F538MW1KG13607_0538rgyudAll versions of this work

'phags pa dkyil 'khor brgyad pa zhes bya ba'i chos kyi rnam grangs theg pa chen po'i mdo

Āryaāṣṭamaṇḍadharmaparyanāmamahāyanasūtra

Text

ff. 19a–21b · 6 folio sides

  1. 19a

    la la zhig gis/ dkyil 'khor gyi mdun du lan gcig brjod na/ de'i don thams cad 'grub par 'gyur te/ myur du bla na med pa yang dag par rdzogs pa'i byang chub mngon par rdzogs par 'tshang rgya bar 'gyur ro// bcom ldan 'das kyis de skad ces bka' stsal nas/ byang chub sems dpa' sems dpa' chen po de dag yid rangs te/ bcom ldan 'das kyis gsungs pa la mngon par bstod do// 'phags pa dkyil 'khor brgyad pa zhes bya ba'i gzungs rdzogs so// / rgya gar skad du/ Ar+ya ASh+Ta maN+Da d+harma bar+ya na ma ma hA ya na sU tra/ bod skad du/ 'phags pa dkyil 'khor brgyad pa zhes bya ba'i chos kyi rnam grangs theg pa chen po'i mdo// sangs rgyas dang byang chub sems dpa' thams cad la phyag 'tshal lo// 'di skad bdag gis thos pa'i dus cig na/ bcom ldan 'das mnyan yod na rgyal po brgyal byed kyi tshal mgon med zas sbyin gyi kun dga' ra ba na/ dge slong gi dge 'dun chen po dang / byang chub sems dpa'i dge 'dun chen po dang thabs gcig tu bzhugs te/ lha dang / klu dang / gnod sbyin dang / dri za dang / lha ma yin dang / nam mkha' lding dang / mi 'am ci dang / lto 'phye chen po dang / mi dang mi ma yin pa du mas yongs su bskor te/ 'dun gyis ltas pa dang / chos ston to// de nas de'i tshe byang chub sems dpa' seng ge'i rgyal po bkod

  2. 19b

    pa zhes bya bar 'dus par gyur nas 'dug pa des 'khor gyi dkyil 'khor chen po de mthong nas ltad mor gyur te de stan las langs te bla gos phrag pa gcig tu gzar te/ pus mo g.yas pa'i lha nga sa la btsugs nas/ bcom ldan 'das ga la ba der logasu thal mo sbyar ba btud nas/ bcom ldan 'das la 'di skad ces gsol to// bcom ldan 'das bdag gis sangs rgyas byung ba bye ba khrag khrig 'bum phrag du ma zhig 'das na gang gis 'khor gyi dkyil 'khor yang bcom ldan 'das ci 'dra ba de 'dra bar ma gyur lags so// bcom ldan 'das bdag gis zhu ba bstan pa 'di'i lan srul tu gsol/ byang chub sems dpa' gzhan dag gis thos na yang dbugs byin par 'gyur lags so// de nas bcom ldan 'das kyis thams cad dang ldan pa'i 'khor gzengs bstod pa'i phyir/ byang chub sems dpa' seng ge'i rgyal po bkod pa la 'di skad ces bka' stsal to// rigs kyi bu nyon cig dang / dris pa lan gdab pa dkyil 'khor brgyad pa zhes bya ba'i chos kyi rnam grangs yod de/ gang ngas sngon so so skye bo'i dus na/ bsten cing kun tu bsgoms te/ lan mang du byas pa de bstan par bya'o// rigs kyi bu sngon byung ba 'das pa'i dus na/ de bzhin gshegs pa dgra bcom pa yang dag par rdzogs pa'i sangs rgyas snang ba bsam gyis mi khyab pa zhes bya ba bzhugs te/ 'tsho zhing gzhes la chos kyang ston to// de'i dus na drag shul

  3. 20a

    can gyis byin zhes bya ba'i khyim bdag cig/ shin tu ma dad cing yid du mi 'ong ba'i chos lnga dang ldan pa/ chos 'dul ba la brgyab kyis phyogs so// dge slong rnam par rgyal ba 'byung ba zhes bya ba zhig khyim bdag de la snying brtse ba'i phyir/ yang dang yang du rgyun mi 'chad par khyim bdag de'i khyim du 'gro'o// re zhig na dus kyi mthus khyim bdag de dge slong de la rjes su chags pa dang bcas pa'i sems su gyur nas/ re zhig khyim bdag de legs par bya ba'i las kyi 'bras bu dris so// de nas dge slong des skye bo mang po la phan pa dang / skye bo mang po la bde ba'i phyir dang / 'jig rten la snying brtse ba'i phyir dang / lha dang ma/ rnams kyi skye bo phal po che'i don dang / phan pa dang bde ba'i phyir khyim bdag de la/ dkyil 'khor brgyad ces bya ba'i chos kyi rnam grangs ston te/ khyim bdag dkyil 'khor brgyad ces bya ba'i chos kyi rnam grangs gang zhe na/ bde ba thams cad sbyin par byed pa'o// de'i 'khor phun sum tshogs pa thob par 'gyur te/ gang dang gang du skyes par chos dang ldan pa'i sems can rnams dang mi 'bral bar 'gyur/ 'khor mang po phun sum tshogs nas/ gzugs bzang po nyid thob par 'gyur/ yo byed snyam tshogs par 'gyur te/ btsal mi dgos par yo byad rnams 'byor par 'gyur/ lus sra zhing brtan la lus phun sum tshogs pas thob par 'gyur zhing /

  4. 20b

    de la ri dang brtsigs pa rnams sgrib par mi byed de/ phun sum tshogs pa bzhi po de dag thob par 'gyur ro// de nas khyim bdag de dga' zhing mgu la yid rangs par gyur nas/ dge slong de'i rkang pa la phyag byas te 'di skad ces smras so// 'phags pa dkyil 'khor brgyad ston cig dang / des bdag la mngon sum du 'gyur ro// de nas dge slong rnam par rgyal ba 'byung bas/ khyim bdag de'i bsam pa shes nas yang dag par rab tu bstan te/ rigs kyi bu nyon cig dang bstan par bya'o// des ni lci bar bsred pa yi/ dkyil 'khor grwa bzhi lham par bya/ sems can kun dang thun mong du/ 'das pa'i sangs rgyas gang yin dang / gang dag ma 'ongs da ltar byung / byang chub sems dpa' nyan thos dang / rang sangs rgyas dag gang yod pa/ de dag rnams la yongs su bsngo// de nas dkyil 'khor 'khor yug tu/ 'khor gyi dkyil 'khor rnams bya ste/ 'jig rten dbang dang byams pa dang / thub pa skye mchog na mkha' dang / kun tu bzang po blo ldan dang / de bzhin gsang ba'i bdag po dang / 'jam dpal gzhon nur gyur pa dang / sgrib pa thams cad rnam sel dang / de bzhin sa'i snying po'o// de dag gi ched du dkyil 'khor brgyad pa'o// khyim bdag 'di ni dkyil 'khor brgyad ces bya ba'i chos kyi rnam grangs yin te/ 'di ni bdag gis bcom ldan 'das de bzhin gshegs pa snang ba bsam gyis mi khyab pa de las mngon sum du

  5. 21a

    zos so// khyim bdag gzhan yang nyon cig/ kun nas bskal pa mthun pa yi/ 'khor rnams gang zhig 'dod pa des/ dkyil 'khor brgyad ni bri bar bya/ gang zhig brgya byin nyid dang ni/ tshangs pa'i 'jig rten bdag po dang / lha mi rgyal po'i rgyal srid dang / blo ldan sna tshogs gzugs bzang 'dod rtag tu dkyil 'khor mchog brgyad bya/ seng ge'i rgyal po bkod pa 'di ji snyam du sems/ de'i tshe dge slong rnam par rgyal ba 'byung ba zhes bya ba'i de gzhan zhig yin snyam du 'dzin na de de ltar mi lta ste/ 'jam dpal gzhon nur gyur pa 'di de'i tshe dus na/ dge slong rnam par rgyal ba 'byung ba zhes bya bar gyur to// seng ge'i rgyal po bkod pa de'i tshe de'i dus na khyim bdag drag shul can gyis byin pa zhes bya ba ste gzhan zhig yin snyam du som nyid 'am yid gnyis za na de ltar mi lta'o// nga nyid de'i tshe de'i dus na// drag shul na can gyis byin pa zhes bya ba'i khyim bdag du gyur to// ngas pha rol du phyin pa drug yongs su rdzogs par byas pa'i bar dang / sangs rgyas nyid thob kyi bar dang / sangs rgyas nyid thob kyi bar du tshe rabs bye ba khrag khrig phrag 'bum de dang de dag tu chos 'di kun du bsten to// bsgoms so// mya ngan du byas so/ rigs kyi bu gang gi na nga'i 'khor gyi dkyil 'khor bkod pa 'di 'dra bar gyur pa'i rgyu ni de yin no// rkyen ni de yin no// bcom ldan 'das kyis de skad ces bka' stsal nas/ byang chub

  6. 21b

    sems dpa' seng ge'i rgyal po bkod pa dang / dge slong de dag dang / byang chub sems dpa' de dag dang / thams cad dang ldan pa 'khor de dag dang / lha dang / me dang / lha ma yin dang / dri zar bcas pa'i 'jig rten yid rangs te/ bcom ldan 'das kyis gsungs pa la mngon par bstod do// 'phags pa dkyil 'khor brgyad pa zhes bya ba'i chos kyi rnam grangs/ theg pa chen po'i mdo rdzogs s+ho// // rgya gar skad du/ ma hA g+ha na pa ti tan tra nA ma/ bod skad du/ tshogs kyi bdag po chen po'i rgyud ces bya ba/ 'phags pa 'jig rten dbang phyug la phyag 'tshal lo// de nas dpal ldan tshogs bdag che/ phyag 'tshal tshogs bdag dpal ldan dges/ gzugs brnyan dkyil 'khor gru bzhir bzhag/ zla ba drug tu mchod par bya/ lha yi 'khor los bsgyur ba dang / tshe ring bar bgyid bskal par mnyam/ tshe ring ba yi mchog tu 'gyur/ mi la sogs pa dbang du 'gyur/ lha yi bu yang bran bzhin du/ bdag gi sgo ba nyan par 'gyur/ klu yang de bzhin bsgo ba nyan/ bran bzhin las rnams 'byed par 'gyur/ lha yi longs spyod mnga' ris las/ 'dod pa'i longs spyod 'byung bar 'gyur/ dngos grub grub pa'i dbang phyug can/ gdul bya'i dbang gi sgo sprul nas/ lha chen tshogs bdag chen por bya/ dngos grub dam pa mchog grub na/ mthu stobs phun sum chog ldan zhing / longs

Colophon

'phags pa dkyil 'khor brgyad pa zhes bya ba'i chos kyi rnam grangs/ theg pa chen po'i mdo rdzogs s+ho/