rDzogs chen - Man ngag sde/sPyi ti'i skorAll versions of this work

rin po che bcud kyi yang snying thog ma'i gras thag gcod pa spros pa gcod pa rtsa ba'i rgyud

Ratnasaupahridayaadiantachedasrabanacachadamulatantra

Text

ff. 28b–35a · 14 folio sides

  1. 28b

    snang srid kha sbyor bdud rtsi bcud thigs 'khor ba thog mtha' gcod pa'i rgyud kyi rgyal po phyi ma'i phyi ma rdzogaso// // skyon slob dpon pad+ma 'byung gnas dang bod kyi lo tsa ba ska ba dpal brtsegs kyi bsgyur ba'o// lha sras khri srong lde btsan la btang nas rin po che'i gter du swa so// gter rgya// sbas rgya/ gtad rgya// sa ma ya/ mnga' bdag nyang gi gter ma'o// rin po che bachung kyi yang snying thog ma 'gros gtsang ba spros gcod rtsa ba'i rgyud bzhug so// / rgya gar skad du// rat+na sa u pa hri da ya A di an ta tshe da sra ba na tsaM tsha da mu la tan tra// bod skad du/ rin po che bcud kyi yang snying thog ma'i gras thag gcod pa spros pa gcod pa rtsa ba'i rgyud/ bcom ldan 'das dpal kun tu bzang po la phyag 'tshalo// 'di skad bdag gis rtogs shing bshad pa'i dus gcig na// ye shes kyi klong / ma bris pa'i dkyil 'khor mtha' dbus med pa'i gnas/ rin po sna tshogs kun tu 'bar ba'i gzhal yas khang na/ ston pa'i rgyal po mtshon 'das dmigs med dang / ston pa'i rgyal po bsam med brjod 'das pa dang / ston pa'i rgyal po sems nyid kun bzang gsum// 'byed pa med pa'i tshul gyis bzhug so// 'khor gyi tshogs kyang 'di lta ste/ brtsal snang mtshan nyid lta bu'i khor dang / shugs 'thung rig pa bsam gyis mau khyab pa'i 'khor dang / yid sems rtog tshogs bsam 'das kyi 'khor te/ de gsum ni rang bzhin bzhi'i 'khor ro// gzhan yang 'khor gyi tshogs 'di lta ste/

  2. 29a

    @rang bzhin gyi 'khor dang / 'dod pas bsdus pa'i 'khor ro// rgyu'i byang chub sems dpa' dang / lam gyi byang chub sems dpa' dang / 'bras bu'i byang chub sems dpa' dang / de la sogs pa dang thabs cig tu bzhugaso// de nas rdo rje sems dpa' sems nyid kun tu bzang po la 'di skad ces gsol to// gsung gi sangs rgyas thams cad kyis// rgyu'i don rnams mthar phyung nas// rgyu dang rkyen gyi ma skyed pa'i// 'bras bu'i theg pa mi gsung ba// thugs rje'i theg pa mi mnga' 'am// sku'i sangs rgyas thams cad kyis// lam gyi don rnams mthar phyung nas// byar med 'bras bu mi gsung ba/ thugs rje'i mkhyen pa yal lam ci// thugs kyi sangs rgyas thams cad kyis// 'bras bu'i theg pa mthar byung nas// rgyu 'bras 'das pa mi gsung ba/ 'gag med thugs rnga mi 'char ram// rin chen lta bu'i skal ldan la// rgyu 'bras 'das pa'i gsung sgo phye// ces zhus pas/ de nas sems nyid kun bzang gis/ 'dus pa'i 'khor la bka' stsal pa// gsung gi sangs rgyas thams cad kyi// ye shes rang bzhin khyod yin pas// ma 'gag rtsal snang ye shes shar// sku'i sangs rgyas thams cad kyi// ye shes 'od gsal khyod yin pas// chos rnams byang chub sems la gnas// thugs kyi sangs rgyas thams cad kyi// ma g.yos ye shes dang ldan pa// ye shes rin chen 'od du shar// don cig yon tan kun gyi bdag/ rin tshan 'od 'bar thabs kyi sgor// yang snying bcud kyi don ldan pas// rtsol med

  3. 29b

    ye shes ngo sprad kyis// rin chen bcud kyi yang snying la// tha snyad brjod pa'i tshig bral yang // ma rtogs pa la mtshon pa'i phyir// gsung gi brjod pa gsal ba yin// mun khung sgron me lta bur bshad// rang bzhin ngo bo thugs rje gsum// ston pa phun sum tshogs pas bshad// 'das dang ma byon da lta gsum// dus kyi phun sum tshogs par bshad// thams cad bsdud dang khyad par 'phags// khang bzang sprul pa bzhugs pa gsum// gnas kyi phun sum tshogs par bshad// rang rgyud 'brel dang don gyis cig/ 'dod pas bsdus pa'i 'khor rnams ni// 'khor gyi phun sum tshogs par bshad// cig dang 'brel dang gtan la phebs// ma tshang dbye dang dgos pa tshang // rgyud kyi phun sum tshogs pa'o// rin chen bcud kyi yang snying 'dir// chos rnams ma lus kun 'dus te// sna tshogs bsam yas sems la 'dus// sems nyid smra bsam brjod med pas/ ci yang ma yin byang chub sems// rtsis gdab blo dang bral ba yi// lta ba yin par spros pa chod// ye shes rgyud las par mi chod// don la gzhan du ma bkol ba// g.yo 'gul med pa'i dgongs pa ni// / dgongs pa yin gyi spros pa chod// bya ba'i spyod pa rnam dag cing // thang bya dor rgyu med pa dang / byar med gang la'ang chags zhen med/ spyod pa yin gyis smos pa chod// ye shes dri ma med pa la// rang la yod rtog 'du 'bral med// re ngogs blo dang bral ba ni// 'bras bu yin gyi spros pa tshong// ye shes gang du rgya ma chad// thams cad 'thung ba'i gzhir gyur pa// gzhi mo yin gyis spros pa chod// thams cad kun tu ma bsgrib pa'i/

  4. 30a

    ye shes dang du snang ba yin// ye nas yin par spros pa chod// rtog pa gzhan gyis bsgrib du med// snying po yin gyis spros pa chod// rtog pa gzhan la rag ma lus// sgom med yin gyi spros pa chod// 'dod pa'i don 'thung rin po che// yon tan yin gyis spros pa chod// 'khor ba rtsad bcang mya ngan 'das// 'khor 'das med kyis spros pa chod// rin chen bcud kyi yang snying 'di// rang snang nyi ma lta bur gsal// sgrib pa med kyis spros pa chod// gsal byed rin chen snang ba 'di// mtha' yas sems can thams cad la/ khyab par gnas kyis spros pa chod// rin chen snang ba rang 'bar 'di// 'gro ba'i thams cad 'das gyur kyang // 'gro ba mos ba la gnas na// gting ltar mi gsal rin po che// rtog med yin gyis spros pa chod// rin chen bcud kyi yang snying bar// gzhi gnas ma bcos lhun gyis grub// gsal med dang gzhag bsgom med dang // bsam du med kyis spros pa chod// bde chen me tog 'gyur ba bral// yid la mi byed snang ba dag/ rtsis gdab med kyis spros pa chong// ye shes rin chen ma 'gags gsal// rtsal snang yin gyis spros pa chod// dbang po rab yin rgyal ba'i thugs// 'gro ba kun la rang bzhin gnas// mthong ba log pas gzhan med kyang // sangs rgyas log nas ma rnyed pas// rang sangs rgyas kyi spros pa chod// chos nyid sku la 'gyur ba med// rang rig bde ba chen po'i ngang // rgyu la mi gnas spros pa chod// kun gyis brjod byed sems kyis dbyings// rang rang mos pas sems kyis rtogs// sman pa'i 'dod pa re shig tsam// snying po'i lam la 'dod pa bral// rig pa'i rtsal

  5. 30b

    bas bcas pa yin// yid la mi byed rang bzhin gnas// thams cad spyir snang rang bzhin gyis// rang snang chen por spros pa chod// yid la byar med spros pa chod // sems la bzhag med spros pa chod// ces gsungaso// rin chen bcud kyi yang snying spros gcod rtsa ba'i rgyud las// gleng bzhi phun sum tshogs pa'i le'u ste dang po// // de nas yang sems nyid ston pa kun bzang la// rdo rje sems dpas 'di skad zhus// sems can sang+yas nyid kyi gzhi// thog ma'i gnas lugs ji ltar lags// zhes zhus pas/ kun tu bzang pos bka' stsal pa// thog mtha' med pa'i bar don// ma phyed mi phyed snying por mnyam pa nyid// rang bzhin yongs le khyab pa'i stong par na// ye nas yongasu bkod pa'i gzhal yas khang // ma skyes ma 'gag ka dag lhun grub dbyings// ma mtshon mi mtshon mtshon min kun khyab te// smra bar ming brjod me de mtshon pa med// bstan med ston byed nyan po/ med// ming med rtags med dngos po med// grub med rtsal med smon pa med// blang med dor med dgag sgrub med// snang med srid med skye ba med// yul med sems med phye ba med// bdag med gzhan med gnyi su med// dgra med gnyen med phyogs ris med// bde med sdug med gnyis ka med// rig med 'gyur med sems dpa' med// dbus med mtha' med phyogs mtshams med// gsal dang mi gsal dbye ru med// shes med rang gnas rtogs pa med// 'di zhes bya ba bstan pa na// kun tu bzang pos mtshon brjod med// mchog tu gsang ba'i snying po 'di// rna dbang gzhan la thos mi 'gyur// de bzhin lce'i dbang pos kyang // de la brjod/

  6. 31a

    rdul tsam med// tshogs bdud yul min+d+ra snying po de// yongs la khyab la snying po yin// chags med cir yang snang ba 'di// ma 'gags rtsal gyi snang ba rnams// ma bkol chos sku'i klong du zhim// yan lag snying po'i ngang thim nas// snying po yan lag 'phrad pa yis// gnyis med chos sku chen por 'gyur// ma rig log nas rgyu bsangs pas// rin chen chos sku rang sangs rgyas// ma rig 'khrul sangs ye shes rgyas// gnyis 'dzin rten med rang sangs pas// 'dzin med rtog med 'gyur med rgyas// bya ba'i cha sangs byar med rgyas// shugs las thog mar ye sangs rgyas// thog ma'i sangs rgyas zhes bya'o// tsas gsungaso// bzhi'i gnas lugs dang kun bzang ye sangs rgyas par bstan pa'i le'u ste gnyis pa'o// // de nas sems nyid kun tu bzang po la// rdo rje sems dpas 'di skad gsol// rang bzhin gzhi ru mnyam pa la// kun bzang rtsal med ye sangs rgyas// khams gsum sems can ji ltar 'khrul// ces gsol pa dang / kun tu bzang pos bka' stsal pa// ye nas yongs khyab kun gzhi brjod// snying po rang bzhin g.yo med la// snang tshul rgya chad med pa yi// rtsal snang zer rig ma 'gags pa// 'gyu bas rlung g.yos yid rig 'gyur// zer las 'od kyi tshul du shar// log thabs ma shes ma rig pa// gnas 'dod ma shes don ma rig/ de phyir ma rig mun par gsungs// 'gru ba rlung gis rgyu byas nas// sgribs g.yogs mun pas bar bcang // ma rig 'khrul sgo rkyen du shar// sus kyang byas pa ma yin te// rang dam shugs las g.yos pa yis/

  7. 31b

    yid kyi 'khor lo gsum du 'khrul// ngo bor rang sa ma zin par// rig pa'i ngo bo skyes pa yis// kun tu 'tshol ba'i yi du 'khrul// rang bzhin rang sa ma zin pas// de las yi du 'gyus pa yis// gtan la 'bebs ba'i yid la 'khrul// thugs rje rang sa ma zin par// de las semasu btag pa yis// nges par 'jog pa'i yi du 'khrul// 'khor lo gsum du 'khrul pa yis// rig pa'i gzugs dang 'od kyi gzugs// sha'i gzugs dang gsum du byung // rig gzugs rten du med pa yis// yid sems phya sangs khyer nas ni// phyogs mtshams kun tu rgyu ba yin// ma yin pa yin chags zhe na skyes// de yis mngal gyi kha sgor chung pha rgyung zhe sdang rgyu su smin// ma rgyus 'dod chags khrag du smin// dug gsum rgyu las las lus ngag yid// rgyud par rims 'khrul 'bras bur smin// med par blo bur 'khrul pa dang // dngos po rkyen snang gsum du 'khrul// pha mar snang ste pha mar btags// pha mar gzung la pha mar zhen// bu tshor snang bas bu cher btags// bu tshar gzung bas bu tshar zhen// yul dang nor snang yul nor btags// yul nor bzung bas yul nor zhan// snang btags bzung zhen 'khrul pa las// snad sring thad de las 'khrul// med par yong gzung med sems kyis// rmi lam tshul du sdug bsngal myong // khams gsum 'gro drug de yi 'khrul// skra rgas na 'chi'i sdug bsngal dang // mong pa btsal gyi mi steng sdug/ yod pa shar gyi ngogs pas sdug/ sdang ba dgra dang 'phrad kyis dogs// byams pa gnyen dang bral gyi dog/ sems la zhe 'dod sdus

  8. 32a

    @bsngal dang // snang ba phyogs ris sdug bsngal dang // de sogs 'bum phrag gsungs pa rnams// sus kyang ma nyes rang shugs yin// dper na srin gyi kha chu dang // bur pa bal du 'thums pa 'dra/ rang las byung nas rang nyid 'khrul// mtho yor mi min mi ru bzung // thag pa sbrul med sbrul du gzung // smig rgyu chu min chu ru bzung // dpe yis bstan pa de bzhin du// med par yod bzung sprul pa yin// de sogs 'khrul snang sdug bsngal rnams// las dbang rang rkyen yin mod kyis// gzhi la med par spros pa chod// dper na ha la nag po'i dug/ ma shes zos pas 'chi bar 'gyur// dug tu ngo shes za mi srid// thabs dang sngags ldan dug ngo shes// de zos mi 'chi sman du 'gyur// de bzhin 'khrul pa dug lnga rnams// gzhi la med par rtsad chod pas// 'khrul med ye shes rnam par dag/ mun rum nang nas nyi shar bzhin// mun pa ma sangs 'odu gsal// ye shes rin chen nyi ma shar// ma rig 'khrul pa'i mun pa sangs// 'khrul snang ma sangs 'od gas la shar// ma rig 'khrul pa thams cad spangs// ye shes mkha' gsal 'khrul med rgyas// 'gyur med sangs rgyas chos skur 'gyur// skye med dbyingasu mngon sangs rgyas// 'khrul pa ma sangs rtsa nganas chod// 'gyur ba med par rgyas thob la// bsam med brjod med da byingasu sdod// 'khrul snang thams cad chod pas na// khams gsum 'khor ba phyag mas btab// mya ngan 'das pa'i zhing khams la// sangs rgyas thams cad tshe skur snang // ces gsungaso// rin po che bcud kyi rang bzhin spros gcod rtsa ba'i rgyud las// sems ji ltar 'khrul ba dang / de'i rtsad

  9. 32b

    gcod thabs bstan pa'i le'u ste gsum pa'o// / de nas ston pa kun bzang la// rdo rje sems dpas 'di skad gsol// sems sde ji snyed yod pa rnams// de'i spros pa ji ltar bcang / ces gsol pa dang kun tu bzang pos bka' stsal pa// sems sde'i spros pa bcad pa ni// ngo bo cir yang gzung med las// mtshan nyid cir yang 'char ba yi// sna tshogs dngos meng gsal 'das te// ma bcos ma slad ma spad par// mthar 'dzin ci yang sems dpa' med// de bzhin nyid du spros pa chod// spos tshod rtsa ba'i rgyu las// sems kyi spros pa bcad pa'i le'u ste bzhi pa'o// // de nas sems nyid kun bzang la// rdo rje sems dpas yang zhus pa// chos sde ji ltar yod pa rnams// de'i spros pas gang du gcad// ces zhus pas// kun tu bzang pos bka' stsal pa// brgyad khri bzhi stong theg pa rnams// chos kyi sde mtshan thams cad kun// mtshan nyid ci yang ma yin pas// 'di zhes bstan du med pa la/ bsha du med pa mang pos bshad// mang ba ma yin bstan du med// gdul rgyu cig las med pa la// bshad pa mang pos gol bar bshad// dpe la don nyid ma shor ba// don la dpe nyid ma lus te// sems dang cho su dbyer med par// sems chos nyid med 'dres tsam na// chos kyi rnam grangs ji snyed rnams// nyan bshad bsam dang shesu med// bstan du med par spros pa chong // spros chos rtsa ba'i rgyud las// chos sde'i spros pa gcod pa'i le'u ste lnga pa'o// // de nas sems nyid kun bzang la// rdo rje sems dpas yang zhus pa// rgyud sde ji snyed yod pa rnams

  10. 33a

    @#/ de'i spros pa ji ltar bcad// zhes zhus pas/ kun tu bzang pos bka' stsal pa// gzhi rgyud lam rgyud 'bras bu'i rgyud// de sogs rgyud sde ji snyed rnams// sems rgyud gnyi su med par 'brel// rgyud zhes gzhan du ma bkod la// sems zhes gzhan du ma bzung bar// dbye gsal med par dbyer med rgyud// rtsis gdab med pas bsam med rgyud// dgag pa med pas byar med rgyud// rgyud kyi rnam grangs ji snyed rnams// yid la byar med spros pa chod// sems la bzhag med spros pa chod// rgyud kyi rgya spros gcod pa'i le'u ste drug pa'o// / de nas sems nyid kun bzang la// rdo rje sems dpas yang zhus pa/ dbang sde ji snyed yod pa rnams// de'i spros pa ji ltar bcang // ces zhus pas// kun tu bzang pos bka' stsal pa// dbang gzhi dbang ni bco brgyad ste// dbang ste ji snyed yod pa yi// de'i spros pa ji snyed rnams// / kun gzhi spyi bsdud sems nyid kyis// dbang sems gnyi su med par 'brel// gnyis med cig tu 'dres tsam na// dbang ni chos sku skye 'jigs med// sku ni 'pho 'gyur med par bskur// thob ni 'gyur med snying po thob/ dbang ni snang srong sems dbang // bskur ni dbye gsal med par bskur// thob ni rtsis gdab med par thob// dbang ni dngos med byang chub sems// bskur ni bsam du med par bskur// thob ni g.yo rtsal med par thob dbang ni lus ngag bsam la dbang ka/ bskur ni bya brtsal med par bskur// thob ni sku gsum 'gyur thob// de sogs dbang gi sde mtshan rnams// yid la byar med spros pa tshod// ces gsung so// dbang gi

  11. 33b

    de'i spros pa bcad pa'i le'u ste bdun pa'o// / de nas sems nyid kun tu bzang po la// rdo rje sems dpas 'di skad zhus// klong sde ji snyed yod pa rnams// de'i spros pa ji ltar bcas/ ces gsol ba dang / kun tu bzang pos bka' stsal pa// klong gi sde rnams ji snyed kun// kun gzhi mkha' klong yangs par 'dus// 'pho 'gyur med pa'i klong chen du// skye 'gag med par thams cad 'dus// byang chub sems kyi klong chen du// sgra bsam brjod med skye ba med// ka dag dbyingasu spros pa chod// gang yang yid la byar med pas/ blo las 'das pa'i spros pa chod// chos nyid klong yang klong chen du// sems la bsam sgom spros pa chod// mkha' gting med de'i klong tshan du// rtsis gdab byar med spros pa chod// spos chos sde lnga de la bya// klong sde'i spros pa gcod pa'i le'u ste brgyad pa'o// / de nas sems nyid kun bzang la/ rdo rje sems dpas 'di skad gsol// spros gcod sde lnga de ltar na// lha sgom spyod 'bral man ngag rnams// spros pa ji ltar gcad par bya// ces zhus pa dang / kun tu bzang pos bka' stsal pa/ lta ba brgyad khri bzhi stong rnams// lha yul lta mkhan med pa yis// rtag zhan med par spros pa chod // sgom pa'i rnam grangs ji snyed pa// sgom yul sgom mkhan med pa yi// yid kyi ma bzung ma yengs pa// blo yi ma bcos ma bsam ste// dmigs med rtog pa med pa yi// 'gyur med klong du spros 'chod// spyod pa bya med thams cad kum/ gang yang bya ba btang la ni// lus ngag yid gsum bya btsal med// gang sdang yul la chags

  12. 34a

    @zhen bral// sgro lnga btsal snang sems mi 'jug/ ma chags ma zhen bung ba bzhin// chags zhen rtsol sgrub mtha' dag bral// byar med klong du spros pa chod// 'bras bu ji skad yod pa rnams/ yid smon 'bras bu ngas ma bshad// snying po'i klong nas ye shes shar// gzhi rtogs rang sar nyid thim// dbyer med cig 'dres snying bu'i sku// skye med so zin snying po'i klong // 'khrul pa rtsa chod rang sar grol// brjod med klong du gyur pa yis// skye ba med par rgya yis thebs// sku gsum 'du 'bral med pa yis// rang gnas klong du spros pa chod// man ngag ji snyed yod pa kun// dran pa bzhi 'gyur nges ma bshad// gzhir 'dzin med pa'i man ngag 'di/ spros pa'i mtha' la ma zhen pa// 'dzin sems med par spros pa chod// gzung 'dzin med par spros pa chod// dgag sgrub med par spros pa chod// dbye gsal med par spros pa chod// rtsis gdab med par spros pa chos// yid la ma 'gyus spros pa chod// rig pa rig med spros pa chod// blo yi ma bcos spros pa chod// shes pas ma phye spros pa chod// sems kyi bsam med spros pa chod// lus kyi byar med spros pa chod// ngag gi sgra med spros pa chod// yid kyi g.yo med spros pa chod// g.yo rtsol med par spros pa chod// 'pho 'gyur med par spros pa chod// skye ba med par spros pa chod// 'gag pa med par spros pa tshong // skye 'gag gnyis spros pa tshong // de sogs cir snang rtsol sgrub kyi// mtha' las 'das par spros pa chod// don gyi spros gcod rnams la bshad// ces gsung so// spros gcod rtsa ba'i

  13. 34b

    rgyud las// don gyi spros pa gcang ba'i le'u ste dgu pa'o// / de nas ston pa kun bzang la// rdo rje sems dpas yang gsol pa// rgyud kyi mtshan nyid ji ltar bzung // mtshan gyi rnam grangs ji ltar btags// ces zhus pas// kun tu bzang pos bka' stsal pa// dgos 'dod ma lus 'byung ba'i phyir// nor bu rin po che yi rgyud// dus gsum rgyal ba'i thugs kyi bcud// sems nyid bcud kyi rgyud yino// chos rnams kun gyi yang snying 'dus// yang gsang snying po'i rgyud yin no// chos rnams rtsa ba gcod pa'i phyir// spros gcod rtsa ba'i rgyud du gsungs// ces gsungaso// rgyud kyi sde mtshan bstan pa'i le'u ste bcu pa'o// / de nas kun tu bzang po la// rdo rje sems dpas 'di skad gsol// rin chen bcud kyi yang snying mchog/ spros gcod rtsa ba'i rgyud 'di ni/ gtang ba'i gang zag gang la gtang // ces zhus pas// kun tu bzang pos bka' stsal pa// dper na seng ge'i 'o ma 'di// snod ngan phal la bstan gyur na// rang gzhan gnyis ka phung bar 'gyur// rgyud ngan ser snas bcings pa dang // nga rgyal rdeg pas khengs pa dang // mu chor smra zhing mkhas 'dod dang // man ngag bsgrub byar mi sems par// lag tu thogs nas zong du che// de lta bu la bstan gyur na// be'u gre'u g.yang du lhung ba ltar// gnyis ka rdo rje dmyal bar ltung // rgyud bzang gting phod che ba dang // zhi ngos dul zhing blo dang ldan// man ngag khong gi snying bzhin 'chang // dam tshig ldan zhing nyam su len// de lta bu la bstan gyur na// spros pa'i mtshan ma rang

  14. 35a

    @sar gcod// ces gsung so// rin po che bsrud kyi yang snying spros gcong rtsa ba'i rgyud las/ gtang rgya bstan pa'i le'u ste bcu gcig pa'o// // rin chen bcud kyi yang snying thog mtha'i sras thag gcod pa rtsa ba'i srung rdzog so// / skyon mkhan po pad+ma 'byung gnas dang / bod kyi lo tsha brkab dpal rtsegs bdag gis bsgyur te// mnga' bdag la gtang ba'o// gtang brgya sbas rgya/ gter rgya/ mang+ga laM// / spros gcong sde lnga'i rgyud bzhug so// / rgya gar skad du/ swa pany+tsa tshe nga pany+tsa brga tan+t+ra/ bod skad du/ spros pa gcod pa sde lnga'i rgyud/ sems kyi rang bzhin shes pa'i kun bzang rdo rje sems pa la phyag 'tshalo// ye nas yongasu brdal ba'i gzhal yas khang // mtshon byed brjod las 'dres pa'i chos sku bzhugs// 'khor gyi dam pa rang gsal khye'u chung gi/ bstan pa'i snying po spros gcod sde lnga bzhugs/ dus gsum dbyer med byin rlabs bshad kyis dus// thog mtha' med pa'i bar don// ma phyed mi phyed snying po mnyam pa nyid// rang bzhin yongs la khyab pa'i stong ra na// ma skyes mi 'gag chos sku lhun grub dbyings// ma mtshon mi mtshon mtshon med chos kyi sku'o// ma sgrub mi bsgrubs sgrubs pa'i yul las 'das// ma thob mi thob thob rung rang la med// ma bstan mi bstan gdams ngag gzhir 'dzin ming // ming med shes med 'gyur med dngos dang bral// mtha' mod dbus med phyogs med dbyings dang bral// yin med min med mtshon pa'i yul dang bral// bde med