MW21521_9BC72Bམན་ངག་ཨ་ཏི་ཡོ་གའི་ཆོས་སྐོར།All versions of this work

byang chub kyi sems rmad du byung ba'i rgyud

Text

ff. 328b–348a · 40 folio sides

  1. 328b

    rnams kyis gsol pa/ byang chub kyi sems bsgom pa yi ge med pa'i rgyud du gsungs pa 'di gang ltar yang ma 'khums pa lags te/ shin tu brtags dka' ba'i don lags te/ de bzhin nyid kyi don ma bcos pa 'di bka' stsal pa las yi rang ste/ mngon par bka' stsal pa'i tshe na/ thams cad slar yang yi ge med pa'i rang bzhin du gyur byang chub kyi sems bsgom pa yi ge med pa'i rgyud ces bya ba/ man ngag gi snying po don dam pa'i don dam pa las/ thams cad yi ge med par gyur pa'i skabs shin tu brtag dka' ba'i don rdzogs so// / rgya gar gyi mkhan po shri sid+ha dang d+ha na gar+b+ha zer ba 'dug/ bod kyi lo tsa ba dge slong bai ro tsa nas bsgyur ba'o// / rgya gar skad du/ bo d+ha tsit+ta ra tsa nu ha tan+ta/ bod skad du/ byang chub kyi sems rmad du byung ba'i rgyud/ bcom ldan 'das dpal kun tu bzang po la phyag 'tshal lo// 'di skad bdag gis bros pa'i dus gcig na/ de bzhin gshegs pa dgra bcom pa yang dag par rdzogs pa'i sangs rgyas thams cad dang dbyer med pa'i bdag nyid/ gzugs can ma yin pa'i snying po/ yon tan thams cad kyi 'byung gnas/ shes bya thams cad kyi rgyal po de bzhin nyid

  2. 329a

    rnam par dag pa la longs spyod pa/ longs spyod pa'i sku mngon par byang chub pa'i sku dang / sprul pa'i sku la sogs pa kun gyi rtsa ba/ ye shes rnam par dag pa thams cad kyi bdag nyid/ gang dag yang gnyis su med pa/ yang dag par rdzogs pa'i kun tu bzang pa'o// bcom ldan 'das thugs rje chen po ni/ byang chub sems dpa'i 'khor gyi dkyil 'khor ni/ chos thams cad ting nge 'dzin la longs spyod chen po ma lus par myong bar mdzad pa'i longs spyod rnam par dag pa'i sku ste/ mtshan dang dpe byad thams cad dang ldan pa'o// mngon par byang chub pa'i sku ni snying po las dkyil 'khor 'byin pa'i sku yin te/ 'dod khams kyi lha'i rgyal po dang gzugs khams kyi lha'i rgyal po'i dkyil 'khor na/ rdo rje dang nor bu la sogs pa'i dkyil 'khor 'byin pa'o// sprul pa'i sku ni thabs mkhas pas gnas thams cad du dmigs pa ji bzhin du rgyun mi 'chad par chos kyi 'khor lo bskor ba/ sangs rgyas dang sems can thams cad kyi spyod pa mnga' ba/ rtag pa dang mi rtag pa gnyis kyi/ gzhi 'am ngo bor gyur pa'i mtshan dang dpe byad kyis brgyan pa/ sku yongs su rdzogs pa'i zhal gyis/ chos thams cad mos pa dang mthun par gsung ngo // gsung bar

  3. 329b

    'gyur ro// rnam par dag pa'i sku de ni/ de bzhin nyid kyi dkyil 'khor snying po byang chub na dus rtag tu gnyis su med do// rtag pa dang mi rtag pa'i rgyal po thugs rje chen bo de ni/ gzhi tshad med pa'i ye shes kyi dkyil 'khor rang 'byung gi rgyan dang rol pa la sogs pa dkrigs par rang 'byung ba na gsal lo// byang chub pa chen po'i sku ni ri rab ri'i rtse mo na nor bu rin po che'i khang pa na zla ba rgyas pa lta bu'i tshul du zhal rab tu rgyas so// thabs mkhas pa spyod pa thams cad kyi bdag nyid ni/ bya rgod phung po'i ri la ljags kyi pad+mar bkram nas/ khyim pa dang rab tu byung ba'i cha lugs su bzhugs so// de nas byang chub sems dpa' chen po rdo rje 'dzin pa dang / byang chub sems dpa' chen po pad+ma'i yu ba 'dzin pa dang / byang chub sems dpa' chen po snying po rnam par grol ba dang / byang chub sems dpa' chen po yul rnam par 'joms pa dang / byang chub sems dpa' chen po 'jam dpal la sogs pas/ snying po byang chub shin tu yid du 'ong ba'i gnas ga na bar/ gzugs kun tu ston pa'i gsung la mnga' brnyes pa bzhugs pa'i gnas de mthong zhing / longs spyod pa'i sku zhal thal le bar gsal bar snang bas/ rdo rje thogs pa la sogs pas/ phyi'i mchod pa

  4. 330a

    dang nang gi mchod pa la sogs pas mchod de/ g.yas phyogs nas lan gsum bskor ba byas nas phyag btsal te 'dus pas/ bcom ldan 'das chen po'i thugs rje chen po'i tshul du snang ba'i gzugs mtha' yas pa mnga' ba de zhal 'dzum pa mdzad nas cang mi gsung bar bzhugs so// de nas byang chub sems dpa' rdo rje can la sogs pas/ bcom ldan 'das kyi spyan snga na 'dug pa las langs te 'di skad ces gsol to// bcom ldan 'das dus gsum gshegs pa'i sangs rgyas bcom ldan 'das rnams kyis mkhyen pa'i sangs rgyas bcom ldan 'das rnams kyi spyod yul/ theg pa thams cad dang thun mong ma lags pa/ yang dag pa rtogs ma thag thams cad mkhyen pa'i go 'phang thob par 'gyur ba'i don bshad du gsol// de skad ces gsol ba btab pa dang / zhal shin tu yang 'dzum pa mdzad nas 'di skad ces gsungs so// sems dpa' chen po nyon cig/ yang dag pa ni don dam pa'i bden pa dang / kun rdzob kyi bden pa gnyis dbyer med pa'o// rgyus bskyed nas 'bras bu 'byung ba med la/ 'bras bu la 'bras bu 'byung ba ni/ 'jig rten gyi sa bon gyi tshul du/ 'bras bu las sa bon gzhan du mi 'gyur bar 'byung ba'o// de

  5. 330b

    bzhin du sangs rgyas bcom ldan 'das rnams kyi spyod yu la ni yang dag pa 'bras bu la 'bras bu rdzogs par spyod pa'o// yang dag bden pa 'bras bu ste// 'bras bu las ni 'bras bu 'byung // de bzhin nyid la gnas bcas te// phyi nang snod bcud rnam par dag/ byed spyod bya byed bde ba'i lhan// rmad byung byang chub sems 'di gnas// de yi yon tan bsam yas pa'i// don 'di bstan pa 'di yin no// de nas byang chub sems dpa' rdo rje can la sogs pas yang 'di skad ces gsol to// rang bzhin lha dang ting nge 'dzin// ye shes rmad byung dkyil 'khor nyid// bcom ldan snying po kun gyi gtso// thabs la mkhas pas bshad du gsol// de skad ces gsol pas/ bcom ldan 'das kyis ngo mtshur ba'i spyan bgrad nas 'di skad ces bka' stsal to// rmad byung byang chub sems 'di ni// rdo rje sems dpa' nyid gsal zhing // rdo rje sems dpa' nyid la gzigs// 'di la pha rol phyin bcu rdzogs// sa bcu rim gyis bgrangs pa'ang // mnyam nyid rig pa'i ye shes kyis/ sa rnams mnyam nyid thig ler sbyor// chos sku ya nas mi dmigs phyir// rdo rje lta bu'i ting nge 'dzin// kun gyi snying po mi 'dra ba'i// dngos dang

  6. 331a

    sat+ya bya// dngos med tshang tshang nyid// skad cig nyid la bsregs pa yi// rnam par mi rtog ting 'dzin lung // de bzhin ma nyam nyid dkyil 'khor 'di// sangs rgyas kun gyi nying sha can// sangs rgyas kun pas sngar sangs rgyas// rmad du byung ba'i sems 'di ni// sku dang gsung thugs dag pas na// kun gyis reg pa ma yin te// khams gsum ltas kyang ma reg cing // nyan thos la sogs smos ci dgos// byang chub sems dpa' rnams kyis kyang // rmad byung 'di ni rig par dka'// gzhi rtsa med pa'i don gyi mchog/ cis kyang mtshon du med pas na// sangs rgyas kyis kyang rtogs par dka'// kun gyi rang bzhin zhi ba 'di/ bsam zhing blang med lam mchog ste// ma byung mi skye'i snying po 'di// mtshan ma nam mkha' bsngo bral te// gdod nas byang chub byang chub kyang // grub pa med phyir dgongs mi 'gyur// stong gsum stong gi 'jig rten khams// mtha' yas mu med gdal ba yang // rmad byung byang chub dkyil 'khor yin// che la ma bde/ rdzogs bla na med pa'i lam// rtogs ma thag tu go 'phang chen po yang // blang dor med pa'i chos sku dpag med thob// byang chub kyi sems rmad du byung ba'i

  7. 331b

    rgyud las/ gleng gzhi'i le'u ste dang po'o// / bcom ldan 'das thabs la mkhas pa'i thugs rje chen po'i bdag nyid kyis/ zab mi zab mo zhes bya ba'i tIng nge 'dzin la snyoms par zhugs nas/ ched du brjod pa 'di ched du brjod do// sangs rgyas sprul pa 'byung ba rnyed par dka'// yang dag rmad byung rtogs pa de yi char mi phod// dal ba 'byor pa rnyed par rab tu dka'// de bzhin sku gsung thugs kyi dkyil 'khor nyid// gsang ba rmad byung nyid kyis rab tu brdzus// chos kyi mtshan nyid ye nas rnam par dag/ bdag med ngo bo med pas rtogs par dka'// rnam par rtog pa'i mtshan nyid dad pa dang / byang chub sems bskyed sems can ni// de dag shin tu rnyed par dka' ba ste// sems can sangs rgyas sems can ming med pa'i// sngon rol 'byung ba'i rmad byung byang chub sems// sems can sangs rgyas gang yin rtogs par dka'// byang chub chos ni rma byung rnam mi rtog/ mya ngan 'das dang 'khor ba ye nas med// rmad byung byang chub sems kyi myu gu la// 'byung ba lnga yang 'bras bu'i tshul du byung // sems can rnams la snying rje che ba yis// sems can dag la rnyed par rab tuka/

  8. 332a

    sems can gzhi rtsa med pa'i chos nyid 'di// skye dang 'jig bral byang chub sems nyid de// ye nas dag ste rgyu 'bras yong gi med// kun rol rang la rdzogs pa'i sku nyid ni// dug gsum dug lnga'i thig le chen por 'khyil// zhe sdang la sogs med med pas// rmad byung la sogs chos kyi mchog/ khyab cing brdal ba rtogs par dka'// bar du gcod pa'i chos rnams kyi// sdig sogs bye brag bsam mi khyab// de bzhin rmad byung sems nyid kyis// dug lnga bsad dang 'khor ba bsad// sangs rgyas la sogs kun bsad pa'i// sdig pa'i mchog ni gos mi srid// gos su sdig med sdig kyang bsad// rmad byung byang chub sdig tshe/ sangs rgyas kun gyi nying sha can// dad pa'i stobs kyis bsod nams cher 'phags pa'i// don 'di yud tsam rtogs pa khyad par 'phags// so so ma yin ma nyam pa'i snying po la// bsod nams dpa gta med pa kun rdzogs te// nga la nga med kun la rnam par ro la// rmad byung byang ru ba sems 'di dngos po dag/ ye na sa sangs rgyas sems can ming ma grags// cir yang 'phral chen ston pa'i 'phral po che// khams gsum kun rdzob kham so gsum rin po che// chos 'di

  9. 332b

    brtag par dka' phyir thams cad bdud kyi las// sku lnga lhun gyis rdzogs pa'i dkyil 'khor te// phra zhing zab mo kun gyi sa bon gyi// lus 'di sgyu ma yin pas gzhig nas de nyid// brtags nas rang bzhin shes pa byang chub rmed// de phyir lus 'di brtags la rmad byung btsal bya'o// gcig gi rang bzhin shes na kun gyi rang bzhin shes// kun gyi rang bzhin rang bzhin nyid du gcig/ so so ma yin tha dad min de rmad byung yin// byang chub rmed byung de bzhin gshegs pa'i sku// 'od dpag med pa'i chos sku byang chub sems// che ba lA yi snying po kha dog rdzog sa// cho sa rnams thams cad rta ga pa nyid kyis rdo la// che na po lA yi sngon du rma da du byA nga // yang dag snying po 'dra/ shes dag pa yi// lcags kyu sa bzung bas gtan du gzung bar rung // de brla bas de la brtan pas de rnyed 'gyur// brtag par dka' la bstan par dka' phyi ri de ltar bstan/ ye nas thar lam sgro skur zhi ba'i rmad po che// sangs rgyas kun gyi lta ba'i dngos po ste// dri med sa bcu rdzogs pa'i 'od po che// 'khor ba'i 'khor lo bskor ba'i rtsi bas dang ldan// nam mkha' lta bur thams cad 'byung gzhi'o// byang chub kyi sems rmad du byung ba'i rgyu las/ zab mo brtag par dka' ba'i

  10. 333a

    le'u ste gnyis pa'o// // de nas bcom 'das dpal kun tu bzang pos bde ba chen po'i ting nge 'dzin la snyoms par zhugs nas/ ched du brjod pa 'di ched du brjod do// zhi ba bla med byang chub 'di la sgro skur med// tha snyad bral bas tshad mas gnod mi rung // ye nas zhi bas de bzhin nyid mi gnas// 'dzin dang rtog pa zhes bya ting nge 'dzin// kun rdzo ba rang bzhin gnas pas gdod nas bral// mtshon cing brjod du med pa'i dbyings las 'das// ma nyam med mi mnyam med pas bde ba'i klung // bya byed nad dang bral bas chos kyi sku// der yang gnas med lhun rdzogs yangs pa'i sa// de la de bzhin kun 'byin ye grub 'bras// byang chub bsngo ba med pas byang chub nyid mi 'dod// ye nas rnam par dag pas mtshan mar bsgom dang bral/ bya bral lta ba'i klung las ma nyams 'jug sgo med// thig le chen pos btab pas mchod pa'i klung // snying po'i tshig bral dam pa nyid las 'da' bya med// dkyil 'khor gsum gyi snying po nyid de bsngo dang bral// 'byung ba lnga yi rna ba nyid de mtshon du med// sangs rgyas thams cad 'byung ba'i rgyu de sa bon tshul// 'byung ba nyid na

  11. 333b

    mkha' las 'ja' byung tshul du dbyer yang med// 'gro rnams rgya mtsho chu bran kun 'dus dbyer med tshul du gcig/ thig le gcig tu bsdus pas zin chags nad dang bral/ ta blang med dor ba med pas mya ngan 'das 'khor med// khams gsum ya sangs rgyas pas rigs mad gcig gi ngang // yang dag nyid la yang dag nyid kyang / rdzogs pas gti mug nyid// dmigs bya dmigs byed med pas blun pa'i sku// thig le bde chen sku ni thams cad sangs rgyas pas// sems can kun bsad/ thig le nyid du bzlums// chos sku gsal ba'i klung du kun gcig pas// mtshams med lnga spyad kun bzang yum la ro la// sangs rgyas nyid las gzhan med kun sangs rgyas// de bzhin rgyas phyir dmigs spyad zos pa sangs rgyas nyid la rol// rma do byung byang chub nyid ni sangs rgyas zos pa'i lto// rigs gcig rigs brgya sku gsum sku lnga la sogs// mkha' las nyi zla gza' skar tshul du rang gis 'char// snying po'i snying po rdo rje snying po 'di yis sna tshogs brgyus// de phyir rmad byung 'di ni snying po'i 'da'// ye nas dag pa'i klung du dbyer med kun bsdus pas// rmad byung byang chub sems kyi rgya mtsho yin// 'khor ba ming med mya

  12. 334a

    ngan las 'das pas// rmad byung byang chub sems 'di yang dag rmad// byar med de bzhin nyid 'das ma nyams pas// rmad byung byang chub sems ni sa 'das pha rol phyin// kha dog dpe med nam mkha'i tshig 'das pas// rmad byung byang chub sems ni rang bzhin med// phyi dang nang med dus gcig rol mdzad pa'i// rmad byu ngo byang chub sems ni kun shong lto bo che// kha dog dpe med nam mkha'i cho ga 'das pas// rmad byung byang chub sems ni rang bzhin rang bzhin med// stong nyid de bzhin mi dmigs las 'das pas// dge sdig gnyis med byar med nyid kyi dang // gcig kyang bsnyed cing dpag tu med pas ba de/ ba'i mchog/ rmad byung byang chub sems de lhun rdzogs pas// dpe med byang chub sems la kun brnyan phyir// khams gsum ma lus gsod pa rgyal sras/ mchog/ rmad byung byang chub sems su kun gcig phyir// mchod pa'i sprin gyis bdag mchod rgyal ba mnyes// bden gnyis mi 'byed yang dag yang dag pas// rmad byung sems can bsad pa kun bzang mkha' la rol// mthong dang thos las 'das pa'i 'das pa la// gzhan du mi 'jog de bzhin de gnas pas// rmad byung

  13. 334b

    byang chub sems ni kun sbyor sku// de bzhin klung las rgyal dang sems can ma mthong phyir// sgrib gnyis bsal du med de lam la sbyang mi dgos// rmad byung de bzhin ma bcos bde chen rlung // yang dag yang dag nyid kyang ma mthong rmad byung ste// 'bras bu'i 'bras bu nyid de 'bras las 'daso// de phyir bde ba chen po'i ting 'dzin ces bya'o// byang chub kyi sems rmad du byung ba'i rgyud las/ rmad du byung ba'i rang bzhin bde ba'i mchog yin pa'i le'u ste gsum pa'o// / / de nas bcom ldan 'das dpal rdo rje sems dpa' rdo rje 'dzin pa chen pos/ bcom ldan 'das dpal kun tu bzang po la shin tu dgyes pa'i spyan gdangs nas ye shes chen po'i mchod pa rgyas par mchod nas/ bcom ldan 'das yangs pa chen po byang chub ces bgyi ba'i tshig gi don ni gang lags/ khyod kyi/ byang chub gang lags/ khyod kyis byang chub gang las tho ba nas byang chub rnyed lags/ chos rnams gang las nges par brnyes par bgyis na/ ma rtogs pa rnams kyis ji ltar byang chub rtogs par 'gyur ba bka' stso la du gso la/ de nas yangs pa chen po sa zhus pa'i don thugs su chud na sa/ byang chub

  14. 335a

    chen po'i ting nge 'dzin la snyoms par zhugs nas brjod par bya ba brjod pa/ rmad byung byang chub sems kyi mtshan nyid 'dri// yi ge med pa'i don du grags pa'i phyir// ngo bo nyid med byang chub drang bral ba// lhun rdzogs rnam par dag pa'i byang chub mchog/ brjod du med pa'i yi ge tshig dang bral// ta rgyal bas mtshon du med de sngags kyi krung // mi mnyam mnyam las 'das pa mchog gi lam// mnyam nyid 'dod pa grol bar dka'// de nyid rmad byung sgrib pa'i skyon chen yin// mnyam nyid byang chub 'dod la byang chub bral// phung po skye mched khams bshig byang chub 'dod// byang chub yang dag de la ring ste byang chub nyams// sku gsung thugs bral de bzhin byung chub 'das// phung po rgyu sogs dpe ba shig byang chub tu// gang 'dod pa de mtshan ma nyid la 'dzin// mtshan med zhi ba de ni snying po ste// chos sku ye shes stong pa'i mtshan 'das pa// 'dras pa'i 'das pa nyid de rgyal po'i tshul// ye shes snying po mchog tu gyur pas tshad ma'i lung // dbyer med dam par gcig pas tshad kun ldan// de bzhin nyid de ye sangs rgyas pa la ni// 'phags

  15. 335b

    pa'i shes rab spyod pa'i shes rab can// gang la'ang chags pa med pa de bzhin du// rmad byung byang chub sems kyi rang bzhin 'di// brjod du med pas dmigs pa'i yul dang bral// bsam pas rnyed pa'i yu la med bsgoms pas nad// ye sangs rgyas pa kun gyi rang bzhin yin// de phyir gang yang ma spangs byang chub snying po ste// gcig pu de bzhin lhun gyis grub pas na// de bzhin ting 'dzin chos da byings la sogs pa// gang yang ma yin lhan cig mi ga nas rdzogs// rmad byung byang chub sems 'di kun rdzogs sku// 'phags pa'i shes rab spyod pa shes rab kyang // gzhan gyis mi bskyod 'jigs mad de bzhin du// kun rdzo ba snying po rmed byung byang chub sems// nam mkha'i dpes kyang mi bskyod 'khor bar kyang // mi 'jigs dbyer maud 'dres nas ye rgyas btab// dgras 'jigs pa de dpa' bos medo bgyis la// nyon mongs rnams kyi 'jigs pa sems pa min// de bzhin rmad byung byang chub sems nyid 'di// kun 'dus thig le rnam par dag pa'i sku// de bzhin dbyings 'das ye sangs rgyas min na// rdzogs chen ma yin zin chags nad dang bral// byang chub sems kyi rang bzhin

  16. 336a

    'od gsal te// snying po'i snying po lta ba'i lam po che// ba tsal ba'i na med tshad mas gzhig mi rung // mngon sum la sogs 'jig rten tshad mas gzhig pa min// pha rol phyin rdzogs pas ni yongs rdzogs ltar// de bzhin rdzogs chen bya bral snying po 'di// kun gyi ngo bo'i rang bzhin de bzhin du// chos rnams ming med de bzhin nyid du rdzogs// 'dres shing dbyer med don dam kun rdzob dang // sangs rgyas sems can rang bzhin nyid/ du gcig/ med pa'i snying po nyid las yod pa'i snying po 'byung // snying po snying po nyid med snying po can// thabs dang thabs mkhas sgo la chags pa med// sgo bral sgo zhes thabs la mkhas pa bzhin// rang bzhin kun rdzogs zhi ba'i rang bzhin nyid// sgro med phugs med thabs kyi rgyal po yin// ye sangs rgyas pas bgrod pa'i lam dang bral// thig ler zlums pas yang dag nyid du gcig/ ma bsdus de bzhin nyid du 'dus pas thabs kyi mchog/ bsam pa dag pas/ rab tu byung ba'i mchog/ bsam pa sgon khur ba ni rang 'byung min// de bzhin rmad byung chos nyid bde chen 'di// bsam dang bral zhing bsam pa las 'das pas//

  17. 336b

    'khor ba'i rtsa ba dregs pa'i rab mchog yin// zing rtsol nad dang ldan pa ma yin pas// yang dag yang dgra rab kyi yang dag yin// 'du ba'i ting 'dzin 'du las 'das pas na// ting 'dzin rgyal po zhes su rab tu grags// nye lam bder rdzogs lam nad bral ba yin// 'di la 'jug lta mi dgos le nas zhugs// bsrung dang dam tshig mi btsal stong las 'das// rdo rje sems dpa'i thugs kyi dkyil 'khor 'di// gnyis med sangs rgyas med pa'i che ba yin// nyon mongs lnga yi rang bzhin gyis kyang ni// byang chub yongs su tshol bar byed pa bzhin// rdzogs mchog rmad byung byang chub sems nyid 'di// rang bzhin nyid kyis rang bzhin nyid kyang tshol// btsal kyang rnyed pa'i dus med rang bzhin nyid// rang bzhin rang bzhin nyid las ma nyams pas// lha dang spyod pa ting 'dzin dgongs pa'i rlung // de la mi dgongs dgongs pa dgongs pa'i nad// gang la lta ba med pa de la lta ba gnas// spyod med ting 'dzin med pa'ang de bzhin no// bsgom pa'i don ma rnyed pa'i drang srong rnams// bsgom chags nad dang bral ba bsgom pa'i rlung // mi 'gyur zhe nye'i gzong brda ba bzhin du gnas// rmad byung byang chub

  18. 337a

    sems kyi rang bzhin 'di// drang srong rgyal ba rnams kyi dgongs pa mchog/ dus gsum rdzogs sangs rgyas la 'di lhag med// byang chub kyi sems rmad du byung ba'i rgyud las/ lung gi dpes mtshon pa dang lta spyod dang ting nge 'dzin bstan pa'i le'u ste bzhi pa'o// // de nas rdo rje/ 'dzin pa chen pos/ bcom ldan 'das dpal kun tu bzang po la phyag pa tsal te/ shin tu 'dzum pa'i mdangs dang bcas pas spyan gdang sa nas/ bcom ldan 'das skye dang 'chi ba 'di nyid ji ltar lags/ chos rnam pa du ba shod/ chos zhes bgyi ba ji ltar lags/ ba ka' stsa la du gsol/ de skad ces gsol pa dang yangs pa chen po bcom ldan 'das kyis bka' stsal pa/ skye shi tha dad ma yin gzhung gcig ste// 'khor ba med par mya ngan yongs mi 'da'// mya ngan 'das dang 'khor ba tha mi dad// de bzhin skye shi gnyis ni ming nyid tha dad kyang // rang bzhin gcig las ming ba tags tha dad snang // de bzhin snying po sgo phugs mi 'byed pa// theg pa rnam rtog grangs su tha dad kyang // rang bzhin nyid las ma nyams rang bzhin nyid// skye dang shi dang mya ngan 'das pa yang // ngo bo

  19. 337b

    nyid du gcig pas 'khar ba nyid// mi spong mi g.yo ba ga la gnas med de// gnas med pa la gnas pa gnas med ga nas// mi mtshungs rdo rje sems dpa'i thugs nyid ni// thams cad ye rgyas ba ta ba pas khams gsum 'u ba// tshig gi mtha' las 'das pas cad ma mthong // skye ba zhes pa chos rnams 'byung ba'i gzhi// mya ngan 'das 'khor ldan pas med pa yin// mi spong gnas med gnas pa las kyang 'das// spyod las 'das pa'i ye shes rgyal pos 'phags// don dam kun rdzob mi 'byed don dam med// don dam 'dod pas dam pa'i don mi rnyed// don dam med pa de la yang don gnas// sgro dang skur zhing rdo rje sra ba'i mchog/ mi g.yo mi 'gyur blun po'i tshul du gnas// 'di la gnas pa'i rgyal po de bzhin gshegs// ma dang sring mo'i gzigs pa de bzhin dbyings// dbyings dang dbyings rol mnyam nyid spun gnas pas// ma dang sring mo sbyor ba rol pa'i mchog/ dge dang sdig tu ma mthong ye rgyas pas// sdig pa spyad pas dkyil 'khor dkyil 'khor ldan// sangs rgyas rnam pa bzhi yi chos bshad pas// thog med 'du shes mi bden tshor ba bral// sprul pas pha rol byon drug

  20. 338a

    gsung bar 'gyur// tshig tu bshad pas rmad byung don mi rnyed// yi ge'i mchog nyid yang dag gsal ba nyid// yi ges thig bzhir brtags pa rmad byung nyams// ston pas bshad pas don rtogs 'khrul pa'i lam// nad med pa na sman kyang mi dgos na// nad kyi don phyir sman dgos ji bzhin du// theg pa gzhan med pa na bla mad 'di// bstan kyang mi dgos de bzhin bzhir gnas na// bla med breg kyang bla med dag la snang // kun tu bzang po yangs pa'i rgyal pos kyang // ma gsungs gsung du brjod du rdul tsam med// don 'di gang la snang ba rgyal ba'i rgyal// de nas rdo rje 'dzin pa shin tu the tsomachod nas// yang gsol ba'i tshig btab pa/ rmad byung byang chub sems nyid ma mthong na// chos so cog pa chos kyi lam la gnas// byis pa'i lam bzhin 'bras bur grub pa dka'// rgyal ba'i rigs skyes pas ni rmed byung nyid lta'o// de nas bcom ldan 'das kun tu bzang pos/ nyid kyi brjod pa bya ba 'di brjod do// rmad byung bdag nyid sems can phyi mo'i chos// dus gsum sangs rgyas rnams kyi sems nyid ni// rmad byung byang chub sems kyi rang bzhin to// nam mkha' stong pa 'dra

  21. 338b

    ste bstan yang med// ming yang med pa'i sems la gnas pas na// sangs rgyas sangs rgyas zhes su rab tu grags// dka' thub dka' bas lus gdung phyag 'tshal klog/ 'chad dang 'dzin pas shes shing rnyed min te// rmad byung byang chub sems nyid rnyed pa ni// sems kyi rang bzhin ma nor gsal na go/ dka' thu ba la sogs byang chub chen po'i glegs// ngo bo nyid ni de bzhin gshegs pa'i tshul// ji ltar las spyod ci yang mi dgos na// de 'drar spyad du med pa thob par grags// rmed byung byang chub sems ni des mi bskyed// rma byung 'di ni bde gshegs las kyang 'das// rgyal bas mi gzigs dur khrod chen po'i klong // ye shes ting 'dzin rdzogs pa'i rmad po che// gzhan gyis mi 'byed de bzhin nyid kyi sku// thams cad med pa'i sngon du ye sangs rgyas// dus gsum sangs rgyas kun gyi mes chen po// dmigs nas bsgom du dngos po'i ngo bo dag/ phyag rgyar bskyed du rang bzhin la nas zhi// bsnyen bkur bstod du rnam dag yon tan med// mi dmigs dag pa'i ngo bo thams cad 'u ba// mkha' rgya dag pas ma nyam dang mi mnyam rnams// sku yi sku ste sangs rgyas kun gyi sku// 'dzin pa phra mo yod pa'i shes

  22. 339a

    pa'ang de// de sgrib chen po snang du mi btu ba ltar// gzung 'dzin rtog pa phyag rgya'i skur bsgoms pas// thams cad sangs rgyas rmad byung ngo bor yang // chos sku ma lus bsdus pa mthong mi 'gyur// snang srid lhar bsgom pa nyid rmad byung skyon// rmad byung byang chub sems kyi sa bon las// phyi nang snod bcud 'bras bur rnam par smin// sa bon 'bras bu ro smin pa de yang ni// slar son gnas su dag pa'i gcig tshu la ni// rgya mtsho che las chu bran kun 'byung ba// slar 'dus lan tshwa'i chur ro kun gcig 'dra'o// byang chub kyi sems rmad du byung ba'i rgyud las/ dpe las 'das pa'i chos thams cad kyi de kho na nyid kyi le'u ste lnga pa'o// / de nas bcom ldan 'das dpal kun tu bzang pos nyid rmad du byung ba la gzigs nas/ brjod par bya ba brjod pa/ e ma ho// byang chub sems dpa' chen pos kyang // chos gcig ma gzigs chos lam zad mtha' med// longs spyod rdzogs dang sprul pa'i sku dang ni mngon par byung smras kyang chos gcig pa'o// mi gzigs gzigs pa med pa rgyan dang ldan// mtshan dpes brgyan pa yang dag sangs rgyas min// mtshan sku de nyid don gyi 'bras bu

  23. 339b

    yang // su 'dod de la yang dag sangs rgyas ring // rmad byung byang chub dag pa yang sangs rgyas// kha dog dbyibs med mtshon pa las 'das te// gzhi med pa yi rtsa gzhi kun gyi mchog/ lo ma'i rtsa ba rtsa ba'i lo ma'ang yin// mkha' ltar mi 'dod de yang 'das pa nyid// rmad byung byang chub sems kyi chos gcig po// rnam par dag pa'i chos sku de nyid las// gzhan gyis reg cing myong ba ma yini phyir// sangs rgyas sras bcas mtshan ma'i mtshan dpes brgyan// mngon sum gnyis su de nyid su rnal ba// de la rmad byung 'di mi gnas te zin chags nad// snang stong ngo bo dben pa'ang 'di yi skyon// rgyal ba'i rgyal ba zhes bya brjod du med// dbyings dang ye shes gnyis kyi tshig kyang zad// mtha' dang dbus la mi gnas bde ba'i klung // khyab brda la byang chub mtha' ltar dpag tu medo// 'di nyid skur 'dod sgro sgyur 'khor lo bskor// 'di la gza' gtad rtog pa'i 'du mtshon can// thog mar 'dod pa 'khrul pa 'jig rten pa// sku gsum sku gsung thugs las shin tu ring // de nyid rmad byung 'di yi sgrib shing yin// chos kyi snying por gyur pa 'bras bu'i chos// snod ba cud byang chub khams gsum yi rgyas

  24. 340a

    ba tab/ phyag rgya'i 'byung 'jug nyid kyis lto bar bstim// sku yi bya byed rtsa nAs bcad de btang // 'khor ba dong spyugs sangs rgyas hub kyi rngubs// dge dang sdig par mi 'byed rnam par dag/ nga dang bdag med zhi ba chen po'i sku// rigs dang ye shes kun gyi dur khrod brda lo// khams gsum srid gsum nyid kyi sku la rdzogs// bsod nams lhun rdzogs ngo bo rnam par dag/ rigs mchog nyid kyi sku la su gnas pa// sdig pa spyad pa don dam bden pa'i mchog/ sems can bsad pa nyid kyi sku la dag/ dkyil 'khor gsal dang phyag rgya'i bdag nyid yin// rig sngags gsang sngags snying po dag pa'ang yin// dbang bskur ma thob rgyal bar gyur pa ste// lha klu mthu chen rnams kyang bsrung bar 'gyur// mi 'dud dbang med nyid kyi sku la 'dud// bsgom dang ting 'dzin 'bras bu grub po'ang yin// dkyil 'khor kun gyi bdag po nyid kyang yin// gsang ba'i yum rnams 'di la yongs kyis 'khril// de bzhin gshegs pa kun gyi ngo bor gyur// sku gsum rdo rjer bstan pa'i dkyil 'khor yin// kun tu bzang po yab yum 'khril ba'i sku'o// 'di la su rnal pa la sangs rgyas rdzogs// rmad

  25. 340b

    rlung zhes su 'di la brjod pa yin// byang chub kyi sems rmad du byung ba'i rgyud las/ gsang ba zhal gyi bzhes pa'i le'u ste drug pa'o// / de nas yang bcom ldan 'das dpal rdo rje sems dpas yang zhu ba chen po'i don zhu ba'i phyir/ thal mo gdong du bzung nas dgyes pa'i spyan gdangs te/ bcom ldan 'das don dam pa'i sems gang lags/ de bzhin nyid ces bgyi ba dang khyad par ci mchis bka' stsal du gsol// don de thugs su chud nas bcom ldan 'das chen po sa bka' stsa lnga pa/ byang chub sems ni sems can kun gyi sems ldang dang // nyal g.yo med pa dam pa nyi// don dang sems le ming dang mtshan ma med// ming dang ming gi mtshan ma ming med pa// de ni yang dag ye shis de bzhin nyid ces bya// don dang sems can tha dad dbyer med gcig/ de nas bcom ldan 'das chen po nyid kyis brjod par bya ba'i don brjod pa/ de bzhin gshegs pa'i ye shes mdzod chen po/ mi bden mtshan ma'am tshig dang bshad bral ba// theg pa chen po'i rnam par rtog pa yi// theg pa chen po chos kyi lam 'jug nyid// chos lam dam pa mi 'dzin rnal

  26. 341a

    'byor spyod// byung chub nyid kyang mi 'dod lta ba'i mchog/ sangs rgyas sems can ma mthong bde ba'i shul// ye bsrung rnam par dag pa'i phyal pa dang // blang dor 'du 'bral med pa'i spyod pa dang // lta ba'i yul med stong pa dam pa dang // de bzhin nyid du'ang ma mthong sgom pa'i mchog/ rmad byung rdzogs chen ngo bo nyid du gsungs// ye shes rgyal po mkha' 'dra mtha' las 'das// drang srong de 'dzin pa la sgom zhes bya// dmigs pa'i don la 'jug pas dgos pa gol// dmigs pa'i bza' gtad 'argya' ba gtan nas nyams// stong nyid de bzhin nyid lta lta ba lkugs// bde ba'i shul lam 'dod pa ma thag ring // bsrung dang mi srung gnyis kyis dam tshig nyams// spyad dang mi spyad 'dzin pas thar la ma 'gagaso// blta dang mi ltar mthong bas dam pa brlag/ bsgom dang mi sgom gnyis kyi rtogs mtha' med// rmad byung 'di las 'di rnams spyir gyur pas// rmad byung mdzod chen ngo bo nyid las nyams / rmad byung byang chub sems kyi rang bzhin ni// chos lam mi 'dzin yod med mtha' las 'das// 'das pa nyid kyang ye shes nyid yin pas// 'das dang ma 'ongs kun

  27. 341b

    las ye nas 'das// ston pas bstan pa 'di yi don mi rnyed// gzhan las rna bas thos su dngos po dag/ lce yi dbang pos brjod du tha snyad bral// ston pas gsungs pa chos lam 'khrul pa ste// ji ltar bshad kyang rmad byung don mi rnyed// zla ba tshes gcig mkha' la shar ba la// mdzub mos mtshon pas mthong tshul tsam du 'dzin// drang srong chen po rnams kyi don spyod pa// tshig tu brjod pas ngo bo nyid las nyams// yid la bsams pas chad pa'i mthar yang 'gro// med ba'i snying po las ni yod pa'i snying // de bzhin de bzhin de bzhin gyi nar gzhag/ rmad byung byang chub sku yi rang bzhin te// 'di lta'i don la sangs rgyas rtag tu bzhugs// byang chub kyi sems rmad du byung ba'i rgyud las/ don dam pa'i sems kyi rang bzhin dang / mdo sde'i mdzod dang / theg pa chen po'i mdzod/ lha spyod dang go la sa bcad pa dang / nyid kyi rang bzhin brtan pa'i le'u ste bdun pa'o// // de nas bcom ldan 'das dpal kun tu bzang pos skyon gyis mi gos pa'i don nyid kyis brjod par byas pa/ rmad byung byang chub sems la mnyam 'jog tshe// lus sems sangs rgyas yin par bya dgos shing //

  28. 342a

    phyi rol don la mi brtags sangs rgyas nyid// mtshan dpes brgyan pa ma yin nam mkha'i tshul// de 'das dbang po'i spyod yul gang yang min// dbang po'i rnam shes de lta de bzhin du// dbang po'i rnam par shes pa de gsum po// yul dang mi 'byed de bzhin lhug par gzhag/ gsum po yul la yin pa mi ltung bar// gang yang min pa'i rang bzhin de tsam la// lus sems mi gcod klong de rang bzhin gzhag/ de 'dra'i klong la rmad byung nyid gnas pas// mtha' go nyis skyon gyis gos par yong mi 'gyur// snga phyi'i rgyal ba sems can lus gnas tshe// 'chi ba'i dus tshe bag chags 'di ldan pas// de mthus sems can snying po rgyal bar 'gyur// rmad byung byang chub sems dang bdag ldan na// rigs drug can thos dag tu mi mthong bas// rigs drug nyan thos dag tu bsad pa med// sems can nyan thos dag tu su mthong ngo // de la skyon gos sdig kyang yod par gsungs// dper na rmi lam na ni mi bsad tshe// bsad pa'i tshe na sdig gis mi 'jigs la/ rmad byung byang chub sems kyi don shes na// don de bdag la ldan par gyur pa'i tshe// rmi lam bsad 'dra sdig pas gos mi 'gyur// rmad byung byang chub sems

  29. 342b

    kyi mthur ldan na// ma dang sring mo bu mo la sogs rnams// rmad byung nyid las gzhan du mthong ba min// de 'dra sgyur ba dam pa nyid la sbyar// ma srid bu mor mthong ba 'ching ba'i rgyu// dper na rmi lam na ni ma srid sbyar byas pas// sad pa'i tshe na lan gyis mi 'jigs so// yang dag don shes rmi lam sad 'dra de// yul du skyon gyis gos par 'gyur mi srid// rmad byung byang chub sems kyi don ldan na// dkyil 'khor phyag rgya bzhir ldan mthong mi 'gyur// dkyil 'khor phyag rgya'i dkyi la 'khor su mthong ba// de la phyag rgya'i dkyil 'khor ldan pas ni// rmad byung de la mtshungs par yongs ma gsus// dper na rmi lam nA ni de bzhin gshegs sku mthong // sad pas bdag tu snang las gzhan med de/ de bzhin phyag rgya sgom pa'i dkyil 'khor bas// mtshan ma nyid las byang chub gting ma rnyed// dkyil 'khor ma yin rmad byung byang chub la// dkyil 'khor mtshan ma'i skyon gyis gos mi 'gyur// rmad byung byang chub sems dang su ldan pa// dge rtsar mi spyod dge rtsar mthong mi 'gyur// de rtsar mthong ba de la skyon yod 'gyur// dge rtsar ma mthong ba nyid byang chub mchog/ rmi lam na ni dgra dang 'grogs par mthong // sad pa'i dus na de dang 'grog mi 'gyur// dge rtsas 'jig rten

  30. 343a

    'di yi snyan dngags thob// rmad byung byang chub sems kyis ma zin na// sdug bsngal skyo gzhi 'bras bu rmi lam 'dra// sems can rnams la snying rje brtse med cing // mtshams med lnga spyod nye lnga mi tshangs spyod// 'dod yon lnga rol gzhan lnga slong mi byed// rtag tu bdag mchod gzhan du mi rigs pa// rmad byung byang chub theg chen dam tshig yin// dug lngas 'khor ba'i rgyun gcod byed pa yang // rmad byung byang chub nyid du yang dag gsungs// 'dod cing chags pa'ang rmad byung byang chub nga // gzhan la sdang ba'i zhe sdang rmad byung nga // de bzhi ni 'khor ba gti mug rmad byung byang chub nga // bdag yod gzhan med nga rgya la rmad byung nga // gzhan sdug theg pa gzhan la phrag dog nga // ji skad brjod pa'i don dam kun rdzob nga'o// yid ma mgyogs pas dus mtha' med spos kyang // rmad byung sku las gar yang phyin pa med// sangs rgyas kun gyi nor bu dri med thugs// rdo rje sems dpa' nyid kyi thugs la gnas// bskal pa 'bum gyi mes kyang bsreg tu med// srid pa gsum gyi chus kyang bkru ru med// 'di zhes bstan du bde gshegs rnams la med// srid pa 'byung ba'i sngon du sangs rgyas te// thams cad rmad byung

  31. 343b

    byang chub sems nyid kyang // skyon dang sgro zhing gdod nas rnam par dag/ byang chub kyi sems rmad du byung ba'i rgyud las/ skyon gdod ma na sa rnam par dag pa'i le'u ste brgyad pa'o// // de nas sems dpa' chen po rdo rje theg pa la sogs pas/ yangs pa chen po la bcom ldan 'das mtshan ma nyid gsal bar gzhag nas// mtshan ma las rnam par grol ba'i thabs bka' stsal du gsol/ zhes gsol bas/ don ma nyes te brjod pa/ mtshan can mtshan dpes brgyan pa sgom pa yi// yang dag bde ba'i dkyil 'khor snying po nyid// mthong ba nyid du de bzhin gshegs pas gsungs// rmad byung nyid kyi spru la sa 'dod pa'i// blo dman byang chub sems dpas bslad du rung // mtshan dang mtshan ma med pa'i tshig las 'das// nyid kyis brjod par bya ba brjod pa med// 'grus dang gsang ba'i chos nyid bsgom dgos te// gsang ba'i gsang mchog byang chub sems nyid 'di// rang byung dag pa'i dkyil 'khor rin po che// sprul pa'i 'byung 'jug nyid rdul tshul du 'khrug/ rang 'byung mchog gi phyag rgya rgya bo che/ blo dman byis pa rnams kyis bslab tu rung // 'bras bu gsang sngags bsgom pa'i

  32. 344a

    tshig rnams las// rmad byung ye nas sangs rgyas bstan pa 'di// skye med sangs rgyas kun gyi mes chen po// bskal pa'i me bzhin gcig pu gnas pa las// chos rnams ma lus chos so cog pa brdzun// thams cad brdzun par shes na 'jigs dang bral// ngo bo nyid kyis chos rnams ma lus stong // gal te ngo bo nyid kyis stong pa'i chos spangs na// sbyin la sogs pas mtho ris skye srid kyang // mthar zad 'bras bu brlag pa nyid du 'gyur// ngo bo nyid kyis stong pa'i chos nyid la// mi chags mi gnas de nyid mya ngan 'das// rmad byung byang chub sems kyi rang bzhin ni// ngo bo nyid 'das lam rdzogs rnam par dag/ sangs rgyas mi 'dod sangs rgyas sa las 'das// sangs rgyas spros las dga' la phyag rgya gsum// chos rnams kun gyi rang bzhin gnyis su med// chos kyis rang bzhin gcig tu zad pa yin// rang bzhin gcig pa nyid kyang yod min te// rang bzhin nyid kyis gnas shing chags pa med// mtshan ma can gyi chos ni 'jig rten gyi// lam dang 'bras bu yin te zad yod phyir// bla na med pa'i 'bras bu thob mi 'gyur// rmad

  33. 344b

    byung 'di ni chos kyi rang bzhin dang // gcig pa nyid kyang mi 'dod dbyings las 'das// sangs rgyas phyag rgya mi 'dod ye rgyas btab// khams gsum ye nas sangs rgyas chos skur zhi// mya ngan 'das pa 'das pa nyid kyang 'das// yon tan nyid kyi phung po rdo rje'i sku// ci yang 'du 'bral med pa'i brtson 'grus can// ngo bo nyid sku zag med rang bzhin bral// gzhal yas me 'od 'bar ba'i dkyil 'khor can// nyi ma 'bum gyi gzi ltar 'phro ba'i bdag/ chos kyi lam la 'jug pa'i mi zhig gis// lus dang sems la bslab pa chur byas te// phyi rol sangs rgyas mi btsal rnyed mi 'gyur// sems can nyi da ni kun tu bzang por gsungs// / nang gi nang la de bzhin blta bar bya'o// byang chub kyi sems rmad du byung ba'i rgyud la sa/ mtshan ma med par grub pa dang / theg pa chen po la khyad par 'phags pa'i le'u ste dgu pa'o// // de nas bcom ldan 'das dpal kun tu bzang po sa nyid brjod par nyid la byas pa/ kun tu bzang po bde ba chen po'i sku/ sku gsung thugs kyi dkyil 'khor chen por ni// 'khor ba chos kyi 'khor lo rab tu bskor// byang chub sems la sbyor ba ma yin par// 'khor ba'i

  34. 345a

    'khor lo bskor ba rdul yang med// yang dag la sangs rgyas pa ma rtogs par// dmyal ba'i ming med ma rig pa'ang med// dus gsum bde bar gshegs pa thams cad dang // rigs drug 'jig rten 'byung ba lnga sogs rnams// byang chub sems kyi rig chen sgom du blug/ dog 'tsher mi mnga' thig pas snod bkang tshul// e ma re mdzes bdag nyid bstan pa'i chos// byang chub sems kyi chos gcig ma gtogs par// chos dang chos gzhan med pa ngo mtshar che// sems kyi rang bzhin gnas med yul med par// dus gsum sang so rgya sa chags pa ngo mtshar che// rang rig byang chub sems las ma gtogs pa'i// kun bzang gzhan nas rnyed par mi 'gyur bas// sngon chad ma rig ma mthong ngo mtshar che// bden gnyis rgyu 'bras yongs gi sa med pa// bslu ba'i rmi lam bzhin gyis kun rdzob spyod// don dam bden pa ma gtogs ngo mtshar che// 'ching byed dmyal rgyu dug lnga gzhan rtogs pas// byang chub chen po'o byang chu ba chen po ru// dug lnga rgyas par gyur pa ngo mtshar che// sdug bsngal sdig pa mi dge ci dpyad kyang // rnam grol bla med sangs rgyas nyid yin pas// pad bzhin skyon gyis ma gos

  35. 345b

    ngo mtshar/ dmyal rgyu mi dge sna tshogs spyad pa dang // mi gtsang zas zos bshang ba kun sbyar yang // kun tu bzang po'i rol pa bdag nyid las// rgyu yi 'bras bur ma smin ngo mtshar che// nyam nga mnar med dmyal ba'i gnas rnams kyang // kun tu bzang mo b+ha ka'i mkha' klong las// dmyal ba'i gnas med byang chub lam// bde ldan pa de la gnas pa ngo mtshar che// gnod sbyin srin po la sogs 'bum gyis kyang // bla med byang chub sems kyi rang bzhin la// bzung zhing 'joms dang thob par mi 'gyur gyi// ma bsdus rang bzhin bsdus pa ngo mtshar che// e ma rab tu gsang ba'i chos chen po// de bzhin gshegs pas gsungs pa gang yang med// thig le yongs kyi theg pa mi mnyam ste// gzhan dang thun mong ma yin ngo mtshar che// sngags kyi 'phyang ba lu gu rgyud tshul du// bskyed dang blo dang bsdu dang sbyar drangs dang // mchod dang rgod rtsol don gyi phyir gzhag na// re rmon thub chod rtsol bral las 'das pa'i// theg pa'i rgyal po rgya 'bras ye dag pas// de bzhin de bzhin de la mnyam gnas pas// cho ga 'phreng bar gyur pa ngo mtshar che// ming gzugs mnyam gzhag ye nas sngags tshig go//

  36. 346a

    ma 'gags skye dang bral ba'i byang chub sems// ye shes dge ba yangs pa'i dkyil 'khor nyid// byang chub rgyu 'bras yongs kyi 'dod min pa'i// / rmad byung byang chub bdag nyid chen po ni// dus gsum gshegs pa kun gyi thugs nyid dang // sems can rnams kyi sems yin no// le nas ma skyes rgyu 'bras zag pa med/ rang bzhin rnam par dag pas dri ma'ang med// rdo rje sems dpa'i gdan chen gdan chen la// mtshan med mi 'gyur nam mkha' bzhin du rgyas// rdo rje sems dpa' nyid kyang nga yis rol// chos kyi mtshan nyid thams cad rnam par dag/ thugs kyi dkyil 'khor thugs kyi dkyil 'khor mchog/ sku yi sku ste kun la rol mdzad sku// nor bu bsam shing rin chen sgrom rnams las// longs spyod sna tshogs 'byung ba'i sa bon nyid// sgyu 'phrul mkhan bzhin thams cad 'phrul bar mdzad/ skye ba med las thams cad kun skyes shing // skyes pa nyid na ci yang 'gags pa med// rtag pa kun rol kun kyis 'phrul po che// kun bzang bdag nyid skra la ngo mtshar che// e ma'o re mdzes theg mchog khyad par can// byar med bya bral bya byed chos dang bral// ji ltar gnas kyang rdzogs pa chen po'i ngang // gyur

  37. 346b

    'dra'i dkyil 'khor lus dang mthun pa yin// dngos med ngo bo nyid kyi zhi ba las// sku lnga'i dkyil 'khor gsal bar ngo mtshar che// ye nas rnam par dag pa'i rang bzhin las// ye shes 'od du 'bar ba ngo mtshar che// bskal pa'i me bzhin thams cad bsreg pa la// thams cad ma lus 'dud pa ngo mtshar che// ra la gri bzhin du thams cad gcod pa la// thams cad mA lus 'dul ba ngo mtshar che// 'khor lo 'khor ba bzhin du ci yang ma bskor ba// thams cad ma lus bsrubs pa ngo mtshar che// thams cad ma lus kun bzang nyid kyi dang // byang chub kyi sems rmad du byung ba'i rgyud las/ rgyud kyi bdag po nyid kyis rgyud bshad pa la dam pa'i le'u ste bcu pa'o// // de nas bcom ldan 'das dpal rdo rje sems dpa' la sogs pa rnams kyis phyag 'tshal bstod pa/ bslab bya thams cad rnam par 'jig mdzad pa// mgon po mchog 'dzin mi g.yo bde chen sku// ngo mtshar thabs chen ston po'i dpa' bo la// dus gsum rtag par 'dud pa'i bzhin phyag 'tshal// che ba lnga rdzogs sangs rgyas snying po la// sangs rgyas ma lus thams cad 'dus par bgyi// lta ba mi spangs sku la ngoms par blta//

  38. 347a

    'du 'bral med pa'i spyod pa lhag par 'dzin// 'di la mos pa'i sangs rgyas thams cad la// sku la bstod pa bzhin du phyag kyang 'tshal// byang chub sems dpa' 'di la su mos pa'i// sems can de la'ang rtag par bzhin phyag 'tshal// ngo mtshal rmad kyi cho 'phrul ston pa yi// khams gsum yongs sgrol seng ge'i rgyal po la// yang nas yang du 'dud cing phyag kyang 'tshal// mkha' ltar dgos pa sku las 'char ba'i sku// dpe med mkha' 'dra'i brdal ba chen pi la// yang nas yang du 'dud cing phyag kyang 'tshal// rnam grol ye krol 'khor ba kun grol ba'o// grol ba'i rgyal po mi gtong 'dud par bgyid// dngas snyigs blang dor med pa gcig pu pa// rgyu 'bras mi 'byed rnam par dag pa'i chos// rnam thar lam dang mi mthun rnam grol chos// zab mo zab mo dam pa 'bras bu'i chos// 'di 'chang klog dang gus dang sems pa la// dad mos kha gsag ma yin rna la ma la// 'dud cing 'dud cing bzhin phyag 'tshal bar bgyid// ces rgyud dang rgyud kyi bdag po la bstod pas/ rgyud kyi bdag pos rdo rje sems dpa' nyid la gzigs te/ spyan pa grad zhal gdangs nas/ rdo rje sems dpa'

  39. 347b

    khyod las lhag med de// byang chub rnyed dka' de nyid khyod kyi sku// dus gsum sangs rgyas rnams kyis rtogs dka' ba'i// gnyis mad rang bzhin gnas pa'i chos 'di la// 'di las sangs rgyas gzhan na yod ma yin// ngal ba rtsol ba'i don chen ye min pa'i// mi g.yo rang bzhin gnas pa'i sman chen 'dis// sangs rgyus sems can ma lus thams cad kyang // mthong ba tsam gyis rnam dag grol bya'i phyir// rmad byung byang chub sems ni ga tad do ga tad// thugs kyi / thugs te ye shes nyi ma yi// 'khor lo nyid las 'od kyi zer bskyod pa// thugs kyi dkyil du bsti ma la 'khor los bskor// snying po mtha' med rnam par dag pa'i rgyud// lce yi rtse mo las byung sgron ma 'bar pa dag/ ye shes dag pa'i sgom du sba bar bya'o// byang chub kyi sems rmad du byung ba'i rgyud las/ rgyud kyi bdag po la bstod pa dang / rgyud la bstod pa dang / bdag pos rgyud gtad pa dang / gdam dgra la zla ba'i le'u ste bcu gcig pa'o// / rgyud kyi rgyal po chos thams cad kyi rmad du byung ba rdzogs so// / byang chub kyi sems rmad du byung ba phyi ma ta ma nyid dang gsum bzhugs pa

  40. 348a

    las zab mo pu ti'i lha khang du bu gnyis lus so// slob dpon bud+d+ha ku b+ha sa snrums par gzheng nas/ lan gcig gzigs pas gnod sbyin kha rtsal gyi 'gram du thal lcag gcig brgya ba nas brgyal bar gyur to// brgya la sangs pa dang / srin po lta bu'i tshul du 'dug pas smras pa/ gnas khang brgyal bar gyur pa 'di nyid kyi// rgyal po ma 'od khyod kyi me khyer ro// ga la te khyer na khyod nyid gsad par bya// zhes smras pas/ bred nas sdengs nas/ ma ni gong du spyan gzhan zhig tu drangs/ bu gnyis der lus so// gang du de nyid rnam par 'grel pa la// dgos dron gsal tshed don la 'char ba ni// ma bu gsum nas drangs gtan la phag/ phyi nas blo'i zer la bskyod nas bya bzod na// 'phags thugs 'gal dang 'phral du gnod sbyin mos// bar chad byed phyir blo'i gzer la bskyod// las stod mkhas pa mgon po la// myang sto lce nag bdud rtsis zhus// / gyi// rgya gor skad du/ ma hA su kha/ bo d+ha tsid+ha so pa shi ka/ bod skad du/ bde ba chen po byang chub kyi sems rmad du byung ba'i le'u/ bcom ldan 'das dpal gyi dpal rdo rje sems dpa' la phyag 'tshal lo//