gter snying rin po che spungs pa'i rgyud
Text
ff. 272a–275a · 7 folio sides
- 272a
spros pa gcod pa sde lnga'i rgyud las/ mtshan gyi rnam grangs bstan pa'i le'u ste bcu bzhi pa'o// // spros pa gcod pa'i rgyud ces bya ba/ rgyud kyi rgyal po rdzogs so// // u rgyan gyi slob dpon chen po pad+ma 'byung gnas dang / bod kyi lo tsa ba chen po skab dpal brtsegs kyis bsgyur zhing gtan la phab pa/ rgyal po khri srong lde btsan la ga dmas// spel ba'i gnas med pa'i gter du sba sa/ ga ter rgya/ sbas rgya/ gtad N+ya// rgya gar skad du/ su ran d+hA na rad na ra sri tan tra/ bod skad du/ gter snying rin po che spungs pa'i rgyud/ bcom ldan 'das thog ma'i sangs rgyas 'od mi 'gyur ba la phyag 'tshal lo// 'di skad bdag gis rang bzhin rtogs nas bshad pa'i dus gcig na/ rang bzhin gyis rnam par dag pa'i gnas/ kun gzhi'i pho brang / kun// gzhi sems nyid khyab brdal chen po'i dkyil// 'od gsal 'gag pa med pa'i klong / rin po che rtsal zer kun 'byung gi mkha'/ sgrib pa med par 'od gsal ba/ de nyid rnam par dag pa/ rgya chad phyogs lhung med pa'i gnas de na/ sngon thog spyi phud kyi sangs rgyas 'od mi 'gyur ba bzhugs so// de'i tshe rtsal zer shes rig gi 'khor yang 'di lta
- 272b
ste/ ma 'gags rtsal zer 'od dang 'gyu ba'i 'khor dang // shes rig yide sems dran rtogs blo yi 'khor dang / rang bzhin gyi 'khor yang 'di lta ste/ rang bzhin gnas pa'i 'khor dang / rang bzhin lta ba'i 'khor dang / rang bzhin rtogs pa'i 'khor dang / gzhan yang smin pa chen po'i 'khor yang 'di lta ste/ rgyu'i byang chub sems dpa' dang / lam gyi byang chub sems dpa' dang / 'bras bu'i byang chub sems dpa' 'o// bstan pa'i rgyal po gter snying rin po che spungs pa'i rgyud 'di/ dus gsum dbyer med snga phyi med pa'i dus su gsungs so// gter snying rin po che spungs pa'i rgyud las/ gleng gzhi phun sum tshogs pa'i le'u ste dang po'o// // de nas shes rig rgyal po yis/ sngon thog spyi phud sangs rgyas la// gzhi 'khrul rtsad gcod rtogs thabs gang // zhes zhus pa dang / ston pas 'khor la bka' stsal pa// gzhi ni ming ma thog pa la// dngos med ka dag blo las 'das// dpe med tshig med tha snyad med// lhun grub kun ldan gang yang me// mi 'gyur kun gzhi phyogs med klong // zhes gsungs so// gter snying rin po che spungs pa'i rgyud las/ gzhi bstan pa'i le'u ste gnyis pa'o// / de nas shes rig rgyal po yis// sngon thog spyi phud sangs rgyas la//
- 273a
ka dag ma rtogs ji ltar 'khrul// ces zhus pas/ ston pas 'khor la bka' stsal pa// gzhi la 'khor dang ma 'khrul med// ka dag ma rtogs 'khrul pa yin// dngos med ma rtogs sdug bsngal myong // rnal ma ma rtogs 'khor bar 'khyams// legs la ma rtogs ma rig mun// rang sa ma zin 'gro drug 'khrul// mtho yor thag pa smig rgyu gsum// mi sbrul chur 'khrul dpe dang mtshungs// gzhi la med de rtog pas gzung // nyes skyon sdug bsngal zad mtha' yas// zhes gsungs so// gter snying rin po che spungs pa'i rgyud las/ 'khrul pa bstan pa'i le'u ste gsum pa'o// // de nas rig pa'i rgyal po yis// sngon thog spyi phud sangs rgyas la/ 'khor ba rtsad nas ji ltar gcad// ces zhus pa dang / ston pas 'khor la bka' stsal pa/ gzhi 'khrul rtsad chod ma bu 'phrad// 'khrul ched klong du rgya yis thebs// khams gsum 'gro drug rtsad chod pas// ma rig 'khor ba'i ming yang med// lan tsha chu ru thim pa 'am// dug la sngags kyis thebs pa 'dra// zhes gsungs so// gter snying rin po che spungs pa'i rgyud las/ rtsad gcod bstan pa'i le'u ste bzhi pa'o// / de nas rig pa'i rgyal po yis// sngon thog spyi phud sangs rgyas la//
- 273b
dngos med ka dag gang gis rtogs// zhes zhus pa dang / ston pas 'khor la bka' stsal pa// dngos med ka dag rtogs thabs ni// rtsol med pasam bral rtogs pa las// lta sgom spyod pa ma yin no// cang med cir snang dngos med kun gzhi de// 'dod bral blo 'das bsam med dang sang ngo // stong gsal ye gdangs sang nge dngos med dbyings// gting ga sa la gdang la gang gi tha snyad med// ka dag zang ka rnal ma bsam bral blo 'das rtogs// zhes gsungs so// gter snying rin po che spungs pa'i rgyud las/ rtogs thabs bstan pa'i le'u ste lnga pa'o// / de nas rig pa'i rgyal po yis// sngon thog spyi phrad sangs rgyas la// la bzla chen po ji ltar lags zhes zhus pa dang / ston pas 'khor la bka' stsal pa// ka dag dngos med rna lam la// sangs rgyas byang chub chos rnams med// sku dang rigs lnga lta sgom med// nyams rtogs mngon shes tha snyad med// 'khor 'das yod med rtag chad med// chags sdang 'khor ba'i bya ba med// yid brengs kyang ma gtang 'khrul snang yi ni// 'khrul snang chags sdang nams kyang slu// de bas 'khor ba'i bya ba thong // chags na lha la chags kyang ltung // gang la'ang chags sdang ma byed cig/ ces gsungs so// gter
- 274a
snying rin po che spungs pa'i rgyud las/ la bzla ba'i le'u ste drug pa'o// / de nas rig pa'i rgyal po yis// sngon thog spyi phrad sangs rgyas la// gzhi yi 'khrul pa rtsad chod pas// rtogs thabs ga dam ngag ji ltar bstan// ces zhus pa dang / ston pas 'khor la bka' stsal pa// gsang sngags brdas bshad 'khor rnams nyon// nam mkha'i dbyings la ci 'dug ltos// zhes gsungs pa dang / 'khor gyis nam mkha'i dbyings su ltas// ci yang mi ga da' gang ma mthong // de la ston pas bka' stsal pa// ma mthong ba de mthong ba yin// zhes gsungs so// ston pas 'khor la bka' stsal pa// nam mkha'i mthongs su 'ja' tshon shar ba de// dngos por 'dug na ma zin mkha' la gdangs// zhes pa dang / yang la ka'i la btsas mi la ltos// thag rings thang chad 'gron po la// sngon na lha khang stong gnyis 'dug/ sgo gnyis gang zhig phye nas 'gro// 'gron po skye med 'jog sar phyin// mi byung dgra gnyen gang yin nam// mi gnyis gcig 'gro la gshol 'debs// thog mar gang du lhogs lags na// long ma'i mig phyed mun nag nyi shar ram// sha ba tsan rdos khrol dug la sngags thebs sam// lan tshwa
- 274b
chur thi ma ga nad la mdas phog gam// gser 'gyur rtsir ldan nad pas sman zos sam// sdong po rtsad cho da dA phrug ma phrad dam// zas kyi bcud 'thungs nor gyi dbyig rnyed dam// zhes gsungs so// gter snying rin po che spungs pa'i rgyud las/ gsang sngags brdas bstan pa'i le'u ste bdun pa'o// / de nas rig pa'i rgyal po yis// sngon thog spri phud sangs rgyas la// gnad mchog bcud dgongs ji ltar lags// zhes zhus pa dang / ston pas 'khor la bka' stsal pa// rnam dag 'od gas la dkyil 'khor mchog/ ka dag dngos med lha yi mchog/ blo 'das mchod bstod bshags pa'i mchog/ ka dag rnal ma dbang gi mchog/ snang srid dbyer med ga tor tshogs mchog/ zhe 'dod rtsol med 'jug sgo'i mchog/ 'dzin med blo ni gang du'ang skye med dgongs pa'i mchog/ gang yang zhe 'dod brten med lta ba'i mchog/ yid sems gang yang mi rgyu sgom pa'i mchog/ dran rig gang la'ang ma chags spyod pa'i mchog/ shes pa gang la'ang mi 'jug nyams kyi mchog/ dngos med ka dag blo 'das 'bras bu'i mchog/ smon pa'i sa non sa lam 'bras bu'i mchog/ ba tso la bsgrub bya byed med pa sangs rgyas mchog/ snang srid yod med kun rdzogs
- 275a
rdzogs chen mchog/ ces gsungs so// gter snying rin po che spungs pa'i rgyud las// mchog bstan pa'i le'u ste brgyad pa'o// de nas rig pa'i rgyal po yis// dngos med sangs rgyas spyi phud la// mtshan dang gtad rgya ji ltar lags// ces gsol pa dang / ston pas 'khor la bka' stsal pa// sna tshogs kun 'byung snying por 'dus// snying po gau ter snying rgyud du zung // dgos 'dod ma lus 'byung ba yi// rin po che yi rgyud du zung // don gyi bcud rnams spungs pa'i phyir// rin chen spungs pa'i rgyud du zung // rgyud bzang dang ring dad pa che// gus dang dam tshig shes rab ldan// de lta bu la rgyud 'di gtad/ dam med nga rgyal g.yo sgyu can// de lta bu la mi sbyin no// zhes gsungs so// snod bstan pa'i le'u ste dgu pa'o// / ga te re snying rin po che spungs pa'i rgyud kyi rgyal po rdzogs so// // u rgyan pad+mas bshad cing / lo tsa ba ka ba dpal rtsegs kyis bsgyur nas/ rgyal po khri srong lde pa tsan la gdams pa'o// gter rgya/ za ba rgya/ gtad rgya'o// // rgya gar skad du/ hri da ra sa skon da ga ga na u da ra ta na tra/ bod skad du/