sangs rgyas kyi bstod pa zhes bya ba
Buddhasyastotranāma
Text
ff. 70a–71a · 3 folio sides
- 70a
bskyed pa cung zad ci mchis pa'i dge ba'i rtsa ba 'dis/ sems can thams cad bla na med pa'i bde ba dang ldan par gyur cig ces smos pa yin te/ 'dir nges par legs pa ni bde ba kha na ma tho ba med pa dang / 'gro ba thams cad bde ba dang ldan par gyur cig ces bya ba'i don to// // skyob la lha las phul byung bar// bstod pa bdag gis rnam phye bas// 'di las bsod nams gang bsags pa// des ni mya ngan 'das thob shog/ lha las phul du byung bar bstod pa'i rgya cher bshad pa/ slob dpon shes rab go chas mdzad pa rdzogs so// // rgya gar gyi mkhan po dzA ran+da na'i zhal snga nas dang / zhu chen gyi lo tsA ba dge slong rin chen bzang pos sgyur cing gtan la phab pa'o// !// mang+ga laM/ @#// sangs rgyas kyi bstod pa zhes byab/ rgya gar skad du/ bud d+ha s+ya sto tra nA ma/ bod skad du/ 'jam dpal gzhon nur gyur pa la phyag 'tshal lo// gang gis lhun po'i tshad las lhag pa'i dbu ni rab tu byin// gang gis rgyu skar bas kyang mang ba'i brgya phrag spyan rnams kyang ni gtang // sa gzhi dang mnyam rgya mtsho lta bu'i sha dang khrag rnams kyang // de ltar dka' ba spyod mdzad sangs rgyas bcom ldan rtag tu phyag 'tshal lo// g.yo zhing 'khrug 'gro'i glog 'dra'i sems ni gang gis dbang du gnas pa dang // 'jig rten gsum po mi shis rgya mtsho las ni gang gis yang dag sgrol// srid 'joms bdud 'jig phyir du gang zhig slar yang srid par 'jug/ de ltar dka' ba spyod mdzad bcom ldan sangs rgyas rtag tu phyag 'tshal lo// gang gis snying rje'i sdom pa'i khur bus sems can 'don la dgyes pa'i phyir// lha dang lha min 'jig rten gsum po'i gtso bos mi rtog rnam par spong // bkres sdug srog chags rnams la brtse ba mchog gnas gang zhig lus rab ster// de ltar dka' ba spyod mdzad bcom
- 70b
ldan sangs rgyas rtag tu phyag 'tshal lo// gang gis snying rjes 'thob pa'i sems can myur du bsgral zhing bskyab pa'i phyir// gang zhig phyugs dang nya dang ri dwags 'gro bar dgon pa'i nang du gnas// yun ring ngal dang dub pa bzod cing lus rnams kyang ni kun tu gtong // de ltar dka' ba spyod mdzad bcom ldan sangs rgyas rtag tu phyag 'tshal lo// gang zhig sems can mang ba'i lus kyi nad la sman gyi phyir du ni// 'gro la byams pa'am snying rje'i dbang gis mchog tu mu ge'i dgon pa ru// nags 'tshal rnams su glang chen lus rnyed gzhan gyi sdug bsngal sel la sbyor// de ltar dka' ba spyod mdzad bcom ldan sangs rgyas rtag tu phyag 'tshal lo// mu ge'i zug du zug pa'i dus su dbu la skyes pa'i rin po che// bcad nas byin pas bram ze dang ni mi bdag la sogs gnas pa'i phyir// kun tu de bzhin thugs kyi byed pa sla bas thams cad sems can don// de ltar dka' ba spyod mdzad bcom ldan sangs rgyas rtag tu phyag 'tshal lo// nags rnams so sor gnas mdzad rmi lam bzang pos yang dag smra ba ba pan pa spyong pa byung ba d+hAg pa sa te grab sa rnams can/ ga pa drug san rgyas rtag tu phyag 'tshal lo// sbyin dang tshul khrims yon tan bzod pa'i rang bzhin brtson 'grus bsam gtan dang // shes rab rab gsung mtshungs par spyod pa'i byams dang snying rje'i yon tan gyis// 'brog dgon gnas pa'i 'gro ba 'dren pa'i ded dpon thob cing yang dag rtogs// de ltar dga' ba spyod mdzad bcom ldan sangs rgyas rtag tu phyag 'tshal lo// 'phags ma nor rgyun pas mdzad pa'i
- 71a
sangs rgyas kyi bstod pa rdzogs so// // rab tu bsngags pa'i gnas chen po bal po yam bu'i grong khyer du sgra'i mkhan po dpal rgyal ba'i spyan bzang po dang / shAkya'i dge slong nyi ma rgyal mtshan dpal bzang pos bskur ba'o// sa'i steng du nyi zla ltar gyur cig/ @#// chos kyi sul gnas pa'i yon tan thun mong ma yin pa la bstod pa bzhugs so// chos kyi sku la gnas pa'i yon tan thun mongs ma yin pa la bstod pa/ de bzhin gshegs pa thams cad la phyag 'tshal lo// sems can rnams la thugs brtse ba// phrad dang bral bar dgongs pa can// mi 'bral dgongs shing bde ba can// dgongs pa khyod la phyag 'tshal lo// sgrib pa kun las nges par grol// thub pas 'jig rten kun zil mnan// khyod kyi mkhyen pas shes bya khyab// sems grol khyod la phyag 'tshal lo// sems can kun gyi nyon mongs kun// ma lus pa dag 'dul mdzad pa// nyon mongs sel ba nyon mongs pa// brtser bcas khyod la phyag 'tshal lo// lhun gyis grub cing chags mi mnga'// thogs pa mi mda' rtag tu yang // mnyam par gzhag cing 'dri kun gyi// lan ldon khyod la phyag 'tshal lo// gnas dang gnas pa bshad bya dang // tshig dang shes pa ston pa la// rtag tu blo gros mi thogs pa// / ston mchog khyod la phyag 'tshal lo// ched du bzhud dang de dag gi/ tshig dang spyod mkhyen 'ongs pa dang // 'gro dang nges 'byung sems can la// legs 'doms khyod la phyag 'tshal lo// lus can kun gyis// khyod mthong na// skyes bu mchog tu rtogs par 'gyur// mthong ba tsam gyis dad 'gyur bar// mdzad pa khyod la phyag 'tshal lo// len dang gnas dang gtong ba dang // sprul pa dang ni bskur ba dang //
Colophon
'phags ma nor rgyun pas mdzad pa'i sangs rgyas kyi bstod pa rdzogs so/_/rab tu bsngags pa'i gnas chen po bal po yam bu'i grong khyer du sgra'i mkhan po dpal rgyal ba'i snyan bzang po dang /_shAkya'i dge slong nyi ma rgyal mtshan dpal bzang pos bsgyur pa'o