phur pa bcu gnyis 'byung ba'i rgyud chung du bstan pa'o
Kilayadvadaśodayalpatantradeśa
Text
ff. 88b–98b · 21 folio sides
- 88b
@##/ rgya gar skad du/ kI la ya dA nga sho da ya lAtan+t+ra de sha/ bod skad du/ phur pa bcu gnyis 'byung ba'i rgyud chung ngu bstan pa'o// bcom ldan 'das 'jigs byed chen po la phyag 'tshal lo// 'di skad bdag gis thos pa dus gcig na/ bcom ldan 'das khro bo 'jigs byed kyi rgyal po badz+ra kI la ya/ drag po mthing nag 'bar ba'i nang na bzhugs nas gdug pa can thams cad gdul ba dang / dreg pa can thams cad tshar gcad pa'i phyir// rab tu drag po mau g.yo ba'i ting nge 'dzin la snyoms par zhugs nas nyid kyi byin brlabs las karma shri he ru ka zhes brjod pas khro bo karma he ru ka sku ljang nag shin tu mi bzad pa 'thon nas bcom ldan 'das badz+ra kI la ya la 'di skad ces gsol to// kyai bcom ldan 'das chos thams cad zhi ba chen po'i ting nge 'dzin gyis mi 'dul na thugs rje gang gis dus la bab par shes pa lags// gang gis 'dul ba'i dus la bab par gzigs pa lags// khro bo chen po lung brtan du gsol// bde bar gshegs pas lung bstan du gsol// thabs mkhas pa'i bdag nyid can 'di de'i dus la bab pa lags so// 'phrin las kyi mnga' bdag ces gsol pa dang // /
- 89a
@#dpal badz+ra kI la yas// e he sha hUM zhes brjod pas gnam gyis gtos kyi phyogs ris med pa chos nyid bde ba'i rol brdal ba skyed// ya ma karma rag sha haM zhes brjod pas rdo rje'i rlung nag chub mas bsang du bsdus shing byin gyis brlabs te rgyas btab pas phrin las thogs pa med pa'i don mdzod// ma hA rag ta dz+wA la maN+Dal zhes brjod pas khrag gi rgya mtsho gting dpag med pas sdug bsngal dbang du bsdus nas 'bras bu gcig gi rang bzhin du shar bas mdzad// keng ni ra dz+wa la maN+Dal zhes brjod pas// 'khor ba gnas su dag pa dang cho 'phrul mngon par 'du mdzad pa'i phyir keng rus kyi ri rab tu gyur// ban d+ha dz+nyo na tsakratradzAM zhes brjod pas/ ban d+ha'i gzhal yas khang gru gsum mthing nag 'bar ba gcig tu gyur// de nas khro bo karma he ru kas bcom ldan 'das la 'di skad ces gsol to// e ma ho bcom ldan 'das thugs rje'i sbyang thag chad cing ngan 'khor bar kye nges pa la 'di lta bu'i rdzu 'phrul bstan pa ngo mtshar che'o// 'di lta bu'i cho 'phrul bstan pa ngo mtshar to// / 'di rjes su grub pa'i rnal 'byor pas// gnas ni gang du bstan// dmigs ni glang dang gang du bgyi// rnal 'byor pa ci dang ldan pas bya// phur pa'i rgyu ni gang dang gang lags// phur pa bsgom pa ji ltar bsgom// byin gyis brlabs pa ji ltar brlabs// brdeg pa'i dus tshod gang la bab pa lags// dam gi tshig gang du bstan pa lags// lta ba ci la dmigs pa lags// yo byad dang rdzas gang 'tshal// rtags tu na 'byung // 'di brtsams pas dgos ched dang // yon tan ci thob/ bcom ldan 'das kyis lung bstan du gsol/
- 89b
kI la ya yis bka' stsal pa// nyon cig karma he ru ka/ phur pa bsgrub pa'i gnas rnams ni// yang dag don du bshad par 'tshal// dang po gzhung dang ldan byas nas// dur khrod gnas dang shing gcig dang // rgya gram lam du bya ba dang // 'byung po mang po gang yod par// drag po'i las 'di bya bar shis// las la phan 'dogs yod pa dang // gIm 'byin shugs kyis ting 'dzin gsal// de la thabs dang rtags med na// bdag gi gzugs phung brlag pa dang // tshe dang srog gi bar chod 'ong // nags tshal chen po gang na bar// der ni legs par spyad pa yis// klu yi mig dang 'byung po'i srang // sa yi gegs dang ma rungs sa// sa sgo dmyal ba'i rgyu med par du las kyi bya ba'i gzhung brtsams na// bkra shis don gyis gnas yin pas// 'grub yun ring na bkra shis so// med tog gling dang rin chen ri// dpag bsam shing dang skad snyan bya// 'bru sna tshogs dang gnams sa legs// dbyibs legs lud par na par ni// bkra shis gzhungs bzang yun ring bas// gnas kyi dam pa yin zhes bshad// drag po'i las su bya ba la// dang po phur pa bsgrub pa'i gnas// nags ri tsher ma can gyi shing rdu gcan zan gdug pa sna tshogs yod// gnam ni gr-i mda' ral gring shul// sa gzhi gru gsum mi dpung 'dra// log la dur khrod gling yod pa// mkhas pas brtags te btsal byas na// 'di ni phur pa bsgrub gnas yin// tsher ma tsan gyi shing dag dang // dug shing gdug pa yod pa dang // brag la rang rong mang ba dang // grog po dam pa bting zab dang // stag gi so 'dra sbrul gyi lce// sdig pa'i ra 'dra chu srin kha// ban glang sna
- 90a
@#'thab brag chu bar// rkang gcig shing dang ma rungs sa// sngon chad lha mi phung sa dang // g.yul bkye ba dang // mtshon phab dang / gsang gcad sa dang ma rungs dus// srin po bsgral ba'i bcas gzhi dang Ta srog chags bsgral ba'i khrag rjes dang // g.yul ngo bgos pa'i sa mkhar snying // dmar po'i gsad cing phung pa'i sa// brag ni srin mo dus pa 'dra// ri ni thal khung bsnyil pa 'dra// lud pa me yis bsregs pa 'dra// shing rtsi rkang thar 'bros pa 'dra// skud the'u mi ro sbas pa 'dra// 'di ni brdegs cing bsgral gnas yin// sems la chos nyid mi gsal zhing // nyams dang ting 'dzin g.yel bas ni// gnas 'di dag tu yod mi byA Ta nam phug rnal 'byor bdag la gnod// de bas gzhung dang 'thun pa'i gnas// bkra shis pa'i gnas dag tu// yun rings bsrings na gdon rtol med// dam tshig ma nyams nges thub dang // ting 'dzin bstan pa'i blo can gyis ru gnas ni de dang de dag tu// cho ga'i las 'di brtsam par bya// nges par 'grub la gdon rdol med// de lta bu yis rnyed na// dang por byin brlabs mtshams kyang gcad// ma rungs yod na gtor ma sbyin// de nas zhugs grangs 'di tsam 'am// drag po'i las 'di ma grub par// gnas 'dir rnal 'byor bdag gnas pas// gtor ma byin pa 'di long lo// ma grub bar du gzhan du dengs// de skad byas la gtor ma sbyin// bskyo ba'i tshigs rnams bsgo bar bya// de nas bzhung gzhan dkyil 'khor rtsig/ dam rdzas chag chag gzhung bzhin gdab// kha dog mtshon rnams dgye byas nas// dbus su drag po gru gsum bi// mtha' ma mtshon gyi 'khor lo
- 90b
sku'i dbyigs du bdag gyur cig/ de nas ral gri gzhon nu'i rigs 'dzin rnams kyis 'grin gcig tu 'di skad ces gsol to// sangs rgyas kun gyi ye shes sku// ngang nyid ral gri'i chos dbyings las// ral gri khro/ bo mi bzad pa'i// sku'i dbyigs du bdag gyur cig/ de nas de'i tshe de'i dus na/ rnal 'byor dpung phyug chen po du ma'i tshogs rang rang gi 'khor du ma dang bcas pa rnams g.yo bar gyur to// de nas rdo rje rnal 'byor gyi tshogs du ma dang bcas pa'i 'khor gyis 'di skad ces gsol te/ rdo rje gzhon nu'i rigs 'dzin rnams// srid pa rdo rje phur pa'i lha// ye shes khro bo gyur par mdzod// rnal 'byor chen po'i tshogs du ma'i 'khor dang ba# pas 'di skad ces gsol to// 'khor lo gzhon nu'i rigs 'dzin rnams// srid pa 'khor lor grub mdzod cig/ srid pa 'khor lo phur pa'i lha// ye shes khro bos grub par mdzad// de nas rin po che'i rigs kyi rnal 'byor chen po'i tshogs du ma'i 'khor dang bcas pas 'di skad ces gsol to// rin chen gzhon nu'i rigs 'dzin rnams// srid pa rin chen grub mdzod cig/ srid pa rin chen phur pa'i lha// ye shes khro bos grub par mdzod// de nas pad+ma'i rnal 'byor chen po'i tshogs du ma'i 'khor gyis/ mgrin cig tu 'di skad ces gsol to// pad+ma'i zhon nu'i rigs 'dzin rnams// srid pa pad+mar grub mdzod cig/ srid pa pad+ma phur pa'i lha// ye shes khro bos grub par mdzod// de nas ral gri'i rnal 'byor chen po'i tshogs du ma'i 'khor dang bcas pas mgrin cig tu 'di skad ces gsol to// sna tshogs gzhon nu'i rigs 'dzin rnams// srid pa ral grir grub mdzod cig/ srid par bri/
- 91a
@#las nyams pa'i mtshan nyid ni// dam la btags na sku 'tshang 'gru// sgrub la skrun na ya ka 'dogs// man sngags bstan na skur pa 'debs// bden par bstan na log par khrid// don rtogs bstan na gol bar 'dzin// 'di ni nyams pa'i dam pa ste// 'ang na nyams pa'i dam pa ste// 'di la bsgral bar lhur yang brtsam// 'di dag bsgral ba'i phrin las ni// gzhung kun las kyang gsal bar 'byung // don las nyams ba'i mtshan nyid ni// bya ru mi rung sna tshogs byed// rdzas dang lag cha mngon du 'byin// stan 'gan sbyor sgrol dngos por spyod// lta ba ting 'dzin rgyub du bor// spyod pa spangs blang dang du len// khrod gtum nga rgyal rang khar gtong // don gyi man ngag log par go// pha rol 'dren la logs pa'i chos// phyin ci log gi don la mkhas// bka' gzhung bor la rtsom pa che// log par spyod pa mtha' dag yod// 'di ni ru tra dngos yin te// mngon spyod bsgral kyang mi skyon no// las kyis nyams pa'i mtshan nyid ni// bdag dang rkyen gnas mi tshig par// bsgral ba'i las kyi klo yongs dang // sngon chad kha kho na yongs med par// klags la bab par dran nas kyang // zhi ba dang por mi nyan paro// nyes med gzhan la 'dzugs pa dang // dpung pa snyoms la klan ka tshol// kha l+ya dgod la bzhin mdog bzlog/ brgal sa med par bdag la rgol// 'phrog mi dgos par bdag lnga 'phrog/ bdag gi nyes par ma dran zhing // bdag gis brgal bar ma bsam kyang // las kyi bdag la gnad 'dzugs shing // bdag la mthu dang rtsal 'dod pa// las kyi nyams pa 'di yin no// gzhan yang las kyi nyams pa ni// gal mi che bar
- 91b
ya ka tshol// phan rgyu med par bdag la 'tsho// 'od rgyu med par sgrub sar 'ong // las kyi nyams pa'i rtags yin pas// 'di ni nam kyang bsgral dgos pas// las kyis 'khor bas sdig med bshad// mtshan mas nyam/ pa'i mtshan nyid ni// chos la phyogs char bzung bas nyams// lte ba sgro skur btab pas nyams// dam can yongs la thugs dkrugs shing // rang bzhin med pa'i chos bshad kyang // mtshan ma can gyi chos bzungs nas nga lha srin bran du ngas 'khol lo// mthu 'gran byed pa su zhig yod// nga yi nyams su dpal chen 'byung // da ni khro bo'i rgyal po yin// gzhan la 'khro zhing 'tshe la sogs// 'di ni mtshan mar nyams pa ste// bsgral ba byas kyang dam mi nyams// 'dod par gyur pas nyams pa ni// de yi mtshan nyid bshad bya ba// nyan pa go rtogs gsal med par// la mar mthu chen btsan 'dod pas// las kyis don du mtshan ma spyod// bsdigs ba'i phyag rgyar mi mgo thogs// ral pa gcig cing so gtsigs byed// dmar gyi gtor ma blo la btags// zhing gi lcags pa phrag la bkal// sgo ba nag po sha dang tshil// snod bkang khur zhing log chos spyod// spyod pa'i don kun gzhung bor nas// bya bar mi 'tshams sna tshogs byed// ngo dang gdong pa khrag gi byugs// tshul 'ga' dam 'dral sna tshogs byed// tho tshor spyod cing dam mi bsrun// spyod pa brlung pos bka' gzhung smod sangs rgyas kun gyis zhabs 'dren byas// rnal 'byor sngags pa'i rkang nas drang // dpal chen 'bar ba thugs khral bskyed// ma mo mkha' 'gro gzan tshogs bkram// rnal 'byor yongs kyi rme rtsogs byas//
- 92a
@#gzhan yang mtshan nyid gang yin pa// 'dod pas nyams pa'i mtshan nyid gang yin pa// 'dod pas nyams pa'i mtshan nyid ni// 'dod chags nor la tshim pa med// shi bas shes kyang 'dod pas rgyal// phung par rtogs kyang sngags 'chang 'joms// dug du snang yang lho ru za// gzhan ma yin gyis thabs mi spyod// btsun pa yin kyang dam par shom// thob tu 'dod na gsang sngags rku// bza' ru yod na rnal 'byor za// zas su bsgrub pa po'i longs spyod rku// nor du gzhung spyod rnal 'byor 'joms// 'di dag bsgral na rnal 'byor btsun// btul zhing tshar gcad bstan pa gnyan// med cing stong na bar chad nyung // 'di dag bsgral bar mi byas na// mtho ris 'grib la dmyal khams 'phel// rnal 'byor dam can sgyid lug nas// thog pa chen po'i chos sgro 'gag/ 'di dag bsgral bar byas na ni// dmyal ba'i gnas su yun thung 'gyur// rnal 'byor sgrub la bar chad med// theg pa chen po mthu dar bas// legs pa'i yon tan brjod las 'das// thabs kyis tha ma tha ma ni// ting nge 'dzin gyi rtsal chung yang // 'di dag bsgral bar byas na ni// dmyal ba pa'i gnas su yun thung 'gyur// 'di ni bsgral ba'i dmigs bstan pa'i le'u ste gnyis pa'o// / rnal 'byor gang dag gis bya ba// yang dag nyid du bshad bya ste// dang por shes rab rnam gsum gyis du gtan tshigs don la yid chas na// de nas nges par dbang thob ste// snying rje sems dang ldan pa yis// khams gsum 'khor ba gzungs par bya// don 'di dag dang mi ldan zhing // nges pa'i lung rnams ma/ 'di dag 'dod pas nyams pa ste/
- 92b
thob na// mkhas la sgro skur 'debs pa dang // gsang sngags theg chen skur 'debs dang // rang shes sbyang tshig tshul gnas dang // dam tshigs nyams par gyur pa dang // de med phyal pa stong pa rnams 'di ni rnal 'byor ma yin te// log pa'i lam du shes par bya// de yis spyad kyang yong mi 'grub// slar yang sems rlag pa dang // 'bras bu mnar med dmyal bar skye// 'di dag brtsam pa'i rnal 'byor pas// / rigs kyi rnal 'byor gral du smos// theg pa bsam yas sems la gsol// lta ba phyogs med gdeng du 'jogs// sgom pa ma yengs gser phur 'debs// dam tshigs nyan thos khrims bzhin bsrungs// rgyud dang sgrub thabs mtha' dag 'chang // phyogs 'dzin spong la mkhas pa bstan// rdzas dang lag cha rtag tu 'chang // don dang man ngag gzhung du bsgrub// tshul ldan dang tshul bzang la shis// sbyor sgrol mchod pa rgyun med mchod// phung po lha dang gnyis su med// sems ni chos nyid ngang la gnas// rnal 'byor rtags ldan dam pa de// las su bya ba kun rdzogs nas// 'dzab bzlos grangs mang rgyun 'dod pas// sngags dang phyag rgya mthu byin che// las dang bya ba gdon mi za// nges par brtsams pas dgongs pa 'grub// dmar gyi gtor ma gzhung srong zhing // ci bgyi bka' nyan 'khol mkhas pa// dkar zhing dgugs par bya bar shis drag shul thabs kyis pho nya ni// rdzu 'phrul shugs la thabs kyis 'gyed// rnam rtogs mtshan ma las kyis 'dul// de dag byas na chud mi za// shes pa'i nang na dam pa ni// rgyud la blong zhen sgrub la
- 93a
zhugs// yi dam lha la rtags gnas pas// de la bar chad yong mi 'byung // gal te 'byung bar gyur na yang // de la rag pa tsam gyis 'grub// gzhan yang las 'di brtsam pa yis// rnal 'byor pa ni gang yin pa// phrin las bye brag byed pa dang // rnam rtog mtshan ma spangs pa dang // gtsang rmi med par spyod pa dang // blang dor med par bsgrub pa yis// gang la dmigs pa 'grub par byed// phun sum / tshogs pa gsum ldan zhing // dus tshod grangs su bstan par shes// nya dang shing kha tshes brgyad la// drag po las la rab brtson pas// las su bya ba nges bya ste// ma mo mkha' 'gro bka' nyan tshogs// de yis bkol na bran bzhin nyan// de yis bcol na bu bzhin sgrub// de yi bya ba chud ma zos// tshe dang longs spyod 'byor pa dang // legs pa kun rdzogs dngos grub ster// de yis yid la bsam pa bzhin// ci 'dod rang la 'byung bar 'gyur// gzhan yang 'jig rten bsam pa dag/ phan pa dang ni gnod pa gnyis// gzhan la phan zhing sgrub 'dod na// sadra dang ser ba gcad pa dang // char chu dus su phebs pa dang // mi nang phyugs nad gcod la sogs// da yi gtan tshig 'di na gnas// gzhan lnga gnod pa'i rgyu btsal na// dbyar ston gnyis la gnod bya ba// sad dang ser btang gtan tshigs dang // shwa dang chu dang thog gtang dang // dbyar rgun mi nAd rims gtang dang // bu tshe rabs chad tshe thung ba// de yi gtan tshigs 'di na yod// de ltar gtan tshigs shes su shes pa// rnal 'byor don dang ldan pa ste// 'dis ni brtsam par bya bar gsungs// rnal 'byor ci ldan
- 93b
brtsam bya ba'i le'u ste gsum pa'o// / kI lA ya'i rgyud rnams ni// gang dang gang las bya ba dag/ don dang gtan tshigs 'dir zhib ste// mchog tu sngags pa 'di las 'byung // lcags sa// zangs sam gang rnyed pa// drag po lcags kyi phur pa la// gri chags mde'u snying rtags phyin dang // gnam lcags thog gi lcags dag dang // gcod dang rno dang sra la sogs// lcags sna lnga po dag la ni// khro rgyal gnas pa'i rgya mdud dang // gzhal yas khang gi rtags su bya// logs brgyad khro mo brgyad po la// bar gyi rgya mdud rtsig ma la// thabs dang shes rab dbyer med don// gzhal yas rang bzhin rtseg mar/ gnas// rtse mo zur gsum 'joms pa'i tshul// drag po rkyen gyis yang dag bshad// dbang la zangs kyi phur pa la// rgyas pa gser la sogs pa dang // zhi ba tsan dan dkar po dag/ rtse mo dbyings ni so so par// bya ba'i tshad rnams 'thun par bshad// gzhan yang tsher ma can gyi shing // rab tu mi bsrun gnas dag nas// gang dag skyes pa gang yin dang // dug dang gcan zan gdug pa dang // rab tu gtum pa'i gnas dag na// skyes pa'i shing mchog tsher ma can// skyer pa dang ni seng ldeng dang // gang dag skyer ljang mdzo mo shing // rtsa ba logs su rgya mdud bya// rtse mo logs su zur gsum bya// dbyibs kyi kha dog gong dang 'thun// gzhan yang bdug pa tsher ma can// gong ma de dag ma 'byor na// gang rnyed pa yang bye bar bshad// gzhung dang 'thun pa rnyed na legs// de dag gang yang ma rnyed na// ting nge 'dzin gyi dkyil 'khor lha// yid la dran
- 94a
'ang gsal par zlo// rmugs dang byub mnod pa// kyang bya bar smra las 'byung / 'didas 'a rdzu rgyud ldan pa// slo ba'is dang so sta du/ DU sa pa bshad pa ste// de yang thung bar ma gsungs shing // de la ring bar spong ma bstan// sor bzhi 'byung ba bzhi'i tshad// sor brgyad rnam shes brgyad kyi tshad// bcu gnyis khams ni bcu gnyis te// rtags dang sbyar te rnams bstan// rtags phyin pa'i lcags kyi// de yon tan bshad pa ni// dper na nags kyi spong po la// sngon chad chod pa'i sta re dag/ de dag yod par gyur na ni// chod mi chod kyi the tshom med// de dag sngon chad ma chad pas// chod dam mi chod yong ma nges// de bzhin rgyu yang de dag 'dra// mdo ni rnal 'byor rtsal mchog ces// re shig de yang skyon med de// yon tan yod par 'di las bstan// nag po shing gi dug can la// phur pa byas pa'i phan yon ni// nag po gzhan gyis mi tshugs la// dug gi pha rol gsod par byed// tsher ma can gyi shing rnams kyi// sbyar bas tshe dang longs spyod 'phel// mdzod mos dbang du bya ba 'grub// gzhan yang kha dog rigs su sbyar// mdor na bde gshegs sa bon gyi// byin gyi brlabs pa gces par bshad// de bas kyang ni dam tshigs gtso// rnal 'byor rnams la ngom par sngags// dang por gzhung las 'byung ba bzhin// de dag ma nor bsham par byas 'tshogs pas the tshom med ces bya// bshams pas bya ba chung mi zos// sun gyi rgyun ni byang chub sems// byang chub sems ni sngags pa ste// rgyu yi rgyal por rang shar ba'o// gzhan yang phur pa'i rgyu bstan pa//
- 94b
zangs lcags mkhar ba gang yod pa// de yang don cing legs par bya// ma dod pa'i skyon rnams ni// gar dgar byas na tshul las nyams// tom tshol byas na tshul la nyams// rnyed pa tsan byas na byin brlabs chung nguyod btsan byas na bsgom mi bde// ngan dgur byas na rtogs par 'gyur// logs par byas na yid rang bzhin// 'tshogs par bsogs na gzhung dang 'thun// dod par byas na dad pa skye// bka' byin byas na byin brlabs yod// mdor na rtogs pa gtso bo yang // rtogs pa'i don la mthar phyin na// rnam rtogs las 'di yong mi dgos// rnam rtogs pa la 'di dgos pas// logs pa'i phyogs rnams gdul slad du// 'di la rgyud bsham 'byung ba yin// mi rtog pa la rtog mi dgos// rnam par rtog la 'phro 'dul bzang // nyon mongs pa la bsnyen po 'jebs// rtog pa bsal bar bsham pa gces// gzhan la 'dzugs// na grangs med bzlos// rtags phyin 'dod na yun du rings// don la rub na ma yengs kyis// rings par 'dod na brtson 'grus bskyed// don 'di la bzhag nas kyang // sngags pas de la nan tan bskyed// 'di ni phur// pa'i rgyu bstan pa'i le'u ste bzhi pa'o// // phur pa ji ltar bsgom pa yi// don 'di yang dag bstan pa ni// nges po nyid du bshad bya ba// byin gyis brlabs pa'i thabs la ni// nges po rnam pa lnga yod ste/ nga gnyis su med par byin brlabs dang // khro bo chen por byin brlabs dang // shin tu brjid cher byin brlabs dang // phur ba sras su byin brlabs dang // mthu dpung che bar byin brlabs pa'o// oM badz+ra kI li kI/
- 95a
la yaHhUM ha he phaT dza b+h+yo ru lu mA ra ya phaT/ de nas lag pa'i gting sbyar la// sor bcu bar du phur pa bzhag/ bcu yis byin brlabs tshul bzhin bya// hUM hUM kI la ya sarba big+h+nAn/ ya ka sarba rta kha ha ha khA hi hUM phaT// de nas byin gyis brlabs bya ba// lcags sam shing ngam gang yod pa// khyi khrag ra khrag gis byugs la// dug dang ma rungs pas kyang byug/ hUM dang dza dang phaT la sogs// sgro bsdu tshul bzhin byas nas kyang // byin brlabs bsam rgyud nges par bzhag/ yang na byin brlabs nges pa ni// dbu yi rgya mdun chos kyi sku// bar gyi rgya mdud longs spyod rdzogs// rtse mo sprul pa'i sku yin te// khro rgyal dpal chen yab yum dang // 'khor gyi dkyil 'khor gsal bkod pa// pho nya yang sbrul la sogs pa// ci bgyi bka' nyan rim bzhin spro// khrag 'thung sngags kyi rgyal po yi// nges par legs pa'i phur pa la/ yang dag bstan par byin gyis brlabs// rnal 'byor sngags kyis blo ldan pas// dam pa'i don du gzhung spangs nas// drang po bzlos pa yid brtson bya// nges par snying po 'bru bkod te// cho ga gsum gyi sbyor ba yis// tsa na kha tsam dgod par bya// rim pas 'phro 'du mang po yis// stong gsum 'jig rten phur par brlabs// mtha' yas sems can la sogs pa// bsgral pa'i dngos po gang yin pa// r-I laM khaM gis bsreg sbyangs nas// rnam shes snying gi dkyil 'khor du// byang chub sems kyi rtse gtad de// dkar nag mtshams su brgyab nas kyang // dge sdig las kyi gshin phye ste// rnam par rtogs pa'i sdig/
- 95b
sbyangs nas// maN+Dal las kyis 'dul sbyong gis// dug gsum rim par bcom nas kyang // khro bo ta kha yis rngam par byas// gser zhun bzhin du sems gnas pa// 'phro ba'i dgongs pas bteg nas kyang gnyis mang yum gyi kha la gtom// nges par rigs kyi sras byas la// oM A hUM/ gis byin brlabs kyi// sku gsung thugs su gsal byas nas// phyir yang ngan song sgo gsum gtsang // rnam rtog bsgral ba zhing bcur rlabs// bsgral dang dbyings dang yang shes te// don du thabs dang shes rab la// chos kyi sku yi byin brlabs kyi// rnam par dag pa'i ngang du bsgom// 'di ni phur pa bsgom pa'i le'u ste lnga pa'o// / byin gyis brlabs pa bstan pa ni// rgya mdud rtsa ba'i logs su ni// chos kyi sku yi khro bor brlabs// logs rgyad khro mo brgyad yin te// bar gyi rgya mdud longs spyod rdzogs// rtse mo sprul pa'i skur brlabs te// don du mnga' gsol 'di skad do// hUM bzhi gsal 'phro bzhi tshogs las bskyed// dbu la rgya mdud bstan pas khro rgyal bcu// rtsibs la sogs brgyad bstan pas khro mo brgyad// rtse mo zur gsum bstan pas sku gsung thugs// khong stong byang chub sems kyi thig le las// khro rgyal 'dus pa'i sras mchog kI la ya// ma g.yos chos mchog sku gsung thugs kyi bdag/ sdug bsngal log par khyams pa'i sems can rnams thugs rje bye brag dbyings su sgrol mdzad pa// thabs kyi bsgral ba'i skal dang mi ldan yang // shugs kyis bsgral ba'i phrin las mdzad du gsol// oM badz+ra g+ha g+ha g+ha ta ya/ g+ha ta ya/ sarba pA paM kI li ya badz+ra d+ha ra a dz+nyA pa ya ti tI
- 96a
ya wa ka tsitu hUM hUM phaT phaT/ byin brlabs mtshams gcad drag po yis// dbang bsdus yongs su spangs par bya// thabs la mkhas pa'i byin brlabs kyis// yongs kyis bsdus shing bzir ba dang 'u thabs kyi dbang du bya ba'i phyir// 'bar ba'i thugs rjes mtshams gcad do// 'di ni phur pa byin gyis brlabs pa'i le'u ste drug pa'o// // brdeg pa'i dus tshod bsten pa ni// gnam stong dang ni tshes brgyad dang Ta bco lnga nyi shu gnyis lnga bya// mig dmar phur bu gza' rnams kun// brdeg pa'i dus la bab par shes// nam gyi gung dang nyi ma'i gung // de la brdeg par rab tu shis// dur khrod chen por grang na bar// bsgral ba la sogs tshul bzhin bya// rgya gram lam gyi gang na bar// brdeg pa la sogs tshul bzhin bya// 'di dag brdeg pa'i dus tshod kyang // srod la zhugs pas tho rangs kha// 'di dag brdeg par yod mi bya// 'di dag brdegs par bya ba ni// yun ni lo zla tsam du bsrid// gangs ni bya ba 'bum du bzlas// mchod pa dus drug rgyun mi gcod// cho ga bzlas brjod tshad byas nas// dbang pos mngon par khugs na rab// tha na mig rnon la sogs pa// dar ni nges par 'ongs ba yin/ bye ba la sogs mtshan ma la// badzag pa'i dus chod yin par ni// rnal 'byor pas ni shes par bya// gzhan yang brdeg pa'i dus chod ni// dang por sgrub par khas blangs nas// mthon bar du dus tshod med tshangs nas brdeg pa'i dus tshod te// brla dgug pa'i pho nya la// 'di dag btang nas brdeg bya ste// hUM dpal gyi pho nya las mkhan mo// dkar mo dung gi mche ba can// mkha' la 'byung ba'i mdzod skyil ma// lag na sems
- 96b
/ can srog gcod ma// zhal nas sems can yongs su gsol// bskal ba'i thog thog char pa 'bebs// bskal pa brgyad kyi pha rol nas// dam nyams dgra'i brla 'dren ma// dgra bo bad+ma la nan pa chud// nag mo lcags kyi ldan tshar can// khyung gi khra thogs g.yas pa ni// ban d+ha gri thogs gsod la rngam// tshangs pa bsgril ba'i cha lugs can// mi sdug mgo la gcer bu lus// bskal pa brgyad nas brla tshol tshol// dpag tshad brgyad nas srog 'gugs 'gugs// dgra bo brla dang srog la yang // dmar mo nyi ma'i mig 'phro ma// gdug pa 'dul ba grangs pa sel// gsod la rngam pa las la brtson// mche gcig g.yang gzhi gos su gon// rab tu mi srun brla 'gugs ma// dam nyams dgra la sa ma ya// ljang nag bsgyel ba'i dkyil 'khor nas// ser mo ral can 'bus gyis bskor// sngon nas dgra bo brla 'gugs ma// gong la bya ba grub par byas// dus la bar po sa ma ya/ nam mkha'i lha mo phur pa'i lha// lag pa brgya ni phur pa 'dril// spyan brgya khrag gi mchi ma 'dzag/ zhal brgya gdug pa'i sngags zer zlos// tshams kyis skye shi rtsa yang gcod// phur bu'i las mkhan chen po mdza rab tu mi srun las la brtson// gang la bya ba 'grub par byos// gzhan yang pho nyar grags pa kun// de dag las la btang bar bya// de dag las lAM btang bar bya// de dag sngon du khug pa dang // ting 'dzin rab 'bring gsum dang sbyar// rab kyis sngon du khugs par 'gyur// 'bring gis ling kha 'gul bar 'gyur// tha ma nyams tsam rtags tsam 'ong // bzod cig brdeg pa'i dus tshod yin// de rnams men par dus tshod min// cho ga
- 97a
@#tshang bar gyur pa ni// brdeg pa'i dus tshod yin par ni// dus la bab par shes par bya// 'di ni brdeg pa'i dus tshod kyi le'u ste bdun pa'o// // dam tshig gang yin bstan pa ni// gzhi ni dam tshig gtso bo ste// dam tshig ma nyams gzhung yod na// 'di dag 'grub par 'gyur ba yin// nyams par gyur pas mi 'grub ste// slar la rang nyid rlag par 'gyur// sku yi dam tshig 'da' dka' ba// gsung 'di dam tshig par mi gcad// thugs kyi dam tshig gsang thub pas// las 'di brtsams na 'grub ces ni// dpa' bo khro bos yang dag bshad// dam tshigs dam pa 'di yis ni// rgyal ba mnyes te dngos grub thob// bka' bzhin spyod la gzhung bzhin bsgrub// nges pa'i dam tshig bstan par ni// yang dag rgyal pos nges par gsungs// 'di ni dam tshig bstan pa'i le'u ste brgyad pa'o// // lta ba ci la dmigs pa ni// yang dag nyid du bstan bya ste// lha/ ba'i rgyal po nges pa'i don// bzod nas ma skyes sems kyi dbyings// rnam par dag pa yum gyi tshul// ma skyes mi 'gag thabs kyi sku// rigs pa'i rgyal po rang byung bas// thams cad ma lus dbang du bsdud// thabs kyi rgyal por bdag gnas pa// 'gro kun bla na med par sgrol// chos kyi rtsa ba sems yin pas// brtag pa'i don du rang sems bzang // rang gi sems kyi don rtogs shing // mnyam pa'i rgyal po klung gyur na// zhal nas gsungs pa thams cad dang // tshig tu brjod pa bsnyen pa la// thugs la dgongs pa ting 'dzin to// phyag gis sgyur ba phyag rgya ste// phur pa'i phyag rgya lnga ru bshad// phur pa dam tshig phyag rgya ste// lag pa gnyis kyi gtis
- 97b
sbyar nas// gung mo rtse sbrang dag tu sgril// de ni phur bu dam tshig rgya// tshangs pas sor brgyad rim pas gzung // lhag ma rtse mo man chad pa// phur pa brdeg pa'i phyag rgya yin// lag pa gnyis ni thal sbyar nas// gung mo rtse sprad mthe chung brkyangs// srin lag 'dzub mo rgyab bsnol te// mthe bong gshibs te bar du bsgril// 'di ni phur pa bsgril ba'i rgya// lag pa gnyis kyi rting sprad nas// sor bcu khro bcur byin brlabs te// sras mchog dkyil du bzhag nas kyang // byin gyis brlabs par byas pa ni// phur pa byin gyis brlabs pa'i rgya// mthe 'dzub gnyis kyi bar du ni// phur pa bcug la yar 'phangs nas// babs pas brdeg pa'i gzugs la bsnun// 'di ni phur pa bskul ba'i rgya// don du phyag rgya la sogs pa// yang dag rtogs na kun kyang rgyal// ma rtogs mtshan ma rtog pa'i zhing // rtogs pa'i rgyu nyid chos nyid la// 'khor ba'i rgyu nyid byang chub ste// bsad pa 'ba' zhig las su rung // rnam rtog sems can kun gsad na// dam pa'i bde gshegs kun gnyis te// nges par legs pa'i dgongs pa 'phel// sangs rgyas bka' las de ltar 'byung // dam pa sems kyi rang bzhin pa'o// lte ba 'di la dmigs pas bya// 'di ni lta ba dmigs kyi le'u ste dgu pa'o// ya byad rdzas rnams bstan pa ni// sbyang dug la sogs dug rnams ni// drag po bsgral phyir bsag par 'byung // khyad par la sogs gtor ma ni// mkha' 'gro bskul phyir dgod pa 'byung // zangs lcags mchog phur tshar ma can// drag po gdul phyir gong bzhin bsham// rkang rjes gos dang dri ma rnams// nges par yod na bzang bar
- 98a
bstan// gzhan yang phung pa'i rdzas rnams kun// gong nas 'byung ba de shes bya// 'di ni yo byad rdzas kyi le'u ste bcu pa'o// // rtags kyi zhags grangs bstan pa ni// khyad par bsnyen pa gzhung gtsugs te// bka'i bsgrub pa tshul bzhin du// gzhung las 'byung ba de byas na// rab kyis zla ba gcig gis 'grub// rtags ni zhag bdun nyid kyis 'ong // 'bring gis lo gcig dag na 'grub// rtags ni zla ba ldan 'ong // tha ma lo gsum tshun chad kyis// 'grub par 'gyur te gdon mo za// rtags ni lo dus dag ni 'byung // yan lag bskum pa'i nad la sogs// rtags rnams kun kyang tshul bzhin 'byung // 'di ni phur pa rtags pa'i le'u ste bcu gcig pa'o// / 'di brtsams pa'i dgos tshan ni// sems can gang zag phal pa dag/ ras chod byed cing tshul la snyoms// bka' 'gal byed cing dkyil 'khor 'dral// ma nyes 'joms shing skur/ pa 'debs// de la 'di brtsams dgos chad yod// don 'di ma nor gang spyod pa// kI la ya'i yon tan ni// tshe ring nad kyang med pa dang // dpal dang 'byor pa 'phel ba dang // gdon dang 'byung po thub pa dang // lha srin mthu chen kun 'khol dang // dregs pa dbang phyugs bka' nyan dang // ci bgyi la sogs bran bzhin 'khol// 'jig rten 'dir yang kun bsam 'grub// gzhan yang yon tan brjod mi lung // 'jig rten pha rol dag tu yang rnga bsgral ba rnams kyang mtho ris thob// bdag kyang byang chub gnyis su med// bsam pa 'byor pa'i shes rab lags// chos kyi sku dang dbyer med nas// ngan song gsum po sgo bkag nas// thar pa bde
- 98b
/ gnas kyang 'dren// sdig can bsad na las ngan 'chad// dam nyams bsgral na bka' gzhung bstan// phyogs log bskal na dkyil 'khor bstan// sku dgra bsgral na bar chad nyung // des na yon tan thob pa yin// des na legs pa kun 'phel te// 'bras bu nges par chud mi za// bla med go 'phangs 'thab kyang che// khro bo rgyal po 'thab mkhas pas// bsgral ba'i las rnams bya bar 'byung // dpa' bo chen pos yang dag bshad// 'dri dag yon tan bstan pa ni// rigs 'dzin rnam gsum 'di las 'grub// dpal dang dang bas 'byor pa 'grub// legs pa'i lam rnams kun rdzogs te// gzhan yang 'dod pa'i yon tan rnams// yid la dmigs pa bzhin du 'grub// 'di ni brtsam pa'i dgos ched dang // yon tan ci 'thob bstan pa'i le'u ste bcu gnyis pa'o// / de skad ces bcom ldan 'das badz+ra kI lA yas bka' stsal nas// de nas karma he ru kas// phyi nang gsang ba'i mchod nas nyid kyi sku la mi snang ba'i tshul gyis thim par gyur to// phur pa bcu gnyis 'byung ba'i rgyud chung ngu// bcom ldan 'das rdo rje gzhon nus gsungs pa rdzogs so// // rgya gar gyi slob bi mA la mi tra dang // lo tsA gnyigs dz+nyA na ku mA ras bsgyur zhing zhus te gtan la phab pa'o// / @/ k+Shi la ya bcu gnyis kyi rgyud bzhugs// / rgya gar skad du/ badz+ra kI la ya dI da sha tan+t+ra/ bod skad du/ rdo rje phur pa bcu gnyis kyi rgyud// rigs lnga'i bde bar gshegs pa thams cad kyis sras// bcom ldan 'das 'jigs byed chen po la phyag 'tshal lo// 'di skad bdag gis thos pa dus cig na// bcom ldan 'das