Q745MW1PD96684_0745sher phyinAll versions of this work

'phags pa shes rab kyi pha rol tu phyin pa lag na rdo rje'i mdo theg pa chen po

Text

ff. 182a–182b · 2 folio sides

  1. 182a

    par gyur/ lha rnams kyis mthun par tshigs su bcad pas bstod pa/ 'jig rten stonam lha me'i dpelas 'das// yon tan rgya mtsho lnga bu pha rol phyin// srid pa'i mtsho las 'gro ba khyod kyis sgrol/ ded dpon khyod kyis rab tu bskyab pa gsol// de nas byang chub sems dpa' kun tu bzang pos bcom ldan 'das la 'di skad ces gsol to// bcom ldan 'das ji ltar bslab par bya ba'i don shes rab 'dra ba dang shes rab yin pa la bslab par bya/ bcom ldan 'das kyis bka' stsal pa/ kun du bzang po shes rab 'dra ba ni 'jig rten tshogs kyi lam pa rnams kyi shes rab gang yin pa'o// shes rab yin pa ni/ sa dang po yan chad kyi shes rab gang yin pa'o// bcom ldan 'das kyis de skad ces bka' stsal pa dang / byang chub sems dpa' kun du bzang po dang / lha dang / mir bcas pa'i 'jig rten yid rangs te/ bcom ldan 'das kyis gsungs pa la mngon par bstod do// 'phags pa kun du bzang po theg pa chen po'i mdo// rdzogs so// / rgya gar skad du/ Ar+ya pradz+nyA pA ra mi tA badz+ra bA ni ma hA yA na sU tra/ bod skad du/ 'phags pa shes rab kyi pha rol tu phyin pa lag na rdo rje'i mdo theg pa chen po/ sangs rgyas dang byang chub sems dpa' thams cad la phyag 'tshal lo/ / 'di skad bdag gis thos pa dus gcig na/ bcom ldan 'das rgyal po'i khab na bzhugs te/ de'i tshe 'khor der byang chub sems dpa' lag na rdo rje 'dug pa stan las langs nas/ bcom ldan 'das la 'di skad ces gsol to// bcom ldan 'das byang chub sems dpas shes rab kyi pha rol tu phyin pa la ji ltar bslab par bgyi/ bcom ldan 'das kyis bka'

  2. 182b

    stsal pa/ lag na rdo rje byang chub sems dpa' shes rab kyi par ma du phyin pa la 'di ltar bslab par bya ste/ chas thams cad skyab mdapas shes rab kyi pha ral du phyin pa la bslab par bya'o// gzhan yang gzugs la sogs pa'i chos thams cad rang bzhin ma mchis pa dang / mtshan ma ma mchis pa dang / dngos po dang bral ba dang / me dmigs pas na shes rab kyi pha rol du phyin pa la bslab par bya'o// nang stong pa nyid dang / dngos po med pa stong pa nyid kyi phyir na shes rab kyi pha rol du phyin pa la bslab par bya'o// lag na rdo rje shes rab kyi pha rol du phyin pa 'di ni dus gsum gyis ngas rgyas thams cad kyi yum ste/ reg pa chen po'i sngags kyi tshig ni 'di dag go/ tad+ya thA/ oM mu ne mu ni/ ma hA bu ni ye swA hA/ su zhig shes rab kyi pha rol du phyin pa 'di 'dzin par byed na/ dus gsum gyi sangs rgyas rnams kyi ngos rnams gsung bar 'gyur ro/ / de skye ba dran par 'gyur ro// mi khos pa thams cad spangs par 'gyur ro// bsod nams kyis 'bras bu tshad med pa thob par 'gyur ro// sangs rgyas bcom ldan 'das rnams dang dus rtag tu 'grogs par 'gyur ro/ / byang chub kyi sems dang ldan par 'gyur ro// bcom ldan 'das kyis de skad ces bka' stsal pa dang / byang chub sems dpa' phyag na rdo rje dang / lha dang / mi dang / lha ma yin dang / dri zar bcas pa'i 'jig rten yi rangs te/ bcom ldan 'das kyis gsungs pa la mngon par bstod do// 'phags pa shes rab kyi pha rol tu phyin pa lag na rdo rje'i mdo theg pa chen po'o// rdzogs s+ho// rgya gar skad du/ Ar+ya pradz+nyA ba ra me ta badz+ra ke tu ma hA yA na sU tra/ bod skad du/ 'phags pa shes rab kyi pha rol du phyin pa rdo rje rgyal mtshan gyi mdo theg pa chen po'o//

Colophon

'phags pa shes rab kyi pha rol tu phyin pa lag na rdo rje'i mdo theg pa chen po'i(!)|rdzogs s.ho||