Gpb032.018MW1KG14783_0032_018All versions of this work

chos thams cad kyi don ston pa rdzogs chen thig le nyag gcig ye nas bya rtsol bral ba

Dharmasarbabhelaatitila

Text

ff. 206b–333a · 254 folio sides

  1. 206b

    blo// bag yangs spyod pa gsang ba thub// dbang po skyon med yan lag bde// lus drang khams bzang nyams su len// gzhan gyis mi 'gyur gcig la gdams/ kha gcig gting gcig byis pa'i spyod// de 'dra'i skal ldan bu yis spyod// ces gsungs so// de nas ston pa nyid mya ngan las 'das so// lag na rdo rje la sogs pa 'dus pa rnams rjes su yi rang nas mngon par bstod do// sku gsung thugs rdo rje rtsa ba thams cad rdzogs pa'i rgyud las yongs su gtad pa'i le'u ste so lnga pa'o// // rdzogs so// // u rgyan gyi slob dpon pad+ma dang / bod kyi dge slong nam mkha'i snying pos bskur cing gtan la phab pa'o// // rgya rgya rgya/ a rgyal bya phra/ glaH/ @#// rgya gar skad du/ d+harma sarba b+he la a ti ti la/ bod skad du/ chos thams cad kyi don ston pa rdzogs chen thig le nyag gcig ye nas bya rtsol bral ba/ ka dag ldan grub mnyam nyid phyogs bral brdal khyab chen po'i klong la phyag 'tshal lo// tan+t+ra rgyud thams cad kyi rgyal po/ 'dus pa lung thams cad kyi spyi 'grel/ gsang ba man ngag thams cad kyi nges don/ theg pa thams cad kyi yang rtse/ bstan pa thams cad kyi 'byung gnas/ gsung rabs ma lus pa'i snying khu/ dgongs pa thams cad kyi zhe phugs/ chos thams cad kyi me long / don thams cad kyi mjug sdud/ ngo sprod thams cad

  2. 207a

    kyi mdzod/ nges don thams cad kyi rgya mtsho// theg pa thams cad kyi spyi phud/ blta ba thams cad kyi yang rtse// rgyal ba thams cad kyi yab/ rnal 'byor pa thams cad kyi yum/ bstan pa thams cad kyi bu gcig pa/ tan+t+ra 'bum phrag drug cu rtsa bzhi'i bcud/ gsang ba bas kyang yang gsang ba/ kun tu bzang po ma 'khrul pa'i dgongs pa/ gzhi'i 'dug tshul 'khor ba dong sbugs su ston pa/ phyi nang gsang ba gsum gyi yang zhun/ bla na med pa'i thig le'i dgongs pa/ log par blta ba thams cad kyi gnyen po/ ma rig pa thams cad kyi mun pa sel ba/ ye shes kyi snang ba thams cad skyed pa/ rnam rtog dra ba thams cad gcod pa/ phyogs gcig tu rgya chad pa med par ston pa/ snang ba mi 'gag la gnyis su med par shar grol du ston pa/ ma 'dres la yongs su rdzogs pa/ snang tshul cir yang snang ba/ yin tshul nges pa med par ston pa/ kun dang bral cing ci yang ma spangs pa/ mtha' bzhi ma 'gags mu bzhi rang grol ba/ nyams mi nga ba blta ba'i gdeng du ston pa/ 'dzin pa med pa bsgom pa'i gdeng du ston pa/ blang dor med pa spyod pa'i gdeng du ston pa/ spang thob med pa 'bras bu'i gdeng du ston pa/ dngos po thams cad rang grol du gtan la 'bebs par byed pa 'di nyid/ chos nyid grag stong du thos pa'i dus gcig na/ gnas 'og min chos kyi pho brang

  3. 207b

    sku gsung thugs rdo rje rnam par dag pa rgya chad phyogs lhung tshad las 'das pa/ rang byung 'od kyi gzhal yas khang / chos nyid kyi mkha'/ dbyings nyid kyi klong / sems nyid kyi gnas 'byams klas pa na/ ston pa rig stong kun tu bzang po nyid/ ma bcos spros bral byang chub snying po'i ngang la rang shar te/ zhal phyag gi rnam par bzhengs nas/ sngon du byung ba'i 'khor ni nyid kyi ngo bo chos kyi sku dang / nyid kyi rang bzhin longs spyod rdzogs pa'i sku dang / nyid kyi thugs rje sprul pa'i sku dang / zhi khro'i sangs rgyas dpag tu med pa dang / khyad par sku'i 'khor rdo rje'i rigs dang / rin chen rigs dang / pad+ma'i rigs dang / las kyi rigs dang / bde gshegs rigs dang / sangs rgyas dang / chos dang / dge 'dun dang / byang chub sems dpa' dang / sa chu me rlung nam mkha' dang / 'dod khams dang / gzugs khams dang / gzugs med pa'i khams dang / shin tu rnal 'byor dang / yongs su rnal 'byor/ rnal 'byor chen po dang / sems dpa'i rnal 'byor dang / 'das pa dang / ma 'ongs pa dang / da ltar ba dang / dag pa dang / ma dag pa dang / skur can dang / phyi ba'i 'khor phyi dang / dbang phyug chen po dang / mu stegs dang / mur thug dang / rgyang 'phen dang / lha dang / lha ma yin dang / mi dang dri za dang bcas pa'o// gsung gi 'khor ni/ nyan thos dang /

  4. 208a

    rang rgyal dang / byang chub sems dpa' dang / kr-i ya dang / u pa dang / yo ga dang / ma hA dang / a nu dang / a ti dang / a ti chen po dang / rdul dang / mun pa dang / snying stobs dang / phyi'i rtag chad mu bzhi'o// thugs kyi 'khor ni/ gsal stong dang / snang stong dang / bde stong dang / grag stong dang / rig stong dang bcas te/ nyid kyi rang bzhin dang / ngo bo dang / thugs rje dang / chos nyid kyi rdo rje 'dus ma byas pa rnams dang mi 'byed cing / 'byed pa mi mnga' ba/ mnyam rdzogs lhun grub klong yangs na thabs gcig tu gnyis su med par bzhugs so// de'i tshe bcom ldan 'das rig stong kun tu bzang po de nyid khor shes rig sna tshogs pa rnams byin gyis rlob pa'i phyir/ 'khor thams cad kyi thugs la thim zhing / rang byung gi ye shes gsal la// mi snang ba dang / mi mdzad pa dang / mi 'phro ba dang / mi 'du ba dang / mi 'gyur ba dang / mi 'ong ba dang / mi 'gro ba dang / mi gnas pa dang / lhang nge/ lhan ne/ lhag ge lham me/ thal le ba dang / dri ma med pa'i ting nge 'dzin dang / seng ge rnam par bsgyings pa dang / dpa' bar 'gro ba dang / yid bzhin gyi nor bu'i tog dang / rgyal mtshan rtse mo rnam par rol ba dang / glog gi phreng ba dang / 'khor lo chen po dang / 'od 'bar ba dang / phyag rgya zil gyis gnon pa dang / 'bar chen snyom pa

  5. 208b

    dang / chos nyid sna tshogs pa dang / rnam par bkod pa rnam snang rol pa zhes bya ba'i ting nge 'dzin la zhugs te/ thams cad thig le nyag gcig la bkod nas bstan pa rin po che rnams/ thams cad ma phye/ mi 'byed/ yid la bdag tu med pa'i klong nas klong chen rab 'byams kyi rgyud 'di nyid/ brjod du med pa dang / bstan du med pa dang / bltar med pa dang / cung zad med pa dang / mnyan du med pa dang / rang bzhin med pa dang / byin 'da' dang / yul can ma yin pa dang / du ma med pa dang / so ma dang / gnyug ma dang / lcug ma dang / rnal ma dang / ma bcos pa'i ngang nas 'ub chub cing rang grag ngo bo'i tshig tu rang shar ro// sarba ma la a ba ma la d+ha thim/ b+hai Ta A lo ke a nan pa ni ki sarba ma Ni Ta sha e sha a/ sma// m+ba/ ma ma/ e ka ba ra/ t+ya n+ya ta maM/ e ma ho ngo mtshar rmad kyi chos// sus kyang ma byas khang bzangs na// ma myong skye med rig pa'i sku// spang thob med pa'i rang lus kyi// grub ma myong ba'i sku ru gnas// mi grag grag stong tshul du ni// zos ma myong ba'i chos nyid gtam// ye klong chen po'i don rnams kun// 'di yi yul du shar grol te// spros med spros pa'i rgyu med pas// mnyam yang chos kun ma 'dres par// thig le nyag gcig ngas bshad nyon// e ma ho// lta ba rang byung ye shes ltos// dge sdig las 'das ngo mtshar

  6. 209a

    che// gzhi ni ma bskyod khyab gdal che// lus ngag lta sgom phan gnod bral// dngos po gshis kyi 'dug tshul ltos// snang ba ma bsgyur ngo mtshar che// bde sdug dran bsam ci shar yang // don la 'gyur med dngos po bral// stong pa ye shes kun 'byung ltos// dran bsam spyod pa sna tshogs kun// rol pa'i rtsal shar ngo mtshar che// skye 'gag gnyis kyi mtha' dang bral/ chos nyid kun khyab ye shes ltos// skye med ldan skyes ngo mtshar che// skye 'gro kun gyi srog bcad kyang / dge sdig phan gnod gnyis dang bral/ rang shes stong pa kun snang ltos// rang snang rang grol ngo mtshar che// cho 'phrul sna tshogs ci shar yang // thog ma'i gzhi las g.yos pa med// rig stong kun grol snang ba ltos// rang gis rang rnyed ngo mtshar che// nyon mongs 'gyu dran ci shar kyang // rang shar rang grol bcos slad bral// rig stong gsal dag ngo bor ltos// 'bad med 'bras thob ngo mtshar che// gcig po de yi don shes pas// 'khor 'das gnyis med kun grol dag/ stong pa kun bzhag tshad la ltos// 'gro drug khams gsum ma lus pa// sku gsum rang snang ngo mtshar che// 'gro rnams sgom sgrub ma byas par// dus gcig sangs rgyas 'khor dong sprugs// sku gsum ye rdzogs 'bras bu ltos// dus gsum 'bras med ngo mtshar che// phar phyin bsag sbyang ma byas

  7. 209b

    par// sgrib byang tshogs gnyis ye nas rdzogs// rig pa gcer bzhag kun mnyam ltos// thams cad rgyan shar ngo mtshar che// spang dang len pa'i chos rnams kun// nyon mongs gtan sbugs 'ching grol med// ye stong ka dag ngang la ltos// sangs rgyas g.yang yang sar yang sa ngo mtshar che// bya byed ye dpyod bsgom pa yis// ye grol ma shes lhung bar 'gyur// mi stong stong pa dngos can ltos// med pa bdag 'dzin ngo mtshar che// snang srid 'khor 'das kun skyed kyang // skye med dang dngas ka nas dag/ e ma ho// byung gnas med pa'i rang rig la// 'gro 'ong med pa ngo mtshar che// kun tu 'jug byed yid drug la// brten sa med de blo las 'das// thams cad sdud pa'i kun gzhi la// bzhag sa med de ngo mtshar che// 'khor 'khrul kun gzhi ma rig pa// 'gyur med ka dag bya btsal bral// thams cad yul zhen nyon mongs la// gzhi rtsa med pa ngo mtshar che// phra dang rags pa'i dri ma la// chags pa med pa ye dag yin// e ma ho// gzhi rtsa med pa'i chos nyid 'di// ma btsal cog bzhag ngo mtshar che// 'gro 'ong med pa'i rig pa la// thug pa med pa ngo mtshar che// ma bkod gsal ba'i dag dbyings la// phyi dang nang med ngo mtshar che// rang snang dag pa'i 'od lnga la// 'char nub med pa ngo mtshar che// shar ba med pa'i sgron ma la// nub pa med pa ngo mtshar

  8. 210a

    che// cha phra spros med thig le la// lnga lngas brgyan pa ngo mtshar che// mi 'gyur rig pa'i rang sku la// 'gro 'od med pa ngo mtshar che// snang ba rang dag chen po la// mtha' med rgya che ngo mtshar che// dbyings dang rig pa rang 'brel la// 'phros pa med pa ngo mtshar che// stong pa chen po'i 'byung gnas la// mtha' bzhi 'gags pa ngo mtshar che// thog ma'i mgon po dri med la// 'gran pa'i zla med ngo mtshar che// nyag gcig rang gnas dgongs pa la// bar mtshams med pa ngo mtshar che// rtsol sgrub rang dag spyod pa la// dgag sgrub med pa ngo mtshar che// rang bzhin bsam gtan par med la// bying rgod med pa 'o/ mtshar che// gtad pa mngon sum blta ba la// rang snang ye rdzogs ngo mtshar che// ye yod 'bras bu rang thob la// dmigs gtad med pa ngo mtshar che// ma btsal cog bzhag chos nyid la// thams cad kun gsal ngo mtshar che// rang bzhin rtogs pa'i sku gsum la// cig car rdzogs pa ngo mtshar che// brdal ba chen po'i nang dbyings la// mtha' la thug med ngo mtshar che// stong pa chen po'i shes rab la// gzhal du med pa ngo mtshar che// 'bras bu kun bzang stong nyid la// dngos po zad pa ngo mtshar che// dngos med ye shes zang thal la// gzung ba med pa ngo mtshar che// rang bzhin babs kyi snang ba la// mthong ba med pa ngo mtshar

  9. 210b

    che// gsang mchog nges pa'i tshig de kun// ston pa sus kyang gsungs pa med// rang byung chen po'i nam mkha' la// rang rtsal rig pa ma 'gags pa// spros med chos nyid rang sgrar ni// ma bstan rang byung thog mar grag/ rgyun chad med par chos kun tshig/ rang gi sgrar ni ye nas grag/ rang byung ye shes tshig gis mtshon// rang las rang byung shar grol bas// rang byung chen po'i tshig tu bzung // de skad du ston pa rig stong kun tu bzang po nyid rang la rang ngo mtshar ba'i che ba brjod de lham mer bzhugs so// de'i tshe 'khor rnams kyi nang nas/ longs spyod rdzogs pa'i sku sems dpa' rdo rje zhes bya ba nyid kyi thugs kyi rtsal zer las rang byung ba nyid dang / 'khor rnams kyi rdo rje glus 'di skad du bskul lo// e ma ho// kye ho ston pa kun tu bzang // chos dbyings spros bral thugs klong nas// rang gsal ye shes mkhyen pa yis// zhal phyag rdzogs shing 'gro ba'i yab// sangs rgyas mes po yab rje bstod// e ma kun bzang klong chen rab 'byams gson// de ltar ngo mtshar gad rgyangs de// kun gyis thos kyang rtogs dka' bas// yang gsang thig le chen po 'di// kun gyi spyi phud klong chen mchog/ rgyas par gnang ba'i skabs dbye zhu// de skad du ni zhus pa las// ston pa nyid kyis bka' stsal pa// e ma sems dpa' rdo rje

  10. 211a

    nyon// klong chen rab 'byams rgyud 'di la// gzhi 'khrul khyab tshul gang gnas pa// lam sgo yul gyi snang yul dang // theg pa'i dbye ba rdzogs tshul dang // bla mas slob mar dbang bskur dang // grol ba'i gdams ngag lag khrid dang // lta sgom spyod pa bar do dang // nyams sngangs rtags tshad grol tshul lo// 'di ni rgyas par bdag gis ston// ma nor nges par yid la zung // chos sgo bsam yas thams cad kun// 'di ru ma rdzogs gang yang med// theg pa kun gyi spyi phud yin// skal ldan 'khor rnams spro bar soms// zhes bka' stsal pa dang / 'khor rnams yid mgu ba dang bcas spro bar gyur cing shin tu ngo mtshar bar gyur to// theg pa kun gyi spyi phrad/ klong chen rab 'byams kyi rgyud las/ gnang ba'i skabs dbye ba gleng slong ba'i le'u ste dang po'o// // gag sa 9/ ldan thun rgya mabyagyur ma/ de nas ston pa kun bzang la// sems dpa' rdo rjes 'di skad zhus// kye ho ston pa kun tu bzang // bstan pa 'di yi rang gzhung gi/ sangs rgyas sems can 'khor myang 'das// ma grub thog ma'i gong dag nas// kun khyab ye shes ji ltar gnas// ston pas bdag la bshad du gsol// de skad ces ni gsol pa la// ston pa grag stong tshig tu byon// kye ho sems dpa' rdo rje nyon// 'khor rnams yid rab tshim bya'i phyir// ma

  11. 211b

    grub thog ma'i gong rol du// kun khyab ye shes gnas tshul de// 'dzin pa med pa'i ston pa ngas// spros med rang dag gzhal yas su// nyid dang dbyer med snang 'khor la// mtshan ma ris med gsung gis ni// spros pa med pa'i tshig rnams kun// mi snang ba rang zad thugs las byung // ma gsungs gsung ba med par ni// mnyam pa chen po'i ngang du bstan// rang gsal dag pa'i ston pa ngas// 'od lnga rnam dag gzhal yas nas// spros med gter chen gsung gis ni// sku lnga rigs kyi 'khor rnams la// dngos med dag pa'i chos rnams ni// ye shes 'dus pa'i thugs las phyung // rnam dag 'od zer ljags la bkram// rang byung ye shes thams cad du// ma gsungs rang byung chen por bstan// sbrul sku mngon zhen med pa yis// chos 'byung 'dus byas rang gnas nas// rigs drug las sad skal ldan la// spros bcas gsung gi tshig gis ni// dbang po gang mos chos rnams kyang // dran pa rang gsal thugs nas ni// dbang po 'dod med ljags la bkram// theg pa grangs kyi chos su bstan// ngas bstan spros pa'i tshig rnams la// don che bka' la grangs mang ste// 'di kun mtshon par khyod la bstan// 'gyur ba med pa'i sems kyis zung // thog mar ka dag gsal stong khyab// spyir yang rgya chad phyogs lhung bral// kun gzhi ye nas

  12. 212a

    bcos bslad med// ngo bo stong la rang bzhin gsal// thugs rje kun la snang nus pa'i// gzhi de 'od khyim lta bu la// 'gyur ba med pas rdo rje 'dra// 'byung bzhi dmigs pa'i rkyen mi gnas// gzhi de ma bcos lhun grub yin// de yang ye shes chen po nyid// thog ma'i ka dag gsal stong la// rang bzhin nyid ni 'di lta bu// sus kyang ma byas rang gsal nyid// ye nyid nas ni rang bzhin khyab// rang byung ye shes rang la byung // ma dpyad pa yi yul can nyid// sngar 'das phyis byung da lta med// las dang bag chags ma rig med// yid dang 'khor ba shes rab med// myang 'das dag kyang yod ma myong // rig pa nyid kyang yod ma yin// ye shes su yang snang ba med// kye ma rig stong nyag gcig nyon// rang byung ye shes srog med pas// dge sdig gnyis kyi mtha' las 'das// rang byung ye shes bya byed bral// rig pa nyid kyi kun khyab la// brdal ba chen po zhes kyang bya// de bzhin nyid las mi 'gyur bas// 'gyur med ye shes zhes kyang bya// skye nas grol ba'i gzhi yin pas// dus gsum dgongs pa zhes kyang bya// nges pa gcig tu mi gnas pas// bdag med chen po zhes kyang bya// mthong med rol pa mi 'gag pas// 'gag med chen po zhes kyang bya// don la bdag med skad cig ma// brgyad khri bzhi stong rnam pa

  13. 212b

    gnyis// sprul pa 'gyed pa yin pas na// sprul pa chen po zhes kyang bya// dbyings rig gnyis las 'das pa yi// rang byung ye shes mi g.yo ba// snang ba'i rtog pa rang chod pa'o// rang byung ye shes 'du 'bral med// sku dang ye shes mngon snang nyid// rang byung ye shes snang mtha' bral// yul dang yul can kun las 'das// rang byung ye shes rtsis med pas// gzung 'dzin gnyis las 'das pa'o// rang byung ye shes phyi nang med// skyon dang yon tan kun las 'das// rang byung ye shes 'khrul pa med// rang byung ye shes mtha' las 'das// rang byung ye shes 'gyu byed bral// rang byung chen po'i ye shes la// ston pa'i snang ba ma spangs rdzogs// ngo bo snang stong gnyis med la// mnyam nyid skye 'gag gnyis su med// snang ba rig pa gnyis med pa// gnas lugs rang byung gnyis med pa// gnyis chos kun bral chen po'o// gnyis med mtha' grol chen por gnas// gnyis med thig le nyag gcig la// gshis nyid ma grub ngo bos stong // chos nyid kyi ni lhun grub bo// chos rnams thams cad rtsal ma 'gags// chos can lhun grub nyid du gnas// chos rnams ngo bo cir mi rtog/ gnyis med lhun grub chen por gnas// de nyid sus kyang byas pa med// rang byung lhun grub gdod gnas sa// 'khor 'das chos rnams thams cad kun// lhun grub ma

  14. 213a

    yin chos gzhan med// lhun grub chen por ye nas gnas// chos rnams 'byung rung grub pa med// bden pa rang rgyud ye mi gnas// lhun grub mtha' bral chen po'o// 'khor 'das rang rig ldan grub bo// dbyings chen rnam dag ye shes dag/ tha snyad chos dag dngos po dag/ bden pa ka dag yod med dag/ gnyis med rnal dag gnyis chos dag/ rang bzhin rnam dag dngos med dag/ mtha' dbus ka dag rnam dag che// ma spangs rnam dag gsal stong gnas// rang rig byang chub gnyis chos sangs// gnyis med ye shes ye rgyas nyid// yod pa ma yin med rgyas min// gshis la grub med ye nas rgyas// rang bzhin chos sku gdangs gsal lo// gnyis med sbrul sku stong ji lta// rang gsal ji snyed gnyis dbyer med// gsal stong mkhyen pa'i ye shes so// gshis la 'khrul pa ma grub stong // spangs pa phun sum tshogs pa'o// ngo bo gnyis su med pas na// rtogs pa phun sum tshogs par gnas// de ltar ye sangs ma rgyas na// bsgoms kyang sangs rgyas mi 'byung ngo // sa le sbram bu gser min na// btul bas gser du ga la 'gyur// de ltar ye sangs ye rgyas de// ngo bo nyid kyi snang ba la// ngo bo nyid kyi sku shar te// chos sku thig le nyag gcig go/ ngo bo nyid kyi snang ba ni// ye shes lhun grub chen por bzhugs// de yang gnas lugs

  15. 213b

    'di ltar ro// rgya chad med pa'i ye shes dang // lhun gyis grub pa'i sangs rgyas dang // spros dang bral ba'i chos nyid dang // mtha' dang bral ba'i rig pa dang // dag pa chen po'i snang ba dang / phyogs lhung med pa'i lta ba dang // spang thob med pa'i 'bras bu dang // yangs pa gsal ba mi 'gyur ba// zang thal ye shes ma 'gags pa// ma 'khrul pa yi chos nyid do// phyi yi rgya yang ma ral te// nang du 'od lnga ma 'gags pa// sku dang ye shes 'du 'bral med// ngo bo stong pa chos kyi sku// ka dag chen po'i ye shes ni// ma rig la sogs rtog pa 'gag/ rang bzhin gsal ba lhun grub sku// rang bzhin ye grub ye shes ni// gsal byed rang dwadrangs nyid du gnas// dgongs pa yangs pa ye shes sku// ye shes mkhyen pa rdzogs pa'i cha// shugs kyi sems can rnams la 'char// thugs rje kun khyab sprul pa'i sku// ye shes rol pa chos sku'i rtsal// 'gag med cho 'phrul cir yang snang // ngo bo ka dag ye shes la// ma rig pa zhes srid med pas// gcig dang gnyis kyi grangs med pas// gang du'ang ma phye chos nyid la// ye shes tsam du grub pa med// rang bzhin lhun grub ye shes zhes// rtsal dang yon tan 'gag med pas// rol pa tsam du snang ba las// sna tshogs rdzogs pa'i gzhi ma'o// dgongs pa yangs pa'i ye shes la// 'khrul zhes tsam du brjod du med// de bzhin ma

  16. 214a

    'khrul pa yang ci// de phyir 'khrul pa gdod nas dag/ ma rig pa nyid yod ma myong // rig pa tsam du grag pa med// rig ma rig gi tha snyad 'das// 'khrul ma 'khrul yang grag pa med// thugs rjes kun khyab ye shes las// mi mdzad sna tshogs shar ba'i sgo// mdzad pa ltar snang ngo bor rdzogs// chos sku stong pa'i rang bzhin las// ye shes thugs rje mkhyen brtse shar// ngang gis sems can rnams la shar// 'di med 'khor 'das sde chad pas// mkhyen pa rig cing gsal ba de// rtsal ldan rtsal phyir de mi 'breng // nga yin nga la bdag gzung med// ngo bo nyid la 'khor 'das gsal// stobs dang shugs gnyis 'chang ba'i bdag/ bzhi ldan chos sku'i tshul du bzhugs// de ltar chos sku ka dag ni// nam mkha'i dkyil ltar 'gyur zlog med// ri rab lta bur g.yo 'gul med// rgya mtsho lta bur kha gting med// gser dngul lta bur 'gyur ba med// 'di nyid chos sku ka dag yin// de yi snying po ye shes ni// 'khor dang 'das pa mi gnas pa'i// chos nyid stong pa kun khyab pas// ye shes rang ngor gnas pa la// gsum dang bzhi ru dbyer med do// ka dag lhun grub gzhi de la// ngo bo rang bzhin thugs rje gsum// ye shes sgrib g.yogs ye grol gnas// theg pa bsam yas gnas lugs nyid// ye shes gsum dang sku bzhi'i klong // ye shes

  17. 214b

    gsum gyis gzhi khyab ston// sku ni bzhi ldan dgongs pa yang // ye shes zang thal nyid du gnas// zang thal de yi bkrag mdangs yang // rang byung ye shes 'od skur shar// dper na nyi ma'i snying po 'dra// de yang chos sku ye shes la// mdun rgyab med par zad thal le// ye shes lus can de bzhin gshegs// ye shes lus de lus kyi mchog/ ye shes lus la sha khrag med// spros bral ye shes ka dag ni// ngo bo rnam dag snying po'i gzhi// de la tshig dang yi ge bral// brjod pas gtan la dbab tu med// sgro 'dogs tha snyad kun dang dral// gzung 'dzin 'gyu ba rnam rtog med// sangs rgyas sems can ye ma grub// chos med chos kyi 'du shes med// gang med ci med ci yang med// rin chen 'od 'bar sku ru bzhugs// ye shes spyan la gsal 'grib med// gsal dwangs zang thal chen por khyab// ye shes 'od la phyi nang med// ye gsal zang thal nyid du bzhugs// ye shes zugs la yangs dog med// stong gsal mdangs lnga nyid du bzhugs/ kha dog ma yin rang gsal bas// shes shing rig pa'i cha rnams tshang // 'dzin pas gzung yul gang med phyir// rnam par rtog pa'i 'dzin chags med// 'od gsal 'das pa'i ye shes su// rnam dag phyag rgya chen por gnas// rang bzhin snang ba'i klong chen na// mtshan ma'i dmigs pa ye med do// don gyi cha la 'di

  18. 215a

    ltar gnas// rang mdangs skyed pa dkar po'i cha// gting gsal chen po nyid du gnas// gting gsal ngo bo'i bkrag bskyed pas// snang ba rang zad ser po'i cha// mi mngon gting nas rang ngo gsal// rang ngo chags med mdangs bskyed pas// rang gis bcings pa bral ba yis// chags pa rang zad dmar po'i cha// gting gsal ma 'dres chen por gnas// ma 'dres so so'i mtshan 'dzin pa// bya btsal bskyod pa bral ba yis// mdzad pa med pa'i ljang gur ni// thog ma rnams kyi zer du yang // mi mngon gting nas gsal ba'i cha// gting gsal khyab pa'i 'brel byed pa'i// 'gyur med rdzogs pa'i mthing ga ni// ye rdzogs byas pa med par gnas// sku ni snang la mtshan nyid bral// ye nas rang dag chen po la// rdzogs chen rnams kyi rtse mor gnas// de yang dngos por ma grub pas// rtag pa ther zug can du med// rgya chad can du ma yin te// rang bzhin 'od gsal tshul du bzhugs// gdos bcas mtshan ma rang dag phyir// gting gsal chen po'i gzhi mar gnas/ khyab dang khyab pa nyid kyis stong // phyogs su chad pa med par gnas// stong gsal yin pas gnyis mtha' zad// rtag chad gnyis kyi mtha' las 'das// gsal byed snang ba'i cha ma 'gags// rig gzhan med cing rang sar dag/ rang bzhin gyi ni cha la

  19. 215b

    bzhugs// ngo bo nyid kyi snang ba ni// ye shes kha dog lnga ldan te// rang bzhin bkrags mdangs me re re// gsal 'tsher lhun sdug tse re re// nyi ma las ni 'od bzhin du// rang gis byas pa ma yin te// rang gi rang bzhin de ltar snang // ngo bo mi 'gyur skur bzhugs pa// sku gsum 'du 'bral med pa yi// thams cad 'char ba'i gzhir gnas te// mtshan ma ris kyi zhal phyag med// rang bzhin gsal ba'i mdangs lnga yang // gzhon nu bum sku'i tshul bzhugs te/ kha dog ris bzung grub pa med// thugs rje rig pa'i ye shes su// lhun grub bzhugs cing mkhyen ma 'gags// so sor gsal ba gnyis gyur kyang // bya ba byed dang byed dngos med// gsung ni rang bzhin don gyi gsung // grag stong chos kyi sgra ru gnas// ris med shes bya'i bab las grub// 'di 'dra gcig na ma nges pas// sna tshogs snang ba gsung gi gzhi// thugs ni rtog med ngang la gnas// nga dang bdag tu 'dzin pa med// dbang po lnga la rag ma lus// ma rig pa yi dri ma bral// nyon mongs pa yi yid ma skyes// 'khrul pa'i tshig gis gnod pa bral// yid kyi rnam par shes pa med// thams cad dbyings gcig tha dad bral// ye shes med cing sku yang med// 'od med kha dog rnams dang bral// rig pa sgo lnga dag la yan// rnam par shes

  20. 216a

    pa'i tshogs brgyad bral// nyon mongs ma skyes ka nas dag/ snang ba ma smos yod pa med// dang po nas dag thog ma dag/ gdod ma nas dag dag chen po// ka zhes thog mar byung ba la// dag pa dri ma'i grangs mtha' zad// ngo bo ye dag chen po la// rang bzhin rang dag thugs rje ni// shugs 'byung dag tu ye gnas so// ngo bo stong pa tha snyad bral// rang bzhin ye gsal rgyu rkyen bral// thugs rje kun khyab cha shas bral// ngo bo ka dag brjod gzhi bral// rang bzhin lhun grub cir snang rdzogs// thugs rje kun khyab rang shar ro// ngo bo stong pas rtag mtha' bral// rang bzhin gsal bas chad 'dzin bral// thugs rje khyab pas gnyis mtha' bral// ngo bo stong gsal dbyer med la// rang bzhin gsal stong dbyer med de// thugs rje rig stong dbyer med do// ngo bo ka dag nam mkha' 'dra// ra nga bzhin rgya mtsho dngas pa 'dra// thugs rje nor bu dri med 'dra// ngo bo sku la rang bzhin 'od// thugs rje rig pa ye shes so// sgrib med ye shes gsum dang ldan// ngo bo ka dag ye shes dang // rang bzhin lhun grub ye shes dang // thugs rje rang snang ye shes gsum// 'bral med gcig ste phyogs med gnas// ngo bo ka dag ye shes ni// ma rig rtog pa kun dang bral// rang bzhin lhun grub ye shes ni// 'khrul pa'i tshig gi tha

  21. 216b

    snyad bral// thugs rje rang snang ye shes ni// thams cad dbyings rig gcig tu gnas// ye shes rang la rang gnas phyir// gsum gyi tshul du dbyer med do// rnam grangs kun gyi mtha' las 'das// ji lta mkhyen pa'i ye shes dang // ji snyed mkhyen pa'i ye shes kyis// rang gi dngos po'i gnas lugs dang // gdul bya kun gyi bsam pa mkhyen// rig pa'i ngo bo 'khrul ma myong // rang bzhin nyid la 'khrul mi gnas// thugs rje nyid ni 'khrul mi srid/ khams gsum ka dag chen por gnas// rnam pa thams cad mkhyen pa yi// ye shes chen po gcig tu bzhugs// ye shes de yi phrin las ni// sku lnga dang ni ye shes lnga// 'od lnga zhing lnga phrin las lnga// rigs lnga yum lnga gzhi lnga dang // lam lnga 'bras bu rang mdangs lnga// de sogs lnga tshan so lnga ni// ye shes gcig gi ngo la rdzogs// chos sku'i klong nas thogs med shar// longs sku'i ngos nas ma 'gags shar// mi mdzad sna tshogs 'char ba'i sgo// mdzad pa ltar snang ngo bor rdzogs// thugs rje sbrul skur gnas pa'o// de yang gnas lugs 'di lta ste// rigs pa'i ngo bo sku lngar bzhugs// sku ni snang la mtshan nyid bral// stong gsal 'dus pa'i ye shes mdangs// ngo bo ka nas dag pa'i cha// sku gsum gyi ni gzhi tsam las// zhal phyag du ni grub pa med/ kha mig rna ba yod pa na// gzugs can yid tsam gnyis

  22. 217a

    song srid// gzugs can 'gro drug phal pa ste// gzugs med skye mched mu bzhi'o// mtshan ma byung na ka dag min// stong gsal chen po'i sku lnga'o// sku lnga'i snying po ye shes lnga// ye shes bkrag mdangs 'od lngar shar// gzhi yi mtshan nyid ye shes lnga// sku lnga dbye na 'di lta ste// thig le nyag gcig sku dang gcig/ 'od zer mi 'gyur sku dang gnyis// rig pa kun bzang sku dang gsum// rig pa rtsal rdzogs sku dang bzhi// rang bzhin lhun grub sku dang lnga'o// snying po ye shes rnam lnga ni// chos sku'i ngo bo rang stong pas// chos dbyings 'gyur med ye shes so// stong pa'i rang mdangs rang gsal bas// me long lta bu'i ye shes so// stong gsal ma phye gnyis med pas// mnyam nyid chen po'i ye shes so// yon tan so sor rang shar bas// so sor rtog pa'i ye shes so// de dag gzhi la lhun grub pas// bya ba grub pa'i ye shes so// de yi bkrag mdangs 'od lngar shar// chos sku mi 'gyur 'od zer mthing // rig pa dri med 'od zer dkar// rig pa 'od ldan 'od zer ser// rig pa bde gsal 'od zer dmar// rig pa 'gag med 'od zer ldang // 'od zer de dag snang tshul ni// 'phra la dwangs shing gsal la 'tsher// rang bzhin bkrag mdangs ma nyams pa// sos ka'i smig rgyu lta bu ru// rgya mtshor gza' skar shar ba 'dra// bltas pas mi

  23. 217b

    ngoms mtshan dper ldan// ye shes 'od dang kha dog lnga// bco lnga dus gcig 'dus pa la// ka dag babs kyi sangs rgyas zer// de yi gnas tshul shes pa la// ye nas ji bzhin sangs rgyas zer// de yi mtshan nyid shes pa la// rang bzhin lhun grub sangs rgyas zer// de yi rtogs tshul shes pa la// rtogs pa mngon gyur sangs rgyas zer// ngo bo nyid kyi snang ba la// ngo bo nyid kyi sku shar bas// ye nyid nas ni bud+d+ha'o// thams cad gzhi la lhun grub pas// sangs rgyas sku lnga'i bdag nyid can// rtag chad gnyis kyi mtha' las 'das// rang grol mtha' yi dri ma sangs// rgyu med rkyen las 'das pa'o// lhun grub re dang dogs las grol// ka dag yin phyir kun las grol// rang 'dzin med pas nyon mongs grol// gzung 'dzin med pas rnam shes grol// skye 'gag med pas sgo lnga grol// bcos bslad med pas rtog pa grol// dri ma med pas 'byung bzhi grol// 'od gsal stong pa sku lngar ldan// de ni gzhi yi bzhugs tshul yin// chos sku ye shes chen po ni// mtshan nyid rnam pa gsum dang ldan// ngo bo rang bzhin thugs rje gsum// chos kyi sku yi mtshan nyid yin// mi 'jig stong dang gsal ba dang // bya ba thams cad rdzogs pa ni// chos kyi sku yi mtshan nyid yin// 'gyur med 'gag med khyab pa gsum// chos kyi sku yi nges tshig yin// gsal dang

  24. 218a

    dwangs dang ma 'dres gsum// chos kyi sku yi yul yin no// dpag med dmigs med 'dzin pa med// chos kyi sku yi gnas yin no// 'gag med zhen med chags pa med// chos kyi sku yi spyod pa yin// lhan ne lhang nge yengs pa med// chos kyi sku yi bsgom pa yin// bltar med bltas zin lta ba rdzogs// chos kyi sku yi lta ba yin// byas med 'byung med byung sa med// chos kyi sku yi 'bras bu yin// bsgrub med bsgrubs zin sgrub dang bral// chos kyi sku yi phrin las yin// gcig byung gnyis byung thams cad byung // chos kyi sku yi yon tan yin// 'gag med gsal stong ngo bos stong // chos kyi sku yi snang ba yin// phyi med nang med dbyings su med// chos kyi sku yi rang lus yin// 'gro med 'ong med gnas pa med// chos kyi sku yi rang rtags yin// nyi zla pad+ma rgya mtsho shel// chos kyi sku yi mtshon dpe yin// chos sku'i ye shes de ltar gnas// longs sku'i ye shes lnga lnga ni// dbye na bsam gyis mi khyab de/ kha dog ma 'dres so sor gsal// mtshan dang dpe byad 'od zer 'bar// yab yum sku yi cha lugs 'dzin// longs spyod rdzogs sku'i cha lugs yin// skye yod 'chi med rdo rje'i sku// 'od lnga sku lnga ye shes lnga// yab lnga yum lnga tshom bu lnga// zhing khams rtog pa lnga dang ldan// gzhi lnga lam lnga 'bras bu lnga// gnas lnga yul lnga ngo bo lnga// longs spyod

  25. 218b

    rdzogs sku'i ngo bo yin// chos nyid ngang la gnas pas longs// gsal la ma 'dres khyab pas longs// thabs shes gnyis su med pas longs// gyi na bltar mi bzod pas longs// 'dzin med rang sar spyod pas spyod// gsal le sing nge mnyam pas spyod// gnas shing sprul pa 'gyed pas spyod// sku don mthar phyin rol pas spyod// rang byung rang la thim rol spyod// bya byed kun las 'das pas rdzogs// dmigs med don la gnas pas rdzogs// phyogs lhung 'gro 'ong med pas rdzogs// byas pa med pas rang byung rdzogs// ma spangs sku lnga lhun grub rdzogs// gsal stong ye med rdzogs pas pa// rgyan dang cha lugs 'dzin pas pa// sku dang thig les brgyan pas pa// 'od dang kha dog bkra bas pa// ma rig dug lnga dag pas pa// 'dzin pa rang sar dag pas sku// kun snang thugs rje shar bas sku// ye shes klong na gsal bas sku// ma 'gags skye ba med pas sgra// yin pa bdag 'dzin med pas sku// lhun grub longs sku'i bzhugs tshul lo// thugs rje sprul pa'i bzhugs tshul ni// bya ba rdzogs dang bya ba byed// phyi nang bya ba rdzogs pas te// bya ba rdzogs pa'i sbrul sku'o// gang la gang 'dul tshul du ni// de la der ston mthun par snang // thugs rje'i nyi zer kun la khyab// 'gro ba yongs la snang nus pa// sprul pa sku yi bzhugs tshul lo// ye shes rang

  26. 219a

    rtsal phyogs bcur khyab// sku gsum ngo bo gcig gi dang // ye shes gsum gyi rang bzhin can// rang gi ngo bo gcig tu gnas// ngo bo dus gsum 'gyur ba med// rang bzhin rtag tu 'gag pa med// thugs rje kun la rang snang ngo // ngo bo nyid dang rang bzhin dang // thugs rje yi ni snang ba yang // blo can rnams la snang ba'o// ngo bo gang du'ang ma grub pas// rang bzhin snang cha gsal bar snang // thugs rje'i cha la ye shes gnyis// bya dang byed pa med par shar// rang byung rang shar rang grol lo// rtogs dang ma rtogs sngon rol du// sangs rgyas sems can gnyis ma phye// dngos po gshis kyi 'dug tshul de// gzhi yi gnas tshul de ltar ro// gzhi la mi mthun mang du bshad// ngo bo nges tshig dbye ba dang // mthun dpe dag dang bzhi bzhis te// ngo bo thig le nyag gcig yin// nges tshig gzhi la rtsal rdzogs pas// kun gyi kun gzhi zhes kyang bya// dbye na skyon can skyon med gnyis// skyon can drug dang brgyad kyis bstan// bsam las grub pa'i kun gzhi la// sna tshogs ngos nas lhun grub gzhi// 'gyur med cha nas ma nges gzhi// mi 'gyur cha nas nges can gzhi// cir yang sgyur btub gzhi ma dang // thams cad 'byung phyir khas len gzhi// sna tshogs khra bor 'dod pa'i gzhi// sna tshogs sogs pa'i kun gzhi dang // sbyor ba kun gyi

  27. 219b

    zhun gzhi'o// de ltar brgyad kyis phye na yang // skyon med ka dag nyid du gnas// 'di ni ngo bo gcig tshul dang // brjod gzhi bral ba'i dang po ste// thams cad 'di las mi 'da' 'o// 'on kyang de nyid 'di lta ste// lhun grub nyid du gnas pa la// sna tshogs 'dus pa'i snying por snang // rgyu las 'bras bu grub ma grub// grub na go log skyon du 'gyur// nges pa med pa'i gzhi ma ni// 'gyu byed yid tsam rnam par snang // ming don gnyis su nges pa med// ma nges me las chu 'byung skyon// ma nges pa de nges can 'gyur// nges par rang ngo kun gzhi de// dran byed phra ba med par snang // 'di ni rtogs dang ma rtogs gang // rtag chad gnyis kyi skyon du 'gyur// sgyur du btub pa'i kun gzhi ni// 'bad med blo yi rnam par snang // rtag dang mi rtag gang nas 'gyur// gnas lugs sgyur du btub pa na// 'di yang nges med gzhi dang mtshungs// 'bras bu nyid kyang rgyur zlog phyir// 'bad pa don med bem po yang // rig pa can du zlog pa'i skyon// rtag pa ma yin ngo bos stong // mi rtag ma yin shes rig gsal// cir yang ngo bor khas len gzhi// gang snang rang gi ngo bor snang // yod med ma yin phyogs nas 'das// med na mo gsham bu skye'i skyon// yod na shes bya rgyab kyis phyogs// thams cad ngo bor grub pa'i phyir// thug pa med pa'i skyon du

  28. 220a

    'gyur// sna tshogs khra bor 'dod pa'i gzhi// ngo bo kun tu shar ba'i phyir// sna tshogs so so'i tshul du snang // snang dang shes pa gang la 'dod// snang la 'dod na sems tha dad// shes la 'dod na 'gyu byed de// kun gzhi'i steng nas 'gyu bas na// 'phang ba don med 'bad mi lang // de lta bu yi skyon du 'gyur// ngo bo ma grub mtshon gzhi bral// rang bzhin rang grol spang blang bral// sna tshogs sogs dang sbyor ba'i gzhi// gnyis drug so so'i dbyings na gsal// de rnams phyogs tsam bstan pa ste// sems can blo yi rim pa'o// skyon med ka dag gzhi ma yin// ye don dang po'i sangs rgyas de// 'khor dang 'das pa de mi gnas// mtshan nyid bzhugs tshul dbye ba dang // sku gsum ye shes gsum du ldan// ka dag lhun grub kun khyab tu// snying po'i gzhi ma brjod bral gnas// sgro 'dogs tha snyad gzung 'dzin med// sangs rgyas sems can chos sogs med// grol dang ma grol rtogs ma rtogs// ye thog mgon po mtha' bral gnas// nyag gcig rang gnas bzhugs tshul lo// mun rgyan to/ gzhi gnas chos sku dag pa la// rig rtsal rdzogs lugs 'di ltar ro// rlung dang rig pa nam mkha' gsum// bya ba kun grub ye shes ni// dbyer med gcig gi tshul du gnas// ye shes rlung gis g.yo bskyod med// rig pa dri

  29. 220b

    med gcer bu la// ma rig pa yi srid ming med// gcig dang gnyis kyi grangs mtha' zad// ye shes chos nyid gdags gzhi bral// de la rtsal yon 'gag med pas// nam mkha' gsal stong bsnan 'phri med// bya grub ye shes rang mdangs yin// ye shes lnga yi drangs bcud de// 'od ldang khra bo ltem ldem pa// rig pa'i ngo bo rol klong snang // gzhi la g.yo 'gul med pa ste// bya grub ye shes klong na gsal// shes pa bcud du 'dril ba de// rlung rig gnyis kyis rtsal ma bskyod// rdzogs ldan chen por de bzhugs so// de yis gzhi yi dbye ba bshad// mthun pa'i dpe ni 'di ltar ro// stong pa yangs pa khyab pa ste// nam mkha' lta bur gnas pa'o// dri med gsal dag zang thal te// man shel dri med lta bur gnas// gdod nas ma skyes gzhi rtsa med// dus gsum dus med stong par gnas// byung sa med par rgyu yis stong // skyes med pa rkyen gyis stong // 'gag pa med pa ngo bos stong // dbyibs nges med pa dngos pos stong // thog mtha' med de rang bzhin stong // dran 'gyu med de mtshan nyid stong // phyi nang med pa gzung 'dzin stong // dngos po med pa rtag pas stong // 'gag pa med pa chad pas stong // mtha' dbus phyogs med gnyis kas stong // nyes pa'i dri spang skyon gyis stong // nyes skyon ma spangs gnyen pos stong // gdod nas ka/

  30. 221a

    dag bdag gis stong // ma 'gags rtsal rnams klong na gsal// rgya mtsho dwangs ma mkha' ltar gnas// sangs rgyas sems can ston bstan pa// ma grub thog ma'i gong dag na// kun khyab ye shes gnas tshul dang // thog ma spyi gzhi'i 'dug tshul lo// zhes gsungs nas ka dag gi klong na lhan ner bzhugs so// sa ma ya/ rgya rgya rgya/ theg pa kun gyi spyi phud klong chen rab 'byams rgyud las/ ye thog spyi gzhi'i 'dug tshul bstan pa'i le'u ste gnyis pa'o// // / rgya tsha nga[ऽ]1za' a3\u0f7fde nas sems dpa' rdo rje yis// kun bzang nyid la 'di skad zhus// thog ma'i spyi gzhi'i sngon rol dang // kun khyab ye shes gnas lugs rnams// legs zab rgyas par gsungs na yang // 'khrul med snang tshul nyid kyis ni/ khams gsum 'khor tshul gsung du gsol// de skad ces ni bskul ba'i lan// ston pa nyid kyis bka' stsal pa// nyon cig sems dpa' rdo rje sogs// rang rtsal 'gag med 'khor rnams gson// ngas bstan tshig la nor ba med// ma 'khrul nor med sems kyis kyang / khyod kyis 'di kun sems la zhog/ kye ho/ gong ltar gzhi la 'phrul med kyang // 'khor 'das gnyis su 'khrul pa ni// gzhi yi klong nas 'gyu lugs bstan// gzhi dang gzhi shes khyad par las// 'khor 'das gnyis su gyes pa ste// dge ba

  31. 221b

    spu tsam byas med par// de nyid ye nas mngon sangs rgyas// sdig pa spu tsam byas med par/ khams gsum rigs drug dag tu 'khyams// de yang dang po ye gnas ni// gzhi yi ye shes rang rlung dang // gzhi yi rig pa gcer bu dang // gzhi yi nam mkha' gsal stong dang // gzhi yi bya grub ye shes bzhi// dbyer med gcig gi rang bzhin te// rgya zho chags pa lta bur gnas// de la g.yo 'gul 'di ltar byung // ye shes rlung gis rig pa btegs// rig pas sgo mthong nam mkha' phye// bya grub rig rtsal ma 'gags te// g.yo 'am mi g.yo bag tsam g.yo// 'gyu 'o mi 'gyu bag tsam 'gyu// gzhi la g.yo 'gul med mod kyang // rig pa'i rtsal las g.yo 'gul byung // 'gyu ba de la yid ces zer// de yang lhun grub thugs rje'i rtsal// dang po gser gyi rlangs pa'am// bye'u chung gi kha rlangs sam// bya phod rkyen med 'gul ba'am// rta rnga brgyar gshegs cha tsam cig/ rig pa nyid kyang yid du 'grus// lhan cig skyes pa'i ma rig zer// dngos med snod phye bag la nyal// ngo bo kun gzhi las 'phags te// rang bzhin 'khrul pa'i rkyen phan nyid// gzhi yi nges med rang rtsal rtag/ de yang gsum yin kun tu btags// lhan cig skyes dang nga bdag can// kun gyi rgyu ni gcig pa la// lag pa lto rgyab bzlog pa bzhin// rig pa de las mthong snang ni// phra rags rtog

  32. 222a

    pa mang po shar// 'od khyim kha dog lnga lnga ni// nam mkha' stong pa'i klong du shar// rig pa 'gag te yid du 'gyus// de yang rnam pa drug tu dbye// kun tu tshol bar byed pa'i yid// gtan la 'bebs par byed pa'i yid// nges par 'jog par byed pa'i yid// 'gyu phyed thams cad 'dzin pa'i yid// sna tshogs sdud par byed pa'i yid// nyon ni mongs pa can gyi yid// de 'gyus 'od khyim rtag dpyad btang // 'od khyim pha gi nga yin ni// pha gi nga las byung ngam ci// nga nyid pha gi yin nam ci// gnyis 'dzin rtog pas ngo bo bslad// ye shes nyid las ma rig 'khrul// rang snang rang gis ma rig pas// las kyi rlung nyid kha dog gsal// lhan skyes ma rig ces su byung // skyes yul chos sku'i klong du skyes// su yis su nyid ma rig na// dper na me long dkyil 'khor la// bdag po rang gis bltas pa yis// rang gzugs yin par ma rig ste// 'od byad yul snang so sor bzung // 'od byed blta mkhan rtog dpyod bzhi// dus la snga phyi med pa'i dpe// don ni nam mkha' stong pa la// rig dang ma rig 'od snang dang // rig pa'i ye shes rtsal nyid rnams// snga phyi med de lhan cig skyes// rgyu bdag gcig pa'i lhan skyes ni// gnyis med rang mdangs ma shes pas// phyi nang so sor bzung bas bcings// grod pa phyi nang ji bzhin no// ma rig la

  33. 222b

    ltos de bzhin te// ma 'khrul pa yang de bzhin du// rig pa nyid ni ma rig go/ ma 'khrul bud+d+ha ma nur 'khrul// de yang yul dang yul can gnyis// ye shes gsal ba'i yul drug la// gnyis 'dzin sems de byung ba'o// dung la ser por mthong ba dang // gser la nag por mthong ba rnams// mig 'khrul min te rang 'khrul yin// gzhi ni gang yang byed med cing // nges med rtsal ngo ma shes pas// shes pa 'gyu dang yal ba dang // ched 'dzin dri mas rab tu sbags// shes bya rang gi rgyud bcings so// dmigs 'dzin 'brel pa bcu gnyis su// 'khor ba'i ye thog nyid du 'khrul// chos sku ka dag dri med la// nyon mongs can gyi yid kyis ni/ kha nang bltas nas nga bdag bzung // rnam pa gcig brtsad nga bdag 'khrul// yid kyi rnam shes kha phyir bltas// sgo lnga yul drug rjes 'brangs nas// rtog pas med pa yod par bzung // dper na tho yor mir bzung zhing // zag pa sbrul dang smig spu chu// sgo lnga'i rnam par shes pa nyid// yid kyi rnam par shes pas bslad// kun gzhi'i rnam par shes pa la// nyon mongs yid kyi nga bdag bslad// gnyis snang rtog pa'i cha las 'khrul// ngo bo rang bzhin thugs rje gsum// dngos su yod kyang ma rig pas// rgyu rkyen 'bras bu gsum du byung // rgyu yi rkyen dang dmigs pa'i rkyen// bdag po'i rkyen dang mtshungs pa'i

  34. 223a

    rkyen// rkyen bzhi 'dus pas 'khrul pa yin// rgyu yi rkyen ni chos nyid dang // dmigs pa'i rkyen ni 'od snang nyid// bdag po'i rkyen ni rig pa nyid// de gsum dus snyom mtshungs pa'i rkyen// 'khrul pa de ma zag ces zer// 'khrul pa'i dus ni 'di ltar ro// rig dang ma rig gnyis 'dzin rnams// chos nyid yul la shar dus 'khrul// yid drug yul la 'jug dus 'khrul// rnam rtog bdag tu bzung dus 'khrul// snang ba logs su dpyad dus 'khrul// skem ma ris su phye dus 'khrul// rang rtsal gzhan du bzung dus 'khrul// yid kyis sgro btags byed dus 'khrul// rang gzhan gnyis su rtogs dus 'khrul// log rtog skad cig 'gyu dus 'khrul// gzung 'dzin thur la bltas dus 'khrul// yin min the tshom dus su 'khrul// rig pas 'tshol gro byas dus 'khrul// min chos yin par bzung dus 'khrul// 'gyu ba rlung gi rta pho la// sgrib g.yogs ma rig pa dang gcig/ yul rkyen 'dzin byed g.yo ba dang / re dogs yid kyi 'char sgo dang // bag chags brtas pa'i mthu dag ni// dus gcig log par bltas dus 'khrul// 'khrul pa'i 'bras bu snod bcud ni// ye shes kha dog 'byung ba lnga// gdod nas ye shes rtsal nyid du// 'du 'bral med par ma rig pas// 'od khyim kha dog lnga ldan la// brtag dpyad byas pas 'byung lngar 'khrul// mkha'

  35. 223b

    la rlung brten de la chu// 'bum phrag bcu gcig ngag gis ni// zlum la 'dril ba nyid du'o// gzhi dag me long ye shes la// rtog dpyod btang bas chu ru 'khrul// gzhi dag mnyam nyid ye shes la// rtog dpyod btang bas sa rdor 'khrul// gzhi dag sor rtog ye shes la// rtog dpyod btang bas me ru 'khrul// gzhi dag bya grub ye shes la// rtog dpyod btang bas rlung du 'khrul// gzhi dag chos dbyings ye shes la// rtog dpyod btang bas nam mkhar 'khrul// rtog dpyod byas pas yul lngar bzung // ming med ming du song ba ltar// 'byung lnga med bzhin rim gyis chags// phyi yi yul lnga'i dbang las ni// nang gi sems kyis nga dang bdag/ gnyis su bzung bas 'od lnga ni// gsal bar ma nus 'byung bzhis bsgribs// ma rig pa de sems yin te// de las byung bas 'byung ba'o// rang mgo rang gi rkang pas gnan// rang gi gnya' lag rang gis bcings// sems kyi snang tshul gsum du shar// 'od gzugs sha gzugs rig gzugs gsum// de las 'khor 'das gnyis su gyis// yul tu brtags pas snang bar zhen// min pa'i chos la yin bzung zhing // brtag dpyad byas pas snod du 'khrul// de yang ri rab rgyal po ni// bang rim bzhi dang lcog chen bzhi// rol mtsho dang ni ri rnams bdun// gling rnams dang ni 'khor yug chags// stong

  36. 224a

    gsum la sogs khams rnams so// de la brten nas nang bcud kyi// 'khrul lugs dbye na 'di ltar ro// 'khrul gzhi ye shes lnga las byas// 'khrul rgyu ma rig gnyis kyis byas// 'khrul rkyen skad cig lnga yis byas// 'khrul pa 'bras bus yid kyis byas// ye shes ma rig yul du bzung // der 'dzin rlung sems 'dus pa las// 'byung ba lnga po'i sbubs su tshud// rlung sems yid du 'gyus pa las// shugs ldan sna tshogs rgya mtsho rlung // de la ye shes drod rlan byung // rgya mtsho chen po de nyid la// chan la phabs rtsi btab pa ltar// sa yi rnam pa snyoms par chags// de la dud rlangs lag dar tsam// de yi drangs ma 'od skor ni// sba phub tsam pa gsum du byung // 'od gcig snang la rang bzhin med// de la brten pa'i 'khrul 'bras ni// yod min ci yang med pa dang // rnam shes cung zad med pa dang // gzugs med mu bzhi rab tu chags// 'od skor gnyis la mtho ris kyi// gnas bcu dag ni rim gyis chags// gnas gtsang la sogs lus can ni// gong nas gong du theg pa'i tshul// 'og min lha dang lha min 'dod// mngon mtho de min gnas gsum ni// byol song yi dgas dmyal ba dang // sems can de dag skye ba bzhi// de nas yid kyis rtog dpyod btang // yid kyi spyan gyis gzigs pa na// srid pa 'od kyi sgo nga mthong // de nyid mdzes par

  37. 224b

    rab mthong nas// yid kyis sbyor ba byas pa las// mdzes pa'i chags sems sgo ngar 'thums// nyi ma rab snang dros byas te// nor bu dri med brlan byas so// phyi ltar shed bu shed la grogs// nang ltar 'dod chags bya sgong dang // zhe sdang sbrul gyi sgo nga zer// gsang ba ltar na thabs shes rab// de dus za ba'i zas med pas// 'dod pa'i yon tan lnga la spyod// sa la brten nas gzugs rnams byung // chu la brten nas sgra rnams byung // me la brten nas dri rnams byung // rlung la brten nas ro rnams byung // mkha' la brten nas reg rnams byung // rig pa'i kha lo phyir bltas pas// 'dod yon lnga po yul lngar zhes// nang du shes pa kha log pas// yul lnga brten pa'i sems 'dzin gyur// nyon mongs lnga gsum dug lnga shar// sa la brten nas gti mug byung // ma rig pa yi lcags kyis bsdams// gti mug zhags pas ske nas bcings// chu la brten nas 'dod chags byung // 'dod chags tsha ba'i ro la chags// rlung la brten nas phrag dog byung // phrag dog nyid kyi sgo mo 'khrigs// nam mkha' la brten nga rgyal byung // nga rgyal dag gis mgo btums te// me la brten nas zhe sdang byung // zhe sdang mi yi tshad pas gdung / khong khro la sogs dmag gis bskor// gzung 'dzin zhags pas rkang nas bsdams// snga phyi'i bag chags 'dam du bying // rnam smin nyid dang

  38. 225a

    lag sbrel lo// drug lnga'i rtsal kun rang rdzogs pas// las kyi ma nu'i mtshams sbyar te// 'gro ba rigs drug dpag med smin// gcig nas gcig tu zo chu bzhin// bzang ngan rim par lus blangs te// de ltar 'jig rten gsum po dag/ phung po lnga dang dbang po lnga// yan lag lnga dang don snying dang // yul lnga dang ni nyon mongs lnga// sems lnga yid lnga rtog pa lnga// gzung 'dzin 'khor ba nyid du grub// phung po khams dang skye mched lnga// gzung 'dzin dag gis bzung nas ni// 'khor ba nyid du yun ring mnar/ khams gsum pa yi khang pa ru// zhe sdang cha las bsad bcad byas// 'bras bus tsha grang dmyal ba byung // 'dod chags cha las ser phrag dog/ 'bras bu yi dwags bkres skom byung // gti mug cha las rab blun rmongs// 'bras bus byol song glen lkugs byung // nga rgyal cha las nga bdag bzung // 'bras bus brel phongs mi ru byung // phrag dog cha las khong khro byas// 'bras bu lha ma yin du smin// 'gro ba rigs drug de dag la// ngar 'dzin so sor byung ba yis// snang srid lha 'dre thams cad byung // lha med pa la lha ru mchod// 'dre med pa la 'dre ru bkar// ming med pa la ming du btags// rnam rtog 'dre ru bzung las byung // dmyal ba rnams la gshin rje byung // yi dwags rnams la mo 'dre byung // pho 'dre thams cad zhor la

  39. 225b

    byung // byol song rnams la glu gnyen byung // mi la gnod sbyin thams cad byung // lha la phywa dang dbang phyug dang // gza' dang skar ma thams cad byung // lha ma yin la gza' srin byung // de sogs rigs drug gzung 'dzin bcings// ma rig nyid dang spags pa'i phyir// shes bya nyid kyang dri mar snang // sems la dran bsam dpag med shar// ngo bo nyid ni rtog pas sbags// yid drug 'dzin cha ma 'gags pas// chos sku nyid kyang bzung bas bcings// cha med rdul dang bcas pa'i phyir// 'od gsal nyid kyi bag la chags// rkyen bzhi'i dmigs pa ma dag phyir// snang ba nyid kyang du mar shar// snang ba de nyid yul snang phyir// so so'i rigs su skye bar gyur// yid sgrib ngar 'dzin shes pa rnams// skam glog lta bur wal wal shar// ngag sgrib yul du dpyod byed pa// sbrang char glog ltar dus mnyam shar// lus sgrib chags sdang 'khrug nyon mongs// nyon mongs ngar 'dzin thog ser ltar// dus gsum sdug bsngal rgya mtshor bying // ngan song lcags kyus gting nas bzung // rang gis rang bcings nyon mongs dgra// srin bu dag gi kha chu ltar// dmyal ba la sogs me chur snang // yi dwags rnams la bred dang sdigs// byol song rnams la na bun ltar// mi rnams phung po khams dang ni// skye mched 'byung ba lnga ru snang // de yang bde sdug btang //

  40. 226a

    snyoms so// lha min rnams la go mtshon te// lha rnams 'dod pa'i yon tan no// dper na myur 'gro'i 'khor lo bzhin// rgyun chags 'khor la yun ring gnas// de ltar snang ba sna tshogs rnams// zag pa la ni sbrul mthong bzhin// de ma yin la der bzung ste// phyi nang snod bcud gnyis su chags// bcud kyi 'gro ba rigs drug la// tshe tshad dus tshad longs spyod dar// bde sdug skye ba bzhi dag ste// gti mug dag gis brdzus te skyes// nga rgyal dag gis sgo nga la// zhe sdang dag gis drod gsher la// 'dod chags dag gis mngal las skye// nad rigs bzhi brgya rtsa bzhi dang // bgegs rigs stong phrag brgyad cu dang // nyon mongs brgyad khri bzhi stong rgyas// sangs rgyas sems can gnyis su phyis// 'khrul pa'i 'dra dpe bstan pa ni// kun gzhi'i rnam shes khyim dang mtshungs// gzung 'dzin nor rnams sogs par byed// nyon mongs yid ni chung ma 'dra// bdag 'dzin dbye ba 'dzin par byed// yid kyi rnam shes khyo dang 'dra// sgo la zhugs te las rnams sogs// sgo bzhi'i rnam shes bu dang 'dra// kun la ris dang bdag bzung byed// lus ni rnam shes mna' ma 'dra// gzung 'dzin chags sdang rab tu spyod// de yis rgyud drug 'khor lo bskor// sems dpa' rdo rje rab tu nyon// ye shes gsum gyi gnas lugs la// lhun

  41. 226b

    grub thugs rje'i 'khrul tshul bshad// phyi rabs rnams la khyod kyi ston// ces gsungs te yangs pa chen po'i klong du lhan ner bzhugs so// theg pa kun gyi spyi phud klong chen rab 'byams kyi rgyud las/ thog ma'i kun gzhi skye med las rtsal 'gag med du 'khrul tshul rgyas par bstan pa'i le'u ste gsum pa'o// // sa ma ya/ rgya rgya rgya/ DAgab+dakar+tha ho&3 drad// sh+tsa g+hu ma/ hraHrgya rgya rgyaHde nas sems dpa' rdo rje yis// kun bzang nyid la 'di skad gsol// kye rang byung rol pa kun tu bzang // ma bcos mi 'gyur kun khyab rje// 'khrul tshul legs par gsungs na yang // sems can rnams la sangs rgyas gzhi// sa bon khyab tshul bstan du gsol// de skad gsol pa thugs dgongs nas// ston pa 'dzum pa'i mdangs phyung ste// klong bral brjod pa ye med pa'i// tshig gi rgyal po 'di dag kun// mig ni mthong byed med pa yis// dmigs gtad med pa'i yul zin nas// lus med bsam bral thugs las ni// ma grub yangs pa'i mgur nas drangs// sgrar med mi snang ljags las kyang // spros med mi mdzad tshul du bkras// ye med rang stong zhal dag gis// 'gro dang 'ong med dbugs las byung // mi sgrib dngos med tshoms la bkram// brjod cing bshad pa'i rten med par// ma gsungs thos pa'i tshul du shar// nyon cig sems dpa' rdo rje sogs// rig

  42. 227a

    mdangs rig pa'i 'khor rnas gson// sems can khams gsum gnas pa la// sangs rgyas dang ni byang sems nyid// kun la khyab tshul 'di ltar ro// bde bar gshegs pa'i snying po ngas// sangs rgyas sems can thams cad la// til la mar gyis khyab bzhin gnas// thams cad khyab pa'i rang byung nga // rgyu rkyen med pa'i snying po ste// rtsol ba 'dun pas dag 'gyur 'grogs// chos nyid snying po nga nyid kyis// 'khor dang 'das pa kun la khyab// e ma ho// rang byung rtsol bral klong chen de// kun la lhun grub ye khyab cing // sems can sangs rgyas 'khor myang 'das// rgyu gcig klong chen nga yis khyab// sa chu me rlung nam mkha' dang // bdag gzhan gnyis dang 'jig rten theg/ rigs drug mu stegs rtag chad dang // lam skas theg pa rim pa dgu// kun kyang nga yi klong na thim// sems gcig kun gyis chos dbyings khyab// khyab pas rtsa ba'i don 'di gcig/ gcig pas sems can sangs rgyas grol// grol bas chos kun dbyings su gcig/ dpe 'bras don rnams snang bar dag/ spros med sgro skur zlos pa'i klong // kun gyi snying po byang chub sems// dper na nam mkha' stong pa yis// klong na yod pa'i 'byung chen sogs// snod bcud kun khyab ji bzhin no// yang dag sangs rgyas dgongs pa ni// sems can kun gyi rang rgyud la// sku dang ye

  43. 227b

    shes tshul du gnas// snang stong dbyings ni yul che bas// thams cad rig pa dri med kyis// sku gsum ye shes lnga ldan tshul// til 'bru 'am ni nyung 'bru la// mar nyid ye nas lhun grub bzhin// sems can lus sems 'di nyid la// de bzhin pa yi sa bon ni// mthun cing 'od dang bcas par snang // sangs rgyas sku gsum nyid la 'phro// 'dus ni sems can lus la 'dus// gnas ni lhun grub sangs rgyas gnas// bskyed ni rang bzhin lhun grub bskyed// bde gshegs snying po kun bzang nga // snying po med pa'i kun 'byung // bstan pa med pa'i ye khyab pa // ston pa med pa'i yongs khyab pa// 'khor 'das med pa'i rang grol nga // kun khyab nga las chos rnams 'byung // 'byung ba lnga dang dug lnga kun// lam gyi snang bzhi ye shes lnga// sangs rgyas kun gyi mes su che// chos nyid ma skyes chos nyid dngos// gzugs med skye ba'i cho 'phrul gzugs// thugs rje lhun grub stong snang khyab// 'dod pa'i khams gsum de tsam che// rang byung rgyu rkyen med par khyab// rtsol sgrub la 'das 'gag med khyab// ye nas thog med ser bu'i rlung // chos sku thig le nyag gcig khyab// 'gyu byed ltar snang sems 'di nyid// rig pa'i ye shes bud+d+has khyab// rig pa'i snying po khyab rung nyid// chu yis yongs khyab ji bzhin no// chu yi rang bzhin gcig nyid

  44. 228a

    la// rkyen gyis chu rigs mi gcig bzhin// thig le chen po'i kun khyab la// snang tshul bgrangs lang mthong tshul mang // sems can sangs rgyas snying po can// nyi ma dang ni 'od zer bzhin// thig le che las ma 'das par// skye 'gro la sogs cir yang byung // sems su mnyam la bzang ngan byung // sku gsum 'bras bu ma smin kyang // rgyu yis kun la khyab pa ni// gla ba pho la rtsi bzhin no// chos nyid byang chub dgongs pa de// dgongs tshogs rnam pa gsum dag gis// nam mkha' bzhin du kun khyab nas// kun byas kun bskyed sa bon bzhin// nga med pa yi sngon rol na// chos rnams 'byung ba'i lte ba chad// nga med pa yi sngon rol na// 'khor 'das 'byung ba'i lte ba chad// nga med pa yi sngon rol na// chos kun byed pa'i rgyal po med// nga yis ma khyab gzhan dag na// ston bstan 'khor zhes bya ma grub// nga yis ma khyab gzhan dag na// sbyang gzhi sbyong byed yongs ma grub// 'di ltar snang ba'i chos rnams kun// lnga 'am ma shes bzhi yis khyab// 'dod pa'i khams kyang kun bzang nga // gzugs med khams kyang kun tu bzang po nga // gzugs kyi khams kyang kun tu bzang po nga // nges khyab thams cad bde gshegs snying po'am// kun gyi thig le sa bon tshul du'o// khams gsum rgyud drug sems can la// rang byung nges med ngas ma

  45. 228b

    bshad// sangs rgyas sems can mes po nga // nga ni rang byung ye shes te// nga ni chos kun snying po yin// nga ni kun gnas rtsa ba bzhin// snying po rang byung ye shes ngas// snang ba dang ni srid pa dang // snod dang bcud kyis bsdus pa dang // dus gsum sangs rgyas thams cad dang / khams gsum rgyud drug sems can dang // de bzhin du ni thams cad la// ma lus khyab de 'ub chub bo// de ni kun khyab gnas lugs te// rang rig ye shes nus la gnas// til 'bru la ni mar bzhin du// lus kyi bkrags dang gzi mdangs ni// ye shes rlan gyis khyab pa'o// 'gro ba'i lus la sku lnga dang // ye shes lnga dang rigs lnga dang // 'od lnga rlung lnga shes rab lnga// ye nas gnas pa'i rtags nyid du// ma dag rang ngo ma shes dus// phung po lnga dang 'byung ba lnga// dbang po lnga dang 'dod yon lnga// nyon mongs phyogs lnga la sogs 'dzin// phung po sangs rgyas sku lnga'i bdag/ 'gro ba'i lus 'di bud+d+ha'i sku// phung po khams dang skye mched kun// rigs dang rigs kyi bdag por grol// nyon mongs lnga ni ye shes lnga// yul lnga la ni 'od lnga'i sku// phung po lnga la sangs rgyas lnga// 'byung ba lnga la yum lngar rtogs// srid pa gsum nyid sangs rgyas zhing // gnyis med lta ba'i rang lus yin// de ltar dkyil 'khor chen po rnams// rang rang lus la rdzogs pa

  46. 229a

    ste// gzhal yas rnam par rang lus la// ye rdzogs sgrub rten mchod rdzas dang // dur khrod brgyad dang bcas pa ste// rang rig sems kyi dkyil 'khor du// ye rdzogs thig le nyag gcig dang // rgya chad phyogs lhung kun dang bral// dkyil 'khor gzhal yas phung po yin// des na srid gsum dkyil 'khor che// des ni rang lus gdos bcas nyid// rang bzhin lhun grub sangs rgyas bstan// sku dang ye shes rig pa la// ye nas rdzogs pa'i rnam dbye yang // ye shes lnga dang sku lnga ste// rlung lnga shes pa'i rtsal kyang lnga// 'od lnga kha dog rnam pa lnga// shes rab lnga dang rigs lnga dang // snang yul de nyid rig par snang // snang mdzad ma btsal ye nas gnas// rtog 'gags rig pa rdo rje sems// mi 'gyur mi bskyod rtsol mi dgos// rang rig ye shes nyams 'phel rgyas// rin chen yon tan ye nas gnas// 'od kyis zhing khams mtha' yas snang // snang mtha' ma btsal ye nas gnas// rig pa bud+d+ha'i sa bon tshul// nyams blangs don grub rang grol bas// don grub rang la ye nas gnas// rig pa chos spyi'i don rab gsal// me long ye shes ye nas gnas// rig pa ye mnyam sgyu ma mnyam// rkyen nyid gdams pas tshad la phebs// mnyam nyid ye shes ye nas gnas// rig pa so sor rtog dpyod btang // sor rtogs ye shes ye nas gnas// rig pa

  47. 229b

    ye grol 'bad rtsol bral// bya grub ye shes ye nas gnas// rig pa de rnams tha mi dad// chos dbyings nyag gcig thig ler gcig/ chos dbyings ye shes ye nas gnas// rig pa drod phebs me dang mnyam// 'khor dang 'das pa'i srog 'dzin pa// ye shes sgron ma dngas snyigs dang // don dam kun rdzob dbang po'i yul/ kha dog 'byed pa dngas snyigs rlung // 'khor 'das kun khyab khyab byed rlung // 'khor srog gcod cing myang 'das 'phen// snying rje med pa'i rlung du gnas// sngar 'das shul du rig pa gshegs// de bzhin gshegs pa ye nas gnas// mtho ris ngan song gang la yang // bzang ngan med pa rdo rje'i rigs// de la 'khor 'das yon tan rdzogs// rin po che yi rigs su gnas// de la 'khor ba'i skyon ma gos// pad+ma'i rigs su ye nas gnas// de nyid las snang kun dngos pas// sangs rgyas dus na las kyi rigs// rig pa ngo bo ka dag la// las dang nyon mongs dri med pas/ kha dog dkar por ye nas gnas// yon tan rang rdzogs ser po ste// dbang bzhi ye rdzogs dmar po la// rtsol ba las 'das ljang gur grub// sna tshogs 'gyur med mthing ga'o// 'khor 'das ma lus kun 'byung bas// 'byed par byed pa'i shes rab ste// de nyid rig las ma 'das pas// sdud par byed pa'i shes rab bo// 'khor 'das kun gyi

  48. 230a

    srog kyang gcod// sgrol bar byed pa'i shes rab bo// thams cad ngo bor de byung bas/ khyad par byed pa'i shes rab bo// rlung gis ye shes mkha' bskyod pas// bskyod par byed pa'i shes rab bopo// rig pa nyid las ma 'das pas// rang byung ye shes rang gnas so// gsal la rtog pa ye med de// sgo lnga'i rnam shes yid ma bslad// med cing mi bden ye shes so// kun gzhi'i rnam shes nyon mongs kyi// yid kyis bdag tu ma bzung ste// rang bzhin mtshan nyid chos kyi dbyings// yid gnyis rtog pa kun dang bral// chos sku thig le nyag gcig go/ ye nas rang byung rang khyab pas// rang byung gi ni ye shes so// ye nas 'gyur med sangs rgyas pas// rdo rje 'chang ngam bud+d+ha'o// sku dang 'od dang ye shes gsum// brtsegs sam gcig ste ma 'dres gnas// ngo bo sku la rang bzhin longs// thugs rje sprul pa'i sku ru'o// 'od mdangs rang shar ye shes rtsal// sangs rgyas chos dang dge 'dun kyang // ye rdzogs rang gi lus la gnas// chos longs sbrul dang sde snod gsum// theg dgu myang 'das dkar chos rnams// lus dang sems la ye nas rdzogs// gzhan du btsal bas rnyed mi 'gyur// rnal 'byor nyid kyi lus la tshang // sa ni sha ste dngos po can// chu ni khrag ste sdud par byed// me ni drod ste lus kun smin// rlung ni dbugs

  49. 230b

    te lus gzugs 'dzin// nam mkha' sems te lus mdangs 'dzin// nyi zla mig ste gsal bar byed// sems nyid ngo las chos rnams kun// ye nas lhun grub tshul du gnas// lus dang sems la tshang ba'i phyir// phyi rol snang ba nyid las grub// de yang thog ma'i ye shes gsum// ka dag gzhi yi steng na tshang // de ltar rtogs par gyur pa na// 'di ltar khams gsum 'khor ba yang // sangs ma rgyas pa gcig kyang med// don de nges par rtogs 'dod na// des ni nam mkha' lta bur blta// don ni chos nyid skye ba med// rtags ni sems nyid 'gag pa med// nga yis ma bsgrubs kun khyab pas// gsal ba'i ye shes gzhal yas khang // rang byung nyid las gzhan mi bzhugs// chen po lnga dang khams gsum rnams// nga yi sku gsung thugs bkod yin// dus gsum sangs rgyas sems can rnams// nga yis khyed la bstan pa yin// nges pa gcig la bden pa gnyis// shing sdong yal ga sde bzhin no// rgyu ni lhun grub thugs rje las// 'bras bu khams gsum sems can te/ khams gsum sems can rgyu byas nas// 'bras bu sangs rgyas ming btags te// rgyu 'bras dpe don de ru bstan// rgyu ni khams gsum sems can la// 'bras bu sangs rgyas lung bstan pa// de ni sems can drang ba'i don// yang dag sems can sangs rgyas med// snying po skye

  50. 231a

    'jig ye bral la// rdo rje zhes su nga yis bshad// lus 'di gang zag lha mi yang // dgongs pa'i chos nyid sangs rgyas te// nga yi rang byung ye shes khyab// thugs rje'i rang byung ye shes lnga/ khams gsum rgyu drug 'byung ba yang // de bzhin nga yi ngo bor bshad// ces gsungs nas brdal khyab chen po'i ngang du lhan ner bzhugs so// theg pa kun gyi spyi phud klong chen rab 'byams kyi rgyud las/ sems can la sangs rgyas kyi rgyu 'am gzhi sa bon ji ltar khyab tshul bstan pa'i le'u ste bzhi pa'o// // sa ma ya/ rgya rgya rgya/ mas sa rgya ma mams sas 'argyaH/ de nas sems dpa' rdo rje yis// kun bzang nyid la 'di skad gsol// kye yang dag don rtogs kun tu bzang // bde spyod kun khyab klong chen 'byams/ khams gsum sems can thams cad la// sa bon khyab tshul gsung na yang // gnas pa'i sa ni gang na gnas// dngas dang snyigs ma gang la gnas// brten pa'i sa ni gang la bgyi// gnas pa'i ye shes ji lta bu// bdag cag 'khor la bka' stsol cig/ de skad gsol bas thugs dgongs nas// 'dus pa'i 'khor la bka' stsal pa// kye ho// gnyis med gsal ba'i gzhal yas na// dpag med dmigs med dkyil 'khor shar// mi 'gyur ye shes ston pa ngas// theg pa spyi dang rang min pa// ma 'dres yongs rdzogs

  51. 231b

    'khor rnams la// sgra brjod bral ba'i bstan pa bshad// e ma ngo mtshar rmad kyi chos// ma 'khrul dag pa'i blo yis zung // a ho/ tsit+ta/ ro ma/ go ro/ b+hud+d+ha/ dz+nyA na/ ru pa/ ha ga la/ b+ha k+Sho/ snang srid ye khyab kun bzang la// rig pa'i snying po rang shar byung // kun la 'jug cing gsal bar 'char// gnas ni tsit+ta'i dkyil na gnas// gsal ni dbang po'i sgo la gsal/ khyab ni snang srid kun la khyab// byung ni phyi rol rkyen du byung // bstan du mtshan ma'i dngos po med// mthong du dmigs yul yid dpyod bral// shes su tshig brjod kun las 'das// ming 'dogs ma grub mngon sum ma// 'byung ba'i dngas snyigs 'byed pa la// phyi dang nang dang bar dang gsum// sa rdo ri brag snyigs ma ste// dwangs ma rtsi shing nags tshal dang // 'bru sna rtsi thog dwangs ma'o// gling bzhi gling phran snyigs ma la// ri rgyal ri bdun dngas ma'o// chu yi dngas ma zla chu shel// me yi drangs ma nyi me shel// rdo yi drangs ma g.yu rin chen// sa yi drangs ma gser la sogs// rlung gi drangs ma rang sgra ste// kun 'dus drangs ma 'ja' gza' skar// nang gi dwangs snyigs dbye ba la// sha rus spu lpags snyigs ma ste// de yi dwangs ma ga ti ka/ shel dkar skud pa snying na gnas/ khrag dang chu ser snyigs ma yin// de yi dwangs ma khrag thigs ni// mthe bong tsam gcig snying na gnas// lus

  52. 232a

    drod 'di nyid snyigs ma yin// de yi dngas ma rang drod ni// nyi 'od tsam gcig snying du gnas// 'gru ba dbugs ni snyigs ma yin// de yi dngas ma dbugs nyid ni// rta rnga tsam gcig snying na gnas// byang khog rtsa sbubs stong pa snyigs// dngas ma thig le khra yi mig/ stong gsal snying gi dkyil na gnas// gsang ba'i drangs snyigs dbye ba ni// ye shes rnam lnga dwangs ma la// phyir shar 'od lnga snyigs ma'o// don lnga sku lnga ye shes lnga// 'od lnga kha dog lnga dang ldan// dbyer med snying gi dkyil du gnas// de yang rgyas par bshad pa na// rin chen zur brgyad gzhal yas dang // 'gyu byed rtsa yi gzhal yas dang // dung khang b+han+d+ha'i gzhal yas dang // lta byed mig gi gzhal yas khang // gzhal yas chen po de bzhin// gsang sngags kun gyi gsang chen nyid// chos sku ngo bo bcu drug tshul// dbyer med gcig gi tshul du bzhugs// gnyis med ye rdzogs chos sku dang // ye nas rang byung chos sku dang // dus gsum sgrib med chos sku dang // spang len mi mnga' chos sku dang // rang byung 'gyur med chos sku dang // ma rig pa yi chos sku dang // sbyor ba med pa'i chos sku dang // gzhon nu bum sku'i chos sku dang // rgya che rab 'byams chos sku dang // mi rtag sdug bsngal chos sku dang // stong pa rig can chos sku dang // thams cad mkhyen pa'i chos sku

  53. 232b

    dang // don dam kun rdzob chos sku dang // sbyang bgrod med pa'i chos sku dang // dag pa gsum grol chos sku dang // thabs shes gzungs kyi chos sku'o// sha ni sra byed rdo rje dbyings// skye 'jig med par sangs rgyas gnas/ khrag ni rin chen gter gyi dbyings// thams cad sdud byed b+hud+d+ha'i gnas// drod ni me dag sreg pa'i dbyings// gzung 'dzin sreg pa'i b+hud+d+ha'i gnas// rlung dbugs yang zhing g.yo ba'i dbyings// kun tu skyospyod byed bud+d+ha'i gnas// sems nyid rig pa gcer bu'i dbyings// ma bsgribs mngon sum b+hud+d+ha'i gnas// lus kyi tsit+ta rin po che// 'dus pa zur brgyad gzhal yas khang // don ni rang gi lus dkyil na// ngo bo sku ni zhi ba'i tshul// gdangs kyi sku ni so drug bzhugs// so so rigs kyi mtshan nyid 'dzin// rig pa ye shes yab yum snang // yab kyi cha 'dzin thabs kyi sku// yum gyi cha 'dzin shes rab sku// 'od dang 'od zer zhi ba'i mdangs// gnas pa'i 'od zer tsit+tar gnas// rig pa dngos med chos sku la// nyon mongs pa yi dri ma med// ye shes sku la mdun rgyab med// thugs rje'i rtsal la bri bkol med// rin chen gsang ba'i sbubs nyid ni// rang bzhin rnam dag nga nyid la// rang bzhin shes rtogs 'khor dang bcas// 'du 'bral med de dbyer mi phyed// gzigs snang gsum ni mi 'gag ste// ye shes snang ba 'od lngar

  54. 233a

    gsal// rang la tshur bltas chos sku'i yul// rang gi byang khog stod na gnas// ye shes yul ni rang gi byad// phyir bltas rig yul dbyings nyid la// sgron ma'i yul ni nam mkha' 'o// ye shes yul ni me shel yin// 'od yul rang gi rig pa la// mtshan ma 'od kyi dkyil 'khor ro// sangs rgyas ngo bo chos kyi sku// rang gi snying gi dkyil na bzhugs// sku ni nang gsal bum sku la// 'od ni bum nang mar me bzhin// ye shes rma bya'i sgo nga 'dra// sku lnga ye shes chos kyi sku// rig pa 'od lus ye gdod nas// yul dag snang ba ma 'gags gnas// sangs rgyas rang chas sku ye shes// 'od dang rig pa zang thal du// ye nas rang chas tsit+tar gnas// 'od dang 'od khyim tshul du snang // chos sku mi 'gyur ye shes snying // ye shes lha sku lhang nge ba// 'od du byung zhing zer du gsal// dag pa'i snang ba phyogs bcur shar// nub pa med par tsit+tar gnas// mtshan med yul med grub pa med// rig pa'i ngo bo 'gyur ba med// thugs rje dbri med dri ma med// 'gag med ma 'gags thogs med pa// ma 'gags 'od gsal yul la khyab// mtha' med yul can rgya chad med// ye shes snang ba ma 'gags par// yul la sems 'dzin ma zhugs par// ye shes rtog bral chen por bzhugs// snying dkyil chos sku stong pa la// ye shes zhing khams kha dog

  55. 233b

    phyed// gsal ba 'tsher te 'od du 'phro// sku ni mi g.yo zhal phyag rdzogs// yab yum tshom bu lnga ldan de// 'gyur med ye nas phyogs ris med// dag pa chen por de na 'khyil// brten pa byang khog stod na gsal// bzhugs ni tsit+ta'i dkyil na bzhugs// gsal ba nam mkha'i ngang du gsal// sangs rgyas sa na zag pa bral// gsang chen gser gyi maN+Dal la// g.yu yi me tog legs bkram ste// nyi zla gnyis kyi dkyil na bzhugs// man ngag bla ma'i gsung gis shes// bud+d+ha sa ma ti/ ro ma hA/ ka la b+hid+d+ha/ dz+nyA na tsit+ta/ bud+d+ha badz+ra/ ma hA tsak+Shu/ b+hid+d+ha/ a ma la/ ma hA pany+tsa ka la/ k+Sha aM a a ma ma mthas#@#e ma rang gi snying dkyil na// thig le cag gcig kun bzang ba// lnga ldan 'od khyim tshul du gnas// sems can kun gyi tsit+ta'i dkyil// chos dbyings ye shes mthing ga'i phub// ye nas ngos bzung bral bar gnas// sems can kun gyi tsit+ta'i dkyil// me long ye shes dkar po'i phub// ye nas ngos bzung bral bar gnas// sems can kun gyi tsit+ta'i dkyil// mnyam nyid ye shes ser po'i phub// ye nas ngos bzung bral bar gnas// sems can kun gyi tsit+ta'i dkyil// sor rtog ye shes dmar po'i phub// ye nas ngos bzung bral bar gnas// sems can kun gyi tsit+ta'i dkyil// bya grub

  56. 234a

    ye shes ljang gu'i phub// ye nas ngos bzung bral bar gnas// sems can kun gyi tsit+ta'i dkyil// chos sku'i thig le nyag gcig de// 'od lnga'i dkyil na me re yod// shes rig ma 'gags wa le ba// 'di rtogs yon tan rgya mtsho 'byung // shar tshad yon tan rgya mtsho'i ngang // tsit+ta rin chen kun gyi mdzod// ngo bo rang gsal gzhal yas na// bum pa'i nang gi mar me bzhin// 'od du de ni ma re yod// rgyal ba rigs lnga'i tshom bra ru// dkyil 'khor de ni khra mer yod// nyung 'bru tsam la phul zag tsam// sna tshogs gcer grol nyid du yod// ma Na ta thA ga ta/ ku la bcu pa ni bud+d+ha ku la san ta/ tsid+ha pa naM/ b+h+yaH kA ya/ hA hA/ nyi zla thabs shes khang pa na// chos sku ka dag 'od 'bar lnga// ngo shes bud+d+ha'i gdams ngag de// bla ma kun bzang ngag la dris// e ma sangs rgyas sum cu drug/ rang gi tsit+ta'i dkyil nyid na// sangs rgyas bye ba 'bum khri grangs// cha phra gsal la shin tu dwangs// mdzes pa'i 'od zer phyogs bcur 'phro// blta bas mi skyo mdun rgyab med// sna tshogs gcer grol nyid du bzhugs// bla ma dam pa'i ngag gis gsal// sngon gsum zag gcod ngo sprod do// kye sems dpa' rdo rje rtsal// dag pa dbyings zhes sgron ma nyid// ngo bo nges tshig dbye ba dang // rang bzhin mtshan sgom goms dang tshad// gnas dang 'char sgo gnad

  57. 234b

    mthun dpe// man ngag rtags dang bcas pa rnams// rig pa phyi 'phros mkha' la gsal// rang shes nang du gsal ba'i tshe// tsit+ta'i dkyil du gnas pa yin// mtshan ldan bla ma nga 'dra yi// gsung gi bdud rtsis sgo phye mthong // zhes gsungs nas shar grol 'gag med du lhan ne bzhugs so// de nas yang sems dpa' rdo rjes gsol pa/ kye sku gsum yongs rdzogs kun tu bzang // dang po'i sangs rgyas lhun rdzogs dpal// sems can kun gyi tsit+ta la// rang gnas chos sku gsung lags kyang // dung khang b+han+da'i gzhal yas na// bzhugs pa gang bzhugs rten sa gang // 'dus pa'i 'khor la bka' stsol cig/ ces pa ston pa nyid kyis gsan// nyon cig rig mdangs 'khor rnams kun// e ma rig pa'i ye shes nga // sems can kun gyi tsit+ta la// gong ltar gnas pa'i rang rtsal nyid// dung khang nang na khro bo'i sku// yab dang yum du rnam par mngon/ khro dang khro mo'i tshul 'char zhing // ye shes lnga lnga dag dang ldan// gsal 'tsher gzi brjid rab tu 'bar// bum pa'i sku dang bum nang gi/ mar me'i rtsal zer 'ja' 'od nas// longs spyod rdzogs pa sku yi yul// rang gi mgo yi dung khang yin// phyi yul tshom bu dag dang bcas// gnas ni longs spyod khro bo'i sku// lnga bcu rtsa brgyad klad nang bzhugs// brten pa rang gi mgo la brten// gsal ba dwangs ma ye

  58. 235a

    shes kyi// sgo phye bla ma'i thugs mdzod kyis// me long dkyil 'khor mngon sum 'char// dung khang klad rgya'i nang dag na/ khro bo'i sku ni shin tu rngam// thugs rje 'dzin byed lcags kyur bcas// sku ni nyung 'bru phul zag tsam// sna tshogs gcer grol dgu khri'i grangs// klad nang 'od lngas gang nas yod// cha phra mdzes pa gsal 'tsher bkrag/ nyam nga mdzes pa'i 'od zer 'phro// phrum phrum 'tsher ltar rab tu gnas// rang gi shes rig ngo bo 'di// ngos bzung ma grub stong sangs nyid// chos kyi dbyings kyi ngo bor grub// stong stong phyang du ma chad pa// ngo bo ma 'gags gsal ba 'di// me long lta bu'i ye shes grub// stong dang gsal ba tha mi dad// rang rig shes dran ma 'gags pa// dbyer med mnyam nyid ye shes grub// rang gi shes rab so sor 'char// ma 'gags rang grol wal wal 'di// so sor rtogs pa'i ye shes grub// rang rang gang la'ang 'gag thogs med// bya ba grub pa'i ye shes grub// stong gsal 'dus pa chos sku'i mdangs// zhal phyag rdzogs pa bum sku'i tshul// dung khang klad pa'i gzhal yas na// longs spyod rdzogs pa'i sku rnams bzhugs// dper na bum nang mar me ltar// bye ba khrag khrig 'bum dang bcas// shar phyogs gcig pu bgrangs mi lang // 'od zer bye ba 'bum dang bcas// lta bas mi

  59. 235b

    skyo gsal 'tsher 'phro// mdzes shing 'od lnga'i phung po la// brten pa mgo ste gnas dung khang // snying mig klad par rtsa 'brel nas// gsal ba mig dang me long gsal// rgyu ba gzhungs pa'i nang la rgyu// 'byung ba gsang ba'i sgo ru 'byung // rig pa ye shes sbubs nyid na// sprul pa'i he ru sku lnga 'byung // ye shes 'khor ni ko rI brgyad// phra men ma brgyad sgo ma bzhi// dbang phyug rtsa brgyad lnga bcu brgyad// stong zhing bdag med mdzes zer 'phro// rtog med 'od lnga'i lus can du// ye shes nang gi gzugs brnyan ltar// reg bya'i dri ma dag dang bral// tshom bu'i dkyil 'khor chen po yod// 'phrul gyi bang mdzod sgo phyes la// sangs rgyas bye bapa khrag khrig 'bum// blta bas mi skyo mthong bar 'gyur// ma 'gags nam mkha'i khams la ltos// rdzogs sangs rgyas pa nyag gcig yin// rang rig mthong ba ma 'gags gsal// longs spyod rdzogs skur de yis bshad// rang gi shes rab phyogs med shar// shes rab nyid kyi sku yin no// ma bris pa yi dkyil 'khor na// rang bzhin 'od gsal srog med sgra// dung khang klad pa'i sbubs dag na// rig pa ma 'gags zang thal ba// ye shes kha mig can gyi sku// gsal ba shes rab kun tu khyab// longs spyod rdzogs pa mdangs kyi sku// gdul bya kun snang thugs rje brdal// 'od kyi kha mig sprul pa'i sku// yang sbrul khrag khrig bye

  60. 236a

    ba rnams// zer gyi kha mig sna tshogs sku// e ma rdos bcas phung po'i lus kyis stong // 'gyu byed yid kyi lus kyis stong // dmigs bcas ting 'dzin lus kyis stong // dpyod byed shes rab 'od lus dag/ 'di yis don kun go bar gyis/ bud+d+ha/ sa mA ti/ ma la/ ma la/ ma hA/ tsak+ShA/ ro ma ha/ ka la/ bud+d+ha/ ka ya/ go ro tsa na/ bud+d+ha/ ka ya/ tri dz+nyA na/ pan+ti ta/ ro ma ha/ b+hin+na/ ka la/ bud+d+ha/ sal da ya/ dz+nyA na kA ya/ a ma la/ b+hiH/ dz+nyA na/ a buH/ sa mA ti/ kra tra na/ ku hr-i da ya/ d+harma ka ya/ a b+hi Shiny+tsa/ ngo sprod 'bru tshogs gnad du dril/ gra mraHb+hing+ga/ dz+nyA na tsiH/ go ro tsa na/ ka la ha/ b+huH/ rab chen po'i rtse la/ nor bu rin po che 'od 'bar ba'i man ngag/ sems dpa' rdo rjes go bar gyis// e ma sgron ma 'di ltar ro// shes rab rang byung sgron ma zhes// ngo bo nges tshig dbye ba dang // rang bzhin mtshan nyid gnas pa'i sa// 'char ba'i sgo dang shar ba'i yul// goms dang dgongs tshad mthun dpe rnams// phyir shar sgo ni dbang po lnga/ khyad par kha dang sna la 'char// skyed byed rtsa nas tsit+tar 'khor// ro ma rkyang ma kun 'dar ma// shel spug khog pa stong pa'i nang // gsal ba rang shes chen por bzhugs// thams cad mkhyen pa'i ngo bor ni// ming bzhi 'dus pa'i ye gdangs su// ye nas lus kyi cha la gnas// thos

  61. 236b

    dang bsam dang sgom pa dang // kun 'byed rang rig shes rab rnams// 'di nyid ngo bor ye nas bzhugs// gdams ldan bla ma'i bdud rtsi 'thung // zhes gsungs nas/ kun snang chos nyid kyi rol par lhan ner bzhugs so// sems dpa' rdo rjes yang gsol pa// kye ho rang byung kun tu bzang // klong chen rtsol bral thugs rje can// klad pa dung khang gzhal yas na// kun snang khro bo dpag med rnams// ye nas gnas par gsungs lags kyang // sngar gsungs rnams la 'brel med pa'i// lta byed mig gi gzhal yas de// bzhugs pa gang bzhugs rten 'brel gang // 'dus pa'i 'khor la bka' stsol cig/ ces pa ston pa nyid kyis gsan// nyon cig rang rig rang rtsal 'khor// sems can kun gyi mig nyid la// thugs rje sgron ma 'di ltar ro// nyi zer gyi ni sgron 'od ltar// sgron 'od gting la thug pa med// rig yul dbyings la sgron yul mkha'// sbrul sku'i bzhugs gnas skal tshigs so// ye shes zang thal mig gi dkyil// thugs rje sbrul sku ye nas bzhugs// brten ni chu bur mig la brten// bzhugs kyang a 'bras dkyil na'o// gsal la mthong ba ma 'gags pa// gsal 'grib med par da lta bstan// dpe'u ris dag gis ngo sprad do// snying nas mig tu rtsa dkar 'brel// rang rig mthong ba ma 'gags te// chos sku snang ba'i bar dag na// ye

  62. 237a

    shes ngo bo zang thal 'khyil// de ngos bzung la mkha' la gtad// rang rig ye shes lhug par 'char// sangs rgyas rang gi snying bzhugs pa// sha khrag lus kyis ma zums te// chu bur mig tu za thal nas// mthong ba 'gag med chen por bzhugs// brten pa dbang po mig la brten// bzhugs pa mig 'bras b+ha shu'i dkyil// skyon med mkha' la mngon sum ltos/ bud+d+ha/ dz+nyA na/ kA ya tsak+Shu/ rang byung brag phug gnyis po na// thog ma'i sangs rgyas 'od mi 'gyur// mngon sum bzhugs pa nga la dris// gnas snying lus brten skur shar te// 'od lus zang thal mig la smin// ro ma/ tsak+Sha/ ka la/ pa ni/ b+hu ta/ rgya mtsho'i gting du nor bu sbas// rin chen ri rab rtse la thon// 'od zer nyi zla'i mkha' la 'phro// skad cig dang por b+had+d+ha'o// lung ldan bla ma'i thugs las ltos// ri rab chen po'i rtse ye na// kun gsal grong khyer mi rgod lnga// dz+nyA na pany+tsa ka la ha tsak+ShA/ lung bstan bla ma'i thugs la zhog/ mthong ba ma 'gags zang thal sku// dus kyis ma bsgribs zang thal sku// skye shi med pa zang thal sku// lus lngas ma bsgribs zang thal sku// mdun rgyab med pa zang thal sku// dge sdig ma bsgribs zang thal sku// phyi nang med pa zang thal sku// yul shes gnyis med zang thal sku// rkyen gyis ma bsgribs zang thal sku// ye shes spyan ldan zang thal

  63. 237b

    sku// bcu yi tshul du shes par gyis// e ma ho// rgyang zhags chu yi sgron ma nyid// skye byed sa bon tshul du gnas// ngo bo nges tshig dbye ba dang // mtshan nyid bzhugs tshul gnas sa dang // skye byed 'char sgo mthun dpe tshad// 'di rnams legs par yid la zung // ngo bo snang ba gnyis ka sdud// rgyang ni rig sku mthong ba ste// gzugs sogs 'dod yon lnga sogs rnams// 'di yis 'ching bas zhags pa yin// snang ba rang sar bzhag nas ni// bdag 'dzin bral bas chu zhes bya// sgron ni rang gi snang bar gsal// gong nas gong du 'phel ba'o// dbyings rig 'dres pas ma zhes bya// dbye na rgyang zhags chu sgron dang // ye shes 'dus pa'i rgyang zhags dang // dbang po 'dus pa'i rgyang zhags so// mtshan nyid 'char byed 'gag med pas// dbang po'i drangs ma mig ces bya// 'byed pa pad+ma'i spyan du'o// 'di yi gnas ni mig yin te// mthong byed 'gag pa med pa yis// yul rnams 'dzin par byed pa'o// klad pa dung khang dkar po nas// g.yas su 'khyil pa rtsa gsum po'i// ba men ra 'dra'i rtsa yi dbyings// rtsa yi nang na 'di nyid gnas// 'char ba'i sgo ni tsak+ShA ra// skyed byed mngal du rang zhugs tshe// dus kun gyi ni thog ma ru// lte ba'i rtsa mdud gru gsum du// pha ma'i rgyu rkyen dwangs ma yis// mig gi dwangs ma nyid du chags// pha ma'i rgyu rkyen cha gnyis

  64. 238a

    las// dkar nag 'dres pa de bzhin no// mthun dpe 'dzin byed lcags kyu yis// gang snang sna nas 'dzin pa bzhin// 'khor 'das sna gnyis 'di yis 'dzin// sgron mas yul gzung rig par snang // lu gu rgyud mthong tshad yin no// zhes gsungs nas dmigs med ka dag gi ngang du lhan ner bzhugs so// ShamaH/ rgya rgya rgya/ 6thaMn+daH/ de nas sems dpa' rdo rje yis// 'di skad rang sgras ston pa bskul// kye ho bya btsal med pa'i dpal// mig gi gzhal yas gsungs lags kyang // sngar gsungs tshig la 'brel med pa'i// 'gyu byed rtsa yi gzhal yas na// bzhugs pa gang bzhugs gang la brten// ston pas 'khor la bka' grol cig/ ces pa gsan te bka' glal pa// nyon cig rig mdangs sbrul 'khor rnams// 'gyu byed rtsa yi dra ba na// ye shes sku bzhi'i ston pa nga // rang bzhin thig le'i tshul bzhugs te// sems can kun gyi lus zung 'dzin// rang bzhin 'od kyi gong bu bzhin// rtsa rnams nang na thig le'i sku// che tshad nam mkha'i mtha' dang mnyam// chung tshad rta rnga bcur gshegs tsam// gsal tshad nyi zla sgron me 'dra// gsal la 'tsher te gzi brjid 'bar// 'gro dang 'ong dang gnas sa ru// ye shes mkha' 'gro bye ba 'bum// sa ya grangs 'das brjod mi lang // nyung 'bru'i lus la spyan phul thag/ rgyu dang 'bras bu'i

  65. 238b

    khyad par nyid// 'pho gnas rlung gi 'phar rkyen no// thig le'i yul ni rang gi las// thig le'i pho brang 'khor lo lnga// thig le'i gzhung lam gzhungs pa nyid// thig le'i grong khyer b+he ta lI// brten pa skal pa'i tshigs la brten// gsal ba 'phrul gyi bang mdzod nyid// bla mas sgo phye dbyings la gsal// sprul pa'i grong khyer dgu khri 'bum// thig le rang byung gzugs la brten// rtsa rnams kun gyi nang na bzhugs// thon pa gsang ba'i sgo la zon// gsal ba rdo rje'i mi tog nyid// pad+ma'i ze'u 'bru'i 'og bcug pas// rang gi lus ngag yid gsum la// mngon sum rtag 'char gsal nyams myong // hUMHswaHka/ \u0f7fd+haHtsa sa pa \u0f89\u0fa4sa rgyan rgyu lam ngo bo dbyings 'bras bu// bde gsal nyams myong gdams pa rnams// tshad ldan bla ma'i thugs mdzod brus// e ma ho sems dpa' rdo rje nyon// thig le stong pa'i sgron ma zhes// chos rnams kun gyi yid ches pa// 'di nyid don rnams yid la zung // ngo bo nges tshig dbye ba dang // mtshan nyid dgongs pa gnas pa dang // 'char sgo rang bzhin yul snang ba// tshad dang yon tan thabs mthun dpe// 'di rnams rtsa ba blo la zhog/ ngo bo nyag gcig cha phra ste// stong pa'i mu yang rang gsal ba// mi rtog spros bral zlum po'o// thig ni mi 'gyur drang po la// le ni brda' ba chen po yin// stong pa dngos yul zhen blo dgag/ sgron mas 'od

  66. 239a

    lngar rang snang ste// rang rig rang ngo gsal mdangs ldan// nges pa'i tshig yin the tshom sel// dbye ba lnga yin 'di ltar ro// gzhi gnas rang gi thig le dang // kun rdzob rgyu yi thig le dang // don dam spros med thig le dang // rang byung 'bras bu'i thig le dang // mi 'gyur thig le stong pa'o// rang gnas dgongs pa gcig yin te// tha snyad grangs zad 'dzin zhen bral// mtshan nyid dngos po rang stong ste// ma bsgoms par yang mtshams med pa'i// thig le zla bral nyid du'o// ka ti gser gyi rtsa chen te// dar dkar snal ltar 'phra la 'dril// shel spug can bzhi'i nang na ni// rang gnas sus kyang byas med par// ye nas mnyam pa chen por gnas// res ni rlung gi rta la zhon// lus dang rtsa yi nang dag na// sems can kun gyi lus rten du// thog ma nyid nas gnas pa'o// 'char byed ma bsgribs sems can mig/ tsak+Shu zhes pa'i sgo nas thon// nyi ma'i dkyil 'khor bzhin du snang // kun gyi mig nas 'char ba yin// rang bzhin babs kyis gnas pa la// ye gdangs rang bcas rang gsal te// sus kyang ma byas rang bzhin no// 'char yul bar snang stong pa la// byung gnas 'gro gsum bral ba yi// bde stong mi rtog zag med dang // rang byung thig le brjod med stong // nam mkha'i khams su spro bsdu med// bar snang mi

  67. 239b

    'gyur de nyid na// nges par tshad du de 'gyur ro// rtsol med nyid du rang grol te/ khams gsum 'khor bar zlog re kan// dngos ni lha la rang mtho gang // lha min chag gang mi mtheb gang // 'od lnga 'dus pa'i zlum po ru// zad pa med par snang ba yin// thabs kyi man ngag mtheb mdzub kyis// tsak+Shu'i phugs dang 'gram btsir bas// mngon du snang ste yid ches so// mthun dpe rma bya'i mdongs 'dra ste// dra mig nya mig bzhin du gnas// 'di la rang bzhin dbang thob nas// rtsol med nyid du rang grol lo// zhes gsungs nas kun bzang yangs pa lhun 'byams chen por lhan ner bzhugs so// theg pa kun gyi spri phud klong chen rab 'byams kyi rgyud las/ thog ma'i sangs rgyas sku dang thig ler gnas pa'i sa/ zhi ba rgyas gsal bar gsungs pa'i le'u ste lnga pa'o// // sa ma ya/ rgya rgya rgya/ gan tham ma ga dran khyod 'am/ rgya rgya rgya/ yaH/ de nas sems dpa' rdo rje yis// ston pa nyid la 'di skad gsol// kye sprul pa'i sku mchog kun tu bzang // skye med chos las kun 'byung ba// sems can rnams kyi pho brang bzhir// sgron ma bzhi dang sangs rgyas sku// gnas pa rgyas par gsungs na yang // lam ni gang la rgyu ba lags// ston pas 'khor la bka' stsol cig/ ces pa ston pas gsan cing dgongs// dges pa'i mdangs phyung tshig 'di

  68. 240a

    gsungs// kye ho sems dpa' rdo rje nyon// rang byung rig pa'i ngo bo nyid// lam ni rtsa la rgyu ba ste// rang la rtsa yi 'khor lo lnga// sku gsum ye rdzogs rtsa gsum ni// ro ma rkyang ma kun 'dar ma// rtsa gsum rang gi lus zungs yin// dbu mas 'khor lo bzhi brten te// 'di yi g.yas g.yon dbus dag nas// kun rdzob don dam dbye ba ni// lus dang yan lag bskyed pa dang // sgron ma nyid kyang 'dir smon te// tsit+tar sku rnams smin byas nas// rtsa rnams thig ler smin par byed// lus kyi rgya mdud 'khor lo bzhi// dra ba bzhin du 'bral med kyang // drang por lus kyi ka ba'i tshul// rtsa gsum sku gsum skyed byed de// nus pa spyi gtsug stod la 'thon// dbang po'i dgongs pa so sor byed// rlung sems 'dres nas rtsa la brten// nyi khri stong phrag drug brgya rgyu// gyen rgyu thur sel las gnyis byed// skyed byed rtsa chen bzhi dag nas// 'gyu 'gul 'phrig dang yang zhing bskyed// las kyi rlung byas shes rig gsal// shes rab rnams kyi ngo bor rgyu// ro rkyang kun 'dar shel spug dang / khog stong gsal shes chen por gnas// gsal mi gsal rnams rlung gi rkyen// rtsa nang gsum nas thig le byung // don dam thig le g.yon nas byung // kun rdzob thig le g.yas nas byung // dbus nas rang bzhin thig le'o// rig pa ye shes thig le'i tshul// kun

  69. 240b

    rdzob rgyu yis sbrul sku 'grub// pha ma'i khu khrag thigs pa dag/ rtsa nas rgyu zhing phung po brten// gnas pas lus kyi gzi mdangs bskyed// don dam 'od kyi thig le ni// nyung 'bru tsam la rang gsal zlum// rlung gis bskyod dus 'gyu ba ste// zag med rtag chad mtha' las 'das// rang bzhin ngo bo ka dag la// gzhi nas ye shes gsum lta bu// stong pa zang thal gsal ba dang // rig pa zang thal gsum du gnas// dbus kyi rtsa nas rgyu lam byed// ces gsungs nas sna tshogs gcer grol chen por lhan ner bzhugs so// theg pa kun gyi spyi phud klong chen rab 'byams kyi rgyud las/ lam gang nas rgyu zur tsam bstan pa'i le'u ste drug pa'o// // sa ma ya/ rgya rgya rgya/ rgya rgya rgya/ de nas sems dpa' rdo rje yis// ston pa nyid la yang gsol pa// kye ma bcos klong yangs kun tu bzang // ye shes sems dpa' bdag med dpal// lam gyi rgyu tshul gsungs na yang // 'khor lo ro rkyang la sogs pa'i// rtsa rnams de ltar yod pa ni// rtsa yi mtshan nyid go ba la// lus kyi mtshan nyid mgo zhing // lus kyi mtshan nyid ma shes na// gnas pa'i mtshan nyid yongs mi go/ gnas pa'i mtshan nyid ma go na// 'jig pa'i mtshan nyid yongs mi shes// phyi rabs rnams kyis mi go bas// chags tshul 'khor tshul bka' stsol cig/ 'dus pa'i 'khor rnams spro/

  70. 241a

    nyan 'tshal// zhes pa ston pas gsan dgongs te// 'khor la thugs rjes snang zhing gzigs// gsang chen nges pa'i tshig 'di kun// gnyis med ye shes thugs klong nas// mi 'gyur gsang ba'i bum par dril// thun mong ma yin ljags la bkram// skye med klong nas 'gag med du// brjod med tshig 'di rang grags gsungs// ma ma bral ma ma nyon cig sems dpa' rdo rje rtsal// lhun grub ye shes rig pa 'di// brten pa lus kyi gnas lugs ni// rang dbang can du 'khor ba dang // rang dbang med par 'khor tshul gnyis// rang dbang can gyi 'khor tshul ni// 'od zer mthing ga phyi ru thon// ljang gu nang du log pa ste// ye shes khong gsal chen por gnas// de ni chos sku lhun grub yin// rang bzhin thugs rje skye ba med// longs spyod rdzogs sku'i 'khor lugs so// rang bzhin 'gro don byed pas na// sprul pa sku yi 'khor lugs so// me tog la sogs brdzus skyes te// dag pa'i mngal du dran bzhin 'jug/ de rnams rang dbang can yin no// rang dbang med pa'i 'khor tshul ni// dge ba can ni yar la 'khor// sdig pa can ni mar la 'khor// sdig pa can gyi mar 'khor ni// rlung dang rnam shes yul snang 'di// las kyi dbang gis gzugs snang shar// dbang po kun ldan phyogs med du// zas dang gos dang skyabs gnas

  71. 241b

    'tshol// bar ma dor ni yid kyi gzugs// shes pa yang yang phyad phyod can// stong gsum se gol gcig la 'khor// sdug bsngal tshor ba mang po myong // de la skye ba rnam bzhi ste// mngal skyes sgong skyes drod gsher skyes// brdzus skyes skye dang bzhi yin no// ma yi mngal du 'di lta ste// bar do'i rnam shes 'khyam po rnams// sngon gyi las ngan dbang dag gis// dbyar gyi sha la sbrang phung ltar// la la'i srog chags ltar du snang // pha ma'i 'dod sred rten 'brel 'dzom// bsod nams mthun cing las 'brel ldan// rgyu rkyen phun tshogs mngal du 'jug/ 'jug sgo dag dang ma dag gnyis// lnga dus mtshan ma sbyor ba la// nyon mongs lnga dang yid drug dang // ye shes lnga yi bdag nyid do// ye shes rang ngo ma shes te// der 'dzin dri mas 'byung ba 'dus// de las lus grub rga shi'i bar// 'khor bar 'khyams shing 'byung ba 'dus// chos nyid par do ngo ma shes// der 'dzin dug lnga dug gsum rgyas// yul drug dag gi 'dzin pa yis// pho mo sbyor ba byed pa la// der 'dzin skyes pa'i ye shes rtsal// rig pa yid du 'gyu ba de// pha ma'i bde ba sra snyam dus// bar do'i rnam par shes pa de// bshar lam zhugs nas mngal du ni// yi ge a yi tshul du thim// chu la chu bzhag tshul du song // mngal gyi rgyas 'thum byung tshor 'gags// bde ba chen po'i ngang du

  72. 242a

    gnas// sems yid lha khang khyim tshud bsam// rnam shes rlung dang rgyu rkyen bzhi/ khrag dang 'o ma 'dres ltar song // zhag ni bdun phrag dang po la// srub byed rlung gis rab bsrubs te// nyi zla ga'u'i tshul de dag/ mer mer zho rlon lta bur gyur// nyung 'bru brgya yi tshad tsam chags// 'byung ba lnga yi byed las so// bdun phrag gnyis par nur nur po// zho dang khrag 'dres tshul du 'gyur// 'byung ba bzhi yi yi ge dang // rang bzhin yi ge bzhi bcu ni// rta rnga bcu cha tsam du chags// thig le nyung 'bru'i cha tsam mo// 'byung ba sa yi byed las yin// bdun phrag gsum la me yis bskyed// gor gor po ni zho bzhin chags// rang bzhin yi ge tsa yi tshul// rnam pa brgyad du snang bar 'gyur// thig le nyung 'bru'i bcu cha tsam// bdun phrag bzhi la rlung gis gtor// tar tar dngul chu lta bur snang // yangs 'bru phyed kyi tshad du nges// rtsa rnams rags pa rab tu bskyed// bdun phrag lnga la chu yis bsdus// mkhrang 'gyur ston pa nyung 'bru tsam// de dus rtsa 'dab bcu drug chags// rtsa yi rtse mor thig le ni// nya yi mig tsam gcig tu chags// de la brten nas lta ba yi// sprul pa'i 'khor lo'i gzhi ma chags// bdun phrag drug tu me rlung gis// smin byas nyung 'bru gnyis cha tsam/ khyab 'jug nya yi tshul du chags// rtsa dkar rtse la thig le ni// 1

  73. 242b

    mig tsam pa shar ba'o// de la brten te snying ga ru// chos kyi 'khor lo'i gzhi ma chags// zhag ni bdun phrag bdun pa la// 'byung ba bzhi char 'dus pa yis// nyung 'bru gsum gyi cha tsam bskyed// mer mer rus sbal lta bu ste// chu yis bshig cing sa yis mnan// me yis sdud cing rlung gis gtor// yang gcig 'byung bzhi 'dus pa yis// nyi shu rtsa bzhi gcig yi ge dang // lte ba dag nas bskyed pa yi// ro ma rkyang ma kun 'dar ma// rta rnga tsam yang yar chad nas// snying gar 'khril nas mgrin pa ru// longs spyod 'khor lo'i tshul du chags// de nas rtsa gsum rtse mo la// thig le nya mig tsam du 'gyur// brten nas spyi bo'i bde chen chags// de la brten nas mig gnyis chags// 'byung ba'i drangs ma ye gsal bzhi// snying gi dkyil du 'gyur med bzhugs// zhag ni bdun tshan brgyad pa la// chus bsdus sran ma bcu cha tsam// de dus snying gi drangs ma lnga// rtsa chen lnga ru phyir shar te// nang gi don snying rnam lnga chags// thig le'i drangs ma snyigs ma chags// snying rtsa yar song lce chags so// de la gyes nas mgo bo chags// rtsa chen bzhi ni snying du 'dus// mcher ba'i rtsa las mchu chags te// de la brten nas lus chags so// de nas lag pa g.yas pa chags// de nas mkhal rtsa g.yon pa chags// mkhal rtsa yar song snyan gnyis chags// de nas rkang pa

  74. 243a

    g.yas pa chags// de nas mchin rtsa mchin pa chags// mchin rtsa yar song mig gnyis chags// de nas lag pa g.yon pa chags// rlung gi mdangs la glo ba chags// glo rtsa yar song sna gnyis chags// de nas rkang pa g.yon pa chags// de nas smad kyi nang khrol chags// lus kyang rus sbal mkhyed gang ba'o// zhag ni lnga bcu nga drug ste// bdun tshan brgyad du lus rnams bskyed// 'khor lo bzhi yi rtsa 'dab dang // rang bzhin yi ge spyan dang bcas// lus kyi sha rus thams cad ni// cha rnams tshang bar chags pa'o// zhag ni bdun phrag dgu pa la// 'khor lo bzhi la rtsa chen brgyad// rnam shes rmi lam lta bur chags// 'byung ba sa yis sra bar byas// zhag ni bdun phrag bcu pa la// lus la srin bu'i grong khyer dang // phyi rol sha lpags par rnams kun// rtsa yi dra ba dra phyed kyis// thams cad 'brel ba'i rnam par chags// gong gi de dag thams cad kun// rim gyis bskyed cing rim gyis chags// gal te pha ma skyon can nam// dbang po ma tshang lus skyon zhugs// de la chags lugs 'khrug pa'o// 'khor lo bzhi la spyan gnyis gnyis// thabs shes tshul du spyan brgyad chags// zhag ni bdun phrag bcu gcig la// ma la mig glo'i nad byung ste// mgo na skyug bro dang ga 'gag/ rtsa rnams re thag lta bur chags// gzugs kyang rus

  75. 243b

    sbal lta bu ste// mtho gang tsam du rags par chags// 'byung ba bzhi po 'dus pa yis// rlung gis phye zhing chu yis bsdus// sa yis bzung zhing me yis smin// rtsa gsum 'khor lo bzhi la sogs// lus kyi rten 'brel thams cad tshang // zhag ni bdun tshan bcu gnyis la// lte ba sprul pa'i 'khor lo yi// rtsa mdud thams cad rdzogs par chags// zhag ni bdun phrag bcu gsum la// las kyi rlung yang 'jug par byed// zhag ni bdun phrag bcu bzhi la// pha yi sa bon rus pa chags// zhag ni bdun phrag bco lnga la// ma yi sa bon sha rnams bskyed// zhag ni bdun phrag bcu drug la// sha rus drangs ma rkang mar chags// zhag ni bdun phrag bcu bdun la// lpags pa spris ma thams cad chags// zhag ni bdun tshan bco brgyad la// lus kyi yan lag gsal bar dod// zhag ni bdun tshan bcu dgu la// nya sul thams cad sbrul ltar 'khril// zhag ni bdun phrag nyi shu la// rtsa rnams dra ba'i tshul du g.yogs// zhag ni bdun phrag nyer gcig la// me khams snying ni bra bo tsam// zhag ni bdun phrag nyer gnyis la// lcags khams glo ba gangs ri chags// zhag ni bdun phrag nyer gsum la// shing khams mchin pa nags ltar chags// zhag ni bdun phrag nyer bzhi la// mcher pa sa khams lpags ltar chags// zhag ni bdun phrag nyer ldan// ku

  76. 244a

    ya dar gyi yol ltar chags// zhag ni bdun phrag nyer drug la// klad pa zho phor lta bur chags// zhag ni bdun phrag nyer bdun la// rgyu ma 'dom pa gsum du chags// zhag ni bdun phrag nyer brgyad la// rgyu ma khugs dang tshil bu dang // yan lag rags par chags pa'o// zhag ni bdun phrag nyer dgu la// pho ba rang gi snyem pa gang // zhag ni bdun phrag sum cu la// grod pa rang gi byin pa tsam// zhag ni bdun phrag so gcig la// long kha rang gi lag ngar tsam// zhag ni bdun khrag so gnyis na// lte ba sprul pa'i rtsa kha 'byed// ma yi zas skom bu la phan// zas kyi drangs ma pho bar song // lte ba sprul pa'i 'khor lo nas// srub byed rlung gis drangs snyigs phye// drangs ma me yi khams las ni// mkhris pa rang gi khyor gang chags// snyigs ma bad kan chu yi khams/ khyor ba gang ni pho bar chags// zhag ni bdun phrag so gsum la// rlung mkhris bad kan gsum gyis ni/ khams kyi nus pa skyed par byed// brten pa sa yi khams kyis ni// lus zungs thams cad gso bar byed// klad pa chu yis lus zungs sdud// g.yo ba rlung gis lus khod snyoms// dro ba me yis lus rnams smin// zhag ni bdun phrag so bzhi la/ khams kyi dwangs ma 'char ba de// snying ni me yi khams yin pas// de gyes pa las lce chags te// ro yi myong byed tshor bar

  77. 244b

    byed// glo ba lcags kyi khams yin pas// drangs ma rna ba rnams gnyis kyis// sgra yi don ni tshor bar byed// mchin pa shing gi khams yin pas// drangs ma mig gnyis gzugs brnyan 'char// mcher pa sa yi khams yin pas// drangs ma sna yis dri rnams tshor// mkhal ma chu yi khams yin pas// dwangs ma rdo rje pad+ma yis// bde ba thams cad myong bar byed// bdun phrag de ni so lnga la// rtsa yi lam rnams dod par byed// bdun phrag de ni so drug la// rlung dang rnam shes 'phrad par byed// 'dun phrag de ni so bdun la// bde sdug myong tshor drag po skye// bdun phrag de ni so brgyad la// lus kyi stobs rnams skyed par byed// bdun phrag de ni so dgu la// rnam shes byung tshor phyi la 'breng // bdun phrag de ni bzhi bcu la// skye ba snga phyi thams cad dran// de ltar bdun phrag bzhi bcu la// zla ba dgu dang zhag po brgyad// spyir na zla dgu ngo bcu la// mngal du btsog pa'i 'du shes shar// 'phral byed rlung gis mar la 'das// mgo mjug log nas phyir la 'thon// de ltar mngal gyi rgya dang bral// sngar gyi bag chags srab tu song // phyis kyi nyer len ngo ma 'phrod// shes pa sngar bas mi gsal zhing // rtsa rlung kun gyi stobs ma skyes/ khams kyi dwangs snyigs ma phye bas// nad gdon mi mthun phyogs rnams sdang // de nas khams kyi zas zos

  78. 245a

    pas// dngas mas khams kyi nus pa bskyed// snyigs mas lus kyi stobs bskyed nas// rim gyis lus rnams skyed par 'gyur// de ltar rdzogs ldan mi lus la// rus dum sum brgya drug cu yod// sha la sbar tshad lnga bcu yod/ khrag ni rang gi snyim pa drug/ rtsa ni nyi khri chig stong yod// nya sul chen po drug yod do// klad pa rang gi snyim pa gang // rgyu ma rang 'dom gsum yod de// sgra ni brgyad khri bzhi stong yod// ba spu bye ba gcig yod do// so ni sum cu so gnyis yod// sgal tshigs nyi shu rtsa brgyad yod// rtsib ma bcu drug la sogs te// 'dom gang gru bzhi lus la rdzogs// rang lus rgyal ba'i dkyil 'khor 'di// sbubs nas thon te sprul pa'i sku// 'byung ba lnga las lus grub ste// thabs shes gnyis ni 'du 'bral med// bdun tshan rnams ni rtags tshad de// zla ba dgu ni theg dgu ste// zla ngo bcu ni sa rnams bgrod// sgyu ma lus kyi chags gnas lugs// 'khrul med khyod kyi blo la zhog/ ces gsungs nas cog bzhag dang dngas kyi ngang la lhan ner bzhugs so// theg pa kun gyi spyi phud klong chen rab 'byams kyi rgyud las/ lus kyi grub tshul bstan pa'i le'u ste bdun pa'o// // sa ma ya/ rgya rgya rgya/ rdza \u0f89\u0fa4 ga rgyargyaH/ krenag rgyaHzab rgya/ de nas sems dpa' rdo rje yis// ston pa nyid la yang

  79. 245b

    gsol pa// kye dang po'i sangs rgyas kun tu bzang // ye grol brjod pa bral ba'i mchog/ lus kyi chags lugs gsungs na yang // rtsa yi gnas lugs ma gsungs pas// 'dus pa'i 'khor la bka' stsol cig/ zhus pa'i lan du bka' stsal pa// rig mdangs 'khor rnams nyon// spyir na rtsa ni bsam mi khyab// dril gyis bstan na 'di ltar ro// ma rig gnyis snang 'dzin pa yis// ye shes rtsal yang 'byung bzhir 'dus// 'byung bzhi las kyi lus su grub// lus dang mnyam du rtsa rnams grub// rtsa dang dus mnyam thig ler grub// de grub sku dang ye shes grub// thams cad dbyer med lhun grub yin// de yang lus chags dus mtshungs su// 'byung bzhi'i lus kyi rtsa rnams grub// spyir ni ba spu'i grangs dang mnyam// stong phrag brgyad cu rtsa gnyis 'dus// bzhi brgya bdun cu rtsa gnyis su// de yang bsdus pas 'dus pa'o// de bsdus 'khor lo bzhi ru 'dus// lte bar skyed byed drug cu bzhi// snying gar dran pa sum cu gnyis// ro 'dus brgyad gnyis bcu drug gnas// rnam bkod sum brgya drug cu gnas// spyir na 'khor lo bzhi po la// rtsa yi grangs ma bshad pa ni// bzhi brgya bdun cu rtsa gnyis te// de ni bsdus pa'i grangs can no// 'khor lo bzhi po de yi dbus// rtsa gsum drang por ka bar gnas// shel spug can ni zhor la ste// oM AHhUM gsum

  80. 246a

    yang rtsa nang gnas// dag pa sku gsum 'char gzhi byed// rtsa gzhan 'byung lnga'i rten yin no// ro ma chu yi drangs mas bskyed// rkyang ma sa yi drangs mas bskyed// kun 'dar ma ni rlung gis bskyed// ro mas lte ba'i g.yon ngos nas// byang sems 'babs pa'i rten gzhi byed// rkyang mas snying gi rtse g.yon nas// mgrin pa'i rtsa nas gnyis su gyes// rtse chung gnyis nas 'thon nas ni// dar skud pa men rwar 'dra yi// rtsa ni mig gi 'bras la zug/ ye shes snang ba 'char ba'i lam// kun 'dar ma ni dbus na gnas// rtse mo gsum ni yar song bas// g.yas g.yon rna ba gnyis la zug/ dbus ma tshangs pa'i gnas su zug/ rang bzhin yi ge 'od dang bcas// rlung lnga ye shes rnam lnga dang // thig le 'od 'bar tshul du gnas// de ni rtsa spyi'i rnam bshad yin// da ni so so'i rtsa gnas bshad// dang po skyed byed 'khor lo yis// srid pa chags pa'i gzhi ma byed// bde ba chen po'i rnal du 'jog/ mi 'gyur thems su gsum gyis 'jug/ lus mi 'gyur ba rtsa yi thems// ngag mi 'gyur ba yi ge'i thems// yid mi 'gyur ba rlung gi thems// rtsa yid rlung ni lus ngag yid// de rnams lte ba dag nas bskyed// rtsa 'dab drug cu rtsa bzhin// rang bzhin yi ge de dang mthun// 'od kyi gong bu rang bzhin sku// kun tu bzang po so gnyis

  81. 246b

    dang // kun tu bzang mo so gnyis rnams// thabs dang shes rab gnyis su med// de la thams cad skyed byed zer// sgron ma'i spyan dang 'byung bzhi'i spyan// sa dang ya yis mtshan nas gnas/ khyad par lus rdzogs smin pa'i rtsa// grangs can nyi shu rtsa brgyad de// thig le'i spyan rtsa bcu drug yod// sgron ma'i rtsa ni bcu gnyis yod// kun la yi ge re re gnas// lte bar 'byung ba'i sa bon ni// yab yum sa bon hrIHdang ni// yi ge su ser tshul du gnas// dbu ma ro ma rkyang ma gsum// dkyil drang ka ba'i tshul du gnas// lte bar rtsa 'dab drug cu bzhi// ljon shing yal ga gyes 'drar gnas// dran byed 'khor lo lte ba nas// sor brgyad yar 'chad snying ga nas// rtsa rnams yal gsum cu gnyis// rang bzhin yi ge 'od thig mthing tshul// 'khor lo lte bar khams dkar po// yab yum yi ge ma dang hUM// 'od kyi gong bu'i tshul du gnas// rtsa yig 'di lhag a ru gnas/ khaHtsaHtaHphaHyAHsaHtaHkaHg+haHdz+haHteHd+haHraH/ de rnams kun bzang yab yum yin// ro 'dus mgrin pa'i rtsa yig ni// rtsa 'dab bcu drug yi ge re// dbus su me yig raM dang ni// yab yum yi ge ri dang rtsa// 'od kyi gong bu'i tshul du gnas// rtsa yig rnams ni 'di ltar ro// ra rAHli lAHe AHa IHa aHa aHa AH/ rtse mo rnams bkod rtsa yig ni// rtsa 'dab sum brgya drug cu yod// de

  82. 247a

    bsdus sum cu rtsa gnyis te// rang bzhin yi ge re re ste// dbus su yi ge ya ldang dang // yab yum yi ge ha dang ra// 'od kyi gong bu tshul du gnas// rtsa yig rnams ni 'di ltar ro// pha phAHphi hrIHmi mIHba bAHba bIHnya nyaHnyi ny+NiHkha khAHga gaHtsa tsAHtsha tshAHda d+haHtha thAHsa sAHna naHa aHAH/ rtsa 'dab thams cad gdugs rtsibs ltar// rtsa yi gtso bo gsum las gyes// nus pa spyi gtsug 'asdom pa yis// dbang po sgo lnga dag la don// byed las so sor byed pa yin// 'khor lo bzhi la mi the ba'i// gsang bas bde ba myong bar byed// rnam par bkod pa'i 'khor lo ni// rtsa 'dab nyi shu rtsa brgyad kyis// lte ba'i rtsa mdud thig le la// 'byung bzhi'i dwangs ma khu khrag ldang // yi ge ya dang sa ru gnas// rlung gi drangs ma yaM gnas so// de ltar rang lus 'di nyid la// rtsa dang yi ge'i gnas su rdzogs// zhes gsungs nas/ sngo sgom yid dpyod dang bral nas/ mngon sum[:]gcer grol du[:]lhan[:]ner[:]bzhugs so// theg pa[:]kun[:]gyi[:]s+thi[:]phud[:]klong chen rab[:]'byams kyi rgyud las/ rtsa'i gnas tshul bstan pa'i le'u ste brgyad pa'o// / gi ke mraN bAH/ Tarje pa// kan/ hA rgya rgya rgyaHdal da rgyaH// sems dpa' rdo rjes yang gsol pa// mi g.yo 'gyur med kun tu bzang // blang dor bya bral rtsol med pas// rtsa yi gnas lugs gsungs na yang // g.yo ba rlung gi

  83. 247b

    gnas lugs rnams// phyi rabs rnams kyis mi go bas// ston pas 'khor la bka' stsol cig/ ma 'khrul dag pa'i blo yis 'dzin// ces pa ston pas gsan dgongs te// zhal mdangs 'od kyis 'dzum bstan nas// zhus pa'i lan du bka' stsal pa// e ma sems dpa' rdo rje rtsal// ye shes rlung gis ma khyab med// de la rnam grangs mang na yang // las rlung ye shes rlung gnyis so// ye shes rlung ni sems dang 'dres// sems ni las rlung dag dang 'dres// rlung sems gnyis su med pas te// kun 'dus rlung gis las byed do// rlung ni rtsa gsum nang nas 'gyu// lnga stong bzhi brgya sa rlung ste// me chu gnyis kyang de tsam mo// nyi khri tshig stong drug brgya 'gyu// byed pa'i las ni gnyis yin te// gyen rgyu thur du gshang gci 'phen// snang srid thams cad rlung la brten// rlung ni thams cad byed las so// 'degs pa'i nus stobs ldan pas na// sa la rlung gis khyab pa'o// chu la rlung gis khyab pa'i phyir// 'bab pa'i rtsa la shugs ldan pa'o// rlung gis me la khyab pa'i phyir// 'bar ba'i nus rtsal ldan pa'o// rlung la rlung gis khyab pas na// 'gro ba'i rtsal shugs ldan pa'o// mkha' la rlung gis khyab pa'i phyir// bkrag mdangs yon tan kun 'byung 'char// spyir na rtsa rlung rig pa gsum// tha dad bshad kyang gcig tu 'dus// rig pa med na sems mi

  84. 248a

    'byung // sems 'di med na rlung mi 'byung // sems gcig byung nas ye shes grub// ye shes rtsal las 'gag med 'char// rtsa rlung thig le rig pa sems// thams cad dbyer med ro gcig 'dus// ma shes so sor bzung ba yis// ming med ming du song ba bzhin// ye shes lnga las 'byung ba lnga// dug lnga nyon mongs la sogs pa// gcig la sna tshogs bzung bas 'khrul// yang dag don gyi char ma nye// thams cad rig pa rlung gi rtsal// dbyer med ro gcig ngo shes na// rang sems rig pa'i ngo bor grol// mkha' la sprin dengs ji bzhin no// zag bcas lus kyang mi snang bar// ye shes klong du 'tshang rgya'o// ye shes rtsal gyi lus nyid la// rlung gnas spyi dang bye brag gnyis// bsam 'das bshad kyang lnga ru 'dus// 'degs byed rlung ni 'od dkar tshul// snying nas mcher rtsa'i nang la thon// lus kun khyab par de gnas so// lhu tshigs bzhi la khyab par gnas// sha rus pags pa'i stobs rnams bskyed// bkrags dang gzi mdangs skyed pa'i rlung // 'od ser tshul du snying nang nas// phyir thon mkhal rtsa'i nang nas ni// mgo mjug lus khyab smen dbrag nas/ khrag dang chu ser bkrag mdangs skyed// mi mnyam drod dang 'beb pa'i rlung // snying nang 'od dmar tshul du gnas// mchin rtsa'i nang nas phar thon nas// lus kyi

  85. 248b

    mgo mjug kun khyab ste// pho ba'i nang na lhag par gnas// zas rnams 'ju zhing lus drod bskyed// dngas snyigs 'byed byed rlung ljang gu// 'od dang bcas pa snying nang gnas// glo ba'i nang sod lus kun khyab// khyad par kha sna gnyis la gnas// zas rnams dwangs snyigs gnyis phyes nas// dwangs mas phung khams skyed par byed// snyigs ma dri chen dri chur phye// bshang ba'i lam nas phyir dor ro// snying rje med pa las rlung ni/ mthing ga'i 'od can snying nang gnas// rig pa dag dang gnyis med pa// de ni sreg pa'i rtsa la zhugs// dbyer med gcig tu gnas pa'o// bye brag 'khor lo rlung gnas ni// dang po lte ba skyed byed du// rlung gi dbyings ni 'od ma'i gzhu// chad zung 'od kyi gong bu ltar// rab tu rgyas te thig les brgyan// spyan gyi rnam pa srog 'dzin rlung // snying rje'i rlung ni chad zung 'og/ byi'u leb ma'i mig ltar gnas// de yi g.yas su me mnyam rlung // bye ba'i kha rlang lta bur gnas// g.yon du khyab byed lbu ba 'dra// gzhu rgyud dkyil na drangs snyigs rlung // lcags tshags spyan gyi rnam par gnas// srid pa lte ba'i rlung dbye'o// dran pa 'dus pa'i rlung lnga ni// tsit+ta rin chen zur brgyad tshul// dbus su srog 'dzin rlung zhes pa// thig le sran gong lta bur gnas// de yi 'og tu las kyi rlung // chan grub tshul du gnas pa'o// de rtser thig le sku yi

  86. 249a

    tshul// kun la khyab par gnas pa'o// de yi g.yas su drangs snyigs rlung // sku yis gang ba'i thig le gnas// de yi g.yon du khyab byed rlung // thig le yab yum tshul du gnas// mi mnyam rlung gi thig le dang // thig phran tshul du gnas pa'o// shar rlung dkar te 'gyu bar byed// lho rlung ser te rab tu thim// ye shes lnga ldan khra bo ste// byang rlung ldang la rab tu g.yo// nub rlung 'bar te rab tu dmar// dran pa tsit+ta'i gnas tshul lo// mgrin pa ro 'dus rlung lnga bshad// ce sbrang lce 'dra'i rlung gzugs te// thig le spyan mig dbu brtsegs pa// srog 'dzin pa yi rlung zhes so// de 'og las rlung nya mig ltar// phyogs bzhi mtshams bzhi thig les brgyan// sgra tshon brgyangs 'dra g.yo med gnas// g.yas su me dang mnyam pa'i rlung // thig le lnga brtsegs dar phyar 'dra// g.yon du dwangs snyigs 'byed pa'i rlung // thig le thig phran spungs pa 'dra// gong du kun tu khyab byed rlung // thig le dra ba ris su gnas// rtse mo rnam bkod rlung lnga ni// 'khor lo rtsibs lnga mu khyud lnga// lte bar srog 'dzin rlung zhes pa// thig le zhal gsum phyag drug gnas// las kyi rlung ni de yi 'og/ thig le zhal gsum phyag drug pa// me rlung nang du bzhugs par gnas// phyogs mtshams brgyad du thig le brgyad// re thag 'then 'drar gnas

  87. 249b

    pa'o// 'khor lo'i rtsibs ni g.yas dag la// thig le rma bya'i mdongs 'dra gnas// g.yon pa drangs snyigs 'byed pa'i rlung // thig le nya mig lta bur gnas// lhag par rtsibs ni g.yas g.yon la// kun tu khyab par byed pa'i rlung // thig le za 'og gur khyim gnas// lhag ma'i rlung rnams rtsibs mtshan la// smig rgyu lug rgyud tshul du gnas// sa rlung ser po lte bar gnas// dran par chu rlung dkar po gnas// ro 'dus me rlung dmar po gnas// rtse mor rlung gi rlung gnas so// de ltar skyed byed rtsa bzhi nas// 'gyu dang 'gul dang 'phrig pa dang // yang g.yo bskyod pa'i bdag nyid du// lnga zhing lus kyi rlung dang bcas// gsal tig mdangs dang bcas pa'o// zhes gsungs nas rang gsal skyon gyis ma bsgribs par gting gsal chen po ting 'dzin la lhan ner bzhugs so// theg pa kun gyi spyi phud klong chen rab 'byams kyi rgyud las/ g.yo ba rlung gi gnas lugs bstan pa'i le'u ste dgu pa'o// // rgya rgya rgyas// / \u0f7fs+ya s+yaH/ mang+ga/ rgyaraH/ sems dpa' rdo rjes yang gsol pa// kye bde stong bdag nyid kun tu bzang // rig stong dbyer med ye shes dpal// rlung gi gnas lugs gsungs na yang // thig le gnas lugs ma gsungs pas// bkod pa thig le'i gnas lugs de// ston pa rgyal pos bka' stsol

  88. 250a

    cig/ ces pa ston pas gsan cing dgongs// 'di skad 'khor la bka' stsal pa/ kye ho/ ye shes rang rtsal lus 'di nyid// rtsa yi dra ba thig les khyab// thig le yig 'bru sku ye shes// rtsa re'i nang na rlung re gnas// rlung yang ye shes thig le rnams// nyung 'bru tsam gyis thams cad khyab// pho la thig le dngos su 'bab// mo la snyoms 'jug khams rgyas dus// sna bug g.yas su 'bab pa'o// kun rdzob thig le de dag ni// 'byung ba lnga yi dwangs ma yin// yum chen sde lnga dngos yin te// mkha' 'gro rnams kyi srog yin no// de la ye shes thig le gnas// don dam kun rdzob thig le gnyis// dbyer med gcig gi rang bzhin no// klad pa rkang mar rus pa rnams// rtsa dang chu rgyus zhag tshil bu// pha yi thig le dkar pos bskyed// sha khrag chu ser spu lpags rnams// ma yi thig le dmar pos bskyed// de nas lus kyi rtsal rdzogs te// kha mig rna ba can du byon// bye brag thig le'i gnas lugs ni/ khyad par 'khor lo bzhi yi dbus// pha ma'i thig le nyung 'bru tsam// dngul chu rgya skyegs tshul du gnas/ kha dog lnga ldan ye shes gzugs// yig 'bru sku yi tshul du'o// ba spu'i bu ga tshun chad kyi// grangs can grangs med bsam 'das pa// pha ma gnyis kyi thig les khyab// thig le ye shes rig pa'i rtsal// 'byung ba lnga 'dus dwangs ma yin// 'das ma 'das

  89. 250b

    kyi srog yin no// sku dang thig le gnyis su med// rang lus kun la khyab par gnas// ngo sprod ma yengs 'di yid zhog/ phyi ltar 'byung ba lnga yin te// sa chu me rlung nam mkha' 'o// nang ltar yum chen lnga yin te// mA ma kI dang sangs rgyas spyan// gos dkar chos dbyings dam tshig sgrol// gsang ba ltar na mkha' 'gro lnga// rdo rje mkha' 'gro rin chen dang // pad+ma las dang chos dbyings so// yang gsang ltar na ye shes lnga// me long mnyam nyid sor rtog dang // bya grub chos dbyings ye shes so// phyi ltar 'khor lo lnga yin te// spyi bo mgrin pa snying ga dang // lte ba gsang gnas bde byed do// nang ltar thig le lnga yin te// gzhi gnas thig le kun rdzob rgyu// don dam spros med rang byung 'bras// mi 'gyur thig le rang gsal lo// gsang ba ltar na yi ge lnga// ma dang ha ri ni sa'o// yang gsang ltar na kha dog lnga// dkar dmar ser ldang mthing ga'i mdog/ sku lnga ltar yang lhun grub ste// mngon par byang chub chos longs sprul// ngo bo nyid kyi sku yin no// phyag rgya rnam pa lnga yin te// rdzogs pa chen po'i phyag rgya dang // chos nyid don gyi phyag rgya dang // dam tshig 'phro 'du'i phyag rgya dang // gnyis med las kyi phyag rgya dang // phrin las kun grub phyag rgya'o// phyi ltar phung po lnga yin te// gzugs phung rnam shes tshor ba dang // 'du shes 'du byed phung

  90. 251a

    po'o// nang ltar nyon mongs dug lnga ste// gti mug zhe sdang nga rgyal 'dod phrag dog/ nang ltar phrin las lnga yin te// zhi rgyas dbang drag thams cad dag/ de ltar yin pa'i yon tan gyis// rgyu yi thig le ma spangs sgrubs// bde dang gsal dang mi rtog dang // rtsol bral kun khyab 'di yi khyad// thig le rang byung rang gnas pa// sangs rgyas mkha' 'gro'i ngo bo yin// rang gsal rdo rje mkha' 'gro ste// rang grol rin chen mkha' 'gro yin// gsal 'tsher pad+ma mkha' 'gro ste// zlum po las kyi mkha' 'gro'o// rgyu yi thig le spang gyur na// gsang sngags dam tshig kun nyams nas// bskal pa 'bum khrir na rag spyod// de phyir thig le ma nyams bsrung // thig le sgrub pa'i rdzas la gnag/ sgyu ma'i thig le nyams gyur na// mkha' 'gro 'bum sdes ngu skad 'don// mi mthun rkyen dang bar chad 'byung // thig le ma nyams bsrung gyur na// 'das dang ma 'das thams cad kun// dbang du 'du bar the tshom med// 'khor 'das kun gyi srog yin te// de phyir thig le ma nyams par// mtshan ldan ma la bde ba bskul// rtsa btsal byin gyis brlab pa dang // sbyor dang phab bzlog 'dren 'grems dang // bcu drug phyed phyed thig le sbyang // phung po khams dang skye mched kun// rgyal ba'i dkyil 'khor chen por bsgom// dbang po 'dod yon thams

  91. 251b

    cad kun// phyi ru mi 'bul nang du 'bul// sbrul sku chags pa'i yul dang bral// 'dzin pa med par spyod pa'o// de ltar mi shes blun po rnams// yid dam phyi nas sgom pa dang // ye shes phyi ru 'tshol ba dang // thig le spong dang shes rab bral// tshogs mchod 'dod yon phyi ru 'bul// blta bsgom spyod gsum phyi nas 'tshol// sangs rgyas gzhan nas re ba rnams// bskal pa zhing gi rdul snyed kyang // bye ba dgu khri'i srid mthar yang // bsod nams bsags kyang ga la grol// ci phyir ye shes rang gsal 'di// rang la rang chas yod pa'i phyir// zhi khro rigs brgya rang las grub// mkha' 'gro sde lnga rang las grub// dpa' bopo sde lnga rang las grub// rig pa'i rtsal shugs ma 'gags pas// thabs kyi rang bzhin pho ru snang // shes rab rang bzhin mo ru snang // thabs dang shes rab gnyis med pas// snang stong gnyis med chos kyi skra// zung 'jug spros dang bral gyur te// rtsa rlung thig le bde chen sgra// zhi khro rigs brgya mkha' 'gro grub// phyag rgya chen po'i sa la gnas// lta ba chos nyid skye med la// skye ba'i cho 'phrul cir yang shar// gang ltar brtag pa de ltar snang // sgom pa rang gsal 'dzin med la// ma bcos bzhag na bde ba che// spyod pa rang snang nges med la// ma 'gags thabs kyi rol pa shar// gang ltar byas pa de ltar grol// lta spyod

  92. 252a

    zung 'brel bde stong la// sa lam gcig chod stan gcig ste// yon tan thams cad de la tshang // snang srid thams cad chos sku'i zhing // sde ltar byas kyang bde ba che// ma bcos kun grol mnyam pa nyid// rang lus rgyal ba'i da la ru// sku dang ye shes thig le rlung // sku gsum rang la rang chas gnas// de phyir rang la rang longs spyod// mkha' 'gro'i srog chags dam pa rnams// rang la ye nas mi gnas na// bsgrubs kyang 'grub par ga la 'gyur// rang la gnas pa rang gsal gdab// de phyir rtsa rlung bde stong spyad// lhag med sangs rgyas thun mong 'grub// ces gsungs nas ka dag bya bral chen po'i ngangal ldan ner bzhugs so// theg pa kun gyi spyi phud klong chen rab 'byams kyi rgyud las// thig le'i gnas lugs bstan pa'i le'u ste bcu pa'o// // / mA thug nam kyu rnam/ rgya mas rgyas thams na tu mdzashaHrga rgya rgyaHsems dpa' rdo rjes yang gsol pa// kye ye shes gsum ldan kun tu bzang // thugs rjes kun khyab rol pa'i rje// thig le'i gnas lugs gsungs na yang // rig pa ye shes gnas lugs sam// sku mdog lha grangs sde lta bu// bzhugs tshul mtshan nyid sde lta bu// ston pas rig mdangs 'khor la gsungs// zhes pa ston pas gsan dgongs te// nyon cig sems dpa' rdo rje rtsal// dag pa ye shes

  93. 252b

    gnas lugs ni// gong du rgyas par bshad na yang // bzhugs tshul zhal phyag bshad kyis nyon// chos sku ye shes chen po de// tsit+ta rin chen zur brgyad du// sa bon yi ge'i tshul mdangs can// rtsa rnams drangs ma kun 'dus pa// rgya mtsho gser gyi nyi ma can// ye shes tshul du chos skur bzhugs// mtshan ma'i lus sam zhal phyag med// rang gi snying gi dkyil dag na// seng chen snol ba'i khri steng na// rig pa kun tu bzang po mthing // yid byed kun tu bzang mo 'di// dkar gsal tshul du ye nas bzhugs// de mdangs snang mdzad yab yum dkar// 'khor lo bsnams shing seng steng 'gying // shar du rdo rje mi bskyod mthing // sangs rgyas spyan dang gnyis su med// sa snying byams pa me tri la// lA s+ya ma dang mA les bskor// shar phyogs tshom du drug tu bzhugs// rin 'byung yab yum rta mchog gdan// nam snying kun tu bzang po dang // girti ni rti gnyis bzhis bskor// rang gi snying gi lho na bzhugs// snang mtha' yab yum pad gdan dmar// spyan ras gzigs dang 'jam dpal dang // puSh+pe d+hU pe bzhis bskor nas// tshom bu'i sku drug nub tu bzhugs// don grub yab yum ljang gu la// phyag rdor sgrib pa rnam par sel// A lo ke dang gan+d+he ma// tshom bu'i sku drug byang du bzhugs// shar sgor rnam rgyal lcags kyu gnyis// lho sgor gshin rje

  94. 253a

    zhags pa ma// nub sgor rta mgrin lcags sgrog ma// byang sgor bdud rtsi dril bu gnyis// spyi bor brgya byin sku mdog dkar// lhag par lha min zags bzang ldang // srog rtsar shAka thub ser po dang // gsang bar byol song thub pa mthing // lte bar kha 'bar dmar po dang // rkang mthil a ba nag po bzhugs// de ltar bzhi bcu rtsa gnyis rnams// chos sku ye shes zang thal le// ngo bo rang bzhin thugs rjer ldan// stong pa ye shes snying po can// gsal ba 'od kyi snying po can// rang byung rig pa'i snying po can// sgrib g.yogs med pa zang thal le// phyogs mtshams med par khyab gdal le// gsal 'grib med par dngas sang nge// ngo lkog med par rjen cer re// stong gsal khyab pa chen por bzhugs// de yang lnga ldan chen po ste// stong pa ye shes snying po can// yang dag sa ru de sangs rgyas// thig le nyag gcig sku ru bzhugs// thog ma'i sangs rgyas 'od mi 'gyur// 'od zer snying po'i sku ru bzhugs// rang byung rig pa'i snying po can// rig stong lhan grub chen por bzhugs// 'gag 'grib med de zang thal le// ye shes chen po'i rang bzhin du// rang bzhin lhun grub sku ru bzhugs// chos sku rnam dag chos dbyings su// gzugs sku'i zhing khams yongs su rgyas// ma 'dres yongs su rdzogs pa ste// rgya mtshor gza' skar shar ba

  95. 253b

    'dra// sos ka'i smig sgyu thang bkram 'dra// sku dang ye shes 'od dang gsum// 'du 'bral med par bum pa'i sku// thog ma'i ka dag ye shes lnga// dbyer med sku la gsal yul lnga// rlung lngas bskyod pas 'byung ba lnga// 'byung ba de yi dwangs ma lnga// de la phung po drangs snyigs lnga// ye shes mkha' 'gro shes rab lnga// de yang gzhi gnas ye shes lnga// phyi nang gsang ba gsum du bshad// de yang gzhi lam 'bras gsum ste// gzhi gnas ye shes lnga nyid ni// gzhi yi rig pa gcer bu 'di// 'khor 'das ma grub dri med khyab// skyon gyis ma gos dkar mdangs ldan// de ni ma phye kun la snyoms// mnyam pa nyid kyi ye shes yin// de la yon tan rdzogs pa'i dbugs// 'od zer ser po'i tshul du gnas// blo yi bye brag so sor shar// de ni sor rtog ye shes yin// rang rtsal drod ldan dmar por ldan// gang shar bya btsal med par grub// bya ba grub pa'i ye shes so// 'gag pa med pa'i stong ldan ni// 'od zer ljang gu'i tshul du gnas// thams cad chos kyi dbyings su 'dus// kun kyang chos nyid stong pa yin// rang rtsal nyid las ma 'das te// de ni chos dbyings ye shes yin// mi 'byung mthing gar rang gsal lo// lam dang sbyar na 'di ltar ro// rig pa'i ye shes zang thal 'di// dri med me long g.ya' dag ltar// gsal la sgrib med sang nge ba// yengs pa

  96. 254a

    med par sgom pa ni// me long ye shes 'jug pa'i lam// che chung 'pho 'gyur mtho dman med// brjod bya'i tshig rnams kun dang bral// bla ma nyid kyis ngo sprad nas// rig pa tshad phebs srang la tshud// phyogs lhung med par bsgom pa ni// mnyam nyid ye shes 'jug pa'i lam// ngo bo mnyam nyid de nyid la// gsal ba ma 'gags so sor snang // gang shar 'dzin med bsgom pa ni// sor rtog ye shes 'jug/ pa'i lam// da ltar 'char tshul ngo shes pa// dka' thub tshad med mi dgos te// thams cad lhun gyis grub pa ste// bya grub ye shes 'jug pa'i lam// bsgom bya sgom byed nyid dang bral// thams cad rang grol lhun grub rtsal// ma bsgoms 'khor 'das rang srog chod// chos dbyings ye shes 'jug lam mo// de ni lam dang sbyar ba'o// 'bras bu ltar du bshad pa na// de ltar 'byung lnga'i dwangs ma de// ye shes rig pa zhes kyang bya// phyi ltar 'byung lnga nang phung po// gsang ba dwangs ma lnga ru snang // yang gsang ltar na yi ge lnga// bla med ltar na mkha' 'gro lnga// du ma sna tshogs phye gyur kyang // rig pa'i ye shes nyid la rdzogs// thams cad ye shes rang yin pas// rang byung ye shes rig pa'o// khams gsum sems can thams cad la// snying po ye shes gsum phye na// rig pa rtog med chos kyi sku// rig pa 'gag med longs sku

  97. 254b

    ste// cir snang sprul pa'i sku yang yin// 'khor 'das chos rnams thams cad kun// lus sems gnyis la tshang ba'o// sku gsum ye shes gsum dang ldan/ khyad par rin chen zur brgyad kyi// sku dang ye shes 'od dang gsum// sku ni mi 'gyur mi g.yo ba// zhi ba'i sku ni nyung 'bru tsam// mtshan dpe'i tshad ni phul thag tsam// sna tshogs gcer grol nyid du ste// thabs shes gnyis med yab yum tshul// yab kyi cha 'dzin sems dpa' brgyad// yum gyi cha 'dzin sems ma brgyad// sgo ba yab yum thub pa drug/ kun bzang rigs lnga yab yum bcu// bzhi bcu zhe gnyis bum sku'i tshul// lnga ldan tshom bu'i dkyil 'khor rdzogs// de rtsal klad pa dung khang dang / khrag 'thung lnga bcu rtsa brgyad bzhugs// b+hud+d+ha he ru smug nag pa// dbu gsum phyag drug yum dang 'khril// rang gi klad pa'i dkyil na bzhugs// badz+ra he ru mthing nag pa// dbu gsum phyag drug yum dang 'khril// rang gi klad pa'i shar na bzhugs// rat+na he ru ser nag pa// dbu gsum phyag drug yum dang 'khril// rang gi klad pa'i lho na bzhugs// nub na pad+ma he ru ka/ dmar nag zhal gsum phyag drug pa// yum dang gnyis med 'khril nas bzhugs// byang na karma he ru ldang // zhal gsum phyag drug yum dang 'khril// kun kyang phyag mtshan sna tshogs 'dzin// gsal 'tsher gcer grol nyid du bzhugs// shar na

  98. 255a

    ko rI dkar mo ste// lho na tso rI ser mo dang // nub na phra mo dmar mo dang // byang na be ta nag mo dang // shar lho puk+ka dmar ser dang // lho nub g+has ma ldang nag dang // nub byang tsan+d+ra ser skya dang // byang shar sma sha mthing nag pa/ khrag 'thung yab yum bcu la bskor// klad nang mngon sum nyid du bzhugs// de yi phyi rol 'khor rtsibs la// shar na sid+ha smug nag dang // lho na byA g+h+ri stag mgo dmar// nub na sr-i la wa mgo nag/ byang na shwa na sbrang mgo mthing // shar lhor gr-i D+ha rgod mgo dang // lho nub kang ka dmar nag pa// nub byang kha khra bya mgo nag/ byang shar hu lu 'ug mgo mthing // yul gyi phra men brgyad po des/ khrag 'thung rnams la bskor nas bzhugs// shar sgor rta mgo lcags kyu dkar// lho sgor phag mgo zhags pa ser// nub na seng mgo lcags sgrog dmar// byang sgor sbrul mgo dril bu ldang // de ltar klad pa'i dkyil na gnas// drag po'i lha tshogs sum cu bzhugs// phyi rol dbang phyug nyer brgyad ni// byang shar nas bzung 'di bzhin no// srin mo smug nag g.yag mgo dang // tshangs pa sbrul mgo ser mo dang // lha chen dkar ljang gzig mgo dang // rtog 'dod sre mgo sngon mo dang // dga' ba ser mo pha wang mgo/ gzhon nu dred mgo dmar mo dang // brgya byin dom mgo dkar mo dang // zhi ba dmar

  99. 255b

    mo chu srin mgo/ bdud rtsi dmar mo sdig pa'i mgo/ zla ba dmar mo khra yi mgo/ be con wa mgo ljang nag dang // srin mo stag mgo dmar mo dang // za ba ljang nag bya rgod mgo/ dga' ba dmar mo rta yi mgo/ stobs chen dmar mo khyung gi mgo/ srin mo khyi mgo ser mo dang // 'dod pa dmar mo pu shud mgo/ nor srung ljang gu sha ba'i mgo/ rlung lha sngon mo sbrang mgo dang // mi mo dmar mo sbyin gyi mgo/ phag mo nag mo phag gi mgo/ rdo rje dmar mo khwa yi mgo/ sna chen ljang nag glang chen mgo/ chu lha sngon mo sbrul gyi mgo/ sgo ma bzhi ni 'di lta ste// rdo rje dkar mo khu byug shar// rdo rje ser mo ra mgo lho// rdo rje dmar mo seng mgo nub// rdo rje ljang nag sbrul mgo byang // dbang phyug nyi shu rtsa brgyad de// he ru drag po'i lha tshogs las// rang byung sku yi rtsal du shar// sku ni nyung 'bru tsam pa la// mkhyen dpyod ma 'gags thugs rje'i spyan// phul thag tsam gzigs phyi nang med// zang thal gcer grol chen por bzhugs// rgyu rkyen las 'das ye shes ni// dwangs ma lnga yi rang bzhin te// ye shes ngo bor zang thal le// rtog med ye shes khyab che'o// 'od kyi mtshan nyid dngos po bral// 'byung lnga'i dngas ma kha dog lnga// ma 'dres rang gsal nyid du ste// sku la ye shes 'od du byung // rig pa'i sku ni bum sku 'dra// ye shes bum nang mar me 'dra// 'od

  100. 256a

    zer mar me'i 'od dang 'dra// gnas tshul 'od kyi gong bur bzhugs// sku dang ye shes 'od dang gsum// gsum brtsegs tshul du bzhugs pa'o// rang rig ye shes ngo sprad na// sna tshogs snang ba rnam snang ste// rig sku mi 'gyur mi bskyod pa// dgos 'dod 'byung bas rin chen 'byung // thugs rjes kun snang snang mtha' yas// shes bya rang grub don yod grub// rig pa gsal stong de bzhin bya// mi 'gyur/ ston pa rdo rje'i rigs// yon tan kun tshang rin chen rigs// 'khor skyon ma gos pad+ma'i rigs// rang rtsal shugs ldan las kyi rigs// spros pa'i mtha' 'bral dbyings ye shes// snang ba kun gsal me long ste// ma 'dres kun mnyam mnyam pa nyid// snang stong thabs shes so sor shar// sor rtog ye shes rang ngo shes// chos rnams 'bad med rtsol ba bral// bya ba grub pa'i ye shes so// rang rig 'od lngar lhun grub bopo// yul lnga dag dang sbyar ba na// snang bzhi ma grub gsal ma 'gags// ye shes snang stong gzugs kyi yul// sgra rnams ma 'gags rna bas thos// thos pa'i mtshan nyid grag stong dang // sgra grag rang stong rna ba'i yul// sna yi yul du dri sna tshogs// gang ltar snang ba rang bzhin stong // drir 'dzin stong pa sna yi yul// lce yi yul du ro sna tshogs// gang ltar bro yang bzung yul stong // ro snang stong pa lce yi yul// lus la reg

  101. 256b

    bya gang snang yang // 'dzin byed shes pa rang bzhin stong // sems la bde sdug gang shar yang // rang shar rang grol nyid du ste// shar grol dus mnyam yid kyi yul// bde sdug thams cad dran stong yul// thams cad phyi nang gcer grol yul// 'byung ba lnga dang sbyar ba na// cir yang ma grub nam mkha' 'dra// gsal ba sems kyi sna tshogs g.yo// rang rtsal rdzogs pa'i rlung dang 'dra// ye shes 'char bas me dang 'dra// yon tan skye bas chu dang 'dra// ngo bo brtan pas sa dang 'dra// rang rig ye shes zang thal 'di// rlung lnga dag dang sbyar ba na// drod dang ye shes gnyis med pa// me dang mnyam pa'i rlung yang yin// 'khor 'das srog 'dzin rig pa 'di// srog 'dzin sa yi rlung zhes bya// 'byung ba'i dwangs snyigs rig pas 'byed// drangs snyigs 'byed pa'i rlung yang yin// 'khor 'das kun la rig pas khyab// kun la khyab pa'i rlung yang yin// rig pas 'khor ba'i srog bcad nas// myang 'das sa ru skyel bas na// snying rje med pa'i las rlung ngo // dngas ma lnga dang sbyar ba na// stong gsal dang gnas nam mkha'i drangs// rig rtsal 'gru ba rlung gi dwadrangs// rang bzhin bag dro me yi dwangs// nyon mongs dri dag chu yi drangs// rig mdangs kha dog lnga dang ldan// 'byung ba sa yi dwangs ma yin// gsang ba thig le'i yig 'bru rnams// mkha' 'gro yab yum ngo

  102. 257a

    sprad na// klad pa dung khang gzhal yas khang // rtse mo rnam par bkod pa na// rtsa 'dab sum brgya drug cu yi// lte ba rtsa mdud dbus dag na// 'byung ba chu yi drangs ma mchog/ pha ma'i rgyu grub thig le dkar// ye shes rang 'od lnga dang ldan// yi ge ha dang ra ru gnas// de yang lhun grub bum pa'i sku// dkar mo zhal gcig phyag gnyis pa// g.yas pa rdo rje g.yon thod khrag/ rdo rje dpa' bo ra yi tshul// dkar gsal 'khril sbyor ldan par gnas// rtsa 'dab sum brgya drug cu la// thig le yig 'bru ha ra las// rdo rje DA ki yab yum ni// phyag mtshan kha dog gtso mo 'dra// sum brgya drug cu 'od skur gnas// mgrin pa ro dus 'khor lo na// rtsa 'dab bcu drug rtsa bdun na// 'byung ba sa yi dngas ma mchog/ pha ma'i khu khrag las grub pa// thig le yi ge ri dang tsa// ye shes kha dog lnga ldan de// rang bzhin rat+na DA ki dngos// yab yum phyag g.yas rin chen la// g.yon pa zod pa zhabs brkyang bskum// ser gsal rin chen gdan la bzhugs// rtsa 'dab bcu drug ri dang tsa// gtso bo yab yum 'dra bar gnas// snying ga dran pa rnam bkod na// rtsa 'dab sum cu rtsa gnyis te// lte ba'i rin chen zur brgyad na// pha ma'i thig le ye shes mdog/ mthing ga ye shes rang 'od lnga// ma dang hUM gi tshul du gnas// rang bzhin bum sku zhal phyag tshul// kun

  103. 257b

    bzang yab yum 'khril sbyor bzhugs// rus rgyan zhabs gnyis brkyang bskum ste// rtsa 'dab sum cu so gnyis la// ma hUM thig le yig 'brus brgyan// gtso mo 'dra bas gang bar gnas// lte ba skyed byed drug cu bzhi// rtsa mdud dbus kyi lte ba la// 'byung gzhi'i dwangs ma pha ma'i rgyu/ kha dog lnga ldan thig le dmar// yi ge hri ni 'od kyi sku// pad+ma DA ki 'khril sbyor can// brkyang bskum pad+ma'i gdan la bzhugs// rtsa mdud drug cu rtsa bzhi la// thig le hri ni 'od kyi sku// gtso mo 'dra bas gang bar gnas// gsang gnas bde ba myong byed na// rtsa 'dab nyi shu rtsa brgyad kyi// lte ba'i rtsa mdud dbus nyid na// pha ma'i khu khrag thig le ldang // ye shes rang mdangs lnga ldan pa// sa yi yi ge 'od kyi sku// las kyi DA ki yab yum ldang // ral gri thod pa g.yas g.yon bsnams// rgya gram gdan la 'khril sbyor bzhugs// rtsa 'dab nyer brgyad thig le ni// sa yi rnam pa gtso mo 'dra// thams cad gang bar gnas pa'o// bzhi brgya bdun cu rtsa gnyis la// DA ki zhal sbyor bsam mi khyab// grangs las 'das pa'i rtsa nang na// thig le yi ge brgyad tshul la// DA ki yab yum brjod med gnas// kun gyi ngo sprod zhib rgyas rnams// ston pa rdo rje'i thugs la gnas// sems dpa' rtsal gyis ma 'ongs ston// ces gsungs nas/ rdzogs rim thig le nyag gcig klong du lhan ner

  104. 258a

    bzhugs so// theg pa kun gyi yang rtse klong chen rab 'byams kyi rgyud las/ sku dang ye shes zhal phyag rdzogs par rang lus dkyil 'khor ye rdzogs su bzhugs tshul ngo sprod bstan pa'i le'u ste bcu gcig pa'o// // sa ma ya/ rgya rgya rgya/ A Ta krag/ na zab kyi na// dza'amaHrgya rgya rgya/ rbaTaH rgyaHsems dpa' rdo rjes yang gsol pa// kye lhun grub ma bcos kun tu bzang // ye grol 'gag med thugs rje'i bdag/ dag pa ye shes bzhugs tshul rnams// legs par ston pas gsungs na yang // ma dag nyon mongs gnas tshul rnams// 'dus pa'i 'khor lo bka' stsol cig/ de skad bskul ba ston pas gsan// kye ho sems dpa'i rdo rje nyon// ma dag nyon mongs zhes pa 'di// rlung chen glo ba'i grong khyer na// ma rig pa dang sems dang yid// rnam pa gsum du gnas pa ste// ma rig pa zhes 'thom pa des// rang rig gshis la sgrib par byed// sems kyis ye shes nyid la sgrib// yid kyis rig snang ngo la sgrib// de las nyon mongs bag chags dang // kun gzhi nyid dang 'dzin rtog byung // gzung 'dzin lam sgo lnga ru byung // nyon mongs sdug bsngal lnga la spyod// gcig la mthong snang brjod 'das byung // gnas lugs rang rtogs ma shes pas// gti mug mun pa lta bur 'thibs// ma grub cha la med bzhin du// sems can rang chas zhe sdang

  105. 258b

    byung // rang gzhan sgrib med nga rgyal te// brag ri lta bur shin tu mtho// bde ba'i don sgrib 'dod chags rgyas// rang kha me lce bzhin du 'bar// gzhan la phrag dog 'gran sems skyes// de la brten nas nyon mongs ni// brgyad khri dang ni bzhi stong byung // bag chags 'thug po'i sbubs su 'thums// sngar zhen bag chags rmi lam 'dra// phyis 'byung bag chags rgyu 'bras 'dra// da lta'i bag chags gar sbyin 'dra// las rnams thams cad mtshams sbyor zhing // 'go ba bla ste 'gog par dka'// phung khams 'di la brten byas nas// nyon mongs du ma'i rten gnas byed// sgo lnga'i lam dod snang yul bzung // khams gsum 'khor bar 'khor zhing 'khyams// gzung 'dzin zag pas dam du bsdams// the tshom dbang gis rgyu 'bras log/ gangs dkar nag por mthong dang mtshungs// zhes gsungs nas/ 'khru la yul gnyis med rig stong chen por ldan ner bzhugs so// theg pa kun gyi spyi phud klong chen rab 'byams kyi rgyud las/ ma dag nyon mongs kyi gnas tshul bshad pa'i le'u ste bcu gnyis pa'o// // sa ma ya/ rgya rgya rgya/ sems dpa' rdo rjes gsol pa/ kye/ kun khyab dgongs gsal kun tu bzang // rang shar 'dzin grol lhun grub la// gnas lugs de ltar yin pa na// ye shes gting gsal chen po de// lam mchog gang la zhugs pa

  106. 259a

    yin// rig mdangs 'khor la bka' stsol cig/ ston pas gsan nas lan gsungs pa// a ho sems dpa' rdo rje rtsal// snying nang gnas pa'i ye shes de// spyi lam rtsa bzhi yin pa ste/ khyad par ka ti shel bug can// rtsa ni dar dkar skud dang 'dra/ khrag dang chu ser de la med// snying gi rtse nas mar zug nas// sga 'dab g.yas nas yar gyes te// rtse'u chung g.yas g.yon gnyis nas yar// sna 'dab g.yas gnyis nas klad par zug/ klad rgya'i nang nas mig la 'brel// rtsa sna rgyal mo gnyis la zug/ rgyal mo rgyang zhags chu sgron no// dar dkar skud pa lta bu ste// snying nang ye shes lam zhugs 'char// ye shes de yi rang 'od ni// tsak+Shu zhes pa'i sgo la thon// gnyis kyi cha 'dzin snang ba ston// kun la yod pa'i ye shes de// me long dkyil 'khor drangs pa la// gang bstan rkyen de 'ong ba bzhin// rnam dag stong pa'i nam mkha' la// don gyi snying po tshom bu lnga// ma bskyed ye rdzogs gnad kyang snod kyis gsal// snang bar nus pa 'gyu byed rlung // ro rkyang gnyis po rlung gi lam// kun 'dar ma ni byang chub lam// shel bug can gyi sgron ma'i lam// 'od dang zer du rab snang ste// dper na nya yi mig gis ni// gser gyi brag rgyud cha phra ba// bzo bo mkhas pas legs brgyus ltar// mu tig 'phreng ltar yul la thon// de ni dag pa'i ye shes

  107. 259b

    lam// bdag gis yang dag bstan pa'o// ma dag 'khor ba'i rtsa lam ni// srog gis bsdus pa'i sems can la// nyon mongs ma rig shas che ste// brten ni gzugs phung lus la brten// glo snying gnyis kyi bar shed na// srog rtsa dmar po bya ba ni// sog spug tsam pa gcig gi nang // rig pa ma yin gzhi yis khyab// sems zhes bya ba chags sdang can// yid ces bya ba rtog pa can// gsum du 'dus pa'i ma rig pa// dug lnga dug gsum bcas pa rgyu// rtsa de sgal tshigs g.yon pa nas// rtse'u chung g.yas g.yon dag nas rgyu// dbugs zhes rlung gi rta la zhon// sgo ni kha dang sna ru rgyu// de las nyes pa sna tshogs 'char// nyon mongs 'khor ba'i rmang rdo byed// rtags ni mtshan mo glo sbrid dus// 'od zer dmar po 'phro ba 'dra// ma dag lam gyi 'jug sgor bshad// ces gsungs nas/ rang shar rang grol gyi ngang du bcos med lhag par ldan ner bzhugs pa// sa ma la/ n+ya r+m+mAH/ theg pa kun gyi b+h+rUM zang klong chen rab 'thams kyi hud las/ lam gang la rtsu ba bstan pa'i le'u ste bcu gsum pa'o// sa ma mkhas na rdza ma tha tha ma g+ha N+ya rgya sems dpa' rdo rjes yang gsol pa// kye dang po sangs rgyas kun tu bzang // yin lugs 'gag med thugs rje can// lam gyi rgyu tshul gsungs na yang // ye shes 'char ba'i sgo gang lags// ston pa nyid

  108. 260a

    kyis bka' stsol cig/ ces pa ston pas gsan dgongs te// a ho sems dpa' rdo rje nyon// ye shes 'char ba'i sgo nyid ni// lus bcud dngas ma kun 'dus pa'i// tsak+Shu zhes pa'i sgo la gsal// 'khor dang myang 'das snang ba ston// dar skud pa man rA 'dra kha/ rtsa ba 'phra la kha phye ba// a 'bras dkyil du zug pa des// nam mkha' drangs pa'i dbyings su blta// ye shes snang ba lhug par 'char// thig le stong pa'i sgron ma dang // dag pa dbyings kyi sgron ma dang // shes rab rang byung sgron nyid dang // rgyang zhags chu yi sgron ma rnams// 'dis ni mngon sum mthong ba ste// da lta gtan la dbab tu rung // yid dpyod mun yugs tshig dang bral// mig gnyis rgyang zhags chu sgron yin// gzugs sogs ngo bo nyid du sdud// don rnams snang ste rig par byed// shes rab rang byung sgron ma nyid// theg pa kun gyi the tshom gcod// rang snang 'dzin de chos rnams sdud// bag chags 'brel rgyun 'di yis gcod// dbyings kyi dngas ma 'di yis sdud// chos nyid mngon sum snang ba mthong // thig le stong pa'i sgron ma nyid// 'khor 'das bsre ba'i mtshams sbyor byed// tsak+Shu la brten 'ja' 'od 'char// rlung gis bklags mdangs gzi mdangs bskyed// bsgyur cing ye shes snang ba ston// 'dis ni las kun byed pa'o// dag pa dbyings kyi

  109. 260b

    sgron ma yis// rnal 'byor nyams kyi sa bon 'debs// 'od snang zhing khams nyid du 'char// sgron ma'i mtshan rtags med bshad kyang // mngon sum mthong ba 'di nyid do// snang ba kun gyi 'char byed sgo// rkyen gyis ma bsgribs rgyal mo che// mig gi dkyil 'khor sgo dag nas// nyi ma'am ni shel mdangs ltar// rang 'od rang chas nyid du 'char// chos kyi mtshan nyid ye shes lnga/ kha dog ma 'dres mtshan nyid ldan// sku dang ye shes snang ba ni// rang bzhin snang ba ma 'gags shar// rig pa'i rang sku lha khang 'dra// sgron ma bzhi ni mthongs kha 'dra// rang rig ye shes mar me 'dra// sgron ma bzhi ni 'od zer 'dra// bzhi yang gnyis 'dus gnyis kyang dbyings// rgyang zhags sgo phye gzugs rnams 'dzin// shes rab rtsal gyis don kun khrims// thig les dbyings dang gnyis med 'dres// 'od snang goms pas rim gyis 'char// tsak+Shu ye shes 'char ba'i sgo// 'di las gzhan zhig yod ma yin// ces gsungs nas/ gsal la ma 'gags rkyen gyis ma bsgribs gting gsal du lhan ner bzhugs so// theg pa kun gyi spyi phrad klong chen rab 'byams kyi rgyud las// ye shes 'char ba'i sgo bstan pa'i le'u ste bcu bzhi pa'o// // sa ma ya/ rgya rgya rgya/ maT/ rgyaHsems dpa' rdo rjes yang zhus pa/ kye/ bya btsal bral ba'i kun tu bzang // brdal ba chen

  110. 261a

    po dbyings rig dpal// sgo la shar ba'i ye shes de// yul ni gang du snang ba lags// de skad ston pas gsan dgongs nas// 'dzum pa'i mdangs phyung lan 'di gsungs// a ho sems dpa' rdo rje rtsal// yul ni ye shes sgron ma de// stong nyid dbyings kyi nam mkha' la// rig mdangs 'od phung nam mkha'i khams// kun khyab bag chags dbugs la brten// ye shes rig pa dbyings la sbyor// bdag rkyen gzhan rkyen 'byung ba'i rkyen// gsum bral dus gsum lhug par 'char/ khyad par nam mkha' gsal drangs la// dbyar ma ston dang dgun chung dpyid// rlung dang bsir bu khu rlangs med// 'dzin pa med pa'i bar snang la// ye shes lnga yi rang mdangs 'char// zhe 'dod med pa'i sgron ma ni// dag pa dbyings kyi sgron ma la// thig le stong pa'i sgron ma shar// gnyis med gcig gi rang mdangs las// thig le sku dang ye shes nyid// 'khrul snang dag pa'i zhing khams ni// ngo bo rang bzhin gnyis med pa// stong gsal 'gag pa med pa ru// rdzogs ldan chos sku'i snang ba mthong // sgrib byed bral ba'i mkhar bltas pas// dbyings kyi nang du lu gu rgyud// rnam par bzhugs shing mi 'dral 'char// lnga ldan 'od kyi mu khyud mdzes// yul bral sgyu ma gzugs kyi sku// rig stong gsal ba chos longs sprul// 'pho 'gyur

  111. 261b

    med par lhang nger 'char// rang rig rang gsal ngo mtshar che// 'di ltar su yis mthong ba'i mi// thog ma'i kun tu bzang po dang // skal pa dag ni mnyam pa'o// lta ba rang byung ye shes ltos// bya btsal bral ba ngo mtshar che// lta ba'i mtshon ma rang sar grol// sgom pa dbyings rig rang ngo bzung // rdo rje lug rgyud ngo mtshar che// snang ba gsal la ngos gzung med// spyod pa sgron ma gnyis ldan spyod// spang blang bral ba ngo mtshar che// gcer bu zad thal dgag sgrub bral// 'bras bu sku gsum rang ngor rdzogs// yid dpyod ka dag ngo mtshar che// chos zad dang po'i sangs rgyas so// phyi dbyings nam mkha' stong pa la// nang dbyings rig pa ye shes shar// gnyis med snang ba'i gzhi ma[:]ste// sgron ma bzhi ni[:]lam du[:]'dod// snying po'am ni[:]'bras bu[:]ste// dngos med mthing gi[:]mthong la ltos// dbyings rig 'du 'bral med pa yi// rig pa rdo rje lu gu rgyud// tsak+Shu rgyal mo'i sgo la zon// rig stong mngon sum bden pa de// rkyen bral klong du lhun grub 'char// 'khor 'das sus kyang byas med pa'i// gsal dag 'gyur med rang dbyings la// phyi nang med pa ngo mtshar che// gsal stong rgya cher ngos gzung med// skye 'gag med pa'i so ma nyid// rig pa dbyings la lhug par gad la// gcer mthong rang gsal ngo mtshar

  112. 262a

    che// ye stong kun gyi 'byung gnas la// rig pa ka dag 'od zer 'bar// kun la yod pa'i 'od po che// dkyil 'khor sUr+ya drangs pa la// rang mdangs 'od zer shar ba ltar// rnam dag stong pa'i nam mkha' la// don gyi snying po ma 'dres pa// goms pa'i stobs kyis rim gyis ni// tshom bu lnga yi dkyil 'khor nyid// ma skyes rdzogs pa'i tshul du gsal// 'od phung nam mkha'i mtha' dang mtshungs// bag chags gzugs la rab brten nas// thig le stong pa'i ye shes ni// dag pa dbyings kyi ngang la sbyor// rang snang ye shes 'od po che// sgron ma stong pa kun gyi gzhi// yul snang thams cad rnam par dag/ 'di ni yid dpyod ma yin par// mngon sum rang thog phebs pa'o// ci phyir mngon sum zhes pa de// sgo dang yul dang rig pa gsum// 'du 'bral med par snang ba'o// chos nyid mngon sum snang ba 'di// mthong ba tsam gyis shes pa dang // shes pa tsam gyis rtogs pa dang // rtogs pa tsam gyis grol bar 'gyur// grol ba tsam gyis phyir mi zlog/ ces gsungs nas/ sus kyang ma byas mngon sum gyi snang ba rang grol du lhan ner bzhugs so// theg pa kun gyi spyi phud klong chen rab 'byams kyi rgyud las/ yul 'char sgo bstan pa'i le'u ste bco lnga pa'o// / sa ma ya/ rgya rgya rgya// dam+ba ma rnying zarda rgan dzan tha Ta b+da Na Tam Ta TaneHbsda de nas sems dpa'

  113. 262b

    rdo rje yis// ston pa nyid la yang zhus pa// kye ho/ kun byed rgyal po kun tu bzang // ma nor don ston chos kyi dbyings// 'di ltar 'khor 'das chos rnams la// theg pa'i dbye ba du tsam yod// ston pas 'khor la bshad du gsol// ces pa ston pas gsan nas ni// 'dus pa'i 'khor la bka' stsal pa// kye ho rdo rje sems dpa' rtsal// sa lam tshig chod kun bzang ngas// ye shes rnam gsum bstan pa dang // gdul bya ma dag drang ba'i phyir// ston pa rnam pa gsum du byung // gnas kyang rnam pa gsum yin te// 'dul zhing rnam pa gsum du bshad// 'khor yang rnam pa gsum yin te// bstan pa dag kyang rnam pa gsum// bco lnga'i tshul du gnas pa yin// chos sku'i ston pa rig stong dang // chos sku'i gnas ni 'og min nyid// chos sku'i 'dul zhing nam mkha'i khams// chos sku'i 'khor ni rig pa'i mdangs// chos sku'i bstan pa rnam pa bzhi// ma ha a nu a ti dang / a ti chen po rnam bzhi'o// longs sku'i ston pa gangs chen mtsho// longs sku'i gnas ni khang bu brtsegs// longs sku'i 'dul zhing snang ba rnams// 'dod pa'i longs spyod khyab tshad yin// longs spyod rdzogs pa'i 'khor ni 'di lta ste// mos spyod bzhi yi sa las rab 'das nas// dang po rab tu dga' ba'i sa gnon te// sa bcu chos kyi sprin la gnas rnams yin// 'dul zhing snang ba

  114. 263a

    gsal bas khyab chad de// bstan pa kr-i ya u pa yo ga'o// sbrul sku'i gnas ni nges med bya rgod ri// ston pa rabs bdun shAka thub la sogs pa// 'dul zhing bye ba phrag brgya'i 'dzam gling ste// 'khor ni lha mi mu stegs bstan gso rnams// dbang po sems gyur thugs rje'i byin rlabs nas// dge slong pho mo dge bsnyen pho mo bzhi// ma nges sna tshogs sbrul sku'i 'khor yin te// bstan pa nyan thos rang rgyal byang sems gsum// sku gsum ston gnas 'khor bstan bshad pa yin// ma rig lus can 'khrul pa'i sems can la// nyon mongs brgyad khri bzhi stong gnas pa yin// gnyen po brgyad khri bzhi stong chos kyang bshad// chos sgo bsam 'das de snyed kyang // sde snod gsum gyis 'dul ba yin// 'dod chags gnyen por 'dul ba dang // gti mug gnyen por mdo sde dang // zhe sdang gnyen por mngon pa rnams// kun kyang nyi khri tshig stong ste// dug gsum cha snyoms sde snod gsum// cha snyoms nyi khri tshig stong gsungs// 'dul ba'i snang ngo tha dad pas// yod ni gcig las med pa la// byung ni theg pa dgu ru byung // mthong ni snang ba dgu ru mthong // de yis gang byas las 'bras kun// rdzogs chen nga yi so nam yin// theg brgyad dman pa so so yi// grub mthas phyogs tsam ma gtogs pa// nga nyid rdzogs par ga la mthong // dper na

  115. 263b

    dmus long glang bltas 'dra// yin ni chos nyid nga yin te// byung ni theg pa so sor byung // 'dus ni skye 'gag med par 'dus// bsgribs nas sdom pa dam tshig bsrung // gnang bkag gcig la mi tshe zad// dmyal khams bco brgyad de la tshang // rdzogs chen gang zhig rgyu 'bras lci// mu stegs chad pa logs na med// spros la dga' ba'i gang zag la// spros pa can gyi chos kyis 'dul// nyan thos rang rgyal byang sems gsum// gang zag dbang po dman la bshad// kr-i ya u pa yo ga gsum// gang zag dbang po 'bring la bshad// ma hA a nu a ti gsum// gang zag dbang po rab la bshad// gang zag yang rab thod rgal la// a ti yang rab thod rgal bstan// de kun blo yi rim par sbyar// nges par yang dag tshig chod la// sa lam snying po rtsol sgrub rnams// spang blang dbye ba med par gdal// sems kyis byas pa'i theg pa dgu// nyams len yod med kha bzung nas// theg dman kun gyis 'di mi go/ dper na rgya kham mig dag tu// ras yug btsud bzhin brgyal zhing sngangs// rdzogs chen dgu ka nyams su len// dam tshig bsrung med rtogs gyur kyang // chos spyod bcu yi tshon thag 'then// mdo rgyud bka' yi phul zag khrol// man ngag lung gi lam du khyer// slob pa gsum gyi srog shing 'dzugs// ma yengs mi zhen rtogs pa'i rgyan// mu

  116. 264a

    stegs pa'ang khyad mi gsod// sangs rgyas kun kyang phud mi bkur// rang bzhin ston pa gsum gyi chos// rgyud lung mtho dman sngags mtshan nyid// mi 'gal sdom tshig srog phyir bsrung // ma zhen ma bcings ma spangs khyer// chos nyid chen po'i skyo grogs yin// theg brgyad rang rang phyogs la zhe na// yun ring bskal pa bye ba khrir// ka dag chos nyid nga mi mthong // slar yang lus ngag yid gud nas// ngan 'gror nyen yang cung zad che// tshogs thob gnas skabs bde ba tsam/ kha lta can gyi tshig skam res// theg pa brgyad la skur btab pas/ khri phrag bskal pa bye ba ru// dmyal ba'i gnas su skyes nas kyang // dbang po mi tshang sdug bsngal 'byung // lce la rmos dor dgu brgya btsugs// lus la mtshon gyi char pa 'bebs// des na theg pa khyad mi gsod/ kha lta smad la don lta bstod// nyan thos ting 'dzin rgyud la bsgom// de yis gong 'og zab mi zab// chos kyi ro zhes bogs yang che// de bzhin dgu ka rgyud la 'gal// ma spangs klong yangs nga yi dang // rim pa dgu dang brgya khri stong // 'byed pa'i phyogs can nga mi rtogs// 'ching ba'i sa lam bgrod 'dod pa// tshe gcig sangs rgyas des mi thob// a nu man chod lam chod kyang // sa mdo rnam pa gsum spyod de// bskyed pa'i sa dang spyod pa'i sa// sgrub pa'i sa dang gsum du bstan// skyed

  117. 264b

    pa'i sa ru sems bzhi bskyed// spyod pa'i sa ru sems spyod bcu// sgrub pa'i sa ru sgrub 'dod pa// gzhan snang tsam du bstan pa las// rang snang dag pa ngas ma bstan// dge bcu spyod cing mi dge spong // rdzogs chen rgyu 'bras las 'jog tsam// don la spyod spong byas ma byas/ khyad par nyi rdul tsam yang med// dge tshul nyis brgya lnga bcu dang // dge slong lnga brgya lnga bcu sogs// bsrung dus grangs dang don mi shes// sdom pa mi thub bsrung thabs med// rtog pa'i steng du yang rtogs bsnan// 'khrul pa'i steng du yang 'khrul bsnan// zhags thag steng du 'breng zhags bsdam// rdzogs chen bsrung bya kun las 'das// ma nor klong chen bsrung bya bral// tshogs kyi lam dang sbyor lam dang // mthong sgom lam dang mthar phyin lam// nges par rdzogs chen lam las grol// bsod nams 'bras bu thob pa med// drang ba'i lha la brten pa tsam// lam la theg brgyad mi 'bor te// rang la chos sku tshol mi byed// rgyu 'bras dang nas rtsol sgrub med// 'di ltar ston pa nga nyid kyis// 'dul zhing bstan pa rnam pa gsum// tshig dang brda yi chos rnams kun// dbyer med ma rig dag tu 'khrul// nga la so sor bcos pas 'khrul// nga yi rang sems the tshom 'khrul// chos nyid re ba che byed dang // 'khor bar dogs pa che ba dang // sangs rgyas gzhan nas re ba 'khrul// dgu ru

  118. 265a

    mthong zhing rang ma shes// sbrang ma tshang 'tshol lta bur 'khrul// rtsol ba bya byed 'ching ba yis// glang chen 'dam bying lta bur 'khrul// 'bad pa re ba'i stobs kyis 'khrul// nad la sman log song bzhin 'khrul// de ma yin la der bzung bas// smig sgyu chu ru mthong bzhin 'khrul// med par yod pa'i blo skyes pa// grogs po thag ring shi bzhin 'khrul// rtsol bsgrubs log par song ba ni// bu chung spu gri rtse bzhin 'khrul// rang byung ye shes mtshan nyid med// bzang ngan phyogs char blta na 'khrul// bdag ma yin la bdag tu 'dzin// sems 'dzin lta sgom yod na 'khrul// 'od la gzhal yas khang mthong ba// phye ma lte ba dang mar me bzhin// dngos grub re stobs bslus pa yis// spre'u khron par chud pa bzhin// rang byung ye shes bdag med la// gang zag dbang pos bdag tu bzung // snang ngor gang 'thad de bstan pas// de kun nga yi thugs rjer 'khrul// klong chen don gyis go bar gyis// rgyas po chen po bsam yas kyang // dgu ru nges par dbye ba'o// zhes gsungs so// theg pa spyi phud klong chen rab 'byams kyi rgyud las// rnam grangs bstan pa'i le'u ste bcu drug pa'o// // sa ma ya/ rgya rgya rgya/ de nas sems dpa' rdo rje yis// ston pa nyid la yang zhus pa// a ho/ kun rdzogs chen po kun tu bzang / khyab gdal chen po 'ub chub

  119. 265b

    dpal// dbye ba zur tsam gsungs na yang // dang po lha mi lta log gi/ grub mtha' gang yin rdzogs tshul gang // ma spangs rgyan tshul gang ltar lags// ston pas rig mdangs 'khor la gsungs// de skad gsol pa ston pas gsan// kye ho 'dus pa'i 'khor rnams gson// nga yi theg pa rim dgu yang // bshad lugs 'khor dang myang 'das so// 'khor ba nyid la grub mtha' ni// blo yis bsgyur dang ma bsgyur ro// ma bsgyur ba la rnam pa gnyis// phyal ba nyid dang rgyang 'phen no// rgyu 'bras ngo ma shes pa de// phyal ba nyid du bzhag pa yin// ngo shes phyi ma rgyang du bzhag/ tshe 'di'i bzo sman phan pa sgrub// rgyang 'phen pa zhes bshad pa yin// blos bsgyur lam log ma log yin// log pa mu stegs mur thug gnyis// ngo bo nges tshig dbye ba'o// ngo bo logs pa'i shes rab kyis// phyin ci log la zhen pa'o// nges tshig lta ba ngan la mu// spyod pa ngan la stegs pa'o// dbye ba sum brgya drug cu dang // 'jig tshogs ri bo drug cu dang // grangs can dag dang nyer lnga dang // phyi yi bdag 'dzin nyi shu dang // bye brag bdag 'dzin bcu dag dang // tir thi ke drug skur lta bzhi// bsdu na rtag chad gnyis su 'du// bgrang tshul dus gcig phung ba'o// grub mtha' chad pa 'di lta ste// rgyu chad 'bras chad nam mkha' 'dra// thams cad phyal ba nyid du

  120. 266a

    'dod// rtag pa sems nyid thig le'i tshul// dkar dwangs snum 'dril snying nang na// ye nas mi 'gyur yod par blta// 'bras bu dbang phyug 'khor du skye// de lta 'dod gzhung so sor yod// e ma sems dpa' rdo rje nyon// grub mtha' thams cad gang zag blo// dngos po'i gshis la de ma nye// sgrib pas gol bas sdug btsir kyang // shes rab mi ldan phung bar nges// ma rig ma rtogs log lam mo// phyi nang rtag chad yin min rnams// mi 'gal dbyings kyi ngang du lhung // rtsol sgrub 'das pa'i bdag nyid grub// der zhen rtog pa mi mnga' bas// sems nyid blang dor der 'dzin med// mu stegs chad pa rdzogs chen rgyan// ma spangs klong grol ngang na bde// mi skye 'gag med sna tshogs 'char// sum brgya drug cu rdzogs chen rgyan// klong chen ma spangs rang grol dang // bdag gzhan gnyis snang 'khor ba dang // rigs drug mu stegs rtag chad rnams// rgyu gcig nga yi klong na 'phyo// kun gyi bdag nyid rdzogs chen rgyan// ma spangs ye grol phyam brdal dang // klong na gsal bas gdags gzhi med// gzhi la mi gnas rang shes bde// mu stegs bdud chen lta ba de// gang zag nyid kyis log par brtag/ dngos po gshis kyi gnas lugs dang // rtag chad gnyis su nga mi gnas// mtha' bzhi mu bzhi rang grol dang // ma spangs ye grol

  121. 266b

    kloslong na chub// rig pa phyogs med kun 'byams la// rtag chad gnyis zhen phyogs 'dzin bdud// a ho/ a ti chen pa ngas bkrol nas// rtag chad rang shar rang sar grol// mu stegs ma spangs ma bcings par// rdzogs chen mdzes pa'i rgyan du'o// gcig ma rtogs na mang po dka'// rig pa g.yo ba rgyu rkyen bral// ma skyes skye med chos kyi dbyings// nam mkha'i dbyings nas ma bcos klong / khams gsum sku gsum rang bzhin grol// ma chad ma rtag byed pa med// ma yal ma zhi spros pa med// rig pa ma bsgribs gsal ma yal// mkha' la rang byung snang srid gang // 'bras bu lhun grub sku gsum klong // rtag pa shar grol ma spangs rgyan// chad pa ma spangs ye stong rgyan// bsgrim lhod med pa'i rig pa bde// ma bcos rnal du kun rdzogs bde// skye 'jig mtha' med bya bral klong chen dang // gser gling lta bu dbye bsal med pa'i klong // 'ja' tshon lta bu thams cad bkra ba'i klong // phyi nang med pa nam mkha' lta bu'i klong // phyogs ris med pa bu chung lta bu'i klong // rtag chad med pa bar snang lta bu'i klong // 'pho 'gyur med pa ri rgyal bu'i klong / kha gting med pa rgya mtsho lta bu'i klong // rab 'byams nga yi klong na kun kyang 'phyo// rig pa dang dwangs mtha' bzhi ma spangs kyang // 'khor 'das rgyu 'bras tha snyad nga yi rol// 'gro ba rigs drug skye

  122. 267a

    gnas bzhi po yang // chos dbyings ngang du skye zhing ngang du grol// snang ba rgya yan rig pa rang dag bde// mtha' yi mu med go las shugs la chod// g.yang sa med pa'i rig pa gcer bu la// rtsol ba med par sku gsum lhun rdzogs pas// mtshan nyid ma 'gags sna tshogs cir yang shar// dbang pos cer mthong mngon sum chos dbyings grol// ji ltar lta ba log yang nga nyid rang // mu stegs rang grol rdzogs chen rgyan du che// zhes gsungs te/ chos nyid kyi ngang nas theg dgu 'ub chub ste lhan ner bzhugs so// mu stegs lha log ma spangs rdzogs pa'i le'u ste bcu bdun pa'o// // sa ma ya/ rgya rgya rgya/ sems dpa' rdo rjes yang zhus pa// kye ho phyogs ris med pa'i kun bzang klong // snang 'gag bral ba'i yangs pa can// nyan thos dbye ba grub mtha' yang // ma spangs rdzogs tshul gang ltar lags// ston pas lan du bka' stsal pa// a ho sems dpa' rdo rjes rtsal// nyan thos theg pa 'di lta ste// ngo bo nges tshig dbye bsdu'o// ngo bo chos kyi bdag lta yis// rang gi zhi bde sgrub pa'o// nges tshig rang don nyan cing thos// dbye na bzhi ste nyan thos pa// sprul pa rang rgyud zhi bgrod dang // grub mtha' dag la mthar 'dzin no// bsdu na mdo sde bye brag gnyis// spyi yi 'jug sgo bden pa bzhi// mdo sde pa yi lta ba ni/ kha thon thos bsam sgo

  123. 267b

    gsum dang // shes rab rnam gsum mthar phyin pas// sa bcu'i 'bras bu thob par 'dod// bye brag pa yi 'dod gzhung ni// phung po khams dang skye mched la// g.yag rnga ne'u seng tshul du 'dod// rang gi blo yis bltas gyur na// rdul dang rdul phran bzhin du 'dod// de yi rnam pa cha gzhigs nas// stong pa nyid du blos sgom mo// nyan thos spyi yi sgom pa ni// bden pa bzhi nyid bsgoms pa yis// 'bras bu bzhi nyid 'dod pa'o// 'gog pa kun 'byung spang bar 'dod// byams pa'i bstan la 'bras bu thob// 'gog pa rgyun du zhugs pa ste// rab tu dga' nas bdun tshun thob// kun 'byung bsgoms pa'i 'bras bu ni// lan cig phyir mi ldog pa ste// sa brgyad man chad thob pa'o// lam bsgoms sa bcu mthar phyin te// nyan thos gnyis la gtsor byed do// a ho sems dpa' rdo rje rtsal// nyan thos spang dgag mdo sde kun// phyogs cha bdag bzung gcig gis bcings// ye klong nga yi don la bsgribs// lta dgongs ma log klong 'byams nga// de yis gtan la babs pa dka'// nga nyid brtag dka' brjod mtha' bral// dpe dang gtan tshigs tsam gyis brjod mi nus// brjod med don nyid klong brdal dang na brdal// nyan thos sde gnyis ma spangs ga la yin// nga yi rol pa tsam du 'gag pa med// phyogs ris med pa'i lta ba yangs pa'i klong // ma 'gags

  124. 268a

    shar ba'i rang byung ye shes nyid// rgyu dang rkyen bral snang 'gag med pa'i sku// rtogs pa'i klong chen rab 'byams don rtogs na// skad cig ye grol ka dag nga rang nyid// chos can dkar nag spros pa'i mtshan ma bral// ma 'dres yongs rdzogs nam mkha'i gza' skar bzhin// nyon mongs ma spangs nga yi klong na 'phyo// chos rnams kun gyi rtsa ba nga la 'dus// rgyud drug sems can nga yi rang bzhin yin// snang ba thams cad ma spangs nga yi rgyan// 'di ltar snang ba'i chos rnams thams cad la// kun kyang spong 'geg bden gnyis spong mi byed// 'jug sgo bden bzhi ma spangs nga yi rgyan// nga yis bstan pa'i sku gsum bstan pa la// la las spong ba'i yul du mthong // la las dgag dang la las sgrub// la las sbyang dang la las dgag/ la las stong dang la las chad// la las blang dang la las dor// mthong snang re dang lam stegs re// lam stegs re la grub mtha' re// grub mtha' re la phyogs zhen re// a ti chen po'i klong chen nga // rtsol med bya bral sdug bsngal bral// so ma rang grol ma bcos pa// mthong ba'i rtsol bzhen spangs te// thams cad nga yi lam stegs yin// dper na shing sdong rtse mo la// rtsa ba ma grub rang sar rdzogs// gcig la mthong yul dgu ru zhe na// klong chen nga la nyan thos rdzogs// dper na rgyal khang

  125. 268b

    la// 'og thog ma grub rang sar rdzogs// nyan thos bden bzhi bye brag pa// ma spangs rang grol a ti'i rgyan// dper na nyi ma'i dkyil 'khor la// 'od zer ma bsgrubs rang sar rdzogs// mun pa ma spangs rang sar grol// a ti klong chen bde yan la// nyan thos ma bsgrubs rang sar rdzogs// spong 'gegs ma spangs rang sar grol// spyod lam bcos sdom med pa'i klong // snang srid chos skur brdal ba'i klong // dam tshig bsrung mtshams bral ba'i klong // 'bras bu spang thob re med klong // dper na nam mkha'i khams nyid du// snod bcud ma bsgrubs rang sar rdzogs// mtha' brgyad ma spangs rang sar grol// a ti brdal khyab chen po la// nyan thos ma bsgrubs rang bzhin klong // sa bcu ma bsgrubs ye nas non// phyir mi 'ong ba'i ye thob yin// sprul pa'i rdzu 'phrul ye klong yin// rnam rtog skyon yon ga la lta// mi spang kho rang gzhi med yin// ma 'gags chu rlabs mkha' sprin bzhin// lan tsha chab rom btab pa bzhin// nga la rdzogs shing pa la thim// klong chen nga yis 'gag pa med// nyams len ma 'dres zad dkar gsal// gang byas yangs par grol ba yin// ji ltar chos sku'i zhing khams kyang // skye med nga yi klong na yangs// rang bzhin dag pa'i zhing khams kyang // rang gsal nga yi klong na yangs// thugs rje sbrul

  126. 269a

    sku'i zhing khams kyang // klong khyab 'gags med klong na yangs// mi gnas rig pa'i klong du 'das// ji ltar sa lam brtsis pa'i chos// rtsol bas sdug bsngal chos min gyi// chos rnams mi zad yongs rdzogs pa// a ti nga yi sbubs na rdzogs// nyan thos spong 'geg bskal par sbyangs// snying po rig pa thob dus med// cer mthong rang grol ba nyid la// bskal pa'i spang 'geg 'ub chub bo// 'bras bu ston la rag lus pa'i// nyan thos 'dus byas lta ba ni// ngan pas rang bcings ma grol bar// yul sems se gol gcig tsam kyang // ma bral rtog pa 'gags par 'dod// a ti kun rdzogs brdal yangs nga// ye nas yul sems gnyis mi 'gag/ yul sems gnyis su nga mi zhen// yul sems gnyis su nga mi gnas// bral bar gyur kyang dbyer mi phyed// phyogs 'dzin mdud pas bcings pa'i nyan thos ni// a ti klong chen nga yis bkrol bas na// yod med gnyis su mnyam pa'i mnyam nyid la// yul sems gnyis kar ma 'gags rang shar bas// yul sems gnyis kar ma zhen rang grol cing // ji ltar byas kyang rang shar rang grol klong // a ti chen po ma bsgrubs ye grub ste// nyan thos ma spangs rdzogs chen spyi phud rgyan// ji ltar sbyang bgrod byas kyang rig pa'i klong // ji ltar spong 'geg bcings kyang rang grol

  127. 269b

    kloslong // nyan thos rang grol ye rdzogs rgyan du ho// zhes gsungs nas/ sa bcu ye bgrod rang lugs rang rnal gyi ngang la lhan ner bzhugs so// theg pa kun gyi spyi phud klong chen rab 'byams kyi rgyud las// nyan thos rdzogs tshul gyi le'u ste bco brgyad pa'o// // sa ma ya/ rgya rgya rgya/ bsag thang rgya/ Tamya nan sems dpa' rdo rjes yang zhus pa// e ma/ mnyam nyid ro gcig kun tu bzang // ngo mtshar rmad byung spyi dpal mes// rang rgyal theg pa gsung du gsol// ston pas lan du bka' stsal pa// kye ho gzhon nu sems dpa' rtsal// rang rgyal 'jug sgo rten 'brel te// bcu gnyis nyid kyi grub mtha' lta// gang zag bdag tu med pa la// chos kyi bdag tu yod par blta// tshul khrims nyis brgya lnga bcu srung // sgom ni mi rtog chos nyid sgom// phyi nang rten 'brel bcu gnyis rnams// goms nas mtha' ru phyin pa dang // 'bras bu mthar phyin tshad du 'dod// a ho sems dpa' rdo rje rtsal// nga ni klong chen yangs pa ste// zla ba mkha' las ma 'phags par// chu nang kun tu khyab pa ltar// nyan thos rang rgyal khas len gnyis// sdug bsngal kun 'byung 'gog pa lam// rten 'brel bcu gnyis lugs zlog rnams// rang las byung ba'i snang ba la// spong 'gegs spyad pas sdug cing btsir// de yis klong yangs gtan mi phebs// sems dang chos la

  128. 270a

    dbyer med pas// thams cad rang grol a ti dang // blang dor med pas gtan la phebs// lo ka chos brgyad dbang mi gtong // nyan rang a ti nga yi rgyan// sdom pa dam tshig bsrung mtshams bral// rten 'brel bcu gnyis nga yi rgyan// mi 'gyur 'gyur med chags med lam// ye nas ma bslad rab 'byams klong // dus gsum ji ltar lhag ge lhag/ ji ltar me yi rang bzhin la// tsha ba ma bsgrubs rang sar rdzogs// grang ba ma spangs rang sar grol// brdal khyab nga la tshig chod de// sa bcu ma bsgrubs ye nas non// nyan thos ma spangs rang sar grol// 'das pa'i klong la rang bzhin med// ma 'ongs klong chen 'od du gsal// da lta'i klong chen gzhi ma grub// brjod mtha' mu yis spros dang bral// rang rgyal gang spyad nga yi rgyan// sangs rgyas sems can gnyis med mnyam// mnyam pas gong 'og rim pa med// ye rdzogs thig le chen po yin// slob dpon med par rang rtsal gnas// rang rgyal bdud chen lta ba ni// lta ba rang gis rang nyid bcings// rang bzhin med pa'i yul stong la// shes pa gtad nas 'dzin char 'dod// bcu gnyis don la 'jug zlog byed// klong chen khyab gdal a ti nga // ye nas rten 'brel bcu gnyis te// ma 'gags ma zhen mi gnas pas// mtha' ma spang bar rang grol lo//

  129. 270b

    yod par 'dzin la phyogs cha 'dod// a ti yod med mnyam pa la// 'jug zlog rang shar rang grol bas// rang rgyal ma spangs a ti ma bsgrubs pas// spang blang med pa rdzogs chen rgyan du'o// zhes gsungs nas/ blo'i bzhag thabs ji bzhin pa'i ngang du lhan ner bzhugs so// sa ma ya/ rgya rgya rgya/ theg pa kun gyi spyi phud klong chen rab 'byams kyi rgyud las/ rang rgyal ma spangs rdzogs pa'i le'u ste bcu dgu pa'o// // rgya ma sa gzhas/ thon to/ yang gcig sems dpa' rdo rje yis// ston pa nyid la yang gsol pa// kye kun gyi spyi gzugs rgyal ba'i gtso// ye nas sangs rgyas bdag nyid dpal// byang chub sems dpa'i grub mtha' rnams// rig mdangs 'khor la bka' stsol cig/ ces pa ston pas gsan dgongs te// a ho sems dpa' rdo rje nyon// byang chub sems dpa'i theg pa ni// 'jug sgo don dam kun rdzob gnyis// sdom pa brgyad cu rtsa lnga srung // stong pa nyid kyi ye shes bsgom// lam ni sa lam spyad par 'dod// 'bras bu drod skye bzod pa dang // rtse mo 'jig rten chos mchog go/ sa bcu rim gyis thob 'dod ste// de ni byang chub sems theg go// a ho sems dpa' rdo rje nyon// bskal pa gsum dang grangs med du// rtsol sgrub sbyangs pa'i theg pa de// mi rtsol lhun grub a tir rdzogs// byang

  130. 271a

    sems 'jug sgo gnyis kyi sdom// a ti mi 'jug klong du grol// ma spangs rgya 'byams dang na bde// byang sems theg pa a ti'i rgyan// rgyu 'bras drang lung thams cad rdzogs// ma skyes dag pas sgrib dang bral// bgrod pa'i lam bral gol sa med// ye nas lhun grub sbrang bgrod bral// sdom pa brgyad cu rtsa lnga rdzogs// byang sems bsrung byas dam par sdom// a ti ye bsrungs klong du grol// lta spyod ma spangs sbubs na bde// mdo sde'i theg pa a ti'i rgyan// byang chub sems dpa'i theg pa de// don dam kun rdzob gtan tshigs kyi// rang snang 'char sgo chos nyid la// sbyang bgrod rtsol bas gol zhing bsgribs// gcig la gnyis bzung gtan mi phebs// a ti ye klong khyab gdal nga // stong nyid sgom de ma spangs rdzogs// dmigs gtad sgom des bskal par bsdams// ye klong cer mthong ngang du grol// ma nor dbyer med ngang na bde// stong sgom ma spangs rdzogs chen rgyan// lta ba blta ru med pa la// don dam kun rdzob ma spangs rgyan// sgom pa bsgom du med pa la// phyogs 'dzin sgom de ma spangs rgyan// spyod pa spyad du med pa la// brgyad cu rtsa lnga ma spangs rgyan// 'bras bu thob tu med pa la// chos mchog la sogs a ti'i rgyan// dam tshig bsrung du med pa la// don dam kun rdzob ma spangs rgyan// phrin las btsal du

  131. 271b

    med pa la// sbyang bgrod gnyis po ma spangs rgyan// sa lam bgrod du med pa la// sa bcu man chad ma spangs rgyan// a ti yin lugs rang shes la// theg dman thams cad ma spangs mdzes// zhes gsungs nas// 'gyur med chen po'i ngangal lhan ner bzhugs so// theg pa kun gyi yang rtse/ klong chen rab 'byams kyi rgyud las/ sbrul sku'i bstan pa gsum ma spangs rdzogs tshul gyi le'u ste nyi shu pa'o// // sa ma ya/ rgya rgya rgya/ rdza mraT ben/ sa/ mAShamasarne rmaH/ sems dpa' rdo rjes yang gsol pa// kye 'gyur med chen po kun tu bzang // mtshan ma yongs grol so ma'i ngang // longs sku'i bstan pa sde gsum gyi// kr-i ya'i dbye ba bstan du gsol// ston pas bka' stsal sems dpa' nyon// kr-i ya'i theg pa 'di lta ste// lta sgom spyod pa 'bras bu'o// lta ba yod min med pa min// gcig min tha mi dad par 'dod// sgom pa lha drug bdag bskyed nas// mdun bskyed rje khol tshul du sems// spyod pa gza' skar dus bzang la/ khrus dang gtsang sbra dkar gsum spyod// 'bras bu mi tshe bdun nyid kyis// yang dag rdzogs sangs rgyas par 'dod// spar ba nya sha sgog btsong dang // chang dang bud med spangs byas nas// ting nge 'dzin la zhen che'o// a ho sems dpa' rdo rje nyon// la dgu lung dgu brgal byas kyang // dag pa gtsang sbras nga mi mthong // rang gsal

  132. 272a

    kun 'byung a ting // gzhan du ltos med brdal khyab dang // sangs rgyas pa yul theg pa'i dur// yongs bsrungs dag par nga la rdzogs// mi sdug mi snyan nga yi rol// spangs bskur bskyed pas sbyangs shing bsdams// klong chen nga yi sbubs su grol// spangs pa kun kyang klong na bde// kr-i ya ma spangs rdzogs chen rgyan// ji ltar skar tshogs sprin rlung rnams// ma spangs rol rtsal nam mkha'i rgyan// ji ltar theg pa'i grags mang yang // sha chang sgog btsong gtsang sbra rnams// a ti nga yi rol rtsal rgyan// chu bran rgya mtshor 'dus nas ni// chu sna 'di yin dbyer mi phyed// a ti klong chen brdal ba la// theg pa 'di yin phyogs mi 'byed// blos brtag tha snyad nga la thim// phyogs zhen dmigs 'dzin sdom pa la// ches zad ka dag chen por grol// 'di yin 'di min med pas bde// kri ya ma spangs rdzogs chen rgyan// kri ya rdo/ rje 'dzin 'dod na// dag pa rnam gsum sgor zhugs te// gzung 'dzin bkrus pas dag tu re// a ti chen po'i bdag nyid ni// gzung 'dzin ye dag rang rig dpal// gzung 'dzin 'das pa'i rdzogs chen yin// ji ltar chu nyid ngo bo la// rlan pa ma grub ldan pa'i klong // skam pa ma grub rang grol dang // de ltar a ti klong brdal la// kri ya ma bsgrubs rang bzhin klong // gzung 'dzin ma spangs rang grol rgyan// ji

  133. 272b

    ltar bsgoms kyang klong gi rtsal// ngo bo rang bzhin thugs rje'i rtsal// kri ya gdos 'dzin brdal ba'i rtsal// ma rig ye shes rig pa'i rtsal// 'char sgo 'khrul rtog nga yi rtsal// snang rig yid sems nga yi rtsal// 'khrul lugs thams cad klong gi rtsal// gzugs dang yan lag klong gi rtsal// grub mtha' kun dang lta sgom spyod// 'gyu tshad rig tshad rtags tshad dang // dgra gnyen phyogs ris kha dog dang // theg pa dgu dang bcu gcig sogs// klong yangs ngang nas rtsal du shar// de la zhen na mdud pas bcings// ma bcos rang grol a ti yang // mkha' klong rnam dag chos dbyings su// gzhi rlung rig pa'i ngo bor thim// rtsal rnams zer gyi klong du thim// stong gsal 'od 'bar klong du thim// zhen pa ma spangs klong du thim// rig pa gang snang shar grol dang // rang bzhin ngo bo'i klong yangs yin// ma rig 'char sgo 'khrul snang tshogs// gang shar thog tu rang bzhin grol// bzang ngan theg pa'i spang len kun// klong gi rang grol yangs pa'i dbyings// sgyid sdug gson gshin yin min dang // re dang dogs dang rtag chad dang // rig tshad dran tshad 'gyu tshad dang // bsam tshad snang tshad shar tshad dang // dug lnga dug gsum bag chags sam/ rnam rtog kun brtags grub mtha' dang // mtshon byed bya btsal dgag sgrub rnams// gang

  134. 273a

    shar skyes pa'i thog tu grol// stong pa kun 'byung stong pa'i rgyan// zol byung rig pa rig par grol// wal byung dran rtog rig par grol// dper na sbrul gyi mdud pa bzhin// 'ching mkhan grol mkhan ga la yod// rnga ma'i mdud pa rang grol bzhin// kri ya ma spangs rang grol rgyan// thams cad ka dag klong du grol// stong dang snang ba dbyer mi phyed// mkha' la 'ja' tshon thim pa ltar// snang rig stong gsal dbyer mi phyed// kha char mtsho la thim pa 'dra// nyan thos a ti dbyer mi phyed// chu dang 'o ma 'dres pa 'dra// rang rgyal byang sems a ti gsum// mar dang mar ni bsnol ba ltar// ngo bo rang bzhin thugs rje dang // dug gsum sku gsum dbyer mi phyed/ khrag dang chu gnyis bsres pa ltar// ma rig ye shes dbyer mi phyed// 'khrul dang ma 'khrul ga la yod// rtogs dang ma rtogs ga la yod// sangs rgyas sems can ga la yod// the tshom can gyi grub mtha' kun// a ti chos zad ka dag klong // sangs rgyas gzhan nas mi re rdzogs// 'khrul rmongs theg chung tshig gis bsdams// a ti don gyi thog tu grol// theg pa'i phyogs zhen blos btags yin// ma spangs ma 'dres ngang na bde// blos btags tha snyad rol par mdzes// mtshan ma'i spyod pa gzigs mor che// kri ya ma spangs rdzogs chen rgyan// blo yi yul la nges pa med// blo yul

  135. 273b

    ma zad sangs mi rgya// a ti ma rtogs gang zag la// yA na brgyad kyi lha sgom rnams// drang ba'i don du bshad pa tsam// gnas skabs tsam gyi bde 'bras yin// spong sgyur sbyongs thabs blo sna tshogs// yid smon sangs rgyas nam zhig bslu// bsgrubs pa'i bud+d+ha sangs mi rgya// a ti klong chen kun shong la// gnas lugs rang snang rtsis gdab med// 'gro yin 'gro min rang grol klong // sdod kyin lab kyin rang grol klong // za yin 'thung gi na rang grol klong // gsang chen bka' 'di sus go ba// kun bzang ngang las gzhan mi 'da'// nyan thos sdug bsngal kun 'byung zer// nga gtan 'bebs pa'i chos min no// sdug bsngal bde chen ka dag tu// klong chen nga yis gtan la phebs// spong 'geg rang grol phan tshad bzhag/ kri ya mi rtag sdug bsngal zer// nga gtan de yis phebs pa yin// dbyer med lhun grub rol pa ru// klong chen nga yis nges par 'bebs// snang ba skye med rang sar grol// a ti klong chen nam mkha' la// theg dgu de'i rtsal snod bcud tsam// blang dor re dogs bral nas ni// dgu kha nyams blangs gtan la phebs// bya ba gtsor byed kri ya ste// dag pa mtha' bzhi'i mdud pas bsdams// snang ba dag pa rigs gsum lha// gzugs rnams 'jam dpal sgra spyan ras// dran rtog phyag rdor nyid du blta// bdag dang yon bdag rdzas

  136. 274a

    ting 'dzin// dag pa gsum gyi mdud pas bsdams// rje khol gong 'og tshul du blta// a ti bzang ngan gnyis mi dgag/ mi gnas mi zhen rgyar ma chad// mnyam nyid phyam brdal yin pa la// bzang ngan lta ba phyogs 'dzin bdud// a ti bzang ngan bral ba la// gnyis ka rang shar rang grol bas// a ti ma bsgrubs kri ya ma spangs par// dgag sgrub bral ba rdzogs chen rgyan du mdzes// zhes gsungs nas/ phyogs 'dzin zhen med rjen par lhan ner bzhugs so// theg pa kun gyi spyi phud klong chen rab 'byams kyi rgyud las/ kri ya ma spangs rdzogs pa'i le'u ste rtsa gcig pa'o// // sa ma ya/ rgya rgya sra mam/ rtse gshin gyi kyi nas/ sems dpa' rdo rjes yang gsol pa// sra pa'i grub mtha' dbye ba rnams// ma nyir rdzogs tshul gsung du gsol// ston pas lan du bka' stsal pa// 'dus pa'i 'khor can pa yis bshad// u pa ya la bzhi yin te// lta ba ting 'dzin spyod pa dang // 'bras bu dag dang bzhi nyid do// lta ba yo ga dag dang mthun// don dam skye 'gag med par 'dod// ting 'dzin yo ga dag dang mthun// mngon par byang chub lnga nyid do// spyod pa kri ya dag dang mthun// bza' dus khrus gtsang gtso bor byed// 'bras bu mi tshe lnga bdun nas// rigs lnga rdo rje 'chang sa thob// u pa re dogs theg pa

  137. 274b

    yin// a ho nyon cig sems dpa' rdo rje rtsal// rdzogs chen ye brdal gting mthal med pa la// sa lam tshig chod lta spyod brtson 'grus rnams// ma spangs ma bsgrubs ye grol dang du rdzogs// u pa ya ni theg pa spong sgrub bsdams// a ti re dogs spang thob rang sar grol// gzhi shar rang grol dbyings kyi ngang na bde// u pa ma spangs rdzogs pa chen po'i rgyan// a ti ma bsgrubs dug lnga rgyan du mdzes// yangs so che'o rig pa mkha' mnyam thugs// spang thob med do thig le nyag gcig klong // rang sar grol lo rtogs dang ma rtogs med// gnyis su med par grol ba'i chos nyid de// theg 'og rnams la mi srid srid pa'i chos// rna phrug brag la 'dzegs pa'i bde blag de// srog chags gzhan la mi srid kho la srid// rig pa byar med klong du grol ba de// theg dman rtsol sgrub can la mi srid de// rnal 'byor mkha' mnyam bya bral klong na bde// ye sangs rgyas pa'i rig pa yul med de// 'khor bar 'khyams par mi srid ye klong brdal// yul can rdzas blo 'dod pa'i u pa de// mkha' la rang grol rten med klong du rdzogs// thig le nyag gcig gra zur med pa la// gnyis su snang ba mi srid srid pa'i thabs kyang babs// gcig dang tha dad 'dzin pa 'khrul pa'i sems// gcig tu grol lo bya bral klong du grol// rang byung ye shes rgyu rkyen med pa

  138. 275a

    la// dug lnga 'char ba mi srid srid pa'i babs// de la spong 'geg byed pa'i u pa de// rang byung rang grol ye shes sbubs su grol// lhun grub phyogs med mtha' dang bral ba la// phyogs lhung rgya chad mi srid srid pa'i babs// phyogs lha'i mtha' la zhen pa'i u pa de// phyogs med grol lo lhun grub klong du grol// mngon mtshan med pa'i rig pa 'gag med la// snang ba 'char bar mi srid srid pa'i babs// snang ba rtag chad the tshom u pa de// rang sar grol lo nges med klong du grol// gzugs sogs snang ba snang thog rang sar grol// dbye bsal med do lhun grub klong du grol// 'du 'bral med pa thig le'i klong du grol// cir yang 'char ro nges med klong du grol// sgra ru grag go thos pa rang sar grol// dran rtog thams cad de ru rang sar grol// snang grag mthong thos sgo lnga rang sar grol// rang zhal rang gis mthong bas yul gzhan med// dag pa gsum dang lha drug gtsang sbra sogs// gnyis su med do yul sems mnyam par grol// bcu gcig rdo rje 'chang sogs sa theg kun// ma bsgrubs tshig chod a ti nga yi rgyan// mnyam nyid gcig la cir yang 'byung ba'i dbyings// yon tan thams cad skyed par byed pa'i gzhi// thams cad bya byed med par grol ba'i klong // u pa ya zhes mdud can lta ba de// spyod pa kri ya ltar

  139. 275b

    'dod 'og rjes 'breng // lta ba yo ga'i rjes 'jug gong la snyeg/ gong 'og gnyis la lta byed zhags pas bsdams// gong 'og gcig tu shes kyang mnyam pa'i rig pa la// gnyis 'dzin kha brag lta ba phyogs 'dzin bdud// a ti mtho dman med pa'i chos nyid la// lta spyod gong 'og gnyis ka ma 'gags te// gnyis ka rang sar ma zhen rang grol te// u ba ma spangs rdzogs pa chen po'i rgyan// a ti ma bsgrubs klong brdal rol par mdzes// kri yog sde gsum u pa phyi rgyud kyis// mi tshe bgrangs nas sangs rgyas sa 'dod des// lus ngag yid gsum bya byed rtsol bas bcings// yang dag don la rgyang rings mthar mi phyin// nga ni ye klong nyid 'dug ring du phyin// mdun du bzhag nas rgyab tu 'tshol byed na// bya bral dang las ring zhing don mi 'grub// dus dang grangs la ltos pa'i theg dman rnams// mkha' la shar ba'i 'ja' tshon 'dzin pa ltar// thug pa'i mtha' med zin pa'i dus med pas// nan gyi rang sems byar med rtsol bas bcings// a ti kun spang spyi phud yang rtse nga // rtsol sgrub med pas chos nyid bde brdal bas// 'bad pas 'grub tu re ba lam stegs tsam// bong 'theng zhon nas mtsho mtha' skor dang mtshungs// ka dag nga nyid mthong ba'i dus med pas// re ba byas kyang rang sngo tshi chad de// sol ba'i mdung shing dkar por ga la

  140. 276a

    'gyur// e ma/ a ti klong chen rdo rje'i mkhar rdzong dang // byar med nam mkha'i dbyings las ci yang byung // ma byas ma btsal cir yang byar med pas// lta ba nyams mi nga zhing ze mi tshom// sgom pa 'dus med 'dus ma byas pa'i klong // spyod pa rang byung bde yan ma bkag nga // blo bcos rnam rtog mtho dman dgrar mi blta// nyams myong rig pa gang shar gang dgar mthong // rgyu rkyen med pa'i dug lnga mdog ma bsgyur// brtul zhugs dge sdig spang len nga la med// 'bras bu ye grub cir snang 'bras bur shar// dam tshig gnyen po rgyu rkyen gzhan mi brten// phrin las ci byas brtul zhugs klong du rdol// sa lam chos dbyings grol ba chos kyi dbyings// u pa ye rdzogs ma spangs blo bder gnas// byar med gcig la lhun rdzogs bde 'byams dang // 'gro drug theg dgu nga yi klong las shar// dus gsum sangs rgyas a ti dbyings kyi rgyan// ces gsungs so// rdo rje mkhar rdzong gi nang du lhan ner bzhugs so// theg pa kun gyi spyi phud klong chen rab 'byams kyi rgyud las/ u pa ma spangs rdzogs pa'i le'u ste rtsa gnyis pa'o// // sa ma ya/ rgya rgya rgya/ oM mnas na/ zhig gzhinathun hA rgya rgya myaHsems dpa' rdo rjes yang gsol pa// rgyu la ma ltos kun tu bzang // rkyen dang ye bral klong brdal dpal// yo ga'i grub mtha' bshad du

  141. 276b

    gsol// ston pas lan du bka' sprul pa// e ma sems dpa' rdo rje nyon// yo ga'i grub mtha' 'di lta ste// lha sgom spyod pa 'bras bu'o// lta ba 'od gsal stong nyid las// rdo rje dbyings su sangs rgyas 'dod// sgom pa mngon byang lnga ru bskyed// ye shes spyan drangs mchod bstod bzlas// spun grogs tshul du bsgom pa'o// spyod pa yon tan lnga longs spyod// 'bras bu mi tshe lnga gsum gyis// 'thug po bkod pa thob par 'dod// yo ga nyid kyi grub mtha' 'o// AN rkaH/ e ma ho sems dpa' rdo rje rtsal// ma rtogs theg pa 'og ma bas// gzhan du rtog cing rtsol bas bslad// yul sems bden gnyis dgag sgrub mkhan// mi mthun spang zhing gcig phyir 'breng // yo ga ting 'dzin gsum rtsol nas// blang dor byas nas 'bras bu re// a ti chen po klong chen nga // thams cad chos nyid brdal ba la// dam bca' spong len la sogs kyi// ting 'dzin 'phro 'du ga la yod// dam yang bdal ba chen por bca'// gtan tshigs chos nyid phyogs med la// rig pa mkha' yan lhun grub pas// 'di la spang rgyu ci yang med// blang bar bya ba yod ma yin// spang blang med pas yo ga rdzogs// gang ma spangs pa'i kun grol dbyings// sa lam bgrod pa'i thabs chen po// dbyings su sbyor ba'i rdzu 'phrul can// sngon gyi rgyal ba grangs med kyang // klong chen nga las

  142. 277a

    mngon sangs rgyas// ma byon slad kyi sangs rgyas kyang // klong chen pa las mngon sangs rgyas// da lta'i rgyal ba grangs mang kyang // klong chen nga yi sbubs na brdal// nga ni rgyal ba kun gyi mes// ni theg pa kun gyi dur// 'khor 'das kun gyi yab chen po// mya ngan 'das pa'i lam po che// 'khor ba'i chu bo sgrol ba'i gru// nyon mongs rgya mtsho skem pa'i me// ji tsam theg pa'i rnam grangs kyang // nga yi klong las yongs ma 'das// ji tsam sa lam gnas nas kyang // nga yi klong las gar ma phyin// theg dgu ma 'dres so sor bkra// yo ga ma spangs a ti'i rgyan// a ti ma bsgrubs lhun 'byams bde// bgrod med rtsol bral rig pa'i klong // byar med lhun rdzogs skye med sgo// a ti mnyam pa'i chos nyid du// 'khor 'das ma spangs lhun grub pas// spyir phyib chen po dbyer med pas// spyir byib pa 'di gzhan na med// rang snang dbyer med brdal ba che// gcig la kun rdzogs a ti la// nam mkha' lta bu'i rig pa shar// gang yang gnyis med klong na bde// a ho// ye grol chen po lta ba phyogs med klong // gser gling lta bu dbye bsal med pa'i ngang // ye klong chen po sgom pa phyogs med klong // byed rlung lta bur thams cad dbyings su thims// gang shar chen po spyod pa phyogs med klong // chu long lta bu dal ba'i klong na 'babs// ye grub chen po

  143. 277b

    'bras bu phyogs med klong // yul ljongs lta bu ma 'dres gcig tu gsal// dper na 'dzam gling bye ba phrag brgya na// 'dod yon rnam sprul bsam mi khyab pa nyid// ji tsam che yang gling las g.yos pa med// ma g.yos slar yang 'dzam gling rgyan du che// thig le nyag gcig a ti chen po la// theg dman ma spangs yo ga'i spyod 'bras rnams// gser dngul 'phra man bsras pa'i rdzas lta bu// gcig las ma 'dres yongs su rdzogs pa'i rgyan// kun khyab chen po a ti klong chen rdzogs// bshigs pas mi shigs phyogs med rdo rje'i mkhar// rig stong ngang nas gang ltar byas kyang bde// zhes gsungs nas/ rang byung rang shar gting mtha' mu med kyi ngang la bzhugs so// theg pa kun gyi yang rtse klong chen rab 'byams kyi rgyud las/ yo ga ma spangs rdzogs pa'i le'u ste rtsa gsum pa'o// longs sku'i bstan pa gsum pa'o// // sa ma ya/ rgya rgyurgya/ a Na/ dgags pa nams/ sems dpa' rdo rjes yang gsol pa// kyeH// yongs rdzogs lhag med kun bzang rje// chos sgra'i bstan pa chen po'o// ma hA grub mtha' rdzogs tshul te// ston pa'i thugs kyi kloslong nas khrol// zhes zhus ston pas bka' stsal pa// 'dus pa'i 'khor rnams kun nyon cig/ ma hA'i theg pa 'di ltar ro// ngo bo nges tshig dbye ba dang // lha sgom spyod dang 'bras bu'o// ngo bo skyed pa'i gzhi yin/

  144. 278a

    no// ma ni chos nyid ha dag pa// yo ga khyab cing 'dus pa ste// nges pa'i tshig tu yid la zung // dbye na sgrub pa gtso che dang // sa lam gtso cher 'dod pa dang // rnam grol gtso che ma hA'o// sgrub pa gtso cher 'dod pa ni// 'jam dpal sku dang pad+ma gsung // yang dag phur pa rta mgrin dang // yon tan bdud rtsim mo dang // rig 'dzin dmod pa mchod bstod sogs// phra mo'i sgrub pa grangs med do// sa lam gtsor ston sgyu 'phrul te// rnam grol gtsor ston mdo rtogs so// lta ba lha dang gzhal yas dang // rig pa spros bral nyid du blta// sgom pa ting 'dzin rnam pa gsum// spyod pa thabs kyis dbye ba na// spyad bya lnga dang mi spang lnga// dang blang lnga dang shes bya lnga// bsgrub bya lnga la spyod pa'o// dam tshig lus ngag yid gsum bsrung // 'bras bu 'di'am bar do la// yi ge 'khor lo tshogs chen sa// phyi ma nges par thob pa ste// 'di rnams sgrub pa gtso cher 'dus// ma hA'i grub mtha' de ltar ro// a ho sems dpa' rdo rje nyon// a ti klong chen rab 'byams pa nyid la// ma hA sgrub brgyad rdzogs tshul 'di lta ste// kun gzhi ye shes snying po khyab gdal dang // ma bcos spros med chos nyid ka dag la// sku yi lha rnams ma bsgrubs ye nas rdzogs// ma hA ma spangs rdzogs pa chen po'i rgyan// 'khor 'das snang stong dbyer med klong du

  145. 278b

    'byams// rang sems dri med rnam dag sa lam bcad// snang stong grag stong dran stong so ma'i klong // gsung gi lha rnas ma ma bsgrubs ye nas rdzogs// ma hA ma spangs rdzogs pa chen po'i rgyan// chos sku sems su yang dag gnas lugs te// rang bzhin spros bral rnal 'byor sku gsum rdzogs// ma bkag rang byung ma 'dres rang bzhin grol// thugs rje lha rnams ma bsgrubs ye nas rdzogs// ma hA ma spangs rdzogs pa chen po'i rgyan// ma rig rnam rtog nyon mongs dug mtsho'i nang // rang byung rig pa'i rtsi bcud thig les gzhom// ma spangs mi gnas 'dod yon rnam dag brdal// bdud rtsi'i lha rnams ma bsgrubs ye nas rdzogs// ma hA ma spangs rdzogs pa chen po'i rgyan// nga bdag phyogs cha gzung 'dzin ling+ga la// rang rig ye shes phur pa zang thal btab// rtog pa thal byung gcer bu cog bzhag spangs// phur pa'i lha rnams ma bsgrubs ye nas rdzogs// ma hA ma spangs rdzogs pa chen po'i rgyan// ma gcig kun gzhi kun tu bzang mo'i dbyings// snying po rig pa'i ye shes ji lta ji snyed mkhyen// ma nor ma bcos kun khyab ye shes klong // ma mo'i lha rnams ma bsgrubs ye nas rdzogs// ma hA ma spangs rdzogs pa chen po'i rgyan// thabs shes kun ldan ye stong bdag nyid rig/ mi sgom mi yengs rig pa dbyings na 'phyo// brjod med lug rgyud g.yo med rang grol

  146. 279a

    klong // rig 'dzin lha rnams ma bsgrubs ye nas rdzogs// ma hA ma spangs rdzogs pa chen po'i rgyan// 'khor 'das chos kun ye grol ba mtha' yas// 'dzin med rang grol gza' gtad 'khrul pa zhig/ lha 'dre rang snang rang grol tshig chod klong // mchod bstod lha rnams ma bsgrubs ye nas rdzogs// ma hA ma spangs rdzogs pa chen po'i rgyan// srid rtsa nyes rgyu ha la bdag rtog dug/ rtsa bral snying po'i sngags kyis dug rang bsad// dug lnga ye shes lnga ru rang grol klong // dmod pa'i lha rnams ma bsgrub ye nas rdzogs// ma hA ma spangs rdzogs pa chen po'i rgyan// sgyu 'phrul yongs rdzogs sems nyid chos kyi sku// snang srid gzhir bzhengs 'khor 'das dbyer med rdzogs// gsang ba snga med byang chub snying por brdal// 'khor 'das yongs rdzogs thig le nyag gcig klong // sa lam gtso che ma bsgrubs ye nas rdzogs// ma hA ma spangs rdzogs pa chen po'i rgyan// ma 'gag rol pa sna tshogs rtsis gdab bral// rang bzhin med grol skye med dbyings su dag/ ma 'dres yongs rdzogs rang byung ye shes dang // bde gshegs dgongs pa rtsis gdab rjod med klong // rnam grol gtsor 'don ma bsgrubs ye nas rdzogs// ma hA ma spangs rdzogs pa chen po'i rgyan// 'khor 'das chos rnams rang rig sems kyi klong // gdod nas rang byung brdal ba chen po'i

  147. 279b

    sbubs// 'di ltar nges pa'i phyam brdal chen po la// nyi shu rtsa lnga ma spangs rang sar grol// mi bsrung blo yi a ta nga mi 'dod// bsgrub bya'i 'bras bu a ti nga mi bsgrub// 'di'am bar do phyi ma'i dus re med// 'khor lo tshogs chen sa ni ye gnon yin// ces gsungs nas/ brdal khyab cir mi dgongs su lhan ner bzhugs so// theg pa kun gyi spyi phud klong chen rab 'byams kyi rgyud las/ ma hA ma spangs rdzogs tshul gyi le'u ste rtsa bzhi pa'o// // sa ma ya/ rgya rgya rgya/ \u0f7fna/ thAn/ pra/ gag+heHka rbi/ dzaHbama?ny+dzaHde nas sems dpa' rdo rje yis// ston pa nyid la yang gsol pa// e ma ston pa kun bzang dpal// a nu'i grub mtha' rdzogs tshul gang // ston pas rig mdangs 'khor la gsung // gsan nas ston pas bka' stsal pa// a nu'i grub mtha' bzhi yis ston// lha sgom spyod dang 'bras bu'o// lta ba snang yul kun tu bzang mo'i mkha'// rig pa rang shar kun bzang rol// gnyis med ye sangs rgyas par 'dod// sgom pa ma 'gags rtsal las lha// ma bskyed dran rdzogs chu nya'i tshul// spyod pa rgyud lung nyer gcig gis// sems can kun gyi don byed de// 'bras bu tshe gcig sangs rgyas thob// de na a nu'i theg pa'o// a ho// sems dpa' rdo rje khyod nyon cig/ theg pa'i yang rtse a ti klong chen po// ri rgyal lta bu kun gyi rtser gyur pas// ri

  148. 280a

    bran thams cad 'og tu non pa ltar// lha sgom theg pa kun gyi rtser gyur pas// a nu phyi nang kun bzang mkha' rol rnams// a ti chen po kun bzang yangs pa'i klong // rang skad ston pas theg dman klong du thim// dper na rtsal gsum ldan pa'i seng ge yis// wa sogs gcan gzan zil gyis gnon pa ltar// a ti rang rtsal rig pa yul med shar// mtshan ma rang grol klong yangs phyam brdal bas// a nu la sogs theg pa phyogs zhen can// yul dang yul can 'dod kun klong du grol// de bzhin rig pa ti la mtha' bral klong // bya bral lhun grub rdzogs chen shar grol la// grol dang ma grol gnyis med rgyan du che// dper na 'dab chags rgyal po khyung chen de// mngal na gnas kyang klu rnams zil gyis gnon// sgo nga'i nang du 'dab gshog tshad du phyin// sgong rgya ral nas phyi rgya rlabs kyis chod// 'dab chags gzhan la ci ste ga la rigs/ khyung chen rang la rigs te mkha' la bde// a ti chen po klong chen brdal khyab pa// rang skad ston kyang theg dgu zil gyis gnon// kun bzang klong du sa lam sbrang bgrod grol// 'khor ba'i klong na lus rgya ma bral kyang // gol sa g.yang chod ka dag klong na yin// theg dman gzhan la ma spangs rgyan mi mdzes// ci phyir spang len mdud pas bsdams pa'i phyir// a ti klong chen ti

  149. 280b

    la'i klong na bde// a nu ma spangs rdzogs chen rgyan du mdzes// rtogs dang ma rtogs med par grol ba dang // 'di dang phyi ma med par mnyam pa dang // phung po lhag ma med par yal ba dang // sku gdung ring bsrel ma bsgrubs grub pa dang // mnyam nyid ngang la rgyun chad med pa dang // dug lnga ma spangs dbyings kyi rgyan nyid dang // sdug bsngal bde ba chen por shar ba dang // theg dman dgu po a ti'i so nam tsam// zla bdun tsam gyis zad pa'i sar gnas rnams// theg dgur brgyud nas grol bar 'dod pa dang // shin tu sbyang dang spang dang bsgyur 'dod pa// ga la rigs te klong chen nga la bde// ci bde thams cad bde chen chos sku'i klong // klong chen 'di la ma brdal gang yang med// chos nyid rang bzhin rdo rje snying po'i sku// bag chags las la snying po'i rtsal rdzogs pas// skye shi'i bar do med par rang yal te// rig pa gcig po kun dang dbyer med cing // rgyun chad med par sprul pa 'byung ba dang // thogs pa med par kun la 'jug pa dang // byar med rlung zhon rnal 'byor spyod yul ni// dman pa'i theg pa kun la mi 'tsham ste// a ti klong chen nga la rigs pa yin// skye med skye ba'i cho 'phrul rang shar la// rgyu 'bras mtshan mar 'dzin pa 'khrul pa'i blo// a ti rgyu rkyen med par bstan pa ni// 'og ma rnams la mi rigs sbubs che

  150. 281a

    ste// klong chen yangs pa nga la rigs pa yin// sangs rgyas sems can dgongs spyod dbyer med la// 'khor 'das gnyis su 'dzin pa 'khrul pa'i blo// a ti gnyis su med par ston pa ste// gzhan la mi rigs a ti'i rgyan du mdzes// rtogs dang ma rtogs med par grol ba dang // rtogs nas grol bar 'dod pa snyem pa'i dgra// a ti mnyam nyid gcig tu bstan pa de// gzhan la mi rigs a ti'i rgyan du mdzes// mtshon pa thabs kyi khyad par ma spangs par// brjod du med la bden 'dzin bslu ba'i tshig/ a ti don dam dbyer med bstan pa de// 'og ma rnams la mi rigs a ti'i rgyan// rdzogs chen ye brdal gting mtha' med pa la// thug pa med ces zer ba mun pa'i klong // a ti mu med tshig chod bstan pa de// gzhan la mi rigs a ti'i rgyan du mdzes// 'byung la 'gro drug theg dgu thams cad kyang // dbyings la dbyings shar cho 'phrul yin pas na// de yi rgyan yin bdag dang mthong mdzes bral// yo ga mdud pa can gyi lta ba de// don dam snang la rang bzhin med pa la// kun rdzob tsam snang lha dang lha mo yang // mtshan ma ye med mnyam pa'i chos nyid la// lha dang lha mor 'dzin pa mchog 'dzin bdud// gnyis kar rang shar gnyis kar rang grol bas// yo ga ma spangs rdzogs pa chen po'i rgyan// ma hA mdud pa can gyi lta ba

  151. 281b

    ni// thabs kyi mchog gyur lhag pa'i kun rdzob la// shes rab mchog gyur lhag pa'i don dam pas// gnyis med mchog gyur bden pa mchog tu blta// dbye ru yod kyang mnyam yang mnyam nyid la// dbyer med spyod yul bral ba phyogs 'dzin bdud// a ti mnyam pa ris med chos nyid la// gnyis kar rang shar gnyis kar rang grol bas// ma hA ma spangs rdzogs pa chen po'i rgyan// a nu mdud pa can gyi lta ba ni// phar snang shes pa kun tu bzang mo'i klong // tshur snang yul ni kun tu bzang po'i yul// gnyis su med pa bde ba chen por blta// gnyis dang sdug bsngal mnyam pa'i chos nyid la// gnyis med bde chen yid dpyod re ba'i bdud// a ti rgya chad med pa'i chos nyid la// gnyis kar rang shar gnyis kar rang grol bas// a nu ma spangs rdzogs pa chen po'i rgyan// rdzogs chen a ti'i rnal 'byor brdal ba na// 'jug sgo gzhan du mi blta thams cad rang gi klong // thams cad rang du shes pas gol sa shugs kyis chod// gol sa chod pas g.yang sa ga la yod// g.yang sa nyid kyang rig pa'i klong chen dang // sems kyi mdud pa de ni ma grol bar// 'phags pa'i lam logs 'tshol ba ni// spyang mo dong nas 'bros pa bzhin// thar du re ste ga la thar// 'dod na gang 'dod mtha' yin te// yod par 'dod na rtag pa'i mtha'// med par 'dod

  152. 282a

    na chad pa'i mtha'// rtag chad gnyis kyi mdud pa de// rnal 'byor 'ching bar byed pa'i sgrog/ de yi mdud pa ngang gis 'grol// a nu la sogs lam gzhan gyis// bkrol bas khrol ba ma yin te// zhen pa'i thag pas slar yang 'ching // a ti klong chen rab 'byams nga // mtha' la skyon du mi blta ste// 'ching grol gnyis su ga la 'byed// mtha' gnyis ma spang rang grol bas// gnyis med tsam du mi gnas shing // gnyis ka ltar yang rang shar bas/ mtha' bzhi ma spangs rgya yan klong // mu bzhi kun 'byams yangs pa'i rtsal// 'ching grol gnyis med rang sar bde// gcig bde gnyis bde kun kyang bde// khams gsum sems can kun kyang bde// dus gsum sangs rgyas kun kyang bde// rang snang chos sku'i klong na bde// chos sku 'pho 'gyur med pa la// 'khor 'das chos kun ci bder bzhugs// de la nges pa med pa'i phyir// byed spyod cir yang ma 'gags pas// nga yi klong na ci bder spyod// spyod yul gang yin ma 'gags pas// ci la nyam pa med pa dang // gang la thogs pa med pa'i phyir// gang zhig gang la gang gis 'ching // spu gris spu gri ji ltar gcod// chu yis chu gnyis ji ltar brlan// mkha' la mkha' nyid ji ltar 'jog/ me yis me nyid blo ltar bsreg/ 'ching grol nyid kyang rig pa'i klong // sa le sbram bzhin

  153. 282b

    'gyur ba med// gcig shes kun grol ti la nyid// theg dgu ma spangs nga yi rtsal// a ti ma bsgrubs nga yi rol// mtho dman brjod bral nga yi rgyan// ces gsungs nas/ kun rdzogs rgyal po mi g.yo ba'i ngang la lhan ner bzhugs so// theg pa kun gyi spyi phud klong chen rab 'byams kyi rgyud las/ a nu ma spangs rdzogs tshul gyi le'u ste nyer lnga pa'o// // sa ma ya/ rgya rgya rgya/ yang na dran pa sgog+sas so ba lngarngon roHkarba3 de nas sems dpa' rdo rje yis// ston pa nyid la yang gsol pa// e ma ho// nyag gcig zang thal kun tu bzang // med pa phyal ba lhun grub che// a ti'i grub mtha' bdag la ston// ces gsol ston pas bka' stsal pa// a ho sems dpa' rdo rje nyon// rdzogs chen a ti'i grub mtha' ni// lha sgom spyod pa 'bras bu'o// lta ba snang srid 'khor 'das kyi// chos rnams thig le nyag gcig sku// rang byung bya btsal med par 'dod// sgom pa kun khyab nam mkha' la// cir yang 'char ba'i nor bu ltar// snang bzhin ma grub nges pa med// bcos slad med pa sa le sbram// rang gsal chen por 'dod pa yin// spyod pa spyad rgyu med pa ste// 'bras bu tshe gcig lus gcig la// ka dag zad pa'i sar grol 'dod// sems sde klong sde man ngag sogs// rang rang grub mtha' phyogs res bcings// theg brgyad thams cad khyad bsad nas// nga ni

  154. 283a

    rtsol ba bral lo zer// phyogs zhen de yis sangs mi rgya// lta ba sgom med bstan pas thos// sgom pa ye sgom bstan pas thos// spyod pa spang blang med pas thos// dam tshig bsrung mtshams med pas thos// lam la rtsol bgrod med pas thos// chos nyid gang yang yin pas thos// don la de ltar gnas gyur kyang // theg dman thams cad skrag cing rgyal bar byed// dge sdig gnyis bden rgyu 'bras byung // dge bcu rtsol ba spang mi dgos// nyan rang byang sems theg dman la/ khyad gsod dge sdig med do zer// gtan tshig rigs drug sdug bsngal ltos// yid smon byed pa sems kyi bdud// theg dman rnams la kha 'phen cing // rgyu 'bras phyal bar 'jog pa na/ khams gsum sems can bsad pa bas// theg pa spang smad sdig pa che// yang dag nga la sgro btags yin// gang la gang 'tshams ston byed pa// dbang po'i rim par sbyar nas gsungs// mtho dman med par ngas ma gsungs// theg dgu skas kyi gdang bzhin brten// spong 'geg rtog bsgyur bden gnyis spyod// gtsang sgra ting 'dzin byin rlab byed// rtsol sgrub dam tshig ye shes bskyed// sgrub bsnyen phrin las mchod bstod bskul// kun la 'bras bu re re dang // bden pa mthong tshul yon tan yod// rgyu 'bras 'das pa'i kha lta ste// chad pa'i mu la cung tsam

  155. 283b

    rtogs// nyams len med ces tha mal sdod// nyams len ma 'dres drod tshad thob// a ti chen po nga nyid la// nyan rang theg pa so thar dang // nyams len kun kyang ma spangs yang // chen po nga la bkag pa med// klong yangs pa la gnas pa med// gang yang ma spangs yangs par brdal// ma bcos mkha' 'dra kun la shar// mtho dman phyogs ris pa la byed// 'dod blo'i chos chen ma zad na/ kha lta mtho yang sangs mi rgya// chen po nga yis gtan la 'bebs// 'khor ba ru nas nga yis bzlog/ theg pa 'og mas gong ma 'degs// rtsa bas rtse mo 'degs bzhin no// mar la mar bsnan dbye bsal med// sangs rgyas sems can logs na med// rdzogs pa chen po'i lha sgom spyod// dam tshig sa lam rtsol sgrub med// de yis ka dag sgrub la phebs// rgyu 'bras zhib kyang 'gal ba med// byar med klong du gang yang shong // rtsol sgrub mi bde bya mi dgos// rdzogs chen rgyu 'bras med par 'khrul// de ni chos nyid mkha' dang 'gal// ji bzhin chos nyid don mi 'byor// chos nyid ye grol don dang 'gal// e ma ho/ theg dgu ye rdzogs 'di lta ste// sdug bsngal mi skye spang mi dgos// nyan thos ma spangs rdzogs pa chen// ma rig rten 'brel dbang po 'gegs// stong nyid chos sku skye 'jig bral// rang rgyal ma spangs rdzogs chen rgyan// rang byung rnam dag

  156. 284a

    chos nyid sbyang // sbyang bskur dmigs pa skul mi dgos// sems tsam ma spangs rdzogs chen rgyan// kri ya gtsang sbra byi dor grub// ye nas dag pas bya ba bral// kri ya ma spangs rdzogs chen rgyan// u pa yo ga cho ga rtsol sgrub spyod// ye nas lhun grub bya mi dgos// u yog ma spangs rdzogs chen rgyan// ma hA a nu ting 'dzin gsum// dag pa sgom bsgrub ye grub yin// ma hA a nu rdzogs chen rgyan// sems sde klong sde man ngag sogs// kun kyang mtho dman med pa la// theg 'og khyad bsad rang che brjod// de yis 'di la gtan mi phebs// rdzogs pa chen po'i lha sgom spyod// chen po nga nyid mnyam nyid dang // mtho dman dbye ba'i gdags gzhi bral// rtsol med rgyu 'bras zhib mos 'bebs// kun gyi yang rtse chen po nga // dgu ka ma spangs nyams su len// phyogs zhen rgya mdud sdom pa len// lta ba'i yang rtsi thod rgal 'gro// gshis ni ske med thig le yin// rtsal ni 'gag med rol pa yin// ngo bo gnyis med rang grol yin// e ma ho/ gcig la kun rdzogs ma spangs rang sar grol// sangs rgyas sku dang sems can nyon mongs lus// ji ltar snang ba thams cad rig pa'i rgyan// nyon mongs dug lnga ye shes bdud rtsi ste// 'khor ba'i g.yang sa byang chub lam du dngas// dug gsum sku gsum klong du gtan sprugs te// skye shi

  157. 284b

    rtsad gcod khams gsum yongs su grol// gzung 'dzin gnyis dang bya byed kun snang kun// nyid la nyid 'dzin nyid la nyid spyod pas// rtsa ba byang chub rig pa'i klong du grol// rang byung rig pa ye nas chos sku ste// dus gsum rgyal ba rnams kyang de yi sku// phyi nang gsang ba theg mchog ji snyed kyang // byang chub sems nyid de yi yon tan te// rang rig ma rtogs chos rnams logs na med// sems nyid klong du ma grol chos med pas// gnyis su 'dzin pa'i mkha' la mdud pa bor// phyogs su btsal ba sems kyi mdud pa ste// a ti lta ba phyogs ris med pa la// bltas kyang skyon med rang byung rol pa yin// ma bltas skyon med mtshan ma rang sar grol// gnyis med lta ba rang byung rol pa yis// lta ba zang ngan 'byed pa'i mdud pa bor// nga yi sgom pa dmigs gtad med pa la// bsgoms kyang skyon med rang byung rol pa yin// ma bsgoms skyon med mtshan ma rang sar grol// rang grol gnyis med rang byung spyod pa yis// spyod pa ched du btsal ba'i mdud pa bkrol// klong chen 'bras bu spang thob med pa la// bsgrubs kyang skyon med rang byung rig pa yin// ma bsgrubs skyon med mtshan ma rang sar grol// gnyis med rang grol rang byung 'bras bu yin// 'bras bu gzhan 'dod re ba'i mdud pa bkrol// klong chen bsrung mtshams bral ba'i dam tshig

  158. 285a

    la// bsrungs kyang skyon med rang byung rol pa yin// ma bsrungs skyon med mtshan ma rang sar grol// rang grol gnyis med rang byung dam tshig gis// srung nyams skyod yon 'byed pa'i mdud pa bkrol// a ti'i phrin las bya btsal med pa la// btsal kyang spyod med rang byung rol pa yin// ma btsal skyon med mtshan ma rang sar grol// rang grol gnyis med rang byung phrin las kyi// phyogs su 'byed par 'dod pa'i mdud pa bkrol// a ti sa lam sbyang bgrod med pa la// sbyang bgrod byas pas skyon med rol par shar// ma bgrod ma sbyangs skyon med rang sar grol// gnyis med rang grol rang byung sa lam gyis// mtho dman gong 'og 'dzin pa'i mdud pa bkrol// klong chen mdud bkrol mtha' yi mun gsal bas// 'gro ba rigs drug sangs rgyas nyid du gsal// phyogs mtshams steng 'og thams cad rgyar mnyam pas// ya tha sangs rgyas med de rang du gsal// ma tha dmyal ba med de rang du dag/ 'gro drug sdug bsngal mdud pa der bkrol nas// byang chub sems la bdag gzhan mtho dman med// mtho dman med pa'i mnyam nyid rig pa'i mkhar// kun la khyab pas gdal ba chen po'i rdzong // gnyis su med pa mi 'gyur rdo rje'i 'obs// rdo rje'i mkhar rdzong theg pa'i spyi phud yin// ye nas de yi klong du rang grol bas// 'dod

  159. 285b

    'byung cir yang 'char ba'i yon tan yin// ye klong brdal ba de yi ngo bo la// skye shi 'pho 'gyur med pas 'bras bu'o// rgyud dang gdams ngag thams cad nga yi klong // gcig rdzogs kun rdzogs skyon yon mtha' dag rdzogs// rdzogs pa chen po a ti kun gyi phud// dbyings rig ti lar gang la dbye bsal med// sa dang lam dang theg pa'i bye brag kun// ma 'dres yongs rdzogs thig le gcig gi rgyan// thig le gcig la dbye bsal ngang gis bral// mi 'gyur brtan pa'i klong na bde bar bzhugs// bya bral bde ba kha yan klong na bde// kun kyang ro gcig mnyam pa'i dbyings su grol// skye med rol pa 'ub chub chen po e// theg dgu ma 'dres ma spangs rdzogs pas te// gong na gzhan med spyi dpal chen por theg/ 'khor 'das thams cad brdal ba chen po'i klong // nyid las nyid shar rol pa 'byams pas chen// rtsol ba bya bral ti la'i sbubs na rab// ka dag zad pa yid dpyod bral bas 'byams// theg dgu zil gnon yangs dog med pa'o// zhes gsungs nus// mi zad ka dag gi klong du lhan ner bzhugs so// theg pa kun gyi spyi phud klong # ga / \u0f7fgams par bya ga la/ na nga

  160. 286a

    kye ho// nyag gcig cha shas ti la che// gzhon nu bum sku kun bzang mchog/ a ti chen po'i grub mtha' gang // ston pas 'khor la bka' stsol cig/ zhus pa'i lan du 'di skad gsungs// a ti chen po'i klong brdal la// gtad med zang thal lta ba dang // dmigs gtad zhen med sgom pa dang // blang dor med pa'i spyod pa dang // 'bras bu re dog med par zad// bzhi yis bsdams te bstan pa la// lta ba gtad med nyid la gsum// mnyam nyid 'dzin grol phyogs med zla// 'khor 'das chos kun cir snang yang // snang stong chos nyid dbye ba med// chos can ma yin chos nyid gcig/ logs nas 'byung ba'i re cha med// yod med med min 'dzin pa grol// bden rdzun tha dad gnyis chos dag/ chos rnams rang byung rang shar klong // chos med gtad med nyid snang ba// snang na rang snang rang stong ngo // snang dang stong pa ye nas mnyam// chos can chos nyid mnyam par brdal// yod med mtha' gnyis rang chod klong // rang dang gzhan gyi phyogs 'dzin med// rdzun dang bden par gdod nas mnyam// ci phyir rig pa dri med 'di// ngo bo phyogs lhung gang yang med// de phyir gtad med zang thal te// dper na ga pur sman dug bzhin// ye nas mnyam nyid rang ngo'i sbubs// chos rnams mnyam nyid mtha' grol bas// lha mi rang rgyud bzung bas

  161. 286b

    'khrul// chad dang stong par bzung bas log/ theg dman snang ba dgrar ltas gol// byang sems sgrin pos sbyong bas bsgribs// mtha' dbus stong par sgro 'dogs 'byams// sngags rnams phyi nang dag snang du// bskur bas chos min gting ma rtogs// mdor na phyogs 'dzin lta ba'i bdud// rdzogs chen theg dman khyad gsod bral// thams cad phyam brdal phyogs ris med// gtad med zang thal lta ba la// chos min rtog pas phyogs 'dzin grol// ka dag klong du brdal ba che// phyogs ris med par la bzla ba// chos can dngos po'i snang ba la// rtog pas 'di yin med par brdal// yod pa'i phyogs su ma ltung ste// cir yang snang bas med mtha' bral// gnyi ga'i phyogs nas rig snang stong // gnyis med phyogs su de ma lhung // ye grol phyogs su rgya ris bral// yang dag don du la bzla'o// dmigs gtad zhen med sgom pa la/ bdag 'dzin blo bral sgo 'khrul zhig/ yin min blo bral klong brdal lo// bdag 'dzin bral bas nga bdag sgom// ngo bo stong pas rtsa ba stor// rang bzhin gsal yang gzhi rtsa bral// mtshan nyid 'gyu dran 'dzin chags zhi// gang yang ma grub bsgom bya stor// spang dang bsgrub bya'i snang ba zhig/ dmigs gtad kun bral klong yin no// 'khrul pa nga bdag gshis med grol// snang ba byed mkhan ma grub pas// snang

  162. 287a

    tshul bden rdzun 'khrul pa zhig/ gnyis 'dzin 'khrul pa ye med dang // bsgrub bya 'di yin bsgrub tu med// thams cad klong chen brdal ba nyid// phyogs med yul med rang snang grol// yul med blo dang de bral te// thams cad phyam gcig rig stong grol// spyod pa blang dor med pa la// gtad med zang thal lta ba yis// yin dang min gyi phyogs zhen grol// dmigs gtad zhen med bsgom pa yis// theg dgu chos min grogs su 'char// blang dor med pa'i spyod pa yis// yin min dge sdig ci spyad kyang // chos nyid klong nas 'das pa med// dge bcu pha rol phyin pa drug/ chos spyod bcu sogs 'di blang bya// mi dge bcu dang mtshams med lnga// rnam smin sdig che 'di spang bya// mtshan ma ye med gzhi dag pas// blang dor gzung 'dzin ming yang med// yin min gnyis kyi chos blo 'das// de ltar lta sgom chos nyid kyi// klong las 'phyo ba ye med pas// mi dge bcu dang mtshams med sogs// ma spangs chos med lhun gyis grub// dge bcu chos spyod tshogs chen gnyis// ma btsal chos min lhun gyis grub// sku dang zhing khams ye shes sogs// ma grub lhun rdzogs klong chen po// 'khor 'das kyis bsdus chos phya ma gcig/ skye ba med las thams cad skyes// yod nas snang ba ga la yin// skyes tsam nyid na skye ba med// med pa nyid kyang rang snang

  163. 287b

    phyir// snang shar dus mnyam de ru mnyam// stong rig dus na de ru mnyam// gnyis ka'i dus na de ru mnyam// mnyam nyid mtha' mu rang grol lo// 'bras bu snang bzhi rim shar nas// gdeng bzhi dag gis chos zad pas// zag bcas mi snang zla bdun gyis// 'ja' 'od lhag med 'grub pa'o// e ma ho sems dpa' rdo rje rtsal// lta ba phyin ci ma log par// a ti chen po'i klong chen la// ma rig ma spangs rig pa'i sku// dbyings chen rnam dag thig ler rdzogs// gcig rdzogs ti la gnyis rdzogs brdal// 'khor 'das chos rdzogs thams cad klong // gcig byung ka dag gnyis byung rol// sgron ma bzhi gzhung lug rgyud rdzogs// sku dang zhing khams thams cad byung // gcig skyes ti la stong nyid dbyings// gnyis byung rig pa dbyings dang 'dres// yid kyi rnam shes thams cad skyes// gcig med ma rig yid sems med// ma dag nyon mongs thams cad med// phyogs ris zhen 'dzin mdud pa med// de bzhin a ti chen po la// byas pa'i chos ni ka nas dag/ bya dang byed pa med pa'o// a ti klong chen nga nyid la// dam tshig bsrung du med pa ste// ye nas bsrung dang bral ba'o// med pa phyal ba lhun grub che// nyag gcig zang thal nyid du'o// gsang sngags kun gyi dgongs pa che// a ti chen po'i klong chen de// nam mkha' gcan gzan seng ge

  164. 288a

    yis// 'ug pa wa tshogs zil gnon ltar// rang rig gtan phebs dman mnan nam// ri bo mchog gis ri bran zir mnan nas// rgya mtsho chen pos chu bran zil mnan nam// dpag bsam shing gis shing phran zil mnan nam// glang chen rta mchog dud 'gro zil gnon ltar// theg pa'i spyi phud klong chen pa nyid kyis// 'khor 'das theg dgu sbubs su zil gyis mnan// rang byung rang la thim pa'i sku gsum rig pa'i don// skye med dbyings la sgom med chen po ni// bsgom bya sgom byed yin min gnyis dang bral// 'dzin pa med par rang grol te// sbrul dang rnga ma'i mdud pa bzhin// rang grol rang sangs chen po'o// de bzhin phyogs cha yid 'dzin rnams// rang grol rang sangs chen po'o// a ti chen po nga nyid la// re dang dogs pa ga la yod// re dogs gnyis po ltung ba'i rgyu// 'khor dang 'das pa ga la yod// sangs rgyas sems can ga la yod// ma spangs klong du rang sar grol// bsgrub med sgrub dang bral ba'o// byas med byung ba med pa'o// 'gag med khyab gad la 'ub chub bo// 'gyur med klong yangs chen po'o// chos med sangs rgyas 'khrul med do// gnas med ye shes med pa'o// med pa'i 'chal ba ga la yin// ma spangs bkra zhing 'dzin med yin// gang shar rol pa gang snang grogs// dper na nags kyi me

  165. 288b

    chen la// rlung chen byung ba grogs bzhin no// klong chen rol par 'khor 'das rgyan// 'di ni a ti'i grub mtha' 'o// zhes gsungs nas// ka dag yangs pa chen po'i ngang la lhan ner bzhugs so// theg pa kun gyi spyi phud klong chen rab 'byams kyi rgyud las/ a ti chen po'i grub mtha' ste// rtsa bdun pa'o// // sa ma ya/ rgya rgya rgya/ btsu bya da ste/ then/ kun rgyamya rgya gter rgya/ sbas rgya/ zab rgya/ gtad rgya/ sems dpa' rdo rjes yang gsol pa// kye ho// sku lnga'i bdag nyid sangs rgyas mes// re dogs mtha' grol kun tu bzang // 'di lta bu yi klong chen de// ston pa'i slob dpon ji lta bu// 'dus pa'i 'khor la bka' stsol cig/ de skad zhus pa'i lan nyid du// ston pas rang byung 'di skad gsungs// kye ho sems dpa' rdo rje nyon// spyir na bla ma'i mtshan nyid ni// phun sum tshogs pa 'di ltar ro// klong chen bka' babs sgrub rgyud zin// dbang rnams yongs rdzogs dam tshig gnas// lta ba zag chod rgyu 'bras zhib// bsgom pa'i snang shes nyams len brtson// spyod pa tshul khrims man ngag can// gsang sngags rdo rje'i mtha' drug rdzogs// thos pas rgyud grol snying rjer ldan// 'gro 'dul thabs mkhas rdzu 'phrul ldan// dus gsum bde gshegs sras bcas kyis// byin brlabs snyan brgyud tshig brgyud dang // thugs brgyud bka' babs

  166. 289a

    gzhan sel med// rgyal ba'i sras su rjes su gnang // so zar 'dul khrims shel ltar gtsang // de nyid bcu mkhyen 'dod chos mkhas// skyo dub med cing snying rje 'byongs// theg chen 'gro ba'i don la brtson// gsang sngags nang gi cho ga mkhas// bsnyen bsgrub mthar phyin nus rtsal rdzogs// ka dag don gyi phu zag 'brus// snang gzhi tshad 'khyol bde dang ldan// klong chen don la shin tu mkhas// tshe 'di zad zing don mi gnyer// slob ma brtag mkhas theg dgu sbyangs// chags zhen chung zhing 'dzin pa med// de rnams ldan pa'i bla ma de// yid bzhin nor bu lta bu ste// bdag gzhan don gnyis de yis 'grub// gang gis 'brel la yon tan 'byung // de bsten skad cig rdzogs sangs rgyas// de las log pa'i snga ma ni// chos la mkhas g.yar tha mal sdod// 'dul khrims med par khyim pa'i tshul// nyes byas rgyu 'bras rnam smin/ lci// byams pa ma 'byongs rang don sgrub// gdul bya'i 'gro don bstan srol stor// sngags sgrub sgom bzlas rtags ma thon// rgyud sgrub cho ga'i gnad mi shes/ kha lha'i rbad khams 'ur du 'don// chags sdang ma spangs 'khor bar ltung // chos kyi rgyus chung mkhas drung gzhol// blun po nya ma mgo skor byed// gdams ngag yod zer lkog tu ston// da rung snying po'i don la tshom// 'gro don nye ring phyogs cha byed// yul dang

  167. 289b

    bstun pa'i chos mi shes// de yang bzang bzang 'dra yang ngan pa ste// de 'dra'i mi gtsang bum pa la// brten bya'i slob dpon ma yin pas// dam pa chos kyi 'brel zag chod// da lta ngo mtshar gus brten yang // nam phugs skyon gcig cis kyang yod// dam nyams gnyis ka dmyal bar 'gro// de bas snying po'i don 'dod na// bla ma mtshan ldan brtson 'grus kyis// yon tan tshang ba btsal la brten// de ni lhag med gsungs pa'o// de ni klong chen 'di nyid kyi// 'chang 'dzin ston pa'i bla ma'o// zhes gsungs nas/ rang grol rtog pa'i gdeng gi ngang la lhan ner bzhugs so// theg pa kun gyi spyi phud klong chen rab 'byams kyi rgyud las/ bla ma'i mtshan nyid brtag pa'i le'u ste rtsa brgyad pa'o// // sa ma ya/ rgya rgya rgya/ spa brag can kya tu rbanaHcad kyang zudras rgyaHde nas rdo rje sems dpa' yis// ston pa nyid la yang zhus pa// kye/ kun mkhyen brdal ba chen po'i dpal// rgyu rkyen rtsol ba med pa'i phyir// klong chen 'di nyid bstan bya'i yul// slob ma'i mtshan nyid gang lta bu// rig mdangs 'khor la bka' stsol cig/ ston pas lan du bka' stsal pa// a ho sems dpa' rdo rje nyon// slob ma dam tshig ldan gyur pa// klong chen ston yul snod dag yin// klong chen 'di ni thun mong min// theg pa kun gyi yang rtse yin// theg pa'i bcud mchog

  168. 290a

    bdud rtsi 'di// gar byung snod du blug pa na// snod chag bcud 'bo don mi 'grub// dmyal bar ltung bas snod brtag go/ dang po snod kyi mtshan nyid ni// dad pa che zhing chos la mos// brtson 'grus che zhing sgrub la brtson// shes rab che bas tshig don go/ 'dzin chags chung zhing tshe 'di spong // phu dud che zhing bla ma mchod// blo che gsang sngags spyod pa shong // g.yeng ba chung bas chos la gnas// dam tshig dag srung nyes skyon med// sgrub la brtson zhing sdug sran che// dad dang snying rjes 'gro la phan// gtong phod che bas rtsa gsum mnyes// rgyud dul nyon mongs bags kyis chung // sdig chung rnam smin dag la 'dzem// dbang po rno zhing gsang sgo thub// 'gyur med skyo shas blo sna thung // sdug sran snying rus zhe bcad che// bla ma nyid dang 'bral mi phod// 'di ni klong chen snod mchog yin// de la lo bcu'i khangs nyid du// brtag cing gdams pa rim gyis sbyin// gnas skabs gdams pa chud mi gson// mthar zug bka' babs gzhan don 'grub// de las log pa'i slob ma ni// lcam char phyir yang che zhing dang med mi// dpal spel kyang zhing mi thub ngo brag grags kyang che// brtag long med par btsan thabs 'dod// dam tshig mi bsrung rang tshig rngam// chags sems snod sems sgro skur can/ kha yang gting thung ngo

  169. 290b

    dga' che// gdams pa mgo skor thabs kyis 'bru// ma brtags slob ma kha dred can// gdams ngag chud zos mkha' 'gro'i snying // rang rgyud pa la lha gsang 'chad// nyams pa'i gang zag snod med la// klong chen mi bstan mchog tu gsang // don la blang dor mi gnas kyang // mi ma yin kyang bka' srung rnams// thugs khros dus min 'chi bar 'gyur// mkha' 'gro chos bdag thams cad kyis// 'phral la bar chad mi rung 'jug/ tshe 'dir shis dkon ngan song gnas// kun gyis smod cing dma' sar 'bebs// de yi kha rlangs grib ma phog/ mkha' 'gro 'khrug cing ngu bar 'gyur// snod ngan stobs che shin tu brtag/ me thigs gcig gis yul mkhar phung // sbal pa smas ma ji bzhin no// brtag pa sna tshogs sgo nas bya// mi nor srog sogs 'bul nas blta// mi nor rin chen gus ldan 'bul// phongs med 'bul la don rgyud bstan// de yis don grub dgos pa yod// ces gsungs nas/ sna tshogs gcer grol gyi dngal lhan ner bzhugs so// theg pa'i yang rtse klong chen rab 'byams kyi rgyud las/ slob ma snod ldan mi ldan btag pa'i le'u ste rtsa dgu pa'o// // sa ma ya/ rgya rgya rgya/ spams kra sh+tsa nanaHtsad mya/ zungag rgyaHsems dpa' rdo rjes yang gsol pa// de lta bu yi klong chen de// bsnyen zhing rtsol ba'i gnas mchog

  170. 291a

    gang // ston pas 'khor la bka' stsol cig/ de skad gsan dgongs bka' stsal pa// kye ho sems dpa' rdo rje nyon// klong chen nyams len gnas mchog ni// lung stong mi skad med pa'i sa// dge sbyor 'phel ba'i dgos pa'o// ri rtse shes pa shin tu gsal// dur khrod skya shas shin tu che// shin tu dben sar nyams snang 'phel// drangs shing mtho bas dbyings rig gsal// bkra shis gangs rgyud ri 'dab bzang // gnams pad 'khor kha sbyor 'dra/ sngar yang grub thob rkyen thub pa// mi rgod med cing 'bru sogs med// rgyab ri mtho la byang ri mdud// g.yas pa dar dkar yol lta bu// g.yon pa phyogs nas skyong ba 'dra// mdun na rin chen spungs pa 'dra// mda' ni phyag rgya bsnol ba 'dra// tsha grang snyoms shing gzhi bdag 'jam// nyi ma rtag cing so thub sa// nye ring ran cing rab tu btsan// smad kha phye ba skyil krung 'dra// nags sam ri bo tshang tshing du// klong chen ston pa'i sa gnas so// yon tan dge sbyor ngang gis 'phel// mthar thug dbyings rig brtan pa thob// de las logs pa'i gnas nyid ni// shar ri mtho ba tshe la gnod// nub ri har na bkra mi shis// mdun ri mdud tshugs par chod mang // tsha grang ma snyoms nad ru 'jug/ gzhi bdag rtsub pas bar chod 'ong // mi rgod rgyu bas sems mi phebs// 'bru tshogs dkon na

  171. 291b

    khams 'dus mod// gzhan yang sa dgra sna tshogs la// rten 'brel thabs kyis bcos shing spangs// yon tan ldan pa'i sa cha ru// sgrub khang che 'bring chung ba gsum// sems can blo dang sbyar la brtsig/ yang dag rten 'brel ka dag kyang // gnas skabs rten 'brel zhib par sdang // zad pa mthong ba'i grogs su 'gyur// de rnams 'dzom dus slob ma yis// yon ni gser dngul 'bru sman mi// gus pas phul la snyan pa yis// lo bdun lnga'am gsum nyid nas// klong chen 'di zhu'i zhu ba ni// lnga bdun bar du dbul bar bya// de nas bla mas gnang ba sbyin// slob dpon rtsa gsum sgrub pa yis// zhi khro nyid kyi bsnyen bsgrub brtsam// slob mas sbyor ba tshang bar bsag/ de yis don rnams 'grub par 'gyur// zhes gsungs so// theg pa kun gyi spyi phud klong chen rab 'byams kyi rgyud las/ gnas dang zhu 'bul le'u ste sum cu pa'o// // sa ma ya/ rgya rgya rgya/ ma.a kye kyeHgrarba kyi go/ gagamany+dzaHrgya rgya rgya/ sems dpa' rdo rjes yang gsol pa// kye ho mi 'gyur lhun grub kun tu bzang // phun sum tshogs pa'i nyes spangs pa// yo byad grogs gnyis ji ltar bsag/ ston pas 'khor la bka' stsol cig/ ston pas lan du 'di skad gsungs// a ho sems dpa' rdo rje nyon// yo byad 'byor grogs 'di lta ste/ khams kyi rten so yo byad dang // 'tsho

  172. 292a

    ba zas kyi yo byad dang // nad zlog sman gyi yo byad dang // bar chad dgra zlog yo byad dang // dam can bskang ba'i yo byad dang // sgrub pa rdzas kyi yo byad dang // mthun rdzas thams cad tshang bar bsags// zas kyi yo byad 'dab tu bsham// dam bcas srid tshogs bgos pa yod// mchod rdzas ma rul ma rnying pa// mdangs dang ldan pas rtsa gsum dgyes// bskang rdzas ma nor ma khyag cing // ma nyams ma rnying ro dang ldan// dam can thugs dam bskangs pa'o// bsgrub rdzas mang zhing tshan che bas// byin brlabs tshan che sprin ltar 'thibs// g.yog 'khor sha tsha blo gsal zhing // mi bslu gsang thub nga lo yangs// mched grogs du yod bsags pa'o// rdo rje rgyal thebs rdo rje bya ba dang // rdo rje spyan ma khrims pa dang // rdo rje karma las mkhan dang // rdo rje byan mo phyag bde mo// rdo rje ging chen sgo ra ba// rdul phyags skyes bu la sogs bsag/ las rgya mdzes sdug yid 'ong ba// blo che nad med rigs bzang zhing // bcu drug lo lon gsang thub pa// mtshan ldan reg na bde ba 'phel// nad bzlog re skong 'bras bu thob/ khyad par grogs kyi mtshan nyid kyang // dam tshig gtsang zhing nyes ltung med// dag snang che bas kun dang mthun// dug lnga chung bas nyon mongs 'gags// blo brtan khog yangs slob pa mtho// rkyen dbang mi 'gyur/

  173. 292b

    dgos pa yod// ngang rgyud ring zhing mched la brtse// mi 'bral phan thogs dgos pa yod// de ltar grogs rnams 'dzom pa na// gnas skabs yon tan ri la chags// mthar thug yon tan zad pa thob// mtshan nyid mi ldan de las zlog/ ma rungs dam log grogs brten na// dge sbyor sel byed par chod 'gro// rab tu brtag pa gal che'o// sgrub 'go 'dzugs pa'i lo dag ni/ byi ba 'brug dang rta dang phag khyad par 'di bzhi dag la shis// dbang dang gdams pa'i 'bras bu 'grub// zla ba stag sbrel phag sbrul bzhi// dus rdzogs 'bras bus 'byin phyir 'jug/ tshes grangs yar gyi gcig la zhugs// yang na gsum brgyadanya sogs bzang // zla ba zad dang lo zad dus// sgrub dbang 'don par shis pa yin// sdig sgrib mi dge bde ba'o// skar ma rgyal dang nab so dang // shes bre nag mgo sogs bzang // gza' ni phur sogs dar dus bzang // dus ni nyi shar nam langs 'asdug/ dbang la nam gung nyin gung ngo // bstan pa'i rtse rgyal 'di nyid de// gtsor ston nyams su len pa'o// ma ha'i rgyud dang a nu'i lung // a ti'i man ngag la sogs pa// ma spangs kun la mkhas pa'o// zhes gsungs nas/ khyab gdal chen po'i ting 'dzin la bzhugs so// theg pa kun gyi spyi phud klong chen rab 'byams kyi rgyud las/ sgrub rdzas grogs mched brtag btsal gyi

  174. 293a

    me'u d+ha mo gcig pa'o// / sa ma pa/ rgya N+ya \u0f7f/ mas tags n+d+haD+ha N+ya rgya de nas sems dpa' rdo rje yis// ston pa nyid la yang zhus pa// kyi chos nyid chen pa klan bzang klong // ka dag ngang dag rdo rje che// gang zag phyi rabs blun rmongs la// yid ches gdams pa'i lo rgyus rnams// ma dag yid gnyis sel ba'i phyir// rang mdangs 'khor la bka' stsol cig/ de nas ston pas bka' stsal pa// a ho sems dpa' rdo rje nyon// a ti bkod pa chen po yi// klong chen yang zab bka' 'di la// lo rgyu so na gyis ma bshad na// blun rmongs tshig phyir 'breng ba rnams// yid gnyis the tshom skyon du 'gyur// des na lo rgyus bkrol te bstan// chos sku rang gi ngo bo yis// rgyal bas dgongs pa rtsal gyis gsungs// longs sku rang gsal chen po ru// brda tsam bstan pa tsam gyis gsungs// sbrul sku gang la gang 'dul du// tshig gi sdeb sbyor mkhas pas gsungs// 'dul zhing phung po lnga yi don// gnas ston 'khor bstan dus dag ni// phun sum tshogs pa lnga lngas bstan// gsang ba chen po'i rgyud rnams ni// phun sum tshogs pa lnga ldan yin// bshad thabs bzhi yis gang 'tshams ston// a ho phun sum tshogs pa'i gnas nyid ni// chos dbyings spros dang bral ba ste// mtshan nyid ma grub tshig mtha' zad// ston pa phun

  175. 293b

    sum tshogs pa ni// ma spros mi spros yid tshig bral// zhal phyag nyid du ma grub bo// 'khor ni chos nyid rol par shar// rang grol rang byung gsal ba'o// bstan pa phun sum tshogs pa ni// don ldan rang byung rang shar ba// rgyu rkyen gang gis ma bslad pa// kun khyab klong chen nga nyid do// dus ni thog ma tha ma med// lnga ldan chen po bkrol zhing bstan// spyi gzhi sku gsum bshad pa na// chos sku'i gnas ni chos kyi dbyings// chos sku'i ston pa kun bzang nga // chos sku'i 'khor ni rang rig la// chos sku'i bstan pa a ti nga // chos sku'i dus ni 'das pa'o// longs sku'i gnas ni stug po bkod// longs sku'i ston pa gangs chen mtsho// longs sku'i 'khor ni zhi khro'i tshogs// longs sku'i bstan pa kri yog gsum// longs sku'i dus ni da lta'o// sbrul sku'i gnas ni kun khyab zhing // sbrul sku'i ston pa sangs rgyas stong // sbrul sku'i 'khor ni khams gsum mo// sbrul sku'i bstan pa dbang bzhi'o// sbrul sku'i dus ni ma nges pa'o// lam gyi phun sum tshogs pa ni// gnas mchog phun sum tshogs pa ni// rang lus 'dom gang gru bzhi yin// snying nang rin chen gzhal yas khang // rtsa rnams 'dus pa'i 'khor lo ni// dus gsum bde gshegs thams cad kun// 'di la brten nas 'tshang rgya'o// ston pa phun sum tshogs pa ni// rang shes rig pa'i rgyal po ste// 'khor

  176. 294a

    'das chos rnams thams cad kun// mkhyen pa'i bdag por bzhugs pa'o// zhu 'khor phun sum tshogs pa ni// rnam par shes pa'i tshogs brgyad dang // sku lnga ye shes 'od lnga dang // shes rab rlung sogs lnga tshan rnams// rnam dag rol pa sna tshogs so// bstan pa phun sum tshogs pa ni// phyi nang rten 'brel kun tshang zhing // rtsa rlung thig le'i yon tan no// dus tshod phun sum tshogs pa ni// spyir ni rang lus khyad par du// dbyar ma ston dang dgun chung dang // nyin mtshan dus bzhi la sogs pa// na bun 'tshub ma ser bu med// nam mkha' drangs shing gsal ba'o// de ltar lnga lngas ston pa yang // gang zag gcig gi rgyud nyid la// gti mug 'dul ba'i gnyen po ru// dmigs gtad med pa'i sgom pa bstan// zhe sdang 'dul ba'i gnyen po ru// gza' gtad med pa'i lta ba bstan// 'dod chags 'dul ba'i gnyen po ru// blang dor med pa'i spyod pa bstan// nga rgyal 'dul ba'i gnyen po ru// gol sgrib med pa'i ka dag bstan// phrag dog 'dul ba'i gnyen po ru// spang thob med pa'i 'bras bu bstan// thams cad lnga lngas 'ching zhing bshad// rgyud 'di gang la babs pa'i mi// rim gyis yon tan bshad cing bstan// ma dag sems can spro ba bskyed// lus ngag yid gsum bya rtsol spangs// 'khrul pa'i phyogs su mi gtong zhing // lus slod ngag/

  177. 294b

    bsdams sems sgro yang // yid ches thag chod the tshom bral// byin rlab 'jug cing gdams pas grol// ces gsungs nas/ gsal stong lhun grub tu bzhugs so// theg pa chen po'i spyi phud klong chen rab 'byams kyi rgyud las/ lo rgyus bstan pa'i le'u ste so gnyis pa'o// // sa ma ya/ rgya rgya rgya/ ma.a n+ye myaMHkratab kyi sgo/ dag pa many+dzaHsems dpa' rdo rjes yang zhus pa// kye ho// gzhi rdzogs chen po kun tu bzang // snang srid dbang sgyur rgyal po che// dbang gi rim pa ma lus par// rig mdangs 'khor la bka' stsol cig/ zhus pa'i lan du bka' stsal pa// e ho sems dpa' rdo rje nyon// dbang la rnam pa bdun yin te// ngo bo nges tshig dbye ba dang // thob pa'i yon tan ma thob skyon// dbang nyid brtan pa'i dam tshig go/ dang po dbang gi ngo bo ni// rang byung rol pa chen po'i dbyings rums su// 'khor 'das chos rnams thams cad dbang gi dkyil// rang rig bdag 'dzin bral ba'i gnas nyid du// dbang bzhi byang chub sems kyi chu rgyun 'bab// srid pa'i rtsa ba bdag 'dzin sangs pa'i dbang // phyi nang kun brtags ye/ grol ngo bo yin// nges tshig las ldan bu la dbang bas dbang // snang srid sems su shes pa don gyi dbang // srid bcud lha ru grol ba sems kyi dbang // thams cad rang 'dzin spang bas yang dag

  178. 295a

    dbang // gnyis med zang thal rtogs pas ye shes dbang // de nyid ngang du mi g.yo rang gi dbang // thams cad ka nas dag pa ngo bo'i dbang // yul sems ngo bo rgyas pa rang bzhin dbang // snod bcud yongs su grol ba thugs rje'i dbang // gzhi snang rang sar dag pa sku gsum dbang // cir snang rig par shes pas dbang yin no// dbye ba la'ang spyi dang bye brag gnyis// spyir na rtogs pa ye shes dbang bskur dang // ma rtogs rgyu mtshan dbang bskur gnyis yin no// bye brag ma rtogs rgyu mtshan dbang bskur ni// mtshan ma rdzas la brten nas dbang bskur dang // rdul tshon dkyil 'khor dag la brten pa dang // yab yum b+ha ga'i dbang bskur gsum yin no// mtshan ma rdzas kyi dbang yang rnam gsum ste// bkra shis rdzas brgyad dbang gi bskur thabs dang // rin chen bum pa'i dbang gi bskur thabs dang // sha khragrag gtor ma'i dbang gi bskur thabs so// rdul tshon dbang la rnam pa bzhi yin te// theg pa bcu gcig dbang mchog dang // pho brang gtso bo'i dbang gi bskur thabs dang // 'khor gyi dkyil 'khor lha yi dbang bskur dang // tsa ka li yi dbang gi bskur thabs so// yab yum b+ha ga'i dbang yang rnam gsum ste// yab yum phyag rgya'i sgo nas dbang bskur dang // yab yum b+ha ga rdo rje'i dbang bskur dang // yab yum byang

  179. 295b

    sems dkar dmar dbang bskur ro// rtog pa ye shes dbang bskur yang // dbye na rnam pa gsum du bskur bar bya// sems can snang ba phyi ltar bskur// bsgom pa sems 'dzin nang ltar bskur// ngo spyod nyi shu rtsa gcig gis// gsang ba'i dbang du bskur bar bya// phyi ltar theg pa bcu gcig dbang // nang ltar zhi khro gnyis kyi dbang // ngo sprod la yang rnam gsum ste// dpe dang don dang rtags dang gsum// mtshon pa'i dbang du bskur bar bya// rig pa ye shes ngo spyod kyis// gsang ba'i ye shes ngo sprad bya// rig pa rkyang pa'i ngo spyod kyis// gzugs sku'i zhing khams dbang bskur bya// de ltar dbye na bsam yas kyang // bsdu na rnam pa bzhi yin no// snang srid sems su shes pa yis// spros bcas bum pa'i phyi dbang bskur// srid bcud lha ru grol ba yis// spros med nang gi gsang dbang bskur// gnyis med zang thal shes pa yis// shin tu spros med shes rab dbang // thams cad ngar 'dzin sangs pa yis// rab tu spros med tshig dbang bskur// dmigs med zang thal rtogs pa yis// rig pa rtsal gyi dbang thob nas// bya btsal kun las 'das pa'o// ma rtogs tshig re don re bstan// rtogs pa ye shes dbang mchog gis// cir snang rig par shes pa'i dbang // rig pa dgag sgrub med pa'i dbang // dbang bzhi dus gcig rdzogs pa

  180. 296a

    yin// de yang don la bkrol te gsungs// gcig grol gnyis grol thams cad grol// bkrol bas rang byung gzhan du med// rang byung dbang chen rang las byung // don gyi dbang mchog dkyil 'khor la// gcig rdzogs gnyis rdzogs thams cad rdzogs// don dbang ye shes mtshon pa la// gcig med gnyis med thams cad med// de don rtogs pa'i dbang chen la// gcig byung gnyis byung thams cad byung // stong pa ye shes dbang chen la// gcig skyes gnyis skyes thams cad skyes// rtags na dbang mchog de ltar bskur// 'di rnams dbang gi spyi chings yin// ma nor ma 'khrul nyams su longs// zhes gsungs nas/ dmigs med zang thal chen po'i rig pa rtsal gyi ting nge 'dzin la bzhugs so// theg pa kun gyi spyi phud klong chen rab 'byams kyi rgyud las/ dbang gi le'u ste so gsum pa'o// // sa ma ya/ rgya rgya rgya/ thams sasas/ sems dpa' rdo rjes yang gsol pa// kye ho// 'gyur med chen po kun tu bzang // dbang gi rim pa gsungs na yang // gong du gsungs la 'bral med pa'i// thob pa'i yon tan ma thob skyon// brten pa'i dam tshig ji lta bu// rig mdangs 'khor la bka' stsol cig/ zhus pa'i lan du bka' stsal pa// kye ho// dbang don 'khor rnams legs par nyon// dbang mchog ma thob skyon rnams

  181. 296b

    ni// ji ltar rdza so ma btang spyad// de ma thag tu 'jig pa ltar// gsang sngags yon tan log par 'char// mnyen pa skye ba med pa ltar// sdug bsngal chu bo sgrol mi nus// brag skam so nam byas pa bzhin// dbang bzhi'i 'bras bu smin mi 'gyur// sems la chos nyid gnas gyur kyang // dbang gis smin par ma byas na// rnal 'byor dngos grub ga la thob// dbang mchog rim pa de dag kun// thob pa'i yon tan bsam mi khyab// ye shes snang ba chen po la// thogs pa med par grol bar 'gyur// rang snang zhing khams rgyas pa dang // thun mong dngos grub sna tshogs 'thob// bar ma do la rang ngo shes// chos nyid rnams la brtan pa thob// zhag grangs nyer gcig 'das pa dang // sprul pa sku yi stobs 'gyed nus// mthar phyin 'bras bu sdug bsngal grol// gsang sngags dngos grub dbang las 'byung // dbang brtan pa yi dam tshig bshad// gsang sngags spyi yi dam tshig dang / khyad par dbang bzhi'i dam tshig ni// sa ma ya ni 'bum sde sogs// dbye na brjod kyis mi lang yang // mdor bsdus sku dang gsung dang thugs// rnal 'byor lus ngag yid la sbyar// dmigs pa bla ma rdo rje mched// bsrung ba'i yul gyis rnam par dbye// sdom pa lus ngag dbang du 'dus// de yang bsrung bya srung byed gnyis// bsrung ba'i rgyu dang gsum yin no// bsrung

  182. 297a

    bya rdo rje slob dpon yin// srung byed bu slob snod ldan yin// bsrung rgyu sku gsung thugs gsum yin// de yang lus ngag yid gsum gyis// mi dge'i las rnams kun spangs te// dkyil 'khor gsum dang 'bral mi bya// rdzogs pa chen po'i don nyid la// bsrung du med pa'i dam tshig dang // ye bsrungs chen po'i dam tshig dang // bsrung mtshams bral ba'i dam tshig dang // mnyam pa nyid la bye brag med// med dang phyal ba lhun grub che// nyag gcig zang thal nyid du'o// snang ba yul gyi dam tshig dang // rtogs byed lta ba'i dam tshig dang // spyad rgyu nges pa'i dam tshig dang // bsrung mtshams bcas pa'i dam tshig bzhi// lam zhugs rnams kyis bsrung bar bya// dam tshig dam tshig ces bya ba// gud na yod pa ma yin te// rang rig snang ba'i don rtogs na// dam tshig rgyal po zhes bya'o// sangs rgyas kun la dam tshig med// sems can dus na skyon yon byung // yang dag rig pa'i don rtogs nas// nyams dang ma nyams gnyis las 'das// bsrung dang ma bsrungs phyogs las 'das// ye bsrungs chen po'i don la ltos// bsrungs pa'i yon tan brjod las 'das// ma bsrungs na raka dmyal bar skye// de ltar man ngag ston pa'i slob dpon la// rang lus dang ni rin chen rdzas// shin tu dkon pa dag gis brten/ khu bo pha dang ma dang mig/ bu dang chung ma

  183. 297b

    nor gyi mchog/ sgo gsum zo la sogs med pa yis// rab tu gces dang yid 'thad 'bul// dbang bskur thog ma tha ma ru// dka' ston ma byas dngos grub med// sdig pa ma sbyangs lam mi bgrod// dga' ston chen pos mchod pa yis// bla ma dang ni de yi 'khor// de bzhin rang gi rdo rje'i spun// gcig dag gnyis dag gsum dag nas// brgya stong grangs med dag la ni// tshogs kyi dga' ston sus byas pa// legs pa thams cad 'grub pa dang // nyes pa kun las grol bar 'gyur// bla ma yi dam mkha' 'gro dang // chos skyong rdo rje'i spyan la sogs// tshogs mchod yon gyis ma mnyes na// nad mang tshe thung bar chod 'byung // thun mong dngos grub med pa dang // mchog la ring du song ba dang // tshe 'phos yi dwags gnas su skye// bla ma dang ni dbang mchog gi/ gsang dang gzhug las 'gal ba na// na ra ka sdug bsngal myong bar 'gyur// bka' dang ma 'gal yon tan ni// chos sku kun tu bzang po 'grub// phrin las bzhi po thogs pa med// de phyir snga ma'i bka' bzhin sgrubs// zhes gsungs nas/ bsrung nyams med pa'i dam tshig chen po la lhan ner bzhugs so// theg pa'i spyi phud klong chen rab 'byams kyi rgyud las/ dbang thob pa'i yon tan dang / ma thob pa'i skyon dang / dam tshig bstan pa'i le'u ste so bzhi pa'o// // sa ma ya/ rgya rgya

  184. 298a

    rgya/ dmus kyang na/ kha Ta m+baHsa noH/ aHny+dzaHsems dpa' rdo rjes yang zhus pa// kye ho// skye med 'gag med kun tu bzang // dbang gi rim pa de ltar na// nyams len sngon du 'gro ba rnams// rig mdangs 'khor la bka' stsol cig/ gsan dgongs ston pas bka' stsal pa// a ho sems dpa' rdo rje nyon// ma yengs 'khrul med blo la zung // skal bzang thar pa 'dod pa'i mi// dben zhing nyams dga'i gnas nyid du// chos dang mthun pa'i grogs dang 'grogs// sems sbrang bdun po sngon du gtad// dkon mchog skyabs song sems bskyed la// 'khor ba'i mtshan nyid mi rtag bsam// 'gro la snying rje byang sems bsgom// bsod nams tshogs bsags sdig pa sbyang // de la dgos ched rnam pa gnyis// gnas skabs tshe 'dir blo zlog cig/ ci byas chos su 'gro ba dang // mthar thug rang dang gzhan gyi don// rgya chen 'grub pa'i dgos pa yod// de yang lus ngag yid gsum la// dang po lus kyi sngon 'gro ni// rigs drug spyod pa sna tshogs spyad// rdo rje skyil krung dang bcas te// lus sbyangs sems la phan pa'o// lus kyi zhen log sdig pa 'dag/ ngag gi sngon 'gro rigs drug gi/ sgra dang zhi khro 'byung ba'i sgra// rnam pa sna tshogs brjod par bya// ngag gis hUM zhes brjod pa la// rgyas gdab pa dang rtsal nyid sbyang // gnyen btsal lam du

  185. 298b

    zhugs par bya// de ltar ngag sbyangs sems la phan// ngag gi zhen log ngag sgrib 'dag/ sems kyi sngon du 'gro ba ni// dus gsum blo rtog sna tshogs dang // dug lnga dug gsum lha'i dkyil 'khor// rigs drug sdug bsngal blo la blang // 'dus pa thams cad mi rtag par// kun kyang 'jig pa'i cho 'phrul bsgom// de rnams bsgom pa'i mkhan po ni// sems la thug gam ma thug brtag/ sems su thug na dge sdig gang che brtag/ de nas sems 'di gang dang 'dra// 'dra dpe mang du bsdur bar bya// de nas lus ngag yid gsum po// gtso bo gang yin zag kyang bcad// de nas sems kyi byung sa btsal// ma rnyed chos kyi sku dang 'phrad// de nas sems kyi gnas sa btsal// ma rnyed longs spyod sku dang 'phrad// de nas sems kyi 'gro sa btsal// ma rnyed sprul pa'i sku dang 'phrad// de ltar sems kyis 'dus byas pas// zhen log bar chad zhi ba dang // sgrib pa skad cig gol sa med// chos kyi skur grol gnyis med 'da'// de nas rnal du dbab pa la// lus kyi rnal 'bebs mi 'gul bas// phung khams rgyas pa'i dgos pa yod// ngag gi rnal 'bebs mi smra zhing // brjod med 'char ba'i dgos pa yod// sems kyi rnal phebs 'phro 'du bcad// zhen 'dzin grol ba'i dgos pa yod// mthar thug dgos pa lus dal bas// sprul pa'i sku la reg pa

  186. 299a

    yin// ngag da la longs skur reg pa yin// sems da la chos skur reg pa yin// thun mong 'byung ba mi 'khrug cing // mthar thug lus ngag yid gsum gyi// 'dzin pa rang dag dgos pa'o// de nas sor 'dug bya ba ni// nang tshang can gyi gdan stengs su// rkang pa rdo rje'i skyil krung bca'// lag pa gnyis po mnyam gzhag bsnol// lus po mda' sdug bzhin du bsrang // dpung pa rgod gshog bzhin du brgyangs// ma sding pa gzhu mo bzhin du bkug/ lus khog phrag pa gzigs ltar bstod// mig dang sna rtse sems rtse bstun// de ltar sngon 'gro rdzogs par bya// theg pa kun gyi spyi phud klong chen rab 'byams kyi rgyud las/ sngon 'gro'i le'u rtse so lnga pa'o// / sa ma ya/ rgya rgya \u0f7f/ 9 mas/ sems dpa' rdo rjes yang zhus pa// kye ho// bag chod chen po kun tu bzang // sngon 'gro'i rim pa gsungs na yang // nyams len dngos gzhi gsung du gsol// zhus pa'i lan du bka' stsal pa// a ho sems dpa' rdo rje rtsal// nyams len dngos gzhi 'di lta ste// gzhi ni khregs chod lam thod rgal// 'bras bu sku gsum yongs rdzogs so// blo yi rim pa rnam gnyis kyis// don gyi ngo bo nyams su blangs// dmigs pa yul can lam rnams la// sgom dang bsgom bya'i thabs rnams bstan// rig pa rang snang blo rnams la// brtag

  187. 299b

    pa'i thabs rnams gcig tu bstan// de kun sdom tshig rnam gnyis kyis// rim pa bye brag gnyis phye nas// skyes bu rnams kyi blo la 'jug/ 'di kun snang ba rang nges so// dmigs pa yul can blo rnams la// khegs chod gdams pa bstan pa ni// rim pa bye brag 'di lta bu/ khregs chod nyid du nyams su blang // chos nyid 'bad rtsol dang bral ba'i// lus sems bya bral dang du bzhag/ chos nyid rang thog ngo sprad pas// rnam rtog ye shes chen por 'char// chos nyid rang sar grol ba yis// snang ba nyid la dgag sgrub med// lus sems bya bral chos nyid ni// bya ba med pas ye grol yin// bya byed spangs pas bde ba rnyed// grol ba rang byung gzhan las min// bya ba bral ba gzhir gzhag go/ 'khor 'das bya byed nam bral tshe// rdzogs chen nyid las gzhan min no// a ho// byang chub sems la btsal du ye nas med// ji bzhin ngang la ma bcos gang dgar thong // bdag gzhan yul can ye nas med pas na// mnyam pa ris med rig pa gang dgar thong // rtag tu de dang 'du 'bral med pas na// gnyis su yul med ris med gang dgar thong // bya bral lhun rdzogs 'di las gzhan med pas// gzhi gzhag brdal ba'i sku de kha yan thong // mtshan nyid ma 'gags sna tshogs cir yang 'char// dbang po gcer mthong cir snang chos nyid

  188. 300a

    gsal// snang ba rgya yan rig pa gang dgar bde// ma bcos rnal 'dug rig pa khong klod bde// shes pa bag yangs byar med skyes bu bzhin// grim lhod med par lus sems gang dgar bzhag/ sus kyang ma bcos rang gis rang nyid gsal// rtsol sgrub med par chos nyid bde gdal bas// ye nas yin pas bcos su ga la yod// gcig pur ma bcos klong na rang grol bde// gtad med phyogs bral nges par 'dzin pa med// 'dzin med rang shar kun bzang rol pa yin// tshogs drug zil gnon snang ba rgya yis gdab// phyi nang 'du 'phro byar med chen po'i klong // cir yang ma yin cir yang yin pa'i phyir// ngo mtshar rmad du byung ba bya bral chos// 'khor 'das theg pa kun la dbang bsgyur bas// byar med lhug pas thams cad zil gyis gnon// mtha' ru gyur pa'i yul gzhan logs na med// byar med gcig gis klong las gar ma g.yos// bya bral kun tu bzang po'i sa nyid la// 'khor ba kun bzang mya ngan 'das pa bzang // kun bzang klong na 'khor 'das ye nas med// snang ba kun bzang stong pa kun tu bzang // kun bzang klong na snang stong ye nas med// skye shi kun bzang bde sdug kun tu bzang // kun bzang klong na bde sdug skye shi med// bdag gzhan kun bzang rtag chad kun tu bzang // kun bzang klong na

  189. 300b

    bdag gzhan rtag chad med// 'ching grol med pas dgag sgrub ye nas bral// gtad med phyogs bral chen po 'di yin te// skye med 'gag med bya bral lhun rdzogs dang // thog babs shugs byung gcar phog yin pa ste// klong rdol rang shar 'gro drug gtan pa bcom// snang ba sems su ye nas ngo sprad pas// snang ba snang ba'i steng du grol ba nyid// sems nyid stong pa dngos med ngo sprad pas// shes pa 'gyu ba 'gyu dang shar thob grol// stong pa chos sku ka dag ngo sprad pas// snang shes gnyis med chos sku gdal bar grol/ gcig shes pas ni kun grol chen po'i phyir// grol ba de dang de nyid steng du grol// grol ba rang byung ma rtogs gzhan na min// dbang po'i sgo rnams thams cad ma bcos par// cog gis bzhag pas rang bzhin grol ba'i gnad// de las ma bsgyur 'gyur med bcos su med// rnal ma so ma lhug pa rang yan te// phyi 'da' kha yan klong du gnas pa nyid// ma yengs ma 'dzin ngang du rang sar zhog/ dbang po'i sgo rnams dgag par mi bya zhing // lus ngag bya ba spyad par ga la bya// gnyid sogs spang zhing blang bya ga la yod// dbyings la dbyings shar dbyings kyi klong du grol// mkha' la grol lo mnyam pa nyid du grol// dbyings su grol lo bzang ngan med par grol// klong du grol lo mtho dman med par grol// gcig tu grol lo skye shi med par grol// gcig gi dbyings su 'bad med rtsol med grol// mi gnas rang dag ma spangs rang sar grol//

  190. 301a

    mi mnyam grol yang mnyam pa'i dbyings su grol// grol ba'i dus na rang grol rang sa zin// grol dang ma grol dbyings na ye med pas// ji ltar grol yang rang sa rang la grol// kun kyang ro gcig mnyam pa'i dbyings su grol// lugs zlog med par dbyings su grol ba'o// chos nyid klong du grol lo dbye bsal med// rtsol ba med par grol lo sgrub tu med// nges pa med par grol lo gza' gtad med// lhun gyis grub par grol lo phyogs ris med// mtshan ma thams cad rang sar grol ba'i phyir// byang chub sems la grol dang ma grol med// nam mkha'i klong na ji ltar byas kyang grol// lhun grub klong la gang ltar byas kyang grol// kun kyang 'dra'o gzhan med ye nas grol// spang blang med de rang sar rang shar grol// phyogs gcig phyogs med 'dod pa kha gting med// mnyam dang mi mnyam tsam gyi mtha' las grol// rgyu rkyen gnyis la ye nas mi gnas shing // 'bras bu re dang dogs pa med pa'i phyir// 'khor 'das gnyis kyi mtha' las rang grol lo// bzang ngan med par lhun rdzogs bde bar gnas// mtho dman med par mnyam pa'i dbyings su grol// mdor na lus ngag yid gsum rang so la// yid byed rtog pa phyir ma 'phros// dbang po'i tshogs drug yul rnams la// shes shing dpyod pa'i yul ma 'gyus// rang snang mi

  191. 301b

    rtog chen po la// rang gsal rtog med nyams myong skye// cog bzhag gcer bzhag rang sar bzhag/ chos nyid rang sar grol ba'i gnad// de ltar snang shes thams cad kun// chos nyid chen po'i klong yangs las// blang bar bya ba gang yang med// gzhag par bya ba cung zad med// gang du med pa'i chos nyid klong // cir snang rang gi chos nyid las// bcos ma'i chos nyid ga la yod// ji ltar byas kyang mi rtog skye// spang blang med par rang snang ngo // spang med spang ba'i chos dang bral// spang ba mi dmigs spang bya med// shes pa yul la snang ba'i tshe// snang ba de nyid rang snang ste// shes pa mi bsgrim kha yan du// chos nyid klong du yan par bzhag/ dug lnga'i rtog pa ci skyes kyang // nga yi rig pa rtog med yin// rang rig rtog pa kun dang bral// ye nas gol bas bskur gzhi med// rang gis grol bas gnyen po med// yongs su grol bas 'bad/ pa med// mtha' grol yin pas mu bzhi 'gag/ gcig grol yin pas du ma stongs// gcig grol gnyis grol thams cad grol// chos nyid klong yangs e ma ho// a ho rig mdangs 'khor rnams nyon// dang po thog ma khregs chod kyis// lta ba gtan la dbab par bya// 'khor ba'i lam rgyun gcad 'dod pas// bya byed rdzogs pas rdzogs pa'o// mtha' dang bral bas dbus mi gnas// yongs su rdzogs pas mtha'

  192. 302a

    dbus med// lhag ma med pas cha shas min// gcig tu ma yin gnyis mtha' zad// du mar mi gnas gcig mtha' zad// mtha' yang mi gnas rang sangs nyid// brjod du med pa'i tshig gi gzhi// dngos bral stong pa snying po'i don// phyogs su ma lhung ngo mtshar che// 'di shes 'khor ba'i lam rgyun 'gags// lta ba blta ru med de gcer grol dang // sgom pa bsgom rgyu med de rang babs klong // spyod pa spyod rgyu med de bdag 'dzin grol// 'bras bu thob rgyu med de rgyu 'bras zad// chos sku mtshan ma'i yul dang bral// longs sku gzung 'dzin yul dang bral// sbrul sku chags pa'i yul dang bral// rtog med rang sangs rnyog pa med// 'dzin med rang grol phyogs ris med// snang ba rtog med mkha' la rol// skye med chos nyid mnyam pa nyid// yang dag chos la sgro btags med// bsam 'das brjod med ngo bo ni// rnam rtog phyogs su ma ltung ba// mi rtog sku la yang dag blta bar bya// bsgom med sgom bral nyid kyi ngo bo bzung // 'da' med bsrung mtshams bral ba'i dam tshig bsrung // chos rnams rang bzhin bdag med pas// dngos po med pa'i 'du shes bsgom// rang snang yid spyod dag pa la// blo 'das rang rig dang la spyod// spang thob med pa'i 'bras bu la// re dogs med pa'i rgyu 'bras yal// gzugs snang thams cad

  193. 302b

    stong pa nyid// stong pa thams cad gzugs snang ngo // stong dang mtshan ma med par yongs shes na// spros med dag pa'i ye shes yin// blo shes rtog pas byang chub tshol mi byed// gang zhig de ni pha rol phyin// khrikhregs chod nga yi lta ba la// ngo bo rang thog phab pa yin// rig pa ye shes snang med las// bem po'i snang bas ngas mi sgrib// stong pa'i chos nyid yul med pas// stong pa nyid la nga mi gnas// mtshan mar 'dzin/ pa'i dngos dag pas// 'dzin pa'i chos la nga mi gnas// shes rab chen po rang byung bas// sde snod chos la nga mi gnas// nga la dge dang sdig med pas// 'khor ba'i chos la nga mi gnas/ khregs chod gzhi yi lta/ ba la// thams cad nga yi ngo bor rdzogs// nga ni stong pa'i tshig dang bral// nga la mun pa'i chos med pas// nga ni ye nas skyon dang bral// nga la 'byung ba'i bdud med pas// nga ni sna tshogs rkyen dang bral// nga la rtag pa'i mtha' med pas// nga ni yid ches chos dang bral// nga la 'dzin pa'i tshig med pas// nga ni chad pa'i phyogs dang bral// nga la dngos po'i yul med pas// 'khor ba'i sdug bsngal chos las grol// nga la 'dzin rtog med pa yis// nga ni dge sdig gnyis dang bral// nga la phyogs lhung med pa yis// nga ni 'khrul pa'i sems dang bral// nga la byas pa'i chos med pas// nga ni rang byung lhun gyis grub// rang byung ye shes

  194. 303a

    lta ba la// nga la dpyod pa'i yul med do// nga la snga rabs 'das pa med// nga la phyi rabs 'byung ba med// nga la da lta'i snang ba med// nga la las dang bag chags med// nga la ma rig pa yang med// nga la yid kyang yod ma yin// shes rab 'khor ba gnyis ka med// 'khor ba myang 'das gnyis ka med// rig pa nyid kyang yod ma yin// ye shes su yang snang ba med// rang byung ye shes srog med pas// dge sdig gnyis las 'das pa'o// rang byung ye shes gzhi med pas// snang ba'i rtog pa chod pa'o// nga la 'du 'bral gnyis med pas// ye shes sku nyid mngon par snang // nga la gzugs snang mtha' dang bral// yul snang kun las 'das pa'o// nga rang byung ye shes rtsis med pas// gzungs 'dzin gnyis las 'das pa'o// nga la rang byung ye shes phyi nang med// skyon dang yon tan gnyis las 'das// nga rang byung ye shes ka nas dag/ yin min gnyis kyi mtha' las 'das// nga la rang byung ye shes chos med pas// mtha' gnyis las ni 'das pa'o// nga la rang byung ye shes 'gyu byed med// shes rab kun las 'das pa'o// nga la skye dang 'chi med pas// 'gag pa'i chos ni yongs su rdzogs// nga la phyi dang nang med pas// gsal ba'i chos ni yongs su rdzogs// nga la stong dang dngos med pas// snang ba'i chos rnams yongs su

  195. 303b

    rdzogs// nga la dmigs pa'i yul med pas// mthong ba'i chos ni yongs su rdzogs// nga la lus dang sems med pas// rang snang chos ni yongs su rdzogs// nga la bdag dang gzhan med pas// rig pa'i chos lnga yongs su rdzogs// nga la byed pa'i rgyu med pas// bsam gtan chen po yongs su rdzogs// nga la phyi yi yul med pas// rang snang yul ni yongs su rdzogs// nga la phyogs dang ris med pas// gsang ba'i chos ni yongs su rdzogs// nga la snang ba 'gag med pas// dbyings kyi chos rnams yongs su rdzogs// nga la gcig dang gnyis med pas// thig le'i chos rnams yongs su rdzogs// nga la mun pa'i snang med pas// mngon par snang ba'i chos rnams rdzogs// nga la bdag gzhan rtog pa med// stong pa'i chos rnams yongs su rdzogs// nga la dri ma gnyis med pas// gsal ba'i chos lnga yongs su rdzogs// nga la sku lnga rang snang bas// zhing khams chos rnams yongs su rdzogs// nga la spro bsdu gnyis med pas// ye shes don rnams yongs su rdzogs// chos sku'i snang ba 'gag med pas// nga la ye shes yod ma yin// nga la skye ba nyid med pas// yi ge a ni ye nas med// nga la 'gag pa'i gnas med pas// yi ge IM ni ngang gis med// nga la 'du 'bral gnyis med pas// yi ge hUM ni shin tu zad// sku yi snang ba sna tshogs pas// yi ge'i ming ni rang

  196. 304a

    gis stong // ngo bo rang bzhin thugs rje gsum ldan pas// stong pa'i phyogs cha med pa'i ye shes ltos// a ti khregs chod lta ba la// gsod byed las kyi ma dag na snang ba chen po gsal// sems can thams cad bsgral na rang snang ma dang 'phrad// rgyu 'bras rtsad nas bcad na rgyu 'bras rtsa gsum 'byong // dge ba'i rgyud zag bcad na lu gu rgyud dang nye// phyi nang bya ba btang na snang ba rgya yis theb// sems 'dzin la sgom med na chos sgra'i dngos po yin// gsal la ngos gzung med na longs sku'i rang bzhin yin// bya byed kun dang bral na sbal sna'i rang bzhin yin// gcig pur dal bar bsdad na rtsa gsum lus la 'byung // zad ka grogs su shes na cog bzhag gcig gi dang // de la rgyun du gnas na de la ci zhig bya// snang ba chen po kun la yang dag gnas// gsang ba sngags kyi khregs chod de nyid do// a ti khregs chod ba la// srog ma bcad na dge mi 'phel// chos ma spangs na sangs mi rgya// bstan la snrubs na zhing mi rgyas// dmyal ba yi dwags ma mchod na// dngos grub dag pa 'byung mi nus// sdug bsngal dang du ma blangs na// bde ba gtan la phebs mi srid// thams cad skye bar ma gyur na// skye ba med pa'i don mi rtogs// nyon mongs med na shes rab med// 'khor ba spel na sangs rgyas thob// snying rje med na thugs rje

  197. 304b

    'char// gti mug med na ye shes med// ma rig med na rig pa med// rtsa ba med na rtse mo med// sangs rgyas rnams kyi slob dpon ni// dmyal ba yin par shes par bya// srog rnams bcad na dge ba 'phel// sangs rgyas pas ni dmyal ba bzang // sbubs su lhung na bde sar sleb// bsdad cing phyin na 'gro sar sleb// kun bzang nya gsher gnyis su med// gzhi med rtsa bral nam mkha'i snying po ltos/ khregs chotshod lta ba'i brda tshig go/ rdzogs chen a ti chen po la// 'khrul pa las zlog khregs chod ni// rtog pa med par chos kyi sku// mtshan ma med pa rang sar grol// 'gyur med a ti'i ngo bo la// bya dang byed pa'i chos med do// a ti rtse mo chen po la// gcig rdzogs gnyis rdzogs thams cad rdzogs// rdzogs chen a ti'i ngo bo la// phyi nang gsang ba'i chos rnams rdzogs// dge ba byar med sdig pa spang du med// dge sdig gnyis dang bral ba'i rig pa chos kyi sku// dge ba mi bya byas na sangs rgyas min// sdig pa mi spang spangs na sangs rgyas 'grub mi 'gyur/ khams gsum sems can bsad na mngon sangs rgyas par 'gyur// pha ma bsad na ye shes mthong bar 'gyur// srog gcod sdig tu ga la 'gyur// srog bcad sdig tu gyur na sangs rgyas med par 'gyur// srog gcod spangs na sangs rgyas rgyab kyis phyogs// dus gsum sangs rgyas

  198. 305a

    srog bcad grol bar 'gyur// srog ma bcad na sangs rgyas 'byung mi 'gyur// bdag nyid lha yi dkyil 'khor rang rdzogs pas// yi dam lha la mchod pa mi 'bul lo// 'bul na 'bral mkhan bcings par 'gyur// mchod pa phyag rgya la sogs rgyal ba'i sku la sgrib// phyag rgya bsgyur na rin chen rlag par 'gyur// da kyil 'khor bris na rang gi de nyid yal// sangs rgyas dgongs pa bya byed bral ba'o// bsam gtan ting 'dzin la sogs gsal nyid du 'gro// 'di dus ma bsgoms pas kyang cho ga/ 'bras bu thob la the tshom med// rig pa tshad la pheb pa'i rtags// rang snang ci la bcug kyang tshad// bem po kun kyang 'gul bar nus// rlung gi 'gyu ba'i tshad zin dang // lus kyi rdul phran mthong ba dang // cir snang gzugs sku rdzogs pa dang // de la yab yum 'khril ba dang // lnga lnga yab yum sbyor ba dang // kun kyang mu khyud zlum po la// rnal 'byor lus kun 'od du gsal// 'gro dang 'ong dang 'dug par snang // thams cad rig pa tshad la phebs// lus ni tshad du phebs pa yis// bar snang 'od kyi skar khung gsal// de la 'od zer lcags kyu'i dbyibs// 'khril zhing 'khril ba'i snang ba 'dzin// rang lus dngos po rang dag nas// zang thal dri med 'od kyi lus// dbus su yi ge a dang bcas// smin phrag 'od zer 'dom gang

  199. 305b

    tshad// thor tshugs rlung gis gang bar snang // rang gi lag pa'i sor mo la// 'od zer phreng ba rnam par 'khrigs// mgo bo thod pa'i gzhal yas nas// he ru ka rnams brjid par gsal// de dus rang lus tshad la phebs// sku gsum zang thal nyid du gsal// 'di ltar su la bstan pa'i mis// rig pa tshad phebs snang ba yin// 'di ltar tshad la sus thebs pa// sku gsum rtogs pa'i rang snang 'das// kye ho sems dpa' rdo rje nyon// chos rnams zad pa'i snang ba bstan// rig pa tshad la phebs gyur nas// blo yi chos rnams zad pa yin// yin kyang snang ba gtan la phebs// sangs rgyas grangs las 'das pa yis// lung rnams gcig tu dril nas bstan// tshig gi rgyal po 'di dag kun// rnal 'byor rnams kyis yid la zhog/ mi rtog ye shes las byung ba'i// ma btsal bzhag pa'i man ngag gis// ye yod dang po'i sangs rgyas rnyed// chos nyid zad pa'i snang ba yis/ khams gsum 'khor ba'i rgyun zag bcad// de tshe nga yi snang ba dag/ rtag pa'i rtags tshad chos rnams zad// chos rnams zad nas 'khor ba stongs// 'khor ba stongs pa'i rtags tshad ni// rigs drug gzugs rnams mi snang ngo // gzugs 'dzin med pa'i blta ba ni// chos nyid zad pa'i snang ba yin// 'di yi mtshan nyid sus rig pa// stong gsum kun kyang nyung 'brur chud// rgya mtsho/

  200. 306a

    chen po hub kyis thebs// ri rab kun kyang srang la 'jal/ khams gsum po ni rting nas zlog/ srid pa thams cad gdar sha bcad// sems can ma lus srog bcad nas// sangs rgyas rnams dang dbyer mi phyed// kun tu bzang po'i byang chub sems// mi snang mi 'gyur lam rig gsal// blo bral 'di la 'dis pa'i mis// brjod med rang dag rnyed pa'o// 'di ni yon tan bsam las 'das// dpag med sangs rgyas rnams dang mnyam// chos dbyings zad pa'i snang ba la// lta ba bya ba gtan nas med// blta ba med phyir snang ba zad// kun bzang chos nyid yangs pa che// de bzhin sgom pa nyid kyang med// bsgom pa med phyir dran pa 'gags// spyod pa zhes ni brjod du med// spyod pa med phyir lus 'byung zad// zad pa 'di la mtha' brten nas// med de mi snang snang ba med// lha dang srid pa'i bdag po kun// chos nyid zad pa'i yul snang la// 'di la skrag cing sngangs pa ni// 'jig rten mthun pa'i gzugs phung nas// 'phags pa'i bden pa nyid dang bral// 'khor ba'i dpung la mngon par zhe na// des na rig snang yul la ltos// rig snang 'di la su 'dris pa// thog ma'i kun tu bzang po dang // skal pa nyid ni mnyam pa'o// de phyir chos rnams zad pa'o// chos rnams zad pa'i snang ba ni// thams cad rang gi rig par 'dus// rig

  201. 306b

    pa dgag sgrub nyid dang bral// chos rnams thams cad rang rig yin// rang rig ngo bo rjen pa yin// dpe bral mtshon du med pa yin// 'di ltar chos nyid brjod med la// tha snyad tshig gi gzhi mar shar// tshig brjod rim pa rnam dag pas// da lta brjod med rang la gnas// de phyir tshig mtha' zad pa'o// a ho sems dpa' rdo rje rtsal// chos nyid zad pa'i snang ba la// rtags ni rang la 'char ba yin// tshad ni gzhan la gsal ba yin// zad ces ming ni tha snyad do// sangs rgyas kun gyi rtags tshad ni// dpe yi ye shes rnams la gsal// rtags kyi ye shes rtags tshad ni// thig le stong pa'i sgron mar gsal// don gyi ye shes rtags tshad ni// mngon sum gsal ba'i snang bar gsal// mi rtog bsam gtan rtags tshad ni// yan lag 'du byed rnams la gsal// sgra don shes pa'i rtags tshad ni/ 'byung ba'i cho 'phrul nyid la gsal// 'khrul pa rnams kyi rtags tshad ni// rmi lam bya byed nyid la gsal/ bag chags 'thug po'i rtags tshad ni// gang zhen yul gyi rkyen la gsal// ma 'khrul ye shes rtags tshad ni// sprin med nam mkha'i mdangs la gsal// ye shes 'od kyi rtags tshad ni// men shel snying po'i 'od la gsal// thig le rnams kyi rtags tshad ni// dra ba mig chag bar du gsal// rnal 'byor goms pa'i rtags tshad ni// rig pa tshad

  202. 307a

    la phebs dus gsal// spros med yang dag rtags tshad ni// snang srid phyag rgya'i zhing du gsal// rig pa rtsal dbang rtags tshad ni// gzhi bskyed lus ngag brda la gsal// dbang srog dam tshig rtags tshad ni// 'di ldan ye bsrungs nyid la gsal// tha snyad grub mtha'i rtags tshad ni// thig le spros bral dang du gsal// theg pa rang spyi'i rtags tshad ni// rig pa mkha' lding nyid la gsal// dran pa nyid kyi rtags tshad ni// sgo lnga'i shes pa nyid la gsal// bsam pa rnams kyi rtags tshad ni// yul rkyen grol ba'i dus su gsal// rtog pa nyid kyi rtags tshad ni// dran pa yengs pa'i dus su gsal// 'dzin pa kun gyi rtags tshad ni// 'dod pa'i yon tan lnga la gsal// ma rig pa yi rtags tshad ni// yod med gnyis kyi mtshams su gsal// nyon mongs rnams kyi rtags tshad ni// glo bur rkyen gyi dus su gsal// 'gyu byed yid kyi rtags tshad ni// gang bsams yul gyi snang bar gsal// bdag 'dzin blo yi rtags tshad ni// 'gyu byed 'gyu lam mtshams su gsal// shes rab chen po'i rtags tshad ni// yul rkyen chod pa'i mtshams su gsal// rtags med rang gsal rtags tshad ni// phra rags bral ba'i mtshams su gsal// dngas ma lnga yi rtags tshad ni// 'byung ba dag pa'i mtshams su gsal// 'byung 'jug ldog dang gnas pa yis// rnal

  203. 307b

    'byor mngon shes grub pa yin// skad dang brda la brten pa yis// 'das dang ma 'ongs da ltar shes// 'di ni sems can don kun byed// 'di med don mi nus pa yin// de phyir sgra la goms par bya// so so'i skad la brten pa ni// 'di nyid rang gis dus gsum brtag/ ye shes rnams kyi rtags tshad ni// rang snang yul snang rgyas dus gsal// chos kyi sku yi rtags tshad ni// gnod pa'i rkyen rnams bral dus gsal// longs sku nyid kyi rtags tshad ni// chos nyid ma bu 'phrad dus gsal// sprul pa sku yi rtags tshad ni// 'khor 'das mi phyed mtshams su gsal// bla ma'i man ngag rtags tshad ni// 'byung ba dengs pa'i mtshams su gsal// snying po don gyi rtags tshad ni// thig le 'dus pa'i dus su gsal// dbyings kyi rgyan tshogs rtags tshad ni// gnad phebs par do med dus gsal// 'khrul snang bral ba'i rtags tshad ni// rnam rtog yul zhen bral dus gsal// 'khor 'das gnyis kyi rtags tshad ni// dbyings la nyin mtshan med na gsal// dbyings na rig pa tshud pa'i rtags// thig le sran 'bru 'gro 'ong gsal// phung po bor nas sangs rgyas tshad// snying po bcud du dril dus gsal// thig le ched du phyin pa'i tshad// thig le bse phub tsam la gsal// snod bcud smin pa'i rtags tshad ni// thig le mu khyud bskor dus

  204. 308a

    gsal// rig pa sku ru smin pa'i tshad// thig le sku ru snang dus gsal// bar do'i snang ba med pa'i tshad// thig le skur bcas shar dus gsal// sku gsum lam du rdzogs pa'i tshad// thig le sku lngas brgyan dus gsal// 'byung ba rang dag song ba'i rtags// phung po 'od gsal grol dus gsal// chos nyid zad sar sleb pa'i rtags// 'phel rnams thams cad zad dus gsal// lus kyi bde drod rtags tshad ni// res 'jog bral ba'i dus su gsal// gsung rnams rang sgra'i rtags tshad ni// srid pa gzhi bzhengs bar la gsal// rang snang mi 'gyur rtags tshad ni// 'byung ba zad pa'i dus su gsal// ye shes thugs kyi rtags tshad ni// snang ba bzhi bzhag dus su gsal// dgongs pa rnams kyi rtags tshad ni// rig pa srang la tshud dus gsal// ting nge 'dzin gyi rtags tshad ni// 'du shes gsum dang bral dus gsal// chos nyid mi g.yo'i rtags tshad ni// mnyam pa nyid kyi dus su gsal// lhag mthong nyid kyi rtags tshad ni// bla ma'i gdams ngag nyid la gsal// 'bad med rang grol rtags tshad ni/ khregs chotshod thod rgal mtshams su gsal// lus gnad ye shes rtags tshad ni// 'dus stangs rnams kyi dus su gsal// lha sgom rang grol rtags tshad ni// blo 'dzin dri ma dag dus gsal// yid ches goms pa'i

  205. 308b

    rtags tshad ni// nyams myong mthar phyin dus su gsal// sku gsum 'bru yi rtags tshad ni// chos rnams zad pa'i dus na gsal// thugs rje'i gzhan don rtags tshad ni// ye shes mkhyen pa'i dus na gsal/ kha dog dbyibs zad tshad 'dzin pa// phyi nang gnyis kyi mtshams su brtags// de ltar rtags rnams rgyas pa yis// don rnams kun la yid ches 'gyur// rdo rje 'chang chen nga yis bshad// chos nyid zad pa'i snang ba yis// yul snang thams cad gcer grol nyid// stong pas stong pa'i tshad zin te// grub mtha'i zhen pa dus cig chod// 'khor 'das gnyis su med pa'o// 'byung ba thams cad rang sar dag/ chu yi snang ba dri ma med// kun khyab chen po'i stong pa nyid// me yi snang ba rang byung bas// rang snang chen po'i stong pa rnyed// rlung gi snang ba rang sangs pas// bskyod pa chen po'i stong pa rnyed// nam mkha'i snang ba ye sangs pas// dag pa yul gyi stong pa rnyed// de ltar chos nyid stong pa nyid// dran pa chen po ngo sprad pas// stong gsal gnyis kyi mtha' las 'das// ye nas med pa'i stong nyid la// 'byung ba zad pa'i 'od snang gsal// bya byed bral ba'i stong nyid la// sku gsum mtshon pa'i 'od snang gsal// 'byung ba zad pa'i stong nyid la// rnal 'byor ldan pa'i 'od snang gsal// rgyun du gsal ba'i stong nyid la// rang gsal gzhag

  206. 309a

    pa'i 'od snang gsal// mtha' mi gnas pa'i stong nyid la// rang rig sgrib bral 'od snang gsal// rnal 'byor 'od snang goms pa yis// 'byung bzhi thams cad bag la zha// thams cad stong gsal dang la rdzogs// chos rnams zad pa'i snang ba 'di// stong gsal 'gag pa med pa ste// dri ma kun las 'das pa'o// 'od zer dkar po'i tshul du shar// yon tan thams cad rdzogs pa'i brda// 'od zer ser po'i tshul du shar// chos rnams ma btsal bzhag pa'i phyir// 'od zer dmar po'i tshul du shar// bya ba thams cad rdzogs pa'i phyir// 'od zer ljang gu'i tshul du shar// mi 'gyur kun la khyab pa'i phyir/ kha dog mthing ga'i tshul du shar// de ltar sku yi gsal cha yis// rig pa dri ma med pa mthong // thig le stong pa'i sgron ma yis// rig pa thig le nyag gcig mthong // ye shes lnga yi gsal cha yis// rig pa nyid kyis gsal cha mthong // 'od zer lnga yi gsal cha yis// rig pa nyid kyi kha dog mthong // snang ba bzhi yi gsal cha yis// rig pa nyid kyi rang bzhin mthong // shes rab lnga yi gsal cha yis// rig pa rang snang tshul du mthong // rig pa nyid la su goms pa// 'dis ni rang lus rang sar dengs// de yi tshad la gang goms pa// chos rnams kun kyang zad pa'o// 'di dus nyams kyi 'phel zad ste// snang nyams snang yang

  207. 309b

    'dzin pa med// chos rnams zad ces tha snyad btags// nyams lus dbang po rtog tshogs dang // tshig gi 'khrul zhen thams cad zad// zag pa'i phung po mi snang bar// rang sangs nyid du sangs rgya'o// zhes gsungs nas/ ka dag brjod bral gyi ngangal lhan ner bzhugs so// theg pa'i spyi phud klong chen rab 'byams kyi rgyud las/ snang bzhi rtags tshad bstan pa'i le'u ste so brgyad pa'o// // sa ma ya/ rgya rgya rmyags kyi gta gas nas pa'i sems dpa' rdo rjes yang zhus pa// ku tsaM ston pa kun tu bzang // snang bzhi'i rtags chad de ltar na// de yi rgyab brten ji lta tha// rig mdangs 'khor la bka' tshul cig/ ston pas gsan te bka' stsal pa// a ho rig mdangs 'khor rnams nyon// de yi rgyab brten dgu yin te// dang por mi 'gul gsum du bstan// lus ni sku gsum bzhugs stangs las// skad cig tsam yang mi 'bral bya// de ltar lus nyid ma 'gul bas// rtsa mig rlung sems mi 'gul lo// gzigs stangs gsum las 'gul mi bya// rtsa gnad sgo yi khyad par gyis// rig pa sgron mar 'char ba'o// rtsa ma 'gul na mig gi 'gul// sgron ma mi 'gul gnad du che// sems ma 'gul bas rtog mi 'byung // dbyings rig 'du 'bral med pa ste// mi 'gul gsum la gzhi bcas pas// rlung sems gnad la phebs pa'o// kye ho sems

  208. 310a

    dpa' rdo rje rtsal// gnyis pa sdod pa gsum du bstan// phyi nang bskyod pa'i rlung zad pas// dbyings rig 'gro 'ong med par sdod// phung po bskyod pa'i rlung zad pas// lus ni mi 'gul sdod pa'o// gsang ba 'gyu byed rlung zad pa// sems rtog mi 'gyur sdod pa'o// tshad ni rmi lam bzung ba ste// lus ngag yid gsum rtags tshad bzung // rab la rmi lam dbyings su thim// 'bring du rmi lam mngon shes 'char// tha ma rmi lam ngo yang shes// chos nyid mngon sum snang ba'i dus// lus ni rus sbal snod bcug 'dra// ngag ni lkugs pa smra mi 'dod// sems ni mi 'phro gar gtang dod// nyams snang gong 'phel dus nyid du// lus la rgyan dang byi dor bral// ngag ni don med cal col te// sems ni khams gsum zlog re skan// rig pa tshad la phebs dus su// lus ni 'byung lnga thogs med 'gro// ngag la kun nyan chos su 'ongs// sems ni yid ches gdeng ldan no// chos rnams zad pa'i snang ba'i dus// lus la gshed mas ya med// ngag ni zungs zad lad mo brag cha 'dra// sems ni bag chag skad cig yal// bar snang na bun ci bzhin 'gyur// kye ho sems dpa' rdo rje rtsal// gsum pa thob pa gsum gyis ni// zag bcas phung po rang yal te// skye ba nyid la rang dbang thob// phung po'i snang ba rang 'gags te// rdos bcas mi snang ba

  209. 310b

    ru 'gyur// gal te sems can don byed na// rang gi lag sor gtad pa yis// snang ba rang log don rnams 'grub// rig pa rang bcug grol 'gul 'gyur// 'asdug pa nyid la rang dbang thob// lag sor nyid la rig pa gtad// skad cig mi snang bud+d+ha'o// rlung sems nyid la dbang thob pas// rlung gi yon tan thams cad thob// sdig can 'pho dus rig pa bcug/ rang dang mnyam por bud+d+ha'o// bems po rnams la thogs pa med// mngon shes phyogs med dus gsum shes// gsum gsum dgu yis rgyab brten no// zhes gsungs so// theg pa'i spyi phud klong chen rab 'byams kyi rgyud las/ rgyab brten bstan pa'i le'u ste/ so dgu pa'o// // sa ma ya/ rgya rgya rgya/ Tar ta Terba kyang na/ sa zheHsems dpa' rdo rjes yang gsol pa// kye ho ston pa kun tu bzang // rgyab brten man ngag de ltar na// gdeng chen ji lta bu ru bzla// rig mdangs 'khor la bka' stsol cig/ ston pas 'khor la bka' stsal pa// sems dpa' la sogs 'khor rnams nyon// gdeng ni yar mar gnyis gnyis bzhi// rtags tshad rnam grangs mang bshad pa// 'di ru mi 'du med pa'o// dkon mchog yon tan la sogs la// brod pa skye rgyu rdul tsam med// ye nas rig pa sangs rgyas pas// bsgyur nas grol rgyu nga la med// rang nyid sangs rgyas yin pa yis// gdeng chen de nyid

  210. 311a

    lon pa'o// de nyid don rtogs gyur pa'i phyir// myang 'das gzhan nas ga la re// gdeng chen dam pa chod pa'o// dmyal ba la sogs rigs drug gi/ sdug bajal myong tshul thos na yang // 'khrul da sdug bajal dang bral bas// ya nga med pa'i gdeng chos so// 'khor bar 'khyam mkhan med pa'i phyir// 'khor bar ltung dogs ga la yod// ltung mkhan ma grub gdeng chos so// mi 'gyur lta ba'i gdeng chen bzhis// mi zlog ye shes tshad kyang bzung // a ho sems dpa' rdo rje rtsal// gdeng chen de lon rnal 'byor ni// sus ma rnyed pa'i nor bu rnyed// sus ma mthong ba'i snang ba mthong // chos can thams cad dum bur chod// chos nyid rang rig sbar gyis zin// sangs rgyas pas kyang dzar sangs rgyas// yang dag rdzogs pa'i yang sangs rgyas// sprul pa rnams kyang der sangs rgyas// gdeng chen 'di lan rnal 'byor pa// rigs rnams kun gyi gtso bor 'gyur// dpal ldan tshogs kyi bdag po yin// he ru ka yi dbang rnams rdzogs// rnal 'byor 'byung bzhi rang dengs nas// phyir mi ldog pa'i sangs rgyas so// sangs rgyas kun gyi ye shes ni// gang gi phyogs su mi ltung ngo // zhes gsungs nas// brdal ba chen por lhan ner bzhugs so// theg pa'i spyi phud klong chen rab 'byam kyi rgyun las/ gdeng chen bzhi bstan pa'i le'u ste bzhi

  211. 311b

    bcu'o// // sa ma ya/ rgya rgya rgya/ thamamamam pa16/ de nas sems dpa' rdo rje yis// ston pa nyid la yang zhus pa/ kye ma ston pa kun tu bzang // de ltar nyams su blang ba la// snang ba bzhi ni gang ltar rdzogs// 'bras bu thob tshul ji lta bu// rig mdangs 'khor la bstan du gsol// ston pas gsan dgongs bka' stsal pa// kye ma rig pa'i 'khor rnams nyon// dang por rdzogs tshul 'di ltar ro// chos nyid mngon sum snang ba ni// rig pa lug rgyud ngo bor rdzogs// lu gu rgyud dang ma bral na// sgom pa rgyun gyi rnal 'byor rdzogs// rang snang chos nyid rol pa ste// lta ba rgyun gyi rnal 'byor rdzogs// zang thal mngon sum ma bral na// spyod pa rgyun gyi rnal 'byor rdzogs// rang rig rgyu rkyen med pa la// 'bras bu lhun grub chen por rdzogs// bsam med chos sku spros bral la// ma 'gags theg dgu thams cad rdzogs// nyams snang gong 'phel snang ba la// rig snang thams cad dbyings su rdzogs// spros bral sku lnga'i rang mdangs rnams// bar snang stong pa'i yul du rdzogs// sangs rgyas kun gyi lus nyid ni// rtog pa med pa'i ngang du rdzogs// 'dzin med dag pa chen po la// rdo rje sems sogs sku rnams rdzogs// sgra la goms pa'i rnal 'byor la// lus kyi rtags rnams mngon du rdzogs// 'od la 'dris pa'i rnal 'byor la// sa rdo ri brag rang

  212. 312a

    dag rdzogs// thig le goms pa'i rnal 'byor la// nyag gcig rtsad gcod sku rnams rdzogs// sgrub tu med pa'i phrin las la// bya ru med pa'i mchod pa rdzogs// chos nyid mi 'gyur snang ba la// lha dang bral ba'i rig pa rdzogs// stong pa nyid kyi 'od snang la// bde ba zag med thig le rdzogs// yang dag don gyi chos sku la// rtog pa med pa'i ye shes rdzogs// 'gyur med rang gsal ngo bo la// rtog med mnyam pa'i thig le rdzogs// rnam dag thig le lug rgyud la// brjod med lam gyi nyams len rdzogs// gsal stong dag pa'i ye shes la// mtshan ma med pa'i chos rnams rdzogs// nyams snang rim gyis 'phel ba la// mtshan ma can gyi chos rnams rdzogs// zhe 'dod med pa'i sgom pa la// btang snyoms med pa'i ting 'dzin rdzogs// spang thob med pa'i lta ba la// rtog pa med pa'i mthong ba rdzogs// bcos slad med pa'i spyod pa la// byas pa med pa'i byung ba rdzogs// rig pa tshad phebs snang ba la// lhun grub chen po'i ngang du rdzogs// bsam dang bral ba'i chos sku la// 'gag pa med pa'i longs sku rdzogs// mtshan ma med pa'i chos nyid la// thams cad 'dren pa'i sbrul sku rdzogs// phyir mi ldog pa'i sku gsum la// gzung 'dzin bral ba'i rig pa rdzogs// yang dag sangs rgyas lam mchog la// sbrang du med pa'i dkyil 'khor

  213. 312b

    rdzogs// skye ba med pa'i yig 'bru la// 'du 'bral med pa'i lha tshogs rdzogs// nub pa med pa'i rgyal mtshan la// 'gyur ba med pa'i sgron ma rdzogs// rtog pa med pa'i ye shes la// gsal 'grib med pa'i 'od gsal rdzogs// sa la mi gnas sku mchog la// btang snyoms ye shes dkyil 'khor rdzogs// bya btsal bral ba'i chos nyid la// dkyil 'khor lnga yi 'phro 'du rdzogs// rtog pa lam gyi sangs rgyas la// bya ba rgyu yi sangs rgyas rdzogs// grol ba 'bras bu'i sangs rgyas la// smin pa rtags kyi sangs rgyas rdzogs// bya byed bral ba'i dkyil 'khor la// 'dzin med zhi khro'i lha tshogs rdzogs// kun la khyab pa'i ye shes la// rang gsal chos nyid rtog med rdzogs// 'dzin med chos nyid rang gsal la// rtog med chos rnams ma 'dres rdzogs// ma bcos shar grol gdal ba la// sa bcu rtags dang rim pa rdzogs// ye shes snang ba lam me la// mngon shes rdzu 'phrul thams cad rdzogs// chos nyid ye klong chen po la/ khregs chod dang du zod rgal rdzogs// sku la goms pa'i rnal 'byor la// 'gro drug gzugs snang longs skur rdzogs// rig pa nyid la su goms pa// 'di ni chos rnams zad par rdzogs// chos rnams zad pa'i snang ba la// snang stong dbye bsal med par rdzogs// rang rig yin phyir snang ba rdzogs// rang byung yin phyir

  214. 313a

    gzhi yang rdzogs// snang ba yin phyir yul yang rdzogs// rang grol yin phyir rang rig rdzogs// rang snang yin phyir lam kun rdzogs// rang rig yin phyir shes bya rdzogs// rang khyab yin phyir 'bras bu rdzogs// rang sangs yin phyir rgyu rkyen rdzogs// rang rtogs yin phyir chos nyid rdzogs// rang byung yin phyir rgyud lung rdzogs// rangs rdzogs yin phyir phrin las rdzogs// rang ye thob phyir dbang rnams rdzogs// rang dag yin phyir dam tshig rdzogs// rang shes yin phyir gdams ngag rdzogs// rang bzhin yin phyir bsam gtan rdzogs// rang chas yin phyir dus gcig rdzogs// zhes gsungs nas lhan ner bzhugs so// theg pa'i spyi phrad klong chen rab 'byams kyi rgyud las/ snang gzhi rang sar rdzogs tshul le'u ste zhe gcig pa'o// / sa ma ya/ rgya rgya rgya/ ma kha mnams pag ma ga dmas nA/ sems dpa' rdo rjes yang zhus pa// de lta bu ru rdzogs na'ang // 'bras bu thob med thob tshul rnams// 'dus pa'i 'khor la bka' stsol cig/ ston pas gsan dgongs bka' sprul pa// kye ho rig mdangs 'khor rnams nyon// 'bras bu thob tshul 'di ltar ro// shes su med pa'i chos sku shes// brjod du med pa'i man ngag la// gzung du med pa'i rig pa zin// bshad du med pa'i chos nyid la// thob tu med pa'i 'bras

  215. 313b

    bu thob// yi ge med pa'i rgyud chen la// bshad du med de rtsal yang rdzogs// chos kun ma bslabs pa la shes// ma bsgoms ye nas ting 'dzin thob// lung dang rig pa du gcig rdzogs// sngags dang phyag rgya dkyil 'khor lha// mchod dang dbang dang dam tshig ni// ma btsal cog bzhag chen por thob// 'das dang ma 'ongs da lta rnams// skad cig cha la dus gsum rdzogs// sa dang lam dang tshogs rnams ni// bgrod sbyangs bsag med skad cig thob// gzhi dang lam dang 'bras bu ni// ji ltar gnas pa'i tshul na rdzogs// ngo bo rang bzhin thugs rje gsum// sgog med rang sar nyid na bde// chos sku longs sku sbrul sku gsum// ma skyes rdzogs pa'i tshul na thob// lta ba sgom pa spyod pa gsum// ma brten 'khor ba'i tshul du rdzogs// sangs rgyas chos dang dge 'dun gsum// ye rdzogs lhun grub chen por gnas// snang dang stong dang dbyer med ni// ma byas ye rdzogs nyid du gnas// sa dang chu dang me dang rlung // nam mkha' ye rdzogs tshul du thob// a ho sems dpa' rdo rje rtsal// rgya ru med pa'i sangs rgyas thob// 'da' ru med pa'i myang 'das thob// dri ma med de ka nas dag/ thog mar byung bas rgyud pa zab// lta dang bral bas rtsis las 'das// dug gi rgyu rkyen bde ba che// brjod pa'i rgyu med smra bsam 'das// ye nas rang rig rnam par

  216. 314a

    dag/ zag pa zad pas rdos bcas med// gnyis kyi 'phel med ngo bo nyid// chos dang bral bas mtha' las 'das// rtog med gsal bas 'gyu ba sangs// bem rig gnyis med tshogs gnyis rdzogs// 'gran pa'i zla med cog bzhag rang // ngo lkog mtshan ma gdod nas med// 'gyur ba ma yin drang por gnas// yongs la khyab pas sems gcig po// 'grub mtha' rdzogs pa'i spyi phud yin// thog ma bar dang mtha' ma grub// de ltar 'bras bu 'khrul med gzhi// rang rig ye nas 'od zer gsal// sku gsum ye nas ma bskyed rdzogs// 'bras bu rang gnas chen po'o// a ho rig mdangs 'khor rnams nyon// ye rdzogs ye yin sku gsum la// chos kyis de la bcos su med// grub mtha' ye nas skyon dang bral// dug lngas ye nas gos pa med// 'khor 'das 'du 'bral ga la yod// mngon sum gsal bas brjid re che// snang ba sna tshogs lhun re sdug/ chos sku ngo spyod dang re spro// ngo bo zang thal yangs pa che// rang bzhin kun khyab gdal ba che// thugs rje kun 'byung skyed re che/ khyab pa ye mdangs bkrag re ngas mang ste// rnam pa lnga ru 'dus pa'o// ngo bo ka dag sangs rgyas dang // rang bzhin lhun grub sangs rgyas dang // thugs rje kun khyab sangs rgyas dang // 'bras bu rgyu dag sangs rgyas dang // mtshan ma yongs grol

  217. 314b

    sangs rgyas so// de yang rnam pa gnyis su 'dus// yang dag rdzogs pa'i sangs rgyas dang // mngon par rdzogs pa'i sangs rgyas gnyis// yang dag rdzogs pa'i sangs rgyas ni// ngo bo sku ru rgyas pa dang // rang bzhin 'od du rgyas pa dang // thugs rje zer du rgyas pa'o// mngon par rdzogs pa'i sangs rgyas ni// sku dang gsal dang bsnga' dang 'od// mngon sum gsal na rgyas pa'o// thog mar ma rig pa yi sems// rig pas bskyed pa'i lus sems 'di// ye shes nyid kyi ngo bo ste// 'byung lnga ye shes lnga la thim// lhag ma med par sangs rgyas so// de yi thugs rje'i cha tsam las// gzhan don dpag med 'byung ba'o// theg pa kun gyi spyi phud klong chen rab 'byams kyi rgyud las/ 'bras bu sku gsum lhun grub kyi le'u ste zhe gnyis pa'o// // sa ma ya/ rgya rgya rgya/ 'bas satam paraH16\u0f7frgya rgya rgyaHde nas sems dpa' rdo rjes yang zhus pa/ kye ho// lta sgom spyod pa'i bdag nyid kun tu bzang // ye rdzogs chen po'i 'bras bu bstan gyur kyang // da rung lta sgom spyod pa'i don ma bstan// klong chen yangs pa'i thugs kyi sgo phye la// blta dang mi blta kun bzang yangs pa'i klong // sangs rgyas kun gyi dgongs pa rab gsal ba// 'dus pa'i tshogs la klong nas dgrol du gsol// zhes zhus ston pas bka' sprul pa// kye ho sems dpa' rdo rje rtsa la sogs

  218. 315a

    nyon// bsam gyis mi khyab brgyad khri bzhi stong dang // gsung rab cu gnyis sde snod rgyud kun klogs// theg pa'i khyad par grub pa'i mtha' rnams kun// kun bzang chos kyi dbyings chen klong nas bkrol// lta ba'i klong chen rab 'byams la bzla ba// nyan thos rang rgyal theg chen mdo sde dang // spyi dang khyad par lta ba'i bye brag rnams// ye klong chen po'i don la bsgribs gyur cing // sangs rgyas lha dgongs phyin ci ma log pa// de yis don la dbab par rab tu dka'// brtag par dka' la brjod pa'i tha snyad bral// dpe dang gtan tshigs lung rig kun gyis kyang // 'di zhes mtshon par tshig tu brjod dang bral// brjod med don nyid klong chen rab 'byams don// chos nyid skye med klong yangs 'khyil ba'i sku// ngang ngam shugs kyis byin gyis rlabs kyis rtogs// kun tu bzang po'i chos kyi dbyings klong nas// bkrol zhing bshad pa lta ba'i klong chen 'di// las dang skal ldan rnams kyis rtogs par gyis// chos nyid klong rdol lta ba ye klong che// 'khor 'das thams cad rig pa'i byang chub sems// yul nyid rnam spangs sgo skur bral ba'i klong // sems nyid stong pa ngos bzung kun tu bral// med pa ma yin rol pa 'gag pa med// rang bzhin skye ba med cing brjod dang bral// skye med rol pa gnyis med gnyis su med// de

  219. 315b

    nyid spros pa'i mtha' rnams kun dang bral// phyogs ris med pa lta ba yangs pa'i klong // ma 'gags shar ba rang byung ye shes nyid// rgyu dang rkyen bral rtag pa chen po'i sku// rtogs pa'i klong chen rab 'byams don rtogs na// skad cig grol 'gyur yang sangs rgyas 'gyur zhing // rang bzhin ka dag spros pa'i mtshan ma bral// ma 'dres yongs rdzogs nam mkha'i gzugs brnyan bzhin// thams cad mnyam nyid klong du ro/ gcig go/ rnam par dag pa'i de nyid ye shes don// 'di ltar sangs rgyas ye nas rnam par dag/ lhun gyis grub pa'i sangs rgyas bde ba che// nyon mongs lnga nyid ye shes lnga po ste// dug gsum sku gsung thugs su rab rtogs pas// ngo mtshar rmad byung sdug bsngal zug rngu zhi// klong chen rab 'byams a ti yo ga'i lung // kun kyang rab gsal theg pa kun gyi don// lta ba'i mthar thug dgongs pa'i zhe phugs ni// mtha' yi mun gsal klong chen yangs pa'o// theg pa'i spyi phud klong chen rab 'byams kyi rgyud las/ lta ba rgya mtsho klong rdol ba'i le'u ste zhe gsum pa'o// // sa ma ya/ rgya rgya rgya/ rdza tsag 'akag sa de nas yang sems dpa' rdo rje rtsal gyis gsol pa// kun tu bzang po rab 'byams klong chen yangs// ye nas dngos po'i gzhi nyid dag pa la// sgom dang mi bsgom tha snyad kun las grol// sgom pa'i don nyid klong nas

  220. 316a

    dgrol du gsol// zhus pa'i lan du ston pas dka' sprul pa// de nyid don rtogs klong nas kun kyang gsal// sgom dang mi bsgom tha snyad kun dang bral// rang bzhin 'od gsal ngang gis ma g.yos kyang // rang sems dri med 'od gsal snying po'i don// ma nor ma bcos spros dang bral// blo yi bzhag thabs ji bzhin nyid du bde// zab mo klong yangs 'khyil pa'i don nyid la// bying rmugs rgod dang 'phro ba kun spangs shing // sgrar med klong du bstim pa'i rnal 'byor pas// mtshon dang ma mtshon med pa'i zag chod de// sgom dang bsgom par bya ba ma rnyed pas// bying rgod rnam rtog dgra bo gsad mi dgos// rtog pa'i klong du 'dris pa sgom pa'i mchog/ sgom pa klong du gyur pa pha rol phyin// rnam par mi rtog rtog pa'i yul las 'das// gzung dang 'dzin spangs byang chub sems nyid don// ji bzhin gtan la phab la mnyam par bzhag/ yul gyis mi 'phrog ma bcos lhug pa de// sgom pa'i ngo bo nyams su myong ba'i dpe// lus ngag sems kyi sdug pa blal las grol zhing // byang chub sems kyi sgom pa'i don rtogs na// drod rtags cho 'phrul kun kyang shugs las 'byung // gol sgrib ma spangs rang sar dag 'gyur zhing // klong chen rab 'byams klong du gyur pa'i tshe// de nyid rgyal ba kun dang rab mnyam zhing // bde gshegs

  221. 316b

    sku gsung thugs dang mnyam par 'gyur// byang sems drang por gnas dang brtan cing goms// de nyid bogs dbyung bsgom par bya ba dang // mkha' la nyi shar sde bzhin gsal ba ste// snang ba'i thugs phrad gang gang de de nyid// gzung 'dzin mtshan ma rang grol shes par bya// sems nyid cog bzhag dran med rang sar bzhag/ rgya mtsho bzhin du rab zab g.yo 'gul med// chu bo'i rgyun bzhin rig pa rgyun 'chad med// rdo/ rje lta bu'i ting 'dzin 'pho 'gyur med// dbang po rno rtul rim dang cig char du// nyams su dzangs pas sgom pa'i bye brag kun// kun bzang thugs kyi klong nas bkrol zhing bstan// sgom pa klong yangs khyab gdal chen po'o// theg pa'i spyi phud klong chen yangs pa'i rgyud chen las// sgom pa'i don klong nas bkrol ba'i le'u ste zhe bzhi pa'o// // sa ma ya/ rgya rgya rgya/ na ts+yai a rgya na/ thon dzaHde nas sems dpa' rdo rje rtsal gyis gsol// rgyal ba'i rgya mtsho kun tu bzang // chos dbyings dag pa'i ye klong chen po la// bya dang mi bya lus ngag spyod pa'i don// byar med lhug pa'i don nyid bshad du gsol// bcom ldan 'das kyis bka' stsal pa// lta ba ye klong chen po'i don rtogs nas// ji bzhin bsgom pa'i ngang la gnas gyur pas// lus ngag yid kyi spyod pa kun bzang klong // yangs pa chen po bya btsal kun bral kyang // lta ba'i rtsis zin spyad

  222. 317a

    na kun kyang bzang // dbyings dang ye shes ngang las ma g.yos kyang // thabs mkhas thugs rje'i mdzad spyod bsam mi khyab// spyod pa ji snyed bsam yas de snyed kun// thabs kyis kun spyod gdeng gis zin par spyad// ched du byar med don la bkag med kyang // bya ba med pas grol ba sgrol bar bya// kun 'khol kun spyod bdag nyid chen por spyad// 'di la brtul zhugs la sogs chags rnams med// bya ba med pas las rnams kun kyang bral// lhun grub blang dor med de rang byung klong // spyod pa rgya mtsho rnam par dag byed cing // dus dang rnam pa kun tu shugs phyung spyad// ya nga'i spyod pa la sogs kun kyang spangs// ched du byar med don la ma bkag kyang // 'gal ba'i spyod pa kun kyang rnam par spangs// smyon pa lta bu'i brtul zhugs rab spangs zhing // lus ngag yid kyi spyod pa rtsol dang bral// sbyang bgrod spyod pas 'ching 'gyur ci byar yod// 'on kyang dge ba'i chos spyod kun la yang // ma chags mi g.yo'i stobs kyis grol bar 'gyur// spyod pa spyad du yod pa'i dngos gzhi la// med pa'i phyogs 'dzin ma spangs pa yis spyod// spyad du med pa chen po'i dngos gzhi la// yod pa'i phyogs 'dzin ma spangs pa yis spyod// spyad du yod med gnyis ka'i dngos gzhi la// gnyis med phyogs 'dzin ma spangs pa yis spyod// gnyis

  223. 317b

    med spyod pa spyad pa'i dngos gzhi la// gnyis ka'i phyogs 'dzin ma spangs pa yis spyod// mdor na gang snang gang shar dngos gzhi la// phyogs 'dzin ma spangs shugs 'byung spyod par grol// klong yangs 'ub chub brdal khyab chen po'i ngang // spyir khyab chen po sa bcu 'dus pa'i klong // gcig tu 'dus pas mtho dman yongs kyis med// mtho dman med pas yangs dog med pa yin// mtha' dbus bral bas phyi nang med par spyod// skye 'gag med pas dus gsum spyod pa'i klong // dus gsum med pas skye shi med par 'byams// blo snyed shar kyang g.yo ba rdul tsam med// rgyal ba kun tu bzang po'i dgongs pa'o// zhes gsungs nas rang las tha dad med pa'i sku gsum gyi klong na sku ngo bo nges med du sangs rgyas/ gsung lhun grub grag stong du sangs rgyas/ thugs skye med ka dag tu sangs rgyas so// theg pa'i spyi phud klong chen rab 'byams kyi rgyud las/ spyod pa rgya mtsho brdal ba chen pol le'u ste zhe lnga pa'o// // sa ma ya/ rgya rgya bya/ bcag thamasaHrgya rgya rgya de nas sems dpa' rdo rje mes// ston pa nyid la yang zhus pa// kye kye ston pa kun tu bzang // lta sgom spyod 'bras de lta na// a ti chen po 'di nyid la// sems can dzo yi khyad par gyis// gol sa yod med ston pas gsungs// 'dus pa'i 'khor rnams nyan spro'o// zhus pas gsan dgongs

  224. 318a

    bka' stsal pa// a ho sems dpa' rdo rje rtsal// lha sgom rnams kyi gol sa ni// stong pa nyid la a 'thas na// gzugs med skye mched mu bzhir gol// dngos po can du 'thas pa na// gzugs khams gnas rigs bcu bdun dang // bems po lta bur go bar 'gyur// lu gu rgyud kyi snang ba la// rtag pa can du 'dzin pa na// chags pa chen pos bcings par 'gyur// 'gro drug gnas su de gol lo// spyod pa dag la gol sa gsum// 'di ltar snang ba thams cad kun// smyon pa tho co spyod pa na// nam mkha' lta bur mtha' yas gol// don la myang med kha chos che// mu stegs lta bur gol bar 'gyur// chos spyod rgyu 'bras mi brtsi na// tha mal skye bor gol ba'o// sgom pa dag la gol sa gsum// btang snyoms bdag med bsgom pa na// stong snang mun snang nyid du gol// ting 'dzin yig 'bru sgom byed na// chags bzung 'khor ba'i gnas su gol// mi rtog stong pa bsgom byas na// chad pa mu stegs lta bur gol// de sogs gol rgyu bsam yas kyang // gol sa rtag chad gnyis su 'dus// don la gol sgrib med na yang // lam pa'i rnal 'byor nyid la ni// gnas ngan grogs ngan yul ngan gsum// gol sa che ba gsum du bshad// kha ngan khong gyong rang rgyud ngan// dug lnga dug gsum lo 'dab rgyas// de rnams rang rgyud gol sa

  225. 318b

    yin// nyams su len par byed pa la// bar chad bdun gyis 'khyer bas na// bdud kyi gol sa thams cad gcad/ rtsa ba bdud bzhi chod pa na// gol sa thams cad chod pa'o// chos skra gzung 'dzin phyogs bral la// mtshan ma'i bdud dang gol sgrib bral// theg pa'i spyi phrad klong chen rab 'byams kyi rgyud las/ gol sa bcad pa'i le'u ste zhe drug pa'o// / sa ma ya/ rgya rgya rgya/ kenasas byed mong ba ma tha/ rgya rgya rgya/ sems dpa' rdo rjes yang zhus pa// kye ho ston pa kun tu bzang // gong ltar gdams pa bstan na yang // snang ba bzhi po ma rdzogs shing // gal te gdams pa'i gnad yod kyang // bya ba le los g.yengs pa rnams// nyams su len long med pa ru// bar chad rkyen gyis 'chi ba na// 'di la 'chi rtags bslu ba'i thabs// bar do'i gdams pa bstan du gsol// gsan dgongs ston pas bka' stsal pa// kye ho sems dpa' rdo rje nyon// bar do zhes bya chos spyi'i skad// 'di ru chos kun ma 'dus med// de la bar do'i dbye ba dang // chos nyid sa mtshams snang lugs so// de la dbye ba bzhi yin te// dang po skye gnas par do dang // 'chi kha sdug bsngal bar do dang // chos nyid zhi khro'i bar do dang // srid par 'khyams pa'i bar do'o// gnyis pa chos nyid bar do ni// rang lus 'dom gang gru bzhi 'di/ khams rnams dang ni phung po

  226. 319a

    dang // skye mched rnams dang dbang po dang // yul dang yul can nyon mongs rnams// ji ltar gnas pa gtan la dbab// 'di dag shes pa'i rnal 'byor pas// snang ba thams cad dbang sgyur nus// khams la rnam pa gnyis yin te// yul gyis bsdus pa phyi yi khams// sems kyis bsdus pa nang gi khams/ khams kyi rnam pa de dag kyang // yul kun 'dzin pa 'khrul pa'o// phung po rtog pa dang bcas pa// dngos po thams cad gcig tu sdud// rtog pa med pa'i phung po 'di// bsam gtan gcig 'dus ting 'dzin ni// skye mched gzung 'dzin gnyis yin te// gzung ba'i skye mched bcu gnyis dang // 'dzin pa'i skye mched bcu gnyis so// dbang po gzugs kyi cha 'dzin dang // shes rab cha 'dzin dbang po'o// yul la dngos po'i yul dang ni// dngos po med pa'i yul gnyis so// yul can thams cad rnam par dag/ dag ces bya ba chos zad do// nyon mongs pa ni drug yin te// ma rig gti mug zhe sdang dang // nga rgyal 'dod chags phrag dog go/ 'chi kha ma yi chos nyid ni// 'chi rkyen nad kyis 'byung ba 'khrugs// lus ngag yid gsum sdug bsngal te// 'dzin chags zhen pa'i mtsho rdol nas// lus sems bral gyis dogs pa yis// sdug bsngal shin tu rags pa ste// ban bun dang ni lang long dang // shes pa gcig tu mi gnas

  227. 319b

    pa'o// chos nyid bar do'i chos nyid ni// phung po med cing zag bcas bral// zhi ba'i sku dang khro bo'i sku// ye shes 'od dang kha dog dang // thig le mched dang 'byung snang dag/ snang ba thams cad bde chen zhing // rang snang dag par kun snang ste// cir snang chos nyid gzhal yas so// srid pa bar do'i chos nyid ni// sha khrag rang gi gzugs bral nas// sgyu ma yid kyi gzugs can des// chos nyid bden pa'i don ma mthong // 'od snang kun la bred sngangs nas// stong gsum kun tu yid kyis rgyu// bya sgo rlung gis khyer ba bzhin// phyad phyod yang yud snyoms shing 'jug/ ban bun lang long rmi lam 'dra// sa gcig mi tshugs tshig pa za// gar sleb la sogs rigs drug 'od// so so'i dmigs pa snang ba'o// sa mtshams skye gnas bar do ni// ma la skyes nas 'chi rkyen gyi// nad kyis btab pa tshun chad do// 'chi kha'i bar do nad thebs nas// nang dbugs chad pa tshun chad do// chos nyid bar do dbugs chad nas// lhun grub snang ba shar ba'o// srid pa bar do'i sa mtshams ni// lhun grub snang ba yongs thim nas// mngal du chud pa tshun chad do// snang lugs gdams pa'i gnad bzhi bstan// rang bzhin skye gnas par do la// shes bya'i gras zag gcad par bya// 'chi kha ma yi bar do la// gdams pa rnams la gsal yang gdab// chos nyid zhi khro'i

  228. 320a

    bar do la// rang snang kun la yid ches bya// srid par 'khyams pa'i bar do la// las kyi 'phro mthung zhen chags spangs// dang po skye gnas par do yi// shes bya'i gras zag bcad pa la// mtshan nyid ldan pa'i bla ma brten// thos pas phyi yi sgro 'dogs bcad// bsgom pas nang gi sgro 'dogs bcad// shes byas yul gyi gras zag bcad// 'dus pas sems kyi gras zag bcad// snang sems gnyis med gras thag bcad// gsang bar khregs chod gtan la dbab// yang gsang thod rgal gtan la dbab// rtags tshad gdeng dang ldan par bya// zhes gsungs nas lhan ner bzhugs so// theg pa'i spyi phud klong chen rab 'byams kyi rgyud las/ bar do spyi'i rnam gzhag bstan pa dang / skye shi bar do'i gdams pa bstan pa'i le'u ste zhe bdun pa'o// // sa ma ya/ rgya rgya rgya/ sems dpa' rdo rjes yang zhus pa// kye ho ston pa kun tu bzang // skye gnas par do de ltar na// 'chi kha'i bar do ji ltar 'char// ston pas lan du bka' stsal pa// a ho sems dpa' rdo rje nyon// 'chi kha ma yi bar do la// dang po 'chi ba brtag cing bslu// ma zlogs gdams pa'i gsal yang gdab// 'chi rtags phyi nang gsang gsum ste// phyi yi 'chi ltas mtshan ma ni// mi mthun phyogs rnams thog tu 'byung // dbang po mi gsal tshig pa za// nor dang

  229. 320b

    longs spyod god pa dang // rang sems phyad phyod rmi lam 'khrug/ dge sbyor mi nus 'dug mi tshugs// rmi lam ngan zhing bred sngangs 'byung // gdams ngag mi gsal log lta skye// sngar spyod 'gyur zhing chags sdang rags// bar chad zhugs pa'i rtags yin no// nang du 'byung ba'i pra 'gyur bas// de phyir nang gi tshe gzugs brtag/ spyi gtsug ral nag mi gsal dang / kha dog sna tshogs yan lag med// drag po dbang dang zhi ba'i gzugs// yan lag 'khums sam kha dog la// bar chad byung na nang gi rtags// gsang ba sems la 'char ba ste// bla ma yi dam mkha' 'gro 'am// chos skyong gzugs kyi lung ston dang // mngon shes rdzu 'phrul nus mthu rnams// bsgrub pa ma byas ston par nus// snying rje mi 'du g.yeng ba skye// brgyud dang 'phral dngos 'jam rtsub tu// rnal 'byor pa la bar chad byed// nga rgyal phrag dog re dogs dang // rlom sems zhen pa'i bdud kyis khyer// de yis tshe dang mchog la sgrib// rnal 'byor don gnyis 'grub mi 'gyur// des na zab mo'i gdams pa 'di// gces par gyis la yid la zung // de ltar phyi nang gsang ba yi// 'chi ltas byung na bslu ba ni// phyi yi 'chi ltas byung dus su// bar chad yin pas dran pas bzung // bsod nams tshogs sogs grub tshad bya// bla ma brten cing gsol ba btab// mos gus bskyed la dbang

  230. 321a

    bskur zhu// zlog pa bskang gso dag la 'bad// dge sbyor gdams pa'i gnad la 'bungs// de yis bar chad zhi bar 'gyur// nang ltar byung na bslu ba ni// gro ga ras sam shing shun la// 'byung ba lnga yi 'khor lo ni// rtsibs bzhi lte ba mu khyud bcas// sa chu me rlung nam mkha' yi// rang rang sa bon re re dgod// mu khyud A li kA lis bskor// de ltar 'khor lo lnga bris la// rang rang sa bon lo grangs bkod// 'byung ba'i lha lnga dgug cing bstim// shing me sa chu sna tshogs dang // sems can kha rlangs bsgres pa'i zan// ngar glad dbang po dod par bya// lo grangs glad kyis tha ma bskor// gtor ma chang bu de ltar ro// sngags dang phyag rgyas byin gyis brlab// rdo rje'i tshig brjod chu la bskur// 'chi ba lo gsum bar du bzlog/ shin tu zab pas nyams su blang // gsang ba'i 'chi ba bslu ba ni// mthun rkyen bsod nams skyes pa la// rab kyis chos nyid rol par khyer// 'bring gis zhen chags sgyu mar sbyang // tha mas ri dwags bzhin du bros// mchog la brtan pa ma thob par// chos nyid ngang las 'gyur mi bya// cir snang rang gi sems yin pas// rang du zag bcad yang spangs// sems la bltas pas grub pa med// de yis 'khrul pa zhig pa yin// 'khrul pa zhig na sangs rgyas yin// skad cig de yis grol bar 'gyur// gsang ba'i

  231. 321b

    'chi ba bslu ba 'dis// bdud las rgyal nas bud+d+ha'o// dus la bab ste ma bzlog na// skyes bu'i lus la nad btab nas// rtags 'di su la byung ba de// 'chi ba'i dus ni nges pa yin// sa ni sa la thim pa na// lus ni lci zhing zas mi len// langs 'dug 'gro ba'i stobs kun zad// chu ni chu la thim pa'i tshe/ kha chu sna chu 'dzag par byed// de bzhin me la me thim pas/ kha sna dag ni rab tu skam// lus kyi mtha' yi drod rnams 'chor// de bzhin rlung la rlung thim pas// dbugs ni ngar ngar yan lag g.yo ba// mig kyang gyen la bzlog pa'o// rtags 'di su la byung ba de// 'di la mi gnas pha rol tu// nges pa ru ni 'gro bas na// de tshe bla ma'i gdams ngag rnams// rang gi rgyud la 'dris par bya// don 'di rnams kyis gsal yang gdab// gal te de dag mi gsal na// rang gi bla ma bzhugs na rab// bla ma med na rdo rje'i spun// lta spyod mthun cing dam gtsang bas// shes pa gsal yang gdab par bya// gal te phyi dbugs chad na ni// rlung sbyang 'pho ba'i gnad byas te// gdams pa btab pas nges par thebs// gdams pa'i gnad ni 'di ltar gdab// phung po seng ge'i nyal lugs bcos// rig pa nyid ni mig la gtad// yid dang shes pa bar snang la// dbyings dang rig pa mi 'gyur gtad// sa le hri ge sang nge bzhag/ skra

  232. 322a

    rnams thams cad rang gi sgra// 'od zer thams cad rang gi 'od// snang ba thams cad rang snang ngo // gsal stong 'dzin pa med pa'o// dbyings dang rig pa ma 'gyur na// mi de bar do med par 'gyur// gal te dbyings nyid ma gsal na// bla mas bar do'i 'od snang rnams// yang yang spyi bor kha gtad bshad// btags grol rgyud dang gdams pa rnams// rna bar sbu gu bcug la bshad// des ni brtan pa thob par 'gyur// ces gsungs so// theg pa'i spyi phud klong chen rab 'byams kyi rgud las/ 'chi ba brtag pa bslu ba dang / 'chi kha bar do bstan pa'i le'u ste zhe brgyad pa'o// // sa ma ya/ rgya rgya rgya/ rbatha waT/ che sarbaHsems dpa' rdo rjes yang zhus pa// kye ho 'chi kha'i bar do de ltar na// chos nyid bar do ji ltar lags// ston pas gsan nas bka' stsal pa// kye ho sems dpa' rdo rje nyon// chos nyid par do zhes bya ba// de dus rlung gis rnam shes la// thim pas nang dbugs 'chad par 'gyur// rnam shes nam mkha' la thim pas// lus dang sems kyi 'brel pa chad// dbugs ni bar snang khams su yal// lus po bem por lings kyis 'gro// rig pa me stag yal ba ltar// 'od gsal chos nyid sa ru sleb// nam mkha' 'od gsal la thim pas/ phyi yi sa rdo ri brag 'gag/ nang du 'od gsal chos nyid 'char// sngar gyi

  233. 322b

    lus kyi bag chags kyis// rjes bcas lus 'di mi snang kyang // yod do snyam pa'i shes pa 'byung // steng 'og phyogs mtshams ma lus kun// bar mtshams med pa 'od lnga'i zhing // phyi nas bltas pas nang yang gsal// nang nas bltas pas phyi yang gsal// ldem ldem bzhin nam mer mer bzhin// mnan na nem nem byed pa snyam// btegs na 'phar bar snyam pa dang // shin tu yid du 'ong ba dang / kha dog lnga ru gsal ba dang // 'phra ba 'gul ba 'phrig pa dang // gsal 'tsher lhun sdug gzi brjid 'phro// rgya che khog yangs dpangs mtho ba// rtse mo yangs pa zhes bya ste// byas pa med par rab byung bzhugs// de tshe dus gnad gsum yin te// 'jug pa shes pa'i gnad dang ni// grol ba lus kyi gnad dag dang // mthar phyin rang ngo shes pa'i gnas// 'jug pa la yang dus gnyis te// rig pa 'od la 'jug pa dang // 'od ni rig par 'jug pa'o// rig pa 'od la phar 'jug pa// gang gi 'od snang de dag ni// sku yi snang bar 'char ba ste// dpag med grangs las 'das pa la// sems dpa' dang ni sems mar bcas// yab dang yum gyi cha 'dzin cing // mu khyud 'od lnga'i ra bas bskor// snang ba thams cad sku ru 'char// de tshe rang gi snying ga nas// 'od zer shin tu 'phra ba gcig/ lha sku kun dang 'brel bar snang // de la rang gi shes pas

  234. 323a

    zin// rang snang yin par shes gyur na// rang bzhin du ni mi rtog pa'i// bsam gtan dag la gnas pa dang // 'od nyid rig par tshur 'asdug pa// yang ni rang gi snying nang nas// 'od zer tshon skud bsgril ba gcig/ tshom bu'i lha tshogs thugs kar 'brel// de dus tshom bu'i lha tshogs rnams// rang la thim pa'i snang ba 'char// de ni 'od zer rig pa la// tshur la 'jug pa zhes bya'o// de nas grol ba lus kyi gnad// 'di yi dus na phung po lnga// bdag tu 'dzin pa rang dengs pas// lus ni longs spyod rdzogs skur grol// 'byung ba'i rdos bcas rang dengs pas// 'od gsal bde chen klong du grol// nyon mongs phra rags rang grol bas// 'od gsal rig pa chos skur shar// rig pa ma la bu thim grol// 'di dus ye shes bzhi sbyor gyi// snang ba rang gi snying las 'char// dkar ser dmar dang mthing ga'i 'od// snang bu brkyang pa lta bu'i khar// thig le zer dang ldan pa ni// me long kha sbub byas pa ltar// shin tu gsal la 'tsher ba la// rang bzhin thig le lnga lnga yis// 'od snang bzhi ka'i steng du brgyan// de ni ye shes bzhi sbyor te// rdo rje sems dpa' khong seng lam// rig pa'i sna thag ces bya'o// de tshe 'char lugs brgyad 'char te// de yang rang rig ye shes 'di// thugs rje ltar du shar bas na// 'khor 'das gnyis

  235. 323b

    po rgya ma chad// rang rig 'od du shar bas na// snang ba thams cad nang na gsal// rang rig sku ltar shar bas na// shes pa'i kha ni phyir ma shor// rang rig ye shes ltar shar bas// snang ba thams cad zang thal nyid// rang rig gnyis med ltar shar bas// rang gi shes pa rtse gcig gnas// rang rig mtha' grol ltar shar bas// mtha' ni gang la yang mi gnas// ma dag 'khor ba'i sgo ltar 'char// srid pa'i byung khungs ma 'gags so// dag pa ye shes sgo ltar 'char// chos nyid ma dang bu 'bral lo// ji ltar mthong ba'i yul snang kun// zhi ba dang ni khro bo'i sku// che ba nam mkha'i mtha' dang mnyam// chung ba nyung dkar 'bru gu tsam// 'bring ba rnams ni ri rab tsam// rang gi snying dang klad pa nas// thon nas de ltar 'char bar 'gyur// mang nyung dpag tu med pa ste// mgo brnyan mtshon cha sna tshogs thogs// 'od ni nyi ma 'bum shar tsam// sgra ni 'brug stong ldir ba tsam// zer ni mtshon cha zings pa tsam// skra yis skrag cing sgra yis sngangs// zer gyis snang ba yang bar byed// rang gi phyogs su rngub pa snyam// de la 'jigs par ma byed par// rang snang yin par thag chod cig/ rang rig yin par thag chod cig/ ma bu gnyis po ma 'dzol cig/ sgro rtog ma byed zag chod cig/ de ltar shar lugs brgyad byung dus// skad cig ma ni dang po

  236. 324a

    la// mngon par shes pa drug phrag drug/ shin tu gsal bar 'char ba'o// skad cig ma ni gnyis pa la// rjes su dran pa drug 'char te// lha dang bla ma skye gnas dang // gdams ngag lta ba rjes su dran// 'di dus mi brjed gzungs rnams kyang // rang gi rgyud la skye bar 'gyur// skad cig ma ni gsum pa la// grol ba'i thim lugs brgyad 'byung ste// thugs rje thugs rje la thim ste// nyi ma nub pa'i zer thag ltar// gzigs snang kun las 'das pa'o// ye shes ye shes la thim pas// ma pang bu tshud lta bu ste// chos nyid ma dang rig pa bu// lhun grub sbubs su 'dzom pa'o// 'od ni 'od la thim pa ste// 'ja' tshon nam mkhar yal ba ltar// 'od snang lnga yang nam mkha' 'dus// sku ni skur thim bum sku 'dra// shes bya nang du gsal bas na// mtshan ma zhal phyag can du med// rang ngo rnam par dag pa'o// gnyis med gnyis med la thim ste// chu la chu bo thim pa ltar// gtad pa'i yul med rang sangs nyid// mtha' grol mtha' grol la thim pas// nam mkha' nam mkhar thim pa ltar// gtad pa'i yul med ka nas dag/ ma dag dag par thim pas te// sgra yi tshon zag bsdus pa ltar// thig le nyag gcig ngang du rdzogs// dag pa ye shes chen po ni// ngo bo'i sku la thim pas te// seng ge gangs la zin pa ltar// ya nga'i rtog pa kun dang

  237. 324b

    bral// lhun grub ka dag rang grol lo// dbang po dag gi bye brag gis// rab ni skad cig gsum la grol// 'bring ni skad cig nyer gcig gam// zhag po lnga la grol bar 'gyur// tha ma sbrul sku'i zhing khams su// bar do med par sangs rgya'o// chos nyid bar do'i 'char tshul yin// ces gsungs nas lhan ner bzhugs so// theg pa'i spyi phud klong chen rab 'byams kyi rgyud las/ chos nyid bar do'i le'u ste zhe dgu pa'o// // sa ma ya/ rgya rgya rgya/ tha na rnam gas rba aH/ sems dpa' rdo rjes yang zhus pa// kye ho ston pa kun tu bzang // chos nyid bar do de ltar na// srid pa bar do ji lta bu// ston pas gsan nas bka' stsal pa// a ho sems dpa' rdo rje nyon// bla med theg mchog 'dir zhugs nas// brtson 'grus tha ma gcig yin kyang // srid pa'i bar dor snang tsam las// rmi lam sad pa ltar gyur nas// 'di nas sbrul sku'i zhing khams su// dbugs dbyung skye ba gcig gis thogs// de nas mthar phyin grol bar 'gyur// chos sgo 'di nyid ma mthong ba'i// gang zhig 'gro ba phal pa rnams// gong gi chos nyid bar do la// gdams pa'i gnad med ngo ma shes// 'od la 'jigs shing zer la dngangs// kun la rtog pa zos pa yis// dbang po mar la kha 'khyal nas// srid pa'i bar do nyid du tshud// sngon byung srid pa'i sha gzugs

  238. 325a

    can// dbang po kun tshang thogs med rgyu// rang lus med kyang yod snyam 'char// bya sgo rlung gis khyer ba bzhin// phyad phyod yang yud kun tu 'jug/ rigs drug gar skye las la spyod// de la khyad par nyi shu ste/ gzugs dang / skye mched dang / 'od dang / skye gnas/ mgo dang / tshe tshad/ mngon shes/ snang ba/ spyod lam/ ming dang / rdzu 'phrul/ las/ kha dog/ 'khor tshul/ nges tshig dang / dge sdig/ gar gtogs/ phyi ma'i las/ nyon mongs pa/ dpe dang nyi shu'o// de dus las dbang rjes su 'breng // chos nyid ma mthong ma rig cing // rang snang dgra ru langs pa rnams// 'khor ba mngal gyi sgor tshud nas// pha dang ma yi rgyu rkyen las// mer mer nur nur por gyur nas// zla dgu ngo bcu la sogs nas// lus rdzogs ma yi mngal nas thon// de ltar gzugs ni tha dad par// 'khor ba nyid du 'khor ba'o// de yang 'khor lugs 'di lta ste// dga' ldan rtsod ldan myong ldan dang // sdug bsngal bkres ldan sdug bsngal che// rnam pa drug gam khams gsum du// ma rig 'khrul pa'i las dbang gis// res 'jog dag tu 'khor bar 'gyur// de dag rjes su 'dzin pa'i phyir// btags grol gdams pa gces par zung // zhes gsungs nas lhan ner bzhugs so// theg pa'i spyi phud klong chen rab 'byams kyi rgyud las/ srid pa bar do'i le'u

  239. 325b

    ste lnga bcu pa'o// // sa ma ya/ rgya rgya rgya// thal bam \u0f7f#/ rgya rgya rgya sems dpa' rdo rjes yang zhus pa// kye ho ston pa kun tu bzang // bar dor 'khrul gyis dogs pa yi// sems can rjes su gzung ba'i phyir// btags grol gdams pa gzung zhes pa// sngon chad ma gsungs gang ltar lags// thugs rje can gyis bka' stsol cig/ ston pas lan du bka' stsal pa// kye ho rig mdangs 'khor rnams nyon// btags pas grol ba'i gdams pa 'di// 'o na long dbang po ma tshang cing // rgan gzhon pho mo dge sdig med// bag chags bzang ngan med pa ru// 'di nyid bcangs pas sangs rgya'o// tha ma dbugs la sleb kyang grol// sangs rgyas gdung 'dzin sras gcig yin// e ma 'di 'dzin skal pa che// 'di ni rang byung chen po'o// de yi 'dri thabs bstan pa ni// gser gyi rdo rje rtse lnga pa// lte bar sku gsung thugs yig bri// oM AHhUM/ ra drug dag la yi ge drug/ de ru yig drug bkod par bya// a 'a ha sha sa ma/ 'khor ba dong sbugs yig drug yin// yi ge drug gi don rtogs na// gsang sngags gsang ba'i rgyud chen khrol// yig drug don gnas mya ngan 'da'// thams cad yi ge drug la rdzogs// yig drug rigs drug dong nas sprug/ 'bru gsum sku gsum rang sar grol// chos nyid rang sgra dag pa'i tshig/ btags grol tsheg par nyer drug

  240. 326a

    'di// rigs drug klong grol zhes su grags// e ma ke ri ke ri/ masta b+ha li b+ha li/ sa mi ta su ru su ru/ kun d+ha li ma su ma su/ e ka la su li b+ha sa ta ye/ tsakra ra b+hu li ta l+ye ye/ b+he ti sa na bya g+hu li yI/ sa ka ri 'du ki ni/ ma ta ri b+he ta na/ pa ri li hi sa ni/ ma kha ra ke lan/ b+hu ra ta/ me ka tsa ra tam pa/ su N+ya g+ha ta ra/ e ba sha na na pha ra na b+hi ti/ sa g+hu ra la sa/ ma smin sa g+hu te ta ya sa/ g+hu ra g+hu ra pa ga khe ra na laM na ra na ra I tha ra ba ta laM/ sir na sir na/ b+he sa b+he sa ra sa pa laM/ b+hur+d+ha shud+d+ha b+hud tshi sha pa gyi laM/ sA sa/ ri rI/ li lI/ i I/ mA mA/ ri rI/ sA hA/ kun bzang yab kyi dgongs pa'o// mtshan nyid 'dzin pa'i rig pa nyid// gzhi med rtsa bral nyid du grol// tshig par nyer brgyad rdo rje'i sgra// rang byung rang shar nyid du grag/ masta b+ha li/ sa mi ta su ru su ru/ kun+na li kun+ta li/ e ka ri la b+ha ta ye/ tsa ta b+hA li ta lce ye/ sa man+ta tsa rgya/ su g+ha ye/ b+hi sa na b+ha g+hA ye/ ke ri d+ha ki na/ d+ha ka ma ha b+ho ri/ ta na b+ha ra ba li ti/ sa naM kha ra d+ha ke lan/ sa b+hud ra ta/ e tsa ra sa taM/ tra sa su N+ya/ g+ha ta ra a/ ma na sa ra b+hi ho/ ting g+hu ra la/ ma smin sa g+hA ti la/ ta ya g+hu ra dA ba na kha ba ra na laM/ ma ra na ra laM/ i tha pa tha la/ sir sna sir sna/ b+he sa ras sa laM/ ba ke laM/ sa sa/ ri rI/ li lI/ i I/ ma mA/ ra rA/ kun bzang yum gyi dgongs

  241. 326b

    pa'o// 'a a ha sha sa ma/ thig le klong drug pa'o// tsheg par brgyad pa rdo rje'i sgra/ a A/ i I/ u U/ r-i r-I/ li l-I/ e e/ o o/ aM A/ yab yum gnyis med dgongs pa'o// tsheg par brgyad pa rdo rje'i sgra// ka kha ga g+ha nga/ tsa tsha dza dz+ha nya/ Ta Tha Da D+ha Na/ ta tha da d+ha na/ pa pha ba b+ha ma/ ya ra la wa/ sha Sha sa ha k+ShaHskye 'gag gnyis med dgongs pa'o// chog par bcu gnyis rdo rje'i sgra// oM ye d+harmA he tu pra b+ha wA he tun+te ShAN+Da thA ga to h+ya wa da ta te ShAny+tsa yo ni ro d+ha e waM ba di ma hA shra ma Na ye swA hA/ bstan pa mi 'gyur dgongs pa'o// rig stong gnyis med dgongs pa ni// thig le rtsa lnga 'di nyid do// dbang po'i zhen pa bzlog pa'i phyir// karma rak+ka g+hi haM ti/ phung po'i zhen pa bzlog pa'i phyir/ b+he ga ra na so gad gling // yul kun zhen pa bzlog pa'i phyir// b+hu ga ri la b+ha d+hu tri/ sems kyi dngos po spur ba'i phyir// ram pa ka la sa mi khye// byung tshor gnas su bcad pa'i phyir// ma tang phar phor ras mi te// 'du tshogs snang ba ngos bzung phyir/ kha Ta tek+Sha sa mig rlung // rig pa brtson rar gzhug pa'i phyir// i ke rat+na b+he tsag sha/ 'khrul pa'i rang rgyud khungs bcad phyir// ya sang yang ri mu Ta sa g+hu li/ rigs drug rim gyis bsgral ba'i phyir// ya sing ra rlung sa la yA/ 'khor ba dong nas 'don pa'i phyir// ma ma ko li sa man+ta/ chos can thur du gzhug pa'i

  242. 327a

    phyir/ g+ha ri yaM sa re ma te/ rig ngo'i yul yang pa'i byung khungs spur ba'i phyir// b+hu g+ha sing ha pa g+ha la// zhen pa'i 'phreng thag bcad pa'i phyir// ra mi pi pi khe ta ba// lug rgyud ar la gtad pa'i phyir// mi tsi yang khu ma la pa taM ki/ lha yi phyag rgya blta ba'i phyir// sa ma nyi kha d+he ra ba// lha bsgom log pa dag bya'i phyir// badz+ra satwa DA D+ho me// sa lam dus gcig bcad pa'i phyir// b+he g+ha su g+har rna ma ye// yid dpyod lta ba khungs bcad phyir// d+harma pa ti sa g+hu li// sku gsum lam du blang ba'i phyir// ras mi sa ma kha gats+tshe// snang ba mngon sum blang ba'i phyir// ru pa sa mi mi ti laM/ sgra yi zhen pa thag bcad phyir// nga tig pa la ka li sa// bsam gtan chen po'i sa gnon phyir// g+ha tsha pa yang sa i taM// phrin las mtha' ru phyin pa'i phyir// karma e ka a nu sa// sangs rgyas mngon zhen zlog pa'i phyir/ sa tri ma ya karma ta/ rgyal sras rnams kyi gnas btsal phyir// nga la khe pa ke li sa// rig stong gnyis su med pa yis// dbyings nas rang byung tshig tu grags// kun bzang yab yum gnyis med kyi// dgongs pa rang byung rang shar nyid// re res grol bar nus pa'o// chos nyid rang shar rang grol te// thig le nyi shu rtsa lnga pa// btags grol thig le chen po grags// rgyud kyi khong snying dam pa ste// yang gsang bla med snying po'i bcud// yongs su dril bas thig le

  243. 327b

    che// gang zag lam gyi rnal 'byor pa// 'chi kha'i dus la bab tsam na// skyel ma lam mkhan 'di nyid do// rigs drug 'bros khungs bcad pa dang // 'khor ba dong nas sprugs pa dang // 'khrul snang gzhi la bzlog pa dang // ye shes rang mdangs ston pa dang // rang rig rang gsal grol ba'i phyir// bstan pa gang la babs pa yis// rin chen bzhu ba'i khu bas bri// rab gnas mchod bstod tshogs 'khor bskor// dbang bskur rgyud bklag bu la gdags// chos nyid bar dor grol bar nges// gzhan gyi don chen bya 'dod na// mtshan ma byung ba'i dus dag tu// phyogs mthun lce yis 'di bklags na// des kyang rang gzhan thams cad grol// de nyid 'das tshe gdung bsregs na// 'abla' zer me 'od dud pa'i rtags// nam mkha' dngas shing rlung med dam// yang na 'abla' 'od rnam lnga 'khrigs// de la gdung rigs lnga 'am gcig/ sku la sogs pa nges par 'byung // sangs rgyas sku lnga ye shes lnga// rgyud 'di bcangs shing bklags pas thob// gdung tshad mang nyung nges pa med// 'chi dus dbugs la slebs kyang cho ga khams gsum 'khor bar ga la 'khyams// sems dpa' rdo rje rtsal khyod kyis// ma 'khrul gzung la gzhan la ston// 'khor ba dong sbugs klong grol lo// zhes gsungs nas lhan ner bzhugs so// theg pa'i spyi phud klong chen

  244. 328a

    ra 'thams pa cad la/ btags bral mthang bral gyi zud pa lanaHngagacig pas// / ma / g+h+nAr+thaH/ sa/ ma/ danas thams dpa' rngas/ nyid la 'di skad gsol// kye ho// yongs grol ka dag kun tu bzang // btags grol gdams pa de ltar na// grol sa chen po gang yin pa// bdag sogs 'khor la bka' stsol cig/ de nas ston pas bka' stsal pa// a ho rig mdangs 'khor rnams nyon// grol sa chen po 'di ltar ro// chos nyid bar do shar kyang rung / sngon nas rang snang chod kyang rung // rang ngo shes pa'i gang zag la// grol lugs 'di las mi 'da' 'o// phyi nang med par zang thal grol// phyi snod 'byung ba lnga po yang // rang shar rang grol nyid du grol// 'byung ba nyi shu rtsa lnga yang // ye shes nyi shu rtsa lngar grol// chos nyid snang ba rang lugs la// bem po rnams kyang rang grol lo// 'bad pas grol ba ma yin te// ye nyid nas ni grol bar gnas// lta bas ma bltas chos nyid grol// sgom pas ma btsal chos can grol// spyod pas ma bskur snang ba grol// 'bras bus ma bcings rang lugs grol// ngo bos sku ru rgyas te grol// rang bzhin 'od du rgyas te grol// thugs rjes zer du rgyas te grol// sku gsum 'dzin pa rang sangs nas// thog ma nyid kyi ka dag la// rang sa

  245. 328b

    zin nas chos zad do// gdod ma'i ka dag de nyid la// 'khrul med tsam du brjod pa med// de bzhin ma 'khrul pa yang ci// de ltar 'khrul pa gdod nas dag/ gzhi snang chen po de nyid la// ma rig pa zhes ming med pas// 'khrul pa grub par yod pa min// chos zhes ming du ma grags pas// blos btag 'khrul pa ga la yod// thams cad rang grol chen po'o// gnad kyis grol bas 'bad rtsol zad// ye nas grol bas bskur mi dgos// rang grol yin pas snying po med// gcer grol yin pas mthong bar yal// yongs su grol bas rang bzhin dag/ dus kyis grol bas bsgom mi dgos// rang bzhin grol bas ma bcos gsal// grol lo zhes pa tha snyad do// rtogs dang ma rtogs su yi chos// de la grol zhes su la dmigs/ khams gsum 'jug pa ga la srid// srid mtha' bral ba'i chos nyid do// ye grol yin pas khyad par 'phags// rang grol yin pas yul rkyen zad// gcer grol yin pas rang sar dag/ mtha' grol yin pas mu bzhi 'gags// gcig grol yin pas du ma stong // thams cad grol bas gcig tu 'dus// rkyen rnams rkyen gyis grol bas na// dmigs pa'i chos la nga mi gnas// yul rnams yul gyis grol bas na// tha snyad tshig la nga mi rtog/ sems nyid sems kyis grol ba la// mtshon byed grol bar nga mi gnas// dri

  246. 329a

    mas dri ma 'khru ba bzhin// de bzhin dag pas dag pa 'khru// 'dod chags nyid la 'dod chags rgyun// rigs mi mthun pas grol mi 'gyur// de phyir gzhi gnas rig pa la// gzhi lam 'bras bu thams cad rdzogs// rang rig nyid kyis rang rig phrol// yul snang nyid kyis yul snang grol// sgrib pa kun las nges par brol// mkha' ltar mnyam pa nyid la gnas// nyon mongs dri ma kun las 'das// dus gsum dus med rtogs pa'o// sangs rgyas thog ma tha ma med// dang po sangs rgyas rgyu med pa// ye shes mig gcig dri ma med// thams cad rig pa'i ngang du rdzogs// mngon sum thabs la gang goms pa// 'di ni skyes bus mda' 'phangs bzhin// tshur la zlog par ga la 'gyur// yang dag rdzogs pa'i sangs rgyas ni// lhag ma med par sangs rgya'o// mngon par rdzogs pa'i sangs rgyas ni// rtags dang mtshan mar 'tshang rgya'o// don la thams cad rig par rdzogs// sna tshogs rig pa'i rtsal yin phyir// rig pa stong pa nyid du grol// rig stong ngo bo chos kyi sku// de la snang ba ma 'gags gsal// gsal stong rjen pa sangs rgyas yin// bya ba med pas 'khrul pa sangs// 'od lnga gsal bas ye shes rgyas// rtog pa med pas nyon mongs sangs// rtog med rig pa mkha' la rgyas// 'dzin pa med pas zhen pa sangs// dmigs

  247. 329b

    gtad bral bas sku gsum rgyas// zhen pa med pas rnam rtog sangs// 'dzin pa'i yul med 'od lnga rgyas// chags pa med pas ma rig sangs// don ldan rang snang 'bras bu rgyas// de phyir rang rig sangs rgyas yin// sangs rgyas gzhan nas btsal du med// dkyil 'khor lha dang dam tshig dang // cho ga phrin las la sogs dang // sku gsum sku lnga la sogs pa// bskal pa zhing gi rdul snyed rnams// rig pa ye shes ngang du rdzogs// rdzogs zhes tshig gi bla dgas tsam// a ho sems dpa' rdo rje nyon// dri med rdzogs chen brdal khyab rje// mkha' mnyam rdo rje'i sku la bskyed// stong pa yang dag lus su rdzogs// sems sogs 'dzin pa'i chos las grol// skye med yang dag ngo bo nyid// ma bskyed rig pa mkha' la gsal// skye med klong du yang dag 'dus// 'gag med klong du de bzhin gshegs// rnam dag spyad ldan mngon sangs rgyas// stong pa stong pa'i yul la gnas// dag pas dag pa'i dkyil 'khor rnyed// e ma rang snang rig mdangs nyon// ngo bo'i chos rnams stong par rdzogs// rang bzhin chos rnams gsal bar rdzogs// thugs rje'i chos rnams ma 'gags rdzogs// sku gsum rang rig gzhi snang la// rang byung brdal ba chen por rdzogs// snang ba yin phyir yul rnams rdzogs// rang dag yin phyir sa lam rdzogs// rang rig yin phyir shes bya

  248. 330a

    rdzogs// rang khyab yin phyir 'bras bu rdzogs// rang sangs yin phyir rgyu rkyen rdzogs// rang rtogs yin phyir chos nyid rdzogs// rang gnas yin phyir rgyud lung rdzogs// rang rdzogs yin phyir dus gcig rdzogs// rdzogs pa chen po'i ngo bo la// rang rdzogs rang grol rang sar brdal// don rnams skye med dbyings su rdzogs// chos rnams brjod pa'i tshig dang bral// yi ge med pa'i rigs par rdzogs// lung rnams bstan du med par rdzogs// man ngag brjod sgra bral bar rdzogs// sgrub pa bya phyir med par rdzogs// spyod pa ma bcos gnas lugs rdzogs// sgom pa rang gsal 'dzin med rdzogs// lta ba ma 'gags zang thal rdzogs// 'bras bu tshig chod chen por rdzogs// thams cad mi gnas klong du rdzogs// gzhi ni ye shes gsum du rdzogs// lam ni sku lnga ye shes rdzogs// 'bras bu phyir mi ldog par rdzogs// ye shes snang ba ma 'dres rdzogs// rig pa bdag 'dzin bral bar rdzogs// thams cad klong na yangs pa'o// zhes gsungs nas lhan ner bzhugs so// theg pa kun gyi spyi phud klong chen rab 'byams kyi rgyud las// mthar zug 'bras bu grol sa chen po bstan pa'i le'u steng gnyis pa'o// sa ma ya/ rgya rgya rgya// gams mas sems dpa' rdo rjes yang gsol pa// kye ho ston pa kun tu bzang // rgyud kyi che ba gang ltar

  249. 330b

    lags// de skad thugs bskul bka' stsal pa// a ho sems dpa' rdo rjes nyon// rgyud chen lta ba klong yangs 'di// gsang sngags kun gyi rgyud yin pas// gsang rgyud chen mo zhes su grags// rdzogs chen kun gyi srog yin pas// srog rgyud chen mo zhes su grags// a ti spyi yi rgyud yin pas// spyi rgyud chen mo zhes su grags// dgongs pa kun gyi don khrel bas// dgongs don chen mo'i rgyud ces grags// brda chos kun gyi sgo 'byed pas// brda rgyud chen mo zhes su grags// tshig dang yi ge ris su gsal// snyan brgyud chen mo zhes su grags// theg pa ma lus kun 'byed pas// gsal bar byed pa'i me long yin// rab zab rgya che kloslong yangs mtshan// blta ba'i me long dgongs pa yin// sdug bsngal rgya mtsho skems pas te// skal ldan 'brel tshad chos skur grol// theg pa'i yang snying a ti zer// dgongs pa ma lus khrol ba'i klong // nam mkha' lta bur yangs pa'i rgyud// mngon sum rang gnad gcar phog tu// sangs rgyas ston pa'i rgyud chen po// a ho sems dpa' rdo rje rtsal// bla med rgyud 'di ma shes par// nyams su len 'dod theg pa rnams// kha brag lam la zhugs pa'am// mun khung nang du mdzub g.yugs 'dra// rgyud 'di shin tu dkon pa ste// sngar 'das rgyal bas 'di ma gsungs// da lta'i rgyal bas gsungs pa de// skal bar ldan pa'i gang zag

  250. 331a

    gis// rgyud 'di mthong bas bsnyen bsgrub zin// tshig 'di zos pas rang sar grol// lung 'di snang bas gtan la phebs// don 'di bltas pas 'dzin chags bral// lta ba kun gyi mthar thug che// de yi phyir na gsang rgyud 'di// 'dzin 'chang skyes bu skal ba che// rang rig rtsal gyi dbang thob ste// rgyud 'di reg pa tsam gyis ni// kun bzang nga dang skal ba mnyam// rgyun du gus par byed pa dang // spyi bor la sogs 'chang ba na// tshe 'dir thun mong dngos grub thob// sprul pa'i sku ru nges par 'gyur// phyi ma bar do med par grol// 'di nyid mchod cing bstod pa na// dus gsum bde gshegs mchod pa dang // bsod nams yon tan mtshungs pa'o// rgyud 'di su yis bklag pa'i mis// lta ba'i don kun sems la 'char// dngos grub rnam gnyis char ltar 'bab// 'di nyid su yis bris pa de// sangs rgyas kun gyi gsung la rol// tshe 'dir gdung dang ring bsrel 'byung // phyi ma sprul pa'i sku ru 'gyur// rgyud 'di gang na gnas pa na// mkha' 'gro chos skyong sprin ltar 'du// lha dang lha mos mchod par byed// de lta bu yi rgyud chen 'di// sems dpa' rdo rje khyod la gtad// gdul bya re la gsungs pa'i chos/ khyod kyis kun la tshim par ston// gsang sngags nang na ches gsang ba// a ti chen po 'di nyid ni// theg dman snod la

  251. 331b

    bsten mi bya// snod dang bstun la gzhan phan long // 'das pa'i yon tan dge ba kun// ma 'ongs bstan pa'i 'phel 'grib brjod// da lta gdams pa che ba yis// nga yi rgyal tshab khyod kyis gyis// theg pa kun gyi spyi phud 'di// bstan pa dam pa khyod la gtad/ khyod ni nga yi snying por byung // nga yi rang bzhin 'di zung zhig khyod kyis smra ba'i seng ge gyis// sangs rgyas spyi mes khyod kyis gyis/ khyod kyis sems can pha ma gyis// bstan pa'i snying po rgyud mchog 'di// nyan thos la sogs theg dman la// rlung phyogs tsam yang ma brjod cig/ tshig 'di thos nas dngangs skrag brgya la// gsang sngags spyi la yid phyung nas// rnam smin dmyal ba mnar med ltung // bstan cing thos pa'i glags med do// blta ba'i rgyal po don gyi snying // man ngag kun gyi rtsa ba 'di// ser sna che la dad pa chung // rna bas thos na bzhed pa dpa'// lag tu thob na zothong du che// don du mi bsgom tshig tu red/ khrel med thabs kyis 'dod pa la// yul khams ster yang mi sbyin no// thos med shes chung zo tso mkhan// man ngag gdeng du ma gyur par// nga che slob dpon sa 'dzin pa// sgang kha bye phrug rum pa 'dra// de la rgyud 'di'i skal ba med// dam tshig nyams dang rdzun po che// slob dpon bka' bzhin gcig mi byed// gzhogs ngom byed cing rang che 'byin// d+harma rku zhing chos rnams

  252. 332a

    bslu// byil ma nor chung mtshang rnams rdzogs// dad chung man ngag sna 'tshogs byed// bzhed pa mtho ris byang chub bzhed// gshegs pa na rag dmyal bar gshegs// de 'dra'i slob ma snod ngan la// theg pa'i bcud 'di shin tu gsang // nyi zla thang la lhung gyur yang // skad cig tsam yang ma bstan cig/ dam nyams po la byang chub med// sdig po che la mtho ris med// ser sna can la man ngag med// 'dzin chags can la thar lam med// shes pa'i sgo dog thos pa chung // nga rgyal kha 'dor khengs pa dang // sgom sgrub 'dza' gad dbang du gtong // lta ba med pa'i ras chod mkhan// dam tshig nyams pa'i gzu lums mkhan// spyod pa rtsing pa'i tho co mkhan/ kha yangs gting thung ngo dga' mkhan// man ngag med pa'i btsan sbyor mkhan// snying rje med pa'i btsan sgrol mkhan// thar lam nub cing dam gzhung shor// de la gdams rgyud 'di bstan na// kun tu bzang po nga bslus so// gnyis ka rdo rje dmyal bar ltung // de bas rgyud 'di dam par zung // bstan pa'i yul ni 'di ltar ro// dang po dad pa yon gyis 'dren// bar du slob dpon mig ltar 'khur// spyod pa'i man ngag gzhung du spyod// mtshan nyid ngang tshul bzang la shis// yongs la 'phrag yangs dog pa med// rang shes skyongs nas gzhan mi smod// dal cing spyod pa lhod chags

  253. 332b

    pa// g.yo med khog skyon rnam par spangs// dam la gnas shing nyams len brtson// bka' bzhin byed cing don dang mthun// de ni rgyud mchog 'di yi snod// lnga ldan bu la 'di ston cig/ gcig las ma mangs kun la gsang // zhes gsungs nas chos kyi dbyings klong yangs gdal ba chen po'i ngang la lhan ner bzhugs so// de nas rang las sprul pa'i 'khor sems dpa' rdo rje de nyid ston pa'i thugs kar thim ste/ ston pa nyid kyang mi snang bar gyur to// sku gsung thugs kyi 'khor rnams kyang / rang snang la yid ches/ zad pa chen po'i sar 'khyol te/ ka dag rang sar zin nas/ khams gsum yongs grol/ 'khor ba dong nas sngags so// theg pa kun gyi yangs rtse/ klong chen rab 'byams kyi rgyud las/ mjug don yongs su gtad pa'i le'u ste lnga bcu gsum pa'o// // sa ma ya/ rgya rgya rgya/ ! sa gas/ grazang pa \u0f7f naHsa ma rgyatu rgya rgyata/ rban+dan rgyaHtheg pa kun gyi spyi phrad klong chen rab 'byams kyi rgud/ 'bum phrag drug cu rtsa bzhi las/ phul du byung ba rdzogs so// // dpal ldan sngags kyi srung ma dang / gter bdag ma ning nag pos/ bka' 'di srungs shig/ gtad rgya/ sbas rgya/ gter rgya/ zab rgya/ bka' rgya/ gsang rgya/ gnyen rgya/ las can gcig dang 'phrad par shog/ ma ning khyod kyis rgya 'di khrol/ e ma d+yoH

  254. 333a

    tham nga thatshan na sarba Thag zas tha ma bcwan rdo rje gling pa'i khyad chos yin/ sarba mang+ga le/ dge legs 'phel// dge'o// rgya gar skad du/ rat+no pa de sha A g+ha tra tsakra tan+tan+t+ra nA ma/ bod skad du/ rin po che gdams ngag sna tshogs 'khor lo'i rgyud ces bya ba/ dpal rdo rje sems dpa' la phyag 'tshal lo// 'di skad bdag nyid kyis sems dpa' rdo rje'i don yongs su go ba'i dus nyid na/ sprul pa'i skyes bu ston pa dga' rab rdo rje zhes bya ba de yis/ d+ha he na'i 'du khang chen po ru/ rigs khyad par can gdug pa can gyi tshogs dang mkhas pa nyi shu rtsa gcig la sogs pa'i 'khor dpag tu med pa rnams bsdus nas/ lhun grub shes pa rang gsal zhes bya ba'i ting nge 'dzin la snyoms par zhugs so// zhugs ma thag tu 'khor thams cad kyi rgyud la rnam par mi rtog pa'i ye shes las zag pa med pa'i chos nyid dus gcig tu shar bar gyur to// de nas 'khor rnams kyi nang nas nyid dang 'dra ba'i sprul pa 'jam dpal bshes gnyen zhes bya ba bzhengs nas/ 'jam dpal bshes gnyen gyis sprul pa'i skyes bu dga' rab rdo rje la 'di skad ces gsol to// e ma ho sprul pa'i skyes bu lags// 'khrul pa 'khor ba'i sems can rnams// rgyu rkyen dngos po ci las 'khrul// sprul pa