Q985MW1PD96684_0985mdo sna tshogsAll versions of this work

'phags pa rmad du byung ba zhes bya ba chos kyi rnam grangs

Text

ff. 203a–206a · 7 folio sides

  1. 203a

    'dun pa dang brtson 'grus dang dben pa dang phyir mi zlog pa'o// chos lnga po gang dag bsgom pa yongs su rdzogs par 'gyur zhe na/ mchog tu dga' ba dang dga' ba dang shin du sbyangs pa dang bde ba dang ting nge 'dzin to// tshe dang ldan pa dag de chos lnga po de dag kun du bsags shing nye bar bsags na zug rngu brgyad med par 'gyur te/ 'di lta ste/ 'dod chags kyi zug rngu dang zhe sdang gi zug rngu dang gti mug gi zug rngu dang / nga rgyal gyi zug rngu dang sred pa'i zug rngu dang lta ba'i zug rngu dang the tshom dang som nyi'i zug rngu'o/ / zug rngu brgyad po de dag med par gyur na mi slob pa'i chos bcu thob par 'gyur te/ mi slob pa'i yang dag pa'i lta ba dang yang dag pa'i rtog pa dang yang dag pa'i ngag dang yang dag pa'i las kyi mtha' dang yang dag pa'i 'tsho ba dang yang dag pa'i rtsol ba dang / yang dag pa'i dran pa dang yang dag pa'i ting nge 'dzin dang yang dag pa'i rnam par grol ba dang yang dag pa'i ye shes so// mi slob pa'i chos bcu po de dag skyes shing thob ste ldan na 'phags pa yan lag lnga spangs pa/ yan lag drug dang ldan pa bsrungs pa gcig pa/ rton pa bzhi dang ldan pa so so'i bden pa bsal ba/ bsal ba spangs pa/ kun du rtog pa'i rnyog pa med// / rgya gar skad du/ Ar+ya ad b+hud d+harma par+yA ya nA ma/ bod skad du/ 'phags pa rmad du byung ba zhes bya ba chos kyi rnam grangs/ sangs rgyas dang / byang chub sems dpa' thams cad la phyag 'tshal lo// 'di skad bdag gis thos pa dus gcig na/ bcom ldan 'das rgyal po'i khab na 'od ma'i tshal bya ka lan da ka gnas pa na bzhugs so// de nas tshe dang ldan pa kun dga' bo snga dro'i dus kyi tshe chos gos dang sham thabs bgos te/ lhung zed thogs nas rgyal bo'i khab tu bsod snyoms kyi phyir zhugs te/ tshe dang ldan pa kun dga' bo rgyal po'i khab kyi grong khyer du mthar chags su bsod snyoms pa spyod pa'i tshe phyogs shig na khang pa brtsegs pa sgo brgyad bcu yod la/ byug pas byugs pa/

  2. 203b

    gdugs dang rgyal mtshan dang bdan basbed dang gyi sna ldi mang po sbyangs bzhig mthong nas/ de 'di snyam du sems te/ rigs kyi bu'am rigs kyi bu mo dad pa gang la la zhig gis khang pa brtsegs pa 'dis bu byas te/ phyogs can dge slong gi dge 'dun la phul ba dang / gang de bzhin gshegs pa dgra bcom pa yang dag par rdzogs pa'i sangs rgyas yongs su mya ngan las 'das pa'i mchod rten 'jim pa lus sgyu ru ra'i 'bras bcum byas la/ kha ba tsam hU~M/ srog shing btsugs te/ rgya shug gi lo ma tsam gyi gdugs gsol nas/ nas kyi 'bru tsam gyi sku gzugs byas la/ yungs 'bru tsam gyi ring bsrel bcug na de gnyis las bsod nams shin du che ba gang yin snyam mo// de yang 'di snyam du sems te/ ston pa ni bdag gi mngon sum du 'gyur/ bde bar gshegs pa ni bdag gi mngon sum du gyur gyis/ bcom ldan 'das la bdag gis don 'di nyid gsol to// bcom ldan 'das kyis bdag la ji skad bstan ba bzhin du gzung bar bya'o snyam mo/ / de nas tshe dang ldan pa kun dga' bo rgyal po'i khab tu bsod snyoms blangs te/ zas kyi bya ba byas nas bsod snyoms kyi zas phyi ma spangs te/ chos gos dang lhung zed bzhag nas rkang pa bkrus te/ bcom ldan 'das ga la ba der song nas phyin pa dang / bcom ldan 'das kyi zhabs la mgo bos phyag 'tshal te phyogs gcig tu 'dug go// phyogs gcig tu 'dug nas kyang bcom ldan 'das la tshe dang ldan pa kun dga' bos 'di skad ces gsol to/ / btsun pa bdag 'dir snga dro'i dus kyi tshe chos gos dang sham thabs bgos lhung zed thogs te rgyal po'i khab tu bsod snyoms kyi slad du zhugs te/ rgyal po'i khab kyi grong khyer du mthar chags su bsod snyoms spyod pa'i tshe phyogs shig na khang pa brtsegs pa chab sgo brgyad bcu mchis la byugs pas/ byugs pa/ gdugs dang rgyal mtshan dang pa dan bsgreng ba/ dar gyi lda ldi mang po spangs pa dag mthong

  3. 204a

    napa 'di snyam du bsams te/ rigs kyi bu'am rigs kyi bu mo dad pa gang la la zhig gis khang pa brtsegs pa 'di lta bu bgyis te/ phyogs bzhi'i dge slong gi dge 'dun la phul ba dang / gang gis de bzhin gshegs pa dgra bcom pa yang dag par rdzogs pa'i sangs rgyas mya ngan las 'das pa'i mchod rten 'jim pa las skyu ru ra'i 'bras bu tsam bgyis la khab tsam gyi srog shing btsugs te/ rgya shug gi lo ma tsam gyi gdugs gsol nas/ nas kyi 'bru tsam gyi sku gzugs bgyis la yungs 'bru tsam gyi ring bsrel stsal na de gnyis bsod nams shin du che ba gang lags snyam mo// bdag gis yang 'di snyam du bsams te/ ston pa ni bdag gi mngon sum du gyur/ bde bar gshegs pa ni bdag gi mngon sum du gyur te/ bcom ldan 'das la bdag gis don 'di nyid gsol te/ bcom ldan 'das kyis bdag la ji skad bstan pa bzhin du gzung bar bgyi snyam nas/ bcom ldan 'das la bdag don 'di nyid zhu lags na thugs brtse ba nye bar gzung ste/ bcom ldan 'das kyis bdag la don 'di nyid legs par bstan du gsol// de skad ces gsol pa dang / bcom ldan 'das kyis tshe dang ldan pa kun dga' bo la 'di skad ces bka' stsal to/ / kun dga' bo khyod skye bo mang po la phan pa dang / skye bo mang po la bde ba dang / 'jig rten la snying brtse ba'i phyir zhugs nas lha dang mi rnams la phan pa dang / bde ba'i don gyi phyir khyod de bzhin gshegs pa la don 'di nyid 'dri bar sems pa ni legs so legs so// kun dga' bo de'i phyir legs par rab tu nyon la yid la zung shig dang bshad do// kun dga' bo 'dzam bu glid gi gling na chur dpag tshad bdun stong / rgyar yang dpag tshad bdun stong / byang du ni kha tshon che ba lhor ni sogs kar 'dug pa de rigs kyi bu'am rigs kyi bu mo dad pa gang la la zhig gis rin po che sna bdun gyi rang

  4. 204b

    bzhin du byas te/ rgyun du zhugs pa rnams dang lan cig phyir 'ong ba rnams dang / phyir mi 'ong ba rnams dang dgra bcom pa rnams dang rang sangs rgyas rnams dang / phyogs bzhi'i dge slong gi dge 'dun la phul ba bas gang gis de bzhin gshegs pa dgra bcom pa yang dag par rdzogs pa'i sangs rgyas yongs su mya ngan las 'das pa'i mchod rten 'jim pa las skyu ru ra'i 'bras bu tsam byas la khab tsam gyi srog shing btsugs te/ rgya shug gi lo ma tsam gyi gdugs gsol nas kyi 'bru tsam gyi sku gzugs byas la/ yungs 'bru tsam gyi ring bsrel bcug na de ni de bas ches bsod nams che'o zhes nga smra'o// kun dga' bo 'dzam bu'i gling lta zhog gi/ kun dga' bo shar gyi lus 'phags shes bya ba'i gling yod de chur ni dpag tshad brgyad stong / rgyar yang dpag tshad brgyad stong ste/ kun nas zla gam lta bur grub pa de/ rigs kyi bu 'am rigs kyi bu mo gang la la zhig gis rin po che sna bdun gyi rang bzhin du byas te/ rgyun tu zhugs pa rnams dang / lan cig phyir 'ong ba rnams dang phyir mi 'ong ba rnams dang dgra bcom pa rnams dang / rang sangs rgyas rnams dang phyogs bzhi'i dge slong gi dge 'dun la p hul ba bas gang gis de bzhin gshegs pa dgra bcom pa yang dag par rdzogs pa'i sangs rgyas yongs su mya ngan las 'das pa'i mchod rten 'jim pa las skyu ru ra'i 'bras bu tsam byas la khab tsam gyi srog shing btsugs te/ rgya shug gi lo ma tsam gyi gdugs gsol nas nas kyi 'bru tsam gyi sku gzugs byas la yungs 'bru tsam gyi ring bsrel btsug na de ni de bas ches bsod nams che'o zhes nga smra'o// kun dga' bo 'dzam bu'i gleng lta'ang zhog/ shar gyi lus 'phags kyi gling lta'ang zhog ste/ kun dga' bo nub kyi ba lang spyod ces bya ba'i gling yod de/ chur ni dpag tshad dgu stong / zhed yang dpag tshad dgu stong ste/ kun nas zla ba nya ba lta ba

  5. 205a

    grub pa de rigs kyi bu 'am rigs kyi bu mo dad pa gang la la zhig gis rin po che sna bdun gyi rang bzhin du byas te/ rgyun du zhugs pa rnams dang lan cig phyir 'ong ba rnams dang phyir mi 'ong ba rnams dang dgra bcom pa rnams dang rang sangs rgyas rnams dang phyogs bzhi'i dge slong gi dge 'dun la phul ba bas/ gang gis de bzhin gshegs pa dgra bcom pa yang dag par rdzogs pa'i sangs rgyas yongs su mya ngan las 'das pa'i mchod rten 'jim pa las skyu ru ra'i 'bras bu tsam byas la khab tsam gyi srog shing btsags te/ rgya shug gi lo ma tsam gyi gdugs gsol nas/ nas kyi 'bru tsam gyi sku gzugs byas la/ yungs 'bru tsam gyi ring bsrel bcug na de ni de bas ches bsod nams che'o zhes nga smra'o/ / kun dga' bo 'dzam bu'i gling lta'ang zhog/ shar gyi lus 'phags kyi gling lta'ang zhog/ nub kyi ba lang spyod kyi gling lta'ang zhog ste/ kun dga' bo byang gi sgra mi snyan ces bya ba'i gling yod de/ chung ni dpag tshad khri/ rgyar ya dpag tshad khri ste/ kun nas gru bzhi ldam par grub pa de rigs kyi bu'am rigs kyi bu mo dang ba gang la la zhig gis rin po che sna bdun gyi rang bzhin du byas te/ rgyun du zhugs pa na dang lan cig phyir 'ong ba rnams dang / phyir mi 'ong ba rnams dang dgra bcom pa rnams dang / rang sangs rgyas rnams dang / phyogs bzhi'i dge slong gi dge 'dun la phul ba bas/ gang gis de bzhin gshegs pa dgra ba pa yang dag pa'i rdzogs pa'i sangs rgyas yongs su mya ngan las 'das pa'i mchod rten 'jim pa las s+phu ru ra'i 'bras bu tsam byas la khab tsam gyi srog shing btsugs te/ rgya shug gi lo ma tsam gyi gdugs gsol nas nas kyi 'bru tsam gyi sku gzugs byas la yungs 'bru tsam gyi ring bsrel bcug na de ni de bas ches bsod nams che'o zhes nga smra'o/ / kun dga' bo 'dzam bu'i gling lta'ang zhog/ shar gyi lus 'phags kyi gling wA'

  6. 205b

    zhog/ nub kyi ba lang spyod kyi gling lta 'ang zhog/ byang gi sgra mi snyan gyi gling lta yang shog ste// kun dga' bo lha'i dbang po brgya byin gyi khang bzang rnam par rgyal byed ces bya ba yod de/ de rigs kyi bu'am rigs kyi bu mo dad pa gang la lazhin gis rin po che sna bdun gyi rang bzhin du byas te/ rgyun du zhugs pa rnams dang / lan cig phyir 'ong ba rnams dang phyir mi 'ong ba rnams dang dgra bcom pa rnams dang rang sangs rgyas rnams dang phyogs bzhi'i dge slong gi dge 'dun la bral ba ba/ / gang gis de bzhin gshegs pa dgra bcom pa yang dag par rdzogs pa'i sangs rgyas yongs su mya ngan las 'das pa'i mchod rten 'jim pa las sbya ru ra'i 'bras bu tsam byas la khab tsam gyi srog shing btsugs shug gi lo ma tsam gyi gdugs gsol nas nas kyi 'bru tsam gyi sku gzugs byas la yungs 'bru tsam gyi ring bsrel btsug na de ni de bas ches bsod nams che'o zhes nga smra'o/ / kun dga' bo 'dzam bu'i gling lha yang zhog/ shar gyi lus 'phags kyi ming lta yang zhog/ rab kyi pa lang spyod kyi gling lta yang shog/ byang ga sgra mi snyan gyi gling lta yang zhog/ lha'i dbang po brgya byin gyi khang bzang rnam par rgyal byed ces bya ba lta yang zhog ste/ kun dga' ba srung gsum gyi slo chen po'i 'jig rten gyi khams yod de/ de rigs kyi bu 'am rigs kyi bu mo dad pa gang la la zhig gis rin po che sna bdun gyi rang bzhin du byas te/ rgyun tu zhugs pa rnams dang lan cig phyir 'ong ba rnams dang phyir mi 'ong ba rnams dang dgra bcom pa rnams dang rang sangs rgyas rnams dang phyogs bzhi'i dge slong gi dge 'dun la phul ba bas/ gang gis de bzhin gshegs pa dgra bcom pa yang dag par rdzogs pa'i sangs rgyas yongs su mya ngan las 'das tha mchod rten 'jim pa las skyu ru ra'i 'bras bu tsam byas la khab tsam gyi srog shing btsugs te/ rgya shug gi lo ma tsam gyi gdugs byas nas nas kyi 'bru tsam gyi sku gzugs byas la yungs 'bru tsam gyi ring bsrel bcug na de ni de

  7. 206a

    bas ches bsod nams che'o zhes nga smra'o/ / de ci'i phyir zhe na/ kun dga' bo de bzhin gshegs pa ni ye shes kyis dpag tu med pa/ tshul khrims kyis dpag tu med pa/ bzod pas dpag tu med pa/ brtson 'grus kyi dpag tu med pa/ bsam gtan gyis dpag tu med pa/ shes rab kyis dpag tu med pa byams pas dpag tu med pa/ snying rjes dpag tu med pa/ dga' bas dpag tu med pa/ btang snyoms kyis dpag tu med pa/ sangs rgyas kyi chos ma 'dres pa bcwa brgyad dang / stobs bcu dang mi 'jigs pa bzhi dang sangs rgyas kyi chos dran pa nye bar gzhag pa ma 'dres pa gsum dang snying rje chen pos dpag tu med pa ste/ kun dga' bo de bzhin gshegs pa dgra bcom pa yang dag par rdzogs pa'i sangs rgyas pa'i sangs rgyas ni yon tan dpag tu med pa dang ldan pa'i phyir ro/ / de skad ces bka' stsal pa dang / tshe dang ldan pa kun dga' bos// bcom ldan 'das la 'di skad ces gsol to// bcom ldan 'das 'di lta ste/ chos kyi rnam grangs 'di ni ngo mtshar legs so// bde bar gshegs pa ngo mtshar legs so// chos kyi rnam grangs 'di'i ming ci lags/ 'di ji ltar gzung bar bgyi/ bka' stsal pa/ kun dga' bo de'i phyir chos kyi rnam grangs 'di rmad du byung ba'i chos kyi rnam grangs shes bya bar zung shig/ de bas na chos kyi rnam grangs 'di ni rmad du byung ba'i chos kyi rnam grangs shes bya ba'i tshig bla dgas so// bcom ldan 'das kyis de skad ces bka' stsal nas tshe dang ldan pa kun dga' bo yid rangs te/ bcom ldan 'das kyis gsungs pa la mngon par bstod do// 'phags pa rmad du byung ba'i chos kyi rnam grangs/ rdzogs s+ho// rgya gar gyi mkhan po 'dzin mi tra dang / su re na dra bo d+hi ding / zhu chen tsi lo tsA ba ban d+he ye shes sdes nus te gtan la phab pa/ / / rgya gar skad du/ Ar+ya ta thA ga ta prad ti bi mi ba pra ti shwA a nu shang sA sam pa dan tin+da ma d+harma ba rA ya/ bod skad du/ 'phags pa de bzhin gshegs pa'i gzugs

Colophon

'phags pa rmad du byung ba'i chos kyi rnam grangs|rdzogs s.ho||rgya gar gyi mkhan po 'dzi na mi tra dang| su ren dra bo dhi dang| zhu chen gyi lo ts+tsha ba ban dhe ye shes sdes zhus te gtan la phab pa||