'phags pa byang chub sems dpa'i sde snod ces bya ba theg pa chen po'i mdo
Āryabodisatvabatakanāmamahāyanasūtra
Text
ff. 4b–324a · 630 folio sides
- 4b
mnyan rka'i ljongs rgyu shing mthar gyis rgyal po'i khab kyi grong khyer chen po gang na ba der gshegs te byon nas/ rgyal po'i khab kyi grong khyer chen po'i bya rgod phung po'i ri la bzhugs so// de'i tshe rgyal po'i khab kyi grong khyer chen po na/ khyim bdag tshong dpon bzang skyong zhes bya ba sngon dge ba'i rtsa ba bskyed pa/ sngon gyi sangs rgyas la bya ba byas pa/ phyug cing nor mang ba/ longs spyod che ba/ rdzas mang ba/ nor dang yo byad mang ba/ gser dngul mang ba/ nor dang 'brus yongs su gang ba'i mdzod dang / bang ba mang ba/ nor bu dang / mu tig dang / bai DUr+ya dang / dung dang / man shel dang / byi ru mang ba dang / glang po che dang / rta dang ba lang dang / lug mang ba/ bran po dang / bran mo dang / las byed pa'i mi mang po zhig gnas te/
- 5a
dge sbyong go'u ta ma shAkya'i rigs las mngon par byung nas/ dge slong brgya phrag phyed dang bcu gsum gyi dge slong gi dge 'dun chen po dang thebs gcig tu yul mnyan rka'i ljongs rgyu zhing gshegs te/ rgyal po'i khab kyi grong khyer chen por byon nas/ de rgyal po'i khab kyi grong khyer chen po na/ bya rgod phung po'i ri la bzhugs te/ 'di ltar bcom ldan 'das de ni/ de bzhin gshegs pa dgra bcom pa yang dag par rdzogs pa'i sangs rgyas rigs pa dang zhabs su ldan pa/ bde bar gshegs pa/ 'jig rten mkhyen pa/ skyes bu 'dul ba'i kha lo sgyur ba/ lha dang mi rnams kyi ston pa/ sangs rgyas bcom ldan 'das yin te/ de chos ston pa ni thog mar dge ba/ bar du dge ba/ tha mar dge ba/ don bzang po/ yi ge bzang po/
- 5b
ma 'dres pa/ yongs su rdzogs pa/ yongs su dag pa/ yongs su byang ba/ tshangs par spyod pa rab tu ston to zhes/ dge sbyong go'u ta ma de'i dge bar grags pa'i sgra tshigs su bcad pa rgya chen po de lta yang mngon par byung ba/ khyim bdag bzang skyong gis thos nas/ de 'di snyam du sems te/ de bzhin gshegs pa dgra bcom pa yang dag par rdzogs pa'i sangs rgyas de lta bu dag mthong na legs par 'gyur gyis/ bdag dge sbyong go'u ta ma de lta ba'i phyir 'gre'o snyam mo// de nas khyim bdag tshong dpon bzang skyong khyim bdag lnga brgya tsam dang lhan cig tu/ bcom ldan 'das la blta ba'i phyir rgyal po'i khab kyi grong khyer chen po nas byung ngo // bcom ldan 'das kyang snga dro'i dus kyi tshe/ sham thabs brnams/ chos gos dang lhung bzed bsnams nas/ dge
- 6a
slong gi dge 'dun gyis bskor cing / dge slong gi dge 'dun gyis mdun du bdar te/ spyod lam mdzes pa dang / gshegs shing ldog pa mdzes pa dang / gzigs pas rnam par gzigs pa dang / rkyang ba dang bsgom pa mdzes pa dang / chos gos sbyar ma dang / lhung bzed dang / na bza' bsnams pa mdzes pa dang / kun nas mdzes pas bsod snyoms kyi phyir rgyal po'i khab kyi grong khyer chen pore gshegs pa dang / khyim bdag tshong dpon bzang skyong dang / khyim bdag lnga brgya tsam po de dag gis/ bcom ldan 'das mdzes shing dga' bar 'gyur ba dang / dbang po zhi bo/ yid zhi ba dul ba dang / zhi gnas dam pa brnyes pa/ glang po che dbang po dul ba/ mtsho ltar drang zhing gsal ba dang / rnyog pa med pa lha du mas mchod pa/ gnod sbyin du mas mchod pa/ mi dums mchod pa/ gser gyi 'dog gi su/ skyes bu chen pa'i mtshan sum cu rtsa gtso/
- 6b
dang ldan pa/ dpe byad bzang po brgyad cus brgyan pa/ me tog gi char chen po rab tu 'babs cing / me tog gi rlung chen por rab tu 'beb bzhin du/ rin po che sna bdun gyi pad mo 'dab ma bye ba brgya phrag stong yod pa la/ zhabs 'dor zhing gshegs pa rgyang ring po nas mthong ste/ spod lam brgya stong mang pos gshegs pa rkyong ring po nas mthong nas bcom ldan 'das la sems dad par gyur to// de dag sems dad par gyur nas/ bcom ldan 'das ga la ba der dong ste/ lhags nas bcom ldan 'das kyi zhabs la mgo bos phyag 'tshal te/ bcom ldan 'das kyi spyan sngar phyogs gcig 'khod do// phyogs gcig tu 'khod nas/ bcom ldan 'das la khyim bdag bzang skyong dang / khyim bdag lnga brgya tsam po de dag gis 'di skad ces gsol to// bcom ldan 'das go'u ta ma dpal gyis 'khor 'di dag zil gyis gnon to// bcom ldan 'das mgo'u ta ma gzi brjid kyi 'khor 'di dag zil gyis gnon to// bcom
- 7a
ldan 'das 'ge'u ta ma ni 'od kyi 'khor 'di dag zil gyis gnon to// bcom ldan 'das 'ge'u ta ma gzugs kyis 'khor 'di dag zil gyis gnon to// bcom ldan 'das 'ge'u ta ma sku'i kha dog gser lta bu'o// bcom ldan 'das 'ge'u ta ma ni dngos po thams cad kyis mi mnyam pa dang mnyam pa'o// bcom ldan 'das 'ge'u ta ma ni 'jig rten thams cad kyi ngo mtshar dang / rmad du byung ba'i chos dang ldan pa lags na/ bcom ldan 'das 'ge'u tra ma bdag 'di snyam du sems te/ bcom ldan 'das 'ge'u ta mas ji zhig gzigs na/ khab nas khab ma mchis par rab tu byung snyam pa sems so// de nas bcom ldan 'das la khyim bdag tshong dpon bzang skyong gis/ tshigs su bcad pa rnams kyis mngon par bstod to// rgyal ba'i dpal dang grags dang gzugs dag ni// sngan chad bdag gis rje skod thos pa bzhin// de bas lhag par gser gyi gzugs bzhin du// mdzes dang ldan par lham me rab tu gda'// gzugs ni shin tu mdzes
- 7b
shing blta na sdug/ sku ni kha dog gser gyi mdog 'dra bas// skar ma dag gi dbus na zla ba ltar// dge slong mang po'i dbus na mdzes par mdzad// mi mchog gi ni spyi bo bltar mi mngon// ri rab bzhin du mngon par mtho bar gda'// gtsug gi spyi bo lha'i gdugs bzhin du// kun nas mthar gyis gzhol bar gyur pa lags// dbu'i sgra ni 'jam zhing rab mnyan la// in dra nil dang stang zil kha dog 'dra// g.yas su 'khyil ba shin tu 'jam pa ste// ji ltar rma bya'i mgrin pa bzhin du gda'// smra ba mchog gi 'phral ba shin tu mnyam// khyod kyi smin tshugs 'jam khugs lta bu ste// 'od gsal ba ni skar ma'i rgyal po ltar// rdul bral smin mtshams spu ni shin tu mdzes// spyan bzangs khyod kyi spyan ni dga' byed pa// 'gro ba rnams la mdzes shing mthong na dga'/ bdag ni lta bas ngoms par mi 'gyur te// mgon po rnam dag spyan la bdag phyag 'tshal// skyes bu dam pa'i shangs ni rims kyis mnyam// ji ltar gser gyi rwa ltar rab tu gda'// khyod kyi sgros ni byin pa byi ru bzhin// dag cing rnam dag nor bu rin chen 'dra// dul ba dges pa'i tshems ni mdzes pa ste// snang bar byed pa rab tu dkar ba'i tshems// pad ma'i rtsa bgo chu chu skyar 'dra// sra zhing dam la thags bzangs shin tu dag/ tshems dang choms kyi bar ni shin tu 'byi
- 8a
rgyal ba'i mche ba mdzes shing rdul mi mnga'// ngang pa'i khyun ngang pa'i rgyal po ni// rnam dag dkar zhing rab tu dkar ba bzhin// bde bar gshegs pa'i ljags kyis zhal khyebs te// ud dpal dmar po rnam dag zangs kyi mdog/ rim 'char tshe nor bu dag mdog bzhin srab la ring zhing skyon med rab tu mdzes// 'ge'u ta ma'i sman ni rab tu legs// seng ge'i 'gram pa seng ge 'jigs med bzhin// tshangs bcas 'jig rten lha dang mi la yang // bdag gis gang yang ma thos ma mthong ngo // bde bar gshegs pa'i mthu yis mthur mthong ba// ro 'phrog ljags ni dag la 'od gsal te// drang po dbus su 'gro ba yon po gsal// 'gro kun skyabs mchog mi dang lha'i lha// dpung 'go rab tu zlum zhing thal gong rgyas// bdun po rgyas pa'i 'jig rten kun tu grags// mgon po ma'i dbang po snying po dpal// ri yi rtse la nyi ma 'char ba bzhin// rgyas pa gnyis ni thabs kyi mthil nas skyes// phyag las gnyis skyes thal gong gnyis// rgyas pa gcig ni lhag pa'i nyid na gcig/ dge zhing dag ste 'od snang rab tu gang // bcom ldan 'ge'u ma'i phyag ring ba/ ji ltar glang po'i rgyal po'i sna bzhin te// phyag gnyis po ni bdud pa ma byas par// pus mo gses su phyag gis sor ce reg/ sku yi ro stod seng ge bzhin du gyur/ sku/
- 8b
ni mthu bo che ltar rab tu na// na rol bur chu sheng gab pa'i sku// bzod pa'i stobs dang ldan pa stobs po rje// sku yi sru rnams g.yas 'khyil gyen du phyogs/ re skyes shing ji ltar 'jam pa ste// ji ltar pad+mo chu dang 'dam mi chags// de bzhin rdul dang du bas mi chags so// rtag mchog dul ba yi ni ji lta bar// po mtshan lpags pa'i nang du nub ces gda'// brlan par zlum smig ma'i ldum bu 'dra// khyod kyi rje ngar byin gyis rims bzhin 'gyur// zhabs gong dung ltar mtho zhing rting pa che// khyod kyi phyag dang zhabs ni dra bas 'brel// sor mo ring zhing sor mo nyi shu mnyam// sor sen zangs 'dra sor mo me tog can// khyod kyi zhabs mthil 'khor lo rab kyi mtshan// rtsib ma stong pa rab tu 'od gsal ba// long bu long bu 'thab par mi mdzad cing // gom pa dag ni sa la yong mi mdor// sa la kun tu sor bzhis mi reg par// 'jig rten rnams kyi gtso bor rab gshegs te// khyod ni gang du gom pa bor bar yang // rin chen pad+mo skyes pa ngo mtshar to// dgod par ma gyur dal zhing zhi bar gshegs// stag dang lha dbang 'gros kyis rab gnon cing // bag cha med par stabs ni bsgyings te gshegs// dpa' bo khyod kyi 'gros 'dra su la rang / med// mi ma lags pa rnams kyis bar snang la// 'phrul gyi me tog char ni rab 'bebs shing // sil snyan smras ni khyod la mchod par bgyid// cho 'phrul 'di 'dra/
- 9a
'di dag rmad du byung // khyod kyi gzugs ni ngal so po las lhag/ gzi brjid dag ni nyi ma brgya pas 'phags// tshangs btsangs lha mir bcas pa'i 'jig rten na// khyod 'dra'ang med na lhag pa gang la mchis// bdag gis khyod kyi rdzu 'phrul mchog mthong nas// yon tan lhag pa gang dag gzig gyur pas// de phyir mi mgon rab tu byung snyam ste// bdag ni de las the tsom 'tshal bar 'gyur// de nas bcom ldan 'das kyis khyim bdag tshong dpon bzang skyong la 'di skad ces bka' stsal to// kye ma'o khyim bdag 'jig rten gnas pa 'di ni gtse ba bcus gtses par mthong ste/ bcu gang zhe na/ 'di lta ste/ skye bas gtse ba dang / rga bas gtse ba dang / na bas gtse ba dang / 'chi bas gtse ba dang / mya ngan gyis gtse ba dang / smre bsngags 'don pas gtse ba dang / sdug bsngal gyis gtse ba dang / yi mug pas gtse ba dang / 'khrug pas gtse ba dang / 'khor bas gtse ba dang bcu ste/ khyim bdag 'jig rten na gnas pa ni gtse ba 'di bcus gtse bar mthong nas bla na med pa yang dag par rdzogs pa'i byang chub thob par bya'o zhes dad pas khyim nas khyim med par rab tu byung ngo // de nas bcom ldan 'das kyis de'i tshe tshigs su bcad pa 'di dag gsungs so// 'khor ba'i snod du chud pa yi// byis pa so so'i skye bo kun// skyes pas nye bar gtses pa dang // nad dang rga bas rab tu gzir// mya ngan
- 9b
zlos shing smre bsngags 'don// 'chi ba'i dbang du song mthong nas// srid pa'i snod las thar bya zhes// skyabs pa'i phyir ni mngon par byung // kye ma'o khyim bdag 'jig rten gnas pa 'di ni/ zhe sdang zhing gnod pa'i dngos po bcus gcig la cig gnod pa byed par mthong ste/ bcu gang zhe na 'di lta ste/ bdag nyid la gnod pa byas so/ shes/ sems la gnod par bya ba skye ba dang / gnod pa byed do zhes/ sems la gnod par bya ba skye ba dang / gnod par byed par 'gyur ro zhes/ sems can la gnod par bya ba skye ba dang / bdag gi mdza' bo la gnod par byas so zhes/ sems la gnod par bya ba skye ba dang / bdag gi mdza' bo la gnod par byed do zhes/ sems la gnod par bya ba skye ba dang / bdag gi mdza' bo la gnod par byed par 'gyur ro zhes/ sems la gnod par bya ba skye ba dang / bdag dang mi mdza' ba'i don byed zhes/ sems la gnod par bya ba skye ba dang / bdag dang mi mdza' ba'i don byed par 'gyur ro zhes/ sems la gnod par bya ba skye ba dang / gnod pa'i nges pa nyid dang bcu'o// khyim bdag gnod pa'i dngos po bcu po ni de dag yin te/ gnod pa thams cad sel/ bla na med pa yang dag par rdzogs pa'i byang chub thob par bya'o zhes dad pas khyim nas khyim med par rab tu byung ngo // de nas bcom ldan 'das kyis don de nyid rab tu bstan pa'i phyir/ de'i tshe tshigs su bcad pa
- 10a
'di dag gsungs so// kye ma'o sems can zhe sdang ste// gcig la cig ni phan tshun du// gnod pa'i dngos po// bcu po yis// thams cad la ni gnod par gyur// bdag dang bdag gi gnyen gshes la// gnod pa byas dang byed pa dang // gnod pa byed par 'gyur ro zhes// de'i gnod sems skye bar 'gyur// gang rnams bdag dang mi mdza' ba// de dag gi ni don byas dang // byed do byed par 'gyur ro zhes// de'i gnod sems skye bar 'gyur// gnod pa'i nges dang bcu yin te// gang gis gnod pa 'phel 'gyur ba// de dag mthong nas gnod pa rnams// mi 'dod pa nas rab tu byung / kye ma'o khyim dag 'jig rten gnas pa 'di ni/ lta bar 'gyur ba/ lta ba ngan pa 'thibs po bcu lta bar gyur pa sna tshogs dang / lta ba ngan pa 'thibs por bying bar mthong ste/ bcu gang zhe na 'di lta ste/ bdag tu lta bar gyur pa lta ba ngan pa'i 'thibs po dang / sems can du lta bar gyur pa/ lta ba ngan pa'i 'thibs po dang / srog tu lta bar gyur pa/ lta ba ngan pa'i 'thibs po dang / gang zag tu lta bar gyur pa/ lta ba ngan pa'i 'thibs po dang / chad par lta bar gyur pa/ lta ba ngan pa'i 'thibs po dang / rtag par lta bar gyur pa/ lta ba ngan pa'i 'thibs po dang / bya ba byed pa lta bar gyur pa/ lta ba ngan pa'i 'thibs po dang / rgyu med
- 10b
par gyur pa lta ba ngan pa'i 'thibs po dang / mi mthun pa'i rgyur lta bar gyur pa lta ba ngan pa'i 'thibs po dang / log par lta bar gyur pa lta ba ngan pa'i 'thibs po dang bcu'o// khyim bdag lta bar gyur pa lte ba ngan pa'i 'thibs po de dag yin te/ lta ba thams cad gzhig pa'i phyir/ bla na med pa yang dag par rdzogs pa'i byang chub thob par bya'o zhes dad pas khyim nas khyim med par rab tu byung ngo // de nas bcom ldan 'das kyis don de nyid rgya cher bstan pa'i phyir/ de'i tshe tshigs su bcad pa 'di dag gsungs so// byis pa so so'i skye bo kun// bdag tu lta dang sems can lta// srog tu lta ba rnams kyi ni// lta ba'i 'thib bos rab tu g.yos// rtag dang chad par lta ba dang // bya byed lta la gnas pa dag/ yang dag lta la dgod do zhes// de tshe nga ni rab tu byung / kye ma'o khyim bdag/ 'jig rten gnas pa 'di ni zug rngu chen po bcus bskal pa grangs med pa bye ba khrag khrig brgya stong du zug rngu zug par mthong ste/ bcu gang zhe na 'di lta ste/ sred pa'i zug rngu dang / ma rig pa'i zug rngu dang / 'dod pa'i zug rngu dang / 'dod chags kyi zug rngu dang / zhe sdang gi zug rngu dang / gti mug gi zug rngu dang / nga rgyal gyi zug rngu dang / lta ba'i zug rngu dang / 'byung ba'i zug rngu dang / 'jig pa'i zug rngu dang bcu'o// khyim bdag zug rngu chen po bcu po de dag yin te/
- 11a
zug rngu thams cad bsal ba'i phyir bla na med pa yang dag par rdzogs pa'i byang chub thob par bya'o zhes dad pas khyim nas khyim med par rab tu byung ngo // de nas bcom ldan 'das kyis de'i tshe tshigs su bcad pa 'di dag gsungaso// srid pa'i zug rngus zug pa rnams// thog ma'i mtha' ni mi mngon te// ma rig pa yis longs byas nas// mun pa nas ni mun par 'gro// sred pa'i zug rngus zug pa dang // 'dod chags zug rngus brgyus pa dang / zhe sdang zug rngus brgyal ba dang // phung po dag ni len par byed// gti mug gi ni zug rngus dkris// nga rgyal dag gi zug rngus sems// 'byung ba dang ni 'jig pa ni// lta ba'i zug rngus 'gal bar 'gyur// byis pa so so'i skye bo kun// phan tshun tshig gi mtshon cha yis// 'di ni brdzun gyis 'di bden zhes// phan tshun du ni brtsod par byed// zug rngus zug pa'i sems can gyi// skyabs dang dpung gnyen 'gyur ba yi// zug rngu 'byin pa de bzhin gshegs// 'jig rten 'dir ni 'byung bar 'gyur// gzhan yang kye ma'o khyim bdag 'jig rten gnas pa 'di ni/ sred pa'i rtsa ba las byung ba'i chos bcu po dag gi rtsa ba'i gnas la rab tu gnas par mthong ste/ bcu gang zhe na 'di lta ste/ sred pa la gnas nas kun tu tshol ba dang / kun tu tshol ba la gnas nas brnyed pa dang /
- 11b
rnyed pa la gnas nas nga yir 'dzin pa dang / nga yir 'dzin pa la gnas nas rnam par gdon mi za ba dang / rnam par gdon mi za ba la gnas nas/ 'dod pa'i 'dod chags dang / 'dod pa'i 'dod chags la gnas nas/ chags pa dang / chags pa la gnas nas/ ser sna dang / ser sna la gnas nas/ yongs su 'dzin pa dang / yongs su 'dzin pa la gnas nas/ kun tu srung ba dang / kun tu srung ba la gnas nas/ sdug bsngal ba ste kun tu srung ba'i gzhi las dbyin pa thogs pa dang / mtshon cha thogs pa dang / 'thab pa dang / 'tshang 'bru ba dang / 'gyed pa dang / brtsod pa rnams 'byung ste/ de'i phyir phra ma la stsogs pa sdig pa mi dge ba'i chos rnam pa mang po 'byung bar 'gyur te/ khyim bdag sred pa'i rtsa ba las byung ba'i chos bcu po de dag gis 'jig rten gnas par mthong nas rtsa ba med pa/ gnas pa med pa'i bla na med pa yang dag par rdzogs pa'i byang chub thob par bya'o zhes dad pas khyim nas khyim med par rab tu byung ngo // de la chos nyid ni 'di yin te de la 'di skad ces bya'o// sred pas mid pa'i sems can rnams// 'di nas 'dir ni kun tu tshol// rnyed pa rnyed nas nga yir 'dzin// de las rnam par gdon mi za bar bya ba 'di dag bya'o zhes 'dod pa'i 'dod chags rab tu 'phel// 'dod pa'i 'dod chags 'phel bas na// chags
- 12a
pa'i phyir ni ser snar gyur// ser sna'i nyes pas 'jig rten na// kun tu 'dzin pa sra bar 'gyur// yongs su 'dzin pas// kun srung ba// rgyun mi 'chad par 'byung bar 'gyur// byis pa kun tu srung ba'i phyir// dbyig pa dang ni mtshon 'debs shing // sdig pa thams cad byed pas na// de las sdug bsngal 'phel bar 'gyur// sred pa bzhi las sdug bsngal kun// shin tu 'byung bar mthong bas na// rtsa ba med cing gnas med pa'i// byang chub dam/ par rtogs par 'dod// gzhan yang kye ma'o khyim bdag 'jig rten gnas pa 'di ni log pa'i chos bcus log pa nyid du nges par mthong ste/ bcu gang zhe na 'di lta ste/ log pa'i lta ba dang / log pa'i rtog pa dang / ldog pa'i las kyi mtha' dang / log pa'i 'tsho ba dang / log pa'i rtsol ba dang / log pa'i dran pa dang / log pa'i ting de 'dzin dang / log pa'i rnam par grol ba dang / log pa'i shes pa dang bcu ste/ khyim bdag 'jig rten gnas pa 'di ni log pa'i chos bcu po de dag gis log par nges pa mthong nas/ log pa thams cad las yang dag par 'da' ba'i phyir/ bla na med pa yang dag par rdzogs pa'i byang chub mngon par rdzogs par 'tshang rgya bar bya'o zhes dang bas khyim nas khyim med par rab tu byung ngo // de nas bcom ldan 'das kyis don 'di nyid rgya cher bstan pa'i phyir/ de'i tshe tshigs su bcad pa 'di dag gsungs so//
- 12b
gang dag log pa'i lha chags dang // log pa'i rtogs pa'i spyod yul dang // log pa'i tshig tu smra ba dang // log pa'i las mtha' spyod pa dang // log pa'i 'tsho dang log pa'i rtsol// log pa'i dran dang mnyam par 'jog/ log pa'i rnam grol rdzogs pa dang // log pa'i shes la gzhol ba yi// byis pa gang la gnas pa ni// log par nges pa'i phung po ni// yang dag pa la dgod do zhes// de phyir nga ni rab tu byung / gzhan yang kye ma'o khyim bdag 'jig rten gnas pa 'di ni/ lam ngan par zhugs shing mi dge ba bcu'i las kyi lam rnams kyi phal cher ngan song gzhol ba ngan song 'bab pa mthong ste/ bcu gang zhe na 'di lta ste/ srog gcod pa dang / ma byin par len pa dang / 'dod pas log par g.yem pa dang / brdzun du smra ba dang / phra ma smra ba dang / tshig brtsub po dang / tshig thun tshags dang / chags sems dang / gnod sems dang / log par lta ba dang bcu ste/ khyim bdag mi dge ba bcu'i las kyi lam rnams kyis 'jig rten gnas pa 'di ni/ lam ngan par zhugs shing phal cher ngan song du gzhol ba/ ngan song du bab pa/ ngan song du 'bab par mthong nas ngan song thams cad las yang dag par bzla ba'i phyir/ bla na med pa yang dag par rdzogs pa'i byang chub mngon par rdzogs par 'tshang rgya bar bya'o zhes dad pas khyim nas khyim med par rab tu byung ngo // de nas bcom ldan 'das kyis don de nyid rgya cher bstan pa'i
- 13a
phyir de'i tshe tshigs su bcad pa 'di dag gsungs so// srog gcod pa yi sems can dang // gzhan gyi nor la 'phrog pa dang // 'dod pas log par g.yem pa dag/ sems can dmyal bar myur du 'gro// dbyen pa dang ni tshig brtsub dang // brdzun du smra zhing mi sdom pa// byis pa 'thun tshags smra ba rnams// so so skye bos slu bas bcings// gzhan longs spyod la chags pa dang // gnod sems dag ni mang po dang // lta ba log zhugs mi mang bo// ngan 'gro dag tu 'gro bar 'gyur// lus kyi sdig pa rnam gsum dang // ngag gi sdig pa rnam bzhi dang // yid kyis sdig pa rnam gsum ni// sdig byed pa dag rab tu byed// sdig pa'i las rnams byas pas na// de'i phyir ngan 'gror 'gro 'gyur bas// ci nas ngan 'gror mi btang bar// bskyab pa'i phyir ni rab tu byung // gzhan yang kye ma'o khyim bdag 'jig rten gnas pa 'di ni/ kun nas nyon mongs pa bcu dag gis nyon mongs pa dang / nye ba'i nyon mongs pa dang / kun nas nyon/ mongs pa'i dri ma dang ldan par mthong ste/ bcu gang zhe na 'di lta ste/ ser sna'i dri mas kun nas nyon mongs pa dang / tshul khrims ngan pa'i dri mas kun nas nyon mongs pa dang / gnod sems kyi dri ma kun nas nyon mongs pa dang / le lo'i dri ma kun nas nyon mongs pa dang / g.yeng ba'i dri ma kun nas nyon mongs pa dang / 'chal
- 13b
pa'i shes rab kyi dri ma kun nas nyon mongs pa dang / nyan par mi 'dod pa'i dri ma kun nas nyon mongs pa dang / the tsom gyi dri ma kun nas nyon mongs pa dang / ma mos// pa'i dri ma kun nas nyon mongs pa dang / ma gus pa'i dri ma kun nas nyon mongs pa dang bcu ste/ khyim bdag 'jig rten gnas pa kun nas nyon mongs pa bcu po de dag gis/ kun nas nyon mongs par mthong nas/ kun nas nyon mongs pa med pa bla na med pa yang dag par rdzogs pa'i byang chub mngon par rdzogs par 'tshang rgya bar bya'o zhes dad pas khyim nas khyim med par rab tu byung ngo // de la chos nyid ni 'di yin te/ de la 'di skad ces bya'o// 'jig rten 'di dag phal cher ni// kun nas nyon mongs bcu yis gzir// 'dus byas kun nas nyon mongs dga'// nam yang skyo bar byed mi 'gyur// byis pa so so'i skye bo kun// ser sna'i dri mas nyon mongs te// bslab pa yang dag bzung byas kyang // sdom pa med cing nyams par spyod// byis pa bzod la brgyab kyis phyogs// brtson 'grus chung la le lo can// sems kyang gnas pa ma yin pa// shes rab 'chal pa blun zhing rmongs// pha dang ma dang bu pho dang // bla ma la ni rim 'gro spangs// 'jig rten snang mdzad sangs rgyas dag mthong nas blo ngan nem nur byed// zab mo rgyal bas gsungs pa yi// dam pa'i chos ni spang bar byed// mun pa'i phung pos rab tu khebs// 'phags pa'i tshogs
- 14a
la gus mi byed// kun nas nyon mongs 'di gzigs nas// 'dus byas gang la yang mi dges so// nyon mongs med pa 'dus ma byas// mya ngan 'das pa thob par bya// gzhan yang kye ma'o khyim bdag 'jig rten gnas pa 'di ni/ 'di lta ste/ phrag dog dang ser sna'i kun nas sbyor bar kun tu sbyor bar shes/ kye ma'o khyim bdag 'jig rten gnas pa 'di ni 'di lta ste/ ma rig pa'i ling tog gis khebs par mthong / kye ma'o khyim bdag 'jig rten gnas pa 'di ni/ 'di lta ste/ gti mug gi 'obs su nub par mthong / kye ma'o khyim bdag 'jig rten gnas pa 'di ni/ 'di lta ste/ 'dod pa'i rlung gis ded par mthong / kye ma'o khyim bdag 'jig rten gnas pa 'di ni/ 'di lta ste/ 'dod pa'i zug rngus zug par mthong / kye ma'o khyim bdag 'jig rten gnas pa 'di ni 'di lta ste khro ba dang mkhon du 'dzin pa'i du bas shin tu bdugs par mthong / kye ma'o khyim bdag 'jig rten gnas pa 'di ni/ 'di lta ste/ 'dod chags kyi mes kun tu 'bar ba mthong / kye ma'o khyim bdag 'jig rten gnas pa 'di ni/ 'di lta ste/ zhe sdang gi dug gis kun tu khebs par mthong / kye ma'o khyim bdag 'jig rten gnas pa 'di ni 'di lta ste/ sgrib pa'i tsher mas bskor bar mthong / kye ma'o khyim bdag 'jig rten gnas pa 'di ni 'di lta ste/ 'khor ba'i 'brog dgon pas brtson 'grus med par
- 14b
mthong ste// khyim bdag 'jig rten gnas pa yongs su 'khrig pa bcu po de dag gis yongs su dkris par mthong nas/ dad pas khyim nas khyim med par rab tu byung ngo // de nas bcom ldan 'das kyis don de nyid rgya cher bstan pa'i phyir/ de'i tshe tshigs su bcad pa 'di dag gsungs so// rga bas skyes bu rnams kyi gzhon pa 'joms/ gzugs ngan pa dang 'jigs par yang ni byed// dran dang blo dang dga' ba med par byed// 'gro ba rnams ni 'chi ba'i sgo mor khrid// nad ni stobs dang drag shul rab tu 'jos mthu dang pha rol gnod pa thams cad 'phrog/ dbang po rnams kyi grong kun rab tu 'joms// mgon med pha rol gnod pa zhan par 'gyur// 'chi ba srin mo lta bur mi bzad de// rtag tu skyes rgu rnams kyi phyir zhing 'brang // stobs kyis rab tu mnan nas 'gro ba yi// phangs pa'i tshe ni ma lus zad par 'thungs// rga ba dang ni 'chi bas skyo 'gyur te// 'jig rten dag ni nad kyis gtses rig nas// mi rga mi 'chi zhing ni bde ba yi// chos rnams tshol phyir nga ni rab tu byung // me gsum gyis ni 'jig rten rab tshig pa// 'gro ba dag la skyabs gzhan ma mthong nas// nga ni skyabs dang dpung gnyen gyur byas te// bdud rtsi'i char phab me rnams zhi bar bya// skye dgu dag ni lam rnams rab ston cing // mig med long ba rmongs par gyur pa mthong // nga ni 'jig rten dag la mig sbyin zhing // lam rnams bstan phyir nga ni rab tu byung /
- 15a
sgrib pa dag gis bsgribs shing kun bsgrib nas// the tsom kun nas langs phyir sems can dag/ the tsom rab tu bsal bar 'gyur ba dang // chos rnams bstan phyir nga ni rab tu byung // sems can 'di dag phan tshun mi mthun te// glags dang bskabs tshol gnod pa'i nges pa can// grags pa dag gi sdums ni bya ba dang // 'gro la phan 'dod phyir ni rab tu byung // pha dang ma dang sdug pa mchog rnams la// nga rgyal dbang gis mi gus sems can dag/ nga rgyal rgyal mtshan rab tu bstsal ba'i phyir// khyim bdag de phyir nga ni rab tu byung // 'dod pa yis ni bsgribs pa'i sems can rnams// rdzas phyir ltung bar byed par mthong ba dang // nor bdun rgya chen rab tu rnyed gyur te// des ni sems can dbul ba med par bya// sems can 'di dag phan tshun gsod byed cing // lus ni gdon mi za bar dor dgos kyang // byis pa don med bdag lus gso mthong nas// srid pa gsum las nga ni rnam par grol// ji ltar khyod ni don mi shes pa bzhin// de 'dra bas ni 'jig rten thams cad gang // 'jig rten don rnams rab tu bstan pa'i phyir// phan par 'dod pas nga ni rab tu byung // sems can dmyal bar ltung ba'i sems can dag/ mi bzad rnam pa sna tshogs mtha' yas pa'i// drag po'i rgyu dag byed par mthong bas na// de dag thar bar bya phyir rab tu byung // gcig la cig/
- 15b
ni gnod byed sems can rnams// byol song 'gro bar rnam par spyod mthong nas// skye dgu mgon med mgon ni bya ba'i phyir// snying rje'i bsam pas nga ni rab tu byung // gshin rje yis ni bstan pa'i sems can rnams// bru skom mi zad sdug bsngal gzir mthong nas// byang chub dam pa thob nas de dag la// bdud rtsi ro mchog kha zas sbyin par bya// mi ni kun tu tshol ba'i sdug bsngal dang // lha rnams 'chi 'pho sdug bsngal rig nas ni// 'jig rten gsum kun sdug bsngal sdug/ bsngal gyis// nye bar mthong nas nga ni rab tu byung // 'khrel ba dang ni 'dzem pa med pa dag/ 'dod pas rab tu brgyal ba'i sems can rnams// ma dang sring mo bla ma'i chung ma la// nyal ba khyi dang phag rnams ji bzhin no// 'dod pa'i yid dga' ba yis 'di dag mid// sems can bud med dbang song 'di mthong nas// tshong dpon bud med dag ni mi 'dod pas// khyim yang spangs nas nga ni rab tu byung // byis pa rnams ni 'dod pa'i dga' la gnas// thams cad sdig pa brtsod pa'i dbang du song // bdud rnams thams cad la ni dbang byas te// byang chub rim par 'tshang rgyar nga rab byung // khyim na gnas pa dag ni nyes pa stong // 'di 'dra ba yi gnod pa 'di mthong nas// sa rnams thams cad rnam par spangs nas ni// skye ba zad par bya phyirang rang byung // de nas khyim bdag lnga brgya tsam po de dag
- 16a
kye ma'o 'di ni sangs rgyas yin no zhes ngo mtshar thob par gyur te/ de dag gis sangs rgyas so snyam du rig nas/ sgra skad mgrin gcig tu/ bcom ldan 'das la tshigs su bcad pa 'di dag gsol to// tshong dpon 'dus pa lnga brgya tsam po dag/ rga bas 'jigs skrag rgyal ba'i drung du mchis// 'di la chos mchog dam pa rgya che ba// rga 'chi mthar 'byin rab tu bshad du gsol// srid pa'i 'gro ba yongs dag bsam pa dag/ bcom ldan srid bral 'jigs las rnam par grol// 'byung ba 'jig par mdzad pa skyabs mdzod de// srid pa'i khyim zhugs 'gro ba thar bar mdzod// dpa' bo 'dod chags bral zhing rnam par grol// rdul bral dri ma mi mnga' rnam dag thugs// 'dul ba mkhas pa kha lo bsgyur ba'i mchog/ bdud rtsi dam pa chos kyi rgyun ston cing / skyes bu dam pa gzugs rab mchog 'dzin pa// khyod 'dres dang lha yul gang na'ang med// mi mnyam mnyam pa dam pa 'jig rten gtso// bde bar gshegs pa rab mchog chos gsungs shing // dri gsum dri ma spangs shing skyon mi mngar// mun pa rab rib mi mnga' rnam dag spyan// mun dang bral zhing gti mug dra ba gsal rdul mi mnga' ba mtshungs med chos rnams gsungs// 'gro ba mgon med sdug bsngal 'thom pa rnams// srid po'i mtshor ltung skyabs med thams cad la//
- 16b
thugs rje brtse ba bskyed de byas pa'i thugs// rgyal ba myur sgrol pha rol dgod par mdzod// nga rgyal gti mug rgyags pas rgyal dga' zhing // nad dang rtsod ma/ dpa' klong srid pa'i chur// 'gro ba ltung nas khyer ba skyabs med la// thugs brtse bskyed la srid pa'i rgyun las sgrol// gser gyi ri ltar rnam par dag pa'i sku/ gzi brjid nyi ma bye ba brgya pas lhag/ 'jam zhing snyan pa tshangs pa'i dbyangs mchog mnga'// chos mchog zab mo brjod pa rab tu gsungs// chos 'di kun ni rang bzhin rnam par dag/ rang bzhin 'od gsal ye nas rtsa ba dag/ ma byas byed dang tshor ba po dang bral// gzhan las ma gsan rnam dag thams cad gzigs// spyad pa rab spyad grags pa mtha' yas pa// rab byung stobs bcu mnga' zhing 'jigs med pa// nam mkha' mnyam thugs mtha' yas ye shes ldan// rab sbyin dge sbyong mchog gis chos bshad gsol// de nas bcom ldan 'das 'di snyam du dgongs te/ kye ma'o khyim bdag lnga brgya tsam po 'di dag dge ba'i rtsa ba yongs su smin kyis/ ci nas sa phyogs 'di nyid du khyim pa'i mtshan ma spangs te/ rab tu byung ba thob nas thams cad zag pa zad pa'i mthar byed par de lta de lta bu'i chos bstan snyam du dgongs so// de nas bcom ldan 'das de'i tshe steng gi bar snang la dkyil mo krung bcas te bzhugs so// khyim bdag lnga brgya tsam po de dag bcom ldan
- 17a
'das la lhag par dga' ba dang / dad pa dang / ri mo dang / gus pa nye bar gzhog go// de nas bcom ldan 'das kyis khyim bdag lnga brgya tsam po de dag la bka' stsal pa/ khyim bdag khyed rnams gtse ba bcu las thar bar 'dod dam/ bcu gang zhe na 'di lta ste/ skye bas gtse ba dang / rga bas gtse ba dang / nabs gtse ba dang / 'chi bas gtse ba dang / mya ngan gyis gtse ba dang / smre sngags 'don pas gtse ba dang / sdug bsngal gyis gtse ba dang / yi mug pas gtse ba dang / 'khrug pas gtse ba dang / 'khor bas gtse ba ste/ khyim bdag khyed rnams gtse ba bcu po de dag las thar bar 'dod dam/ gzhan yang khyim bdag khyed rnams gnod par bya ba'i dngos po bcu las thar bar 'dod dam/ bcu gang zhe na 'di lta ste/ bdag nyid la gnod par byas shes/ sems la gnod par bya ba skye ba dang / gnod pa byed do zhes sems la gnod par bya ba skye ba dang / gnod par byed par 'gyur ro zhes sems la gnod par bya ba skye ba dang / bdag gi mdza' bo la gnod pa byas shing / sems la gnod par bya ba skye ba dang / bdag gi mdza' bo la gnod par byed do zhes/ sems la gnod par bya ba skye ba dang / bdag gi mdza' bo la gnod pa byed par 'gyur ro zhes/ sems la gnod par bya ba skye ba dang / bdag dang mi mdza' ba'i don byas shes/ sems la gnod par bya ba
- 17b
skye ba dang / bdag dang mi mdza' ba'i don byed do zhes/ sems la gnod par bya ba skye ba dang / bdag dang mi mdza' ba'i don byed par 'gyur ro zhes/ sems la gnod/ par bya ba skye ba dang / gnod pa'i nyes pa nyid bcu ste/ khyim bdag rnams gnod par bya ba'i dngos po de dag las thar bar 'dod dam/ khyim bdag gzhan yang khyed rnams lta ba sna tshogs su gyur pa/ lta ba ngan pa'i 'thibs po bcu las thar bar 'dod dam/ bcu gang zhe na 'di lta ste/ bdag tu lta bar gyur pa/ lta ba ngan pa'i 'thibs po dang / sems can du lta bar gyur pa/ lta ba ngan pa'i 'thibs po dang / srog tu lta bar gyur pa/ lta ba ngan pa'i 'thibs po dang / gang zag tu lta bar gyur pa/ lta ba ngan pa'i 'thibs po dang / chad par lta bar gyur pa/ lta ba ngan pa'i 'thibs po dang / rtag par lta bar gyur pa/ lta ba ngan pa'i 'thibs po dang / bya ba byed par lta bar gyur pa/ lta ba ngan pa'i 'thibs po dang / rgyu med par lta bar gyur pa/ lta ba ngan pa'i 'thibs po dang / mi mthun pa'i rgyur lta bar gyur pa/ lta ba ngan pa'i 'thibs po dang / log par lta bar gyur pa/ lta ba ngan pa'i 'thibs po ste/ khyim bdag khyed rnams lta bar gyur pa/ lta ba ngan pa'i 'thibs po 'di bcu las thar bar 'dod dam// gzhan yang khyim bdag khyed rnams zug rngu bcu las thar bar 'dod dam/ bcu gang zhe na 'di lta ste/ sred pa'i zug rngu dang / ma rig pa'i zug rngu dang /
- 18a
'dod pa'i zug rngu dang / 'dod chags kyi zug rngu dang / zhe sdang gi zug dang / gti mug gi zug rngu dang / nga rgyal gyi zug rngu dang / lta ba'i zug rngu dang / 'byung ba'i zug rngu dang / 'jig pa'i zug rngu dang bcu ste/ khyim bdag khyed rnams zug rngu bcu po dag las thar bar 'dod dam/ gzhan yang khyim bdag khyed rnams srid pa'i rtsa ba las byung ba'i chos bcu po 'di dag las thar bar 'dod dam/ bcu gang zhe na 'di lta ste/ sred pa la gnas nas kun tu tshol ba dang / kun tu tshol ba la gnas nas rnyed pa dang / rnyed pa la gnas nas nga yir 'dzin pa dang / nga yir 'dzin pa la gnas nas rnam par gdon mi za ba dang / rnam par gdon mi za ba la gnas nas 'dod pa'i 'dod chags dang / 'dod pa'i 'dod chags la gnas nas chags pa dang / chags pa la gnas nas ser sna dang / ser sna la gnas nas/ yongs su 'dzin pa dang / yongs su 'dzin pa la gnas nas/ kun tu srung ba dang / kun tu srung ba la gnas nas sdug bsngal ba dang bcu ste/ kun tu srung ba'i gzhi las dbyig pa thogs pa dang / mtshon cha thogs pa dang / 'thab pa dang / 'tshang 'bru ba dang / 'gyed pa dang / rtsod pa rnams 'byung ste/ de'i phyir phra ma las stsogs pa mi dge ba'i chos rnam pa mang po 'byung bar 'gyur te/ khyim bdag khyed rnams sred pa'i rtsa ba
- 18b
las byung ba'i chos bcu po de dag las thar bar 'dod dam// gzhan yang khyim bdag khyed rnams log pa nyid bcu las thar bar 'dod dam/ bcu gang zhe na 'di lta/ ste/ log pa'i lta ba dang / log pa'i rtog pa dang / log pa'i ngag dang / log pa'i las kyi mtha' dang / log pa'i 'tsho ba dang / log pa'i rtsol ba dang / log pa'i dran pa dang / log pa'i ting nge 'dzin dang / log pa'i rnam par grol ba dang / log pa'i shes pa ste/ khyim bdag khyed rnams log pa nyid bcu po de dag las thar bar 'dod dam// gzhan yang khyim bdag khyed rnams mi dge ba'i las kyi lam bcu las thar bar 'dod dam/ bcu gang zhe na 'di lta ste/ srog gcod pa dang / ma byin par len pa dang / 'dod pas log par g.yem pa dang / brdzun du smra ba dang / phra ma dang / tshig brtsub po dang / tshig thun tshags dang / chags sems dang / gnod sems dang / log par lta ba ste/ khyim bdag khyed rnams mi dge ba'i las kyi lam bcu po de dag las thar bar 'dod dam// gzhan yang khyim bdag rnams kun nas nyon mongs pa bcu las thar bar 'dod dmo/ bcu gang zhe na 'di lta ste/ ser sna'i dri ma kun nas nyon mongs pa dang / tshul khrims ngan pa'i dri ma kun nas nyon mongs pa dang / gnod sems kyi dri ma kun nas nyon mongs pa dang / le lo'i dri ma kun nas nyon mongs pa dang / g.yeng ba'i dri ma kun nas nyon mongs pa dang /
- 19a
'chal pa'i shes rab kyi dri ma kun nas nyon mongs pa dang / nyan par mi 'dod pa'i dri ma kun nas nyon mongs pa dang / the tsom gyi dri ma kun nas nyon mongs pa dang / ma mos pa'i dri ma kun nas nyon mongs pa dang / ma gus pa'i dri ma kun nas nyon mongs pa dang / khyim bdag khyed rnams kun nas nyon mongs pa bcu po de dag las thar bar 'dod dam/ gzhan yang khyim bdag khyed rnams 'khor ba'i 'jig pa bcu las thar bar 'dod dam/ bcu gang zhe na 'di lta ste/ phrag dog dang / ser sna kun nas sbyor ba las thar par 'dod dam/ 'di lta ste/ khyim bdag khyed rnams ma rig pa'i ling tog las thar bar 'dod dam/ 'di lta ste/ khyim bdag khyed rnams gti mug gi 'obs las thar bar 'dod dam/ 'di lta ste/ khyim bdag khyed rnams 'dod pa'i rlung las thar bar 'dod dam/ 'di lta ste/ khyim bdag khyed rnams log pa'i zug rngu las thar bar 'dod dam/ 'di lta ste/ khyim bdag khyed rnams khro ba dang khon du 'dzin pa las thar bar 'dod dam/ 'di lta ste/ khyim bdag khyed rnams 'dod chags kyi me las thar bar 'dod dam/ 'di lta ste/ khyim bdag khyed rnams zhe sdang gi dug las thar bar 'dod dam/ 'di lta ste/ khyim bdag khyed rnams sgrib pa'i tsher ma las thar bar 'dod dam/ 'di lta ste/ khyim bdag byed rnams 'khor ba'i 'brog dgon pa las thar bar 'dod dam/ khyim bdag
- 19b
khyed rnams 'khor bas 'jigs pa las thar par 'dod dam de skad ces bka' stsal pa dang / de nas bcom ldan 'das la khyim bdag lnga brgya tsam po de dag gis/ sgra skad mgrin gcig tu 'di skad ces gsol to// bcom ldan 'das bdag cag gtse ba bcu las thar bar 'tshal te/ bcu gang zhe na 'di lta ste/ skye bas gtse ba dang / rga bas gtse ba dang / na bas gtse ba dang / 'chi bas gtse ba dang / mya ngan gyis gtse ba dang / smre sngags 'don pas gtse ba dang / sdug bsngal gyis gtse ba dang / yi mug pas gtse ba dang / 'khrug pas gtse ba dang / 'khor bas gtse ba rnams las/ bcom ldan 'das bdag cag thar bar 'tshal lo// de bzhin du 'khor ba'i 'brog dgon pa'i bar du chos bcu po de dag thams cad rgyas par bya'o// de nas bcom ldan 'das kyis khyim bdag lnga brgya tsam po de dag la bka' stsal pa/ khyim bdag rnams mig ni thar par mi 'dod do// de ci'i phyir zhe na/ mig ni byed pa med pa/ g.yo ba med pa ste/ mig ni mi sems shing rnam par mi rig go// de bas na khyim bdag rnams mig la bdag med do zhes gnas par bya'o// khyim bdag rnams rna ba dang / sna dang / lce dang / lus dang / yid ni thar par mi 'dod do// de ci'i phyir zhe na/ yid ni byed pa med pa/ g.yo ba med pa ste/ yid ni mi sems shing rnam par mi rig go// de bas na khyim bdag rnams yid la yang bdag med do zhes gnas par bya'o//
- 20a
khyim bdag rnams gzugs ni thar par mi 'dod do// de ci'i phyir zhe na/ gzugs ni byed pa med pa/ g.yo ba med pa ste/ gzugs ni mi sems shing rnam par mi rig go// de bas na khyim bdag rnams gzugs la yang bdag med do zhes gnas par bya'o// khyim bdag rnams sgra dang / dri dang / ro dang / reg dang / chos ni thar par mi 'dod do// de ci'i phyir zhe na/ chos kyi bar du byed pa med pa/ g.yo ba med pa ste/ chos ni mi sems shing rnam par mi rig go/ de bas na khyim bdag rnams chos kyi bar du yang bdag med do zhes gnas par bya'o// khyim bdag rnams gzugs kyi phung po ni thar par mi 'dod do// de ci'i phyir zhe na/ gzugs kyi phung po ni byed pa med pa/ g.yo ba med pa ste/ gzugs kyi phung po ni mi sems shing rnam par mi rig go// de bas na khyim bdag rnams gzugs kyi phung po la yang bdag med do zhes gnas par bya'o// khyim bdag rnams tshor ba'i phung po dang / 'du shes kyi phung po dang / 'du byed kyi phung po dang / rnam par shes pa'i phung po ni thar bar mi 'dod do// de ci'i phyir zhe na/ rnam par shes pa'i phung po ni byed pa med pa/ g.yo ba med pa ste/ rnam par shes pa'i phung bo ni mi sems shing rnam par mi rig go// de bas na khyim bdag rnams rnam par shes pa'i phung po la yang bdag med do zhes gnas par bya'o// khyim bdag rnams
- 20b
sa'i khams ni thar par mi 'dod do// de ci'i phyir zhe na/ sa'i khams ni byed pa med pa/ g.yo ba med pa ste/ sa'i khams ni mi sems shing rnam par mi rig go// de/ bas na khyim bdag rnams sa'i khams la yang bdag med do zhes gnas par bya'o// khyim bdag rnams chu'i khams dang / me'i khams dang / rlung gi khams dang / nam mkha'i khams dang / rnam par shes pa'i khams ni thar par mi 'dod do// de ci'i phyir zhe na/ rnam par shes pa'i khams ni byed pa med pa/ g.yo ba med pa ste/ rnam par shes pa'i khams ni mi sems shing rnam par mi rig go// de bas na khyim bdag rnams rnam par shes pa'i khams la yang bdag med do zhes gnas par mi bya'o// de ltar na khyim bdag rnams chos thams cad ni yang dag pa ma yin pa yongs su rtog pa las byung ba/ rkyen la rag las pa/ stobs med pa nyam chung ba/ rkyen rnams las byung ba ste/ rkyen yod na chos thams cad gdags par 'gyur gyi/ rkyen med na chos thams cad gdags par mi 'gyur ro// khyim bdag rnams chos thams cad ni btags pa tsam ste/ 'di la lam chad pa mya ngan las 'das pa ma gtogs par/ skye ba'am/ rga ba 'am/ na ba 'am/ 'chi ba 'am/ 'pho ba 'am/ 'byung ba gang yang med do// de ltar khyim bdag khyed rnams rnam grangs 'dis chos thams cad ni yang dag pa ma yin pa yongs su rtog pa las byung ba/ stobs med pa nyam chung ba/ rkyen rnams las byung
- 21a
ba ste/ rkyen yod na chos thams cad gdags par 'gyur gyi/ rkyen med na chos thams cad gdags par mi 'gyur ro// chos thams/ cad ni btags pa tsam ste/ 'di la lam chad pa mya ngan las 'das pa ma gtogs par/ skye ba 'am/ rga ba 'am/ na ba 'am/ 'chi ba 'am/ 'pho ba 'am/ 'byung ba gang yang med par rig par bya'o// de ltar khyim bdag khyed rnams yang dag pa ma yin pa yongs su rtog pa yod na/ tshul bzhin ma yin pa yid la byed pa gdags par 'gyur gyi/ yang dag pa ma yin pa yongs su rtog pa med na/ tshul bzhin ma yin pa yid la byed pa gdags par mi 'gyur ro// tshul bzhin ma yin pa yid la byed pa yod na/ ma rig pa gdags par 'gyur gyi/ tshul bzhin ma yin pa yid la byed pa med na/ ma rig pa gdags par mi 'gyur ro// ma rig pa yod na/ 'du byed rnams gdags par 'gyur gyi/ ma rig pa med na 'du byed rnams gdags par mi 'gyur ro// 'du byed yod na rnam par shes pa gdags par 'gyur gyi/ 'du/ byed med na rnam par shes pa gdags par mi 'gyur ro// rnam par shes pa yod na ming dang gzugs gdags par 'gyur gyi/ rnam par shes pa med na ming dang gzugs gdags par mi 'gyur ro// ming dang gzugs yod na skye mched drag gdags par 'gyur gyi/ ming dang gzugs med na skye mched drug gdags par mi
- 21b
'gyur ro// skye mched drug yod na reg pa gdags par 'gyur gyi/ skye mched drug med na reg pa gdags par mi 'gyur ro// reg pa yod na tshor ba gdags par 'gyur gyi/ reg pa med na tshor ba gdags par mi 'gyur ro// tshor ba yod na sred pa gdags par 'gyur gyi/ tshor ba med na sred pa gdags par mi 'gyur ro// sred ba yod na len pa gdags par 'gyur gyi/ sred pa med na len pa gdags par mi 'gyur ro// len pa yod na srid pa gdags par 'gyur gyi/ len pa med na srid pa gdags par mi 'gyur ro// srid pa yod na skye ba gdags par 'gyur gyi/ srid pa med na skye ba gdags par mi 'gyur ro// skye ba yod na rga shi ga dgra par 'gyur gyi/ skye ba med na rga shi gdags par mi 'gyur ro// rga ba zhes bya ba gang zhe na/ rgas pa gtugs pa'i glad sgre ba skra dkar can/ gnyer mas gad ba/ tshe nyams pa/ dbang po yongs su smin pa/ 'du byed rnams kyi dngos po spongs pa ste/ de ni rga ba zhes bya'o// 'chi ba zhes bya ba gang zhe na/ 'di lta ste/ 'chi ba 'chi 'pho ba 'chi ba'i dus byed pa/ phung po rnams zhig pa/ lus bor ba/ ris 'thun pa'i skal ba mnyam pa dang bral ba ste/ 'di ni 'chi ba zhes bya'o// de ltar rga ba 'di dang 'chi ba 'di ni rga shi zhes bya'o// de ltar skye ba yod na rga shi gdags par 'gyur gyi/ skye ba med na rga shi gdags par mi 'gyur ro// skye ba zhes bya
- 22a
ba gang zhe na/ 'di lta ste/ skye ba kun tu skye ba/ 'jug pa mngon par sgrub pa phung po rnams byung ba/ skye mched rnams so sor rnyed pa'i ris 'thun pa'i skal ba mnyam pa dang 'phrad pa ste/ de ni skye ba zhes bya'o// srid pa yod na skye ba gdags par 'gyur gyi/ srid pa med na skye ba gdags par mi 'gyur ro// srid pa zhes bya ba gang zhe na/ 'di lta ste/ 'dod pa'i srid pa dang / gzugs kyi srid pa dang / gzugs med pa'i srid pa ste/ de ni srid pa zhes bya'o// / len pa yod na srid pa gdags par 'gyur gyi/ len pa med na srid pa gdags par mi 'gyur ro// len pa zhes bya ba gang zhe na/ 'di lta ste/ 'dod pa'i len pa dang / lta ba'i len pa dang / tshul khrims dang / brtul zhugs kyi len pa dang / bdag tu smra ba'i len pa ste/ de ni len pa zhes bya'o// sred pa yod na len pa gdags par 'gyur gyi/ sred pa med na len pa gdags par mi 'gyur ro// sred pa zhes bya ba gang zhe na/ 'di lta ste/ gzugs la sred pa dang / sgra la sred pa dang / dri la sred pa dang / ro la sred pa dang / reg la sred pa dang / chos la sred pa ste/ de ni sred pa zhes bya'o// tshor ba yod na sred pa gdags par 'gyur gyi/ tshor ba med na sred pa gdags par mi 'gyur ro// tshor ba zhes bya ba gang zhe na/ 'di lta ste/ mig gi 'dus te reg pa las byung ba'i tshor ba dang / rna ba'i 'dus te reg pa las byung
- 22b
ba'i tshor ba dang / sna'i 'dus te reg pa las byung ba'i tshor ba dang / lce'i 'dus te reg pa las byung ba'i tshor ba dang / lus kyi 'dus te reg pa las byung ba'i tshor ba dang / yid kyi 'dus te reg pa las byung ba'i tshor ba ste/ de ni tshor ba zhes bya'o// reg pa yod na tshor ba gdags par 'gyur gyi/ reg pa med na tshor/ ba gdags par mi 'gyur ro// reg pa zhes bya ba gang zhe na/ 'di lta ste/ mig gi 'dus te reg pa dang / rna ba dang / sna dang / lce dang / lus dang / yid kyi 'dus te reg pa ste/ de ni reg pa zhes bya'o// skye mched drug yod na reg pa gdags par 'gyur gyi/ skye mched drug med na reg pa gdags par mi 'gyur ro// skye mched drug ces bya ba gang zhe na/ 'di lta ste/ mig gi skye mched dang / rna ba'i skye mched dang / sna'i skye mched dang / lce'i skye mched dang / lus kyi skye mched dang / yid kyi skye mched de/ de ni skye mched drug ces bya'o// ming dang gzugs yod na skye mched drug gdags par 'gyur gyi/ ming dang gzugs med na skye mched drug gdags par mi 'gyur ro// ming dang gzugs shes bya ba gang zhe na/ 'di lta ste/ tsher ba dang / 'du shes dang / sems dpa' dang / reg pa dang / yid la byed pa dang / 'byung ba chen po bzhi dang / 'byung ba chen po bzhi la gnas pa ni ming dang gzugs te/ de ni ming dang
- 23a
gzugs shes bya'o// rnam par shes pa yod na/ ming dang gzugs gdags par 'gyur gyi/ rnam par shes pa med na/ ming dang gzugs gdags par mi 'gyur ro// rnam par shes pa zhes bya ba gang zhe na/ 'di lta ste/ mig gi rnam par shes pa dang / rna ba'i rnam par shes pa dang / sna'i rnam par shes pa dang / lce'i rnam par shes pa dang / lus kyi rnam par shes pa dang / yid kyi rnam par shes pa ste/ de ni rnam par shes pa zhes bya'o// 'du byed rnams yod na rnam par shes pa 'gags par 'gyur gyi/ 'du byed rnams med na rnam par shes pa 'gags par mi 'gyur ro// 'du byed rnams shes bya ba gang zhe na/ 'di lta ste/ gzugs la kun sems pa dang / sgra la kun sems pa dang / dri la kun sems pa dang / rol kun sems pa dang / reg bya la kun sems pa dang / chos la kun sems pa ste/ de ni 'du byed rnams shes bya'o// ma rig pa yod na 'du byed rnams 'gags par 'gyur gyi/ ma rig pa med na 'du byed rnams 'gags par mi 'gyur ro// ma rig pa zhes bya ba gang zhe na/ 'di lta ste/ thog ma'i mtha' mi shes pa dang / tha ma'i mtha' mi shes pa dang / thog ma dang tha ma'i mtha' mi shes pa dang / nang mi shes pa dang / phyi mi shes
- 23b
ba dang / phyi nang mi shes pa dang / sdug bsngal mi shes pa dang / kun 'byung ba mi shes pa dang / 'gog pa mi shes pa dang / lam mi shes pa ste/ de lta bas/ na rkyen mi shes pa dang / rten cing 'brel bar 'byung ba mi shes pa dang / rten cing 'brel bar 'byung ba'i chos rnams mi shes pa dang / nag po dang / dkar po dang / rkyen dang / rkyen ma yin pa dang / snang ba dang / mi snang ba dang / kha na ma tho ba dang bcas pa dang / kha na ma tho ba med pa dang / bsten pa dang / mi bsten pa'i chos rnaMs gang mi shes pa dang / mi mthong ba mngon par mi rtog pa/ khong du mi chud pa de ni ma rig pa zhes bya'o// tshul bzhin ma yin pa yid la byed pa yod na ma rig pa gdags par 'gyur gyi/ tshul bzhin ma yin pa yid la byed pa med na/ ma rig pa gdags par mi 'gyur ro// tshul bzhin ma yin pa'i yid la byed pa gang zhe na 'di lta ste/ bdag 'das pa'i dus na byung ba zhig gam/ bdag 'das pa'i dus na ma byung ba zhig gam/ ci bdag 'das pa'i dus na byung ba zhig na/ bdag 'das pa'i dus na gang byung ba zhig bdag 'das pa'i dus na cir gyur pa zhig bdag ma 'ongs pa'i dus na 'byung bar 'gyur ram/ bdag ma 'ongs pa'i dus na 'byung bar mi 'gyur ram/ ci bdag ma 'ongs pa'i dus na 'byung bar 'gyur ba zhig na/ bdeg ma 'ongs pa'i dus na gang 'byung bar 'gyur/ bdag ma 'ongs pa'i dus na ji 'dra bar 'gyur zhes nang du bdag ci bdag su zhig ci yod ngom/ ci
- 24a
med dmaHci byung ngam/ ci ma byung ngam/ cir 'gyur/ gang du byung / bdag cir gyur/ gang du byung ba zhig ci bdag byung ba zhig na// bdag gang du byung ba zhig bdag bder byang ba zhig gam zhes the tsom za zhing yid gnyis su gyur te/ de de ltar tshul bzhin ma yin pa yid la byas pas/ lta bar gyur pa drug las/ lta ba gang yang rung ba gcig 'byung bar 'gyur te/ bdag yod ces lta bar 'gyur ba dang / bdag med ces lta bar 'gyur ba dang / bdag la bdag yang dag par rjes su mthong ba zhes lta bar 'gyur ba dang / bdag la bdag yang dag par rjes su mi mthong zhes lta bar 'gyur ba dang / gal te 'di ltar 'jig rten de ni bdag kyang de'o zhes 'gyur ba dang / gal te rkyen la rkyen te 'byung ba ni rtag pa/ brtan pa/ ther zug pa/ mi 'gyur ba'i chos can/ ther zug pa/ yang dag par 'jug pa 'am/ 'dug par 'gyur ba zhes lta bar 'gyur ba de ni/ tshul bzhin ma yin par yid la byed pa zhes bya'o// yang dag pa ma yin pa yongs su rtog pa yod na/ tshul bzhin ma yin pa yid la byed pa gdags par 'gyur gyi/ yang dag pa ma yin pa yongs su rtogs pa med na/ tshul bzhin ma yin pa yid la byed pa gdags par mi 'gyur ro// yang dag pa ma yin pa yongs su rtog pa gang zhe na/ 'di lta ste/ bdag dang / sems can dang / srog dang / skyes bu dang / gang zag dang / skye bo dang / shed las
- 24b
skyes pa dang / shed can dang / byed pa po dang / tshor ba po ste/ de ni yang dag pa ma yin pa zhes bya'o// so so'i skye bo thos pa dang mi ldan pa rnams/ bdag ces rtog pa yongs su rtog pa/ sems can dang / srog dang / skyes bu dang / shed las skyes pa dang / shed can dang / byed pa po dang / tshor ba po zhes rtog ba/ yongs su rtog pa de ni yang dag pa ma yin pa yongs su rtog pa zhes bya'o// de ltar yang dag pa ma yin pa yongs su rtog pa yod na/ tshul bzhin ma yin pa yid la byed pa gdags par 'gyur gyi/ yang dag pa ma yin pa yongs su rtog pa med na/ tshul bzhin ma yin pa yid la byed pa gdags par mi 'gyur ro// tshul bzhin ma yin pa yid la byed pa yod na/ ma rig pa gdags par 'gyur gyi/ tshul bzhin ma yin pa yin la byed pa med na/ ma rig pa gdags par mi 'gyur ro// ma rig pa yod na 'du byed rnams gdags par 'gyur gyi/ ma rig pa med na 'du byed rnams su gdags par mi 'gyur ba nas/ skye ba yod na rga shi bdags par 'gyur gyi/ skye ba med na rga shi gdags par mi 'gyur ba'i bar du de bzhin du sbyor ro// 'phags pa byang chub sems dpa'i sde snod ces bya ba theg pa chen po'i mdo/ bam po gnyis pa/
- 25a
de ltar khyim bdag rnams chos thams cad ni yang dag pa ma yin pa yongs su rtog pa las byung ba/ rkyen la rag las pa/ stobs med pa/ rkyen rnams las byung ba yin te/ rkyen med na chos rnams gdags par mi 'gyur ro// khyim bdag rnams chos thams cad ni btags pa tsam ste/ 'di la lam chad pa/ mya ngan las 'das pa ma gtogs par skye ba 'am/ rga ba 'am/ 'pho ba 'am/ 'byung ba gang yang med do// khyim bdag rnams 'di lta ste/ dper na chu'i mtsho chen po la gnas par 'gyur ba/ khyim bdag rnams de ji snyam du sems/ nya de dag ci zhig gi mthu/ de dag gis gsol pa/ bcom ldan 'das chab kyi mthu'o// bde bar gshegs pa chab kyi mthu'o// de la khyim bdog rnams ci chu de sems sam/ de dag gis gsol pa/ bcom ldan 'das stobs ma mchis so// bde bar gshegs pa stobs chung ngo // bka' stsal pa/ khyim bdag de bzhin du chos thams cad ni yang dag pa ma yin pa yongs su rtog pa las byung ba/ stobs med pa/ nyams chung ba/ rkyen rnams las byung ba ste/ rkyen rnams yod na chos thams cad gdags par 'gyur ro// khyim bdag rnams chos thams cad ni btags pa tsam ste/ 'di lam chad pa mya ngan las 'das pa ma gtogs par skye ba 'am/ rga ba'am/ 'chi ba 'am/ 'pho ba'am/ 'byung ba gang yang med do// khyim bdag khyed rnams de bas ma
- 25b
de dag la tshul bzhin so sor rtogs la/ de'i tshe yid brtan du mi rung ba/ yid brtan pa ma yin pas skrag par gyis shig/ skrag par gyur pa de ni 'bros par gyis shig/ chos gang las bros pa'i chos de gang zhe na/ tshul bzhin du so sor rtogs shig/ tshul bzhin so sor rtog pa de ni chos gang chos de las bros pa'i chos de rtogs par gyis shig/ de ci'i phyir zhe na/ khyim bdag rnams rnam pa thams cad du mi dmigs pa'i phyir/ chos thams cad ni dmigs su med pa'o// khyim bdag rnams rdul dang bral ba'i phyir chos thams cad ni bdag med pa'o// khyim bdag rnams bdag dang bral ba'i phyir chos thams cad ni sems can med pa'o// khyim bdag rnams skye ba dang / rga ba dang / na ba dang / 'chi ba dang / mya ngan dang / smre sngags 'don pa dang / sdug bsngal ba dang / yi mug pa dang / 'khrug pa las shin tu 'das pa'i phyir/ chos thams cad ni srog med pa'o// khyim bdag rnams dus gsum yang dag par chad pa'i phyir chos thams cad ni gang zag med pa'o// khyim bdag rnams sgra dang skad dang dbyangs dang / tshig gi lam nas brjod du med pa'i phyir/ chos thams cad ni yi ge med pa'o// khyim bdag rnams dmigs su med pa'i phyir/ chos thams cad ni chags pa med pa'o// khyim bdag rnams nye bar zhi ba'i mtshan nyid kyi phyir/ chos thams cad ni zhi ba'o// khyim bdag rnams nam mkha'i rang
- 26a
bzhin gyi phyir/ chos thams cad kun tu song ba'o// khyim bdag rnams ma nges par 'gyur ba'i phyir/ chos thams cad ni stong pa nyid la dag par mi gnas so// khyim bdag rnams gnas med pa'i phyir/ chos thams cad ni g.yos pa'o// khyim bdag rnams mi gnas shing g.yos pa med pa dang ldan pa'i phyir/ chos thams cad ni yang dag pa'i mtha' la gnas pa'o// khyim bdag dpa' dbang klong dang ba'i phyir/ chos thams cad ni brjod du med pa'o// khyim bdag rnam mtshan ma med dbyibs med pa la snang ba rgyu ba dang bral ba'i phyir/ chos thams cad ni kha dog med pa'o// khyim bdag rnams nga yir 'dzin pa dang bral ba'i phyir/ chos thams cad ni nga'i med pa'o// khyim bdag rnams sems dang yid dang rnams par shes pa dang bral ba'i phyir/ chos thams cad ni shes par bya ba ma yin pa'o// khyim bdag rnams mig gi lam las shin tu 'das pa dang / rna ba dang / sna dang / lce dang / lus dang / yid kyi lam las shin tu 'das pa'i phyir/ chos thams cad kyi kun gzhi med pa'o// / khyim bdag rnams skye ba dang / 'jig pa dang / gnas pa dang bral ba'i phyir/ chos thams cad ni dor ba med cing snyan pa med pa'o// khyim bdag rnams sems dang yid dang rnam par shes pa dang bral ba'i phyir/ chos thams cad ni byed pa med pa g.yo ba med pa'o// khyim bdag rnams rang bzhin gyis nyam chung ba'i phyir/ chos thams cad ni rkyen la
- 26b
rag las pa'o// khyim bdag rnams mig ni 'byung ba chen po bzhi las gyur pa/ mi rtag pa/ mi brtan pa ther zug ma yin pa/ snying po med pa/ nyam chung ba zhigs g.yun thung ba/ yid brtan du mi rung ba/ sdug bsngal ba/ nad mang ba yin/ gtse ba mang ba yin te/ khyim bdag khyed rnams kyis mig de la gnas par mi bya'o// khyim bdag rnams rna ba dang / sna dang / lce dang / lus dang / yid 'byung ba chen po bzhi las gyur pa/ mi rtag pa/ mi brtan pa ther zug ma yin pa/ yid brtan du mi rung ba/ snying po med pa/ zhigs pa/ nad can/ sdug bsngal ba dang / nad mang ba/ gtse ba mang ba ste/ khyim bdag khyed rnams kyis yid de la gnas par mi bya'o// yang khyim bdag rnams 'di ltar bslab par bya ste/ mig 'di ni mnyer mi bzod de dbu ba lta bu'o// mig 'di ni ring du mi gnas te chu'i chu bur lta bu'o// mig 'di ni las dang nyon mongs pa dang sred pa las byung ste/ mi rgyu lta bu'o// / mig 'di ni rang bzhin gyis snying po med pa ste/ chu shing lta bu'o// mig 'di ni phyin ci log las byung ba ste/ sgyu ma lta bu'o// mig 'di ni log pa dang yang dag pa mthong ba mthong ba/ ste/ rmi lam lta bu'o// mig 'di ni rkyen la rag las pa ste/ brag cha lta bu'o// mig 'di ni las kyi mig yor kun tu snang ba ste/ mig yor lta bu'o// mig 'di ni sems 'khrug pa med par 'gyur ba'i mtshan nyid de/ sprin lta bu'o// mig 'di ni skad cig du 'jig pa dang ldan pa ste/ klog sa bu'o// mig 'di ni bdag po med nges dang
- 27a
mtshungs so// mig 'di ni bdag po med de chu dang mtshungs so// mig 'di ni sems can med de me dang mtshungs so// mig 'di ni srog med de rlung dang mtshungs so// mig 'di ni gang zag med de nam mkha' dang mtshungs so// mig 'di ni 'byung ba chen po'i kun gzhi ste/ yang dag pa ma yin pa'o// mig 'di ni bdag dang bdag gi dang bral ba ste stong pa'o// mig 'di ni brtsa dang rtsig pa dang / shing dang rdo ba dang / mig yor lta bu ste/ blun pa'o// mig 'di ni rlung gi 'khrul 'khor dang ldan pa byung ste/ byed pa med pa'o// mig 'di ni gsog ste gtsong ba dang / rnag bsags pa'o// mig 'di ni gsob ste/ g.yog pa kun tu mnye gzhig pa rnam pa 'thor ba 'jig pa'i chos can no// mig 'di ni rtag tu rga ba'i zil gyis non pa ste/ mkhron pa snying pa dang mtshungs so// mig 'di ni mthar 'chi ba ste/ mthar mi gnas pa'o// / mig 'di dang 'di lta ste/ rna ba dang / sna dang / lce dang / lus ni byis pa so so'i skye bo thams cad kyi 'dod pa tsam mo// gang 'di lta ste/ yid 'di ni byis pa so so'i skye bo thams cad kyi 'dod pa tsam mo// 'di lta ste gzugs 'di dang / 'di lta ste/ sgra dang / dri dang / ro dang / reg bya dang / chos ni byis pa so so'i skye bo thams cad kyi 'dod pa tsam mo// 'di lta ste khyim bdag rnams gzugs kyi phung po 'di ni byis pa so so'i skye bo thams cad kyi 'dod pa tsam mo// 'di lta ste khyim bdag rnams tshor ba'i phung po 'di ni byis pa so so'i
- 27b
skye bo thams cad kyi 'dod pa tsam mo// 'di lta ste khyim bdag rnams 'du shes kyi phung po 'di ni byis pa so so skye bo thams cad kyi 'dod pa tsam mo// 'di lta ste khyim bdag rnams 'du byed kyi phung po 'di ni byis pa so so skye bo thams cad kyi 'dod pa tsam mo// 'di lta ste khyim bdag rnams rnam par shes pa'i phung po 'di ni byis pa so so skye bo thams cad kyi 'dod pa tsam mo// 'di lta ste khyim bdag rnams sa'i khams 'di ni byis pa so so skye bo thams cad kyi 'dod pa tsam mo// 'di lta ste khyim bdag rnams chu'i khams dang / me'i khams dang / rlung gi khams 'di dag ni byis pa so so skye bo thams cad kyi 'dod pa tsam mo// 'di lta ste khyim bdag rnams 'dus byas dang 'dus ma byas shes bya ba'i chos de dag ni byis pa so so skye bo thams cad kyi 'dod pa tsam mo// de bas na khyim bdag rnams mi 'dod par gyis shig/ mi 'dod par gyur nas bu dang chung ma rnams nye bar ma len cig/ nor rnams ma len cig de dag mi len par gyur nas/ dad pas khyim nas khyim med par rab tu byung bar gyis shig/ dad pas khyim nas khyim med par rab tu byung nas mi 'dod par gyis shig/ khyim bdag rnams rab tu byung bar mi 'dod par gyis shig/ khyim bdag rnams rab tu byung bar mi 'dod pa gang zhe na/ gang so sor thar pa'i sdom pas bsdams shing cho ga dang spyod yul phun sum tshogs pa/ kha na ma thob rbab la yang 'jigs par lta zhing / bsrab pa'i tshig yang dag par bzung bas slob ste
- 28a
tshul khrims dang ldan par gnas pa'o// tshul khrims kyi phung po dang ldan pa ni mig mi len/ rna ba dang / sna dang / lce dang lus dang // yid mi len/ gzugs mi len/ sma dang / dri dang / ro dang / reg bya dang / chos mi len/ gzugs mi len/ tshor ba dang / 'du shes dang / 'du byed dang / rnam par shes pa mi len/ sa'i khams mi len/ chu'i khams dang / me'i khams dang / rlung gi khams dang / nam mkha'i khams dang / rnam par shes pa'i khams mi len to// khyim bdag rnams 'di ni rab tu byung ba mi 'dod pa'o// mi 'dod pas mig gi khams mi len to// de bzhin du sbyar te yid kyi khams kyi bar du mi len te/ de bzhin du sbyar te gang mi len pa de yongs su mi spong ngo // ci yongs su mi spong zhe na/ mig yongs su mi spong / rna ba dang sna dang / lce dang / lus rang sa yid yongs su mi spong / gzugs yongs su mi spong / sgra dang / dri dang / ro dang / reg dang / chos yongs su mi spong / gzugs kyi phung po yongs su mi spong / tshor ba'i phung po yongs su mi spong / 'du shes kyi phung po yongs su mi spong / 'du byed kyi phung po yongs su mi spong / rnam par shes pa'i phung po yongs su mi spong / sa'i khams yongs su mi spong / chu'i khams yongs su mi spong / me'i khams dang / rlung gi khams dang / nam mkha'i khams dang / rnam par shes pa'i khams kyi bar du yongs su mi spong ngo // de nas mi spong ba de na/ de kun nas nyon mongs par mi
- 28b
'gyur ro// kun nas nyon mongs pa med na yang bar 'gyur ro// de nam yang bar gyur pa de ni mi snang bar 'gyur ro// nam mi snang ba de na gang la yang khong khro bar mi byed do// nam/ khong khro bar mi byed pa de na/ bdag la gnod par sems pa med/ gzhan la gnod par sems pa med/ gnyis ka la gnod par sems pa med do// de gnod sems med pas phung po lhag ma ma lus pa'i mya ngan las 'das pa'i dbyings su mya ngan las 'da'o// khyim bdag rnams de la gang yongs su mya ngan las 'da' zhe na/ de la mig yongs su mya ngan la mi 'da'/ rna ba dang / sna dang / lce dang / lus dang / yid yongs su mya ngan las mi 'da' mod kyi/ khyim bdag rnams gang mig la gnas nas bzhe 'am/ nga'i zhes yang dag pa ma yin pa 'dzin pa de dang bral ba ni yongs su mya ngan las 'da' ba'o// gang dang bral ba yongs su mya ngan las 'da' zhe na/ 'dod chags dang bral ba yongs su mya ngan las 'da' ba'o// / zhe sdang dang bral ba ni yongs su mya ngan las 'das pa'o// gti mug dang bral ba ni yongs su mya ngan las 'das pa'o// mi shes pa dang bral ba ni yongs su mya ngan las 'das pa ste/ yang khyim bdag rnams mi shes pa ni 'das pa med par ma gyur/ da lngar dang ma 'ongs pa la ma gyur mod kyi/ mi shes pa dang bral nas shes pa skyes so// khyim bdag rnams de la shes pa gang zhe na/ 'di lnga ste/ zad pa shes pa'o// de la zad pa shes pa gang zhe na/ bad pa shes pa ni 'das pa ma yin/ zad pa shes pa ni ma 'ongs pa ma yin/
- 29a
bshes pa ni da ltar byung ba ma yin mod kyi/ khyim bdag rnams gang la gnas te mi shes pa dang bral nas/ shes pa skyes par gyur pa de ni mi shes pa dang bral ba'i shes pa'o// mig la gnas nas mi shes pa dang bral zhing shes pa skye yang / mig ni dra'i pa ma yin no// gang nga'i pa ma yin pa de yongs su ma bzung ba'o// / gang yongs su ma bzung ba de spangs pa'o// gang spangs pa de grol ba'o// gang las grol zhe na/ bdag tu 'dzin pa las grol/ sems can du 'dzin pa las grol/ srog tu 'dzin pa dang / gang zag tu 'dzin pa dang / chad par 'dzin pa dang / rtag par 'dzin pa las grol/ 'dzin pa thams cad las grol/ yongs su rtog pa las grol te/ de yongs su mi rtog go// yongs su mi rtog pas mi rtog rnam par mi rtog go// ci la mi rtog ce na/ nga dang nga'i zhes mi rtog go/ de mi stsogs shing stsogs par mi byed la/ spong zhing mi len to// spangs nas yongs su mya ngan las 'das so// grol lo// byung ngo // rnam par grol lo// bral lo// gang las byung zhe na/ sdug bsngal thams cad las byung ngo // khyim bdag khyed rnams 'byung bar 'dod na chos gang yang brang bar mi bya'o// de ci'i phyir zhe na/ khyim bdag rnams len pas ni srid par 'gyur ro// me len na srid pa med do// de la khyim bdag rnams mig yongs su mya ngan las 'das pa ma yin no// de bzhin du sbyar te/ rna ba dang / sna dang / lce dang / lus dang / yid kyi bar du yongs su mya ngan las 'das pa ma
- 29b
yin pas na/ rnam par shes pa'i khams kyi bar du yongs su mya ngan las 'das pa ma yin mod kyi/ khyim bdag rnams gang rnam par shes pa la gnas te/ nga dang nga'i zhes yang / dag pa ma yin pa 'dzin pa dang bral ba de ni yongs su mya ngan las 'das pa'o// gang dang bral na yongs su mya ngan las 'das pa yin zhe na/ 'dod chags dang bral ba ni yongs su mya ngan las 'das pa'o// zhe sdang dang bral ba ni yongs su mya ngan las 'das pa'o// gti mug dang bral ba ni yongs su mya ngan las 'das pa'o// mi shes pa dang bral ba ni yongs su mya ngan las 'das pa ste/ yang khyim bdag rnams mi shes pa ni 'das pa dang / da ltar dang / ma 'ongs pa la med par ma gyur mod kyi/ mi shes pa dang bral nas shes pa skyes so// khyim bdag rnams de la shes pa gang zhe na/ 'di lta ste zad pa shes pa'o// de la zad pa shes pa gang zhe na/ zad pa shes pa ni 'das pa ma yin/ zad pa shes pa ni ma 'ongs pa ma yin/ zad pa shes pa ni da ltar byung ba ma yin mod kyi/ khyim bdag rnams gang la gnas te/ mi shes pa dang bral nas/ shes pa skyes par gyur pa de ni mi shes pa dang bral ba'i shes pa'o// mig la gnas te mi shes pa dang bral nas/ shes pa skyes nas kyang / shes pa'i dbyings ni nga'i ba ma yin no// gang nga'i ba ma yin pa de ni yongs su ma bzung ba de spangs pa'o// gang spangs pa de grol ba'o// gang las grol zhe na/ bdag tu 'dzin pa las
- 30a
grol/ sems can du 'dzin pa dang / srog tu 'dzin pa dang / gang zag tu 'dzin pa dang / chad par 'dzin pa dang / rtag par 'dzin pa las grol/ yongs su rtog pa las grol te/ de yongs su mi rtog go// yongs su mi rtog pas mi rtog rnam par mi rtog go/ de la ci mi rtog ce na/ nga zhes mi rtog ste/ de mi stsogs pa med de len pa med cing spangs pas yongs su mya ngan las 'das pa'o// grol lo byung ngo // rab tu rnam par grol lo// bral ba'o gang las byung zhe na/ sdug bsngal thams cad las byung ngo // khyim bdag khyed rnams 'byung bar 'dod na/ chos gang yang blang bar mi bya'o// de ci'i phyir zhe na/ khyim bdag rnams len pas ni srid par 'gyur gyi/ mi len pas ni ma yin no// de nas bcom ldan 'das kyis don 'di rgya cher bstan pa'i phyir/ de'i tshe tshigs su bcad pa 'di dag gsungs so// len pa las ni 'jigs skyes te/ de phyir ngan 'gror 'gro bar 'gyur// 'jigs bcas gnas ni 'di mthong nas// de shes pa ni len mi byed// len gang nyid la sgom bya ba// shes rab kyis ni de lta bya// shes rab kyis ni mthong gyur na// rnam pa gzhan du mi 'gyur ro// skye mched thams cad stong pa ste// snying po med cing g.yo ba g.yog// skyes bu rnams ni sred pas bslus// de la chags par mi bya'o// chos rnams stong par ngas mkhyen te// chos rnams snying po med par mkhyen// bde rnyed mya ngan mi mdzad de// ngas ni mi g.yo bde ba brnyes// gang gi
- 30b
'di ltar chos thams cad// stong pa nyid du shes pa de// sdug bsngal dag ni kun las grol// de la rtsod pa med pa yin// 'dod pa 'di ni yongs su 'dzin kun dang // gtse ba thams cad kyi yang skyed pa yin// yongs su 'dzin pa dag las len par gsungs// len pa dag las srid pa 'byung bar 'gyur// srid pa las ni kun skye skye ba ste// de ni 'jug pa dag dang 'grub par 'gyur// skyes nas na dang rga dang 'chi ba dang // mi 'dod sdug bsngal chen po gzhan dag gnod// 'dod pa med na len pa yod ma yin// len pa med na srid pa 'gyur ma yin// srid pa mngon par grub las 'das pa ni// skye rgan dang 'chi bar mi 'gyur ro// de phyir khyed kun cig tu 'dus gyur nas// yongs su 'dzin pa rnam par spongs byos la// bu dang chung ma dag la dga' spongs te// dge slong tshul ni myur du blang bar byos// shes kyi khye 'dod rnyed pa 'dod ma byed// ngan ngon tsam dag gis ni cho ga byos la// phyag dar ba dang 'dra ba'i dam sems kyis// gzhan gyi grong du nye bar 'gro bar bya// nga'i tshul khrims ldan zhes bdag ma bsnyems// 'di ni tshul khrims ngan zhes gzhan ma smod// tshul khrims tsam gyis gzhan la gang smod pa// sems phyir 'di ni tshul khrims ngan zhes bya// ji ltar ri dwags dag ni rgyas zin pa// de dag nyid du de zin gsod pa ltar// de bzhin bdud kyi zhags pas zin pa de/ bsnyems pa de nyid kyis ni de tsam mo// 'phya ba'i bsam pa can gyi gang zag dag/ gzhan la bsnyems pas bdag ni nyams par byed// de bas tshul khrims ngan la'ang mi bsdus na/
- 31a
khrim ldan tshangs par spyod pa smos ci dgos// drang srong mkhas pa'i rjes su slob pa dag/ rnam par grol ba zhi par 'di tshol zhing // lus dang srog rnams la yang mi lta bar// rtag tu dben pa dgon par gnas par bya// gnod pa'i rtsa ba gos med sngags rnams dang // 'jig rten rgyang phan pa'i sngags spongs la// stong pa nyid dang ldan par gang gsungs pa'i// zab mo'i chos la dga' bar bskyed par byos// nang dang phyi rol dag gi skye mched ni bcu gnyis po ste/ sems kyi rtsa bar bshad/ de dag kun kyang las las byung / las kyang yun ring sems pas gzhag pa'o// ming dang gzugs gnyis la ni gnas byas nas// rkyen rnams las kyang rnam par shes pa skye// 'du ba ma tshang ba dag nub 'gyur te// ji ltar shing med me ni mi 'bar bzhin// de ltar chos 'di thams cad rab skyes pa// phan tshun 'dus pa las ni 'byung bar 'gyur// byed pa po dang tshor ba mi dmigs te// bya ba dag ni sgyu ma lta bur snang // ngas ni nang dang phyi rol chos thams cad// stong pa nyid de sgyu ma 'dra bar mkhyen// byis pa mi shes log par 'dzin pa dag/ nga dang nga'i zhes ni rnam par rtog/ mig ni nang du cung zad yod ma yin// phyi rol gang du'ang sems can mi dmigs te// mig ni bdag med byed med srog med de// chos rnams kun kyang de ltar shes par byos// mig ni sems shing grol bar 'dod ma yin// rna ba dang ni sna dang lce dang bzhin// lus dang yid dang gzugs kyang byed med de// chos/
- 31b
rnams kun ni de dang 'dra bar ltos// ji ltar rgya mtsho dag gi chu las ni// dbu pa chen po rdos pa mang 'byung ba// de la mig ldan tshul bzhin nges brtags na// dbu ba rdos pa 'am/ chung snying po med// de bzhin phung po lnga'i ngo bo nyid// dbu ba rdos pa lta bur nyams chung gang shes pa// 'tshe ba thams cad dang ni skye ba dang / rga dang mya ngan rtse las grol bar 'gyur// gang dag nga'i stan la rab byung nas// chos kun sgyu ma lta bur shes pa de// yul gyi bsod snyoms 'bras bu yod pas spyod// de ni phyogs bcu'i sangs rgyas mchod pa yin/ de na khyim bdag lnga brgya tsam pos phyogs de nyid na gnas pa de dag chos rnams la chos kyi mig rdul dang bral zhing dri ma med par rnam par dag pa ni 'di lta ste/ gos dag pa nag po dang bral ba tshon du bcug na myur du tshon 'dzin pa de bzhin du/ khyim bdag lnga brgya tsam pos phyogs de nyid na gnas pa de dag chos rnams la chos kyi mig rdul dang bral zhing dri ma med pa rnam par dag go// de nas bcom ldan 'das kyis khyim bdag lnga brgya tsam po de dag la chos kyi gtam rgya cher ston to// bzeng bstod rab tu dga' bar mdzad de/ de la bcom ldan 'das kyis chos brjod pa ni 'di 'di'o// khyim bdag rnams mig kun tu 'bar te/ cis kun tu 'bar ce na/ 'dod chags kyi me dang / zhe sdang gi me dang / gti mug gi mes kun tu 'bar ro// skye ba dang / rga ba dang / na ba dang / 'chi ba dang / mya ngan dang / smre sngags 'don pa dang / sdug bsngal ba dang / yi mug
- 32a
pa dang / 'khrug pas kun tu 'bar te/ sdug bsngal gyi bdag nyid ces bshad do// khyim bdag rnams/ rna ba dang / sna dang / lce dang / lus dang / yid kyi bar du kun tu 'bar te/ cis kun tu 'bar zhe na/ 'dod chags kyi me dang / zhe sdang gi me dang / gti mug gi me dang / skye ba dang / rga ba dang / na ba dang / 'chi ba dang mya ngan dang / smre sngags 'don pa dang / sdug bsngal ba dang / yi mug pa dang / 'khrug pas kun tu 'bar ste/ sdug bsngal gyi bdag nyid ces bshad do// khyim bdag rnams gzugs kun tu 'bar te/ cis kun tu 'bar zhe na/ 'dod chags kyi me dang / zhe sdang gi me dang / gti mug gi me kun tu 'bar ro// de ltar sgra dang / dri dang / ro dang / reg bya dang / chos rnams kyang de bzhin du sbyar ro// khyim bdag rnams gzugs kyi phung po kun tu 'bar te/ cis kun tu 'bar zhe na/ 'dod chags kyi me dang / zhe sdang gi me dang / gti mug gi mes kun tu 'bar ro// tshor ba'i phung po dang / 'du shes kyi phung po dang / 'du byed kyi phung po dang / rnam par shes pa'i phung po yang de bzhin no// khyim bdag rnams sa'i khams kun tu 'bar te/ cis kun tu 'bar chen/ 'dod chags kyi me dang / zhe sdang gi me dang / gti mug gi mes kun tu 'bar ro// khyim bdag rnams chu'i khams dang / me'i khams dang / rlung gi khams dang / nam mkha'i khams kun tu 'bar te/ cis kun tu 'bar zhe na/ 'dod chags kyi me dang /
- 32b
zhe sdang gi me dang / gti mug gi mes kun tu 'bar ro// skye ba dang / rga ba dang / nang dang / 'chi ba dang / mya ngan dang / smre sngags 'don pa dang / sdug bsngal ba dang / si mug pa dang / 'khrug pa las kun tu 'bar te/ sdug bsngal gyi bdag nyid ces bshad do// de bas na khyim bdag rnams mig blang bar mi bya'o// zhes khyim bdag rnams de ltar bslab par bya'o// de bzhin du khyim bdag rnams/ rna ba dang / sna dang / lce dang / lus dang / yid blang bar mi bya'o zhes de ltar bslab pa'o// de bas na khyim bdag rnams gzugs blang bar mi bya/ sgra dang / dri dang / ro dang / reg bya dang / chos blang bar mi bya'o zhes de ltar bslab par bya'o// khyim bdag rnams gzugs kyi phung po blang bar mi bya/ tshor ba'i phung po dang / 'du shes kyi phung po dang / 'du byed kyi phung po dang / rnam par shes pa'i phung po blang bar mi bya'o zhes de ltar bslab par bya'o// de bas na khyim bdag rnams sa'i khams blang bar mi bya/ chu'i khams dang / me'i khaMs dang / rlung gi khams dang / nam mkha'i khams blang bar mi bya'o zhes de ltar bslab par bya'o// de bas na khyim bdag rnams/ rnam par shes pa'i khams blang bar mi bya'o zhes de ltar bslab par bya'o// de bas na khyim bdag rnams 'jig rten 'di blang bar mi bya'o// 'jig rten pha rol blang bar mi bya'o zhes de ltar bslab par bya'o// khyim bdag rnams de ltar bslab par bya'o// khyim bdag khyed rnams nam mig mi len cing / rna ba dang / sna dang / lce dang / lus dang / yid mi len pa de na/ khyed rnams mig nas yid kyi bar du mi gnas
- 33a
par 'gyur ro// khyim bdag khyed rnams nam gzugs mi len cing sgra dang / dri dang / ro dang / reg bya dang / chos rnams mi len pa de na/ khyed rnams chos thams cad la mi gnas par 'gyur ro// khyim bdag khyen rnams nam gzugs kyi phung po mi len cing / tshor ba'i phung po dang / 'du shes kyi phung po dang / 'du byed kyi phung po mi len pa na/ khyed rnams phung po rnams la mi gnas par 'gyur ro// khyim bdag khyed rnams nam rnam par shes pa'i phung po mi len pa de na/ khyed rnams rnam par shes pa'i phung po mi gnas par 'gyur ro// khyim bdag khyed rnams nam sa'i khams mi len cing / chu'i khams len cing / me'i khams dang / rlung gi khams dang / na mkha'i kham mi len pa de na/ khyed rnams khams rnams la mi gnas par 'gyur ro// khyim bdag khyed rnams rnam par shes pa'i khams mi len pa de na/ khyed rnams rnam par shes pa'i khams la mi gnas par 'gyur ro// khyim bdag rnams nam chos thams cad la mi gnas par 'gyur ro// khyim bdag khyed rnams nam chos thams cad la mi gnas pa de na/ khyed rnams mi 'byung mi 'jig go// khyed rnams mi 'byung mi 'jig pa de na/ khyed rnams skye ba dang / rga ba dang / na ba dang / 'chi ba dang / mya ngan dang / smre sngags 'don pa dang / sdug bsngal ba dang / yi mug pa dang / 'khrug pa rnams las yongs su thar bar 'gyur te/ sdug bsngal la yongs su thar 'gyur ro zhes bshad do// de nas
- 33b
bcom ldan 'das kyis don de nyid brgya cher bstan pa'i phyir de'i tshe tshigs su bcad pa 'di dag gsungs so// skye ba dang ni 'chi ba yis// 'jig rten 'di kun kun nas 'bar/ byis pa skyabs med gtse ba ste// de dag 'phags pa'i lam las nyams// rgyal ba 'jig rten snang mdzad pa// de bzhin gshegs pa 'byung bar 'gyur// dal ba chud zos ma byed par// brtson 'grus brtan par rtsom byos shig/ nga la gnas te rnam sgom pa// shes rab kyis ni de yang ltos// shes rab kyis ni de mthong ste// rnam pa gzhan du mi 'gyur ro// gang la gnas te sems sgom pa// thams cad stong par shes par bya// chos rnams stong par rig nas ni// byang chub nyid kyang stong pa yin// 'dod chags zhe sdang de ltar gti mug dang // me gsum de dag shin tu mi bzad pa// de ni 'jig rten 'di rab tu 'bar yang // byis pa'i ring nas gnyid log khong mi chud// skye dang rga dang na dang 'chi ba dang // smre sngags 'don dang sdug bsngal yi mug pas// 'jig rten 'di dag gtse bar rig nas ni// chos rnams kun la gnas par ma byed cig/ de nas bcom ldan 'das la khyim bdag lnga brgya tsam po de dag gis 'di skad ces gsol to// bcom ldan 'das bdag cag rnams kyis/ bcom ldan 'das las rab tu byung ba rnyed par gyur cig/ bdag cag rnams kyis bde bar gshegs pa las bsnyen pa rdzogs pa dge slong gi dngos po rnyed par gyur cig/ bcom ldan 'das kyis dge slong dag tshur shig ces gsungs pa dang /
- 34a
de nyid kyis tshe dang ldan pa de dag rab tu byung bar gyur te/ de nyid kyis bstan pa rdzogs pa dang / de nyid kyis dge slong gi dngos por gyur to// de la de'i chos nyid ni 'di yin te/ de la 'di skad ces bya'o// de dag gis ni ngur smrig bgos// de dag gis ni sgra yang bregs// kun gyis lhung bzed thogs gyur nas/ de nyid du ni dgra bcom gyur// ston pas dgra bcom rab mkhyen nas// dge slong gi ni dge 'dun dang // lha rnams mdun du mngon gsum du// ched du brjod pa ched du brjod// 'jig rten gyi ni mgon po la// sngan chad sbyin pa byin byed na// gang na bde bar mang ba der// shin tu dga' zhing 'ongs par gyur// de dag gi ni nga mthong nas dad pa rab tu bskyed par gyur// de dag sems ni dang ba la// chos rnams kyi ni mchog ston to// dgra bcom gyi ni gsung thos nas// bdag tu lta ba rnam par spangs// stong pa nyid ni mngon byas te// de dag skye ba kun las grol// / khyim bdag gi le'u zhes bya ba dang po ste/ tshigs su bcad pa bdun brgya pa'o// // de nas bcom ldan 'das kyis lam gyi bar du khyim bdag lnga brgya tsam po de dag mi g.yo ba'i gnas la bkod nas/ kun nas mdzes pas rgyal po'i khab kyi grong khyer chen por gshegs so// de nas rgyal po'i khab kyi grong khyer gyi lha rnams dang / gnod sbyin ji 'jigs 'di
- 34b
snyam du sems te/ bdag cag gis 'di lta bu'i sbyin gnas/ 'jig rten na shin tu dkon pa'i bcom ldan 'das la zhal zas dbul lo snyam mo// de nas gnod sbyin rje 'dzin/ kyis kha dog phun sum tshogs pa/ dri phun sum tshogs pa/ ro phun sum tshogs pa/ reg phun sum tshogs pa'i zhal zas bcom ldan 'das la phul ba dang / gnod sbyin ji 'jigs la thugs rtse ba'i slad du/ bcom ldan 'das kyis zhal zas de bzhes so// bcom ldan 'das gnod sbyin ji 'jigs kyis zhal zas phul ma thag tu/ de nas de'i tshe steng gi bar snang la ji 'jigs kyi 'khor mang po gnod sbyin drug khri brgya stong gis legs so zhes bya ba byin te/ rjes su yi rang ba'i sgra phyung ngo // de nas de'i phyir gnod sbyin ji 'jigs kyis rang gi 'khor rnams la bos te/ bdag gis ni da bzod bcom ldan 'das la zhal zas phul gyis/ khyed kyis ni dge slong gi dge 'dun rnams la phul cig/ de ni khyed rnams kyi yun ring po'i don dang / phan pa dang / bde bar 'gyur ro// gnod sbyin rnams kyis dge slong gi dge 'dun rnams la zhal zas phul/ gnod sbyin rnams la snying rje ba'i phyir dge slong gi dge 'dun rnams kyis kyang zhal zas blangs so// de nas bcom ldan 'das rgyal po'i khab kyi grong khyer chen por gshegs pa las/ des zhal zas rnyed par mkhyen nas sa phyogs de nas slar log go// de ltar de'i tshe lnga stong phrag dum dang / klu stong phrag du ma dang / gnod sbyin dang / dri za dang / lA ma yin dang / na mkha' lding dang / mi 'am ci dang /
- 35a
'phye chen po stong phrag du ma dang / mi dang mi ma yin pa stong phrag du ma dang / srog chags bye ba khrag khrig brgya stong du ma rnaMs bcom ldan 'das gshegs pa'i zha 'bring du dong ngo // de nas bcom ldan 'das phyogs yangs shing rgya che ba cig tu gshegs te/ byon nas bdan bsham pa la bzhugs so// de nas gnod sbyin ji 'jigs 'khor dang bcas pas/ lha'i me tog man da ra ba dang / ud pa la dang / pad ma dang / ku mu ta dang / pun d+ha ri ka dang / lha'i tsan dan gyi phye ma blangs te/ bcom ldan 'das la mchod pa'i las kyi phyir bcom ldan 'das la gtor// mngon par gtor/ mngon par rab tu gtor ro// gtor mngon par gtor/ mngon par rab tu gtor nas/ thal mo sbyar te phyag 'tshal nas/ bcom ldan 'das kyi spyan sngar 'dug par gyur to// de nas bcom ldan 'das kyis gnod sbyin ji 'jigs kyi bsam pa yang mkhyen nas/ de'i 'khor gnod sbyin mang po'i bsam pa yang mkhyen nas/ 'dzum pa mdzad do// chos nyid ni 'di yin te/ nam sangs rgyas bcom ldan 'das rnams 'dzum pa mdzad pa de na/ zhal gyi sgo nas 'od zer kha dog du maHkha dog sna tshogs 'di lta ste/ sngon po dang / ser po dang / dmar po dang / dkar po dang / leb rgan dang / shel dang / dngul gyi kha dog lta bu byung ste/ des 'jig rten gyi khams mtha' yas mu med pa snang bas khyab par byas nas nyi ma dang zla ba'i gzi brjid zil gyis mnan te/ sems can dmyal ba'i sems can nas/ tshangs pa'i 'jig rten gyi bar du mngon
- 35b
par song ste/ slar log nas/ bcom ldan 'das la lan bdun skor ba byas te/ kha cig ni bcom ldan 'das kyi dbu'i gtsug du nub bo// kha cig ni phrag par nub bo/ kha cig ni pus/ mor nub bo// chos nyid ni 'di yin te/ nam sangs rgyas bcom ldan 'das rnams sems can dmyal ba'i sems can du lung ston pa de na/ 'od zer zhabs gnyis kyi 'og tu nub bo// nam byol song gi skye gnas pa'i sems can rnams lung ston pa de na/ 'od zer gnam log du nub bo// nam gshin rje'i 'jig rten pa'i sems can rnams lung ston pa de na/ 'od zer mdun du nub bo// nam mi rnams lung ston pa de na/ 'od zer g.yon du nub bo// nam lha rnams lung ston pa de na/ 'od zer g.yas su nub bo// nam nyan thos rnams lung ston pa de na 'od zer pus mor nub bo// nam sangs rgyas rnams lung ston pa de na 'od zer 'phrag par nub bo// nam sangs rgyas bcom ldan 'das rnams kyis byang chub sems dpa' bla na med pa yang dag par rdzogs pa'i byang chub tu lung ston pa de na/ 'od zer steng gi dbu'i gtsug gi mtshams su nub bo// tshe dang ldan pa kun dga' bos/ bcom ldan 'das 'dzum pa mdzad pa mthong ngo // mthong nas chos gos phrag pa gcig tu gzar te/ pus mo g.yas pa'i lha nga sa la btsugs nas/ bcom ldan 'das ga la ba de logs su thal mo sbyar te btud nas/ bcom ldan 'das la tshigs su bcad pa 'di dag gsol to// ji rgyus 'jig rten sna
- 36a
snang mdzad pa// 'jig rten kun la sman pa'i slad// 'jig rten mgon po 'od mdzad pa// ci zhig slad du 'dzum pa bstan// sangs rgyas kyi ni byang chub phyir// di ring su yis sa bon btab// di ring su la lung yang ston// gang zhig mthar phyin rab tu zhugs// dpa' bo rnam par 'dren pa rnams// rgyu ma mchis pa 'dzum mdzad pa// thub pa ci zhig slad bstan pa// 'od zer don ni bshad du gsol// de nas bcom ldan 'das kyis tshe dang ldan pa kun dga' bo la tshigs su bcad pa 'di dag slar gsungs so// 'jig rten mgon po skyob pa la// ji 'jigs rab tu dang sems kyis// zhal zas dag ni phul ba na// de ltar de phyir 'dzum pa mdzad// gnod sbyin nas shi 'phos nas// sum cu rtsa gsum 'gro bar 'gyur// sum cu rtsa gsum nas shi 'phos nas// thun spyoms dag tu'ang 'gro bar 'gyur// thun spyoms nas ni dga' ldan 'gro// 'dod la 'dod pas dgar byas nas// mi'i nang du skye 'gyur te// rgyal po sgyu 'phrul can du 'gyur// 'khor los bsgyur ba mi'i dbang // gling bzhi dag gi dbang po ste// mi'i 'jig rten shi 'phos nas// tshangs pa'i 'jig rten 'gro bar 'gyur// bskal pa bye ba nyi shur ni// rtag tu sti stang byas par 'gyur// lha'i nang dang mi'i nang du ni// yang dang yang ni kun tu rgyug/ phyis de rgyal srid bor nas ni// khyim bdag med par rab tu byung // rkyen gyis
- 36b
byang chub thob 'gyur te// der ni mthar yang thug par 'gyur// gnod sbyin dag ni sum khri rnams// gnod sbyin skye gnas 'phos gyur nas// sum cu rtsa gsum skye bar 'gyur// sangs rgyas la ni gus byas nas// sangs rgyas byams pa mthong gyur cing // de na mthar ni thug 'gyur te// dgra bcom pa yang thob 'gyur na/ ston pa la ni su mi mchod// gnod sbyin stong du tshang ba rnams// byang chub mchog la rab zhugs pas// de dag dge ba'i rtsa ba des// nam du yang ngan song mi 'gro'o// kha cig srog chags kun phan phyir// byang chub dam pa rab tshol zhing // sangs rgyas 'dren pa ston rnams la// bkur sti dag ni byed par 'gyur// khyim bdag sangs rgyas byang chub phyir// stong phrag gnyis dang gsum dag kyang // me tog 'phreng ba dri rnams kyis// mchod pa dag ni byed par 'gyur// dag pa bsgos pa'i bdag nyid can// 'dren pa bye ba phrag stong la// kha cig bkur sti byed gyur te// 'di dag phyis ni byang chub reg/ de na ji 'jigs de'i bu// ri bo zhes bya rdzu 'phrul che// 'jig rten sangs rgyas bdag 'gyur zhes// des kyang sems ni bskyed par 'gyur// des ni sangs rgyas sti stang byas// thams cad du yang smon lam bdag nga mthong nas ni mchod pa byas// byang chub phyir ni sems bsngos so// de ni dge ba'i rtsa ba des// ngan 'gro thams cad spangs gyur nas// sangs rgyas byams pa
- 37a
mthong nas ni// gdugs rnams bye ba 'bul bar 'gyur// gdugs rnams bye ba phul bas ni// na bza' bye ba 'bul bar 'gyur// na/ bza' bye ba phul nas ni// de nyid du yang rab tu byung // srog chags kun la phan pa'i phyir// byang sems dpa' rab tshol zhing // lo yang lnga brgya tsam par ni// tshangs pa spyad pa spyod par 'gyur// 'di lta bu'i rnam grangs kyis// sbyin dang tshul khrims yang dag spyod// gang ga'i bye ma ji snyed pa// de snyed bskal par rnyed par 'gyur// dper/ gsungs pa ni de snyed du// de dag khyed kyis shes par gyis// de dag dper yang shes nas ni// de bas lhag par spyad par gyis// sngar ni dpe rnams gang brjod pa// gang+gA'i krung ni bye snyed kyi// de snyed sangs rgyas mthong gyur nas// de dag kun la sti stang byed// kye ma'o ye shes kye ma'o ye shes// kye ma'o bla na med pa'i sems// sems can kun gyi 'dren pa ni// de ltar skyob par mi'i mgon// de phyir sems can rnams kyi mchog/ sangs rgyas su ni de 'gyur te// sman pa'i rgyal po grags pa zhes// de nga de'i mtshan du grags// lo ni bye ba bdun cur yang // srog chags rnams la chos ston te// phyi nas rkang gnyis gtso bo de// de nas mya ngan 'das par 'gyur// rab tu dul ba'i sems rnams kyis// 'dus pa dag ni nyi shur 'gyur// de la tha ma gcig po ni// dge slong bye ba nyi shur 'gyur// 'dus pa rnams ni gang brjod pa'i// nyan
- 37b
thos dpag tu med pa ste// de'i nyan thos ji snyed pa// byang chub zhugs pa yang de snyed do// sems can rnams kyi don mdzad nas// de bzhin gshegs pa mya ngan 'das lo ni brgya phrag stong dag tu// de'i dam chos gnas par 'gyur// bskal pa brgya mang tshang bar ni// sangs rgyas mang po 'byung bar 'gyur// bskal pa gcig la yang 'byung ba ni// de na stong rnams 'byung bar 'gyur// mi rnams mkhas pa gang dag ni// sangs rgyas chos rnams rnyed 'dod pa// rab tu mos pa byas gyur la// tshul bzhin ma yin rnam par spongs// tshul bzhin la ni rtag tu sgoms// mang du thos par rab tu bya// des ni shes rab rnam par 'phel// byang chub sems dpa' skyob pa'i/ rtsa ba'i don ni chos bzhi ste// sprin dang tshul khrims thos dang gtong // byang chub kyi ni lam la 'dzegs// bla na med pa'i theg pa mchog/ byang chub kyi ni lam yang stanaHrtathe tshom gcod pa bzang po yi// nyan thos kyi ni lam bstan to// sems can gang dag 'di 'dod pa// de la ngas ni skabs dbye'o// chos rnams kyi ni mchog ston pa// 'jig rten snang mdzad rnyed par dka'// de nas gnod sbyin ji 'jigs kyi bu ri bo 'di snyam du sems par gyur te/ bcom ldan 'das 'di nas ri nas ri'i rgyal po bya rgod phung po'i ri la gshegs shes grag gis/ gang bdag gis bcom ldan 'das la dge ba rgya chen po zhig snyed do snyam mo// de nas gnod sbyin ji 'jig
- 38a
kyi bu ri bos rang gi 'khor la smras pa/ grogs po dag shes par gyis shig/ bcom ldan 'das rgyal po'i khab kyi grong khyer chen po rgyas kyi ri'i rgyal po bya rgod kyi phung po'i ri la gshegs kyis/ de la grogs po dag mthu ci yod pa dang / ci nus kyis bcom ldan 'das la mchod pa'i las la spro ba skyed cig/ de nas gnod sbyin ji 'jigs kyi bu ri bo g.yog dang bcas pas rgyal po'i khab kyi grong khyer chen po nas bzung ste/ ri'i rgyal po bya rgod kyi phung po'i bar gyi lam de thams cad gseg ma dang gyo mo dang sdong dum dang tsher ma rnams med par byas so// me long gi dkyil 'khor ltar dag par byas so// lam de bsal nas spos kyi chus kun tu chag chag btab bo// lam der go mtshams med par gting ngo // lam der mig gang tsam du me tog gis chal par bkang ngo // lam der gdugs dang / rgyal mtshan dang / lha'i ba dan gyis shin du brgyan to// lam de bdug spos dam pa'i snying ba bar gyi snod nas bdugs so// steng gi bar snang las dar gyi lnga ldi sbyangs te shin tu brgyan to// lam der sil snyan sna tshogs kyi sgra skad khrol bar byas so// lam de nas mda' rgyang gang tsam du me tog ud pa la dang / ku mu da dang / pun ta rigs g.yog pa nas/ ngur pa sgra 'byin par byas so// lam der gser glegs pas rab tu g.yogs so// lam de gser gyi dra ba dang / rin po che sna bdun gyi dra bas rab tu g.yogs so// de nas gnod sbyin ji 'jigs kyi bu ri bos/ lam de lta bu'i
- 38b
bkod pa byas nas/ lus chen po mngon par sprul te/ 'khor dang bcas pa dga' 'gu rangs rab tu dga' ste/ yid bde ba skyes nas/ dga' ba'i sems dang / mkhas pa'i sems dang / gnyen pa'i sems dang / rab tu dang ba'i sems dang / sgrib pa med pa'i sems dang / rab tu sim pa'i sems dang / sangs rgyas la gzhol ba'i sems dang / chos la gzhol ba'i sems dang / dge 'dun la gzhol ba'i sems dang / byang chub las mi g.yo ba'i sems dang / mi bskyod pa'i sems dang / mi mnyam pa dang mnyam pa'i sems dang / 'jig rten gsum po thams cad las khyad par du 'phags pa'i sems dang / sems can thams cad la byams pa'i sems dang / snying rje'i sems dang / dga' ba'i sems/ dang / btang snyoms kyi sems dang / sangs rgyas kyi chos thams cad kyi sems dang / snying po'i sems dang / bstan pa'i sems dang / mi phyed pa'i sems dang / gtsang ba'i sems dang / nyan thos dang / rang sangs rgyas kyi sar mi ltung ba'i sems dang / byang chub sems dpa'i sa thams cad sgrub pa'i sems kyis/ bcom ldan 'das ga la ba der song ste phyin nas/ bcom ldan 'das kyi zhabs la mgo bos phyag 'tshal te/ bcom ldan 'das la lan gsum skor ba byas nas/ phyogs gcig tu 'dug go// thogs cig tu 'dug nas/ gnod sbyin ji 'jigs kyi bu'i bos thal mo sbyar te/ bcom ldan 'das la tshigs su bcad pa 'di dag gsol to// sangs rgyas 'jig rten rnam/
- 39a
kyi mchog/ chos rnams kyi ni dam pa ston// 'jig rten mgon la bdag gis ni// bla na ma mchis mchod par bgyi// 'dren pa ji ltar mdzad pa bzhin// stobs bcu dag ni rab ldan te// mi 'jigs pa la rab gnas nas// sems can don rnams bgyid par shog/ sum cu rtsa gnyis mtshan rnams dang // dpe byad bzang po brgyad cu ldan// 'jig rten mgon po 'od byed pa// 'jig rten snang ba byed par shog/ srog chags kun la phan pa'i phyir// snyan pa'i tshig ni bar ston cing // rnam pa bcu gnyis dam pa yi// chos kyi 'khor lo bskor bar shog/ rgyal ba ji lta de bzhin du// cho 'phrul rnams ni rab ston cing // srog chags bye ba du ma yis// sems can rnams kyi don bgyid shog/ gang rnams ma byon dpa' chen po// 'jig rten mgon po 'od mdzad ltar// byang chub dam pa rab rtogs nas// lam de rab tu ston par shog/ sems can ldongs pa kun gyi phyir// mig dang ldan par nyid gyur te// gnas dang dpung dang skyabs dag dang // de bzhin dpung gnyen gyur par shog/ ji ltar 'dren pa grol mdzad bzhin// 'gro ba lngar ni skyes pa yi// srog chags rnams kyi mgon du shog/ bdag gis sdug bsngal kun las grol// 'jig rten na ni mtshungs pa gang yod pa// lha dbang lha ma yin dang klus mchod pa// gzi brjid dag ni mtha' yas 'od byed pa// rkang gnyis mchog la bdag gis mchod par bgyi/
- 39b
bdag ni las mchog dam pa de dag gis// ji ltar rgyal po 'jig rten mgon bzhin du// bsod nams rab mchog sum cu gnyis mtshan ldan// chos kyi bdag po de dang 'dra bar shog/ de nas bcom ldan 'das kyis gnod sbyin ji 'jigs kyi bu ri bo la tshigs su bcad pa 'di dag gsungs so// chos kyi dam pa rnams kyi phyir// ston par rim 'gro gang byed pa// sems can rnams kyi mchog yin te// de nas byang chub rnyed mi dka'// 'jig rten mgon po 'od mdzad pa// 'jig rten snang mdzad mchod pa ni/ lha dang klu dang mi rnams kyis// mchod pa bya bar 'os par 'gyur// byang chub mchog tu sangs rgyas nas// shing mchog drung du rab 'dug ste// sdig can bdud las rgyal nas su/ srog chags rnams la chos ston to// de nas bcom ldan 'das lha stong phrag du ma dang / gnod sbyin dang srin po stong phrag du ma dang / dri za dang / mi 'am ci dang / lto 'phye chen po stong phrag du ma dang / mi dang mi ma yin pa stong phrag du ma dang / srog chags bye ba khrag khrig brgya stong du mas bskor cing mdun du bdar nas/ sangs rgyas kyi mthu chen po dang / sangs rgyas kyi rdzu 'phrul chen po dang / sangs rgyas kyi cho 'phrul chen po dang / sangs rgyas kyi rnam par 'phrul pa chen po dang / sangs rgyas kyi gzi brjid chen pos 'od zer ni rab tu 'gyed zhing ni rab tu g.yo// me tog gi char ni rab tu 'bab/ sil srin bye ba khrag khrig ni rab tu 'khrol te/ gnod sbyin ji 'jig kyi bu ri zos lam du ji ltar bkod pa mngon par bya ba'i phyir
- 40a
shing rta'i 'khor lo tsam gyis pad ma la zhabs bzhag ste/ ri'i rgyal po bya rgod kyi phung po ga la ba der gshegs te byon nas/ tshe dang ldan pa kun dga' bo la/ kun dga' bo khyod kyis de bzhin gshegs pa'i bdan mchog chos kyi bden dam pa bdan rab mchog 'jig rten gsum po kun las khyad par gyur pa'i gtan/ sangs rgyas kyi bdan thing shig/ de bzhin gshegs pa bdan de la bzhugs te/ skye bo mang po la phan pa dang / skye bo mang po la bde ba dang / 'jig rten la snying brtse ba dang / lha dang mi rnams kyi don dang / phan pa'i phyir byang chub sems dpa'i sde snod ces bya ba'i mdo sde/ sems can thams cad la phan pa rab tu bsngags pa/ byang chub sems dpa'i spyod pa'i rgyu 'dra ba 'chad par 'gyur te/ de'ang sems can thams cad the tsom du gyur pa la rab tu ston pa/ sems can thams cad kyi the tsom gcod pa/ sems can thams cad kyi the tsom skye ba gcod pa/ de bzhin gshegs pa'i mdo sde'i mtha' 'di 'chad par 'gyur ro zhes bka' stsal pa dang / tshe dang ldan pa kun dga' bos bcom ldan 'das kyi bdan bshams te// de la lha drug cu rtsa brgyad kyis/ na bza' 'du shes re re de bzhin gshegs pa la phul te/ de dag kyang der bdan du bting bar gyur nas/ bcom ldan 'das bdan bting ba de la bzhugs so// bzhugs nas bcom ldan 'das kyis lha'i bu de rnam la tshigs su bcad pa de dag gsungs so// 'jig rten mgon gi bdan du ni// lha'i gos rab dam pa mchog/ lhas rab tu bting ba la// de la rnam par 'dren pa bzhugs//
- 40b
thams cad chos kyi pha rol phyin// sangs rgyas bzhugs par gyur ma thag/ 'jig rten rnam pa drug g.yos shing // skye bo rab tu dga' bar gyur// sangs rgyas kyi zhing ri dang bcas// / na rab tu snang bar gyur// de nas chos 'dod rnams la ni// skyob pa sangs rgyas rdzu 'phrul ston// lha dang klu dang mi rnams dang // grul bum yi dgas srul po rnams// de dag cig gis gcig mthong ste// sgrib pa dag ni med par 'gyur// lce rnams bye ba phrag stong dang // khrag khrig de ni brgya rnams dag/ rnyed dka' ba'i tshig gsung ba// sangs rgyas la ni dga' bar blta// rgyal po gzugs can snying po yang // de tshe blon pos yongs bskor cing // 'jig rten gyi ni mgon po mchog/ sangs rgyas drung du 'ongs par 'gyur// ston pas lha dang klu rnams dang // mi rnams 'du ba mkhyen pa dang // srog chags kun la phan pa'i phyir// phyogs bzhi dag tu rab gzigs nas// 'jig rten the tsom gang yod pa// rkang gnyis mchog la dris shig dang // the tsom dag ni dris pa dang // rnam par 'dren pa ngas bshad do// de ltar de'i tshe stong gsum gyi stong chen po'i 'jig rten gyi khams kyi sems can ji snyed pa 'dus nas/ chos nyan pa de dag thams cad kyis 'khod par shes nas/ sems can thams cad kyis bsams te phyag 'tshal nas/ chos nyan pa'i phyir rna ba blag te 'dug par 'gyur ro// de nas bcom ldan 'das kyis tshe dang ldan pa mo'u 'gal gyi bu chen po la bka' stsal pa/ mo'u 'gal gyi bu chen po// dge slong mi 'khod pa rnams la ma lpags pa rnam
- 41a
kyang tshol te lam ring po na gnas pa rnams kyang bsdus shig/ de'i tshe tshe dang ldan pa 'od srung chen po ni gangs kyi rgyal po'i lho phyogs kyi ngos na gnas so de nas tshe dang ldan pa mo'u 'gal gyi bu chen po'i bsams 'di bsams so// bsams nas rdzu 'phrul gyi stobs kyis/ tshe dang ldan pa 'od srung chen po ga la ba der song te phyin nas tshe dang ldan pa 'od srung chen po la 'di skad ces smras so// btsun pa 'od srung chen po long shig/ bcom ldan 'das ni lhar bcas pa'i 'jig rten dang / bdud du bcas pa dang / tshangs par bcas pa dang / dge sbyong dang bram zer bcas pa'i skye dgu rnams dang / lha dang mi dang lha ma yin du bcas pa'i 'khor gyi nang gi mdun du chos ston te/ ston pas bka' stsal gyis/ btsun pa 'od srung bdag cag gnyis kyi chos kyi bar chad du 'gyur du 'ong gi mdong ngo // de skad ces smras pa dang / tshe dang ldan pa 'od srung chen pos tshe dang ldan pa mo'u 'ag gyi bu chen po la 'di skad ces smras so// tshe dang ldan pa mo'u 'gal gyi bu chen po khyod song shig dang / nga yang btsun pa song ba'i rjes su 'ong ngo // de nas tshe dang ldan pa 'od srung chen pos sten de las sprul pa sprul te/ rdzu 'phrul gyi stobs kyis rgyal po'i khab kyi grong khyer chen por zhugs so// de nas tshe dang ldan pa 'od srung chen pos 'khor bzhis bskor cing mdun du bdar nas/ ri'i rgyal po bya rgod kyi phung po ga la ba der song ste phyin nas/ bcom ldan 'das kyi zhabs la mgo bos phyag 'tshal te/ bcom ldan 'das kyi spyan sngar
- 41b
'khor gyi nang du hacang yang mi ring ba zhig tu phyogs gcig tu 'dug go/ de nas tshe dang ldan pa mo'u 'gal gyi bu chen pos sprul pa de mthong nas/ rdzu 'phrul gyi stobs kyis bcom ldan 'das ga la ba der song ngo // de nas tshe dang ldan pa mo'u 'gal gyi bu chen pos/ tshe dang ldan pa 'od srung chen po bcom ldan 'das kyi spyan sngar ha cang mi ring ba zhig tu 'khor gyi nang du phyogs gcig tu 'dug pa mthong ste/ mthong nas 'di skad ces smras so// btsun pa 'od srung khyod stan ga la ba de nas sprul te/ sprul nas mgyogs par bcom ldan 'das kyi drung du phyin te/ spyan sngar ha cang yang mi ring ba zhig tu 'khor gyi nang na phyogs gcig du 'dug pa ni/ myur ba la bstan pa'i rdzu 'phrul dang ldan no// de skad ces smras pa dang / tshe dang ldan pa/ 'od srung chen pos/ tshe dang ldan pa mo'u 'gal gyi bu chen po la 'di skad ces smras so// tshe dang ldan pa mo'u 'gal gyi bu chen po ni bcom ldan 'das kyis rdzu 'phrul dang ldan pa'i mchog tu gsungs na/ 'di la kho bo'i rdzu 'phrul rnam par sprul pa ltas ci zhig tu 'gyur// // gnod sbyin ji 'jigs kyi le'u ste gnyis pa'o// // byang chub sems dpa'i sde snod// bam po gsum pa// / de nas tshe dang ldan pa sha ra dwa ti'i bu stan las langs nas/ bla gos phrag pa cig tu gzar nas pus mo g.yas pa'i lha nga sa la btsugs te/ bcom ldan 'das ga la ba de logs su thal mo sbyar nas btud te/ bcom ldan 'das la 'di skad ces gsol to// gal te bdag
- 42a
gis rku ba'i zhus pa lung bstan pa'i slad du/ bcom ldan 'das kyis bdag la skabs phye na/ bcom ldan 'das de bzhin gshegs pa dgra bcom pa yang / dag par rdzogs pa'i sangs rgyas la bdag phyogs 'ga' zhig zhu'o// de skad ces gsol pa dang / bcom ldan 'das kyis tshe dang ldan pa shA ri'i bu la 'di skad ces bka' stsal to// shA ri'i bu khyod de bzhin gshegs pa dgra bcom pa yang dag par rdzogs pa'i sangs rgyas la ci dang ci 'dod pa dris shig dang / dris pa lung bstan pa de dang de nyid ngas khyod kyi sems rangs par bya'o// de skad ces bka' stsal pa dang / bcom ldan 'das la tshe dang ldan pa shA ri'i bus 'di skad ces gsol to// bcom ldan 'das chos gcig dang ldan na byang chub sems dpa' rnams lus kyi las kha ma tho ba dag ma mchis pa lags/ ngag gi las kha na ma tho ba ma mchis pa dang / yid kyi las kha na ma tho ba ma mchis pa dang / lus kyi las yongs su dag pa dang / ngag gi las yongs su dag pa dang / yid kyi las yongs su dag pa dang / lus kyi las ma yos pa dang / ngag gi las ma yos pa dang / yid kyi las ma yos pa rnams lags/ thams cad mkhyen par sems bskyed pa de la bdud dang bdud kyi ris kyi lha rnams kyis bskyod mi nus pa rnams lags/ sa nas sa gnod pa la mkhas pa rnams lags/ sems can thams cad kyi 'dren par 'gyur ba dang / rnam par 'dren par gyur pa dang / yongs su 'dren par gyur pa dang / smon mar gyur pa dang / mu stegs su
- 42b
gyur pa dang / zam par gyur pa dang / grur gyur pa dang / sgrol ba po dang / pha rol tu 'gro bar gyur pa dang / gnas dang / mgon dang / skyabs dang / dpung gnyen du gyur pa dang / thams cad mkhyen par sems bskyed pa de las bzlog par mi nus pa rnams lags/ de nas bcom ldan 'das la tshe dang ldan pa shA ri'i bus tshigasu bcad pa'i glu'i dbyangs kyis don de nyid kun zhus pa// rang gis byang chub rab zhugs pa// dpa' bo de'i don ci lags// gang gis dam pa 'tshang rgya ba// yon tan chos rnams brjod du gsol// srog chags kun la sman slad du// dpa' bo don dag ji ltar spyod// ji lta bu'i chos bsgoms pas// mi yi dam pa sangs rgyas 'gyur// byang chub snying po rab gnas nas// sdig can dag ni ji ltar 'dul// bye ba dag ni zhing bskyod nas// ji ltar byang chub mchog 'tshang rgya// byang chub sems dpa' gang gi don// 'di 'dra'i tshig ni ji bzhin lags// sangs rgyas kyi chos mchog rnams dang // bya ba dag ni 'dir brjod gsol// srog chags kun la sman slad du// pad+mo bzhin du ma chags shing // sems can bye ba bgrod mdzad pa// 'jig rten 'di na ji ltar spyod// mkhas pa lnga dang klu dag dang // mi dang mi ma lags rnams kyis// ji lta bu yi mchod 'gyur ba// zhus pa de dag bshad du gsol/ de nas bcom ldan 'das kyis tshe dang ldan pa shA ri'i bu la 'di skad ces bka' stsal to// shA ri'i bu byang chub sems dpa' chos gcig dang ldan na/ sangs rgyas kyi chos 'di dag dang gzhan dpag tu
- 43a
med pa dag yongs su 'dzin to// chos gcig po gang zhe na 'di lta ste/ bsam pa phun sum tshogs pa'i byang chub kyi sems te/ shA ri'i bu byang chub sems dpa' chos gcig po de dang ldan na sangs rgyas kyi chos 'di dag dang / gzhan yang dpag tu med pa dag yongs su 'dzin to// de nas bcom ldan 'das la tshe dang ldan pa shA ri'i bus 'di skad ces gsol to// bcom ldan 'das bsam pa ji lta bu byang chub kyi sems ji lta bu/ de skad ces gsol pa dang / bcom ldan 'das kyis tshe dang ldan pa shA ri'i bu la 'di skad ces bka' stsal to// shA ri'i bu bsam pa zhes bya ba ni mi byed pa'i phyir snying po'o// bstan pa'i phyir mi byed pa'o// ma 'khrul pa'i phyir mi g.yo ba'o// shin tu gnas pa'i phyir ma 'khrul pa'o// mi ldog pa'i phyir shin tu gnas pa'o// sems can lta ba'i phyir mi bzlog pa'o// snying rje chen po'i rtsa ba'i phyir sems can la lta ba dang yongs su mi skyo ba'i phyir snying rje chen po'i rtsa ba'o// sems can yongs su smin par bya ba'i cho ga shes pa'i phyir yongs su mi skyo ba'o// bdag la bde ba ma yin pa'i phyir sems can yongs su smin par bya ba'i cho ga shes pa'o// lan du phan 'dogs par re ba med pa'i phyir bdag bde ba ma yin pa'o// zang zing med pa'i phyir lan du phan 'dogs par re ba med pa'o// sems can gyi phyir 'brang bas zang zing med pa'o// mthu chung ba'i sems can la lta ba'i phyir sems can gyi phyir 'brang ba'o// mgon du gyur pa'i phyir mthu chung ba la lta ba'o//
- 43b
skyabs dang dpung gnyen gyi phyir mgon du gyur pa'o// ma 'khrugs pa'i phyir skyabs dang dpung gnyen no// shin tu yang dag par brtags pa'i phyir ma 'khrugs pa'o// rtsod pa med pa'i phyir shin tu yang dag par brtags pa'o// bsam pa dge ba'i phyir brtsod pa med pa'o// nyon mongs pa med pa'i phyir bsam pa dge ba'o// shin tu yongs su dag pa'i phyir nyon mongs pa med pa'o// rab tu dka' ba'i phyir shin tu yongs su dag pa'o// nang dri ma med pa'i phyir rab tu dka' ba'o// phyi shin tu yongs su dag pa'i phyir nang dri ma med pa'o// de ltar shA ri'i bu mi phyed pa snying po med pa zhes bya ba nas/ phyi shin tu yongs su dag pa'i phyir nang dri ma med pa'i bar du ste/ bsam pa ni de lta bu'o// byang chub kyi sems ji lta bu zhe na// sems de ni nyon mongs pa thams cad kyis mi brdzi ba'o// sems de ni theg pa gzhan la mi reg pa'i phyir 'khrel pa med pa'o// sems de ni pha rol rgol ba thams cad kyis mi 'phrogs pa'i phyir brtan pa'o// sems de ni bdud thams cad kyi mi phyed pa'o// sems de ni dge ba'i rtsa bas tshogs bsags pa'i phyir brtag pa'o// sems de ni sangs rgyas kyi chos la mos pa'i phyir mi g.yo ba'o// sems de ni byang chub sems dpa'i sa la rab tu gnas pa'o// sems de ni gnyen po med pa'i phyir bla na med pa'o// sems de ni sangs rgyas kyi chos thams cad nges par phigs pa'i phyir rdo rje la bu'o// sems de ni sems can thams cad kyi bsam pa mi mnyam pa med pa'i phyir mnyam pa'o// sems de ni rang bzhin gyis kun nas con
- 44a
mongs pa med pa'i phyir rnam par dag pa'o// sems de ni shes rab kyis snang bar byed pa'i phyir dri ma med pa'o// sems de ni sems can thams cad la skabs byed pa'i phyir rgya che ba'o// sems de ni nam mkha' dang mtshungs pa'i phyir yangs pa'o// sems de ni thams cad mkhyen pa'i ye shes la btang ba'i phyir sgrib pa med pa'o// sems de ni snying rje chen po ma bcad pa'i phyir thams cad kyi rjes su bsngo ba'o// sems de ni mkhas pas bsngags par bya ba'i phyir mngon du 'gro bar bya ba'o// sems de ni sangs rgyas kyi chos thams cad kyi sa bon du gyur pa'o// sems de ni bde ba'i dngos po thams cad kyi gnas so// sems de ni tshul khrims kyi phyir smon lam las byung ba'o// sems de ni bzod pa'i phyir brnyed par dka' ba'o// sems de ni brtson 'grus kyi phyir thub par dka' ba'o// sems de ni bsam gtan gyi phyir nye bar zhi ba'o// sems de ni shes rab kyi tshogs kyi phyir gnod par med pa'o// yang sems de ni de bzhin gshegs pa'i tshul khrims kyi phung po dang ting nge 'dzin gyi phung po dang / shes rab kyi phung po dang / rnam par grol ba'i phung po'i rtsa ba'o// sems ni de bzhin gshegs pa'i rnam par grol ba'i ye shes gzigs pa'i phung po'i rtsa ba'o// sems de ni de bzhin gshegs pa'i stobs bcu dang / mi 'jigs pa bzhi dang / sangs rgyas kyi chos ma 'dres pa bco brgyad rnams kyi rtsa ba'o// yang shA ri'i bu sems de ni byang chub kyi rang bzhin te de'i phyir byang chub kyi sems shes pa'o// shA ri'i bu byang chub sems dpa' bsam pa dang / byang chub kyi sems
- 44b
de lta bu dang ldan pa ni byang chub sems dpa' zhes bya'o// sems can rgya chen po// sems can mchog rab ces bya'o// 'jig rten gsum po thams cad las khyad par du 'phags pa'i sems can zhes bya'o// lus kyi las kha na ma tho ba med pa dang / ngag gi las kha na ma tho ba med pa yin/ yid kyi las ma g.yos pa yin/ lus kyi las yongs su dag pa yin// ngag gi las yongs su dag pa yin/ yid kyi las yongs su dag pa dang / lus kyi las ma g.yos pa yin/ ngag gi las ma g.yos pa yin/ yid kyi las ma g.yos pa yin te/ thams cad mkhyen par sems bskyed pa de las bdud dang bdud kyi ris kyi lha rnams kyis bskyod mi nus pa yin/ sa nas sa gnod pa la mkhas pa yin/ 'jig rten gyi chos thams cad kyi mi gos pa yin/ sems can thams cad kyi 'dren par gyur pa yin/ rnam par 'dren par gyur pa dang / yongs su 'dren par gyur pa dang / sgron mar gyur pa dang / mu stegs su gyur pa dang zam par gyur pa dang / grur gyur pa dang / sgron mar gyur pa dang / pha rol tu 'gro ba dang / gnas dang / mgon dang / skyabs dang / dpung gnyen yin no// thams cad mkhyen par sems bskyed pa de las bdud dang bdud kyi ris kyi lha rnams kyis bskyod par mi nus pa yin no// de ltar na sha ri'i bu byang chub sems dpa' bsam pa thag pa nas bla na med pa yang dag par rdzogs pa'i byang chub tu sems bskyed nas dad pa yin no// dad pa mang ba dang / 'phags pa rnams mthong bar 'dod pa dang / chos nyan par 'dod pa yin/ ser sna med cing lkug par gtong ba dang / lag
- 45a
rkyang zhing rnam par gtong ba la dga' ba dang / sbyin pa 'ged pa la dga' ba yin/ sems can thams cad la khong 'khro ba med pa'i sems yin/ rnyog ba med pa'i sems dang / 'khrug pa med pa'i sems dang / ma 'dres pa'i sems dang / de las dang las kyi rnam par smin pa la mngon par dad pa dang / rtog cing yid ches pa dang / the tsom med cing som nyi med pa yin te de nag po dang dkar po'i chos rnams kyi 'bras bu mi gtor bar shes pas/ srog gi phyir yang sdig pa'i las mi byed pa yin/ de srog gcod pa spong ba yin te/ ma sbyin par len pa dang / 'dod pas log par g.yem pa dang / brdzun smra ba dang / phra ma dang / tshig rtsub po dang / tshig thun tshags dang / chags sems dang / gnod sems dang / log par lta ba spong ba yin te/ mi dge ba bcu'i las 'di dag spangs nas/ dge ba bcu'i las kyi lam rnams yang dag par len cing spyod do// de dad pa dang ldan pas gang dge sbyong dang bram ze dag yang dag par song ba dang / yang dag par zhugs pa dang / tshul khrims dang ldan pa dang / dge ba'i chos can dang / mang du thos pa dang / thos pa la brtson pa dang / tshul bzhin yid la byed pa dang ldan pa dang / dul ba dang / zhi ba dang / nye bar zhi ba dang / rtsod pa'i smra ba med pa dang / mi snyan par smra ba med pa dang / bsam pa dag zhing mi dge ba med pa dang / dge ba la yang dag par sbyor ba dang / mi dge ba'i chos thams cad yongs su spangs pa dang / rgod pa med pa dang / khengs pa ma yin pa dang / yeb yes
- 45b
po med pa dang / mu cor mi smrab dang / tshig la 'dres pa dang / dran pa nye bar gnas pa dang / sems shin tu mjam par gzhag pa de dag dang / ji ltar srid par 'dren pa bcad pa dang / zug rngu phyung ba dang / khur bor ba dang / the tsom las rgal ba dang / som nyi las rgal ba dang / yang srid par gyur pa zad pa'i sangs rgyas bcom ldan 'das dang / byang chub sems dpa' sems dpa' chen po dang / de lta bu'i dge sbyong dang bram ze dge ba'i bshes gnyen du rig nas/ de dag la bsnyen cing bsnyen te/ bsnyen bkur byed cing gus par byed kyi/ mi mgu bar mi byed do// dga' bar byed cing mi dga' bar mi byed de/ des dge ba'i bshes gnyen mgu bar byas pa/ de dag de la chos kyi rjes su 'dzin par byed de/ chos kyi gtam gyis kun ston par byed/ yang dag par 'dzin du 'jug gzeng stod rab tu dga' bar byed de/ sbyin pas longs spyod rgya chen por 'gyur ba dang / tshul khrims kyis mtho ris su skye ba dang / thos pas shes rab chen por 'gyur ba dang / bsgom pas 'bral bar 'gyur ro zhes yang dag par rab tu ston to// 'di ni sbyin pa 'di ni sbyin pa'i 'bras bu/ 'di ni ser sna 'di ni ser sna'i 'bras bu/ 'di ni tshul khrims/ 'di ni tshul khrims kyi 'bras bu'i rnam par smin pa/ 'di ni tshul khrims ngan pa/ 'di ni tshul khrims ngan pa'i rnam par smin pa/ 'di ni ba pa 'di ni bzod pa'i rnam par smin pa/ 'di ni gnod sems/ 'di ni gnod sems kyi rnam par smin pa/ 'di ni brtson 'grus/ 'di ni brtson 'grus kyi rnam par smin pa/ 'di ni le lo 'di ni
- 46a
le lo'i rnam par smin pa/ 'di ni bsam gtan 'di ni bsam gtan gyi rnam par smin pa/ 'di ni sems g.yeng ba/ 'di ni sems g.yeng ba'i rnam par smin pa/ 'di ni shes rab 'di ni shes rab kyi rnam par smin pa/ 'di ni shes rab 'chal pa/ 'di ni 'chal pa'i shes rab kyi rnam par smin pa/ 'di ni lus kyi legs par spyod ba/ 'di ni lus kyi legs par spyod pa'i rnam par smin pa/ 'di ni lus kyi nye bar spyod pa/ 'di ni lus kyi nyes par spyod pa'i rnam par smin pa/ 'di ni ngag gi legs par spyod pa/ 'di ni ngag gi legs par spyod pa'i rnam par smin pa/ 'di ni ngag gi nyes par spyod pa/ 'di ni ngag gi nyos par spyod pa'i rnam par smin pa/ 'di ni yid kyi legs par spyod pa/ 'di ni yid kyi legs par spyod pa'i rnam par smin pa/ 'di ni yid kyi nyes par spyod pa/ 'di ni yid kyi nyes par spyod pa'i rnam par smin pa/ 'di ni dge ba 'di ni mi dge ba/ 'di ni bya ba 'di ni mi bya ba/ 'di byas na yun ring po'i don dang / phan pa dang bde bar 'gyur/ 'di byas na yun ring por gnod pa dang / mi phan pa dang mi bde bar 'gyur ro zhes de ltar de la dge ba'i bshes gnyen de dag gi chos kyi gtam gyis kun tu ston par byed/ yang dag par 'dzin du 'jug/ gzeng stod rab tu dga' bar byed// gnod du gyur par shes nas/ zab mo'i gtam yang dag par 'dzin du 'jug ste/ 'di lta ste/ stong pa nyid kyi gtam dang / mtshan ma med pa'i gtam dang / smon pa med pa'i gta
- 46b
dang / mngon par 'du mi byed pa'i gtam dang / ma skyes pa'i gtam dang / ma byung ba'i gtam dang / bdag med pa'i gtam dang / sems can med pa'i gtam dang / srog med pa'i gtam dang / gang zag med pa'i gtam dang / rten cing 'brel par 'byung ba zab mo'i gtam rab tu ston te/ 'di lta ste/ 'di yod pas 'di 'byung / 'di skyes pas 'di skye'o// 'di lta ste/ ma rig pa'i rkyen gyis 'du byed rnams/ 'du byed kyi rkyen gyis rnam par shes pa/ rnam par shes pa'i rkyen gyis ming dang gzugs/ ming dang gzugs kyi rkyen gyis skye mched drug skye mched drug gi rkyen gyis reg pa/ reg pa'i rkyen gyis tshor ba/ tshor ba'i rkyen gyis sred pa/ sred pa'i rkyen gyis len pa/ len pa'i rkyen gyis srid pa/ srid pa'i rkyen gyis skye ba/ skye ba'i rkyen gyis rga shi dang mya ngan dang / smre sngags 'don pa dang / sdug bsngal ba dang / yi mug pa dang / 'khrugs pa rnams 'byung bar 'gyur te/ 'di ltar sdug bsngal gyi phung po chen po 'di 'ba' shig 'byung bar 'gyur ro// 'di lta ste/ 'di yod pas 'di 'byung / 'di 'gags pas 'di 'gag ste/ 'di lta ste ma rig pa 'gags pas 'du byed 'gag pa nas/ de ltar sdug bsngal gyi phung po chen po 'di 'ba' shig 'gags par 'gyur ro zhes bya ba'i bar du ste/ 'di la ni chos gang yang skye ba 'am 'gags pa med do// de ci'i phyir zhe na/ chos thams cad ni rten cing 'brel par 'byung ba ste/ bdag po med pa byed pa po med pa/ tshor ba po med pa rgyu dang rkyen las 'byung ba ste/ 'di
- 47a
la chos gang yang 'grub pa med/ ldog pa med pa rjes su 'jug pa med de/ yang dag pa ma yin pa'i rmongs pas khams gsum du 'dogs par 'gyur ro// nyon mongs pa'i lam dang sdug bsngal gyi lam du 'dogs par 'gyur ro// yang dag pa ma yin pa'i rmongs pa yang dag pa ji lta ba bzhin du btags na/ chos gang gi byed pa po ma yin no// gang la byed pa po med pa de la don dam par bya ba yang mi dmigs te/ de la chos gang 'byung ba med 'jig pa med do zhes brjod do// des de lta bu'i chos zab mo thos nas the tshom mi za som nyi med cing / chos thams cad la chags pa med par 'jug te/ de gzugs la mi chags/ tshor ba dang / 'du shes dang / 'du byed dang / rnam par shes pa la mi chags/ ming dang gzugs dang / mig gi rnam par shes pa la mi chags/ rna ba dang / sna dang / lce dang / lus dang / yid dang / chos dang / yid kyi rnam par shes pa la mi chags te/ ji ltar chos thams cad ni rang bzhin gyis stong pa'o snyam du dad do// shA ri'i bu de ltar dad pa la gnas pa'i byang chub sems dpa' ni/ sangs rgyas la lta ba las yongs su mi nyams/ chos nyan pa las yongs su mi nyams/ dge 'dun la bsnyen bkur byed pa las yongs su mi nyams so// de gang dang gang du skye ba de dang de dag tu sangs rgyas la lta ba dang bral bar mi 'gyur/ chos nyan pa dang bral bar mi 'gyur/ dge 'dun la bsnyen bkur byed pa dang bral bar mi 'gyur/ sangs rgyas bcom
- 47b
ldan 'das rnams kyi spyan sngar skye bar 'gyur te/ de dang de dag tu skyes nas kyang brtson 'grus rtsom zhing / dge ba'i chos yongs su tshol ba la brtson par 'gyur ro// de brtson 'grus brtsams pas khyim gyi gnas 'dod par mi 'gyur/ bu pho dang bu mo 'dod par mi 'gyur/ bran pho dang bran mo las byed pa'i mi dag 'dod par mi 'gyur/ yongs su bzung ba thams cad kyi ngor lta ba 'dod par mi 'gyur te/ de skye nas 'dod pa la ma rtse bar na tshod gzhon nur sangs rgyas bcom ldan 'das rnams kyi bstan pa la dad pas/ khyim nas khyim med par myur du rab tu byung ngo // de dad pas rab tu byung nas dge ba'i bshes gnyen dam pa can du 'gyur/ dge ba'i bshes gnyen dang 'grogs/ dge ba'i bshes gnyen la rtog pas/ dge ba'i bsam pa rnyed par 'gyur ro// de dge ba'i bsam pa dang ldan pas/ dge ba'i chos nyan cing sgrub pa'i snying por byed par 'gyur/ tshig la dam pa byed pa'i blo dang ldan par mi 'gyur/ mang du thos pa yongs su tshol bas ngoms par mi 'gyur/ ji ltar thos pa'i chos rnams gzhan la yang rgya cher yang dag par rab tu ston te/ zang / zing med pa'i sems kyis thob pa dang / bkur sti dang tshigs su bcad pa la mi re zhing rang gi tshig yongs su mi spong bar gzhan la chos ston te/ ji ltar thos pa dang ji ltar gnas pa de bzhin du gzhan la chos ston to// chos nyan pa rnams la byams pa chen po rnyed par 'gyur/ sems can thams cad la snying rje chen pos gnon par 'gyur/ de mang du
- 48a
thos pa lus dang srog la mi lta bar 'gyur/ 'dod pa nyung zhing chog shes par 'gyur/ rab tu dben pa dang nges par 'gyur/ gso sla ba dang dgang sla ba dang dgon pa la dga' ba dang / ji ltar thos pas chos rnams kyi don la nye bar rtog pa dang / don gyi phyir 'brang gi yi ge'i phyir 'brang bar mi 'gyur/ lha dang mi dang lha ma yin du bcas pa'i 'jig rten gyis phyir 'brang bar 'gyur ro// bdag 'ba' zhig gi phyir zhugs pa ma yin gyi/ sems can thams cad kyi phyir 'di lta ste/ theg pa chen po bla na med pa/ sangs rgyas kyi ye shes mi mnyam pa mnyam pa'i ye shes 'jig rten gsum po thams cad las khyad par du 'phags pa'i ye shes yongs su tshol lo// mchog tu bag yod par 'gyur te/ de la bag yod pa gang zhe na/ 'di lta ste/ dbang po sdom pa'o// de yang dbang po sdom pa gang zhe na/ gang mig gis gzugs mthong nas mtshan mar mi 'dzin pa/ dpe byad du mi 'dzin/ gzugs la chags pa dang nye ba dang 'byung ba yang / yang dag pa ji lta ba bzhin du rab tu shes so// de bzhin du rnabs sgra dang / snas dri dang / lces ro dang / lus kyi reg bya dang / yid kyi chos shes nas mtshan mar mi 'dzin/ dpe byad du mi 'dzin/ chos rnams la chags pa dang / nyes pa yang yang dag pa ji lta ba bzhin du shes pa 'di ni bag yod pa zhes bya'o// gzhan yang shA ri'i bu bag yod pa ces bya ba ni/ gang bdag gi sems
- 48b
'dul ba dang / gzhan gyi sems srung ba dang / nyon mongs pa la dga' ba spong ba dang / chos la dga' ba'i rjes su 'gro ba dang / 'dod pa la rnam par rtog pa dang / gnod sems kyi rnam par rtog pa rnams mi 'byung ba dang / 'tshe ba'i rnam par rtog pa rnams mi 'byung ba dang / chags pa'i mi dge ba'i rtsa ba rnams mi 'byung ba dang / zhe sdang gi mi dge ba'i rtsa ba rnams mi 'byung ba dang / gti mug gi mi dge ba'i rtsa ba rnams mi 'byung ba dang / lus kyi ngan par spyod pa dang / ngag gi ngan par spyod pa dang / yid kyi/ ngan par spyod pa mi 'byung ba dang / tshul bzhin ma yin pa'i yid la byed pa mi 'byung ba dang / sdig pa mi dge ba'i chos thams cad mi 'byung ba de ni bag yod pa zhes bya'o// de ltar shA ri'i bu bag yod pa'i byang chub sems dpa' tshul bzhin yid la byed pa la rab tu sbyor ba yin/ gang yod pa de yang yod par rab tu shes/ gang med pa de yang med par rab tu shes so// de la ci yod ci med ce na/ yang dag par rab tu sbyor ba la ni 'phags pa'i rnam par grol ba yod do// log pa la rab tu sbyor ba la ni 'phags pa'i rnam par grol ba med do// las kyi rnam par smin pa yod do// ngag gi las rnam par smin pa de ni med do// gzhan yang mig ni yod do// mig de ni med do// rna ba dang sna dang lce dang / lus dang / yid ni yod do// gang gi yid de ni med do// gzhan yang gzugs ni mi rtag pa dang / sdug bsngal ba dang / 'gyur ba'i chos can yod do// gzug
- 49a
rtag pa dang / rten pa dang / mi 'gyur ba'i chos can dang / ther zug pa dang / de bzhin du gnas so zhes bya ba de ni med do// tshor ba dang 'du shes dang / 'du byed rnams dang / rnam par shes pa mi rtag pa dang / sdug bsngal ba dang / 'gyur ba'i chos can ni yod do// tshor ba dang / 'du shes dang / 'du byed rnams dang / rnam par shes pa rtag pa dang / brten pa dang / ther zug dang mi 'gyur ba'i chos can dang / yang dag par de bzhin du gnas so zhes bya de ni med do// gzhan yang ma rig pa'i rkyen gyis 'du byed rnams yod kyi/ ma rig pa med na 'du byed rnams med pa nas/ skye ba'i rkyen gyis rga shi'i bar du yod kyi/ skye ba med na rga shi med do// gzhan yang sbyin pas longs spyod chen por 'gyur ba ni yod do// sbyin pas dbul por 'gyur ba ni med do// tshul khrims kyis ni mtho ris su skye ba ni yod do// tshul khrims ngan pas mtho ris su skye ba ni med do// thos pas shes rab chen por 'gyur ba ni yod do// 'chal pa'i shes rab kyis shes rab chen por 'gyur ba ni med do// sgom pas 'bral bar 'gyur ba de ni med do// sgom pas 'bral bar mi 'gyur ba ni med do// tshul bzhin yid la byed pas kun tu sbyor ba ni yod do// tshul bzhin ma yin pa yid la byed pas bral ba ni med do// brtson 'grus brtsams pa'i byang chub sems dpa' la ni byang chub yod do// le lo can la ni byang chub med do// nga rgyal med pa la ni rab tu byub
- 49b
lung bstan pa yod do// nga rgyal can la ni mya ngan las 'da' ba med do// gzhan yang thams cad du song ba'i stong pa nyid ni yod do// 'di ni bdag dang sems can dang srog dang / skyes bu dang gang zag go zhes bya ba de ni med do// de ltar shA ri'i bu bag yod pa'i byang chub sems dpa' tshul bzhin yid la byed pa dang ldan pa ni/ gang yod par 'jig rten na mkhas pa rnams kyis kun shes pa de la ni yod do// zhes 'dogs so gang med par 'jig rten na mkhas pa rnams kyi kun shes pa de la ni med do zhes 'dogs so/ de yod ces tha snyad du 'dogs pa la yang yang dag par shes par mi byed/ med ces tha snyad du 'dogs pa la yang dag par shes pa med do// sangs rgyas bcom ldan 'das thams cad kyis gsungs pa'i don kyang khong du chud de/ chos thams cad de bzhin gshegs pas bsdus te/ chos kyi don bzhir 'dus par byas so// bzhi gang zhe na 'di lta ste/ 'du byed thams cad ni rtag pa dang / 'du byed thams cad sdug bsngal ba dang / chos thams cad bdag med pa dang / mya ngan las 'das pa zhi ba'o// / 'du byed thams cad mi rtag pa zhes bya ba ni/ rtag par 'du shes pa'i sems kyi rtag par 'du shes pa spangs pa'i phyir/ de bzhin gshegs pas bshad do// 'du byed thams cad sdug bsngal zhes bya ba ni/ bde bar shes pa'i sems can rnams kyi bde bar 'du shes pa spangs pa'i phyir de bzhin gshegs pas bshad do// chos thams cad
- 50a
bdag med pa zhes bya ba ni/ bdag tu 'du shes pa'i sems can rnams kyi bdag tu 'du shes pa spangs pa'i phyir de bzhin gshegs pas/ bshad do// mya ngan las 'das pa zhi ba zhes bya ba ni dmigs pas phyin ci log tu gyur pa'i sems can rnams kyi dmigs pas phyin ci log tu gyur pa spangs pa'i phyir de bzhin gshegs pas bshad do// de 'du byed thams cad mi rtag go zhes thos nas shin tu mi rtag pa nyid la 'jug go// 'du byed thams cad sdug bsngal lo zhes thos nas smon lam dang bral ba skyed do// chos thams cad bdag medo zhes thos nas stong pa nyid kyi ting nge 'dzin dang / rnam par thar pa'i sgo la bsgom mo// mya ngan las 'das pa zhi ba zhes thos nas mtshan ma med pa yongs su 'dris par byed de dus ma yin par ni yang dag pa'i mtha' mngon sum du mi byed do// de ltar shA ri'i bu de lta bu'i chos la brtson pa'i byang chub sems dpa' ni dge ba'i chos lnga yongs su mi nyams te/ myur du sangs rgyas kyi chos thams cad yongs su rdzogs par 'gyur ro// byang chub sems dpa' la brtag pa zhes bya ba'i le'u ste gsum pa'o// // gzhan yang shA ri'i bu de ltar dad pa la gnas pa'i byang chub sems dpa' ni/ de bzhin gshegs pa dgra bcom pa yang dag par rdzogs pa'i sangs rgyas kyi bsam gyis mi khyab pa'i chos bcu la mngon par dad yid ches rab tu rtog the tsom mi
- 50b
za rab tu dga' mgu rangs pa rnyed nas/ ngo mtshar dang smad du 'du shes skyed do// bcu gang zhe na 'di lta ste/ de bzhin gshegs pa rnams kyi de bzhin gshegs pa'i sku bsam gyis mi khyab pa la mngon par dang yid ches rab tu rtog the tsom mi za rab tu dga' mgu rangs pa rnyed nas/ ngo mtshar dang smad du 'du shes bskyed do// 'di lta ste/ de bzhin gshegs/ pa rnams kyi de bzhin gshegs pa'i dbyangs bsam gyis mi khyab pa la mngon par dad nas/ ngo mtshar dang smad du 'du shes bskyed pa'i bar du'o// 'di lta ste/ de bzhin gshegs pa rnams kyi de bzhin gshegs pa'i ye shes bsam gyis mi khyab pa dang / 'di lta ste/ de bzhin gshegs pa rnams kyi de bzhin gshegs pa'i 'od bsam gyis mi khyab pa dang / 'di lta ste/ de bzhin gshegs pa rnams kyi de bzhin gshegs pa'i tshul khrims dang / ting nge 'dzin bsam gyis mi khyab po dang / 'di lta ste/ de bzhin gshegs pa rnams kyi de bzhin gshegs pa'i rdzu 'phrul bsam gyis mi khyab pa dang / 'di lta ste/ de bzhin gshegs pa rnams kyi de bzhin gshegs pa'i stobs bsam gyis mi khyab pa dang / 'di lta ste/ de bzhin gshegs pa rnams kyi de bzhin gshegs pa'i mi 'jigs pa rnams bsam gyis mi khyab pa dang / 'di lta ste/ de bzhin gshegs pa rnams kyi de bzhin gshegs pa'i snying rje chen po bsam gyis mi khyab pa dang / 'di lta ste/ de bzhin gshegs pa rnams kyi de bzhin gshegs pa'i sangs rgyas kyi chos ma
- 51a
'dres pa bsam gyis mi khyab pa la mngon par dang yid ches rab tu rtog the tsom mi za rab tu dga' mgu rangs pa rnyed nas/ ngo mtshar dang smad du 'du shes bskyed pa'o// de bzhin gshegs pa'i ngo mtshar dang smad kyi chos bcu po 'di rnams kyi phyir brtson 'grus cher brtsom zhing mi zhum/ mi 'gro mi skye te de bzhin gshegs pa'i bsam gyis mi khyab pa ngo mtshar smad kyi chos bcu po ma thob kyi bar du lus kyi lpags pa dang / rgyus pa dang / dri dang / rus pa dag zhog la lus kyi sha dang / khrag skams kyang sla'i/ brtson 'grus nyams par mi bya'o snyam du sems bskyed do// shA ri'i bu de ltar dad cing mos pa'i byang chub sems dpa' ni de bzhin gshegs pa'i bsam gyis mi khyab pa ngo mtshar smad kyi chos bcu po 'di rnams la mngon par dang / yid ches rab tu rtog the tsom mi za/ rab tu dga' mgu rangs pa rnyed do// de nas bcom ldan 'das kyis don 'di nyid rgya cher rab tu stan pa'i phyir/ de'i tshe tshigs su bcad pa 'di dag gsungs so// chos kyi sku las byung bas na// sangs rgyas sku ni bsam mi khyab// mtshan ma med cing snang med la// rgyal ba'i sras rnams dad par byed// 'gro ba tha dad ji snyed kyi// sgra skad bsam gyis mi khyab pa// thams cad du ni chos sgrogs te// sangs rgyas spyod yul la yang dang // ji tsam sems can thams cad kyi// dus gsum dag gi dbang po kun// sangs rgyas kyis ni rab mkhyen te// bsam mi khyab la rab tu dang // sangs rgyas kyi ni 'od mtha' yas// 'od
- 51b
zer dra ba bsam mi khyab// zhing rnams rgya mtsho mtha' yas pa// thams cad kyi ni phyogs su khyab// thub pa 'jig rten 'das pa ni// tshul khrims 'jig rten chos mi gnas// rdza 'phrul rkang pa bsam med la// byang chub sems dpa' rab tu dad// sangs rgyas rtag tu mnyam par bzhag/ rnam par thar pa bsam med de// sangs rgyas rnams kyi spyod yul ni// / sems can kun gyis shes mi nus// chos kyi dbyings ni dbyer med la// gang gis stobs kyi shes 'gyur ba// drang srong chen po'i ye shes stobs// nam mkha' bzhin du mtha' yas pa// sems can gcig gi don phyir yang // bskal pa rgya mtshor mtha' yas par// 'dul ba'i don phyir bzhugs pas na// de dag snying rje de 'dra'o// sems can thams cad gzhan dang gzhan// dri ba rgya mtsho 'dri byed na// dri ba cig la tshig byed de// mi 'jigs pa ni bsam mi khyab// rnam pa thams cad mchog ldan pa'i// chos rnams thams cad thugs su chud// sangs rgyas chos rnam ma 'dres pa// thams cad du ni ye shes gzigs// dad pa la ni rab gnas pa// sangs rgyas chos kun chos nyid rnams// bsam gyis mi khyab de dag la// de dag thams cad dad par byed/ shA ri'i bu ji ltar byang chub sems dpa' de bzhin gshegs pa rnams kyi de bzhin gshegs pa'i sku bsam gyis mi khyab pa la mngon par dang / yid ches/ rab tu rtog the tsom mi za/ rab tu dga' mgu rangs pa rnyed nas/ ngo mtshar dang smad du 'du shes bskyed ce na/ 'di lta ste/ de bzhin gshegs
- 52a
pa'i sku ni mi dge ba'i chos thams cad spangs pa/ dge ba'i chos thams cad dang ldan pa'o// 'di lta ste/ mi gtsang ba dang / mchil ma dang / ngar sna hA dang / rnag dang / khrag dang / bshang ba dang / lci ba dang bral ba/ rus pa dang / sha dang / khrag dang / rgyas pa las rnam par grol ba'o// 'di lta ste/ de bzhin gshegs pa'i sku ni rang bzhin gyis 'od gsal ba'o// yongs su dag pa nyon mongs pa thams cad kyi dri ma dang bral ba'o// 'di lta ste/ de bzhin gshegs pa'i sku ni 'jig rten las 'das pa ste/ 'jig rten gyi chos thams cad kyis ma gos pa'o// 'di lta ste/ de bzhin gshegs pa'i sku ni yon tan dpag tu med pa'i bsod nams dang ye shes kyi tshogs bsags pas sems can thams cad kyi mtsho ba'o// 'di lta ste/ de bzhin gshegs pa'i sku ni tshul khrims dpag tu med pa yongs su bsgoms pa dang / ting nge 'dzin dang / shes rab dang / rnam par grol ba dang / rnam par grol ba'i ye shes gzigs pa dpag tu med pa yongs su bsgoms pas/ yon tan thams cad rab tu rgyas pa'o// 'di lta ste/ de bzhin gshegs pa'i sku ni yongs su dag pa'i me long gi dkyil 'khor gzugs rnyan lta bu dang / chu'i zla ba snang ba lta bu'o// 'di lta ste/ de bzhin gshegs pa'i sku ni nam mkha'i dbyings dam pa rjes su 'brang bas bsam gyis mi khyab pa'o// 'di lta ste/ de bzhin gshegs pa'i sku ni zag pa thams cad las log pas zag pa med pa'o// 'di lta ste/ de bzhin gshegs pa'i
- 52b
sku ni 'dus byas thams cad dang bral bas 'dus ma byas pa'o// nam mkha' lta bu'i sku'o// mnyam pa med pa'i sku'o// 'jig rten gsum po thams cad las khyad par 'phags pa'i sku'o// de bzhin gshegs pa'i sku ni dpe med pa zla med pa/ mtshungs pa med pa'i sku ste/ dag pa dri ma med pa/ kun nas nyon mongs pa med pa/ rang bzhin gyis 'od gsal ba'o// de ni thog ma'i mthas bskyed pa ma yin/ tha ma'i mthas bskyed pa ma yin/ da ltar byung bas bskyed pa ma yin/ tshe dang rus dang rigs kyis bskyed pa ma yin/ gzugs kyis bskyed pa ma yin/ mtshan gyis bskyed pa ma yin/ dpe byad kyis bskyed pa ma yin/ sems kyis bskyed pa ma yin/ yid kyis bskyed pa ma yin/ rnam par shes pas bskyed pa ma yin/ lta bas bskyed pa ma yin/ thos pas bskyed pa ma yin/ dran pas bskyed pa ma yin/ rnam par rig pas bskyed pa ma yin/ phung pos bskyed pa ma yin/ khams kyis bskyed pa ma yin/ skye mched kyis bskyed pa ma yin/ gnas pas bskyed pa ma yin/ 'jig pas bskyed pa ma yin/ len bas bskyed pa ma yin/ spangs pas bskyed pa ma yin/ 'byung bas bskyed pa ma yin/ spyod pas bskyed pa ma yin/ kha dog gis skyed pa ma yin/ mtshan mas bskyed pa ma yin/ dbyibs kyis bskyed pa ma yin/ 'ong bas bskyed pa ma yin/ 'gro bas bskyod pa ma yin/ tshul khrims yid la byed pas bskyed pa ma yin/ ting nge 'dzin gyis
- 53a
bskyed pa ma yin/ shes rab kyis bskyed pa ma yin/ rnam par grol bas bskyed pa ma yin/ rnam par grol ba'i ye shes gzigs pa'i yid la byed pas bskyed pa ma yin/ mtshan nyid kyis bskyed pa ma yin/ mtshan nyid mi mthun pas bskyed pa ma yin/ chos kyi mtshan nyid kyis bskyed pa ma yin/ stobs sgros btags pas bskyed pa ma yin/ mi 'jigs pas bskyed pa ma yin/ so so yang dag par rig pas bskyed pa ma yin/ rdzu 'phrul gyis bskyed pa ma yin/ snying rje chen pos bskyed pa ma yin/ sangs rgyas kyi chos ma 'dres pa sgro btags pas bskyed pa ma yin/ sgyu ma dang / smig rgyu dang / chu zla dang / rmi lam gyi rang bzhin lta bu bskyed pa'i sku'o// stong pa nyid dang / mtshan ma med pa dang / smon pa med pa las byung ba'i sku'o// mi 'gyur ba'i sku'o// mi 'khrug pa'i sku'o// rnam par mi rtog pa'i ska'o// mi gnas pa'i sku'o// mi snyems pa'i sku'o// gnas pa dang rab tu gnas pa dang / mi g.yo ba rnyed pa'i sku'o// gzugs med pa dang / gzugs kyi rang bzhin ma yin pa'i sku'o// tshor ba ma yin/ 'du shes ma yin/ 'du byed ma yin/ rnam par shes pa'i rang bzhin ma yin pa'i sku'o// byung ba ma yin/ kun tu byung ba ma yin// mabyung ba yang ma yin pa'i sku'o// slad du byung ba ni slad du byung ba'i chos kyi sku'o// mig las byung ba ma yin/ gzugs su rtogs pa ma yin/ phyi rol ma yin/ rnab
- 53b
la gnas pa ma yin/ sgrar rtogs pa ma yin/ phyi rol ma yin/ snas rnam par shes pa bya ba ma yin/ drir rtogs pa ma yin/ phyi rol ma yin/ lces bskyed pa ma yin/ ror rtogs pa ma yin/ phyi rol ma yin/ lus ldan pa ma yin/ reg byar rtogs pa ma yin/ phyi rol ma yin/ sems la 'jug pa ma yin/ yid la 'jug pa ma yin/ rnam par shes pa la 'jug pa yin ldog pa ma yin/ rjes su 'jug pa ma yin/ gnas pa dang / mi g.yo ba thob pa dang / chos kyi dbyings dam pa nam mkha'i dbyings kyi mthar thug pa'i nam mkha' dang mnyam pa'i sku te/ shA ri'i bu 'di ni de bzhin gshegs pa rnams kyi de bzhin gshegs pa'i sku bsam gyis mi khyab pa ste/ de la byang chub sems dpa' mngon par dang / yid ches rab tu rtog the tsom mi ze rab tu dga' mag rangs pa rnyed nas/ ngo mtshar dang smad du 'du shes bskyed do// bcom ldan 'das kyis de skad ces bka' stsal te/ bde bar gshegs pas de skad ces gsungs nas/ ston pas yang 'di skad gsung ngo // bskal pa bye ba khrag khrig dpag med par// byang chub sems dpa' spyod pa rnams spyad cing // las rnam gsum ni shin tu yongs dag par// mtshungs med bde bar gshegs pa'i sku tshol lo// phyogs bcu'i 'gro ba kun la byam pa dang // snying rje rgya cher bskyod nas sbyin pa byin// 'dod pas log par g.yem pa rtag spong zhing // nam mkha' lta bu mchog gi sku tshol lo// gser ltar dag cing mdzes pa'i/
- 54a
gos rnams ni// dpag tu med pa gang ga'i bye ma snyed// sbyin pa'i pha rol phyin pa rab spyod cing // rgyal ba'i sras kyis 'jig rten mchog la/ phul// g.yag gi rnga ma bzhin du tshul khrims srung // dgra yi yan lag nying lag bcad kyang bzod// brtson 'grus kyi ni pha rol phyin spyod cing // sangs rgyas sku la smon pa yo mi skyo// shes rab thabs dga' rgya che bsam gtan pa// bsam gtan spyod yul dga' rgyal rnam par lta// chos dbyings dam pa bde bar gshegs pa'i sku// de la smon pa bdag ni de 'dra gyur// srid par 'gyur ba dag la dge byed cing // mi mchog gi ni byang chub mtshungs med thob// dag pa dri med gtsang zhing rdul grol ba'i// nam mkha' 'dra ba rgya chen sku thob po// rang bzhin stong ste bdag dang sems can bral// mtshan ma med cing dgra dang bral ba thob// mig gi yul kun las ni rab 'das pa// de 'dra'i sku ni thob par yang dag rnyes// bzod ma nas stong ma byas ma byung ba// gzugs dang sgra bral yid kyang rnam dag pa// de bzhin gshegs sku mi g.yo gang mthong ba// de nas ni phyogs bcu'i bde bar gshegs pa mthong // ji ltar sgyu ma sprul pa sna tshogs lus// rta dang glang po bud med skyes pa'i gzugs// brdzun pa phyin ci log pas byis pa rmongs// de bzhin stobs bcu rnam la lha lnga byos// gang dag 'das pa'i bde gshegs bdag med dang // ma byon rgyal ba de bzhin gang snang dag/ chos nyid cig song mnyam pa med pa'i sku// chos dbyings dam pa dag
- 54b
ni nam mkha' 'dra// // de ltar byang chub sems dpa' de bzhin gshegs pa rnams kyi de bzhin gshegs pa'i sku bsam gyis mi khyab pa la mngon par dad yid ches rab tu rtog/ the tsom mi za rab tu dga' mgu rangs pa rnyed nas/ ngo mtshar dang smad kyi 'du shes bskyed do// shA ri'i bu ji ltar na byang chub sems dpa' de bzhin gshegs pa rnams kyi de bzhin gshegs pa'i dbyangs bsam gyis mi khyab pa la mngon par dang / yid ches rab tu rtog pa nas/ ngo mtshar dang smad kyi 'du shes bskyed ce na/ 'di la shA ri'i bu de bzhin gshegs pa ni 'dul ba'i dbang gi phyir/ 'khor ji lta ba de bzhin du sgra byung ste/ sems can thams cad rab tu dga' bar bya ba'i phyir/ phyogs bcu'i 'jig rten gyi khams thams cad du khyab par byed mod kyi/ shA ri'i bu de bzhin gshegs pa 'di snyam du ngas dge slong gi 'khor la ni 'di bshad/ dge slong ma'i 'khor la ni 'di/ dge bsnyen gyi 'khor la ni 'di/ bram ze'i 'khor la ni 'di/ rgyal rigs kyi 'khor la ni 'di/ khyim bdag gi 'khor la ni 'di/ lha'i 'khor la ni 'di/ tshangs pa'i 'khor la ni/ 'di bshad sde/ 'di lta ste/ mdo dang / dbyangs kyi rnyed pa dang / lung du bstan pa dang / tshigs su bcad pa dang / ched du brjod pa dang / gleng bzhi dang / rtogs pa brjod pa dang / de lta bur byung ba dang / shin tu rgyas pa dang / rmad du byung ba dang / chos bstan la bab pa rnams bshad par bya'o snyam du mi dgongs mod kyi/ 'on kyang shA ri'i bu 'khor/
- 55a
ji lta bu 'dus par gyur/ tshangs pa'i 'khor gyi bar du 'dus par gyur pa de dag gi dbang po'i rim pa ci 'dra ba dang / sems can de dag la chos kyi mdo ji lta bu thos par bya ba dgongs par 'gyur ba de lta bu'i chos kyi mdo thos par bya ba/ de bzhin gshegs pa'i zhal gyi sgo nas 'byung bar yang dag bar shes kyang / chos bstan pa de cig nges pa'i tshig gi gnod pa yang med de/ thams cad kyang rang rang gi chos rnam par rig pa kun shes so// de bzhin gshegs ba'i dbyangs de bzhin gshegs pa'i sngon gyi bsod nams kyi 'bras bu rnam par smin pa las mngon par grub pa/ bden pa'i rjes su 'brang bar 'jug go// shA ri'i bu de bzhin gshegs pa'i dbyangs de ni/ 'jam par 'byung ba yid du 'ong ba dang / yid dga' ba dang / dag pa dang / dri ma med pa dang / snyen pa dang / nyan par 'os pa dang / shes par bya bar 'os pa dang / mi rtsub pa dang / mi rung ba dang / lus tshim par byed pa dang / sems tshim par byed pa dang / snying dga' bar byed pa dang / dga' ba dang bde ba skyed pa dang / kun shes par byed pa dang / gsal zhing yid du 'ong ba dang / mngon par dga' bar 'gyur ba dang / yid du 'ong ba dang / seng ge'i skad kyi drag shul gyi nga ro'i sgra dang / sprin gyi sgra dbyangs dang / rgya mtsho'i sgra dbyangs dang / mi 'am ci'i glu'i sgra dbyangs dang / ka la ping ka'i nga ro'i sgra dbyangs dang / tshangs pa'i nga ro'i sgra dbyangs dang / dza'i sgra dbyangs
- 55b
dang / dpal dang ldan pa dang / mnyen pa dang / zur phyir pa dang / grags pa dang / sems can thams cad kyi dbang po dga' bar byed pa dang / 'khor thams cad du drags pa dA// rnam pa'i mchog thams cad dang ldan pa dang / de dag dang gzhan yon tan dpag tu med pa dang ldan pa'i de bzhin gshegs pa'i gsung gi dbyangs 'byung ste/ shA ri'i bu 'di ni de bzhin gshegs pa rnams kyi de bzhin gshegs pa'i dbyangs bsam gyis mi khyab pa ste/ de la byang chub sems dpa' mngon par dang / yid ches rab tu rtog the tsom mi za rab tu dga' mgu rangs pa rnyed nas/ ngo mtshar dang slad du 'du shes so// de la de'i chos nyid ni 'di yin te/ de la 'di skad ces bya'o// 'dren pa'i gsung ni rab 'byin pa/ tshangs pa'i sgra dbyangs 'dra ba yis// tshangs pa rnams ni tshim byed de// 'di 'dra'i chos ni phun sum tshogs// de'i dbyangs ni dbyangs dang ldan// snying rje las ni yang dag 'byung // btang snyoms dang ni dga' ldan pa// thub pa'i dbyangs ni rab tu byung // srog chags kun gyi 'dod med dang // zhe sdang dug ni zhi byed pa// gti mug mun pa sel bas te// phun sum tshogs dbyangs 'di 'dra'o// 'dzam bu gling gi sna tshogs phyogs rnams na// mir 'gyur ba yi skad ni mtha' yas pa// kun gyis de sgra rnam pa sna tshogs kyi// dbyangs 'di thos nas rjes su thob par 'gyur// sa rnams dang ni de bzhin par snang lnga// de dag ci 'dra skad la 'jug pa rnams// de phyir thub dbang dbyangs ni rab zhugs te/
- 56a
gdon mi za thob mya ngan 'das 'gyur// rkang gnyis dag dang rkang bzhi rnams dang ni// rkang mangs dag dang rkang pa med pa rnams// thams cad/ la ni de'i sgra dbyangs 'jug/ bskul nas rab tu bzung zhing tshar yang gcod// stong gsum 'di yi sgra rnams ji snyed pa// tha ma dang ni 'bring dang de bzhin rab// de dag rjes su 'gro dbyangs de sgrogs te// sems can 'dul zhing thar la reg par byed// rtog pa med cing rnam par mi rtog ste// bzung ba dang ni bcings las byung ba yin// mnyam par gzhag nas 'phags pa'i bden 'chad de// sems can thob nas nyon mongs zhi bar byed// sang+yas chos dang de bzhin dge 'dun sgra// sbyin thob tshul khrims de bzhin bzod pa dag/ mtha' yas sgra ni sems can thos byed de// de bzhin gshegs pa'i dbyangs ni de 'dra'o// de'i dbyangs ni tshad yod ma yin te// dbyangs kyang mtha' med ye shes mtha' yas pa// de la byang chub sems dpa' mkhas dad pa// de bzhin gshegs pa'i dbyangs la the tsom med// shA ri'i bu ji ltar na byang chub sems dpa' de bzhin gshegs pa rnams kyi de bzhin gshegs pa'i ye shes bsam gyis mi khyab pa la mngon par dang / yid ches rab tu rtog the tsom mi za thos nas rab tu dga' mgu rangs pa rnyed do// ngo mtshar dang slad du 'du shes skyed ce na/ 'di ltar shA ri'i bu chos thams cad la de bzhin gshegs pa'i chags pa med pa'i ye shes mthong
- 56b
ba la 'jug ste/ de la byang chub sems dpa' mngon par dad / yid ches rab tu rtog pa nas dad pas ngo mtshar dang smad kyi 'du shes skyed do// de bzhin gshegs pa'i ye shes/ kyi pha rol tu phyin pa la brtsams te khyod la dpe stan par bya'o// shA ri'i bu ji tsam gang ga'i klung gi bye ma snyed kyi 'jig rten gyi rtsa dang shing dang yal ga dang lo ma dang 'dab ma dang tha na sor bzhi tsam gyi tshad rnams kyang skyes bu la la zhig gis de dag cig tu sprul te/ cig tu spungs nas mes bsregs te tshig nas thal bar byas so// thal bar byas nas gang na gang+gA'i klung gi bye ma snyed kyi 'jig rten gyi khams kyi rgya mtsho chen po dag tu glug te lo stong du dkrugs pa'i yongs su bzung ste/ shA ri'i bu de bzhin gshegs pa rnams kyi de bzhin gshegs pa'i ye shes 'di lta bu yod de bzhin gshegs pa'i ye shes dang ldan pas/ rgya mtsho chen po de dang de dag nas thal ba de dag blangs te/ 'jig rten gyi khams de dang de dag tu 'jig rten gyi khams che ge mo zhig gi shing 'di 'dra ba zhig gi thal ba'o// 'di ni 'jig rten gyi khams che ge mo zhig gi rtsa ba dang / che ge mo zhig gi sdong po dang / che ge mo zhig gi yal ga dang / che ge mo/ zhig gi lo ma dang / che ge mo zhig gi 'bras bu'i thal ba'o// 'di ni phyogs che ge mo zhig gi 'dab ma 'di 'dra ba zhig gi thal ba'o zhes rab tu 'byed do// de'i phyir 'di ltar shA ri'i bu de bzhin gshegs pas chos kyi dbyings rab tu rtogs ste/ de rab tu rtogs pas de bzhin gshegs pas 'di ltar 'di ni 'jig rten gyi khams che ge mo zhig gi thal ba'o zhes rab tu shes pa nas
- 57a
rgyas par bya ste/ de ltar shA ri'i bu de bzhin gshegs pa dgra bcom pa yang dag par rdzogs pa'i sangs rgyas ni 'di ltar rdzu 'phrul che'o// 'di ltar/ mthu che'o// 'di ltar nus pa che'o// shA ri'i bu rigs kyi bu'am rigs kyi bu mo gang la la de bzhin gshegs pa'i ye shes 'di la dang yid ches/ rtog cing de bzhin gshegs pa'i byams pa'i yid la byed pa de thams cad ni/ dge ba'i rtsa ba 'di'i mtha' ma rnyed kyang / sdug bsngal tha mar byed do// de ci'i phyir zhe na/ 'di ltar shA ri'i bu de bzhin gshegs pas chos kyi dbying shin tu rtogs so// de shin tu rtogs pas de bzhin gshegs pa rnams las sems bskyed pa gcig kyang chud mi za'o// shA ri'i bu khyod la dpe bya ste/ 'di la skyes bu mkhas pa kha cig dpes ngas bshad pa'i don rnams rab tu shes te/ 'di lta ste shA ri'i bu skyes bu la la tshe lo brgya pa/ lo brgyar 'tsho ba zhig gis skra'i rtse mo bye ba brgyar btsal bas/ chu'i thig pa blangs te nga ga la ba der 'ongs nas phyin pa dang / 'di skad ces kye dge sbyong go'u ta ma bdag gi chu'i thigs pa 'di khyod la gdams kyis/ nam bdag la dgos par gyur pa de na slar byin cig ces pa smras pa dang / de bzhin gshegs pas de blangs te rgya mtsho chen por bor nas de rgyun gyis bdas te 'dres nas lhan cig mthar rgya mtsho chen por zhugs so// de nas skyes bu tshe lo brgya pa de lo brgya lon pa dang / nga ga la ba der 'ongs te phyin nas/ 'di skad ces ge'u ta ma bdag gi chu'i thigs pa de dgos kyis bdag la byin cig ces zer na/ shA ri'i bu de bzhin gshegs pa
- 57b
rnams kyi de bzhin gshegs pa'i ye shes yod de/ ye shes dang ldan na/ de bzhin gshegs pa dgra bcom pa yang dag par rdzogs pa'i sangs rgyas kyis skra'i rtse mo bye ba brgyar bca bas/ chu'i thig pa rgya mtsho chen po de nas chu gzhan dang ma 'dres pa blangs te skyes bu de la slar sbyin no// shA ri'i bu ji tsam du don shes par bya ba'i phyir khyod la dper byas so// de gang gi don du lta zhe na/ 'di lta ste/ shA ri'i bu skyes bu chu'i thigs pa de bzhin gshegs pa'i lag tu song ba yun ring mo zhig lon yang chud mi za'o// de bzhin du shA ri'i bu rigs kyi bu 'am rigs kyi bu mo gang la la de bzhin gshegs pa'i ye shes 'di lta bu la dang / yid ches rab tu rtog cing / de bzhin gshegs pa'i byams pa yid la byed pa dang / de bzhin gabye pa nyid la dmigs na/ de ci'i phyir nam mkha' la me tog mthor ba de dag thams cad dge ba'i rtsa ba 'di'i mtha' ma rnyed kyang sdug bsngal tha mar byed par 'gyur ro// de ci'i phyir zhe na/ 'di ltar shA ri'i bu de bzhin gshegs pas chos kyi dbyings rab tu rtogs te/ de rab tu rtogs pas de bzhin gshegs pa rnams las sems cig bskyed pas yang chud mi za'o// de nas bcom ldan 'das la tshe dang ldan pa shA ri'i bus 'di skad ces gsol to// bcom ldan 'das de bzhin gshegs pa rnams kyi de bzhin gshegs pa'i mkhyen pa gang rnam par shes pa ma mchis par 'jug pa ma mchis sam/ bka' stsal pa shA ri'i bu med do// bcom ldan 'das ye shes ni gang lags/ rnam par shes pa ni gang lag
- 58a
shA ri'i bu 'di bzhin rnam par shes pa'i gnas te rnam par shes pa ni de dag la gnas so// 'di lta ste/ rnam par shes pa gzugs la nye bar song ste gnas/ gzugs la dmigs/ gshegs pa la gnas/ dga' ba la rten pas skye zhing 'phel te rgyas par 'gyur ba dang / rnam par shes pa tshor ba la nye bar song zhing gnas/ tshor ba la dmigs/ tshor ba la gnas/ dga' ba la rten nas skye zhing 'phel te rgyas par 'gyur ba dang / rnam par shes pa 'du shes la nye bar song zhing gnas/ 'du shes la dmigs/ 'du shes la gnas/ dga' ba la rten pas skye zhing 'phel te rgyas par 'gyur ba dang / rnam par shes pa 'du byed la nye bar song zhing gan 'du byed la dmigs/ 'du byed la gnas/ dga' ba la rten pas skye zhing 'phel nas rgyas par 'gyur/ shA ri'i bu 'di ni rnam par shes pa zhes bya'o// gang len pa'i phung po lnga la mi gnas par shes pa'i phung po yongs su shes pa de ni ye shes shes bya'o// gzhan yang rnam par shes pa ni/ sa'i khams shes pa dang / chu'i khams dang / me'i khams dang / rlung gi khams dang / nam mkha'i khams rnam par shes pa dang / 'di ni rnam par shes pa zhes bya'o// gang khams bzhi la mi gnas par shes pa'i chos kyi khams kun tu dbye ba shes pa 'di ni ye shes shes bya'o// gzhan yang shA ri'i bu rnam par shes pa zhes bya ba ni/ gang mig gi rnam par shes pa shes par bya ba'i gzugs rnam
- 58b
par rig pa dang / rna bas shes par bya ba'i sgra rnam par rig pa dang / snas shes par bya ba'i dri rnam par rig pa dang / lces shes par bya ba'i ro rnam par rig pa dang / lus kyis shes par bya ba'i reg bya rnam par rig pa dang / yid kyis shes par bya ba'i chos rnam par rig pa 'di ni rnam par shes pa zhes bya'o// gang nang nye bar zhi zhing phyi rol tu mi rgyu ste/ ye shes kyi phyir 'brang zhing chos gang la yang mi rtog rnam par mi rtog pa de ni ye shes shes bya ste/ rnam par shes pa ni dmigs pa las skye'o// rnam par shes pa ni yid la byed pa las skye'o// rnam par shes pa ni yongs su rtog pa las skye ste/ de ni rnam par shes pa zhes bya'o// gang 'dzin pa med pas snyems pa dang / dmigs pa med rnam par rig pa med cing mi rtog pa de ni ye shes shes bya'o// gzhan gang yang 'dus byas la spyod pa'i chos la rnam par shes pa gnas shing gang 'dus byas la spyod pa'i chos rnam par shes pa de ni rnam par shes pa zhes bya'o// 'dus ma byas la rnam par shes pa 'jug pa med par/ gang 'dus ma byas rnam par shes pa de ni ye shes shes bya'o// gzhan yang gang skye ba dang / 'jig pa la rab tu gnas pa de ni rnam par shes pa zhes bya'o// gang skye ba med pa dang 'gag pa med pa la gnas pa de ni ye shes shes bya'o// de ltar shA ri'i bu 'di ni rnam par shes pa 'di ni ye shes te/ byang chub sems dpa' de bzhin gshegs pa'i ye she bas me gyis mi khyab pa de la mngon par dang / yid ches rab tu rtog the tsom mi/
- 59a
za rab tu dga' mgu rangs pa rnyed nas/ ngo mtshar dang slad du 'du shes bskyed do// de nas bcom ldan 'das kyis don de nyid rgya cher rab tu stan pa'i de'i tshe tshigs su bcad pa 'di gsungs so// ji ltar gang+gA'i klung gi bye ma dpag med pa// de ltar phyogs bcu'i 'jig rten khams kyi rtsa rnams ni// de dag skyes bu la las mer bsregs thal bar byas// lo ni brgya stong dag tu rgya mtshor dkrugs pa rnams// de 'dra stobs bcu'i ye shes phra mnga' bas// thal ba blangs nas 'gro ba dag la lung bston pa// zhing rnams rab 'byams dag gi shing rigs 'di// de tshig thal ba 'di zhes thams cad ma nor zhes// de ltar phyogs bcu dag gi 'jig rten khams kyi rdul thams cad rdul du byas nas rgyal ba rnams ston te// de dag thams cad bgrang yang mi chags the tsom med// de ltar bde bar gshegs kyi ye shes nam mkha' bzhin// ji snyed/ phyogs bcu'i 'gro ba rnams kyi sems kyi rgyud// gang dag 'dod chags spyod dang zhe sdang gti mug ldan// spyod pa kun gyi tshul zhes bsam pa rnams dang ni// gang gis blo nyams/ gang gis thar par 'gyur ba shes// stobs bcu rnams kyi ye shes 'jig rten kun gyi mchog/ phyogs bcu dag gi chos dbyings ji snyed par zhugs kyang // 'dren pa rnams ni rtog mi 'gyur// dad pa bde gshegs sras dag rgyal ba rnams pa dang // byang chub sems dpa'i sde snod// / bam po bzhi pa/
- 59b
shA ri'i bu ji ltar na byang chub sems dpa' de bzhin gshegs pa rnams kyi de bzhin gshegs pa'i 'od bsam gyis mi khyab pa la mngon par dang / yid ches rab tu rtog the tsom mi za rab tu dga' mgu rangs pa rnyed nas/ ngo mtshar dang smad du 'du shes bskyed ce na/ 'di la shA ri'i bu de bzhin gshegs pas chos kyi dbyings rab tu rtogs te/ rab tu rtogs pas de bzhin gshegs pa stong gsum gyi stong chen po'i 'jig rten gyi khams 'dir mngon par gshegs nas lham me lhag ge lhung nge mdzad do// de 'di lta ste dper na sprin med pa'i nam mkha' la nyi ma shar nas/ lham me lhag ge lgang nge de bzhin du shA ri'i bu de bzhin gshegs pa dgra bcom pa yang dag par rdzogs pa'i sangs rgyas stong gsum gyi stong chen po'i 'jig rten gyi khams 'dir mngon par gshegs nas/ lham me lhag ge lhang nger mdzad do// shA ri'i bu gang srin bu me khyer gyi 'od pas ni gang til mar gyi mar me'i 'od ni shin du 'phags/ shin tu mchog shin du kha dog dang ldan/ shin du 'od gsal/ shin tu rgya che'o// gang gtil mar gyi mar me'i 'od pas ni/ rtsig pa chen po'i 'od 'di shin tu 'phags/ shin tu mchog pa nas shin tu rgya che ba'i bar du'o// gang rtsig pa chen po'i 'od pas ni/ gang me'i phung po chen po'i 'od dang / gang smad dang skar ma'i 'od nas rgyas par byas te/ zla ba'i 'od dang / nyi ma'i 'od dang / rgyal chen bzhi'i ris kyi lha rnams kyi ra ba dang / gzhal med khang dang lus kyi
- 60a
rgyan rnams dang / de bzhin du sum cu rtsa gsum rnams dang / thun spyoms pa rnams dang / dga' ldan pa rnams dang / 'phrul dga' ba rnaMm dang gzhan 'phrul dbang byed kyi lha rnams kyi ra ba dang / gzhal med khang dang / lus kyi rgyan rnams dang / gang tshangs pa rnams dang / tshangs ris pa rnams dang / tshang lha nye phan pa rnams dang / tshangs pa kun 'khor ba rnams dang / tshangs chen gyi lha rnams kyi ra ba dang / gzhal med khang dang lus kyi rgyan rnams kyi 'od 'di shin tu 'phags/ shin tu bzang / shin tu mchog shin tu kha dog dang ldan/ shin tu kha dog gsal ba shin tu rgya che ba'o// gang tshangs pa rnams dang / tshangs ris pa rnams dang / tshangs lha nye phan gyi lha rnams dang / tshangs pa kur 'khor ba rnams dang / tshangs chen gyi lha rnams kyi 'od nas rgyas par byas pa'i 'od pas ni/ 'od chen dang / 'od chung dang / tshad med 'od dang / 'od gsal nas dge rgyas kyi bar dang / 'bras bu che ba dang / 'du shes can dang / 'du shes med 'du shes med min dang / mi che ba dang / mi gdung ba dang gya nom snang ba dang / shin tu mthong ba'i ra ba dang / gzhal med khang dang / lus kyi 'od pas gang mi chung ba'i lha rnams kyi ra ba dang / gzhal med khang rnams dang / lus kyi 'od 'di shin tu 'phags/ shin tu bzang / shin tu mchog shin tu mchog dang ldan/ shin tu 'od gal la/ shin tu rgya che'o// gang mi chung gi lha rnams kyi ra ba dang / gzhal
- 60b
med khang dang / lus kyi 'od pas ni/ gang de bzhin gshegs pa dgra bcom pa yang dag par rdzogs pa'i sangs rgyas kyi 'od 'di shin tu 'phags/ shin tu bzang / shin tu// mchog shin tu kha dog dang ldan/ shin tu 'od gsal/ shin tu rgya che ba'o// de ci'i phyir zhe na/ shA ri'i bu de bzhin gshegs pa ni tshul khrims dpag tu med pa dang / ting nge 'dzin dpag tu med pa dang / shes rab dpag tu med pa dang / rnam par grol ba dpag tu med pa dang / rnam par grol ba'i ye shes mthong ba dpag tu med pa'i phyir// de ltar shA ri'i bu ji tsam stong gsum gyi stong chen po'i 'jig rten gyi khams na/ 'od du gdags pas btags te/ btags pa de thams cad ni de bzhin gshegs pa'i 'od kyi brgya'i char yang mi chog pa nas/ dpe'i bar du yang mi chog go// de 'di lta ste dper na/ shA ri'i bu 'dzam bu'i chu bo'i gser gyi nang du/ gser nad pa gzhan na snag tsha lta bur 'gyur te lham me ba ma yin/ lhag ge ba ma ya ni/ lhang nge ba ma yin no// de bzhin du shA ri'i bu ji tsam du 'di stong gsum gyi stong chen po'i 'jig rten gyi khams na 'od du gdags pas btags pa de thams cad de bzhin gshegs pa'i 'od kyi drung na/ lham me ma yin/ lhag ge ma yin/ ljang nge ma yin 'od gsal bar mi 'gyur te/ de bzhin gshegs pa'i 'od de ni 'od de'i nang na mchog ces bya dam pa zhes bya/ bla na med pa zhes bya/ shA ri'i bu de bzhin gshegs pa'i nyi tshe ba'i 'od las kyi rnam par smin pa las mngon
- 61a
par grub pa'i 'od 'dis kyang / stong gsum gyi stong chen po'i 'jig rten gyi khams snang bas shin tu khyab par mdzad de/ shA ri'i bu zla ba dang / ma'i 'od kyi snang ba yang mi 'byung / nyin mo yang mi shes/ mtshan mor yang mi shes/ zla ba phyed dang / zla ba gcig par yang mi shes/ dus dang / lor yang mi shes mod kyi/ 'di lta ste/ de bzhin gshegs pas sems can la thugs rtse ba'i phyir/ 'od 'dom gang pa byin gyis rlob ste/ shA ri'i bu de bzhin gshegs pa dgra bcom pa yang dag pa rdzogs pa'i sangs rgyas bzhed na/ 'jig rten gyi khams grangs med pa 'od kyis khyab par mdzad do// de ci'i phyir zhe na/ shA ri'i bu de bzhin gshegs pa ni shes rab kyi pha rol tu phyin pa'i dam pa'i pha rol tu phyin pa thob ste/ shA ri'i rlon de nyid rab tu rtogs par bya ba'i phyir khyod la dpe stan par bya'o// shA ri'i bu skyes bu la la zhig gis stong gsuM gyi stong chen po'i 'jig rten gyi khams kyi rdul ji snyed pa thams cad rab tu phra ba'i rdul du byas nas/ rdul de dag thu bar blugs te/ shar phyogs su song nas rdul phra mo de ji snyed kyi 'jig rten gyi khams 'das nas/ rdul phra rab gnyis bor zhing shar phyogs su song nas/ shA ri'i bu rdul phra rab tu phra ba'i rdul de thams cad ni zad par 'gyur gyi/ shA ri'i bu shar phyogs kyi 'jig rten gyi khams ni zad pa med do// de bzhin du lho dang / nub dang / byang nas phyogs bcu kun gyi bar du'o// shA ri'i bu de ji snyam du sems/ khams de
- 61b
dag gi mtha' dang mu bzung bar nus sam/ gsol pa/ bcom ldan 'das de ma lags so// bde bar gshegs pa ma lags so// bka' stsal pa/ shA ri'i bu de bzhin gshegs pa dgra bcom pa yang dag par rdzogs pa'i sangs rgyas bzhed na/ 'jig rten gyi khams de thams cad 'od kyis khyab par mdzad de/ 'jig rten gyi khams de dag na ji tsam 'od du gdags pas btags te/ btags pa de thams cad ni de bzhin gshegs pa'i 'od kyi drung na brgya'i char yang mi chog pa nas dpe'i bar du yang mi bzod de/ de ltar shA ri'i bu de bzhin gshegs pa dgra bcom pa yang dag par rdzogs pa'i sangs rgyas/ shes rab kyi pha rol tu phyin pa thob bo// yang shA ri'i bu de bzhin gshegs pa'i 'od la ni/ rtsig pa 'am shing ngam/ shing rlon nam/ ri kho ra khor yug gam/ khor yug chen po 'am/ ri dri dag 'am/ ri btang bzung chen po 'am/ gangs ri/ 'am/ ri gnya' shing 'dzin tam/ de las gzhan pa ri nag po 'am/ ri'i rgyal po ri rab dang gang gI kyang bsgribs par mi nus te/ de dag thams cad las thal nas stong gsum gyi stong chen po'i 'jig rten gyi khams 'di khyab par byas kyang / chung ngu la mos pa'i sems can rnams dad par mi 'gyur te/ de la sems can la las ni de bzhin gshegs pa'i 'od 'dom gang ba tsam du mthong ngo // gang de bas ni rgya chen por ni 'od 'dom do bar mthong ngo // gang de bas shin tu rgya chen pos ni 'od rgyang grags tsam du mthong
- 62a
ba nas/ gang de bas kyang shin tu rgya chen pos ni 'od stong gsum gyi stong chen po tsam gyi bar du mthong ste/ de ltar shA ri'i bu brgya stong gi tshangs bas ni 'jig rten gyi khams brgya stong 'od kyis khyab pa'i bar du mthong bar rgyas par bya'o// sa thob pa'i byang chub sems dpas kyang / de bzhin gshegs pa'i 'od kyi 'jig rten gyi khams mtha' yas par khyab pa'i bar du mthong ngo // de ltar shA ri'i bu nam mkha'i khams ci tsam par/ sems can gyi khams kyang de tsam ste/ de bzhin gshegs pas sems can la thugs rtse ba'i phyir/ de ci tsam par 'od kyi khyab par mdzad pa de byang chub sems dpas mthong nas/ the tsom dang som nyi mi za/ mngon par dad yid ches/ rab tu rtog shin tu dga' mgu rangs pa rnyed nas/ ngo mtshar dang smad du 'du shes bskyed do// de la de'i chos nyid ni 'di yin te/ de la 'di skad ces bya'o// gang rnams nyi ma zla ba'i 'od// de dag rgya byin tshangs 'od nas// 'og min par gyi 'od rnams kyis// bcu drug char yang mi phod do// 'og min gyi ni 'od rnams dang // gang rnams stong gsum khyab gyur pa'i// sangs rgyas pa spu'i 'od kyi ni// bcu drug char yang mi phod do// nam mkha' dag ni ji tsam par// de tsam 'od kyis khyab byed pa// blo gros rgya chen sems can gyis// de 'dra ba ni 'od mthong ngo // sangs rgyas 'od ni mtha' yas te// nam mkha' dang ni mtshungs mnyam pa// ji ltar 'dul bar 'gyur rnams kyis// de
- 62b
'dra bar ni 'od mthong ngo // ji ltar skyes bu dmus long gis// nyi ma'i 'od ni de 'dra ba// ma mthong bas ni 'od de la// 'od ni yod pa min zhes smra// de bzhin sems can nyams pa gang // rgyal ba'i 'od mi mthong bas na// rgyal 'od yod pa min zhes zer// la las ji ltar 'dom do dang // la las ji ltar dpag tshad dang // la las stong gsuM thams cad du// 'od kyis khyab par gyur pa mthong // sa brgyad pa dang dgu pa dang // bcu pa la ni gang gnas pa'i// byang chub sems dpa' shes rab che// sa che la ni gang gan+da ba// de dag sangs rgyas rnams kyi 'od// mtha' yas dkyil 'khor la 'jug cing // bsam yas sangs rgyas zhing rnams su// sangs rgyas dag gi bya ba byed// de ltar sangs rgyas bsam mi khyab// sangs rgyas 'od zer bsam mi khyab// bsam mi khyab la dang byas na// bsod nams phung po bsam mi khyab// shA ri'i bu ji ltar na de bzhin gshegs pa rnams kyi de bzhin gshegs pa'i tshul khrims bsam gyis mi khyab pa la mngon par dang / yid ches/ rab tu rtog the tsom mi za/ rab tu dga' mgu rangs pa rnyed nas/ ngo mtshar dang smad du 'du shes bskyed pa dang / de bzhin gshegs pa rnams kyi de bzhin gshegs pa'i ting nge 'dzin bsam gyis mi khyab pa la mngon par dang / yid ches rab tu rtog pa nas ngo mtshar dang smad kyi bar gyi 'du shes bskyed ce na/ gang gi phyir shA ri'i bu yang dag par smra zhing ston pa de ni/ tshul khrims yongs su dag pa'i sems can 'jig rten
- 63a
du byung ste/ lus kyi las yongs su dag pa dang ldan pa/ ngag gi las yongs su dag pa dang ldan pa/ yid kyi las yongs su dag pa dang ldan pa 'jig rten du 'byung zhing skyes nas 'jig rten gyi chos kyis mi gos pa/ bram ze sdig pa spangs pa/ dge slong zhi ba/ bsam pa gtan pa'i mchog/ ting nge 'dzin dam pa'i chos thob pa'i sems can 'jig rten du 'byung ngo zhes de bzhin gshegs pa la yang dag par zhing ston to// de ci'i phyir zhe na/ shA ri'i bu lhar bcas pa'i 'jig rten dang / tshangs bar bcas pa dang / bdud du bcas pa dang / dge sbyong du bcas pa dang / bram zer bcas pa'i skye dgu dang / lha dang mi dang / lha ma yin du bcas pa'i 'jig rten na/ ji ltar de bzhin gshegs pa dgra bcom pa yang dag par rdzogs pa'i sangs rgyas tshul khrims dang / ting nge 'dzin gyi phung po yongs su dag pa/ tshad med pa de lta bu ngas ma mthong ngo // de ci'i phyir zhe na/ shA ri'i bu de bzhin gshegs pa tshul khrims dang / ting nge 'dzin dpag tu med pa'i mchog thob po// shA ri'i bu khyod de bzhin gshegs pa'i tshul khrims dang ting nge 'dzin tshad med pa'i dpe tsam thob par 'dod dam/ gsol pa/ bcom ldan 'das de'i dus lags so// bde bar gshegs pa de'i dus lags so// gang gi slad du dge slong rnams la brtsams te/ de bzhin gshegs pa'i tshul khrims dang / ting nge 'dzin gyi pha rol tu phyin pa de tsam bshad du gsol/ ji ltar bcom ldan 'das las thos nas/ dge
- 63b
slong rnams de bzhin du 'dzin par 'gyur ro// bcom ldan 'das kyis bka' stsal pa/ shA ri'i bu de ji snyam du sems/ sems can gyi khams dang / sa'i khams gang mang / gsol ba/ ji ltar bcom ldan 'das kyis gsungs pa'i don bdag gis 'tshal ba ltar na/ bcom ldan 'das sems can gyi khams ni rab tu mang gi sa'i khams ni ma lags so/ bka' stsal pa de de bzhin no// shA ri'i bu de de bzhin te/ shA ri'i bu sems can gyi khams ni rab tu mang gi sa'i khams ni ma yin no// shA ri'i bu ji tsam stong gsum gyi stong chen po'i 'jig rten gyi khams na/ sgo nga las skyes pa 'am/ mngal nas skyes pa 'am/ drod gsher las skyes pa 'am/ rdzus te skyes pa 'am/ gzugs can nam/ gzugs med dam/ 'du shes can nam/ 'du shes med pa'am/ 'du shes med 'du shes med min gyi sems can rnams sems can du gdags pas btags pa de thams cad skad cig thang cig yud tsam cig gis snga phyi med par mi'i lus rab tu thob par 'gyur ba'i yongs su btags pa bzung ste/ shA ri'i bu mir gyur pa'i sems can de dag thams cad skad cig thang cig yud tsam cig gis/ snga phyi med par bla na med pa yang dag par rdzogs pa'i byang chub mngon par rdzogs par sangs rgyas par gyur pa'i yongs su btags pa bzung la/ de bzhin gshegs pa re res kyang / de bzhin gshegs pa de dag ji snyed pa de rnyed kyi de bzhin gshegs par mngon par sprul te/ de bzhin gshegs
- 64a
pa re re la yang dbu stong stong du gyur/ zhal re re la yang ljags stong stong du gyur la/ de bzhin gshegs pa de dag thams cad stobs bcu dang ldan par gyur/ mi 'jigs pa bzhi dang / de bzhin gshegs pa'i so so yang dag par rig pa bzhi dang / thogs pa med pa'i sgrib pa med pa'i sangs rgyas kyi spobs pa dang ldan par gyur la/ shA ri'i bu de lta bu'i de bzhin gshegs pas de bzhin gshegs pa gcig gi tshul khrims kyi pha rol tu phyin pa la brtsams te/ bskal pa bye ba khrag khrig brgya stong du bsngags pa brjod kyang / 'di 'dra ba'i de bzhin gshegs pa'i tshul khrims kyi phung po'i mtha' mi phyin te/ de ltar shA ri'i bu de bzhin gshegs pa'i tshul khrims kyi phung po zad par mi 'gyur/ de bzhin gshegs pa de dag gi shes rab dang / spobs pa yang bla na med de/ de bzhin gsheg pa de dag thams cad de'i bar du yongs su mya ngan las 'das par 'gyur ro// de ci'i phyir zhe na/ 'di lta ste/ de bzhin gshegs pa'i tshul khrims kyi phung po dang / de bzhin gshegs pa de dag gi shes rab dang / spobs pa bla na med pa dang / de gnyis ni tshad med grangs med bsam gyis mi khyab nam mkha' dang mnyam mo// shA ri'i bu stong gsum gyi stong chen po'i 'jig rten gyi khams kyi sems can lta zhog la/ shA ri'i bu shar phyogs kyi 'jig rten gyi khams gang+gA'i klung gi bye ma snyed na/ sems can
- 64b
ji snyed pa dang / de bzhin du lho dang / nub dang / byang dang / 'og dang / steng gi phyogs dang / de bzhin du phyogs mtshams dang / phyogs bcu kun gyi 'jig rten gyi khams gang+gA'i klung gi bye ma rnyed kyi sems can skad cig yud tsam cig gis mi'i lus rab tu thob par gyur nas/ bla na med pa yang dag par rdzogs pa'i byang chub mngon par rdzogs par 'tshang rgya bar 'gyur ba'i bar du gong ma bzhin du rgyas par bya te/ 'di lta ste/ de bzhin gshegs pa'i tshul khrims kyi phung po dang / sangs rgyas bcom ldan 'das de dag gi shes rab dang / spobs pa bla na med pa dang / de gnyis tshad med grangs med bsam gyis mi khyab nam mkha' dang mnyam ste/ de ltar shA ri'i bu de bzhin gshegs pas tshul khrims kyi pha rol tu phyin pa dam pa'i mchog thob bo// shA ri'i bu khyod de bzhin gshegs pa'i ting 'dzin gyi pha rol tu phyin pa'i dpe tsam du bya ba thos par 'dod dam/ gsol pa/ bcom ldan 'das de'i dus 'di lags so// bde bar gshegs pa de'i dus 'di lags so// gang gi slad du dge slong rnams kyis bcom ldan 'das las thob nas de bzhin du 'dzin par 'gyur ro// bcom ldan 'das kyis bka' stsal pa/ shA ri'i bu de'i dus na/ nyi ma bdun 'jig rten du 'byung bar gyur to// stong gsum gyi stong chen po'i 'jig rten 'di 'bar kun tu 'bar kun tu rab tu 'bar zhing / 'bar ba cig tu gyur pa der
- 65a
bsam gtan mdzad cing / phyogs gang na de bzhin gshegs pa bzhud dam/ bzhengs sam/ bzhugs sam/ mnal ba'i sa phyog der chu nas skyes pa'i me tog ud pa la dang / ku mu ta dang / pun da ri ka skye bar 'gyur te/ shA ri'i bu sa phyogs de ni ngo mtshar dang smad kyi chos bdun pa 'di dang ldan pa yin/ gzhan yang shA ri'i bu 'jig rten gyi khams 'bar/ kun tu 'bar/ kun tu rab tu 'bar zhing / 'bar ba cig tu gyur pa der bsam gtan mdzad cing / sa phyogs gang na de bzhin gshegs pa bzhud dam/ bzhengs sam/ bzhugs sam/ mnal ba'i sa phyogs der thang las skyes pa'i me tog 'di lta ste/ a ti mug ta dang / tsam pa ka dang / su ma na dang / pa ri sha ka dang / a sho ka dang / ba ka la dang / kar ni ka ra dang / ta ri na dang / go ta ra ni la sogs pa thang las skyes pa'i me tog gzhan dag kha dog dang ldan pa/ dri dang ldan pa 'byung bar 'gyur te/ shA ri'i bu sa phyogs de ni ngo mtshar dang smad kyi chos brgyad pa 'di dang ldan pa yin/ gzhan yang shA ri'i bu 'jig rten gyi khams 'bar/ kun tu 'bar/ kun tu rab tu 'bar zhing / 'bar ba cig tu gyur pa der bsam gtan mdzad cing sa phyogs gang na de bzhin gshegs pa bzhud dam/ bzhengs sam/ bzhugs sam/ mnal ba'i sa phyogs de snying po mi shigs pa rdo rje'i rang bzhin du gyur te/ shA ri'i bu sa phyogs de ni ngo mtshar dang smad
- 65b
kyi chos dgu pa 'di dang ldan pa yin no// gzhan yang shA ri'i bu stogasum gyi stong chen po'i 'jig rten gyi khams 'bar/ kun tu 'bar/ kun tu rab tu 'bar zhing / lam me kun tu lam me/ kun tu rab tu lam me zhing / lam me cig tu gyur pa der bsam gtan mdzad cing / sa phyogs gang na de bzhin gshegs pa dgra bcom pa yang dag par rdzogs pa'i sangs rgyas bzhud dam/ bzhengs sam/ bzhugs sam/ mnal ba'i sa phyogs de ltar bcas pa'i 'jig rten dang / bdud dang bcas pa dang / tshangs pa dang bcas pa dang / dge slong dang bram zer bcas pa'i ske dag dang / lha dang mi dang lha ma yan du bcas pa'i 'jig rten gyi mchod rten du 'gyur te/ shA ri'i bu sa phyogs de ni ngo mtshar dang smad kyi chos bcu po 'di dang ldan pa yin te/ shA ri'i bu sa phyogs de ni ngo mtshar dang smad kyi chos bcu po de dag dang ldan pa yin no// yang shA ri'i bu de bzhin gshegs pas chos kyi dbyings de shin tu rtogs te/ de rtogs pas de bzhin gshegs pa dgra bcom pa yang dag par rdzogs pa'i sangs rgyas bltar mnyam par gzhag pa'i sems la cig tu bde bar so sor yang dag par rig par 'gyur ba/ de lta bu'i ting nge 'dzin la snyoms par zhugs nas bskal pa gang+gA'i klung gi bye ma snyed du 'dug kyang / de bzhin gshegs pa'i ting nge 'dzin yongs su 'grib pa med par ngas bshad do// shA ri'i bu de bzhin gshegs pa la bsod snyoms cig gis bskal par gnas sam/ bskal pa
- 66a
brgya'am/ bskal ba stong ngam/ bskal pa brgya phrag stong ngam/ bskal pa bye ba 'am/ bskal pa bye ba brgya 'am/ bskal pa bye ba stong ngam/ bskal pa bye ba brgya phrag stong ngam/ bskal pa bye ba khrag khrig brgya phrag stong ngam/ de las lhag par yang bzhugs so// de ci'i phyir zhe na/ shA ri'i bu de bzhin gshegs pa dgra bcom pa yang dag par rdzogs pa'i sangs rgyas ni pha rol tu phyin pa mchog gi dam pa'i mchog thob pa ste/ shA ri'i bu de bzhin gshegs pa de ni de ltar rdzu 'phrul che/ de ltar mthu che/ de ltar nus pa che'o// 'di lta ste dper na/ shA ri'i bu 'du shes med 'du shes med min skye mched kyi lha'i bur skyes pa de/ dmigs pa cig la gnas pa'i rnam par shes pas/ bskal pa brgyad khri bzhi stong du 'dug ste/ bsam gtan gyis tshe'i mtha' 'chi ba'i dus ma byas kyi bar du rnam par shes pa de las rnam par shes pa gzhan du mi 'gyur ro// de bzhin du shA ri'i bu gang gi nub mo de bzhin gshegs pas bla na med yang dag par rdzogs pa'i byang chub mngon par rdzogs par sangs rgyas pa dang / gang gi nub mo phung po'i lhag ma ma lus pa'i mya ngan las 'das pa'i dbyings su yongs su mya ngan las 'das pa de'i bar du de bzhin gshegs pa'i ting nge 'dzin las nyams pa med/ sems 'gyur ba med/ sems rgyu ba med/ sems rnam par rgyu ba med/ sems rab tu rgyu ba med/ sems rgyas pa med/ sems
- 66b
kyi 'dren pa med/ sems g.yeng ba med/ sems mtho ba med/ sems dma' ba med/ sems kun tu bsrung ba med/ sems spad ba med/ sems tshim pa med sems mi 'thun pa med/ sems dma' ba nyid med/ sems g.yo ba med/ sems rab tu dga' bar byed med/ sems zhum pa med/ sems rtog pa med/ sems rnam par rtog pa med/ sems yongs su rtog pa med/ sems kyi rjes su 'brang ba'i rnam par shes pa med/ sems mig la gnas pa med/ rna ba dang / sna dang / lce dang / lus dang / yid la gnas pa med/ gzugs la gnas pa med/ sems sgra dang / dri dang / ro dang / reg bya dang / chos la gnas pa med/ sems chos la 'jug pa med/ sems rnam par shes pa la 'jug pa med/ sems 'das pa la yang mi lta/ sems ma 'ongs pa la yang mi lta/ sems da ltar byung ba la mi lte ste/ de ltar shA ri'i bu de bzhin gshegs pa dgra bcom pa yang dag par rdzogs pa'i sangs rgyas ting nge 'dzin la gnas nas/ sems las chos brtsal ba gang yang med mod kyi/ lhun gyis grub pa'i tshul gyis chos thams cad la thogs pa med pa'i ye shes mthong ba la 'jug go// 'di ltar shA ri'i bu de bzhin gshegs pa'i ting nge 'dzin ni/ sems dang / ying dang / rnam par shes pa dang bral mod kyi/ gnas kyang mi 'dor ste/ lhun gyis grub pa'i tshul gyis sangs rgyas kyi bya ba thams cad kyang byed do//
- 67a
bcom ldan 'das kyis de skad ces bka' stsal te/ bde bar gshegs pas de skad gsungs nas/ ston pa gzhan yang de skad gsung ngo // bskal pa brgya stong dpag med gzhal du med par yang // 'dren pa sngon dag gi ni srid par 'gro rnams su// byang chub spyad pa spyod cing tshul khrims thob pa dang // ting 'dzin bag yod bzod pa byang chub gzhi mchog bsgoms// rgyal ba'i las kyi 'bras bu dge ba 'di 'dra bas// tshul khrims shin tu yongs dag 'jig rten kun gyi mchog/ ji ltar nam mkha' rnam dag dri med ma spros ltar// stobs bcu rnams kyi tshul khrims dri med nam mkha' bzhin// gang nub thog mar rgyal bas byang chub sangs rgyas dang // gang nub tha mar mya ngan 'da' bar 'gyur ba'i bar// stobs bcu rnams kyis sems rgyu rab tu rgyu ba med// de bzhin bsam gtan ting 'dzin bri ba rgya lam med// stobs bcu rnams kyi tshul khrims phung po bri ba med// rdzu 'phrul stobs dang rnam thar bri ba phyogs med par// bskal pa brgya phrag dag tu sems ni cig gis gnas// 'dren pa la ni rtog dang rnam par rtog 'gyur med// 'dren pa rnams kyi rnam rtog spyod yul nam mkha' mnyam// dus gsum dag la sangs rgyas ye shes thogs med 'jug/ stobs bcu rnams la sems yid rnam par rgyu ba dang // rtog dang rtong pa med par sangs rgyas sras rnams dang // / de ltar shA ri'i bu
- 67b
byang chub sems dpa' rnams de bzhin gshegs pa rnams kyi de bzhin gshegs pa'i tshul khrims dang ting 'dzin bsam gyis mi khyab pa la mngon par dang / yid ches/ rab tu rtog som nyi med/ the tsom mi za/ rab tu dga' mgu rangs pa rnyed nas/ ngo mtshar dang smad du 'du shes bskyed do// shA ri'i bu ji ltar byang chub sems dpa' de bzhin gshegs pa rnams kyi de bzhin gshegs pa'i rdzu 'phrul gyi stobs bsam gyis mi khyab pa la mngon par dang / yid ches rab tu rtog som nyi med/ the tsom mi za/ rab tu dga' mgu rangs pa rnyed nas/ ngo mtshar dang slad du 'du shes skyed ce na/ 'di la dge slong dag nga'i nyan thos rdzu 'phrul can rnams kyi nang na/ 'di ltar gnas brtan me'u 'gal chen po 'di rdzu 'phrul dang ldan pa rnams kyi nang na mchog go zhes de bzhin gshegs pa dgra bcom pa yang dag par rdzogs pa'i sangs rgyas kyis gsungs te/ byang chub sems dpa' nyan thos kyi rdzu 'phrul de la 'jal yongs su spyod/ byang chub sems dpa'i rdzu 'phrul la 'jal zhing yongs su spyod do// 'jal te yongs su spyad nas de bzhin gshegs pa'i rdzu 'phrul dang mtshungs pa ma mnyam par ma mthong nas/ de 'di snyam du sems te/ de bzhin gshegs pa rnams kyi de bzhin gshegs pa'i rdzu 'phrul bsam gyis mi khyab po snyam nas/ de bzhin gshegs pa'i rdzu 'phrul yongs su bsgrub pa'i phyir brtson 'grus rab tu brtsom par 'gyuraro//
- 68a
shA ri'i bu khyod de bzhin gshegs pa las de bzhin gshegs pa'i rdzu 'phrul gyi dpe tsam thos par 'dod dam/ gsol pa bcom ldan 'das de'i dus 'di lags so// bde bar gshegs pa de'i dus 'di lags so// gang gi slad du bcom ldan 'das kyis dge slong rnams la de bzhin gshegs pa'i rdza 'phrul brtsams te/ dpe bshad du gsol/ gang gi slad du dge slong rnams kyis/ bcom ldan 'das zlos nas de bzhin du 'dzin par 'gyur ro// bcom ldan 'das kyis bka' stsal pa/ de'i phyir shA ri'i bu shin tu legs par nyon te/ yid la zung shig dang ngas bshad do// bcom ldan 'das de bzhin no zhes gsol nas/ tshe dang ldan pa shA ri'i bu bcom ldan 'das la slar nyan pa dang / bcom ldan 'das kyis 'di skad ces bka' stsal to// shA ri'i bu de ji snyam du sems/ gnas brtan me'u 'gal chen po rdzu 'phrul dang ldan pa yin nam/ gsol pa/ dge slong nyan thos kyi nang na 'di ltar gnas brtan me'u mgal chen po 'di ni rdzu 'phrul dang ldan pa'i mchog go zhes bdag gis bcom ldan 'das las mngon sum du thos te/ mngon sum du yongs su bzung ngo // bka' stsal pa/ shA ri'i bu gal te stong gsum gyi stong chen po'i 'jig rten gyi khams 'di/ 'di lta ste/ bu ram shing gi tshal lam/ 'dam bu'i tshal lam/ 'od ma'i tshal lam/ til gyi zhing ngam/ 'bras sa lu'i zhing ltar
- 68b
me'u 'gal lta bu'i nyan thos rdzu 'phrul dang ldan pas gang bar 'gyur kyang / shA ri'i bu de lta bu'i nyan thos kyi tshogs mthu dang / brtson 'grus thams cad dang / rdzu 'phrul 'ang / cho 'phrul gyi stobs thams cad ston pas/ de bzhin gshegs pa'i cho 'phrul gyi brgya'i char yang mi chog stong gi cha dang / brgya stong gi cha dang / bye ba'i cha dang / bye ba brgya'i cha dang / bye ba stong gi cha dang / bye ba brgya stong gi cha dang / grangs dang / cha dang / bgrang ba dang / dpe dang / zla dang / rgyur yang mi chog go// de ci'i phyir zhe na/ shA ri'i bu de bzhin gshegs pa dgra bcom pa yang dag par rdzogs pa'i sangs rgyas ni rdzu 'phrul dang cho 'phrul gyi dam pa'i mchog thob pa'o// shA ri'i bu gal te de bzhin gshegs pas sa 'di la yung kar gyi 'bru gcig gzhag ste/ de bzhin gshegs pas yungs kar gyi 'bru gzhag pa yang 'di lta bu'i nyan thos mang po mthu dang / stobs dang / brtson 'gras dang / rdzu 'phrul dang / cho 'phrul gyi stobs thams cad ston kyang / de bzhin gshegs pas gzhag pa'i yungs kar gyi 'bru skra'i rtse mo gcig tsam yang bskyod par mi nus so// de ci'i phyir zhe na/ shA ri'i bu de bzhin gshegs pa dgra bcom pa yang dag par rdzogs pa'i sangs rgyas ni rdzu 'phrul gyi pha rol tu phyin pa dam pa'i mchog thob pa'o// shA ri'i bu stong gsum gyi stong chen po'i 'jig rten gyi khams 'di lta zhog la/
- 69a
ri'i bu shar phyogs kyi 'jig rten gyi khams gang+ga'i klung gi bye ma snyed na sems can ji snyed pa dang / de bzhin du lho dang / nub dang / byang dang / 'og dang / steng gi phyogs dang / phyogs bcu kun gyi 'jig rten gyi khams gang+gA'i klung gi bye ma snyed na/ sems can ji tsam sgo nga las skyes pa 'am/ mngal nas skyes pa 'am/ 'du shes med 'du shes med min gyi bar gyi sems can de dag thams cad 'di lta ste/ gnas brtan me'u 'gal gyi bu la ji lta bur rdzu 'phrul chen po dang ldan pa'i nyan thos su 'gyur ba'i yongs su brtag pa bzung ste/ shA ri'i bu de lta bu'i nyan thos mang po thams cad/ stobs dang / mthu dang / drag shul thams cad dang / rdzu 'phrul dang / cho 'phrul gyi stobs thams cad ston na/ yungs kar gyi 'bru gzhag pa de tha na skra'i rtse mo tsam yang skyod par mi nus so// de ci'i phyir zhe na/ shA ri'i bu de bzhin gshegs pa ni rdzu 'phrul gyi pha rol tu phyin pa dam pa'i mchog thob pa/ shA ri'i bu de bzhin gshegs pa ni de ltar rdza 'phrul che/ de ltar mthu che/ de ltar nus pa che'o// de nas bcom ldan 'das kyis yang tshe dang ldan pa shA ri'i bu la bka' stsal pa/ shA ri'i bu khyod kyis nam 'du ba'i bskal pa byung ba na/ rab tu 'jom pa zhes bya ba'i rlung ldang ste/ rlung langs pas stong gsum gyi stong chen po'i 'jig rten gyi khams 'di ri'i rgyal po ri rab dang
- 69b
bcas ri khor yug dang ri khor yug chen po dang / gling chen po bzhi dang / gling brgyad dang / ri chen po dang / rgya mtsho chen po yang dpag tshad srid pa mngon pa 'phen cing rab tu 'thor bar 'gyur ba thos sam/ gsol pa/ bdag gis bcom ldan 'das las mngon sum du thos te/ mngon sum du thob/ yongs su bzung ngo // bka' stsal pa/ shA ri'i bu nam 'du ba'i rlung 'byung ba de na rab tu 'jom pa chen po zhes bya ba'i rlung ldang ste/ stong gsum gyi stong chen po'i 'jig rten gyi khams 'di ri rab dang bcas/ khor yug dang bcas/ ri dang bcas/ rgya mtsho dang bcas/ dpag tshad rgyar mngon par 'phen cing / rab tu 'thor/ dpag tshad nyis brgya dang / dpag tshad gsum brgya dang / dpag tshad bzhi brgya dang / dpag tshad lnga brgya dang / dpag tshad stong dang / dpag tshad nyis stong dang / dpag tshad sum stong dang / dpag tshad bzhi stong dang / dpag tshad lnga stong du mngon par 'phen cing / rab tu 'thor/ dpag tshad brgya phrag mang po dang / dpag tshad stong phrag mang po dang / dpag tshad brgya stong phrag mang por mngon par 'phen cing rab tu 'thor te/ de dag gi rdul yang mi snang na ri dang snod rnams lnga dang / smos thun spyoms kyi gzhal med khang rnams kyang dkrugs pa/ bcom rab tu gter te/ de dag gi rdul yang mi snang na/ gzhal med khang rnams lta ci smos/ dga' ldan rnams
- 70a
dang 'phrul dga' rnams dang / gzhan 'phrul dbang byed rnams dang / bdud kyi ris rnams dang / tshangs pa rnams dang / 'od gsal rnams dang / dge rgyas kyi lha rnams kyi gzhal med khang gi bar du de bzhin du rgyas par bya'o// ji ltar thun spyoms pa rnams kyi dkrugs/ bcom rab tu gtor ba de dag dkrugs bcom rab tu gtor ba rdul yang mi snang na/ gzhal med khang dang / ra ba rnams dang lta ci smos/ shA ri'i bu gal te de lta bu'i rlung langs kyang des de bzhin gshegs pa'i chos gos kyi mtha' tsam yang g.yos par mi nus na/ chos gos sam chos gos kyi grwa lta ci smos/ de ci'i phyir zhe na/ de bzhin gshegs pa dgra bcom pa yang dag par rdzogs pa'i sangs rgyas ni/ bsam gyis mi khyab pa'i rdzu 'phrul dang / bsam gyis mi khyab pa'i spyod lam dang / bsam gyis mi khyab pa'i snying rje chen po dang ldan no// shA ri'i bu gal te 'di lta bu'i rlung gi dkyil 'khor shar phyogs dang / lho dang / nub dang / byang dang / 'og dang / steng dang / phyogs mtshams dang / phyogs bcu kun gyi 'jig rten gyi khams gang+gA'i bye ma snyed du/ rlung mngon par ldang yang / shA ri'i bu 'jig rten gyi khams 'jig par byed pa'i rlung gi dkyil 'khor de/ de bzhin gshegs pa'i sor mo'i rtse mos bzlog kyang / de bzhin gshegs pa'i rdzu 'phrul
- 70b
dang cho 'phrul gyi stobs bri bar mi mngon no// de ci'i phyir zhe na/ shA ri'i bu de bzhin gshegs pa rnams kyi de bzhin gshegs pa'i rdzu 'phrul bsam gyis mi khyab pa de la/ byang chub sems dpa' mngon par dang / yid ches rab tu rtog som nyi med the tsom mi za/ rab tu dga' mgu rangs pa rnyed nas/ ngo mtshar dang smad kyi 'du shes skyed do// de nas bcom ldan 'das kyis don de nyid rgya cher rab tu bstan pa'i phyir de'i tshe tshigs su bcad pa 'di dag gsungs so// khams gsum sems can ji snyed pa// ji ltar me'u 'gal 'dra bar ni// rdzu 'phrul pha rol phyin pa yi// nyan thos shes pa ldan 'gyur te// rdzu 'phrul thams cad rab ston kyang // de bzhin gshegs pas sa 'di la// yungs kar gyi ni 'bru bzhag pa// bskyod par nus pa ma yin no// gang rnams phyogs bcu'i 'jig rten khams// gang+gA yi ni bye snyed rnams// ji rlung phyang pas rab bcom ste// rlung gis phyogs bcur dang gyur par// de lta bu yi rlung chen des// thams cad gzigs pa'i chos gos kyi// mtha' na skra'i rtse tsam yang // g.yo bar nus pa ma yin no// thub pa chen po'i sku gcig gis// rlung de dag ni rab tu bzlogs// sangs rgyas rdzu 'phrul 'di 'dra ba// mtha' yas pa ni nam mkha' bzhin/ de ltar shA ri'i bu byang chub sems dpa' de bzhin gshegs pa rnams
- 71a
kyi de bzhin gshegs pa'i rdzu 'phrul bsam gyis mi khyab pa la mngon par dang / yid ches pa nas ngo mtshar dang slad kyi bar du 'du shes skyed do// yang sha ri'i bu ji ltar na byang chub sems dpa' de bzhin gshegs pa rnams kyi de bzhin gshegs pa'i stobs bsam gyis mi khyab pa rnams la mngon par dad/ yid ches/ rab tu rtog som nyi med/ the tsom mi za/ rab tu dga' mgu rangs pa rnyed nas/ ngo mtshar dang smad du 'du shes bskyed ce na/ shA ri'i bu de bzhin gshegs pa rnams kyi de bzhin gshegs pa'i stobs bcu po 'di dag ste/ stobs de dag gang dang ldan pas de bzhin gshegs pa khyu mchog gi gnas su dam 'cha' zhing / dge slong ngam/ bram ze'am/ lha 'am/ bdud dam/ tshangs pa 'am/ sus kyang 'dir chos dang 'thun par ma bskor ba'i tshangs pa'i 'khor lo rab tu bskor ro// bcu gang zhe na 'di lta ste/ gnas dang gnas ma yin pa shes pa'i stobs dang / las kyi rnam par smin pa shes pa'i stobs dang / mos pa du ma dang / mos pa sna tshogs shes pa'i stobs dang / khams du ma dang / khams sna tshogs shes pa'i stobs dang / dbang po dang / brtson 'grus kyi rim pa shes pa'i stobs dang / kun tu 'gro ba'i lam shes pa'i stobs dang / bsam gtan dang / rnam par thar pa dang / ting nge 'dzin dang / snyoms par 'jug pa dang / kun nas nyon mongs pa dang / rnam par byang ba dang / ldang ba shes pa'i stobs dang /
- 71b
sngon gyi gnas rjes su dran pa mngon sum du byed pa shes pa'i stobs dang / 'chi 'pho dang skye ba mngon sum du byed pa shes pa'i stobs dang / zag pa zad pa mngon sum du byed/ pa shes pa'i stobs so// shA ri'i bu de bzhin gshegs pa'i stobs bcu po de dag ste/ stobs de dang ldan pas/ de bzhin gshegs pa'i 'khor gyi nang du yang dag par seng ge'i sgra sgrog cing khyu mchog gi gnas su dam 'cha' ba nas/ kun kyang 'jig rten 'dir chos dang mthun par ma skor ba tshangs pa'i 'khor lo bskor ba'i bar du'o// de la de bzhin gshegs pa'i gnas dang gnas ma yin pa shes pa'i stobs gang zhe na/ 'di la shA ri'i bu de bzhin gshegs pas bla na med pa'i de bzhin gshegs pa'i stobs kyis gnas kyang / gnas su gnas ma yin pa yang gnas ma yin par yang dag pa ji lta ba bzhin du rab tu shes so// de la gnas gang / gnas yin pa gang zhe na/ shA ri'i bu gang lus kyis ngan par spyad pa'i rnam par smin pa 'dod pa dang / sdug pa dang / dga' ba dang / yid du 'ong ba mngon par grub pa'i gnas ma yin te skabs med do// gang lus kyi ngan du spyod pa dang / ngag gis ngan du spyod pa dang / yid kyis ngan du spyod pa'i rnam par smin pa mi 'dod pa dang / mi sdug pa dang / mi dga' ba dang / ying du mi 'ong ba mngon par grub pa ni gnas ma yin te skabs yod do// gang lus kyis legs su spyod pa dang / ngag gis
- 72a
legs su spyod pa dang / yid kyis legs su spyod pa'i rnam par smin pa mi 'dod pa dang / mi sdug pa dang / mi dga' ba dang / yid du mi 'ong ba mngon par 'grub pa de ni gnas ma yin te skabs med do// gang lus kyis legs su spyod pa dang / ngag gis legs su spyod pa dang / yid kyis legs su spyod pa'i rnam par smin pa 'dod pa dang / sdug pa dang / dga' ba dang / yid du 'ong ba mngon par 'grub pa yin/ gnas yin te skabs/ yod do// shA ri'i bu 'di ni gnas ma yin zhing skabs med de/ gang ser snas longs spyod chen po mngon par grub pa de ni gnas ma yin no// gang ser snas dbul por 'gyur ba de ni gnas yin te skabs yod do// 'di ni gnas ma yin zhing skabs med de/ gang sbyin pas dbul por 'gyur ba de ni gnas ma yin no// gang sbyin pas longs spyod chen po mngon par 'grub pa de ni gnas yin te skabs yod do// shA ri'i bu 'di ni gnas ma yin zhing skabs med de/ gang tshul khrims ngan pas lha dang mir skye ba rnyed pa de ni gnas ma yin no// gang tshul khrims ngan pas sems can dmyal ba dang / byol song gi skye gnas dang / gshin rje'i 'jig rten du skye ba de ni gnas yin te skabs yod do// shA ri'i bu 'di ni gnas ma yin zhing skabs med de/ gang tshul khrims kyis sems can dmyal ba dang / byol song gi skye gnas dang /
- 72b
gshin rje'i 'jig rten du skye ba de ni gnas ma yin no// gang tshul khrims kyis lha dang mir skye ba de ni gnas yin te skabs yod do// shA ri'i bu 'di ni gnas ma yin spangs med de/ gang ngan sems kyis gzugs mdzes pa mngon par grub pa de ni gnas ma yin no// gang ngan sems kyis gzugs mi sdug pa mngon par grub pa de ni gnas yin te/ skabs yod do// shA ri'i bu gnas ma yin zhing skabs med de/ gang bzod pas gzugs mi sdug pa mngon par grub pa de ni gnas ma yin no// gang bzod pas gzugs mdzes pa mngon par grub pa de ni gnas yin te skabs yod do// shA ri'i bu gnas ma yin zhing skabs med de/ gang le los 'thob pa dang / mngon par rtogs par 'gyur ba de ni gnas ma yin no// gang le los 'thob pa dang / mngon par rtogs par 'gyur ba de ni gnas yin te skabs yod do// shA ri'i bu gnas ma yin zhing skabs med de/ gang brtson 'grus kyis 'thob pa dang / mngon par rtogs par mi 'gyur ba de ni gnas med do// gang brtson 'grus kyis 'thob pa dang / mngon par rtogs par 'gyur ba de ni gnas yin te skabs yod do// shA ri'i bu gnas ma yin zhing skabs med de/ gang sems g.yengs pas mi 'gyur ba la 'jug par 'gyur ba de ni gnas ma yin no// gang sems g.yengs pas mi 'gyur ba la mi 'jug pa de ni gnas ma yin te skabs yod do// shA ri'i bu gnas ma yin zhing skabs med de/ gang sems rtse cig pa mi 'gyur ba la mi 'jug pa de ni gnas ma yin no//
- 73a
gang sems rtse cig pa mi 'gyur ba la 'jug pa de ni gnas yin te skabs yod do// shA ri'i bu gnas ma yin zhing skabs med de/ gang 'chal pa'i shes rab kyis bag chags kyi mtshams sbyor ba thams cad yang dag par 'jom pa de ni gnas ma yin no// gang 'chal pa'i shes rab kyis bag chags kyi mtshams sbyor ba thams cad yang dag par mi choms pa de ni gnas yin te skabs yod do// shA ri'i bu gnas ma yin zhing skabs med de/ gang shes rab kyis bag chags kyi mtshams sbyor ba thams cad yang dag par mi 'joms pa de ni gnas ma yin no// gang shes rab kyis bag chags kyi mtshams sbyor ba thams cad yang dag par 'joms pa de ni gnas yin te skabs yod do// shA ri'i bu gnas ma yin zhing skabs med de/ gang srog gcod pa'i skyes bu gang zag srog gcod pa'i rgyus tshe ring por 'gyur ba de ni gnas ma yin no// yang shA ri'i bu srog gcod pa'i skyes bu gang zag tshe thung bar 'gyur ba de ni gnas yin te skabs yod do// shA ri'i bu gnas ma yin zhing skabs med de/ gang srog gcod pa spangs pa'i skyes bu gang zag tshe thung bar gyur pa de ni gnas ma yin no// yang shA ri'i bu gang srog gcod pa spangs pa'i skyes bu gang zag tshe ring por 'gyur ba de ni yin te skabs yod do// shA ri'i bu gnas ma yin zhing skabs med de/ gang ma sbyin par len pa'i skyes bu gang zag longs spyod chen po rnyed pa de ni gnas ma yin no// yang shA ri'i
- 73b
bu ma byin par len pa'i skyes bu gang zag dbul por gyur pa de ni gnas yin te skabs yod do// shA ri'i bu gnas ma yin zhing skabs med de/ gang ma byin par len pa spangs pa'i skyes bu gang zag dbul por gyur pa de ni gnas ma yin no// gang ma byin par len pa spangs pa'i skyes bu gang zag longs spyod chen por 'gyur ba de ni gnas yin te skabs yod do// shA ri'i bu gnas ma yin zhing skabs med de/ gang 'dod pas log par g.yem pa'i skyes bu gang zag chung ma thun mong ma yin pa rnyed pa de ni gnas ma yin no// yang shA ri'i bu gang 'dod pas log par g.yem pa'i skyes bu gang zag chung ma thun mong ba rnyed pa de ni gnas yin te skabs yod do// shA ri'i bu gnas ma yin zhing skabs med de/ gang 'dod pas log par g.yem pa spangs pa'i skyes bu gang zag chung mthun mong ba rnyed pa de ni gnas ma yin no// yang shA ri'i bu 'dod pas log par g.yem pa spangs pa'i skyes bu gang zag chung ma thun mong ma yin pa rnyed pa de ni gnas yin te skabs yod do// de bzhin du sbyar te dge ba'i las kyi lam gsum po de dag bstan pa de bzhin du/ mi dge ba bcu'i las kyi lam thams cad la'ang bya'o// gang brdzun du smra ba des skur pa mi 'thob par mi 'gyur ba de ni gnas ma yin no// gang 'thob par 'gyur ba de ni gnas so// gang brdzun du smra ba spangs pas skur pa thob par 'gyur ba de ni gnas ma yin no// gang thob par mi 'gyur ba de ni gnas so//
- 74a
gang phra ma zer bas mi phyed pa'i g.yog rnyed pa de ni gnas ma yin no// gang rnyed par mi 'gyur ba de ni gnas so// gang phra ma spangs pa'i g.yog phyed par 'gyur ba de ni gnas ma yin no// gang g.yog mi phyed pa rnyed pa de ni gnas so// gang tshig rtsub po smra bas rtag par yid du 'ong ba thos par 'gyur ba ni gnas ma yin no// gang yid du mi 'ong ba thos par 'gyur ba de ni gnas so// gang tshig rtsub po spangs pas yid du mi 'ong ba thos par 'gyur ba de ni gnas ma yin no// gang yid du 'ong ba thos par 'gyur ba de ni gnas so// gang tshig thun tshags smra bas shin tu gdon mi za ba spongs par 'gyur ba ni gnas ma yin no// gang mi 'gyur ba de ni gnas so// gang tshig thun tshags smra ba spangs pas shin tu gdon mi za ba'i spobs par mi 'gyur ba de ni gnas ma yin no// gang shin tu gdon mi za ba'i spobs par 'gyur ba ni gnas so// gang chags sems can longs spyod rab tu nyams pa mi 'gyur ba de ni gnas ma yin no// gang 'gyur ba de ni gnas so// gang chags sems spangs pa longs spyod rab tu nyams par 'gyur ba ni gnas ma yin no// gang mi 'gyur ba ni gnas so// gang gnod sems can sems can dmyal bar mi 'gro ba ni gnas ma yin no// gang 'gro ba ni gnas so// gang gnod sems spangs pa de bde 'gro mtho ris kyi 'jig rten du mi 'gro ba de ni gnas ma yin no// gang 'gro ba de ni gnas//
- 74b
shA ri'i bu gnas ma yin zhing skabs med de/ gang log par lta ba'i skyes bu gang zag log par lta ba bzung ba'i rgyus lam rnyed par 'gyur ba de ni gnas ma yin no// yang shA ri'i bu gang log par lta ba'i skyes bu gang zag log par lta ba bzung ba'i rgyus lam mi rnyed pa ni gnas yin te skabs yod do// shA ri'i bu gang yang dag par lta ba'i skyes bu gang zag yang dag par lta ba bzung ba'i rgyus 'phags pa'i lam mi rnyed pa de ni gnas ma yin te skabs med do// yang shA ri'i bu yang dag par lta ba'i skyes bu gang zag yang dag par lta ba bzung ba'i rgyas 'phags pa'i lam rnyed pa de ni gnas yin te skabs yod do// gang mtshams med pa byed pa'i sems gnas par 'gyur ba ni gnas ma yin no// gang mi 'gyur ba ni gnas so// gang tshul khrims yongs su dag pa'i sems gnas par mi 'gyur ba ni gnas ma yin no// gang 'gyur ba ni gnas so// gang dmigs par lta bas rjes su 'thun pa'i bzod pa 'thob pa de ni gnas ma yin no// gang thob par mi 'gyur ba ni gnas so// gang stong pa nyid mos pas rjes su 'thun pa'i bzod pa mi thob pa ni gnas ma yin no// gang thob par 'gyur ba ni gnas so// gang 'gyod pa la gnas pa'i sems rab tu byang ba rjes su thob
- 75a
par 'gyur ba ni gnas ma yin no// gang mi 'thob pa ni gnas so// gang kun tu dkris te 'dug pa'i sems las sems shin/ tu byang bar mi 'gyur ba ni gnas ma yin no// gang 'gyur ba ni gnas so// gang bud med las 'khor los bsgyur ba'i rgyal por 'gyur ba ni gnas ma yin no// gang skyes bu las 'gyur ba ni gnas so// gang bud med las lha'i dbang po brgya byin du 'gyur ba ni gnas ma yin no// gang skyes bu las 'gyur ba ni gnas so// gang bud med las tshangs pa dbang byed du 'gyur ba ni gnas ma yin no// gang skyes bu las 'gyur ba ni gnas so// gang bud med kyis sangs rgyas 'jig rten du 'byung ba ni gnas ma yin no// gang bud kyi lus bsgyur nas sangs rgyas su 'jig rten du byung ba ni gnas so// gang skyes bu gang zag brgyad po 'bras bu thob par ldan pa ni gnas ma yin no// gang 'bras bu thob nas ldang ba ni gnas so// gang lan cig phyir 'ong bas srid pa gsum po mngon par bsgrub pa ni gnas ma yin no// gang phung po de nyid kyis yongasu mya ngan las 'das pa ni gnas so// gang phyir mi 'ong ba 'jig rten 'dir 'ong ba ni gnas ma yin no// de nyid du yongs su mya ngan las 'das pa ni gnas so// gang dgra bcom pa mtshams sbyor ba'i gnas su 'gyur ba ni gnas ma yin no// gang mi 'gyur ba ni gnas so// gang 'phags pa'i gang zag ston pa gzhan tshol ba 'am/ rgyal mtshan gzhan
- 75b
gzung nas sbyong ba ni gnas ma yin no// lha gzhan med par 'gyur ba ni gnas so// gang mi skye ba la bzod pa thob pa'i byang chub sems dpa' phyir mi ldog pa ni gnas yin no// gang byang chub rjes su 'thob par 'gyur ba ni gnas so// shA ri'i bu gnas ma yin zhing skabs med de/ gang byang chub pa'i snying po la 'dug nas/ byang chub mngon par rdzogs par sangs ma rgyas par ldang ba de ni gnas ma yin no// gang byang chub sems dpa' byang chub pa'i snying po la 'dug nas/ bla na med pa yang dag par rdzogs pa'i byang chub mngon par rdzogs par sangs rgyas nas ldang ba de ni gnas yin te skabs yod do// shA ri'i bu gnas ma yin zhing skabs med de/ gang de bzhin gshegs pa la bag chags kyi mtshams sbyor ba snang ba de ni gnas ma yin no// gang yang sangs rgyas bcom ldan 'das kyis bag chags kyi mtshams sbyor ba thams cad yang dag par bcom pa ni gnas yin te skabs yod do// shA ri'i bu gang de bzhin gshegs pa'i ye shes thogs pa med par 'gyur ba ni gnas ma yin te skabs med do// gang sangs rgyas bcom ldan 'das rnams kyi ye shes thogs pa med pa ni gnas yin te skabs yod do// shA ri'i bu gnas ma yin zhing skabs med de/ gang de bzhin gshegs pa'i gtsug gtor la las ltar mthong ba de ni gnas ma yin no// gang sangs rgyas bcom ldan 'das rnams kyi gtsug gtor ltar mi snang ba ni gnas yin te skabs
- 76a
yod do// shA ri'i bu gnas ma yin zhing skabs med de/ de bzhin gshegs pa'i sems kyi spyod pa snang ba ni gnas ma yin no// yang shA ri'i bu sangs rgyas bcom ldan 'das rnams la sems kyi spyod pa mi snang ba ni gnas yin te skabs yod do// shA ri'i bu gnas yin zhing skabs med de/ gang de bzhin gshegs pa la mnyam par ma gzhag pa'i sems dmigs par 'gyur ba de ni gnas ma yin no// yang sha ra dwa ti'i bu gang sangs rgyas bcom ldan 'das rnams mnye par gzhag pa ni gnas yin te skabs yod do// sha ra dwa ti'i bu gnas ma yin zhing skabs med de/ gang de bzhin gshegs pa la mi bden pa'i tshig 'byung ba de ni gnas ma yin no// gang sangs rgyas bcom ldan 'das rnams log par mi gsung zhing gzhan ma yin par gsung ba ni gnas yin te skabs yod do// shA ri'i bu gnas ma yin zhing skabs med de// gang sangs rgyas bcom ldan 'das rnams 'khrul par dmigs par 'gyur ba de ni gnas ma yin te skabs med do// sangs rgyas bcom ldan 'das rnams la 'khrul pa med de/ sangs rgyas bcom ldan 'das rnams tshig mi 'khrul pa ni gnas yayin te skabs yod do// de bzhin du mi 'jigs pa bzhi dang / sangs rgyas kyi chos ma 'dres pa bco brgyad rnams rgyas par bya ste/ shA ri'i bu gnas ma yin zhing skabs med de/ gang de bzhin gshegs pa da ltar byung ba'i dus la thogs pa dang sgrib par bcas
- 76b
pa'i ye shes mthong ba 'jug pa'i bar du de ni gnas ma yin no// sangs rgyas bcom ldan 'das rnams da ltar gyi dus la mi thogs shing / sgrib pa med pa'i ye shes mthong ba 'jug pa'i gnas yin te skabs yod do// de ltar shA ri'i bu de bzhin gshegs pa gnas dang gnas ma yin pa shes pa'i stobs mtha' yas mu med do// 'di ltar shA ri'i bu de bzhin gshegs pa gnas dang gnas ma yin pa mtha' yas mu med de/ shA ri'i bu gang nam mkha'i mtha' 'dod pa de ni de bzhin gshegs pa dgra bcom pa yang dag par rdzogs pa'i sangs rgyas kyi gnas dang gnas ma yin pa shes pa'i stobs kyi mtha' 'dod do// byang chub sems dpa' de bzhin gshegs pa'i gnas dang gnas ma yin pa shes pa'i stobs bsam gyis mi khyab pa de thos nas mngon par dad yid ches rab tu rtog som nyi med the tsom mi za rab tu dga' mgu rangs pa rnyed nas/ ngo mtshar dang smad du 'du shes skyed do// bcom ldan 'das kyis de skad ces bka' stsal te/ bde bar gshegs pas de skad gsungs nas/ ston pas yang 'di skad gsung ngo // ji ltar phyogs bcu'i nam mkha' tshad med mtha' yas pa// de ltar rgyal ba gnas dang gnas min shes mtha' yas// 'gro ba gnas dang gnas min de bzhin rab shes nas// ston pa chos mchog rgya chen yang dag rab tu 'chad// mi gang thar pa dag gi lam 'di snod gyur pa// ston pas de dag gi ni spyod ces chos kyang 'chad// sems can gang dag snod du
- 77a
gyur pa ma yin pa// gnas dang gnas min rig nas de dag btang snyoms gtong // nam mkha' 'di g.yos sa la 'bras bu byang yang ni// bde bar gshegs pa'i gnas dang gnas min gzhan mi 'gyur// 'jig rten 'das dang ma 'das stobs cu kun shes pa// gang phyir thul med dang po stobs ni mtha' yas so// shA ri'i bu 'di ni de bzhin gshegs pa rnams kyi de bzhin gshegs pa'i stobs dang po ste stobs de dang ldan pas/ de bzhin gshegs pa dgra bcom pa yang dag par rdzogs pa'i sangs rgyas 'khor gyi nang du seng ge'i sgra yang dag par sgrog pa dang / khyu mchog gi gnas su dam 'cha' zhing / tshangs pa 'am/ brgya byin nas sus kyang 'jig rten du chos dang 'thun par ma bskor ba'i chos kyi 'khor lo rab tu bskor ba'i bar du'o// de la de bzhin gshegs pa'i las smin pa shes pa'i stobs gang zhe na/ 'di la shA ri'i bu de bzhin gshegs pa bla na med pa'i de bzhin gshegs pa'i ye shes kyi stobs kyis 'das pa dang / ma 'ongs pa dang / da ltar gyi las 'dzin pa'i rna bar smin pa gnas dang rgyu las yang dag pa ji lta ba bzhin du rab tu shes so// ji ltar shes zhe na/ 'di la shA ri'i bu de bzhin gshegs pa dgra bcom pa yang dag par rdzogs pa'i sangs rgyas kyis gang 'das pa'i las 'dzin pa/ dge ba'i rgyu las byung ba mi dge ba bral/ gang ma 'ongs pa'i dus na dge ba'i rgyu 'byin pa de yang de bzhin
- 77b
gshegs pas rab tu shes so// gang las 'dzin pa mi dge ba'i rgyu las byung ba de dge ba dang bral ba gang ma 'ongs pa'i dus na mi dge ba'i rgyu 'byin pa de yang de bzhin gshegs pas rab tu shes so// las 'dzin pa gang ma 'ongs pa'i dus na/ chung ngu la sten par 'gyur ba de yang de bzhin gshegs pas rab tu shes so// las 'a pa gang da ltar gyi dus na/ khyad par la sten par 'gyur ba de yang de bzhin gshegs pas rab tu shes so// las 'dzin pa gang da ltar na khyad par du sten la/ ma 'ongs pa'i dus na chung ngu la sten par gyur pa de yang de bzhin gshegs pas rab tu shes so// las 'dzin pa gang da ltar gyi dus na chung ngu la sten pa ma 'ongs pa'i dus na khyad par du sten par 'gyur ba de yang de bzhin gshegs pas rab tu shes so// las 'dzin pa gang da ltar gyi dus na yang chung ngu la sten la ma 'ongs pa'i dus na yang chung ngu la sten par 'gyur/ ba de yang de bzhin gshegs pas rab tu shes so// las 'dzin pa gang da ltar gyi dus na yang khyad par du sten la ma 'ongs pa'i dus na yang khyad par du sten par 'gyur ba de yang de bzhin gshegs pas rab tu shes so// las 'dzin pa gang 'das pa'i dus na sbyor ba chung ba ma 'ongs pa'i dus na sbyor ba chen por gyur pa de yang de bzhin gshegs pas rab tu shes so// las 'dzin pa gang brtson pa chung la khyad par chen por 'gyur ba de yang de bzhin gshegs pas rab tu shes so// las 'dzin pa gang brtson pa
- 78a
che la khyad par chung ngur gyur pa de yang de bzhin gshegs pas rab tu shes so// las 'dzin pa gang nyan thos su 'gyur ba'i rgyu 'byin pa de yang de bzhin gshegs pas rab tu shes so// las 'dzin pa gang rang sangs rgyas kyi rgyu 'byin pa de yang de bzhin gshegs pas rab tu shes so// las 'dzin pa gang sangs rgyas su 'gyur ba'i rgyu 'byin pa de yang de bzhin gshegs pas rab tu shes so// las 'dzin pa gang da ltar sdug bsngal la ma 'ongs pa'i dus na rnam par smin pa bde ba de yang de bzhin gshegs pas rab tu shes so// las 'dzin pa gang da ltar bde la ma 'ongs pa'i dus na rnam par smin pa sdug bsngal ba de yang de bzhin gshegs pas rab tu shes so// las 'dzin pa gang da ltar yang sdug bsngal la ma 'ongs pa na yang rnam par smin pa sdug bsngal ba de yang de bzhin gshegs pas rab tu shes so// las 'dzin pa gang da ltar yang bde la ma 'ongs pa na yang rnam par smin pa bde ba yang de bzhin gshegs pas rab tu shes so// 'di ltar shA ri'i bu 'das pa dang / ma 'ongs pa dang / da ltar gyi dus na sems can thams cad kyi las gag dang / rgyu gag dang / rnam par smin pa gag de bzhin dang / de bzhin nyid dang / gzhan ma yin pa dang / gzhan ma yin par bsten pa de yang de bzhin gshegs pas rab tu shes so// shes nas kyang de bzhin gshegs pa chos to// de ltar na shA ri'i bu gang
- 78b
de bzhin gshegs pa dgra bcom pa yang dag par rdzogs pa'i sangs rgyas kyi 'das pa dang / ma 'ongs pa dang / da ltar gyi las 'dzin pa'i rgyu'i gnas gag dang rnam pa smin pa gang shes pa de ni mtha' yas so// 'di lta ste shA ri'i bu nam mkha' mtha' yas mu med pa de bzhin du/ shA ri'i bu de bzhin gshegs pa'i las kyi rnam par smin pa shes pa'i stobs de yang mtha' yas mu med do// shA ri'i bu gang de bzhin gshegs pa dgra bcom pa yang dag par rdzogs pa'i sangs rgyas kyi rnam par smin pa shes pa'i stobs kyi mtha' 'dod pa de ni nam mkha'i mtha' 'dod do// byang chub sems dpa' de bzhin gshegs pa'i las kyi rnam par smin pa shes pa'i stobs bsam gyis mi khyab pa 'di thos nas mngon par dad / yid ches rab tu rtog som nyi med/ the tsom mi za/ rab tu dga' mgu rangs pa rnyed nas/ nam mkha' lta bur bsam gyis mi khyab pa'i ngo mtshar dang smad du 'du shes skyed do// de la de'i chos nyid ni 'di yin te/ de la 'di skad ces bya'o// de bzhin gshegs pa rgyu dang rnam smin mkhas// / thams cad tshul bzhin shes pa'i mig dang ldan// dus gsum la ni rgyal ba chags pa med// sems can kun gyi spyod pa rab tu shes// 'gro ba lnga'i sems can thams cad kyi// rgyu gang sdug bsngal las ni 'de 'gyur dang // 'jug pa gang 'jug sdug bsngal rgyu las byung // de dag de bzhin gshegs pas rab tu mkhyen// dkar
- 79a
nag las rnams kyi ni rnam smin dang // rgyu dang rnam smin ji ltar 'gyur ba yi// de dag de bzhin bde gshegs rlab mkhyen te/ lag pa'i 'thil na rin chen nor bu bzhin// las gang rnam smin chung ngu'i rgyu dag las// 'bras bu dag ni tshad med smin pa dang // gang dag tshad med rgyu las chung 'gyur ba// de dag de bzhin gshegs pas rab tu mkhyen// nyan thos phyir na 'bras bu smin gyur gang // rang bzhan byang chub 'gyur ba'i rgyu gang dang // bla med ye shes stobs bcu sbyin 'gyur ba/ de dag ma lus bde gshegs rab tu mkhyen// las kyi rgyu gang sdug bsngal smin pa la// de yang bde ba'i 'bras bu sprin 'gyur dang // las kyi rgyu dang bde ba smin pa la// dgos pa thams cad sdug bsngal 'bras bur shes// sdug bsngal rgyus ni sdug bsngal nyid gnas dang // bde ba'i rgyus kyang bde ba nyid gnas dang // las kyi rang bzhin la ni ngo bo nyid med par// rgyu ldan bde bar gshegs pas rab tu mkhyen// 'gro ba lnga'i sems can thams cad dag/ dus gsum mngon 'jug sdug bsngal gang 'jug pa// zag med kho na de bzhin gzhan ma yin// sangs rgyas ye shes rgyal bas rab tu mkhyen// shA ri'i bu 'di ni de bzhin gshegs pa rnams kyi de bzhin gshegs pa'i stobs gnyis pa ste/ stobs de dang ldan pas de bzhin gshegs pas 'khor gyi nang du seng ge'i sgra yang dag par sgrog cing dge sbyong ngam/ bram ze 'am/ lha 'am/ bdud dam/ tshangs pa 'am/
- 79b
gang gis kyang 'jig rten 'dir chos dang 'thun par ma bskor ba tshangs pa'i 'khor lo rab tu bskor ro// byang chub sems dpa'i sde snod/ bam po lnga pa// gzhan yang shA ri'i bu de bzhin gshegs pas mos pa du ma dang / mos pa sna tshogs shes pa'i stobs kyis sems can gzhan rnams dang / gang zag gzhan dag gi mos pa du ma dang / mos pa sna tshogs rnams yang dag pa ji lta ba bzhin du rab tu shes so// skyes bu gang zag gang 'dod chags la gnas shing zhe sdang la mos pa yang rgyas par bya ste/ gti mug la gnas shing zhe sdang la mos pa de dag kyang de bzhin gshegs pas rab tu shes so// gang zag gang mi dge ba la gnas shing mi dge ba la mos pa de dag kyang de bzhin gshegs pas rab tu shes so// gang zag gang dge ba la gnas shing dge ba la mos pa de dag kyang de bzhin gshegs pas yang dag pa ji lta ba bzhin du rab tu shes so// gang zag gang sbyor ba chung zhing rgya chen po la mos pa de dag kyang de bzhin gshegs pas yang dag pa ji lta ba bzhin du rab tu shes so// gang zag gang sbyor ba rgya che zhing chung ngu la mos pa de dag kyang de bzhin gshegs pas yang dag pa ji lta ba bzhin du rab tu shes so// mos pa gang gis khyad par du sbyor ba chung ngu la gnas par 'gyur ba de dag kyang de bzhin
- 80a
gshegs pas yang dag pa ji lta ba bzhin du rab tu shes so// mos pa gang gis log pa nyid du nges par 'gyur ba de dag kyang de bzhin/ gshegs pas yang dag pa ji lta ba bzhin du rab tu shes so// mos pa gang gis yang dag pa nyid du nges pa'i rnam par grol bar 'gyur ba de dag kyang de bzhin gshegs pas yang dag pa ji lta ba bzhin du rab tu shes so// mos pa gang gis 'dod pa'i khams su 'gro bar 'gyur ba de dag kyang de bzhin gshegs pas yang dag pa ji lta ba bzhin du rab tu shes so// mos pa gang gis gzugs kyi khams su 'gro bar 'gyur ba de dag kyang de bzhin gshegs pas yang dag pa ji lta ba bzhin du rab tu shes so// mos pa gang gis gzugs med pa'i khams su 'gro bar 'gyur ba de dag kyang de bzhin gshegs pas yang dag pa ji lta ba bzhin du rab tu shes so// mos pa gang gis khams gsuM par 'gro bar 'gyur ba de dag kyang de bzhin gshegs pas yang dag pa ji lta ba bzhin du rab tu shes so// mos pa gang gis chung ngu la sten cing chung ngu la gnon pa de dag kyang de bzhin gshegs pas yang dag pa ji lta ba bzhin du rab tu shes so// mos pa gang gis khyad par du song nas chung ngu la gnas par 'gyur ba de dag kyang de bzhin gshegs pas yang dag pa ji lta ba bzhin du rab tu shes so// mos pa gang gis skye ba tha dad pa dang / longs spyod tha dad pa rab tu 'jig par 'gyur ba de dag kyang de bzhin gshegs pas yang kha dog tha dang pa dang
- 80b
dag pa ji lta ba bzhin du rab tu shes so// mos pa gang gis sbyin por 'jug par 'gyur ba de dag kyang de bzhin gshegs pas yang dag pa ji lta ba bzhin du rab tu shes so// mos pa gang gis rnam par grol bar 'gyur ba de dag kyang de bzhin gshegs pas yang dag pa ji lta ba bzhin du rab tu shes so// de nas kyang de bzhin du chos ston to// de ltar shA ri'i bu gang de bzhin gshegs pa'i mos pa sna tshogs shes pa'i stobs de ni mtha' yas mu med de nam mkha' dang mtshungs shing mnyam mo// byang chub sems dpa' de bzhin gshegs pa'i mos pa sna tshogs shes pa'i stobs de thos nas mngon par dang / yid ches rab tu rtog som nyi med/ the tsom mi za/ rab tu dga' mgu rangs pa rnyed nas/ nam mkha' lta bur bsam gyis mi khyab pa'i phyir ngo mtshar dang smad du 'du shes bskyed do// de nas bcom ldan 'das kyis don de nyid rgya cher rab tu bstan pa'i phyir/ de'i tshe tshigs su bcad pa 'di dag gsungs so// 'jig rten 'di mos sna tshogs dang // tshad med blo gros ldan de bzhin// de dag gi ni mos pa'i sems// thams cad 'dren pas rab tu mkhyen// gang dag 'dod chags mos pa dang // zhe sdang yang dag gnas pa dang // zhe sdang gnas shing gti mug la// gang dag mo pa rab tu mkhyen// gti mug gnas shing 'dod chags kyi// sems rgyud bsam gyis mi khyab dang // bar bar du ni 'jug pa dag/ de dag 'dren pas rab tu mkhyen// gang dag rab tu sbyor chung la// rgya chen
- 81a
la ni mos pa dang // sbyor ba dam pa de dag gi/ chung ngu 'dren pas rab tu mkhyen// log pa'i rjes su song ba dang // 'gro ba med par des 'gro dang // khams gsum las ni rnam grol ba'i// mos pa dag kyang rab tu mkhyen// skye dang kha dog tha dad dang // nye bar spyod pa'i khyad par dang // gang dag spyi bor 'jug pa rnams// rkang gnyis gtso bor rab tu mkhyen// 'dren pa chos rnams rab tu 'chad// sangs rgyas kyi ni stobs gsum la// rgyal ba sras rnams rab tu mos// shA ri'i bu 'di ni de bzhin gshegs pa'i stobs gsum pa ste/ de bzhin gshegs pa'i stobs/ de bzhin gshegs pa dgra bcom pa yang dag par rdzogs pa'i sangs rgyas khyu mchog gi gnas su dam 'cha' zhing 'khor gyi nang du seng ge'i sgra yang dag par sgrog ste/ dge slong ngam/ bram ze 'am/ lha 'am/ bdud dam/ tshangs pa sus kyang 'jig tu chos dang 'thun par ma bskor ba'i tshangs pa'i 'khor lo 'jig rten du bskor ro// gzhan yang shA ri'i bu de bzhin gshegs pas khams du ma dang / khams sna tshogs shes pa'i stobs kyis 'jig rten rnams yang dag pa ji lta ba bzhin du rab tu shes so// khams gang gis 'jig rten rnams bsod nams kyi 'du byed nye bar sogs pa de yang de bzhin gshegs pas yang dag pa ji lta bzhin du rab tu shes so// gang gis bsod nams ma yin pa'i 'du byed nye bar sogs pa de yang de bzhin
- 81b
gshegs pas yang dag pa ji lta ba bzhin du rab tu shes so// khams kyis mi g.yo ba'i 'du byed nye bar sogs pa de yang de bzhin gshegs pas rab tu shes so// khams gang gis 'byung ba'i khams su 'jog par 'gyur ba de yang de bzhin gshegs pas rab tu shes so// gzhan yang shA ri'i bu de bzhin gshegs pas mig gi khams dang / gzugs kyi khams dang / mig gi rnam par shes pa'i khams kyang rab tu shes so// ji ltar rab shes zhe na/ nang stong pa nyid dang / phyi stong pa nyid dang / phyi nang stong pa nyid kyis rab tu shes so// yid kyi khams dang / chos kyi khams dang / yid kyi rnam par shes pa'i khams kyi bar du yang rab tu shes te/ ji ltar rab tu shes she na/ nang stong pa nyid dang / phyi stong pa nyid dang / phyi nang stong pa nyid kyis rab tu shes so// sa'i khams dang / chu'i khams dang / me'i khams dang / rlung gi khams kyis rab tu shes so// ji ltar rab tu shes she na/ nam mkha'i khams ji lta ba bzhin du rab tu shes so// 'dod pa'i khams dang / gzugs kyi khams dang / gzugs med pa'i khams kyis rab tu shes so// ji ltar rab tu shes she na/ kun tu rtog pa las byung bar rab tu shes so// 'dus byas kyi khams ni mngon par 'du byed pa'i mtshan nyid du rab tu shes so// 'dus ma byas kyi khams ni mngon par 'du mi byed pa'i mtshan nyid du rab tu shes so// kun nas nyon mongs pa'i khams ni phyir 'byung ba'i nyon mongs pa'i
- 82a
mtshan nyid du rab tu shes so// rnam par byang ba'i khams ni rang bzhin gyis 'od gsal ba'i mtshan nyid du rab tu shes so// 'du byed kyi khams ni tshul bzhin ma yin pa'i ma rig pa'i mtshan nyid du rab tu shes so// mya ngan las 'das pa'i dbyings ni tshul bzhin rig pa'i mtshan nyid du rab tu shes so// 'di ltar 'jig rten gnas pa'i khams gang dang / 'dig rten gnas pa khams gang la gnas pa dang / khams gang chags pa dang / khams gang la gnas pa dang / khams gang la sbyor ba dang / khams gang gis bsam pa dang / khams gang la brten pa de dag kyang de bzhin gshegs pas yang dag pa ji lta ba bzhin du rab tu shes so// shes nas kyang chos ston to// de ltar shA ri'i bu de bzhin gshegs pa khams du ma dang / khams sna tshogs shes pa'i stobs mtha' yas mu med de nam mkha' dang mtshungs shing mnyam mo// byang chub sems dpa' de bzhin gshegs pa'i khams du ma dang / khams sna tshogs shes pa la mngon par dad / yid ches rab tu rtog som nyi med/ the tshom mi za/ rab tu dga' mgu rangs pa rnyed nas/ khams lta bur bsam gyis mi khyab pa'i phyir ngo mtshar dang / smad du 'du shes bskyed do// de la de'i chos nyid ni 'di yin te/ de la 'di skad ces bya'o// 'jig rten kun na sems can gang // sna tshogs khams la gnas pa dag/ 'jug pa ji 'dra'i khams rnaMs
- 82b
ni// sangs rgyas kyis ni rab tu mkhyen// bsod nams bsod nams min mi g.yo// 'byung bar 'gyur ba'ang de bzhin no// khams rnams gang la gnas nas su// mya ngan 'das pa zhi la reg/ mig gi khams dang gzugs kyi khams// mig gi rnam par shes nyid dang // rna ba sna dang lce dang lus// yid kyi khams kyang rab tu shes// chos kyi khams dang yid kyi ni// rnam par shes pa nyid kyang shes// nang gi khams ni stong pa dang // phyi rol dag kyang stong par shes// sa dang chu dang me dag dang // rlung gi khams kyang de bzhin te// khams rnams bzhi po de dag ni// nam mkha' mtshungs par rab tu shes// 'dod pa'i khams dang gzugs kyi khams// gzugs med pa yi khams nyid kyang // yongs su rtog las byung ba ni// de ltar sangs rgyas rab tu shes// ji ltar nam mkha' mtha' yas pa// de bzhin khams rnams mu med pa// thams cad sangs rgyas rab shes kyang // shes so snyam du snyems pa med// khams ni skye ba ma yin zhing // thams cad kyang ni 'gag med de// khams 'di mya ngan 'das par ni// skyes bu dam pas rab tu shes// ji ltar nam mkha' mtha' yas pas// sangs rgyas ye shes de 'dra ste/ ye shes de ni mos sna tshogs// rnam par 'phrul pa rnam du shes// mos pa sna tshogs shes nas su// sems can bye ba rab tu 'dul// sangs rgyas stobs ni bzhi
- 83a
po la/ rgyal ba'i sras rnams rab tu mos/ shA ri'i bu 'di ni de bzhin gshegs pa rnams kyi de bzhin gshegs pa'i stobs bzhi pa ste/ sus kyang 'jig rten 'dir chos dang 'thun pa zhes bya ba'i bar du rgyas par bya'o// gzhan yang shA ri'i bu de bzhin gshegs pa'i dbang po dang brtson 'grus dang rim pa shes pa'i stobs kyis/ sems can gzhan dang gang zag gzhan rnams kyi dbang po brtson 'grus kyi rim pa yang dag pa ji lta ba bzhin du rab tu shes so// ji ltar rab tu shes she na/ dbang po rtul po yang rab tu shes/ dbang po rno ba yang rab tu shes// dbang po'i khyad par yang rab tu shes/ dbang po zhan pa yang rab tu shes/ yongs su rtogs pa'i dbang po ji lta bus mthar phyin pa'i 'dod chags skye ba dang / mthar phyin pa'i zhe sdang skye ba dang / mthar phyin pa'i gti mug skye ba de yang de bzhin gshegs pas yang dag pa/ ji lta ba bzhin du rab tu shes so// yongs su rtogs pa'i dbang po ji lta bus bcos pa'i 'dod chags dang / zhe sdang dang / gti mug yang skye ba de yang de bzhin gshegs pas yang dag pa ji lta ba bzhin du rab tu shes so// yongs su rtogs pa'i dbang po ji lta bus snrel bzhi'i 'dod chags dang / zhe sdang dang / gti mug skye ba de yang de bzhin gshegs pas yang dag pa ji lta ba bzhin du rab tu shes so// yongs su rtog pa'i dbang po ji lta bus tshar gcod pa'i 'dod chags dang / zhe sdang dang / gti mug skye
- 83b
ba de yang de bzhin gshegs pas yang dag pa ji lta ba bzhin du rab tu shes so// gang mi dge ba'i rgyu las skyes pa'i dbang po rnams dang / gang dge ba'i rgyu las skyes pa'i dbang po rnams dang / gang mi g.yo ba'i rgyu las skyes pa'i dbang po rnams dang / gang 'byung ba'i rgyu las skyes pa'i dbang po de dag kyang de bzhin gshegs pas yang dag pa ji lta ba bzhin du rab tu shes so// gzhan yang shA ri'i bu de bzhin gshegs pas mig gi dbang po yang dag pa ji lta ba bzhin du rab tu shes pa nas/ de bzhin du sbyar te/ rna ba dang / sna dang / lce dang / lus dang / yid kyi dbang po yang dag pa ji lta ba bzhin du rab tu shes so// bud med kyi dbang po dang / skyes pa'i dbang po dang / srog gi dbang po dang / bde ba'i dbang po dang / sdug bsngal gyi dbang po dang / yid mi bde ba'i dbang po dang / yid bde ba'i dbang po dang / btang snyoms kyi dbang po yang yang dag pa ji lta ba bzhin du rab tu shes so// dad pa'i dbang po dang / brtson 'grus kyi dbang po dang / dran pa'i dbang po dang / ting nge 'dzin kyi dbang po dang / shes rab kyi dbang po yang dag pa ji lta ba bzhin du rab tu shes so// mi shes pa kun shes par bya ba'i dbang po dang / kun shes pa'i dbang po dang / kun shes pa dang ldan pa'i dbang po yang yang dag pa ji lta ba bzhin du rab tu shes so// dbang po gang mig gi dbang po'i rgyu las skyes la/ rna ba'i dbang po la gnas te/ sna la ma yin/ lce la ma yin/ lus la ma yin/
- 84a
yid kyi dbang po la ma yin pa de yang de bzhin gshegs pas yang dag pa ji lta ba bzhin du rab tu shes so// gang rna ba'i dbang po rgyu las skyes la/ sna'i dbang po la gnas par gyur pa dang / gang sna'i dbang po'i rgyu las skyes la/ lce'i dbang po la gnas par gyur pa dang / lce'i dbang po'i rgyu las skyes la/ lus kyi dbang po la gnas par 'gyur ba de yang de bzhin gshegs pas yang dag pa ji lta ba bzhin du rab tu shes so// sems can gang sbyin pa'i dbang po la tshul khrims sbyor ba de yang de bzhin gshegs pas dbang po mchog dang mchog ma yin pa shes pas de la sbyin pa'i gtam ston to// gang zag gang tshul khrims kyi dbang po la bzod pa sbyor ba de yang de bzhin gshegs pas dbang po mchog dang mchog ma yin pa shes pas de la tshul khrims kyi gtam ston to// sems can gang bzod pa'i dbang po la brtson 'grus sbyor ba de yang de bzhin gshegs pas dbang po mchog dang mchog ma yin pa shes pas de la bzod pa'i gtam ston to// sems can gang brtson 'grus kyi dbang po la bsam gtan sbyor ba de yang de bzhin gshegs pas dbang po mchog dang mchog ma yin pa shes pas de la brtson 'grus kyi gtam ston to// sems can gang bsam gtan gyi dbang po la shes rab sbyor ba de yang de bzhin gshegs pas dbang po mchog dang mchog ma yin pa shes pas de la bsam gtan gyi gtam ston to// sems can gang shes rab kyi dbang
- 84b
can rnams la 'byung ba'i lam yang dag par rab tu ston to// de so sor tshor bar byed pas sems can der 'jug pa rnams sdug bsngal yang dag par zad cing 'byung / bar mi 'gyur ro// shA ri'i bu 'di ni de bzhin gshegs pa rnams kyi de bzhin gshegs pa'i mi 'jigs pa bzhi pa ste/ mi 'jigs pa de dang ldan pas de bzhin gshegs pa 'khor gyi nang du gshegs te/ seng ge'i sgra yang dag par sgrog cing khyu mchog gi gnas su dam 'cha' ste/ dge sbyong ngam/ bram ze'am/ lha 'am/ bdud dam/ tshangs pa 'am/ sus kyang 'jig rten 'dir chos dang 'thun par ma bskor ba tshangs pa'i 'khor lo rab tu bskor ro// de ltar shA ri'i bu de bzhin gshegs pa'i mi 'jigs pa bzhi mtha' yas mu med do// 'di lta ste shA ri'i nam mkha' mthas yas mu med pa de bzhin du/ de bzhin gshegs pa'i mi 'jigs pa de yang mtha' yas mu med de/ sems can thams cad kyang zad pa med do// shA ri'i bu gang de bzhin gshegs pa'i mi 'jigs pa'i mtha' 'dod pa de ni nam/ mkha'i mtha' 'dod do// byang chub sems dpas de bzhin gshegs pa rnams kyi de bzhin gshegs pa'i mi 'jigs pa bsam gyis mi khyab pa de thos nas mngon par dang / yid ches rab tu rtog som ci med/ the tsom ma za/ rab tu dga' mgu rangs pa rnyed nas/ nam mkha' lta bur bsam gyis mi khyab/
- 86a
pa'i phyir ngo mtshar dang smad du 'du shes bskyed do// de nas bcom ldan 'das kyis de'i tshe tshigs su bcad pa 'di dag gsungs so// / chos kun mnyam pa nyid mnyam par// rang 'byung bas ni rjes su rtogs// de phyir yang dag rdzogs sangs rgyas// de bzhin gshegs pa mnyam pa mthong // so so skye bo chos gang dang // sangs rgyas chos dang de dag mnyam// slob dang mi slob chos dag dang // rang rgyal gyi ni chos nyid dang // gang dag 'jig rten chos rnams dang // gang dag 'jig rten 'das chos dang // dge dang mi dge mi g.yo rnams// mya ngan 'das pa'i lam dang dran// stong pa nyid dang mtshan ma med// smon lam dag ni rnam par spangs// ma skyes mngon par 'du mi byed// 'di ni mnyam pa nyid du mthong // 'di dag mnyam pa nyid rtogs nas// thub pa chen po mi 'jigs pa/ gang gis sems can dgrol 'gyur ba// de bzhin du yang rab tu ston// 'jig rten gsum las rnam par grol// rnam par thar pa rab tu ston// mi dbang gi ni mi 'jigs pa// gnyis pa yang dag rab tu bas na// rgyal bas gang chos rjes sangs rgyas// ma bsten pa ni nam mi thob// bag yod pa dag 'dor ba yod pa ste// de dag mi mdzes gang yang yod ma yin// lus dang ngag rnams dang ni yid kyis su// ngag dag sdom pa rgya lam yod min dang // 'dod par zhe sdang gti
- 86b
mug 'jigs pa dang // srog chags dag gi srog gcod 'tshe ba dang // gzhan gyi chung ma de bzhin brdzun dang chang // nga rgyal mi gus de ni bdun pa'o// gang dag/ log par smra ba brgyad po ste// thams cad rnam par grol ba'i lam mi gnas// gang dag gnod pa dgu dang nyes mang dang // mi dge bcu'i las kyi lam rnams dang // gang dag tshul min zhi ba mi shes pa// de dag rgya lam na yang thar pa med// phyin ci log dang ldan par rig gyur nas// myos pa yang dag ma yin smra 'jug pa// rgyal ba rnams kyi mi 'jigs gsum pa ste// chos nyid 'di dag la ni snyan par bya// gang dag sbyong ba'i sgo ni tshad med la// mi gang sten pa byang chub reg par 'gyur// rgyal ba nyid kyi ma thos thams cad shes// shes nas bdud rtsi 'gro ba'i chos 'chad do// ci tsam dge ba'i chos ni mang yod pa// byang chub mchog dge rgyal bas bsngags pa la// sten pa rnam par thar pa mi thob pa'i// gnas med par ni stobs bcu rnams kyi bshad// tshul bzhin dus na nyon mongs rgya che rnams// yang dag chos dge mnyam pa med ldan zhing // chos dang chos ma yin la mi chags te// zhi ba mya ngan med pa rnam grol reg/ gsog gsob rag las nam mkha' 'dra ba dang // sgyu martsod 'dra nam mkha' lta bu dang // dge chos rnam pa gang gis rab shes pa// de dag srid pa'i 'tsho las thar bar 'gyur// thub pa stobs bcu
- 87a
rnams kyi chos 'di ni// 'gro ba gang mos srid par 'gro ba la// snying rje snying rtser byas nas thar byed de// mi 'jigs bzhi ni nam mkha' 'dra ba'o// de ltar shA ri'i bu byang chub sems dpa' de bzhin gshegs pa rnams kyi de bzhin gshegs pa'i mi 'jigs pa bsam gyis mi khyab pa la mngon par dad// yid ches/ rab tu rtog som nyi med/ the tshom mi za ba nas/ nam mkha' lta bur bsam gyis mi khyab pa'i phyir ngo mtshar dang smad kyi bar du 'du shes bskyed do// shA ri'i bu ji ltar na byang chub sems dpa' de bzhin gshegs pa rnams kyi de bzhin gshegs pa'i snying rje chen po bsam gyis mi khyab pa la mngon par dang / yid ches/ rab tu rtog som nyi med/ the tsom mi za ba nas/ ngo mtshar dang smad kyi bar du 'du shes skyed ce na/ 'di la shA ri'i bu de bzhin gshegs pa rnams kyi snying rje chen po ni sems can thams cad rjes su mi gtong ste/ rtag tu 'jug cing sems can yongs su smin par 'gyur ba las mi ldog par rig par bya ste/ de bzhin gabye pa'i snying rje chen po de yang de ltar tshad med/ de ltar bsam gyis mi khyab/ de ltar gzhal du med/ de ltar dpag tu med/ de ltar brjod du med/ de ltar drag de ltar dpag dka' ste/ ji ltar ngag gi las kyis rtogs par sla ba ma yin no// de ci'i phyir zhe na/ ji ltar de bzhin gshegs pas byang chub thob pa de ltar sems can la de
- 87b
bzhin gshegs pa'i snying rje chen po 'jug ste/ byang chub ji 'dra ba snying rje chen po yang de 'dra'o// de bzhin gshegs pas byang chub ji ltar thob ce na/ de bzhin gshegs pa rtsa ba med par byang chub thob bo// de la rtsa ba gang / gnas gang zhe na/ 'jig tshogs ni rtsa ba'o// yang dag pa ma yin pa yongs su rtogs pa ni gan so// de bzhin gshegs pas byang chub mnyam pa nyid kyi phyir de dag mnyam par shes te de'i phyir de bzhin gshegs pa rtsa ba med pa dang / gnas med par byang chub mngon par rdzogs par sangs rgyas nas/ sems can 'di dag ni rtsa ba med pa dang / gnas med par mi shes pa ste/ de dag shes par bya'o zhes de bzhin gshegs pa sems can rnams la snying rje chen po 'jug go// gzhan yang shA ri'i bu byang chub ni zhi ba nye bar zhi ba'o// de ci ltar zhi ba nye bar zhi ba zhe na/ nang ni zhi ba'o// phyi rol ni nye bar zhi ba'o// de ci'i phyir zhe na/ mig ni bdag dang bdeg gis stong ste/ de'i rang bzhin ni 'di ste de'i phyir zhi ba zhes bya'o// de bzhin du rna ba dang / sna dang / lce dang / lus dang / yid ni bdag dang bdag gis stong ste/ de'i rang bzhin ni 'di ste/ de'i phyir zhi ba zhes bya'o// de'i mig sbyong par yongs su shes pas gzugs la mi rgyug ste// de'i phyir zhi ba zhes bya'o// yid kyi bar du yang stong par yongs su shes pas chos la mi rgyug ste/ de'i phyir zhi ba zhes bya na/
- 88a
sems can 'di dag ni zhi ba dang / nye bar zhi ba 'di mi shes te/ de dag shes par bya'o zhes de bzhin gshegs pa sems can rnams la snying rje chen po 'jug go// gzhan yang shA ri'i bu ngas ni rang bzhin gyis 'od gsal bar byang chub mngon par rdzogs par sangs rgyas so// ji ltar 'od gsal zhe na/ gang bzhin pa de ni kun nas nyon mongs pa med pa ste/ nam mkha' lta bu'o// nam mkha'i rang bzhin no// nam mkha'i rjes su 'brang ba'o// nam mkha' dang mnyam pa'i phyir mnyam pa ste/ de ni rang bzhin gyis shin tu 'od gsal ba na/ rang bzhin gyis 'od gsal ba 'di khong du ma chud pas byis pa lta bur so so'i skye bo rnams blo bur gyi nyon mongs pas kun nas nyon mongs te/ sems can rnams rang bzhin gyis 'od gsal ba mi shes pas/ de dag rang bzhin gyis 'od gsal khong du chud par bya'o zhes de bzhin gshegs pa sems can rnams la snying rje chen po 'jug go// gzhan yang shA ri'i bu ngas ni blang ba med pa dang / dor ba med par mngon par rdzogs par sangs rgyas so// de la blang ba med pa dang / dor ba med pa gang zhe na/ blang ba med pa zhes bya ba ni chos thams cad mi 'dzin pa'o// dor ba med pa zhes bya ba ni chos thams cad mi gtong ba 'di la de bzhin gshegs pas blang ba med pa dang dor ba med pa'i rlung mnyam pa nyid du mthong ste/
- 88b
ji ltar de bzhin gshegs pas tshu rol med pa dang / pha rol med par mthong ba de ltar chos thams cad tshu rol dang pha rol dang bral bar de bzhin gshegs pas mngon/ bar sangs rgyas te/ de'i phyir de bzhin gshegs pa zhes bya'o// blang ba med pa dang dor ba med pa 'di sems can rnams kyi khong du chud pas de khong du chud par bya'o/ zhes de bzhin gshegs pa sems can rnams la snying rje chen po 'jug go// gzhan yang shA ri'i bu mtshan ma med pa dang / dmigs su med par byang chub mngon par rdzogs par sangs rgyas so// de la mtshan ma med pa dang / dmigs su med pa gang zhe na/ mig gi rnam par shes pa mi dmigs pa ni mtshan ma med pa'o// gzugs yang dag par rjes su mi mthong ba ni dmigs su med pa'o// yid kyi rnam par shes pa'i bar du mi dmigs pa ni mtshan ma med pa'o// chos yang dag par rjes su mi mthong ba ni dmigs su med pa'o// de ltar shA ri'i bu mtshan ma med pa dang / dmigs su med pa ni 'phags pa'i spyod yul lo// 'phags pa rnams kyi spyod yul gang zhe na/ khams gsum pa ni 'phags pa rnams kyi spyod yul te/ gang 'phags pa rnams kyi spyod yul de ni byis pa so so'i skye bo thams cad kyi spyod yul ma yin pas/ de khong du chung bar bya'o zhes de bzhin gshegs pa sems can rnams la snying rje chen po 'jug go// shA ri'i bu byang chub ni 'das pa ma yin/ ma 'ongs pa ma yin/ da ltar byung
- 89a
ba ma yin te/ dus gsum mnyam pa dkyil 'khor gsum yongs su 'chad pa'o// de la dkyil 'khor gsum yongs su 'chad pa gang zhe na/ gang 'dres pa la sems mi 'jug pa dang / ma 'ongs pa la rnam par shes pa rjes su mi 'jug pa dang / da ltar byung ba la yid la byed pa mi 'jug ste/ de sems dang yid dang rnam par shes pa la mi gnas pas 'das pa la mi rtog ma 'ongs pa la mi sems/ da ltar byung ba la spros pa mi byed pa de ni dus gsum mnyam pa nyid dkyil 'khor gtsu yongs su dag pa na/ sems can rnams kyis khong du ma chud pas/ de khong du chud par bya'o zhes de bzhin gshegs pa sems can rnams la snying rje chen po 'jug go// shA ri'i bu ngas byang chub ni lus med pa/ mngon par 'dus byas par mngon par rdzogs par sangs rgyas te/ de ni mig gi rnam par shes pas rnam par shes par bya ba ma yin pa nas/ yid kyi rnam par shes pa'i bar gyis rnam par shes par bya ba ma yin no// 'dus ma byas zhes bya ba ni gang ma skyes pa mi 'gag pa mi gnas pa de ni/ dkyil 'khor gsum dang bral ba 'dus ma byas pa'o// ji ltar 'dus ma byas pa de ltar 'dus ma byas khong du chud par byas pa'o// de ci'i phyir zhe na/ gang dngos po med pa de la gnyis med lus med mngon par 'dus ma byas pa des khong du chud pas khong du chud par bya'o zhes de bzhin gshegs pa sems can rnams la snying rje chen po 'jug go// shA ri'i bu ngas byang chub ni dbyer
- 89b
med pa dang gnas su mngon par rdzogs par sangs rgyas so// de la dbyer med pa gang gnas gang zhe na/ de bzhin nyid ni gnas so// gnas med pa ni dbyer med pa'o// chos kyi dbyings ni gnas so// tha dad pa med pa ni dbyer med pa'o// yang dag pa'i mtha' ni gnas so// g.yo ba med pa ni dbyer med pa'o// stong pa nyid ni gnas so// dmigs su med pa ni dbyer med pa'o// mtshan ma med pa ni gnas so// rnam par mi rtog pa ni dbyer med pa'o// smon pa med pa ni gnas so// 'jug pa med pa ni dbyer med pa'o// sems can med pa ni gnas so// sems can med pa'i rang bzhin ni dbyer med pa'o// nam mkha' ni gnas so// mi dmigs pa ni dbyer med pa'o// / skye ba ni gnas so// mi 'gag pa ni dbyer med pa'o// 'dus ma byas ni gnas so// rgyu med pa ni dbyer med pa'o// byang chub ni gnas so// nye bar zhi ba ni dbyer med pa'o// mya ngan las 'das pa ni gnas so// mngon par mi 'grub pa ni dbyer med pa'o// de ltar shA ri'i bu dbyer med pa'i gnas 'di sems can rnams kyi khong du ma chud pas/ de khong du chud par bya'o zhes de bzhin gshegs pa sems can rnams la snying rje chen po 'jug go// shA ri'i bu byang chub ni lus kyis mngon par sangs ma rgyas te/ sems kyis kyang ma yin/ de ci'i phyir zhe na/ lus ni blun pa g.yo ba med pa/ byed pa med pa/ rtsa dang rtsig pa dang / shing dang rngo dang / gzugs nan lta bu'o//
- 90a
sems ni sgyu ma dang / smig rgyu dang / chu zla lta bu ste/ gang gis lus dang sems de ltar khong du chud pa de ni byang chub ces bya'o// byang chub ni tha snyad tsam du brjod pa ste/ byang chub ni lus sam/ sems sam/ chos sam/ chos ma yin pa 'am/ yang dag pa 'am/ yang dag pa ma yin pa 'am/ bden pa rdzun pa gang gis kyang brjod par bya ba ma yin no// de ci'i phyir zhe na/ byang chub ni chos thams cad kyis brjod par bya ba ma yin te/ byang chub la gang gis kyang tshig gi tha snyad du 'gyur ba'i gnas cung zad kyang med do// ji ltar nam mkha' gnas med cing tshig med pa de bzhin du/ byang chub kyang gnas med pa brjod par bya ba med pa'o// de ltar shA ri'i bu yang dag pa ji lta ba bzhin du tshol ba na/ chos thams cad tshig med pa ste/ chos la tshig med tshig la yang chos med do// de lta bu'i chos kyi tshul mi shes shing khong du ma chud pas de khong du chud par bya'o zhes de bzhin gshegs pa sems can rnams la snying rje chen po 'jug go// shA ri'i bu byang chub ni bzung ba med pa/ gnas med pa'o// de la bzung ba med pa dang / gnas med pa gang zhe na/ 'di lta ste/ mig yongs su shes pa ni bzung ba med pa'o// gzugs yang dag par rjes su mi mthong ba ni gnas med pa'o// yid kyi bar du yongs su shes pa ni bzung ba med pa'o// chos mi dmigs pa ni gnas med pa ste/ de ltar shA ri'i bu de bzhin
- 90b
po la bsam gtan sbyor ba de yang de bzhin gshegs pas dbang po mchog dang mchog ma yin pa shes pas de la shes rab kyi gtam ston to// gong ma bzhin du sbyar te/ byang chub kyi phyogs kyi chos thams cad la yang bya'o// sems can gang nyan thos kyi dbang po la rang sangs rgyas kyi theg pa la sbyor ba de yang de bzhin gshegs pas rab tu shes te/ srog gcod pa spangs pa dang / ma byin par len pa spangs pa dang / 'dod pas log par g.yem pa spangs pa dang / brdzun du smra ba spangs pa dang / phra ma spangs pa dang / tshig rtsub spangs pa dang / tshig thun tshags spangs pa dang / chags sems spangs pa dang / gnod sems spangs pa dang / yang dag par lta ba ste/ 'di yang snga ma bzhin te/ lam de ni 'byung ba'o// 'di ltar shA ri'i bu ji tsam byang chub kyi phyogs kyi dge ba tshul khrims kyi phung po dang ldan pa 'am/ ting nge 'dzin gyi phung po dang ldan pa 'am/ shes rab kyi phung po dang ldan pa 'am/ rnam par grol ba'i phung po dang ldan pa 'am/ rnam par grol ba'i ye shes mthong ba'i phung po dang ldan pa 'am/ 'phags pa'i bden pa dang ldan pa de dag kyang 'byung ba'i lam zhes bya'o// gzhan yang gang yang dag par bsgrub pa ni 'byung ba zhes bya'o// gang yang dag par bsgrub pa de la ni/ sogs pa 'am mi sogs pa'am/ bra ba'am/ dor ba'am/ bzung ba'am/ spang ba'i chos gang yang med do// de ci'i phyir zhe na/ yang dag par bsgrub pa la zhugs pa ni/
- 85a
gnyis la blo mi 'jug ste/ chos thams cad gnyis su med par yang dag pa ji lta ba bzhin du ye shes mthong ba ni 'byung ba'i lam mo// de bzhin gshegs pa sems can rnams 'byung ba'i lam yang dag par rab tu ston to// de bzhin gshegs pa'i mi 'jigs pa de yang 'khor thams cad shes par byed pa dang / 'khor thams cad tshim par byed pa dang / 'khor thams cad kyi lus sim par byed pa dang / 'khor thams cad mgu ba bskyed pa dang / 'khor thams cad dga' ba dang / rab tu dga' ba dang / dad pa bskyed pa dang / snying rje chen pos sposbyong ba dang / de bzhin nyid dang / de kho na dang / de bzhin kho na dang / gzhan ma yin pa kho na dang / mi 'gyur ba kho na dang / 'gyur ba med pa kho na dang / 'byung ba med pa kho na dang / 'bral ba med pa kho na dang / rtsod pa med pa kho nar mnyam ste/ de bzhin gshegs pa'i mi 'jigs pa la rtsod pa gang yang med do// de bzhin gshegs pa'i mi 'jigs pa ni rtsod pa med pa 'thab pa med pa'o// / de nyid dang mnyam/ chos kyi dbyings dang mnyam pas/ 'jig rten gyi khams rab 'byams ma lus pa thams cad la thogs pa med do// de ltar de bzhin gshegs pa tshad med grangs med bsam gyis mi khyab/ gzhal du med/ dpag tu med/ brjod du med pa'i chos dang ldan zhing snying rje chen pos kun tu non pa'i sems kyis sems
- 85b
gshegs pas bzung ba med pa dang / gnas med par byang chub mngon par rdzogs par sangs rgyas so// mngon par rdzogs par sangs rgyas nas/ mig mi 'dzin pa dang / gnas med pas rnam par shes pa mi gnas so// yid kyi bar du mi 'dzin cing chos gnas med pas rnam par shes pa mi gnas so// de rnam par shes pa gan med par sems can thams cad kyi sems kyi gnas shes so// ji ltar shes she na/ sems can rnams kyi gnas ni bzhi ste/ bzhi gang zhe na 'di lta ste/ gzugs ni sems kyi gnas so// tshor ba dang / 'du shes dang / 'du byed ni sems can rnams kyi sems kyi gnas te/ 'di bzhi ni sems can rnams kyi sems kyi gnas so// / gnas de yang gnas med par de bzhin gshegs pas mkhyen te/ gnas med pa'i mtha' 'di sems can rnams kyis khong du ma chud pas/ de khong du chud par bya'o zhes de bzhin gshegs pa sems can rnams la snying rje chen po 'jug go// shA ri'i bu byang chub ces bya ba ni/ stong pa nyid kyi tshig bla dgas so// stong pa nyid gang gis byang chub stong pa/ stong pa nyid des chos thams cad stong ste/ de dag ji ltar spong ba nyid de ltar de bzhin gshegs pas chos thams cad mngon par sangs rgyas mod kyi/ stong pa nyid kyis stong pa nyid mngon par sangs rgyas pa ni ma yin pas/ ye shes 'di ni stong pa nyid dang byang chub tshul cig pa ste/ de la gang gnyis kyis stong pa nyid dang byang chub gnyis su
- 91a
dbye ba'i gnyis cung zad kyang med do// chos de ni mi gnyis pa gnyis lta bur bya ba ma yin te/ ming med pa/ mtshan ma med pa/ 'jug ba med pa/ rab tu rgyu ba med pa/ spyod pa med pa'o// gang stong pa zhes bya ba ni mngon par chags pa dang / 'dzin pa dang bral ba'o// don dam par chos gang yang mi dmigs te/ stong pa gang yin pa de stong pa zhes bya'o// ji ltar nam mkha' la nam mkha' zhes kyang bya la/ nam mkha' ni brjod par bya ba'ang ma yin no// de bzhin du stong pa la stong pa zhes kyang bya la/ stong pa nyid brjod par bya ba ma yin no// chos thams cad la 'jug pa 'di ni/ 'di lta ste/ ming du tha snyad btags pa tsam ste/ ming de yang yul na yang mi gnas/ phyogs na yang mi gnas so// ji ltar ming yul na mi gnas/ phyogs na mi gnas pa de bzhin du chos gang mig gi spyod pa'i chos de yang yul na mi gnas/ phyogs na mi gnas te/ de ltar de bzhin gshegs pas chos thams cad mkhyen to// thos nas ma skyes ma byung bar de ltar mkhyen pas/ de ltar rnam par grol te/ bcings pa yang med grol ba yang med na/ byis pa so so'i skye bo rnams kyis khong du ma chud pas/ de khong du chud par bya'o zhes de bzhin gabye pas sems can rnams la snying rje chen po 'jug go// shA ri'i bu byang chub ni nam mkha' dang mnyam ste/ nam mkha' ni mnyam pa'ang ma yin/ mi mnyam pa'ang ma
- 91b
yin no// byang chub kyang mnyam pa'ang ma yin/ mi mnyam pa yang ma yin te/ ji ltar chos rnams yang dag par yongs su grub pa de mjam pa 'am/ mi mnyam pa zhes brjod pa ma yin no// de ltar shA ri'i bu de bzhin gshegs pas chos thams cad mnyam pa yang ma yin mi mnyam pa yang ma yin par mngon par rdzogs par sangs rgyas so// ji ltar chos phra rab tsam yang mnyam par byas pa yang ma yin/ mi mnyam par byas pa yang ma yin par de ltar mngon par rdzogs par sangs rgyas so// chos ji snyed pa de dag yang dag pa'i ye shes kyis shes so// yang dag pa'i ye shes gang zhe na/ chos ma byung ba rnams 'byung ba dang / byung nas 'jig par 'gyur ba de dag ni bdag po med par 'byung / bdag po med par 'jig ste/ rkyen gyis 'byung ba dang 'jig par 'gyur te/ 'di la 'byung ba'am ldog pa gang yang med de/ lam gcad pa'i phyir de bzhin gshegs pa chos ston to// // byang chub sems dpa'i sde snod// / bam po bdun pa// / yang shA ri'i bu ji ltar na byang chub sems dpa' de bzhin gshegs pa'i sangs rgyas kyi chos ma 'dres pa la mngon par dang / yid ces/ rab tu rtog pa nas/ ngo mtshar dang smad kyi bar du 'du shes skyed ce na/ shA ri'i bu de bzhin gshegs pa'i sangs rgyas kyi chos
- 92a
ma 'dres pa ni bco brgyad po 'di dag ste/ chos 'di dag dang ldan pas de bzhin gshegs pa 'khor gyi nang du gshegs nas seng ge'i sgra yang dag par sgrog cing khyu mchog gi gnas su dam 'cha' ste/ dge sbyong ngam/ bram ze 'am/ lha 'am/ bdud dam/ sus kyang 'jig rten du chos dang 'thun par ma skor ba tshangs pa'i 'khor lo rab tu bskor ro// sangs rgyas kyi chos ma 'dres pa bco brgyad gang zhe na/ 'di la shA ri'i bu gang gi phyir las 'khrul pas/ byis pa 'am/ mkhas pa dang chos dang 'thun pa'i brtson par 'gyur ba de bzhin gshegs pa la med do// de ci'i phyir zhe na/ sangs rgyas bcom ldan 'das rnams kyi las 'khrul pa med de/ de bzhin gshegs pa ni spyod lam mdzes pa ste/ kun lta ba dang / rnam par lta ba dang / bskum pa dang / sbyang ba dang / chos gos sbyar ma dang / lhung bzed la mngon par 'gro ba dang / slar 'gro ba dang / 'ong ba dang / 'gro ba dang / 'chag pa dang / 'greng ba dang / 'dug pa dang / nyal ba dang / grong dang / grong khyer du 'jug pa dang / 'byung ba na rkang 'thil sa la mi reg ste/ 'khor lo'i brtsibs stong pa sa la mi 'byung zhing dri yid du 'ong ba'i pad+mo mngon par 'byung ste/ de la de bzhin gshegs pa'i rkang pa 'jog go// de la gang byol song gi skye gnas su song ba'i sems can dag gis de bzhin gshegs pa rkang pa reg na de dag zhag bdun du rab tu bde ba dang ldan par 'gyur/ shi 'phos
- 92b
nas kyang bde 'gro mtho ris kyi 'jig rten du skye bar 'gyur ro// de bzhin gshegs pa'i lus la chos gos sor bzhi tsam gyis mi reg mod kyi/ rdzi lung yug pas kyang bzlog par mi nus so// lus kyi 'od kyis mnar med pa'i bar gyi sems can bde ba 'tsho ba myong bar 'gyur te/ de ci'i phyir de bzhin gshegs pa'i lus la 'khrul pa med ces bya'o// yang shA ri'i bu gang gi phyir/ ngag 'khrul pas byis pa 'am/ mkhas pa chos dang 'thun pa'i rtsod par 'gyur ba'i 'khrul pa de bzhin gshegs pa la med do// de ci'i phyir zhe na/ shA ri'i bu de bzhin gshegs pa ni dus su smra ba yang dag par smra ba/ bden par smra ba/ tshigs su smra ba/ ji ltar smras pa de bzhin du byed pa'o// shin tu nges pa'i tshig go// sems can thams cad tshim par byed pa'i tshig go// mi bzlos pa'i tshig go// don dang yi ges shin tu brgyan pa'i tshig go// skad cig brjod pas sems can thams cad kyi bsam pa tshim par byed pa ste/ de'i phyir sangs rgyas bcom ldan 'das rnams kyi ngag gi las 'khrul pa med ces bya'o// yang shA ri'i bu gang gi phyir sems 'khrul pas byis pa 'am mkhas pa chos dang 'thun pa'i rtsod par 'gyur ba'i 'khrul pa de bzhin gshegs pa la med do// de ci'i phyir zhe na/ 'di la shA ri'i bu de bzhin gshegs pa ni mnyam par gzhag pa'i dngos po mi 'dor zhing / sangs rgyas kyi bya ba thams cad byed kyang sems der mi gtong zhing chos thams cad
- 93a
la de chags pa med pa'i ye shes mthong ba 'jug ste/ de'i phyir de bzhin gshegs pa la sems 'khrul pa med ces bya/ ji ltar de'i sems 'khrul pa med pa de ltar sems can rnams kyi sems 'khrul pa spang ba'i phyir chos ston te/ 'di ni sangs rgyas kyi chos ma 'dres pa dang po'o// gzhan yang shA ri'i bu ca co gang las bdud dam/ bdud kyi ris kyi lha'i bu 'am/ gzhan mu stegs can dag gis kyang de bzhin gshegs pa la ca co yod zhes skabs mi rnyed do// yang shA ri'i bu de bzhin gshegs pa la ca co 'am rjes su ca co med de/ de bzhin gshegs pa ni tshigs pa dang khong khro ba dang bral ba ste/ de sems can thams cad kyis bkur sti byas kyang thos par mi sems/ sems can thams cad kyis bkur sti ma byas kyang 'khrug pa med do// de bzhin gshegs pa la bya ba'i mchog mthar ma phyin pa cung zad kyang med pas/ de gang la yang 'gyod pa'i ca co mi 'byung ngo // de bzhin gshegs pa ni 'jig rten dang rtsod pa ma yin te/ de'i phyir de bzhin gshegs pa la ca co med do// de bzhin gshegs pa ni nyon mongs pa med pa la gnas te/ nga'i ba med/ 'dzin pa med/ len pa med/ mdud pa thams cad dang bral ba ste/ de'i phyir de bzhin gshegs pa la caco med do// de ltar de la ca co med pa de ltar sems can thams cad kyi ca co thams cad spang ba'i phyir chos ston te/ 'di ni sangs rgyas kyi chos 'dres pa gnyis pa'o//
- 93b
gzhan yang shA ri'i bu dran pa nyams pa gang las chos gang la yang rmongs par 'gyur ba'i dran pa rnams pa de bzhin gshegs pa la med do// bsam gtan dang rnam par thar pa dang / ting nge 'dzin dang snyoms par 'jug pa la thogs pa med cing sems can thams cad kyi spyod pa dang g.yo ba la rnam par lta ba'i phyir de bzhin gshegs pa la rmongs pa med do// so sor ci rigs par chos ston pa'i phyir kun tu nyams pa med do// 'das pa dang / ma 'ongs pa dang / da lnga la thogs pa med pa'i ye shes mthong ba'i phyir/ don dang chos dang nges pa med pa'i tshig dang / spobs pa so so yang dag par rig pa la kun tu nyams pa med do// ji ltar bdag tu nyams pa med cing 'das pa dang / ma 'ongs pa dang / da ltar thogs pa med pa'i ye shes mthong ba de ltar sems can thams cad kyi dran pa nyams par mi 'gyur bar bya ba'i phyir chos ston to// 'di ni sangs rgyas kyi chos ma 'dres pa gsum pa'o// gzhan yang shA ri'i bu de bzhin gshegs pa'i mnyam par ma gzhag pa'i sems mi dmigs te/ de bzhin gshegs pa ni 'chag gam/ 'greng ngam/ 'dug gam/ nyal lam/ za 'am/ smra 'am/ cang mi smra yang rung ste/ rtag tu mnyam par gzhag pa/ ting nge 'dzin zab mo dam pa'i mchog thob pa/ sgrib pa med pa'i bsam gtan la bsam gtan byed pa ste/ de bzhin gshegs pa'i byin gyi brlabs ma gtogs pas/ sems can gyi ris na sems can gang mnyam par gzhag kyang rung mnyam par ma
- 94a
bzhag kyang rung ste/ su yang de bzhin gshegs pa'i sems la lta bar nus pa med do// ji ltar de bzhin gshegs pa rtag tu mnyam bar bzhag pa de ltar ting nge 'dzin la lta bas sems can rnams la chos ston te/ 'di ni de bzhin gshegs pa'i sangs rgyas kyi chos ma 'dres ma bzhi pa'o// gzhan yang shA ri'i bu de bzhin gshegs pa la sna tshogs kyi 'du shes med de/ gang gi phyir de la sna tshogs kyi 'du shes med pas dri ma med pa'i sems la yang dag par gnas so// de ci'i phyir zhe na/ nam mkha' bzhin du zhing mi zad pa'i phyir zhing la de bzhin gshegs pa la sna tshogs kyi 'du shes med do// rang bzhin gyi tha dad pa med pa'i phyir de bzhin gshegs pa sems can la sna tshogs kyi 'du shes med do// chos kyi dbyings dbyer med cing mnyam pa nyid kyi ye shes kyi phyir de bzhin gshegs pa sangs rgyas kyi zhing la sna tshogs kyi 'du shes med do// 'dod chags dang bral ba'i chos nyid kyi phyir de bzhin gshegs pa chos la sna tshogs kyi 'du shes med do// de bzhin gshegs pa tshul khrims dang ldan pa sems can la byams pa med/ tshul khrims ngan pa la yang khong khro ba med/ phan par gyur pa la yang lan bya ba med/ gnod par gyur pa la yang gnod pa med/ 'dul bar 'os pa la yang mnyam pa nyid du ma yin/ log par nges pa'i sems can la yang smod pa ma yin gyi/ de bzhin gshegs pa ni chos thams cad la mnyam par gnas
- 94b
/ de'i phyir de bzhin gshegs pa la sna tshogs kyi 'du shes med ces bya'o// ji ltar de bzhin gshegs pa la sna tshogs kyi 'du shes med pa de ltar sems can thams ca kyi sna tshogs kyi 'du shes spang ba'i phyir chos ston te/ 'di ni sangs rgyas kyi chos ma 'dres pa lnga pa'o// gzhan yang shA ri'i bu de bzhin gshegs pa so sor ma brtags pa'i btang snyoms med do// de ci'i phyir zhe na/ de bzhin gshegs pa'i btang snyoms ni lam bsgoms pa ste/ lam ma bsgoms pa ma yin/ sems ma bsgoms pa ma yin// tshul khrims ma bsgoms pa ma yin no// de bzhin gshegs pa'i btang snyoms ni shes rab bsgoms pa ste/ shes rab ma bsgoms pa ma yin no// de bzhin gshegs pa'i btang snyoms dang ldan gyi/ gti mug dang ldan pa ma yin no// de bzhin gshegs pa'i btang snyoms ni 'jig rten las 'das pa yin gyi/ 'jig rten gyi rnam par lhung ba ma yin no// de bzhin gshegs pa'i btang snyoms ni 'phags pa'i 'byung ba yin gyi/ 'phags pa ma yin pa ma yin/ mi 'byung ba ma yin no// de bzhin gshegs pa'i btang snyoms ni tshangs pa'i 'khor lo bskor ba ste/ sems can la snying rje dang bral ba ni ma yin no// de bzhin gshegs pa'i btang snyoms ni rang gi tshul gyis grub ste/ gnyen po rjes su song ba ni ma yin no// yang shA ri'i bu de bzhin gshegs pa'i btang snyoms de ni mtho ba pa yang ma yin/ dma' ba yang ma yin te/ mthon dman
- 95a
med par gnas pa/ mi g.yo bar gyur pa/ gnyis dang bral ba/ rtog pa dang sel ba las shin tu 'das pa/ dus la lta ba/ dus las ma yol ba mi g.yo ba mi sems pa rtog pa rnam par mi rtog pa/ ma bsgoms pa bstan tu med pa/ yang dag pa kho na de bzhin nyid/ ma nor ba de bzhin nyid/ gzhan ma yin pa de bzhin nyid de/ shA ri'i bu de bzhin gshegs pa'i de lta bu'i btang snyoms phun sum tshogs pa sems can thams cad btang snyoms yongs su rdzogs par bya ba'i phyir chos ston to// shA ri'i bu 'di ni sangs rgyas kyi chos ma 'dres pa drug pa'o// gzhan yang shA ri'i bu de bzhin gshegs pa ni mos pa bri ba med do// de la mos/ pa gang zhe na/ 'di lta ste/ dge ba'i chos la mos pa'o// de yang gang zhe na/ de bzhin gshegs pa byams pa la mos pa bri ba med do// snying rje chen po la mos pa bri ba med do// chos ston pa la mos pa bri ba med do// sems can 'dul ba la mos pa bri ba med do// rab tu dben pa la mos pa bri ba med do// byang chub sems dpar yang dag par 'dzud pa la mos pa bri ba med do// dkon mchog gsum rgyun mi gcod par mos pa bri ba med do// de bzhin gshegs pa ni mos par 'gro ba ma yin gyi/ ye shes sngon du 'gro ba ste/ 'di ni de bzhin gshegs pa'i mos pa'o// sems can thams cad bla na med pa'i thams cad mkhyen par mos pa yongs su rdzogs pa'i phyir chos ston
- 95b
ste 'di ni sangs rgyas kyi chos ma 'dres pa bdun pa'o// gzhan yang shA ri'i bu de bzhin gshegs pa'i brtson 'grus brim med do// de la de bzhin gshegs pa'i brtson 'grus ni 'di lta ste/ 'dul ba'i sems can yal bar mi 'dor ba'i brtson 'grus dang / chos nyan pa la brnyas pa med ma'i brtson 'grus so// gal te de bzhin gshegs pas chos kyi snod chos nyan pa gang bskal par nyan kyang skyo bar mi 'gyur ba rnyed na de bzhin gshegs pa yang chos ston cing / kha zas dang bral bar bskal par yang mi ldang ngo // de bzhin gshegs pa sems can la lta bas tha na gang na sangs rgyas kyis 'dul ba'i sems can gcig gi phyir sangs rgyas kyi zhing gang+gA'i klung gi bye ma snyed 'da' zhing 'gro ste/ de bzhin gshegs pa la lus ngal ba 'am/ ngag ngal ba 'am/ sems ngal ba med do// de bzhin gshegs pa ni lus dang sems shin tu byang ba'o// brtson 'grus brtsams pa'o// brtson 'grus kyi sngags pa smra ba ste/ brtson 'grus kyis yang dag par rab tu sbyor ba gang gis sems can 'phags pa'i rnam par grol ba thos par 'gyur ba'i brtson 'grus de sems can rnams la bsngags par byed pa ste/ shA ri'i bu 'di ni de bzhin gshegs pa'i sangs rgyas kyi chos ma 'dres pa brgyad pa'o// gzhan ya shA ri'i bu de bzhin gshegs pa zhi yong ye dran pa brib med cing de bzhin gshegs pa'i dran pa
- 96a
rnams pa med do// de ci'i phyir zhes/ gang de bzhin gshegs pa bla na med pa yang dag par rdzogs pa'i byang chub mngon par rdzogs bar sangs rgyas ma thag tu/ 'das pa dang / ma 'ongs pa dang / da ltar gyi sems can gyi rgyud la rnam par bltas kyang / de la de bzhin gshegs pa shin du dran pa nyams par 'gyur ba med do// sems can gyi spyod pa ji lta ba bzhin du shes kyang de la de bzhin gshegs pa'i ye shes phyir gtong ba med do// sems can gyi dbang po phung po gsu du rnam par gnas pa la 'jug pa dang / sems can gyi bsam pa la 'jug pa dang / sems can gyi spyod pa la rnam par blta ba'i phyir/ de bzhin gshegs pa'i dran pa yongs su nyams pa med do// de bzhin gshegs pa'i dran pa ni dran par bya ba dang / bsam par bya ba dang / brtag par bya ba med kyang sems can rnams la chos ston pa 'bri bar mi 'gyur ro// de ci'i phyir zhe na/ ji ltar yang de la dran pa bri ba med do// de ji ltar dran zhing bdag gi dran pa nyams pa med pa de ltar sems can rnams la chos ston te/ 'di ni de bzhin gshegs pa'i sangs rgyas kyi chos ma 'dres pa dgu pa'o// gzhan yang shA ri'i bu de bzhin gshegs pa'i ting nge 'dzin bri ba med do// gang de bzhin gshegs pa'i ting nge 'dzin de ni chos thams cad mnyam pa nyid de/ chos thams cad mi mnyam pa ma yin no// chos thams cad ji lta ba bzhin pa'o// de ci'i phyir de bzhin
- 96b
gshegs pa'i ting nge 'dzin bri bar mi 'gyur zhe na/ gang de bzhin nyid mnyam pa de ting nge 'dzin mnyam pa'o// gang ting nge 'dzin mnyam pa de bzhin gshegs pa mnyam pa ste/ de mnyam pa nyid la zhugs pas de'i phyir mnyam pa zhes bya'o// gang 'dod chags kyi mtha' mnyam pa de 'dod chags dang bral ba'i mtha' mnyam pa'o// gang zhe na ngag gi mtha' mnyam pa de zhe sdang med pa'i mtha' mnyam pa'o// gang gti mug gi mtha' mnyam pa de gti mug med pa'i mtha' mnyam pa'o// gang 'dus byas kyi mtha' mnyam pa de 'dus ma byas kyi mtha' mnyam pa'o// gang 'khor ba'i mtha' mnyam pa de mya ngan las 'das pa'i mtha' mnyam pa ste/ de mnyam pa nyid dang ldan pas de'i phyir de bzhin gshegs pa'i ting nge 'dzin bri ba med ces bya'o// de ci'i phyir zhe na/ mnyam pa nyid la bri ba med yongs su bri ba med do// de bzhin gshegs pa'i ting nge 'dzin de yang mig dang / ldan pa ma yin/ rna ba dang / sna dang lce dang / lus dang / yid dang ldan pa ma yin mod kyi/ de bzhin gshegs pa dbang po ma tshang ba yang ma yin no// ting nge 'dzin 'di sa'i khams/ la mi gnas/ chu'i khams dang / me'i khams dang / rlung gi khams la mi gnas/ 'dod pa dang / gzugs dang / gzugs med pa'i khams la mi gnas/ 'jig rten pha rol la mi gnas so// mi gnas pas na bri ba med do// de'i phyir de bzhin gshegs pa'i ting nge 'dzin bri ba med do// sems can thams cad kyang de bzhin ga kye
- 97a
pa'i ting nge 'dzin rnyed par bya ba'i phyir chos ston te/ shA ri'i bu 'di ni de bzhin gshegs pa'i sangs rgyas kyi chos ma 'dres pa bcu pa'o// / gzhan yang shA ri'i bu de bzhin gshegs pa'i shes rab bri ba med do// de bzhin gshegs pa'i shes rab gang zhe na/ gang chos thams cad shes pa ste/ gzhan gyi dring la mi 'jog pa'i ye shes so// sems can gzhan rnams dang gang zag gzhan dag chos rnyed par byed pa'i ye shes so// mi gnyis pa so so yang dag par rig pa la mkhas pa'i ye shes so// gnas thams cad du dbye ba'i ye shes so// gnas cig la bzhugs pas bskal pa brgya stong du gnas shing ston pa'i ye shes so// ji ltar ji 'dra zhes dris pa ji lta ba bzhin du the tshom gcod pa'i ye shes so// thams cad du thogs pa med pa'i ye shes so// theg pa gsum rnam par bzhag pa ston pa'i ye shes so// sems can gyi sems kyi spyod pa brgyad khri bzhi stong yongs su shes pa'i ye shes so// chos kyi phung po brgyad khri bzhi stong ji rigs par yang dag par rab tu ston pa'i ye shes so// 'di ni shes rab mi bzad pa bstan pa'i phyir de bzhin gshegs pa'i shes rab mtha' yas mu med zad mi shes pa'i ye shes so// gang gi phyir de bzhin gshegs pa'i shes rab bri ba med pa de bzhin du/ sems can rnams kyi shes rwa kyang mi zad par bya ba'i phyir chos ston te/ shA ri'i bu 'di ni de bzhin gshegs pa'i sangs
- 97b
rgyas kyi chos ma 'dres pa bcu gcig pa'o// gzhan yang shA ri'i bu de bzhin gshegs pa'i rnam par grol ba bri ba med do// de bzhin gshegs pa'i rnam par grol ba gang zhe na/ nyan thos kyi rnam par grol ba ni sgra rjes su 'gro ba/ rang sangs rgyas rnams kyi rnam par grol ba ni rkyen khong du chud pa'o// sangs rgyas bcom ldan 'das rnams kyi rnam par grol ba ni chags pa dang gnyis su 'dzin pa thams cad dang bral bas rnam par grol ba zhes bya ste/ thog ma'i mthar yang ma bcings pa/ tha ma'i mthar yang mi phod/ da ltar yang gnas med do// mig dang gzugs kyi 'dzin pa gnyis las rnam par grol ba'o// de bzhin du rna ba dang / sgra dang / sna dang / dri dang / lce dang / ro dang / lus dang / reg bya'i 'dzin pa gnyis las rnam par grol te/ mi 'dzin mngon par mi chags par gnas pa'i rnam par grol ba'o// sems rang bzhin gyis 'od gsal ba de bzhin du shes pas de'i phyir sems kyi skad cig dang ldan pa'i shes rab kyis bla na med pa yang dag par rdzogs pa'i byang chub mngon par rdzogs par sangs rgyas zhes bya'o// ji ltar mngon par rdzogs par sangs rgyas pa de ltar de bzhin gshegs pa sems can rnams la chos ston te/ shA ri'i bu 'di ni de bzhin gshegs pa'i sangs rgyas kyi chos ma 'dres pa bcu gnyis pa'o// gzhan yang shA ri'i bu de bzhin gshegs pa'i lus kyi las thams cad ni ye shes kyi sngon du 'gro ste/ ye
- 98a
shes kyi rjes su 'jug go// lus kyi las de dang ldan pas de bzhin gshegs pa lta bas kyang sems can 'dul/ smra bas kyang sems can 'dul/ mi smra bas kyang sems can 'dul/ za bas kyang sems can 'dul/ spyod lam gyis kyang sems can 'dul/ mtshan gyis kyang sems can 'dul/ dpe byad bzang pos sems can 'dul/ gtsug tor ltar mi snang ba dang / bltas pa tsam dang / 'od gtong ba dang / gom pa 'dor ba dang / 'jog pa dang / grong khyer du 'jug pa dang / 'byung bas sems can 'dul te/ sangs rgyas bcom ldan 'das kyi spyod lam gang gis kyang sems can 'dul bar mi 'gyur ba med do// de'i phyir de bzhin gshegs pa'i lus kyi las thams cad ye shes kyi sngon du 'gro ste/ ye shes kyi rjes su 'jug pa zhes bya ste/ shA ri'i bu 'di ni de bzhin gshegs pa'i sangs rgyas kyi chos ma 'dres pa bcu gsum pa'o// gzhan yang shA ri'i bu de bzhin gshegs pa'i ngag gis las thams cad ni ye shes kyi sngon du 'gro ste/ ye shes kyi rjes su 'jug go/ de ci'i phyir zhe na/ sangs rgyas bcom ldan 'das rnams ni 'bras bu yod pa'i chos ston pa'o// lung mi ston pa mi zad pa'o// shin tu nges pa'i tshig smra ba'o// de bzhin gshegs pa'i ngag de yang kun shes par byed pa/ rnam par shes par byed pa/ mi mtho ba/ mi dma' ba/ ma yo ba/ lngab ldib can ma yin pa/ gya gyu can
- 98b
ma yin pa/ mi brlang ba/ mi rtsub pa/ 'jam pa gnyen pa/ yid du 'ong ba/ rang po ma yin pa/ mi 'chal ba/ mi 'tshe ba dang / mi myur ba/ rab myur ba ma yin pa/ shin tu rnam par phye ba/ shin tu nges pa'i tshig rab tu gnyen pa/ shin tu gnyen pa/ rab tu gsal bar bsgrags pa/ byams par byed pa/ 'jam pa/ phan pa dang bcas pa/ dga' bar 'gyur ba/ mchod par 'gyur ba/ mdzes pa/ rdul med pa/ rdul dang bral ba/ tha ba med pa/ 'chal pa med pa/ ma slongs pa/ shin tu gsal ba/ thogs pa med ba yang dag par zhugs pa/ 'od gsal ba/ drang ba ma 'jungs pa/ dum bu ma yin pa/ dig rig po ma yin pa/ bde ba bskyed pa/ lus sim par byed pa/ 'dod chags zhi bar byed pa/ zhe sdang zhi bar byed pa/ gti mug sel ba/ bdud 'joms pa/ sdig pa sel ba/ rgod pa 'dul ba/ shes par byed pa/ rnga sgra mkhas pa/ dga' byed pa/ ka la ping ka'i sgra dbyangs/ dbang po'i sgra/ tshangs pa'i sgra/ rgya mtsho'i rlabs kyi sgra/ sprin gyi sgra/ sa'i sgra dbyangs/ khrung khrung gi sgra/ rma bya'i sgra/ kad ko ki la'i sgra/ 'dzi ban 'dzi ba'i sgra/ ngang pa'i sgra skad/ ri dwags kyi rgyal po'i sgra/ khong du dang / byi bang dang / rnga ba na pa dang / dung dang / sil snyan rab tu bsgrags pa'i sgra kun shes par bya ba dang / rnam par shes par bya ba/ zur phyin pa'i yid du 'ong ba/ mnyam par 'os pa/ zab pa/ lug lngar lkugs pa ma yin pa/ bde ba dge ba'i rtsa ba bskyed pa/ tshig dang yi ge
- 99a
mnyam pa/ shin tu nges par smra ba/ tshig dang yi ge dang / don dang tshig tu ldan pa/ chos kyi tshig dang ldan pa/ dus dang ldan pa/ tshod dang ldan pa/ dus las mi 'da' ba/ dbang po rab dang tha ma shes shing ston/ sbyin pas brgyan pa/ tshul khrims sbyangs pa/ bzod pas bsgrubs pa/ brtson 'grus 'bar ba/ bsam gtan gyis yid du 'ong bar byas pa/ shes rab las byung ba/ byams pa shin tu bsnams pa/ snying rjes mi skyo ba/ dga' ba'i 'od gsal ba/ btang snyoms las 'byung ba/ theg pa gsum la rnam par 'jog pa/ dkon mchog gsum gyi rigs mi gcod pa/ phung po gsum du 'jog pa/ rnam par thar pa gsum sbyong ba/ bden pa yongs su bsgoms pa/ ye shes yongs su bsgoms pa/ mkhas pas ma smad pa/ 'phags pas bstod pa/ nam mkha'i tshad du 'gro ba rnam pa'i mchog thams cad dang ldan pa'o// shA ri'i bu de bzhin gshegs pa'i ngag ni de 'dra ste/ de ni de bzhin gshegs pa'i ngag gi las thams cad ni ye shes kyi sngon du 'gro ste/ ye shes kyi rjes su 'jug pa zhes bya ste/ shA ri'i bu 'di ni de bzhin gshegs pa'i sangs rgyas kyi chos ma 'dres pa bcu bzhi pa'o// gzhan yang sha ri'i bu de bzhin gshegs pa'i yid kyi las thams cad ye shes kyi sngon du 'gro ste/ ye shes kyi rjes su 'jug go// de ci'i phyir zhe na/ de bzhin gshegs pa ni sems
- 99b
kyis brjod pa ma yin/ yid kyis ma yin/ rnam par shes pas ma yin gyi/ de bzhin gshegs pa ni ye shes kyis bskyed pa ste/ ye shes kyi bdag po'o// gang de bzhin gshegs pa'i ye shes de yang sems can thams cad kyi sems kyi rjes su song ba'o// sems can thams cad kyi yid kyi rjes su zhugs pa'o// sems can thams cad kyi rnam par shes pa las rab tu dben pa'o// chos thams cad la nges par sems pa'o// ting nge 'dzin thams cad la gzhan gyi dring mi 'jog pa'o// dmigs pa las shin tu 'das pa'o// rkyen las skye ba dang bral ba'o// srid pa gsum sel ba'o// nga rgyal gyi rnam pa thams cad las shin tu 'das pa'o// bdud kyi las thams cad las nges par grol ba'o// rgyu dang g.yo thams cad dang bral ba'o// ngar 'dzin pa dang / nga yir 'dzin pa dang bral ba'o// ma rig pa dang gti mug gi ling tog med pa'o// lam gyi yan lag shin yongs su bsgoms pa'o// nam mkha' ltar rnam par mi rtog pa'o// chos kyi dbyings dang dbyer med pa ste/ shA ri'i bu de bzhin gshegs pa'i ye shes sngon du 'gro ba'i yid kyi las so// shA ri'i bu 'di ni de bzhin gshegs pa'i sangs rgyas kyi chos ma 'dres pa bco lnga pa'o// gzhan yang shA ri'i bu 'das pa'i dus la de bzhin gshegs pa'i ye shes ma chags par mthong ba 'jug go// ji ltar 'jug ce na/ 'di la shA ri'i bu 'das
- 100a
pa'i sangs rgyas kyi zhing byung ba dang / ma byung ba ji snyed pa de dag thams cad bgrang ba'i tshul gyis de bzhin gshegs pas yang dag par shes so// sangs rgyas kyi zhing ji snyed pa de'i rtswa dang shing gel ba dang / sman dang / nags byung ba de dag thams cad rab tu shes so// sangs rgyas kyi zhing ji snyed pa de'i sems can gyi tshogs sems can du btags pa byung ba de dag thams cad rab tu shes so// de dag na sems can sna tshogs byung ba ji snyed pa gzugs tha dad pa la sogs pa rgyas par bya ste/ sangs rgyas byung ba ji snyed pa dang / de bzhin gshegs pa re res chos bstan cing phye ma ji snyed pa de yang de bzhin du bsdu'o// sems can ji snyed nyan thos kyi theg pas btul ba dang / ji snyed cig rang sangs rgyas kyi btul ba yang de bzhin du bsdu'o// sangs rgyas kyi zhing rnam par phye ba yang rab tu shes/ dge slong gi dge 'dun rnam par phye ba dang tshe'i tshad rnam par phye ba yang rab tu shes so// chos gnas pa rnam par phye ba yang rab tu shes so// dbugs phyi nang du rgyu ba yang rab tu shes so// zas kyi mchog gi longs spyod kyang rab tu shes so// sems can thams cad kyi 'das pa'i rnam pa dang / 'chi 'pho dang / skye ba yang de bzhin gshegs pas rab tu shes so// dbang po sna tshogs dang / spyod pa sna tshogs dang / bsam pa sna tshogs kyang rab tu shes so// sems kyi rgyud kyang rab tu shes/ sems gang gi 'og tu sems gang 'byung
- 100b
ba de dag thams cad 'grang ba'i tshul gyis mngon sum gyi shes pa dang / rjes su 'gro ba'i shes pas rab tu shes so// de bzhin gshegs pa'i 'das pa'i sems kyi rgyu/ gtong ba'ang mi dmigs te/ de bzhin gshegs pa ni 'di lta bu'i ye shes mi 'bri ba dang ldan pas sems can gyi bsam pa la chos ston te/ shA ri'i bu 'di ni de bzhin gshegs pa'i sangs rgyas kyi chos ma 'dres pa bcu drug pa'o// gzhan yang shA ri'i bu ma 'ongs pa'i dus la de bzhin gshegs pa'i ye shes ma thogs par mthong ba 'jug go// ma 'ongs pa'i dus na de bzhin gshegs pa gang dag 'byung ba dang / 'gog pa dang 'byung bar 'gyur ba dang / 'byung bar mi 'gyur ba de dag kyang shes so// bskal pas tshig par 'gyur ba ji snyed pa dang / chus bsdug par 'gyur ba ji snyed pa dang / rlung gis sdud par 'gyur ba ji snyed pa dang / sangs rgyas kyi zhing gnas par 'gyur ba ji snyed pa dang / sangs rgyas kyi zhing de na sa'i khams su 'gyur ba ji snyed pa dang / rdul phra rab tu 'gyur ba ji snyed pa dang / rtsa dang / shing gel ba dang / sman dang nag su 'gyur ba ji snyed pa dang / skar ma'i gzugs su 'gyur ba ji snyed pa dang / sangs rgyas kyi zhing rab 'byams re ren sangs rgyas bcom ldan 'das 'byung bar 'gyur ba ji snyed pa dang / rang sangs rgyas 'byung bar 'gyur ba ji snyed pa dang / nyan thos 'byung bar 'gyur ba ji snyed pa dang / byang chub sems dpa' 'byung bar 'gyur ba ji snyed pa dang / zas kyi longs spyod dang /
- 101a
dbugs phyi nang du rgyu ba dang / 'chag pa dang / 'dug pa dang spyod lam du 'gyur ba ji snyed pa dang / de bzhin gshegs pa rab 'byam re re las nyan thos kyi theg pa dang / rang sangs rgyas kyis theg pas rnam par thar par 'gyur ba'i sems can ji snyed pa dang / sems can theg pa chen po'i rnam par thar par 'gyur ba ji snyed pa dang / de dag thams cad kyang de bzhin gshegs pas rab tu shes so// sangs rgyas kyi zhing rab 'byam re re sems can skye ba'i gnas su 'gyur ba ji snyed pa dang / sems dang sems las byung ba skye ba dang skye bar 'gyur ba ji snyed pa de dag thams cad kyang de bzhin gshegs pas rab tu shes so// de ltar de bzhin gshegs pa rab tu shes kyang de bzhin gshegs pa ma 'ongs pa'i sems kyi rgyud bskal par 'gyur ba ma yin te/ de bzhin gshegs pa ma 'ongs pa la lta bas sems can rnams la chos ston to// shA ri'i bu 'di ni de bzhin gshegs pa'i sangs rgyas kyi chos ma 'dres pa bcu bdun pa'o// gzhan yang shA ri'i bu da ltar gyi dus la de bzhin gshegs pa'i ye shes ma chags ma thogs par mthong ba 'jug go// ji ltar 'jug ce na/ 'di shA ri'i bu de bzhin gshegs pa da ltar gyi phyogs bcu'i sang+yas kyi zhing thams cad bgrang ba'i tshul rnam pa gsum gyis rab tu shes so// da ltar gyi chos thams cad rab tu shes so// da ltar gyi byang chub sems dpa' thams cad dang / de bzhin du da ltar gyi nyan thos dang rang sangs
- 101b
rgyas rnams rab tu shes so// da ltar gyi skar ma'i gzugs thams cad kyang rab tu shes so// da ltar gyi rtsa dang shing sel ba dang sman dang nags thams cad kyang rab tu shes// da ltar gyi phyogs bcu'i sa'i khams rdul phra rab kyi rdul gyi char blags pa thams cad kyang rab tu shes so// phyogs bcu'i 'jig rten gyi khams skra'i rtse mos blangs pa'i thig pa thams cad kyang bgrang ba'i tshul gyis rab tu shes so// phyogs bcu'i me'i khams kyi 'od 'phro ba skyes pa dang / 'gags pa thams cad kyang bgrang ba'i tshul gyis rab tu shes so// phyogs bcu'i rlung gi khams thams cad kyang gzugs kyi khams sgrub pa bgrang ba'i tshul gyis rab tu shes so// phyogs bcu'i na mkha'i khams thams cad kyang skra'i rtse mo'i mthas bgrang ba'i tshul gyis rab tu shes so// ji ltar gyi sems can gyi khams rnam pa gsum yang rab tu shes so// da ltar gyi sems can dmyal ba pa'i sems can gyi khams kyang rab tu shes so// de'i skye ba'i rgyu yang rab tu shes so// ldang ba'i rgyu yang rab tu shes so// da ltar gyi byol song gi skye gnas su song ba'i sems can gyi khams kyang rab tu shes so// de'i skye ba'i rgyu yang rab tu shes so// ldang ba'i rgyu yang rab tu shes so// da ltar gyi gshin rje'i 'jig rten gyi sems can gyi khams kyang rab tu shes so// de'i skye ba'i rgyu yang rab tu shes so// ldang ba'i rgyu yang rab tu shes so// da ltar gyi mi'i sems can gyi khams kyang rab tu shes so// de'i skye ba'i rgyu
- 102a
yang rab tu shes so// da ltar gyi lha'i sems can gyi khams kyang rab tu shes so// de'i skye ba'i rgyu yang rab shes so// da ltar gyi sems can thams cad kyi sems kyi rgyud kyang rab tu shes so// de dag gi nyon mongs pa dang bcas pa yang rab tu shes so// nyon mongs pa dang bral ba yang rab tu shes da ltar gyi sems can thams cad kyi dul ba'i dbang po yang rab tu shes so// dul ba ma yin pa'i dbang po yang rab tu shes so// de ltar de bzhin gshegs pas rab tu shre kyang de bzhin gshegs pa la gnyis kyi rjes su 'brang ba'i rnam par shes pa med de/ mi gnyis pa la bzhugs pa'i phyir sems can rnams la chos ston te/ shA ri'i bu 'di ni de bzhin gshegs pa'i sangs rgyas kyi chos ma 'dres pa bco brgyad do// shA ri'i bu sangs rgyas kyi chos ma 'dres pa bco brgyad po de dag dang ldan pas de bzhin gshes pa'i phyogs bcu'i 'jig rten rab 'byam ma lus pa thams cad du 'khor gyi nang du gshegs te gzi brjid dang grags pa dang / dpal dang / ngo mtshar dang / rmad du byung ba'i chos nyid kyis 'khor rnams zil gyis mnan nas lham me/ lhan ne/ lhang nge'o// de ltar shA ri'i bu de bzhin gshegs pa'i sangs rgyas kyi chos ma 'dres pa bco brgyad mtha' yas mu med do// 'di lta ste/ shA ri'i bu nam mkha' mtha' yas mu med pa de bzhin du/ de bzhin gshegs pa'i sangs rgyas kyi chos ma 'dres pa yang mtha' yas mu med do//
- 102b
gang de bzhin gshegs pa'i sangs rgyas kyi chos ma 'dres pa rnams kyi mtha' 'dod pa de ni nam mkha'i mtha' 'dod pa'o// byang chub sems dpa' sems dpa' chen po'i de bzhi gshegs pa'i sangs rgyas kyi chos ma 'dres pa de dag thos nas mngon par dang / yid ches/ rab tu rtog som nyi med/ the tsom mi za/ rab tu dga' mgu rangs pa rnyed nas/ nam mkha' lta bur bsam gyis mi khyab pa'i phyir ngo mtshar dang smad du 'du shes skyed do// de nas bcom ldan 'das kyis don 'di bka' stsal nas/ bde bar gshegs pa ston ba gang yang 'di skad gsung ngo // 'dren pa la ni 'khrul pa yong med de// lus dang ngag rnams dang ni sems kyi g.yo// da ltar srog chags rnams la chos ston te// de ni rgyal ba rnams kyi ma 'dres chos// mtho ba med cing dma' ba dag kyang med// chags dang khong khro las ni mngon par log/ nyon mongs med pa gnas shing nyon mongs grol/ de ni rgyal ba rnams kyi ma 'dres chos// 'dren pa la ni dran pa nyams pa med// rnam thar spyod yul chos ni mngon par shes// so so yang dag pa ni nyams med de// de ni rgyal ba rnams kyi ma 'dres chos// 'dug dang za ba dag na mnyam gzhag cing // 'chag dang nyal ba na yang mnyam par gzhag/ g.yeng ba med cing sems can 'du shes med// de ni rgyal ba rnams kyi ma 'dres chos// rgyal ba dang ni zhing dang sems can la// sna tshogs 'du shes bde bar gshegs la med// bsam pa chen pos mnyam pa nyid la
- 103a
gnas// de ni rgyal ba rnams kyi ma 'dres chos// de dag la ni ma btags btang snyoms med// shin tu nges pa'i lam ni rab bsgom pas// de la rtog dang rnam par rtog med de// de ni rgyal ba rnams kyi ma 'dres chos// dge ba la ni mos pa bri ba med// ston pa rtag tu snying rje rab sbyor zhing // sems can rgya chen dpag tu med pa 'dul// de ni rgyal ba rnams kyi ma 'dres chos// brtson 'grus bri ba rgya lam yod ma yin// 'dul ba pha rol mtha' yas mthong nas su// lus dang ngag rnam dang ni yid kyis 'dul// de ni rgyal ba rnams kyi ma 'dres chos// byang chub snying por sangs rgyas byang chub par// de ni dran pa rnam par chud za med// gang chos rtogs pa de ni rtogs bya min// de ni rgyal ba rnams kyi ma 'dres chos// rtog pa med cing rnam par rtog med par// rab 'byung ting nge 'dzin la mnyam gnas te// thams cad chos la mi me gnas bsam gtan byed// de ni rgyal ba rnams kyi ma 'dres chos// 'dren pa'i shes rab kyi ni rab shes te// sems can kun gyi spyod pa rab tu shes// de dag gi ni bas/ bzhin chos 'chad de// de ni rgyal ba rnams kyi ma 'dres chos// nyan thos rnams kyi rnam grol sbra phyir 'gro// rang rgyal gyi ni rkyen gyis 'du shes te// sangs rgyas kyi ni btang snyoms bsam mi khyab// chags las rab 'das dri med nam mkha' bzhin// sems kyi rgyud 'di rang bzhin rnam grol te// sems ni sdod nas bcings par gyur pa med/
- 103b
lha rnam grol de lha chos ston te// de ni rgyal ba rnams kyi ma 'dres chos// 'dug dang 'gro dang grong khyer 'jug pa dang // spyod lam dag ni mthong na mig kyang 'brog/ sangs rgyas rnams kyi dpe byad bzang po dang // mtshan dang 'od kun gyi ni gdul bar ldon// sems can snying po nam zhig 'od gtong tshe// srog chags bye ba mang po bder 'gyur te// 'od kyis reg pa dag ni 'dul bar 'gro// de ni rgyal ba rnams kyi ma 'dres chos// rang byung dag ni skad cig brjod pas na// sems can bsam pa bzhin du skad thos te/ brag cha bzhin du de yi skad thos so// de ni rgyal ba rnams kyi ma 'dres chos// 'dren pa'i lam ni ye shes kyis bya ste// bde bar gshegs la sems las cung zad me daHsems can bsam pa ye shes rjes su zhugs// de ni rgyal ba rnams kyi ma 'dres chos// bsam gtan ting nge 'dzin dang rab ldan zhing // spros pa thams cad la ni 'jug ste// nam mkha' lta bur mnyam pa nyid du gnas// de ni rgyal ba rnams kyi ma 'dres chos// 'das pa'i dus la de yi ye shes 'gro// thams cad chos la sgrib pa med pa 'jug/ shin tu rnam phye sna tshogs ye shes 'gro// de ni rgyal ba rnams kyi ma 'dres chos// ma 'ongs dus na gang dag 'jig rten du// 'gyur bar 'gyur dang 'byung bar mi 'gyur dang // sems can dang ni zhing dang rgyal ba dang // de dag thams cad sangs rgyas ma lus shes// ma 'ongs de la rjes su rab lta zhing
- 104a
de ltar sems can rnams kyi chos shes kyang // de yi sems ni g.yeng bar mi 'gyur te// 'di ni rgyal ba rnams kyi ma 'dres chos/ da ltar lam gang 'jug par 'gyur ba dang // thams cad rgyal bas thogs med rab tu shes// 'dren pa'i spyod yul nam mkha' lta bu ste// de ni rgyal ba rnams kyi ma 'dres chos// de bzhin gshegs pa'i chos ni ma 'dres pa// bco brgyad gsungs pa bsam gyis mi khyab ste// de bzhin gshegs pa nam mkha' 'dra ba la// dad cing mkhas pa'i byang chub sems dpa' dang / shA ri'i bu 'di dag ni sangs rgyas kyi chos ma 'dres pa bco brgyad de/ sangs rgyas kyi chos ma 'dres pa de dag dang ldan pas de bzhin gshegs pa dgra bcom pa yang dag par rdzogs pa'i sangs rgyas 'khor gyi nang du gshegs nas/ seng ge'i sgra yang dag par sgrog cing khyu mchog gi gnas su dam 'cha' ste/ dge sbyong ngam/ bram ze 'am/ lha 'am/ bdud dam sus kyang 'jig rten du chos dang 'thun par ma bskor ba tshangs pa'i 'khor lo rab tu bskor ro// de ltar shA ri'i bu dad pa de lta bu la gnas pa'i byang chub sems dpa' ni bsam gyis mi khyab pa 'di bcus de bzhin gshegs pa la mngon par dang / yid sarabatu / sem gyi med/ btsas mi pa/ rab tu dga' mgu rangs pa rmed nas/ ngo mtshar dang slad du 'du shes bskyeng //
- 104b
/ byang chub sems dpa'i sde snod// bam po brgyad pa// gzhan yang shA ri'i bu de ltar dad pa la rab tu gnas pa'i byang chub sems dpa' ni sangs rgyas bcom ldan 'das rnams kyi snod du rig byang chub sems dpa'i sde snod kyi chos kyi rnam grangs kyi snod du rig/ sangs rgyas kyi chos rnams kyi snod du rig nas/ der song ste byang chub sems dpa'i lam yang dag par rab tu ston to// de'i phyir shA ri'i bu rnam grangs 'dis kyang 'di ltar rig par bya ste/ 'di ltar dad pa la rab tu gnas pa'i byang chub sems dpa' ni sangs rgyas bcom ldan 'das rnams kyi snod du rig byang chub sems dpa'i sde snod kyi chos kyi rnam grangs kyi snod du rig sangs rgyas kyi chos rnams kyi snod du rig nas der song ste/ byang chub kyi lam yang dag par ston to// shA ri'i bu sngon 'das pa'i dus na 'byung / ba bskal pa grangs med pa shin tu grangs med pa yangs pa tshad med pa/ bsam gyis mi khyab pa na de'i dus na/ de bzhin gshegs pa dgra bcom pa yang dag par rdzogs pa'i sangs rgyas phung po chen po zhes bya ba rig pa dang rkang par ldan pa/ bde bar gshegs pa 'jig rten mkhyen pa/ skyes bu 'dul ba'i kha lo sgyur ba/ bla na med pa/ lha dang mi rnams kyi ston pa/ sangs rgyas bcom ldan 'das 'jig rten du byung ste/ gang 'di ltar bcas pa'i 'jig rten dang / bdud du bcas pa dang / tshangs par bcas pa dang / dge sbyong dang /
- 105a
bram zer bcas pa'i skye dgu dang / lha dang / mi dang / lha ma yin du bcas pa'i 'jig rten rang gi mngon par shes pas mngon sum du byas te/ bsgrub nas gnas so// de chos ston pa ni thog mar yang dge ba/ bar du dge tha mar yang dge don bzang po yi ge bzang po/ ma 'dres pa yongs su rdzogs pa/ yongs su dag pa/ yongs su byang ba/ tshangs par spyod pa yang dag par rab tu ston to// shA ri'i bu de bzhin gshegs pa dgra bcom pa yang dag par rdzogs pa'i sangs rgyas phung po chen po nyan thos khrag khrig phrag bdun cu rtsa gnyis kyi nyan thos kyi tshogs chen po byung ste/ thams cad kyang dgra bcom pa/ zag pa zad pa/ nyon mongs pa med pa/ sems can thams cad kyi dbang dam pa'i pha rol tu bgrod par phyin pa sha stag go/ shA ri'i bu de'i dus na rgyal po'i tshe rnam par rgyal ba zhes bya ba chos can chos kyi rgyal po zhig byung ngo // yang shA ri'i bu rgyal po'i tshe rnam par rgyal ba'i grong khyer rnam par rgyal ba'i rgyal mtshan zhes bya ba/ rgyal ba'i gnas 'byor pa mod pa/ bde ba lo legs pa/ dga' ba/ 'gro ba mang po dang mis gang ba zhig yod de/ yang shA ri'i bu rgyal po de'i tshe rnam par rgyal ba'i khye'u gzhon nu brtson 'grus spyod pa zhes bya ba/ sngon dge ba'i rtsa ba spun pa/ sngon gyi sangs rgyas bcom ldan 'das rnams la bya ba byas pa/ sngon gyi sangs rgyas bye ba khrag khrig 'argya song la bzhin bkur byas pa/ gzugs padang pa mdzes pa lan mug pa/ mdog sachog tu babang dang rgyas pa dang ldan pa zhis byung/
- 105b
yang shA ri'i bu de'i dus na gzhon nu brtson 'grus spyod slas dang lhan cig tu skyed tshal du song bar gyur to// de nas de bzhin gshegs pa dgra bcom pa yang dag par rdzogs pa'i sangs rgyas phung po chen pos/ kye ma'o gzhon nu 'di ni byang chub sems dpa'i sde snod kyi chos kyi rnam grangs kyi snod do// kye ma'o gzhon nu brtson 'grus spyod 'di ni sangs rgyas kyi chos rnams kyi snod do// zhes de ltar rig nas skyed mos tshal gyi sa ga la ba dang / gzhon nu brtson 'grus spyod ga la ba der song ste phyin nas/ steng gi nam mkha' la 'dug ste/ gzhon nu brtson 'grus spyod la byang chub kyi lam yang dag par rab tu ston to// de la byang chub kyi lam gang zhe na/ 'di lta ste/ sems can thams cad la byams pa dang / pha rol tu phyin pa rnams la rab tu brtson pa dang / sdu ba'i dngos po rnams kyi rjes su 'jug pa ste/ de ni byang chub kyi lam zhes bya'o// de la sems can thams cad la byams ba gang zhe na/ 'di la gzhon nu byang chub sems dpa' ni sems can gyi khams ji tsam pa de tsam du byams pas khyab par byed do// sems can gyi khams ji tsam zhe na/ na mkha'i khams ji tsam pa sems can gyi khams kyang de tsam mo// 'di lta ste/ gzhon nu nam mkha'i khams 'dis khyab par ma gyur pa gang yang med do// gzhon nu de bzhin du gang byang chub sems dpa'i byams pas sems can gyi ris na gang khyab par ma gyur pa'i sems can de dag gang yang med do// 'di lta ste/ gzhon nu sems can gyi khams dpag tu med pa
- 106a
de bzhin du gzhon nu byang chub sems dpa'i byams pa sgom pa yang dpag tu med do// gzhon nu de ltar na nam mkha' mtha' yas pas sems can mtha' yas/ sems can mtha' yas pas byams pa mtha' yas so// gzhon nu yang sems can gyi khams ni ches mang gi sa'i khams dang / chu'i khams dang / me'i khams dang / rlung gi khams ni de lta ma yin mod kyi/ 'on kyang gzhon nu sems can gyi khams tshad med pa ci tsam pa de'i don shes par bya ba'i phyir/ dpe bstan to// gzhon nu 'di lta ste yongs su rtog pa bzung ste/ shar phyogs su 'jig rten gyi khams gang+gA'i klung gi bye ma snyed dang / lho dang / nub dang / byang dang / de bzhin du phyogs mtshams dang / phyogs bcu kun tu 'jig rten gyi khams gang+gA'i klung gi bye ma snyed dang mnyam pa de thams cad chus yongs su gang ba'i rgya mtshor gyur pa'i rgya mtsho chen po cig tu gyur te/ de la sems can gang+ga'i klung gi bye ma snyed 'dus na/ brgyar btsal ba'i skra'i rtse mos chu'i thigs pa cig blangs gzhan yang sems can gang+gA'i klung gi bye ma snyed 'dus nas brgyar btsal ba'i skra'i rtse mos chu'i thigs pa gnyis blangs/ gzhan yang sems can gang+gA'i klung gi bye ma snyed 'dus nas brgyar btsal ba'i skra'i rtse mos chu'i thigs pa gsum blangs na/ gzhon nu yongs su rtog pa bzung ste/ de lta bu'i thabs kyis chu'i phung po de zad par gyur kyang / sems can gyi khams ni tshad dang mtha' med de/ gzhon nu sems can gyi khams de ltar
- 106b
dpag tu med cing de ltar mtha' yas pa de thams cad la/ byang chub sems dpa'i byams pas khyab par byed do// gzhon nu de ji snyam du sems/ gang de ltar dpag tu med par byams pa sgoms pa'i dge ba'i rtsa ba de'i tshad bzung bar nus sam/ gsol pa/ bcom ldan 'das de ma lags so// bde bar gshegs pa de ma lags so// gzhon nu de ltar byang chub sems dpa' sems dpa' chen po rnams kyi byams pa chen po sgoms pa'i dge ba'i rtsa ba ni dpag tu med pa yin te/ gzhon nu de'i byams pa ni bdag srung ba yin/ gzhan la phan par gnas pa yin/ mchog tu gnod sems med pa/ khro ba dang gnod sems kyi tha ba dang bral ba/ nyes pa 'joms pa/ chags pa'i kun nas ldang ba dang bral ba/ dad pa kun tu ston pa/ 'khrul pa thams cad la nyes par lta ba/ yongs su gdung ba med pa/ lus dang ngag dang sems bde ba skyed pa/ gzhan gyis gnod par bya ba thams cad ma lhung ba/ 'jigs pa thams cad dang bral ba/ 'phags pa'i lam dang 'thun pa/ gshe ba dang khros pa la dang bskyed pa/ g.yul thams cad las bsgrol ba/ dbyig pa dang mtshon cha mi 'chang ba/ sems can rab tu thar bar bya ba la dga' ba/ khong khro ba thams cad dang bral ba/ tshul 'chos pa dang / kha gsag dang / 'drid pa dang / gzhog slongs thams cad dang bral ba/ rang gi thob pa dang / bkur sti dang tshogs su bcad pas 'tsho ba/ brgya byin dang tshangs pas phyag byas pa/ rang gi gzi brjid kyis brgyan pa/ mkhas pas
- 107a
bstod pa byis pa thams cad rjes su srung ba/ tshangs pa'i lam dang 'thun pa/ 'dod pa'i khams dang ma 'dres pa/ thar pa'i lam gyi thog mar gyur pa/ theg pa thams cad kyis yang dag par bzung ba/ zang zing med pa'i bsod nams kyi tshogs bsags pa/ rdzas las byung ba'i bsod nams bya ba'i dngos po thams cad kyi zil gyis ma gnon pa/ mtshan sum cu rtsa gnyis dang / dpe byad bzang pos yang dag par brgyan pa/ dbang po nyams shing ma tshang ba thams cad spangs pa/ bde 'gro dang mya ngan las 'da' ba'i lam thams cad du 'gro ba/ ngan song thams cad dang mi khom pa brgyad las bzlogs pa/ chos kyi dga' ba la dga' zhing mos pa/ 'dod pa'i longs spyod thams cad dang / dbang nge/ dang rgyal srid la mngon par mi dga' ba/ sems can thams cad la mnyam pa'i sems kyis sbyin pa rab tu sbyor ba/ tha dad pa'i 'du shes dang bral ba/ tshul khrims dang slab pa thams cad kyi sgo// tshul khrims ngan pa thams cad kyi skyabs/ bzod pa'i stobs kun tu ston pa/ nga rgyal dang rgyags pa dang / dregs pa thams cad dang bral ba/ mi 'khrugs pa'i brtson 'grus rtsom pa/ yang dag par sbyong ba'i bya ba sgrol ba/ bsam gtan dang / rnam par thar pa dang / ting nge 'dzin dang / snyoms par 'jug pa'i rtsa ba/ nyon mongs pa las byung ba/ sems nges par rtog pa thos pa 'dzin pas shes rab kyi rgyu skyed pa'i byams pa/ bdag gi phyogs dang gzhan gyi phyogs 'joms pa/ bdud dang nyon mongs pa'i phyogs sel ba/ 'grogs na bde ba
- 107b
ldang ba/ spong ba dang 'dug pa dang nyal ba'i spyod lam srung bar byed pa/ rgod pa'i rang bzhin yid la byed pa/ dri zhim pos byugs pa/ khrel dang 'dzem par byugs pa/ mi khom pa dang nyon mongs pa dang / ngan 'gro thams cad sel ba'i byams pa/ 'gro ba thams cad skyobs pa'i byams pa chen po bdag gi bde ba btang ba/ sems can thams cad la bde ba rab tu sbyin pa ste/ gzhon nu nyan thos rnams kyi byams pa ni bdag skyobs pa'o// byang chub sems dpa' rnams kyi byams pa ni sems can thams cad la skyob pa'o// yang gzhon nu byang chub sems dpa' sems dang po bskyed pa rnams kyi byams pa ni sems can la dmigs so// byang chub sems dpa'i spyod pa la zhugs pa rnams kyi byams pa ni chos la dmigs pa'o// byang chub sems dpa' bzod pa rab tu thob pa rnams kyi byams pa ni dmigs pa med pa ste/ gzhon nu 'di ni byang chub sems dpa' sems dpa' chen po rnams kyi byams pa zhes bya ste/ byang chub sems dpa' byams pa de la rab tu gnas nas sems can thams cad la byams pas khyab par byed do// de la gzhon nu byang chub sems dpa'i snying rje chen po gang zhe na/ gzhon nu 'di ni byang chub sems dpa' bla na med pa yang dag par rdzogs pa'i byang chub 'dod pa'i sngon du 'gro ba ni snying rje chen po'o// 'di lta ste/ gzhon nu skyes bu'i srog gi dbang po'i sngon du 'gro ba ni dbugs phyir 'byung ba dang rngub pa'o// gzhon nu de bzhin du theg pa chen po la yang dag par zhugs pa'i byang chub sems dpa'i sngon du 'gro ba ni snying rje chen po'o// 'di lta ste/ gzhon
- 108a
nu 'khor lo sgyur ba'i rgyal po'i rin po che thams cad kyi sngon du 'gro ba ni 'khor lo rin po che yin no// gzhon nu de bzhin du byang chub sems dpa' sems dpa' chen po sangs rgyas kyi chos thams cad kyi sngon du 'gro ba ni snying rje chen po yin te/ snying rje chen po de yang sems can thams cad rjes su mi gtong ba'o// gzhon nu byang chub sems dpa'i snying rje chen po de sems can thams cad la ji ltar 'jug ce na/ gzhon nu 'di ltar byang chub sems dpas 'jig tshogs la lta bas bcings shing lta bar gyur pa mang bo la chags pa'i sems mthong na/ de dag gi 'jig tshogs la lta bas bcings pa spang ba'i phyir chos ston to zhes byang chub sems dpa' sems can rnams la snying rje chen po 'jug go// gzhan yang gzhon nu byang chub sems dpas yang dag pa ma yin pa phyin ci log gi gnas la gnas te/ mi rtag pa la rtag par 'du shes pa dang / sdug bsngal ba la bde bar 'du shes pa dang / bdag med pa la bdag tu 'du shes pa dang / mi sdug pa la sdug par 'du shes pa'i sems can mthong ba/ de dag gi yang ba ma yin pa'i phyin ci log spang ba'i phyir chos ston to// byang chub sems dpa' sems can rnams la snying rje chen po 'jug go/ gzhan yang gzhon nu byang chub sems dpas phyin ci log gi 'dod pa la zhen pa'i sems can de ma la yang g.yem pa dang / sring mo la yang g.yem pa mthong na/ byang chub sems dpa' 'di snyam du sems te/ kye ma'o 'jig rten gnas pa 'di dag ni 'phags pa ma yin pa 'dus pa
- 108b
ste/ mu cor smra bas yongs su gang zhing 'dzem pa med pas yongs su gang / 'di ltar ma'i rum mngal gyi nang na 'dug pa las/ mngal gyi sgo nas byung ba de dang lhan cig tu 'dod pa sten par byed pa lta ga la srid/ mngal gcig na lhan cig tu 'dug 'dug pa'i sring mo dang 'du zhing g.yem byed pa ga la srid de/ kye ma'o sems can 'di dag ni brlag go rnam par brlag go// rab tu brlag go/ 'dod chags kyi nyen to// zhe sdang gi nyen to// gti mug gi nyen to// chos las nyams shing chos ma yin pa la gnas so// log pa'i chos la rab tu spyod do// sems can dmyal ba pa la spyod yul pa'o// byol song gi skye gnas su spyod yul pa'o// gshin rje'i 'jig rten du spyod yul pa'o// log pa'i lam la spyod pa'o// gzhon nu 'di lta ste/ wa dur khrod kyi mthar g.yang sa chen po dang nye ba zhig na mtshan mo khyis rtses nas g.yang sa chen po nas lhung ngo // gzhon nu de bzhin du sems can dag kyang wa dang 'dra'o// gzhon nu 'di lta ste/ dmus long khyis rtses na g.yang sa chen po dang nye bar gyur pa de bzhin du/ kye ma'o gzhon nu sems can de dag kyang dmus long dang 'dra'o// gzhon nu 'di lta ste/ phag gi zas ni mi gtsang ba ste/ mi gtsang ba za'o// gzhon nu kye ma'o de bzhin du sems can de dag kyang phag dang 'dra'o// de nyid ma yin de nyid sring mo yin na/ de chung mar bya ba lta ga la srid sngam ste/ sems can de dag nyon mongs pas nyan pa dang / bdud kyi phyogs kyi spyod yul dang / bdud kyi zhags pas bcings pa dang / 'dod
- 109a
pa'i 'dam du bying ba dag gi 'dod pa thams cad spang ba'i phyir chos bstan to zhes byang chub sems dpa' sems can rnams la snying rje chen po 'jug go/ gzhon nu gzhan yang byang chub sems dpas/ sgrib pa lngas bsgribs pa'i sems can 'dod pa'i zung rngus zug pa mthong na/ skye mched drug la chags shing zhen pa/ mig gis gzugs mthong na mtshan mar 'dzin par 'gyur zhing dpe byad du 'dzin pa dang / rna bas sgra/ snas dri/ lces ro/ lus kyi reg pa la reg nas/ mtshan mar 'dzin cing dpe byad du 'dzin par 'gyur te/ kye ma sems can 'di dag ni khong khro ba mang zhing phan tshun du mi mdza' ste/ de dag don rnyed pa'i phyir mdza' bor yang mi shes/ gnod par 'gyur ba'i phyir gcig la gcig gsod do// kye ma'o sems can 'di dag ni gnyid dang rmugs pa mang ste/ zhan cing klang pa mi shes pa'i ling tog gis khebs shing mi dge ba'o// kye ma'o sems can 'di dag ni 'gyod pas kun nas skor ba ste/ blo bur gyi nyon mongs pas sems can kun nas nyon mongs pa'o// kye ma'o sems can 'di dag ni the tsom gyis yongs su dkris pa/ chos zab mo la gdon mi za ba ma thob pa ste/ de dag gi sgrib pa thams cad spang ba'i phyir chos ston to zhes byang chub sems dpa' sem can rnams la snying rje chen po 'jug go// gzhon nu gzhan yang byang chub sems dpa' sems can nga rgyal gyis non pa/ che ba'i nga rgyal gyis non pa/ nga rgyal las kyang nga rgyal
- 109b
gyis non pa/ nga'o snyam pa'i nga rgyal gyis non pa/ mngon pa'i nga rgyal gyis non pa/ chung ba'i nga rgyal gyis non pa/ log pa'i nga rgyal gyis non pa/ dma' babs bdag mtho ba sems bas/ mtshungs pa bas bdag ches lhag par lta ba de dag gzugs la bdag ces khas len pa nas/ rnam par shes pa'i bar la bdag ces khas len khong du ma chud pas/ khong du chud snyam du shes pa gus par smra bar 'os pa la/ gus par mi smra bar phyag bya bar 'os pa la phyag mi 'tshal ba/ rgan pa dang gzhon pa la mi 'dud pa/ bla ma la bsnyen bkur mi byed pa/ mkhas pa la dge ba gang mi dge ba gang / bsnyen par bya ba gang bsnyen par mi bya ba gang / bya ba gang mi bya ba gang / kha na ma tho ba dang bcas pa gang / kha na ma tho ba med pa gang lam gang / ting nge 'dzin gang / rnam par grol ba gang zhes 'dri ba dang / bdag nyid la bdag ni gtso bo// bdag ni mchog go snyam du sems pa'i sems can mthong na// 'di ltar nga rgyal gyi rnam pa thams cad spang ba'i phyir chos ston to zhes byang chub sems dpa' sems can rnams la snying rje chen po 'jug go// gzhon nu gzhan yang byang chub sems dpas srid pa'i bcings pa sred pas 'khol ba/ chung ma dang bu pho dang bu mo pa/ gnod pas zin pa/ don med pas zin pa/ 'khor ba'i gtam pas zin pa/ sems can dmyal bdang / byol song kyi skye gnas dang / gshin rje'i 'jig rten gyi lam gyi zin pa/ sred pa'i bcings pas zin pa/ rang 'am med pa/ rang dbang med pa'i sems can de dag
- 110a
mthong na de dag rang nyam dang / rang dbang dang / gang du dga' bar 'gro ba dang / mya ngan las 'das par 'gro bar bya ba'i phyir bya stan to zhes bya chub sems dpa' sems can rnams la snying rje chen po 'jug go/ gzhon nu gzhan yang byang chub sems dpas dge ba'i bshes gnyen dang bral ba/ sdig pa'i grogs pos non bde dag sdig pa'i grogs pos non pas/ mi dge ba'i las la chags pa 'di lta ste/ srog gcod pa dang / ma byin par len pa dang / 'dod pas log par g.yem pa dang / rdzun du smra ba dang / phra ma dang / tshig rtsub pa dang / tshig thun tshags dang / chags sems dang / gnod sems dang / log par lta ba'i sems can mthong na/ 'di ltar dge ba'i bshes gnyen bsdu ba dang / mi dge ba'i las las ldog pa dang / dge ba bcu'i las kyi lam yang dag par bzung ste spyod par bya ba'i phyir chos bstan to zhes byang chub sems dpa' sems can rnas la snying rje chen po 'jug go/ gzhon nu gzhan yang byang chub sems dpas gti mug gis bsgribs pa ma rig pa'i mun nag gi ling tog gis kun tu bsgribs pa/ bdag dang sems can dang / srog dang / 'gro ba dang / shed can dang / shes las skyes pa dang / skyes bu dang / gang zag dang / byed pa po dang / tshor ba po dang / ngar 'dzin pa dang / nga yir 'dzim pa la mngon par chags pa'i sems can mthong na/ de dag 'phags pa'i shes rab kyi mig rnam par sbyang zhing la bar gyur pa thams cad spang ba'i phyir chos bstan to zhes byang chub sems
- 110b
dpa' sems can rnams la snying rje chen po 'jug go/ gzhon nu gzhan yang byang chub sems dpas 'khor ba mngon par dga' ba'i sems can mthong na/ de dag phung po lnga'i gshed ma las rab tu thar bar bya ba dang / 'khor ba'i 'brog dgon pa las rab tu bzla ba dang / khams gsum thams cad las gdon pa'i phyir chos bstan to zhes byang chub sems dpa' sems can rnams la snying rje chen po 'jug go// gzhon nu gzhan yang byang chub sems dpa' sems can 'khrugs par gyur pa/ rtsa mun dza dang / bal ba dza lta bu mi drang ba yon po zhugs pa/ 'jig rten 'di nas 'jig rten pha rol tu/ 'jig rten pha rol nas 'jig rten 'dir kun tu rgyug cing / 'khor ba 'gro ba lngar 'gro ba la phyogs pa/ mya ngan las 'das par 'gro ba la ma phyogs pa mthong na/ de dag gi mya ngan las 'da' ba'i sgo dbye ba'i chos ston to zhes byang chub sems dpa' sems can rnams la snying rje chen po 'jug go// gzhon nu de ltar byang chub sems dpas sems can gyi khams mthong na/ rnam pa bcu po de dag gis snying rje chen po 'jug go// bsam pa las phyir de'i snying rje chen bo de yang g.yo ba med par 'jug go// khrag pa'i bsam pa las byung ba'i phyir snying rje chen po de yang mnyam par 'jug go// lam las byung ba'i phyir snying rje chen po de yang drang po g.yo med par 'jug go// sems gyakyagyu la mi gnas pa las byung ba'i phyir de'i snying rje chen po de yang gya gyu med par 'jug go// 'di lta ste/ sems can thams cad 'dud pa dang
- 111a
sde snod @#phyag 'tshal ba las rab tu byung ba'i phyir/ de'i snying rje chen po de yang bdag gi bde ba gtor bar 'jug go// 'di lta ste/ bdag gis sems yo su dag pa las byung ba'i phyir/ de'i snying rje chen po de yang pha rol rjes su srung bar 'jug go// 'di lta ste/ g.yo zhing 'gul ba'i sems dang bral bar rab tu gnas pa'i sems las byung ba'i phyir/ de'i snying rje chen po de yang shes rab brtan par 'jug go// 'di lta ste/ pha rol la bde bar sbyin pa las rab tu byung ba'i phyir/ de'i snying rje chen po de yang bde ba gtod bar 'jug go// brtson 'grus brtan pa las rab tu byung ba'i phyir/ de'i snying rje chen po de yang sems can thams cad kyi khur khyer bar 'jug ste/ gzhon nu 'di ltar byang chub sems dpa'i snying rje chen po ni rnam pa 'di dag dang / gzhan yang rnam pa bcu'i 'jug go// gzhon nu 'di ltar gang la la theg pa chen pos 'byung bar 'gyur ba de dag kyang rnam pa 'di dag gi 'byung bar 'gyur te/ de'i phyir snying rje chen po zhes bya'o// sbyin pa byed pa dang / tshul khrims byed pa dang / bzod pa byed pa dang / brtson 'grus byed pa dang / bsam gtan byed pa dang / shes rab byed pa ni snying rje chen po ste/ de'i phyir snying rje chen po zhes bya'o// dran pa nye bar gzhag pa byed pa dang / yang dag par spong bar byed pas snying rje chen po'o// dbang po dang / stobs dang / byang chub kyi yan lag dang / lam dang / rab tu dge ba'i rtsa ba'i las byed pa'i mthar gyis gnas pa'i snyoms par 'jug pa
- 111b
dang / dge ba bcu'i las kyi lam dang / gnas de dag thams cad kyang rgyas par bya ba ste/ snying rje chen po ni rang 'byung ba'i ye shes bsgrub par byed pas/ de'i phyir snying rje chen po zhes bya'o// rang gi bya ba dang / legs par byed pa bya ba dang / mi 'gyur ba'i bya ba dang / sems can thams cad la bya ba ci yod snyam pa ste/ de'i snying rje chen po de yang sems can rnams kyi bsam pa ji lta ba bzhin du yongs su rdzogs par byed pas/ 'di ni byang chub sems dpa' sems dpa' chen po'i snying rje chen po zhes bya ste/ byang chub sems dpa' sems dpa' chen po snying rje chen po de dang ldan pas sems can 'di 'dra ba'i gnas thob pa mthong na de dag la snying rtse ba dang / snying rje ba'i sems bskyed do// de la byang chub sems dpa'i dga' ba gang zhe na/ gang dge ba'i chos rnams dran pa dang / rjes su dran pa dang / dga' ba dang / dad pa dang / rab tu dga' ba dang / dge ba'i chos la mi zhum pa dang / mi 'gong ba dang / yongs su mi skyo ba dang / mi dga' ba thams cad la dga' bar gnas pa dang / sems rab tu dga' ba dang / lus rab tu tshim pa dang / blo rab tu dga' ba dang / yid rab tu mgu ba dang / de bzhin gshegs pa'i sku la mngon par dga' zhing mos pa dang / mtshan dang dpe byad bzang po'i rgyan kun tu tshol ba dang / chos nyan pas yongs su mi skyo zhing dga' ba dang / chos kyi phyir 'brang ba'i nan tan la rab tu dga' ba dang / rab tu dga' ba'i chos la mgu ba dang /
- 112a
sde stod sems can rnams la khong khro ba med pa dang / byang chub la dga' ba dang / chos rgya chen po la mos pa dang / nyi tshe ba'i theg pa sel bar sems bskyed pa dang / ser sna tshar gcod pa dang / slong ba la dga' ba dang / gtong ba la rab tu dga' ba dang / tshul khrims ngan pa can dag sdud cing byams pa dang / tshul khrims dang ldan pa la rtag tu dad pa dang / bdag gi tshul khrims yongs su dag pas ngan 'gro dang / 'jigs pa thams cad las rab tu 'da' bar dbugs 'byin pa la rab tu dga' ba dang / pha rol ngan du zer ba dang / ngan par 'ongs pa'i tshig gi lam bzod cing rab tu dga' ba dang / lag pa dang / rkang pa dang / mig dang / mgo bcad kyang bzod par nus te/ sems mi nyams shing rab tu dga' ba dang / gong ma la 'dud cing zhes byed pa la dga' ba dang / rtag tu bzhin 'dzum pa la dga' ba dang / khro gnyer med cing song por smra ba la dga' ba dang / tshul 'chos pa dang / kha gsag dang / gzhog slongs med pa la rab tu dga' ba dang / snying po dang ldan pa'i chos la 'jug par rab tu dga' ba dang / byang chub sems dpa' la ston pa bzhin du sdug pa dang / chos la bdag bzhin du sdug ba dang / de bzhin gshegs pa la srog bzhin du sdug pa dang / bla ma la pha ma bzhin du sdug pa dang / sems can thams cad la bu bzhin du sdug pa dang / slom
- 112b
dpon la mig bzhin du phangs pa dang / nan tan la yan lag gi dam pa mgo bzhin du phangs pa dang / pha rol tu phyin pa la lag pa dang rkang pa bzhin du phangs pa dang / chos smra ba la rin po che thams cad bzhin du phangs pa dang / chos yongs su tshol ba la sman bzhin du sdug pa dang / skul zhing dran par byed pa la sman bzhin du phangs par sems pa'o// gzhon nu 'di ni dga' ba zhes bya ste/ byang chub sems dpa' sems dpa' chen po dga' ba de la rab tu gnas nas/ rtag tu chos tshol ba la dga' bar 'gyur te/ byang chub sems dpa'i spyad pa spyod pa la mi skyo ba'o// de la byang chub sems dpa' rnams kyi btang snyoms gang zhe na/ btang snyoms pa rnam pa gsum ste/ rnam pa gsum gang zhe na 'di lta ste/ nyon mongs pa la btang snyoms pa dang / bdag dang gzhan rjes su srung ba'i btang snyoms pa dang / dus dang dus ma yin par btang snyoms pa'o// de la nyon mongs pa'i btang snyoms pa gang zhe na/ gang bkur stis mtho mi sems pa dang / bkur sti ma byas pas rma bar mi sems pa dang / rnyed pas snyems pa med pa dang / ma rnyed pas yi mi 'chad pa dang / tshul khrims dang ldan pa dang / tshul khrims ngan pa la blo mnyam pa dang / grags pa la dga' ba med pa dang / ma grags pa la zhum pa med pa dang / smad pa la mi dga' ba med pa dang / stod pa la chos nyid du shin tu gnas pa dang / sdug bsngal ba la so sor rtog pa'i
- 113a
stobs dang / bde ba la mi rtag pa so sor rtog pa'i stobs dang / chags pa 'dor ba dang / khro khro ba spang ba dang / mdza'/ ba dang sems mnyam pa dang / legs par byas pa dang / ngan par byas pa la gnyis su mi byed pa dang / dga' ba dang / mi dga' ba la mi lta ba dang / bsnyen bkur byed pa dang / bsnyen bkur mi byed pa la dga' bar bya ba med pa dang / snyan par smra ba dang mi snyen par smra ba la byams pa dang / sdang ba med pa dang / bde ba dang nyes pa la mtshungs par sems pa dang / bdag dang sems can gzhan la bsam pa mnyam pa dang / lus dang srog la mi lta ba dang / sems can rab 'bring tha ma la 'od zer mnyam pa dang / bsngags pa dang ma bsngags pa la chos nyid mnyam pa dang / bden pa dang mi bden pa la bdag gi bden pa yongs su dag pa ste/ gzhon nu 'di ltar gang bdag la gnod par byed pa de la byang chub sems dpa' btang snyoms pa yin no// de la bdag dang / gzhan rjes su srung ba'i btang snyoms gang zhe na/ gang yan lag dang nying lag gi sha bcad kyang btang snyoms pa yin no// yan lag dang nying lag gi sha bcad kyang 'dod pa med cing tshol ba med pa de btang snyoms pa yin no// lus kyang mi 'gyur dag kyang mi 'gyur te/ gnyi ka bzod pas de'i phyir btang snyoms pa zhes bya'o// mig gi rnam pas ma yin/ gzugs kyi rnam pas ma yin te/ gnyi gas kyang rma mi
- 113b
byin pa nas yid kyi rnam pa dang / chos kyi rnam pa'i bar gyis rma mi byin pa'i byor btang snyoms shes bya'o// rmam byin cing ma med pas pa phyir btang snyoms shes bya'o// ma/ phyung ba la rma mi phyin pas de'i phyir btang snyoms shes bya'o// bdag dang pha rol gnyis ga'i bzod pas de'i phyir btang snyoms shes bya'o// phan 'dogs pa dang phan mi 'dogs pa la mnyam par sbyor bas de'i phyir btang snyoms shes bya'o// btang snyoms ni mchog tu rtsod pa med pa'o// btang snyoms ni rang gi sems par rtog pa'o// btang snyoms ni bdag la so sor rtog pa'o// btang snyoms ni gzhan la gnod pa med pa'o// byang chub sems dpa' rnams kyi btang snyoms ni mnyam par gzhag pa'i dngos po'o// yang sangs rgyas bcos ldan 'das rnams kyis byang chub sems dpa' sems dpa' chen po rnams la btang snyoms par rjes su ma gnang ngo // de ci'i phyir zhe na/ byang chub sems dpas rtag tu spyod par bya'o// rtag par rgyun du dge ba kun tu btsal ba la brtson par bya ste/ dus dus su btang snyoms sgom par bya'o// de la dus dus su btang sgom bsgom pa gang zhe na/ 'di lta ste/ snod ma yin pa'i sems can la btang snyoms pa dang / bsnyen bkur mi byed pa la btang snyoms pa dang / ma rnyed pa dang rman pa dang / ma grags pa dang / sdug bsngal ba la btang snyoms dang / rgan thos kyi theg par mi 'gyur ba zhugs pa la bcang snyoms pa dang / sbyin pa'i dus na tshul khrims
- 114a
sde sngo @#brtul ba'i btang snyoms dang / tshul khrims kyi dus na sbyin pa brtul ba'i btang snyoms dang / bzod pa'i dus na sbyin pa dang / tshul khrims dang / brtson 'gras brtul ba'i btang snyoms dang / brtson 'grus kyi dus na tshul khrims kyi rjes su 'jug pa'i btang snyoms dang / bsam gtan gyi dus na sbyin pa'i pha rol tu phyin pa'i brtul ba'i btang snyoms dang / shes rab kyi pha rol tu phyin pa'i dus na pha rol tu phyin pa lnga la dmigs pa brtul ba'i btang snyoms te/ 'di ni dus dus kyi btang snyoms shes bya'o// de lta gang mi bya ba'i chos mi byed pa de ni btang snyoms shes bya ste/ de la gnas pa'i byang chub sems dpa' ni mi dge ba'i chos thams cad la btang snyoms pa'o// gzhon nu 'di ni byang chub sems dpa' sems dpa' chen po'i sems can thams cad la byams pa dang / snying rje dang / dga' ba dang / btang snyoms shes bya'o// de ltar shA ri'i bu bcom ldan 'das de bzhin gshegs pa phung po chen po des/ gzhon nu brtson 'grus spyod la byams pa dang / snying rje dang / dga' ba dang / btang snyoms 'dor bstan pa dang bcas/ rgyas par bstan pa dang bcas te/ rgya cher yang dag par bstan pa de/ gzhon nu brtson 'grus spyod kyis thos nas/ pha rol tu phyin pa la brtson 'grus rtson par gyur to// // byams pa dang / snying rje dang / dga' ba dang / btang snyoms kyi le'u ste lnga
- 114b
pa'o// / de la shA ri'i bu pha rol tu phyin brtson pa gang zhe na/ pha rol tu phyin pa drug po 'di dag nyid yinaH/ gang pha rol tu phyin pa drug 'di dag la brtson pa'i byang chub sems dpa' ni/ byang chub sems dpa'i spyad pa spyod pa'o// drug gang zhe na/ 'di lta ste/ sbyin pa'i pha rol tu phyin pa dang / tshul khrims kyi pha rol tu phyin pa dang / bzod pa'i pha rol tu phyin pa dang / brtson 'grus kyi pha rol tu phyin pa dang / bsam gtan gyi pha rol tu phyin pa dang / shes rab kyi pha rol tu phyin pa ste/ de dag ni pha rol tu phyin pa drug rnams so// de la sbyin pa'i pha rol tu phyin pa gang zhe na/ shA ri'i bu 'di la byang chub sems dpa' ni dge sbyong dang / bram ze dang / phongs pa rnams kyi sbyin bdag yin te/ 'di lta ste/ zas kyis phongs pa rnams la zas/ skom gyis phongs pa rnams la skom/ bzhon pa dang / gos dang / dri dang / phreng ba dang / byug pa dang / gnas dang / yo byad dang / na ba'i sman dang / mar me dang / sil snyan dang / bran po dang / bran mo dang / gser dang / nor bu dang / mu tig dang / bai DUr+ya dang / dung dang / man shel dang / byi ru dang / rin po che thams cad dang / rta dang / glang po dang / shing rta dang / skyed mos tshal dang / dka' thub kyi nags tshal dang / bu po dang / bu mo dang / chung ma dang / nor dang / 'bru dang / mdzod dang / bang ba dang / gling bzhi pa'i rgyal po'i longs spyod kyi bde ba thams cad dang / rtse ba dang / dga' ba
- 115a
thams cad dang / lag pa dang / rkang pa dang / rna ba dang / sna dang / mig dang / mgo dang / sha dang / khrag dang / nang dang / rus pa dang / 'jig rten gyi yo byad gang yang slong ba la yongs su mi gtong ba med do// sbyin pa de rnam pa bcus yongs su dag par sbyin par byed de/ bcu gang zhe na/ byang chub sems dpa' rnams dka' ba'i longs spyod kun tu tshol zhing sbyin pa med/ byang chub sems dpa' rnams sems can la gnod pa'i sbyin pa med/ byang chub sems dpa' rnams 'jigs shing skrag nas sbyin pa med/ byang chub sems dpa' rnams yongs su mi gtong ba dang spyan 'dren pa'i sbyin pa med/ byang chub sems dpa' rnams gdong du lta zhing sbyin pa med/ byang chub sems dpa' rnams sems can la tha dad par sbyin pa med/ byang chub sems dpa' rnams mdza' bas sbyin pa med/ byang chub sems dpa' rnams ldang bas sbyin pa med/ byang chub sems dpa' rnams zhing tshol zhing sbyin pa med/ byang chub sems dpa' rnams sems can thams cad la sprin gnas ma yin zhes nus te sbyin pa med de/ shA ri'i bu byang chub sems dpa'i sbyin pa de rnam pa de bcus yongs su dag par sbyin par byed do// gzhan yang shA ri'i bu byang chub sems dpa' sbyin pa de gzhan rnam pa bcus yongs su dag par sbyin par byed de/ bcu gang zhe na/ byang chub sems dpa' rnams las kyi rnam par smin pa 'dod cing / sbyin pa med/ byang chub
- 115b
sems dpa' rnams bsam pa log par sbyin pa med/ byang chub sems dpa' rnams yongs su skyo ba'i sbyin pa med/ byang chub sems dpa' rnams nye bar bstan nas sbyin pa med/ byang chub sems dpa' rnams rjes su mi dga' ba'i sbyin pa med/ byang chub sems dpa' rnams 'gyod pa'i sbyin pa med/ byang chub sems dpa' rnams tshul khrims dang ldan pa la bkur te sbyin pa med/ tshul khrims ngan po la rnyas te sbyin pa med/ byang chub sems dpa' rnams rnam par smin pa la re ba'i sbyin pa med de/ ri'i bu byang chub sems dpa' sbyin pa de rnam pa de bcus yongs su dag par sbyin po byed do// gzhan yang shA ri'i bu byang chub sems dpa' sbyin pa de gzhan rnam pa bcus yongs su dag par sbyin par byed de/ bcu gang zhe na/ byang chub sems dpa' rnams smad nas sbyin pa med/ byang chub sems dpa' rnams gzhan du phyogs nas sbyin pa med byang chub sems dpa' rnams nyon mongs shing sbyin pa med/ khro ba dang phrag dog dang gnod sems ston cing sbyin pa med/ ri mor mi byed pa la sbyin pa med/ rang gi lag nas ma yin par sbyin pa med/ ci tsam du spyan drangs pa las dbri zhing sbyin pa med/ byang chub sems dpa' rnams skye ba 'dod cing sbyin pa med de/ shA ri'i bu byang chub sems dpa' sbyin pa de rnam pa de bcus yongs su dag par sbyin par byed do// gzhan yang shA ri'i bu byang chub sems dpa' sbyin pa de gagan nam pa bcus yongs su dag par sbyin par
- 116a
byed de/ bcu gang zhe na/ byang chub sems dpa' rnams mi brtan par sbyin pa med/ byang chub sems dpa' rnams chod 'dzin cing sbyin pa med/ yongs su 'chad par sbyin pa med/ gzhan gyi dring 'jog ste sbyin pa med/ nyung zhes cung zad tsam sbyin pa med/ gzugs dang / longs spyod dang / dbang po la mngon par dad pa'i sbyin pa med/ byang chub sems dpa' rnams brgya byin dang / tshangs pa dang / 'jig rten skyong ba dang / lhar skyes pa thams cad 'dod pa'i phyir sbyin pa med/ byang chub sems dpa' rnams nyan thos dang rang sangs rgyas kyi sar bsngo zhing sbyin pa med/ byang chub sems dpa' rnams mkhas pas smad pa'i sbyin pa med byang chub sems dpa' rnams thams cad mkhyen par ma bsngos pa'i sbyin pa med de/ shA ri'i bu byang chub sems dpas sbyin pa de rnam pa de bcus yongs su dag par sbyin par byed do// / gzhan yang shA ri'i bu byang chub sems dpa'i sbyin pa de gzhan rnam pa bcus yongs su dag par sbyin par byed de/ bcu gang zhe na/ ci tsam 'dus byas las 'byung ba dang / 'dus ma byas thob par bya ba'i phyir de ltar sbyin pa byin na/ shA ri'i bu byang chub sems dpa' sbyin pa'i legs pa bcu 'thob par 'gyur ro// bcu gang zhe na/ bza' ba sbyin pas tshe dang thazos dang / bde ba dang spobs dang / 'dog phun sum tshogs pa rab tu 'thatha za// btung ba byin pas tshon mongs pa dang / srid pa thams cad bskul po phun sum
- 116b
tshogs pa rab tu 'thob bo// gzhon pa byin pas bde ba thams cad kyi dngos po phun sum tshogs pa rab tu 'thob bo// 'go ba byin pas 'brel pa dang 'dzem pa dang / gser ltar kha dog yongs su dag pa phun sum tshogs pa rab tu 'thob bo// dri dang phreng ba byin pas tshul khrims dang thos pa dang / ting nge 'dzin gyi dri dang byug pa phun sum tshogs pa rab tu 'thob bo// dri rab tu zhim pa'i dri dang phye ma dang byug pa byin pas/ lus kyi nan tan gyi dri zhim po phun sum tshogs pa rab tu 'thob bo// ro byin pas ro bro bi nang na mchog gi ro bro ba'i skyes bu chen po'i mtshan phun sum tshogs pa rab tu 'thob bo// gnas byin pas sems can thams cad kyi gnas dang / rten dang / gling dang / skyabs dang dpung gnyen phun sum tshogs pa rab tu 'thob bo// nad pa la sman byin pas mi dga' mi 'chi ba med pa'i bde ba yongs su rdzogs pa phun sum tshogs pa rab tu 'thob bo// yo byad sna tshogs byin pas byang chub kyi phyogs kyi yo byad yongs su rdzogs pa phun sum tshogs pa rab tu 'thob ste/ shA ri'i bu byang chub sems dpa' byang chub 'dod pas/ de ltar sbyin pa byin pa'i legs pa bcu po de dag yongs su bzung ba yin no// gzhan yang shA ri'i bu byang chub sems dpa' legs pa gzhan bcu rab tu 'thob bo/ bcu gang zhen 'di lta ste/ mar me byin pas de bzhin gshegs pa'i mig lnga yongs su dag pa phun sum tshogs pa rab tu 'thob bo// sil snyan byin pas lnga'i rna ba yongs su dag pa
- 117a
sde sna @#phun sum tshogs pa rab tu 'thob bo// gser dang / nor bu dang / mu tig dang / bai DUr+ya dang / dung dang / man shel dang / byiru dang / rin po che thams cad byin pas skyes bu chen po'i mtshan sum cu rtsa gnyis yongs su rdzogs pa phun sum tshogs pa rab tu 'thob bo// rin po che tha dad pa sna tshogs dang / me tog sna tshogs byin pas/ dpe byad bzang po brgyad cu yongs su rdzogs pa rab tu 'thob bo// rta dang glang po che dang shing rta byin pas/ rgyas pa dang yangs pa dang / che ba phun sum tshogs pa rab tu 'thob bo// skyed mos tshal dang dka' thub kyi nags tshal byin pas/ bsam gtan dang / rnam par thar pa dang / ting nge 'dzin dang snyoms par 'jug pa yongs su rdzogs pa phun sum tshogs pa rab tu 'thob bo// nor dang 'bru dang mdzod dang bang ba sbyin pas/ chos rin po che thams cad kyi mdzod yongs su rdzogs pa phun sum tshogs pa rab tu 'thob bo// bran po dang bran mo dang / las byed pa'i mi byin pas/ rang nyam dang / rang dbang dang / rang byung gi ye shes yongs su rdzogs pa phun sum tshogs pa rab tu 'thob bo// bu pho dang bu mo byin pas/ mdza' bo dang / sdug pa 'dod pa dang / bla na med pa yang dag par rdzogs pa'i byang chub yongs su rdzogs pa phun sum tshogs pa rab tu 'thob bo// gling bzhin rgyal po'i longs spyod thams cad byin pas/ byang chub sems dpa'i rnam pa'i mchog thams ca
- 117b
dang ldan pa'i thams cad mkhyen pa'i ye shes phun sum tshogs pa rab tu 'thob ste/ shA ri'i bu legs pa bcu po de dag yongs su bzung ba yin no// shA ri'i bu byang / chub sems dpa' byang chub la re bas de ltar sbyin pa byin pa legs pa gzhan yang bcu 'thob bo// bcu gang zhe na/ 'dod pa'i yon tan lnga byin pas/ tshul khrims dang / ting nge 'dzin dang / shes rab dang / rnam par grol ba dang / rnam par grol ba'i ye shes mthong ba'i phung po yongs su dag pa phun sum tshogs pa rab tu 'thob bo// dga' ba dang rtse ba thams cad yongs su gtong zhing byin pas/ dam pa'i chos kyi dga' ba dang / rtse ba yongs su dag pa phun sum tshogs pa rab tu 'thob bo// rkang pa byin pas/ chos kyi don gyi rkang pa byang chub pa'i snying por 'gro ba yongs su rdzogs pa phun su tshogs pa rab tu 'thob bo// lag pa byin pas/ sems can thams cad la chos kyi lag pa rab tu sbyin pa yongs su rdzogs pa phun sum tshogs pa rab tu 'thob bo// rna ba dang sna byin pas/ dbang po ma tshang ba med cing yongs su rdzogs pa phum/ sum tshogs pa rab tu 'thob bo// yan lag dang nying lag byin pas/ kha na ma tho ba med cing mdzes pa'i yan lag sangs rgyas kyi skus yongs su rdzogs pa phun sum tshogs pa rab tu 'thob bo// mig byin pas/ sems can thams cad la chos kyi mig mi sgrib pa yongs su dag pa phun sum tshogs pa rab tu 'thob bo// sha dang tha
- 118a
byin pas/ sems can thams cad kyi lus dang srog snying po med pa las/ snying po len pas nye bar 'tsho ba mkhas pa/ phun sum tshogs pa rab tu 'thob bo// rkang byin pas/ rdo rje ltar mi shigs pa'i lus 'thob pa phun sum tshogs pa rab tu 'thob bo// yan lag gi dam pa mgo byin pas/ byang chub sems dpa' sems dpa' chen po'i 'jig rten gsum gyi mchog bla na med cing ltag na med pa'i thams cad mkhyen pa'i ye shes khong du chud pa yongs su rdzogs pa phun sum tshogs pa rab tu 'thob ste/ shA ri'i bu byang chub sems dpa' byang chub 'dod pas de ltar sbyin pa byin na/ 'di lta bu'i sangs rgyas kyi chos yongs su rdzogs pa'i legs pa de dag yongs su bzung ba yin no// shA ri'i bu byang chub sems dpa' mkhas pa zab pa/ shes rab kyi snang ba/ 'jig rten gyi zang zing gis bla na med pa yang dag par rdzogs pa'i byang chub 'dod pa/ bdud rtsi 'dod pa/ snying po 'dod pa/ byang chub 'dod pa/ mya ngan las 'das pa 'dod pa gang / shA ri'i bu byang chub sems dpa' bla na med pa yang dag par rdzogs pa'i byang chub la gnas te/ 'jig rten gyi zang zing sbyin pa byin na/ 'jig rten gyi bde ba thams cad mi gtong ba gang yang med do// 'di lta ste shA ri'i bu khyim bdag chun pa shing skam la gnas pa lang dang / yur bas zhing gi las la zhugs te/ sa bon btab nas zhing smos so// de gshol gyis 'tsho ba'i rnam grangs 'dis
- 118b
gser dang dngul yang 'grub bo// dngos po sna tshogs gzhan yang 'grub bo// de ci'i phyir zhe na/ shA ri'i bu 'bru dang mtshungs pa'i nor med do// shA ri'i bu de bzhin du byang chub sems dpa' gang gi phyir 'jig rten gyi zang zing la gnas nas/ bla na med pa yang dag par rdzogs pa'i byang chub mngon par rdzogs par 'tshang rgya ba'i dus dang tshe yod do// 'di lta ste shA ri'i bu rtsa skam pa dang / gsher ba zos pa dang / chu grang ba dang dro ba 'thungs pa de las 'o ma 'grub ste/ zho dang mar sar pa dang / mar gyi snying po yang 'grub bo// shA ri'i bu de bzhin du byang chub sems dpa' sems dpa' chen po bla na med pa yang dag par rdzogs pa'i byang chub la gnas te/ 'jig rten gyi zang zing sbyin pa na de mi 'dod kyang 'khor lo sgyur ba'i rgyal po yang yongs su 'grub bo// brgya byin dang tshangs pa yang 'grub bo// gnas de gsum yongs su 'grub nas/ byang chub sems dpa'i sa bcu yongs su 'grub bo// de bzhin gshegs pa'i stobs bcu dang / mi 'jigs pa bzhi yang yongs su 'grub bo// las stong gis 'grub pa'i sangs rgyas kyi chos ma 'dres pa bco brgyad rnams kyang yongs su 'grub bo// las stong gis grub pa'i rnam pa drug cu dang ldan pa'i dbyangs phun sum tshogs pa yang yongs su 'grub bo// las brgyas grub pa'i skyes bu chen po'i mtshan cig yongs su 'grub bo// las nyes brgyas grub/ gtsug cor spyi bor 'grub bo// rnam pa dang yon tan rgyas yongs su rdzogs pa'i
- 119a
de bzhin gshegs pa'i chos kyi dung chen po yang 'grub bo// rnam pa bye ba dang / yon tan brgya phrag stong dang ldan pa'i tshems kyi phreng ba thags bzang ba/ phrag med pa/ snyoms shing dkar ba yongs su 'grub ste/ de ltar shA ri'i bu de bzhin gshegs pa rnams/ de bzhin gshegs pa'i las kyi 'bras bu rnam par smin pas mngon par 'grub bo// yang shA ri'i bu gang byams pa'i sems bskyed nas/ slong ba la sbyin pa byin pa de ni gang ga'i klung gi bye ma snyed du sems bskyed pas sangs rgyas kyi ting 'dzin rgyun mi 'chad pa cig 'grub ste/ ting nge 'dzin la gnas nas/ de bzhin gshegs pa dgra bcom pa yang dag par rdzogs pa'i sangs rgyas kyi ba spu'i bu ga re re nas/ ting nge 'dzin brgya gang ga'i rgyan ltar mngon par sprul par byed do// shA ri'i bu de bzhin gshegs pa ni rdzu 'phrul gyi bya ba thams cad la dbang thob po// shA ri'i bu gang 'di lta bu'i sangs rgyas kyi chos de dag ni de bzhin gshegs pa'i sngon byang chub sems pa'i spyad pa spyod pa na/ 'jig rten gyi zang zing gi sbyin pas yongs su bzung ba yin no// shA ri'i bu byang chub sems dpa' bdud rtsi 'dod pa dang / byang chub 'dod pa dang / mya ngan las 'das pa 'dod pa ni 'jig rten gyi zang zong sbyin par byed do// shA ri'i bu rnam grangs des na/ khyod kyis byang chub sems dpa' 'jig rten gyi zang zing la gnas nas/ bla na med pa yang dag par rdzogs pa'i byang chub tu mngon par 'tshang rgya bar
- 119b
rig par gyis shig/ shA ri'i bu sngon byung ba 'das pa'i dus kyi bskal pa grangs med pa/ shin tu grangs med pa/ tshad med pa/ bsam gyis mi khyab pa gang byung ba de'i tshe de'i/ dus na/ de bzhin gshegs pa dgra bcom pa yang dag par rdzogs pa'i sangs rgyas 'chos pas sgra 'byin pa zhes bya ba/ rig pa dang rkang par ldan pa/ bde bar gshegs pa/ 'jig rten mkhyen pa/ skyes bu 'dul ba'i kha lo sgyur ba/ bla na med pa lnga dang mi rnams kyi ston pa/ sangs rgyas bcom ldan 'das 'jig rten du byung ngo // yang shA ri'i bu bcom ldan 'das de bzhin gshegs pa 'chos pas sgra 'byin gyi tshe'i tshad ni lo stong phrag bcur gyur to// yA shA ri'i bu de bzhin gshegs pa 'chos pas sgra 'byin de'i dge slong brgya phrag stong ni dgra bcom pa/ nyon mongs pa med pa/ sems thams cad kyi dbang dam pa'i pha rol tu 'gyod par phyin pa'i bar du ste/ dgra bcom pa chen po sha stag 'dus par gyur to// shA ri'i bu de'i tshe tha ga ba zhes bya ba/ thags 'thag pa/ gzugs bzang ba/ mdzes pa/ lta na sdug pa/ mdog mchog tu bzang bas/ rgyas pa dang ldan pa zhig byung ste/ de de bzhin gshegs pa 'chos pas sgra 'byin gang na 'dug pa'i sa phyogs de nas/ ha cang yang mi ring ba'i sa phyogs zhig na rang gi las byed do// de nyid las byas nas nub khar khyim du 'gro ba'i tshe/ rtag tu dus thams cad du bcom ldan 'das de bzhin gshegs pa 'chos pas sgra 'byin de'i drung du log nas/ kha
- 120a
sde snod @tshar cig 'bul zhing 'di skad ces gsol to// bcom ldan 'das sdug pa'i gnas kyis bdag bcom ldan 'das la kha tshar/ 'bul ba'i dge ba'i rtsa ba des/ bdag ma 'ongs pa'i dus na bsdu ba thams cad dang ldan pa'i de bzhin gshegs pa dgra bcom pa yang dag par rdzogs pa'i sangs rgyas su gyur cig ces des snga phyir ras kyi kha tshar stong lnga brgya phul te/ des bskal pa bye ba phrag bco lngar ngan 'gro log par ltung bar ma song ngo // dge ba'i rtsa ba de nyid kyis 'khor los bsgyur ba'i rgyal po bye ba phrag stong myong ngo // de dge ba'i rtsa ba de nyid kyis brgya byin gyi bdag po de bye ba phrag stong myong ngo // dge ba'i rtsa ba de nyid kyis 'jam zhing yid du 'ong ba'i las kyis/ thog mar sangs rgyas bye ba phrag stong mnyes par bya ste/ des thams cad la me tog dang / bdug pa dang / dri dang / phreng ba dang / byug pa dang / phye ma dang / chos gos dang / gdug dang / rgyal mtshan dang / ba dan dang / gos dang / zhal zas dang / mal cha dang / na ba'i ched kyi sman dang / yo byad kyis sti stang du byas/ brdzun par byas/ ri mor byas shing mchod do// de phyis bskal pa grangs med pa zhig na/ bla na med pa yang dag par rdzogs pa'i byang chub mngon par sangs rgyas nas/ rab tu bsdu ba zhes bya ba'i de bzhin gshegs pa dgra bcom pa yang dag par rdzogs pa'i sangs rgyas su 'jig rten du byung ba nas/ sangs rgyas bco
- 120b
ldan 'das shes bya ba'i bar du ste/ de lo bye ba phrag nyi shu'i bar du gnas so// de'i nyan thos chen po bye ba khrag khrig phrag nyi shu dgra bcom pa/ zag pa zad pa/ nyon mongs pa med pa/ dbang du gyur pa/ sems can thams cad kyi dbang dam pa'i pha rol tu bgyod par phyin pa sha stag 'dus par gyur to// byang chub sems dpa' bye ba phrag lnga/ bla na med pa yang dag par rdzogs pa'i byang chub tu bkod do// des chos bstan te/ sems can grangs med dpag tu med pa'i don byas nas yongs su mya ngan las 'das so// der bcom ldan 'das yongs su mya ngan las 'das nas/ lo stong gi bar du dam pa'i chos gnas so// de'i sku gdung yang rgyas par gyur to// 'di lta ste dper na/ shA ri'i bu nga da lta yongs su mya ngan las 'das par gyur pa bzhin no// shA ri'i bu kha tshar phul ba dang / sems bskyed pas kyang mthar gyis sangs rgyas kyi chos yongs su rdzogs pa la ltos/ shA ri'i bu sems ni rgya che ba'i sbyin pas ni ma yin no// shA ri'i bu gal te sbyin pas rgya che la sems kyis ma yin na ni/ sbyin bdag rtsub mo zhes bya ba ltar 'gyur te/ des sbyin pa de snyed byin na yang / sems yongs su ma sbyangs so// shA ri'i bu 'jig rten gyi zang zing la gnas te/ thams cad yongs su thob par 'gyur ba la ltos/ shA ri'i bu byang chub dpa' mkhas pa ni sbyin pa cung ngu yong mang por byed pa dang / ye shes kyi stobs kyis lhag par byed pa dang /
- 121a
sde snod shes rab kyi stobs kyis rgyas par byed pa dang / bsngo ba'i stobs kyis dpag tu med par byed do// de nas bcom ldan 'das kyis don de nyid rgya cher rab tu bstan pa'i phyir/ de'i tshe tshigs su bcad pa 'di dag gsungs so// gzugs 'dod phyir ni sbyin pa byin pa med// longs spyod mtho ris 'dod phyir ma yin gyi// bla na med pa'i sangs rgyas mchog 'dod phyir// de phyir sbyin pa chung yang mang por 'gyur// grags dang brjod pa dag dang sgra dag dang // g.yog dang / bde ba nam yang mi 'dod cing // 'chi 'pho thams cad 'dod pa ma yin te// de phyir sbyin chung 'bras bu chen por 'gyur// zas dang skom dang chos gos gang byin pa// srid pa'i 'gro ba 'dod phyir ma yin te// sbyin pas 'chi ba med pa'i sgo btsal phyir// des ni skra rtse tsam yang sbyin pa byin// 'phyar ba med cing snyems pa med par 'gyur// g.yo dang ser sna dag ni thams cad spong // de dag le lo nam yang mi rten te// de dag de ltar 'jig rten phan phyir spro// rgyal po dang ni nor dang 'bru srog gtong // de dag sems ni gzhan du mi 'gyur te// byin nas dga' ba chen po rnyed par 'gyur// sbyin zhing gtong la byang chub rnyed mi dka'// ba dang ma dang bu ni sdug pa ltar// de ltar spong bar/ byed pa'i 'jig rten kun// rtag tu phrag dog med par sbyin 'gyur ba// 'di ni byang chub spyad pa mchog spyod pa// de dag mthong nas mi khro ste// ji ltar sngon gyi
- 121b
bzhin du smra// kyi mdza' dag dang rtag mdza' zhing // skrag pa rnams la 'jigs med cing // de la dngos po gang yod pa// slong ba la ni mi srig// chos 'dod par ni rtag 'gyur te// rgyal por 'dod par mi 'gyur ro// 'byung bar rtag tu smra byed cing // chos kyi sbyin pa rnams kyang sbyin// 'dod la brkam pa ma gtogs bar// su zhig rgyal po 'dod par 'gyur// 'dod pa'i rgyal po mi 'dod cing // mtho ris bde ba 'dod ma yin// sangs rgyas byang chub yongs tshol zhing // grags pa chen po sbyin pa byin// bdag dang gzhan la rin po che// mang po myur du gtong ba ni// de dag nam yang byang chub mchog/ gtong bar 'gyur ba ma yin no// mkhas pa gzugs ni mi 'dod de// longs spyod dag kyang 'dod ma yin// mtho ris dag kyang de mi 'dod// mya ngan 'das pa 'dod ma yin// lam shes lam la mkhas pa dge gang dang bshes pa gyur pa la// rten pa dag tu mi byed de// 'jigs pa dag du mi byed do// shA ri'i bu 'di ni byang chub sems dpa' chen po rnams kyi pha rol tu phyin pa ste/ de la brtson pa'i byang chub sems dpa' ni byang chub kyi spyod par byed do// // byang chub sems dpa'i sde snod las// / sbyin pa'i pha rol tu phyin pa'i le'u ste drug pa'o// / byang chub sems dpa'i sde snod// bam po dgu pa// / de la
- 122a
gang la brtson pas byang chub sems dpa' byang chub kyi spyad pa spyod par 'gyur ba'i byang chub sems dpa' sems dpa' chen po'i tshul khrims kyi pha rol tu phyin pa gang zhe na/ shA ri'i bu 'di gsum ni byang chub sems dpa' rnams kyi legs par spyod pa'o// gsum gang zhe na/ lus kyi legs par spyod pa dang / ngag gis legs par spyod pa dang / yid kyis legs par spyod pa'o// de la lus kyis legs par spyod pa gang zhe na/ 'di la shA ri'i bu byang chub sems dpa' ni srog gcod pa spangs pa yin/ ma byin par len pa spangs pa yin/ 'dod pas log par g.yem pa spangs pa yin te/ 'di ni lus kyi legs par spyod pa zhes bya'o// gzhan yang sha ri'i bu byang chub sems dpa' ni rdzun du smra ba spangs pa yin/ phra ma dang tshig rtsub pa dang / tshig thun tshags spangs pa yin te/ 'di ni ngag gis legs par spyod pa zhes bya'o// gzhan yang shA ri'i bu byang chub sems dpa' ni chags sems med de/ gnod sems med cing yang dag par lta ba yin te/ 'di ni yid kyis legs par spyod pa zhes bya'o// de 'di snyam du sems te/ lus kyis legs par spyod pa gang / ngag gis legs par spyod pa gang / yid kyis legs par spyod pa gang yin snyam mo// de yang 'di snyam du sems te/ lus kyi las gang srog gcod pa dang / ma byin par len pa dang / 'dod pas log par g.yem pa ma byas pa ni/ lus kyis legs par spyod pa zhes bya'o//
- 122b
snyam mo// de la ngag gis legs par spyod pa gang yin zhe na/ de 'di snyam du sems te/ ngag gi las gang rdzun du smra ba dang / phra ma dang tshig rtsub po dang / tshig thun tshags ma smras pa de ni ngag gis legs par spyod pa zhes bya'o snyam mo// de la yid kyis legs par spod pa gang yin zhe ni/ de 'di snyam du sems te/ yid kyi las gang chags sems dang / gnod sems dang / log par lta ba ma byas pa de ni yid kyis legs par spyod pa zhes bya'o snyam mo// de 'di ltar tshul bzhin gyis rtog pa na/ las gang lus kyis ma byas pa dang / las gang ngag dang yid kyis ma byas pa de ji gdags par nus sam/ shel gyi kha dog tu gdags par mi nus te/ mig gis shes par bya ba ma yin/ rna bas shes par bya ba ma yin/ snas shes par bya ba ma yin/ lces shes par bya ba ma yin/ lus kyis shes par bya ba ma yin/ yid kyis shes par bya ba ma yin no// de ci'i phyir zhe na/ 'di ltar de ni skye ba ma yin/ skyed pa ma yin/ 'byung ba ma yin/ 'dzin pa ma yin te/ de ni las gang gis kyang shes par bya ba ma yin no// de 'di snyam du sems te/ tshul khrims de ni gang mngon par 'dus ma byas pa'o// gang mngon par 'du mi byed pa de la gdags pa gang yang med do// gang gdags pa med pa de la bdag mngon par chags par mi bya'o// snyam nas de 'di ltar legs par spyod pa'i tshul khrims kyang yang dag par rjes su mi mthong / gang gis tshul khrims de dang tshul khrims de gang du bsngo
- 123a
sde snodab de yang yang dag par rjes su mi mthong / de de ltar mthong ba na gang 'jig tshogs la lta bas tshul khrims sam/ tshul khrims ngan/ pa la so sor rtog pa ste/ 'jig tshogs la lta ba mi slong ngo // de de ltar mthong ba na sdom pa dang cho ga dang spyod pa dang / spyod yul du 'gyur te shes bzhin spyod do// de bzhin spyod pas tshul khrims dang ldan pa zhes bya'o// de bdag tu dmigs shing mi spyod// pha rol tu phyin par dmigs shing mi spyod de/ de tshul khrims ma nyams pa dang / tshul khrims skyon med pa yin no// bdag tu dmigs na tshul khrims su dmigs par 'gyur gyi/ gang bdag tu dmigs pa de ni tshul khrims su dmigs pa'o// gang tshul khrims su mi dmigs pa de ni bslab pa nyams par mi byed do// gang bslab pa nyams par mi byed pa de tshul khrims nyams par mi byed/ tshul khrims mi snyems so// ci'i phyir mi snyen she na/ de gzhan las chos thams cad shes so// gang gzhan pa de la bdag med do// gang bdag med pa de la ci zhig yongs su reg par bya/ de nas bcom ldan 'das kyis de'i tshe tshigs su bcad pa 'di dag gsungs so// lus kyis dag cing ngag gis dag pa dang // yid kyis dag cing rtag tu spyod pa dag/ dag pa'i brtul zhugs la ni rtag gnas pa// de ni byang chub sems dpa' tshul khrims ldan// shin tu bzang po las lam bcu po 'di// gang dag srung ba byang chub sems dpa' mkhas//
- 123b
lus dang ngag dang yid kyis gang ma byas// de ni mkhas pa tshul khrims ldan zhes bya// gang dag ma byas ma skyong mi len pa// de la kha dog med cing dbyibs kyang med// gang la kha dog med cing dbyibs med pa// de la gdags pa rgya lam mi dmigs so// rtag tu tshul khrims ma byang 'dus ma byas// de ni mig gis lta bar mi nus te/ rna ba sna dang lce'i shes ma yin// lus dang ngag dang yid kyis shes ma yin// gang de dbang pos shes par mi nus pa// de la snying rjer 'dug pa nus ma yin// de ltar tshul khrims yongs dag mthong ba de// nam yang tshul khrims dmigs pas mi gnas so// tshul khrims ldan zhes yid kyis mi snyems shing // bdag 'du mi shes gang de tshul khrims bsrung // tshul khrims bsrung yang tshul khrims 'du shes med// de ni tshul khrims ldan pa byang chub spyad pa spyod// 'jig tshogs la ni lta ba gang sel ba// de ni lta bar nam du'ang mi 'gyur ro// gang la lta med de la gnas med de// tshul khrims ngan pa'i ngang tshul de mi sems// chos kyi tshul la 'jug pa kun srung ba// de'i cho ga bsam du med par 'gyur// rab tu byung zhing rab tu bsrungs pa ni// tshul khrims ldan te gzhan la nye med sgom// bdag med 'du shes tshul khrims mi dmigs te/ gang la bdag med de la tshul khrims med// mu zhes smras pa rtag tu 'jigs pa zhes// bdagra la gang sems de ltar tshul khrims so// bdag med smra ba tshul
- 124a
sde snodakhrims mi sems te// bdag med smra ba tshul khrims gnas ma yin// bdag med smra ba tshul khrims mi sems te// bdag/ med smra ba tshul khrims rtog ma yin// tshul khrims ma nyams tshul khrims skyon med pa// bdag ni tshul khrims ldan zhes mi slong ngo // gang la bdag med tshul khrims 'du shes med// shes rab zab mo byang chub spyad spyod pa// 'jigs med gang dag tshul khrims 'di 'dra ba// nam yang tshul khrims ngan pa de mi 'gyur// thams cad chos ni gang dag mi dmigs pa// de'i tshul khrims de ni 'phags pas bsngags// byis pa gang dag bdag tu lta gnas te// bdag gi tshul khrims ldan zhes khrims srung zhing // bsrungs nas tshul khrims 'bras bu myong de dag/ ngan 'gro gsum po kun las mi thar to// gang dag bdag tu lta ba kun spangs pa// de ni nga dang nga zhes bya mi 'gyur// tshul khrims ldan pa de la lta med de// de ni phyir zhing 'og ltung mi 'jigs so// 'di 'dra ba'i tshul khrims gang shes pa// de la ngan pa'i tshul zhes lha mi nus/ srid pa gsum na de bdag mi mthong na// tshul khrims ngan tshul mthong 'gyur ci zhig smos// shA ri'i bu de ltar tshul khrims spyod pa'i byang chub sems dpa'i bsam pa chos bcu 'dus par 'gyur ro// bcu gang zhe na/ dad pa'i bsam pa 'dus par 'gyur ba dang / brtson 'grus kyi bsam pa 'dus par 'gyur ba dang / rab tu mos pa dang /
- 124b
las kyi rnam par smin pa rgya chen po la dad pa dang / 'phags pa la ldang ba byed pa dang / bla ma la rim gro byed pa dang / slob dpon la bsnyen bkur byed pa dang / chos tshog ba la chags par byed pa dang / byang chub yongs su tshol zhing lus dang srog la mi lta bar byed pa ste/ shA ri'i bu de ltar tshul khrims spyod pa'i bsam pa bcu po de dag 'dus par 'gyur ro// de chos bcu po de dag la rab tu gnas nas/ dge ba'i chos rnams bsgrub bo// dge ba'i chos gang zhe na/ 'di lta ste/ legs par spyod pa gsum po 'di dag nyid de/ lus dang ngag dang yid kyis legs par spyod pa'o// legs par spyod pa gsum po de dag la rab tu gnas pa'i byang chub sems dpa' sems dpa' chen po de ni/ gang la byang chub sems dpa' rag las pa'i byang chub sems dpa'i sde snod kyi chos kyi rnam grangs kun tu tshol lo// de la de'i chos nyid ni 'di yin te/ de la 'di skad ces bya'o// sangs rgyas bsngags pa'i las dge rnams// lus kyi su ni byed pa dang // gang las thob pa'i rnyed 'gyur ba'i// slob dpon la ni rim gro byed// sems can thams cad don gyi phyir// byams pa'i sems ni phrag dog med// chos rtsams par ni gang zag la// gus pa dag ni rab tu byed// ngag gi sdom pa nyid du 'gyur// de ni mi snyan tshig mi smra// de ni mos ldan mtshan nyid de// nam du'ang dag rtsub mi smra'o// yid ni dge ba'i yid 'gyur zhing // nam du'ang sdig pa mi 'dod do//
- 125a
sde sdod @byams sems kun dang bcas pa'o// dngos po dag gis rtag tu lta// rgyal bas bstan pa thos gyur nas// chos 'di la ni gus dang bcas// chos 'di gus par byas pa na// myur du byang chub rnam 'tshang rgya// chos bcu po de dag la rab tu gnas pa'i byang chub sems dpa' ni/ byang chub sems dpa'i sde snod kyi chos yongs su tshol bas/ slob dpon la bsnyen bkur dang yongs su spyod pa byed de/ tha na chu snod gang tsam yang 'bul lo// gzhan yang shA ri'i bu byang chub sems dpa' sems bskyed pa bcu bskyed do// bcu gang zhe na/ kye ma'o lus 'di ni cong can no// khams ni myur du gdug pa'i dug dang 'dra ste/ rtag tu phan tshun mi 'thun pa'o// sdug bsngal mang ba'o// nyes pa mang ba'o// spro ba 'brum bu dang / 'brum phran dang / mdze dang / g.yan pa dang / rlung dang / mkhris pa dang / bad kan gyis gang ste/ nad dang 'dra/ 'brum bu dang 'dra/ zug rngu dang 'dra/ chu bo dang 'dra/ gnod pa dang 'dra/ g.yo ba 'jig pa snying po med pa/ nyam chung ba shig shig po nyam thag pa/ skad cig pa dur khrod du 'jig pa ste/ snying po med pa'i lus las snying po blang ngo snyam du sems bskyed pa dang po de bskyed nas/ byang chub sems dpa' byang chub sems dpa'i sde snod yongs su tshol bas/ slob dpon la bsnyen bkur dang yongs su spyod pa byed de/ ban chu snod gang tsam yang 'bul lo// bcom ldan 'das kyis de skad gsungs te/ bde bar gshegs
- 125b
pas de skad bka' stsal nas/ ston pa gzhan yang 'di skad gsung ngo // khams ni myur gdug ma rungs pa// bzhi po cig la cig rten te// re re la ni 'khrugs pa las/ nad chen po ni 'byung bar 'gyur// mig nad dang ni rna nad dang / sna nad dang ni de bzhin du// so nad dang ni mchu nang rnams// gzhan yang lus las 'byung bar 'gyur// smyo dang 'brum bu 'brum phran dang // mdze dang g.yan pa rnams dang ni// nad gzhan rnam pa mang po dag/ lus las su ni 'byung bar 'gyur// lus 'di nad dang 'dra ba ste// lus ni 'brum bu 'dra ba'o// lus 'di gnod pa 'dra ba ste// nyam thag ring por mi thogs par// dur khrod du ni 'gro zhing 'jig/ mi rtag mi rtan g.yo ba med// nad kyis 'jigs par 'gyur ba dang // rnag gis gang ba'i lus 'di yis// sangs rgyas kyi ni sku yi phyir// bzang po yi ni las rnams bya// shig shig po dang nyam thag dang // rnag gis gang ba'i lus 'di yis// thams cad du ni rab zag pa// rnag gis gang ba'i lus 'di yis// chos sku bsam gyis mi khyab pa// sangs rgyas kyi ni sku bsgrub bo// gang na gzhan ni zag med pa// de 'dra'i lus ni thob par bya// tsha ba dag kyang gang sgrib dang // bsil ba dag kyang rab srung ba// lus 'di yang ni dga' ba dang // 'chi ba dag gis 'da' bar 'gyur// gang dag grang dang tsha bzod pa// lus kyis su ni thams cad du// skyes bu'i bya ba byed pas na// mchog gi lus ni thob par 'gyur// 'jig
- 126a
rten grags pa'i bla ma la// rib gro dag ni rab byas te// snying po med pa'i lus las su// snying po dag ni blang bar 'gyur/ shA ri'i bu sems bskyed pa dang po 'di bskyed na// byang chub sems dpa' byang chub sems dpa'i sde snod kyi chos kyi rnam grangs yongs su tshol bas/ slob dpon la bsnyen bkur dang yongs su spyod pa byed de/ tha na chu snod gang tsam yang 'bul lo// gzhan yang shA ri'i bu byang chub sems dpa' 'di ltar sems bskyed de/ kye ma'o lus 'di ni snying po med pa ste/ rtag tu dril ba dang bkru ba dang mche ba dang dgyes pa dang bral ba'i chos can no// 'di lta ste/ shA ri'i bu ji tsam du rdza mkhan gyis bum pa chung tshad dang / che tshad byas pa thams cad kyang mthar 'jig go// de bzhin du kye ma'o lus 'di yang snying po med de/ so ma btang ba'i snod bzhin te/ mthar 'jig go// 'di lta ste shA ri'i bu shing gi yal ga'i 'dab ma dang / me tog dang 'bras bu ji snyed pa de thams cad kyang mthar ltung bar 'gyur ro// shA ri'i bu de bzhin du kye ma'o lus 'di ni de bzhin du snying po med de/ 'bras bu srin pa bzhin du ltung ba'i chos so// 'di lta ste/ shA ri'i bu rtsa'i rtse mo'i zil ba'i thigs pa ji snyed pa de dag thams cad kyang sim pog na ring por mi gnas so// shA ri'i bu de bzhin du kye mdo lus 'di ni snying po med pa ste// zil pa'i thigs pa bzhin du ring por mi gnas pa'o// 'di lnga ste/ shA ri'i bu rgya mtsho chen po dang / 'bab chu dang /
- 126b
'bab chu'i rgyun la dbu ba rdos pa ji snyed pa yod pa de dag thams cad kyang snying po med de rang bzhin gyis nyam chung ba'o// shA ri'i bu de bzhin du kye ma'o lus 'di ni snying po med pa ste/ lbu ba rdos pa ltar rang bzhin gyis nyam chung ba'o// 'di lta ste/ shA ri'i bu char 'bab pa'i chu'i chu bur gzhan skye zhing gzhan 'gog go// shA ri'i bu de bzhin du kye ma'o lus 'di ni snying po med pa ste/ chu'i chu bur ltar rang bzhin gyis nyam chung ba'o// de ltar snying po med pa'i lus las snying po blang ngo snyam du sems bskyed pa gnyis pa de bskyed nas byang chub sems dpa' byang chub sems dpa'i sde snod kyi chos kyi rnam grangs yongs su tshol bas/ slob dpon la bsnyen bkur dang su ngas su spyod pa byed do// de nas bcom ldan 'dra/ kyis don de nyid rgya cher rab tu bstan pa'i phyir/ de'i tshe tshigs su bcad pa 'di dag gsungs so// ji ltar rdza ma'i mkhan po yis// sa las snod rnams byas pa dag/ de dag/ thams cad mthar 'jig ste// sems can rnams kyi srog de bzhin// ji ltar shing gi yal ga gi lo ma me tog 'bras bu rnams// thams cad ltung ba'i chos can te// mi rnams srog kyang de bzhin no// rtsa mchog gi ni zil pa'i thigs// nyi mas yongs su bab pa na// yud tsam gyis ni med 'gyur te// mi rnams srog kyang de bzhin no// ltar 'bab chu'i rgyun rnams kyi// dbub rdol ba nyam chung ba// de ltar lus ni nyam chung ste// snying po med pa dbu ba 'dra// ji ltar char pa bab pa yi// chu'i chu bur skyes pa
- 127a
yang // skad cig gis ni de 'jig 'gyur// de bzhin lus kyang snying po med// snying po ma yin snying por shes// snying la snying por ma yin shes// de dag log rtog spyod yul ste// snying po khong du chud ma yin// snying po med la snying med dang // snying po snying por shes pa ni// de dag yang dag rtogs spyod yul// snying po khong du chud ma yin// snying por 'du shes byas 'gyur te// snod gang tsam gyi chu 'bul ba// snying po med pa'i lus las ni// snying po dag ni len par 'gyur// // shA ri'i bu sems bskyed pa gnyis po 'di bskyed nas/ byang chub sems dpa' byang chub sems dpa'i sde snod kyi chos kyi rnam grangs yongs su tshol bas/ slob dpon la bsnyen bkur dang yongs su spyod pa byed de/ tha na chu snod gang tsam yang 'bul lo// gzhan yang shA ri'i bu byang chub sems dpa' 'di ltar sems bskyed de/ bdag yun ring por dge ba'i bshes gnyen dang bral zhing mi dge ba'i bshes gnyen gyi dbang du song ste/ le lo can brtson 'grus nyams pa snyom pa can blun pa log par lta ba dag ste/ mchod sbyin yang med/ sbyin sreg kyang med/ legs byas dang nyes byas pa'i 'bras bu rnam par smin pa bsags pa yang med par lta ba dang / 'dod pa'i zil gyis non te/ bdag gis mi dge ba'i las mang po mngon par 'dus te/ mi dge ba'i las kyi rnam par smin pa des 'di lta ste/ yi dwags kyi yul du sbyin gnas thams cad gso ba ma yin pa 'jigs
- 127b
su rung ba'i lus thob ste/ 'di lta bu'i sbyin gnas mgu bar ma byas pas de na bdag yi dwags su gyur te/ lo mang po lo stong phrag mang po// lo brgya stong phrag mang por me/ ma mur za zhing chu'i sgra yang mi thos na/ lus kyis lta ga la zhig reg ste/ bdag gis ni da ltar mgu ba byas pas/ bdag dge ba'i lus thob kyis sbyin gnas thams cad kyis nye bar 'tsho bar bya zhing / lus dang srog la mi lta bar byang chub sems dpa'i sde snod kyi chos kyi rnam grangs yongs su tshol bas/ slob dpon la bsnyen bkur bya'o snyam du sems bskyed pa gsum po de bskyed nas/ byang chub sems dpa'i sde snod la bsnyen bkur dang yongs su spyod pa byed de/ tha na chu snod gang tsam yang 'bul lo// de nas bcom ldan 'das kyis tshigs su bcad pa 'di dag gsungs so// ji ltar grogs po brten pa dang // ji lta bur ni bsnyen pa ltar// de dag yang dang yang du yang // de lta bu ni bsten par 'gyur// sdig pa'i grogs po'i dbang song nas// dge ba'i bshes gnyen rnam par spangs// le lo can de brtson 'grus nyams// g.yo dang phrag dog ser sna can// sbyin pa yod par gang lta ba// thams cad du ni rnam spangs pas// bdag ni yi dwags skye gnas su// 'jigs su rung ba'i lus thob po// yun ring por yang 'khor ba yi// mun nag phung po 'jigs pa na// bkres pa dang ni skom pas gzir// sdug bsngal mang po rjes su myong // sbyin bdag rnams ni ma mthong zhing //
- 128a
bdag gis 'di 'dra la ma 'thob// lo ni mang po stong rnams su// chu yi sgra yang yong ma thos// da ltar bdag gi 'jig rten/ na/ shin tu dkon pa rab rnyed de// bdag gis slob dpon mgu byas pas// dal ba 'byor pa bdag gis thob// sdig pa'i grogs po rnam spangs pas// bdag gis dge ba'i bshes gnyen rnyed// byang chub thob par bya ba'i phyir// lus dang srog la mi lta'o// sangs rgyas kyi ni byang chub phyir// slob dpon dang ni bla ma la// dang ba'i sems kyi sti stang dang // bkur sti dang ni rim gro bya// shA ri'i bu sems bskyed pa gsum po 'di bskyed nas/ byang chub sems dpa'i sde snod kyi chos kyi rnam grangs yongs su tshol bas/ slob dpon la bsnyen bkur yongs su spyod pa byed de/ tha na chu snod gang tsam yang 'bul lo// gzhan yang shA ri'i bu byang chub sems dpa' 'di ltar sems bskyed de/ bdag yun ring por dge ba'i bshes gnyen dang bral zhing / sdig pa'i grogs po dang phrad pas le lo can brtson 'gras nyam pa/ snyom pa can blan pas 'di lta bu'i bzod pa dang / 'di lta bu'i 'dod pas sems can la khu tshur dang thal mo rdegs shing gartses nas brdungs shing cho nges bton te/ de'i gzhi las sdig pa yang med/ de'i gzhi las sdig par 'gyur ba yang med snyam ste/ nyes pa zil gyis non pas mi dge ba'i las rnams mngon par 'dus byas te/ mi dge ba'i
- 128b
las kyi rnam par smin pa des/ 'di lta ste/ byol song gi skye gnas su sbyin gnas thams cad gso ba ma yin pa 'jigs su rung ba'i lus thob ste/ 'di lta bu'i sbyin gnas mgu bar ma byas pas/ de ni bdag rnga mo dang / ba grang dang / bong bur gyur te/ rtsa za zhing dbyug pas sdigs 'jigs pas/ bsdigs nas mi 'dod bzhin du khal bkal lo// bdag gis ni da ltar mgu bar byas pas dge ba'i lus thob kyis/ lus dang srog la mi lta bar/ slob dpon la bsnyen bkur dang yongs su spyad pa bya'o snyam du shA ri'i bu sems bskyed pa bzhi pa de bskyed nas/ byang chub sems dpa' slob dpon la bkur sti dang yongs su spod pa byed de/ tha na chu snod gang tsam yang 'bul lo// de la de'i chos nyid ni 'di yin te/ de 'di skad ces bya'o// yun ring po ni 'phags pa'i lam// ma rig par ni gnas pas na// rnga mo dang ni bong bur gyur sdug bsngal mang po rjes su myong // mir gyur pa yang bdag gis rnyed// gang gis byang chub reg 'gyur ba'i// bzang po yi ni las byas te// de ni mkhas pa'i mtshan nyid do// sangs rgyas chos la rab gnas shing // gus pa dang ni bcas gyur nas// byang chub phyir ni slob dpon la// rim gro dang ni sti stang bya// 'das pa'i dus kyi bskal pa bsam med nas// 'khor ba'i 'khor lor yongs su 'khyam pa na// skye mched dag ni don med par song ste// sbyin bdag dag gi gso ba ma byas so// dge
- 129a
ba'i bshes gnyen yongs su spangs gyur nas// rtag tu sdig pa'i grogs po rab sten te// de dag gi ni bstan pa'i rjes 'jug cing // phyi phyir zhing ni ngan song sa la gnas// btson ra dang ni bcings dang brdeg pa rnams// byed du bcug dang gzhan la spros byas nas// de'i 'bras bu ngan song ste gnas 'gro/ sdig pa'i las kyi sdug bsngal rjes su myong // dge ba'i bshes gnyen rnams ni ma sten pas// rnga mo ba lang de bzhin bong bu'o// ngan pa mtshams kyi gnas rnams bzung / gyur nas// dbyug pa dag gis brdegs shing khal kyang bkal// mi zad las kyis bu gar chud pa bzhin// shin tu rnyed par dka' ba'i mir gyur dang // 'thun pa'i lus dang dge ba'i bshes gnyen dang // dus kyang shin tu yun ring nas rnyed do// dge ba'i bshes la g.yo ni ma byas shing // lus dang ngag rnams shin tu rngams gyur nas// mi zhan brtson 'grus dag ni brtsam bya zhing // bdag gi lus ni nye bar gso bar bya// bdag gi slob dpon bla ma gang dag dang // gang dag bdag gi byang chub sems bskyed dang // byang chub daM pa mchog gi lam ston pa// ston pa bzhin du dga' bas bsnyen bkur bya// rnam pa sna tshogs dag ni byug pa dang // dri dang phye ma rnam pa sna tshogs dang // gos dang me tog dag gi chun po yis// rkang gnyis dam pa la ni mchod par bya// phyogs bcu dag na sangs rgyas gang bzhugs dang // sems can don la brtson zhing don dam mthong //
- 129b
gser gyi kha dog lta bu'i 'od byed pa// kha dog mtha' yas pa la mchod par bya// sangs rgyas mi'i kha lo sgyur rnams la// 'jig rten spyod dang mchod pa de byas pas// gang gis byang chub snying por bdag 'gro ba'i// byang chub lam ni rnam par spong bar 'gyur// shA ri'i bu sems bskyed pa bzhi pa 'od bskyed na/ byang chub sems dpa' byang chub sems dpa'i sde snod kyi chos kyi rnam grangs yongs su tshol bas/ slob dpon la bsnyen bkur dang yongs su spyod pa byed de/ tha na chu snod gang tsam yA 'bul lo// gzhan yang shA ri'i bu byang chub sems dpa' 'di ltar sems bskyed de/ bdag yun ring por dge ba'i bshes gnyen dang bral zhing sdig pa'i grogs po dang phrad pas/ le lo can brtson 'grus nyams pa snyom pa can/ blun pas 'di lta bu'i lta ba dang 'di lta bu 'dod pas sems can thams cad dang / srog chags thams cad kyi sha cig tu spangs shing / sha cig tu gcer te/ bsod nams ma yin pa'i las byed kyang de'i gzhi las sdig med/ de'i gzhi las sdig pa'i rnam pa med do// rgya mtsho'i tshu rol gyi sems can ji snyed pa de dag thams cad sbyin pas tshim par byas kyang de'i gzhi las bsod nams kyi rnam pa med do// rgya mtsho'i pha rol gyi sems can ji snyed pa de dag thams cad bsad cing btubs kyang de'i gzhi la bsod nams med/ de'i gzhi las sdig pa'i rnam pa med do snyam pas/ de lta bas kyang bsod nam/
- 130a
sde snod dang sdig pa yongs su shes par ma nus te/ sdig pa'i lta ba bsnyen pa dang / gti mug gi zil gyis non pas bdag gis sdig pa/ mi dge ba'i las mang po mngon par 'dus byas te/ mi dge ba'i las de'i rnam par smin pas/ 'di lta ste/ sems can dmyal bar nyams pa 'jigs su rung ba'i lus te/ de la 'di lta bu'i sbyin gnas mgu bar ma byas pas de na bdag sems can dmyal bar gyur pas/ lcags kyi thu lum bsregs pa za zhing cig tu sdug bsngal ba/ rtsub pa mi bzad pa 'tshog pa/ 'chi ba'i mthar khrid pa myong zhing lo stong phrag mang po'i bar du bde ba'i sgra yang mi thos na/ lus kyis lta ga la zhig reg ste/ bdag gis ni da ltar mgu bar byas pas dge ba'i lus thob kyis/ sbyin gnas rnams kyis nye bar 'tsho bar bya zhing lus dang srog la mi lta bar/ slob dpon la bsnyen bkur dang yongs su spyod pa bya'o snyam du/ shA ri'i bu sems bskyed pa lnga pa de bskyed nas/ byang chub sems dpa' byang chub sems dpa'i sde snod kyi chos kyi rnam grangs yongs su tshol bas/ slob dpon la bsnyen bkur dang yongs su spyod pa byed de/ tha na chu snod gang tsam yang 'bul lo// de nas bcom ldan 'das kyis de'i tshe tshigs su bcad pa 'di dag gsungs so// sdig pa'i grogs po bsten pa dang // sdig pa'i sems kyis bslus pas na// sdig par lta la rten
- 130b
'gyur te// bdag gis sdig pa'i las byas so// rgya mtsho'i chu ni tshu rol na// sems can gnas pa ji snyed pa// zas dang skom gyis tshim byas kyang // bsod/ nams dag gi 'byung gnas med// rgya mtsho yi ni pha rol na// sems can gnas pa ji snyed pa// thams cad bsad cing btubs gyur kyang // sdig pa'i 'byud gnas med do zhes// sdig pa lta ba 'di lta bu'i// yang dang yang du bsten pas na// cig tu mi bzad ma rungs pa'i// sems can dmyal bar ring du 'jug/ rdzogs pa'i sangs rgyas 'jig rten gyi// yongs su 'dren pa ma mthong bas// bdag gi lus ni stong rnams kyang // ngan 'gro dag ni gsum du 'jug/ 'di ni 'jig rten dge ba ste// de'i sgra ni thos gyur na// bdag gis mi yi dngos thob kyis// bzang po yi ni las bya'o// mir skyes pa ni rab tu dka'// mi srog thob pa rab tu dka'// lus kyi las dang ngag las dang // sangs rgyas 'byung ba rab tu dka'// bdag gis mi skye dka' ba yi// tshe thob pa ni g.yo zhing 'gyur// bdag gis sangs rgyas 'byung ba dang // rgyal ba kun mkhyen bstan pa thob// lus kyi las dang ngag las dang // yid kyi las kyang sdig pa can// mi 'dod mi bzad 'bras bu dag/ phyin cad spyad par mi bya'o// bsam pa rnam par dag pa yi// lus dang ngag dang yid rnams kyis// 'jig rten rab tu
- 131a
gang dka' spyod// bzang po dag gi las bya'o// sangs rgyas kyi ni byang chub phyir// bdag gi bla mar gang grags bI/ bka' las 'da' bar mi bya ste// bsnyen bkur dag ni rab tu bya// lam ni dang po zhes bya ba// g.yo med pas ni rab bshad de// sangs rgyas kyi ni byang chub phyir// sgyur 'gyur ba ni mi bya'o// thabs dang shes rab ldan pa yi// byang chub sems dpa' mi 'jigs pa// de lta bur ni sems bskyed nas// snod gang tsam gyi chu gang 'bul/ shA ri'i bu sems bskyed pa lnga pa 'di skyed nas/ byang chub sems dpa' byang chub sems dpa'i sde snod kyi chos kyi rnam grangs yongs su tshol bas/ slob dpon la bsnyen bkur dang yongs su spyod pa byed de/ tha na chu snod gang tsam yang 'bul lo// gzhan yang shA ri'i bu byang chub sems dpa' 'di ltar sems bskyed de/ bdag yun ring por dge ba'i bshes gnyen dang bral zhing / sdig pa'i grogs po dang phrad pas/ de 'dud pa dang / rab tu 'dud pa dang // gus par smra ba dang / phyag bya ba dang / ldang ba dang / thal mo sbyar ba'i las kyi rnam par smin pa'i bar du yang med par 'dod cing / nga rgyal gyi zil gyis non pas/ sdig pa mi dge ba'i las mang po mngon par 'dus byas te/ mi dge ba'i las de'i rnam par smin pas/ 'di lta ste/ mi'i nang du sbyin gnas thams cad gso ba ma yin
- 131b
'dod pa la chags pa rnams dang / pa 'jigs su rung ba'i lus thob ste/ 'di lta bu'i sprin gnas mgu bar ma byas pas/ de ni bdag mir gyur pa na/ mi 'jungs pa dang / mi dbul po dang / bran du gyur pa dang / gzhan gyi dbang du song ba la/ 'dod pa la zhen pa'i sems can rnams dang / spyod pa ngan pa la gnas pa rnams dang / log par lta ba rnams dang / tshul khrims nyams pa rnams dang / lta ba log par zhugs pa rnams dang / mi dge ba'i rtsa ba gsum la rab tu gnas pa rnams dang / 'gro bar bya ba ma yin pa'i 'gro ba bzhi la 'gro bar zhugs pa rnams dang / sgrib pa lngas bsgribs pa rnams dang / bla ma drug la gus par mi snang ba rnams dang / dam pa'i chos ma yin pa bdun la 'jug pa rnams dang / log pa brgyad la log par nges pa rnams dang / gnod pa dgu'i dngos pos gnod par gyur pa rnams dang / mi dge ba bcu'i las kyi lam la lam ngan par zhugs pa rnams dang / sems can dmyal ba'i lam la mngon par phyogs pa rnams dang / mtho ris kyi lam la phyogs pa rnams dang / dge ba'i bshes gnyen dang bral ba rnams dang / sdig pa'i grogs po'i lag tu song ba rnams dang / bdud kyi dbang du song ba rnams dang / dge ba'i chos yongs su spangs pa rnams dang / mi dge ba'i chos la spyod pa rnams dbyig pas sdigs/ 'jigs pas bsdigs nas/ mi 'dod bzhin byed cing / bsnyen bkur dang yongs
- 132a
su spyod pa byed par 'gyur te/ bdag gis ni da ltar de dag mgu bar byas pas/ dge ba'i lus thob kyis sprin gnas thams cad kyi nye bar 'tsho bar bya/ lus dang srog la mi lta bar slob dpon la bsnyen bkur dang yongs su spyod pa bya'o snyam du/ shA ri'i bu sems bskyed pa drug pa 'di bskyed nas/ byang chub sems dpa' slob dpon la bsnyen bkur dang yongs su spyod pa byed de/ tha na chu snod gang tsam yang 'bul lo// de nas bcom ldan 'das kyis don de nyid rgya cher rab tu brtan pa'i phyir/ de'i tshe tshigs su bcad pa 'di dag gsungs so// sdig pa'i grogs ni nga rgyal rgyags 'phel ba// bskal pa mang por rgya mtshor brten pas na// mi'i tshe rabs su ni bran byed par// 'khor ba'i rgyun tu yun ni ring por 'khor// de yang shin tu dga' bar byed bzhin du// mi lus dam pa shin tu rnyed dka' dang // gnas pa'i yul ni mthun pa'i bzang ba dang // sangs rgyas 'byung dang de bzhin dal 'byor rnyed// grogs po dag dang mchog tu rab bzang ba// byang chub sems dpa'i spyod dang lam ston cing // byang chub sems ni rin chen 'phel byed pa// de dag bskal pa bye ba mang nas rnyed// lus ni nyam chung mi rtag mi rten te// dbu ba rdos dang chu'i chu bur 'dra// sgyu ma lta bur gar mkhan mtshon dang mtshungs// rmi lam mthong dang 'chal par smra lta bur// tshe yang zad
- 132b
par 'gyur zhing srog yun thung // ji ltar sprin dang grog ni mi gnas ltar// de bzhin srog kyang skad cig gis ni 'gyur// snying po med las snying po blang bar bya/ dus dang nam dang tshigs rnams nye gnas pa// nga rgyal man da ri bo gzhom pa'o// gang gis 'das pa'i dus ni bskal pa dang // rgya mtsho brgya phrag bsam du med nas bslus// lus la dga' ba thams cad rab spangs nas// srog la chags pa med pa'i yid kyis ni// nga dang rgyags dang dregs pa spangs gyur nas// yon tan ldan pa gus bcas kun spyad bya// nga dang rgyags dang dregs pa spangs gyur nas// pha dang ma dang mkhan po rnams dang ni// 'jig rten bla ma mchod du gang grags pa// gus dang bcas shing mchog gi kun sprod pa// byang chub sems dpa' byang chub mchog zhugs pa// gang dag bdag dang byang chub mthun spyod la// dga' glus dang rten la skyed byas te// yongs su spyod pa'i phyir ni brtson par bya// mkha' dang mnyam pa'i skye dgu nga rgyal spangs// mi mkhas nga rgyal gcad cing 'dul ba'i phyir// ye shes rdo rje dag gis bcom byas nas// rgyags dang nga rgyal ri ni brnyil bar bya// byang chub spyod pa yongs su rdzogs byas te// byang chub snying po mchog la gnas gyur nas// bdud kyi dkyil 'khor rtsod pa rnams btul te// chu bo bzhi las srog chags sprul bar bya// phyogs bcu dag na mi rnams gang nad can// rang gi
- 133a
mi gtsang bar lhung smad pa la// byams dang snying rje'i lus ngag yid kyis su// mgon dang skyabs dag dang ni dpung gnyan gyur// sbyin pa'i pha rol phyin pa'i dus la bab// sangs rgyas yon tan bslab pa bsrung nus shing // bzod pa sgom par bya ba phun sum tshogs// bdud pa med pa'i brtsom 'grus brtsam par bya// bsam gtan pha rol phyin pa phun sum tshogs// sems can 'dul ba'i dus la nye bar gnas// thabs dang shes rab mkhas la gnas gyur te/ bla ma thams cad la ni bskor bar bya// de ltar bsod nams stobs dang gzi brjid 'phel// shes rab ye shes mkhas pa bsam mi khyab// rang gi dbang mchog tu ni 'gyur phyir byung // byur bur yongs su gang ba'i snod byin no// shA ri'i bu byang chub sems dpa'i sems bskyed pa drug pa 'di bskyed nas/ byang chub sems dpa' byang chub sems dpa'i sde snod kyi chos kyi rnam grangs 'di yongs su tshol bas/ slob dpon la bsnyen bkur yongs su spyod pa byed de/ tha na chu snod gang tsam yang 'bul lo// gzhan yang shA ri'i bu byang chub sems dpa' 'di ltar sems bskyed de/ bdag yun ring por dge ba'i bshes gnyen dang bral zhing / mi dge ba'i grogs po dang phrad pas le lo can brtson 'grus nyams pa/ snyom pa can blun pa lug ltar lkugs pa lta bu'i lta ba dang / 'di lta bu'i bzod pa dang / 'di lta bu'i 'dod pas las nag
- 133b
po dang / nag po'i rnam par smin pa'ang med/ las dkar po dang dkar po'i rnam par smin pa'ang med/ dge slong dang bram ze la dge ba gang / mi dge ba gang / kha na ma tho ba dang / nag po dang dkar nag gi rnam par smin pa'ang med/ mi gnag cing dkar ba'i las dang / mi gnag cing dkar ba'i rnam par smin pa'ang med/ dge spyong dang bram ze la dge ba gang / mi dge ba gang / kha na ma tho ba dang bcas pa gang / kha na ma tho ba med pa gang / bsten par byed pa gang / rten par mi byed pa gang / bya ba'i rigs pa gang / bya ba'i mi rigs pa gang / ji byas na yun ring por don med pa dang / mi phan pa dang / sdug bsngal bar 'gyur/ ji ma byas na don dang phan pa dang bde bar 'gyur zhes mi 'dri ba dang / nga rgyal gyi zil gyis non pas sdig pa mi dge ba'i las mngon par 'dus byas ste/ mi dge ba'i las de'i rnam par smin pas 'di lta ste/ sbyin gnas thams cad gso ba ma yin pa dbang po ma tshang ba'i mi'i lus thob ste/ 'di lta bu'i sbyin gnas mgu bar ma byas pas/ bdag mir gyur pa na yang slong na/ lkugs pa/ blun pa/ chu ba/ dig pa/ rmongs pa/ 'on par gyur pa/ legs par bshad pa dang / nyes par bshad pa'i don shes par mi nus so// bdag gis ni da ltar mgu bar byas pas/ 'di lta ste/ dbang po tshang ba dge ba'i lus thob kyis sbyin gnas thams cad kyi nye bar 'tsho bar lus dang srod la mi lta bar bya/
- 134a
legs par bshad pa dang / nyes par bshad pa'i don kun shes pa'i mthu yod par bya/ slob dpon la kye dge ba gang / mi/ dge ba gang / kha na ma tho ba dang bcas pa gang / kha na ma tho ba med pa gang / bsten pa gang / mi rten pa gang / bya ba gang / mi bya ba gang / ji byas na nyan thos dang rang sangs rgyas kyi chos mngon du gyur/ ji ma byas na byang chub sems dpa'i chos mngon du gyur zhes 'dri zhing / byang chub sems dpa'i sde snod kyi don gyi phyir/ slob dpon la bsnyen bkur dang yongs su spyod pa byed de/ 'di ltar snying po med pa'i lus las snying po blang ngo snyam nas/ tha na chu snod gang tsam yang 'bul lo// btse ldan 'das kyis de skad gsungs te/ bde bar gshegs pas de skad bka' stsal nas/ ston pa yang 'di skad gsung ngo // phan par 'dod phyir bskal pa brgya mang por// dge ba'i bshes gnyen yongs su spangs gyur nas// dge dang mi dge kha na ma tho dang // kha na ma tho med byas 'bras mi 'dri// lhag pa'i nga rgyal dbang gis song ba ni// sems dmyal byol song gshin rje'i dbang du song // sdig sems grogs po sten par byas pa na// bskal pa brgya mang nas ni ngan 'gror 'phos// dbang po ma tshang mi yi 'jig rten gyur// bskal pa stong phrag mang por 'khyams pa'i lus// dge dang mi dge kha na mtho dang // kha na ma tho med byas 'bras mi shes// rus sbal mgrin pa
- 134b
gnya' shing chung lta bu'i// mi yi lus ni shin tu dka' ba thob// dbang po dag ni tshang zhing skye mched dge/ mi dal yongs su spangs nas dal ba rnyed// 'jig rten sgron ma byed pa mgu byas nas// rgyal ba stan chos 'dod chags bral ba thos// dge dang mi dge byas pa'i 'bras bu dag/ 'jig rten bu bdag 'dri dus la bab// 'gro ba'i ser sna'i mir 'gyur ji lta bu// ji ltar sbyin bdag ser sna med par 'gyur// ji ltar gsong na bskal pa tshul khrims dran// tshul khrims nor kun srung ba ji lta bu// mi ni khro dang khrug par ji ltar 'gyur// khro med bzod pa'i stobs bcu ji ltar 'gyur// ji ltar le lo can dang g.yeng yid 'gyur// brtson 'phags bsam gtan dga' ba ji lta bu// ji ltar 'chal pa'i shes rab blun lkugs 'gyur// ji ltar shes rab ldan zhing bden gtam dga'// ji ltar byang chub spyod pa yid gcig gis// spyod pa bzang po tham cad tshol bar 'gyur// ji ltar 'gro ba ma lus la byams bgyid// ji ltar ngan song bsngo ba'i sems can 'dren// ji ltar chos kyi dga' bas mi ngoms yid// byang chub spyod pa sde snod yongs su tshol// phyogs dang phyogs mtshams rab 'byam zhing gnas pa'i// 'jig rten bla ma bzhugs pa ji ltar 'gro// phyag 'tshal bsod nams byed pa ji la bu// kun tu bzang po'i spyod pa ci 'dra 'di// dus 'di la ni de bdag le gnas nas// slob dpon tha ma la ni longs 'dri zhing // bla ma'i gnas su/
- 135a
gnas las thos dga' ste// slob dpon yid tshim byed pa ji lta bu// sangs rgyas sras kyis sems 'di bskyed 'gyur nas// stobs dang bsod nams yangs pa'i blo gros can// nges pa mchog gi ye shes stobs ldan pas// dga' ba'i yid kyis snod gang su yang 'bul/ shA ri'i bu sems bskyed pa bdun pa 'di bskyed nas/ byang chub sems dpa' byang chub sems dpa'i sde snod don gyi phyir/ slob dpon la bsnyen bkur yongs su spyod pa byed de/ tha na chu snod gang tsam yang 'bul lo// gzhan yang shA ri'i bu byang chub sems dpa' 'di ltar sems bskyed de/ bdag yun ring por dge ba'i bshes gnyen dang bral zhing / sdig pa'i grogs po dang phrad pas/ le lo can brtson 'grus nyams pa/ snyom pa can lkugs pas/ gang tshig dang yi ge dang don dang / tshig tu ldan pa dang / chos dang tshig tu ldan pa dang / mya ngan las 'das pa dang ldan pa dang / 'dod chags dang bral ba dang ldan pa dang / 'gog pa dang zhi ba dang / rdzogs pa'i byang chub dang / dge sbyong dang bram ze dang / mya ngan las 'das pa dang ldan pa thams cad la bya ste/ de dag spangs nas/ don dang tshig tu mi ldan pa dang / chos dang tshig tu mi ldan pa nas/ mya ngan las 'das pa dang mi ldan pa'i bar gyi tshig dang yi ge de dag 'dzin pa dang / len pa dang / klog pa dang / kun chub par byed pa ni 'di lta ste/ stobs med brtson 'grus
- 135b
med/ skyes pa'i stobs med/ skyes bu'i mthu med/ skyes bu'i pha rol gnon pa med/ spyod pa dang pha rol gnon pa med/ rgyu med rkyen med de/ sems can rnams kun nas nyon mongs pa yang rgyu med rkyen med par sems can kun nas nyon mongs par 'gyur te/ rgyu med rkyen med do// sems can rnam par dag par yang rgyu med/ rkyen med par sems can rnam par dag go zhes 'di ltar rgyu med par lta ba la gnas nas/ bdag gis mi dge ba'i las mang po mngon par 'dus byas te/ las de'i rnam par smin pas/ 'di lta ste/ mi'i nang du sbyin gnas thams cad gso ba ma yin pa/ dbang po ma tshang ba'i mi lus thob ste/ kye ma'o bdag gis brtson 'grus ma brtsams te/ 'di lta bu'i sbyin gnas mgu bar ma byas pas/ de na bdag glen pa g.yeng ba dig pa lkug pa rmongs pa/ blun pa/ long ba/ 'on par gyur pa/ gang tshig dang yi ge dang don du ldan pa nas/ mya ngan las 'das pa dang ldan pa'i bar du de dag 'dzin pa dang len pa dang klog pa dang / kun chub par byed pa'i mthu med do// bdag gis ni da ltar mgu bar byas na/ lus dang srog la mi lta ba'i bar du gyur pas/ gang tshig dang yi ge dang don du ldan pa dang / mya ngan las 'das pa dang ldan pa nas/ mya ngan las 'das pa dang ldan pa'i bar du 'di lta ste/ byang chub sems dpa'i sde snod kyi chos kyi rnam grangs 'di nyid bzung ba nas/ kun chub par bya ba'i/
- 136a
bar du nus kyis/ kye ma'o de dag la bdag gis brtson 'grus brtsams te/ 'di lta ste/ byang chub sems dpa'i sde snod kyi chos kyi rnam grangs 'di nyid blang ba'i phyir/ lus kyis slob dpon la bsnyen bkur bya/ yongs su spyod pa bya'o// 'dzin pa dang / klog pa dang / kha ton dang bsnyen bkur byas pas/ snying po med pa'i lus las snying po blang bar 'gyur/ bsod nams dang ye shes kyi stobs kyis nye bar bstan pa byas par 'gyur te/ bsod nams dang ye shes kyi stobs des nye bar bstan pas/ byang chub sems dpa'i sde snod 'di dang nye bar 'gyur ro snyam nas/ ched du bsam te slob dpon la bsnyen bkur dang yongs su spyod pa byed de/ tha na chu snod gang tsam yang 'bul lo// de la de'i chos nyid ni 'di yin te/ de la 'di skad ces bya'o// gang dag chos dang / ldan pa dang // las kyi yan lag lam sgom dang // 'gog pa mngon du byed pa dang // mya ngan 'das lam snying po can// chos de dag ni yongs spangs nas/ gang chos gang phan med pa dang // don dang tshig tu mi ldan pa// chos de dag ni bdag gis bsnyen// brtson 'grus dang ni stobs med de// skyes bu yi ni mthu yang med// pha rol gnon pa mchog rnams dang // de dag thams cad mi dmigs so// sangs rgyas dang ni chos kyang med// pha ma med de de bzhin du// dkar
- 136b
bo dang ni nag po'i las// rnam par smin pa kun med ces// de 'dra ba'i sdig par lta ba dag/ yang dang yang du bsten pas na// gcig tu mi bzang ma rungs pan+d+ha D+hasems can dmyal bar yun rings gnas// de bzhin byol song skye gnas dang // gshin rje'i 'jig rten sdig can du// nam zhig mir ni skyes gyur kyang // blun zhing lce ni med par 'gyur// g.yeng ba dang ni 'on par 'gyur// rig pa lkugs pa rmongs par 'gyur// yun ring sems dmyal ma rung ba// mi shes pas ni rab tu ltung // dbang po thams cad phun tshogs shing // bdag gis lus ni rab mdzes pa// yun ring nas ni bdag gis thos// 'di ni bdag brtson bya ba'i dus// gang chos don dang ldan pa dang // mya ngan 'da' ba'i grogs byed pa// byang chub lam dang byang chub la// bdag ni 'bad par bya ba'i dus// byang chub sems dpa'i sde snod ni// zab mo'i don dang ldan pa ste// bskal pa stong phrag bye bar yang // de ni shin tu thos par dka'// sangs rgyas kyi ni byang chub phyir// sangs rgyas chos mnga' 'di dang ni// gzhan lnga/ bsam gyis mi khyab la// rab tu 'jug cing bzung bar bya// slob dpon dag la gus bcas shing // bsnyen bkur dag ni byas pas na// sangs rgyas byang chub sems dpa' rnams/ thos pa de ni rnyed par 'gyur// byang chub sems dpa' mi 'jigs pa// thabs dang shes rab ldan pa yis// 'di lta bur ni sems bskyed nas// snod gang tsam gyi chu yang
- 137a
'bul/ sha ri'i bu sems bskyed pa brgyad pa 'di bskyed nas/ byang chub sems dpa' byang chub sems dpa'i sde snod kyi don gyi phyir slob dpon la bsnyen bkur dang yongs su spyod pa byed de/ tha na chu snod gang tsam yang 'bul lo// gzhan yang shA ri'i bu byang chub sems dpa' 'di ltar sems bskyed de/ kye ma'o sems can 'di dag ni don med pa spyod pas dkris pa lus dang srog la lta ba'o// don gyis yongs su dkris pa ni lus dang srog la mi lta ba'o// don med pas dkris pa gang zhe na/ 'di lta ste lus dang srog la lta ba'o// byang chub kyi phyogs kyi chos rnams la mi lta zhing / nga yir 'dzin pa sngon du 'gro bas/ bdag sba ba dang / dril ba dang / mnye ba dang / bkra ba dang / lci bas yongs su dkris pa de ni/ don med pas yongs su dkris pa zhes bya'o// gzhan yang don med pas dkris pa ni 'di lta ste/ lus dang srog la lha'i/ nga yir 'dzin pa sngon du 'gro bas/ chung ma dang bu pho dang bu mo dang mdza'o dang nye du dang / snag gi snyen mtshams sbed pa dang dril ba dang / yo byad dang longs spyod thams cad kyi bar gyis yongs su dkris pa de ni/ don med pas yongs su dkris pa zhes bya'o// gzhan yang nga yir 'dzin pa sngon du 'gro ba nas bran pho dang bran mo dang las byed pa'i mi sbed pa dang / mngag pa dang kun tu srung ba de ni don med pas/ yongs su dkris pa zhes bya'o// de la don gyis yongs su dkris pa gang zhe na/ 'di lta ste/ lus dang srog
- 137b
la mi lta'i/ byang chub kyi phyogs kyi chos la lta zhing / byang chub kyi sems sngon du 'gro ba'i lus kyi las dang / ngag gi las dang / yid kyi las kyis yongs su dkris pa de/ ni don yongs su dkris pa zhes bya'o// gzhan yang don gyis yongs su dkris pa ni 'di lta ste/ lus dang srog la mi lta'i/ byang chub kyi phyogs kyi chos la lta zhing / byang chub kyi sems sngon du 'gro ba'i sbyin pa'i pha rol tu phyin pa sgrub pa nas/ shes rab kyi pha rol tu phyin pa bsgrub pa'i bar gyis yongs su dkris pa de ni don gyis yongs su dkris pa zhes bya'o// gzhan yang don gyis yongs su dkris pa ni/ lus dang srog la mi lta'i/ byang chub kyi sems sngon du 'gro ba'i smin pa dang / snyan par smra ba dang / don 'thun par sems can thams cad bsdus pas yongs su dkris pa de ni don gyis dkris pa zhes bya'o// gzhan yang don gyis yongs su dkris pa ni 'di lta ste/ lus dang srog la mi lta'i/ byang chub kyi phyogs kyi chos la lta zhing / byang chub kyi sems sngon du 'gro ba'i dran pa nye bar gzhag pa dang / yang dag par spong ba dang / rdzu 'phrul gyi rkang pa dang / dbang po dang / stobs dang / byang chub kyi yan lag dang / lam sgom pas kun tu dkris pa de ni don gyis yongs su dkris pa zhes bya'o// / gzhan yang don gyis yongs su dkris pa ni/ 'di lta ste/ lus dang srog la mi lA'i/ byang chub kyi phyogs kyi chos la lta zhing / byang chub kyi sems sngon du 'gro
- 138a
ba'i pha ma dang slob dpon la bsnyen bkur byed cing / bla ma'i gnas la bsnyen bkur byed pa dang / 'dud pa dang rab tu 'dud pa dang / gus par smra ba dang / phyag 'tshal ba dang / ldang ba dang / thal mo sbyor ba'i las kyis yongs su dkris pa de ni don gyis yongs su dkris pa zhes bya'o// gzhan yang don gyis yongs su dkris pa ni 'di lta lte/ lus dang srog la mi lta'i/ byang chub kyi phyogs kyi chos la lta zhing / byang chub sems dpa'i sngon du 'gro ba'i dkon mchog gsum gyi zhal 'byed pas yongs su dkris pa zhes bya'o// de ltar kye ma'o sems can 'di dag ni don med pas yongs su dkris pa lus dang srog la lta ba'o// kye ma'o bdag ni don gyis yongs su dkris pas yongs su dkris kyis/ bdag dang brtson 'grus brtsams la slob dpon la lus kyis bsnyen bkur dang yongs su spyod pa bya ste/ de ltar na snying po med pa'i lus las snying po blangs pa dang / bsod nams dang ye shes kyi stobs kyis nye bar bstan pa byas par 'gyur te bsod nams dang ye shes kyis nye bar bstan na/ byang chub kyi snying po dang nye bar 'gyur ro snyam pa de ni shA ri'i bu sems bskyed pa dgu pa 'di bskyed nas/ slob dpon la bsnyen bkur dang yongs su spyod pa byed de/ tha na chu snod gang tsam yang yongs su 'bul lo// de nas bcom ldan 'das kyis don de nyid rgya cher rab tu bstan pa'i phyir
- 138b
de'i tshe tshigs su bcad pa 'di dag gsungs so// byis pa so so skye bo kun// lus dang srog la lta ldan zhing // byang chub phyogs la mi lta ste// rnam pa sna tshogs las kyang byed// so so skye bo de dag ni// bdag gi don dang chung ma'i don// bu pho dang ni bu mo'i phyir// don med pa la chags par 'gyur// bran dang las byed mngag pa dag/ mi mkhas pas ni kun tu bsngags// rkang bzhi pa dag gis byed de// de dag don med chags par 'gyur// nor dang 'bru rnams rab sogs shing // spen pa mi byed mi spyod do// don med chags pa de dag ni// gter gyi bsrungs ma zhes bstan to// 'di ni don med chags pa ste// so so'i skye bo de la chags// byang chub sems dpa' blo ldan ni// don la chags pa brtson par byed// lus dang srog la mi lta'i// byang chub phyogs la lta byed cing // rnam pa sna tshogs las byed pa// don la chags pa zhes bya'o// sbyin dang tshul khrims bzod brtson 'grus// bsam gtan shes rab de bzhin du// thabs dang rab tu ldan pa ni// don la chags pa zhes bya'o// / pha dang ma la bsnyen bkur byed// bla ma rgan pa rjes su bskyangs// dkon mchog gsum gyi las byed pa// don la chags pa zhes bya'o// byang chub sems dpa'i sde snod dang // thams cad chos ni rab bsdud de// klog cing rab tu ston pa ni// don la chags pa zhes bya'o// don la chags pa de dag ni// sangs rgyas kun gyis bsngags
- 139a
pa ste// de la brtson dang ldan pa ni// rgyal sras 'jigs pa med pa'o// de lta bu yi sems bskyed nas// rab tu dang ba'i sems kyis ni// bla ma rnams la bsnyen bkur byed// snod gang tsam gyi chu yang 'bul// shA ri'i bu sems bskyed pa dgu pa 'di bskyed nas/ byang chub sems dpa' byang chub sems dpa'i sde snod kyi don gyi phyir/ slob dpon la bsnyen bkur dang yongs su spyod pa byed de/ tha na chu snod gang tsam yang 'bul lo// gzhan yang shA ri'i bu byang chub sems dpa' 'di ltar sems bskyed de/ kye ma'o sems can 'di dag ni bka' blo mi bde ba ste/ slob dpon gyi stan pa dang mi mthun par 'dzin pas de dag gi khong du mi chud do// ji khong du mi chud ce na/ 'di lta ste/ slob dpon gyi nor khong du mi chud do// slob dpon gyi nor gang zhe na// 'di lta ste/ dad pa'i nor dang / tshul khrims kyi nor dang / ngo tsha shes pa'i nor dang / thos pa'i nor dang / khrel ba dang mdzem pa'i nor dang / gtong ba'i nor dang / shes rab kyi nor de dag ni slob dpon gyi nor zhes bya'o// de dag khong du mi chud pa ni rab tu dbul ba zhes bya'o// bdag ni bka' blo bde zhing slob dpon gyi bstan pa dang 'thun par bya'o// de ci'i phyir zhe na/ byang chub sems dpa' ni shin tu bka' blo bde ste/ slob dpon gyi sten pa dang 'thun par khong du chud pa'o// ji khong du chud ce na/ 'di lta ste/
- 139b
slob dpon gyi nor ro// yang byang chub sems dpa'i slob dpon gyi nor gang zhe na/ 'di lta ste/ byang chub sems dpa'i sde snod kyi chos kyi rnam grangs so// slob dpon gyis byang chub sems dpa' thams cad du bka' blo bde bar rig nas/ byang chub sems dpa'i sde snod kyi chos kyi rnam grangs rgya cher ston to// rab tu ston to// rab tu 'chad do// rab tu gzhog go/ rnam par 'grel to// rnam par 'byed do// gsal por go bar byed do// yang dag par rab tu ston to// byang chub sems dpa'i sde snod la rab tu gnas pa'i byang chub sems dpa' ni/ dbul ba yang dag par 'chad pa/ khong du chud par 'byung ba ste/ 'di lta ste/ bA/ na med pa yang dag par rdzogs pa'i byang chub bo// de de ltar sems bskyed de/ bka' blo bde zhing slob dpon gyi bstan pa dang 'thun pa ni/ snying po med pa'i lus las snying po blangs par 'gyur ro snyam nas/ slob dpon la bsnyen bkur dang yongs su spyod pa byed de/ tha na chu snod gang tsam yang 'bul lo// shA ri'i bu sems bskyed pa bcu po de dag bskyed nas/ byang chub sems dpa' byang chub sems dpa'i sde snod yongs su tshol bas/ slob dpon la bsnyen bkur dang yongs su spyod pa byed de/ tha na chu snod gang tsam yang 'bul lo// bcom ldan 'das kyis de skad gsungs te/ bde bar gshegs pas de skad bka' stsal nas/ sngon pa
- 140a
yang 'di skad gsung ngo // bka' blo mi bde sems can gang // mi drang sgyu dang g.yo ngan cing // bla ma rnams dang mi mthun pa// tshig bzhin du ni byed mi 'gyur// bstan pa dang ni mi mthun zhing // bka' blo mi bde shes gyur nas// drang srong nor ni gang yin pa// des ni de la mi ston to// dad pa'i nor dang tshul khrims nor// ngo tsha 'dzem pa skye nor dang // thos pa'i nor dang gtong nor dang // shes rab dag te nor bdun po// nor gyi dam pa 'di dag ni// mi bzad pa yi nor bdun te// snod ma yin par shes pas na// des ni de la mi ston to// sems can gang dag thams cad du// sangs rgyas chos kyi snod gyur cing // g.yo med tshig 'jam rgyu med la// bka' blo bde zhing rab 'thun pa// sangs rgyas kyi ni byang chub phyir// lus dang srog la mi lta bar// gus dang bcas pas chos 'dod cing // brtson 'grus brtsom par rab tu sems// tshul 'di 'dzin par 'gyur ba yi// snod du gyur par rig gyur nas// chos kyi dbyings ni dbyer med pa// 'dren pa yang dag rab tu ston// gang la byang chub sems gnas pa'i// sangs rgyas rnams kyi snying po'i nor// byang chub sems dpa'i sde snod ni// rgyas par rab tu ston par byed// thams cad chos ni bdag med de// mtshan med stong pa'i mtshan nyid can// srog med cing ni 'gyur ba med// sros pa med de kun gzhi med// thams cad chos ni rang bzhin gyis// /
- 140b
ma skyes shing ni mtshan nyid med// 'byung ba med cing grub pa med// mtshan ma med pas skyed pa'o// mi gang bka' blo rab bde zhing // rjes su bstan pa rnams dang ni// / 'thun par 'dzin pa de dag la// rgyal ba rang 'byung ston par 'gyur// rang gi spyod yul thar pa'i sgo slob par// dad nor tshul khrims nor dang ngo tsha dang // 'dzem dang thos dang gtong dang shes rab dang // nor rnams 'di dag de la rnam phye ba// chos zad mi shes pa bdun 'byed pa ni// mi 'gal bka' blo bde zhing rjes 'thun la// dge ba'i bshes gnyen rtag tu stan gyur nas// bla ma rnams la bdag gis kun spyod bya// bla na med pa'i byang chub yongs tshol zhing // 'di 'dra ba yi sems 'di bskyed gyur nas// byams pa dang ni snying rje yangs bskyed cing // kham snod dang ba'i chu bkang skom pa glud// shA ri'i bu sems bskyed pa bcu pa 'di bskyed nas/ byang chub sems dpa'i sde snod yongs su tshol bas/ slob dpon lus kyis bsnyen bkur dang yongs su spyod pa byed de/ tha na chu snod gang tsam yang 'bul lo// de dge ba'i rtsa ba des chos bzhi thob par 'gyur te/ bzhi gang zhe na/ myur du dge ba'i chos la 'jug pa dang / slob dpon gyi bsngags pa brjod par 'gyur ba dang / nan tan gyis sgrub kyi log pa'i nan tan gyis ma yin pa dang / chos kyi sdug bsngal gyis gzhan du mi skyo ba ste/ shA ri'i bu byang chub sems dpa'i mar gyur nas/ chos bzhi po de dag 'thob
- 141a
par 'gyur ro// gzhan yang chos 'di bzhi 'thob par 'gyur te/ bzhi gang zhe na/ skye bo mang po'i rjes su bslabs nas/ dkar po'i chos la gnas pa dang / sbas shing bzhag pa'i gnas skye bo mang po mgu ba dang / rab tu dga' bar byed pa myur du rab tu 'thob pa dang / sems dga' bzhin du nyin mtshan zad par 'gyur ba dang / kun nas ma langs par 'chi ba'i dus byas nas/ bde 'gro mtho ris su skye bar 'gyur ba ste/ shA ri'i bu byang chub sems dpa' chos bzhi po de dag thob par 'gyur te/ de ltar gyur nas chos bzhi thob par 'gyur te/ bzhi gang zhe na/ lha'i 'khor gyi stan mchog rnyed par 'gyur ba dang / lha'i 'khor thams cad de'i gdong du lta zhing / ji bshad pa de dag thos nas shes par bya'o snyam du shes par 'gyur ba dang / lha'i dbang po brgya byin dang / de bzhin du lha'i bu gzhan yang de'i drung du 'ong gi de lha'i gzhan gyi drung du the tsom yongs su 'dri zhing gcad pa'i phyir 'gro ba ma yin pa dang / de'i longs spyod kyi phyir gzhal med khang chen po 'byung ba ste/ shA ri'i bu byang chub sems dpa' chos bzhi po de dag thos par 'gyur te/ lhar gyur pa dang mir gyur pa na/ chos kyi sgo brgyad stong phrag dpag tu med pa thob par 'gyur ro// de nas bcom ldan 'das kyis de'i tshe tshigs su bcad pa 'di dag gsungs so// de yi stan ni mthon por 'gyur// lha yis
- 141b
mngon par phyag byas nas// gang dag chos 'di 'chad pa la// lha rnams de la lta bar 'gyur// mkhas pa ser sna bral ba la// thams cad sti stang byed par 'gyur// brgya byin de gang 'dri 'ong zhing // de yis gzhal med khang yid 'ong // lha'i 'jig rten gnas 'gro ste// mi'i srid par 'od par 'gyur// 'khor lo bsgyur ba ser sna med// rdzu 'phrul chen po'i rgyal por 'gyur// mi yi 'jig rten 'phos nas kyang // lha'i nang du'ang rab 'gro ste// bla ma dag la mos byas pas// nam yang sdug bsngal mi 'gyur ro// zhum pa med pa'i sems kyis su// bla ma dag la gus byas pas// gnas ni bzhi po de dag rnams// rgya chen rtag tu rnyed par 'gyur// dga' ba dang ne gus pa yis// snod gang tsam gyi chu byin nas// lha dang mi dang klu rnams kyis// mchod pa dag tu 'os pa yin// / / byang chub sems dpa'i sde snod// bam po bcu pa// / de ltar gyur na gzhan yang chos bzhi thob par 'gyur te/ chos bzhi gang zhe na/ sngon gyi las mngon par 'dus byas pa'i dge ba'i rtsa ba gang gis srang skyes pa rab tu shes pa dang / de na dge ba'i chos rnams rab tu bri ba yang shes pa dang / de nas shi 'phos nas gang du skye bar 'gyur ba de yang rab tu shes pa dang / lnga'i 'khor la chos kyi gtam yang dag par ston cing
- 142a
'dzin du 'jug gzeng bstod/ rab tu dga' bar byas nas/ lnga'i 'jig rten nas 'chi 'pho bar 'gyur ba ste/ shA ri'i bu byang chub sem/ dpa' chos bzhi po de dag thob par 'gyur ro// gzhan yang shA ri'i bu byang chub sems dpa' chos bzhi 'thob par 'gyur te/ bzhi gang zhe na/ lha'i gnas nas shi 'phos nas mi rnams dang skal pa mnyam par skye ba dang / de mir gyur na btsun par byed pa lnga thob par 'gyur ro// lnga gang zhe na 'di lta ste/ de rigs btsun par skye bar 'gyur ba dang / gzugs btsun par skye bar 'gyur ba dang / tshul khrims btsun par 'gyur ba dang / de'i 'khor btsun par 'gyur ba dang / de'i sems btsun pa rnams la byams pa sgom par 'gyur ba ste/ shA ri'i bu btsun par byed pa'i chos lnga po de dag thob par 'gyur ro// gzhan yang mi phyed par byed pa'i chos lnga 'thob par 'gyur ro// lnga gang zhe na/ 'di lta ste/ de'i mdza' bo mi phyed pa dang / lus myur du 'jig par mi 'gyur ba dang / de'i longs spyod yongs su nyams par mi 'gyur ba dang / byang chub kyi sems dang bral bar mi nus pa dang / chos kyi mu ge 'byung ba na de la chos kyi lo legs par 'gyur ba ste/ shA ri'i bu mi phyed par byed pa'i chos lnga po de dag 'thob par 'gyur ro// gzhan yang ngo mtshar yongs su rdzogs pa'i chos lnga 'thob par 'gyur te/ lnga gang zhe na/ 'di lta ste/ gang snod stong pa gsog gzhag par gyur pa rnams la de'i lag pa gang du
- 142b
bcug pa de dag thams cad rin po ches yongs su gang bar 'gyur te/ ngo mtshar yongs su rdzogs pa dang po 'di 'thob par 'gyur ro// de sgom par gyur na yan lag/ brgyad dang ldan pa'i chu'i rdzing bu 'byung te/ ngo mtshar yongs su rdzogs pa gnyis pa 'di 'thob par 'gyur ro// gzhan yang de'i lus la gzhan gyis gnod par bya bar mi 'gyur te/ 'di lta ste/ dug dang mtshon dang me dang chu dang mngangs 'phrog pa'i gnod sprin gyis gtse ba med pa ste/ ngo mtshar yongs su rdzogs pa gsum pa 'di 'thob par 'gyur ro// gzhan yang mtshon gyi bskal pa bar ma'i dus sam/ nad kyi bskol pa bar ma'i dus sam/ mu ge'i bskal pa bar ma'i dus sam/ me'i bskal pa bar ma'i dus sam/ chu'i bskal pa bar ma'i dus sam/ rlung gi bskal pa bar ma'i dus sam/ skom gyi bskal pa bar ma 'am/ kun tu gdungs pa'i/ bskal pa bar ma 'am/ gnod sbyin gyi bskal pa bar ma'i dus na/ 'dzam bu'i gling du skye bar mi 'gyur gyi/ de lhar skyes te de dge ba dang 'thun pa dang ldan par 'gyur zhing bde ba dang 'bru mang bar 'gyur te/ ngo mtshar yongs su rdzogs pa bzhi pa 'di 'thob par 'gyur ro// gzhan yang shA ri'i bu byang chub sems dpa' dge ba'i rtsa ba de nyid/ kyis mi ngal bar mi skye/ ngan 'gror me s+ye/ sems la the tshom kun tu gnas par mi 'gyur zhing myur du 'byung bar mthong bar 'gyur te/ ngo mtshar yongs su rdzogs pa/
- 143a
lnga po 'di 'thob par 'gyur te// shA ri'i bu byang chub sems dpa' ngo mtshar yongs su rdzogs pa lnga po 'di dag 'thob par 'gyu ro// / gzhan yang shA ri'i bu dge ba'i rtsa ba de nyid kyis chos bzhi dang mi 'bral bar 'gyur te/ bzhi gang zhe na/ byang chub sems dpa' sdug bsngal ba'i sems can rnams mthong ma thag tu snying rje chen po thob pa dang / de la de'i bu pho dang bu mo gus pa dang bcas shing zhes byed par 'gyur ba dang / rga bas bcom yang rnas par mi 'gyur ba dang / de las kyi mtha' gang byed pa de dag kyang gnyis gyur gsum gyur du 'thob par 'gyur te/ chos bzhi po de dag dang ldan na rtag tu rgyun mi 'chad par mi 'bral bA/ 'gyur ro// gzhan yang shA ri'i bu byang chub sems dpa' dge ba'i rtsa ba de nyid dang ldan pas/ chos gsum gyis mi 'phrogs te/ gsum gang zhe na/ 'dod pas mi 'phrogs pa dang / zhe sdang dang gti mug gis mi 'phrogs pa ste/ tshig gsum po de dag gis mi 'phrogs pa'o// gzhan yang shA ri'i bu byang chub sems dpa' dge ba'i rtsa ba de nyid dang ldan pas nad med par byed pa'i chos bzhi thob par 'gyur te/ bzhi gang zhe na/ nad rgyun ring po med pa dang / yan lag skam par mi 'gyur ba dang / longs spyod nyams par mi 'gyur ba dang / rgyal po 'am rkun po bam de las gzhan pa'i sems can las 'tshe'i gnod par byed pa mi rnyed de/
- 143b
shA ri'i bu byang chub sems dpa' nad med par byed pa'i chos bzhi po de dag 'thob par 'gyur ro// gzhan yang shA ri'i bu byang chub sems dpa' dge ba'i rtsa ba de nyid dang ldan pas bla ma'i gnas bzhi 'thob par 'gyur te/ bzhi gang zhe na/ 'khor los bsgyur ba'i rgyal po mtha' bzhi las rnam par rgyal zhing / chos can chos kyi rgyal po rin po che sna bdun dang ldan par 'gyur te/ de'i rin po che bdun ni 'di rnams yin no// 'di lta ste/ 'khor lo rin po che dang / glang po rin po che dang / rta rin po che dang / nor bu rin po che dang / bud med rin po che dang / khyim bdag rin po che dang / blon po rin po che ste/ bdun po de dag go/ de'i bu dpa' brtul ba yan lag mchog gi gzugs can pha rol gyi bde thams cad rab tu 'joms pa stong tham par 'gyur ro// gling bzhi yang de'i rjes su 'gro bar 'gyur/ de la gus par byed par 'gyur/ skar mkhan dang / blon po chen po dang / sgo ba dang / 'khor dang / grong rdal gyi mi dang / ljongs kyi mi dag dang / mkhar gyi rgyal po thams cad kyis kyang gus par byed par 'gyur te/ bla ma'i gnas dang po 'di thob par 'gyur ro// gzhan yang shA ri'i bu byang chub sems dpa' 'dod pa'i yon tan lnga la rab tu chags par mi 'gyur te/ lnga gang zhe na/ 'di lta ste/ mig gi shes par bya ba'i gzugs dang / rna bas shes par bya ba'i sgra dang / snas shes par bya ba'i dri dang / lces shes par bya ba'i ro dang / lus
- 144a
kyis shes par bya ba'i reg rnams te/ de ltar 'dod pa'i yon tan lnga po la rab tu chags par mi 'gyur gyi/ dad pas khyim nas khyim med par rab tu byung te/ myur du mngon par shes pa lnga thob par 'gyur kyang de la mi dang mi ma yin pa rnams gus par byed par 'gyur te/ bla ma'i gnas gnyis pa 'di rjes su 'thob par 'gyur ro// gzhan yang shA ri'i bu byang chub sems dpa' gang dang gang du skyes pa thams cad du blos mchog tu 'gyur/ shes rab kyi mchog tu 'gyur spobs pas mchog tu 'gyur/ de rgyal por grags par 'gyur ro// 'di lta ste/ 'das pa'i dus na sman chen po zhes bya ba zhig 'byung ba de bzhin du/ de rgyal po/ pho brang gi bstan mchog thob ste/ de la rgyal po dang gang de las gzhan skar mkhan dang / blon po chen po dang / sgo ba dang / 'khor dang / grong rdal gyi mi dang / ljongs kyi mi rnams gus par byed par 'gyur te/ bla ma'i gnas gsum pa 'di rjes su 'thob par 'gyur ro// gzhan yang shA ri'i bu byang chub sems dpa' bla na med pa yang dag par rdzogs pa'i byang chub mngon par sangs rgyas na/ lha dang klu dang gnod sbyin dang dri za dang lha ma yin dang / nam mkha' lding dang / mi 'am ci dang / lto 'phye chen po dang / mi dang mi ma yin pa rnams/ sems can thams cad kyi mchog tu 'gyur/ mngon par 'phags par 'gyur/ tshul khrims dang / ting /
- 144b
nge 'dzin dang / shes rab dang / rnam par grol ba dang / rnam par grol ba'i ye shes mthong bas mngon par 'phags par 'gyur/ tshul khrims rnam par 'phel bas mngon par 'phags par 'gyur/ ting nge 'dzin dang / shes rab dang / rnam par grol ba dang / rnam par grol ba'i ye shes mthong bas rnam par 'phel bas mngon par 'phags par 'gyur ro/ bla ma'i gnas bzhi po de thob par 'gyur te/ bla ma'i gnas de dag bzhi po thob par 'gyur ro// shA ri'i bu 'di lta ste/ byang chub sems dpa' chos 'dod pa'i phyir/ mkhan po dang slob dpon la chu snod gang tsam phul bas/ de lta bu'i yon tan gyi chos tshad med pa len par 'gyur ro// tshur shog ces byas na yang 'ong zhing ji ltar smras pa las 'gal bar mi byed pa'i dge ba'i rtsa ba de nyid kyis de yo byad bzhi 'thob par 'gyur te/ bzhi gang zhe na/ skye bo ma rabs kyi yo byad ma yin gyi/ rgyal po'i yo byad 'thob pa dang / drang srong gi yo byad 'thob par 'gyur te/ 'dod pa spong ba la 'dzud pa 'di lta ste/ dad pas khyim nas khyim med par rab tu byung ba de ni chos kyi yo byad ces bya'o// gzhan yang shA ri'i bu byang chub sems dpa' skye ba gang dang gang du skyes pa na/ skye bar skyes pa thams cad dran par 'gyur te// de skye ba dran pas skye ba de dang de dag tu byang chub sems brjod par mi 'gyur ba de ni dran pa'i yo
- 145a
byad ces bya'o// gzhan yang shA ri'i bu byang chub sems dpa' bla na med pa yang dag par rdzogs pa'i byang chub mngon pa/ sangs rgya na/ 'khor bzhis kun nas bskor cing / mdun du bdar bar 'gyur/ lha dang / klu dang / gnod sbyin dang / dri za dang / lha ma yin dang / nam mkha' lding dang / mi 'am ci dang / lto 'phye chen po dang / mi dang mi ma yin pas kun nas bskor cing / mdun du bdar bar 'gyur te/ yo byad bzhi po de dag 'thob par 'gyur ro// gzhan yang shA ri'i bu byang chub sems dpa' slob dpon dang gang las tshig bzhi pa'i tshigs su bcad pa rnyed cing 'dzin par 'gyur te/ de tshur shog ces sgo na 'ang de 'ong ba dang / song zhig ces sgo na'ang de 'gro ba dang / de ni dge ba 'di ni mi dge ba/ 'di ni kha na ma tho ba dang bcas pa/ 'di ni bsten par bya ba/ 'di ni bsten par bya ba ma yin pa zhes bya ba nas de bzhin du sbyar te/ bya ba 'di ni don med cing mi phan pa sdug bsngal bar 'gyur ba'o// 'dis byas na yun ring du don dang phan pa dang / bde bar 'gyur ro zhes ji ltar sgo ba bzhin du de mi dge ba bsten te/ zlogs par mi byed mi mthun par mi byed pa de dag dge ba'i rtsa ba de dang ldan pas 'thon por byed pa'i chos bzhi 'thob bar 'gyur te/ bzhi gang zhe na/ tshul khrims 'thon por byed pa'i chos 'thod ba dang / de'i lus yongs
- 145b
su bzung bar gyur pa lus thams cad yongasu rgyas shing lus 'thon por byed pa'i chos 'tho' ba dang / shes rab chen por 'gyur te shes rab 'tho ba/ shes rab rgya che ba/ shes rab rgyas pa/ shes rab mgyogs pa/ shes rab rno ba/ shes rab myur ba/ shes rab zab pa/ shes rab nges par rtogs par 'gyur ba dang / lus zhig nas bde 'gro mtho ris kyi 'jig rten du skye bar 'gyur ba ste/ 'tho bar byed pa'i chos bzhi po de dag 'thob par 'gyur ro// gzhan yang shA ri'i bu byang chub sems dpa' dge ba'i rtsa ba de nyid dang ldan pas/ ltar mi snang bar byed pa'i chos bzhi thob par 'gyur te/ bzhi gang zhe na/ pho mtshan lpags pa'i sbubs su nub pa dben pa thob pa ste/ 'di ni lhar mi snang bar byed pa'i chos thob par 'gyur ba dang po'o// gzhan yang shA ri'i bu byang chub sems dpa' dge ba'i rtsa ba de nyid dang ldan pas/ byang chub sems dpa' skyes nas pha dang ma dang nye du rnams dang / lha dang klu dang dri za dang gnod sprin dang srin po dang / nam mkha' lding dang / mi 'am ci dang / lto 'phye chen po dang / mi dang mi ma yin pa dang / dad pa'i sems kyi kyang rung / ma dad pa'i sems kyis kyang rung ste/ sems can gang gis kyang byang chub sems dpa'i spyi gtsug mthong bar mi nus te/ 'di ni ltar mi snang bar byed pa'i chos 'thob par 'gyur
- 146a
ba gnyis pa'o// gzhan yang shA ri'i bu byang chub sems dpa' dge ba'i rtsa ba de nyid dang ldan pas/ skyes nas rgyas/ par byas te/ pha dang ma nas mi ma yin pa'i bar gyis/ dad pa'i sems kyis kyang rung / ma dad pa'i sems kyis kyang rung ste/ gang gis kyang byang chub sems dpa'i gdong gi byi dor mi nus te/ de ni gdong gi byi dor bya'o snyam pa dang / rkang pa la gdong gi sgor 'gyur ro// de ci'i phyir zhe na/ shA ri'i bu skyes bu dam par gyur pa de dag 'di lta bu'i ngo mtshar dang rmad kyi chos dang ldan zhing skyes bu dam pa'i ngag mchog dang ldan par 'gyur te/ 'di ni ltar mi snang bar byed pa'i chos gsum pa'o// gzhan yang shA ri'i bu byang chub sems dpa' dge ba'i rtsa ba de nyid dang ldan pas/ byang chub sems dpa' skyes ma thag tu gzhan gyis ma gzung bar sa la 'dug nas phyogs bzhir rnam par lte ste/ de ye shes 'bar ba rnyed do// de ci'i phyir zhe na/ 'di ltar byang chub sems dpa' des sngon g.yo med par thos pa btsal bas g.yo med pa'i mig thob ste/ g.yo med pa'i mig dang ldan pa'i byang chub sems dpa' ni stong gsum gyi stong chen po'i 'jig rten gyi khams kyi sems can ji snyed pa de dag thams cad lha'i mig rnam par dag pa mi las 'das pas mthong ngo // de ltar byang chub sems dpa' myur ba'i cha'i ye
- 146b
shes chen po thob ste/ ye shes chen po de dang ldan pa'i byang chub sems dpa' sems can thams cad kyi dus gsum gyi sems kyi tshul rab tu shes so// de ci'i phyir zhe na/ 'di ltar byang chub sems dpa' de sngon gnyer ba byas/ yid la byas/ sems can thams cad kyis bsam shing ri mor byas nas/ chos la sman du 'du shes pa dang / dkon mchog tu 'du shes pa dang / dkon par 'du shes pa dang / ji lta ba bzhin du 'du shes bskyed de/ thos pa yongs su bzung ngo // de bas na byang chub sems dpa' myur du rab tu rnam par 'byed pa'i ye shes rnyed do// rab tu rnam par 'byed pa'i ye shes de dang ldan pa'i byang chub sems dpa' sems can thams cad kyi tshul khrims la yongs su 'jal ba nas/ thos pa dang / ting nge 'dzin dang / shes rab dang / rnam par grol ba dang / rnam par grol ba'i ye shes mthong ba'i bar la spyir yongs su 'jal lo// sems can thams cad kyi tshul khrims kyi rgyu 'dra ba la yongs su 'jal ba nas/ thos pa dang / ting nge 'dzin dang / shes rab dang / rnam par grol ba dang / rnam par grol ba'i ye shes mthong ba'i rgyu 'dra ba la yongs su 'jal lo// sems can thams cad kyi tshul khrims kyi rgyu 'dra ba las shin tu lhag par yongs su 'jal ba nas/ thos pa dang / ting nge 'dzin dang / shes rab dang / rnam par grol ba dang / rnam par grol ba'i ye shes
- 147a
mthong ba rgyu 'dra ba la shin tu lhag pa'i bar la yongs su 'jal lo// sems can thams cad kyi spyod lam dang / spyod pa dang / nan tan dang / pha rol gnon pa la yongs su 'jal lo// sems can thams cad phan tshun btsal na gang sems can thams cad kyi tshul khrims dang thos pa nas/ rnam par grol ba'i ye shes mthong ba'i bar dang / sems can thams cad kyi spyi'i tshul khrims nas/ spyi'i thos pa dang / ting nge 'dzin dang / shes rab dang rnam par grol ba dang / rnam par grol ba'i ye shes mthong ba dang / gang sems can thams cad kyi tshul khrims kyi rgyu 'dra ba nas/ thos pa dang / ting nge 'dzin dang / shes rab dang / rnam par grol ba dang / rnam par grol ba'i ye shes mthong ba'i bar gyi rgyu 'dra ba dang / gang sems can thams cad kyi tshul khrims rgyu 'dra ba las// shin tu lhag pa nas/ thos pa dang / ting nge 'dzin dang / shes rab dang / rnam par grol ba dang / rnam par grol ba'i ye shes mthong ba'i rgyu 'dra ba las/ shin tu lhag pa'i bar dang / gang sems can thams cad kyi spyod pa'i las dang / spyod pa dang / pha rol gnon pa de thams cad dang / bdag gi bsod nams dang bcas pa la rtog cing / des thams cad yongs su btsal na bdag dang mtshungs mnyam par yang dag par rjes su mi mthong ngo // de yang sems can thams cad kyi rtsa ba la gnas pa las
- 147b
'das pa yongs su tshol te/ des thams cad yongs su btsal na/ bdag dang mtshungs mnyam par yang dag par rjes su mi mthong ngo // de ltar na shA ri'i bu byang chub sems dpa' myur du de'i skad cig de nyid la las kyi rnam par smin pas grub pa'i ye shes skye te/ des se gol gtog pa'i srid kyis sems can thams cad kyi rnam par rtog pa rab tu shes te/ des thams cad yongs su btsal na/ bdag dang mtshungs mnyam par yang dag par rjes su mi mtho ngo // bdag bla ma'i gnas la gnas par shes shing ma bzung bar seng ge dang glang po'i 'gros lta bus sa la gom pa bdun bor te de'i byang chub kyi snying po gang na/ ba der las kyi rnam par smin pa bdun du byas nas gnas te bdag ni 'jig rten gyi gtso bo// bdag ni 'jig rten gyi mchog ste/ skye ba dang / rga ba dang / na ba dang / 'chi ba las thar bar bya'o// sems can skye ba dang / rga ba dang / na ba dang / 'chi bas gzir ba rnams las thar par bya'o// chos bzang po bstan par bya'o zhes smras te/ shA ri'i bu byang chub sems dpas tshig de smras ma thag tu stong gsum gyi stong chen po'i 'jig rten gyi khams 'di dbyangs kyis go bar 'gyur/ sa cher g.yos pa yang 'jig rten du 'byung bar 'gyur te 'jigs shing spu g.yo'o// lha'i rnga yang rgyun mi 'chad par rdung ngo // sa phyogs gang na byang chub sems dpa' gnas par 'gyur
- 148a
ba'i sa phyogs der 'khor lo tsam zhig mi g.yo'o// chu'i phung po gang la gnas pa'i chu'i phung po de rlung gis bskyod par mi 'gyuraro// des thams cad du ltas na bdag snang zhing gnas par mthong ngo // de bla na med pa yang dag par rdzogs pa'i byang chub mngon par sangs rgyas na/ de la sems can thams cad kyis blta bar mi nus so// 'di ni ltar mi snang bar byed pa'i dang po'i chos 'thob par byed pa bzhi pa ste/ shA ri'i bu ltar mi snang bar byed pa'i chos bzhi po de dag 'thob par 'gyur ro// de ci'i phyir zhe na/ ji ltar slob dpon gyis tshur shog ces byas na'ang 'ong / song shig ces byas na'ang 'gro ba'i phyir te/ de dge ba'i rtsa ba de nyid dang ldan pas/ yang ba bzhi 'thob par 'gyur ro// bzhi gang zhe na/ 'di lta ste/ sangs rgyas bcom ldan 'das rnams kyi bstan pa mtshan la ma nyams shing / sangs rgyas bcom ldan 'das rnams kyi chos bstan pa 'bras bu yod pa ste/ 'di ni yang ba 'thob par byed pa dang po'o// dge ba'i rtsa ba de nyid dang ldan pas/ de bzhin gshegs pas dge slong tshur shog ces gsung bar 'gyur te/ dge slong tshur shog ces byas nas skra bregs par 'gyur/ ngur smrig gon cing lhung bzed thogs par 'gyur te/ 'di ni yang ba 'thob par byed pa gnyis pa'o// dge ba'i rtsa ba de nyid dang ldan pas/ de bzhin gshegs pa sems can thams
- 148b
cad kyi dus gsum gyi sems rab tu shes te/ 'di ni yang ba 'thob par byed pa gsum pa'o// dge ba'i rtsa ba de nyid dang ldan pas/ de bzhin gshegs pa sems can thams cad kyi sman ji lta ba bzhin du rab tu shes so// 'di ni yang ba 'thob pa bzhi pa ste/ de dag ni yang ba 'thob pa bzhi'o// de ci'i phyir zhe na/ de ltar sems zhum pas slob dpon dang mkhan po la tha na chu snod gang tsam yang 'bul ba'i phyir ro// gzhan yang shA ri'i bu byang chub sems dpa' dge ba'i rtsa ba de nyid dang ldan pas gzhan gyis mi tshugs pa'i chos bzhi 'thob par 'gyur te/ bzhi gang zhe na/ shA ri'i bu de bzhin gshegs pa'i sku la me dang / mtshon dang dug gis tshugs pa ni gnas ma yin zhing skabs med pa dang / pha rol gyis gnas pa byas pas 'chi ba'i dus byed par 'gyur ba de lta bu'i gnas med de pha rol gyis mi tshugs pa bzhi po 'di dag 'thob par 'gyur ro// de yang pha rol gyis mi tshugs pa'i chos bzhi 'thob par 'gyur te/ bzhi gang zhe na/ shA ri'i bu sems can thams cad kyis de bzhin gshegs pas ma thos pa'i chos thos par byed nus pa ni gnas ma yin zhing skabs med de/ tha na chos kyi tshig tsam yang de lta bu'i gnas med pa nas/ sems can thams cad kyis mnyam par ma gzhag pa'i sems rnyed par 'gyur ba'i gnas ma yin te/ za na sems bskyed pa gcig kyang de lta bu'i gnas med do// yang
- 149a
shA ri'i bu de bzhin gshegs pa ni rtag tu mnyam par gzhag pa ste/ de bzhin gshegs pa ni byams pa la gnas/ snying rje la gnas/ dga' ba la gnas/ btang snyoms la gnas so// shA ri'i bu sems can thams cad kyis de bzhin gshegs pa'i lus sam gzugs la mtshan mar 'dzin nus pa ni gnas ma yin zhing skabs med do// de lta bu'i gnas med de gzhan gyis mi tshugs par byed pa'i chos bzhi po de dag 'thob par 'gyur ro// shA ri'i bu 'di lnga ni de bzhin gshegs pa'i tshad med par byed pa'i chos so// lnga gang zhe na/ shA ri'i bu de bzhin gshegs pa'i tshul khrims tshad med pa dang / shA ri'i bu de bzhin gshegs pa'i thos pa tshad med pa dang / de bzhin gshegs pa'i ting nge 'dzin dang / shes rab kyi rnam par grol ba dang / rnam par grol ba'i ye shes mthong ba tshad med pa ste/ shA ri'i bu lnga po de dag ni de bzhin gshegs pa'i tshad med pa'i chos so// tshur shog ces byas na yang 'ong ba'i dge ba'i rtsa ba de nyid dang ldan pas/ thogs pa med pa'i ye shes bzhi thob par 'gyur te/ bzhi gang zhe na/ sangs rgyas bcom ldan 'das rnams 'das pa'i dus la ma chags ma thogs pa'i ye shes mthong ba 'jug pa dang / sangs rgyas bcom ldan 'das ma 'ongs pa'i dus la ma chags ma thogs pa'i ye shes mthong ba 'jug
- 149b
ba dang / de bzhin gshegs pa sems mnyam par gzhag pa sgrub ste/ sems mnyam par gzhag pa sgrub pa des/ de bzhin gshegs pa dus gsum mtsha/ pa nyid kyi ye shes dang / yang dag pa'i ye shes dang ldan pa'o// yang dag pa'i ye shes des gzhan la reg ma las gzhan gyi khar ma las par chos thams cad shes te/ de bzhin gshegs pa'i ye shes bsam gyis mi khyab po// bsam gyis mi khyab pa'i ye shes de dang ldan pas char rlung rab tu shes so// mi 'thun pa zhes bya ba'i rlung ldang ste/ sems can ji snyed kyis cung zad so sor rjes su myong bar 'gyur ro// rlung de'i 'phang du rgyang grags gsum mo// de'i steng gi bar snang la rlung sprin chen bya ba'i rlung ldang ste/ de'i 'phang du rgyang grags lnga'o// de'i steng gi bar snang la 'jol ba zhes bya ba'i rlung ldang ste/ rlung de'i dkyil 'khor gyi 'phang du dpag tshad bcu'o// de'i steng gi bar snang la skye bral zhes bya ba'i rlung ldang ste/ rlung gi dkyil 'khor de'i 'phang du dpag tshad sum cu'o// de'i steng gi bar snang la de bzhin gshegs pa zhes bya ba'i rlung ldang ste/ rlung gi dkyil 'khor de'i 'phang du dpag tshad bzhi bcu'o// shA ri'i bu de bzhin gshegs pa dgra bcom pa yang dag par rdzogs pa'i sangs rgyas ni sems can gyi rjes su 'brang ba ste/ rlung gi dkyil 'khor bye ba stong phrag drug cu rtsa brgyad rab tu shes so//
- 150a
de la tha ma'i rlung gi dkyil 'khor kun tu khyab ces bya ste/ gang las chen po gnas pa'i chu'i blo 'phang du dpag tshad stong phrag drug cu rtsa brgyad gnas te/ sa chen po'i 'phang du yang dpag tshad stong phrag drug cu rtsa brgyad do// de ltar shA ri'i bu grangs kyis bgrang bar bstan pas/ stong gsum gyi stong chen po'i 'jig rten gyi khams te de na phung po chen po zhes bya ba'i de bzhin gshegs pa dgra bcom pa yang dag par rdzogs pa'i sangs rgyas da ltar bzhugs te/ tshe 'dzin cing tshe mthar phyin par bzhed te/ de'i tshe'i tshad ni bye ba phrag sum cu'o// de'i 'khor nyan thos ni bye ba khrag khrig phrag sum cu ste/ thams cad kyang dgra bcom pa zag pa zad pa/ nyon mongs pa med pa/ dbang du gyur pa nas/ sems can thams cad kyi dbang dam pa'i pha rol tu bgrod par phyin pa/ nyan thos chen po rnams kyi bar du ste/ nyan thos chen po 'du'o// de'i byang chub sems dpa' sems dpa' chen po bye ba phrag brgya byang chub sems dpa'i sde snod thob pa/ don la shin tu rnam par gdon mi za ba/ thos pa rgya mtsho chos kyi gtam can stong pa nyid la gnas pa/ mtshan ma med pa la gnas pa/ smon pa med pa la gnas pa chen po sha stag 'du'o// de yongs su mya ngan las 'das nas dam pa'i chos lo stong du gnas par 'gyur ro//
- 150b
nga yongs su mya ngan las 'das nas lo stong na de yongs su mya ngan las 'das par 'gyur te/ de'i ring bsrel yang rgyas par 'gyur ro// 'di lta ste dper/ na/ nga da ltar yongs su mya ngan las 'das pa'i ring bsrel rab tu rgyas par 'gyur ba bzhin no// shA ri'i bu de bzhin gshegs pa'i ye shes ni thogs pa med pa'i steng du/ de bzhin gshegs pa'i ye shes dpag tu med do// rlung gi dkyil 'khor yongs su khyab pas sangs rgyas kyi zhing yongs su khyab bo// shA ri'i bu steng gi phyogs kyi 'jig rten gyi khams na de ltar de bzhin gshegs pa med pa yang yod la/ de la rang sangs rgyas brgya phrag stong yod de/ de dag la sems can rnams dge ba'i rtsa ba bskyed do// shA ri'i bu de bzhin gshegs pa ni ye shes kyi rjes su 'brang ba ste/ de yang steng gi de bzhin gshegs pa dgra bcom pa yang dag par rdzogs pa'i sangs rgyas gang+gA'i klung gi bye ma dang mnyam pa da ltar byung ba rnams rab tu shes so// de bzhin du phyogs bcu kun tu tshad med grangs med gzhal du med dpag tu med pa'i de bzhin gshegs pa dgra bcom pa yang dag par rdzogs pa'i sangs rgyas da ltar byung ba de dag rab tu shes so// sangs rgyas kyi zhing de snyed tshig pa yang rab tu shes so de skad ces bka' stsal pa dang / bcom ldan 'das la tshe dang ldan pa shA ri'i bus
- 151a
'di skad ces gsol to// bcom ldan 'das dge ba'i rtsa ba gang dang ldan pas/ de bzhin gshegs pa dgra bcom pa yang dag par rdzogs pa'i sangs rgyas 'di lta bur bsgrib pa mi mnga' ba'i mkhyen pa dang ldan/ bcom ldan 'das kyis bka' stsal pa/ shA ri'i bu nga rab tu dbang la gnas te/ chos la gus pa'i 'du shes dang / ri mor bya ba dang / sman du 'du shes pa dang / dkon mchog tu 'du shes pa dang / dkon par 'du shes pa dang / dge ba'i rtsa bar 'du shes pa dang / ji lta ba bzhin du 'du shes nas/ gus pa'i 'du shes dang / chos su 'du shes yongs su bzung nas gnas te/ shA ri'i bu de ltar de bzhin gshegs pa'i ye shes gsal bas/ shA ri'i bu de bzhin gshes pas shin tu mang po dang / de bas kyang sangs rgyas bcom ldan 'das rnams kyi ye shes rgyun mi 'chad dpag tu med grangs med gzhal du med brjod du med pa'ang rab tu shes so// tshur shog ces byas na'ang 'ong ba'i dbang des se gol gtogs pa srid kyis de bzhin gshegs pa sangs rgyas kyi zhing gang+gA'i klung gi bye ma dang mnyam par 'chag cing slar yang log go/ shA ri'i bu ngas mos pas thos pa bzung nas/ de nyid kyis myur du rnam par grol ba des shin tu rnam par grol lo// ji nas rnam par grol zhe na/ sdug bsngal thams
- 151b
cad las shin tu rnam par grol lo// shA ri'i bu gang las gud pa'i gnas bzhi thos pa tsam gyis dad pa thob nas/ ji ltar sangs rgyas kyi chos dang 'bral bar mi 'gyur ba de ltar gnas pa de bzhin du gnas te/ de lta bu'i tshul du sems bskyed par bya'o snyam du sems bskyed na yang / 'di lta bu'i mdo sde'i chos kyi rnam grangs kyi tshig dang yi ge mi 'dzin kyang / de dge ba'i rtsa ba de nyid kyis shes par byed pa'i chos bzhi thob par 'gyur te/ bzhi gang zhe na/ shes rab can shes rab chen po dang ldan par 'gyur ba dang / shes rab can sangs rgyas mthong zhing phrad nas mnyes par byed pa dang / shes rab can dad pas khyim nas khyim med par rab tu 'byung ba dang / shes rab can bla na med pa yang dag par rdzogs pa'i byang chub mngon par sangs rgyas te/ shes rab byed pa'i chos bzhi po de dag 'thob par 'gyur ro// de mang por byed pa'i chos bzhi 'thob par 'gyur te/ bzhi gang zhe na/ mi 'thob par 'gyur ba mang po rnyed pa dang / sangs rgyas 'byung ba mnyes par byed pa mang po dang / dad pas khyim nas khyim med par rab tu 'byung ba mang po dang / bla na med pa yang dag par rdzogs pa'i byang chub mngon par 'tshang rgya ba mang po ste mang por byed pa chos bzhi po de dag 'thob par 'gyur ro// de yan lag bzhi rjes su 'thob par 'gyur te/ bzhi gang zhe na/ 'khor los bsgyur ba'i yan lag rjes su 'thob pa ste/
- 152a
'khor los bsgyur ba'i rgyal por 'gyur ba dang / tshangs pa'i 'jig rten du tshangs par 'gyur ba dang / lha'i dbang po brgya byin du 'gyur ba dang / bla na med pa yang dag par rdzogs pa'i byang chub mngon par sangs rgyas nas/ chos thams cad yongs su rdzogs pa rjes su 'thob/ stobs bsngags pa rjes su 'thob/ sems can yongs su rtogs pa'i ye shes rjes su 'thob/ rdzu 'phrul gyi spyod yul yang rab tu shes shing / lhar bcas pa'i 'jig rten gyi mig tu 'gyur ba'o// de nas bcom ldan 'das kyis don de nyid rgya cher rab tu bstan pa'i phyir/ de'i tshe tshigs su bcad pa 'di dag gsungs so// 'jig rten gyi ni skyabs dang mig/ sems can kun gyi dam pa ste// gang reg mya ngan 'da' 'gyur ba'i// gso ba thams cad rab tu shes// tshur shog ces byas 'ong 'gyur ba'i// rnam par smin pa 'di 'dra ste// nam yang sdug bsngal mi 'gyur zhing // dbang rab ma yin yong mi 'gyur// lha'i nang du myur 'gro zhing // mi nang du yang myur du 'gro// sangs rgyas dag kyang myur mthong zhing // mi dal rnam par spong bar 'gyur// 'byor cing nor yang chen por 'gyur// gter gyi rnams ni mang mthong zhing // gang du lag pa bcug pa rnams// thams cad rin chen gang bar 'gyur// yan lag brgyad kyi chus gang ba'i// rdzing bu rab tu stsags par
- 152b
'gyur/ nam yang mya ngan mi myong ste// de ni dbang rab 'bras bu'o// theng po zha bor mi 'gyur zhing // rkang pa 'khums dang 'bab pa dang // yan lag skam bar mi 'gyur zhing // yan lag nyams par mi 'gyur zhing // yan lag nyams par mi 'gro'o// sor mo dgu bar mi 'gyur zhing // skar po zha bor mi 'gyur ro// glang po'i mgo ltar mi 'gyur te// de ni dbang rab 'bras bu'o// de'i yan lag rgyas shing dkar// lcags kyi dngos po 'dra bar 'gyur// rab tu mdzes shing lta na sdug/ kha dog ldan zhing mdzes par gnas// lha yis mngon par mchod par 'gyur// mi rnams shin tu sti stang byed// klu rnams kyis ni mngon mchod gyur// de ni dbang rab 'bras bu'o// ngan 'gro thams cad spangs nas ni// mi de mtho ris 'gro bar 'gyur// myur du byang chub 'tshang rgya ste// de ni dbang rab 'bras bu'o// mi des sems can thams cad kyi// sems ni thams cad rab tu shes// gom pa dag ni bdun bor nas// 'jig rten dbyangs kyis go bar byed// de'i ye shes mchog 'gyur zhing // shes rab dag kyang mchog tu 'gyur// rnam par grol ba mchog 'gyur te// sems can rnams ni kun gyi bdag/ shes rab kyis ni shes par spyod// shes rab ye shes la gnas pa// shes rab ye shes rnam par grol// sangs rgyas thams cad kyis kyang ste/
- 153a
shes rab kyis ni rang bzhin shes// ye shes kyis ni shes bya shes// gang dag shes rab ye shes dag/ thams cad de la dkon mi 'gyur// 'di 'dra'i dge ba 'di dag gi/ don ni khyod la ngas bshad do// de ni mos pa chung ba yi// sems can rnams kyi don ma yin// gti mug gis ni rmongs pa dang // sdig pas mngon par bcos pa rnams// khro ba nges pa bskyed byas nas// chos la gus par mi 'gyur ro// nam zhig sems can mos chung ste// 'di 'dra ba'i chos 'byung tshe// de na phyir zhing gcig la cig/ gus par byed par mi 'gyur te// gang tshe sems can mi gus shing // khro ba'i nyes pas yid dga' ste// kun nas nyon mongs sems kyis kyang // de dag bdag cag dgra bcom mdzer// gnas brtan gang dag rgas pa dang // rgas shing 'khogs pas gtugs pa dag/ de dag 'chi ba'i dus byed tshe// srid pa'i tha mar gyur ces zer// gnas brtan gang dag rgyas pa dang // rgas shing 'khogs pas gtugs pa dang // dgra bcom bsod snyoms zos gyur na// sems can dmyal bar myur du 'gro// de dag tshul khrims rab bkod nas// dgra bcom par lta ga la 'gyur// dad pas mchod rten byas na yang // de dag kyang ni ngan 'gror 'gro// shA ri'i bu de ltar tshul
- 153b
khrims spyod pa'i byang chub sems dpa' byang chub sems dpa'i sde snod kyi don gyi phyir slob dpon la bsnyen bkur dang yongs su spyod pa ni/ 'di 'dra ba'i legs po de dag dang / de bas kyang lhag par dpag tu med bsam gyis mi khyab tshad med pa thob par 'gyur ro// de ltar shA ri'i bu byang chub sems dpa'i sde snod la rab tu gnas pa'i byang chub sems dpa' rab tu dbang du gyur pa/ tshul khrims yongs su dag pa/ byang chub sems dpa'i spyad pa spyod do// de la tshul khrims yongs su dag pa gang zhe na/ shA ri'i bu rnam pa bcus byang chub sems dpa'i tshul khrims yongs su dag par rig par bya'o// bcu gang zhe na/ sems can thams cad la zhe mi sdang ba yin/ gzhan gyi rdzas la mi rku ba yin/ gzhan gyi chung ma spangs pa yin// sems can thams cad la mi slu ba yin/ gzhan gyi g.yog 'dus pa la 'phra ma mi zer ba yin/ tshig drang po bzod pa'i phyir ngag mi rtsub pa yin/ tshig sngams pas tshig thun tshags rab tu spangs pa yin/ gzhan gyi longs spyod la nga yir mi 'dzin pas chags sems med pa yin/ tshig ngan pa smras pa bzod pas gnod sems spangs pa yin// lha gzhan la ma mos pas log par lta ba spangs pa yin te/ shA ri'i bu rnam pa bcu po de dag gis byang chub sems dpa'i tshul khrims yongs su dag par bya'o//
- 154a
shA ri'i bu gzhan yang rnam pa bcus byang chub sems dpa'i tshul khrims yongs su dag par rig par bya ste/ bcu gA/ zhe na/ mi shes pa la ma mos pas ma nyams pa'i tshul khrims yin/ ngan par skyes yongs su spangs pas skyon med pa'i tshul khrims yin/ nyon mongs pa thams cad ma 'dres pa'i tshul khrims yin/ cig tu dkar po'i chos rnam par spel bas mi dka' ba'i tshul khrims yin/ ji ltar 'dod pa bzhin 'gro/ bas 'phongs pa'i tshul khrims yin/ mkhas pas ma smad pas bsngags pa'i tshul khrims yin/ nyes pa thams cad la ma zhugs pas ma smad pa'i tshul khrims yin/ dbang po bsrungs pas shin tu spangs pa'i tshul khrims yin/ dran pa dang shes bzhin gyi phyir shes su bsrungs pa'i tshul khrims yin shA ri'i bu rnam pa bcu po de dag gis byang chub sems dpa'i tshul khrims yongs su dag par rig par bya'o// shA ri'i bu gzhan yang rnam pa bcus byang chub sems dpa'i tshul khrims yongs su dag par rig par bya ste/ bcu gang zhe na/ rung ba'i tshad shes pas 'dod pa nyung ba'i tshul khrims yin/ 'dod pa spongs pas chog shes pa'i tshul khrims yin/ lus dang sems rab tu dben pas nan tan gyi tshul khrims yin/ 'du 'dzi la smod pas dgon par gnas pa'i
- 154b
tshul khrims yin// bdag gi kha na las pa'i dge ba'i rtsa ba phun sum tshogs pas sbyangs pa'i yon tan dang yo byad bsnyungs pa'i tshul khrims yin/ pa/ rol gyi gdong du mi lta bas 'phags pa'i rigs la dga' ba'i tshul khrims yin/ lha dang mi rnams la mi slu bas/ ji ltar smras pa de ltar byed pa'i tshul khrims yin/ rang gi sems nges par rtogs pas/ bdag gi 'khrul pa la so sor rtog pa'i tshul khrims yin/ pha rol gyi sems bsrung bas gzhan gyi 'khrul pa la nyes par mi lta ba'i tshul khrims yin/ bsdu ba'i dngos po rjes su mi mthong bas sems can yongs su smin par byed pa'i tshul khrims yin te/ shA ri'i bu rnam pa bcu po de dag gis byang chub sems dpa'i tshul khrims yongs su dag par rig par bya'o// shA ri'i bu gzhan yang rnam pa bcus byang chub sems dpa'i tshul khrims yongs su dag par rig par bya ste/ bcu gang zhe na 'di lta ste/ tha ba'i sems med pas sangs rgyas la dad pa'i tshul khrims yin/ dam pa'i chos bsrung bas chos la dad pa'i tshul khrims yin/ 'phags pa 'dus pa la gus pas dge 'dun la dad pa'i tshul khrims yin/ sangs rgyas dang byang chub sems dpa' yid la byed pa dang ma bral bas 'dud pa'i tshul khrims yin/ byang chub kyi yan lag gi tshogs
- 155a
pas dge ba'i bshes gnyen la brten pa'i tshul khrims yin/ mi dge ba'i chos thams cad yongs su spangs pas sdig pa'i grogs po yongs su spong ba'i tshul khrims yin/ sems can thams cad yongs su smin par byed pas byams pa'i tshul khrims yin/ sdug bsngal rnyed pa'i tshul khrims yongs su smin par byed pas snying rje'i tshul khrims yin/ chos la dga' zhing rab tu mos pas dga' ba'i tshul khrims yin/ rjes su chags pa dang khong khro ba spangs pas btang snyoms kyi tshul khrims yin/ shA ri'i bu rnam pa bcu po de dag gis byang chub sems dpa'i tshul khrims yongs su dag par rig par bya'o// shA ri'i bu gzhan yang rnam pa bcus byang chub sems dpa'i tshul khrims yongs su dag par rig par bya ste/ bcu gang zhe na/ sems can yongasu smin par byed pas sbyin pa'i tshul khrims yin/ sems can kun tu bsrung bas bzod pa'i tshul khrims yin/ mi bzlogs pas brtson 'grus kyi tshul khrims yin/ bsam gtan gyi tshogs yang dag par rdzogs par byed pas bsam gtan gyi tshul khrims yin/ thos pa dang tshul khrims kyis mi ngoms pas shes rab kyi tshul khrims yin/ byang chub sems dpa'i sde snod yongs su tshol bas thos pa yongs su dag pa'i tshul khrims yin/ mi rtag
- 155b
pa'i 'du shes so sor rtog pas lus la mi lta ba'i tshul khrims yin/ sems la sgyu ma lta bur so sor rtog pas srog la yid mi rtod pa'i tshul khrims// yin/ thog ma nas tshul khrims yongs su dag pas bsam pa thams cad yongs su rdzogs par byed pa'i tshul khrims yin/ tshul khrims thams cad yongs su bsngos pas de bzhin gshegs pa dang phrad pa'i tshul khrims yin te/ shA ri'i bu rnam pa bcu po de dag gis byang chub sems dpa'i tshul khrims yongs su dag par rig par bya'o// shA ri'i bu de ltar tshul khrims shin tu yongs su dag pas byang chub sems dpas lha dang mi'i dpal phun sum tshogs pa myong bar mi 'gyur ba gang yang med do// de 'jig rten gyi bzo'i gnas dang las kyi gnas mi shes pa gang yang med do// de sems can thams cad kyi longs spyod dang nye bar spyod pa 'thob par mi 'gyur ba gang yang med do// de so so'i skye bo gcig la cig 'dza' bar mi 'gyur ba gang yang med do// de la byang chub sems dpa' khong khro ba med de/ gang byang chub sems dpa' ma dad par 'gyur ba'i brdzun pa de gang yang med do// de sems can gang yang mar 'du shes mi skyed pa med do// de sems can gang yang sems can gyi ris na par 'du shes mi skyed pa med do// de sems can gang yid mi rton pa'i 'du shes mi skye
- 156a
pa med do// de 'dus byas kyi chos gang la yang mi rtog pa ma yin par 'du shes mi skyed pa med do// de thams cad 'du byed du rtogs par shes nas lus dang srog la mi lta ste/ tshul khrims yongs su dag pa byang chub sems dpa' byang chub sems dpa'i spyad pa spyod do// bcom ldan 'das kyis de skad gsungs te/ bde bar gshegs pas de skad bka' stsal nas/ ston pa yang 'di skad gsung ngo // tshul khrims 'di la gang gnas pa// skyob pa yi ni chos sku dang // dbyangs dang kha dog gzugs rnams ni// de la dkon par mi 'gyur ro// ldongs shing rmu long mi 'gyur la/ zhe skur zhar bar mi 'gyur ro// 'byung ba rnam par dag 'gyur zhing / de yi lus ni mdzes par 'gyur// stobs che zhing ni mthu che ste// gzi che zhing ni gzi brjid rab// shes rab dang ni brtson 'grus kyis// bdud sdig can ni skrag par byed// rgyal po yis ni mngon mchod cing // klu rnams kyis kyang bkur sti byas// the tsom thams cad chod par 'gyur// de dag byams pa shin tu bsgoms// tshul khrims phung por rab gnas na// gsod par byed kyang 'jigs pa med// grags pa chen po chos spyod pa// ngan 'gro dag tu mi 'gro'o// sems can thams cad nyid log kyang // snyom pa med cing mi nyal te//
- 156b
phyogs bzhi dag ni kun tu yang // legs par bshad pa yongs su tshol// tshul khrims phung por gnas pa dag/ rin chen mchog dang chung ma dang // bdag gi sha yang rab stong zhing // byang chub lam ni kun tu tshol// sangs rgyas chos ni bla na med// mchog gi chos rnams yongs su tshol// 'jig rten dag gi mgon gyur zhing // mchod rten dang ni sbyin gnas 'os// gshe zhing dam 'cha byed pa dang // nyes par byed pa thams cad bzod// bzod pa nyid la rab gnas shing // bzod pa yi ni bsngags pa brjod// log pa dag ni mi smra te// ji ltar smras pa de bzhin byed// byang chub snying por 'dug byas te// sa 'di dag kyang g.yo bar byed// sangs rgyas chos kyang nem nur med// lha gzhan dag ni rab tu spong // rtag tu sangs rgyas chos ldan las// lha gzhan yod par mi 'gyur ro// mtshon dag dang ni dug rnams kyis// phan tshun gnod par byed pa yin// sdums ni byed par 'gyur ba dag/ de ni mkhas pa'i mtshan nyid do// sems can sdug bsngal rnams mthong na// bskal pabye ba mang por yang // bdag gi don ni med gyur kyang // yal bar 'dor bar mi 'gyur ro// don rnyed na ni 'dza' bo zhes// phan tshun du ni rab tu smra// don ni byed par ma gyur na// gcig la cig ni gsod par byed//
- 157a
'dzam bu'i gling ni 'di dag na// sangs rgyas kyi ni zhing kun tu// rin chen bkang ste byin byas nas// rtag tu bdag/ gi grogs 'dzer dang // gang dag mtshon rnams rnon po yis// yan lag nyid lag gcod pa yi// sems can dag ni thams cad la// sems ni mnyam par rab tu 'jug/ sangs rgyas dag gi chos rnams phyir// byis pa rnams kyi chos spong ste// chos la shin tu gnas gyur pas// tshul khrims rtag tu dag par 'gyur// chos kyi rjes 'thun chos zhugs nas// byang chub kyi ni spyad pa spyod// sangs rgyas kyi byang chub phyir// rigs gsuM bdud rtsi rab tu sbyin// tshul khrims phung por gnas byas nas// thams cad chos ni mngon par bslabs// mkhas pa lnga dang bcas pa yi// 'jig rten na ni mchod par 'os// thams cad chos la the tsom med// bzod kun la yang rab tu mkhas// sems can bsam pa shes gyur nas// snyan bI/ tshig ni ston par byed// tshul khrims phung po rnam sbyangs nas// byang chub mchog tu sangs rgyas te// shing mchog drung du 'dug byas nas// bdud sdig can ni skrag par byed// nyi zla dag ni snang ba ltar// gzi brjid drag po 'od byed pa// de ltar sems can mchog 'gyur zhing // shes rab kyi
- 157b
ni mig las byung // lag pa sems can dag byed de// dris pa la ni lam rnams ston// rtag tu song por smra 'gyur te// de dag la ni phrag dog med// bdag dang gzhan yang rin po che// mang po rnams ni myur du gtong // de ni rgya lam byang chub mchog/ gtong bar 'gyur ba ma yin no// dad dang tshul khris phun sum tshogs// bden pa'i tshig la rab tu gnas// tshul khrims phung po la gnas na// de dag la ni sgyu med do// brdzun zer ba dang 'ongs gyur nas sbyin no bya'o zhes zer yang // bden pa'i tshig la gnas pas na// dad pas de la dad par 'gyur// phan tshun gcig la cig smra ba// chos gos dang ni bsod snyoms rnams// 'di sbyin smras te ma byin yang // de yang yid ni 'khrug pa med// shA ri'i bu gzhan yang de ltar tshul khrims yongs su dag pa'i byang chub sems dpa' 'dus byas thams cad la mngon par dga' ba'i 'du shes mi skyed/ sems can thams cad la pha dang mar 'du shes skyed// 'dod pa'i yon tan lnga la yon tan ma yin par 'du shes skyed/ tshor ba'i rnam par rig pa la rnam par rig pa ma yin par 'du shes skyed/ de sem mnyam pa yang ma yin mi mnyam pa yang ma yin par mngon par sgrub po// de ci'i phyir zhe na/ gal te sems mnyam par bya ba ni/ mya ngan las 'das pa
- 158a
sems las 'das par 'gyur ro// sems dang mi mnyam par byas na ni/ chags pa'i sems shin tu mi mnyam par 'gyur te/ mig dang gzugs la brten nas mig gi rnam par shes pa skye ba bzhin no// chags pa'i sems skyes te 'gags nas de'i bag la nyal bas de'i rang bzhin gyis ma skyed do// log pa'i dmigs pa la log pa'i sems kyis sdug pa'i rnam par rtog ste/ de ni tshul bzhin ma yin pa'o// sdug pa ma yin par mos pa ni rnam par grol ba'o// gang rnam par grol ba de zad pa'o// ci zad ce na/ 'dod chags zad/ zhe sdang zad/ gti mug zad de gang zad pa/ de ci'i phyir zhe na/ skad cig gis 'dod chags zad cing / gang de ma yin pa'i 'dod chags byung na ni/ zad pa yang gzhan du 'gyur/ 'dod chags kyang gzhan du 'gyur zhing / 'dod chags kyang yang dag par 'gyur ro// de ltar 'dod chags yang dag par gyur na zad par mi 'gyur mod kyi/ shA ri'i bu tshul bzhin ma yin pa yid la byed pa las 'dod chags 'gyur ba ni kun tu rtog pas skyed do// gang kun tu mi rtog pa de mi rtog ste/ rtog pa spong ba ni ma byung ba'o// de la 'dod chags med pa de ni ma byung ba'o// gang ma byang ba de la sdug bsngal med/ yongs su gdung ba med/ yongs su mi gdung
- 158b
ste de ma byung ba'o// gang ma byung ba de gdung ba med de/ de bsil ba'i dngos po'o// de mya ngan las 'das pa ste/ de la 'dod chags med do// de ci'i phyir zhe na/ gang 'dod chags zad par byed pa'i mya ngan las 'das pa de ni sems dang ldan par mi 'gyur te/ 'dod chags zad na mya ngan las 'das so// de ltar 'dod chags kyang gzhan/ mya ngan las 'das pa'ang gzhan te/ gzhan pa de pha rol las kyang pha rol to// gang pha rol las kyang pha rol pa de mkhas pa yongs su tshol ba'o// de yongs su tshol ba ni snying po mi dmigs pa gang snying po med pa de ni gsob po// gang gsob pa de ni gsog go// gang gsog pa de ni stong pa'o// ci'i stong zhe na/ bdag dang bdag gi dang / rtag pa dang brtan pa dang / theg zug pa dang / mi 'gyur ba'i chos kyis so// gang sems can med pa de srog med de/ de las 'dod chags mi skye/ zhe sdang mi skye/ gti mug mi skye'o// gang yod nang zhe 'am/ nga'i zhes bya bar 'gyur zhe na/ 'di ni bdag go// 'di ni bdag gi zhes bdag dang bdag gir 'dzin pa'i phyin ci log tu 'gyur ba'o// bdag gir 'dzin pa las mngon par 'dus byed de/ de la mngon bar 'du byed pa bzhi'o// bzhi gang zhe na/ lus kyis mngon par 'du byed pa dang / ngag gis mngon par 'du byed pa dang / yid kyis rnam par brtags te/
- 159a
tshig rtsub po smra ba dang / de'i 'og tu lus kyis gnod par byed pa ste/ de ltar shA ri'i bu byis pa so so'i skye bo thams/ cad ni/ bdag dang gzhan du 'du shes pas 'du shes kyis zin/ 'du shes kyis bcings so// de la shA ri'i bu byang chub sems dpas phyin ci log de lta bu shes nas gang la yang sten par mi byed do// de ci'i phyir zhe na/ de bsten pas 'jigs par 'gyur te/ mi 'jigs pa tshol bas/ shA ri'i bu de'i phyir byang chub sems dpa' sems can thams cad la yid mi rton pa yin no// shA ri'i bu ji ltar na byang chub sems dpa' sems can rnams la ma dang phar 'du shes bskyed ce na/ 'di la gang dus ring por mar gyur pa 'am/ phar ma gyur pa'i sems can 'ga' tsam yang shin tu rnyed par dka' ste/ sems can ma dang par gyur pas de dag la 'dod chags kyi sems skyes na/ mar 'du shes pas spong ngo // zhe sdang gi sems skyes na phar 'du shes pas spang ste/ shA ri'i bu rnam grangs des ji nas kyang sems can thams cad byang chub sems dpa'i gnyen du gyur par bya'o// shA ri'i bu sngon byung ba 'das pa'i dus bskal pa grangs med pa'i yang grangs med pa/ shin tu rgyas pa/ tshad med pa bsam gyis mi khyab pa/ de'i tshe de'i dus na de bzhin gshegs pa dgra bcom pa yang dag par rdzogs/
- 159b
pa'i sangs rgyas dus mchog ces bya ba/ rig pa dang rkang par ldan pa/ bde bar gshegs pa 'jig rten mkhyen pa/ skyes bu 'dul ba'i kha lo sgyur ba/ bla/ na med pa lha dang mi rnams kyi ston pa sangs rgyas bcom ldan 'das 'jig rten du 'byung ste/ de lo bye ba phrag dgu bcu'i bar du gnas so// de'i nyan thos bye ba khrag khrig phrag dgu 'dus par gyur to// yang de'i tshe byang chub sems dpa' dran pa rnyed ces bya ba rgyal po'i rigs su skyes shing gzugs bzang ba mdzes pa lta na sdug pa kha dog rgyas pa/ mchog dang ldan pa zhig byung ngo // de btsas ma thag tu mas bu mo brgyad khri bzhi stong byin no// phas bu mo brgyad khri bzhi stong byin no// mdza' bo dang nye du dang snag gi gnyen mtshams kyis bu mo brgyad khri bzhi stong byin no// pha dang ma'i mdza' bo rnams kyis nye du'i g.yog gi phyir bu mo brgyad khri bzhi stong byin no// shA ri'i bu byang chub sems dpa' de'i phas 'di lta ste/ sgyid kyi dang dbyar gyi dang rgun gyi khang pa gsum byas par gyur te/ khang pa'i steng de na 'dug go// gang na 'dug pa der ji lta ba bzhin gyi dus su/ sil snyan brgya stong du ma bsnyen bkur dang spyod pa'i phyir der 'ongs te skra phyung ma thag tu/ de nas byang chub sems dpa' de skye ba dang 'jig pa'i 'du shes skye'o// sgra 'gag ma thag tu sgra 'di ga las skyes/ gar
- 160a
'gags/ gang du 'gags zhes yongs su tshol te/ de mtshan mo'i 'du shes mi skye/ nyin mo'i 'du shes mi skye'o// gzhan du mi rtag pa'i 'du shes skyes te/ de mngon par dga' ba'i 'du shes mi skye'o// de ltar shA ri'i bu byang chub sems dpa' dran pa rnyed pa lo stong phrag bzhi bcur lan 'ga' yang sil snyan la chags pa'i sems su ma gyur/ lo stong phrag bzhi bcu re lan 'ga' yang 'dod pa la mi spyod do// de khyim de na gan+da te/ bsam gtan byed cing mngon par shes pa lnga bsgrubs nas/ bcom ldan 'das dus mchog de la dge ba'i rtsa ba'i dngos po'i phyogs tsam zhig zhu'o snyam ste/ de khyim de nas steng gi bar snang las bcom ldan 'das de bzhin gshegs pa dgra bcom pa yang dag par rdzogs pa'i sangs rgyas dus mchog gang na ba der rdzu 'phrul gyis song ba dang / shA ri'i bu bcom ldan 'das de bzhin gshegs pa dus mchog de nyin kyi nyin mo yongs su mya ngan las 'das so// de yongs su mya ngan las 'das pa'i gan du phyin nas/ dge slong dag la de bzhin gshegs pa la bsnyen bkur bya'o zhes smras pa dang / de la dge slong dag gis rigs kyi bu de bzhin gshegs pa ni yongs su mya ngan las 'das so zhes smras pa dang / des yongs su mya ngan las 'das so zhes thos nas/ sa phyogs de nyid du dus
- 160b
nas rgyal te/ sa la khas bub du 'gyel nas/ de'i tshe tshigs su bcad pa 'di dag smras so// thams cad chos kyi pha rol song // 'jig rten snang de 'dra ni// bag med pa yi sar song nas// bdag nyid la ni yongs su bslus// bskal pa bye ba phrag stong na// de bzhin gshegs pa 'byung 'gyur ba// mgon de bdag gis mnyes ma byas// bdag gi skyabs su su zhig 'gyur// bdag la sangs rgyas ma mnyes pas// ma 'di bdag la sdang bar shes// skyes ma thag pa'i dus de na// de bzhin gshegs pa mthong gyur cing // gang dag la ni dbang gyur te// 'jig rten mgon mnyes ma byas pas// gang dag 'dod la sbyor ba yi// pha ni byams pa ma yin no// sangs rgyas kyi ni gsung yan lag/ drug cu bdag gis ma thos te// bdag gis sangs rgyas mnyes ma byas// bdag ni dmas pa chen por skyes// chos rnams thams cad kyi ni pha rol song // 'jig rten phan zhing snying rje 'di 'dra ba// de ring bdag med byas shing 'das pas na// rkang gnyis dam pa bdag gis mnyes ma byas// bskal pa bye ba khrag khrig brgyar yang ni// sangs rgyas mthong ba brgya lam rab dka' ste// bde gshegs mya ngan 'das 'og bdag phyin pas// bdag gis da ltar rgyal de mnyes ma byas// gal te rgyal ba bzhugs pa mthong na ni// chos rnams can cing mchod pa
- 161a
bya zhig na// skyes ma thag tu sangs rgyas ma brnyed pas// pha ma da ltar byams pa ma yin shes// de bzhin gshegs gsung yan lag drug cu'o// gang las gsung rnams byung bar rab ldan pa// bdag gis rgyal ba de ni ma mthong bas// de phyir bde gshegs mya ngan 'das 'og min// sngon gyi sangs rgyas rtag tu rab bstan gang // chos bzang rnams ni bdag la ma bshad de// mya ngan 'das nas bdag ni 'dir phyin pas// bdag ni da ltar dmas pa chen por gyur/ shA ri'i bu de nas byang chub sems dpa' sa phyogs de nas ngu zhing langs te/ bcom ldan 'das de bzhin gshegs pa dgra bcom pa yang dag par rdzogs pa'i sangs rgyas dus mchog gi khri gang na ba der song ste phyin nas ngu zhing de bzhin gshegs pa de'i khri la lan brgya stong mang por bskor ba byas te phyogs cig tu 'dug nas tshigs su bcad pa 'di dag smras so// sems can rnams kyi mchog tu gyur// yang dag pa yi chos rnams ston// byang chub dam pa nyid kyi phyir// bdag kyang yang dag sems skyes so// yang dag gsung ba shes rab che// de bzhin gshegs pa ma mthong ngo // rgyal ba'i ye shes ci 'dra ba// bdag kyang de dang 'drar gyur cig/ khyim gyi gnas su 'dug gyur nas// mi mchog mnyes par ma byas te// bdud kyi phyogs rnams ma shes pas// bdag ni sngon chad mthu zhan no//
- 161b
bdag gis de bzhin gshegs mthong bas// bsod nams sngon byas yod pa ltar// bdag la chos ni ma bshad pas// de phyir rab tu sdug bsngal lo// gal te bdag ni yang dag gyur// smras pa bzhin du 'gyur bar shog/ lha klu rnams kyi drung du ni// bdag gis bden pa'i tshig bya'o// ma 'ongs pa yi dus na ni// glang po chen po don mthong zhing // yang dag chos rnams ston pa yi// sangs rgyas mi'i dam par 'gyur// mi dal bar ni mi skye'o// skyes nas 'dod pa sten mi 'gyur// bud med dngos por mi 'gyur te// bdud kyis bcing pa bcad par bya// rtag tu sangs rgyas mthong bar 'gyur// mngon sum du yang chos sten 'gyur// de dag mthong nas dang gyur cing // dang bas mngon par 'du byed 'gyur// bdag gis gang smra tshig 'di rnams// yang dag bden par gyur na ni// bden pa de yis sangs rgyas 'di// ji ltar byang chub bzhugs bzhin gyur// tshig de rnams ni smras pa dang // de bzhin gshegs pa bzhugs gyur nas// bye ba phrag stong lha rnams kyis// de tshe gos rnams gtong bar gyur// de ni dga' mgu yid rangs nas// bar snang la ni rab gnas so// bar snang la ni gnas gyur nas// tshigs bcad rgyal ba de la bstod// bar snang gyur pa phan pa'i sems// rdzu 'phrul chen po dag pa gsung //
- 162a
mchog gi chos rnams ston pa po// yang dag gsung pa dgongs su gsol// des tshigs su bcad pa de dag smras nas/ yang 'khor rnams rab tu dga' bar bya ba'i phyir de'i tshe tshigs su bcad pa 'di dag smras so// 'jig rten sangs rgyas dga' gyur zhes// mi mchog gis ni bdag lung bstan// bdag gis rjes su bslob pa rnams// de bzhin gshegs pa bkur sti bgyis// 'jig rten mgon po bsam mi khyab// bdag la gang ni thugs rtse ba// mya ngan 'das kyang bzhengs pas na// sangs rgyas la ni su mi dad // des de bzhin gshegs pa de la dge ba'i rtsa ba bskyed de/ mchod pa dang bsnyen bkur chen po bya ba'i dge ba'i rtsa ba de nyid kyis de nas shi 'phos nas bde 'gro mtho ris kyi 'jig rten du skyes te/ de bskal pa bye ba phrag nyi shur ngan 'gro log par ltung bar ma song ngo // bskal pa bye ba phrag nyi shur lan 'ga' yang 'dod pa yongs su spyod par ma gyur te/ thams cad la mchod pa dang bsnyen bkur chen po byas nas/ bla na med pa yang dag par rdzogs pa'i byang chub tshol zhing / thams cad du tshangs par spyod pa spyad nas tha ma'i bskal pa tha ma'i dus kyi tshe/ bdag gi lus thob nas rang gi dge ba'i rtsa bas bskul te/ de bzhin gshegs pa dgra bcom pa yang dag par rdzogs pa'i sangs rgyas
- 162b
sa la'i rgyal po zhes bya ba 'jig rten du 'byung ste/ rig pa dang rkang par ldan pa/ bde bar gshegs pa/ 'jig rten mkhyen pa/ skyes bu 'dul ba'i kha lo sgyur ba/ bla na med pa/ lha dang mi rnams kyi ston pa/ sangs rgyas bcom ldan 'das so// yang shA ri'i bu bcom ldan 'das so la'i rgyal po'i tshe'i tshad ni lo bye ba phrag nyi shur gyur to// yang shA ri'i bu de bzhin gshegs pa sa la'i nyan thos 'dus pa gnyis su gyur te/ nyan thos 'dus pa gcig ni dge slong bye ba phrag nyi shu'o// nyan thos 'dus pa gnyis pa ni dge slong stong phrag bzhi bcu ste/ thams cad kyang dgra bcom pa/ zag pa zad pa/ nyon mongs pa med pa/ dbang du gyur pa nas/ sems can thams cad kyi dbang dam pa'i pha rol tu dgrod par phyin pa'i bar du'o// de yongs su mya ngan las 'das nas ring bsrel yang rgyas par gyur to// yang shA ri'i bu de bzhin gshegs pa sa la'i rgyal po yongs su mya ngan las 'das nas/ dam pa'i chos lo stong phrag bcu'i bar du gnas so// de nas bcom ldan 'das kyis de'i tshe tshigs su bcad pa 'di dag gsungs so// bskal pa bye ba nyi shur ni// lan 'ga' ngan 'gror ma song ngo // bskal pa bye ba nyi shur ni// lan 'ga' 'dod pa ma bsten to// stong phrag bdun gyi sangs rgyas rnams// de'i bar du mya ngan 'das// de na tshangs pa'i spyod pa spyad// chos 'dod
- 163a
par ni rtag tu gyur// de phyis byang chub sangs rgyas nas// sa la'i rgyal po rgyal bar gyur// bye ba stong phrag sum cu ni// byang chub mchog la rab tu bkod// byang chub mchog tu sangs rgyas nas// srog chags kun la phan pa'i phyir// bskal pa bye ba nyi shur ni// srog chags rnams la chos ston to// de'i tshe de yi dge 'dun yang // stong gi phrag ni bzhi bcu dang // gzhan yang bye ba nyi shu ste// thams cad zag zad drang srong ngo // ston pa mya ngan 'das gyur nas// sku gdung rab tu rgyas par gyur// mchod rten stong phrag drug cu dang // de na mchod rten bye bar 'gyur// mya ngan 'das nas lo stong phrag bcur ni dam chos gnas par gyur// rgyal ba'i bstan pa thos gyur nas// de la su zhig dang mi 'gyur// sangs rgyas kyi ni chos thos nas// mkhas pa nem nur med pa gang // de dag ngan 'gror mi 'gro ste// mya ngan 'das la myur du reg de ltar shA ri'i bu 'di ltar tshul khrims yongs su dag pa'i byang chub sems dpa' sems can thams cad ma dad par 'du shes bskyed de/ 'dod chags kyi sems skyes na mar 'du shes pas spong ngo // zhe sdang gi sems skyes na phar 'du shes pas spong ngo // / byang chub sems dpa'i sde snod// bam po bcu gcig pa// shA ri'i bu gzhan yang
- 163b
tshul khrims yongs su dag pa'i byang chub sems dpa' bdag nyid dang mi 'thun pa mang ba yin te/ de 'dod chags la tshul bzhin yid la byed pas 'dod pa dang / mi 'thun par spyod do// de 'dod pa mi 'thun pa'ang rab tu shes so// de 'dod pa gang 'dod pa dang mi 'thun pa gang zhe na/ 'dod pa zhes bya ba ni gang / mig gis shes par bya ba'i gzugs la mngon par chags pa de ni 'dod pa zhes bya'o// gzhan yang 'dod pa zhes bya ba ni gang / rna bas shes par bya ba'i sgra la mngon par chags pa'o// de bzhin du sbyar te snas gang shes par bya ba'i dri dang / lces gang shes par bya ba'i ro dang / lus kyis shes par bya ba'i reg pa la mngon par chags pa de ni 'dod pa zhes bya'o// de la gang mngon par chags pa de ni rab tu zhen pa'o// gang rab tu zhen pa de ni kun tu sbyor ba'o// gang kun tu sbyor ba de ni mngon par grub pa'o// gang mngon par grub pa de ni 'ching ba ste/ de yang dag par ma yin par smra ba'o// de ltar kye ma'o sems can yang dag pa ma yin par smra ba'i 'ching bas bcings pa'i sems can 'di dag ni bcings pa'o// nges par bcings pa'o// shin tu nges par bcings pa'o// cis bcings she na/ gzugs kyi bcing bas bcings pa ni/ bcings pa zhes bya ba nas/ sgra dang / dri dang / ro dang / reg gi bcing bas bcings pa ni bcings pa zhes bya'o// gzugs kyi bcing ba gang zhe na/
- 164a
'di lta ste/ lus thob pa'i gzugs de la gang bdag tu 'du shes pa dang / gang zag tu 'du shes pa dang / rtag par 'du shes pa dang / brtan par 'du shes pa dang / ther zug tu 'du shes pa dang / rdzas su 'du shes pa dang / ril por 'du shes pa dang / gong bur 'du shes pa de ni/ gzugs kyi bcings pa zhes bya'o// yang gzugs kyi bcing ba gang zhe na/ 'di lta ste/ gzugs mngon par grub pa de la rim gro bya'o snyam nas/ de bdag la byams pas chung ma la mngon par chags par byed de/ gzugs kyi bcing bas bcings nas 'dod pa'i longs spyod thob ste/ 'dod pa'i nyes pa mi shes pas mi dge ba'i chos las mngon par 'dus byed do// de la 'dod pa'i nyes pa gang zhe na/ nyes pa dag la 'dod pa med kyi/ nyes pa la 'dod par 'gyur te/ gang ngan song du gzhol ba'i 'dod pa'i nyes pa de dag bstan par bya'o snyam mo// de la ngan song du gzhol ba'i 'dod pa'i nyes pa gang zhe na/ yang shA ri'i bu 'dod pa bsten pa ni sdig pa mi byed pa cung zad kyang med de/ de'i rnam par smin pas sdug bsngal yongs su bzung bar ma gyur pa cung zad kyang med ces ngas bshad do// de ltar shA ri'i bu stong gi 'jig rten gyi khams su rab tu brtags nas/ ji ltar bdag gi chung ma lta bur dgrar gyur pa ni gzhan gang yang med do// de ci'i phyir zhe na/
- 164b
shA ri'i bu de bzhin gshegs pa ni ye shes dang ldan no// sems can thams cad ni mi shes pa ste/ gang ye shes dang ldan pas smad pa de ni rab tu yang dag pa'o// / gang mi shes pas yongs su zin pa de ni yang dag pa ma yin pa'o// mi shes pas gang yongs su bzung zhe na/ 'dus byas yongs su bzung ngo // bu pho dang bu mo dang chung ma yongs su bzung ngo // des de ltar yongs su bzung / phan tshun yongs su bzung / 'phags pa'i lam gyis kun tu bzung ste bu pho dang bu mo dang chung mas kun tu bskor cing sred pa nye bar len pa ni rab tu byung ba'i bar du gcod/ tshul khrims kyi bar du gcod/ bsam gtan gyi bar du gcod/ mtho ris kyi bar du gcod/ mya ngan las 'das pa'i bar du gcod pa'o// bran pho dang bran mo yongs su 'dzin pa dang / bu pho dang bu mo dang chung ma yongs su 'dzin pa ni/ dge ba'i chos thams cad kyi bar du gcod pa'o// de bzhin du sbyar te bu pho dang bu mo dang chung ma yongs su 'dzin pa ni dgrar gyur pa yongs su 'dzin pa'o// sems can dmyal ba dang byol song gi skye gnas dang / gshin rje'i 'jig rten yongs su 'dzin pa'o// 'dor na mi dge ba thams cad yongs su 'dzin pa ste/ tha na zas bzang po'i yang bar du gcod pa'o// sangs rgyas mthong ba'i bar du gcod pa'o// de bzhin du sbyar te chos mnyan pa dang / dge 'dun la bsnyen bkur
- 165a
bya ba dang / sangs rgyas mthong bar dad pa rnyed pa dang / chos nyan par dad pa rnyed pa dang / dge 'dun la bsnyen bkur bya bar dad pa rnyed pa dang / dal ba 'byor pa rnyed pa'i bar du gcod pa'o// de bzhin du sbyar te dad pa'i nor dang / tshul khrims kyi nor dang / thos pa'i nor dang / shes rab kyi nor dang / gtong ba'i nor dang / khrel yod pa'i nor dang / 'dzem pa'i nor rnyed pa'i bar du gcod pa'o// chung ma dang bu pho dang bu mo yongs su 'dzin pa ni/ ma dad pa yongs su 'dzin pa'o// chung ma dang bu pho dang bu mo yongs su 'dzin pa ni/ tshul khrims ngan pa nas/ ser sna dang 'chal nga'i shes rab dang / 'khrel med pa dang / mi 'dzem pa yongs su 'dzin pa'o// chung ma dang bu pho dang bu mo yongs su 'dzin pa ni/ nad dang 'bras dang zug rngu yongs su 'dzin ba'o// me'i phung po yongs su 'dzin pa'o// myur ba'i dug yongs su 'dzin pa'o// khyim gyi gnas ni dur khrod kyi gnas so// dur khrod dang khyim ni mya ngan gyi dgon pa/ smres kyang mi smon pa ste/ chos dkar po thams cad rku ba'o zhes ngas bshad do// yang shA ri'i bu rdo rje ser ba 'bab pas reg pa'o// ral gri'i sos reg pa'o// lcags bsregs pas reg pa'o// chung ma dang bu pho dang bu mo la reg pa ni/ lcags khri dang lcags kyi thu lum gyi phreng ba'o// de'i me tog
- 165b
dang dri dang phreng ba dang byug pas reg pa ni/ mi gtsang ba dang gcin gyi byug pas reg pa'o// khyim yongs su 'dzin pa ni/ lcags zangs yongs su 'dzin pa'o// bran pho dang bran mo dang las byed pa yongs su 'dzin pa ni/ sems can dmyal ba'i bsrungs ma yongs su 'dzin pa dang // sngo nag dang khra bor 'gyur ba dang / glang po dang / rta dang / rnga mo dang / ba lang dang / bong bu dang / lug dang / khyim bya dang / phag yongs su 'dzin pa dang / dpag tshad brgyar gyur pa'i 'gro ba yongs su 'dzin pa'o// chung ma dang bu pho dang bu mo yongs su 'dzin pa ni/ sdug bsngal dang / yi mug pa dang / 'khrug pa thams cad yongs su 'dzin pa'o// shA ri'i bu lcags kyi khri dpag tshad stong kun tu 'bar ba/ rab tu tsha ba kun tu rab tu 'bar ba kun tu 'bar bar gyur pa dang / yongs su sbyang bar gyur pa ni sra'i/ pha dang mas byin pa'i chung me la rgyang ring po nas kun tu chags pa'i sems kyis lta ba yang de lta ma yin na/ yongs su zhen pa lta ci smos// de ci'i phyir zhe na/ chung ma ni sdug bsngal gyi rtsa ba'o// chung ma ni sdig pa'i rtsa ba'o// chung ma ni 'dod pa'i rtsa ba'o// chung ma ni 'ching ba'i rtsa ba'o// chung ma ni mya ngan gyi rtsa ba'o// chung ma ni dgra'i rtsa ba'o// chung ma ni dmus long gi rtsa ba'o// chung ma ni shes rab kyi mig dang mi 'thun pa'i rtsa ba'o// chung ma ni
- 166a
lcags dang rdo bsregs pa bkram pa'i so'o// chung ma ni pha rol rgol ba dang 'dra'o// chung ma ni log pa'i lam gyis rab tu gzir ba'o// ci'i phyir chung ma zhes bya zhe na/ khur skur ba dang / khur khyer ba dang / khur rab tu len pa dang / khur thogs pa dang / khur yongs su thogs pa dang / khur gyis nyon mongs pa dang / khur gyis nyen pa dang / khur gyis bsrabs pa ste/ de'i phyir chung ma zhes bya ste/ sems can dag gis de bso ba'i sred pas 'khol bas chung ma la gzhol te chung mas yongs su zin/ chung mas yongs su rgyal/ rlung mas yongs su bsdus/ chung mas dbang byas/ chung mas 'khol/ chung ma rjes su 'gro ste/ de'i phyir chung ma zhes bya'o// chung ma'i gzhis khur chen po mi 'dor ro// khur gang mi 'dor zhe na 'di lta ste/ phung po lnga'o// phung po lnga gang zhe na/ gzugs kyi phung po dang / tshor ba'i phung po dang / 'du shes kyi phung po dang / 'du byed kyi phung po dang / rnam par shes pa'i phung po ste/ phung po lnga po de dag gi khur mi 'dor bas/ de'i phyir chung ma zhes bya'o// ci'i phyir gong rnying gnyis pa zhe bya zhe na/ 'di ltar shA ri'i bu tshul khrims nyams pa gnyis pa'o// cho ga nyams pa gnyis pa'o// yang dag pa'i lta ba nyams pa gnyis pa'o// bza' ba dang btung ba gnyis pa'o// sems can dmyal ba dang / byol song gi skye gnas dang / gshin rje'i
- 166b
'jig rten du 'gro ba gnyis pa'o// 'phags pa'i shes rab kyi bar chad byed pa'o// mya ngan las 'das pa'i bde ba la mi 'thun pa'i phyogs byed pa'o// sdug bsngal thams cad yang dag par bsdud pa gnyis pa ste/ de'i phyir gong rnyid gnyis pa zhes bya'o// ci'i phyir bud med ces bya zhe na/ nyes pa mang zhing sgyu mtha' yas pas de'i phyir sgyu ma'i bud med ces bya'o// gang bud med kyi lag tu song ba de bdud kyi lag tu song ba'o// gang bdud kyi lag tu song ba de sdig can gyi lag tu song ba'o// bud med ni nyes pa mang ba/ sgyu mtha' yas pa/ sems yang pa/ sems 'gyur ba/ sems mi brtan pa/ sems rab tu g.yo zhing mi brtan pa/ spre'u yi sems spre'u dang mtshungs pa sgyu ma ston pa la mkhas pa ste/ de'i phyir bud med ces bya'o// shA ri'i bu bud med ni sgyu ma'i grong khyer/ sgyu ma'i rgyal po'i pho brang 'khor/ sgyu ma'i grong rdal/ sgyu ma'i rgyal po'i pho brang / sgyu ma'i rgyal srid/ sgyu ma'i yul/ sgyu ma'i 'jig rten/ sgyu ma'i 'jig rten gyi khams/ sgyu ma mtha' yas pa/ sgyu ma rgyas pa/ sgyu ma dpag tu med/ sgyu ma bsam gyis mi khyab pa ste/ de'i phyir bud med ces bya'o// shA ri'i bu de ltar 'dod pa'i nyes pa de dag ni ngan song du 'gro ba zhes bya'o// 'di lta/ ste/ shA ri'i bu sgyu ma byed pa shin tu bslabs pa zhig gar mkhan gyi khang par song nas/ sgyu ma rnam pa sna tshogs nye bar ston pa de bzhin du/ shA ri'i bu bud med kyi sgyu ma shin
- 167a
tu bslabs pa yang mthong bas kyang skyes bu 'ching bar byed/ thos pas kyang skyes bu 'ching bar byed/ dran pas kyang skyes bu 'ching bar byed/ reg pas kyang skyes bu 'ching zhing dbang du byed/ glu len pas kyang skyes bu dbang byed/ gar byed pas kyang skyes bu dbang du byed/ dgod pas kyang skyes bu dbang du byed pa nas/ ngu ba dang 'gro ba dang / 'ong ba dang / 'greng ba dang / 'dug pa dang / nyal ba dang / rnam pa thams cad kyis kyang skyes bu dbang du byed do// 'di lta ste/ shA ri'i bu 'bras sa lu'i zhing phun sum tshogs pa smin pa la ser ba chen po bab na ltung ba de bzhin du/ shA ri'i bu bud med kyi ser ba yang de dang 'dra ste/ skyes bu'i zhing la bab na chos dkar po thams cad rnam par 'jig go/ shA ri'i bu de dag ni ngan song du gzhol ba'i 'dod pa'i nyes pa ni/ gang byis pa so so'i skye bo thams cad kyis mi shes pas chung ma yongs su 'dzin to// de la shA ri'i bu byang chub sems dpa' mkhas pas ni 'dod pa'i nyes pa 'di dag rig nas/ 'du shes gnyis bskyed do// gnyis gang zhe na/ byis pa so so'i skye bo thams cad la skyes bu ngan par 'du shes bskyed pa dang / 'phags pa'i sems can thams cad la skyes bu dam par 'du shes bskyed pa'o// 'du shes 'di gnyis bskyed nas 'di snyam du sems te/ bdag ni skyes bu dam pa'i 'gros su 'gro bar bya'i/ skyes bu/
- 167b
ngan pa'i 'gros su ni ma yin no// bdag sems can dmyal ba'i 'gros su 'gro bar mi bya/ byol song gi skye gnas kyi 'gros su ma yin/ gshin rje'i 'jig rten gyi 'gros su 'gro bar mi bya/ bdag tshul khrims ngan pa'i 'gros su 'gro bar mi bya/ bdag tshul khrims ngan pa dang 'grogs shing 'gro bar mi bya'i/ mchog dam pa gtso bo chos thams cad sgrib pa med par rtog pa/ sangs rgyas kyi ye shes kyi 'gros su 'gro bar bya/ bdag rgyun las bzlog pa'i spyad par bya'i/ rgyun gyi rjes su spyod par mi bya'i/ bdag seng ge'i sgra bsgrags par bya'i/ wa yi sgra bsgrags par mi bya/ bdag nam mkha' lding gi mthus ston par bya'i/ skye bo phal ltar mi bya/ bdag mi cang shes su 'gyur bar bya'i/ ma rungs pa'i mir ni ma yin no// bdag cang shes kyi zas bza' bar bya'i/ zas ngan pa ni ma yin no// bdag cang shes ma yin pa'i zas dang zas ngan pa bza' bar mi bya'o// bdag bsam gtan dam pa la bsam gtan bya/ bsam gtan mchog dang bsam gtan rab dang / ting nge 'dzin phul thob par bsam gtan bya'i/ de ma yin pa'i bsam gtan dang bsam gtan ngan pa la bsam gtan mi bya'o// bdag sangs rgyas kyis bsam gtan gyis rtse ba bya'i/ nyan thos dang / rang sangs rgyas dang / byis pa so so'i skye bo thams cad kyi bsam gtan
- 168a
gyis ni ma yin no// bdag mi gnas par bsam gtan bya ste/ gzugs la mi gnas/ tshor ba dang / 'du shes dang / 'du/ byed dang / rnam par shes pa la mi gnas/ sa'i khams la mi gnas par bsam gtan bya'o// chu'i khams dang / me'i khams dang / rlung gi khams la mi gnas par bsam gtan bya'o// 'dod pa'i khams la mi gnas/ gzugs kyi khams la mi gnas/ gzugs med pa'i khams la mi gnas/ 'jig rten 'di la mi gnas/ 'jig rten pha rol la mi gnas/ gang mthong ba dang / thos pa dang / dran pa dang / rnam par shes pa dang / rnyed pa dang / reg pa dang // mngon sum du byas pa de dag la yang mi gnas par bsam gtan bya'o// bsam gtan byed na/ ji ltar bsam gtan la gnod par mi 'gyur ba dang / gzhan la gnod par mi 'gyur ba dang / gnyi ga la gnod par mi 'gyur bar bya'o// bdag sangs rgyas kyi ye shes yongs su grub pa kun tu tshol gyi/ bdag 'dod pa tshol bas tshig go// de la shA ri'i bu byang chub sems dpa' mkhas pa ni ldog pa bzhi bskyed de/ bzhi gang zhe na/ 'dod pa las ldog pa dang / sred pa las ldog pa dang / byas pa mi bzo ba'i sems can rnams las ldog pa dang / 'du byed thams cad du song ba'i sdug bsngal las ldog pa ste/ ldog pa bzhi po de
- 168b
dag bskyed do// shA ri'i bu byang chub sems dpa' ngan song na gnas pas kyang kha dog rgyas pa'i bud med mthong na 'du shes bzhi skyed de/ bzhi gang zhe na// / nyams par 'du shes pa dang / g.yang sar 'du shes pa dang / phyi sa khung du 'du shes pa dang / rnag tu blos nye bar spyod cing 'du shes pa'o// shA ri'i bu byang chub sems dpa' ngan song na gnas na yang kha dog rgyas pa'i bud med mthong na 'du shes 'di bzhi skyed na/ mir gyur pa na lta ci smos/ theg pa chen po la zhugs pa'i rigs kyi bus/ kha dog rgyas pa'i bud med mthong na/ 'du shes 'di bzhi skyed de/ nyams par 'du shes pa dang / g.yang sar 'du shes pa dang / phyi sa khung du 'du shes pa dang / rnag tu blo nye bar spyod cing 'du shes pa'o// gal te de ltar brtags kyang 'dod chags kyi sems skye ba lta na/ des 'du shes gsum bskyed par bya'o// gsum gang zhe na/ ma 'dra ba la mar 'du shes pa dang / sring mo 'dra ba la sring mor 'du shes pa dang / bu mo 'dra ba la bu mor 'du shes pa ste/ 'du shes 'di gsum bskyed par bya'o// de ltar shA ri'i bu byang chub sems dpa' ngas legs par bshad pa khong du chud nas/ mdo sde dang mthun par bya'o// yun ring po nas bdag gi mar ma gyur pa 'am/ phar ma gyur pa'i sems can de lta bu shin tu dkon te/ sems can thams cad bdag gi
- 169a
ma dang phar gyur pas/ ma nyid chung mar byas pa mi rigs so zhes de ltar rab tu bslab par bya'o// byis pa so so'i skye bo thams cad ni mi 'thun pa la gnas kyis/ bdag ni mi 'thun pa la gnas par mi bya'o// de ltar spyad kyang 'dod chags kyi sems de nyid rjes su 'brang ba lta na/ des tshul bzhin du so sor brtag par bya'o// 'di lta ste/ 'dod chags kyi sems skyes na ji mthong ba las skyes/ 'on te 'dod chags kyi mig 'di gyur na// des 'di ltar tshul bzhin so sor brtag par bya'o// bdag mig la chags na ji mig gis mig mthong ngam/ de ji rang bzhin gyis rang bzhin mthong ngam/ de ci'i phyir zhe na/ de yang mig 'di yang mig go// de yang 'byung ba chen po las gyur pa ste/ de yang 'byung ba chen po las byung ba'o// 'di yang 'byung ba chen po las byung ba ste/ rang bzhin gyi rang bzhin la ma chags/ bdag gis bdag rang la yang ma yin no// de ci'i phyir zhe na/ de ji tsam pa de yang 'di tsam ste/ de la chags pa dang 'di la chags par de dag ni khyad par med do// byis pa so so'i skye bo thams cad ni khyad par med par gnas so// bdag ni khyad par can du 'dod do// de ci'i phyir zhe na/ 'di lta ste/ 'dod pa la rnam par rtog pa de lta bu ni yon tan ma yin no// de nas bcom ldan 'das kyis de'i tshe
- 169b
tshigs su bcad pa 'di dag gsungs so// phan tshun dag ni don gcig ste// de la khyad par yod med pa// de ni tshul bzhin ma yin 'dzin// 'dod chags/ sems ni kun nas langs// 'di ni 'byung las gyur pa ste// 'byung ba chen por ji ltar chags// chos 'di rnams ni shing 'dra ste// de la su yang mi chags soH/ 'di na bdag gis brtags pa ste// yang dag min pas kun nas langs// med pa las ni 'dod chags skyes// 'dod chags nyid kyang yod ma yin// phyogs bcu rnams su btsal na yang // 'dod chags yod pa ma yin te// yang dag ma yin yongs brtags pas// 'dod chags sems ni kun nas/ langs// gal te de ltar so sor brtags kyang 'dod chags kyi sems de nyid rjes su 'brang ba lta na/ des mchog dam pa legs par bshad pa khong du chud cing // mdo sde la mkhas pa rab tu mdo sde dang rjes su 'thun par bya'o// mig 'di ni dbu ba dang 'dra ste/ yongs su gnyer mi bzod do// dbu ba la yang bdag med/ sems can med/ srog med/ gang zag med/ skyes bu med/ shed las skyes pa med/ shed can med/ byed pa po med/ tshor ba po med de/ de ltar byed pa med pa'i chos la su/ zhig chags par 'gyur/ mig 'di ni chu'i chu bur dang 'dra ste/ rang bzhin gyis snying po med pa'o// chu'i chu bu lnga yang bdag med/ sems can med/ srog med/ gang
- 170a
zag med/ skyes bu med/ shed can med/ byed pa po med/ tshor ba po med de/ de ltar byed pa med pa/ g.yo ba med pa'i chos la su zhig chags par 'gyur/ mig 'di ni smig rgyu ba dang 'dra ste/ las dang nyon mongs pa ni sred pa las byung ba'o// smig rgyu la yang bdag med// sems can med/ srog med/ gang zag med/ skyes bu med/ shed las skyes pa med/ shed can med/ byed pa po med/ tshor ba po med de/ de ltar byed pa med/ g.yo ba med pa'i chos la su zhig chags par 'gyur/ mig 'di ni shing chu skyes dang 'dra ste/ rang bzhin gyis snying po med pa'o// shing chu skyes la yang bdag med/ sems can med pa nas su zhig chags par 'gyur ba'i bar du'o// mig 'di ni sgyu me dang 'dra ste/ phyin ci log las byung ba'o// sgyu ma la yang bdag med/ sems can med pa nas su zhig chags par 'gyur ba'i bar du'o// mig 'di ni rmi lam dang 'dra ste/ log pa yang dag pa ma yin pa mthong ba'o// rmi lam la yang bdag med/ sems can med pa nas su zhig chags par 'gyur/ gang du chags par 'gyur ba'i bar du'o// mig 'di ni brag cha dang 'dra ba ste/ rkyen gyi kha na las pa'o// brag cha la yang bdag med/ sems can med pa nas su zhig chags par 'gyur/ gang du chags par
- 170b
'gyur ba'i bar du'o// mig 'di ni gzugs rlan dang 'dra ste/ lus kyi gzugs kyis kun tu snang ba'o// gzugs rnyan la yang bdag med/ sems can med pa nas su zhig chags par 'gyur/ gang du chags par 'gyur ba'i bar du'o// mig 'di ni sprin dang 'dra ste/ gsal ba dang / 'khrug pa dang bral ba'i mtshan nyid do// sprin la yang bdag med/ sems can med pa nas su zhig chags par 'gyur/ gang du chags par 'gyur ba'i bar du'o// mig 'di ni glog dang 'dra ste/ skad cig 'jig pa dang ldan pa'o// glog la yang bdag med/ sems can med pa nas su zhig chags par 'gyur/ gang du chags par 'gyur ba'i bar du'o// mig 'di ni stong pa dang 'dra ste/ bdag dang bdag gi dang bral ba'o// de ltar chos thams cad stong pa bdag med/ sems can med pa nas su zhig chags par 'gyur/ gang du chags par 'gyur ba'i bar du'o// mig 'di ni blun pa ste/ rtsa dang shing dang rtsig pa dang rdo'i gzugs rnyan lta bu'o// de ltar chos thams cad blun te/ bdag med sems can med pa nas su zhig chags par 'gyur/ gang du chags par 'gyur ba'i bar du'o// mig 'di ni g.yo ba med pa ste/ rlung gi 'khrul 'khor dang ldan pas 'jug pa'o// de ltar chos thams cad byed pa med de/ bdag med sems can med pa nas
- 171a
su zhig chags par 'gyur/ gang du chags par 'gyur ba'i bar du'o// mig 'di ni gsob ste/ mi gtsang ba dang rnag gi tshogs// so/ de ltar chos thams cad gsob ste/ bdag med sems can med pa nas su zhig chags par 'gyur/ gang du chags par 'gyur ba'i bar du'o// mig 'di ni gsog ste/ 'jig pa dang dgyes pa dang / dbye ba dang 'thor ba dang 'joms pa'i chos can no// de ltar thams cad gsog ste/ bdag med sems can med pa nas su zhig chags par 'gyur/ gang du chags par 'gyur ba'i bar du'o// mig 'di ni khron pa snying pa dang 'dra ste/ rtag tu snying pa'i zil gyis non to// de ltar chos thams cad khron pa snying pa dang 'dra ste/ bdag med sems can med pa nas su zhig chags par 'gyur/ gang du chags par 'gyur ba'i bar du'o// mig 'di ni tha mar mi gnas pa ste/ tha mar 'chi ba'o// de ltar chos thams cad ni mthar mi gnas pa ste/ bdag med sems can med srog med gang zag med/ skyes bu med/ shed las skyes pa med/ shed can med/ byed pa po med/ tshor ba po medo// de ltar byed med cing rkyen 'dus pa las byung ba de las su zhig chags par 'gyur/ gang du chags par 'gyur/ de bzhin du nang dang / phyi'i skye mched thams cad la yang rgyas par bya'o// shA ri'i bu de ltar
- 171b
tshul bzhin dang rab tu ldan pa'i byang chub sems dpa' 'dod chags kyi yid mi 'phrogs te/ de lta bu'i gnas med do// de chos thams cad 'dod chags dang bral/ ba yin no// shA ri'i bu byang chub sems dpa' sems dpa' chen po'i tshul khrims yongs su dag pa'o// shA ri'i bu de ltar tshul khrims yongs su dag pa'i byang chub sems dpa' sems dpa' chen po ni thams cad du srog chags gsod par mi byed do// srog chags su gyur pa thams cad la gnod pa ma yin no// srog gi phyir yang thams cad du ma byin par mi len te/ gzhan gyi longs spyod la rku ba ma yin no// srog gi phyir yang thams cad du 'dod pas log par g.yem pa mi ston te/ gzhan gyi chung mas mi dkri ba yin no// srog gi phyir yang brdzun gyi tshig mi smra ste/ sems can la mi slu ba yin no// bdag gi g.yog gis chog pas phra ma'i tshig mi zer ba yin no// srog gi phyir yang phra ma'i tshig med pa yin no// tshig gzhan gyi smra bas tshig tshod bzung ba yin/ srog gi phyir yang gzhan gyi longs spyod la chags sems mi skyed pas/ gzhan gyi longs spyod la chags sems med pa yin/ srog gi phyir yang ngan du smra ba dang / ngan par 'os pa'i tshig dang du len pas mi khro zhing bzod pa yin/ sangs rgyas lo skyabs su song bas srog gi phyir yang log par lta ba mi spyad de/ lha gzhan med pa
- 172a
yin/ de ye shes gzhan la re ba med pas ma nyams pa'i tshul khrims yin/ ngan par skye ba yongs su spangs skyon med pa'i tshul khrims yin/ 'gro ba ngan pa nyon mongs pa rnams dang ma 'dres pas ma 'dres pa'i tshul khrims yin/ chos dkar po gcig tu rnam par 'phel bas mi dkri ba'i tshul khrims yin/ ji ltar 'dod pa bzhin du 'gro bas 'bongs pa'i tshul khrims yin/ 'gro ba mkhas par ma smad pas bsngags pa'i tshul khrims yin/ dran pa dang shes bzhin pas shin tu bsrungs pa'i tshul khrims yin/ nyes pa thams cad du mi skye bas ma smad pa'i tshul khrims yin/ dbang po'i sgo bsdams pas shin tu sbas pa'i tshul khrims yin/ sangs rgyas thams cad kyis dgongs pas bsgrags pa'i tshul khrims yin/ rung ba'i tshod shes pas 'dod pa nyung ba'i tshul khrims yin/ spong ba la dga' bas chog shes pa'i tshul khrims yin/ lus dang sems rab tu dben pas nan tan gyi tshul khrims yin/ 'du ba la mi dga' bas dgon pa la gnas pa'i tshul khrims yin/ gzhan gyi gdong du mi lta bas 'phags pa'i rigs la dga' ba'i tshul khrims yin/ bdag gi kha na las pa'i dge ba'i rtsa ba bskyed pas sbyangs pa'i yon tan gyi tshul khrims yin/ lha dang mi rnams la mi slu bas ji ltar smras pa de ltar byed pa'i tshul khrims yin/ sems can thams
- 172b
cad la mi 'tshe bas byams pa'i tshul khrims yin/ sdug bsngal thams cad dang du len pas snying rje'i tshul khrims yin/ chos la dga' zhing zhum pa med pas dga' ba'i tshul khrims yin/ chags pa dang khong khro ba spangs pas btang snyoms kyi tshul khrims yin/ rang gi sems nges par rtogs pas bdag gi 'khrul pa la so sor rtog ba'i tshul khrims yin/ gzhan gyi sems rjes su bsrung bas gzhan gyi 'khrul pa la nges par mi lta ba'i tshul khrims yin/ sbyin pa'i pha rol tu phyin pas sems can yod su smin par byed pa'i tshul khrims yin/ tshul khrims kyi pha rol tu phyin pas shin tu bsrungs pa'i tshul khrims yin/ bzod pa'i pha rol tu phyin pas khong khro ba med pa'i tshul khrims yin/ brtson 'gras kyi pha rol tu phyin pas dge ba'i chos mi bzlogs pa'i tshul khrims yin/ bsam gtan gyi pha rol tu phyin pas bsam gtan gyi yan lag yongs su rdzogs pa'i tshul khrims yin/ shes rab kyi pha rol tu phyin pas thos pa rab kyi tshul khrims yin/ byang chub kyi yan lag gi tshogs bstsags pas dge ba'i bshes gnyen la bsten pa'i tshul khrims yin/ lam ngan pa yongs su spong bas/ sdig pa'i grogs po yongs su spong ba'i tshul khrims yin/ mi rtag par 'du shes so sor rtog pas/ lus la mi lta ba'i tshul khrims yin/ yid mi rtog pas/ srog la mi lta ba'i tshul khrims yin/ bsam pa shin tu yongs su dag pas
- 173a
mi 'gyod pa'i tshul khrims yin/ rab tu sbyor ba shin tu yongs su dag pas/ sgyu med pa'i tshul khrims yin/ lhag pa'i bsam pa shin tu yongs su dag pas/ yongs su gdung ba med pa'i tshul khrims yin/ 'dod chags dang bral bas mi 'phyar ba'i tshul khrims yin/ sgrub pas mi snyems pa'i tshul khrims yin/ cang shes pas mu cor mi smra ba'i tshul khrims yin/ khro ba med pas dul ba'i tshul khrims yin/ nye bar zhi bas zhi ba'i tshul khrims yin/ ji ltar bsgo ba bzhin las 'gal bar mi byed pas bka' blo bde ba'i tshul khrims yin/ sdu ba'i dngos po rjes su mi gtong bas/ sems can yongs su smin par byed pa'i tshul khrims yin/ rang gi nor rab tu mi 'jigs pas/ chos rjes su bsrung ba'i tshul khrims yin/ shA ri'i bu byang chub sems dpa' mkhas pa ni 'di lta bu'i tshul khrims kyi phung po dang ldan pas/ byang chub sems dpa'i spyad pa spyod do// shA ri'i bu 'di ni byang chub sems dpa' gang la/ brtson zhing byang chub sems dpa'i spyad pa spyod pas/ bdud kyis thul bar mi 'gyur/ bdud kyi ris kyi lha'i bu dang / gzhan yang pha rol rgol bas thul bar mi 'gyur ba'i byang chub sems dpa' sems dpa' chen po'i tshul khrims kyi pha rol tu phyin pa'o// / byang chub sems dpa'i sde snod las//
- 173b
tshul khrims kyi pha rol tu phyin pa'i le'u ste bdun pa'o// / shA ri'i bu de la byang chub sems dpa' gang la brtson zhing // byang chub sems dpa'i spyad pa spyod pa'i byang chub sems dpa'i bzod pa'i pha rol tu phyin pa gang zhe na/ 'di ltar shA ri'i bu byang chub sems dpa' ni bzod pa dang ldan zhing dang du len pa'i ngang tshul can yin pas/ grang ba dang / tsha ba dang / bkres pa dang / rlung dang / nyi ma dang / sbrang bu dang / sha sbrang dang / sbrul gyis reg pa dang / ngan du smra ba dang / ngan par 'ongs pa'i tshig gi lam la bzod pa dang ldan pa yin no// lus las tshor ba byung zhing skyes pa sdug bsngal ba dang / shin tu drag po rtsub pa dang / tsha ba dang srog 'phrog pa dang / 'chi ba'i mtha' rnams la bzod pa dang ldan zhing dang du len pa'i ngang tshul can yin no// shA ri'i bu nga sngon mngon par rdzogs par sangs rgyas pa na byang chub sems dpa'i spyad pa spyod cing yun ring por bzod pa bsgoms so// bcom ldan 'das ji ltar na byang chub sems dpa' bzod pa bsgom par bgyid/ bcom ldan 'das kyis bka' stsal pa/ shA ri'i bu ngas mngon par shes te/ 'das pa'i dus nang byang chub sems dpar gyur te/ byang chub sems dpa'i spyad pa spyod pa na/ sems can 'ongs nas gshe rgyal zhing tshig ngan pa dang ngag rtsub pa'i tshig smra ba de la shA ri'i bu nga khong khro ba dang zhe sdang
- 174a
dang gti mug dang ser snas yongs su gdung ba ma skyes so// de ltar 'du byed du rtog pa na 'di lta ste/ gshe ba dang mi snyan par zer ba ltar rnyed par sra ba gang yang med mod kyi/ btang snyoms su bya/ de la snying rje skyed par bya'o// de ci'i phyir zhe na/ ji ltar gshe ba dang mi snyan par zer ba la phal cher gnas pa de dag las de'i rnam par smin pa mngon par grub pa ste/ gshe ba dang mi snyan pa zer ba rnyed par 'gyur ro// gang dang gang du skyes pa thams cad gzugs ngan pa dang / mi sdug pa'i lus rab tu thob po// nga ni gzugs ngan pa mi 'dod gshe ba dang mi snyan par zer ba mi 'dod do// de ci'i phyir zhe na/ 'di lta ste/ gshe ba dang mi snyan par zer ba de dag ni/ mi rigs pa'o de dag ni mi rigs pa'i las so// de dag ni byis pa'i las so// de dag ni tha ma'i las so// de dag ni skyes bu dam pa ma yin pa'i las so// de dag ni mi 'dod pa'i las so// 'di lta ste/ gshe ba dang mi snyan par zer ba'i chos de lta bu de dag sems can dmyal bar ltung ngo // 'di lta ste/ gshe ba dang mi snyan par zer ba'i chos de lta bu de dag ni gshin rje'i 'jig rten du ltung ba'o// 'di lta ste/ gshe ba dang mi snyan par zer ba'i chos de lta bu de dag ni sems can dmyal ba'i g.yog byed pa'o// 'di lta ste/ gshe ba dang mi snyan par zer ba'i chos de lta bu de dag ni gnod sbyin dbul por byed pa'o//
- 174b
'di lta ste/ gshe ba dang mi snyan par zer ba'i chos de lta bu de dag ni gnod sbyin dbul por byed pa'i rtsa ba'o// 'di lta ste/ gshe ba dang mi snyan par zer ba'i chos de lta bu de dag ni yi dwags dbul por byed pa dang / yi dwags dbul por byed pa'i rtsa ba'o// 'di lta ste/ gshe ba dang mi snyan par zer ba'i chos de lta bu de dag ni mi dbul por byed pa'i rtsa ba'o// 'di lta ste/ gshe ba dang mi snyan par zer ba'i chos de lta bu de dag ni dma' ba'i 'gro bar byed pa dang / dma' ba'i 'gro bar byed pa'i rtsa ba ste/ nga ni dma' ba'i 'gro ba mi 'dod do// de ci'i phyir zhe na/ nged cag rigs pa dang de dag mi rigs par yang khyad par ji zhig yod/ bye brag ji zhig yod par 'gyur/ shA ri'i bu de bas na byang chub sems dpa' sems dpa' chen po'i nga'i rjes su slob pa'i rang bzhin can du 'gyur bar bya'o// de ci'i phyir zhe na/ shA ri'i bu gang gi tshe byang chub sems dpa' gnas la gshe ba 'am mi snyan par zer na 'di lta bu'i chos yid la byas na bzod par 'gyur te/ gang gling chen po bzhi pa'i 'jig rten gyi khams 'dir dbyig dang / gser dang / nor bu dang / mu tig dang / bai DUr+ya dang / dung dang / man shel dang / byi ru dang / gser dang / dngul gyis yongs su bkang te byin pa bas/ bzod pa bsgrubs pa'i dge ba'i rtsa ba de shin tu yongs su 'dzin par 'gyur ro// de ci'i phyir zhe na/ shA ri'i bu skyes bu dam pas nan tan
- 175a
gyis grub par byed/ bzod pas stobs shes par byed de/ shA ri'i bu sems can phal cher ni gshe ba dang mi snyan par zer ba'i dbang du song bas 'khor ba las mi ldog go// shA ri'i bu gzhan yang byang chub sems dpas ci bdag la pha rol po gshe ba'am mi snyan pa zer na/ sangs rgyas dang byang chub dang chos dang dge 'dun yid la byed dam zhes bdag gi mthu shes par byed de/ gal te yid la byed na legs yid la mi byed par gyur na des rnam gran du mar/ sangs rgyas sam/ byang chub bam/ chos sam/ dge 'dun yid la bya'o// yid la mi byed na de dag kyang gnod sems dang ldan pa/ sangs rgyas dang byang chub dang chos dang / dge 'dun yid la mi byed/ bdag kyang yid la mi byed na/ bdag dang sems can la khyad par ci zhig yod// tha dad du ci zhig yod/ dka' ba spyod ba ci zhig yod kyis/ de dag dang bdag cag gnod sems kyi dus na btang snyoms su bya ba dang / sangs rgyas dang / byang chub dang / chos dang / dge 'dun yid la bya ba dang / bzod pa'i stobs kyang shes par bya ba'i rigs so zhes bdag la bskul bar bya'o// de ci'i phyir zhe na/ bdag ni sems can gcig bzung la sems can gzhan thams cad btang ba ma yin gyi/ bdag gis bla na med pa yang dag par rdzogs pa'i byang chub mngon par sangs rgyas te/ sems can thams cad la chos bstan
- 175b
par bya'o zhes de lta bu'i tshig smra te/ sangs rgyas bcom ldan 'das rnams kyis kyang bdag la rigs kyi bu 'di bla na med pa yang dag par rdzogs pa'i byang chub tu zhugs te/ sems can thams cad la chos ston par mkhyen to// sangs rgyas bcom ldan 'das rnams kyi ye shes kyi spyan gyis gzigs pa chags pa med pa thogs pa med pas/ sangs rgyas bcom ldan 'das rnams kyis bdag mkhyen te/ gal te bdag gnod sems kyi dus na btang snyoms su ma gyur cing / gang sangs rgyas dang byang chub dang chos dang dge 'dun yid la mi byed na/ de ni bdag gi mi cha'o// shar phyogs kyi de bzhin gshegs pa dgra bcom pa yang dag par rdzogs pa'i sangs rgyas gang ga'i klung gi bye ma dang mnyam pa/ da ltar bzhugs te tshe 'dzin cing tshe mthar phyin par bzhes pa'i sangs rgyas bcom ldan 'das de dag gis kyang rigs kyi bu des 'di ltar sems bskyed de/ bdag bla na med pa yang dag par rdzogs pa'i byang chub mngon par rdzogs par sangs rgyas nas sems can thams cad la chos ston par bya'o snyam du bdag gis sems bskyed pa mkhyen to// yang lho phyogs dang / nub phyogs dang / byang phyogs dang / shar lho dang / lho nub dang / nub byang dang / byang shar dang / de bzhin du steng dang / 'og gi phyogs dang / de ltar phyogs dang phyogs mtshams dang / de bzhin du phyogs bcu'i de bzhin gshegs pa dgra bcom pa yang
- 176a
dag par rdzogs pa'i sangs rgyas gang ga'i klung gi bye ma dang mnyam pa gang da ltar bzhugs te/ tshe 'dzin cing tshe mthar phyin par bzhes pa de dag kyang rigs kyi bu 'di bla na med pa yang dag par rdzogs pa'i byang chub tu bzhugs so zhes bdag bla na med pa yang dag par rdzogs pa'i byang chub du mngon par rdzogs par sangs rgyas nas sems can thams cad la chos ston cing bzod pa'i bsngags pa brjod par bya'o zhes sems bskyed pa de mkhyen kyis de bas na bdag seng ge'i sgra bsgrags par bya'i/ wa'i sgra bsgrags par ni mi bya'o// kye ma'o 'di lta ste/ seng ge'i sgra de ni bzod pa'i stobs shes par byed pa'o// kye ma'o 'di lta ste wa'i sgra de ni gshe ba dang mi snyan par zer ba'o// sems can 'di dag ni sems can gang don byed na/ sems can de yang de'i don byed do// bdag kyang sems can gang gis don byas pa de'i phyir de'i don byed par 'gyur na/ de la khyad par ci zhig yod tha dad ci zhig yod/ dka' bar spyod pa ci zhig yod/ sems can 'di dag ni sems can gang gnod par byed na/ de la sems can gang gnod par byed do// bdag gis kyang sems can gnod par byed de/ gnod pa'i phyir gnod pa byed na/ de la khyad par ci zhig yod/ tha dad ci zhig yod/ dka' bar spyod pa ci zhig yod par 'gyur/ shA ri'i bu gzhan yang byang chub sems dpa' 'di ltar
- 176b
slob ste/ sems can 'di dag thams can ni phan tshun du mi 'dza' ba ste/ de dag nor thob na mi 'dza' bar shes/ gnod pa byas na ni gcig la cig gsod par/ byed do// bdag ni sems can gyi don la tsham tshom med de/ bdag la gnod par gyur kyang bdag ni sems can gyi don byed do snyam mo// de nas bcom ldan 'das kyis de'i tshe tshigs su bcad pa 'di dag gsungs so// bskal pa bye ba brgya mang por// bdag gi don ni med gyur kyang // sems can sdug bsngal rnam mthong na// yal bar bor zhing mi 'jug go// don rnyed na ni 'dza' bo zhes// phan tshun gcig la cig smra ba'i// don rnams byed par mi 'gyur na// phan tshun du ni gnod// par byed// da dang rtag tu 'dza'o zhes bya// 'dzam bu gling ni 'di thams cad// sangs rgyas zhing ni rin po che// 'ba' zhig bkang ste sbyin byed na// gang dag mtshon ni rnon po yis// yan lag nyid lag gcod pa yi// sems can rnams ni thams cad la// mnyam pa yi ni sems su bya// gshe dang mi snyan zer ba dang // ngan du byas pa thams cad bzod// bzod pa la ni rab gnas nas// bzod pa dag gi bsngags pa brjod// dug ldud mtshon gyis 'debs pa yi// gcig la cig ni gnod byed pa// sems can de dag bsdum par bya// de ni mkhas pa'i mtshan nyid do// byis pa spyod pa'ang gzhan yin te// gang gis mya ngan 'das pa'ang
- 177a
gzhan// bdag ni khyad par tshol bas na// byis pa dag gi bdag mi slob// yang shA ri'i bu byang chub sems dpas 'di ltar bslab par bya ste/ gal te bskal pa bye ba khrag khrig brgya phrag stong du/ gyo mo dang / dbyug pa dang / mtshon gyis btab te/ yud tsam yang 'tsho ba mi rnyed na des kye ma'o ngo mtshar to zhes bya ba nas sems can 'di dag ni 'phags pa ste/ bdag gi srog ma bcad do snyam pa'i bar du de ltar 'du shes par bya zhing yang 'di ltar bslab ste/ gal te bdag gom pa bdun bor ba tsam gyi yul na gang+ga'i klung gi bye ma snyed kyi mgo bcad par gyur pa'i yongs su brtag pa bzung yang / bdag khro ba dang / gshe ba bsgom par mi bya'o// de ci'i phyir zhe na/ khong khro ba zhes bya ba ni/ bskal pa brgya stong du bsgrubs pa'i dge ba'i rtsa ba 'joms pa'o// yang bdag gi bskal pa brgya stong du dge ba'i rtsa ba bsgrub par bya'o// de ltar bla na med pa yang dag par rdzogs pa'i byang chub 'di ni bsgrub dka' ba yin te/ de ltar chos de 'byung bar dka'o// de bas na bdag bzod pa'i stobs kyi go cha bgo bar bya'o// de ltar shA ri'i bu theg pa chen po la zhugs pa gnod par sems can bdud kyis glags rnyed do// glags rnyed na bla na med pa yang dag par rdzogs pa'i byang chub kyi bar du gcod par 'gyur ro// gnod sems kyi sems kyis ni byang chub 'jug par 'gyuraro//
- 177b
'khrug pa'i sems kyis ni bdud sdig can bdud kyi las kyis bskul bar byed do// de la bdud kyi las gang zhe na 'di lta ste/ lhung bzed la song ba'i sems ni bdud kyi/ las so// grong du slong ba la song ba'i sems ni bdud kyi las so// 'thob pa dang bkur sti dang tshigs su bcad pa la song ba'i sems ni bdud kyi las so// rab tu byang ba las bzlog pa ni bdud kyi las so// chos dkar po mang po las bzlog pa ni bdud kyi las so// dgon par gnas pa las bzlog pa ni bdud kyi las so// bla na med pa yang dag par rdzogs pa'i byang chub las bzlog pa ni bdud kyi las so// ye shes gzhan 'dod pa ni bdud kyi las so// mkhan po dang slob dpon la bsnyen bkur mi byed pa ni bdud kyi las so// de ltar shA ri'i bu gnod sems kyis byang chub 'khrug par 'gyur te/ byang chub sems dpa' sems 'khrugs pa de dag la bdud sdig can bdud kyi las rab tu spor ro// shA ri'i bu bdud sdig can yun ring po nas skabs tshol te/ 'di lta ste/ khro ba dang gnod sems tshol mod kyi/ shA ri'i bu ngas mngon par shes te 'das po'i dus na/ nga spyod pa'i spyod yul zhes bya ba'i drang srong du gyur te/ de na nga la bdud sdig can gyis skyes bu lnga brgya gshe ba la dpa' ba mngon par sprul nas/ de dag lo lnga brgya'i bar du rtag tu rgyun mi 'chad par nga'i phyi bzhin 'brang zhing de dag mtshan yang gshe/ nyin yang gshe/ 'gro lnga
- 178a
gshe 'ong yang gshe 'greng yang gshe/ 'dug kyang gshe/ nyal ba dang 'chag pa dang 'dug pa dang / grong du 'gro ba dang / srang na 'gro ba dang / khyim na 'greng ba dang / srang na 'dug pa dang / khyim na 'dug pa dang / dgon par song ba dang / dgon pa na 'greng ba dang / dgon pa na 'dug kyang gshe zhing mi snyan par zer te/ ngan du smra tshig rtsub po smra zhing thabs des gnas te/ de dag lo lnga brgya'i bar du phyi bzhin 'brang bar gyur mod kyi/ 'on kyang shA ri'i bu lo lnga brgyar gshe ba la dpa' ba'i skyes bu de dag la byams pa'i tshul gyis lta ba las skyed pa gcig tsam yang mi shes so// de'i dus na da 'di snyam du sems te/ gang rigs kyi bu de dag ni tshul khrims dang ldan pa'o// dge ba'i chos rang bzhin gyis 'dod chags chung ba/ zhe sdang chung ba/ gti mug chung ba ste/ bdag ni de dag nyi tshe'i don du dka' bskyed pa ma yin/ de dag nyi tshe'i don du bla na med pa yang dag par rdzogs pa'i byang chub bsgrub pa ma yin gyi/ sems can gang ma rungs pa/ gdul dka' ba/ tshul khrims ngan pa/ sdig pa'i chos can/ rang bzhin gyis 'dod chags mang ba/ zhe sdang mang ba/ gti mug mang ba de dag gi don du bdag dka' ba spyad spyod/ de dag gi don du bla na med pa yang dag par rdzogs pa'i byang chub sgrub ste/ de dag nyid bdag gis thog mar mya ngan las 'da' bar bya'o// shA ri'i bu 'di ni de'i dus na gnod
- 178b
sems med pa'i sems kyi dran pa skyed pa'o// de ltar shA ri'i bu de bzhin gshegs pa ni phan pa'i dngos po phun sum tshogs pa ste/ thog ma'i mtha' nas byang chub sems dpa'i spyad pa spyod cing 'ongs pa'o// shA ri'i bu byang chub sems dpa' gang la la bla na med pa yang dag par rdzogs pa'i byang chub mngon par 'dod ba de dag gis bzod pa dang ldan zhing dang du len pa'i rang bzhin can du bya'o// grang ba dang / tsha ba dang / bkres pa dang / skom pa dang / rlung dang / nyi ma dang / sbrang bu dang / sha sbrang dang / sbrul gyis reg pa dang / pha rol gyis ngan du smras pa dang / ngan par 'ongs pa'i tshig gi lam rnams la bzod pa dang ldan zhing dang du len pa'i rang bzhin can du bya'o// lus las skyes shing 'byung ba'i tshor ba sdug bsngal ba mi bzad pa/ rtsub po srog 'phrog pa mthar 'chi ba'i tshor ba rnams la bzod pa dang ldan zhing dang du len pa'i rang bzhin can du bya'o// de ltar shA ri'i bu bzod pa de lta bu la gnas pa'i byang chub sems dpas byang chub sems dpa'i bzod pa rnyed par 'gyur ro// de la byang chub sems dpa'i bzod pa gang zhe na/ gnod sems med pa ni byang chub sems dpa'i bzod par lta'o// mi khro ba ni byang chub sems dpa'i bzod par lta'o// / mi 'tshe ba ni byang chub sems dpa'i bzod par lta'o// brtsod pa med pa ni byang chub sems dpa'i bzod par lta'o// gnod pa med pa ni byang chub sems dpa'i bzod
- 179a
@par lta'o// bdag rjes su bsrung ba ni byang chub sems dpa'i bzod par lta'o// gzhan rjes su bsrung ba ni byang chub sems dpa'i bzod par lta'o// lus rjes su bsrung ba ni byang chub sems dpa'i bzod par lta'o// ngag rjes su bsrung ba ni byang chub sems dpa'i bzod par lta'o// sems rjes su bsrung ba ni byang chub sems dpa'i bzod par lta'o// tshul khrims kyis so sor rtog pa ni byang chub sems dpa'i bzod par lta'o// mya ngan la 'das pa 'dod chags dang bral ba ni byang chub sems dpa'i bzod par lta'o// las kyi rnam par smin pa'i phyir 'brang ba ni byang chub sems dpa'i bzod par lta'o// / lus yongs su dag pa ni byang chub sems dpa'i bzod par lta'o// ngag yongs su dag pa ni byang chub sems dpa'i bzod par lta'o// sems yongs su dag pa ni byang chub sems dpa'i bzod par lta'o// lha dang mi'i phun sum tshogs pa rjes su myong ba ni byang chub sems dpa'i bzod par lta'o// byang chub sems dpa' de bzhin gshegs dpa'i mtshan dang dpe byad bzang po yongs su rdzogs pa ni byang chub sems dpa'i bzod par lta'o// de bzhin gshegs pa'i gsung tshangs pa sgra dbyangs bsgrags pa rab tu thob pa ni byang chub sems dpa'i bzod par lta'o// byang chub sems dpa'i spyod pa dang dge ba'i rtsa ba thams cad chud mi gson pa ni
- 179b
byang chub sems dpa'i bzod par lta'o// pha rol rgol ba thams cad las 'das pa ni byang chub sems dpa'i bzod par lta'o// phyir rgol ba thams cad bcom// pa ni byang chub sems dpa'i bzod par lta'o// mdor na de bzhin gshegs pa'i stobs dang / mi 'jigs pa dang / ma 'dres pa dang / byams pa chen po dang / snying rje chen po dang / dga' ba chen po dang / btang snyoms chen po dang / sangs rgyas kyi chos thams cad yongs su rdzogs pa ni byang chub sems dpa'i bzod par lta mod kyi/ 'on kyang sha ra dwa ti'i bu byang chub sems dpa'i bzod pa zhes bya ba ni gang gi tshe brag cha'i sgra dang mtshungs par rab tu shes pas gshe yang slar mi gshe lus gzugs rnyan du shes pas rtsogs kyang slar mi 'tshog sems sgyu ma lta bur rab tu rtogs pas khros kyang slar mi 'khro// rang gi yon tan yongs su rdzogs pas de ma bsngags pa la khong khro ba med/ bsngags pa la chags pa med do// dul zhing zhi ba'i phyir rnyed pas dga' bar mi 'gyur/ ma rnyed pas zhum par mi 'gyur/ rab tu brtags pa'i blo rgya che ba'i phyir grags pas mtho bar mi 'gyur/ ma grags pas 'khrul par mi 'gyur/ g.yo bar rab tu gnas phyir smad pas gasro shi bar mi 'gyur/ bstod pas mtho bar mi sems/ sems can la lta ba'i phyir sdug bsngal gyi yong mi skyo// 'dus byas kyi bde ba mi rtag
- 180a
pa'i phyir bde ba la dga' ba med/ srid par song ba'i skye ba thams cad la mi gnas pas/ 'jig rten gyi chos kyis mi gos/ pha rol la mi gnod pas bdag la gnod pa bzod/ byang chub kyi yan lag gi tshogs yongs su rdzogs pas/ yan lag dang nying lag dang mgo bcad kyang bzod// sangs rgyas kyi sku 'dod pas lus btub kyang bzod/ legs par byas pa'i las kyi stobs bskyed pas/ ngan du byas pa thams cad bzod de/ shA ri'i bu de ni byang chub sems dpa'i bzod pa zhes bya'o// shA ri'i bu gzhan yang byang chub sems dpa'i bzod pa zhes bya ba ni/ 'di lta ste/ rab tu bzod pa'o// de ci'i phyir zhe na/ gshe ba ni su/ gshe bar bya ba ni gang zhes bzod na/ de gnyi ga dmigs pa'i bzod pa ste/ de rab tu bzod pa ma yin no// yang 'di gshe ba gang zhes bzod na// de'i chos bgrang ba'i bzod pa ste/ de rab tu bzod pa ma yin no// ci mig gis mig la gshe ba zhes bzod na de skye mched la so sor rtog pa'i bzod pa ste/ de rab tu bzod pa ma yin no// 'di ni yi ge yin no zhes bzod na de brag cha'i sgra'i bzod pa ste/ de rab tu bzod pa ma yin no// 'di yang mi rtag bdag kyang mi rtag ces bzod na de mi rtag pa la 'jug pa'i bzod pa ste/ de rab tu bzod pa ma yin no// 'di ni phyin ci log bdag ni phyin ci log ma yin zhes bzod na de 'thon dman
- 180b
gyi bzod pa ste/ de rab tu bzod pa ma yin no// bdag ni brtson 'di ni mi brtson zhes bzod na/ de sbyor ba med pa'i bzod pa ste/ de rab tu bzod pa ma yin no// bdag ni lam la gnas pa/ 'di ni lam ngan pa la gnas shes bzod na/ de gnyis kyi bzod pa ste/ de rab tu bzod pa ma yin no// bdag stong pa nyid bzod kyi/ bdag lta bar song ba mi bzod/ bdag mtshan ma med pa bzod kyi/ bdag rnam par rtog pa mi bzod/ bdag smon pa med pa bzod kyi/ bdag smon pa mi bzod/ bdag mngon par 'du mi byed pa bzod kyi/ bdag mngon par 'du byed pa mi bzod/ bdag nyon mongs pa zad pa bzod kyi/ bdag nyon mongs pa mi bzod/ bdag dge ba bzod/ bdag mi dge ba mi bzod/ bdag kha na ma tho ba med pa bzod kyi/ bdag kha na ma tho ba mi bzod/ bdag zag pa zad pa bzod kyi/ bdag zag pa zad pa dang bcas pa mi bzod/ bdag 'jig rten las 'das pa bzod kyi/ bdag 'jig rten gyi mi bzod/ bdag rnam par byang ba bzod kyi/ bdag kun nas nyon mongs pa mi bzod/ bdag mya ngan las 'das pa bzod kyi/ bdag 'khor ba mi bzod na/ de gnyen pos spong ba'i bzod pa ste/ de rab tu bzod pa ma yin no// de la rab tu bzod pa gang zhe na/ gang stong pa nyid khong du chud pa de la lta ba mi spong / stong pa nyid kyi sgo mi 'dogs/ gang stong pa nyid khong du chud pa de la rnam par
- 181a
rtog pa mi spong / mtshan ma med pa'i sgro mi 'dogs/ gang stong pa nyid khong du chud pa de la smon lam mi spong / smon pa med pa'i sgo mi 'dogs/ gang stong pa nyid khong du chud pa de la 'dus byas mi spong / mngon par 'du byed pa'i sgo mi 'dogs/ gang stong pa nyid khong du chud pa de la nyon mongs pa mi spong / kun nas nyon mongs pa'i sgro mi 'dogs/ gang stong pa nyid khong du chud pa de la mi dge ba mi spong / dge ba'i sgro mi 'dogs/ gang stong pa nyid khong du chud pa de la kha na ma tho ba dang bcas pa mi spong / kha na ma tho ba med pa'i sgo mi 'dogs pa'o// de bzhin du sbyar la thams cad la rgyas par bya ste/ gang stong pa nyid khong du chud pa de la 'khor ba mi spong / mya ngan las 'das pa'i sgo mi 'dogs shing / gang 'di la bzod pa de ni rab tu bzod pa zhes bya'o// gang ma skyes ma skyed ma byung byung bar ma gyur pa de la 'byung ba gang yang med do// 'byung ba med pas mi zad de/ gang mi zad de rab tu bzod pa zhes bya'o// gang 'dus ma byas dang / 'dus ma byas ma yin pa dang / sgro mi 'dogs pa dang / ma bzhag pa dang / mi spel ba dang / yang dag par mi spel ba dang / mi stsogs pa dang / mi 'bri ba de la skye ba gang yang med do// gang mi skye ba de mi zad pa ste/ gang de ltar bzod pa de ni mi skye ba la bzod pa zhes bya'o// shA ri'i bu bzod pa de lta bu dang ldan pa'i byang chub
- 181b
sems dpa' sems dpa' chen po byang chub sems dpa'i spyad pa spyod do// shA ri'i bu 'di ni byang chub sems dpa' sems dpa' chen po rnams gang dang ldan na/ byang chub sems dpa'i spyad pa spyod cing / bdud dang bdud kyi ris kyi lha'i bu rnams dang / de las gzhan pa pha rol rgol ba thams cad kyis thul bar mi 'gyur ba'i byang chub sems dpa' sems dpa' chen po'i bzod pa'i pha rol tu phyin pa'o// // byang chub sems dpa'i sde snod las// / bzod pa'i pha rol tu phyin pa'i le'u ste brgyad pa'o// // bam po bcu gnyis pa ka/ de la byang chub sems dpa' sems dang che po gang dang ldan na/ byang chub sems pa'i spyad pa spyod cing / bdud dang bdud kyi ris kyi lha'i bu rnams dang // de las gzhan pa pha rol rgol ba thams cad kyis thub par mi 'gyur ba'i byang chub sems dpa'i brtson 'grus kyi pha rol tu phyin pa gang zhe na/ 'di ltar shA ri'i bu byang chub sems dpa' sems dpa' chen po phyir mi ldog pa'i brtson 'grus dang ldan pa yin te/ rang gi lus srog la mi lta bar brtson 'grus drag po bskyed nas/ byang chub sems dpa'i sde snod kyi chos kyi rnam grangs 'di kun tu tshol bar byed/ shin tu nyan par byed/ 'chang bar byed/ 'dzin par byed/ klog par byed/ kun chub par byed/
- 182a
gzhan la yang 'tshed par byed/ rgya cher yang dgra par rab tu ston par byed/ bris nas 'dzin par byed pa'o// de ji ltar na lus dang srog la mi lta ba yin zhe na/ 'di la shA ri'i bu byang chub sems dpa' 'di lta bu'i mdo sde 'chang ba dang / 'dzin pa dang / klog pa dang / kun chub par byed pa dang / gzhan la 'chad par byed pa dang / rgya cher yang dag par rab tu ston pa dang / bris nas 'dzin pa dang / de bzhin nan tan byed pa de dag gi lus langs mda' dang / mtshon shag ti brgyas phug te/ srog bcad do zhes pha rol gyis bsdigs kyang de la/ shA ri'i bu byang chub sems dpa' mi 'jigs/ mi dngangs/ mi skrag kun tu skrag par mi 'gyur gyi/ phyir zhing brtson 'grus brtan pa bskyed nas/ byang chub sems dpa'i sde snod kyi chos kyi rnam grangs mi spong / rnam par mi spong / mi 'dor te/ mos pa drag por 'gyur/ mos pa brtan par 'gyur/ brtson 'grus brtan par 'gyur ro// shA ri'i bu bzod pa brtan pa dang / brtson 'grus brten pa'i phyir dpe bya'o// bzod pa brtan pa ci tsam pa dang / brtson 'grus brtan pa ci tsam par byang chub sems dpa' lus dang srog la mi lta bar 'gyur te/ ri'i bu stong gsum gyi stong chen po'i 'jig rten gyi khams kyi sems can ji snyed pa sgong nga las skyes pa 'am/ mngal las skyes pa 'am/ drod gsher las skyes pa
- 182b
'am/ rdzus te skyes pa 'am/ gzugs can nam/ gzugs med pa 'am/ 'du shes can nam/ 'du shes med pa 'am/ 'du shes med 'du shes med min naM// snang bar song ba 'am/ mi snang bar song ba 'am/ sems can ji snyed sems can du bsdus pa de dag thams cad skad cig thang cig yud tsam la/ snga phyi med par mi'i lus thob pa'i yongs su brtag pa bzung ste/ de dag mir gyur nas thams cad kyi lag na mtshon rnon po thogs te dgrang bar gyur nas/ de dag tshig 'di skad ces/ 'di lta bu'i tshig dang / yi ge 'chang ba dang / 'dzin pa dang / klog pa dang / gzhan la 'chad pa dang / rgya cher yang dag par rab tu ston pa dang / de bzhin du nan tan byed pa de dag nyid kyis bzung ste/ srog gcod do zhes zer na yang / shA ri'i bu byang chub sems dpa' dngang dang skrag pa skye ba'i sems cig kyang mi bskyed kyi/ phyir zhing dam pa'i chos yongs su 'dzin par 'gyur te/ 'di lta ste/ byang chub sems dpa'i sde snod kyi rnam grangs yongs su tshol ba'i phyir ro// shA ri'i bu 'di ni sems dpa' mi ldog pa'i brtson 'grus dang ldan/ mtha' yas pa'i brtson 'grus kyi stobs kyi drag shul dang ldan zhing / brtson 'grus dpa' ba dang / sems dpa' ba dang / tshul khrims dpa' ba dang / bzod pa dpa' ba dang / ting nge 'dzin dpa' ba dang / shes rab dpa' ba dang / spyod pa'i khyad par gyi ye shes dpa' ba zhes bya'o// de la shA ri'i bu byang chub
- 183a
sems dpa' gang mtshon rnon po thogs pa'i dgra rnams la gnod pa'i sems cig kyang mi skyed pa de ni/ byang chub sems dpa' dang mtshungs/ dbang po dang mtshungs/ rab dang mtshungs te/ mi skul ba/ snying rje can/ byams pa la gnas pa/ sems can thams can gyi bsam pa gso ba la mos pa/ phyir mi ldog pa'i spyod yul/ sa dang mtshungs pa'i sems/ chu dang mtshungs pa'i sems/ me dang mtshungs pa'i sems/ rlung dang mtshungs pa'i sems/ nam mkha' dang mtshungs pa'i sems/ 'dod chags dA zhe sdang dang / gti mug dang / tha ba sel ba la zhugs pa zhes bya'o// yang shA ri'i bu byang chub sems dpa' sems dpa' chen po gang gis gang ga'i klung gi bye ma snyed kyi 'jig rten gyi khams rin po che sna bdun gyis yongs su gang bar byas te/ de bzhin gshegs pa dgra bcom pa yang dag par rdzogs pa'i sangs rgyas la dbul ba bas/ byang chub sems dpa' sems dpa' chen po gang gis byang chub sems dpa'i sde snod kyi chos kyi rnam grangs 'di thos nas/ 'di lta bu'i chos bdag gis bslab par bya'o zhes sems la gcig tu bzung na/ shA ri'i bu byang chub sems dpa' slob par 'dod pas ma bslabs kyang de bas de'i dge ba'i rtsa ba mang du yongs su bzung por 'gyur te/ sbyin pa chen po byin pas ni de tsam yin no// de ci'i phyir zhe na/
- 183b
shA ri'i bu bla na med pa yang dag par rdzogs pa'i byang chub ni 'di la rag las so// de bas na shA ri'i bu byang chub sems dpa' sems dpa' chen pos byang chub sems dpa'i sde snod kyi chos kyi rnam grangs 'di mnyan pa dang / bzung ba dang / bri ba dang / klag pa dang / bcang ba dang / pha rol la yang yang dag par rab tu ston pa'i phyir brtson 'grus brtsam mo// shA ri'i bu byang chub sems dpa' brtson 'grus brtsams na ni/ mi 'gro ba 'gro bar 'gro'o// mi 'gro ba'i 'gro ba gang zhe na/ 'di lta ste/ mya ngan las 'das pa ste/ de la bdud sdig can mi 'gro bas na/ mi 'gro bar 'gro ba zhes bya'o// der 'gro ba ni brtson 'grus dang ldan pa skyes bu dam pa/ sangs rgyas dang / rang sangs rgyas dang nyan thos rnams so// de ci'i phyir zhe na/ brtson 'grus spyod pa'i lam du zhugs pa ni de lta bu'i skyes bu dam pa dag dang sangs rgyas rnams so// gnas gsum gang zhe na/ las kun nas nyon mongs pa'i chos can sems can kun gyi ngan song du gzhol/ ngan song du 'bab ste/ tshul khrims dang / bzod pa dang / mang du thos pa las gzhan 'byung ba'i chos gang yang med do// kye ma'o sems can de dag ni nga zhes zer ba'i tshig gi lam la gnas pas lam ma yin pa gnas so// kye ma'o sems can 'di dag ni/ nga zhes zer ba'i brtson
- 184a
'grus brtsams pa'i le lo can no// shA ri'i bu byang chub sems dpa' mkhas pa ni/ lam ma yin pa la gnas pa'i sems can le lo can dang / 'dza' bar mi byed ston par mi byed de gzhan du na byang chub sems dpa' 'thun par spyod pa/ brtson 'grus brtsams pa dang ston par byed do// de ci'i phyir zhe na/ shA ri'i bu sangs rgyas kyi chos yongs su mya ngan las 'das pa las gzhan/ mya ngan las 'das pa mchog gang yang med do// shA ri'i bu byang chub sems dpa' rnam par byang ba la mos shing brtson 'grus brtsams pa ni/ bdag gi lus 'ba' zhig nye bar zhi bar bya ba'i phyir brtson 'grus dbang du 'gro bar mi bya ba bcu gang zhe na/ shA ri'i bu dge slong rnams mdo sde gnyer zhing brtson 'grus brtsams na/ bdud sdig can tshig 'gog par byed de/ de na bar du gcod pa dra bo ste/ mkhas pas khong du chud par bya'i/ de'i dbang du 'gro bar mi bya'o// shA ri'i bu gzhan yang dge slong rnams mdo sde gnyer zhing brtson pa brtsams na mig nad 'byung ste/ de'i bar du gcod pa gnyis pa ste/ mkhas pas khong du chud par bya'i/ de'i dbang du 'gro bar mi/ bya'o// shA ri'i bu gzhan yang dge slong rnams mdo sde gnyer zhing brtson pa brtsams na/ yan lag dang nying lag na bar 'gyur te/ 'di ni bar du
- 184b
gcod pa gsum pa ste/ mkhas pas khong du chud par bya'i/ de'i dbang du 'gro bar mi bya'o// shA ri'i bu gzhan yang dge slong rnams mdo sde gnyer zhing brtson pa brtsams na/ gnas la mi dga' bar 'gyur zhing / 'gro ba'i sems bskyed par 'gyur te/ de ni bar du gcod pa bzhi pa ste/ mkhas pas khong du chud par bya'i/ de'i dbang du 'gro bar mi bya'o// shA ri'i bu gzhan yang dge slong rnams mdo sde gnyer zhing brtson 'grus brtsams na/ phan tshun du khro ba bskyed par bya zhing / khro ba'i zil gyis non pas/ gcig la cig gnod sems kyis de lta bu'i mdo sde la gnas par mi 'gyur te/ de ni bar du gcod pa lnga pa ste/ mkhas pas khong du chud par bya'i/ de'i dbang du 'gro bar mi bya'o// shA ri'i bu gzhan yang dge slong rnams mdo sde gnyer zhing brtson pa brtsams na/ 'thab pa la gnas par 'gyur te/ 'thab mo skye ba dang / smon thab skye ba dang / brtsod pa dang / gnod par byed par 'gyur te/ gcig la cig dag gi mtshan rgyas mngon par brtsod cing 'tshe ba la gnas por 'gyur ro// de dag 'thab mo bskye ba dang smyon thabs bskye ba dang brtsod pa dang gnod sems dang ldan zhing phan tshun dag gi mtshon brgyas mngon par brtsod cing 'tshe ba la gnas pas bar du gcod par 'gyur te/ smod pa'i las kyi phyir 'di lta bu'i mdo
- 185a
sde la 'jug pa spro bar 'gyur te/ de ni bar du gcod par 'gyur ba drug pa ste/ mkhas pas khong du chud par bya'i/ de'i dbang du 'gro bar mi bya'o// shA ri'i bu gzhan yang dge slong rnams mdo sde gnyer zhing brtson pa brtsams na/ khyim pa dang rab tu byung ba la bdud sdig can kun nas slong bar 'gyur ro// de dag bdud sdig can gyis kun nas blangs nas/ 'di lta bu'i mdo sde la nan tan mi byed pa dang / rab tu smod cing spong ba'i las la spro bar 'gyur te/ de ni bar du gcod pa bdun pa ste/ mkhas pas khong du chud par bya'i/ de'i dbang du 'gro bar mi bya'o// shA ri'i bu gzhan yang dge slong rnams de'i tshe de'i dus na dam pa'i chos nub pa'i dus kyi tshe/ 'di lta bu'i mdo sde dang chos 'dul ba la brtson pa'i dge slong gzhon nu ring po ma lon pa 'byung bar 'gyur te/ de dag nges pa dang / dad pa dang / lhag pa'i bsam pas bla na med pa yang dag par rdzogs pa'i byang chub la zhugs pa de dag 'di lta bu'i mdo sde mnyan te thos nas dga' ba dang mos pa rgya chen po thob par 'gyur ba de dag la/ de dag gis mkhan po dang slob dpon gyis chos dkar po gcod par byed de/ 'di ni sangs rgyas kyi tshig ma yin/ 'di ni sangs rgyas kyi byang chub ma yin/ 'di ni 'dul ba ma yin/ 'di ni ston pas bstan pa ma yin no zhes bzlos pa dang / de
- 185b
dag tha dad pas rab tu brtags nas/ 'di dag ni bdag cag smod par 'gyur ro// yang shA ri'i bu de'i dus na dge slong dag gang yang nyan par mi 'gyur ro// de nas bcom ldan 'das kyis de'i tshe tshigs su bcad pa 'di dag gsungs so// 'di 'dra ba yi chos thos nas// bar du gcod pa yong mi 'gyur// sangs rgyas kyi ni chos thams cad// de la bdag ni nem nur med// gang dag bsod nams chung 'byung ba// de dag 'di 'dra nyan mi 'gyur// gang dag bsod nams chung 'byung ba// thos nas dad par mi 'gyur ro// gang dag bsod nams chung 'byung ba// thos nas dad par 'dzin par 'gyur// gang dag bsod nams chung 'byung ba// 'di ni bstan pa min zhes zer// de ni ngan 'gror 'gro bar 'gyur// sa'i steng na dmus long bzhin// bsod nams ldan 'byung de dag ni// thos nas rab tu dga' bar 'gyur// bde 'gro bar ni de dag 'gro// phyis mar gyi snying po bzhin// gang dag bsod nams chung 'byung ba// thos nas yid ni mi bder 'gyur// de dag yun ring sdug bsngal te// mi shes pas na 'grol mi 'gyur// nyung ngu thos na kha cig ni// de dag bdud kyis yongs su bcos// sangs rgyas byang chub spangs gyur nas// myur du sems can dmyal bar 'gro/ shA ri'i bu de bzhin gshegs pa'i ye shes ni rnam par dag pa ste/
- 186a
shA ri'i bu 'khor bzhi las gang la la chung ngu na dge slong gcig gam/ dge slong ma gcig gam/ dge bsnyen gcig gam/ dge bsnyen ma gcig kyang sangs rgyas kyi chos nub par 'gyur ba'i dus kyi tshe/ de na de lta bu'i mdo sde nyan te/ thos nas nan tan byed cing 'dzin par 'gyur ba dang / gang gis thos nas spong bar 'gyur ba dang / gang yang nyan par mi 'gyur ba de dag thams cad ni de bzhin gshegs pas rab tu shes so// de la gang thos nas nan tan byed cing 'dzin par 'gyur ba de dag sgrib pa med cing yongs su dag pa bzhi dang ldan par 'gyur ro// bani gang zhe na/ tshul khrims rnam par dag cing sgrib pa med pa dang ldan par 'gyur ba dang / dal ba 'byor pa so sor thob pa rnam par dag cing sgrib pa med pa dang ldan par 'gyur ba dang / sangs rgyas mngon sum/ mthong ste 'grogs pa rnam par dag cing sgrib pa med pa dang ldan par 'gyur ba dang / de bzhin gshegs pa byams pa mthong nas mthong ma thag tu rnam par dag cing sgrib pa med par 'gyur te/ ji ltar dge ba'i rtsa ba bskrun pa dang / ji ltar sbyor ba de bzhin du so sor myong bar 'gyur te/ shA ri'i bu rnam par dag cing sgrib pa med pa bzhi po de dag dang ldan par 'gyur ro// shA ri'i bu de'i tshe de'i dus na dam pa'i chos nub par 'gyur ba de'i dus kyi tshe/ theg pa chen po la gnas pa 'di
- 186b
lta bu'i mdo sde la brtson 'grus 'byung ste/ brtson 'grus rab tu brtsom par 'gyur/ 'dzin par 'gyur/ 'chang bar 'gyur/ klog par 'gyur/ kun chub par byed/ bar 'gyur/ 'chad par 'gyur/ gzhan la yang ston par 'gyur/ rgya cher yang dag par rab tu ston par 'gyur te/ de'i tshe de dag la bar du gcod pa bcu 'byung ste/ de dag mkhas pas khong du chud par bya'i/ de dag gi dbang du 'gro bar mi bya ste/ brtson 'grus kyang brtsams par bya'o// bar du gcod par 'gyur ba yang mkhas pa dag gis khong du chud par bya'o// de dag gi brtsom pa ni brtsom pa ma yin gyi/ sems can thams cad la phan pa dang bde ba'i phyir zhugs nas khong du chud par byed/ ston par byed/ skul bar byed/ 'doms par byed/ 'phags pa'i lam la sbyor te/ de bas na skyes bu dam pa byang chub sems dpa' zhes bya'o// de nas bcom ldan 'das kyis de'i tshe tshigs su bcad pa 'di dag gsungs so// mdud pa med pa'i brtson 'grus kyis// rtag tu yang dag 'phags par 'gyur// mkhas pa byang chub sems dpa' yi// sde snod dag ni 'dzin par byed// chos rnams kyi ni don sems te// de dag blo ni bsaM mi khyab// rnam par dag par kun tshol ba'i// byang chub sems dpa' zhes bya ba// shes rab chen po de dag tshol// shing mchog drung du 'dug pa dang /
- 187a
de bzhin shes rab brtson 'grus kyis// bdud sdig can rnams skrag par byed// 'jig rten kun gyi brda dag las// tshul// khrims dag ni thams cad ston// sems can kun la phan pa'i phyir// de na brtson 'grus nyams mi 'gyur/ shA ri'i bu dus 'di lta bu dang tshe 'di lta bu 'byung bar 'gyur te/ gang nga dang khyod yongs su mya ngan las 'das pa'i 'og tu lnga brgya tha ma la/ 'di lta bu'i mdo sde 'gro ba mang po dga' ba dang mgu bar byed pa/ shes rab sgrub par byed pa/ bsod nams slob pa/ longs spyod 'phel ba sgrub par byed pa/ mtho ris sgrub par byed pa/ longs spyod phun sum tshogs pa thams cad sgrub par byed pa/ de bzhin gshegs pa'i stobs dang / mi 'jigs pa dang / so so yang dag par rig pa dang / byams pa chen po dang / snying rje chen po dang / dga' ba chen po dang / btang snyoms chen po dang / sangs rgyas kyi chos ma 'dres pa rnams sgrub par byed pa/ bdud skrag par byed pa dang / sems can rnam par dag par byed/ skye ba zad pa'i mthar byed pa/ sdug bsngal mthar byed pa/ mya ngan las 'das pa dang nye bar 'byed pa 'byung ba na/ de dag de'i dus na spong bar 'gyur/ mi 'dod par 'gyur/ yongs su gtong bar 'gyuraro// de la shA ri'i bu gang brtson pa/ rab tu brtson pa/ mngon par rab tu brtson pa/ bla na/
- 187b
med pa yang dag par rdzogs pa'i byang chub 'dod pa/ tshul khrims 'dod pa/ thos pa 'dod pa/ ti nge 'dzin 'dod pa/ shes rab 'dod pa/ rnam par grol ba 'dod pa/ rnam par grol ba'i ye shes mthong bar 'dod pa/ sang+yas kyi chos 'dod pa/ sems can thams cad la phan pa dang bde ba 'dod pa/ log par lta ba spong bar 'dod pa/ yang dag par blta ba sgom par 'dod pa/ 'khor ba spong bar 'dod pa/ 'phags pa'i lam sgom par 'dod pa/ chos ston par 'dod pa/ bdud skrag par byed par 'dod pa/ 'dod chags zhi bar 'dod pa/ zhe sdang zhi bar 'dod pa/ gti mug 'joms par 'dod pa/ ma rig pa 'joms par 'dod pa/ rig pa skye bar 'dod pa'i sems can de dag 'byung bar 'gyur te/ shA ri'i bu de dag 'di lta bu'i chos thos nas/ dge ba'i rtsa ba'i chos thams cad 'dod pa'i phyir/ brtson 'grus brtsom par 'gyur ro// 'di 'dra ba'i chos thos nas// bar du gcod par yong mi 'gyur// sangs rgyas kyi ni chos thams cad // 'di la bdag ni the tshom med// / de la shA ri'i bu sems can gang bsod nams kyi stobs kyis nye bar brtan pa/ lhag pa'i bsam pas bla na med pa yang dag par rdzogs pa'i byang chub la zhugs pa 'byung ba de dag 'di lta bu'i mdo sde chan par byed/ thos nas rgya cher dga' zhing mgu ba thob par 'gyur/ byang chub sems dpa'i sde snod kyi chos kyi rnam grangs rab tu/
- 188a
kun chub par byed par 'gyur ro// nan tan gyis sgrub par 'gyur ro// yang gang dag gis de bzhin gshegs pa'i bstan pa mnyan pa'i chos su byas par gyur pa de dag rgyu la las dang dmigs pa las dbang du ma gyur par nyan par byed de/ thos nas rgya cher dga' ba dang mgu ba thob par 'gyur// de dag dga' ba mgu ba skyes nas brtson 'grus shin tu brtan pa brtsom par 'gyur te/ de 'di lta bu'i byang chub sems pa'i sde snod kyi chos kyi dkon mchog las snying po cung zad tsam len par 'gyur ro// de ci'i phyir zhe na/ 'di lta ste/ shA ri'i bu shing thog smin pa rnam pa mang po kha dog phun sum tshogs pa/ dri phun sum tshogs pa/ ro bro ba phun sum tshogs pa rgya mtsho chen pos khyer ba dang / skyes bu la la brtson 'grus chen po'i mthu skyed nas chu chen por zhugs te/ lag pa dang rkang pas 'bad de rgya mtsho chen po de las shing tog cig blangs/ gnyis dang gsum blangs nas/ rgya mtsho chen po de nas nga rgal nas phyogs cig tu song ste/ shing tog de myangs na des sngon ma myong ba'i ro myong nas/ de 'di snyam du sems te/ shing tog 'di kha dog dang ldan/ shing tog 'di dri dang ldan/ shing tog 'di dag ro dang ldan te/ sngon ma myong gis/ da bdag gis brtson 'grus rab tu brtsams te/ lag pa dang rkang pas 'bad nas shing tog gzhan yang blang snyam ste/ rgya mtsho chen po de la
- 188b
yang ltas pa dang / des phyis ma mthong nas/ gang gi phyir shing tog kha tog dang dri dang bro ba dang ldan zhing / smin pa rnam pa sna tshogs de dag las bdag gis ma blangs pas yongasu dmas par gyur to zhes sdug bsngal zhing yid mi bde nas 'gyod do// de bzhin du shA ri'i bu phyi ma'i tshe dus lnga brgya tha ma la dam pa'i chos nub par mi 'gyur ba'i dus kyi tshe/ de dad pa chung ba/ gtong ba chung ba/ shes rab chung ba/ brtson 'grus chung ba 'byung ste/ rnam grangs gang 'di lta bu'i mdo sde dkon mchog nyan par 'gyur te/ thos nas gang cung zad tsam tha na tshigs bzhi pa'i tshigs su bcad pa cig 'dzin pa de dag la bdud sdig can yongs su 'tshe bar mi 'gyur ro// de dag la skye bo dga' bar mi 'gyur/ skye bo mang pos mchod par mi 'gyur/ skye bo mang pos bstod par mi 'gyur te/ mi dga' mi mchod mi bstod par rig nas/ btang snyoms su 'gyur ro// yang de dag gis gang thos par 'gyur ba dang / gang 'dzin par 'gyur ba yang myur zhing phra la chung ste/ mi mang po phyogs cig tu song nas sems la bzung ste sems par rtog cing / de dag rtag tu mi dga' ba skye zhing 'gyod par gyur te/ kye ma'o bdag de bzhin gshegs pa'i bstan pa mchog las yongs su nyams te/ chos mang por mthos chos mang por ma bzung ngo zhes de dag yud tsam la yang de bzhin gshegs pa dgra bcom pa yang dag par rdzogs
- 189a
pa'i sangs rgyas rjes su dran par 'gyur ro// shA ri'i bu gzhan yang de'i dus na bdud kyis byin gyis brlabs pa'i dge slong dag 'byung bar 'gyur te/ gang mdo sde dag thos nas skye bo mang po'i mdun du mdo sde 'di ni rang bzor byas pa ste/ 'di ni sangs rgyas kyis gsungs pa ma yin no zhes kyi don 'dod pa yang dag pa yin no zhes smras nas/ sangs rgyas kyi byang chub yang dag par spong bar 'gyur ro// dge slong gsar bu de ngag dad pa dang yid ches pas rab tu brtags nas sngon gyi dga' ba kun 'joms par 'gyur/ yang dag par gcod par 'gyur ro// de dag dge ba'i rtsa ba chad nas bdud sdig can gyis chos rnams las kun nas blang nas/ chos kyis 'phongs par 'gyur ba'i las mngon par 'du byed par 'gyur te/ de dag 'chi ba'i dus kyi tshe/ 'chi bar nye bar 'gro bar 'gyur/ 'chi ba chen por mngon par 'gro bar 'gyur/ sems can dmyal ba'i las mngon par 'du byed par 'gyur te/ de dag kyang shA ri'i bu de bzhin gshegs pas rab tu shes so// gang yongs su spong bar 'gyur ba dang / sems can ji snyed yongs su spong bar 'gyur ba dang / gang yongs nas yongs su spong bar 'gyur ba dang / song nas yongs su spong bar 'gyur ba de dag kyang de bzhin gshegs pas rab tu shes so//
- 189b
de la shA ri'i bu byang chub sems dpa' brtson 'grus brtsams shing theg pa chen po la zhugs pas 'du shes bzhi bskyed par bya'o// bzhi gang zhe na/ bdag gdul ba'i 'du shes bskyed par bya ba dang / bdag gis byas pa la so sor brtags par bya'i/ gzhan gyis byas pa la ma yin pa dang / sems can gzhan la snying rje'i 'du shes bskyed par bya ba dang / rang gis sems rjes su bsrung ba dang / gzhan gyis sems rjes su bsrung zhing dgon pa nags kyi bas mtha'i gnas mal stan la gnas par bya ba ste/ 'du shes 'di bzhi bskyed par bya'o// shA ri'i bu gzhan yang de'i dus na skye bo mang po log par lta ba yongs su 'dzin par 'gyur ro// de'i dus ni chos smra ba'i dge slong nyung bar 'gyur ba'i steng du de dag la yang brnyas par 'gyur/ sti stang du mi byed/ btsun par mi byed/ ri mor mi byed/ mchod par mi byed/ gtsang mar mi byed/ bsten par mi byed/ bsnyen bkur mi byed do// de'i dus na chos ma yin par smra ba'i dge slong dag la skye bo mang po bsten par 'gyur/ sti stang byed/ btsun par byed/ ri mor byed/ mchod par byed de rab tu dgod pa dang / shin tu stobs dang ldan par 'gyur te/ de dag mdo sde 'di lta bu la 'phya zhing 'khyal bar 'gyur ro// de la shA ri'i bu gang mi 'dod pa de dag ni mi 'dod pa nyid du 'gyuraro// gang 'dod pa de dag kyang
- 190a
'dod pa nyid du 'gyur ro// gang 'di lta bu'i mdo sde 'di 'jug par 'gyur ba de dag ni skye bo mang po'i nang du 'chad par mi 'gyur te/ de ni bar du gcod pa brgyad pa ste/ mkhas pa dag gis khong du chud par bya'i de'i dbang du 'gro bar mi bya'o// shA ri'i bu gzhan yang de'i tshe dge slong 'dod pa'i zil gyis non pa rku ba mang ba dag 'byung ste/ de dag chos gsum la spro bar 'gyur ro// gsum gang zhe na/ lhung bzed dang / chos kun tu tshol ba dang / bza' ba dang btung ba la chags pa dang / 'jig rten rgyang phan pa tshol ba la spro bar 'gyur te/ de ni bar du gcod pa dgu pa ste/ mkhas pas khong du chud par bya'i/ de'i dbang 'gro bar mi bya'o// shA ri'i bu gzhan yang de'i tshe de'i dus na theg pa chen po la zhugs pa 'di lta bu'i mdo sde la rab tu brtson ba dag 'byung ste/ brtson 'grus rab tu brtsom pa dang / 'dzin pa dang / bris nas 'chang ba dang / klog pa dang / kun chub par byed pa dang / gzhan la yang 'chad cing rgya cher yang dag par rab tu ston par 'gyur ba de dag bdud kyis byin gyis brlabs nas/ las kyi sgrib pas sgrib par 'gyur/ nyon mongs pa'i sgrib pas sgrib par 'gyur te/ de dag las la dga' bar 'gyur/ las la dga' zhing las la dga' ba'i sbyor ba la brtson par 'gyur/ smra ba la dga' bar 'gyur/ smra ba
- 190b
la dga' zhing smra ba la dga' ba'i sbyor ba la brtson par 'gyur/ gnyid la dga' bar 'gyur/ gnyid la dga' zhing gnyid la dga' ba'i sbyor ba la brtson par 'gyur// 'du 'dzi la dga' bar 'gyur/ 'du 'dzi la dga' zhing 'du 'dzi la dga' ba'i spor ba la brtson par 'gyur te/ de dag 'di lta bu'i mdo sde 'dzin par mi 'gyur/ 'chang bar mi 'gyur/ klog par mi 'gyur/ kun chub par byed par mi 'gyur/ pho rol la 'chad par mi 'gyur/ pha rol la rgya cher yang dag par rab tu ston par mi 'gyur te/ shA ri'i bu de bzhin gshegs pa'i bstan pa'i bar du gcod par 'gyur ba dang / de bzhin gshegs pa'i bstan pa la rab tu 'jig par byed pa ni dge slong sdig can las gzhan gang yang med do// shA ri'i bu de ni de'i dus na bar du gcod par 'gyur ba bcu pa ste/ shA ri'i bu mkhas pa dag gis khong du chud par bya'o// de'i dbang du 'gro bar mi bya'o// de nas bcom ldan 'das kyis de'i tshe tshigs su bcad pa 'di dag gsungs so// de na bdud kyi las kyi ni// bar du gcod pa mang po 'byung // dkar po'i chos ni spong bar 'gyur// dben pa dag ni gnyer ba med// shes rab chung zhing blo ngan pas// dam pa'i chos la mi gnas shing // chos ma yin la spyad byas te// de dag ngan 'gro spyod yul 'gyur// de ni 'chi ba'i dus kyi tshe// bla ma mkhan po slob dpon rnams// mgon dang skyabs ni byed
- 191a
'gyur yang // de dag ngan 'gror 'gro bar 'gyur// bdag gis bskal pa bye stong du// sdug bsngal 'jig rten don spyad na// me gsum dag gis tshig pa yi// sems can ji snyed 'gro bar 'gyur// bdag gis byang chub mchog thob ste// tshangs pa'i 'khor lo rab bskor bas// lha dang bcas pa'i 'jig rten na// bdag mtshungs med na ga la lhag/ 'jig rten 'di na rab dkon pa'i// nga la btang snyoms de dag byed// pha rol phyogs na bsnyen pa dag/ de dag rab tu sdug bsngal 'gyur// byang chub kyi ni lam rgyu yi// sbyin pa las ni log par byed// sangs rgyas bstan dang gang ldan pa// lam dag las kyang myos par med// 'di 'dra ba yi chos thos nas// gang du ston pa nyid bsngags shing // nan tan la ni gang gnas pa// bar du gcod pa 'byung bar 'gyur// 'di mchog yang dag 'di yin zhes// yang dag min la bden mi shes// dam pa'i chos la smod pa la// bar du gcod par mi 'byung ngo // sangs rgyas la ni dga' ba dang // gus pa brtan pa gang 'byung ba// de dag 'di 'dra'i chos thos nas// bzang po rnams ni dga' bar 'gyur// dga' ba skyes par rig nas ni// bdud rnams yid mi bde gyur nas// de la de dag par gcod de// rab tu 'jigs pa byed par 'gyur// dge slong cha byad sgyur byas nas// 'di ni
- 191b
byang chub lam min na// ci phyir 'di la yongs rgyug bya// des ni rab tu 'gyod par byed// mdo sde 'di la rgyu yod de// snying po brtan par rab gnas la// 'chal// par byed pa skyed byas nas// phyis ni rab tu spong bar 'gyur// bdud kyis yongs su blangs gyur nas// ji ltar bde ba bzhin du bzung // 'di ni chos min zhes smras nas// des ni mya ngan 'das pa spangs// ston pa de dag gis btang nas// chos la yang ni gnyer ba med// bdag la sred pa skyed byas nas// sems can dmyal bar myur du 'gro// gang dag chung ngu byung ba ni// stong pa'i chos rnams mi gnyer zhing // yul ni so sor gnas gyur pas// mi 'dum pa dang ldan par 'gyur// chos rnams kyi ni mchog 'di yang // mnyan nas 'gal ba smra bar byed// dngangs shing skrag nas rape bros te// phyi ma'i dus na byed par 'gyur// gang yang rung ba mi nyung ba'i// 'chad par byed pa mi 'byung ste// gang dag chung ngur gyur pa rnams// de dag rnams kyang btang snyoms 'gyur// 'jig rten mgon gyis bstan pa la// 'di lta bu yi chos 'di yi// bar du gcod pa mang byung ste// ji ltar me mar bzhin du 'gyur// de la rab tu nges pa rnams// srog bor dgon pa gnas par 'gyur// chos 'di dag ni bsgom byas na // myur du bde 'gror 'gro bar 'gyur// de la shA ri'i bu theg pa chen po la zhugs pas 'di lta bu'i mi bzad
- 192a
pa dang / mi bsngags pa dang / dam pa'i chos rab tu 'jig pa mthong ste/ brtson 'grus chen po'i stobs kyi shugs rab tu bskyed nas 'di lta ste/ 'di lta bu'i mdo sde byang chub sems dpa'i sde snod kyi chos kyi rnam grangs 'di rab tu mnyan par bya/ bzung bar bya/ bris nas bcang bar bya// gzhan la bshad par bya/ rgya cher yang dag par rab tu bstan par bya'o// de nas yang 'du shes bzhi bskyed par bya'o// bzhi gang zhe na/ bdag gi pha'i nor gyi phung po 'di rab tu 'jig par 'gyur te/ gang gi phyir bcom ldan 'das de bzhin gshegs pa dgra bcom pa yang dag par rdzogs pa'i sangs rgyas shAkya thub pa des/ bskal pa bye ba khrag khrig brgya stong grangs med pa nas bzung ste/ dka' ba spyad pa yin na/ de'i phyir 'di rab tu 'jig par 'gyur ba bzung bar bya/ kun tu rab tu bzung bar bya ste/ rab tu mi 'jig par bya'o// brtson 'grus brtsam mo// 'di lta ste/ shA ri'i bu skyes bu gcig cig yod de/ byams sdug yid du 'ong zhing mi mthun pa med par snang ba de/ g.yang sa chen po nas lhung bar gyur pa dang / des de lag gis bzung ste/ sems can dmyal ba'i g.yang sa chen po 'dir ltung bar ma gyur cig ces 'dzin/ rab tu 'dzin pa de bzhin tu/ shA ri'i bu skyes bu dam pa de dag nga la dad cing / chos dkon mchog bla na med pa 'di yang yongs
- 192b
su mi gtong zhing / mya ngan las 'das pa la yang re bar 'gyur ba de dag de'i dus na dam pa'i chos yongs su 'dzin par 'gyur bas/ ngas de dag la byang chub mchog 'di gtad par bya'o// 'di lta ste/ shA ri'i bu yul chen po'i nang na gang skye bo mang po bsrung ba'i phyir dpung gi mdun na 'dug par 'gyur ba'i sems can de dag ni nyung bar 'gyur ro// yang shA ri'i bu gang dpa' ba byams pa bsgom pa g.yul las rnam par rgyal ba de dag de na/ g.yul mi bzad pa chen po'i dus ni skye bo mang po'i phyir dpung gi mdun na 'dug pa de bzhin du/ shA ri'i bu dam pa'i chos rab tu 'jig par 'gyur ba'i dus de na/ gang lhag pa'i bsam pas yongs su mya ngan las 'das pa 'dod pa/ dpa' ba brtson 'grus brtan pa/ go cha bsra ba bgos pa de dag brtson 'grus chen po'i stobs bskyed de/ bdud kyi dpung las rgyal zhing 'di lta bu'i chos dkon mchog 'di las snying po cung zad tsam 'gyur ro// de ci'i phyir zhe na/ shA ri'i bu tshig bzhi pa'i tshigs su bcad pa gcig tsam yongs su spong ba la yang rjes su yid mi rang zhing smod pa byed la/ 'di ni sangs rgyas kyis bshad pa yang dag pa'o zhes skye bo mang po la sgrogs shing shes par byed pa de na/ 'das pa dang ma 'ongs pa dang / da ltar gyi sangs rgyas bcom ldan 'das
- 193a
rnams kyi legs par bshad pa la rjes su yi rang ba ste/ sha ra dwa ti'i bu de lta bu'i gang zag rnams la bsod nams kyi rnam par smin pa chung ngo zhes nga mi 'chad de/ nam mkha' dang mnyam pa'i bsod nams kyi phung po dang ldan par 'gyur ro// de ci'i phyir zhe na/ shA ri'i bu skyes bu dam pa de lta bu ni shin tu dkon te skyes bu mchog ces bshad do// skyes su rab ces bshad do// skyes bu dpa' bo zhes bshad do// skyes bu chen po zhes bshed do// de ni de bzhin gshegs pa'i chos kyi phyogs so// de sde mi smra mi 'khrug go// de nan tan gyi snying po ste/ shA ri'i bu 'chi ba'i mtha'i bar du nan tan snying por bya'o// 'chi ba'i mtha'i bar du dam pa'i chos yongs su bzung bar bya'o// shi ba'i mtha'i bar du stong pa nyid la mos par bya'o// shA ri'i bu chos de bzhi dang ldan na de'i tshe de'i dus na ngem pa'i chos rab tu rnam par 'jig pa'i dus/ dam pa'i chos nub par 'gyur ba'i dus/ dam pa'i tshul khrims can gyi phyogs mang ba'i dus/ 'jig rten rgyang phan pa'i sngags tu tshol ba mang ba'i dus/ bskal pa rnyog pa'i dus/ sems can rnyog pa'i dus/ tshe rnyog pa'i dus/ nyon mongs pa rnyog pa'i dus/ lta ba rnyog pa'i dus na/ dus gsum la
- 193b
gnas par bya/ zab mo nye bar zhi ba la gnas par bya/ sangs rgyas kyi byang chub dang / 'bral bar mi 'gyur bar bya ste/ shA ri'i/ bu 'di dus gsum la rab tu gnas par bya'o// de nas bcom ldan 'das kyis de'i tshe tshigs su bcad pa 'di dag gsungs so// mchog gi chos dang bral bar mi 'gyur te// rga shi zad dang byed par 'gyur// de la phyir zhing nyams mi 'gyur// bdag don skye bo mang phan ldan// gang dag ngas bstan chos thos nas// tshul bzhin gnas par 'gyur ba dgade yi ston pa nga yin te/ de dge nga'i nyan thos yin// gang dag chos rnams thos gyur nas// tshul bzhin gnas pa ma yin pa// de dag ngan 'gror 'gro bar 'gyur// ji ltar rgya mtsho shing rta bzhin// bskal pa bye ba phrag stong du// sangs rgyas 'byung bar rang dka' bar/ rnyed nas mnyes par mi byed pa/ de dag rnams kyang bdud dbang song //
- 194a
/ byang chub sems dpa' pa'i sde snod/ bam po bcu gsum pa// / sha ri'i bu sngon byung ba 'das pa'i dus bskal pa dgu bcu rtsa gcig tu gyur pa de'i dus na/ de bzhin gshegs pa dgra bcom pa yang dag par rdzogs pa'i sangs rgyas rnam par gzigs zhes bya ba/ rig pa dang rkang / pa ldan pa/ bde bar gshegs pa/ 'jig rten mkhyen pa/ skyes bu 'dul ba'i kha lo sgyur ba/ bla na med pa'i dang mi rnams kyi ston pa/ sangs rgyas bcom ldan 'das 'jig rten du 'byung ba de'i gsung rabs las sdig pa'i dge slong drug byung ste/ 'di lta ste shin tu mthong zhes bya ba dang / rab smod dang / dga' byed dang / dge byed dang / grags pa dang / mes byin zhes pa rnams te/ bdag tu smra ba gang zag du smra ba/ chad par smra ba/ rtag par smra ba rnams dang / grogs sdong zhing phan tshun du snying brtan par gnas te/ de dag gis de lta bu'i khrims byas so// bdag cag res kyang khrims brgya bzung bar bya'o// khrims brgya yongs su rdzogs nas/ gcig la cig spyad par bya'o// khyim pa grub pa dag la ni nyi shu dang / sum bcu dang / bzhi bcu dang / lnga bcu nas brgya'i bar du bsnyad par bya'o zhes de lta bu'i khrims byas nas/ grong dang grong khyer dang / grol rdal dang ldong dang / yul dang pho brang 'khor da dong na/ de dag thams cad khyi gcig tu deng ngo // khyim du dong nas cig la cig thog ma nyid du sangs rgyas la mi snyan pa ji skad du zer zhe na/
- 194b
khyim der phyin nas 'di skad ces smras te bdag yod do// sems can yod do// srog yod do// gang zag yod do// gal te bdag med du zin na/ 'ong ba su 'gro ba su/ 'dug pa su/ nyal ba su smra ba su/ mi smra bar 'gyur ba su/ sbyin pa sbyin par byed pa su len pa su/ za ba su/ bde ba dang sdug bsngal gyi tshor ba/ so sor yang dag par mong ba su/ gang khyed la 'di skad du bdag med/ sems can med srog med/ gang zag med ces smra ba de ni khyed kyi mi dge ba'i bshes gnyen te/ dge ba'i bshes gnyen ma yin no zhes zer ba dang de na sha ri'i bu bud med dang / skyes pa dang / khye'u dang bu mo dag gis gang mi dge ba'i bshes gnyen de ni sdig pa'o// de'i phyir sdig pa'i grogs por gyur pa de dge ba'i bshes gshin ma yin no/ zhes de skad smras pa dang / de dag gis de dag la khyed de ltar shes pa ni mkhas yin te/ gang sdig pa'i grogs po de dag khyed de ltar shes pa ni mkhas pa yin te/ gang sdig pa'i grog po de dag ni dge ba'i bshes gnyen maHyin no// gang khyed la bdag med/ sems can med/ srog med gang zag med de skad ces zer ba dang brten par mi bya/ 'grogs par mi bya/ bsnyen bskur bya'o zhes smras so// dge slong de dag re res kyang zla ba phyed kyis khyim lnga brgya lnga brgya logs par 'dzin du btsud do// shA ri'i bu de la bcom ldan 'das de bzhin gshegs pa dgra bcom yang dag pa rdzogs pa'i sangs rgyas rnam par gzigs kyis nyan thos kyi dge slong dgra bcom pa/ dri ma dang nyon mongs pa bsal ba dag grong du
- 195a
dong ste phyin pa dang / bud med dang skyes pa dang // khye'u dang bu mo dag gshe zhing mi snyan pa zer/ 'khor du dbyung mi bzod pa'i tshig rtsung / mos bskur pa 'debs shing tshigs su bcad pa 'di dag smras so// khyed ni lam rmongs pa te/ chos shes pa ni khyed ma yin// khyod ni chos las nyams pas na// thams cad sems can dmyal bar 'gro// de ltar dge slong de dag la klu'i dbyangs kyis gshes zhing mi snyan par smras pa dang // sangs rgyas kyi bsngags pa mi brjod pa'i phyir slar tshigs su bcad de smras pa/ 'dus byas thams cad mi rtag pa/ ches thams cad de smras pa/ chos thams cad la bdag med do// rtag med ther zug med do zhes/ sangs rgyas kyis bshad do// gsob dang de bzhin stong pa ste/ 'dus byas thams cad snying po med/ brdzun pa smras pa'i chos can te/ byis pa thams cad rtag tu bla/ de bzhin gshegs pas bdag med srog med par gang zag med par chos bstan te zhes tshigs su bcad de smra b.re/ byin dang za dang len pa dang // tshor ba rgya chen myong ba ste/ bdag med par ni gang smra ba// de dag ngan 'gror 'gro bar 'gyur// de la shA ri'i bu gang 'gyur// de la shA ri'i bu gang skyes pa dang / bud med dang / khye'u dang bu mo skyes bu dam pa ma yin pa'i chag bzhin du byed pa de dag las/ srog chags drug khri brgyad stong de nas shi 'phos nas/ bstir med pa'i sems can dmyal ba chen po'o skyes te/
- 195b
'di lnga ste chang 'jong gi re lde de nas de dag gi lus gzugs mngon par grub ni 'di lta ste de per na nya lta bu'o// 'di lta bu'i mgo sa par bar grub pa ni dper na mi lta bu ste/ 'di lta bus lce mngon par grub pa/ ba ni 'di lta ste dper na chang 'tsho gi re lde lta bu'o ste/ de dag gi lce de la lcags kyi thong mang pos rab tu rmos so// de dag gi lus re re la yang mtshon shag ti brgyas dmyal to// steng gi bar snang nas lcags kyi thu lum kun tu 'bar ba/ kun tu rab tu 'bar bas 'bar ba dang bcas par gyur pa/ 'bar ba gcig tu gyur pa lus kyi steng du 'bab bo// de nas bcom ldan 'das kyis tshigs su bcad pa 'di dag gsungs so// kun du 'bar 'dra glog lce 'dra/ brgya'i phrag ni stong rnam dag/ rtag tu lus la 'bar ba ste// mi ni tshor ba myong bar byed// thams cad lus ni kun tu 'bar// 'od gzer ldan pa bskyed par dka'/ dpag tshad brgya dag gang ba yis// lus la 'od gzer rab tu byung // re re dag gi lce la yang / de rnyed gshol gyis mo bar byed/ lce thams cad ni dral bas na// sdug bsngal dag gis tshor ba myong / sdig pa'i grogs po sten byas te// de dag phyi phyir 'byung bar 'gyur// tshul khrim ldan pa rnam spangs nas// myur du ngan 'gror 'gro bar 'gyur/ yang shA ri'i bu skyes bu dam pa ma yin pa drug po de dag de nas shi 'phos nas// bstir med pa'i sems can dmyal ba chen por skyes nas// de dag re re'i
- 196a
@lus kyang dpag tshad brgya brgya par mngon par grub par gyur to// lus re re la yang kha stong stong mngon par grub par gyur to// kha re re la yang dag lce gnyis gnyis mngon par grub par gyur te/ chu zheng du dpag tshad bzhi dag go// lce re re la yang dag gshol lnga brgya lnga brgya mngon par grub par gyur te/ de dag lcags kyi thu lum dang lcags kyi gshol gyis rmos te/ gang de dag gis lce bshags nas a na na zhes zer yang mi nus so// de dag re re'i mgo la yang sems can dmyal ba'i srungs ma bye ba phrag stong gnas shing / mgul pa dmyal bar byed do// de na de dag cig gi tshe'i tshad kyang lo bye ba phrag steng du gyur to/ de bzhin du sems can dmyal ba chen po gzhan dang gnyen dag tu tshor ba rnam pa mang po yang myong bar gyur to// de ci'i phyir zhe na/ de ltar sangs rgyas kyi bstan pa'i mi bsngags pa brjod pa byas pa'i phyir ro// yang de'i dus na khyim bdag bde ba zhes bya ba phyug cing nor che ba/ long spyod che ba lo spyod mad pa/ mang du bdog pa/ dbyig dang gser dang / nor bu dang mu tig dang / pUr+ya dang / dung dang men shel dang / byi ru dang dngul drang / sa lo sbram mang po dang ldan pa/ zan po dang bran mo dang / las byed pa'i mi mang ba// nor dang 'bru dang / bang ba dang mdzod mang po dang ldan pa de gang skyes bu dam pa ma yin pa de dag gis/ chad par lta ba mu stegs can gcer bu
- 196b
ba'i smra ba la gzhag par gyur to// de'i chung ma 'od 'phro ldan zhes bya bar gyur pa gzugs bzang ba/ mnos palta na sdug pa/ kha tog mchog tu rgyas pa dang ldan par gyur to// de'i skyes bu yang gzugs bzang ba/ mdzes pa ta na sdug pa/ kha tog mchog tu rgyas pa dang ldan pa dang / sangs rgyas bye ba khrag khrig brgya phrag stong mang bo la dge ba'i rtsa ba skrun pa zhig ste/ de btsas ma thag tu lan gsum 'dzum mul zhes dgod nas/ bdag ni chad par smra ba'i rigs su skyes so zhes de skad kyis tshigs gi las smras pa dang / khye'u de'i mas sgra de thos nas sngangs skrag ste/ sems khong du chud cing ba spu g.yos nas khye'u de bo te bros pa dang / bud med gzhan 'dus pa dag kyang byer ro// de na sha ri'i bud med de dag ring mo zhig tu phyin pa dang slar logs te lta zhing / 'di lha 'am klu 'am/ gnod sbyin nam dri za 'am/ lha ma yin nam/ nam mkha' mkha' lding ngam/ mi 'am ci 'am/ lto 'phye chen po 'am/ grul bum 'am 'byung po 'am/ sha za 'am mi 'am/ mi 'am mi ma yin pa 'di su zhig shes par bya'o snyam mo// shA ri'i bu de nas khye'u des slar bsams pa// kye ma'o bud med de dag ni bde ba las bros par gyur to snyam nas// de'i tshe tshigs su bcas pa 'di dag smras so// nga ni khyed kyi don 'dod kyis// don med pa la ma 'jigs shig/ khyed ni lam ngan zhugs pa las// ngas ni rab tu dgrol bya'o// khyed rnams bde bas 'jigs
- 197a
par byed// mi 'dza' bas ni mdun gyis byas// logs par lta bar lhung ba la// ngas ni khyed rnams dgrol bar bya// shA ri'i bu de nas khye'u de'i ma dang pa dang / skye bo mang pos tshigs su bcad pa de dag thos nas khyi'u de ga na ba der spong ngo // de nas khye'u des rang gi pha dang ma la tshigs su bcad pa 'di dag smras so// nor dag ni 'bru dag las/ khyim na rgya chen yod pa dag/ myur du bdag la byan cig dang / bdag ni sangs rgyas nyan thos so// 'jig rten gsum kun dkyil 'khor na/ rnam gzigs 'jig rten snang mdzad pa de 'dra ba ni gang yang med// srogs chags kun la phan pa'i phyir/ chos rnams yang dag rab ston gang // rnam gzigs 'jig rten snang mdzad pa// bdag ni de'i blos so// gang gi sku la skyes chen gyi/ sum bcu rtsa gnyis mtshan mnga' ba/ rnam gzigs 'jig rten sgron ma mdzad/ bdag ni de'i thos so// bskal pa bye ba phrag stong du/ u tum ba ri'i me tog ltar/ yang dag shin tu thos dka' ba/ bdag ni de'i nyan thos so// de ltar sha ri'i bu khyed de'i pha dang mas dbyigs bye ba phrag nyi shu rtsa lnga byin nas/ khye'u 'di ni khyed kyi pha ma'i nor yin gyis gang la sems dang par gyur pa de la sbyin pa byin cig ces de skad smras nas/ de'i tshe tshigs su bcad pa 'di dag smras so// 'di ni khyod kyi pha'i nor/ 'di ni khyod kyi ma'i nor/ gang du sems ni dang gyur par/ khye'us
- 197b
sbyin pa byin par byos/ dbyig rnams dang ni gser kyi rnams// khyim 'di na ni yod pa dag/ de dag myur du khyer byos te/ gang du sems dang der phul cig/ mal cha dang ni bding ba dang / byug phreng ba dri rnams dang / dga' bzhin du byos la/ gang du sems dang dbul byos shig/ sangs rgyas chos dang dge 'dun ni bla na med pa'i bsod nam zhing // srog chags lnga phan pa'i phyir/ de dag la ni dbul ba phul/ sha ri'i bu de nas khye'u rang gi pha ma la slar tshigs su bcad pa 'di dag smras so// rnam par gzigs pa 'jig rten mgon// de'i drung du bdag mchi ste// srog chags kun la phan phan pa'i phyir/ shin tu rgyas pa'i mchod pa bgyi/ lha rnams dad ma ni mi dag las/ gang dag bde ba 'dod pa rnams/ bdag ni 'gro bar gyur pa'i// rjes bzhin du ni kun shAg/ shi ri'i bu de nas khye'u des shes bzhin du phyogs bzhir ltas nas rang gi pha ma la kye yab yum/ bdag ni bcom ldan 'das de bzhin gshegs dgra bcom yang dag par rdzogs pa'i sangs rgyas rnam par gzigs gang na ba der mchi'o zhes de skad ces smras pa dang / de nas skyes po mang pos thos nas de dag 'di snyam du sems te/ ji ltar na skyes nas nyi ma gcig khyo na lon pa'i khye'u pha ma la smra zhing rkang gis 'gro zhig gu snyam nas/ de na srog chags bye brgyad khri bzhi stong 'dus pa gyur te/ khye'u 'di lha 'am kU 'am/ gnod sbyin nam/ dri za'am lha
- 198a
ma yin ram/ nam mkha' lding ngam/ mi 'am ci 'am mi yin pa'i gang yin shes par bya'o snyam mo// de nas khye'u de srog chags brgyad khri bzhi stong po de dag dang lhan cig tu/ bcom ldan 'das de bzhin pa gshegs pa dgra bcom pa yang dag par rdzogs pa'i sangs rgyas rnam par gzigs gang na ba der dong ngo // yang shA ri'i bu khye'u de 'gro ba na steng bar snang las gdugs stong phrag bcu byung nas/ de dag gis de'i lus skabs te/ de'i lus la rlung dang nyi mas gnod par ma gyur par byed do// yang khye'u de 'gro ba na steng gi bar snang las gser gyi dra ba bres par gyur to// yang khye'u de 'gro ba na lha'i las kyang lhag pa'i me tog gi char dang phye ma'i char rab tu phab po// yang khye'u de 'gro ba na bsil ba'i rlung lha'i dri dang ldan pa langs so// yang khye'u de 'gro ba na lam spos chus btab par gyur to// yang khye'u de 'gro ba na lam gser gyi klags mas gyur g.yogs pa gyur to/ yang khye'u de 'gro ba na lam pus mo nub pa tsam du lha'i me tog chal par bkram par gyur to// yang khye'u de 'gro ba na rdzing bu stong phrag du ma byung ste/ rdzing bu de dag kyang yan lags brgyad dang / ldan pa'i chus yongs su gang la/ me tog ud pa la dang / pad mo ngang ku mu da dang / pun d+ha ri kas khebs shing ngur pa sgra 'byin par gyur to/ yA khye'u de 'gron lam gyi mu rin po che sna bdun gyi stegs bu dkrigs par gyur to// yang khye'u
- 198b
'gro ba na lha'i sil snyan mang po 'khrol bar gyur to// yang khye'u de 'gro ba na lam gyi g.yas g.yon rin po ches kun tu brgyan par gyur to// yang khye'u de 'gro ba na mdun du me tog srang gcig byung bar gyur to// de rkang pa 'dor zhing gom pa bor nas mi snang snang bar gyur to// de nas khye'u de yud tsam zhig lam du 'phags te slar log nas tshigs su bcad de smras pa// / rigs pa mi rigs rgya lam mi grogs te/ nga'i lam chen gzugs ni gud na ste// khyed ni mi rigs de ni rigs pa ste/ rigs pa'i rgyal po'i drung du 'gro bar bya// bskalu pa khrag khrig mang po 'das kyang ni// brgya lam dag na mi'i lus thob cing // brgya lam dag na sangs rgyas 'byung 'gyur te// dad dang shes rab dag kyang brgya la paM thob// shA ri'i bu khyed 'u des tshigs su bcad pa de dag smras ma thag tu/ de nas steng gi bar snang lha bye ba brgyad khri bzhi steng gis legs so zhes bya ba byin no// legs so legs so shes rab che/ khyod kyi sbas pa mchog yin gyis/ mi rigs rnams ni phyi nas 'ong // grogs po rigs pa khyod bzhud cig/ sha ri'i bu de nas khye'u des lha rnams la tshigs su bcad pa 'di dag slar smras so// khyed kyis rigs shes smras pa dang // khyed kyis mi rigs zhes smras pa/ rigs pa'i don ni ji lta bu// mi rigs don yang ji 'dra zhig/ sha ri'i bu de nas lha de dag gis khye'u de la slar tshigs su bcad pa 'di dag smras so// 'dod pa'i long spyod
- 199a
@#gang gnas pa// de ni 'byung ba'i spyod yul min// de dag mi rigs rmongs pa ste// de dag sems can dmyal lam la gnas// 'dod pa'i long spyod spangs byas nas// khyim med par ni rab 'byung ba/ 'jig rten 'di na gang dag rigs// de dag rigs zhes rab tu bshad/ sha ri'i bu de nas khye'u des lha de dag la slar tshigs su bcad de smras pa// ji ltar rigs zhes bya ba de// khyed kyis de ni mi shes so// ji ltar mi rigs zhes bya ba// ngas ni de dag rab tu shes// de ltar sha ri'i bu khye'u de bcom ldan 'das de bzhin gshegs pa rnam par gzigs gang na ba der song ste phyin nas/ bcom ldan 'das kyis zhabs la mgo bos phyags 'tshal te/ lan gsum bskor ba byas nas phyogs cig tu 'dug te/ bcom ldan 'das de bzhin gshegs pa rnam par gzig de la tshig su bcad pa 'di dag gis mngon par bstod do// 'jig rten 'di dag don phyir spyod// rigs gsum bdud rtsi rab sbyin pa// glang po che seng gi che// rtag tu khyod la phyag 'tshal shog/ 'jig rten snang mdzad shin tu dkon// 'jig rten mgon po/ 'od mdzad pa// u dum pa ri'i me tog bzhin// kha tog ldan zhing dbyibs mdzes pa// 'jig rten 'di na nye bar mdzes// 'phags pa'i lam la mi mkhas te// sa'i steng na dmus long bzhin// lam ngan par ni rab tu rgyug/ mi mchog khyod ni ji 'dra bar// bdag ni 'jig rten sangs rgyas gyur/ me gsum dag gis tshig pa'i// sdug bsngal ba las
- 199b
sems can dgrol// bdag gis slad bzhin mchis pa'i/ srog chags brgya po 'dri thams cad// de dag la ni chos bstan cid// drang chub mchog la dgod du gsol/ de nas shA ri'i bu khye'u des tshigs su bcad pa 'di dag gsol nas/ bcom ldan 'das de bzhin gshegs pa dgra bcom pa yang dag par rdzogs pa'i sangs rgyas rnam par gcig chos ston pa de skad ces gsol pa dang / srog chags brgyad khri bzhi stong po drug gis kyang / bcom ldan 'das de bzhin gshegs pa dgra bcom pa yang dag par rdzogs pa'i sangs rgyas rnam par gzigs la 'di skad ces gsol to// 6bcom ldan 'das de bzhin gshegs pa dgra bcom pa yang dag par rdzogs pa'i sangs rgyas su rgyur te/ 'di lta ste/ dper na/ bcom ldan 'das de bzhin gshegs pa dgra bcom pa yang dag par rdzogs pa'i sangs rgyas su gyur te/ 'di lta ste dper na/ bcom ldan 'das de bzhin gshegs ba rnam par gzigs chos ston pa bzhin du chos ston par gyur cig/ de nas bcom ldan 'das de bzhin gshegs pa dgra bcom pa yang dag par rdzogs pa'i sangs rgyas rnam par gzigs kyis srog chags brgyad khri stong po dog gi lhag pa'i bsam pa shes nas/ de'i tshe 'dzum pa mdzad do// chos nyid kyis sangs rgyas bcom ldan 'das gang gi tshe na 'dzum pa byed na/ bcom ldan 'das kyi zhal gyi sgo nas kha tog du mkha tog du ma kha tog sna tshogs 'od gzer 'di lta ste/ ldan pa dang ser po dang / dmar pa dang dkar po dang / leb rgan dang shel bcom ldan 'ad bdag cag kyang ma mchis pa'i dus
- 200a
dang / dung gi kha tog lta bu 'byung ste/ de dag gi mtha' yas mu med pa'i 'jig rten go khams snang bas khyab par byas nas/ tshangs pa'i 'jig rten gyi bar du mngon par song ste/ nyi ma dang zla ba'i snang bas dpa' bskod nas slar log ste/ bcom ldan 'das de bzhin gshegs pa dgra bcom pa yang dag par rdzogs pa'i sangs rgyas rnam par gzigs pa la lan brgya stong phrag du mar bskor ba byas nas/ bcom ldan 'das de'i gtsug tu mi snang bar gyur to// shA ri'i bu de nas bcom ldan 'das de bzhin gshegs pa rnam par gzigs de'i dge slong des/ bcom ldan 'das de bzhin gshegs pa rnam par gzigs 'dzum pa bya ba mthong nas/ stan las langs te chos gos phyogs cig tu bgos nas/ bus mo g.yas pa'i lha nga sa la btsugs te/ bcom ldan 'das de bzhin gshegs pa rnam par gzigs ga la ba de logs su thal sbyar te/ bcom ldan 'das de bzhin gshegs pa rnam par gzigs su bcad pa 'di dag gsol to// bcom ldan 'das ci rgyu bde gshegs ci rkyen kyis// gang phyir 'jig rten mgon po 'dzum mdzad do// rab tu mdzes shing shin tu dkon 'byung ba/ rnam gzigs sangs rgyas mchog la bdag zhu'o// rgyu ma mchis shing rkyen mchis par ni/ rkang gnyis gtso bo 'dzum pa mi mdzad do// 'jig rten phan pa thugs rtse 'dzum mdzad pa// 'di'i rgyu rkyen gang lags bdag la gsungs/ thub chen gyis ni sran sngar mchis pa'i/ srog chags brgya stong mchis pa 'di dag kyang / rna bar klags te mchis
- 200b
shing nyan 'tshal na// de dag thugs rtse'i slad du mgon pos gsungs// khyod ni srog chags thams cad mig lags na// khyod ni gnas skyabs dpung gnyen mgon yin te// khyod ni srog chags kun gyi the tshom gcod// 'jig rten blar mdzad dang thugs rtse ba// khyod ni 'das la rtag tu ye shes 'jug/ khyod ni 'das dang ma 'ongs thams cad mkhyen// sangs rgyas zhing du cung zad gang 'jug pa// byung ba dag la yang the tshom mi ga da'o// de bzhin gshegs pa dus gsum ye shes ldan// chos kyi rdza ni thams cad 'dzin pa'i gsung // 'jig rten mgon po 'dzum pa mdzad pa 'di// rgyu rkyen gang lags bdag ni khyod la zhu// khyod kyis 'dir ni the tshom thams cad khum// khyod ni chos kun la the tsom med// yan lag brgyad dang 'i // dag l+h+wag sa rdzu / rnas pa ma ldan / ma/ 'dus pa mdzang ba rdzu lags pa// chos rje khyod la bdag ni de zhu'o// shA ri'i bu de nas bcom ldan 'das de bzhin gshegs pa dgra bcom pa yang dag par rdzogs pa'i sangs rgyas rnam par gzigs des/ zham 'bring ba dge slong de la 'di skad ces bka' stsal to// dge slong khyod kyis khye'u 'di mthong ngam// gsol pa/ bcom ldan 'das mthong lags so// bde bar gshegs ba mthong ngo // bka' stsal pa// dge slong khye'u 'dis rdzogs pa'i byang chub bcal ba'i phyir/ sngon 'das pa'i dus na sangs rgyas bye ba khrag khrig brgya stong phrag drug bcu rtsa bzhi
- 201a
la chos gsags dang / bsod snyoms dang / mal stan dang ni ba'i ched kyi sman dang yo byad sti stang byas/ btsun par byas/ rim 'gror byas/ mchod par byas so// de na khye'u 'dis rdzogs pa'i byang chub btsal ba'i phyir sangs rgyas bye ba khrag khrig phrag bcu la tshangs par srod sprad do// dge slong khyod kyis srog chags brgyad khri bzhi stong po 'di dag mthong ngam// gsol pa// bcom ldan 'das mthong ngo // bde bar gshegs pa mthong ngo // bka' stsal pa// srog chags brgyad khri blo 'di dag ni sngon khye'u 'di'i pha mar gyur to// dge slong khye'u 'dis 'di lta bu'i smon lam btab par gyur te/ gang dang gang tu skyes pa na gang bdag gis pha mar gyur pa de dag bdag gis byang chub la so sor 'god do// yang gnyis su na de dag bud med kyi dngos por mngon par ma grub shig ces smon lam btab pas// de dag da ltar khye'u rjes su slob pa'i byang chub tu sems bskyed do// de nas bcom ldan 'das de bzhin gshegs pa rnam par gzigs kyi 'bring ba dge slong de la tshigs su bcad pa 'di dag gsungs so// dge slong khyed kyi mdun du khye'u dang // srog chags stong gnas mchog tu mgu sems kyis// ji ltar chos kyi badrag po 'di bzhin du// gyur cig zer ba khyod kyis ci mthong ngam// dge slong 'dis ni sngon gyi gnas su// lhar bcas 'jig rten dag la phan pa'i phyir// 'jig 'a rten rnam 'dren bye ba khrag
- 201b
khrig ni/ stong phrag drug bcu bzhi la sting stang byas/ byang chub mchog 'di la re ba'i phyir// da ni sangs rgyas khrag khrig phra bcu'i// bstan pa la ni ched du rang byung nas// de na tshangs par sbyong ba mtshig sbed do// khyed kyis srog chags brgya stong brgyad bcu bzhi// nga 'dun 'dug pa de dag kun mthong ngam// de dag sngon ni 'das dus yangs pa na// del mar ni gyur pa sha stag go/ gang dang gar skyes pa'i mar gyur pa// thams cad bdag gis byang chub mchog la 'god // ji gnas bud med dngos porom gyur zhes/ den ni smon lam 'di 'dra btab par gyur// de dag thams cad de'i rjes slob cing // byang chub kyi ni sems la gzhol bar 'gyur// 'di dag rkang gnyis kyi mchog gyur zhes/ de dag la ning sa lung stan par bya/ ma 'ongs dus na ji ltar spyod 'gyur zhing // mi mchog tu ni ji ltar 'gyur ba dang // de dag sngon gyi spyod pa rab shes te/ de'i gzhi las ngas ni 'dzum pa byas// skad de lung bstan pa ni thos gyur nas// rnam par gzigs pa 'jig rten spyod pa la/ lha dang klu dang gnod sbyin mi rnams dang // srog chags bye ba rnams ni dga' bar 'gyur// shi'i bu de nas khye'u de dga' mgu rangs rab tu dga' ste/ dga' ba dang yid bde ba skyes nas/ rings pa'i tshul gyis rang gi ba ma gan ba der sa s+ho/ na rag/ rang gi ma mar tshigs sa bcad pa 'di smras so// grog cags bcu ba de dag can/ sngon nani pa dag gi sa gyur te/ thams cad byang chub rab drug ma
- 202a
khyod kyi sems ni gang du 'jug/ shA ri'i bu de nas khye'u de'i pha mas khye'u de la slar tshigs su bcad pa 'di dag smras so// khyod kyis de dag ji lta bar// de ltar nga'i sems 'jug ste// nga ni thams mkhyen par 'gyur/ 'di la nga ni the tshom med/ gang du skyes par dam 'bral// khyod la gnas ni 'di slong gis/ ji ltar byang chub ma thob par// rtag tu da ni dran par gyis// shA ri'i bu de nas khye'u des rang gi ma skyed par byed pa la tshigs su bcad 'di dag smras so ji snyed bdag gis bskul ba rnams// de dag thog mar sangs rgyas 'gyur// bdag ni skyes bu kha bsgyur ba// 'jig rter sgron mar phyin nas 'gyur ba/ shA ri'u dri nas de'i dus na bcom ldan 'das rnam par gzigs kyi gsung rab la khye'u byung bar gyur pa de gzhan yin par dogs shing the tshom za na de ltar mi lta'o// lha'i bu dbang phyug chen po 'di ni de'i cha de'i dus na/ bcom ldan 'das de bzhin gshegs pa dgra bcom pa yang dag par rdzogs pa'i sangs rgyas rnam par gzigs kyi bstan pa la khye'ur gyur te/ de phyis bskal pa bye ba khrag khrig tu logs par lhung bar ma song ba'o// bskal pa bye ba khrag khrig 'das pa'i 'og tu/ de bzhin gshegs pa yang dag par rdzogs pa'i sangs rgyas sring rje dang ldan pa zhes bya bar te/ 'khor sgyur ba'i rigs las mngon par 'byung bar 'gyur ro// de'i dus na de'i ba ni grags pa zhes bya bar gyur te// 'di lta ste dper na da
- 202b
lha'i yab zas gtsang ma yin no// de'i ma mun pa dang bral ba ni 'di lta ste dper na da ltar nga'i yum sgyu ma bzhin no/ de'i dus na de mya ngan med ces bya ba'i bur gyur pa ni 'di lta ste dper na/ da lta nga'i bu nor sbyin 'dzin bzhin te/ de byung nas bla na med pa yang dag par rdzogs pa'i byang chub mngon par 'tshangs cha rgya ste/ de byang chub thob pa'i tshe chad ni lo bye ba khrag khrig brgya stong du 'gyur ro// sangs rgyas de'i 'od kyis dpag tshad stong phrag cu byab par gyur to// nga'i 'khor gyi dkyil 'khor ni dpag tshad brgyar khyab par 'gyur ro// de'i nyan thos bye ba phrag brgya dang // bye ba khrag khrig brgya stong dang gsum du 'gyur te/ de'i nyan thos bye ba ni dag dgra bcom pa/ zag pa zad pa/ nyon mongs pa med pa// dbang du rgyur pa/ rnam par thar brgyad la bsam gtan pa/ drug mngon par shes pa sha stag go// sha ri'i bu dgra bcom pa de dag dkon gachog/ gsum 'dus pa thob par 'gyur zhes brjed pa// ji snyed pa de snyed kyi de'i byang chub sems dpa'i dge 'dun du 'gyur te/ thams cad kyang sngon mar gyur sha stag go/ phyir mi ldo pa'i chos bstan te/ tshad med grangs med pa'i sems kyi don byas nas yongs su mya ngan las 'das par 'gyur te// yongs su mya ngan 'das nas/ dam pa'i chos la bya bar gnas par 'gyur/ de'i ring srel yang rgyas par gyur te 'di lta ste dper na/ dang yongs su mya ngan las 'das nas ring sel rgyas par 'gyur ba bzhin no// sha ri'i
- 203a
bu 'di na skyes bu dam pas rnam par brtag pa// skyes bu dam pas lta ba ste/ skyes bu dam pas brtson 'grus ma nyams dang / mi zlogs pa'i brtson 'grus des/ byang chub sems dpa' sems dpa' chen pos rjes su dran pa'i sems bskyed de/ bla na med pa yang dag par rdzogs pa'i byang chub la brtson 'grus rab tu brtsams par bya ste/ grangs kyis bgrang ba de snyed du btsal zhing bskal pa de snyed du ni 'khor bar bya'o// bskal pa de snyed du ni mi 'khor bar bya'o zhes de ltar mi bya'o// shA ri'i bu bsam gyis mi khyab pa'i go cha bgo bar bya ste/ 'khor ba'i mtha' ma'i mtha' ji tsam par bdag 'khor bar bya'o ba'i yongs su brtag par bzung ste// byang chub kyi phyir brtson 'grus lhod por mi bya ste/ brtson 'grus mi lhod pa'i mthu dang ldan par 'gyur ro// byang chub sems dpa'i brtson 'grus kyi mthu dang ldan pa gang zhe na/ brtson 'grus kyi mthu ma nyams pa'i byang chub sems dpa' ni gang stong gsum gyi stong chen po'i 'jig rten gyi khams mes yongs su gang ba las rgal zhing de bzhin gshegs pa dgra bcom pa yang dag par rdzogs pa'i sangs rgyas la ltas pa'i phyir 'gro ba spro ba de ni byang chub sems dpa'i brtson 'grus ma nyams pa'o// don dam pa'i chos nyan pa'i phyir stongs gsum gyi stong chen po'i 'jig rten gyi khams mes yongs su gang ba la rgal zhing 'gro bar spro ba ni yongs su bstag pa bzung ba de ni byang chub sems dpa'
- 203b
brtson 'grus kyi mthu ma nyams pa'o// gang stong gsum gyi stong chen po 'jig rten gyi khams mes yongs su gang ba la rgal zhing dge ba'i phyir 'gro bar spro de ni// byang chub sem/ brtson 'grus kyi mthu ma nyams pa'o// shA ri'i bu gzhan yang byang chub sems dpa'i brtson 'grus kyi mthu ma nyams pa ni/ gang gzhan gyi don gyi phyir mthu bskyed pa'o// shA ri'i bu gzhan yang byang chub sems dpa'i brtson 'grus kyi mthu ma nyams pa ni/ gang gzhan yongs su mya ngan las bzla ba'i phyir mthu bskyed pa'o// shA ri'i bu gzhan yang byang chub sems dpa'i brtson 'grus kyi mthu ma nyams pa ni lhod pa dang / brtan pa dang / mi ldog pa dang / bsam pa dge ba dang / snying rje chen pos rab tu non pas/ rtag tu sems can gyi don la brtson zhing mthu bskyed pa'o// gzhan yang shA ri'i bu byang chub sems dpa'i brtson 'grus kyi mthu ma nyams pa ni/ gang gom pa 'degs shing 'dor ba na yang byang chub kyi sems mi gtong ste/ sangs rgyas dang / chos dang / dge 'dun gsum mngon sum du byed cing / sems can lta ba yang nyon mongs pa'i dbang gis mi 'gro ba'o// shA ri'i bu gzhan yang byang chub sems dpa'i brtson 'grus kyi mthu ma nyams pa ni/ gang dge ba'i rtsa ba'i sems skyes shing 'byung ba rnams byang chub tu bsngo ste/ de dge ba'i rtsa ba mi bzad par 'gyur te/ shA ri'i bu
- 204a
'di lta ste dper na/ rgya mtsho chen por lhung ba'i chu ni rab tu yongs su zad par mi 'gyur ba de bzhin du/ shA ri'i bu byang chub tu yongs su bsngos pa'i dge ba'i rtsa ba yang yongs su zad par mi 'gyur te/ de'i phyir brtson 'grus kyi mthu ma nyams pa zhes bya'o// shA ri'i bu gzhan yA byang chub sems dpa'i brtson 'gras kyi mthu ma nyams par yang dag par zhugs pa ni/ dge ba'i rtsa ba de dag sdud cing thams cad mkhyen pa'i rnam pa mngon par bsgrub pa'i dge ba'i rtsa ba sdud pas/ de'i phyir brtson 'grus kyi mthu ma nyams pa zhes bya'o// shA ri'i bu gzhan yang byang chub sems dpa' 'di la rab tu bslab pa ni/ sems can rnams kyi bsod nams kyi phung po ji snyed pa dang / slob pa dang mi slob pa'i bsod nams kyi phung po ji snyed pa dang / sangs rgyas kyi bsod nams kyi phung po ji snyed pa dang / bsod nams de dag thams cad kyis de bzhin gshegs pa'i sku'i ba spu'i bu ga gcig mngon par 'grub po// ba spu'i bu ga thams cad du zhugs pa ji snyed pa de snyed kyi phung po de dag thams cad kyis ni btan pa med pa'i mchod sbyin mchod nas 'grub par 'gyur ro// de lta bu mchod sbyin brgyas ni sku'i skyes bu chen po'i mtshan mngon par 'grub po// de ltar 'jug pa'i mtshan thams cad kyang mngon par 'grub po// mtshan thams cad du zhugs pa'i bsod nams kyi phung po de dag gis ni/ de bzhin gshegs pa'i smin mtshams kyi mdzod spu yongs su grub po// /
- 204b
spur zhugs pa'i bsod nams kyi phung po ji snyed pa de las brgya phrag stong du bsgres pa'i bsod nams kyi phung pos ni/ de bzhin gshegs pa'i sku la gtsug tor ltar mi mngon pa mngon par 'grub po// gtsug tor du zhugs pa'i bsod nams kyi phung po ji snyed pa de las bye ba brgya stong bsgres pa'i bsod nams kyi phung pos de bzhin gshegs pa'i chos kyi dung yongs su 'grub ste/ 'dod na de bzhin gshegs pa'i chos kyi dung des mtha' yas mu med pa'i 'jig rten gyi khams dbyangs kyis go bar byed cing / sems can thams cad kyi dbang po ji ltar bur mos shing 'dul bzhin du tshim par byed do// de ltar dka' bas bla na med pa yang dag par rdzogs pa'i byang chub 'grub kyang / bdag gdon mi za bar bla na med pa yang dag par rdzogs par byang chub par bya ste/ mtha' yas mu med pa'i 'jig rten gyi khams su sangs rgyas kyi dbyangs kyis gang bar bya'o zhes spro zhing go cha mi 'dor ba de ni// byang chub sems dpa'i brtson 'grus kyi mthu ma nyams pa'o// shA ri'i bu gzhan yang byang chub sems dpa'i brtson 'grus kyi mthu ma nyams pa ni/ gang stong gsum gyi stong chen po'i 'jig rten gyi khams kyi sems can de dag thams cad dad pa'i rjes su 'brang ba'i ye shes dang ldan par gyur pas ni/ chos kyi rjes su 'brang ba ye shes dang ldan pa'i brgya'i
- 205a
car yang nye bar mi 'gro'o/ stong gi cha'am/ brgya stong cha'am/ cha'am bzang ba'am/ rgyar yang nye bar mi 'gro'o// de bzhin du sbyar te/ de ltar/ yang stong gsum gyi stong chen po'i 'jog rten gyi khams kyi sems can de dag thams cad rgyun tu zhugs pa'i ye shes dang ldan par gyur pa dang / de lan cig phyir 'od ba'i ye shes dang / de bzhin du phyir mi 'ong ba'i ye shes dang ldan pa dang / de bzhin du bskal pa brgyas 'byung ba'i byang chub sems dpa' dang / de bzhin du phyir mi 'ongs pa'i ye shes dang ldan pa dang / de bzhin du skye ba cig gis thogs pa ste/ rgyas par mtha' yas mu med pa'i 'jig rten gyi khams kyi sems can ji snyed pa de dag thams cad skye ba gcig gis thogs pa'i byang chub sems dpa'i ye shes dang ldan par gyur pa'i de dag gis ni de bzhin gshegs pa'i gnas dang / gnas ma yin pa'i stobs de'i brgya'i char yang nye bar mi 'gro'o// stong gi cha'am/ brgya phrag stong gi cha 'am/ grangs su 'am/ cha 'am bgrang bar ram/ rgyur yang nye bar mi 'gro'o// ye shes la 'jug pa 'di thos nas mi sdang mi skrag skrag par mi 'gyur zhing ye shes la 'jug par mos pa bskyed de/ brtson 'grus brtsom zhing / ga dang rgyus pa dang / rus pa dang lpags pa dang / sha dang khrag dang / lus lu yongs su skams kyang sla bar 'dod kyi/ de bzhin gshegs pa'i stobs ma thob kyi bar du brtson 'grus nyams par mi 'gyur ba de ni/ brtson 'grus kyi mthu ma nyams pa ra bshin dung sa bcas pas ye shes dang ldan pa dang / de bzhin du rang sangs rgyas kyi ye shes dang ldan pa dang
- 205b
zhes bya'o// sha ri'i bu gzhan yang byang chub sems dpa' 'di ltar slob ste/ sems can thams cad kyi 'das pa'i sems ji snyed pa de dag/ sems can gcig gis sems can gcig tu zhugs par 'gyur la/ de bzhin du sems can thams cad kyi sa sems de snyed du tshad med cing mang bar gyur la/ gang sems can thams cad kyi 'dod chags dang / zhe sdang dang / gti mug dang / nyon mongs pa thams cad kyis gang ba'i sems can de dag sems can cig gis sems can cig gis sems can gcig la 'jug par 'gyur te/ rnam grangs 'dis sems can thams cad de snyed nyon mongs pa mang po tshad med par 'gyur kyang / de la bdag gis ga de 'dra ba'i shes rab dang ye shes kyi tshogs yongs su bcal bar 'gyur/ 'bad par bya/ brtson 'gru btsams par bya ste/ ji ltar brtson 'grus brtsams par sems can thams cad kyi 'dod chags kyi kun tu gdung ba dang / zhe sdang gi kun tu gdung ba dang / gti mug gi kun tu gdung ba de dag thams cad rab tu zhi bar bya/ dug med par bya/ gzhom par bya/ dgral bar bya/ thal bar bya/ mya ngan las 'das pa'i lam la rab tu dgod par bya'o snyam du gang de la mthu bskyed pa ni// byang chub sems pa'i brtson 'grus kyi mthu ma nyams pa zhes bya'o// sha ri'i bu gzhan yang byang chub sems dpa'i brtson 'grus kyi mabu ma rnams pa ni// gang lus kyi las kyi dge ba'i gnas dang / ngag gi las kyi dge ba'i gnas dang /
- 206a
yid kyi las kyi kyi dge ba'i gnas te/ brtson 'grus gang ji snyed pa de dag thams cad lus dang ngag dang / sems dang ldan pa'o// lus dang ngag gi brtson 'grus pas sems kyi brtson 'grus nyid mchog ces bshad do// de la sems kyi brtson 'grus gang zhe na/ gang sems kyi 'jug pa dang gnas ba'o// de la sems kyi 'jug pa gang zhe na/ gang byang chub la brtsol ba'o// de la sems kyi gnas pa gang zhe na/ gang byang chub sems nye bar ma zhi ba'o// de la 'jug pa gang zhe na/ gang sems can thams cad la snying je' ba'o// de la gnas gang zhe na/ gang bdag med pa la bzod pa'o// de la 'jug pa gang zhe na/ gang sems can thams cad sdud pa'o// de la gnas pa gang zhe na/ sems can thams cad rjes su 'dzin pa'o// 'jug pa ni nor thams cad yongs su gtong ba'o// / gnas pa ni sbyin pa mi snyems pa'o// 'jug pa ni chu la yang dag par 'dzin pa'o// gnas pa ni tshul khrims mi snyems pa'o// 'jug pa ni bzod pas sdug bsngal bzod pa'o// gnas pa ni sems mi 'khrug pa'o// 'jug pa ni dge ba'i rtsa ba thams cad rtsom pa'o// gnas pa ni sems rab tu dben pa'o// 'jug pa ni bsam gtan bsgrub pa'o// gnas pa ni sems nges par rtog pa'o// 'jug pa ni thos pas mi ngoms pa'o// gnas pa ni tshul bzhin rab tu sbyor ba'o// 'jug pa ni thos pa 'chad pa'o// gnas pa ni 'jug pa ni 'khor bas yong mi skyo ba'o// gnas pa ni khams gsum mi dmigs pa'o//
- 206b
brjod du med pa'i chos nyid do// 'jug pa ni ye shes kyi tshogs yongs su tshol ba'o// gnas pa ni spros pa thams cad yang dag par gcod pa'o// 'jug pa ni tshangs pa'i gnas brtsegs pa'o// gnas pa ni yang dag pa'i ye shes kyi btang snyoms so// 'jug pa ni mngon par shes pa lnga yongs su rdzogs pa'o// gnas pa ni zag zad pa yongs su 'dris pa'o// 'jug pa ni dran pa nye bar bzhag pa sgom pa'o// gnas pa ni dran pa na ma byas par yid la byed pa'o// 'jug pa ni yang dag par spong ba la rab tu sbyor ba'o// gnas pa ni dge ba dang mi dge ba dang bral ba'o// 'jug pa ni rdzu 'phrul gyi rkang pa mngon par bsgrub pa'o// gnas pa ni lhun gyis grub par bya ba la 'jug pa'o// 'jug pa ni dbang po la mkhas pa'o// gnas pa ni dbang po'i tshogs la so sor rtog pa'o// 'jug pa ni stobs sgrub pa'o// gnas pa ni mi thul ba'i gnas so// 'jug pa ni byang chub kyi yan lag yang dag par 'byung ba'o// gnas pa ni chos la rab tu shes pa'i ye shes so// 'jug pa ni lam gyi cho gas yongs su tshol ba'o// gnas pa ni gang du yang mi 'gro ba'o// 'jug pa ni zhi nas yongs su tshol ba'o// gnas pa ni ni gnas kyi sems so// 'jug pa ni lhag mthong gi sems so// gnas pa ni chos nyid rig pa'o// 'jug pa ni rgyu khong du chud pa'o// gnas pa ni rgyu yongs su shes pa'o// 'jug pa ni gzhan gyi slabs pa'o// gnas pa ni chos la nan tan byed pa'o// 'jug pa ni chos kyi sku'i rgyan no// gnas po ni chos kyi su nyid do// 'jug pa ni ngag sa
- 207a
'jug pa ni rnam rkyen to/ gnas pa ni 'phags pa'i mi smra' ba'o// par thar pa'i sgo gsum la mos pa'o// gnas pa ni mi byed pa'o// 'jug pa ni bdud bzhi rnam par spong ba'o// gnas pa ni bag chags kyi nyon mongs pa spong ba'o// 'jug pa ni thabs la mkhas pa'o// gnas pa ni shes rab kyis lta bar bya'o// 'jug pa ni mi dmigs pa las lta bar bya'o// gnas pa ni rgal ba las lta bar bya'o// 'jug pa ni rnga las lta bar bya'o// gnas pa ni don las lta bar bya'o// 'di ni sems kyi brtson 'grus zhes bya'o// gang brtson 'grus brtsom zhing 'bad la mthu byed pa de ni/ byang chub sems dpa'i brtson 'grus kyi mthu ma nyams pa zhes bya'o// de ltar sha ri'i bu brtson 'grus kyi mthu ma nyams pa'i byang chub sems dpa' ni chos lngas mngon par 'phags pa yin te/ tha na med pa yang dag par rdzogs pa'i byang chub tu mngon pa rag rdzogs par 'chang bar 'gyur ro// chos lnga po gang dag gis mngon par 'phags pa yin zhe na/ sangs rgyas 'byung ba mnyes par byed pas mngon par 'phags par 'gyur ba dang dge ba'i bshes gnyen la brtan pas mngon par 'phags par 'gyur ba dang // dalab 'byor pa thob pas mngon par 'phags pa thob par 'gyur ba dang / ji ltar dge ba'i chos bsgrubs pa chud mi za bas mngon par 'phags par 'gyur ba dang / sdom pa la gnas byang chub sems dpa' sems dpa' chen po'i rjes su slob pas mngon par 'phags par 'gyur ba'o// mos
- 207b
lnga po de dag gis mngon par 'phags par 'gyur te/ bla na med pa yang dag par rdzogs pa'i pha byang chub kyang myur du mngon par rdzogs par 'tshangs rgya bar 'gyur ro// de nas bcom ldan 'das la tshe dang ldan pa shA ri'i bus 'di skad ces gsol to// bcom ldan 'das byang chub sems/ chos lngas mngon par 'phags par mi 'gyur ba de lta bu mchis sam/ bcom ldan 'das kyis bka' stsal pa/ shA ri'i bu yod do// bcom ldan 'das ji lta ji lta bu lags/ bka' stsal pa shA ri'i bu byang chub sems dpa' chos lnga dang ldan pa/ sangs rgyas 'byung ba mnyes par mi byed pa dang / dge ba'i bshes gnyen la mi bsten pa dang / dal ba 'byor pa ma rnyed pa dang // dge ba'i chos ji ltar bsgrubs pa chud gson pa dang // sdom pa la gnas pa'i byang chub sems dpa' sems dpa' chen po'i rjes su slob par mi 'gyur ba ste/ byang chub kyang myur du mngon par rdzogs par 'tshangs mi brgya'o// chos lnga gang zhe na/ sha ri'i bu 'di ltar byang chub sems dpa' khyim pa rgyal po'i dpa' bor gyur te/ skye bo mang po sdang bar 'gyur zhing skye bo mang po// bdag cag gi don 'di 'gyur gsol zhes de la gsol ba btab pa dang / de dag la bya'o zhes smras nas/ de mi byed cing tshig gi dngos po tsam gyi bar la gnas pa yin no// de ci phyir zhe na/ shA ri'i bu 'di lta bu'i chos 'di ni mtho ris la nyams par 'gyur ba'o// shA ri'i bu 'di lta bu'i chos 'di ni/ dal ba 'byor byar 'gyur ba las nyams par 'gyur ba'o// shA ri'i bu mo dang sman pa'i byang chub semasas na 'das ngas par rdza
- 208a
khyim pa ni lus bso ba'i phyir/ sangs rgyas 'byung ba mnyem par mi byed pa nas/ bla na med pa yang dag par rdzogs pa'i byang chub kyi du yang myur du mngon par rdzogs par tshangs 'chang rgya mi 'gyur ba'o// sha ri'i bu gzhan yang byang chub sems dpa' khyim grong khyer 'tshe ba la chags pa'o// grong khyer 'che ba gang zhe ma sha ri'i bu 'di la de gshegs pa dgra bcom pa yang dag par rdzogs pa'i sangs rgyas 'jig rten du byung ste lha dang / mi dang lha ma yin du bcas pa'i 'jig rten gyi mdun du chos ston pa ni/ thog mtha' mAr yang mar yang dge bar du yang dge/ don bzang po/ mau 'dre ba yongs su rdzogs pa/ yongs su dag pa/ yongs su byang ba/ tshangs par spyod pa la yang dag par rab tu ston to// de las 'khor bzhi byung ngo // 'khor bzhi gang zhe na/ 'di lta ste dge slong dang / dge bsnyen dang dge bsnyen ma'o// de la dge slong dang dge slong ma dang / dge bsnyen dang / dge bsnyen nang / grong ngam grong khyer ram/ ljongs sam/ yul lam/ phro brang 'khor gyi nang du gnas par gyur pa las/ de dag gi tshul khrims kyi phung po nyams par byed pa ste/ de ni grong khyer la 'che ba zhes bya ste/ de la chags nas byang chub sems dpa' khyim pa/ sangs rgyas 'byung ba mnyes par mi byed pa nas/ byur du mngon par rdzogs par 'chang mi rgya ba'i bar du'o// sha ri'i bu gzhan yang byang chub sems dpa' khyim pa legs par bshad pa'i chos 'dul ba la 'jug cing / pa ma la chos kyi bar chad byed
- 208b
pa dang / bu dang bu mo dang / chung ma dang sring mo la chos kyi bar chad byed pa dang / mdza'o dang / nye du dang / snag gi gnyen mtshams rnams la chos kyi bar chad byed pa dang / de bzhin du sems can gzhan rnams la yang chos kyi bar chad byed pa de ni yun ring por chos kyi bar chad du 'gyur ba yin te// shA ri'i bu chos gsum po 'di dang ldan pa'i byang chub sems dpa' ni chos kyi bar chad byas nas/ sangs rgyas 'byung ba mnyes par mi byed pa nas/ bla na med pa yang dag par rdzogs pa'i byang chub kyi bar du yang myur du mngon par rdzogs par 'tshang rgya bar mi 'gyur ro// gzhan yang byang chub sems dpa' khyim pas/ de gzhin gshegs pas gsungs pa'i mdo sde 'di lta bu 'di dag 'dod pa nyung ba dang / mthun pa'i yo byad bsnyungs pa dang mthun pa/ thos nas mi dad cing gzhan yang lta ba de nyid yang dag par 'dzin du 'jug pa dang / de bzhin gshegs pa'i bstan pa la la smod cing mnyes de 'gro ba'o// smod pa'i 'gro ba nyid du 'gro ba'o// smad pa'i gro ba gang zhe na/ 'di lta ste/ sems can dmyal dang nga/ byol song gi skye gnas dang / gshin rje'i 'jig rten dang / mtha' ljong sa dang / yan lag nyams pa dang // klaklo dang // log par lta ba'i sems can gyi nang du skye ba ste/ shA ri'i bu chos bzhi po 'di dang ldan pa'i byang chub sems dpa' khyim pa ni/ sangs rgyas 'byung mnyes par mi byed pa dang / bla na med dpa yang dag rdzogs pa'i byang chub kyi bar du yang
- 209a
mngon par rdzogs par tshangs rgya bar mi 'gyur ro// shA ri'i bu gzhan yang byang chub sems dpa'i khyim pa 'di lta ste/ blo bo dang dri las gzhan pa'i 'a stobs chen po la gnas par 'gyur te/ de phyug pa'i dbang gis skye bo mang la gshe zhing mi snyen pa zer/ 'khor du dbyung mi bzod pa'i tshig rtsub pa po spyod te/ 'bye zhing 'thing byar byed de/ ngag gi nyes par spyod pa de dang / ldan pas/ ngan song du 'jigs su rung ba'i lus thob par 'gyur ro// shA ri bu chos lnga po 'di dang ldan pa'i byang chub sems dpa' khyim pa ni/ sangs rgyas 'byung ba mnyes myi byed pa dang / dge ba'i bshes gnyen la mi brten pa dang / dal ba 'byor pa mi thob dang / ji ltar bsgrubs pa'i dge ba'i rtsa ba chud gson pa dang / sdom pa la gnas pa'i byar sdom pa la gnas pa'i byang chub sems dpa' sems dpa' chen po'i rjes su su slob par mi 'gyur te/ bla na med pa yang dag par rdzogs pa'i byang chub kyang myur du mngon par rdzogs byang chub kyang myur dmangon par rdzogs par 'tshangs rgya bar mi 'gyur ro// de nas bcom ldan 'das kyis de'i tshe tshigs su bcad pa 'di dag gsungaso// las kyi rnam po 'di lta ste// des ni shes rab mi 'phel 'gyur/ blo yang myur du ma rung 'gyur// mi mchog rnams ni mnyes mi byed// de ni sems can su ba ste/ pho brang 'khor gyi dpa' bo ltar/ mi dge rtsa ba de dag gis// 'jig rten 'gon po mi mthong ngo // bdag gis phrogs shig long shig ces/ sems can rnams la 'jig skye nas// nyes pa'i las rnams byas gyur nas// mi mchog
- 209b
rnam ni mnyes mi byed// dge slong dang ni dge slong ma tshul khrim nyams sdug bsngal 'gyur// sangs rgyas mang po mnyes mi byed// de'i dal ba rnyed par dka'/ ba dang ma dang chung rnams chos sbyong ba'i bgegs byed de/ myur du chos kyang mi thos shing // gti mug gi ni bsgribs par 'gyur// rab du byung bar 'gro ba la// bar du gcod pa byas gyur na// sangs rgyas mang po mnyes mi byed// dal ba dag tu mi 'gyur ro// gang du stong pa nyid bsngags pa'i// 'di lta bu'i chos thos nas// khro ba dag gis nyes len cing // 'di ni chos ma yin zhes zer/ bar chad 'di dag thams cad kyis// bcu drug char yang nyer mi 'gro// dam pa'i chos la smod byed nas// dmus long sdug sngal gyur pa'o/ rdzogs pa'i sangs rgyas kyi de mi mthong // mthong du zin yang dad mi 'gyur// bud med dang ni dmu long dang // khyi dang bung bu dag tu 'gyur// gang zhig sangs rgyas byang chub dang / byang chub sems dpa' dga' ba dang // bar du gcod pa rnams spangs nas// bzang po dag gis lam rnams sgom// pha dang ma ni chos 'di la// yang dang yang du sbyor ba dang / sems can thams cad rab 'byung bar/ myur ba nyid du len du 'jug/ ma na chos la sbyor bla nas// myur du bzang ba'i 'gro bar 'gro// rab tu 'byung ba bsngags pas na/ myur du byang chub rnams 'chang rgya// shA ri'i bu rab tu byung ba'i byang chub sems dpa'i chos lnga dang ldan na// sangs rgyas 'byung ba mnyes par mi byed pa dang / dge bla shes
- 210a
dam pa'i chos la slong ba dang / gnyen la mi brten pa dang // dal ba 'byor pa mi thob pa dang // ji ltar bsgrubs pa'i dge ba'i rtsa ba rnam chud gson pa dang // sdom pa la gnas pa'i/ byang chub sems dpa' sems dpa' chen po'o// rjes su slob par mi mi 'gyur te/ bla na med par yang dag par rdzogs pa'i byang chub kyang myur du mngon par rdzogs 'tshang mi rgya'o// lnga gang zhe na/ tshul khrims ngan pa spyod pa dang / thob pa dang bkur bsti dang / tshigs su bcad pa la chags pa dang / bdag tu lta ba la sdug pa dang / gzhan gyi khyim la phrag dog dang / shA ri'i bu rab tu byang sems chos lnga po dang ldan pa na/ sangs rgyas 'byung ba mnyes pa rma mi byed pa dang / dge ba'i bshes gnyen la bsten pa dang / de bzhin du sbyar te/ bla na med pi yang dag par rdzogs pa'i byang chub kyi bar du yang myur du mngon par rdzogs par 'tshang mtshang mi rgya'o// shA ri'i bu 'di lta ste/ khyi bkres pa keng rus sha med pa khrag gis 'bags pa pa blangs nas/ de srang gi sgo na gnas te/ chu zag cing 'cha' ba las de nas rgyal rigs che zhing mtho ba 'am/ bram ze'i rigs che zhing mtho ba 'am/ khyim bdag gi rigs che zhing mtho ba dag/ khyi bkres pa de logs su 'ong ba/ khyings rgyang ma dod ba mthong nas/ de 'di snyam du sems te/ 'di ni bdag gi kha zas zhim po 'ang 'di 'phrog pa zhig go snyam nas/ de shin tu zugs shing drag tu blta le mche ba ston cing za bar byed na/ sha ri'i bu de ji snyam du sems/ skyes bu de keng rus
- 210b
sha med pa khrag gis 'phags pa de 'dod pa yin nas/ gsol pa/ bcom ldan 'das de ma lags so// bde ba gshegs pa de sa lags so// bcom ldan 'das kyis bka' stsal pa/ khyi de ci'i phyir shin tu zugs shing drag tu blta la/ mche ba ston cing za bar byed/ gsol pa/ de 'di snyam du sems te/ bdag gi zas ro 'thob par byed pa 'di 'brog go snyam nas/ shin tu zugs shing drag tu blta la mche ba ston par bgyid do// bka' stsal pa/ sha ri'i bu de bzhin du gang khyim gyi ser sna la brtson par gshang ba dang / lcibs kun tu bskor ba la chags pa'i dge slong dag 'byung bar 'gyur te/ 'di lta bu'i dal ba 'byor nas stor bar byed pa de dag ni ngas khyi dang 'dra'o zhes bshad de/ de dag 'ba' zhig gi phyir de bzhin gshegs pa 'di lta bu'i brjod pa'i gnas byed pa ma yin gyi/ yang shi ri'i bu gang byang chub sems dpa' sems dpa' chen po skye bo mang po la phan pa dang / skye bo mang po la bde ba'i phyir/ sangs rgyas kyi ye shes tshol ba de dag ni bdag gi sha yang yongs su gtong na/ gzhan gyi khyim la rtog cing snyen pa'i phyir/ phrag dog dang ser sna byed par mi 'gyur ba lta ci smos/ yang shA ri'i bu skyes bu gti mug de dag 'tsho ba'i phyir/ zang zing bran dang / 'jig rten gyi zang zing gtso bor byed cing / zas dang srog la mchog tu byed par rtog tsang bsnyen pa'i phyir/ gzhan gyi khyim la phrag dog dang ser sna skyed par 'gyur te/ shi ri'i bu gang brtson pa'i dge slong mthong na
- 211a
phra drog dang ser sna skyed de/ bdag ni stan chud 'dir shes na/ khyim 'di gra las 'ongs pa zhig/ 'di ni sngon bdag dang thabs pa shan yin na/ phyi ma 'di ga las 'ongs pa zhig ces zer zhing / gal te de'i khyim bdag de dag gis lhung bzed dang / chos gos dang / bsod snyoms dang bcas par gyur pa dang / mal stan dang na ba'i tshad kyi sman dang / yo byad khas blangs par gyur pa rnams sngon ni bdag dang dam bcas par gyur mod kyi/ phyi 'ongs nas sbyin par mi 'gyur drang snyam nas/ de de la nyes pa gsum bskyed de/ gsum gang zhe na/ gnas la nyes pa bskyed de/ gnas de nas 'gro'i snyams du sems pa dang / shes par bya ma yin pa shes shing / shes par bya ba mi shes la gang cung zad bsten pa yang mi bstan pa dang / de khyim la nyes pa bskyed pa ste/ dge slong de gnas gsum brjod par byed do/ gsum gang zhe na/ gnas kyi nyes pa brjod pa dang / nyams mi dga' bar bya bar brjed cing khyim stong par byed pa dang / log pa'i gtam zer zhing skyes bu dam pa ma yin pa 'di dag sgyu byed do zhe yid ston pa'i 'byor pas dam bca' bar bya ba'i chos yang dag par rab tu ston te/ shA ri'i bu de ltar na khyim la ser bsna byed pa chos dkar po yongs su nyams sa nyams par 'gyur ba'o// yang shA ri'i bu khyim la ser sna byed pa la gnas pa skyes bu dam pa ma yin pa dag gis/ sdom pa dang
- 211b
sdom pa la gnas pa byang chub sems dpa' yongs su btang bar 'gyur te/ sdom pa la gnas pa'i byang chub sems dpa' sems dpa' chen po'i rjes su slob par mi 'gyur ro// / byang chub sems dpa'i sde snod// / bam po bcu bzhi pa// / shA ri'i bu de bas na rnam grang sa 'dis kyang 'di ltar shes par bya ste/ sha ri'i bu sngon byung ba 'das pa'i dus bskal pa grangs med pa rgyas pa tshad med bsam gyis mi khyab par gyur pa/ de che de'i'adus na de bzhin gshegs pa dgra bcom pa yang dag pa rdzog pa'i sangs rgyas mngon par 'phags zhes bya ba 'jig rten du byung ste/ rigs pa dang rkang par ldan pa/ bde bar gshegs pa 'jig brten khyen pa skyes bu 'dul ba'i kha lo sgyu ba/ bla na med pa lha dang mi rnams kyi ston pa/ sangs rgyas bcom ldan 'das de lo bye ba phrag dgu bcu'i bar du gnas so// de'i nyan thos kyang bye ba khrag khrig dgu bcu'i nyan thos chen po 'dus par gyur te/ thams cad kyang dgra bcom pa// zag pa zang ba nyon mongs pa med pa/ dbang du gyur pa nas/ sems can thams cad kyi dbang dam pa'i pha rol tu phyin pa sha stag gi bar du'o// yang de'i tshe khyim bdag rab tu rnam par 'byed pa zhes bya ba phyug cing nor che la/ longs spyod che zhing spyod mang nga/
- 212a
mang du bdog pa/ nor dang yo byad mang por ldan zhing dbyig dang / gser dang nor bu dang / mu tig dang / bedur dang / dung dang / man shel dang / byi ru dang dngul dang / sa le sbram mang po dang ldan pa/ bran po dang bran mo byed pa'i mi mang zhing / glang po che dang rta dang ra lug mang ba/ nor dang 'bru dang mdzod dang bang ba mang po dang ldan pa zhig byung ste/ de las khye'u gzugs bzang ba mdzes pa lta na sdug kha tog mchog tu rgyas pa dang ldan pa sdom pa zhes bya ba dang / sdom pa la gnas pa zhes bya ba gnyis byung / de gnyis dus gzhan zhig na khang thog tu dong bar gyur to// shA ri'i bu de nas bcom 'das de bzhin gshegs pa dgra bcom pa yang dag par rdzogs pa'i rgyas mngon par 'phags de snga gro'i dus kyi tshe/ sham thabs brnams/ lhung bzed dang chos gos blangs nas/ dge slong gi dge 'dun gyis bskor te/ dge slong gi 'dun gyis mdun gyis 'dar nas/ bsod snyoms kyi phyir grong khyer du zhugs pa dang / mdzes par dga' bar 'gyur ba/ dbang po zhi ba mchod du dul zhing gle nas thob pa/ shin tu dul zhing zhi gnas thob pa/ dbang po dul zhing sbas pa/ glang po ltar rab tu dul ba/ mtsho ltar dang zhing rnyog pa med pa la gsal ba gser gi mchod sdong lta bu/ sa le sbram gyi ri lta bu// rin po ches yongs su gang ba'i mtsho lta bu// lhas kun nas bskor ba'i brgya byin lta bu// yid
- 212b
rab tu zhi ba tshangs pa lta bu'i/ bcom ldan 'das de bzhin gshegs dgra bcom yang dag rdzogs pa'i sangs rgyas mngon 'phags mdzes shing dga' bar gyur pa rgyang mi nas 'ongs pa khye'u de gnyis kyis mthong ngo // shA ri'i bu de na gang sdom pa la gnas pa zhes bya ba'i gzhon nu des dang po nyid du/ bcom ldan 'das de bzhin gshegs pas dgra bcom yang dag par rdzogs pa'i sangs rgyas mngon 'phags thog ma kho nar mthong nas/ des nu'o de la smras pa// sems can gyi rgyal po 'di lta bu mdzes pa de/ nu bo khyod kyis sngon brgya lam ldan 'ga' yang mthong ngam/ des bu'o/ phu'o sems can gyi rgyal po mdzes pa 'di lta bdag gis sngon lan 'ga' yang ma mthong ngo zhes de skad smras pa dang // des nu'o nga ni de dang 'dra ba nyid du 'gyur ro zhes de skad smras// shA ri'i bu de nas khye'u sdom pa la gnas pas// khye'u sdom pa la tshigs su bcang ba 'di dag smras so// sdom pa ji ltar mthong bzhin/ de 'dra bar ni bdag 'gyur te// bdag ni de bas mang po'i// dge slong dge 'dun bsdu bar bya// byang chub kyi ni lam gyi phyir// zas dang skom ni mi bza'o// bsdom pa ni rgyal ba ste// bdag ni khyim 'dir dga' ba med// sems can kun gyi mchog 'di ni// skar mi'i dbus ni zla ba bzhin// mthong nas dad par su mi 'gyur// khyim nas mi 'byung su zhig yod// sha ri'i bu de nas khye'u sdom pa la gnas pas/
- 213a
khye'u sdom pa la tshigs su bcad pa 'di smras so// 'di tshig du bya bas mi 'gyur gyis// sgra bo che ni ma 'byin cig/ nga ni tshig tu mi s+tha smra// 'chang / rgya myur du gang shes 'gyur// sha ri'i bu de nas khye'u sdom pa la gnas pas// khye'u sdom pa la slar tshigs su bcad pa 'di smras so// 'di ni lam min ser sna ni// zhum pa dag ni yin par mngon// mi mchog sangs rgyas 'gyur ro zhes// bzang po'i sgra ni bdag sgrogs byed// bde nor shes par mi 'gyur ba// ser sna can gyi rtags yin no// bdag ni mi smra mi bya ste// bdag stong nor lta ga la zhig/ khyim 'di dag ni khyod kyi'o// nga ni byang chub phyir 'gro'o// khyim dang ner ni khyod kyi ste// bdag ni sangs rgyas la dga'o// sum bcu rtsa gnyis mchog gi mtshan// 'di 'dra ba dag thob gyur na/ lta ba nyams pa ma gtogs par// byang chub mchog ni su mi tshol// khyim bdag dang ni nor rnams dang // pha dang ma dang gnyen rnams dang // bdag gi de dag kun spangs te// sangs rgyas drung du 'gro bar bya// 'jig rten mgon po 'od mdzad pa'i// 'jig rten snang mdzad rab tu dkon// bskal pa bye ba stong du yang // de ni mthong bar shin tu dkon// nam mkha' dag pa'i zla ba ni// sa la lam mer 'dug pa ltar// rgyal po'i pho brang 'khor zhugs nas// dge slong dge 'dun du byas// 'od zer stong pa'i nyi ma ni/ bar snang gnas na lhang nge ba// de bzhin sangs rgyas sras dbus na// kun nas rab tu mdzes pa'o// ri'i rgyal po ri reb ni// rin chen bdag nyid mdzes pa yang // dge slong dge 'dun
- 213b
mdun du byas// sku'i gzi brjid 'bar ba ni// 'gro ba 'di dag rnams la snang // gzi brjid phung po ldan pa'i gzugs// rkang gnyis dam pa de mdzes so// lha dang ku dang mi rnams ni/ rdzu 'phrul dag gis rab sdud cing // rgyal po'i pho brang 'khor zhugs nas// cho 'phrul dag ni rnam par ston// sum bcu rtsa gnyis bsod nams mchog/ mtshan mchog chos kyi bdag po 'di 'dra mthong nas ni// byis pa ma bslabs pa dag ma gtogs pa// theg pa chung la su zhig 'jug par 'gyur// shin tu dkon pa rab tu mdzes 'byung ba// mi mchog 'di ni bdag gis mthong bas na// byang chub phyir ni bdag gi zhugs gyur nas// bde bar gshegs pa'i drung du nye bar 'gro// shA ri'i bu de nas khye'u sdom pas// sdom pa la gnas pa la tshigs su bcad pa 'di dag smras so// bdag ni le lo lam dog nas// sangs rgyas drang du mi 'gro ste// khang tog 'di nas phyi rol du// bdag gi lus ni 'tshong bar bya// bdag tu 'du shes btsal gyur nas// srog la blta bar mi bya ste// ye shes mchog ni yongs btsal zhing // sangs rgyas drung du 'gro bar bya// pha la chags dang ma la chags// khyim chags pa mi bzad pa// 'di dag thams cad rnam par spangs// sangs rgyas drung du 'gro bar bya// 'di 'drar 'gyur ba gang 'dod pa// de ni sangs rgyas dga' ba yin// rin po che ni kun spangs nas// khyim med par ni rab byung nas// de ltar sha ri'i du khye'u sdom pa la gnas pa ni khyim gyi klas la 'angs nas// bcom ldan 'das de bzhin gshegs pa dgra bcom pa yang dag par rdzogs
- 214a
pa'i sangs rgyas mngon 'phags ga la ba der song ngo // yang sha ri'i bu khye'u sdom pas ni khang thog nas mchongs nas// bcom ldan 'das mngon pags ga la ba der shin tu myur du song ngo // khye'u sdom pa la gnas pa ni phyi nas song ngo // shA ri'i bu de nas khye'u sdom pas bcom ldan 'das de la chos gos srang bye ba ri ba phul te// de'i tshe tshig su bcad pa 'di dag gsol to// bdag ni gzugs rnams tshol ba'i phyir// sangs rgyas chos gos 'bu la ma lags// mi mchog dag ni ci 'dra ba// de 'dra bar ni gyur par shog ye shes phung po ldan pa dang // stobs dang brtson 'grus rab gnas shing // sum bcu rtsa gnyis mtshan mnga' ba// rkang gnyis dam par gyur par shog/ stobs bcu rnams dang ldan gyur cig/ mi 'jigs pa la rab gnas pa'i// de bzhin gshegs pa ci 'dra ba// de 'dra bar ni gyur par shog/ khyod kyis chos gang mkhyen pa dang // gang na bzhugs pa lhang de ba// byang chub mchog tu sangs rgyas nas// bdag ni chos de ston par shog/ bdag ni gzugs rnams mngon par tshol ba'i phyir// sangs rgyas chos gos mchog 'bul ma lags kyi// lhar bcas 'jig rten dag la sman pa'i phyir// byang chub mchog gi zhi ba mngon par tshol// gnyis su med pa'i chos mchog der gnas shing // pha rol rgol ba kun gyis mi g.yos pa// chos de nyid ni mngon par btsal ba'i phyir// sangs rgyas la ni gos mchog mi 'bu'o// lhar bcas 'jig rten dag la sman pa'i phyir// gang na skye
- 214b
rga na 'chi ma mchis shing // mya ngan dang ni smre sngags ma mchis pa// zhi ba'i chos de dag ni ston gyur cig/ gang na 'dod chags zhe sdang ma mchis shing // gti mug ma mchis srid pa ma mchis pa// srid dngos bdud rtsi de la reg par gyis// bdag ni byang chub sangs rgyas ston gyur cig/ gang la khyod bzhugs sems can lha klu dang // de bzhin mi dang sems ma mchis pa dang // de ltar sems dang ldan pas phyag bgyi ba'i// zhi ba'i chos de bdag ni ston gyur cig/ gar gnas sangs rgyas zhing du snang ba dang // phyogs bzhi dag ni kun tu snang ba dang // mun pa chen por 'od zer phung po lta bu'i// bsil dngos bdud rtsi de reg par gyur// 'dod pa'i khams dang gzugs kyi khams ngag dang // de bzhin bzugs med khams dang rtag mi gnas// dga' dang mi dga' thams cad rab dben pa'i// bdag ni chos kyi dam pa de ston gyur// sha ri'i bu de nas khye'u sngon pa la gnas pas// bcom ldan 'das de bzhin gshegs pa dgra bcom pa yang dag par rdzogs pa'i sangs rgyas mngon 'phags de la shing lham gsar pa phrags cig phul lo// phul nas kyang tshigs su bcad pa 'di dag gsol chang// sems rnams kyi gnas brten dang // dab gnyen ga dang mgon du myur// ngan pa'i lam du mi 'gyur shing // nag sul ma rnams sman par 'gyur byis pa rnams kyi spyod yul 'di// 'dod pa nam yang brten mi 'gyur// 'dus byas dag kyang rnams spangs nas// rtag tu sangs rgyas 'byung rnyed gyur// 'jig rten snang
- 215a
@mdzad mthong nas kyang // rkang gnyis dam pa mchod par gyur// srog chags kun la sman pa'i phyir// me tog phreng ba dri rnams dang // rgyal mtshan dag dang / gdugs rnams kyis// glang po chen po bkur stir bgyid// srog chags kun la sman pa'i phyir// chos gos dag bsod snyoms dang // mal stan rnams dang gding ba yis// sangs rgyas rnams la mchod par bgyi// srog chags kun la sman pa'i phyir// rnga dang dung dang rnga chen dang // sil snyan dag dang pi wa nga gis// 'jig rten snang mdzad mchod par gyur// bza' ba dang ni bca' ba dang // dus ma yin par bza' ba rnams// de dag gis ni 'jig rten mgon// skyong la bdag gis mchod par bgyi// srog chags kun la sman pa'i phyir// mchod pa rgya chen bgyis gyur nas// de nyid du ni rab byung ste// tshangs par spyod pa bdag gis spud// srog chags thams cad mgon du bdag gyur cing // bdag ni lam ngan nam yang 'gro ma gyur// yan lag brgyad ldan lam mchog rab gnas nas// bdag gis srog chags byi ba de nyid dgod// ngan pa ma 'phags mchog tu smad pa'o// 'dod la bdag ni nam yang rten ma 'gyur// bag med thams cad yongs su spangs gyur nas// bdag ni rtag tu bag yod gyur shog/ mi dal brgya lam na yang skye ma gyur// rtag tu dad pa'i rigs su skyes gyur cig/ skyes par gyur nas mi mchog rnams mthong la// mthong nas de la bdag ni dad par gyur// de 'dri'i ye shes de ni brtsal ba'i phyir/
- 215b
deng ba'i sems kyis phreng zhing phreng ba dang // byug pa dag dang rnga dang rnga chen dang // rnga dang gling bu dag gis bsti bstang bgyi// bskal pa bye ba rnam pa sna tshogs kyi// mchod/ ba chen po dag ni bgyis gyur nas// myur du 'dod pa spangs te rang byung la// tshangs par spyad pa bdag gis spyod par gyur// de dag sa phyogs gang du gnas pa te// bcom ldan 'das de bzhin gshegs pa dgra bcom pa yang dag par rdzogs pa'i sangs rgyas mngon 'phags rgyal po de la tshigs su bcad pa'i klu'i dbyangs kyis bstod pa'i sa phyogs de'i phyogs der// tsan dan dmar po las byas pa'i de bzhin gshegs pa'i gtsug lag khang brgyar dpag chad bzhi phang du dpag tshad phyed byas te// de dag gis gtsug lag khang de byas nas// de bzhin gshegs pa phul lo// phul nas kyang bcom ldan 'das de bzhin gshegs pa mngon 'phags rgyal po la tshigs su bcad pa 'di dag gsol to// spyod pa gang la khyod ni gnas gyur pas// sngon gyi rgyal bas bzhi po gang bsngags pa// spyod pa de ni btsal bar bya ba'i phyir// gtsug lag khang 'di bde bar gabye la 'brel// gtsug lag khang ni gang la rtag zhugs na// 'das dang byung dang ma 'ongs pa dag gi// sems ni srog chagaso bye bas mi 'chal ba'i// spyod pa de ni bdag gis bstsal bar bgyi// spyod pa gang dag pha rol son pa ni// yang dge slong dang rdzu 'phrul rkang pa dang // mchog bzhi dag gi so so yang dag rig/ spyad pa de dag
- 216a
/ bdag gis btsal bar bgyi// de dag gis gtsug lag khang de nyid du// bcom ldan 'das de bzhin gshegs pa mngon 'phags rgyal/ po de dang // dge slong gi dge 'dun du bcas pa la zla ba phyed kyi bar du bsti bsnyung du byed// btsun par byed// ri mor byed/ mchod par byed/ de dag gis gtsug lag khang de nyid du de bzhin gshegs pa dang // dge slong gi dge 'dun bcas pa la sti bstang du byas// btsun par byas// ri mor byas mchod par byas nas// de bzhin gshegs de nyid kyi drung du skra dang kha spu bregs nas// gos ngur smrig bgos te// khyim nas khyim med par rab tu byung nas// dge ba'i chos tshol ba la brtson par 'gyur te// yid dga' bar chos tshol ba la sbyor ro// de nas gcig gis smras pa// 'jig rten mgon po 'od byed par// bdag ni mthog mar nyid gyur cig/ gnyis pos smras pa// ded dpon gyi ni mi mchog tu// bdag ni thog ma nyid gyur cig/ de nas shA ri'i bu gang sdom pa zhes byang chub sems dpa' sems dpa' chen po de// bcom ldan 'das de bzhin gshegs pa mngon 'phags rgyal po'i spyan sngar 'dug nas yid dam bcas pa// stan dag la yang mi 'dug cing // bdag ni lam du mi nyal lo// srog chags rnams kyi don 'dod phyir// bdag gis byang chub lam btsal lo// lus dang srog ni spang byas te// bdag nyid kyi ni yid kyi yang // le lo yongs su spang byas nas// byang chub dam pa btsal bar bgyi/
- 216b
sha rnams dang ni de bzhin khrag rnams dang // spags pa dang ni rgyas pa srogs bor te// le lo thams cad yongs su spang byas nas// byang chub mchog phyir brtson 'grus brtsam par bgyi// sha ri'i bu de nas byang chub sems dpa' sems dpa' chen po sdom pa la gnas pas// byang chub sems dpa' sems chen po sdom pa la tshigs su bcad pa 'di dag smraso// bdag cag gnyis ni 'dus gyur nas// srog chags kun la phan pa'i phyir// byang chub spyod pa rnams spyod cing // brtson 'grus dam pa brtsam par bya// lus rnams dang ni de bzhin srog bor te// sha dang khrag ni de bzhin skams gyur kyang // srid stong du khyod kyi rjes slob cing // byang chub mchog phyir brtson 'grus brtsam par bya// gang du chos kyi bdag po bzhugs mdzes pa'i// ye shes dam yongs su btsal bya'i phyir// dgon pa'i gnas ni ri dang chu drung du// the tshom med par brtson 'grus brtsam par bya/ shA ri'i bu byang chub sems dpa' sdom pa dang sdom pa la gnas pa la lo stong du lan 'ga' yang // tha na se gol togs pa srid du yang rmongs pa dang gnyid kyis ma non to// / de lo stong du yang lan 'ga' yang nyal lo snyam du nyal ba'i sems ma bskyed do// de lo stong du lan 'ga' yang 'dug go snyam du stan 'dod par ma gyur to// de gnyis gshang ba'i du lci ba'i tshe ma gtogs par lo stong du lan 'ga' yang zan tsog tsog por mi 'dug go/ nam kha zas ze ba na yang 'greng bzhin du kham gsum gsum tsam
- 217a
za zhing chu phur pu re re tsam 'thung ngo // de gnyis kyis lo stong du lan 'ga' yang kha zas lan re ba 'am// bkres na nyung ngu zas rnyed par dga' ba ma bskyed do// de gnyis kyis lo sgong du lan 'ga' yang kha zas de las lhag par ma zas so// de gnyis kyis lo stong du kha zas zla ba na// lan 'ga' yang kha zas la mngar ba dang / skyur ba dang / bro ba dang tshang dang / kha ba dang / ska bar tha na sems bskyed pa cig tsam 'du shes ma bskyed do// de gnyis kyis lo slong du bsod snyoms bslab pa de la nged la bsod sbyin pa 'di bud med dam// skyes pa 'am khyi'u 'am bu mo 'am/ su zhig ces lan 'ga' yang rdong du ma ltas so// de gnyis kyi lo stong du shing gi drung na gnas pa shing de la gyen du la 'ga' yang ma ltaso// de gnyis lo stong du lan 'ga' yang chos gos gnyis par ma brjes so// de gnyis kyi lo stong du lan 'ga' yang tha na sems bskyed pa gcig kyang 'dod pa'i rnam par rtog pa ma bltag/ gnod sems kyi rnam par rtog pa ma rtags/ 'che ba'i rnam par rtog pa ma rtags so// de gnyis kyi lo stong du lan 'ga' yang sems bskyed pa gcig kyang zla ba la song ba 'am/ nyi ma la song ba 'am// pha la song ba 'am// ma la song ba 'am// spun la song ba 'am/ sring mo la song ba'am/ nye du la song ba'i rnam par rtog pa ma bskyed do// de gnyis lo stong 'das pa'i bar du lan 'ga' yang tha na// sems bskyed pa gcig kyang khyim la gnas pa'i rnam par rtog pa ma brtags so// de nyis kyis lo stong du lan 'ga'
- 217b
yang zla ba 'am/ nyi ma 'am/ skar ma'i gzugs sam/ bar snang la gyen du ma lngas so// de gnyis kyis lo stong du lan 'ga' rtsig pa 'am shing lam bsnyes so// de gnyis kyis lo stong du lan 'ga' yang mar ram 'bru mar gyis lus ma bskus so// de gnyis kyis lo stong du lan 'ga' yang tha na sems bskyed pa gcig kyang mar dang ldan pa'i sems ma bskyed do// de gzhi kyis lan 'ga' yang tha na sems bskyed pa gcig kyang lus la skyo ba'i sems ma skyed do// de gnyis kyis lo stong da lan 'ga' yang tha na sems bskyed pa gcig kyang bdag cag gis bla na med pa yang dag par rdzogs pa'i byang chub mngon par 'tshang rgya bar mi nus zhes lus ngal ba ma bskyed do// de gnyis lo stong du lan 'ga' yang na ba 'am sems na bar ma gyur to// rgyal po chen po bzhi 'ongs te mgo la byugs te sa skra khyer de dong na/ de dag gis skra khyer ba mchod rten du bzhag pa ma gtog par/ de gnyis lo stong 'ad kyi bang yang ska 'breg pa'i sem 'ga' tsam yang ma skye // de gnyi kyis lo stong nga rgyal po chen po dag 'ongs shing song yang lan 'ga' yang 'ong ba 'am song ba'i seMs mi bskyed// de gnyis kyi lo steng du lan 'ga' yang nyi ma las grib ma 'am grib ma las nyi ma 'am 'pho bA sem ma bskyedado// de gnyis lo stong dgrang ba'i dus na yang lan 'ga' yang lus la g.yo ba'i 'dra shes ma bskyed// de gnyis kyi lo stong du lan 'ga' yang 'jig rten gyi tshig ma smra so// yang sha ri'i bu de'i dus dran pa rmongs byed ces bya ba'i bdud cig byung ste/ 'di lta ste dper nad lha ba'i bdud sdig can lta bu'o// sha ri'i bu bdud dran pa rmod byed kyis byang chub sem dpa' sdom pa'i 'chag sar ral gri'i so btag pa byas par gyur pa dang / der ral gri'i so
- 218a
@#/ de la ral gri'i sa'i 'du shes bskyed nas/ de ni bdag bag med pa la gnas so// bdag ni bag med pa la gnas so zhes sgra byung ba dang / sgra des stong gsum gyi stong chen po'i 'jig rten gyi khams dbyangs kyis go bar gyur to// de la shA ri'i bu sgong gsum gyi stong chen po'i 'jig rten gyi khams dbyangs kyis go ba dang / de nas steng gi bar snang las bdud kyi ris kyi lha bye brgya phrag stong gi/ kye ma'o byang chub sems dpa' shi 'pho su ma gyur to// shi 'pho su ma gyur to zhes sgra bya // shA ri'i bu de nas byang chub sem pa'i sdom pa sem bskyed pa de'i rje su 'dzag cing 'chag pa la/ shA ri'i bu lnga dang bcas pas gnyis byung ba dang / de byang chub sems dpa' sdom pas ma thos so// gang lha'i sgra dang / gang sdom pa'i sgra de gnyis kyang byang chub sem dpa' sdom pa la gnas pas ma thos// shA ri'i bu dAm de gnyis spyod lam de lta bu dang / spyod pa de lta bu dang / nan tan de lta bu dang / snying rje chen po de lta bu dang / pha rol gnon pa de lta bu dang ldan par gyur te/ de gnyis kyi lo stong du sangs rgyas rjesu dran pa bsgom so// gang gis bcom ldan 'das de bzhin gshegs pa mngon 'phags rgyal po de yongasu mya ngan 'das pa dang / de nas lha zhig 'ongs nas rig kyi bu dag de bzhin gshegs pa yongasu mya ngan las 'das zhes sman to// de gnyis su mya ngan las 'daso zhes thos nas/ bcom ldan 'das de'i khri gang na ba der song ste/ 'greng bzhin du thal mo sbyar nas/ nyi ma bdun gyi bar du mig mi 'dzum par ltas te/ byam pa la song zhing dgra med par gus pas rjes su dran par bya ste/ de dag brtson 'grus ma btang bas/ 'greng bzhin du 'chi ba'i
- 218b
dus byas so// de dag nas shi 'phos nas tshangs pa'i 'jig rten du skyes so// de gnyis tshangs par gyur nas/ slar log ste de bzhin gshegs pa dgra bcom pa yang dag par rdzogs/ pa'i sangs rgyas de'i mchod rten byas te/ lo stong phrag bzhi bcu'i bar du mchod rten yo byad kyi los// de gnyis de bzhin gshegs pa'i mchod rten gyi gdugs brtsegs zin pa re she nas/ lo stong phrag bdun bcu'i bar du 'greng bzhin du thal mo sbar te gnas nas/ de bzhin gsheg pa mchod rten de la phyag byed/ de dag tshe'i mthar phyin te/ shi 'phos na yang 'dzam bu gling nyid skye ste/ 'khor los sgyur ba'i rgyal po su mi'i mngal du mo che mar skyes so// de gnyis skyes ma thag tu gcig gis gcig dran nas bdag cag bag yod pa la gnas par bya'o// bdag cag bag yod pa'i mchog bsgom par bya'o zhes smras na/ de'i tshe tshigs su bcad pa 'di dag gsung so// 'byor dang rgyas shing rtag tu lo legs pa'i/ bdag cag yid 'ong rgyal po'i rig su skyes/ bag med rgyas par rab tu btsal bya ste// byang chub dam pa rab tu mnyes par bya/ 'dod dang lodra spod rgyal po ni/ yid brtan ma yin ring por mi thogs te// byang chub dam pa yod su tshol ba na/ mkhas pa de la 'dod pa mi bskyed do// srog chags phan phyir byang chub gang zhogs pa// 'dod dang long spyod la ni 'dod mi skyes// myur da 'dod pa spangs shing rab byung nas// tshangs par spyod padam pa mchog spyod do// sngon 'das dus na shin tu rgyas pa nas// lho rdzas dag dang mi'i bzang po dang // 'dod pa'i yon tan lnga dang brten gyur kyang // de la lan 'ga' yang
- 219a
ngom par ma rnyed do// de phyir rgyal po mdo dang gnyen chags dang // 'dod pa'i yon tan dri dag spang bya ste// lus bskyed nas ni myur / durab byung la// byang chub phyir ni brtson 'grus brtsam par bya// de gnyis skye lo bcu drug pa tsam du 'dra bar gyur nas// skra dang kha spu bregs te gos ngur smrig bgos nas// dang pas khyim nas khyim med par rab tu byung ste// de lo stong phrag nyi shur tshangs par spyod pa spud do// de nas shi 'phos nas slar yang tshangs pa'i 'jig rten du skyes so// tshangs pa'i 'jig rten nas shi 'phos nas slar 'dzam bu gling du skyes so// yang shA ri'i bu de'i dus na de bzhin gshegs pa dgra bcom pa yang dag par rdzogs sangs rgyas dri mchog ces bya ba// rig pa dang rkang par ldan pa/ bde bar gshegs pa 'jig rten mkhyen pa skyes bu 'dul ba'i kha lo sgyur ba// bla na med pa lha mi rnams kyi ston pa// sangs rgyas bcom ldan 'das 'jig rten du byung ste// de bzhin gshegs pa de de gnyis kyis mnyes par byas te// de gnyis de bzhin gshegs pa de la skra dang kha spu bregs nas gos dur smrig bgos te// dad pas khyim nas khyim med par rab tu byung ngo // de gnyis rab tu byung nas lo bye ba cha nga bar tshangs par spyod pa spyad do// shA ri'i bu rnam grangs nges sangs rgyas stong phrag bcu mnyes par bya ste// byang chub sems dpa' sdom pas thams cad du tshangs par spyod pa spyad do// byang chub sems dpa' sdom pa la
- 219b
gnas pas ni// de bzhin gshegs pa gcig gi drung du tshangs par spyod pa spod do// de la shA ri'i bu gang byang chub sems dpa' sdom pa zhes bya ba ni// thog mar bla na/ med pa yang dag par rdzogs pa'i byang chub mngon par rdzogs par sangs rgyas te// de bzhin gshegs pa dgra bcom pa yang dag par rdzogs pa'i sangs rgyas brtson 'grus 'bar ba zhes bya ba rig pa dang rkang par ldan pa// bde bar gshegs pa// 'jig rten mkhyen pa// skyes bu 'dul ba'i kha lo sgyur ba// bla na me pa lha dang mi rnams kyi ston pa// sangs rgyas bcom ldan 'das 'jig rten du byung ste// de lo bye ba dgu bcu'i bar du gnas so// de'i nyan thos kyang bye ba khrag khrig phrag dgu bcu'i nyan thos chen po 'dus par gyur to// de la shA rI bri gang byang chub sems dpa' sdom pa la gnas pa zhes bya ba ni// bcom ldan 'das de bzhin gshegs pa brtson 'grus 'bar ba byang chub thob pa de'i 'khor los sgyur ba'i rgyal por gyur te// des de bzhin gshegs pa de dang dge slong gi dge 'dun du bcas pa zla ba gsum gyi bar du chos gos bsod snyoms dang / lnga stan dang // ston pa'i ched kyi sman dang // yo byed rnams kyis bsti bstang du byas// btsun par byas ri mor byas// mchod par byas so// de nas shA ri'i bu bcom ldan 'das de bzhin gshegs pa dgra bcom pa yang dag par rdzogs pa'i sangs rgyas brtson 'grus 'bar ba des rgyal po nga
- 220a
'ong bar shes nas/ rgyal po la bskal ba'i phyir// de'i tshe tshigs su bcad pa 'di dag smras so// sangs rgyas chos ni rnyed pa'i phyir/ brtson 'grus dam pa mchog yin te// 'dod la skam pa'i sems can rnams// sems can don byed shin tu dkon// 'dod la skam pa'i don rnams gang // de ni mkhas pa'i don ma yin// khyod ni don med gnas pa ste// mchog gi don rnam tshol ba yin// nga nyid dang ni khyod nyid du// sngon ni spun du gyur pa ste// rdzogs pa'i sangs rgyas myur 'grub ces// de na bdag cag dam bcas so// ngas ni byang chub thob gyur te// tshangs pa'i 'khor lo bskor ltos// khyod ni khyim dang chung ma dag/ rtag tu bsrung zhing gnas pa yin// mkhas pa rnams ni 'di la yi mi ston// 'dod pa 'di ni ngan zhes rgyal bas gsungs// skye'o dag ni bag med don spyod do// de phyir don min rtag tu rnam par spangs// blo gros ngan pa don med khur khyer te// khyod ni 'dod la rab tu gnas// 'phags dag gis byung ba rab bsngags// 'dod yon sdug bsngal thob pa ma shes so// bcom ldan 'das des tshigs su bcad pa de dag gis bskul ba dang // de bu la mi lha chung ma la mi lta// tshong dpon dang blon po dang // pha dang ma dang // mkhar gyi rgyal po dang // grong rdal dang ljongs dang / rgyal srid thams cad la yang ma lhas// nor gyi phung po thams cad la yang ma ltas par// stan las langs te// bcom ldan 'das de'i spyan sngar 'dug nas// de'i tshigs
- 220b
su bcad pa 'di dag smras so// sangs rgyas kyi ni byang chub phyir// bdag gi sha ni skams par bgyi// khyim thams cad spang bar bgyi// dgon par song nas zhi bar bgyi// srog chags kun la phan pa'i phyir// khyim med par ni rab byung nas// dgon pa rab dgon bstan byed cing // phyir zhing brtson 'grus brtsam par bgyi// byis pa smra ba sdig pa yi// 'dod pa phyir zhing mi brten te// de la gnas par gyur pas na// bdag ni rgyab kyis phyogs par gyur// 'dod dang longs spyod rgyal srid dang // thams cad rnam par spangs 'gyur te// 'jig rten mgon po'i bstan pa la// de nga nyid bdag ni rab tu byung // byang chub phyir ni sprad pa spyod byed na// mkhas pa su zhig 'dus byas yid rton byed// gang du bdag gis 'dod la zhugs gyur pas// brtson 'grus brtsams kyang byang chub reg ma gyur// de bas 'dod pa'i yon tan bdag spangs te// longs spyod bde dang rgyal srid bde spangs nas// rgyal ba'i bstan la ched du rab byung la// byang chub mchog phyir brtson 'grus brtsams par bgyi/ des tshigs su bcad pa de dag smras nas bcom ldan 'das de nyid las skra dang kha spu bregs te// gos ngur smrig bgos nas/ dad pas khyim nas khyim med par rab tu byung ngo // rgyal ba mngon par byung zhing rab tu byung bar shes nas/ srog chags bye ba khrag khrig brgya stong phrag drug cu dad pas khyim nas khyim med par rab tu byung ngo // de nas bcom ldan
- 221a
'das yongs su mya ngan las 'das pa'i ring bsrel la mchod pa byas nas/ de nas shi 'phos nas dga' ldan gyi lha'i ris kyi rgyal por skyes so// de dga' ldan gyi ris nas shi 'phos nas bskal pa de nyid la bla na med pa yang dag par rdzogs pa'i byang chub mngon par rdzogs par sangs rgyas te/ de bzhin gshegs pa dgra bcom pa yang dag par rdzogs pa'i sangs rgyas mdzes spyod ces bya ba 'jig rten du byung ste/ rig pa dang rkang par ldan pa// bde bar gshegs pa nas bcom ldan 'das zhes bya ba'i bar du 'byung ste/ de lo bye ba tshang bar gnas so// de'i nyan thos kyang bye ba khrag khrig tu tshang ba'i nyan thos chen po 'dus par gyur te/ thams cad kyang dgra bcom pa zag pa zad pa nas/ sems can thams cad kyi dbang dam pa'i pha rol tu bgrod par phyin pa sha stag gi bar du'o// byang chub sems dpa' sems dpa' chen po brgya phrag stong yang bla na med pa yang dag par rdzogs pa'i byang chub sems dpa' phyir mi ldog pa'i bar du bkod do// chos bstan pas sems can tshad med pa'i don byas te/ yongs su mya ngan las 'das so// de yongs su mya ngan las 'das pa'i dam pa'i chos ni bskal pa'i lhag mar gnas par gyur to// de'i ring srel yang rgyas par gyur to// 'di lta ste dper na/ nga da lta yongs su mya ngan las 'das
- 221b
nas ring srel rgyas par 'gyur ba bzhin no// shA ri'i bu byang chub sems dpa' sdom pa dang / byang chub sems dpa' sdom pa la gnas pa'i rjes su byang chub/ sems dpa' slob cing brtson 'grus ma nyams par brtson 'grus kyi pha rol tu phyin pa spyad par bya'i/ sems can keng rus la gnas pa dang / ser sna la gnas/ pa dag gi rjes su bslab par mi bya'o// shA ri'i bu byang chub sems dpa' gang la la byang chub 'dod la gzhan gyi khyim la ser sna skyed na/ de'i tshe de la 'jigs pa gsum 'byung bar rig par bya'o// gsum gang zhe na/ gzhan gyi khyim dag tu kha zas kyi phyir smra/ kun tu smra ba'i phyir/ 'phags pa'i dge slong gzhan mthong na phrag dog dang ser sna skyed cing khong khro ba'i sems can gcig tsam gyis kyang mi mthun par byed la/ des sems can dmyal ba'i las yongs su bzung bar 'gyur ba dang / mtha' khob tu skye ba'i gnas yongs su bzung bar 'gyur ro// shA ri'i bu gang la las 'phags pa'i dge slong mthong na 'khro ba zil gyis mnan te/ khros pa'i sems kyis mi smra zhing ser sna skyed de/ khong khro ba'i sems gcig tsam gyis kyang mi mthun par byed na/ des sems can dmyal ba'i las yongs su bzung bar 'gyur/ dmus long gi sa bon btab par 'gyur/ mir skyes na yang mtha' 'khob kyi 'gro ba'i yul phyogs su skye ba'i gnas yongs su bzung bar 'gyur/ su 'angag sa yon sa par 'gyur ba /
- 222a
khong khro ba mang bar 'gyur/ dmus long du 'gyur/ gzhan gyi dring 'jog cing bskur ba mang bar 'gyur ro// gA ri'i bu ga gi tshe na byang chub sems dpa' gzhan gyi rigs las phrag dog dang ser sna skye ba de'i tshe/ de dag 'jigs pa 'di gsum yid la bya'o// de skad ces bka' stsal pa dang / bcom ldan 'das la tshe dang ldan pa shA ri'i bus 'di skad ces gsol to// bcom ldan 'das byang chub sems dpa' chen po de dag la rnyed pa shin tu rnyed pa'i phyir du/ de bzhin gshegs pas khyim gyi ser sna las byung ba 'di lta bu bshad pa ngo mtshar to// bcom ldan 'das bdag cag nyan thos rnams la yang khyim gyi ser sna las byung ba'i legs pa bshad du gsol/ bcom ldan 'das bdag cag kyang sems can dmyal ba las thar bar gnyer ba lags kyis/ bdag cag dmus long gnyer ba ma lags so// bdag gcugs mi 'tshal te/ bdag cag kyang bkur pa gnyer ba ma lags so// bdag cag mtha' 'khob kyi gnas gnyer ba ma lags so// bcom ldan 'das bdag cag ni yul gyi dbus kyi phyogs 'tshal te/ bdag cag gis de bzhin gshegs pa dang chos nyan pa yongs su ma btang ngo // de skad ces gsol nas/ bcom ldan 'das kyis tshe dang ldan pa shA ri'i bu la 'di skad ces bka' stsal to// shA ri'i bu gnam pa dang drang ba'i bar du gyur te/
- 222b
gang khyod de bzhin gshegs pa la don 'dri bar sems pa legs so ngo mtshar to// de bas shA ri'i bu gang 'jig rten na sangs rgyas kyi bslab pa la slob par 'dod pa/ pa de dag gi phyir bshad par bya'o// de ci'i phyir zhe na/ shA ri'i bu sangs rgyas kyi bslab pa la slob par 'dod pa de dag gi mdun du bshad par bya'o// de ci'i phyir zhe na/ shA ri'i bu ma slabs na 'tha' ba'i rtsa ba brtsod par 'gyur ro// shA ri'i bu byang chub sems dpa' ni dad pa dang dang ba mang zhing / sems can rnams kyi skyabs kyi phyir yun ring por lta/ dus ring por lta bar 'gyur zhing / de bzhin gshegs pa'i drung du song nas yongs su 'dri bar byed de/ des 'di lta bu'i chos 'di thos nas/ dga' ba dang dad pa dang / rab tu dga' ba rgya chen po thob par 'gyur te/ nan tan gyis kyang bsgrub mod kyi/ shA ri'i bu gang lhag pa'i bsam pas yongs su mya ngan las 'das par 'dod pa'i sems can de dag ni nyung bar gyur te/ phal cher dngos po gsum la gnas so// gsum gang zhe na/ 'thob pa dang bkur bsti dang / tshigs su bcad pa kun tu tshol ba dang / mdza' bo'i khyim dang / slong ba'i khyim kun tu tshol ba dang / gnas yongs su 'dzin pa'i phyug pa kun tu tshol te/ dngos po gsum po 'di dag la gnas so// de bas na gang dngos po 'di gsum la gnas pa dag ni ngan song gsum las yongs su mi 'grol lo//
- 223a
de dag sems can dmyal ba las 'grol ba dang / byol song gi skye gnas dang / gshin rje'i 'jig rten las 'grol ba la spro/ ba chung zhing de dag mtho ris zad par 'gyur ba dang / gleng ba dang / 'thab pa dang / brtsod pa dang / 'breg pa dang / 'gyed pa la brtson cing blta bar 'gyur ro// de dag ma dad par gyur pas grogs po ngan pas yongs su zin nas/ dgon par gnas pa spong ba rjes su thob par 'gyur te/ de dag la khyim pa dag tshe dang ldan pa khyod nged kyi gnas dang nye bar gnos shig/ nged kyi chos gos dang bsod snyoms dang / mal stan dang na ba'i ched kyi sman dang / yo byad kyis bsnyen bkur bya'o// tshe dang / ldan pa dgon pa la gnas na nged kyis kyang khyod mi mthong ngo // khyod kyis kyang nged mi mthong ngo zhes de skad zer zhing / de dag phan tshun smra bas gnas la chags nas mngon par dga' ba bskyed de/ de dag gnas la sred pa skye bar 'gyur/ ring du gnas par 'gyur/ mdza' bo'i khyim dang / slong ba sbyin pa'i khyim mang bar 'gyur te/ de dag gi phyir zhing mthong na gcig la cig sred par 'gyur te/ de la gang dge slong thor bu 'ongs na/ de dag la bsngags pa ma yin pa smra bar 'gyur te/ mang du thos pa ma yin/ rgyun du zhugs pa ma yin no zhes smra bar byed/ lan cig phyir 'ong ba ma yin zhes smra bar byed/ dgra bcom pa ma yin no zhes smra bar byed de/
- 223b
gzhan yang bsngags pa ma yin pa brjod par bya ba la spro bar byed do// shA ri'i bu de la khyim pa de dag gang dge slong thong bu 'ongs pa de dag ni/ bdag cag gi drung na yun ring du gnas pa ma yin gyi/ gang dge slong 'khod pa dag ni bdag cag gcig la cig don gyi pho nya yin no zhes de snyam du sems te/ de dag gcig la cig ser sna byed par 'gyur ro// shA ri'i bu de la kha cig ni chos 'di lta bu khong du chud par ma gyur/ khong du ma chud/ khong du chud par mi 'gyur te/ de dag thams cad mdo sde 'di lta bu dag spong bar 'gyur/ spong bar byed spong bar 'gyur ro// shA ri'i bu yang de bzhin gshegs pas gsungs pa'i mdo sde 'di lta bu'i tshig dang / 'bru'i rnam grangs thos nas thos ma thag tu mos par mi byed de/ sems can gang ngan song du 'gro ba'i las can de lta bu dag ni smod par byed par 'gyur ro// shA ri'i bu de la byang chub sems dpa' brtson 'grus ma nyams pa ni ser sna dang phrag dog gi gzhi 'di lta bu ngan song du 'gro ba'i las thos nas khyim gyi ser sna ma byas pa yang mi byed/ khyim gyi ser sna byas pa yang chags par 'gyur ro// shA ri'i bu de ltar na byang chub sems dpa' brtson 'grus ma nyams pa brtson 'grus kyi pha rol tu phyin pa la spyod pa'o// gzhan yang shA ri'i bu brtson 'grus ma nyams pa'i byang chub sems dpa' brtson 'grus kyi pha rol tu phyin pa la spyod pa na/ sems can
- 224a
thams cad la nad par 'du shes bskyed de/ sems can de dag thams cad gdung ba'i nad 'di gsum gyis rtag tu gdungs so// / gsum gang zhe na 'di lta ste/ 'dod chags kyi gdud pa dang / zhe sdang gi gdung ba dang / gti mug gis gdung ba'o// sman dang rtsi yis bsku ba'i sbyor ba dag gis sems can rnams kyi 'dod chags rab tu zhi bar 'gyur ba dang / zhe sdang rab tu zhi bar 'gyur ba dang / gti mug rab tu zhi bar 'gyur ba de 'dra ba'i chos kyi sman dang / rtsi yi sbyor ba bdag gis bsdu bar bya'o zhes de ltar sems shing / de chos kyi sman dang rtsi'i sbyor ba gang gis sems can rnams kyi 'dod chags rab zhi bar 'gyur ba dang / zhe sdang rab tu zhi bar 'gyur ba dang / gti mug rab tu zhi bar 'gyur ba de 'dra ba'i chos kyi sman dang rtsis bsku ba'i sbyor ba bsdud par byed de/ de ni byang chub sems dpa' brtson 'grus kyi pha rol tu phyin pa la spyod pa'o// de ci'i phyir zhe na/ shA ri'i bu sems can thams cad ni gdung ba'i nad gsum gyis rtag tu gdungs nas na ba ste/ 'di lta ste/ 'dod chags kyi gdung ba dang / zhe sdang gi gdung dang / gti mug gi gdung ba'o// sems can gang sems can dmyal bar skye ba de dag kyang gdung ba 'di gsum gyis rtag tu gdung ba ste/ 'dod chags kyi gdung ba dang / zhe sdang gi gdung ba dang / gti mug gi gdung ba'o//
- 224b
gang byol song gi skye gnas dang / gshin rje'i 'jig rten dang / mi'i 'jig rten dang / gang lhar skyes pa'i sems can de dag kyang 'dod chags kyi gdung ba dang / zhe sdang gi gdung ba dang / gti mug gi gdung ba 'di gsum gyis rtag tu gdungs te/ gang sems can de dag gi sman pa gso bar byed pa de dag kyang 'dod chags kyi gdung ba dang / zhe sdang gi gdung ba dang / gti mug gi gdung ba 'di gsum gyis rtag tu gdungs te/ de la sman pa gzhan dang sman bsku ba'i sbyor bas sems can de dag 'dod chags kyi gdud pa dang / zhe sdang gi gdung ba dang / gti mug gi gdung pa rab tu zhi bar bya bar mi nus kyi/ gzhan du na de bzhin gshegs pa bla na med pa'i sman pa'i rgyal po chen po dang / byang chub sems dpa' sems dpa' chen po chos kyi sku rnyed pas bdag nyid sman du gyur par byin gyis brlabs nas/ sems can de dag gi 'dod chags kyi gdung pa dang / zhe sdang gi gdung pa dang / gti mug gi gdung ba rab tu zhi bar byed nus so// de bas na shA ri'i bu rnam grangs des kyang 'di ltar rig par bya ste/ gang la sman pa phal dang / sman gyis bsku ba'i sbyor ba phal gyis sems can de dag gi 'dod chags kyi gdung pa dang / zhe sdang gi gdung ba dang / gti mug gi gdung pa rab tu zhi bar nus pa ma yin gyi/ gzhon du na de bzhin gshegs pa bla na med pa'i sman pa'i rgyal
- 225a
bo chen po dang / byang chub sems dpa' sems dpa' chen po chos kyi sku rnyed par sems can de dag gi 'dod chags kyi gdung / pa dang / zhe sdang gi gdung pa dang / gti mug gi gdung ba rab tu zhi bar nus par rig par bya'o// shA ri'i bu de ji snyam du sems/ sems can gyi khams rab tu mang ngam/ gsol pa/ bcom ldan 'das kyis gsungs pa'i don bdag gis 'tshal ba ltar na/ sems can gyi khams rab tu mang gi/ sa'i khams ni de lta bu ma lags/ chu'i khams ni de lta bu ma lags/ me'i khams ni de lta bu ma lags/ rlung gi khams ni de lta bu ma lags so// bka' stsal pa de de bzhin no// shA ri'i bu de de bzhin te/ shA ri'i bu sems can gyi khams ni rab tu mang gi sa'i khams ni de lta ma yin/ chu'i khams ni de lta ma yin/ me'i khams ni de lta ma yin// rlung gi khams ni de lta ma yin no// yang shA ri'i bu sems can mi snang bar gyur pa 'di las phyi rol gyi drang srong gi lha'i mig las snang bar gyur pa/ nyan thos dang rang rgyas kyi lha'i mig las snang bar ma gyur pa yod de/ shA ri'i bu sems can gang snang bar ma gyur pa de dag shing rta'i 'khor lo tsam gyi khyon la de bzhin gshegs pa'i lha'i spyan la snang bar gyur pa ni rab tu mang ste/ stong gsum gyi stong chen po'i 'jig rten gyi khams lha dang mir bcas pa'i skye dgu ni de lta ma yin te/ de ltar
- 225b
sems can gyi khams dpag tu med do// shA ri'i bu ji tsam stong gsum gyi stong chen po'i 'jig rten gyi khams kyi sems can sgong nga las skyes pa 'am/ mngal/ nas skyes pa 'am/ drod gsher las skyes pa 'am/ rdzus nas skyes pa 'am/ gzugs can nam/ gzugs med pa 'am/ 'du shes can nam/ 'du shes med pa 'am/ 'du shes med min nam/ snang ba 'am/ mi snang ba 'am/ ci tsam sems can gyi khams brtags su de dag thams cad skad cig thang cig yud tsam cig la snga phyi med par mi'i lus thob par 'gyur ba'i yongs su brtag pa bzung ste/ de dag thams cad mir gyur nas kyang sman par gyur nas/ tshe'i tshad bska par gnas pa'i yongs su brtag pa bzung ste/ slob dpon khams g.yo bar mkhas par gyur te/ shA ri'i bu 'di lta ste dper na/ da ltar sman pa'i rgyal po gso byed lta bu de dag thams cad 'dus nas/ sems can gcig gi 'dod chags kyi gdung ba rab tu zhi ba dang / zhe sdang gi gdung ba dang / gti mug gi gdung pa rab tu zhi bar bya ba'i phyir 'bad cing sman pa re res kyang bsil ba'i yan lag gi sman ri rab tsam gyi phung po bsdus nas/ de dag thams cad sems can gcig gi 'dod chags kyi gdung ba rab tu zhi bar bya ba'i phyir/ bsil sman yan lag gi sman gyi phung po btags te bskus par gyur kyang / shA ri'i bu sman de'i tshe'i tshad bskal par gnas pa
- 226a
thams cad skyo bar gyur la bsil ba'i yan lag gi sman gyi phung po de dag thams cad yongs su 'gribs shing zad par gyur kyang // sems can gcig gi 'dod chags kyi gdung ba dang / zhe sdang gi gdung ba dang / gti mug gi gdung ba de rab tu zhi bar byed mi nus kyi/ de la de bzhin gshegs/ pas mi gtsang ba'i chos kyi sman dang brtsi bsku ba'i sbyor bas ni sems can du ma/ sems can brgya phrag du ma/ sems can stong phrag du ma/ sems can brgya stong du ma/ sems can bye ba khrag khrig brgya stong du ma/ sems can khrag khrig dkrigs pa du ma/ sems can btags pa phrag du ma nas brjod du med pa'i yang brjod du med pa'i bar gyi sems can rnams kyi 'dod chags kyi gdung ba mi gtsang ba'i sman pa/ brtsis bsku ba'i sbyor bas rab tu zhi bar byed do// byams pi chos kyi sman dang brtsis bskus pa'i sbyor bas sems can du ma'i zhe sdang gi gdung ba zhi bar byed de/ brjod du med pa yang brjod du med pa'i bar gyi sems can rnam kyi zhe sdang gi gdung ba rab tu zhi bar byed do// rten cing 'brel bar 'byung ba'i sman dang brtsis bslu ba'i sbyor bas/ sems can du ma'i gti mug gi gdung ba rab tu zhi bar byed de/ brjod du med pa'i yang brjod du med pa'i bar gyi sems can rnams kyi gti mug gi gdung ba rab tu zhi bar byed do// byang chub sems dpa' sems dpa'
- 226b
chen po chos kyi sku brnyed pas kyang bdag nyid chos kyi sman du gyur par byin gyis brlabs nas/ sems can du ma'i 'dod chags kyi gdung ba rab tu zhi bar byed do// zhe sdang gi gdung pa rab tu zhi bar byed/ gti mug gi gdung ba rab tu zhi bar byed de/ brjod du med pa'i yang brjod du med pa'i bar gyi sems can rnams dang / 'dod chags dang / zhe sdang dang / gti mug gi gdud pa rab tu zhi bar byed do// de bas na shA ri'i bu rnam grangs 'dis kyang 'di ltar rig par bya ste/ byang chub sems dpa' sems dpa' chen po gang chos kyi sku la gnas nas/ bdag nyid chos kyi sman du gyur par byin gyis brlabs nas/ sems can du ma nas sems can brjod du med pa'i yang brjod du med pa'i bar gyi sems can rnams kyi 'dod chags kyi gdung ba rab tu zhi bar byed/ zhe sdang gi gdung ba rab tu zhi bar byed/ gti mug gi gdung pa rab tu zhi bar byed do// shA ri'i bu ngas mngon par shes te/ bskal pa grangs med pa de'i pha rol gyi pha rol na/ de bzhin gshegs pa mar me mdzad ces bya ba 'jig rten du byung ste/ sangs rgyas bcom ldan 'das shes bya ba'i bar du'o// gang gi phyir bcom ldan 'das de bzhin gshegs pa dgra bcom pa yang dag par rdzogs pa'i sangs rgyas mar me mdzad des/ nga la gzhon nu khyod ma 'ongs pa'i dus na bskal pa grangs med pa na/ de bzhin gshegs pa dgra bcom yang dag par rdzogs pa'i
- 227a
sangs rgyas shAkya thub pa zhes bya bar 'gyur ro zhes lung bstan to// yang shA ri'i bu bcom ldan 'das de bzhin gshegs pa dgra bcom pa yang dag par rdzogs pa'i sangs rgyas mar me mdzad kyis lung bstan ma thag tu ngas chos kyi sku thob par gyur te/ nga chos kyi sku dang ldan par gyur nas mar me mdzad kyi 'og tu lha'i dbang po brgya byin mdzes mig ces bya ba sum cu rtsa gsum pa rnams kyi bdag po rdzu 'phrul che ba/ mthu che ba nus pa chen por gyur to// yang de'i tshe 'dzam bu gling 'dir grong khyer chen po brgyad khri bzhi stong phrag bzhi byung ngo // grong dang tshong 'dus dang / ri brag stong phrag mang po byung ste/ grong khyer chen po dang / tshong 'dus dang ri brags stong phrag mang po de dag thams cad kyang srog chags bye ba khrag khrig brgya stong mang pos gang bar gyur to// yang de'i tshe nad chen po'i bskal ba bar ma 'byung ste/ sems can cher lus la rma byung ba dang / lus smin pa dang / lba ba dang / 'bras dang / 'brum bu dang / g.yan pa dang / g.yan pa phre'u dang / rlung dang / mkhris pa dang / bad kan gyis rgyas par gyur to// de la sman pa brgya stong phrag mang po sems can de dag gi nad rab tu zhi bar byed pa la brtson par byed do// shA ri'i bu de nas sems can de dag gso ba ma rnyed do// mgon med skyabs med nas sgra cher phyung ba/ lha dag dang ni klu rnams dang // gnod sbyin dri za srin po dang // mi dang mi ma yin pa las// bdag
- 227b
cag nad las thar byed pa// bdag cag sdug bsngal thar byed la// nor rnams thams cad sbyin par bya// de yi bka' yi rjes su 'jug/ byas pa dag kyang / bzo bar bya// / byang chub sems dpa'i sde snod// bam po bco lnga pa/ yang shA ri'i bu ngas mi las 'das pa lha'i mig rnam par dag pas sems can de dag nad kyis gzir zhing / de dag phal cher lus la rma byung ba dang / lus smin pa dang / lba ba dang / 'brum bu dang / 'brum phran dang / g.yan pa dang / g.yan pa khre'u dang / rlung dang / mkhris pa dang / bad kan dag gis rgyas par mthong / mi las 'das pa'i lha'i rna ba rnam par dag pas sems can de dag gi sgra cher phyung ba thos te/ mthong zhing thos nas sems can de dag la snying rje chen po skyes te/ de dag la ngas 'di snyam du bsams so// sems can 'di dag gi gnas su gyur cig/ sems can skyabs med pa rnams kyi skyabs su gyur cig/ sems can rten med pa rnaMs kyi rten du gyur cig/ sems can gsos med pa rnams kyi gsos su gyur cig/ shA ri'i bu ngas brgya byin gyis lus chen po mi snang bar byas nas/ grong khyer chen po ku ru las shin tu mi ring ba zhig tu zhi ba zhes bya ba'i srog chags shig rdzus te skyes nas steng gi bar snang la 'dug ste/ 'dzam bu'i gling gi skye bo'i tshogs thams
- 228a
cad la 'di dag gis bskul to// grong khyer ku ru nas ni mi ring na// zhi zhes bya ba'i srog chags rnam pa yod// de dag de'i/ sha las yongs za ba// de kun nad las yongs su grol bar 'gyur// 'jigs shing skrag pa dag tu ma byed par// de'i sha ni ji ltar 'dod dgar long // de ni gnod par mi sems khro gshe med// de ni 'dzam bu gling gi sman yin no// de ltar shA ri'i bu grong khyer chen po brgyad khri bzhi stong phrag bzhi po de dag dang / grong dang / grong khyer dang / tshong 'dus dang / ri brags stong po de dag na sems can nad pa ji snyed pa de dag thams cad kyis sgra de thos nas/ grong khyer chen po ku ru zhes bya ba ga la ba dang / srog chags rnam pa zhi ba gang na ba der song ste phyin nas/ srog chags zhi ba zhes bya ba'i lus las sha bcad cing khyer yang de'i lus las sha yongs su zad par ma gyur te/ de'i tshe tshigs su bcad pa 'di byung ngo // gang zhig bden pas byang chub reg 'gyur zhing // shes shing phung po de ni 'gyur te// nga yi tshig de bden par 'gyur zhe na// lus la nam yang sha ni zad ma 'gyur// de ltar shA ri'i bu waM gling kun gyi skye bo'i tshogs thams cad kyis zhi ba zhes bya ba'i srog chags kyi sha bcad cing bcad cing khyer yang / de'i lus bri ba 'am gang ba mi mngon te/ yang bcad yang bcad kyang slar de bzhin du gyur to// yang sha ri'i bu gang sems can
- 228b
rnams kyis zhi ba zhes bya ba'i srog chags kyi sha zos na de dag gi nad thams cad byang ste/ nad med cing bde ba las mi 'gyur bar gyur to// de bzhin du mthar gyis/ 'dzam bu'i gling gi nad pa thams cad kyi nad byang ste/ nad med par byas nas nad med cing bde ba las mi 'gyur bar gyur to// de nas 'dzam bu gling gi skyes pa dang bud med dang / khye'u dang / bu mo dang / mi thams cad 'di snyam du sems te/ zhi ba zhes bya ba'i srog chags des bdag cag nad las yongs su thar te/ bde ba las mi 'gyur bar byas na/ bdag cag gis de la mchod pa dang bkur bsti ci zhig bya snyam ste/ de dag thams cad cig tu 'dus so// 'dus nas zhi ba zhes bya ba'i srog chags gang na ba der song ste phyin nas/ zhi ba zhes bya ba'i srog chags la kun nas bskor te/ slar tshigs su bcad pa 'di dag smras soH/ khyod ni gnas te khyod ni skyabs// khyod ni sman pa khyod sman yin// khyod la mchod pa cis bya ba// bdag cag la ni bka' stsol cig shA ri'i bu ngas kyi ma'o skye bo'i tshogs drangs par rig nas/ lus chen po de mi snang bar byas te/ rang gi brgya byin gyi cha byad du 'dug nas/ skye bo'i tshogs chen po de dag la smras pa/ kye grogs po dag grong dang / grong khyer dang / grong rdal dang yul dang / rgyal po'i pho brang 'khor mi dgos so// grogs po dag ngal zhing gi dngos po dang / khyim
- 229a
gyi dngos po dang / tshong 'dus kyi dngos po dang / dbyig gser dang / nor bu dang / mu tig dang / bai DUr+ya dang man shel/ dang / byu ru rnams mi dgos so// grogs po dag nga la glang po che dang / rta dang / rnga mo dang / ba lang dang / bong bu dang / lug dang / phag dang khyim bya rnams mi dgos so// skyes pa dang / bud med dang / khye'u dang / bu mo dang / bran pho bran mo dang / las byed pa'i mi rnams mi dgos so// bza' ba dang / btung ba dang mal stan dang / na ba'i ched kyi sman dang / yo byad dang / skyed mo'i tshal dang / dka' thub kyi nags tshal gyi longs spyod rnams kyang mi dgos so// kye grogs po dag khyed kyis srog gcod pa spong zhig srog gcod pa las slar ldog par gyis shig ma byin par len pa spongs la ma byin par len pa las slar ldog par gyis shig 'dod pas log par g.yem pa spongs la 'dod pas log par g.yem pa las slar ldog par gyis shig brdzun du smra ba spongs la brdzun du smra ba las slar ldog par gyis shig phra ma spongs la phra ma las slar ldog par gyis shig/ de bzhin du sbyar te tshig rtsub mo dang / tshig thun tshags dang / chags sems dang / gnod sems dang / log par lta ba'i bar du spongs la/ log par lta ba las slar ldog par gyis shig/ de'i tshe skye bo'i tshogs chen po la slar tshigs su cad pa 'di dag smras so// nga la dbyig ni/
- 229b
bye ba mi dgos te// gser gyi phung po ri rab tsam mi dgos// skyes pa bud med khye'u bran mi dgos// bza' ba btung ba kha zas za mi dgos// zhi ba'i srog cha gas/ la ni mchod 'dod na// las kyi lam ni rab dag bcu po 'di// thams cad 'dus te de dag bsrung bar gyis// phan tshun dag tu byams pa'i yid kyis ltos// las laM bcu po rdzogs pa 'di dag rnams// thams cad cig tu 'dus te bsrung gis dang // de tshe nga la mchod pa byed par 'gyur// byang chub sems dpa' nor dang 'bru mi tshol// ngal nor rnams dgos pa ma yin te// bza' btung dag dang dbyig nor 'bru mi dgos// rta dang glang chen shing rta mi dgos te// bud med mchog dang rin chen gos mi dgos// phan tshun du ni byams pa'i sems dag dang // phan pa'i dngos po dag gis sems bskyed la// thams cad dag ni gcig tu 'dus gyur nas// / dge bcu'i las lam dag rdzogs bsrung bar gyis// dbang pos mi 'di dag ni rab bskul ba// tshig ni de dag thos par gyur pa dang // dge ba bcu'i las lam rnam dag pa// dge ba bcus ni yang dag rab tu len/ shA ri'i bu ngas skye bo'i tshogs chen po de dag la chos kyi gtam kun tu bstan/ yang dag par 'dzin du bcug la/ gzeng bstod rab tu dga' mgu bar byas nas/ de nyid du mi snang bar gyur pa de ning yin no// shA ri'i bu ngas mngon par shes te 'dzam bu gling gi skyes pa dang bud med
- 230a
dang khye'u dang bu mo dang / mi de snyed thams cad kyis zhi ba zhes bya ba'i srog chags kyi sha zos pa dang / tha na sems can gcig kyang / de na shi ba'i dus byas te/ shi 'phos nas log par ltung bar song bar ma gyur te/ de dag thams cad de nas shi 'phos te shi ba'i dus byas nas/ sum cu rtsa gsum gyi lha rnams dang skal ba mnyam par skyes so// shA ri'i bu de dag la ngas chos kyi gtam kun tu bstan/ yang dag par 'dzin du bcug gzeng bstod rab tu dga' bar byas nas de dag thams cad nyan thos kyi theg pa dang / rang sangs rgyas kyi theg pa dang / bla na med pa'i thams cad mkhyen pa'i ye shes dang / theg pa gsum la nges par gyur te/ de la la la ni yongs su mya ngan las 'das/ la la yongs su mya ngan las 'da' bar byed do// shA ri'i bu ngas gang du lus gcig yongs su btang bas/ sems can de snyed theg pa gsum dag la yongs su smin par byas so// byang chub sems dpa' sems dpa' chen pos chos kyi sku la gnas pa'i rdzu 'phrul chen po ci 'dra ba dang / mthu chen po ci 'dra ba dang / nus pa chen po ci 'dra ba la ltos/ de skad ces bka' stsal pa dang / bcom ldan 'das la tshe dang ldan pa shA ri'i bus 'di skad ces gsol to// bcom ldan 'das byang chub sems dpa'i chos kyi sku de ci 'dra/ bcom ldan 'das kyis bka' stsal pa/ shA ri'i bu byang chub sems dpa'i chos kyi sku ni brtan pa/
- 230b
snying po can mi shigs pa/ rdo rje'i sku 'chi 'pho med pa mi skye ba ste/ de'i sku tha dad pas 'dul ba sems can rnams 'dul ba'i dbang gis tha dad du gyur kyang / mes/ mi tshig mtshon gyis mi tshugs te/ rdo rje lta bu brtan pa mi shigs pa yin no// shA ri'i bu de ltar na byang chub sems dpa' chos kyi sku la gnas pa/ brtson 'grus nyams pa med pa brtson 'grus kyi pha rol tu phyin pa lhun gyis grub par spyod cing / lus kyis sems can yongs su smin par byed kyang sems pa med yongs su rtog pa med/ lus dben pa'i mtshan nyid du rab tu shes so// lus dben pa'i mtshan nyid kyang chos thams cad dben pa'i mtshan nyid du shes la/ lus dben pa'i mtshan nyid kyis chos thams cad dben pa'i mtshan nyid la gnyis su yang mi 'byed de/ mtshan nyid gang lus dben pa'i mtshan nyid yin pa'i mtshan nyid de ni chos thams cad dben pa'i mtshan nyid de/ dben pa'i mtshan nyid gcig gis rjes su 'jug go// nang gi chos mi dmigs pa'i phyir gang gi lus dben pa'i mtshan nyid kyis kyang sems can thams cad kyi lus dben pa'i mtshan nyid du mnyam par byed do// de sems can thams cad kyi lus dben pa'i mtshan nyid kyang / chos kyi dbyings dben pa'i mtshan nyid kyis rjes su shes/ chos kyi dbyings dben pa'i mtshan nyid kyang chos thams cad dben pa'i mtshan nyid kyis rjes su slob ste/ de rang gi lus kyi de ba'i
- 231a
nyid kyis sems can gyi de bzhin nyid rjes su shes so// de sems can thams cad kyi lus kyi de bzhin nyid kyis rang gi lus/ kyi de bzhin nyid rjes su shes so// rang gi lus kyi de bzhin nyid kyis chos thams cad kyi de bzhin nyid rjes su shes so// chos thams cad kyi de bzhin nyid kyis rang gi lus kyi de bzhin nyid rjes su shes so// rang gi lus kyi de bzhin nyid kyis sangs rgyas thams cad kyi de bzhin nyid rjes su shes so// sangs rgyas thams cad kyi de bzhin nyid kyis rang gi lus kyi de bzhin nyid rjes su shes so// rang gi lus kyi de bzhin nyid kyis 'das pa dang / ma 'ongs pa dang / da ltar byung ba'i de bzhin nyid rjes su shes so// 'das pa dang / ma 'ongs pa dang / da ltar byung ba'i de bzhin nyid kyis rang gi lus kyi de bzhin rjes su shes so// 'das pa'i de bzhin nyid kyis kyang ma 'ongs pa'i de bzhin nyid 'gal bar mi byed/ 'das pa'i de bzhin nyid kyis kyang da ltar gyi de bzhin nyid 'gal bar mi byed/ da ltar gyi de bzhin nyid kyis kyang 'das pa'i de bzhin nyid 'gal bar mi byed/ ma 'ongs pa'i de bzhin nyid kyis kyang 'das pa'i de bzhin nyid 'gal bar mi byed/ 'das pa'i de bzhin nyid kyis kyang ma 'ongs pa'i de bzhin nyid 'gal bar mi byed/ ma 'ongs pa'i de bzhin nyid kyis kyang da ltar byung ba'i de bzhin nyid 'gal bar mi byed/ da ltar byung ba'i de bzhin nyid kyis kyang
- 231b
ma 'ongs pa'i de bzhin nyid 'gal bar mi byed/ da ltar byung ba'i de bzhin nyid kyis kyang 'das pa'i de bzhin nyid 'gal bar mi byed/ 'das pa'i de bzhin nyid kyis kyang da ltar byung ba'i de bzhin 'gal bar mi byed do// yang 'das pa'i de bzhin nyid dang / ma 'ongs pa'i de bzhin nyid dang / da ltar byung ba'i de bzhin nyid gang yin pa de nyid phung po dang / khams dang skye mched kyi de bzhin nyid/ phung po dang khams dang skye mched kyi de bzhin nyid gang yin pa de nyid kun nas nyon mongs pa dang / rnam par byang ba'i de bzhin nyid do// kun nas nyon mongs pa dang rnam par byang ba'i de bzhin nyid gang yin pa de nyid/ mya ngan las 'das pa dang 'khor ba'i de bzhin nyid do// 'khor/ ba dang mya ngan las 'das pa'i de bzhin nyid gang yin pa de nyid mngon par 'du byed pa'i de bzhin nyid do// mngon par 'du byed pa'i de bzhin nyid gang yin pa/ 'du byed thams cad kyi de bzhin nyid kyang de bzhin nyid yin te/ shA ri'i bu de bzhin nyid ces bya ba de ni kho na'o// de bzhin nyid do// gzhan ma yin pa de bzhin nyid do// 'bral ba med pa'o// lus med pa'o// de bzhin nyid la ni lus gang yang med do// lus med pa'ang de bzhin nyid do// de bas na de bzhin gshegs pa'i lus shes bya'o// / de'i phyir 'di ni de bzhin nyid kyi lus/ de'i phyir de bzhin gshegs pa'i lus shes bya'o// lus de lta bu ni lus thams cad de/ de bas na byang chub sems dpa' lus thams/
- 232a
cad kyang ston la/ de bzhin gshegs pa'i lus kyang mi byed de/ lus med pa brtsod pa med pas gzugs kyi lus thams cad kyang ston la/ de bzhin gshegs pa'i lus kyang 'khrugs par mi byed do// de bzhin gshegs pa'i ye shes kyang de bzhin gshegs pa'i lus la so sor rtog ste/ de bzhin gshegs pa'i lus mnyam pa nyid kyang rang gi lus mnyam pa nyid du so sor rtog go// rang gi lus mnyam pa nyid kyis lus dang lus med pa thams cad kyi mnyam pa nyid so sor rtog go// lus dang lus med pa thams cad kyi mnyam pa nyid kyis shin tu lus dang bral bar yang mthong ngo // lus thams cad rten cing 'brel bar 'byung bar yang shes so// shes nas kyang chos kyi sku mngon par bsgrub po// de chos kyi sku mngon par bsgrubs na chos kyi sku yin gyis phung po dang khams dang skye mched kyi lus ni ma yin no// de chos kyi sku rab tu phye nas mthong bas kyang sems can rnams 'dul lo// thos pas kyang sems can rnams 'dul lo// reg pas kyang sems can rnams 'dul lo// sems can rnams kyi don byed do// shA ri'i bu 'di lta ste dper na/ sman pa'i rgyal po gso byed kyis sman thams cad sdus nas sman gyi shing mang po sbyar ba las/ bu mo gzugs bzang ba mdzes pa lnga na sdug pa/ kha dog bzang po rgyas pa mchog dang ldan pa shin tu sbyangs pa shin tu byi dor byas
- 232b
pa zhig byas nas/ de 'ong ba dang / 'gro ba dang / 'greng ba dang / 'dug pa dang / nyal bar byed kyang mi rtog rnam par mi rtog mod kyi/ byed pa de dag kyang ston to// de nas/ rgyal po 'am/ rgyal bu 'am/ rgyal po'i blon po chen po 'am/ tshong dpon nam/ khyim bdag gam/ mkhar gyi rgyal po lta bu yang rung ste/ gang nad chen po che ba de dag 'ongs nas de dag la sman pa'i rgyal po gso byed kyis sman gyi bu mo de dang sprad pa dang / phrad ma thag tu nad thams cad dub par 'gyur mi na bar 'gyur te/ bde zhing ltas par 'gyur ro// shA ri'i bu de ltar sman pa'i rgyal po gso byed 'jig rten gyi nad gso ba shes pa de sman pa gzhan dag la med do// shA ri'i bu de bzhin du byang chub sems dpa' chos kyi skus phye ba yang 'di lta ste/ byang chub sems dpa' de nyid kyi sngon gyi smon lam shin tu yongs su dag pa'i phyir lus la skyes pa dang / bud med dang khye'u dang / bu mo dang / sems can 'dod chags dang / zhe sdang dang / gti mug gis gdungs pa ji snyed cig gis reg pa de dag reg ma thag tu nang dub par 'gyur zhing gdung / ba yang med par 'gyur ro// shA ri'i bu yang byang chub sems dpa'i chos kyi sku'i lus ni zas dang skom gyis gso ba'i lus ma yin te/ de kha zas thams cad yongs su shes pas sems can thams cad la snying brtse ba'i phyir zas za'o// de zas za'i gtong bar mi byed do// zas za'i lus spong bar mi byed/ chos kyi sku'i mthu/
- 233a
las kyang mi nyams yongs su mi nyams so// shA ri'i bu yang byang chub sems dpa'i lus ni skye ba dang / 'chi 'pho ba dang / cher mngon par yang ma yin la sems can yongs su smin par bya ba'i phyir 'chi 'pho ba dang skye ba yang ston to// de 'chi 'pho ba dang chos thams cad 'chi 'pho ba dang mngon par 'du byed pa ma yin par rab tu shes so// skye yang chos thams cad 'pho ba med par rab tu shes so// 'byung yang chos thams cad skye ba med par rab tu shes so// de chos kyi lus dang / chos kyi zas dang / chos kyi stobs dang / chos la ston pas sems can yongs su smin par bya ba'i phyir sngon gyi smon lam ldan gyis grub pas brtson 'grus ma nyams pa brtson 'grus kyi pha rol tu phyin pa la spyod do// de nas bcom ldan 'das kyis don de nyid rgya cher rab tu bstan pa'i phyir/ de'i tshe tshigs su bcad pa 'di dag gsungs so// de dag lus ni rdo rje lta bu phyed mi 'gyur// 'dul ba'i dus shes nas ni dus tha dad par 'gyur// mtshon gyis mi tshugs me yis tshig pa ma yin yang // gdul ba'i sems can mthong nas tshugs shing mos tshig 'gyur// sems can nad pa mthong na sman rnams su yang 'gyur// de bzhin bkres pa rnas la zas dang skom du 'gyur// 'on kyang chos kyi dbyings la rnam rtog ci yang med// chos kyi sku dang lus med tshul gcig tu yang 'jug/ gshed las skyes dang gso dang
- 233b
shed can yod min te// chos so cog ni rten cing 'brel te 'byung bar shes// gang tshe rkyen yod pa na sdug bsngal lam 'byung ste// rkyen med pa na sdug bsngal lam ni 'chad par 'gyur// gzugs ni dbu ba'i gong bu 'dra ste snying po med// tshor ba chu yi chu bur mtshungs shing 'dra bar sems// 'du shes sgyid kyi dus kyi smig sgra rgyu ba 'dra// 'du byed chu skyes shing dang 'dra bar lta bar bya// ji ltar gar mkhan tshon la sgyu ma bsrabs pa rnams// skad cig gis ni chos rnams sna tshogs ston byed pa// mi bden byed pa de ltar rnam shes shes gyur nas// mkhas pa de dag thams cad du yang smon pa med// longs spyod rnams ni ri gzar chu dang mtshungs shing 'dra// glog dang mkha' sprin phung po lta bur gyur nas med// longs spyod 'gyur ba gzhu drag 'phangs pa'i mda' ltar shes// mkhas pa rnams ni kun tu longs spyod smon pa med// lha yi 'jig rten lha rdzas bde ba ma myong ba// 'jig rten gsum po dag na sems can gang yang med// slar yang sems dmyal sdug bsngal myong gyur nas// bde gshegs sras pos de mthong mtho ris 'gro mi byed// yid ni nam mkha' 'dra ba de dag gnas med de// gnas dang bral ba rnams la 'byung ba srid ma yin// 'byung ba med rnams skye/ dang 'chi 'pho med par 'gyur// byang chub sems dpa' che ba rga med shi med thob// shA ri'i bu gzhan yang byang chub sems dpa' brtson 'grus ma nyams pa brtson 'grus
- 234a
kyi pha rol tu phyin pa la spyod na 'di ltar slob ste/ kye ma'o 'jig rten gnas pa 'di ni gang 'dod chags chen por rab tu mi shes/ zhe sdang chen por rab tu mi shes/ gti mug chen por rab tu mi shes te/ gsum po 'di dag nad chen por mi shes pa'i sman pa mi mkhas pa sha stag gis yongs su gang / sman mi shes pa sha stag gis yongs su gang nas nad chen po gsum po de dag gi sman gsum mi shes te/ 'dod chags kyi nad chen po'i sman chen po mi gtsang bar rab tu mi shes// zhe sdang gi nad chen po'i sman chen po byams par rab tu mi shes/ gti mug gi nad chen po'i sman chen po rten cing 'brel bar 'byung bar mi shes te/ kye ma'o sman chen po de dag ni nad gang yang rung ba la gso nus kyi/ nad thams cad ni gso bar mi nus te/ kye ma'o sman de dag gi sman de ni re zhig gso nus pa yin gyi/ shin tu gso bar byed pa ma yin no// de bas bdag cag gis ni sman de dag gi rjes su bslab par mi bya'i/ bdag cag ni sangs rgyas bcom ldan 'das chos thams cad la mkhas pa/ bla na med pa sman pa'i rgyal po nad thams cad gso bar byed pa de'i rjes su bslab par bya'o// bdag cag gis nad thams cad gso bar mi bya'i/ nad gang yang rung ba la la gso bar mi bya/ bdag cag gis re zhig gso bar mi bya ste/ bdag cag gis ni shin tu gso bar byed par bya'o// gang gis sgra thos
- 234b
pas 'dod chags kyi nad chen po rab tu zhi bar 'gyur ba dang / zhe sdang gi nad chen po rab tu zhi bar 'gyur ba dang / gti mug gi nad chen po rab tu zhi bar 'gyur ba de lta/ chos kyi sman dang brtsi byug pa'i sbyor ba bsdu bar bya'o// shA ri'i bu de ltar byang chub sems dpa' sems dpa' chen po brtson 'grus ma nyams pa/ brtson 'grus kyi pha rol tu phyin pa la spyod na/ de bzhin gshegs pa sman pa'i rgyal po bla na med pa/ chos thams cad la mkhas pa ma gtogs par gang nyan thos dang / rang sangs rgyas thams cad la med pa de 'dra ba'i chos kyi sman dang / brtse bsku ba'i sgor bas bsdud par byed de/ chos kyi dung chen po la bskus nas 'bud de/ de'i sgras stong gsum gyi stong chen po'i 'jig rten gyi khams 'di mngon par go bar byed do// de nas sems can du ma sems can brgya phrag du ma/ sems can stong phrag du ma/ sems can brgya stong phrag du ma/ sems can bye ba brgya phrag du ma/ sems can bye ba stong phrag du ma/ sems can bye ba brgya stong phrag du ma/ sems can bye ba khrag khrig brgya stong phrag du ma/ sems can dkrigs phrag du ma nas/ de bzhin du sbyar te/ brjod du med pa'i yang brjod du med pa'i bar gyi sems can rnams kyi 'dod chags dang / zhe sdang dang / gti mug gi nad chen po rab tu zhi bar 'gyur te/ shA ri'i bu 'di lta ste dper na/ gangs kyi ri'i rgyal po la sman gyi rgyal po chen po 'bral bar byed pa zhes yod de/ de'i dris dug gi/
- 235a
drag shul thams cad las rab tu thar bar 'gyur te/ dpag tshad brgya tsam 'khod pa dag kyang dug med par 'gyur ro// shA ri'i bu gal te dung ngam rnga la sman gyi rgyal po 'bral bar byed pas bskus te bus sam brdungs sam/ sems can dug 'thungs sam/ zos pa 'am/ bskus pas zug par gyur pa ji snyed pa de thams cad de'i sgra thos na dug med par 'gyur ro// shA ri'i bu gang sman gyi rgyal po 'bral bar byed pa de lta bu de ni sman pa'i rgyal po gso byed ma gtogs par sman pa thams cad kyis mi shes so// shA ri'i bu de bzhin du byang chub sems dpa' sems dpa' chen po yang de bzhin gshegs pa'i chos thams cad la mkhas pa sman pa'i rgyal po chen po sems can thams cad kyi nad thams cad sel ba ma gtogs par gang nyan thos sam/ rang sangs rgyas thams cad med pa de 'dra ba'i chos kyi sman dang / brtsi bsku ba'i sbyor bas bsdud par byed de/ chos kyi sman dang brtsi bsku ba'i sbyor ba des/ chos kyi dung chen po la bskus nas 'bud de/ de'i sgras stong gsum gyi stong chen po'i 'jig rten gyi khams 'di mngon par go bar byed do// de nas sems can du mas sgra de thos nas/ 'dod chags kyi nad chen po rab tu zhi bar 'gyur/ zhe sdang dang gti mug gi nad chen po rab tu zhi bar 'gyur/ sems can du ma sems can brgya phrag du ma/ sems can stong phrag du ma/ sems can bye ba phrag du ma/ sems can
- 235b
bye ba brgya phrag du ma/ sems can bye ba stong phrag du ma/ sems can bye ba brgya stong phrag du ma/ sems can bye ba khrag khrig brgya stong phrag du ma/ sems can/ dkrigs phrag du ma nas de bzhin du sbyar ste/ brjod du med pa'i yang brjod du med pa'i bar gyi sems can rnams kyis sgra de thos nas/ 'dod chags kyi nad chen po rab tu zhi bar 'gyur/ zhe sdang dang gti mug gi nad chen po rab tu zhi bar 'gyur ro// de gang nas bsdud par byed ce na/ gang byang chub sems dpa' de'i nor bzhag pa nas so// byang chub sems dpa' de'i nor gang du bzhag ce na/ byang chub sems dpa'i sde snod kyi chos kyi rnam grangs las gud na ma yin no// shA ri'i bu de ltar byang chub sems dpa' sems dpa' chen po brtson 'grus ma nyams pa/ brtson 'grus kyi pha rol tu phyin pa la spyod na/ byang chub sems dpa'i sde snod kyi chos kyi rnam grangs rab tu nyan to// 'dzin to// 'chang ngo // klog go// kun chub par byed do// gzhan la yang 'chad cing rgya cher yang dag par rab tu ston to// shA ri'i bu de bas na byang chub sems dpa' sems dpa' chen po brtson 'grus ma nyams pa/ brtson 'grus kyi pha rol tu phyin pa la spyod na/ byang chub sems dpa'i sde snod kyi chos kyi rnam grangs 'di shin tu nyan par byed/ 'chang bar byed/ klog par byed/ kun chub par byed cing / gzhan la yang 'chad cing rgya cher yang dag par rab tu ston te/ shA ri'i bu de bas na rnam grangs 'dis kyang 'di ltar
- 236a
rig par bya ste/ byang chub sems dpa' sems dpa' chen po brtson 'grus ma nyams pa/ brtson 'grus kyi pha rol tu phyin pa la spyod na// byang chub sems dpa'i sde snod kyi chos kyi rnam grangs nyan par byed/ 'dzin par byed/ 'chang bar byed/ klog par byed/ kun chub par byed/ gzhan la yang 'chad cing rgya cher yang dag par rab tu ston par byed do// yang shA ri'i bu sngon byung ba 'das pa'i dus na bskal pa grangs med pa'i yang shin tu grangs med pa/ rgyas pa dpag tu med pa'i pha rol gyi yang shin tu pha rol tu gyur pa de'i tshe de'i dus na/ de bzhin gshegs pa dgra bcom pa yang dag par rdzogs pa'i sangs rgyas pad+ma'i bla zhes bya ba 'jig rten du byung ste/ sangs rgyas bcom ldan 'das zhes bya ba'i bar du'o// de bzhin gshegs pa dgra bcom pa yang dag par rdzogs pa'i sangs rgyas pad ma'i bla de 'di lta ste/ nyan thos bye ba phrag bcu'i nyan thos 'dus pa chen po cig byung ste/ thams cad kyang dgra bcom pa zag pa zad pa/ nyon mongs pa med pa/ dbang du gyur pa nas sems shin tu rnam par grol ba/ sems can thams cad kyi dbang dam pa'i pha rol tu bskyod par phyin pa'i bar du gyur pa sha stag go/ shA ri'i bu bcom ldan 'das de bzhin gshegs pa pad ma'i bla de'i tshe'i tshad ni lo stong phrag brgyad bcu thub par gyur to// shA ri'i bu pad ma'i bla yongs su mya ngan las 'das nas dam pa'i chos lo lnga brgya'i bar du gnas so// lo
- 236b
lnga brgya'i bar du ni dam pa'i chos kyi gzugs brnyan gnas so// shA ri'i bu de bzhin gshegs pa dgra bcom pa yang dag par rdzogs pa'i sangs rgyas pad+ma'i bla yongs su mya/ ngan las 'das nas ring srel yang rgyas par 'gyur te/ 'di lta ste dper na ngad yongs su mya ngan las 'das pa'i ring srel rgyas par 'gyur ba bzhin no// shA ri'i bu de'i tshe na bcom ldan 'das de bzhin gshegs pad ma'i bla de yongs su mya ngan las 'das nas lo brgya lon pa nas/ byang chub sems dpa' gcig cig 'jig rten gyi khams gzhan zhig nas tshe 'phos te de'i gsung rab yod par rgyal rigs su skye bar gyur te/ de btsas ma thag tu bdag ni chos byed pa'i rigs su skyes kyis/ bdag gis chos spyad par bya'o// zhes de skad ces smras so// de'i ming chos spyod ces btags so// shA ri'i bu de nas rgyal bu chos spyod dbang po yongs su smin pa'i rjes su rtog ste/ btsas nas lo nyi shu lon pa 'dra ba de dad pas khyim nas khyim med par rab tu byung ste/ dgon pa nags tshal gyi gnas pas mtha'i lam bstan la gnas so// de cig pu dben par gnas te nang du yang dag 'jog pa na lha zhig 'ongs nas/ dge slong khyod de bzhin gshegs par 'gyur te/ sgra grags pa'i rdzogs pa'i sangs rgyas su 'gyur gyis/ byang chub sems dpa'i sde snod kyi chos kyi rnam grangs la brtson par gyis shig/ ma thob par brtson 'grus nyams par ma byed cig ces don de bstan pa dang / des lnga de las tshig de/
- 237a
thos nas dga' mgu yi rangs rab tu dga' ste/ dga' ba dang yid bde ba skyes nas/ grong dang grong khyer dang / grong rdal dang / yul dang // rgyal po'i pho brang 'khor dang / ljongs su byang chub sems dpa'i sde snod kyi chos kyi rnam grangs kun tu tshol zhing rgyu ste/ de gang dang gang du dge 'dun gyi kun dga' ra bar dge slong ngam dge slong ma mthong ba dang / de dag gi gan du song nas/ 'phags pa byang chub sems dpa' gang la bslabs nas/ sangs rgyas rnams kyis 'byung bar 'gyur ba'i byang chub sems dpa'i sde snod kyi chos kyi rnam grangs gang lags zhes smras pa dang / de dag gis smras pa dge slong bdag cag gis byang chub sems dpa'i sde snod ces bya ba'i chos kyi rnam grangs de ji 'dra ba de mi shes te/ dge slong bdag cag gis ni byang chub sems dpa'i sde snod kyi chos kyi rnam grangs kyi ming yang der 'dod rna bas thos su zad do zhes smras pa dang / de 'di snyam du sems te/ lha ni brdzun mi zer gyis ji srid du byang chub sems dpa'i sde snod kyi chos kyi rnam grangs ma thos pa de srid du brtson 'grus nyams par mi bya'o snyam nas/ de nas tshe dang ldan pa dag gis bcom ldan 'das de bzhin gshegs pa pad ma'i bla de gang du bzhugs la bzhin ces dris pa dang / de dag gis dge slong sa phyogs 'dir bcom ldan 'das de bzhin gshegs pa pad ma'i bla de phyogs der bzhugs las bzhan no zhes phyogs de bstan pa dang / des phyogs de ga la ba der song ste/
- 237b
phyin pa dang / sa phyogs der bskor ba byas nas/ sa phyogs de nyid du phyogs gcig tu 'dug ste/ bcom ldan 'das de bzhin gshegs pa pad ma'i bla de mngon sum du byas nas de 'di snyam du sems te/ ji srid du bcom ldan 'das de bzhin gshegs pa pad ma'i bla de las byang chub sems dpa'i sde snod kyi chos kyi rnam grangs mngon sum du ma thos pa de srid du/ bdag sa phyogs de nas mi ldang ste dkyil dkrung mi bshig go snyam mo// shA ri'i bu de ltar rgyal po drang srong brtson 'grus ma nyams par de lta bur dam bcas pa brtan par byas nas phyogs de nyid du 'dug ste/ zhag bdun gyi bar du gnas so zhes zhag bdun 'das pa dang / shar gyi phyogs mtshams kyi 'jig rten gyi khams bcu pa nas/ de bzhin gshegs pa dgra bcom pa yang dag par rdzogs pa'i sangs rgyas rin po che'i snying po zhes bya ba byon nas/ chos kyi sgo'i tshig brgyad po 'di dag gis byang chub sems dpa'i sde snod kyi chos kyi rnam grangs khong du chud par bya'o zhes chos kyi sgo'i tshig brgyad rnams yang dag par rab tu bstan pa dang / de chos kyi sgo'i tshig brgyad po de dag gis mang du thos pa bsam gyis mi khyab pa bla na med pa dang ldan par gyur nas/ sa phyogs de nyid du langs te song ngo // brtson 'grus ma nyams pa brtson 'grus kyi pha rol tu phyin pa la spyod de/ grong dang grong khyer dang / grong rdal dang ljongs dang / yul dang rgyal po'i pho brang 'khor rnams su lo drug cu'i bar du rgyu zhing /
- 238a
byang chub sems dpa'i sde snod kyi chos kyi rnam grangs 'di nyid rab tu ston to// de lo drug cu'i bar du lha dang mi srog chags bye ba tshab ba zhig theg pa gsum dag la bkod nas/ 'chi kar sangs rgyas kyi zhing de nyid du mi rnams dang skal ba mnyam par skye bar gyur cig ces smon lam btab nas de shi ba'i dus byas pa dang / de 'dzam bu'i gling de nyid du tshong dpon gyi rigs shig tu skyes te/ de btsas ma thag tu chos spyad par bya'o// chos spyad par bya'o zhes tshig de skad smras nas de snga ma bzhin du ming chos spyod ces bya bar btags so// de btsas nas lo nyi shu lon pa dang 'dra ba de dang pas khyim nas khyim med par rab tu byung ngo // de rab tu byung nas ring po ma lon par yang byang chub sems dpa'i sde snod kyi chos kyi rnam grangs mngon sum du gyur to// de byang chub sems dpa'i sde snod kyi chos kyi rnam grangs la gnas nas lo drug cu'i bar du grong nas grong du/ grong khyer nas grong khyer du/ ljongs nas ljongs su/ byang chub sems dpa'i sde snod kyi chos kyi rnam grangs 'di yang dag par ston cing rgyu'o// de lo drug cu'i bar du lha dang mi'i skye dgu'i srog chags gzhan bya ba 'di lta ste/ nyan thos kyi theg pa dang / rang sangs rgyas kyi theg pa dang / theg pa chen po bla na med pa dang / theg pa gsum po dag la yongs su smin par byas so// de yang 'chi kar mir skye bar gyur cig ces smon lam btab pa dang /
- 238b
de smon lam gyi stobs kyis 'dzam bu'i gling de nyid du rgyal rigs shig tu slar skyes te/ de btsas ma thag tu lhas kye ma'o 'jig rten du sems can chos kyi bla 'di skyes/ so// kye ma'o 'jig rten du sems can chos kyi bla 'di skyes so zhes sgra phyung nas/ de'i ming chos kyi bla zhes btags so// de yang dbang po rnams yongs su rtogs te/ btsas nas lo nyi shu lon pa 'dra ba de dad pas khyim nas khyim med par rab tu byung ngo // de ltar rab tu byung nas dge slong chos kyi bla de dran pa'i stobs dang / shes rab kyi stobs kyis slar byang chub sems dpa'i sde snod kyi chos kyi rnam grangs mngon sum du gyur to// shA ri'i bu de ltar dge slong chos kyi bras the tsom gcod pa'i byang chub sems dpa'i sde snod kyi chos kyi rnam grangs 'di nyid lo stong phrag drug cu tshang bar grong dang / grong khyer dang / grong rdal dang / ljongs dang / yul dang / rgyal po'i pho brang 'khor tha dad pa rnams su yang dag par rab tu bstan to// de lo stong phrag drug cu'i bar du lha dang mi'i skye dgu'i srog chags gzhan bye ba bla na med pa yang dag par rdzogs ba'i byang chub las yongs su smin par byas nas/ de yang 'chi ba'i dus kyi tshe mir skye bar smon lam btab ste/ de 'chi ba'i dus byas dang / 'dzam bu'i gling de ming du khyim bdag rigs che zhing mtho ba zhig du slar skyes te/ de btsas ma thag tu lnga zhig gis kye ma'o 'jig rten du sems can dran pa thob pa 'di skyes so// kye
- 239a
ma'o 'jig rten du sems can dran pa thob pa 'di skyes so zhes sgra phyung nas/ de'i ming dran pa thob zhes bya ba btags so// dbang ngo // yongs su smin pa'i rjes su rtogs te/ btsas nas lo nyi shu lon pa 'dra ba de dad pas khyim nas khyim med par rab tu byung nas/ dran pa ma rjed pas mang du thos pa bsam gyis mi khyab pa bla na med pa dang ldan par gyur to// de lo stong phrag drug cu'i bar du grong dang / grong khyer dang / grong rdal dang ljongs dang / yul dang / rgyal po'i pho brang 'khor du rgyu zhing chos ston pa ni 'di lta ste/ the tsom thams cad gcod pa'i byang chub sems dpa'i sde snod kyi chos kyi rnam grangs 'di nyid grong dang / grong khyer dang / grong rdal dang / ljongs dang / yul dang / rgyal po'i pho brang 'khor du lo stong phrag drug cu'i bar du chos ston te/ des lo stong phrag drug cu'i bar du lha dang mi'i skye dgu'i srog chags bye ba phrag bzhi 'di lta ste/ nyan thos kyi theg pa dang / rang sangs rgyas kyi theg pa dang / theg pa chen po bla na med pa dang / theg pa gsum dag la yongs su smin par byas so// shA ri'i bu de ltar chos ston pa'i dge slong de nas shi 'phos te/ 'chi ba'i dus byas nas/ shar phyogs kyi de bzhin gshegs pa rin po che'i snying po sangs rgyas kyi zhing du skyes so// shA ra'i bu de ltar byang chub sems dpa' sems dpa' chen po des lha dang mi dang lha ma yin gyi skye dgu'i srog chags bye ba phrag drug cur tshang ba
- 239b
theg pa gsum dag la yongs su smin par byas par 'gyur ro// shA ri'i bu byang chub sems dpa' sems dpa' chen po de bzhin gshegs pa rin po che'i snying po'i sangs rgyas kyi zhing der skyes ma thag tu/ mang du thos pa bsam gyis mi khyab pa bla na med pa dang ldan par gyur to// de de na tshe ji tsam thub par 'dug nas/ de nas tshe 'phos te 'chi ba'i dus byas pa dang / de sangs rgyas kyi zhing de nyid du skyes te/ gang du bcom ldan 'das de bzhin gshegs pa pad mo'i bla byung ba'i 'jig rten gyi khams der rgyal rigs su skyes so// sngon yongs su smin par bya ba'i srog chags bye ba phrag drug cu po de dag kyang de nyid du skyes nas de'i g.yog tu gyur to// de'i tshe sangs rgyas kyi zhing der de bzhin gshegs pa dgra bcom pa yang dag par rdzogs pa'i sangs rgyas shin tu 'thor gshegs zhes bya ba 'jig rten du byung ngo // shA ri'i bu de bzhin gshegs pa shin tu 'thor gshegs de'i tshe'i tshad lo bye ba phrag brgyad cu thub par gyur to// de'i tshe na mi de dag gi tshe'i tshad kyang lo bye ba phrag brgyad cu thub par gyur to// shA ri'i bu de bzhin gshegs pa dgra bcom pa yang dag par rdzogs pa'i sangs rgyas shin tu 'thor gshegs kyi nyan thos bye ba phrag brgyad cu'i nyan thos dgra bcom pa sha stag 'dus pa byung ste/ lo bye ba re re zhing nyan thos 'dus pa re re byung ngo // nyan thos 'dus pa re re zhing nyan thos bye ba phrag brgyad cur gyur te/
- 240a
dgra bcom pa dag sha stag go// de'i tshe na byang chub sems dpa' rgyal po gzhon nu dpa' bas byin zhes bya ba mang du thos pa/ yid bzhungs pa de'i rjes su rtogs par spyod pa dang ldan pa zhig byung ngo // shA ri'i bu gzhon nu g.yog dang bcas pa srog chags bye ba phrag brgyad cus bskor te/ mdun du bdar nas bcom ldan 'das de bzhin gshegs pa dgra bcom pa yang dag par rdzogs pa'i sangs rgyas shin tu 'thor gshegs ga la ba der song ste phyin nas/ bcom ldan 'das shin tu 'thor gshegs de'i zhabs la mgo bos phyag 'tshal te/ gzhon nu dpa' bas byin g.yog dang bcas te phyogs gcig tu 'dug go/ phyogs gcig tu 'dug pa dang / dad nas shA ri'i bu bcom ldan 'das de bzhin gshegs pa shin tu 'thor gshegs des/ gzhon nu dpa' bas byin de'i lhag pa'i bsam pa mkhyen nas/ sngon gyi tshul dang ldan pa'i gtam yang dag par rab tu bstan to// de nas shA ri'i bu rgyal bu gzhon nu dpa' bas byin sngon gyi tshul dang ldan pa'i gtam thos nas dad pa rab tu thob po// de sems dang bar gyur nas srog chags bye ba phrag brgyad po de dag dang lhan cig tu dad pas khyim nas khyim med par rab tu byung ngo // de de na tshe ji tsam thub par byang chub tshol zhing tshangs par spyod pa spyad pa dang / bcom ldan 'das de bzhin gshegs pa shin tu 'thor gshegs des/ dge slong dag byang chub sems dpa' sems dpa' chen po dpa'
- 240b
bas byin 'di nga'i 'og tu bla na med pa yang dag par rdzogs pa'i byang chub mngon par rdzogs par 'tshang rgya bar 'gyur te/ de bzhin gshegs pa dgra bcom pa yang dag par rdzogs/ pa'i sangs rgyas brtson 'grus chen po zhes bya ba zhig 'jig rten du byung ste/ sangs rgyas bcom ldan 'das shes bya ba'i bar du 'gyur ro zhes lung bstan to// bcom ldan 'das de bzhin gshegs pa shin tu 'thor gshegs de yongs su mya ngan las 'das pa'i ring srel la des mchod pa byas te/ dam pa'i chos kyang yang dag par bzung nas de'i 'og tu bla na med pa yang dag par rdzogs pa'i byang chub mngon par rdzogs par sangs rgyas te/ de bzhin gshegs pa brtson 'grus chen po zhes bya bar 'gyur ro// shA ri'i bu de bzhin gshegs pa brtson 'grus chen po'i tshe'i tshad ni bskal pa bye ba thub par gyur to// de'i nyan thos kyi dge 'dun yang dpag tu med pa zhig byung ste/ de'i nyan thos 'dus pa re re la yang khrag khrig bcu gnyis yod de/ dgra bcom pa sha stag go// shA ri'i bu de ltar byang chub sems dpa' brtson 'grus ma nyams pa/ brtson 'grus kyi pha rol tu phyin pa la spyod pa/ byang chub sems dpa'i sde snod kyi chos kyi rnam grangs rab tu thos te/ bzungs bcangs klags/ kun chub par byas pas/ mthar gyis de bzhin gshegs pa brtson 'grus chen po zhes bya ba 'jig rten du byung ba'i bar du'o// shA ri'i bu de bas na theg pa chen po la yang dag par zhugs pa'i rigs kyi bu 'am/
- 241a
rigs kyi bu mo myur du bla na med pa yang dag par rdzogs pa'i byang chub mngon par rdzogs par 'tshang rgya bar 'dod pa'i brtson 'grus ma nyams pa de dag gis byang chub sems dpa'i sde snod kyi chos kyi rnam grangs shin tu mnyan par bya/ bzung bar bya ba nas rgya cher yang dag par rab tu bshad pa'i bar du'o// de ci'i phyir zhe na/ shA ri'i bu 'di lta ste/ byang chub sems dpa'i sde snod kyi chos kyi rnam grangs yongs su tshol ba la brtson 'grus ma nyams pa 'di ni/ byang chub sems dpa' rnams kyi brtson 'grus kyi pha rol tu phyin pa ma nyams pa'o// shA ri'i bu 'di ni gang la byang chub sems dpa' rnams brtson na/ byang chub sems dpa'i spyad pa spyod par 'gyur ba'i byang chub sems dpa'i brtson 'grus kyi pha rol tu phyin pa'o// // brtson 'grus kyi pha rol tu phyin pa'i le'u ste dgu pa'o// / byang chub sems dpa'i sde snod// / bam po bcu drug pa// // de la gang du byang chub sems dpa' sems dpa' chen po brtson na/ byang chub sems dpa'i spyad pa spyod par 'gyur ba'i byang chub sems dpa' rnams kyi bsam gtan gyi pha rol tu phyin pa gang zhe na/ shA ri'i bu 'di la byang chub sems dpa' 'dod pa rnams las dben/ sdig pa mi dge ba'i chos rnams las dben pa/ rnam par rtog pa dang bcas/ rnam par spyod pa dang bcas pa/ dben pa las skyes pa'i dga' ba dang bde ba can/ bsam gtan dang
- 241b
po la nye bar bsgrubs te gnas so// shA ri'i bu gzhan yang byang chub sems dpa' rtog pa dang rnam par spyod pa nye bar zhi bar phyi nang yang dag par dang ba'i phyir sems rtse gcig tu gyur// pa'i phyir rnam par rtog pa med pa/ rnam par spyod pa med pa'i ting nge 'dzin las skyes pa'i dga' ba dang bde ba can bsam gtan gnyis pa la nye bar bsgrubs te gnas so// shA ri'i bu gzhan yang byang chub sems dpa' dga' ba'i 'dod chags dang bral ba'i phyir btang snyoms dang ldan par gnas pa/ dran pa can shes bzhin dang ldan par gnas pa yang lus kyis myong la/ gang de la 'phags pas btang snyoms dang ldan pa dran pa can bde ba la gnas pa zhes bya ba'i dga' ba med pa/ bsam gtan gsum pa la nye bar bsgrubs te gnas so// !shA ri'i bu gzhan yang byang chub sems dpa' bde ba yang spangs/ sdug bsngal ba yang spangs pa dang / snga ma'i yid bde ba dang / mi bde ba nub pa'i phyir/ sdug bsngal yang med bde ba yang med po/ btang snyoms pa dran pa yongs su dag pa'i bsam gtan bzhi pa la nye bar bsgrubs te gnas so// de de ltar sems mnyam par gzhag pa yongs su dag pa/ yongs su dkar ba nyon mongs pa med pa nye ba'i nyon mongs pa dang bral bar gyur nas ting nge 'dzin mi gtong / bsam gtan gyi las kyang mi byed do// de la byang chub sems pa'i bsam gtan gyi las gang zhe na/ gang mngon par shes pa dang ye shes kyi las yongs su rdzogs par byed pa'o// de la mngon par shes pa
- 242a
dang ye shes gang zhe na/ mngon par shes pa zhes bya ba ni 'di lta ste/ lha'i mig dang lha'i rna ba dang / pha rol gyi sems shes pa dang / sngon gan+da/ ba dang / rdzu 'phrul gyi cho ga mngon sum du bya ba mngon par shes pa 'di dag ni mngon par shes pa zhes bya'o// shA ri'i bu de la byang chub sems dpa'i lha'i mig gis mngon su bya ba shes pa'i mngon par shes pa dang / ye shes kyi las yongs su rdzogs par byed pa ni gang zhe na/ shA ri'i bu 'di la byang chub sems dpa' de ltar mnyam pa'i sems yongs su dag pa yongs su dkar ba/ nye ba'i nyon mongs pa dang bral bas sems can rnams kyi 'chi 'pho dang skye ba mngon su du bya ba shes par bya ba'i phyir sems 'jug par byed de/ de lha'i mig rnam par dag pa mi las 'das pas sems can rnams kyi 'chi 'pho dang skye ba dang / kha tog bzang po dang kha tog ngan pa dang / bde 'gro dang ngan 'gro ba dang / bzang po dang ngan pa rnams mthong ste/ kye ma'o sems can 'di dag ni lus kyi ngan par spyod pa dang ldan pa/ ngag gi ngan par spyod pa dang ldan pa/ yid kyi ngan par spyod pa dang ldan pa/ 'phags pa rnams la bskur ba 'debs pa log par lta ba ste/ de dag log par lta ba'i las yang dag par blangs pa'i rgyus lus zhig ste shi ba'i 'og tu/ ngan 'gro log par ltung ba sems can dmyal bar ltung ba dang / sems can 'di dag ni lus kyi legs par spyod pa dang ldan pa/ ngag gi legs par spyod pa dang ldan pa/ yid kyi legs par spyod pa dang ldan pa/ 'phags pa rnams la bskur ba mi 'debs pa/ yang dag par lta ba ste/ de dag
- 242b
yang dag par lta ba'i las yang blangs/ spu lus zhig nas bde 'gro mtho ris kyi 'jig rten du skye'o zhes sems can gyi las ji snyed bsags pa bzhin du shes so// de lha'i mig rnam par dag pa mi las shin tu 'das pas sems can rnams kyi las ji ltar byas pa bsags pa bzhin du rab tu shes so// shA ri'i bu de ltar byang chub sems dpa'i lha'i mig sems can thams cad las khyad par du 'phags pa/ gzugs su snang ba thams cad la sgrib pa med pa ste/ gang klu thams cad kyi lha'i mig dang / gnod sbyin thams cad dang / dri za thams cad dang / lha ma yin thams cad dang / slob pa thams cad dang / dgra bcom pa thams cad dang / rang sangs rgyas thams cad kyi lha'i mig de bas lha'i mig gang shin tu khyad par du 'phags pa/ shin tu dam pa shin tu rab/ shin tu bzang ba/ shin tu gsal ba/ 'od gsal ba 'byung ba'i lam thams cad kyis byung ba/ de la gang lha'i mig la la phyogs bcu'i 'jig rten gyi khams mtha' yas mu med pa na/ rags pa 'am phra ba 'am/ ngan pa'am bzang po 'am/ gang ring ba 'am nye ba thams cad snang ste/ de lha'i mig gri rab tu sheso// shin tu rtog so// rab tu mthong // de lha'i mig de gzug med pa na spyod pa ma rtog par phyog bcu'i 'jig rten gyi kham mthar yas mu med pa dag na sem can gang dag 'gro ba thams cad du skyes pa de dag thams cad kyi 'chi 'pho dang skye ba yang yang dag pa ji lta ba bzhin du rab tu shes so// de dag gi las kyi rgyu yang rab tu shes so// de dag gi las kyi 'bras bu yang rab tu shes so// de dag gi dbang po rnams kyang rab tu shes so// dbang po'i rgyu yang
- 243a
rab tu sheso// dbang po rnam pa tha dad pa yang rab tu sheso// phyogs bcu'i 'jig rten gyi khams mtha' yas mu med pa dag gi sangs rgyas bcom ldan 'das rnaMs kyi zhing bkod pa/ de dag thams cad kyang mngon suM du mthong / mthong nas kyang tshul khrims kyi phung po yongasu dag pa bya ba'i phyir yongasu bsngo ste/ tshul khrims kyi phung po la gan+da pa de'i bsngo ba 'gru pA 'gyu ro// de lha'i mig rnaM par dag pa mi lnga shin tu 'dra ba des gang sa ng+yas bco ldan 'dra de dag gi byang chub sems dpa'i dge 'dun de dag thas cad kyang mthong ngo // mthong nas kyang skyes bu daM pa de dag gi cho ga dang / spyod yul dang / spyod pa dang dran pa dang / shes bzhin dang / spyod la gnas dang / chos kyi rna bar thar pa'i ye she la garlab dang / gzung thob pa'i ye shes la mkhas pa dang / shes rab dang ye shes zla ba mkhas pa la 'jug pa de dag thos cad yongasu rdzogs pa byedado// de'i mig de ni gzugs thos cad mthong bas sgrib pa med pa'o// de'i mig de ni gzug thos lnga mi chags pas chag pa med pa'o// de'i mig de ni bag la nyal dang lta ba ngan pa thos cad las rnam par grol ba'o// de'i mig de ni rang bzhin gyis 'od gsal bas rnam par dag pa'o// de'i mig de ni yul thams cad la mi gnas pa'o// de'i mig de ni nyon mongs pa dang bag la nyal ba nas mi len pa'o// de'i mig de ni the tsho med phra rab rib med pa'o// de'i mig de ni sgrib pa med pa'i chos rnaMs las kun nas ldang ba med pa'o// de'i mig de ni chos snang ba rnam la chos snang ba thob pa'o// de'i mig de ni rna par shes pa'i spyod yul ma yin te ye shes la rtog pa'o// de'i mig de ni nyon mo pa tham cad kyi chags pa med pa'i zhe sdang med pa'i rmongs pa med pa'o// de'i mig de ni 'phag pa'i rna ba'i dbang po rnaMs kyi nyes par rtog pa
- 243b
brtan pa la phan pa'o// de'i mig de ni sem can thos cad la 'od zer mnyam pa gtong bas khong khro ba med pa'i mtshan nyid// de'i mig de ni sems kyi 'khrug pa dang bral bas rnam pa dag pa'o// de'i mig de ni rang bzhin gyis/ 'od gsal bas dri ma med pa'o// de'i mig de ni bsam pa mi 'dor bas sangs rgyas kyi spyan gyis mngon par sgrubs pa'o// de'i mig de ni chag pa dang khong khro ba dang bral bas chags pa med pa zhe sdang med pa'o// de'i mig de ni don dang spyod yul dang spyod pa dang sem can la snying rje chen pos rlabs po cher gnas pa'o// de'i mig de ni slong ba rnaMs la khong khro ba med pa'o// de'i mig de ni tshul khrims ngan pa can rnaMs la khong khro ba med pa'o// / de'i mig de ni gnod par ses pa rnaMs la rjesu bsrungs pa'o// de'i mig de ni le lo can rnaMs la rab tu bzung ba ster ba'o// de'i mig de ni sems 'khrugs pa rnaMs la bsam gtan gyi yan lag ston pa'o// de'i mig de ni 'chal pa'i shes rab can rnaMs la shes rab kyi mig ston pa'o// de'i mig de ni lam nor bar zhugs pa rnams la lam ston pa'o// de'i mig de ni mos pa chung ba rnams la sangs rgyas rgya chen po ston pa'o// de'i mig de ni thams can mkhyen pa'i ye shes rgya chen pos mngon par 'phags pa'i mngon par shes pa/ byang chub snying po la mngon par byang chub pa'i snying po la gzhol ba ste/ shA ri'i bu 'di ni byang chub sems dpa' sems dpa' chen po rnams kyi lha'i mig mngon par shes pa dang / ye shes kyi las yongs su rdzogs par byed do// shA ri'i bu de la byang chub sems dpa' sems dpa' chen po rnams kyi lha'i rna ba'i khams mngon sum du byed pa shes pa'i mngon par shes pa ni gang / mngon par shes pa dang ye shes kyi las yongasu rdzogs pa ni gang zhe na/ shA ri'i bu 'di la byang chub sems dpa'i lha'i rna ba'i
- 244a
/ khams rnaM par dag pa mi las shin tu 'das pas/ mi dang mi ma yin pa gnyis ka'i sgra'ang thos te/ de phyogs bcu'i 'jig rten gyi khams mtha' yas mu med pa dag na gang la la sgrar/ grag pa lha'i sgra 'am/ klu'i sgra 'am/ gnod sbyin gyi sgra 'am/ dri za'i sgra 'am/ lha ma yin gyi sgra laM/ na mkha' lding gi sgra laM/ mi 'am ci'i sgra laM/ lho phye chen po'i sgra laM/ mi dang mi ma yin pa'i sgra baM/ gang yang 'phags pa'i sgra laM/ sang+yas kyi sgra'o/ rang sang+yas kyi sgra 'aM/ byang chub sem dpa'i sgra 'i nyan thos kyi sgra'ang rung ste/ de thas cad byang chub seMs dpa'i de'i lha'i rna ba'i khaMs la gra go// gang yang ngan song gi sgralaM/ sem+ba can dmyal ba'i sgra byol song gi skye gan+da kyi sgra laM/ gshin rje'i 'jig rten gyi sgra'ang rung ste/ de dag thams cad de'i lha'i rna ba'i kham+ba la grag ste/ tha na srin bu dang phye ma leb dang / sbrang bu dang / sha sbrang gi sgra ShaM/ semra can de dag gi sems kyi dmigs pa dge ba 'am mi dge ba de dag gi ngag gi las 'byin pa de dag thams cad kyang rab tu she so// ngag gi las gang dge ba'i rgyu 'dzin pa dang / ngag gi las gang mi dge ba'i rgyu 'dzin pa de yang rab tu she so// gang 'dod chags lag na nyal pa ngag gi las 'byung ba dang / zhe sdang bag la nyal ba las chags pa'i ngag gi las 'byung ba dang / gang 'dod chags dang zhe sdang bag la nyal ba lnga rmongs pa'i ngag gi las 'byung ba de yang rab tu shes so// gti mug bag la nyal ba la chags pa'i ngag gi las 'byung ba dang / gang 'dod chags bag la nyal ba lnga chag pa'i ngag gi lnga 'byung ba dang / gang zhe sdang bag la nyal ba las zhe sdang 'byung ba dang / gti mug bgal nyal ba la rmongs pa 'byung ba de yang rab tu sheso// gang gi lha gang bas pa dag pa sbyor ba 'ong khro ba dang / ngag gi lnga gang sbyor ba dag la bas pa khong khro ba de dag thas cad kyang lha'i rna bas mngon pa shes dang / ye shes
- 244b
thog pa med pa yang dag pa ji lta ba bzhin du rab tu sheso// lha'i rna ba des 'phag pa rnam dang / 'phag pa ma yin pa rnams kyi sgra rnas thos te/ thos nA kyang 'phag pa rnam kyi sgra la chag pa lnga med/ 'phag pa ma yin pa rnams kyi/ sgra la khong khro ba yang med de/ de 'phag pa rnams kyi sgra las ni byam pa chen po rab tu rnyed do// 'phag pa ma yin pa rnam kyi sgra lnga ni snying rje chen po rab tu do// de sgra thams cad kyi mngon gyi mthu dang phyi ma'i mthu yongasu gcod pa'i ye shes yang dag pa ji lta ba bzhin du rab tu sheso// de lha'i rna ba des phyog bcu'i 'jig rten gyi kham ma lus pa thams cad na/ sangs rgyas bco ldan 'dra tham cad kyi gsung pa thos te/ thos nA kyang dran pa'i snod kyi mi mjed tham cad kun tu 'dzin to// kun tu bzung nas kyang mi brjed par byed cing sems can gyi snod ji lta ba bzhin du ston par bye'o// chos thams cad rang gi rgyud kyis 'jig pa yang rab tu sheso// de bzhin gshegs pa gcig gri chos bstan pa nyan kyang / de bzhin gshegs pa gnyis pos chos bstan pa la sgrib pa'i/ kun nA dkris te 'dug pa yang mi byed de/ yang shA ri'i sangs rgyas bcom ldan 'dra thos cad kyis gsudra ba snga phyi med pa kun tu 'dzin to// gang dge ba'i rtsa ba'i sna thos pa de yang dus dang dus ma yin pa bskal pa dang sbyor zhing ston to// de 'khor gyi dus la ma bab pa'o// bstan pa'i dus bskal pa mi mnyam na/ chos ston pa bzhag ste thos kyang mi ston// chos kyi dus la bab 'am/ 'khor gyi dus la bab na/ gcig slob pa yan chad la yang ston te/ lung bstan pa yang dag kyang gzhan la gnod na mi byed// lung bstan pa yang dag pa ma yin lnga don dang ldan na rje su bzung ba dang mthun par thabs la mkhas pas rang gi seMs yongasu dag pa'i phyir lung ston to// sgra'i rna pa ji lta bu thos pA dag pa de lta bu'i sgra thoso// sgra'i rna ba ji lta bu mi dga' ba de lta bu'i sgra'i rnam pa mi thos so//
- 250a
gang du 'khor la chos ston pa ni byin gyis rlabs kyis sems can rnams kyi rna ba'i rnam par shes pas sgra rab tu shes so// de la sems can gang dag chos cad shes pa/ de dag gis ni de'i chos thos so// sems can gang dag cang shes pa yin pa de dag gis ni chos de mi thos so// de'i rna ba'i khams de chos kyi dbyings kyis rnam par dag pa yin/ de'i rna ba'i khams de bdag gi khams kyis rnam par dag pa yin/ sems can gyi khams kyis rnam par dag pa yin no// de rna ba'i khams de sgra ji lta ba bzhin gyi yi ge'i nges tshig thos pas shin tu rtogs pa yin no// gang 'gro ba lngar skyes pa'i sems can de dag gi skad dang smra ba sna tshogs la 'dug pa'i phyir mi ston to// de'i rna ba'i khams de yang de bzhin gshegs pa'i lha'i snyan du yongasu bsngos pa yin gyi/ theg pa gzhan du ni ma yin te/ 'di ni byang chub sems dpa'i lha'i rna ba'i mngon par shes pa dang ye shes kyi las yong su rdzogs pa zhes bya'o// sha ri'i bude la byang chub sems dpa'i pha rol gyi sems shes pa mngon tu bya ba shes pa'i mngon par shes pa ni gang mngon par shes pa dang ye shes yong su rdzogs par bya ba gang zhe na/ 'di la sha ri'i bu byang chub sems dpa'i ni phyogs bcu'i 'jig rten gyi khams rab 'byam ma lus pa thams cad ni/ sems can thams cad kyi sngon gyi mtha'i sems kyang rab tu shes/ phyi ma'i mtha'i sems kyang rab tu shes/ da ltar byung ba'i sems kyang rab tu sheso// de 'di sems su shes pas sems can 'di'i sems kyi rgyud ni rgyu che'o// sems can 'di'i sems kyi
- 250b
rgyud ni rgyu chung ngo // sems can 'di'i dbang po rnams ni sbyin pa dang ldan pa'o// sems can 'di'i dbang po rnams ni tshul khrims dang ldan pa'o// sems can 'di'i dbang po rnams ni/ bzod pa dang ldan pa'o// sems can 'di'i dbang po rnams ni brtson 'grus kyi bsam pa dang ldan pa'o// sems can 'di'i dbang po rnams ni bsam gtan gyi bsam pa dang ldan pa'o// sems can 'di'i dbang po rnams ni shes rab kyi bsam pa dang ldan pa'o// sems can 'di'i dbang po rnams ni byams pa'i rnam pa'o// sems can 'di'i dbang po rnams ni snying rje'i rnam pa'o// sems can 'di'i dbang po rnams ni dga' ba'i rnam pa'o// sems can 'di'i dbang po rnams ni btang snyoms kyi rnam pa'o// sems can 'di'i dbang po rnams ni theg pa chen po'i rnam pa'o// sems can 'di'i dbang po rnams ni rang sangs rgyas kyi theg pa'i rnam pa'o// sems can 'di'i dbang po rnams ni nyan thos kyi theg pa'i rnam pa'o// sems can 'di'i rgyu ni stobs can te/ rgyu'i gtso bo'i dge ba dang ldan pa'o// sems can 'di ni rkyen gyi stobs te/ rkyen gyi gtso bo rgyu dang ldan pa'o// sems can 'di ni stobs can yin yang rgyu'i gtso bo dge ba dang ldan pa ma yin te/ sems can 'di ni sbyor ba'i rgyus rigs dman par skyes pa'o// sems can 'di ni sbyor ba'i stobs can yin yang dge ba rgya chen po dang mi ldan te/ sems can 'di ni rgyu'i stobs bskyed pa'i rgyus rigs chen por skyes pa'o// sems can 'di ni bsam pa dag la sbyor ba ma dag pa'o// sems can 'di ni/
- 251a
sbyor ba dag la bsam pa ma dag pa'o// sems can 'di ni sbyor ba yang dag la bsam pa yang dag pa'o// sems can 'di ni sbyor ba yang ma dag la bsam pa yang ma dag pa'o zhes/ sems can thams cad kyi sems can gyi rgyu dang nye ba'i rgyu'i rnam grangs kyi sems shes pa la 'jug pa'o// sha ri'i bu de ltar sems can thams cad kyi 'das pa'i rgyu'i dbang po la sems kyi spyod pa shes pa dang / de la ci rigs par chos ston pa shes pa 'di ni byang chub sems dpa'i pha rol gyi sems shes pa'o zhes bya'o// yang sems can 'di ni da ltar sbyin pa'i rgyu ste/ ma 'ongs pa'i dus na tshul khrims kyi rgyur 'gyur ro// sems can 'di ni da ltar tshul khrims kyi rgyu ste/ ma 'ongs pa'i dus na sbyin pa'i rgyur 'gyuraro// sems can 'di ni da ltar bzod pa'i rgyu ste/ ma 'ongs pa'i dus na brtson 'grus kyi rgyur 'gyur ro// sems can 'di ni da ltar brtson 'grus kyi rgyu ste/ ma 'ongs pa'i dus na bzod pa'i rgyur 'gyur ro// sems can 'di ni da ltar 'jig rten pa'i spyod pa yin la/ ma 'ongs pa'i 'das na rang sangs rgyas kyi theg pa'i rgyur 'gyur ro// sems can 'di'i dbang po rnams ni da ltar nyan pos kyi theg pa'i rgyu las skyes pa ste/ ma 'ongs pa'i dus na theg pa chen po'i rgyu las skyes pa'i dbang po rnams su 'gyuraro// sems can 'di'i dbang po rnams ni da ltar nyan thos kyi theg pa'i rgyu las skyes pa ste/ ma 'ongs pa'i dus na rang sangs rgyas kyi theg pa'i rgyu las skyes pa'i dbang po rnams su 'gyur ro// sems can 'di'i dbang po rnams ni da ltar theg pa chen po'i rgyu las skyes pa ste/
- 251b
ma 'ongs pa'i dus na nyan thos kyi theg pa'i rgyu las skyes par 'gyur ro zhes phyi ma'i mtha'i sems la 'jug pa shes so// sha ri'i bu de ltar ma 'ongs pa'i dus na sems can thams cad kyi dbang po rnams kyi rgyu las skyes pa gang dang / rkyen du 'gyur ba'i gang yin pa'i de'i rgyu las skyes pa dang / de'i rnam pa dang de'i rkyen yang dag pa ji lta ba bzhin du shes so// de sems can yongs su ma smin pa rnams la de'i sems la 'jug pa shes pa'i bar du skyo bar mi byed de/ de'i chos kyi snod ci 'dra ba de 'dra bar chos ston te/ de 'bras bu yod pa'i chos kyi las so zhes bya ba ma yin/ gang da ltar byung ba'i sems kyi sems dang sems las byung ba'i chos rnams rab tu 'jug pa de dag thams cad kyang yang dag pa ji lta ba bzhin du rab tu shes te/ 'dod chags dang bcas pa'i sems su yang dag pa ji lta ba bzhin du rab tu shes so// 'dod chags dang bral ba'i sems la yang 'dod chags dang bral ba'i sems su yang dag pa ji lta ba bzhin du rab tu shes so// zhe sdang dang bcas pa'i sems la yang zhe sdang dang bcas pa'i sems su yang dag pa ji lta ba bzhin du rab tu sheso// zhe sdang med pa'i sems la zhe sdang med pa'i sems su yang dag pa ji lta ba bzhin du rab tu shes so// gti mug dang bcas pa'i sems la gti mug dang bcas pa'i sems su yang dag pa ji lta ba bzhin du rab tu shes so// gti mug med pa'i sems la yang gti mug med pa'i sems su yang dag pa ji lta ba bzhin du rab tu shes so// sha ri'i bu de ltar kun nas nyon mongs pa gang dang gang
- 252a
gis sems bsgribs pa de dag thams cad yang dag ji lta ba bzhin du rab tu shes te/ shes nas kyang nyon mongs pa las gnon pa'i phyir de lta de lta bur chos ston te/ 'khor gang gi nang du 'gro yang thog ma nyid du 'khor de dag thams cad la rnam lha'o// rnam par ltas nas sems can rnams la ji lta ji lta bur rigs pa de lta de lta bu'i chos ston te/ sha ri'i bu de gang sems can de dag gi dbang po mchog dang mchog ma yin pa shes pa de thams cad kyang rab tu shes kyang / byang chub sems dpa'i rang gi sems gtso bar byed pa yang ma yin la/ gzhan gyi sems gtso bor byed pa'ang ma yin no// de ci'i phyir zhe na/ de ltar byang chub sems dpa' de'i sems kyi rgyun ni ye shes kyis rig pa'o// sems kyi rgyan ni dran pas rig pa'o// blo gros kyis rig pa'o// sems kyi rgyun ni rtogs pas rig pa'o// sems kyi rgyun ni shes rab kyis rig pa'o// sems kyi rgyan ni blos rig pa'o// sems kyi rgyun ni nyon mongs pa med pa bag chags kyi mtshams sbyor ba yang dag par gcad pa/ dag pa dri ma med pa/ 'od gsal ba kha na mtho ba med pa mi rtsub pa rnyog pa med pa/ chos thams cad snang bar rig par bya'o// sems can thams cad kyi spyod pa'i rjes su zhugs par rig par bya'o// sha ri'i bude ltar gang 'di lta bu'i chos la sems shes pa 'jug pa 'di ni byang chub sems dpa'i pha rol gyi sems mngon par shes pa dang / ye shes kyi las yongasu rdzogs pa zhes bya'o//
- 252b
sha ri'i du de la byang chub sems dpa'i sngon gyi gnas pa rjes su dran pa'i mngon sum du bya ba'i mngon par shes pa ni gang / mngon par shes pa dang ye shes kyi las yongs su// rdzogs par byed pa ni gang zhe na/ sha ri'i bu 'di la byang chub sems dpa' ni phyogs bcu'i 'jig rten gyi khams rab 'byam ma lus pa thams cad kyi skye ba gcig dang gnyis dang / gsum dang bzhi dang lnga dang / bcu dang nyi shu dang sum bcu dang / bzhi bcu dang lnga bcu dang / skye ba brgya dang skye ba stong skye ba brgya phrag stong dang / skye ba brgya phrag du ma dang / skye ba stong phrag du ma dang / 'jig pa'i bskal pa dang / 'du ba'i bskal pa dang / 'jig pa 'du ba'i bskal pa dang / 'jig pa'i bskal pa du ma dang / 'du ba'i bskal pa du ma dang / 'jig pa 'dra ba'i bskal pa du ma dang / sems can 'di sngon che ge mo zhes bya ba zhig tu byung ste/ ming 'di lta bu/ rus ni 'di lta bu/ rigs ni 'di lta bu/ kha tog ni 'di lta bu/ cha byad ni 'di lta bu/ dbyibs ni 'di lta bu/ kha zas ni 'di lta bu/ yun ni 'di srid gcig tu gnas/ bde ba dang sdug bsngal ni 'di lta bu zhig myong ste/ de nas shi 'phos nas che ge mo zhig tu skyes te// de nas shi 'phos nas che ge mo zhig tu skye'o zhes sngon gyi gnas rnam pa du ma rjes su drano// de ltar na bdag dang sems can thams cad kyi sngon gyi gnas pa rnam pa dang bcas pa dang / gnas dang bcas pa rnam pa du ma rjes su dran no// de dag gi sngon gyi mtha' nas bzung ste/ sngon gyi gnas pa rnam pa du ma rje su dran// sems can gzhan
- 253a
rnams dang gang zag gzhan dag sngon gyi mtha' nas bzung ste/ sngon gnas pa rnam pa du ma rjesu dran no// de rang gi dge ba'i rtsa ba sngon gyi rgyu las byung ba yang / rjesu dran no// gzhan dag gi dge ba'i rtsa ba'i rgyu yang rjes su dran par byed do// de rang gi dge ba'i rtsa ba yang byang chub tu bsngo bar byed do// sems can gzhan gyi dge ba'i rtsa ba rnams kyang sems can rnams la rjes su dran par byas nas byang chub tu sems bskyed par byed de// ngag sngon gyi bde ba dang sdug bsngal gyi rgyu de yang mi rtag pa dang sdug bsngal ba dang / stong pa dang bdag med par shes par byed de// de mi rtag pa dang sdug bsngal ba dang sdong pa dang bdag med par shes nas/ gzugs kyi dregs pa ma yin/ long spyod kyi dregs pa ma yin g.yog gis dregs pa ma yin/ dbang phyug gi dregs pa yang ma yin/ 'khor los sgyur ba 'dod pas dregs pa yang ma yin/ brgya byin 'dod pas pA ma yin/ tshangs pa 'dod pas dregs pa ma yin/ 'jig rten skyong ba 'dod pas dregs pa ma yin/ skye ba thams cad 'ad pas drags pa ma yin/ 'dod pa dang rgyal ba'i srid dang / dbang phyug gi bde ba thams cad 'dod pa'i bla gros can ma yin to// sems can yongasu smin par bya ba las/ gzhan du bsam bzhin du srid pa 'dzin par mi byed do// mi rtag pa dang sdug bsngal ba dang bdag med par shes nas/ sngon gnyon mongs pa'i spyod pas khrel bar byed/ 'dzem par byed smon par byed do// da ltar byung ba'i dngos pos srog gi phyir yang mi dge ba'i rtsa bar 'gyur ba'i las mi
- 253b
byed do// de sngon gyi dge ba'i rtsa ba rnams kyang bla na med pa yang dag par rdzogs pa'i byang chub tu yongs su bsngo zhing rgyas par byed do// da ltar gyi dge ba'i rtsa ba rnams kyang thams cad bsdus pa'i phyir ma rungs pa'i yongs su bsngo ba spangs te/ sangs rgyas kyi rigs dang / chos kyi rigs dang dge 'dun gyi rigs rgyun mi 'chad par bya ba'i phyir/ dran pa yang dag par bskyed pa'i stobs kyis thams cad mkhyen par yongasu bsngo ste/ de'i dran pa de yang chos kyi dbyings kyis brlabs kyis shin tu byin gyis brlab so// shin tu rig pas mi g.yo ba'o// bsam gtan yongs su sbyang ba byas pas ma btags pa'o// zhi gnas kyis shin tu byin gyis brlabs pas gnod pa med pa'o// lhag mthong gis yang dag par zin pas 'khrul pa med pa'o// mngon gsum gyi phyir phal pa ma yin pa'o// dran pa mi nyams pa'i phyir brjed pa med pa'o// bsod nams kyi tshogs chen po bsags pa dang / gzhan la rag ma las pa'i phyir ye shes kyi tshogs bsags pa'i phyir myong ba chen po'o// pha rol tu phyin pa thams cad kyi tshogs bsags pa'i phyir pha rol tu song ste/ de ltar dran pa yang dag par bskyed pa phyir 'das pa dang da ltar byung ba'i chos rnams la dran pa nyams par mi byed pa 'di ni byang chub sems dpa'i sngon gnas pa mngon par shes pa dang ye shes kyi las yong su rdzogs pa'o// sha ri'i bu de la byang chub sems dpa'i rdzu 'phrul gyi cho ga mngon sum du bya ba shes pa'i mngon par shes pa ni gang / mngon par shes pa dang ye shes kyi las yong su rdzogs pa ni gang zhe na/
- 254a
sha ri'i bu 'di la byang chub sems dpa' mos pa'i ting nge 'dzin spong ba'i 'du byed dang ldan pa'i rdzu 'phrul gyi rkang pa sgom/ brtson 'grus dang / sems dang spyod pa'i ting nge 'dzin spong ba'i 'du byed dang ldan pa'i rdzu 'phrul gyi rkang pa bzhi sgom ste/ de mos pa dang brtson 'grus dang sems dang spyod pas rab tu zin pa'i chos rnams 'dod pa dang / sgrub par byed pa dang / dbang byed pa dang rdzu 'phrul gyi rkang pa bzhi po 'di dag shin du yongasu bsgoms pa'i phyir/ rdzu 'phrul rnams mngon par thob pa yin te/ de rdzu 'phrul dang tshe 'phrul gyi spong ba du ma myong ngo // de rdzu 'phrul dang tshe 'phrul de dag kyang sems can la lta ba'i phyir yongasu goms pa yin no// de gzugs sam stob sam byin gyis rlabs sam/ rdzu 'phrul dang cho 'phrul gang dang gang gis sems can rnams 'dul bar 'gyur ba'i rdzu 'phrul cho 'phrul de nyid nye bar ston to// de gzugs dang kha tog du snang ba gang dang gang gis/ sems can rnams 'dul bar 'gyur ba'i gzugs dang kha tog tu snang ba de dang de nyid ston te/ sangs rgyas kyi gzugs dang kha tog tu snang ba 'am/ rang sangs rgyas kyi gzugs dang kha dog tu snang ba 'am/ nyan thos kyi gzugs dang kha dog tu snang ba 'am/ brgya byin gyi gzugs dang kha dog tu snang ba'am/ tshangs pa'i gzugs dang kha dog to snang ba 'am/ 'jig rten skyong ba'i gzugs dang kha dog tu snang ba'am/ 'khor l-i si sbyar ba'i gzugs dang kha dog tu snang ba 'am/ gzhan yang gzugs dang kha dog tu snang
- 254b
ba tha na/ byol song gi gzugs dang kha tog tu snang ba gang dang gang gis sems can rnams 'dul bar 'gyur ba'i gzugs dang kha tog du snang ba de nyid sems can rnams la nye bar bstan nas chos ston to// de stobs snyems pa dang khro ba dang rgyags pa dang gtso bor byed pa'i sems can rnams/ stobs gang gis 'dul bar byed pa'i stobs de nye bar ston te/ ji tsam mthu bo che chen po'i stobs tsam 'am/ ji tsan du mthu bo che chen po'i stobs kyi gzhi tsam 'am/ ji tsam mthu bo che chen po'i stobs kyi phyed tsama'am/ ji tsam mthu bo che chen po'i stobs rags pa 'am/ ji tsam stobs gang gis ri'i rgyal po ri rab kyi 'phang du dpag tshad stong phrag brgya drug bcu/ zheng du dpag tshad brgyad khri bzhi stong yod pa sor mo gnyis kyis blangs nas 'phen te/ 'di lta ste dper na/ skyu ru ri'i 'bru blangs pa bzhin du 'jig rten gyi khams gzhan du 'phangs kyang byang chub sems dpa' de'i stobs yongasu nyams par mi 'gyur ba dang / stong gsum gyi stong chen po'i 'jig rten gyi khams 'di ltar rgya che ba 'di ltar yangs pa/ 'di chu'i phung po 'di nas bzung ste srid pa'i rtse mo'i bar du lag 'thil du bzhag la bskal par 'dug cing / spyod lam thams cad kyang ston pa de lta bu'i stobs dang ldan pa'i byang chub sems dpa'i stobs snyems pa dang / khro ba dang / rgyags pa dang / gtso bor byed pa'i sems can rnams la stobs snyems pa dang / khro dang rgyags pa gzhil ba'i phyir chos ston to// de rdzu 'phrul gyi rkang pa de dag gis byin gyis
- 255a
rlabs kyis ye shes thob ste/ byin gyis rlabs kyis ye shes des gang byin gyis rlabs pa de de bzhin du 'gyur te/ gal te nga rgya mtsho chen po brjes kyi chu tsam du byin gyis rlabs pa de ni/ brjes kyi chu tsam du yang dag par gnaso// gal te ba'i rjes rgya mtsho chen po tsam du gyur cig ces na yang de rgya mtsho chen po tsam du 'gyur ro// gal te sreg pa'i bskal pa chu'i phung por gyur cig ces byin gyis rlabs na yang de bzhin du chu'i phung por 'gyur ro// 'jig pa'i chu'i phung po 'jig pa'i mer gyur cig ces byin gyis rlabs na de de 'gyur ro// de bzhin du sbyar te tha ma dang rab dang 'bring gi chos rnams kyis gang dang gang byin gyis rlabs de thams cad de bzhin du gyur te gzhan du ma yin no// de'i byin gyis rlabs dge sbyor ngam/ bram ze 'am lha 'am brgya byin nam/ bdud dam tshangs pa'am/ 'jig rten 'di na gang gis kyang chos dang mthun par sprul pa ma bskyod pa'am mi snang bar byed mi nus te/ sangs rgyas bcom ldan 'das rnams ni ma gtogs so// de byin gyi rlabs kyi stobs bskyed pa des dga' ba dang mos pa rgya chen po sna tshogs la gtser byed pa'i sems can rnams la chos ston to// de'i rdzu 'phrul gyi rkang pa de dag kyang nyams pa med pa'o// bdag lar ga lus pa'o// bdud dang nyon mongs pa'i g.yul la 'das pa'o// sangs rgyas kyi yul la 'jug pa'o// sems can rnams la mi 'tshe bar sbyor ba'o// dge ba'i rtsa ba'i tshogs thams cad bsags pa'o// bdud dang bdud kyi rigs kyi lha'i
- 255b
bu rnams kyis mi phyed pa ste/ 'di ni byang chub sems dpa'i rdzu 'phrul gyi cho ga mngon sum du bya ba'i mngon par shes pa dang ye shes kyi las yongasasu rdzogs par byed pa'o// sha ri'i bu byang chub sems dpa'i mngon par shes pa ni gang / ye shes ni gang / gang lha'i mig gis gzugs rnams mthong ba 'di ni mngon par shes pa zhes bya'o// gzugasu snang ba rnams la zad pa'i chos nyid du shes kyang mngon sum du mi byed pa 'di ni ye shes zhes bya'o// gzhan yang sha ri'i bu gang sgra grag pa thams cad thos pa 'di ni mngon par shes pa zhes bya'o// gang nges pa'i thog ma'i mtha' brjod du med pa 'di ni ye shes zhes bya'o// sha ri'i bu gzhan yang sems can thams cad kyi sems kyi spyod pa rab tu shes pa 'di ni mngon par shes pa zhes bya'o// gang sems 'gog par yang shes la/ 'gog pa mngon sum du mi byed pa 'di ni ye shes zhes bya'o// sha ri'i bu gzhan yang sngon gyi mtha' la chags pa med par dran pa 'di ni mngon par shes pa zhes bya'o// gang dus la chags pa'i ye shes tha dad pa 'di ni ye shes zhes bya'o// sha ri'i bu gzhan yang zhing thams cad du 'gro ba dang 'ong ba 'di ni mngon par shes pa zhes bya'o// gang zhing namakha' lta bur shes pa la 'jug pa 'di ni ye shes zhes bya'o// gzhan yang chos kyi dam pa la 'jug pa 'di ni mngon par shes pa zhes bya'o// gang chos mnyam par mthong ba 'di ni ye shes zhes bya'o// gzhan yang 'jig rten thams cad la chags par 'gyur ba 'di ni mngon par shes pa
- 256a
zhes bya'o// gang 'jig rten thams cad dang mi 'dre ba 'di ni ye shes zhes bya'o// gzhan yang gang brgya byin dang tshangs pa dang / 'jig rten skyong ba thams cad zil gyis gnon pa 'di ni mngon par shes zhes bya'o// gang nyan thos dang rang sangs rgyas thams cad kyi rdzu 'phrul shes pa 'di ni ye shes zhes bya ste/ sha ri'i bu de ltar mngon par shes pa de dag dang ye shes 'di ni/ mngon par shes pa dang ye shes kyi las yong su rdzogs pa zhes bya'o// sha ri'i bu de ltar nyon mongs pas sems can dkrugs pa ji tsam par/ byang chub sems dpa'i bsam gtan gyi tshogs dang / sems kyi byin gyi brlabs kyi ye shes kyang de tsam mo// sems can thams cad kyi sems 'khrug pa ji tsam par/ byang chub sems dpa'i bsam gtan gyi yan lag gi tshogs yang dag par bsdu bar bya ba'ang de tsam mo// sha ri'i bu da lta byang chub sems dpa' nam yang dag par blangs nas sems la gnas pa de ni mnyam par bzhag pa zhes ste/ sems can mnyam pa nyid pas mnyam par bzhag pa'o// sems mnyam pa nyid bsam par bzhag pa'o// bsam pa mnyam pa nyid pas mnyam par bzhag pa'o// sbyor ba mnyam pa nyid kyis mnyam par bzhag pa'o// lhag pa'i bsam pa mnyam pa nyid pas mnya par bzhag pa'o// sbyin pa mnyam pa nyid pas mnyam pa bzhag pa'o// tshul khrims dang bzod pa dang / brtson 'grus dang bsam gtan dang / shes rab mnyam pa nyid pas
- 256b
mnyam par bzhag pa'o// chos thams cad mnyam pa nyid pas mnyam par bzhag pa'o// byang chub gang dang mnyam pa sems can thams cad kyang de dang mnyam pa'o// sems can thams cad dang mnyam pa chos thams cad kyang de dang mnyam pa ste/ gang mnyam pa de la snyoms par zhugs pa de ni snyoms par zhugs pa zhes bya'o// stong pa nyid gang dang mnyam pa chos thams cad kyang de dang mnyam pa ste/ mnyam pa de la snyoms par zhugs pas de'i phyir snyoms par zhugs pa zhes bya'o// mtshan ma med pa gang dang mnyam pa dang / smon pa med pa gang dang mnyam pa dang / mngon par 'du mi byed pa gang dang mnyam pa'i mnyam pa de la snyoms par zhugs pas/ de'i phyir snyoms par zhugs pa zhes bya'o// rang gi sems mnyam pa nyid pas chos thams cad mnyam pa nyid la snyoms par zhugs pas/ de'i phyir snyoms par zhugs pa zhes bya'o// phan 'dogs pa dang gnod par byed pa thams cad mnyam pa/ soms chu dang mnyam pa/ sems me dang mnyam pa/ sems rlung dang mnyam pa/ sems na mkha' dang mnyam pa mi mtho mi dma' ba/ gnas pa shin tu gnas pa/ mi g.yo ba thob pa/ spyod lam thams cad la mnyam par bzhag pa/ spyod lam sgyu med pa dang rang bzhin gyis snyoms par zhugs pa/ mi rgod mi g.yeng ba/ mi 'phya ba mu cor mi smra ga tshig mi 'chal ba don shes pa/ chos shes pa 'du shes pa/ tshod shes pa nyo tshong shes/ 'jig rten thams cad dang mthun pa/ 'jig rten dang ma 'dres pa/ 'jig rten gyi chos brgyad las yang dag pa
- 257a
'da' ba nyon mongs pa thams cad dang ma 'dres pa/ 'du 'dzi dang bral ba spyod yul dben pa ste/ de lta bu'i chos la gnas pa mnyam par bzhag pa'i gnas/ kyang mi 'dor la/ 'jig rten gyi bya ba thams cad du yang kun tu snang ba 'di ni/ byang chub sems dpa'i shes rab dang thabs mngon par bsgrubs pa'i bsam gtan gyi pha rol tu phyin pa ste/ gang la snyoms par 'jug pa na/ sems can la ltabs snying rje chen po la dmigs pa'i sems nye bar 'brel bar mi byed pa 'di ni de'i thab so// zhi ba dang rab tu zhi ba la snyom par 'jug pa 'di ni de'i shes rab bo// gang snyoms par 'jug pa na sangs rgyas kyi ye shes bsgrub pa de ni de'i thab so// gang chos gang la yang nye bar 'brel par mi byed pa 'di ni de'i shes rab po// gang btang snyoms la 'jug pa na/ chos thams cad 'dzin pa la ltos pa de ni de'i thabs so// gang chos kyi dbyings dbyer med pas bsam gtan byed pa 'di ni de'i shes rab bo// gang snyoms par 'jug pa na sangs rgyas kyi sku'i rgyan mngon du byed pa 'di ni de'i thabs so// gang chos kyi skal gnas nas bsam gtan byed pa 'di ni de'i shes rab po// gang snyoms par 'jug pa ni sangs rgyas kyi gsung dang dbyangs dang / sgra dang tshangs pa'i dbyangs sems pa 'di na de'i thabs so// gang brjod du med pa'i chos nyid kyis bsam gtan byed pa 'di ni de'i shes rab bo// gang snyoms par 'jug pa na sems rdo rje lta bur byin gyis rlob pa 'di ni de'i thab so// gang dran pa mi g.yeng bas bsam gtan
- 257b
byed pa 'di ni shes rab bo// gang snyoms par 'jug pa na smon lam gyis sems can yongasu smin par byed par byin gyis brlob pa de ni de'i thab so// gang sems can thams cad bdag med par bsam gtan byed pa 'di ni de'i shes rab bo// gang bsam gtan byed pa na dge ba'i rtsa ba rnams la lhag par dmigs pa 'di ni de'i thabs so// gang rtsa ba med pa dang gnas med par bsam gtan byed pa 'di ni de'i shes rab bo// gang snyoms par 'jug pa na gang sangs rgyas kyi zhing yong su dag pa mngon du byed pa 'di ni de'i thab so// gang zhig na mkha' dang mnyam par bsam gtan byed pa 'di ni de'i shes rab bo// gang snyoms par 'jug pa na byang chub pa'i snying po brgyan bkod pa mngon du byed 'di ni de'i thab so// gang nyon mong pa nye bar zhi bar bsam gtan byed pa 'di ni de'i shes rab bo// gang snyoms par 'jug pa na chos kyi 'khor lo rab te bskor ba la dmigs par byed pa 'di ni de'i thabs so// gang bskor ba yang med mi bskor ba yang med par bsam gtan byed pa 'di ni shes rab bo// byang chub kyi yan lag gi tshogs ji snyed pa de la snyoms par 'jug pa na btang snyoms byed pa dang mngon par byed pa 'di ni de'i thabs// nye ba'i nyon mongs pa ji snyed pa yongs su gdung bar byed pa'i de bzhin gshegs pa'i ye shes dang / bsam gtan gyi bde ba chos thams cad dang mi ldan pa dang / 'du shes chags pa med pa 'du shes yongasu shes pa dang / 'du shes thams cad sel ba dang / byang chub sems dpa' thams cad kyi
- 258a
skyon med pa dang mthun pa de la bsam gtan dang bsam gtan med par bsam gtan byed pa 'di ni de'i shes rab ste/ byang chub sems dpa' sems dpa' chen po de lta bur bzhugs pa rnams kyi bsam gtan gyi pha rol tu phyin pa ni zad mi shes pa yin no// bdud thams cad kyis kyang klags mi rnyed pa yin no// sangs rgyas kyi chos thams cad kyi snod du yang nye bar gnas pa yin no// sha ri'i bu de ltar na 'di ni thabs 'di ni shes rab ste/ de'i phyir byang chub sems dpa' rnams kyi thabs dang shes pa kyis mngon par bsgrubs pa'i bsam gtan gyi pha rol tu phyin pa zhes bya'o// sha ri'i bu gzhan yang byang chub sems dpa' sems dpa' chen po ni mngon par shes pa las nyams pa med par 'du shes su gyur pa'i las rnams kyang byed do// mngon par shes pas kyang rnam par rol pa bya ba thams cad kyang kun tu ston to// mngon par shes pa la yang rab tu gnas la/ 'jug pa chen po la yang 'jug par byed do// de'i mngon par shes pa ni shes par byed pa'o// 'jig rten las 'das pa'o// nges par rtogs pa brten pa la phan pa'o// bya ba thams cad du rnam pa'i mchog thams cad dang ldan pa'o// de'i mngon par shes pa de ni shes rab byed pa'o// 'jig rten dang 'jig rten las 'das pa'i chos rnam mngon sum du gyur pa'o// de'i mngon par shes par de ni zad pa'i rnam pa'o// thams cad kyi rjes su 'jug pa'o// namapa' dang mtshungs pa'o// de'i mngon par shes pa de ni gzugs dang
- 258b
gzugs med pa rnams su thams cad kun ston pa'o// de'i mngon par shes pa de ni thog ma'i mtha'i sgra dang mnyam pa nyid pas sgra thams cad kyi rje su song ba'o// de'i mngon par shes pa de ni rang bzhin mngon sum du mthong bas sems can thams cad kyi sems kyi spyod pa la rnam par lta ba'o// de'i mngon par shes pa de ni sngon gyi mtha' dang phyi ma'i mtha' yongasu gcod pas bskal pa thams cad rjes su dran pa'o// de'i mngon par shes pa de ni rdzu 'phrul dang rnam par 'phrul pa kun ston cing gzhan la mngon sum dang mngon par 'du mi byed pa'i mtshan nyid do// de'i mngon par shes pa de ni dus las mi 'da' bas dus la sdod pa'i phyir/ zag pa zad pa'i ye shes kyi rjes su song ba'o// de'i mngon par shes pa de ni 'phags pa'o// 'jig rten las 'das pa'o// chos thams cad las nges par rtogs pa'i ston pa la phan pa'o// de'i mngon par shes pa ni nyan thos dang rang sang rgyas thams cad kyis gting dpag dka' ba'o// de'i mngon par shes pa de ni zab mo'i don to// bdud dang phyir rgol ba bcom pa'o// de'i mngon par shes pa de ni byang chub kyi snying po 'dzin pa'o// sangs rgyas kyi chos thams cad mngon par rdzogs par byang chub par byed pa'i gtso bo'o// de'i mngon par shes pa de ni chos kyi 'khor lo bskor ba dang mthun pa'o// de'i mngon par shes pa de ni sems can thams cad 'dul bar byed pa'o// de'i mngon par shes pa de ni chos thams cad la dbang bas dbang bskur ba thob
- 259a
pa'o// sha ri'i bu de ltar byang chub sems dpa' mngon par shes pa las nyams pa de ni shes pas byas pa'i las rnams byed kyi nga rgyal gyis byas pa/ ni ma yin no// mngon par shes pa las ma nyams pa'o// sems can yongasu dag pa dang yong su dkar ba dang / 'od gsal ba dang nyon mongs pa med pa dang / shin tu dul ba dang shin tu zhi ba dang / shin tu sbyangs pa byas pa dang / bsam gtan dang rnam par thar pa dang / ting nge 'dzin dang snyoms par 'jug pas kyang bsams bzhin du skye ste/ bcings nas skye ba ma yin/ bcings nas 'chi 'pho ba ma yan/ bcings nas byung ba ma ya ni/ de ci'i phyir zhe na/ de ni yang dag pa ma yin pa yong su rtog pa las grol ba'o// de ni nyon mongs pa'i bcings pa thams cad las grol ba'o// de ni phyi ci log gi mtha'i gnas las grol ba'o// de bas nas de grol nas skye grol nas 'chi 'pho grol nas 'byung ngo // de skye yang theg pa chen pos phongs par yang mi 'gyur/ sangs rgyas kyi chos rnams kyis 'byor par yang mi 'gyur ro// sangs rgyas kyis chos rnams kyang phyogs bcu kun tu btsal yang mi rnyed mi dmigs la/ chos thams cad kyang sangs rgyas kyi rjes su 'jug go/ de sangs rgyas kyi chos dang / chos thams cad kyi chos kyang ma yi/ la chos ma yin pa yang ma yin bya'o// chos gang yang dag pa ji lta ba bzhin du kun tu btsal kyang mi rnyed pa de la bgrang ba yang med do// chos thams cad ni bgrang ba'i lam
- 259b
las 'das pa'o// gang chos thams cad ni chos ma yin du shes pa de ni chos dang chos ma yin pa la mngon par chags pa med do// mngon par chags pa med pa ni chos tham cad kyi don to// gang don de nyid de'i gnod pa chen po'o// gang don mi snyoms pa de'i mdun na ni don namangon ma yin pa mi gnas so// don mthong ba las gang du yang blo nyam pa med do// gang blo nyams pa med pa de yongasu mi 'dzin to// gang yong su mi 'dzin pa de mi chagaso// gang mi chags pa de gnas med do// gang gnas med pa de 'phongs pa med do// gang 'phongs pa med pa de rtsol ba don yod pa'o// gang rtsol ba don med pa de gti mug mod pa'o// gang gti mug med pa de bdag gi med pa'o// gang la bdag gi med pa de brtsod pa med pa'o// gang brtsod pa med pa dge sbyong gi chos rtsod pa med pa'o// gang dge sbyong gi chos rtsod pa med pa de lag pa'i nam mkha' dang mtshungs pa'o/ gang lag pa'i nam mkha' dang mtshungs pa de 'dod pa'i kham su rtogs pa ma yin/ gzugs kyi khams su rtogs pa ma yin/ gzugs med pa'i khas su rdzogs pa ma yin no// gang thams cad du rtogs pa ma yin na de la/ kha tog med mtshan ma med dbyibs med pa'o// gang kha tog med mtshan ma med dbyibs med pa de'i rje su rtogs pa de ni 'dra'o// de'i rjes su rtogs pa ji 'dra ba rtogs pa yang de 'dra'o// de ci'i phyir rjes su rtogs pa dang rtogs pa zhes bya zhe na/ gang gi phyir gang rjes su rtogs par bya ba dang / rtogs pa
- 260a
bya ba'i chos phra rab tsam yang mi dmigs pas de'i phyir rjes su rtogs pa dang rtogs pa zhes bya'o// de ltar rjes su rtogs pa dang rtogs pa la snyoms par 'jug pa 'am/ byang chub sems dpa' sems dpa' chen po ni ngo mtshar dang / rmad du byung ba'i chos dang ldan pa zhes bya'o// byang chub sems dpa'i ngo mtshar rmad du byung ba'i chos gang zhe na/ gang byams pa dang bdag med pa nyid de/ snying rje dang sems can med pa nyid dang / bdag dang srog med pa nyid dang / btang snyoms dang gang zag med pa nyid dang / sbyin pa dang sbyin pa'i sems nyid dang / tshul khrims dang zhi ba'i sems nyid dang / bzod pa dang bzod pa'i sems nyid dang / brtson 'grus dang dben pa'i sems nyid dang / bsam gtan dang nges par rtogs pa'i sems nyid dang / shes rab dang spros pa med pa'i sems nyid dang / dran pa nye bar bzhag pa dang / dran pa nye med cing yid la byed pa med nyid dang / yang dag par spong ba dang skye ba med pa dang 'gag pa med pa'i sems nyid dang / rdzu 'phrul gyi rkang pa dang spros pa med pa'i sems nyid dang / dad pa dang chags pa med pa'i sems nyid dang / dran pa dang rang byung gi sems nyid dang / ting nge 'dzin dang snyoms par 'jug pa'i sems nyid dang / shes rab dang dbang po med pa'i sems nyid dang / stobs nyid dang kha nam tho ba med pa'i sems nyid dang / byang chub kyi yan lag dang byang chub rab tu tha dad pa nyid dang / lam sgom pa dang bsgoms pa'i sems nyid dang / zhi gnas dang nye bar zhi ba'i sems
- 260b
nyid dang / lhag mthong dang mthong ba bri ba med pa dang / 'phags pa'i bden pa sgom pa dang / shin tu yongasu shes pa'i sems nyid dang / sems can yongasu par byed pa dang / thog ma nas dag pa nyid dang / dam pa'i chos yongs su 'dzin pa dang / chos kyi dbyings dbyer med pa'i sems nyid dang / mi skye ba la bzod pa dang / mi dmigs pa'i sems nyid dang / phyir mi ldog pa'i sa dang phyir mi ldog pa'i sems nyid dang / mtshan rnyed pa dang mtshan med pa'i sems nyid dang / byang chub snying po'i rgyan dang khams gsum gyi snying po'i sems nyid dang / bdud tshar gcod pa dang / sems can thams cad rje su 'dzin pa'i sems nyid dang / byang chub dang chos thams cad kyi rang bzhin rjes su rtogs pa'i sems nyid dang / chos kyi 'khor lo bskor ba dang / bskor bar byed pa'i sems nyid dang / yongs su mya ngan las 'das pa chen po kun tu ston pa'i sems nyid dang / 'khor ba'i rang bzhin mnyam pa'i sems nyid de/ sha ri'i bu de ltar na rjes su rtogs pa dang / rtogs pa'i don la snyoms par 'jug pa dang / ngo mtshar rmad du byung ba'i chos nyid dang gzhan dag ste/ de'i phyir ngo mtshar rmad du byung ba'i chos dang ldan pa'i skyes bu dam pa de dag de 'dra zhes bya'o// sha ri'i bu de la bsam gtan rnams ci 'dra zhes na/ byang chub sems dpa' rnams kyi bsam gtan ni de bzhin gshegs pa'i ting nge 'dzin yongasu rdzogs par byed pa'i phyir/ de'i rang bzhin ma yin pa'o// byang chub sems dpa' rnams kyi bsam gtan ni bdag
- 261a
bde ba la chags pa'i phyir ro myong ba med pa'o// byang chub sems dpa' rnams kyi bsam gtan ni nyon mongs pa thams cad spong ba'i phyir snying rje/ chen po la dmigs pa'o// byang chub sems dpa' rnams kyi bsam gtan ni 'dod pa'i khams la mi dmigs pa'i phyir/ ting nge 'dzin las mi ldog pa'o// byang chub sems dpa' rnams kyi bsam gtan ni sems can thams cad kyi sems kyi spyod pa rab tu shes pa'i phyir mngon par sbyong ba'o// byang chub sems dpa' rnams kyi bsam gtan ni sems kyi dbang phyug shes pa'i phyir de kho na la 'gro ba'o// byang chub sems dpa' rnams kyi bsam gtan ni gzugs dang gzugs med pa'i khams thams cad kyi phyir snyoms par 'jug pa thams cad shes pa'o// byang chub sems dpa' rnams kyi bsam gtan ni/ nyan dang rang sangs rgyas kyi snyoms par 'jug pa zil gyis gnan pa'i phyir zhi ba rab tu zhi ba nye bar zhi ba'o// byang chub sems dpa' rnams kyi gsam gtan ni shin tu mthar phyin pa'i phyir mi skyod pa'o// byang chub sems dpa' rnams kyi bsam gtan ni bag chags kyi sbyor ba yang dag par 'jom pa'i phyir gnyen po'o// byang chub sems dpa' rnams kyi bsam gtan ni 'jig rten thams cad las 'das ba'i phyir shes rab kyi mchog go/ byang chub sems dpa' rnams kyi bsam gtan ni sems can thams cad sgrol bar byed pa'i phyir sems can la bsam pa sgrol du
- 261b
'gro ba'o// byang chub sems dpa' rnams kyi bsam gtan ni de bzhin gshegs pa'i rdzu 'phrul zad mi shes pas dkon mchog gsum gyi gdung mi 'chad pa'o// byang chub sems dpa' rnams kyi bsam gtan ni rtag tu mnyam par bzhag pa'i phyir mngon par 'phags pa'o// byang chub sems dpa' rnams kyi bsam gtan ni/ las thams cad yong su rdzogs par dbang byed pa'o// byang chub sems dpa' rnams kyi bsam gtan ni ye shes che ba nyid kyi phyir khyab pa ste/ sha ri'i bu 'di dag byang chub sems dpa' sems dpa' chen po rnams kyi bsam gtan no// sha ri'i bu de la bsam gtan gyi pha rol tu phyin pa gang gi sngon tu 'gro zhe na/ 'di lta ste/ sems nges par rtogs pa'i sngon tu 'gro ba'o/ sems rtse gcig pa'i sngon du 'gro ba'o// sems gnas pa'i sngon du 'gro ba'o// sems ting nge 'dzin gyi dbang po'i sngon du 'gro ba'o// ting nge 'dzin gyi stobs kyi sngon du 'gro ba'o/ yang dag pa'i ting nge 'dzin gyi sngon du 'gro ba'o// bsam gtan dang rnam par thar pa'i sngon du 'gro ba'o// mthar kyis gnas pa'i snyoms par 'jug pa dgu'i sngon du 'gro ba'o// 'gog pa dgu'i sngon du 'gro ba'o// nyon mongs pa'i dgra 'dul ba'i sngon du 'gro ba'o// ting nge 'dzin gyi phung po yongasu rdzogs pa'i sngon du 'gro ba'o// byang chub sems dpa'i ting nge 'dzin gyi sngon du 'gro ba'o// sangs rgyas kyi ting nge 'dzin gyi sngon du 'gro ba'o// de ltar bsam gtan gyi pha rol tu phyin pa ni de dag dang zhi bar byed pa'i chos gzhan rnams
- 262a
kyi yang sngon pa ste/ sha ri'i bu 'di ni byang chub sems dpa' sems dpa' chen po rnams gang la brtson na/ byang chub sems dpa'i spyad pa skyed pa'i byang chub sems dpa' sems dpa' chen po rnams kyi bsam gtan gyi pha rol tu phyin pa'o// de nas bcom ldan 'das kyis de'i don rgya cher kun bstan pa'i phyir/ de'i tshe// tshig su bcad pa 'di gsungs// bsam gtan dang ni rnam thar pha rol phyin/ pad mo chu yis gos pa med pa ltar// yi ni chags med dag pa 'jig rten na// bskal mang brgya mtshor rtag tu sprad pa spyod// gang du ting 'dzin pha rol song pa ni// rnam par snang mdzad zhi ba ting nge 'dzin// zla 'od zhes bya ting 'dzin rnam bkod pa// de nyid glog gis rab tu brgyan pa'o// mngon par 'phags dang de bzhin sems dpa' dang // dri ma med dang / snang ldan ting 'dzin dang // yon tan 'od dang grub 'od mya ngan med// chos so cog la dbang ni byed pa dang // chos sgron dang ni de bzhin chos dpa' pa// chos kyi dbang phyug ri rab dpa' ting 'dzin// dam pa'i chos kyi ye shes dbang byed dang // dam chos kun 'dzin shin tu rnam dag dang // gzhan gyi sems la rnam sbyor cing 'dzin dang // dam chos dkon mchog 'od gzer ting 'dzin dang // rgyal mtshan rtse mo dpung brgyan nyon mong sel// bdud kyi stobs rnams 'joms pa'i ting 'dzin dang // stobs bcu dang ni stobs las mngon 'phags dang // kun cad chags med ces bya ting 'dzin dang // las sgron
- 262b
bdud rtsi sbyin pa bsgrags pa dang // sa 'dzin shin tu brtan pa'i ting 'dzin dang // ri rab sgron dang rgyal ba mi 'bam dang // ye shes sgron dang de bzhin mig dag dang // rgyal ba thams cad dran pa'i ting 'dzin dang // chos dran dang ni yon tan ye shes 'jug/ stong par 'jug de de bzhin mtshan med dang // smon med de bzhin zhi ba'i ting 'dzin dang 'du shes sna tshogs 'brel zhes bya ba dang // glang chen dbang po rab tu dul stag dang // 'khyil pa dang ni rnam par ldog pa dang // 'dzums pa med dang stobs dang mig rnas dang / ting 'dzin rdo rje 'dra dang rdo rje sa// mngon 'phags mi 'dzums ri rab lta bu dang // kun nas klong 'khyil rnam par dag sgra dang // nges rtogs nyon mongs bral ba'i ting 'dzin dang // nam 'dre dang na mkha'i bar skabs dang // yon tan thams cad gus par len pa dang // blo gres dran rtogs blo 'phel spobs mi zad// des tshig bstan pa mtha' yas mi bzad dang // legs byas byas pa chud mi za ba dang // lta ba dang ni 'gro ba tshim byed dang // byams pa mngon 'phags snying rje yangs rtsa dang // dga' dang rab tu dga' la 'jug pa dang // btang snyoms dang ni gnyis la chags grol dang // chos don chos kyi 'od zer ting 'dzin dang // 'khrul med ye shes mtshe// rnam grol snying po 'gro ba tshim byed dang // rdo rje rgyal mtshan dang ni pad mchog dang // chos rgyal dang ni mi g.yo ting 'dzin dang // shes rab rtsibs dang ni ba sangs rgyas mtsho// 'od zer
- 263a
mtha' yas rnam grol smin pa dang // ye shes ting 'dzin de bzhin gshes kyi brgyan// bkod pa chen po zhi bkod snang ba dang // sems can bsam pa kun dga' dga' ba dang // rdzogs pa'i byang chub lam la rtag mthun dang // pha rol phyin pa brgya dang dkon mchog gtsug/ byang chub yan lag me tog smin ting 'dzin// rnam grol snying po bdud rtsi sbyin pa dang // rlung dang mi g.yo 'gro ba mi dmigs dang // brgya mtsho zhugs 'dzin dkon mchog mdzod dag dang // brag dang ri 'thab rgyal po zhes bya dang // rdzu 'phrul yangs dang shin tu don 'dzin dang // sangs rgyas yul ston ting nge 'dzin dag dang // de dang gzhan yang rgya chen mtha' yas pa'i// zhi ba'i ting 'dzin bye 'khyod du chud// gang dag bsam gtan pha rol phyin sprod pa// byang chub sems dpa'i yon tan dpag med de// mnyam par bzhag nas bsam gtan spyod yul 'greng // mnyam par bzhag nas rgod pa med par 'chag/ mnyam par bzhag nas 'dug cing nyal bar byed// de'i spyod yul mnyam par ma bzhag med// mnyam par bzhag nas skra ni 'byin byed de/ chos thams cad ni zhi dang rab zhi zhes// rtog pa med cing rnam par rtog pa med// bdag med srog med bdag po dag kyang med// byang chub sems dpa' mkhas pa snying rje can/ bsam gtan pha rol phyin pa spyod byed pa// yon tan brgya mtsho de'i yon tan ni// 'di dang gzhan la pha rol mtha' yas pa'o// bsam gtan gyi pha rol tu phyin pa'i le'u ste bcu pa'o// /
- 263b
byang chub sems dpa'i sde sngon// / bam po bcu bdun pa// sha ri'i bu de la byang chub sems dpa' sems dpa' chen po gang la brtson na/ byang chub sems dpa'i spyad pa spyod par 'gyur ba'i byang chub sems dpa' sems dpa' chen po shes par kyi pha rol tu phyin pa gang zhe na/ sha ri'i bu 'di la byang chub sems dpa' byang chub sems dpa'i sde snod kyi chos kyi rnam grangs shin tu nyan par byed/ len par byed 'dzin par byed/ klog par byed kun chub par byed/ gzhan la yang 'chad cing rgya cher yang dag par rab tu ston par byed de/ sha ri'i bu de ltar byang chub sems dpas byang chub sems dpa'i sde snod kyi chos kyi rnam grangs shin tu mnyan/ blangs bzungs/ klags gzhan la yang rgya cher bshad cing yang dag par rab tu bstan na/ shes rab kyis rnam pa 'di dag thob par 'gyur ro// shes rab de yang rnam pa ni gang 'jug pa ni gang zhe na/ de la shes rab thob pa ni rnam pa'o// tshul bzhin yid la byed pa ni 'jug pa'o// thos pa yang rnam pa gang zhe na 'di lta ste/ mos pa'i rnam pa dang bsam pa'i rnam pa dang / sbyor ba'i rnam dang / dge ba'i bshes gnyin gyi rnam pa dang / nga rgyal med pa'i rnam pa dang / rab tu 'dud pa'i rnam pa dang / ri mor byed pa'i rnam pa dang / mthun pa'i rnam pa dang / bka' blo bde ba'i rnam pa dang / bsnyen bkur byed pa'i rnam pa dang / rna ba blags te nyan pa'i rnam pa dang / bkur bstir byed pa'i rnam pa
- 264a
dang yid la byed pa'i rnam pa dang / mi g.yeng ba'i rnam pa dang / dkon mchog tu 'du shes pa'i rnam pa dang / sman du 'du shes pa'i rnam pa dang / nad thams cad rab tu zhi bar byed pa'i 'du shes kyi rnam pa dang / dran pa'i snod kyi rnam pa dang / rtogs pa shes pa'i rnam pa dang / blo gros 'dod pa'i rnam pa dang / blo la 'jug pa'i rnam pa dang / chos thos pas mi ngoms pa'i rnam dang / gtong ba spel ba'i rnam dang / byin nas mi smod pa'i rnam pa dang / mang du thos pa'i rnam pa rnam pa dang / gus pas dga' ba myong bar byed pa'i rnam pa dang / lus bsam pa'i rnam pa dang / sems rangs pa'i rnam pa dang / mi skye bar nyan pa'i rnam pa dang / don nyan pa'i rnam pa dang / chos nyan pa'i rnam pa dang / nan tan du nyan pa'i rnam pa dang / theg pa gzhan dpa la 'dod pa med pa'i rnam pa dang / pha rol tu phyin pa nyan pa'i rnam pa dang / byang chub sems dpa'i sde snod nyan pa'i rnam pa dang / bsdu ba'i dngos po nyan pa'i rnam pa dang / thabs mkhas pa nyan pa'i rnam dang / tshangs pa'i gnas nyan pa'i rnam pa dang / mngon par shes pa nyan pa'i rnam pa dang / dran pa nye bar bzhag pa nyan pa'i rnam dang / yang dag par spong nyan pa'i rnam pa dang / rdzu 'phrul gyi rkang pa nyan pa'i rnam pa dang / rten cing 'brel par 'byung ba nyan pa'i rnam pa dang / mi rtag pa nyan pa'i rnam pa dang / sdug bsngal nyan pa'i rnam pa dang / bdag med pa'i nyan pa'i rnam pa dang / zhi ba nyan pa'i rnam pa dang / stong pa
- 264b
nyid nyan pa'i rnam pa dang / mtshan ma med pa nyan pa'i rnam pa dang / smon pa med pa nyan pa'i rnam pa dang / mngon par 'du mi byed pa nyan pa'i rnam pa dang / dge ba'i rtsa ba mngon par 'du byed pa nyan pa'i rnam pa dang / bdag la rag las pa'i rnam pa dang / chos nyan par 'du shes pa'i rnam pa dang / 'jar ba log pa'i gnyen po ma yin pa'i 'du shes pa'i nyon mongs pa thams cad tshar gcod pa'i rnam pa dang / mkhas pa la mngon par dga' ba'i rnam pa dang / 'phags pa sten pa'i rnam pa dang / 'phags pa ma yan pa yongasu spang ba'i rnam pa dang / 'phags pa nyan pa'i rnam pa dang / dbang po nyan pa'i rnam pa dang / rje su dran pa sgom pa nyan pa'i rnam pa dang / byang chub kyi yan lag nyan pa'i rnam ba dang / 'phags pa'i lam yan lag brgyad pa nyan pa'i rnam pa dang / de bzhin gshegs pa'i stobs dang mi 'jigs pa dang / byams pa dang snying rje dang dga' ba dang btang snyoms chen po dang / so so yang dag par rig pa dang / sangs rgyas kyi chos ma 'dres pa bco brgyad rnams nyan pa'i rnam pa ste/ sha ri'i bu de ltar gang na thos pa de ni shes pa'o// gang na shes pa de ni nan tan no// de ci'i phyir zhe na/ gang byang chub sems dpa'i sde snod kyi chos kyi rnam grangs la mos pa de ni thos par 'gyur ro// thos nas rab tu shes so// shes nas nan tan byed do// gang byang chub sems dpa'i sde snod kyi chos kyi rnam grangs la bsam pa yod pa de ni zos par 'gyuraro// thos nas
- 265a
bar du shes so// shes nas nan tan byed do// gang byang chub sems dpa'i sde snod kyi chos kyi rnam grangs la sbyor ba yod pa de ni thos par 'gyuraro// thos nas rab tu shes so shes nas nan tan byed// gang dge ba'i bshes gnyen la bsten par byed pa de ni thos par 'gyur ro// thos nas rab tu shes so shes nas nan tan byed do// gang rgyal byed pa de ni thos par 'gyur ro// thos nas rab tu shes so// shes nas nan tan byed do// gang mang du thos pa la rab tu 'dud pa don thos par 'gyur// thos nas rab tu shes// shes nas nan tan byed do// gang mang du thos pa la ri mor byed pa de ni thos par 'gyur ro// zos nas rab tu shes so// shes nas nan tan byed do// gang mthun par 'dzin pa 'di ni thos par 'gyur ro// thos nas rab tu shes so// shes nas nan tan byed do// gang bka' blo bde ba de ni thos par 'gyur ro// thos nas rab tu shes so// shes nas nan tan byed do// gang mang du thos pa bsnyen bkur byed pa de ni thos par 'gyur ro// thos nas rab tu shes so shes nas nan tan byed do// gang rna ba bla gas te nyan pa thos par 'gyur ro// thos nas rab tu shes so shes nas nan tan byed do// gang mang du thos pa la bkur bsti byed pa de ni thos par 'gyuraro// thos nas rab tu shes mi shes nas nan tan byed do// gang 'chad pa dang mang du thos par yid la byed pa de ni thos par 'gyur ro// thob nas rab shes shes nas nan tan byed do// gang mang du thos pa la dkon mchog tu 'ang shes pa de ni zas par 'gyur ro// thos nas rab tu shes sa// shes nas
- 265b
nan tan byed do// gang mang du thos pa la sman du 'du shes pa de ni thos par 'gyur ro// thos nas rab tu shes so// shes nas nan tan du byed do// gang mang du thos pa thos nas 'dod chags dang zhe sdang dang gti mug rab tu zhi bar 'du shes pa de ni thos par 'gyur ro// thos nas rab tu shes so shes nas nan tan byed do// gang mang du thos pa thos nas 'dzin par 'du shes pa de ni thos par 'gyuraro// thos nas rab tu shes so shes nas nan tan byed do// chos rnams rtogs par khong du chud pa de ni thos par 'gyur ro// thos nas rab tu she smon nan tan du byed do// gang mang du thos par blo gros 'dod pa de ni thos par 'gyur ro// thos nas rab tu shes so shes nas nan tan byed do// gang mang du thos pa thos nas blo rnam par g.yo ba de ni thos par 'gyur ro// zos nas rab tu shes so shes nas nan tan du byed do// gang thos pas mi ngoms pa de ni thos par 'gyur ro// thos nas rab tu sheso shes nas nan tan byed do// gang sbyin pa'i gtam thos nas gtong bar rtogs pa de ni thos par 'gyur ro// thos nas rab tu shes so shes nas nan tan byed do// gang tshul khrim kyi gtam thos nas tshul khrims srung ba de ni thos par 'gyur ro// thos nas rab tu shes// shes nas nan tan byed do// gang bzod pa thos nas bzod par byed pa de ni thos par 'gyur ro// thos nas rab tu shes so shes nas nan tan byed do// brtson 'grus kyi gtam thos nas brtson 'grus mnyams par byed pa de ni thos par 'gyur ro//
- 266a
thos nas rab tu shes so shes nas nan tan byed do// gang bsam gtan gyi gtam thos nas sems mi g.yeng bar byed pa de ni thos par 'gyur ro// thos nas rab tu shes so shes nas nan tan byed do// gang shes rab kyi gtam thos nas zag pa zad pa las sems gzhol bar byed pa de ni thos par 'gyuraro// thos nas rab tu shes so shes nas nan tan byed do// gang mang du thos par dga' ba bskyed pa de ni thos par 'gyur ro// thos nas rab tu sheso shes nas nan tan byed do// gang chos thos nas lus sim par byed pa de ni thos par 'gyur ro// thos nas rab tu shes shes nas nan tan byed do// gang thos nas rangs par byed pa de ni thos par 'gyur ro// thos nas rab tu shes so// shes nas nan tan byed do// gang theg pa chen po thos nas mos par 'gyur ba de ni thos par 'gyur ro// thos nas rab tu shes so shes nas nan tan byed do// gang bsdu ba'i dngos po thos nas gang bsdu bar sems bskyed pa 'di ni thos par 'gyur ro// thos nas rab tu shes so shes nas nan tan byed do// gang dran pa nye bar bzhag pa'i gtam thos nas dran pa lus la song ba dang / dran pa tshor ba la song ba dang / dran pa sems la song ba dang / dran pa chos la song ba de ni thos par 'gyur ro// thos nas rab tu shes so// shes nas nan tan byed do// gang yang dag par spong ba'i gtam thos nas mi dge ba skyes shing 'byung ba dag gis khrel zhing ngo tsha bar 'gyur ba de ni thos par 'gyur ro// zos nas rab tu shes
- 266b
shes nas nan kan byang da// gang dge pa'i cham skyes shing 'byung ba ma mi matang bar 'jug pa de ni zas par 'gyur ba/ zas nas ra tu shem sa gas nasanan tan byed do// dang rdzu 'phrul gyi rkang pa'i gtam thos nas lus yung ba dang sems yang ba dang sred pa yang rab tu 'gyur ba de ni thos par 'gyur ro// thos nas rab tu shes so shes nas nan tan byed gang bsam gtan gyi gtam thos nas rtogs par sems gzhol ba de ni thos par 'gyur ro// thos nas rab tu shes so// shes nas nan tan byed do// gang tshad med pa'i gtam thos nas sems can thams cad la byams pa dang zhen par gyur pa rnams la snying rje che ba dang / chos la dga' ba dang mi dge ba la btang snyoms pa de ni thos par 'gyur ro// bos nas rab tu shes so// shes nas nan tan byed do// gang dbang po'i gtam thos nas dad pa'i dbang po dang / brtson 'grus dang dran pa'i dbang po dang / ting nge 'dzin gyi dbang dodang shes rab kyi dbang por sems gzhol bar byed pa de ni thos par 'gyur ro// thos nas rab tu shes se shes nas nan tan byed do// gang byang chub kyi yan lag gi gtam thos nas chos thams cad khong du chud par bya ba'i phyir sems gzhol bar byed pa de ni thos par 'gyur// thos nas rab tu shes so// shes nas nan tan byed do// gang lam gyi gtam/ thos nas mya ngan las 'da' ba la sems gzhol bar byed pa de ni thos par 'gyur ro// thos nas rab tu shes so// shes nas nan tan byed do// gang de bzhin gshegs pa'i stobs
- 267a
@dang mi 'jigs dang / byams pa dang snying rje dang / dga' ba dang btang snyoms chen po dang / so so yang dag par rig pa dang / sangs rgyas kyi chos ma 'dres pa bco brgyad dag dang / sangs rgyas kyi chos dpag tu med pa rnams thos nas/ bla na mod pa yang dag par rdzogs pa'i byang chub tu sems gzhol bar byed pa de ni sa par 'gyur ro// thos nas rab tu shes so// shes nas nan tan byed do// sha rI'i bu 'di ni thog ma'i rnam pa 'jug pa rnam pa bzhi bcu rtsa gcig ces bya ste/ sha ri'i bu de ltar na byang chub sems dpa' shes rab kyi pha rol tu phyin pa'o// sha ri'i bu gzhan yang byang chub sems dpa' shes rab kyi pha rol tu phyin pa la smod pa na/ byang chub sems dpa'i sde snod kyi chos kyi rnams grangs shin tu mnyan/ blangs bzung se klags/ kun chub par byas/ gzhan la yang bshad cing rgya cher rab tu bstan nas/ nan tan snying por byed pa yin no// chos rnams la nan tan byed pa gang zhe na/ gang ji ltar bstan pa bzhin du gnas te/ de ni chos la nan tan byed do// gzhan yang chos la nan tan byed pa ni gang chos thams cad mi len pa'o// de ci'i phyir zhe na/ chos thams cad len na yang nan tan med par 'gyur te/ gang zag gang chos len par gnas la chos de dag 'byung bar 'gyur ba'i gnas dang skabs med pa de ni gnas med pa'o// gang zag mi len par spyod pa rnams kyang btsal ba'i phyir/ chos 'di dag nan tan du bzhag pa the tsom du 'gyur na//
- 267b
chos len par spyod pa rnams lta smos kyang ci dgos/ de bal na chos thams cad mi len pa ni nan tan no// gzhan yang chos gang rnams la mi sgrib pa de nan tan zhes bya'o// gang chos rnams la snyems pa med pa dang / gang chos rnams mi len pa dang / mi rlob pa dang mi skye ba dang / mi 'gog pa de ni nan tan zhes bya'o// gzhan yang chos rnams la bstan pa med pa dang / btsal ba med pa de ni nan tan zhes bya'o// gzhan yang gang cung zad kyang ma bshad/ ji ltar bshad pa bzhin du mi snang ba de lta bu ni chos thams cad mi snang ba'i slad du mtshan nyid gcig/ pa'o// mtshan nyid gang zhe na 'di lta ste/ mtshan nyid med pa'o// mtshan nyid ces bya ba ni mtshan nyid med pa ste/ de ni gnyis galas 'gyur ro// de ci'i phyir zhes na/ kun rtag pa'am yang dag par rtag pa de nyid mtshan nyid med par bshad pa yin no// 'di ni mtshan nyid de 'di ni mtshan nyid med pa'o zhes 'di lta ste/ chos thams cad la mtshan nyid med pa mi snang ba blang ba med par rtogs pa de ni nan tan zhes bya'o// nan tan la brtson par gyis shig/ chos thams cad mi sgrib par snang ba thob par gyis shig/ de nas de'i tshe bcom ldan 'das kyis tshigasu bcad pa 'di dag gsung so// gang zhig byang chub sems dpa'i sde snod la/ shin tu nges par nan tan gnas byed pa/ mkhas pa de ni chos la len mi byed/ mi len na ni nan tan de 'dra'o// chos rnyed stong pa nyid du mi byed na// chos la'ang de ni stong pa snyed mi byed// stong pa'i snyems pa gang yang med// snyems pa med phyir nan tan de 'dra'o// chos la len pa med cing 'dor ba med/
- 268a
chos ni chos la len par byed pa med// len pa med phyir 'di ni chos kyi mtshan// 'di 'dra ba ni nan tan zhes bya'o// gang phyir chos la nams kyang de mi chags de la de'i ye shes blangs mi 'gyur// ye shes ma blangs de la'ang snyems pa med// de 'dra ba la nan tan zhes bya'o// mkhas pa nan tan yon tan gnas par gyis// chos 'di dag la shi tu brtson par gyis// cho ga spyod pa dag la gnas gyur nas// de tse de'i sgo ni dag par 'gyur// sgo dganas ni chos 'di 'dra ba shes// de na sems can bsam pa'ang shes par 'gyur/ mkhas pas de tshe bsam pa shes nas ni// 'dri ba'i chos kyang rab tu 'chad par 'gyur// zab mo'i chos la don dam btsal gyur nas// rtag tu don la rnam par gdon mi za// spyod pa maH yas yon tan rnams kyis 'phags// mkhas pa mad thos rgya mtsho mching rnams 'dra// de'i don yang yi ge dag la yang // tha ma khong du chud par mi nus te// don dang mtha' yas yi ge mtha' yas te// nan tan shi kyi snying po mi 'khrugs par 'gyuraro// sha ri bu de ltar byang chub sems dpa' shes rab kyi pha rol tu phyin pa spyod pa'o// sha ri'i bu gzhan yang byang chub sem dpa' shes rab kyi pha rol tu phyin pa la spyod pa na/ byang chub sems dpa'i sde snod kyi chos kyi rnam grangs shin tu nyan pa nas/ gzhan la rgya cher bstan pa'i bar du byas nas ma rig pa'i rtsa ba mun nag rab rib stug po bsal ba'i phyir chos thams cad la snang bathob ste/ shes rab kyi snang ba'o// de snang ba thob nas dge ba dang mi dge ba'i chos rnams rab tu shes te/ de sran rtsa
- 268b
phyir yang mi dge ba'i chos rnams spang ba'i phyir ji ltar thos pa'i chos rnams rtogs pas na dge ba thub pazhi pa zhes bya'o// de nas bcom ldan 'das kyis de'i tshe tshigs su bcad pa 'di dag gsungaso// ji ltar mun pas khyab sgribs pa'i/ khyim du zhugs par gyur na ni// yod par gyur pa'i gzugs rnams kyang // mig gis mthong bar mi 'gyur ro// de bzhin du ni 'di la yang / la la'i mi dag skyes gyur kyang // dge ba dang ni sdig pa'i chos// ma thos par ni shes mi 'gyur// zos nas chos rnams rnam par shes// zos nas sdig pa sten mi byed// thos nas gnod pa spong bar byed// thos nas mya ngan 'da' ba thob// thos nas 'dod pas thos pa 'phel// thos pas shes rab 'phel bar 'gyur// shes rab kyis ni don rnams spyong // don thob nas ni bde thob 'gyur/ don thob de ni yid bzhungs te// tshe 'di la ni mya ngan 'das// chos la sbyor zhing gtsang la mkhas// shin tu bde ba thob par 'gyur// byang chub sems dpa'i sde snod ni// thos nas chos nyid la gnas te// 'jig rten gyi snang gyur nas// byang chub sems dpa'i spyad pa spyod// sha ri'i bu de ltar na byang chub sems dpa'i shes rab kyi pha rol tu phyir pa spyod pa'o// sha ri'i bu gzhan yang byang chub sems dpa'i shes rab kyi pha roladu phyin pal spyod pa na/ byang chub sems dpa'i sde snod kyi chos kyi rnamagrangs 'dzin pa'i gang zag la dge ba'i bshes gnyen du 'du shes bskyed nas/ byang chub sems dpa'i sde snron gyi rnam grangs 'di nyid la shin tu byang bar byed/ rnam par dag par byed/ byang chub sems dpa'i sde snod 'di'i don gyi phyir spro bar byed/ 'bad par byed brtson 'grus bcom par byed/ sems
- 269a
sa rab tu 'dzin par byed yang dag par smon par byed de/ yang dag par spong ba bzhi la rab tu zhugs pas chos thams cad mi sgrib pa thob bo// de nas de'i tshe bcom ldan 'ad kyis tshigs su bcad pa 'di dag gsung so// gang dag chos ni smra ba la// dge ba'i bshes gnyen du yang sems// rtag par nan tan gnas gyur nas// chos la nan tan byas te nyan// rtag par ma pa 'bri mi byed// rtag par brtson 'grus shin du 'phags// rtag par shes rab rtag par sbyong // rtag par ye shes la gnas so// de ni bdag rang chos shes te// dad pa'i phyir ni 'gro mi byed// sangs rgyas kyis ni gang bshad pa'i// mi g.yo ba'i chos shes so// mkhas pa de dag tshig gi rnam pa mkhas// bslabs pa don la khong du chud par byed// de dag dkar po'i phyogs ni rnam par spong // nag po'i phyogs ni rtag par spong bar byed// de ni nams kyang sems la nyams pa med// de ni chos gang la yang zhum mi 'gyur// lus yang ba dang de bzhin sems brtson 'grus// mos pa yang ba'ang myur du thob par 'gyur// chos thos nas ni shes rab 'phel bar 'gyur// ye shes rnam par rtags nas dran mi nyams// dran dang ye shes la ni rtag gnas nas// dge dang mi dge'i chos ni rab tu shes// blan med pa'i rnams bslabs nas ni// rtogs dang dran dang shes rab stobs mchog thog/ ji ltar bdag gis yun rings bsrabs pa bzhin// de ni sems can rnams kyi bsam pa shes/ rtsom bslabs nas ni khyad par gyur te// khyad par thob cing ye shes dag 'gyur nas// de ni sems rnams kyi bsam pa shes// de phyir bsam pa bzhin du chos ston to// sha ri'i bu de ltar na
- 269b
byang chub sems dpa' shes rab kyi pha rol tu phyin pa la spyod pa'o// sha ri'i bu gzhan yang byang chub sems dpa' shes rab kyi pha rol tu phyin pa la spyod pa na/ de ltar blo sbyangs pa dang de ltar chos snang ba'i sgo shin tu yongasu dag pa 'di ltar slob ste/ 'phags pa'i yang dag par lta 'byung ba na rgyu gnyis dang rkyen gnyis te/ gnyis gang zhe na/ gzhan gyi sgra dang bdag la tshul bzhin yid la byed pa'o// de 'di snyam du sems te/ gzhan gyi sgra de gang bdag tshul bzhin yid la byed pa de gang zhe na/ de de ltar tshul bzhin yid la byed na 'di snyam du sems par 'gyur te/ rnal 'byor spyod pa gang dag byang chub sems dpa'i sde snod kyi chos kyi rnam grangs 'di ma thos/ 'phags pa'i chos dang 'dul ba ma thos par ting nge 'dzin tsam gyis dga' bar tshor nas/ nga rgyal gyi dbang gis che ba'i nga rgyal ljang ba de dag ni skye ba dang rga ba dang na ba dang 'chi ba dang / mya ngan dang smre sngags 'don pa dang / sdug bsngal ba dang yi mug pa dang 'khrugs pa las mi thar/ sdug bsngal gyi phung po las yongs su mi thar to// de dag la de bzhin gshegs pa dgongs nas 'di skad du gsung ngo // pha rol las mthun pas zos pa ni rga ba dang 'chi ba las rnam par grol ba'o// yang bcom ldan 'das kyis gsungs pa/ chos rnams thos nas rnam par shes// thos nas sdin pa byed mi 'gyur// thos nas gnod pa spong bar 'gyur// thos nas mya ngan 'da' ba thob/ thos pas thos pa 'phel bar 'gyur// thos pas shes rab 'phel bar 'gyur// shes rab kyis ni don rnams sbyong // don rnyed nas ni bde thob 'gyur// don rnyed nas ni yid bzhungs
- 270a
tshe 'di la ni mya ngan 'das// chos gtsang mkhas pa gtsang ba dang // shin tu bde 'a thob par 'gyur// shA ri'i bu de ltar byang chub sems dpa' byang chub sems dpa sde snod kyi chos kyi rnam grangs 'phags pa'i chos dang 'dul ba shin tu mnyan par bya'o// blang bar bya gzung bar bya/ klag par bya kun chub par bya/ gzhan la rgya cher yang dag par rab tu bstan par bya'o// sha ri'i bu gang byang chub sems dpa'i sde snod kyi chos kyi rnam grangs mi nyan pa dang / tshul bzhin du sbyor bar mi byed pa de dag ni 'phags pa'i lam las yongs su hri bar 'gyur te/ de dag la de bzhin gshegs pas dgongs nas 'di skad gsungs ngo // bdag tshul bzhin yid la byed pa ni rga ba dang 'chi ba las grol bar 'gyur ro// de la byang chub sem da pa'i tshul bzhin du sbyor ba ni gang / ji ltar na byang chub sems dpa' tshul bzhin du sbyor ba yin zhes de ltar slob pa las de 'di ltar slob ste/ byang chub sems dpa' sems dpa' chen po ni chos gang la yang sbyor bar mi byed/ rab tu sbyor mi byed do// tshul bzhin du sbyor ba zhes bya ba de ni mi sbyor ba'i tshig bla dgas so// gzhan yang byang chub sems dpa' tshul sbyor ba de ni sgra 'byin par mi byed/ zlos pa 'byin par mi byed/ gang nas sgra 'byung ba de yang mi dmigs te/ sgra de nyid gang nas 'byung gang du 'gag ces thog ma dang tha ma'i mtha' la rtog pa gang smras pa dang gang smra ba dang / gang smra bar 'gyur ba dang / gang gis smras pa dang / gang gi sla ba dang / gang gi smra bar 'gyur ba dang / gang gi spong ba'i phyir smra ba dang / gang gi
- 270b
spong ba'i phyir smra ba dang / gang gi spong ba'i phyir smra bar 'gyur ba dang / grang gis khong du chud pa'i phyir smra ba dang / gang gi khong du chud pa'i phyir smra bar 'gyur ba de thams cad yongasu btsal na 'das pa'i rnam pa dang / ma 'ongs rnam pa dang / da ltar byung ba'i rnam par mi dmigs pa de ni de'i tshul bzhin yid la sbyor ba'o zhes de de ltar slob pa'o// byang chub sems dpa' de ltar tshul bzhin du sbyor bas ji ltar tshul bzhin mthong zhes na/ de 'di ltar slob ste/ gang gi tshe na byang chub sems dpa' chos thams cad rang bzhin gyis 'gags pa mthong ba de'i tshe tshul bzhin mthong ngo // gang gi tshe chos thams cad rang bzhin gyis zhi bar mthong ba de'i tshe tshul bzhin mthong ngo // gang gi tshe chos thams cad rnam par zhi bar mthong ba'i de'i tshe tshul bzhin mthong ngo // ga gi tshe chos thams cad rang bzhin gyis snyoms par ma zhugs pa mthong ba de'i tshe tshul bzhin mthong ngo // gang gi tshe chos thams ma skyes par mthong ba de'i tshe tshul bzhin mthong ngo // gang gi tshe thams cad ma byung bar mthong ba de'i tshe tshul bzhin mthong ngo // gang gi tshe chos thams cad shin tu yang dag par ma byung ba mthong ba de'i tshe tshul bzhin mthong ngo // gang gi tshe chos thams cad mya ngan las 'das pa mthong ba de'i tshe/ tshul bzhin du mthong ste/ de gang gis mthong ba de la yang rtog ste/ ji nas kyang mi mthong ba dang / mi rtog pa de ltar mthong ste/ de ltar mthong na tshul bzhin mthong ba zhes bya'o// yang 'di ltar slob ste/ byang chub sems dpa' tshul bzhin du sbyor ba na/ chos gang la yang sgrib pa med do// tshul bzhin du sbyor ba ni chos gang la yang
- 271a
gang thar pa'i sgor mi 'gyur ba med do// tshul bzhin du sbyor ba ni/ chos gang la yang spang bar bya ba'i phyir 'bad pa med do// tshul bzhin du sbyor ba ni/ chos gang la yang rtog bar bya ba'i phyir 'bad pa med do// gang chos thams cad yang dag par mthong ba dang / ji lta ba bzhin du mthong ba de ni/ yang dag par blta ba'o// chos thams cad ji blta ba bzhin du mthong ba gang zhe na/ 'di lta ste mthong ba'o// ma mthong ba zhes bya ba de ni/ ma skyes pa'i tshig bla dgas so// ma skyes pa zhes bya ba de ni/ yang dag par ma byung ba'i tshig bla dgas so// yang dag par ma byung ba zhes bya ba de gang zhe na/ de ni mi snang ba'i tshig bla dgas ste/ de bzhin gshegs pa de la dgongs nas 'du byed thams cad mi skye bar mthong na yang dag pa skyon me par 'jug ste/ 'di lta ste yang dag pa skyon med pa de ni yang dag par lta'o zhes de skad gsungs// ci'i phyir na yang dag pa skyon med pa la 'jug pa zhes bya/ de de ltar rtog pa las ltar slob ste/ chos thams cad gang dang mnyam pa sangs rgyas kyi chos de dang mnyam ste/ de bas na yang dag par skyon med pa la 'jug pa'o// de byas na yang dag par skyon med pa la 'jug 'dod rnams kyis byang chub sems dpa'i sde snod kyi chos kyi rnam grangs 'di nyid shin tu mnyan par bya/ blang bar bya bzung bar bya brag par bya kun chub par bya'o// byang chub sems dpa'i sde snod kyi chos kyi rnam 'di nyid la yang tshul bzhin du sbyor bar bya ste/ ri'i bu de ltar na byang chub sems dpa' shes rab kyis pha rol tu phyin pa spyod pa'o// shA ri'i bu gzhan yang byang chub sems dpa' shes rab kyi pha rol tu phyin pa spyod pa na/ de ltar blo yongs su
- 271b
sbyangs pa dang / de ltar chos snang ba'i sgo shin tu yongasu dag pas rdul bzhin du 'jug pa la rtson na tshul bzhin gyi tshig mthong ngo // de la tshul bzhin du 'jug pa ni gang tshul bzhin gyi tshig gang zhe na/ de ltar byang chub sems dpa'i tshul bzhin du 'jug pa ni 'di lta ste/ zhi gnas kyi byin gyi rlabs la 'jug pa dang lhag mthong rnam par rtog pa la 'jug pa ni tshul bzhin du 'jug pa'o// lus dben pa la 'jug pa dang sems yid du 'ong ba la 'jug pa dang / chad pa ma yin par 'jug pa dang / rtag pa ma yin par 'jug pa dang / rgyu dang rkyen la 'jug pa dang / rten cing 'brel bar 'byung ba la 'jug pa dang / sems can med pa dang srog med pa dang gang zag med pa la 'jug pa dang / ma 'ongs ma phyin mi gnas pa la 'jug pa dang / mi 'pho ba dang rgyu dang 'bras bu chud mi za ba/ dang rgyu stong pa nyid du rab tu rtogs pa la 'jug pa dang / mngon par shes pa dang ye shes len pa dang 'jug kyang zag pa zad pa la mi 'jug pa dang / mi skye bar rtog pa la 'jug kyang skyon med ba las mtshan ma med par 'dris pa la 'jug pa dang / smon pa med par rab tu shes pa la 'jug kyang stong pa nyid kya dang / smon pa med pa len par 'jug pa ma yin pa dang / tinge 'dzin la snyoms par bzhag pa len pa la 'jug kyang ting nge 'dzin gyi dbang gis skyes pa la mi 'jug pa dang / mngon par shes pa dang ye shes len pa la 'jug kyang zag pa zad pa la mi 'jug pa dang / mi skye bar rtog pa la 'jug kyang skyon med pa las 'da' ba la mi 'jug pa dang / sems can thams cad kyi bdag med par rtog pa la 'jug kyang snying rje chen po mi gtong ba la 'jug pa dang
- 272a
skye ba thams cad 'jigs par mthong ba la 'jug kyang srid pa bsam gyi mi khyab b.len pa la 'jug pa dang / mya ngan las 'das par 'dod pa la 'jug kyang chos mngon/ du bya ba la mi 'jug pa dang 'dod pa'i yon tan gi dga' btang snyoms pa la 'jug kyang chos kyi dga' ba la gtod pa mi 'jug pa dang / rtog pa spros pa thams cad gtong ba 'jug kyang thab mkhas pa rtong pa la mi 'jug pa ste/ sha ri'i bu de ni tshul bzhin du 'jug pa zhes bya'o// sha ri'i bu tshul bzhin gyi tshig ces bya ba gang zhe na/ rigs pa'i tshig de ni tshul bzhin gyi tshig go// sha ri'i bu gzhan yang tshul bzhin gyi tshig de ni rigs pa'i tshig go// de ni sgo'i tshig go// de ni kha'i tshig go// de ni rgyu'i tshig go// de ni rab tu rtog pa'i tshig go/ de ni mi 'gal ba'i tshig go// de ni mi rtson ba'i tshig go// de ni btang snyoms kyi tshig go/ mi len pa'i tshig dang mi 'dor ba'i tshig dang / ma spros pa'i tshig dang / ma bsnan pa'i tshig dang / ma bri ba'i tshig dang / mi skyes pa'i tshig dang / mi 'thab pa'i tshig dang mi ldog pa'i tshig dang / mnyen po med pa'i tshig dang / de kho na'i tshig de bzhin kho na'i tshig dang / ma log pa de bzhin nyid kyi tshig dang / gzhan ma yin pa de bzhin nyid kyi tshig dang / de bzhin nyid kyis tshig dang ji lta ba bzhin gyi tshig dang / dus gsum mnyam pa'i tshig dang / yongasu chad pa'i tshig dang / gzugs rnam par shes pa'i gnas med pa'i tshing dang / tshor ba dang 'du shes dang 'du byed dang / rnam par shes pa gnas med pa'i tshig dang / de ni mig dang gzugs dang mig gi rnam par shes pa'i khams gnas med pa'i tshig sa// de ni rdza ba dang
- 272b
dang rna ba'i rnam par shes pa'i khams gnas med pa'i tshig go// de ni sna dang dri dang sna'i rnam par shes pa'i khams gnas med pa'i tshig go// de ni lce dang ro dang lha'i rnam par shes pa'i khams gnas med pa'i tshig go// de ni lus dang reg dang lus kyi rnam par shes pa'i khams gnas med pa'i tshig go// de ni yid dang chos dang yid kyi rnam par shes pa'i khams gnas med pa'i tshig go// de ni don la ston pa'i tshig go// de ni chos la ston pa'i tshig go// de ni ye shes la ston pa'i tshig go// de ni nges pa'i don gyi mdo sde la rton pa'i tshig ste/ sha ri'i bu de ni mu bzhin du yid la byed pa'i tshig go// de ltar byang chub sems dpa' tshul bzhin du 'jug pa la brtson pa tshul bzhin gyi tshig mthong ba ni de gang gis mthong ba de nyid mi mthong ste/ ji ltar mi rtog mi mthong ba de ltar mthong ngo // de ltar mthong na tshul bzhin mthong ba zhes bya'o// sha ri'i bu yang byang chub sems dpa' tshul bzhin du sbyor ba ni chos gang la yang rmongs par mi 'gyu byang chub sems dpa' tshul bzhin du sbyor ba ni chos gang la yang gang thar pa'i sgor mi 'gyur ba med do// tshul bzhin du sbyor ba ni chos gang yang spong ba'i phyir 'bad pa med do// tshul bzhin du sbyor ba ni chos gang yang rtogs par bya ba'i phyir 'bad pa med de/ gang chos thams cad yang dag par mthong ba dang / ji lta ba bzhin du mthong ba de ni yang dag par lta ba'o// chos thams cad ji lta ba bzhin du mthong ba gang zhen 'di lta ste mi mthong ba'o// mi mthong ba gang zhen de ni ma skyes pa'i tshig bla dgas so// ma skyes pa zhes bya ba gang zhe na de ni mi snang ba'i nga
- 273a
gyi tshis bla dgas te/ rgya cher ji ltar sngar bzlas pa de ltar de bzhin du bzlas par bya ste/ de ltar na byang chub sems dpa' shes rab kyi pha rol tu phyin pa spyod pa'o// sha ri'i bu gzhan yang byang chub sems dpa' shes rab kyi pha rol tu phyin pa spyod pa ni 'di ltar sla ba ste/ chos thams cad ni bdag tshul bzhin du byed pa'o// ji ltar bdag la bdag med pa de bzhin du chos thams cad bdag med par mthong ngo // ji ltar sems can bdag med pa de bzhin du chos thams cad bdag med par mthong ste/ de ltar mthong na tshul bzhin du mthong ba'o/ gang tshul bzhin byed pa las 'khor ba'i kham su mthong ba de'i tshul bzhin byed pa ni mya ngan las 'das pa'i khams dang ldan par mthong ste/ de ni bzhin du sbyor bar bya'o zhes bya'o// de chos thams cad kyi rang bzhin la nyon mongs pa'i rang bzhin dang ldan par khyad par med par mthong ngo // rnal 'byor dang rnal 'byor ma yin par yang mi rlom mo// tshul bzhin byed pa sbyor bas tshul bzhin mthong ste/ tshul bzhin gyi sbyor ba ji snyed pa sems can gyi byin rlabs thams cad kying de rnyed de/ sems can gyi byin gyi rlabs kyang mi gtong chos kyi byin gyi brlabs kyang / 'khrug par mi byed pa de ni byang chub sems dpa'i tshul bzhin sbyor ba ste/ sha ri'i bu de ltar na rnam pa 'di dang thos pa 'di dang tshul bzhin du 'jug pa 'di dang / tshul bzhin mthong ba 'di ji lta ba bzhin du mthong ba'i rgyu mthun pa 'di dang 'di dag ni/ shes rab ces bya'o// shA ri'i bu de ltar na shes rab kyi pha rol tu phyin pa spyod pa'o// shashA ri'i bu gzhan yang byang chub sems dpa'
- 273b
shes rab kyi pha rol tu phyin pa spyod pa na/ 'dus byas kyi spyod pa thams cad la shes rab dang gnas pa yin te/ 'di lta ste ma rig pa dang lhan cig tu mi gnas/ 'du byed dang lhan cig tu mi gnas pa nas rgya cher dga' ba dang 'chi ba'i bar dang lhan cig mi gnas bdag tu lta ba dang lhan cig tu mi gnas pa nas/ bdag tu lta ba'i rtsa ba las byung ba'i lta ba drug cu rtsa gnyis dang ldan cig tu mi gnas/ mtho bar sems dpa' dang lhan cig tu mi gnas/ dma' bar sems pa dang ldan cig tu mi gnas/ 'jig rten gyi chos brgyad rnams dang lhan cig tu mi gnas/ nga dang che ba'i nga dang log pa'i nga nas nye ba'i nyon mongs pa nyi shu'i bar dang lhan cig tu mi gnas/ chen po dang 'bring po dang phra mo nas nyon mongs pa thams cad kyi bar dang lhan cig tu mi gnas/ gti mug gis mun pa'i rab rib stug po sgrib pa sgrib par byed pa kun tu bkris te 'dug pa nas/ dam pa'i chos thams cad kyi bar dang lhan cig tu mi gnas/ dus pa'i rnyog pa dang nyon mongs pa dang phung po dang lha'i bu dang 'chi bdag gi bdud dang / bdud thams cad kyi bar dang lhan cig tu mi gnas/ bdag dang sems can dang srog dang gso ba dang / gang zag dang shed can dang shed las skyes pa nas/ bdag tu lta ba thams cad kyi bar dang lhan cig tu mi gnas/ las kyi sgrib pa dang / nyon mongs pa'i sgring ba dang / lnga ba'i sgrib pa dang rnam par smin pa'i slob pa dang / shes bya'i sgring pa dang / bag chags kyi mtsha mas sbyor ba thams cad kyi bar dang lhan gcig tu mi gnas/ kun tu rtog pa dang rnam par rtog pa dang mtshan ma dang / dmigs pa dang
- 274a
mthong ba dang thos pa dang dran pa dang rnam par shes pa dang / bdud pa'i sgro 'dogs pa thams cad dang lhan cig mi gnas/ ser sna dang gtong pa dang / tshul khrims dang tshul khrims ngan pa dang bzod dang gnod sems dang brtson 'grus dang le lo dang bsam gtan dang sems g.yeng ba dang shes rab 'chal ba nas pha rol tu phyin pI gnyen po dang mi 'thun pa'i phyogs dang shes pa dang mi shes pa'i bar thams cad dang lhan cig mi gnas nges pa dang mnyes pa dang / log par nges pa dang dge ba dang mi dge ba dang kha na ma tho ba dang kha na ma tho ba med pa dang / 'khor ba dang mya ngan 'das pa dang chos thams cad kyi gnyen po'i bar dang lhan cig tu mi gnas/ zhing sna tshogs dang sangs rgyas sna tshogs dang sems can sna tshogs dang / chos sna tshogs nas sna tshogs kyi bad dang lhan cig tu mi gnas/ mi shes pa dang shes pa dang rnam par shes pa dang kun rdzob dang don dam pa na sems can thams cad kyi mtshan ma yid la byed pa dang lhan cig tu mi gnas/ shes rab mi rgyu ba dang lus med pa dang mtshan nyid med pa dang mtshan ma med pa dang 'dus ma byas nas yid la byed pa thams cad dang sems rnam par shes pa'i gnas dag dang lhan cig mi gnas te/ de dag dang gzhan yang 'dus byas dang spyad pa'i chos dpag tu med pa dag/ dang lhan cig tu mi gnas// de ltar na byang chub sems dpa' shes rab kyi pha rol tu phyin pa sbed pa'i gang shes rab de ni 'dus kyi spod pa thams cad dang lhan cig tu
- 274b
gnas te/ sha ri'i bu de lta byang chub sems dpa' shes kyi pha rol tu phyin pa la spyod pa'o// sha ri'i bu gzhan yang byang chub sems dpa' byang chub sems dpa'i sde snod la gnas pa/ shes rab kyi pha rol tu phyin pa la spyod pa na/ shes rab kyi pha rol tu phyin pa 'byed mkhas pa yin te/ chos thams cad la mkhas pa rje su thob ste/ de la shes rab rnam par 'byed pa gang zhe na/ 'di lta ste phung po la mkhas pa khams la mkhas pa dang skye mched la mkhas pa dang bden pa la mkhas pa dang so so yang dag par rig pa la mkhas pa dang rten pa la mkhas pa dang rnam par shes pa dang ye shes la mkhas pa dang / byang chub kyi yan lag la mkhas pa dang lam la mkhas pa dang rten cing 'brel par 'byung ba la mkhas pa dang bcu ste/ mkhas pa rnam pa bcu po 'di dag gang rnam par 'byed pa de ni shes rab rnam par 'byed pa zhes bya'o// de la phung po la mkhas pa gang zhe na/ gang 'di phung po rnam kyi dbye 'jog cing 'chad pa 'di lta ste/ dbu ba rdos pa chad pa dang / smig rgyu ba 'chad pa dang chu bur 'chad pa dang shing chu skyes 'chad pa dang / sgyu ma 'chad pa dang rmi lam 'chad pa dang / mig yor 'chad pa dang gzugs mnyan 'chad pa dang gzugs ni chu'i dbu ba lta bu ste/ dbu pa la yang dag med sems can med/ srog med gang zag med skyes bu med shed can med shed las skyes med de/ dbu ba'i rang bzhin gang yin pa gzugs kyang de'i rang bzhin te/ gang la mkhas pa de ni phung po la mkhas pa zhes bya'o// tshar ba chu'i chu bur lta bu ste/ chu bur la yang bdag med sems can med srog med gang zag med shed can med shed las skyes med skyes bu med/ chu bur gi rang bzhin gang yin pa dang
- 275a
tsher ba yang de'i rang bzhin te/ gang de la mkhas pa de ni phung po la mkhas pa zhes bya'o// 'du shes ni smig skye lta bu ste/ smig sgyu la yang bdag med sems can med srog med gang zag med pa nas skyes bu'i bar du med de smig rgyu ba'i rang bzhin gang yin pa 'du shes kyang de'i rang bzhin te gang de la mkhas pa de ni phung po la mkhas pa zhes bya'o// 'du byed rnams ni shing cha skyes lta bu ste/ shing chu skyes la yang bdag med sems can med srog med pa nas skyes bu'i bar du med pa ste/ shing chu skyes kyi rang bzhin gang yin pa 'du byed dag kyang de'i rang bzhin te/ gang de la mkhas pa ni phung po la mkhas pa zhes bya'o// rnam par shes pa ni sgyu ma lta bu ste/ sgyu ma la yang bdag med sems can med srog med gang zag med shed can med shed las skyes pa med skyes bu med byed po med tshor ba po med pa ste/ sgyu ma'i rang bzhin gang yin pa rnam par shes pa ni rang bzhin yang de yin te/ gang de la mkhas pa de ni phung po la mkhas pa zhes bya'o// gzhan yang phung po rnams shes bya ba ni 'jig rten yin te/ 'jig rten yang 'jig pa'i mtshan nyid do// 'jig rten rnams kyi bzhin gang yang phung po rnams rang bzhin yang de yin no// yang 'jig rten gyi rang bzhin gang zhe na/ 'di lta ste mi rtag pa'i rang bzhin dang sdug bsngal ba'i rang bzhin de phung po yang de'i rang bzhin no// gang de la mkhas pa de phung po la mkhas pa zhes bya'o// de ltar na byang chub sems dpa' phung po la mkhas pa shes rab kyi pha rol tu phyin pa spyod pa'o// de la ma khams la mkhas pa gang zhe na 'di lta ste/ chos kyi khams ni sa'i khams sra ba'i mtshan nyid ma yin no// chos kyi khams ni
- 275b
nu'i khams mod kyi chos kyi khams rlan pa'i mtshan nyid ma yin no// chos kyi khams ni me'i khams mod kyi chos khams cha ba'i mtshan nyid ma yin no// chos kyi khams ni rlung gi khams mod kyi khams g.yo ba'i mtshan nyid ma yin no// chos kyi khams ni mig gi rnam par shes pa'i khams mod kyi chos khams mthong ba'i mtshan nyid ma yin no// chos kyi khams ni rna ba'i rnam par shes pa'i khams mod kyi chos kyi khams sgra rtogs pa'i mtshan nyid ma yin no// chos kyi khams ni sna'i rnam par shes pa'i khams mod kyi chos kyi khams dri snom pa'i mtshan nyid ma yin no// chos kyi khams ni lce'i rnam par shes pa'i khams mod kyi chos kyi khams ro myong ba'i mtshan nyid ma yin no// chos kyi khams ni lus kyi rnam par shes pa'i khams mod kyi chos kyi khams reg pa'i mtshan nyid ma yin no// chos kyi khams ni yid kyi rnam par shes pa'i khas mod kyi chos kyi khams rnam par sgo ba'i mtshan nyid ma yin no// chos kyi khams dang bdag gi khams de ni mtshungs// 'dod pa'i khams dang gzugs kyi khams dang gzugs med pa'i khams de ni mtshungs// 'khor ba'i khams dang mya ngan las 'das pa'i khams de mtshungs so// de ltar chos thams cad kyi khams dang namakha'i khams de mtshungs te/ stong pa nyid dang mtshungs pas mtshungs/ mi 'gyur ba dang mtshungs pas mtshungs te/ 'dus byas kyi khams su 'jug pa dang / 'dus mi byas kyi kham su 'jug pa'i phyir de la bshad pa/ dpag tu med de/ gang khos su 'jug pa des stsogs par byed pa de ni mkhas pa zhes bya'o// de ltar khams la mkhas pa'i byang chub sems dpa' sems dpa' chen po shes rab kyi pha rol tu
- 276a
phyin pa la spyod pa'o// de la byang chub sems dpa' skye mched la mkhas pa gang zhe na/ de la mig bdag dang bdag gis stong pa de byang chub sems dpa' mig gi rang bzhin 'di lta bu'o zhes ji lta ba yang dag par shes ste/ de ni byang chub sems dpa'i skye mched la mkhas pa'o// snga ma bzhin du sbyar de de ltar rna ba dang sna dang lce dang lus dang yid bdag dang bdag gi stong pa de byang chub sems dngos yid kyi rang bzhin 'di lta bu'o zhes ji lta bar yang dag par rab tu shes ste/ dge ba sogs pa'i phyir gang skye mched la kun sogs pa dang sna tshogs pa de dag sogs par mi byed cing dge ba dang mi dge ba'i chos rnams la 'di ni byang chub sems dpa'i skye mched la mkhas pa ste/ 'di ni mig gi skye mched do// 'di ni gzugs kyi mched do/ zhes 'du shes gnyisu mi 'jug go// de ltar ming dang gzugs rnams la 'dod chags med par mthong yang 'dod chags med pa mngon du mi byed pa de ni byang chub sems dpa'i skye mched la mkhas pa'o// de bzhin du sbyar te rna ba dang sgra dang sna dang dri dang lce dang ro dang lus reg dang yid dang chos te/ de ltar byang chub sems dpa' yid dang chos kyi bar du 'dod chags med par mthong mod kyi 'dod chags mi byed mngon du mi byed pa de ni byang chub sems dpa'i skye mched la mkhas pa'o// skye mched ces bya ba yang 'phags pa'i skye mched dang 'phags pa ma yin pa'i skye mche de/ de la 'phal pa'i skye mched ni gang lam sdud par byed pa'o// 'phags pa ma yin pa'i skye mched gang lam stong par byed pa ste/ 'di lta ste byang chub sems dpa' lam la gnas pa ni sems can lam gtong
- 276b
ba rnams la snying rje chen po 'thob cing lam gyi skye mched kyang gtong ba ste/ de ni byang chub sems dpa'i skye mched la mkhas pa'o// de ltar na byang chub sems dpa' skye mched la mkhas pa shes rab kyi pha rol tu phyin pa spyod pa'o// de la byang chub sems dpa' bden pa la mkhas pa zhes byang chub sems dpa' dben pa la 'jug mkhas pa ni rnam pa bzhi ste/ 'di lta ste sdug bsngal shes pa dang kun 'byung ba shes pa dang 'gog pa shes pa dang lam shes pa'o// de la sdug bsngal shes pa gang zhe na gang phung po rnams la mi skye bar shes pa de ni sdug bsngal shes pa zhes bya'o// de la kun 'byung ba shes pa gang zhe na/ gang srid pa 'jom pa shes pa de ni kun 'byung ba shes pa zhes bya'o// de la 'gog pa shes pa gang zhe na/ gang mi 'byung mi 'jigs pa shes pa de ni 'gog pa shes pa'o zhes bya'o// de lam shes pa gang zhe na lam mnyam pa nyid thob pa'i chos rnams la sgro mi 'dogs pa de ni lam shes pa zhes bya'o// gang gi tshe byang chub sems dpa' bden pa 'di bzhi dag de ltar shes rab kyis shes kyang sems can yongasu smin par bya ba'i phyir/ mngon du mi byed pa de ni bden pa la mkhas pa zhes bya'o// gzhan yang bden pa la mkhas pa rnam pa gsum ste/ 'di lnga ste kun rdzob kyi bden pa dang don dam pa'i bden pa dang mtshan nyid kyi bden pa'o// de la kun rdzob kyi bden pa ni 'jig rten gyi tha snyad ji snyed pa dang / yi ge dang skad dang kun rtog pa 'chad bste ni kun rdzob kyi bden pa zhes bya'o// de la don dam pa'i bden pa gang zhes na gang sems de nyid kying rab tu mi rgyu yi ge dag lta ci smos te/ de ni don dam pa'i bden pa zhes bya'o// de la
- 277a
mtshan nyid kyi bden pa gang zhes na/ 'di lta ste mtshan nyid thams cad mtshan nyid cig la mtshan nyid cig pa'am mtshan nyid med pa'o// de la byang chub sems dpa'/ kun rdzob kyi bden par 'chad pas mi skyo// don dam pa'i bden pa mngon du byed par mi ltung mtshan nyid kyi bden pa mtshan nyid med pas rtog pas de ni byang chub sems dpa' bden pa la mkhas pa zhes bya'o// gzhan yang bden pa ni cig pu gnyis po med par ste/ 'di lta ste 'gog pa'i bden pa'o// de la bden pa cig pu las gang sgro mi 'dogs pa dang / sems can sgro mi 'don par ltung ba rnams la bden par sbyor bar byed pa de ni byang chub sems dpa'i bden pa la mkhas pa zhes bya'o// gzhan yang phung po lnga rnams ni sdug bsngal ba ste/ gang phung po lnga rnams kyi sdug bsngal gyi mtshan nyid de ni sdug bsngal zhes bya'o// sdug bsngal gyi mtshan nyid gang stong pa nyid kyi mtshan nyid rtogs pa de ni sdug bsngal 'phags pa'i bden pa zhes bya'o// gang phreng po lnga rnams kyi bag la nyal rgyur sred pa las byung ba'i lnga ba de ni kun 'byung ba'i bden pa zhes bya'o// gang sred pa'i rgyu lta ba de la yang sgro mi 'dogs mi len pa snyems pa de ni kun 'byung ba 'pham pa'i bden pa zhes bya'o// gang phung po lnga rnams shin tu zad ba'i phyir 'gag pa thog ma'i mthar ma byung ba tha ma'i mthar mi 'pho// de ltar byung bar mi gnas pa de ni 'gog pa 'phags pa bden pa zhes bya'o// yang lam rtogs nas sdug bsngal shes pa dang kun 'byung ba shes pa dang 'gog pa shes pa dang 'gog pa shes pa la yang rig par byed la/ rjes su rtogs pa yang shes pa
- 277b
thob par byed pa shes de ni sdug bsngal 'gag par 'gyur ba'i lam 'phags pa'i bden pa zhes bya'o// gang bden pa shes bde la rnam rtog pa dang sems can brtag pa rtog par byed/ bde ni byang chub sems dpa' bden pa la mkhas pa zhes bya'o// gzhan yang tshor ba thams cad sdug bsngal ba ste de tsher ba rnam par rdzogs pa dang rtogs pa'i blo de ni sdug bsngal 'phags pa'i bden pa zhes bya'o// rgyu gang gis kun 'byung bar shes pa'i rgyu de ji lta ba yang dag par rab tu shes pa de ni kun 'byung ba 'phags pa'i bden pa zhes bya'o// gang tshe rab gtong zhing ma tshe ra ba tshor bar byed pa dang 'gag pa yang so sor rtog la tshor ba 'gags pa yang mngon du mi byed pa de ni byang chub sems dpa'i sdug bsngal 'gag pa 'phags pa'i bden pa zhes bya'o// tshor ba gang ging gzings dang 'du ba'i lam de bsdu bar byed la tshor bar bgos pa yang ma yin/ lam gyi dgos pa yang ma yin pa de ni byang chub sems dpa' sdug bsngal 'gag pa'i 'gro ba'i lam 'phags pa'i bden pa zhes bya'o// da ltar rtogs nas ben pa de dag gzhi la mnyam par mthong zhing mthong ba shin tu dag pa yang ma yin pa de ni byang chub sems dpa'i bden pa la mkhas pa zhes bya'o// gzhan yang skye ba sdug sngal ba ste gang mi skye bas sor rtog pa shes pa de ni sdug bsngal shes pa zhes bya'o// srid pa'i rkyen gyis skye ba ste gang srid pa 'jig par shes ba de ni kun 'byung ba shes pa zhes bya'o// skye ba thams cad gang gis mi skye bar shes pa de la 'gag pa gang yang / med cing gang mi 'gag par shes pa de ni zad pa 'ag gang shes pa zhes bya'o//
- 278a
gang de ltar tshol ba dang sdud pa dang kun tu tshol ba dang rnam par rtog pa dang / 'jug pa'i shes pa'i de ni lam shes pa zhes bya ste/ gang bden pa'i shes pa de la bzhog par byed kyang bden pa'i shes pa de la mi gnas par byed pa de ni byang chub sems dpa'i dben pa la mkhas pa ste/ de ltar na byang chub sems dpa' bden pa la mkhas pa shes rab kyi pha rol tu phyin pa spyod pa'o// de la byang chub sems dpa' so sor yang dag rig pa la mkhas pa gang zhe na/ bzhi po 'di dag ni byang chub sems dpa'i so sor yang dag par rig pa ste/ bzhi gang zhe na 'di lta ste/ de nas so yang dag par rig pa dang / chos so so yang dag par rig pa dang / nges pa'i tshig so so yang dag par rig pa dang / spobs pa so so yang dag par rig pa'o// de la don so so yang dag par rig pa gang zhe na/ gang chos rnams la don dam pa'i tshig tu shes pa dang / gnyis su med pa'i rgyu shes pa dang / rkyen shes pa dang 'dus pa shes pa dang mtha' med par rjes su 'gro ba shes pa rten cing 'brel par 'byung ba la 'jug pa shes pa dang / chos kyi dbyings dbyer med pa shes pa dang / de bzhin nyid rje su 'jug pa shes pa dang / yang dag pa'i mtha'i mi gnas par shes pa dang / stong pa nyid rjes su rtogs pa shes pa dang / mtshan ma med par rtogs par shes pa dang / smon pa med pa la smon pa med par shes pa dang / mngon par 'du mi byed pa la mngon par 'du ma byed par shes pa dang / tshul cig tu 'jug pa shes pa dang / sems can med par 'jug pa shes pa dang / bdag med par 'jug pa shes pa dang / srog med pa byed pa med pa cig pa shes pa
- 278b
dang gang zag med pa don dam par shes pa dang / 'das pa'i dus la ma chags par shes pa dang / ma 'ongs pa'i dus la mtha' med par shes pa dang / da ltar byung ba'i dus la thams cad du/ shes pa dang / phung po rnams la sgyu mar shes pa dang / khams rnams la dug drag po dang mtshungs par shes pa dang / skye mched rnams la stong pa nyid du rtog pa shes pa dang / nang zhi ba shes pa dang phyi rol tu mi rgyu ba shes pa dang / yul la yul med par shes pa dang / dran pa la gnas su shes pa dang / rtogs pa la khong du chud par shes dang / blo gros la mngon sum du shes pa dang / bden pa rnams la rtogs par shes pa dang / sdug bsngal la mi 'byung bar shes pa dang / kun 'byung ba la mngon par 'du mi byed par shes pa dang / 'gog pa la mtshan nyid med par shes pa dang / lam la sgrol bar shes pa dang / chos la tshig rab tu tha dad par shes pa dang / dbang po rnams la 'jug par shes pa dang / stobs rnams la mi tshams par shes pa dang zhi gnas la byin gyi rlabasu 'du shes pa dang / lhag mthong la snang bar 'du shes pa dang / sgyu ma la sgrub par 'du shes pa dang / smig rgya la 'khrul par shes pa dang rmi lam la mi bden par mthong bar shes pa dang zag cha la rten cing 'brel bar 'byung bar shes pa dang / mig yor la 'pho bar shes pa dang mtshan sna tshogs la mtshan nyid cig tu shes pa dang 'du ba la 'bral bar shes pa dang sbyangs pa la/ slar sbyor ba med par shes pa dang / nyan thos kyi theg pa la sna'i rjes su rtogs pa 'jug pa shes pa dang / rang sangs rgyas kyi theg pa la rten cing 'brel par 'byung ba la 'jug par shes ni
- 279a
bden pa mchog tu shes pa dang theg pa chen po de dge ba'i rtsa ba'i tshogs brtsegs pa thams cad shes ste/ de ni byang chub sems dpa'i don so so yang dag par rig pa zhes bya'o// gzhan yang don so so yang dag par rig pa ni/ gang don la brten pa ste/ chos thams cad kyi chos so cag gi don la brten pa nyid la brten pa'o// de ci'i phyir zhe na/ chos thams cad kun stong ste stong pa'i don gang yin pa de ni don/ chos thams cad kun mtshan pa med pa ste/ mtshan ma med pa'i don gang ya ni ba de ni don no// chos thams cad kun smon pa ste/ smon pa med pa'i don gang yin pa de ni don no// chos thams cad kun rnam par phye ba ste/ rnam par bye ba'i don gang yin pa de ni don no// chos thams cad kun sems can med srog med gang zag med pa ste/ gang zag med pa'i don gang yin pa de ni don no// gang de lta ba'i chos rnams rtogs pa de ni don so so yang dag par rig pa zhes bya ste/ gang don stong pa de ni gnas med pa ston pa'o// / mi zad pa ston pa'o// so so yang dag par rig pa ni rtogs pa don ston pa yin te/ sangs rgyas bcom ldan 'das kyis gnang ba rje su yi rang ba yang dag par de kho na gzhan ma yin pa shes rab kyis shin tu rtogs pa/ thams cad du kha na ma tho ba de ni byang chub sems dpa'i don so so yang dag par rig pa zhes bya'o// de la chos so so yang dag par rig pa gang zhe na/ gang dge ba dang mi dge ba dang kha na ma tho ba dang bcas pa dang / kha na ma tho ba med pa dang / zag pa dang bcas pa dang zag pa med pa dang / 'jig rten gyi dang 'jig rten las 'das pa dang / 'dus byas dang
- 279b
'dus ma byas pa dang / nyon mongs pa dang rnam par dag pa la rten pa phan pa dang / 'khor ba dang ba mya ngan las 'da' ba la nye bar 'gro ba'i chos rnams la 'jug pa shes pa dang / chos kyi dbyings mnyam pa nyid shes pa dang byang chub mnyam pa nyid shes pa dang / khams mnyam pa nyid shes pa ste/ de ni chos yang dag par rig pa zhes bya'o// gzhan yang chos so so yang dag par rig pa ni gang 'dod chags spyod pa'i sems 'jug pa shes pa dang / sgyu ma'i 'dod chags spyod pa rnams dang 'dod chags rton par spyod pa rnams dang / 'dod chags chung ngu spyod pa rnams dang rnam par mi ldang ba'i 'dod nags spyod pa rnams dang / mtha' ma rtag tu med pa'i 'dod chags spyod pa rnams dang / da ltar byung ba lta rten gyis 'dod chags spyod pa rnams la 'jug ste/ sems can gang dag nang du 'dod chags med pa dang / phyi rol tu 'dod chags kyi nang du 'don chags med pa dang nang du yang 'dod chags med/ phyi rol tu yang 'dod chags med pa dang / nang dung phyi rol tu 'dod chags med gzugs 'dod chags kyi/ sgra'ang 'dod chags med pa dang / sgra la 'dod chags kyi gzugs la 'dod chags med pa dang gzugs dang sgra la 'dod chag med pa dang / dri la 'dod chags med pa dang dri la 'dod chags kyi/ reg la 'dod chags med pa dang / reg la 'dod chags kyi/ ro la 'dod chags med pa dang / rol 'dod chags kyi gzugs la 'dod chags med pa dang / dril 'dod chags med pa de ni 'dod chags spyod pa rnams kyi 'jug pa ste/ 'jug pa de'i sgra ste 'dod chags spyod pa la ni khri cig spong / zhe sdang
- 280a
la spyod pa rnams la nyi khri cig stong / gti mug la spyod pa rnams la nyi khri cig stong / cha mnyam par spyod pa rnams la nyi khri cig stong ste/ gang de dag gi spyod pa brgyad khri bzhi stong gi sems 'jug pa shes pa dang / ji ltar rigs par 'chad pa shes pa dang mi mang mi nyung bar 'chad pa shes pa dang / 'dod pa las yang dag par 'da' bar shes pa dang snod gyi khyad par shes pa dang / 'bras bu yod par 'chad shes pa de ni chos so so yang dag par rig pa zhes bya'o// de la nges pa'i tshig so so yang dag par rig pa gang zhe na/ gang skad thams cad skad med par 'jug shes pa dang / gang lha'i skad dang klu'i skad dang gnod sbyin gyi skad dang dri za'i dang mi 'am ci'i skad dang / lto 'phye chen po'i skad myi dang mi ma yin pa'i skad dang / 'gro ba lngar skyes pa'i sems can rnams kyi skad shes/ sgra dang dbyangs rnams las skad des de dag la chos 'chad pa ste/ de ni nges pa'i tshig so so yang dag par rig pa zhes bya ste/ de ltar chos de dag brtag par bya'o// de ltar chos de dag bsde bar bya'o// de ltar chos de dag rjes kyi rgyun du bya'o// de ltar chos de dag yi ge rnams kyis 'brel par bya'o// de tshig cig ni bla dgas shes tshig gnyis pa'i bla dgas shes/ tshig mang po'i bla dgas shes bud med kyi tshig shes/ skyes pa'i tshig shes/ ma ning gi tshig shes/ smad pa'i tshig shes/ 'das pa'i tshig shes/ ma 'ongs pa'i tshig shes/ da ltar byang ba'i tshig shes/ yi ge cig gis sgro btags pa shes/ yi ge mang pos sgro btags pa shes te/ de ni nges pa'i tshig so so yang dag par
- 280b
rig pa zhes bya'o// yang de'i nges pa'i tshig so so yang dag par rig pa ni 'khrul pa ma yin zlos pa ma yin/ rings chos ma yin/ don gsal ba'i yi ge yongasu byang ba ste/ ji nas kyang 'khor yang dag par dga' ba sna tshogs zab pa zab par snang ba kun rdzob dang don dam pa'i brgyan bdag gi sems mthong ba'i shes pa la rag lus pa sangs rgyas kyis snang ba sems ca thams can dga' bar byed pa ste/ de ni byang chub sems dpa'i nges pa'i tshig so so yang dag par rig pa zhes bya'o// de la byang chub sems dpa'i spobs pa so so yang dag par rig pa gang zhe na/ gang mdzes pa'i tshig gnas pa'i lung bstan pa ston pa/ rgyun mi 'chad par spobs pa myur ba spobs pa mgyogs shing myur ba/ spobs pa mi rmongs pa/ spobs pa ji ltar zhugs pa bzhin pa/ spobs pa yongasu ma nyams pa/ spobs pa mi 'gal ba/ spobs brtsod pa med pa/ spobs pa chos dang 'grogs na bde ba spobs pa bzod pa la gnas pa spobs pa zab pa/ spobs pa sna tshogs kun rdzob dang don dam pa la spobs pa/ sbyin pa dang tshul khrims dang bzod pa dang brtson 'grus dang bsam gtan dang shes rab thams cad la gnas pa'i spobs pa dran banye bar bzhag pa dang / yang dag par spongs pa dang / rdzu 'phrul gyi rkang pa dang / dbang po dang / stobs dang / byang chub kyi yan lag dang / lam dang las dang zhi gnas dang lhag mthong la spabs pa bsam gtan dang rnam par thar ma dang ting nge 'dzin dang / snyoms par 'jug pa dang / bden pa la 'jug pa thams cad shes pa'i spobs pa dang / theg pa thams cad la spobs pa sems can
- 281a
thams cad sems kyi spyod pa la spobs/ tshig lug bzhin du mi lhag pa'i spobs pa tshig mi rtsub pa'i spobs pa/ tshig mi 'tshal ba'i spobs pa/ tshig rtsub po ma yin pa'i spobs pa/ tshig mnyen pa'i spobs pa tshig dag pa/ tshig grol ba'i tshig ma chags pa tshig btsun pa/ tshig 'brel ba'i tshig ldan pa tshig ma nyams pa/ tshig rlan pa tshig 'jam ba tshig smad pa/ tshig 'phags pa thams cad kyis bstod pa ste/ zhing mtha' yas pa'i rnam par shes pa'i rje su song ba'i sgra tshangs pa'i sgra skad kyi dbyangs dang 'dra ba/ rtogs par byed pa'i sgra cig pa sangs rgyas kyi sgra gnang ba'i spobs pas sems can gzhan dang / gang zag gzhan dag la chos 'chad de'i chos 'chad pa de yang 'byung bar byed pa ste/ de 'byed ba'i sdug bsngal yang dag par zad par 'gyur te/ de ni byang chub sems dpa'i spobs pa so so yang dag par rig pa zhes bya'o// de ni byang chub sems dpa'i spobs pa la mkhas pa ste/ de ltar byang chub sems dpa' spobs pa la mkhas pa shes rab kyi pha rol tu phyin pa spyod pa'o// // byang chub sems dpa'i sde snod/ bam po bcwo brgyad pa'o// // de la byang chub sems dpa'i brton pa la mkhas pa gang zhe na/ byang chub sems dpa' rnams kyi ston pa ni 'di bzhi dag ste/ bzhi gang zhe na 'di lta ste/ don la garten gyi yi ge la ma yin pa dang / ye shes la rton gyi rnam par shes pa la ma yin pa dang / nges pa'i don gyi mdo sde rnams la rton gyi drang ba'i don rnams la ma yin pa dang chos
- 281b
nyid la rngon gyi gang zag la ma yin pa'o// de la don gang yi ge gang zhe na/ yi ge zhes bya ba ni gang 'jig rten gyi chos kyi bya ba la 'jug pa'o// don ces bya ba ni gang 'jig rten las 'das pa'i chos rtogs pa'o// yi ge zhes bya ba ni sbyin pa dang dul ba dang sdom pa dang / des pa dang 'chad pa'o// don ces bya ba na gang zhe na dul ba dang zhi gnas dang sar pa ma yin pa dang rnying pa ma yin par shes pa'o// yi ge zhes bya ba ni 'khor ba'i dam 'chi ba yongasu sgrogs pa'o// don ces bya ba ni mi dmigs pa la rtog pa'o// yi ge zhes bya ba ni mya ngan las 'das pa'i yon tan yongasu sgrogs pa'o// don ces bya ba ni chos rang bzhin gyis yongs su mya ngan las 'das pa rnams la rnam par rtog pa'o// yi ge zhes bya ba ni tha bo ji ltar rnam bzhag pa bzhin du 'chad pa'o// don ces bya ba ni chos tshul gcig pa rtogs par shes pa'o// yi ge zhes bya ba ni sems can thams cad mi gtong bar 'chad pa'o// don ces bya ba ni 'khor gsum yongasu dag pa'o// yi ge zhes bya ba ni lus dang ngag dang yid sdom zhing slab pa/ spangs pa'i yon tan thams cad yang dag par len par 'chad pa'o// don ces bya ba ni lus dang ngag dang yid mi dmigs mngon par 'du mi byed de yongasu dag pa'o// yi ge zhes bya ba ni gnod sems thab dang khro ba dang nga dang / brgyags pa dang dregs pa 'jom zhing bzod pa'i dang des pa 'chad pa'o// don ces bya ba ni chos mi skye ba thob pa'o// yi ge zhes bya ba ni dge ba'i rtsa ba'i brtson 'grus rtsam pa tham cad 'chad
- 282a
pa'o// don ces bya ba ni mi len mi gtong pa la gnas pa'i brtson 'grus so// yi ge zhes bya ba ni bsam gtan dang rnam par thar pa dang ting nge 'dzin dang mnyam bar bzhag pa 'chad pa'o// don ces bya ba ni 'gog pa'i mnyam par bzhag pa shes pa'o// yi ge zhes bya ba ni thos pa thams cad 'dzin pa rtsa ba shes ba tu 'gyur ba'o// don ces bya ba ni brjod du med pa'i don to// yi ge zhes bya ba ni gang byang chub kyi phyogs sum cu rtsa bdun gyi chos rnams 'chad pa'o// don ces bya ba ni gang byang chub kyi phyogs sum cu rtsa ba bdun gyi chos rnams nan tan du byed pa'i 'bras bu mngon sum du byed pa'o// yi ge zhes bya ba ni sdug bsngal dang kun 'byung ba dang lam 'chad pa'o// don ces bya ba ni 'gag pa mngon tu byed pa'o// yi ge zhes bya ba ni ma rig pa la sogs te rga shi'i bar du 'chad pa'o// don ces bya ba ni ma rig pa 'gag pa nas rga shi'i bar du 'chad pa'o// yi ge zhes bya ba ni gnas dang lhag mthong gi tshigs 'chad pa'o// don ces bya ba ni rig pa dang rnam par grol ba shes pa'o// yi ge zhes bya ba ni gang chags dang zhe sdang dang / gti mug dang cha nyams par spyod pa rnams la 'chad pa'o// don ces bya ba ni sems kyi rnam par grol ba mi 'khrugs pa'o// yi ge zhes bya ba ni sgrib par byed pa'i chos thams cad 'chad pa'o// don ces bya ba ni sgrib par med pa'i ye shes rnam par bar pa'o// yi ge zhes bya ba ni dkon mchog gsum gyi yon tan bsngags pa mtha' med pa'o yang dag par 'chad pa'o// don ces bya ba ni gang chos 'dod chags med pa dang 'dus ma byas
- 282b
pa'i dge 'dun gyi yon tan no// yi ge zhes bya ba ni gang byang chub sems dpa'i thog ma sems bskyed nas byang chub kyi snying po'i bar gyi bslab pa dang yon tan rtsom pa 'chad pa'o// don ces bya ba ni sems skad cig tu sbyor bas thams cad mkhyen pa'i ye shes mngon par rdzogs por byang chub pa'o// mdor na chos kyi phung po brgyad khri bzhi stong gi bar du 'chad pa de ni yi ge zhes bya'o// sgra dang yi ge thams cad kyi 'bru brjod du med pa de ni don to// de la drang ba'i don gyi mdo sde dag gang zhe na/ gang yi ge bshad pa ji ltar bstan pa bzhin du rgya cher khong du chud par bya ste/ 'di dag ni drang ba don gyi mdo sde dag go// nges pa don gyi mdo sde dag gang zhe na/ don gang bshad pa ji ltar bstan pa bzhin du rgya cher khong du chud par bya ste/ de dag ni des ba don gyi mdo sde dag go// nges pa don gyi mdo sde dag gang zhe na/ don gang bshad pa ji ltar bstan pa bzhin du rgya cher khong du chud par bya ste/ de dag ni nges pa don gyi mdo sde dag go// ji ltar chos la rten gyi gang zag la ma yin zhe na/ gang drang ba'i don gyi gang zag gi don yin pas de la mi rten gyi/ gang nges pa'i don de ni chas nyid ji lta ba bzhin pas de la rten pa ste/ 'di dag ni byang chub sems dpa'i ston pa bzhi'o// de ltar na byang chub sems dpa' sems dpa' chen po ston pa la mkhas pa shes rab kyi pha rol tu phyin pa la spyod pa'o// de la byang chub sems dpa' rnam kyi yi ge la mkhas pa gang zhe na/ 'di la byang chub sems dpa'i chos gnyis la mkhas pa re shes rab kyi pha rol tu phyin pa spyod pa ste/ chos gnyis gang zhe na 'di lta ste/ rnam par shes pa la mkhas 282'a1(mdo sde): pa dang ye shes la mkhas pa yin no// de la rnam par shes pa gang ye shes gang la rnam par shes pa zhes bya zhe na 'di lta ste/ rnam par shes pa bzhi gnas pa bzhi dag 282'a2(mdo sde): ste/ bzhi gang zhe na gzugs song ba'i rnam par shes pa yang dag par gnas shing gnas pa dang tshor bar song ba dang / 'du shes su song ba dang 'du byed du song ba dang rnam par shes pa yang dag 282'a3(mdo sde): par gnas shing gnas pa ste/ de ni rnam par shes pa zhes bya'o// de la ye shes gang zhe na gang len pa'i phung po lnga rnams la gnas pa/ rnam par shes pa'i phung po yongasu shes pa de ni ye shes 282'a4(mdo sde): zhes bya'o// gang sa'i khams rnam par shes pa dang / chu'i khams rnam par shes pa dang / me'i khams rnam rna bar shes pa dang / rlung gi khams rnam par shes pa de ni rnam par shes pa zhes 282'a5(mdo sde): bya'o// gang yang ye shes khams bzhi la mi gnas pa chos kyi dbyings tha dad pa shes pa de ni ye shes shes bya'o// gzhan yang rnam par shes pa zhes bya ba ni gang mig gi rnam par shes pas 282'a6(mdo sde): shes par bya ba'i gzugs rnams la shes pa dang / rna ba'i rnam par shes pa yis shes par bya ba'i sgra rnams dang / sna'i rnam par shes pas shes par bya ba'i dri rnams dang / lce'i rnam par 282'a7(mdo sde): shes pas shes par bya ba'i ro rnams dang / lus kyi rnam par shes pas shes par bya ba'i reg rnams dang / yid kyi rnam par shes pas shes par bya ba'i chos rnam par shes pa de ni rnam 282'a8(mdo sde): par shes pa zhes bya'o// gang yang nang gi skye mched rnam la nye bar zhi zhing phyi rol gyi skye mched rnams la mi rgyu la ye shes la 'jug pa'i phyir chos gang yang gzhog par mi byed pa de ni ye shes 282'b1(mdo sde): shes bya'o// gzhan yang rnam par shes pa zhes bya ba de ni/ dmigs pa las rnam par shes pa skyes pa dang / yong su rtog pa las rnam par shes pa skye ba ste/ de ni rnam par shes pa zhes bya'o// 282'b2(mdo sde): gang yang mi 'dzin mi snyems pa mi dmigs pa rnam par mi rig pa mi 'khrugs pa de ni ye shes zhes bya'o// gzhan yang 'dus byas la spyod pa'i chos rnams la rnam par shes pa gnas kyi 'dus 282'b3(mdo sde): byas la rnam par shes pa rgyu ba med do// gang yang 'dus ma byas shes pa de ni ye shes so// gzhan yang skye ba dang 'jig pa la gnas pa de ni rnam par shes pa'o// gang mi skye mi 'gag mi gnas pa 282'b4(mdo sde): de ni ye shes shes bya'o// de la nges pa'i don gyi mdo sde rnams ni gang drang ba'i don rnams ni gang zhe na/ mdo sde gang dag lam la 'jug par byed pa de dag ni drang ba'i don ces bya'o// mdo sdegang 282'b5(mdo sde): dag 'bras bu la 'jug par byed pa de dag ni nges pa'i don ces bya'o// mdo sde gang dag kun rdzob sgrub par byed pa de dag ni drang ba'i don ces bya'o// mdo sde gang dag don dam pa'i ston par byed pa/ 282'b6(mdo sde): de dag ni nges pa'i don ces bya'o// gzhan yang mdo sde gang las kyi bya ba la 'jug par byed pa de dag ni drang ba'i don ces bya'o// mdo sde gang dag las nyon snyoms pa zad par ston pa de dag ni nges 282'b7(mdo sde): ba'i don ces bya'o// gzhan yang mdo sde gang dag kun nas nyon mongs pa kun bshad pa'i phyir ston pa de dag ni drang ba'i don te// mdo sde gang dang rnam par byang ba rnam par dag pa'i phyir ston 282'b8(mdo sde): pa de dag ni nges pa'i don to// mdo sde gang dag 'khor bas skyo bar byed pa de dag ni dra ba ba'i don to// mdo sde gang dag 'khor ba dang mya ngan 'da' ba gnyisu mi 'jug de dag ni nges pa'i don to//
- 283a
mdo sde gang dag yi ge dang tshigs sna tshogs su ston pa de dag ni drang ba'i don to// mdo sde gang zab palnga dka' ba rtogs par dka' ba/ rtogs par dka' ba de dag ni nges pa'i don to// mdo sde gang dag yi ge mang ba sems can rnams kyi sems rangs par byed par de dag ni drang ba'i don to// mdo sde gang dag tshig dang yi ge nyung la sems rtog par byed pa de dag ni nges pa'i don to// gzhan yang mdo sde gang dag dang sems can dang / srog dang skyes bu dang gang zag dang shed can dang shed las skyes pa dang / byed pa po dang tshe rab po'i sgra bdag po med pa dag bdag po yod pa bzhin du ston pa de dag ni drang ba'i don to// mdo sde gang dag stong pa nyid dang mtshan ma med pa dang / smon pa med pa dang mi 'byung ba dang / ma skyes pa dang yang dag par mi 'byung ba dang / sems can med pa dang / gang zag med pa dang / dus gsum las rnam par thar pa'i sgor ston pa de dag ni nges pa'i don ces bya'o// de la chos gang gang zag gang zhe na/ gang gang zag du lta ba la gnas te/ chos la la la rtsom pa de ni gang zag ces bya'o// gang zag tu lta bar rtsom pa de ni gang chos gnas pa chos kyi dbyings de ni chos shes bya'o// gzhan yang gang zag ni sa so'i skye bo'i gang zag dang / dad pa'i rjes su 'jug pa'i gang zag dang / chos kyi rjes su 'jug pa'i gang zag dang / brgyad pa'i gang zag dang / rgyun tu zhugs pa'i gang ga dang / len cig phyir 'ong ba'i gang zag dang / phyir mi 'ong ba'i gang zag dang dgra bcom pa'i gang zag dang / rang sangs rgyas kyi gang zag dang byang chub sems dpa'i gang zag dang / 'jig rten na skye bo mang po la
- 283b
phan pa dang skye bo mang po la bde ba dang / 'jig rten la rtse ba dang / skye bo mang po lnga dang mi rnams kyi don gyi phyir phan pa'i phyir bde ba'i phyir/ gang zag cig skye zhing 'byung bar 'gyur ba 'di lta ste/ de bzhin gshegs pa dgra bcom pa yang dag par rdzogs pa'i sangs rgyas te/ gang zag gi sgra de thams cad de bzhin gshegs pas sems can drang zhing kun rdzob la banag pa'i phyir bstan pa'o// de ltar gang mngon par chags pa de dag rton pa ma yin pa zhes bya'o// de dag garton pa la dgod par bya ba'i phyi chos nyid la ston par bya ba'i gang zag la ma yin zhes bcom ldan 'das kyis gsung te/ de la chos nyid gang zhe na 'di lta ste/ mi 'gyur ba sgro ma btags pa mi byed pa rnam par mi byed pa mi 'dug pa mi gnas pa rtsa ba med pa/ thams cad mnyam pa/ mnyam pa la mnyam pa mi nyam ba la mnyam pa dang mi mnyam pa la mnyam pa/ rnam par mi rtog pa mi rtsom pa skyon med pa thob pa chos thams cad la shin tu ngo bo nyid med pa'i mtshan nyid de ni chos nyid ces bya ste/ gang dag chos nyid de la ston par byed pa de dag ni khams gang la'ang ston par byed pa'o// de bas ni chos kyi tshul gyi sgo la 'jug pa 'dis chos thams cad la ston pa'i phyir chos thams cad chos de lta bu dang 'dra bar 'gyur te/ de dag ni byang chub sems dpa' rnams kyi ston pa bzhi zhes bya ste/ de ni byang chub sems dpa'i rngon pa la mkhas pa'o// de ltar na byang chub sems dpa'i ston pa la mkhas pa shes rab kyi pha rol du phyin pa la spyod pa'o// de la byang chub sems dpa'i chags la mkhas pa gang zhe na/ byang chub sems dpa' rnams kyi tshogs ni 'di gnyis te gnyis gang
- 284a
zhe na 'di lta ste/ bsod nams kyi tshogs dang ye shes kyi tshogs so// de la bsod nams kyi tshogs gang zhes na/ sbyin pa'i bsod nams bya ba'i dngos po dang / tshul/ khrims kyi bsod nams bya ba'i dngos po dang / sgom pa'i bsod nams bya ba'i dngos po dang / byams pa'i sems snyoms par 'jug pa dang / snying rje'i sbyor ba dang / dge ba'i rtsa ba'i tshogs thams cad dang bdag dang pha rol gyi sdig pa 'chags pa dang / dus sum du rtog pa'i sems can thams cad de slob pa thams cad dang / mi slob pa thams cad dang / rang sangs rgyas thams cad dang / sems thog ma bskyed pa rnams dang / spyod pa la zhugs pa rnams dang / phyir mi ldog pa dang tshe cig gis thogs pa'i byang chub sems dpa' rnams kyi sems bskyed pa la rjes su yi rangs pa dang / 'das pa dang ma byon pa dang da ltar byung ba'i sangs rgyas bcom ldan 'das rnams kyi dge ba'i rtsa ba thams cad kyi rjes su yi rang ba dang bcas pa'i bsod nams bya ba'i/ dngos po dang / sangs rgyas thams cad dang 'phags pa thams cad la chos gsol ba dang bcas pa'i bsod nams bya ba'i dngos po dang / dge ba thams cad byang chub tu bsngo ba dang bcas pa'i bsod nams bya ba'i dngos po dang / sems can byang chub tu sems bskyed pa rnams byang chub tu sems bskyed pa dang / byang chub tu sems bskyed pa rnams la pha rol tu phyin pa'i lam ston pa dang / dbul po rnams la longs spyod kyi sdud pa dang / nad pa rnams la sman sbyin pa dang gus par bsnyen bkur byed pa dang / mthu chung pa rnams la bzod cing dang du len pa dang /
- 284b
ltung ba rnams la mi 'chad pa dang / sdig pa 'chags pa dang / sangs rgyas bcom ldan 'das bzhugs pa dang yongasu mya ngan las 'das pa rnams la bsnyen bkur dang gus pa thams cad byed pa dang slob dpon dang mkhan po rnams la ston pa bzhin du rim gro bye ba dang / chos la rin po che rin thang med pa bzhin du yongasu tshol ba'i brtson 'grus dang / chos smra ba la dga' zhing dpag tshad brgyar yang song ste/ chos nyan pas chog mi shes pa dang zang zing med par chos 'chad pa dang / pha dang mal bsnyen bkur byed pa dang / byas pa bzo ba dang byas pa shes pa dang / 'gyod pa med pa dang / bsod nams bsags pas chog mi shes pa dang / lus bsdams pa'i lus la tshul bcos pa med dang / ngag bsdams pa'i ngag la tshul ba chos pa med ba dang / yid bsdams pa'i yid la tshul 'chos pa med pa dang / de bzhin gshegs pa'i mchod rten so sor gzhag pa'i phyir tshangs pa'i bsod nams yongasu spel ba dang mchod sbyin gtan pa med pa bsags pas mtshan nyid yongasu rdzogs pa dang / dge ba'i rtsa ba'i tshegs sna tshogs bsogs pas dpe byad bzang po yongasu rdzogs pa dang / nga rgyal med pas lus brgyan pa dang / ngag gi nyes pa thams cad spangs pas ngag brgyan pa dang / blo thogs pa med pas sems brgyan pa dang / mngon par shes pa sprul pas sangs rgyas kyi zhing gi brgyan pa ye shes yongasu dag pas chos kyi mtshan nyid kyi brgyan dang / phra ma dang zhe gcod pa dang dpe pa'i tshigs yongasu spangs pas 'khor mang po'i brgyan dang / chos 'dzin pas 'dod
- 285a
chags med pa'i chos kyi brgyan dang / rab tu dga' nas dge ba byin pas chos kyi gtam mi 'jigs par byed pa dang / sgrib pa dang sgrib par byed pa rnam pa spangs pas gus par chos nyan pas 'bras bu yongs pa'i chos nyan pa dang / sangs rgyas rnams la bka' thub nags sa tshal phul bas byang chub kyi shing gi brgyan dang / dge ba rtsa ba thams cad thog mar 'gro zhing byang chub kyi sems mi rdong pas byang chub kyi snying po'i brgyan dang / las dang nyon mongs pa mi dmigs pas tshe dang 'chi 'pho yongasasu dag par rin po che dga' bar byed pa'i dngos po thams cad yongasu gtong pas rin po che'i lags pa dang / mi zad pa'i smon lam thob pas long spyod mi zad pa dang / khro gnyer med pas mthong ma thag tu sems can rnams dad pa bzhin 'dzum pas gsong por smra ba dang / sems can thams cad la 'od zer snyoms pas mnyam pa nyid kyi rgyan thob pa dang / ma lobs pa la zil gyis mi non pas 'od mang po gtong pa dang / tshul khrims kyi bsod nams bsags pas skye ba yongasu dag pa dang / ltung ba mi rgol bas mngal yongasu dag pa dang / dge ba bcu'i las kyi mal yongs dag pas lnga dang mir skye ba dang / bstan pa thams cad la mi rdog pas gdon mi za bar gnon pa dang / chos la slob dpon gyis mi 'chab pas chos la dbang phyug dang lhag pa'i bsam pa yongasu dag pas 'jig rten thams cad la mngon sum pa dang / nyi tshe ba'i spyod pa lam mos pas rgya chen po'i chos la dad pa dang / thams cad mkhyen pa'i sems mi 'dor bas bsod nams thams cad mo
- 285b
len pa dang / dad pa thog mar 'gro bas nor bdun yongasu rdzogs pa dang / sngon dam bcas pas sgrol bas 'dzi rten thams cad mi slu ba dang / dge ba'i chos yongasu rdzogs pas sangs rgyas kyi chos thams cad yongasu rdzogs pa ste/ de ni byang chub sems dpa'i bsod nams kyi tshogs la mkhas pa zhes bya'o// de la byang chub sems dpa' ye shes kyi tshogs la mkhas pa gang zhe na/ rgyu gang gis ye shes skyob ste/ de ltar rgyu dang rkyen gang zhe na gang gis ye shes rtogs pa'o// de la rgyu rkyen gang zhe na chos tshol ba la rab tu mos dang / ye shes kyi rjesu song ba'i bshes gnyen sten pa dang / sangs rgyas kyi ye shes la rten gyi nyan thos dang rang sangs rgyas kyi ye shes la mi rten pa dang / de dag la nga rgyal mi byed pa dang / bla ma la dga' ba dang / ston pa la dga' ba dang de'i dge ba'i bshes gnyen de dag gis 'di ni bsam pa pa dang ldan par shes nas ye shes kyi gtam gang yang mi ston pa med pa dang / mngon du shes nas bar chad med par sems rtse cig tu chos ston pa dang / des chos de thos nas chos kyi tshogs la rnal 'byor du byed pa de gang chos kyi tshogs la rnal 'byor du byed pa de nyid de'i ye shes kyi tshogs rnal 'byor yin te/ de la chos kyi tshogs rnal 'byor yin te/ la chos tshogs rnal 'byor pa gang zhe na/ 'di lta ste don nyung ba dang bya ba nyung ba sgra nyung ba dang / srod dang tho rangs la mi nyal zhing rnal 'byor brtson pa dang / 'brel pa'i don la yongasu rtog pa dang phyi phyir zhing yongasu tshol ba dang sems mi rnyog pa dang sgrib pa rnon pa dang / ltung ba las 'byung bar shes pa dang 'gyod pa med pa dang / kun nas ldan pa dang nan tan snying por byed pa dang /
- 286a
chos la gzhol ba chos la 'bab pa dang chos la gnon pa dang / rtag par mgo dang gos la me 'bar ba bzhin pa dang ye shes tshol ba de nyid la gnas pa dang / mi sdod pa dang brtson 'grus mi gtong ba dang khyad par du 'gro ba dang / 'du 'dzi las mi dga' dang / gcig pu dga' ba dang dgon pa'i bde ba yid la byed pa dang / 'phags pa rigs la dga' ba dang / sbyangs pa las mi 'gyur ba dang chos la kun dga' zhing dga' bas dga' ba dang 'jig rten rgyang 'phan gyi bsdangs la bkur bsti mi byed pa dang / 'jig rten las 'das pa'i chos tshol ba dran pa mi nyams pa dang / rtogs pa la don rtogs pa'i rje su 'gro ba dang / blo gros la lam gyi rjes su mthun par byed pa dang / dga' ba la sdom pa dang rkyen la ye shes su rtogs par byed/ ngo tsha ba dang 'dzes pa'i rgyan dang sangs rgyas kyi 'gros kyi rje su 'gro ba dang / mi shes pa sel ba dang ma rig pa dang gti mug gi g.yogs ma sel ba dang / shes rab kyi mig rnam par dag pa dang / rab tu rnam par dag pa dang / blo rgya che ba dang blo ma zhum pa dang blo rab tu tha dad pa dang / mngon sum du shes pa dang / yon tan gzhan la rag ma lus pa dang / rang gis yon tan gyis mi snyems pa dang / pha rol gyi yon tan la mi rtog pa dang / bzang por byed pa'i las byed pa dang / las kyi rnam par smin pa la byed pa mi rtong pa dang las yongasu dag par shes pa dang / de ni byang chub sems dpa' sems dpa' chen po'i ye shes shes bya'o// gzhan yang ye shes kyi tshogs sbyin pa rnam pa bzhi ste/ chos 'chad pa la 'gro ba dang ka ba ling dang / snag cha dang glegs bam byin pa dang / chos 'chad pa dang chos kyi gtam sna tshogs sbyin pa dang /
- 286b
chos 'chad pa la rnyed pa dang bkur bsti dang tshig su bcad pa sbyin pa dang chos 'chad pa la chos kun bsdud pa'i phyir g.yo med par legaso// zhes bya ba sbyin ste/ sbyin pa bzhi po de dag ni ye shes kyi tshogs bsogs par 'gyur ro// kun bsrung ba bzhi rnams ye shes kyi tshogs bsags par 'gyur te/ bzhi gang zhes na chos 'chad pa rnams kyi lus kun bsrung ba dang dge ba bsrung ba dang yul dang ljongs su 'jug pa kun srung ba dang / phan pa'i dngos po kun srung ba ste/ srung ba ni bzhi po de dag go/ bstan pa bzhi ye shes kyi tshogasu 'gyur te bzhi gang zhe na/ chos 'chad pa rnams kyi chos ston pa dang ye shes ston pa dang zang zing sngon pa dang byang chub ston pa'o// stobs lnga ye shes kyi tshogs su 'gyur te/ lnga gang zhe na 'di lta ste/ mos pa'i phyir dad pa'i stobs dang thos pa tshol ba'i phyir brtson 'grus kyi stobs dang / byang chub kyi sems kun ta mi stor ba'i phyir dran pa'i stobs dang mnyam pa nyid kyi chos la rtog pa'i phyir ting nge 'dzin gyi stobs dang / thos pa'i stobs kyi phyir/ shes rab kyi stobs te/ stobs lnga po de dag ye shes kyis tshogs su 'gyur ro// tshul khrims gin ye shes kyi tshogs bsogs par 'gyur te/ bzhi gang zhe na 'di lta ste chos la bden par gnas pa'i tshul khrims dang / chos tshol ba'i tshul khrims dang chos rtogs pa'i tshul khrims dang / byang chub tu bsngo ba'i tshul khrims te tshul khrims pazhi pa de dag ye shes kyi tshogs bsogs par 'gyur/ bzod pa bzhi'i ye shes kyi tshogs bsogs par 'gyur te/ bani gang zhen 'di lta ste/ chos tshol ba la mngon par brtson pa sa ngan du smra ba dang / ngan par 'os pa'i tshig rnams bzod pa dang / chos
- 287a
tshol ba la mngon par brtson pas rlung dang cha ba dang grang ba dang dro ba dang / skom pa dang bkres pa dang / bzod pa dang / chos tshol ba la mngon par brtson pas sleb dpon dang mkhan po'i rjes su 'jug pa dang / chos tshol ba la brtson pas stong pa nyid dang mtshan ma med pa dang smon pa med pa'i chos bzod pa ste/ bzod pa bzhi po 'di dag ye shes kyi tshogs bsogs par 'gyur ro// brtson 'grus bzhi ye shes kyi tshogs sogs par 'gyur te bzhi gang zhe na/ 'di lta ste/ thos pa'i brtson 'grus dang 'chad pa'i brtson 'grus dang 'dzin pa'i brtson 'grus dang nan tan gyi brtson 'grus te/ brtson 'grus bzhi po de dag ye shes kyi tshogs kyi sogs par 'gyuraro// bsam gtan gyi yang lag bzhi'i ye shes kyi tsho gas sogs par 'gyur te/ bzhi gang zhe na 'di lta ste/ dben pa dang cig bur dga' ba dag ye shes dang mngon par shes pa tshol ba/ sangs rgyas kyi ye shes la 'jug pa ste/ bsam gtan gyi yan lag bzhi pa de dag ye shes kyi tshogs sogs par 'gyur ro// shes rab snang ba'i chos 'di bzhi ye shes kyi tshogs bsogs par 'gyur te/ bzhi gang zhe na 'di lta ste/ chad pa la mi gnas pa dang / rtag pa la mi 'jug pa dang / rten cing 'brel bar 'byung ba dang / mi 'gal ba dang bdag med pa la mos pa dang / shes rab snang ba'i chos bzhi po de dag ye shes kyi tshogs sogs par 'gyur ro// chos 'di bzhi thabs dang ldan pa'i ye shes kyi tshog su 'gyur te/ bzhi gang zhe na 'di lta ste/ 'jig rten pa'i rjes su 'jug pa dang mdo sde'i rjes su 'jug pa dang / chos kyi rjes su 'jug pa dang ye shes kyi rjes su 'jug pa
- 287b
chos bzhi po de dag thabs dang ldan pa'i ye shes kyi tshogasu 'gyur ro// 'di bzhi lam tshogs kyi ye shes la 'jug par 'gyur te/ bzhi gang zhe na 'di lta ste/ pha rol tu phyin pa'i lam dang byang / chub kyi phyogs kyi lam dang / yan lag brgyad pa'i lam dang thams cad mkhyen pa'i ye shes su 'gro ba'i lam ste/ chos bzhi po de dag lam gyi tshogs la ye shes 'jug par 'gyur ro// cho ga mi shes pa 'di ba ni ye shes kyi tshogs sogs par 'gyur te/ bzhi gang zhe na 'di lta ste/ thos pas chos mi shes pa dang 'chad pas chog mi shes pa dang spyod pa chog mi shes pa dang / ye shes chog mi shes pa ste/ chog mi shes pa bzhi po de dag ye shes kyi tshogs bsogs par 'gyur ro// gzhan yang ye shes kyi tshogs ni gang sems can thams cad kyi rjes su 'gro ba dang / zhing thams cad kyi rjes su 'gro ba dang / sbyin pa las kyang ye shes kyi cho gsu lnga pa/ tshul khrims dang bzod pa dang / brtson 'grus dang bsam gtan dang shes rab dang / byams pa dang snying rje dang dga' ba dang btang snyoms las kyang ye shes kyi tshogs su lta'o// de ci'i phyir zhe na/ ji tsam du byang chub sems dpa'i rtsom pa de thams cad ye shes la rag las pa ye shes sngon du 'gro ba ye shes kha rten pa ste/ de ye shes la gnas nas ye shes thams cad mkhyen pa'i ye shes la rten par 'gyur zhing bdud thams cad kyis kyang de la blags mi rnyed de sangs rgyas kyi byin gyi rlabs kyang rdzob pa thams cad mkhyen pa'i ye shes la'ang 'dzeg par byed do// de gnyis ni byang chub sems dpa'i bsod nams kyi tshogs dang ye shes kyi tshog so// byang chub sems dpa' sems dpa' chen
- 288a
po tshogs de gnyis la mkhas pa shes rab kyi pha rol tu phyin pa spyod pa'o// de la byang chub sems dpa' rnams kyi dran pa nye bar bzhag pa la mkhas pa gang zhe na/ 'di bzhi dag ni byang chub sems dpa' rnams kyi dran pa nye bar bzhag pa bsgom pa'o// bzhi gang zhe na 'di lta ste/ lus la lus kyi rjes su lta ba dran pa nye bar bzhag pa bsgom pa dang / tsher ba la tshor ba'i rjes su lta ba dran pa nye bar bzhag pa bsgom pa dang / sems la sems kyi rjes su lta ba dran pa nye bar bzhag pa bsgom pa dang / chos la chos kyi rjes su lta ba dran pa nye bar bzhas pa bsgom pa'o// de la lus la lus kyi rjes su lta ba dran pa nye bar bzhag pa bsgom pa gang zhe na/ sha ri'i bu la byang chub sems dpa' lus la lus kyis rjes su lta zhing gnas pa de lus kyi thog ma'i mtha' la yang so sor rtog/ lus kyi tha ma'i mtha' yang so sor rtog/ lus kyi da ltar byung ba la yang so sor rtog ste/ kye ma'o lus 'di ni phyin ci log las byung ba ste/ rgyu dang las skyes pa g.yo med pa byed pa med pa bdag po med pa len pa med ste/ 'di lta ste phyi rol gyi rtsa dang shing gyel ba dang sman dang nags tshal dang / rgyu dang rkyen las 'byung zhing bdag po/ med yongs su len pa med pa de bzhin du lu 'di yang rtsa dang rtsig pa dang shing dang gseg ma dang mi yor lta bu bung dang khams dang skye mched yongasu lon pa bdag dang bdag gi'am rtag pa 'am brtan pa'am ther zug gam mi 'gyur ba'i chos can gyis stong ste/ lus de la bdag gi mi byed kyi lus snying po med pa des snying po len pa'o// de la snying po len pa gang zhe na 'di lta
- 288b
ste de bzhin gshegs pa'i sku ste/ de bzhin gshegs pa'i sku chos kyi sku rdo rje'i sku mi phyed pa'i sku/ 'jig rten gsum thams cad khyad zhugs pa'i sku bdag gis bsgrub par bya'o// bdag gi lus 'di nyes pa du mas nyes par gyur du zin kyang nyes pa thams cad dang bral ba'i de bzhin gshegs pa'i sku thob par bya'o zhe so sor rtog pa'i skus yon tan mthong nas/ chen po bzhi'i gnas kyi lus yongasu thogs par byed de/ nga'i lus 'di sems can thams cad kyi ci dgos par zad par bya'o// 'di lta ste phyi rol gyi chen po bzhi rnams te/ si khams dang chu'i khams dang me'i khams dang rlung gi khams dang / sgo sna tshogs dang dmigs pa sna tshogs pa dang / rnam grangs sna tshogs dang yo byad sna tshogs dang longs spod sna tshogs kyis sems can rnams nye bar 'tshe ba de bzhin du/ bdag gi 'byung ba chen po bzhi las gyur pa'i lus 'di sgo sna tshogs dang dmigs pa sna tshogs rnam grangs sna tshogs dang / longs spyod sna tshogs rnams kyis/ sems can rnams kyi nye bar 'tshe bar gyur cig ces de la lus kyi rtog pa nyid la yang so sor rtog mod kyi tshe dang shi 'pho bas kyang mi skye lus sdug bsngal nyid la yang so sor rtog mod kyi/ lus kyi sdug bsngal bas kyang yongasu mi gdung ngo lus bdag med pa nyid la rdog mod kyi sems can yongasu smin bor bya ba'i phyir yang mi skye'o// lus ni ba nyid la yangs seng rtag med gyi lus nibs bdang snyoms su mi ltung ngo // lus stong pa nyid dang lus dben pa nyid la 'ongs
- 289a
song rtog med kyi dben pa'i mur yang mi ltung ngo // de lus ma lus kyi rjes su lnga zhing gnas pa na lus la rdzas dang snying por rjesu mi mthong ste/ nang gi pus pa rang lus kyi rjes su lta zhing gnas pa na/ nang gi rjes su song ba'i nyon mongs pa rnams kyi go skabs mi 'byed do// de'i phyi rol gyi lus la lus kyi rjes su lta zhing gnas pa na phyi rol gyi rjes su song nyon mongs pa rnams dang lhan cig mi gnas so// de lus nyon mongs pa med pas lus kyi las yong su dag pa dang ldan pa yin no// de lus yongasu dag nas mtshan nyid kyis yang dag par brgyan pa'i/ sku 'thob bo// de lus brgyan par gyur nas lha dang mi rnams mngond 'du bar 'gyur te/ de ni byang chub sems pa'i lus la lus kyis rjes lnga ba dran pa nye bar bzhag pa bsgom pa'o// yang ji ltar na byang chubad pa'i tshor ba la tshor ba'i rjes su lta zhing dran pa nye bar gzhag pa bsgom pa yin zhe na/ 'di la byang chub sems dpa' gang chung zad tshor ba de thams cad sdug bsngal lo zhes de snyam du sems de ye shes kyi rtogs pa dang shes rab kyi rtogs pa dang thabs kyi rtogs pa'i tshor bas shin tu rtogs pas bde bar tshor ba tshor bar byed mod kyi 'dod chags kyi bag la nyal ba yang brga la mi nyal lo// sdug bsngal ba'i tshor bas reg nas ngan song du skye bas thams cad la snying rje chen po bskyed cing khong khro ba'i bag la nyal ba yang dag la mi nyal lo// bde ba yang med sdug bsngal ba yang med pa'i tshar reg nas kyang bde yang med sdug bsngal ba yang med pa'i tshor ba tsher mod kyi/ ma rig pa'i bag la nyal ba yang bag la mi nyal lo// de tsher ba'i rjes su song ba'i dran pas bde ba 'am sdug bsngal ba 'am
- 289b
bde ba yang ma yin sdug bsngal ba yang ma yin pa'i tshor ba yang tshor ba de dag las 'byung bar mthong ba yin no// sems can thams cad kyi tshor ba yongasu shes shing / zhinga'i phyir yang 'jug ste/ sems can 'di dag ni tshor ba las 'byung bar mi shes pas/ de dag bde ba'i tshor ba la yang dga' bar byed/ sdug bsngal bar tshor ba la yang zhe sdang bar mi byed bde ba la mi yi ni sdug bsngal ba yang ma yin/ nga'i tshor ba la rmongs par byed kyis/ bad+ma ni shes rab dang / ye shes kyis rjes su rtogs pa'i tshor 'tshor ba thams cad so sor sbyangs pa dang thabs ma ngas pa dang snying rje chen po yongs su d+ma'i rtsom pas sems can de dag gi tshor ba thams cad so sor srung ba'i phyir chos bshad do// ci'i phyir tshor ba zhes bya zhe na/ tsher bas rtogs pa ni bde bar 'gyur ba'o// tshe rabs ma rtogs pa ni sdug bsngal ba 'gyu de la tsher rabs rtog pa gang zhe na 'di la bdag gam sems can nam srog gam gang zag du yang rtogs par byed pa med pa'o// chags pa ni tshor ba'o// yongasu len pa ni tshor ba'o// len pa ni tshor ba'o// phyi ci log ni tshor ba'o// rnam par rtog pa ni tshor ba'o// lta ba'i bag la nyal ba ni tshor ba'o// mig gi 'du shes ni tshor ba nas/ yid kyi bar du 'du shes ni tshor ba'o// gzugs su 'du shes pa ni tshor ba nas/ chos kyi 'du shes pa'i bar du ni tshor ba'o// gang mig gi 'dus te reg pa'i rkyen las 'byung ba'i tshor ba bde ba'am sdug bsngal ba yang ma yin par du ni tshor ba'o// de bzhin du sbyar te nang dang phyi'i chos rnam kyi bar dang / yid kyi 'dus te reg pa'i rkyen las byung ba'i tshor ba bde ba'am sdug bsngal ba 'am bde ba'ang ma yin sdug bsngal ba yang ma yin pa'i bar du de ni tshor ba zhes bya'o// gzhan yang rnam grangs
- 290a
su tshor ba gcig ni 'di lta ste/ sems cig pu'i rnam par rig pa'o// tshor ba gnyis ni phyi dang nang gi'o// tshor ba gsum ni 'das pa rnam par rig pa dang ma 'ongs pa'i rnam par/ rig pa dang da ltar rnam par rig pa'o// tshor ba bzhi ni 'di lta ste/ khams pa ni rnam par rig pa'o// tshor ba lnga ni 'di lta ste/ phung po lnga yid la byed pa'o// tsher ba drug ni 'di lta ste/ skye mched drug yongasu rtog pa'o// tshor ba bdun ni 'di lta ste/ rnam par shes pa bdun gnas pa'o// tshor ba brgyad ni 'di lta ste/ log par nyes pa'i sbyor ba brgyad do// tshor ba dgu ni 'di lta ste/ sems can gyi gnas dgu'o// tshor ba bcu ni 'di lta ste/ dge bcu'i las kyi lam rnams so// de bzhin du sbyar te/ tsher ba thams cad ni dmigs pa ji snyed pa dang yid la byed pa ji snyed pa de thams cad yin par rig par bya ste/ de bas na sems can dpag tu med pa rnams kyi tshor ba dpag tu med pa zhes bya'o// de la byang chub sems dpa' tshor ba la tshor ba'i rjes su lta zhing gnas pas sems can thams cad kyi tshor ba skye ba dang 'jig pa dang gnas pa la ye shes skye bar bya ste/ gang sems can thams cad kyi tshor ba shes pa dge ba dang mi dge ba'i tshor ba de ni byang chub sems dpa'i tshor ba'i rjes su lta zhing dran pa nye bar gzhag pa'o// de la byang chub sems dpa' sems la sems kyi rje su lnga ba dran pa nye bar bzhag pa gang zhe na/ byang chub sems dpa' de'i mi brjed pa dang / sba ba dang kun bsrung ba dang mi g.yeng ba'o// de ltar so sor rtog ste/ sems ni skyes nas 'jig cing zhu sde mi gnas pas nang na yang mi gnas phyi rol tu yang mi 'pho ste/ gang bdag gis thog mar sems bskyed pa de yang zad med par gyur te/ yul ni mi gnas phyogs ni mi gnas
- 290b
pas de rnyed par mi nus te/ sems gang gis dge ba'i rtsa ba bstsags pa de yang zad med par 'gyur/ yul na mi gnas phyogs na migan so gang yang byang chub tu bsngos pa'i sems de yang ngo bo nyid kyis ma nyid med pa ste/ sems kyis sems rab tu mi shes sems kyis sems mi mthong sems kyis sems mi tshar/ gang gis bdag bla na med pa yang dag par rdzogs pa'i byang chub mngon par rdzogs par 'tsha rgya ba'i sems de gang yin/ gang byang chub kyi sems de ni bla'i rtsa ba'i sems dang mi ldan gang dge ba'i rtsa ba'i sems de yang bsngo ba'i sems dang mi ldan gang bsngo ba'i sems de yang byang chub sems dang dge ba'i rtsa ba'i sems dang mi ldan no// zhes de de lngar rtog pa na mi 'jigs mi skrag skrag par mi 'gyur gyi/ de yang 'di snyam du sems te/ rten cing 'brel bar 'byung ba zab mo rgyu dang 'bras bu chud mi za'o// gal te sems chos nyid de lta bu sems kyi rang bzhin nyid yin yang chos thams cad rgyu dang rkyen la rag las pa/ mi g.yo ba mi byed pa bdag po med pa ji ltar 'dod pa de bzhin du bsgrub pa la sbyor bya'o// sems kyi chos nyid de mi 'bri ba'o// de la sems kyi chos nyid gang bsgrub pa gang na ni sems ni sgyu ma dang 'dra ste/ de la sbyin par byed pa yang su yang med de de ni sems kyi chos nyid do// gang yang na tham cad yongs su btang nas sangs rgyas kyi zhing rnam par bsgrub pa'i rgyan gyis bsngo bar byed pa de ni bsgrub par byed pa'o// sems rmi lam 'dra ba rab tu ni nga'i mtshan nyid de ni sems kyi chos nyid do// gang yang tshul khrims sdom pa'i tshogs bas gas tshig thams cad myur ba'i bso bar shes par bsdu ba de ni bsgrub pa'o// sems smig rgyu dang 'dra ba shin du zad cing med pa de ni sems kyi chos nyid do//
- 291a
gang yang bzod pa'i stobs dang 'grogs/ bde ba byang chub kyi rgyan bsgrub pa'i phyir bsngo ba deni de'i bsgrub pa'o// sems chu'i rla ba dang 'dra ba bzhin du dben pas dben pa ni sems kyi chos nyid do// gang yang brtson 'grus rtsom pa thams cad sangs rgyas kyi chos thams cad yongasu rdzogs pa'i phyir bsdu ba de ni bsgrub pa'o// sems bzung du med pa mi mthong ba de ni sems kyi chos nyid do// gang yang bsam gtan dang rnam par thar pa dang ting nge 'dzin dang mnyam par bzhag pa thams cad sangs rgyas gling nge 'dzin du sngo ba de ni de'i bsgrub/ sems gzugs med pa mi mthong ba mi thogs pa rnam par mi shes pa de ni sems kyi chos nyid do// gang yang dris pa'i tshig tha dad pa bstan/ thams cad shes pa sangs rgyas kyi ye shes yongasu rdzogs par bsngo ba de ni de'i bsgrub pa'o// sna tshogs la dmigs pa'i sems bskyed pa de ni sems kyi chos nyid do// gang yang dge ba'i rtsa ba la dmigs pa'i sems bskyed par byed pa de ni de'i bsgrub pa'o// rgyu med pa las sems mi skye ba de ni sems kyi chos nyid do// gang yang byang chub kyi phyogs kyi chos kyi rgyu'i sems bskyed pa de ni de'i bsgrub pa'o// gang yang yul med par sems mi skye ba de ni sems kyi chos nyid do// gang yang sangs rgyas kyi yul gyi rgyu'i sems rnyed par byed pa de ni bsgrub par byed pa ste/ shA ri'i bu de ltar na byang chub sems dpa' sems la sems kyi rjes su lta ning dran pa nye bar banag pa bsgom pa'o// de sems la sems kyi rjes su mthong zhing gnas pa na mngon par shes pa mthong ba'i phyir sems shin tu 'brel bar byed de/
- 291b
mngon par shes pa thob nas sems cig gis sems can thams cad kyi sems rab tu shes te/ shes nas kyang de'i ngo bo nyid du chos 'chad do// gzhan yang byang chub sems dpa' sems kyi rjes su mthong zhing gnas pa'i snying rje chen po thob pa'i phyir sems shin tu 'brel bar byed/ snying rje chen po thob nas sems can thams cad yongs su smin par ba'i phyir yongs su mi skye'o// sems la sems kyi rjes su lta zhing gnas pa na sems zad pa dang sems 'gog pa'i phyir/ sems mi gnas kyi 'khor ba dang 'brel cing sbyor ba rnams kyis sems mngon par bsgrubs te/ sem gyi dran pa shes de ma skyes pa dang mi skye ba skyon med pa la zhags pa'i chos rnams kyis gnas te/ nyan thos dang rang sas rgyas kyi sar yang mi ldang ngo // sangs rgyas kyi chos thams cad yongasasu rdzogs par ma gyur kyi bar du sems kyi rgyu de 'brel bar byed de/ sems skad cig gcig dang ldan pa'i shes rab kyis bla na med pa yang dag par rdzogs pa'i byang chub mngon par rdzogs par 'tshang rgya ste/ sha ri'i bu/ de ltar na byang chub sems dpa' sems la sems kyi rje su lta zhing dran pa nye bar gzhag pa bsgom pa'o// sha ri'i bu ji ltar na byang chub sems dpa' chos la chos kyi rje su lta ba dran pa nye bar bzhag babasgom pa yin na na/ sha ri'i bu 'di la byang chub sems dpas 'phags pa'i shes rab kyi mig gis chos gang mthong ba de dag byang chub pa'i snying po tshul can gyi bar du rmongs par mi 'gyur te/ de chos la chos kyi rjes su lta zhing gnas pa na gang stong pa nyid ma rtogs pa mtshan ma med pa ma dzegs pa smon pa med pa ma rtogs pa mi skye ba ma rtogs pa/ ma skyes pa ma gtogs pa mngon par
- 292a
'du mi byed pa ma gtogs pa dngos po med pa ma gtogs pa'i chos phra rab tsam yang mi mthong / gang rten cing 'brel bar 'byung ba ma rtogs pa'i chos phra rab tsam yang yang dag par rje su mi mthong ngo // byang chub sems dpa' de chos la chos kyi rjes su lta zhing gnas pa na chos nyid yang dag par rjes su mthong gi chos ma yin pa mi mthong ngo // de la chos gang ni na 'di lta ste bdag med pa'i don dang / sems can med pa'i don dang / srog med pa'i don dang gang zag med pa'i don te/ de ni chos shes bya'o// de la chos ma yin pa gang zhe na 'di lta ste bdag du lta ba dang / sems can du lta ba dang / srog du lta ba dang gang zag du lta ba dang / chad par lta ba dang rtag par lta ba dang 'byung bar lta ba dang 'jig par lta ba ste/ de ni chos ma yin pa zhes bya'o// yang sha ri'i bu chos thams cad chos so// chos thams cad chos ma yin pa'o// de ci'i phyir zhe na/ stong pa nyid dang mtshan ma med pa dang smon pa med pa shes pa'i phyir chos thams cad chos so// bdag dang bdag gir lnga ba'i bag la nyal ba'i phyir chos thams cad chos ma yin pa'o// de la byang chub sems pa'i chos la chos kyi rjes su lta zhing gnas pa na/ chos de dag gang la yang sangs rgyas kyi chos ma yin pa gang las byang chub tu mi 'gyur/ gang las sangs rgyas su mi 'gyur/ gang las lam tu mi 'gyur/ gang las thar bar mi 'gyur/ gang las 'byung ba mi 'gyur ba'i chos phra rab tsam yang mi mthong ste/ de chos thams cad 'byung bar shes nas bsgrib pa med par zhes bya ba'i snying rje chen po thob ste/ sems can thams cad kyi kun
- 292b
nas nyon mongs pa la'ang de dag nyon mongs pa dang bcas pa ma yin gyi/ de dag nyon mongs pa'o zhes sgyu mar 'du shes bskyed do// de ci'i phyir zhe na/ de ltar de dag ni nges pa'i don la yang da par 'jug ste/ nyon mongs pa rnams la bsags pa 'am/ phung po'i dngos po med pa de dag rjesu rtogs pa'i phyir byang chub bo// nyon mongs pa'i rang bzhin gang yin pa byang chub kyi rang bzhin la de bzhin no// byang chub kyi rang bzhin gang yin pa nyon mongs pa'i rang bzhin yang de yin te/ de ltar dran pa nye bar 'jog kyang cung zad kyang nye bar 'dzeg pa med/ rab tu 'jog pa med/ mi 'jog pa me de chos nyid de gnas pa nyid du rab tu shes so// de bas na chos kyi dbyings de ni gnas pa nyid ces bya'o// chos kyi dbyings gnas gang la gnas pa sems can gyi khams kyang gnas de la gnas so// sems can gyi khams gang la gnas pa na mkha'i khams kyang de la gnas te/ de bas na chos thams cad na mkha' dang mtshungs zhes bya'o// byang chub sems dpa' de chos la chos kyi rje su lta zhing gnas pan sangs rgyas kyi chos la rten pa yin/ chos thams cad sangs rgyas kyi chos su mos par byed de/ de zad pa shes la yang skyed mod kyi/ 'dus ma byas pa'i zad pa yang mngon du mi byed/ mi skye ba'i pa yang mngon par bsgrub mod kyi sems can la lta ba'i phyir yang skye ba la mi skye ba'i mtha' de yang rnam par mi rtong / dran pa nye bar gzhag pa'o zhes bya ba de ni chos thams cad dran pa de la 'jog par byed cing nyan thos sam rang sangs rgyas samasangs rgyas kyi chas ji snyed chos su btags pa de dag thams cad ma lus par dran pa de la 'jog cing / dran pa de yang brjed pa mi byed phyi ma'i mtha'i bar du rmongs par
- 293a
mi byed pa'o// chos la chos kyi rjes su mthong zhing dran pa nye bar gzhag pa'o zhes bya ba de ni bstan pa dpag tu med de kun tu spyod yul ma yin pa sangs rgyas kyi chos thams cad la yang dag par rjes su 'jug pa/ sems can thams cad kyi sems rangs pa bdud thams cad 'dul ba rang byung ba rtogs pa'i phyir te/ sha ri'i bu de ltar na byang chub sems dpa' chos la chos kyi rjes su lta zhing dran pa nye bar gzhag pa bsgom pa'o// de dag ni dran pa nye bar bzhag pa bzhi zhes bya ste/ sha ri bu de ltar na byang chub sems dpa' dran pa nye bar gzhag pa bzhi po de dag la mkhas pa shes rab kyi pha rol tu phyin pa la spyod pa'o// de la byang chub sems dpa' rnams kyis byang chub kyi yan lag mkhas pa gang zhe na/ byang chub sems dpa' rnams kyi byang chub kyi yan lag 'di bdun no// bdun gang zhe na 'di lta ste/ dran pa yang dag byang chub kyi yan lag dang / chos rnam par 'byed pa yang dag byang chub kyi yan lag dang / brtson 'grus yang dag byang chub kyi yan lag dang / dga' ba yang dag byang chub kyi yan lag dang / shin tu sbyangs pa yang dag byang chub kyi yan lag dang / ting nge 'dzin yang dag byang chub kyi yan lag dang / btang snyoms yang dag byang chub kyi yan lag dang / sha ri 'di dag ni byang chub sems dpa' rnams kyi byang chub kyi yan lag bdu'o// de lnga yang dag byang chub kyi yan lag gang zhe na/ dran pa gang gis chos nag par byed chos la so sor rtog par byed/ chos spyod par byed chos yongasu tshol bar byed cing chos rnam par 'byed pa byed pa dang chos la rnam par rtog pa byed de/ de dran pa des gang chos rnams/
- 293b
kyi ngo bo nyid kyi mtshan nyid kyi mtshan nyid de yang rjes rtogs so// gang chos rnams kyi nga ba nyid kyi mtshan nyid shes pa gang zhe na/ chos thams cad ni rang gi mtshan nyid kyis spong ste/ gang de ldar dran zhing khong du chud ba de ni dran pa yang dag byang chub kyi yan lag ces bya'o// de la chos rnam par 'byed pa yang dag byang chub kyi yan lag gang zhe na/ gang chos kyi phung po brgyad khri bzhi stong rab tu rnam par 'byed pa shes par/ nges pa'i don kyang nges pa'i don du drang ba'i don kyang drang ba'i don tu kun rdzob kyi don kyang kun rdzob kyi don tu/ don dam pa'i don kyang don dam pa'i don tu mtshan ma yang mtshan mar gdon mi za ba yang rnam par gdon mi za bar chos de dag ji ltar rnam par 'byed par bya ba de bzhin du de dag rnam par 'byed par byed de/ de ni chos rnam par 'byed pa yang dag byang chub kyi yan lag ces bya'o// de la brtson 'grus yang dag byang chub kyi yan lag gang zhe na/ gang chos rnam par 'byed pa de nyid kyi dga' ba dang / shin tu sbyangs pa na ting nge 'dzin dang btang snyoms dang ye shes kyi du 'dzin pa dang spro ba dang stobs dang gnon pa dang / mi zlogs pa'i mos pa dang mthu dang brtson 'gras mi gtong ba dang / lam mngon par rtogs pa'i phyir brtson 'grus pa ste/ de ni brtson 'grus pa dag byang chub kyi yan lag ces bya'o// de la dga' ba yang dag byang chub kyi yan lag gang zhe na/ dga' ba gang dang chos la dga' ba gang dang chos la rab tu dga' ba gang gis sems mi zhum zhing dang ba ste/ mnum pa'i dga' ba des gang lus sam sems sbyor bar byed la kun nas nyon mongs pa sel ba de ni dga' ba yang dag byang chub kyi yan lag ces bya'o// de la shin tu sbyangs pa yang dag
- 294a
byang chub kyi yan lag gang zhe na/ gang lus sbyangs pa dang sems shin tu sbyangs pa dang nyon mongs pa shin tu sbyangs pa dang sgrib pa med pa dang / ting nge tu dmigs pa la sems nye bar 'jog pa ste/ de ni shin tu sbyangs pa yang dag byang chub kyi yan lag ces bya'o// de la ting nge 'dzin yang dag byang chub kyi yan lag gang zhe na/ gang sems mnyam par bzhag pas chos shes pa rtogs par 'gyur gyi/ sems mnyam par ma bzhag pas ni ma yin pa dang / sems mnyam par bzhag pas chos de dag mngon par rdzogs par 'tshang rgya'i/ sems mnyam par ma bzhag pas ma yin te/ chos mnyam pa nyid dang chos la gzhol ba ma rtogs par lta ba bag la nyal ba dang kun nas bskor ba de dag spangs kyang mngon bar rdzogs par 'chang mi rgyab de ni ting nge 'dzin yang byang chub kyi yan lag ces bya'o// de la btang snyoms yang dag byang chub kyi yan lag gang zhe na/ gang yid mi bde ba dang yid mi bde ba bsten pa la phan pa'i chos la sems mi 'dzin pa dang / 'jig rten gyi chos kyis mi 'phrogs pa dang / mthon dman du mi gnas pa'i phyir rab tu mi g.yo mi 'khrug rab tu rab tu mi 'khrug yang dag par mi 'khrug/ chags par mi byed zhe sdang bar mi byed kyi/ 'phags pa'i lam de nyid dang 'thun par byed pa de ni btang snyoms yang dag byang chub kyi yan lag ces bya'o// sha ri bu de ltar na byang chub sems dpa' byang chub kyi yan lag de bdun la mkhas pa shes rab kyi pha rol tu phyin pa spyod pa'o// byang chub sems dpa'i sde snod// // bam po bcu dgu pa'o//
- 294b
del byang chub sems dpa' rnams kyi lam la mkhas pa gang zhe na/ byang chub sems dpa' rnams kyi lam ni 'di brgyad do// brgyad gang zhe na 'di lta ste/ yang dag pa'i lnga ba dang / yang dag pa'i rtog pa dang / yang dag pa'i ngag dang / yang dag pa'i las kyi mtha' dang / yang dag pa'i 'tshe ba dang / yang dag pa'i 'bad pa dang / yang dag pa'i dran pa dang / yang dag pa'i ting nge 'dzin te/ de dag ni byang chub sems dpa' rnams kyi lam yan lag brgyad pa'o// de la yang dag pa'i lta ba gang zhe na/ gang 'phags pa'i 'jig rten las 'das pa ste/ bdag tu lta ba las langs pa ma yin sems can tu lta ba las langs pa ma yin/ srog tu lta ba las langs pa ma yin/ gang zag tu lta ba las langs pa ma yin/ chad par lta ba las langs pa ma yin/ 'jig par lta ba las langs pa ma yin/ dge bu dge dang lta ba las langs pa ma yin/ mya ngan las 'das pa'i bar las langs pa ma yin pa ste/ de ni yang dag pa'i lta ba zhes bya'o// de la yang dag pa'i rtog pa gang zhe na/ rngog pa gang gis 'dod chags dang zhe sdang dang / gti mug dang sogs pa'i nyon mongs pa gnas par 'gyur ba'i rtogs pa de ldang bar mi byed kyi/ rtog pa gang gis tshul khrims dang ting nge 'dzin dang shes ra dang / rnam par grol ba dang rnam par rtsol pa'i mi shes mthong bar 'byung bar 'gyur ba de sa dgapa ste/ de ni yang dag pa dag pa zhes bya'o// de la yang dag pa'i dgang zhen/ yang da pa'i ngag gang gis bdag dang gzhan la mi gdung zhing de phan pa dang ldan pa'i ngag dang ldan pa yin te/ ngag des lam mnyam pa la 'jug pa de ni yang dag pa'i ngag ces bya'o// de la yang dag
- 295a
@las kyi mtha' gang zhe na/ gang las nag po rnam par smin pa gnag pa de lta bu mngon par 'du mi byed pa dang / las dkar po rnam par smin pa dkar bde lta bu'i las mngon par 'du byed pa dang / gang las dkar po dang nag po rnam par smin pa dkar ba dang gnag pa de lta bu'i las mngon par 'du mi byed pa dang / las gang mi gnag te dkar la/ rnam par smin par mi 'gyur ba/ las zad par 'gyur/ de lta bu'i las mngon par 'du byed pa ste/ de rang gi las las byung ba las la rten pa yang dag pa'i las la brtson pas yang dag gi las kyi mtha' zhes bya'o// de la yang dag pa'i 'tsho ba gang zhe na/ gang 'phags pa'i rigs dang sbyangs pa'i yon tan mi gtong pa dang / kha gsag med pa dang / tshul 'chos pa med pa dang / gzhog slongs med pa dang da gang sla ba dang gso' sla ba dang chog shes pa dang / gzhan gyi thob pa la phrag dog med pa dang / bdag gi thob pas chog shes pa dang / kha na ma tho ba med pa dang / 'phags pas gnang ba'i 'tshe ba ste/ de ni yang dag pa'i 'tshe ba'o// de la yang dag pa'i 'bad pa gang zhe na/ 'bad pa gang log par spyod pa bshad pa 'dod chags dang zhe sdang dang / gti mug gi nyon mongs pa bag la nyal ba'i 'bad pa mi 'dod kyi 'bad pa gang 'phags pa'i lam dang bden pa la 'jug pa mya ngan las 'das par 'gro ba'i nan tan/ gtod par byed pa'i 'bad pa de'i rjes su 'gro ba ste/ de ni yang dag pa'i 'bad pa zhes bya'o// de ni yang dag pa'i dran pa gang zhe na/ dran pa gang shin tu nye bar gzhog pa dang tha mal pa ma yin pa dang / drang pa
- 295b
dang gya gyu med pa dang / 'khor ba'i nyes dmigs dang skyon la lta ba dang / mya ngan las 'da' ba'i lam du 'dren pa'i dran pa dang dran par byed pa dang / 'phags pa'i lam mi brjed pa ste/ de ni yang dag pa'i dran pa zhes bya'o// de la yang dag pa'i ting nge 'dzin gang zhe na/ yang dag par mnyam pa chos thos pa thams cad la mnyam pa ste/ ting nge 'dzin de la gnas na yang dag pa'i mi 'gyur ba la 'jug par byed de/ gang yang byang chub sems dpa'i ting nge 'dzin de la gnas nas/ sems can thams cad rab tu thar par bya ba'i phyir yang dag pa'i mi 'gyur ba la 'jug pa de ni yang dag pa'i ting nge 'dzin ces bya'o// 'das pa dang ma byon pa dang da ltar byung ba'i sangs rgyas bcom ldan 'das rnams kyi lam mi zad pa 'di/ byang chub sems dpa' mngon par rtogs nas 'chad pa dang smon pa dang / yang dag par rab tu ston pa de ni/ yang dag pa'i tingange 'dzin ces bya ste/ de dag ni byang chub sems dpa' rnams kyi lam gyi yan lag brgyad ces bya ste/ de ni byang chub sems dpa' lam la mkhas pa/ gzhan yang lam la mkhas pa ni byang chub sems dpa' rnams kyi lam yan lag gnyis pa ste/ yan lag gnyis gang zhe na 'di lta ste/ ni gnas dang lhag mthong ste/ de ni lam yan lag gnyis pa'o zhes bya'o// de la zhi gnas gang zhen gang sems kyi zhi ba dang / rab tu zhi ba dang nye bar zhi ba dang / migayeng ba dang / dbang pa rnams bsdams pa dang / minod pa dang / mi 'phyar ba dang / mi 'chal ba dang / mu cor mi smra dang / gnyen pa dang / sba ba dang / gama' med pa dang / yid du'ang ba dang / cig dur dag
- 296a
ba dang / 'du 'dzi sel ba dang / dben par dag pa dang / lus dben pa dang / sems mkhrul ba dang / dgon pa'i sgo yid la byed pa dang / chog shes/ pa dang 'dod pa nyung ba dang / 'tshe ba yong su dag pa dang / cho ga phun sum tshogs pa dang / spyod lam sba ba dang / dus shes pa dang / tshed shes pa dang / nyi tshod shes pa dang / dgang ba sla ba dang / gso sla ba dang / so sor rtog pa dang / mi mtho mi dma' ba dang / tshig ngan par smras pa bzod pa dang / rnal 'byor gyi sgor sems bskyed pa dang / nang du yang dag 'jog pa mngon par dga' ba dang / bsam gtan gyi yid la byed pa dang / byams pa bskyed pa dang / snying rjes mngon par bsgrub pa dang / dga' ba la gnas pa dang / btang snyoms bsgom pa dang / bsam gtan dang po nas brgyad pa'i bar du mthar gyis snyoms par 'jug pa ste/ de ni zhi gnas shes bya'o// yang zhi gnas kyi tshogs tshad med pa ste/ tshegs de la gang rjes su rtog pa de ni zhi ga nas shes bya'o// de la lhag mthong gang zhe na gang shes rab kyi cha la phan pa'i bsgom pa'i lam ste/ chos rnams la g.yo med pa dang / sems can med pa dang srog med pa dang / gang zag med pa dang / phung po rnams la sgyu ma'i phung por mthong ba'i shes pa dang / khams rnams la chos kyi khams su mthong ba'i shes pa dang / skye mched rnams la grong stong par mthong ba'i shes pa dang / mag la so sor rnam par phye bar mthong ba'i shes pa dang / rten cing 'brel bar 'byung ba la mi 'ga' ba'i mthong ba'i shes pa dang / sems can du lnga
- 296b
ba dang bral bar mthong bar shes pa dang / rgyu dang 'bras bu rnam par smin pa mthong ba'i shes pa dang / 'bras bu thob pa mngon sum bya ba mthang ba'i shes pa dang / yang dag pa'i mi 'gyur ba la 'jug pa mthong ba'i shes pa'o// yang lhag mthong shes bya ba ni 'di lta ste/ chos rnams ji lta ba bzhin du mthong ba dang / chos rnams kyi de kho na nyid mthong ba dang / chos rnams kyi gzhan ma yin pa nyid mthong ba dang chos rnams kyi stong pa nyid dang / mtshan ma med pa mthong ba dang / smon pa med pa mthong ba'o// yang lhag mthong zhes bya ba ni rgyus mthong ba med pa dang / skye ba dang 'jig pa dang gnas pa'i rgyus mthong ba med pa dang / dmigs pa'i rgyus mthong ba med cing lhag mthong yang cung zad kyang mi mthong ba'o// gzhan yang lhag mthong ni mthong bas kyang mthong la mthong pa yang mi mthong ste/ gang gi tshe de ltar mthong ba de'i tshe yang dag par mthong ba'o// yang dag pa mthong na lhag mthong la mkhas pa rjes su thob ste/ de la byang chub sems dpa'i lhag mthong de ltar mthong la mngon par 'du byed par yang mi lta zhing / dge ba'i rtsa ba mngon par 'du byed pa la yang mi gnas te/ de ni byang chub sems dpa'i lhag mthong ngo // de ltar na byang chub sems dpa' zhi gnas dang lhag mthong la/ mkhas pa shes rab kyi pha rol tu phyin pa spyod pa'o// gzhan yang lam la mkhas pa ni byang chub sems dpa' rnams kyi lam rnam ba bzhi ste/ rnam pa bzhi gang nin 'di lta ste/ sdig pa mi dge ba'i chos ma skyes pa rnams mi skye bar dang bskyed pa/ 'bad par byed brtson 'grus rtsom sems rab tu 'dzin smon lam yang
- 297a
dag par rab tu 'debs pa dang / sdig pa mi dge ba'i chos skye ba rnams spang bar dad pa bskyed/ 'bad par byed brtson 'grus rtsom sems rab tu 'dzin smon lam yang dag par rab tu 'debs pa dang / dge ba'i chos ma skyes pa rnams skye bar dad pa skyed/ 'bad par byed brtson 'grus rtsom sems rab tu 'dzin sman lam yang dag par 'debs pa dang / dge ba'i chos skyes pa rnams la gnas pa dang / sgom pa mi brjed pa dang ma stor par dad pa skyed 'bad par byed brtson 'grus sems can rab tu 'dzin smon lam yang dag par 'debs pa'i sdig mi dge ba'i chos ma skyes pa rnams mi skye bar dad pa skyed ces bya ba ni tshul bzhin yid la byed pa'i tshig bla dgas so// 'bad par byed brtson 'grus brtsom zhes bya ba ni tshul bzhin yid la byed pa de mi stong pa'o// sems rab tu 'dzin smon lam yang dag par 'debs shes bya ba ni tshul bzhin la so sor rtogs pa'i tshig bla dgas so// de'i ci phyir zhe na/ tshul bzhin la rab tu sbyor ba ni mi dge ba'i rnams rgyu bar mi 'gyur ba'i phyir ro// de la mi dge ba'i chos rnams gang zhe na 'di lta ste/ tshul khrims kyi log pa'i gan po dang / ting nge 'dzin gyi log pa'i gnyen po dang / rab kyi log pa'i gnyen po'o// de la tshul khrim gyi log pa'i gnyen po gang zhe na 'di lta ste/ tshul khrims bla dang gang gzhan yang sa la tshul khrims nyams par 'gyur ba'i chos rnams te/ de tshul khrims kyi log pa'i gnyen po zhes bya'o// de la ting nge 'dzin gi log pa'i gnyen po gang zhes na/ gang cho ga nyams pa dang / gang gzhan yang la la sems g.yeng bar byed pa'i chos ting nge
- 297b
'dzin gyi phung po'i log pa'i gnyen po de ni/ ting nge 'dzin gyi log pa'i gnyen po zhes bya'o// de la shes rab kyi log pa'i gnyen po gang zhe na/ 'di lta ste/ lta ba nyams pa dang / gang gzhan yang la la lta ba la kun nas ldang ba'i sgrib par byed pa'i chos gang shes rab kyi phung po'i log pa'i gnyen po de ni shes rab kyi log pa'i gnyen po zhes bya de/ de ni sdig pa mi dge ba'i chos rnams shes pa'o// tshul bzhin yid la byed pa gang gyis sdig pa mi dge ba'i chos de lta bu de dag spang bar dad pa skyed/ 'bad par byed brtson 'gros sgom sems rab tu 'dzin smon lam yang dag par 'debs ste/ de bas na mi dge ba'i chos de dag sems la phung por gyur pa ma yin/ yul na mi gnas phyogs na mi gnas so// gang yang mi dge ba'i chos de rnams sems la skya ba rtsang ba'i rnam pas 'dod chags sa khong 'khro ba rnams sam zhe sdang ngam ma rig pa'i rnam pas gti mug gam rgyu dang sgrib pa gang dag la byung ba shes shing / de la tshul bzhin yid la byed pa'i rnam pa ming gartsang 'dod chags zhi bar byed byams pas zhe sdang zhi bar byed/ rten cing breng bar 'byung bas gti mug zhi bar byed de/ gang kun nas nyon mongs pa de dag zhi ba de ni tha snyad tu btags pa'i phyir spong ba zhes bya ba'i gang spong ba ni gang yang snyed par mi 'gyur ro// mnyam pa nyid kyis chos thams cad mngon su byas pa de'i phyir yang dag par spang ba zhes bya ste/ de ni yang dag par spring ba gnyis pa'o// gang yang dag pa'i chos ma skyes pa rnams skye ba dang pa bskyed/ 'bad par byed brtson 'grus rtsom sems rab tu 'dzin smon lam yang dag par 'debs pa shes bya ba ni tshad med pa ste/ de ci'i phyir zhe na/ gang byang chub sems dpa' sem dpal
- 298a
chen pos bsdu bar bya ba'i dge ba'i chos tshad med pa'i phyir ro// de la dad pa ni dge ba'i rtsa ba thams cad kyi rtsa ba'o// brtson 'grus sdud pa ni dge ba'i rtsa ba thams cad kyi rtsa ba'o// sems can rab tu 'dzin pa sgrol pa ni dge ba'i rtsa ba thams cad rtsa ba ste/ de ni yang dag pa'i spong ba gsum pa'o// gang yang dag pa'i chos skyes pa rnams la gnas dang mi 'jed pa dang ma stor ba dang dad skyed/ 'bad par brtson 'grus rtsom/ sems rab tu 'dzin yang dag par smon lam 'debs shes bya ba de ni dge ba'i rtsa ba byang chub tu bsngos pa'i tshig bla dag so// de ci'i phyir zhe na/ dge ba'i rtsa ba byang chub tu bsngos pa ni mtha' byang chub snying po'i bar du slar bstor bar mi 'gyur ro// de ci'i phyir zhe na/ de ltar khams gsum la mi gnas par sems bskyed pa'i phyir ro// gang khams gsum la gnas pa'i dge ba'i rtsa ba de ni zad par 'gyur ro// de ci'i phyir zhe na/ de ltar sems bskyed pa de khams gsum la gnas pa'i phyir ro// gang yang dag pa'i rtsa ba khams gsum la mi gnas pa thams cad mkhyen par bsngos pa de ni zad par mi 'gyur te/ de ni yang dag par spong ba bzhi pa'o// de ltar na byang chub sems dpa'i lam yan lag bzhi pa la mkhas pa shes rab kyi pha rol tu phyin pa spyod pa'o// gzhan yang lam la mkhas pa ni byang chub sems dpa'i lam yan lag lnga pa ste/ lnga gang zhe na 'di lta sde dad pa'i dbang bo dang / brtson 'grus kyi dbang po dang / dran pa'i dbang po dang / ting nge 'dzin gyi dbang po dang / shes rab kyi dbang po ste/ de la dad pa'i dbang po gang zhen dang pa gang gis chos bani la
- 298b
dad par byed pa ste bzhi ste gang zhe na 'khor ba na spyod pa'i 'jig rten gyi lta ba la yang dag par mngon par dad de/ de las kyi rnam par smin pa la rten pa yin/ de srog gi phyir yang sdig pa ni/ dge ba'i las mi byed pa dang / byang chub sems dpa'i spyod pa yang dad bde spyod pa la zhugs pa de theg pa gzhan la 'dod pa mi byed pa dang / don dam pa nges pa'i don dang rten cing 'brel bar 'byung ba zam mo dang / sems can la rtog pa dang / stong pa nyid dang mtshan ma med pa'i mtshan nyid kyi chos thams cad la dad de/ lta bar byas pa thams cad bag la mi nyol ba dang sangs rgyas kyi chos thams cad dang / stobs dang mi 'jig pa la rnams la dad cing thos nas the tsom med pa nem nur med par chos de rnams sdud par byed pa de ni dad pa'i dbang po zhes bya'o// de la brtson 'grus kyi dbang po gang zhe na/ chos gang la dad pa de brtson 'grus kyi dbang pos skyed par byed pa ste/ de ni brtson 'grus kyi dbang po zhes bya'o// chos gang dag brtson 'grus kyis bsdus pa de dag dran pa'i dbang pos ma stor ba de ni dran pa'i dbang po zhes bya'o// chos gang dag dran pa'i dbang pos ma sngor byed pa'i/ chos de dag ting nge 'dzin gyi dbang pos rtse/ cig byed pa de ni ting nge 'dzin gyi dbang po zhes bya'o// cho gang ting nge 'dzin gyi dbang pos rtse cig tu byed pa de dag shes kyi dbang pos so sor rtogs par byed de/ gang chos de dag shes bde ni shos rab kyi dbang po zhes bya'o// de ltar na dbang po lnga po de dag lhan cig tu 'bres pa ste/ sangs rgyas kyi chos thams cad yongasu rdzogs par byed lung bstan pa'i sa yang thun
- 299a
par byed de/ 'di lta ste/ dper na phyi rol gyi snga mngon par shes pa dag mngal na 'dug pa bud med dang / skyes pa'i dbang por ma gyur gi bar du mngal na 'dug pa lung mi ston pa de bzhin du sangs rgyas bcom ldan 'das kyang byang chub sems dpa'i dbang po lnga po de dag dang ma ldan gyi bar du lung mi ston pa de lam yan lag lnga pa ste/ de ltar na byang chub sems dpa'i lam yan lag lnga pa la mkhas pas shes rab kyi pha rol tu phyin pa la spyod pa'o// gzhan yang sha ri'i bu byang chub sems dpa' lam yan lag lnga pa la mkhas pa gang zhe na/ yan lag lnga ni 'di lta ste dad pa'i stobs dang / brtson 'grus kyi tobs dang / dran pa'i stobs dang / ting nge 'dzin gyi stobs dang / shes rab kyi stobs so// / de la dad pa'i stobs gang zhe na/ gang mos pa dad pa phyogs cig pa mi tshams pa ste/ gal te de'i drung du bdud sdig can sangs rgyas kyi gzugs su byas ste/ chos kyi ye shes la dad ba gang yang rung ba la la zhig gis chos 'di dag ni sangs rgyas kyi chos ma yin no// zhes 'brel bar byed dad pa zlog par byed kyang yong su rtag par gzung na 'byung ba chen po bzhi rnams ni gzhan du 'gyur gyi/ mas pa'i stobs la gnas pa'i byang chub sems dpa' ni de la pa ma yin no// de la byang chub sems dpa' snga ba las dpral bar mi nus sa de ni dang pa'i sdos so de la byang chub sems dpa'i brtson 'grus kyi stobs gang zhe na/ gang brtson 'grus rtsom zhing dge ba'i chos gang dang gang la mngon par sbyor ba de dang / de dag la brtan pa'i stobs
- 299b
kyim thu ba kyad / gnas der ma bsgral gyi bar du stobs kyi mthu de la lha dang bcas pa'i 'jig rten rnams kyis rnam par rdzog pa'am rnam par bgrang bar mi nus te/ don byang chub sems dpa'i brtson 'grus kyi skabs shes bya'o// del byang chub sems dpa' dran pa'i spobs gang zhe na/ chos gang dang gang ladran pa nye bar gnag pas sems nye bar 'jug pas de ni nyon mongs pa gang yang rung bdag gis bsreb 'am g.yeng bar mi nus te/ dran pa'i stobs shes mthu des nyon mongs thams cad 'dzem zhing dran pa de yang mdzem pa ste/ de ni byang chub sems dpa'i dran pa'i stobs shes bya'o// de byang chub sems dpa'i ting nge 'dzin gi stobs gang zhe na/ gang 'du 'dzi thams cad du dben par spyod pa ste/ gang dag gi las kyi sgrib pa thams cad la yang rdog la de'i bsam gtan dang po'i sgra'i tsher ma la yang sgrib par mi byed pa dang / dge bar rtog pa la yang rnam par rtog mod kyi bsam gan gnyis pa la yang sgrib par mi 'gyur ba dang / de dga' ba dang bde ba skyes te gnas mod kyi/ de'i bsam gan gsum pa la sgrib par mi 'gyur ba dang / de sems can yongs su smin par bya ba dang / dam pa'i chos yongasu gzung bar ba'i phyir yal por gtod pa yang ma yin/ bsam gtan bzhi po la sgrib pa ni yang mi 'gyur ba ste/ de bsam gtan bzhi la gnas na/ bsam gtan dang rnam par thar pas gzhom par mi nus te/ de ting nge 'dzin gyi gnas kyang mi mngon la ting nge 'dzin gi kyang mi skye ste/ de ni byang chub sems dpa'i ting nge 'dzin gi stobs so// de la byang chub sems dpa' shes rab
- 300a
kyi stobs gang zhe na/ gang 'jig rten las 'das pa'i chos rnams kyis mi chos pa'i ye shes te byang chub sems dpa'i skyes ma thag tu gzod gnas nas 'dzi/ rten na ji snyed yod pa dam pa dang / dkar bar byed pa dang rnyed dkar ba de dag thams cad slob dpon med par mngon du gyur/ de gang 'jig rten las 'das pa dag kyang gang gyis 'jig rten dag sgrol par byed de/ de dag kyang byang chub sems dpa'i shes rab dang ye shes kyi stobs 'byung ba lha dang mi rnams kyis mi choms pa ste/ de ni byang chub sems dpa'i shes rab kyi stobs so// 'di ni lam yan lag lnga pa'i lam gzhan no// de ltar na byang chubang ba'i yan lag lnga la mkhas pa shes rab kyi pha rol tu phyin pa la spyod pa'o// gzhan yang mdor snga na byang chub sems dpa' rnams kyi lam ni phyogs cig pa ste/ 'di lta ste lam cig bgrod pa ste/ 'di lta ste byang chub sems dpa'i cig pu gnyi su med bla na med pa yang dag par rdzogs pa'i byang chub tu thogs med par shin du brtson pa'i stobs kyi mthu yongasu bzung ba'i bsam pas go cha dgos pa ste/ gzhan gyis ma shad pa gzhan gyi dring mi 'jog pa bdag med ba bdag gyi stobs kyis yang bar phags pa de ltar dam du dgos nas/ ngagang sems can thams cad kyis ma rnyed par bya'o// gang 'phags pa thams cad dang theg pa la gsar du gnas ba'i byang chub sems dpa' thams cad kyis ma rnyed pa de bdag gyis rnyed par bya'o// sbyin pa ni bdag gi grogs ma yin gi/ nga ni sbyin pa'i grogaso// bzod pa dang brtson 'gras dang bsam
- 300b
gtan dang / shes rab kyi grogs ni nga ma yin ging ni de dag gyi grog so// nga ni pha rol tu phyin pa rnams kyis blang bar bya ba yin gyi pha rol tu phyin pa rnams ngas blang bya'o// de bzhin du bsdus te dge ba'i rtsa ba thams cad la rgyas par shes par bya'o// nga ni dge ba'i rtsa ba thams cad kyis blang bar bya ba ma yin gi/ dge ba'i rtsa ba thams cad ngas blang bar bya'o zhes de ltar bu'i chos rnams la grogs med cing ngacig pu gnyis su med pas rdo rje'i brngan la 'dug na sna bdud stobs dang bcas pa btul te/ skad cig ma cig dang ldan pa'i shes kyis bla na med pa yang dag par rdzogs pa'i byang chub mngon par rdzogs pa'i sangs rgyas par bya'o zhes de ltar bsam pa'i sbyor ba rtog pa de ni byang chub sems dpa'i lam phyogs cig pa zhes bya ste/ de ltar byang chub sems dpa'i lam bskyod pa cig pa la mkhas pa shes rab kyi pha rol tu phyin pa spyod pa'o// de la byang chub sems dpa' rnams kyi rten cing 'brel bar 'byung ba la mkhas pa gang zhe na/ 'di la byang chub sems dpa'i cig pu dben par sngo ba nas du yang dag par zhugs pa/ sdug bsngal gyi phung po chen po 'di gang las 'du bar 'gyur zhes de ltar sems kyi rtog pa skyes pa las tshul bzhin ma yin pa 'byung ba las 'gyur te/ ma rig pa las 'du byed byung ba 'du byed las rnam par shes pa 'byung / rnam par shes pa byung ba las ming gzugs 'byung / ming dang gzugs byung ba'i phyir skye mched drug byung / skye mchechad drug byung ba'i phyir reg pa 'byung / reg byung ba'i phyir tsher babyung tshor 'byung ba'i phyir sred pa 'byung / phreng ba 'byung ba'i phyir len pa 'byung / len par 'byung ba rgya
- 301a
srid pa 'byung / srid pa 'byung ba'i phyir skye ba 'byung / skye ba 'byung ba'i phyir rga shi 'byung / rga shi 'byung ba'i phyir mya ngan dang mya ngan bzlog pa dang / sdug bsngal dang yid ni/ bde ba dang / 'khrug pa rnams 'byung bar 'gyuraro// zhes de snyam du sems// yang 'di snyam du sems par 'gyur te ji ltar mi g.yo ba dang mi byed pa dang bdag po med pa dang / rgyu dge ba las 'byung ba dang rgyu mi dge ba las byung ba dang / rgyu mi g.yo ba las byung ba dang / rgyu mya ngan las 'da' ba las byung ba'i chos de dag thams cad rkyen las byung ba ste/ gang yang las kyi rgyu gang dag gyis sems can gang dag dbang po'i rgyu tshad ma dang / lhag ma'i cho ga'i rgyu tshad ma'i 'bras bu'i rgyu grub pa dang / de ltar zin pa dang ma zin pa la gang rgyu 'dus pa byung ba de thams cad rab tu shes pa ste/ de ni byang chub sems dpa' rten cing 'brel bar 'byung ba la mkhas pa zhes bya'o// de yang gang 'gag ce na tshul bzhin yid la mi byed pa 'gag pa'i phyir ma rig pa 'gag pa'o// ma rig pa 'gags pa'i phyir 'du byed 'gags pa nas sdug bsngal gyi phung po chen po 'ba' shig 'grags par 'gyuraro zhes de snyam du sems de/ de ltar gang de la shes pa de ni rten cing 'byung ba la mkhas pa zhes bya'o// de yang chos thams cad mi rgyu la rag las rkyen la rag las 'dus pa la rag las pa te/ gang rgyu dang rkyen 'dus pa la rag las pa de ni bdag gyi byin gyi brlabs ma yin/ srog dang gi byin rlangs ma yin te/ de la bgrang ba gang yang med do zhes de ltar sems te/ gang de ltar sems dpa' di ni rten cing 'brel par 'byung ba la mkhas pa'o// de ltar byang chub sems dpa' sangs rgyas
- 301b
kyi chos thams cad byang chub kyi rnam pa'i rkyen du slong bar byed la/ rkyen de dag la yang zad pa dang 'gag par so sor rtog la sems la lta ba'i phyir mi zad pa yang 'gag pa de yang thob par byed ba de ni byang chub sems can rten cing 'brel par 'byung ba la mkhas pa'o// de la byang chub sems dpa' chos thams cad la mkhas pa gang zhe na/ chos thams cad ces bya ba ni 'di lta ste 'dus byas 'dus ma byas pa'o// de la byang chub sems dpa' 'dus dang 'byas la mkhas par bya ste/ de la 'dus mkhas pa gang zhe na/ gang lus kyis 'du byed dang ngag gyi 'du byed dang / yid kyi 'du byed dge ba ste/ gang yang lus dang ngag dang yid kyi dge ba de dag 'dus ma byas pa'i byang chub la so sor rtog pa'i phyir thams cad mkhyen pa ste mang du sngo ba de ni 'dus byas la mkhas pa'o// gzhan yang 'du byas la mkhas pa ni 'di lnga ste/ gang sbyin pa'i pha rol tu phyin pa dang / tshul khrims dang bzod pa dang brtson 'grus dang bsam gtan dang / shes rab kyi pha rol tu phyin pa'i pha rol tu phyin pa lnga rnams sdud pa'o// gang yang 'dus byas pa'i shes pas shes rab kyi pha rol tu phyin pa pha rol tu phyin pa lnga rnams kyis smon par mi byed cing pha rol tu phyin pa'i tshogs thams cad la mkhas pa dang / zad pa med pa'i byang chub de la mos nas gang thams cad mkhyen pa nyid du bsngo ba de ni de'i 'du byas la mkhas pa'o// gzhan yang 'dus byas la mkhas pa de ni sems can thams cad 'od thogs pa med pa dang / bsdu ba bzhi sems can rnams bsdud pa nyid dang / gang yang snyems pa med pa'i phyir sems can la bdag med pa 'dzin
- 302a
pa dang / bdu ba la mkhas shing 'dus byas pa'i byang chub la mos nas thams cad mkhyen pa nyid du sngo ba de ni de'i 'dus byas la mkhas pa'o// gzhan yang 'dus byas la mkhas pa ni gang 'khor bar 'jug pa'i sbyor ba rnams yang dag par mi gcod la/ 'khor ba'i rgyun gyi nyon mongs pa rnams yang dag par gcod pa'o// byang chub tu dmigs pa'i sbyor ba rnams kyi rje su sbyor ba dang / sbyor ba phyogs cig pa rnam mi bsdud par sbyor ba de ni 'dus byas la mkhas pa zhes bya'o// gang yang stong pa nyid dang mtshan ma med pa dang smon pa med pa/ chos rnams la 'dris par shes shing mngon sum du mkhas pa/ byang chub pa gzhan gi dring mi 'jog mod kyi dus ma byas pa mngon sum du mi byed pa de ni 'das ma byas pa la mkhas pa'o// gzhan yang khams sum na spyod kyang khams gsum na spyod pa'i nyon mongs pa rnams kyis mi mongs pa rnams kyis mi chags pa de ni de'i 'dus byas lakhas pa'o// gang yang khams la 'byung ba ye shes rab tu shes kyang 'byung ba'i khams su mi ldang ba'i de ni 'dus ma byas la mkhas pa zhes bya'o// gang chos thams cad la mkhas pa zhes bya ba ni thams cad shes mkhyen pa nyid kyi tshig bla dag so// gang thams cad mkhyen pa nyid kyi ye shes rtogs pa yongasu rdzogs pa de ni shes rab dang mkhas pa med pa na byung bar mi 'gyur bar chos phyir thams cad la mkhas pa zhes bya ste/ de ltar na byang chub sems dpa' chos thams cad la mkhas pas shes rab kyi pha rol tu phyin pa spyod pa'o// sha ri'i bu da ltar byang chub sems dpa'
- 302b
sems dpa' chen po byang chub sems dpa'i sde snod la mkhas pa/ shes rab kyi pha rol tu phyin pa spyod pa na/ shes rab kyi pha bar 'byed pa la mkhas shing mkhas pa de bcu dag la yang mkhas par shes rab kyi pha rol tu phyin pa spyod do// de la shes rab kyi pha rol tu phyin pa rnams kyi don na gang zhe na/ shes rab ces bya ba ni dge ba'i dang mi dge ba'i chos rnams rab tu shes pa'o// shes rab ni nges par rtogs pa'i phyogs kyi chos rnams kyi mngon sum mo// 'phags pa'i chos mngon sum du gyur pa'i phyir tshad mar gyur pa ni shes rab bo// yang dag par ji lta ba bzhin du rtogs pa shes rab bo// lta bar gyur pa thams cad dang kun nas ldang pa dang sgrib pa dang sgrib par byed pa'i chos rnams la smon pa dang bral ba ni shes rabo// / 'dod par tshol ba thams cad la smon par byed pa sim par byed pa'i gdung ba thams cad gtong ba'i phyir shes rab bo// chos kyi dga' ba la dmigs shing rnam par gcod pa'i phyir dga' bar byed pa ni shes rab bo// ye shes thams cad mngon gsum du gyur pa'i phyir rten pa ni shes rab bo// byang chub kyi phyogs kyi chos thams cad kyi gnas ni shes rab bo// rnyed pa'i mtshan nyid shes shes rab bo// theg pa ji lta ba bzhin gyi 'bras bu rtogs pa'i phyir rab tu shes pa'i mtshan nyid ni shes rab bo// rlung thams cad las bsgrol ba'i rang bzhin shes pa'i snang ba 'jug pa ni shes rab go// yang dag par skyon med pa'i bar du 'dren pa ni shes rabag/ dge ba'i chos thams cad rab tu 'dzin pa ni shes raba'o// nyen mongs pa bag la nyal thams cad dang bral bas
- 303a
byed pa ni shes rab bo// chos thams cad kyi spyi bo thob pa'i rab mchog ni shes rab bo// rang byung ba'i ye shes rtogs pa'i phyir bzang ba ni shes rab bo// khams gsum la ma chags pas rgyu dang bral ba ni shes rab bo// 'phags pa thams cad kyis shin tu bzang ba ni shes rab bo// mtshan ma med par yongs su rdzogs pa thams cad spangs pas smon lam rnam par chad pa ni shes rab bo// mun pa mun nag thams cad dang bral bas bag med pa'i gnyen po ni shes rab bo// rnal 'byor skyong gi sa la gnas thams cad kyi sbyor bar ni shes rab bo// thams cad mkhyen pa'i ye shes kyi lam la gnas pa rnams kyis rab tu 'dren pa'i shes rab bo// ma rig pa'i rlung gi mun pa rab rib kyi sprin 'dzem par byed pas snang bar byed pa ni shes rab bo// mig la ji ltar mos pa rnams kyi mig thams cad sbyin par byed pa ni shes rab bo// mig dang gzugs kyi lam las 'das pa'i phyir zag pa med pa ni shes rab bo// bde ba las 'byung ba ni don dam pa ni shes rab bo// shin tu dul ba'i phyir mi 'khrugs pa ni shes rab bo// thams cad du rgyu bas mi zad pa ni shes rab bo// rten cing 'brel pa la 'jug pa mthong pa'i phyir 'gal ba med pa ni shes rab bo// len pa'i 'ching ba thams cad gcod par byed pas thar pa'i lam ni shes rab bo// sgrib par byed pa thams cad lhan cig tu mi gnas pas ma 'gres pa ni shes rab bo// sha ri'i bu de lta bas na sems can thams cad gi sems kyi spyod pa ji snyed pa byang chub sems dpa' rnams kyi shes rab dang las dang ye shes kyi sgo snang ba ni shes ragro
- 303b
ye shes kyi spyod pa yang de snyed do// sems can thams cad kyi bsam pa ji snyed pa byang chub sems dpa'i shes rab dang spyod pa dang ye shes kyang de snyed to// sems can thams cad dang nyon mongs pa'i sgo ji snyed pa byang chub sems pa'i shes rab 'jug pa'i sgo yang de snyed no// nyan thos dang rang sangs rgyas dang yang dag par rdzogs pa'i sangs rgyas rnams kyis yongs su shes gnas ji snyed pa shes rab gnas pa'i gnas kyang de snyed de byang chub sems dpa' thams cad du blang bar bya'o// de ni byang chub sems dpa'i shes rab ces bya'o// de la pha rol tu phyin pa'i don gang zhe na shes rab gang yin pha rol tu phyi ba'i 'don kyang de yin te/ ge pa'i rnams rab tu shes pa de ni pha rol du phyin pa'i don ces bya'o// snga ma bzhin du 'asdus te/ pha rol gyi sa bu'o// pa thams cad kyi tshig kyang / de bzhin du sbyor ro// gzhan yang byang chub sems ngapa'i spyod pa'i khyad par yongs su rdzogs pa'i don ni rol tu phyin pa'i don to// gzhan yang thams cad mkhyen pa'i ye shes yongs su rdzogs pa'i don ni pha rol tu phyin pa'i don to// 'dus byas dang 'dus ma byas pa'i chos la mngon par ma chags pa'i don ni rol tu phyin pa'i don to// 'khor ba'i nyes pa khong du chud pa'i don na pha rol tu phyin pa'i don to// zad ma shes pa'i chos kyi mdzod ston pa'i don ni pha rol tu phyin sgrib pa med pa'i rnam par thar pa yongs su rdzogs pa'i don ni pha rol tu phyin pa'i don to// sbyin pa mnyam pa nyid dang / tshul khrims dang bzod pa dang brtson 'grus
- 304a
shes rab rtogs pa'i don ni pha rol tu phyin pa'i don to// rnam par nyes pa'i don ni pha rol tu phyin pa'i no to// sems can thams cad kyi khams 'jug pa'i don ni pha rol tu phyin pa'i don to// mi skyes pa'i chos la bzod pa rdzogs pa'i don ni pha rol tu phyin pa'i don to// phyir mi ldog pa'i sa yongs su rdzogs pa'i don ni pha rol tu tu phyin pa'i don to// sangs rgyas kyi zhing yongs su rdzogs pa'i don ni pha rol tu phyin pa'i don to// sems can yongs su smin pa'i don ni pha rol tu phyin pa'i don to/ byang chub kyi snyed po yang dag par thob pa'i don ni pha rol tu phyin pa'i don to/ btud thams cad rab tu 'dul ba'i don ni pha rol tu phyin pa'i don to// sangs rgyas kyi chos thams cad yongs su rdzogs pa'i don ni pha rol tu phyin pa'i don to// gzhan yang byang chub sems dpa'i sde snod kyi rnam grangs gzhog par byed pa'i don pha rol tu phyin pa'i don to// sha ri'i bu byang chub sems dpa'i sde snyon gyi rnam grangs bslabs na pha rol tu phyin pa thams cad kyi pha rol tu phyin song bar 'gyur ro// sha ri'i bu de bas theg pa chen po la gnas pa'i ribs kyi bu 'am/ rigs kyi bu mo byang chub sem dpa'i sde snon gyi chos kyi rnam grangs 'di blang bar bya bzung bar bya phrag par bya/ gzhan la yang bshad par bya rgya cher rab tu bstan par bya/ de ci'i phyir zhe na/ sha ri'i bu byang chub seMs dpa'i sde snodan rnam grangs shin tu mnyan blangs bzang thags/ kun par byas gzhan la yang bdagang / rgya cher yang dag par rab tu bstan yon tan zicu po de dag thob par 'gyur ro// bcu gang zhe na 'di lta ste/
- 304b
rangs gzhan du phyin nas bzo'i gnas dang las kyi mtha' ma tham cad la rtog par khong du chud par 'gyur/ rigs mtho zhing bcu par 'gyur tshig btsun par 'gyur/ longs spyod che bar 'gyur lha dang rnams byams par 'gyur/ 'khor lo sgyur ba'i rgyal po thob par 'gyur/ tshangs pa thob par 'gyur thams cad du byang chub kyi sems dang mi 'bral bar 'gyur te/ yon tan gyi legs pa 'di/ dag thob par 'gyur ro// de gzhan yang yon tan gyi legs pa bcu thob par 'gyuraro// bcu gang zhe na/ gcer bya gnan gi brtson pa 'dres pa ma yin par 'gyur/ bdag tu mi lta sems can du mi lta srog du mi lta gang zag du mi lta chad par mi lta rtag par mi lta bar 'gyur ba dang / dngos po thams cad la mi blta ba dang / rab tu byung ba la dga' bar sems bskyed pa 'gro pa dang thos pa'i yi ge myur du khong du chud par 'gyur te/ yon tan gyi legs pa bcu po de dag 'thob par 'gyu ro// de gzhan yang yon tan gyi legs pa bcu 'thob par 'gyur te/ bcu gang zhe na/ dran pa dang ldan par 'gyur ba dang / blo gros dang ldan par 'gyur ba dang / dga' dang 'aldan par 'gyur ba dang / shes rab dang ldan par 'gyur ba dang / dal ba rnyed par 'gyur ba dang / tshe snru bas dran par 'gyur ba dang // rang bzhin gyis 'dod chags chung ste/ 'dod chags mi tu 'dod chags gis gdung bas yongs su mi gdung ba dang / rang bzhin gis zhes sdang chung ste zhe sdang mi drag la de shin tu zhe sdang gi bdung bas mi gdung ba dang / rang bzhin rgyas gti shug rlung ste gti mug mi drag la shin tu gti mug gyi gdung bas yos su gdung bar mi 'gyur ci/ yon tan gi legs pa bcu po de dag thob par 'gyur ro// de bzhin ma yon tan gyi legs pa bcu po dngas
- 305a
'gyur te/ bcu gang zhen 'di lta ste/ sher ba 'gyogs pa dang / shes rab yang bar 'gyur ba dang shes rab rno bar 'gyur ba dang / shes rab myur ngar 'gyur/ bla dang / shes rab rgya che ba dang shes rab zab pa dang / shes rab nyes par rtog pa dang shes rab ma chags pa dang / de bzhin gshegs pa mngon du mthong te/ mthong nas tshigs su bcad pa'i dbyangs kyis bston pa dang / de bzhin gshegs pa'i tshul bzhin gyi zhu ba yongs su zhu zhing tshul bzhin du gyi zhu bas zhus nas lan ljon par 'gyur te/ yon tan gyi legs pa bcu po re dag thob par 'gyur/ de bzhin yang yon tan gyi lags pa bcu thob par 'gyur te/ bcu gang zhe na 'di lta ste/ dge ba'i bshes mnyen thams cad mnyes par byas par 'gyur ba dang / bdud kyi bcings pa thams cad lhod par byas par 'gyur pa dang des bdud thams cad tshar bcad par paM 'gyur ba dang / nyon mongs pa thams cad smad par 'gyur dang 'ju byed thams cad cu tu gtogs las yid bskyod par 'gyur ba dang / 'gro ba ngan par 'gyur ba'i lam thams cad skyo bar 'gyur ba dang / mya ngan las 'da' ba'i lam du sngon du 'gro ba dang / 'khor pa thams cad las spro ba'i sbyin par 'gyur ba dang / byang chub se rdza pa'i thams cad kyi bu'i rjes su zhugs par 'gyur ba dang / sangs rgyas bcoM ldan 'das thams cad ka'i rjes zhugs par 'gyur ba ste/ yon tan gyi legs pa bcu de dag thob par 'gyur
- 305b
shi mardo rje'i rgyal po 'ad ma gdam ma gi rgyas tu skyes nas dge srong chos 'di lang bar byed pa dang // rgyag tu chos kyi sbyin pa byed par 'gyur shi ri'i bu byang chub sems dpa'i sde snod chos kyi rnam grangs shin du mnyan blangs bzung klags kun chub par byas gzhan la bshad rgya cher yang dag par rab tu bstan na/ yon tan legs pa deg/ thob par 'gyuro// de nas bcom ldan 'das kyis don de nyid shin tu bstan pa'i phyir de'i tshe tshigs su bcad pa 'di dag gsungs so// gang dag mo sngo'i rgyal po 'di 'dzin pa/ mkhas pa shes rab mthar med par yang rgyu rnams dang ni rnams la'ang bsal tshig mkhas shin yi ge yongs su rdzog pa par 'gyur/ 1sems can rnams kyi mang du chos thos nas// kye ma'o yon tan chen po 'chang byed pa/ nam zhig bdag can/ 'di 'dra'o chos ston cing / mdo sde'i 'di ni 'dzin par 'gyur zhes 'dod/ gang dag de 'dra shes rab ldan mchog rnams/ chos ga la yag shes rab zhum par mi 'gyu te// dran dang ye shes shes kyis ni 'phags pa dang / bla na med pa'i ye shes tshig 'chang 'gyur/ gang dag mdo sde'i rgyal po 'di 'dzin pa de ni rgyal bas snang zhing rtag tu 'phags pas bsngags pa'i/ chos tshig legs par bshad pa tshol byed de/ thos nas teg tu mngon par dga' bar 'gyur/ thos nas don ni mngon par 'dzin par byed/ shes rab ldan pa 'bru la mi rgyugs ste/ don lags rtogs pa 'phel bar 'gyur/ 'di ye shes rtag tu tshad med do// ye shes mtha' yas don kyang mthar yas te/ sems can mtha' yas dam pa'i don la gas/ de'i yon tan phyogs su 'gro/ de'i thos pa'i
- 306a
@#yon tan de dag go// de'i 'dod chags chub la zhe sdang chung // de'i gti mug shin tu rab tu chung // sems kyi shin tu dag pa rnyed par 'gyur/ de'i thos pa'i / tan de dag go// longs spyod rnyed nas rgyags par myi 'gyur te/ 'di la snying po ji zhes don la rtog/ longs byed snying po med par rab shes nas// de ni longs spyod mi lnga rab tu 'byung / khyim nas/ 'byung ste dgon par gnas// rtag tu snyoms pa med pa dang // chos rnams thos nas chog mi shes/ chos byin pa la ser sna med// 'jig rten 'gon po'i drung nyid du// bong ste zhu ba zhus byas pas/ de'i phyir de'i ye shes 'phel// de la dkar po bri ba med// sha ri'i bu de byang chub sems dpa' chen pa rnams kyi gang la brtson na/ byang chub sems dpa' byang chub sems dpa'i spyad pa spyod par 'gyur ba'i shes rab kyi pha rol tu phyin pa ste// de ni shes rab kyi pha rol tu phyin pa la brtson pa'o// de la snga ba'i dngos po'i rjes su 'jug pa gang zhe na/ 'di bzhi ni byang chub sems dpa' rnams kyi sdu ba'i dngon po ste/ snga ba'i dngos po de dag gis byang chub sems dpa' yun ring por sems can rnams kun 'dzin par byed do// bzhi gang zhe na// 'di lta ste sbyin pa da don byed pa dang don tshungs pa ste/ de dag ni bsdu ba'i dngos po bzhi zhes bya'o// de sbyin pa gang she na/ 'di lta ste/ zang zing sbyin pa dang mi 'jigs pa sbyin chos sbyin pa ste de ni sbyin pa'o// de la tshig 'jam po gang zhen spong ba dang / chos nyan pa la tshi/ 'jam por smra ba'o// de la don byed par ni bdag dang gzhan gyis bsam pa yongs su rdzogs par byed pa'o// don 'thun pa ni theg pa la la yongs du shes pa'i theg pa dang / chos de dag la 'dzin par byed
- 306b
ba'i sems can gzhog par byed pa'o// gzhan yang sbyin pa ni gang spong ba yid dang bar byed pa dang / de ni sbyin bzhi pa bya'o// don 'thun pa ni spong ba la bsnyen bkur byed pa'o// don byed pa ni gang gyi phyir spong ba rnams kyi don du 'gyur ba'i don med yong su rdzogs par byed pa'o// don mtshungs pa ni gang spong ba la don mtshungs pa'o// gzhan yang sbyin pa ni sems can gyis btang ba'o// tshig 'das/ po ni sbyor ba yongasu chad pa'o// don byed pa ni lhag pa'i bsam pa the tsom med pa'o// don 'thun pa ni theg pa chen po la bsngo ba'o// gzhan yang sbyin pa ni byams pa'i rjes su zhugs pa'i sems kyis/ btang ba'o// tshig 'jam po ni dga' zhing rab tu dga' ba'i sems rjes su mi btong ba'o// don byed pa la ni snying rje chen po'i go cha dgos pa'o sem kyis sems can gyi tshogs la nan tan byed pa'o// don mtshungs pa ni btang snyoms 'thon dman med cing thams cad mkhyen pa'o ye shes la sngo ba'i sems so// gzhan yang sbyin pa ni gang chos kyi btsal ba'i longs spyod yongasu btang tshig 'jam po ni gang sbyin par byed pa de/ chos la sbyor bar byed pa'o// don byed pa ni bdag gi don dang gzhan gi don yang dag par skyed par byed pa'o// don mtshung pa ni gang sems can thams cad kyi phyir thams cad mkhyen pa nyid du sems bskyed pa'o// gzhan yang sbyin pa ni gang nang / na dang phyi'i chos thams cad nor thams cad yongs su btong ba'o// tshig 'jam po gang chos tham cad kyi ye shes la slob dpan gis ba payid pa'o// den byed pa gang kyi phyi bdag don pagang sgegazhadag don byed pa'o// don tshungs pa can ni byang chub lab tu 'ongs pa la lhas nas gzhanas sbyin pa na yid mi bde
- 307a
par mi 'gyur ro// de la chos gang zhen pang ji ltar thos pa'i chos rnams 'chad pa'o// de la tshig 'jam po gang zhe na gang zang zing zad par chos ston pa'o// don byed pa ni/ gang pha rol la lung sbyin pa dang kha ton byed pa dang 'chad pa dang ston pa la mi skyo ba'o// de don mtshungs pa gang zas cad mkhyen pa'i sems dang ma bral bar chos la nan tan tu 'ju pa'o// don mtshungs pa nyid ni bsam pa lhag par 'gyur ba'i sems kyis chos ston pa'o// gzhan yang chos sbyin pa ni gang sbyin pa thams cad kyi nang na mchog tu shes nas sbyin par byed pa'o// de la tshig 'cham po ni gang phan pa'i dngos po'i phyir ston pa'o// don byed pa ni gang don la rten gyi 'bru la mime rten pa'o// de la don mtshungs pa ni gang sangs rgyas kyi chos yongs su rdzogs pa'i phyir chos ston pa'o// chos sbyin pa ni chos nyan par 'ongs pa rnams la mi g.yeng bar ston pa'o// de la tshig 'jam po ni gang ring du song ste/ dam pa'i chos ston pa'o// de la don byed pa ni gang chos 'khan po rnams gos dang bral bar gyur tam/ bsod snyoms dang mal stan dang na pa'i ched kyi sman dang yo byad dang bral bar gyur tam/ gang gi phyir dgos pa zhig tu gyur nas thams cad sbyin par byed pa'o// don mtshungs pa gzhan yang sbyin pa sbyin pa'i pha rol tu phyin pa'o// tshig 'jam pe ni tshul khrims pha rol tu phyin pa'o dang / bzod pa'i pha rol tu phyin pa'o// don byed pa gang brtson 'grus kyi pha rol tu phyin pa'o// don mtshungs pa ni bsam tan pa
- 307b
rol tu phyin pa dang shes rab kyi pha rol tu phyin pa'o// gzhan yang sbyin pa ni/ byang chub sems dpa' sems thog pa bskyed pa rnams kyi'o// tshig 'jab po ni byang chub sems dpa' spyod pa la zhugs pa rnams kyi'o// don byed pa ni gang byang chub sems dpa'i phyir mi ldog ma rnams kyi'o// don mtshungs pa ni byang chub sems dpa'i tshe cig gis thogs pa rnams kyi'o// gzhan yang sbyin pa ni byang chub kyi rtsa ba gnas pa'o// tshig 'jam pa ni byang chub gi myu gu yongs su rdzogs pa'o// don byed ni byang chub kyi me tog yongs su grub pa'o// don mtshungs par byed pa ni byang chub se'as 'bras bu mngon par 'grub pa// de dag ni byang chub kyi bsdu ba'i dngos po rnam pa bzhi ste/ bsdu ba'i dngos po de dag kyis byang chub sems dpa' sems dpa' chen po yun ring por sems can rnams yang dag par 'dud cing byang chub tu spyod pa'o// de ni bsam pa'i dngos po rjes su 'jug pa zhes bya'o// de lta bas na tshad med pa de dag dang pha rol tu phyin pa de dag dang / bdu ba'i dngos po de dag byang chub kyi lam zhes bya'o// 'di lta ste shi ri'i bu bcom ldan 'das phung po de bzhin gshegs pa dgra bcom pa yang dag par rdzogs pa'i sangs rgyas des brtson 'grus spyod pa la byang chub kyi rna lam de yang bshad 'das pa dang // da ltar byung ba'i sangs rgyas bcom ldan 'das rnams kyi yon tan yang bshad do// sha ri'i bu de
- 308a
nas gzhon nu brtson 'grus spyod kyis bcom ldan 'das phung po chen po de bzhin gshegs pa las byang chub kyi lam de thos nas/ 'das pa/ dang / ma byon pa dang da ltar byung ba'i sangs rgyas bcom ldan 'das rnam kyi yon tan kyang thos nas dga' mgu' ba chen po rnyed par 'gyur/ de dga' mgu chen po rnyed nas bcom ldan 'das phung po chen po de bzhin gshegs pa dgra bcom pa yang dag par rdzogs sangs rgyas de nyen thos kyi dge 'dun dang bcas pa la lo bye ba phrag dgu bcu rtsa drug tu 'di lta ste/ na bza' dang multa stan dang na ba'i rkyen gyi stan dang / yo byad rnams kyis bkur stir byas bla mar byas/ rim 'gror byas mchod pa/ byas byang chub du smon lam btab kyang bcom ldan 'das phung po chen po de bzhin gshegs pa des bla na med pa yang dag par rdzogs pa'i byang chub tu lung bstan to// sha ri'i bu de'i dus de'i tshe na gzhon nu brtson 'grus spyod ces bye ba la the tsom 'am yid gnyis su gyur cing gzhan snyam du mi lta'o// de ci'i phyir zhe na/ nga nyid de nyid de dus na gzhon nu brtson 'grus spyod ces par gyur to// ngas bcom ldan 'das phung po chen po de bzhin gshegs pa de nyan thos kyi dge 'dun dang bcas pa la na bza' dang bsod snyoms mas snyan dang na ba'i rkyen gyi sran dang yo byad rnams kyis lo bye ba phrag dgu cu rtsa drug tu sti stang byas/ bla mar byas rim 'grer byas mchod par byas nas byang
- 308b
nub tu smon las btab kyang / ngal bcom ldan 'das kyis gzhon nu khyod ma 'ongs pa'i dus na de bzhin gshegs pa dgra bcom pa yang dag par rdzogs sangs rgya su/ 'gyur ro zhes lungs bstan to// sha ri'i bu de lta bus bcom ldan 'das 'od 'phro ba'i phu'i po chen po de tshun chad bskal pa drangs med pa na dkon mchog yon tan ces bya ba'i de bzhin gshegs pa dgra bcom pa yang dgra yang par rdzogs pa'i sangs rgyas 'jig rten du byung ste sangs rgyas bcom ldan 'das kyi bar du'o sha ri'i bu de bzhin gshegs pa dkon mchog yon tan gyi nyan thos bye ba phrag brgya bcu'i/ nyan thos chen po 'das par gyur te/ thams cad kyang dgra bcom pa zag pa zad pa nyon mongs pa med pa/ dbang du gyur pa sems can thams cad la dbang dgrod pa'i pha rol tu phyin pa thob pa sha dag go// yang sha ri'i bu yang de'i tshe na rgyal po mdzes par snang zhes bya ba mtha' bzhir 'khor los bsgyur ba rnam par rgyal ba chos dang ldan pa'i chos kyi rgyal po gzhongs kyi mthu dang brtson 'grus pa rin po che sna bdun dang ldan pa zhig byung ste/ de rin po che bdun byung ba ni 'di dag go/ 'khor lo rin po che nas blon po rin po che'i bar du ni bdun pa ste/ mngon par rgyal nas gnas pa'i bar du// sha ri'i bu rgyal po 'dzes par snang ba de'i pho brang ni grong 'khyer 'dzam bu'i gling gi gser zhes bya ste/ shar phyogs nas nub phyogs su nur ni dpag tshad bcu gnyis/ lho phyogs nas byang phyogs su/
- 309a
zheng du ni dpag tshad bdun yod de 'byor pa dang rgyas pa dang bde ba dang lo legs pa dang dga' ba dang mi skye bo mang pos gang bar gyur to// yang den chen tshong dpon shes rab 'dzes shes bya ba byug pa nor mang ba longs spyod che ba nas rgyal cher 'dzod dang bang bas yongs su gang ba'i ba'i du yod pa sngon gyi sangs rgyas la dge ba'i rtsa ba bskyed pa/ sngon gyi sangs rgyas la bya ba byas pa zhig byung ngo // sha ri'i bu de nas bco ldan 'das dkon mchog gi yan lag de bzhin gshegs pa des tshong dpon shes rab mdzes pa'i bsam pa la bstags nas/ kye me'i tshong dpon shes rab mdzes pa'i byang chub sems dpa'i sde snod kyi chos kyi rnam grangs kyi snod du gyur to// kye ma'o tshong dpon shes rab mdzes pa sangs rgyas kyi chos rnams kyi snod du gyur to zhes de snyam du gyur par mkhyen te/ tshong dpon shes rab mdzes pa gang na ba des gshegs te phyin nas rdzu 'phrul gyis steng gi lce snang la dkyil mo kru du zhugs pa nas/ byang chub kyi lam yang bshad 'das pa dang ma byon pa dang / da ltar byung ba'i sangs rgyas bcom ldan 'das rnams kyi yon byad tan yang brjod do// sha ri'i bu de nas tshong dpon shes rab mdzes pas byang chub sems dpa' sems dpa' chen po rnams gi la ma 'di yang thos so// 'das pa dang ma byon pa dang da ltar byung ba'i sangs rgyas bcom ldan 'das kyi yon tan kyang thob nas dga' ba dang mgu ba dang ra
- 309b
tu dga' ba chen po thob par gyur to// de dag dga' ba dang mgu ba dang dga' ba chen po thob nas bcom ldan 'das dkon mchog gi yan lag de bzhin gshegs pa dgra bcom pa yang dag par rdzogs pa'i sangs rgyas nyan thos kyi dge 'dun dang bcas pa de la lo stong du 'di lta ste/ na bza' dang bsod snyoms dang mal cha dang / pa'i rkyen gyi sman dang yod byad kyis bsnyen bkur byas/ tha mar byas sti stang byas mchod par byas nas/ bla na med pa yang dag par rdzogs pa'i byang chub tu smon lam btab kyang bcom ldan 'das dkon mchog gi yan lag de bzhin gshegs pa des bla na med pa yang dag par rdzogs pa'i byang chub tu lung bstan to// sha ri'i bu/ yang de'i tshe de'i dus na gzhan zhig tshong dpon shes rab mdzes pa zhes bya bar gyur to// snyam du the tsom dang yid gnyis byed pa de ltar mi blta'o// de'i tshe de'i dus na cho dpon shes rab mdzes pa zhes bya bar gyur to// sha ri'i bu bcom ldan 'das dkon mchog gi yang lag de bzhin gshes pa nyan thos kyi dge bdun dang bcas de lo stong tun bza dang bsod snyoms dang mal cha dang na ba'i rkyen kyi sman dang / yo byad rnams kyis bkur bsti byas mchod par byas te byang chub tu smon lam btab kyang / bcom ldan 'das dkon mchog kyi yan lab de bzhin gshegs pa des ngal khyod ma 'ongs pa'i dus na de bzhin gshegs pa dgra bcom pa yang dag par rdzogs pa'i sangs rgyas su 'gyur ro zhes
- 310a
bla na med pa yang dag par rdzogs pa'i byang chub tu bstan pa'o// sha ri'i bu de lta ste dkon mchog yan lag tshun tshad bskal pa grangs med pa na mar me mdzad ces bya ba de bzhin gshegs pa 'jig rten du byung ste/ yang de'i tshe na rgyal po dgra thul ces bya ba zhig byung ste/ sha ri'i bu rgya bo dgra thul gyi grong pa can zhes bya ba 'byor pa rgyas pa bde ba lo legs pa dga' ba skye bo dang po dang mis gang bzhig yod do// sha ri'i bu rgyal po dgra thul gyi mar me bram ze bdag ces bya ba zhig che zhing mtho' ba'i bu phyug pa na mang ba longs spyod che ba nas mdzod dang bas yongs su gang ba zhig byung ba de rgyal po dgra thul gis sdug dga' ba'i yid du 'ong zhing mthong na mi mthun pa med do// sha ri'i bu de ltar bram ze che zhing mtho ba thar me rgyal po phyed byin no// sha ri'i bu de lta ste rgyal po phyed byed pa chos kyis byed de chos ma yin pas ni ma yin no// yang dag sha ri'i bu gzhan zhig na rgyal po mar me bdag po las bu gzugs bzang po mdzes pa lta na bsdug pa shin tu bzang ba kha dog rgyas pa dang ldan pa lus skyes bu chen po'i mtshan sum cu rtsa gnyis gis yang dag par brgyan zhig byung ste/ de'i lus thams cad las 'od byung ba ni 'di lta ste/ nyi mi'i 'khor las bang ba bzhin te/ de'i ming mar me byed du/ btags so// sha ri'i bu de nas rgyal po mar me gdag gis// bram ze mtshan mkhan mkhan ltas pa rnams brtsegs nas/ rgyal bu gzhon nu mar me byed pa bstan pa dang /
- 310b
dag gis de byang chub tu lung bstan to// de ltar rgyal po mar me bdag pos rgyal bu mar me byed ma ma dag byin no// sha ri'i de nas ring po ma lon par rgyas bu myur me byed gnon nu shed rdzogs par gyur to// sha ri'i bu de nas gnas gtsag ma'i rigs kyi lha'i bu rnams 'og min gi khang pa nas mi snang bar byas te/ byang chub sems dpa'i m+birI m+me byed la bskor ba byas nas byang chub sems dpa' chen po mar me byed la tshig su gcad pa 'di dag smras so// sras kyi nang ni 'di dag tu yon tan 'byung gnas gyur pa med/ drang srong / rgyal mtshan la gnas nas/ byang chub dam pa rtogs par 'gyur// gzhon nu myur du 'gro ba'i// rlung shugs 'gyogs babs kyang lhag/ dga' bde ni gzungs 'jigs pa 'jig rten gyis ni mi 'dod pa'o// rgya grogs rgas pa mthu nyams ni// rab tu byung ba sdug bsngal ba'o// khyod ni shin tu dar la bab/ khyod ni brtsal ba'i dus la bag/ legs so legs so shes rab che// legs so legs so blo gros che// myur du khyim nas byung nas legs// brtul zhugs btan byang chub rtogs// byang chub sems dpa'i sde snod// bam po nyi shu ste tha ba'o// sha ri'i bu de nas gnas gtsang ma'i rigs kyi lha rnams kyis byang chub sems dpa' sa sems dpa' chen po mar me byed pa la bskul da dang dad pas khyim med pa rab tu byung nas/ de nyid kyi nub mo bla na med pa yang dag par rdzogs pa'i byang
- 311a
byang chub te mngon par rdzogs par sangs rgyas nas/ de nyid kyi tshe na de ltar bcom ldan 'das mar me mdzad de bzhin gshegs pa dgra bcom pa yang dag pa rdzog pa'i byang chub mngon par rdzogs pa'i sangs rgyas nas sangs rgyas bcom ldan 'das kyi bar du gyur pa dang / che ba dang dge ba dgrags pa'i dgra dang tshigs su gcad pa mngon par byung nas rgyal po dgra thul gis/ rgyal po mar me bdag gis bus ma bslabs pa'i bla na med pa yang dag par rdzogs pa'i byang chub mngon par rdzogs pa'i sangs rgyas nas de nyid kyi nub mo rgya cher sangs rgyas bcom ldan 'das su gyur pa'i bar du che ba dang dge ba dgrags pa'i dgra dang tshigs su gcad pa thos so// sha ri'i bu de nas rgyal dgra thul gyis rgyal po mar me dag la khyod kyi sras rab tu byung nas/ bla na med pa yang dag par rdzogs pa'i byang chub tu mngon par rdzogs par sangs rgyas so zhes bdag gyis tho te/ bdag ni khyod kyi sras mar me mdzad ltar 'tshal ni/ bcom ldan 'das mar me mdzad de bzhin gshegs pa thugs rjes dgongs de bdag gi drung du gshes par mdzod cig de ste mi gshegs na bdag gi yan lag pazhi dpung gi tshogs dang bcas pa mchi'i zhes po nya bkye ba dang / de nas sha ri'i bu rgyal po mar me bdag gis gar mkhan deng 'abla ba dang blon po dang sgo ba dang / 'khor rnams bstsogs te de ltar gyur pa dag bzlas pa dang / de dag gis lha de ltar na bcom ldan 'das de nyid la gsol na bcom ldan 'das de
- 311b
ni thugs rje che bas thugs rjer dgongs nas rgyal po dgra thul gyi drung du gshegs par gyur te/ rgyal po dgra thul kyang der mchis par 'gyur ro zhes smras pa dang / sha ri/ bu de nas rgyal po mar me bdag pa glang 'tsho ba dag dang 'grogs te/ bcom ldan 'das mar me mdzad gang na ba der song ste byin nas/ bcom ldan 'das kyi zhabs la mgo bos phyag 'tshal te/ de ltar gyur pa de dag gsol to// de skad gsol nas bcom ldan 'das mar me mdzad de bzhin gshegs pas rgyal po mar me'i bdag po la sems na rgyal po thugs rjer dgongs te/ rgyal po dgra thul gyi drung du gshegs so zhes bka' stsal to// sha ri'i bu de nas bcom ldan 'das de mar me mdzad de bzhin gshegs pa lha mchog gyi rgyal po'i pho brang du ji srid dgyes par bzhugs nas/ dgra bcom pa bye ba phrag brgya bcu dang / byang chub sems dpa' stong phrag rgya cu rtsa bzhi dang / thabs cig tu yul rgyu zhing gshegs so// rgyal po mar me'i bdag po yan lag gyi dpung gi tshogs rnam pa bzhi dang bcas te phyir bzhin du 'brang zhing de bzhin gshegs pa mar me mdzad 'khor dang bcas pa la na bza' dang bsod snyoms dang mal stan dang na ba'i gsos sman dang yo byad de rnams kyi bkur sti byed cing bdag kyi yul gi bar du song ste/ bcom ldan 'das mar me mdzad de bzhin gshegs pa'i zhabs la phyag 'tshal te len sum skor ba byed de'i phyi ma blags nas slar log pa dang bcom ldan 'das mar me mdzad de bzhin gshegs pa dgra bcom pa
- 312a
/ dag par rdzogs pa'i sangs rgyas dgra bcom pa bye ba phrag brgya cu dang thabs cig tu rgya bo'i pho brang pad mo can du gshegs par rgyal po dgra thul gris thos so// te/ nas rgyal po dgra thul gyis rgyal ba'i pho brang pad mo can brgyan te sa gzhi dang lam gi 'dom sum dang thang bu dag la gseg ma dang gyo mo dag sel du btsud de bsal nas phyag dar dang chag chag 'debs su btsud do// spos chu'i chag chag 'debs su brdzud do// me tog phram pas pus mo tsam phyin par kyang byed du btsud do// bdug pa'i snod nas kyang bdug pa byas so// gos rin po che sna tshogs kyi bla ri bris sil snyan sna tshogs kyang dkrol du btsud do// de nas rgyal po dag thul gis rgyal po'i pho brang pad mo can brgyan nas gang rgyal po'i pho brang pad mo can kun me tog dang dri dang byug pa yod pa rnams kyang me spyad cig/ de thams cad kyang bcom ldan 'das mar me mdzad la 'bul zhing chod pa las su gyis shig/ la la zhig spyod dam 'tshong na de ni 'chad pa'i do zhes sgra sgrogs so// de nas rgyal po dgra thul kyis bcom ldan 'das mar me mdzad de bzhin gshegs pa la lta ba'i phyir phyag bya ba'i phyir yan lag bzhi'i dpung gyi tshogs dang bcas te/ me tog dang phreng dang dri dang byung ba dang phye ma dang na bza' dang gdugs dang rgyal mtshan dang lha'i ba dan rnams dang sil snyen sna tshigs bkrol ba dang / rgyal po'i mthu chen po dang rgyal po'i rdzu 'phrul chen pos rgyal po'i pho brang pad mo can du song ngo // dpa ma can gi bram ze dang khyim bdag rnams dang / bcom
- 312b
ldan 'das gang na ba der song ste phyin nas bcom ldan 'das mar me mdzad de bzhin gshegs pa de'i zhabs la phyag 'tshal te/ me tog dang 'phreng ba dang dri dang byung ba dang phye ma dang na bza' dang / gdugs dang rgyal mtshan dang lha'i ba dan rnams bkyis bcom ldan 'das la mchod pa byas nas/ blon po dang 'khor dang bram ze dang khyim bdag de dag gyis kyang bcom ldan 'das kyi zhabs la phyag 'tshal nas/ bcom ldan 'das la mchod pa byas te/ phyi bzhin du 'brang ba dang rgyal po dgra thul sems dga' sems mthu la sgrib pa med sems rabs par gyur nas/ bcom ldan 'das kyi phyi bzhin du 'brang ngo // yab de'i tshe gangs ri'i ngos logs na bram ze rin ce zhes bya ba g.yog bram ze gzhon nu lnga brgya yod pa klog tu 'jug pa'i mkhan po sngags 'chang pa sbrang gsum de rnam grangs cig dang bcas dang / ke'u ta ma dang bcas pa dang yi ge tha dad pa dang / de lta bu byung ba dang ldan zhing tshig re re zhing lung btan pa dang 'jig rten rgyang phan dang mchod sbyin rgyu dang skyes bu chen po'i mtshan la pha rol tu phyin pa gsung rab gsum rig pa'i slob dpon rjes su rtog shing yongs su shes pa zhig gnas te/ sha ri'i bu yang bram ze rin po che bram po gzhon nu spen ces bya ba nye gnas bye ba nye gnas byed pa klog tu 'jug pa drug sngags 'chang ba spang gsum dang rnam grangs cig dang bcas pa dang // kyang ta pa dang bcas pa dang / yi ge rab tu tha dad pa dang bcas pa dang de lta bu byung ba dang ldan zhing
- 313a
tshig re re zhing lung ston pa dang / 'jig rten rgyang mchod sbyin gyi rgyud skyes bu chen po'i mtshan la pha rol tu phyin pa bdag gsung rab gsum rig pa'i slod dpon la kha na ma tho ba med pa rjes su shes pa yongs su shes pa zhig yod do// sha ri'i bu de nas bram ze gzhon nu sprin zhes bya ba spang lebs nas mkhan po la bdag gis spang lobs po/ bdag yul du 'chi na bdag gyis dkyi' ba mchis zhes de skad smras pa dang / kye'u sprin slob dpon dang nor kar sha ba ne lnga rgya byin cig ces de skad sbas so// de nas bram ze gzhon nu sprin gyis mkhan po'i rkang pa la phyag 'tshal te lan gsum bskor nas mkhan po'i drung nas song ste de grong khyer dang rdal dang / rgyal po'i pho brang dag na rgyu zhing slob dpon la dbul ba'i slob dpon gyi nor btsal te/ de nas slob dpon pa dbul ba'i slob dpon/ gyi nor bsdus nas mthar gyis rgyal po'i pho brang pad mo can du phyin te/ bram ze gzhon nu sprin gyi po'i pho brang phad mo can kun brgyan par mthong ngo // mthong nas mi zhig bos te kye skyes bu rgyal po'i pho brang pad mo can 'dir ci'i yo byad lang zhig g.yos par 'gyur ces smras pa dang / des gzhon nu khyod mi shes sam// de ring bcom ldan 'das mar me mdzad de bzhin gshegs pa dgra bcom pa yang dag par rdzogs pa'i sangs rgyas dgra bcom pa bye ba phrag brgya bcu dang / byang chub sems dpa' stong phrag brgya bcu rtsa bzhi dang thabs cig tu rgyal po'i pho brang pad mo can du gshegs te
- 313b
de'i phyir rgyal po'i pho brang pad mo can 'di kun brgyan to// de la mi dag sbyin pa yang / sbyin par byed bsod nas dag kyang byed do zhes de snyed smras pa dang / de nas/ bram ze sbyin gzhon nus sangs rgyas dam pa thos nas dga' ba dang / dang pa dang mgu ba cher skyes nas sangs rgyas bcom ldan 'das rnams 'byung ba dgon te/ shin tu dkon me tog u tum 'bar ba dang 'dra/ mchod sbyin gyi shing cig pu'i tshul lta bu yin pas gang bdag gis kar sha pa ni lnga rgya po 'dis me tog nyos te/ bcom ldan 'das mar me mdzad de bzhin gshegs pa la me tog tor la slob dpon gyi nor gud nas btsal lo snyam mo// yang de'i tshe na bu mo zhig me tog ud pa la bdun khyer te lam gyi srang nas song pa dang / de nas bram ze gzhon nu sprin gi bu mo de la kye chu nas byung ba'i me tog gang nas rnyed par 'gyur zhes de skad smras pa dang / des phyogs ga ge mo zhig nas 'phreng ba bred pa'i khang pa nas bdag gis kar sha pa ne lnga brgyas 'jal to zhes smras so// de nas bram ze gzhon nu sprin gyis bu mo de la me tog chu nas skyes pa 'di dag ji tsam gyis nyon pa bzhin du ngal tshangs shig ces de skad ces saspras pa dang / des 'o na gnyis khyod la zhog la kar sha pa ni lnga brgyas nyor byin ga cig ces smras nas/ des de dag gyis ci bya zhes sbas pa dang / bcom ldan 'das mar me mdzad la gtor bar bya'o zhes smras so// des gal te khyod srid 'gro ba'i 'chi thams cad du bdag gi khyim sa de ltar mi rung zhes smras na
- 314a
thab du 'gyur ba'i dam bca' na gsol to// des bu mo che ge mo khyod de skad ma zer cig ci'i phyir zhe na khyod ni g.yengs ma 'tshal ma ste/ bu mo bla na med pa/ sangs rgyas kyi chos grangs med pa na bskal pa grangs med pas bsgrub dgos te/ de'i phyir 'di lta ste dbyig dang nor bu dang mu tig dang bai dur+ya dang dung dang man shel dang / byi ru chen po dang gser dang dngul dang rta dang glang dang bung bu dang ba lang lug dang rgyas srid dang yongs su btang ba dang / shing rta yongs su btang ba dang slas yongs su btang ba dang bu mo yongs su btang ba dang / lag pa yongs su btang ba dang rkang pa gtsung lag khang yongs su btang ba dang / na ba dang mig dang yan lag mchog yongs su btang ba'i sbyin pa sbyin par bya ste/ mdor na bu mo nang ngam phyi'i dngos po gang yang bdag gis yongs su mi btang ba med de/ bu mo gang bdag gis khyod kyang yongasu btang te/ de bzhin gshegs pa'i bstan pa la dad pas khyim nas khyim med par rab tu byung ba'i dus dang tshe yod na/ khyod nyid ni g.yengs ma 'chol pa ste/ khyod nga'i sbyin pa'i bar chad ma byed cig ces de skad smras pa dang / de lus la sha cung skar gi 'brum bu tsam du btsod/ deng la byin du zin kyang ngas khyod kyi sbyin pa'i bar chad mi bya'o zhes smras nas des de la de ltar gyur cig/ chu las skyes pa me tog dag nga la byin cig ces smras pa dang des kyang byin no// de nas bram ze gzhon nu sprin gyis me tog ud pa la de dag blangs nas de bcom ldan 'das de bzhin gshegs pa gang
- 314b
na ba der song ste phyin bram ze gzhon nu sprin gyis bcom ldan 'das mar me mdzad de bzhin gshegs pa srog chags bye khrag khrig rgya stong du mas bskor cing mdun du bdar ba mthong ste spyod lam mdzes pa nas rgyas pa'i bar du sbyar ro// de bcom ldan 'das la sems dang par gyur to// de sems dang bar gyur nas shin du dga' ba dang dad pa dang bkur sti bskyed nas/ bcom ldan 'das mar me mdzad gang na ba der song ste/ bram ze gzhon nu sprin gyis mi mang po de dag gis gos bzang po dag bcom ldan 'das mar me mdzad kyis drung du bkram pa mthong nas/ des bdag la gos med gis gang bdag gis ri dgas kyi phags pa 'di dkram mo snyam nas des ri dgas gi pags pa dkram pa dang de na mi dge 'di 'dra ba'i sems can dkon mchog gi drung du ri dgas kyi pags dkram zhes 'phya zhing dgram pa brtul ba ri byed do// de nas bram ze gzhon nu sprin phyogs kyi mtha' ga la der song ste phyin nas ri dgas gi pags pa dkram ste dgongs shig bcom ldan 'das mar me mdzad de bzhin gshegs pa kun gyi spyan ri dgas gi pags pa 'di zhabs zhabs mdzod cig/ ces sems bskyed pa dang / bcom ldan 'das mar me mdzad de bzhin gshegs pas dgongs nas/ bram ze gzhon nu sbyin gi ri dgas kyi pags pa la zhabs bzhag go// de nas bram ze gzhon nu sprin dga' mgu rab tu dga' zhing yid bde ba skyes nas mar me mdzad de bzhin gshegs pa de me tog ud pa la lnga btor ba dang / lha'i brgya phrag du mas lha'i
- 315a
me tog man d+ha ra ba dang / lha'i me tog ud pa la dang pad ma dang lha'i tsan dan gyi phye ma rnams kyis bcom ldan 'das mar me mdzad de bzhin gshegs pa la gtor/ lha'i sil snyan rnams dkrol lha'i dbyangs blang nas bcom ldan 'das de sar me mdzad de bzhin gshegs pa la sti stang bya ba'i phyir me tog ud pa la de dag ud pa la stong phrag du mar byas te/ me tog bla re 'dab mthur du lta sdod bu gyen du lta bar byas nas bcom ldan 'das mar me mdzad/ de bzhin gshegs pa dgra bcom pa yang dag par rdzogs pa'i sangs rgyas la mngon par bstod do// de lta ste bram ze gzhon nu'i sprin sems dang bas ngas bcom ldan 'das mar me mdzad kyi spyan sngar lo cu gnyis su ral pa gser lta bu bting nas/ ba dag pa 'ongs pa'i dus na bcom ldan 'das de bzhin gshegs pa dgra bcom pa yang dag par rdzogs pa'i sangs rgyas su gyur na/ bcom ldan 'das kyis bdag dbugs 'byung bar mdzod cig/ bdag la phyag gyi thal mo bstan par stsol cig ces byang chub smon lam yang btab bcom ldan 'das mar me mdzad de bzhin gshegs pa bdag kyi ral pa gser lta bu'i steng du zhabs mi 'jog cig bdag dbugs 'byin par mi mdzad/ bdag la byang chub tu lung yang mi ston na/ de'i phyir bdag 'di nyid lus skams par bgyi'o zhes yid dam yang bcas so// sha ri'i bu de nas bcom ldan 'das de bzhin gshegs pa dgra bcom pa yang dag par rdzog
- 315b
pa'i sangs rgyas mar me mdzad kun nas spyan kun nas mkhyen nas/ dus gsum gang mi mkhyen pa cung zad kyang mi mnga' ba des bram ze gzhon nu'i sprin gyi bsam pa mkhyen nas/ bram ze'i gzhon nu sprin gyi ske ral pa gser gyi kha dog lta bu la zhabs bzhag ste g.yas phyogs nas glang po che'i lta stangs kyis gzigs te/ nyan thos kyi dge 'dun de la dge slong dag ral pa rnams la rkang pa ma bzhag cig/ de ci'i phyir zhe na/ dge slong dag bram ze'i khye'u 'di ni skal pa grangs med pa na de bzhin gshegs pa dgra bcom pa yang dag par rdzogs pa'i sangs rgyas shag kya thub pa zhes bya ba 'gyur ro// zhes bka' stsal to// sha ri'i bu de ltar bram ze'i khye'u sprin gyis bcom ldan 'das de gzhin gshegs pa mar me mdzad las lung bstan pa thos nas dga' zhing mgu bas steng gi bar snang gi nam mkha' la mngon par 'phags te/ ting nge 'dzin bye ba khrag khrig brgya stong phrag brjod du med pa zhig mngon sum byed do// de mngon par shes pa'i ye shes kyi stobs kyis shar phyogs na sangs rgyas bcom ldan 'das gang ga'i rlung gyi bye ma las 'das pa de dag gyis bram ze'i khye'u khyod ma 'ongs pa'i dus na bskal pa grangs med pa na/ de bzhin gshegs pa dgra bcom pa yang dag par rdzogs pa'i sangs rgyas shAkya thub pa zhes bya bar 'gyur ro zhes lung bstan pa dang / de bzhin du lho dang nub dang byang dang de bzhin du shar dang lho'i 'tshams nas 'od dang steng
- 316a
steng gi bar dang / phyogs bcu kun sangs rgyas bcom ldan 'das gang gi'i bye ma lhag pa'i bdag gis bram ze'i khye'u khyod ma 'ongs pa'i dus bskal pa grangs med/ pa na/ de bzhin gshegs pa dgra bcom pa yang dag par rdzogs pa'i sangs rgyas shag kya thub pa zhes bya bar 'gyur ro zhes lung bstan pa mthong ngo // sha ri'i bu de ltar bram ze'i khye'u sprin lung bstan pa thos nas dbungs phyin par gyur te/ nam mkha'i dkyil de nas bab pa nas bcom ldan 'das de bzhin gshegs pa mar me mdzad de las dad pas khyim nas khyim med med par rab tu byung ste tshangs par spyad pa spyod do// sha ri'i bu khyod de tshe de'i dus na bram ze'i khye'u srin zhes bya bar gyur pa de bzhin yin pa snyam du de ltar dogs shing the tsom za na de ltar blta'o// de ci'i phyir zhe na/ nga de'i tshe de'i dus na za bram ze'i khye'u sprin ces bya bar gyur pa yin te/ ngas bcom ldan 'das de bzhin gshegs pa mar me mdzad de la me tog ud pa la lngas gtor te ral pa dag kyang bting ngo // sha ri'i bu de ltar na byang chub sems dpa' lung stan pa myur du thob par 'dod pa dag gyis byang chub sems dpa' sde snod kyi chos kyi rnams grangs shin tu mnyan par bya blang bar bya bzung bar bya/ gzhan dag la yang brjod par bya rgya cher yang dag par rab tu bstan par bya'o// nga 'di mtshan ma med pa'i spyod pa nan tan gyis bsgrub par bya'o// de ci'i phyir zhe na/ sha ri'i bu ngas mngon par zhes te 'das pa'i dus na mar me mdzad kyi pha rol na/ ngas dkar ba'i chos kyi spyod pa gang la me sbyang ba
- 316b
de 'ga' yang med de 'od kyang sangs rgyas bcom ldan 'das de dag gis lung bstan par to// de ci'i phyir zhe na/ 'di ltar mtshan ma dang bcas pas spyod par gyur to// gang gyi tshe gang 'di byang chub sems dpa'i sde snod kyi chos kyi rnam grangs mtshan ma med par spyo ba/ dmigs pa med par spyod pa ji ltar thos pa bzhin du sgrub pa la gnas pa de'i 'od tu de bzhin gshegs pa mar me mdzad kyis/ bram ze'i khye'u khyod ma 'ongs pa'i dus na de bzhin gshegs pa dgra bcom pa yang dag par rdzogs pa'i sangs rgyas shag kya thub pa zhes bya bar 'gyur ro zhes lung bstan to// sha ri'i bu de ltar ngas de bzhin gshegs pa dgra bcom pa yang dag par rdzogs pa'i sangs rgyas mar me mdzad spyod pa thams cad las shin tu 'das pa mthong ngo // de bzhin gshegs pa dgra bcom pa yang dag par rdzogs pa'i sangs rgyas mar me mdzad mthos ma thag tu chos thams cad la mnyam pa nyid du mthong ba khong du chub do// mthong ma thag tu chos thams cad rang bzhin gyis ma skyes par sheso// de'i 'og tu bcom ldan 'das de bzhin gshegs pa mA me mdzad des bram ze'i khye'u khyod ma 'ongs pa'i dus na bskal bgrangs med pa na de bzhin gshegs pa dgra bcom pa yang dag par rdzogs pa'i sangs rgyas shag kya thub pa zhes bya bar 'gyur ro// zhe lung bsten to// lung bstan ma thag tu mi skye ba'i chos la bzod pa rab tu thob bo// bzod pa rab tu bya ji ltar bu zhe na/ gang 'di gzungs rab tu mi rnyed par bzod pa rab tu thob pa dang / tshor ba dang 'du shes dang
- 317a
'du shes dang 'du byed dang rnam par shes pa rab tu mi rnyed par bzod pa dang rab tu thob pa dang / phung po dang khams dang skye mched rnams kyi chos thams/ da rab tu me rnyed par bzod pa rab tu me rnyed par bzod pa rab tu thob pa'o// yang bzod pa rab tu thob pa zhes bya ba de ni bzod pa med pa'i chos rab tu thob pa'i tshig bla dag so// / de ci'i phyir zhe na/ bzod pa rab tu thob pa'i chos de la ni 'jig rten gyis chos rnams kun tu mi 'byung ba bo// so so skye bo'i chos rnams ma yin slob pa'i chos rnams ma yin/ mi slob pa'i chos rnams ma yaM byang chub sems dpa'i chos rnams ma yin te/ sangs rgyas kyi chos rnams kyang kun tu mi 'byung ngo // chos rnams thams cad kun tu mi 'byung bas de'i phyir bzod pa rab tu thob pa zhes bya'o// chos thams cad thob pa med cing mi dmigs pas de'i phyir bzod pa rab tu thob pa zhes bya'o// bzod pa de yang mtshan ma thams cad dang dmigs pa thams cad kyis skad cig pa yin te/ de'i phyir bzod pa rab tu thob pa zhes bya ste/ de la mig med do mig gi snod pa med do// de bzhin du sbyar te rna ba med sna med lce med lus med yid med yid kyi gnod pa med de/ mi bzod pa'i yul de ni bzod pa 'gro pa med pa'i yul de ni bzod pa ste/ de'i phyir bzod pa thob pa zhes bya'o// sha ri'i bu de bas na byang chub sems dpa' lung bstan pa myur du thob par 'dod pa dag gis gang 'di byang chub sems dpa'i sde snod kyi chos kyi rnam grangs mtshan ma med par spyod pa/ lhun gyis
- 317b
grub par spyod pa dmigs pa med par spyod pa shin tu mnyan par bya/ blang bar bya/ bzung bar bya kun chub par bya gzhan dag la brjod par bya/ rgya cher yang dag par tu bstan par bya nan tan gyis bsgrub par bya'o// yang de'i tshe 'khor de nyid du tshong dpon gyi bu mis byin zhes bya ba 'dus par gyur te 'dug pa des bcom ldan 'das las byang chub sems dpa'i sde snod kyi chos kyi rnam grangs dang / sangs rgyas kyi yon tan dang byang chub sems dpa' yon tan rnams thos nas bstan las langs te bla gos phrag cig tu gzar nas pus mo gams pa'i lha ba sa la btsugs te/ bcom ldan 'dasal ba der logs su thal mo sbyar nas btud de bcom ldan 'das la 'di skad ces gsol to// bcom ldan 'das gnas tan ma 'gags pas bdag la khyim bdag dgra bcom pa 'thob ste/ 'di ni dga' shi'i mtha' ma'o zhes de ltar 'jug par bgyis te de skad rjes su bstan mod kyi bdag bcom ldan 'das las byang chub sems dpa'i sde snod kyi chos kyi rnam grangs 'di dang sangs kyi yon tan dang / byang chub sems dpa'i yon tan rnams thos nas 'di snyan du gang 'di bla na med pa yang dag par rdzogs pa'i byang chub theg pa chen po 'di ni mchog tso bo dam pa mchog/ rab gya nom pa bla na med pa'o snyam bgyid do// bcom ldan 'das las kyang bdag gis rab tu rnam par dbye ba'i chos rnams kyis mchos gang yin pa de bskyed par bya'o// zhes mngon sum du bzung nas bdag 'di snyam du rab tu rnam par dbyed pa'i chos
- 318a
chos ma mchis bdag gyi ma mchis bdag gyi ma mchis pa/ yongs su 'dzin pa ma mchis pa rnams kyis chos gang mchog gtso bo mchog rab gya nom pa/ bla na med pa chos de yang dag par blangs te 'jug go snyam bgyid do// bcom ldan 'das bdag 'di snyam du theg pa thams cad kyi nang na ni sangs rgyas kyi theg pa bla na med par gnas pa lags te/ de bzhin gshegs pa'i theg pa ni theg pa gang ji snyed dag gi mchog tu brjod pa nas bla na med pa'i bar du brjod ste/ bcom ldan 'das bdag skye bo mang po la phan pa dang skye bro la bde ba dang 'jig rten la snying rtse ba dang skye ba'i tshogs chen po dang lha dang mi rnams kyi don dang phan pa dang bde ba'i slad du dong na/ bla na med pa yang dag par rdzogs pa'i byang chub tu sems bskyed par bgyi'o// ji ltar byang chub sems dpa'i bslab pa bcas pa la yang bslab par bgyi'o snyam bgyid do// de skad ces gsol pa dang / bcom ldan 'das kyis tshong dpon gyi bu mis byin la 'di skad ces bka' stsal to// mes byin bla na med pa yang dag par rdzog pa'i byang chub tu ni yid ches par bka' ba sgrub par bka' ba'o// gsol pa bcom ldan 'das bla na med pa yang dag par rdzogs pa'i byang chub yid ches par bka' lags kyang / bcom ldan 'das de dang mthun par brtson 'grus brtsams te// bla na med pa yang dag par rdzogs pa'i byang chub sgrub par bgyi'o// ci nas kyang bla na med pa yang dag par rdzogs par byang chub las phyir mi ldog par bgyi'o// bcom ldan 'das gal te sems bskyed pa gang ga'i gli bye ma snyed kyis bla
- 318b
na med pa yang dag par rdzogs pa'i byang chub mngon par rdzogs par mtshang rgya bar nus par 'gyur la/ sems bskyed pa re re yang bskal pa gang ga'i rlung gyi bye ma rnyed na skye la byang chub kyi sems bskyed pa lan re zhig mgo gang ga'i rlung gi bye ma snyed chad par gyur kyang / de ltar bdag gyis bla na med pa yang dag par rdzogs pa'i byang chub yongs su mi gtang ste/ bcom ldan 'das bdag ni rnam grangs 'dis byang chub mngon par rdzogs par 'tshang rgya bar spro na/ gang bde ba'i yo byad kyis byang chub mngon par rdzogs par 'tshang rgya bar lta spos kyang ci 'tshal/ de 'aci'i slad du zhe na/ bcom ldan 'das bla na med pa yang dag par rdzog pa'i byang chub ni ji lta bskal pa bye ba brgyad stong du tshig gyis kyang rnyed par bsra bar ma lags pa de lhur rgya chen pos sangs rgyas kyi chos 'di dag kyang de ltar rgya chen po'o// de ltar bsam gyis mi khyab bo// de ltar mtshungs pa ma mchis so// de ltar dpag tu ma mchis so// de ltar dgrangs mchis so// sangs rgyas bcom ldan 'das rnams mkhyen pa yang de ltar chags pa ma mchis so// de nas tshod dpon gyi bu mis byin de'i tshe tshigs su bcad pa 'di dag smras so// bskal pa bye ba stong rnams su bdag ni byang chub sems bskyed cing / sdug bsngal kun gyis gnod gyur kyang / sems can rnams ni mi gtong ngo // sems skyed pa ni lan re zhing / mgo phung ri rab kyi 'phang tsam mthong por gyur pa dag/ thams cad gcod par spro bar babyed// srog chags kun la phan pa'i phyir// byang chub 'di la bdag
- 319a
'jog go/ de bzhin gshegs pa khyod ci 'dra kho nar gyur par shog/ theg par chu du theg pa dpa'// nyan thos theg pa spangs nas ni de bzhin gshegs pa khyod ci 'grar// de 'drar kho nar gyur par shog/ theg par 'di ni theg pa ste/ sangs rgyas rnams kyis mchog ces bsngags// gzung bar 'os pa gzhan ma mthong / de bas bdag ni byang chub mos// gnod par gyur pa rnams la skyob// ngan 'gro gsum las thar par bgyid/ de'i phyir ni sangs rgyas dag/ de bzhin gshegs pa rnams 'byung ngo // de nas tshong dpon gyi bu mi byin 'di snyam du sems te/ bdag gis sangs rgyas kyi chos rgya chen po 'di lta bu dag shes la gang su dag chos 'di yang dag par 'dzin du ma bcug na 'di ni bdag gi cha ma yin/ no snyam nas// de bcom ldan 'das kyis zhabs la mgo bos phyag 'tshal te/ bcom ldan 'das la lan gsum bskor ba byas nas rings shing myur ba'i gzus kyis rang gyi khyim ga la ba der song te/ skye dgu'i bdag mo bdan dang bu mo bdun dang bran po bdun dang bran mo bdun dang lha cig tu gos du sha phrug stong thogs te/ rol mo mkhan lnga rgya tsam dang lhan cig bcom ldan 'das la lta bar 'dod pas/ rengs shing myur pa'i gzungs kyis rgyal po'i khab kyi grong khyer chen po nas 'byung ba dang / rgyal po'i khab kyang mi dang mi yin pa rab tu mang po dag gis tshong dpon gyi bu mis byin g.yog dang bcas te rings shing skur ba'i gzugs kyis rgyal po'i khab kyis grong khyed chen po nas byung bar mthong ngo // mthong nas kyang 'di skad
- 319b
ces mis byin khyod g.yog dang bcas pa rings shing myur ba'i gzugs kyis gar cha zhes 'dzem pa dang / spras pa khyed cag gis de bzhin gshegs pa dgra bcom pa yang dag par rdzogs pa'i sangs rgyas bya rgod kyi phung po 'di'i ri la 'khor brgya stong phrag du mas bskor te/ mdun gyis byas nas rnam grangs du mas sangs rgyas kyi chos rgya cheran po dag yang dag par rab tu ston te/ sangs rgyas kyi chos rgya chen po dag gyi don dang sangs rgyas kyi ye shes bams kyi mi khyab cing mtshungs pa med pa yongs su bsgrubs 'i phyir bdag g.yog dang bcas te de bzhin gshegs pa dgra bcom pa yang dag par rdzogs pa'i sangs rgyas ga la ba der song ste/ bla na med pa yang dag par rdzogs pa'i byang chub tu dge ba'i rtsa ba bskrun par byed pa mi shes pa lta gal te khyen sangs rgyas kyi chos rgya chen po dag yongs su bsgrub par 'dod na tshur sheg 'dong ngo / bcom ldan 'das de'i gan du dong ste sangs rgyas kyi chos rgya che ba rgya che ba deg gi don gyi phyir dge ba'i rtsa ba bskrun pa bya'o// de ltar rgyal po'i khab kyi mi rnams mis byin gyi tshig de thos nas srog chags stong phrag bcu phyi bzhin du 'brang bar gyur to// de nas tshong dpon gyi bu mis phyin skye dgu'i bdag mo bdun dang khye'u bdun dang bu mo bdun dang bran mo bdun dang bran po bdun dang lhan cig du gos du sha phrugs stong thogs nas srog chags stong phrag bcu po de dag dang / rol mo mkhan lnga rgya tsam po de dag dang lhan cig tu me tog dang spos dang byug pa dang phye ma dang na bza' dang gdugs dang rgyal mtshan dang
- 320a
// dang ba dan dang rnga dang rol mo dang sil snyen bkrol te/ bcom ldan 'das la mchod pa byas nas gos du sha phrugs stong po de dag kyis bcom ldan 'das la g.yogs nas/ de'i tshe tshigs su bcad pa 'di dag smras so// sems can rnams kyi dam pa'i mchog gang yin/ byang chub mchog tu mya ngan rnam dag spyod/ mtha' yang gzigs pa rkang gnyis rnams kyi mchog/ de la de ring bdag ni mchod pa bgyid// gang zhig sngon gyi skal pa mang por spyod// srog chags rnams la phan phyir byang chub btsal// rdzogs pa'i sangs rgyas chos kyis dbang mchog brnyas// de la di rang bdag ni mchod pa bgyid// bu dang blon bcas nye du tshogs dang / srog chags rnamal phan phyir byang chub tshol// srog chags stong po 'di dang lhan cig/ sangs rgyas dag ni tshogs la skyabs su mchi// de nas tshong dpon gyi bu mis byin gyis bcom ldan 'das la tshigs su bcad pa de dag thams cad kyis mngon par bstod nas/ bcom ldan 'das la 'di skad ces gsol to// bcom ldan 'das sems can ji snyed bdag dang lhan cig tu bcom ldan 'das kyis gan du mchis pa de dag thams cad// bla na med pa yang dag par rdzogs pa'i byang chub tu yang dag par zhugs pa sha sngags lags na bcom ldan 'das kyis ci nas kyang sems can thams cad/ bla na med pa yang dag par rdzogs pa'i byang chub las phyir mi ldog par 'gyur ba dang / bcom ldan 'das bdag gis bcom ldan 'das la dge ba'i rtsa ba bskrun pa gang legs pa
- 320b
de dge ba'i rtsa ba 'dis bdag bla na med pa yang dag par rdzogs pa'i byang chub mngon par rdzogs par 'tshang rgya bar 'gyur ba de ltar de dag la chos bstan tu gsol// 'di lta ste// dper na/ da ltar bcom ldan 'das bzhin tu/ sems can thams cad kyang chos 'di dag thob par gyur cig/ de nas tshong dpon bu mis byin dang skye dgu'i bdag mo bdun po de dag dang / khye'u bdun dang bu mo bdun dang bran po bdun dang bran mo bdun dang / srog chags stong phrag bcu po de dag dang rol mo mkhan lnga brgya tsam po de dag gis bcom ldan 'das la 'di skad ces gsol/ bcom ldan 'das bdag cag sangs rgyas dang chos dang dge slong gi dge 'dun la skyabs su mchi'o// bcom ldan 'das bdag cag la dge snyen du bzung du gsol/ de nas ji srid cig 'tsho ba'i bar du srog gcod pa las phyir mi ldog go/ bskyabs su mchi'o// mngon par dad to/ bcom ldan 'das bdag cag deng nas bla na med pa yang dag par rdzogs pa'i byang chub tu sems bskyed par bgyid do// 'di lta ste dper na/ da ltar yang dag par rdzogs pa'i sangs rgyas khyod bzhin du bdag cag kyang bla na med pa yang dag par rdzogs pa'i byang chub tu mngon par rdzogs par sangs rgyas nas sems can rnams la chos bstan par bgyi'o// 'di lta ste dper na/ da ltar bcom ldan 'das la tshogs la 'das ngag mdzad pa de bzhin du tshogs la gdams par bgyi'o// bcom ldan 'das 'di la ste dper ma da ltar bcom ldan 'das sems can sdug bsngal gyis nyen pa rnams
- 321a
thar bar mdzad pa de bzhin du bdag cag kyang sems can sdug bsngal gyis nyen pa rnams thar bar bgyi'o// de nas rol mo lnga brgya po dag gyi sil skan gyi dgra chen pos bcom ldan 'das la lan gsum bskor ba byed do// srog chags stong phrag bcu po de dag dang tshong dpon gyi bu mis byin skye dgu'i bdag mo bdun dang lhan cig khye bdun dang lhan cig bran po bdun dang lhan cig bran mo bdun dang lhag cig g.yog thams cad rol mo mkhan lnga brgya po de dag dang lhan cig tu bcom ldan 'das la lan gsum bskor ba byed do// de nas bcom ldan 'das sems can de la thugs rtse ba'i srad du steng gyi bar snang la bkyil mo dkrung bcas te bzhugs te/ de nas rol mo mkhan lnga brgya po de dag gyis bcom ldan 'das steng gyi bar snang la dkyil mo dkrung bcas te bzhabs pa mthong ngo // mthong nas kyang dad pa skyes nas sangs rgyas kyi mthus rol mo cha de thams cad bor ba dang sangs rgyas kyi mthus de dag ma bzung bar steng gyi bar snang la gnas shing dgra 'byin te/ sgra 'byin bzhin du de bzhin gshegs pa bar snang la gnas pa la lan gsum bskor ba byed do// de nas tshong dpon gyi bu mis byin g.yog dang bcas pa dang rol mo lnga rgya tsam po de dag dang / srog chags stong phrag cu po de dag gis bcom ldan 'das kyi rdzu 'phrul dang dang cho 'phrul 'di mthong nas dga' mgu yi rangs te bde ba dang / yid bde ba skyes nas thams cad la thal mo sbyar bar 'gyur te/ bcom ldan 'das de nyid la phyag 'tshal lo//
- 321b
sten gyi bar snang la dpag tshad cig khor yug kyang sil snyam stong phrag du ma yongs su ma bzung bar rang gyis khyab par gyur te/ dper na sbrang rtsi'i spang pa mi tshogs tshogs bzhin du steng gyi bar snang la rnga dang 'ol mo'i sil snyan gyi sgra 'byung ngo // de nas tshong dpon gyi bu mis byin g.yog dang bcas pa dang / rol mo mkhan lnga rgya tsam po de dag dang / srog chags ston phrag bcu po de dang / chos nyan pa lngar lhags pa las srog chags drug stong tsam zhig dang / dge slong brgya phrag phye dang bcu gsum po de dag thams cad sangs rgyas kyi mthus steng gi bar snang la mngon par 'phags pa dang / sangs rgyas kyi mthus steng gi bar snang la khang pa rtsegs pa lnga lnga byung ngo // rol mo mkhan gyi khang pa rtsegs pa bzhis mdun gyis byas pa/ rol mo mkhan gyi khang pa rtsegs pa thams cad na chos ston to// bar snang la gnas pa'i lha stong phrag du sa dag gis kyang lha'i me tog man d+ha ra ba dag gtor to// me tog de dag kyang sangs rgyas kyi mthus steng gyi bar snang la khang pa rtsegs brgya bcur gyur to// de nas skye ba'i tsho gas chen po stong gyi bar snang la gnas pas rdzu 'phrul gyi mthu chen po de mtho sa/ bcom ldan 'das la dga' ba dang dad pa dang gus pas dang rjes cher byed do// de nas bcom ldan 'das kyis skye bo'i tshogs chen po de'i dad pa khyen tshong dpon gyi bu mis byin dang skye bo'i tshogs chen po de'i lhag pa'i bsam pa khyen nas de'i tshe 'dzum
- 322a
pa mdzad de// dbu'i gtsug du mi snang bar gyur ces bya ba'i bar du rgya cher sbyar to// de nas tshe dang ldan pa kun dga' bos bcom ldan 'das 'dzum pa mdzad pa mthong nas chos gos phrag pa cig tu bzar te bcom ldan 'das ga la ba de logs su thal mo sbyar nas bcom ldan 'das la 'di skad ces gsol to// bcom ldan 'das sangs rgyas bcom ldan 'das ni rgyu ma mchis rkyen 'am mchis par 'dzum pa mi mdzad na/ 'dzum pa mdzad pa'i rgyu gang lags de skad ces gsol pa dang / bcom ldan 'das kyis tshe dang ldan pa kun dga'o la 'di skad ces dka' stsal to// kun dga'o tshob dpon gyi bu mis byin 'dis skye dgu'i bdag po bdun dang khye'u bdun dang bu mo bdun dang bran po bdun dang bran mo bdun gyis ngal mchod pa byas te/ bskal pa bye ba phrag stong du log pa lta bar mi 'gro ste/ lha dang mi rnams kyi nang du skyes par 'gyur ro// de bskal pa bye ba stong phrag brgya 'das nas de bzhin gshegs pa dgra bcom pa yang dag par rdzogs pa'i byang chub ded dpon zhes bya ba mnyes par 'gyur ro// mnyes bar byas nas sti stang byed par 'gyur btsun par byed par 'gyur ri mor byed par 'gyur mchod par byed par 'gyur te/ de'i 'og tu bskal pa nyi shur log par ltung bar mi 'gyur ro// kun dga'o de la tshong dpon gi bu mis byin gyi skye dgu'i bdag mo bdun dang khye'u bdun dang bu mo bdun dang bran po dang bran mo bdun gang yin pa de dag ni 'di
- 322b
nas shi 'phos nas bud med kyi lus las gyur te skyes pa'i lus thos nas byang chub sems dpa' mi byin dang lhan cig tu byang chub sems dpa'i spyad pa spyod pa 'gyur ro// de ga bskal pa cig la bla na med pa yang dag par rdzogs pa'i byang chub mngon par rdzogs par 'tshang rgya bar 'gyur te/ kun dga'o byang chub sems dpa' sems dpa' chen po mis byin ni de bzhin gshegs pa dgra bcom pa yang dag pa rdzogs pa'i sangs rgyas ni sems snyoms shes bya bar 'gyur ro// byang chub sems dpa' mis byin gyi g.yog gang yin pa de dag thams cad de bzhin gshegs pa'i ming tha dad par 'gyur ro// rol mo mkhan lnga rgya po gang yin pa de dag thams cad ni bskal pa dgrangs med par log par ltung bar mi 'gro ste/ 'khor los sgyur ba'i rgyal po bye ba phrag stong byed par bgrang ba'i tshul gyis smras te/ bar skabs der sangs rgyal stong phrag bcu gnyis par byas nas sti stang dus byas par 'gyur/ btsun par byed par 'gyur/ ri mor byed par 'gyur/ mchod par byed par 'gyuraro// thams cad kyang bskal pa cig la bla na med pa yang dag par rdzogs pa'i byang chub mngon par rdzogs par batshang rgya bar 'gyur te/ de bzhin gshegs pa'i sangs rgyas dbyangs 'jam zhes bya bar thams cad ming 'thun par 'gyur ro// srog chags stong phrag bcu pa de las chogs chags pazhi kya de bzhin gshegs pa byams pa sa ma
- 323a
par byas nas de'i tshe yongs su mya ngan las 'das par 'gyur ro// lhag ma rnams ni bskal pa gang ga'i rlung gyis bye ma snyed du log par ltung bar mi 'gro ste/ tshul 'dis sangs rgyas bye ba phrag stong mnyes par byas nas sti stang byed par 'gyur btsun par byed par 'gyur ri mor byed par 'gyur/ mchod par byed par 'gyur ro thams cad rkyang bla na med pa yang dag par rdzogs pa'i byang chub mngon par rdzogs par ma 'tshang rgya bar 'gyur ro// de bzhin gshegs pa dgra bcom pa yang dag par rdzogs pa'i sangs rgyas ngo mtshan ces bya bar thams cad kyang ming 'thun par 'gyur ro// srog chags drug stong po de las// srog chags stong ni nga yongs su mya ngan las 'das te/ dam pa'i chos ni nub nas mtshon gyi bskal pa bar ma ni 'das de bzhin gshegs pa byams pa ni ma byung ba'i dus der sems can rnams kyi tshe 'phel bar 'gyur ba'i dus de na/ rang sangs rgyas rgya 'byung bar 'gyur to// srog chags stong po de dag gis rang sangs rgyas de dag thams cad mnyes par byas nas/ sti stang byed par 'gyur/ btsun par byed par 'gyur ri mor byed par 'gyur mchod par 'gyur ro// gang zag kyi mchog byams pa de yang mnyes par byas nas sti stang du byed par 'gyur/ btsun par byed par 'gyur ri mor byed par 'gyur mchod par byed par 'gyur ro// de'i 'og
- 323b
tu bskal pa bye ba khrig phrag nyi shur log par ltung bar 'gro bar mi 'gyur ro// de'i lus kyi tha ma thob nas dge ba'i rtsa ba rnams kyis bkul te/ dang bas khyim nas khyim ma yin par nas rang byang chub mngon sum du byed par 'gyur ro// srog chags stong phrag bcu po las srog chags mthong ba skyes pa stong gis bla na med pa yang dag par rdzogs pa'i byang chub tu sems bskyed do// lha'i bu khrig phrag drug bcu ni chos rnams la chos kyi mig rdul dang bral zhig dri ma med pa skyes so// kun dga'o byis pa rnams ma rtogs par de bzhin gshegs pa rnams la su zhig dga' ba dang dad pa dang gus pa dang zhes bskyed par mi byed/ de ci'i phyir zhe na/ 'di ltar dge ba'i rtsa ba chung ngus 'di lta bu'i che ba nyid thob cing mya ngan las 'das pa yang rig go/ de nas bcom ldan 'das kyis sangs rgyas la ni gus byas nas/ 'di// 'dra ba'i dpal thob ste/ de'i phyir gang la byin na ni// 'bras bu che ba'i ston pa mchog/ gang yang bzhugs pa mchod pa dang // gang yang mya ngan las 'das pa'i// ring sel yungs 'bru tsam mchod pa de bzhin gshegs par 'gyur bar mthong // gang yang bzhugs la mchod pa dang // gang yang mya ngan las 'das pa'i// ring sil yungs 'bru tsam mchod pa// sems dang mnyam la 'bras bur mnyam// mnyam pa'i sems su byas nas ni/ gang zag mchog la mchod byed pa// de ni rnam par
- 324a
sbyin par mnyam// mtshungs par byang chub 'tshang yang rgya// bde bar gshegs pa'i las bzung ste/ ngan par 'gro ba'i lam yang bcad/ mya ngan 'das par 'gro ba'i lam// de yang de la mi dkon no// sangs rgyas tshul khrims dam pa dang // sangs rgyas ting nge 'dzin mchog gyis// de phyir mchog la dad byas nas/ de bzhin gshegs pa mchog tu 'gyur// mchod pa dam pa byas nas ni/ myur du mchog tu 'gyur ba yin/ chos kyi dam pa ston mdzad pa// rdzogs pa'i sangs rgyas mchog tu 'gyur// mi gang mkhas pa sang+yas kyi// chos la ston par 'dod pa de// mos pa drag po skyed par bya// mang du thos nas tshul bzhin 'khor los sgyur ba'i rgyal po dang // tshangs pa dbang byed gyur nas ni// yon tan mang ba'i 'gyur gnas dang // mya ngan las 'das nges par 'gyur// de'i tshe bcom ldan 'das kyis tshe dang ldan pa sha ri'i bul dka' stsal pa/ sha ri'i bu de bas na rigs kyi bu 'am rigs kyi bu mo theg pa chen po la yang dag par zhugs pa// bla na med pa yang dag par rdzogs byang chub tu mngon par rdzogs par 'tshang rgya bar 'dod pa dag gis/ byang chub sems dpa'i sde snod chos kyi rnam grangs 'di la drag po bskyed de// shin tu mthun par/ bya bla dag bya bzung bar bya klag par bya kun chub par bya gzhan dag la brjod par bya/ gzhan dag la rgya cher yang dag par rab tu bstan par bya'o// de ci'i phyir zhe na/
Colophon
'phags pa byang chub sems dpa'i sde snod ces bya ba'i chos kyi rnam grangs/ thegs pa chen po'i mdo'/ rdzogs s+ho/