sh+lo ka sum stong lobs pa'i gzungs
Text
ff. 132a–132b · 2 folio sides
- 132a
sgyu ni rnam par spangs// rtag tu sangs rgyas rnams kyang mthong // mtshan rnams 'di dag 'dzin byed pa// lha dang dri za kla dbang dang / mkha' lding lha min gsang ba po/ rtag tu de la bsrung bar byed// gzugs dang mtshan ni phun tshogs// nor chen khyim du skye bar 'gyur// sems can kun la sbyin byed pa// dpa' zhing stong phod ser sna med// bskal pa bye ba brgya stong por// lha'i tsan dan dmar po dang // shin tu dri zhim spos kun gyis// spos dang de yis kha nas 'byung // mtshan rnams 'di dag 'dzin byed pa// bskal pa bye bar sgra skad ni// tshangs pa'i dbyangs dang ldan par 'gyur// rtag tu chos rgyal tshul dang ni// mtshan rnams 'di dag 'dzin par byed// rin chen snang bdun pad ma 'dab// bye ba stong phrag mang yod las// 'byor chen de skye lha gzugs ldan/ mtshan rnams 'di dag 'dzin par byed// de ni pha ma spun sdug dang // skyo bo dag ni tshogs rnams dang // 'bral bar 'gyur ba mi mthong ngo // drang srong chen
- 132b
po rnams kyis mtshan// bud med kyis ni bzung byas na// bud med lus la ma chags nas// skyes pa blo gros ldan par 'gyur// mi'i lus ni thob gyur nas// bla na med byang chub thob gyur te// chos kyi 'khor lo rab bskor nas// 'dod pa ji bzhin mya ngan 'da'// mtshan rnams 'di dag 'dzin byed pa// de'i lus la mtshon dang ni// dug dang me dang / rgyal po dang // g.yon can rnams kyis mi tshugs so// mtshan rnams 'di dag su 'dzin pa/ de'i sems la nams kyang ni// dpung dang gzhon par bcas pa yi// bdud kyis glags rnyed mi 'gyur ro// 'di de dag gi mtshan 'di rnams// mi gang 'dzin par byed pa de// zhing ni bye ba bsam yas par// nam mkha' la ni 'gro bar 'gyur// sangs rgyas bstan pa rnams mchod nas// 'jigs pa med par zhu ba zhu// de dag de yi bsam mkhyen nas// rgyal ba de dag lung bstan 'gyur// sangs rgyas mgon po de dag las// lung bstan pa ni thob gyur nas/
Colophon
sho lo ka sum stong lobs pa'i gzungs rdzogs s+ho/