'phags pa spyan ras gzigs ting nge 'dzin rtse gcig gi rgyud ces bya ba
Aryapalogirtiśorasamatiekatantranama
Text
ff. 251b–256a · 10 folio sides
- 251b
rgyud chen 'di la ming 'dogs zhug/ ces gsung so// kun tu bzang pos bka' stsal pa// nga yis bshad rgyu de chen po 'di// 'jam dpal ye shes 'dus par gsungs// thams cad gang yang ma spangs rdzogs// thams cad 'dus pa'i rgyud du gzung // sangs rgyas rang 'khrungs ston pas na// sangs rgyas 'dus pa'i rgyud du gzung // ye shes rang la ston pas na// ye shes khong 'char rgyud du gzung // lha bsgom spyod pa sun 'don yang // lta ba rgyal po rgyud du gzung // 'bras bu thams cad sun 'don pas// lhun grub rang chang rgyud du zung // ces gsung so// zhu ba po'i rdo rje sems dpa'// bsdud pa po'i ro langs bde bas bsdus// 'jam dpal 'dus pa'i rgyud las// mar+g+ha gyis le'u ste bcu drug pa'o// / yang ti nag po 'bras gcig pa// 'jam dpal ye shes 'dus pa'i rgyud rdzogaso// / #// 'phags pa spyan sa gzigs nyid 'dzin rtse gcig pa byung bzhugs/ rgya gar skad du// Ar+ya ba lo gi ra ti sho ra sa ma ti e ka tan+t+ra na ma// bod skad du// 'phags pa spyan ras gzigs ting nge 'dzin rtse gcig gi rgyud ces bya ba// dpal kun tu bzang po la phyag 'tshalo// 'di skad bdag gis thos pa dus gcig na// bcom ldan 'das dpal kun tu bzang po// spyan ras gzigs steng ge rnam par rtse ba dang mkha'agro rnams kyis rab tu bskor// rang byung byin brlabs ston pa'i dus byin brlabs kyis ye shes shar ba'i tshe// bstan pas rang snang shugs chod la// ting 'dzin rtse gcig rgyud pa'o// de nas mkha' gro ma nyi ma'i phreng ba yis// chos nyid brdal ba'i pho brang du// bcom ldan kun tu bzang po la// lta ba rkyen thub ji ltar lags// bsam gtan rkyen thub ji
- 252a
ltar lags// spyod pa rkyen thub ji ltar lags// gnyid log rkyen thub ji ltar lags// rmi lam rkyen thub ji ltar lags// bar do rkyen thub ji ltar lags// ye shes rkyen thub ji ltar lags// nges shes rkyen thub ji ltar lags// 'bras bu rkyen thub ji ltar lags// bag chags rkyen thub ji ltar lags// 'khrul pa rkyen thub ji ltar lags// zhes zhus pas ston pas bka' stsal pa// nyon cig mkha' 'gro nyi ma'i phrengs// nga yi khyod la bstan par bya// zhes gsungaso// ting nge 'dzin rtse gcig gi rgyud las// zhus pa dang lan gnang ba'i le'u ste dang po'o// / kun tu bzang pos bka' stsal pa// nyon cig rdo rje mkha'agro ma// lta ba rkyen thub mi thub gnyis// rkyen thub 'di ltar shes par gyis// rang snang thig le'i klong chen la// rgyu med pa la rkyen med pas// phyi nang med par lta ba'i gdengs// zang thal shar bas gnyen po med// skye med rdo rang snang ba// gnyen pos chom pa'i skabs med pas// lta ba klong chen rtsol sgrub grol// ye grol thig le rang le shar// ma byas rang sgo lta ba'i mchog/ rkyen med rnam dag 'ung chub klong // phyi nang med pa man shel 'dra// dpe zla med pas na mkha' 'dra// rgyu rkyen med pas nyi ma 'dra// thams cad rdzogs pas nor bu 'dra// lta ba lkog gyur stong nyid mkhan// nga lta sbyangs na phyi dus 'debs// sangs rgyas phyi dus mkhan po de// lta ba rkyen khar sho ba yin// rkyen thub rkyen nyid las grol ba// gnyis med lta ba rang la snang // de ni lta ba rkyen thub yin// zhes gsungaso// ting 'dzin rtse gcig gi rgyud las lta ba rkyen thub ngo sprod kyi le'u ste gnyis pa'o// // bac+doMs kun tu bzang po yis//
- 252b
rdo rje mkha' gro tshogs rnams la// bsam gtan rkyen thub bstan pa ni// bsam gtan chen po thun cig po// bsam gtan rang sgo bying rmugs sel// rang byung nyams las grol ba yi// rtse gcig ye shes nyams las grol// nyams myongs bag chags phra dog chud// phra mo'i rtogs pa rang sar dag/ yengs med pa'i rigs pa'i gdan/ byis rmugs rgod dang 'phro ba rnams// dgug pa gseng ba bya ma dgos// ye shes rang shar bying rgod kyang // rang grol 'ung chub rtse mor phyin// mthun tshad gzung du gcig bor 'dus// nyag cig rtog sgom nyams las 'das// ye shes sgom pa ma yin te// ye shes sgom du blo snang med// blo snang med pas rkyen mi thub// ngo bo blo snang rang sgo de// ye shes rang shar ting 'dzin rkyen thub min// ces gsungaso// mtha' grol rkyen gyi le'u ste gsum pa'o// / bcom ldan kun tu bzang po yis// rdo mkha 'gro 'khor bcas la// spyod pa rkyen thub bstan pa ni// rang byung shugs byung spyod pa ni// snang srid thugs phrad shes pa ni// shes rab thabs kyi spyod pa ste// byang spyod ma yin rang shar la// bzang rtogs ngan rtogs tshogasu spyod// spyod med rang shar 'ung chub dang // mnyam par shes pas yul med do// spyod pa slong len rkyen mi thub// dug lnga rang shar bde bar spyod// rang byung grogosu shar bas rkyen rnams thub// snang ba 'od gsal phyi yi rkyen thu bo yin// tshogs drug rang dag nang gi rkyen thub yin// 'gyu ba dang sangs gsang ba'i rkyen thub yin// rol pa rang grol ngo bo'i rkyen thub yin// zhes gsung so// ting 'dzin rtse gcig gi rgyud las spyod pa rkyen thubs kyi le'u ste bzhi pa'o// // bcom ldan kun
- 253a
tu bzang po yis// gnyid log rkyen thub bstan pa ni// nyon cig rdo rje mkha 'gro ma// lung ma bstan gyi gnyid dang ni// de nyid gnyid kyi rtsa ba'o// rtsa ba'i gnyid ni 'di lta ste// thog mar rang lus grub tsam na/ mdzod spu'i sgo ru bag chags gnyis// ma yi shes rab de yi rtsa// 'gyur ba'i shes pa bying bar byed// gnyid kyi gdams pa de ltar shes// gnyid log rtogs pa med pa yin// lhun gyis grub pa'i spyan yin pas// gnyis de thig la'i klong du grol// thig le stong pa ngo sbrang na// gnyid log rkyen thub zhes bya'o// lung ma bstan gyi gnyid dag na// gti mug ma tog shes pa bag la zha// yis ma shar 'khrul par mi snang bas// lung du mi bstan rang grol mi shes pas// gnyid log lam byung rmis pa gsum// rmi ba 'khrul pa bag chags yin// 'khrul pa'i ngo rgyu rang shar yin// gnyid kyi gzhi ma mdzod sgur log/ rtsa yi rgyal po shel gyi sdug pa can// khrag gi drod dang thig le rlung // de gsum 'dus pa gnyid kyi rgyu// rtsa de snying la zug pas nas// ngo rang bzhin thugs rje yis// 'khrul pa'i ngo 'gyu ba rang shar yin// 'gyu ba'i gsang lam 'gyu nas ni// mdzod bur gnyid ni 'phebs pa ni// snying / rmed khrag go r+N+Na dang na/ b+h+ring sto thog la na da na/ rlung shin+da gastsu gnas// lpak+ka ke ya~M nAng ma / TIg 'i snong du gyu ba lag pas ma gtan dus rbA nA mamam// spyir ba yis chung rdu / sprad pas// gnyis med thig le rang grol bas// gnyid log rkyen thub ces bya'o// zhes gsung so// bsam gtan rtse gcig gi rgyud las// gnyid thig le rang snang gi le'u ste lnga pa'o// / bcom ldan kun tu bza
- 253b
bo yis// rmi lam rmis pas rkyen thub bstan pa ni// nyon mongs rdo mkha 'gro ma// lam ni mdzod spu gsang sgo yin// shes rab ye shes rlung gi lam mi snang // rmis pa rnams pa bzhi yin te// bag chags gnyid ni mthun pa'i rmi lam yin// 'khrul pa'i gnyid ni dang po'i dus nas ldang // mtshams sbyor tshe lnga'i gnyid rmi'o// yis gnyid kyi ngo spang rkyen thub pa// 'khrul ba gnyis ni yis rlung gis grol// bag chags rmi ba rang byung ye shes kyi// chags pa rang byung chen por sprod// ye shes rmas pa ring chen rlung dang spong // shes rab rlung ste ye shes zangs thal rlung // bag ni thig le dkar dam ro// chags pa gyu ba'i thig le la// de nas rang byung rkyen las grol// zhes gsung so// bsam gtan rtse gcig gi rgyud las rmi lam rmis pa rkyen thug pa'i le'u ste drug pa'o// // bcom ldan kun tu bzang po yis// bar do rkyen thub bstan pa ni// nyon cig rdo rje/ mkha 'gro ma// dran pa bzhi po rkyen thub pa// mngon shes drug dran rjes dran drug/ bar ma do yi 'od snang de// rang 'od rang snang rkyen thub yin// 'gyu ba ye shes rlung yin pas// yis rkyen thub ces kyang bya// yid 'jug shes rab ngo sprod pa// ngo spong rkyen thub zhes kyang bya// bar do yin pa dran pa dang // tshe 'phos pa ni dran pa dang // 'gro drug rang snang dran pa dang // kun bzang rang sa dran pa'o// mngon shes drug ni 'di lta ste// 'gyu ba'i spyan gyi snga phyi mthong // bar do 'od kyi snang ba mthong // dag sdig las kyi 'bras bu mthong // ngo sprod thangs yang mthong // rigs mthun dag pa'i lha mi mthong // 'byung po mi min 'jig rten mthong // spyir ni 'gro drug long skur
- 254a
@mthong // rjes dran drug ni 'di lta ste// rnam par shes pa 'gag pa dran// 'byung ba lnga po nub par dran// rang gi srogs dbugs sdud chang dran// bar do lus po med pa dran/ 'gyur ba srogs rten med pa dran// bla ma'i ngo spyong gdams pa dran// dran pa drug po rang snang bas// sangs rgyas sa las mi 'da' bas// ro ngo rkyen thubs ces bstan to// zhes gsung so// rtse gcig zang thal gyi rgyud las rmi lam smis pa rkyen du ba dang bar sbyar ba rkyen thub kyi le'u ste bdun pa'o// // bcom ldan kun tu bzang po yis// rdo rje mkha' 'gro 'khor bcas la// ye shes rkyen thub bstan pa ni// ye shes ye shes khyad par che// ye shes zang thal rkyen med de// 'byung ba lnga po ye shes lnga// chags sdung med pas yis 'jig/ gnas dang stobs pa'i rkyen thub yin/ phung po sgo lnga yis lnga// rang byung ye shes kho na la// skye rgas na 'chi bzhi po las// rkyen thub par dor gdod nas dag/ dug lnga ste shes lnga ru snang // rang snang yis 'phel sgrib med// chags sdang rkyen thub rang snang gsal// rang byung rtsa ba lnga yis lnga// kha dog lnga las grub pa'i rtsa// dbus mthong g.yas dkar g.yon dmar ba// mdun dang rgyab ni ser dang ljang // smyung balnga yang ye shes lnga// gsal byed spyan sngas rab tu mdzes// shel gyi sbu gu zhes kyang bya// longs sku 'ong gsal zhes kyang bya// tshangs pa'i skung ba zhes kyang bya// ye shes rgyu srang zhes kyang bya// gsang ba'i lam chen de yin/ de yi nang na 'das pa lnga// mu tig dkar po dri ma med// ra ga dmar po shin tu gdangs// gser 'dra ser po yon tan rgyas// bai dur mthing khe 'gyur med ston// ni la ldeng khu rab tu 'phro// tshangs pa'i skud pa'i nang na
- 254b
gsal// rin chen sna lnga las grub pa'o// ye shes khong na chos min te// gsang ba'i ye shes rkyen thub yin// bar chad med pa'i rgyun chad med// byed pas ma byas 'du byas min// ye shes rgyun chad med pas rkyen thub po// rkyen med ye shes rang snad ces// zhes gsung so// ting 'dzin rtse gcig gi rgyud las// ye shes rkyen thub kyi le'u ste brgyad pa'o// // bcom ldan kun tu bzang po yis// mkha'agro ma yi tshogs rnams la// nges shes rkyen thub bstan pa ni// bzhi nges sangs rgyas bzhi ru shes// lam nges bzhi shes chos kyi mchog/ 'bras bu bzhi 'das ngo shes phyir mi ldog/ rgyu med rang shar nges shes rang byung ba// lta ba rang lta snang srid nges shes ltas// sgom pa de shes phyogs ris med// spyod pa nges shes rang byung rgyu rkyen med// 'bras bu nges shes mi ldog rangs non// skye mod nges shes snang srid rang byung bas// rang byung ye shes rang la shar// ma rig rang byung / gzung 'dzin kho nar 'bar// gzhi ru nges shes gnyis med zang thal yin// lam du nges shes gzung 'dzin lam du slong // 'bras bu nges shes gzung 'dzin ye shes grol// ye shes rkyen thub gzung 'dzin dkar nag dang / ces gsung so// ting 'dzin rtse gcig gi rgyud las ye shes rkyen thub kyi le'u ste dgu pa'o// // bcom ldan kun tu bzang po yis// rdo mkha' gro 'khor bcas la// 'bras bu rkyen thub bstan pa ni// phyi dang nang dang gas ba gsum// de la phyi yi rkyen thub bstan pa ni// phyi yi 'bras bu 'byung ba lnga// rang snang longs sku rgyun chad med// lha mo lnga la skye shi med// phyi yi 'bras bu rkyen thub yin// nang gi 'bras bu phung po lnga// dbyer med chos sku rgyun
- 255a
@#chad med// ye shes lnga la skye 'chi med// nang gi 'bras bu rkyen thub yin// gsang ba'i 'bras bu chags sdang lnga// rang byung ye shes rang rigs dang // lhag mthong nyid dang thams cad mkhyen// ye shes// lnga la rgyun chad med// de ni gsang ba'i 'bras bu yin// yang gsang 'bras bu rtswa lnga la// rlung dang thig le rtsa dang ni// lhan cig skye ba'i ye shes dang // thig le chos min 'du 'bral med// 'du 'brul 'bras bu'i rkyen thub yin// 'du 'bral med pa 'bras bu'i mchog/ rgyun chad med pas rkyen thub yin// bar chad med na 'bras bu rgyal po yin// phyir mi ldog na 'bras bu'i nges pa yin// zhes gsungaso// ting nge 'dzin rtse cig gi rgyud las 'bras bu rkyen thub kyi le'u ste bcu pa'o// // de nas kun tu bzang po yis// bag chags rkyen thub bstan pa ni// bag chags rnams pa gsum yin te// thogs ma'i 'od kyi bag chags dang // bar du lus kyi bag chags dang // tha ma 'khrul pa gnas skabs bag chags gsum// thog ma'i 'od kyi bag chags de la ni// rang byung rang la shar bas rkyen thub po// 'gyur ye shes gsal babag rkyen thub// bar du/ lus kyi bag chags// rang lus chos sku'i bge rkyen thub// chags par rang byung shes pas bag chags thub// tha ma 'khrul pa gnas skabs chos// chos nyid ye shes gyur nas gnas rkyen thub// rang rkyen rang la shar bas chags pa med// gnyis med rang la shar bas bag rkyen thub// bag chags rkyen khar mi snang ye shes gsal// bag chags rkyen thub srid pa rang byung sel// zhes gsung so// ting 'dzin rtse gcig gi rgyud las 'bras bu rkyen thug
- 255b
kyi le'u ste bcu gcig pa'o// / bcom ldan kun tu bzang po yis// 'khrul pa rkyen thub bstan pa ni// thog ma 'khrul pa rlung gis 'khrul// bar du 'khrul pa chags sdang 'khrul// tha mar rang snang 'od la 'khrul// lhun grub ma ning 'khrul pa'i dbang // rlung gi thams cad grub pa yin// 'bras bu 'khrul pa sna tshogs smin// rlung de'i ye ye shes pa de// mi 'gags pa la rlung zhes bya// rang lus rlung dkyil 'khor ni// rtsa lnga tshangs pa'i rgud pa la// rlung rgyu rlung la drod yod pas// tshangs pa'i skar khungs rlangs pa de// nyin zhag gcig la brgyad khri bzhi stong rgyu// chos nyid me long gsal ba na// rlung gi 'gag med gsal bar rgyu// stong ni mya ngan 'das pa'i rlung // shes rab dag la rgyu ba'o// slang na 'khor ba dag gi rlung // thig le dkar dmar gnyis la rgyu// lte ba rlung gi 'khor lo na// ngan 'grogs gsum gyi sgo yang yod// lte ba kha chos kyi 'khor lo na// mtho ris gsum gyis sgo yang yod// theg dgu sgo dgu stong na gsum// thegs gsum spyan gsum dgA la snang // theg gcig mig gcig dri ma med// mdzod bu rang gsal sgron me yang // de la ngo spyod 'khrul pa rkyen thub yin// ngan 'gro sgro gsum dkar dmar dang // dri chen sgro ru byung ba yin// dkar po dmyal ba dmar po yi dwags sgo/ bshangs kha byol song sgo yin no// pho dang mo la gsum kha tshangs// dus tshod 'byung bas rang byung yin// zhes gsungs so// spyan ras gzigs ting nge 'dzin rtse gcig gis rgyud las 'khrul pa rkyen thub
- 256a
kyi le'u ste bcu gnyis pa'o// / ston pa kun tu bzang po'o// sdud pa po spyan ras gzigs seng ge rnam par brtse ba// zhu ba po mkha' 'gro ma nyi mA'i phreng ba// spyan ras gzigs ting nge 'dzin rtse gcig gi rgyud chen zhes bya ba 'khor mkha' 'gro ma la rab tu btang ba'i le'u ste bcu gsum pa'o// rtse gcig gi rgyud chen po rdzogs so// /