rDzogs chen - Man ngag sde/Phyi nang gi skorAll versions of this work

'byung po kun 'dul zhes bya ba'i rgyud

Bhutasarbadamakananamatantra

Text

ff. 17b–43b · 53 folio sides

  1. 17b

    sems can brda'// snang ba rnam gsum 'khrul pa'i brda'// de ni nang gi brda' bzhi yin// 'dod chags zhe sdang gti mug ni// de ni thig le nyag cig brda'// dug lnga ye shes lnga'i brda'// 'gro drug rang byung ye shes brda'// gzung dang 'dzin pa rig pa'i ye shes brda'// de ni gsang ba'i brda bzhi yin// sgra yi don ni 'di lta ste// ye shes sgra las yi ge ha// dbyings kyi sgra las yi ge a// rtsal gyi sgra las yi ge ma// rol pa'i sgra las yi ge 2// de ni sgra yi chos nyid do// don nyid rtog pa'i rnal 'byor la// rab dang 'bring dang tha mar bstan// dbang po rab yang rang grol bas// sangs rgyas chos dang mya ngan 'das// dngos po chos kyis gnas lugs ste// bar do med par rang grol ba'o// 'bring dang tha ma'i chos nyid ni// da ltar ngo sprod par dor sangs rgyas so// rdzogs chen lam pa'i chos nyid do// sems can 'khor ba blo dang snang lugs te// 'bring dang tha ma par dor grol ces 'byung ngo // yang ti drang don du bshad pa'o// dam tshig bkod pa sa bzhi'i rgyud las/ pa tra 'gyur sgra 'gyur don 'gyur du bstan pa'o// tshig gsum rgyud pas sangs rgyas kyi chos rgyud pa bar ma chad par/ dam tshig bkod pa sa gzhi'i rgyud rdzogs so// phung po ma sa kyi rgyung shAms/ @#// rgya gar skad du/ b+hu ta sarba ma ka na nA ma tan+da/ bod skad du/ 'byung po kun 'dul zhes bya ba'i rgyud/ dpal kun tu bzang po la phyag tshal mo// 'di gang bdag gi zos pa'i dus gcig na/ bcom ldan 'das kun tu rtag pa mi 'gyur ba'i sku/ bde ba chen po'i gnas bdab pa na/ bzhugs so// de'i tshe byang chub sems dpa' rdo rje chos kyi blo gros kyis/ kun

  2. 18a

    tu bzang po ma byin brlabs nus so// de'i tshede'i dus na/ kun tu bzang pos lung bstan pa// rgyud nyi shUN lnga la// man ngag gsum brgya drug cu dang // phyi nang gsang ba'i do spyod dang // man ngag gser gyi yang nun dang // dgongs pa zam ma chad pa'i byin brlabs bskor du bstan pa'i byin brlabs thugs rje'i chos rnams la/ bstan pa'i yang rtse man ngag kun gyi bcud// theg pa'i yang rtse spyi don dgong pa'i rgyud// man ngag lde mig 'phrul gyi sman bu byed// rig pa'i chad la 'ang dbyeng snga gri 'ang // rig 'dzin rgyal ba rdo rje chos kyi blo gros la// byin brlabs rgyal po bstan pa'i rten du bzhag/ tshigs chung ngan chen man ngog zab// rgya che rabaza' dgongs pa rgyud pa la/ chos kyi blo gros thugs la dgongs pa shar// snang srid 'khor 'das phyi nang med par gsal// me long bltas pas rang snang gsal ba ltar// 'gro drug rang snang sku dang ye shes dang // thig le nyag cig me long nang ltar gsal// de ltar do sbeng dgongs pa bstan pa ni// chos can chos myed rang grol dgongs bshad// de phyir dgongs brgyung ba yin// rab byung me long rang 'das nang na tshor snang ltar// rang snang rang 'das 'di ni ci kyang snang // rgyal ba'i thugs kyi ga ga gas pa mu ga ma k+shi// sgyu sa sh+than+tu/ sa // hA rnam pa nga sems pa/ mgasas/ # rna byas// sa rgyam mams / 'am pa su kyi zu / @#sa 'tsha

  3. 18b

    du byin rlabs 'grib pa med pa la// sgom par bya ba rdul yang mtshon no// snang ba de la shes pas phyogs su bzung // phyogs ris dgongs pa rang grol ma shar na// rang snang rnam pa mtha' yis cing ba yin// lam dang 'bras bus rang zhung grub pa'i mtha'// mtha' grol rang byung shar ba shin tu dka'// ces gsungs pa dang / rdo rje chos kyi blo gros la// thugs cad shes kyis klong nas sprul pa'i sku byung ste// chu dang rlabs dang nyi ma 'ong dang zer// de bzhin sbu ba'i rnam pa ltar// byin brlabs skad cig ma la shar// rang shar 'bras bu'i dgongs pa las// ston pa dga' rab rdo rje 'thon// de nas thugs rjes byin rlabs shar ba las// rig pa'i klong nas byin gyi rlabs kyis su// rdo rje chos kyi blo gros dang // ston pa kun tu bzang po la// snang ba bsam gyis mi khyab pa// 'di yi rtags pa ji ltar lags/ ces zhus so// 'byung po kun 'dul gyi rgyud las gleng gzhi'i le'u ste/ dang po'o// / de nas rdo rje chos kyi blo gros kyis yang zhus pa// ston pa kun tu bzang po lags// bdag lta sprul sku dga' rab rdo rje dang // de'i 'khor du 'dus pa yis// ya ma/ badz+ra sha/ bud+d+ha/ ba nI/ ba yu/ tsan+d+ra/ de ba/ sar+b+ba de ba/ mding ba/ b+hA pa ya/ tali de ba/ dzal/ nag de ba/ de rnams thams cad 'dus nas ni// mchod pa'i rnam pa 'di rnams 'dul// ma hA bu dza d+ha thim d+ha thim/ zhes brjod pas byin rlabs 'gag pa ming pa la/ dang po thugs rjes 'gag med de// byin gyis rlabs kyis gzhi ma yin// rgya mtsho za dang rlabs lta bu// nyi ma'i 'od dang zer lta bu// bar du byin gyis rlabs kyis rgyud// 'gyu ba 'gag pa med pa yin/

  4. 19a

    / 'gyu ba'i byin rlabs shar ba ni// thugs rjes mi 'byung rang dbang med// de yang lam du 'gyu ba'i byin rlabs shar// 'gyu ba'i byin chen gtan la phebs// rangs thur rlabs chen dgongs pa shar/ rang grol 'bras bu chos las 'das// de'i byin rlabs gnang chen shar// lag len nyams len 'phel 'grib med// don gyi khong zer gnang du thebs// 'jig rten snang ba sangs rgyas yin// nyon mongs rang snang dgra bcom yin// 'jig rten rnam rtog shes rab rtsi// shes rab rtsa ba rtogs pa yin// rtogs med shes rab tshad ma gang // shes rab brtags kyis ma rgyan na// sangs la rgyas su med cing chos la spyad sa med// dgra bcom rang rgyal byang chub sems dpa' med/ gang zag rnam brgyad med cing bar ngo'i las dbang med// 'khor ba myang 'das med kyang thar pa thob mkhan med// ngag dang ma dag yang dag snang ba tha dad med// las med 'phro med mthun pa'i 'bras bu med// rnam par smin pa med cing yang dag thar pa med// de phyir 'byung po kun 'dul yin// thams cad 'brel cing 'dus pa'i rgyud// ngo spyod 'di dang mi ldan na// tshig gis bdag pos mtshon nas las// stong pa'i bdag pos stong par lhas// mtshan ma'i bdag pos mtshan ma khyer// kun rdzob bdag pos rdzab du chug/ mya ngan 'das zer mya ngan non// 'khor ba bshad cing 'khor bar 'khyam// 'khrul 'khor bdag po nyon re mongs// thar pa 'dod pa sgrib pa che// byang chub 'dod pa gol bar chud// rmo spyad byed papa 'bum// dmigs pa'i bdu zhugs mtshar // thams cad mi rtag 'dus byas yin// 'dus byas myo ngan mtha' las 'das// e maho// bzod par 'dod pa nyin mongs// de ltar bgrong bas de ltang mi rtog sa /

  5. 19b

    bgrod nas byang chub thob par 'dod pa mig rgyu skrag pa 'dra// gser sbrang khyim du spras nas gser sa mi la tshol// chos dman rang snang ma shes gzhan na tshol// brtson 'grus byas pas 'bras bu brnyed par dga'// ces gsungaso// 'byung po kun 'dul gyis rgyud las/ kun tu bzang po la byin rlabs rang shar nas/ chos las 'das pa'i le'u ste gnyis pa'o// / de nas yang byin gyis rlabs kyis lung bstan pa// rdo rje chos kyi blo gros nyon// theg pa sna tshogs bsgrub bya dang // de'i 'bras bu bsgrub byed dang // snang ba lam gyi mdor bsdus pa// de ni bdag gis bshad par bya// nyan thos snang ba rdul phran dang // nang gi shes pa brjod med yin// de yang shes rab byed par la// snang ba sbrul du shes pa dang // snang ba brjod du med pa'o// de yang rdul phran don dam mo// rang rgyal ba yi snang 'di// rdul phran sgyu ma lta bu la// phung po sgyu ma lta bur la// rten 'brel bcu gnyis shes rab yin// zhi gnas lhag mthong shes pas 'phags// sems tsam rnam par snang ba 'di// sems las ma rtog log snang med// rnam par snang yang mi rtogs pas// de ni rnams bcas shes rab bo// rnam par med pa'i snang ba 'di// sems kyis snang ba brdzun pa las// rnam med rang rig don dam mo// sgyu ma lta bu'i spyod pa ni// chos rnams thams cad sems yin te/ sems kyang brdzun par shes pa'o// kun rdzob sgyu ma tsam du bden pa dang // don dam spros pa bral bar bden pas shes rib po// rab tu mi gnas snang ba 'di// rnam par bcad pa tsam zhig las// khas len thams cad dang bral ba'i// gnyis su med pas dbu ma yin// de ltar shes pas po shes rab yin// de la kri ya'i snang ba yang // rigs gsum sgyu ma lta bu las// don dam skye ba ming

  6. 20a

    @pa'o// de ltar shes pas shes rab bo// yo ga sku lnga ma hA rig lngar snang // a nu he ru ka lngar snang ba dang // rdzogs chen rang snang ma bcos pa// dbum sgyu mar bden pa de// bden pa gnyis kyi mu snang la// gsang sngags sgyu ma yang brdzun pas// gsang sngags rang snang khyad par 'phags// a ti brdzun dang bden pa gnyis// rang snang ma bcings chos kyi sku// ku la 'dul dgongs pa yin shes rab snang ste// 'gro drug rang sar rnam par dag/ mu stegs rtag chad rgyu dang 'bras bu snang // sku gsung rang snang yon tan snang // rta sgom spyod 'bras rang re snang // rang snang 'di la 'jug pa'i lam// de phyir lam gyi dgongs pa bshad pa yin// ces gsungs so// 'byung po kun 'dul gyi rgyud las/ snang ba rtags shan 'byed pa'i le'u ste gsum pa'o// // de nas yang dag bshad bya ba// nyon cig rdo rje chos kyi blo gros khyod// snang rtags lam gyi rim pa la// dbang po bsam pa mkhyen gyur pa// sngags kyi theg pa'i khyad par las// grol lam chags lam ma shes na// sngags kyi bka' sgo nyams pas na// dbang gi dmar khrid bshad par bya// 'bras bu bla med byang chub thob 'dod pas// mtshan nyid ba dang pha rol phyin pa dang // gsang sngags 'bras bu bla na med pa dang // chos la 'das pa'i ngo sprod 'di ltar bstan// mtshan nyid pa dang pha rol phyin pa dang // thabs dang shes rab khyad par ni// shes rab gtso bor bzung nas 'bras bu tshol// thos dang bsam pa'i shes rab rgyud las rten// shes rab med na mig med pha rol phyin pa dka'// thabs kyi sbyor ba sems bskyed pa dang sbyin pa'o// gsang sngags 'bras bu'i theg pa ni// sku lnga dang ye shes lnga dang ldan pa ste// bskyed

  7. 20b

    pa sku la rdzogs pas ye shes so// zung du 'brel pa 'bras bu'i theg pa'o// de yang rten dang khyad par las// khams gsum sems can grol bar byed pa la// dbang gi rten dang mi ldan par// dbang bzhi skur pa'i gnad bstan pa// dper na ba la zho yod kyang // be'u kha med blug snod med// de bzhin bla med dbang bskur ro// rten dang mi ldan skur thabs med// gzugs med pa yi khams rnams la// dbang rnams bskur ba'i bstan med do// rtsa rlung rtog pa mi dmi/ pas// ye shes dbang bskur ga la nus// gzugs khams rtsa dang rlung yod kyang // khams kyi zas ngang bral bas rten ma yin// de nas 'dod khams gnas rigs kho na la// dbang rnams bskur ba'i rten du rung // 'dod chags/ zhe sdang gti mug dang // nga rgyal khong khro phrag dog gis// gdungs nas 'dus pa'i 'dod khams 'ding // dbang gi snod du rung ba yin// dbang dang man ngag lag len gsum// snod dang bcud dang bskur thabs gsum// phyi dang nang dang gsang ba'o// bum pa thabs dang shes rab dang // rgyud dang ngo bo dbye ba'o// bskur thabs gnas dang rdzas dang ni// gleng gzhi dkyil 'khor bskor ba'i dus// 'bras bu dang ni nges pa'i tshig ces gsungs pa'i rjes la// rgyu ni sa phyogs la sogs sa blangs dang // brtags dang sbyangs dang bri ba dang // mchod pa'i rgyan dang rdzas dgram pa// dkyil 'khor cho ga la sogs yin// ngo bo dbang thob don dang ldan// nges tshig don dang ldan rnal 'byor pas// dbye ba phyi nang gsang ba'o// gleng bzhi sngon 'byung rjes 'jug go// dkyil 'khor phyi nang kun la snang // bskur thabs bskyed rim rdzogs rims so// gnas ni lus ngag yid gsum mo// rdzas ni bum pa thabs dang gsad

  8. 21a

    ba'o// dus ni bkra shis nyi ma yin// 'bras bu sku gsum rang grol yin// ces gsungs so// 'byung po kun 'dul gyi rgyud las/ dbang gi sdom bstan pa'i le'u ste bzhi pa'o// de nas yang dag bshad bya ba// nyon cig rdo rje chos kyi blo gros khyod// bum pa'i dbang gi ngo spyod pa// bum pa'i ngo bo nges tshig dbye ba dang // mthon pa'i dpe dang bskur ba'i gnas// bskur ba'i rdzas dang dus tshod dang // yon tan 'bras bu skyon bstan pa// bum pa'i ngo bo 'dus pa yin// nges pa'i tshig ni rdzogs pa yin// dbye ba phyi nang gsang ba'o// mthun pa'i dpe ni rin po che// bskur ba'i gnas ni mgo bo la// rdzas ni phyi nang gsang ba'o// dus ni gnas stong nyi ma la// yon tan lus kyi sgribs gsum dag/ srog gcod ma yin 'dod dag/ 'bras bu sprul pa'i sku ru rdzogs// ma bskur khams gsum 'khor bar 'khyams// phyi yi bum pa rin chen dang // bum pa'i rdzas ni 'di dag go/ 'bru lnga sman lnga rin po che lnga// spos lnga snying po rnam lnga yin// bskur gnas la gong du'o// nang gi bum pa bla ma'i sku// bdud rtsi sogs lus la rdzogs// bskur ba'i gnas ni lce lnga'o// rdzas ni bdud rtsi 'o ma chu// dus ni skyed rim sgom pa'i dus/ yon tan dag gi sgrib pa dag/ bdud rtsi lce la gzhag pa yi// dgos pa tha mal rtog pa med pa dang // bdud rtsi longs spyod grogs su shes pa dang // brdzun dang phra ma tshig rtsub nga rgyal gyi// ngag gi sgrib pa dag par byed// gsang ba'i bus pa rang lus kyi// bus rdzas lkog 'byang chub sems// srung thabs yul gyi b+hag la// bskur ba'i rten ni rtsa gsum te// yon tan bzung 'dzin 'di bar 'barang // dus ni snyoms par zhugs pa yin// 'bras bu dga' ste lhan cig

  9. 21b

    skyes pa'o// yang gsang bum pa'i dbang bskur ba// rang rig ye shes bum pa yin// bum rdzas 'das pa rnam pa lnga// bskur thabs chos las 'das pa yin// rten ni blo ldan gang zag yin// yon tan rang grol byin rlabs yin// dus ni gdam pa skad cig yin// 'bras bu rig pa rang grol yin// de la dkyil 'khor gang dang 'brel ce na// phyi yi bum pa'i dkyil 'khor ni// me tog thang ga rdul mtshon no// bskur tshul gang dang 'brel ce na/ slob dpon bla ma gus par bya yis// chu ni spyi bo'i gtsug du bskur// rna ba g.yas su u rgyan no// rtag par rdo rje rna g.yon dril// ming ni dpral bar bskur ba yin// me tog 'phreng ba mgo la bcing // shes rab rig pa'i dbang lnga yin// lus kyi sgrib pa dag par byed// ces gsungs so// 'byung po kun 'dul gyi rgyud las// bum pa'i dbang gi le'u ste lnga pa'o// // de nas yang dgra bshad bya ba// nyon cig rdo rje chos kyi blo gros khyod// thabs dang shes rab dbang bskur bstan par bya// thabs dang shes rab ldan pas bum pa'o// thabs kyi bum pa bla ma'o// ting nge 'dzin byang chub sems kyi chu// bla ma'i khwa yis pad+ma blangs// slob ma'i tshangs pa'i bu gar bskur// ga bur chu yi bdud rtsi ni// lus kyi sgrib pa dag par byed// shes rab bum pa'i mi mo yis// lus kyi pad+ma rak+ta yin// gsang ba pad+ma'i sbyor ba yis// gsang ba'i bdud rtsi phab byas la// thabs kyi rdo rje dag thabs byed// bskur nas pad+ma'i lte ba la// bskur dus lhan cig skyes pa'o// yon tan rnam rtog bde bar 'bar// 'bar ba phyag rgya chen po thob// nyams lan dga' ba bzhi dang 'brel// thig le rdo rje'i mgrin par slebs// de ni dga' bde

  10. 22a

    zhes su brjod// de nas rdo rje rtse mor 'bar// de ni mchog dga' zhes bya'o// de nas nyams par sbyor ba yis// phyeng shor phyed ma shor ba yis// lhan cig skyes pa'i dga' ba yin// thig le rangs zin ca na// de ni dga' ba zhes su brjod// dang po bde ba'i ye shes de// rgyu yi ye shes zhes su brjod// de nas mchog tu dga' bo ni// lam gyi ye shes zhes su brjod// de nas lhan cig skyes dga' ni// lhan cig skyes pa'i ye shes so// dga' bral 'bras bu'i ye shes yin// dga' ba las kyi phyag rgya yin// dga' mchog chos kyi phyag rgya yin// lhan cig skyes pa dam tshig phyag rgya yin// dga' bral phyag rgya chen po yin// ngal ni lus kyi phyag yin// rten ni ma ning la sogs ma yin pa'o// dus ni bcu drug lon pa'o// yon tan ye shes bzhi dang ldan// 'bras bu phyag rgya chen por lhun gyi grub pa'o// nang gi thabs dang shes rab dbang bskur rdzogs// rig pa yab la snang ba yum// snod bcus gnyis med sbyor ba yis// thabs dang shes rab dbang mchog thob// thabs dang shes rab rgya ma chad// phyi nang med pa'i dbang bskur rdzogs// rten ni bla ma dam pa'o// dus ni rtog pa skad cig la// yon tan mtshan me rang sar grol// 'bras bu snang srid thig ler 'bar// yang gsang thabs dang shes rab dbang bskur ba// rang gsang thabs kyi mchod pa 'di// rang ni shes rab dbang bskur ba// mchod pa thabs kyis dbang bskur dang // thabs dang shes rab dbang bskur rdzogs// rten ni ma rig ma rtogs pa// dus ni le lo ma rig ma rtogs log rtogs dang // phyogs rtogs gang zag rnams la bskur// yon tan kun mkhyen ye shes thob// 'bras bu rang byung thog ler brdal// dkyil 'khor

  11. 22b

    gang dang 'brel ce na// kun 'byung rang snang dkyil 'khor dang // 'brel pa med par 'brel ba ni// rig pa ye shes lha chen phog/ dam tshig bar mtshams med par bsrungs// de las 'das na 'chi bar 'gyur// ces gsung so// 'byung po kun 'dul gyi rgyud las// thabs dang shes rab kyi dbang bskur ba'i le'u ste drug pa'o// / de nas yang dag bshad bya ba// rdo rje chos kyi blo gros nyon// gsang ba'i dbang bskur bstan par bya// ngo bo ngas tshig dbye ba dang // mthun dpe dang bskur gnas dang // rdzas dang yon tan dang ni 'bras bu'o// ngo bo bde ba nyams su myong ba'o// nges tshig shes rab dang ni snying rjes yin// bde ba'i ye shes bskyed phyir yin// dbye ba phyi nang gsang ba'o// / mthun dpe 'bras chang klud pa 'dra// de yis shes pa 'gyur ba'o// gnas ni ri phug dgon pa phyi yi dang // nang gi shes rab pad+ma dang // gsang ba'i shes rab ye shes so// rdzas ni byang sems dkar dmar ro// yon tan ye shes dgongs ba 'char// dus ni dbang gnyis rdzogs pa yin// dkyil 'khor tshogs dang rang lus shes rab po// bskur tshul lus kyi yan lag nang du'o// 'bras bu ma rig log rtogs sel// de ni nang gi gsang bstan pa// snang ba rtsad nas chod pa shes rab dbang // rang snang ye nas shes pas ye shes dbang // phyi nang zad thal shar ba ngo bo yin// rig pa rang sar grol ba nges tshig yin// ye shes rang byung rang shar shes pa dbye ba yin// nyi shar mun pa dngas pa mthun dpe yin// rig pa rab la gnas pa dgos pa yin// rang rig ye shes rang la yod pa dbang rdzas yin// ye shes lnga ldan ma bsgrub yon tan yin// dus gsum 'dus bral med par shes 'dus tshang yin// rang 'byung thams cad 'dus

  12. 23a

    @pa dkyil 'khor yin// rig pa rang dbang 'dus pa bskur tshul yin// ma rig log lha chom pa 'bras bu yin// de ni gsang ba'i dbang stan pa// shes rab ye shes ye nas rang la gnas// ngo bo shes bas 'khor ba'i skyon dang bral// rang grol nges pa'i tshig gi gdengs las grol// dbye ba ye dang shes pa gnyis// shes rab kyis ni yang dag ye shes shar// mthun dpe min shel ngo sprod 'dra// phyi nang med pa'i gtan tshigs khong nas shar// dbang rdzas shes rab rang chas rang la rdzogs// yon tan nyag cig dgongs pa sad // bskur dus skad cig bye brag byed// dkyil 'khor ye shes ting rdzogs yin// bskur tshul ngo sprod skad cig la// 'bras bu rang grol dgongs pa sad // ngo sprod dbang bskur 'di lta bu// bum pa nang gi mar me ltar// snod ma yin gyi gang zag la// dus dang gnas skabs kun tu gsang // snod dang ldan pa rnams la yang // dbang ma thob par bshad pa ma yin// ci phyir ngo sprod 'di nyid la// ma rtogs pa rnams bskur pa 'debs// log par rtog nas bskur bar 'gyur// don ma rtogs pas ying ma ches// tshig la 'phyos shing don la rmongs// bshad tshod mkhan gyi go bar dka'/ skye bo rnams kyi ya gar 'gyur// de bas 'di don gsang bar byas so// ces gsungs so// 'byung po kun 'dul gyi rgyud las/ shes rab ye shes gsang bar dbang bskur ba'i le'u ste bdun pa'o// de nas yang dag bshad bya ba// rdo rje chos kyi blo gros nyon// tshig dbang rin chen bstan pa ni// legs par rtse gcig yid kyis nyon// bum pa'i lha dang dbang bskur rnams// skye ba med par rgyas 'debs pas// phyi yi tshig dbang zhes

  13. 23b

    su brjod// dga' ba bzhi la rgyas 'debs pas// nang gi tshig dbang zhes su bshad// shes rab ye shes rgyas 'debs pa// gsang ba'i tshig dbang zhes su brjod// rig pa'i ye shes ngo sprod pa// tshig dbang bla na med pa yin// bla med tshig du cig dbang byed// dbang bskur lha ston lha rje yin// lha'i dbang po lha'i lha// lha bas bla ma lhag pas lha'i bla// lha la zab mo'i tshogs 'khor 'bul// tshogs rje tshogs bdag dbang dang ldan// lha'i rje bo kun dga' snying pos byas// de rnams shes shing slob pas slob dpon yin// ma rtogs ma shes 'dren pas slob dpon yin// 'dren pa rang rgyal slob dpon yin// tshogs kyi slob dpon tshogs kyi bdag/ de nas tshig dbang rgyas btab pas// rdo rje lta bu'i sku brnyes pa gcig po sra khrig rdo rje'i bdag/ skyes ma thag tu rang grol bas// rdo rje slob dpon zhes su brjod// dbang bzhi rdzogs par slob dpon de// rdo rje slob dpon zhes brjod do// rdo rje gden ni ma lus ldan// rdo rje gcig pu g.yul sel ba// slob dpon dpa' bo che zhes brjod// tshig dbang cig la thams cad rdzogs// rang rig ye shes ma bcos pas// rnal 'byor zhes kyang de la bya// don ldan blo la 'byor pa yis// rnal 'byor chen po zhes kyang bya// chos sku mi 'gyur rtag pa'i sku// dus gsum 'pho 'gyur med pa shes// rtag pa kun rgyal rnal 'byor can// gsang ba mngon du phyung nas bstan// gsang ba sbas pa'i khungs tol bas// bla mas dbang bzhi bskur bas na// bla ma gsang sngags kun pas mchog ces gsungs so// thig le 'byung po kun 'dul gyi rgyud las/ tshig dbang bla ma la rag lus pa'i le'u ste brgyad pa'o// / de nas yang dag bshad bya ba// nyon cig rnga rje chos kyi blo gros khyod/

  14. 24a

    gsang sngags bla ma'i thugs la gnas// gsang sngags don kun skyed pa po// gsang sngags bdag po sna tshogs ston// khyod ni rtse gcig yid kyi nyon// gnas brtan rgan bu skye dgu'i bdag// sadra rgyas rab bdun ngo zla'o// de'i dgongs pa bshad par bya// ldem por dgongs pa rnam pa bzhi// gzhi la ldem dang tshigs la ldams// don la ldems dang gnas la ldem// ldog dgongs rtsa ba mchod na// 'khrul 'khor rmongs pa nyon re mongs// kye rigs kyi bu nyon cig/ thogs ma med pa dus kyi dbyings// dngos bzhi chen po kun gzhi la// gzhi la phun tshogs gnad med nas// ston pas bstan pa 'dus byas 'gyur// dka' tshoms bgags kyi gnad med na// kun brtags theg pa rang zhung srol// 'bras bu'i mi 'dra nges shes med// 'gro drug mu stegs rang sar bde// rang sar bde ba'i bgegs med na// rgyal po rmongs kyang lcebs te 'chi// sku gsum lam gyi gnad med na// rnal 'byor dus ltos nyon re mongs// byin brlabs rang chas gnad med na// nyi ma'i snying po sngon du zung // thugs rje 'gag med gnad med na// mkha'i char sngon du zad// gzhi lam khas pa'i gnas med na// 'khor ba dung spug sngon du 'byung // 'bras bu rang sa'i gnad med na// kun tu bzang po 'khor bar ltung // thugs rjes rol pa'i gnad med na// 'khor ba'i gnang ba sngon du spangs// 'byung ba med pa'i byin rlabs gnad med na// chags sdang lnga po sngon du zang // ma rig gti mug gnad med na// gzung 'dzin 'dus byas sngon du zhig/ skye dgu'i bdag po'i gnang med na// skye ba dgu'i rgyud sngon du chang // oM ma ho// tshig la ldem por dgongs pa de gsungs so// de nas cang mi gsungs par// chos gnyis

  15. 24b

    kyi klong du rnal ces gsungs so// 'byung po kun 'dul gyi rgyud las/ skye dgu la ngo sprod pa'i le'u ste dgu pa'o// // de nas yang rdo rje chos kyi blo gros kyis// bcom ldan kun tu bzang po lags// skye dgu'i mtshan nyid ji ltar lags// ces zhus pas/ kun tu bzang pos bka' stsal pa// gnas dang brtan dang skye dgu'i bdag/ gnas pa kun bzhi spyi sa yin// brtan pa rang bzhin stong pa lnga dang ldan// rgang po thog ma med pa yin// skye ba dgu ni mi 'gag pa// phyi yi skye ba dgu rgyud la// dang po gzhi sa ngo sprod ces// bar du rgyu rkyen ngo sprod ces// tha mar skyes pa'i dngos po bstan par ces// 'gro ba rigs drug mu stegs rtag chad gnyis// 'dre dang lha ru skye dgu rgyud ba// dang po rgyud pa'i khungs btsal na// 'khor ba thog mtha' bcas pa bcas// lha ni 'dre srin mi dang 'gro drug gis// skye ba'i gzhi ma ma shes na// sngags pa mthur btsal bsdam pas kyang // skye ba dug yi rgyud chod mi srid// ngan sngags skye ba'i rtsa ba'i rtsa ba chod na// dgu rgyud gcod pa ya re che// chod pa med pa nyon re mong // srid gsum skye rgyud ma chod na// khams gsum yongs sgrol dkar mor 'chi// phyi yi skye rgyud gcod pa la// 'byung po kun 'dul gdam po dgos// skye dgu rtsad nas gcod pa'i ngo spyod dgos// khams gsum yongs sgrol dgongs pa dgos// srid gsum rnam par dag pa'i yid ches dgos// gnas rtan rmad po sgrol po'i dbang po dgos// sangs rgyas mes bos mthong ba'i spyan mig dgos// 'gro drug skye sgo gcod pa'i bgegs sel dgos// rtag chang srog rtsa gcod pa'i shan pa dgos// lha srog 'dre gzigs brtan la 'phebs pa'i phur thun dgos// na mkha' klong du slebs pa'i

  16. 25a

    shog pa dgos// rgya mtsho chub kyis 'bebs pa'i kha chu dgos// me chen gos su gyon pa'i bzod pa dgos// sa chen stan du 'ding ba'i lus stobs dgos// rlung po bshog par byed pa'i yang btsam dgos// 'byung lnga lngas su 'jug pa'i mi po dgos// dug lnga bdud rtsir spyod pa'i rnal 'byor dgos// gnyis snang rang snang spyod pa'i khyer ka dgos// khams gsum rang la shar ba'i dgongs pa dgos// de ltar shes na phyi yi 'byung po 'dul// ces gsungaso// 'byung po kun 'dul gyi rgyud las/ phye yi 'byung po skye rgyud gcad pa'i le'u ste bcu pa'o// // de nas yang dag bshad bya ba// nyon cig rdo rje chos kyi blo gros khyod// nang gi skye dgu brtsad bcad bstan par bya// thog ma'i gnas bstan skye dgu las// thog ma med pa'i dus nyid nas// nyon mongs brgya khri gzhi ma yin// chos kyi sgo mo brgya khri bzhi stong gis// de rnams skye ba'i bzhi ma ste/ theg pa rim pa dgu'i bzhi// kun gzhi skye ba'i mdzod chen yin// rgyud dang lam dang gzhi dang dngos gsum// de gsum brtan la phebs par 'gyur// gtan la 'bebs pa'i sde'i lung du bshad// de la gol bzhi'i rim pa dgu/ gol ba lam gyi so 'tshams dag/ gol sa dngos po mtha' bcus rnams// gol bzhi gol sa ma shes na// theg pa spyi las bogs mi thon// sum 'don la 'das ma shes na// theg pa'i la shin rim mi phyed// ngo spong rangs ma bstan na// 'bras bu spyi yi gol sar 'chor// gags dang sil lugs ma shes na// spra rgan mi ru 'chos pa 'dra// lte ba'i gol sgrib mchod na// bong bu se skabs gyon pa 'dra// sgom pa'i gol sgribs mchong na//

  17. 25b

    spre ru la sgom pa slabs pa 'dra// spyod pa'i gol sgribs mchod nu// rgod po gshogs pa chags pa 'dra// 'bras bu'i gol sgrib mchod na// nyi ma gza' yis gzung ba 'dra // thams cad ngo spyod ma shes na// nor bu 'ching bu thogs pa 'dra// dngos po rtsad nas mchod na// nyan thos la sogs rang zhung re// de'i mtshan ma ma grol na// grang nad can la ga bur ltar// rang snang ye shes bdud du 'gyur// phyog rtogs rtogs pas zin pa ni// kha brag lag 'dor tshogs pa 'dra// de nang ngo spyod shin tu bcas// nang gi skye dgu rtsad gcod na// theg pa'i gol sa shes pa ngo sprod yin// theg pa'i gol gzhi shes pa gdam pa yin// theg pa sun 'don shes pa dbang po yin// theg pa'i la zla shes pa yid ches yin// theg pa'i ngo spod rang grol shes pa nges yin// thig le cig tu shes pa 'bras bu yin// ces gsungs so// 'byung po kun 'dul gyi rgyud las/ man ngag gi skye dbu brtsad nas bcad pa'i le'u ste bcu gcig pa'o// // de nas yang dag bshad bya ba// nyon cig rdo rje chos kyi blo gros khyod// gsang ba'i skye dgu rtsad nas bcad pa bstan par bya// kun bzhi skye ba dgu pa'i bdag/ rnam par shes pa'i tshogs brgyad la// skye lugs mi 'dra rnam pa brgyad// brgyad kyi dpon po 'gyur ba yin// de skye ba dang dgu zhes bya// de la gzhi dang lam dang ni// 'bras bu dngos po dgu ru smin// de la ngo sprod bstan pa ni// lha'i ngo sprod skye ba dgu// nor la brgyad zhes bya bar skyes// de'i dpon po dbang phyug chen po lha chen po dgu/ lhan cig skyes pa lha dgu yin// lha'i skyes rab ma shes na// lha la mchod pa 'bul mi shes// lha'i mchod thabs ma shes na// mchog gi dngos grub thob mi 'gyur// 'dri ma

  18. 26a

    'gyu mo srin po dang // nyi ma zla ba khyab 'jug tshangs pa dang // gshin rje dang ni ma mo dang // sa'i lha dang chu lha mo'i lha rlung gi lha// ku ze riri lha dang / 'brog gnas lha dang / gang ba bzang po'i lha dang / nar gyi wA // dani na paN+DI wA brgya // lhan cig skyes pas 'je gu 'o// de'i bcag grangs ma shes na// bar tshangs la pa'i dros mi mchi// da sa nga ba ba dang tham gsum// de gsum basbeng ma shes na// rnam ga gram dus mi mchi// kyi rigs kyi bu khyod rkyen cig/ gsang por skye gu rgyang mchod na// smye zhi'i rtsa ba mchod na// rgyamatsho'i sbu bsruba'i 'dra// skye bu rtsa ba mchod na// mu sbyang zla bar lnga ldag 'dra// dngas pa'i ste rgyud mtshangs/ sman pa'i lag tu spun dgyed 'dra// gzhi lam skye rgyud gcod pa la// dga' bo 'dzag pa'i nor bu ltar // dgu la mi 'jig nor bu rnyed pa ltar// dngos po spangs dang spyod pa 'dra// sbyar dang rang snang yin zer ba// der 'bras bu sgrib pa yin// kye rigs bu nyon cig/ 'gyus ni rang grol zug rngu med// lha brgyad ngo spong de yin no// 'gyus na mi rig bdud du 'byung // 'gyu ba cig gis kyang chong na// tshig chod ngo spong nga yin// cig pu rang grol shes tsam na/ lha 'dre dbang du 'dus pas 'byung po thul// mkha' 'gro chos skyong dbang du 'dus pas 'byung po thul// nyag cig nyams las grol bar rtog ge'i yul las 'das// mtshan ma sna tshogs rang sar grol bas// thig le nyag cig rang la shar// lha 'dra gnyis mang shar bas dngos grub par chod mod// lha'i skye rgyud tshong pas zug rngu dus cig choms// 'dre'i skye rgyud chos pas tshong dus cig zhi// bde sdug skye rgyud chod pas 'khor ba rang sar grol// thig le rang la shar

  19. 26b

    bas mtha' bzhi dras thag tshong// me chu gnyis kyi cha grangs snyoms pas gtso bsreg khar mi ltung // sa dang rlung gnyis mtshan nyid shes pas dbyings sgo rang sar grol// mkha' dang 'gyung ba'i mtshan nyid shes pas// dgongs brnam par dag/ nam shes 'odags pa shes pas bar nga chang las grol// rig pa ye shes shes pas mkhyen pa'i zhing 'ams shang // thig ma ma shes shar bas sangs rgyas dgongs bshad// 'gyu ba 'ang thal sha bas byin brlabs phyogs med shar// 'gro drug rang sar grol bar sangs rgyas yul med shang // 'khor ba rang sar grol bas 'gro drug 'khyam pa med// snod bcud phyi nang med pas bzung 'dzin dngas pa med// rig pa khong nas shar bas ma rig dngas pa med// shes rab khong nas shar bas sgrib pa byangs med// 'gyu bzang thal shar bas las kyi 'khol sa med// dug lnga rang ser grol bas nyon mongs skyes pa med// gzung 'dzin dkar nag grol bas shes bya'i sgrib pa med// las kyi mtha' gzhi mchod pas rnam smin gol sa med// sgrib pa bcu gnyis 'dus pas bzhi ru 'dus// de yang gsum 'dus gsum po cig/ rgya mtsho gting gi lu mi'i rtsad chong na/ rgya mtsho che yang rang dengs skams par 'gyur// shing phug ljon pa'i rtsa ba chod can// lo ma me tog 'bras ldan skam par 'gyur// de bzhin sgrib pa'i rtsa ba yin par shes pa la// 'gyu ba shes pas gong ltar thams cad chod// rtsa ba cig gi don rtogs na// dper na 'dza ta'i sman bzhin du// gang la reg pa sman du 'gyur// de bzhin ci snang cir 'gyur yang // ye shes dag pas 'das pa ni// skad cig tsam yang mi srid// dbang po bas/

  20. 27a

    pas dang sbyar du// 'gyu ba cig po'i spyi khyab yin// khyab pa cig po'i don shes na// thams cad sangs rgyas dgongs pa yin// dbang po 'di la rno rtul med// 'gyu ba byin brlabs rang snang phyir// thos pa 'di la che chung med// 'gyu ba yo nas dngos med phyir// dbang po'i blo la rmo rtul med// 'gyu ba rang grol 'char ba'i phyir// ngang ba 'di la che chung med// 'gyu ba rang bas 'byung ba'i ye shes la// dad pa bzang pos 'grub pa med// gnad kyi gdan pas ngo smras nas// sman gyi rgyal po 'dza ti bzhin// gang la reg pa sman du 'gyur// de bzhin rnam pa cir snang ye shes 'ba' zhig yin// dper na rtsi mchog ma gi bzhin// gang la reg pa sman du 'gyur// de bzhin 'gyus tshad ye shes 'bar// ces gsungaso// 'byung po kun 'dul gyi rgyud las// gsang ba'i skye rgyud rtsad gcod pa'i le'u ste bcu gnyis pa'o// // de nas yang dag bshad bya ba// nyon cig rdo rje chos kyi blo gros khyod// gsang ba'i skye dgu rtsa dang ngo sprad pa// dang po rtsa'i gzhi ma bstan// thams cad shes rab ye shes rtsa// yon tan rtsa dang 'phrin las rtsa// dang po gzhi rtsa brtan pa ni// bar du rlung dang rtsa dang thig le rnams/ rgyu dang rkyen dang 'dus pas 'dus byas dngos po'i rtsa// de yang thig le byang chub sems// dkar dmar gnyis po 'dus pa las// rtsal rtags dang spyad pa las// rtsa la rtsa rgyud bshad par bya// gdugs dang pad+ma 'khor lo dang // rin po che dang rtse gsum rdo rje'i rtsa// gnas pa dngos po'i rtsa zhes brjod// de ni bcud le gnos pa'i rtse// de yang oM be d+hu ti dong // ro mo rkyang ma gsum du 'dus// thog ma chos gsum dag la 'dus// bar du ma ning gsuM

  21. 27b

    la 'dus// rig pa 'od dang dkar dmar gsum du 'dus// rtsa'i ngo bo zang thal bas// shel gyi sdug ma bya ba yin// mdzod sbur dngosu chags pa bag chags rtsa// dngos su grub pa'i rtsa zhes brjod// ro rkyang d+hu ti gsum du grAH/ gdugs lta bu'i rtsa zhes pa// spyi bo bde chen gzhal yas yin// rtsa ni sum cu rtsa gnyis gnas// ye shes rtsa dang thabs dang shes rab rtsa// yon tan rtswa dang rang rgyud rtsa// rnam pa lnga las gyes pa yin// ye shes rtsa ni dbus nas 'gyu// rang rgyud rtsa yang de la rten// thabs kyi rtsa la cha lnga gnas// nyis 'gyur mkha' 'gro bcu ru shar// shes rab rtsal rno ba lta ru snang // nyis 'gyur mkha' 'gro bcu ru gnas// yon tan rtsa la rnam pa lnga// nyis 'gyur mkha' 'gro bcu ru gnas// ye shes mkha' 'gro las 'gro gnyis// sum bcu rtsa gnyis gdugs kyi gnas// rma bya mdongs dang bcas pa ltar// rtsa dang mkha' 'gro rang chas yin// mgrin pa longs spyod pad+ma 'dra// pad+ma can gyi gnas zhes bya// de la rtsa yang bcu drug yod// ye shes thabs dang shes rab rtsa// yon tan rang rgyud rnam lnga'i rtsa// thabs kyi rtsa la mkha' 'gro lnga// shes rab la yang de ltararo// yon tan la yang de lhor shes/ ye shes rtsa dang rang rgyud la// mkha' 'gro rnam snang gsal ba na// de yang rang chas sngags kyi rtsa// snying kha chos kyi 'khor lo ni// byang chub sems dpa' phug zhes bya// den rtsa bcus khyung ma 'dra ba yi// cha yang rnam pa brgyad yod do// ye shes thabs dang shes rab dang // yon tan rang rgyud rtsa brgyad gnas// thabs kyi rtsa la mkha' 'gro gnyis// lho phyogs shar gyi rangs 'dzin// shes rab rtsa la mkha' 'gro gnyis// nub byang gnyis kyi rangs

  22. 28a

    @/ 'dzin// yon tan rtsal mkha' 'gro gnyis// mtshams kyi mkha' 'gro zhes su bshad // ye shes rtsa dang rang rgyud la// steng 'og mkha' 'gro'i gnas pa yin// nyi ma mdangs dang chas pa bzhin// rtsa dang mkha' 'gro rang chas yin// lte ba sprul pa'i 'khor lo ni// 'jigs su rung ba'i gnas zhes bya// de yang gong du rim pas shes// de la drug bcu rtsa bzhi gnas// 'khor lo mtshon cha 'dra ba la// 'jigasu rung ba'i gnas zhes bya// de yang gong dang 'dra ba la// thabs kyi rtsa la mkha' 'gro bcu// shes rab rtsa la de bzhin// yon tan rtsa yang de bzhino// rang rgyud rtsal mkha' 'gro bcu// ye shes rtsal gnyisu gnas te// drug bcu rtsa bzhi 'khor bcas rnams// mtshon cha 'khor lo 'bar ba rnams// 'gro drug grong khyer dmyal thag chod// 'jig su rung ba'i gnas zhes bya// men shel 'di dang chas pa bzhin// rtsa dang mkha' 'gro rang chas yin// gsang ba rdo rje lta bu'i rtsa// rdo rje rtse gsum lta bu yod// kha nA dung chen shin tu dkon// de'i mtshan nyid bstan pa ni// mas 'gegs bus se mig sman 'byor// bya lag muka sgra lo ser// lhag ma 'khor bar yod pa la// pho skad can dang gdong tshug lha// bab bcol smra zhing zur 'gros byed// de la dung can yod pa ni// mkha' 'gro mi yi rigasu bshad// de'i bdeg khyad 'phags pas// bde ba can gyi gnas zhes bya// g.yas na thabs kyi mkha' 'gro yin// glang po gdong zhes bya ba yod// g.yon na shes rab mkhar 'gro ma// kha kha mu kha zhes pa yod// dbus na ye shes mkha' 'gro ma// srin mo gdongs ldan dung can yod// de phyir rdo rje mkha' 'gro yin// bde ba bskyed pas ye shes ma'ad

  23. 28b

    'gro ma// bde ba sbyor bas las kyi mkha' 'gro ma// bde ba zad med rin chen mkha' 'gro ma// bde ba ma chags pad+ma mkha' 'gro ma// rang don mthar phyin ye shes mkha'agro ma// gzhan don mthar phyin dam tshig mkha'agro ma// 'khor ba'i sdug bsngal zad byed 'jig rten mkha 'gro ma// dug lnga rang log 'dren mkha 'gro ma// spyi bo bde chen gnas pas chos dbyings ye shes mkha'agro ma// 'grin pa byon pas bde ba skyed byed longs spyod mkha' gro ma// snying kar nyam su myong bas chos skyong mkha 'gro ma// lte bar sprul pa 'khyil bas las kyi mkha'agro ma// gsang bar bde ba 'bar bas bde skyob mar 'gro ma// nang gi rtsa rgyud la mkha'agro ngos spyod yin// mkha' gro tshogs 'khor smin par byed na de ltar gyis// mchod rdzas dam rdzas mthun rdzas rang chas yin// rnga dang gtor ma rak+ta bdud rtsi rkang gling de ci dgos// mkha'agro bod pa ci dgos mchod dang bstod ci dgos// tshogs kyi 'khor lo bskor ba bya ci dgos// 'di ni gsang ba nges pa'i don// ces gsung so// 'byung po kun 'dul gyi rgyud las/ gsang ba'i tshogs kyi 'khor lo'i le'u ste bcu gsum pa'o// / de nas yang dag bshad bya ba// nyon cig rdo rje chos kyi blo gros khyod// rtsa'i gnas lug ngo sprod bstan par bya// pho rtse mo rtsa ma ning rtsa dang ni chen po che// de yang gzhi dang lam dang dngos po rnams// de rnams gtan la bab par bya// dang por skye bar 'byung ba ni// dang por lhun grub mi 'gag par/ thug rje 'gag pa med pa las// 'gyu ba rlung gis skyod nas ni// lhun grub rlung chen ma 'gags pas// ma ning rnam pa gsum du 'byung // ma ning rlung gis rtsa la grags pas// drag por 'gyur nas 'od la bcang // thig

  24. 29a

    le dgar dmar 'dus pa las// mdzad chen zhes pa'i rtsa ru 'ikhyil// rkyang ma ro ma kun 'drar ma// de la dngos po'i rtsa ru 'byung // dngos po'i rtsa'i snang ba las// ro brkyang kun 'drar gsum po lnga// pho rtse'i sna ni kha la zug nas kha bye bas// zla ba re la mtshan ma re// sku'i nang nas 'byung ba yin// thig le de la rgyas pa'i rtsa// a wa d+hU ti byin nas byung // bde ba 'byung ba de ltar yin// rdo rje rtse mor rtsa bdud gnas// ma'i shes rab brtsal gyi su// zla mtshan 'dzag ces bya ba yang // thig le a wa d+hU tI gnasu 'dzag/ thig le dmar po ro brkyang nas// sna'i bu ga gnyis nas 'dzag/ zla mtshan zhes kyang de la bya// zla ba re la rgyu ba yang // mdzod du drag tu g.yo bar byed// mgrin par zhag drug bar du 'bab// snying dang lte bar de bzhi no// gsang ba rgyas pa drug tu 'dod// de bas mi 'gyur rang dbang med// de nas sne ru 'byung ba yang // ro rkyang gnyis nas 'byung ba yin// de gnyis med par gyur pa na// thabs dang shes rab bstan pa med// bzhi ni ngo bo thugs rje'o// lam ni rig dang mi rig snang // rags pa 'gyu ba 'ong du'o// dngos po thabs dang shes rab rtsa// de gsum 'dus pas d+hU ti yin// de la 'khor lo rnam pa lnga// spyi bo bde ba chen po na// thig le dkar dmar 'dzag pa ni// haM kha 'thur du bltas pa yi// ha na 'phrin las ljang khu'i mdog/ nga ni rang 'byung thig le yis// zhag drug bar du rtsa rnams bskor// des na bde chen 'khor lo yin// 'khor lo ngar dang ldan pa bzhin// bde ba'i ngar gyi rtsa rnam so// bde ba skye bar de ltar yin// de bzhin 'khor lo gzhi rnams la// ro mos rero mos 'khor bas na// 'khor lo lnga zhes brjod pa yin//

  25. 29b

    gsang ba'i rtsa gnad med pa na// bde chen ye shes ngos mi zin// thig le rtsa rnams ma brgyan cing // 'khor lo bzhin du mi skor na// rtsa rnams thams cad sngo bskam 'gyur// rtsa rnams skam par gyur pa na// 'chi ba zhes ni brjod pa yin// thig le'i gnad dang dusu mongs// bskor bzlog mi btub gyur pa na// 'chi ba'i rtag su bshad pa yin// pho ni gsal ba shas che bas// phor+NA zhes ni brjod pa yin// de la thabs kyis rtsa zhes brjod// mahA ba chen po thabs tsha ba// byang chub sems dpa' rnams la snang // mo ni thugs rje shas che bas// mo rtsa zhes ni brjod pa yin// shes rab rang bzhin bud med yin// rak+ta 'bab cing zang thal yod// mtshan ldan bud med zhe bya ba// byang chub sems dpa' rnams la snang // yid 'ongs mdzes pa'i mdog ldan ma// yid 'ongs mdzes pa'i gzugs 'chang yin// ces gsungaso// ma ning ma ning zhes bya ba// rtsa gnyis kha ni stsol ba las// mtshan ni mtshan ma gnyis dang ldan// thugs rjes mi 'gags dang po gzhi// bar du ma ning rtsa ru byung // tha ma dngos su ma ning // ma ning chen po che yang de ltar shes// pho mo rgod kyang rtsi yi ro rgyang gnang // ro brkyang kha 'phel 'grib par 'byung // des na pho mor byung ba yang // rtsa'i srid mtha' mi khebs pas// de lta bur byung ba yin// ri dwags lta bu'i skad dang ni// glang po lta bu'i skad 'byung bas// pho rtsa mo rtswa'i mtshan nyid ces// gnyis 'jom bas ni snyoms pa yin// byis pa tshe mar byung ba yang // zla mtshan dus myur gnyis 'doms pas// byis pa tshe mar byung ba yin// skye ba lnga phyir 'byung ba yang // rlung dang thig le'i chal stobs yin// mkhas pa

  26. 30a

    thabs dang ldan pa yang // thabs kyi rtsa ni shes che yin// rtogs pa shes rab che ba yang // shes rab rtsa ni shas che yin// dbang po tha mar gyur pa yang // rtsa gnyis yod kyang che chung yin// gti mug che zhing 'dod chags chung // zhe sdang chung ba'i mo rnams ni// mig nag 'dril kyang mi shes par// gyen la ldog cing lta ba ni// glen pa ba glang zhes su brjod// gnyis 'dom pa yi brtags bstan pa// hri sbyin mig dmar la hrig chags na// 'dod chags che zhing zhe sdang 'bar// shes pa gsal zhing myur por smra// dbang po rab kyi rtags yin te// rtag rtsa mig la rgyas pa dang // maug ni dmar zhing phyed pa dang // bcud ni pho rog khu 'khrigo ltar// hrig chags 'khrul shes spyod lam drag/ dbang po rab kyi gang zag yin pa'i phyir// shes pa dal zhing 'jam por smra// spyan mig dmar nag phyed pa la// thad kar lta zhing zhi sems tshul// 'khrul par mi byed rang lugs 'dril// dbang po 'bring gi gang zag yin pa'i rtags// ro ma rkyang ma'i rtsa rtags yini// mngon par dga' ba'i 'tshal ces bya// mig ni sprul sku dngos su byon pas na// mngon par dga' ba'i tshal ces bya// spyi bos thams cad bskyes pas na// rin chen mtha' yas phug ces bya// mgrin par thams cad longs spyod pas// pad+ma can gyi gnas zhes bya// snying ka chos kyi 'khor lo gnas// de ru thams cad rtsal rdzogs pas// byang chub mtha' yas phug ces bya/ lte bar thams cad sprul pas na// 'jig su rung ba'i phug ces bya// ngan 'gror 'gro bas skyeng bu nga zhes kyang bya// gsang ba mkha' gro dngos su byon// byon nas bde ba skyes pas na// bde ba can gyis gnas zhes bya// de ni shar phyo/

  27. 30b

    mngon par dga' tshal dang // lho phyogs yangs pa can gyi gnas// nub phyogs nub kyi mtha' yas kyis phyug dang // byang phyogs 'jig su rung ba'i spyi bung ba'i gnas// dbus phyogs bde ba chen po'i gnas zhes bya'o// rdo rjem par 'gro rin chen mkha 'gro dang / b+ha pad+ma mkha 'gro las kyi mkha'agro dang // dbyings kyi mkha 'gro thams cad// rnal 'byor pa de thams cad dbang // des na rnal 'byor dbang phyug yin/ ces gsung so// 'byung po kun 'dul gyi rgyud las/ rtsa'i mtshan nyid la ngo sprad pa'i le'u ste bcu bzhi pa'o// / de nas yang dag bshad bya ba// nyon cig rdo rje chos kyi blo gros khyod// rtsa rnams de dag thams cad kyi// ngo sprod mdor bsdus bstan par bya// gzhi rtsa lnga yi ngo sprod pa// rang bzhin ngo bo thugs rje can// yon tan 'phrin las gnyis kyi rtsa// rtsa lnga'i bzhi rtsam shes na// 'khor lo lnga yi rtsa ba chong mi 'gyur// de yi rtsa ba mchod na// bde ba ngos 'dzin dngos po sbyong // zag pa can gyi rtsa zhes bya// bde ba zag pas zag ces bya// a wa d+hU ti'i mtshan nyid ni// srog pa rtsa yi 'og na yod// yar la tshangs pa mar ma gsang ba'i gnas// tshad ni spa lcag 'bring po tsam// lus po stong pa stong spyod// kun gyi brtags pas dngos po sbyong // kun brtags stong ra zhes kyang bya// de 'og a wa d+hU ti'i nang // kun ni rtsa rnams thams cad kun// rtag pa a wa d+hU ti stong // kun brtags stong sbyor ba yin//

  28. 31a

    @kun ni a wa N+ya ti la// brtags pas d+hu tI nang stong pa// kun brtags stong ra sbyong ba dang // dbugs ni nang skong mi rgyu ste// shes pa a wa d+h+ya tir chung // rgyu stong pa rnam par yin// shes pa stong pa brtags pa yin// nam mkha' shes par 'dre tsam na// rtog pa med cing shes rab med// skye ba med cing brjod med// rab tu mi gnas lta ba yin// de yang bstan par ma gyur na// so sor bsdus te bstan par bya// shes pa a wa d+hu to ru// yar zang mar zang sbyang byas la// tshangs pa'i bu ga'i thad ka la// na mkha'i rang bzhin stong par shes// shes pa d+hU ti'i nang nas stong // mkha' la 'phags pas 'dres pa ni// dang po so sor shes pa la/ de las 'phangs pas bsdus pa yin// nam mkha' ngang du rnam rtog 'phangs// nam mkha' lta bur brjod med// so sor bsdus ces bya ba yin// de ltar phan pas bsam gtan te// 'du shes chad pas srog stsol chod// tshol tshong dbu ma'i lta ba yin// gnyis ma grub pas dbus ma yin/ ces gsungs so// 'byung po kun 'dul gyi rgyud las/ rtsa'i stong ra dang rtogs pa'i kun brtags na mkha' dang bsre ba'i le'u ste/ bac+doM lnga ba'o// / de nas yang dag bshad bya ba// nyon cig rdo rje chos kyi blo gros khyod// rba rgyud bsam gyis mi khyab par// thabs la bsam gyis mi khyab ste// zag bcas chags pa'i lam dang ni// de nyid grol ba'i lam du 'dus// grol ba'i 'bras bu khyad par che// theg pa rang gzhung grol ba dang // mthar thugs pa yi grol ba gnyis// ming tsam 'dra ste don las 'phags// 'phags pa kun dga' shag thub ltar// 'am

  29. 31b

    dang ston pa'i khyad par yod// de phyir zag bcas zag med rtsa// rgyu dang 'bras bu'i khyad par yod// de don ma rtogs e re 'khyams// ce re thar pa'i lam chen po nas 'khor ba'i lam du zhugs// las 'dir zhugs pa rnams kyi/ zag med 'bras bu thob// bzhi rdo rje lnga lhun gyis grub// lam du rnyeng rtogs pas mchog/ 'bras bu rang grol zag med de// rba rnams ma rtsal rdzogs pas na// rdzogs pa chen po'i rtsa rlung rdzogs// rdzogs nas lam med me 'gal te// gzhi dang dngos po gnyisu shes// de yis ldog bcas skyon mi 'byung // grol ba bzhi dang grol ba dngos// rdzogs pA bzhi dang rdzogs pa dngos// lam gyi gzhi dang lam dngos dang // 'bras bu'i gzhi dang 'bras bu dngos// / 'bras bu la yang rnam pa gsum// ngan 'gro mtho ris 'dren dang gsum// longs sku sems dpa' sems ma thub pa drug/ 'bras bu'i sku gsum grub mtha' thag pa gsum// de yi gzhi lam 'bras bu rnams// rtag pa rab tu gces bas ngo sprod ces// gab pa mngon du phyung nas bshad pa 'di// 'bras bu lam dang gzhi gsum mo// khyab pa sgra 'thun don las 'phags// dngos gnyis kyi ral med na// lag rdum brag la 'dzeg pa 'dra// 'bras bu rang grol gnang med na/ bye ma'i spo la khar rtsig 'dra// lam gyis 'tshams ma shes na// khas drag khyo bsang sngon na rgyu// de'i gnas dang log non ma shes na// khras lngas phye tshad chas pa 'dra// rtsa dang rlung dang thig le gsum// mtshan nyid 'dzin re re la// kun dang rgyam chad pa yin// de ltar gzhi lam 'bras bu yang // mtshon nyid 'dzin pa rang sa la// rgya ma chad pas rdzogs pa yin// gzhi rtsa lnga'i gnang shes pas// rtsa lnga'i ngo sprod byas can// kun brtags stong

  30. 32a

    @#ra dus cig 'byongs// rlung lnga'i ngo sprod gdeng brten pas// shes pa a wa d+hU tir chung // thig le ngo sprong byas pa yis// shes pa bde ba chen por khel// ye shes ngo spong byas pa yis// na mkha'i ngang du rnam rtog 'phyangs// skyes pa rnam bzhi dbyer med shar// lhan cig skyes dang 'dus byas skyes// skyes pa dgra mthun don las 'phags// de ltar shes nas bstan pa dang // 'dus nas byas pa'i bsam gtan gnyis// / bsam gtan brtan sgra 'thun khyad par che// mtshan nyid so sor rtsal snang dang // rtsa bral so sor rtsa la snang dang // so sor ngo sprong khyad par che// cig tu bstan nas rdzogs pa dang // phyogs 'dzin tshig kyang shor ba gnyis// nyag gcig sgra mthun khyad par che// ces gsungaso// 'byung po kun 'dul gyi rgyud las/ rtsa lnga ngo sprod pa'i le'u ste bcu drug pa'o// // de nas yang dag bshad bya ba// rdo rje chos kyi blo gros nyon// theg ba'i gzhi dang lam rdzogs pas// de'i 'bras bu sgra 'thun rnams// mdor bsdus bdag gis brjod pa ni// 'gyu ba dngos mang ngo shes pas// nyan thos bdag med lta bu mthun// dbugs la mi rten gong las chong // rig pa khong gsal ngo sprad pas// sems tsam pa dang lta ba mthun// sems la gol bas gol sa med// rang bzhin stong par ngo sprad pas// dbu ma pa dang lta ba mthun// sgyu mar me 'dod gol sa med// gnyi su med par 'bras bu mthun// grangs med dus mi ltos pas gol sa med// sgyu ma'i dpe brgyud mi bsgrub khyad par 'phags// ngo bo rang bzhin thugs rje gsum// kri ya ba dang khyer so mthu na// rig gsum mi sgom gol sa med// byed spyod mi dgos khyed

  31. 32b

    bar 'phags// ngo bo la sogs lnga dang ldan// yo ga ba dang lta ba mthun// byang chub lnga la mi ltos med// sku lnga mi sgrub khyad par 'phags// chos lnga dag dang ldan pa ni// mahA yo ga dag dang mthun// rig lha mi bskyed gol sa med// yo ga rnam gsum mi ltos khyad par 'phags// ngo bo rang bzhin thugs rdo gsum// a nu ba dang lte ba mthun// he ru ka dgu mi sgrub gol sa med// ting 'dzin rnam gsum khyad par 'phags// rdzogs tshon rnams dang lta ba mthun// yon tan 'gyur ba med pa yin// dag par 'dod dang lha so mthun// thugs rje 'gag pa med pa khyad par 'phags// rgya ma chad pas gol sa med// thug rje 'gag pa med pa yis// ma nges pa dang lha so mthun// rgya ma chad pas gol sa med// rang bzhin stong pas khyad par 'phags// rtsa rlung rgyud la rten pa yis// thabs lam pa dang lha so mthun// zag pa med pas gol sa med// lhan cig rdzogs pas khyad par 'phags// thams cad rgya ma chad pas shes// rdzogs rim pa dang lta so mthun// phyogs rdzogs mi bsgrub gol sa mang // mtshan ma rang grol khyad par 'phags// zung du 'jug pas lha so mthun// gnyisu med las khyad par 'phags// chos las 'das pas gol sa med// thams cad mkhyen pas khyad par 'phags// sa'i rnam pa lta so mthun// sa rnams ma lus rgyan dang ldan// mi bgrod pas na golas med// sa rnams rang grol khyad par 'phags// lam lnga pa dang lha so mthun// sbyangs mi dgos pas golas med// rang grol chen pos khyad par 'phags// 'bras bu rnams dang lha so mthun// dus la mi ltos golas med// rang grol 'ub

  32. 33a

    chub khyad par 'phags// de phyir sgra mthun khyad par 'phags// theg pa kun 'dul 'byung bas na// kun 'dul kun 'byung rgyud ces bya// ces gsung so// 'byung po kun 'dul gyi rgyud las/ rdzogs lugs bsdu ba'i le'u ste bcu bdun pa'o// // de nas yang dag bshad bya ba// rdo rje chos kyi blo gros khyod// de lta bu'i nad bstan pa// dbang po rab kyi grol ba las// 'bring dang mtha' mas rtogs par dka'// de phyir ngo sprod bcu gnyis las// thig le bcu gnyis sbyar ba bstan// de yang 'di ltar shes par bgyis// ngo sprod rnam pa bzhi dag gis// kha brkyangs shor ba'i gol sa gsal// nyams khrid rnam pa bzhi dag gis// nya mos kyis 'ching ba'i gol sa bcad// gzer chen gzhi'i ngo sprod bgyis// spang blangs 'du 'bral grol sa bcad// dmar khrid gsar khrid lag len 'di// bsgom pa dbang dang gzer lta bu// 'di 'dra bstan pa'i snod re nyung // chos 'bring sre tshong chu la 'o ma bsrang // e ma ho bstan par dka'// dka' bas snod nyung gab pa yin// gzung 'dzin gnyis med do smod de// de'i dpe'i ngo sprad bcas// 'khrul pa'i mig gis bltas pa'i tshe// zla ba gnyis su snang ba ltar// brtags pas gnyisu med par mthong // de bzhin 'khrul pa'i gzung 'dzin yang // ltas pas gnyis su med par shar// gzung 'dzin gnyis med do sprad do// ma rigs rig pa'i ye shes su ngo sprod pa ni// de'i dpe'i ngo sprad ni// dper na ltang ka'i zla ba rnams// yang dag don la dngo su med// mkha' zla cig tu shes pa ltar// ma rigs bltas pas dngos po med// blta thabs mkhas

  33. 33b

    bas shes par bya// 'gyu ba ye shes ngo spyod pa// dper na mig rgyu sna tshogs kyang // yang dag don la rang bzhin med// de bzhin 'gyu ba sna tshogs kyang // bltas pas dngos po med par shar// shes rab yid la ngo spyod pa// de'i dpe'i ngo spyod pas// brag cha lta bur gar byas 'char// yid la ngo sbrang sku gsum 'char// de don ngo spyod rnam bzhi yin// rten khyi gsang ba ngo sprad pa// de'i dpe'i ngo sprod ba rgya mtsho 'dra// rtags kyang sdu ba lta bu'o// don gyis ngo sprid rtsa gnyis la// rtag ni phyi 'gyu na 'gyu'o// don ni 'gyu ba rang dngas so// de ni nyams len ngo spyod yin// nyams la chags pas 'khor ba nas// dus bzhi nyams sbyor gzer gdab ste// 'gyus pa'i dus na rang ngo shes// ltas pa'i dus na 'gyu ba dngas// dper na dzA ti'i sman bzhin du// 'gyu ba thams cad sangs rgyas yin// mthong ba'i dus na dgongs pa shar// lhun gyis grub pa'i sman ltar shar// de'i dus na bzung 'dzin dngas// nam mkha' dngas pa lta bu'o// sngar bas 'das dang slad kyi byon// sangs rgyas rnams kyi dgongs pa yin// thog ma tha ma bar dang gsum// de'i dgongs pa bstan pa yin// skal ldan rnams yin/ gzhan gyis thos par dka'// 'di'i don thos kyang don la gnas pa dka'// 'di don bstan yang dam tshig srung ba dka'// 'di don bstan yang go zhing rtogs pa dka'// dka' bas bstan kyang le lor 'chor bas na// nyam su len pa'i gang zag ma rtogs pas// 'di don gsang bas gsang sngags rgyal po yin// 'di don thugs la gang gnas pa// rdo rje chos kyi blo gros nyon// gsang sngags rgyal po mthu chen 'chang // ces gsungaso//

  34. 34a

    'byung po kun 'dul gyi rgyud las// ngo sprod dmar khrid kyi le'u ste bcwo brgyad pa'o// / de nas yang dag bshad bya ba// rdo rje chos kyi blo gros nyon// ngo sprod bsdus pa bstan par bya// blta thabs cig gis kun mthong bas// dper na za 'og gur khyims ltar// ma 'dres yongasu rdzogs par mthong // theg pa'i rang zhung thams cad rdzogs// chos rnams spyi dang rang gi mtshan nyid kyang / dus cig sgro 'dogs mchod pa yin// blta thabs cig gis thams cad mthong // mkha' la skar tshogs mthong ba ltar// 'gro ba rig drug 'khrul pa mthong // ma rig pa yi sgro 'dog chod// blta thabs gcig gi thams cad mthong // dper na ma long bzhin bstan ltar// sangs rgyas dgongs pa'i mtshan nyid mthong // phyi nang sgro 'dogs dus cig mchod// lha thabs gcig gis thams cad mthong // rin chen men shel bstan pa ltar// phyi nang snod bcud rang grol shar// 'bras bu sgro 'dog dus cig chod// brda dang rtags su ngo spyang gces// gces pa mdor bsdus gnyis las med// ngo sprod chen po gsang ba'i ste// gter gsum lus la tshangs pa/ yin// de las ma rig dang log par lta ba yis// sgra 'dog rang grol 'bras bu ni// dug lnga khong khro'i gzhi dang rgyu rkyen dang // dngos po rnam gsum ngo sprod pas// gzhi dang dngos po phreng grol bas// 'gro drug mu stegs rang sar grol// grol ba rang 'byung rang la shar// ya gzhi grol bzhi rang grol dngos// thams cad rang grol 'bras bu'i mchog/ ces gsungaso// 'byung po kun 'dul gyi rgyud las// ngo sprod bsdus te bstan pa las/ 'bras

  35. 34b

    bu rang grol gyi le'u ste bcu dgu pa'o// / de nas yang dag bshad bya ba// rdo rje chos kyi blo gros nyon// ri rab ri'i sked pa la// tshangs pa khyab 'jug skos rje dang // srid rje drang dkar thams cad kyang // lha dang klu dang gnod sbyin dang // dri za lto 'phye na mkha' lding // mi 'am ci 'am srin po dang // sa'i lha dang sa steng lha// de ru 'dus pa'i 'byung po kun// thams cad las byung ba yin// thams cad nga'i 'kho ba yin// thams cad bran dang yang bran yin// yang 'khor nyid 'khro nga yis 'khor// de phyir 'byung po thams cad 'dul// 'byung po kun 'dul ting nge 'dzin// bstan pa kun gyi sde dpon yin// phyi'i 'byung po kun 'dul bas// bar chad thams cad sel bar byed// nang gi 'byung po kun 'dul bas// tshogs drug rang sar grol bar byed// gsang ba'i 'byung po kun 'dul bas// chags sdang 'dud pa grol bar byed// 'byung po kun gyi gtso bo ni// nag po chen po mig gcig po/ 'gyur med drag med bya ba des// thams cad kha lo sgyur ba yin// tshogs kyi bdag po tshogs la rol// phud kyi bdag po phud nyal bas// 'byung po'i bdag po kun tu rgyu// lus med lus po kun gyi bdag/ srog med srog cha kun gyi bdag/ dbugs med dbugs chen kun gyitshe bdag/ skye 'chi gnyis kyi bdag po ste// lus can thams cad kho las grub// de phyir 'byung po'i rgyal po yin// thams cad kun la dbang bsgyur bas// 'byung po kun gyi blon po yin// de la ngo sprod ma byas na// 'byung po kun chom shin tu dka'// 'byung po choms par ma gyur na// ro snyoms 'byung po shin tu dka'// ro ma snyoms par gyur pa na// sangs rgyas dgongs pa'i don mi mthong // 'dre rnams

  36. 35a

    @thams cad 'dul byed na// 'dre gcig rtsa ba mchod na// thams cad 'dul bas ga la lang // gcig chod pas ni thams cad chong // dper na ral gri kha mangs kyi// lag pa'i khrig mchod tsam na// sor mo lnga po gcad mi dgos// 'byung po rgyal po gsod tsam na// 'byung po thams cad gsod pa yin// rtsa'i rgyal po srog pa rtsa// srog pa rtsa de tshong gyur na// rtsa bran chod kyang mi 'chi ltar// rtsa chen chod pas 'chi bar 'gyur ro rnams mnyam pas mi nyams te// 'byung po cig la ro mnyam na// thams cad ma lus snyoms pa yin// 'byung po rnam rtog lha dang 'dra// ro snyoms ro snyoms tshad dang ldan// 'bras bu bdengs dang ldan par byed// rtsa dang rlung dang theg le rnams// gzhi dang lam dang 'bras bu la// ro snyoms ro ma snyams pa dang // tshad dang dbang po 'bras bu rnams// nges shes gdengs dang ldan par bgyi// nad la rnam pa mang yang ni// rgas par byed dang 'dre dang 'byung 'khrug nad// rnams smin rkyen 'gyur 'chi ba'i nad// de'i ro snyoms tshad dang ldan// 'bras bu nges shes gdengs dang ldan par gyis// 'drel bsam gyis mi khyab te// rtogs 'dre 'byung 'dre rtod kyi 'dre// mi 'dre dang ni rnam pa bzhi// de'i ro snyoms ro snyoms tshad// 'bras bu nges shes gdengs dang dbang po med gyur ni// rnal 'byor don dang ldan zhes bya ba shin tu dka'// thams cad man ngag ngo smos 'di ru 'dus pa yin// sangs rgyas sa dang de'i thug rje yang // 'di ni ma rtogs gdengs dang mi ldan gyis// 'bras bu gdengs ste 'di ru shes par bgyis// shes pas 'khor bar skye ba'i rgyun rnams bcang // de ltar shes na 'khor 'dod nas sprugs// mngag kha rgya yis

  37. 35b

    theg zhes brjod pa yin// srid gsum rnam dag dgongs pa rang snang thob// ces gsungaso// 'byung po kun 'dul gyi rgyud las// gdam pa dmar khrid gyi le'u ste nyi shu pa'o// / de nas yang dag bshad bya ba// rdo rje chos kyi blo gros nyon// 'di dang mi ldan ro snyoms byed// nor bus rgyal sa bzung ba 'dra// thams cad sgrub pa'i nor bur shar// nor bu kun gyi nang na mchog/ lhun grub spyan chen ma 'gags pas// 'gyu ba'i mig du grub pa yin// rang snang 'o du mthong ba yin// bag chags chags sdang de ru mthong // mthong stangs 'gyu ba'i spyan la dris// kun tu bzang pos mthong ba ni// dus bzhi mnyam sbyor sangs rgyas dgongs pa shar// / 'das pa lnga'i thig le ye shes kyis// klong du shar nas gzhi lam 'bras bu mkhyen// lhag mthong rig pa'i ye shes me long byang ltar gsal// gsal ba bzang thal 'di la lta shes na// sangs rgyas dgongs pa rtogs pas dgongs pa mngon sum 'gyur// de'i dus na bzhi lam so sor bstan pa tsAm// de las ma stan rtogs thob 'byung ba med// de las thug rje byin brlabs nyi mi'i 'od bzhin 'char// de don dgongs pa thugs nas thug su chud/ kha sbubs zhabs rdol dug can gzhog ral la// byin brlabs 'byung bas byin brlabs rgyu du bshad// khamasu 'khrul pa ma shes ma rig pa// 'gyu ba'i mig gis stong gsum bltas pas len// blta ba nyes pas mig sprin zhag gis chod// dper na na mkha' zhag gis tshong pa lhor// 'gyu ba 'od kyis chos pas sangs rgyas spyan ma gsal// 'od lus yid lus sha khrag lus chung // gnas dang tshe chang lung du bstan pa med// dge sdig las kyi 'bras bu sor

  38. 36a

    @shar ba med// las dang 'bras bu rnam smin grub nas bskal pa med// de dus las rkyen 'gyu ba'i rtsal las byung // sha khrag mi'i lusu chud de tshul khrims bsrung ba med// rtag dang seng ge kha sprod byung bas sheng rtsal gzhan la rag ma lus// gzhi dang rgyu rkyen dus mtshungs pas// tshul khrims bsrungs dang sdoms la rag ma lus// de ltar shar bas lus kyi thog mtha' yin// sha khrag lus la rtsa rlung thig le 'dus/ 'dus pa nang du byung bas 'byung ba lnga zhes bya// 'byung 'khrug nang du 'ong ba'i gnad ka de ltar yin// mig gnyis chu bur 'ong ba ni// pha ma'i mngal du khu chu dngas ma lus// pha dang ma'i sred len byas pas ni// chu bur mig gnyis 'ong ba de ltar yin// dbang po'i dang ma gnyisu 'dus// dbang po'i dang ma mig du 'ong ba de ltar yin// de yin lha mthong 'dre mthong zer ba chu bur mig la snang // lha 'dre gnyisu 'ong ba de ltar yin// rtog med rtog pa'i bar na 'gyu ba gnas// 'khor ba mya ngan 'das pa gnyisu 'ong ba de ltar yin// de phyir mig thog mtha' mchod na// 'khor ba'i snang ba bkag pas kheg par dka'// gnyisu snang yang yod pa cig las med// gnyis med mig gcig yod pa'i phyir// spyan gyi gzhi dang rgyu dang rkyen// tha ma dngos po ma shes na// ye shaus spyan la 'char ba'i dus ma mchi// ces gsungaso// 'byung po kun 'dul gyi rgyud las// de sprod rang snang gi le'u ste nye cig pa'o// // de nas yang dag bshid bya ba// rdo rje chos kyi blo gros nyon// rab kyi ngo sprod de ltar bstan// 'bring gi ngo sprod bstan pa ni// dbang pogizhi la spyan gsum gnas// spyan gsumi rgyu rkyen bstan par bya// tha ma spyan gsum ngo spong bya// dpe'i spyan gsum man/

  39. 36b

    shel yin// phyi nang gsum la sbyar la bshad// rtag kyi spyan gsum bstan par bya// chos dang shes rab ye shes spyan// sgro 'dogs gcod dang 'dug tshul rtogs// yon tan rang grol 'bras bu'i spyan// rtags dang don dang ngo sprod bstan// phyi nang gsang po spyan gyi dbang // thams cid dbang bskur khyad par 'phags// dug lnga lam du blang ba yin// gcig tu 'dril ba'i gzar tshan gdab// kha mi khyad dang nyams las grol// 'bras bu gdengs dang dbang po yin// ngo bo nges tshig dbye ba 'di// tha'i ngo sprod yin par shes// chos mthun bsgrub byed dpe ru bstan// ngo bo gsal gdangs zang thal 'gags pa med pa yin// nges tshig mthong snang ma 'gags pa// dbye ba gzhi lam 'bras bu'i spyan// 'bras bu'i spyan la rnam pa gsum// 'khrul pa bag chags mig dang ni// longs sku sgyu ma'i spyan lnga dang // thig le ye shes mig cig dri med spyan// spyan gyi rtsa ba lhun grub gzhi'i spyan// spyan gyi rgyu ni 'gyu ba mi 'gag pa// spyan gyi yul ni chos la mi dmigs pa'o// spyan gyi dpe ni nyi ma me she lo// shel ltar gsal zhing lhun gyis grub// snod kyi ngo spyod 'od la'o// bcud kyi ngo sprod de nyid la// gnyis med ngo sprod thams cad la// 'das pa'i ngo sprod thabs chen la// 'khrul gzhi dang par ma shes na// phyis kyang 'phrul pa'i skyon du 'byung // ces gsungaso// 'byung po kun 'dul gyi rgyud las/ tha ma spyan gsum ngo sprod kyi le'u ste 'i gnyis pa'o// / de nas yang dag bshad bya ba// rdo rje chos kyi blo gros nyon// des kyang grol bar ma gyur na// dbang po yang mtha' yin par shes// de la 'di skad ces bya ste// lus su rtog

  40. 37a

    ba dran byi'i phyir// theg pa rgya mtsho spyang dang // gzhung lugs rgya mtsho su 'don da // gzhung chen rgya mtsho la zla dang // gzhung chen rgya mtsho spyang bas// des ni grol bar ma gyur na// ngo sprod nges pa'i gzer 'di gdab// dran pa'i dus na thams cad gsal// ma dran ma shas rmongs gyur pas// dran pa'i thugs rje'i byin brlabs dang // mi 'gyur mi brjed gzud kyi theg pa yis// ye shes dran pa'i theg pas btags// phyi'i dran pa'i theg pa yin// snang la rkyen med thag pas btags// skye med dgongs pa'i rgyun thag 'khrigs// snang ba skye med ngo sprad pas// dbu ma rab tu mi gnas pa'o// lta ba dag las khyad par 'phags// rigs snang rang grol ngo sprad pas// sems tsam dgra las khyad par 'phags// 'gyu ba dngos med zang thal bas// thig le nyag cig dgongs pa khol// nyan thos dag las khyad par 'phags// phyi nang mtshon ma rang grol bas/ sngags kyi theg pa khyad par 'phags// 'dir snang tshos sku rang sar grol// chos kyi sku bas mtho 'gyur bas// rdzogs tshan dag las khyad par 'phags// gzhung lugs rgya mtsho'i la zla yin// de yis de ltar de ma rtoDa/ de ma rtogs pas de ma rigs// de ma rig pas de ltar 'khor// de ltar de 'dra'i de las byung // sngon gyi de dang da ltar rnams// de bzhin de dang de'ang thob// de ma thob pas de ltar snang // de'i 'khrul pa de ltar shes// de shes pas ni 'khrul pa med// de yang de ltar ma gyur na// de la 'od gsal 'khor lo bskor// de la dmigs pa de'i thabs// de'i tshad dang de lam zhugs// de la mi 'khor rang dbang med// de la shes na do'i log non de// de yang rtsol ba de

  41. 37b

    yin de rang grol// de ltar thabs bstan der shes byas// theg pa rgya mtsho'i ngo sprod yin// 'khor lo bskor lugs rnam pa gsum// snang ba tshogs drug 'byung ba gsum// de ni phyi'i 'khor lo yin// sha dang rtsa dang rus pa las// 'khor lo rnam pa gsum yang bskor// sha la 'khor lo bskor shes na// sprul sku dngosu 'byung bar 'gyur// de la'ang bskor ba rnam pa lnga// de'i log non shes par bya// rtsa la 'khor lo bskor shes na// longs sku'i dgongs tshad 'char bar 'gyur// de la de bzhin de lta ro// rus pa'i 'khor lo bskor shes na// chos sku mngon du 'byung bar 'gyur// de la de ltar rims bzhi no// dbyer med rang 'byung 'khor lo bskor// sku gsum rang grol dgongs pa 'char// lta ba chos sku mi mthun te// de dgongs 'char ba'i gnad med na// zla ba mtshan nos bstan pa bzhin// yul can dag las ma shar ro// de la gnas pa e ra 'khyam// rang shar lta ba'i gdengs ma rnyed// ces gsungaso// 'byung po kun 'dul gyi rgyud las// theg pa rgya mtsho la zlo dang // 'od gsal gtan la dbab pa'i le'u ste nya gsum pa'o// // de nas yang dag bshad bya ba// rdo rje chos kyi blo gros nyon// de'i yon tan bstan pa ni// 'di gsal 'khor lo byin brlabs tshe// thams cad dbang du bsdu bar byed// 'od ni byin dang ldan pa yin// rlabs ni rang snang 'khor lo yin/ gsum lam du slongs pos tshe// dmigs pa myur te klog dang 'dra// brang thal 'gro ste thog dang 'dra// rig pa rang sgra 'khor lo 'dra// dmigs rna rno spro gri 'dra// 'gyu ba rba drag skar mnga' 'dra// 'od gsal byin che nyi ma

  42. 38a

    wa// dmigs pa rgya chen ma la 'dra// dgongs pa gting rdab rgya mtsho'adra// nyams khyen pardar rnagags ri na// dgongs padon za zla 'og gud kyis 'ang // smyu gsum las shar 'dra// de ltar ma rtogs skyon bstan pa// ma rig mun nag 'thib pa 'dra// 'gyu ba lce spyang lag pa 'dra// gzungs 'dzin gdangs la kha bab 'dra// bag chags rgya mtsho'i gnyer mo 'dra// dug lnga zhugs la me shong 'dra// dgra gnyen gram pa'i rdo dang 'dra// chags sngangs lam ka'i 'gron po 'dra// 'khrul pa gzi lum brgyus pa 'dra// 'khor ba zo chu khyus mo 'dra// 'gro drug tshong pa skyel bsu 'dra// sdug bsngal tshong ba choms pa 'dra// rnam rtog tshong dus 'o ma 'dra// 'dod pa pu shi 'o ma 'dra// chags pa phye leb me shor 'dra// sdang ba lam gyi dgra dang 'dra// rnam rtag mig 'gyu 'gyus pa 'dra// de tshe ngo sprod shes gyur na// rdzogs pa chen po'i lam chen yin/ ces gsungaso// 'byung po kun 'dul gyi rgyud las// 'od gsal 'khor lo phyir zlog gi le'u ste sde bzhi pa'o// // de nas yang dag bshad bya ba// rdo rje chos kyi blo gros nyon// dran pa bzhi yis ma brgyan na// 'od gsal 'khor lo bskor ba dka'// de phyir dran pa'i thag pas gdag/ ma dran pas ni bskor thabs med// med dran pa'i thag pas gdag/ dA l-i ngo sprod bstan par bya// nga lta bar gnyi su bstan// man shel me long gnyis po la// gzhi la rgyu rkyen 'bras bu bzhi// nga lta bar ngo sbyar la bstan// thugs rje'i 'byung lugs ngo sprod bstan// nga lta rang la ngo spang na// snying dang mgrin pa mig dang gsum// chos

  43. 38b

    sku longs sku sbrul sku gsum// sku re la'ang gsum gsum bstan// thugs rje yas babs sku gsum dang // dza log sku gsum shes par bya// rab la bar ngo med pa yang // dus bzhi mnyam sbyor dgongs pa yin// bar ngo sku gsum dran par 'gyur// 'od dang 'gyu ba yid dang gsum// dgu phyug shes pa ngo spyad do// de yis grol bar 'gyur ba yin// de las grol nas shar ba yin// mchog gi sku gsum zhes su bshad// de'i sprod ma shes na// dam pa bstan pa skyon du 'gyur// thugs rje 'byung ba ma shes na// nyi ma'i 'odi dang bral ba ltar// gzugs sku gnyis po 'char bar 'gyur// gzugs sku gnyis po mi shar na// 'gro drug ston pa gang la 'byung // 'du dus thim dus 'char dus dang // de gnyis grol bar 'dus dang bzhi// de bzhi so mtshams ma shes na// sangs rgyas dus tshod shesu dga'// mar gyi dus bzhi yar gyi bzhi// bar do'i so 'tshams ma shes na/ 'khor ba'i 'phro 'du dus tshod dka'// 'du dus thim dus 'char dus rang grol dus dang // 'du dus thim dus 'char dus lus 'jug dus// 'dra 'dra 'dra ste nor sa che// des na brtags pa rab tu dka'// 'khor ba tsam du sgyu mthun yang // rgyu dang kar nag 'bras bu bzhi// de'i so 'tshams khyad par che// lus po tsam du sgra mthun te// 'jug pa'i lus la khyad par tsha// 'bras bu tsam du smra mthun ste// lung du bstan dang ma brtan// de'i 'bras bu khyad par che// ces gsungaso// 'byung po kun 'dul gyi rgyud los/ ngo spong bltas te bstan pa sku gsum ngo sprod kyi le'u ste tra lnga pa'o// / de nas yang dag bshad bya ba// rdo rje chos

  44. 39a

    blo gros nyon// ngo sprod gtan nas gnas pa dang // de'i ngo sprod ma byas pa// 'chi ba zhes bya kun la 'byung // lus dang 'pho ba zhes bya ba// de'i mdor bsdus bshad par bya// 'chi ba rnam ba bzhi dag las// rgas nas thug nas 'chi ba dang // bar chod gdon gyi 'chi ba dang // las kyi rnam par smin pas 'chi// rlung yang lnga gsum bco lnga yin// rtog pa yin par shes par bya// de la rlung gi mtshan nyid kyang // ngo bo dbye ba'i nges tshig dang // kha dog dang ni gnas pa dang // rgyu ba'i dus tshod bstan pa'o// ngo bo g.yo zhing mi 'gag pa// nges pa'i tshig ni legs bskyod do// dbye ba rgyud dang 'jug gnaso// de ni dngos po'i rlung du shes// gzhi'i rlung dang 'bras bu'i rlung // deng 'dir 'chi rtsis 'bras bur bshad// rgyu ba la yang rnam pa gsum// gyen rgyu thur sel thad kar rgyu// khyab par gnas pa'i rlung dang lnga// thugs rje bklags dang drod 'babs dang // thur du sel byed g.yo ba'i rlung // rtsa ba'i rlung la zhesu bshad// kha dog chu chung dkar la zlum// ma rlung dmar po gru gsum po// sa chung sar po gru bzhi yin// rlung gi rlung ni zla khams ljang // mkha' rlung sna tshogs mthing kha'o// gyen du rgyu ba sna dang bu ga dang // thur du sel ba gsang ba'o// thur sel rtsig ma 'byin par byed// gyen du rgyus pa lus stobs bskyed// chu'i rlung ni sor brgyad rgyu// se'i rlung ni sor bzhi ste// me'i rlung ni sor bcu gnyis// namakha'i rlung ni tshad zung med// de'i sa 'chi bar phen pa yin// gnas pa'i sa dang 'byung ba sbyar// rlung la drod yod gnas su 'dus// de dus rtse rnams khrag bros pas// kha sna bskams la sgo bdun

  45. 39b

    du// me bdun bskal pa 'byung bar 'gyur// chu dang rdul rnams cig tu 'dus// chu'i skal ba 'byung bar 'gyur// sna bu gnyi su dbug med pas// 'jug du rlung gis 'jig pa yin// 'brel bzhi drod dang 'deg byed bkod// gling tshan bzhi po 'jig pa yin// 'khor ba brgyad kyis g.yogs ma nus// gling g.yog 'jig pa de ltar yin// tshogs bdun rnam shes mi rgyu bas// mtsho bdun 'jig pa de ltar yin// rin chen sna bdun 'jig pa yin// lus kyi nga rgyal dang bral bas// ri rab 'jig pa de ltar yin// skra rnams gyen du log pa yis// mkha' 'gro 'bros pa de ltar yin// mig gnyis khong du nub pa yis// nyi zla nub pa de ltar yin// bzhugs ba srog pa'i rtsa med pa// chu tshigs na mkha' med pa yin// tshogs brgyad med pas bza' brgyad med// rgal tshigs rtsa brgyad ya bral bas// rgyu skar rtsa brgyad nub pa yin// rig pa med pas rgyal po med// yid 'jug pa med pas blon po med// dug lnga med pas 'khor dang dmyangs rnams med// snod bcud 'jig pa de ltar yin// des na 'du dus thim dus yang // 'char dus 'jig pa'i dus dang ni// grol ba'i dus dang ngo spyod rnams// 'dir ni rgyas par bshad pa yin// zar ma'i me tog ma yal lam// gling po'i mkhun thag ma chad dam// rtswa sngon thur mnga' ma chad dam// seng lham grangs dkar rgyu 'phrul ma tshad dam// sgeg po sgeg mi'i me long ma stor ram// rta sprin gyi shug can mtha' gseb ma tshud dam// klu rgyal dga' bo'i rna cham gtor ram// rgya mtsho'i sbub mchad ngam// kye kye ma ho chang do zer te rgyal lo// de'i dus na 'khor thams cad

  46. 40a

    'dus nas// gar chang mthung nas ra ro'o// rgyal po nyid log pa lta bur 'gyur// zhag gsum du rgyal zhing 'dug par 'gyur// de nas bud med 'am de brgyal sangs tsam na// rmi lam rnam pa gsum rmis par 'gyur ro// de'i tshe der snang gi dus na// de ni mtshams sbyor rmi lam dang // 'khrul pa 'phro 'du rmi lam dang // ye shes rang snang gnyis grol ba// rnam grol gsum la mkhas pa'o// grol ba ba thar pa rnam grol lus// rnam grol zhi ba zhi pa nyid// legs par mya ngan 'das dang nye// bde sdug gnyis ka rnam par sel// grol ba thar pa rnam par grol lus mchog/ rnam par grol ba mkhas pas mchog/ mchog gi 'bras bu bstan pa yin// ces gsung so// 'byung po kun 'dul gyi rgyud las/ 'chi rtsis dang ngo sprod dang lta bar dor ro snyam ngo sprod kyi le'u ste nye drug pa'o// / de nas yang dag bshad bya ba// rdo rje chos kyi blo gros nyon// de las thugs rjes sprul pa ni// phyi nang gsang ba gsum du 'byung // thams cad mkhyen pa'i spyan ldan pas// las dang 'phro dang mthud pa dang // 'bru shag las kyis 'khor lo 'dis// go skabs lus kyi 'byed par 'gyur// las 'phro nges pa'i gnad med na// thams cad rtag chad gol bar chud// kye rgyal ba'i sras po thugs zhes bya// 'od lus yid lus sha khrag lus// 'od zer phung po 'od dpag med// mthar thugs rdo rje sems dpa' yin// bde ba gnyis la rtog pa'o// mtshan dang dpe byas rab tu mdzes// sa bcu byang chub sems dpa' rnamaso// 'od zer 'dom gang 'od du 'phro// lha lus 'od gsal mad gang dang // 'dre ni rang

  47. 40b

    snang rang 'od nges med// bsam gtan ting nge 'dzin khyad par yin// yid lus rnam smin 'bras bu dang // las kyi rim pa bsam gtan las// dmyal ba tsha grang gnyis gnyis dang // nyi tshe ba dang nyi 'khor ba// rdo rje dmyal ba'i snang ba rnams// rnam smin las kyi 'bras bu yin// yi dwags yid lus rnam pa bzhi// phyi dang nang dang gnyis ka dang // sgro khyud yid lus rnam bzhi yin// gnas dang rgyu ba rnam smin gsum// de ni las dang 'bras bu'o// lha yang gzugs med grub pa ni// bsam gtan dag las grub pa yin// 'dod khams ris drug lha dang nI// mi rnams sha khrag lus su grub pa ni// dge ba'i las kyi 'bras bu yin// pha rol tu phyin drug khyad 'phags pas// de'i 'bras bu so sor smin// byol song sha khrag lusu grub pa ni// gti mug lung ma bstan gyi 'bras bu yin// phal cher las kyi 'bras bu snang // rkyen 'gyur gnad skabs ma nges pa yang yod// gzhi nas rang dbang med par 'byung ba yod// rgyu nyid rdo rje gyen dang 'dra ste ra gzhob ltar// yang dag don la las kyang med// rnam par smin pa'i 'bras bu med// ma rtag pa la las yod las kyi 'bras bu yod// bden pa'i byin gyi brlabs kyis mo'i phung po zhi// rang grol rig pa 'di la lta nus na// yang dag don nyid mthong bar nges pa yin// ces gsungaso// 'byung po kun 'dul gyi rgyud las/ thugs rje'i 'byung dang lus gsum bstan pa'i le'u ste rje bdun pa'o// de nas yang dag bshad bya ba// rje chos kyi blo gros nyon// theg pa spyi nga rang gi mtshan nyid kyi// lam la 'jug phyi lam lnga bshad// tsham

  48. 41a

    dang sbyor dang mthong ba dang // bsgom pa dang ni mthar phyin lnga// nyan thos tshogs lam+ba 'di lam 'di lta ste// nyis brgya lnga bcu tshogs kyi lam// bden pa bzhin ni mthong ba po// shes pa bzhi ni sbyor ba'i lam// 'phags pa'i lam brgyad bsgom pa'i lam// dgra bcom 'bras bu gyur pa mthar phyin lam// tshad med bzhi dang pha rol phyin pa drug/ sdom pa nyi shu rtsa ba gsum// de'i sdom pa byang chub sems dpa'i// tshogs kyi lam du bshad pa yin// bzod pa 'jig rten chos kyi mchog/ sbyin dang tshul khrims pha rol phyin pa bcu// sbyor ba'i lam du bshad pa yin// chos rnams na mkha' lta bu ni// dngos po mtshan ma mi dmigs pas// sgom pa'i lam du bstan pa yin// 'bras bu rdzogs pas sangs rgyas pa// mthar phyin pa'i lam du bstan pa yin// sngags phyi ba'i lam du bstan pa ni// dag pa rnam gsum gza' dang rgyu skar rtsi// brtul shugs dkyil 'khor sbyor ba tsom// tshogs kyi lam du bstan pa yin// de nyid rdo rje dang 'bangs kyi tshul// 'phro 'du ting 'dzin byed pa ni// sbyor ba'i lam du bstan pa yin// ting 'dzin las su gyur pa ni// mthong ba'i lam du bstan pa yin// ting 'dzin rgyun ma chad pa ni// sgom pa'i lam du bstan pa yin// 'bras bu rigs gsum grub pa ni// mthor phyin lam du bstan pa yin// bdag dang dam tshig sems dpa' gnyis// / de'i lang las mi 'da'o// spun dang grog po'i sgo nas sgrub// tshogs kyi lam du bstan pa yin// sku mchog phyag mtshan gsal ba ni// sbyor ba'i lam du bstan pa yin// de nyid la su rung gyur pa// mthong ba'i lam

  49. 41b

    du bshad pa yin// de'i lam las mi 'dara' bas// sgom pa'i lam zhes bshad pa yin// sku lnga mngon du gyur pa ni// mthar phyin lam zhes bshad pa yin// ces gsungaso// 'byung po kun 'dul gyi rgyud lnga/ mtshan nyid lam gsang sngags phyi rgyud lam lnga bstan pa'i le'u ste rje brgyad pa'o// // de nas yang dag bshad bya ba// rdo rje chos kyi blo gros nyon// rgyud lung man ngag snyan rgyud kyi// de'i lam lnga bshad par bya// ting 'dzin rnam gsum dam tshig brgyad// 'phags pa spyan drangs las sogs pa// tshogs kyi lam du bshad pa yin// gom shing rten par byed pa ni// sbyor ba'i lam du bshad pa yin// brten nas rig sngags yab yum gsal// mthong ba'i lam du bshad pa yin no// ti nge 'dzin rnam gsum ma thob bar du bsgom// bsgom pa'i lam du bstan pa yin// longs sku zhi gnyis sangs rgyas pa// mthar phyin lam du bstan pa yin// phung po khams rnams lha ru bsgom// 'dzab dang 'pho 'du tshogs kyi lAm// de nyid 'dris byed sbyor ba'i lam// kun bzang yab yum he ru ka/ gu ru gsal ba mthong ba'i lam// he ru yab yum bstan pa sgom pa'i lam// dbyings dang ye shes gnyisu mang ba mthar phyin lam// a ti yo ga'i lam lnga ni// snang srid brgyun du gyur pa'i tshogs kyi lam// thig le nyag cig rtog thob sbyor ba'i lam/ tshom med par go ba mthong ba'i lam// de'i don la gnas pa bsgom pa'i lam// chos sku thig le shar ba mthar phyin lam// snyan rgyud nges pa'i lam lngas 'di ltar bstan// rang snang zad tal yin pos tshogs lam

  50. 42a

    @#sgrol// rig pa rang sar grol bas sbyor lam rdzogs// thig le rang la shar bas mthong lam rdzogs// 'gyu ba bzang tal shar bas sgom lam rdzogs// thig le chos min shar bas thams cad mkhyen pa rdzogs// tshig su brjod pas sngar snang don la cig/ gser bzang mdog bzang byas pas don la cig/ theg pa rang re'i lam lnga de ltar yin// ces gsung so// 'byung po kun 'dul gyi rgyud las/ lam lnga khyad par bstan pa'i le'u ste the dgu pa'o// // de nas yang dag bshad bya ba// rdo rje chos kyi blo gros nyon// sa dang pha rol phyin pa ni// gsang sngags mtshan nyid man ngag gsum// de yang khyad par 'di ltar bstan// dang po rab tu dga' ba ni// sbyin pa yino pha rol phyin// pad+ma can gyis zhes bya ba dang // bla ma'i gdam ngag thob pa'o// gnyis pa dri ma med pa yin// tshul khrims pha rol phyin pa'o// rig pa dri ma med pa 'o spyod yin// / gsum pa 'od 'phro zhes pa ni// bzod pa'i pha rol phyin pa'o// bcu gsum yi ge 'khor lo tshogs chen yin// sku gsum dgongs pa gzhan don byed// bzhi pa 'od byed zhes pa ni// brtson 'grus pha rol phyin pa'o// yi ge tshon tshan rdzogs pa yin// sku gsum gyis ni gzhan don byed pa yin// lnga pa spyad par dka' ba'i sa// bsam gtan pha rol phyin pa'o// bco lnga rdo rje 'chang gis// dbang po dman la ngo sprod bya// drug pa mngon du gyur pa'i sa// shes rab pha rol phyin pa'o// ngo sprod pa ni rtogs pa mngon du gyur// bdun po ring du song ba'i sa// thabs kyi pha rol tu phyin pa yin// nyan thos spong ba'i yin te song ba'o// 'di nyid lam du byed pa'o// brgyad pa mo g.yo ba yis sa/

  51. 42b

    smon lam pha rol phyin pa'o// chos sku 'gyu ba med par rtogs// dgu pa legs pa'i blo gros so// stobs kyi pha rol phyin pa yin// kun tu bzang po'i dgongs pa'o// bcu pa chos kyi sprin gyis// ye shes pha rol phyin pa'o// rtog pa mngon du gyur pa'o// bcu gcig la ni 'odu 'char// shes rab pha rol phyin pa'o// ye shes pha rol phyin pa'o// ces gsungaso// 'byung po kun 'dul gyi rgyud las// sa gsum ngo sprod kyi le'u ste sum bcu pa'o// / de nas yang dag bshad bya ba// rdo rje chos kyi blo gros nyon// phyag rgya bzhi'i don ston pa// 'gro ba'i gnyen bskur gnas kyi mchog/ bden pa bzhi ni ston pa'o// de la nyan thos phyag rgya bzhi// nyis brgya lnga bcu las kyi phyag rgya yin// bden bzhi gtan la 'bebs pa chos kyi phyag rgya yin// gang zag bdag mad dam tshig phyag rgya yin// dgra bcom 'bras bu rnam bdun phyag rgya chen po yin// byang chub sems dpa'i phyag rgya ni// sdom pa nyi shu srung ba las rgya yin// pha rol phyin drug spyod pa chos rgya yin// chos rnams rang bzhin stong pa dam tshig phyag rgya yin// thad mkhyen pa thob pa phyag rgya chen po yin// dag pa rnam gsum spyod pa las kyi phyag rgya yin// rigs gsum spyan 'dren mchod bstod chos kyi phyag rgya yin// nya sha sgog rtsod srung ba dam tshig phyag rgya yin// 'bras bu rig gsum bsgrub pa phyag rgya chen po yin// byang chub lam la 'jug pa las kyi phyag rgya yin// sku lnga gzhu brtul byed pa chos kyi phyag rgya yin// dkor gsum mngar gsum bstan pa dam tshig phyag rgya yin// sku lnga mngon du gyur pa phyag rgya chen po yin// bdud rtsi lnga la spyod cing sbyor sgrol

  52. 43a

    las kyi phyag rgya yin// sngags dang phyag rgya chos kyi phyag rgya yin// dam tshig nyi shu rtsa brgyad srung ba dam tshig phyag rgya yin// bzhi bcu rtsa cig sgrub pa phyag rgya chen po yin// ting 'dzin rnam gsum dam rdzas lnga spyod las kyi phyag rgya yin// kun bzang yab yum sgom pa chos kyi phyag rgya yin// 'du 'phro rgyun mi spyod pa dam tshig phyag rgya yin// dbyings dang ye shes gnyi su med pa phyag rgya chen po yin// rol pa 'gag pa med pa chos kyi phyag rgya yin// mtshan nyid skye ba med pa las kyi phyag rgya yin// ngo bo blo gros dam tshig kyi phyag rgya chen po yin// rang bzhin skye ba med pa phyag rgya chen po yin// 'gyu ba 'gag pa med pa chos kyi phyag rgya yin// ye shes zang tal shes pa las kyi phyag rgya yin// rigs nas phyi nang med pa dam tshig phyag rgya yin// chos las 'das pa phyag rgya chen po yin// ces gsungaso// 'byung po kun 'dul gyi rgyud las/ phyag rgya rgyas gdab pa'i le'u ste so cig pa'o// // de nas yang dag bka' stsal pa// rigs kyi bu khyod nyon cig/ kun tu bzang po'i dgongs pa ni// gzhi rang grol 'du shes pa'o// gzhi rang grol gyi dgongs pa de ni// ma ltas rang shar gyi dgongs par shar ro// ma sgom ma bsgrub so// ma spyad do// tshogs gnyis ma bsags so// gzhi rang grol de'i sa sgom sam ma sgom sam zin nam// sgom pa byas sam sgom pa ma byas nas sangs rgyaso// blta bas bltas sam ma lta ba byas sam/ blta ba zin nam/ blta ba lta nas sangs rgyas sam// de spyad dam spyod pa byed dam// spyad nas son nam/ spyad zin nam des sangs rgyas sam// gzhi 'bras bu gzhi yin nam// gzhi de 'bras bu myong ngam// gzhis 'bras bu

  53. 43b

    thob bam// bzhi rje 'bras bu yin zero// de bzhin du lam lnga bcu sa bcu tshogs gnyis rnams dang // de bzhin de'i rang bzhin yin// ces gsungaso// dper na ga bur na re nga sman yin zer dug yin zas phal pa yin zer ram// nor bu rin po che de skad zer de// gzhi 'khrul pas ngo shes te// mi shes pa'i rang dbang med// mi'i byad kyi me long ltar// phar bltas tshur mthong bzhin gsal ba// gzhi ngo shes pas gzhi las 'das// 'das pa lnga po chos las min// ye shes zang tA la rang shar bas// thams cad mkhyen pa ma 'gags pas// mkhyen pa de ltar shar ba yin// drug gi bstan pa'i dgongs pa dang // mu stegs ston pa drug po yis// grub mtha' gnyisu phyed pas log/ gnyis med de don dang mi 'gal// mnyam phyir don na bzang ngan med// bzang por 'dod na 'dod chags yin// 'dod pas mi myong lhogs 'dre yin// 'dre ru 'di bas tsha ba med// ces gsung so// 'byung po kun 'dul gyi rgyud las/ kun tu bzang po'i dgongs pa bstan pa'i le'u ste so gnyis pa'o// // de nas yang dag bshad bya ba// 'byung po kun 'dul rgyud chen 'dir// thams cad ma lus 'dus pa yin// 'di ni byin gyis rlob pa'i rgyud du zung // ces gsung so// ston pa kun tu bzang po la// rdo rje chos kyi blo gros rjesu yid rang // 'byung po kun 'dum gyi rgyud zhes bya ba rdzogs// rgyang yang / rgya gar skadu/ da wa a b+hi Shiny+tsa rat+na tsakra tan+t+ra nA ma/ bod skad du/ lha rgyud rin po che dbang gi 'khor lo zhes bya ba'i rgyud/ bcom ldan 'das dpal kun tu bzang po la phyag 'tshalo// 'di skad bdag gis