N964MW22704_0964rgyud 'grelAll versions of this work

dpal lhan cig skyes pa'i man ngag bdag byin gyis brlab pa zhes bya ba

Text

ff. 6a–7a · 3 folio sides

  1. 6a

    rje chen pos yongs su gzung du gsol/ /dpal 'khor lo bde mchog gi rgyun bshags bsdus pa/ /dpal ur rgyan lha mo'i gnas pa/ rgyal po in+d+ra bo d+hi sa mdzad pa rdzogs so// //rgya gar skad du// sh+rI tsakra saM ba ra garb+ha tat+twa sid d+hi/ bod skad du/ dpal 'khor lo sdom pa'i snying po'i de kho na nyid grub pa/ dpal 'khor lo sdom pa la phyag 'tshal lo/ /gang du thabs dang shes rab mnyam sbyong bas/ /kun rdzob don dam dbyer med rang bzhin can/ /bde dang stong pa 'dus pa'i ras gang ba'i/ /gnyug ma'i ye shes de la bdag phyag 'tshal/ /gang zhig goms par gyur pas srid pa yis/ /brtson rang brkis pa'i 'ching ba kun gcod pa/ /sems kyi dam pa rang rig rin chen mchog /gang la brten nas rtogs pa'i thabs bshad bya/ /drug dang brgyad gnyis bcu phrag gnyis dang lnga/ /bzhin rgyas mig yangs gzugs mdzes lang tsho ldan/ /dad dang thos dang snying rjes yid brgyan ma/ /skyabs song sems bskyed yang dag dbang bskur ba/ /nyes bral dben par g.yeng ba kun spangs te /khams dang rjes mthun bza' dang btung ba dang/ /dri zhim yid 'ong rgyan mdzes spyod dgu ldan/ /gang dang tha mal 'dzin pa rnams spangs te/ /dbang po'i gzhu ltar snang ba lha yi lus/ /de la yi ge dya ni sna rtse dang/ /bya ni mtshan gyi lte bar rnam dgod cing/ /lte ba snying ga kha dang dpral ba ru/ /sngags kyi tshogs dang bcas pas byin gyis brlab/ /'khyud dang 'o byed sen mo 'debs pa dang/ /mchu mthib pa dang nu ma 'tshir ba dang/ /nyed dang rdebs dang sor mo bskyod pa yis/ /dbang gnyis snyoms par 'jug pa'i sbyor ba bya/ /gang tshe mnyam med rin chen mchog lta bu/ /sems kyi dam pa rang rig bde chen po/ /gang du rtogs pa de tshe

  2. 6b

    srog rtsol ba/ /bkag pa'i sbyor bas bde chen ro myang bya/ /dngos dang dngos med mdza' gnyis rnam spangs shing/ /stong dang snying rje dbyer med rang bzhin can/ /dus gsum rgyal ba'i ye shes bskyed pa'i rgyu/ /rang rig bde chen ye shes gcig pu pa// gnyug ma'i rang bzhin gang dar mtshon par bya/ /gang du mtshon cha mtshon byed kyis mtshon pa/ /rnam shes ye shes nyid du mtshon pa dang/ /ye shes gang nges shes byar snang pa yi/ /'gro ba ma lus de kun der mtshon bya/ /de tshe dbang po'i yul du snang pa yang/ /gzugs sgra dri ro reg byar gyur pa yi/ /dngos po 'di kun ma lus bde chen po/ /gang du bde las gzhan pa'i dngos med cing/ /bde chen ye shes zhes bya gcig pu ba/ /gcig pu'i nyams kyis du mar gar mdzad do/ /gang gis rang gi ye shes mchog bsgoms pas/ /srid pa 'ching ba ma lus kun bcad de/ /bdag gzhan nye ba'i 'tsho ba'i 'byung gnas kyis/ /mnyam med mya ngan 'das pa'i dbyings la brten/ /dpal 'khor lo sdom pa'i snying po'i de kho na nyid grub pa/ /slob dpon chen po dzA lan d+hA ras mdzad pa rdzogs so// //dpal he ru ka la phyag 'tshal lo/ /rang bzhin rnam dag gnyis kyi rgyu byas pas/ /brgyad po 'jig rten pa dang thun mong ste/ lnga nyid spang bya lnga nyid lam yang yin/ /dag byed ngo bo sems kyi rang bzhin sku/ /bsam mi khyab pa'i rtog pa rang la byung/ /bzhi dang bral te gsum du rtag tu med/ /dag byed rang bzhin dag pa'i dang du snang/ /gnyis po spangs te lnga nyid lam du bya? lnga la mi chags glang chen smyon pa 'dra/ /ku sha rlung bskyod spyod 'di bdag la gces/ /sha'u sar pa 'dra par gso pa 'di/ /kun la gces pa yin zhes ri khrod gsungs/ /ma rtogs rtogs pa'i spyod pa smyon pa 'dra/ /rtogs nas mi spyod blun po'i spyod pa yin/ /gang yang mi rtog de yi ngang la bzhag /grol bar 'gyur te de

  3. 7a

    nyid the tshom med/ /gsum po spang bar gyis shing rang la ltos/ /zhes gdams so/ /dpal lhan cig skyes pa'i man ngag /bdag byin gyis brlab pa zhes bya ba'i khrod pa chen po'i gsung/ rje mi nyag lo tsa bas bsgyur ba rdzogs so// //rgya gar skad du/ sh+rI sa ha dza saM ba ra swa tiSh+Tha naM nA ma/ bod skad du/ dpal lhan cig skyes pa bde ba'i mchog /bdag byin gyis brlab pa zhes bya ba/ /he ru ka la phyag 'tshal lo/ /kye ho sgrub pa'i snying po bde chen rang gi seMs// 'khrul pa'i dbang gis rkyen dang bcas gyur kyang/ /rgya mtsho'i chu ni dangs ma'i rang bzhin yin /rnyog ma'i rang bzhin glo bur rkyen las byung/ /ma bcos rang sar bzhag na rgyal ba'i thugs/ /'di na bla ma'i dus thabs bsten las byung ba ste/ /thabs kyi? rgyal po bya ba thams cad gtang bar bya ba'o/ /zhes ri khrod pa chen pos gsungs so/ /phyag rgya chen po'i man ngag rdzogs so// //rgya gar skad du/ /sh+rI sa ha dza saM bar swa tiShtha na nAM ma/ bod skad du/ dpal lhan cig skyes pa bde ba'i mchog /bdag byin gyis brlabs pa zhes bya ba/ he ru ka la phyag 'tshal lo/ /rnal 'byor rnam gsum zhes bya ste/ /byin gyis brlab dang rang rtags dang/ /rdzogs pa'i gzugs brnyan bsam med do/ /sna tshogs gzugs can yid du 'ong/ /yid bzhin nor bu'i gzugs 'chang ma/ /zin na dngos grub chen po 'byung/ /chos bshad nas ni dbang du bya/ /yang na ri ba'i rin gyis blu/ /shin tu gsang ba'i sgrub pa pos/ /dbang gis yongs su smin pa dang/ /lha ltar bltas la dngos grub blang/ /me long nang gi gzugs brnyan ltar/ /gsal la 'dzin med bde ba'i sku/ /nyi shu rtsa lnga yul rnams rdzogs/ /bltas dang rgod dang 'khrig pa yis/ /mkha' sbyor bde ba'i pho brang du/ /dbang gi rgyal pos gang byas pas/ /dpa' bo rnal 'byor ma kun dgyes/ /dpa' bo

Colophon

dpal lhan cig skyes pa'i man ngag bdag byin gyis brlab pa zhes bya ba ri khrod pa chen pi'i gsung /_rje mi nyag no tsA bas bsgyur ba rdzogs so/