MW21521_C147A9མན་ངག་ཨ་ཏི་ཡོ་གའི་ཆོས་སྐོར།All versions of this work

byang chub sems bsgom pa

Text

ff. 334a–337b · 8 folio sides

  1. 334a

    'khor la thabs kyi rgyud// gsang mchog 'di ni nges bshad do// thun mong ma yin 'khor mchog la// rdo rje 'khor lo ma bskor te// 'di ni gang du'ang ma bshad do// khyed cag dad pa ldan par gyis// snod ni yang dag ldan pa'o// de bzhin gshegs pa thams cad kyi rang bzhin rgyas pa las/ bdag pos 'khor la gtad pa'i le'u ste dgu pa'o// // rang bzhin gyi rgyud rgyas pa yi ge med pa/ de bzhin gshegs pa thams cad kyi sku gsung thugs las byung ba mthong bar dka' ba'i don rdzogs so// // rgya gar gyi mkhan po dz+nyA na gar+b+ha dang / bod kyi dge slong bai ro tsa nas bsgyur cing zhus te gtan la phab pa/ skar sar pas kyang bsabs pa'o// / rgya gar skad du/ b+ho d+hi tsit+ta/ bod skad du/ byang chub sems bsgom pa/ bcom ldan 'das dpal bde ba'i mchog la phyag 'tshal lo// bcom ldan 'das de thams cad chos nyid zab mo la gzung bar dgongs nas/ chos kyi dbyings gting dpag dka' ba zhes bya ba'i ting nge 'dzin la snyoms par zhugs te/ rang bzhin gyi dkyil 'khor nyid dang tha mi dad pa rnams la rang bzhin gsung du med pa 'di bka' stsal pa/ de'i tshe na thams

  2. 334b

    cad chos nyid stong pa nyid du gyur to// byang chub sems kyi ngo bo ni// bsam med dran med mi g.yo ba// bsam pa bstan du med pa'o// tha smad gdags su ga la yod// 'di ni brjod med spros las 'das// dge ba'i rmi lam lta bu'o// rnal 'byor dam pa'i lam zhes bya// grub mtha' ma nyams yongs su dag/ sangs rgyas sa la rang bzhin gnas// rdzogs pa chen po'i don zhes bya// de bzhin gshegs pa thams cad kyi rang bzhin gsung du med pa'i gsung gsungs pa'i skabs te dang po'o// / / yang bde ba'i mchog gi ye shes gsung du med pa 'di bka' stsal pa/ chos nyid ji bzhin pa de la/ blo yang de 'dra ba zhag gyur na// sems kyang skad cig dang po la ha ta lus chos gnas pa don la reg/ de dus byung tshor shes 'jug med// bag chags rgyud chad rang byung shar// ye shes me ste skad cig la// de bzhin dbyings kyang skad cig ma// de dang de zhes dbyer med pa// de ni rgyun chags thams cad spangs// shes pa yang shes nyid du gyur// de bzhin sbyor ba'i lam pa yi// yeng shes la reg mi gnas la// rang rgyud du ni bdud bzhi 'byung // 'jigs pa gzugs dang grags pa sgra// 'od kyi bdud dang slu ba rnams// byung tshe de la rig byas la//

  3. 335a

    mi zhen mi chags lan 'ga' bsam// kun 'ong 'gro ba de nyid lam// shes pa khyad par can zhes bya/ ye shes gsung du med pa'i skabs te gnyis pa'o// // de nas yang bde ba'i dam tshig mchog des/ 'khor rnams la dbyings zang ma bka' stsal pa/ zhi ba'i dbyings te 'dus ma 'dus// / rang bzhin bzang dang rab 'dres pa// rtsal med tshul du byung ba de// gang gi ma bslad rang bzhin dbyings// thog ma med pa'i rgyal po'o// skad cig rgyu 'bras med par dbyings// rgyun chad med pa dbyings la yan// btsal na rtsol nad sangs mi srid// btsal ba med pa dbyings kyi mchog/ de lta bu yi dbyings de la// de lta bu yi ye shes dbab ta yang na dbab dang mi dbab med// shes rig bag chags rgyun de yang // gnyen po'i sgo nas mi gcod de// rang bzhin rang gis rtogs 'gyur ba// de yis bag chags rang bzhin dag/ rang ga'i bsam pa gya gyu ba// de red pa yang bde bar gshegs// gcig tu gzud par ngas ma bshad// ye shes de yang bsam pa'i dbang // bsam pa rang kha ma yin te// dbyings dang ye shes rab 'byor na// rim pa can gyi char gzung ste// rim pa med pa'i don de ni// yang dag pa yi dam pa'o// byang chub

  4. 335b

    sems bsgom pa las/ dbyings zad ma bstan pa'i skabs te gsum pa'o// // de nas yang rang bzhin mtshon du med pa bka' stsal to// rang bzhin rang gi rtogs pa ni// dngas sdigs med pa'i zab mo ste// rang kha'i tshe na yong med na// bsam pa mtshan ma can gyis ni// de la mi dpogs gya gyu can// gsal ba med pa rang bzhin gsal// gsal ba nyid ni grub mtha'i skyon// rang bzhin mkha' la rang bzhin sems// gsal ba rang bzhin rang bzhin gnas// shes rgyun de yang de bzhin tsam// de ni nyams med nyams zhes bya// lta ba rim pa ma yin la// sgom pas rim pa ma yin la// lta spyod gnyis ka rang bzhin tsam// khyad par 'phags pa'i rang bzhin no// byang chub sems bsgom pa las/ mtshon du med pa'i skabs te bzhi pa'o// // de nas yang dbyings dang spyod yin pa 'di bka' stsal pa ta thams cad dbyings dang sprod yin pas// dbyings dang ye shes dbyer med pas// ye nas ma bcos chos dbyings la// ma bcos rig pa klong du yan// rang bzhin don dang ldan byas te// rtog ge'i spyod yul ma yin pas// dbyings dang ye shes gnyis med de// gnyis med bde ba'i rgyal po'o// de ltar ma yin rtog ge bas// bsam pa de

  5. 336a

    la gnas pa na// gal te sems la gtad yod pas// btang bas mi thongs 'ching ba'i rgyu// gtang mi dgos pa'i skyes bu yis// nam mkha'i rten dang nang du bsdus// dang po'i tshe na 'di gnyis sgrib// dbang po yul la 'phros pa yang // de la dbyings zangs shes rab mod// lan cig rdzogs chen don 'dod pa// rang bzhin bde ba nyams su blangs// bde ba snyam ste ma tshor 'chor// de bas chad pa zhi bar bzhag/ der bzhag ser 'og bong ba bzhin// dbyings dang ye shes skad cig la/ med pa shes rab thabs rdzogs pa// de ni sangs rgyas sa la gnas// gnyis su med par mi blta bas// de ni sangs rgyas sa la gnas// de dag gting dpag dka' ba'i don// byang chub sems bsgom yi ge med pa las/ dbyings dang ye shes gnyis su med pa'i skabs bstan pa ste lnga pa'o// // de nas yang mthong med bltar med pa'i don bka' stsal pa// mthong bas blta ru med pa ni// chu srin gre ba'i rin chen bzhin// nam yang bstan du med pa'o// mtshan ma kun dang bral bas na// btsal dang bral ba yi ge med// gtso dang bral bas nyams kyi gtso// mi dmigs sku la bltar med de// mi dmigs gsung thugs de bzhin yin// ma mthong

  6. 336b

    bas na mthong ba che// thabs kyi thabs te dngos grub rmad// shin tu ngo mtshar rdzogs chen po// sangs rgyas thugs la mi mnga' ba// 'di rtogs go ba brgya nang na// gcig mi 'ong bar shin tu grags// lung du bsgom bsgrub kun dang bral// khyab pas bde chen don zhes bya// mthong med bsam pas thams cad mthong // de ni nges sgom mchog chen po/ ta sa dang pha rol phyin las 'das// de yi snang ba rang bzhin med// rang bzhin med pa'ang mi bsam ste// smra bsam yul las 'das pa'o// sems kyi byung tshor byung ba na// de kho rang bzhin rang zhi ba// nges don snying po bla na med// rnam rtog bsags pa'i 'phra rgyas kyis// log khrid don min rtas pa'i mthu// bzlog dka' gnyen pos bzlog pa min// rgyal las dam ngas byung tha mar rgyal// rgyal po thu bo mi yi mchog/ rgyal bzung rgyal khams cha ma la phab// nges par bsad pas sdig mi 'ong // 'di ni slar 'tsho shin tu rgyal// mkhas pas rgyal po bsad gyur na// shin tu rgyal 'khor bsrang bar 'ong // lugs zlog pa de chen sa las 'das// byang chub sems bsgom pa las temathong bar byar med pa'i skabs te drug pa'o// // de nas chos nyid ji bzhin pa'i don bka' stsal pa/ sems mi g.yo ba sangs rgyas so//

  7. 337a

    gang yang mi bskyed don de la// gang gnas chos nyid yin par ba shad// gnas dang mi gnas gnyis med de// de phyir rnam pa thams cad mkhyen// 'di ni sku yi dngos grub yin// chos nyid cir yang ma mthong ba// thugs la yang dag don ma log/ bzlas shing gsal bar ma gyur pa// gsung gi dngos grub shin tu yin// sa la mi rten lhun gyis grub// 'di ni lam rgan kun bong 'gro// thams cad 'dus pa'i dngos grub yin// rang bzhin rang la rang bzhin shar// rang byung rig pa zhes bya'o// 'di mi snang ba gnan snang med// gal te blo la snang ba de// don snang ma yin mtshan ma'o// de ni rang byung rig pa min// byang chub sems bsgom pa las/ chos nyid ji bzhin pa'i skabs te bdun pa'o// // de nas yang rmad du byung ba 'di bka' stsal pa/ sems mi g.yo ba bde ba ste// sems kyis sems 'ching mi tshor bas// sems la zhib pas brtag dpyad bya// shes bzhin gyis ni thang bcad de// sems kyis sems la bltas pa na// cir yang ma mthong ma yengs pa// bsgoms na ma sgoms bsgrub na nyams// de bas byung tshor ci byung yang // rang byung rang zhi bsgom pa'i gtso// rang byung rang zhi tsam ming gdags// sems kyi spyod 'jug thams

  8. 337b

    cad kyang // yi ge med pa'i ngang du bzhag/ de ni rgyal po'i rgyal po'o// man ngag snying po'i rgyud ces bya// bde gshegs nyag gcig dgongs pa la// phyi rabs rnal 'byor don la ni// ya rabs bsam pa'i ting nge 'dzin// shes rab kyis ni don la dpyad// byang chub sems bsgom pa yi ge med pa'i rgyud las/ rmad du byung bar bstan pa'i skabs te brgyad pa'o// / de nas sku gsung thugs su 'khor rnams rang bzhin gyi ston nas bka' stsal pa/ byang chub sems sgom pa yi ge med pa'i rgyud 'di mthong ngam/ thos sam/ nyams su blangs sam/ don rtogs sam/ mngon du gyur tam/ zhes bka' stsal pa las/ de nas 'khor rnams kyis mgrin gcig pas 'di skad ces gsol to// byang chub kyi sems yi ge med pa 'di bdag cag gis ji ltar yang ma 'tshal lo zhes gsol pa las/ bde bar gshegs/ pa rnams slar yi ge med pa'i rang bzhin du 'dus so// byang chub sems sgom pa yi ge med pa bstan pa'i skabs dgu pa rdzogs so// / u rgyan skad du/ san+d+hi ma hA pra ka ra na tan+t+ra nA ma/ bod skad du/ rdzogs pa chen po lta ba dmar 'byam lta ba'i rgyud/ rgya gar skad du/ san+d+hi