MW21521_777AC4མན་ངག་ཨ་ཏི་ཡོ་གའི་ཆོས་སྐོར།All versions of this work

nam mkha' 'brug sgrog thog babs klong 'dus spyi rgyal rgya mdud rgyud

Text

ff. 31a–34b · 8 folio sides

  1. 31a

    pa'o// de nas kun rig gsal ba'i khye'u chung gis// rgyud 'di gang zag gang la gtad// ces zhus pas/ ston pas 'khor la bka' stsal pa// ri bo'i blo la rgya mtsho'i thugs// nam mkha'i dgongs pa nyi zla'i sems// ral gri'i shes rab spu gri'i blo// bla 'breng rgyud la shel sgong dmad// bla ma la gus snying rje che// nga rgyal ser sna chung la gtong // de la rgyud kyi rgyal po gtad// dam nyams chos 'tshong sdig pa can// snod med rnams la ma sbyin cig/ ces gdams so// nyi zla bkod pa'i rgyud las/ rgyud gtad pa'i le'u ste bco lnga pa'o// / rgyud thams cad kyi spyi phud nyi zla bkod pa nam mkha'i mtha' dang mnyam pa'i rgyud rdzogs so// // rgya gar gyi slob dpon chen po pad+ma 'byung ga nas dang / bod kyi lo tsa ba ka ba dpal brtsegs kyis bsgyur zhing ga tan la phab pa'o// gA te ra rgya spras rgya/ ga tad rgya// rgya gar skad du/ ga ga na ga ra dza yad badz+re pa Ta i u d+ha ra me ma sa ma g+ha dza ya ge thi ta na tra/ bod skad du/ nam mkha' 'brug sgrog thog babs klong 'dus spyi rgyal rgya mdud rgyud/ thig le kun 'dus la phyag 'tshal lo//

  2. 31b

    'di skad bdag gis ci yang ma thos/ cir yang ma mtshon/ tshig tu ma brjod/ dus med pa na/ snying po'i klong na ka dag chos sku bzhugs// dngos med ngang dngas 'khor la blo 'das byar med gsung // sngon medu byis med dus gsum dbyer med dus// sdud pa po ni dngos med ngang dngas so// de ni phun sum tshogs pa bstan pa'o// de na sa ngang dang sa khye'u chung gis// skye med ka dag chos sku la// phun sum tshogs don de ltar na// sangs rgyas bya ba yod dam med// sems can bya ba ci la zer// de gnyis ngo bo gcig mi gcig/ gcig na 'khor 'das gnyis byung gang // mi gcig 'brel ba med lags sam// zhes ston pa la zhus pa dang / ston pas 'khor la bka' stsal pa// sangs rgyas med pas sangs rgyas ming yang med// ka drug gnyis la sangs rgyas yod ma yin// sems can bya ba 'gyu sems sdug bsnga la can// de gnyis gzhi la grub pa gang yang med// med pa las byung ngo bor gcig pa ste// ngo bo gcig la snang tshul rnam pa gnyis// 'khor dang mya ngan 'das pa gnyis byung yang // bla dang ma yin ngo bor 'brel ba yin// ces gsungs so// phun sum tshogs pa dang / gleng ba slang dang / gleng gzhi'i

  3. 32a

    le'u ste dang po'o// / de nas ngang dang sa khye'u chung gis// ka dag gnyis la 'di skad zhus// sems dang chos rnams yod dam med// sangs rgyas sems can ci la zer// dge sdig bya ba yod dam med// mtho ris ngan song ci la zer// chos rnams nyan bshad yod dam med// theg sgo rab 'byam ci la zer// bag chags bsgrib g.yogs yod dam med// las 'phro rnam smin ci la zer// ces ston pa la zhus so// 'khor gyis gleng bslang dris pa'i le'u ste gnyis pa'o// // de nas ngang dang sa khye'u chung gis// chos dang sems rig yod dam med// ces zhus pa dang / ston pas 'khor la bka' stsal pa// dngos med ka dag ston pa la// chos rnams mid yang yod ma yin// chos su snang ba 'khrul pa'i sems// chos rnams sems kyi 'khrul pa byar med blo 'das chos rnams med// sems med rig med 'dzin rtog med// sems med ka dag klong du gyur// rig med ngang dang sa stong sang ngo // gas la gdangs ci yang brjod du med// ces gsungs so// sems dang chos med par bstan pa'i le'u ste gsum pa'o// // de nas ngang dang sa khye'u chung gis

  4. 32b

    zhus pa/ sku dang ye shes ci la zer// ces zhus pa dang / ston pas 'khor la bka' stsal pa// sku dang ye shes bla dag sa yin// ka dag nyid la sku dang ye shes med// / ces gsungs so// sku dang ye shes med par bstan pa'i le'u ste bzhi pa'o// // ngang dang sa khye'u chung gis zhus pa// dug lnga sku lnga yod dam med/ ma rig bya ba ci la zar// zhus pas// ston pas bka' stsal pa// ka dag dri med dug med pas// dug lnga sku lnga gnyis ka med// 'dod chagos zhe sdang ga ti mug med// nga rgyal phrag dog ka nas dag/ sku gsum dbyer med sku lnga med// ka dag stong gsal ma rig med// cang med ye gsal ye shes med// ma rig ye shes rnam gnyis kyang // ka dag ma dag rnam gnyis las// ma rig ye shes grub pa med// ces gsungs so// dug lnga ma rig ye shes med pa ra bstan pa'i le'u ste lnga pa'o// / / ngang dngas khye'u chung gis zhus pa// 'khor ba myang 'das yod dam med// sangs rgyas sems can ci la zer// zhus pas ston pas bka' stsal ba/ 'khor ba myang 'das blo yi yul// chags sdang blo yul ma zad par// 'khor ba zad par mi 'gyur ro// dngos med blo 'das 'khor 'das chos//

  5. 33a

    rnam rtog rang sangs ka dag rgyas// ci yang mi 'gyu 'dzin rtog sangs// sdug bsngal dang dngas bde chen rgyas// sems can rtog sangs ka dag rgyas/ ka dag dngos med blo 'das la// sangs rgyas sems can yod ma yin// ces gsungs so// 'khor 'das med par bstan pa'i le'u ste drug pa'o// ngang dngas khye'u chung gis zhus pa// dge sdig mtho ris ngan song gang // zhes zhus pas/ ston pas 'khor la bka' stsal pa// ka dag rtogs na dge sdig med// gnyis ka bya med ma byas pas// mtho ris ngan song skye lhung med// dngos med ka dag rnal rtogs pas// dge sdig mtho ris ngan song med// sdig pa mi spyod dge mi spyod// ka dag re dogs khar mi 'tsher// zhes gsungs so// dge sdig med par bstan pa'i le'u ste bdun pa'o// // ngang dngas khye'u chung gis zhus pa// skye med ka dag chos sku la// theg pa brgyad khri bzhi stong yod dam med// nyan bshad mtshon tshig ci la zer// ces zhus pas/ ston pas 'khor la bka' stsa la pa/ theg pa brgyad khri bzhi stong rnams// ma rtog log rtog drang phyir las// ka dag ngang la chos kun med// med las sna tshogs med las thim// dbyer med gcig 'dres tha snyad med//

  6. 33b

    blo 'das dngos med rtogs pa yis// mtshon pa'i tshig gos rgya mtsho med// chos med bshad med nyan pa med// mtshon med dpe med zla med do// zhes gsungs so// chos nyan bshad med par bstan pa'i le'u ste brgyad pa'o// // de nas ngang dang sa khye'u chung gis// skye med ka dag chos sku la// bag chags sgrib g.yogs yod dam med// las 'phro rnam smin ci la zer// ces zhus pas/ ston pas 'khor la bka' stsal pa// stong gas la ka dag don rtogs na// bag chags sgrib g.yogs ma rig med// las 'phro rnam smin sgrib mi sbrid// ka dag stong gsal dang seng ngo // gsal dag klong na ci yang med// cir snang cir yang ma grub ste// rtswa la snang rang byung nyid du dngas// dbyer med ga dang ldan sgrib g.yogs med// ci ste las kyi dbang gyur na// rang byung ye shes yod ma yin// byar med la sa med rnam smin med// cis gsungs so// bag chags las kyi rnam smin med pa'i le'u ste dgu pa'o// // de nas ngang dngas khye'u chung gis zhus pa// nam mkha'i 'brug zlogs dpe yis mtshon nas ni// gnam thog rgya mtshor babs pa ji ltar bstan// chu srin nor bu rgya mdud dpe gang mtshon// ces zhus pa dang // de nas ston pas 'khor la

  7. 34a

    bka' stsal pa// mkha' klong phyogs med nam mkha'i klong yas nas// ka dag spyi rje blo 'das 'brug sgrogs pas// dngos med klong nas stong sangs 'brug stong ldir// spyi bud dgu rtse rnam dag blo 'das pa ba// 'khor ba'i rgya mtsho klong bcas nyon mongs brlag/ bya ba tsal 'dod med chu srin mgrin par chud// dgos 'dod kun 'byung yi bzhin nor bu 'chang // dngos med rgyalas blo 'das 'phrul gyi mdud// dus gsum mi 'gyur thig le nyag gcig rgyud// nyon mongs gtan brlag gan ma thog klong bcas rgyud// drag la myur bas thogs med thog babs pas// ka dag dngos med blo 'das yang gsang rgyud// nam mkha'i dpes bstan snying po chos nyid ston// phyogs med stong gsal gsal la dngos gzhi med// 'brug sgrogs dpes mtshon ma bkag rtsal zer ston// snang stong grag stong rig stong dbyings su dngas// yid rig gar yang mi 'gyur snying po ma la thim// thim rtags ma yi gdams pa'i thog rgyab pas// khams gsum 'gro drug nyon mongs dug lnga brlag/ rgya mtsho klong gi ru las sbal nor bu 'du// dgongs pa mi 'gyur g.yo 'gul med pa'i klong // rus sbal 'khar gzhong bcug pas ga ra mi rtol// ka dag dngos med rtogs pa gzhan na med// mad las sna tshogs cad

  8. 34b

    med cir yang snang // gcig ni ma grub stong nyid las byung dang sang ngo // ye med dngos med stong gas la ngang gis dngas// ka ting gsal 'od gsal cang med bya ba tsal med// bsal med bsam gyis mi khyab mtshon tshig med// brtag med brtag dka' btsal med gzhag na gsal// tha snyad tsam yin smra bsam yul las 'das// zhes gsungs so// nam mkha' 'brug sgrogs thog pa pas klong 'dus spyi rgyal rgya mdud kyi rgyud las/ rgyud kyi mtshon dpe bstan pa'i le'u ste bcu pa'o// / nam mkha' 'brug sgrogs thog babs klong 'dus spyi rgyal chu srin nor bu 'phrul gyi rgya mdud kyi rgyud rdzogs so// / u rgyan gyi slob dpon pad+ma 'byung gnas dang / lo ba ka ba dpal brtsegs kyis bsgyur nas// lha sras khri srong snga ba tsa na la gdams pa// rin po che'i gter du sbas so// / rgya gar skad du d+hi Shi tha ti kra ma hA rad ne de pi mu la ta na tra/ bod skad du/ lta ba la shan chen po rin chen sgron ma rtsa ba'i rgyud/ ming med mtha' las 'das pa'i gsang bdag chen po la phyag 'tshal lo// 'di skad bdag gis rtogs pa'i dus gcig na/ ma byung ma skyes mnyam pa chen po/ chos dbyings rgya chad phyogs lhung med pa/ rang bzhin gyis ming las