Untitled work
Text
ff. 185b–186a · 2 folio sides
- 185b
ltar dus gsum rnam pa thams cad du// nyid las ma yengs pa ni chos kyi sku/ stobs su gyur na 'jig rten rang bzhin med// thugs rje sprul pas kun la khyab mdzad cing // se ni rnams la byams pa'i char chen 'bebs dang bsgom dang bsgom par bya ba gnyis med na/ don dam dang la ba de bar gnas pa ni// byang chub sems sgom zhes kyang de la bya// rtog pa'i rlung chen ma yengs don ston pa// rnam dag byang chub sems kyi bsgom pa yin// byang chub kyi sems bsgom pa don drug pa rdzog so// / tshul le phrul pa bzung ba/ @#/ pad+ma'i spyan la phyag 'tsha'o// phyi dang nang kun chos kyi dbyings// rnam par dag pa'i spyod yul la/ sangs rgyas sems can gnyis med// lam gyis bcos su ga la yod// sgrub chen rtsal sprugs smon pa med pa yis// bya maud lhun rdzogs snga ma de nyid do rtog dpyod rnam dag gnyis med chos dbyings la// log rtog byis pa'i spyod pas ci zhig slu// gnyis med bde chen sems can kun spyod la/ 'khrul pas nor pa'i lam du btags na yang // gong du bstan pa'i lam tshon de las mi gnyis pas// mnyam par shes pa'i sangs rgyas kun gyi rje/ nga rung bdag tu bzung bas mu stegs 'khrul po'i lam/ byis pas smras pa chos spyod rtog pa'i lam la btsud nas ni phyin pa'i lam med rtogs pa'i dus med// chos nyid chos tshol rnyed par ga la 'gyur// slob dpon tshad mar ma gyur smre 'dra'i lung // brten dang lam nor rtog pas zin ta ro// ngo bas gser la nag tshur gtong
- 186a
ba'i slob dpon rin chen te// rin thang dpag tu med pa'i rin gyis slu bar 'os// rtsal chen sprugs pa rdzogas+ho// / byang chub kyi sems khyung chen banugs/ bcom ldan 'das 'jam pa'i dbyangs la phyag 'tshalo// mi gnas dmigs pa'i yul med mi rtog chos kyi lam// bsngo ba'i ma shas phra ba'i yul las byung ba ste// rtog sgom chos kyi sku ni khyad par don med pas// rang byung ye shes mi rtog kun tu ji bzhin gnas/ bya bral yul la mi gnas gnyen pos bcosu med// yan lag chos kyi dbang gis snying po yul tshol zhing // rnam pa cir yang mi rtog thabs kyis de la rol// snying po rang bzhin 'byung bas chos sku gzhan na med// rdul phran gcig las brtsegs shing phyogs bcu kun dang bral// mi gnas don nyid legs pa'i ye shes rang byung ste// mngon sum kun tu mi rtog yangs pa'i snying po la// rnam dag lam 'dir ro zhugs pas mnyam pa'i rgyal po thob// mi 'gyur 'gyur ba med pas chags pa'i gnas med// de bzhin bzung ba'i yul sed chos kyi gnas kyang med mngon sum thob par 'dod pas rgyu la rtag tu bsgom// sgom chags bde ba de la mnyam pa'i don mi 'byung // sku gcig kun tu khyab pas bsnun pa'i chos med// mtha' la thug pa med cing dbyings la bri ba med chos nyid rol pas lhag pa'i gnas ming // rang byung che ba'i yul la kun tu ji bzhin gnas// ngo mtshar mthong ba'i yul med de la mthong ba'i dmigs/ gang la thob par mi rigs pa rnyed pa kun dang bral// chos