pa'i chos nub pa yang kun tu ston la/ mu stegs can gyi gnas la stod pa thams cad dang sbas pa'i rabs thams cad du yang kun gyis zab pa rnam par mi rtog bzhin du cig car can snang // phyi ma mtha' bskal pa'i mur thug pa'i byin gyis brlabs rgyun migacad par ston pas skad cig gis yul de nyid la phyogs bcu nas sla'i khyod tsam re re dang / spu'i khung bu'i phyogs re re'i bar la dus gsum du gshegs pa'i de bzhin gshegs pa byang chub sems dpa'i 'khor gyi dkyil 'khor rgya mtsho dang bcas pa thams cad dang / sangs rgyas kyi zhing gi yon tan bkod pa rgya chen po thams cad dang / sems can gyi rigs kyi gnas bkod pa rgya chen po thams cad dang / sems can gyi rigs kyi skye mched drug tu btags pabargya chen po thams cad dang / byang chub sems dpa'i spyod pa yang dag par 'grub pa bkad pa rgya chen po thams cad dang / de bzhin gshegs pa'i yul bkod pa rgya chen po thams cad ldan gyis grub pas rnam par matog bzhin du cig car ston to// phyi ma'i mtha'i mur thug pa'i byin gyis brlabs rgyun mi gcod par kun tu ston pas skad cig de nyid la phyogs bcu kun nas sgra'i khyon tsam gyi bar la/ sems can gyi khams ma lus pa lus pa
- 252b
med pa'i sems can re re la yang sems can thams cad snyed kyi lus dang / dbyibs dang / kha dog dang / dbyangs dang / smra ba dang / chos dang / bstan pa tha dad pa la sogs pa'i bye brag gzhan dang / gzhan dag lhun gyis grub pas rnam par mi rtog bzhin du cig car ston te/ sems can gzhan dang gzhan dag gis bsam pa'i dbang gis/ phyi ma'i mtha'i bskal pa'i mur thug pa'i byin gyis brlabs rgyun mi gcod par kun tu ston to// 'jam dpal 'di lta ste dper na/ zla ba yar gyi ngo'i tshes bco lnga'i nam phyed kyi dus na/ zla ba'i dkyil 'khor 'dzam+bu'i gling gi skyes pa dang / bud med dang / khye'u dang / bu mo rnams kyi mdun na gnas par mthong yang zla ba'i dkyil 'khor mi rtog rnam par mi rtog ste/ 'on kyang de lhun gyis grub pas/ rnam par mi rtog bzhin du ma 'dres pa'i chos dang ldan pas bya ba 'di lta bu 'byung ngo // de bzhin du bsam pa ji lta ba dang / 'dul ba ji lta ba bzhin du sems can de dag gis de bzhin gshegs pa mdun na bzhugs pa mthong yang / de bzhin gshegs pa rnams mi rtog rnam par mi rtog ste/ 'on kyang lhun gyis grub pas rnam par mi rtog bzhin du/ sangs rgyas kyi chos ma 'dres pa dang ldan pas mdzad pa 'di lta bu 'byung ngo // zhes rnam pa mang du gsungs so// mdo sde zab mo rgya chen po gang dag las/ sangs rgyas// / dang / byang chub sems dpa'i che ba nyid bstan pa de dag la mos pa dang / yi ger bri ba dang / klog pa dang / mchod pa dang / bsti stang byed pa yang / bsod nams rgyas par 'phel bar 'gyur te/ mdo 'di nyid las/ 'jam dpal 'di lta ste dper na/ r-i'i rgyal po ri rab ni 'di lta ste/ 'phang dang / rngams dang / che ba nyid kyis ri thams cad zil gyis mnan nas/ lhag ge/ thal le/ lam me'o// 'jam dpal de bzhin du byang chub sems dpa' chos kyi rnam grangs 'di la mos pas kyang / 'di lta ste mthong ba dang / spangs pa dang / che ba nyid kyis mdo sde 'di la mos pa/ pha rol du phyin pa la las byung ba'i dge ba'i rtsa ba bskal pa grangs med par bsags pa'i byang chub sems dpa' phyogs bcu'i 'jig rten gyi khams kyi rdul snyed zil gyi mnan nas/ lham
- 253a
me lhan ne/ lhang nge'o// 'jam dpal rigs kyi bu'am/ rigs kyi bu mo gang la las phyogs bcu'i 'jig rten gyi khams kun gyi sems can thams cad byang chub kyi sems la rab tu bkod pa bas 'jam dpal rigs kyi bu'am/ rigs kyi bu mo gang gzhan zhig phung po med pa'i gnas la mos par gyur na/ 'di ni bsod nams ches grangs med pa bskyed de// 'jam dpal gal te sems can thams cad phung po med// pa'i gnas la mos par gyur pa bas/ 'jam dpal rigs kyi bu 'am/ rigs kyi bu mo gzhan gang zhig gis/ chos kyi rnam grangs 'di la mos nas yi ger 'bri ba 'am tha na glegs bam la bris te/ mos pas 'chang ngam/ mar me dang / bdug pa dang / me tog dang / spos dang / phreng ba dang / byug pas mchod na 'di ni de bas bsod nams ches grangs med pa skyed do/ zhes gsungs so// mdo sde sna tshogs las btus pa/ theg pa chen po rin po che'i gtam/ A tsar+ya Ar+ya nA gArdzu nas mdzad pa rdzogs so// // rgya gar gyi mkhan po dza na ma tra dang / shI len+d+ra bo d+hi dang / zhus chen gyi lo tsA pa ban+de ye shes sdes bsgyur cing zhus te gtan la phab pa'o// @#// mdo na/ la bzlas pa'i 'jal pa nas pa'i gang ba'i rgyan pajugs// @#// rgya gar skad du/ sU tra sa muts+tsha yA laM ka ra b+ha Sh+yaM rad+d+ha lo ka nA ma/ bod skad du/ mdo kun las btus pa'i bshad pa rin po che snang ba'i rgyan ces bya ba/ 'phags pa 'jam dpal laphyag 'tshal lo// yon tan rin chen ri bo rab brtan zhing // mtshan dang dpe byad bzang po'i 'od 'bar ba// nyer rten 'byung po'i dbul ba 'dor mdzad pa// mi shes mun bcom thub pa'i dbang po rgyal// rgyal bas gsungs pa'i mdo don rab zab cing // bdag nyid chen po rnams kyi'ang de bzhin pa// dmus long nyi bzhin mthong bar mi nus kyang // yid ches lung gi tshad mas bshad par bya// gang phyir zab mo'i don la rtog ge yi// rus
Colophon
mdo sde sna tshogs las btus pa/_theg pa chen po rin po che'i gtam/_A tsaR+ya aR+ya nA ga rdzu nas mdzad pa rdzogs so/_/rgya gar gyi mkhan po dzi na mi tra dang /_shI len+d+ra bo d+hi dang /_zhus chen gyi lo tsA ba ban+de ye shes sdes bsgyur cing zhus te gtan la phab pa'o