Q3094MW1KG13126_3094rgyud 'grelAll versions of this work

yid la mi byed pa ston pa zhes bya ba

Amānasikaraudaranāma

Text

ff. 151b–153b · 5 folio sides

  1. 151b

    ba min// des na sangs rgyas sgo ma btags// de ni don dam mthong ba med// gang la spyod pa ji ltar bde// de lta rig pa mthong ba med// gnyis su med pa gnyis med min// byang chub dag pa'i mtshan nyid med// re ba med/ 'di rnal 'byor che// rnam pa thams cad rtogs pa'o// ji ltar gsungs pa dang po'o las// rnal 'byor kun gyi bya ba yin// stong dang snying rje dbyer med pa// de ni sangs rgyas ye shes 'dod// stong las snying rje gzhan min te// snying rje yis ni ming gzhan yin// bdag gis 'dus byas su mi brjod// brjod pa zung du 'jug par ro// bum pa la sogs 'dzin gang la// rnal 'byor kun gyi bsam gtan bya// 'dis ni sangs rgyas chen/ por 'gyur// rnam pa kun gyi lus gcig pa'o// 'dus ma byas sems chos yin te// rtogs pa'i longs spyod rdzogs mtshan nyid// sna tshogs sems ni sprul pa'o// gnyug ma kun gyi rang bzhin no// de ltar 'di yi/ thob pa ni// bsod nams ldan pa'i bsod nams kyis// de ni 'jig rten ma lus pa// sangs rgyas byang chub thob par shog/ theg pa chen po nyi shu pa slob dpon gnyis med rdo rjes mdzad pa rdzogs so// // pa ri pa ta pradz+nyA sha ra sa ma d+h+yan/ rgya gar gyi mkhan po de bA ka ra tsan+da dang / bod kyi lo tsa ba dge slong shAkya brtson 'grus kyis bsgyur cing gtan la dbab pa'o// // @#// yid la mi byed pa zhes byaba'o// #6// rgya gar skad du/ a m+ba na si ka re u da ra nA ma/ bod skad du/ yid la mi byed pa zhes bya ba/ dpal rdo rje sems dpa' la phyag 'tshal lo// yid la mi byed pa zhes bya ba 'di ni phal cher log par rtogs pa ste/ de la kha cig 'di skyon can gyi tshig tu smra ste/ bsdus pas yid la mi byed pa zhes rtogs par 'gyur ro// de la brjod par bya ste/ de ni skyes bu byas pa'i la zhes bya ba'i tshig gis bdun pa byis pa ste/ la byis pa bsdu ba byas pas yid la mi byed pa dang / yid la/

  2. 152a

    mi byed pa dang / yid la mi byed pa ste/ pags pa'i snying po dang / pags pa'i snying po'o// g.yul rol brtson pa zhes bya bas de dag gi gzugs grub pa'o// de'i phyir 'di skyon can gyi tshig ma yin no// gzhan/ yang tshig 'di mtshan nyid kyis grub pa yin te/ 'on kyang sangs rgyas pa'i ma yin no// de ni ma yin te/ mdo sde du mar mthong ba'i phyir ro// 'phags pa sangs rgyas thams cad kyi yul la 'jug pa ye shes snang ba'i dam pargyan zhes bya ba theg pa chen po'i mdo las/ yid la mi byed pa'i chos rnams dge ba'o// yid la byed pa'i chos rnams mi dge ba'o zhes pa dang / de bzhin du kun tu rtog pas ma brtags pa// rab tu mi gnas pa yi yid// dran pa med cing yid byed med// dmigs pa med la phyag 'tshal 'dud// de bzhin du rnam par mi rtog pa la 'jug pa'i gzungs las/ byang chub sems dpa' sems dpa' chen po rnam par rtog pa thams cad kyi mtshan ma ni snang ba la rtogs pa ste/ yid la mi byed pas yongs su spangs pa'o// mdo ste gzhan dang gzhan gyi gzhung mangs kyis dogs pas 'dir ma bris so// da ni gzhan brjod pa tshig 'di ni mdo sde// pa'i tshig nyid de/ sngags kyi ma yin no// ci'i phyir zhe na/ mdo sde rnams las mthong ba'i phyir ro zhes de ni ma yin te/ he badz+ra las gsungs pa/ ngo bo nyid kyi sems med cing // sems byung ba'ang med pa'o// de bzhin du// gang phyir yid kyis ma bsgoms na/ 'gro ba thams cad bsgom par bya// zhes pa'i don gyis yid la mi byed pa'o zhes rtogs par bya'o// gzhan yang brjod pa rgyud na'ang yod de/ med par dgag pa ni med pa'i yul yin pa'i phyir// dngos po med pa brjod par bya'o// de ni ma yin te/ yod pa'i dngos po 'gog pa ni med par dgag pa'o// yang na thal pa med pas thal bar 'gyur ba 'gog pa'o zhes pa ni med pa dgag pa'o// ji

  3. 152b

    ltar rgyal po'i btsun mo nyi ma ma mthong ba ni 'di'i don to// 'di lta bu mi min zer zhes pa yang rgyal po'i chung ma de shin tu sbas pas nyi ma yang mi mthong ba'o// 'dir bkag pas nyi ma med par ma byas pa'o// gang zhe na/ rgyal po'i chung ma rnams gang gis nyi ma mthong ba yod na de 'gog pa ste/ yid la mi byed pa la yang yid la byed pa gang bzung ba dang 'dzin pa la sogs par yod pa de 'gog pa ste/ yid ni ma yin te/ 'di la skyon med do// gang la gnod par byed pa ste yid la mi byed pa'i sgra yis so// de ltar yang bcom ldan 'das kyis rnam par mi rtog pa la 'jug pa'i gzungs las/ rigs kyi bu rgyu gang gis rnam par mi rtog pa'i dbyings la yid la mi byed pa zhes brjod/ rnam par rtog pa thams cad kyi mtshan ma las yang dag par 'das na blangs pa'o// de dag gis ni rnam par rtog pa thams cad las yang dag par 'das pa stan par 'gyur te/ yid la mi byed pa'i sgra yis so// / ma yin pa dgag pa'i phyogs kyang skyon med de/ bram ze ma yin pa khrid la shog ces pas bram ze dang 'dra ba'i rgyal po la sogs pa khrid la shog ces par gsal gyi/ rigs mi mthun shing shing rta mkhan la sogs pa ni ma yin// no// 'di la yang rang bzhin med pa'i rig pa la gnas par byas pa ste/ de dag gis ni sgyu ma lta bur gnyis su med par smra bar gnas par 'gyur ro// gang las chad par lta bar 'gyur/ 'on kyang med pa'i tha snyad tsam ste/ tshig/ 'di ni gnyis brjod par bya'o// sgyu ma'am yang dag par grub pa med pas yod pa 'gags pa ni ma yin te/ de med par yang ma yin no// rig pa 'di yis 'gro ba 'gegs pa'i don ni nyams par 'gyur// 'dir

  4. 153a

    brjod pa tsam byas pa'o// a yig gtso bor gyur pa'i yid la byed pa ni yid la mi byed pa ste/ lo ma'i rgyal po bzhin tshig dbus ma phyis pa'i bsdus pa'o// de gang gis ni yid la byed pa gang thams cad ni a ste skye ba med pa'i don to// bcom ldan 'das kyis gang bstan ce na/ skye ba med pa zhes bya ba'i tshig gis a yig ces bya ba 'di lta ste/ dgyes pa'i rdo rje'i sngags kyi le'u las kyang / a kA ro mu khaM sarba d+harmA NaM a d+ha nud pa na na tAta/ ces pa la sogs pa gsungs te/ 'di'i don yang chos thams cad thog ma nas skye ba med pa'i phyir a'i sgo gtso bor gyur pa ste/ a zhes ma skyes pa'i mtshan du sbyar ro// de ltar yang mtshan yang dag par brjod pa las/ a ni yig 'bru kun gyi mchog/ don chen yi ge dam pa yin// khong nas 'byung ba skye ba med// tshig tu brjod pa spangs pa ste zhes pa ste// yang 'dir a ni bdag med pa'i sa bon no// de skad du yang dgyes pa'i rdo rje las a li dang po ni bdag med ma'o// de dag gis ni yid la byed pa thams cad bdag med pas rang bzhin med pa zhes brjod par 'gyur ro// dang po dbyangs yig rang bzhin te// blo zhes pa ni shes rab brtags// de nyid bcom ldan 'das shes rab// rdzogs pa'i rim pa'i sbyor ba nyid// yang na a zhes pa ni 'od gsal ba'i tshig la yid la byed pa ni bdag la byin gyis brlabs pa'i tshig ste/ 'di yang a yang yin la yid la byed pa yang yin pas yid la mi byed pa'o// 'dis ni yid la mi byed pa'i gnas bsam gyis mi khyab pa 'od gsal ba bdag la byin gyis brlabs pa'i bdag nyid stong pa nyid dang / snying rje dbyer med pa zung du 'jug pa gnyis su med pa'i rgyun yang dag par rig pa bskyed par 'gyur ro// yid la mi byed pa ston pa bdag med pa gsal ba rdzogs so// // slob dpon chen po gnyis med rdo rjes

  5. 153b

    mdzad pa rdzogs so// // rgya gar gyi mkhan po badz+ra pA Ni dang / bod kyi lo tsa ba gnyan chung gis bcos pa rdzogs so// // @#// de bon nyid pag pa chen po nyi shu pa zhes byab// @#// rgya gar skad du/ tAt+ta ma hA yA na bi sa ti/ bod skad du/ de kho na nyid theg pa chen po nyi shu pa/ rje btsun sangs rgyas la phyag 'tshal lo// shes rab sna tshogs rnam par smin// snang med dang ni rnam nye dbral// de yi de nyid shes rab 'dod// gang phyir 'gro ba khyab pa'i bdag/ shes rab srid dang mnyam bdag nyid// sku gsum theg pa'i gsum pa 'di// de nyid 'khor lo bde ba'i thabs// de ni rnal 'byor bdag dang gzhan// 'jam pa'i rdo rje sgyu ma che// rdo rje mkha' 'gro de bzhin gzhan// snang ba'i bye brag shes rab nyid// de nyid rgyal ba'i bdag nyid grol// bsam gyis mi khyab sems dpa' nyid// gnyis dang gnyis med de bzhin no// rnam pa kun gyi mi chog ldan pa// dngos dang dngos med// / gzung dang 'dzin// rnam par shes pas bor ba'i sems// dmigs pa med cing bla na med// dag cing zhi ba snang ba med// rig pa shes rab ces su grags// 'di la zhugs par gyur pa ni// gsang sngags chos kyi rnam par gsal// gang phyir sna tshogs pa yi thabs// 'di la chung 'bring chen po yis// las dang dam tshig phyag rgya dag/ 'khor lo rdzogs par bsgom pa nyid// tha ma'i byang chub bsam gtan de// dag pa'i de nyid kha phyir ltas// ye shes phyag rgya snyoms 'jug pas// 'jam pa'i rdo rje la sogs gtso// bden min brdzun gyi rnam pa min// 'bring po'i rnal 'byor bdag nyid yin// bdag byin brlabs pa'i go 'phang shes// gang phyir de nyid nus pa med// de rnams la ni yang dag bstan// rim gyis byang chub grub pa'o// lha rnams mngon par dgod ce na// 'di la bag chags ca ste med// bag chags nyid ni rnam dag na// thams cad du yang de bzhin no// slar/

Colophon

yid la mi byed pa ston pa bdag med pa gsal ba rdzogs so/_slob dpon chen po gnyis med rdo rjes mdzad pa rdzogs so/_/rgya gar gyi mkhan po badzra pA Ni dang /_bod kyi lo tsA ba gnyan chung gis bcos pa rdzogs so/